آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-06-14, 03:37 AM
| #21 | |||||||||
| نجم روايتي ومشرفة سابقة وفراشة متالقة بعالم الازياء  
|  __ ام احمـد : متأكد ياتركي ؟ تــركـي : يعني بستهبل عليكم انا ؟ ام احمــد : هي ماقالت لي ولا قالت لأبوها كيف تقولك تـركـي : هههههه الجازي اريج ورنـا تربية يديني مايستحون مني ويقولون ام احمـد : ههههه الحمدلله شلت هم من على صدري يلا عقبال مااشوفك معرس انت واحمد بليلة وحده .. تـركـي : على ايدك تختارين لي ام احمـد : بختار لك ازييين البنـات *دقت ع ام فيصل * وخر بكلمها ام فـيصل : ياصباح الخير والله انك بنت حلال توك جيتي ع بالي ام احمـد : ياصباح الخير والنور والسرور والافراح ام فـيصل : لأ اكيد في خبر حلو ورا هالفرحه كلها ام احمـد : والله يااموضي ودي انك قدامي عشان اشوف فرحتك ام فـيصل مسكت يد سامي اللي كان جمبها ووقفت : يعني ازغرط ؟ ام احمــد تزغرط : زغرطي زغرطي بأعلى صوتك أم فـيصل بفرحه وكأنه هم وانزاح : كلوووووولللليييييشش .. الله يبشرك بالخير ام احمـد : عاد مـــبروك هههههه ام فــيصل : ألله يبارك فييك .. اصبري مااعاد احس بنفسي ببشر عيالي وسكرت .. ام فـيصل : أبشركم وافقو واخوكم بتشوفونه عريس .. مبروك مبروك سـامي بفرحه يحسب ان اريج نست كل اللي فات مايدري ان الكل يضغط عليها : الله يبارك فيك يمه فـيصل كان يناظر وهو مستغرب اريج اللي جته اليوم تصارخ وتهاوش وهي رافضه كل الرفض بدقيقه غيرت رايها .. يمكن يوم خنقها خوفها ووافقت إبتسم : ألف مبروك منك المال ومنها العيال سـامي كان اول مره يفرح بعد ماتعرض لحادثه فرحته هذي رجعت له الحياه ماكان ممكن يبيعها حتى لو بفلوس الدنيا كلها .. حضن اخوه : ألله يبارك فيك عقبالك منـاور يعدل شماغه : عاد يمه ابدأي فيناا ام فـيصـل : بارك لأخوك بعدين تكلم منـاور : لأ أغار ام نـايف دخلت هي وبناتها ع الصوت : بسم الله الرحمن الرحيم وشفيكم تصارخون ؟ ام فـيصل مشت لها بغرور وبوجهها إبتسامة نصر : أبشرك وافقو اهل اريج وبيصير العرس ام نـايف بقهر : أحسب عندكم سالفه ام ليليـان بقهر وهي تناظر بناتها وتحسر : مبروك سـامي سـامي : الله يبارك فيك .. _______________________________ ببيـت ابوريـان .. شـذى وازهـار ونـور يطلون من الشـباك شـذى : شوفي هذاك اللي واقف مع هيثم هو المعرس أزهـار : يااويلي يازينه كأنه البدر يقط القمر من السمـا نـور بحيا : عيب عليكم شـذى : وش عيب قولي اغااار أزهـار : لاتحرجينها تراها حساسه لمـيس حطت العصير : وش السالفه ؟ شـذى ترقص : شوفي المعرس يالميس يجنن لمـيس طلت من الشباك ويدها ع قلبها .. لمـيس طلت من الشباك ويدها ع قلبها : مو عيـسى ؟ ازهـار تدفها : وش تقول هذي .. لا هذا اسمه حسن لمـيس بفرحهه : الف مبروك نـور الله يهنيك نـور : ماصار شي للحين يمكن مااوافق شـذى : ماعليك مستحيه بس تكابر لمـيس ركضت لدور الثالث اللي كان فيه غرف الخدم وفتحت الباب على نيرمين وتنقز : نينـا قومي قـومي نيرمـين : وخري عني ببكي لمـيس : أبشرك طلع مو عيسى نيـرمين فزت : مو عيسى مين اجل لمـيس : مدري اسمه حسن مدري محسن المهم مو عيسى نيـرمين تنهدت : الله يطمنك يالميس اول مره تفرحيني وحضنو بعض _______________________________ بعـد مرور سـاعه .. دخل ابوريـان معصب وراح فوق ام ريـان : وشفيه ابوكم معصب شـذى تناظر اخوانها : وجيهكم ماتبشر بالخير ريـان بعصبيه : والله الكمخه هذا اللي مايعرف الرجال كل اللي مخاويهم خكاريه هيـثم بإحراج : وش يعرفني ان الولد صار كيذا ريـان : دامك ماتعرف ليه مبلشنا اعرفه واعرفه وصديقي من الابتدائي هيـثم : اقولك من المتوسط ريـان : ع زق انت وخويك ازهـار : ياويلي ؟ مافي معرس بح ؟ ريـان بعصبيه : الرجال طلع خكري ودلوع رقبته كلها مصاات .. ويتكلم يقول لأبوي عمو حمودي وابو الالعن منه يقول تكفون تحملوه عشاني وبنتكم لها اللي تبغى وان شاء الله يتزوج ويعقل .. ازهـار : ههههههههههههههههههههههههه ههههههههههههه ياويلي يانور بتتزوجين خكري ؟ شـذى : والله فله خله يجي ههههههههههههههههههههههههه هههه ازهـار : والله هذا يصلح له انا ولا انتي هههههههههههههههههههه هيـثم بفرحه وهو يناظر جواله : يمه البشاااره ام ريـان : هاه خطيب ثاني ؟ هيـثم : أي يمه فيها عرس بس شي ثاني ريـان صفقه : أخلص تكلم هيـثم من الفرحه ماحس بنفسه : أبشششرك يمه اهل سـامي صار معرس خلاص هو واريج مخطوبين لبعض ام ريـان : وافقو هيـثم : أي وافقو وافقو شـذى وقف مخها على اخر كلمه هو واريج مخطوبين لبعض .. وقعدت تتكرر بمخها .. معقوله اريج أخلفت بوعدها .. معقوله كلام خواتها حقيقي وانها خاينه .. معقوله فارس احلامها وحبيب الطفوله صار لغيرهاا ؟ .. دمعت عيونها بس حاولت تمسك نفسها ماكانت تبغى تبين لأهلها .. شـذى ونـور ناظرو اختهم بخيبة امل وكأن عيونهم تعاتبها وتقول حذرناك وقلنالك بس انتي أغلطتي وأمنتي لهم .. عرفو ان اختهم اللي ماعمرها بكت ولا ضعفت أنهارت الحين وهي تشوف سامي لغيرها وتسمع خبر عرسه .. أم ريـان : شذى هاتي الجوال خليني ابارك لخالتك .. شذى .. شذى ازهـار : يمه امسكي ام ريـان دقت : كلوووووووللللللييييشش الف مبروك ياموضي ام فـيصل : لاتبكيني ياحسنه تكفين والله نواف ومناور توهم يبكوني ام ريـان : لا ياحبيبتي ابكي وطلعي كل الدموع ولدك بيعرس وبيخليك ام فـيصل : الله يهديك هديني مو تبكيني ام ريـان : ان ماهديتي نفسك ماني فاضيه اهديك ام فـيصل : والله من يومك ماتجاملين المهم الله يبارك فيك وعقبال عيالك ام ريـان : هاتي سامي بكلمه اكيد الحين متشقق من الوناسه ام فـيصل : لا اخوانه مستلمينه يرقصونه ام ريــان : مين الي يرقصونه ؟ ام فـيصل : مناور ونواف عسا اللي بشرني بعرسه يبشرني بالثانين ام ريـان بخبث : عساني انا اللي ابشرك بعرس الباقين ام فـيصل : انتي ولا الجازي نفس الشي ام ريـان : ومتى العرس ؟ ام فـيصل : والله اللي يسمعك ياام ريان يقول اني سامعه بالخبر من الاسبوع اللي طاف توني ادري ياختي حتى ماستوعبت ام ريــان : ياويلي عيارتك .. خلصيني متى اكيد انتي محدده اليوم .. ام فـيصل : والله مدري بس ان شاء الله انه بالشهر الجـاي بنستعجل فيه مافي شي يمنعنا ام ريـان : وتقولين لي ماتعرفين .. ياويلي ياكذبك .. يلا بس اخليك تفرحين ويا عيالك مع السلامه ام فـيصل سكرت : الحين يافيصل روح اسحب لهم البنك من حسابي انا ومن فلوسي ام نـايف : اللي سارقتهم من ولدي فـيصل طنشها : الله يهديك يمه وش اسحب وهم للحين ماحددو المهر ام نـايف : ماعليه انتو بتعطونهم اكثر حتى لو حددو ام فـيصل : والله ماني متحمله من الفرحه ام نـايف : وانتي عمرك عرفتي الصبر ام فـيصل : الشي الوحيد اللي مابيه بهاللحظه وجودك ياليابسه ام نـايف : وانا الشي الوحيد اللي كارهته وجودك سـامـي يبوس راس امه : لا تضايقين نفسك يمه بلحظة نفس هذي _________________________________________ ع العشـاء .. ابـواحمـد : والله يوم بشروني فرحت .. والمفروض انك تقولين لي بلأول انا يا اريج بس ماعليه انا وخالك نفس الشي تـركـي : ماعليه انا حتى ماقالت لي الا بعد الشين ابو احمـد مسك يد بنته : امري وش الشروط اللي تبينها اريـج ببرود : ماعندي شي ام احمـد ترقع : مستحيه البنت الله يهديك اريـج قامت قبل تخونها دمعتها زي العاده .. ام احمـد : شفت خليتها تروح رنــا : هههههههههه انا محجوزه لي غرفتها .. أم احمـد : لا ان شاء الله تلحقينها ابـواحمـد : الحين وشلون اعرف شروطها ؟ ام احمـد : يعني وشو شروطها المهر 200 زي العاده وعرس وسفره ابـواحمـد : هي يعني ماتبي بيت لحالها ام احمــد : لا هي ماتبي تقول ماتعرف تطبخ ولاتسوي شي تبي تجلس معهم ابـواحمـد : خلاص بكرا انا اكلم فيصل واقوله .. تبون ملكه ؟ ام احمــد : أكـيد نبي ملكه وحفله كبيره يجيها القاصي والداني .. بس خل هالموضوع علي انا وام فيصل ابـواحمـد بفرحه : ان شاء الله ان شاء الله __________________________________ لو كان موعد بعذرك لو يفوتك انا انتظرت العمر كله عشانك غبت وارضيت و بعدها غاب صوتك وابطيت اكذب من يقولون خانك بالله كيف تحس فيه طعم قوتك لامن ذكرت انسان خنته وصانك ماكان قلبه واحد من بيوتك من تحت سقفه كم شعرت بامان وراك خليته لعتمة سكوتك وانا ماغير اعيش معاه في حنانك في غيبتك ياكم تمنيت موتك اقل شيء ارتاح واعرف مكانك شـذى كانت تبكـي كانت تتمنى يموت على انها تسمع خبر عرسه .. عيونها انتفخت من كثر البكي وقلبها تحس يعورها من كبر الجرح اللي قدمته لها صديقة عمرها اريج .. تتذكر الاحلام اللي بنتها ويا سامي كانت بتقول له لاتعدل ولاتسوي عمليه انت كيذا جميل بعيوني .. كانت مستعده تشيل الضماده وتبوس وجهه مهما كان اللي تحتها من رعب .. كان هذا جماال عندها .. توقعت ان سامي فهمها وعرف انها تنتظره .. ليه اختار اريج اللي تنظر له بتقزز بدالها .. بكت وهي موعارفه تبكي على حبيبها ولا صديقتها .. خيانه من اقرب شخصين لها ___________________________________________ صـباح اليوم الثـاني .. الساعه 5 العصر ببيت آبـواحمد .. ام فـيصل : وينها عروستنا بسلم عليها ام احمـد : مستحيه ماتعرفينها ام نـايف : وينها جيبيها ام احمـد : خليها مستحيه حتى المستحي ماتخلونه بحاله ام فـيصل : تبشر بالشروط اللي تبيها اروجه ام احمـد : أي الشروط مهرها 200 الف ام فـيصل : تبشر ب400 ألـف ام نـايف بشهقه : قالت 200 خلاص لاتزيدين وشوله الكرم الزايد ام فـيصل : لاتستاهل ام نـايف : ماتعبتي فيهن ماهن فلوسك ام فـيصل طنشتها : وبعد وش اوامرها ام احمــد : عرس بأكبر صالات الرياض وافخمهم ام فـيصل : هذا مير خليه علي انا .. ام احمـد : وحفلة ملكه ام فـيصل : وهذا ان شاء الله الجمعه الجايه ام احمـد : يؤ قريبه مايمدينا نجهز ام فـيصل : عاد وش تجهزون كلها كم شغله .. وبعزم الدنيا كلها ام احمـد : أي اكيد نبي فرحتنا يشوفونها ام فـيصل : بس العرس بنستعجله نبيه 18 من الشهر الجاي ام احمـد : حنا ب14 مايمدينا ياام فيصل ام فـيصل : والله يالجازي هذا على كلام الولد ام نـايف : تحلفين وتكذبين قدامي ؟ انتي اللي قلتيه ام احمـد : خلاص 18 ام نـايف : ردن علي وش فيكن جاطلاتني ام احمـد : من جا بدون عزيمه قعد بدون فراش ام نـايف : بيت ولدي ماني منتظره عزيمتكن ياالxxxxب __________________________________ بالشركه كان سامي وين مايمشي يسمع مبروك يالمعرس كان فرحان حيل لدرجة انه نسى التشوه اللي بوجهه وكلام عمانه وعياله زاد فرحته .. احمـد : هلا بالنسيب سـامي : هلافيك والله هيـثم : اجل انا مكاني غلط بينكم احمـد : اي وشتبي كلام نسبا هيـثم : لا جالس وغصب عنكم سـامي : هههههه لا شدعوه حياك الله هيـثم : بجلس اصلآ غصب عنكم تـركي دخل : السلام عليكم الكـل بتوتر : وعليكم السلام تـركي مسك يد سامي : ألف مبروك منك المال ومنها الصبر سامي طنشه : الله يبارك فيك .. يلا شباب انا استأذن لو يدري فيصل اني تركت الشغل بيذبحني تـركي : توك معرس .. سامي مشى بدون مايرد عليه .. تـركي : اعقب يالمحروق تكبر عليناا هيـثم : انت وشفيك ماتحترم نفسك تـركي : هذي الصراحه هيثـم : أقسم بالله مااعرف كيف تحس انت احمـد بعصبيه من فعايل خاله : يااخال اذا تكرهه اتركه مو تفشلني وياه تـركـي : وشفيكم انتو ؟ هذا ماعنده مشاعر ماعليكم بيرجع لكم حتى لو ايش طلع وخلاهم ________________________________ بمكتب فيصل دخل عليه السكرتير ومعاه باقة ورد كبيره السكرتير : استاذ فيصل هذي باقة ورد وصلت لك فـيصل : وصلها لمكتب سامي شكلك غلطان السكرتير : لا اللي وصل الباقه قال هذي لفيصل مو لسامي .. قالها كيذا مو لأستاذ سامي فـيصل ترك القلم : طيب هاتها حط السكرتير الورد وطلع وفيصل شاف بطاقة فتحها وصدمه الاسم من أريج ؟: وشتبي هذي الحيوانه قطع عليه دخول سـامي .. سامي : ألسلام .. اووه ورد ؟ من مين فـيصل توتر وماقدر يتكلم وهو يشوف سامي يمشي ومسك الورد شاف البطاقه فـيصل توتر وماقدر يتكلم وهو يشوف سامي يمشي ومسك الورد شاف البطاقه وفتحها : من أريج إبتسم بفرحه : شكلهم غلطانين فـيصل لحق ع نفسه : أي انا قلت بعد كيذا كنت بقولهم يوصلونه لك سـامي جلس وهو يناظر الورد : تتوقع تحبني ؟ فـيصل : سامي سالفة انها تحبك لا تتوقعها .. مااحد يحب احد بدون مايعاشره بس بداية انها وافقت هذا بداية خير وانها تحبك سـامي : أن شاء الله اني مااقصر وياها بشي فـيصل : طيب متى تبغى تسوي العمليه ؟ سـامي : لا بعد شهر العسل فيصل : تدري ان عرسك الاسبوع الجاي ترى بتدخل بالقاعه سـامي : أدري اني بدخل وانا موافق اني ادخل وانا كيذاا فـيصل : وش الفايده من تأخير العمليه قلي انا اخوك ؟ سـامي : فيصل هالشي ودي يكون بيني وبين نفسي فـيصل : أوكي براحتك بس متى مابغيت تقول شي تعال لي سـامي يناظر الورد : هه اطلع بالورد ؟ فـيصل : أكيد لك هو خذه سـامي : اخاف اخوها يشوفه .. فـيصل : حلالك ياشيخ ماعليك منه *مسك راسه* سـامي : وشفيك ؟ فـيصل : مافي شي .. سـامي قام : فيصل انت متعب نفسك بهالاوراق خلهم ورح استريح اليوم فـيصل : لا مافيني شي سـامي : ماعليه عشاني رح نام ارتاح لو ساعتين ع الاقل فـيصل كان محتاج ينام اصلا : طيب طلع وتوجه للبيت وهو يلعن أبو من خلف أريج على حركتها البايخه اللي كانت بتهدم فرحة سامي .. أول مادخل طلع لجناحه .. نـوران كانت طالعه ولابسه ليقنز اللي كان ع شكل فضاء وبلوزتها العلاق البيضا الضيقه مسكت شعرها ع جمب وقالت بدلع : السلام عليكم فـيصل راح لغرفته بدون مايناظرها : وعليكم السلام نـوران : غريبه جاي مبكر *شافت فيصل يحاول يفتح غرفته بالمفتاح وراحت جمبه* فيصل شفيك .. لهدرجه مزعجك حضورنا ؟ حنا نحاول مانسبب مشاكل قطع كلامها فيصل اللي دخل وصك الباب وقفل الباب قفلتين وانسدح داخل وهو يتنهد نـوران انجرحت من صده لها هي ماتحبه ولاتفكر فيه بس مولدرجة انه مايناظرها ولايخق ويا جسمها .. عيال عمها كانو كلهم خاقين وياها ويبغون يتزوجونها بس ابائهم مانعينهم اما هذا يمشي وكأن مااحد قدامه ولا كأنها بنت .. رفعت رجلها بتضرب باب غرفته بقوه بس هدت نفسها وراحت لغرفتها .. : بناات رنين وليليـان : هلاا نـوران : شرايكم نطلع لمول ولاشي نغير جو من يوم جينا وحنا محكورين رنيـن : أي والله يلا ليليـان : يممه لحالنا نـوران : وشفيها عااادي ليليـان : انتي ماسمعتي بنات خالي يقولون حنا مستحيل نطلع بدون مايكونون اخوانا معانا او امهاتنا او على الاقل يوصلونهم نـوران : حنا ماعندنا لا اخو ولا ابو خلنا نطلع معليه رنـين : يووه نوران ماتعرفين ليليـان مستحيل تطلع نـوران : ان بغيتي تطلعين حياك وان مابغيتي طقي راسك بأكبر جدار ليليـان : مجنونه انتي ولا مجنونه ؟ هذي الرياض مو القريه ومانعرف فيها شي وماتشوفين المغازل والمقاطع يمه لا انا خايفه نـوران : هذي شفيها مجنونه ؟ لهدرجه تفكيرك انتي ؟ امشي حسبي الله عليك حنا مورايحين نتمشى بالشانزلييه حنا بالرياض ترى والمكان كله هيئه رنـيـن : عندها الرياض حتى نيويورك مومثلها بالجرائم والاغتصاب نـوران : انا ادري .. كم مره اقولها المولات مايدخلونهم الشباب رنيـن : حاولي تقنعينها ع مبال مااكلم امي .. نـوران : ليليـان انتي ماقد طلعتي واستانستي مفروض تتحمسين الحين يلا ليليـان : نوران انا اخاف علينا حنا بنات حرمه مطلقه لويصير فينا ابسط الاشياء حطو ألف بلوه وبلوه نـوران : يووه انتي وعاداتك هذي ياخي امشي بس امشي رنـين : امي تقول روحو بس خوذو سواق العايله نـوران : اكيد اجل بنروح مشي ليليـان : اذا صار شي ذنبي برقبتكم نـوران : يااحححول كأننا رايحين مرقص ليليـان : خلاص وخري عن وجهي بروح ألبس لبسو عباياتهم وتلثمو وطلعو مع السايق الـسايق : أيش يبغى مدام نـوران : ودي اي مجمع حلو وكبير السـايق : طيب ايش اسمو ؟ نـوران : ياحول اي مجمع اختار لنا السـايق : طيب وداهم السايق لأحد المجمعات الكبيره بالرياض ليليـان تناظر الشباب المزز : يممه بنات احس بيغمى علي رنـين تخزهم : خلق وفرق بينهم وبين ون دي نـوران : امشو خلصوني ليليـان شهقت : حسبي الله عليك عباتك ضيقه نـوران مشت وهي تتميع بدون ماتناظرها وليليـان ماسكه رنين بيدها ويمشون .. نوران تمشي والشباب يناظرونها ليليـان : نوران وش هذا ترى قلة ادب تراهم مو عيال عمك وليه لثمتك شفافه يخرب بيتك بتفضحينا انتي وتنزلين راسنا نـوران : صدق صدق لحجيه ليليـان : لحجيه عشان خايفه من نظرة الناس لك رنـين : يووووووه بالله اسكتو وخلونا ندخل المحل هذا دخلـوا البنـات اما نـوران راحت وقفت على السور الزجاجي رنـين جتها وشهقت : نوران من كل عقلك واقفه هينا نـوران لفت وتراكت وظهرها للقزاز : ليه رنـين : انا وانا بس اشوفك احس بدوخه كيف انتي ماتخافين نـوران ناظرت : يمامي الا يخوف بس ماادري احوب كيذاا ليليـان استحقرت اختها اللي تتكلم وتتميع وجمبها رجالين يناظرونها رنـين بهمس لليليـان : شوفي المزه الي جمبها يشبه زين مالك يالبى ليليـان سحبت يد نـوران : امشي ياهبلا وراحـو لأحد المقاهي وجلسو يتقهون .. رنـين : والله المول هذا حلو ايش اسمو ليليـان بخوف : اظاهر هذا الافنيوز الي يقولونه رنيـن ونوران ناظرو بعض وفطسو ضحك رنـين : يمماه عقلها بدأ يخبص ليليـان : ليه وشفيكم ؟ نـوران : الافنيوز هذا بالكويت وش جابه هنا رنـين طلعت فستانها الاسود القصير وفوقه طويل : شوفو اخترت هذا لحفلة سامي ليليـان : انا مااخترت يووه نسيت نـوران : امشي الحين نروح ونختاار تقهوو بسرعه وطلعو يتمشون ويشترون .. ليليـان شترت فستان اما نوران مابقى فستان ماشرته | |||||||||
|  |
|
26-06-14, 03:38 AM
| #22 | |||||||||
| نجم روايتي ومشرفة سابقة وفراشة متالقة بعالم الازياء
| _______________________________________ مرت الايـام سريعه وشـذى وأريـج يبكيهم نفس الشخص بس بأسباب مختلفه فيصل كان كل ماتوصل له باقة ورد من اريج يرسلها لسامي وكان يحاول يطنش نوران اللي كانت بكل لحظة ماتخليه سـامي كان طاير من الونـاسه وكل ماجاه باقة ورد فرح اكثر مع ان وجود تركي اللي كل شوي ينكد عليه بس سكت له عشان ماوده يخرب فرحته ام فيصل حاولت بصعوبه تقتنع بوجود الهم ع قولتها وصارت تتأمر على البنات وفرضت نفسها عليهم مع انها للحين تتهاوش ويا ام نايف وام ليليان نيرمين تنتظر اتصال عيسى اللي من يوم جت ماكلف نفسه برساله يتطمن اقنعت نفسها انه درى بأنها خدامه ونست ان رقمها اللي بباريس غير رقمها الي بالسعوديه نواف حاول واخيراا يقنع رفيف بأن نيته حسنه وتأسف وحلف عليها تحضر حفلة ملكة اخوه .. __________________________________________ ببيت فقير بأحد احياء الريـاض رفيف كانت تدور حول الباب ودخلت بنت جيرانهم نرجس رفيف : نرجس تكفين تكفين وينك تأخرتي بسرعه لازم اروح اختار فستان نرجـس بتحذير : رفيف هذا المحل ماهو محلي ولا محل ابوي انا بس بياعه فيه وتعرفين كيف يعني بياعه وترى قررت انك تاخذين واحد بس تكفين ترجعينه قبل محد يحس رفـيف : نرجس انتي بتجين معي واكيد بتعرفين نرجـس تنهدت : يلا امشي السايق ينتظرنا برى طلعو وركبو ويا السايق وراحو لأحد المحلات بالمجمعات التجاريه الكبيره .. وكانت نرجس تبيع بالمحل هذا اللي كان فيه شناط وجزمات بعد .. رفـيف تناظر الفساتين : وش اختتار وش اختااررر ؟ نـرجس : انا اخترت فستان باقي انتي رفـيف سحبت فستان عجبها : خلاص انا هذا وخذت شوز وشنطه ومثلها نرجس وتوجهو للبيت بسرعه عشان يكشخون ويوصلون للصاله امبكر رفيف بعد شغل كثير وتعب .. طلعت لابسه فستان وردي فاااتح حيييل لدرجة انه مايل للأبيض ضيق ع الجسم كوكتيل لنص الفخذ ومن ورى ذيل طويل شفاف وشوز رباط ع رجولها لنص الساق وفاتحه شعرها الاسود الطويل مسويته ستريت وحاطه قذلتها اللي مغطيه كل جبهتها وروج وردي هادي نفس فستانها وكحله فرنسيه وعقد فضي ع صدرها : شرايك نـرجس شهقت : تف تف تف بسم الله عليك تهبلين تجننين رفـيف ناظرت صديقتها اللي كانت لابسه فستان كحلي طويل ساده وفيه حزام أخضر ورافعه شعرها البندقي ذيل حصان وحاطه روج برتقالي ومسكرا بدون كحل كان شكلها رايق وحلو : اللاه وانتي تهبلين بس بقولك شي نـرجس : قولي وشو ؟ رفـيف مسكت يد نرجس : نرجس تكفين لاتهاوشيني .. انا قلت لنواف اننا من عايله غنيه حيل واكباريه قلت اسمها الـ.... مدري انا طلعتها من مخي قال مااعرفهم قلت حنا اصل العايله من الكويت اصلن نـرجس تسطرها خفيف : غبيه انا بكمل الكذبه معاك اصلن رفـيف : غبيه انتي انصحيني عاتبيني نرجـس : لا انا بكذب مثلك بعد بقول زيك رفـيف : مجنونه من يوم يومك نـرجس غمزت : افاا عليك __________________________________ بالقـصر اللي كان مزين بالوردي وكان ظلام مافيه الا اضائه خفيفه ورديه رايقه كانت جالسه ام فيصل وعندها ام ليليان وام نايف وكانو يتهاوشون عشان ام نايف تسكت وماتتكلم وتفشلها قدام الحريم رنيـن طلعت بفستانها الاسود القصير وفوقه شفاف طويل اسود وكوكتيل وفاتحه شعرها وحاطه كحله برى عينها وفوق عينها وروج احمر فاقع : وش رايكم ليليـان كانت لابسه فستان اسود ضيق لنص الفخذ بس من عند الصدر كرستالات كثير ورافعه شعرها شينيون وحاطه مكياج خفيف : وش هذا ايمو انتي ؟ رنـين : والله كيفي .. وين نـوران نـوران طلعت بلوزه بنفسجيه تغطي بس لعند الصدر بأكمام طويله ومعها تنوره لين نص البطن برتقاليه وعليها حزام ذهبي وفاتحه شعرها حولها ومسويه شدو برتقالي وحاطه روج وردي وكان مبين جمال جسمها المتناسق : ياويلي هذي وش مسويه رنـين حطت رجل ع رجل : والله عاد رضيتو ولا طقو راسكم بأكبر جدار نـوران : شوفو من جا يع المغروره دخلـت رنـا لابسه فستان تايقر لنص الفخذ ضيق من عند الخصر ورافعه شعرها كأنه كيكه وحاطه كحل اخضر ومسكرا وروج أحمر : هااي ام نـايف : قولي السلام رنـا باست ام فيصل وطنشت جدتها : وين العروس ام احمـد : انتو مو تقولون بتزفونها ويا المعرس خليناها بلبيت بيجيبها ياتركي يااحمد ام فـيصل : أي صح نسيت ترى بنخليهم شوي يتدلعون ويوكلون بعض ام احمـد : أي خليهم لأخر العرس ان بغيتي .. ام فـيصل : هههههه .. ياهلا ام ريان شـذى دخلت بفستان احمر مخمل طويل الاكمام ومنفوخ من فوق ولنص الفخذ وفاتحه شعرها القصير وحاطه روج احمر وكحله فرنسيه ومسكراا اما أزهاار لابسه فستان كحلي طويل ساده ومن عند الصدر كرستالات بجميع الالوان وفاتحه شعرها الاسود المخل بأشقر وحاطه كحل اخضر وروج وردي اما نـور لابسه التنوره والقميص اللي لبستهم نيرمين يوم كانو بباريس جلسو البنـات ع طاوله وحده ورنين ونوران يحشون بذوق نور اللي يفشل كأنها رايحه جمعة بنات مو حفله شـذى كانت طايره بعالم ثاني وهي تناظر الكرسي المزين بالوردي مفروض تجلس فيه هي وسـامي ازهار عرفت ان البنات يضحكون ع اختهم اللي حتى استشوارها خرب : نعم وش فيكم ؟ نـوران : لا اعجبنا لبس نور من وين شاريته نـور : والله من باريس نـوران : اي تكفين طيب عطيني اياه عشان مااجيه ازهـار : من زين لبسك اللي كنك ياسمينه الي مع علي بابا نـوران حطت رجل ع رجل : ياسمينه ولا لحجيه ازهـار : اقول عاد احترمي نفسك ليليـان : يابنات اذكرو الله ماحصل الا الخير ازهـار : من يوم شفتكم ماشفت الخير رنـا شهقت وهي تناظر رفيف داخله حست انها اجمل منها وغارت حييل كانت تمشي بثقه وصوت كعبها وشنطتها اللي شايلتها بيدها ألتفتو البنات يناظرون ازهـار : آح موزاا رنـا : يهب يهب عليها وعلى جسمها ليليـان : قولي لا اله الا الله لاتحسدينها ازهـار : شكلها من الاكباريه شوفيها رايحه لأم فيصل نـوران بخوف : وش تبي هذي بعد بتقاطعنا بحلالنا رنـا بخوف اكثر بدون ماتحس بنفسها : والله مدري الناس كلها عينها ع هالكم قرش اللي معناا __________________________________ ام فـيصل كانت تهاوش الشغالات : كيف مافي معلوم قصري صوتك الحين اذان العشا والاغاني مسكره الشغاله : يووه ماما انا بس ينادي صديقه أم فـيصل لفت عنها وناظرت قدامها رفيف اول ماشافتها ابتسمت بأعجاب وهي تشوف قوامها الرشيق ووجهها البريء تقدمت على طول تسلم عليها : ياهلا ياهلا رفـيف فكرت انها عرفتها : هلا والله خالتي *سلمت عليها وام فيصل عيت تتركها* شخبارك ؟ ام فـيصل : بخير الحمدلله وشلونك انتي رفـيف : الحمدلله بخير ام فـيصل وهي للحين ماسكه يد رفيف : اعذريني ماعرفتك ؟ بنت مين رفـيف بخجل : أنا رفيف زميلة ن ام فـيصل عرفت وسلمت عليها اكثر وهي تقول ذوقك موهين يانواف : اي سولفلي عنك قال انك ساعدتيه رفـيف استحت وش مسولف عنها هذا خبل : الله يسلمك والله ماسويت الا الواجب ام فـيصل تقاطعها : انتي مين بنته ؟ رفـيف بخوف : رفيف عبدالعزيز ال.... ام فـيصل : هذي قبيله ؟ رفـيف : أي هذي اسم قبيلتي اما اسم العايله المعروف الـ..... بس معروفين بالكويت ام فـيصل ماتعرفهم بس اللي تعرفه ان البنت الي قدامها مستحيل من بيئه فقيره : وانتي جايه من الكويت رفـيف توترت : لا انا واهلي نقلنا هينا ام فـيصل بإعجاب بأسلوبها : اهااا .. تفضلي تعالي اجلسي مع البنات رفـيف : لا تسلمين خالتي انا جايه مع بنت عمي وهي تنتظرني أم فـيصل : عرفيني عليها خلينا نرحب فيها ياهلا ببنات الكويت _______________________________________ رنـين بهمس : راحت عليك يانوران نـوران طنشتها وقامت وراحت لعند ام فيصل : خاله تبغين شي ام فـيصل دبلت تسبدها نـوران : اعرفكم بنت حماتي نوران رفـيف تناظر بنت عم نواف بإعجاب : يااهلن انا رفيف نـرجس : انا نرجس نـوران : اسمائكم حلوه هههه ام فـيصل : اجلسي معاهم نـوران : طيب .. اي وشخباركم رفـيف : بخير شخبارك انتي ؟ نـوران : الحمدلله .. تعرفون خالتي ؟ نـرجس : لا حنا زميلات نواف رفـيف قرصتها لانها فضحتها : ههه ببريطانيا نـوران : اهاا نوافوه النتفه ياحليليه رفـيف رفعت حاجبها من قوة الميانه الي قاطتها نوران : أي كنا زملاء نـوران : ياحليله انا ساكنه عندهم بالبيت بس ولا مره جاب طاريك لازم اول ماارجع البيت ازن عليه رفـيف : هههههه هي زماله عاديه حتى عزم كل الدفعه نـوران غمزت لها : بس مااشوف خالتي ماارحبت الا فيك رفـيف صار وجهها الوان : أي يمكن عشان اول وحده نـوران : ولا يمكن نواف محرصها عليك .. ألمهم تدرين ان هذا حفلة اخوه رفـيف : أي الله يهنيهم نـوران : أمين .. وانا خطيبة اخوه الكبير رفـيف إبتسمت : والله .. مبروك نـوران بدلع زي العاده : الله يبارك فيك رفـيف : سويتو حفلة ملكه ؟ نـوران : لا فصولي للحين مشغول ماقرر رفـيف : الله يقدملكم اللي فيه خير نـوران : اميين ... عقبالكم ______________________________________ كانت جالسه ع سريرها بفستان ابيض ضيق ع جسمها وبأخره ذيل خفيف ومن عند الخصر فتحه شفافه وكت وعليه عقد ذهبي وفاتحه شعرها الكستنائي اللي مموج بطريقة حلوه وعليه طوق ذهبي شوي كبير وعليه لؤلؤ صغير وحاطته ع كتفينها وظهرها وروج وردي ناعم وكحل أسود شديد برى العين ومن داخل اخضر حيل يبين جمال لون عينها وشدو فضي خفيف وبلاشر برتقالي .. تبكي وكل شوي تمسح دموعها وتعدل كحلها ولما تعبت انها ماتقدر تعدله طاحت ع السرير تبكي بصراخ وبونين أكثر .. سمعت صوت رساله من جوالها فتحتها وليتها مافتحتها كانت من تركي كاتب لها .. : انا أدري انـك من اعـمـاقك تـحبيني وانا ادري اني غلاك اللي تـمنينه .هذا مكانـك مسيطر مثرٍ فيـنـي في وسط قلبٍ لـك الله ما تـخونينه شوفي غلاتـك على دربي تـخاويني وتركي لـولا غلاتـك ما دمعة عينه من يـوم رحـتي وطيفـك ما يخليني فـي كـل يـوم يـجي و يروح من حيـنه في قربـك العام كانت تضحك سنيني ولـيـل الشـتا كـم يـسـريـك و تسـريـنـه والـيوم حالـت مسـافـه بينـك و بـيني مـالـي جـدا غـير حـلـمٍ ولا تــزوريــنــه واصبـحت متغرب و ضـايع و مسكيني وانـتي بـعـد مـن ظــروف الوقت مسكينه يـا روح روحي يـ عـمري يـ نظر عيني يا زرع قـلبي وجنـتـه و بـسـاتـيـنـه تكفـين عندي طلب وابيـك ترضيني لا يـنكـسر خـاطــرك لا شفـتي ألزيـنـه وابـي بعد منـك لامنـك ذكـرتيـنـي مـا تنـزف أجـروح قـلبـك مـن شـرايـينه وأخـر طـلب كل ماقولـه يبكيـني اكبر عيالك علـى أسمي لا تسمينه يـمكن مـع الـوقت والأيام تنسيني و يـمكن حليلك من أظروفه تـحبينه مـاني مـعزيـك وانتي لا تـعزيـنـي و الحـب لا صار مـيت لا تــعــزيــنـه عـقـبـك ترا مالقيت اللي يسليني و انـتـي بـعـد مـن يـسليك و تسلينه وان مـا قويتي فراقي ربـك يـعيني و أن ساء وقـتـك فـسـوي مـا تسـوينـه يـا وقت لا نـمت تكفى لا تصـحيني خلنـي علـى نـومـتـي و الـنوم يـا زيـنــه مـدام صرتي من اعـمـاقك تـحبيني تركي و شلون يـصـبر بـاقـي أسنينه أنكسر قلبها وهي تقرا الكلام .. كانت تقرا حرف وتبكي اكثر .. تركي اللي كان كاتمه بقلبه كأن القصيده هذي طلعته كلها شهقت شهقه قويه حست قلبها بيوقف .. فتح الباب عليها احمد وهو يناظرها تبكي بزياده .. : اريج خلصي ماهو وقت بكي أريـج ماكانت تسمعه كانت حاضنه المخده وكل مالها تبكي اكثر ودها تصرخ وتقول ترركي ابغاااك بس ماتقدر كل شي يمنعها من انها تطلع أسمه حتى .. حست بيد تهزها ورفعت عيونها الرماديه الضايعه أحمـد : أريج تكفين لاتفشلينا مع الرجال امشي يلا أريـج كانت تقول بنفسها لا افشلكم ؟ وانا طيب ؟ تبغون تفرحون سامي على حساب فرحتي تبغونه يحس انه سعيد وكامل ومافي شي يمنعه ع حسابي تعاستي .. إبتسمت بحزن وهزت راسها وهي تضحك بإستهزاء على كلمات احمد اللي يقول ترى حفله مو عرس .. يحسب اني ابكي على فرقاه ؟ انا ابكي عشان من اليوم صرت زوجة سامي ماعادني لتركي وابكي على حب سنيني وحياتي تركي .. قامت وعدلت مكياجها وهي تحاول تهدي نفسها انها ماتنهار قدام الناس مستحيل تكون شماته لرنا ونور وبنات عمها وصديقاتها ومعارفهم لبست عباتها ونزلت وتوجهت للغرفه اللي تطلع منها العروس .. لقت ابوها وتركي هناك وهذا زاد عليها .. ابوريـان : ياهلاا بعروستنا الحلوه باسها وبارك لها وطاحت دمعتها يوم شافت عيون تركي الحزينه كان يحاول يخفي حزنه بس باين كل شي عليه .. ماكانت حاسه بيدين الخادمه اللي تنزل عباتها .. الخدامه بصراخ : مدام امسكي ورده مسكت الورده وعيونها متعلقه بعيون تركي اللي يقرب منها دمعت عينه يوم قرب منها وهمس وروحه كأنها بتطلع : مبروك الله يهنيك مع سامي حضنها بقوه وهو يبوس راسها وهي بعد حست بقلبها المكسور هدأ من ارتاجفه يوم صار بحضن حبيبه بس بسرعه مارجع يرجف اكثر بعد مااوخر .. احمـد : يلا استعدو الحين بيدخل سامي وفيصل واخوانهم وبعدهم حنا .. دخل سامي القاعه اللي كانو الكل يناظرونه بدهشه يناظرون الضماد اللي بوجهه مصدومين وخايفين اللي كانت تغطي عيونها واللي تتحمد الله واللي تقول اي اككيد قبلت فيه من فلوسه .. بس بسرعه طارت عيونهم لفيصل اللي كان يمشي برزه تنهدو البنات وبدأو يسون ان طرحتهم طاحت وحركات وهم يشووفونه يمشي وكأنه هو المعرس .. ألا شذى اللي كانت عيونها تدمع وهي تشوف حلم حياتها سامي كانت تناظره وتعاتب تقول انا المفروض عروستك انا المفروض اللي اكون بالغرفه هذيك انتظر لما يفتح الباب بلهفه عشان اوريك فستان مو اريج .. مفروض الكيكه مكتوب عليها اسمك واسمي .. اسم اريج غلط بينهم حاولت تمسح دموعها وهي تحاول تقنع نفسها بأنه فرحان ولا اهتم فيها بس هي عكسه هي حزينه ومهتمه حيييييل حيل .. تسكرت اللمبات كلها وماكان فيه الا اضاءه خفيفه ع الكوشه وتوجهت الاضائه كلها ع الباب الفضي الكبير اللي انفتح وطلعت منه أريج كانت ماسكه يد ابوها من يمينها ويسارها تركي اما احمد مشى ويا رنا لين الكوشه .. مشت اريج وعيونها بلأرض وهي تحاول تمنع نفسها من البكاء بس ازعجتها المصورة اللي كل شوي ترفع راسها وتقول ابتسمي كانت ترفع راسها ودموعها بعيونها والمصورة تطلب من تركي يقرب منها اكثر تحسب انه اخوها .. نزلت راسها يوم طاحت من عينها الدمعه وتركي فهم عليها وقال للمصوره توخر .. مشت وهي تسمع كلمات الاغنيه .. ياعيد عمري ؟؟ أي عيد انت جهنم حياتي وعبوسي .. مشت بخطوات هاديه بدون ماترفع راسها اما تركي كان وده انه يكون مكان سامي اللي فرحان وواقف يستناها .. حقد على سامي اكثر واكثر كان وده يمسكه ويضربه ويقول هذي حلالي اناا مو لك بس مااقدر خاف على أريج وسكت اما ساامي ياسامي ماكان حاس باللي حوله كان منسحر بجمال اريج وبرقتها يحسب انها خجلانه منه ماكان يدري انها منزله راسها من الحزن كان وده يركض لها ويمسكها ويضمها بقوه جمالها وانوثتها ماتتقاوم فرحته ماكانت تقدر توصفها ال24 حرف .. اما فيصل كان منصدم بجمال اريج بس ماحب يفكر اكثر ويحاول يصد بدون مايشوفها هي ونظرات تركي المحتقره لسامي بس اول مالف شاف قدامه نـوران نـوران : كاشخ ماشاءالله عليك فـيصل ناظرها من فوق لتحت بإعجاب بعدين صد نـوران : عيون الناس عليك اقرا على نفسك فيصل كان يحاول مايعطيها وجه دقق بأريج حس فيها شي موطبيعي تمشي بدون توازن تقدم وده يمسكها لاتطيح مو قدام سامي لاتخرب فرحة سامي ... أريج امتلت عيونها من الدموع وماعاد تحس حست بدوخه قويه براسها ماحبت تقاومها كانت محتاجه موت او غيبوبه او اغماء ياخذها من هالموقف لهنـا وبس مو قادره تكمل اكثر ماتبي تشبك يدينها بيدين ساامي .. ماحست بنفسها الا وهي طايحه تركـي اول ماشافها مسكها وسامي وفيصل واحمد جو يركضون وام احمد وام فيصل بعد سـامي بخوف : وشفيها اريج ابوريـان مسك راسها : صحوها ااخاف فيها شي تـركي بخوف شالها ورجع فيها لورى وهو يمشي بسرعه ولحقه سامي وابوريان وفيصل .. وبعد ماطلعو بدأت الهمسات والكلام .. اللي يقول من الحيا .. واللي يقول عطوها عين .. واللي يقول مغصوبه .. اما نواف كان واقف ويدور رفيف ام فـيصل بعصبيه : حسبي الله عليك يالخبل .. قم انقلع برى نـواف : يمه رفيف جت ام فـيصل مسكت نواف من يده واليد الثانيه مناور اللي كان يتميلح وجايب السيف يبي يرقص ____________________________________ تـركي كان حاط أريج ع صدره ويشربها مويه بشويش : بسم الله عليك أريـج شربت بس اول ماشافت سامي بكت ودفنت وجهها بصدر سامي اللي حضنها بقوه .. نسو اللي حولهم بس كانو محتاجين بعض بهاللحظه .. سـامي : الحمدلله انها بخير ابو ريـان : والله دلوعه بنتي احمـد : لا يبه شكلها ماكلت شي من اليوم عشان الفستان لايضيق اما فيصل كان يناظرهم بإستغراب حس إن شعر جسمه وقف وهو يشوف تركي اللي يتنفس على شعرها واريج اللي بحضنه ووجهها بصدره وتبكي وتون .. حس في شي مو طبيعي وماكان يبغى سامي يلاحظ فـيصل : الحمدلله ع سلامتها .. اجل حنا بنرجع لرجال طلع فيصل وعيونه معلقه فيهم مابعدو عن بعض ابداا وهمس تركي لها كان براسه .. انا جمبك انتي بحضني ارتاحي .. حاول انه مايسيء الظن بس كل اللي يشوفه مايخليه يفكر بشي صحيح .. | |||||||||
|
| |
|
26-06-14, 03:42 AM
| #23 | |||||||||
| نجم روايتي ومشرفة سابقة وفراشة متالقة بعالم الازياء
| الــــبــــاارت الــثــاني عششر قوليلهم مابيه والدنيا نصيب لاتستحين ويهدم احلامك خجل او بالاصح قولي لهم عندي حبيب ماشافت عيوني بمرجلته رجل ____________________________________ تـركي كان حاط أريج ع صدره ويشربها مويه بشويش : بسم الله عليك أريـج شربت بس اول ماشافت سامي بكت ودفنت وجهها بصدر سامي اللي حضنها بقوه .. نسو اللي حولهم بس كانو محتاجين بعض بهاللحظه .. سـامي : الحمدلله انها بخير ابو ريـان : والله دلوعه بنتي احمـد : لا يبه شكلها ماكلت شي من اليوم عشان الفستان لايضيق اما فيصل كان يناظرهم بإستغراب حس إن شعر جسمه وقف وهو يشوف تركي اللي يتنفس على شعرها واريج اللي بحضنه ووجهها بصدره وتبكي وتون .. حس في شي مو طبيعي وماكان يبغى سامي يلاحظ فـيصل : الحمدلله ع سلامتها .. اجل حنا بنرجع لرجال طلع فيصل وعيونه معلقه فيهم مابعدو عن بعض ابداا وهمس تركي لها كان براسه .. انا جمبك انتي بحضني ارتاحي .. حاول انه مايسيء الظن بس كل اللي يشوفه مايخليه يفكر بشي صحيح .. __________________ تـركي بهمس : أريج خلاص اهدأي اريـج بنفس الهمس : طلعني من هناا تـركي : بس هذا اللي يسكتك ؟ تامرين امر من عيوني الثنتين *صرخ ع رنا* جيبي عباتها رنـا : والله ماني فاضيه لك رح جبها انت تـركي : وراك ياحيوانه جبيها رنـا : بابا شوفه ابوريـان ببرود : عاد هذا تركي وهذي دلوعته اريج هههههههه ام احمـد رمت عليه العباه : امسكي البسي فشلتينا يالخبله المسكينه تـركي كان يلبسها العبايه وهي منزله راسها وماتبي تبعد عن حضنه .. تركي : وين احمد ؟ ابـواحمـد : طلع لرجال تـركي : ومفتاح السياره ابـواحمـد : امسك هذا مفتاح السياره انا بروح لعند الرجال تـركـي واريـج طلعو من القـاعه وماهمهم اللي وراهم مافكرو بشي ابدآ غير انهم يكونون مع بعض ويحضنون بعض بعد الجفا اللي صار _______________________________________ ام فـيصل كانت متفشله من معازيمها وتقولهم العروس ماخذه رجيم حاد لأن الفستان ضيق وماكلت شي وغمى عليها .. ام فـيصل : الله يفشلك انتي وبنت زوجك ام احمـد : شسوي فيها خبله غمى عليها ام فـيصل : الشرهه علي انا اللي دخلتهم ع الناس المفروض مايطلعون الا بالعرس ام ااحمـد : ماعليك منهم ام فـيصل : امشي بس خلينا نقول لهذي تشغل الاغاني بعد مدري شفيها .. ازهـار : يعنني مسويه نفسها غمى عليها شـذى : يمكن غمى عليها عشان ماتبيه ازهـار : لا عشان تتدلع وتتلزق شـذى : مستحيل اريج تكون تتدلع وتسوي نفسها يغمى عليها ازهـار : مسكينه انتي ؟ خطفت رجلك وللحين ساكته .. رنـين : واو كأنه مسلسل تركي ليليـان : حرام عليك المسكينه طاحت ادعي لها الله يشفيها نـوران : كش وفيصل يناظرها خاق عمى بعينه انا اوريه بلبيت رنـين : تراه مو رجلك نـوران : جب انتي ماطلبت رايك رنـين تقلدها : جب انتي ماطلبت رايك .. الحمدلله والشكر .. رفـيف : يممه نرجس شوفي عروستهم غمى عليها نـرجس : رفيف شفتي نواف شكله يدورك رفـيف استحت : خلي نواف الحين انا اتكلم عن هذولا *شهقت* شوفي بويات يخوفون امشي قبل يسخط علينا الله نـرجس : غبيه انتي هذولا الطبقه الارستقراطيه خلينا نشوف بناتهم يجننون يالبى رفـيف : انقلعي انتي فاضيه .. نرجـس : رفيف انتبهي للفستان لايتنزع رفـيف وقفت وهي تعدل قذلتها : نرجس امشي مو وقت الجلسه نرجـس : بتروحين روحي لحالك .. رفـيف : طيب خليك انغرسي هنا نرجس قامت تلحقها : حسبي الله عليك مافكرت انك من صدقك بتخليني وتروحين رفـيف : عشان تعلمين لبسو عباياتهم وطلعو .. نرجس سانده نفسها ع الباب : شوفي زين كيذا ؟ .. ماجا السايق وبننغرس هنا بالحر رفـيف : قال 5 دقايق واجي بس بسبب السيارات نرجس تناظر : اللاه شوفي اشكالهم تهبل يارفيف *نزلت الغطوه وخلت عيونها طالعه* ياااويلي هذا نوااف شوفي الرزه يمماه يعض شفايفه رفـيف ناظرت نرجس : نرجس عمى غطي وجه غطيييييه نرجس : عادي كأنو لثمه رفـيف : حسبي الله عليك لثمه وانتي حاطه هالمكياج والعدسات سكريه حرام عليك نرجس : خلاص غطيت غطيت .. بس شوفي رفيف اللي واقف هناك عند السياره السودا نوافو رفـيف : نرجس انتي وش مفكره تراه نفسه نفس اخوي يعني لاتبدأين تستهبلين نرجـس شافت نواف قرب من عندهم وقالت بصوت طويل : رفييييف اتصلي على السايق رفـيف قرصتها بس شافت نواف اللي يناظرها اما عيونها ماكانت واضحه نـواف : انتي رفيف ؟ نرجـس سبقت رفيف : أي اي رفيف هذي زميلتك نـواف مد يده : هلاوالله نورتي رفـيف : لوسمحت حنا بالشارع نـواف : وشفيكم واقفين هنا ؟ نـرجس : ننتظر السايق بس شكله بيتأخر نـواف : شدعوه تفضلو داخل لما يوصل رفـيف : لا الحين بيجي نـواف : شكله بيتأخر زحمه هنا والسيارات مليانه .. تعالو معي نوصلكم رفـيف بخوف : لالا مشكور تفضل روح نـواف : شدعوه خلوني اوصلكم مستحيل اخليكم واقفين هنا تنتظرون والرجال كثير نرجس : اي رفيف خليه يوصلنا رفـيف : قلت لا يعني لا نـرجس : يلا امشي بس وسحبت رفيف اللي تهاوشها وراحو نـواف فتح لهم باب السياره : تفضلو وركب قدام .. نواف : بأي حي بيتك ؟ نـرجس تذكرت ان بيتهم خايس ومن برى يفشل وتوترت ورفيف دمعت ماعرفت شتقول .. نـواف لف عليها : رفيف ؟ رفـيف : بيتنا .. بيتناا ماادري وين انت امش وانا اقولك اذا شفته نـواف : هه وشلون تبي اتمشى فيك بالرياض كلها يعني رفـيف : انا عشان كيذا قلتلك بنتظر السايق نـواف حرك السياره : لا خلاص بمشي بمشي مشو وكانو ساكتين ومافي الا ضحك نرجس اللي فرحانه لأنها راكبه سياره جديده .. نـواف : كيفك بعد الدراسه رفيف رفـيف : .... نـواف : شفتي امي ؟ تقول شافتك رفـيف : كمل سواقه وانت ساكت نـواف : افاا .. طيب ماتعرفين محل او شي جمب بيتكم ؟ رفـيف : لا مااعرف نـرجس خطرت ببالها فكره جهنميه : نزلنا بكنتاكي انا عازمتها نـواف : كنتاكي ؟ رفـيف : أي صح بنتعشى بعدين بنخلي السايق يجي يوصلنا نـواف : خلاص اجل ع حسابي رفـيف : لوسمحت يااخ نواف مو يعني رضيت اركب وياك يعني خلاص تعزمني وماادري ايش .. ألزم حدودك نـرجس : رفيف وش فيك ع الرجال نـواف ناظرها من المرايه وهو يميل فمه بزعل بس قال يمكن هي متعوده ع الفلوس مايهمها موقعي الاجتماعي ؟..: اوكي زي ماتبين وصلهم لكنتاكي ونزلهم وهو ساكت نـرجس اول مامشى نواف بصراخ : حسبي الله عليك يالفضيحه يالهبله يالخبله رفـيف تناظر الناس أللي لفو عليهم : وجع ووجعتين انتي بتفضحينا امشي داخل على مبال يجي السايق _____________________________________ ام نايف كانت جالسه بطاوله كل اللي فيها سيدات مجتمع وغنيات .. ام نـايف : مويضي وجويزه غصبو العيال ع بعض ولا سامي ييبي بنت بنتي رنين ام خـالد*وحده من الحريم* : لا يقولون انهم يحبون بعض من يوم كانو صغار ام نـايف : ومين اللي قالته ؟ ام السعف والليف اكيد .. هذي تسذابه انا الولد يبكي ع رجل والبنت تبكي ع الرجل الثانيه مايبون بعض ام مريم صديقة ام فيصل حيل : والله ماينعرف كذبك من صدقك ياام نايف ام نـايف : انتي تكذبيني انا ؟ شايفتني كبرك ام مريـم قامت من الطاوله بدون ماترد عليهاا .. تفضلو على العشاا .. قامو الكل للعشاا ع كلمة الطقاقه .. وام مريم راحت لام فيصل : موضي ام فـيصل : هلا ام مريـم : هذي حماتك تراها فضيحه تمشي وتقول مغصوبين على بعض وولدك يبي رنين ام فـيصل : انا مااعرف اسكر فمها بلزقه ولا وش اسوي ماتسكت ام مريـم : شوفي حبيبتي ترى الكل صار يأيد كلامها روحي امسكيها ولا جهزي كلام لهم ام فـيصل : قولي لهم مخرفه بس ____________________________________ ببيت عيـسى كان جالس ببجامته المقلمه بأزرق وبدون قميص وياكل بالصاله ودخلو امه وخواته .. ام رامي : افف صارت احداث عـيسى بلع البطاطس : ليه يمه وش صار سـاره *اخت عيسى* : طافك دخل سامي طلع مشوه امحق .. المهم وواقف وحولينه اخوانه وام فيصل مسويه نفسها مااحد قدها ومتكبره ويع ولدهم فصيل مدري مين قايل له لاتبتسم عـيسى : بتوصفين فيصل ولا بتكملين ؟ رغـد *اخته الثانيه* : هذي مجنونه خلها .. المهم ودخلت اريج ياروحي تجنن كنها القمر تهبل بسم الله ماشاءالله سـاره تسحب خدودها : تهبل تهبل وجسمها وشعرها وبشرتها البيضاا ام رامـي : اذكرو الله عليها رغـد : أي ماشاء الله المهم عـيسى شوي وتطلع عيونه : ليه حلوه ؟ رغـد : حلوه وبس ؟ والله مسكين انت مااتوقع شفت نفسها خساره سامي فيها المفروض فيصل .. المهم المسكينه داخله ومنزله راسها تبكي وجمبها ابوها واخوها سـاره : مواخوها يالخبله هذا خالهاا شفيك حوله رغـد : مالها خال اهلها بالعراق وشفيك انتي ؟ سـاره : اي هو خال رنا بس بحسبة خالها رغـد : شفتي رنـا تتميع ومالبست عباتها عمى بعينها عـيسى ياكل ومندمج وياهم : وحلوه رنـا هذي ؟ رغـد : أي حلوه ماشاء الله وشعرها وأنفها يهبل زي القطوه بس ماتوصل زي اريج سـاره : رنا نقول بعذرها عرس اختها بس الخبلات الثلاث هذنكم اللي عيو يتغطون وواقفين ورى فيصل واخوانه يقولون بنات عمته وساكنين عندهم رغـد : شفتي اللي تشبه رنـا ؟ يمه نسخه من بعض ويهبلون سـاره : خليهم ع جمب خليني اكمل السالفه .. المهم وجلست تمشي المسكينه شوي ويغمى عليها ويصارخون ويشيلها خالها ويروحون رغـد : وشفيها شذى مكشره ولاتسلم سـاره : كان خطيبها هذا اكيد بتكشر رغـد : حرام عاد حليانه عيسـى بخبث : شكل بنـات الـ.... كلهم حلوات ؟ سـاره : أي والله كل وحده احلى من الثانيه رغـد : يع وشو احلى من الثانيه هذيك ام تنوره سودا وقميص ابيض خايسه سـاره : مين اللي يقولون عنها العانس .. شسمها ياربي ام رامـي بقرف : نور عـيسى استغرب من امه وخواته : ليه لهدرجه خايسه سـاره : هي وملابسها اللي مولايقه وجسمها ييييع تجيب المرض رغـد : شفتي شعرهاا ؟؟ وعع ام رأمــي : خلاص يابنات استغفرو ربكم الله لايبليكم نفسها .. عـيسى عقد حواجبه بس فكر ان خواته غيرانات منها لأن شعرها احمر وعيونها زرقا طبيعه .. _____________________________________ دخلت ام احمـد وبصراخ : اريج ياجعل مافي اريج يالفضيحه رنـا : الله يفشلها مالقت تدوخ الا قدام الناس ابـواحمـد : هدي اعصابك البنت تعبانه ومريضه ام احمـد : جعلها ماتصحى من تعبها جعلها للمرض اللي يرقدها بالسرير شهر احمـد : يووه يمه ترا ماحصل شي ام احمــد : كل الفشيله هذي وماصار شي تـركي طلع من غرفة اريج اللي كانت نايمه : الجازي اسكتي هي نايمه فوق ام احمـد : وانت مربي لها .. وخر بعد ماخربت العرس راحت تنام احمـد : يمه حرام عليك عاد حني شوي ام احمـد : هي ماحنت علينا وخافت تفشلنا قدام الناس تبيني احن عليها ابـواحمـد : أذكري الله يامره وهذي حفله وماعليه رنــا : لا بابا انت ماشفت عيون الناس وكلامهم كله سب فيناا أبواحمـد : أنتو وش عليكم من كلام الناس ام احمـد : بكرا يقولون غمى عليها ماتبي ولد عمها عاشقه ولا تحب تـركي : بيقولون غمى عليها ماتبي المشوه وغير هالكلام مراح يقولونه ام احمــد : ومستانس انت *رمت عليه جزمتها ع فوق* حسبي الله عليك واقف وياها بعد احمــد : لأنك مكبره الموضوع ام احمـد : انا بروح اتفاهم معها احمـد مسكها : يممه لا خلاص خلي البنت بحالها ام احمـد طنشتهم وراحت لغرفتها .. احمـد دخل غرفة اريـج احمـد : أريـج تـركـي يسوي نفسه مايدري عنها : أريـج احمـد شافها : شكلها نايمه خلها ____________________________ ام فـيصل جالسه بالصاله ومعصبه سـامي : يمه يمكن البنت تعبانه خلاص خلوها فـيصل يفكر بحركات تركي لأريج .. معقوله عشان كيذا كان رافض زواج سامي من أريج ؟؟ ... أيش تقول يافيصل حرام اللي تفكر فيه .. بس هي جتني وتحاول تغريني وشكلها متعوده ع هالشي .. حسبي الله عليك يااريج نـواف : يمه شفتي رفيف منـاور : يمه شفتي وحده حلوه تخطبينها لي ؟ نـواف : اول شي رفيف منـاور : لا اول شي انا ام فـيصل : خلاص عورتو راسي كأنكم بزران ام نـايف تزيد عليها : يافضيحتك فضيحه يااموضي ام فـيصل : أقسم بالله ان مامسكتو جدتكم وبعدتوها عن وجهي اني لأذبحها فيصـل مسكها : امشي ام نـايف : وخر عني يالورع .. هي اللي تطلع مب انا فـيصل : امشي بس والله ماحنا ناقصين هياطك ام نـايف : اهب يالعبوس ؟ والله انت اللي تهايط فـيصل بعصبيه : اقسم بالله ان مامشيتي اني لأرميك انتي واغراضك وبناتك برا نـوران مسكت يد فيصل اللي كان ماسك فيها ام نـايف وناظرته : خلاص انا اوديها فـيصل سحب يده بسرعه وراح فوق .. نـوران : امشي تيته ام نـايف مشت وياها .: انا بروح بالمصعد مااقوى اطلع الدرج نـوران : طيب انا بروح بالدرج راحت نوران تركض ووصلت للممر اللي كان فيصل واقف بأخره ويدخن وهو يناظر من الشباك .. ومشت له بهدوء وهي مستغربه انه مالاحظ وقفت جمبه .. ألتفت يشوف البنت اللي كانت واصله لصدره : من وين طلعتي انتي نـوران بدلع : أنا شيطانه فـيصل إبتسم بسخريه : عارفه انك شيطانه وفرحانه ؟ نـوران : وانت إبليس فـيصل ناظر الشباك : استغفرالله العلي العظيم نـوران ناظرت الشباك : أيه والله استغفرالله العلي العظيم فـيصل لف عليها : ألا قوليلي انتو وش جايبكم هناا ؟ نـوران ناظرته وهي تلعب بشعرها : مااعرف عن مامي وتيته بس انا مشتاقتلك فـيصل : مشتاقتلي ااهاا .. *نفخ عليها الدخان* نـوران تحرك يدها : كح كح .. فيصل هيه انا فيني ربو فـيصل : يعني ماتحبين المدخنين نـوران : لا عادي احبهم فـيصل : ههههههههههههههههههههه .. طيب ماتبون ترجعون للمزرعه نـوران : ماما يمكن ترجع هي وخواتي بس انا بجلس مع تيته فـيصل عقد حواجبه : أنتي لازم اول وحده تروحين من هالبيت نـوران شهقت : ليييش فـيصل مشى لغرفته وهو يدخن ونوران تلحقه : قلي ليش فـيصل دخل الغرفه وسكر الباب وهي ضربته برجلها وراحت لجناحها رنـين ترقص أجنبي ليليـان : رنين تكفين خلاص تونا جايين من حفله بعد للحين فيك حيل ؟ .. وانتي وين كنتي ؟ نـوران شبكت يدينها وحطتهم ع خدها : فصولي ليليـان : حيوانه وش تسوين عنده ياقذره نـوران : حقيره ماتفكرين الا تفكير سيء .. يع وش بسوي يعني بس استهبل رنين مسكت يد نوران وهي ترقص : أرقصي نـوران : الحمدلله والشكر .. يارب نعمة العقل بس ______________________________________ شـذى دخلت غرفتها وقفلتها مية قفله ماودها احد يجيها طاحت ع السرير وهي تبكي منقهره .. كيف سامي يرضى بوحده من كثر ماتكرهه غمى عليها .. كيف يرضى يعيش وياها وهي مستحقرته ومخليني انا اللي اموت بترابه .. ليه ياسامي لهدرجه كرهتني .. دفنت وجهها بمخدتها عشان تخفي شهقاتها بس دموعها كل شوي تزيد حزن .. كل ماتذكرت اغنية زفتها ونظرات سامي الولهانه لها يتقطع قلبها المفروض هي اللي تكون تمشي .. نـور كانت جيعانه وجلست بغرفة الطعام وقالت لنيرمين تسوي لها اكل .. وريـان شاف ضوء بالغرفه ودخل نـور : ريـان حياك تعال انا بتعشى ريـان ناظر نور بأستغراب وهو يتأمل شكلها وبينه وبين نفسه : انا شايفها بهاللبس بس وين ياريان ؟ نهاية البارت | |||||||||
|
| |
|
26-06-14, 03:52 AM
| #24 | |||||||||
| نجم روايتي ومشرفة سابقة وفراشة متالقة بعالم الازياء
| الـــبـــــاارت الـــثــالث عشر عاهدتني ألا تميل عن الهوى , وحلفت لي ياغصن ألا تنثني ! هب النسيم ومال غصنك مثله , ياباخلآ بالوصل انت قتلتني ______________________________________ شـذى دخلت غرفتها وقفلتها مية قفله ماودها احد يجيها طاحت ع السرير وهي تبكي منقهره .. كيف سامي يرضى بوحده من كثر ماتكرهه غمى عليها .. كيف يرضى يعيش وياها وهي مستحقرته ومخليني انا اللي اموت بترابه .. ليه ياسامي لهدرجه كرهتني .. دفنت وجهها بمخدتها عشان تخفي شهقاتها بس دموعها كل شوي تزيد حزن .. كل ماتذكرت اغنية زفتها ونظرات سامي الولهانه لها يتقطع قلبها المفروض هي اللي تكون تمشي .. نـور كانت جيعانه وجلست بغرفة الطعام وقالت لنيرمين تسوي لها اكل .. وريـان شاف ضوء بالغرفه ودخل نـور : ريـان حياك تعال انا بتعشى ريـان ناظر نور بأستغراب وهو يتأمل شكلها وبينه وبين نفسه : انا شايفها بهاللبس بس وين ياريان ؟ شهق يوم تذكر يوم كانو بفرنسا .. تذكر خوف عيسى ورجفته يوم شافهم .. تذكر يوم البنت نزلت راسها وعيت ترفعه وتشوفهم .. تذكر الملابس ويوم نزلت تركض للفندق اللي كانو ساكنين فيه .. قرب منها وهي تبتسم له وسحبها من شعرها ريـان : طلعتي حقيره وانا اللي اقول هذي اعقلهم نـور : آه ريـان اتركني وشفيك علي ريـان : وشلون تسوين في أخوك كيذا ؟ وشلون تطلعين ويا عيسى قطع كلامهم طيحة الصحون ونظرات نيرمين المنصدمه كانت تناظرهم وعيت تتحرك من مكانها ماتوقعت ان الموضوع اخره كيذا توقعت أي شي الا ان ريان يشك بأخته ريـان بصراخ : أنقلعي برى نيرمـين راحت تركض لدور الثالث وهي تسمع صراخ ريـان وآهات نـور .. ماكان ببالها شي الا انها تهرب .. نـور طاحت بالأرض : وخر عني يامجنون انا ماسويت شي ريـان مسكها من شعرها : انا اللي شايفك بعيوني يالـ... وانتي طالعه معاه بحانه يالوصخه .. ياخسارة تربية امي فيك .. فشلتينا ونزلتي راسنا .. مالقيتي الا عيسى سود الله وجهك الحين بيفضحنا يالكلبه نـور ببكي وترجي : عيسى ايش انت شتقول ريـان رفسها ببطنها بقوه : وبكل قوة عين تقولينها يالحيوانه نـور كانت تبكي تحاول تكلم وتفهمه بس مو قادره وتحاول تستر جسمها لأنع قطع جسمها من كثر الضرب .. ريـان ضربها ضرب سنه بيوم كسر 2 من سنونها الاخيره من قوة الكفوف اللي كان يعطيها وقطع شعرها اللي كان اصلآ اكثره متساقط ومافيه الا شوي .. خذا العقال وضرب جسمها الناعم اللي كان طالع كله وزاد الالم لما صار احمر .. مسك البـاب وصرخ عليها : مالك طلعه من هالمكان خيسي فيه لين مااجيب الكلب الثاني واتفاهم معاه سكر البـاب بقوه وطلع لغرفته وخذا الجوال دق ع عيسى دقتين وثلاث واربع وعشره بس مارد عليه : وين بتروح مني يالكلب صايدك صايدك ___________________ عـيسى صحى على صوت جواله وفتحه : أف 15 مكالمه من ريان .. وشيبي هذا الله يقطعه *فتح الرساله* عيسى بكرا الصبح ابيك ضروري بموضوع تعال بيتنا .. الله يستر وش فيه ؟ *رمى الجوال* انام احسن لي رجع ينام بكل برود بدون مايفكر .. متعود ع الهواش .. وببرود يعترف ومايهمه شي بسبب مركز أبوه وعايلته اللي يطلعونه من السالفه على انه هو البريء والمضحوك عليه عشان فلوسه.. ياكثر مااواعد بنات وياكثر ماضيع شرف بنات وياكثر ماكشفوهم اخوانهم وتهاوشو .. بس كلهم كانو بنات الطبقه الفقيره مو زي نور .. ___________________ صحت من النوم وحست بصداع شديد براسها عقدت حواجبها ورفعت خصلات شعرها الكستنائي عن وجهها .. حست بثقل فوق ظهرها .. شافت يد واستغربت ؟ معقوله زوجوني سامي امس وخلاص ؟ .. لالا مستحيل .. لفت تناظر وقلبها يرجف .. شهقت يوم شافت تركـي اللي نايم جمبها .. إبتسمت بس تذكرت كلامه فكرت انه رجع يستغلها خاصتآ انها خلاص الحين بالورق زوجة سـامي ومافي امل يغيرون شي .. بعدت يده بسرعه وجلست .. : قوم الله يقرفك تـركـي فتح عيونه بصعوبه بسبب الانوار وشاف اريج قرب لها : كيفك ياروحي بعد امس أريـج ماكانت متذكره شي من امس : قم اطلع برى .. انت كيف تسمح لنفسك تنام بغرفتي تـركي جلس : وشفيك اريج .. *فتح يدينه* اكيد تعبانه من بكاء امس تعالي لحضن حبيبك أريـج رمت عليه المخده : اقسم بالله اذا ماطلعت والله بصرخ تـركي تنح ببجامتها البيضا اللي من الحرير مفتوحه لين بداية صدرها وطايحه من ع كتفها وشعرها الكستنائي اللي منثور عليها .. حس بشوق لها وده يحضنه وسحبها لجهته وضمها حيل أريـج تحاول تبعده : تركي انقلع وخر عني انا متزوجه خلاص تـركي ماكان يسمعها كان حاضنها حيل ويشم ريحة شعرها اللي اشتاق لها أريـج عضت كتفه بقوه وهو وخر .. : آح .. أريج وشفيك كل ماحاولت اعدل اللي بينا تبعديني ؟ أريـج دمعت عيونها وهي تتذكر امس : أيش تعدل ؟ قصدك بتخرب زياده ؟ انت دمرت مستقبلي *حطت يدها ع شفايفها الورديه تحاول تكتم الشهقه وقالت بعيون دامعه* اطلع لوسمحت تـركي تأفف منها وطلع بسرعه بدون مايرد عليها وأريج قامت بسرعه ترمي الملابس اللي عليها ماتذكر انها لبستهم .. أكيد هذا تركي الحقير لبسني حيوان اكرهه كيف سمح لنفسه يسوي كيذا .. رمتهم بعيد عنها ودخلت البـانيو وشغلت المويه الحاره وجلست وهي تتذكر امس وتبكي __________________ صحى من النوم وخذا شور سريع ولبس ناظر شكله : لا ياعيسى انت مو بفرنسا انت بالسعوديه الحين يلحقونك الدرباويه *قال وهو يقلدهم* يالورع تبيلك حمضيات حار يعدلك رمى الحلق والسلسال والكاب ولبس نظاراته وطلع بسيارته الفيراري : صباح الخير ريـان ماكان نايم من امس وينتظر عيسى بأحر من الجمر : ياصباح النور . ها بتجي ؟ عـيسى : أي هذاني بالطريق جاي .. بس وش تبغى ؟ ريـان : أن جيت بتعرف *سكر السماعه* وحنا عادينك واحد مننا طلعت حقير .. بس هذي طبايعك ياعيسى البنات وفضايحهم عيسى حس بشي وكان وده يهرب بس لمتى بيهرب وقرر يتصل ع هيثم لأن يدري هيثم مهما عصب بيهدأ عكس ريـان : هلا هيثم صباح الخير هيـثم : صباح النور .. وش عندك من الصبح متصل ؟ عيـسى : والله مدري عن اخوك ريان قالي تعال هيـثم : وش عنده ريان وش يبي منك ؟ عيـسى : مدري ماقالي .. انت خلك موجود انا مشتاقلك بسولف لك هيـثم : والله انا برى توني مودي سيارتي للورشه وكنت بتصل ع السايق يجي ياخذني عيـسى : لا ماعليك قلي انت وين وانا جايك هيـثم : انا بـ..... عيـسى يناظر يسار : أي هذي هي قريبه 5 دقايق وجايك هيـثم : طيب عـيسى راح عند هيثم وهيثم ركب وياه : نورت السياره هيـثم : بلا استهبال وامش لبيتنا عيـسى : تراني عيسى الـ.... مب سواق بيتكم هيـثم : هههههههههههه محشوم بس تعرف ميانه عـيسى وصل للقصر ناظره بربكه حاس في شي صاير : هذا حنا وصلنا هيـثم : يهب عليك سريع عـيسى : والله انت البطيء اللي تمشي 80 هيـثم : 80 بطيء ؟ امش الله يستر عليك شكل اخرتك ميت بحادث عيـسى وهو يحاول يضحك من الخوف : ههههه دخل واول ماشاف وجه ريان اللي كان احمر ومعصب حيل ريـان بإحتقار : وجايب اخوي معاك تشهده على سواد وجهك *مسك عيسى من بلوزته وتفل بوجهه* وحنا نحسبك كفو يالكلب وبدأو يتضاربون وريـان كان يضرب بقوه وعيسـى يضرب اقوى وهيثم يحاول يفرقهم وبعد الموت بعدهم هيـثم بعصبيه : وش صاير وش فيكم تهاوشون ريـان : اسأل صديقك اللي مأمنه على نفسك ومأمنه على اهلك وحاطه وياهم على طاوله وحده .. شف وش يسوي من وراك يكلم اختك ويطلع معاها هيـثم انصدم وألتفت على عيسى اللي كان يصارخ بأقوى : ماسحبتها من يدها وقلت اطلعي هي اللي جت وراي تبيني .. تدري ليه ؟ هي زي الـ.... تبي الفلوس هيـثم عطاه كف قوي كان من قوة القهر : اطلع برى ريـان سحب عيسى : اقسم بالله ماتطلع ولاتروح .. تتزوجها يعني تتزوجها عيـسى دفه بقوه : اخذ بنت مو متربيه وتطلع ويا كل من هب ودب .. لايشرفني ولاني نازل لهالمستوى واعلى مافي خيلك اركبه ريـان من القهر رجع يضربه وتضاربو وعيسى بسبب بنيته القويه كان يضرب ريان بأقوى هيـثم كان مااهو عارف وش يسوي مصدوم من صديق عمره اللي كان يعده زي اخوه أنه يسوي فيه كيذا .. قال بعتب وهو يمسك عيسى : تسوي كيذا بأخوك ؟ عـيسى بقرف : ماتشرفني خوة امثالكم ؟ ناس ماعرفو يربون بنتهم ويبون يبلونها فيني هيـثم انصدم اكثر من كلامه وكأنه بحلم .. عيسى اللي واثق فيه حيل يسوي فيه كيذا .. وقف قدام عيسى وناظره وعينه بعينه : اختي خساره فيك بس بتاخذها غصب عنك عـيسى : مابي وحده رخيصه نفسها ريـان طلع المسدس وحطه ع رقبة عيسى : أقسم بالله أن ماتزوجتها لأذبحك وارميك للكلاب عـيسى خاف من ريان لأنه مجنون ويسويها وكان أصلا عارف انه بلاخير بيتزوجها اذا عرف ابوه وبيتفشل قال بغرور وإبتسامة سخريه : ماعليه نتزوجها حلوه نلعب فيها كم يوم ريـان كان وده يرميه بالمسدس بس وقف لأنه مايبي يخلي اخته تنفضح لأنه يحسب انهم نامو مع بعض وكيذأ : واليوم تكتب كتابك عليها وتاخذها عيسى عض شفايفه وغمزله : آح قسم مزه تستاهل عرس هيـثم بعد ريان قبل يتهور وقال لعيسى : أنقلع برى .. انت مو رجال ولا انت كفو تماشي الرجال يالخكري ريـان طلع ورى عيسى : لأ وين بينحاش اليوم يتزوجها والحين بعد *مسك يد عيسى* امش معاي للمحكمه عـيسى ماكان فيه ولاجرح حتى ماصار له ولا خدش بملابسه عكس ريان اللي كانت ملابسه متقطعه من كثر ضرب عيسى له .. قال بغرور : رح غير ملابسك خل ع الاقل شكل نسيب عيسى الـ.... يشرف حتى لو من برى ريـان رفسه : كلب ورجعو يتضاربون وهيثم بعدهم وقال لريان يطلع يلبس هيـثم بإستحقار : ماكنت متوقع انك بتسوي فيني كيذا .. من متى تعرفها ؟ عيـسى يحاول يستفزه : من سنه ونص وتواعدنا اكثر من مره .. بس مااعرف كيف اخوك النجس كشفها .. هيـثم يناظره بإستحقار كبيير وعيسى قال بسخريه : بس طلعت اختك حلوه ياهيثم مااتذكرها كيذاا هيثم ماكان عارف اي اخت : تدري ليه ماضربتك ؟ لأني ماني نجس وخبيث مثلك ؟ انا رجال وماامد يدي على اشباه الرجال اللي مثلك عيـسى : شبيه الرجال هذا لعب ع اختك هيـثم كان مصدوم منه بس اسلوبه مو اسلوب ضرب .. قطع كلامهم ريـان اللي مشى بدون مايتكلم ولحقه هيثم وعيسى .. عيسى ركب وياهم بالسياره وكان جالس ورى وبكل برود يلعب بجواله اما هم كانو مستحقرينه بس كل همهم يخلصون من البلوه اللي صارت لهم __________________________________________ نيرمين كانت من امس تبكي من الخوف بس تحاول تكتم شهقتها عشان ماتسمعها لارين ولا لميس .. بس لميس حست فيها وصحت لمـيس : نيرمين وشفيك نيرمـين تمسح دموعها : ولاشي لمـيس قامت وراحت جمبها : وشفيك ياروحي ؟ نيرمـين : ريان هاوشني لمـيس بمزح : بس ؟ ابشري اذا خرفنته بهاوشه نيرمـين طاحت بحضن لميس تبكي بحرارة وهي خايفه تنكشف وتنرمى بالشارع لمـيس : يووه لهدرجه مزعلك وش قالك نيرمين ماكانت ترد عليها وكل ماتتذكر تبكي اكثر وبصياح _______________________ رفـيف كانت جالسه ببيتها الفقير تجهز للغداء وسمعت طق باب قوي وطلعت فتحت الباب نرجـس دخلت ووياها قهوه وشاي وحلا : جيتك ومعاي اكلي عشان ماتعذرين رفـيف : يمه بسمالله الرحمن الرحيم .. طيب سلمي بلاول نـرجس : السلام عليكم ورحمة الله وبركاته رفـيف : تو الناس ؟ وعليكم السلام نـرجس : يلا امشي نحش بأمس رفيف : استغفرالله واتوب اليه .. مااحب احش نـرجس سحبتها وجلستها : طيب نسولف رفـيف فتحت العلبه : اللاه لقيمات ذكرتيني برمضان نـرجس : إي هذي بروفا على رمضان رفـيف تاكل وحده : والله حلوه نـرجس صبت لها قهوه : شفتي عروستهم تهبل ماشاءالله رفـيف : اي الله يحفظها من العين نـرجس : خلاص انا قلت ماشاء الله ليه تدعين لها رفـيف : وشفيك عادي نرجـس : أففف .. طيب شفتي نوافو يوم وصلنا رفـيف : وجع نرجس اسكتي لاتسمعك امي نرجـس : امك حتى لوسمعت بتحسبه سواق البقاله ماعليك .. المهم شفتي يوم ناظرك رفـيف : نرجس والله جد مابينا الا زماله نـرجس : انتي يمكن تشوفين له زماله بس هو لا والله كلمة الحق تنقال لا زماله ولا حولها اصلا رفـيف إبتسمت : عاد هذي مشكلته نـرجس : اسمعي قوليله يشبكني ويا اخوه الرزه *تذكرت فيصل* أوييلي يقطع القلب رفـيف : هههههههههههههه مجنونه انتي ؟ نـرجس : تكفين رفيف والله حسيت اني وقعت بغرامه تكفين قوليله رفـيف : وشمعنى هو ؟ نرجـس : أجل اخوه المخفه اللي بس يضحك ؟ مالت عليه وعلى وجهه .. يناظر البنات ويتبوسم ماهو ثقل نفس هذاك الاسمراني رفـيف : يوه عاد مناور يصلحلك نـرجس : لا واسمه مناور ؟ يع وخريه عني بس رفـيف : ههههههههه خلاص بكيفك نـرجس : والله شكل حتى المشوه يخقق رفـيف : استغفرالله يانرجس لاتعيبين على الناس حرام نرجـس : ماقلت شي يابنت الناس .. المهم ام برتقالي ليه تتميلح قدام حبيبي رفـيف : نرجس حطيتيه حبيبك ؟ حرام عليك لاتفكرين كيذا حرااام نـرجس تغمز لها : ع الاقل انا تفكير بس اما انتي رفـيف بعصبيه : نرجس اذا ماسكتي والله لازعل نـرجس : خلاص يبه سكتناا _________________ | |||||||||
|
| |
|
26-06-14, 03:52 AM
| #25 | |||||||||
| نجم روايتي ومشرفة سابقة وفراشة متالقة بعالم الازياء
| ________________________________ طلعو من المحكمه وريـان مستحقره اما عيسى يضحك وكأن اليوم عيد هيـثم : وش تضحك عليه انت عـيسى بإستهبال : أليوم زواجي بعد ليه بضحك ؟ باركولي يلا ريـان ضرب صدره : أسبوع وتجي تاخذها عـيسى : حاظر يالنسيب ريـان مشى ويا هيثم وركبو السياره ومشو عيـسى بصراخ : خير بتخلون زوج اختكم هنا بدون سياره ؟ .. هيـثم : معقوله نور تسوي كيذأ ؟ وش اللي أكد لك ياخوي ؟ ريــان : ياما تحت السواهي دواهي هذي الكلبه اللي كنا نحسبها العاقله طلعت ألعنهم هيـثم : يمكن مكالمه عاديه .. ترى ماتسوى تكبرها عشان مكالمه ريـان : ليتها مكالمه ياليييتها .. بباريس شفتها طالعه معاه بحانه .. ماني عارف كيف قدرت تحط عينها بعيني هيـثم وهو يهز راسه : صدمتني بأختي وبصديقي ريـان بعصبيه : هذا صديق ؟ هذا حيوان مو صديق هيثم : طيب وش بتقول لامي وابوي ؟ ريـان : امي ينضحك عليها بكلمتين بس ابوي اللي ماني عارف وش اقوله ؟ هيثم : نخلي عيسى يتقدم لها عادي ؟ ريـان : هذا حيوان ماهو جاي .. مافي الا اننا نقول له وش سوت هيـثم : لا ياريان لاتقول كيذا ابوي بيذبحها وبيتعب اصلا ريـان : وش اقول اجل كيف بقنعه هيـثم : خلاص انا بقول عيسى طلب يدها وانا زوجتها وهو اصلا ميت بعيسى ريـان : انت صرفه وشوف وش يقول _________________________________________ صحى من النوم على صوت طق الباب وفتحه وشافها قدامه وسند راسه على الباب : نعم ؟ نـوران : الساعه صارت 12 وانت ماقمت لدوامك فـيصل : ماني رايح اليوم نـوران : فيصل مايروح لدوام اكيد فيه شي فـيصل سكر الباب بدون مايرد عليها وسمع ضربت رجلها القويه بالباب بعدين صراخها من الضربه .. ماكان يبغى يطلع لشركه عشان مايشوف تركي ويتوتر كان يبغى اول شي يتأكد من اللي بينهم بس مايعرف كيف نـوران نزلت تحت وراحت تتمشى بالحديقه مع رنين : حيوان تخيلي مايعطيني وجه رنـين : أنتي قاطه نفسك عليه بزياده من اليوم لاعاد تعطينه وجه نـوران : أنتي مااحد منهم قالك شي رنـين هزت راسها : لا .. حاطيني زي اللعبه لما يشوفوني يقولون يالبيه ومدري ايش بس من يوم مايطلعون ينسوني نـوران : نواف يحب بس مناور لا حاولي فيه رنـين : واللي يرحم والدينك انا اصلآ بديت اقتنع بسالفة ليليان اننا نرجع وباقي امي نـوران مسكت يد رنين : غبيه انتي ترجعين وتتركين العز هذا كله ؟ هناك مافي زي هنا شبكة الجوال اصلا ضعيفه ومافي نت الا لما نطلع ع السطح ومافي طلعات ووناسه لمولات والحدايق وعروس وحفلات رنـين : أي انا عارفه بس انتي ماتشوفين ام فيصل ع كل لحظه هواش نـوران : وش عليك من ام فيصل *غمزت لها* بكرا سامي يتزوج اريج ويجيبها ونبدأ ننكد عليهم رنـين : أففف مابي انكد عليهم ابي اعييش براحتي نـوران : مسكينه انتي وخبله بتنقلعين انقلعي بس انا ماني جايه الا وفيصل وياي رنـين : نوران انتي تحبينه اعترفي ؟ نـوران : يع من صجك هذا احبه ؟ يع يع اسكتي بس رنـين : أجل وش تبين فيه ؟ يعني كيف بترجعين حلال جدي وامي ؟ نـوران : مالك دخل .. انا صح ماجا ببالي للحين شي بس بفكر رنـين : الله يعينك على نفسك ليليـان بصراخ : بنااات .. تعالو الغداا رنـين ونوران راحو يركضون ودخلو ع الطاوله الطويله اللي كانو كلهم متجمعين .. ام ليليـان : نـوران قومي وزعي العصير نـوران : أن شاء الله قامت ووزعت العصير على الكل الا فيصل وجلست فـيصل : وين عصيري ؟ نـوران بدون ماتناظره : قم جبه بنفسك ام ليليـان : نوران قومي جيبي عصير ولد عمك نـوران : ماابغى فـيصل ناظرها : لا بتجيبينه نـوران بصراخ : مااابي ام ليليـان ضربتها برجلها : قومي يابنت ؟ نـوران : افف طيب طيب قـامت وخذت العصير ويوم قربت لفيصل سوت نفسها طاحت وطاح العصير ع صدر فيصل .. فيصل : عممى ماتشوفين نـوران : مانتبهت سوري فـيصل دفها : أنقلعي عن وجهي يالمايعه ام ليليـان يوم شافت فيصل طلع : انتي ماتشوفين ؟ ام فـيصل : ياليتك خليها جالسه بنتك تبط الكبد نـوران جلست تاكل بدون ماتكلمهم وامها تهاوشها نـواف بهمس : يمه شفتي رفيف ام فـيصل رمت الشوكه والملعقه : يا هالرفيف اللي على الغدا والعشاء والفطور بكل وقت نـواف : يمه انتي نسيتي وعدك لي ؟ انتي قلتيلي انك بتخطبينها لي ام فـيصل : انا شفتها حلوه واسلوبها حلو وقالتلي عايلتها مبين اهل عز بس كيف تبيني اخطبلك وحده تعرفها يمكن تعرف مية واحد نـواف : لا يمه هذي غير ؟ هذي اخلاق ببريطانيا ماترمي حجابها ابدا ولبسها ساتر وماتتلزق بالشباب ولاتمشي معهم هذي 3 سنه لنا معها ماسوت شي من حركات الرخيصات ليليـان ونـوران ورنـين أثر فيهم الكلام لأن اهلهم جابرينهم يرمون غطاهم عشان يحبونهم حسو نفسهم رخيصات .. صار لهم اسبوع واكثر ولا واحد من العيال اعجب بوحده منهم مع انهم جميلات بالعكس مستحقرينهم وساحبين عليهم ويبون يتزوجون من برى .. ام نـايف حست بكلام نواف : نواف ليه ماتبي تتزوج من بنات عمتك نـواف انحرج : والنعم والله فيهم بس انا كنت ابي هالبنت من زمان ام نـايف : قل امك السوسه هي اللي غصبتك تاخذها نـواف : لا ياجده والله انا من زمان عيني ع البنت منـاور : ماعليك تيته انا اباخذهم ثلاثتهم وباخذك معاهم انتي الرابعه ام نـايف ضربته بعصاها : تهبى يالخبل منـاور : افاا هذا وانا بفزعلك وباخذ بضاعتك رنـين : وش هالاسلوب ؟ أيش الالفاظ هذي ؟ منـاور كمل اكل بدون مايرد عليها وام فيصل ناظرت اولادها بإعجاب وهي انزعجت وقامت ووراها ام ليليان رنـين تمشي وتبكي وتشهق .. ام ليليـان : رنين وش فيك رنـين ضمت امها : يمه خلاص تعبت خلينا نرجع ام ليليـان إبتسمت بحنيه : روحي لغرفتك بعدين نتكلم ____________________________ العصر كانت ام ريان وابوريـان جالسين بالحديقه يتقهوون ناظرهم هيثم اللي كان متوتر حيل اخوه قط السالفه عليه وقال صرف نفسك وهو موقادر يواجه اخته نور اللي يغليها حيل ويحبها ويعتبرها مثل للبنت الصالحه اللي يتمناها .. انصدم لما سمع انها تكلم عيسى خاصتا ان عيسى مو من اسلوب نور ابداا ومستحيل يجتمعون بحاجه .. مشى لاهله وهو ماهو عارف ايش يقول : مساء الخير ياعصافير الحب ابوريـان وام ريان ابتسمو لولدهم : مساء النور هـيثم جلس بعد ماباس راسهم وجلس قدامهم : اشتقتلك يمه ماشفتك امس ام ريـان صبت لولدها قهوه : والله حفلة خطوبة سامي واريج هيـثم بتوتر وهو يحك ذقنه : أي على طاري الخطوبات جا خطيب لنور ابـوريـان : لاتقول الخكري هذاك هيـثم : هههه لا يبه واحد يعجبك وولد رجال وطيب ابوريـان أستغرب : مين ؟ هيـثم ناظر ريان اللي كان جاي من بعيد وقال .. : عيسى خلف ابوريـان من الوناسه رمى الفنجال : ياارجال قله موافقين موافقين ام ريـان : خلنا ناخذ راي البنت اول ابوريـان : ولا رأي ولا خرابيط .. هذا ولد الشيوخ تحلم طول عمرها ماتاخذ مثله ام ريـان : أي ماقلنا شي بس لازم نشوف رايها ابوريـان : وش رأيه مخلصه كليتها وتشتغل بمعهد متطوعه بعد بدون راتب ولا له داعي ومااحد طلب يدها ولاشي *مسك يد ام ريـان* ان ماخذا نور بياخذ رناا ام ريـان : والله مدري بس بشوف ابـوريـان ناظر ولده : تعال ياريان اختك انخطبت ريـان : اي اعرف ابـوريـان : تراه عيسى خلف ريـان : ادري .. *وبقهر* والله نعم الرجال ابوريـان : أكيد وانا موافق ماراح نلقى احسن منه لها ريـان : اكيد طبعآ هيـثم : بس امي تبي تاخذ رأي نور ريـان : البنت ماينوخذ رايها بهالمواضيع حنا اللي نقرر ابوريـان : أي هذا الكلام الصحيح مب خرابيط هذولا .. هيثم اسأله متى يجي مع اهله يتقدم لها هيـثم توتر اكثر : يبه بقولك شي بس لاتعصب ابوريـان : لاتقول بترفض ؟ هيـثم غمض عيونه وتنهد وقال بسرعه بدون مايرتب كلامه : | |||||||||
|
| |
|
26-06-14, 03:52 AM
| #26 | |||||||||
| نجم روايتي ومشرفة سابقة وفراشة متالقة بعالم الازياء
| ريـان : ادري .. *وبقهر* والله نعم الرجال ابوريـان : أكيد وانا موافق ماراح نلقى احسن منه لها ريـان : اكيد طبعآ هيـثم : بس امي تبي تاخذ رأي نور ريـان : البنت ماينوخذ رايها بهالمواضيع حنا اللي نقرر ابوريـان : أي هذا الكلام الصحيح مب خرابيط هذولا .. هيثم اسأله متى يجي مع اهله يتقدم لها هيـثم توتر اكثر : يبه بقولك شي بس لاتعصب ابوريـان : لاتقول بترفض ؟ هيـثم غمض عيونه وتنهد وقال بسرعه بدون مايرتب كلامه : يبه اهله يبونه ياخذ بنت عمه واليوم الصبح قال انا ابي اختك واهلي رافضين قال اذا انتو موافقين نروح للمحكمه الحين اتزوجها وبعدين نسوي العرس عشان احط ابوي قدام الامر الواقع ابوريـان : محكمه ؟ وتزوجت ؟ وكيف خلوكم توقعون وتزوجونهم بدون وجودي ؟ ريـان : يبه انت مسويلي وكاله عامه ف أنا قلت اكيد ابوي معجب فيه ووافقت ونسيت اكلمك .. ابوريـان عصب : ومثلا ماابغاه انا ؟ مثلا احد طلب يدها غيره ؟ مهما كان ماتاخذون قرار بدون تكلموني *بصراخ عالي* كيف تزوجونهم انتوووو ؟ انا مامت انا حي هيـثم يحاول يهدي الموضوع : يبه ماحصل الا الخير ابوريـان : هذي ماهي سياره تبيعها له ولا هندي تنقل كفالته ؟ هذي اختك وزواج ؟؟؟؟ ريـان : يبه حنا نعرف مصلحتها ومصلحتها ويا عيسى ابوريـان : انا موافق ع عيسى وماعندي مانع عليه بس كيف انتو تزوجونها بدون ماادري .. هذا زواج مو شي سهل وعاادي ؟ اليوم تزوجونها بكرا تطلقونها بدون ماادري ؟ *ناظر ريـان* وانت ماادري وش تسوي بعد من ورى ظهري ؟ خلاص انا بسحب الوكاله عنك طلعت مو كفو .. ريـان : يايبه ابوه معيي وهذي فرصتنا نوافق ابوريـان : هو ابوه معيي بعذره بس انا ليه ماتعلموني ع الاقل كلموني ؟ لاحول ولاقوة الا بالله استغفرالله واتوب إليه بنتي تنخطب وتتزوج وانا مدري ؟ .. وبعدين وشلون توافقون عليه وابوه رافض لو الحين ابوه يعصب ويقول طلقها تصير اختكم مطلقه ؟ هيـثم : لا يبه ماهو مطلقها هو الحين بيكلم ابوه أبوريـان : والله مااقدر اقول الا انكم مانتو كفو وتسودون الوجه .. ______________________________________ نيرمين كانت تغسل الصحون بالمطبخ ودموعها ع خدها تركت الصحون وجلست تحاول تمسح دموعها .. حست بااحد ماسكها لارين بحزم : نيرمين ؟ نيرميـن لفت ناظرت لارين ولميس اللي وجيهم ماتبشر بالخير : وشو لاريـن : نور تزوجت .. اشرحي لنا نيرمين لفت تكمل غسيل الصحون : والله مبروك لاريـن قالت بصوت عالي : اشششرحييي نيرمـين : شعرفني فيها اناا لاريـن سحبتها : كيف تزوجتتت عيسسسى ؟؟ انتي ظلمتيها بتعيشينها بحياة قاسيه نيرمين : انا مالي ذنب ولا لي دخل يمكن عيسى اعترف لهم لاريـن عطتها كف طيحها ع الارض وترجف بدون ماقدرت توقف : انتي كيف تنطقينها بكل برود ؟ *بصراخ* عيسى اعترف لهم .. وتقولينها بكل قوة عيييييين ؟ ماكسرت خاطرك البنت اللي فوق بين الموت والحياه تبكي وجسمها كلها احمر وضروسها تكسرت من الضرب ؟ ماتخافين من دعوة المظلوم ؟ هذي دعوتها توديك بستين الف داهيه .. *سحبت شعرها* ياحقيره البنت الحين مراح تقدر تعيش حياتها من جهه نار عيسى اللي بتموتها لانها مو نفس *شدت على شعرها* الجميله صاحبة الجسم المغري الحقيره اللي شافها بباريس ومن جهه اهلها اللي بياكلونها من شكوكهم فيها واحتقارهم .. *وبدون ماتحس طاحت ضرب بنيرمين اللي ماقاومت ابدااا* حرام عليك البنت محافظه على شرفها وسمعتها 25 سنه واخرتها تجي وحده خدامه وحقيره ووقحه تخرب حياتها عليها وسمعتها *زادت بالضرب وهي تبكي* اسمعي ياابنت الحرام اذا انتي مالك اي اهل خايفه تشوهين سمعتهم هي عندها اهل لمـيس شافت نيرمين اللي تكورت ع نفسها وماعاد تتحرك وماتسمع الاشهقاتها ومسكت لارين : خلاص لارين هدي اعصابك لاتموتينها لاريـن : ليتها تموت ونفتك منها نصحتها بس ماتفهم .. طارت باحلامها تحسب نفسها سندريلا .. انتي خدامه لاترفعين راسك يانيرمين لاتناظرين الناس اللي فوق لمـيس مسكت لارين وسحبتها بلقوه برى : خلاص لااحد يسمع لاريـن بهواش : لاتروحين لها انتي اصلن اللي ساعدتيها خليها يارب تموت ولاتنتحر .. نيرمين بقت طايحه بالارض وتبكي كلام لارين جرحها ماكانت متوقعه بتسمعه منها محتاجه احد يساعدها عشان تطلع من هالمصيبه مو يزيد عليها مصيبتها .. جلست تبكي بحرقه وهي منقهره من عيسى .. تتمنى لو رقمه السعودي عندها عشان تكلمه وتعترف له بكل شي بس ماعندها الرقم ولاهي قادره تتكلم وتقول وش صار وايش السالفه .. دعت من قلبها ان الله يسهل الامور لان ماعاد تملك غير الدعاء .. فتحت عيونها بصعوبه من الم الراس ومن جسمها اللي تحسه كله مكسر ناظرت حولينها بالغرفه غرفة ريان : مين جابني هنا ؟ وش صار رفعت يدها بتحطها ع راسها وشد انتباها الجروح اللي بيدها شهقت بقوه وهي تتذكر اللي صار لها امس طاحت دموعها بدون ماتحس .. اللي امس صارلها كأنه كابوس .. تمنت انها تصحى بدون ماتتذكر اي شي , واللي يزيد عليها انها مالها ذنب بأي شي .. صحاها من تفكيرها الصوت اللي صرخ عليها فجأه : صحيتي نـور ناظرته اخوها المتفهم .. تتمنى يسمعها قالت برجاء : هيثم والله انا مانزلت راسكم والله ماسويت شي هيـثم ناظرها بتقزز : نور للحين انتي تكذبين ؟ خلاص عيسى اعترف وقالنا كل شي نـور مو فاهمه شي ابداا : اي اعتراف ؟ ايش تقول انت والله انا ماسويت شي ولا اعرف حاجه من اللي قالها *مسكت يده وباستها* اقسملك باللي رفع 7 سموات اني ماسويت ولاشي ممكن ينزل راسكم واللي يقوله الحقير هذا كله كذب *كملت بأستغراب* اصلن مااعرفه ولايعرفني كيف يألف قصه اننا مع بعض هيـثم بطبيعته مايحب يضرب ولايقسى على احد حتى لو كان هو الغلطان .. بعد نور عنه وقال وهو يحاول يكتم غضبه وخيبت الامل فيها : نور كذبك هذا وعبطك مراح ينجيك من ولاشي ؟ عيسى قال لنا كل حاجه هذا اولآ .. ثانيآ انتي من اليوم ورايح زوجة عيسى نـور شهقت بقوه : حرام عليييك هيـثم قاطع كلامها بحزم : اسمعيني .. ابيك الحين تنزلين تحت بعد ماتتروشين واذا سألوك امي وابوي قولي انك وافقتي ولا سوي نفسك مستحيه .. المهم انك تمثلين انك فرحانه بالعرس هذا ب ض ب ط , فاهمه نـور : انتو جالسين تظلموني باللي تسوونه فيني .. والله ياهيثم انا مااسويت شي تسمعون من الغريب وتخلون اختكم ؟ هيـثم دنق لعندها : نور اسمعيني .. الإنكار ماراح يفيدك انتي احمدي ربك اننا كشفناكم قبل مايسوي فيك شي ولد الكلب .. نـور بعدت يدينه : انا ماسويت شي هيـثم إبتسم : أجل انتي عندك انفصام بالشخصيه .. المهم الحين قومي لغرفتك بدون مااحد يشوفك وغيري ملابسك نـور ماكانت فاهمه شي كيف عيسى يقول انه يعرفها وهي ماتعرفه مشت ورى هيثم بإستغراب .. هيثم شاف لارين اللي واقفه تناظر نور بكل حزن . هيـثم : لارين ادخلي مع نور ساعديها _______________________________________ كانت نايمه بسريرها الابيض الكبير .. ناظرها ناظر ملامحها الهاديه وابتسم قرب منها وحرك ايدها ع وجهها وهو يباعد خصلات شعرها الناعمه .. ناظر خشمها اللي زي سلة السيف وشفايفها الورديه الصغيره حرك طرف اصبعه على وجهها بشرتها ناعمه وسمارها البرونزي اللي كان يفتن ويسحر عيونه الناعسه كل مايشوفه .. رفع غطا سريرها وهو يناظر جسمها المغري بالشورت التايقر اللي لنص فخذها والبدي الفوشي اللي مرفوع شوي من بطنها .. حس بنظرات عيونها وسمع همسها : ففييصل ؟ مسك يدها وهو يحاول يطمنها عشان ماتخاف منه وباسها : لاتخافين ياروحي قطع كلامه صراخها وهي تسحب رجولها من تحته : وش جابك غرفتي بنص الليل ؟ قرب منها حيل ومسك دقنها وقال بصوت اقرب من الهمس : اشتقتلك يانوران | |||||||||
|
| |
|
26-06-14, 03:56 AM
| #27 | |||||||||
| نجم روايتي ومشرفة سابقة وفراشة متالقة بعالم الازياء
| الـــــــــبـــــااارت الـــرابع عششر يراودني شعور وما .. عرفت القى له أي معنى . مابين شلون وايه ولا .. تعبت وحارت أفكاري . وصلت لمرحله إني .. أحب كل شي يجمعنا . في نفس الوقت ما ودي .. معاك يطول مشواري . ______________________________________ كانت نايمه بسريرها الابيض الكبير .. ناظرها ناظر ملامحها الهاديه وابتسم قرب منها وحرك ايدها ع وجهها وهو يباعد خصلات شعرها الناعمه .. ناظر خشمها اللي زي سلة السيف وشفايفها الورديه الصغيره حرك طرف اصبعه على وجهها بشرتها ناعمه وسمارها البرونزي اللي كان يفتن ويسحر عيونه الناعسه كل مايشوفه .. رفع غطا سريرها وهو يناظر جسمها المغري بالشورت التايقر اللي لنص فخذها والبدي الفوشي اللي مرفوع شوي من بطنها .. حس بنظرات عيونها وسمع همسها : ففييصل ؟ مسك يدها وهو يحاول يطمنها عشان ماتخاف منه وباسها : لاتخافين ياروحي قطع كلامه صراخها وهي تسحب رجولها من تحته : وش جابك غرفتي بنص الليل ؟ قرب منها حيل ومسك دقنها وقال بصوت اقرب من الهمس : اشتقتلك يانوران ناظرته بعقدة حواجب واستغرب : انت تعرف تشتاق ؟ من يوم جينا وانت تعذبنا سكتها وهو يحط أيده ع شفايفها الناعمه : نوران لاتقولين كيذا انا احبك بعدت ايده بقرف وقالت بصراخ : وخر عني فيصل انت مالك قلب اصلآ قام من النوم بسرعه .. حس بجسمه كله عرق ودقات قلبه تزيد حيل ويتنفس بصعوبه حط ايده ع راسه اللي صار حار وهو يتذكر كلامها : بسم الله الرحمن الرحيم .. كاابوس هذا تنهد وقام يشرب مويه وهو يتذكر الحلم : اعوذ بالله من الشيطان الرجيم .. حتى بالحلم جت ؟ مشى وهي للحين بباله وفتح ستاير غرفته السودا عقد حواجبه وهو يشوف شعاع النور اللي عور عيونه مشى لشرفه الكبيره وأيده ع عيونه .. فتحهم فجأه لما شافها جالسه بالحديقه جالسه بفستانها الابيض اللي ضيق من عند صدرها بعدين فضفاض وبدون علاقات .. فاتحه شعرها الذهبي وشكلها منزعجه إبتسم ع شكلها : بعد متكيه بالحديقه نوران قامت بعصبيه وهي تنتظر امها وخواتها من الصبح وللحين ماجو مسكت بيدينها فستانها ورفعته بس قبل ماتمشي رفعت راسها تتنهد ووقف أنفاسها فيصل اللي كان واقف يناظرها بدون قميص كملت تنهيدتها بشويش وهي تناظر جسمه المعضل والسكس باك إبتسم ورفعت يدها تأشر له : تف عليك ياحقير ياحيوان اكيد الحين يحسب اقوله صباح الخير فيصل ناظرها مستغرب من كلامها لهدرجه صباح الخير طويله ؟ شكلها تقول السلام عليكم ورحمة الله وبركاته .. إبتسم لها بدون مايحس أستغربت من ابتسامته بس كملت مشي وهي منزله راسها : حيوان اكيد يدري ان امي بترجع للمزرعه دخلت وشافت امها وخواتها اللي عليهم خيبت الامل من يوم دخلت البيت هذا وامها ماابتسمت صح قبل كانت متعذبه بس مو لدرجه هذي .. جايين يبغون يطفشون ام فيصل وام فيصل طفشتهم أحتقرتها هي وعيالها اكثر وقربت من امها ومسكت يدها : ماما بليز اجلسي تونا بالبدايه لاتستسلمين ام ليليـان حركت يدها ع شعرها بنتها بحنان : والله يانوران انا اللي صارلي كافي ومافيني اتحمل كلام النسره اللي فوق .. انتي وش يقعدك امشي معي انا وخواتك نـوران بعدت عن امها وقالت بعيون مليانه حقد : ماما انا جيت هناا وانا براسي شي ومستحيل اطلع من هنا الا وانا منتصره وانا قلتلك بجلس مع تيته هنا ومستحيل احد يطلعنا من بيت عمو ليليـان وهي تدف جدها اللي مايحس بالدنيا : نوران ان بغيتي نصيحتي انتي اللي بتتعبين هذي بارده مالها قلب امشي وخليها نوران بغرور : مستحيل اقبل بالهزيمه زيكم ام نايف وهي تندب حضها : هذي بنتي الصدقيه ماهوب انتن يالخوافات يالشرودات ام ليليـان ودعت بنتها العنيده وهي خايفه عليها وامها وطلعت مع السايق رنيـن : مام .. كيف خليتيها تجلس ام ليليـان : اختك عنيده ومستحيل توافق خليها دام جدتك هنا اكيد بيطفشون ويجون ليليـان : يماه نوران تغلط كثير اخاف تسوي شي وتروح فيها المفروض نجلس معها عشان ننتبه لها ام ليليـان : امي عندها وبتنتبه لها وانا موصيتها عليها رنين وهي تلعب بالايباد : كان جلسنا لما يتم العرس ونروح ام ليليـان : بنرجع اذا جا العرس *وبتحذير* وبنجيب نوران معنا __________________________________________ ام احمـد كانت جالسه بقصرها الكبير لحالها وتتقهوى احمد وابوه بالشركه ورنـا من يوم بدأت العطله راحت تاخذ دورة حاسب ولغة انقليزيه عشان تتحسن اكثر وأريج فوق من يوم صارت السالفه ماعاد تطلع .. سمعت صوت الباب وقالت لشغاله تفتح الباب وتقول للي ع الباب يدخل توقعته تركي اللي من امس ماشافته سمعت صوت تكرهه كثير قالها السلام عليكم .. بس توقعت انه تركي تغير صوته من المرض ردت عليه وهي معطيته ظهرها وجالسه ع الكنبه : وعليكم السلام .. تعال اجلس تقدم بخطوات واثقه وهي عارف انها للحين ماتدري مين مشى للكرسي اللي مقابلها وهو يسمع شهقتها يوم شافت ظهره وجلس : وشلونك ياخاله ؟ ام احمـد توترت ناظرته لثواني وكل ماحصل مر ببالها مره ثانيه قالت بتأتأه وصوت مليان خوف : بخير انت كيفك سـامي : انا معرس اكيد بكون بخير .. شوفيني احلى المعاريس ولا ؟ ام احمـد حست بكلامه تحدي لها ماتبغى تتكلم وياه بلموضوع ابدن وقفت : بروح اناديلك اريج سـامي : اجلسي اجلسي ماني جاي اشوف اريج .. انا جاي اتطمن ع خالتي ام احمـد جلست وعيونها بلأرض من الخوف تتمنى الارض تنشق وتبلعها .. سآمي سند ظهره ع الكنب وحط رجل ع رجل : يييااه يالجازي وش القلب هذا اللي عليك ؟ أكيد انه اسود اكثر من التفحم اللي صارلي .. تخليني اذبح الام وتزوجيني بنتها ؟ وليتك وقفتي على كيذا احرقتيني بعد .. *قرب راسها لها وقال بهمس* كنتي تضنين اني بموت صح ؟ ام احمـد توترت ورجعت ذاكرتها لورى قبل 4 سنين .. كانت جالسه نفس الجلسه هذي بقصرها ومافي احد بلبيت الا هي حتى سمعت صوت طقت الباب كان الضيف لما دخل خافت نفس خوفها من سامي .. ناظرتها بإستحقار واستغراب ماتوقعت انها بتوصل لها : انتي وش جابك ؟؟ تكلمت بلكنتها العراقيه وعيونها مليانه دموع : انا جيت ارجع بنتي اللي حارمتني منها حسبالك يوم تمنعيني اسافر واجي السعوديه ماراح اقدر ؟ انا مافي اي شي ممكن يمنعني من بنتي اريج ام احمـد قامت وقالت بعصبيه : أص وقص لسان .. بنتك ماتهمك قولي انك راجعه عشان اشياء ثانيه لولوه بصراخ : ماجيت عشان سيف لاتخافين خليه عندج ولا عشان ملاينكم هذي .. انا ابييي بنتي اللي انحرمت منها سنين ابي اربيها عندي ام احمـد كانت خايفه من لولوه .. للحين تتذكر نظرات سيف لأريج وكل همسه يقولها لأريج انتي زي جمال امك وضحكاتهم .. كانت خايفه يتركها ويرجع ل لولوه وبعصبيه وبدون ماتنتبه لخطواتها مسكت لولوه من كتفها وصرخت بوجهها : أطلعي برى بنتك ماتبيك .. تحسبين بتخلي حياة الفلوس وتجي تسكن عندك بالفقر قطع كلامها كف لولوه وصراخها العالي مااحست بنفسها الا وهي ولولوه يتضاربون .. رمت لولوه ع التحفه الكبيره اللي يمين الباب : انقلعي من مكان ماجيتي مابي اشوفك هناا *صرخت بقوه* اطلعي برى انتظرت ردها بس ماكان في رد ولاحركه شهقت وهي تشوف منظر الدم اللي يسيل من راسها راحت تتأكد منها لقتها ميته سحبتها للغرفه وهي تصارخ : الله ياخذك بتهدمين بيتي .. ماشفت منك الاعذاب حسبي الله عليك يالحيوانه دخلتها بغرفة مسكره واتصلت على سامي اللي كان يعد ام احمد نفس امه وكان يحبها حيل من يوم كان صغير كان مربيته وكل خميس يجيها يسهر عندها ويسولف لها عن البنات الصيدات اللي يخقون عليه واللي يلعب فيهم وهي تضحك وتقول بزوجك حبيبتك شذى بس لاتسوي لها نفسهم .. جاها للبيت وبكت وهي تترجاه انه يساعدها ويرمي جثتها بالبر كان مايبغى الا انه يساعد خالته شال جثتها ورماها بعيييد عن الرياض .. وبعد الحادثه كان سامي يوميآ يجي يبكي عند الجازي ويحس بتأنيب الضمير حتى انه صار مدمن على المخدرات بسبب الخوف وباليوم اللي شوهه وخرب حياته وغيرها جا الساعه 7 الصبـاح وهو تحت تأثير الهروين وجلس يبكي سـامي وهو طايح ع الارض : شوفيني ماعاد اقدر اسوي شي انتي خربتي حياتي ياخاله دمرتيها الجـازي بعصبيه ضربته برجلها : جب لا احد يسمعك بتودينا بورطه انت سامي كان يتلوى ع الارض بجسمه الهزيل ووجهه الشاحب : انا ماععاد اقدر اتحمل خلاص الجـازي بحقد : ضيعت شرف كم بنت وماحسيت بتأنيب الضمير ونشرت مقاطعهم والحين عشان شلت جثة الحيوانه هذيك حسيت بتأنيب الضمير ؟ انسى ولاتضعف سـامي يبكي بألم وحرقه : هي تجيني كل يوم بأحلامي مااقدر انساها ياخاله والله كل يوم اشوفها بكل مكان الجـازي : خلك رجال وقد كلمتك سـامي قام وهو يمسح دموعه : انا بروح اعترف بكل شي بقول لعمي وبقول لشرطه وبقول للعالم كلها ماراح اسكت الجـازي طلعت من جيبها 2000 ألف وحطتهم بيد سامي : سامي حبيبي هذي 2000 ألف خذهم واشترلك فيهم وسكي وهيروين عشان تريح اعصابك .. انا قلتلك اذا نقصك فلوس وتبغى تشتري تعال انا اعطيك عشان فيصل مايشك فيك ويلا روح لمخيمك وانا بكلم الحرمه اللي دايم وبخليها تجيبلك اجمل البنات سـامي مسكهم ومشى صارله سنه وهو على هذي الحاله ياخذ منها الفلوس ويروح لمخيمه ويجونه بنات ينسى للحظات بس اول مايصحى يتذكر كل شي ويتعذب اكثر .. بس هالليله كان حاس انها غير مشى للمخيم وجلس لين 12 بليل فيها وهي يسكر ويبكي ماكان يبغى احد بس يبي ينسى اللي صار طاح ع الارض بتأثير الخمر والجازي قالت لهندي كان يشتغل عندها ويبي فلوس عشان يعالج بنته انه يحرقه وسوى الحريق بس بعد ماسوى الحريق بلغ الدفاع المدني وهرب للهند خوفآ منها .. كان حاس بالحريق اللي بدأ يشب بالخيمه بس موقادر جسمه ثقيل ولسانه اثقل مايقدر يتكلم بس يتأتأ بأسم الجازي .. ومن بعد الحادثه سامي صار مايتكلم ولا يطلع لين اليوم هذا .. ناظر عيونها وهو عارف انها تتذكر كل شي : وش اللي يغفر لك كل هالذنوب يالجازي ؟ ام احمـد : انت اللي خنتني وكنت تبغى تخرب كل شي سويته قطع كلامهم اريج اللي كانت نازله بالبجامه وجيعانه .. توترت لما شافت سامي وام احمـد وقالت بنفسها اكيد يتفقون علي الحين .. : السلام عليكم سـامي قام لعندها : وعليكم السلام .. أريج كيفك بعد قبل امس ؟ أريـج إبتسمت بتملل : بخير زي ماتشوف سـامي بحنان : لونك شاحب .. فيك شي ؟ أريـج : لأ شدعوة خالتي الجازي معيشتني اميره سـامي : أريج انتبهي لنفسك وكولي زين أريـج بدون ماتناظره وهي تهز رجله : اوكي اوكي سـامي مد لها ظرفين كباار وثقال : هذا مهرك .. أريـج ناظرتهم مستغربه حيل كبار وثقال : كان كتبت شيك هذولا وشلون بمسكهم وبعدين كم ؟ سـامي فهم انها للحين مايهمها وانها ماتفكر فيه : صدقيني مايكفون حقك أريـج سحبتهم ورجعت فوق بعد ما اشرت للخدامه : شكرااا أم احمـد ناظرت سامي : ليه ماعطيتني الفلوس سـامي مارد عليها وطلع صادف عند الباب بنت بس توقعها رنـا ومشى بدون مايتكلم اما هي ناظرت فيه بحنان وقالت بنفسها وهي تتنهد : أكيد كان عندها دخلت وسلمت ع ام احمـد ام احمـد استغربت وجودها : رنـا مو هينـا شـذى وهي تلم عباتها وتحطها ع جمب مع شنطتها : انا جيت اشوف اريج ام احمـد : أريج ؟ .. ممم طيب فوق بغرفتها وأشرت للخدامه توديها لها مشت شذى ورا الخدامه وهي تفكر كيف بيكون لقاهم فتحتلها الخدامه الباب وتنهدت ودخلت .. شافت اريج ببجامتها جالسه وقدامها الطاوله مليانه فلوس من فئة الـ500 .. عرفت ان سامي كان جايب لها المهر : السلام عليكم أريـج وقفت اول ماشافت شذى ماكانت عارفه تبتسم ولا تبكي بس ردت : وعليكم السلام هلا شذى شـذى مشت لعندها وسلمت عليها بس بدون ماتحس أريج لمتها لحضنها أريج وهي تبكي : شذى والله مابي اخذه منك وربي ياشذى ماابغاه ولا اطيقه ولا احبه ولا اي شي وربي اكرهه عشانك بس هم غصبوني وانا لازم ارضى شـذى دمعت عيونها وحضنتها اقوى وهي تضرب ظهرها بخفيف : حيوانه .. والله ماايهمني خلاص خوذيه بالعافيه بس انا تضايقت شوي مااكنت ادري انك مغصوبه لهدرجه أريـج جلست جمب شذى ويدينهم مشبوكه ببعض وللحين يبكون : شذى تكفين لاتزعلين مني انا مااحبه قلتلك شـذى تضغط ع يدين اريج : انا اعترف اني احبه للحين بس مستحيل ازعل عليك عشان واحد حيوان مثله تركني أريـج تمسح خدها : شذى تكفين لاتفكرين اني راضيه وربي انا رافضه ياشذى بس كلهم ضدي وش اسوي محد بيوقف معي شـذى : طيب امشي لازم نشتري اغراضك ياعروسه أريـج عقدت حواجبها : مراح اشتري شي ماني عروسه والفلوس هذي بحرقها شـذى : يخرب بيت اهلك بترمين الفلوس عطيني اياهم اريـج : خوذيهم مابيهم شـذى وهي تحاول تغطي ألم قلبها : أمشي خلينا نروح ناكل فيهم أريـج : أي بشتري في بعضهم اغراض لي وبعضهم بتبرع فيهم شـذى : تتبرعي بأيش مهرك هذا خليه لك روحي احفظيه ياغبيه انتي محتاجه احد يتبرعلك .. ومبلغ كبير مثل هذا لو حصلك شي لاسمح الله ممكن يعيشك لين ماتلقين حاجه أريـج حطت يدينها ع راسها : انا تعبت من كثر ماتقولون هالكلام .. كلكم تقولون بعد ابوك .. ليه يعني مااحد يبي ياخذني عنده بعد ابوي ؟ لهذي الدرجه انا هم ؟ شـذى : هذي الصراحه وانا اقولك اياها بعد عين عمي الله يطول بعمره مالك غير سامي .. *قالت بنبره حزينه* انا اعرف سامي .. حنون حييييل مع انو كان مغازلجي بس هو حنون حيييل ومستحيل يقسى عليك ولا يرميك صدقيني هو يحبك انا عرفت من نظراته لك والله يحبك يااريج ويموت فيك أريـج : بس انا مااحبه ولا اقدر اتقبله .. انا فكرت اروح لجدتي واقولها الموضوع شـذى : ههههه جدتي ؟ هذي جايه لشر ماجت لخير ________________________________________ نـوران اتصلت على أزهار اللي كانت مع رنـا .. نـوران : مرحباا ازهـار بإستغراب : أهلين نـوران : ازهار وينك ؟ ازهـار : ممم انا بالمول .. ليش نـوران : مين معاك ؟؟ ازهـار : معـاي رنـا .. تونا طلعنا من الدورة الصيفيه ورحنا نتمشى شوي نـوران : ابغى اجيكم ازهـار عقدت حواجبها وهي تناظر رنـا : أها تجين ؟؟ *شافت رنا تأشر لها لا* حياك الله حنـا في ... نـوران : خلاص الحين اخلي فصول يوصلني يلا باي ازهـار سكرته وناظرت رنـا بخوف : تقول بخلي فصولي يوصلني رنـا تركت الموكا من يدها وشهقت : نعممم ؟؟ أيشش فصولي يوصلنيي ؟؟ بكيفها المهبوله هذي ؟ ازهـار : رنـوش .. خلي فيصل وش عليك منه .. هيثم يحبك يابنت ويبيك رنــا : انا ماببييي هيثم هذا انا ابغى ف ي ص ل فييييصصصصصللل .. هذي ليه ماانقلعت مع اهلها لمكان ماهم جايين ؟ ازهـار : جلست هي وجدتها رنـا : حقيره حيوانه *وبصراخ ألتفت عليها كل الموجودين * اوففف اوووففففف .. . نـوران بعد ماتأكدت ان ام فيـصل طلعت من البيت مسكت جدتها وتوجهو لجناح فـيصل فـيصل ناظرهم وبعيون نوران : طيب طقو البـاب ؟ ولا ترى بشيلهم ام نـايف : أسمع عاد ماجيت عشان تقعد تستخف دمك .. قم ود بنت عمتك للمول عند بنات عمها ووصلها لين عندهم فـيصل : ماني سواق عند الهانم نـوران : الا سواقي فـيصل ناظرها بتهديد : تخسين ام نـايف : لاتقول لبنت عمتك المسكينه كيذا .. ويلا قم البس فـيصل : مانيب قايم تفضلو برا ام نـايف : لاتقعد تنهوص زي البنات .. اغد رجال وقم ويا بنت عمتك فـيصل : يا جده مانيب رايح اطلعي برى انتي وقردتك نـوران تخصرت : نعمممم انت القرد والله ام نـايف بحزم : قمم وصل بنت عمك لين عند صديقاتها هي ماتعرف الرياض فـيصل طفش منها : أوكي خلاص بوصلها .. ام نـايف مشت ونوران تمشي وراها بتغنج وتلعب بشعرها : اصلن غصب عنك فـيصل لحقها بيخوفها وهي راحت تركض إبتسم وقام يلبس ونزل نـوران ناظرت بدلته الرسميه وقميصه الازرق المفتوح من عند الصدر وإبتسمت عكس فيصل ناظر لثمتها الخفيفه اللي حتى لمعت زمامها يبين وكشر : اذا تبيني اخذك عدلي لبسك نـوران : لبسي عدل ام نـايف : لاتقعد تمن عليها فـيصل : هذا اخر كلام عندي غطي وجهك كله نـوران : تيته مااقدر اشوف كيذا فهميه متخلف هذا *لفت ع فيصل وتكلمت بدلع* الناس وصلو القمر وانت لسى بتدقق بلبسي فـيصل : الناس وصلو القمر ماقلنا شي بس شكلك هذا اللي يشوفك مب قايل واو كشخه بيقول رخيصه وماتستحي وانا بصراحه ماارضى امشي مع وحده بهالشكل نـوران بس كانت تبغى تقهر رنـا وغطت وجهها بالطرحه فـيصل : أي كيذا اوكي طلعو وركبت وياه بالسياره قدام .. نـاظرها فيصل بإستغراب : نعم ؟ روحي انزرعي ورى نـوران : مابي ماااحب اجلس ورى فـيصل : ولا اقول خليك هناا ماني سايق امك اناا مشو بالسياره ونـوران ساكته وفيصل ينتظرها تتكلم بس مافي امل وقفو عند الاشاره ونـوران لفت تبغى تستهبل بس تنحت بشكله وهو ساند راسه ويحرك أيده بدقنه : شغل اغنيه فـيصل : مافي اغاني نـوران : ييااللاه فيصل المتخلف فـيصل عقد حواجبه : اللي مايسمع اغاني متخلف ؟ نـوران : ياربي انت بتكفرني .. خلاص اسكت فيصل كمل بدون مايناظرها .. ونوران انتبهت لجوالها اللي وصلت لها رساله كان محتواها (( انا الحين بالمكان اللي قلتيلي عليه .. انتظرك بسرعه تعالي لأني مشغول )) .. إبتسمت وناظرت فيصل وردت عليه (( الحين انا بالطريق لاتتحرك ابداا )) .. كملو الطريق هدوء ونـوران حست بفرحه وهي تهز رجلها تنتظر لما يوصلون .. فـيصل وقف سيارته قدام البوابه الكبيره ونزل : يلا امشي نـوران عقدت حواجبها : نعمم ؟؟ انت شتبغى انا بروح لحالي فـيصل : أمشي خلصيني انا بوصلك لين عندهم وبروح اخذ كوفي نـوران : في محلات ع الطريق رحلها لاتدخل معاي ماابغاك فـيصل : وليه ماتبغيني ؟ لايكون مول ابوك وانا ماادري ؟ نـوران : لأ بس انت تفشل بصراحه وماابي تمشي وياي فـيصل : والله حتى انا مايسمح لي مستواي امشي مع مثلك بس لازم عشان اقدر ادخل مشت نوران بتوتر وورااها فيصل وركبو المصعد .. فـيصل : ماشاء الله اشوفك عارفه الطريق عدل نـوران مشت من المصعد بدون ماترد عليه وراحت للمقهى اللي كانو في رنـا وازهـار ازهـار رفعت عيونها وهي تشوف فيصل مع نوران : رناا .. شوفي شوفي جابته الحيوانه رنـا كانت تشرب موكا وتناظرهم بإحتقاار واول ماوصل فيصل قامت ومدت يدها : مرحباا فـيصل صافحها عشان يقهر نوران : أهلين نـوران جلست وقالت بدون ماتناظره : خلاص فصول تقدر تروح فيصل ناظرها كان وده يصرخ عليها بس ماقدر قدام الناس خذا قهوته وطلع .. وبعد مرور ربع ساعه نـوران : بنات انا بروح لدورة المياه ازهـار : اوكي *ويوم مشت نوران* ييع ياكرهها رنـا : حقيره حيوانه كلبه اكرها اكرها .. ازهار حنا موغصب علينا نجاملها ازهـار : رنـاا شووفي هي الحين تتكلم من طرف خشمها وبدلع اجل رنـا قاطعتها : لاتقولين دلع لااااتقولييين ازهـار فهمت ان رنـا تغار من نوران غيره مو طبيعيه وسكتت .. نـوران مشت ودقت على السايق وقالتله يجي بعدين توجهت للمقهى اللي كان بأعلى طابق وفيه الشخص اللي قالتله تجي .. سحبت كرسي وجلست بدلع : مرحباا .... ناظرها من فوق لتحت وهو يتذكرها : أهليين نـوران : سوري تأخرت عليك ..... تذكر : انا قبل شوي شفتك ويا فيصل نفسه عند المدخل .. يعني غريبه ليكون بينكم صلة قرابه او حاجه نـوران رفعت حواجبها : ماشاء الله ؟ وتسأل بعد ؟؟ *مدت له بوك مليان فلوس .. هذا نص المبلغ .... ابتسم لما شاف الفلوس الكثيره : هاتي الورقه اللي فيها المعلومات وابشري بعزك نـوران مدت له ورقة كان فيها ارقام وحسابات كثييره : هذا اللي قدرت عليه .... ناظر الورقه : والله كفيتي ووفيتي يااخت عفاف نـوران كانت كاذبه عليه بأسمها وقفت : زي ماقلتلك نفذ المهمه وتاخذ اكثر ____________________________________ ام احمـد ألتفتت للي دخل من عند الباب وعقدت حواجبها وهي تشوف ام فيصل : هلا والله نورتي ام فـيصل : ياهلا باختي شخبارك ام احمـد سلمت عليها : بخير انتي شلونك ؟ وش سر هالزياره ام فـيصل : ابي اريج وينها ؟ ام احمـد : فوق بغرفتها عندها شذى ام فـيصل : اهاا خلاص طيب انتي خليك هنا ابيها بموضوع خاص ام احمـد ناظرت الكيس اللي بيد ام فيصل : وش سالفتكم اليوم ويا اريج كل العالم جايه تكلمها طلعت على الدرج بدون ماترد عليها وتوجهت لغرفتها وطقت الباب ودخلت : السلام عليكم أريـج وشذى بإستغراب : وعليكم السلام ام فيصل مشت لعندهم وسلمت عليهم واريج وشذى حمدو ربهم انهم خذو الفلوس قبل تجي ام فيصل وتشوفهم ام فـيصل : شذوي حبيبتي ابغى اكلم اريج ممكن تنتظرين برى شوي شـذى : لا خلاص انا اصلن كنت طالعه .. باي اريـج ودعتها وسكرت باب جناحها وراحت لام فيصل اللي جالسه ع الكنب واول ماجتها مدت لها ام فيصل الكيس : ايش هذا ؟ | |||||||||
|
| |
|
26-06-14, 03:57 AM
| #28 | |||||||||
| نجم روايتي ومشرفة سابقة وفراشة متالقة بعالم الازياء
| اريـج ودعتها وسكرت باب جناحها وراحت لام فيصل اللي جالسه ع الكنب واول ماجتها مدت لها ام فيصل الكيس : ايش هذا ؟ ام فيـصل : ألبسيه واكشخي بسسسسرعه اريـج : ليييه ؟؟؟؟ ام فـيصل : اليوم جتني دعوه مع جمعة حريم من المجتمع الراقي اللي كانو جايين بحفلتك وابيهم يشوفونك وياي اريـج رمت الكيس : ماراح اروح .. ولوسمحتي تفضلي برى ابغى ارتاح ام فـيصل : لأ بتجين وغصب عنك يلا البسي اريـج : ماتقدرين تغصبيني انتي .. ولا كل شي عندكم بالغصب ام فـيصل تحاول تحنن اريج : الحين هم يقولون انك مسكينه وتكسرين الخاطر وانك مغصوبه على الزواج على الاقل اطلعي لهم وفهميهم انك موافقه لاتخلينهم ياخذون عنك فكرة انك تكسرين الخاطر اريـج : اصلن انا موافقه بكيفي وماراح يهمني رايهم فيني ام فـيصل : أريـج يابنتي البسي صدقيني هالحفله راح تغير رأيهم فيك اريـج : قصدك فيك انتي .. انا مالي دخل ام فـيصل : فينا اثنينا .. *تعرف ان اريج ماتجي الا بالمدح نفسها* قومي اكسري خشومهم لا يقولون مسكينه يتيمه تحكمو فيها .. أريـج كانت محتاجه مناسبة تطلع فيها لأن جوالها امتلى من رسايل الشماته وكانت محتاجه تدق خشومهم : طيب بجي معك بس اطلعي برى انتظريني ساعه واخلص ام فـيصل : خلاص بنزل عند الجـازي نزلت ام فيصل عند ام احمـد وقالت لها الموضوع وام احمـد كانت مكشره مو هذي العلاقه اللي تبيها بين اريج وموضي ___________________________________________ نزلت وهي تحاول تمسح دموعها وسلمت على امها وابوها وجلست ام ريـان : نور بنتي انتي موافقه نـور هزت راسها تحاول تبين انها خجوله بس مبين عليها الانكسار لكن خافت من نظرات ريان لهاا ام ريـان : اذا ماتبينه قولي عادي ابـوريـان بعصبيه : وشو ماتبيه .. البنت تزوجته من ورانا بدون لاندري نـور ماتدري تنجرح ولاتنحرج من كلمة ابوها هذي قالت بصوت خفيف : يبه صار كل شي بسرعه ابوريـان ماتكلم تعب من الصبح يتكلم بالموضوع وصرخ على لميس : ويييين القهوه ؟؟؟؟؟؟؟ لمـيس راحت تركض تجيبها وهي خايفه ام ريـان بهمس للارين : نيرمين وينها اليوم كله ماشفتها ؟ لاريـن : تغسل الصحون .. ام ريـان : اهااا .. شوفي يا لارين بنجهز اكبر حفله بحديقتنا بمناسبة زواج نور ابوريـان بعصبيه : لا مافي روحه نـور بتجلس هنا لين عرس بنت عمها وبعدها بأسبوعين تروح هي قبل رمضان ام ريـان : طيب بس حفلة زواج بسيطه وبعدين نسوي العرس ابوريـان : لا حفله ولاخرابيط *وبتحذير* قولي ملكنا مو تقولين تزوجو ؟ ام ريـان : وي يابوريـان كلهن نفس المعنى ابوريـان : المهم قولي سوينا الخطبه والملكه بسرعه بسرعه والعرس بعد رنـا ام ريـان : أريج ماهيب رنـا ابوريـان : ان شاء الله جنيه المهم العرس بعدها نـور ودها تبكي وتقول لأبوها بس هي خوافه حيييل وماتحب تتكلم ووتدخل ودايم متعوده على انها مطنشه وان حقها مهضوم عشان كيذا ماكاانت تقدر تتكلم خاصتا من نظرات ريـان اللي تقتلها .. _________________________________________ وصلـت أريـج مع ام فيصـل للقصـر اللي كانو مسوين في الحـفله ودخلت ام فيصل بلبسها الرسمي ووراها اريـج اللي الكل ألتفت لهاا .. فستـان ساتان لتحت الركبه بضبط اخضر زمردي و له ابه دائريه وسيعه من قدام ومن ورى .. ورافعه شعرها الكستنائي شينيون بأهمال وخصل نازله ع وجهها وحلق زمردي كبيير .. اما مكياجها كان خفيف حييل ومبين جمالها كريم أساس وبودره وروج أحمر فاقع ومسكرا مشت ورى ام فيصل وبوجهها إبتسامة بغرور وهي تسلم على كل البنات اللي ارسلو لها وتشمتو فيها كانت تمد يدها الناعمه البيضا المزينه بسلاسل فضيه ومناكير حمرا وتصافحهم من طرف اصابعها وتسحب يدها بسرعه بغرور وتكمل بدون ماترد على وحده منهم .. ووصلت لطاوله جلست فيها ام فيصل وشخصيات مبين من الاكباريه وجلسو يتناقشون اما اريج كانت حاطه رجل على رجل تناظر بالناس اللي منهدشه من جمالها وهي تتحسر وتفكر بتركي وموقفه .. قطع سرحانها صوت وحده مبين انها خبيثه وهي تقول : اريج فوق هالزين هذا كله تاخذين واحد مشوه ردت بغرور: لوسمحتي احترمي الفاظك عيب وحده بالكبر هذا للحين عقلها عقل بيبي بالروضه كملت الحرمه وهي تحاول تستفزها : ههههه وانا صادقه انتي يبيلك واحد جميل قاطعتها بهدوء : انا مايهمني المظاهر ولو كانت تهمني ماكان جلست مع وحده مثلك بنفس الطاوله .. انا وسامي نحب بعض من يوم كنا صغار الله لايحرمنا من بعض والحريق اللي صار له ممكن يتعدل بأي عملية تجميل ولو ماتعدل المهم الجوهر وسامي أخلاقه ماشاء الله عليه .. عكسك انتي اللي تفتقرين للشكل والمضمون سكتو كل اللي ع الطاوله صدمة من كلام أريـج اما ام فيصل اللي هزت راسها اعجاب بكلام اريـج اللي خلى الحرمه تنحرج ودقايق واستأذنت وغيرت مكانها .. رجعو بعدها لكلامهم .. بس قطع كلامها صوت ام مريـم ام مريـم بإستغراب وهي تناظر بنت داخله بجمال لايقل عن اريـج فستان اسود لنص اليد وضيق من فوق ومن عند الخصر منفوش بدانتيل اسود لفوق الركبه وكعب أسود وفاتحه شعرها البني المموج وحاطته ع كتفينها ويزين عنقها البرونزي عقد فضي بوسطه جوهره سودا وحلق طويل شوي فضي ومكيآج خفيف بس آكثر مايشد بوجهها روجها التوتي وعدساتها الزرقآ الفاتحه حيييل .. : هذي وين شايفتها .. ممم كأنها بحفلتكم ياام فيصل ألتفت إم فـيصل وألتقت عينها بعين آكره انسانه عندها بلأرض ناظرتهآ بإحتقار .. أما هذيك إبتسمت بخبث ومشت بتميع ودلع لطاولة ام فيصل : ههه معليش خاله بس فصول اخرني .. هلا اروجه أريـج سلمت عليها : أنتي كنتي بتجين ؟ نـوران وهي تلعب بخصله من شعرها المموج : أيوى خالتي قالتلي لازم أجي معها بس فيصل كان بياخذني مشوار لمكان *وغمزت لأريج* سري أريـج هزت راسها بتكشيره وهي منقهره من نـوران أم فـيصل بدون نفس : تفضلي نـوران .. *وبتحلطم* من اليوم انتظرك نـوران جلست بكرسي اريج : هههه آسفه ع التأخير أريـج عصبت عشانها جلست بكرسيها وأشرت لخدامه تجيب لها كرسي وجلست جمبها آم حمد *وحده من الجالسين* : والله مااتذكر ان لك بنات ياام فيصل أم فـيصل : لأ هي بنت حماتي ام حمـد : خطيبة فيصل ؟ أم فـيصل بسرعه : لأ ام حمـد إبتسمت : شكله في بينهم نصيب قريب ضحكو كل اللي ع الطاوله وإبتسمت أم فيصل تجاملهم اما اريج كانت مستحقرتها نـوران حطت رجل على رجل : أريج كيفك بعد الطيحه .. ههههه والله فشله لو انا اتوب اطلع قدام الناس إريج انزعجت منها : عادي اصلن انا كنت تعبانه عشان اتبع رجيم قاسي .. ام فـيصل قاطعتها : والله يااريج ماتحتاجين رجيم ماشاء الله جسمك حلو ورشيق وزي عارضات الازياء وسامي عاجبه .. انا اقول لو تعلمين نوران عليه يكون احسن نـوران انقهرت منها بس تكلمت بدلع وبرود : لأ انا عاجبني جسمي زي كيم ومابي أغيره يخقق اريج بهمس : مالت عليك انتي وكيم نـوران : شقلتي ؟ أريـج : أقول بعطيك النظام الغذائي وانتي بكيفك نـوران بدون ماتناظرها : ماني بحاجته ام فـيصل : ألا ام رامي وينها تكلمـت ام خالد اللي تصير اخت ام رامـي : اليوم خطب ولدها ام فـيصل : ماشاء الله مين ؟ ام خـالد : عيسى .. غريبه ماتعرفين ام فـيصل : ماقالتلي ام خـالد : حتى ام ريـان ماقالتلك ؟ ام فيـصل بإبتسامه صفرا : شدخلها ام ريـان ؟ ام خـالد : عيسى شاف نور بنتها يوم كنتو مسافرين واعجب فيها وخطبها أريـج كانت تشرب مويه وشرقت فيها لأنها ماتوقعت نور بتنخطب لا وبعد واحد معجب فيها أما ام فيصل تنحت لدقايق ووجهها مشحوب كيف ام ريان تخفي عنها شي زي كيذا خاصتا ان عيسى مو انسان عادي او مستواه الاجتماعي عادي .. اما نوران ماكنت تعرف عيسى بس ملت ضحكتها المستهزأه المكان وهي تتذكر شكل نور وقالت بين ضحكتها : هذي احد يخق وياها ؟ ههههههههههههههههههه ام خالد ضحكت معها لأنها كانت مخططه ان عيسى ياخذ بنتها .. ام فـيصل بتوتر : انا شفت مكالمات ام ريـان اليوم بس ماكنت فاضيه ارد شكله هذا الموضوع اللي تبي تكلمني فيه أم حمـد تحاول تستفزها : يام فيصل تقولك ملكو يعني متكلمين من زمان معقوله ماقالتلك ؟ ام فـيصل بتوتر وهي تعدل فستانها : ألا هي قالتلي في واحد بيخطب نور بس ماهتميت بتفاصيل لأن بالي كله مع حفلة ولدي نـوران تحاول تحرج ام فيصل : لا خاله محد قالنا عن الخطبه .. يمكن خايفين انتي تخربين عليهم ههههههه ام فـيصل قرصتها من تحت الطاوله : ههههه ظريفة أريـج قامت .. نوران وهي تحطك فخذها من قرصة ام فيصل : وين رايحه انتي ؟ أريـج : بروح اتمشى نـوران قامت وياها : وانا بعد بروح اتمشى أريـج عقدت حواجبها : انا بطلع برى عند المسبح نـوران سحبت يد اريج : امشي يلا نروح ______________________________________ رنـا ناظرت ساعتها : أففف جا المغرب وهذي ماجت وينها أزهـار ناظرت جوالها : والله مدري عنها بس شكلها سحبت علينا رنـا قامت وهي معصبه : حيوانه اكرها الحقيره .. امشي خلصيني أزهـار : من جد وقحه .. يلا مشينـا ركبو بالسياره .. أزهـار : رنوش انتي انزلي بلمستشفى هو اقرب من هنا وانا برجع لحالي رنـا بتوتر : لأ عادي بوصلك اول شي بعدين بروح ازهـار : شدعوى مراح اكل سواقكم رنـا : انا باخذ مامي معاي ازهـار : اهاا طيب .. رنـا وصلت ازهـار وأتجهت للمستشفى نزلت وهي ترتجف وراحت لعيادة الدكتورة أللي كانت تعالج عندها آلدكتورة : أهلن انسه رنـا تفضلي رنـا جلست وبدأت تتكلم بإنكسار والدموع مليانه عيونها : دكتورة انا للحين اشوف الكوابيس وللحين عندي حالة الارق والتوتر الدكتـوره : أنتي ماتساعديني يارنا ماتقولين لي شتشوفين ؟ احكيلي عن حياتك بالتفصيل رنـا : لا تكفين بس ابغى الحبوب اللي وصفتيها لي رحت لصيدليه قالو لازم وصفة طبيه لأنها قويه الدكتـوره بيأس : أسفه مراح اقدر اعطيك لما تحكيلي كل شي وتجيبي اهلك رنـا : اذا انتي مراح تعطيني انا بكلم اي دكتوره ثانيه غيرك الدكتـوره : اسفه واذا عايزه براحتك رنـا طلعت بسرعه وهي حزينه صبرت شوي وهي تطالع الاستقبال وتقدمت بثقه مصطنعه : السلام عليكم الاستقبال : وعليكم السلام اي خدمه رنـا : أبغى احجز عند دكتور نفسي الاستقبال : في الدكتوره عفاف رنـا : غيرها الاستقبال : في الدكتورة عبير رنـا : ايش اصلها ؟ الاستقبال : سعوديه رنـا بتوتر : ممم في غيرها الاستقبآل : الدكتور رامي .. دكتور سعودي رنـا : لأ خلاص احجزلي عند الدكتورة عبير الاستقبآل : بس بإجازه مدتها شهرين رنـا عقدت حواجبها : تستهبل انت ؟ ليه تقولي اسمها دامها بإجازه .. الاستقبآل : اسف اختي .. تبغين احجزلك رنـا : لأألأ .. طلعت ونفسيتها زفت وركبت مع السايق يرجعها للبيت نــــــــــــــــهـــــــ ــــــــــــــاااية البــــــــــــــــــــــ ـــــــــاارت بإنتظــــــــــــــــــــ ــــــــاار توقعـــاتكم وردودكمم :$ | |||||||||
|
| |
|
26-06-14, 03:58 AM
| #29 | |||||||||
| نجم روايتي ومشرفة سابقة وفراشة متالقة بعالم الازياء
| الــــــــــــبــــــــــ ــــاارت الخــــــــاامس عشــــر انا قلبي تعب يهواك تعب والله حس فيني ابي اصرخ اقول انساك يمر طيفك ويغريني ادري اني موبقلبك ولاعندك امل فيني انا جيتك ابي دنياااك لقيت قلبك يجافيني ________________________________________ أزهار دخلت البيت وتوها بتتنهد وقاطعتها شذى بفرفشه عكس امس شـذى : زوز ألحقي شوفي طلعنا من البيت ساعتين رجعنا لقينا نور متزوجه أزهـار : تستهبلين ؟ شـذى : أي والله تزوجت عيسى الاطخم اللي شفناه بباريس أزهـار حطت يدها ع قلبها وبإستهبال : لأتقولينها هذا حلم حياتي كان نـور بإبتسامه صفرا : أسكتو لاتسمعكم امي شـذى تغمز لها : تبين تتزوجين من ورى امي بعد ؟ نـور إبتسمت لها وطلعت لغرفتها .. ازهـار : صارت مغروره من يوم تزوجت شـذى : أي خلاص ماعاد تشوفنا مشت نور على الدرج وهي تمسح دمعة طاحت من خدها من كلام خواتها .. يحسبونها فرحانه ومبسوطه بالزواج هذا مايدرون انه بالغصب وبعد ماضربها وكفخها وبالسب كل هذا وهي بريئة ماسوت شي .. انا نور اللي ماارفع عيني واحطها بعيون اخواني من الحيا .. انا نور اللي ماقد لمست يد أي رجال .. انا نور اللي ماقد كلمت ولا رجال بجوالي لامطعم ولاهندي ولاحتى بالمحلات اتكلم معاهم .. انا نور اللي حتى عماني استحي منهم ومااتكلم معاهم .. انا نور اللي استحي من البنت قبل الرجال ومااقد قليت ادبي .. حتى رجال بالمسلسل مامدحت ولا فكرت فيه .. طول حياتي حرمت نفسي من التفكير بالزواج وبالحب أو بفارس احلامي .. من اول ابتدائي لين الحين ماشاغبت ولاقدمت اي شكوه علي حتى صديقات ماعندي غير رنا اللي تجاملني اذا كنا ب .. ماعمري بكيت ولا قلت ابغى شي .. طول عمري ساكته ولاشكيت ولابكيت .. تفكيري كله بدراستي وامي وابوي .. كيف يشكون آخواني فيني ويسون كيذاا .. وهو كيف يقول انه يعرفني ؟؟ .. مستحيل يكون يحبني ومستحيل يكون قط نفسه بالمهزله هذي .. في سبب لكل هذا بس ايش السبب يااربي .. بنفس البيت وبنفس الاحساس اثنينهم يبكون والشخص واحد كلهم انتهت حياتهم بسببه .. كانت تبكي بحرقه ماهي عارفه ايش تسوي ولا ايش بيصير فيها .. ماتعرف بيته ولاتعرف رقمه ولاشي عشان تروح تتفاهم معاه كيف .. آبداا ماجا ببالها شي بس ودها كم يوم بس وتمحي كل اللي صار ليتني لحضتها ضعت بباريس ليتني مت ليتني مارحت .. __________________________________________ وقفت برى ويا نـوران وهي تناظرها وتقيمها وتتخيلها ويا فيصل .. اشكالهم لايقه حيل بس نوران مغروره مراح تقدر تسعد فيصل مثلي .. إبتسمت بسخريه .. مااسعدت تركي أسعد فيصل .. تنهدت وهي تتذكر تركي وطاحت منها دمعه مسحتها وطاحت بعدها دمعه حاولت توقفهم بس قلبها للحين مجروح منها اللي زاد عليها كلمات الاغنية اللي كانت تتردد بأذنها وهي تتخيل لحظاتها ويا تركي .. صورلي الدنيا جنة وهنا خذني بحنانه وذبت بهواه ماكان ببالي يخدعني انا ويلعب بقلبي وفكري معااه تخيلت كل لحظة ويا تركي من 5 سنوات وهم باللحظه هذي مافكرت بالزواج ولا حطت نهايه لهذي العلاقه .. تركي كان محسسها انه مافي بالدنيا غيرها كيف مايحبها كلامه ونظراته وحركاته كلها كانت تخليها ترتاح كانت تضحك لما يقولها ترى بروح واخليك .. كيف يتركني وانا وياه سنواات وكل يوم وكل لحظه وثانيه حبنا يزيد كان يحبني اكثر ويعشقني .. ماتخيلت هذي النهايه لي وياه .. ماكنت ادري انه كان يبغاني يرضي غروره .. عشان ابوي اللي كان يسكت كل ماتهزأ من فيصل .. بس ماهو ذنبي يارب انا مااحد عندي ينصحني كنت محتاجه احد يوقف معي بوجه الجازي ابوي ماكان قادر ينطق لها كلمه عكس تركي اللي كان يوقفها عند حدها .. ناظرتها نوران وهزت يدها تحاول ترجعها لدنيا والواقع اللي هو ساامي وبس لافيصل ولاتركي ولاغيره : أروج شفيك تبكين ؟ اريج مسحت دموعها : فيني حساسيه اذا جا هوا بارد على عيوني تدمع نـوران : اهاا .. طيب تعالي خلينا نجلس في المكان المسكر احلى ع مبال تجي ام فيصل أريـج إبتسمت : زي ماتبغين جلسو ونوران كانت تتأمل اريج اللي سرحانه وبعالم ثاني مسكت يد اريج : أريج .. فضفضيلي وشفيك ؟ أريج طاحت دمعتها كانت حاسه بلمسة حنان بيد نوران وحنان بعيونها حست انها تبي تساعدها جد كانت محتاجه تبكي على صدر اي احد وتقول له كل شي تعبت من هالسر الكبير اللي كاتمته 5 سنين وكل يوم يزيد عليها ويتعبها .. نوران قامت وحضنتها ومسحت دموعها : أريج انتي تبكين عشان سامي ؟ ماتبغين سامي ؟ *لفت أريج لجهتها وهي تمسح دموعها وتحاول توقفها* حرام عليك يااريج العيون الحلوه هذي تبكي .. قوليلي وشفيك اعتبريني زي اختك انا بساعدك والله مااخليك تنغصبين على شي أريـج كانت حاطه كتفها ع نوران وقالت بين شهقاتها : مااقدر اقولك هناا نـوران قومتها وحطت يدينها ع خدود اريج وهي تمسح دموعها : اسمعي انتي اليوم بتنامين عندي وقوليلي كل شي وكل اللي صاير انا بوقف معك مراح اوقف معاهم انا نفسك اكره العايله هذي .. وبعدين امسحي دموعك لاتشوفك الحقيره هذيك عاد مين يسكتها أريج مسحت دموعها وقاطعهم ام فيصل اللي تناظرهم وهم حاضنين بعض : ماشاء الله .. الله يديم المحبه نـوران قامت وهي ماسكه يد أريج : امين .. يلا السايق جا ؟ ام فيصل : لاتعالي اضربيني بعد .. وبعدين انتي وش جابك نوران بدلع : انا سمعتك وانتي تكلمين صديقاتك وقلت لازم اجي ام فـيصل : اخاف اريج قالتلك ؟ نـوران : ههههههه لا ماقالتلي انا سمعتك .. صوتك عالي قصريه ام فيصل مشت للباب الخارجي : نسيت ان في بيتي جواسيس طلعو وركبو بالسياره ام فيصل : وصل اريج اول شي نـوران : لأ اريج بتنام عندي ام فـيصل : صدق اريج ؟ اريـج : أي ام فـيصل : حياك الله وتوجهو للقصر دخلت السياره ونزلت ام فيصل ووراها اريج ونوران اللي كانو يتهامسون .. أول مادخلو كانو جالسين فيصل وسامي ونواف ومناور عند ام نايف دخلو البنات وسلمو اريج بطرحتها اما نوران فسخت وجلست .. ام فيصل : آريج اليوم بتنام عندنا نـوران : اي خلاص اسكتي فضيحه بتسولف فيـصل : نوران امسكي لسانك نـوران حطت رجل على رجل : يووه جا الخبل الثاني فيـصل وقف : اقسم بالله ان مامسكتي لسانك لأقطعه ام نـايف : وجع يوجعك انثبر بمكانك .. بتقعد تضارب ويا البنيه فيصل جلس : لاحول ولاقوة الا بالله سـامي : أريج حياك الله نورتي البيت مناور بضحكه : عقبال ماتسكنين فيه دائم نـوران بعصبيه : اسكت تكفى ترى مالك داعي مناور كان يحب يعاند نوران : انتي ماشاءالله جيتي بدون لا احم ولادستور وسكنتي نـواف : المشكله جايبه اهلها كلهم هههههههههههه نـوران : يعني باخذ الكلمه منكم مالت عليكم ؟ بيت عمي مو بيتكم نـواف فاطس ضحك : وعمك هذا منو ؟ ولد الجيران ؟؟ ابونا ههههههههههههههههه منـاور : مجنونه هذي مب صاحيه أريـج هزت يد نوران يعني نروح فوق لأن نظرات سامي اللي مانزلت عنها ام فيصل انتبهت لحركتها : لا وين بتروحون لازم تعشون نـوران بدلع وهي تتمخطر : جيبولي عشاي فوق ام فيصل : عشتو ؟ وماتبين بعد نجيب لك قهوة العصر بعد ؟ نـوران : اي والله تسوين خير ام فـيصل : انتي انقلعي فوق مانبغاك .. اريج خليها تجلس تتعشى نـوران بعصبيه : افف البنت ماتبغى جيعانه غصب يعني ؟ فـيصل : انتي وشفيك ماتعرفين تكلمين بصوتك نـوران بعصبيه زايده وزلة لسان : أنت انتبه بس لفلوسك *تذكرت وسكتت* انا بقول لميري تطلع العشا لنا طلعت نـوران واريج .. سـامي : يمه ليه اريج ماتتكلم ؟ ام فـيصل : والعوبه هذيك خلت لها وقت تتكلم ؟ ام نـايف : يهب ياهذي .. انتي وش فيك ؟؟ البنت مستحيه تتكلم قدام رجلها . ام فـيصل طنشتها وراحت تغير وتتروش __________________________________________ آريج ونورآن غيرو وآريج لبست من ملابس نـوران وجلسو ع السرير مقابل بعض نـوران : يلا تكلمي *ناظرت بأريج ماتبغى تتكلم* أريج لاتفكرين اني مثل الثانيات ترى انا ماني من العايله نفسك واكرهم اكثر منك واكثر بكثير .. آسمعيني انا مااحب اشوف احد مظلوم وخاصتا اذا كان انتي .. لأني بكل صراحه من يوم شفتك كنت ابي اكون معك علاقة صداقه .. حسيت انك نفسنا مظلومه وكيذا .. والجازي اف منها الله ياخذها احس معذبتك تعذيب صح .. عشان كيذا ابغى تفضفضين لي انا بكون بير اسرارك واوعدك يااريج وعد اني وربي اذا ماقدرت اساعدك ماراح اضرك ولا راح اخرب عليك شي وان الكلام اللي بتقولينه لي بيبقى بينا انا وانتي .. أريـج حست الصدق بكلام نوران وكان ودها اصلآ تقول : نوران ماابغاك تفكرين فيني بغلط انا بقولك وانا اتمنى انك تكونين قد كلمتك وحتى لو رحتي وقلتي لناس ماعاد يهمني انا خلاص تعبت وهالموضوع بينكشف مهما كان .. الموضوع ماني عارفه من وين ابدأ فيه ولا كيف اقولك انا استحي اقوله خاصتا الحين *غمضت عيونها* انا موبنت نـوران شهقت : كيف مو بنت ؟؟ أريـج بدأ شلال من الدموع يطيح من عيونها : انا احب تركي اللي هو خال رنا وهو يحبني لنا 5 سنوات مع بعض والحين تركني نـوران تنحت لدقايق بعدين حضنت اريج اللي انهارت وهي مومصدقه : انا ماني مصدقه كلامك معقوله النجس هذا يطلع منه هالشي ؟ أريـج بين شهقاتها وهي بين بكيها : انا مافكرت انه بيسويلي كيذا انتي ماتعرفين كيف كان معاي كان يحبني ويعشقني وسوالي كل شي ابغاه كان مصورلي الدنياا جنه كنت شايفته هو الحضن الدافي اللي بيحميني من كل شي كفاني عن حنان امي اللي فقدته ودافع عني بدال ابوي اللي كان ناسيني وعبد تحت رجول الجازي *شهقت شهقه من قلبها* لما انخطبت يانوران نساني قال روحي ماابيك تزوجيه وخلاني بكل سهوله مافكر ايش بيصير لي ولافكر باللي سواه فيني رماني بكل وقاحه نـوران تطبطب على اريج : انتي مافكرتي بالنهايه هذي أريج رفعت راسها : كان يحبني يخاف علي من الجرح البسيط كيف تبيني اتخيل انه ممكن يتركني ؟؟ نـوران : انا شفته لما العرس لما حضنك بقوه وشالك حسيت في شي أريـج : بس نساني وتركني خلاص ماعاد يبغاني نـوران : انتي ماغلطتي الحب مو غلط ولاعيب انتي ماكنتي واعيه ولاكان عندك احد ينصحك حبيتيه من قلب ومشيتي وراه حرموك من الام اللي تنصحك الله يحرمهم من الجنه .. *قالت بكل استحقار واشمئزاز* بس هو الحيوان كيف يرضى يسوي بوحده مسكينه كيذا من جد حيوااان اللي مثله ماينحبون *كملت بكره شديد وهي تتذكر ملامح وجهه الخبيثه* يااريج باين عليه سبحان الله انه مايطمن ووقح وربي يستاهل الموت هذا كيف قدر يسوي كيذا ويعيش معك بنفس البيت وياكل ويشرب ويا ابوك واخوانك ؟؟ كيف غفت عينه بدون تأنيب ضمير وهو خدع طفله بريئه ماعندها احد ينصحها أريـج كانت تبكي اكثر : انا ماني عارفه ايش اسوي نـوران ناظرتها : ايش مانتي عارفه شتسوين ؟ لاتقولين للحين تبغينه ؟؟ أريـج : احبه مااقدر افكر بغيره نـوران : وبتمشين ورا حبك اللي ضيعك ؟؟ هذا انسان حقير .. احمدي ربك ع الاقل انك طلعتي من الموضوع بدون حمل ولا أيدز .. أريج انتي مفروض تصيرين اقوى دام انه تخلى عنك وتركك بأبسط مشكله كان قادر يحلها ويدق الصدر ويقول انا باخذها بدال المشوه انا اولى فيها بس رماك بأقرب فرصه كأنه ينتظر من زمان .. أنتي لازم تنتقمين منه وتتركينه وتكملين ويا سامي أريـج : كلكم تقولون سامي وسامي انا مااقدر اكمل مع سامي ولااقدر احبه وبعدين اذا عرف اني موبنت مراح يرضى فيني *ناظرت بنوران* انتي ماتحسين بالحب نوران كأن في شي يخنقني وجودي مع تركي يريحني حتى لو مافي بينا اي كلام كأنه الاكسجين اللي اتنفسه نـوران : اي اكسجين ياشيخه ؟ هذا ثاني اكسيد الكربون مسمم هذا .. ياخي انسيه .. وسامي والله ماعرفتيه طيب وحبوب ومبين يحبك ويتمنى منك كلمه .. ولوعرف بسالفه بيسامحك أريـج : هو وتركي كانو قبل قريبين حيل من بعض بس من بعد الحادث صارو اكثر انسانين يكرهون بعض هو كيذا بيكرهني *قالت بهمس* انا كنت ابي فيصل نـوران بعصبيه : نعم ؟؟ فيصل ؟؟ عشان ماعاد في اريج بالحياه ؟؟ ياغبيه يامجنونه فيصل مايتفاهم معاه مافي مخ عنده هذا حيوان بشري ولو ياخذك بيعذبك انا اقولك انا افكر بفيصل وابغاه بس يعني انتي مايصلح لك وربي مو انانيه ولا اخدعك وربي لا بس اريج فيصل شخصيته قويه ومستحيل يسامحك ولا يغفرلك .. انا عارفه انتي تبينها عشان يحميك بس هذا بيرميك .. الله يهداك توقعتك تقولين هيثم على الاقل اعرف انه متفهم وطيب حييييل .. بس انتي لسامي الحين .. أسمعي سامي اطيب من هيثم وبعد ممكن يحن عليك بسبب وجهه *قالت بحزم* ترى شخصيته قويه بس خليه يسوي عمليته والله يوقف معاك ويحبك ويعشقك لأنك وقفتي معاه وساعدتيه أريـج : اقولك اذا عرف اني بنت بيموتنييي ؟ نـوران : غبيه انتي ولامجنونه ؟ ليكون تروحين تقولين له انا كنت مع تركي ؟؟ قوليله انا يوم كنت صغيره اغتصبني السايق وبكيت وماعلمت احد لأني خايفه ومااعرف هالشي ايش ومع الايام صار صعب اتفاهم مع اهلي واقولهم لأني مااكنت قادره وشوي دمعتين وبكي أريج : وتركيي ؟ نـوران رفعت يدينها : الله ياخذك ياهالتركي ياحقير ياحيوان تف عليك وعلى ام جابتك والله سلالة الجازي هذي مايجي منها الخير أريـج : نوران تكفين احبه انا لاتقولين قدامي كيذا نـوران : حبتك القراده وش تحبين فيه بالله قوليلي ؟ والله كأنه ابو خليه ينقلع وحبي سامي أريـج : ابو على الاقل له ملامح مو واحد ماله ملامح نـوران بسخريه : ونفعتك ملامحه ؟؟ أريـج بإبتسامه وهي ماسكه يد نوران : والله حسيت خف علي كثير من الضيقه لما تكلمت وياك وفضفضتلك نـوران : ياحيااتي والله ماتندمين وربي ماراح اخليك تتحسفين وربي بوقف معك على ابسط الاشياء وهذا تركي لاتخافين بنتقم منه أريـج : آف يانوران ليتك جيتي من زماان نـوران : خلاص ماعاد بروح ههههههه أريـج : ههه والله احسن خليك هناا ______________________ | |||||||||
|
| |
|
26-06-14, 03:59 AM
| #30 | |||||||||
| نجم روايتي ومشرفة سابقة وفراشة متالقة بعالم الازياء
| ______________________________ نزلت من على الدرج وهي تشوف اهلها اللي جالسين بالظلام مافي اللا التلفزيون منور عليهم ويستمعون بجديه مشت من على الدرج وهي تسند جسمها ع الحديد اللي ع الاطراف ويدها ع بطنها حاولت تتكلم وتناديهم او تطلع صوت عشان ينتبهون بس هم مو منتبهين وهي موقادره تتكلم مسكت بطنها تحس الالم يزيد عليها بقوه وجسمها صاار حاار مع انها ماهي لابسه الا روب نوم قصير قطني علاق رفعت يدها الثانيه تبعد خصلات شعرها المتناثر عن وجهها وبدأت تحس بعيونها صارت ماتشوف الصورة عدل بس مائيه حست بدوخه فضيعه وحاولت ع قد ماتقدر تمسك الدرج وتجلس بس تحس جسمها كلها نمل بلحظة ماحست بنفسها وهي تطيح من على الدرج حست ضربه قويه براسها وصوت صفير وكلام مومفهوم ومن بعدها غمضت عيونها ماتحس بأي شي .. آم احمـد اللي شافت بنتها اللي تحبها اكثر من أي احد بالعالم ركضت لها وهي تشوفها تطيح من على الدرج مسكتها وهي تهزها بقوهه : رنـااا رناااا ؟؟ ردي علي يارنااا *شهقت وهي تشوف الدم اللي ينزل من راسها ورفعت يدها تناظره تذكرت ام اريج يوم طاحت بنفس الطيحه وطلع منها الدم خافت تفقد بنتها والله ياخذها منها عقاب لها صرخت بكل مافيها* بنتي لاتموتت لاتموت احمـد صرخ على الخدمات اللي تجمعو يشوفون وبنظره إستحقار لأنهم يكرهون رناا كره الدنيا : روحو جيبو عباتها وغطاها خلصوونيييي أم احمـد وهي تبكي : وشفيها بنتي تـركي مسك اخته : معليه مافيها شي بس انتي قومي معااي ابـو احمـد والدموع بعيونه : رنـا وشفيهاا أحمـد ماكان منتبه لهم كان يلبس رنـا عباتها ويسكر ازرارها بشكل عشوائي وشالها هي بعينه تسوى الكل وكان يحبها حيييل ومايرضى عليها بالغلط .. ابواحمـد طلع بيلحق ولده بس وقفته يد تركي : يابو احمـد وين بتروح تعال ارتااح هناا انا بروح وياه *صرخ ع الشغاله* تعالي جلسيهم طلع يدور أحمـد بس مالقى سيارته سمع صوت سياره تمشي بسرعه وصوتها واضح من لفة البيت ركب سيارته عشان يلحقه وراح وراه .. _______________ آحمد وصل للمستشفى وشال رنـا ونومها بأول سرير لقاه مركون وقبل مايتكلم لقى الممرضات حولينه ويسحبون السرير لغرفة الطوارئ اللي خاصه بالحريم .. سألته ممرضه سعوديه : وشفيهاا ؟؟ في احد ضاربهاا احمـد والخوف باين عليه ويتكلم بين انفاسه : هي كانت نازله من الدرج وطاحت انا ماني عارف وشفيهاا الممرضه نادت الدكتور المصري اللي كان واقف برى ويا دكتور ثاني ودخل بسرعه يفحصها .. احمد كان واقف يناظر رناا بخوف عليها بس لما سمعهم يقولون اغماء ارتاح قلبه رفع عيونه يحمد ربه بس لما نزلهم شاف الدكتور السعودي اللي قدامه كان يناظر رنا بنظرات مقرفه وفيها وقاحه يناظر جسمها الابيض الناعم وشعرها المتناثر حولها وبتمعن واضح .. ماكان عارف ايش يسوي رفع عيونه الدكتور لعيون احمد اللي تطلع منها الشرار وقال بأستغراب : مم احمد الـ.... ؟ أحمـد حاول يتمالك اعصابه وهو للحين مايتذكر وين شاف وجهه : ياخوي شيل عيونك عيب عليك البنت طايحه مريضه وانت تشوفها ؟ إبتسم بتوتر وهو يشوف احمد يسحب الستاره ويسكر على رنا خاصتا ان الاباء اللي كانو جايين مع امهاتهم تنحو برناا اللي طايحه لأنه يوم جمعه والعيادات مسكره مافي الا الطوارئ .. قال وهو يحاول يخفف عليه : سلامات وشفيهم الاهل ؟ احمـد بغضب : انت مين ؟ إبتسم زي اخوه الصغير وعلى طول طرى على احمد .. أكيد بيكون اخوه نفس النظره الوصخه ونفس الاسلوب والغرور .. قال : انا رامي خلف اخو عيسى الكبير اللي كان معاكم بباريس ؟ أحمـد لما شاف تركي جا دخل عند رنـا ومسك يدهاا الدكتـور : انت زوجها ؟ احمـد إبتسم : لا انا اخوها الدكتـور انحرج وحاول يكتم ضحكته : هه طب بص ياابني اختك مرتفعه حرارتها وزي مانتا شايف الطوارئ مليان مرضى بسبب الفايروس اللي بالجو حاليآ احمـد : خطير يعني ؟؟ الدكتـور : لا هوا مش خطير بس بيجي للي مناعتهم ضعيفه .. وإن شاء الله تشفى منه انا بتركها بلطوارئ اليوم لما الصبح ونركب لها مغذي وان شاء الله اذا تحسنت حالتها الصباح تطلع واذا ماخفت بننقلها لغرف التنويم احمـد وهو يحرك إيده شعر رنا اللي نايمه : لا إن شاء الله تشفى الدكتـور : بس ياابني مايصحش تجلس يعني ده قسم نساء ابعت ورى الماما ولا اختها احمـد : وليه مااجلس ماتشوف الرياجيل اللي برى ؟ الدكتـور : ايوى دول ثلاثه مش اكثر وجايين شغلة كمام وابره مهدئه ودلوقتي حيمشو مش حيبئو لصباح احمـد قاطعه : خلاص خلاص بقول لأمها الدكتـور : طيب اتفضل معاي للاستقبال تسجل اسمها ومعلوماتها احمـد طلع ورى الدكتور وشاف رامي وتركي اللي يتكلمون ناظر تركي وهو مطنش رامي : تركي رح قل لامي تجي تجلس مع رناا لان هذا قسم حريم *شدد على الكلام* طمنها وقلها اغماء خفيف وانها حراره خفيفه راح ورى الدكتور عشان يسجل معلوماتها _______________________________ صحت من النوم وفتحت جوالها وهي تتثاوب : الساعه 3 .. ياربي انا وش قعدني الحين *تذكرت معلومة قرتها بتويتر اللي يصحى 2 ولا 3 معناته في مخلوق يراقبه ارتجفت من الخوف وغطت جسمها ووجهها بلفراش* يممااه *حطت يدها ع بطنها وهي تسمع صوت عصافيره* لأ انا جيعانه يااربي انا ليه ماكليت من البوفيه *مدت يدها تصحي نوران* نوران قومي قومي أبغى اكل .. آف شكلها مراح تقوم قامت وفتحت الباب بهدوء ألتفت يمين ويسار كان ظلام وهدوء مشت على اطراف اصابعها ونزلت من الدرج بشويش سمعت صوت وركضت لتحت الدرج وهي تشوف نواف اللي كان جالس ويكلم بهدوء .. نـواف : انتي فاهمتني غلط .. طب اسمعيني بس انا اقسم بالله قصدي شريف .. اوكي يابنت الحلال محد قال ان ماعندك اهل بس انا ابغى اكلمك نتواصل .. طيب رفيف لاتصارخين لوسمحتي يعني *ضرب جواله بلارض* أففف سكرت إبتسمت وهي تشوفه يمشي ويلعن وهو يعدل جواله اللي تكسر ولما تأكدت انه طلع فوق راحت تركض للمطبخ وفتحت الباب وتوجهت لباب الثلاجه الكبيره وفتحته وجلست تتأمل بلأكل وقوالب الكيك والشوكولات والككاوات ميلت راسها : يااربي وش هذا يعني الثلاجه هذي لحالها للككاوات هذا وهم كلهم اولاد حنا البنات ماسويناها .. لأزم اقول للجازي خبله اكيد بتحط لكل شي ثلاجه *ضحكت وهي تتخيل بيتهم كله ثلاجات وسحبت كوب كبير آيسكريم توفي وجلست ع طاولة المطبخ اللي بلوسط وبدأت تأكل وهي تفكر مره تفكر في ان قرارها لما قالت لنوران غلط ومفروض ماتعلم لان جدتها اصلن تكرهها .. وبعدين تتراجع وتفكر بالقوه اللي شافتها بعيون نوران وانها ماتخاف من احد ولما دخلت الحفله بكل جرأه وكيف بسطت نفوذها بالقصر كله حتى بعد ماراحت امها وحتى بعد تهديد ام فيصل وعيالها مااهتمت وكملت طريقها والشي اللي براسها بتسويه إبتسمت وهي تتخيل لما تكون هي ونوران بنفس البيت وام فيصل كيف بيجننونها تخيلت أن شذى معهم وطلعت منها ضحكه حاولت تكتمها خاصتاا بهبال شذى وبلسان نوران ضحكت وهي تتخيل يسون لأم فيصل مقلب وتطيح من الدرج بس ماكملت ضحكتها لأن حبيب شذى بتتزوجه هي حزنت على شذى اللي جت وشجعتها ووقفت وياها بدون ماتفكر بأنانيه شذى من يومها وهي طيبه وتحبها .. طرى على بالها تركي تغيرت الابتسامه اللي بوجهها اللي كانت مبينه اسنانها الصغيره اللي زي اللؤلؤ إلى إبتسامه حزينه ومكسورة نزلت راسها وهي تحرك الايسكريم يمين ويسار بدون شهيه وبوجهها نفس الابتسامه كانت عيونها الرماديه تتجه لليمين وتتذكر لحظاتها ويا تركي وكل ضحكه رسمها تركي ع شفايفها كل ضمه وكل مره نامت وهي بحضنه حبهم الكبير مستحيل احد يقدر ينكره بس بعد ماتحول لتحدي كبييير بينهم بعمرها كله ماصدت حب تركي لها ولا منعته يتقرب منها كانت تقربه لها وكانت تفضله على احمد وتمدحه قدام ابوها ولما كان يروح ويا احمد الصغير للشركه كانت تضربه وتغصبه ياخذ تركي وياه غصب لأنه كان رافض حتى بقرار الجازي بس بعد ضغط الجازي وبكاء اريج وافق .. فكرت بحال تركي بعد مارفعته لأعلى السما وخلته مع ابوها والحين يشتري من اغلى الماركات ومن اغلى السيارات وقبلها كان ددسن وثوبه الابيض والشماغ بس والحين صار يشوفها ولاشي قدامه ونسى مين اللي كانت تعطيه من الفلوس ومن حبها ومن حنانها ومن جسمها .. أرخصت لعيونه كل شي مابخلت عليه ولاحاجه وهو بلأخير رماها كيذا .. رمت الملعقه بقوه بالعلبه ومسحت دمعه طاحت من خدها .. ليه ياربي اكذب على نفسي اللي بقلبي لتركي مستحيل يتغير انا ابيه هو مابي سامي .. ليه هو قلب كل شي لتحدي ليه تركني احترق واصير رماد بدون مايساعدني بدون مايعطف علي بلحظات كنت فيها بأشد الحاجه له .. تذكرت بين هالذكريات كلام نوران .. انتي لازم تنزلينه لأخفض قاع بلأرض زي ماسوى فيك كيذا ومحد بيساعدك غير سامي بس انتي وطريقتك .. رفعت عيونها وهي تاخذ نفس طويل رفعته بكل كبرياء تحاول تمنع دمعه تبغى تسيل ع خدها الناعم .. ناظرت لجهة الباب عند الظلام كأنها تشوف احد غمضت عيونها الواسعه الرماديه وفتحتها اكثر من مرا عشان تروح الدموع منها فتحت عيونها بعد مارمشت كثير وطاحت عينها على الشخص اللي كان ببالها دق قلبها بسرعه من الخوف وتوسعت حدقة عينها بس بسرعه تذكرته وحطت يدها ع قلبها كأنها تهديه وتطمنه أن هذا هو أللي بيساعدها وبيشفي جروحها نفس ماانا بشفي جروحه وبساعده .. كملت بخبثها المعتاد وبإبتسامة كانت غريبه لطرف الثاني منها وقالت بدلع : ساامي ؟ يممه خوفتني احسب جدتي بتجي تهاوشني كان واقف يناظرها من اول ماتخبت تحت الدرج لأنه صحى على صراخ اخوه واستغرب من اريج اللي تمشي على اطراف اصابعها لحقها لعند المطبخ يتأكد ان اخوه فيصل مراح يجي ويأذيها .. شافها وهي تاكل الايسكريم وإبتسملها .. شافها من يوم كانت تضحك وتبتسم لين ماانقلبت إبتسامتها لدموع .. قال بينه وبين نفسه اكيد انت ياسامي السبب .. شاف الحزن وخيبت الامل اللي غزت وجهها البريئ فجأه واللي غطت على قلبها وعلى فرحتها .. حزن اكثر منها وهو يشوف كل لحظه تفكر فيها وحب يطلع عشان يقولها انا اللي اسف يااريج مو انتي لحالك تتعذبين بالزواج هذا حتى انا مااقدر اشوف البنت اللي نقلت جثة امها .. التشوه اللي تكرهينه صارلي بسبب امك .. اعرف انك اذا عرفتي السبب بتكرهيني اكثر واكثر بس انا ساكت وتركت شذى لأني ابي احميك من الجازي اللي ممكن تخرب جمالك زي ماسوت فيني .. طلع من الظلام موعارف ايش يقولها بس يبي يمسح دمعتها كان مكسور اكثر منها بس يوم شاف ابتسامتها كأنه رجعت السعاده لقلبه والهوا نسى كل شي وبادلها الابتسامه : هههههه لا كولي بلعافيه عليك أريـج بدلع وهي تحرك الملعقه بلأيسكريم وتصطنع الخجل : الله يعافيك سـامي قرب لعندها وجلس ع الكرسي اللي مقابل لها : مااتوقع الايسكريم بيشبعك ؟ أريج : معليه المهم يسد جوعي سـامي بإبتسامه سحرت أريج وهي تناظر سنونه البيضا وتتذكر ملامح وجهه الجميله كان جمال يوسفي : صحيتي من النوم عشان تاكلين يالبطه أريـج تنحت فيه تتذكر كلامهم عنه وتتذكر مزحه وياها وهم صغار هذي روح سامي اللي ماتت بالحريق .. قالت بدلع ومن قلبها ومو مصطنع : مو بطه بس انا يعني شسوي جعت سـامي سحب منها الايسكريم : ترى بتمرضين ؟ أريـج حاولت تسحبه من سامي : هاته ابغى اكل ياخي جيعانه سـامي : خلاص يابنت الحلال انا بقول للخدامات يسوون لك احلى فطور أريـج عقدت حواجبها : اصلن مراح يصحون عشاني وامك بتهاوش سـامي بإستخفاف : أي انتي مين عشان يصحون عشانك .. بس انا اكيد بيصحون عشاني أريـج ناظرته بقهر : ها ها ها ها ماتضحك سـامي إبتسم لها واتصل مرات كثيره ع تلفون الخدم .. أريـج تقلد سامي ببكلامه : أي انتي مين عشان يصحون عشانك .. بس انا اكيد بيصحون عشاني .. أشوف وين اللي بيصحون عشانك ؟؟ سـامي تكلم بصوت عالي : الو ميري .. أسمعيني يابنت قومي الشغالات وسوي احلى فطور .. أي ابغى تعبون الطاوله كلها اكل كلها جميع انواع الاكل وخاصتا *شدد على الكلمه وهو يشوف عيون اريج اللي يحبها توسعت وبدأت الدهشه بعيونها* بابا غنوج أريـج بعد ماسكر : وش معنى بابا غنوج ؟ سـامي قام وهو يدخل الجوال بجيبه : لأنك تحبينه أريـج عقدت حواجبها وتخصرت بعد مانزلت عن الطاوله : لأ يااشيخ ؟ وشعرفك سـامي تذكر كلام احمد يوم يقول أريج وبابا غنوج خلاااص يخرب الرجيم مشى ويدينه بجيب بجامته المقلمه بأزرق : مب شغلك مصادري الخاصه .. ألمهم امشي معاي نطلع برى ع مبال يخلصون بلحديقه يعني أريـج مشت وراه وهي تلعب بخصله من شعرها الكستنائي الطويل اللي لين خصرهاا غطاها سامي بشرشف بنفسجي خفيف عشانها لأبسه كت ومشو مع بعض كان ظلام وجلسو ع المرجيحه البيضا اللي كانت تكفي لشخصين وبينها شجرتين فيها وردات ورديه متشابكه وطايحه بأغصانها ع المرجيحه .. أريـج وهي ماسكه بالشرشف عليها : ليه مافتحت الليت سامي : عشان نشوف الشروق زي الافلام وكيذا أريـج : ههههههه شروق وبالرياض ؟؟ مفروض بجبال ولا بصحرا سـامي : ياشيخه المهم نشوفه وخلاص أريـج بدأت تحرك يدينها بدلع قاصدته : أي بس يعني مفروض يكون منظر طبيعي مو بيتكم ؟ سـامي : بيتنا مب حلو ؟ بيتنا احلى منكم أريـج تخصرت : سااامي لاتستهبل علييي سـامي : هههههههه خلاص يابنت الحلال اذا تزوجنا اوريك الشروق بمنطقة جبليه أبتسمت أريج ونزلت راسها وهي تتذكر انه زوجها بس باقي العرس وتنهدت بشويش تحس بضيقه صح خفت اكثر من قبل بس للحين فيهاا سـامي ندم على كلمته لأنه احرجها وحاول يخلي الموضوع عادي : أريج تجهزتي ترى مابقى ع زواجنا الا 3 اسابيع أريـج وهي ترجع خصل من شعرها ورى اذنها وتتذكر انها ماجهزت ولاااشي : ممم للحين مابديت سـامي ناظرها بإستغراب : لييييه ؟ أريـج ناظرته وقالت بعصبيه مصطنعه أنها اندمجت وياه عشان تقربه لها : أنت ماجبت المهر لي الا اليوم *رجعت تناظر قداام ووجهها مليان بالخجل المصطنع* سـامي إبتسم وهو مصدقها : طيب اسف يااريج هانم أريـج بتأتأه : طيب معليش سـامي سند ظهره ع المرجيحه : أنا بدأت اجهز لشقتنا ان شاء الله تخلص قريب أريـج ناظرته بسرعه وبخوف باين من عيونها : شقه ؟ سـامي : والله للحين مالقيت قصر مناسب ولا لقيت منطقه حلوه أريـج : ليه مانسكن هنااا انا ابغى نوران سـامي بإبتسامه : تآمرين امر وش بعد تبغين ؟ أريـج تهز رجولها تصطنع الحيا والدلع : ولاحاجه سـامي : وين تبين نسافر بشهر العسل ؟ أريـج : ماادري انت وين تبغى سـامي : تبين باريس ؟ ولاطفشتي منها ؟ إيطالياا حلوه .. أريـج : لأ ايطاليا مابيها يع سـامي : النمسه ؟؟ عشان نشوف شروق الشمس بالطبيعه ع قولتك ؟ أريـج بحمااس : أي أي موافقه سـامي قرب يده لها ومسك يدها تلامست يده الخشنه اللي كانت فيها تجعيدات كثيره من التشوه بيدها الناعمه البيضا وتذكرو اثنينهم الحقيقه اللي مو ممكن تتغير انه مشوه وبعدو يدينهم .. خيم الصمت للحظات وهم يشوفون الشمس تشرق ع الرياض كانت تعني لسامي حياة جديده حلوه ولأريج صفحة جديده تحاول توصل فيها لأنتقامها من تركي اللي عذبها .. إبتسمو اثنينهم وهم يناظرون بزوغ الفجر .. صحاهم من حبل افكارهم صوت الخدامه اللي قالت لهم انها حطت الفطور ومشو للباب وأريج ببالها انها جيعانه وتبي تاكل على راحتها بس نظرات سامي مراح تخليها ترتاح اما سامي اللي كان ينتظر هاللحظه يبي يشوفها بتاكل ولابتتقزز منه __________________________________ بمكان ثاني بس مو بعيد حيل عنهم كان كل دقيقه يجي يلقي نظره ويروح ولما شاف المكان فضى من الممرضات اللي يعرفون انه دكتور نفسي دخل وفتح الستاره على رنـا اللي كانت بأخر سرير بالزاويه ودخل بثقه وسكرها : صباح الخير أم احمـد اللي كانت ماسكه رنـا اللي تتقلب ماكانت عارفه عن كوابيسها كانت تحسبه من الألم ردت عليه بإستغراب : وعليكم السلام .. وين الدكتور توفيق ؟ رامـي كمل بتوتر : دكتور توفيق خلصت مناوبته .. ام احمـد قامت من الكرسي : طيب يادكتور انت افحصها وانا بطلع اصلي رأمـي هز راسه وهو يمثل انه مندمج ويعدل المغذي وأول ماطلع وقف يتأمل رنـا اللي كان وجهها احمر حيل وشعرها منثور حولها ابتسم وهو يتذكر كلام اخوه عيسى وهو يقول بنـات الـ.... مزز خاصتا اخت هيثم رفع جواله يبغى يصورها عشان يوريه عيسى ويقول لقيت الأمز من اللي وياك بالصورة صورها صور ورى بعض يمكن 10 صور كل وحده تطلع اجمل مع انها تتألم وباين على وجهها بس مايقدر يخفي ملامح وجهها الناعمه دخل جواله بجيبه وضرب خدها بخفيف وهو يضحك : ياقطوه أصحي ضحك بشويش وبعدين قرب لشفايفها يشوف عضات ويشوفها عاقده حواجبها أستغرب مبين تشوف كابوس هذا تخصصه ويعرف الحركات هذي للأمراض النفسيه رفع راسها بيده وحرك خدها بشويش وهو يهمس بأذنها : رناا ؟ رناا اصحيي فتحت عيونها الوسيعه ورمشها الكثيف الطويله وهي تناظره بخوف وتلتقط انفاسها : انا وين ؟؟؟ رامي عدل المخده وسند ظهرها عليها : انتي بلمستشفى طحتي من الدرج رنـا حطت يدها ع بطنها كأنها تتذكر اللي صارلها حست بالشاش اللي ع راسها وانزعجت نست انها بدون غطى وبدون عبايه كملت : أمي وين رامـي : أمك راحت تصلي . رنا انتي كنتي شايفه كابوس ؟ رنـا عقدت حواجبها اكثر وهي تتهرب من الاجابه : لا رامـي عرف من حركة عيونها انها تكذب : بس انتي كنتي خايفه ومتوتره وتتحركين ؟ رنـا وعيونها دامعه تتذكر الحلم : انا بطني يعورني *بعدت طرف شعرها عن وجهها لأنه ازعجها وخاصتا ان جسمها حااار من المرض وشعرها قهرها وتذكرت انها بدون عبايه رفعت الغطا تغطي جسمها وهي تتذكر لهجته السعوديه* أطلع براااا رامـي : انا دكتور ولازم افحصك رنـا : بلبس عباتي بعدين بكيفك *صرخت بصوت عالي* أطللع بررى رامـي طلع وهو يتحلطم وماسك جواله والممرضات كان خاقيين عليه بس مايعطي وجه الا اللي تعجبه .. فتح اسم عيسى وأرسل له صورة رناا وهو يبتسم وكتب له (( من احلى رنا اخت احمد ولا نور اخت رياان)) .. وبدقايق وصله الرد فتح وهو يضحك ((كلتبن هذولا البنات (.....) يخلونك تخق وياهم بعدين يقولون لأخوانهم عشان تتزوجهم تف عليهم وعلى تربيتهم الخايسه كل هذا عشان الفلوس)) رامي ضحك اكثر وهو يقرا كلامه وقفته ام رنا اللي كانت تناديه مشى بدون مايرد عليها ورجعت وهي مستغربه .. ام احمـد : رنوش ياعمري صحيتي رنـا : ماما وين كنتي انا ادورك ام احمـد : ياروحي رحت اصلي رنـا تمسك طرف السرير : أبغى اصلي بعد ام احمـد : انتظر لما انادي الممرضه تشوف اذا تقدرين تقومين ___________________________________ كان نازل من الدرج وهو يعدل شماغه وشده صوت الضحك أللي جاي من صالة الطعام عقد حواجبه وهو مستغرب امه ماتصحى هالوقت ولانوران واخوانه مستحيل خربان نومهم .. قرب من الصاله ولما سمع صوت الضحكه اللي غابت عن حياته اكثر من سنه كمل مشيته وهو منصدم واللي صدمه اكثر لما شاف سامي يضحك ويا اريج اللي كان باين عليهم انهم مبسوطين .. وقف عند الجدار اللي كان مخرم جمب البـاب الكبير للصاله وهو يناظرهم وعلى وجهه ملامح الفرحه والصدمه إبتسم على ضحكات سامي .. حس بحركة على أيده وألتفت ولما شافها قدامه : يافرحه ماتمت وشتبين انتي ؟ نـوران تكتفت وهي تهز رجلها : لاوالله بدال ماتشكرني ؟ فـيصل : اشكرك على وشو ؟ نـوران بدلع : تشوف هذولا الاثنين اللي كانت تحاول امك تجمعهم ولاقدرت وحاولت انت ولاقدرت .. وكانو مستحيل يجتمعون ويضحكون مع بعض *كملت بفخر وهي تأشر على نفسها* اناا اللي جمعتهم بكلمة وحده وبكلمة وحده اقدر افرقهم زي قبل فـيصل : اهاا طيب نـوران وهي تشوفه يمشي للباب : ياارب يتحول يومك أسود فيصـل : أي اكيد بيكون اسود دامني صبحت على وجهك نـوران عصبت من كلامه لها شهر وهي تحاول فيه ومافي اي تجاوب : يااحيوان بيكون أسود حتى لو ماصبحت فيني انقلع جعلك تخسر *شهقت وسكتت قبل ماتفضح نفسها* طلعت فوق عشان تكمل نومهاا بعد ماراحت اريج ماقدرت تنام بسبب اتصالات اللي كان يكلمها تذكرت المكالمه .. : نعم وش تبغى متصل بأخر الليل ؟ .....: هذا وانا جاي ابشرك ؟ نـوران بعصبيه : اي بشاره قبل امس عطيتك الاوراق وللحين ماسويت شي ..... إبتسم : أبشرك بتسمعين خبر خسارته قريب نـوران : والله اتمنى سكرت بوجهه بسرعه وبقت طول الليل متوتره تفكر لو تنكشف ____________________________________ الجنه اللي كانو عايشين فيها والحلم الوردي انتهى لماا أقتربو لبعض اكثر .. سامي وأريج زي الزيت والماء معقوله بيندمجون ؟ أريـج ناظرت صحن ورق العنب أللي ماكان فيه الا 3 حبات : لييييه مافي كثييير ؟ الشغألـه : الصحن الثاني طاح ومابقى الا هذا ميلت فمها بزعل وهي تناظر الصحن كانت جيعانه ومشتهيته حييل مدت اصابعها النحيفه لشوكه عشان تسحب لها حبه بس لما شافت يد سامي الذايبه ممتده على صحنها وتقرب الورق عنب لفمها .. العصبيه اعمت عينهاا وصرخت : يييع *وبعدت ايده بقوه* أيش القرف هذا ؟؟ كيف تمد أيدك لصحني ؟ انت مقزز من جد ؟ .. *وقفت وهي تمشي بعصبيه للباب* حسبي الله عليك لوعت كبدي بإيدك الخايسه طلعت من الصاله وهو يناظرها وبدون مايحرك ايده كأن اللي صار كابوس ؟ معقوله كل شي انعفس بلحظه وحده ؟ كلماتها القاسيه أخترقت قلبه الميت بعد ما عيشته ساعتين كانت زي الحلم بحياته .. زادت خيبة الامل عنده بعد ماعطته امل انها ممكن تتقبله .. حس بالموت من جديد .. كان دايم يسمع ان اريج ماتبغاه وينجرح بس لما سمع الكلام من شفايفها اللي كان متوقع انها ماتنطق الا كلمات الحب تغير كل شي ماكان زي الجرح هذاك هذا قطع قلبه كله لقطع صغيره واعدم كل الاحاسيس والاحلام اللي كان بانيها والثقه اللي انزرعت فيه بصعوبه وكانت ضعيفه حيل أنعدمت مره ثانيه وهو يشوف نظرة الشغالات اللي تمليها الشفقه والرحمه .. خذا نفس صغير وهو حاس انه يبغى يتنفس اكثر بس كل ماتنفس يحس بالجرح أكثر .. قام وهو منحرج من نفسه وده الارض تنشق وتبلعه مشى وراسه بلأرض بدون مايرفعه ابداااا حس الطريق هالمره طوييييل حيييل المسافه اللي بين كرسيه والباب اللي كانت بخطوتين وصلها صارت ثقيله وطويله مشى بخطوات سريعه لماا وصل غرفته قفل الباب عليه ووقف يحاول يتذكر كلماتها القاسيه ماقدر يبكي من الصدمه .. ______________________________________ كان جالس بمكتبه ويقرا الاوراق وهو يشرب قهوته .. احمـد دخل عليه وهو يتنفس بقوه : السلام عليكم هيـثم ترك الاوراق : وعليكم السلام .. سلامات وشفيك ؟ احمـد : جيت من الدرج هـيثم : ههههه .. طيب انقلع لمكتبك جاي عند ليه ؟ أحمـد جلس ع الكرسي وحط رجوله فوق الطاوله : أسكت تكفى انت ماتدري وش فيني هـيثم بإهتمام : وشفيك ؟ احمـد : امس رنـا غمى عليها وطاحت من الدرج ووديناها للمستشفى هـيثم كان مرتب مشاعره مع انه حس بخوفه الكبير عليها بس ماحب يجرح صديقه ويبين حبه لرنا قبل يخطبها خاصتاا بعد ماحس بنفس الاحساس مع صديق عمره عيسى .. قال : أوه عسى ماشر ؟ وش فيهاا ؟ احمـد : مدري الدكتور يقول انفلونزا عاديه منتشره حاليآ .. المهم انها بالمستشفى الحين وشوي تطلع هـيثم : اهاا سلامتهاا احمـد : الله يسلمك ماكمل كلمته الا دخلو مناور ونواف اللي كان معاهم أكياس مطاعم فلافل وفول وحمص منـاور حذف الاوراق اللي على الطاوله برجله وحط الاكل هيـثم : الله يهديك وش تسوي انت ؟ منـاور : ياخي هذا اكل ماينعاد بس هذي ورقه تنعاد مية مره نـواف : انت اللي الله يهداك خايف على ورقه يارجال كل زق انا بقول لفيصل يسامحك احمـد : جيتو بوقتكم نـواف بإبتسامه : ماشاء الله ؟ بكل ثقه يقولها جيتو بوقتكم منـاور : انت وش تبي مراح تاكل حنا جبنا هذا لنا حنا الثلاثه احمـد : اقول ع زق ماكل ماكل الله لايعوق بشر نـواف : خلاص يكسر الخاطر خله ياكل منـاور بإستهبال : طيب بس مره ثانيه جب فسحتك وياك بدأو ياكلون وتذكر احمـد الموضوع اللي جاي يقوله : أي هيثم وش دعوه ماحنا اهلك ؟ هيـثم بإستغراب : وشفيك ؟ احمـد : ماتعلمنا بخطبة اختك ؟ هيـثم توتر : أي .. صار كل شي بسرعه احمـد : يعني اسمع من الغريب ؟ منـاور : ياحول قام يتفلسف خلاص ياخي لاتمصخها المهم انك سمعت نـواف : انا قريب بخطب بعد هـيثم ناظره وهو فاتح عيونه : تستهبل ؟ احمـد : ههههههههههههه والله ياعيال نـايف شكلكم بتتزوجون كلكم قبلنا منـاور بغرور وعبط : قلتها عيال نايف .. يعني عمانك انت وخويك ذاا احمـد : تخسي ياجزمتي نـواف بصراخ : المهم اسمعو بخطب وحده احبها يوم كنا ببريطانيا بس هي سعوديه وعمانها وخوالها كويتين هم اغنياء بس شريكاتهم بالكويت منـاور حط ايده على راسه : الحين هذا من يسكته .. بيقص قصة حياة البنت كلها هيـثم قاطعه وهو يتذكر عيسى ونـور : نـواف .. أن بغيت نصيحتي لاتصير بينكم علاقه محرمه ابدااا ولاتكلمها .. اخطبها بعدين بكيفك ترى البنت وراها حموله وعايله واخوان منـاور : جا الفيلسوف الثاني هيـثم : لاصدق .. علاقات احبها وتحبني ومدري وش تراها خرابيط احسن شي تكرمون حبكم بالزواج غير كيذا غلط أثم وعصيان لله وبعد ماتدري يمكن يجرك الأثم هذا لأشي كبير مثل الزنا والعياذه بالله نـواف : علاقتنا سطحيه حنا هـيثم : ياشيخ وش تقول انت سطحيه وخرابيط ماسمعت الشاعر اللي يقول نظره ثم ابتسامه ثم موعد ومدري وش ؟ .. انهي العلاقه هذي وخلصنا احمـد : والله مايصير العايله كلها بتتزوج الزواجات الجايه ورى بعض يعني هيـثم : أي زواج نـور ان شاء الله بعد أريـج بأسبوع احمـد : وانت متى زواجك منـاور بمصخره : امي تقول له انت للحين ببيضتك وتبي تتزوج نـواف عصب وانحرج : لا ماقالت كيذا تقول كمل دراستك وتزوج احمـد : أي يعني مطول هـيثم : وفيصل متى بيتزوج ؟ منـاور : هذا حنا فقدنا الامل منه انت للحين عندك امل فيه احمـد يناظر من الشباك الزجاجي فيصل ينادي السكرتير بعصبيه ويدخل مكتبه : إبن الحلال عند ذكرو بيبان نـواف كاتم الضحكه : بيبان ولا شبابيك كلهم لفو عليه يناظرونه نظرة غبيه وهو ميت ضحك ____________________________________ رمى الاوراق بعصبيه بوجه السكرتير : من الصبح اعيد عليك نفس الكلام ماتفهم ؟ حسابي بالبنك فاضي أنسرق منه 15 مليون تفهم انت ؟ هذي 15 مليون مب 15 ريال ؟ السكرتير بخوف : يااستاذ فيصل هذا هكر وانا كلمت البنك يقولون هم مو مسؤولين عن اي شي فـيصل بعصبيه اكثر : ألله يقلع راسك الغبي قل اميييين ؟ وانا قلتلك رح ترجى البنك يرجعون الفلوس *صرخ بقوه* طلعلي الهكر هذا من تحت الارض ؟ السكرتير : أستاذ فيصل حساب عمتك منيره .. فـيصل قاطعه بصراخ : وين مخك انت ؟ تستهبل معييي ؟ اقولك هكر تقول حساب عمتي ؟؟ غبي انت ؟ السكرتير بخوف كبير : يااستاذ حساب عمتك انضاف له 15 مليون بعد دقايق من سرقة حسابك فيـصل كان متنح بالكلام ومو قادر يستوعب : وش قصدك ؟ السكرتير خاف : انا مااقصد شي بس الامر يحير تنسرق منك 15 مليون وبعد دقايق ينضاف لحساب عمتك .. يمكن صدفه انا مدري فـيصل خذا مفتاح سيارته وهو يمشي بعصبيه للمصعد كان كل اللي بتفكيره نوران وكلامها اللي كان مو مهتم فيه مشى بسرعه بسيارته وهو يقطع الاشارتين بدون أهتمام كان وده يوصل لها بسرعه عشان يقطع انفاسها .. وكانت دقايق حتى وصل للقصر الكبير فتح الباب الكبير بأقوى ماعنده وقبل مايصرخ بأسمها شافها قدامه مع ام فيصل وام نايف وأريـج .. نهاية البارت | |||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
