آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-10-14, 02:21 AM
| #31 | |||||||||
| نجم روايتي ومشرفة سابقة وفراشة متالقة بعالم الازياء  
|  "قِيل في الحُب..الحُب كَالحَرب..مِن السهلِ أنْ تُشعلها..مِن الصَعبِ أنْ تخمِدها...وأكِمل المقُولة..والحُب له نتِيتجتَان لا ثَالث لهُما كَالحرب.. إما نتِيجة عَظيمة ..وإما عَواقب وخِيمة!..فأيهما سيَكُون ذو النتِيجة العظيمة؟..المَلاك أم الشيطَان؟" نظرته غريبة .. فيها توتر وخوف اول مرة تشوفهم في عينه ! لف وجهه لليسار وعينه تدور عن شي ضايع منها .. وقف نظره عليها ماسكة جوالها المكسور بعد طيحته من يدها وتناظره بإستغراب ..تتأمل نظراته بصدمة وذهول! فتح فمه وتنهد بقوووووة .. مشى لها بسرعة وعينه على جوالها الي في يدها الي فسر كل شي له .. تناظره بإستغراب شديد سحبها من يدها وسحب الساعة الي كانت ماسكتها بسرعة ومشى لتحت للمحاسبة.. ................ في الغرفة .. كعادتهم جالسين بضوء الثريا فقط .. والجو بااااارد..والشبسات والشوكولاتات والمشروبات الغازية بكل الأنواع جنبهم مبعثرين.. جالسين جنب بعض على السرير..ولافين انفسهم ببطانيات...لافه نفسها ببطانية سوداء وعليها ورود باللون الأحمر..وشعرها البني الطويل خلته على جنب..حاطة لها ماسكارا وروج وردي وبلاشر خفيف من برجوا وردي.. حاطة الاب توب من سوني أحمر قدامها ومشبوك فيه الهارديسك الأحمر..وتدور فلم لسهرتهم بصوتها الناعم:هيه شوقو وش رايك نشاهد هذا الفلم ولا هذا؟ شوفي هذا الفلم أكشن ورومانسي ان هالاثنين في البداية كانو أصدقاء ولصوص وبعدين صار يحبها وكذا وهذا الفلم اكشن على غموض ان هذا شاب جديد يعيش في هالعمارة ويكتشف ان العجوز الي يسكن قدامه مختفي! انا بصراحة متحمسة لهم اثنينهم بس الثاني حصل على جوائز كثير والأول بيني وبينك البطل خقة ..فاا وش رايك؟!! لارد .. جميلة التفتت لها :هيه شوق ! شوق وهي تتطقطق في جوالها بنرفزة :امممممم جميلة تناظرها بنص عين :أي فلم تبين قلت لك قصصهم! شوق وهي مندمجه مع جوالها:عيدي ماسمعت! جميلة طلعت عينها من مكانها :ياااكلبة انا طول الوقت اهذر اهذر اهذر جف فمي وانا أتكلم اخر شي مافي الا الجدار يسمع لي!! شوق لارد .. جميلة خزتها بقوووة ..بنص عين بهدوء:تكلمي مين؟ شوق رفعت راسها لجميلة.. جميلة رفعت حاجبها :مييين؟! شوق لف كامل جسمها لجميلة بإهتمام :بقولك بصراحة مين أكلم .. سلطان! جميلة منصدمة:نننـ نعم؟!! مين؟! كيف!! شوق:عبدو عطاه رقمي لاتخافي نكلم بعض عن العقد وكذا وبس! جميلة لفت كامل جسمها لشوق بإهتمام:أبوكِ يدري؟؟ شوق:مدري ماقال له عبدالله ..بس ترا الشي عادي اغلب الناس اللحين يسوون كذا! جميلة رفعت حاجبها :مدام الشي عادي ليش عبدالله ماقال لأبوك؟! شوق رفعت كتفها انها ماتدري.. جميلة حطت يدينها على كتف شوق وبجدية:شوفي شوق تبي تكلمينه كلميه بالمعقول..فاهمة عليي يعني ايش بالمعقول؟! يعني عن العقد عن شغله عن دراستك عن طموحه طموحك لاتتخطين هاذي المواضيع .. "بهمس" لا ترسلين له صورك ابدا ابدا .. حتى لو هو طلب قولي له لا .. ماتضمنين ! شوق تستمع بتركيز وتناظر عين جميلة الي تناظرها بجدية ..صحيح جميلة خبول شوي ومسرفة وتقدس شي اسمه مكياج ودلوعة ..بس في هالمواضيع تكون واعية وبقوة! فجأة تتحول لجوري! ........... دخلو البيت وبهوشتهم كالعادة .. جواهر وهي ترفع راسها له وتبتسم بنذالة :هاهاها مدري مين الي كان خايف وعينه تراقب يمين ويسار.. مشعل قرب وجهه بنذالة: اعقلي بس هبلتي فيني اليوم تكلمت مع حرمة ظنيتها انت ومسحت فيني الأرض وطحت وكل الناس الي يسوى والي مايسوى ضحك عليي وفوق هذا تبريتي مني وضعتي عني وخليتيني مثل المجنون ادورك في كل مكان مافي بنت بدون شنطة الا وسألتها مافي زاوية فيها أشياء يمكن تحبينها الا ودورت فيها حمام النساء وقفت عنده وسألت حرمة اذا شافت بنت بمواصفاتك .. كل هذا عشان الاقيكِ إنتِ! جواهر ساكتة تناظر عينه بصدمة ..كل هذا سواه عشاني؟ركض وخاف وسأل .. بسببي! فهمني شخصيتك بالضبط مشعل .. حقير ونذل وفي نفس الوقت فيك حنية كبيرة مخبينها بقسوة ..شخصية معقدة..ردات فعلك غير متوقعة! بعد عنها وهو يناظره بنص عين :بعدين يالخبول عدلي أكلتك ترا جد اقرفتيني اليوم انت وعلكتك ! جواهر رفعت حاجبها تقهره :احسن من اللون المقرف حق الخزانة الي كنت تبيها ههههه مشعل انقهر بس يخبي: هه هه من قال أصلا ذوووقي يهبل احسن من ذوقك أصلا مافيه مقارنة ابدا انا احسن منك في كل شي! جواهر تكتفت :والله؟!أحسن مني في كل شي؟ مشعل هز راسه بوثوق:أجزم لك!تبين تجربيني؟ جواهر ابتسمت :كيف؟! مشعل ناظر الدرج وابتسم بنذالة .. جواهر ابتسمت فهمت قصده :عد من الواحد للثلاثة ! وقفو قبال الدرج بنفس الخط .. مشعل ابتسم بخبث:قولي لي مبروك! جواهر ابتسمت :ما اقدر اقولها لك لأنها تنقال للفايز! مشعل رفع حاجبه وابتسم على وثوقها .. مشعل وجواهر في نفس الوقت.. صوتها الأنثوي ارتبط بصوته الرجولي ..: واحد .. اثنين ...ثلاثة! صارو يركضون مثل المهابيل بأسرع ماعندهم ويبتسمون لبعض بنذالة ويضحكون ..جواهر تعيق رجل مشعل عن الركض..طاح مشعل على ركبته شدها من عباتها عشان لاتسبقه .. صارو يصعدون على ركبهم وكل واحد يعيق الثاني ويضحكون .. هو يبي يفوز لأنه يعشق التحدي ومايرضى بالخسارة..هي تبي تفوز عشان تكسر خشمه وتتشمت فيه وصلو لأخر عتبة وهو يضحكون بقوة .. ناظرو الصالة سكتو بصدمة !..مشعل ازرار كمه مفتوحة وكم مرفوع غير عن الكم الثاني وشعره معفوس.. جواهر شيلتها معفوسه والعلكة طالعة من فمها.. يناظروهم بصدمة واستغراب.. الجدة تنقل نظراتها بينهم بصدمة وازدراء وش هالأشكال.. أم يوسف تناظرهم ليش يصعدون على ركبهم ويضحكون مثل المجانين!.. يوسف يناظرهم بعدم استيعاب ..ناظر تعابير امه وجدته ولف لأخوه وبنت عمه يناظر تعابيرهم .. مايدري يضحك ولا ينقهر! ................ فتحت الباب بقوة .. شوق وهي تاكل الفشار بحماس:هييي انتِ وش هالإقتحام كأنك جندي! جميلة تأشر بصبعها عند فمها:اصصص خلوني أركز مع الفلم! فاتن حطت يديها وراء ظهرها وتقربت لهم تشوف وش يشاهدون .. فاتن تناظرهم بإستهزاء:من جدكم تشاهدون هالفلم؟! جميلة وهي تاكل بإندماج:ايه عادي! فاتن بإنفعال:يابنتي باااااايخ ماله داعي في الحياة بعدين ذا الغني الشايب بيكتشفهم وبيقتل الشقرا حبيبة هذا والغبي الي يحبها بيبكي وبيقتل الشايب وبيقولكم بعد مرور يومين مدري شهرين الزبدة شي فيه رقم اثنين بيجي اخو الشايب ينتقم من ذا وبيقوله تقتل نفسك او اقتل عائلتك قال لا اقتل نفسي وراح وجه المسدس للاخو الشايب وطلع فاضي واخر شي مات البطل! خيم عليهم السكوت.. الثنتين يناظروها بدون تعابير شوق بدون ماتلتفت لجميلة:جميلة حبيبتي جيبي المخدة الي جنبك.. جميلة عطتها المخدة ..شوق رمت المخدة على فاتن :ياااااااكلبة وش رايك تقولين لنا اغنية النهاية بعد!!! فاتن طلعت من غرفتهم ركض وهي تضحك .. عطت غرفتهم ظهرها وهي تضحك بقوة .. سكتت انتبهت للباب الي قدامها مفتوح! هاذي غرفة راشد!..ومافيها أحد! حكتها رجلها ..ولعب الفضول فيها .. دخلت بخطوات هادئة كأنها حرامية توجهت للوحة ..اثارت فضولها ليش مغطية؟!! مسكت طرف البطانية ..ررررن ررررن رررن دقت ساعة كانت على خزانة ...راحت بسرعة تطفيها لا يسمعها راشد ويطلع لها من تحت الأرض! طفتها وتنهدت براحة .. لفت وفي نفس الوقت هو طلع من الحمام .. كان مغطي نفسه بفوطة من تحت وصدره عاري وشعره مبلل.. صرخت لما شافته صرخ من وجودها ومن صرختها راشد بصدمة :إنت وش تسوين هنا؟! فاتن تنزل عينها وتركض تهرب منه .. بالغلط ذراعها ينضرب في حافة خزانته .. سكرت عينها بألم وهي تمسك ذراعها:آآآه! تقرب لها بسرعه ومسك يدها بخوف الي انخمشت من الحفة ويطلع منها دم :شفيك! ضربت صدره بقوة صرخت فيه :بعد عنيييي يااااصاااايع! رمى ذراعها من يده وصرخ فيها :غبية! وش بسوي لك يعني! فاتن مسكت ذراعها بألم وهي منزله عينها ولاوية فمها :البس تي شيرت وبعدين تكلم! ومشت بسرعه وطلعت من غرفته وهي تتنفس بقوة ضحك بقوة عليها ..فتح درجه واخذ منه لصقات جروح فتح الباب..بتعجرف: خذي لصقات جروح! رماهم لها .. لفت له بقهر :ما احتاج لـ... "شهقت لما شافته مالبس التي شيرت" وعطته ظهرها وركضض للتحت .. ضحك بقوة وصرخ :ترااااا مايليق عليك الحياااء ابد! .............. واقفة في الحوش تنتظر فاتن ..ضربت الأرض برجلها بقهر:شكلها بتطول!عادي أصلا بسوي جولة سياحية في حوش بيتنا! مشت مشت لين ماتوجهت للكراج..شهقت وتتناقز مثل المجنونة بوناسة وهي تضحك :يااااي وش هالسيارة الخطيرة مين اشتراهااا! بي ام دبليو بيضاء اخققق انااا!!مين النذل الي من اخوتي شارينها ومو قايل لأحد هاااه يفكر نفسه بيسويها سوبرايز والله لأخربها عليه كاااااااك!!!! حاولت تفتحها ...انفتحت!!انبسطت على الآخر ودخلتها.. جلست بإعتدال وعدلت قميصها الأبيض الكشكش ..عدلت المراية اتجاهها تشوف نفسها وجهها البريء يناسبه بياض قميصها مكتفية بروج وردي وخدودها وردية ماشاء الله بدون بلاشر وهذا الي يزيدها براءة ..وشعرها فاتحته والشعر على جنب مسويتهم ظفيرة ومثبتتهم على وراء وغرتها القصيرة مبينتها عشان يناسب ستايلها الرسمي رفعت حاجبها وتحاول تقلد الأولاد وهي تناظر نفسها في المراية ضحكت على نفسها ملامحها ماتساعدها ابدا .. شافت نظارة شمسية بيضاء من لاكوست .. لبستها وهي ترفع راسها بغرور وتناظر نفسها وتبتسم بخبث وتحط يدها على فمها وتضحك بشر وتخشن صوتها:هاهاهاها أنا أرقمك؟تخسين وتعقبين!ولا عشان شايفة سيارتي كاشخة وغالية وأنا وسيم وأنيق تبيني أرقمك!اعيدها لك مرة ثانية خسي!أنا "سكتت تمخمخ على اسم" انا مالك مو أي واحد فاهمة .. "صرخت بإنفعال" يلا انقلعي عن وجهي! قاطعها صوت فتحت الباب .. فزت من الخرعة وحطت يدها على قلبها .. لفت وجهها ببطئ ناحيته .. فتح عينه على اوسعها كيف هاذي هنا! ملاك والنظارة على عينها بس عرفها .. ضحكت بغباء وطلعت من السيارة بهدوء .. هو يحاول يكتم ضحكته على الي سمعه في نهاية الفلم الي سوته ..عطته ظهرها وبصوت واطي تمتمت :راشد من زمان قال انك بتطلع ! فزاع سمعها وهو منزل راسه : ايه بروح باسكن وبرجع! ملاك شدت على اسنانها سمعها مشت ببطئ لحد اللحين مو مستوعبة انها مفروض تركض بصوت واطي :اجل خذ لنا معك ! فزاع ابتسم سمعها:آوك! ودخل سيارته وطلع .. ملاك ضربت خدها : غبيييية !! سمعني سمعني واافشلتااه! والأخس والألعن اني راكبة سيارته واستهبل فيها آآخ!!!ياليت سمعك خارق كذا لما طلبتك في الحمام مالت عليك !!آآآه فشلة! فاتن تقربت لها ووجهها احمر:شالسالفة؟! ملاك طالعتها ووجهها احمر:انت شالسالفة؟! في نفس الوقت:ليش وجهك أحمر؟! فاتن كملت :ليش لابسة نظارة شمسية؟ ملاك فصختها بسرعة وصرخت : لااااا غبية غبية سرقتها من عنده يااااربي اففف مني! فاتن مسكت يد ملاك يدخلون : قولي لي وش صاير بالتفصيل وانا بقولك! .............. جالسين على طاولة الطعام .. أبو يوسف في الشغل .. وسارة مع فيصل .. الجدة جالسة مكان ولدها في الكرسي المنفرد وعلى يمينها مشعل الي جنبه يوسف وعلى يسارها جواهر الي جنبها أم يوسف.. الجدة وهي تاكل بأناقة :الجوال الي قلت لي عنه يامشعل تكلمت عنه عند بنت صاحبتي وتقول انه مو كويس! مشعل رفع حاجبه بإستغراب:والله؟! جواهر التفتت للجدة وهي تضحك:هههه ومن متى ومشعل يعرف يختار! مشعل ناظرها بـ"ياسلام!" الجدة ابتسمت:لا بالعكس مشعل اختياراته موفقة غالباَ بس يمكن البنت عندها استخدامات مختلفة! جواهر تفجرت جبهتها ابتسمت وهي تهز راسها وناظرت مشعل الي كان يحرك لها حواجبه يغيظها .. مدت رجلها لرجله وداست عليها .. مشعل عض على شفته بقووة بألم وهو يناظرها يقهر.. ابتسمت بنذالة وبعدت رجلها عن رجله أم يوسف :وش فيك يألمك بطنك؟ مشعل رفع نظره لهم الكل يناظره بتساؤل : هههه لا بس نسيت ما اشتريت شي وتوي تذكرت! يوسف التفت له:صح وش اشتريت اليوم؟ مشعل التفت له:الخزانة الي قلت لك عليها وبس.. جواهر دخلت في النص: وانا اشتريت ساعة.. قاطعها وهو يناظرها بلؤم :وانت شدخلك؟ جواهر ناظرته نفس نظراته :أنا بعد طلعت معك ويحق لي أقول وش اشتريت .. يوسف ناظرهم بإستغراب: طلعت معاها ؟! مشعل هز راسه وهو ياكل بإيه .. يوسف نزل نظره لصحنه وفي داخله "لا تنقهر لا تنقهر مثل ما انت ولد عمها هو نفس الشي ولد عمها !" الجدة ابتسمت :ياحليلكم انتم الثلاثة تتعاملون مع بعض مثل الأخوه! جواهر ابتسمت وهزت راسها .. يوسف لما سمع كلامها بالموت بلع لقمته .. مشعل حاول يقول ايه بس ماقدر! الجدة بجدية: على العموم انا جيت هنا عشانك بالتحديد ياجواهر! أتمنى نفتح صفحة جديدة ! "ناظرت يوسف ببإبتسامة" لأني مفروض افرح ان بقى لي شي من ريحة سامي! يوسف ناظر الجدة وابتسم .. جالسة تقول الي قاله لها جواهر ابتسمت بفرح تحس نفسها حصلت على جائزة نوبل ! الجدة كملت ببإبتسامة : انا أتوقع وبشدة رفض عبدالرحمن لهالشي! بس اذا وافقتي راح أحاول اقنعه ! اذا تبين تعيشين معي؟! مشعل شرق بالعصير .. ويوسف غص بالأكل أم يوسف وقفت لهم بخوف وصدمة ..ضربت ظهورهم ثنينهم وهم يكحون جواهر تناظرهم بصدمة اثنينهم في نفس الوقت! الجدة :بسم الله عليكم ان شاء الله في اعدائكم ! ام يوسف وهي تصب لهم الماي: ليش تشربون وتاكلون بسرعة موب زين! يوسف ومشعل رفعو راسهم لها وابتسمو ابتسامة تسليكية.. ام يوسف ابتسمت لهم بخوف:وشفيكم صايرين مثل التوائم تصرفاتكم نفس الشي! قدمت لهم الماي وشربوه دفعة وحدة .. وجواهر تناظرهم بصدمة الجدة ابتسمت :ايوه شرايك جواهر؟ مشعل ويوسف حطو الكاس على الطاولة بسرعه ..في نفس الوقت يوسف :أتوقع ابوي ماراح يرضى مشعل : اعتقد انها تعودت هنا سكتو الكل لفترة .. قطعت هالهدوء: أتمنى أعيش معك وتقوى علاقتنا ..بس احس اني ما اقدر افارق هالبيت ..بالموت تعودت عليه واللحين احسه مثل بيتي! ام يوسف ابتسمت بحنية: وانا احس جواهر مثل بنتي الثانية ومااتخيل افارقها!ثانيا مستحيل عبدالرحمن بيرضى بنت سامي تطلع من بيته خاصة شخصية جواهر جميلة جدا ولأكن صريحة عطت البيت جو لما دخلت عليه! جواهر ابتسمت بخجل .. الجدة ابتسمت بقوة : على راحتكم .. وحتى هالوسيمين مايبون يفارقون اختهم ! يوسف ومشعل ناظرو بعض كأنهم ينكرون هالشي .. بس كل واحد ينكر شي.. يوسف ينكر انها اخته .. ومشعل ينكر انه مايبي يفارقها ! الجدة :بس اذا تبين أي شي مايردك الا لسانك .. طيب؟ جواهر ابتسمت : ان شاء الله الجدة رن جوالها ..عطته بيزي ..وقفت:يلا عن اذنكم راح ارجع البيت تصبحون على خير ام يوسف : لا ليش اجلسي معنا اكثر ماشبعنا منك الجدة ابتسمت بغرور:معليش بس لازم ارجع نعست كثير يوسف ببإبتسامة:مين الي جاء ياخذك؟ الجدة :سواقي يوسف ابتسم: افا تروحين مع السواق وانا موجود ؟انا بوصلك الجدة ابتسمت :حنون طول عمرك بس لاتتعب نفسك ليش انا جايبة السواق .. يوسف ابتسم :وليش عندك احفاد يالغالية؟ الجدة ضحكت :ههههه يوسف لاتبدأ تقطر كلامك العسل بعدين بكبر راسي ! مشعل لوى فمه " أصلا انت مغرورة من الأساس!" ام يوسف ضربت كوعها بذراع ولدها فهمت وش داخله .. الجدة وهي تتوجه للباب: يلا مع السلامة الكل: مع السلامة في حفظ الله طلعت .. ام يوسف لفت لهم بعصبية :انتم الثلاثة لو القتل حلال كان قتلتكم ! انتم الاثنين سويتو مسرحية وعارضتو كلام جدتكم "تقصد يوسف ومشعل".. وانتم الاثنين تتسابقون لي على الدرج على ركبكم مثل القرود وصعدتو وحالتكم لله كأنكم شحاذين!"تقصد مشعل وجواهر" سكتو يصطنعو الأدب.. ام يوسف بتعب:المهم أنا قلت للخدامات ينامون بدري بما ان جدتكم جات وتعرفون ماتحب تشوف الخدامات ..ومابي الصحون يبقون وسخين للصباح..اذا تقدرون تسعادوني وتنظفوهم عني والله نعساانة كثيرر يوسف باس راس امه:اكيد يمه روحي نامي تصبحين على خير جواهر ابتسمت:تآمرين آمر... الكل ناظر مشعل الي كان ساكت هز كتفه :وش؟! يوسف وجواهر اشرو له بإن يرد على امه . مشعل بملل : اوك ام يوسف ابتسمت :تسلمولي الله لا يحرمني منكم ويحفظكم من كل سوء يلا تصبحون على خير الكل:وانت من اهله ... جواهر تناظرهم :لتس قو! يوسف ابتسم ومشعل مسى بملل وهو يتأفف .. عند الطاولة واقفين قبال بعض يلمون الصحون ..ومشعل في المطبخ يغسل الكاسات .. جواهر بيأس:اليوم ماشفتها أبد يوسف ببإبتسامة:لازم تتعودين من اللحين.. جواهر هزت راسها:أحاول..ايه صح على طاري ساروه ..لما رجعتني من ملكتها كنت تبي تقول لي شي.. ايش هو؟؟ يوسف ابتسم وهو يبعد الملعقة من الصحن:صحيح ..كان هذاك الوقت افضل من هالوقت بس .. جواهر قاطعته:مو مهم الوقت يلا تكلم جاني فضول احم سوري على المقاطعة يوسف ابتسم وهو يأخذ من عندها الصحون: انا ما امزح معك في الي أقوله ..ولا اكذب..جواهر جواهر ابتسمت:اها؟ يوسف بلع ريقه بقوة :أحبــــك! جواهر ناظرتها بصدمة وتختفي الابتسامة من وجهها تدريجيا.. حست بحرارة من الخجل وماعرفت كيف تتصرف عند الباب المطبخ واقف وسمع كل شي :يووووووووووسف يوسف يترقب ردة فعلها وفي داخله"وقتك مشعل!" مشعل بإصرار:يووووووووسف تعال احتاجك يوسف توجه للمطبخ .. جواهر ركضت لغرفتها بسرعة كان مشعل عند المجلى ينظف اخر كاس بقوة..يوسف وقف جنبه وعطاه الصحون بقهر :وقتك غلط.. مشعل اخذ صحن ونظفه ببرود:ليش؟ يوسف بجدية:أتوقع سمعت وش كنت أقول لها! مشعل على نفس الحالة:ايه سمعت يوسف ناظره بصدمة وبقهر:اذا سمعت ليش قاطعتني؟ مشعل رمى الصحن في المجلى بعصبية ناظر يوسف والنار تغلي بداخله وصدره يرتفع وينزل من العصبية:تدري وش هي المشكلة.. اني ماتوقعت ان هذا الشي راح يصير ابدا ..ان ....انا وانت ... أخوان نحب نفس البنت! انتهااااااااااااا بإنتظار ردود طويلة ها ..أسئلة عشان وعود ونريمان وش رايكم بتصرف شوق؟ وش رايكم بمشعل وهو خايف كاااك؟ اكثر موقف عجبكم في البارت؟ وش تتوقعون راح تكون ردة فعل يوسف من كلام مشعل؟ | |||||||||
|  |
|
11-10-14, 02:25 AM
| #32 | |||||||||
| نجم روايتي ومشرفة سابقة وفراشة متالقة بعالم الازياء
| البارت الحادي والعشرون(21) "كُوني واثقة سيدتي..سَيُحبكِ ألآفٌ غَيري، وسَتستلِمين بَريد الشُوقِ لَكِنكِ! لَن تَجدي بَعدِي رَجُلاً يَهواكِ بِهَذا الصِدق! لَن تَجِدي أبداً.. - لا فِي الغَربِ.. -ولا فِي الشَرق!" - نِزار قباني - دخلت غرفتها بسرعة فسخت شيلتها وعباتها بعنف وجلست على سريرها ووجهها أحَمر ومصدوم وتتنفس بسرعة .. مسكت السلسة الي اهداها يوسف ومشعل اياها القلب الأبيض والذهبي المشتبكين ببعض..وفي داخلها:ليش يحبني!!لييش!! أنا ماحبه ليش يعذب نفسه ويحبني!!مو يقولون ان احنا مثل الاخوان؟ ليش اللحين يمحي هالعلاقة ويحولها لحب؟....غِير متبادل! اللحين بعد اعترافه لي..كيف بقدر اجلس معاه..كيف بتعامل معه؟.. جواهر تحبيه؟ لا ! أجل خلاص بتعامل معه مثل المعتاد!مثل المعتاد مثل المعتاد! ............................. جالس في غرفته على سريره وساند جبهته على يده ..وكلام اخوه يتردد في اذنه ..أنا وانت .. أخوان نحب نفس البنت! مسح وجهه بقوة ونرفزة ..افكاره توديه وتجيبه .. عض على شفته بقهر وفي داخله :ممكن اصير اناني لو لمرة وحدة يامشعل؟..لأني أحبها بقوة ..أحبها! ......................... رافع راسه يحس بكل قطرة ماي تصب على جسمه كأنها تغسل الهم الا هو فيه ..يحاول يمنع نفسه من تذكر الي صار لكنه يظل يتذكر.. عفس شعره بشكل هستيري من القهر مايبي يتذكر الي صار..تنفس بقوة من العصبية..وفي داخله ينكر:أنا ما احبها ! أنا اصلا مستحيل احب! ولا ومين جواهر! ههه مستحيل احبها الباكستانية !..قطع كلامه الداخلي ذكريات "طلع السيجاره الثالثه .. لا اراديا مسكت يده جواهر : مشعل خلاص اتركه .. خلاص ماراح تشتغل مع عمي .. خلاص بتكمل طموحك الهندســه!.. ............... جواهر تناظر جوالها الي بيد مشعل : الشهادة مو شيء يشجعني على المذاكره! مشعل بصبر كأنه يكلم بزر : طيب ايش الي يخليك تتشجعين ؟ جواهر انقضت على جوالها تبي تاخذه ..بس مشعل كان اسرع منها وبعده مشعل بخبث وقهر : على مييين هالحركات! جواهر انقهرت :اففففففففففففففففففففففف� �ففف ................... الموظفه بلقافه :اممممم انتم متزوجين ولا ؟ في فس الوقت ... مشعل : ايه ! جواهر: لا! ناظرو بعض بصدمه الموظفهبإستغراب: هههههه اللحين ايه ولا لا ؟! مشعل : لا ! جواهر: ايه! ناظرو بعض بقهر ................. جواهر بدون ماتلتفت : جالسة افكر كم الساعة اللحين .. واذا الوقت متأخر ... يعني سكرو المجمع ..واذا سكروا مجمع (التفتت له..وبجدية) يعني مافي احد!... واذا مافي احد مين راح يخرجنا ؟ ... وجوالاتنا واحد طافي والثاني منسي في السيارة .. يمكن فيه زر او شي حق طوارئ .. مافيه شيء ! .. يمكن فيه فتحة مافيه ! ... يمكن اذا ضغطنا كل الازرار يصير شي.. ماصار! ..جالسة افكر بعقدة شكلها مالها حل الا الانتظار! مشعل جالس يناظرها بصدمة .. منصدم من تفكيرها ... هاذي لو وحدة غيرها جلست تبكي وبس ................. جواهر بإبتسامه : لأنك ولد عمي وتستحق طموحك ! مشعل اذا تبي تفتح قلبك لأحد انا موجودة..اعتبرني مثل اختك وراح أكون معك دائما ............ جواهر عصبت من كلامه :انت تحصر تفكيرك عند زاوية معينة ! خلنا نترك القانون لانه ماراح يستجيب لهالكلمة .. ولكن لانك انسان وقلت لشخص اسف راح تمحي جرحهه منك واحيانا راح تخفهه ! لكن كلمة اسف تعني الكثير ! كلمة اسف مو بس اني باخفف جرحك او بمحيه ! لا كلمة اسف تعني انك تعرف انك غلطت بحق هالانسان تحسسه انك نادم على الي سويته ... اسف كلمة ماتذل ! بالعكس تكبر الشخص في عيون غيره مشعل بتأفف:لا حول ولا قوة الا بالله ...افففف وش تعني لك هالكلمة مكبرتنها بزيادة تراك ؟ جواهر:لأن اسف تفيد الشخصين ..القائل والمتلقي...جرب انك تغلط بحق شخص وتتأسف له صدقني بتحس برااااحه ..وجرب ان احد يغلط بحقك ويقول لك اسف .. صدقني بتحس بشعور حلو وبتحس بإهتمام هذا الشخص لك ... طبعا مو تقولها كذا والسلام ..(اشرت على قلبها) لازم تكون نابعه من قلبك ..اذا كنت تحس صعب عليك تتأسف تخيلها كلمة شكرا .. لأن مثل ما انت تحس بفرح لا احد قالك شكرا نفس شي الأسف ..مدري ليش الناس يقدرون كلمة شكرا ويستحقرون كلمة آسف مع انهم من نفس الطينة .. لأن للأسف مجتمعنا يستحقر ثقافة الإعتذار مع انها مهمة جدا جدا جدا ..طيب انت تستصعب كلمة اسف مو لازم تقولها ! .. تقدر تأخذ ورقة وتكتب فيها اسف مع عبارات والتبريرات .. وتحطها في المكان اللي يجلس فيه الي تبي تقوله اسف ............. مشعل يناظرها بنظرة هاذي مجنونة : الله يهديك ِ بس .. انا مدري ليش ربي بلاني بوحدة مهبولة مثلك .. وعلقت معها في ذا المصعد اكيد داخل معك من وين ماراح يجيني الحظ السيء جواهر :يعني ليش....الطيور على اشكالها تقع ! نزلت راسها وضمته بيدينها خافت يجيها شي يفلق راسها من حيث لا تدري .......... مشعل جلس وقرب وجهه ليوسف وبنذاله : ليش؟ انا الحامي اذا جا الشيطان؟ يوسف لف وجهه وهو يحاول يهدي نفسه من تفكير اخوه : لا حول ولا قوة الا بالله! مشعل ابتسم بخبث .. فجأة حس بشي فقع له وجهه ! مشعل بعصبيه :هيه! (جواهر رمت عليه المخدة) جواهر بقهر وهي واقفه : تفكييييييييرك منحرف! غبي! ومشت بسرعه للدرج .............. جواهر بتردد ابتسمت بعباطة : ولا شي.. ابد ولا شي .. كذا بس عشان .. مدت له كاس عصير البرتقال بسرعة : لك عشانك مريض مع السلامه .......... جواهر ابتسمت فهمت قصده :عد من الواحد للثلاثة ! وقفو قبال الدرج بنفس الخط .. مشعل ابتسم بخبث:قولي لي مبروك! جواهر ابتسمت :ما اقدر اقولها لك لأنها تنقال للفايز! مشعل رفع حاجبه وابتسم على وثوقها .. مشعل وجواهر في نفس الوقت.. صوتها الأنثوي ارتبط بصوته الرجولي ..: واحد .. اثنين ...ثلاثة! صارو يركضون مثل المهابيل بأسرع ماعندهم ويبتسمون لبعض بنذالة ويضحكون ..جواهر تعيق رجل مشعل عن الركض..طاح مشعل على ركبته شدها من عباتها عشان لاتسبقه .. صارو يصعدون على ركبهم وكل واحد يعيق الثاني ويضحكون .. هو يبي يفوز لأنه يعشق التحدي ومايرضى بالخسارة..هي تبي تفوز عشان تكسر خشمه وتتشمت فيه وصلو لأخر عتبة وهو يضحكون بقوة .. ناظرو الصالة سكتو بصدمة !..مشعل ازرار كمه مفتوحة وكم مرفوع غير عن الكم الثاني وشعره معفوس.. جواهر شيلتها معفوسه والعلكة طالعة من فمها" ابتسم لا اراديا وهو يتذكر..كيف ما أحبها وهي دمجت في شخصيتها أحلى الصفات.. حنونة عصبية خفيفة دم تفكيرها واعي تحب تتحدى ..وتفاؤلها شي ثانيي..جِد اسم على مسمى! اختفت الابتسامة من وجهه تدريجيا لما تذكر انه في شخص ثاني يحبها..الي يكون اخوه! ............. *يوم جديد مُحادثة في الواتس آب.. ..:وليش اخترتي طب اسنان؟ :اممم يمكن تعتبر سببي غبي..بس بقولك اياه وأنا صغيرة كانت أمي دائما تقول لي :انتِ كثيير ترسمين البسمة على وجوه الناس..أبيكِ دائما كذا طيب؟..وأنا في كل خطوة أبي أحقق وصايا أمي..وطب الأسنان دائما يربطوه برسم ابتسامة جميلة للبيشنت ..:مين قال إنه سبب غبي؟بالعكس سببك جميل..من أكثر الأشياء الي تخلي الإنسان سعيد إنه يرسم البسمة على وجه الآخرين..شوق شوق ابتسمت على كلامه :شكرا لرفع المعنويات..نعم؟ ..:أوعدك راح أخليكِ مبتسمة دائما معي  حمر وجهها وشقت الحلق .. بنبرة استياء:ليش تبتسمين كذا مثل الهبلة؟! انمسحت البسمة من وجهها ..تحولت نظراتها من قلوب لنظرة حقد ..لفت وجهها لها وهي تناظرها بحقد:انت ليش تحبين تخربين جوي هاه؟ ملاك بخبث:اي جو؟تكلمين سلطنينو؟وش قالك هاه وش قالك؟ شوق بحزم:اولا اسمه سلطان الشعوذة الي قلتيها لا تفكرين تسميه بها ابدا..ثانيا انت وش دخلك تسأليني وش قال لي!..ثالثا لما اقولك اشربي الدواء يعني تشربينه ! ملاك تكتفت وبرطمت بعناد:قلت لك ماراح اشربه! شوق بعصبيه :لا حبيبتي اذا ماتبين تشربين دواء لا تطفحين انت وبنت عمك ايس كريم كبر وجهك بعدين تمرضين وماتبين تشربينه!اشررربيه! ملاك وهي تكمل قراءة الكتاب:اففف اسكتي عني ماراح اشربه! شوق رمت الجوال من يدها ..وقفت اخذت حبه وفتحت غرشة ماي ومدتهم لملاك ملاك سوت نفسها ماتشوفها وتكمل قراءة شوق على نفس الحالة وبحزم:خذيهم! ملاك تعطي شوق ظهرها .. شوق حطت الغرشة على الطاولة ومسكت راس ملاك تشربها الدواء وملاك تصارخ وتضرب يد شوق:قلللت ماااااابيييييييه! شوق وهي تقاوم ضربات ملاك:لا تحسبيني بلتهي بأمور ملكتي وبتركك كذا اشربييييييييه! ملاك زحلقت نفسها من السرير تنحاش من شوق وترركض برا الغرفة وشوق وراها بالدواء ..وصلت عند الدرج شوق سحبتها من بلوزتها ملاك اختل توازنها وطاحت على ظهرها مع شوق الي وراها ..لفت على جنبها اليسار بتنحاش شوق لفت لها وحطت رجليها فوق رجلين ملاك عشان ماتقدر تقوم وحطت الحبة في فم ملاك الي بلعتها بإمتعاض..وقفت شوق وقبضت يديها ورفعتهم بنصر وهي تضحك ملاك وقفت وهي متألمة :ااااخ الله ياخذ شيطانك تنفعين تمثلين في فلم اكشن مع هالحركات ! شوق ابتسمت بنصر ووناسة:آفا عليكِ عشان مرة ثانية اذا قلت لك تسوين شي تسوينه..لازم تطوعين اختك الكبيرة (وطلعت لسانها لها تغيظها) ............. كانت بتنزل من الدرج ..التقت معه عند الدرج يوسف ابتسم :السلام جواهر بلعت ريقها لما شافته..ابتسمت بهدوء:وعليكم السلام..ونزلت قبله ..ناظرها بإستغراب..ونزل وراها دخلو غرفة الطعام أبو يوسف وأم يوسف وسارة موجودين ..سلمو وجلسو على الطاولة الي كانت بيضاء كلاسيكية والكراسي مخمل باللون الأحمر.. سارة وهي تبتسم لجواهر:واخيرا اكتملتو باقي مشعل دخل بإبتسامة شاق الحلق لابس قميص أبيض وفوقه سترة كت أو صدرية سوداء وبنطلون أسود وعطره يسبق دخوله ..فسخ نظارته الشمسية :أحد قال اسمي؟ سارة بصدمة :مليووون مليوون مليووون "عشان الجملة الشهيرة لو طريت مليون احسن" ام يوسف ابتسمت :ابن الحلال عند ذكره بيبان هلاحبيبي مشعل اجلس تغذى ابو يوسف بدون نفس:واخيرا شرفت! ابتسم مشعل بهدوء وسحب الكرسي الي جنب يوسف وهو يجلس بهمس:سلام يوسف بهدوء:وعليكم سارة بفضول:ليش كاشخ وين كنت!! مشعل ناظرها بنص عين :عند الشباب ياملقووفة بعدين انتي تاكلين كذا مع فيصل ؟اعوذ بالله شوي وبتاكلي الصحن! سارة وهي تاكل بنهم:خف علينا يالاتيكيت!بعدين لاااا مع فيصل غييير "جلست بإعتدال وقصت الستيك برقة بدون ماتكفخ في الصحن المسكين وقربت اللقمة الصغيرة لفمها واكلتها بهدوء"كذا مع فيصل! مشعل بصدمة:يااسلام طيب حاولي تتبعي معنا هالاسلوب احنا بعد!والله ارئف بحال الصحن الي يكون عندك! سارة قربت وجهها واخذت قطعة كبيرة وصارت تاكلها وهي فاتحة فمها عناد.. مشعل غمض عينه بقرف:الله يقرفك ! ابو يوسف بحزم:بلا حركات البزران هاذي انتم الاثنين!ابدا مافي احترام للنعمة الي قدامكم ولابوكم وامكم؟ مشعل سكت وعدل جلسته..سارة بهدوء:آسفه جواهر مدت يدها بتحط لها سلطة وفي نفس الوقت يوسف مد يده للملعقة ..وكانت في عين تراقب يديهم ..جواهر بعدت يدها بسرعة ولا اراديا يدها كانت ترتجف ..تحاول تمحي موقف امس وتتصرف مثل الأول بس ماقدرت.. يوسف ابتسم وحط السلطة في طاسة ..كانت منزلة عينها في صحنها حست بشي قدامها رفعت عينها .. كانت طاسة سلطة يوسف حطها لها .. كل هالموقف وعين مشعل تراقبهم بكل حركة أم يوسف وهي تصب العصير تسأل زوجها كعادتها:اخبار العمل اليوم ياعبدالرحمن؟ عبدالرحمن:الحمدلله ..صح زارني اخوك محمد اليوم وتكلمنا شوي ام يوسف ابتسمت :والله اخباره ؟وعن ايش تكلمتو؟ عبدالرحمن:الحمدلله ويسلم عليك..بس في طريقه مر على الشركة وحب يسأل عن الأحوال ام يوسف :ياحبيبي يا اخوي دائما يحب يصل ارحامه.. عبدالرحمن :ايه ماشاء الله عليه ..وفيه شخص ثاني بعد جاء لي اليوم ام يوسف :مين ؟ عبدالرحمن ابتسم:توقعي؟ ام يوسف :امم ناصر اخوك؟ عبدالرحمن :لا..راكان صديق اخوي سامي جواهر لما سمعت اسم ابوها وقفت عن الأكل وصارت تسمع بتركيز ام يوسف بإستغراب:غريبة ليش؟ ابو يوسف :يسألني اذا فيه وظيفة شاغرة في شركتنا ..وبعدها جلسنا نسترجع ذكرياتنا مع سامي ام يوسف:اكيد كانت محادثة طويلة هو صديقه وانت اخوه ابو يوسف:بصراحة هو كان يتكلم عنه اكثر .. لانه رافقه فترة اكثر مني وانت تعرفين ظروفي..تكلم كثير عن مواقفه معاه..تكلم لما كانو متغربين وكيف كان سامي دائما يطبخ الباستا لان باقي الطبخات يسوي فيها علوم ..تكلم عن سهر سامي على راكان لما مرض وترك مذاكرته عشان صديقه وراح للامتحان مو مخلص مذاكرة المادة وزفت ..تكلم انه كان طيب ومرح كثير كانت فرصة ان يكون صديقه فرصة من ذهب لانه انسان عظيم ..تكلم عن حبه الجنوني لنوال وكيف كان مايمر يوم الا ولازم يكلمها لدرجة انه سماه قيس ..كيف كان كل يوم لازم يقول لها احبك ..وكيف تزوجها بدون رضا ابوه جواهر لما سمعت الكلام عن امها ..حَمرت عينها ودمعت بشكل قوي لأنها تحبس دموعها.. حست بغصة قوية وانقباض في قلبها يوسف من بداية كلام ابوه عن سامي كان يناظر جواهر.. مشعل لما سمع كلام ابوه عن نوال رفع عينه لجواهر..لقاها تكتم دمعتها ..ناظرها بألم ابو يوسف:كان مـ.. مشعل قاطعه يغير الموضوع عشان جواهر:يبه افكر اشتري لي سيارة جديدة و.. صرخ فيه ابو يوسف:غبي انت! ماتشوفني اتكلم مع امك ليش تقاطعني بموضوعك البايخ هذا! مشعل بلع ريقه بألم وهو يناظر جواهر ماقدر يغير الموضوع .. ام يوسف:معليش خل ابوك يخلص موضوعه بعدها افتح موضوعك مشعل في داخله:انا اختلقت موضوع عشان يغير موضوعه مو عشان لما ينتهي من موضوعه افتحه! ابو يوسف زفر وكمل:قال لي تفاصيل الحادث..ان هندي مخمور كان يسوق شاحنة بشكل غير متزن وسامي ونوال كانو في سيارة صغيرة عادية..الشاحنة ضربت السيارة في مقدمتها بقوة..السيارة انقلبت خمس مرات وفوقها لما كان الهندي يبي ينحاش صقع السيارة واصتدمت بالسور لدرجة ان السيارة تحطمت تحطم شنييع ..و جواهر شدت قبضتها على الشوكة وهي ترتجف وعينها غرقانة دموع.. مشعل لما شافها كذا مسك ذراع يوسف وناظره ان يتكلم.. يوسف بصوت عالي:يبــه! ابو يوسف سكت وناظر يوسف..يوسف ناظر ابوه وناظر جواهر ابو يوسف سكت علطول وحاول يلهي نفسه بالأكل أم يوسف بلعت ريقها بقوة كيف ماجاء على بالها ان جواهر تسمع كل شي وراح تتأثر سارة تناظر جواهر وتفكر بأي وسيلة تواسيها فيها جواهر لما سكت عمها..داست على قلبها واخذت لقمة وحطتها في فمها ..وهي تحس بغصة تخننقها "تعرف شعور لما تحس بغصة قوية لدرجة انك ماتقدر تبلع ريقك من شدة الألم؟..تعرف شعور لما تغرق عينك بالدموع لدرجة انك ماتبي تحرك نظرك عشان ماتطيح الدمعة من عينك من شدة الألم؟..هذا من أقسى المشاعر" هذا الشعور الي حست فيه جواهر مع ذلك كابرت .. ............ جالسة على سريرها الابيض المشجر بالأحمر..لابسة بجامة البلوزة بيضاء وفي النص قلب كبير احمر والبنطلون احمر سادة ورجل مرفوع البنطلون ورجل عادي ..شعرها فاتحته بس مو مسرح..عينها ذبلانه من السهر ..وحاطة على رجلها لاب توبها تحوس فيه بملل والسماعات في اذنها.. دخلت الغرفة مدرعمة كعادتها..شافت وضع بنتها ناظرتها بإستياء..اخذت روب الاستحمام حق بنتها ورمته عليها وشالت السماعات منها بعنف.. جوري بإنزعاج:يمه وش هالإزعاج كأنك داخله حرب شيخة وهي تفتح خزانة بنتها :وانتِ بعدك على هالسرير قومي تروشي وسرحي هالكشة صايرة لي مثل مدمنة المخدرات مع هالهالات الي تحت عينك من السهر.."لفت لبنتها"الي يشوفك جد جد يقول هاذي خريجة سجون ! جوري بعدت الروب عنهاو انسدحت على جنب وهي تحوس في لاب توبها بملل:عادي محد يشوفني وراح اتروش المغرب شيخة وهي تطلع فستان قصير ون شولدر من فوق ذهبي ترتر ومن تحت اسود وتعلقه على باب الخزانة وتفتح درج اكسسوارات جوري:مين قال الليلة راح تيجي ام عدنان تشوفك تبيك لولدها ول... جوري جلست بإعتدال وصدمة:نعم نعم ايش؟!!!مين قااال! شيخة :انا اتفقت معها! جوري بعصبية:يمه كيف تحطيني امام الأمر الواقع انت تدرين اني اكره هالشي! شيخة حطت علبة الحلق على التسريحة بقهر:لأني دائما اقولك وكثير ماترضين فلازم احطك امام الأمر الواقع مثل ماتقولين! جوري بعصبية ومتنرفزة حدها:انت تدرين اني مابي ولدها! شيخة لفت لها :وليش ياعمري وش فيه الرجال من عائلة محترمة واخلاق ويشتغلـ.. جوري قاطعتها:بس هذا الي يهمكم؟! يمه عدنان ماعنده شهادة جامعية! شيخة بعصبية:واذا ماعنده شهادة !خير ياطير !اهم شي يشتغل والرجال يشتغل بدون شهادة! جوري وقفت مو متحملة تفكير امها :يمه بكل بساطة لو يطردوه من المكان الي يشتغل فيه وهو بدون شهادة راح يتعذب وهو يدور عن وظيفة الشهادة سلاح! شيخة لأول مرة تققول هالكلام:بلا سلاح بلا بطيخ الرجال زين ومايعيبه شي ويلا تروشي والليلة راح تشوفك ام عدنان وهي معجبة فيك بالأصل بس عشان اخته تبي تشوفك بعد..البنات الي اصغر منكم تزوجو وانت بعدك ترفضين الشين والزين! جوري تناظرها بصدمة..مو مستوعبة الي تقوله امها ..بهدوء:افهم من كلامك انك تجبريني؟! شيخة وهي تفتح الباب بتطلع :ايه!..تعدلي بأحلى ماعندك! طلعت وخلت جوري منصدمة..الزواج مو غصب! .................. في مكتبه..على كرسي جلد باللون البني..عبدالرحمن جالس ..ومجمع أولاده عبدالرحمن وهو يتحسس ذقنه:أنا كسرت خاطر جواهر اليوم ..زعلتها وذكرتها بأحداث ماتبي تتذكرها..فأبي أجبر خاطرها وأبيكم تطلعون معها! ناظرهم بترقب لردة فعلهم.. يوسف ابتسم:على آمرك مشعل هز راسه بهدوء ..سارة منزلة عينها ولاوية فمها عبدالرحمن بحدة:في اي مشكلة ياسارة؟ ساره بتردد:أأ..أمم أنا متواعدة مع احممم احمم مع فيصل الليلة اروح معاه المول عبدالرحمن بحدة اكثر:طلعتك أهم من بنت عمك؟ سارة رفعت عينها لأبوها وبإنفعال:طَبعا لا. "بصوت واطي"بسسس.. رفع يده ان ستوب خلاص لاتتكلمي:اوك اعذرك عشان عندك ارتباط "ناظر يوسف ومشعل بحدة وبنبرة أمر"أما انتم الاثنين مالكم أعذار..اسعدوها ولبو كل طلباتها ..اهتمو فيها فاهمين؟!! يوسف :ولا يهمك مشعل:طبعاً ............... جالسة على سريرها بروب الاستحمام الموف ..وشعرها الكستنائي القصير مبلل..ومنقهرة حدها دخلت أمها وبحدة:بعدك ماجهزتي!كم ساعة والحرمة وبنتها راح يجون راح تنزلين لهم بالروب؟! جوري رفعت عينها لأمها بقهر وحقد.. شيخة:لا تناظريني كذا !أنا سويت كذا لأني أعرف مصلحتك! جوري بقهر وإستهزاء:هه!..مصلحتي إنك تزوجيني بالغصب؟ شيخة سكتت شوي:ايه! أخذت الفستان الي طلعته لها ..وحطته على سرير جوري وبجنبها بحدة:لاتتأخري! وطلعت من الغرفة ..جوري بسرعة اخذت الفستان ورمته على الأرض بقهر..رن جوالها بصوت مسج .. "لا توافقي أبداَ..إنتِ لي وبس! فارسك المجهول" رمت الجوال على سريرها:ناقصتك انت الثاني! ناظرت الفستان لفترة..وصدرها يرتفع وينزل من العصبيه...ابتسمت تدريجيا بخبث:إذا ماجات مني راح تيجي منهم! -يُتبع | |||||||||
|
| |
|
11-10-14, 02:27 AM
| #33 | |||||||||
| نجم روايتي ومشرفة سابقة وفراشة متالقة بعالم الازياء
| واقفين في الصاالة ينتظرونها تنزل عشان يطلعون معها.. يوسف بجدية :لأي درجة تحبها؟ مشعل بدون مايناظره..ابتسم ابتسامة جانبية:لدرجة ان لو اقارن حبي وحبك لها..خبك راح يكون ذرة بالنسبة لحبي! يوسف ابتسم بإستهزاء:هه..وفي النهاية راح يبان ان حبك حب مسخره..راح توهمها بحبك لها مثل مااوهمت مليون بنت قبلها..وبتكمل على نفس السيناريو بتكسر قلبها!..وبتحب غيرها ..عذرا أقصد بتوهم غيرها بأنك تحبها! ضحك مشعل :ههههههههههههههههه لاتخاف.."ناظره بخبث"ماراح أحب غيرها لأني ماعرفت الحب الا بها! يوسف رفع حاجبه.. مشعل كمل بحدة:فالأفضل انك تتوقف عن حبك لها لأنها في النهاية راح تختارني أنا! يوسف برفعة حاجب ابتسم ابتسامة استهزاء:واثق! مشعل ابتسم بغرور..يوسف اتقرب لمشعل يوسف :اوك..الاختيار بيدها "مد يده لمشعل كمصافحة" مشعل ناظر يد يوسف لفترة..وصافحه وضغط على يده نزلت جواهر وهي تناظرههم بإستغراب:وش فيكم ؟بينكم معاهدة سلام! يوسف ومشعل ناظرو بعض وناظروها وابتسمو.. يوسف بإبتسامة:الأميرة جواهر وين تبي تروح؟ جواهر ابتسمت :تبغو الصراحة لو أختها؟ مشعل بإستفزاز: لابنت عمها احسن ..في داخله"ياغبي لازم تستفزها!" رمقته بنظره حارقه.. يوسف طننش كلام مشعل:الصراحة جواهر رفعت راسها و بنظرة حالمة:بودي مكان اقدر اصارخ فيه بأقوى ماعندي واطلع كل الي في قلبي.."ناظرتهم"ادري حلم غبي! يوسف ابتسم تدريجيا:آوك..عندي طلبك! عقدت حواجبها بإستغراب وتساؤل:وين؟! يوسف بإبتسامة وبصوت عالي:مفاجأة! مشعل بنص عين:خُف علينا ياكندر سوبرايز! يوسف رمقه بنظره..جواهر ضحكت :ههههههههههه..احم سخيف! غيرت الموضوع بسرعه قبل لايذبحها:ايوه بنروح بسيارة مين؟ اثنينهم في نفس الوقت:سيارتي! ناظرو بعض والشرار يتطاير من عينهم.. ابتسمت بإستغراب.. يوسف تقدم ووراه مشعل..وفتح الباب لجواهر..ابتسمت بهدوء وطلعت في نفس الوقت يوسف ومشعل طلعو..تقاربت كتوفهم لبعض صارو يضربون كتوف بعض وكل واحد يبي يطلع أول عشان يطلعها بسيارته.. يوسف تنهد:نحل هالجدال بطريقتنا أيام الطفولة؟ مشعل:حجرة ورقة مقص؟ يوسف:بالضبط يوسف حجرة ومشعل مقص..خسر مشعل ابتسم يوسف وتقدم عنه.. ........ في مجلس النساء..الي جدرانها باللون الفوشي الجميل..والكنب ابيض وعليه مخدات باللون الفوشي..والطاولة قدام الكنب باللون الأبيض وزخرفتها على جوانبها زخرفة ناعمة .. عليها الشاي والقهوة وصينية عصير..مكسرات وكيك بالفانيلا ..جو البيت جو ضيوف حقيقي أم عدنان مبسوطة وتتكلم بحماس:ياشمس مدري وش اقول...جوري جوهرة ماشاء الله عليها .."قابضة يدها ومع كل صفة تفتح صبع"اخلاق ادب ذكاء حسب نسب وفوق كل هذا جمال واناقة بشكل ماتتصورينه! ليلى بحماس:جد؟تشوقت اشوفها! شيخة ضحكت بخفه:ههه..شكرا يا أم عدنان على المجاملة أم عدنان بإندفاع:لااااااااااا لامجاملة ولاشي اصلا انت محظوظة ان جوري بنتك! قطع حديثهم صوت طق الباب.. شيخة ابتسمت وهي تناظر الباب:آوه وجت جووري..ادخلي حبيبتي ام عدنان وهي تنغز بنتها:راح تتفاجئين بجمالها دخلت..لابسة بنطلون برتقالي وبلوزة زرقاء مكممة وفوقها صدرية خضراء وحلق كبير دائري وباللون الاحمر..شعرها ناكشته بطريقة فوضوية..يعني انيقة بمعنى الكلمة كككاك..اما مكياجها ابداااع مع انها بيضاء لكنها حطت لها كريم اساس افتح من بشرتها بكثير بشكل يفشل0..ومحدده حواجبها باللون الأسود مع ان شعرها كستنائي..وظلالها أزرق كأن احد عاطنها بوكس على عينها..والبلاشر مكثرة منه كثييير وعلى شكر دائري تشابه لساو..والروج بنفسجي فاقع..يعني شكلها حدث ولا حرج الكل يناظرها بصدمة جوري منزلة راسها تتصنع الحياء ومبتسمة ابتسامة عبيطة.. راحت تمشي بخطوات غير متزنة ومدت يدها لأم عدنان..بصوت مخنوق:اخبارك ياخالة؟ ام عدنان وهي تناظرها بصدمة مدت يدها تصافحها:آه آهلين ياجوري اعرفك هاذي بنتي شمس جوري بسخافة ضحكت:خيخي هههههه شمس لو قمر ههههههه عذرا انا طبعي كذا احب المزح شمس ناظرتها بحقد جلست بين ام عدنان وشمس بثقالة دم وغثة وام عدنان وشمس يناظرونها بصدمة ..ضاقت عليها الاماكن وماوسعها الا بيناتهم! وشيخة تناظرها بحقد ووتوعد.. شمس بمجاملة:ما شاء الله انت ياجوري انيقة كثير.. جوري ضربت ظهر شمس بقوة:ههههه خيخي هههه الكل يقول لي نفس الكلام تدرين في ناس يسألوني يقولون لي انت انجلينا جولي؟!اقولهم لا ينصدمون ويقولون لي مانصدق تشبهينها كثييير!اقولهم يامعودين وش فيكم انا مو هي صحيح بس ترا تقرب لي ماتشوفوني اشبهها وكشختي مثل كشختها خيخيخي هههههههههه مسكت ظهرها بتوجه وناظرتها بصدمة ابتسمت بدون نفس مجاملةًَ.. شيخة تسلك لبنتها:جووري قدمي العصير جوري :افي كيرس مامي "اف كورس" وقدمت لهم العصير وتكبه عليهم بعمد ..شهقت تمثل انها متوترة:ااااه اسفة ياخالة موب قصدي ياااربي لازم انظفه لك اللحين وتروح تاخذ مويه وتكبه عليها يقال لكم بدل ماتكحلها تعميها..وتاخذ المناديل تنظف عباءة ام عدنان ام عدنان بقهر حابسته:خلاص خلاص يابنتي مو مشكلة شمس بقهر وهي تناظر عباتها وتصرفات جوري:يممه هاذي جوري الي تقولين عنها جمال وادب ماشوف الا تصرفات همجية صادرة عنها! جوري برطمت وفي داخلها"عدااال ياأم تصرفات لبقة!" ام عدنان بقهر:شــمــس!اسفه حبيبتي شمس ماتقصد امسحيها في وجهي جوري مسحت وجه ام عدنان بيدها المبللة .. شيخة ترقع:معليش ب.. وقفت ام عدنان ووجهها احمر من العصبية:خلاااااااص تحملت غباءك كثييير! جوري ابتسمت بنصر بسرعة خبت ابتسامتها وتظاهرت بالحزن وطلعت تصعد لغرفتها بشكل درامي..شيخة بتوتر:والله آسفة يا ا.. قاطعتها بعصبية:أم فيصل! بصراحة جوري الي في الحفلة غير تماما عن جوري هاذي..تصرفاتها وقحة لأبعد حد!اتمنى الا اقوله مايجرحك بس ما اطمح ابدا ان تكون زوجي ابني ..لازم تزوجونها شخص مثلها ..مُختل عقلياً! وطلعت بسرعة وخلت شيخة مصدومة من كلامها.. صعدت لجوري الي كانت في هالأثناء تمسح مكياجها وباقي الروج فقط.. فتحت الباب بعصبية وهجوم..ما تفاجئت لأنها توقعت بتصعد لها بعد ماسوت من علوووم شيخة بعصبية صرخت عليها:انت كيف تتصرفين كذا؟؟؟؟؟!!!!فشلتيني مع الحرمة الله يفشلك!!! جوري ببرود وهي تناظر نفسها في المرايه:انتِ أجبرتيني أسوي كذا! شيخة بعصبية وصدمة:نعممممم! جوري بحدة:لأنك تبين تجبريني والزواج مو غصب فأجبرتيني أسوي كذا عشان اذا الرفض ماكان منا يكون منهم! شيخة بعصبية صرخت:انتِ جنيتي!!!راح تندمين على تصرفاتك هاذي لأنك ماسمعتي كلامي! جوري لفت لها وبقهر بصوت هادئ:أنا الوحيدة من بناتك الي اطيعك واسمع كلامك ..بناتك مايهتمون لكلامك ويسون الا يبونه وبس..اما انا دائما اقولك وحتى لو الي امرتيني فيه مايعجبني كمان اقولك سمعا وطاعة ..بس على هالسالفة وقفتي عليها!ليش انا عاقة اللحين لأني ماطعتك في هذا الشي !في قبول نصفي الثاني وشريك حياتي! شيخة ناظرتها بصدمة..هزت راسها بنفي لأنها مو مصدقة كلامها:انتِ غبية!مع تصرفك هذا مو بس نفرتي أم عدنان منك لاااا نفرتي كثير غيرها تخيلي لو حرمة تسألها عنك وتقول لها عن الي صار محد راح يبيك! جوري:وهذا المطلوب..أبيه ينفر مني! ششيخة صرخت عليها بقوة:انت من جد مو صاحية! من جد غبية! خسرتي عدنان شاب في قمة الوسامة والأخلاق وعشان سبب تافه !مهبووولة!! جوري ماتحملت الضغط الي عليها بعصبية وبصوت عالي:اذا عاجبك لهدرجة انت تزوجيه! عطتها كف قوي ..لافة وجهها وخدها حمر من قوة الكف..مصدومة! طلعت امها من الغرفة..رفعت عينها للمراية ببطئ..ناظرت نفسها بكبرياء ماتبي تبين زعلها..والدموع في عينها متجمعة ..تحس بحرارة الكف والاهانة ..صرخت بقهر ورمت الاشياء الي على تسريحتها تحس ان كل شي ضدها..الهموم ثقلت كاهلها..امها تبي تزوجها من اي شخص..والفارس المجهول الي جد تجهل من هو يعرف عنها كل كبيرة وصغيرة وزاعجها.. خلود واقفة تسمع صرخة جوري ورميها للاشيااء جميلة كانت تسمع كل شي كانت بتدخل لجوري ..شيخة مسكتها من ذراعها ..جميلة :اتركيني ادخل لها! شيخة بنبرة امر:اتركيها..هي اللحين تشعل نارها! ............ جالسة في غرفة جلوس ..متربعة على الكنب السماوي وتبرد اظافرها..وغرتها مبعدتها عن وجهها بطوق قطني فوشي..وتهز راسها منفعلة مع الاغنية .. خلصت من تبريد اظافرها ..هفت عليهم ..وقامت من الكنب تتتوجه للتلفون وهي ترقص وتغني.. :اتصل على دومينوز احسن حل للجوع الي انا عايشة فيه! ..في الزاويِة الثانية منسدح على كنب الصالة يتفرج على التلفزيون ويتثاوب بملل.. رن التلفون.. وقف للتلفون ورفعه.. بصوتها البريء:ألو السلام عليكم هذا مطعم دومينوز بيتزا؟ واقف يستوعب يحس نفسه يعرف هالصوت..فجأة فتح عينه على اوسعها وسكت لفترة وهو منصدم.. :ألوو..ألوو ...لووو سمحت!ألوووو! اخذ جواله من جيبه بسرعة وهو يدور رقم بيت راشد ..فتح عينه على اوسعها سكرت بقهر واتصلت مرة ثانية.. رفع السماعة بسرعة.. بحدة:ألو السلام عليكم مطعم دومينوز بيتزا؟! خشن صوته وبلهفة فرحان حده:نعم تفضلي؟ ملاك بقهر موطية صوتها بشكل مسموع:آحمم..خدمة فاشلة! سمعها وهو يكتم ضحكته.. ملاك:احمم لو سمحت ابي اطلب..توصيل :تفضلي.. ملاك:اممم ماتقدر تقول لي بعض الي عندكم من وجبات بصراحة ضاع من عندي المنيو توهق وهو يفتح الدرج الي فيه منيوز المطاعم ويدور عن منيو دومينوز ..تنهد بارتياح وفي داخله"الحمدلله عندنا المنيو!" عندك يا اختي من افضل الاطباق ستافت تشيزي بريد ايطالينيو ملاك:واو الاسم لحالة رواية!اممم ممكن تقولي وش هو بالضبط؟ يقرأ المكتوب تحت اسمه الطبق ويتكلم كأنه من حقين الدعايات:محشوة بجبنة موزريلا..البيبروني الفلفل الاخضر والبصل وتقدم مع صلصة المارينارا..وعندك بعد بيتزا اكسترا فاجنزا طعم ولا الذ ملاك سكتت لفترة: اممم خلاص سجل عندك..بيتزا اكسترا فاجنزا وبيتزا هاويان وبطاطا ودجز و... على الدرج صرخت عليه:تعاااااااااال نبيك تشوف الانترنت..مدري شفيه فَصل فجأة! عض على اشفته بقهر وهو يهشها ان تنقلع عنه.. ملاك باستغراب:امم نعم؟! ضحك بقهر:هههه عذرا ازعاج المطاعم تعرفين ..ايوه كملي ملاك:اه ووينجز الدجاج وستافت تشيز انطونيو احم شكلي حرفت الاسك انقلب وجهه احمر وهو يكتم ضحكته ..الله يصلحك قلبت ايطالينيو الى انطونيو:اه ايه عرفته ولا يهمك ملاك تكمل "شهيتها مفتوحة البنت":وموجود ميرندا فراولة لو سمحت؟ بوثوق:ايه طبعا موجود...اختي مطعمنا من افضل المطاعم فيه كل الي تتمنينه في مره طلبتي شي وقلنا لك مو موجود؟طبعا لا؟ ملاك ببراءة:امبلا الجمعة الماضية طلب وينجز دجاج وقلتولي ماعندكم انسفت الجبهة وتقطعت الى اجزاء بوهقة وفشلة:اه والله؟!تحصل في افضل المطاعم! اوك تم الطلب.. ملاك :لحظة لحظة ماتبي الوصف ولا بتسألني بإسم مين؟! :احم اوه صح هههه اعذريني تفضلي اوصفي قالت له وهو حافظه في الاساس سكرت وهي مستغربة اول مرة تشوف الي يتلقى الطلبات ما يسأل عن وصف البيت ..والي اتصلت له هذيك الجمعة كان دلوع!هزت كتفها بإستغراب:شكلهم بدلوه بواحد أكثر مرجلة! في الزاوية الثانية.. رافع يده بنصر وهو مبسوط على الآخر:سمعت صوتها يسسس يسس! وقف وهو شاق الحلق وتنفسه سريع:وش فيك فزاع مبسوط لهدرجة!..وش الشي المفرح انك سمعت صوت ملاك!.."تلاشت الابتسامة من وجهه"وش جالس يصير فيني! ........... ناظرت المكان الي هي فيه مو مصدقة ..الاضواء تتغير من لون الى لون ..والمكان كبير وواسع..ملاهي! جواهر مبسوطة وهي تضحك منصدمة:من جدكم؟! يوسف رفع حاجبه وابتسم ومشعل غمز لها جواهر وهي تومأ براسها وببإبتسامة:بس أنا ماحملت معي فلوس! يوسف وهو يبعد بين يديه: this night is freeeeee! مشعل كمل بإبتسامة: so do everything you want! لحظة اترجم لها لانها هبلة ..هاذي الليلة مجانية يعني سوي كل شي تبيه! ابتسمت بخبث:امممم ترا انا مو مثل باقي البنات ماراح استحي!يعني بإختصار أنا ما انعطى وجه!"وابتسمت بعباطة" يوسف شق الحلق:وهذا المطلوب! مشعل شق الحللق:وش تنتظرو! ثلاثتهم في نفس الوقت:لتس قووووو! ركبو قطار سريع بدرجة خيالية..جواهر قدامهم ويوسف ومشعل وراها أول مابدأت اللعبة كانت تتحرك ببطئ..صرخت جواهر مو من الخوف يس عشان تطلع الي في داخلها ..مشعل سكر اذنه بانزعاج ويوسف ضحك بدأ الجد وصارت سريعة وبدأت تصارخ بأقوى ماعندها.. مشعل بإستهزاء:ههههههههه شوف تصارخ الجبانة! يوسف ضحك:ههههههه من جد! نزل القطار بشكل مفاجئ وصارو يصارخو هم الاثنين..وجواهر تضحك شماته وتصارخ صعدو لعبة الي تكون عبارة عن مجموعة كراسي تنزل وتصعد بصورة سريعة! المقاعد كانت ممتلية جلست جواهر وجلس على يسارها مشعل..يوسف توهق كان بيجلس في المقعد الي جنب المقعد الي جنب جواهر ..بس كان شاب بيجلس على يمينها مباشرة جلس بسرعة على يمينها..تنحنحت بخجل اثنينهم جنبها وهي في الوسط..بدأت بشكل عادي جواهر صارت تحرك رجليها في الهواء بوناسه وتصعد اللعبة لفوق بسرعة وجواهر تصرخ وتطيح جزمتها وهي تشوفها تطيح: لاااااا جزمتي! التفتت لهم اثنينهم كانو لافين وجويههم ويضحكون وافشلتاه..قالت في نفسها! ناظرت رجيلهم...يوسف انتبه لها وطيح جزمتها مؤازره لها جواهر ناظرت مشعل ..مشعل تجاهلها...ضربت رجله عشان تطيح جزمته هو الثاني ..طاحت مشعل صرخ:ياا..ااااااااااااااااا كملها بصرخة لان اللعبة نزلت بشكل مفاجئ.. جواهر وقفت عند لعبة سيارات بحماس :ابي العب هاذي! مشعل ضحك بإستهزاء:جواهر انت زين تعرفين ان السيارة اسمها سيارة تبين تسوقين بعد! جواهر ضحكت بقهر:هه هه هه ايه عادي تراها مو سيارة حقيقية ثانيا انا اعرف اسوق وافهم للسيارات بعد! مشعل رفع حاجبه وابتسم بسخرية:والله وشو هذا الي نلف يمين ويسار؟ جواهر سكتت لفترة:سهلة سيلكون! يوسف ومشعل انفجرو ضحك.. جواهر بقهر:ياسخيفين ماقلت شي يضحك! يوسف وهو يكتم ضحكته:بصراحه قلتي شي ضحك لأن السيلكون عنصر .. مشعل كمل وهو يضحك:ههههههه اسمه دريكسون مو سيلكون! جواهر ترقع لنفسها وهي متفشلة:عادي..اصلا كان اسمه سيلكون في القرن الواحد والعشرين يوسف ضحك وهمس لها:في الحقيقة احنا اللحين في القرن الواحد والعشرين! جواهر عضت شفتها بقهر وهي متفشللللة..تحاول تغير الموضوع:هيه صديق بكم هاذي لعبة؟ لف لها:عشرين ريال اختي! جواهر طاح وجهها وبهمس:سعودي! الاثنين انفجرو ضحك بصوت عالي ..مسكينة من فشلة لفشلة ركبو السيارت..جواهر سيارتها صفراء ويوسف زرقاء ومشعل حمراء تحركو السيارات الا سيارة جواهر ..جواهر بوهقة:كيف اسوقها ذي!"هاذي الي تعرف تسوق هاااه" يوسف تقرب لها بسيارته ووقف بعكس اتجاه سيارتها ..ناظر رجلها:مثل ماتوقعت دوسي على البنزين! جواهر بتناحه:هاه!اوه هذا شكـ مشعل انتبه لهم وطلعت قرونه راح صدم سيارة جواهر من وراء..تقدمت سيارتها لقدام وهي منصدمة ناظرته بقهر وحقد طلع لسانه لها يغيظها وحط يده عند راسه وبعدها بسرعه كسلام .. انقهرت وصارت تسررع تلاحقه كانت بتضربه من جنب ضحك ورجع على وراء ..يوسف ضربه من وراء لف له معصب ..يوسف حرك حواجبه له يغيظه جواهر صارت تضحك وهي تسوق..والاثنين يصارخو:قدااااااااااااامك! ضربت سيارتها في السوق ..وعدل سيارتها الرجال وهي محبطة مشعل ضحك بإستهزاء:تعرفين تسوقين هاه هههههههههههه ماغير كأنك حولة تضربين في السور كككككاك هههههههه جواهر طلعت النار من انفها(كناية عن الغضب) وصارت تسرع في اتجاهه..وتضربه من وراء بقوة وجه مشعل ضرب في الدريكسون ..يوسف وقف قبال مشعل وهو يناظره جواهر حست فيه شي صار غلط مشعل شال وجهه من الدريكسون بتوجع ويمسك انفه الي ينزف دم:آآآه.. بعد اللعبة .. مشعل بتوجع:آآآه أنفي !أكيد صار أفطس اللحين!تعرفين تسوقين هاه ماغير انفي صار ضحية لسواقتك المعفنة! لو عندك رخصة كان زمان رخصتك مسحوبة! جواهر منزلة راسها بفشلة من عنفها وهي تمسح الارض برجلها.. ويوسف يضحك وهو يحط غرشة الماي الباردة على رأس مشعل.. مشعل بقهر:وإنت لا تضحك حتى العدو مايضحك على الي صار.. يوسف وهو يهتز من الضحك:ههههههههههه طيب طيب انت ماشفت وجهك لأن وضغط على عظمة انف مشعل .. صارو يمشون يدورون عن لعبة..مشعل وهو حاط المنديل على انفه ويأشر على لعبة الاحصنه للأطفال:هاذي الي مفروض تلعبها جواهر! يوسف:واو من جد تناسبها! جواهر بقهر:مالت عليكم انتم الاثنين ..ماراح العب خلاص يوسف:افاااا وش دعوة مشعل بنص عين:دلوووعه جواهر مبسوط:الله ابي العب سفينة! ناظرو بعض وضحكو..ماراح تلعب خخخ! صعدت جواهر ..وبما إن المقاعد زحمة لأن اللعبة محبوبة..اظطرت تجلس بيناتهم وهي تسب نفسها لأنها ماحملت شنطتها لتكون عازل اللعبة مخيفة لحد ما..تحس نفسك راح تطيح منها وهي تميل ..بشكل لا ارادي جواهر نزلت راسها وسكرت عينهاو مسكت يد يوسف ناظرها بصدمة...ومشعل يناظرهم بغيرة رفع عينه يوسف ..التقت عينه بعين اخوه الي ناظره بحقد..يوسف لما شاف نظرة الحقد من عين مشعل غمز لهم يغيظه...حست على نفسها وبعدت يدها وهي تسب نفسها .. اول مانزلو من اللعبة مشت بسرعة عنهم متفشلة وصلت للعبة الي تصيدي الدمية من صندوق زجاجي اتوقع تعرفوها..لزقت وجهها في الزجاج مبسوطة:الله أبي تذكار منها! يوسف ابتسم:آوك.. كان بيلعب عشان يمسك لها دمية مشعل دفه وبنبرة قهر:انت ماتعرف.."ناظر جواهر"أنا اللحين أجيب لك دمية حلوة جواهر بوناسة وحماس:آوك يلاا المرة الأولى-متحمس حده وفي النهاية مامسك الا الهواء المرة الثانية-مركز وبقوة تقولون يحل شفرة ويبي يمسك دب كبير ابيض..مسكه وهو منصدم ومبسوط وجواهر تصفق متحمسه ..على النهاية طاح من المساكة ..صرخ بقهر وجواهر عبست المرة الثالثة-عصب وهو يمسك الدمى ويرفع المساكة وهي مو ماسكة ولا لعبة.. يوسف تنهد:ممكن؟ناس يبون يلعبون ومتعطلين بسببك بعد مشعل بقهر..لعب يوسف وجواهر متحمسة على الآخر ومسك لها الدب الأبيض الكبير الي انفلت من مشعل...ضحكت بوناسة ومشعل انقهررررر صعدو لعبة عبارة عن مقعدين ..تتحرك بسرعة وتميل على الاتجاه اليمين وتصعد فوق وتحت بسرعة هائلة صعدت جواهر ويوسف صعد وراها..مشعل راح عن المقعد الي جنب جواهر وناظر يوسف ..يوسف ناظر مشعل بإستغراب..مشعل ابتسم بخبث وغمز له"يقلده" جلس جنبها...جواهر ناظرته منفجعة:خير! تحركت اللعبة ويوسف منقهر حده جواهر بسخرية:ههههههه لعبة بزران مشعل ناظرها بنص عين وابتسم:هاذي اللعبة الي تناسبك! جواهر بعصبية:انت الي تناااااااا..ااااااا صارت اللعبة تسرع وتميل لليمين مشعل ضحك:هههههههههه ماينفع الغرور جواهر اجل لعبة بزران خفي علينا يالعجوز ههههههه بتعدل البنس الي مثبتته بشيلتها طاح من عندها وصار حجابها مهمل صارت تمسك شيلتها وخايفة لا تطيح..اللعبة صارت ترفع لفوق وتنزل بسرعة ..كانت بتمسك طرف شيلتها بتعدلها مسكتها بطريقة سيئة ..طاحت من عليها وهي منصدمة مشعل انصدم وضم جواهر لصدره يغطيها ..لان اللعبة تزداد سرعتها وماتقدر تتحكم بشي انصقعت وسكتت مصدومة ..هي في حضن مشعل يحس نبضات قلبه تخونه وتقوى.. ويوسف نار الغيرة تحرقه هدأت اللعبة وجواهر بعدت نفسها بسرعة وهي تعدل شيلتها بسرعه ووجهها احمر تبي تشق الارض وتبلعها اجل تمسك يد يوسف واللحين مشعل يضمها ..في داخلها"اكره نفسي اهئ " نزلو من اللعبة ..ومشعل ساكت باله مع الحركة الي سواها..ويوسف يناظره بحدة...جواهر متفشلة ترقع:ااا امم تأخر الوقت صح؟مابنرجع؟ يوسف بجدية:امبلا..بشتري لك غزل البنات وبنرجع جواهر ابتسمت متفشلة:اه اوك شكرا ناظرت مشعل وانقلب وجهها الوان ..جواهر وهي تأشر على اللوحة الي فيها وصف الأماكن والألعاب الي في الملاهي:بروح اشوف ذي يوسف هز راسه ان اوك مشعل كان بيتبعها ..يوسف مسك ذراع مشعل ومشى اتجاه غزل البنات :انت كِيف تضمها كِذا! مشعل ببرود:مثل ما مسكت يدك! يوسف بقهر وهو يشد على اسنانه:احنا قلنا راح يكون القرار بيدها ..انت الا ضميتها مو هي الا ضمتك ! مشعل ضحك بإستهزاء:ههههههههه واو لايقة عليك الغيرة .."بهمس ينرفزه"بس مو على جواهر! يوسف ناظره بقهر..قاطعه البايع:لو سمهت هدا مال انت..كمسة ريال يوسف عطاه الفلوس واخذ غزل البنات من عنده .. مشعل كمل وهو يحط صبعه عند صدر يوسف يدفه:فالأفضل تتركها..جواهر راح تعذبك! يوسف وهو يناظر مشعل ضرب صبعه يبعده عنه:مو مشكلة تعذبني بس انت ماتعذبها بحبك وفي النهاية يطلع مسخرة! ناظر وراء مشعل..مكان اللوحة الي رات لها جواهر:جـ...سكت منصدم مشعل ناظره بإستغراب لفترة..لف يناظر المكان الي يناظره أخوه انصدم! لفو وجيههم يمين يسار يدورون عنها.. يوسف بخوف:وين اختفت! مشعل وهو يهز راسه بالنفي: لا مو مرة ثانية! .............. في المول.. حاطة ساعة بيضاء فخمة من ماركة فرزاتشي على يده ..ابتسمت بهدوء:مرة حلوه عليك! ابتسم وهو يتأملها:اذا هي من ذوقك أكيد راح تكون حلوة ابتسمت بخجل:بتشتريها؟ فيصل :اكيد اذا خطيبتي اختارتها لي شراها وطلعو من المحل.. وهم يمشون في وسط المول ..اصتدم كتف فيصل في بنت..البنت كانت تمشي في اتجاه معاكس عن فيصل وساره فيصل والبنت لفو لبعض..فيصل ابتسم:آسف تألمتي؟ النت خقت على ابتسامته وضحكت بمياعه:ههههههه لا مو مشكلة مع ان جسمك ما شاء الله بس لا تخاف ما تألمت هههههه سارة طلعت عينها من مكانها واقفة تتغزل في جسم خطيبها قدامها! فيصل ضحك:ههههه شكرا ..الـ سارة بعصبية:انت وقحة!!!وشرايك كمان تمسكين يده وتتمشون مع بعض في المول..صايعة! البنت انصدمت ..سحبتها صاحبتها ومشو عنهم فيصل لف لسارة:وش فيك على البنت أكلتيها! سارة بقهر:وأشرب دمها !ما شاء الله وانت بعد مبسوط وتضحك وتسولف معها! فيصل:سارة!مافي شي يخليك تنقهرين كلها كم كلمة وكم نظرة!شيء طبيعي! سارة ناظرته بصدمة وضحكت بإستهزاء:هه!شيئ طبيعي؟! فيصل بدفاع:ايه ومفروض ماتنقهرين! سارة هزت راسها بقهر :ايه صح انا الغلطانة اني عصبت على شي مفروض"وشدت على الكلمة"ما انــقــهــر عليه وحقك عليي!عن أذنك باخذ لي موكا أبرد على فؤادي مشت ومشى معاها..سارة بنرفزة:لو سمحت ممكن واحد موكا ؟ البايع خزها خز وابتسم :اي اكيد..بارد أو حار؟ سارة بدون نفس:بارد البايع:من عيوني..بكريمة أو لا؟ سارة ابتسمت فرصة:تسلم عيونك بكريمة البايع :ههههههه كريمة أو بخيلة انت تامري امر سارة في داخلها"يعني جد ياشين الي يستظرف وهو ثقيل طينة":ههههههههه فيصل طلعت عينه من مكانها بعصبية مسكها بقوة من معصمها.. سارة بألم وهي متنرفزة حدهاا شدت على اسنانها:اترك معصمي لا تكسره! فيصل بعصبية وهو يضغط على معصمها أكثر:عاجبك الضحك معاه هاه! سارة ببرود تقهره:ليش مافيه شي يقهر! رفع حاجبه وبعصبية:مايقهر ان خطيبتك تضحك مع رجال كذا وقدامه!!!"بنبرة أمر أول مرة تسمعها منه"لاتعيدينها مرة ثانيه سامعة! سارة تبعد معصمها من فيصل بس مو قادر ..ناظرته بعصبية وفجرت الي في داخلها:اللحين صار الموضوع يقهر صح!؟ ان انا اضحك مع رجال لاااا عيب ومفروض ما اعيدها والموضوع يقهر !بس انت تضحك مع بنت لاااا عادي وخذ راحتك ومفروض اصفق لك واقولك زين ماسويت يافيصل ومفروض ما انقهر صح؟!!وش الفرق هاه علمني! فيصل تعابير العصبية من وجهه تلاشت وتحولت لصدمة ..افحمته! سارة همست له:لعلمك انت بحركاتك هاذي ماتكبر بعين ولا بنت..تشوفها اللحين تضحك معاك ..ثواني تلف مع صديقتها ..تضحك عليك! فيصل بلع ريقه بقوة من كلامها وانلجم سارة بدون ماتناظره:راح اسبقك مشت عنه ببطئ..وهو يناظرها بقهر من نفسه ................... رن الجرس.. وقفت الفلم بسرعه ونطت من الكنبة على بالها سوبر وومن وطاحت على ركبها :آآآخ هذا جزات الي يقلد الأفلام.. وقفت وركضت بسرعه للباب..كانت لابسة عباتها متجهزة عشان اي لحظة بيوصل الطلب ومافيه اي رجال في بيتهم عشان يطلع رفعت السماعه:مين؟ بصوت أخشن من صوته:دومينوز بيتزا ملاك:آه لحظة فتحت الباب وهي تحسب الفلوس :تفضل الفلوس وشوف اذا فيه زيادة رجعهم مو مثل ذيك المرة طلع اني دفعت لكم ريالين زيادة!"قِمة الشُح!" كتم ضحكته ..اخذ الفلوس من عندها وحطهم في كيس الأكل انصدمت من تصرفه رفعت راسها تناظره رفع راسه لها.. فتحت فمها مو مصدقة ..انجلطت جلطة ثلاثية الأبعاد بهمس:فزاع! فزاع نزل عينه وابتسم:أتأكدي من الرقم قبل ماتتصلين مرة ثانيه..شكلك يبي لك تحفظين رقم المطعم اذا تطلبين منه كثير طبعا بعد ماتحفظين رقمك ورقم بيتك وأبوك وأخوك! ملاك انقلب وجهها احمر واصفر واخضر صارت اشارة مرور .. فزاع تركها ومشى وهو يفجر ضحكتها.. ملاك سكرت الباب ببرود وهي واقفة منصدمة ..بعد فترة من التناحة..صرخت:لااااااااااا� �اااااا يا زفاتت حظييييييي اهئ وش هالفشلة يااااااااربي ليش هالمخلوق دائما اتفشل معاه يعني من بين كل الأرقام ماغلطت الا برقم بيتهم اااخ ياربي وش هالصدف الي تفشل! فتحت الكيس لقت كل الاشياء الا طلبتهم والفلوس الي رجعها لها..وعلى كرتون البيتزا نوته صفراء "صحة وعافية...أتمنى خدمتي مو فاشلة مثل خدمتهم..فزاع " وعلى ميرندا الفراولة نوته"بصراحة صدقتي..ماعندهم ميرندا...اشتريته من البقالة..بس لجل عين تكرم مدينة..وراسم فيس يبتسم بعباطة وجنبه حبتين" ابتسمت بهدوء وهي تتأمل كلامه:غبي ليش تتعب نفسك وتروح البقاله..ليش انت حنون وطيب كذا ..يا اني طيحتك في مواقف معي ..لو واحد بدالك ماغير هفني بكف يطيح اسناني..أتعب وأنا أقول إنت رجال مختلف وشهم وأخلاقك حلوة اخذت النوتات من على الكرتون والميرندا تحتفظ فيهم! .................. كل واحد راح من جهة يدور عنها .. يتصلون على موبايلها ويظهر انه مغلق .. جن جنونهم وهم يدورون عنها ..خافو أكثر لما لقو ان جوالها مغلق هي بنت .. فالخوف زاد أكثر.. وإثنينهم "يحبونها" فالخوف زاد أكثر وأكثر.. يوسف عينه تتحرك يمين ويسار ويردد سورة الضحى وهي يدعي ان يلاقيها .. مشعل قلبه ينبض بقوة .. يتذكر لما ضاعت في محل الأثاث .. أول مرة يحس بخوف على شخص كذا .. تخيل إنك مع طفل لوحدكم في مكان .. وهالطفل عزيز عليكِ سواء كنت امه أو أخته أو حتى عمته أو خالته .. وضاع .. الخوف مضاعف وقلبك ينبض 90 مرة في الثانية ..الإثنين كذا ..يحسون بهالشعور يوسف رجع للوحة الي فيها وصف الأماكن الي وقفت عندها جواهر..وصار يبحث عن الأماكن الي تحبها جواهر مشعل يتصل على جوالها ألف مرة .. مغلق مغلق مغلق.. زفر بعصبيه ممزوجة بقلق وتوتر..طَلع من الملاهي بكبرها وتوجه لسيارة اخوه يمكن طلعت هي متنحة وأي شي تسويه مالقاها ..دخل الملاهي مرة ثانية بعد مادفع لهم عشان يدخلونه .. صوت من السماعات : لو سمحتو ..فيه بنت دايخة هنا عند مكتب الاستفسارات.. يوسف عند اللوحة ومشعل الي واقف في نص الملاهي.. زرق وجههم من الخوف .. ينتظرون اسم جواهر! الصوت من السماعات:أتمنى من أهلها يجون عند مكتب الاستفسارات .. البنت اسمها .. وش اسمك يابنتي؟... اسم البنت مريم بنت عبداللطيف...الخ يوسف بلع ريقه ومشعل تنهد بقوة وإرتياح.. عند مكان فيه شخصين متنكرين على انهم بباي وزيتونة.. كان فيه ورود كثااار باللون الأحمر.. وبباي وزيتونة يبيعون باقات ورود..وأمة محمد ملتمين عليهم مبسوطين فيهم واقفة عن الورود وتصورهم ومعجبة بشكلهم ..لون الورد الأحمر مع الأضواء الي تتغير الى الوان مختلفة.. عاطي المكان جو رهيب يتنفس بصعوبة:وأخيراَ..! اتلاشت الابتسامة من وجهها تدريجيا..لفت وجهها بإستغراب :وش فيك .. ليش تتنفس كذا! يوسف سكر عينه وتنهد بقوة وبهدوء :ليش جيتي هنا بدون ماتخبريني؟ جواهر بإستغراب حاسبة نفسها الي سوته صح:مدري عادي .. مايستعدي الموضوع انك تخاف يوسف فتح عينه وبحنية :لا يستدعي..أنا ومشعل لفينا الملاهي كلها ندور عليك والخوف مغطينا من راسنا لأخمص قدمينا..والمشكلة ان جوالك مغلق ! ألف فكرة وفكرة خطرت في بالي! جواهر ابتسمت :آسفة .. يوسف قاطعها :جيتي هنا عشان الورد؟ جواهر ضحكت متفشلة من نفسها.. يوسف بعد عنها وراح يشتري لها بقاه وهي تخبي انبساطها.. تقرب وعطاها الباقة ببإبتسامة واقف يلهث من الركض الي ركضه وهو يناظرهم بألم.. رن جواله .. كان يوسف .. رفعه وهو يناظرهم يوسف وهو يبتسم: هلا مشعل وينك؟ مشعل وعينه متجمدة عليهم..بهدوء:أدور عن بنت عمك يوسف:أبشرك لقيتها مشعل بهدوء:اها الحمدلله..وين لقيتها؟ يوسف :عند مكان في ورود وكذا.. تدري عنها تعشق الورد .. الزبدة اللحين بنرجع البيت مشعل بهدوء عكس النار الي بداخله:اوك طلعو من زحمة الناس ..وتوجهو بيخرجون من الملاهي..لقو مشعل الي نظراته تخونه.. جواهر ابتسمت وهي حاملة الباقة:طفشتك مرتين دورت عني صح؟ مشعل وهو يناظر البابقة الي بيدها :لا استغربت من رده ..مشعل المعتاد كان قالها ايه طبعا وعطاها كم محاضرة ....رجعو البيت صعدو لغرفهم في نفس الوقت.. يوسف قبل ما يدخل غرفته ناظر جواهرو ابتسم:تصبحي على خير جواهر ابتسمت:وانت من اهله ..شكرا على الورد يوسف:العفو ولو الورد للورد انقلب وجهها احمر وهو دخل غرفتها ضحك مشعل بإستهزاء وهو يناظر موقفهم:هه! جواهر ناظرته بنص عين.. مشعل توه بيفتح فمه تجاهلته وتوجهت لغرفتها.. سحبها من يدها بقوة يفجر العصبية الا بداخله:كم مرة اتصلت على جوالك ويطلع لي مقفل!! جواهر بقهر:اترك يدي! مشعل بعصبية:ماراح اتركها الا لما تجاوبيني! ليش مشيتي بدون ماتخبريني وفوق ذلك مخليه جوالك مقفل ليييش! جواهر بعصبية:انتَ تدري جوالي انكسر في محل الاثاث! مشعل ترك يدها تدريجيا..وهو يناظرها بألم..سكت لفترة..بلع ريقه بقوة:كانت تعابير وجهك مختلفة تماما ناظرته بإستغراب مو فاهمة وش يقصد.. مشعل كمل :لما هديناكِ السلسة كنت فرحانه صحيح..بس تعابيرك مختلفة لما اهداكِ الورد ناظرته بصدمة..بقهر:كنت تشوف كل شي وتظاهر انك ماتدري وين احنا! مشعل شد على اسنانه:ماعليك من هالموضوع..أبي أسألك سؤال وتجاوبيني عليه جواهر نزلت راسها وهزته بعدم استيعاب للي يقوله مشعل بجدية:وش شعورك اتجاه يوسف؟ رفعت عينها له وسكتت مشعل بإصرار:جاوبيني جواهر لفت:عن اذنك وقف قدامها :أبي جوابك اللحين.. لاتتهربي جواهر بدون ماتناظره:شعور عادي مشعل بقهر:كذابة! جواهر رفعت عينها له: ليه ! ماكذبت! مشعل :كذبتي والدليل انك تتحاشي تناظريني جواهر تنهدت بإنزعاج: يا الله ..مشعل قلت لك جوابي ماتبي تصدقه بكيفك! مشعل بإصرار:إحلفي ! جواهر انصدمت من اصراره. مشعل ردد:احلفي! جواهر :مثل شعوري لفيصل ورا... مشعل بقهر رفع صوته:احلفي! جواهر بعصبيه: معجبة فيه طيب!!!!! إنتهااااااااااااااااااااا بإنتظار ردودكم السنعة والجميلة وشسمه ذاك البارت طويل لعيونكم ..ان شاء الله يعجبكم .. .gif) | |||||||||
|
| |
|
11-10-14, 02:31 AM
| #34 | |||||||||
| نجم روايتي ومشرفة سابقة وفراشة متالقة بعالم الازياء
| شكراااااااااااا على إنتظاركم لي كل هالمدة وتفهمكم ظروفي .. يابختي بمتابعات مثلكم وكل عام وأنتم بخير يا أحلى متابعات في الدونيا دي كووولها .gif) وشكر خاص لرورو على عدة أشياء ومنها تصميمها الجميل  وهاذي عيديتي لكم أتمنى تعجبكم .. وأبي منكم عيدية ردود سنعة وخذو قلم وورقة اكتبو تعليقاتكم لان الاحداث كثيرة وانا مثل ماقلت لكم ابي عيدية دسمة "فيس يحرك حواجبه">متعطشة للردود ههههه البارت الثاني والعشرون(22) "أرجوكَ...إبتسمي...فَدمعُك� � يجَعل قَلبي يَنفطِرُ ألماً...أقسُم بخالِق الكَون ..أن أمسَح حُزنك هذا .. وأحولهَ إلى فَرح لا تبكين بعدهُ أبدا" مع إنه كان متأكد من اجابتها 99 بالمئة...بس حس بخناجر تطعن قلبه بألم وهدوء:وش اللي يعجبك فيه؟ جواهر زفرت بضيق:طيب ابتسامته هدوءه اسلوبه طريقة معاملته للاخرين حنانه..شخص في قمة الاخلاق مع كل صفة تقولها يزداد ألمه ..سكت فترة..بألم:بس أبوي يعتبرنا أخوه جواهر بقهر:شدخل مهما كان يظل احنا اولاد عم في النهاية ومانقدر ننكر هالشي !"سكتت لمدة ثواني قليلة" بس ليش مُصر تعرف إجابتي؟! مشعل بكذب يخفي مشاعره الواضحة :بس ابي اشوف شعورك اتجاه "أخوي" تبادليه الشعور أولا ...تصبحين على خير جواهر بإستغراب:وإنت من أهله لف ظهره لها واتوجه لغرفته ..وقفت تناظره بحيرة مسك قبضة الباب :أسف لأني ضميتك الليلة! ودخل غرفته انصدمت :مشعل يتأسف مستحيل! مستحيل! في قمة الصدمةوهي تذكر كلامه "أنا مستحيل أقول لمخلوق آسف..تراك مكبرة هالكلمة بزيادة" ............... طِلي بالأبيض طِلي يا زَهرة نيسَان.. طِلي بالأبيض طِلي يا زَهرة نيسَان.. فستانها الأبيض بدون أكمام موديل السمكة ودانتيل .. وعند الخصر حزام موف..طرحتها عند الحواف مزينة بدانتيل شعرها الأسود مرفوع وعاملة ثلاثة جديلات كطوق وغرتها عاملتنها بالفير ..تسريحتها ناعمة عشان مكياجها ثقيل شوي اي شادو موف واضاءة فضية والروج موف على فوشي جالسة على سريرها تناظر نفسها في المراية وتتحسس حاجبها ..تحرطمت بقهر:اففف مو عاجبيني حواجبي قلت لها لا تعرضينهم ماتفهم ذي! جواااااااااااهر وينك دخلت بسرعة وهي ماسكة فستانها الذهبي ون شولدر وعند الخصر تبدأ نفشته الي عبارة عن 3 طبقات الطبقة الي عند الخصر صغيرة بعدين متوسطة بعدين كبيرة ..مكياجها ناعم ويشبه مكياجها في حفلة ملكة سارة اضاءة ذهبية وكحل كات وروج احمر مع بلاشر ترابي ..وشعرها بف خفيف وحاطته على جنب ومعمول بالفير وهي تتنفس بسرعة:لبيه؟ سارة بتحرطم:مو قلتي لي بتعدلين حواجبي اذا رجعنا البيت ؟واللحين سحبتي علي جواهر مشت صوبها :اسفة بس انشغلت مع أمك تحت..بعدين انتي تعرفين للمكياج احسن مني ليش ماتعدلينهم بنفسك؟ سارة تتحرطم:لاااا اخاف اخربهم جواهر والله اذا ماعدلتينهم ماراح اروح القاعة جلست على الارض وبانت نفشت الفستان بشكل جميل:طيب طيب ياصبر ايوب على ماابتلاه ..حطت جوالها على سرير سارة كان بيطيح مسكته بسرعه وهي خايفه ..اخذت محدد الحواجب وجلست تعدل حواجب سارة وهي تبتسم تذكر "عند الدرج بتصعد لغرفتها بصوت عالي:جواهر جواهر لفت له رمى لها علبة فضية أنيقة مزينة بشريطة لونها موف تفاجئت من حركته حاولت تمسك العلبه بسرعة قبل لا تطيح فأظطرت ان تضم العلبه :تظني واحد من الشباب عشان ترميها لي كذا؟ مشعل غمز وهو يتقرب لها : ما استبعد هالشي ! كشرت في وجهه ..مشعل :افتحيها فتحتها ..ابتسمت لا اراديا :جوال! وش المناسبة؟ مشعل وهو يحك رقبته بتوتر :عشان عيد ميلادك جواهر بإستغراب:هاه! أي عيد ميلاد ! اليوم مو عيد ميلادي ! مشعل بكذب :امبلا بس انتي ماتدرين جواهر : باقي على عيد ميلادي كثير ! مشيعل اعترف مشعل عطاها ظهره وهو يمشي عنها بتهرب:قلت لك عشان عيد ميلادك ماتفهمين انتي جواهر ابتسمت تدريجيا : ااااهااا قل عشان ذاك اليوم لما انكسر جوالي ومالقيتني لازم تكذب يعني مشعل ابتسم بنبرة لا مبالاة:كيفك لاتصدقين.. انت اصلا معاك الزهايمر ماتذكرين ان اليوم عيد ميلادك جواهر وهي تضحك وتعانده: هههههههههه لا تكمل كذبة انا كاشفتها ..تخاف علي صح صح صح مشعل وهو يهشها : بالعكس اتمنى تضيعين مرة ثالثة ومانلقاكي ونفتك منك!" ........................... جالسة في الصالة تتفرج على التي في لين ماتخلص ملاك وفاتن شوق :هالفلم قد ماشفته ما أمل منه آآآخ لو اقدر اسوي لي فشار واجلس اكل وانا اتفرج بس اخاف يروح الروج وانا ماعندي مثل لونه :اشتري لك مثله ولا يهمك وانا كم شوق عندي شوق لفت راسها لجهة الصوت ابتسمت :اهلين بابا ..ليش بعدك ماتروح العرس؟ جاسم ابتسم :عندي كم شغلة لازم اخلصها وبعدين اروح ..وانت ليش جالسة هنا لوحدك ؟وينهم ملاك وفاتن ؟ شوق رفعت حاجب :المتفرغات توهم يحطون لهم مناكير قلت لهم حطوه لكم في الصالون بس ماطاعوني واللحين بيأخرونا على شي مايسوى جاسم ابتسم لها ..مرت فترة وهو ساكت يناظرها ..:بعدك تكلمين سلطان ؟ شوق ونظرها على التي في بلعت ريقها :بصراحة ايه جاسم :وش رايك بأخلاقه وكلامه ؟تحسيه يناسبك ؟ شوق ناظرت ابوها وهزت راسها بإيه جاسم ابتسم بحنية :اسمعيني شوق ..انا ما أمنعك تكلمينه وتتعرفين عليه .. بس أبيك تنتبهين زين ..لا تتعلقي بكلامه ووعوده لأن مهما كانت وعوده حلوة وتلامس القلب بس يظل هو بعده ما عقد عليك ولا حبك عشان ينفذها فاهمة عليي؟ شوق ابتسمت :أكيد في الفلم تقدم شاب لبنت ومد يده لها عشان ترقص معه مع موسيقى هادئة جاسم مد يده لشوق وابتسم يقلد الفلم:هل تسمحين لي برقصة ؟ شوق ضحكت .. دائما تحس ابوها مو بس أب لها تحسه كصديق وأخ لها اخذت بيده وقامت من الكنبة.. كانت لابسة فستان عودي مخمل وعند الخصر حزام عريض ذهبي شعرها الكيرلي بطبيعتها رافعته ومملسته وهذا شي غريب من شوق لأنها بالمعتاد تبقي شعرها كطبيعته كيرلي حط يده وراء ظهر بنته وشبك اصابعه بأصابعه وهي حطت يدها على كتف أبوها ويقلدون الفلم وهم يضحكون على رقصهم جاسم باس جبهة بنته بحنية :أنتظر الليلة الي بتكونين فيها أحلى عروس يابنتي شوق ابتسمت جاسم وهو بضحك:راح أعلم سلطان هالرقصة عشان يرقصها معك شوق ضحكت وغمزت لأبوها:بس ماراح يكون أحسن منك بعدها عنه ورجعها بسرعة لعنده مثل الرقصة الي في الفلم وهو يتذكر " كانت واقفة تحط الصحون على بعضهم عشان توديهم المطبخ بعد العشاء على الشموع الي عمله لها جاسم شغل موسيقى رومانسية وتقرب لها واخذ الصحون من يدها وحطهم على الطاولة ..مد يده :اولا قلت لك لا تسوين شي الليلة كل شي علي ثانيا هل تسمح السيدة أزهار بالرقص معي؟ ازهار حطت يدها على فمها وضحكت بخجل ..بعدت يدها من فمها ومدتها له : سوف اسمح لك لأنك رجل وسيم ابتسم لها ورقص معها .. ازهار ببابتسامة هادئة : ايش هي المناسبة عشان تعمل كل هذا؟ جاسم قرب فمه من اذنها وهمس : لازم توجد مناسبة عشان الرجل يدلع حبيبته فيها ؟ ازهار ابتسمت بقوة ووجهها حمر :طيب .. ممكن أصنع لهالليلة مناسبة؟ جاسم ابتسم : اممم طيب ازهار بنفس الابتسامة ووجهها احمر : الاسبوع الماضي لما كنت في بيت امي ورحت المشفى معها اعمل فحوصات شاملة .. وامس اخذت النتيجة .. وتفاجئت بخبر ماتوقعته سكتت وهي تناظر عينه بتردد.. جاسم :ايوه كملي على محاذاة الرقصة بعدها عنه ولما بعدها نطقت :أنا حامل قربها لصدره بسرعه وبصدمة :تمزحي؟" جاسم ابتسم بألم.. شوق ناظرته وبهدوء :أعرف هالإبتسامة .. لحد اللحين جدتي تفاتحك بموضوع الزواج؟ جاسم بنفس اللابتسامة:ايه شوق: وانت؟ بتزوج؟ جاسم تنهد بضيق: مدري..لما تفاتحني امي بالموضوع استخدم عقلي وافكر بوعي..بس بعد مدة ارجع ارفض الموضوع..اكتشفت ان ازهار ما سلبت قلبي وبس ..سلبت عقلي كمان ترك شوق بهدوء وابتسم :آسف مابي اعكر مزاج بنتي ووراها الليلة حفلة بنت عمها ..يلا استمتعي انا بروح العرس شوق ابتسمت له بمكابرة :مع السلامه طلع وهي تنهدت بقوة ..بعدت غرتها عن عينها .. ناظرت يدها وناظرت الارض الي عليها سوار ذهبي ناعم .. تأففت:افف متى طاح ذا من يدي ؟ اخذته من الأرض وحاولت تسكره ماعرفت .. صعدت فوق دخلت غرفتها :هيه فاتن أو ملاك وحدة منكم تسكر سواري فاتن وملاك واقفات قبال المكيف ومادات يدهم شوق طلعت عينها من مكانها :هيه انتم الثنتين تايتينك على غفلة! فاتن لفت لشوق :هذا عشان ينشف المناكير بسرعه شفهمك انت ملاك لفت لها :وشسمه ذاك مانقدر نسكره لك بعدين يخترب المناكير شوق زفرت بقهر وراحت لغرفة وليد عشان يسكره لها بتدخل الممر الي فيه غرفة وليد وقفها كلام راشد راشد بعصبيه :آها ! وليد كم سنة صار لك وانت تحبها ؟ وليد بضيق:6 سنوات راشد ضحك بإستهزاء: ههه ..هاه شفت ان الي تسويه مسخره ! ست سنوات انت مجنون فيها وهيي ماتدري عن هواء دارك .. ولا حاولت تقدم على اي شي سواء انك تعترف لها او تتقدم لخطبتها وليد :صعب! راشد بعصبيه :وش هو الصعب بالضبط ؟ إنك تعترف لها أو انك تتقدم لها او انك تظل تحبها لمدة طويلة وهي ماتدري؟ شوق عقدت حواجبها بفضول وليد بقهر :سكر الموضوع انت مالك دخل راشد : وليد صدقني كلامي في مصلحتك .. ترا الي يتقدمون لجوري كثير أخـ شوق لما سمعت اسم جوري شهقت بصدمة راشد ووليد سمعو راشد مشى صوب صوت الشهقة شوق حطت يديها على فمها وركضت تهرب راشد شافها وهي تركض وعقد حواجبه لف راسه لوليد :شوق ! وليد ضرب جبهته بقهر ..رن جواله شاف المتصل :هذا أبوي ..يلا انا بتقدم لا تطول كثير راشد : مو بيدي انتظر الخبلات يخلصون عشان اوصلهم وليد نزل وفي داخله "الله يستر !" في الجهة الثانية دخلت الغرفةوهي تتتنفس بقوة ومصدومة فاتن بإستغراب :وش فيك ؟ ملاك ناظرت يد اختها :ليش مالبستي السوار ؟ شوق وهي تهشهم وتتوجه لعباتها تلبسها :ولا شي ولا شي ..انزلو يلا فاتن وملاك ناظرو بعض بحيرة فاتن اخذت شنطتها المستطيلة الحمراء ومشت :طيب انتظركم تحت لا تتطولون ملاك وهي تلبس شيلتها :طيب طفشتينا طول اليوم وانت ماعلى لسانك الا هالجملة فاتن :ايه طبعا هذا مو عرس اخوكم عادي عندكم تتأخرون ..الشره علي الي جايه معكم بس وش اسوي لما ترجيتوني كسرتو قلبي ملاك شهقت :يااااااكذااااابة متى ترجيناكي؟ فاتن طلعت من الغرفة وقبل ماتسكر الباب طلعت لسانها لملاك تغيظها ..ونزلت للصالة واقفة تنتظرهم بملل ... :واااااو شنطتك حمراء يعني لابسة احمر لفت له ابتسمت تغيظه :وااو مررره ذكي بصراحه صدمتني بذكائك تقرب لها وهو يضحك عشان ينرفزها ..لفت وجهها تتأفف راشد بخبث: طالعة حلوة الليلة ناظرته بأنقراف : ترا مالي خلق استهزائك راشد بخبث: لا ابد ما استهزء فيك .."ناظر عينها بجرأة" اسم على مسمى طالعة تفتنين ناظرته بصدمة من متى راشد يمدحها .. نظرته وترتها ..شدت يدها على شنطتها راشد بنفس النبرة :بس قبل ماتطلعين غطي وجهك ...اخاف احد ينفتن فيك غيري بلعت ريقها بقوة مصدومه..غيري!!! راشد:آوك؟ رفعت حاجبها تكابر:لا!..مو انت الي تملي علي أوامرك! راشد انقهر..شد على اسنانه :اسمعي الكلام وغطي وجهك فاتن بنفس رفعة الحاجب : وبأي قرابة تلزمني اسمع كلامك؟ راشد رفع حاجبه وابتسم: انك تعشقيني! طلعت عينها من مكانها وضحكت بسخريه :هه!..هههههههههه ياحرراااام كسرت بخاطري ..بالعكس تماما انا " شدت على الكلمة"اكـرهــك! راشد بنفس الابتسامة ورفعة الحاجب: مو مشكلة دائما الكره الشديد يتحول لعشق بعدين فاتن ضحكت :هههههههههه لو كلامك صح كان كل الي يعرفك يعشقك! راشد نزل حاجبه بقهر وقرب لها اكثر : إنتِ سرطان في حياتي! فاتن ابتسمت بنذالة وهي تبعد عنه :وهذا شرف لي ! نزلو شوق وملاك وهم يتهاوشو كعادتهم فاتن بصوت عالي :راح اسبقكم شوق:طيب قبل ماتمشي ناظرت راشد وابتسمت له بنذالة وراشد يناظرها وهو يغلي من القهر .............يتبع | |||||||||
|
| |
|
11-10-14, 02:32 AM
| #35 | |||||||||
| نجم روايتي ومشرفة سابقة وفراشة متالقة بعالم الازياء
| في قاعة فخمة وكبيرة جدا .. انيقة بتصميمها واللون الذهبي الي يبرز هالأناقة واقفات بنات في عمر الزهور بأناقتهم وجمالهم الي يشهد عليهم الكل .. وكل وحدة تمتاز بشخصيتها وصفاتها ربطت بينهم علاقة دَم وقرابة .. وهم مارضو بإن تكون علاقتهم قرابة وبس .. قوو علاقتهم بصداقة بيناتهم اخذت بعض من شعرها ورجعته وراء اذنها :انتم ليش واقفات هنا وتاكلون ؟ ماراح تعجب فيكم ولا حرمة بيقولون عنكم مفاجيع جواهر ضحكت بخفة :بنات ادعو لجميلة ان تعجب فيها حرمة وتنخطب وتفكنا من هالسيرة جميلة رفعت يدها :يااارب فاتن ناظرتها بنص عين :أختي مو طبيعية ! ولا يهمك أنا بدعي لك بعد ! جميلة ناظرتها بصدمة :شصاير الشمس طالعة من الشرق اليوم ؟! غرام هزت راسها :آآ مم هو واقعا هي دائما تطلع من الشرق البنات ضحكو جميلة دفت غرام بخفة وهي تناظر فاتن وتضحك :ياحيوانة ليش تكلمتي وخليتي البنات ينتبهون غرام ضحكت وهي تبعد يد جميلة : ههههه شسوي لك الغباء يقووطر منك من كلمة تشرق الشمس تعرفين انها تطلع من الشرق جميلة : اعقلي عني غرمو .. ايه فاتن ليش شالسالفة بتدعين لي بالمعتاد انت تهاوشيني وتعانديني ماتدعين لي فاتن رفعت حاجبها : لا تنبسطين كثير .. عشان تصير الغرفة لي لوحدي وبس جميلة كشرت : مالت عليك من اخت .. 5 خوات ولا وحدة فيكم تدعي لي غرام : جميلة لا تفكرين بهالشي من اللحين .. انتظري لين ما جوري تزوج بعدين يتحول حكم الكونتيسة شيخة عليك جميلة تنهدت : اي والله .. متى بس تعتقيني ياجوري جوري بعدت كاس العصير من فمها وابتسمت ابتسامة خفيفة ..وبعدت نظرها للي جالسة على الكرسي كانت تتكلم بحماس كعادتها وتضحك .. لفت وجهها شيخة والتقت عينها بعين بنتها جوري .. اختفت ضحكتها وجوري ناظرتها بعتاب وهي تذكر " طقت الباب بهدوء كعادتها .. دخلت بهدوء ومشت بخطوات مدروسة ناحية أمها الي جالسة على السرير ومنقهرة .. ماجاتها نفسها تنام أمها وهي مضايقة .. جلست على ركبتها عند رجل شيخة.. شيخة لما شافتها لفت وجهها بسرعه .. اخذت يد امها وباستها بخفة رفعت عينها لأمها وابتسمت بهدوء: آسفة يمه ..آسفة لأني رفعت صوتي عليك وقلت كلام مفروض ما أقوله ..آسفة عشاني أحرجتك وجرحتك ..آسفة شيخة وهي صادة عن جوري : مو هذا الشي الي مفروض تتأسفين عليه ..المفروض تتأسفين على خسارتك لعدنان جوري ابتسمت وبحنية :آسفة .. لاتزعلين مني شيخة لفت راسها لجوري وناظرتها بحدة :المشكلة ان الأسف ماراح يرجعه.. صدقيني بتندمين لأنك خسرتيه جوري ببإبتسامة : بس يمه أنا مارفضته بدون سبب .. أنا عندي سببي ..يمه انا مقدر اتخيل اني اتزوج من شخص بدون شهادة .. واقبل كل كلامك ونصايحك بس في النهاية انا الي مفروض ارفض او اوافق .. وانا رفضته وعندي سببي لأنه الشهادة مهمة بالنسبة لي و.. سكتت منصدمة من الكف الي جاها من أمها وهي تتكلم بهدوء وأسلوب محترم شيخة بعصبية :أطلعي براااااااا أطلعي اذا بيظل تفكيرك تافه كذا راح تصيرين عانس وخل الشهادة التافة تنفعك ! سكتت وهي تناظرها والدموع متجمعة في عينها بس ماتبي تنزلها ..طلعت محافظة على ماتبقى بكرامتها " شتت تذكرها يد على كتفها .. لفت وجهها جوري :هلا شوق؟ شوق بتردد :أبي أقول لك شي جوري عقدت حواجبها بإستغراب.. شوق بهمس :بس ماتقولين لأحد إني قلت لك جوري لفت لشوق بكاملها بإهتمام :شوق تكلمي ترا بديتي تخوفيني شوق بلعت ريقها بقوة وسكتت لفترة .. وجوري تناظرها بقلق .. شوق :وليد جوري بخوف :شفيه ؟ شوق بلعت ريقها وبسرعة :يعشقك ! جوري ناظرتها بصدمة :كذابة! شوق :والله ! جوري ناظرتها مو قادرة تستوعب الي تقوله .. قاطعها ان سارة دخلت شوق بعدت عشان تجلس مكان تقدر تشوف سارة عدل جوري تناظر زفة سارة وبالها مو معها .. "وليد:أنا ياجوري أنا .. أحـ... أحس ان يبيلك تنظفين عباتك .. عباتك وسخه من تحت ! جوري بفشلة : أوك شكرا بس حركت رجلها كانت بتمشي .. وقفها صوته : لحظة! جوري ؟؟؟؟ وليد بشجاعه : جوري قولي عني الي تبي تقوليه بس انا بصراحه .. جد ما امزح معك .. انا احب... انا احب البقرة الي في شنطتك! ناظرته بتناحة وش قاعد يقول ذا المحشش " كان يحاول يعترف لي .. طيب اذا هو يحبني وش الي يمنعه من ان يتقدم لي؟ .. اصلا انا مو قارة استوعب الكلام لاني ما احبه ولا حتى معجبه فيه! ................... عند الرجال .. واقفين جنب بعض ويسلمون على المعازيم ..الشبه بينهم معدوم في كل شي يوسف بهمس بدون مايناظره:شفتها اليوم ؟ مشعل بدون نفس :لا وانت ؟ يوسف : نفس الشي مشعل اخترب شماغه مع السلام .. يحاول يرقع فيه بقدر الإمكان يوسف ناظره لفترة .. تنهد ومسك شماغ مشعل يعدله له .. مشعل ترك يوسف يعدله له لأنه مو صحابة مع الشماغ يوسف خلص من تعديل الشماغ : يبغالك كورس مع الشماغ مشعل وهو يرتب ياقة ثوبه : شكرا يوسف ناظره : وش قلت ؟ مشعل ناظر يوسف : شكرا ! يوسف : من متى مشعل يقول شكرا واخواتها ؟ مشعل ابتسم :بعد محاضرة جواهر يوسف رفع حاجبه قاطعهم أبوهم أبو يوسف :واحد منكم بيرجع جواهر البيت والثاني بيشيل بعض الاغراض من قاعة الحريم يوسف ومشعل في نفس الوقت :أنا بارجع جواهر! ابو يوسف رفع حاجبه ونقل نظراته بينهم : أنا اللي أقرر! سكتو منسوفين الجبهة أبو يوسف :يوسف ترجع جواهر ومشعل تشيل الاغراض يوسف ابتسم مشعل بقهر يحاول يخبيه :ليش؟ أبو يوسف ناظر مشعل وبحدة : لما تكون رجال ينوثق فيه إسأل ليش ومشى .. مشعل غلى قهر وناظر يوسف الي ابتسم رن جوال مشعل رفعه : ألو هلا يمة يوسف ناظر مشعل لما سمع كلمة يمه انرسمت على وجه مشعل ابتسامة خبيثة : انا اللي ارجع جواهر بيتنا ؟ اكيد ليش لا ! يوسف ناظره مصدوم سكر من امه .. وابتسم ليوسف بنذالة ورفع كتفه بمعنى مالي دخل يوسف :واللحين ؟ أبوي يقول شي وأمي شي ثاني ؟ مشعل بخبث :ليش مو شي ثاني الي يقرر ؟ يوسف ابتسم :مثلا؟ مشعل ببإبتسامة رفع يده : نتكاسر! يوسف :وين ياذكي ؟ مشعل : في الغرفة الي دخل منها فيصل ناظرو بعض بحدة لفترة وابتسمو وهم يمشون للغرفة دخلو ووقفو عند طاولة يحطون يديهم عليها فارس كان يعدل غترته في الغرفة وفزاع يشحن جواله ناظروهم مستغربين يوسف وهو يبتسم :استعد للخسارة مشعل ميل راسه وابتسم بخبث:لا تقول كذا بعدين تندم .. 1 .. 2..3 ..قو بدأو بنفس القوة يدينهم ماتحركت من مكانها فارس وفزاع ماصدقو خبر جلسو يشجعوهم : يلااااا مشعل .. الفوز لك يوسف .. يلا طلعوا كل قوتكم مشعل بدأ يتغلب على يوسف وينزل يده .. يوسف يشد على اسنانه يحاول ماتنزل يده بقدر الامكان فزاع لف لفارس:انت تشجع مين ؟ فارس هز كتفه : الي يفوز! فزاع ضحك وصارو يشجعونهم :يلااا ماباقي عليك شي وتغلبه .. يلا يوسف لا تخليه يتغلب عليك مشعل ابتسم وهمس : اووبس شكلي انا الي برجع جواهر يوسف ناظره بقهر وطلع قووته وبدأ ينزل يد مشعل فزاع وفارس مبسوطين : ايوووه يوسف احرز تقدم .. افااا مشعل لا تخسر قدامه يوسف ضحك بخفة:هاذي كل قوتك ؟ مشعل ابتسم ابتسامة جانبية :اخاف اكسرلك يدك ! يوسف انقهر من استخفاف مشعل له: لا تخاف انت مو بذيك القوة مشعل رفع حاجبه وبدأ ينزل يد يوسف بكامل قوته فزاع وفارس: ييييييس والفائز هو مشعلللللللل يوسف مسك يده بقهر.. مشعل ضحك بنذالة :لا تفكر مرة ثانية تتكاسر مع واحد يحمل حديد ! أتمنالك وقت سعيد مع الأغراض الي في القاعة "وضحك بقوة وهو مبسوط " ................ واقفين على كوشة سارة ..الي تعطرها والي تعدل روجها والي تعدل طرحتها والي تهديها وتقول لها محاضرات سارة بإنزعاج :الله ياخذك رانيو رشيتي على عيني ! رانيا بتوتر:وش مدريني انا, البنات حواليك وانا ارش وبس زين اصلا يوصلك العطر! جميلة بعصبية :ساااارةَ!ليش تكلمتي شفتي خربتي الرووج! سارة بخوف :يااربييه يلا يلا عدليه بسرعه .. فاتن وهي تأشر على خدود سارة :آآآم تحسون ان البلاشر اختفى ولا يتهيأ لي؟ شوق ناظرت خدود سارة :لا صح كلامك سارة بعدت يد جميلة عشان لا تخرب الروج اكثر :قولو قسسم! روحي جيبلي البلاشر بسررعه قبل لايدخل فييصل! جواهر ناظرت رانيا :يلا روحي جيبي لها البلاشر! سارة بعصبية:أنا أقول لك انتي! جواهر فزت مخترعة : طيب ! رانيا حركت حواجبها لجواهر وهي تضحك :هههه ويلللي تهزأت هاههاها جواهر ناظرتها بنص عين :سخيفة! سارة :جواااهر وش تنتظرين! جواهر :طيب طيب ..يارباه زدني صبرا لنهاية الحفلة وتنزل بسرعه من الكوشة وتطيح ذيك الطيحة الي خلت الكل ينتبه لها البنات تجمدو يناظرونها بصدمة والناسس الي تقول بسم الله عليك والي تضحك وهي تناظرهم وتبتسم بفشلة ..غطت بيد وجهها وباليد الثانية ترفع فستانها وتركض لغرفة العروس تجيب البلاشر في ملكة سارة وزواجها فجأة تتحول لبات وومن وتركض.. فتحت الباب وصارت تدور عن شنطة المكياج طولت وهي تدورها في كل الغرفة واخيرا شافتها شنطة جلدية سوداء تحت الكنبة اخذتها وصارت تدور البلاشر سمعت صوت الباب يتسكر ..لفت وجهها لوراء :إنت وش جابك هنا ؟ تقدمت لها تتمخطر بغرور :فيصل دخل وانا ماعندي عباءة جواهر بحدة:غريبة عرفتي الستر!.."فتحت عينها على اوسعها" افف دخل فيصل وأنا ماوديت لها البلاشر!! رفعت حواجبها وابتسمت بنذالة ..:يقولون معاك الربو يااحرااام جواهر وقفت عن تسكير الشنطة بحدة :وش عرفك بهالشي؟ فرح تقربت لجواهر وهمست بأسلوب ينرفز:عندي مصادري الخاصة "تقصد اختها مرح لما طيحت جواهر في بركة مزرعة أبو فزاع بأمر منها " جواهر لفت لفرح وناظرتها بقوة ..وبجدية :وش مناسبة هالكلام ؟ فرح بشفقة :يعني ..أقول إن يوسف يحبك شفقتاَ عشانك مريضة لا أكثر جواهر ضحكت بقوة فرح اتجمدت مستغربة :وش فيكِ تضحكين مثل المجنونة ؟ جواهر ابتسمت بنذالة :أصلا يوسف مايدري بهالشي فرح غلت قهر :انت هيه ..اسمعيني زين كرهي يوسف فيك انقلعي عيشي في بيت ثاني المهم ان تبعدي عنه فاهمة ؟ جواهر بإستخفاف:وإذا مابعدت وش راح تسوين لي؟ فرح بقهر : راح أوديك في ستين داهية حتى لو اظطريت ان اقتلك ..اتركيه سامعتنيييي! جواهر ضحكت بإستخفاف:أعلى مابخيلك أركبيه فرح ضغطت على أنف جواهر بقوة :لما أقولك شي تنفذيه فاهمه جواهر بعدتها بقوة عنها :ابعدي عني يامجنونة! فرح :قلت لك اذا مابعدتي عنه راح اسوي فيك الي مايسويه الشيطان فاهمة جواهر قربت من فرح وبقهر شدت على اسنانها :طبعا لأنك الشيطان بذاته .. وحاولي تتحلي بشوية كرامة اذا الرجال مابغاك اتركيه مو تنشبين له بحركاتك القذرة ! فرح ضغطت على أنف جواهر مرة ثانية لأن هاذي من نقاط ضعفها جواهر حطت يدها في وجه فرح وبعدتها :انقلعي عني ياحمارة! انفتح الباب ..بصدمة :جواهر! جواهر أنفها أحمرمن ضغط فرح عليه وتتنفس بقوة لفت وجهها للصوت ..بلعت ريقها بقوة فرح استغلت الموقف وجلست تنزل دموعها الكاذبة :اهئ شفتي ياجدتي اهئ اهئ حفيدتك تكرهني كثير اهئ الجدة تقربت لهم وبصرامة :جواهر ليش سويتي كذا ؟ جواهر توها بتتكلم ..تكلمت فرح علطول:تخيلي ياجدة عشاني بس قلت لها يلا عقبالك نفرح فيك قامت تضربني وتقول لي ليش شايفتني عانس اهئ اهئ تكرهني جواهر طلعت عينها من مكانها وش ذا الكذب !!! الجدة تأثرت بدموع حفيدتها وهذا الي خلاها تصدق :خلاص يافرح مسحي دموعك يابنتي "لفت لجواهر وبحزم " أنا غلطانة لما عطيتك فرصة ..بانت حقيقتك انت مثل أمك بالضبط ..قليلة أدب! جواهر تبي تدافع عن نفسها :فرح تكذب هي الي .. قاطعتها الجدة بعصبية :ولك عين تكذبين بعد!! ماكفاك الي سويتيه في البنت! جواهر ناظرت فرح :انت قولي الحقيقية .. فرح مثلت انها خايفة ووقفت وراء جدتها :جوج انا والله احبك ليش انت تكرهيني كذا وتفترين علي؟ جواهر زفرت بعدم تصديق:هه! الجدة بحدة تجرح :للأسف ملامحك مثل أبوك بس شخصيتك مثل شخصية أمك ! اقلب الجرة على فمها تطلع البنت على أمها وقحة وعديمة تربية! فرح ناظرت جواهر وابتسمت بنذالة ..وجواهر تناظر الجدة وتناظر فرح والدموع متجمعة في عينها الجدة : فرح اخذي عباتك واطلعي ..طلعت من الغرفة وهي منقهرة .. فرح اخذت عباتها الي كانت على الطاولة ..حركت شعرها بغرور وابتسمت لجواهر بخبث ولحقت جدتها جواهر مسكت ذراع فرح قبل ماتطلع فرح ناظرتها بإشمئزاز :هيي انت اتركيني! جواهر وهي تبلع غصتها وبعينها الغرقانه دموع تناظر فرح بحقد ..وهي تحاول ماتنزل دموعها وهي تتكلم: أنا شفت ناس حقيرين بس مثلك ما شفت .. انت وصلت لمستوى اعلى من الحقارة .. فوق الحركات الي سويتيها تكذبين بعد ! ليش أنا وش سويت لك ؟ وش ذنبي اذا يوسف يحبني ؟ ليش انا ساحرته مثلا ؟ فرح زمت شفايفها :يمكن ..كل شي منك متوقع! ناظرتها جواهر بصدمة فرح بعدت يد جواهر عندها وصارت ترول شعرها بدلع :ياحرااام كسرتي خاطري ..يتيمة ومريضة واللحين جدتك صارت تكرهك ! عقبال ما يوسف يكرهك بعد هههههههههه أه صح نسيت .. ابعدي عن مشعل بعد لأنه لمرح أوك ؟ جرحت جواهر بكلامها وطلعت .. كانت بتطلع جواهر وراها,فرح سكرت الباب قبل ماتطلع .. جواهر رفست الباب بقهر ..غصبا عنها بكت من قوة قهر..مسحت دموعها بسرعة وزفرت :صار الوقت الي اعلن فيه حربي عليك ..تحملتك كثير بس نفذ صبري .. اخذت عباتها تلبسها : مو وقت الدموع الليلة ..سارة تعتمد علي! طلعت وهي مستجمعة قوتها ..وتوجهت للطاولة الي متجمعين عليها البنات عشان يحشون جميلة :جوج وينك من زمان فاتك كثير! جواهر بحدة :كانت قدامي حشرة ولازم ابعدها! جوري ناظرت عين جواهر الحمراء وكأنها فاهمتها ..همست لها :جدتي طلعت من غرفة سارة وهي منقهرة منك جواهر بدون ماتناظر جوري :ايه جوري بنفس الهمس :وفرح ماوقفت ضحك وابتسامة من لما طلعت وراء جدتي جواهر بعصبية :حقيرة! جوري ناظرت انفعال جواهر بتركيز .. سكتت فترة بتردد :ما أتوقع فرح تكرهك لهدرجة بس عشانك تعيشين مع يوسف في نفس البيت! جواهر زفرت بضيق وهمست لجوري: تكرهني لهدرجة عشان يوسف يحبني ..هذا سر بيني وبينك جوري شهقت بصدمة .. البنات ناظروها جوري انتبهت للبنات.. بكذب :قولي قسم مو عاجبتك الكوشة بالعكس مرة حلوووة! جواهر بترقيع:عادي كل شخص وذوقه! شوق:اسمحي لي جواهر بس انت ماعندك ذوق الكوشة خيالية مرررة تهبل جميلة بحالمية : ومع الأضواء الرومانسية تخليها أجمل اااه جواهر همست لجوري:فضحتينا! جوري بهمس:آسفة ماقدرت أكتم انفعالي!..طيب هي وش دراها! جواهر :مدري عنها من زمان وهي تقول يوسف يحبك ويحبك قبل مايعترف لي ..على نفس الطاولة..ملاك قالبة كرسيها لجهة الكوشة بحيث تصير فاتن وراها .. همست ملاك لفاتن :تتوقعين فزاع حضر العرس؟ فاتن بهمس :أتوقع .. وش الي جابه على بالك ملاك زمت شفايفها : بقولك بس ابيك تاخذي كلامي بشكل جدي فاتن :ايش؟ انك معجبة فيه ؟ ملاك لفت لفاتن بصدمة :كيف عرفتي؟ فاتن :ملاك خلينا نكون صادقين كل مرة اجلس فيها معاك تتكلمين عنه ..حتى النوتات الي حطهم مع البيتزا احتفظتي فيهم ..اتعلقتي فيه كثير..حاولي ماتتعلقين فيه اقوى من كذا ملاك صدت عن فاتن :لما تقابلي رجال شهم وحنون مثله جربي انك ماتتعلقين فيه! ..عند سارة وفيصل ..وقت طلعتهم ..سارة ماسكة بيد يد فيصل وباليد الثانية باقتها .. لفت وجهها للبنات وغمزت لهم غرام بعدت الفطيرة عن فمها : اللحين بتسوي حركتها الي وعدتنا بيها ؟ جميلة :يب هي قالت اذا غمزت تجهزو فيصل وسارة مشو ناحية الغرفة عشان سارة تلبس عباتها وتطلع من هناك البنات وقفو وراها ..سارة وهي عاطتهم ظهرها رمت باقتها لهم البنات حاولو يمسكون الباقة وأكثر وحدة جميلة طبعا كانت الباقة بتصيب وجهها فمسكتها بسرعه عشان ماتضرب وجهها .. بلعت ريقها بقوة هي الوحيدة الي ماحاولت تمسكها وصارت عندها البنات ناظروها .. جميلة :يارب يارب يارب عشان تعتقيني! فيصل لف وجهه :مبروك مقدما جوري! سارة ضحكت ودخلو الغرفة جوري عطت الباقة جميلة بسرعة :خذيها! جميلة بإستغراب:بسم الله عليك وش فيك تراك مسكتي باقة مو قنبلة ! فاتن ضحكت :سالفة الزواج وراك وراك ..عن اذنكم بدخل الغرفة عشان اسكر الباب وراهم جوري كشرت مشت عنهم وهم يضحكون :جوري جوري رفعت عينها :نع.. سكتت شيخة تنهدت :على.. السالفة ... الي صارت جوري ساكتة تنتظر أمها تكمل شيخة بندم : على الكف .. الي "تنهدت" انا عطيتك ايه .. اتمنى انك مازعلتي ..أنا "سكتت شوي" ..أنا أسـ جوري قاطعتها : مو مهم .. أنا طبعا مسامحتك بس المهم انتي الي تسامحيني شيخة ناظرتها بندم : يعني أنا الي كنت بجبرك وانا الي عطيتك كف.. لا موكف كفين .. وفي النهاية ماتبيني حتى اعتذر وتبيني اسامحك على شي عادي ؟ جوري : لأنك أمي شيخة ضمتها بقوة وببحة :جد كلامك انت الوحيدة من عيالي الي تحترميني جوري ابتسمت بخفة .. أم يوسف بصوت عالي :شيخة تعالي احتاجك لحظة شيخة بعدت عن جوري ..ابتسمت لها ومشت صوت مسج .. "عرس الرجال فخم جدا عجبني في اخوكِ إنه طول الوقت يبتسم.. بس عرس الحريم افخم بكثيير على فكرة اللون الوردي مرة حلو عليك ..وو كيف زبطت خطتكم مع العروس ؟ مين مسك الباقة ؟ أتمنى تكوني انت .. واوعدك عرسنا راح يكون احلى بكثيير ههههه فارسك المجهول " جوري انصدمت .. يدري عن لبسي مو شي غريب عليه ..بس انه يدري عن خطتنا مع سارة..وكلامه عن فيصل ..هذا اكيد حضر العرس.."رفعت عينها بقهر"..اذا انتي يافاتن راح اذبحكككك مشت بقهر الى غرفة العروس وكل شريط ذكرياتها مع الفارس المجهول ينعرض قدامها ويزيددها قهر دخلت الغرفة وهي منقهرة حدها..صرخت :فاااااااااااااااااتن ! كانت بتمشي..وقفت تستوعب الي قدامها كانو وليد وفارس ويوسف وفهد في الغرفة يحملون بعض الاشياء وقفت بتناحة تناظر كل واحد وردة فعله فارس لف وجهه وغطاه بالشماغ ويضحك على الهزاز يوسف نزل راسه وابتسم وليد توتر وهو يناظرهم والغيرة ذابحته فهد خزها وهو يبتسم بنذالة شوي شوي تستوعب وليد بقهر صرخ:جووووووري اطلعي!!!! جوري فزت من صرخة وليد وطلعت بسرعه من الغرفة .. سكرت الباب وهي حاطة يدها على قلبها منصدمة فاتن تقدمت لها منصدمة :لحظة ..انت دخلتي هنا؟! جوري هزت راسها بإيه فاتن انفجرت ضحك :هههههههه ياغبية هنا عيال اعمامك يشيلون بعض الاشياء نبهت علينا زوجة عمي ليش دخلتي !هههههههههههه شكلك مخططة على واحد فيهم هههههههههه جوري رفعت راسها لها بقهر:غبية!طبعا لا! من حلاتهم هم وخشتهم كلهم يضحكون او يبتسمون وواحد صرخ علي بعد .. الا صححح تعالي انت فاتن رفعت حاجبها :خير! جوري شدت على اسنانها :مقلبك بايخ كثير..انا ما اتخيل ان اخت تسوي في اختها كذا فماراح احكم عليك بدون ما أسألك فاتن تناظرها مو مستوعبة الي تقوله جوري تسألها بطريقة غير مباشرة عشان اذا مو هي ماتعرف السالفة :انت عندك رقم ثاني؟ فاتن عقدت حواجبها وبإنفعال:طبعا لا ! لو عندي كان اكيد عندكم رقمي! جوري تأففت ..تذكرت ابتسامة فهد الخبيثة .. ف.ا.ر.س.ك ا.ل.م.ج.هـ.و.ل...ف.هـ.د....الاسم� �ن مايتشابهو الا في أول حرف الي هو الفاء...الا اذا قلت الحرف الثاني من اسم فهد والي هو الهاء في كلمة مجـ"هـ"ول ..بسسس كيف بتكون عنده اخبار لبسي وسباحتي وطلعاتي وكل شي .. فرح؟ فرح؟ تأفف بعد ماقال اسمها.. راسله لها صورتها بدون عباة ولا شيلة كالعادة .. وهي حاطة يدها على خصرها ورافعة راسها وفاتحة فمها يقال اغراء وبعدها"شرايك طالعة مثيرة صح ؟" حذف الرسالة وتجاهلها .. اتصلت عليه .. لما شاف رقمها .. عطاها بيزي اتصلت مرة ثانية .. عطاها بيزي اتصلت للمرة الثالثة .. نفذ صبره :لحظة شباب عندي مكالمة اخلصها واجيكم فارس:طيب مو تتأخر طلع يوسف من الغرفة .. بحدة:نعم؟ فرح بدلع ماصخ :اخبارك حبيبي؟ يوسف بحدة :الحمدلله" بنت عمي!"تآمري على شي؟ فرح بدلع:واخيرا رديت علي يوسف :اذا مافي شي ضروري اتمنى ماتتصلي لأني مشغول فرح بقهر:انت ليش تعاملني كذا ؟ يوسف:أقدر أسألك نفس الأسلوب؟ فرح بإستغراب:وش تقصد ؟ يوسف:انت ليش تعامليني كذا .. كأني زوجك ؟وانا موب زوجك فرح بحالمية :لاني احبك وانت تدري يوسف:بس للحب حدود يا انسة فرح فرح بقهر :قل لنفسك! يوسف بنفاذ صبر:وش قصدك! فرح بقهر: انت تحب جواهر لدرجة انك تبعد عنك الي يحبوك ! يوسف: انت قلتيها ..فرح انا مابي اجرحك .. أنا ما احمل لك اي مشاعر ..انت بنت عمي وبس..وانا مافكر فيك كزوجة ..لذا ..لو سمحتي وقفي عن رسل صورك لي واتصالاتك فرح ببحة: بس انت تفكر بجواهر كزوجة صح ؟ يوسف سكت فرح : ابشرك ماراح يرضون بجواهر زوجة لك وبتشوف سكرت في وجهه .. تنهد ...مشت بقهر لمرح ..بعصبية:وينها بنت عمك الصايعة ؟ مرح بخوف:في الحمام فرح توجهت للحمام وهي تمشي بقهر دخلت .. كانت جواهر الوحيدة الي في الحمام .. خطرت في بالها فكرة ابتسمت بخبث .. وقفت جنب جواهر الي كانت تسكر عباتها مسحت وجهها بالماي .. اختربت الكحلة والآي شادو .. خربت روجها بيدها .. جواهر تناظرها مستغربة . . بعثرت شعرها من كل مكان شدت خدودها وخمشت يدها .. وناظرت جواهر ..جواهر بصدمة :أنا أعرف مستشفى مجانين اذا تبي احجز لك عادي ترا فرح ابتسمت بخبث :سوري جوجو .. بس انا قلت لك عشان يوسف اسوي اي شي جواهر عقدت حواجبها مافهمت فرح تغيرت تعابير وجهها .. صرخت بألم جواهر طلعت عينها من مكانها وش تسوي هاذي الجدة وام يوسف وبدور وجوري دخلو الحمام مفزوعين فرح وهي تبكي بكذب: حراااااام عليك ياجواهر .. حراااااام! بدور شهقت :وش صار! فرح تبكي :مو عشان جدتي علمتك الأدب جيتي تنتقمين مني محد قالك تضربيني في البداية أم يوسف عقدت حواجبها جوري :هاه! جواهر فهمت خبث فرح : فرح لا تكذبين مرة ثانية أنا ماقربت عليك ابد! فرح :والله أجل كل هذا مين الي سواه فيني! الجدة ناظرت جواهر:تكلمي! جواهر بصدمة :انتي الي سويتي كذا! الجدة بقهر:حتى البزر يعرف يكذب احسن منك ! والله انك وقحة بدور :ليش بنتي متخلفة عقليا عشان تضرب نفسها!!! أم يوسف بإستغراب:جواهر جواهر مسكت جبهتها بعدم تصديق :ليش ماتصدقوني .. انا ما اكذب الجدة صرخت :وش فيك على فرح اليوم!!! جواهر عينها دمعت : إسأليها .. غيرانة مني عشاني اعيش في البيت الي يعيش فيه يوسف الكل يدري ان فرح تحب يوسف من تصرفاتها فرح فتحت عينها على اوسعها :وليش اغار منك اذا كنتي ماتقلين ادبك معاه ؟ جواهر بصدمة :هاه!! انت وش تقولي كل ماتقول شي جواهر فرح تقلبه لصالحها الجدة : كذبة وراء كذبة جوري بدفاع :جدتي لازم نسمعهم هم.. الجدة صرخت :انت سكتي! جوري سكتت بصدمة أم يوسف بحنية:بس جواهر مؤدبة و.. الجدة :ايه عادي ..ليش ماتكون قدامكم مؤدبة ومن وراكم تفوح خباثة ووقاحة .. مثل امها بالضبط .. يا ما تحت السواهي دواهي ..مثل ما أمك اخذت سامي بوقاحاتها انت بتاخذين يوسف كذا أم يوسف بهمس مسموع:هاذي امها مفروض مانتكلم .. الجدة صرخت :قلت لكم سكتو! فرح كتمت ضحكتها بإبتسامة خبيثة جواهر تناظرها بدهشة ..كل مرة تدهشها بالحقارة الي توصل لها الجدة :على هالوقاحة .. يا انك تطلعين من بيت عمك عبدالرحمن .. يا انك تروحين لدار الأيتام او تدبرين لك صرفة مايشرفني بنت نوال السافلة ترتبط فينا ! جوري :بس عمي ماراح يرضى..الجدة بعصبية:ماله دخل .. خليته يعيشها في بيته بسبب إصراره مع اني مو متقبلتها .. بس اللحين مقدر اسكت لها .. ماراح اسمح لها تسوي الي سوته امها وتغوي يوسف! كأن ماي بارد انكب عليها .. أغويه! نزلت الدموع من عينها لا اراديا .. طلعت من الحمام بسرعة جوري :جواهر! أم يوسف تنهدت بدور بهمس:تستاهل فرح نزلت راسها تبتسم .. رفعت راسها شافت جوري تناظرها بحدة .. غيرت ابتسامتها وصارت تبكي .. غمزت لجوري بنذالة جوري في داخلها " اكيد انت الي توصلي لفهد هالمعلومات كلها ! حقيرة!" ...طلعت وهي تبكي وتلبس شيلتها بسرعه ملاك تقربت لها بإستغراب:جواهر وش فيك!! وش ذا البكاء!! جواهر ساكته وتلبس شيلتها بسرعة وجوالها يرن شوق تقربت ناحيتهم :يلا ملوك راشد برا.. وش فيكم ؟ ملاك ناظرت شوق بخوف شوق ناظرت وجه جواهر الأحمرم ن البكاء ..شوق : جواهر وش صاير؟ جواهر : عن اذنكم كانت بتمشي .. مسكت ذراعها شوق .. بعدت نفسها بسرعة وطلعت ....يعدل مقدمة شماغه وهو يناظر نفسه من المراية الأمامية .. اخذ العطر الي في درج السيارة وصار يسبح نفسه في العطر من راسه لأخمص قدميه .. رش في كل مكان من السيارة .. حتى الدريكسون ماسلم منه وقف لما تذكر ان جواهرم اتتحمل الريحة القوية .. فتح النوافذ عشان الريحة تخف ... لما شافها تتقدم لسيارته ... ابتسم وعدل جلسته جلست وراه مباشر وهي ساكته .. مشعل بإستهبال : وعليكم السلام .. وش هالأخلاق القافلة تحاول تكتم شهقاتها من الظلم .. صعب ان تكون مظلوم .. وفوق هذا كل الكلام ينقلب عليك .. ويذكرو أمك بالفساد قدامك مشعل بحماس : فااااتك .. اللحين ابوي قال لنا ان يوسف يرجعك وانا احمل الاغراض الي في قاعتكم .. طيب بعدين امي اتصلت لي وقالت لي رجع جواهر ..قلنا مافيه حل الا ان نتكاسر والي يفوز يرجع السندريلا الباكستانية .. الي هي انت طبعا .. المهم تكاسرنا وطبعا مين الي فاز ؟ .. مايبغالها تفكير حتى البزر يعرف جواب هالسؤال .. أحلى واحد في الدنيا والي انت محظوظة عشانه ولد عمك وتعيشين معه في نفس البيت وتتمني نظرة منه .. انااا هههههههه سكت متفشل لما ماشاف منها ردة فعل بصوت واطي : شكلها سالفتي بايخة غير الموضوع وبإنفعال :أفكر أغير ستايل غرفتي .. تبين تجي معي لمحل الأثاث مثل ذيك المرة ؟..بس ان ضعتي ياويلك مني .. ابي اغير لون الجدران بس محتار .. برايك الى اي لون اغيرهم ؟ شادة على قبضتها وتحاول تكتم شهقاتها بغصة وراء غصة تبلعهم مشعل بقهر ناظر جواهر من المراية الأمامية : جواهر أكلم جدار انا!!! جواهر شهقت بقوة .. مشعل بصدمة : جواهر شفيك ؟ جواهر بعد هالشهقة ماقدرت توقف انفجرت تبكي بصوت مشعل ركن السيارة على جنب .. لف لها منفجع : جواهر ! وش صار ؟ جواهر وهي تبكي : ياليتني طلعت معهم .. ومت معهم .. ولا اسمعهم يتكلمون عن أمي كذا .. ولا احصل كل هذا الظلم وما اقدر ادافع عن نفسي .. حتى في الحب اتألم مشعل مو قادر يفهم ..بحنية : جواهر .. امسحي دموعك وفهميني جواهر رفعت عينها لمشعل .. الي ماتحمل حَمرة عينها كانت تبكي بقوة .. : جدتي رجعت تكرهني بسبب بنت عمك ..دخلت غرفة العروس ودخلت وراي استفزتني بضغطها على انفي فبعدتها من وجهها ... دخلت جدتي على هالوضع فقلبت فرح الوضع لصالحها وصارت تبكي بكذب عشان ...صارت تبكي بقوة مشعل فهم قصدها ..بهدوء: وجدتي صدقتها وكذبتك هزت راسها بإيه : وبعدين في نهاية العرس جات لي في الحمام .. خربت مكياجها وشعرها وخمشت نفسها وصرخت تبكي .. دخلت جدتي وقالت كلام يجرح الي قلبه صخر.. .. تصلح الموضوع مرة .. بس هالمرة مستحيل يتصلح .. راح ابقى في نظرها الظالمة الفاسدة الغاوية ..واذا صرت في نظرها كذا راح اصير في نظر عمي عبدالرحمن نفس الشي .. بس مشعل انا مالي غير ابوك .. راح ابقى بدون سند .. ماعندي شخص اثق فيه .. مافيه شخص يحميني .. مشعل هزه كلامها ودموعها ..تتحمل اشياء أكبر من عمرها ..بحنية : اذا تخلو عنك انا راح ابقى سندك ...راح اصلح الموضوع بس اول شي قولي لي كل شي صار معك مع فرح من الألف الى الياء من أول مقابلة لأخرها جواهر وقفت بكى ناظرت عين مشعل:وش الي يخليني أثق فيك ؟ مشعل :جربيني جواهر :متأكد.. جدتي ؟؟؟ مشعل هز راسه بإيه ..بوثوق:وعد..وأنا ما أخلف وعدي ! ناظرت عينه لفترة .. فيها جدية وثقة شديدة .. راح يفي بوعده أو؟! .............يتبع | |||||||||
|
| |
|
11-10-14, 02:34 AM
| #36 | |||||||||
| نجم روايتي ومشرفة سابقة وفراشة متالقة بعالم الازياء
| في صالة ممزوجة ألوانها بالأبيض والموف .. جالسين على كنب موف موديرن وعليه مخدات ترتر فضي ..قبالهم على الطاولة الفضية الي فيها لمعة خافتة شموع طويلة والعشاء.. الي اثنينهم ما مدو يدهم عليه جالسة قباله منزلة راسها من الحياء ..وهو يتفحصها بنظراته بهدوء : ماراح تاكلي؟ سارة بصوت واطي بالموت ينسمع : شبعانة فيصل بعدم تصديق:أها هين شبعانة..تلاقيك من زمان ماحطيتي في فمك لقمة مع اشغال العرس .. حبيبتي لا تعاندين وأكلي سارة لا رد فيصل ناظرها لفترة بعدين تنهد : طيب بصب لك عصير ... "صار يصب العصير لها في كاس"أدري عنك تحبين عصير الفراولة رفعت عينها له وهو يصب العصير..وفي داخلها "يااه يامِلح هالسمارة " مد لها العصير وناظرها .. نزلت عينها بسرعه وفيصل ابتسم بتاخذ الكاس منه ..بعده عنها بنهي:لاااا انا راح اشربك شربها ووجها ينقلب ألوان فيصل وهو يناظر الكاس:بس !! هذا الي شربتيه! كل هذا من الحياء ..فِي فترة الخطوبة كنتي جريئة وش صار لك اللحين سارة بحياء:الوضع اللحين غير فيصل ابتسم بخبث سارة سوت نفسها مو منتبهة لإبتسامته ونظراته وصارت تعدل غرتها فيصل تقرب جنبها .. انتفضت وبعدت بسرعة .. تقرب منها مرة ثانية ..وبعدت عنه فيصل :حبيتي سارة بحيا:لبيه فيصل:اذا ما اكلتي راح أزعل منك سارة :اذا أكلت إنت بالأول راح أكل فيصل ابتسم :متأكدة ؟ سارة هزت راسها فيصل أكل لقمة .. أخذ لقمة ثانية سارة فتحت فمها وش فيه ذا ليش مطول لين مايحط اللقمة في فمي!؟ "في داخلها" رفعت عينها لفيصل .. كان فيصل بيحط الشوكة في فمه .. ناظرو بعض لفترة متنحين فيصل حاول يرقع ويبعد الشوكة عن فمه :آآم يلا ..دورك حبيبتي تاكـ ماقدر يكتم ضحكته لما شاف تعابير وجهها مصدومة ومتفشلة انفجر ضحك بقوة سارة ضربت صدره :يااسخيييييييف أكككرررهك فيصل وهو يضحك : وش ذنبي أنا ..إنت الي فتحتي فمك هههههههههه شفتي انك جوعانة بس تكابرين .. وهاذي نهاية الكبرياء تبعك ههههههههه سارة صارت تضرب صدره بشكل اقوى :مااالت ..أنا الغبية الي كنت اظنك بتكون رومانسي وبتأكلني مثل ماشربتني العصير بسسس اففف انت سخييييف فشلتني اكرهك اكرهك .. مسك يديها الثنتين يوقفها .. رفعت عينها له بإستغراب .. كان يناظر عينها بتعمق سارة : بعد عنـ سكتها بقبلة على ثغرها.. ............ اليوم التالي الساعة اربع و ثلاث دقايق الصباح كانت نايمة على سريرها الأبيض الي مزين برسمة زهور الساكورا فتحت عينها بإنزعاج من صوت جوالها .. مسكته .. جلست تناظر في الإسم لفترة .. فركت عينها عشان تشوفه زين .. ناظرت الإسم .. مو قادرة تستوعب ! مرح بلهفة:مشعل! مشعل ابتسم:بلحمه ودمه مرح بوناسة:وش الي خلاك تتصل؟ مشعل برومانسية:سماع صوتك مرح بحياء:يعني إنت تحبني؟! مشعل :إنت تحبيني؟ مرح بحياء:أحبك كثيييير مشعل ضحك بخفة :طيب..مو مشتاقة تشوفيني؟ مرح بإنفعال:إمبلا كثيير كثيير كثيير ياليت اللحين أشوفك وأسمع صوتك في نفس الوقت مشعل:حلمك بيتحقق بس افتحي لي باب بيتكم مرح انصدمت وقفت ..مشت على اطراف اصابعها الى نافذة غرفتها هي وفرح .. بعدت الستارة بشويش لقته ماسك جواله بيد وباليد الثانية يلوح لها وهو يبتسم كتمت ضحكتها ..اخذت عباتها ونزلت له بسرعة بس بهدوء عشان المدام فرح ماتصحى فتحت الباب وبوناسة :مشعل! مشعل ابتسم لها مرح :ماتخاف فهد أو أبوي يشوفنا مع بعض مشعل برومانسية:الي يحب مايخاف من أي شي مرح خقت مع ابتسامته وكلامه واسلوبه :صحيح معاك حق.. إنت جيت عشانك مشتاق لي؟ مشعل ضحك بخفة :ههه وفي سبب ثاني..أبي أطلب منك طلب مرح ابتسمت :آمر ابتسم بخبث:بس ولا أحد يدري عنه أبدا أبدا ولا حتى فرح مرح :ليش؟ مشعل غمز لها :كل شي بوقته حلو ..اللحين بتنفذي طلبي أو لا؟ مرح شبكت اصابعها بخوف وتردد:بسس ....أخاف مشعل برومانسية تذوب البنت الي تحبه :مو الي يحب مايخاف من أي شي؟ مرح هزت راسها بإقتناع :إيه مشعل ابتسم بخبث.. ........................ الظهر..في البيت الواسع الي تعودنا ان نكون فيه .. كان الوضع متوتر والخدم في كل مكان عشان عزيمة عشاء في بيت عبدالرحمن بمناسبة زواج بنته الوحيدة سارة دخل بكشخته ..برزة الشماغ والثوب الي تناسب ملامحه المسكوبة واحلى مافيها عينه الكحيلة كانت خلود جالسة في الصالة تشرب الشاي كعادتها في هذا الوقت ابتسم :السلام عليكم .. اخبارك يا أغلى إنسانة في الدنيا خلود ابتسمت لولدها ..بحنية:وعليكم السلام .. بخير دامك بخير تقرب لها وكعادته جلس على ركبته باس يدها ونزل راسه يبوس رجلها .. وخلود تحاول ترفعه : الله يرضى عليك كم مرة قلت لك يايوسف لا تنزل لرجلي مو من مستواك يوسف ابتسم :بالعكس أنا مو من مستواها .. وأحد يحصل له يبوس رجل أمه وفوق ذلك تكون أمه خلود خلود ضحكت بخفة:ههههه مقدر أجاريك كلامك عسل الله يحفظك يوسف ابتسم وقام من عندها :محتاجة شي؟ خلود بإبتسامة:سلامتك يوسف ابتسم ومشى .. وقف ابتسم بفرح .. كانت واقفة متكتفة تناظر بُره لأمه بإعجاب تقدم لها : أخبارك جواهر؟ جواهر إبتسمت :الحمدلله أخبارك إنت يوسف :بخير دامك بخير..أمس ماشفتك أبد .. إشتقت لك جواهر انقلب وجهها في هاللحظة دخل بلبسه الرسمي قميص أبيض والجاكيت والبنطلون وربطة العنق باللون الأسود الفخم .. وعطره يسبق قدومه فسخ نظارته الشمسية السوداء وبرواق على الآخر:Hello my love خلود ابتسمت :هلا مشعل مشعل غمز لها : أموت على الأنااقة أنااا.. الله يعينك الليلة على تلزق أبوي فيك مع كل هالحلاوة خلود بفشلة :مشععععل يااااصايع مشعل ضحك بقوة .. قرب يده لفمه وباسها .. مد يده صوب امه وهف في يده .. يعني طير لها بوسه ضحكت أمه على حركاته.. وهو مشى مروق صوب يوسف وجواهر جواهر بخجل توترت:آآ .. يلا اسمعك..قصديي..أشوفك بعدين .. عندي شغله "عطته ظهرها" ابتسم على خجلها وقف جواهر و خلا ابتسامة يوسف تتلاشى .. صوت مشعل بنذالة : إذا حضرت الملائكة ذهبت الشياطين ! جواهر بنرفزة:قصدك إذا حضرت الشياطين ذهبت الملائكة! لفت تناظره بحقد .. تنحت مشعل رفع حاجبه يغيظها :وش فيك تنحتي ؟ خقيتي؟ ههههه جواهر بعصبية :وووع رجاءَا مشعل لا تخليني أستفرغ من الجمال عشان أخق أصلا لبسك مثل وجهك مشعل ضحك بنذالة : ههههههه يعني يجنن جواهر فار دمها منه ... استفزازي درجة أولى مشعل لف ليوسف وهو يبتسم :أوووبس..لابس ثوب وشماغ وأنا بدلة رسمية قِمة التناقض بيناتنا كالعادة..المشكلة إن الليلة لما يشوفونا الناس جنب بعض مستحيل راح يصدقون ان أحنا أخوان ههههههه..مختلفين في كل شي .. حتى أبوي يختلف في معاملته معانا هههههههههههه يوسف عقد حواجبه :إنت وش فيك اليوم ؟ جواهر لوت فمها : هو دائما كذا ..مجنون! مشعل حرك حواجبه:مجنون بحبك! جواهر ابتسمت له بمعنى انه سخيف مشعل تقرب لها وهمس :بدأت الحرب اليوم آنستي سندريلا الباكستانية والليلة تنتهي وسوف نستولي على بلاد العدو ونجعله يعض أصابعه ندماَ.. جواهر فزت من حركته بصدمة ويوسف بعده عنها بقهر جواهر تناظره بقوة .. وهو يغمز لها ويبتسم بنذالة يبيها تفهم قصده .. وهي فهمته .. وش راح يسوي هالمجنون! ...................... دخلت غرفة راشد نعسانة حدها ومتنحة .. بس لازم تصحيه وتصحى عشان يقدرو يتجهزو لعزيمة عمهم دخلت وهي مسكرة عين وفاتحة عين وكشتها كأنها أسد بجامتها سبورت وردية مكممة والبلوزة فيها قبعة .. البنطلون في رجلها اليمين مرفوع .. حالتها لله يبغالها تصحى عشان تقدر تصحي تكتفت تدفي نفسها وبصوت واطي:افففف أنا في إسكيمو مو في غرفة راشد! تقدمت بخطوات الي يشوفها يقول هاذي اكيد سكرانه .. في طريقها رفست نظارة .. وداست على بطانية مرمية على الأرض:لا حوول وش ذي العفسة..مايقدر يرتب غرفته يعني وصلت لسرير راشد وبصوتها المبححوح: رااااشد ..راااشد ..قم أصحى راشد في سابع نووومة ملاك ببحة :اففف راشد يلا قم ..راااااااااشد راشد صحى مفزوع :وين فزاع ؟!!!!!!! ملاك عقدت حواجبها :ها ! شدخل فزاع !؟ سمعت صوت ضحكة لفت تناظر البطانية بتناحة :ما شاء الله البطانية تضحك ! راشد صرخ فيها :أي البطانية تضحك !! هذا فزاع متغطي بالبطانية انقلعي براااا يلاا ملاك طلعت عينها من مكانها لبست قبعتها الي في البجامة يقال تستر على كشتها وفحطت لبرا بسرعة وفي طريقها تعرقلت برجل فزاع الطويلة ملاك بتوجع:آآآخ ياركبتي .. راشد بعصبية قام : ملااااااااااك! صرخة راشد نستها الألم فزت من مكانها بسرعة وطلعت من الغرفة.. واقف معصب من هبال اخته ناظر فزاع الي كان يضحك بقوة .. راشد معصب:وش الي يضحك في الموضوع مع وجهك الأكلح؟ فزاع وهو يضحك :ههههههههه احمد ربك بس لو واحد غيري عصب رفست نظارتي وداست علي بس مو مشكلة تفداها رجلي ونظارتي هههههههه سكت ..رفع عينه لراشد يناظره .. لبس نظارته عشان توضح الرؤية ..شاف راشد متكتف ويبتسم ابتسامة صفراء بمعنى "ياسلام!" .............. الليل.. تطالع نفسها في المراية الي في الممر وحاطة يدها على قلبها وترمش بقوة : من شفته من شفته عقلي طار من شفته كلمته يعني رمسته عجبني إسلوبه وكلمته :لهدرجة معجبة فيه ؟ لفت لصوب الصوت ..انعقد لسانها ماعرفت تجاوب مشعل ابتسم بكذب: محظوظ يوسف على هالأغنية ..بس مو محظوظ على هالصوت النشاز جواهر كشرت :إنتَ وش دخلك ! أقول الي أبيه وأسوي الي أبيه أنا حرة! مشعل :عداااال لايطق لك عرق ...وراكِ عزيمة الليلة مو وقته جواهر بعصبية:إذا بتظل تعاندني أكيد بيطق لي عرق وبتصيبني الجلطة منك مشعل بعصبية:وإذا إنت بتظلي تعجبي بيوسف راح تلحقك المشاكل وكثير الي راح يكرهونك جواهر:هذا قلبي وماقدر أتحكم فيه مشعل :أجل إتحملي الألم الي بيجيك والظلم من فرح الي راح تكره جدتي فيك عشان تحمي حبها جواهر :ليش..مو إنت وعدتني إنك راح تصلح الموضوع ؟ :أي موضوع ؟ مشعل بدون مايناظر يوسف رفع صبعه له : إنتَ إنقلع مالك دخل! يوسف بقهر:إذا أقدر اساعد راح اسا.. مشعل مسك ثوب يوسف بقوة ..شد على اسنانه بعصبية:محد طلب مساعدتك!.. صوته الصارم :السلام عليكم مشعل صار يعدل ثوب يوسف :كذا أرتب..وعليكم السلام يوسف رفع حاجبه على تصريفة أخوه ..وجواهر بلعت ريقها بقوة أبو يوسف:وش تنتظرو ! تعالو معي المجلس المعازيم بدأو يجون يوسف ومشعل :إن شاء الله مشو وراء أبوهم ..ونظرات الحقد بيناتهم مشعل بهمس: لا تظل تدخل بيني وبينها لا أطلع شياطيني عليك! يوسف بهمس:مايحتاج ..إنت لحالك شيطان وإبليس يتعلم منك! مشعل ابتسم بفخر:شكرا يا ملاك .. وإنت تعرف الشياطين يكرهو الملائكة ! ...................... تقدمت بفستانها القصير المنفوش الي من مميزاته لونه السماوي الجميل..مكتفية بكحلة داخلية زرقاء وروج زهري..شعرها فاتحته وعاملته بالفير على الخفيف..ومزينة شعرها بطوق يكمل اناقتها زفرت بضيق..وبهمس:الله يستر وش راح تكون ردة فعلها لما اسلم عليها جوري بضيق:آسفة حاولت ادافع عنك بس ماقدرت جواهر :لا عادي .. "ناظرت فرح بحقد .وفرح ناظرت جواهر بإشمئزاز " تقربت لجدتها تسلم عليها ابتسمت ومدت يدها الي كانت ترجف لجدتها :اخبارك جدتي؟ الجدة لما شافت جواهر كشرت وصدت عنها:جوري بعدي بنت أمها عني جوري مسكت يد جواهر وبعدتها جواهر بلعت غصتها وهي تذكر كلام مشعل "أجل إتحملي الألم الي بيجيك والظلم من فرح الي راح تكره جدتي فيك عشان تحمي حبها" .."بس إنت وعدتني راح تصلحها .. أنا واثقة فيك تكفى لا تخيب ظني فيك مشعل!" .................... رفعت جوالها بعد مافاقت من الصدمة ..كيف هالمخلوق يتصل لها.. أول مارفعته تكلم:قابليني في الحديقة الخلفية لوحدك فرح بإسلوب زفت:خير من وين لك رقمي؟ مشعل:نسيتي لما كنتي تتصلي لي عشان اقربك من يوسف ؟ يلا خلصيني واطلعي ضروري فرح بغرور :اسفة مشغولة بنبرة تهديد:إسمعيني زين أنا بمقابلتي لك هاذي اكون اعطيتك فرصة اذا ماطلعتي اللحين راح تضيعيها بعدين لاتقولي ياليت فرخ خافت..بس حاولت تخفي خوفها المفضوح:طيب ..دقايق بس مشعل بنذالة:شطورة في الحديقة ..سمع صوت طقة كعبها القوي ناحيته فرح بعصبية:نعم ياسيد مشعل وش تبي مطلعني من العزيمة عشان تقابلني ولوحدنا؟.."حطت يدها عند فمها " اووبس ياكون انك تحبني...ياحرراااام ..بس مشعل انت تدري اني احب اخوك يوسف مشعل ضحك بسخرية:هه..لا للأسف أنا أكرهك مقدار حبك ليوسف فرح انقهرت:أجل وش تبي مني؟ مشعل بجدية:راح أقول طلبي ومن دون مقدمات وان نفذتيه راح يكون في مصلحتك قبل أي شي اعتذري من جواهر قدام الكل واعترفي لجدتي إنك غلطانة وانك سويتي كذا عشانك تحبين يوسف وتغارين من جواهر عشانها تعيشن معه في نفس البيت هاذي راح تكون حجتك وبدون زيادة فرح بصدمة واستنكار:نعم خي خير؟ انت وش عرفك بالسالفة أصلا؟ مشعل:مو مهم من وين عرفت المهم انك تنفذي الي قلته فرح بقهر:مستحيل أنا أتأسف من هالقذارة مشعل نرفزه كلامها عن جواهر :ثمني كلامك لأن الي تسويه هنا هو القذارة بعينها ورفع يده الي كان ماسك بيها صورة فرح بصدمة:هاذ هاذي؟ مشعل ابتسم بنذالة:ايه هاذي صورتك في مزرعة أبو رويد لما ضميتي يوسف ورميتي نفسك عليه وهو مايبيك هاه اللحين عرفتي ايش هي القذارة الي تتكلمي عنها؟ اللحين أبيك تروحي تسوي الي قلت لك عليه والا هالصور بتوصل عند جدتي وعند أمي وانت طبعا تعرفي وش بيصير بعد ماتشوف جدتي وأمي هاللصور صح ياحلوة؟ فرح ونار القهر تحرقها: ومين قال انك راح تقدر توريهم اياهم؟ اخذت الصور من يده ومزعتهم مشعل بعصبية وصدمة:انت وش تسوي يامجنونة؟ فرح ضحكت بإستخفاف:هه اللحين مافي شي عندك تقدر تهددني بيه مشعل انفجر ضحك بقوة فرح بخوف: وش فيك تضحك كذا؟ مشعل :هههههههههههه ليش تفكريني غبي عشان أوريك الصورة الوحيدة الي عندي ؟ فوفو بنت عمي ياحلوة انا عندي من هالصورة الف نسخة منها ..لاتستهيني ابدا بأسيادك الي أولهم أنااا آوك؟ ويلا روحي سوي الي قلت لك عليه والا فرح بدأت تبكي : مشعل حرام عل مشعل :اصصصص ليش ماعرفتي الحرام لما طلعتي ليوسف وانت بهاللبس وضميتيه ؟وليش ماعرفتي الحرام لما افتريتي على جواهر وكرهتي جدتي فيها؟ طاحت على ركبها عند رجله وهي تبكي يمكن يشفق عليها :مشعل تكفى لا توريهم الصور تكفى لا تعيشني هالذل وتخليني اعتذر لأكثر انسانة اكرهها في حياتي قدام الكل تكفى ابوس رجلك تكفى مشعل :هههه اجل يلا بوسيها وراح اسامحك قربت لرجله اهم شي ماتعتذر لجواهر بعد رجله بسرعة وبإستنكار:اففف علينااا نزل نفسه لمستواها وبهدوء:أنا مابي أذلك عشان لما تبوسي رجلي أسامحك ثانيا مو انا الي غلطتي عليه عشان يكون لي الحق في مسامحتك انا راح اتركك اذا اعتذرتي لجواهر واعترفتي وخلصنا بلا اذلال ولا شي فرح وهي تبكي بقوة:ليش الاعتذار لها مو اذلال يامشعل؟انا ابوس رجلك ولا اعتذر لها صدقني مشعل بقهر :مين قال لك ان الاعتذار اذلال..كلمة آسف تصلح اغلاط كثير وتفيد القائل والمتلقي"يردد كلام جواهر له في حادثة المصعد"وبالضبط هذا الي راح يصير اللحين اذا اعتذرتي لجواهر بتستفيد جواهر لان جدتي بتصالحها واذا اعتذرتي انت بتستفيدي لان محد راح يعرف عن الصورة ..واللحي امسحي دموعك الي اخيرا نزلت بصدق مو كذب ..وامسحي وجهك عدل لان مكياجك اخترب وصار شكلك قبيح وانت اصلا قبيحة خارجيا وداخليا ..ويلا ادخلي اتأسفي. وقف و سكت فترة ينتظرها تقوم:يلا وش تنتظري وقفت مجبرة ..وعطته ظهره مشت كم خطوة بس صوت مشعل وقفها:لحظة أتأسفي جد وقدام الكل واعترفي لجدتي لاني راح اعرف اذا نفذتي طلبي بحذافيره أو لا اوك؟ يادلوعة يااااا اختي في القانون هههههههههههههههههه ............................... في نفس المكان..بس داخل البيت كانت الجدة تمشي بغرور كعادتها بإتجاه حفيداتها وبيدها ماسكة يد مرأة ماينقصها من الجمال شيء ..بشرتها بيضاء ..شعرها بني فاتح وعينها واسعة عسلية انفها عادي وشفتها ممتلية ومجملتها اكثر بالروج الأحمر رافعة شعرها ومطلعة بعض من الخصلات..لابسة فستان طويل ناعم باللون ابيض يناسبها ..وحُليها لؤلؤ أنيقة وجميلة ..مبتسمة وتمشي بوثوق في البداية اتجهو لشيخة يسلمون عليها بعدين اتجهت لحفيداتها كانو شوق وملاك يشربون العصير ويمدحون بجمال وأناقة المرأة الي أول مرة يشوفوها..ملاك ضربت ذراع شوق لما شافت جدتهم تتجه لهم مع المرأة الجدة وهي مبسوطة:هذول شوق وملاك المرأة ابتسمت بخفة لهم وبصوت كله ثقة:جميلات مثل ماقالت عنكم جدتكم شوق ابتسمت ابتسامة صفراء :شكرا المرأة وهي تناظر شوق:إنت الي راح تنخطبين بعد فترة قصيرة وتدرسين طب أسنان .."لفت لملاك"وإنت بنت ال19 المدللة صح ؟ شوق وملاك ناظرو بعض بإستغراب..شوق ناظرت المرأة وابتسمت :ما شاء الله عندك معلومات عنا كثير..ممكن تعرفينا عليك مدت يدها تصافحهم وابتسامة الوثوق ماتنمسح من شفتها :أعرفكم على نفسي ..أنا ياسمين محمد..وبإذن الله زوجة جاسم!! انمسحت الابتسامة من وجه شوق انتهاااااااااااا بإنتظار تعليقاتكم الجميلة متلكم | |||||||||
|
| |
|
11-10-14, 02:37 AM
| #37 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثالث والعشرون (23) "رُبما أنا لا أبكِي .. ولكنِي أتألم ! رُبما أنا لا أتكلم ..ولكنِي أشعُر! رُبما أنا لا أظهرٌ ذلِك ولكنِي.... أهتَم!" الجدة بغرور :جهزو أنفسكم بعد بكرة راح تيجي تتغذى معاكم عشان تتعرفوا عليها أكثر وأكثر شوق بعصبية وإنفعال:ومن دعاها؟! الجدة : أنا ! هاذي فرصة عشان جاسم يتعرف عليها وانتو بعد تتعرفون عليها لا تضيعوا هالفرصة..وأنا أجزم إنكم وجاسم راح تحبوها شوق بعصبية :أبوي ماراح يحب غير أمي! ياسمين نزلت راسها الجدة عصبت :بنت! احترمي نفسك واعرفي كيف تتكلمين مع جدتك!..وراح تتغذى معاكم رضيتي ولا انرضيتي ..هذا ولدي وأنا أدرى بمصلحته ماباقي الا مبزرة تنهاني عن الي ابيه! ياسمين بهدوء: ماعليش يا خالة ..هاذي ردة فعل طبيعية منهم ..حاليا يكرهوني بس بعدين راح يحبوني مثل أمهم ضحكت شوق ضحكة قهر:هههههه واثقة وبقوة! مستحيل نحبك أصلا عشان نحبك مثل حبنا لأمنا وثانيا لا تقارنين بينك وبين أمي !شتان مابين الجنة والسعير! الجدة خزتها ياسمين إبتسمت بوثوق:آوك أحترم رأيك .. بس هذا كلامك (شدت على كلامك)..."حطت يدها على خد ملاك " بس يمكن عند الأمورة كلام ثاني ملاك تجمدت ساكتة .. شوق نزلت يد ياسمين عن خد اختها بقوة ..زفرت بقوة :عمرها 19 مو 9! ولا تتأملين كل أخوتي يقولون نفس كلامي! مسكت يد ملاك ومشت بسرعة عنها الجدة تنهدت : أتمنى ماتزعلي من تصرفات شوق .. ومهما قالوا ماعليك من كلامهم في النهاية الي بيتزوجك جاسسم موب هم! ياسمين ابتسمت ابتسامتها الواثقة:لاتخافين... كل الامور بتمر بسلام ...............................لما طلعو المعازيم..وبقو العائلة حطت المكالمة "سبيكر" مثل ماقال السيد مشعل ..عشان يكون متأكد إنها اتأسفت قدام الكل تقدمت بخطوات مترددة..ماتبي تعتذر لأكثر انسانة تكرهها والي فازت بقلب الي تحبه....بس ..اذا ما اعتذرت لها راح تخسر حب حياتها..الف سؤال وسؤال يخطر على بالها..من وين لمشعل الصورة..وكيف عرف عن هالموقف..ووش الي خلاه يدافع عن جواهر بهالقوة..بس طاغي على كل هالأسئلة..غيظها ان تعتذر لجواهر أما هي ..اللي يحبها اثنين والي يكونون أخوان..وهي ماتدري بس الا تعرفه ان الكبير هو الي يحبها..وهي معجبة فيه ..وماتدري ان هالأخوان يعملون اشياء ماتخطر على بالها عشانها وبس .. ماسكة جوالها ,هدية مشعل لها..وتقلب فيه بضجر ..وسرحانه في الارض تفكر بالي يصير لها رفعت عينها على صوت عالي ينادي باسمها :جواهر فرح بلعت ريقها بقوة :أنا لازم أقول شي ....وقدام الكل جواهر في داخلها "مصيبة بتحطها فيني للمرة الألف..ياربي سترك" فرح وعينها غرقانة بالدموع على الاذلال الي هي فيه : أناا..أناا أسفة الكل صقع تماما..خاصة جواهر الي تنحت ..وفي داخلها متيقنة انها سمعت غلط بدور بقهر :انت وش قاعدة تقولين يافرح؟ فرح كملت وهي ترتجف:أنا أعترف...أنا كذبت وافتريت على جواهر ..لأنني أكرهها جواهر فاتحة عينها على اوسعها مو قادرة تصدق الجدة عقدت حواجبها بدور معصبة كيف بنتها تعتذر وش هالموقف البايخ الي حاطة نفسها فيه ومرح ترتجف وجوري تعض شفتها فرح بكت :لأنها تعيش مع يوسف في نفس البيت اهئ اهئ وانا احبه واغار منها اهئ الجدة بحدة:وعشان هالسبب التافه سويتي كذا بمن هي من لحمك ودمك؟ فرح:أنا اسفة ..اسفة "ابتسم مشعل بنذالة ..وسكر الخط وهو مبسوط على الاخر... عشاانك اسوي اي شي ..والي ينزل منك دمعة وحدة ..اخليه يبكي دم " بدور بقهر:انت كيف تتأسفين لهالنكرة! الجدة بعصبية صرخت :اسكتي انت ولا كلمة .. انت ماتعرفين تربين كل ذريتك طالحين ..وانت ياوقحة تظنين اذا سويتي هالحركات وكرهتيني في جواهر راح تكون في صالحك ..بالعكس اللحين جواهر كبرت في عيني اكثر واكثر اجل تجي تسلم عليي بكل وِد بعد الكلام الي قلته لها ..واذا تصرفاتك واخلاقك كذا احلمي يتزوجك يوسف..اصلا ما اتخيل يوسف الدُرة يتزوجك .. حرام ينظلم لو يتزوجك ..قليلة ادب ..انمحت ثقتي فيك كليا فرح صارت تبكي بقوة.. بدور مسكت بنتها والنار تحرقها من كلام امها وموقف بنتها المذل.. الجدة تقربت لجواهر..وضمتها بقوة .. الحركة الي خلت جواهر تنصدم أكثر وأكثر : ما غلط لما سماك سامي جواهر جواهر ابتسمت بخفة لا اراديا بعدت الجدة عنها وهي تبتسم لجواهر ..بحنية :بتسامحينها؟ جواهر سكتت شوي ..ابتسمت :اكيد الجدة باست خد جواهر ..بعدت غرت جواهر عن عينها : الله يخليكِ ياريحة سامي .. من جد أحمد ربي انك قدامي اللحين ..شكل واخلاق وفلذة كبد سامي تعرف احساس لما تكون مظلوم وبقوة وبعدين يظهر حقك .. شقد الشعور جميل..هذا شعور جواهر اللحين الجدة بصوت عالي:انتم ليش واقفين كذا كأنكم عسكر.. تحركو سوو اي شي جوري حطت يدها على كتف جواهر وابتسمت :ظهر الحق وزهق الباطل جواهر ضحكت بخفة .. رن جوالها " الشيطان " رفعته : عشان لاتقولين مرة ثانية ماعندك سند ..وأنا قلت لك بدأت الحرب اليوم آنستي سندريلا الباكستانية والليلة تنتهي وسوف نستولي على بلاد العدو ونجعله يعض أصابعه ندماَ..ووفيت بوعدي..صح؟! جواهر بسرعة :أبي اشوفك اللحين اللحين وافهم كل شي مشعل :أنا في الحديقة الخلفية أ... قاطعته : ألقاك هناك ! واقف يعدل ربطة عنقه بتركيز .. رفع عينه على صوت طق كعبها .. ابتسم من قلب صارت قباله .. قبل ماتفتح فمها تكلم :لما قلتي لي عن الصورة الي فيها فرح تتلزق في يوسف في مزرعة ابو رويد خطر على بالي فكرة اول شي اني اروح عند مرح واتميلح عندها عشان تعطيني الصورة وبما انها تحبني وساذجة ما استغرقت السالفة وقت طويل وعلطول سلمتني الصورة ثانيا اتصل لفرح واقول لها تعتذر لك وتعترف والسبب يكون انها تغار منك لانك تعيشين مع يوسف في نفس البيت وهو واحد من الاسباب ..في البداية رفضت..بس لما طلعت الصورة لها..رجع لك حقك جواهر ابتسمت بقوة وصارت دموعهاا تنزل غصبا عنها وقالت الا تخفيه بدون وعي: مع انك شيطان بس اعترف اني اعشق نذالتك ..شكرا شكرا واعترف انك طالع اليوم خقة بس عشانك تستفزني فحبيت استفزك واقولك ان لبسك معفن ..وفي البداية كنت اكره تلقيبك لي بسندريلا الباكستانية ومن تقوله اكشر بس اللحين صرت احبه بس ابين لك اني اكرهه لان عودتني اني اتهاوش معاك .. وانا احب اتهاوش معاك لان مع كمية القهر الي احس فيها لما اتهاوش معك في النهاية انبسط..وصحيح اني معجبة بيوسف كثير بس معك اخذ راحتي اكثر ..لا تسألني ليش لاني مادري ..و "صارت تبكي اكثر وهي مبتسمة باختصار شكلها تووووحفة" مشعل ضحك على شكلها وكلامها : ههههههههههه طيب يا هبلة انا سويت كذا عشانك بكيتي منها واللحين ترجعين تبكين ..مسحي دموعك جواهر وهي تبكي مثل الطفلة بقوة:مو قادرة اوقف بكي... مشعل يضحك :ههههههه وقفي تكفين شكلك يخرع مع الخطين الي بالون الازرق الي تحت عينك "يقصد الكحلة" جواهر هدأت وهي تمسح دموعها : راح اوقف عشان دموعي مالحة كثير ..ترفع الضغط موب لذيذة مشعل :هههههههههههههههههه الله يلعن ابليسك اجل تبين دموعك بطعم التوفي مع وجهك جواهر ناظرته بقوة: تراك تلعن نفسك مشعل طلعت عينه من مكانها :يااااا نذلة جواهر ضحكت .......................................... البنات صارو يتجهزون عشان يرجعون بيوتهم شوق وهي تحط جوالها في شنطتها الفوشية : خلاص بنات بكره بتجون بيتنا ؟ البنات:يب ...اتفقنا غرام :طيب ليش مو بعد بكره ؟ شوق كشرت : نسيتي.. البقرة بتجي بيتنا بعد بكره غرام تنرفزت : اففففف اذا عمي قال بيخطبها بقتلها شوق :يالييييت رانيا : طيب وش ضمنكم يمكن تكون طيبة وحنـ شوق بعصبية : بلا غباء .. اكيد خبيثة .. وبصراحه حتى لو طيبة انا مابي زوجة اب رانيا لوت فمها فاتن وهي متكتفة:تتوقعون عمي جاسم بيخطب بعد أزههار.. ما اتوقع جميلة: بصراحه ....أنا بعد, يحبها بجنون ما اتوقع بيحب وحدة بعدها ملاك بهدوء:أتمنى جوري: بسسس .. إحتمال يخطبها! شوق بعصبية: وش الي يخليك تعتقدين هالاعتقاد انسة جوري؟!!! جوري بعقلانية: فكري فيها صح .. عمي بيتعرف على ياسمين لان جدتي الي طلبت هالشي .. يعني عمي بين نارين .. نار رضا جدتي عليه .. ونار أولاده الي مايبون زوجة أب فاتن بهمس:ونار حبه لأزهار جوري: يعني ماتضمنين انه مايخطبها شوق شدت على اسنانها :اذا كذا .. والله اخليها تنفر منه ............................ منسدحة على سريرها بملل.. وترسل بي سيات في الواتس اب ماخلت احد عندها رقمه الا ورسلت له من الملل و .. انها مو قادرة تنام صوت رنة الخاص.. يوسف : ليش مو نايمة ؟ ^_^ جواهر : مو جايني نوم ^_^ يوسف : أرق؟ جواهر : لا .. بس كذا مو جايني نوم .. انت مابتنام ؟ يوسف : امبلا .. اصلا حدي نعسان بس لازم اشيك على الواتس اب قبل جواهر:اترك الجوال ونام يوسف: ان شاء الله اللحين.. وانت بعد نامي هلايام تعبتي كثير مع ساره ..يلا تصبحي على خير جواهر : وانت من اهله يوسف: نامي طيب ؟ لا تسهري بعدين تتعبي .. أحبك جواهر انقلب وجهها احمر من اخر كلمة ..حطت فيس وجهه احمر وجنبه كلمة شكرا تصبح على خير طلعت من المحادثة ومن الواتس اب بكبره من الفشلة رن جوالها "الشيطان"..رفعته :هبول ليش مو نايمة لحد اللحين؟ جواهر :الناس يقولو الو السلام هاي مو علطول يتكلمون كذا مشعل:ولا يهمك..الو السلام هاي مو علطول يتكلمون كذا جواهر:ههههههههه سخيف مشعل:طالع على بنت عمي ..المهم ليش مو نايمة لحد اللحين؟ جواهر تنهدت:مو جايني النوم مشعل:ليش؟ جواهر:لعدة اسباب ..منهم وحشتني سواليفي مع سارة قبل ما ننام مشعل ابتسم جواهر:ولما اقول لها ابي انام معك او اصحيها بس عشاني ملانة وابيها تجلس معي وهي تطردني من غرفتها .. اففف تتوقع بتعود على الوضع؟ مشعل:اكيد بلا هبل حسستيني انها هاجرت للصومال ..كلها شهر عسل بعدين بترجع السعودية وبعدين تقدري تلزقين فيها ..ويلا نامي جواهر : انت وش حارك يا اخي مشعل:كذا انا ابيك تنامي ابي اسمع صوت شخيرك يوصل لغرفتي جواهر :هاهاها يااااسلام عناد لك مابنام مشعل :هبلة عشان تتعبين بعدين صار لك اسبوع نومك مثل وجهك ..اذا مو قادرة تنامين اغني لك عشان تنامين وشرايك ككاك جواهرتستهبل:هاهاها يلا اطربنا بصوتك النشاز مشعل:صحيح ترا بغني لك ..من جد جواهر : اتحفني مشعل :اممممم لحظة افكر اممممم...يلا بقولك هاذي حقت سبيس تون بس مو تصدقين حالك جواهر : هههههههه ياااعمررري البريءءء اوتيكي تيكي تيكا مشعل: بسم الله وش ذي الطلاسم الي تقولينها جواهر :تعرف لما تداعب طفل تقول له طلاسم انا اسوي لك كذا مشعل : اها مالت عليك وعلى الي يعطيك وجه .. بس غصبا عنك تسمعين الي بنشده جواهر:يلا ابثرت حظي بهالانشودة مشعل : احمم احمم...حلوتي ستنام، في هدوء وسلاام ، "جواهر ضحكت"ستحلق وتطير فوق اجنحة الحمام نحو سماء جميلة..... نحو سماء ونجوم ....حلقي فوق الغيوووم ...لنشاهد اجمل قمر نائم ..."جواهر"شكرا شكرا "يحلم معنا القمر الحاالم ...نغني نطيير... نحلم بالكثير... لا نحزن ان لم يتحقق حلمنا نحلم بالربيع وبزمن وديع وبلون قريب يبتسم لنااا نتمنى مع كل الاطفال ان نحيا بسلااام "جواهر:الاطفال هاه"...نجمتي لاتناااام .. غيمتي تهوى الكلام .. طبعا هاذي انت النجمة والغيمة لانك ماتنامين وثرثارة "جواهر : مالت عليك "مذكر وش بعدييييين ... مدري وشو مدري وشو مدري وشو .. يبتسم لنااااااا لا تخاافي انت بأمان ... لا تخافي من انسااان .. وتمني مع كل الاطفال ان نحيا بسلااام ... فهمتي لا تخافي انت بأمان لا تخافي من انسان .. جواهر ضحكت:طيب مشعل : بعيدها عشان تنعسي ... حلوتي ستنام ..في هدوء وسلام ..ستحلق وتطير فوق اجنحة الحمام نحو سماء جميلة..نحو سماء ونجوم..حلقي فوق الغييووم ..لنشاهد اجمل قمر ناائم..معـ..لحظة غريبة ماقلتي شكرا شكرا جواهر نامت وبيدها الجوال مشعل:جواهر..هيه باكستانية .. نمتي؟ مع نفسي انا بعد يعني اذا نامت بترد عليي ..تصبحي على خير.. "سكت شوي ".. أحبــك وسكر الخط ..زفر زفرة طويلة ..ياليتها تسمعني وأنا أقول هالكلمة لها ............ الظهر.. مقربة كراسي طاولة الطعام بجنب بعضهم البعض عشان تنسدح عليهم وجنبها على الطاولة طاسة فوشية صغيرة فيها قطع من الخيار.. والثانية متربعة على كنب الصالة ومتحمسة مع مسلسلها أما أمهم تصارخ في المطبخ : تعالوا ساعدوني في تجهيز الغذاء وبهمس :5 بنات مامنهم فائدة صرخت مرة ثانية :غرااااااام قومي ساعديني بدل هالخرابيط الي تشاهديهم غرام زفرت بقوة : لا حووول ولا قوة الا بالله ..ولا تقل لهما اف ولا تنهرهما .. يعني ياشيوخ من بين كل بناتك ماشفيتيني الا أنا شيخة صرخت فيها وهي تطلع الصينية من الفرن : بلا تحرطم وقومي يلا غرام زفرت وكشرت ... قامت وهي تتجه لطاولة الطعام ..وبصوت عالي:طيب بنتك ذي المنسدحة ليش ماتنادينها ر فعت راسها ترد على غرام :لأن أنا الأكبر غرام لما شافت القناع الأخضر الي حاطته جميلة على وجهها صرخت بخرعة :آآآآآآآآآآآآآآآآ جميلة اخترعت من صرخة غرام :آآآآآآآآآآآآآآآآآآ شيخة بعصبية:بسم الله وش فيكم تصارخون ؟ غرام بخوف :وش مزينة في وجهك إنت ! فلم رعب موب وجه ذا! جميلة بعصبية:وش فهمك انتِ هاذي عناية بالبشرة عشان تصير بشرتك صافية وناعمة ..بس أفهم في مين أنا..في غرام الي ماتفهم في هالأمور ابدا غرام رفعت حاجب:مايهمني افهم بهالأمور التافهة خليتها لك جميلة :تافهة مثلك! غرام :طالعة عليك! جميلة بصوت عالي:يممممممممه شوفي بنتك تغثني ولا تحترمني وأنا أكبر منها غرام تكتفت :بزررر! شيخة بعصبية:خلاااااص انت وياها جالسة في حضانة أنا!! دائما هواش وبس فلهذا ماصرتو في نفس الغرفة .. وإنت بدل ماتحطين هالطين في وجهك قومي ساعديني غرام اخذت طاسة الخيار الي على الطاولة وأكلت منه :وش مدريني عنها الهبلة جميلة بعصبية:يمه هذا مو طين هاذي خلطة للعناية بالبشرة ..وانت اتركي الخيار هذا مو للأكل هذا لخلطتي غرام :ياسلام تسرفين في الخيار عشان هالغباء ..ياخبلة الخيار للأكل للأكل موب يلعبون فيه جميلة :اوووووووووووف غرام لاتقهريني ..ياربي متى أتزوج وأفتك منك شيخة:اقنعي جوري تعرس عشان تعرسين وراها.."سحبت الطاسة من يد غرام"وانت وقفي أكل ولا بعدين ماراح تتغذين زين ..ويلا على المطبخ غرام مدت يدها :يمه تبيني اساعدك قرقشي شيخة: أياااا وصخة تبين مني اعطيك فلوس على شغلك معي في المطبخ غرام بثقة :أيه مو الدنيا أخذ وعطاء شيخة تنهدت بقوة :الشره علي الي تعبت فيك وحملت بك 9 شهور ولاطلبت منك مقابل غير تساعديني في المطبخ غرام وهي تحك رقبتها :والله يمه محد قالك تتهورين أنت وأبوي وتحملي بي.. جميلة انفجرت ضحك شيخة ضربت ظهر غرام بقوة وهي متفشلة:انتِ أصيع بنت شفتها بحياتي غرام وهي تحرك حواجبها :وانت احلى شيخة شفتها بحياتي شيخة :ايه زبدي لي اللحين زبدي مشت عنها وغرام وراها تغازل أمها وتصفق:اللي بتقصر تنورة تلحقها عيوون الشبااب هيييييه وهي بحالها مغرورة وهي بحالها مغرورة شيخة تسوي لها حركة الحمدلله والشكر وهي تكتم ضحكتها ........................ على طاولة الطعام الأنيقة بإندماج اللون الذهبي مع التركوازي ..الهدوء سيد الجلسة بس جاسم اختار ان يقطع هالهدوء... جاسم بتردد:طبعا انتم تدرون ان جدتكم عازمة ياسمين على الغذاء بكره عشان تتعرفون عليها اكـ... رمت الشوكة من يدها ووقفت بحمق : الحمدلله جاسم رفع عينه لها : شوق لحظة بس اسمعي كلامي للآخر.. وقفت متنرفزة جاسم :بس ابغاكم تعرفون ان مو انا الي قلت لأمي تخطب لي او اني ابي اتزوج .. فاجئتني بياسمين مثل مافاجئتكم ..وفي النهاية هي امي ولازم اطيعها ..خلنا بكره نتعرف عليها وان شاء الله يمر الموضوع بسلاسة وخير شوق عقدت حواجبها وبنبرة عصبية وتعجب:ان شاء الله يمر الموضوع بسلاسة وخير؟؟؟!! وين راح كلامك اليـ "لما تفاتحني امي بالموضوع استخدم عقلي وافكر بوعي..بس بعد مدة ارجع ارفض الموضوع..اكتشفت ان ازهار ما سلبت قلبي وبس ..سلبت عقلي كمان" ... هه ! شكلها أمي ماتت في قلبك وعقلك اللحين! مشت بعصبية جاسم سكت منصدم من كلام بنته .. ناظر أولاده ملاك تناظر صحنها وتلعب بالمكرونة بدون ماتاكلها راشد تعابير وجهه باردة بس قابض يده بقوة يكتم غضبه من الموضوع بهالطريقة وليد يناظر أبوه بنظرة حزن أما عبدالله يشرب العصير بهدوء جاسم يحاول يغير من توتر الجو لف لملاك الي على يمينه:ملاك انت قابلتي ياسمين في العزيمة امس وشرايك فيها؟ ملاك رفعت عينها لأبوها: مستحيل تحل مكان امي ! وقامت من مكانها بسرعة ...جاسم مد يده بيمسك ذراع ملاك يوقفها .. بس كانت ملاك اسرع منه جاسم :ملا....."نزل يده وضربها بالطاولة بخفة"اففف.. راشد شرب عصيره بسرعه وببرود : كان مفروض تفتح هالموضوع في وقت مناسب .. موضوع ينرفز مثل هالموضوع مفروض ماينطرح وقت الغذاء .. الحمدلله وقام من الطاولة جاسم : لا حوول ولا قوة الا بالله ! ... ناظر وليد وعبدالله الي هم الوحيدين الي بقو على الطاولة " وليد ناظر عبدالله الي جنبه بإستغراب.. الي كان ياكل بشهية مفتوحة ولا كأن شي صاير! في غرفة البنات "شوق+ملاك" شوق جالسة على سريرها وملاك جالسة على الارض بين سريرها وسرير شوق وراشد مستند على الجدار ومتكتف ملاك بضيق: تتوقعون أبوي راح يخطبها ؟ شوق بجدية :ممكن ليش لا اذا جدتي كملت خططها راشد :طيب احنا لنا رأي في هالموضوع .. وأبوي لازم ياخذ رأينا قبل مايقدم على أي خطوة! قطع كلامهم دخول وليد الغرفة بهدوء ووراه عبدالله.. بإبتسامة بس يبان انه مخبي وراها ضيق :أجل مجتمعين هنا .. كشفتكم راشد بدون مايناظر اخوته :وأنتم شرايكم بالموضوع ؟ وليد وهو مركز نظره على صورة أمه الي على طاولة شوق "وصف الصورة" لابسة فستان ابيض ناعم وفاتحة شعرها الأسود الطويل ومكتفية بقلوس وردي وتبتسم ابتسامتها الدائمة الحنونة وتناظر بعينها بود لتحت .. لبطنها الي داخله شوق!":أكذب عليك لو أقول لك موب متضايق ملاك بضيق:مافي احد راح يتزوج ابوه ويكون مبسوط ويبيه يتزوج عبدالله بوثوق:امبلا فيه...أنا ابيه يتزوج! الكل ناظره بصدمة شوق والف علامة استفهام فوق راسها:تستهبل؟ عبدالله:وش فيها يعني اذا ابوي تزوج لا حرام ولا عيب راشد :انت ماعندك احساس ؟ وامي؟ عبدالله:امي الله يرحمها خلاص ابوي صبر كثير ..هو حتى لو يكابر يحتاج زوجة راشد بإستخفاف:هه!إنت مجنون! عبدالله بعصبية :احترم نفسك!...انتم انانين وماتحسون بأبوبكم..ماتحسون بوحدته ..لو واحد فيكم يحس بأبوي ماعارض..انتم بس تحسون بأمي..ونسيتوا ان الحي ابقى من الميت! وليد بهدوء:معليش عبدالله قدر احساسهم ترا محد يحب ان تكون له زوجة اب راشد باستخفاف: لا خليه ..هو بعد نفسنا يحس بس بأبوي شوق :الحي ابقى من الميت؟شكلك انت بعد نسيت أمي عبدالله عبدالله وهو يمد يديه بتساؤل : انا بس ابي افهم ليش انتم زعلانين ..وش الي يزعل في ان ابوك يتزوج بعد وفاة أمك..بالعكس الشي مفرح ..مايزعل ابد! راشد ناظره بحدة: تبيني احسسك انه يزعل؟.. اخليك تفهم الوضع مزبوط؟..طيب ..تتخيل ان بعد عدة ايام أبوك بيلبس البشت وبيتكشخ عشان بيتزوج وحدة غير أمك..تتخيل ان أبوك راح يقول لمرأة ثانية غير أمك حبيبتي..تتخيل إن الناس بيظنوها أمك واذا قلت لهم لا أمي ماتت بيقولون خلاص زوجة ابوك أمك..تتخيل ان يمكن يصير عندك أخ من زوجة أبوك ..أولا تدري وش اقوى شي يمكن تتخيله؟..ان الغرفة الي كانت تنام فيها أمي راح تنام فيها غيرها ..صورها الي في كل زاوية في الغرفة راح تنزاح ..حسيت اللحين؟ كلام راشد اثر على أخوته..صعب انك تتقبل زوجة اب عبدالله انعقد لسانه ماعرف يرد شوق ساكتة تناظر راشد وتكابر ملاك تنزل دموعها بدون ارادتها وليد يناظر الارض راشد رفع حاجبه :حسيت ! عدل وقفته ومشى صوب الباب الي كان مفتوح وبيطلع من الغرفة..وقفه وجود أبوه عند الباب جاسم ببحة وغصة: كل هذا متوقع إنه بيصير؟ راشد بإبتسامة استخفاف:مو انت الا تعلمنا ان مانتنصت على الغير؟ جاسم بنفس النبرة:سألتك جاوبني..كل هذا متوقع انه بيصير؟ راشد مسح ابتسامته : لا..أنا متأكد..لأن كل الي قلته راح يصير في كل عائلة تنضم فيها زوجة أب ! مششى قبل لا يستوقفه ابوه مرة ثانية..وهو داس على قلبه كثير مايقدر يكابر اكثر .................................................. ........ رَشت من عُطرها البربري سبورت ..وكذا تكون حطت اخر لمساتها...ناظرت نفسها في المراية ,كانت لابسة فستان أحمر قصير سادة ..ومزينته بسلسال طويل ذهبي ناعم وحلو ..بس طبعا لابسة السلسة الي أولاد عمها اهدوها اياها الي عبارة عن قلبين واحد فضي والثاني ذهبي...رافعة شعرها تسريحة الدونات وغرتها عاملتها بالفير ...أما مكياجها عبارة عن روج أحمر وماسكارا حطتهم في شنطتها عشان لما توصل بيت عمها تحطهم..لبست عباتها وتحجبت ونزلت الصالة فاضية تماما ... جواهر وهي تلف راسها يمين وشمال بفضول:غريبة ! وين الناس؟ في هالأثناء مرت جنبها الخدامة ..جواهر :اااا..لو سمـ..أقصد..اكسسيوزمي (أعذريني) الخدامة وقفت لها:يس ميس؟(نعم آنسة؟) جواهر توهقت كالعادة :وير يوسف اند مشعل؟(أين يوسف ومشعل) الخدامة :مستر يوسف ويل قو تو هيز وورك سون..مستر مشعل سليب(السيد يوسف سوف يذهب لعمله قريبا .. السيد مشعل نائم) جواهر :ا اوك..ثانكس الخدامة نزلت راسها ورفعته:ولكم ميس جواهر تأففت:افففف مو ناوي عمي يجيب سواق يعني؟ فشلة كل مرة أركب معاهم ..اللحين وش اسوي كيف بروح بيت عمي ,يوسف بيروح عمله ومشعل نايم جلست على الكنبة بيأس وهي تحوس في جوالها --------- سكر باب غرفته ,ولبس البالطو دخل يده اليمين في الكم وبيده اليسار حامل الجوال يكلم :ايه انا اللحين جاي ههههههه ادري بكير على وقت دوامي إلا أقولك جات سلوى ولا بعدها؟ لحظة بس " بدل جواله من يده اليسار الى اليمين" وصار يدخل يده اليسار في البالطو أها كمل؟ لا ياسخيف ما أحبها ولا شي بس تراها متدربتي انا المسؤول عنها "وهو ينزل من على الدرج" لأن عندها مريض ولازم تعاينه في هالوقت تصدق بس ..انا الغلطان الي أسألك ,للإشاعات جاهز ههههههه يلا مع السلامة ..أشوفك في المستشفى قفل جواله .. رفع عينه من جواله .. شافها جالسة على الكنبة بإستياء وتلعب بسحاب شنطتها ابتسم :مساء الورد جواهر بملل:مساء الخير يوسف:شفيك؟ جواهر :بنات عمامي متجمعات وأبي أروح لهم بس مافي أحد يقدر يوصلني يوسف اشر على نفسه :والي قدامك؟ جواهر لوت فمها :وراك شغل يوسف :ويعني؟ جواهر بضيق:يوسف لا تستهبل مابي أأخرك على دوامك ومرضاك يوسف : لاعاااد ترا على طريقي انزلك لبيت عمي وامشي .. واصلا انا مبكر على دوامي, يلا خبريني في أي بيت بتتجمعون ؟ جواهر شقت الحلق:بيت عمي جاسم يوسف :يلا جواهر اخذت شنطتها ومشت وراه وهي متحمسة يوسف وقف :لحظة.. "بصوت عالي" جيسيكا جيسيكا جات ناحيتهم :يس سير؟(نعم سيدي؟) يوسف :دو يو نو وير از مستر مشعل ؟(هل تعلمين أين السيد مشعل ؟) جيسيكا : يس , هي از سليب سير(نعم انه نائم ,سيدي) يوسف : اوك ثانكس جيسيكا (حسنا شكرا جيسيكا ) ابتسم بقوة ومشى ..صًفى له الجو ................................... متربعة وتكلم واتس اب بجوالها ومندمجة سلطان:يعني تتحدي أصير لك شاعر؟! شوق:أتحداااااك سلطان :طيييب ..شويات بس شوق ابتسمت وصارت تهز نفسها من الحماس تنتظر الشعر الي بيرسله رانيا وبيدها دلة القهوة تصب لغرام الي جنبها ,همست لغرام :البنت طربانة ولا تبي تثبت لنا انها حاطة نفسها على الهزاز ترا اول ماجلسنا وهي ماتتكلم بس تهتز غرام وهي تاخذ الفنجان من رانيا ,همست : لا أنا أتوقع هاذي فعايل الجني الي بداخلها سلطان :أجمل مافي حُبنا إنه ليس لهُ عقل ولا منطق ..أجمل مافي حُبنا إنه يمشي على المَاء ولا يغرق شوق تشققت من الوناسه : بنااااات بنااات اسمعوا وش كتب لي سلطان من شعر؟ جميلة :أتحفينا جوري: تفضلي سمعينا رانيا :خيرا يا جارية ؟ غرام دزتها : لاتقولين لها كذا بعدين الجني الي داخلها يطلع منها ويدخل فيك شوق لفت لملاك: ملاك ملاك ملاك :لبيه ؟ شوق اشرت على رانيا : دخلك هي البقرة الي بتعمل جبنه كيري ؟ "بعدت إصبعها لناحية غرام " هديك شو بتعمل حليب ولا قشطة ؟ غرام وهي تدور شي ترميه على شوق : ياااا ..حيواانة .. اعطوني شي افقع وجهها بيه شوق صفقت تغيظها : لوووووول العين بالعين والسن بالسن والبادئ اظلم غرام بتروح لشوق .. مسكتها رانيا غرام :هديني عليها ..هديني عليها هالخايسة ذي شوق : والله مالي ذنب انا حاطة العطر الي اشتريتيه لي في عيد ميلادي غرام انسفت الجبهة :والله ... لاهاذي اكيد ريحة ملاكو الي جبنك البنات انفجرو ضحك ملاك بعصبية وصدمة :أنااااااااااا؟!!!!!!! سلام الله على ريحتك يقال ريحة بنقالي يشتغل في سوق سمك وربيان البنات ضحكو جميلة صفقت عشان ينتبهون لها :هيييه ههيييه بنااات اسكتو عشان نننصت لكلمات الشاعر سلطان فاتن بصوت عالي : ليديز أند جنتل مان .. صفقو للشاعر سلطان الـ#### البنات صفقو بحماس والي تصافر شوق ابتسمت وهي تعدل فستانها : أحم أحم ... اسمعو ووعو وأنصتو للذي كتبه الشاعر سلطان الوسيم لزوجته المستقبلية الجميلة شوق ..أححححمممم (أجمل مافي حُبنا إنه ليس لهُ عقل ولا منطق ..أجمل مافي حُبنا إنه يمشي على المَاء ولا يغرق ) البنات استعدو بيصفقو جوري رفعت يدها توقفهم :لحظة لحظة لحظة .. اسمحي لي شوق بس زوجك أبو خريط .. اصلا هالبيت لنزار قباني ياحلوة! البنات انفجرو ضحك شماتة في شوق الي مستانسة بالشعر واخر شي يطلع الي كتبه نزار قباني غرام وهي تضحك شماتة :آوووووووووب انفجرت الجبهة فاتن :ههههههههه لا اصلا ماعاد لها جبهة عشان تنفجر شوق : انتم يابنات عمي الي يجلس معاكم غصب تنفجر جبهته جميلة وهي تضحك :ههههههههههه جد تحسين كذا جلستنا جلسة تفجير جبهات كل وحدة تفجر في جبهة الثانية ملاك لفت لجوري:تكلمين مين ياحلوة ؟ جوري: جوج تأخرت كثير شوق :جد كلميها الجلسة ماتسوى بدونها وبدون, سارة ! ....................... في لندن بالتحديد ..عِند العرسان الجدد فتح فيصل باب المطعم ودخل مع سارة الي كانت تضحك معاه جلسو على كراسي باللون الأحمر بدون مسند .. وقبالهم طاولة طويلة باللون الأبيض .. في هالمطعم الكل يجلس جنب بعضهم البعض سارة على يسار فيصل:حبيبي أنا بدخل الحمام فيصل وبيده المنيو : طيب بس خلينا نطلب بالأول ,عشان نختصر الوقت سارة :عادي أطلب لي نفس طلبك فيصل : اممم حتى العصير ؟ سارة وهي تعدل خيوط جزمتها:اطلب لي بيبسي آوك؟ فيصل :طيب طبع قبلة على خدها ..ابتسمت له وقامت من على الكرسي ...في الحمام وقفت قدام المراية,غسلت يدها ونشفتها ..طلعت مرطب الشفاه من شنطتها وحطته لها ..حطته في الشنطة وعدلت حجابها الوردي ..ابتسمت وهي تناظر نفسها في المراية وفي داخلها "والله وتحقق حلمك ياسارة,واللحين انتي في شهر العسل مع شاروخان تبعك" دخلت بنت بريطانية الحمام وباين عليها متوهقة.. وقفت قدام المراية وناظرت سارة "بترجم كلامها عطول":اعذريني أيتها الآنسة, هل تستطيعين مساعدتي في وضع الاي لاينر ,أنا متوترة ويداي ترتجفان لذا اخشى ان افسد مظهري حينما اضعه سارة ابتسمت لها :بالطبع ,هاتيه البنت البريطانية شقت حلقها وهي مبسوطة : شكرا جزيلا , أنت فتاة طيبة حطت لها سارة الاي لاينر ..واللقافة تحك لسانها : هل تريدين ان اضع لك ماسكارا سوف يصبح مظهرك أفضل البريطانية : سأكون سعيدة حقا ان فعلتي ذلك سارة ماصدقت خبر وطلعت مسكاراتها من شنطتها وحطت للبنت.. شكرتها البريطانية وطلعت من الحمام سارة ناظرت ساعتها : تأخرت على فيصل , أكيد جابو أكلنا طلعت من الحمام وهي تتجه للفيصل وهي مبسوطة حدها وقفت تستوعب الي يصير قدامها فيصل جالس جنب بنت بريطانية شقراء بلبس فاضح ,ويضحك معاها ويتصل لها عشان يتخزن رقمه في جوالها بإختصار "يغازلها+يرقمها!" سارة زفرت بسخرية والدموع متجمعة في عينها:هــه! البنت وفيصل لفو لها فيصل توهق:ساره! البريطانية : Oh My God  !وقفت من على الكرسي بإنزعاج :Is she Your Girl friend? فيصل توه بيتكلم ..البريطانية اخذت شنطتها الي على الطاولة وبعصبية شتمته ومشت فيصل وقف لسارة : سارة اسمعيني.. سارة : إنتَ صايع! , أكــرهك! شدت مسكتها على شنطتها ومشت عنه فيصل بصوت عالي:ساااره! أوووف "لف للعامل الي قدامه " إلغي الطـ..أقصد, Cancel our order! ولحقها بسرعة..(الفندق الي مقيمين فيه قريب جدا من المطعم الي كانو فيه) دخلت الفندق وهو دخل وراها..بما انها درت انه وراها حاولت تسرع اكثر عشان مايمسكهاتوجهت للمصعد ولحسن حظها انفتح وطلع منه شخصين دخلت بسرعة وهي تضغط على الزر عشان يتسكر باب المصعد وتصعد للغرفة الي هم فيها وفي هالأثناء كان فيصل في جهة المصاعد شافها وهي داخل المصعد ..وتوجه لها بيدخل معاها ,على آخر لحظة تسكر باب المصعد في وجهه مسك وجهه بتألم وهو معصب:أفففففففففففف .................................... في سيارة يوسف.. جواهر جالسة وراء في النص مثل المسبهة..تستحي تصعد معه قدام مع انها سبق وصعدت قدام مع مشعل ولكن مشعل بالنسبة لها صديق ..يوسف غير مركزة نظرها على تعليقة السيارة ,كانت سوار مطاطي باللون الوردي وعليه كلمة (دكتور) بالانجليزي وبجنب هالكلمة قلب باللون الفوشي,لا اراديا بصوت واطي:وردي ! يوسف :نعم؟ جواهر انتبهت لنفسها,هزت راسها بالنفي وهي تبتسم :لا بس مستغربة من شي يوسف ناظرها :آيش ؟ جواهر ابتسمت بعباطة وهي تناظر السوار يوسف وجه نظره ببطئ للمكان الي تناظر إله ,ضحك بخفة :هههه السوار؟ جواهر:بصراحة,ايه يوسف بإبتسامة : أكيد مستغربة إنها باللون الوردي ,هاذي ياطويلة العمر غالية علي كثير, لانها من أختي سارة في أول يوم دوام لي كدكتور عطتني اياها, بس الذكية ماعطت اهتمام للون السوار والقلب الا فيه ,اشترته عشان كلمة دكتور , مع ذلك حبيته كثير لأنه ذكرى جميل لتحقق طموحي , ولأني ما أقدر ألبسه خليته تعليقة سيارتي جواهر :هههههههه ساروه دائما مفهية , بس بصراحة السوار حلو , بس مايناسب رجال أبد يوسف:إذا عـجـبـك.."اخذ السوار" خذيه لك لأنه غالي علي , وأنت أغلى جواهر انقلب وجهها ألوان: لا وش دعوة خليه لك لأنه غالي عليك يوسف بحنية:جواهر,خذيه واتمنى دائما تلبسيه , هالسوار يدل إنك ملكي , لين ما أخطبك جواهر تنحت ..نبضاتها تتسارع ,إبتسامته,صوته,كلامه .... تخليها تحبه أكثر وأكثر .................................. في هالأثناء.. حاط المنشفة على أكتافه وشعره مبلل ..ويشرب ماء وهو ينزل من على الدرج دخل المطبخ بنشاط ..فتح الثلاجة يدور شي ياكله(بالإنجليزي) : أين الجميع جيسيكا؟ جيسيكا وهي تمسح أرضية المطبخ (بالإنجليزي): السيد عبدالرحمن والسيدة خلود في الكويت ،سيدي مشعل وهو يحط السلطة على الطاولة ويجلس,رفع حواجبه (بالعربي): والله ! عايشين الجو ولا خبرونا , طيب,(بالإنجليزي)أين يوسف ؟ جيسيكا (بالإنجليزي):لا أعلم بالتحديد ولكنه كان مرتدي الاب كوت أي خرج لعمله مشعل وهو ياكل السلطة , بتردد(بالإنجليزي): وووو..أحم,وجواهر؟ جيسيكا (بالإنجليزي):خرجت معه سيدي ! مشعل ناظرها بنظراته الحارقة ..رمى الملعقة بعصبية (بالعربي):أستغل فرصته الحيوان لأني نايم , ليش مايحب فرح ويتزوجون وأخلص منه ومن حبه الغبي ,(بالإنجليزي)وأنتٍ!,حالما ترين إن الآنسة جواهر سوف تخرج مع يوسف توقظيني فوراً أفهمتي؟! جيسيكا(بالإنجليزي):أمرك سيدي! مشعل قام من على الكرسي وهو واصل حده من العصبيه :انسدت نفسي! ........................... جالس في الصالة ويحوس في لاب توبه التوشيبا الكحلي بإندماج..قطع عليه صوت الجرس ,بإنزعاج وهو يحط لاب توبه على الكنبة :اففففف يعني مااكتملو كل بنات اعمامي لحد اللحين! مشى بكسل لناحية الباب وفتحه.. جواهر بإبتسامة :هلا راشد راشد ببرود:أهلين جواهر جواهر :وين البنات؟ راشد وهو يأشر على باب المجلس :هناك جواهر :شكراً مرت بجنب طاولة عند الجدار استوقفتها صور كثير عليها , صورة فيها عمها جاسم في شبابه ومعاه مرأة ومعاهم عبدالله ووليد , وصور مفردة لعيال عمها , وصور كثير للمرأة الي كانت في الصورة مع عمها جاسم راشد وقف يناظرها وهو حاط يديه في جيوبه : أمي جواهر:هاذي أول مرة أنتبه للصور الي موجودة هنا ! تصدق انك نسخة من أمك ! راشد وهو يجلس على الكنبة : لهدرجة عمية ما انتبهتي لكل هاللصور ! جواهر التفتت له بصدمة وقهر:شكل أمك بس أخلاقك أخلاق زبالة ! ضحك راشد وسفهها جواهر وقفت بشكل مستقيم ومشت بخطوات واسعة وهي منقهرة -دخلت المجلس ..ووجهها أحمر من العصبية- يعني ليش أغلب أخلاق أولاد هالعائلة زفتة ؟!!! البنات وقفو لعب الأونو وناظروها بإستغراب ششوق:وعليكم السلام! جواهر وهي تجلس: آسفة السلام , بس جد تنرفزت جوري ضحكت بخفة :ليش وش صاير؟ جواهر بإنفعال: ذا الزفت راشد نرفزني فاتن :ومين مايتنرفز من راشد , هو كائن انخلق عشان ينرفز الناس ملاك :هههههههه حرام عليكم أخوي مسكين فاتن ناظرتها بحدة :عساه ضربة سكين! جواهر ضحكت :ههههههه شكلكم بينكم علاقة كراهية قوية فاتن رفعت حواجبها :فوق ماتتصورين! رانيا :صح صح ليش تأخرتين ؟ جواهر :وش أسوي من خطوبة سارة سافر السواق وعمي ماجاب غيره , وعمي 24 ساعة مشغول ماعندي الا يوسف ومشعل جوري: طيب كانو مشغولين؟ جواهر:بالضبط , يوسف دوام ومشعل نايم , بعدين اتبرع يوسف ان يوصلني غرام صفرت :هيك الرجال ولا بلا جواهر ابتسمت وهي تناظر السوار الي عطاها اياه رانيا : طيب ياذكية كان قلتي لي أمر عليك ونيجي سوا جواهر حكت ذقنها : تصدقين ماجات على بالي! غرام وهي تضحك بعباطة :سوا لو زين ! رانيا ضحكت بعباطة : زين لو شين ! غرام ورانيا :هههههههههههههههههه الكل ناظروهم بنص عين فاتن : آآآ المطلوب نضحك يعني؟ ملاك:ماتقدرون ماتسوون هالحركة صح ؟ شوق : هم تبع زيديني سخفا زيديني ,يا أسخف نوبات جنوني(تحرف قول نزار قباني:زيديني عشقا زيديني يا أحلى نوبات جنوني) جوري ضحكت :جاتكم نزارة قبانية ! فاتن ضحكت :مو أعظم من زوجها ! البنات ضحكو ماعدا شوق: هههههههههههه شوق بعصبية:ياسخيفات! البنات كلهم ماعادا جواهر الي ماتدري عن السالفة :أجمل مافي حُبنا إنه ليس لهُ عقل ولا منطق ..أجمل مافي حُبنا إنه يمشي على المَاء ولا يغرق غرام صفقت بقوة وبحماس:الله الله على سلطان قباني أووووووب! شوق وهي ترمي أوراقها :أوووووف منكم ياحيوانات أعقلو جواهر بإبتسامة :شالسالفة؟ جوري:هذا يابنت الحلال الشاعر سلطان قال لشوق هالبيت الشعر الي قلناه من شوي وأخر شي طلع ان الي كتبه نزار قباني ! جواهر ضحكت بقوة رانيا رفعت يديها بإعتراض:بسس يابنات مستحيل يتحول لقب نزار قباني لسسلطان بعدين أطلع له لقب ولا يهمه بس لقب نزار قباني ليوسف! جواهر وقفت ضحك بتساؤل:ليش يعني يوسف نزار قباني؟ رانيا : لأنه حنون ورومانسي يناسبه هاللقب جواهر :أصلا انتي ماتعرفين تطلعين القاب أجل أنا سندريلا باكستانية ! رانيا حطت يدها على فمها وضحكت :والله مو أنا الي طلعت عليك هاللقب ولد عمك طلعه عليك وانا عجبني فسرقته ههههههه جواهر لوت فمها :مالت عليكم انتم الاثنين , طيب وذا الي برا وش لقبه ؟ فاتن ضحكت :ههههههههه كرهته من قلب ! رانيا :سيد متعجرف جواهر ضربت باطن يديها ببعض:جبتيها بالضبببط يناسبه رانيا ضحكت : يا ربي جد كرهته هههه جوري وهي تخبص أوراق الأونو: شويق قومي زيني لنا شاهي! شوق :تلايطي جوري :مالت عليك طيب ملوك حبيبتي انتي قومي .. ملاك قبل ماتكمل جوري كلامها , هشتها بيدها جوري وقفت خبص بنرفزة:بالله ؟!!! شوق :ورا ما تقومين انت تسوينه؟ ملاك:من جدد جوري رمت الاوراق على الارض وصارت تلبس عباتها وهي مبوزة: أجل ياويلها الي بتمد يدها على الشاهي الي بسويه شوق:من زينك انت وشاهيك ,فارقي بس جوري رمقت شوق بنظرة وطلعت من المجلس للمطبخ بما إنهم متعودين يتجولون في بيوت اعمامهم وجوري الطباخة تبعهم فحافظة اماكن الاشياء الي في المطبخ طلعت إبريق عادي وثلاجة الشاهي الأنيقة باللون الاسود الممزوج مع الذهبي سمعت صوت خطوات تتجه ناحية المطبخ وقفت بدون حراك توقفت صوت الخطوات لما دخل المطبخ ..تنحنح وهو يتجه ناحية الثلاجة جوري ماكلفت نفسها تلف عشان تشوف مين الي دخل المطبخ ... اخذت قارورة المويه الكبيرة عشان تصب المويه حاولت بس القارورة مليانة مويه وثقيلة عليها :هاتيها عنك بساعدك جوري وهي تلف راسها ناحيته:لا مايح... تنح لما شافها , حب حياته , لما يشوفها يحس ان كل شي بخير ,كل شي حلو , لما يسمع صوتها يقشعر بدنه , حتى لو تقول كلمة بسيطة بالنسبه له هالكلمة عظيمة مدامها منها أما هي فيدها ارتجفت على غير عادتها , لان هالمرة تذكرت كلام شوق لها في زواج فيصل وسارة وليد ابتسم بهيام:أخبارك جوري جوري بعدت نظرها للمويه ,وبشق الأنفس:تمام وليد حط علبة العصير على الطاولة ومد يده للقارورة:آ...اتركيها عنك انا بصب المويه جوري بعدت من مكانها عشان يصب وليد المويه ...صار يصب المويه وهي تناظره وفي داخلها" وش الي فيني عشان يحبني , ولا مرة عاملته معاملة خاصة او مدحته او صار بيناتنا موقف عشان يحبني, متحيرة" وليد بعد وهو يبتسم جوري بهدوء رجعت لمكانها :شكرا وليد بإندفاع : لا لالالا مابينا شكر ! جوري انصدمت بس حاولت تخبي صدمتها بإبتسامة وهزة راس بمعنى "آوك"بخفة وقف جنبها شوي عشان ياخذ كاس من خزانة الكاساات ويصب فيه العصير تبعه :أنا أعشقك ! اعترف!,حست كأن تيار كهربائي مر في كل خليه من خلايا جسمها, وقفت عن الي تسويه أما هو بلع ريقه بقوة وهو يحاول يستجمع شجاعته :مرت 6 سنوات وأنا كل سنة أعشقك اكثر! جوري في داخلها"أيييييييش!!كممممم!!! ست سنوااااااااااات مستحيلللللل!!!" وليد لف لها عشان يشوفها ويشوف ردة فعلها,كانت جامدة تماما,كمل بشجاعة ماسبق له صار بمثلها :ولا تظنين ان حبي هبال أو طيش, لا والله انا أعشقك وبقوة جوري والود ودي إني أخطبك , بسسس , أنا خايف إنك ترفضيني لأنك ياجوري ماتدرين لو أنك ترفضيني ايش الي بيصير فيني ! جوري بصوت واطي: وايش الي يخليك واثق بإني راح أرفضك ؟ وليد : الي تقدمولك ومع كثرهم كلهم انرفضو من قبلك ,اللحين أنا راح تقبلي فيني؟ جوري توترت تمنت انها ما اشتهت الشاهي ولا قامت سوته ولا تنصاب في هالموقف وليد بإلحاح:جوري؟ جوري بثقل : وليد أنا آسفة بس ماراح أنبس ببنت شفة الا اذا صار الموضوع رسمي! وليد ابتسم تدريجيا :يعني إنت عندك مشاعر اتجاهي؟ مر السؤال كأنه صاعقة عليها التوتر وصل اتش عندها , تمنت تهرب منه أو تطلع حفرة في الارض وتطب فيها أو يدخل أي أحد عشان تنفذ من هالموقف وهالسؤال جوري لهت نفسها بإنها تفتح علبه الشاهي وليد سحب علبة الشاهي من يدها :جاوبيني! جوري رفعت يدها تفتح الخزانة تدور شي هي ماتدري ايش هو بس اهم شي تتهرب من سؤاله وليد بإصرار:جوووري! جوري نزلت يدها وهي تتنفس بسرعة ,لفت له .وبنبرة حنية : أتمنى أبادلك نفس الشعور وليد ,بس أنا ,أنا, قلبي مايميل لك أبد! وليد سكت شوي وهو يناظرها بألم : جوري إنت تحبين شخص ثاني صح ؟ جوري بصدمة :شتقصد ؟ وليد :رفضك المتكرر للي يتقدمولك ,و رفضك لحبي يبين انك تحبين شخص جوري هزت راسها بالنفي :أنا ما أحب , بس في نفس الوقت انا ما أحبك وليد , "سكتت شوي " آسفة وليد بغصة:مو انتي الي تتأسفين جوري حاشاك , بس اتمنى لو اني اتقدم لك توافقي , ووالله راح اعيشك مثل ماتحبين والي تبيه راح يصير جوري مسحت وجهها بيدها وهي متنرفزة حالتها يرثى لها .. :أووه ياهلا والله بجوري وأنا أقول البيت منور ! جوري بوهقة ابتسمت :اهلين عمي ! وليد نزل راسه وسكت بضيق جاسم :اوب اوب وش ذا الزين ؟ خليني اسويه عنك وانتي اجلسي مع بنات عمك جوري ابتسمت:لا تتعب نفسك عمي , اللحين باروح لهم جاسم : امم يعني ماراح تسويه ولا راح تخليني اسويه عنك؟ جوري هزت راسها :ايه مايحتاج ,أصلا إنسدت نفسي! جاسم ابتسم ابتسامه صفراء وهو مستغرب وليد رفع راسه وناظرها على اخر كلمة قالتها "انسدت نفسي!" طلعت من المطبخ بزفرة طويلة .................................................. ........... لابسة ملابسها الرياضية بلوزة صفراء وعليها كلمة (sport) وبرمود أصفر عادي , وشعرها رافعته ذيل حصان وغرتها شادتها بطوق قطني, وتدرب بالطوق الرياضي أما هو فجالس قبالها على الكنبة ويناظرها بملل: وش رايك نطلع ؟ سارة بإنهماك :لا فيصل:طيب نشاهد موفي؟ سارة:لا فيصل:طيب نلعب ورق؟ سارة:لا فيصل بزعل:أوووف يعني كذا راح تعاقبيني؟ سارة :لا مو هذا عقابك راح تشوف عقابك بعدين فيصل :أنا بس ابي اعرف ليش انتي زعلانة هالكثر؟! سارة :لا تسوي نفسك ماتدري ياباشا فيصل,يعني حركة انك ترقم بنت واحنا في شهر عسلنا شي عادي؟ فيصل لوى فمه :طيب هاذي المرة الوحيدة مفروض ماتزعلي بهالكثر! سارة لفت له بسرعة فطاح من عليها الطوق الرياضي ,بعصبية :نعمم؟!! هالمرة الوحيدة , ليش نسيت لما غازلتني في المجمع وانت تحسبني بنت ثانية ؟ نسيت لما ضحكت مع البنت الي تصادمت معها في المجمع ؟"وهي تضرب الارض برجلها " نسيت لما اي بنت تمر بجنبك تاكلها بعينك لين ماتغيب عن نظرك ؟, أنا زين مني اصلا اني نسيت تفاهاتك وحركات المغازل الي كنت تسويها قبل ماتخطبني بس المشكلة انك ضال على هالحركات ولا تغيرت ,أبي أفهم ليش تزوجتني اذا تحس نفسك مو قادر تترك هالحركات أو انك تحسني مو كافية عشان اغض بصرك عن باقي البنات ؟ فيصل افحمته سارة بكلامها عن حركاته , بس ارتفع عنده الأدرينالين عند سؤالها في الأخير سارة بقهر صرخت :جاااووبني!! فيصل ناظر سارة وهو ساكت مايدري وش يقول سارة والدموع متجمعة في عينها وهي معصبة:لا تسكت تكلم ! ياا فيييصل ليييش؟ فيصل وقف لسارة وهو يمسك كتفها بهدوء:ياسارة صدقيني في بعض الأحيان قلة المعرفة تكون في صالحك ! سارة بعدت يده بقوة وصرخت بعصبيية:مايهمني جاوب على سؤالي ,ليش باقي جرح ماجرحتني بيه؟جاوبني فيصل نظراته فيها الشفقة والألم ,بهدوء:عشان مشعل! سارة بهدوء وهي مستغربة :مشعل ؟شدخله ! فيصل وعينه بعين سارة:أمي كانت تبي تجبرني على الزواج ,وصارت تدور عن بنات عشان تخطبهم لي , لين ماحست بجمال شكل وأخلاق جواهر "سارة عقدت حواجبها بعدم فهم" وكانت تبي تجبرني عليها وخيرتني بين عدم رضاها وبين زواجي بجواهر,بس أنا ما أقدر أتزوج جواهر عشان أعز أصدقائي مشعل سارة :فيصل انت وش قاعد تخرف ؟ شدخل مشعل في جو..."سكتت بصدمة وهي تستوعب" فيصل كمل:إيه ,عشانه يحب جواهر, واذا انا تزوجتها راح اكسر قلبه ,وفي هالفترة كانت تصبيني مواقف كثيرة معاك ومنهم ضمك لي في مزرعة أبو رويد ,فقررت إني أتزوجك سارة طاحت الدموع من عينها وبصوت واطي:يعني أنا البديل؟ فيصل سكت ونزل عينه سارة وهي تمسك جبهتها وتبكي:وأنا الي أظنك تحبني ,أنا جد غبية! مشت بسرعة للغرفة وقفلت الباب بقوة فيصل رمى نفسه على الكنبة بخذل , حط يده على فمه وهو يفكر .. كانت ذيك الفترة صعبه عليه محتار يرضي أمه ويدعس على قلب صديقه ,أو تغضب عليه أمه ويرضي صديقه , ماكان عنده الا حل واحد عشان يرضيهم اثنينهم وهو زواجه من سارة! ............................................. يمشي في أرجاء المستشفى وبيده ملف مريض يدققه بإندماج .. صدم كتفه بكتف شخص آخر وتناثرت الملفات الي بيد الشخص الثاني يوسف نزل بسرعة يلتقط الملفات :أنا أسف ما انتبهت :اشتقت لي؟ يوسف لف لناحية الصوت :هاه؟! تنهد بقوة :سلوى! سلوى وهي على ركبتها بجنبه بإبتسامة :أولا قلت لك اكثر من مرة ناديني سوسو, ثانياالدكتور عبدالله قالي انك سألت عني ,كل هذا لأنك مشتاق لي؟ يوسف :آخ من الدكتور عبدالله ماينحط في فمه فولة ,لا طبعا يا متدربة سلوى انا سألت عنك عشاني مسؤول عنك ولازم اعرف اذا انتي ملتزمة بمواعيد شغلك أو لا سلوى رفعت حاجبها مو عاجبنها رده مد لها ملفاتها :تفضلي ملفاتك سلوى أخذتهم من عنده ولامست يده قصداَ يوسف بعد يده بسرعة ووقف بإنزعاج سلوى وقفت بثقة وهي مبتسمة تقدمت ليوسف ممرضة :دكتور يوسف عندك مريضة في غرفة 145 يوسف : طيب ايش حالتها ؟ الممرضة :والله ما أعرف مارضت أعاينها قالت لي ماأحد يعايني غير الدكتور يوسف لأني أثق فيه يوسف رفع حواجبه بإستغراب الممرضة مدت الملف إلى يوسف يوسف:متدربة سلوى خذيه عشانك بتروحي معي للمريضة سلوى أخذت الملف يوسف شكر الممرضة ومشى لمريضته وقف ولف وجهه بشكل بسيط لوراء: حابة تظلي تشتغلي على الملفات طول اليوم ؟ سلوى انتبهت لنفسها ومشت بسرعة وراه يوسف دخل لغرفة المريضة ووراه سلوى مباشرة :أخبارك ولد أخوي؟ يوسف ناظر عمته بدور بصدمة .. وأول ماشاف ان عمته الي جالسة على الكرسي ناظر الي على السرير بسرعة (فرح!!) يوسف بصدمة :أهلين عمتي بدور فرح بدلع :وأنا مالي سلام؟ يوسف ابتسم ابتسامة صفراء خفيفة :سلام فرح فرح بدلع :وعليكم السلام يوسف : عمتي بدور ايش فيها بنتك ؟ فرح :ليش انا مالي لسان عشان تسأل أمي وأنا المريضة موجودة قدامك وتقدر تسألني؟! سلوى رفعت حاجبها بإستغراب من التصرفات الي صايرة قدامها وردة فعل يوسف من وجود عمته وبنت عمه بدور ابتسمت :والله مادري ياروح عمتك بس فجأة طاحت علينا في البيت وعلطول جبناها هنا يوسف:ووينه زوج عمتي حازم ؟ بدور:زوجي مسافر للإمارات وفهد الي جابنا هنا وراح لأصحابه يوسف ابتسمت :أها ان شاء الله يروح ويرجع بالسلامة , فرح أنا راح أعاينك اللحين مستعدة ؟ بدور وقفت :وأنا أستئذن ,اهتم فيها يايوسف وتراها أولى من كل هالمرضى الي عندك دمها من دمك ولحمها من لحمك يوسف: راح تمشي وتتركيها ؟ بدور بغرور:اي ليش لا , أكيد ماراح تعمل عملية أو شي من هالقبيل , ثانيا انت ولد خالها وموجود معاها وطبعا اذا احتاجتك ماراح تقصر معاها صح ؟ يوسف هز راسه بإيه وفي داخله "ولو هي بنتك ولازم تهتمي فيها!" طلعت وهي تتمخطر بغرور لف لفرح الي كانت مبتسمة على الآخر يوسف تنهد وهو يصبر نفسه وتوجه لناحيتها عشان يكشف على عينها فرح ابتسمت:مايحتاج تتعب نفسك وتفحصني ,"بهمس مسموع" أنا موب مريضة أنا أمثل المرض! يوسف:فرح من جدك انتي؟!! فرح ابتسمت بثقة:ايه لأني اشتقت لك ولازم اشوفك سلوى ناظرت يوسف بصدمة الي كان هو منقهر من جرأتها يوسف بقهر بس بهدوء: تشوفيني برا المشفى في بيتنا في بيت جدتي بس مو تجيني في المستشفى أنا هنا أشتغل مو ألعب يافرح عندي عدة مرضى يحتاجوني ويحتاجون وقتي الي انا اضيعه معك اللحين , تدري اني ما اقدر اطلعك من المشفى الا اذا اجريت لك الفحوصات ؟ فرح والحياة عندها ايزي :مو مشكلة , افحصني يا يوسف هذا يوم المنى سلوى بجدية :اسمه الدكتور يوسف مو يوسف حاف فرح بقهر:وانت شدخلك اناديه بلي ابي يوسف بنرفزة: خلاص فرح , وانت تراها بنت خالي مالها داعي الرسميات بينا سلوى سكتت بقهر وفرح كشرت في وجه سلوى وابتسمت ليوسف يوسف وهو يفحص عينها : انا اللحين راح افحصك وأول ماتطلع النتائج راح ارخصك من المشفى فرح لفت وجهها وغمضت عينها بقوة يوسف :عندك حساسية من الضوء. بدلع ماصخ:يمكن حبيبي "وشدت على الكلمة وهي تناظر سلوى " الي ناظرتها بحدة يوسف بصوت واطي :ياصبر الأرض متدربة سلوى قيسي الضغط للمريضة سلوى بنرفزة:بس هذا شغل الممرضة يوسف ناظرها بحدة هو بالموت متحمل بنت عمته عشان يتحملها اخذت جهاز قياس ضغط الدم وهي منقهرة يوسف : ولو سمحتي بعد ما تخلصي من قياس ضغطها اعملي لها صورة طبقية للدماغ بما انها دخلت بحجة الاغماء لازم نعمل لها هالفحص الكذابي " وناظر فرح عند اخر كلمة قالها" سلوى : اذا كل السالفة كذب في كذب ليش اتعب نفسي واعمل لها صورة طبقية للدماغ فرح تبي تنرفز سلوى : لانه يخاف عليي ومهتم فيني سلوى : باين من سحبته على تحيتك اول ماشافك فرح انقهرت :لأنه كان منصدم من وجودي في المشفى وكان خايف عليي أول ماشافني ماشفتي ردة فعله يالعمية سلوى : امبلا شفت ردة فعله وكانت مبينة غير عن الي قلتيه يعني اذا تبغين ارتب لك مواعيد عند طبيب العيون لانك عمية! يوسف اتنرفز :هيه انتم الثنتين بعدو كرهكم لبعض في هالمجال , اول ماشفتو بعض وكل وحدة حاطة راسها براس الثانية ! فرح بوزت بدلع :شفت يايوسف كيف تعاملني متدربتك؟ غيرها مابيها تكون الي تشتغل عندي ! سلوى تخصرت :نعم نعم؟؟!! ليش خدامتك عشان تقولين اشتغل عندك؟؟! يوسف : فرح خلي الدكتورة (سلوى ناظرته بسرعة وهي مبسوطة من داخلها اول مرة يناديها دكتورة ) تشوف شغلها وتفحصك ولو سمحت يادكتورة سلوى أبغى نتائج الفحوصات تطلع اليوم , عن اذنكم طلع وهو متنرفز من هالموقف البايخ سلوى ناظرت فرح بدون نفس: قومي معي عشان افحصك طبقي محوري فرح ناظرتها بحدة :انتي حاطة عينك على يوسف صح ؟ سلوى تكتفت :ليش انتي حاطة عينك عليه؟ فرح :طبعا حتى الأعمى راح يدري اني أعشقه مو بس أحبه , "حطت يدها على فمها " أوبس نسيت انك عمية سوري! سلوى ضحكت بإستخفاف:هههه ياحرام تحبيه وهو ساحب على أم أم أم حبك , حبك حب أعمى مثل صاحبته! فرح وقفت بغرور وهي جبهتها منسوفة:خلصيني واعملي لي هالفحوصات الغبية سلوى مدت يدها ان هي تسبقها وتمشي مشت فرح بغرور قدامها وفي داخلها " ياربي من وين طلعت هالقردة الثانية بعد! يارب تنصاب بأحد الأشعة الخطيرة الي في هالمشفى ويصيبها مرض فتاك وتموت يارب" وسلوى في داخلها " اففف من هالملاقة كل الملاقة الي موجودة في هالعالم مجتمعة في هالسخيفة ! يارب بس متى تطلع فحوصاتها السليمة وتطلع من المشفى بأسرع وقت وأفتك من وجهها المكفهر ذا ,ومو نوقف عند هذا وبس لا ان شاء الله اول ماتطلع من المشفى تدعسها سيارة لا! مو تدعسها سيارة الا تدعسها تريلة وتموت موتة شنيعة !" ...................... :جهزت الفستان والاكسسوارات وحجزت لي كوافيره راح تجيني للبيت وامم باقي علي الشوز وابي اشتري لي مجموعة العناية بالبشرة و جميلة قاطعتها :طبعا هاذي عليي لا تنسين وبعيدن تشترينها شوق :لا شدعوة انسى احسن وفرتي , ايه وانتم جهزتو لخطوبتي؟ ملاك:انا ايه خلصت كل شي شوق ضربت راس ملاك بخفة:تستهبلين مع وجهك جوري :انا اشتريت الفستان بس باقي علي الاكسسوارات رانيا:انا مثلك جميلة :اما انا خلصت كل شي تماما شوق :وطبعا انتم فاتن وغرام اشتريتو الفساتين بس صح؟ فاتن:يب غرام:لا انا ما اشتريت شي اصلا! شوق بصدمة:من جدك ؟!! ترا ماباقي شي على ملكتي!! غرام :وانا شسوي اذا البضاعة في كل مكان زبالة جوري :بلا كذب غرمو قولي شسوي اذا انا ما طلعت السوق عشان اجهز لملكة شوق! غرام بضجر:اففف شسوي ترا قسم التجهيز للمناسبات ترفع الضغط انا زين تحملت تجهيز عرس فيصل وسارة عشان بعده عطول اجهز لملكة شوق شوق تخصرت :ياسلام ! يعني مايحتاج تجهزين لخطوبتي ولا كأنك بنت عمي وصاحبتي؟! غرام:شف ذي الي ماتفهم!أقولك ثور تقولين احلبيه! شوق :المهم ماعلي منك ,وانت جواهر وش جهزتي؟ جواهر وهي منزلة راسها ماتبي يجي دورها في تحقيق شوق ,بتردد:آآ , آم...بصراحة ماجهزت شي شوق بفجعة وبصوت عالي :ياسلام وانتي بعد؟!!! جواهر بضيق:شسوي قلت لك ضروفي مع الطلعات فاتن صفقت بقوة وهي مبسوطة:حلوة ,أجل واعدي واحد من عيال عمي عبدالرحمن وخليه يطلعك السوق ويدلعك جوري :هيه انتي ايش يواعدها وتواعده ويدلعها ! فاتن:والله هاذي افضل طريقة لها تطبق "يعني تخليه يحبها بشكل غير جدي ومؤقت بالسوري"واحد من عيال عمي عبدالرحمن البنات يناظرونها بنظرة الـ"ياسلام" أما جواهر تفشلت لان فعلا كما في معلوماتها ان واحد من عيال عمها يحبها (يوسف) رانيا:والله عجبتني الفكرة لو أنا بدالك ياجواهر كان طبقتها طق طق طق شوق بصوت عالي:مييين؟؟ :أنا يابابا شوق :ادخل كلهم محارم جاسم دخل وعلى وجهه ابتسامته الحنونة وبيده حامل صينية ذهبية وعليها ثلاجة الشاهي الي طلعتها جوري واستكانات :السلام عليكم البنات كلهم:وعليكم السلام عمي جوري ابتسمت لما شافت ثلاجة الشاهي بيد عمها جاسم وهو يحط الصينية قبال جوري : مايهون علي تشتهين الشاهي ولا تشربينه جوري وهي شاقة الحلق:تسلم يدك عمي بس ماكان مفروض تتعب نفسك جاسم وهو يجلس بين فاتن وجميلة : معليش عادي اجلس معكم ؟ جميلة :اي اكيد اذا ماوسعك المكان توسعك عيونا ابتسم لها جاسم وجلس : اللحين الشاهي يتعب ياجوري لايتعب ولاشي , الا اخباركم يابنات اخواني؟ جات له اصوات من كل مكان تردد هالكلمات"بخير,تمام,الحمدلل� � الخ" جاسم ونظراته تتفحص الموجودين : الا وينهم بنات اختي (بدور) فرح ومرح؟ شوق بإمتعاض: لاااا مستحيل اعزمهم على بيتنا عشان يخربون الجمعة غرام :اصلا فراقهم عيد فاتن:وشوفتهم نكد جميلة:ماعندنا علاقة قوية بيهم ,او بالأحرى علاقتنا معهم كراهية وبغض وبس أما جواهر فكانت ساكتة وهي تتأمل ملامح عمها الي تشبه ملامح أبوها سامي جاسم بحنية : لا يابابا ليش تقولون هالكلام..مهما كان هذول بنات عمتكم دمهم من دمكم حتى لو كانت طبايعهم وصفاتهم غير عنكم لازم تتقبلونهم وبعدين يابابا انتم لازم تحسون فيهم انتم تدرون ان البيئة الي هم متربين فيها صعبة كثير أمهم الي هي بدور اختي متحررة وتبي كل شي يصير تحت أمرها وأبوهم عصبي وملتزم الى حد التعقيد ونفس الشي يبي كل شي يصير تحت أمره وعلاقتهم مختلة وكلها هواش وتفكك فبالله كيف تبون يصيرون عيالهم ؟ فهد صاير ملتزم ومعقد وعصبي مثل أبوهم مع العائلة ومع اصحابه مغازلجي وراعي حركات (هنا جوري رجع لها التفكير بشأن ان ممكن يكون فهد هو الفارس المجهول) وفرح ماخذة طبايع امها أبن عن جد ومرح مهزوزة الشخصية ,أقصد من كلامي ان محد ينخلق خبيث ومتكره للناس ,كل إنسان يخلق وقلبه نقي بس هو الي يزرع في داخله الكراهية والخبث ,يابابا حتى لو أنتم تكرههوهم مثل ماتقولون معليش الكره نقدر نحوله لحب حاولوا تقربونهم لكم وتعاملوهم بالحسنة وتكلموهم بالكلمة الطيبة لأن والله حرام ان كلكم اعماركم قريبة لبعض وعلاقتكم قوية مع بعض ما شاء الله بإستثاء فرح ومرح الي كان ممكن تكونون معهم صداقة ولا أحلى شوق بعصبية كعادتها : بس يبه أنا ما أقدر أتحمل غلاظة فرح أبد ومرح ترفع ضغطي بشخصيتها الضعيفة ملاك:وأي شي تسويه فرح ,مرح تسويه فاتن:عمي, تراهم والله يفقعون المرارة خاصة فرح كذابة وفتانة ومنافقة وقليلة أدب ومغرورة اففف ذكراها لحاله يعصبني! جاسم وهو يمسح على شعر فاتن الي جنبه :بابا لازم تفهموا أدري اني تفلسفت عليكم كثير بس من واجبي اني انصحكم انتم كلكم بنات أخواني وكلكم مثل بناتي ومافي وحدة افرقها عن الثانية حتى لو اني ربيت بنات ناصر لفترة بس يظل كلكم نفس الشي بالنسبة لي ومايهون علي اشوف علاقتكم متفككة مع بنات عمتكم ,ومع كل الصفات السيئة الي ذكرتوها عنهم لازم تتحملونها وتحاولون تتقربون لهم وتعاملونهم بالحسنى حتى لو كانت النتيجة ان علاقتكم تظل سيئة معاهم على الأقل انتم جربتو وحاولتو , وحتى لو معاملتهم سيئة معاكم انتم لازم تعاملونهم بالحسنى , وخذوها قاعدة في الحياة , أنت ستعيش مرة واحدة على هذه الأرض؛ إذا أخطأت إعتذر، وإذا إشتقت تكلم، وإذا أحببت فعبّر، ولا تكن صامتاً..إجعل من يراك يتمنى أن يكون مثلك، ومن يعرفك يدعو لك بالخير، ومن يسمع عنك يتمنى مقابلتك، فمن تعطر بأخلاقه لن يجف عطره حتى لو كان تحت التراب.. أثر كلامه على البنات لأنه الوحيد الي اهتم بهالموضوع وثانيا اسلوبه السلس والي يدخل القلب غرام كعادتها صفقت بقوة :درر درر عمي اوووب ضحك جاسم :وكيف احساسكم وسارة مو معكم؟ شوق بلا مبالاة:عادي فكة منها اصلا رانيا:وش فيك انت , نسيتي ان اذا اشتقت تكلم ولا تكن صامتا ابتسم جاسم بقوة شوق بإنفعال:ايه صحيح بصراحة مضايقة حدي خاصة انها ماراح تقدر تحضر ملكتي غرام :انا اشتقت لنسف جبهتها وبقووة ملاك:انا اشتقت لهبالها وكلامها عن شاروخان والافلام الهندية جاسم: يعني طلعت غلاتها عندكم اللحين هاه ؟ معروف ماتحس بغلاة الشخص الا لما تفقده رانيا ضربت صدرها وهي تمثل الحزن :وراحت الغالية سارة راحت ! فاتن وهي تناظر رانيا :هاذي ماتت مو مسافرة في شهر العسل ! جاسم :هههههههه الله يهديكم لا تفاولون على البنت سكت وهو يناظر جواهر الي ساكتة ومندمجة مع تفكيرها بوحدها : وانتِ ياجواهر ؟ جواهر رفعت راسها بسرعة لما سمعت اسمها : ايش عمي ؟ جاسم بحنية : كيفك في البيت بدون سارة ؟ اذا تحسين بالوحدة تعالي عيشي معانا تراني قلت لعمك عبدالرحمن من قبل اني ابيك تعيشين معي بس عمك وانت تعرفيه مايبيك تعيشين عند جدتك عشان تعيشين معي جواهر ابتسمت ابتسامة صفراء: لها وحشة كثير بصراحة , بس مشكور انا تعلقت كثير ببيت عمي عبدالرحمن واحس صعبة اني اتأقلم في بيت ثاني جاسم ابتسم:على راحتك ملاك وهي مبسوطة : الله! أتخيل لو جوج تعيش معنا ! شوق : كان فللللللللله! جاسم :فله لو باربي؟ كل البنات ناظروه بصدمة جاسم ضحك :ههههههه ايش؟ اقلدكم مو انتم دائما كذا؟! غرام بحماس: واو عمي حتى انت تسوي هالحركة ؟ وليك هاي الرجال ولا بلا جاسم :أفا عليك ياغرومه ,كفك "رفع يده" وهي رفعت يدها وضربو كفهم ببعض ...هالحركة معتاد يسويها معاهم من هم اطفال جميلة وهي تناظر عمها وتمثل الحزن بنظراتها :ياربي , عمي وحشتني أيام الطفولة لما كنت تسوي لي ظفيرة شوق:ههههههه الي بالموت تعلمها وصارت أمي كل يوم تعلمه عليها .جاسم:ههههه ولا يهمك افتحي شعرك اعملها لك جميلة فتحت شعرها وهي مبسوطة حدها جوري:يابنت استحي على طولك عمرك 23 سنة وتخلين عمك الي يسويلك الظفيرة؟!! جاسم وهو يعمل الظفيرة لجميلة:خليها تدلع ياجوري وانا كم جميلة عندي ,وبعد انا اشتقت لتسريحي لشعركم بس الوحيدة الي ما اشتقت اني اسرح شعرها هي غرام كانت تجنني ماترضى تسرح شعرها البنات ضحكو على غرام لأنها لحد اللحين ماتحب تسرح شعرها غرام :أحم عادي أنا أبي أقلد تسريحة شعر مايكل جاكسون وهو صغير جاسم:ههههه الله رحمك ان شعرك ناعم غرام :شفتو يعني ليش اسرح شعري اذا هو ناعم ؟ رانيا وهي تتحس ذقنها : مثل ليش ارتب سريري اذا انا راح انام عليه مرة ثانية ؟ جواهر:ما شاء الله! أجل مفروض تقولين نفس الشي ليش اتسبح اذا انا راح اخيس مرة ثانية؟ البنات وجاسم انفجرو ضحك جاسم :ايش هاذي الي تقولونها انفجرت الجمجمة مدري ايش البنات كلهم يقهرو رانيا :انفجرت الجبهة لوووووووول رانيا :لا يابنات لالالا ما اتفقنا كذا , هذي مو وظيفتي ان تتفجر جبهتي , هذي وظيفة سارة ان تنفجر جبهتها مايصير اخذ وظيفتها في غيابها! | |||||||||
|
| |
|
11-10-14, 02:39 AM
| #38 | |||||||||
| نجم روايتي ومشرفة سابقة وفراشة متالقة بعالم الازياء
| لابسة روب بيت طويل عودي وفاتحة شعرها البني الفاتح الطويل ,حاطة رجل على رجل وقبالها كوبة الشاي البيضاء الكلاسيكية الي بداخلها الشاهي الأخضر الي متعودة تشربه كل يوم وتكلم في تلفون البيت :يعني إنت مع جاسم راح تمرون علي؟ الجدة بنبرة الثقة أو بالأحرى الغرور كعادتها:أيه أكيد حبيبتي ,هذي الأصول ياسمين :ومن راح يكون موجود بكره ؟ الجدة :طبعا كل عيال جاسم من أكبرهم لأصغرهم وما أدري إذا بيجون بنات ناصر أو لا ياسمين بإستغراب:وليش بنات ناصر يمكن يجون ؟ الجدة :لأن صارت بعض الظروف الي خلت بنات ناصر يتربون تحت ظل جاسم وأزهار ويتلعقون فيهم يعني يعتربونهم مثل الأب والأم لهم , يعني أكيد راح يهمهم هالموضوع ياسمين أخذت رشفة من الشاهي:وهل هم من المعارضين لهالموضوع ؟ الجدة بغرور:ويعني وإذا معارضين ؟ ليش هم الي بيتزوجون لو عمهم؟!!! ياسمين بثقة:لازم أعرف , لأني يمكن بكره أشوفهم الجدة :المهم ماعليك , وش تحبين من أكل عشان بكره يكون غذانا ؟ ياسمين :ماعندي إهتمام كثير بالأكل ,يعني على راحتكم الجدة :لا ياحبيبتي إنت ضيفتنا ولازم إنتي الي تختارين ياسمين :أفا ياخالة وبعدك تلقبيني بالضيفة الجدة :هههههه ولا يهمك يازوجة جاسم المستقبيلة إبتسمت ياسمين بقوة الجدة :طيب تحبي الكفتة ؟ ياسمين :مو مشكلة الجدة :يلا حبيبتي أشوفك بكره ,متشوقة لبكره بسببك ياسمين بثقة:ههههه شكرا ياخالة وأنا بعد ,بس قبل ما تسكري بودي أسألك بعض الأسئلة عن عيال جاسم! ................................ جالس على مكتبه وماسك رقبته من إجهاد العمل :يا سيد محمد إنت لازم تستمر بأدويتك وتاخذها بشكل روتيني ولا راح تدهور صحتك أكثر مما هي متدهورة والحاجتين الي مفروض تستخدمهم هالفترة هم الأنسولين كالعادة وراح أوصف لك xxxx أكاربوز لأن واضح إنك مكثر من السكريات هالفترة بنت المريض الي باين عليها في نهاية العشرين الي واقفة جنب أبوها العجوز ,بإنفعال:إي والله يادكتور صاير يكثر من الحلويات والنشويات بشكل ماتتصوره سواء في أوقات الوجبات الثلاث أو بيناتهم وإذا نصحته سكتني وقال هاذي حياتي وأنا حر العجوز بعصبية:إيه بالضبط صح لساني هاذي حياتي وأنا حر ماكل من حلالك أنا؟؟! وش أستفيد من الحياة وأنا بدون أمك الله يرحمها ؟ مافي وقت في اليوم أنبسط فيه الا في وقت الي يكون فيه الحلا مؤنس وحدتي! البنت بزعل:وأنا جلستي معاك طول الوقت ماتؤنسك يعني؟! يوسف مد الورقة للعجوز وبإبتسامة صفراء من التعب:معليش اذا مابتهتم بنفسك عشانك اهتم عشان بنتك ,تفضل العجوز ما أخذ الورقة وكشر يوسف حط الورقة على الطاولة في جهة البنت عشان تاخذها اخذتها البنت وهي متضايقة من أبوها العجوز وقف بعصبية :وانتي تاخذي وصفة الدواء يقال اللحين لا شربتها بشفى ماراح اشفى ولا شي ياما شربت في هالأدوية ولا شفيت هالدكاترة عايشين بالكذب على الناس وبس وانت تصدقينهم مثل الغبية ,كلكم أغبياء كلكم كذابين (وخرج من الغرفة وهو يردد هالعبارة ) البنت إعتذرت ليوسف بإحراج من كلام وتصرفات أبوها وطلعت وراه تلحقه بصبر يوسف لف كرسيه للملف الي عنده بنرفزة : يعني إذا ماتت زوجتك إنتهت حياتك خلاص ؟ مافي شي تعيش عشانه ؟ ايش هالمنطق !!! إذا توفى وش مصير بنته هاذي تسمى أنانية ! أستغفر الله بس ,الله يصبرها عليه اللحين يبغالي أرسل ملف المريضة حنان للدكتور المختص بالأعصاب الدكتور رامي عشان تصير مريضته فتح التلفون وهو يمسك راسه بتوجع ينتظرهم يردون :ألو أهلا , شوف لي وحدة من الممرضات تاخذ ملف المريضة حنان الـ *** وتعطيه للدكتور رامي الـ*** ,أيه الدكتور المختص بالأعصاب , (بعصبية ) إييش؟!! يعني مشفى وش كبره مافي ولا ممرضة فاضية ترسل هالملف !!!, طيب ليش تسأل وش إختصاص الدكتور ومافي ممرضات شاغرات اصلا! سكر التلفون بقوة ,وسند كوعيه على المكتبة وهو ماسك راسه بتعب وعصبية :اففف مسكين عصبت عليه وهو ماله علاقة في الموضوع أخذ ملف المريضة ووقف بيروح للدكتور رامي يسلمه الملف بنفسه في أرجاء المشفى يمشي وبيده اليسار الملف وبيده اليمين يكلم بجواله: لا مابي إلا سلامتك يبه , جواهر في بيت عمي جاسم مجتمعة مع البنات , أنا الي وصلتها , لالا مو تعبان ولا.. :د.يوسف ,د. يوسف , د.يوسف (بصوت عالي من بعيد ) لف يوسف بإستغراب والجوال على إذنه , كانت سلوى تركض وراه وتناديه بعجلة تقربت له وهي تلهث :يو ..سف نتايج الفحوصات (أخذت نفس طويل) تبع بنت عمك الغليظة طلعت يوسف يأشر لها بإنتظري شوي :أهم شي تنبسطون وتغيرون جو إ سلوى :كلهم طلعو مثل ماقلت لي يوسف بعدم صبر:سلم على أمي,مع السلامة سكر الجوال , وبعصبية : ماتشوفيني أكلم يا متدربة سلوى ؟ سلوى كشرت :أولا سوسو ثانيا انت قلت لي اطلع فحوصاتها اليوم يوسف بعصبية :بس ماقلت لك تقاطعيني وأنا أتكلم بالجوال عشان بس تقولين لي هالخبر! سلوى لوت فمها :المهم روح شوف النتائج يوسف:وليش ما شفتي نتايجها إنت ؟ سلوى هزت أكتفاها : ماعرفت يوسف وهو يناظر الملف:افف يعني ماطلعت نتايج فحوصاتها الا اللحين ! أبي أوصل هالملف للدكتور رامي , الواحد مايقدر يحك شعر راسه هاليوم سلوى بإستظراف:ليش حضرتك مصاب بالقمل ؟ يوسف ناظرها بنص عين , مد لها الملف : ولا أقولك خذي انتي الملف للدكتور رامي وأنا بروح أشوف نتائج الفحوصات مشى عنها وهي تناظر الملف بصدمة , بصوت عالي : يعني مكتوب لي أشتغل بالملفات طول اليوم!!! وقف عند صورة الطبيقية لدماغ فرح وهو ملان ومنزعج : مفروض مو ضروري اشوف فحوصاتها اذا سالفة إغمائها كذب في كذب ,(يناظر الصورة وينقل نظراته بكل تضاريس دماغها ) ناظر ساعته وفرك عينه :متى يخلص الدوام تعبت رفع نظره للصورة , عقد حواجبه , فرك عينيه بقوة مرة ثانية , عقد حواجبه وتأمل في الصورة بتركيز شديد :لو سمحت كبر الصورة عند هنا تمعن في الصورة بقوة وهو عاقد حواجبه دخلت سلوى وتقربت للمكان الي واقف فيه يوسف :هاي يوسف بدون مايبعد نظره عن الصورة :افحصي دم فرح واعملي لها صورة طبيقية للدماغ مرة ثانية واللحين راح تجي معي للمريضة فرح عشان تعملي لها البزل القطني سلوى :ول ول ول ليش كل هذا ! فجأة استوعبت بصدمة :لحظة لحظة أنا الي بعمل لها البزل القطني؟!! يوسف:ايه انت! سلوى وهي تحرك يدها بلا بسرعة :لالا مستحيل ولا مرة عملتها! يوسف :بس هاذي وظيفتك ومافي دكتور في الدنيا الا ولازم يعرف يعمل البزل القطني يلا امشي معاي! سلوى بحيلة:يوسف , قصدي دكتور يوسف إنت أحسن دكتور في الدنيا وأحلى شاب في الدنيا والأذكى ومملوح و عندك أحلى ابتسامة شفتها في حياتي يوسف ابتسم :شكرا على غزارة مدحك متدربة سلوى سلوى ابتسمت وهي تهز راسها يوسف بنفس الابتسامة :بس حيلك ماراح تنطلي علي ويلا إلى الأمام سِر سلوى ضربت الأرض برجلها :اففففف لييش كذاا!!! عِند فرح .. دخلت سلوى ويوسف انتظرها برا فرح كانت مبتسمة على بالها يوسف الي دخل ,لما شافت سلوى كشرت :شجابك انتي هنا ؟! المتدربة سلوى بدون نفس:أنا أشتغل هنا قولي إنت شجابك هنا ! فرح بغرور:وأنا مريضة يوسف سلوى بإبتسامة جانبية: النفسية؟! فرح انقهرت سلوى وبيدها نموذج موافقة المريض: ممكن توقعين هنا إنك موافقة على فحص البزل القطني؟ فرح بتعاابير القرف:ايش ذا؟! سلوى بدون نفس: فحص السائل النخاعي فرح :وكيف يصير ذا ؟ سلوى زفرت :انك تنسدحين على جنبك وتضمين ركبك الى صدرك عشان ندخل الإبرة في أسفل ظهرك فرح فتحت عينها على أوسعها : نعم نعم نعم ؟ إيش الفحص التحرشي هذا؟ لا مستحيل أوافق أعرض نفسي على من هب ودب ! سلوى :هيه انت هذا فحص مو تحرش عشان تنفعلين كذا ! ثانيا أنا الي بسويه لك لا تخافين مابيسويه لك الدكتور يوسف! فرح بصدمة : بعدد؟!!! إنت الي بتعمليه ! اذا السالفة فيها كشف ظهر أبي الدكتور يوسف! سلوى فتحت عينها بأوسعها مذهولة مرت ثواني صمت سلوى :طيب يعني اللحين انتي موافقة أو لا؟ فرح اتكتفت : مافي يوسف يعني مافي فحص بزل قطني! سلوى ضغطت على النموذج ومشت بعصبية لبرا يوسف :وافقت ؟ سلوى بعصبية: شوف لها حل بنت عمك ذي تراها تجنن بلد بوقاحتها ذي! يوسف:ليش شصار؟ سلوى :إدخل لها انت واقنعها ! يوسف رفع حاجبه :وليش ماوفقت ؟ سلوى ناظرته لفترة بصمت : إسألها إنتَ! يوسف تنهد ودخل لفرح ووراه سلوى فرح كانت تحط لها روج فوشي متهيئة لإمكانية دخول يوسف غرفتها في هاللحظة أول ماشافته سكرت الروج وبعدت المراية الي بيدها بسرعة ,بدلع :هلا يوسف يوسف ابتسم :اهلين فرح , أنا جيت لك عشان أسئلك ليش ماوافقتي على فحص البزل القطني؟ فرح :ماقالت لك المتدربة سعدانة ؟ سلوى بعصبية:متدربة سوسو أو سلوى!! فرح هشت بيدها : وات إفر!! ماقالت لك ؟ سلوى بنص عين :ليش خجلانة من إظهار وقاحتك له ؟! فرح بقهر:لا ومافي شي يحرج في الموضوع ! (لفت ليوسف وبصوت أنعم وبنبرة دلع ) أنا بس قلت لها ان الفحص شكله خطير وأخاف إن متدربة الي تعمله لي وأفضل لو إنت الي تعمله لي عشان دكتور متمرس مو من حقي يعني؟؟؟! سلوى فتحت عينها على اوسعها وبداخلها "أيا المنااافققة!!! هذا الكلام غير عن الكلام الي سمعته من شوي! هاذي أبليس يتعلم منها الكذب!" يوسف :لا أبد هذا من حقك فرح ارتسمت على شفتها ابتسامة النصر يوسف ابتسم :متدربة سلوى إسألي الدكتورة هدى إذا تقدر تعمل لها البزل القطني أولا فرح انمسحت الابتسامة من وجهها واتوسعت عينها بصدمة سلوى حطت يدها على فمها تكتم ضحكتها يوسف أخذ الكرسي وقربه لسرير فرح :في أثناء سؤال المتدربة سلوى للدكتورة أنا راح أسئلك بعض الأسئلة ( وأشر براسه لسلوى إن تقدر تمشي وبالتالي حركت راسها سلوى بأوك ) فرح وهي ترمش بقوة وبدلع : إذا بتسألني عن الأشياء الي أحبها بصراحة أحب المجوهرات بكل أنواعها وخاصة الضخمة وماركة جفنشي واللون الأحمر والأزرق , (وبدلع أكثر) وكل شي إنت تحبه يوسف ببإبتسامة خفيفة : حلو بس مو هاذي إسئلتي ناظرته نظرات استفهامية يوسف شبك اصابع يديه ببعضهم وبجدية : هالفترة , مافي أي أمر صحي يلازمك كثير؟ فرح : ما فهمت قصدك يوسف :يعني مثل الصداع ارتفاع الضغط أو السكري حساسية من شي معين إلخ فرح :إيه إيه , الصداع كثير يجيني بس شي طبيعي من السهر , بس ليش هالأسئلة وأنا داخلة المشفى بكذبة؟ يوسف بعد نظره وهو يفكر بجواب على سؤالها : لازم أسئلك هالأسئلة والا ما أقدر أطلعك فرح ابتسمت :بس انت قلت ان لازم تجري الفحوصات الي فحصتوني اياها في البداية وبعدين بقدر اطلع ماسئلت عن اي شي , اعترف؟ يوسف سكت ماعرف وش يقول فرح بدلع:خايف عليي؟ يوسف ابتسم بوهقة:ايه ,بالضبط خايف عليك ابتسمت بقوة :اذا كذااسئل مثل ماتبي يوسف :هالفترة ارتفعت درجة حرارتك؟ فرح هزت راسها بإيه: من قبل 4 ايام يوسف : وايش صارلك لما ارتفعت درجة حرارتك؟ فرح وهي تتذكر:تقيئت مرتين وصار مالي نفس بالأكل أبدا يوسف : واللحين القيء وفقدان الشهية ملازمينك لحد الآن؟ فرح :فقدان الشهية يب, (ابتسمت بقوة) بس لأني أعمل حمية وهذا المطلوب يوسف ابتسم بخفة وبسرعة عاد لجديته لما تذكر "يوسف وهو يفحص عينها : انا اللحين راح افحصك وأول ماتطلع النتائج راح ارخصك من المشفى فرح لفت وجهها وغمضت عينها بقوة يوسف :عندك حساسية من الضوء. بدلع ماصخ:يمكن حبيبي "وشدت على الكلمة وهي تناظر سلوى " الي ناظرتها بحدة" : لما فحصت عينك انتي اتحسستي من الضوء الي سلطته على عينك , انت دائما كذا ؟ فرح تحرك نظراتها لفوق وهي تذكر: بصراحة لا, (سكتت شوي) بسسس صايرة أول ما افتح جوالي انزعج من ضوءه (ناظرت يوسف بنظرة أول مرة تناظره فيها , بخوف بريئ!):بس ليش كل هالأسئلة بديت تخوفني؟! يوسف ونظراته نفس نظرات فرح :لا تخافين , مافي شيء يستدعي الخوف اطمني , بس أخر شيء بزعجك فيه , تسمحي لي أمسك يدك للحظة؟ فرح ابتسمت :طبعا! يوسف مد يده ,أخذ يد فرح برفق , تفحص اطراف اصابعها , سكر عينيه بقوة وعقد حواجبه , اتذكرها ففتح عينه وابتسم لها يبي يطمنها ,ترك يدها,بكذب يخبي مبتغاه من هالحركة:يدك ناعمة ما شاء الله فرح طارت من الفرحة: شكرا حبيبي يوسف :عن اذنك طلع برا الغرفة وكانت سلوى قدامه مباشرة لانها كانت بتدخل للغرفة سلوى:بسم الله! يوسف بخوف:ايش قالت الدكتورة هدى؟ سلوى بإستغراب:راح تعمل الفحص لها , شفيك؟ يوسف:ومتى؟ سلوى : اللحين , وبدخل لفرح عشان توقع لأنها وافقت يوسف هز راسه وتعابير القلق على وجهه:ممتاز سلوى : وانت شفيك ؟ نظراتك ماتبشر بخير يوسف ناظرها:مادري , الفحوصات هي الي بتقرر سلوى عقدت حواجبها ولوت فمها:اييش؟!! يوسف : عندي ملفات مرضى لازم اشوفهم؟ سلوى:لا! يوسف ناظر ساعته :طيب خذي موافقة فرح على الفحص و أنا عازمك على قهوة تعالي وبفهمك كل شي! ................................... دخل البيت وبيده المفاتيح وجواله ,مر الصالة استوقفه الضجة الي يسمعها : شالسالفة ؟ الديسكو في بيتنا الليلة ؟ راشد وهو على الاب توب :بالضبط عبدالله ضحك: ههههه وناسة بنات عمك مستحيل يتجمعون بدون مايرقصون ويغنون , لو هم أجنبيات كان كل يوم تلاقيهم في الديسيكو والبارات راشد ضحك بسخرية :كان عملو لهم مشروع يسوون ديسكو عبدالله ضحك على كلام أخوه ودخل المطبخ يشرب له مويه راشد بصوت عالي:راح تبقى في البيت ولا راح تطلع ؟ عبدالله بصوت عالي:اللحين راح أطلع راشد بصوت عالي:ليش اجل جاي البيت ؟ عبدالله طلع نصه من المطبخ : باخذ بوكي نسيته لأن طلعتي ماكانت محتاجة له , بروح اشتري شوكولاته ويمكن هدية لها راشد ابتسم بخبث :مين الي بتواعدها اللحين ؟ أهم شي حلوة ؟ عبدالله وهو يتجه للدرج ,ابتسم على خبث أخوه :مدري يقولون إنها حلوة يالسخيف, (بجدية) لياسمين " راشد انقلب وجهه لما سمع الإسم ) مو حلوة بكرة تجي ومانقدم لها شي محترم وشكله أبوي مو ناوي يشتري شي, تطلع معاي؟ راشد وهو يسكر وجه لاب توبه : بطلع معاك أتمشى , بس بشرط ما أنزل معك للأشياء الي بتشتريهم عشان الي ماتتسمى عبدالله ماعجبه كلام أخوه : طيب يلا جواهر وملاك يطقون على نغمة غناء غرام وفاتن وشوق : وبين العصر والمغرب مرت لمة خيالة جوري وجميلة ورانيا يرددو وراهم :مرت لمة خيالة مرت لمة خيالة , لا تضربني لا تضرب كسرت الخيزرانة غرام وفاتن وشوق يردوو وراهم : كسرت الخيزرانة كسرت الخيزرانة,صر لي سنة وست شهر من ضرتبك وجعانة جوري وجميلة ورانيا : من ضربتك وجعانة , وميلي يابنية ميلي يا ام الدشداشة النيلي شوق : احم احم كذا تحرجوني تراكم ( لأنها لابسة فستان نيلي) البنات الي هشتها بيدها والي سوت نفسها تتقيء والي كشرت شوق فتحت عينها على أوسعهم :ياحيوانات !!! ملاك مسكت جوالها وبعصبية : اففف منك ياشوق ليش تكلمتي خربتي التسجيل ! شوق حطت يدها على فمها :أوبس ! نسيت! جواهر :أقول بنات حطو لنا شي نرقص عليه رانيا صفقت بسرعة: أجنبي أجنبي جميلة:يابريطانية إنت خفي شوي دائما تبين أجنبي نبي شوي نرقص على عربي فاتن : مسؤولة الدي جي تختار لنا من ذوقها ملاك مسكت ياقتها بغرور:أحم أحم عندي فكرة (نقلت نظراتها بيناتهم) أسئلوني ايش هي ؟ البنات :طيب ايش هي؟ ملاك توجهت للاب توبها المشبوك بالتلفزيون عشان يكون الصوت أعلى وفتحت اليوتيوب : نحط لنا رقصة الروبوت الي رقصها مايكل جاكسون ونقلدها غرام انبسطت : هذا أحسن شي قلتيه طول حياتك! ملاك ناظرتها بنص عين:أكرهك ! رانيا وهي تهز مبسوطة :أجنبي أجنبي جميلة بخبث: نشوف جواهر تعرف ترقص روبوت ولا لا جوري:يب صحيح خبرنا ان رقصها خياااال جواهر حركت حواجبها : تتحدون ؟ شوق : نتحدى جواهر دقت الصدر: وأنا لها! وقفو البنات مستعدين قبال التلفزيون .. فاتن كعادتها : ِAre You Ready؟ البنات بجنون رفعو ايديهم وصرخو : يييييييييييييييييس رانيا لفت لشوق وملاك: بالله في أحد في بيتكم ؟ جواهر : هههه مدري كيف ماطردونا لحد اللحين مع ازعاجنا ملاك :اسكتو يلا شغلتها صارو في البداية يميلون جسمهم لوراء وقدام مازبطوها الا جواهر وغرام ورانيا البنات يصفقو بحرارة : أوووووووووووب نقطة لجواهر وغرام ورانيا مايكل جاكسون دار وراء ولف على جنب ومد رجله البنات صارو يقلدونه , فاتن همست لملاك الي جنبها:يالهبلة لفي كلك مو بس على جنب ملاك ضحكت على نفسها ولفت كامل أما في مدة الرجل حدث ولا حرج .. كل وحدة رفست الثانية لأنهم قراب لبعض وانفجرو ضحك رانيا وهي تمسك ظهرها :آخ ياظهري وش هالرفسة ياغرام تلعبين كونفو مو ترقصين انت جوري بتوجع : سلامة رفستك يارانيا , رفسة الحمار في بطن قطوة البنات انفجرو ضحك رانيا تصنعت البكاء: جرحتيني غرام بصوت عالي :جيبو لها لزقة طبية ياجماعة البنات:هههههههههههههه رانيا ضربت كتف غرام : ياسخيفة ملاك صرخت:قلدوه قلدوه حطو يدكم وراء رقبتكم واليد الثانية مدوها البنات صارو يقلدونه شوق فقعت خد جواهر لما مدت يدها , جواهر وهي لافة وجهها:حرام عليك ليش الكف ياشوق؟؟!! شوق : هههههههه مثل مارفستيني صار يدور ...البنات دارو مثله ملاك وقفت وهي تحاول تتوازن :آخ ياراسي! بدأ يسوي نفسه روبوت والبنات يقلدوه ويضحكو على اشكالهم جوري مذهولة:جواهر انت مو طبيعية ايش هالمرونة الي عندك! جواهر غمزت لها :أفا عليك تعلمي يابنت العم تعلمي شوق : ايه هذا الي فالحة فيه انت تعلمين على الخراب بس! جواهر :سكتي انت يالغيرانة ! فاتن:أصلا الرقص هو الشي الوحيد الي فالحة فيه جواهر جوري ضحكت :حرام عليك ! جواهر رفعت راسها بغرور : شوفو شوفو بس ياغيورات وتعلموا وقف مايكل جاكسون وصار يحرك يدينه في الهواء بحركة سريعة وجواهر تقلده وهي تبتسم لهم بغرور انها زابطة حركاته تقلد حركات يده بالضبط ,حرك يده يمين ومرة يسار ومرة بشكل عمودي من تحت لفوق بسرعة و آآآآخ ... جواهر مسكت أنفها بتوجع :آآآخ يا أنفي ضربت أنفي! البنات ماقدرو انفجرو ضحك عليها غرام وهي تصفق وتضحك شماتة:شفتي ياجوج شفتي ان ماينفع الغرور! ملاك زحفت للاب توبها توقف الفيديو لان الكل تركو الرقصة واتسدحو ضحك , وهي منهم! جوري وهي تضحك : هههههه ياجوج لاتنسين ماطار طير وارتفع الا كما طار وقع جواهر وهي متوجعة : وانتم لا تنسون بعد من عاب استعاب ! يعني وقفو شماتة واسعفوني لأن ينزف من أنفي دم ! جوري بصدمة :قولي قسم ! شوق طلعت تجيب لها شي بارد تحطه على جبهتها أما جميلة جابت لها مناديل جواهر : ليش أقول قسم وش بتفيديني كلمة قسم ولا فرع ولا بطيخ ! ( على بالها قِسم ) جوري: لا ياخبلة قصدي احلفي ! شكلها ضربة انفك اثرت على مخك ! شوق جات وهي تفحط وبسرعة حطت علبه الميرندا على جبهة جواهر جواهر بعدت نفسها بسرعة وهي تناظرها بصدمة :أيش هذا؟ شوق : وش تشوفين ؟! غرام وهي تأشر على الميرندا : آآآ هذا الي بتحطيه على راس البنت ؟ شوق : ايه ليش لا؟ فاتن: ترااا هي تبي توقف النزيف بالبرودة مو تبي تروي جبهتها ! شوق بعصبية :طيب شسوي ماعندنا ثلج ولا شي بارد مثل ذا ! جوري :ههه معليش حطيه لها ! شوق حطت الميرندا البارد على جبهة جواهر , جواهر: أحس شكلي غبي وفوق جبهتي الميرندا ! شوق : بلا تعليقات بايخة لا اخلي شكلك اغبى والميرندا مكبوب على راسك! جواهر ناظرته بنص عين : ليش انت شريرة كذا ؟ شوق كشرت عن انيابها : لأكلكِ هاهاها ! ملاك : معليش اختي متأثرة بقصة ليلى والثعلب ! غرام : آآآم قصدك الذئب! ملاك: لا الثعلب ! جواهر: لا الذئب! ملاك هشتهم بيدها وجبهتها منسوفة: Whatever! المهم اللحين لفي راسك لوراء رانيا:لا مفروض تلف راسها على جنب ! ملاك : على وراء! رانيا : على جنب! ملاك بنظرات شرار:على وراء! رانيا بادلتها نظرات الشرار :على جنب ! جوري صرخت : بببس انت وياها ! واصلا ثنتينكم غلط مفروض تميل راسها لقدام عشان لاينزل الدم لحلقها ياذكيات! البنات انفجرو ضحك عليهم يتفلسفون ويتهاوشون دفاعا عن فلسفتهم واخر شي تطلع فلسفتهم غلط رانيا همست لملاك: تحسين إن أنا وإنت اليوم جبهاتنا تتفجر كثير؟ ملاك : معليش تحملي تحملي مؤازة لمن هم في لندن ! ( قصدها سارة ) جميلة:بنات شرايكم نلعب غميضة؟ جواهر وهي تبعد المناديل من انفها: وانفي ياعديمة الاحساس؟ جميلة :وقف النزيف اصلا بلا دلع! شوق بعدت الميرندا من على جبهة جواهر بتوجع:أحسن آلمتني يدي وانا حاطتها فوق راسك. الا بالله ليش مو انتي الي حطيتيها ؟ جواهر ابتسمت بهبال:أتدلع! شوق عطتها نظرة الـياسلام:باللهِ؟!! جواهر:قبل ماتصيرين تدلعين سلطان وبس البنات صفقو شماتة :لوووول وأدلع ياكايدهم وأدلع ياكايدهم خليهم يشوفونك خليهم يشوفونك! شوق خجلت ,بعصبية:ياصااايعاات! البنات صفقو واكثرهم حماسا جميلة: يااادبلة الخطووبة عقبالنا كلنا ونبني طوبة طوبة في عش حبنا شوق:ياااهيييه اعقلوا! ترا والله اذا ماعقلتو راح اركب غرفتي! البنات صفقو:مشتاق لك موت يالي طول غيابك ذبحني الشوق وانت عني مو داري! شوق عطتهم ظهرها بزعل ومشت عنهم غرام ركضت وراها بسرعة ومسكتها بتمثيل :اذا ناوي تروح ابفهم وين اروح تخليني اعيش بعدك بألم وجروح البنات عاشو الدور وصفقو وصفرو:أوووووووب ياااعيييني شوق ضحكت : ههههههه وانت دائما كذا ترا بعدين بيغار سلطان ! " مثل لما جت أم سلطان عشان تشوف شوق غرام تقدمت لها وهي تمثل الدهشة لين ماوصلت لعند شوق طاحت على ركبتها وفتحت شي بصوت خاق وغرامي :هل تقبلين الزواج بي؟ البنات :آآآآآوووووب وافقي وافقي آوووب شوق تضحك بفشلة :نعم قبلت والبنات يصفقو ويضحكون " ملاك :المهم بنات انا بشوف اللحين اذا فيه احد في البيت والا لا عشان نلعب غميضة فاتن:يلا انقلعي جميلة:يلا برا رانيا: يلا انت طالق كل البنات ناظروها بإستغراب رانيا هزت كتفها :إيش مثل المسلسلات الخليجية! ملاك طلعت ورجعت:مفيش احد تفرقو غرام :مع ان لهجتك المصرية مفقعة بس مو مشكلة شوق: يابنات ياحلوين خذو راحتكم اتخبو في اي مكان في البيت عشان تصير اللعبة احمس اوك؟ فاتن:مانحتاج اذنك اصلا كذا ولا كذا بندخل المكان الي نبيه! ملاك ضحكت بقوة :ههههههه اذنك لو انفك هههههههههههه شوق ضربت راس ملاك بخفة:سخيفة انت هههههه ملاك : اجل ليش تضحكين على كلامي ؟ شوق بكذب:بس ضحكة تسليكية جواهر صفقت:المهم بنات خلنا نبدأ,بس مين الي بتدور علينا؟ فاتن:أنا أقول الأقصر كل البنات وجهو نظرهم لملاك ملاك ببراءة :إيش ؟ لااااا حراام عليكم مايصير ظلم انتم تعرفون اني الاقصر ماهقيتها منك يافادي فاتن بقهر:فاااتن ملاك طلعت لسانها لفاتن جوري:المهم فاتن قولي ذي البادئة حقتك عشان نبدي ملاك ببراءة:يعني كلكم اتفقتو علي ؟ البنات:ايه لبسو البنات عباياتهم إحتياطا ماعادا شوق وملاك طبعا فاتن:Are You Ready? البنات:يييييييييييس وتفرقو في ارجاء البيت ملاك سكرت عينها : 1...2...3...4..5...6...8 مدري 7...8...9...10...فتتتتححتتتت طلعت برا الغرفة ...اضواء البيت مطفية والدنيا ظلمة :بسم الله ليش الدنيا ظلمة كذا ؟ سمعت صوت : لاتفتحي النور لفت لناحية المطبخ تدور فيه نروح للدور الثاني .. صارت تركض تدور لها مكان تتخبى فيه وماتشوف شي لأن البيت ظلمة دخلت الغرفة وصارت تمشي على وراء وهي حاطة يدها على فمها تكتم ضحكتها .. ضربت شي وطاح وطاحت معاه كتمت وجعها بصوت واطي: آآآي وش ذا ؟ بما إنها حاطة جوالها في جيبها طلعته من جيبيها وحطت الفلاش بصدمة:إيش هاذي ؟ هاذي موب كمدينة شوق أو ملاك ؟ وجهت الفلاش على باقي الغرفة الي كانت يغلبها اللون الرمادي وأدوات الرسم ولوحة الرسم الكبيرة في وسطها , ضربت خدها بقوة : لامو معقولة , غرفة عَدوي راشد! لفت للكمدينة الطايحة ..تأففت بقهر:إففف طاحت الأدراج !!! لفت نظرها ظرف أبيض مكتوب عليه ستيديو العدسة الذهبية عقدت حواجبها وخانتها يدها الي مسكت الظرف وفتحته فتحت عينها على أوسعها وحطت يدها على فمها تكتم شهقتها ( صورتها في خطوبة فيصل وسارة الي طلعتها شوق في السيارة _حاطة يدها على ذقنها وتبتسم ابتسامتها المعتادة_) كيف وأنا أدورها في كل مكان وتطلع عنده !!! ليش محتفظ فيها ليش مارجعها لي ؟؟ كيف عنده صورتي !! وقفت وبيدها الصورة وهي مو قادرة تستوعب .. رفعت عينها وكانت قدامها لوحة رسمه تقربت بخطوات هادئة للوحة .. كانت رسمة نمر ناظرت اللوحات الي على طاولة الرسم ... نمر على جنب وقبالة نمر على جنب يناظرون بعض!! .. نمر صغير مخبي وجهه بيديه!! .. نمر نايم !!!... نمر نمر نمر نمر .. و عين نمرية ! وقفت عند العين النمرية وتحسها مألوفة .. ثواني ونطقت : عيني!! طلعت صورتها من الظرف وقربتها للوحة .. عينها ! دخلت صورتها داخل الظرف وهي مذهولة: مو معقولة ! اشتغل الضوء فجأة ! كانت عاطية الباب ظهرها .. لفت وجهها ببطئ لوراء انصدم !!! تقرب بسرعة مثل الفهد الى رسوماته واخذ الغطاء البني الفاتح الي على كرسيه ورماه على رسمة ( العين النمرية! ) وبعصبية : فاتن وش جابك هنا!!!!! فاتن ناظرته وهي مصدومة .. رفعت الظرف : ليش؟ راشد ناظر الظرف لولهة .. اتغيرت تعابير وجهه ..توتر وبين من حركة يده ومن نبرة صوته : شفتها في سيارتي صارت عندي لأنها في سيارتي! فاتن بصرامة : مو هذا سؤالي راشد ! سؤالي ليش محتفظ فيها ؟ ليش ماعطيتني اياها أو أقلها عطيتها ملاك ؟ راشد مسح شعره على وراء: فاتن لا تفهميني غلط ! فاتن بقهر: طيب فهمني عشان ما افهمك غلط .. صورتي عند ولد عمي وانا اكرههه وهو يكرهني كيف تتفسر هاذي؟ راشد شاف له صرفة : انتِ قلتيها أكرهك وتكرهيني! فاتن : وهذا الي جاء على بالي .. بس ( بعدت الغطاء من على رسمة العين النمرية ) هاذي لخبطت لي افكاري!! راشد لف وجهه بقهر فاتن بعصبية: يااهيييه! راشد لف لها وبعصبية: احترمي نفسك ! ثانيا يعني مافي عين نمرية في الكون الا عينك؟!! فاتن ابتسمت ابتسامة صفراء تبي تقهره : والصورة وش وضعها ؟ راشد ناظر الصورة وناظر فاتن : ياحلوة إنتِ ليش واثقة من نفسك لهدرجة؟ الصورة هاذي لا احتفظت فيها عمدا ولاهم يحزنون حطيتها عندي لين ما اشوف ملاك أو شوق واعطيهم اياها ! وبعدين نسيتها عندي وش اسوي يعني مايصير انسى ! ابتسم بنذالة وهو يشوف تعابير الهزيمة على وجه فاتن راشد قرب وجهه من وجه فاتن : يعني ياحلوة لا تتعشمين إني أحبك لعلمك إنت أكثر إنسانة أكرهها في حياتي ! فاتن حطت الظرف على وجهه وبعدته : لا تخاف شعور متبادل ! راشد ضحك بنذالة : هههههه وتعابيرك كنتي شوي وبتطيرين من الفرحة وعيونك طلعت من مكانها لأنك شفتي صورتك عندي ؟ فاتن رفعة حاجبها : أولا ماطرت من الفرحة بس ايه طلعت عيوني راشد ابتسم لها بخبث فاتن : بالله يعني لو شفت صورتك عندي وش راح يكون شعورك ؟ راشد بلا مبالاة : عادي ويعني وش فيها اذا شفت صورتي عن بنت عمي أنا ما ألبس عباية ولا شي ! فاتن : يعني عادي تكون صورتك عندي ! مابتشك ولا شي؟ راشد بلا مبالاة : لا أبداّ .. كلها صورة! فاتن رفعت حواجبها : كلها صورة ؟! راشد هز راسه بإيه فاتن بتهديد : طيييب مشت بسرعة ناحية الطاولة الي جنب الباب الي عليها صورته وسرقتها وركضت لبرا بسرعة راشد ركض وراها : هيييه ياااا إبليييييييييييس ! # عند ملاك كانت تدور بجهد وماشافت الا جميلة الي جلست في المجلس تنتظرها طلعت من الحمام لأن حتى الحمام دورت فيه : افف وينهم هذول ولا متخبيين من صدام ماشفتهم لحد اللحين! لفت لوراء .. عبدالله شهق ونزل راسه :استغفرالله ياولد ياولد وملاك شهقت وتبعتها صرخة عبدالله ميز الصرخة وشغل الضوء ورفع راسه : قولي قسم ؟ ملاك وهي متكتفة يقال تستر نفسها بتناحة :ايِش؟ عبدالله : يعني أنا يحق لي إني أنزل راسي واخترع لأني شفت بنت وبنات عمي موجودين هنا ! بس انت مين الي بيشوفك غير محارمك مع مخك المتنح ذا ؟ ملاك بتناحة : من جد ها ؟ عبدالله حط يديه على راس ملاك الي تبين نملة قدامه : ياربِ إهدها وإشفها فهي مازالت صغيرة على الخَرف! ملاك بعدت يديه عنها بعصبية : من شابه أخأه فماظلم ! عبدالله ضحك عليها ملاك بصوت عالي:بناااااات خلاااص اطلعوا من اماكنكم أخوتي في البيييت! انتهت اللعبة! عبدالله صرخ معاها : قيييم أوووووفر! البنات طلعو من أماكن متفرقة .. عبدالله :بسم الله الرحمن الرحيم سكنهم في مساكنهم ! تقولين صراصير من كل مكان طلعو ! جاء له كم رد لكلامه : إنتَ الصرصور! عبدالله ضحك:هههه يعني انتم لازم تردون الشتم ماتقدرون! جاء له صوت شبابي ناحية الدرج: يحكهم لسانهم إذا ماردوها! كان راشد واقف في نص الدرج ويوجه الكلام لفاتن بالخصوص ويناظرها وهي تبتسم له بخبث و مخبية صورته في عباتها رن جوال جوري : الو هلا يبه , يب مو مشكلة , جاهزات (من هالكلمة البنات تبادلو نظرات الوداع بيناتهم) , يلا مع السلامة جوري : بنات ناصر يلا خذو شنطكم واطلعوا ابوي برا عبدالله: طيب ليش ماتقولين خواتي بدل بنات ناصر ؟ غرام : يا أخي كيفها البنت شدخلك فيها ! عبدالله ناظرها بنص عين :هجومية! غرام ناظرته نفس النظرة:ملقوف! جميلة :يلا غرام تعالي خذي شنطتك غرام : ماجيت بشنطة! عبدالله ضحك بصدمة : والله؟!! غرام :شفت انك ملقوف؟ جوري وهي تمشي عنهم , بنبرة كأنها تكلم أطفال: يلا بمشي عنكم خلكم هنا لوحكم باي باي فاتن بصوت عالي:قولي لأبوي اني بنام هنا! راشد :وانت ليش تعزمين نفسك؟! ملاك ناظرته :أنا أبيها ! راشد ناظرهم بنص وحط يديه في جيبه ولف راسه جوري لبست جزمتها و هي تحاول تدخل جوالها في شنطتها وهي تطلع من الباب ... وفي نفس الوقت وليد كان قدامها.. لما شافته طاح الجوال من يدها على الارض بسرعة نزل وليد واخذ جوالها .. مده لها وهي اخذته ويدها ترتجف..ويده كانت ترتجف! :شكرا ... قالتها بشق الأنفس ناظرها نظرة عتاب ..نزلت عينها وتوجهت لسيارة أبوها ..أما هو لما مشت نزل راسه بضيق :انتظرينااا..أوه هلا وليد وليد رفع راسه : اهلين جميلة غرام وراها : هلا أبو الشباب ! سمعو صوت هرن أبوهم وتوجهو للسيارة بسرعة طلعت من السيارة :يلا باي باي رانيا شكرا على التوصيلة رانيا وعينها تسكر بدون إرادتها : لا شكر للداعي جواهر ضحكت على جملة بنت عمها المقلوبة دخلت البيت #في الصالة كان جالس على الكنبة ويقلب في القنوات بملل جواهر:هاي مشعل مشعل رمقها بنظرة ورجع نظره للتلفزيون : هاي جواهر :وين الكل؟ مشعل بدون مايلتفت لها بنبرة ملل: أبوي وأمي في الكويت ويوسف في دوامه جواهر هزت راسها :أها مشت بتصعد.. وقفت بصدمة ,لفت راسها له ببطئ مثل الرجل الآلي: يعني أحنا وحدنا في البيت ؟ مشعل هز راسه بإيه جواهر شدت على أسنانها ركضت لفوق بسرعة لف راسه لوراء يناظرها بإستغراب ورجع يقلب في القنوات # في غرفة جواهر رمت شنطتها الحمراء من كدني على سريرها الموف ..وسحبت خدودها لتحت بيدينها :ياربييه انا لوحدي مع مشعل في البيت! وش اسوي وش اسوي ! ركضت لباب غرفتها وقفلته قفلتين ! قلبت نظراتها في أرجاء غرفتها تدور عن شي محدد ركضت ناحية طاولتها : 1 ..2 ..3 قو وبدأت تسحب في طاولتها ناحية الباب بكامل قوتها وركضت للكنبة الصغيرة وصارت تدفها ناحية الباب في المطبخ صار يطلع له كاس كبير بيسوي له موكا بارد , حط الكاس على الطاولة ووقف عن الحركة شوي وهو يفكر : بسأل الباكستانية اذا تبي موكا أو لا صعد فوق , وصار في الممر الي غرفتها موجودة فيها بصوت عالي : بكاستانية تبين أسويلك موكا معي ؟ عقد حواجبه بإستغراب وهو يسمع الإزعاج الي في غرفتها ويحاول يميزه أما جواهر لما سمعت إسمه شهقت ولزقت الكنبة في الباب بسرعه مشعل طق الباب : جواهر وش صاير داخل ؟ جواهر : أممممم ولا شي ولاشي مشعل : أسمع صوت إزاحة أثاث داخل غرفتك ! جواهر بوهقة :هاه؟! ايه ايه حبيت اغير مواقع اثاث غرفتي , انت .. انزل تحت كمل مشاهدتك مشعل هز كتفه إن مايدري وش فيها .. عطى الغرفة ظهره بيمشي "مشت بتصعد .. وقفت بصدمة ,لفت راسها له ببطئ مثل الرجل الآلي: يعني أحنا وحدنا في البيت ؟ مشعل هز راسه بإيه جواهر شدت على أسنانها ركضت لفوق بسرعة " بوهقة :هاه؟! ايه ايه حبيت اغير مواقع اثاث غرفتي , انت .. انزل تحت كمل مشاهدتك " ترابطت كل هالأشياء في دماغه وكونت له نتيجة تصرفات جواهر , شد على اسنانه وعض شفته بقهر لف لغرفة جواهر وصار يضربه بقوة :هيييييه ياباكستانية أي نوع من الرجال تظنيني !!!!!!!! جواهر اخترعت من قوة ضرباته ..بعدت الاشياء بشكل قليل من على الباب فتحت الباب شووويه وطلت بعينها :وش تبي ؟ مشعل بعصبية :إنت وش هالتفكير الوصخ الي عندك ؟؟ لهدرجة ثقتك معدومة فيني , بس كنت أبي أسألك إذا تبين أسويلك موكا معي أو لا بس انت ماتستاهلين ! جواهر :شكرا بس مابي بتسكر الباب , مسك قبضة الباب بسرعة : يعني بتحبسي نفسك في الغرفة ؟ جواهر ابتسمت بهبال : إذا جاء يوسف خبرني مشعل شد على اسنانه بقهر وسكر الباب بقوة :أجل خيسي في غرفتك ! .......................... دخلو البيت وكأنهم اللاجئين الي ركضت للمطبخ(جميلة) والي انسدحت في نص الصالة(غرام) جوري وقفت تناظرهم وتضحك ناصر: غرام قومي من على الأرض انسدحي على الكنبة على الاقل غرام مغمضة ومادة ذراعيها ,منسدحة والمكيف متوجه لها : بيني وبين الأرض علاقة محبة ! ناصر هز راسه بدلالة ان بنته مجنونة : يلا تصبحون على خير جوري : وانت من اهله صعد ..وجميلة دخلت الصالة وبيدها شبس ليز حار مأكول نصه غرام فتحت عين وحدة :حرام عليك هذا مفتوح من شهرين يالمفجوعة! جميلة : عادي عادي حدي جوعانة أبي اكل هالشبس وأنخمددد غرام سكرت عينها : الله يعينا على شخريك ! جميلة ناظرتها بشر ورفعت رجلها فوق بطن غرام : قولي آسفة ولا راح أتوطى في بطنك ! غرام : سويها عشان أدفنك في نص الصالة ! جوري تركت خواتها وهي تضحك على هبالتهم وصعدت لفوق دخلت الغرفة تفاجئت بوجود الخدامة في غرفتها وبيدها باقة جوري باللون الأحمر جوري بإستغراب: صوفي(إسم الخدامة) ايش هذا ؟ صوفي: هذا رجال هـ(حـ)ـلو جاب هذا وقال حطي في قرفة مال مدام جوري جوري عقدت حواجبها :أوك , تقدرين تطلعين ,تصبحي على خير صوفي هزت راسها : وانت من أهلو طلعت من الغرفة أما جوري فسخت شنطتها وحطتها على التسريحة وحطت شيلتها على أكتافها مسكت الباقة وهي محتارة ... صارت تقلب الباقة في يدها لين ما استوقفتها بطاقة صغيرة باللون الأبيض مزخرفة بالأحمر وعليها كلام بالأحمر أخذتها وقرأتها ( أحلى باقة جوري لأحلى جوري هاذي الهدية لها معنين : الأول:أحبك الثاني: رشوة , بتتسائلين أيش هي الرشوة , إن تروحين بكره لمجمع الظهران وتحديدا ستار بوكس على الساعة 10 الليل أبي أشوفك هناك -لوحدك- ,والأفضل لك تجين أوك؟ سيو سون يالحُب...تحيات : الفارس المجهول) جوري حطت الورقة على الطاولة بقوة , والدموع مجتمعة في عينها : يعرف مكان بيتنا !!! صارت تمشي بخوف وتوتر في غرفتها , كل يوم يزداد خوفها من هالفارس المجهول الي جد تجهل عنه هويته واسمه وكل شي , فتحت جوالها وراحت للرسائل وهي مترددة كتبت " إنت كيف تعـ.... هزت راسها بالنفي ومسحت الكلام الي كتبته رجعت تكتب (يا واطي مستحيل أر.... مسحت الدمعة الي نزلت من عينها اليمين بسرعة .. ومسحت الرسالة رفعت راسها لفوق وزفرت بقوة ... وكتبت ( ماراح أجي ) وارسلتها جلست على سريرها وهي شابكة اصابعها بقوة وتتمسك بإعصابها وتكتم شهقاتها وبالعة غصتها ماتبي تبكي -صوت المسج اخذت جوالها ... رقم غريب راسل لها مسج .. وطبعا هو الفارس المجهول! فتحتها (متأكدة ؟! طيب إختاري بين إنك تروحين بكره لستار بوكس وبين -صورة لجوري في عرس فيصل , لابسة فستانها الوردي موديل السمكة الي يزينه الكرستالات من فوق كثير وبعدين تدريجيا يقلون , ومكياجها الوردي الناعم وتسريحتها الشعر على جنب ومعمول بالفير بما إنه صار متوسط الطول ومزين بـ طوق كرستالي يحليه أكثر , كانت الصورة عفوية ماسكة كاس عصير التوت ولافة وجهها للكاميرا وهي تبتسم متفاجئة) شهقت شهقة قوية , حطت يدينها على فمها بقوة وصارت دموعها تنزل بغزارة , وجسمها صابته القشعريرة وأطرافها ترتجف - كيف وصلت له صورتي !!! لا الوضع صار متطور كثير , ياربي انا أنهار! - ماقدرت تمسك الجوال وترسل له اي مسج الإرتجاف لاعب فيها وقفت ورجليها تضرب بعض ... مشت ببطئ ناحية باقة الورد , صارت تبكي بشكل أقوى بعصبية أخذت الباقة ورمتها على الأرض وصارت تدوسها برجلها بقوة .. وبصوت مبحوح من البكاء: أنا وش سويت لك ياحيوان وش سويت لك !!! أنا ماأذيت أحد في حياتي عشان تأذيني كذا !! طاحت على ركبها وغطت وجهها بيدينها وهي تبكي سمعت صوت خطوات برا غرفتها رجعت خصلات من شعرها الكستنائي وراء اذنها ومشت ناحية النور وطفته ,وقفلت باب الغرفة مشت وهي ترتجف ناحية سريرها .. انسدحت على جنبها وضمت رجليها لصدرها وحوطتهم بيدينها بعد ماغطت نفسها بالبطانية الدموع تطيح من عينها بدون توقف وهي تناظر جوالها الي قدامها على سريرها .. في داخلها - كيف عنده هالصورة ! يمكن هو بنت مو ولد , طيب وش يستفيد من كل هالحركات , وش نهاية حركاته ذي , ياربي اذا انفضحت راح ينهار مستقبلي , ماراح اتزوج واحقق حلم أمي , أبوي راح يبغضني , خواتي راح يعنسون بسببي , حتى وليد الي يعشقني راح يبغضني أشد البغض , كيف راح تكون نظرات المجتمع لي , نظرات صديقاتي؟ هل راح يقطعون علاقتهم بي؟ ,ياااااربي وش هالمشكلة الي طحت فيها , ياربي احميني , أنا ضايعة , أنا خايفة , أنا ... أنا ...أنا أحتاجه ! ... وينك فيصل ؟؟! وينك سندي فيصل , أحتاجك! - دموعها نزلت بحرارة وبغزارة أكثر .. ماتقدر تحتمي بأي شخص في هالفترة انحطت في مشاكل ماتدري وش سببها .. ومن صانعها ! نامت وراسها واجعها من حدة البكاء..وهي تردد: أحتاجك .. أحتاجك! .................................................. .......... :أحبك رمت جوالها على سريرها بخفة وحطت يدينها على خدودها الي صارت حمراء لما قرأت هالكلمة صارت تهوي على نفسها بيدها من حرارة الخجل .. وهي تبتسم بقوة وتحاول تخفي ضحكاتها أو أي تعليق يطلع من فمها عشان ماينتبهون لها ملاك وفاتن الي نايمين على سرير ملاك فاتن لفت لها :شفيك ؟ شوق وهي تهوي على نفسها , بوهقة :هاه؟!! الـ الجو حار مرررة حار! ملاك : من جدك أنا حدي بردانة! فاتن :يب الجو براد ! شوق :طيب انا حرانة اضرب نفسي واقول يلا ابردي ! فاتن عقدت حواجبها وعطت شوق ظهرها :اففف شهالأخلاق! شوق أخذت الجوال مرة ثانية وقرأت الي رسله لها : وكلما سمعت إسمكِ أو قرأته أو حتى طرأ في مُخيلتي , تزداد نبضات قلبي مُعلنة غرامي بك الأزلي هالمرة هذا البيت انا الي كتبته , لا نزار قباني ولا هم يحزنون , سلطان الـ****** شوق ابتسمت بقوة وكتبت : متأكد؟ سلطان :يس, ترا أفضل صفة فيني الصدق شوق : يااا مغروور تمدح نفسك سلطان : بكيفيك الأيام بعدين راح تثبت لك كلامي شوق :لا تخاف أنا واثقة إنك صادق ♥ سلطان :حُبي إنت ,شوق أنا مشتاق أشوفك شوق:خلاص مابقى شي اصبر تظفر فاتن بهمس:أنا أحسها ثقيلة دم بصراحة ملاك رفعت كتفها:مدري , شوق تحسها مغرورة فاتن:وانت؟ ملاك:مدري فاتن : وش الي ماتدري؟ ماتدري وش احساسك تجاهها!!؟!! ملاك تنهدت:ايه فاتن:أنا ما اتخيل عمي جاسم يتزوج بعد أزهار ملاك:بس أحس الموضوع صاير جدي فاتن عطت ملاك ظهرها وغطت وجهها بالبطانية :أجل يارب يصير الموضوع مسخرة! ....................................... سمعت صوت خطوات هادئة برا غرفتها , فتحت الباب فتحة صغيرة وطلت بعينها كان يوسف يفسخ الاب كوت ويتوجه لغرفته جواهر سكرت الباب بشويش , وتوجهت لتسريحتها وهي مبسوطة أخذت عطرها البربري سبورت ووجهته لها بترش , هزت راسها بالنفي وحطته على تسريحتها :وش اسوي أنا؟ لالا يوسف نزل للصالة : هلا جلس جنب مشعل الي كان يعدل تلفزيون الصالة يوسف سكت وركز نظره لتحت مشعل :لأني فاضي قلت أعدل قائمة التلفزيون , اليوم ملل بقوة فترة طويلة من الصمت مشعل ناظر يوسف بدون مايلف وجهه له لفترة بتردد: شفيك؟ يوسف ناظر مشعل: بس منهك من العمل رتبت حجابها بعناية قبال المراية ..وطاحت عينها على روجها الزهري من كيت موس مسكته وعلطول رمته على تسريحتها: لاوين جالسين أحنا ؟!! وش فيني أنا متلخبطة!! لأني أحبه! تنهدت تنهيدة طويلة وطلعت برا الغرفة ونزلت لتحت :أهليين يوسف ابتسم :هلا جواهر مشعل كشر وصار يضغط على حبات الرموت بقوة جواهر لفت نظرها طريقة ضغط مشعل على الحبات :شفيك معصب على الرموت؟ مشعل بقهر يحاول يخبيه: ليش متضايقة عليه؟ جواهر جلست على الكنبة المنفردة الي على يسار مشعل : ايه اذا هو في متناول يدك! مشعل رماه بخفة على يوسف : أجل نخلي يوسف هو الي يتعامل معاه لأنه أرق مني ! جواهر ويوسف استغربو من ردة الفعل يوسف : وانت بعد شفيك ؟ مشعل : لا بس اذا صرت انسان ماينوثق فيه من جميع الاشخاص وكل تصرفاتك ماتعجب المقربين لك بعدين راح تفهم شعوري جواهر شدت على اسنانها عرفت انها من المقصودين يوسف ناظر جواهر ونقل نظره لمشعل : شفيكم لا تضايقون , قومو نسوي شي نرفه عن انفسنا جواهر بحماس:يب وش رايكم نلعب ولا كلمة ؟ يوسف ناظر مشعل :انا ماعندي مشكلة مشعل ناظر يوسف بنظرة الـ(خير؟!) لف نظره لجواهر الي كانت تناظره بترجي :طيب أوك! جواهر قبضت يدها:يسسس , بس شوفو عشان نخليها حماس أكثر الي يخسر يسوي للفايز عصير او يجيب له ماي وكذا مشعل : اوك يوسف:يلا نبدأ. جواهر وقفت ورسمت له شكل مربع في الهواء بإصبعها يعني (رسوم متحركة) يوسف ومشعل : رسوم جواهر اشرت على مشعل وهي عاقدة حواجبها مشعل :أممم مشعل؟ جواهر هزت راسها بلا ووجهت اصبعها ليوسف يوسف ابتسم : لاشكله يوسف! جواهر اشرت بيدها بسرعه بـ لا! مشعل : لالا؟ جواهر فتحت عينها على اوسعها ان مافي رسوم اسمه لالا! شكلت يديها على شكل دائريتن وحطتهم على عينيها وصارت تمثل انها تدور عن شي يوسف : جزيرة جزيرة , جزيرة الكنز! مشعل :المنقب يوسف:عبقور! مشعل:الباحث , المفتش , المنقب , المقنع , الضائع , عدسة مكبرة , نظارات... يقولوهم بدون تفكير يوسف:بالله في رسوم اسمه العدسة المكبرة او النظارات؟ مشعل:بصراحة لا! وجواهر بعدها تمثل نفس التمثيلية يوسف:ااممم شارلك هولمز؟ جواهر انبسطت اشرت له بقرب قرب يوسف ومشعل في نفس الوقت: المحقق كونان! جواهر انبسطت :وأخيرااااااااا! مشعل :انا قلت قبل يوسف : لاانا جواهر : اللحين وش نسوي اثنينكم قلتوها في نفس الوقت يوسف : مانحسبها جواهر : طيب دورك يوسف يوسف وقف وأشر بإشارة الرسوم المتحركة جواهر :رسوم مشعل : وش فيكم على الرسوم يابزران! يوسف ركل الهواء الاثنين بحماس مشعل :الكابتن ماجد جواهر : الشبح مشعل : شوت جواهر : الكابتن رابح يوسف صفق:صححححح برافووو جواهر عطتهم ابتسامة الغرور مشعل بقهر : مايصير كذا ظلم انتم يالبزران تشاهدون رسوم كثير يعني تعرفون لهم جواهر : اوك يالشايب مرة ثانية نمثل لك مسرحيات يلا قم سوي لي عصير برتقال مشعل : أنا شايب؟ انقلعي ماراح اقوم يوسف : انتهاك للقوانين مشعل وقف:طيب بسوليك بس هين ان ماخليتك تسوين لي كوكتيل لما تخسرين ! جواهر بضحكة شر :هاهاها لن يحصل ذلك! مشعل اشر عليها:بدأت تطلع تأثيرها بالرسوم! جواهر ماسكة كاس العصير الي سوالها مشعل ومشعل واقف قدامهم و ياشر تأشيرة (الفلم) جواهر ويوسف:فلم مشعل فتح فمه على أوسعه يوسف رفع حاجبه بإستغراب : ايش هذا؟ جواهر :اممم رعب؟ مشعل هز راسه بإيه جواهر صررخت :سكريييييم! مشعل : صح كيف عرفتي؟؟ جواهر بنذالة : مايحتاج لها تفكير وجهك يشبه وجه سكريم! مشعل :باللهِ مو أحسن من يكون وجهي يشبه وجه ساو مثل وجهك؟! يوسف ضحك عليهم مشعل : لاتضحك لا تضحك جاك الموت ياتارك الصلاة يلا ياجواهر أمري عليه جواهر : اممم جيب لي كاس مويه يوسف ابتسم : من عيوني مشعل طلعت عينه : يااااااسلااام! وأنا أكرف اسويلك في هالبرتقال! وهو بس يصب مويه ؟!!!! جواهر : الناس مقامات!(وطلعت لسانها) مشعل ناظرها نظرة عتاب جواهر ماقدرت تفسر نظرته:شفيك؟ مشعل جلس على الكنبة : ولا شي جواهر: عشاني نزلت بس لما جاء يوسف؟ انت تدري اني احب يوسف واكيد راح انزل عشان اشوفه كلمة (أحب) صارت مثل الجمرة على قلبه جاء يوسف وعطاها المويه بإبتسامة ساحرة وهي ردت له الابتسامة مشعل حرقهم بنظراته والغيرة تحرقه:شرايكم نشاهد فلم؟ جالسة على الكنبة المنفردة ومشعل ويوسف على الكنبة الطويلة وقبالهم طاسة فيها شبس و3 كاسات بلاستيكية بيبسي جواهر وقفت وهي حاملة الكاس ,بحالمية: حلو ان البنت يحبونها اثنين مثل الفلم , وقفو الفلم واعطوني كاساتكم اذا تبون اصب لكم معي مشعل ضحك بإستخفاف: مضحك ان الشي الي يعجبك يكون متوفر عندك وانت ماتدري جواهر بعدم استيعاب :ايش؟ مشعل لوى فمه : انت دائما كذا ماتستوعبين!!؟ يوسف :أحسن خلها ماتستوعب! مشعل رفع حاجبه وبقهر رد:ياسلام يعني ماتستوعب على حساب مشاعري!!!! جواهر بإستغراب: وش جالسين تقولون انتم الاثنين؟ مشعل وقف لها : انا بقولك الحقيقية الي كنت اخبيها من زمان يوسف وقف: مشعل اسكت مشعل بجدية وصرامة:لا ماراح اتقبل انانيتك هاذي جواهر تنقل نظرها بيناتهم وهي مستغربة ومو مستوعبة شي مشعل :جواهر أنا أحـ..... يوسف حط يده على فم مشعل يسكته , مشعل مد يده وضرب وجه يوسف وبالتي يوسف رد الضربة لأخوه جواهر: وقفو!!! (صرخت ) وقفووو!!! مشعل فرغ كل غضبه على يوسف , نار قهره ,نار مظلوميته ......, نار غيرته صاربوا يضربون بعض بدون إحساس ..كأنهم أعداء! جواهر صرخت :يووووسف مشعلل وقفو مضاربة!! مشعل بعصبية :انت لاتدخلييييين!!! ضرب يوسف على انفه بقوة فظيعة خلت الدم يسيل من انفه جواهر شهقت ووقفت بيناتهم : خلااص بسكككم مضاااربة! مشعل وقف خلاص ايش الضرب الهمجي هذا؟!!!! مشعل بقهر :ضرب همجي؟!! ليش يعني يوسف حلال يضربني بس أنا أضربه حرام؟!! جواهر بعصبيه:فيه فرق!!!! مشعل غلى من العصبية ,صرخ عليها :ايه فيه فرق!!!!! لأنك تحبينه انعمت عينك صرتي ماتشوفين الخير الا منه وماتحسين بالأمان الا معه وماتفرحين الا بشوفته , أما انا فكل شيء اسويه قلتي عنه غلط , كل شي اسويه قلتي عنه نذالة, كل شي اسويه مايعجبك!!! جواهر بعصبية:مين قال اني انعميت عن غيره!!!!!!!! مشعل بعصبية أكثر وأكثر: إمبلا إنت عمية عن غيره , أنا أبي أفهم كيف ماقدرتي تجمعين كل تصرفاتي معك وتطلعين منهم نتيجة؟؟؟!!!! بالله ماتحسين بنظراتي شي أخبيه , بكلامي وانتقائي لجملي ماتحسين ؟ , بدفاعي عنك بقوة ماتحسين ؟ ,بخوفي عليك ماتحسين؟!!,تركت الدخان ومكالماتي للبنات بسببك!!, صرت أقول آسف وشكرا بسببك!! مع كل هذا كيف مااستوعبتي إني أحـبـــــــك!!! انتهااااااااااا إن شاء الله عجبكم البارت وعوضكم عن طول الغيبة وبإنتظار ردودكم السنعة | |||||||||
|
| |
|
11-11-14, 09:24 AM
| #40 | |||||||||
| نجم روايتي ومشرفة سابقة وفراشة متالقة بعالم الازياء
| ملحوظة : الي مو متذكر الأحداث الأخيرة الأفضل يقرأ البارت السابق + لما ترودون فضلاَ أكتبوا اسمكم السابق للمتابعين الي غيروا اسمائهم عشان اعرفكم البارت الرابع والعشرون (24) "الشخص الذي يحبك , يتحمل عنادك ,اسلوبك , غضبك,يحن عليك رغم قسوتك يتركك حتى تهدأ ثم يعاود النظر إليك ليخبرك : أحبك!" اتسعت بؤبؤة عينها على آخرها , كأن ماء بارد وانكب عليها وجمد كل حواسها مشعل يحبني ؟! , والأعظم إخوة يحبوني ! مشعل والعصبية تحرقه : وأخيراَ استوعبتي ؟! طيب بما انَ احنا الاثنين اعترفنالك جاء وقت انك تختارين واحد منا! لأن هذا الي بالواقع اتفقنا عليه (وناظر يوسف بحدة ) انك انتِ الي تختارين! جواهر قلبها ينبض بسرعة , لسانها ثقيل عن الحركة , مدت رجلها تبي تركض وتصعد لفوق وقف قبالها مشعل : متى راح تغيرين هالعادة ؟! متى راح تواجهين واقعك وتتوقفي عن الهرب ؟! هالمرة ماراح اسمح لك حتى لو جوابك راح يكسر قلبي ( بلع ريقه بقوة ) لازم تختارين! جواهر نزلت راسها وشدت على قبضة يدها وبصوت واطي : انتم اختاروا! مشعل صرخ في وجهها : جــواهـــر! جواهر ارتعشت من صرخة مشعل يوسف بهدوء :مشعل ! مشعل : لازم تقررين انتِ! جواهر رفعت راسها وبعصبية والدموع مجتمعة في عينها:كيف تبيني اختار بين أخوين ؟! مشعل بصراخ : لأن قلبك اختار بس ليش لسانك ماينطقه ؟!!!! جواهر سكتت منصدمة وسالت دمعتها على خدها غصباَ عنها يوسف : اذا انت بتظل تصارخ عليها كيف تبيها تختار؟ مشعل :لأن بنت عمك ماتستوعب الا بالصراخ ! ولا كان استوعبت اني احبها من زمان! جواهر مدت رجلها وركضت بسرعة لفوق .. مشعل صرخ بأسمها وركض ناحيتها بس وقفته يد يوسف على ذراعه مشعل صرخ: ماراح تتغيرين راح تظلين دائما تتهربين وترمي القرار على غيرك بس..... سكت وهو يتنفس بقوة بصوت واطي من بين انفاسه : ليش وقفتني ؟! يوسف بهدوء: اعطيها وقت تفكير فيه ؟ مشعل بألم : اذا الإجابة جاهزة ليش تفكر ! على سريرها ضامة ركبتيها الى صدرها وبإمكانها بكل سهولة تسمع نبضات قلبها القوية ,بكت بقوة وهي تذكر كلام مشعل دخلت يدها تحت عباتها ومسكت سلسلتها وطلعتها , قلبين قلب فضي وقلب ذهبي , زادت دمعاتها: يعني هذا معنى السلسلة ؟ انا ملكت قلبين ! اخوين ! كيف اقدر اختار؟! افرح قلب واكسر قلب ؟ القلب الي حبني بقوة , خاف علي ودافع عني وسوى اشياء صعبة عشاني؟ ............... صوت سيارة اسعاف قوي ! وباين من ارتفاعه انه قريب لهم! فزت من نومها مخترعة , قامت من على سريرها بسرعة وفتحت نافذة غرفتها وعينها تدور عن سيارة الاسعاف .. لفت راسها ببطئ ناحية كمدينة اختها , شدت على اسنانها بقهر , اخذت جوال ( فاتن ) ورمته عليها , بصراخ : فاتن يا عساكِ تنقلبين حيوانة على هالمنبه الي حاطته !!! ولا ياليت تصحين منه انا الضحية اصحى بخرعة ! فاتن وهي تشد الغطاء على وجهها منزعجة :وجع! شوق بعصبية : توجعك أسنانك المركبَة قولي آمين , قومي طفي هالجماد لا اكسره على راسك! فاتن وهي تبعد الغطاء عن وجهها بعصبية :اوووف وش فيك انت ماخذة كورسات في الدعاء على الناس!! شوق : اقول طفي ذا المزعج بس مع كشتك ! فاتن طفت المنبه ,ولفت تناظر ملاك الي نايمة جنبها ولا فتحت نص عين مع كل هالازعاج :بالله ليش ماتصرين مثل هالملاك النائم ماتصحى وتفزع لي الدنيا عشان اطفي منبه جوالي وهي تعرف كيف تطفيه بنفسها ! شوق : ملاك كشتك! قولي لأنها متعودة على ازعاجك فهذا ما يأثر فيها ! فاتن سفهت شوق, ورمت جوالها بخفة على الكمدينة وعطت شوق ظهرها تبي تكمل نومها.. ثواني وجوالها يرن مرة ثانية ... فاتن تأففت بقوة , غطت وجهها بالبطانية وحطت راسها تحت المخدة شوق بصراخ : هيه مو ناوية تطفين جوالك ! فاتن رمت الغطاء بعصبية ومسكت جوالها :اففف من ذا الحيوان الي متصل هالوقت!! بلعت ريقها بقوة :اصلاً محد سب أمه! شوق ابتسمت بخبث: هههاي راح افتن عليكِ عند شيوخ! فاتن كشرت في وجه شوق وردت على أمها : هاه؟! شيخة بعصبية: هاه ! وش هاه ذي انت متى بتتعلمين تقولين السلام صباح النور اخبارك يمه , لا انت ماعندك هالكلام السنع ماغير تقولين هالهاه كأنها سلام عندك! فاتن بدون نفس: السلام صباح النور اخبارك يمه ( تكرر كلام امها بالحرف الواحد) شيخة بعصبية : ياسلام اللحين صرتي تعرفين تسلمين مفروض من اول ماتردين تقولين هالكلام السنع ! فاتن : لاحووول شيوخ ! يعني قلنا هاه ما عجبك قلنا السلام وهالكلام السنع على قولتك ماعجبك ! وش الحل معك! شيخة : المهم اتركينا من هذا , متى ناوية ترجعين البيت ان شاء الله ؟ فاتن رفعت حاجبها : شتقصدين ؟ شيخة : لالا لا ياحبيبتي انا عارفة نبرتك ذي , مستحيل اخليكِ تجلسين في بيت عمك اليوم ! فاتن : ليش ان شاء الله ؟! انت تدرين ان الي ماتسمى بتزورهم اليوم ! شيخة :ايووه ولاني ادري ابيكِ ترجعين البيت! وثانيا ياسمين يمكن تصير زوجة عمك فعيب تقولين هالكلام! فاتن بعصبية : يمـ.. شيخة بجدية : فاتن , ياسمين اذا بتصير زوجة أب لأحد فهي بتصير زوجة أب ملاك مو زوجة أبوكِ! يعني وضعك غلط في بيت عمك فاتن : بس ملاك تحتاجني! شيخة : فاتن قسما بالله اذا مارجعتين البيت اللحين ماراح ارضى عليكِ ليوم الدين ! فاتن بعصبية : يمـه ! شيخة : وأبوكِ في عمله فخلي واحد من أولاد عمك يرجعك البيت .. فاتن : بـ... سكرت شيخة الخط فاتن بعصبية : اوووووف !!!! هذا وأزهار كانت صديقتها والوضع عندها عادي !!! شوق وهي ترتب سريرها , بهدوء: فاتن ارجعي البيت لا تخلين أمك تغضب عليكِ! فاتن : وملاك ؟ شوق : لا تخافين ماراح تندلع حرب ولاشي عشان تخافين عليها لهدرجة ! انت ارجعي البيت وكل التفاصيل راح نخبرك بيها! فاتن عضت على شفتها بعصبية كاتمتها : طيب ابي احد يرجعني ! شوق :طيب قومي صلي عشان ننزل نشوف من صاحي عشان يرجعك .................... فتحت عينها الذابلة مِن البكاء على صوت مكنسة كهربائية , حركت بؤبؤها في ارجاء الغرفة ورود مرمية على الأرض , مناديل في كل مكان , ... سكرت عينها بقوة تكذب الي صار امس .. نزلت دمعة حارة على خدها .. بعدت الغطاء عن جسمها الحار وفسخت عباتها الي نامت بيها عدلت جلستها وهي ترتجف .. وراسها واجعنها من كثر البكاء سمعت صوت خدامتهم من وراء باب غرفتها : ان شاء الله مداااام ! وجهت نظرها لباب غرفتها وهي تتذكر كلام صوفي أمس(هذا رجال هـ(حـ)ـلو جاب هذا وقال حطي في قرفة مال مدام جوري) حلو؟! يعني شافت شكله ! قامت بسرعة وطلعت من غرفتها , كانت قدامها خدامتهم صوفي تكنس الأرض جوري بصوت مبحوح : صوفي صوفي :..... جوري : صوفي صوفي: .... جوري تنهدت لأن صوتها مايساعدها تناديها في هالأزعاج مسكت كتفها بخفة ... صوفي طفت المكنسة ولفت لها : بسم الله ! جوري ببحة : آسفة خرعتك , بس أبي أسألك سؤال صوفي : نأأم مدام جوري؟ جوري: انت قلت ان امس في رجال حلو هو الي جاب الباقة صح ؟ صوفي : نأأم (نعم) جوري: يعني شفتيه ! ممكن توصفيلي شكله ؟ صوفي وهي ترفع عينها تتذكر: اممم ايوه هدا مره هلو عينه لون بني شعره اسود جوري قبضت حواجبها:عينه بنية وشعره أسود ! صوفي : وطويييل ! جوري ناظرتها : فارس! ركضت بسرعة لغرفتها وصوفي تناظرها بإستغراب مسكت جوالها وكتبت بسرعة : ( عرفتك يا فارس ولد عمي ! خدامتنا وصفتلي شكلك ياذكي, بس مو عيب تسوي في بنت عمك كذا ؟) انتظرت رسالة منه وهي تهز رجلها بتوتر .. رن جوالها برنة المسج .. ( هههههههههههه والله ؟!!! برافووووو يالعبقرية هه .. تمنيت اني اقول لك هالجملة والله بس للأسف rong answer !! بس جد مسكين ولد عمك هذا الله يعينه يشبه واحد فلبيني انا موصيه ان يرسل الباقة لبيتكم وأكافأه بمبلغ يحبه قلبه ! هههههههه المهم اتركي عنك الذكاء لأصحابه واتجهزي لموعدنا الليلة ! الفارس المجهول ) جوري شدت قبضتها على جوالها : نذل !!! هاذي مو حقارة بشرية اصلا ! كل شي حاط له الف حساب ! وأنا الضحية !! ..................... دخلت البيت وهي مبتسمة : السلااام , وحشني البيت والله ,يا أولااااد وينكم؟ مشعل طلع من المطبخ وبيده كوب قهوة وباين عليه مو نايم زين : الحمدلله على السلامة يبه ويمة خلود بفرحة: الله يسلمك ياروحي , وحشتوني كثيير .. ابو يوسف:عاد يا خلود مداهم يوحشونك ما جلسنا في الكويت غير يوم! مشعل : صح ليش رجعتوا بكير؟ خلود : ابوك صارت عنده اشغال كثيرة لليوم مايقدر يأجلها مشعل: اها اهم شي انبسطتوا ؟ خلود : ايه كثييير ,قول لي انتم وش سويتو في غيابنا اخباركم؟ اخبار يوسف وجواهر؟ مشعل بابتسامة صفراء والهم مرسوم على ملامحه: بخير ابو يوسف ناظر مشعل بحدة وعمق : بخير؟ كلمتك تعاكس نبرتك مشعل وجه نظره لأبوه , ماينكر انه حس بفرح لأن ابوه حس فيه وسأل :لا ابد بس لاني مرهق و... قاطعه : وش صار أمس ؟ مشعل تلعثم من مقاطعة أبوه الي تبين انه ماصدقه : لا .. ولا شي ..ماصار شي خلود : طيب وينهم يوسف وجواهر ؟ مشعل جاوب على سؤال أمه بسرعة تهرباً من نظرات ابوه الحادة الي بعدها متوجهة له : فوق , اصعد اخبرهم انكم وصلتوا ؟! خلود بابتسامة هزت راسها بالإيجاب ترك الكوب على الطاولة وصعد بسرعة لفوق ... توجه لباب غرفة يوسف , رفع يده يطق الباب , فتح يوسف باب غرفته في نفس الوقت ناظرو بعض لوهلة قصيرة , نطق مشعل : أبوي وأمي تحت , يبون يشوفونك يوسف حط جواله في جيب لاب كوته وأشر براسه بالإيجاب:طيب نزل لتحت أما مشعل توجه لغرفة جواهر ... في غرفة جواهر/ صار لها فترة من صحت من النوم , لكنها ظلت على فراشها تفكر بالي صار امس , وتلعب بسلسلة القلبين! : أقول قراري ولا مااتفوه بنص كلمة ؟! المشكلة اي قرار اقوله وانا ماعندي قرار ! قبضت حواجبها : ماعندي قرار؟! ليش مو يوسف قراري؟ ليش مازلت أفكر بالموضوع ؟ ..عشان .. عشان مشعل ؟ -زفر بألم وطق باب غرفتها , فزت من على سريرها مخترعة من طقة الباب الي قطعت هدوئها التام وتفكيرها :نعم ؟ تسلل لأذنها صوت تعرفه بس متغير هالمرة : أبوي وأمي تحت , يبون يشوفونك نبضاتها تسارعت لما سمعت هالصوت , أمس كان عالي ونبرته عصبية , اليوم هادئ ونبرته ألم ! :ط....طيب لبست عباتها بسرعة ونزلت لتحت .. لما صار صوت خطواتها واضح , عيون يوسف ومشعل توجهت إليها , يوسف ابتسم بهدوء ,ومشعل بعد نظره على جنب بسرعة أما هي , ارتبكت .. : أ... أخباركم عمي وزوجة عمي؟ خلود بفرحة :ياهلا والله بشيخة البنات جواهر , اخبارك حبيبتي ؟ جواهر تقربت لها وسلمت عليها :بخير دامك بخير , أخبار السفرة ؟ أبو يوسف : اخبارك يابنت الغالي ؟ جواهر مدت يدها وباست راسه :الحمدلله بوجودك بخير جواهر بعدت يدها من يد عمها , تفاجأت بيد عمها تسحب يدها من معصمها بقوة ناحيته ! بعد اصابعه عن معصمها : ايش هذا ؟ جواهر بلعت ريقها بقوة وهي تناظر سوار يوسف الي لابسته على معصمها! يوسف ارتبك بس حاول مايبين ارتباكه على ملامح وجهه مشعل انصدم لما انتبه ان جواهر لابسة سوار يوسف الغالي عليه لأنه هدية من سارة في مناسبة غالية عليه , عطاها شي ثمين بالنسبة له ؟!! مستحيل أفوز بقلبها! يوسف :عجبها فعطيته اياها! أبو يوسف : مو هذا السوار غالي عليك يايوسف؟ يوسف بإبتسامة صفراء: مايغلى على بنت عمي ,خاصة وأنا ما ألبسه ! أبو يوسف بهدوء ترك يد جواهر الي بلعت العافية .. خلود :يوسف حبيبي تأخرت على دوامك .. يوسف ناظر ساعته :جَد .. يلا مع السلامة ناظر جواهر نظرة أخيرة ومشى .. ...................... حاطة يدها تحت خدها وتناظر غلاية الماء , سمعت صوت خطوات , لفت وجهها ناحيتها: هاه لقيتي أحد يرجعني؟ شوق :يبب .. راشد راح يرجعك! فاتن بقهر: افففف وش ذا الحظ النحس ياربي! يعني فوق اني مجبورة على الرجعة الا يرجعني اكثر انسان كريه على وجه الكرة الأرضية باللهِ ليش مايكمل خمدته ويريحني من شوفته! : والله أنام وأصحى في الوقت الي ابيه ! وثانيا احمدي ربك وبوسي يدك وجه وظهر ان سُمو الأمير راشد راح يرجعك بنفسه ! فاتن زفرت لما سمعت صوت راشد : ميتة عليك إنت وسيارتك البورش المعفنة مثلك! راشد بإسلوبه الاستفزازي: سيارة البورش الفخمة (شدد على كلمة فخمة) على قولتك يحصل لك تركبينها ياالسرطان! تبادلوا نظرات الحقد .. شوق :اقول بلا هرج واطلعوا لا تسفك شيوخ دمك اذا تأخرتي فاتن :ليش مابتجين معانا؟ شوق :لا طبعا! موب فاضية لك انا عشان اوصلك ! فاتن زفرت :أجل ياااااصبر الأرض! شوق :يلا سيوو فاتن : روحي مالت عليك! راشد:سيو فاتن اخذت كوب ورق وصارت تصب فيه الشاهي , ناظرها راشد بنص عين : زيني لي معك شاهي! فاتن : انقلع! راشد تنرفز :نعم شقلتين؟؟! فاتن :انــقــلع (شدت على الكلمة)! راشد انقهر : ينقلع راسك آمين!! وعلى هالأسلوب الزبالة غصبا عنك تسويلي معك شاهي! فاتن : وراسك آمين ! والله الحمدلله ان يكون اسلوبي زبالة ولا انا أكون زبالة بحد ذاتي! وألف انقلع ماراح اسوي لك ! راشد العصبية وصلت معه اتش , بعصبية داس على رجلها بقوة .. فاتن صرخت بتوجع واخذت كوب الشاهي وكبته على يده متعمدة! راشد مسك يده بألم وركض للمغسلة يصب على يده ماء بارد :إنت مجنوووونة!!!! في أحد عاقل يكب الشاهي على يد إنسان؟ فاتن بعصبية : الحمدلله انا عاقلة لأني كبيت الشاهي على حيوان! راشد سرع خطواته ناحيتها مثل الفهد , مد يده بعصبية , اخذت فاتن وضعية الدفاع بسرعة غمضت عينها بقوة و مدت يدينها قدام وجهها على شكل اكس انتظرت لفترة ضربة راشد , فتحت عينها ببطئ وبعدت يدينها عن وجهها , لاحظت ان راشد قابض يده بقوة ,زفر بقهر: خلصيني اطلعي رفعت راسها بكبرياء واخذت شنطتها ومشت قدامه ...في السيارة دخل راشد ودخلت وراه فاتن , سكرت الباب بقوة راشد بعصبية : لا شرايك تسكرينه بقوة أكبر ! فاتن ببرود فتحت الباب مرة ثانية وسكرته بقوة أكبررر عناد! راشد صرخ فيها : هييييه يامجنونة عيدينها مرة ثانية عشان اكسرلك يدك! فاتن غمضت عينها بقوة من صراخ راشد العالي , بسرعة فتحتها ورفعت راسها بكبرياء وبغرور: أتحداك! ماتقدر! راشد خزها بقوة من المرآية ورجع نظره لقدام : فاتن أحسن لك ماتنرفزيني! فاتن ضحكت بإستهزاء: هههههههههه ياحرام اكتشفت ان عندك نقاط ضعف كثيير!! راشد : هه ! والله ؟ يلا عدديها واتحفيني! فاتن رفعت حاجب وابتسمت بنذالة : للأسف هي كثيييرة بس بذكر ابرزها, متهور , عصبي, وسهل استفزازك , الرفض يكسرك , و أنـا! راشد بعصبية يحاول يخفيها لأن النقاط الي ذكرتهم صحيحة : كلهم غلط وخاصة الأخيرة ! فاتن برفعة الحاجب وابتسامة النذالة على وجهها : والله لو النقاط الي ذكرتها غلط ماكنت عصبت ! وهذا يثبت النقطتين الي قلتهم عصبي وسهل استفزازك! راشد بعصبية : أها طيب وش دليلك على باقي النقاط ؟ فاتن : بالنسبة ان الرفض يكسرك واحد من الأدلة الي صار اليوم لما رفضت اسوي لك شاهي وعصبت ودست على رجلي بكل وقاحة! , وبالنسبة وبالنسبة للتهور الي صار في مزرعة أبو رويد دليل قوي وكافي ( ناظرته بحدة وحقد ) , أما للنقطة الأخيرة , (قبضت حواجبها) فسرلي وجود صورتي عندك ورسومات العين النمرية والنمور؟ راشد نار العصبية تحرقه بجد تعرف تستفزه وتخلي كلامه وتصرفاته دليل على النقاط الي تذكرها : لا حووول ! يعني غصب ان هالعين النمرية والنمور ترمز لك والصورة قلت لك نسيتها عندي ! , يعني انت مو من نقاط ضعفي ياهانم! فاتن ابتسمت , بغرور : اوووكييي خلاص خلك من صورتي والعين النمرية , (بإسلوب استفزازي)بس قوتي من أكبر نقااااط ضعفك ! راشد ابتسم بخبث: قوتك؟! ليش نسيتي رض يدك من الموقف الي صار في مزرعة أبو رويد ؟! قدرتي تدافعين عن نفسك يا ضعيفة(وشد على كلمة ضعيفة)؟!! فاتن بعصبية : كم مرة لازم اكرر لك اني اكره مناداتي بالضعيفة !!! راشد ضحك لأنه قدر يقلب الوضع لصالحه : ههههههههه نقاط ضعفك تشابه نقاط ضعفي ! فاتن قبضت حواجبها بتساؤل راشد كمل بإبتسامة خبث : متهورة و عصبية وسهل استفزازك و تصرين على انك قوية لأنك في الداخل ضعيييفة كثييير ! فاتن بعصبية :ليش تصر على انك تقولي ضعيفة!!؟!!! راشد : لأن اصرارك على انك قوية يخليكِ تسوين اشياء صبيانية توديكِ في داهية ! فاتن بعصبية : اي أنا ولد طيب!!!!انت شدخلك فيني ؟!!!!! ولا عشانك تبي تثبت قوتك ورجولتك تطلع قوتك علي؟!!! راشد رفع حاجبه : وش قصدك ؟ إني مو رجال ؟! ضحكت فاتن بإستهزاء : ههههههه تدري وش مشكلتكم انتم ( الذكور)؟؟!! ان كلمة -رجولة- تجننكم! اي احد يجي يقول للثاني انت مو رجال , يقلب عليه الدنيا ويصارخ عليه بصوت عالي ويهزأه ويسبه ويضربه بأقوى ماعنده يظن انه اذا سوى كذا راح يثبت انه رجال تدري ليش؟ لأنكم مو واثقين برجولتكم ! اللي جد واثق برجولته ماراح يهزه هالكلام ولا راح يحتاج احد يثبت عليه رجولته بسب وضرب وصراخ! راشد أقنعه كلام فاتن , وفي نفس الوقت عصبه : الحمدلله أنا واثق من رجولتي , مشكلة بعض الناس ينكرون انوثتهم وضعفهم فاتن ابتسمت بنذالة تدري انه يبي يقلب الوضع لصالحه بس هيهات : احسن من اللي يحاولون يثبتون رجولتهم المعدومة على بنات عمهم! فاتن عصبت راشد بشكل غير معقول , وقف في نص الشارع بقوة : أنا حذرتك وقلت لك لا تستفزيني ! , انزلي من السيارة! فاتن فتحت عينها على أوسعها مصدومة : نعم ؟! انجنيت ؟ راشد بعجرفة: والله انت الي انجنيتي وجنيتي على نفسك , انزلي من السيارة! فاتن مصدومة :تبيني أوقف في نص الشارع لوحدي ؟؟؟؟!!! راشد : ايه ! وياليت يخطفونك بعد وارتاح منك ! فاتن سكتت تحاول تستوعب وهي مصدومة راشد صرخ : انزلييي! فتحت باب السيارة ببطئ , وطلعت من السيارة : إنت حيوووااان ! وسكرت باب سيارته بأقوى ماعندها بقهر! وقفت بعيد عن السيارات بقدر الإمكان وهو تركها وراءه ومشى عنها! فاتن احاسيسها مختلطة من خوف ورهبة وقلق وعصبية , في داخلها : هذا اكيد انجن !! واللهِ لو يصير فيني شيء ماراح اسامحه ليوم الدين ! -- راشد بعصبية : أنا حذرتها وقلت لها لا تستفزيني ! خلها تجني ثمرة عنادها اللي بيوديها في ستين داهية! سكت شوي , وخفف السرعة , ناظرها من المرآة الجانبية وهي واقفة لوحدهاا مسك الدريكسون وصار يناظر على وراء ,التفت لقدام , تنهد فتراجع ومشى قدام وترك وراه فاتن! داخل السيارة حاطة يدها تحت خدها وتناظر السيارات بملل:ليش أغلب السيارات لونها أبيض؟؟ مايملون هالشعب من اللون الأبيض بصراحة لو أنا ولد أبي سيارتي تكون باللون الأحمر , أو أي لووون غير الأبيض والرمادي والأسود والله طفشت من هالألوان الاعتيادية للسيارات يقال زيبرا موب سيارات! (ابتستمت) هالبنت تشبه فاتن كثييير ! , لـ , لحظة هاذي فاتن ؟؟! , راج وقف وقف!! فتحت شنطتها الحمراء وطلعت منها جوالها , دورت في قائمة الأسماء "فادي" واتصلت بيها: فاتن هاذي انتي الي واقفة في الشارع لو أنا خرفت؟!! فاتن اتشققت من الفرح : ايه أنااا ياسوبر وومن انتِ , اقول ياغزال الرنة انتِ وقفي لي وصليني بيتنا ! رانيا : مِن جدك انت ِ؟؟! وش وقفك لوحدك في الشارع كذا ؟؟! فاتن : انتِ وقفي بس ولما اركب بقولك ! وقفت لها رانيا ودخلت فاتن السيارة رانيا وجهت لها نظرات التساؤل فاتن بعصبية: ولد عمك رشيد هذا حيوواااان تفهمين وش معنى حيوااان ولا اقولك لا موب حيوان هو حيوانة !! لانه عديم الرجولة ولا قلت له انت رجولتك معدومة عصب !!! الله ياخذه ياااارب!! رانيا :راشد تركك في الشارع لوحدك ؟؟ اكيد انك نرفزتينه! فاتن : لا حبيبتي هو كذا نذل اجل في احد يترك بنت لوحدها في الشارع! رانيا وجهت نظرها لقدام : وأخيراَ اعترفتي انك بنت وينخاف عليكِ! فاتن عقدت حواجبها وسكتت عند كلام رانيا .. ................................... "جواهر رفعت راسها وبعصبية والدموع مجتمعة في عينها:كيف تبيني اختار بين أخوين ؟! ...... بعد اصابعه عن معصمها : ايش هذا ؟ يوسف :عجبها فعطيته اياها! أبو يوسف : مو هذا السوار غالي عليك يايوسف؟ يوسف بإبتسامة صفراء: مايغلى على بنت عمي ,خاصة وأنا ما ألبسه ! أبو يوسف بهدوء ترك يد جواهر" كِل هذا يتكرر في ذاكرته بالتفصيل,تنهد بقوة وهو ياخذ علبة القهوة من الآلة .. :وش فيك ضايق خاطرك اشوف في عيونك كلام يخفي خفايا ناظرك؟!؟؟! التفت لجهة الصوت وتنهد مرة ثانية سلوى عبست :افااا هذا ردك على كلامي؟ يوسف ناظرها بتعابير اليأس ,ومشى قدامها:وش تبيني أقولك ايه ضايق من غيابك ومات فيني الاحتمال ؟!! سلوى وهي تمشي وراه . ابتسمت بقوة وهي ضامة بعض الأوراق: مِثلا يناسبك تقول هالكلام المعسول ! يوسف شرب شوي من القهوة , بعد شفته عن العلبة: وش تبين ملاحقتني؟ سلوى : فحوصات العاشقة طلعت! يوسف رفع حواجبه :أي فحوصات ! سلوى :فحوصات بنت عمك ! يوسف وقف لها , غمض عينه تذكر:اوووه نسيت ! اطلعتي عليهم ؟ سلوى ابتسمت بقوة :يب يوسف : واتحققتي من صحة توقعاتي الي قلتها لك؟ سلوى بنفس الابتسامة :بصراحة حاولت بس مو متأكدة يوسف : اخخ منك يامتدربة سلوى , طيب هاتيهم سلوى عطتهم اياه فحوصات تحليل الدم , البزل القطني, الصورة الطبقية للدماغ الخ.. راجعهم بتركيز , وحدة وراء الثانية , لين وصل لنتيجة البزل القطني , في هالوقت ماكان يبي ياخذ نتيجة فحص البزل القطني من الظرف , كأنه ينكر النتيجة الي توصل لها من باقي الفحوص الي راح يأكدها فحص البزل القطني , وقف وماأخذ النتيجة من الظرف ناظرته سلوى بإستغراب: دكتور يوسف! ليش توقفت ؟ يوسف بلع ريقه .. سلوى بصوت أعلى:دكتور يوسف! تنهد وطلع النتيجة من الظرف ... توسعت بؤبؤة عينه! ............................. الظهر... عَض بطنها الجوع وفي نفس الوقت مالها نفس تاكل, فقررت تنزل تاخذ لها عصير طبيعي وتشربه في الحديقة تغير مِن نفسيتها نزلت للدور الأول البيت خالي ماعدا الخدم, دخلت المطبخ فتحت الثلاجة لقت جيك عصير فراولة طبيعي , صبت لها في كاس وطلعت برا للحديقة طلع من البيت لابس قميص أبيض وبنطلون بيجي , لَفت نظره شي أسود , ركز عليه واتجه ناحيته واقفة عند طاولة تحت مظلة عند البركة , وصارت تشرب عصيرها وتفكر بهدوء ابتداءَا من اللي صار أمس بحذافيره إلى اليوم الصباح .. قطع تفكيرها : ماتبين تختارين!؟ سوار يوسف مايبين إختيارك؟! فتحت عينها على أوسعها بخرعة , التفت لناحية الصوت كان مشعل حاط يديه في جيبه ويناظرها صدت عنه : السوار مايوضح شي! مشعل رفع حاجبه : ليش؟ يوسف ماوضح لك ليش يعطيك سوار غالي عليه عشانك تلبسينه ؟؟ لااكيد وضح لك السبب ! جواهر بنفس الوضيعة بكذب: لا ! مشعل : السوار يدل على انك مُلكه ! لين مايلبسك الدِبلة! جواهر بلعت ريقها بقوة : يدل على إني مُلكه اذا لبسته دوم مثل الدبلة مثل ماتقول ! مشعل رفع حاجبه بتكذيب لها : ليش وانتِ ماتلبسينه دوم ؟؟! جواهر بكذب:لا! مشعل : والصباح الي شفناه كان خيال؟؟! جواهر بلعت ريقها , بعناد : لا بس الصباح لبسته بعدها فصخته! مشعل صرخ بعصبية : كـــــــذابــــــــة!!! جواهر : ما أكذب! مشعل مسك يدها اليمين بقوة وقربها لحضنه بقوة , بعد كِم عباتها عن معصمها : وهذاااا اييييش؟؟! جواهر حاولت تبعد نفسها بس يد مشعل قوية : اتررركنييي!!! مشعل قرب وجهه من وجه جواهر اكثر وصرخ : ليييش تكــذبين أكثــر وتجـــرحيــني؟!!! جواهر تبي تبعده عنها بس قوته تمنعها فكبت العصير على وجه وقميص مشعل !!! مشعل بعد عنها وهو مصدوم .. جواهر : خل حركاتك تنفعك اللحين يبغالك تتروش وتتأخر عن طلعتك !!! مشعل ناظرها بحقد : ماراح اتروش لوحدي !! ناظرته بإستغراب بحركة سريعة سحبها من يدها وطيح نفسه معاها في البركة !! طلع راسه من الماي وهو يبتسم بنذالة : عشان تعرفين تكبين العصير علي مرة ثانية ! بسرعة تلاشت الابتسامة عن وجهه لما اتذكر ان جواهر ماتعرف تسبح + مصابة بالربو ,ونزل تحت الماء توجه ناحيتها ومسك يدينها وصعد بها فوق الماء جواهر تنفست بقوة : انتقاماتك قوية ! مشعل : لأن دفاعك عن نفسك قوي ! جواهر ابتسمت : اكييد اجل تبي اصير في حضنك وما ابعد نفسي ؟ مشعل ابتسم بخبث : ليش انتِ اللحين ماتعتبرين في حضني؟!! - جواهر ومشعل مرة قريبين لبعض لأنه لما صعد بها فوق الماء مسك بيدينها ناحيته جواهر تفشلت وبعدت يدينها عن يديه مسكت يدها اليمين بتألم , فتحت عينها على اوسعها وناظرت معصمها , شهقت بخوف: السوار! لفت وجهها يمين ويسار تبحث عن السوار , بخوف : ياالله! مشعل ناظر معصم يدها اليمين الخالي ..وناظر تعابير وجهها القلقة ! بعدت عنه شوي وهي تبحث عن السوار ... مشعل بقهر وهدوء : هيه تراكِ ماتعرفين تسبحين !لاتبتعدين ! جواهر بعصبية : مايهم ! واحد .. اثنين قاطعها مشعل : هيــه!! جواهر : ثلاثــة ... اخذت نفس وغطست في البركة! انصدم ! لهدرجة متعلقة بيوسف .. - جواهر تحاول ماتستنشق الماء وتحافظ على نفسها , بس هيهات هي ماتعرف تسبح ومصابة بالربو صعب عليها تبحث عن شي تحت الماء غمضت عينها بتعب , حست بيد تسحبها وترفعها مشعل صرخ فيها بعصبية : مجنونة انتِ ! اذا انت ماتقدرين تسوين الشيء لاتسوين نفسك بطلة وتخاطرين بنفسك فاهمة؟!! جواهر ضربته في صدره بعصبية : بـَعد عني !! بسببك ضاع السوار !! لو مارميتني معك في البركة ماصار الي صار! بَعِد! مشعل : شقصدك بتبقين تدورين عنه في البركة؟ جواهر بعدت يده عنها , بعصبية:ماراح اترك البركة الا اذا لقيته!بالله كيف بيكون موقفي قدام يوسف اذا شافني والسوار مو على يدي !؟ بعدت عنه وصارت تبحث عن السوار بدون ماتغطس .. ناظرها بألم , عشان "سوار" السيد يوسف تخاطر! عشانه يقصد بالسوار انها مُلكه ! مشعل بهدوء : اتركي البركة!! جواهر بعصبية : قلت لك ماراح اترك البركة الا اذا لقيت السوار !! مشعل بهدوء : طيب وانا راح القاه عشانك ! جواهر ناظرته بذهول مشعل : يلا اطلعي من البركة واوعدك راح القاه .. كَسر بخاطرها , وبسبب كلمة أوعدك اللي لفظها وهي تدري ان وعد مشعل يتحقق لا محالة , تركت البركة - صعب صح ؟! تبحث عن هدية محبوب حبيبك يجرحك هالأمر .. خاصة ان محبوب حبيبك خليصَك, ح.ش- ............................................ ... | |||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
