رواية واذا الهاج بفرح ليلة فأنا تهت لبكاج سنين للكاتبة : حكاية شموخ

[اسطورة !]

في نفس المكان , في نفس الصالة , في نفس الكنبة , بس هو على طرف ماسك أيباده , وهي بطرف تلمع أظافرها !
يناظرها كل دقيقية وهي تتجنب تناظره..

-دق الجرس
ناظرها نظرة أخيرة: متأكدة ماتبين نتغذى برا ؟
بصرامة :لا!
بيأس: ترا أيام شهر العسل جالسة تضيع!
بصرامة :صنع يدك!

تنهَد وتوجه للي من وراء الباب ينادي بالإنجلش:خِدمة الغرف!
فتح الباب ,العامل : إحظيان بغذاء شهي
-:شكرا جزيلا
العامل : عفوا سيدي

بصوت عالي خشن:فـــيــصل!!!!
فيصل دار بإستغراب لناحية الصوت ..
صاحب الصوت الخشن كان رجال طويل عريض من بُنية فيصل , أسمر عينه سوداء حااادة وشعره كثيف أسود يوصل
لكتوفه , لابس كاب على جنب باللون الأحمر , وتي شيرت ضيق عليه عشان يبرز عضلاته المفتولة , وسلسلة طويلة
وعدة أساور , ستايله أجنبي أبا عن جد !
فيصل عقد حواجبه..
تقرب اله الرجال وهو متشقق من الفرح : مو إنت فيصل ناصر ؟؟ ماتذكرتني؟ أنا سعود فايز كنت معك في أول سنةة جامعة
فيصل ارتسمت الابتسامة على وجهه ومد يده له : اوووه ياهلا والله بسعود , في البداية ماعرفتك شكلك وستايلك تغير وش جابك هنا يارجال؟
سعود : هههههههههههه والله اني حاولت اعدي في جامعتكم القرف بس لامحالة مع نسبتي الي مثل كشتي! فابتعثت للندن أدرس!
انتَ قولي وش الي جابك هنا ؟ (غمزله) ياكون جاي تدور لك قيرل فريندز خابزك انا يا بو سيف! بس من اللحين اقولك تراهم مو مثل الخليجيات ترقم ألف وحدة غيرهم والوضع عندهم ايزي !
فيصل ابتسم بضيق على كلام سعود اللي على الجرح: لا والله جاي لشهر العسل!
سعود فتح عينه على اوسعها مصدوم : omg!!! كذااااااب!! عاد انتَ آخر واحد اتخيلك مرتبط , لالا اكيييد متزوج بدون علم أهلك!
فيصل: هيييه انت وش هالعلوم الي مزينها في مخك عني!!؟ لا متزوج بنت عمي واهلي يدرون
سعود : however man! خذ رقمي الجديد ( طلع له ورقة فيها رقمه ) وخلنا على تواصل, وبما إنك هنا مع خويتك أ أقصد زوجتك
خلنا نطلع بكره الليل نتعشى سوى أنا وإنت وزوجتك وصديقتي!
فيصل فتح فمه مستغرب: هاه ؟!
سعود ضحك : ههههه وش فيك تنحت ؟!
فيصل : تقصد زوجتك صح ؟
سعود : لا يااارجل وش زواجه , الزواج ارتباط بالهم لمدى الحياة! ثانكس قود عندي حبيبتي البريطانية (آن) شقراء وعينها خضر وأحلى مايكوون (غمز له)
اذا تبي اعرفك على اختها (إيما) هي الثانية حلوة تنفع لك يا أبو سيف!
فيصل : لا انتَ خلاص مخيخك ذا انتهى ! اقولك انا في شهر عسلي مع زوجتي تقولي بعرفك على اخت القيرل فريند تبعي!
سعود : المهم خلك عن إيما , حلفتك تطلعون معانا بكره !
فيصل ( في باله سارة موب راضية تطلع معي عشان تطلع مع صاحبي وصديقته ) : لا مايحتاج مرة ثانية في البلد ان شاء الله!
سعود : كمااان مااان !!! حلفتك بالله ان تطلع معنا , ماراح اتركك الا وانت عاطني موافقتك ترا!
فيصل : مِلكة هو ! طيب أمرنا لله
سعوود مسك كتفه وضحك : ههههههههه , شكلك متضايق موعدنا بكره على 8 واطيرلك همك ! واحلى خمر وديسكو تشوفه في حياتك!
فيصل فتح عينه على اوسعها بصدمة ...
سعود : يارجل دعااابة دعابة!! يلا have a good lunch ..
see you tonight
فيصل: سيو

دخل بالغذاء , حطه على الطاولة والتفت لسارة : بكره راح نطلع !
سارة وهي منهمكة في تلميع اظافرها: مالي خلق!
فيصل : لما طلعت اخذ الغذاء شفت صاحبي وحلفني ان نطلع معاه بكره مع صديقته
سارة : طيب
فيصل ناظرها بتساؤل:طيب؟؟
سارة : روح لوحدك موب ماسكتك !
فيصل: لا انا ابيك معي
سارة التفتت له وتنهدت: فيـ.....
فيصل قاطعها : سارة تراكِ تسوين كل هالأشياء عشان تقهريني وتحسسيني بالذنب وتخسريني متعة شهر العسل بس في الواقع
انت كمان جالسة تخسرينه !
سارة وقفت عن تلميع اظافرها : آوكِ ,بشرط واحد
فيصل: لبيه ؟
سارة :بعد طلعة بكره لا تطلب مني طلعة ثانية!
فيصل -فكر للحظات-:أمرك
سارة ناظرته بإستغراب - تغيرت مصطلحات فيصل معاي , بسبب احساسه بالذنب ؟ لالا يحس بالذنب اللحين ويرجع يكرر غلطته!

- صوت من آيباد فيصل
فيصل: إف من ذا المزعج ؟
آخذ الأيباد : آوه أمي !

فتح مكالمة الفيديو ..
شيخة بوناسة وجنبها هيفاء :يمه فيصل أخبارك؟! طمني عليك إنت وسارونة
هيفاء :أخبارك فاصوليا؟وأخبار العروس؟
فيصل : الحمدلله بخير , أخباركم إنتم ؟
شيخة :بخير دامكم بخير, هاه طمني كل شي أوك ؟ مبسوطين ؟
فيصل لف نظره على جنب لسارة , ورجع نظره مرة ثانية للأيباد ,بكذب: كثثثييير!
هيفاء: وجو لندن كـ....-بصراخ- ياااااارا نادي اختك جوري قولي لها احنا نكلم فيصل ...
هيفاء استغلت الفرصة قربت وجهها للشاشة اكثر : وينها سوير ما اشوفها ؟
فيصل ناظر سارة , سارة زفرت وتقرربت لفيصل
هيفاء ابتسمت بقوة : هلاااا والله بالعروووس وش هالطلة المنورة , هاه مبسوطة بشهر العسل الي دائما كنتي تتمنينه ؟
سارة حوطت ذراعها بذراع فيصل وحطت راسها على حضنه, ابتسمت بكذب: كثييير , فيصل ماقصر كل شي يعجبني نسويه !
فيصل ناظرها ومن داخله - ممثلة بارعة!-
هيفاء : آوووووووووب وش هالرومانسية!!
سارة ابتسمت,بدلع : ما أوصل لرومانسية فيصل!
هيفاء حركت حواجبها لهم
سارة :الا وينهم جوري وغرام وفاتن والشعب؟
هيفاء: غرام من الصبح مرت عليها رانيا وطلعوا ولحد اللحين مارجعت عاد انتي تعرفين بنت عمك لو كانت ولد كان مستحيل تشوفينها في البيت! وفاتن تتروش أما جو..
جوري شقت الشاشة شق ,جلست على الكنبة الي جالسين فيها شيخة وهيفاء , وابتسمت بلهفة : اخباركم فيصل وسارة؟لكم وووحشة
شيخة : شووف ترا هذا كله من غلاك ولا طول الوقت نبيها تنزل تجلس معنا موب راضية!
فيصل: وانتي واحشتني اكثر !
جوري: مو حلو البيت بدونك فيصل, وانت ياسارة مو حلوة جمعة البنات بدونك !
سارة : ياكذابة اكيد لما تجتمعون انتي والبنات تطيحون حش فيني!
جوري ضحكت :ههههههه شدراك ! اكثر وحدة نحش فيها من بعد فرح انت هههههههه
فيصل : طمنيني عليك جوري
جوري تغيرت تعابير وجهها ,ابتسمت ابتسامة صفراء
فيصل بجدية : وجهك شاحب واصفر ,فيكِ شي؟
جوري كانت تبي تصرخ وتبكي وتقول ايه فيني أكبر المصايب, تعباااانة حيل,أحتاجك ,
اكتفت : لا مافيني شي!!
شيخة قاطعتهم : يقولون عندكم برد تلبسوون زين؟
جوري في هالوقت انصمت اذنها,عينها متعلقة في فيصل , تبي توصل له المعلومة , أو على الأقل تفضفض له حتى لو مافهمها
أو حتى مانتبه لها , مدت 6 من اصابع يدها ترمز لترتيب حرف الـf !
عارفة انه ماراح يفهمها, بس تبي تفضفض له هو من بين الناس أجمع , تعودت تشكيه همها !

-شيخة:يلا استمتعوا ولا تنسونا من الدعاء
هيفاء:يمه تراهم في لندن موب في المدينة!
شيخة ضربت ظهر بنتها :المهممم ! ليش كل بناتي يحبون ينسفون جبهتي حتى كبيرتهم !
يلا مع السلامة
جوري فتحت فمها تبي تنطق :لحظة!
لـ.....
سكرت امها البرنامج
رجعت تعابير اليأس والحزن على وجهها , ياليته كابوس وينتهي , ياليت فيصل موجود بقربي , ياليت قلت لفيصل
من البداية ولا خبيت عنه هالكابوس!


- عند فيصل وسارة ,أول ما انتهت المكالمة , سارة بعدت راسها عن صدر فيصل وفكت ذراعها ببطئ عن ذراعه
فيصل:شكرا!
سارة : ترا مو عشان عينك , بس عشان ابيك تسديلي نفس الخدمة اذا اتصلوا اهلي!
فيصل سكت متضايق..

"نَحنُ لا نحتاج مزيداُ من الحُب
ولا مزيداً من الكلام
كُل مانحتاجه هو المِصداقية في الشعور!"

"فيني ألم ندم مع جرح أعز الناس
سفينة تايهة تبحث عن موانيها
ذكرتك يوم جرحتك وضاقت فيني الأنفاس
بكت عيني على جرحك لكن..من يواسيها؟"

وإنتم تعرفون كل واحد ولسان حاله وش يقول!....
...
.......................

متضايق بس يحاول يدوس على قلبه ويفكر برضا أمه وعقله ..
ويوجه نظراته على من هم على طاولة الأكل .. هي جميلة ولبقة تاكل بطريقة أنيقة وتحاول تتكلم مع أبناءه وتتقرب لهم بقدر الامكان واكثر شي بارز فيها ثقتها بنفسها
أمه رافعة راسها بغرور وفخر من اختيارها
عبدالله أكثر شخص يتكلم معها ومبسوط كثير , وهذا شي مخلي (جاسم مستغرب)
وليد يتكلم إذا أنطرح عليه سؤال ويرد عليه بإحترام , هادئ كعادته بس هدوءه زايد اليوم , يحاول يبين لأبوه انه مرتاح بس هو من الداخل متضايق
راشد مو موجود متهرب من لقاءها !
شوق تناظرها بحقد وتتكلم معاها بقساواة ولو على كيفها طردتها من البيت !
ملاك نسخة من وليد , هدوء وحزن باين من ملامحها

قطع تفكير جاسم صوتها الواثق واثق : ليش توقفت عن الأكل جاسم؟
جاسم :الحمدلله شبعت
شوق وهي مقربه كاس العصير لفمها :أكلت 3 ملاعق وشبعت؟ أكيد لأن فيه شخص غير مرغوب فيه على الطاولة سَد نفسك!
الجدة بعصبية:شـــوق!
ياسمين ابتسمت :خليها , ردة فعل طبيعية!
شوق لوت فمها وارتشفت من عصيرها
ياسمين وجهت تساؤلها لملاك:ليش الحلوة متضايقة ؟ وش فيها الأمورة زعلانة علينا وماتتكلم؟
ملاك رفعت عينها لها وماعرفت وش تجاوب
شوق حطت الكاس بقوة على الطاولة وتقربت لأختها الي عن يسارها :على فكرة تراك ماخذة فكرة غلط عن أختي ترا عمرها 19 مو 9 عشان تكلمينها بهالطريقة!
الجدة حاولت تغير الموضوع لأن شوق تحاسب على كل كلمة تقولها ياسمين: ان شاء الله راشد متى راح يرجع ؟ لازم يجي قبل ماتطلع ياسمين عشان يتعرف عليها
عبدالله:اكيد راح اتصل له واعجله
شوق:وليش تعجله خله ياخذ راحته في طلعته!
الجدة : لاحبيبتي لازم يرجع بكير قبل لا تطلع ياسمين
شوق رفعت حاجبها : ومتى الآنسة ياسمين بتطلع ؟
الجدة : العصر يعني ماباقي شي
شوق وهي تشرب العصير:فكة!
عبدالله صرخ فيها : شــــــوق حــدودك!!!!
شوق اخترعت من صرخة عبدالله وشرقت : كح كح
جاسم بخوف: بسم الله عليك ! عبدالله شوي شوي على أختك
عبدالله بعصبية:خلها تلزم حدودها وتترك عنها قلة الأدب والوقاحة ياسمين يمكن تصير زوجة أبوها في النهاية!!
ياسمين ابتسمت وارتشفت من عصيرها
الجدة ماتبي يصير هواش بين عبدالله وشوق خاصة انها عارفةشوق ماتقدر تسكت عن الاهانة: عبدالله روح المطبخ كلم أخوك خله يجي!
وليد زفر الجو متوتر أبا عن جد , النار والحطب مشتعلين لأسباب مختلفة ,شوق معصبة رفضا وعبدالله معصب موافقتا!
عبدالله وقف بطاعة:ان شاء الله
ناظر شوق بحقد الي بادلته نفس النظرة

توجه عبدالله للمطبخ , وشوق وقفت بقهر بتلحقه , وليد ناداها بهمس يبي يوقفها :شوق!
شوق سفهته والنار تحرقها ولحقت عبدالله

ياسمين ابتسمت لجاسم:متطلعة أشوف راشد , شكله يشبه بنتك شوق كثير في الشخصية
وليد وملاك ناظرو بعض كأنهم يقولون نتمنى مايجي ولا بيصير البيت جحيم!

-في المطبخ ..
توجهت ناحيته مشتعلة نار , كان واقف عند المغسل , تقربت صوبه وضربت بيدها المغسلة بقهر ,بعصبية:إنت بأي حق تصارخ عليي قدام هالنكرة هاااه؟!
وكيف تنعتني قدامها بالوقاحة وقلة الأدب؟؟
عبدالله : تستاهلين لأنك تتواقحين على الي بتصير زوجة أبوك عاجلا آو أجلا!!
شوق: خسي الي هي تصير زوجة أبوي!
عبدالله بعصبية :تأدبي!!!
شوق : إنتَ وش فيك تدافع عنها وتجرح اختك ؟!؟!
عبدالله : عيب المرأة محترمة وتحاول تتقرب لك وانت تتواقحين عليها ماتستاهل!
شوق شدت على اسنانها بعصبية:ايه بس انا تصارخ عليي قدامها استاهل صحح؟!
عبدالله بعناد : ايييه تستاهلين ,لأن ياسمين...
شوق وصلت معها اتش: اووووف مللتنا بهالياسمين كل كلمة والثانية ياسمين وياسمين وياسمين وياسمين , ليش ماتتزوجها انت بدل أبوي اذا هي عاجبتك لهدرجة؟؟!
عبدالله عصب مسكها من قميصها وشد على قبضته ..

:عـبدالله!
تركها من سَمع صوت أبوه ..شوق رتبت قميصها ووجهها أحمر من العصبية
جاسم بصرامة : مو إنتَ تجي تِمد يدك على بنتي مدام راسي يشم الهواء, أنا مامديت يدي عليها عشان انت تيجي في حياتي وتمد يدك عليها
كذا تعامل الأناث وتطلع قوتك عليهم ؟ بعدين اذا انت تبي تضربها في حياتي بعدين لو فارقتكم وش بتسوي؟ بتذبحها ؟ وعشان مين ؟
عشان وحدة غريبة مو أكيد ارتباطي بيها ؟
لمعت عين شوق وابتسمت , فرحانة عشان دفاع ابوها عنها والأكثر عشان اخر جملة قالها !
عبدالله :أنا آسف يبه بس شوق بعد زودتها معاها!
جاسم :اذا انت محترم احتياجي لزوجة لو تكرمت احترم ردة فعلها كبنت ماتت أمها وأبوها ممكن يتزوج بعد أمها!
عبدالله سكت , مع إن جاسم صوته مو عالي , مايصارخ , مايخوف , بس اسلوبه الهادئ المتزن , مُقنع كثيررر

جاسم :المهم اللحين اتصل لراشد قبل ماتسألك جدتك مرة خامسة عنه !
........................


طقت الباب بهدوء ,فتحته :صباح الخير , دكتور يوسف راح يدخل
فرح باستحقار:آوك وش تنتظرين خليه يدخل!
سلوى :عدلي شيلتك بالأول!
فرح: مالك دخل انت تشتغلين هنا خدامة موب شيخة!
سلوى بعصبية : دكتورة بإذن الله وانت خلي مستقبلك لحافز!

صوت هادئ من وراء الباب :متدربة سلوى اقدر ادخل؟
فز قلب فرح على صوت يوسف
سلوى دخلت الغرفة واشرت ليوسف ان يدخل
دخل يوسف وابتسم ابتسامة صفراء :صباح النور
فرح بدلع:صباح العشق ,(لفت لسلوى وهشتها بيدها) انت تقدرين تروحين!
سلوى بعصبية :هييييه انتِ تراك ماخذة وضعية انك الاميرة وانا جاريتك لا حبي انت هنا مريضة وانا المتدربة المشرفة عليك!
يوسف لف لها واشر لها ان تروح بلباقة
سلوى ناظرته بقهر وفرح تناظرها وتضحك باستهزاء
طلعت من الغرفة .. التفتت فرح ليوسف,بدلع:كيف طلعت نتايج الفحص الكذابي ؟؟!ههههههههههههه
يوسف جلس على الكرسي الي جنبها وشبك يديه بتوتر :آممم بالنسبة لنتيجة الفحص ..
(سكت شوي ) ..نتايج الفحوصات تأكد إن ..(ضغط على يده اليسار بقوة ) إنت مصابة بالمينانجيت!
فرح عقدت جواجبها : ايش هذا؟
يوسف كمل : مرض التهاب السحايا ,التهاب الأغشية الدماغية المغلفة للمخ والحبل الشوكي
فرح توسعت بؤبؤتها واجتمعت الدموع في عينها :بس إنت قلتلي مافيه شي يستدعي الخوف!!!
يوسف : آنا آسف , لما سوينا لك صورة طبقية للدماغ لفت نظري تغير عندك في السحايا

"يناظر الصورة وينقل نظراته بكل تضاريس دماغها
ناظر ساعته وفرك عينه :متى يخلص الدوام تعبت

رفع نظره للصورة , عقد حواجبه , فرك عينيه بقوة مرة ثانية , عقد حواجبه وتأمل في الصورة بتركيز شديد :لو

سمحت كبر الصورة عند هنا

تمعن في الصورة بقوة وهو عاقد حواجبه
دخلت سلوى وتقربت للمكان الي واقف فيه يوسف :هاي
يوسف بدون مايبعد نظره عن الصورة :افحصي دم فرح واعملي لها صورة طبيقية للدماغ مرة ثانية واللحين راح

تجي معي للمريضة فرح عشان تعملي لها البزل القطني"

لهالسبب اجرينا لك عدة فحوصات ومنها البزل القطني "فحص السائل النخاعي" الي هو الفحص الجازم لهالمرض
وقبل ماتطلع النتائج سألتك عدة اسئلة والي هي عبارة عن أعراض المرض , الصداع,ارتفاع درجة الحرارة , التقيء
حساسية من الضوء ,وبرودة الأطراف!
وكل هالأعراض اصابتك!

"يوسف :هالفترة ارتفعت درجة حرارتك؟
فرح هزت راسها بإيه: من قبل 4 ايام
يوسف : وايش صارلك لما ارتفعت درجة حرارتك؟
فرح وهي تتذكر:تقيئت مرتين وصار مالي نفس بالأكل أبدا
يوسف : واللحين القيء وفقدان الشهية ملازمينك لحد الآن؟
فرح :فقدان الشهية يب
سلط يوسف الضوء على عينها ,فرح لفت وجهها وغمضت عينها بقوة
يوسف :عندك حساسية من الضوء؟
أخذ يد فرح برفق , تفحص اطراف اصابعها , سكر عينيه بقوة وعقد حواجبه ,أطرافها باردة "

وبعدها طلعت نتيجة البزل القطني .. (سكت بحزن)
مَرت لحظة صمت لثواني..
فرح ضحكت بعدم تصديق ونزلت الدمعة من عينها : ههههههههه مزحك بايخ !
يوسف :أنااا...
فرح قاطعته : أنا أدري إنك تكرهني رغم حبي لك بس لا تقول كذا عشانك ماتبيني!َ!(صارت تشهق) قول انك تكذب
,تكفى!
تأملت تعابير وجهه , باين انه صادق
نطقت بأمل ممزوج بخوف: أكيد له علاج سهل صح ؟
يوسف: الميناجنيت له نوعين :التهاب فيروسي والتهاب بكتيري , الفيروسي سهل علاجه بالأدوية والسوائل
أما البكتيري الاخطر راح يكون علاجه في المستشفى
فرح : أنا مصابة بالفيروسي صح ؟
يوسف سكت ونزل عينه لتحت..
فرح بكت:االبكتيري صح؟؟
يوسف هز راسه بالايجاب
-:طلعني من المشفى!
يوسف: لا, لازم تتعالجين هنا!
بكت بحرقة: بس أنا مابي اتعالج هناا!!
يوسف :اذا ماتعالجتين في المشفى يمكن تفقدين سمعك او بصرك!!!
سكتت بصدمة, ناظرته والدموع تنزل من عينها بغزارة
يوسف بهدوء:انا موب متخصص في هالمجال فراح اعطي ملفك افضل دكتور متخصص بالمخ والاعصاب عشان يتابع حالتك
فرح بكت بقوة:تكفى يوسف لا تخليني تكفى لاتخليني اموت لا تخليني احتضر على هالفراش ..
يوسف بحنية : ماراح اخليك بس راح اخلي غيري يشرف على حالتك بس ماراح اتركك,اوعدك!
........................

جالسة على سريرها وعلى حضنها الاب توب...
مدت يدها لكرتون صغير باللون التيفاني على كمدينتها ,تبحث عن سماعاتها
زفرت : اففف وينهم ذول ؟
سحبت شنطتها فتحتها وحطت يدها فيها بتبحث عن سماعاتها , مسكت ايطار صورة
سحبتها كانت صورة راشد الي سرقتها "جالس على كنبة جلدية سوداء فخمة ولابس ثوب وشماغ , مبتسم ابتسامته المعتادة على جنب
وحاط يده تحت ذقنه "
ضحكت بإستهزاء تطلع قهرها , تذكرت(صورتها في خطوبة فيصل وسارة الي طلعتها شوق في السيارة _حاطة يدها على ذقنها وتبتسم ابتسامتها

المعتادة_)
{- :متهور , عصبي, وسهل استفزازك , الرفض يكسرك , و أنـا!
- - : ههههههههه نقاط ضعفك تشابه نقاط ضعفي !
متهورة و عصبية وسهل استفزازك و تصرين على انك قوية لأنك في الداخل ضعيييفة كثييير !}

رفعت حاجبها : نتشابه كثير هاه ؟! بس أنا أرجل منك !
رمت صورته تحت الكمدينة بقهر , تشتعل نار كلما تذكرت اصراره على انها ضعيفة وتركها في الشارع لوحدها!
...........................

وقفت وهي ماسكة كوب الشاي عند طاولة عند الجدار , عليها صور كثيييرة , نقلت نظرها بين الصور باهتمام , وركزت على صورة جاسم وازهار في ليلة زفافهم ونظرته المُعبرة لها
وقف جاسم عند الطاولة , ارتشفت من كوبها : باين انك تحبها كثير
جاسم ابتسم بألم :كثير
ياسمين : كمَ سنة صار لها من توفت ؟
جاسم :11 سنة
ياسمين : ومانسيتها ؟
جاسم :في أحد ينسى حياته ؟
ياسمين : ليش ماتزوجت من بعدها طول هالمدة ؟ واللحين قررت تتزوج ؟
جاسم :عفت الدنيا بعدها , السببين الا انا عايش عشانهم عبادة ربي وأولادي بس
ياسمين : إنت أغرب رجال شفته في حياتي!

في غرفة شوق وملاك
الجدة واقفة مع ملاك وتشم عطورهم , أما شوق واقفة عند الباب بحرقة
شوق: ابي انزل !
الجدة : خليهم لوحدهم شوي
شوق: ليش هي بعدها ماتصير على ذمته ,مايصير بعدين انتي دعيتيها عشان نجلس معها ليش ماانزل يعني ؟
الجدة:شوق بلا اصرار اطفال !
شوق طلعت من الغرفة مو قادرة تنتظر اكثر

الجدة تنهدت ولفت نظرها لصورة ازهار الي على كمدينة شوق بيأس ..
أما ملاك مبسوطة من داخلها ان شوق بتنزل لهم , كانت تبي تسوي كذا , بس ماعندها هالجرأة

في هالأثناء ... دخل راشد البيت من باب المجلس الخارجي !
عشان مايبي يلتقي بياسمين أبدا..
ولما يطلع من المجلس ويكون داخل البيت , يقدر يدخل الصالة أو يقدر يصعد فوق بدون محد يدري من الي موجودين تحت
صعد فوق وهو يدعي ربه ان الست ياسمين ماتسوي جولة في البيت وتكون فوق
مشى بخطوات "حرامي" على اطراف اصابعه وتوجه لغرفته


شوق وقفت على الدرج تسمع كلامهم ..
جاسم : إنتِ تعرفين اذا تزوجنا راح يكون الوضع متوتر في البيت
ياسمين : عارفة
جاسم : وأكيد عارفة ان المفروض منك تتحملين ؟
.. شوق توسعت عينها ..
ياسمين هزت راسها بالإيجاب
ياسمين : راح اتحمل كل شي , بس
جاسم : بس ايش؟
ياسمين : صور ازهار ونظرتك لها بالحب حتى في الصور !
جاسم : تقصدين ...؟
ياسمين : إيه , هالصور لازم تشيلها!
.. شوق دمعت عينها بألم وقبضت على يدها بقوة ..
ركبت بسرعة لفوق

دخلت الحمام وسكرت الباب بقوة , وقفت عند المغسلة سندت كل ثقل جسمها على يدينها وانحنت , شهقت بقوة
ونزلت من عينها دموعها اللي من زمان حابستهم , تحس بحمل ثقيل على ظهرها
صبرت كثير , اعتادت انها ماتبكي .. واذا بكت تتخبى وتبكي بقوة لانها تتحمل لمدة طويلة
بس ان اثر امها ينمحي ! ماتتحمله , ولا أي بنت راح تتحمله

هي ماتتحمل بس عشان نفسها , هي البنت الكبيرة يعني انرمت مسؤولية كبيرة على عاتقها
صحيح أبوها يقوم بمسؤوليات البيت ومايقصر بحنانه , بس حنان الأنثى غير
كفاية انها كانت تشهد نوبات مرض امها كثييير وتشوفها تتألم , كفاية لما رجعت من المدرسة في يوم تخرجها ولاقت
الي بيرجعها عمها جسار وناظرته بإستغراب وكررت عليه نفس السؤال : ليش انت الي بترجعني ؟
وهو ساكت ومانطق بحرف
لما وصلت للمستشفى , وناظرت أبوها وهو يبكي بحرقة , هاللحظات كلها قاسية عليها


جاسم :ياسمين ممكن أسئلك سؤال واذا ماحبيتي تجاوبين براحتك ماراح الزمك
ياسمين :تفضل
جاسم :مع انك ., عذرا على وقاحتي, حلوة ولبقة , ليش ماتزوجتي لحد الآن ؟
ياسمين ابتسمت :ليش أمك ماقالت لك اني تطلقت بعد اسبوع من زواجي؟
جاسم فتح عينه على اوسعها
ياسمين : عشاني ضحية زواج رجل عاشق أبوه جبره ان يتزوجني !
لكنه ماتحمل وطلقني بعد صبره لمدة اسبوع !هـه
جاسم سكت لفترة : فلهذا ..


استوقفه صوت شهقات من داخل الحمام , وقف باستغراب عند باب الحمام
حاول يميز هالشهقات , صاحبة الشهقات تحاول تكتم شهقاتها
: شوق !
رفع يده بتردد , ترك يده مرفوعة لفترة بدون مايحركها , قربها للباب وطقه بهدوء ,
توقف صوت الشهقات ..
بصوت هادئ : شــوق
شوق سكتت ماتبيه يسمع صوتها المبحوح من البكاء ..
راشد بهدوء: " اختي"افتحي لي الباب
شوق :............
راشد : افتحي لي الباب أبي أشكيكِ همي
شوق مسحت دموعها وفتحت الباب بهدوء .. رفعت عينها لعينه
شوق بصوت مبحوح : فضفض لي !
راشد : مو صاحب البحة هو الي مفروض يفضفض للثاني ؟
شوق ركزت نظرها على شبيه أمها , دمعت عينها بقوة ونزلت دموعها من عينها غصبا عنها ..
راشد مسك معصم شوق وقربها له , وضمها
سكت ماعرف يواسيها , لأن همه مثل همها !


جاسم : اذا تزوجتيني راح تكوني ضحية لزواج ثاني من رجل عاشق , وفوقها بتتحملين أولاده الخمسة
ياسمين : بس انت غير عنه !
جاسم ابتسم : ايه انا غير , هو يحب وحدة عايشة ويقدر يتزوجها , بس انا مغرم بزوجتي المتوفية الي مستحيل ترجع !
ياسمين ناظرته : انساها , شيل صورها وشيل اثرها وبتنساها !
جاسم وهو مركز نظره على الصورة : بصراحَة , أنا بعد مجبور من أمي , ويحق لها , تبي تشوف ولدها فرحان
بس أنا ماراح اكون فرحان اذا تزوجت وحدة غير أزهار , أنا وافقت أجلس معاكِ عشان رضا أمي , بس
إذا تزوجنا ماراح تخلص المشاكل , انا "ماراح انسى زوجتي" وانت باين انك تبين تزيلين اثرها وانا ما ارضى بهالشي فراح تتعذبين لهالسبب, أولادي ماراح يتقبلونك بإستثناء عبدالله طبعا!
في النهاية انت الي بتكونين ضحية هالزواج كمان !
ياسمين ابتسمت وهي تحط الكوب على الصحن : فهمت ..
جاسم :أنا آسـف بس معاي ماراح تلقين سعادتك , بس اتمنى تلقينها مع رجل احسن مني عما قريب
ياسمين بإبتسامتها الواثقة : ما اتوقع , على العموم شكرا على دعوتكـ.. دعوة أمك لليوم , عذرا اذا كنت ضيفة ثقيلة عليكم
سلم لي على أمك وبلغها شكري , مع السلامة
جاسم : ليش ماتسلمين عليها لين مايجيك السواق ؟
ياسمين ابتسمت : وليش يجيني , هو ينتظري برا
جاسم بصدمة : من الظهر للآن ؟
ياسمين : إيه , يلا عن اذنك
جاسم : في حفظ الرحمن
بداخله " ممكن لبقة , ولكن موب رحيمة , السواق واقف من الظهر لحد الآن ينتظرها ليش؟ , كيف لو تزوجتها كيف بتتعامل مع أولادي ؟"

الجدة سكرت من مكالمتها كانت تكلم السواق عشان يجيها ,ناظرت ساعتها : راح انزل اشوفهم , ياليتها تطول أكثر بس ماراح اكون موجودة
ملاك ضغطت ارسال لكلمة " محتاجتك " لفاتن , وسكرت جوالها
الجدة نزلت لتحت وملاك لحقتها ..

الجدة بصدمة : وينها ياسمين؟؟!
جاسم تنهد : طَلعت ..
الجدة :طيب ليش مانادتني ؟ ليش ماسلمت عليي وعلى اولادك قبل ما تطلع ؟
جاسم نزل عينه ..
الجدة بدأت تستوعب: جاسم لا تقول لي..
جاسم : أنا آسف بس ما اقدر..
الجدة صرخت بعصبية : جاااااسم الى متى ؟؟!!
ملاك فتحت عينها على اوسعها وابتسمت

وليد نزل من على الدرج لما سمع صرخة جدتها : شالسالفة ؟
ملاك ناظرته وهي متشققه من الفرح
الجدة بعصبية: ماراح ترجع للحياة أزهار مرة ثانية استوووعب!!
جاسم بهدوء: مستوعب بس...
الجدة : بس اييش؟ مرأة اسم على مسمى مثل الياسمين تضيعها من يدك ليش ؟؟؟
جاسم : راح اظلمها معي ..
الجدة : انت جالس تظلم نفسك موب تظلمهاااا!!!
جاسم : طيب يمه مافكرتي بأولادي ؟ ماراح ينظلمون ؟
الجدة: بالعكس راح يحبونها !!!
جاسم : واضح فلهذا كلهم وجوههم حزينة اليوم وراشد ماجى البيت عشان مايبي يشوفها اصلا !
راشد فتح باب الممر الي موجود فيه المجلس وهو ماسك قارورة ماء لشوق ..
الكل ناظره بإستغراب ..
الجدة : مدامك موجود من زمان ليش ماجلست معانا ؟
راشد :من ربع ساعة جيت , يعني ماكنت موجود من زمان عشان اشوف ست الحسن
جاسم اشر له ان يسكت ..
الجدة : عشان هالكلام الي يقولونه يعني ماتبي تتزوج ؟ تراك انت الي في النهاية بتزوج موب أولادك!
جاسم : بس هم بيعيشون معاها ب...
قاطعته : كم ؟؟ كم المدة الي راح يعيشون معاها ؟ سنة ؟ سنتين ؟ بعدين كل واحد راح يتزوج ويطلع من هالبيت ياجاسم وراح تبقى لوحدك تؤنس وحدتك صور ازهار!
جاسم سكت ..
الجدة ناظرته بغضب..
: أنا راح اطلع من هالبيت
جاسم : يمه انا بوديك
الجدة : لا
جاسم : طيب على الاقل انتظري هنا لين مايجيك
الجدة : اسكت مابي اسمع صوتك !
طلعت بعصبية من البيت وقلبها يشتعل نار على ضناها

جاسم : وليد اطلع وراء جدتك
وليد هز راسه بالإيجاب وطلع وراء جدته

شوق نزلت من على الدرج لما تأخر راشد وسمعت صوت جدتها العالي: وش صاير؟
ملاك ناظرتها وهي متشققه من الفرح
وراشد رمى عليها القارورة وهو ييقول: مبروك!
مسكتها وهي تناظرهم بإستغراب

الليل ...

طقت الباب بهدوء ..
:تفضل
دخلت بهدوء وناظرت ابوها الي جالس على السرير ويتصفح ألبوم الصور
جاسم ترك البوم الصور واشر على السرير : تعالي اجلسي حبيبتي
شوق جلست على السرير , بهدوء: صحيح انك ماراح تتزوجها ؟
جاسم ابتسم بحنية : صح
شوق : وش الي غير رايك ؟
جاسم : ما راح انسى أمك , وهي تبيني أنساها , وهالشي مستحيل اوافقها فيه, واصلا انا من الاساس مابي اتزوج من بعد امك
شوق : مادري افرح ولا احزن عليك ؟
جاسم : ليش؟
شوق: وجدتي؟ غضبانة عليك كيف راح رضا ؟
جاسم : ماعليكِ بكره راح اروح لها واستسمح منها
شوق : أنا محظوظة , لو عندي أب غيرك كان تزوج من زمان
جاسم : محظوظة ؟ الحمدلله انك قنوعة , كل الي تتحملينه من هم ومحظوظة ؟
شوق ابتسمت : إذا أحب الله عبداَ ابتلاه
جاسم مسك يده بنته : أبيكِ دايم كذا قوية , ومابي اشوف دموعك , والله يوفقك مع سلطان
شوق ابتسمت : بس هاه , ابيك انت اول واحد تبارك لي بعد العقد
جاسم ضحك : اوعدك , وانا اقدر؟ وعندي مفاجأة لك
شوق بفرح: والله؟!!! ايش هي؟؟
جاسم : وكيف بتكون مفاجأة اذا قلتها لك اللحين؟
شوق: مو مهم قولها فضولي بيذبحني!
جاسم : اتركي عنك هالفضول الي يضيع عليكِ فرص حلوه
شوق : ترا اذا ماقلت لي ماراح انام!
جاسم : خلك لا تنامين عشان تتعودين على السهر ووقت زفتك تمشين كأنك زومبي
شوق ضحكت : ههههههههههه وش هالقساوة الي نزلت عليك يبه
جاسم : هههههه شسويلك لازم اصير مثلك عنيد عشان لا انهزم مثل كل مره واقولك عن المفاجأة
شوق وقفت : يلا مسامح هالمرة ( وغمزت له) يلا بروح أنام عشان لا اصير زومبي في زفتي على قولتك ههههه
جاسم ابتسم : تصبحين على خير

شوق طلعت من غرفة ابوها وهي فرحانه , سمعت صوت رنة المسج
" وش فيك ماشبكتي اليوم ابد ؟" - سلطان-
شوق ابتسمت وهي تكتب " مافيني شي بس كنت مشغولة شوي , آمر ؟"
.................

في المجمع ...

مشت وجلست على طاولة من الطاولات الي حول ستار بوكس , ترتجف بشكل مو طبيعي , رن جوالها بمسج
" وينك ؟"
رسلت ببطئ بسبب حركة اصابعها البطيئة المرتجفة " طاولة رقم 4"
رسل لها " شطورة "
رمت جوالها على الطاولة وهي تحس بالاشمئزاز منه , رن جوالها باسم ( الغالية)
رفعته وهي ترتجف: هلا ؟
شيخة: وينك انت؟ ماصار هذا حلق بتشترينه وترجعين ؟؟!!
جوري: ايه لأني لحد اللحين ماشفت حلق نفس الا ابيه
شيخة:خلاص تأخر الوقت ياجوري, ارجعي وبكره روحي السوق مرة الثانية واشتري الي تبيه وروحي مع وحدة من خواتك او صاحباتك مو مثل الليلة
جوري: ان شاء الله
شيخة : وش فيه صوتك ؟ كأنك ترجفين ؟
جوري: اييه , لأن المجمع بارد
شيخة : المهم مدري شفيني خايفة , فبسرعة ارجعي
جوري : طيب , مع السلامة

تفاجئت بعامل حاط علبة حمراء على شكل قلب على طاولتها
جوري ناظرته : ايش هذا ؟
العامل سفهها ومشى
جوري ناظرته باستغراب , رن جوالها بصوت المسج
" هدية لك .. أنتهى موعدنا لـ لليوم
لازم تفتحينها الليلة , آوك ؟
بس نصيحة لك افتحينها وانت لوحدك في غرفتك هههههههه
الفارس المجهول"
جوري رسلت له " وينك ؟؟؟ ليش ماتفصخ قناعك وتوريني وجهك الخايس ؟
لمتى راح تخوفني كذا وانا ما اعرفك حتى ؟ "
رسل لها ..
" محد قالك تجرحيني
الفارس المجهول"
جوري " بأيش جرحتك ؟"
رسل لها " مانا بغبي عشان اقولك بأيش وتستنتجين من أنا ياحلوه
على مين تلعبينها؟
ههههههه
الفارس المجهول"

جوري عصبت وهي تلتفت يمين وشمال تدور وجه مألوف عليها
رن جوالها مرة ثانية باسم امها فتركت المكان وطلعت من المجمع

في البيت .. في غرفتها تحديداَ

قلبها ينبض بسرعة وهي تناظر العلبة
تنهدت ومدت يدها الي ترتجف للعلبة , مسكت الغطاء وازاحته



فتحت عينها على آخرها , 16 صورة لها !

أتمنى ان البارت اعجبكم , وعذرا اذا فيه اخطاء لأني راجعت البارت بسرعة
^_^ بإنتظار ردودكم الحلوووه مثل أصحابها

[اسطورة !]

البارت الخامس والعشرون (25)
"لَم يعد يَجدي الأسَف
مامضَى ...لَن يُستعاد
والقَليل الذِي بقَى
لا يَستحِق عنَاء الخُطوات !"
صحت من النوم وراسها موجعها , ناظرت الجهة اليمنى من السرير الجهة الخالية! ضَحكت بإستهزاء عروس ومعرس في شهر
عسلهم وينامون منفصلين , بس في الواقع هي الي بغت هالشيء يتطبق..
دخلت الحمام ثم صَلت , وطلعت من غرفتها تبي تسوي لها كوب قهوة تصحي نفسها بيه ..
تأملت الصالون , التلفزيون شغال بس الصوت واطي , والمكيف تبريده عااالي,وفيصل منسدح على الكنبة الي قبال التلفزيون وحاط يد تحت خده ويد ممدودة للأرض وتحتها مباشرة على الأرض الريموت
باين ان الريموت طاح من يده لما غفت عينه ..
توجهت للتكييف ونزلت عليه , ورجعت لغرفتها أخذت البطانية , وحطتها عليه بإهتمام , تأملت ملامح وجهه بتركيز ,
فيك صفات فارس أحلامي يافصيل بس إنت الي خربت على نفسك!
سوت لها القهوة ورجعت غرفتها , مسكت جوالها واتصلت :
بلهفة :ألووو
ساره : جوووج أخبارك يالهبلة وحشتيييني!
جواهر: بخييير إنت وش اخبارك طمنيني عنك ؟قسم بالله البيت مايسوى بدونك
ساره : أكذب عليك وأقول لك فرحانة ؟
جواهر بنبرة خوف: ليش وش صاير؟
ساره كانت تبي تقول لها عن كلام فيصل بسس, بتقول لها اكتشفت ان فيصل تزوجني عشان مايبي يتزوجك عشان مشعل يحبك؟!
نطقت : أجل شوقو المجنونة بتملك وأنا مابكون موجودة !
...........................
واقف عند الباب وهو يدعي الله إن أمه ترضى ويطيب خاطرها , دق الجرس
وفتحت له الخدامة ..
جاسم دخل الصالون وجلس على الكنبة , الخدامة : أنادي على ماما ؟
جاسم : إيه لو سمحتي
صعدت الخدامة لفوق تنادي الجدة , بعد عِدة دقايق
سمع صوت خطواتها على الدرج : يامرحبا واللـ..."سكتت لما شافت جاسم"
جاسم وقف لها : السلام عليكم يمه أخبارك؟,توجه لها مسك يدها بيقبلها بعدتها بسرعة بعدم رضا..
الجدة : جاي عشان بتقول انك موافق على زواجك من ياسمين ؟
جاسم : لا
الجدة : زواجك من غيرها؟
جاسم :لا
الجدة : أجل اطلع برا!
جاسم : يمه مايصير كذا اعطيني فرصة عشان استسمح منك واعطيك اسبابي!
الجدة بعصبية: أي اسباب ؟؟ بتعيد عليي نفس الأسباب المعتادة الي حفظتها أكثر من أسمي من كثر ماتعيدها وتكررها
أنا مابي أتزوج يايمه لأن أزهار ماماتت في قلبي أنا راح أظلم الي أتزوجها عيالي مايبون زوجة أب راح تذكر لي نفس هالأسباب صح ؟؟
جاسم نزل عينه بالأرض:يمه أنا آسف أ...
الجدة :أيوه أتأسف , تأسف لأن الأسف بيفيدني , ياجاسم أنت مفروض تتأسف لنفسك مو أنا الي راح أنضر إذا ماتزوجت عشان تتأسف لي إنت الي راح تخسر شبابك
على ذكرى أزهار الي ماتت وماخلفت لك غير حبها المجنون الي ضيعك , إنت وأخوك سامي الله يرحمه نفس الطينة , تحبون بعماء لين ماتفقدون أشياء كثيرر!
جاسم: أي شباب يمه وأولادي طولي وأطول مني ! أنا خلاص الزواج مو لي!
الجدة : امبلا إنت شباب بس الهم الي زارعه فيك مكبرك ! ياجاسم متى راح تخلص هالسالفة ؟ متى راح تقتنع بالزواج ؟
جاسم : والله الموت أهون علي من الزواج بعد أزهار!
الجدة :إنت النقاش معك عقيم ..
جاسم :أنا آسف وحقك علي أعترف كلامك صح بس أنا أعمى مثل ماقلتي , المهم رضاك علي يايمه ..
الجدة تنهدت بقوه ..
جاسم : يعني موب راضية علي؟
الجدة : لا راضية مجنونة أكرر الي صار مع فلذة كبدي سامي وأفقدك إنت الثاني كمان!
جاسم ابتسم ..
الجدة : بس لا تفرح كثير بظل أحن عليك بموضوع الزواج لين ما أموت !
جاسم :بسم الله عليك يمه عسى يومي قبل يومك يارب .. بس يمه خلينا نأجل هالموضوع اللحين ونفطر لبنة بالزعتر وكوب الحليب بالهيل اللي تعودت أكلهم من يدك الحلوة لأني حدي جوعااان
الجدة : ولا يهمك بس بقول للخدامة تسويهم خلاص كبرت على الدلع !
جاسم ضحك :ههههههههه أفا يمه يلا مقبولة منك , بس أنا الي بسويه إذا ماتبين تدلعيني أنا راح أدلعك !
..............................
جالس على مكتبه وقباله الاب توب ويبحث فيه بتركيز , فَز من مكانه لأن انفتح الباب بقوة وضرب الجدار
سلوى رفعت يدينها الي بيد كرتونة فيها كوبين قهوة واليد الثانية فطاير ,وصرخت بفرحة : جااااء الفطووور!
يوسف وهو يعدل جلسته ويتنهد : إنتِ ممحية كلمة الاستئذان من قاموسك ؟ كيف تفتحين الباب بهالعنف طيرتي قلبي!!
سلوى حطت الأكل على طاولته ورمت نفسها على الكرسي الي قبال مكتبه , غمزت له :أأأ ليييش طار قلبك اعترف؟ جالس تشوف أشياء وسخة في لاب توبك ؟
يوسف ناظرها بنص عين : تفكيرك الوسخ
سلوى : والله ؟ طيب اذا مواشياء وسخة وريني شتسوي في لاب توبك ؟
يوسف : ياشين اللقافة !
سلوى وقفت وحاولت تطل على الي يسويه , يوسف سكر الشاشة
سلوى : ههههههههههه وتقول ماتشوف أشياء وسخة هاااه ههههههههههه
يوسف : يعني اللحين مابخاف من ربي يشوفني وأنا أشوف الأشياء الوسخة على قولتك بس بخاف من انك تشوفين الي اشوفه ؟
سلوى رفعت حاجبها:ياشينك لا قلت كلام مايقدر الواحد يرد عليه بس أنا أعرف لك ...
سحبت الاب توب بسرعة وفتحت الشاشة ..
يوسف وقف بقهر : سلووووووى !!
سلوى قرأت الي موجود بالصفحة : التهاب السحايا هاه ؟! طيب ليش ماتبييني اشوفه ؟
رجعت الاب توب على الطاولة وجلست
يوسف جلس: لأني حولت ملفها للدكتورة أريج يعني هي موب مريضتي الآن , مع ذللك أبي أعرف عن حالتها اكثر واكثر
سلوى :بس مرضها موب خطير لهذي الدرجة ؟
يوسف : بس كان فيه تأخر في اكتشاف المرض , الخوف هنا اذا تقدم مرضها راح تفقد سمعها وبصرها !
سلوى : أهــاا
أخذت لها فطيرة وبدأت تاكلها بصمت , نطقت : ممكن أسألك سؤال؟
يوسف وهو يفتح الفطيرة : تفضلي
سلوى : اللحين بنت عمك تحبك كثير ومن زمان ومتعلقة فيك , وأنا طول الدوام وفيسي مرتز في فيسك ومعجبة فيك وصرحت بهالشي مع ذلك قلبك مو مايل لأي وحدة منا ؟ليش؟
يوسف وقف , سكت شوي : لأني أحب !
سلوى : مين ؟
يوسف: بنت عمي ..
سلوى : والله اذا تزوجتها راح تصير ديزاستر بنت عمك تحبك وانت تتزوج بنت عمك الثانية ؟ بعدين مين هاذي بالضبط .. لايكون ؟؟؟؟
ذيك البنت الي جات مع أخوك المريض للمشفى ذاك اليوم ؟؟؟
يوسف هز راسه بالإيجاب..
سلوى فتحت عينها على اوسعها : تمزززززح ؟؟!؟
يوسف: لا ليش؟ ترا الشعور متبادل
سلوى وهي تاكل : هي عنيدة ماتناسبك ..
يوسف: مو انت الي تقررين مين يناسبني والي مايناسبني ( حط على الطاولة ملف مريض) وروحي راجعي حاله المريض
سلوى : هذا الي بيدي ايش؟
يوسف: فطيرة وكوب قهوة ويعني؟
سلوى : ممتاااز يعني أنا أكل مايصير اترك اكلي واروح للمريض!
يوسف : لا يصير طالعي ساعتك مفروض اللحين تشوفين حالته
سلوى فتحت الملف وسكرته بقهر: لا حووول ياخي هالانسان كذا ولا كذا بيموت انا اللحين اقطع اكلي عشان اشوف حالته وهو بيموت ليش !
يوسف:استح على وجهك انتِ , بتصيرين دكتورة وتقولين هالكلام طيب انت بالنسبة لك بيموت لا محالة أهله يبونه لأخر نبضة قلبه ينبضها
سلوى :افففففففف وبطني وش ذنبه مسكين مافي سيمفونية الا وعزفها
يوسف: محد قالك تدخلين مجال صحي , مجال صحي = كرف , يلا الى الامام سر !
سلوى وقفت بملل : اف اف اف !
يوسف وراها : ولا تقل لهما أفا ولا تنهرهما !
سلوى زادتها :اففففففف منك!
يوسف: وقل لهما قولا كريما!
.......................
الظهر...
خلود وهي تجلس على كرسي طاولة الطعام : وينها جيسيكا أبيها تنادي جواهر ؟
عبدالرحمن بصوت عالي:جيسيكااااااا
مشعل قام من على الكرسي: مايحتاج أنا راح أناديها
عبدالرحمن ناظر مشعل بنظرة غريبة
خلود : طيب بس بسرعة حبيبي
طق طق طق
جواهر فتحت الباب, انربط لسانها لما شافت مشعل
مشعل دخل يده في جيبه , ومد يده لها وفتحها , داخلها السوار !
جواهر أخذته و ابتسمت : شكراا , مشعل أنا أسـ...
مشعل قاطعها : اتجهزتي لملكة شوق ؟
جواهر ناظرته باستغراب وسكتت
مشعل: جاوبي على سؤالي
جواهر هزت راسها بالنفي
مشعل : ليش ماقلتي ؟
جواهر : مايحتاج أتعبكم معي, اقدر البس اي فستان من عنـ...
قاطعها :ليش انت غير عن باقي البنات ؟؟!
جواهر بصرامة : مو عيب إني البس فستان موب جديد !
مشعل بعناد: والله؟ أجل ليش في كل مناسبة تشترون فستان جديد؟؟!
جواهر : ايه أوك ؟أنا غير عن باقي البنات !
مشعل بعصبية: في اييش؟!!
جواهر : أنا ماعندي أب أطلب منه يوديني ويجيبني ويشتريلي ويتسوق معي !
مشعل سكت شوي ,: طيب أعتبريني أنا أبوكِ ! ولازم الليلة أوديكِ السوق !
جواهر ناظرت على جنب وسكتت
مشعل : طيب تبين يوسف يوديك , خليه يوديك بس اهم شي تجهزين!
جواهر ناظرته : لا ما أقصد كذا!
مشعل تكتف :أجل اشرحيلي آنسة جواهر وش تقصدين ؟
قاطعهم صوت أنثوي : عذرا على مقاطعتكما ولكن السيد عبدالرحمن طلب مني مناداتكما (بالإنجلش)
مشعل ناظرها ولحق جيسيكا , جواهر تنهدت ولحقتهم
جلست جواهر جنب زوجة عمها ومشعل جلس قدام أمه
أبو يوسف :أمك قالت لك بسرعة موب أتأخروا !
مشعل وهو يقرب الكاس من فمه و يناظر جواهر :آسف
.. ساد الصمت لفترة , قطعه صوت صارم
عبدالرحمن : خلصتي تجهيزات لملكة شوق ياجواهر؟
جواهر ابتسمت : ايه عمي
مشعل بدون مايناظرها :كذابــه
جواهر ناظرته بقهر
عبدالرحمن ناظر مشعل :وحضرتكم ليش ما وصلتوها للسوق عشان تجهز نفسها ؟
جواهر بدفاع :أنا ماطلبت منهم !
خلود :ليش حبيبتي ؟ تبيني أروح معك الليلة ؟
جواهر تبي تتكلم قاطعها عمها
عبدالرحمن : مو انت بتزورين صديقتك المريضة الليلة ؟
خلود : ايه بس اقدر أأجل ..
عبدالرحمن : لا مايحتاج روحي زوري صديقتك , يوسف أو مشعل يودونها
جواهر : لا م..
عبدالرحمن ناظر مشعل : سمعت ؟
مشعل ناظر جواهر : ان شاء الله
جواهر نزلت نظرها بيأس
كل ماحاولت تتكلم قاطعها عمها , يعني صارت مجبر أخاك لابطل!
..............
واقف يحط الرز في الصحون , وملاك جنبه تقطع الخضار
وليد يجهز السفرة , وعبدالله جالس على الكرسي وحاط خده على يده بملل ويحوس في جواله
شوق دخلت المطبخ , وباين عليها الانهاك : أبييييي كووووفي
جاسم : اتغذي بعدين اشربي الي تبينه
شوق : لا تكفى مالي نفس أكل أبد
جاسم : لا مايصير اليوم انا طابخ لك الكبسة الي تحبينها وأختك طابخة سلطة مايصير ماتاكلين منها
ملاك رمشت بقوة بدلع
شوق ضحكت : ههههههه كلها سلطة ليش تفخمها وتخليها طبخة يبه
ملاك كشرت : مالت عليك تحطمين الآمال !
جاسم:أقول يلا اجلسوا عشان تتغذون
شوق صارت تمشي على وراء: لا أنا بصعد فـ...
مسكت ظهرها يد ..
شوق اخترعت بسم الله! متى نزلت يالجني؟
راشد بعد يده : مايصيرترفضين أبوك ويلا اجلسي!
شوق توها بتتكلم
سحبها أبوها وجلسها جنبه
شوق رفعت راسها بغرور: احم احم ادري ان نفسكم تنسد اذا ما اكلت معاكم !وعشان كذا راح اكل معاكم
راشد ناظرها بنص عيد : عدال لا تنكسر رقبتك !
ملاك حطت سلطتها على الطاولة : استمتعوا بتناول سلطة ملاك الفنتاستيكية وصحة وعافية
شوق :قصدك انقرفوا
راشد : من الاسم باين انها موب حلوة ومعفنة!
ملاك كشرت :اكررهكم والله الشره علي متعبة نفسي ومسويتلكم سلطة واخر شي هذا جزاتي
وليد:حرام عليكم البنت تتعب عشانكم واخر شي تقولون لها كذا
راشد:اي تعب؟ كلها سلطة في دقيقتين انا اقدر اسويها
ملاك بقهر تخصرت:اذا السلطة تقدر تسويها في دقيقتين ليش ماتشرفت وانت الي سويتها ؟!
وليد انفجر ضحك : هههههههههههه في نص الجبهة
شوق : هههههه وصارت ملاكو تفجر جبهات
راشد : ماعليها شره اذا صديقتها فاتن أم لسان !
ملاك بقهر :اللحين شدخل فاتن في السالفة؟؟
وليد حرك حواجبه :لازم يطري الحب شفيكم !
فاتن ضحكت : اووووب شكله راشد راح يتزوج فاتن !
راشد ناظرهم بصدمة : هيييييه يالمجنانين وش حبه وش زواجه مستحيييييل
جاسم ضحك : هههههههه يمكن ليش لا
راشد ناظر أبوه بصدمة : وإنت بعد عاجبتك السالفة؟
جاسم :ايه ليش لا فاتن حلوة أخلاقا وخلقا , حدد بس متى تبي نتقدم لها إنت تآمر
وليد وشوق وملاك انفجرو ضحك
ملاك بعيون حالمة: طلي يافاتن طلي يازهرة نيسان طلي بالأبيض طلي يازهرة نيسان
راشد :هييييه انتِ لا تصدقين ترا مستحيل اتزوجها لو تبقى اخر بنت على وجه الأرض ماراح اتزوجها!
شوق بعناد : ياااعمررري فديت الي يستحوون وينكروون اناااا
راشد بعصبية: هييييه انتم
وليد وشوق وملاك وجاسم : هههههههههههههههههههههه
جاسم بإبتسامة التفت لعبدالله الي حاط خده على يده وياكل بدون مايتكلم أو يضحك معاهم
جاسم اتلاشت الابتسامة تدريجيا من على وجهه :لحد اللحين زعلان مني عشاني ماتزوجتها ؟
عبدالله : لا
جاسم : أجل ليش ماتتكلم معانا ؟
عبدالله : بس كذا
جاسم :انا ما احتاج زوجة وانت ان شاء الله بكره تتزوج و تصـ..
عبدالله قاطعه : خلاص يبه مايحتاج نتكلم عن هالموضوع
جاسم سكت وركز نظره في صحنه وفي داخله ,انا حاولت اصير لهم الأب والأم واغنيهم عن زوجة أب
بس لا انا ولا اي زوجة تقدر تعوضهم عن أمهم !
.......................
وقفت عند باب غرفة جوري بنت متوسطة الطول سمراء , طقت الباب وبسرعة فتحت لها جوري الباب
سحبتها من يدها ودخلتها الغرفة ..
البنت :ولل ول شفيك انت ؟
جوري: واخيرا جيتي خلاص انفجر قلبي ابي افضفض!
:شالسالفة؟
جوري : شوفي فدوة أنا بقولك هالكلام لأنك اكثر وحدة اثق فيها فلا تقولين لاحد الشي الي بقولك اياه!
فدوة :خلصيني طاح قلبي!
جوري عطتها جوالها : اقرأي هالمسجات
فدوة قرأت مسج وراء مسج :وش ذا؟؟مين هذااا؟؟
جوري بخوف:هذا السؤال! مدري مين , وتخيلي يعرف كل شي عني !
فدوة : طيب دورتي عنه في النمبر بوك ؟
جوري: اكيد لكن ماطلع لي شي
توجهت للعلبة الحمراء وعطتها فدوة
فدوة فتحتها فتحت عينها على اوسعها لما شافت الصور!
فدوة ناظرت جوري بصدمة
جوري هزت راسها بالايجاب والدموع مجتمعة في عينها
فدوة : لا جوري الموضوع ماينسكت عنه ! وكم صار له ذا الغبي يراسلك ؟
جوري سكتت بتردد: ثـ ثلاث شهور!
فدوة بصدمة صرخت : نـــعـــم؟؟؟! كل هالمدة وماقلتي لي ؟!!!!!
جوري: اششششش قصري صوتك !! اذا قلت لك وش بتسوي لي يعني
فدوة بقهر: اللحين اسخف الأمور تقولينها لي وهالموضوع المهم ماتقولينه مقلوب مخك انت ؟؟
جوري: مو وقت عتابك يافدوة ابد ! الوحيد الي يدري عن هالموضوع فيصل!
فدوة : طيب مفروض حل المشكلة
جوري: مفروض بس
فدوة بتساؤل: بسسس؟
جوري: عطاني رقم جديد بس استمرت المشكلة
فدوة:طيب قلتي له ؟
جوري:لا
فدوة بعصصبية:جووووري!
جوري بقهر : تبيني اخرب شهر عسل اخويي عشان هالتافه!
فدوة : هالتافه يعرف كل شي عنك وعنده صورك ياغبية! بعدين تعالي...هالصور مين الي التقطهم؟
جوري : هذا شي ثاني مجنني , هالصور سلفي بجوالي !
فدوة بخوف : من وين له هالصور؟ هذا اكيد شخص قريب منك
جوري : والله حتى القريبين مني شكيت فيهم تدرين اني شكيت في فاتن؟؟! مسكينة ظلمتها بس قسم السالفة تخوف اجل من وين له كل هالمعلومات عني والصور!
فدوة : طيب يمكن هي بس نفت هالشي؟
جوري: شفيك انت اقولك مو هي مصرة انها هالفارس الغبي ؟ بعدين صح هو كلمني مرة وصوته رجولي يعني اكيد رجال
فدوة : طيب رجال ومن وين له صورك السلفي ذي؟؟
جوري مسكت راسها بيدينها : مدري ياااربي!!
فدوة: يمكن فيصل!!!
جوري بعدت يدينها بصدمة :مستحيل!
فدوة :امبلا انت لازم تشكين بكل قريب منك!
جوري بعصبية:اذا على هالحال راح اشك فيك انت اول شخص!
فدوة بعصبية : هيييه جوري شفيك انجنيتي انا مستحيل اسوي كذا في صديقتي !!بعدين انت قلتي الصوت صوت رجولي!
جوري هدأت ونزلت دمعة على خدها : آسفة فدوة , بس والله تعبت من هالفارس صرت اشك في الكل بسببه!
فدوة :ماعليكِ, طيب يمكن يكون وليد ؟ موب هو اعترف لك بحبه وانت رفضتيه ؟
جوري : شكيت فيه بس وليد اطهر من ان يسوي هالحقارة !
فدوة سكتت ماعرفت وش تقول
جوري : أنا خلاص قررت اني ماراح ارد عليه ولا على مسجاته , وراح اخبر فيصل بكل شي لما يرجع
فدوة ضمت صديقتها : جربي اخذيلك رقم جديد , ولا تثقين في احد الدنيا مافيها آمان !
الدنيا مافيها آمان ...
.......................
طق غرفة 145 ,سمع صوت يعرفه كويس بس لأول مرة يسمع نبرته كذا :ادخل!
دخل بتوتر .. لقى سلوى ضامة أكتاف فرح من وراء وتحاول تثبتها بأقوى ماعندها فرح تتقيء تقيء شديد وباين انها دايخة ومو
قادرة تجَلس نفسها ..
يوسف بخوف:شصار؟؟؟!
سلوى مذعورة : صار لها فترة وهي تتقيء وماوقفت وتقيئها شديد ,صابها صداع وارتفاع في درجة الحرارة
يوسف حط يده على جبهة فرح :كم درجة حرارتها ؟
سلوى : 40 وقيئها بني !
يوسف: عطيتيها أي دواء؟
سلوى : ولا شي
يوسف :اعطيها ميتوكلوبروميد من خلال الوريد , ولا اقول انا راح اعطيها انت حاولي تبقيها جالسة عشان لا يدخل القيء
جهز يوسف الدواء لفرح وعطاها اياها من خلال الوريد
سلوى خارت قواها : يوسف !
يوسف مسك فرح بدل عن سلوى :انت جهزي لها سوائل للتعويض
همس لفرح الي دموعها تسيل لا اراديا وهي دايخة : مو مشكلة لا تخافي شوي وراح تتحسنين , أنا معك لاتخافي!
.........................
وقفوا عند باب بيت عمهم ..
جميلة :يلا دقي الجرس
فاتن وهي تفتح شنطتها وتطلع مفتاح منها , ابتسمت بنذالة : ليش مايحتاج !
جميلة بصدمة ,ابتسمت : من وين لك المفتاح ؟
فاتن ضحكت بنذالة : سر المهنة أفا عليك بس
جميلة : شيطان !
فاتن غمزت لها : اقدر اسرق بيتهم بسهولة صح ؟!
فتحت الباب ودخلوا ..
سَمع صوت إن الباب انفتح توجه للباب وعلامات الاستغراب على وجهه ..
انصَدم !
: مين دخلك انتِ؟
جميلة ابتسمت : اخبارك راشد ؟
راشد بإستغراب لتجاهلها سؤاله : الحمدلله
جميلة :شوق فوق صح ؟
راشد هز راسه بالايجاب
جميلة توجهت للدرج تصعد
راشد : بس ماجاوبتي على سؤالي!
زفر ولف راسه لجهة الباب ..
لقى فاتن تسكر الباب بالمفتاح .. فَهم كيف دخلوا بدون مايفتح لهم احد الباب !
تكتف وبنبرة سخرية : ما شاء الله!
لفت لجهة الصوت , لما شافت راشد لفت وجهها ونظرات الكره مبينة من نظرتها زفرت بضجر
راشد كَمل بنفس نبرة الاستهزاء: بَعدك عايشة ؟
فاتن مشت ووجهت راسها لقدام ورفعته بغرور : أبغض إني أموت بسبب حركات المراهقين تبعك!
راشد بقهر مسك ذراعها ,شد على اسنانه : انتِ ماراح تعقلين عن حركاتك الاستفزازية يعني ؟!!
فاتن بعدت ذراعها عن يده بقوة , بعصبية: مالك حق تلمسني !
بتمشي وقف قدامها :لما أكلمك توقفين وتسمعيني فاهمة ؟!
فاتن :ليش أبوي ؟! على فكرة أنا جاية عشان ملاك مو عشان اتناقش معاك
راشد : اوك ملاك ماراح تطير عنك , أبيك تجاوبيني على سؤالي بعدين سوي الي تبيه , "سكت شوي- بتردد" رجـ رجعتي مع مين ؟
فاتن رفعت حاجبها بإستهزاء , ضحكت : هـه ! اللحين انزرعت فيك الرجولة وصرت مهتم وين رجولتك لما تركتني في الشارع !؟
راشد بعصبية : فاااتن ! انت الي تستفزيني وتعصبيني لين ماتخليني اسوي فيك كذا بعدين ترمي اللوم عليَ!!؟!!
فاتن :آيه أنا استفزيتك بس مو عشان استفزاز تتركني في الشارع راشد ! , بالله مين اللحين الي مفروض يزعل ويصارخ أنا لو انت؟
تخيل لو صار لي شي ؟ ماقدرت ارجع او خطفوني او اغتصبوني , وسألوك عني بعدين وش بتجاوب ؟ بتقول لهم والله استفزتني فتركتها في الشارع!
بعدين مو انت بنفسك دائما تقول لي تصرفي مثل البنات ؟ وبعدين تتركني في الشارع لوحدي ولا كأني بنت ؟!
أنا موب فاهمة تصرفاتك راشد ؟!
راشد سكت لوهلة , بهدوء: أنـ.. أنا نـ...
:فااااااااتـــن!
راشد نزل راسه بغصة يبي يكمل كلامه ..
ملاك بفرحة سحبت فاتن :يلا نصعد فوق أبيكِ تختارين لي مناكير لحفلة شوق
فاتن ناظرت راشد نظرة آخيرة , التقت عينهم ببعض بعدت عينها وهي تحس بنظراته كلام ..

--شوق واقفة تجهز أغراض ملكتها وجميلة منسدحة على سريرها ..
جميلة :يااااربيي ملكتك ذي موعدها غلط !
شوق: والله اختبارك الي موعده غلط !ثانيا انا قلت لك لا تدرسين صيفي وش لك بوجع الراس بس انت صرتيلي مصطفى واصريتي
تدخلين صيفي , يلا تستاهلين عشان مرة ثانية تسمعين كلام الحكيمة شوق, بكره اختبارك وملكتي !
جميلة بهم :اهئ اهئ افففففف عادي اسحب على الاختبار بكره ؟
شوق :شوفي لا تجلسين تهذرين على راسي اتحملي نتيجة قراراتك
جميلة : اوووف اوك اوك صايرتلي شيخة 2 مدري انا بنتها ولا انتي!
سكتوا لفترة..
جميلة:اممم شوق؟
شوق :نعم؟
جميلة:بعدك تكلمينه؟
شوق:مين؟
جميلة :ولد الجيران, يعني مين سلطان!
شوق وقفت عن الي تسويه ..
جميلة : شوفي شوق اذا...
قاطعتها شوق تكمل على كلامها:كلميه بالمعقول اوك حفظت الدرس!
جميلة:ياغبية أنا أقول كذا عشان مصلحتك أنا مابيك تتعلقين بشخصيته من وراء الشاشة , انت تعرفين ان كثير ناس شخصياتهم
تختلف في الطبيعة عن شخصياتهم من وراء الشاشة !
شوق :اوك بقولك عن اليي صار امس
جميلة:باين انها تصريفة بس مو مشكلة , آيوه شصار امس مع عمي وياسمين ؟
...............................
الليل , جالسة مع زوجة عمها في الصالة يشربون قهوة وياكلون كيك
الشيء المتغير عليهم ان سارة مو معاهم..
خلود: آنا اسفة حبيبتي احس بالذنب عشاني نسيت اني ماشتري معاك فستان لملكة شوق
جواهر ابتسمت وهزت راسها بالنفي : لاماعليكِ, انت موب ملزومة فيني
خلود :شدعوة وش هالكلام ياجواهر بالعكس انا اعتبرك مثل بنتي سارة
جواهر ابتسمت بسكوت ,حطت لقمة صغيرة في فمها
خلود وقفت عن الأكل وناظرتها وباين من نظراتها عندها كلام تخفيه
نطقت بهدوء:جواهر , عبدالرحمن حاس ان انتم الثلاثة متغيرين بعد رجعتنا من الكويت ,متغيرين بقوة , ممكن اعرف لييش؟
جواهر وقفت اكل واتسعت بؤبؤتها وهي مركزة نظرها لقدام ...
خلود انتظرت اجابة جواهر ولكن اجابة جواهر كانت الصمت :صارت مشكلة؟
جواهر ابتسمت بكذب ونزلت نظرها على الكيك الي بيدها : لا
خلود ابتسمت : صحيح انك تتشابهين مع سارة في عدة اشياء بس هي بارعة في الكذب بس انتي ماتعرفين تكذبين!
لفت جواهر لخلود وناظرتها بصدمة
خلود : على العموم انا ماجاوبت عبدالرحمن بشيء لأني عن نفسي مدري وش الي صار , بس أنا حاسة بأشياء كثير بينكم
جواهر بلعت ريقها :مثل؟
خلود ناظرت معصم جواهر : السوار , (نقلت نظرها للدرج) التأسف وعبارات الشكر - تقصد بنظرها لفوق مشعل لانه في غرفته-
أنا جد مو عارفة اصنف هالأشياء ليش صارت , بأي دافع صارت , بس في النهاية اعرف ان لك تأثير على أولادي !
جواهر معلقة نظرها على خلود : أ..أنا اسفة
خلود ابتسمت وهي تحط الفنجان على الطاولة :ههههه ليش تتأسفين ؟ انا ما اقصد بكلامي اني اعاتبك ,
بس اني ملاحظة تصرفات عيالي , بس ماراح اتدخل في هالموضوع , لأنه موضوع قلبي محد يقرره الا اصحابه ( تقصد سواء كانت تصرفاتهم بسبب اعجاب او شفقة الخ فهي تصرفات قلبية)
جواهر سكتت وفكرها مشغول بكلام خلود
خلود ابتسمت لها .. رن جوال خلود رفعته : هلا حصة , طيب انا مالبست عباتي راح اخلي الخدامة تدخلك لين مااتجهز واطلع معاك , حياكِ,مع السلامة
أمرت جيسيكا وصعدت فوق تتجهز ..
جواهر حطت الصحن على الطاولة , وفتحت الواتس اب تشوف اذا سارة شابكة اولا , تافف لقتها اوف لاين
سمع صوت: السلام, فيه رجال جالس في الصالة ؟
جيسيكا -بالانجلش-: لا سيدتي تفضلي بالدخول
: وش تخربط ذي؟
جواهر وقفت تطل , توجهت للمرأة الي جاية عشان خلود : تفضلي خالة , زوجة عمي تتجهز شوي وتخلص ان شاء الله
المرأة ابتسمت وهي تناظر جواهر: انت جوري بنت اخ ابو يوسف؟
جواهر ابتسمت فتحت فمها تبي تجاوب علق مخها شوي على النسب -كالعادة استيعاب بطيء-: ايه بس انا جواهر
المرأة مدت يدها تسلم عليها : تشرفنا والله
جواهر سلمت عليها: الشرف لي , تفضلي اعتبري البيت بيتك
المرأة ابتسمت وجلست , ناظرت جواهر بتركيز وتفحص , ارتبكت جواهر توجهت لجيسكا رمت عليها كم كلمة انجليزية بحكم انها ضعيفة في الانجلش عشان تضيف المرأة
جواهر رجعت للصالة ابتسمت للمرأة الي بادلتها بابتسامة اكبر , جلست قبالها
المرأة اشرت على يمينها: تعالي اجلسي بقربي
جواهر ابتسمت وجلست بجنبها
المرأة : وش تدرسين ياجواهر؟
جواهر :علم نفس
المرأة : انت بعمر سارة صح؟
جواهر هزت راسها بالايجاب
المرأة : اي ما شاء الله عليكم انا بنتي ريم بمثل عمركم بس الله يهديها جالسة لي بالبيت , (بتفاخر) بس ولدي خالد ما شاء الله دكتور وذكي وجميل والله هنيئا لها الي بتاخذه!
جواهر حاولت تخبي نظرة الـ(وش دخل ولدك في نص السالفة ) بس فهمت مقصد المرأة من هالمدح , ابتسمت ابتسامة جانية تدل على انها فاهمتها بس تسلك لها : الله يخليه لك
المرأة بتتكلم قاطعها تقديم جيسيكا العصير لها .. اخذته من عندها وكملت كلام : ليش ماتفسخين شيلتك اذا عيال عمك موب موجودين؟
جواهر فاهمتها : لا اخاف يجون ويشوفوني بدون الشيلة
المرأة عقدت جواجبها:شدعووة مايتنحنحون قبل مايدخلون؟
جواهر في داخلها لوين تبي توصلين يا أم خالد ماراح اعطيك مبتغاك لو وش تقولين مهزلة السالفة هي : امبلا اكيد عيال عمي اخلاقهم ونعم الاخلاق بس اذا انا راح افسخ شيلتي والبسها وافسخها ماراح ياخذون راحتهم في الدخلة والطلعة والبيت بيتهم
أم خالد هزت راسها بالإيجاب ولكن بدون قناعة
: اسفة على التأخير ياحصة , اكيد طفشتي وانت تنتظرين
ام خالد ابتسمت: لاماطفشت ولا شي ما شاء الله جواهر ضيفتني وتكلمت معاي وماحسيت بالوقت
خلود ناظرت جواهر : ممتاز , هاه نسري؟
ام خالد : ايه بس ابي ادخل الحمام قبل , ممكن توصليني لعنده ؟
خلود: اكيد
مشت خلود مع حصة للحمام , وجواهر مشت تقريبا وراهم لانها تبي تصعد فوق
حصة وقفت عند باب الحمام:شوفي ياخلود بصراحة انا مابي الحمام ولا شي بس ابي اكلمك بانفراد, اللحين انت تعرفين اني ابي اخطب لخالد
ومع ذلك ماتقولين لي عن جواهر ليش؟
هنا وقفت جواهر عند أول عتبة وصارت تسمع كلامهم
خلود: ومن متى يا حصة الأم تعرض بنتها للزواج؟!
حصة: بس يظل ياخلود جواهر مو بنتك , المهم ابي اشوفها بدون عباة عاد انت دبريها
خلود: بس بقول لها عن مواصفات خالد بالأول بعدين هي الي تقرر تجين تشوفينها او لا
حصة: شدعوة يحصل لها واحد مثل خالد , لو انا مكانها علطول اوافق بدون تفكير
خلود ابتسمت: شهادة الأم بولدها باطلة , على العموم يا حصة اذا تبين جد تشوفينها ابيك تعطيني مواصفات خالد بالكامل وبعدين هي تقرر تجين تشوفينها او لا
حصة : طيب وامري لله
جواهر ابتسمت بقوة , بصوت واطي: لهدرجة مبسوطة عشانها تبي تخطبك لولدها ؟
جواهر لفت لجهة الصوت وشهقت لما شافت مشعل
مشعل حط يده على فمها بسرعة وبيده الثانية سحبها وركض لفوق..
حصة حاولت تشوف مين على الدرج , بس زاوية النظر ماتسمح لها : مين هذا ؟
خلود : يمكن الخدامة
وقفوا في الصالة الي فوق وترك يدها ..
مشعل: غبية انتِ كيف تشهقين كذا تبيهم ينتبهون لنا ؟!
جواهر وقلبها ينبض بسرعة :انتَ الي خرعتني الشهقة كانت أقل ردة فعل طبيعية!
مشعل :الله يستر بس ان شاء الله مانتبهوا لنا مع ان المفروض مايشوفوني لان انا مقدر اشوفهم بس يمكن شافوك!
جواهر تأففت بقووة
مشعل ناظرها بحقد : مستانسة بيخطبوك ها؟؟!
جواهر ناظرته بنظرات ليزرية :لا مو عشان هالسبب , انا فرحانة عشان امك مارخصتني قدامها !
مشعل : يعني ماراح توافقين عليه؟
جواهر ناظرت على جنب , بتوتر ناظرت ساعتها : تأخرنا ! يلا نروح السوق
مشعل شد على اسنانه بعصبية وفي داخله(تظنين انك تقدرين تتهربين كعادتك , في النهاية راح تركبين سيارتي وراح اجننك لين ماتجاوبين)
جواهر نزلت ونزل وراها مشعل , ناظرت يمين وشمال :شكلهم طلعوا
توجهت جواهر للكنبة اخذت شنطتها وطلعت هي ومشعل من البيت
في السيارهـ..
مشعل ناظر جواهر من المراية الأمامية: بتوافقين؟
جواهر بتهرب: الجو حاااار !
مشعل :احسن خليك ذوبي من الحر , جاوبي على سؤالي وبلا تهرب!
جواهر كشرت بإستسلام ..
مشعل :هييييه اكلم جدار انا!
جواهر بتردد وبصوت واطي :ليش لا
مشعل وجه نظره للطريق: جَد غبية !
جواهر ناظرته بعصبية :نعم ؟
مشعل :ايه غبية , أجل اثنين يحبونك وتوافقين على الي مايحبك !
جواهر ناظرت الطريق: لأن اذا وافقت على واحد من الي يحبوني راح اكسر قلب !
مشعل: ايوووووه فلهذا انت غبية!, اذا وافقت على واحد منا راح تكسرين قلب واحد, بس اذا وافقتي على الغبي الي بيتقدم لك راح تكسرين قلبين!
مرت فترة صمت
مشعل بهدوء : انت مختارة واحد منا , ليش ماتقولين مين ؟
جواهر:اذا انت تعرف اني مختارة واحد منكم ليش تبيني اجاوب؟
مشعل : لأني اتمنى اكون غلطان !
جواهر بتردد: أنا م....
قاطعها صوت جوال مشعل
مشعل : كملي ماعليك
جواهر : لا رد على جوالك
مشعل : لا كملي!
جواهر:ماراح اعرف اتكلم كذا!
مشعل تنهد ورفع : ألو
يوسف واقف حاط يده على حوضه وبيده الثانية ماسك الجوال : هلا مشعل , وش عندك اللحين؟
مشعل : ولا شي بروح للمجمع
يوسف : طيب تقدر تمرني انا في المستشفى , سيارتي مستهبلة مقدر ارجع بها
مشعل سكت
يوسف:الووو
مشعل :طيب جايك
يوسف : اوك شكرا انتظرك
مشعل : حبيب القلب راح يركب السيارة معانا
جواهر : يوسف؟
مشعل باستهزاء:هه! عرفتي حبيب قلبك علطول!
جواهر بلعت ريقها بقوة
جواهر بترقيع : توقع بس!
نذل , قدر يسحب الاجابة بمجرد استهزاء !
..........................


جالسة عند المرآة تعدل حجابها , واقف بجنبها حاط يديه في جيبه ويتأملها :خلصتي ؟
سارة وهي تناظر نفسها في المرآة :إيه
فيصل : البسي زين الجو بارد كثير
سارة :مايحتاج أنا موب بردانة
فيصل ناظرها وفي داخله يقول(حتى النصيحة الزينة مني ماتاخذها)
طق طق طق :هيييييه فيصل
سارة ناظرت فيصل تبي منه تفسير
فيصل ابتسم بفشلة : صاحبي الي بنطلع معه
سارة اخذت شنطتها ووقفت:شكله همجي !
فيصل مد يده بيمسك يدها بعدتها بسرعة ..
فيصل:ليش؟مو مفروض نبين للناس ان مابينا مشاكل؟
سارة : بس نبين لأهلنا مايهمني صاحبك
فيصل تنهد وتوجه للباب فتحه : تراك فقعت راسي بطقك المزعج ذا
سعود رفع يده وشق حلقه بإبتسامة: هاااي مااان ؟؟ ليش تأخرت؟
بصوت انثوي (بالأنجلش): أهلا
سارة ناظرت المخلوقة الي جنب صاحب فيصل , كانت أجنبية حلوة بس طبعا مو متحجبة
ناظرت فيصل بحقد , أو غيرة , البنت حلوة اكيد راح يتفحصها بنظراته لين مايشبع
البنت (بالأنجلش):أعرفكم بنفسي أنا (آن ) حبيبة سعود
فيصل ابتسم (بالانجلش) :أنا فيصل ناصر تشرفت بمعرفتك
سارة تكتفت بقهر ..
آن ناظرت سارة تنتظرها تعرف عن نفسها , فيصل ناظر سارة الي لفت وجهها في الجهة المعاكسة
فيصل طاح وجهه من تصرف سارة : وهذه زوجتي سارة
آن: تشرفت بلقائك
سارة عطتها وضعية انها مزهرية حتى نظرة ماناظرتها
فيصل ناظر سعود وابتسم بفشلة , حرك شفته بدون ماينطق : آسف
سعود ابتسم وهز راسه بالنفي ان لا تاكل هم
سعود رفع يده وصرخ: يلا سرينا لتس قووو
آن رفعت يدها وصرخت : ييييييس !!
سارة ناظرت فيصل : وش هالهمج الي مخرجنا معاهم؟
فيصل بفشلة : اتحمليهم الليلة بس !
زفر وفي داخله(جبهتي الليلة تتفجر من الجهتين ,الله يعدي هالليلة على خير)
..........................
دق الهررن بقوة وبشكل مزعج عشان ينتبه له .. وجه نظره الى جهة الصوت شاف سيارة مشعل ابتسم وتوجه لها
فتح الباب الي جنب مقعد السيارة ودخل : السلام , شكرا مشعل أخرتك عن طلعتك للمجمع
مشعل ونظره معلق على قدام : أخرتنا!
يوسف ناظره لفترة باستغراب , نقل نظره لوراء ..
لقاها تناظره بتوتر
يوسف ناظر مشعل :ليش بتروحون المجمع ؟
مشعل بدون مايناظر يوسف: عشان نرقص بريك دانس , يعني بالله وش هو السبب الي يخلينا نروح مجمع؟
يوسف :ايه انا اقصد الغرض من التسوق ياعبقري,وش هو الغرض الي يخليكم تظطرون تطلعون لحالكم للسوق !
مشعل : ليش وش الغريب في إني أودي بنت عمي السوق ؟
يوسف تنرفز: انت وش فيك اليوم تجاوب على كل سؤال بسؤال؟
مشعل ببرود ينرفز الي ماينرفز: لأن أسألتك مالها داعي!
جواهر نطقت تقطع شرار الكلام الي بيناتهم : بنروح السوق عشان ابي اشتري لي فستان لملكة شوق!
مشعل ناظر على فوق بقهر عشانها جاوبته
يوسف لف لها : ليش ماطلبتي مني ؟
جواهر : لأني ما اعـ....
مشعل : مافي فرق بينا !
يوسف : أنا سألتها انت شدخلك ؟!
مشعل : المهم وين تبيني اوصلك ؟
يوسف :بروح معاكم طبعا !
مشعل : مايحتاج تجي بدي قارد لا تخاف ماراح اضربها ولا راح اقتلها!
يوسف: اها بس بجي معكم!
مشعل :اففف ياشين البزران لا صارو لزقة!
يوسف : بالضبط فهمت انك لزقة واخيرا؟!
جواهر جالسة تنقل نظرها بينهم وبؤبؤتها متسعة مصدومة , هوشتهم قوية كل واحد يفشل ويجرح الثاني !
ونظراتهم لبعض شرار !
............................
في لندن ...
الجو بارد يجنن , يمشون على الجسر وتحتهم الماي الصافي , الأنوار وانعكاسها عاطية المكااان جمااال وجاذبية غير طبيعية
غالبية الناس اللي يمشون على الجسر شباب , واغلبهم بنت وولد ماسكين بيد بعضهم ويمشون بهدوء في هالجو الرومانسي
وموجود رجال واقف على الجسر وبيده ورود حمراء قليلة يبيعها ..
يمشون بخطوات هادئة لسببين , البرد الي يخلي الجسم خامل , والجو الرومانسي الهادئ
متوجهين لساعة بيج بن الي لطالما حلمت سارة انها تشوفه في الحقيقة وتصور بجنبه , مع كثر الأماكن الي زارتهم الا انها كانت
ترفض تزور لندن عشان يكون شهر العسل فيها ..
اللي في حالتهم يسمى شهر العسل اسما لا فعلا !
مع ان الكل يمشي على الجسر ويده متعلقة بيد شخص ثاني , الا ان اصابعها مالمست اصابعه !
بعكس الي قدامهم " الغير متزوجين " سعود محوط يده برقبة (آن) وبيده الثانية ماسك يدها,
طبعاَ وضعهم خطأ ولكن يبان كأنهم هم الي متزوجين حديثا موب فيصل وسارة الي ماتكلموا مع بعض من مشوا على الجسر!
بدأو يتقربون أكثر ..وبدأت ابتسامة خفيفة تنرسم على محيا سارة وهي تتقرب لحلم بيصبح واقع بعد دقائق
فيصل بما ان سارة ساحبة عليه , شغل نفسه بالكاميرا ولا فيه صغيرة ولا كبيرة الا وصورها
بعد وجهه عن الكاميرا ولف لسارة .. شاف ابتسامتها الخفيفة الي من زمان مايشوفها
ابتسم : وش شعورك وحلم من احلامك جالس يتحقق؟
اختفت الابتسامة بسرعة من وجه سارة : عادي !
فيصل علق نظره عليها .. اختفت ابتسامتها بمجرد انها سمعت صوتي !
لهدرجة صارت تكهرني ؟ جالس اخسرها بشكل اكبر واكبر ..
التفت لصوت : if you love her ..tell her by a red flower
in this beautiful place
ماتردد ولا لثانية , مد رجله وتوجه لبائع الورد .. اشترى منه وردة وتوجه لسارة وهو يبتسم
سارة ناظرته وهو يتوجه لها بدون ماتبدي اي تعابير على وجهها (في داخلها : بيقدم لي هالوردة ؟! يااااسلام صاير رومانسي
لالا لاتبيني انك فرحانة , شوي وراح يناظر غيرك بنفس النظرة الي هو جالس يناظرك بيها الآن !)
قدمها ليها بإبتسامة : تفضلي حبيبتي
سارة اخذتها ببرود : شكرا
فيصل تلاشت الابتسامة من وجهه , حس بغصة , مهما حاول يسعدها ترد عليه ببرود الثلج
(في داخله : مو مشكلة راح اصبر, مثل ماصبرت على حركاتي وشخصيتي المغازلجية راح اصبر على نفورها مني )
آن لفت لسعود بدلع مدت بوزها (بالانجلش ): لماذا لا تهديني وردة انت الآخر ؟
سعود (بالانجلش): اووووه اتغارين منها ؟
آن :بالطبع سأغار
سعود : هياااا ! اخبريني اليس سيئا أن نقطف الورود ونجلعها تموت فقط لنقدمها كهدية ؟
آن باستهزاء : يالا قلبك الحنون ايها البخيل!
سعود ضحك عليها
آن لفت لفيصل وبإبتسامة جذابة : ومارأي فيصل بهذا الأمر؟ فقد اهدى زوجته وردة؟
سارة كانت مقربة الوردة عند انفها وتشمها , لما تكلمت آن بسرعة الضوء نقلت نظرها لفيصل تبي تشوف كيف يناظر آن وهي تبتسم له كذا ..
فيصل نقل نظره لسارة وابتسم :اقدم لها حياتي فكيف لا اهديها حياة وردة!
آن بصدمة ابتسمت بقوة : واااااو انت شخص رومانسي حقا !
سعود صَفر بإعجاب (بالعربي):أموووت على الولهان اناااااا!
أما سارة كانت في حالة صَدمة , مابعدت الوردة عن انفها ولا تكلمت , بس اتساع بؤبؤتها الي تغير
, ورجفة يدها !
......................
في المجمع..
وقف يوسف عند محل والمحل الثاني وقف عنده مشعل , في نفس الوقت : ادخلي هنا
يوسف ناظر مشعل ومشعل لف وجهه وتأفف
جواهر ناظرتهم بقهر من هواشهم على اتفه الاشياء: ليش انتم الي تقررون المحل الي ادخله ؟ انا الي بشتريلي فستان لو انتم ؟
تعبت وانا احاول ارضيكم وادخل المحلات الي تبونها بعدين ماشتري لي شي منها هالمرة راح ادخل المحل الي ابيه وهاه ماراح ادخل
لا محلك (وناظرت يوسف ) ولا محلك انت (ناظرت مشعل ) راح ادخل المحل الي قدام..
مشت لقدام بعصبية , وقفت بصدمة..
تجمدت واحمر وجهها وحست بحرارة بجسمها من الاحراج..
مشعل تكتف بيد واليد الثانية حطها على فمه وهو يحاول يكتم الضحكة ,بنبرة استهزاء : بتروحين الملكة بقميص نوم ؟!!
اما يوسف نزل راسه ووجهه احمر وهو على الهزاز , انفجر ضحك على تعليق مشعل الي لما ضحك اخوه ضحك وراه
جواهر باحراج تحاول ترقعها : وا انا وووش مدريني ان هنا محل هالاشياااء ؟؟!
مشعل رفع حاجبه : اماااا ماتدرين انه محل لانجري وانتي جاية هنا بوثوق ويا ارض هدي محدا قدي ومعصبة لانك
تدخلين المحلات الي نقولك تدخلينها لانك تطلعين منها بدون ماتشترين شي ,(مد يده ) تفضلي شرفي يمكن هنا تشترين حاجتك!
جواهر خلاااااص طاح وجهها من الفشلة , بعصبية واحراج في نفس الوقت اخذت شنطتها وصارت تضرب مشعل بيها : ياااسخيف يانذللل , ماادري انه محل كذا!
يوسف مسك بطنه وهو يضحك بقوة , جواهر ضربته بالشنطة : وانت الثاني لا تضحك ! ياقليلين الادب تفكيركم وسخ !
(في داخلها: كييييف ارقعها ذي من سابع المستحيلات ,يعني من بين كل المحلات ماطاح في وجهي الا ذا , وش ذي الفشلة!)
مشعل ووجهه احمر من الضحك مسك شنطة جواهر :خلاص الناس يناظرونا !
جواهر نزلت راسها بفشلة , مشت قبلهم باحراج وهم لحقوها
مشعل بنذالة: ليش مادخلتي وجهزتي نفسك للملكة؟
يوسف : مو هو المكان الي انت اخترتيه يعني مفروض تشترين منه اذا مو عاجبتك الاماكن الي نختارها؟
مشعل ابتسم بخبث : ترا بتكونين سبيشال اذا اشتريتين منه للملكة
جواهر غطت وجهها بيدها وهي منحرجة لاقصى درجة:ياليتني مت قبل هذا وكنت نسيا منسيا!
مشعل ويوسف انفجروا ضحك
جواهر بعصبية ناظرتهم : لا يسخر قوما من قوم عسى ان يكونوا خيرا منهم !!
مشعل ضحك: هههههه وش فيك قلبتي شيخة ؟! خلاص فهمنا انك حافظة القرآن ماشاء الله عليك !
يوسف :اللهم لا حسد ما شاء الله!
جواهر ضربت الارض برجلها بعصبية : يااااربي الشره على الي طالع معكم ,مستحيل اطلع معكم الا واصير مسخرة لكم انتم الاثنين!
مشعل بجدية:قرري وراح تصيرين مسخرة لواحد!
لفت له :وش قصدك ؟
يوسف :يعني اختاري واحد منا والثاني راح يتركك!
نقلت نظرها بيناتهم , تحولت نبرتهم وملامحهم من هزل الى جدية !
جواهر هزت راسها بالنفي بقوة:مستحيل!
مشعل : اذا انت مقررة ليش ماتقولين قرارك؟
جواهر:انا مستحيل افرق بين اخوة
مشعل : ليش؟ اذا الأب نفسه مفرق بينا ليش انتي ماتفرقين؟
يوسف بهدوء ومواساة :مشعل ...
مشعل بمقاطعة قوية : يوسف تكفى لا تعيد نفس الاسطوانة تبعك حفظتها ! لا تحاول تزين تفرقة ابوي بينا بنظري
بعدين ماعلينا, مو هذا موضوعنا , موضوعنا ان الانسة جواهر لازم تختار بينا!
جواهر نزلت عينها بالأرض: اذا بتظلون تضغطون علي كذا....
مشعل قاطعها بعصبية :امبلا راح نضغط عليك!
جواهر رفعت نظرها له , بقهر:اجل راح اختار خالد !
مشعل زادت عصبيته : على جثتي !
يوسف عقد جواجبه باستغراب : مين هذا خالد ؟
مشعل : شخص غبي راح يتقدم لها , سمعتي علىىى ج ث ت ي !
جواهر بقهر : ليش هو حرام بس لو وافقت على اخوك حلال ؟
مشعل سكت, بغصة : على الأقل تحبينه !
بنبرة مشعل هدأت جواهر , ناظرت يوسف الي كان يناظرها
يوسف بإنكسار : تتصرفي بطبيعتك معه !
جواهر ناظرته بصدمة , ماتوقعت منه هالكلام ابد ..
يوسف :فلهذا نبيكِ انت الي تقررين جواهر ,اتمنى لو يصير موقف واحد ونشوف لمين راح تتوجهين منا!
جواهر نزلت راسها
يوسف بإسلوب الاقناع الي هو بارع فيه : اعطينا قرارك , على الاقل نهاية اليوم , ونوعدك ماراح تصير بينا اي حزازيات
واحد منا راح يكون الحبيب والثاني ..(سكت ,جبر نفسه على نطقها) كأخ!
لما سمعت كلمة "نوعدك" بقى راسها للأسفل بس رفعت نظرها لمشعل الي هز راسه بالإيجاب لها : نوعدك!
زفرت بقوة ... هالشيء ماراح ينتهي الا بقرارها , اصرار اولاد عبدالرحمن قوي لدرجة استحالة تكسره وتقولهم انتم قرروا!.
دخلت بين نار أخوين ولازم هي الي تخمد هالنار!
.......................
:يقولون رحتي دبي صح ؟
:رحتها
: ورحتين الكويت بعد ؟
:رحتها بعد
البنات صرخوا : غللللللللط
جميلة باستغراب: ليش انا ماقلت صح ولا غلط ولا ايه ومشتقاتهم
شوق: ايوه بس ياحظي كررتي كلمة رحتها مرتين
فاتن ضحكت بنذالة :هههاي اللحين لازم تاكلين من ذا الشي المعفن
جميلة تمثل البكاء :لالااااا تكفووون خلاص انقلبت معدتي وانا اكل منه
ملاك : محد قالك ماتركزين وتغلطين كثير
شوق ناظرتها بنص عين : يقال انتي الي ماتغلطين ابد ! تراكِ نفس الحالة هاه
ملاك بفشلة : طيب استري على ماواجهتي مالت عليك لازم تفشلين !
جالسين في الصالة مشغلين التلفزيون والصووت عاااالي , والطاولة قدامهم معبية أكل من المطعم ولسوء حظهم احدى الوجبات الي طلبوها
استبدلت بطلب ثاني ماينبلع , فقرروا بدل مايقطونه في الزبالة يلعبون لعبة ان البنات يسألون وحدة اسألة واذا جاوبت بإيه أو لا ومشتقاتها او كررت الاجابة
تكون خسرت ولازم تاكل من هالوجبة , وتستمر اللعبة لين ماتخلص الوجبة ..
جميلة اخذت لها قطعة وحطتها في فمها وانواع الملامح الخونفشارية انرسمت على وجهها
البنات انفجروا ضحك
جميلة وهي تأشر على علبة البيبسي الكبيرة ..
ملاك صارت تصب لها وهي تضحك ومن رجفة يدها وهي تضحك كبت البيبسي على فاتن الي جنبها
فاتن شهقت وهي تناظر تنورتها الي ابتلت ابا عن جد بالبيبسي صرخت فيها : ملااااااك ياحيوااااانة!!!
ملاك انفجرت ضحك اكثر
فاتن بقهر:تضحكيييين هااه طييييييب ( مسكت قارورة موية ووقفت ,فتحتها وصارت تكبها على ملاك من فوق )
ملاك اخذت المخدة وحطتها فوق رااااسها : لاااااااا فااااتن ياسخيييفة الموية باردة!
فاتن : تستاهلين يا أم الحيوانات !
جميلة :هيه انتم وش صار على البيبسي تبعي سحبتوا عليي وتهاوشتوا ! طيب كان تهاوشتي ياملاك بعد ماصبيتي لي البيبسي!!!
ملاك وهي تمسك شعرها تحاول تنشفه من الماي وتبي تمثل انها تبكي بس تضحك بضحك هيستيري: سفروووني اندونيسيياااا انا مااابي اشتوووقل في بيت هيييينااا!
شوق مسكت بطنها من الضحك :حرااام عليك شدخل عيال اختي في الموضوع ! قلبتيهم حيوانات مرة وحدة!
فاتن اشرت بصبعها الى شوق: اقول انت اخر وحدة تتكلمين طيب؟ مافي مخلوق مر قدامك الا وسخرتين على شكله الله يستر لايطلعون عيالك ضفادع !
شوق مثلت الصدمة وفتحت عينها على اوسعها واشرت على نفسها : أنااااا ؟!
ملاك وهي تضحك : لا وش ضفادع راح يطلعون سعادين يشابهون لأمهم اكيد!
فاتن جلست من قوة الضحك وجميلة انفجرت ضحك بقووة , اما شوق ناظرتها بصدمة : انا اللحين اشابه القرود ؟!!!مااالت عليك وانا الي ادافع عنك من شوي !
جميلة وهي تحرك حواجبها بنفاق:لاااا كيف يطلعون سعادين وابوهم اشقراني اخضراني !
ملاك وفاتن صفقوا وصفروا
شوق بغرور: احممم احممم بعدين انت كيف تغازلين خطيبي قدامي هااه ؟
جميلة: ياالله جد موب مصدقة ان بكره ملكتك
ملاك :ومين مصدق
شوق: اذا انا عن نفسي موب مصدقة !
فاتن قاطعتهم بحماااس: علوووو الصوووت علوووه !
شوق :شفيك انت اللحين احنا جالسين نسولف عن ملكتي وانت تقولين لنا نعلي صوت التلفزيون اعلى من كذا!
فاتن وقفت على الكنبة: يلاااا عاااد طول اليوم واحنا نسولف عن نفس الموضوع , استوعبي يابنت هذا اخر يوم لك عزابية قومي نفلها ونرقص !
وقوموا انتم بعد خلونا نستهبل ترا بعدين شوقوه بتصير ذربة وشوفتها وهي مصرقعة بتكون بطلوع الروح!
البنات مايبيلهم شي عشان يهسترون , شوق ناظرت التلفزيون :حلوووو ,شوفوا المغنيين 4 رجالين وبنتين , يعني نفسنا خلنا نقسم انفسنا ونقلدهم بالضبط !
فاتن رفعت يدها : اناااا الي شعره بني الخقة ذا !
ملاك وهي ترمش بقوة : وانا حبيبته !
فاتن : ويييييع لو شافك انخرش المسكين مع كشتك ذي !
ملاك بقهر :اقصدك , انا حبيبتك ياغبية!
جميلة بانقرااف: الله يقرفك !!!
شوق : لاا ااا ملاااك ماتوقعتك كذااا ولاعاد مادورتي الا فاتن في بنات احلى منها !
- فهموها غلط , هي قصدها في تقليدهم على المغنيين -
فاتن بتمثيل حطت يدها على قلبها وصدت عن ملاك : انا اسفة ملاك , انا أحب وحدة غيرك!
البنات انفجروا ضحك , جميلة : انتم الثنتين مقرفاااات ! هذا الي يسمونه صحبة سوء ! الحمدلله شوق مو مثلكم صاحبة سوء
شوق تكمل التمثيلية : مين قالك ؟ ترا هي رفضت حب ملاك لانها تحبني!
البنات صفقوا وهم يضحكون على فيس جميلة المصدوم
بعد هالضحك وقفت فاتن على الكنبة وملاك صارت جنبها بس واقفة على الارض ويكونوا شكلوا الثنائي الأول
أما شوق وقفت على الكنبة وجميلة وقفت على الارض ويكونوا الثنائي الثاني
اما ليش شوق وفاتن وقفوا على الكنب؟ لان المغنيين الرجال واقفين على عتبة ارفع من البنات , يقلدونهم بالحرف الواحد!
انطربوا على الاخر صاروا يغنون ويرقصون في نفس الوقت , والمحششين جميلة وملاك ,جميلة حاملة علبة الكاتشب على انها مايك
وملاك علبة البيتزا على انها جيتار!
سكتت فجأة شوق, صرخت:جميلة فاتن!
الثنتين سحبوا عليها , شوق وهي تناظر الكنبة الي عليها فاتن : لحظة لحظة
جميلة ناظرتها بإنزعاج :وش فيك انت تصارخـ...
شوق نطت من على الكنبة وسحبت جميلة من يدها وصارت تركض للمطبخ
فاتن من تصرف شوق ونظراتها, لفت راسها على وراء
كان راشد داخل الصالة ومنصدم ..
فاتن شهقت بقوة اختل توازنها مالت على وراء راح تطيح!!
كَان راح يطلع من الصالة , لااراديا توجه لفاتن من وراء
مسكها من خصرها , ولأن ظهرها انعوج لانها طاحت على وراء
فحملها من خصرها ونزلها على الأرض, وهي فاتحة عينها على اوسعها مصدومة!!
في الملاذ -المطبخ-
شوق :بالله تسمعيني اقولك جميلة لحظة وتكملين رقص ؟!!
جميلة :ياااا اختي وانا شمدريني ان راشد دخل!!
شوق ناظرت يد جميلة:بعدين ليش حاملة معك علبة الكاتشب ؟ علبة الكاتشب تلبس عباة عن راشد يعني؟
ملاك انفجرت ضحك على تعليق شوق
شوق ناظرتها بصدمة :تعالي انت ؟ وين تركتي فاتن؟
ضربت يده تبعدها عنها ,بعصبية:بعد عني !
راشد عصب:كنتي تبين عمودك الفقري ينكسر يعني؟؟!
فاتن عقدت حواجبها بعصبية:ليش خايف على عمودي الفقري اللحين وامس ماخفت علي وانا في الشارع؟
ولا اللحين لأني لابسة تنورة صرت انثى في نظرك ؟!
كلامها ضرب على الوتر الحساس
راشد:لا انتي انثى في نظري قلبا وقالباَ بس عنادك هو الي يخرب انوثتك!
تسارعت نبضات قلبها على جملته الأولى , بكبيرياء : اهااا يقال يهمني اذا كنت انثى بنظرك او لا , انا اكرهك وكل يوم يزيد كرهي لك اكثر واكثر
خلاص اتركني في حالي !!! لاتمثل انك البطل المغوار الي تبي تنقذ بنت عمك من تصرفاتها الطائشة الي بتوديها في داهية! الحمدللة انا في غِنى عنك!
رَمت على وجه فاتن العباة ,راشد بعد يدينه عنها , وشوق سحبتها للمطبخ
راشد ضرب الكنبة برجله بعصبية من كلامها ..
ملاك طلعت من المطبخ : يا اخي ليش ماتنحنحت وقلت ياولد قبل ماتدخل؟!؟كيف تدرعم كذا وانت تدري ان بنات عمي معانا!
راشد ناظرها والشرار يتطاير من عينه , فرغ عصبيته عليها :ويعني ؟؟! من زين خشاتهم يعني عشان اناظر فيهم!
ملاك حركت حواجبها بسرعة _فاصلة بقوة -: علينااااا! وانت شوي وبتاكل فاتن بنظراتك !, قلنا لك بتزوجها بس ترا هاذي موب النظرة الشرعية عشان تقزها كذا!
راشد سحبها من اذنها بقوة : ملاكو يالصايعة هذا لانك حولة شفتيني اقزها ولا من زينها هي عشان اناظرها شغالتهم ازين منها!
ملاك ماسكة يد راشد الي ماسك بها اذنها الي احمرت , وتتوجع وفي نفس الوقت تضحك :ااايي حرااام عللليك اذني بتنقص! بهههههههههه بعدين وش ذا القز يارشيد حتى شغالتهم قزيتها
ولا شكلك اعجبت فيها بعد ههههههه, ولا يهمك ترا عادي تجمع بين شغالة وصاحبتها هههههههههههههههههه آآآآآآييي اذنننني
راشد سحب اذنها بقوة أكبر :والله العظيم اتسيمجي اكثر واقص لك اذنك جد ,وش شاربة انت؟
ملاك وهي تضحك بقوة :هههههههههه لالاا ترا بس اشرب بعدي ماوصلت للترويج عشان اقولك,بس اذا تبي اقولك وتخليه سر بيناتنا فك اذني وبقولـ آآآآآي يبااااه ترا يوجع يالبااايخخ شووووووق الحقييييني!!!
.................................
سكَر المصحف بحرص ,قبله وحطه على يمينه
سجد بخضوع وخشوع :ربنآ آتنا في الدنيا حسنة وفي الآخرة حسنة وقنا عذاب النار, يارب يامن هو قادر على كل شي
احفظ لي والدي وأخوتي وأقربائي وأصدقائي وحقق لهم مبتغاهم , واحفظها واحميها ولا تجعل في قلبها مثقال ذرة من حزن
واهدها واغفر لها ذنوبها واعنها على طاعتك واجمعني بها في الجنة سوياَ..
والحمدلله على كل حال ..
رفع راسه من السجود لقى أمه واقفة عند الباب وتبتسم بحنية : تقبل الله
فزاع ابتسم :منا ومنكم
أم رويد بضحكة خفيفة: هاه دعيت لي؟
فزاع : اكيدانت وابوي اول الناس
أم رويد : اي مايحتاج تثبت لي عارفتك كريم بالدعاء , المهم ياولدي أبيك تودي اختك اقحوان للسوق تبي تشتري كم شيي تحتاجه وان شاء الله ماتطول
فزاع بنص عين :وليش هي ماجات تطلب مني؟ ولا هي عارفة اني راح ارفض فخلتك وسيط ؟
أم رويد بلعت ريقها وسكتت
فزاع : صح كلامي هاه؟ خلها تبلط بحر اجل اليوم جالسة تتأفف على أبوي ولما قلت لها تستسمح منه صارت تزعط وتصارخ !!
أم رويد : معليش هي مراهقة تحملها !
فزاع : مراهقة وعذرناها بس انها تقل أدبها على أبوي تجاوزت الخط الأحمر هذا مو بسبب المراهقة اسمحيلي يمه!
أم رويد : طيب يمه اذا استسمحت من أبوك بتوديها ؟
فزاع حك رقبته : المشكلة ....
أم رويد : مسكينة والله كاسرة بخاطري تبي فستان بكرة تتكشخ فيه في ملكة بنت أبو عبدالله!
فزاع طارت عينه : ليييش؟؟؟ انتم بتروحون الملكة ؟
أم رويد باستغراب: ايه وش في عيونك طارت ,عزموني واصرت علي أم فيصل الله يجزيها خير اني احضر الملكة , وراح احضرها وبصراحة يستاهلون
ووحشوني بنات جاسم ماشاء الله عليهم!
فزاع بفرح: والله ؟! اذا تبي تروح سوق لاس فيغاس ماعندي مشكلة !! يعني يمه انتي بكره راح تشوفين بنات جاسم ؟
أم رويد : لا ماراح يحضرون !
فزاع بتناحة :كيف؟؟
أم رويد : مدري عنك ياولدي الملكة ملكة بنت جاسم اكيد راح يكونون موجودين وبشوفهم !!!
فزاع تنهد بدون شعور: هنيئا لك!
أم رويد باستغراب: هااه؟
فزاع ارتبك:آآ قص قصدي ..عجبتك اخلاقهم يمه ؟
أم رويد : اي ما شاء الله عليهم كل وحدة تقول الزود عندي في الاخلاق , ومرت عمك تدور لولدها فواز تبي تخطب له يمكن اقول لهم عن بنت جاسم الصغيرة ماشاء الله عليها
فزاع بإندفاع :لاااااااااا!
أم رويد فتحت عينها على اوسعها بصدمة
فزاع توتر :لا قصدي قصدي ..قصدي انها ماتنفع له ايه
أم رويد :وانت كيف تعرف تنفع له أو لا؟
فزاع ارتبك , فسخ نظارته وصار ينظفها بتيشيرته مع انها نظيفة
أم رويد ناظرته باستغراب : ماتنفع له لانها تنفع لك ؟؟
طاحت النظارة من يد فزاع لأنه ارتبك من كلام امه, فزاع بتوتر جلس على الارض يلتقطها : يمه الله يهديكِ خليتيني اطيح النظارة!
أم رويد : النظارة ولا قلبك ؟
فزاع مسك النظارة , تنفس بقوة وهو مركز نظره على نقطة معينة
أم رويد سكرت الباب , وتوجهت له جلست على الأرض قدامه : إنت تكن لملاك مشاعر؟
فزاع لف وجهه بتهرب
أم رويد مسكت ذقن فزاع ولفت وجهه صوبها :جاوبني
فزاع وهو منزل عينه في الأرض , بإنكار: مافهمت وش تقصدين؟
أم رويد : تحبها ؟
فزاع تسارعت نبضات قلبه , احمر خده : اعـ اعزها من معزتي لأخوها!
أم رويد ابتسمت : كذاب!
فزاع ناظر امه : لا ليـ ليش ( بلع ريقه) ليش اكذب؟
أم رويد وقفت وابتسمت : خلاص مايهمني انكارك عرفت الاجابة !
يلا بقول لأختك تتجهز ..
طلعت من الغرفة وفزاع يصارخ :يـــمـــه! انا ما اكذب!
نزل راسه وابتسم لا ارادياَ ..
كيف تبي تنكر حبها وانت تهتم فيها , وانت تغار عليها , وفوق ذلك تدعي لها سِرا!
.....................
وقفت عِند ساعة بيج بن ابتسمت بفرحة ونبضات قلبها صارت تتسارع , واخيرا حِلم حياتها يتحقق
تـشـك...
لفت له بإستغراب .. فيصل بعد الكاميرا عن وجهه وابتسم : أحلى شي الصور العفوية , خاصة إن الآنسة سارة صايرة ماتبتسم كثير!
سارة ناظرته ببرود : ومين الي خلا الآنسة سارة ماتبتسم؟
فيصل بجدية :أنا .. بس راح ارجع ابتسامتك من جديد
سارة بإستهزاء: هِـه , قول بدون فعل
فيصل بنبرة ترجي : إنت لو بس تعطيني فرصة , وتصدقي كلامي وتصرفاتي
سارة وعينها معلقة على الساعة , بهدوء: أحاول فيصل , بس صعب
لفت نظرها لفيصل : بس صدقني يافيصل اذا رجعت لعادتك مرة ثانية ماراح اقدر اثق فيك ابدا ! ( ناظرته بنظرة أمل , وتمني ان مايرجع لتصرفاته الطائشة)
فيصل : لا تخافي ماراح أجرحك مرة ثانية , لأني أحبك
سكتت فترة وهي تناظره , نطقت : بس لاتنسى , نصف الحب صدق والباقي خرافات
فيصل أومأ براسه : ماراح انسى!
حس بيد على كتفه , لف راسه ..
سعود:هيه مان , وش رايك اصوركم مع بعض ؟
فيصل انبسط:اتمنى
عطى سعود الكاميرا,وقف جنب سارة ومسك يدها , ناظرته سارة : شصاير؟
فيصل همس لها: سعود بيصورنا اعملي لي معروف وابتسمي!
سعود بصوت عالي :تشيززززززززز!
آن وهي مبسوطة: cheese or milk hhhhh
سارة لوت فمها :وش ذي السماجة الي عند حبيبته!!
فيصل ضحك على تعليق سارة :بالله اذا حبيبها سعود اكيد ماخذه منه كورسات في السماجة!
سعود مد الكاميرا لفيصل : شوفوا صورتكم !
فيصل وسارة ناظروا الكاميرا
-سعود صور اللقطة الا فيها سارة لوت فمها وفيصل ضحك عليها-
سارة بصدمة ,بانفعال: وععع وش ذا التعبير المخيس؟؟ مستحييل لازم نصور صورة غيرها قسم اني اشابه شرشبيل في ذي لصورة !
فيصل وسعود انفجروا ضحك عليها
سارة : فيصل بليز قول لصاحبك يصورنا مرة ثانية!
فيصل ضحك:ليش الصورة تجنن عفوية
سارة : اوووف فيييصل!
سعود :هههههههههه خلاص راح اصوركم صورة ثانية عسى تطلع فيها سنفورة ههههههههه
فيصل وسعود انفجروا ضحك
سارة لوت فمها وبصوت واطي :مليق!
آن وهي مبتسمة وماتدري وش السالفة (بالانجلش): ارجوكم تحدثوا باللغة الانجليزية لأستطيع فهمكم !
سعود بيتكلم ..قاطعته سارة بالانجلش:لا تأبهي لضحكاتهم انهم مجرد سكارى من غير مشروب!
آن بصدمة : واو !! مالذي تقصدينه بذلك؟ اتقصدين انهما يتعاطيان المخدرات؟
سارة فتحت فمها على تفكير(آن),ضربت جبهتها بقهر وسعود وفيصل يضحكوا
وفي داخلها"ياربي انا وش الي خلاني اوافق على هالطلعة!,يارب صبرني للنهاية!"

(يتبع)

[اسطورة !]

بعد الهواش وتفجير الجبهات , قرروا انهم يتركون جواهر تتسوق براحتها بدون مايزعجونها اكثر من كذا
وأخيراَ.. بعد دخولها من حل لمحل مثل النحلة لقت فستان الغفلة !

- في غرفة التبديل
ابتسمت بفرح ورضا ,جَربت الفستان وطلع عليها روعة , تنهدت : الحمدلله , باقي الشوز وايش كمان ؟ خلاص المهم الشوز
اذا كان الوقت كافي راح اشتري باقي الأشياء..
طلعت من الغرفة , وهي تسكر الباب سكرته على اصبعها بالخطأ!
ضغط على اسنانها بألم ومسكت اصبعها الي تدريجيا بدأ يخرج من دم ..
توجهت للمغسل وكبت عليه ماء بارد .. في هالأثناء

مراهقتين واقفات عند المرآية , الأولى تعدل مكياجها , والثانية تنظف عباتها !
الأولى تنهدت :جد أنااااقة وجماال !
الثانية :آآآه ياليت لو يكب علي القهوة مرة ثانية!
الاولى : ياليت انا الي انكب عليها القهوة!
(جواهر في داخلها "وش يقولون هالمجانين!")
الثانية :ياربي انتي شفتيه كيف تأسف بأدب ,يااااربي والله أسلوبه يخقق!!
الأولى :ولا الي معاااه ! آآآخ ابتسااامته شي ثاااااني !
(جواهر هنا قبضت حواجبها ووقفت تدور عن لزقة جروح في شنطتها )
الثانية وهي تقلد : أنا آسف , جد آسف مانتبهت انك وراي , تأذيتي؟
الاولى وهي تقلد بإبتسامة : عذراَ على الي صار , راح ندفع ثمن الشنطة الي انكبت عليها القهوة !
الثانية : هه! يقال تقلدين ابتسامته بهالابتسامة الي تلوع الكبد مع وجهك ! ابتسامتك ولا تجي ربع ابتسامته اااخ!
الاولى: اي والله ! (بصراخ فزت منه جواهر) تعااالي لحظة!
الثانية بصدمة : ايش ؟
الاولى : ابو الابتسامة الخقة لما صاحبه اللي لابس قميص اسود كشخة رجع على وراء واصطدم فيك صرخ بإسمه !
الثانية بحالمية : ايه يازينه وزين اسمه زيناه مشعل عشقت هالاسم بعد ماشفته والله! !!
(جواهر وقفت عن الحركة )
الاولى : ااخ بس لو نعرف اسم ابو الابتسامة الخقة !
الثانية : اااخ تخيلي بس يانوف لو ابو ابتسامة صار زوجك ومشعل صار زوجي! !!

جواهر لا اراديا ضربت المغسل بالشنطة بعصبية : تحلمووون! والله لو تبلطون بحر ماتزوجون واحد منهم !!اصلا انتم غبيات عشان
تعجبون فيهم ؟ (ناظرت الثانية) غبية انتِ عشان تعجبين في واحد كب عليك القهوة ؟ والله لو انا بدالك سبيته سب وشرشحته عشان
يعرف يمشي مثل الناس مرة ثانية ! (ناظرت الاولى) وانت الغبية الثانية كمان طايرة من الفرح عشانه ابتسم لك مع وجهه؟ وش ضمنك بس
انه يبتسم لكم موب يبتسم عليكم , يمكن تحت هالابتسامة يخبي ضحكته عليكم ! مخبولات وقسسسم!

طلعت من الحمام ووراها البنتين منصدمات .. وش دخلها؟!,طبعا هذا سؤالهم!
مشت بعصبية تدورهم , نست ان فيه اختراع اسمه جوال عشان تتصل فيهم وتسألهم عن مكانهم من العصبية!

شافوها وهم جالسين ,وقفوا و اشروا لها بيدهم عشان تنتبه لهم ,اتجهت لهم ونظراتها شرار وخطواتها سريعة
وصلت لعندهم , مشعل :واخ...
قاطعته بعصبية ماتدري ليش ماقدرت تمسك لسانها:اعمى انت اعمى؟!! تعلم تمشي مثل الناس لو سمحت ولا مبسوط انك تمشي
وتصطدم بالبنات وتكب عليهم القهوة وتتميلح عندهم هااه؟! بعدين لا عاد تلبس هالقميص المقرف مرة ثانية,وانت الثاني (ناظرت يوسف الي كان مصدوم)
مايحتاج تسوي دعاية كلوس آب وين مارحت من زين هالضروس يعني !!
مشعل عقد حواجبه : لحظة لحظة قبل كل شي!!! انت اصلا كيف عرفتي بالي صار ؟!!
ناظرته جواهر بقوة وبدون أي كلمة :أبي أطلع من المجمع
مشعل بحزم:والله العظيم مانطلع من المجمع الا وانت قايلتي كيف عرفتي!!
جواهر بقهر: طيب وانا في الحمام دخلوا بنتين وجلسوا يتكلمون عن 2 من الشباب والي هم انتم !
يوسف : كيف تيقنتي ان الي يقصدونهم هم احنا!
جواهر :لأنهم وصفون لبس حضرتك (اشرت على مشعل) وقالوا اسمك!!
مشعل عَقد حواجبه : لحظة! لحظة أنا مو قادر استوعب !! الثنتين وش قالوا عنا بالضبط ؟!
جواهر بعصبية: الاثنين أناقة وجمال وابتسامة روعة ومدري ايش ...
مشعل بهدوء : ومن متى الغيرة تكون على شخصين ؟!
جواهر تغيرت ملامح وجهها , بلعت ريقها وهي ساكتة
مشعل بهدوء: لو بتقولين انهم مدحون يوسف قدامك وغرتي عليه راح استوعب.. بس انت معصبة عشانا احنا الاثنين ؟ .. أنا مو قادر أفهمك جواهر!
جواهر :أنا عن نفسي مو قادرة أفهم نفسي!
يوسف : إلى متى بتظلين كذا جواهر ؟ لمتى راح ننتظر قرارك ؟ اكيد انتي متخذة قرارك بس مو مقتنعة فيه , وش اليي نقدر نسويه عشان تقتنعي بقرارك؟
جواهر نزلت عينها : قلت لكم ماقدر اختار!
يوسف : اتوقع تناقشنا عن هالشي جواهر ..وقلتي راح تختارين !
جواهر وهي تتجنب انها تناظر اي واحد منهم,بصوت واطي :خلونا نرجع للبيت!
مشعل بعصبية : انتي اخترتي يوسف !!!,قلتيها بشكل غير مباشر لي ليش ماتقولين قرارك اللحين قدامه ليييش؟!!!
جواهر حطت يدينها على اذنها :انا ماقلت هالكلام!
مشعل بعصبية :امبلا...
قاطعه يوسف ,حط يده على كتف مشعل وبهدوء : خلونا نركب السيارة ونتكلم ,هنا ماينفع
مشعل بعد يد يوسف:لا هنا ينفع!!! لمتى راح نعطيها فرص اكثر اذا الاجابه عندها ليش تخلينا ننتظر ! تبيني اطلع الاجابه من عندك غصب ولايهمك !!!
(ابتسم ) تدري احنا في اي شهر ميلادي يوسف؟
يوسف : تشرين الثاني ..(بعد عينه يفكر)
مشعل : فهمتني؟
يوسف: من جدك ؟
مشغل : ايه .. اللحين خلونا نروح للسيارة
جواهر ناظرتهم وهي موب فاهمة وش جالسين يقولون !...في قلبها:الله يستر!
..............................
الجو بارد وحلو , البدر واضح في السماء , وصوت امواج البحر تتلاطم بشكل هادئ وفيه سرب من الطيور عند البحر , واندماج صوتهم مع صوت البحر عطا جو رهيب..
الطاولات مفروشة بغطاء أحمر وفوقهم شمعدان طويل .. الجو في المطعم بشكل عام رومانسي ورايق
جلست آن وسارة في طاولة لوحدهم وفيصل وسعود في طاولة بجنبهم , عشان سارة تاخذ راحتها


متكتفة بقوة وتهتز , وكل مازفرت خرج من فمها بخار ..احمرت اطراف اصابعها وشفتها وانفها ..وعينها على البحر بهدوء
آن ناظرتها وابتسمت (بالانجلش): مابك؟
سارة ناظرت آن: لا شيء ..
بس خلصت كلمتها وحست بجاكيت انوضع عليها.. التفتت لوراء , شافت فيصل يبتسم لها :قايل لك البسي زين بس ماسمعتي كلامي
سارة بعدت الجاكيت عنها بعصبية : ماشكيت لك الحال وقلت لك بردانة وتفضل مابي جاكيتك !
فيصل ابتسم وحط جاكيته عليها مرة ثانية:اقول لاتكابرين من طاولتي وانا اشوفك كيف ترتجفين رجف مو طبيعي ! المهم تبين اشتريلك موكا حارة حبيبتي عشان تتدفين؟
سارة ناظرته بسكوت لفترة , بحمق:لا
فيصل :على راحتك , طبع قبلة على خدها بسرعة ورجع مكانه
سارة زفرت بقوة على اخر شي سواه ..
آن بهدوء:مالأمر بينك وبين فيصل ؟
سارة :انه مجرد اهوج , تزوجني باسم حب كاذب وفوق ذلك عيناه تنظر لالف فتاة غيري!
آن : أحقاَ ؟ لكني لا اراه كما ترينه !
سارة ناظرتها بنص عين : لا عليكِ ! انه يتصرف هكذا فقط في هذه الفترة , والا حقيقته شي آخر !
آن : ربما, ولكن ... هو بالطبع يحبك الآن !
سارة بإستهزاء: هــه!.. لكن نصف الحب صدق والباقي خرافات!
آن : ولكن الصدق في ماذا؟
سارة :في مشاعره طبعا!
آن : وكيف يكون الصدق في المشاعر ؟
سارة : الاهتمام الشوق لااعلم ..هناك اشياء كثيرة تبين صدق المشاعر آن!
آن سندت كوعها على الطاولة وحطت ذقنها على يدها: صدقاَ..الاهتمام!
سارة رفعت حاجبها : مالذي تتمتمين به ؟
آن : أليس الاهتام اول كلمة قلتيها .. أوليس الاهتمام صفة واضحة لفيصل ؟.. انه يهتم بك بشدة !
سارة لفت وجهها وابتسمت بنكران : ااه آن انه ليس...
آن قربت وجهها اكثر لسارة الي قدامها : لنكن عادلين ساره, أنا حقا لا اعلم عن علاقتكما الكثير ,ولكن لدي عينان!
انه يهتم بك بشدة ويحاول ان يهديك كل ماتتمنينه .. لقد أراد أن نذهب في جولتنا الى ساعة بيج بن قبل كل شي ,من اجل من؟!!
من اجلك حيث انه اخبرنا بإن من أكبر احلامك ان تذهبين الى ساعة بيج بن ! إهدائك للوردة الحمراء على الجسر وتلفظه بأجمل العبارات الرومانسية
هل عباراته مزيفة ايضا؟ ... لندع ذلك كله ونأتي للجزء الأهم ..مراقبته لك وحينما شعر بما تشعرين تقدم لك بمعطفه لتلبسينه ! الم تستشعري كمية حبه حقا ؟
لعلمكِ..إني لا احلم بنصف الذي يفعله لك فيصل ان يفعله لي سعود , اولا سعود يحب النساء بشدة مثل ماتصفين فيصل به
اذا هما في هذا الامر لايختلفان .. لكن في الحقيقة محبته لي لاتتجاوز ربع محبة فيصل لك واهتمامه , لا يهدني هدايا الا في مناسبات الكريسماس وما الى ذلك
ولكن هدية بسيطة عابرة .. لم يحصل ذلك قط!..ومع جو لندن البارد لم يعطني معطفه ولو لمرة ... ناهيكِ انه لم يتحدث عن موضوع الزواج ابدا!
في الحقيقة الأمر واضح .. هو يعتبرني كلعبة بالنسبة له .. يشبع رغباته بي بإسم الحب ولكن مشاعره ليست كذلك .. نعم نضحك مع بعضنا ونتجول هنا وهناك ونعيش مع بعضنا البعض
فوق ذلك , ولكن لا يوجد اهتمام !.. اذا اين الحب بيننا سارة ؟ انا اصدق ان نصف الحب اهتمام والباقي خرافات ! واصدق عبارتك ايضا لان الاهتمام من الصدق ! لن تكن صادق في مشاعرك
ان كنت لا تهتم ! وان تسائلتي لما لا اترك سعود.. حقا هو لا يحبني... ولكني احبه !

سكتت سارة وهي تناظر آن , غيرت نظرها الى فيصل الي كان يضحك مع سعود , ويصنع احتكاك بيديه عشان يتدفى!
حس بنظرات شخص اليه التفت لسارة وابتسم لها ...
سارة توترت ولفت راسها ...
:المعذرة..
كان صوت الجرسون الي بدأ يحط الاطباق على الطاولة ويعرف عن كل طبق ..
الي ماسمعت سارة ولا شي من كلامه , كانت مشغولة بانها تختلس النظر الى فيصل
آن : كفاك تحديقا بالمعشوق وتناولي طعامك لم اعلم اني مقنعة لهذة الدرجة!
سارة حمرت خدودها من الاحراج من كلام آن وناظرت طبقها ...
فترة صمت ...
قطعتها سارة بهدوء : هل تظنينني قد ظلمته ؟
آن : لا ليس لهذا الحد , انها ردة فعل لفعله , اتفهمك انه لامر صعب , ولكنني اظنك قد قسوتي عليه كثيرا , اعني
اكثر مما يستحق !
.......................................

لاااااااااااا شنو يعني مااااابي ارجع معه!!!!! شوفي اي احد يرجعنا الا هالمتعجرف!!!
قالت هالكلام بعصبية وهي واقفة على سرير شوق الي مليان اغراض تجهيزها لملكتها ...
شوق بصراخ: وووجع فاااتن كنتي بتطحيين التاج ! زين ما انكسر قسم لو انكسر كان كسرت راسك وراه !
جميلة وهي جالسة على سرير ملاك وقبالها فاتن وبيدها الجوال :وش اسوي لك يعني ابوي نام لان الوقت متأخر يعني مين بيرجعنا غير ولد عمك اتصل لفيصل مثلا يرجع
من لندن عشان يرجعنا مع وجهك؟!
فاتن بعصبية:اوووف مو وقت مزحك جميلة !
جميلة ضحكت: هههه لا من جد شسويلك اذا مافيه احد يرجعنا غيره!
فاتن وهي تأشر على تحت بإنفعال:نـــنــــام هـــــــــــنا !
جميلة:تحلمين امي موب راضية!
فاتن :اووووف يعني لازم نسمع كلامها نتجاهلها وننام هنا رضت ولا لا!
جميلة فتحت عينها على اوسعها :هيييييه تأدبي ! وش نتجاهلها ورضت ولا مارضت ! تبين تلعن خيرنا عند ابوي بكره!
خلنا نبعد عن الشر ونغنيلو ونرجع البيت احسن,بعدين انا عندي اختبار لازم ارجع اراجع ولو شوي!
فاتن صرخت :افففففففففففففففففففففف
شوق رمت عليها المخدة :ووووووجعععع ابوووووي نااااايم يالحماااارة! ابي افهم هالصوت من وين تطلعينه انت!
ملاك وهي منسدحة وحاطة راسها على فخذ جميلة : مرة يقال انك تبين تسكتينها اللحين, ترا انتي الثانية جالسة تصارخين مع ذي الكشة!
فاتن : طيب فيفي عبدو يودينا وليد يودينا اي احد الا راااشد!
شوق :هيه انت وش ذا الحقد على اخوي وش مسويلك الرجال!
فاتن : اسكتي انتي لا اطلع كل ناري عليك اللحين!
جميلة :ليش تنين وانا مدري ههههههههههههه
ضحكت ملاك وضربوا كفوفهم مع بعض
فاتن : ياااااربااااه عالهالسماجة!!!
شوق : انا ارحم جميلة عشانها مسكينة بكره عندها اختبار ومو شي جديد انها تفصل وتحشش اذا عندها اختبار
قولي في البلاء ذي (تقصد ملاك) الا سماجة الارض كلها متجمعة فيها اليوم!
ملاك بوزت :حرااام عليك!
فاتن بعصبية:اففففف جد انكم فاضيات انا اقولكم مالي خلق اركب مع رشيييدالزفت وانت تضحكـ...

صوت طق الباب بقوة خرعت البنات وخلتهم يصارخون ..
شوق راحت عن الباب وهي تبسمل..
طلعت من الغرفة ناظرته وهي حاطة يدها على قلبها : خير وش هالطق ؟!! جاي تحارب انت خرعتنا !
راشد : مهبولات انتم !! كيف تصارخون كذا الناس نايمة !!!
شوق : انت طق مثل الناس اول بعدين قول لنا كيف تصارخون والناس نايمة !
راشد:المهم لبنات عمك المصونات 4 دقايق ان مانزلوا انا راح انام وبسحب عليهم !
شوق ناظرته بحقد : طيب
دخلت الغرفة....
ملاك منفجعة : مين ذا ؟
شوق : راشد الزفت طيح قلبي وقسم
جميلة: وش عنده ؟
شوق: 4 دقايق ان مانزلتم راح ينام ويسحب عليكم !
جميلة وقفت ناسية راس ملاك الي على فخذها : يا الله !! البسي شيلتك بسرعة فتنتن لا نروح فيها
فاتن ببرود : احسن خلينا نتأخر عشان مانركب معه !
جميلة : اوووف فاتن مانبي مشاكل ترا بكرة ملكة شوق لو ماعندنا مناسبة سوي المشاكل الا تبيها بس تكفين مشاكل في ليلة ملكة شوقي
لا تسويلنا مشاكل وزعل وهذرة ..
فاتن لوت فمها : اففف طيب طيب عشان هالسبالة ذي بس (اشرت على شوق)
شوق رمت المخدة على فاتن : تراك مو معزومة على ملكتي لاتجين بكره مابيك !
فاتن ضحكت بقوة : يااااعمري القرود لا زعلوا !
جات لها شوق بتهجم ركضت بسرعة لباب الغرفة فتحته : يلااااا بااااااي جميلة دقيقتين وولد عمك راح يمشي عنك !
جميلة حملت شنطتها بسرعة : انتظريني يابنت الـ......
فاتن : ايوه ايوه سبي امي وابوي اشوف ...


جالس في السيارة ينتظر .. تثاوب بنعس وهو ينتظرهم
راشد بنص عين : هالبنات شايفيني سايق لهم , يعني دائما انا الي ارجعهم ما اشوف عبدالله ولا وليد يرجعونهم ,حظي نحس!
في نفس الوقت فتحوا الباب وركبوا وهم يتهاوشوا ..
جميلة : انت غبية لو مادستين على عباتي ماتأخرنا!
فاتن : احسن منك سبيتي امي وابوي !
جميلة شهقت :كذااااااااااااابة !! انا بس قلت يابنت .... يعني ماسبيتهم ولا شي!
سكتوا لما سمعوا تنهيدة راشد الطويلة .. الي واضحة انها تنهيدة قهر من ازعاجهم !
جميلة ناظرت فاتن بنص عين وجلست باعتدال وطلعت جوالها من شنطتها تحوس فيه
اما فاتن جلست باعتدال وتكتفت , راشد ناظرالمراية الأمامية والتقت عينه بعينها النمرية , وبسرعة ثنينهم بعدو عينهم ..
حست الطريق طووويل...يمكن لأنها مو بالعة انها تركب في سيارته مرة ثانية والأمس توه تاركها في نص الشارع لوحدها!
حست بالذل... تمنت لو جد هي ولد وتقدر تسوق او حتى ترجع مشي برجلها ماحد راح يخاف عليها ويقول لها لا !
في نفس الوقت , كانت فضولية بشأن الكلام الي كان راشد راح يقوله لها ,غمضت عينها وهي تتذكر
"فاتن:بعدين مو انت بنفسك دائما تقول لي تصرفي مثل البنات ؟ وبعدين تتركني في الشارع لوحدي ولا كأني بنت ؟!
أنا موب فاهمة تصرفاتك راشد ؟!
راشد سكت لوهلة , بهدوء: أنـ.. أنا نـ...

فاااااتن..كان صوت ملاك "

لا لحظة , هذا موب صوت ملاك ....هذا صوت جميلة , فتحت عينها , كانت جميلة تقول لها : فااتن وصلنا !.
فاتن هزت راسها ومسكت مقبض الباب .. مانفتح , قوت نفسها وحاولت تفتحه , لكن مافي فايدة !

راشد ناظرها من المرآية الامامية : لا تتعبي نفسك ماراح ينفتح فيه عطل ماينفتح من الداخل بس من برا!
جميلة : خلاص طيب اطلعي من بابي ,...حاولت تفتح الباب ومافتح !
راشد يوجه سؤاله لجميلة :بابك مايفتح بعد ؟
جميلة :ايه
راشد زفر بعصبية وناظر فاتن بقوة .. كأنه يلومها !
فاتن رفعت حاجبها مافهمت سبب نظراته
راشد : بسبب تسكيرك للباب بقوة يافاتن اكثر من مرة شوفي وش صار للباب يا اندرتيكير!
فاتن سكتت شوي والابتسامة تنرسم على شفتها تدريجيا ماقدرت تمنع نفسها وانفجرت ضحك بشماته:هههههههههههههههههه� �ههه تستاهل
عشان تعرف تترك مين مره ثانية هههههههههه
راشد : لا والله ؟!!! السبب من طريقة تسكيرك للباب يا اندرتيكر وبس !
فاتن رفعت كتوفها بلا مبالاة : والله وش اسوي لك اذا سيارتك كحيانة وماتتحمل تسكيرتي الانثوية حتى ! اقول انزل افتح الباب للأميرة فاتن هههههههههه
راشد نزل من السيارة بقهر والنار تحرقه...
فاتن ضحكت أعلى وأعلى ..جميلة ناظرتها باستغراب وهي مبتسمة : شالسالفة!؟
فاتن : ماعليكِ , انقلب السحر على الساحر !
فتح لفاتن الباب وهو معصب ..
فاتن مسكت شنطتها بأطراف اصابعها بدلع ورفعت راسها بغرور ..
وطلعت من السيارة وهي تبتسم لراشد بنذالة وتفتح شنطتها: خدمتك ممتازة والله تستاهل بقشيش ( رمت عليه ريالين وهي تضحك بقوة) هههههههههههههههههههه
راشد وصل فل بعصبية مسك معصمها وضغط عليه بقوة فظيعة :فااااتن!

جميلة سحبت ختها لناحيتها , ناظرت راشد بحقد : شكرا راشد تعبناك معانا , بس مالك حق تمد يدك على أختي بأي شكل من الاشكال
واعذرها على تصرفها !
راشد ترك يد فاتن عشانها مع جميلة .. ووجهه احمر من العصبية , جد تمنى في هاللحظة ياخذ فاتن ويفرك فيها الارض ..

وبكل كبرياء وبتمثيل انها مو متألمة من حركته, ناظرته بنذالة ومشت وراء اختها ..

راشد توجه لحجرة في الطريق بعصبية ورماها ... لسوء الحظ انضربت في نافذة باب السيارة الي كانت جالسة من وراه فاتن وانكسرت!
عصب اكثر وهو يتوجه للنافذة المكسورة : جننتني هالبنت وقسم جننتني ! ماينكسر راسها ابد عنادها وكبريائها مو طبيعيين
مسح وجهه بقوة من القهر وهو يتذكر ضحكتها بنذالة وهي ترمي عليه (الريالين)!
..........................................
من طلعوا من المطعم لاحظ عليها السعادة .. وفجأة صارت تمون على آن وتتكلم معها وتضحك..
تغيرها ممتاز ..بس مريب !

كانوا يتكلمون عن تصوير سعود وانه دائما يلتقط لهم الصور لما تصير تعابير وجههم تضحك! وان تصوير فيصل جميل خاصة للطبيعة ..
وهنا سارة التفتت لفيصل وابتسمت...
ناظرها وهو في داخله مستغرب ..ابتسم لها واخيرا ابتسمت ,وش الي خلاها تتغير ؟مايدري!
ما سألها.. حرك يده ببطئ وهدوء ليدها مسكت اطراف اصابعها ظاهر يدها..بعدتهم بسرعة
تلاشت الابتسامة من على وجهه ..اما سارة بلعت ريقها بقوة , موب قادرة تتركه يمسكها!!

ناظرها بس هي ماعطته اي ردة فعل ..
همس لها :ممكن اعرف ليش مارضيتي امسك يدك ؟
سارة غيرت الموضوع: قربنا للفندق
فيصل سكت وعينه مافارقتها لحتى ماوصلوا لشقتهم

سعود وآن عند باب شقتهم ..سعود بالانجلش: اذا..سعدنا برفقتكم الليلة ..اتمنى انكما قد استمتعما معنا بالقدر الذي نحن استمتعنا برفقتكما
فيصل ابتسم :بل اكثر
آن ابتسمت:سعدت بالتعرف عليكما حق
سارة ابتسمت لآن :اعتذر كنت فظة معك
آن : لا تأبهي ..المهم اننا حظينا بوقت ممتع
سارة : معك حق
سعود: اذا تصبحان على خير ..فيصل وزوجته سنفورة
ضحكو بخفة وتبادلوا (نوما هنيئا) ودخلوا شققهمم...

فيصل وهو يسكر الباب..
ناظرها : خبريني...ندمتي انك طلعتي ؟
ابتسمت سارة بنعومة وهزت راسها بالنفي
فيصل ابتسم :هالابتسامة علامة ان وضعنا تحسن واقدر انام معك في الغرفة ؟
سارة خفت ابتسامتها : انا اسفة فيصل ..بسسس..سكتت
وابتسمت ابتسامة اقوى :تصبح على خير

توجهت للباب ..مسكت مقبض الباب لفت لفيصل وابتسمت ..ودخلت الغرفة
جلس فيصل على الاريكة وتنهد ..مسك جواله يتفقد اي مسج وهو متضايق ..

فسخت شيلتها وعلقتها ع الشماعة ...فكت شعرها وحطت البكلة في سلة البكلات ..حست بملمس شي غريب ناظرته
اتسعت بؤبؤتها ,بعدت يدها ورمت سلة البكلات وهي تصرررخ بقووووة

فيصل اخترع من صرختها رمى جواله وبسرعة اتجه للغرفة

شافها واقفة على السرير وتصرخ وتبكي ...
فيصل وهو مخترع : شفيك شفيك...
سارة وهي تبكي وتأشر على الارض : صرصوووور صرصووور فيصل تكفى اقتلللللله وععععع مسكته موب طايقة يدي
فيصل تنهد بقوة :بالله تخرعيني واخر شي صرصور !
سارة وهي تبكي : تكفى فيصل اقتله ترا والله اخاف منه وووووع شوف كيف يتحرك اهئ اهئ
فيصل ضحك بقوة
سارة بعصبية:فييييصل مو وقت ضحككك اقتللله اللحين
فيصل :والله حرام عليك ماتدرين يمكن لما اقتله ارمل صرصورة او ايتم صراصير هههههه!
سارة :اااففففف فيصل ووجع مو وقت مزحك اللحين تكفى اقتله ولا والله ما اسامحك ابدا !
فيصل :يعني لو قتلته تسامحيني؟
سارة :افكر في الموضوع يلا اقتله
فيصل عطاها ظهرها :احلام سعيدة مع مستر صرصور
سارة صرخت : لاااااا فيييييييييصصل!
فيصل دار لها :عيونه
سارة بوزت : طيب
فيصل ابتسم : طيب ايش؟
سارة : بسامحك طيب بس اقتل ذا المقرف
فيصل اخذ شبشب سارة وضرب فيه الصرصور ...
سارة صرخت : ووووع فيييييييصل شبشبي !
فيصل : عادي اغسله لك
سارة تخصرت : لا والله ويييع انا سارة بنت عبدالرحمن البس اداة اعدام صرصور ! هزلت ..
فيصل : طيب اوك بكره اشتري لك واحد ,ارميه يعني؟
سارة هزت راسها بإيه ...
هز راسه بأوك وطلع من الغرفة ...

سارة وهي واقفة على السرير وتطالع الغرفة وتفكر ..بلعت ريقها بقوة وعلت صوتها :فيصل ... فييصل
جاء لها :راح توقفين على السرير طول الوقت ؟
سارة بتردد : احم اححححم .. مابي اجلس في هالغرفة الوسخة اب اطلع منها
فيصل ناظرها بـ(أوك؟)
سارة كملت : احمم .. يعني لو سمحت .. اعطيني شبشبك عشان وع امشي على هالارض ..
فيصل :ياااادلوووعه ... بس انا نسيت ماحملت معي شبشب
سارة بزعل : طيب ؟ وع مابي ابقى في هالغرفة .. روح جيبلي شوزي عشان اروح فيه للصاله
فيصل :ليش كل هالمشوار وأنا موجود ؟
توجه لها وحملها من على السرير على ذراعيه .. ناظرها وابتسم وهي ناظرته وبلعت ريقها
فيصل بابتسامه : لو ادري ان مستر صرصور بيسوي كل هذا كان جبت لك كل صراصير العالم في هالغرفة !
سارة ضربت صدره : وع الله يقرفك !
فيصل ضحك على دلاعتها من قلب ...
وهي ابتسمت لانها من زمان ماتسمع ضحكته من قلب ..
ابتسم لها وقَبلها ... :أسف وأحبك!
................................
يمشون عند البحر .. وهم ساكتين يتوجهون لنقطه محدده
جواهر : لوين ماخذيني؟
مشعل : اليوم 7 تشرين الثاني
جواهر:يعني؟
مشعل ابتسم وهو يقترب للشي الي يبيه : من امس بدأ سباق الدراجات النارية بين الشباب وراح ينتهي بعد بكره كل عام تاريخ 6 تشرين الثاني يبدأ السباق !
جواهر قبضت حواجبها : واحنا وش دخلنا هنا ! انا قلت ابي اروح البيت!!!
مشعل : ومين قال لك انا راح ارجعك البيت مثل ماتبين!
جواهر بقهر:طيب ليش جايبني هنا ؟!
مشعل وهي يرفع راسه ويناظر شي: شفتي الدرج هذا اصعدي هنا مع بقية الناس واتفرجي!
يوسف ناظره وهو رافع حاجبه
مشعل اخيرا ناظرها وابتسم : راح نتسابق انا ويوسف ونشوفي مين الي راح يفوز!
جواهر شدت على اسنانها وقبضت حواجبها : نعم؟! (بعصبية) مشعل انت مجنون موب صاااحي في عقلك شي؟؟؟
قاطعها مشعل بنرفزة : قولي الي تبينه , لازم واحد منا يفوز
جواهر بعصبية اكثر: مشعل بلا غبببااااء !!! ليش انا لعبة او جائزة عشان الي يفوز منكم في السباق راح احبه !!!
الحب مايجي كذا !
مشعل بعصبية : بالضبط بس الاعتراف يجي كذا!!
جواهر هزت راسها بالنفي : انت مجنون ! (لفت ليوسف) وانت راح تشاركه ؟
مشعل ضحك : هه تفضل جاوبها يالعاقل
يوسف هز راسه بالايجاب : يمكن هي افضل طريقة
جواهر اتسعت بؤبؤتها : انتم مجانين!! تدرون ان هالسباااق خطير كثيير ارواح راحت بسبب العاب المراهقين هاذي !
يوسف ببرود : لاتخافي ! ماراح يصير شي
جواهر بعصبية : هذا وانا الي اقول عنك عاقل وراح تقنع اخوك ان يترك فكره هالسباق..
مشعل رفع حواجبه يكمل على كلام جواهر: اخوه المجنون ...
جواهر ناظرت مشعل بحقد
مشعل ناظرها بلا مبالاه : على فكره ... تقدرين تقولين جوابك او بين قوسين تعترفين قبل مانشترك بسباق المراهقين مثل ماتقولين !
جواهر تكتفت وصارت تتنفس بقوة وهي تناظره بحقد ...سكتت شوي: طيب انت عندك دراجة نارية وتعرف لها ويوسف؟
يوسف : قلت لك لاتخافي
مشعل قاطعه: هذا جوابك ؟
جواهر :ااافف مشعل...
مشعل بعصبية : مشعل مشعل مشعل مليت وانا اسمعك بدون جواب ... راح نشترك
جواهر :يوووسف
وقفو الاثنين
يوسف بدون مايدور لجواهر : انا اسف ..راح نتسابق
جواهر بعصبية ضربت جبهتها وصعدت لفوق .. وعيونها عليهم هما الاثنين

تنهدت وهي تناظرهم وهم يستعدوا للسباق ..يتأكدون من الخوذة .. وواحد يلوح بالعلم ويصرخ (1 2 3 قوووو)
هنا تمنت انها اعترفت .. وتمنت ان يكون ندها القوة عشان تمنعهم ... وتمنت تصرخ تقول لهم وقفوا
ولكنها اكتفت بانها تناظرهم وهي خايفة ..

الاثنين سريعين .. مشعل كعادته سريع ويوسف صاير يسرع مثله ..
الكل يهتف ويشجع .. .بس هي واقفة تناظرهم بخوف .. وتلعب بسلسلة القلبين بتوتر مو طبيعي!

اذا مشعل سرع ... يوسف يسرع اكثر منه ... واذا يوسف صار اسرع .. مشعل يسرع اكثر واكثر
انقهرت من نفسها لأنها سببت هالتنافس والعداوة من اخوين .. سبت نفسها وهي تذم نفسها وتسأل كيف حبوها وهي ماتستاهل

وقفوا عن نقطه عشان يتأكدوا من سلامة دراجاتهم ... مشعل ناظر يوسف وابتسم بنذالة ويوسف رد له الابتسامة
يوسف رفع راسه يدور جواهر بينهم .. ومشعل ابتسم بدون مايناظر المكان الي يناظر له يوسف
خلصوا من التأكد .. وبسرعة حرك الدراجة مشعل ووراه يوسف

دمعت عينها لما انتبهت ليوسف وهو يرفع راسه .. مع كثرة الدراجات الا انها حاطه عينها على دراجتهم هما الاثنين بس
يوسف اتقدم على مشعل ...لكن بفارق بسيط .. دعس مشعل بقووووة وتخطى يوسف

جواهر نزلت راسها وتنهدت بقوة ..غمضت عينها وقلبها ينبض بسرعة وهي تهمس :ليش مااعترفت ليش ليش انا غبية
ليش ...

سمعت صوت ارتطام قوي وشهقات الناس ...رفعت راسها بهلع وصدمة تبحث عن مكان الصوت ,دمعت عينها
صرخت بقوة وبصوت عالي بإسمه :.........................

وبس اتمنى يعجبكم البارت يارب ولا تحرموني من ردودكم

[〰ُNada]

جمممممال روايتك
مره تحمس الشخص يعرف نهايتهااا
وجد مشاء الله عليك تاااخذ العقل
متحممسه اعرف جواهر مين بتختار
وفاتن وراشد جمالهممم
ويعطيك العافيه

[jamilah]

موفق بإذن الله ... لك مني أجمل تحية .
متى البار الجاي

[اميرة عصري]

السلام عليكم
مرة حلوة الرواية متى تتكمل
او وين ممكن احصلها كاملة

[اميرة عصري]

فين احصل الرواية كاملة