أعشق تراب مشت رجلك عليه للكاتبتان :حمالة الاسيه (( كسر الخواطر)) و miss wardy(مكتملة

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته أعضاء روايتي الغالين أقدم لكم هذه الرواية اعشقـــــ ترابـــ(ن) مشتـــــ رجلكــــ عليهــــ .. للكاتبتان: حمالة الاسيه (( كسر الخواطر)) و miss wardy .. قراءة ممتعة للجميع ....

[فيتامين سي]

بسم الله الرحمن الرحيم ..
اعشقـــــ ترابـــ(ن) مشتـــــ رجلكــــ عليهــــ ..
للكاتبتان: حمالة الاسيه (( كسر الخواطر)) و miss wardy ..

رابط لتحميل الرواية

https://www.rewity.com/forum/t301221.html#post9231391

الشخصيات :
اليده: ام محمد ((هند)) .. اليد: بومحمد ((طلال)) متوفي من 25 سنه ..
عيالهم ..
بوجاسم((محمد)): متزوج((عاشه)) ام جاسم و عندهم ((هند)) 17 سنه ثالث ثانوي ادبي رياضيات و فيها السكر ..
بومها((وليد)): متزوج ((لولوه)) ام مها و عندهم ((مها)) 21 سنه تدرس في الجامعه ..
ام مايد((عليا)): متزوجه بومايد((حسن)) و عندهم ((شيخه)) 24 سنه تدرس برع طب و ((مايد)) 22 سنه في الشرطه ..
بوفيصل((يوسف)): متزوج ام فيصل ((منى)) و عندهم ((فيصل)) البجر 22 سنه ثالث سنه جامعه و ((احمد)) 21 سنه ثاني سنه جامعه و ((ساره)) 18 سنه اول سنه جامعه و ((سلمان)) 5 سنين بولسانين ..
ام عبدالرحمن((مريم)): متزوجه ((عادل)) بوعبدالرحمن و عندهم ((عبدالرحمن)) 21 سنه مع ((احمد)) في الجامعه و ((فطيم)) 17 سنه مع ((هند)) في المدرسه و نفس الصف ..

خالات ((هند)) ..
ام خالد((نوره)): متزوجه ((محمد)) بوخالد و عندهم ((خالد)) البجر 26 سنه يشتغل مع ابوه و ((مريم)) 20 سنه في الجامعه و ((عاشه)) 17 سنه ثانويه عامه في المدرسه العلميه ..
ام علي((فاطمه)): متزوجه بوعلي ((غانم)) و عندهم ((علي)) 26 سنه اكبر من ((خالد)) بشهرين يشتغل و ((حسن)) 25 سنه يشتل مع ريل خالته ..
((عبدالعزيز)) خال ((هند)) مب متزوج يحب السفر >> شباب و بنات العيله بنادونه ابن بطوطه << يحب عيال خواته وااااااااايد اكثر من نفسه و هو بالنسبه لهم اخوهم العود ضحك و سوالف و طلعات نصايف الليل و بر و بحر و عزب و مزارع يعني الحياه حلوه عندهم ..

ربع ((هند)) و ((فطيم)) ..
((نوره)) علمي .. ((عبير)) ادبي .. ((ريم)) علمي .. (( مريم)) ادبي .. ((سميه)) علمي ..

البدايه :
بوعبدالله: صار الوقت اللي لازم تعرفون فيه انه عندكم اعمام و عمات و يده في قطر ..
جاسم: بويه انت شو يالس ترمس ؟؟ من متى ؟؟
بوعبدالله: خلوني ارمس ولا تقاطعوني .. يدكم الله يرحمه تزوج ثنتين و يدتكم عاشت هني في الامارات و الثانيه عاشت في قطر مع يدكم و كان يحدر على يدتك كل اجازه مع حرمته الثانيه ..
حمدان: انزين يدتي ماكانت تغار منها ؟؟
بوعبدالله: لاااا يدتكم كانت وايد تحب حرمة ابوكم كأنهم مب عديلات كانوا خوات ..
حميد: عيل ليش افترقنا ؟؟
بوسلطان: يوم وفاة يدك الله يرحمه الكل اجتمع .. بس من يومها مانعرف عنهم شي و بعد شهرين من وفاة حرمة يدك الثانيه اللي هي يدتكم بعد زارتنا و عزتنا قامت بالواجب وبعدين سارت قطر و بعدين ماعرفنا شي عنهم ..
هزاع: يعني عندكم اخوان ؟؟
بوعبدالله: و انا شنو يالس ارمس من الصبح هيه عندنا اخوان اللي هم اعمامكم عندكم 3 اعمام و عمتين ..
خليفه: انزين نبا نشوفهم ..
بومحمد: مانعرف عنهم شي ولا حتى عنوانهم بس اعتقد يدتك تعرف ..
محمد: بويه لازم نشوفهم و نتعرف عليهم ..
نوره: صح مهما كان هذول عيال اعمامنا ..
طلال: انزين عندهم عيال ؟؟
بوراشد: انا اللي اتذكره انه عمكم محمد عنده بنت وحده بس مااتذكر اسمها ..
عبدالله: انزين ماعندكم صور لهم ؟؟
ام عبدالله: لا للاسف دورت بس ماشي ..

القصه ..

الجزء الاول ..
(( ياهي اوقات يحرجني الوفا .. لا صرت اقصر في سؤالي و انا اغليك .. الله عطاني قلب صادق مانسى .. و الله عطاك الطيب من هو يضاهيك .. ياصاحبي دام يجمعنا الغلا .. وشلون ابقسى دام لي قلب يغليك )) ..

يوم الخميس ..
هند و فطيم و نوره و ريم و سميه و مريم و عبير كانوا قاعدين في الممر على الارض و كانت الحصه الخامسه يسولفون و يضحكون .. شوي الا تيي ابلة بنات ادبي وقتها هند و فطيم و عبير و مريم طيران على الصف و بنات علمي يضحكون عليهم ..
نوره: هههههههههههههه يخافون من الابله ..
ريم: و يتطنزون علينا ..
سميه: ايه والله كل مادخلنا الصف قالوا يخافون من الابله ماادري منو الخواف الحين ..
هند: احنا مانخاف من الابله بس نحترمها ..
نوره: ايه ايه قعدي رقعي الاعتراف بالحق فضيله حبيبتي ..
عبير: ايه فضيله الله يخليج اسكتي اسكتي ..
الابله: عبير هند فطيم مريم يلا دخلوا الصف يعني لازم كل حصه اتعبوني معاكم ..
هند: احنا اسفين ابله ..
مريم: ابله شوفي بنات علمي يتطنزون علينا ..
الابله: خلكم منهم هالحمصيات ..
سميه: شنوووووووو احنا حرام عليج ..
البنات: ههههههههههههههههههههههههه هههه ..
نوره: افاااااااااااااااا ابله ..
فطيم: سكتوا سكتوا يالحمصيات .. و دخلوا ..
شوي الا يسمعون صوت صراخ في الممر لييييييييييش ؟؟؟؟؟؟؟!!!!!! اثربها المشرفه تصرخ عليهم و ادخلهم >> خخخخخخخخخ يستاهلون <<
نهاية الدوام راحوا الشله البيت الا فطيم و هند اللي كل يوم لازم يتأخرون ..خبركم اليوم الخميس و الشباب يخمون المدارس خم >> اسمحوا لي شباب << و البنات حدث بلا حرج يدام الباب .. المهم بعد ماخفت الزحمه و الكل راح تقريبا و خواتنا ينتظرون سيارتهم .. مادري شنو اللي طرى على بال اختنا فطيم و روحي بابنت و امشي في نص الشارع >> لانه ما كان في احد << .. وقتها سيارة شباب يات و بغت تدعمها بس الله ستر و الولد ضرب بريك .. و فطيم كانت واقفه يدام السياره على طول .. عند الصدام ..
فطيم تصارخ على الريال: ايييييييه انت ماتشوف البس نظارات صج انك سخيف فج عينك عدل لا تدعم احد ..
اللي في السياره كانوا اثنين جاسم و خالد ..
جاسم يطلع لها راسه من الشباك: والله محد قال لج امشي في نص الشارع ليش الشيخه بايعه عمرج ولا بايعه عمرج والله فراغه بنات مايستحون ..
فطيم: تعال طقني بعد حلفت عليك تفصخ نعالك و تحذفني فيه ..
هند: فطوم بس خلاص استحي على ويهج الله يفضحج فضحتينا ..
خالد: خلاص جاسم اسكت عن البنت و امش خلنا نروح الشركه اللي شفناه اليوم كفايه ..
جاسم: ماتشوفها تصارخ علي من قمة راسها شوي و تفلعني بالجوتي اللي في ريلها ..
خالد: طقع لها بنت و ماعندها سالفه .. و راحوا ..
هند: ماتسكتين لسانج يبيله قص لعنبوج ريال طول و عرض تقولين له تعال افصخ نعالك و احذفني احمدي ربج اخوج ماكان هني جان طبق علينا قانون حمورابي و قطع روسنا و حطهم ديكور في غرفته ..
فطيم: بل بل بل لعنبوج ماتسكتين شنو اسوي بغا يدعمني ..
هند: محد قال لج امشي في نص الشارع ..
فطيم: خلاص خلاص ان شاء الله اوامر ثانيه عمتي ..
هند: لا ..
شوي الا وصلوا عبدالرحمن و احمد ..
البنات: السلام عليكم ..
الشباب: وعليكم السلام ..
احمد: شلونكم بنات ؟؟
البنات: تمام الحمد لله و انت ؟؟
احمد: تمام ..
عبدالرحمن: ليش تأخرتوا مرينا من عند المدرسه كم من مره و مالقيناكم ..
البنات: شنوووووو متى مريتوا ؟؟
احمد: الساعه 1 الا ربع ..
البنات: اففففففففف الحمد لله ..
عبدالرحمن: اكيد مسوين سواد ويه شنو ؟؟
هند: لا كنا عند الteacher ..
احمد: ليش ؟؟
فطيم: عندنا امتحان يوم الاحد و قلنا لها تشرح لنا بعض الاشياء و هي اصلا ماتعرف تشرح و مافهمنا عليها ..
احمد: انزين تعالوا اليوم بيت يدتي و انا بشرح لكم ..
هند: تسوي فينا خير ..
عبدالرحمن: اقول احمد شلون فيصل مايبين ؟؟
فطيم بصوت واطي: احم احم فيصل ..
هند: جب ..
احمد: تمام الحمد لله كان مسافر مع ربعه و اليوم بيرجع ..
عبدالرحمن: اهاااااااااا و انتي بنك بانثر وين تبين تروحين الحين ؟؟؟
هند: البيت لو سمحت ..
(( شباب العيله ينادون هند بنك بانثر لانه خدودها دايما ورديه )) ..
احمد: تبين نمر عليج الفليل ؟؟
هند: لا بيي مع ابوي ..
فطيم: الا صج شلون خالي ؟؟
هند: خالج الشغل مكسر ظهره و متعبه مايرجع من الشركه الا الساعه 12 ولا 1 الفليل شنو اسوي فيه قلت له ارتاح بس مافي فايده فيه ..
فطيم: خالي مايبي له الا العين الحمره مني انا خليني انا بكلمه ..
احمد: ايه صح للي يقول بيسمع كلامج اذا بنته و حرمته ماسمع كلامهم بيسمع كلامج انتي لا الشيخه اقول هند كلمي ابوج يساير فطيم عشان مايفشلها ..
فطيم: و بيسمع و بتشوف ..
هند: عاد حدك على طبجتي الغاليه ماارضى عليها ..
عبدالرحمن: اشوفك تعديت حدودك ..
احمد: بل بل بل تكلموا محامين الدفاع و انا المسكين محد يدافع عني ..
هند: انت روح خله اخوك اللي ملتقع مع ربعه يساعدك و يدافع عنك ..
احمد: لا مافي الا سوسو اختي و سلماني حبيبي ..
وصلوا بيت بوجاسم و نزلوا عشان يسلمون على حرمة خالهم و خالهم اذا موجود ..
الشباب: السلاك عليكم ..
ام جاسم: وعليكم السلام ..
احمد: شلونج مرت عمي ؟؟
ام جاسم: بخير الحمد لله انت شلونك و امك و اختك ؟؟
احمد: الكل تمام ..
عبدالرحمن: و انا مابتسلمين علي ..
ام جاسم: و انا اقدر انساك ..
عبدالرحمن: ادري اني غالي ..
فطيم: الا وين خالي ؟؟
بوجاسم: كأنه احد طراني والله ادري اني غالي مايحتاي تبينون لي ..
احمد: انت اكيد غالي شلونك عمي ؟؟
بوجاسم: انا بخير و انتي فطيم ؟؟
فطيم: انا زعلانه منك ؟؟
بوجاسم: افااااااااااااا ليش انزين مايصر بنتي الثانيه تزعل علي شفيج تبين ريل انا حاضر ..
فطيم: لا مشكور ماابي ..
بوجاسم: عيل شنو ؟؟
فطيم: كم مره قال لك الدكتور لا اتعب عمرك و تشتغل وااااايد مب زين لك انت تعبان شوف شكلك والله ضعفان وااااايد و بعدين انت فيك السكر مب زين تعال و شنو سالفه انك ترجع نصايف الليل ارحم حالك شوي ترى مالنا بد منك انت خالنا انت الغالي و اذا تبي مساعده انا و هند مستعدين نيي معاك الشركه و نساعدك اذا ماكان في احد هناك خبرك احنا حلوات و نعق الطير من سماه و فتنه و مافينا نتغشى فاذا بتودينا يوم الخميس او السبت اوكي و اذا شفت هند تشتكي منك مره ثانيه ترى بازعل عليك و اخيرا و ليس آخرا شلونك خالي شخبارك ؟؟
بوجاسم: مشكوره على المحاضره اللي اسمعها كل يوم من طبجتج و الله انا الحمد لله بخير اذا انتوا بخير و بعدين انتوا من صجكم تبون تساعدوني في الشركه اخاف اتعبكم ..
فطيم: تعبك راحه يالغالي انت حدد اليوم و الوقت و احنا جاهزين ..
هند: ايه احنا اصلا نعرف الشغل و كل شي متعلمين تحت يدك ..
بوجاسم: انزين خلاص شنو رايكم يوم الجمعه ..
البنات: اوكي .. و راحوا ..
راحوا الشبيبه و هند راحت تبدل ملابسها و نزلت تتغدى .. و بعد الغدى اتصلت في نوره ..
(( هند و نوره ربع الروح بالروح يعوفون بعض من اول اعدادي و ماتفرقوا موليه >> (( الله يخلينا حق بعض << )) ..
نوره: هلا والله بالحلوين اخبارج ؟؟
هند: تمام الحمد لله و انتي ؟؟
نوره: انا رديت اليوم البيت و على طول رحت بيت يدي تغدينا لانه اهلنا من الامارات يايين و هني بدت السخافه نوره حق ولدي و الثانيه تقول لا نوره حق ولدي انا زين مايقومون يتكافخون المهم انتوا شنو سويتوا بعد مارحت من عندكم ؟؟
هند: هههههههه عاد لا يفوتج اليوم شنو صار لنا بعد مارحتي والله فشله كنا واقفين اخر الدوام و محد كان فيه و مادري شنو طرى على بال اختنا فطيم تمشي في وسط الشارع و تيي سيارة شباب زين مادعمتها جان تقول حق الولد ايييييه انت ماتشوف البس نظاره احسن لك والله انك سخيف و الولد شوي و يصفقها بنعاله ..
نوره: بل عليها فطوم واااااااايد قويه ..
هند: فشلتنا ..
نوره: انزين ماعلينا من فطيم خلنا فيج انتي شلونج ؟؟
هند: انا تمام ..
نوره: لا انا اقصد اللي بالي بالج ..
هند: اسكتي لا تييبين طاريه الخايس هذا..
نوره: ليش شنو صار بعد ؟؟
هند: ماادري شنو سالفه احمد يقول لي انه يبي يخطب بنت خالته هالخايسه غاليه اللي يات معاي عرس امنه اخت مريم رفيجتنا ..
نوره: انتي من صجج تتكلمين بياخذ هالجيكره و بيخليج ..
هند: ماينلام مايعرف اني احبه بعد ماادري شنو مسويه فيه الاخت مسويه له سحر عنبوه كل مايقعد معانا قال مرتي و مرتي كأنه محد بيعرس في هالبلاد غيره والله احمد وده يذبحها لا و بعد بتصير مرت اخوه والله حلوه ..
نوره: فال الله ولا فالج ان شاء الله مايخطبها اصلا مابيلقى احسن منج ..
هند: خليها على الله المهم خلينا من هالسالفه ..
نوره: انزين بتدخلين النت ولا لا ؟؟
هند: ماادري لا مااعتقد بنروح بيت يدتي اليوم ..
نوره: انزين عيل سلمي على فطيم و ساره ..
هند: يوصل و انتي سلمي على بولسانين ..
نوره: هو بروحه يسال عنج يقول من زمان ماتهاوشنا على المسن ..
هند: لا اتذكريني قمنا نتهاوش في الجات يدام اللي يسوى و اللي مايسوى ..
نوره: اوكي باي ..
هند: بايات .. و صكرت ..
راحت هند غرفتها و قعدت تدرس شوي و بعدين حطت كتب ال English في شنطه و راحت المطبخ تسوي كيكه حق احمد لانه طلب منها و تسوي بعد حق ابوها و بعدين قام بوجاسم و راح مع هند مكتيته اللي في البيت و قعدوا يشتغلون شوي .. و بعد صلاة العشى ام جاسم راحت بيت اختها و بوجاسم و هند راحوا بيت اليده ..

نرجع شوي لورى العصر الساعه 4 في بيت بوفيصل ..
فيصل و احمد كانوا قاعدين في الغرفه و كان توه فيصل راجع من السفر ..
احمد: هااااااااااا شنو سويتوا هناك ؟؟
فيصل: لا تفوتك المواتر اللي هناك شي عجييييييب قلت بابيع اللي عندي و باخذ رنج ذهبي شنو رايك ؟؟
احمد: اوكي ..
شوي الا تدخل عليهم اختهم ساره و معاها سلمان هالولد بولسانين محد يقدر عليه الا هند ..
ساره: اشوفكم قاعدين هني ..
احمد: ليييييش الشيخه لا يكون عندج مانع ؟؟
ساره: لا عندي دواس .. بس اسأل .. شخبار فصولي حبيبي ؟؟
فيصل: الحمد لله بخير دامج بخير يالغاليه ..
احمد: افااااااااااااا انا وين رحت ولا انا ولد البطه السوده ..
ساره: كلمني مره ثانيه عدل عشان اكلمك عدل ..
سلمان: احمد انا احبك ..
احمد: حبيبي محد يحبني الا انت ..
ساره: كلش عاد الحب مقطع ..
فيصل: ايه والله ..
سلمان: احمد ..
احمد: عيون احمد ..
سلمان: اليوم بنلوح ((بنروح)) بيت يدوتي ؟؟
احمد: ايه حبيبي ليش تسأل ؟؟
سلمان: هنوده بتلوح ((بتروح)) ولا لا .. اذا مابتلوح انا مابلوح >> يعني اذا مابتروح انا مابروح <<
احمد: ايه هي قالت انها بتيي ..
ساره: لييييش انت كلمتها ؟؟
فيصل: اصلا انت متى شفتها ؟؟
احمد: اليوم رحنا انا و عبدالرحمن ناخذها هي و فيطم من المدرسه و قالت لي انها بتيي بعد صلاة العشى مع عمي ..
ساره: يحليلها هند من زمان ماشفتها مشتاقه لها حييييل ..
فيصل: ايه والله من زمان ماشفناها اشتقت لها حيل اختي الصغيره ..
احمد: اكيد خبز ايدك هند متربين مع بعض ..
فيصل: ايه والله يحليلها اذكر هي و فطيم مايفترقون عن بعض لو شنو يصير ينامون مع بعض و يروحون الروضه مع بعض لا و الحين نفس التخصص و الصف بعد الله لا يفرقهم ..
احمد+ساره: امييييييين ..
ساره: اشوفك تتكلم عند هند وااايد لا يكون تحبها و خاش عني و عن احمدوه ..
احمد: احمدووووه اصغر عيالج انا ولا اصغر عيالج .. بس مو مشكله دواج عندي بعدين المهم خلينا نرجع حق محور حديثنا ..
فيصل: اي محور و اي بطيخ .. انتوا تعرفون اني باخذ بنت خالتي غاليه .. بس مادري في شي يجذبني لها لما نكون في بيت يدتي مااقدر اشيل عيني من عليها بس مااعتقد انه هذي حب ..
ساره: و ليش مايكون حب فيصل انت تتكلم عن هند اكثر مما تتكلم عن غاليه بنت خالتي ..
احمد: ولا تقعد تقول انها اختي الصغيره صج انك متربي معاها يوم عمي و مرت عمي سافروا بس بعد هي مب اختك ..
ساره: صح كلام احمد ..
فيصل: خلونا من هالكلام الفاضي .. و خلونا في الاهم .. سلمان انت ليش تسأل عن هند ؟؟
سلمان: عثانها خطيبتي و انا احبها و انتوا مالكم ثغل لا تقربون منها ترا اهاوثكم بعدين . >> خلوني اترجم الجمله عشانها خطيبتي و انا احبها و انتوا مالكم شغل لا تقربون منها ترا اهاوشكم بعدين <<
فيصل: ان شاء الله يالمعرس مابنقرب من حرمتك بس حرمتي احلى منها ..
سلمان: تخثي هنوده احلى من هالثباله حرمتك انت ثنو تثوف فيها خايثه ماتعلف تتكلم افففففف انا مااحبها .. >> شكلي طول القصه باقعد اترجم كلام الاخ سلمان قال تخسي هنوده احلى من هالسباله حرمتك انت شنو تشوف فيها هالخايسه ماتعرف تتكلم افففففففف انا مااحبها <<
ساره+احمد: ههههههههههههههههههههههههه ههه ..
فيصل: ول ول ول كل هذي في حرمتي شخليت فيها ..
سلمان: واايد اشياء خلني ثاكت ((ساكت)) احثن ((احسن)) ماابيها اطيح من عينك .. و راح ..
احمد: ايه صح اذا بعديم طاحت منو بيركبها و يرجعها مكانها ..
ساره: ههههههههههه ايه والله ..
فيصل: اشوفكم استلمتوا حرمتي صج ماتستحون .. و هاي سلمانوه اشوفه يرطن و يغرد و يطلع عيوب الناس بعد ..
احمد: ايه شفيك الولد كبر و تزوج ماينلام ..
ساره: ايه احمد معاه حق الولد بيتزوج اسكت عنه ..
فيصل: والله حاله اليهال يتزوجون و احنا لحد الحين ..
(( فيصل و احمد و ساره ماشاء الله عليهم هالثلاثه دايما مع بعض يعني احمد و فيصل اذا متضايقين يروحون يفضفضون عند اختهم )) ..

؟؟ توقعاتكم ......

[فيتامين سي]

الجزء الـثاني ..


في الليل بيت اليده ..
الاهل كانوا واصلين ام عبدالرحمن و بوعبدالرحمن و عيالهم و ام مايد و بومايد و مايد و بومها و مها وام مها و ام فيصل و بوفيصل و عيالهم و كل دقيقه اليده تسأل عن هند ليش مايات وليش تاخرت ..
فيصل: بسج يدوه شدعوه كل هاي حق هند و احنا لا تأخرنا ماتسالين عنا ولا شي ليش هند يعني على راسها ريشه ..
اليده: ليش انت اصلا تبين مالت عليك من ولد انت و ميود هالسبال فديت هند و فطيم اللي دوم يسالون عني و ينامون عندي مايخلوني بروحي و فديت سارونه بعد تسال عني دايما مايطوف يوم الا و هي متصله و انتوا حتى درب حق التلفون ماتعرفون ..
فطيم: تسلمين يدوه اذا انا و هند مانمنا عندج منو بينام ..
ساره: فديتج يدوتي كم ام محمد عندي الا هي وحده و ماتتعوض ..
احمد: ايوه ايوه عاشوا العيوووز عطيهم من الزين صج مايستحون ..
ام مايد: انزين و احنا الكبار بعد انام عندج ليش ماتسالين عنا يوم نيي عندج ولا كله هند بنت محمد ..
هند: السلام عليكم .. سمعت اسمي شعندكم تحشون فيني .. شسالفه ؟؟
اليده: زين يابوج ييتي اشتقت لج من زمان ماشفتج ..
هند تبوس راس يدتها: فديتج انتي الغاليه حتى انتي وحشتيني .. شخبارج ؟؟
اليده: دامج بخير انا بخير ..
بوفيصل: افااا يمه و احنا وين رحنا لهالدرجه احنا مو ماليين عينج ..
هند: بعد ياعمي الناس مقامات ..
احمد: خلينا من هالسوالف لا مقامات ولا مناصب يبتي السويت اللي طلبته منج ولا لا ؟؟
هند: افاا عليك غالي و الطلب رخيص انسى عمري ولا انسى بطنك اللي اذا تكلم ما سكت .. تفضل ..
احمد: تسلمين يا بنت العم مردوده في عرسج ..
فيصل: ان شاء الله ..
هند: هلا فيصل الحمد لله على السلامه ..
فيصل: الله يسلمج .. شخبارج ؟؟
هند: الحمد لله تمام .. شخبارج انت ؟؟
فيصل: زين لين شفتج ..
فطيم: احمد تعال انت و السويت برع عشان تفهمنا قاعده ال English ..
احمد: برع حر ماابي ..
هند: يلا عاد عن السخافه احنا ننطرك ..
ساره: يصير ايي معاكم ولا لا ؟؟
احمد: لا مانبيج لا اتيين ..
هند: تعالي حياج شعليج منه ..
ساره: من قال بفتكر فيه اهم شي عندي هنوده و فطيم راضيين ..
احمد: مالت عليج .. و طلعوا ..
فيصل: مايد شخبارك مع الشرطه ؟؟
مايد: والله ماشي الحال و انت اخبار الجامعه وياك ؟؟
فيصل: والله تمام ..
ام مايد: مها حبيبتي تعالي بغيتج في موضوع ..
مها: ان شاء الله عمتي .. و راحوا ..
اليده تكلم ام عبدالرحمن و ام فيصل و ام مها: شعندها عليا مع مها ؟؟
ام فيصل: ماادري عمتي اكيد موضوع عادي ..
ام عبدالرحمن: ايه صح يمكن موضوع عادي او تبي مها تساعدها في شي ..
ام مها: لا تحاتين ماكو شي ..
اليده: والله كل شي جايز ..
في الخيمه اللي في بيت اليده طبعا كانت مكيفه و فيها كراسي ..
احمد وهو ياكل: اشوف اي قاعده ..
هند: هاذي ..
احمد: سهله حرام عليكم ..
فطيم: سهله بالنسبه لك يلا عاد بسك بلع و اقعد اشرح لنا ..
احمد: انزين اففففففففف ما يخلون الواحد ياكل ..
و قعد يشرح لهم و فهموها ..
ساره: مالت عليك احمدوه حد يشرح جي ..
احمد: شعليج .. فهمتوا ((يكلم هند و فطيم)) ..
هند: تبي الصراحه مافهمنا و فهمنا..
فطيم: صج شرح يبط الجبد بس فهمنا ..
احمد: نعم الشيخه فطيم يبط الجبد !!
فطيم: منو قال يبط الجبد ؟؟
احمد: يدتي .
فطيم: اهااا قول جي ..
احمد: و تستهبلين بعد ..
ساره: منو هاذي اللي تستهبل وحده من خايساتك اللي تكلمهم .. اوووه سوري نسيت انك ماتعترف بسوالف الحب و الغرام ..
هند: ايه صح انا خاطري اعرف على شنو هالخقه ..
احمد: على جمالي الخارق اللي مقطع كل شباب الدوحه ..
ساره: مالت عليك امحق جمال .. الا قول جيكر ..
احمد: محد جيكر الا انتي روحي شوفي نفسج في المنظرة والا اقول لا تشوفين بعدين بتتخرعين من شكلج و المنظره بتنكسر ..
سارة وتقلد احمد: لاتشوفين بعدين بتتخرعين من شكلج.. قول انك محتر مني ومن جمالي الفتان .. وتطلع له لسانها..
هند +فطيم: ههههههههههه الحمد الله والشكر صج يهال..
وشوي الا فيصل داخل عليهم الخيمه ..
فيصل: كل هذي تشرح لهم شدعوه تشرح حق ثيران ولا بقر ..
فطيم: نعم اخ فيصل مرتك الثوره مب احنا ..
احمد: اسكتي انتي و سدي بوزج .. لا خلصنا من زمان بس كنا نسولف ..
فيصل: انزين ياجياكر اقصد ياحلوين يلا برع ابي هند في سالفه ..
ساره: سمعتوا كلكم اخوي شنو يقول يبيني انا و هند في سالفه ..
احمد+فطيم: رزة الفيس من طبايع .... و انتي كملي ..
ساره: دمكم خفيف الصراحه ..
احمد+فطيم: ندري ..
فيصل: كأنكم ملغتوا و بـــزياده يلااااااا بررررررررع ..
احمد+فطيم+ساره: افففففففف زين .. و طلعوا ..
هند بكل عفويه: خير فيصل بغيت شي ..
فيصل: ابيج في موضوع ..
هند: قول انا اسمعك ..
فيصل: انتي تعرفين انه انا ارتاح لج انتي و اختي ساره لما اكلمكم و اسراري كلها عندكم ..
هند: انزين ..
فيصل: انا قررت اتزوج غاليه بنت خالتي ..
هند كانت منصدمه من كلام فيصل لها و كانت تتمنى لو انه الارض تنشق و تبلعها ولا تسمع هالكلام من الانسان اللي حبته .. (( ليتني ماعرفتك ولا حبيتك في يوم آآآآآآآآآآآآآآه يافيصل انت قطعت قلبي و ذبحته بكلامك ))

(( بتبقى ذكرى حلوه عشتها بحلوها و مرها في حياتي ..
خليتني انسانه جريحه مكسورة الخاطر انتظر مماتي ..
عشت طول عمري على حب(ن) كاذب و عشت ذكرياتي ..
تمنيت لك السعاده و الهنا و بديت اكتب وصاتي ..
الحب و التسامح و طيبة القلب هذي هي صفاتي ..
بداخلي الم و حزن و بداخلي زادت معاناتي ..
صبرت و طال صبري و زاد عنادي ..
و زارت عندي الهموم و زادت صرخاتي ..
اشوفك تبتعد و تختفي امام نظراتي ..
محد(ن) يستاهل من بعدك حبي و ذكرياتي ..
و بتبقى يالغالي ذكرى عشتها بحلوها و مرها في حياتي )) ..
هند: مبروك بس شنو المطلوب مني ؟؟
فيصل: ابيج تخطبينها لي مع امي و ساره ..
ساره بالغلط سمعت الحوار اللي دار بينهم و ماعجبها اولا لانها ماتبي غاليه تكون حرمة فيصل و ثانيا لانها من قبل سمعت حوار بين فطيم و هند و عرفت انه هند تحب فيصل بس ماقالت شي بطلب من هند بس هذي اللي تتمناه ساره و اللي يتمناه احمد انه فيصل حق هند و هند حق فيصل ..
ساره: و ليش تبي هند تخطب لك غاليه .. انا و امي مانكفي ..
فيصل: انتي شتسوين هني ؟؟؟
ساره: مو مهم انا شنو اسوي هني .. مارديت على سؤالي ..
فيصل: هند ماعندها مانع انها تخطب لي غاليه .. صح هند ؟؟؟
هند و بعد تردد: ايه عادي يا ساره ..
ساره مستغربه من هند: ايه عادي انا بعد ماعندي مانع بس ليش هند ؟؟؟!!!
فيصل: لانها اختي و عزيزه و غاليه على قلبي ..
هند تقول في قلبها (( اختك الصغيره؟؟ بس لو تعرف شنو غلاتك عندي جان ماقلت هالكلام حرام عليك تكسر قلبي انزين اسأل اذا كنت احبك ولا لا حرام عليك تعذبني كفايه انك الحين قاعد تزيد همي هموم و تجرح قلبي و جروحه القبليه ماشفت .. مابي اروح لها بس شنو اسوي لا انا ولا قلبي يرفضون لك طلب ))
ساره: هندوه ويانا ولا لا ؟؟
هند: هاااااا .. ايه ايه وياكم ..
فيصل: اوكي انا اخليكم .. و راح ..
ساره: في حفظ الله ..
هند: ساره ليش قلتي جي ؟؟
ساره: و انتي ليش سويتي جي .. مو حرام عليج تسوين في نفسج جي و انه احنا مو راضيين انه فيصل ياخذ هذي اللي اسمها غاليه ..
هند: ساره انتي تعرفين اني ماارفض حق فيصل طلب و انا بعد مو راضيه لانها صج ماتستاهله مو عشان انا احبه والله لا .. بس اللي مضايقني انه يعتبرني انا اخته الصغيره و هالشي انا ماابيه ..
ساره: الله يعينج ياهند .. صج الله يعينج ..
هند: الله يعين الجميع ..
ساره: انزين ليش ؟؟؟!!
هند: لانج ماخبرتي فيصل انه انا احبه بس لين شفتج دخلتي قلت خلاص هذي بتقول له ..
ساره: افاااااا عليج ياهنوده انا وعدتج انه ماقول له الا بطلب منج ولا نسيتي .. و بعدين انا مااقدر اقول له بس ياهند انا لازم اقول لج انا حسيت انه فيصل يحبج و اذا طلع احساسي صج باقول له ..
هند: بس هو مايحبني يعني مايحتاي تقولين له ..
ساره: بس انا اقول لج انه هو يحبج بس الشيخ مايبي يعترف ولا يقول لأي احد ..
هند: ساره ارجوج انتي جذي اتعبيني زياده الله يخليج ..
ساره: خلاص انزين بس حبيت اقول لج انه انا و احمد مب راضيين على هالزواج و اذا شفنا غلطه وحده من غاليه صدقيني راح نستخدمها ضدها و انا اعرف انه غاليه ماتحب فيصل ..
هند: و شنو الي يخليج متأكده انه غاليه ماتحب فيصل ؟؟..
ساره: بتعرفين كل شي في وقته .. خلينا ندخل فطيم الحين بتحشرنا ليش تأخرنا عليها ..
هند: ايه والله تصدقين .. و راحوا ..
فطيم: وين انتوا رحتوا و خليتوني بروحي ..
هند: موجودين يعني وين بنروح المريخ ..
فطيم: بل بل ليش جي فلفل توج شحلاتج ..
ساره: كله من فصول ..
فطيم: ايه صح شنو يبي منج فيصل ؟؟
هند: اروح مع ساره و امه عشان اخطب له هالزفته و الجيكره غاليه هالشعشبونه ام ويه مصبوغ ..
ساره: هههههههههههه حلو التشبيه يليق عليها ..
فطيم: ايه والله هههههه .. بس ليش انتي ؟؟
هند: على قولته انا اخته الصغيره و يرتاح لي ..
فطيم: عذر اقبح من ذنب ..
هند: شفتي عاد ..
بعد العشى..
الكل استاذن بيرجعون البيت بس اليدة ما رضت هند واحمد يرجعون لان بغتهم في موضوع فخذتهم وراحوو الخيمة يشربون جاي ويسولفون..
اليده: اقول احمد..
احمد: عيونه يالغالية امري..
اليده: انت مو ناوي تعرس اخوك بيخطب وانت لي الحين لا ..
احمد: يدووه انتي تعرفين اني ما افكر في الزواج ولا عمري فكرت فيه..واصلااا ما ابي اتزوج الحين ابي اكون نفسي واصرف على حرمتي بنفسي اذا تزوجت و بعدين انا ماعندي سوالف الحب و المصاخه هذي ..
اليده: شهالكلام يا احمد شنو ما تفكر تعرس..
احمد: مثل ماقلت لج انا ماابي اتزوج ..
اليده: نعم الشيخ احمد..
احمد: يدووووه ابي وحدة احبها بس مب الحين ولين الحين قلبي ما رضخ لوحدة ولا حبيت..يدوووه ارجوج انا ما ابي احد يضغط علي في سالفة الزواج متى ما قررت اتزوج راح اتزوج..
اليده: مالت عليك اذا هاي تفكيرك عيل انت عمرك ما بتزوج..وانتي ياهند محد خطبج؟
هند: واااااااااايد يدووه بس انا ارفض..
اليده: وليش الشيخة؟
هند: بعدي صغيرة يدووه على الزواج والريل والمسؤولية وبعدين انا ابي اخلص دراستي..
احمد: لا يمه هند الف من يتمناها ..
اليده: ليش ماتاخذ هند ؟؟؟؟
احمد: هاااااااا شنو لالالالا هند اختي الصغيره و مااقدر اخذها ..
اليده: ليش جمال و اخلاق في شي يعيبها ؟؟؟
احمد: لا مافي شي بس ماابيها خلى غيري ياخذها ..
هند: و منو قال اني بوافق عليك انت بعد اخوي ..
اليده: بننطر وبنشوف شنو اخرة الكلام الفاضي اللي قاعدين تقولونه..
هند: يلا يمه احنا نترخص بنروح تأخرنا ..
اليده: حط بالك على بنت عمك..
احمد: ان شاء الله اذا ماشليتها في عيوني منو بيشيلها ..
هند: يلا مع السلامه .. و راحوا ..
في الدرب ..
احمد: هند ..
هند: خير ..
احمد: باسئلج سؤال و ابيج اجاوبيني بصراحه ..
هند: شنو ؟؟؟؟
احمد: انتي تحبين ؟؟؟؟
هند: .................. و انت ليش تسأل ؟؟؟؟
احمد: لانه كل الي يوا يخطبونج ترفضين ليش.. اكيد تحبين لا تخبين علي سرج في بير..
هند: مافي احد و بعدين شنو فيها اذا حبيت لا عيب ولا حرام ..
احمد: انا ماقلت جي بس حبيت اعرف ..
هند: لا مافي احد في قلبي تطمن ..
احمد: انزين وين تبين تروحين ؟؟؟؟
هند: الحين الساعه 1 يعني وين ابي اروح البيت ..
احمد: لا انا عازمج على عصير..
هند: على حسب المكان ..
احمد: عن العياره المكان اللي دايما نروح له اللي عنده عصير مع اسكريم ..
هند: عيل انا موافقه ..
احمد: ايه لازم توافقين حبج العصير مع اسكريم ..
بعد ماطلبوا لهم عصير و هم في الدرب حق بيت بوجاسم ..
هند: احمد اشوف من ساعه فتحت معاي تحقيق تحبين والا لا .. الحين انا اللي بسالك انت تحب والا لا؟
احمد: تبين الصراحة..
هند: اكيد..
احمد: أي حبيت وحدة من قبل وانا اللي عمري ما توقعت ان احب في حياتي بس هذي كانت غير حبيتها من كل قلبي وتعلقت فيها.. يعني تعرفين اكيد ان هي كانت ذات مقام رفيع يليق بمقامي الرفيع ايضا..
هند: حمد الله والشكر ياربي..يعني انت تحب ..
احمد: قصدج كنت احب..
هند: ليش كنت؟؟
احمد: لانها تزوجت وراحت في حال سبيلها..
هند: شلون مو انت تقول احبها..شلون خليتها تضيع من ايدك؟
احمد: سمعي انا مو بس كنت احبها انا كنت اعشقها كنت اموت على التراب اللي تمشي عليه حبي لها دام ست سنين بس في يوم من الايام قال لي واحد من الربع تعال عرس رفيجنا المهم رحنا و انا رحت اسلم على المعرس و انتي تعرفين الشباب اذا واحد منهم عرس يقعدون يحطون عليه و يطفرونه في عرسه بعدين سألته منو تعيسة الحظ اللي تزوجتك من باب المزح قال لي فلانه بنت فلان هني انا انصدمت و ماعرفت شنو اقول اذا قلت له انه انا احب حرمتك بيطلقها و بيعطيني اياها عادي رفيجنا يسويها سكت و قلت له مبروك و طلعت اختها كانت تدري اني احبها و هي قاعده على الكوشه اختها قالت لها اني احبها عاد البنت انصدمت و قالت لها ليش ماقلتي لي قبل مااتزوج خلاص فات الاوان ماعاد في فايده اني اذكرها و الله يهنيها مع رفيجي و ازيدج من الشعر بيت هي الحين حامل..
هند: يحليلك يا احمد كسرت خاطري..
احمد: عشان جي ما افكر احب مرة ثانية ولا افكر اتزوج مو عشان انا لي الحين احبها لا بالعكس انا نسيتها خلاص ونسياني لها طول وااااايد تعذبت ياهند واااايد كانت اول حب لي في حياتي وما توقعت اني اخسرها انا ما افكر احب ولا اتزوج لاني ما ابي اتعذب مثل ما تعذبت في حبي الاول لما افكر في الموضوع بس مجرد تفكير احس اني ضايج ومخنوق..
هند: الله يعينك يااحمد ماتوقعت انك حبيت في حياتك وانه هالحب اثر عليك هالكثر لانه ماكان يبين عليك..
احمد: هند محد يعرف بهالسالفة الا سارة اختي هي الوحيدة في هالدنيا اللي تعرف هالسالفة وانا ما حبيت احد يعرف ومابغيت ابين اصلاااا..
هند: ان شاء الله ما تتعذب مرة ثانية لين تعذبت قول لي خل اصطرها..
احمد: ههههههههههههههههههههههههه هههههه .. ولايهمج.. يلا وصلنا..
هند: مشكور على التوصيله و الاسكريم ..
احمد: كم هند عندنا ..
هند: وحده ..
احمد: سلمي على امج و ابوج ..
هند: يوصل يلا باي .. و راحت ..
دخلت البيت و امها و ابوها كانوا يطالعون الاخبار ..
هند: السلام عليكم ..
ام جاسم+بوجاسم: وعليكم السلام ..
بوجاسم: ليش تأخرتي يالغاليه ؟؟
هند: ماشي احمد عزمني على عصير و بعدين رجعنا و يسلم عليج يمه ..
ام جاسم: الله يسلمه من الشر ..
هند: انزين تصبحون على خير .. و راحت فوق قعدت على المسن و لقت ربعها و سووا لهم انفايت مع بعض ..
اسيـــــــــــ((الصمت))ــــ ــــــرة (( نوره )): هلا بالغايبين ..
البنـــــــــــ((زهر))ـــــ ـــفسج (( هند )): هلا فيج ..
عبير: شلونج ؟؟
البنــــــــــــ((زهر))ــــ ـــفسج (( هند )): تمام الحمد لله و انتوا ؟؟
سميه: وينج اتصل فيج ماتردين ..
البنـــــــــــــ((زهر))ـــ ـــفسج (( هند )): الله يسلمج كنت قاعده عند يدتي و مااقدر ارد على التلفون ..
جــــــــــــ((الم))ـــــــ ـروحي (( فطيم )): اكيد ماتقدرين لانها بتقصب رقبتج و بتعلقها .. ايه صح شنو قالت لكم ؟؟
مريم: انزين شنو سويتوا اليوم ؟؟
اسيــــــــــــــ((الصمت))ـ ـــــــــرة (( نوره )): خلونا نبدأ في عبير..
عبير: انا رحت بيت عمتي و كنت شايله صينية الجاي و تزحلقت و انكت الجاي على ولد عمتي و احترقت يده طبعا زفوني بس هو المسكين دافع عني ..
البنـــــــــــ((زهر))ـــــ ـــفسج (( هند )): اوب اوب .. عسى ماصار فيه شي ؟؟
عبير: لا فديته بس احترقت يده ..
جــــــــــ((الم))ـــــــــ ــروحي (( فطيم )): بعد فديته.. اي واحد فيهم ؟؟
عبير: سيف ..
اسيـــــــــــــــــ((الصم ت))ـــــــــــرة (( نوره )): و انا اقول ليش دافع عنج اثربه طلع سيف اللي محترق ..
عبير: اووووه خلاص اسكتوا ..
مريم: انزين ريماني شنو سويتي اليوم ؟؟
ريم: اهئ اهئ اهئ اهئ ..
سميه: افااااااا ليش تصيحين ؟؟
ريم: تفشلت اليوم و انقص ويهي ..
البنات: ليييييييييش ؟؟؟!!!
ريم: الله يسلمكم كنت طالعه مع اخوي و رحنا الستي خبرج اليوم الخميس و كله شباب من كل الانواع و الاصناف كنت امشي و واحد من الشباب داس على عبايتي و طحت ذيج الطيحه اللي مابعدها طيحه .. والله ظهري يعورني ..
البنات: هههههههههههههههههههههه ..
البنـــــــــــ((زهر))ـــــ ــــــفسج (( هند )): محد قال لج البسي عبايه طويله لعنبوه متر تسحب من وراج ..
ريم: ايه ايه اضحكوا ..
اسيـــــــــــــــ((الصمت)) ـــــــــــرة (( نوره )): ماتشوفين شر حبيبتي ..
ريم: تسلمين ..
مريم: و انتي سميه ..
سميه: انا اليوم اخطبوني 2 ..
البنـــــــــــــــ((زهر))ـ ــــــفسج (( هند )): شنوووووووووو منو ؟؟؟
اسيــــــــــــ((الصمت))ـــ ــــــــــرة: ليييييييييييش ؟؟؟
سميه: واحد يصير لنا من بعيد اسمه عبدالله ابيضاني عريض المنكبين خشمه كالسيف المسلول طويل شعره حلو عيونه عسليه توه مخلص دراسه كان في امريكا و الثاني بعد يصير لنا من بعيد اسمه .... شنو ياربي مااتذكر المهم تقريبا نفس صفات عبدالله بس قصير شوي و يبي وحده حلوه ..
جــــــــــــ((الم))ـــــــ ــــــروحي: و وافقتي ؟؟؟
سميه: ليش الشيخه مينونه ولا خبله ابي اكمل دراستي و بعدين الحياه يدامي ..
مريم: انزين و انتي نوره ؟؟
اسيــــــــــــــ((الصمت))ـ ــــــــــرة (( نوره )): انا اليوم رحت العزبه الساعه 4 العصر مع بيت اعمامي و عماتي و استانسنا الحمد لله تسبحنا في المسبح ..
ريم: انتي بالذات في الاجازه لازم يصيدج موقف شنو صار هناك ..
اسيــــــــــــــــ((الصمت ))ــــــــــرة (( نوره )): انتوا تعرفون انه انا مااعطي عيال اعمامي و عماتي ويه فكنت قاعده و قال لي ابوي روحي يبي لي دوشق من غرفتنا و رحت جان يطلع في ويهي ولد عمتي محمد عاد هذي الولد انا مااحتك فيه كلش زين مني اقول السلام عليكم المهم و انا من غبائي يبت لحاف جن ارد مره ثانيه و يطلع محمد في ويهي قلت له عندكم دوشق و عطاني جان يقول ثقيل عليج ولا لا ؟؟!! يعني شنو هالسؤال الغبي الدوشق واايد خفيف بس يقولون الحقران يقطع المصران ..
مريم: عن نفسي ماصار لي شي .. و انتي هند ؟؟
البنــــــــــــ((زهر))ــــ ـــــفسج: ولا شي ..
جـــــــــــــ((الم))ــــــ ــــروحي: انزين هندوه طلعتي لي ابحاث ؟؟
البنـــــــــــ((زهر))ـــــ ـــــفسج: ايه ..
جـــــــــــــ((الم))ــــــ ـــــروحي: ان شاء الله مب نفس الشي ؟؟
البنـــــــــــ((زهر))ـــــ ــــفسج: والله لحد الحين ماخرفت عشان اطلع لنا ابحاث نفس الشي ..
جــــــــــــــ((الم))ـــــ ـــــــروحي: يمكن بعد يعني ماتعرفين ..
البنـــــــــــ((زهر))ـــــ ـــــفسج: اقول يوزي عني احسن لج ..
اسيـــــــــــــــ((الصمت)) ـــــــــــرة: انزين يلا كل وحده على فراشها ..
البنــــــــــ((زهر))ــــــ ـــــــفسج: ايه صح فطيم باجر الساعه 8 بنروح الشركه اجهزي ..
جـــــــــــــ((الم))ــــــ ـــــــروحي: اوكي ..
و طلعوا من المسن ..

شنو بيصير في الشركه ؟؟؟
فطيم و هند في منو بيلتقون ؟؟؟
منو هم خالد و جاسم هذول اللي طلعوا لهم مادري من وين ؟؟؟

[فيتامين سي]

اليوم الثاني ..
الساعه 8 الفليل راحوا بوجاسم و هند و فطيم الشركه عشان يساعدونه في شلغه .. المكان كان فاضي و مافيه احد >> والله محد يدري شنو بيطلع له في اي لحظه << ..
بوجاسم: خذوا راحتكم بنات ..
فطيم: خالي انت متأكد انه مافي احد يمكن يطلع لنا واحد من اللي يشتغلون عندك خبرك موظفينك زومبي يطلعون من تحت الارض ..
بوجاسم: هههههههه ايه متأكد مافي احد ..
هند: انزين شنو تبينا نسوي الحين ؟؟
بوجاسم: هاكم الملفات افرزوها حسب السنه ..
فطيم: انزين ..
هند: بــــــــــــــــــــــل يبه انت من متى مافرزتها ؟؟
بوجاسم: من مده ..
فطيم: من مده و جي لو من سنه شنو ..
قعدوا الثنائي يفرزون الملفات و السوالف و الضحك ماليه المكان و بوجاسم راح قعد في المكتب الثاني و يسمعهم و يضحك عليهم و هو بروحه قاعد يفرز الملفات اللي عنده .. شوي الا يدخلون عليهم شباب على بالهم انه بوجاسم قاعد في المكتب اللي قاعدين فيه هند و فطيم ..
جاسم+خالد: السلام عليكم .. >> اكيد تتذكرونهم اللي كانوا في المدرسه <<
البنات انصدموا الا مب انصدموا انصعقوا يعني كفايه في المدرسه كل يوم و الحين في الشركه و الشباب بعد انصدموا البنات عندنا في الشركه افففففففف ..
جاسم: انتي ام لسانين ..
فطيم: هذي انت بوضرسين ..
خالد: انتوا شنو تسون هني ؟؟
هند: مفروض احنا الي نسألكم نفس السؤال ..
جاسم: احنا نشتغل هني ..
شوي الا بوجاسم يدخل عليهم ..
بوجاسم: شنو هالحشره .. جاسم خالد شنو تسون هني ؟؟
خالد: انت متصل فينا و قايل لنا تعالوا ..
بوجاسم: ايه صح عشان تساعدون البنات ..
هند: يبه احنا مانبي مساعده ..
بوجاسم: انتوا تعرفونهم ؟؟
فطيم: لا مانعرفهم بس بغوا يدعموني امس في اخر الدوام في المدرسه ..
جاسم: ايه الشيخه جان تقومين و تصرخين علي ..
بوجاسم: لا تطاققوا بعد احشموا اللي واقف يدامكم ..
خالد: جسوم خلاص .. محشوم يا بوجاسم ..
بوجاسم: شباب تعالوا معاي المكتب و انتوا بنات تموا هني و خلصوا شغلكم و بعدين الشباب بياخذون الملفات منكم و بييبون لكم ملفات ثانيه ..
هند+فطيم: ان شاء الله ..
جاسم يستعبط: ممكن نتعرف عليج الشيخه ..
فطيم: نجوم السما اقرب لك يلا اكرمنا بسكوتك و اقلب ويهك على المكتب الثاني ..
جاسم: صج قليلة ادب ..
بوجاسم: ههههههههه فشلووووووووه.. احم تعال انزين خلهم على راحتهم ... و طلعوا الشباب ..
هند: عنبوه ماصدقنا على الله نفتك منهم يدام المدرسه و الحين نلاقيهم في الشركه بل صج حظنا خايس ..
فطيم: يشتغلون هني ..
هند: اموت و اعرف منو اهم ..
فطيم: بنسحب الكلام من ابوج بعدين لا تخافين اعرف اقردن ..
هند: انزين يلا خلصي الشغل ياام التقردن ..
في المكتب عند بوجاسم..
بوجاسم: انتوا من وين تعرفونهم؟
جاسم: يبه احنا كنا مشتاقين نشوف هند عشان جي مرينا من عند المدرسة..
خالد: يبه حنا ما نبي نشوفها بالصور بس..
بوجاسم: تعرفون ياعيالي انه انا ما اقدر اقولها انه انتوا اخوانها لازم تنطرون علي شوي..
خالد: نعرف ظروفك يبه صدقني احنا مو زعلانين عليك وبما انه احنا الحين نيي الشركة راح نشوفها ونتعرف عليها..
جاسم: صح كلام خالد يبه..
بوجاسم: اللي يريحكم ياعيالي سووه..الحين قولوا لي شخبار امكم؟
بعد نص ساعه تقريبا الشباب طلعو الشباب من مكتب بوجاسم وراحو حق البنات و خذوا منهم الملفات و قبل مايطلعون ..
جاسم: بنروح ناخذ لنا شي ناكله تبون شي ؟؟؟؟
خالد: انسوا اللي صار و اعتبرونا اخوانكم و خلونا نبدأ صفحه يديده ..
فطيم: لا مشكورين مانبي شي ..
جاسم: مب على كيفج بييب لكم ترى بنطول اليوم في الشغل اعتقد لين الساعه 12 او 1 ..
هند: مشكورين و ماتقصرون ..
راحوا الشباب و يابوا سندويشات و عصير حق البنات و بعدين راحوا حق بوجاسم المكتب و قعدوا ياكلون و يضحكون .. مطيحين الميانه معاه كأنهم ربع من 10 سنين .. خلصوا الشغل الساعه 12 تقريبا ..
خالد: يلا بوجاسم احنا نترخص ..
بوجاسم: مشكورين و ماتقصرون اذا بغيتكم باتصل ..
جاسم: مع السلامه بنات ..
هند: مع السلامه ..
قبل مايروح جاسم طالع فطيم و عطاها نظره البنت مافهمتها و راحوا هو وخالد ..
راحوا الشباب و البنات راحوا مع بوجاسم و وداهم مطعم و تعشوا و بعدين وصلوا فطيم البيت و راحوا .. في الدرب ..
هند: يبه من هذول الشباب ؟؟؟؟
بوجاسم: اثنين يشتغلون معاي في الشركه و اسرار الشركه كله عندهم و انا مخليهم نواب المدير اللي هو انا ..
هند: شكلك وااااااااايد تحبهم ؟؟؟؟
بوجاسم: اكيد لاني ماشفت منهم الا كل خير و امينين يحفظون الاسرار ..
هند: اهاااااااااا و انا مابتشغلني في الشركه ؟؟؟
بوجاسم: انتي المديره من بعدي ان شاء الله ..
هند: عسى عمرك طويل يالغالي ..
وصلوا البيت و راحت هند فوق غرفتها تدرس لانه عندها امتحان يوم الاحد .. الساعه 2 و نص دخلت هند النت و دخلت المنتدى اللي مشاركه فيه نزلت مواضيع و ردت على غيرهم و بعدين قعدت تنزل ابحاث و على الساعه 3 راحت تنام ..

قامت هند اليوم الثاني الساعه 2 و تغدت و بعدين اتصلت في فطيم ..
فطيم: ياهلا و مرحبا بالحلوين ..
هند: ياهلا فيج حبي شخبارج ؟؟؟
فطيم: بخير ..انزين تعالي قولي لي شنو صار امس منو هذول الشباب اللي كانوا معانا في الشركه جاسم و خالد ؟؟؟؟
هند: يشتغلون عند الوالد و يحبهم واااااااايد و هم نواب المدير العام و يأتمنهم على كل اسرار الشركه و واثق فيهم بعد ..
فطيم: اهاااااااااااااااااا ..
هند: و انتي بعد يالشيخه شلون تقولين حق الولد بوضرسين ..
فطيم: و هو ليش يناديني ام لسانين ..
هند: ماينلام من الكلام اللي كلاه في المدرسه ..
فطيم: والله محد قال له تعال ادعمني ..
هند: والله محد قال لج امشي نص الشارع ..
فطيم: الله الحين الغلط علي انا ..
هند: انتي و هو الغلطانين ..
فطيم: انزين عرفتي اساميهم الحين شلون نقدر نفرق بينهم ؟؟؟
هند: جاسم و خالد توأم شلون تبيني افرق بينهم .. بس...... مااعتقد اني اعرف شلون افرق بينهم ..
فطيم: ايه صح ..
هند: انزين شخبار عبدالرحمن اخوج من زمان لا يتصل لا يسأل مايقول عندي بنت خال حيه ولا ميته ؟؟؟
فطيم: الولد يستحي ..
هند: بل بل قولي لي اي شي غير انه يستحي هي قويه في حق اخوج ..
فطيم: ههههههههههههههههه ..
هند: انزين اخباره ؟؟
فطيم: تمام ؟؟؟؟
هند: تعرفين مااتخيل اخوج معرس ..
عبدالرحمن يرفع السماعه اللي فوق بعد ماسمعها شنو قالت: اشفيني الشيخه هند لا يكون طايح من عينج ولا طايح من عينج ..
هند: لا محشوم ولد العمه مب طايح ولا شي بس اقول حق اختك انها تقول حق حرمتك المستقبليه كل شي عنك عشان البنت ماتنصدم بعدين تقول انا خذيت ولد ولا عود جبريت ..
عبدالرحمن: اشوف صار لج ساعه تغلطين علي و انا ساكت بنشوف انتي لين تتزوجين شنو بتسوين ..
هند: بسم الله علي من هالطاري توني صغيره ..
عبدالرحمن: كبر حمار و تقول صغيره حبيبتي ايام قبل اللي في عمرج انتي و هالسباله فطوم تزوجوا و عندهم الحين درزن عيال مب انتوا لا توني صغيره لا استحي لا هذا اخوي مااقدر اخذه لعنبوكم فكروا شوي .. يلا عاد نبي نشوف عيالكم بيطلعون حلوين ولا لا ...
هند: اول شي خل فطوم اختك تعرس و بعدين انا ..
فطيم: ليش انا اول مب انتي اكبر ..
هند: فرق بيننا شهرين يعني عادي ...
عبدالرحمن: ان شاء الله تاخذون اخوان او عيال عم عشان ماتتفرقون ..
هند+فطيم: الله يسمع منك ..
عبدالرحمن: بل بل بل مستعيلين على الريل وااااااااااااايد بس انا في خاطري اشوف هندوه في يوم الدخله شلون بيكون شكلها و اخونا ماسك يدج ..
هند: يخسي قصوره يمسك يدي ..
فطيم: ايه حبيبتي قولي جي الحين و يدام الريل بتنطمين و بتبلعين لسانج ..
عبدالرحمن: ايه الحيا و الرزانه مالت السنين اللي راحت بيطلع في هالليله ..
هند: جنكم استلمتوني و انا ساكته ..
عبدالرحمن: لا محشومه بنت الخال انتي منو اللي يقدر يستلمج دام سلمان ولد خالي علي موجود اقصد ريلج الصغير ..
فطيم: ايه والله بيقلب على راسنا الدنيا ..
هند: فديت ريلي الصغير اللي بربيه ..
عبدالرحمن: انا ماادري شنو يحب فيج لا جمال ولا هم يحزنون ..
هند: عدااااااااااااااال يعني انت اللي مقطع الحين اللي يقول ملك جمال العالم ..
فطيم: ايه حبيبتي هو ملك جمال الجياكر ..
عبدالرحمن: افااااااااااااااااااا اختي انا جيكر ياام الدويس ..
فطيم: هنوووده دافعي عني ..
هند: لوسمحت مب ام الدويس ام لسانين و بعدين سوري حبيبتي انا ماادخل بين اخوان لا يكسرون راسي ..
عبدالرحمن: احسن لج خليني استلمها ..
هند: لا عاد اشوفك مصختها حدك على طبجتي اليسار فطومه ماارضى عليها ام لسانين ..
عبدالرحمن: مالت عليج و عليها ..
فطيم: حمانوه شغلك معاي بعدين ..
عبدالرحمن: الله يستر لا الشيخه انا اليوم بطلع مع ربعي مشكوره الغاليه ماابي شي منج انتي ضربج يعور لعنبوج مب يد عليك ملاس عااااافاااانااا الله ..
فطيم: بتطلع مع ربعك هاااااااا ان ماخليتهم يودونك المستشفى مااكون اختك ..
عبدالرحمن: اقول هنوده حبيبتي بااااااي خليني افلت بجلدي .. و صكر ..
هند: بل بل بل في الجامعه و يخاف من بنت ثانوي الصراحه طاح من عيني اخوج ..
فطيم: اشفيج اذا انا لحقته في البيت ياروح مابعدج روح يتصل في ربعه و يقول لهم تعالوا خذوني ..
هند: مسويه له رعب مسكين اكيد الفليل قبل ماينام يقفل الباب ههههههههه..
فطيم: حتى ولو قفل الباب عندي مفتاح سبير ..
هند: والله و طلعتي مب هينه ..
فطيم: طبجتج و اعجبج ..
هند: مب تعجبيني انا الا واحد من الخبلان اللي يشتغلون عند ابوي تعجبينه ..
فطيم: شنووو ؟؟
هند: ماادري منو فيهم بس كان يطالعج و مقطعج انتي كنتي منزله راسج اعتقد جاسم ..
فطيم: وييييييييييه فقدته بس قلبي حاس انه في شي بيصير ..
هند: افففففففففففففف عاد انتي احساسج مايخيب الله يستر من احاسيسج لا تكون صح ان شاء الله شي زين مب شين بس لا يضربنا صاروخ ..
فطيم: قلنا عني احساس بس مب لهالدرجه .. انزين مااتصل فيصل ؟؟
هند: يلعن الساعه اللي بيتصل فيها ..
فطيم: انزين شنو حادج تروحين قولي له مااقدر ..
هند: مااقدر على بالج هالكلمه سهله انها تطلع مني يدامه انا ماارفض له طلب قلبي مايطاوعني و بعدين انتي عارفه انه انا و هو ربينا مع بعض و انا احبه فطيم مااقدر ارفض له طلب لو شنو كان ..
فطيم: ادري انج تحبينه عيل اذا قال لج طبي في البحر بطبين ..
هند: انتي مابتفهميني .. انتي ماتحبين ..
فطيم: والله حرام عليه صدقيني تليقون على بعض بس هو الله يهداه ماعنده نظر هالحمار ..
هند: انزين اخليج الحين بروح ادرس شوي ..
راحت هند ترتب الابحاث و تعدلهم و ادبسهم و حطتهم في ملف و عدلت شنطتها و راحت تحت عند ابوها و امها ..
هند: السلام عليكم بأحلى و اغلى اثنين في الدنيا ..
بوجاسم: ادري انه الكلام حقي مب حق امج ..
ام جاسم: لا حبيبي حقي مب حقك صح هنوده ؟؟؟؟
هند: لا حقكم اثنينكم الله يخليكم لي ..
بوجاسم: و يخليج لنا يالغاليه هاااااااااا شلونج بعد شغل امس ؟؟؟
هند: تمام التمام بخير بس ظهري يعورني يبه انت من متى مافرزت هالملفات واااااااااايد احس انه ظهري منقصم نصين ..
بوجاسم: كنت باقول لج من زمان انه تيين معاي بس ما صارت فرصه و بعدين انتي كان عندج دراسه ..
هند: من بكره بافضى لك ودني اي مكان تبي ..
بوجاسم: خلاص يوم الخميس ان شاء الله بنروح و بنودي عشانا معانا و فطيم و ساره بعد معانا مابي اخليج بروحج بتملين ..
ام جاسم: انزين انا ايي ؟؟؟؟
بوجاسم: لا الشيخه انتي قعدي في البيت و سوي السويت ..

في بيت بوفيصل ..
فيصل: يمه متى ان شاء الله بتروحين تخطبينها لي ؟؟؟
ام فيصل: اصبر شوي على البنت خلها تكمل هالسنه في الجامعه ..
فيصل: يعني واااااايد باقي لها ؟؟؟
ام فيصل: بس شهرين ..
فيصل: افففففففف شلون اقدر اصبر شهرين ..
احمد وهو ياي: مثل مانطرت كل هالسنين اكيد تقدر تنطر هالشهرين ..
ام فيصل: و انت يااحمد ليش ماتبيني ادور لك بنت حلوه تناسب مقامك ..
احمد: لا مشكوره يمه لحد الحين توه الناس خليني اعيش حياتي و استانس لاحقين على الهم والغم ..
فيصل: بتشيب ياريال تزوج الحين احسن لك ...
احمد: خلني اسألك سؤال بس لا تزعل انت شنو تشوف في هذي اللي اسمها غاليه بنت خالتك ؟؟؟
فيصل: ليش فيها شي و بعدين انت ليش تتكلم عنها بهالطريقه لا تنسى انها بتصير مرت اخوك ..
احمد: دخيلك انت لا تذكرني .. انزين انت شنو شايف فيها و مب موجود في هند ..
فيصل: شدخل هند في السالفه ..
احمد: انا اقول لك هند احلى و اخلاقها عاليه مب هالغاليه مالتك و هند تعرف تتعامل مع الناس مب بنت خالتك اسمحلي يااخوي بس انت ماعندك نظر ياخي انا اعرف انك تحب هند ليش ماتقول ولا هي سالفة نحاسه يعني لين متى بتكتم حبك في قلبك بعدين بيتحول مرض صدقني ..
فيصل عصب: انت شنو قاعد تقول لعلمك هذي الغاليه اللي تتكلم عنها بتصير مرت اخوك و بتحترمها و انت تضحك و بعدين هند مب اكثر من اختي ..
احمد: عيل ليش تبي هند تروح و تخطبها لك مع امي لا و تبيها تكشخ في عرسك و تزف العروس على الكوشه ليش تبي تحرق قلبها ؟؟؟
(( فيصل توتر لانه فعلا يحب هند بس في اعتقاده ان هند ما تبادله هالشعور ومستحيل تبادله لانها تعتبره مثل اخوها وهو قاعد يتعذب بسبب هالسالفة ففكر ان يتزوج غالية بنت خالته عساس ينسى هند وهو يدري ان مستحيل ينساها )) ..
فيصل: احمد انت تعرف ان انا وهند تربينا مع بعض انا اعتبرها مثل اختي وهي تعتبرني اخوها وانا ابيها تخطب لي غالية وتزفها وتكشخ في عرسي لانها غالية وعزيزة على قلبي وانا وايد احترمها وبعدين انت قلت انها خبز ايدي يعني مستحيل ترفض لي طلب وبعدين انا ولد عمها وماابيك مرة ثانية تتكلم عن غالية جي لانها بتصير حرمتي..
احمد: على راحتك بس حبيت اقول لك لا فات الفوت ماينفع الصوت ياخوي .. و راح ..
فيصل في قلبه (( يااحمد حرام عليك انت كل ما شفتني قلت لي هالجملة حرام عليك كفاية العذاب اللي انا فيه وانا متاكد انك خايف علي وتبي هند بس ما اقدر ما اقدر هند تعتبرني مثل اخوها ومستحيل تحبني مستحييييييييييييييييييل))..
فيصل: يمه شبلاه احمد علي و على غاليه ؟؟؟
ام فيصل: ماادري ياولدي خلاص انا بشوفه و بسأله ..

اليوم الثاني في المدرسه ..
الصبح هند و فطيم و عبير و مريم كانوا قاعدين في الممر و يدرسون حق الامتحان شوي الا بنات علمي نوره و ريم و سميه ايون لهم ..
بنات علمي: السلام عليكم ..
بنات ادبي: وعليكم السلام ..
نوره: شنو عندكم اليوم ؟؟؟؟
مريم: امتحان English ..
ريم: درستوا عدل ولا صح انتوا لازم تحفظون ..
هند: يعني تتطنزين ؟؟؟
سميه: لا حشا محشومات بنات ادبي ..
المهم بنات علمي استلموا بنات ادبي تعليقات على الامتحان و بنات ادبي مايتكلمون موليه .. رن الجرس و الكل دخل الصف و كان اول حصتين عليهم امتحان ..
في صف بنات ادبي ..
الteacher: يلا بنات فرقوا الادراج و خلوا القلم الازرق على الطاوله بس و من غشنا فليس منا ..
فاطمه بصوت واطي حق مريم: ايه و اذا رسبنا ياويلنا من المدرسه بتراوينا نجوم القايله ..
مريم: هههههههههه ايه والله ..
الteacher: مريم قومي مكان عبير و تعالي انتي ياعبير مكان مريم ..
هند بصوت واطي حق فاطمه: بل بل ماحطت الا اكبر غشاشتين في الصف عند بعض لا عيل ابشركم الصف كله نجح ..
فاطمه: بل ليش ان شاء الله لهالدرجه طايحه من عينج ..
هند: حشا لحد الحين معلقه ..
الteacher: يلا بنات اول شي امتحان الاستماع ..
مريم: ابله ..
الteacher: نعم ياست مريم في شي ؟؟؟
مريم: ان شاء الله الامتحان الثاني سهل يعني من ويهج يبين انه صعب ..
الteacher: لا ان شاء الله سهل حق اللي درست ..
الكل: ان شاء الله ..
في صف بنات علمي ..
دخلت عليهم ابلة الرياضيات و عطتهم امتحان مفاجىء خخخخخخ و البنات كانوا ما دارسين ..
نوره: الله مايطق بعصا ..
سميه: كنا نتطنز على بنات ادبي و الحين يا الدور علينا ..
ريم: والله نستاهل ..
نوره: ابله ممكن اتأجلين الامتحان لين بكره عشان ندرس ...
الابله: ليش ان شاء الله مادرستوا في الاجازه كان عندكم ثلاث ايام ..
ريم: حتى هالثلاث ايام مستخسرينا عليها مايسوى علينا يات الاجازه ..
على الحصه الثالثه بنات ادبي كانوا مخلصين الامتحان و كان سهل كل وحده فيهم طالعه من الامتحان و متشققه يعني ضامنين العلامه الكامله ..
نوره: اشوف طالعين من الصف و ابتسامتكم واصله لين اذانيكم شنو السالفه ؟؟؟
سميه: اكيد زفتوا ..
هند: علامات كامله اللهم لا حسد تف تف تف علينا خمس و خميسه ..
البنات: ههههههههههههههههههههههههه ههههههههههههههههه ...
وقتها يات مدرسه الفنيه و نادت على هند ..
هند: نعم ابله ..
الابله: هند حبيبتي في مسابقه اطرحوها عن الرسم و ابيج تشاركين فيها شنو رايج ؟؟؟
هند: متى المسابقه ؟؟؟
الابله: شهر واحد يعني عندج 5 شهور عشان اتكملين الرسمه..
هند: ان شاء الله بحاول ...
الابله: اللي يعجبج بس تفوزين ..
هند: حاضر بحاول .. و راحت ..
على نهاية الدوام هند و فاطمه كانوا واقفين مع نوره اما باقي البنات راحوا .. شوي الا جاسم و خالد يايين ..
(( على فكرة خالد وجاسم يروحون المدرسة عشان يشوفون اختهم هند بس هند ما تعرف انهم اخونها))..
فاطمه: اففففففففففففففففف بوضرسين هني ..
هند: صج ما عندهم سالفة شيسوون هني بس بعد هم مؤدبين وماعليهم كلام..
فاطمة: طيري لا ماعندج سالفة شو مؤدبين ما مؤدبين خالد يمكن بس هاي بوضرسين ما اعتقد..
هند: هههههههههههههه لهدرجة طايح من عينج المعجب..
نورة: شفيكم شسالفة؟
قالت لها هند السالفه و نوره تضحك على كلام فطيم ..
نوره: فطوم حسبي الله على بليسج بوضرسين عاد ..
فطيم: شسوي كله يقول لي ام لسانين ..
نوره: يليق عليج هاللقب ..
فطيم: انزين يلا هند السياره يات ..
هند: نوره ماتبين توصيله ؟؟؟؟
نوره: لالا مشكوره الشيخه ..
فطيم: انزين اييب لج الجوال عشان تتصلين ؟؟؟
نوره: انزين ..
راحت فطيم حق احمد ..
احمد: ليش تبينه ؟؟؟؟
فطيم: رفيجتي بتتصل في ابوها لانه تأخر عليها ..
احمد: انزين خلها تيي بنوصلها ..
فطيم: قلت لها ماتبي ابوها مايخليها ..
احمد: انزين خليني اشوف البنت و بعدين اقرر اذا بعطيها الجوال ولا لا ؟؟؟
فطيم: احمدوه و بعدين معاك البنت خاست في الحر ..
بعد ماشافها احمد ..
احمد: ألعن حلوه خلاص ودي لها الجوال و لوسمحتي خليها تسجل رقم جوالها بعد..
فطيم: لا والله البنت ماعندها جوال تتصل من جوال اخوها..
احمد: انا راضي باتصل في اخوها ..
فطيم: هات الجوال لا .. و راحت ..
هند: جان تأخرتي زياده ..
نوره: مااعتقد انه الثلج ينزل في هالفصل من السنه منقعتنا في الحر هاتي الجوال خليني اتصل ..
(( بونواف رفيج بوجاسم من زمان و قلوبهم على بعض )) ..
نوره: الوووو ..
بونواف: هلا حبيبتي ..
نوره: يبه جنك نسيتني في المدرسه ..
بونواف: اوه انا اسف حبيبتي عندي اجتماع مهم اليوم و بتأخر وااااايد تقرين تنطرين ولا لا ؟؟
نوره: انزين اخلي هند رفيجتي توصلني ..
بونواف: منو هند ؟؟؟
نوره: اللي ابوها بوجاسم رفيجك ..
بونواف: عطيني اكلمها ..
نوره: هند ابوي يبي يكلمج ..
هند: السلام عليكم ..
بونواف: و عليكم السلام شلونج هند ؟؟؟
هند: بخير الحمد لله اقول عمي خلني اوصل نوره البيت لانه مافي احد في المدرسه و لين توصل ان شاء الله بخليها تتصل لك ..
بونواف: لو اني مااعرف ابوج جان ماخليتها تروح معاج بس دام انه هو رفيجي خلاص حطي بالج عليها ..
هند: ان شاءالله و مشكور .. و صكرت ..
فطيم: هااا شنو ؟؟؟
هند: يلا ركبوا السياره ..
دخلوا البنات السياره ..
البنات: السلام عليكم ..
عبدالرحمن+احمد: وعليكم السلام ..
هند: عبدالرحمن ممكن توصل رفيجتنا البيت ..
احمد: من عيني ..
عبدالرحمن: اعقتد كلمتني انا مب انت ..
احمد: جب انت وين بيتكم اختي ؟؟؟؟
نوره بصوت واطي: ورى الستي ..
احمد يستهبل: مااسمع ممكن تعلين صوتج ..
نوره: ورى الستي ..
احمد: ان شاء الله يلا عبدالرحمن روح الستي ..
عبدالرحمن: ان شاء الله عمي اوامر ثانيه ..
احمد: ايه بوس ريلي ..
عبدالرحمن: تخسي الا انت ..
هند: احم شباب معانا ضيفه في السياره لوسمحتوا مانبي شغل اليهال مال كل يوم ..
احمد: انزين انجبي فضحتينا ..
نوره: لا عادي لا تسكت ترى اعرف سوالفكم كلها ..
عبدالرحمن: اهااااااااااااااااااا احمد ماتعرف منو اللي يقول لهم ؟؟؟
احمد: على حد علمي اعتقد هالسبالتين اللي قاعدين ورى ..
نوره: لوسمحت محد السبلان الا انتوا ماارضى على هند و فطيم تهون الدنيا كلها الا هم ..
احمد: ومن الحب ماقتل لهالدرجه تحبينهم ترى مابينفعونج في اخرتج ..
نوره: انت مالك دخل ..
احمد: اشوف اللسان طويل هذي و لحد الحين ماعرفنا اسمج ..
نوره: لساني مب اطول من لسانك و بعدين مب لازم تعرف اسمي اللي ابيك تعرفه اني انا و هند و فطيم شيخات البنات ..
احمد:لا انا اقصد يمكن تصير فرصه ثانيه بيننا و نوصلج ..
هند بصوت واطي حق نوره: اسكتي ترى هالولد محد يقدر على لسانه ..
نوره: و انا باكسر هالحاجر و صدقيني اذا هو لسانه طويل انا اطول بس اصبري شوي ..
فطيم: والله و طلعتي مب هينه يابنت ابوج ..
احمد: اقول الشيخه قلتي لي وين بيتكم وصلنا عند اللفه ...
نوره: ورى الستي كاهو البيت البني ...
احمد: ماسمعت ..
نوره: كلام الملوك لا يعاد المهم انه اللي يسوق سمع صح عبدالرحمن ؟؟؟
عبدالرحمن: هاااااا صح اختي ..
احمد: اوب اوب ملكه قاعده عندنا و انا ماادري مفروض تقعدين يدام و تخلين الحراس ورى ..
نوره: تتكلم عن عمرك انت المفروض تكون واحد من الحراس ...
احمد: عشانج كل شي يهون تبين اكون حارس بكون لجل عيونج ..
هني سكتت نوره و احمد قام يضحك عليها ويهها صار احمر من كلامه بل بل عليه يعرف يسكت الواحد افففففف منه كلامه حلو .. وصلت نوره بيتها و سلموا عليها البنات و بعدين راحوا ..
هند: و انت يالسخيف لازم تقول هالكلام ..
احمد: والله ماتشوفينها لسانها طويل ..
فطيم: مب اطول من لسانك ..
عبدالرحمن: عاد سكتها انت بكلامك اونه شنو بكون حارس لجل عينج ..
احمد: خلها تتعلم ماتحط راسها براسي انا احمد مب اي احد تروح و اطول لسانها عليه ..
هند: الحين الله يستر منها بس..
فطيم: هههههه أي والله الله يستر لا عصبت ما تعرف امي والا ابوي..
هند: ان شاء الله ما تزعل اذا زعلت لو بيعدمونها ماترضى..
احمد: بل شدعوة شنو هاذي..
هند +فطيم: جب انت ولا كلمة كله منك..
احمد: ان شاء الله ول كليتوني..
هند: انزين عبدالرحمن ممكن تودينا نشرب عصير ..
عبدالرحمن: عصير مع اسكريم ..
احمد: انا عازمكم على حساب هند ..
هند: لا والله على حسابي اذا تبي ريال عندي هاك ..
احمد: لالالا خلاص خليها هالمره علي و المره اليايه عليج ..
بعد ماطلبوا لهم عصير و وصلوا هند بيتهم و بعدين راحوا بيتهم ..
((احمد تم يفكر في نورة وشلون جذبته من اول ماشافها واول ما كلمها بس حاول انه ما يفكر واايد في السالفة لانه مايبي يحب مرة ثانية ومايبي يفكر في أي وحدة مرة ثانية))
دخلت هند البيت و ام جاسم كانت تتكلم في التلفون .. و بعد ماصكرت ..
هند: شلونج يمه ؟؟؟؟
ام جاسم: هلا حبيبتي ..
هند: منو كنتي تكلمين ؟؟؟؟
ام جاسم: خالتج نوره بيون عندنا يوم الخميس يتعشون ..
هند: بس يوم الخميس بنروح انا و ابوي وفطيم و ساره المكتب عندنا شغل ..
ام جاسم: خلاص اخليها تيي يوم الجمعه ..
هند: انزين يمه انا بروح فوق ابدل ملابسي ..
ام جاسم: لا تتأخرين و نادي ابوج بعدي عشان نتغدى ..
هند: ليش ابوي هني رجع من الشغل ..
ام جاسم: حدث تاريخي صح ؟؟؟
هند: ايه والله ..
راحت هند فوق و بدلت ملابسها و صلت و بعدين راحت حق ابوها الغرفه ..
هند: هلا يااحلى ابو في هالدنيا ..
بوجاسم: هلا فيج حبيبتي ..
هند: يلا تعال عشان نتغدى ..
بوجاسم: قمنا .. و راحوا ..
وبعد الغدي..
هند تتصل بيت عمها بوفيصل عشان تقول حق سارة تروح معاهم الشركة..
هند: السلام عليكم..
فيصل: وعليكم السلام.. هلا هند..
هند: شخبارك فيصل؟؟
فيصل: الحمد الله بخير..((دام سمعت صوتج))..وانتي؟
هند:الحمد الله بخير..ممكن اكلم سارة؟؟
فيصل: ممكنين لحظة شوووي..ساروووووووووو..
سارة: ول صمختنا حشا شتبي..
فيصل: تلفون هند..
سارة: هات هات واذلف من هني..
فيصل: بل..
سارة: بلين يلاا روح.. هلا وغلا بحياتي..
هند: ههههههههههههههههههههههه اهلين شخبارج؟
سارة: الحمد الله .. وانتي؟
هند: الحمد الله..اقول سارة
سارة: عيون سارة..
هند: قولي تم..
سارة: اول اعرف.
هند: لا قولي تم..
سارة: خلاص ولايهمج تم..بس على شنو ...
هند: تروحين وياي انا وفطيم الشركة يوم الخميس..
سارة: من عيوني كم هند وفطيم عندي انا..
هند: تسلمين حياتي..
سارة: الله يسلمج..
وتموووووو ياخذوون اخبار بعض ويحشون في فلانة وعلانة...

احمد بيحب نوره ولا لا ؟؟؟
الحين دريتوا انه خالد و جاسم اخوان هند شنو دورهم ؟؟؟
شنو فيه فيصل و ليش دايما يكابر ؟؟؟

[فيتامين سي]

في بيت بومايد .. على الغدى ..
مايد: يبه يمه ..
ام مايد: شنو ؟؟؟؟
مايد: ابي اتزوج ..
بومايد: هذي الساعه المباركه منو تبي احنا حاضرين انت بس اشر ..
ام مايد: تبيني ادور لك على بنت الحلال ولا في وحده في بالك ..
مايد: بنت خالي وليد مها ..
ام مايد: هذا هو الاختيار ولا بلاش مابتلقى بنت احسن منها ..
مايد: انزين انتى بتروحين ؟؟؟
ام مايد: اصبر شوووي بعدين اقولك متى..
مايد: شنو لا عيل البنت طارت من يدي ..
بومايد: لا ماعليك انا بكلم خالك و بنحيرها لك ..
مايد: فديتكم بس لا تقولون حق شواخ اختي انا بقول لها الا صح متى بترجع ؟؟؟
بومايد: هالخميس ان شاء الله ..
مايد: نعمة دايمه يلا انا بروح الشغل ..
ام مايد: حاسب على عمرك حبيبي ..
بومايد: يحليله ولدج كبر ويبي يعرس..
ام مايد: أي فديته تبي الصراحة انا كلمت مها من قبل.
بومايد: انتي من صجج..
ام مايد: أي من صجي كنت حاسة ان ولدي يبيها قمت كلمتها والحين انطر ردها..
بومايد: لا اله الا الله عليج الحمد الله ان ولدج اختارها ..
ام مايد: تدري انه ماعندك سالفة..وراحت..

بعد المغرب ..في بيت خالة هند نوره ..
ام خالد: خالتج اتصلت و قالت تعالوا يوم الجمعه ..
مريم: ليش ؟؟؟
ام خالد: لانه هند بتروح الشركه مع ابوها عشان تساعده ..
خالد: انزين مافي رياييل ؟؟؟
ام خالد: لا الفليل بيروحون ..
خالد: اهااااااااا انزين يلا انا بروح الميلس عند الشباب تبون شي ؟؟؟؟
الكل: لا سلامتك ..
خالد: يمه طرشوا لنا شي ناكله ..
ام خالد: قاعدين في مجاعه انتوا في الميلس .. ان شاء الله ..

فيصل كان قاعد في غرفته .. كان يفكر في الكلام اللي قاله احمد عن غاليه و هند ..
(( والله احبج ياهند بس مااعتقد انج تفكرين فيني انا خلاص قررت اتزوج غاليه بس مااعتقد اني اقدر انساج حبي لج اكبر من انه ينسي في يوم و ليله بس الله يصبرني و بعدين شنو يقصد احمد بكلامه لا فات الفوت ماينفع الصوت والله حرام عليج ياخوي انا قاعد اتعذب و انت تقول لي هالكلام شنو هاي و ساره اذا قلت لها بتروح تقول حق هند و بتقول انا قلت لك من البدايه انك تحبها بس ماسمعت الكلام خلاص ياهند بحاول انساج)) ..

ربع احمد و فيصل و عبدالرحمن و مايد هم محمدوه بو الحلاوه هذي ربيع احمد الروح بالروح و سيف و سعود توأم اللي هم عيال عمة عبير رفيجة هند و فطيم و جاسم و خالد >> اكيد تتذكرونهم اللي يشتغلون في الشركه << و خليفه و اخوه الدكتور فهد >> بتكون لهم مواقف في القصه << ماشاء الله عليهم مع بعض ماافترقوا من الابتدائيه طلعات مع بعض و كل واحد سره عند الثاني و يسمونهم الشله الفاسده و زعيمهم احمد بو الافكار >> الله يخليهم لبعض << يجتمعون مع بعض في ميلس محمدوه >> جذي الشباب يسمونه << خلوني اقول لكم عن كل واحد ..
محمدوه وحيد امه و ابوه جميل ما شاء الله عليه ابيضاني و عيونه عسليه شعره شوي طويل و ناعم و اخو هند من الرضاعه ..
سيف+سعود يتشابهون وااااااايد عيونهم بني غامج و حلوين و عندهم اخت متزوجه و الحين بينتقلون بيت يديد ..
و عندهم ربيع اسمه سلطان >> بس طبعا هذي مب من الشله << يسمونه البطران كل يوم سياره >> و بنت <<
اما الباقي ان شاء الله بيطلعون في الاجزاء اليايه ان شاء الله ..

راح احمد الميلس لانه من زمان ماراح و ماشاف ربعه ..
احمد: السلام عليكم ..
الشباب: وعليكم السلام ..
محمدوه: وينك ياريال ماتبين ..
سيف: وحشتنا ..
احمد: عن العياره اشوف جوالي احترق من زود ماتتصلون ..
سعود: حقك علينا بس بعد احنا ربعك اذا احنا مااتصلنا انت اللي اتصل ..
محمدوه: انزين اخبارك يالغالي علومك ؟؟
احمد: والله تمام الا شلون جسوم و خلود ؟؟
سيف: مساكين يشتغلون في الشركه ليل نهار و مقطعين اعمارهم من الشغل ..
محمدوه: وحليلهم .. الله يسلمك هم شغلهم في الستي ليل نهار فارشين لهم هناك و خامين الستي خم ..
الشباب: ههههههههههههههههههههههههه ههههههه ..
سيف: انزين يالزعيم نبي عزيمه ..
احمد: حاضرين غالي و الطلب رخيص بس شنو المناسبه ؟؟
محمدوه: يعني لازم يكون في مناسبه بس جي ..
احمد: انزين شنو رايكم يوم الخميس انا بحدد المكان ..
الشباب: اوكي ..

على الغدى في بيت بوجاسم ..
هند: يمه يبه ؟؟؟
ام جاسم: هلا ..
هند: ابي اعزم ربعي عندنا يوم الخميس دام انج بتروحين بيت خالتي و انت يبه بتروح الشركه الفليل ..
بوجاسم: انزين عاد انتي اللي بتطبخين ؟؟
هند: ايه بسوي محاشي و فطاير و سويت ..
ام جاسم: انزين بس انتي تعبانه ..
هند: لا فطيم بتساعدني ..
ام جاسم: انزين ..
اتصلت هند في فطيم ..
فطيم: سبحان الله توي كنت باتصل فيج ..
هند: عشان تعرفين انه تفكيرنا مثل بعض ..
فطيم: ها شلونج ؟؟؟
هند: بخير و انتي ؟؟
فطيم: تمام .. ليش انا حاسه انج تبين تقولين شي ..
هند: ايه ابي اعزم الربع يوم الخميس في البيت و ابيج تساعديني ..
فطيم: غالي و الطلب رخيص ..
هند: انزين شنو رايج اتصل في ساره تيي بعد منها نعرفها على الربع و منها تستانس و اطلع نفسها من هالجو اللي عايشته كله دراسه ..
فطيم: اوكي ..
هند: انزين شنو بتلبسين ان شاء الله ؟؟
فطيم: شنو رايج في التنوره السوده القصيره ؟؟
هند: اوكي حلوه ..
فطيم: اخليج الحين عبدالرحمن ماادري شنو يبي ..
هند: باي .. و صكرت و اتصلت في ساره ..
ام فيصل: السلام عليكم ..
هند: وعليكم السلام شلونج خالتي ؟؟
ام فيصل: هلا والله بالطش و الرش و الماي اللي في غرش شلونج يمه ؟؟
هند: هههه انا تمام الحمد لله اكيد لين يتصل عمي تقولين له هالكلام اما منكم لا تفتحون عيونا على اشياء احنا مانعرفها ..
ام فيصل: ايه ايه صح اذا انتوا ماتعرفون هالسوالف منو يعرف ..
هند: يحليلج ياخالتي .. الا وين ساره ؟؟
ام فيصل: لحظه شوي .. ساره سويره ..
ساره: نعم يمه ..
ام فيصل: هند تبيج ..
ساره: الووو ..
هند: هلا بالغاليين ..
ساره: فديت قلبج ادري..
هند: صج خقاقه طالعه على اخوج العود ..
ساره: مو لازم هو اخوي ..
هند: انزين يالغلا انا عازمه ربعي يوم الخميس شنو رايج اتيين منها تتعرفين عليهم و يتعرفون عليج الله يخليج لا ترديني ..
ساره: والله ماادري يوم الخميس بنروح بيت يدتي ..
هند: يوم الجمعه ان شاء الله يلا عاد ..
ساره: انزين عشان خاطرج ..
هند: تسلمين ..
ساره: انزين انا ماابي اكدر خاطرج بس .....
هند: بس شنو ؟؟
ساره: يمكن نروح الاسبوع الياي نخطب الشعشبونه ..
هند: هههههههه انزين ..
ساره: اوكي يالغلا ..
هند: ايه لحظه تعالي البسي التنوره السوده القصيره ..
ساره: اللي انت عندج قميصها برتقالي ..
هند: ايه ..
ساره: اوكي ..
و قعدوا ياخذون علوم بعض و شلون الدراسه معاهم .. >> سوالف بنات <<

في بيت خالة هند نوره ..
كانت خالتها ام علي يايه عندهم و علي و حسن عيال خالتها و مريم و عاشه و خالد و ام خالد كانوا قاعدين و يسولفون ..
حسن: شنو رايكم نروح العديد يوم السبت ..
عاشه: مشكور ياحسن اذا تكرمت و وديتنا ..
خالد: ماعندنا بنات يروحون هالاماكن ..
مريم: يمه قولي له نبي نطلع من زمان مارحنا ..
عاشه: ايه و هند تيي معانا ..
علي: انزين انا بطلع الدراجات و باجهز كل شي ..
مريم: لحظه الدراجات موديلات و انواع شنو عندكم ؟؟
عاشه: احنا نبي نسوق ال 400 ..
خالد: غالي و الطلب رخيص ..
ام علي: الا شلونها هند من زمان مابينت ؟؟
مريم: انا كلمتها امس الحمد لله هي بخير مايات لانه ابوها وداها معاه الشركه تساعده ..
ام خالد: انزين تعالوا العشى ..
عاشه: مانبي .. و راحوا فوق و قعدوا على المسنجر و لقوا هند اون لاين ..
البنــــــــــ((زهر))ــــــ ـــــفسج (( هند )): هلا والله ..
القلــــــــــ((غلا))ــــــ ــــــب (( مريم )): هلا فيج شلونج ؟؟
البنـــــــــــ((زهر))ـــــ ــــــفسج (( هند )): تمام انتي منو ؟؟
القلـــــــــــ((غلا))ـــــ ــــــب (( مريم )): انا مريم ..
البنــــــــــــ((زهر))ــــ ــــــفسج (( هند )): وين عاشه ؟؟
دمـــــــــــــ((الغرام))ــ ــــــوع (( عاشه )): انا قاعده عندها .. انزين سمعي عندنا لج خبر حلو ..
البنـــــــــــــ((زهر))ـــ ــــــفسج (( هند )): شنوووو ؟؟
القلـــــــــــــ((غلا))ـــ ـــــــب (( مريم )): يوم السبت اجهزي العصر بنمر عليج بنروح العديد مع حسن و علي و اخوي خالد ..
البنــــــــــــــ((زهر))ــ ـــــــــفسج (( هند )): صج والله زين بيطلعونا ..
دمـــــــــــــــ((الغرام)) ــــــــــوع (( عاشه )): لا يفوتج بعد دراجات 400 ..
البنــــــــــــــ((زهر))ــ ـــــــــــفسج (( هند )): عاد احنا نعرف خبرج في العزبه الشباب يعلمونا ..
القلـــــــــــــــ((غلا))ـ ــــــــــــب (( مريم )): لا اتذكريني ..
(( نرجع سنتين ورى في العزبه ..
خالد: بنات يلا تعالوا ..
مريم: خالد اخاف اطيح والله يعور شوف يد علوي ..
علي: اصغر عيالج ولا لاعب معاج تيله ..
مريم: انزين تعلمني ..
علي:افففففففففففف منج تعالي .. و ركب هو دراجه و هي دراجه ثانيه و راحوا ..
خالد: هند يلا تعالي ..
هند: انت سواقتك تخرع ..
خالد: والله مابركبج وراي ليش الشيخه عشان ارجع و ماعندي شعر في راسي ..
هند: هههههههههههه لا عاد مو لهالدرجه ..
خالد: انزين انزين .. مشكله اذا الواحد مايعرف نفسه يلا انزين ..
و ركبوا كل واحد دراجه و راحوا ..
حسن: عاشه يلا دورج الحين ..
عاشه: انت عاد بايع عمره اللي يركب معاك ..
حسن: بل بل لهالدرجه اخرع حرام عليج اصلا اخوج و علوي تعلموا مني ..
عاشه: و الشله على تايرين ..
حسن: لا عاد هذي الحركه اخوج اللي يضبطها ..
عاشه: شفت شلون انك ماتعرف شي ..
حسن: عن الكلام الزايد و يلا .. و راحوا ..
عند مريم و علي الامور ماشيه تمام الا شي واحد انه مريم طاحت في الطين >> ذيج الايام كان ينزل مطر و برد <<
علي: ههههههههههههههههههههههههه ه ..
مريم: يالسبال لا تضحك انزين والله حرام عليك انت اللي يبتني هني ولا انا اخاف من هالاماكن ..
علي: والله اللي يبي يتعلم السواقه لازم يروح هالاماكن .. انزين تعالي خلاص خلينا نرجع .. و رجعوا ..
عند خالد و هند كانت اختنا احسن من مايمكن شي عجيب بسرعه تتعلم الدرس و هي الوحيده من البنات اللي تعلمت الحركه اللي تشيل فيها على تايرين ..
خالد: اخخخخخخخ عليج يابنت الخاله والله انج عجيبه قطعتيني ..
هند: ايه شنو على بالك ..
خالد: انزين باعلمج حركه حلوه ..
هند: شنو ؟؟؟
خالد: اقصد انها حركة نذاله شوي عشان تغلبين اللي تتسابقين معاه ..
هند: شنو ؟؟؟؟؟
عند حسن و عاشه عاد هالخوافه كانت رهيبه ..
حسن: انزين تعالي يلا خلينا نرجع انتي اصلا مب مالت هالسوالف انا ندمت اني خذيتج لو الحين ماخذ هند مب احسن ..
عاشه: انزين شنو اسوي والله اخاف و كله طين يععععععععع ..
حسن: امشي ترى بطلعيني من طوري يلا لا بارك الله فيج من بنت ..
عاشه: انزين انزين افففففففففف مايسوى علينا غلطنا ..
حسن فج عينه: ماغلطتي و وصختيني طين من راسي لين ريلي ..
عاشه: انزين انا اعتقد انه في شي اسمه حمام و بانيو في العزبه ..
حسن: انزين انزين .. و راحوا ..
و هم في الطريج لقوا علي و مريم ..
علي: اففففففففففف منكم خوات ماتصلحون في شي ..
حسن: حتى انت بعد يننتك ..
علي: وصختني طين شوف ثوبي ..
حسن: و انا شوف شعري ..
مريم: والله محد قال لكم تودونا ..
علي: احمدي ربج انزين ..
عاشه: وين خالد و هند ؟؟
حسن: لحد الحين ماردوا ..
مريم: وين راحوا ..
علي: الله يسلمج اخوج عنده مكان خاص يتدرب فيه احنا مانعرفه اكيد مودي هند هناك ..
حسن: تراهن انهم بيرجعون و هند تعرف كل الحركات ..
علي: مب اراهن الا ابصم على العشره ..
و رادوا العزبه ..
ام جاسم: وين هند وخالد ؟؟
علي: لحد الحين ماردوا ..
ام جاسم: لا يكون سوا خالد شي في بنتي ..
ام خالد: عاد عاد مو لهالدرجه ..
شوي الا خالد و هند رادين ..
خالد: اشوفكم رديتوا من وقت ..
حسن: ليش خواتك اصلا خلونا نقعد عدل ولا نعلمهم ..
خالد: هههههه انا عن نفسي هند كانت عجيبه ..
علي: اكيد علمتها حركة النذاله ..
خالد: افااااااااا عليك اعجبك ولد الخاله ..
ام علي: انزين الحين انتوا حاشرينا بنعلمهم و بنعلمهم يلا نشوف يابنات شنو تعلمتوا ..
مااقول انه مريم و عاشه مايعرفون امبلى يعرفون بس مب واااااااايد بعد عليهم حركات حلوه اما هند لين شالت على تايرين يدام ام جاسم و خافت عليها امها ..
ام جاسم: هند يمه شوي شوي على عمرج تراج الوحيده ..
هند: شبلاج يمه عادي ..
ام جاسم: لا يمه اخاف عليج اطيحين و تنكسر رقبتج و بعدين خلي خلود ينفعج ..
خالد: لا خالتي علمتها و ماشاء الله بنتج بسرعه تتعلم )) ..

شنو بيصير في العزيمه ؟؟؟
نوره شنو بيصير فيها و ليش بتطلع معصبه ؟؟؟؟
ساره و فطيم و هند بيروحون الشركه مره ثانيه عشان يساعدونه شنو بيصير هناك ؟؟؟

[فيتامين سي]

يوم الخميس يوم العزيمه ..
هند و فطيم ماراحوا المدرسه و ساره ماراحت الجامعه >> غياب جماعي عندهم <<.. وقتها اتصل
احمد ..
هند: الوو ..
احمد: ياهلا بنت العم ..
هند: هلا فيك ..
احمد: اقول سمعت انج اليوم عازمه ربعج ..
هند: ايه ..
احمد: انزين سوي كل شي دبل العشى و السويت عشان انا عازم ربعي في ميلسكم ..
هند: انزين شنو تبون عشى ؟؟؟
احمد يسأل الشباب: شنو تبون عشى ؟؟؟
سيف: مشاوي ..
محمدوه: ذبيحه ..
خليفه: غوزي ..
هند: قول لهم كل واحد ينجب و يحط لسانه في حلجه انا بسوي محاشي و الكيك عليكم ..
احمد: هاااا سمعوا محاشي و الكيك على بوالحلاوه محمدوه ..
محمدوه: غالي و الطلب رخيص ..
هند: فديته محمدوه والله ..
احمد: انزين .. و صكر ..
ساره: شنو ؟؟؟
هند: اخونا احمد عازم ربعه اليوم في ميلسنا و الكيك عليهم ..
فطيم: يعني لازم نسوي كل شي دبل ..
هند: ايه ..
فطيم: انزين انا بروح اتسبح من ريحة الاكل .. و راحت ..
هند: فيصل بيي ولا لا ؟؟
ساره: اكيد بيي انتي عارفه انه مايفوت طباخج ..
هند: انزين روحي تسبحي في حمام الغرفه الثانيه و بعدين بنروح الميلس عشان انظف ..
ساره: اوكي و انت لا تتأخرين .. و راحت ..
وقتها اتصلت نوره حق هند و كان مبين عليها انها متوهقه مب عارفه شنو تلبس >> من زود الملابس اللي في الكبت انقلبت عيونها وصبت حوله من الالوان خخخخخخخخ <<
نوره: هنود الحقيني ..
هند: بسم الله عليج شنو صاير ؟؟
نوره: مااعرف شنو البس ..
هند: مالت عليج انا الحين على بالي شي مهم طلعتي ماتعرفين تلبسين ..
نوره: انزين ممكن تسعفيني الحين ..
هند: انزين شنو البدلات اليديده اللي مالبستيها لحد الحين ؟؟
نوره: عندي تنوره قصيره عنابيه و عليها شك بالذهبي و قمصيها بيج مايل على الذهبي و عليه شك بالعنابي و عندي بنطلون اسود خبرج عليه حركات و رسمات و معاه قميصه ..
هند: لا لبسي التنوره العنابيه احسها بتطلع عليج احلى ..
نوره: انزين باي عشان اخلص ..
هند: باااااايااااااات .. وصكرت ..
ساره كانت لابسه بجامه برمودا اخضر فاتح و
هند كانت لابسه بجامه ورديه و بيضه برمودا و فطيم بجامه زرقه و بيضه بعد برمودا>> كلهم من نفس المحل << خواتنا راحوا ميلس الرياييل اونه بنظفونه ..محمدوه و احمد و خالد و جاسم كانوا داخلين الميلس عشان يركبون الDVD و خواتنا سمعوا صوت شباب و توهقوا و مالقوا غير باب الميلس ينخشون رواه ..
جاسم: يالزعيم ييب ال DVD هني ..
احمد: انزين انزين لعنبوه شوي شوي علي انا مب حمالي انا انسان عنده مشاعر ..
خالد: انزين انا بروح اييب الافلام يا بومشاعر .. و راح ..
هني البنات توهقوا مايعرفون شلون يطلعون من المصيبه اللي حطوا نفسهم فيها جان تتصل هند في محمد..
(( على فكره محمد اخو هند من الرضاعه و هو وحيد امه و ابوه )) ..
محمد: الووو ..
هند: الوو شلونك محمدوه ؟؟
محمد: تمام الحمد لله ..
هند: اقول اخوي الغالي انتوا وينكم الحين ؟؟
محمد: احنا في ميلسكم ليش ؟؟
هند: ممكن تطلعون عشان احنا ورى الباب و توهقنا ..
محمد: انزين افتح الباب ..
هند: والله انا عادي عندي اختك و عادي اتشوفني بس اللي معاي مب عادي ..
محمد: هههههه انزين .. و صكر ..
راحوا السياره عند خالد و البنات طلعوا ..
بعد المغرب فطيم كشخت و كانت لابسه تنوره سوده و عليها رسمات بالوردي لين الركبه و قميص وردي و عليه جاكيت قصير اسود و مرسوم عليه من روى ورده ورديه و البوت لين الركبه مرسوم عليه ورده بالوردي و رسمت عينها بالكحل و حطت غلوس وردي و نزلت تحت لانه عبدالرحمن اتصل فيها ..
عبدالرحمن: قولي حق هند هالكيك من بوالحلاوه ..
فطيم: انزين ..
البنات وصلوا و قعدوا شوي الا هند تنزل و كانت لابسه نفس التنوره السوده بس عليها حركات و رسمات بالبرتقالي و قميص اسود عليه رسمة ال Dragon بالبرتقالي و الابيض و البوت عليه رسمة ال Dragon بعد و رسمت عينها بالكحل و حطت غلوس و ساره كانت حلوه بعد لابسه نفس التنوره بس لون القميص ابيض و رصاصي و عليه رسمات و لمعه يعني حلوه ..
هند: يلا الكل يوقف سندريلا وصلت ..
نوره: تقصدين قندريلا ..
البنات: ههههههههههههههههههههههههه هه ..
سلموا على بعض و قعدوا يسولفون و تعوفوا على ساره و خاصه نوره اللي حبتها واااااااااااااااااايد و خذت رقمها ..
عند الشباب ..
الضحكات كانت عاليه و السوالف و كانوا مركبين ال DVD يعني ماخذين راحتهم ..
خليفه: اقول شباب نبي نروح الشاليه ..
علي ولد خالة هند: افااااااااااا عليك غالي و الطلب رخيص انت بس حدد الوقت و اليوم ..
جاسم: شنو رايكم الاسبوع الياي ؟؟
حسن ولد خالة هند اخو علي: اوكي ..
محمدوه: ترى انا يوعان ..
احمد: ايه مايفكر الا في بطنه ماتشوف كرشتك سابقتك ..
الشباب: ههههههههههههههههههههههه ..
محمدوه: عدااااااااااااااال انت يالضعيف اللي ماقطعنا الحين ..
احمد: كمال اجسام فديتني ..
البنات حطوا عشى للشباب و لهم .. بعد العشى ..
نوره ماكانت على عادتها كانت ماتتكلم وااااااايد و متضايقه من شي ..
نوره: هند وين المطبخ ؟؟
هند: ليش ؟؟
نوره: ابي ماي ..
هند: انا بروح اييب لج ..
نوره: لا انا بروح ..
هند فهمت على نوره و سكتت لانها كانت تبي تكون بروحها .. و راحت نوره المطبخ .. كانت حلوه بالتنوره العنابيه و حاطه مكياج خفيف و حلو و نوره تشبه ساره اخت احمد من روى .. نوره كانت وايد تفكر في احمد مب عارفه ليش هي تفكر فيه بهالطريقه (( يعني معقوله انا احبه لالالالا مااعتقد يمكن اعجاب لالا حتى لو اعجاب بس مب افكر فيه بهالطريقه )) .. احمد كان يبي يشرب ماي فأستئذن من الشباب و راح المطبخ .. شاف بنت واقفه و على باله ساره اخته فراح وراها و مسك شعرها و قعد يلعب فيه لانها كانت فالته و كان يوصل لين نص ظهرها .. و اختنا نوره تصنمت مكانها و مب عارفه شنو تسوي ولا انطقت بكلمه ..
احمد: سويره حياتي لا تزعلين مني على كلام امس و مابي احد يضغط على ولا افكر اني اتزوج اللي ياني من منال حبي الاول مب شويه الحين هي تزوجت و حامل و الله يوفقها انا ماابي احب مره ثانيه اخاف ينكسر قلبي و اتعذب زياده ..
نوره تصنمت في مكانها و انصدمت من الكلام اللي قاله احمد ..
احمد استغرب من هالسكوت الفظيع: ساره شبلاج ؟؟
نوره: ........................... دموعها على خدها مثل الشلال ..
مسكها احمد من كتفها و لفها صوبه و انصدم: نوره ؟؟؟!!!!!!!!
نوره: ليتني ماعرفتك في يوم ولا حبيتك .. و طلعت من المطبخ تركض و مب حاسه بشي غير الكلام اللي قاله احمد ..
حبي الاول
حبي الاول
حبي الاول
نوره و هي طالعه من المطبخ دعمت هند ..
هند مستغربه: نوره شبلاج حبيبتي ليش قاعده تصيحين ؟؟
نوره: ................................ و تشهق من الصايح ..
ساره: نواري ردي علي شبلاج ؟؟
نوره ماسوت لهم سالفه و ركضت فوق و اتصلت في نواف اخوها و قالت له ايي ياخذها .. اما هند و ساره راحوا المطبخ و شافوا احمد واقف مكانه و ماشي ملامح على ويهه الولد كان منصدم ..
ساره: احمد شنو تسوي هني ؟؟
احمد: ................................
هند: احمد شفيها نوره طلعت من المطبخ تصيح هي ماتصيح الا اذا كان شي جايد قول لنا شنو صار و انت ليش هني البنت مقطعه عمرها من الصياح قول ريحنا ..
احمد: اوووووووووووووه ماادري .. و طلع من المطبخ و على طول ركب سيارته و شخط .. محمدوه انتبه عليه و اتصل فيه ..
محمدوه: احمد شفيك ؟؟
احمد: مافي شي ..
محمدوه: عيل طالع من البيت شاخط شنو صار لك ؟؟
احمد: مافيني شي خلاص .. و سد السماعه في ويه محمدوه ..
احمد يقول في خاطره(( انا شلون قلت جي يدامها والله اني حمار احد يقول هالكلام حق ....... افففففففففففف الحين شنو صار فيها لا يكون زعلت .. صج اني غبي اكيد زعلت يالسخيف والله ماكان قصدي ازعلها انزين انا شنو دراني انها نوره مب ساره والله تشبهها .. انزين يالحمار حتى و لو كانت ساره ماكان المفروض تقول هالكلام آآآآآآآآآآآآآآآآآآآآآآآآآ ه والله انا اسف ماكنت ابي اجرح مشاعرج انا اح................... لالالالا اخاف ينكسر قلبي انزين انا اعترف اني اميل لها بس ......... انت شنو قاعد تقول شنو تميل لها انا .......... اوووووووووووه .. انزين لحظه هي قالت ليتني ماعرفتك في يوم ولا حبيتك شنو كانت تقصد يعني هي تحبني مثل ماانا احبها تعبت خلاص تعبت )) .. و راح صوب البحر المكان المعتاد اللي يرد الروح ..
عند البنات ..
هند: انزين قولي لي ليش بتروحين ؟؟
نوره: بس تعبانه و تسلمين حبي على العزيمه والله استانست ..
هند: شنو استانستي و انتي كل الوقت تصيحين ماادري ليش .. انتي بس لو تقولين لي منو مزعلج والله اراويه ..
نوره: ولا شي .. يلا باي اخوي ينطرني ..
هند: انزين على راحتج سلمي على امج ..
نوره: يوصل و انتي بعد .. و راحت ..
بعد ماالبنات راحوا و الشباب بعد راحوا دخلوا شبيبتنا البيت و البنات لبسوا عبيهم و شيلهم ..
علي: شلونج هند ؟؟
هند: تمام الحمد لله و انت ؟؟
حسن: انا تمام الحمد لله ..
هند: رزة الفيس من طبايع ........ و انت كملها ..
حسن: افااااااااااا بنت الخاله انا تيس ..
هند: انت بروحك قلتها ..
الشباب: ههههههههههههههههه ..
محمدوه: تسلمين على العشى يالغاليه تسلم يدج ..
هند: بالعافيه ..
خالد ولد خالتها: انزين اقول لج شنو رايج تسوين لنا عزيمه ثانيه ..
هند: قوم انزين انا اللي تعبانه من العصر و انا في المطبخ .. (( و اطالع محمدوه )) .. و اللي صار لي اليوم في الميلس مب شويه و تبيني اسوي عزيمه ثانيه لا الشيخ انت سووو هالمره و خواتك خلهم يطبخون ..
خالد: ول ول ول كليتيني خلاص خلاص .. و بعدين تعالي مالقيتي الا هالثنتين اللي بيطبخون .. اذا هم مايقدرون يسوون حق عمرهم خبز و جبن بيسوون لي عزيمه ...
حسن: انزين لا تنسين يوم السبت اوكي ..
هند: الساعه 3 انا جاهزه ..
علي: مستعيله ..
راحوا الشباب و راحت ساره مع فيصل و محمدوه قعد عند هند لانها بروحها في البيت و فطيم راحت مع عبدالرحمن و اتفقوا باجر يروحون الشركه مع بوجاسم عشان يساعدونه .. احمد اتصل في محمدوه ..
محمدوه: ياهلا ..
احمد و مبين عليه انه متضايج: وينك ؟؟
محمدوه: عند هند ..
احمد: انزين تعال البحر ابيك تقعد معاي ..
محمدوه: انزين .. و صكر ..
هند: وين بتروح ؟؟
محمدوه: عندي شغل ..
هند: حاسب على عمرك ولا تسرع اعرفك ..
محمدوه: انزين .. و باسها على خدها و طلع ..
مر على الدكان و خذى لهم بيبسي و جلكسي و راح .. لين وصل شاف احمد حاط ويه في كفوفه و قاعد على صخره و هموم الدنيا على راسه >> مسكين حالك يااحمد <<
محمدوه: بلاك اخوي هموم الدنيا على راسك ؟؟
احمد: ..................................
محمدوه: هاك .. و عطاه ..
احمد: هذي اللي كنت احتاجه ..
محمدوه: عشان تعرف اني افكر فيك و اعرف شنو تبي .. شبلاك انزين طلعت من البيت معصب ؟؟
احمد: انا غبي تعرف ..
محمدوه: من زمان مب شي يديد ..
احمد: يالسخيف ..
محمدوه: حد يسب عمره شبلاك شنو سويت في المطبخ ؟؟
احمد: تعرف اني كنت احب ..
محمدوه: انزين ..
احمد: و اللي احبها تزوجها رفيجنا ..
محمدوه: اوكي و بعدين ..
احمد: صج اني غبي مابتصدق اذا قلت لك اليوم اني دشيت المطبخ ............... و قال له السالفه ..
محمدوه: هههههههههههههههههههههه لعبت في شعرها ..
احمد: الحين انا قاعد اشكي لك و انت قاعد تضحك و تقول لعبت في شعرها ..
محمدوه: يعني ماادري شنو اقول لك ..
احمد: قول اي شي تراني تعبت والله تعبت يامحمد ..
محمدوه: انت تحبها ؟؟
احمد: .........................
محمدوه: السكوت علامة الرضا ..
احمد: لاااااااااااا انا اقصد .. تعرف درجات الحب 6 درجات اولها الحب و بعدين الغرام و بعدين ماادري شنو بس السادسه الهيام انا في الدرجه السادسه بس تعرف لين شافتني قالت ليتني ماعرفتك ولا حبيتك في يوم شنو تتوقع معنى هالكلام ..
محمدوه: و الله و طحت طيحه يالعاشق الولهان ..
احمد: آآآآآآآآآآآآآآآآآآه ياقلبي انا اقولك ليش مرة انا وعبدالرحمن وصلناها البيت وتمينا طول الطريج كل واحد يضايق الثاني وقبل ما تطلع قلت لها كلام غزل بس غير مباشر بعد ما طلعت هند وفطيم قالوا انه هي اذا زعلت او تضايق من حد لو يعدمونها ماراح تسامحه تعرف شنو يعني هالكلام يعني انها مستحيل مستحيل تسامحني والكلام اللي قلته ما كان شوي..

نوره من بعد موقفها مع احمد قامت تفكر فيه و بزياده (( اففففففففف مب حاله هذي انزين انا شنو اسوي مااقدر اقول حق قلبي حبه ولا تحبه يالله بس هو كان يحب من قبل شلون ماعرفت و هند ماقالت لي .. امممممممم احبه والله احبه بس اخاف انه هو مايبادلني هالشعور )) و من زود التفكير نامت ..

احمد حاله من حال نوره (( انا ولا بنت يابت راسي غير منال و نوره بس منال الحين في حال سبيلها نوره آآآآآآآآآآآآآآه يانوره والله احبج بس اخاف انج ماتبادلبيني هالشعور اخاف انجرح و ينكسر قلبي مره ثانيه تراني مااتحمل صدمه ثانيه )) و بعد هو من زود التفكير غطت عينه و نام ..

اليوم الثاني في بيت بوعبدالرحمن ..
بوعبدالرحمن: فطيم وين الدخون ؟؟
فطيم: كاهو كاهو يبه .. و قعدت نبخر ابوها و بعدين يا عبدالرحمن و بخرته ..
بوعبدالرحمن: ان شاء الله اشوفج عروس و تبخرين ريلج ..
فطيم خدودها توردت: يبه ..
عبدالرحمن: اونه تستحي ..
فطيم: ايه مب مثلك ماعندي لا حيا ولا مستحى ..
عبدالرحمن: جي فاصخ الحيا انا ..
فطيم: لا لابسه ..
ام عبدالرحمن: يلا انزين بتتاخرون ..
راحوا الشباب ..
ام عبدالرحمن: فطيم شلونها هند من زمان ماشفتها ؟؟
فطيم: بخير ..
ام عبدالرحمن: انزين اليوم بتروحون الشركه ؟؟
فطيم: ايه ..
ام عبدالرحمن: انزين روحي شوفي الغدا ..
فطيم: ان شاء الله .. راحت و هي تتحلطم و امها تضحك عليها ..

في بيت بوجاسم ..
هند كانت راقده .. شوي الا يدخل عليها محمدوه عشان يقومها ..
محمدوه: هند يلا قومي بج رقاد يلا عاد عشان تبخريني ..
هند: امي بتبخرك انا تعبانه ..
محمدوه: يلا عاد بسج رقاد خستي ..
هند: يقولون النوم سلطان و انا تعبانه امس مارقدت والله تعبانه اطلع الله يخليك ..
محمدوه: اكيد مارقدتي من زود التفكير .. انا في خاطري اعرف في شنو انتي تفكرين ..
هند: مابتعرف لو رحت القمر ..
محمدوه: بيي يوم و باعرف فيه يلا عاد قومي ..
هند: انزين يصير خير يلا فارج الحين ابي انام ..
محمدوه: ابوج مطرشني في مهمه و لازم اخلصها ..
هند: اللي هي شنو ؟؟
محمدوه: اني اقومج من النوم يلا عاد ترى تعبت ..
هند: انزين شرايك انت تطلع و انا اقوم ..
محمدوه: جذابه من يومج يلا قومي ..
هند: افاااااااا اخوي انا جذابه ..
محمدوه: لا محشومه يلا قومي ..
هند: افففففففففف منك حنان مادري طالع على منو ..
محمدوه: الجينات تلعب دورها حبيبتي يلا قومي ..
قامت هند بعد ضرب و مضارب مع محمدوه و مابغت تصحى بس اخونا مايخلي الواحد ينام .. تسبحت و لبست جلابيه بيت عنابيه و بيج و رفعت شعرها و نزلت خصل قصيره على ويهها و نزلت تحت ..
بوجاسم: و انا من وين الشمس منوره اليوم ..
هند: فديت قلبك والله ..
بوجاسم: شنو هالجمال و انا على منو طالعه ..
هند: اكيد على امي ..
محمدوه: افاااااااا بوجاسم لا تقول هالكلام بعدين الوالده تغار من فرفور ..
ام جاسم: لا انا اصلا اعرف غلاتي ..
بوجاسم: انتي غير ..
هند: بدينا يلا اثنينكم روحوا المسيد ..
بوجاسم: انزين بخريني ..
هند: من عيني .. و بخرته هو و محمدوه و راحوا اما هند راحت المطبخ تشوف الغدى ..
بعد الغدى اتصلت هند في بيت بوفيصل ..
هند: السلام عليكم ..
فيصل: و عليكم السلام شلونج هند ؟؟
هند: تمام الحمد لله انت شلونك و الجامعه معاك ؟؟
فيصل(( فديت منطوقج والله )): تمام الحمد لله ..
هند: ممكن اكلم ساره ..
فيصل: دقايق .. ساره سارووووووووووووووووووووه ..
ساره: انت كله تصرخ افففففففف منك نعم شنو تبي ؟؟
فيصل: تلفون ..
ساره: هات .. الوو ..
هند: اخبارج ؟؟
ساره: تمام الحمد لله و انتي ؟؟
هند: مانشكي باس .. انزين لا تنسين اليوم بعد المغرب بنروح الشركه ..
ساره: زين ذكرتيني ..
هند: انزين احمدوه متى امس رجع ؟؟
ساره: 3 الفجر ..
هند: انزين ماقال لج شي عن امس و ليش هو اصلا طلع معصب من المطبخ الحمد لله انه ماكفخنا ..
ساره: و الله ماادري ليش ماقال لي كان معصب و على طول راح غرفته و رقع الباب بعد تبين الصراحه خفت اروح له و يرتكب فيني جريمه ..
هند: بس انا اللي مستغربه منه ليش نوره طلعت من المطبخ تصيح هي عمرها ماتصيح الا على شي جايد ..
ساره: ماقالت لج ليش ؟؟
هند: لا ..
ساره: انا بحاول اشوف احمد شنو فيه ..
و قعدوا يسولفون ساعه ...

بعد المغرب ..
بوجاسم مر على فطيم و ساره و راحوا البنات الشركه و بعدين اتصل في جاسم و خالد عشان يساعدون البنات دام انهم تعودوا عليهم .. و بعدين عادي هذي اختهم و فطيم و ساره بنات عمهم و عمتهم ..
هند و ساره و فطيم و بوجاسم قاعدين في المكتب و يسولفون ..
ساره: عمي في منظره ابي اعدل شيلتي ..
بوجاسم: في الحمام (( كرمكم الله )) في منظره ..
ساره: لا اخاف اروح بروحي الفليل ..
بوجاسم: ههههههههه انزين في عند المدخل ذاك الصوب ..
ساره: انزين .. و راحت ..
في نفس الوقت جاسم و خالد كانوا داخلين الشركه ..
خالد: انت روح انا بعدل غترتي ..
جاسم: محد بيطالعك ..
خالد: جب انزين و روح .. و راح جاسم ..
اختنا ساره واقفه يدام المنظره و فصخت الشيله على اساس انه مافي احد و شعرها كان يوصل لين كتفها و مدرج و قاعده و تغني (( لحن المفارق )) و طربانه عاد صوتها ماشاء الله حلو و مندمجه مع الاغنيه >> يعني لو يا حرامي و سرق اثاث الشركه كلها هي مابتحس لانها طربانه و مندمجه ههههههههه << اما خالد راح عند المنظره اللي واقفه عندها ساره و اول ماوصل انصدم و تم مده قاعد يطالعها (( ماشاء الله عليها حلوه بس منو هذي اكيد ويه يديد في الشركه لالالالالا لحظه هذي بنت عمي ناصر ساره شنو تسوي هني )) اما ساره رفعت راسها و لحد الحين تغني لا و مقطع (( يوم اكشفت عن مفاتنها و ضميتها )) و انصدمت هي الثانيه شافت شي ابيض واقف ارفعت راسها زياده و شافت ولد حلو واقف يدامها جان تشهق ذيج الشهقه اللي مابعدها شهقه ..
خالد نزل راسه: السموحه .. (( بعد شنو؟؟ )) و راح المكتب ..
ساره تقول في خاطرها (( منو هذي لا يكون اللي يشتغلون عند عمي في الشركه والله فشله شنو هذي لا و انا الحبيبه قاعده اغني و مندمجه و اي مقطع افففففففف شنو هالحاله ليش انا اللي دايما انحط في هالمواقف .. اووووه مشيها يابنيه )) و لبست شيلتها و راحت المكتب ..
خالد من دخل المكتب سلم و تم ساكت مايتكلم و جاسم مستغرب منه (( شنو سالفته هذي ساكت ماينطق العاده انه يتكلم مايسكت )) .. شوي الا ساره دخلت و انصدمت لين شافت خالد قاعد (( لالالا و الف لا شنو هذي الحاله لا يكون بيقعد هني و بيساعدنا والله فشله الحين شنو بيقول عني ماتستحي )) و تمت ساكته هي بعد ..
بوجاسم: جاسم خالد اعرفكم على ارنوب بنت اخوي اقصد ساره ..
(( على فكره انتوا تعرفون من قبل انه بوجاسم يسمي هند فرفور و فطيم بطه و الحين ساره ارنوب ))
طبعا ساره ماانتبهت على الكلمه ..
جاسم+خالد: ههههههههههههههههه ..
ساره تلتفت على بوجاسم و تخصرت: نعـــــــــــــــــــــــ ـــــــــــــــــــــــــ ــــــــم انا ارنوب ليش شيخ محمد شايف عندي ضرسين على برع ولا قاعده اناقز و اكل جزر ..
بوجاسم: طلعت الوحشه ..
خالد منصدم (( ول ول ول لسانها اطول منها بل عليها شيخ محمد بعد مو كأنه عمها بس والله حلوه لين تعصب )) ..
خالد: شوي شوي لا ينطر لج عرج ..
هني التفتت ساره على خالد و سكتت ..
ساره في خاطرها (( والله عليه لسان يسكت الواحد عنبوه توني متفشله يدامه في الممر و الحين في المكتب والله حلوه شنو بيقول عني الحين )) ..
بوجاسم: ماعلينا ارنوب سمعوني الحين انا ابيكم تبدون شغل جاسم و فطيم انتوا رحوا المكتب اللي مقابل مكتبي و هند انتي تمي عندي و ساره و خالد روحوا المكتب اللي هناك ..
خالد: انزين يلا ياارنوب .. و راح ..
ساره (( افففففففففففف الحين كله بيقعد يناديني بهالاسم والله حاله والله لا اطلع عليك لقب بس صبر علي بتشوف مب انا ساره بنت ناصر اللي ينادوني بهالاسم )) و راحت وراه ..
جاسم: هند ..
هند بكل عفويه: نعم ..
جاسم: ممكن تييبين لنا عصير المكتب شكلها بنت عمتج بتنشف ريجي اليوم ..
هند: ههههههههه انزين ..
فطيم: ليش الشيخ انا شنو اسوي فيك عشان انشف ريجك ..
جاسم: ماادري والله .. و راحوا ..
في المكتب عند جاسم و فطيم ..
جاسم: وين الملفات اللي عليهم علامه بالاحمر ؟؟
فطيم: كاهم هناك ..
جاسم: انزين ييبيهم ..
فطيم: ليش انا الشيخ انت روح ييبيهم ..
جاسم: افففففف منج مب رايح انتي ييبيهم ..
فطيم: انزين .. و راحت ..
شوي الا فطيم و جاسم راجعين من المكتب ..
جاسم: افففففففففففففففففففففففف فف منج مزعجه الحين في احد يخاف من نمله ..
فطيم: ايه انا ..
جاسم: انزين مابتاكلج و حتى لو كلتج بتقعد مليون سنه عليج و مابتخلصج لو عنكبوت قلنا عادي تخافين بس نمله الصراحه طحتي من عيني ..
فطيم: اللي يقول انت الحين اللي معلق في عيني ..
بوجاسم: شبلاكم ؟؟؟؟
جاسم: هذي بطه على قولتك وهي تنزل الملفات طلعت نمله ميته جان تقوم اختنا و تخذف الملفات في صوب و هي راحت الصوب الثاني عشان النمله ماتاكلها و كلمة ميته حطي تحتها ألف خط ..
الكل: ههههههههههههههههههههههههه هه ..
هند: اصلا بطه عندها حساسيه من الحشرات ..
جاسم يتطنز: و انا عندي حساسيه من الخوف ..
فطيم: شوف لا تتطنز لا استلمك الحين ..
جاسم: خرعتيني ..
بوجاسم: بتشتغلون ولا شلون معاكم ..
هند: انزين في ملفات مالت اليوم وين اوديها ..
بوجاسم: لا لا سمعوا اليوم ابي بطه و جاسم يشتغلون على الملفات و خالد و ساره ينظفون المكتب ..
خالد: شنووو ؟؟؟
ساره: ليش احنا اللي انظف ؟؟
خالد: طلعت الوحشه ..
هند: والله اذا مب عاجبكم طقوا راسكم في الطوفه انا قاعده ارتب اللاغراض اللي هني و فطيم و جاسم مشغولين ..
خالد: انزين خلاص يلا ارنوب ..
ساره: اففففففففففف لا تناديني ارنوب ..
خالد: يليق عليج الاسم بس ماناقصج الا اسنان و انا بروح اخذ لج جزر شنو رايج ؟؟
ساره: خله حقق ماابيه .. و راحت ..
بوجاسم: هههههههه حرام عليك والله ..
خالد: حلو شكلها لين تعصب و تفقد اعصابها والله شي ..
هند: من يومك شرير ..
راح خالد ..
خالد: تبين مساعده ؟؟
ساره: .......................... >> بروحها منبطه جبدها منه و الحين قاعد يتمصخر ياك الموت ياتارك الصلاه <<
خالد: خلاص ماتبين مساعده انا باطلع ..
ساره: روح الله معاك ..
خالد في خاطره(( لاااااااا شكلها زعلت حرام انا ليش قلت جي والله مايهون علي تزعل ))
خالد: ساره انا اسف ..
ساره بدون ماتلتفت عليه و ابتسامه على ويهها: ........................... >> صبر علي شوي الا ماخليتك تتترجاني مااكون ساره <<
خالد: ساره خلاص عاد والله مايهون علي اطلع من الشركه و انتي زعلانه والله ماانام الفليل حرام عليج ..
ساره: ....................... >> صبر علي ان ماخليتك تسهر ليالي و ماتنام <<
خالد: اوووووووه يلا عاد ..
ساره: ......................... و طلعت من المكتب ..
خالد: اففففففففففف شنو هالحاله والله حماره خلاص عاد ارضى علي ..
ساره: عمي خلصنا الشغل ..
بوجاسم: انزين عيل ها شباب خلصتوا ؟؟
جاسم: ايه ..
خالد بدون نفس: ايه ..
بوجاسم: انزين عيل احنا بنروح و الاسبوع الياي بنكمل ..
الكل: اوكي ..
راحوا الشباب عند ربعهم و البنات راحوا بيت اليده مع بوجاسم ..
اليده: ياهلا ياهلا ببناتي الغرشوبات ..
هند: غرشوبات طالعين عليج انتي الجمال كله ..
اليده: فديت روحج بنت محمد شلونج يمه ؟؟
هند: انا بخير اذا انتي بخير ..
ساره: افاااااااااااا ياام محمد يات هند طاح كرتنا ..
اليده: لا وين انتوا كلكم غاليين على قلبي ..
مايد: حتى انا ..
اليده: انت اسأل عن يدتك اول و بعدين تعال تكلم ..
احمد: خخخخخخخخخخ فشلوه ..
اليده: و انت يالسبال الثاني والله اعتقد انه في اختراع اسمه تلفون و تقدر تتصل فيني ..
احمد: شنو اسوي يالغاليه والله الجامعه متعبتني ..
اليده: عن العياره بس والله فديت فيصل اللي يسال عني دايما ..
فيصل: و انا اقدر اقطع اللي ربتني و سوتني ريال ..
بوفيصل: انزين بنات ان شاء الله استانستوا هناك ..
فطيم: اي وناسه خالي كله شغل ..
هند: و شوي تطنز ..
ساره: على عبط ..
بوجاسم: و تصير ليلتنا حلوه ..
بومها: انزين اخبار الدراسه معاكم ؟؟
الكل: تمام ..
شوي الا يرن جوال هند و المتصله مريم بنت خالتها ..
هند: السلام عليكم ..
مريم: وعليكم السلام شلونج هند ؟؟
هند: تمام الحمد لله و انتي شلونج و عاشه ؟؟
مريم: الكل بخير الحمد لله انزين الشباب قالوا لج عن باجر ..
هند: ايه ..
مريم: انزين ييبي معاج الكيمره ..
هند: افااااااااااااا عليج الكيمره قبلي ..
مريم: هههههههههههههه انزين عيل انا بصكر ..
هند: اوكي باي .. و صكرت ..

شنو بيصير في العديد مع البنات و الشباب ؟؟؟
منو بيغلب الثاني ؟؟؟
لين فيصل بيخطب غاليه شنو بيصير ؟؟؟

[فيتامين سي]

اليوم الثاني .. السبت ..
حسن و خالد و علي و عاشه و مريم عيال خالات هند مروا عليها عشان يروحون (( العديد )) ..
بوجاسم: هالله هالله في بنتي تراها وحيدتي ..
حسن: لا توصي حريص بس بنرجعها بدون ريل و كدمات على الويه لا تخاف ..
بوجاسم: اذا جي يلا مع السلامه بدون هند ..
مريم: لالالالالالالا خلاص بنحافظ عليها ..
ام جاسم: اكيد نوره اختي قال هالله هالله في اعماركم ..
عاشه:لا والله قالت و هي تصرخ لا تتأخرون ..
الكل: ههههههههههههههههههههههههه هههه ..
في الدرب حسن و علي قاعدين يدام و خالد و عاشه و مريم و هند قاعدين ورى و السوالف و الضحك ماليه المكان و يتطنزون على فلان و يحشون في علان يعني الحياه حلوه ..
علي: يلا انا اتحداكم كلكم في سباق ..
البنات يطالعون بعض بخبث: انزين ..
خالد استغرب: شنو هالنظره الشريره اللي في عيونكم ..
هند: مب علي قال انه بيتسابق معانا ..
عاشه: و احنا قبلنا التحدي ..
حسن: شنو يدور في بالكم اكيد بتسوون شي بنات خالاتي و اعرفكم وراكم شي شنو هو ؟؟
مريم ببراءه: احنا لا حرام عليك ماورانا شي ..
خالد: عاشه اشوف هالكيس في يدج من طلعنا من البيت شنو داخله ..
عاشه: الله بلاني بأخو ملقوف و عيال خاله مادري شنو اقول .. لين نوصل بتشوف شنو في الكيس ..
علي: يعني تحدي بين شباب و بنات ..
هند: ايه و الكيمره جاهزه ..
حسن: انزين ..
شوي الا يتصل فيصل في علي .. >> فيصل و احمد و عبدالرحمن عيال اعمام هند هم ربع عيال خالات هند و وايد مع بعض... ماادي شلون فيصل عرف انه احنا بنروح العديد اكيد ساره قالت له الله يستر ليش متصل <<
علي: ياهلا فيصل ..
فيصل: شلونك علي ؟؟
علي: تمام الحمد لله و من صوبك ؟؟
فيصل: تمام الحمد لله اقول انتوا رايحين العديد ..
علي: ايه ..
فيصل: نصيحه مني لا تتسابق مع هند ..
علي استغرب: ليش انزين شنو السالفه ؟؟
فيصل: الله يسلمك رحنا المزرعه ذاك اليوم و هند قالت حق احمد اخوي يعلمها بعض الحركات و يدربها على السواقه و تبي الصج خطيره هالبنت ..
علي: و انا اقول ليش طالعتني بهالنظره الشريره لين قلت لها بتسابق معاج ..
فيصل: انا حذرتك لانها بتهزمك شر هزيمه و البنت ناويه على شر ..
علي: ول ول كل هذي طلع فيها ..
فيصل: بنت عمي و اعرفها ..
علي: زين حذرتني ..
فيصل: اخاف ترجع بعاهه مستديمه ..
علي: لا تخاف علي ..
فيصل: اوكي بس هااااااا صوروا نبي نشوف ..
علي: انزين .. و صكر ..
حسن: منو ؟؟
علي: هذي فيصل ..
هند: فيصل شنو يبي ؟؟
علي: يحذرني منج ..
هند: ليش ان شاء الله ؟؟
علي: انتي شنو وراج اليوم ابي اعرف فيصل قال لي انج ناويه على شر و اعتقد انه البنات مشتركين معاج ..
مريم: خلونا نوصل و بعدين بتشوفون ..
خالد: اقول علوي نزلني انا برجع البيت مشي ..
الكل: ههههههههههههههههههههههههه ههههه ..
وصلوا الجماعه و المكان كان تقريبا فاضي يعني يقدرون ياخذون راحتهم نزلوا الشباب و نزلوا الدراجات و لين رفعوا راسهم انصدموا ..
حسن: خوفو و خفرع و منقرع واقفين يدامنا .. >> اسماء اهرام اعتقد والله ماادري <<
خالد: و انا ادور غترتي (( شماغ )) اليوم بس مالقيتهم و هزبت هالخدامه المسكينه ..
كانوا البنات لابسين عبايات ثوب يعني مصكره و نظارات شمسيه لون اسود و بعدين تدرج الرصاصي و شماغ و متلثمات كان شكلهم رهييييييييييييييييييييب >> ارهابيات كان شكلنا << ..
هند: انا ابي الدراجه البرتقاليه ..
علي: هذي اصلا مالتج خذيها ..
مريم: و انا ابي الصفره ..
حسن: هاج مالقيتي الا تختارين هاللون ..
عاشه: و انا ابي الزرقه ..
خالد: هاج يالارهابيه ..
علي: يلا بنات منو بيتسابق اول ..
مريم: انا ..
استعدوا علي و مريم ..
حسن: 1 .. 2 .. 3 .. انجلعوا اووووه اقصد انطلقوا ..
علي: ماتقدرين تغلبيني ..
مريم: انزين حاسب يدامك ..
علي ضرب بريك على باله في شي يدامه و مريم اللي فازت ..>> صج نذاله <<
حسن: اخخخخخخخخ من اختك تعرف اجذب ..
خالد: طالعه على ولد خالتها ..
حسن: شنو اسوي كله اقول حق علوي الجذب حرام يروح يزيد ..
عاشه: مشكله اذا الواحد مايعرف نفسه ..
مريم: تبي مصاصه علي ..
علي: جب .. يلا عاشه ..
عاشه: لا مااقدر ..
خالد: ليش ؟؟
عاشه: اخاف اغلبه و يصيح و بعدين ابتلش مااقدر اسكته ..
علي: ها ها ها ها سخيييييييييفه ماابي اتسابق معاج انزين .. انتي يالارهابيه العوده تعالي يلا ..
هند: منو انا ؟؟
علي: لا يدي العود اكيد انتي يلا تراكم نرفزتوني ..
مريم: متنرفز لانك خسران ..
هند: اقول علي شنو رايك على الطعس >> اعتقد جي يسمونه <<
علي: مابتقدرين ..
هند: جربني ..
حسن: اففففففف هذي شكلها ناويه على عمرها ..
هند: تحلم ..
خالد: انزين يلا نشوف ..
هند: بس على الطعس العود ..
حسن: مينونه هذي ..
خالد: انزين روحي و اذا صار فيج شي بوديج المستشفى ..
علي: و انا باقعد اتطنز ..
هند: تقصد بتقعد تتطنز على عمرك ..
حسن: بدوا اليهال يتهاوشون يلا عاد ..
بدوا علي و هند السباق و كان اول شي علي الغالب .. ركبوا لى الطعس و مره وحده هند اختفت ..
علي: هذي وين راحت لا يكون غرزت .. جايز بنت و ماتعرف تسوق والله حاله خلني اروح لهم و افوز عليها ابرك لي ..
و توه بيروح الا هند تطلع في ويهه ..
علي متخرع: بسم الله الرحمن الرحيم انتي من وين طلعتي ؟؟
هند: ليش على بالك غرزت لا الشيخ انا هند .. و مشت عنه ..
علي: والله اراويج .. و راح وراها ..
السباق كان حامي بينهم كل واحد منهم يبي يغلب الثاني ..
حسن: هذي من وين طلعت ؟؟
خالد: ايه والله توها كانت مختفيه ..
مريم: ساحره تصدقون ..
حسن: طالعه عليج ..
عاشه: ههههههههههههههه ..
خالد: لا صج وين راحت ؟؟
هند: اووووووووووووووووووووووو فزت عليه ..
علي: انتي وين اختفيتي ؟؟
هند: نزلت تحت ..
علي: والله انج ينيه ..
مريم: انزين احنا بنروح بروحنا ..
عاشه: متى نجتمع ؟؟
حسن: بعد ساعتين ..
راحوا البنات و الشباب راحوا عند ربعهم لانهم لقوهم بالصدفه موجودين هني .. اما البنات فقاموا يدورون و الحياه حلوه ..
عاشه: هند وين الكيمره ؟؟
هند: هاج ..
مريم: ليش ؟؟
عاشه: شوفي هناك في استعراض بصور ..
هند: انزين بس قربي الصوره ابيها تكون واضحه ..
عاشه: انتي الحين تكلمين مع احسن مصوره في البيت ..
مريم: ايه صح ..

في بيت بوعبدالرحمن ..
فطيم كانت قاعده تكلم نوره على المسن >> بنات ماعندهم شغله <<
جـــــــــ((ألم))ــــــــــ روحي (( فطيم )): هلا والله بالحلوه ..
اسيـــــــ((الصمت))ـــــــر ة (( نوره )): اهلين اخبارج ؟؟
جـــــــــ((ألم))ــــــــــ روحي: والله تمام و انتي ؟؟
اسيــــــــ((الصمت))ـــــــ رة: انا بخير .. الا هند وينها مااشوفها ؟؟
جـــــــــ((ألم))ـــــــــر وحي: الله يسلمج رايحه مع عيال خالاتها العديد ..
اسيــــــــ((الصمت))ـــــــ رة: ياحيها والله من زمان مارحنا خاطري اروح بس اخوي يقول لا كله شباب ..
جـــــــــ((ألم))ـــــــــر وحي: يعني مثلا بيغازلج واحد من هالشباب الا الولد في حاله و متعبل في دراجته بس اهم شي انه هند ودت معاها الكيمره ..
اسيـــــــــ((الصمت))ــــــ ـــرة: لا تنسونا في الشريط ..
جــــــــــ((ألم))ـــــــــ روحي: افاااااااااا عليج كله ولا نوره ..
اسيــــــــــ((الصمت))ـــــ ـــرة: فطيم صبري شوي في احد ضايفني بشوف منو و برد عليج ..
@hotmail.com..........: هلا والله السلام عليكم...
اسيــــــــ((الصمت))ـــــــ رة: وعليكم السلام ..
@hotmail.com.........: ممكن نتعرف الاخت بكون صريح معاج من البدايه انا و لد وحاب اتعرف عليج الايميل مالج جذبني و الصراحه خاطري اتعرف عليج و نكون ربع شنو رايج ؟؟
اسيــــــــ((الصمت))ـــــــ رة: تعرف شلون نجوم السما اقرب لك و لوسمحت ممكن تصكني بلوك و دليت ولا تعرف شلون انا بصكك .. و طلعت من المحادثه و صكته بلوك و دليت على طول و رجعت حق فطيم ..
نرجع لورى شوي بالنسبه لفطيم كانت تكلم احمد على المسن >> اخونا ماعنده شغل و دخل يبي يدردش مع احد <<
القلــــــــ((الجريح))ـــــ ـــــب (( احمد )): هلا وغلا بالهويه الصبوح شحالج بنت العمه ؟؟
جــــــــــ((ألم))ـــــــــ ـــروحي: هلا فيك ولد الخال انا تمام الحمد لله و انت الشيخ ؟؟
القلــــــــ((الجريح))ـــــ ـــــب: والله تمام وينها طبجتج ماشوفها اون لاين ؟؟
جــــــــــ((ألم))ـــــــــ ـــروحي: والله طبجتي الله يسلمك رايحه العديد مع عيال خالاتها ..
القلــــــــ((الجريح))ـــــ ـــــب: الله ياحيها والله من زمان مارحنا صح ؟؟
جــــــــــ((ألم))ـــــــــ ـــروحي: ايه والله توها رفيجتي تقول نفس الكلام ..
القلـــــــ((الجريح))ــــــ ـــب: منو اي وحده من ربعج ؟؟
جـــــــــ((ألم))ــــــــــ ـــروحي: مالك خص وحده من ربعي انا و هند ..
القلـــــــ((الجريح))ــــــ ــــب: انزين مالت عليج يالسباله اخليج الحين كاهم ربعي اون لاين باي .. و طلع من
المحادثه ..
القلـــــــ((الجريح))ــــــ ــــب ((احمد)): مالت عليكم من ربع ماتسألون عن رفيجكم اذا حي ولا ميت تفووووووو عليكم ..
العــــــــ((الولهان))ـــــ ــاشق ((خالد)): افاااااااااااااا تفوووو علينا احنا والله حرام عليك ..
رمــــــــــ((الحب))ـــــــ ـــاد ((جاسم)): احمد احنا نسأل عنك و بعدين تعال اذا مت بعيد الشر عنك بعد عمر طويل ان شاء الله بنسمع خبر وفاتك في الجرايد ..
القلــــــــ((الجريح))ـــــ ـــــب: افاااااااا انا رخيص عندكم لهالدرجه والله ماهقيتها ..
العــــــــ((الولهان))ـــــ ـــاشق: لا غالي حبيبي نتغشمر معاك يلا عاد لا تزعل يانونو ..
رمــــــــ((الحب))ـــــــــ ـــاد: تبي مصاصه عندي ..
القلـــــــــ((الجريح))ــــ ــــــــب: عندك مصاصه ليش الشيخ تمصها و انت راقد ولا اخوك يقعد عندك و يحطها في حلجك و يرقدك الصراحه مااستغرب هالشي منكم دام انكم توأم كل شي جايز ..
العـــــــــ((الولهان))ــــ ــــــاشق: ههههههههههههه اتخيل شكله والله حلو ..
رمــــــــــ((الحب))ـــــــ ـــــاد: انزين انزين بلا سخافه .. الحين متى بنروح الشاليه ؟؟
القلــــــــــ((الجريح))ـــ ـــــــــب: يوم الخميس ان شاء الله ..
رمــــــــ((الحب))ـــــــــ ـــــاد: حسن و علي و خالد اللي عازمينا صح ؟؟؟
القلــــــــــ((الجريح))ـــ ـــــــــب: اكيد لانه الشاليه مالهم يعني مال العيله ..
رمــــــــــ((الحب))ـــــــ ـــــاد: الحين هم وين ؟؟
القلـــــــــ((الجريح))ــــ ـــــــــب: في العديد ..
العـــــــــ((الولهان))ــــ ــــــــاشق: والله خونه يروحون بدونا ..
القلـــــــــ((الجريح))ــــ ـــــــــب: لا مودين الاهل ..
شوي الا يدخل فيصل المحادثه ..
اسيـــــــ((الحب))ـــــــــ ر ((فيصل)): السلام عليكم بالشله الفاسده ..
رمــــــــ((الحب))ـــــــــ ــــاد: وعليكم السلام بالمهلي شلونك ياخي ماتبين وينك ؟؟
اسيــــــــ((الحب))ــــــــ ر: مشغول شوي و انت بعد عارف الجامعه و الدراسه يعني لازم نكرف شنو نسوي بعد مايسوي علينا ..
العـــــــــ((الولهان))ــــ ـــــاشق: اشوف بديت تدري و تصير شاطر يحليلك ..
القلـــــــــ((الجريح))ــــ ــــــب: حدك عاد على اخوي ماارضى عليه فديت قلبه ..
و قعدوا فطيم و نوره يسولفون و الشباب يسولفون ..

نرجع حق ربعنا اللي في العديد ..
كانت الشله مستانسه وااااااااااااايد على الساعه 5 قعدوا في السياره عشان يستريحون ..
حسن: هاااا بنات ان شاء الله استانستوا ؟؟
البنات: ايه مشكورين ..
علي: انزين في ماي ورى انا عطشان ..
هند: هاك .. و عطته ..
خالد: يلا نرجع ..
ركبوا الدراجات و راحوا .. و هم في الطريج اتصل فيهم احمد ..
حسن: هلا بالزعيم ..
احمد: هلا فيك اخباركم شباب ؟؟
حسن: تمام الحمد لله و انتوا ؟؟
احمد: بخير .. الا اقول طلعتوا من العديد ؟؟
حسن: ايه في الدرب الحين ..
احمد: ان شاء الله صورتوا ؟؟
حسن: اكيد ..
احمد: هند شنو سوت اكيد سواد ويه ..
حسن: لا افاااااااا عليك غلبت علي ..
احمد: اففففففففف خطيره بنت عمي انزين الشباب يسألون متى بنروح الشاليه ؟؟
حسن: يوم الخميس ان شاء الله شنو رايكم انتوا اكتبوا اللي تبونه في ورقه و عطونا اياها عشان انييب الاغراض اوكي ..
احمد: انزين .. و صكر ..
وصلوا الشباب هند البيت و نزلوا عشان يوصلون الامانه ..
بوجاسم: هلا شباب ان شاء الله استانستوا ؟؟
علي بدون نفس: ايه واااااااااااااااايد ..
بوجاسم: شنو فيك ؟؟
حسن: ولا شي بس غلبته هند في السباق ..
علي: بوجاسم بنتك ينيه كنا نمشي مع بعض فجأه اختفت و توني بارجع حقهم عشان افوز عليها طلعت في ويهي ماادري من وين ..
خالد: اهم شي انه ثنتين غلبوك اليوم ..
ام جاسم: منو ؟؟
علي: مريوم ..
مريم: ياخي قلت لك اللعب فوز و خساره وااااااااااااااااو انا فزت ..
الكل: ههههههههههههههههههههههه ..
علي: انزين انزين انا اراويج في السياره ..
خالد: اخوها موجود ..
علي: اللي يقول بعطيك ويه انت الثاني ..
بوجاسم: اهم شي استانستوا و خلاص ..
الكل: ايه ..
حسن: المره اليايه ان تكون معانا بوجاسم و انتي خالتي عشان اركبج وراي .
ام جاسم: ليش الشيخ عشان ماارجع حق ريلي ..
بعد ماراحوا الشباب راحت هند فوق و تسبحت و بعدين قعدت على المسن و لقت فطيم و نوره اون لاين و احمد و فيصل بعد .. >> كشخه الكل كان موجود <<
البنـــــــ((زهر))ــــــــف سج ((هند)): ولكموووووووووو ..
اسيـــــــ((الصمت))ــــــرة ((نوره)): هلا فيج يالغاليه شلونج ؟؟
البنــــــــ((زهر))ـــــــف سج: تمام الحمد لله ..
جـــــــــــ((ألم))ــــــــ روحي ((فطيم): هلا يالغلا كله شلونج ان شاء الله استانستوا ؟؟
البنـــــــ((زهر))ـــــــــ فسج: افاااااااااا عليج اكيد استانسنا و صورت بعد ..
اسيـــــــ((الصمت))ــــــــ ـرة: شنو سويتوا هناك ؟؟
البنـــــــ((زهر))ـــــــــ فسج: غلبت ولد خالتي و طبعا عصب زين ماذبحني و الشباب يضحكون عليه بنت غلبته ولا يفوتج شنو صار في عاشه بنت خالتي ..
فطيم+نوره: شنوووووووو ؟؟
البنــــــــ((زهر))ــــــــ ـفسج: رحنا بعيد عن الشباب عشان نصور الاستعراضات هي راحت شوي قريب عشان تاخذ صوره حلوه المهم رجعت و هي معصبه قلنا لها شنو سالفتج قالت كنت قاعده اصور ولا ايي واحد حمار جلب خمس علي و الحين عيوني تعورني من الرمل وعيونها صارت حمره الا ايي الولد مره ثانيه يبي يسوي نفس الحركه جان تقوم هي و تسوي له نفس الحركه بس بزياده حتى انه الولد صارت عيونه حمره قاموا ربعه و حطوا له كمادات بارده عشان يشوف بس شنو كانت محتره عليه .. و بس تقريبا هذي اللي صار لنا ..
فطيم+نوره: ههههههههههههههههههههههههه ..
جـــــــ((ألم))ــــــــــرو حي: انزين وين الفيديو ابي اشوفه ..
البنـــــــ((زهر))ــــــــف سج: لا صبري بعدله و بضبطه و بييبه لكم انزين ..
شوي الا يدخل احمد على هند و كان مسوي انفايت مع فيصل ..
القلـــــــ((الجريح))ــــــ ـب ((احمد)): هلا والله بالشيخه هند ..
البنـــــــ((زهر))ــــــــف سج: هلا فيك ولد العم ..
اسيــــــــ((الحب))ــــــــ ــر ((فيصل)): و انا مالي رب يعني مو كأني ولد عمج ..
البنـــــــ((زهر))ـــــــــ ـــفسج: هلا فيك فيصل اخبارك ؟؟
اسيــــــــ((الحب))ــــــــ ـر: تمام الحمد لله هاااااااا شنو سويتوا هناك ؟؟
القلـــــــ((الجريح))ــــــ ــب: اهم شي صورتوا ؟؟
البنــــــــ((زهر))ــــــــ ــفسج: اكيد صورت عيل حسبالك بفوت علي هالطلعه الحلوه ..
جـــــــــ((ألم))ــــــــــ روحي ((فطيم)): هلا و غلا بالحلوين ..
اسيــــــــ((الحب))ــــــــ ــــر: هلا فيج بنت العمه ..
القلــــــــــ((الجريح))ـــ ــــــب: يعني لازم اسلم افففففف توني مكلمج ..
جـــــــ((ألم))ـــــــــروح ي: ماابي اكلمك افففففففف اقول هند متى بتسوين الشريط يلا عاد والله نبي نشوف ..
البنـــــــ((زهر))ـــــــــ فسج: الحين باطلع و بضبطه باي شباب .. و طلعت ..
نزلت هند عند امها و ابوها ..
هند: هلا بالحلوين ..
بوجاسم: هلا فيج يالغاليه ..
ام جاسم: هلا حبيبتي ..
بوجاسم: حبي ممكن تسوين لي كيك يوعان ..
هند: ان شاء الله .. و راحت المطبخ ..
و هي تسوي كيك الا ايي محمدوه ينغزها من خصرها ..
هند متخرعه: بسم الله خرعتني يالسبال ..
محمدوه: افااااااااا انا سبال .. انزين يالغلا شنو قاعده تسوين ؟؟
هند: كيك ابوي يبي ..
محمدوه: انزين كيك شنو عاد ؟؟
هند: كيك برتقال .. اقول محمدوه ابي اسألك سؤال ..
محمدوه: شنو ؟؟
هند: يوم العزيمه شنو كان فيه احمد طلع من المطبخ معصب ماادري ليش اكيد قال ..
محمدوه: ايه قال لي ..
هند: شنو ؟؟
محمدوه: اسمحيلي مااقدر اقول لج ..
هند: ليش ؟؟
محمدوه: هو قال لي مااقول حق احد و خاصه انتي ..
هند: ليش الشيخ شمعنى انا ؟؟!!
محمدوه: هو قال انا بروحي باقول لها ..
هند: انزين ..
محمدوه: ايه صح نسيت اقول لج فيصل قال لي اجهزي هالاسبوع بتروحون تخطبون له .. و طلع من المطبخ ..
هند انصدمت (( بل يامسرع والله حرام عليك يافيصل تسوي فيني جي والله حرام انا شنو سويت عشان تسوي هالعمايل فيني والله احبك و مااقدر اتخيل حياتي دونك بس لو تحي فيني )) و اسودت الدنيا في عيونها وقتها اتصلت فيها ساره ..
هند: هلا حبيبتي ..
ساره: هلا فيج يالغاليه شلونج ؟؟
هند: تمام الحمد لله و انتي ؟؟
ساره: بخير ..الا اقول هنوده عندي لج خبر ..
هند: شنو ؟؟؟ >> هي كانت عارفه شنو بتقول لها ساره <<
ساره: هالاسبوع بنروح نخطب حق فيصل ..
هند: انزين ..
ساره: والله ماادري شنو اقول لج حبيبتي ..
هند: لا تقولين شي انتي ماغلطتي ..
ساره: و الله انا خايفه عليج ..
هند: لا تحاتين ..
ساره: انزين ليش ماتبين اقول حق فيصل لازم يعرف قبل مايخطب هالسباله ..
هند بعصبيه: لاااااااااااااااااااااا قلت لج لا ليش تخربين عليه هو يبيها حرام عليكم تخربون عليه ..
ساره: بس انتي تحبينه و لازم يعرف ..
هند: شنو يعرف لاااااااااا يهني لااااااااا مستحيل يعرف و بعدين مستحيل فيصل يبادلني نفس الشعور ..
ساره: شدراج انتي اكيد يحبج انا متأكده ..
هند: ماعلينا من هالسالفه المهم متى بتروحون ؟؟
ساره: ماادري بس هالاسبوع ..
هند: انزين حبي الكيكه بتحترق باي ..
ساره: ههههههههههههه اوكي سلمي على عمي و امج ..
هند: و انتي بعد .. و صكرت ..
سلمان: ساره ..
ساره: هلا حبيبي ..
سلمان: هند وين انا من زمان ما ثفتها ((شفتها)) ..
ساره: هند بخير توني كلمتها و تسلم عليك ..
سلمان: الله يسلمها فديت قلبها والله انزين باي .. و طلع ..
ساره: هالولد امره عجيييييييييب .. و نزلت تحت عند امها عشان تساعدها ..
نزلت هند حق امها و ابوها و قالت لهم انهم بيروحون يخطبون حق فيصل هالاسبوع ..

اليوم الثاني في المدرسه ..
الحصه الاولى كانت على بنات ادبي مدرسه ال English ..
الteacher: يلا بنات افتحوا دفاتركم اليوم عندنا Quiz ..
عبير: بس ابله انتبي ماقلتي لنا اي كلمات ..
الteacher: مب لازم و بعدين انا قلت لكم ادرسوا مب تنطرون لين اقول لكم ..
مريم: انزين سهل ولا صعب ..
الteacher: شبلاكم بس بعطيكم املاء ..
هند: في اي كلمات ؟؟؟
الteacher: اللي عطيتكم اياها يوم الخميس ..
البنات: انزين ..
بعد الحصه بنات علمي طلعوا من المختبر و كل وحده قرفانه و مب طايقه تشوف اي اكل يدامها ..
عبير: شفيكم ؟؟؟
سميه: اع اع اع اع ..
فطيم: شنو ؟؟؟؟
نوره: اخخخخ على اللي سويناه و اللي شفناه و اللي لمسناه ..
مريم: شنو ؟؟؟
ريم: شي مايدخل العقل ..
هند: انزين شنو ؟؟
نوره: روحوا بنفسكم و شوفوا ..
راحوا بنات ادبي و شافوا المغسله و كان فيها قلب خروف عشان الابله تشرح عليه و عشان البنات يفهمون بس بدل مايفهمون قاموا انقرفوا >> انا شفته الصراحه شكله اعععععععععععع يلوع الجبد مقزز اسمحولي على الكلمه الصراحه اللي كان يطلع منه و الشرايين و شلون كان مقطع اعععععععع << المهم طلعوا بنات ادبي و كل وحده مب طايقه عمرها ..
Miss wardy تقول >> عيل احنا بنات علمي شنقووول اللي شرحناه ولعبنا فيه اععععععع لوعة انا ندمانة اني دشيت علمي>>
فطيم: انتوا شلون تحملتوا ..
عبير: اييييييييييييييييش يلوع الجبد ..
نوره: انتوا ماشفتوا شلون كان ..
سميه: خلاص انا بحول من علمي لين ادبي ..
ريم: ماينفع الحين السنه بتخلص حاول مره اخرى ..
الكل: ههههههههههههههههههههههههه هه ..
هند: و بعدين على الفرصه اععععععع ..
راحوا البنات الصف .. و على الفرصه
هند و فطيم كانوا قاعدين في الصف يدرسون حق تطبيق الشرعيه وقتها دخلوا البنات عليهم ..
نوره: انتوا شنو قاعدين تسوون انا ماقلت لكم الشرعيه مايبيله دراسه ..
سميه: تبيون الاسئله بنعطيكم اياها ..
فطيم: شنو ؟؟
و عطوهم الاسئله و بعدين طلعوا الشله يتمشون .. راحوا البنات ورى المدرسه كان فيه ملعب كرة الطائره ..
نوره و فطيم و هند كانوا قاعدين على الكرسي و سميه و عبير و ريم و مريم كانوا واقفين في نص الملعب .. شوي الا تمر حشره من فوق راس ريم جان اختنا على بالها طير و تركض لين العشب ..
ريم: طيييييييييييييييييييييييي ير ..
البنات: ههههههههههههههههههههههههه هههههههههههههههههههههه ..
ريم: شنو شفيكم تضحكون ؟؟
نوره: هههههههههههه هذي حشره ..
هند: ههههههه عنبوج صرتي ماتعرفين تفرقين من بين الحشره و الطير لا و بعد لابسه نظاره ..
مريم: هههههههههههههههههه لا و ركضت صوب العشب انزين ليش ..
ريم: انزين انزين مايسوى علينا غلطنا يلا عاد انا عطشانه و ابي ماي خلونا نروح الفقصف >> هي حرقة ريم تبي تقول المقصف قالت الفقصف << .. و راحوا المقصف ..
بعدين راحوا الساحه الثانيه اللي ورى و لقوا عربانه مالت الجمعيه ..
ريم: مريوم انا باركب و انتي ركبي وراي ..
مريم: انزين .. و ركبوا ..
نوره قامت ادزهم و بعدين خلتهم شوي الا العربانه تنقلب على يدام و مريم اطير و تصك الطوفه و ريم تدخل في الشجره ..
البنات: هههههههههههههههههه ..
هند: ريم شبلاج اليوم كله انتي اللي تنطقين ..
ريم: اخخخخخخخخخخخخخ راسي ..
مريم: يدي انجرحت ..
فطيم: تعالي عند الممرضه .. و راحوا ..
الممرضه: شنو صار في يدج ليش انجرحت جي ؟؟
فطيم: ابله تعرفين العربانه اللي ورى مالت الجمعيه ..
الممرضه: ايه ..
نوره: الله يسلمج مريم و ريم ركبوا فيها و انقلبوا ..
الممرضه: ليش تسوون جي تعرفون انه خطر ..
هند: نسلي عمرنا في الفرصه ..
الممرضه: انزين انتي شلونج مع السكر ..
هند: والله تمام ..
فطيم: جذابه ابله مرات تاخذ ابرتها و ماتاكل و يصيدها هبوط ..
الممرضه: هند ليش جي تعرفين انه ممكن تدخلين في غيبوبه و السبه هبوط السكر ..
هند: انزين انزين كفايه المحاضرات اللي اخذها في البيت ..
على الحصه السابعه بنات ادبي كان عندهم فنيه ..
الابله: هند ..
هند: نعم ابله ..
الابله: خلصتي الرسمه مالت المسابقه ؟؟
هند: ايه ابله بس باقي اللمسات الاخيره و باييبها لج يوم الاحد ..
الابله: انزين ..

في الشركه ..
بوجاسم: ها شباب خلصتوا ؟؟
الشباب: ايه ..
جاسم: بوجاسم الحين هالحلال كله حلالك ولا انت و اخوانك و خواتك ..
بوجاسم: لا طبعا حلالي انا بس انا اللي بديت هالشركه من الصفر اخوانا عندهم شركه ثانيه بروحهم ..
خالد: انزين انت ليش ماتبينا نعرفها ..
بوجاسم: مب الحين ..
خالد: احنا نبيها تعرف ..
بوجاسم: مب الحين ..
جاسم: انزين ..

في بيت جاسم و خالد ..
كانوا اخوانا قاعدين مع امهم في الصاله و ميننينها كل دقيقه يقوم واحد منهم و يبوسها ماخلوها في حالها ..
ام خالد(( حصه )): خلاص عاد قطعتوا خدي ..
جاسم: انزين خدج حلو يمه ..
خالد: ايه ناعم ..
ام خالد: انزين خلونا في الجد شخبار اختكم ؟؟
جاسم: اخخخخخخخ عليها يايمه والله تخبل تينن حلوه ..
خالد: حركاتها عفويه معاملتها حلوه مع الناس خاصه احنا تقدرين تقولين انها تعودت علينا في المكتب ..
جاسم: حنونه و تبين الصج تشبهنا وااااااااايد يعني كلنا طالعين على ابونا ..
خالد: ايه نفس العيون الجتاله و نفس الشفايف طبعا هي اقصر شوي بس الشي الوحيد اللي فيها غير انه عيونها عسليه على امها ..
جاسم: و خجوله وااااااااااايد تستحي ..
خالد: تعرفين شنو تحب ابوها اكثر من كل شي في هالدنيا واااااااااااايد تخاف عليه اذا بس ارتفع السكر عنده او نزل شنو تسوي لنا حفله و تهاوشه اذا ماخذى دواه او حبوب السكر ..
جاسم: ودي بس تعرفنا و تعرف انه نصير لها بس ماادري ليش الوالد مايبيها تعرف ..
خالد: لو نقعد نتكلم عنها من اليوم لين باجر مابنمل صدقيني يمه اذا شفتيها ماتبين تخلينها في حالها والله ..

في بيت خالة هند نوره بعد المغرب ..
مريم و عاشه كانوا قاعدين و طاقه جبودهم يبيون يطلعون او يسوون اي شي فراحوا اقعدوا على النت و لقوا هند اون لاين ..
دمـــــــ((الغرام))ـــــــو ع ((عاشه)) +القلــــــ((غلا))ــــــب ((مريم)): السلام عليكم ..
البنــــــ((زهر))ــــــــفس ج ((هند)): و عليكم السلام السلام اخباركم ؟؟
القلــــــ((غلا))ـــــــــب : تمام الحمد لله و انتي ؟؟
البنـــــ((زهر))ـــــــفسج: والله انا ريلي تعورني و يدي من الدراجه ..
دمـــــــ((الغرام))ــــــــ وع: لازم 6 ساعات و احنا على الدراجه مانزلنا ولا شي و كله نلعب شلون ماتبين يدج تعورج ..
القلــــــ((غلا))ـــــــب: والله احنا اليوم مارحنا المدرسه و انتي ؟؟
البنــــــ((زهر))ــــــــفس ج: لا انا اليوم رحت .. و قالت لهم سالفة العربانه و الطييييييير .. و هم يضحكون ..
دمـــــ((الغرام))ـــــــوع: انزين و الشريط ضبطيه ؟؟
البنــــــ((زهر))ـــــــفسج : استقبلي الملف .. و طرشته لهم .. انزين لازم اطلع سوري عندي دراسه و شغل باي .. و طلعت اوف لاين ..
قعدوا مريم و عاشه يشوفون الملف و تخبلوا عليه طلع رهيييييييب هند كانت مضبطه الاستعراضات و حاطه معاهم اغنيه و ركبت صوره على صوره و كان شي رهييييييييييييييب ..

ساره بتعزم نوره على بيتهم شنو بيصير ؟؟؟
فيصل سوا الصح لين خطب غاليه ؟؟؟
احمد شنو سالفته و نوره بعد و شنو بيصير بينهم ؟؟

[فيتامين سي]

مرت الايام طويله على بعض الناس و قصيره و حلوه على البعض الاخر .. نوره كانت مستحوذه على تفكير احمد و ماكانت تفارق خياله موليه وااااايد كان يفكر فيها ..

احمد يقول في خاطره (( يعني معقوله يكون حب لا مستحيل انا مابحب مره ثانيه منال تركتني و كسرت قلبي و جرحتني اخاف احبج يانوره و اتعذب و تروحين من يدي ترى قلبي ماعاد يتحمل زياده والله مااقدر )) ..

و احمد كان مستحوذ على تفكير نوره هي بعد كانت وااااااايد تفكر فيه ماتدري ليش (( انا احبك والله احبك بس اخاف انك ماتبادلني نفس الشعور من بعد الكلام اللي سمعته منك ذاك اليوم في المطبخ الحين عرفت انك ماتفكر تحب ولا حتى تعرف اذا انا احبك ولا لا )) ..

هند من بعد مادرت انه فيصل بيخطب هالاسبوع مختبصه و هموم الدنيا على راسها (( حس فيني انا احبك يافيصل والله احبك و مااقدر اعيش بدونك شلون تتوقع اقدر اتخيل انك تكون لوحده غيري بس احاول انساك )) ..

فيصل (( آآآآآآآآآآه انا سويت الصح لين قلت اني باخطب غاليه ولا لا انزين هند ما اتبدالني نفس الشعورانا اعرف انها مستحيل تحبني هند تعتبرني اخوها الكبير آآآآآآآآآآآآآآآآآآه منج ياهند احبج والله احبج )) ..

ساره (( افففففففف منك ياخالد الحين انا ارنوب والله لا اراويك منو تكون ساره )) ..

خالد (( الحين انا شلون اراضيها صار لها اسبوع زعلانه علي والله ماتهون علي بنت عمي تزعل علي الا اراضيها يوم الخميس اسوي اي شي عشان اراضيها )) ..

هذي هي حال اخونا و خواتنا هالايام اللي زعلان على الثاني و اللي يعتقد انه الثاني مايحبه و اللي يحب من طرف واااااااااااايد .. >> الله يتمم على الكل ان شاء الله و كل واحد تتحقق امانيه ادعوا معاي ان شاء الله <<

نوره رجعت من المدرسه و بعد مابدلت ملابسها توها بتطلع من الغرفه الا يرن جوالها .. و كانت المتصله ساره اخت احمد ..
نوره: الوو
ساره: السلام عليكم ..
نوره: و عليكم السلام ..
ساره: شلونج نوره ؟؟
نوره: والله تمام الحمد لله و انتي ؟؟
ساره: والله تمام الحمد لله اقول نوره ابي اعزمج على بيتنا الوالده تبي تتعرف عليج ..
نوره: والله ماادري شنو اقول لج بشوف الوالده ..
ساره: انزين و ردي علي خبر ..
نوره: اوكي ..
قالت نوره حق امها و رضت و بعدين اتصلت في ساره و قالت لها و اتفقوا البنات انه يوم الاثنين الياي ..

يوم الاربعاء العصر في بيت بوجاسم ..
اتصلت ساره في هند ..
هند: هلا والله ..
ساره: هلا فيج يالغاليه شلونج ؟؟
هند: تمام الحمد لله و من صوبج ؟؟
ساره: تمام .. اقول اجهزي اليوم بعد المغرب بنمر عليج عشان نروح نخطب حق فيصل ..
هند: ........... انزين ..
ساره: طلبتج لا ترديني ..
هند: اي شي حبي ..
ساره: ابيج تكشخين اوكي ..
هند مستغربه: انزين ليش ؟؟!!
ساره: بس ابيج تكونين كاشخه مايصر تروحين بيت الشعشبونه و انتي مب كاشخه ..
هند: بدينا بحركات النذاله ..
ساره: افااااااااا عليج من الحين ..
هند: انزين ..
ساره: يلا باباي .. و صكرت ..
ام جاسم: منو حبيبتي ؟؟
هند: هذي ساره بنت عمي تقول انهم بيمرون بعد المغرب عشان نروح نخطب حق فيصل ..
ام جاسم: الله يتمم عليه ان شاء الله و الفال لج ..
هند: توني صغيره على عوار الراس ..
بوجاسم و هو ياي: لا صغيره ولا شي ابي اشوف عيالج قبل مااموت ..
هند: لا تقول هالكلام عمرك طويل ان شلء الله يبه .. الله يخليكم لي .. انزين انا بروح ابدل ..
فيصل و ساره و ام فيصل وصلوا بيت بوجاسم عشان ياخذون هند و دخلوا عشان يسلمون على ام جاسم ..
ام فيصل: السلام عليكم ..
ام جاسم: و عليكم الكلام هلا ام فيصل تفضلي حبيبتي ..
ام فيصل: زاد فضلج شلونج ام جاسم من زمان ماشفناك ..
ام جاسم: شنو اسوي الدنيا و مشاغالها ..
ام فيصل: الله يساعد الجميع ..
ساره: خالتي وين هند ؟؟
ام جاسم: فوق تبدل ملابسها الحين بتخلص ..
كأنها قمر نازله بمشيتها و برقة حركاتها و بعفويتها تصرفاتها الطفوليه كانت ولا اروع حلوه من الخاطر و جميله (( هند )) كانت لابسه تنوره قصيره لين تحت الركبه سوده و عليها شك باللون العنابي و البني و درجاتهم و قميص عنابي عليه شك بالبني و راسمه عيونها بالكحل و لابسه بوت بني يعني كانت حلوه ..
هند: السلام عيكم ..
الكل: و عليكم السلام ..
هند: شلونج خالتي .. و تبوسها ..
ام فيصل: صار حالي احسن لين شفت هالجمال ..
هند: عيونج الحلوه يعني ساره مقصره ..
ساره: مب مثلج ..
ساره كانت لابسه بنطلون جينز رصاصي و اسود و قميص اسود و عليه لمعه بالفضي ..
و هم طالعين من البيت قبل مايركبون السياره فيصل التفت و شاف هند و انصدم
(( يامحلاها حلوه تينن بس المشكله مابتكون لك يافيصل لواحد غيرك يحضنها و يتأملها ليل و نهار و مابيمل منها و انت اقعد تحسر على حبك اللي راح وماقدرت تسوي شي )) ..
و ركبوا السياره ..
فيصل كان طول الطريج ساكت مايتكلم حاس بخنقه و انه الدنيا سوده في عينه (( ماقدر اخرب على امي و ابوي فرحتهم بخطبتي على العموم المهم انهم يكونون راضيين علي و فرحانين انا عادي عندي )) ..
وصلوا البيت و نزلوا الحريم و فيصل قعد في السياره .. قبل مايدخلون نادى فيصل هند ..
هند: نعم ..
فيصل: عطيها صورتي .. و عطاها ظرف فيه صورته ..
هند: ليش شايفتك و شبعانه منك ..
فيصل: لا هذي صوره يديده ..
هند: انزين .. و دخلت و حاسه انه روحها بتطلع ماقادره تتحمل ..
خلوني اعرفكم على غاليه و اهلها .. غاليه البنت الوحيده امها و ابوها مدلعينها اخر تدلع يعني مخلينها على راحتها اللي تبيه تسويه ماعليها من احد و اذا مالقت الشي اللي خاطرها فيه اطلعه بالغصب دلوعه وااااااايد و ماتعرف تتعامل مع الناس وااااااايد تتكلم برقه
>> ياشين السرج على البقر اسمحوا لي بس من الحره و الغصه اللي فيني اقول هالكلام << امها و ابوها عمرهم ماحاسبوها على شي معطينها الثقه التامه يعني ثقه عمياء ..
>> بنشوف اخرة الدلع شنو <<...
ام فيصل: السلام عليكم ..
ام غاليه: وعليكم السلام ياحيا الله من يانا توه مانور البيت تفضلوا ..
ساره: شلونج خالتي ؟؟
ام غاليه: هلا ساره انا تمام الحمد لله و انتي ؟؟
ساره: انا بخير .. اقول خالتي هذي هند بنت عمي ..
هند: شلونج خالتي ؟؟ >> احتراما لها تناديها خالتي <<
ام غاليه: انا بخير الحمد لله ..
ام فيصل: الا وينها عروستنا ؟؟
ام غاليه: الحين بناديها .. و راحت ..
نزلت غاليه و البنات انصدموا لين شافوها
>> شنو هذي لابسه والهل ماعندها سالفه احنا رايحين عرس ولا شنو الصراحه مااقدر اوصف لكم ملابسها لانه حرام و نفس الوقت فشله عنبوها هذي رايحه عرس ماابي اتكلم زياده من الحره اللي فيني ودي اذبحها و احفر قبرها تحتي << ..
غاليه بكل رقه: السلام عليكم .. >> ارحموني ياناس ياشين السرج على البقر كم مره باقعد اعيد و ازيد في هالجمله <<
ام فيصل: وعليكم السلام شلونج عروستنا ؟؟
غاليه اونه مستحيه: تمام الحمد لله انتي شلونج خالتي ؟؟
ام فيصل: بخير ..
غاليه: شلونج ساره ؟؟
ساره بدون نفس: والله تمام .. >> عاد هني بدت نذالة ساره <<... اقول غاليه هذي بنت عمي هند ؟؟
غاليه رفعت حاجب: هلا فيج ..
هند: اهلين ..
غاليه: ماشاء الله عليج حلوه ..
هند: الكمال لله بس مشكوره ..
غاليه احترت: صح الكمال لله .. و راحت تقعد عند ام فيصل .. >> ياشين الدلع عليها والله ما يليق <<
بعدين قعدوا البنات على صوب و الحريم على صوب عشان يتكلمون على راحتهم ..
ام فيصل: يااختي انتي عارفه انه فيصل يبي غاليه ممكن تسألينها اذا هي موافقه ولا لا ؟؟
ام غاليه: انزين اختي الحين بروح اقول لها .. و راحت و خذت غاليه على صوب ..
غاليه: نعم يمه ..
ام غاليه: يمه فيصل ولد خالتج يبيج انتي موافقه ولا لا ؟؟
غاليه اونه مستحيه و نزلت راسها: اللي تشوفونه يمه ..
ام غاليه: ابي اسمعها منج ..
غاليه: انا موافقه .. و راحت قعدت مع البنات ..
ام فيصل: يعني نقول مبروك ..
ام غاليه: ايه ..
ساره: هاا غاليه وافقتي على اخوي ولا لا ؟؟
غاليه: ايه انا موافقه ..
هند: ايه صح هاج هذي صورة حق فيصل قال لي اعطيج ..
غاليه: قولي له مشكور انا ماابي صورته بس شمعنى انتي اللي عطاج الصوره ؟؟
هند: لاني بنت عمه و تربيت معاه و يثق فيني ..
غاليه: يعني نغزه هي ..
هند: لا نغزه ولا شي ماتبين الصوره بردها له ..
غاليه: ايه رديها مب تاخذينها .. و بعدين اذا شفت الصوره مابشتاق له ..
هند هني احترت و الود ودها تلمها بصطار يطير خدودها من مكانهم و النار اللي في جبدها مابتنطفي لو شنو ..
فيصل كان قاعد في السياره و يكلم رفيجه يعقوب من البحرين ..
(( يعقوب عمره 27 سنه جميل ماشاء الله عليه عنده في البحرين فندق و استثمارات وااااايد و هو و فيصل ربع من زمان و بعد ربع الروح بالروح )) ..
فيصل: مادري شنو اقول لك ..
يعقوب: انت الحين ماتحبها ليش تخطبها ؟؟
فيصل: انا شفت امي و ابوي و يدتي مستانسين و الكل كان رفرحان فقلت سعادتهم على حساب سعادتي و بعدين بنت خالتي الوحيده و ماعندها اخوان يبيلها ريال يكون وراها ..
يعقوب: يعني امها و ابوها مب وراها مثلا ..
فيصل: لالاااااااااا انا مااقصد جي بس هي البنت الوحيده و يعني مثل ماتقول ابي اخليها تمشي سيده لانها وااااايد تطلع و سهرات مع ربعها و غيره فانا ابي اقلل من سهراتها و لا تخاف علي بعد الزواج بحبها ..
يعقوب: تقصد بتحاول تحبها ..
فيصل: شنو اسوي ياربي تصدق احس بنت عمي منقلب حالها لين درت اني باخطب صارت وااااااايد تسرح و ماتاكل واااااااايد حتى الكل ملاحظ عليها انها ضعفانه وااااااااايد و بسرعه تعصب و خاصه على انا او مرات تحرني لين تكون اعصابها بااااااااااااااااارده ..
يعقوب: اعتقد انها تحبك ولا ماكانت بتسوي هالحركات صدقني تحبك ..
فيصل: لا مااعتقد مستحيل هي تحبني ..
يعقوب: انزين ليش مستحيل انت ريال و ماتنعاب الف وحده تتمنى نظره منك ..
فيصل: لا مو عشان سالفة ريال و ماريال بس ماادري احساسي يقول انها ماتحبني و تعتبرني مثل اخوها ..
يعقوب: يافيصل الحب ماايي الا بعد عداوه اسالني انا مجرب كنت احب بنت عمتي و بعدين تزوجتها و عشنا مع بعض احلى 3 سنين بس ربك رايد انها تموت في حادث سياره ولا ماتت في حضني انا اقول يافيصل لا تفرط فيها انت تحبها ليش تحرم قلبك منها و تحرق قلبها والله حرام عليك .. انزين اقتراح ليش ماتعترف لها بحبك ..
فيصل: انت ينبت انا الحين خاطب شلون تبيني اعترف لها تبيني اروح اقول لها انا احبج بس الحين خاطب و مافي فايده والله ماعندك سالفه ..
يعقوب: لا بس .................
قاطعه فيصل: يايعقوب انا تعودت اضحى لأجل الناس اللي احبهم و صدقني سعادتها مع واااااحد غيري ..
يعقوب: اللي تشوفه دامك خلاص قررت انت حر ..
فيصل: ماتعرف شلون كلامك ريحني على الاقل لقيت احد افضفض له همومي ..
يعقوب: اي وقت يالغالي ..
فيصل: انزين يلا فمان الله الاهل وصلوا ..
يعقوب: سلم على خالتي ..
فيصل: يوصل و انت بعد .. و صكر ..
هند طلعت من البيت منقهره من هذي الخايسه غاليوه ركبت السياره و خذفت الصوره على فيصل هو استغرب ردة فعلها بس سكت و قال بعدين بروح اسأل ساره شنو صار بالضبط .. اما هند من القهر بغت تفلع فيصل و غاليه بأي شي تلاقيه ثقيل يدامها و تذبحهم (( والله لو ماالحشيمه جان دفنتها تحت ريلي و انت يافيصل خسرت اغلى انسان كان يحبك و يغليك انا مافي مني اثنين خلاص خسرتني ولا يمكن اسامحك على اللي سويته فيني خسارة حبي لك )) و قطعت على نفسها وعد انه اول واحد ايي يخطبها بتوافق عليه (( بس لو اقدر انساك يافيصل لو في شي يقدر ينسيني حبي لك جان سويت المستحيل عشان انسى )) .. ساره بعد احترت من حركة غاليه (( شنو قاعه تقول هذي هند مستحيل تفكر في انها تأذي غاليه ولا تقول لها كلمه جارحه بس ماعلينا وراج وراج و الزمن طويل ياغاليوه )) .. فيصل يقول في خاطره (( شنو صار داخل والله عورتني لين فلعت الظرف علي يدها تعور بس والله لمستها ترد الروح فديت قلبج والله ياهند بس لو اقدر اعترف لج جان الدنيا بخير )) ..
وصلوا هند البيت و راحوا .. دخلت هند و سلمت على امها و ابوها و راحت فوق قعدت على المسن و لقت اخوها محمدوه اون لاين ..
البنـــــــ((زهر))ـــــــفس ج: هلا اخوي ..
الفـــــــ((شيسوي))ــــــاض ي ((محمدوه)): هلا خيتو اخبارج حبيبتي ؟؟
البنـــــــ((زهر))ــــــــف سج: متضايقه وااااااااااايد .. >> كانت هند تصيح و هي تكلمه ماقادره تشوف الشاشه من الدموع اللي في عينها <<
الفــــــ((شيسوي))ـــــــاض ي: افاااااااااااا ليش ماعاش اللي يضايق اختي الغاليه شبلاج انزين منو مضايقج ؟؟
البنــــــ((زهر))ــــــفسج: ماادري شنو اقول لك بس .................
الفــــــــ((شيسوي))ـــــــ اضي: شنو شبلاج ؟؟
البنــــــ((زهر))ـــــــفسج : انا .................................
الفـــــــ((شيسوي))ــــــــ ـــاضي: تعرفين شلون انا الحين بيي و بشوف شنو فيج شكلج رايحه فيها .. و طلع اوف لاين ..
مسحت هند دموعها و نزلت تحت قعد في الحديقه و الجو كان حلو .. ربع ساعه و وصل محمدوه و قالوا له انها في الحديقه فراح لها ..
محمدوه: هلا خيتو ..
هند: هلا فيك ..
محمدوه يطالعها: منو كافخج على عيونج الحلوه ؟؟
هند: مافيهم شي يسلمون عليك ..
محمدوه: الله يسلمهم من كل شر الا انتي شفيج ؟؟
هند: ............................................
محمدوه: هند انا اخوج و تقدرين تقولين لي اللي في خاطرج ..
هند تقول في خاطرها (( شنو باقول لك يامحمدوه اني احب فيصل و مااقدر اعيش بدونه و مااتخيله مع وحده غيري و هو الحين بيتزوج و انا بعيش في عذاب )) ..
محمدوه: هند حد مضايقج ؟؟
هند قامت تصيح و ماقدرت تتكلم و قاعده تشهق من الصايح .. قام محمدوه و حضنها لصدره الدافي عشان يهديها بس اختنا مب راضيه تهدي ..
محمدوه: الله يغربل اللي سوى فيج هالشكل والله لو بس اعرف منو هو جان ما رحمته كله ولا دموعج الغاليه تنزل قولي لي منو ؟؟
هند: محمدوه انا تعبانه خلاص مااقدر اتحمل ودني المستشفى الله يخليك قلبي يعورني ..
محمدوه: لا السالفه فيها مستشفى تعالي انزين .. و راح قال حق بوجاسم و ام جاسم و راحوا كلهم ..
بعد ساعه طلع الدكتور من عندها ..
بوجاسم: ها دكتور شنو فيها بنتي ؟؟
الدكتور: البنت عندها سوء تغذيه و حالتها النفسيه تعبانه لازم تعرفون شنو فيها و لازم احد قريب منها وااااااايد يساعدها تتخطى هالحاله اللي هي فيها ..
محمدوه: يعني صادتها صدمه ؟؟
الدكتور: يمكن .. انزين انت اخوها و حاول تعرف شنو فيها ..
بوجاسم: مشكور دكتور و ماتقصر .. و راح الدكتور ..
ام جاسم: محمدوه انت تعرف شنو فيها ؟؟
محمدوه: لا انا مااعرف بس بحاول اعرف انتوا ماتعرفون ؟؟
بوجاسم: لا والله مااعرف بس رجعت البيت مافيها شي شلون انقلب حالها الحين ..
محمدوه: انزين خلوني ادخل عليها و اشوف شنو فيها و باقول لكم ..
ام جاسم: انزين ..
محمدوه: ولا تعرفون شلون انتوا روحوا البيت و انا بقعد عندها الليله ..
بوجاسم: انزين خلنا نشوفها اول و بعدين بنروح ..
دخل بوجاسم و ام جاسم عندها و شافوها راقده فباسوها على راسها و طلعوا .. اما محمدوه كان قاعد عندها ..
الساعه 2 الفليل اتصل احمد في محمدوه لانهم كانوا متواعدين مع الشباب يروحون الستي بس محمدوه ماراح ..
محمدوه: هلا احمد ..
احمد: وينك ماييت الستي اليوم الشباب معصبين الحين انت اللي عازم و ماتيي ..
محمدوه: اسمحولي بس انا في المستشفى ..
احمد تخرع: ليش شفيك ؟؟
محمدوه: لا انا مافيني شي هند تعبانه ..
احمد: شنوووو هند شفيها ؟؟
محمدوه: انت تعال ترى انا قاعد بروحي ..
احمد: مسافة الدرب و انا عندك .. و صكر ..
نزل تحت الصاله و لقى ساره و فيصل قاعدين ..
فيصل: وين بتروح ؟؟
احمد ماحب يقول له انه رايح المستشفى: امممممممم بروح عند محمدوه ..
فيصل: في نص الليل ..
احمد: ايه عندك مانع ..
فيصل: انزين روح بس لا تتأخر .. و طلع احمد ..
ساره: انزين شتبي يلا خلصني ابي اروح انام ..
فيصل: شنو فيها هند اليوم طلعت من عند بيت خالتي معصبه ؟؟!!
ساره: هالسباله غاليوه ..
فيصل: شنو صار بالضبط عشان اطيحين في البنت سب ..
قالت له ساره السالفه و فيصل عصب ..
فيصل: خلاص انا باتفاهم مع غاليه ..
ساره: احسن لك لانه اذا ماكلمتها انا بكلمها و انت تعرف انا شنو اسوي لين اكون معصبه و خاصه اذا حد غلط على هند .. و راحت فوق ..
فيصل يقول في خاطره (( و الله ماادري شنو مسويه لكم هالهند الكل يحبها و انا منهم خخخخخخ )) و راح فوق ..

في بيت بونواف اللي بيت نوره ..
نوره كانت قاعده على المسن تكلم عبير >> رفيجتنا اما هالبنت لها سالفه ثانيه بتعرفونها في الاجزاء اليايه <<
اسيــــــــــ((الصمت))ـــــ ـــرة ((نوره)): ماهقيت انج تحبين ؟؟!!
عبير: انتي تعرفين اني احب بس انا ماقلتها بطريقه مباشره ..
اسيــــــــــ((الصمت))ـــــ ــرة: يعني مايبين عليج شكلج مب مالت هالسوالف ..
عبير: الحين عرفتي اني احب شنو يعني ..
اسيــــــــ((الصمت))ـــــــ ــرة: عاد ماحبيتي الا اكثر واحد عبيط في العيله ..
عبير: شفتي شلون بس هو مايدري ..
اسيــــــــ((الصمت))ـــــــ ـــرة: انزين شلون حبيتيه ؟؟
عبير: الله يسلمج كنا رايحين المزرعه و ذيج الايام كان برد فاحنا البنات من ذكائنا رحنا المسبح و قعدنا نتسبح و نلعب بالماي و لين طلعنا كان الجو بارد واااااااااااااااااايد عاد انا الحلوه نسيت اييب جاكيتي او مااتذكر يمكن اخوي كان ماخذه المهم نزلت و انا ارتجف من البرد و ماوعيت الا اصقع في شي طويل و لابس بنطلون جينز و قميص اسود و لابس جاكيت داااااااااااافي ..
اسيــــــــ((الصمت))ـــــــ ـــرة: ماصقعتي الا فيه هو ..
عبير: شدراني كل المواقف الزفته تصير لي معاه ..
اسيـــــــــ((الصمت))ــــــ ــــــرة: تستاهلين .. انزين و بعدين ؟؟!!
عبير: المهم بغيت اطيح الا يقبضني و يقربني منه يعني نونو ماادري شنو اقول لج ويهي مقابل ويهه و صوت نفسه ينسمع لانه المكان كان هادي ..
اسيــــــــــ((الصمت))ـــــ ــــرة: بعد صوت نفسه ينسمع والله و طلعتي مب هينه انزين و بعدين يالعاشقه ؟؟
عبير: قال لي شوي شوي على عمرج عاد انا من الفشله ماتكلمت و كنت ارتجف من البرد جان وحليله فصخ جاكيته و عطاني لا و كان لابس نص كم قلت له بتبرد قال لي المهم انه انتي ماتمرضين و راح ..
اسيــــــــ((الصمت))ـــــــ ـــرة: اخخخخخخخخخ على الحب ..>> نوره كتبت هالجمله وكانت طالعه من قلبها <<
عبير: نوره احبه احبه اعشقه بس ...................................... و سكتت ..
اسيــــــــــ((الصمت))ـــــ ـــــــرة: بس تخافين مايبادلج نفس الشعور ..
عبير: ايه .. يمكن مايحبني او يفكر اني مثل اخته او مايفكر انه يحب اصلا ..
اسيـــــــــ((الصمت))ــــــ ــــــرة: انزين من حركاته مايبين ؟؟
عبير: لا ..

كل هذي صار في هند بس لانه خطب غاليه لو تزوجوا شنو بيصير فيها ؟؟ ترقبوا الاجزاء اليايه ؟؟؟
خالد بيتصالح مع ساره ولا لا ؟؟؟؟
شنو بيصير في فيصل لين يشوف هند ؟؟؟

[فيتامين سي]

وصل احمد عند محمدوه و دخل الغرفه ..
احمد: سلامااااات ماتشوف هند شر والله مسكينه ..
محمدوه: الشر مااييك ..
احمد: انزين ماعرفتوا شنو فيها ؟؟!!
محمدوه: لا كنت اكلمها على المسن و شكلها كانت متضايقه فصكرت و رحت لها البيت و لقيتها تصيح مو قادره تتكلم و تشهق بعد الا شوي تتعب و اييبها المستشفى و الدكتور قال انه عندها سوء تغذيه و حالتها النفسيه تعبانه ماادري شنو فيها الحين انطرها لين تقوم و بعدين باعرف شنو فيها ..
احمد: انزين امس كان فيها شي ؟؟!!
محمدوه: لا كانت مثل الحصان ماشاء الله عليها بس ماادري ليش انقلب حالها ..
احمد: انزين متى تعبت ؟؟
محمدوه: من بعد مارجعت من بيت خالتك لين راحوا يخطبون حق اخوك ..
احمد بدأ يشك (( ليش يعني من بعد مارجعوا من عند خالتي اكيد صار شي هناك او من القهر و الحره اللي فيها انا شاك انه هند تحب فيصل بس مافي دليل يثبت ليش انزين مب راضيه تعترف حتى فيصل لين رجع كان حاله منقلب مو كأنه خاطب هموم الدنيا كلها على راسه ليش هو الثاني متضايق )) ..
محمدوه: الوووووووو وين رحت ..
احمد: هااااااااا معاك ..
محمدوه: وين سرحت ؟؟
احمد: ولا شي بس افكر ..
محمدوه: فيها ..
احمد: منو ؟؟!!
محمدوه: اللي بالي بالك ..
احمد ابتسم ابتسامه خفيفه ..
محمدوه: احمدوه اعترف انك تحبها ..
احمد: احبها و اموت فيها شنو تبي بعد والله صارت ماتفارق خيالي موليه احلم فيها و افكر فيها ليل و نهار والله ماادري شنو اسوي من بعد اللي صار ماشفتها و مب عارف اذا هي صاحيه ولا لا ماادري اذا هي زعلانه من بعد الكلام اللي سمعته ..
محمدوه: مسكين حالك ياخوي ..
احمد: ماعلينا الحين انا بروح و بيي الصبح اوكي اقعد مع هند و اعرف شنو فيها ..
محمدوه: مشكور .. و طلع احمدوه ..
قام محمدوه و راح عند هند و مسح على راسها و لاحظ انه دموع تنزل من عينها ..
محمدوه يقول في خاطره (( حتى و انتي نايمه تصيحين والله لو ادري منو اللي قالب حالج جان ماخليته في حاله والله حرام عليه اللي سواه فيج )) ..
فتحت هند عينها و انتبه عليها محمدوه ..
محمدوه: سلامات يالغاليه ماتشوفين شر حبي ..
هند بصوت واطي: الشر مااييك .. وين امي و ابوي ؟؟
محمدوه: كانوا هني بس انا قلت لهم يروحون البيت عشان يرتاحون و الصبح بيون لج ..
هند: سمعت صوت حد ثاني معاك في الغرفه ..
محمدوه: احمدوه كان موجود و يسلم عليج .. و سكت شوي .. هند شفيج حبيبتي قولي لي ؟؟
هند شافته و قامت تصيح بس جي بدون مقدمات قاعده و تصيح و محمدوه مب عارف السبب كل ماقال لها شنو فيج قامت تصيح .. قام حضنها و قعد يهديها و يقرى عليها قرآن .. غمضت عينها و نامت في حضنه ..

اليوم الثاني الخميس الصبح ..
طبعا محد درى عن اللي صار في هند غير احمد و محمدوه و بوجاسم و ام جاسم .. بوجاسم راح الشركه عشان يخلص شوية شغل و بعدين بيروح المستشفى .. اتصل فيه بوفيصل ..
بوجاسم: السلام عليكم ..
بوفيصل: وعليكم السلام شلونك اخوي ؟؟
بوجاسم: والله تمام الحمد لله انت شلونك ؟؟
بوفيصل: والله تمام الحمد لله انا سمعت باللي صار في هند من احمد شلونها الحين ؟؟
بوجاسم: والله محمد اخوها يقول انها بخير انا الحين في الشركه و بعدين بروح لها ..
بوفيصل: انزين قلت حق الوالده ؟؟
بوجاسم: لا الحين بقول لها ..
بوفيصل: انزين انا بروح لها المستشفى و باشوفها ..
بوجاسم: مشكور اخوي و ماتقصر ..
بوفيصل: بنت اخوي الغاليه و انت تعرف اني احبها .. و صكر ..

راح فيصل الجامعه و حاس انه في شي صاير بس محد راضي يتكلم لانه احمد رد امس من المستشفى متضايق شوي و مارضى يتكلم و يقول شفيه .. كان قاعد في الكفتيريا و سرحان .. شوي الا ايي له سلطان البطران ..
سلطان: هلا بالغالي ..
فيصل انتبه عليه: اوه هلا فيك ..
سلطان: شلونك ؟؟
فيصل: تمام الحمد لله و انت ؟؟
سلطان: تمام .. الا شفيك متضايق مب على طبيعتك اليوم ؟؟
فيصل: ولا شي بس تعبان ..
سلطان: انزين لا تتأخر عدنا محاظره بعد ربع ساعه ..
فيصل: لا تقول لي انه ذاك الشيبه علينا ..
سلطان: ايه ..
فيصل يتأفأف: اففففففففففففف انزين انزين .. و راح عنه سلطان ..
اتصل فيصل في احمد لانه قام يشك في الموضوع لانه احمد اليوم ماراح الجامعه ..
احمد: الوو ..
فيصل: اخبارك اخوي ؟؟
احمد: تمام الحمد لله ..
فيصل: وينك اليوم ليش مارحت الجامعه ؟؟
احمد: انت وينك ؟؟
فيصل: انا في الجامعه ..
احمد: انزين اطلع بيي اخذك ..
فيصل: و سيارتي ؟؟
احمد: سيف بيي ياخذها .. 10 دقايق و اكون عندك .. و صكر ..
وصل احمد و ركب فيصل .. طول الطريج احمد ساكت مب عارف شلون يبدأ الكلام و يقول له انه هند في المستشفى ..
فيصل: احمد احنا وين قاعدين نروح ؟؟
احمد: صبر شوي و بتعرف ..
وصلوا المستشفى و نزلوا ..
فيصل: ليش احنا في المستشفى ؟؟
احمد: هند مرقده ..
فيصل: شنوووووووووو من متى ؟؟!!
احمد: من امس ..
فيصل: ليش انزين ؟؟!!!
احمد: عندها سوء تغذيه و حالتها النفسيه تعبانه ..
فيصل: امس ماكان فيها شي تبتسم و تضحك عاديه كانت ..
احمد: ماادري محمد قاعد عندها طول الليل و يقول قامت و حاولت اعرف منها شنو فيها بس قامت تصيح و ماهدت الا بعد مده و ماعرف شنو فيها ..
راحوا الشباب و لقوا هند راقده في حضن محمد و هو بعد راقد >> مسكين من التعب <<
قعدوا برع .. شوي الا بوفيصل ايي ..
بوفيصل: السلام عليكم ..
الشباب: و عليكم السلام ..
بوفيصل: فيصل مب انت اليوم الصبح كنت في الجامعه ..
فيصل: ايه بس مايصير اكون في الجامعه و بنت عمي في المستشفى احمد مر علي و تونا واصلين ..
بوفيصل: هند شلونها ؟؟
احمد: دخلنا عليهم و لقيناهم راقدين ..
بوفيصل: انزين خلوهم على راحتهم .. و قعد معاهم ..
شوي الا يطلع محمدوه من الغرفه ..
محمدوه: السلام عليكم ..
الكل: و عليكم السلام ..
بوفيصل: شلونك محمد ؟؟
محمدوه: تمام الحمد لله ..
فيصل: سلامات ماتشوف الغاليه شر ..
محمدوه: الشر مااييك ..
احمد: شلونها الحين ؟؟
محمدوه: مااعرف شنو فيها بس الحمد لله الدكتور يا و عطاها مهدئ عشان تنام و ترتاح لانه امس تعبت زياده ..
بوفيصل: انزين انت الحين روح البيت و انا و فيصل بنقعد عندها ..
احمد: تعال عشان تبدل ثيابك و ترتاح شوي .. و راحوا ..
فيصل: يبه انا بروح عند الدكتور شوي .. و راح ..
الدكتور: ايوه ممكن اساعدك ؟؟
فيصل: دكتور المريضه هند محمد شلونها الحين ؟؟
الدكتور: انت منو ؟؟
فيصل: انا ولد عمها ..
الدكتور: والله لحد الحين احنا مب عارفين شنو اللي دخلها في هالحاله نفسيتها تعبانه بس الحمد لله بتكون بخير و انت عارف انه فيها السكر و مب زين لها العصبيه ..
فيصل: مشكور .. و طلع ..
راح بس مالقى ابوه فدخل الغرفه و لقاه قاعد يسولف مع هند و هي تضحك .. ابتسامتها كانت ترد الروح ماصدق انها هذي هي هند اللي امس كانت معصبه .. هند واايد ترتاح تاخذ راحتها بوفيصل لانها تحبه و ترتاح له ..
فيصل يقول في خاطره (( فديت ابتسامتج والله ليت ايامج كلها سعاده و مااشوف دموعج في يوم )) ..
فيصل: السلام عليكم ..
هند+بوفيصل: وعليكم السلام ..
فيصل: سلامات يالعياره ..
هند: الله يسلمك .. افاااااااا انا الحين عياره عمي شوف ولدك شنو يقول عني .. و تدلع عليه ..
بوفيصل: فصول لا تقول هالكلام عن بنت عمك جي العياره وارثتها عنك يالسبال ..
هند: يعني انا عياره ..
فيصل: اكيد كل الصفات وارثتها مني كشخه ..
هند: و انا اقول بعد ليش انا حنانه و عنيده و راسي يابس ..
فيصل: يلا الحين بتقعد تعايرني انا ليش تكلمت ..
الكل: هههههههههههههههههه ..
بوفيصل: شلونج الحين ؟؟
هند: بخير الحمد لله الا وينه ابوي ؟؟
بوفيصل: عنده شغل و بعد شوي بيرجع .. انزين انا بروح شوي و بارجع فيصل حط بالك على بنت عمك ..
فيصل: ان شاء الله دوم في عيوني ..
راح بوفيصل و فيصل قعد مكانه و مب عارف شلون يبدأ الكلام معاها يبي يعرف شنو فيها و ليش كانت تصيح ..
فيصل: خلينا نكون صريحين مع بعض ..>> الولد ماعنده واحد ولا اثنين على طول في الموضوع بس مرات يخورها <<
هند: شفيك ؟؟!!
فيصل: شنو فيج هند من بعد ماطلعتي من بيت خالتي و انتي حالج منقلب ماادري شنو فيج و لين رجعتي البيت تعبتي زياده ممكن تقولين لي شنو فيج ؟؟
هند: ......................................... >> الحين شنو اقول له اني احبك و مااقدر اتخلى عنك والله حلوه هذي <<
فيصل: تكلمي ..
هند: مافيني شي و بعدين الموضوع مب مهم عادي بس في سالفه مضايقتني و بس ..
فيصل: و عشان هالسالفه طحتي في المستشفى ؟؟
هند: ايه ..
فيصل: انتي ماينعرف لج ..
هند: حلو الغموض هاااااا و الاسرار العميقه ..
فيصل: بس بعضها يذبح الواحد ..
نزلت هند راسها لانه خلاص عيونها بتفضحها و ماقادره تكمل .. الحمد لله وقتها دخل بوجاسم ..
بوجاسم: شلون فرفورتي اليوم ؟؟
هند تنهدت: آآآآآآآآآآآآه فديت قلبك و فديت فرفورتي لا طلعت منك اشتقت لك يالغالي ..
بوجاسم: كله هالترحيب و الكلام الحلو حقي ..
هند: اذا مب حقك حق منو .. باباتي تعرف اني احبك موووووووووووووت ..
بوجاسم: و هذي يبي له كلام حتى انا امووووووت فيج ..
فيصل يقول في خاطره (( لو هالكلام حقي بس الله يالدنيا تاخذ منك اشياء و تعوضك بغيرها بس انا الدنيا ماعوضتني خذت مني هند و خلتني اعيش في عذاب بدونها ليتج ياهند تبادليني نفس الشعور حتى لو ماعشت معاج تحت سقف واحد بس يكفيني انه اعرف انج تحبيني )) ..
هند كانت تقول هالكلام و هي قاصدته حق فيصل ..
دخل بوفيصل و معاه باقة ورد حلوه كانت ورود حمره و بيضه و عليها لمعه و الباقه كانت عوده و في النص في علبه >> كانت علبه خاتم اصلا << ..
بوفيصل: تفضلي غناتي ..
هند: مشكور عمي بس ليش كلفت على عمرك ..
بوفيصل: لا كلفت ولا شي بنتي و احبج ..
هند: تسلم ..
فيصل: بابا شنو داخل العلبه .. >> هالولد دومه ملقوف ماادري طالع على منو <<
بوجاسم يقلده: بابا شنو داخل العلبه اصطلب ..
فيصل: شمعنى هي ادلعك و انا ماادلع ابوي ..
بوفيصل: هديه مني حق هند ..
فيصل: انزين هنوده فتحي العلبه ياني فضول و ابي اعرف شنو فيها ..
هند: انزين عطني اياه ..
عطاها فيصل العلبه و كأنه يعطيها حرمته والله رومنسي كان شكل فيصل و كانه صدق يعطي حرمته الخاتم .. و فتحتها ..
كان عباره عن خاتم الماس و احجار كريمه مايله على اللون الوردي واااااااااااايد كان حلو ..
هند: تسلم عمي ..
بوفيصل: ان شاء الله اشوفج عروس ..
بوجاسم: امين ..
هند: الفال حق فيصل و الله يتمم عليه ..
فيصل: ان شاء الله .. >> بس مب من خاطره <<
العصر يا الدكتور و فحصها و الحمد لله ماكان فيها شي و رخصها بس قال لها انها ادير بالها على صحتها و مااتعب عمرها وااااايد .. وصلت البيت و راحت غرفتها تنام .. بعد المغرب قامت و بدلت ملابسها و تسبحت عشان تنعش نفسها و نزلت تحت .. لقت في الصاله باقة رود ثانيه احلى من الاولى كانت ورود بيضه فيها عروق لون وردي و درجاته و عليها لمعه من فوق و بطاقه كبيره مكتوب فيها ..
(( الحمد لله على السلامه يااغلى بنت عم في الكون
مع حبي : فيصل .. اسيـــــــــ((الحب))ـــــــ ـــــر )) ..
استانست اكيد لازم لانه الباقه من فيصل دوم هالولد ذوقه حلو بس البنت اللي اختارها مب حلوه >> مايحتاي اتكلم عنها واااااايد <<

اتصل بوجاسم في خالد ..
خالد: ياهلا يبه ..
بوجاسم: شلونكم ؟؟
خالد: تمام الحمد لله و انت ؟؟
بوجاسم: بخير انزين اقول لك اليوم مابنروح الشركه ..
خالد: ليش ؟؟!!
بوجاسم: هند تعبت علينا و تونا مطلعينها من المستشفى و الحين بنروح بيت الوالده ..
خالد: سلامتها ماتشوف شر الغاليه انزين عيل الوالده تسلم عليك ..
بوجاسم: الله يسلمها من كل شر ..
خالد: خلاص عيل و انت سلم على هند ..
بوجاسم: يوصل .. و صكر ..
خالد يقول في خاطره (( والله حاله الحين هي زعلانه مني و انا رافع آمالي انه براضيها اليوم في الشركه بس اخخخخخخخخخخ يلا الاسبوع وييييييه فديت قلبها اختي بروح اقول حق جاسم )) .. و راح ..
خالد: يمه يمه ..
ام خالد: نعم نعم انا في الصاله مع جاسم ..
خالد: ريلج يسلم عليج ..
ام خالد: الله يسلمه ..
خالد: جسوم مابنروح الشركه اليوم لانه هند رقدوها في المستشفى ..
جاسم: شنوووووو الحين شلونها ؟؟!!
خالد: لا تمام الحمد لله رخصوها هي اصلا من امس هناك بس اليوم طلعوها و الحين بتروح بيت يدتها ..
جاسم: فديت قلبها والله شفيها ؟؟
خالد: يقول انه عندها سوء تغذيه و حالتها النفسيه تعبانه بس الحمد لله هي بخير ..
جاسم: انزين امش نروح حق الشباب ..
ام خالد: خلوا بالكم على عمركم ادري بكم تسرعون ..
خالد: ان شاء الله .. و راحوا ..

في بيت اليده ..
الكل كان موجود الا هند و بوجاسم لانهم في البيت و ام جاسم بتروح بيت اختها .. بوجاسم كان قاعد في المكتب و يخلص شوية اوراق على ماهند تنزل .. بعد ربع ساعه نزلت هند و كانت كاشخه و طالعه رهييييييبه .. كانت لابسه تنوره عنابيه و قميص بيج مكتوب عليه بالذهبي why can,t I find a millionaire to love me و راسمه عيونها بالكحل ..
بوجاسم: فديت بنتي ..
هند: ادري اني غاليه يلا خلنا نروح .. و راحوا ..
اليده كانت مسويه عشى حق هند .. وصلوا الجماعه و الكل قام يسلم عليها و بعدين قعدوا ..
اليده: فديت قلبج ياحبيبتي والله ماتستاهلين اللي صار فيج ..
هند: قدر و مكتوب الحمد لله انا بخير ..
اليده: ابيج اليوم تنامين عندي ..
هند: تامرين امر ..
فطيم: انا بعد عشان اونسها ..
ساره: و انا بعد ..
اليده: اللقافه شينه بس يلا عشان تسلونها ..
فطيم: بل بل يدتي يعني ماتبينا انام عندج ؟؟
اليده: لا يمه تعالوا ..
احمد: انزين و انا ..
اليده: انت انثبر مكانك انزين ..
بوفيصل: اقول ام مايد وينه ولدج ؟؟
ام مايد: عنده زام ..
بوفيصل: الله يسهل عليه والله ..
بومها: انزين احنا نترخص ..
بوجاسم: لا وين توه الناس ..
بومها: لا عندي شغل و مرتي تبي تروح بيت ابوها ..
اليده: انزين ..
و بعد ماراحوا ..
فيصل: يلا وين العشى انا يوعان ..
اليده: يلا بنات قوموا انجبوا العشى ..
قاموا البنات و بينهم هند ..
اليده: لااااا انتي وين رايحه ؟؟
هند: بروح اساعدهم ..
اليده: لا انتي ارتاحي هم وااايد و يقدرون يكملون الشغل بدونج ..
راحوا البنات المطبخ .. و هند رن جوالها و اكنت المتصله نوره فطلعت برع عشان تاخذ راحتها ..
نوره: هلا بالغاليه وينج ليش ماييتي المدرسه ؟؟
هند: مابتصدقين شنو صار ..
نوره: شنووووووو ؟؟؟!!!
هند: تعبت واااااايد من بعد مارجعنا من بيت خالة فيصل لانه رحنا نخطب له و الصراحه قامت هالخايسه تغل علي نغرات و ماادري شنو الصارحه كانت حرماتها سخيفه و رجعت البيت و تعبت محمدوه وداني المستشفى و الدكتور قال انه عندي سوء تغذيه و حالتي النفسيه تعبانه بس الحمد لله اليوم رخصوني و يدتي فديتها مسويه لي عشى و شكلها بتفتح لي تحقيق الفليل لاني بنام عندها ..
نوره: ماتشوفين شر حبيبتي والله ماكنت ادري جان ييت لج المستشفى ..
هند: لا لااتعبلين على عمرج ..
نوره: انزين يوم الاحد ن شاء الله بداومين ؟؟
هند: اكيد الامتحانات قربت ..
نوره: انزين عيل اخليج البنات كانوا يسالون عنج ..
هند: بدخل اليوم المسن ..
نوره: خلاص عيل كلنا بنكون موجودين ..
هند: اوكي .. و صكرت ..
طلع عبدالرحمن عشان يناديها ..
عبدالرحمن: هند يلا تعالي العشى جاهز ..
هند: انزين ..
عبدالرحمن: ممكن سؤال ؟؟
هند: شنو ؟؟
عبدالرحمن: شنو فيج هند محد عرف شنو صار لج قولي لي حتى اخوج ماعرف ليش مب راضيه تقولين حق احد ؟؟!!
هند: عبدالرحمن في اشياء ماتقدر تقولها حق اي احد اشياء تكون بينك و بين نفسك و بس ماتطلع لو مهما كان الا للشخص المناسب ..
عبدالرحمن: على راحتج .. و دخلوا ..
اليده: وينج يمه لا تروحين برع مب زين لج الحر ..
هند: لا بس كنت اكلم رفيحتي ..
اليده: انزين تعالي عندي تعشي ..
هند: يدوه ماابي اكل والله مب يوعانه ..
ام مايد: شنووووووو مب زين لج يلا يلا تعالي ..
هند: يدوه انا بنام عندج اليوم و باكل بعدين الحين خلوني اروح انام و الله تعبانه ..
بوجاسم: عندج ملابس ؟؟
هند: ايه ..
راحت هند الغرفه اللي دايما تنام فيها و طلعت لها بجامه و كان البنطلون مخطط لون برتقالي و اخضر و ازرق فاتح و ابيض و قميص ابيض نص كم و فتحت شعرها و نامت .. على الساعه 12 الكل قام يروح ..
احمد: يلا فيصل اخرتنا ..
فيصل: شنو انزين حشرتني بس صبر خلني اييب غترتي من داخل ..
احمد: انزين بسرعه ..
صدف انه فيصل كان حاط غترته في الغرفه اللي كانت راقده فيها هند .. دخل و شاف الغرفه ظلام بس ليت الابجوره مشتغل و انتبه انه في احد على السرير >> هو كان ناسي انه هند نايمه مسكين << قرب و هو على باله اخته ساره لانها قالت بتنام هني مع فطيم و هند و هو ماشافها في الصاله >> اصلا ساره و فطيم راحوا الخيمه و قعدوا فيها يسولفون .. الله يستر فيصل شنو بيسوي << قرب فيصل من السرير و انصدم لين شاف هند راقده كان ويهها طفولي و شكلها ملائكي و بيضه و على شفايفها ابتسامه صغيره و ماكانت متلحفه ..
فيصل (( مايفصل بيني و بينج الا شوي ................... احبج يانبض القلب و دقاته والله امووووت فيج انتي صرتي غرامي خلاص مااقدر اعيش بدون مااشوفج ولا اتخيلج تكونين مع واحد غيري بس خلاص )) و لحفها و طلع من الغرفه و هو ساكت مايتكلم .. سلم على يدته و ركب السياره هو و احمد .. ساره و فطيم بدولوا ملابسهم و بالصدفه كانوا كلهم لابسين نفس البجامه >> او بمعنى اخر انهم كانوا مخليين بجاماتهم عند يدتهم عشان اذا ناموا عندها مايبتلشون << ..

[فيتامين سي]

في السياره ..
احمد لاحظ على فيصل انه ساكت طول الدرب وماتكلم شنو سالفته صخ مره وحده لا يكون شاف شي لحظه لحظه فيصل حط غترته في الغرفه اللي تنام فيها هند و هو دخل عشان اييب غترته اكيد شافها بس ليش ساكت ..
احمد: فصولي ..
فيصل بدون مايلتفت: امممممممممم ..
احمد: شفيك ساكت ماتتكلم ؟؟
فيصل: مافيني شي بس ماابي اتكلم ..
احمد بخبث: وين لقيت غترتك ؟؟
فيصل: في الغرفه ليش ؟؟!! >> الولد على نياته و مستغرب من اسئلة احمد شنو فيه هالولد و الله امره عجيب اخوي <<
احمد: لا ولا شي ..
فيصل: انت شفيك اليوم واااااااايد تسأل ؟؟!!
احمد: انا ..
فيصل: لا قرينك ايه انت شنو سالفتك ؟؟
احمد: مافيني شي ..
فيصل: افففففف يعني لازم تعرف ..
احمد: اعرف شنو ؟؟ >> لا احمد شكله هالمره مايعرف شنو صاير حق فيصل <<
فيصل: هند ..
احمد: شنو فيها ؟؟!!
فيصل: شفتها بالغلط ..
احمد: متى ؟؟
فيصل: الحين و انا رايح اخذ غترتي ..
احمد: يعني كفايه الاثام اللي على راسك بعد تزيدهم ياخي انت الحين خاطب و البنت وافقت شنو تبي في غيرها مفروض مااطالع غيرها .. >> احمد يقول هالكلام عشان فيصل يحتر و يحس بالغلطه اللي سواها <<
فيصل صف السياره على صوب و حط راسه على السكان ..
فيصل: آآآآآآآآآآآآآآآآآه ..
احمد: شفيك ؟؟!!
فيصل: مافيني شي بس تعال سوق بدالي انا تعبان ..
احمد: انزين .. و بدلوا اماكن ..
احمد هني تأكد انه فيصل يحب هند و مايقدر يعيش بدونها بس هند اللي لحد الحين ماادري شنو اقول مب راضيه تقول انها تحبه و بعد مب راضيه تعترف حق احد شنو هالحاله والله ودي اجمع بينهم .. و راحوا البيت و على طول فيصل حط راسه و نام بملابسه من زود التعب >> او من زود التفكير <<
هند كانت نايمه .. بس فجأه قامت من النوم متخرعه ..
هند: فيصل ......................................
اليده: شفيج يمه ؟؟!!
هند: هاااااااااااااا ..
اليده: ويه بسم الله عليج شنو فيج ؟؟؟!!!
هند: ولا شي ..
اليده: شفيه فيصل ؟؟
هند: فيصل شفيه ؟؟؟
اليده: انتي قمتي من النوم متخرعه و قلتي اسم فيصل ..
هند: هاااااااا لا ولا شي ..
اليده: يمه هند شفيج ؟؟؟
هند: مافيني شي يدوتي كاني مثل الحصان ..
اليده: لا الحين خلينا من سوء التغذيه اللي فيج قلبج شنو حاله الحين ؟؟؟
هند: قلبي آآآآآآآآآآآآآآآآآآه على قلبي يدتي قلبي تعبان و ماعاد يتحمل زياده اللي ياني مب شويه ..
اليده: انا اعرف شنو انتي تفكرين فيه و خاصه انتي سميتي و لازم اعرف على العموم خطب الحين ولازم تنسينه و تبدين حياتج من يديد ياهند انا مثلج ماكنت احب يدج لانهم اغصبوني عليه او تقدرين تقولين ماخذوا شوري لين خطبني على طول وافقوا بس بعدين من الطيبه و الحنان اللي شفته من يدج حبيته و ماقدرت اعيش من دونه حتى لين توفي .. لازم تنسين و انتي عارفه انا شنو اقصد ..
هند: يدتي شلون تبيني انسى و مااقدر اتخيل انه مع وحده غيري ..
اليده: انسي ..
هند: الحين انا على بالي بتهاوشيني على الكلام اللي قلته ..
اليده: انتي لازم احد يقعد معاج و يطلع اللي في قلبج بس محد يقدر الا انا الحب مب حرام ولا عيب بس لازم ماتتخطين الحدود المسموح لها ..
هند: تسلمين يالغاليه والله ماتدرين شكثر ريحتيني ..
اليده: راحتج اهم شي عندي في الدنيا ..
فطيم و ساره كانوا قاعدين في الميلس يطالعون فلم رعب (( المشرحه )) و ثنتينهم ماسكين يد بعض و خايفات من الفلم >> يعني اطالعون الفلم شله دام انكم تخافون <<.. هند طلعت من الغرفه و هني بدت نذالتها لانه اليده قالت لها روحي شوفي البنات ماادري شنو يطالعون هالفلم الخايس كله دم و ذبح هني هند عرفت انه فلم رعب و حبت تخرعهم اكثر من اللي هم فيه .. دخلت شوي شوي الميلس بدون مايحسون فيها >> اصلا من الخرعه كانوا مندمجين في الفلم يعني حتى لو دخل حرامي البيت او احترق مابيتحركون من مكانهم والله حاله هالبنات << راحت هند و صكرت الليت وقتها فطيم و ساره صرخوا .. قامت هند بندت التلفزون و الغرفه صارت ظلااااااااااااااااااااااا اااااااااااااااام خخخخخ .. الحين فطيم و ساره قاعدين مكانهم ماقادرين يتحركون الفلم مأثر وااااااااايد عليهم ..
فطيم: منو ؟؟
ساره: والله حلوه هذي و اذا كان حرامي بتقولين له منو ؟؟؟
فطيم: انا شنو عرفني انه حرامي يمكن هندوه ..
ساره: لا الشيخه انا توني طليت على هند و كانت راقده ..
فطيم: شنووووووووووووووو عيل منو ؟؟؟؟؟؟؟؟ .. و الدمعه قريب و تنزل ..
هند كاتمه ضحكتها .. قامت و خذت علبة الفاين و فرتها عليهم جان يقومون خواتنا يصرخون ..
فطيم: ساره عن الحركات البايخه ..
ساره: و الله مب انا ..
فطيم: انزين قومي فتحي الليت ..
ساره: انتي قومي ..
فطيم: مالت عليج في الجامعه و تخافين من الظلام ..
ساره: اللي يقول انتي الحين ماتخافين كبر بغله و تخاف من نمله ..
فطيم: شنو ؟؟
ساره: هند قالت لي السالفه ..
فطيم: شنو اسوي والله كان شكلها يخرع ..
ساره: لعنبوج ميته ..
هند تقول في خاطرها (( الله يستر الحين الله ياخذ بليسج ياساروه يعلج انا ماقلت حق فطوم اني قلت لج الله يستر شنو بتسوي فيني فطوم والله ياويلي )) ..
شوي الا قامت هند و فتحت التلفزون و وقفت بعيد عشان ماتبين ..
فطيم: لا حبيبتي هذي مب حرامي واااااااايد يستعبط ..
ساره: اقول شنو رايج نروح نشوف منو ..
فطيم: انتي روحي انا اخاف ..
ساره: من يومج خوافه و بعدين صح لا اتيين لانه بيكون مينون اذا قرب منج ..
فطيم: انزين انزين روحي حشى هذي مب حرامي مايمل شنو يبي منا ..
هند (( والله الحرامي المينون اللي يقرب منكم )) ..
قامت ساره و راحت بخطوات كلها خوف عشان تفتح الليت الا تقبضها هند و تسد حلجها و تهمس في اذنها ..
هند: اشششششش انا هند لا تخافين دامج عرفتي انه انا خلينا نكمل على فطوم ..
هزت ساره راسها بمعنى ايه ..
ساره: آآآآآآآآآآآآآآآآآآآآآه فطوم الحقيني في احد قابضني فطوم الحقيني مااقدر اتحرك في احد ماسك ريلي بعد الله يخليج لاااااااااا آآآآآآآآه رقبتي ..
فطيم: ساروه شفيج انتي شنو قاعده تقولين منو ماسكج ؟؟؟!!!
اونه ساره تسوي نفسها ماتقدر تكلم و قاعده اطلع اصوات .. هند هدتها و راحت ورى فطيم و مسكتها ..
فطيم: يمممممممممممممممممممممممم مممممممه ..
ساره: جفتي قلت لج ..
فطيم: انتي متأكده انه هذي مب هند ..
ساره: لا هند نايمه و قالت لا اتقوموني الا عند اذان الفجر ..
فطيم: ساره منو عيل مسكني والله يده بااااااااااااارده الحمار ..
جان تقوم فطيم و ترفس هند على ريلها و اختنا تصرخ ..
هند: آآآآآآآآآآآآآه شوي شوي علي يالحماره والله يعور ..
فطيم: شنووووووووو هندوه يالسباله والله اراويج هذي انتي من البدايه ..
و تفتح ساره الليت ..
فطيم: حرام عليج خرعتيني ..
هند: ايه اشوف الدمعه قريب و تنزل ..
ساره: هههههههههههههههههههه ..
فطيم: و انت كنتي تدرين من البدايه ..
ساره: لا والله العظيم لين رحت عند الليت عشان افتحه مسكتني و قالت لي ..
فطيم: والله حرام عليكم انا اخاف بغيتوا اتييبون لي سكته ..
هند: بسم الله عليج ..
وقتها دخلت اليده عليهم ..
اليده: شبلاج فطيم تزاعقين مب حاله هذي ترى احنا نص الليل ليش قاعده تصارخين مب عيب عليج ..
فطيم: يدوتي هذي هند خرعتني ..
اليده: لاااااااا هند ماتسوي جي هي تعبانه شلون بتخرعج اففففففففف منج كله تبتلين على هالهند الفقيره ..
فطيم: والله العظيم ..
اليده: يلا انزين روحوا ناموا .. و راحت عنهم ..
ساره: عاش واثق يدتي وااااااااااايد واثقه فيج ..
هند: ايه الناس دايما غلط و انا اللي صح ..
فطيم: انزين انزين تعالوا ندخل النت ..
ساره: فطيم تعالي على اللاب توب مالي و هند على مالها .. و راحوا .
دخلت هند المسن من اللاب توب مالها و صج لقت الربع كلهم اون لاين ..
البنــــــــ((زهر))ــــــــ ــفسج ((هند)): السلام عليكم ..
الكل: و عليكم السلام ..
ريم: وينج يالقاطعه ماتبينين ؟؟
مريم: سلامااااااااااااات ماتشوفين شر يالغاليه ..
سميه: والله خفنا عليج ..
اسيــــــــــــ((الصمت))ـــ ــــــــرة ((نوره)): جفتي شلون البنات يحبونج ..
البنـــــــــ((زهر))ـــــــ ــفسج: الشر مااييكم تسلمون ..
عبير: انزين حبي شنو صار لج ؟؟؟!!!
قالت لهم هند السالفه بس حذفت مقاطع فيصل منها ..
قعدوا البنات يسولفون لين اذان الفجر ..
جــــــــ((ألم))ــــــــــر وحي ((فطيم)): يلا بنات صلاه ..
ريم: انزين يلا باباي ..
طلعوا البنات يصلون و بعدين قعدوا هند و فطيم و ساره يسولفون ..
فطيم: هند ماتلاحظين انه نوره هالايام حالها منقلب يعني مثلج ..
هند: ايه مبين عليها وااااااااااايد تسرح و مرات ماتسمع احنا شنو نقول ..
ساره: تبون الصراحه انا دخلت خاطري هالبنت ماشاء الله عليها حلوه و طيبه و تعاملها مع الناس حلو رقيقه وااااااااااايد ..

بعد الصلاه في بيت بوفيصل ..
بوفيصل كان قاعد على السرير و يكلم ام فيصل ..
بوفيصل: والله كان في خاطري فيصل يخطب هند ..
ام فيصل: الكل كان متوقع هالشي بس اللي صدمني انه اختار غاليه ..
بوفيصل: ماادري ليش يعني هند بنت ولا كل البنات شمعنى ماخطبها ..
ام فيصل: انا مثلك كنت اتمنى انه هند تكون حرمة فيصل بس الله مارايد ..
بوفيصل: هذا قراره ولازم نحترمه اذا بغا غاليه انا معاه لين النهايه و هذي حياته هو ..
ام فيصل: اهم شي انه يكون مستانس ..
اما في غرفة فيصل ماياه نوم من بعد صلاة الفجر ..
فيصل (( كان شكلج وااااااااايد حلو والله كنتي حلوه بس لو اقدر اعترف بحبي لج جان الامور احسن من الحين دخليج هند حسي فيني والله احبج و مااقدر اقول حق احد يابخته اللي بياخذج .. تمنيتج تكونين لي بس الله ماكانت هالشي و لازم انساج مهما كان الثمن لازم تطلعين من حياتي للأبد من هاللحظه )) .. و نام من زود التفكير ..

اليوم الثاني في بيت اليده الظهر الساعه 2 ..
فطيم و ساره قاموا من النوم و هند لحد الحين ماقامت ..
اليده: بنات روحوا شوفوا هند ليش ماقامت ..
فطيم: ان شاء الله .. و راحوا ..
ساره: هند هنوده يلا قومي ..
هند: امممممممم ..
فطيم: يلا عاد ..
هند: تعبانه خلوني انام ..
فطيم: انزين الساعه 4 بيي اقومج ..
هند: يصير خير ..
طبعا الساعه 4 فطيم و ساره قعدوا على راس هند و قوموها من النوم و يا بوجاسم و خذاهم و وداهم البيت ..
بعد المغرب اتصلت مريم في هند ..
هند: الوو ..
مريم: السلام عليكم ..
هند: و عليكم السلام ..
مريم: شلونج هند ؟؟
هند: والله تمام الحمد لله و انتي ؟؟
مريم: انا تمام ايه صج الحمد لله على السلامه ..
هند: الله يسلمج ..
مريم: ان شاء احسن الحين ؟؟
هند: ايه ..
مريم: انزين بنمر عليج اليوم الساعه 7 ..
هند: حياكم ..
مريم: حتى الشباب بيون عشان يشوفون الفيديو لانه ماخليناهم يشوفونه ..
هند: ههههههههه انزين ..
مريم: اوكي سلمي على خالتي ..
هند: يوصل و انتي بعد ..
مريم: اكيد .. و صكرت ..
ام جاسم: منو هذي ؟؟
هند: هذي مريم بنت خالتي نوره قالت بيون اليوم الساعه 7 كلهم ..
ام جاسم: انزين بتسوين شي ؟؟
هند: ايه الحين بروح اسوي كيك و انتوا سووا فطاير ..
و راحت هند تسوي كيك ..

في بيت خالة هند نوره ..
مريم و عاشه كانوا ينجهزون عشان يروحون ..
ام خالد: هااااااا بنات خلصتوا ؟؟
عاشه: ايه يمه صبري شوي ..
مريم: انا خلصت ..
خالد: يلا عاد وااااااااايد تأخرنا ..
ام خالد: كاهم حسن و علي يوا ..
حسن+علي: السلام عليكم .. و باسوا خالتهم ..
ام خالد: وعليكم السلام ..
حسن: شلونج خالتي ؟؟
ام خالد: بخير الحمد لله ..
علي: فديت خالتي الحلوه شلونج ؟؟
ام خالد: الحمد لله اكيد تبي شي ..
علي: يالله يالله انتي ليش ماخذه عني فكره سيئه ..
ام خالد: لانه كل ماتقول كلام حلو تبي شي خبز يدي و اعرفك ..
علي: ايه تعالي داخل ابيج في كلمة راس ..
حسن: مب كلمة ريل ..
خالد: لا تصدق كلمة خشم ..
علي: اللقافه مايمدحونها .. و راحوا ..
البنات نزلوا و كانوا كاشخات .. مريم كانت لابسه تنوره بيج و عليها ورود عنابيه و قميص عنابي و راسمه عيونها بالكحل اما عاشه كانت لابسه تنوره سوده و عليها ورود بيضه و قميص ابيض و الكحل من داخل عينها ..
حسن: هلا والله ببنات خالتي ..
مريم: شلونك حسن ؟؟
حسن: تمام الحمد لله ..
عاشه: شخبارك ؟؟
حسن: تمام ..
خالد يصرخ: علووووووووووي يلا عاد ..
علي و هو ياي: و صمخ جلااااااااااااااب انزين انزين حشرتنا ..
ام خالد: انزين علي غالي و الطلب رخيص باشوف بعدين ..
علي: انزين ..
و راحوا ..
هند جهزت كل شي و راحت تلبس .. وصلوا الجماعه و هند لحد الحين فوق .. فصخوا البنات عبيهم بس خلوا شيلهم و قعدوا .. هند نزلت و كانت لابسه جلابيه عنابيه لون الغزال و مدموج معاها برتقالي و اصفر و عليها فصوص يعني بالمختصر المفيد حلوه ..
هند: السلام عليكم ..
الكل: و عليكم السلام ..
و قاموا البنات يسلمون عليها ..
مريم: شلونج هند ؟؟
هند: تمام الحمد لله ..
عاشه: محلوه ..
هند: عيونج الحلوه ..
خالد: ماتشوفين شر بنت الخاله ..
هند: الشر مااييك ..
علي: انزين هند شنو صار لج بالضبط ؟؟
قالت لهم هند السالفه ..
نزلت ام جاسم ..
ام جاسم: هلا بالغاليين ..
الكل قام يسلم عليها و بعدين قعدوا ..
ام جاسم: هاااا علي شخبارك ؟؟ >> في سالفه بيت ام خالد و علي و ام جاسم بعدين بتعرفونها <<
علي فهم عليها: والله تمام الحمد لله ..
ام جاسم: وافقت ؟؟
علي: لحد الحين ..
ام جاسم: انزين عيل ..

في بيت الدكتور فهد رفيج الشباب ..
خلوني اكلمكم عنهم شوي ..
فهد و خليفه امهم و ابوهم توفوا في حادث سياره و الحين هم يعيشون في بيت واحد مع حرمة فهد اسمها غلا ..
خليفه: ها دكتور شخبارك ؟؟
فهد: والله تمام و انت ؟؟
خليفه: تمام الحمد لله الا وينها غلا ؟؟
غلا نازله من فوق: انا هني ..
فهد: هلا بالغاليه حرمة الغالي ..
خليفه: يعني هي غاليه و انا ؟؟
فهد: كل واحد غلاه غير عندي ..
غلا استحت ..
خليفه: يالله على اللي تستحي ..
غلا: ليش الشيخ على بالك فاصخه الحيا مثلك ..
خليفه: طلع لج لسان بعد مرت اخوي اخبارج ؟؟
غلا: تمام الحمد لله انت شنو مسوي مع الجامعه ؟؟
خليفه: شاطر ماشاء الله علي ..
فهد: على اخوك طالع ..
خليفه: انزين ممكن اسالكم سؤال ؟؟
غلا: تفضل ..
خليفه: شلون شفتوا بعد انا خاطري اعرف ..
فهد: عا احنا حبنا غير عن كل الناس ..
غلا: طبعا ..
خليفه: شلون ؟؟؟
فهد: حبيتها و انا في الشارع ..
خليفه: بالله عليك هذي حب في الشارع عاد ..
غلا: فهد تتذكر شنو صار ؟؟
فهد: و انا اقدر انسى ..
(( يوم الحادث ..
غلا: اففففففففف وقته الحين يبنجر التاير شلون الحين اروح البيت اذا تأخرت ياويلي ..
وقتها كان فهد مار من نفس الشارع .. شافها و وقف ..
فهد: شبلاج اختي ؟؟
غلا: التاير بنجر ..
فهد: انزين عندج احتياط ..
غلا: ايه كاهو روى ..
طلع فهد التاير من روى ..
فهد: انزين ساعديني ..
غلا: و شنو تبيني اسوي ؟؟
فهد: ساعديني يعني شيلي معاي التاير الخربان عشان احط لج غيره ..
غلا: ولا يكون تبيني اتربع في نص الشارع معاك و اغير التاير كملت انا بنت ابوي اتربع في نص الشارع معاك ..
فهد: والله اذا ماتبين مساعده ترى انا عندي مشاوير .. و قام بيركب السياره ..
غلا: وين بتروح ؟؟
فهد: البيت دام انج ماتبين تغيرين التاير معاي او على قولتج ماتبين تتربعين في الشارع معاي انا بعد ماعندي مانع اخليج نص الليل في الشارع و الله يخلي السكارى و الحراميه ..
غلا: شنو سكارى و حراميه ..
فهد: وااااااااايد يطلعون الفليل ..
غلا تتدلع: يعني يهون عليك تخلي هالجمال و الدلال في الشارع نص الليل ..
فهد: عادي ..
غلا: الله يخليك ساعدني ..
فهد: اذا تربعتي على الارض ايه ..
غلا: ماابي انا بنت ماتفهم شنو بنت الرقه و الدلال و الخوف و الدلع كله فيني شلون تبيني اقعد في نص الشارع انت ولد عادي ..
فهد: لاااااااااااا و اخرب كشختي عشانج لا الشيخه ..
غلا: اخوي الله يخليك والله تأخرت ..
شوي الا ينفجر المحرك و يطلع دخان ..
فهد: يعني في النهايه صفينا انا و انتي و سيارتي ..
غلا قامت تصيح ..
غلا تكلم عمرها من الخرعه: الحين الوالد بيهاوشني و بيقص رقبتي والله مايصير جي ليش انا اللي دايما انحط في هالمواقف اففففففففففففف ..
المسكينه كسرت خاطر فهد ..
فهد: تعالي معاي بوصلج ..
غلا: شنووووووووووووووو مستحيل اركب معاك ..
فهد: تبين اتمين هني بروحج انا ماعندي مانع بروح البيت و باتعشى و بنام و انتي اللي بتتنقعين هني لا تخافين انا دكتور و مابسوي لج شي و اذا تبين بعد اقعدي ورى و انا بفهم ابوج اللي صار ..
غلا: لو ما الحاجه جان ماركبت معاك بس يالله امري لله .. و ركبت .. ))
خليفه: ههههههههههههههههههههههههه هه ..
غلا: شفيك كأن احد مدلدغك ..
خليفه: مسكينه قعدوها على الارض ..
غلا: شنو اسوي اخوك مابغا يساعدني الا لين اقعد على الارض ..
فهد: اسكت لين وصلتها البيت ابوها كان واقف عند الباب و يطالعني بنظرات والله العظيم تخرع جان يقوم يهزبيني انت منو و شنو سويت في بنتي و قام يتحلف ..
غلا: و بعد اسبوع يا اخوك و خطبني ..
خليفه: ايه خاف من ابووج فجي يا ..
فهد: ماكنت خايف الا متخرع منه والله ابوج يخرع ..
غلا: فديت ابوي والله ..

شنو سالفة علي و ام خالد ؟؟؟
هند بتتلقى اتصال من منو ؟؟؟؟
الشباب شنو بيسوون لين يروحون الشاليه ؟؟؟ انتوا اقروا و اضحكوا ...