21-11-08, 08:42 PM
| #11 | ||||
 
|  الفصل الثاني الجزء الاول اليوم الثاني في الكفتيريا ...كنا كالعاده نتغدا و مر فهود بحذالنا و سلم علينا ... طبعا هذي فرصتي الا كنت اترياها ... تحمحمت بصوت عالى و زقرته :استاذ فهد ...لو سمحت!!! لف يطالعني مستغرب..شو تبا هذي المايعه.... مها: الا اخبار شمووو... و الله عنها من زمان ...شفت عينه يتفحصني بدقه قبل ليرد علي : الحمد الله مها: سلم عليها وقلها اذا ما ترد على مكالماتي ما راح احضر عزيمتها.....سكت اخذ نفس ...وقلها انت تعرفين مها بنت بوحمد لو زعلت ما ترضى بسهوله....و ابتسمت بنصر و انا اشوف ردت فعله على اسمي ...ههههههههههههههههههههههه� �هههه يعني هي و الله اني كنت حاس بس ما كنت ابي اعترف بهذا الشي...رديت على ابتسامتها : يوصل ...اسمحيلي و سرت صوب خالد ...... خالد: اشوفك ما خذ على الجو طالعته بنظره معناتها اسكت.....بعد فترة صمت قلت و الله انها قاصه لعمرها.. اونها لين زعلت ما ترضى بسرعه خالد يناظرني مستغرب: منو مها...... و الله انها صادقه ... من يوم ما هزأتها و هي ما ماعطتني ويه... و كاني يالس بالمكتب بروحي ...تضحك و تتكلم مع الكل الا انا .....لا اطالعني جي فهد وهو متنرفز من خالد: انت ما غلطت عليها هي لازم تعرف كيف تتعامل مع رؤساها .......... وانت شو عليك منها .......خلها تولي ضحك خالد و قال : كاني اشم ريحة غيره..... دزيته من جتوفه و نشيت اييب لي شي بارد...احس ان ريقي نشف ، مو سهله علي اكتشف انها هي خطيبتي السابقه و خالد صدق نرفزني .......شفتها واقفه تاخذ لها كيك .. و تتميع بوقفتها و حجيها مع الهندي.... تقربت منها لدرجة اني شميت ريحة عطرها.... و اول ما لفت انصدمت فيني و كانت بطيح بس انا مسكتها من ذراعها و يريتها صوبي ... همست لها: اصطلبي و الا و الله لا اشوفين شي عمرج ما شفتيه. شفتها مبهت فيني ... ابتسمت لها و لا كأني مسوي شي .... فهد: عطني بيبسي بارد ...... و انا عيني عليها ما قادر اشيلها...استغربت منها ما ردت و لا تحركت واقفه تطالعني ..... ما فكرت بالا قاعده اسويه هو كيف تييله الجرئه يهددني....و لا قاعد يبتسم بعد....تحركت عسب ابتعد عنه ، تمايلت و كأني بطيح و رقعت صحن الكيك على ثيابه...شهقت و انا اشوفه معصب.. انحشت عنه قبل لا يتمادي معاي ....شفت البنات ناقعين علي ضحك .... ما أهتميت .... رجعت لكرسيي و لا كأني مسويه شي... هني احسن ما يروم يرمسني جدام الكل..... شفته راجع عند خالد ، هو ينظف ثيابه و الله شكله تحفه ... بس من خوفي ما قدرت اضحك خفت يلتفت لي...ويرد لي الحركه... حصووو: أي انت الخبله قومي ننحاش قبل لا يي حقج و يبهدلج عزوو: و الله انج قويه فطيم:مهووو عن حركات النص كم مالتج هذي ، شو عليج من الريال ما رديت عليهم..كل تفكيري و نظراتي تتابعه وهو ياي صوبي.........مسكت أنفاسي بقوه ...انا الغبيه ليش يلست هني لو شردت للمكتب احسن...نفخت صدري و تساندة ابين اني قويه وداخلي ارتجف خوف.... شفتها وهي يالسه و لا هامنها ناظرتها بقسوه و مشيت بسرعه برع قبل لأغلط عليها و اسويها فرجه ....وصلت البيت و شفت شموو يالسه تاكل قطوتها ،استغربت من رجوعي بسرعه و ثيابي كلها وسخه،كتمت ضحكتها و قالت :شو مضارب حقرتها ،مالي بارض لها...سرت غرفتي بسرعه ابدل ، ابي ارجع الشركه علشان الف على الاقسام.....و الله يا خالد جان خليتها تروح البيت قبل ردتي لأرويك.... انا بداخلي اغلي ابي ارويها شغل الله كيف تتطاول علي........دخلت الشركه بسرعه الى الاقسام...كنت متوتر و فيني قهر...مريت بسرعه على الاقسام لين وصلت قسمها...تحمحمت ودخلت...شفتها واقفه على السلم معطتني ظهرها ترتب الملفات قالت: هلا استاذ خالد......تاخرت.قلت ارتب الملفات الا راجعناها.....لفت تطالعني ارتبكت و كانت بطيح....تمنيت من خاطري تطيح علشان اضحك عليها بس خساره تماسكت بالمكتبه بقوه..سكت اطالع فيها ابي اربكها ازيد....هي تمت واقفه مكانها فوق و انا بجنب السلم ....شلت نظراتي من عليها وقلت تعالي تحت.............شفتها ما تحركت ...صرخت تعالي نزلت بسرعه و انا احاول اتماسك وما ابين ربكتي... و بدلتي كانت طويله دست عليها كم مره كنت بطيح بس اثبت عمري بالمكتبه ...انقهرت الحين بيقول عني خايفه .\ رفعت راسي و قلت نعم مشى ببطء لعند مكتب خالد و تم ساكت فتره و بعدها خذ نفس و قال: ما تحسين عمرج انج تماديتي مها تسوي عمرها بريئه: انا شو سويت.......... ليكون تقصد الا استوى بالكفتيريا ...ما كان قصدي ...مجرد حادث ...و انا اتمايل بمشيتي لما وصلت لمكتبي و قعدت لأني حسيت جسمي كله يرجف من الخوف.... صدق مستقويه...بس رجفتها تبين انها خايفه ..سرت لعندها و نحنيت جهتها و صار خشمي جريب مره من خشمها .... عيبني ارتباكها ....مديت ايدي للنظاره و شلتها من على عينها..انبهرت بعيونها و جمالها..........غاصت عيوني في نظراتها ما قدرت امنع نفسي او ابتعد.....انا عارف الا اسويه غلط و أي احد يشوفنا جي بيفهم الموضوع غلط........رن موبايلي ...كأنه منبه ...رجعت النظاره على عينها ..و ساندت ايدي على كرسيها ..ما كنت ابيها تشرد او تتحرك ...شفت المتصل خالد..... ابتسمت ورديت: انت وينك خالد: انت الا وينك .... انا خايف ارجع المكتب و تم الاخت تحن على راسي تبي ترجع البيت و انا ما اقدر عليها.........و انت شو عليك منها خل تولي....انا بصراحه ما اروم عليكم فهد: خلاص تعال انا في مكتبك خالد: اه يالمكار ... الحين ياي سكرت التلفون ...و رجعت اطالعها...... اول مره اتعامل مع وحده بهذي الجرئه ... من عرفت انها كانت خطيبتي ....احس انها مسؤوله مني .... و ضمن ممتلكاتي ......... و لازم اوقفها عند حدها....... قلت وانا ابتعد عنها : ما ابي اشوف حركاتج المايعه مع احد انت فاهمه.....صديت اشوفها ساكته ما ردت علي ....و الا و الله لعلم عليج ابوج ..... و خليه يقعدج بالبيت ابرك لج....و الا صار اليوم بعديه بمزاجي ... انت فاهمه....و طلعت من المكتب...ما كنت ابي اشوفها اخاف اضيع بنظراتها.... ما كملت الاقسام الثانيه مالي مزاج..........رجعت الى مكتبي.. دخل خالد المكتب ويلس على الكمبيوتر ... و انا ما زلت بمكاني ما تحركت و لا غيرت من قعدتي...هو كيف تيله الجرئه و يعاملني جي ......... و الله يقهر ...و بعد ربع ساعه قمت من على الكرسي و رحت للسلم ابي اكمل شغلي ... ما راح اسمح له يغلبني او يخوفني بتهديداته... انا يايه هني اشتغل و راح اشتغل.... اتحرك بالمكتب بكل بساطه و لا كانه مستوي شي و انا حاسه بنظرات خالد علي ... ما عليه شكله متفق معاه ... بيلك الدور خلود الدب... و انتهى هذا اليوم بأحداثه الكثيره و الشيقه لأبطالنا ... فهد كل ما غمض عيونه ترجع له نظراتها و عيونها ما قادر يفارق خيالها مها منقهره موت منه ... و حرمت تشتري غدا ... و اعتمدت على البنات اما خالد ما زال مستغرب من ردت فعل صديقه فهد من مها شو سر العلاقه من بينهم ... اول مره يشوف فهد مهتم باحد ..... و يغار بعد ... الشله عرفت ان فهد هو نفسه خطيب مها الا رفضها .... و الكل تعاطف معها بس بتحفظ....هم عارفين المها زين تقدر تاخذ حقها بروحها ... عسب جي كانوا يحاولون يمتصون غضبها بسرعه ببعض حركات الاستهبال .... | ||||
|  |
|
21-11-08, 08:44 PM
| #12 | ||||
| الجزء الثاني مرت الايام و ما بقى ل3 أسابيع الا يومين ................... كان تعاملي مع خلود مثل ما طلب رسميه من الدرجه الاولي .......حاول وايد معاي ارجع شرات اول بس يحلم هو.... و كل ما يشوفني اضحك و اتمسخر مع صديقاتي......... يقولي عيل هني تضحكين..........!!!!!!!!!ساعات يغمضني وايد..... و احس عمري قاسيه........ على قولت الشله المرأه الحديديه...............تساندت على الكرسي... وطلبت من حصوووو تييب لي الغدا حصوووو : انت أيه تحسبيني شغاله عندج قومي بروحج رديت عليها و انا ادلع : الله يخليج حصوووو...... انت تعرفين ما فيني اسير هناك.... حصووو: انا اقول نشي سيري احسن لج ........ علشان تتأدبين مره ثانيه و ما تحتكين في احد مها: اف عليج ............انت عارفه انه مو أي احد.......و انه يكره يشوفني عمى.... الا يقول ما كله حلاله...؟؟؟ حصوووو: ما ينلام من الا سويته فيه .......... شفتها كشرت و رفعت حواجبها الاثنين...كملت اكلي و ما علي منها..... كنت يعانه الا بموت يوع ... من هذاك اليوم ما صرت اسير عند الكشير لأني لازم امر بجنب طاولته ... و انا ما ابي..... حتي لما يمر على الاقسام ما أرفع راسي و اطالعه الا اذا كلمني مباشره.... يعني متجاهلتنه ...الحين هو موجود...خطرت على بالي فكره ... تحمحمت ونشيت شوي شوي و بكل دلع ... لفت انتباه الشله تمو يطالعوني و هم عارفين اني مدام تحمحمت يعني ناويه على شي... حصووو: مهووو قعدي انا راح اييب لج الغدا ... ادري انج شريره و ناويه على شي. حقرتها و سرت و انا ادندن مريت بجنب طاولته هو وخالد ...كانوا يناقشون موضوع و سكتوا لما مريت جنبهم....حسيت بنظراته علي و كأنها تحرق ظهري...طلبت لي بيف بورقر و عصير برتقال..... و انا افكر شو اخذ حلا مها: اممممم ما عندكم شي يديد لاعت جبدي من هذا الحلا : شو يبي ... هذا كيك انت كل يوم ياكل مها: لا و حافظ شو اكل بعد.............و انا ادلع اممممممم مليت منه عطني جلكسي ما قدرت امسك عمري و انا اشوفها قاعده تدلع على الهندي...رجعت الكرسي لورا بدفاشه ،مسكني خالد و قال :فهد لا تتهور ............. خل البنت بحالها فهد: لا تخاف هذي مو من مستواي...... و انا ما انزل مستواي لها تجدمت صوبها تحمحمت وطلبت بيبسي ...لفت تناظرني بكل هدؤ ...... و شلت صينية الغدا و سوت لي طاف.......قاهرتني هذي البنت ... تطالعني بكل غرور........... تجدمت ناحيتي تبي تمر ......بس هم انا اعرف اطنش و لا كانها جدامي تنتظر .... ضحكتني لما مرت بحذالي و دفتني بقوه....و هي تقول و الله انك تقهر ...ضحكت و الا تقول سخيف .... تعال عاد سكتني لين اضحك ...شفتها تمر بجنب خالد الا ما قدر يمسك ضحكته مها و هي معصبه منهم : وانت بعد مثله سخيف. رجعت لخالد و الابتسامه ما زالت على ويهي ... اقول خالد شو قالت خالد: قالت اني سخيف مثلك........... انت شو عليك منها ...ليش تتحرش فيها تنهدت وقلت تعرف سالفة خطبتي الا تكنسلت..... هذي هي خالد استغرب ... انت ما تقول انها ما اعرف شو وشو و سكت..............بس مها غير فهد: وهذا الا قاهرني ... احس اني ظلمتها ............و الغريبه اني احس اني مسؤول عنها ... بعدين غيرت الموضوع ..... ها باقي يومين اول ما تستلم تقريرها تقيمها و اطرش لي الملف.. خالد: تعودت عليها ...............شفت فهد عصب..... اعوذ بالله منك محد يروم يسولف ابد.....حشا علينا عن تاكلنا...... دخل خالد المكتب يدور بعيونه عليها ...استغرب تاخرها ...راح عند المكتب يكمل شغله ...بعد 10 دقايق دشت المكتب و هي ترمس بالموبايل مها : استاذ خالد ممكن و هي تاشر على الموبايل تستاذن انها تكمل حوارها ....لأنه ممنوع اشرت عليها اوكي بس 5 دقايق......ركبت السلم تبي تنزل الملفات الباقيه عسب تخلصها اليوم و تفتك... و هذا النشبه خالها مو راضي يفهم انها مشغوله مها بصوت واطي: خالي الله يخليك انا الحين مشغوله خالي: افا عليج انا الحين ارمسج من لندن و مخسر عمري و انت مسويه حقي طاف .... الشره مو عليج الشره علي ما عطنج ويه ضحكت برقه و قلت: عن الدلع الزايد ...كلها مصالح يا حلو....... مو علينا هذي الحركات... يالله باي ... اكلمك باليل .... سكرت الموبايل و تحركت اشل الملفات..شفته واقف عند الباب و شكله معصب .... اكيد سمعني ارمس بالموبايل و هو ممنوع.. قلته ....... شو انا استاذنت من الاستاذ خالد..... حول نظراته لخالد و كانه يلومه.....اف منه انسان معقد...نزلت هذي المره من الربكه ما قدرت امسك عمري و كنت بطيح .... بس فهد مد ايده بسرعه حقي و ثبتني ........ و الله اني انحرجت و احس ويهي صار احمر....تم يطالعني و شكله مقهور مني .......قلته و انا احاول اسحب ايدي من ايده ...لو سمحت........ بس حسيت فيه يضغط عليها بقوه اكثر....ناظرت خالد الا تحمحم و قال : فهد ما صار شي انا سمحت لها ترمس بالموبايل لأنها مكالمه مهمه لها...... فهد: خالد انت تعرف القوانين هني .لو سمحت لها ترمس برع .وقت الشغل شغل..... مها تفكر متوتره من وجود فهد و هو بهذي العصبيه .......حرام يبت له الكلام ........ بعدين لف لي و قال لفت نظر........و اشر بصبعه جدام عيوني و هذي المره راح احرص اني اثبته........... وطلع انا من استوعبت الموضوع ......لفت نظر.......يعني بقعه سوده بملفي ...........كل بسبت خالي الزفت... لحقته و هو طالع من المكتب ....استاذ فهد .... كمل طريجه و لا كانه يسمعني ......... مشيت بسرعه اكبر و وقفت في طريجه....... و ما همني الناس الا تناظر قلت: حرام عليك و الله انه خالي الزفت متصل من لندن و ما قدرت احقره... كلها عشر دقايق بس......شو لفت نظر ......... و الله لتخرب علي تخرجي من قالت خالي و انا ارتحت .......... انقهرت لما سمعتها تتكلم بهدوء و تضحك بدلع و تواعده.... و عطيتها لفت نظر من قهري.......كرهت مشاعري بقربها ،حاولت ابتعد شوي و قلت لها خير ان شاء الله .......تعديتها و كملت لفي على الاقسام و هي مو تاركتني .... اشوفها وراي في كل قسم حتى ربعها استغربوا منها ......شفتها تقرص ربيعتها لما علقت عليها بانها ذيلي ... عيبني التشبيه ههههههههههههههههههههههههه ههههههههههههههههههههههههه هههههههههه وصلت مكتبي و هي بعدها وراي وقفت فجأه و التفت لها: نعم قالت بدلع: و الله حرام عليك ........ تخيل اسلم تقريري و انا عندي لفت نظر .......... منو راح يقيمني على شغلي .....بقولون هذي اكيد مسويه شي جايد........... غمضتني ....قلت خلاص انلغي بس لا تعيدينها............شفتها بعدها مكانها ما تحركت...رفعت لها حاجب واحد استفسر سبب سكوتها.......... :خالد حرام ، تهزبه ............ كل مني انا .هو اصلا لو قال لا ما بعطيه سالفه و ........!! انقهرت منها ليش تدافع عن خالد .... الحمدالله انها ما باجي شي و تروح قسم ثاني........ فهد: ما عليج منه الحين ارمسه .......... و مو بكل قسم شرات خالد طيب ......و حطي في بالج اني راح اخذ بتقيم كل رئيس قسم ........ فمن الافضل تنتبهي .......سرت عنها و كان ودي اتم و ما اتحرك من مكاني. رجعت للمكتب و انا اقول لخالد..........عفان الله .... بالقوه لغيت الفت نظر ...... اول مره اشوف احد بهذي القسوه... و لا تخاف قلته يسامحك بعد......... قعدت على الارض ارتب الملفات...........ابي اخلص شغلي اليوم رن تلفون المكتب ورد عليه خالد بكل هدوء ...ِشكله بعده متضايق.......نعم...........مو مشكله صراحه محد مطلع عينك الا هي............تستاهل .......علينا و الا انت متى تراجعت عن أي قرار........خلاص...........باي امرك اليوم... حسيت انه يتكلم عني ...لا شو اخرف انا وش على من فهد....!!!!!!!!!!!!!!!!!!!!!!!! ++++++++++++++++++++++++++ في المسا و انا راجع البيت سمعت حشرة شمووو و احمد و الوالده و الوالد حسيت اني من زمان عنهم...دخلت سلمت ...بست امي على راسها و ابوي في أيده.......و الاهذي الخبله شموووو تنقزعلى و انا بوسني على خدي.........دزيتها خوزي عني ...لأكفخج مدت بوزها و قالت:سبحان الله هو مهووو نفس الطبع و الغرور........احسن لما كنسلت عنها.. ما فينا يطلعون عيالكم عليكم. ابتسمت لها لأول مره على طاري الخطبه و الله ما عادت تزعجني...و عيبني تعليقها (لنا نفس الطبع)ههههههههههههههه انا مغرور مثلها شموووو: فهد شو بلاك ....اشوفك مبتسم ليكون مريض...... فهد: اقول شموووو و انت بعد تشبهينها في دلعها و مياعتها عصبت شمووو :عادي ربيعتي مو خطيبتي ...........ضحكتنا عليها ...... احمد: ما رديتوا على المعرس انحرجت شمووو و تمت ساكته ، فهد اونها تستحي شمووو: فهود احمدو ما يخصكم فيني........بعد انا و مهووو متفقين ناخذ معرس واحد.. ابتسمت لها اغايضها : يعني تبين تاخذين ريلها ... و تنقلب الصداقه الى عداوه ابتسمت و هي تطالعني :منو قال اني اقدر اخذ ريلها ...........ما هو بيكون اخوي و انا متسانس على الاخر و عايبتني الفكره.......بس من كملت حجيها انصعقت ... شموو و هي تمط الحجي مط : احمدواا قال بيفكر فيها...........مالت عليكم بنت و لا احلى و اخلاق و مترددين فيها ..صدق ما عندكم سالفه انا التفت لأحمد اشوف ردت فعله شفته فعلا يبتسم و امي و ابوي ساكتين للأول مره من ينطرى هذا الموضوع........صرخت فيها شمووو ..؟؟؟؟؟؟؟؟البنت مو بايره و الكل يتمناها ...شفت نظرات الاستغراب في عيونهم اول مره ادافع عنها ... انا بروحي استغربت ....نشيت من عندهم وقلت: احمد ما راح ياخذ شي هو ملكي .....و طلعت بسرعه الى غرفتي ... افكر بالا قلته ...و كأني فتحت لهم المجال ...........اف انا ليش استعيلت ..... احسن من ياخذها اخوي و اموت بحسرتي....و راح اماطل لما احمد يخطب حد ثاني ...........رغم اني واثق في اخوي بس مو واثق بابوي عادي يغصبه .....!!!!!! شمووو تتناطط شفتوا قلتكم ....... كنت حاسه انه تغير من ناحيتها ...كل يسال عنها و ياخذ اخبارها...يبا و يما محد ييب له سيرت الخطبه مول لازم هو يي لأبوي ويطلب منه يخطبها و انت ما اوصيك يبه سنعه زين... احمد: الله يعينك اخوي طحت بايد شمووو ........ الله لا يبلينا .... اخت شما لو سمحتي اصرفي عني النظر ... ما اباج تشوفين لي عروس .... و سحبتها من اذونها فاهمه......... و الا جبرتج تاخذين عريس الهنا .................. شمووو: يبه شوف ولدك بو فهد: خل اختك بحالها انا ييني شور ما ازوجها ابد........راح توحشني شمووو: لا و الله تبني اعنس ضحكنا على خبال شموووو شو يمكن يصير بين ابطالنا ؟؟؟؟ وين راح توصل العلاقه بين الاثنين ؟؟؟؟؟؟؟؟؟؟؟؟ ممكن احمد ياخذ مها ؟؟؟؟؟؟؟؟؟؟؟؟؟؟؟؟؟؟؟؟؟ | ||||
|
| |
|
21-11-08, 08:45 PM
| #13 | ||||
| الجزء الثالث اليوم عزيمت شمووو لبست احلى فستان عندي و سويت شعري و فل ميكب و تعمدت ارسم عيوني بحيث اطلعا اكبر من هي بالواقع مي: مهوو علميني كيف ترسمين عينج جي مها : حبيبتي عيوني بروحها حلوه انا بس اكحلها........... شو رايج فيني و انا الف حول نفسي مي: كانج متعمده تتعبلين بعمرج جي مو ارتبكت ما عرفت ارد عليها ..... قمت فريتها بعلبت المناديل...و هددتها عندج دقيقه اذا مانزلتي تحت راح اتركج و اروح عنج مي: لا و الله بذليني و الله اعلم عليج ابوي............. حمد طلع ارحم عنج .... وصلنا بيت شمووو بسرعه قبل المعازيم عسب اسوي لها شعرها.... و انا نازله سكرت باب السياره على العباه...... مي : انت فضيحه كل مره اقولج لمي عباتج ,,,الحين لو احد طلع شو بسوين..... تركتها تعابل في عباتها وسرت بسرعه الى الفله ...اسمعها تناديني ......صدمت في احد و انا احاول الملم عمري و اغطي شعري مو منتبه حق الا صدمني.....قلت بصوت واطي سوري ...رفعت راسي شفت الا صدمني رافع حاجب واحد و كأنه يتمصخر علي...قهرني قلت: نعم في شي ........... رد علي الله ينعم عليج .... بهرني جمالها , ما قدرت امسك عمري و اسال عن اسمها.......... انت مها .......... قلت في خاطري لا يكون هذا فهد ......... قلت له لا ...و ين شمووو.. اشر لي على السلم ورحت ركض و تهيأ لي اني سمعت ضحكته..... اما مها لمحت فهد نازل من سيارته و ياي صوبها و هي من ربكتها ما عرفت تفتح باب السياره علشان عباتها...تمت واقفه تعابل في المفتاح .... قرب صوبها ......مساء الخير ....... ما رديت عليه ...تبين مساعده ...و يا يتقرب صوبي ...ياربي هذا شو يبا.....رفعت عيني ابي ارد عليه . تعلقت عيني بعينه وكالعاده تمينا نناظر بعض فهد .......انبهرت في عيونها .... و غصت في اعماقهم .... مديت ايدي اخذ عنها المفتاح و فتحت السياره ... سحبت عباتها بسرعه و انحاشت ... ابتسمت من ربكتها نست المفتاح عندي احمد: و الله انه فيلم هندي .....جان لزقت شوي بعد فهد: احمدو يوز عني .... و انا اتأمل مفاتيحها في ايدي احمد: أي هذي مفاتيح مو هي.........شفته يطالعني بنظرات ....بس ما تنلام اذا تشبه اختها ... قاطعته بسرعه...انت شفتها ......احمدوو ترا و الله ......... احمد: ههههههههههههههههههههههههه أي شفت اختها .... لكن الثانيه حبيبتك ما واحاني .. عصبت : احمدو انقلع اقول.... تقرب مني احمد وحط ايده على كتوفي و قال : لا تكابر ... باجر يمكن تطير من ايدك ابتسمت و قلته : مستحيل اصلا من كنسلت الخطبه و هي ما انخطبت مره ثانيه ... بعد هي مو حبيبتي.... شفته يبتسم و هز راسه وسار : كيفك انا نصحتك... اما مها من وصلت عند شموو ويها احمر و قعدت تسب في مي لما قالت بس مي: انا شو علي ليش ما تنتبهين مها: انا شفته نازل و زقرتج بس انت طنشتيني.... لو تميتي عندي جان ما استوى شي مي شو استوى يعني .. خطيبج و مسك ايدج عادي.... و الله اني عصبت عليها و فريتها بالمخده و شموو حاولت تصلحنا بس منو يقول مهووو لعصبت ...........!!!!!!!!!و مرت السهره و انا ميته قهر و ساكته غير عن عوايدي ... و الشله ماخذه راحتها يالتنغز.........طبعا عرفوا الموضوع من بو لسان ميووو............ في نهاية السهره استاذنا انا و مي عسب نروح.... مي:مهووو بس عاد بطلي هذي التكشيره مها ...حقرتها و انا ادور على المفتاح ما لقيته.... لفيت لمي ... مي ما حصلت المفتاح... ليكون عند اخو شمووو.... شفتها تبتسم ...و قالت منو راح ييبه من عنده... [/right] حست بوزي لها ... انت طبعا لو تبين اسامحج..... شفتها لفت و قالت اوكي انا راح اييبه مو مشكله عندي....... شفته طالع من الديوانيه ..و ياي صوبي ...تحركت بسرعه لعند مي و كأني اتحامى فيها ... مي تطالعني مستغربه ... و تابعت نظراتي .... الزفته شفتها تبتسم ..... تقدمت منها و شفت اختها الا احمدوو قاعد ساعه يتوصف فيها ... حلوه بس مو مثل مها...مديت ايدي اعطيها المفتاح ...شفت مي تتراجع لورا و تخليني مواجه مها ... فأطرت تمد ايدها و تاخذ مني المفتاح ... لمست ايدها مره ثانيه و كأن الكهربا مسكتني .... شفت ايدها ترتجف ...سحبتها بسرعه و نزلت راسها ... سمعت اختها تقول : اشكري الريال عيب عليج .......كأنها شمووو عفان الله نسخه.... تحمحمت بصوت واطي و قالت شكرا ... وسارت سيارتها ,,,قلت لها لاتسرعين.....سمعت ضحكت مي و ردت علي افا عليك ....و لا يهمك .... اخليها تمشي على 60 زين ... يالله باي ... و تاشر علي باي....سحبتها مها بقوه ... تعاتبها و انا رايح للفلا و اسمع صريخهم........ شفت احمدوو قاعد يتغزل في مي......قعدت بحذاله اسمع سوالف شموو عن العزيمه... قلت : احمدوو بس عاد انت ما شفت البنت الا مره ولحقت تفصلها جي........... احمد: احسن عنك مسوي فيلم هندي عند الباب فهد: تعرف تستاهل تاخذها ...لأنها نسخه شمووو ... بطلع عيونك زين تضحك شمووو .... منو نسخه مني ميوووو ... لا عيل انت بعدك ما عرفت مها عدل .... اعتدلت بيلستي وقلت قولي و الله .... عيل البيت بنقلب حرب...... ضحكوا على احمد و شموو ... اوني صرت رومانسي ما افكر الا فيها..................... مها ما قدرت ارقد وشريط الا صار يتكرر في مخيلتي ........ مستغربه من فهد و تصرفه اليوم معاي ....ممكن يكون تغير ....ممكن يكون بدى يفكر فيني مثل ما شموو تقول ....... بس الصراحه انا مستغربه من عمري اكثر ..... اول مره اتم ساكته و ما اتحكم بمشاعري او حتى اعرف اتصرف........... شكلي رحت فيها ......اف منج شموو ودي اذبحج دخلتي هذي الافكار في راسي ...... | ||||
|
| |
|
21-11-08, 08:49 PM
| #14 | ||||
| الجزء الرابع يبدأ يوم جديد من يوميات خطها القدر بين اثنين نعيشها خطوه خطوه نستمتع بلحظاتها يوميات تحكي حب بين اثنين ممكن اي واحد يواجه قريب من الواقع و قريب يتعمق فينا احداث يديده في يومياتي اتمنى تعجبكم اليوم راح نجتمع مع المدير عسب يعيد التوزيع.... حصووو: كأني اول يوم اداوم .. ولازم احاول اتأقلم فطيم: الحمدلله افتكيت من الديوانيه و الله يعينه الا راح ياخذ مكاني ..... اذيه تعليقات يوميا شو لابسه و اذا كررت ثيابي ياويلي و لون الروج..... و تعالوا لو لبست لون البدله غير عن العباه ... و نغزات في الرايح و الياي ضحكنا عليها ... و انت ساكته ما تشتكين فطيم عيل مثلج كل يوم مسويه فيلم هندي........و الله مشتاقه لليوم الا تروحين فيه الديوانيه... ضحكت عليها ...كنا نمشي في الممر الى يودي غرفة المديرقلت بدلع: انا حرام عليج.....اسالي خلود كيف كنت طيبه.... عزوه: اونها طيبه العبي غيرها يا ماما دخلنا غرفة المدير أشرت لنا السكرتيره ندخل الى قاعة الاجتماعات ...... شفنا فهد و رئساء الاقسام يالسين ينطرونا فهد: مرحبا ...ها شو النفسيات .... تكلمت كل وحده عن شغلها و موقعها و عن الاراء و الاقتراحات الا ممكن تقدمها... الكل قدم اقتراحات فطيم: احسن اني كان بامكاني اقدم اكثر ... بس الجو موكان مناسب ........يعني كله شباب و كاني داشه ديوانيه...شفت فهد ابتسم لها ..... مها: مكاني ممتاز ، و تعامل المدير هم ممتاز ... و مالي اعتراض الا على السلم ... كم مره بغيت اطيح.....رفعت راسي طاحت عيني في عينه و كملت و عيبني البرنامج اليديد وايد... حصووو: مكاني الارشف كله غبره .... فاول شي شريت ممسحت الغبار و نظفت المكان كامل و كل صبح انظف.... و انصح الصديقات العزيزات باتباع النظام و الا سلموا على عبيكم ... عيبتني تعلقاتهم و مقترحاتهم كل وحده و تتكلم بطبيعتها .... و تم التوزيع ....مها راحت الديوانيه على قولتهم...تضايقت ... خالد كان يالس على قلبي و الحين الخمس شباب ...مع خبال هذي المهووو ... ودي اغير بس ما اروم.....اثنيت على شغلهم و تمنيت لهم التوفيق...... مها و هي تتافف :اف كان ودي اروح الارشيف على الديوانيه حصوو: تضربها على ظهرها انت لها .... بنت قدعه ... اشوف ربيهم .... علشان لما يي دورنا يكونون خالصين مادبين...ههههههههههههههههه� � مها :هيه ضحكي شو عليج .... و اشرت لهم و دخلت قسمي ...سلمت و سألت عن مكاني وواحد من الشباب دلني عليه....و قاعدين يتغامزون ...بس على منو .... على بالهم اني مثل فطيم...طيبه وتسكت عن حقها......قبل لا اقعد على الكرسي شفت ماي ..سألتهم منو حط الماي على الكرسي ...الكل سكت ...اوكي راح اعديها هذي المره بس و الله راح اشتكي لكل واحد يقل ادبه ... فخلوني مادبه معاكم ... أفضل مو....مسحت الماي و بديت ارتب اغراضي .... و ياك رئيس القسم و علمني الا لازم اسويه ... و الله الشغله سهله و حلوه..... قبل موعد الغدا سمعت واحد من الشباب يعلق ... مو هذي الا كل يوم مسويه فيلم هندي مع المدير.... رفعت راسي و طالعته بنظره يعني هي مو عاجبك..........كمل : اوه شو كل هذا الغرور... اخيرا وقت الغدا ... ركضت للكفتيريا... كنت اول وحده واصله من البنات قعدت اتنهد ...مو عايبني القسم نهائيا ... ما فيني على المشاكل .... شفت شلة الانس يايه ... ها بنات وينكم تاخرتوا حصوو: نحن تاخرنا و الا انتي يايه ركض.....شكلج مليتي مها : هيه و الله تعليقاتهم تلوع بالجبد ... غير اني ماسكه عمري غصب فطيم : طنشيهم .....خليج طيبه معاهم عسب تكسبينهم ... على الاقل تتجنبين نارهم تنهدت و انا عيني على الباب الا دخلوا منه الشباب ... قلت كملت ... مرو من صوبنا وكل وحد يعملي حركه .... الحمدالله و الشكر ...هذولا يهال منو يشغلهم .... و الله طفشت ... شفت فهد وخالد داخلين و على طول للكاشير يطلبون غدا.....و نشوا البنات بعد ...بس انا و الله انسدت نفسي تميت اراقبهم من بعيد و حصوو الخبله تسوي لي حركات .....اونها ماخذه لها غدا مثل فهد و تبي تقهرني .... سرحت ابتسم لها تقرب واحد من الشباب و حط لي صينية غدا .... هذي غدا صلح شو رايج.... ابتسمت له ...ليش يعني .... احتار شو يرد علي بس بعدها قال ...شكلج من اهل المدير و ما نبا نتمشكل معاه.... ابتسمت له و قلت رغم اني مو من اهل المدير بس راح استغل الفرصه و اوهمكم اني من اهله.... ضحك الشاب واخذ راحته معاي ... و الله انج طلعتي شي ها .......اوكي اخليج على راحتج ...... كنت ادور عليها بعيوني ابي اشوفها وين واقفه .... بس تفاجأة انها مش موجوده ...تلفت يمين يسار وين سارت ....ناظرت طاولتها شفتها يالسه مع واحد من الشباب و تبتسم له بكل هدوء و دلع ... حسيت عمري بنفجر.....بس تماسكت و غصبت عمري اتحرك و اروح طاولتي ... و لا اناظرها و الا ارتكبت جريمه ..... تقربت مني حصوو و هي معصبه : انت خبله كيف تقعدين مع واحد من الشباب .... و الله اني شفته منقهر ... شفت ايده ترتجف ... و الله العظيم اني خفت ليفرني البصينيه الا معاه.. مها: حصوو بلاش تقطين خيط وخيط تدز راسي و تقول: فهود يالغبيه ... شفته عصب لما شافج معاه.... هزيت كتفي و لا هامني: و خير ان شاء الله ..... زميل عمل عادي ..... اضن يتراوى لج... ليش يعصب يعني هو الا مديري حصووو: انجبي اكوا ياي صوبنا ... و الله محد مفضحنا غيرج....طالعتها بنظرات معصبه منها... التفت صوب فهد ... شكله يخرع ... و عيونه يتطاير منها الشرار.....حصووو من زيغتها نشت بسرعه و ركض لعند ربعها .... اما انا ما قدرت اشل عمري او حتى ابعد عيني عنه....حط ايده على الطاوله و انحنى صوبي..... فهد: اذا اول يوم يابوا لج غدا عيل باجر شو راح يقدمون لج..... شفتها انصدمت و فتحت عيونها اكثر....... و الا انا محتار له شو المقابل......... عصبت و رجعت كرسيها لورا بقوه قالت : احترم نفسك و عن الغلط ...... و قدموا لي غدا انت شو لك .... و الا تحسب عمرك خطيبي مثلا..... نرفزتني : انت اطولين.......و اذا ما عندج بيزات راح اعطيج.........بس لا تقبلين شى من غريب و الا ابوج ما علمج............سكت و قلت الاصووووول مها: الا هو غدا صلح.......و مسكت الصينيه من طرفها و دزتها حقي ... و قالت اشبع فيه....تركتني وسارت ..... اخذت نفس ورجعت مكاني ....... وانا الوم نفسي على تصرفي الغبي... كان لازم امسك عمري .......ليش تصرفت بهذا الغباء..... عيوني انترست دموع .... بس مسكت عمري .... مو انا أصيح على سبب سخيف ..... يقولي انت اطولين تكونين خطيبتي..... شو فاكر نفسه ....و الا يحسب اني ميته عليه او تحطمت لما تركني ....من الله كنت مغصوبه عليه..............!!!!!!!!!!!! حسيت بايد احد على كتفي ...شفت البنات كانوا حواليني .....ما قدرت امنع الدمعه الا خانتني و نزلت من عيوني....هم الا عاشوا مأساتي .... انا صح ما اثرت على فك الخطبه وايد لكن اثر علي الكلام الا انقال بعدها ... تشوهت سمعتي ... و كانوا هم السند القوي الا اعتمدت عليه ..... حصوووه: الله يغربل ابليسه ..... شو يتفاخر بعد.....!!!! عزوه: انت قهرتيني بعمري ما شفتج بهذي الانهزاميه.....ليش خليتيه و رحتي ...جان تميتي يالسه و كليتي الاكل................ فطيم: قومي نرجع .... قاطعتها و الله اني ما اروم اشوف الاكل ...جان تبوني ازوع عليكم ( ارجع) عادي بيي... فطيم: الله يقطع ابليسج.............لوعتي بجبدنا حصووو: حبيبتي بتروحين البيت رفعت راسي و انا اكابر لا.... عادي ما صار شي ...........تبيني اروح البيت ومن غير ما خذ حقي ..... ما عرفتيني عيل ............... سيرو تغدوا بسرعه ما باجي شى حصووو: هي هذي مهوو الا نعرفها .... سي يو طلعت مكتبي ادور على شغله اسويها لما تمر النص ساعه الباقيه من وقت الغدا............ في الكفتيريا..... خالد يهدي في فهد ........ خلاص الا صار صار ليش تاكل بعمرك...... فهد: انت ما تعرف شو خبصت........بس البنات اكيد سمعوني وانا اهينها.... خالد: اكيد مافي شك ..... شوفهم كيف يطالعوك....كاهم يايين صوبنا ...... لا ترفع راسك ما فينا على المشاكل حصوو: الا ما سمعتي عن الشخص الا رافع راسه فوق .... مصيره يطيح على بوزه عزوووه: امين يا رب وتتكسر اسنانه كلها ... اقول امشي بسرعه عن الجو الا يخنق في هذي المنطقه...(الا هي جدام طاولة فهد و خالد) خالد تنرفز من حركتهم باين المقصود ..... من وين ياتهم الجرءه...الحين هذا شو يسكته...وهويطالع فهد..... و فتح فمه على الاخر وهو يشوف ابتسامته ...توقع كل شي الا الابتسامه...جان اقول الحمد الله و الشكر .... انت كل ما تنسب تضحك....... فهد: شمووو قالت ربعي نسخه عني... وما صدقتها ... لكن الحين تاكدت.....اتخيل لو شموو كانت موجوده و الله انها راح تمسح فيني البلاط.......... خالد: انت شو تبا في البنت..... اذا عايبتنك سير اخطبها و فكنا من صدعت الراس هذي فهد: تعتقد؟؟؟؟؟؟!!!!!!!!!!!!!!!!!! لا ما توصل الى هذي الدرجه......... انا بس حاس بالمسؤوليه ناحيتها..........نش خل نروح تاخرنا... ولتقوا بالبنات مره ثانيه ... بس هذي المره البنات يرمسون من غير ما يدرون ان فهد وراهم يسمع كل كلمه تنقال.... حصووو: و الله انها تغمض ........ رغم كل الا مرت فيه ... و صداقنا الطويله.......بعمري ما شفتها تتاثر بهذي الطريقه عزوو: شفتي كيف عيونها كانت شوي وبصيح.... انغلق المصعد و راحوا من غير ما يدرون تاثير الكلام الا انقال على فهد....شد على ايده بقوة لدرجة انغرزت اظافره في لحم راحت ايده.... هو بروحه حاس بتانيب الضمير و بعد هذا الكلام شو بنسيه.....فكر فعلا انه يعتذر ..... هو اهانها و جرحها.....قرر يروح لها المكتب و يعتذر لها خالد: على وين .................... فهد: بروح اشوفها ... خالد: انت خبله ... مو كافي الا استوى جدام الكل ... بعد تروح لها عسب تشعل نار الاشاعات.. فهد : و الله انك صادق..........بعدين بمر الاقسام بطمأن عليها.... خالد يتجه الى مكتبه ...عدال ..ليكون مريضه .....اقص ايدي اذا ما كنت تحبها.... فهد وقف مكانه و كأنه تفاجأ بالكلمه ...رغم انه مو اول مره يسمعها.....هز كتوفه وبدأ الجوله على الاقسام..... +++++++++++++++++++++++++++++ المها محطيه ايدها على خدها و عامله نفسها مندمجه بالا اسويه ، تدون بعض المعلومات ...دخلوا شلة الديوانيه و كل واحد يوجه لها نظرة انتصار ... ما همها و ما عطتهم سالفه...سمعت تعليقات وايد...لفت انتباها تعليق رفعت راسها تستفسر عنه مها: شو قلت وليد: انت الا بديتي تهديدات.... وقلتي بتعلمين المدير و نحن سبقناج استغربت ...كيف يعني احمد: عادي يبنا لج غدا و علقنا انتج اخذتي منا غدا ....عند المدير ...ههههههههههههههههههههههه� �هههههههههه........و المدير ما يحب هذي الحركات .... وليد: مسكينه خذتي تهزءه محترمه بعد ما استوعبت المقلب الا مسوينه فيني ...ضحكت بصوت عالى ...صدق يهال...كم اعماركم...عني اعطيكم ثانويه عامه..... تنرفزوا ما توقعوا يشوفونها تضحك... و تقول عنهم يهال.....ذكرتوني في الكليه و لا استاذ سلم منا ... كل يوم مقالب .....ههههههههههههههههههههه مره استاذه غلسه و رافعه خشمها ما رضت تعيد لنا امتحان..... يبنا صرصور و حطيناه في دفتر الدرجات و ضغطنا عليه .... يع تخيلوا انفعص ..و مصارينه خربت معظم العلامات ... اضطرت تعيد الامتحان للفصل كله.......... رغم اني كنت ارمس بسرعه و اضحك بس ما فاتني اندماجهم معاي ... و الله يبالهم اخوي حمد و تكمل الشله.... دخل المدير و استغرب من الجو الا في الغرفه ... كان متوقع كابه ، بس الا يشوفه الحين ضحك و وناسه ... هذي الزعلانه ... و الله انها تقهر.... تحمحم فهد: السلام عليكم ......... الكل انتبه له ... و رجعوا مكانهم.....خير ان شاء الله ضحكم واصل اخر الممر وليد و الا يستوي بن خالة فهد: و الله الانسه مها وناسه ... اتاريها طلعت صاحبة مقالب مثلنا يركز فهد نظره حق وليد: ليش بديتوا مقالبكم عليها.....و ما فاته ابد نظرة الارتباك الا في عيون وليد: ها .....!!! قاطعته مها : لا بس شكلي راح اتعاون معاهم فهد يناظرها : خليش بحالج انت ما تعرفينهم هذول بلوه .... مها: هذا اذا كنت ضدهم ... فهد تنهد ولف على الشباب ها شو سويتوا بالمشروع.....!!!! واحد من الشباب : كل شي تمام و الحين عطيناه حق الانسه مها تكمله..... الثاني : المفروض تسلمه اليوم مها: أي مشروع ما عرف عنه شي وليد: هذا الا في ايدج مها تناظر الاوراق الا في ايدها : أي بس اتوا قلتوا انكم ما مستعيلين عليه... و ما في احد اكد على اهميته فهد: أي ورقه تستلمينها تعتبر مهمه ..... انت يايه تشتغلين .... و الا شو مها تطالع الشباب و لا كانهم مسوين شي .....خلاص اليوم اخلصه و ايبه حقك المكتب..... فهد: اتمنى انج تهتمين بالمشروع والا اضطر اسحبه...... مها انقهرت و عرفت ان الشباب نجحو بالمقلب الثاني..... سكتت و ما ردت عليه... فهد: ما سمعت ردج مها : ان شاء الله تنهدت و رجعت الى كرسيها و هي تفكر فعلا هذولا بلوه ... ما اروم لهم بروحي , ياريت شمووو كانت موجوده.... | ||||
|
| |
|
25-11-08, 11:37 PM
| #15 | ||||
| الفصل الثاني الجزء 5 انتظرت الى نهاية الدوام ...عسب اخلص المشروع الا في ايدي... ما ابي اعطي فهد أي مجال للتعليق... و البنات روحوا مع عليا.. تنهدت و رجعت لورا...هذا شو يخلصه ... باجي لي وايد...شلت الملف و رحت الى مكتب المدير ..تفاجأة انه طلع و لا هامه المشروع و انا مبققه عيوني فيه مها: كيف يطلع و هو طالب مني هذا الملف السكرتيره: مش عارفه .. و انا دلوأتي طالعه كمان مها : ممكن تتصلين فيه وتعلمينه... السكرتيره : اوكي........ ايوه استاذ فهد... الانسه مها يايبه معاها الملف مها: عطيني بكلمه.....مرحبا...تكلمت بسرعه... الصراحه انا ما خلصت..... قاطعني بعصبيه: عيل ليش يايبتنه............. مها و انا مرتبكه من عصبيته: في اشياء وايد ما أعرفها و احتاج مساعده رد بقسوه: انت بدل لا اضيعين وقتج تضحكين ويا فلان و علان جان اهتميتي بشغلج .... نرفزني....و تميت ساكته ما يسمع الا تنفسي السريع.... رديت عليه بهدوء عكس مشاعري الا احس فيها: انت تعرف اني ما بديت اشتغل فيه الا من 4 ساعات .. و انا مو قوقل عسب اخلص ملف فوق 500 صفحه بهذا الوقت..... و كملت بدلع : و الله و لا احد خبرني عنه الا جدامك .......تميت ساكته و هو بعد ساكت اوكي راح اخذه البيت و اكمله قاطعني بسرعه : لا ما في ملفات تطلع برا الشركه...قعدي خلصيه و بعدين روحي شهقت : تخيل ... الكل طلع و انا بروحي هني و الله اخاف ناظر بساعته شافاها الساعه خمس........خلاص باجر تشتغلين عليه و ما ابي أي تاخير او.... قاطعتني اوكي باي و سكرت التلفون...تميت اناظر الموبايل و تذكر هدوءها و دلعها لما ردت علي .... هذي البنت بتخبل فيني....... رن الموبيل مره ثانيه رديت بسرعه عبالي هي طلعت هذي الخبله شموووو/ نعم شو تبين شمووو: انت وين .... مها لين الحين ما ردت البيت فهد: عارف لأنها عندها شغل شموو: و اش معنا هي الا تشتغل بروحها من غير البنات....شكلك قاصد تعذبها نافخت و رديت عليها: شمووو زولي عني و قطعت الخط اتصلت مره ثانيه : شو عندج بعد شمووو: فهود حبيبي موبايلها يعطي مغلق و ميووو حاشرتني .... فهد: و انا شو اسوي : روح شوفها ................قطعت الخط مره ثانيه في ويها هذا الناقص اروح اطمأن عليها.... هي في الشركه يعني منو بياكلها...بس الافكار تمت تاخذني وتيبني .... اذا استوى بالبنت شي منو المسؤول مو انا...غيرت اتجاهي و رديت الشركه..... شفت سيارتها ما زالت في الباركن... و هي الظاهر داخل السياره ....عيل ليش ما راحت...يمكن السياره خربانه .....نزلت و تقدمت من سيارتها بهدوء............شفتها مغمضه عينها ومتسانده علي الكرسي....يا عيني شكلها تعبانه .... و انا اضغط عليها في الشغل ....دقيت على الدريشه بشويش عسب ما اخرعها... اما هي فتحت عيونها بسرعه و خايفه..... بس حسيت فيها ارتاحت لما شافتني....... سألتها : ليش ما روحتي مها: اسخن السياره .... الحين اروح ............. ما لها خلق تحتك معاه وايد ....... كفايه الا ياها منه اليوم...... فهد: و ين موبايلج....... العائله محتشرين يدورونج... ليش ما تخبرينهم بتاخرج تدور على موبايلها و شافته مفضي : اف انا دوم جي انسى اشحنه....و تحركت تدور الشاحن ووصلته في موبايلها.... مديت لها موبايلي و طلبت منها تتصل لأهلها هزت راسها بالنفي : ما كو داعي الحين يشحن و اتصل للبيت فهد : بلا عناد ... خذي اتصلي الحين ... و الا تبيني انطرج لما يشحن الموبايل اخذت عنه الموبايل و دقيت على البيت: هلا يما .....لا انا في الدوام ..... سوري الحين راده.... يمه انت تعرفين سوالف موبايلي انسى اشحنه ........ خلاص يمه الحين يايه بالطريج....باي مديت ايدي له ارجع الموبايل : شكرا بس هو ما حاول ياخذه مني و قال: دقي على رقمج ..... عسب اطمان انج وصلتي البيت شفت علامات التعجب و الاستنكار منها و قالت: ما كو داعي بس انا قاطعتها : خلاص راح الحقج بالسياره للبيت مها: ما يحتاج و الله ....شو هذا النشبه ..... وسجلت له الرقم و عطيته .... ممكن اروح الحين ابتسمت بانتصار ووقلت لها تفضلي و لا تسرعين....... وقفت بالسياره و نادتني : ممكن اعرف انت ليج اسوي جي..... استغربت من سؤالها...... يعني وايد موظفين يتاخرون مو معقوله تاخذ رقم كل واحد عسب تسال عنه ... تقربت منها و نزلت لمستواى راسها : تقارنين عمرج باي موظف عادي.....شفت ويها يحمر و بعينها الارتباك .....غير عاد وصية الوالد فيج....و شمووو تحمحمت بصوت واطي : ممكن اتحرك الحين ...صوتها انتشلني من الافكار الكثيره الا تدور في راسي ...دق على بعد نص ساعه بكون واصله البيت .... اشرت لي باي استغربت من طلبها .. انا صح راح ادق عسب اطمأن عليها ... بس ما توقعت انها تطلب مني هذا الشي....شفتها تسرع ...هذي منو عطاها ليسن ....؟؟؟!!!!! سرت بسرعه الى سيارتي و لحقتها ...... لما وصلت منطقتهم غيرت اتجاهي الى البيت .......مسكت موبايلي ابي ادق عليها . ما طول و الا واحد هندي يرد....سالته منو انت قال دريول ما ادري منو...!!!! ضحكت على خبال مها ... حلوه هذي تعطيني رقم دريولهم بدل رقمها ... يعني ما اقدر ايبه ...!!!! شمووو: لا انت صاير لك شي..... وايد تتبسم و تكلم عمرك....ليكون تحب رفعت راسي اشوفها بنظرات .... شفتها تنحاش و انا وراها الى ما وصلت دارها و قفلته عليها : فهود حبيبي و الله اتغشمر معاك .... عفان الله شرير.... كنت ابتسم على خبال شمووو و متسانس وايد.... على بالج انج انحشتي .... انا ما مسكتج بمزاجي...... اتصلي لربعتج و قوليلها تنرد لج....فتحت شموو الباب بسرعه : منو ربيعتي فهد: في غيرها الا منغصه على حياتي ..... شمووو: الله فهود انت تحبها .... و قبل لا تنحاش زخيتها من شعرها .... انت أي وين قاعدين حب و خرابيط.... شووو: شو اسمي اهتامك فيها عيل .... ها قول فهد: عادي و لا تكبرين السالفه........ يالله زلفي ++++++++++++++++++++++++++++++++++++++++++++++++ مها داخله البيت و على ويها ابتسامه حمد: عدال لا يشقق ويهج .... انت وينج...نحاتيج مها : اول مره اشوفك مهتم يعني .... و تحبني وايد حمد : وع عليج ..... انت و اختج منو معطنكم مقلب في عمركم .. تيي مي من ورا حمد و تدزه .... انت هي ليش محتر منا....جمال و دلال ودلع حمد يحط ايده على يبهته :::: بس و الا يرحم والديج لا تقصين على عمرج................ تتخصر مي لا و الله و تغمز لمها و هجموا الاثنتين عليه و عطي بكس و دغدغه لما قال بس : و الله لأرويكم يا الزفوت.... و بدا الركض و كل وحده تشرد لغرفتها و تقفل الباب عليها... رن موبايل مها ردت عليه تنافخ .... الو شموو: مهووو شو مسويه باخوي تاخذ نفس و تيلس و ترد بدلع: منو انا حرام عليج ما سويت شي.... شمووو:عيل ليش يقول دقي لربيعتج و خبريها مردوده.......... اعترفي احسن لج لأيي بيتكم الحين و خليج غصب تعترفين ..........تروح غرفة اخوها و هي محطيه اسبيكر.... مها ماتت من الضحك بدفاشه ...... و تسكت شوي و تكمل ضحك مها: الو شموو معاي شمووو: لا في الحمام .........ليش وقفتي ضحك جان ضحكتي بعدج..............ضحكتي من زورج ..............اي....فهد ضربها بقوه على راسها مها: حرام عليج.... و الله اخوج المحترم طلب رقمي و عطيته رقم الدريول......هههههههههههه ....بس شمووو: و الله اعلم لك ابوي .........لحظه مهووووو خل انحاش.......................... طول الصمت و اخيرا.......مهووو تدرين ان اخوي العزيز سمع كل كلمه قلتيها... مها شهقت و عصبت على شموووو: شمووو انت غبيه و الا تستغبين ....كيف تخليه يسمعني قاطعتها شمووو: يالغبية و الله انه انقهر لما ضحكتي عليه مها: صدق ......... شمووو: وضربني بقوه على راسي لما دعيت عليج مها:ههههههههههههههههههههه� �ه تستاهلين..................شمووو و اخوج شو سالفته ليش يعاملني جي شمووو تقط عمرها على السرير و تقول و الله ما اعرف ...بس كفايه صار من المدافعين عنج ..و صار يتقبلج .... و دايما الابتسامه على ويه..........احس انه مها : شمووو سكتي ما ابي اسمع شي.................... انت تعرفين هو منو و شو سوى شموووو: بس مها لا تستوين حقود.......... انا ذليته ذل ... بالنزله و الصعده اذكره شو خسر ...بس عاد سامحي................... مها مو متخيله ان فهد يرجع يخطبها لثاني مره ... بس اخذت كفايتها منه .... و ما تبي تخسر صديقة عمرها الا وقفت بجنبها ضد فهد................ بس ما راح اسمح لأحد يحطني بموقف سخيف ثاني. | ||||
|
| |
|
25-11-08, 11:46 PM
| #16 | ||||
| الفصل الثاني الجزء6 ايام تمضي و نحن نعيش احلى ايامها لتبقى ذكره في دفاتر الذكريات اليكم جزء جديد من يوميات يعيشها ابطالنا منها السعيد و الاخر حزين بس تبقى روح المثابره و الكرامه فوق كل شي و احيانا يطغي الحب و تتكسر كل الحواجز وصلت الشركه بسرعه قبل الساعه ثمان.... رحنا المكتب انا و البنات ووزعنا مفرقعات صغيره الا تنقع اول ما ندوس عليها جنب الباب و عند مكتب كل واحد من الشباب.... و حطيت على كرسي كل واحد مثل اللعبه الصغيره اول ما يضغط عليها احد تطلع صوت يضحك....البنات رجعوا مكاتبهم بسرعه قبل لأحد يي يشوفهم معاي....و قعدت على كرسيي اراقب .... اول الواصلين وليد داخل يدندن و رايق على الاخر ... داس على المفرقعات ...هههههههههههه تخرع و قعدت اضحك عليه بصوت عالي..... طالعني بنظره معصب و سار للمكتبه و قعد .... طلع صوت ططططططططططررررررررررررررر رررررررر ...نقعت من الضحك... و هو تفشل و قال ههههه سخيفه و جديمه .... اشرت له يسكت و نراقب الباجي .... و كل واحد له ردت فعل تضحك .....كله و لا الصوت الا يطلع من الكرسي و ليد ما رحمهم و انا من كثر الضحك ... مسكت بطني و احس ياني مغص ..... الحمد الله الشباب على بالهم وليد مسوي المقلب فيهم ... و قعدوا ينغزونه بالحجي .... و انا اسوي عمري مو فاهمه عليهم ....بصراحه ما أبي افهم احس قصدهم وسخ......هم عاد كلهم شباب و تعليقاتهم مع بعض ما تنقال جدام بنت..... دخل مدير القسم المسؤول عن المشاريع و لف نظراته علينا كلنا.... كان مستغرب من حماس الشباب و صوتهم العالي : اول مره اشوفكم جي مصح صحين ........... وليد: مها لها الفضل موزعه رد بول على الشباب ناظرته معصبه ..... يقهرون يعاملوني كاني واحد من الشباب قلت: لا اصدقه استاذ ..... هم متحمسين زياده اليوم ما ادري شو بلاهم.... قالي: شو استوى بالمشروع مها: في اشياء مو فاهمتنها و اشياء ثانيه مو واضحه ..... يعني ابي مساعده....... قال: حولي الملف الى الشباب هم المسؤولين عنه اول ما يخلص تستلميه انت ...لأنه في المراحل متقدمه و انت ما تفهمين عليها ... تحتاجين وقت .... مها: و انا قاعده عليه لوقت متاخر ....!!!! : هم لازم بعد يخلصون اليوم ..... و ما شي رجعه للبيت الا بعد ما ينتهون منه لفيت اشوف ردت فعل الشباب ..... شفتهم مكشرين .... ضحكت عليهم ... اونهم معطيني الملف عسب ابتلش فيه و هو من مسؤولياتهم .... قمت و شليت الملف و سلمته لأحمد قلت بدلع: تفضل لفيت ابي ارجع مكاني شفت فهد ساند عمره على الباب و يطالعني بنظرات تزيغ ... ابتسمت بهدوء و يلست على كرسيي....و انا اردد ما يهمني ... قال : صباح الخير.............. الكل رد بس انا تميت ساكته و ما رمست ... تقدم من مدير القسم وليد و سال عن المشروع ...... وعداه ان اليوم راح يستلمه......... طلع و هو يغلي بداخله منها .... كيف تتعامل مع الشباب بهذي الطريقه .... الحين تفتح لهم مجال القيل و القال... عكرت له مزاجه و اليوم كله ...... صار مثل الكبريت ........ ++++++++++++++++++++++++++++++++++++++++++++++++++ ++ وقت الغدا....... البنات اجتمعوا في الكفتيريا من غير المها ....رفضت تنزل ..... على قولتها ما تستوي المشاكل الا في الكفتيريا عسب شي حرمت تروح و اكتفت بالكوفي بس..... فهد هم اعتكف كم يوم عن الكفتيريا على قولته ... ما ابي اشوف رقعت ويها..... بعد ثلاث ايام فهد افتقد وجود مها في الكفتيريا... اشتاق لدلعها و ضحكتها العاليه...حتى مياعتها ...كان يكره كل شي فيها و الحين يا سبحان الله يحب كل شي فيها..... ويكابر فهد: و الله الاكل من غير شوفتها ما ينبلع خالد: ايوه تكلم العاشق ...... ها اقول غرد زود فهد: اتكلم جد..................... اشتقت لها مو.....................و سكت خالد: مو كانك امس قايل ...فكه منها .... مو طايقنها و ما ادري شو فهد: كنت معصب منها تقهرني ...... بس ما تلاحظ حتى البنات ما لهم حس وهي مش موجوده... خالد: قول الا الكفتيريا كلها ما لها حس .......ههههههههههههههههههههه� �ه ليش تطالعني جي...اعوذ بالله من شرك .........تغار...ههههههههههههههه هههه فهد : خالد ما لي بارض لك .....لو سمحت يوز عني...................تنهد فهد ....بس شو حادنها ماتيي ...هني ضحك خالد بصوت عالي ....÷هههههههههههههههههههههه ههههههههه فهد وهو ينش: قلعتك ...!!!! رجع المكتب وهو يفكر بمشاعره ناحيتها .... هو ما متاكد حب و الا اعجاب ..... انزين ليش اعصب من أي كلمه تنقال عليها .....مريت بجنب مكتبها شفتها تشرب كوفي و تتعبث بالقلم بايدها.... ما قدرت اقاوم دخلت لها و انا اتحمحم.....رفعت راسها تناظرني ...طاحت عيني بعينها ... سالتها اول شي خطر على بالي : ليش ما تنزلين للغدا مها ارتبكت متفاجأة من وجوده معها و من سؤاله اكثر ..... قالت بجرأه بسني من المشاكل .... يتقرب فهد منها و صار الفيصل بينهم الطاوله بس....اذا قلت انت رحتي و الا يتي المشاكل وراج.. رفع ايده يسكتها قبل لا تقول شي و كمل: لأني بصراحه ما ارضى اشوف الغلط و اسكت ... خاصة منج مها .........نرفزني هو منو مفكر عمره .... بصوت عالى شوي : انت ما يخصك فيني ...اسوي الا اباه .... و الله عندي اب و ام و اخو للمعلوماتك بس............تفضل عندي شغل هذي شو عندها ..... عصبت منها ............ و اشرت لها تسكت ............ما ابي اسمع كلمه انت فاهمه ... والا تبين تقرير كامل يوصل لأبوج...... وتيسين في البيت ابرك لج مها: انت شو انت ما تفهم .... منو عطاك الحق تتحكم فيني ....خلني بحالي ... و الله النفس عافتك.......... فهد و هو ضاغط على نفسه بقوه : انا الا من سنه فريتج و مسحت كرامتج بالارض و الا نسيتي.. اول ما شاف ردت فعالها على كلامه ... ندم على الا قاله ....و الله اني غبي ... كل مره ابي اصلحها اعميها..... مها ويها احمر و ارتبكت ... ما قدرت تمسك عمرها ...حطت ايدها على ويها تحاول تتماسك ... بس ما قدرت تخبي رجفت ايدها و لا الدموع الا تجمعت بعينها ..... فهد ما قدر يتحرك من مكانه ... ما طاوعه قلبه يروح ويخليها بهذي النفسيه.... حط ايده في شعره بارتباك ما عارف شو يسوي..... فهد: اسف ما كان قصدي ...اهينج .... و راح اصلح الغلط...... وطلع....ماله نفس بشي غير يهرب منها و من ضعفه جدامها.... +++++++++++++++++++++++++++++++++++++++++ مها استاذنت و رجعت البيت كرهت كل شي الشركه و صاحب الشركه....كانت نفسيتها زفت و حمدت ربها ان اليوم الخميس ... عندي يومين راحه.........استغربت من تصرفاته ليش يعاملها جي .... لو احد ثاني بقول يمكن يغار ..بس فهد مستحيل ............غير انه اعتذر لي ...قال بصلح الغلط أي غلط...يا خوفي الا ببالي ........اف و الله لأموت نفسي ساعتها...............!!!!!!!!!!! سرت لغرفتي و على طول للسرير و من زود التعب رقدت و ما دريت بعمري الا على اذن الفجر..... مي:مهووو و يهد قومي ما صليتي العصر و المغرب و العشاء و الحين الفجر مها: الله هداج مييييوووو ليش ما صحتيني .......كل هذا رقاد مي: انت عاد سكتي و لا كلمه اونه ليش ما صحتيني ............شمووو ماذتني تباج ضروري .....لا اطالعيني شي ........ ما يخصني هي الحين داقه .. صلي و دقي لها مها مالي بارض لها باجر برمسها ..............قمت وصليت كل صلواتي ...... دقت لي شمووو بعد ساعه .........هلا شمووو شمووو : بلاج ما تردين و الا ما تبين ترمسيني يعني ... اعترفي مها: و الله خلقي ضايق من اخوج .... و مسوي عمره ما ادري منو ......... تقاطعني شمووو : لو سمحتي لا تغلطين على اخوي..... مها : شفتي ما كنت ابي ارمسج على شان ما اقعد اسب فيه ..............شمووو يتحكم فيني يحاسبني على كل شي .......... و الله ضايق خلقي منه......... تغيرت نبرة صوتي ... يحسسني اني وحده صايعه وضايعه و مالي اهل .....صحت ما قدرت امسك عمري.... شمووو: بس حبيبتي خبريني كل شي و انا اراويه شغل الله مها بعد ما هدت شوي: يهددني اذا ما اصطلبتي و الله اعلم عليج ابوج .....................و حكيت لها كل شي شمووو: يالخاينه ليش ما قلتي لي من الاول .......... اذكر انج قويه شو الا صار مها: قلته امس انت منو تحاسبني انا عندي اهل .............تدرين شو رد علي........ و تغير صوتها مره ثانيه .............. انا الا من سنه فريتج و مسحت كرامتج بالارض و الا نسيتي.... و صاحت مره ثانيه اما شمووو عصبت منه .. اخوها ما يستاهل احد يعطيه ويه...............مهو اياني و اياج تصحين ...ما احيدج انج صياحه ................... و الا باخذ حقج ... مها: لا شمووو ما فيني على المشاكل شمووو منقهره من مها : انت غبيه .... وين اسلوب التطنيش و القهر البطئ ..... زيدي منه و شوفي النتيجه اذا ما ياج يركض لا تقولين شموو بعد فتره قعدت بحالي افكر انا ليش استويت جي سلبيه و حساسه و الله لأرويك يا فهود الزفت... اصبر على .... تمنين ان الاحد يي بسرعه ...فيني حره الا ارويه شغله.............. | ||||
|
| |
|
25-11-08, 11:53 PM
| #17 | ||||
| الفصل الثاني الجزء 7 اليوم الموعود الاحد... كانت نفسية مها توب و مزاجها رايق ... تعدلت و رسمت عيونها رسم ..ببرز لونها و لبست احلى عباه عندها....نزلت الدري خطوه خطوه وهي تتمخطر .... حمد: شو هذا الزين .... ناويه على منو مي تدزه و تشوف مها: على الناطور اكيد مها: جب انت و ياها عن المصاخه الزايده...... انا كل يوم كشخه و مرتبه ...و اشرت لهم بتطلع وصلت مها الشركه من وقت .... اليوم هي رايقه على الاخر ...رمت المفرقعات الصغيره في المكتب .... وقعدت تنتظر الشباب استغرب وليد من وجود مها من وقت .... و قال :صباح الخير ..... اليوم يايه من وقت ...وهو واقف عند الباب متردد يدخل ..... شو مجهزه اليوم ضحكت عليه و قلت يالخواف .... ما جهزت شي .. ....دخل بشويش وداس له كم وحده و تم يتنطط .... وصل مكانه ينافخ..... اف منج تعبتيني... اضني دستهم كلهم .... عندج ثاني نفره حق الشباب ... مديت ايدي له اعطيه الكيس .... في هذا الوقت كان فهد عند باب المكتب .... يشوفهم قربين من بعض.... اف انا شو يابني هني ... انتبهت له مها ..ابتسمت وقالت : صباح الخير حياك تفضل..... فهد رفع حاجب واحد مستغرب منها ...تجدم شوي شوي وعيونه عليها ... ما فكر يشوف وليد او يسلم عليه ... بس فجأه انفجر شي تحت ريله و نقز بقوه متراجع على ورا ... و كان بيطيح على الارض بس تماسك و ثبت عمره .... و هو يشوف مها و وليد ناقعين عليه ضحك.... وليد: تعيش و تاخذ غيرها .... مها من كثر الضحك ما رمست و تمت تطالعه بنظرات ... تقول اشياء وايد عينه عليها و على وجها الا تغير بالضحك ..... ضحكتها حلوه وايد..ابتسمت في ويها ...ما قدرت اعصب و انا اشوفها بهذي النفسيه الحلوه.....سالت شو هذا وليد مستغرب من ولد خالته ما عصب و لا هزأنا و يبتسم بعد: هذا مقلب من مهوووو .... ما تقدر علينا و نحن خمسه ضد واحد ... قامت تسوي لنا هذي الحيل ... هذي ثاني مره و بعد تضحك علينا ..... تقص علينا بشكلها الهادي...!!! كان بقول مثل ما قصت عليك بس سكت ... ما فيه على المشاكل مع فهوود... حاول يشل عينه من عليها و هو يقول: مو ربيعت شمووو لازم هذي حركاتها... و طلع وليد مستغرب شو علاقة مها في فهد ...... ليش يطالعها شي ... و هي بعد ... اكيد في سر و راح اخذه من العله شمووو.......................قام و نثر بعض المفرقعات في الغرفه ... و قعد ينطرهم. ++++++++++++++++++++++++++++++++++++++++++++++ وقت الغدا قررت مها تنزل مشتاقه لقعدت ربعها وهي مصره ما راح تعطي فهد فرصه ان ينتقدها او يوجه لها أي اتهام....تذكر ردت فعله ... تضحك مره ثانيه و الله شكله تحفه.... انا كنت ابيه يعصب و يضارب ... بس تفاجأت فيه يبتسم و ما علق للموضوع....ما عليه المرات اليايه ما راح افوتها له.... و هي تتوعده وصلوا البنات و التعليقات عاد هلا منوره الكفتيريا ... شو هذا الحلا.....الخ دخل فهد و خالد عينه على مها ... اشتاق لها وايد....ابتسم وراح للطاولته........ مها: شكل فهود اليوم مفرش اسنانه زين حصووو استغربت : ليش يعني مها : ما تشوفينه كيف يوزع ابتسامات .... ضحكوا عليها البنات ... عزوو: انت ما عايبنج شي ..!!!! اذا عصب و الا اذا ابتسم...... مها: المهم يتم بعيد عني .... و الا ناويه عليه على نيه شينه حصووو: قومي خل نييب لنا غدا.... بنفس اللحظه الا مريت فيها جدام طاولته قام هو بعد و وقف معنا بالصف... كان وراي مره ... و حصوو الزفته .. كانت تسوي حركات و اضحكني بصوت عالى ... غير كل شوي و هي دازتني على ورا......مره ادق كتفه و مره ذراعه ومره صدره....كتمت انفاسي و عصبت جد من حصووو و البنات .... سمعته يقول بعصبيه : اعقلوا يا بنات.....انا بصراحه استغربت منه ما قام يوجه لي كلام مباشر و لا اتهامات بالمياعه و غيرهاااا مها: اقول يا بنات مو كان أسد الغابه راضي علينا اليوم تغزني حصووو بكوعها ..... و تجدمني قبلها في الصف ....... حصووو: انت لسانج طويل و يباهله قص ... شو عليج منه ... وهي تدزني ... امشي الطاوله بسرعه ... مها: اوه حصووو عن المصاخه ... خليني .... اف....قعدة على طاولتي أتغدا و عيني ما شلتها من على ظهره ....و كانه حس انه مراقب صد ناحيتي يطالعني و في عيونه كلام وايد .... فهمته بس ما ابي اعترف بمضمونه .... هذا انسان غدار ما فيني على مصيبه ثانيه منه... حصوو: مهووو بطلي حركات المراهقات هذي ... شلي عينج من على الريال مها التفت لها و قلت : ها عزووو: مها بصراحه شكلج تعلقتي بالريال ..... انا ساكته ما عرفت شو ارد .... كنت متوعده له اليوم بس من شفت ابتسامته و طيبته الزايده اليوم ما رمت اسوي شي..... قاعده اتبادل النظرات وياه صدقها حصووو حركات مراهقه مها : ها بنات ما شبعتوا........ونشيت قبل لأسمع حتى ردهم توجهت الى باب الكفتيريا و البنات وراي..كان وليد ينتظر.....شفته يغير اتجاه و يرجع داخل الكفتيريا ..... ما حطيت في بالي و الا شوي ادوس على شي و ستوى صوت خرعني و صرخت و البنات بعد ....اتاريه حاط المفرقعات حقنا ... صرخت اراويك وليد............... شفته يضحك و يقول : كما تدين تدان....ههههههههههههههههههه ههههههههههههههه فهد سمع الصريخ و الضحك .... التفت يشوف شلة البنات و الشباب مجتمعين و ضحك و سوالف ..استغرب من عمره ليش ما عصب او اتنرفز...بالعكس يحس انه اليوم سعيد وايد ... كفايه السعاده الا شافها في عيونها ....ونظراتها .......يا ربي على هذي الانسانه انا اعشقها وايد... خالد نظرات الاستغراب ماليه عيونه فهد اليوم غير احس انه مرتاح و سعيد .. اخاف اساله و اقلب المواجع عليه...قلت بصوت عالي الله يديم هذي السعاده يا رب....اكتفى بالابتسامه .... قلتكم مو طبيعي اليوم.........!!!!!!!!!!!!!!!!!!!!! بعد خمس دقايق يا وليد و قعد معاهم على الطاوله و هو ما زال يضحك وليد: هلا ولد الخاله شو الاخبار... فهد يعرف حركات وليد ورى ييته هذي شي قعدت اطالعه بهدوء وليد: اشوفك اليوم غير .... طيب و الابتسامه ما تفارق ويهك ......غير الاشياء الا سويناها ... ما علقت عليها ... خالد يبتسم: اليوم يوم مفتوح و لا تاخذها حلاوه ...... اعرفك زين فهد: شو سويت وليد استغرب :كل هذا وشو سويت !!!! لا انت صدق مو صاحي اليوم فهد: على الا استوى الحين بعديها لكم ... بس عن تحسب كل يوم عيد..... وليد: الا يياتك لقسمنا اكثيره هذي اليومين.....؟؟؟؟؟؟؟؟؟؟؟؟؟ فهد: وليد عن الحجي الزايد و قوم شوف شغلك....... ضحك وليد : و الله اول مره اشوفك جي ..... وين شمووو عنك فهد و نظرة تهديد بعيونه : شكلي بحلف ان يوزك شموووو نقز وليد ووقف بسرعه: لا ريال اتغشمر.... خبله قالولك اخذ شمووو الخبله...!! ...ما قهرني الا الوالده ما رضعتها وفكتني من اذيتكم ......باي فهد و خالد ولد عم وليد ...ضحكوا على خبال وليد..... يدرون ان وليد وشمووو ما يطيقون بعض... فهد تنهد : تعرف خالد رغم ان الاثنين ما يطيقون بعض الا اني صدق ابي ازوجهم ... وين بحصل واحد شرات وليد.... خالد: كل شي نصيب .... و انت شو عرفك يمكن تكون من نصيبه............... ++++++++++++++++++++++++++++++++++++++++++++ وليد تعكر مزاجه من طاري العرس ... امه تبي غصب ياخذ شمووو و هو ما يحبها و يعتبرها شرات اخته....هو تربى في بيت خالته و يعتبره البيت الثاني له ... من بدا طاري وليد لشيما و شما لوليد قطعهم كلش.. الا بالمناسبات ...صار له سنتين ما شافها و لا احتك معاها مثل قبل.....الا بالتلفون طبعا...............تذكر خبالها وشقاوتها وهي صغيره وكيف كان هو و احمد اخوها يلحقوها من مكان لمكان ... كانت مثل ظله ... الكل قال انها اخذت الشقاوه منه ...هي نسخه صغيره عنه ...طول عمره يعتبرها مثل اخته.....رغم فرق السن الا بينهم ما يتجاوز الخمس سنوات................ تحمحمت مها وهي واقفه بجنب مكتب وليد لها فتره وهو سرحان ما يرد عليها... : وليد خير شو فيك وليد رفع راسه :لا ابد سلامتج ...تبين شي مدت ايدها تعطيه الملف: تفضل جيك على شغلي ورجعت مكتبها...تم وليد يطالعها ....تذكر كلام فهد عنها ...ربيعت شمووو.... وليد : الا مها انت تقربين لبيت خالتي مها رفعت حاجب واحد وهزت كتفها :منو بيت خالتك وليد: فهد و شمووو و احمد مها : لا بس شمووو ربيعتي وايد ......... ليش تسال وليد ابتسم : سلمي عليها ورجع يطالع الاوراق الا في ايده..... مها تفكر ليكون هذا وليد الا كانت شموو تحكي عنه ........ يا ربي على حظي و حظها ....نحيسات..........طرشت مسج لشمووو ؛تعرفين وليد الا معاي في الدوام.... يسلم عليج ... اتاريه ولد الخاله العزيز؛.................................... . +++++++++++++++++++++++++++++++++++++++++++++++++ شموو يايه ركض لما سمعت رنت المسج فتحته على طول قرته مره مرتين ثلاثه ...هذي من صدقها....... وليد الخبله الا تتكلم عنه طلع وليد ولد خالوو!!!!!!!!!!؟؟؟؟؟؟؟؟؟؟؟؟؟ و الله وحشني من زمان عنه....كنت مثل ظله ... وين ما يروح كنت الاحقه وهو ابد ما رفض او يتضايق مثل خواني.......... من يابوا له سيرت الزواج منى انحاش ..... ليش لهذي الدرجه كارهني ...ما عاد اشوفه و لا ياك بيتنا .... و لما يي اتم في غرفتي و ما اطلع..... امي تحسبني استحي ...هههههههههههههه ... و انا منحرجه منه و منجرحه لرفضه لي و كارهتنه عمى ....ما قال الا انه يعتبرني شرات اخته ....انزين ليش ما تزوج لين الحين.... و الله يتج الفرصه يا شموو تروينه شغله............ بس انا ضعيفه جدامه ................. شوفي مها ..عرفت ان اخوي مديرها و لا همها ... سارت مرفوعت الراس ... و انا مو اقل منها ... و على طول اتصلت في ابوها شما: يبه ابي شغله اسويها بدل قعدتي بالبيت الاب: منو قالج قعدي سيري جامعتج شما: يبى تدري اني موقفه كورس عسب ارتاح و اريح نفسيتي الاب : خلصيني شو تبين شموو: ابي ايي الشركه عند البنات اخذ دوره تدريبيه ... تنفعني بعدين الاب: تعالي منو مانعج شموو: يبى انت تعرف فهوود.... الاب : ما عليج منه ... انا برمسه شمووو وهي تتناقز ...شكرا باباتي.... قفل ابو فهد عن شمووو ورفع راسه يناظر فهد: هذي شمووو ...تبي تيي عند البنات و تدرب معاهم فهد مو عايبنه الكلام ....... كفايه شموو مطلعه عينه في البيت بعد ايبها هني ... و تجتمع مع مهووو و الله كملت ابو فهد: ها شو قلت ..... انا اعتقد انها فكره زينه ... مدام ربعها معاها ...فرصه تاخذ خبره فهد: يبه انت تعرف شموو ....... الاب: خلها علي ...... بس انت وافق و حط شروطك ..... و اذا ما نفذتها .. اطردها قعد فهد يفكر.......... و الله فكره وبحطها مع مهووو ... علشان يكونون اثنين بدل مهوو بروحها مع الشباب... و بالمره تنغص على وليد.......ههههههههههه ... عاد يجتمعون وليد وشمووو و الله وناسه... فهد: خلاص يبه وقت الا تبا تيي خلها تيي.... الاب: اتصل عليها و خبرها خلها تفرح و حليلها فهد و هو طالع من مكتب ابوه: ان شاء الله يبه و كالعاده كمل مشواره اليومي و لف على الاقسام كلها .... وصل قسم مها ...دخل شاف الكل مندمج في شغله و المكان هادي غير عن عوايدهم فهد: السلام عليكم ........الكل رد السلام الا مها و وليد .... وهو يفكر مها وعرفناها دوم ما ترد بس وليد ...؟؟ غريبه فهد: وليد خير فيك شي.... وليد: يرفع راسه ... لا ابد .. بس مندمج بهذا وياشر على الملف سالهم عن الشغل و قبل لا يطلع قال وهو يطالع وليد: الا معاذ متى تبدا اجازتك معاذ: باجر ان شاء الله فهد: اوكي بالتوفيق ..... وليد ترا بتي متدربه ثانيه للقسم و بتقعد فترة غياب معاذ ... مها: الله اخيرا راح تدخل انسه ثانيه معاي الديوانيه ... يا رب تكون شريره عسب تعاوني عليهم فهد عيبتني تلقائيتها و عفويتها و قعدت ابتسم لها برقه فهد: من هذي الناحيه لا تخافين اضمنها لج مها: منو اعرفها فهد و هو يراقب وليد ..... يعرف وجود شموو هني ضربه قويه حق وليد ... ما يبي يخرب المفاجأه قال : خليها مفاجأه طلع ووليد ما شل عينه من على فهد و هو يرمس عن الضيفه الجديده .... و الله قلبه ناغزنه... تنهد و قال في سره الله يستر......!!!!!!! ينتهي يوم ثاني من يومياتي | ||||
|
| |
|
11-12-08, 07:26 PM
| #20 | ||||
| الفصل الثالث الجزء الاول اليوم راح القى حبيبي اليوم راح اسلم عليه ايام و ليالي بعدتني عنه بس هم احبه و اموت عليه شمووو ما خلت شي بالسوق الا شرته .... على قولتها للمواجه لازم ارويه شو خسر ... و كيف تغيرت وصرت بنت كبيره اعتمد على عمري ...بس اف سالفة السياره الا مو راضي فهد يخليني اسوق .... و انه البنات ما يعرفون يسوقون .... بشوف كيف راح يمنع مهووو عن السواقه....اتفقنا انا فهد نخلي سالفت شغلي سر عن مها ، كنت ابي افاجأها ........... اليوم الثاني لبست احلى بدله شريتها بلون البنفسج.....وعباة البشت..... وسرت تحت اتمخطر بمشيتي.....سمعت تعليق امي الا مو راضيه اشتغل مع فهد بنفس الشركه......دخلت وايدي على خاصرتي و ماده بوز..... لا و الله يوم افكاركم جي رجعيه ليش عيل ادرس و تعب حالي... فهد يضحك عليها و يقول: الناس تصبح بالاول...... شموو: صباح الخير احمد: عدال .... حاسبي ليطيح بوزج........ يوجه كلامه لأمه ....هذي منو راح ياخذها و يبتلي فيها....؟؟؟ الام: بنتي الف من يتمناها شموو وهي تتناقز: انتوا ما يخصكم في زواجي .... ما راح اتزوج الا بعد الاخ العانس فهد .... و العازب احمد.... و اربي عيالكم ...... فهد: خلاص بطلت ما اباج تداومين معاي شمووو تركض يمه و تحضنه : حرام عليك فهد ... انت حبيبي ..... اممممه و تبوسه..... فهد و هو يكره التلزق و البوس: اف منج خوزي عني شمووو: اول راح تاخذني معاك ... فهد : يالله نشي اشوف.. بسرعه .... تجدم بس رجع لها مره ثانيه ... اسمعي الدوام دوام ... مو تقولين انا بنت صاحب الشركه و اخوي المدير .... انا في الشغل ما اعرف امي و ابوي ... فاهمه........... و لا تتلزقين ... من اقول لا يعني لا شمووو: فهود ذليتني خلاص.... يالله امشي و الله مستعيله ابي اشوف مهووو... فهد : لا تخافين اول الناس الواصله ... ربعج و وليدووو... شموو ابتسمت و هذا الا اباه.... و مشيت ورا اخوها الى السياره..... ............................................ في الشركه كان وليد اول الواصلين .......ارتاح لما شاف مكان مها فاضي يعني ما شي مقالب اليوم ..... وصلت بعده مها و البنات .....التقوا مع فهد و شمووو ...... شموو: هاي بنات وركض لهم ....تركت فهد وراها ... و هي و البنات مسوين ضجه في الممر...ضحك و سوالف .... فهد : شمووو ما خلصتي ..يالله شموو: فهد ما راح تقدمني لهم...... البنات استغربوا فهد: و هو متملل من حركاتها .... هذي الاخت شما راح تشتغل هني معاكم .... و هو يناظر مها في قسم ..(.......) مها تسانست وايد :: الله معاي .... و الله حلوه ... و نبدأ حركاتنا النص كم شمووو: الا الكت كم ..ههههههههه وليد سمع ضجه و ضحك ... قال هذولا البنات و الله مسوين جو في الشركه .... و طلع يشوف بلاهم .... ما اهتم بعدد البنات .... بس تفاجأ بوجود فهد بجمبهم ... و باين عليه الضيقه .... اشر عليه ... راح له فهد وهو يتنهد... فهد: انقضتني منهم وليد و يشوف فهد بنظره: انقضتك منهم و الا شكلك عايبنك الوقفه معاهم فهد: مردوده يا ولد اخاله ..... تفضل داخل و ارتاح ..... البنات لحقوا فهد .... و دخلوا بعده للمكتب ... فهد: الا وليد بعرفك بالموظفة اليديده ... الي راح تحل مكان معاذ مؤقتا التفت وليد لها .... و شبه ابتسامه على ويه ... بس من شافها تفاجأ و تم مبهت فيها شموو استحت من نظراته .... تحمحمت و قالت شو اخبارك وليد..... وليد يحاول يتدارك الموقف و قال بسرعه الحمد الله ... ما شاء الله كبرتي و صرتي عروس فهد وهو فيه ضحكه من ربكت وليد .... وقال : الا ما راضيه تزوج و تفكنا .... ما تم احد الا و خطبها وهي مصره تزوجني .... و يطالع مها ..... و تزوج احمد...علشان تربي عيالنا مها: الا قول علشان تغصص بحريمكم شموو:هههههه و الله و يبتيها يا مهووو .... محد عارفني كثرج.... وليد و ما قادر يشيل عينه من عليها .... كبرت و احلوت وايد... و الا ضحكتها ................ شموو: يالله فهود وين مكتبي ... فهد يضربها على الخفيف بظهرها .... فهود في عينج....انا ما يخصني فيج انا المدير و هذا المسؤول عنج و هو ياشر على وليد..... يالله باي شمووو: بايات....... و لفت على وليد .... تنتظر يدلها على مكتبها .... وليد تنرفز من فهد .... كانه قاصد يحط اخته معاي في المكتب ... يبيني اواجه الشي الا كنت اهرب منه من زمان.... اشر على مكتب معاذ : تفضلي هذا مكتبج ... و مها راح ترويج الاشياء الا لازم تسوينها .... شمووو: يالله على الرسميه ....... يلتفت لها وليد: هني مكان شغل .......لا تفهميني غلط ..... بس الشغل كملت مهووو عنه.... الشغل شغل .... اف على اخوج ماثر على موظفينه عدل..... شمووو: تقوليني عنه ..... تعالي رويني شغلي .... مها و هي تكلم وليد: شو اعطيها ........... شو دراني انا ارويها الشغل ... من الله بروحي متدربه...سكتت شوي ...و كملت: رويها انت او واحد من الشباب ..... وليد مجرد فكرة انه راح يحتك معها مباشره وترته .... التفت لأحمد : رويها شغل الـ............. هو سهل كبدايه لها ..... الا شو تخصصج شموووو لهذي الدرجه نساني و نسى تخصصي : .................. مثل مهووو وليد بجديه: حلو ..... احمد استلمها تحرك احمد لمكتبها وسلمها كم ملف .... فتحت الملفات بهدؤ وهي منقهره من وليد....ورفعت راسها تشوف احمد .. احمد: اولا راح نبدأ بكيفية استخدام البرنامج .... و شرح لها عن البرنامج ... و هي مندمجه معاه ..تقرب منها يرويها التطبيق على البرنامج لدرجة شمت ريحة عطره...ما عيبها قربه منها بهذي الطريقه تراجعت لورا و داست على ريله صرخ احمد : أي ريلي ....دستي على ريلي شمووو: ضحكت عليه و قالت سوري ما شفتك....و بعد ابتعد شوي لازق فيني جي.... انحرج احمد منها ....... مها تضحك على شموو و جرأتها هي ما تعرف احمد و تتعامل معاه كانها تعرفه من زمان ... لفت نظرها حق وليد .... شافته عينه على الملف ... و مكشر .. هذا شو بلاه ... اول مره اشوفه جي ... دوم مسوي جو ... و ضحك... وليد ماسك بعض العقود يراجعها ... و يحاول ما يرفع راسه و يطالعها .... بس من سمع صرخة احمد و ضحكتها ما قدر يمنع عمره و يشوف شو الا صاير.....انقهر من قرب احمد منها .... بس عيبه تعليقها ...!!! هذي شموو ما تتغير ...بس الظاهر انا تغيرت..... قمت ابي اوصل الاوراق حق سكرتيرة المدير عسب تراجعها مراجعه اخيره قبل التوقيع....امشي بسرعه ما ابي اشوفها ..... شموو وهي تراقبه و هو طالع و تسال مها: هذا شو بلاه مها : و الله ما ادري ... احمد: ما عليج منه يمكن حبيبته مزعلتنه شموو ارتبكت اول مره تعرف ان وليد يحب احد ثاني .... علشان جي رافضني .... شموو تطالع في احمد ... ما خلصت مليت احمد و هو يبتسم في ويها : خلصت ابدي بتدخيل البيانات .... وليد: هذا الشي راح تساعدج فيه مها ... الحين هي هنيه من كم يوم اكيد تعودت عليه.... و يطالع مها ... تفضلي عندها للمكتب...احمد كمل هذي العقود لازم نسلمها اليوم مها و هي تساسر شمووو: شكل وجودج ماثر عليه شمووو: هي واضح .... و تطنز .... شكله خيفان مني مها تضحك .... : انت ما شفتيه امس مسوي مقلب في و في البنات عند الكفتيريا شموو منقهره : بس كم مره رمستي عن هذا المقلب فكيني من حشرتج مها: قولي منقهره ... شو رايج اكربعه (اطيحه) من الدرج ..... شمووو تضحك..... هههههههههههههههه حلوه وليد تحمحم بصوت عالي : بنات لو سمحتوا شموو: اوه هذا ناوي علينا شكله مها: وليد بس عاد .... كل يوم و نحن نشتغل على راحتنا و ضحك وسوالف ... شو صايبنك اليوم شموو: يمكن ما عيبنه وجودي .............. وليد طنشهم و ما رد عليهم يعرف مها لسانها طويل و شموو اطول.... +++++++++++++++++++++++++++++++++++++ وقت الغدا البنات اجتمعوا وسوالف وضحك شال الدنيا .... فهد وصل متاخر مر من جدام طاولة البنات و سلم .... و راح طاولته شمووو: اوه الاخ العزيز مطنشني يضحكوا عليها البنات .... الا منو هذا مو كانه خالد مها: هي هو تعرفينه شموو: هي ماخذ اخت وليد .... و هو يستوي ولد عمه مها: اتاري اهلج كلهم هني ....هذا خالد الا كنت ارمس عنه شمووو: و الله حركات خلودي... بس طيب انت الشريره مها : لازم تدافعين عنه شمووو: مهوو دوم اقولج حرام عليج خليه في حاله... مها: شوفي منو قاعد مع فهد .... رفعت شموو عينها و شافت وليد يسولف مع فهد و شكل الموضوع عني..... شموو: احس يحش فيني............... هذا خلود مخرب علي جان رحت لهم ارز فيسي مها: احسن بعد خليج عاقله..... حصووو: الا شو سويتي بالمعرس شموو: رفضت طبعا عزوه : ليش .. احس به مناسب شمووو: الله يخليج واحد و اسمه .... مطر ... وين يته الحلاوه مها: جان خذتيه على الاقل راح تضمنين المطر طول السنه ضحكوا البنات بصوت عالي و بدت التعليقات السخيفه...... التفت فهد حق الشله .... هذولا خبال... و زادتهم شمووو وليد: فهد خلك معي ..... ليش يعني ما تبا تنقلها من القسم خالد: لا تحاول فهد ... القلب و ما نقله تبي تنقل اخته ... الا مسليه القلب... فهد يطالع خالد بنظرات يعني انجب: وليد بس عاد الا هو ثلاث اسابيع و بتروح قسم ثاني وليد: بس وجودها معاي بالمكتب مو حلو ... يعني بنت خالتي و لازم اعاملها بحدود العمل .... ما اقدر.... خالد: انت ليش مكبر السالفه ... عاملها مثل مها عادي تنهد وليد و رجع على ورا..... كيف افهمهم ... اني ما اباها معاي علشان ما اكرها .... من زنت امي ليل نهار على العرس كرهت العرس و العروس ...و ما اقدر اعاملها غير عن الا اشعر فيه... خالد: يالله شباب ... بالاذن وليد: انزين انت تعرف تعاليقاتها الا تنرفز فهد: وليد بلاك ... ما اضن ان بنت تغلبك ... طنشها ... انا ما ادري شو الا غيرك مو هذي شموو ظلك ..... وليد: هذاك اول قبل لتكبر و اصير حرمه شما استغلت الفرصه و يت حق اخوها و قعدت مكان خالد ::مرحبا فهد: هلا ..شو تبين شمووو: طلب اصغنون و تاشر بايدها ... هالكبر..... فهد: قولي خلصيني ... بسرعه لأن عندي شغل شمووو: انت الحين من ساعه قاعد تسمع وليدووو و لما يت انا عندك شغل ... ابتسم وليد لها طول عمرها دلوعه ... و تغار من اتفه الاسباب فهد: يالله قولي شو تبين شموو: ابي ارجع البيت مع البنات فهد على طول و من غير تفكير : لا شموو: فهود الله يخليك........ بليز فهد و هو يطالعها بنظرات انا شو قلت لما اقول لا يعني لا شموو تشوف وليد: ... وليد اقنعه....شو فيها كلنا بنات فهد: انت خبله تركبين مع مها.... هذي ما تعرف تسوق شموو: و هي توقف ما عليه غير ما اعلمها و اقولها انك تقول ما تامن علي معاها... فهد يمسك ايدها: يلسي و الله يا شموو لو قلتي شي لها .... لأقعدج بالبيت شموو: اف شو ذالني وليد: فهد صادق مها وايد تسرع شموو اطالعه: يعني شو بيستوي .... بتسوي فينا حادث منموت يعني فهد عصب : شموو شو هذا الفال ... قومي سيري مكتبج و ما عاد تفتحين هذي السيره... شموو: اوه و الله اعلم عليك ابوي وليد هذي خبله احد يتفاول على عمره.... و هو يشوف ردت فعل فهد استغرب منها ... هو خايف على شموو و الا على مها...... وليد: ليكون القلب هو مها التفت له فهد و تنرفز ... هذا خالد ما يعرف يسكت فضحنا....: وليد قوم مكتبك احسن لك ضحك وليد ..... هههههههههههه : و الله و طحت يا ابو الفهود.... .................................................. ...................................... وصل وليد المكتب سمع ضحك شموو و مها و الشباب .....توقع احد الشباب ينكت بس الا تفاجا منه انها شموو هي الا تنكت.... و من شافته سكتت ....كانت تحكي لهم مواقف استوت لها مع وليد و اخوانها.. و من شافت وليد سكتت تخاف يعصب عليها....هو انقهر منها ليش تسكت يبي يسمع سوالفها.... مها: اقول ام مطر قومي شوفي شغلج ابرك لج تفاجأت شموو من اللقب ... الله يغربلها ما تقول الا عند الشباب راح يمسكونها عليها شموو: و ليش يعني ام مطر ... جان قلتي حمد و فيصل و عبدالله ... احلى مها: ههههه العبي غيرها ... ادري انج ما تحبين الاسم علشان جي راح اناديج فيه شموو: سخيفه .... يام الفهود كلها كان الحوار شموو على مكتبها و مها في الجهة الثانيه على مكتبها.... يعني الكل سمع ضحك عليهم وليد وهو عارف شو تقصد شمووو .... مها: ما يضحك ...... شمووو انت سخيفه شموو: انت بديتي ...... مها: انا ما اقصد شي شموو: احلفي انت بس مها: ما عليه غير ما اعلم عليج ......... شمووو: خوفتيني مها : في احد يحصل على مطر و يرفض و الله عندنا جفاف السنه شموو: و في احد عنده الفهود و يخاف و الشباب مندمجين بالسالفه و عايبتنهم .... و ليد هذولا متى يخلصون وليد: بنات بليز ....... مها ممكن تودين هذا الملف ... يبي يهدي الجو شوي مها تقوم شوي شوي و بدلع: حاضر ... تاخذ الملف و هي تسال حق منو اوديه وليد: حق المدير مها من سمعت كلمة المدير يبست في مكانها ... و شمووو ضحكت مها : ما ابي ... خل شموو توديه ... هو اخوها وليد يطالعها : لا انت وديه ...... و الا خايفه يا ام الفهود.... شموو تضحك: حلوه وليد عطها ثانيه...... مها منقهر منهم..... مها: هو الحين بيمر عطه اياه بروحك وليد وهو يتافف منهم: خلاص خليه لما يمر بعطيه... صدق بنات اذيه.... مها رجعت الملف حقه و رجعت مكتبها .... مها: شموو مو كان الاخ غلط علينا شموو: هيه كل منج يبتي لنا الكلام مها تشهق بدلع: انا حرام عليج شمووو: عيل شو فيها لو اخذتي الملف يعني بياكلج مها: لا و الله .... اصلا انا ما ادل مكتبه...... و ما اروم اروح احمد: المدير يا كان فهد جريب من مكتبهم شموو: و الله اخوي شكله رزه ...... مها: عدال يا اخت الرزه دخل فهد المكتب و ساد الهدوء ....... غريبه هدوء فهد: شو الشغل شما شمووو: حلو ... بس هذي العله مهووو ما تسكت مها بدلع: انا و الا انت ..... شموو: سكتي و الا اعلم عليج... مها : عادي علمي ................ شو بيستوي يعني شموو: اونج عاد مو خايفه وليد: ما عليك منهم من ساعه و هم يناقرون ... تفضل هذا الملف ...... فهد: و ليش ما طرشته المكتب وليد و هو يطالع مها...: لا ابد بس هذولا سوو لي سالفه بسبته و تركته هنيه مها و هي مرتبكه : هذي شموو ما طاعت تيبه حقك المكتب شموو تشهق و بدلع: انا و الا انت يا ام الفهود مها عصبت كيف تقول جدام اخوها ام الفهود: وليد عطاني الملف و انا قلت خل شموو توديه و هي رفضت شموو: من الله توي يايه الشركه ما ادل... شكلها تبي تضيعني وليد: خلاص بنات ..... و يطالع فهد .... شفت .... كنا شباب و مرتاحين مها: وليد الا يقول قاعدين على قلبك شموو: هي و الله ..... شكله مل منا ... هو بعده ما شاف شي مها: اقول ام مطور ..... شو رايج تين مكان احمد فهد مستغرب منهم و لا كانه موجود ..... عصب عليهم : بنات نحن هني مكان شغل خفوا شوي .و بلاها هذي الحركات ... فاهمين ..... تركهم و طلع عاد الحين منو يسكت الشباب احمد: تغمضون ...... عطوكم الثاني: يا حرام ................. و تموا يعلقون عليهم و البنات يردون ....و انقلب المكتب حرب كلاميه و بعدين ضحك ... و الله انهم سوالف................... ++++++++++++++++++++++ في السياره و هم مروحين البيت شموو من كثر الحماس ما سكتت ... تزن على راس فهد.... شافت سيارة مها تطير جدامها.... شموو: مو كان هذي مها فهد مضايق من سرعتها: دقي لها و خبريها لا تسرع شموو تطالع اخوها بعين وحده .. و ادقه على ذراعه : ايوه يا عم ... بان على حقيقتك .. فهد: شمووو متى بدقين عقب ما توصل البيت شموو: زين لا تاكلنا مها ردت على الموبايل و هي تقول : ما اسرع ما اشتقتي حقي ... شموو محطيه اسبيكر: لا تحلمين هذا اخوي يقولج لا تسرعين مها: انا ما اسرع على 120 بس شموو: مهوو عن المصاخه زحمه و قاعده تتجاوزين ... شكلج ناويه على عمرج يطالعها فهد بعصبيه .... شموو:شو بعد ما اشوف سرعتها ...... نحن وراج يالله خفي السرعه مها: اوه حاضرين للطيبين شموو: منو انا و الا الا بجنبي ... مها: ههههههههههههههههههههه شموو عن المصاخه اخوج يسمعج شمووو: بس انزين باي مها: اقول ام مطر .... ما ادري انج تحبيني و تحاتيني هالكثر شموو: جب انزين .... مو انا الا يحبج .............حصلت لها ضربه من فهد..... قالت: الكرسي الا اخوي قاعد عليه............ مها : سخيفه باي فهد ما قدر يمسك عمره من الضحك..... انت اكيد خبله ....الا شو سالفت ام مطر انحرجت شمووو ... ما عرفت ترد ... هو يعرف انها تكره اسم مطر شموو: هذي الخبله مهوو تعرف اني اكره الاسم و غصب تلزقه فيني فهد: ههههههههههههههههههههههههه ه دواج .... +++++++++++++++++++++++++++++++++++++++++++++++ وليد رجع من الدوام على طول البيت يبي يرتاح و يقعد مع عمره شوي..... يبي يفكر في اشياء وايد..... زواجه و حبيبته و شما و امه.....الا ما تترك فرصه الا تصر عليه ياخذ شموو ..... و شمووو العله مو راضيه تتزوج و تفكنا.... تذكر كيف تفاجأ من وجودها تغيرت صارت حلوه وايد .... و لازم اواجها مدة ثلاثه اسابيع .... اف هذا كله من فهد... انا ما ابي اكرها .... امي من حنتها كرهتني بروحاتي بيت خالوو ....و علشان ما اكره شما بعدت ....و دخلت في قصة حب كبيره من سنتين و انا في هذي العلاقه .... و ما ابي اخسرها ... بالعكس ابي اتوج حبي بالزواج.......بس لازم اتصرف .....امي تقول ان شموو تبيني علشان جي ترفض العرسان... لازم اعاملها بطريقه اكرها فيني....و اجبرها تغير رايها فيني....... وليد و هو يتنهد: هذا الا كنت خايف منه و ما عارف اتصرف فيه ......مواجهتي المباشره مع شما.... وهو نازل الدرج يسمع امه ترمس بالتلفون ... قعد بحذالها ..... يطالع التلفزيون وليد هو الولد الوحيد من بين اربع بنات اكبر عنه و كلهم متزوجين ..... و هو بروحه مع امه و ابوه في البيت...و معظم وقته معاهم ما يطلع وايد مع الشباب الا من بعد ما يرقدون فليل... ام وليد: ها يمه شو الدوام اليوم وليد: زين الحمد الله.......... و هو يستغل الفرصه : تعرفين يمه ان شما بنت خالووو يت الشركه اليوم امه: ويه شو اسوي ام وليد رجعيه وايد ما تايد الجامعه و لا الشغل للبنات و كل تفكيرها ان البنت في بيت ريلها وليد: تشتغل يمه .... و لا بعد معاي في المكتب .... و هو يكمل علشان يقنع امه ان شما مثل بنات هذا اليوم الا هي ما تحبهم.......و نحن يمه خمس شباب في المكتب ... متعمد ما يقول اسم مها ام وليد: ليش ان شاء الله تخبلوا يحطونها بين شباب ..... تسكت و تفكر شوي ...... انزين يمه انت معا ها لا تخلي احد يقرب منها ... زين بعد تتعرف عليها زين ... يمكن تقرب العرس وليد مبقق عيونه في امه ..... امي تغير مبدأها علشان تزوجني شما... وليد: يمه انا ما يخصني فيها... و سمعت انها انخطبت شهقت الام: ويه كيف تنخطب و لا يخبروني ........الحين اتصل و استخبرهم وليد: يمه ما كو داعي ... هي رافضه الام: هيه يمه هي تبيك ... ناطرتنك و حليلها وليد يتنهد شو يفكني من شموو ..................و تبدأ السالفه عنها ....انا يبته لعمري... ++++++++++++++++++++++++++++++++++++++++++++ مها و هي تتاوب : شمووو و بعدين معاج .... فكيني منج و من وليدووو ابي انام شموو: مهوو حرام عليج يعني افضفض حق منو مها: حرام عليج انت من ساعتين ترمسين عن وليدووو شموو: و الله احبه مهوو شو اسوي مها : خليني صريحه معاج ... الا ما يباك لا تصيح تباه........قلعته شموو: مهووو لا تقولين جي انا راح اخليه يحبني غصب... بشوفين مها: عندج ثلاث اسابيع .... يالله رويني شطارتج شمووو: تقهرين .... باي مها تفكر غامضتنها شمووو وايد ... طول عمرها ترمس عن وليد و تحبه ... و تفاجأت فيه يرفض الزواج منها...........و الله لو انا منها بنهار ....................الله يعينها و ينتهي يوم ثاني من يومياتي .......... ليبدأ بيوم جديد و احداث جديده شو ممكن يصير بين ابطالنا مها * فهد شما * وليد | ||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
