11-12-08, 10:04 PM
| #21 | ||||
 
|  الفصل الثالث الجزء الثاني في اليوم الثاني بالشركه شموو: مها ما تعبتي ... مبقبقه عينج على الكمبيوتر من الصبح....!!!! مها: الله اكبر عليج.... يالساحره وليد يسمعهم و على ويه ابتسامه .... هو تعب بعد بس مستحيل يعطيهم مجال مها: اقول ام مطر....شو باجي لج شموو: امممم اشياء سخيفه ما اعرفها ... تعالي رويني مها: ما اروم تعالي انت شموو: مهوو عن المصاخه تعالي بسرعه قبل وقت الغدا مها: اف ما اروم .... قولي عن شو شمووو: شو دراني .... هذا الا............... مها : الحمد الله هذا تخصص احمد .... خل هو يساعدج شموو: اف ....... احمد ممكن ترويني هذي الاشياء احمد : تعالي هني ما اروم ايي حقج شموو: اف كلكم فساد ..... و هي تقوم و تمشي شوي شوي لأحمد و تعرض له الاشياء الا مو فاهمتنها.... احمد يشرح لها على الكمبيوتر و هي شوي وتلزق فيه.....و تتحرك حولينه ...مره تروح حق الملف و مره ترجع عند شاشة الكمبيوتر... وليد يطالعها معصب من حركتها .... مهما كان هي مثل اخته و ما يرضاها بحقها وليد: شما ارجعي مكانج شموو: لحظه ما خلصت و بعصبيه : شما رجعي مكانج التفت له شموو و هي تناظره معصبه ....: ليش نحن و ين قاعدين في مدرسه وليد: تفضلي مكانج و اذا مو فاهمة شي مها ترويج رجعت شموو مكانها و تتافف : حاضر ابله نعيمه مها ضحكت بصوت عالي : ههههههههههههه حلوه .... الا ذكرتيني فيها .... من زمان عنها شموو: الله يخليج اكيد ما صدقت الفكه منا احمد : اكيد احد يبتلي فيكم و ما يبا الفكه مها: احمدووو خلك في حالك وليد في موقف ثاني جان نقع ضحك عليها ... بس الحين ما يحس انه له بارض للضحك...كل شي تحوله ضحك .. و الله اشتاق لأيام زمان... مها: شموو خلصت بروح اتغدا شموو: سيري باجي لي شويه و بلحقج.... خذي لي غدا معاج مها: اوكي باي مها وهي طالعه صدمت في احد تراجعت بسرعه لورا و كانت بتعتذر..... بس الا شافته جدامها ربط لسانها عن الاعتذر و قعدت تطالع فيه فهد و هو معصب منها : انت ما اشوفين جدامج قاعده تدعمين في خلق الله... لو احد ثاني الحين مها: شو يعني بعتذر و سارت جدامه بسرعه ما تبي تحتك فيه ،كافي الا ياها منه فهد منقهر منها الحين هي لزقت فيه لدرجة شم ريحة عطرها ... لو كان احد ثاني...اف من البنات يقولوهم العطر حرام و بعد يتعطرون.... بعد خمس دقايق شمووو سايره الكفتيريا و شافت وليد بطريجها... هلا وليدووو شو اخبارك طالعها بنظره اسكتي ... و ياشر على الموبايل .... هزت كتوفها وسارت عن المصعد تنتظر وصوله.....يا وليد ووقف جدامها.....: شو تبين مو كانج توج شايفتني بالمكتب شموو: هيه بس هناك ممنوع الكلام......... سكتت شوي ..... وليدووو انت شو سالفتك..ليش كل زعلان و مضايق....مها تقول انك تغيرت كنت غير و الحين غير وليد ارتبك ما عرف شو يرد عليها....... شموو: وليد ليكون انا السبب ...... عادي عاملني مثل مها.....يعني لا تخلي حزازيات القرابه و هذي الخرابيط وليد يطالعها انسانه بسيطه تاخذ كل الامور ببساطه ليش ما اكون مثلها وليد: يصير خير ......سيري قبلي علشان ما يقولون داخلين مع بعض شموو: هي انت الناس طلعت القمر و انت هذا تفكيرك ..... عادي زميل عمل شو يعني وليد عصب منها هذي فري: شموو زولي عني ... اذا انتي مو خايفه على سمعتج انا خايف عليها شموو: هههههههههههههه تخاف تخطب و يقولون شايفينه مع وحده بالدوام تدخل شموو الكفتيريا و تدور على البنات.....تروح تقعد على الطاوله شموو: وين غداي مها بعد مواجهتها مع فهد قعدت تفكر ردت فعله العصبيه هو ليش عصب ...: نسيت روحي بروحج .... ما اقدر ايب لج .... و يبي لي معاج شمووو: لا و الله .... اشوف قومي معاي و الا تبيني اوقف بروحي بين الشباب مها: بس عاد اونج تستحين شموو: يالله مهوو بلا مصاخه قامت مها و شمووو و راحو الكفتيريا.... طبعا شموو وقفت شوي عند طاولة اخوها تعق عليه حجي شموو: عفان الله ولا يقول اختي حبيبتي ايب لها غدا فهد ماله بارض حقها رفع راسه يطالعها شاف مها واقفه معها ... طاحت عينه في عينها وما قدر يحرك عينه من عليها .... شكلها زعلانه ...افديت الا يزعلون انا...... فهد: عندج ايد و ريل روحي يبي حقج برحج........و الا فالحه تدعمين في خلق الله ثبتت مها عينها في عينه يقصدني ...... بس ما رديت عليه حقرته شموو: انا متى ... وهي تشوف عين اخوها على مها اها هو قاصد مهووو شموو: اها فهمت عليك ..... تحاجي مهووو اوكي اخليكم مع بعض باي مها ارتبكت هذي شموو خبله ..... لحقتها بسرعه و قامت تقريص فيها .... اما فهد ضحك على شموو .... حركات ... و ما فاتاه ارتباك مها و الله انه يحبها.... ورجع يكمل اكله مها شافت وليد يحاسب و جريب من شموو فكرت بسرعه كيف ترد الحركه حقها...شلت كاس البلاستك و فرته حق وليد ... وليد تفاجأ وصد يشوف من وراه ..... شاف شمووو و مها مها: شموو بلا حركات يهال شموومستغربه : شو مها: تفرينه كاس و تقولين شو شموو: مهوو عن المصاخه و الله اني ما سويت شي ... هز راسه و قال في خاطره هذولا مخابيل و سار مها تضحك على شمووو و شمووو ميته قهر منها شموو: سخيفه و ما يضحك ....... +++++++++++++++++++++++++++++++++++++++++++++++ وصلت شموو البيت هي وفهد واستقبلت المحاضره الطويله العريضه من امها بسبب رفض مطر امها: انت و بعدين معاج ... ليش ترفضين الريال .....متى تبين تعرسين شموو تحاول تمتص غضب امها: مماتي لما اخلص جامعه ان شاء الله امها: شو هذا الحجي الماصخ .... كل البنات تزوجوا وهم في الجامعه شمووو: بس خل فهد يتزوج اول فهد يطالع شموو بنظرت قهر عارف ان امه راح تستلمه الحين الام: و انت ما تقول تبي البنت شو ناطر اخطبها و الا تباها تطير منك شموو: اسمع كلام يديد .... تبي تخطب و ما تخبرني فهد: ما يخصج .... لما اروح اخطب راح اخليج تتوسطين حقي وهي تتناقز: يعني راح تخطب مها........ شو ناطر البنت تنخطب ....... ما تخاف تطير من ايدك فهد: الحين من سنه ما طارت بطير لما انا بغيتها........... الام: هيه ترا البنت خطابها وايد ...بس هي ترفض عسب دراستها مثل هذي الخديه .. شموو: يمه بس اهانات و الله ازعل الام: هكوو ماي البحر روحي بلطيه فهد ضحك على شمووو وقال: شو فيه مطر ... ريال زين ... و يانا في الشركه اذا على الدراسه راح اقنعه يعرس بعد ماتخلصين ... و انت ما باجي لش شي... شموو تطالع فهد بنظره و تقول: لا ما اباه ,, تشرد بسرعه الى غرفتها ... هي عارفه ما راح يغصبها عليه... بس ملت من الحنه فوق راسها... فهد حاس في اخته .... صد وليد لها جرحها ... مثل ما سويت في مها .... و اكيد لهم نفس الاسباب لرفض الزواج......... مها حكت حق شموو شو استوا مع اخوها مها: احس انه ارتبك شموو: هو و الا انت مها تضيع السالفه تناقش مع شموو كيف تقدر تجذب وليد ...وصلوا لقرار تحاول تجذب وليد كصديق و ابن خاله ... شموو: مهوو و الله سالته شو مزعلنك ليكون وجودي مها: وشو قال شمووو: ماشي بس انا قلته عاملني مثل مها بس مها: عادي حبيبتي ان شاء الله تكسبيه و يكون من نصيبج شموو: امين و يكون فهود من نصيبج مها عصبت : أي انت انا من الحين اقولج اخوج ما اباه شمووو: و الله انه يحبج و يموت عليج مها: بس انا لا شموو: جذابه مها: حبيبتي افهميني ... لاتزعلين ان ياك يوم ورفضت اخوج بليز شمووو: جب انزين يالسباله مها: انت سباله و عنز شموو: ليش عيل طايحه في صدره ... ما تستحين شم عطرج مها: حرام عليج انا بروحي متلومه شموو: هيه واضح.... الا ما خبرتج مطر .... طلع يشتغل عند اخوي مها: قولي و الله أي واحد ... خل نروح نشوفه شموو: كيف نعرفه ........ تبينا نسال عنه و بعدين يقول شموو سالت عني مها: انت ما تقولين ولد الجيران كيف ما تذكرينه شموو: يمكن لما اشوفه اذكره .................. يالله باي ياني رقاد................باجر الجمعه فكه منج و من ويهج مها: معليه يالسبال... +++++++++++++++++++++++++++++++++++++++++++++++++ في عطلة الاسبوع شما راحت تزور بيت خالتها ام وليد هي و امها ... شافت وليد قاعد في الحديقة و يرمس بالتلفون بشويش ... قامت تمشي شوي شوي من وراه.... سمعته يقول : حبيبتي انت عارفه اني ما ابا ازعل الوالده .....ههههههههههههه افا عليج الحين امرج يا بعد عيني شموو ارتبكت ما عرفت تتصرف ... هي توقعت يحب ... بس انصدمت لما سمعته باذونها ... ما قدرت تتراجع و كملت الا يايه تسويه.... وصرخت بصوت عالي بأذون وليد .... من الخرعه طاح الموبايل من ايده ...و خذ له كم دقيقه يستوعب الا صار وليد بصوت عالي : شمووو و يهد .... ناوين علي انت و ربيعتج .... كل يوم و الثاني تخرعوني شمووو تضحك على شكله المتخرع و هي تقول : من زمان عنك ..... ما اشتقت لهذي الحركات و هو يطالعها بنظرات قهر.....و يرفع الموبايل : هلا لا ابد .... سلامتك .... ادقلك بعدين شموو: يالله عاد على الرقه الزايده....... و كانك تغازل وليد ارتبك .... ما عرف يرد عليها ....: ما يخصج شموو: و الله استوت لك خصوصيا بعد ......اونك عاد ... صرت تحب و ترمس بالتلفون .. مثل كل المراهقين... وليد: انت هي من وين يايبينج .... الحين أي واحد يكلم حبيبته مراهق ...؟؟؟ صج قديمه شموو: ههههههههههه اعترفت انك تكلم حبيبتك...... و شو هذي الحركات سير اخطبها وليد متفاجأ من شمووو ماخذه الموضوع عادي و لا مهتمه .... عيل شو عن كلام امي انها ناطرتني... وليد: ناطرنج تنزاحين عن طريجي شموو: و انا شو علي .... انت ما تبي تخذها .... لو كنت تباها اصريت عليها.... تعلمني عنكم يالشباب ..اكيد تماطل لين تحصل حجه و تفك عنها وليد: انت ايه لا تتكلمين عن شي ما تعرفينه .... انت ازوجي و شوفي اذا ما اخذتها شموو: وليدووو لا تبليني بشي ما يخصني فيه ....... و انا ما راح اعرس الا بعد الشغل...وانت خليك عانس.... يرن موبايلها تشوف اخوها فهد شموو: هذا فهد...........الو فهود وينك فيه ... فهد: الناس تسلم بالاول شموو: هههههههههههههههه ... انت تعال انزل ما في احد غير وليدووو شافت فهد يدخل اشرت له يي الحديقة بالاول شمووو: الحق وليد يحب وحده فهد تفاجأ من اخته و جرأتها..........بس هي كملت شموو: يقول اني مخربه عليه ... و ما يقدر يعرس الا لما اعرس انا بالاول فهد: شموو اعقلي و عن الخبال وليد: هذي الحين ما بتخلي احد الا بتفضحني عنده شموو: وليدووو لا تتحجج فيني .... انت تعرف خالووو طيبه و تقدر تقنعها بس الظاهر انك ماخذنها حجه.................يرن موبايلها مره ثانيه ........: هذي مهوووو ......تقوم تسير بعيد فهد يحاول يعتذر عن اخته : وليد لا تاخذ عليها هذي ياهل وليد يبتسم: ما عليك منها طلعت احسن عني ..... انا يوم رفضت اخذها انحشت عنها و ما واجهتها مول .... كنت خايف انها تكرهني .... وشوف كيف اخذت الموضوع بكل بساطه فهد: انا بعد ما توقعت ردت فعلها هذي .........هي تعتبرك مثل اخوها طول عمرك متربي معاها فهد خاب امله كان يضن ان شمووو ممكن تاخذ وليد .... ما توقع ان الاثنين يعتبرون بعض اخوان فهد: انت منو قالك تخبرها عن حبيبتك الحين تشوفها تحكي السالفه لمهووو وليد يضحك : الله هداك انا خبله اخبرها ... هي الحين يومين و عرفت كل المستخبا من سنتين... و انت مو عاف شموو ما يستخبا عنها شي....... شموو: يالله شباب انا رايحه داخل ما بتيون ما قدرت تكلم مها خافت تصيح وتخرب كل شي ... كملت تمثيلتها و راحت داخل عند خالتها.... و هي ماسكه عمرها غصب....مو انا شموو الا ابين ضعفي جدامهم ...... شموو: هلا بخالتي حبيبتي ....شو الاخبار الخاله: توج ما تفيقتي ......... انا بسالج انت صبي قاعده عند الريايل ام فهد: الحمد الله انها مو صبي ..... حشى علي الحين هي بنت و ما تاركه احد بحاله ... شمووو تحط ايدها على خصرها : لا والله ... شوفيها خالوا ما تحبني تحب الاولاد اكثر عني ام وليد: لا عاد كله ولا شموو .... ان شاء الله اشوفج مره و اشوف عيالج ام فهد: وهي راضيه تزوج و تفكنا ام وليد: ما عليه يوم بيها النصيب فهد: لا شموو شكلها بتعنس ... ما تبا تزوج ام وليد : وليش ان شاء الله .... بنتي كل يتمناها شموو وهي تسوي حركات حق فهد....: ما يا الا يناسبني ام فهد: كل هذولا ما يناسبوج شموو: هيه ... انا ابي واحد طويل مثل النخله ... و شعره لما كتوفه.... و خشمه حد السيف ام فهد: عيل اكوو مطر و حليله عيز من يخطبج و شعره لين كتوفه تصد شموو بسرعه حق امها : قولي و الله ... ما خبرتوني عيل .... شوفوا كل منكم ... لو يبتوا حقي صورته جان وافقت عليه من اشوف شعره... فهد يضربها على راسها: انت الخبله عيب عليج ... الجمال مو بالشكل بالاخلاق. شموو تمد بوز و تقول : يمه شوفي ولدج وليد يتفرج و على ويه ابتسامه و في ايده فنيان قهوه هو ما قادر يناقش بالموضوع بهذي الاهميه و شموو مسوتنه لعبه .... اف منها عقبه ما راضيه تنزاح.... ام وليد: فهد بس عاد البنت تمازحكم بلاكم عليها .... اذا على الشعر الطويل عليج مني اخلي وليد يطول شعره لفخضه.... الكل تفاجأ وليد اشترق بالقهوه و فهد مستانس وهو يشوف الجو متوتر و يفكر هذي العيوز مو سهله اما شموو ارتبكت ما عرفت شو ترد ... بس ضحكت بصوت عالي من ورا قلبها لازم تعدي الموقف بضحك ....و ضحك معها فهد شمووو: وع شعر وليد فلافل .... عاد تسلي فيه وضفريه حقه بعد وليد استغرب من سرعة بديهتها و خروجها من الموقف بسرعه وهي تضحك شموو تحاول تلطف الجو: الا خالواا اشوفج محلوه و خدودج حمر ... ليكون محطيه مكياج الخاله استحت و حمر ويها و شلت العصاه تبي تضربها: مسودة الويه .. عيب هذا الحجي ... صادقه امج انت بنت وجي عيل لو ولد شو سواتج... شموو تنحاش و هي تضحك و الكل ضحك على خبالها ... شموو تقرب من خالتها و تحبها على راسها: اسفه حبيبتي و لا تزعلين ... الخاله : انا ازعل من بنتي حبيبتي وليد يراقب امه وشموو .... ضحك على شموو وايد ... صدقها خالوا خديه.....دوم من يجتمعون هو شموو الدنيا تنقلب فوق تحت ... بس هو بطل هذي الحركات ... خاصا مع شموو... و هي تاخذ كل شي ببساطه.... يا ريتني مثلها..... في السياره فهد وهو مستغرب من هدوء شموو ...حاول يفتح معها حوار بس ما عطته ويه.. شموو كانت في وادي ثاني ... كانت تبي تنفرد بعمرها و تفكر بهدوء ..... شو فايدة تلاحق واحد وهي مو على باله و يحب وحده ثانيه .... انا ليش اذل عمري عليه .... شو يعني اسوي اتزوج و اخذ واحد ما احبه......... وليش ما احبه اكوو امي تزوجت ابوي وهي ما تعرفه و الحين تموت عليه ... صدقهم الا قالوا الحب بعد الزواج ... و بدت الفكره تتعمق في داخلها ... انها راح تتزوج واحد ما تعرفه ... و تخلي الايام تعلمها حبه..... و كأنها غريق تحاول تتعلق باي قشه.... راحت غرفتها على طول تحاول تزيح الهم الا على قلبها بس مو عارفه كيف .... حاولت اكسب وليد كصديق بس ما راح ينفع لأني احبه ... ما راح استحمل اشوفه يكلمني عن حبه .... تبي تصيح بس ما قدرت .... ما لها الا صديقة عمرها مها هي الوحيده فاهمتنها..... ++++++++++++++++++++++++++++++++++++++++++++ مها افكر في شموو ... و الله انها غامضتني ...... هذا وليد الزفت ما يستاهلها هي عن عشره من اشكال البنات الا يعرفهم..................... سمعت صوت حوار حاد و نقاش بصوت عالي طلعت من غرفتها ركض للصاله شافت امها و ابوها يناقشون بموضوع زواج و ما ادري شو ... خذ مني الموقف دقايق استوعب الا اسمعه امي: شو فيه الولد تبي ترده .... اخرتها البنت بتعنس منو بينفعها بعدين ها ابو حمد ما ترد ابوي: كل واحد ياخذ نصيبه .. و انا ما مستعيل عليها خلها تدرس و تخلص ..... تقاطعه امي بصوت عالي شوي ... و هذي اول مره اشوف امي بهذي الحاله : هي ما باجي لها الا كورس ... يعني ما بعطلها ..... نشرط لهم الملجه و العرس بعد ما تستلم الشهاده ....ها شو رايك ابو حمد يفكر ... هو بعده حاط امل على فهد ... خاصه ابوه ما زال يلمح على موضوع الخطبه ... بس اذا الحين مره سنه ما تقدم لها ,,,,, ليش اضيع مستقبلها... و انا واعدنها ما اغصبها.. انا من استوعبت اني سبب هذي المشكله كلها ...... قلت لازم اتصرف و ما احط ابوي بهذا الموقف و هو واعدني انه ما راح يغصبني على شي قلت: افا يمه ... ما عاش الا يزعلج .... انا اوعدج اني اشاور و ارد لج خبر الام مطنشه: هي علشان ترفضين مثل العاده مها: يمه لازم استخير ربي و الا شو رايج تحط الام ايدها على كتف مها و تقولي ... ما عليه يمه استخيري وردي علي خبر.... الولد زين مها تروح جنب ابوها و تحط راسها على حجره .... يبه شو تشوفه زين ابو حمد: هي حبيبتي زين و اخلاق بس انا ما ابي اضغط عليش مها و هي تبوس ابوها و تروح غرفتها .... تحس انها مهمومه ما تبي تكون السبب في اول خلاف بين امها و ابوها .... بس انا مو في خاطري الزواج ...... ما ابي .....يخطر في بالها فهد ... تتنهد و تفر عمرها على السرير .... شوف الايام كيف تدور كان خطيبي بالغصب و الحين نبا بعض و ما نقدر نحقق هذا الشي....و قامت تصلي الاستخاره ++++++++++++++++++++++++++++++++++++++++++ يوم السبت مها تدقت حق شموو و تعلمها بالسالفه كلها شموو: مهووو و الله لأذبحج اذا وافقتي .... و الله حرام عليج اخوي مها: شموو ما بايدي شي و الله انا استخرت ولين الحين مرتاحه شموو: عن المصاخه .... تعرفين ان اخوي يحبج و الله تقهرين مها: شو اسوي وعدت امي افكر و استخير...... و انت اخوج ما يا يخطبني علشان تحاسبيني شمووو: مهووو تقاطعها مها معصبه: شموو بس كافي ذل اخوج لو يبيني خطبني مو يتريا لما انخطبت ... انت ليش مو راضيه تقتنعين اني مالي نصيب في اخوج ..... شو تبين تغصبينه للمره الثانيه ... لهذي الدرجه انا رخيصه عندج.... شموو: و الله انه يحبج..... خل يعرف انج انخطبتي و الله لـ...... مها: و الله يا شموو لو علمتيه لأنا ربيعتج و لا اعرفج........... زين يسكتون اول مره توصل علاقتهم لهذا الاتجاه ....... مها: انت مو مقتنعه بالنصيب ... كل واحد راح ياخذ نصيبه .... وعديني شموو انج ما تخبرين احد شموو: اوعدج ... بس اوعديني انج تفكرين زين و تستخرين ....... مها و شموو وهذا اليوم ما فارقوا غرفهم ... لا غدا و لا عشا ..... شموو غامضنها اخوها ما تبي تشوفه .... كانت تحن على راسه ليل ونهار يخطب مها وهو رافض..... لما تعامل معاها تعرف عليها و تعلق فيها و يفكر يخطبها .... تروح بسهوله من ايده...... مها الغبيه تضن انه ما يحبها تخاف اضغط عليه و يخطبها غصب و يتكرر الا استوى من سنه........ يعني هذي الهبله ما تشوف نظراته و غيرته عليها....... كم مره انا نبهته و قلته روح اخطبها ... بس هو يماطل و يكابر .... يالله خل ينفعه .......... شمووو: و الله بتخبل شو اسوي بس شو ممكن يصير بين ابطالنا الايام تفرض عليهم واقع مرير و صعب | ||||
|  |
|
11-12-08, 10:45 PM
| #22 | ||||
| الفصل الثالث الجزء الثالث شو شعورك لما تتعرض لموقف يجبرك تسايره رغم رفضك الشديد له شو شعورك و انت تنجبر على شي كاره شو شعورك و انت تتعرض لضغوط اكبر منك تسايرها و الا تقاومها تستسلم و تعلن انهزامك و الا تثابر و تثبت قوتك هذا الا راح نشوفه بين صفحات يومياتي الهدوء الا في المكتب مخلي الكل مستغرب ..... مها مو من العاده ساكته ..... و شموو بعد .... ما قاموا يحتكون في بعض و لا يضحكون ساكتين و لا احد منهم يرمس ..... الشباب توقعوا انهم مختلفين مع بعض ... يحاولون يخرجوهم من الجو الا هم فيه بدون فايده..... وليد مو عاجبنه الوضع من متى شموو ساكته ما ترمس و الا تعق حجي ..... من متى تكون بالهذي الانهزاميه .... معقوله هي على خلاف مع مها ..... و اذا كانت على خلاف ليش ساكته ما ترمس بالعاده لازم تنغز بالحجي ... اكيد السالفه فيها انه...... وقت الغدا تموا يطالعون بعض و ساروا بجنب بعض من غير ما يرمسون مها تحس انها اذا تكلمت راح تصيح .... و هي مو بهذا الضعف علشان تنزل دموعها ... اما شموو ما مستحمله الموقف اذا تكلمت راح تسوي مشكله مع مهوو و هي ما تبي تخسر صديقة عمرها ...... كل واحد له الحريه يحدد مستقبله ..... بس هي تقهر تبي رضى امها ... في طرق وايد بامكانها تكسب راضى امها .... وخل تزعل شوي بعدين راح ترضى........ كلام يا شموو لو انت مكانها سويتي اكثر... كله الا رضى الوالدين....قعدوا مكانهم ياكلون و هم ساكتات و البنات يحاولون معاهم بس و لا وحده لها مزاج تضحك او ترد على سخافتهم ..... فهد و خالد مستغربين من الهدوء بالكفتيريا خالد: شو البنات محد اليوم فهد وهو يتلفت يدور عليهم شاف اخته و مها يتغدون و كل واحده فيهم في وادي فهد: موجودات بس شكلهم زعلانات من بعض خالد: اريح خلهم كل يوم جي فهد مو مرتاح ابد لنفسية اخته هي من يوم الجمعه ساكته و حابسه عمرها في الحجره و الحين مها بعد نفس الشي ..... شو سالفتهم.... رفع راسه يشوف منو الا يسلم عليه مطر: ها فهد شو الاخبار فهد: الحمد الله .... و انت و الوالد عساكم بخير مطر: تسلم .... سلم على الوالد و الاهل وسار وهوعينه على شموو ... شموو انتبهت فيه يطالعها بنظرات استغربت منه شاتت مها بريلها و اأشرت عليها بعيونها .... طبعا مها فهمتها على طول و رفعت راسها تشوف الريال ...... مها صدت لها و في عيونها سؤال عن الريال شموو: يالغبيه الحين انا اسالج و انت تردين تساليني مها: و انا شو عرفني فيه..... بس حليوه مو شموو : طاعوا هذي ما تستحين ... هو يطالعني و انت تنشنين عليه .... مها بدلع ....: اش دراج يطالعج ....... ما اشوفينه احول ...... شموو: حشى لا احول و لا شي انت الحوله و بدت مها تسوي حركات بعينها على انها حوله و البنات يضحكون بصوت عالي و يعلقون عليهم عزه: و الله القعده ما تحلو الا فيكم شموو و مها: ندري ههههههههههههههههههههههههه ههههه 00000000000000000000000000000000000000 فهد سمع الضحك استانس و ضحك خالد: عدال .... روح ايلس معاهم احس مو فهد: و الله جان زين ...... تدري افكر اعينهم في الشركه ..... تعودت عليهم خالد: منو كلهم و الا احد معين..... فهد يبتسم ويكمل اكله بهدوء وليد: اكيد القلب مو......هههههههههههههههههههه هههه...... لها ضحكه ....... قاطعاه فهد معصب : وليدووو خلك بعيد و لا تتغزل فيها انت فاهم ضحكوا عليه خالد و وليد هذي اول مره فهد يحب و يغار ..... و هم ما قصروا فيه.. وليد: الا شو يبا مطر فهد يطالعه بنظرات و هز كتفه عادي وليد: ما تلاحظ كثرت يياته الكفتيريا و الدور الثالث فهد: عادي يشتغل هني .... شو فيها وليد منقهر من برود فهد .....: فهد الا اعرفه انه متقدم حق شموو ....... فهد: و هي رافضته وليد: بس يياته ما تريحني و شموو مثل اختي ما ارضى عليها فهد: وليد الريال يشتغل هني ..... يعني عادي يي الكفتيريا او يتردد أي طابق لا تبالغ وليد: بس هو خطبها مره ثانيه فهد: هيه و كان جدامك و انت سمعت ردي ..... يي يخطبها بعد ما تخلص دراسه وليد: اذا شفته يتقرب منها او يحاول يكلامها لأكسر راسه...... انت ما فكرت انه يحاول يتقرب منها فهد مستغرب من كلام وليد و عصبيته بس لفت انتباه .... فعلا مطر كثرت يياته الكفتيريا...بس الا يطمأني اني مخلنها مع وليد في المكتب .... يعني ما يقدر يحتك معها الا تحت عيون وليد فهد: و انت شو خانتك انا مخلنها عندك بالمكتب تحت نظرك .... و انت بحسبت اخوها .... ما راح امانع باي موقف تاخذه ... وليد ارتاح شوي يدري ان فهد ما راح يرضى بالغلط .... مطر صح ما سوى شي للأن بس هو شاكك و ملاحظ نظراته حق شموو .... نش وليد يبي يطلع من الكفتيريا و مر جنب طاولة البنات علق: عيل مساعه قالبيها محزنه في المكتب و الحين كل وحده ناقعه من الضحك مها: هذي شمووو حبيبتي شموو وهي تلوي على مها : نحن ما نستغنى عن بعض ..... وليد: يا رب دوم ..... واشر عليهم باي ويطلع يرمس بالموبايل شموو تساسر مها: يقهر و دب اكيد طلع يرمسها مها: شموو لا تعذبين عمرج ..... شوفي نصيبج شموو: لا حبيبتي انا اباه وما راح اتنازل عنه بسهوله.... مو مثلج مها تتنهد هذي شموو منو يقدر يقنعها: انتي الدب انت تحبينه .... انا لا ... وسكتت شوي تفكر ... او ممكن يعجبني .. ما توصل أزعل الوالده علشان شي انا مو واثقه فيه.....تاشر عليها بايدها اسكتي و كملت ...... انا استخرت وارتحت و ما ابي افرح و انت زعلانه مني.... اباج تكونين معاي في كل خطوه .... شموو اقتنعت اخوها ما سوى شي يثبت لمهوو انه يبيها او يحبها و ما تقدم لها ....كيف راح تقتنع فيه و هو سبق ورافضنها..... بس تمت ساكته ....... دخلوا المكتب ساكتات ..... مر فهد مثل كل يوم يتفقد الشغل .... شاف شموو مندمجه في الكمبيوتر الا جدامها و عاقده الحواجب .... اقص ايدي اذا كانت تفكر بالشغل... و مها بعد شكلها سرحانه .... اشر لوليد شو فيهم .... وليد هز كتوفه بمعنى ما ادري فهد تحرش في اخته: الا ام مطر شو شاغلنج شموو تصد لأخوها: فهد تعرف اني ما احب هذا الاسم وليد: عيل مها تزقرج فيه مها: عادي ... نحن نقصد شي ثاني .... ما تفهمونه فهد و هو يسمعها ترمس و يبتسم في ويها ..... يحب رنة صوتها وايد ... سرح فيها يتاملها شموو: نحن لما نزقر بعض جي نتغشمر ... نقهر بعض فهد و عينه على مها: و مها شو تزقريها شموو سكتت ما تبي تعلمه و مها ارتبكت تخاف من حركات شموو الخبله شموو بسرعه قبل لأحد من الشباب يرد: لا خلاص شكلي بغير اللقب..... الا هو شو اسمه مها تعرف حركات شموو الغبيه ,,, ارتبكت ما عرفت شو ترد شموو: ما تعرفين الاسم ...امممم االف انا مها: بس عاد شموو بعدين مو الحين فهد: انتوا ما ينعرف لكم .... ويلتفت للشباب يسال عن الشغل .... و اول ما طلع فهد مها: ام مطور الخبله بغيتي تفضحينا شموو:عادي اخوي مو غريب الشباب استغربوا من الالغاز ... وليد هو من الاول حاس ان هذي الالقاب وراها شي مثل ام الفهود.... اكيد قصدها فهد..... بس هي تنادي شموو ام مطر ..... معقوله قصدها ...؟؟؟... لا ما اعتقد .... هي رافضته ..... و انا وش علي منهم بالنار تاكلهم .....(اعصابك) شموو: الا متى الاعلان عن الاسماء ان شاء الله مها تتنهد ما شي فايده معاها : ما اعرف الاسم شموو: تستاهلين يا رب يطلع مطر و الا بابو و الا سالم ..... لا خميس احلى وليد تاكد الحين من قصدهم .... يعني مها ما تحب فهد ..... منو هذا الا يتكلمون عنه خطيبها ... ممكن....؟؟؟؟؟ نهاية الدوام الكل طلع بقت شموو تتعمد تتاخر ما تبي تواجه اخوها غامضنها ..... وليد شافها يالسه مكانها : شو ما ناويه تروحين شموو رفعت راسها و هزته بـ لا وليد: ليش شموو سكتت ما تنطق صعبه على لسانها : ما اقدر اواجه فهود غامضني وليد يرجع ييلس بمكانه : ليش خير شو فيه ..... شموو خبريني خوفتيني شموو ما قدرت تسكت تبي تفضفض لأحد ولو كان وليد: مها انخطبت وليد كان حاس و عرف من تعاليقاتهم ....: بس فهد يبيها مو شموو تهز راسها هي وليد: ليش ما خطبها شموو: لأنه غبي و ما ينعطى ويه..... و هي ما تقدر ترفض عيزت من الرفض ... غير امها غاصبتنها هذي المره .... و تتنهد .... انا بصراحه ما الوم مها ... اخوي سبق خطبها و رجع كنسل الخطبه في يوم الملجه .... ترفع راسها تشوفه ... تعرف السالفه ... هز براسه هيه...كملت : وهي لو خطبها الحين بعد راح ترفضه .... لأنها خايفه منه وليد: بس هو يحبها شموو: اعرف .... ما حاول يبين لها هذا الشي ... كيف تباها توافق على واحد مو واثقه في انه يكون مغصوب عليها مثل المره الا طافت ...... نشت تشل اغراضها : وليد شكرا انك سمعتني كنت محتاجه اني افضفض وليد و هو طالع يتمشى معها للسياره : عادي تعالي كل يوم شموو: تدزه بسم الله علي ... هذا موقف شؤم ما ابيه يتكرر.... وليد ارتبك من لمستها بس تجاهلها .... وكمل عادي وهو يشوف مطر واقف عند فهد: هذا النشبه شو يبي بعد.... شموو تروحين السياره على طول و الله اذا شفتج تتلككين و اطالعين يمين و الا يسار اذبحج شموو: عدال عن تذبح انت بس ما ادري منو شاف الديايه تنذبح و اغمى عليه وليد: اعوذ بالله منج ... عندج ذاكره .... انا نسيت شموو: ههههههههههههههههه الله اكبرعليك وليد يعض على شفايفه و ساسرها : شموو انت ما تستحين ما اشوفين ريال بحذال اخوج ... ليش تضحكين... شموو: اوووووووووه .... باي سارت للسياره و قعدت تنطر اخوها لما يي .... شافت وليد يسلم على الريال و وقف يسولف معاهم وهي ملطوعه في السياره....ركب فهد السياره شموو: جان رمست بعدك ليش مستعيل فهد: جب انت ليش ما رقدتي داخل .... جان رقدتي شموو: انت بروحك متعب عمرك ... قلتك بروح مع مهوو انت ما رضيت طالعها بنظره و سكت ....... فهد: الا ليش تضحكين مع وليد شموو استغربت : عادي ... قالي سيري السياره بسرعه و الا تلتفتين يمين او يسار و الا اذبحج . ... ذكرته انه هو اغمى عليه لما شاف الديايه ... عصب ضحكت عليه هههههههههههه تذكرفهد و هو يتنهد: هيه ... هههههههههههههه و انت لما شفتيه طايح تميتي تصارخين ذبحوا وليد شموو تنهدت ما تعرف شو بتكون ردت فعل اخوها لو عرف بخطوبة مها و الله ليذبحني .... و انا شو علي،،، منو قاله ما يسير يخطبها....... | ||||
|
| |
|
16-12-08, 01:12 AM
| #23 | ||||
| الفصل الثالث الجزء الرابع اليوم الثاني شموو ملت من كثر الشغل الا عندها : اف مليت ارحموني كل الشغل عندي ..... عطوا مهوو شوي منه احمد: انت ما تعرفين تسكتين .... كلنا نشتغل و لا احد علق .... الا انت شموو: وش عليك تاخذ راتب لازم تكرف ... مو انا و حليلي اتعب على الفاضي مها: اقول ام مطر .... الا كيف المطر عندكم شموو: صدقج السنه ما نزلت امطار .... وجونا حار مها: جي حار و الله انه برد شموو: سكتي انت لو حر موت انت دايما بردانه كان مطر يتنقل من مكتب الى مكتب يوزع تعميم ... وصل المكتب الا شاف فيه شموو ... اخيرا عرفت مكانج.....تحمحم و دخل ..... وليد رفع راسه يشوف منو الا يا .... استغرب من وجود مطر عنده في المكتب ....التفت شاف شموو .... ما عطته سالفه و قاعده تشتغل على الكمبيوتر وليد: هلا ... بغيت شي ........... ما يبي يقول الاسم علشان ما يلفت شموو مطر: اوزع التعميم ...... وليد: وليش توزعه انت .... ما طرشت احد ثاني مطر: ابد .... هذا اجتماع و انا لازم اتاكد ان الكل استلم .... علشان ما يتكرر الا صار في الاجتماع الا طاف و يطيح على راسي... يستلم وليد منه التعميم و يوقع عليه : تفضل مطر: ممكن تنسخ حقي التعميم .................. وليد وهو يلف على شموو .... بحذالها الفوتوكوبير وليد: لو سمحتي شما .... خذي الورقه و نسخيها ..... شموو تطالع وليد منقهره منه .... ما لها بارض تقوم .... بس قامت بملل و سارت صوبه .... و تمد ايدها له وليد: عند الاخ مطريبتسم : تفضلي شموو تفاجأة فيه هو نفسه الا في الكفتيريا ..: كم نسخه مطر : ثنتين شموو تمشي بسرعه و هي حاسه به يراقبها ... نسخت له الورقه و راحت ترجعها ... شافت وليد اقرب لها من الريال .... عطتها حقه و هي تطالعه بنظرات قهر.... وليد منقهر منها زود تمشي بدلع و تتكلم بدلع .....: شكرا و سلمها لمطر الا بدوره لف لشموو و شكرها و طلع ..... شموو ابتسمت له وليد: شما هذا مكان عمل ... و انا مسؤول عنج ... يعني يوم اقولج سوي جي تسوينه من غير تافف و لا دلع ... و بلاها هذي الحركات شموو عصبت منه: نعم شو فيها حركاتي موعايبتنك وليد: لا .... مها: وليد مو وقته هذا الحجي .... وليد وهو معصب : لا وقته .... و انا لي حجي مع المدير مها: وليد هذي حركاتها الطبيعيه لا تبالغ شموو معصبه منه و ماده بوز: انت ليش ترمسني جي و الله لأعلم عليك..... طلعت من المكتب تدور مكتب اخوها .... مها: وليد انت تعرف انها حركات تلقائيه .... ليش تكبر السالفه.... لو رمستها بعدين مو تحرجها جي هو ما زال يطالع الباب الا طلعت منه شكلها وهي ماده البوز حلو مثل اليهال .... ما غيرت هذي العاده ... بس تقهر لازم تتعلم كيف تحترم رئيسها في الشغل .... اساند على الكرسي يفكر فيها مها: وليد ممكن الحقها وليد: لا بروحها بترجع مها: هي ما تدل مكتب فهد احمد : صلوا على النبي ما صار شي .... هذا دلع بنات وليد يطالع احمد هو كيف نسى وجود الشباب معاه و قام يلومها جدامهم...و هو يتحرك من مكانه : انا راح اشوفها سمع تعليقات الشباب .... اوه الاخ قام يحن .... و عاطفي .... الخ طلع وليد يدور عليها شافها قاعده على كرسي و متكتفه .... منزله راسها تفكر....... تحمحم علشان تحس بوجوده.... رفعت راسها تشوفه ..... تمت ساكته تتامله وهي ما مصدقه انه ياي وراها .... شو يبا ... وليد: شموو ترا انا هني مديرج .... يعني مو ولد خالتج .... تتاففين جدامي و الموظفين يشوفوج ... و اذا انا سكت عنج كل واحد راح يتمادى....سكت يسمع ردها شموو: انت تقهر ... يعني ما حصلت احد ينسخ لك الا انا .... جان قمت بروحك وليد يبتسم لها : لهذي الدرجه كسوله .... القسم الياي راح اقنع فهد يفرج في الرياضه شموو تنقز واقفه : عندكم قسم الرياضه و الله اشرد وليد : احسن و افتك من مسؤوليتج على ظهري شموو: بنت خالتك غصب مسؤوليتك و هم يمشون للمكتب شافهم فهد و سار لهم فهد مستغرب : خير شو في شموو: انت وين مكتبك ابي اشوفه وليد يبتسم: لا لاترويها ..... شموو: كنت ادورك ابي اشتكي منه ... يعصب على جدام الموظفين فهد فهم السالفه و هو يشوف وليد: زين لحقتها قبل لا تدل المكتب بعدين منو يفكني من نشبتها ... شموو: و الله اعلم عليكم ابوي و سارت تبي ترجع المكتب بس هي ما عارفه مكانها وين ... و قفت تطالع وليد شموو: وليد وين المكتب ما ادل ضحك عليها فهد و وليد : انت من متى هني و ما تدلين مكان شموو: بس عاد يالله خل نروح .... 00000000000000000000000000000000000000000000000000 000000 هذي المره مها انجبرت تودي الملف للمدير ........ تتذكر نظرات شموو المتشمته فيها تنهدت: يا ربي شو اسوي ..... كيف اقدر اواجه بروحي........ تقدمت ببطء للمكتب و وقفت تشوف السكرتيره ..... خل اعطي الملف لها و انحاش...... : اهلا يا انسه تفضلي مها: هلا ...........تفضلي هذا للمدير : ايوه عارفه ....تفضلي سلميه له مها ارتبكت: لا مو لازم .... مستعيله شوي.... خذي انت سلميه : يوووووه و الله ما اقدرش اتحرك و انا بهذي البطن مها ابتسمت برقه : كم لج : خلاص ... حضرته اقرب يشرف مها: الله يسهل لج............ يعني لازم ادخل انا : لو سمحتي ..... و الله ما اقدرش ادخل ............ و انت ليه خايفه مها: لا عادي ... و بدت تتقرب من باب مكتب المدير و هي تقرا اية الكرسي.......... شو هذا الرعب ...... اول مره احس عمري اني متورته و خايفه من فهد ...... يمكن علشان موضوع الخطوبه ...... خل اتوكل على الله .......... و دقت الباب برقه فهد رفع راسه يشوف منو دخل المكتب .......... بس الباب ما فتح ........ اف منها مستويه بطه و ما تروم تتحرك .... متى تولد و افتك منها.......و لما تكرر الدق ..... قام بسرعه و فتح الباب بقوه و في عيونه نظرة عصبيه ..... فهد: يعني ما تعرفين تفتحين الباب على طوووول كــــ ............... سكت يستوعب منو الا واقف جدامه..... انقلب على طول و رسم احلى ابتسامه على ويه ........ فهد: هلا و الله مها منحرجه منه تمد ايدها له بتردد : تفضل بس فهد طنش الملف يبيها تدخل المكتب و دار يرجع للمكتبه: تعالي تفضلي .... مها انقهرت منه شو هذي الحركات .... خذ الملف و خلاص..... كان عندها فضول تبي تعرف لشو يبي يوصل ....... دخلت و هي تمسح بعيونها مكتبه كان فخم و كلمة حلو شوي عليه..... وقفت جدام مجسم لأسد صدقي محنط ...... و الله احسه يشبه فهد فهد شاف نظراتها : خايفه منه مها تهز كتفها بدلع: عادي ....بس ذكرني باحد فهد و هو يقعد و عينه عليها يشوفها بدقه من فوق لتحت ...... حلوه و جسمها مثل عارضات الازياء ....... و اشر لها : تفضلي مها ما عيبها نظراته جريئه .... حست عمرها متفسخه جدامه .... دورت على صوتها و قالت: شكرا .... تفضل الملف مد ايده يبي ياخذ الملف .... كانت حركته سريعه .... مسك ايدها الا ماسكه الملف و سحبها قريب منه ..... وقف ... و صارت عيونه وبعيونها...... غاص باعماق عيونها .... شاف تفاجأها و ربكتها ..... قدر يقرا مشاعرها سألها بصوت واطي قريب من الهمس: تسامحيني على الا فات مها عايشه في دنيا ثانيه .... قرت بعيونه حب و شوق ...... هزت راسها باي كمل: و يا ترا مشاعرج ناحيتي مثل مشاعري مها انسعقت و انتبهت لموضعها الغلط معاه ... كانت قريبه منه وايد ..... كيف تجرأ و سوى هذي الحركه ... ابتعدت بسرعه عنه و هي تسحب ايدها بقوه منه....... مها بعصبيه: شو قصدك يعني من هذا السؤال فهد ابتسم بهدوء ...: عادي مو لازم تجاوبين لأني عرفت الاجابه مها: لا و الله و منو خبرك فهد: عيونج .... اقراها مثل الدفتر المفتوح مها ارتبكت ... نفس احساسها ... هي بعد تقدر تقرا عيونه بكل سهوله .... و تعرف مشاعره ناحيتها من زمان بس كانت تنكرها او تتجاهلها..... ما تبي تتعلق بامال ..... تذكرت الخطوبه و امها و ابوها ..... حست بخيبت امل كبيره لفت بسرعه تبي تطلع .... شافت الاسد مها: تعرف بمنو ذكرني.... وقبل ليرد .... فيك........ بس فهد ما كان معاها .... يفكر بالمشاعر المتضاربه الا شافها بعيونها .... انا اعرف انها تحبني ... بس شو معني نظرت الاستسلام و خيبة الامل الا شفتها .... و الله قلبي ناغزني..... هي و شموو مو طبيعين ...... شل الملف و فتحه و هو باله معاها ..... ++++++++++++++++++++++++++++++++++++++++++ شموو: الحمد لله للسلامه جان رقدتي مها تطالعها بنضره ... و تلف عنها ... و الله مالي بارض لأستهبالج ...... شموو لاحظت النظره و عارفتنها زين ..... مهووو متضايقه من الخاطر ...... قامت على طول و سارت لمكتبها و هي مطنشه عيون وليد الا تراقبها .... همست لها بأذونها: مهووو شو استوي مها بصوت عالي : سلامتج حبيبتي و لا شي ...بس مصدعه ..... صدعتني سكرتيرة اخوج .... و هي مستويه مثل البطه شموو : قولي و الله...... الحمد الله........... و تهمس بصوت واطي: احسب فهد طردج و الا عضج ...... ابي اعرف انتي ليش تخافين منه مها: شموو عن المصاخه ....... ارجعي مكتبج شموو ترجع بسرعه و هي عارفه هذي التمثيليه الصغيره من مها بس علشان تضيع الموضوع الاساسي عند الشباب.... و هي فاهمه لها زين مو عشرت عمر............. +++++++++++++++++++++++++++++++++++++++++++ بعد العشا في بيت مها حمد : مها انت متأكده بتاخذين هذا ال.... بوحمد: حمد!!!!!!! مها: شو في ..... ما عايبنك ............... بس بعدني ما قررت شافت مها امها ساكته و ما تكلمها و ماده بوز ..... الله هداها امي .... ليش تضغط علي ..... سرت غرفتي و انا اتذكر مواقفي مع فهد .... يقهر و يرفع الضغط بس هم عسل على قلبي .... يا ربي ليش ما اقدر اواجه نفسي .... انا اعزه و موقفه اليوم ...رغم سخافته الا اني عرفت شكثر يحبني .... و انا اتبع قلبي و حبي الا يمكن يضيعني .... فهد غدار و انا خايفه منه ... هو ما خذ اي خطوه رسميه ... و الا اتبع شور الوالده ..... و ارتبط بانسان ثاني ..... مو مهم شو مشاعري راح اتعود عليه المهم الامان و راحة البال ............. و ينتهي يوم ثاني من يومياتي شو القرار الا راح تاخذه مها ؟؟؟؟؟ الحب و الخوف ............................فهد الامان و الراحه............................ امها | ||||
|
| |
|
16-12-08, 01:33 AM
| #24 | ||||
| الفصل الخامس الجزء الاول وقت الغدا كانت شموو و مها نازلين للكفتيريا شافوا في طريجهم مطر الا سلم عليهم.. شموو شكله مو غريب علي منو يا ربي ... ما قدرت تمسك عمرها الا تسأله شموو: الا شكلك مو غريب مطر: ما عرفتيني .... شموو رفعت حواجبها و هي تفكر : امممم تشبه ميــ..... مطر يبتسم : هيه انا اخوها شهقت شموو و استحت : يعني انت ..؟؟؟ مطر زادت ابتسامته و هو يشوفها مستحيه : أي مطر مها استوعبت الموقف يعني هذا مطر الا خطب شموو كم مره .... و الله احراج .... وهي تشوف شموو محمره ... بس في داخلها تضحك عليها ..... يا فهد اول ما شافهم واقفين مع مطر عصب كلام وليد صحيح مطر يلف و يدور حولين اخته و هو ما تعيبه هذي الحركات فهد: ها خير مطر اشوفك اهنيه مطر منحرج من فهد: لا ابد بس شفت البنات و سلمت عليهم ... عن اذنكم فهد يطالعهم و هم مستغربين منه ليش معصب : شموو تعرفين منوهذا شموو ارتبكت : هيه هو توه خبرني فهد: عيل لا تقربين ينبه .... شكله يلف و يدور حولينج .... شموو: فهد لا تبالغ ..... فهد: الكلام الا اقوله يتنفذ انت فاهمه .... و هو يطالعها معصب .... و الا لي تصرف ثاني معاج تركهم و راح مها: اخوج يخرع لما يعصب شموو: انت ما شفتي شي بعدج.... خل يعرف بخطوبتج .... شوفي شو بيسوي مها مو مهتمه : شو يعني عادي شموو: و اذا سوى شي .... و تاكدتي انه يحبج شو بسوين مها هزت كتفها و قالت : ما ادري ... بس شموو ما ابي افكر بالموضوع لو سمحتي .................................................. ....................................... التقوا مره ثانيه عند الكشير مطر يحاسب و فهد وشموو و مها وراه ياخذون غدا... انتبه لهم وليد شو جمعهم مع بعض .... تنرفز من مطر حركاته باينه يبي يلفت انتباه شموو ... و شموو خديه عادي تعطيه ويه..... و من اشكال مطر لحوحين من يحصول الا يبونه يفرونه و يملون منه بسرعه ... انا مو عارف فهد ليش يعطيه ويه...... عقد حواجبه وهو يشوف مطر لاحق فهد يبي ييلس معاه على طاوله وحده ..... قام وليد و راح انضم معاهم مها : شموو ما تشوفين وليد قام يتلزق في فهد شموو: لا اصلا هم دوم مع بعض..... بس هذا مطر الا راز ويه مها: شكله احليوه .... ليش رفضتيه شموو: مها ما لي بارض لغبائج....... لو سمحتي مها: اقول ام مطر ..... الا اخبارج شموو: انجبي ام خميس مها: وع ما حصلتي الا هذا الاسم شموو: يا رب يطلع هذا اسمه ، علشان انغص عليج ليل نهار... مها: حرام عليج .... لهذي الدرجه تكرهيني شمووو تطالعها منقهر منها..... مهووو عمرها ما كانت سلبيه او أي احد يقدر يتخذ عنها قرار بستثناء ابوها طبعا .... بس المشكله الا صارت بسببها خلتها تاخذ هذي الخطوه..... شموو: و الله انج غامضتني ...... مها: انا مقتنعه ..... انت لازم تفرحين لفرحتي تتنهد شموو و ترفع راسها طاحت عينها على عين وليد شكله منقهر من شي .... ابتسمت في ويه يعيبها شكله معصب.... شمووو: مهوو شوفي وليد معصب .... و كانه يبي يزنطني مها: انت الخبله تقولين معصب و اطالعينه جي .... و الله لو انا منه جان فريت على راسج الكرسي.. شمووو: سكتي ياي صوبنا وليد وهو متنرفز من مطر و غلاسته: شموو انت خبله تبتسمين بروحج شموو: وليد بلاك علينا ... خف شوي ليش متنرفز ......هههههههههههههههههههههه ه و الله شكلك تحفه مها: هههههههههههههههههههه بس شموو وليد شافهم يضحكون تنهد و ابتسم: و الله انتوا مخابيل ............ الا وين البنات مها: تغدوا و ساروا مشغولين.... انت تعرف ما باجي الا اسبوع الياي و بنودعك وليد يرفع ايده: الحمد الله فكه منكم .... و انتم ما عندكم شي تسونه .... يالله جدامي اشوف شموو: وليد خلنا شوي وليد: لا جدامي .... قاموا يتاففون منه ....شموو: انت شو يايبنك عندنا .... سير اشغل عمرك باي موضوع مها: انت مو رئيس القسم تتحكم فينا من الله انت الا مسؤول عن..... شموو: عيل ليش مسوي لك راس مها: اش دراني عنه اساليه وليد يمسك راسه : انا الغلطان يايبنكم معاي كنت ابي اعذمكم على كوفي معتبر قبل لايون الشباب بس شكلي بطلت ... مها و شموو موتهم و الكوفي : افا عليك كله و لا انت ..... ان شاء الله لو الفراش بعد بني معاك وليد يبتسم لهم يحب تلقائيتهم و صراحتهم مثل اليهال يصدقون كل شي.......... وهذا الا خايف منه...... رغم ذكاء شموو بس عادي ينقص عليها بسهوله ..... و مطر ثعلب مو سهل في المصعد دخلوا البنات و وليد و لحقهم مطر .... وليد ما انتبه عليه بس شموو شافته على طول راحت انخشت ورا وليد .... و هي تسحب مها من ايد و تدز وليد يجدم شوي بالايد الثانيه.... وليد ارتبك من لمستها حس برجفه خفيفه ... التفت يشوف شو فيها .... انتبه لوجود مطر معاهم في المصعد ... هذا متى لحق يخلص غدا و يلحقنا على اساس انه بعده يسولف مع فهد.....انقهر منه ... و ضغط على زر الثاني مكان مكتب مطر و قاله بعصبيه شوي : تفضل مطر من شاف نرفزة وليد استغرب و ما يبي يحتك معاه ..... نزل و هو يوزع ابتسامات و كمجامله ابتسموا له مها و شموو .... و ليد جد نرفز وصرخ عليهم : انتوا ايه على شو تبتسمون مها: وليد شو فيك ابتسم لنا و ردينا عليه الابتسامه شموو مستغربه اليوم من تصرفات وليد: انت اليوم مو صاحي مره معصب و مره تضحك .... قول غيرت رايك عن الكوفي وبس وهو يطالعها .... هذي لازم اتفاهم معاها ..... مطر يخلق الفرص علشان يشوفها ... وصل المصعد الدور الثالث مسك شموو من ايدها و يرها صوبه و قال لمها : لو سمحتي مها ابيها في موضوع مها استغربت منهم.... من متى بينهم مواضيع هي ما تعرفها ... وليش ماسك ايدها جي مها: خلاص انا اروح المكتب انطرج و هي تطالع شموو الا ساكته ما تكلمت شموو بعد ما سارت مها تحاول تسحب ايدها من وليد : وليد شو هذي الحركات نحن مو في البيت.... فك ايدها على طول..: اسمعي انا ملاحظ شي وابي انبهج عليه ... و هو ياشر بايده جدام ويها... و تنفذين الا اقوله و الا والله ................. شموو تقاطعه :من غير حلفان قول شو عندك ...مطر مو وليد استغرب كيف عرفت: و انت شو عرفج .... غلط معاج و الا... شموو تقاطعه : وليد بلاك .... هذا فهد محذرني منه قبل الغدا ....شافت نظراته .... و كملت .... شفته قبل الغدا و سلم علي و شافني فهد معاه و تحرطم وعصب و ما ادري شوو وليد: اسمعي الا اعرفه من داومتي رجع يخطبج مره ثانيه .... و فهد رده علشان عارف ردج ... و من ساعتها حسيت فيه يكرر يياته للدور الثالث و الكفتيريا رغم انا كنا نادرا ما نشوفه ..... و يحاول يخلق الفرص علشان يجابلج ...و الا استوى الحين واضح على ما اضن شموو: وليد لا تبالغ ... شو يعني يشوفني و يحتك معاي عادي ..... الا يقول بعطيه ويه تضيق عيونه: بس الا انا شفته من مساعه غير .......... ليش ارتبكتي و درتي وراي عيل شموو: بس جي ما احب نظراته ..... وليد : انا فهد محملني مسؤوليتج...... وما اباج تحتكين معاه نهائيا ........ انت فاهمه ... شموو وهي تمشي: صراحه احس انكم مبالغين وليد و عينه على الدرج الا كان مطر ياي منه : شوفي جدامج زين عيل شموو رفعت راسها تشوف مطر فعلا كان ياي القسم و ما انتبه لها واقفه مع وليد .. تمت تطالع وليد بنظراك شك .... شموو: وليد و لو كلامكم صح انا مو صغيره ينقص علي و اعرف اتعامل مع هذي الاشكال يالله وين الكوفي .... والا بطلت وليد يطالع الساعه .......: خلص وقت الغدا .......... باجر عيل شموو تدزه و تقول : جذاب و انا ما علي منك راح اطلب كوفي و اشرب مطر يطالعهم و يفكر هم دايما مع بعض .... ليكون خطيبها ....شاف شموو تدزه و تضحك بصوت عالي .. وليد: شموو لا تضحكين بصوت عالي و الله افرج برع شموو : تموتني تبي الفكه مو .... زوجني و افتك مني وليد: و انت راضيه ..... هههههههههههههههههههه ....... منو تعيس الحظ الا راح ياخذج شموو عصبت منه : انا الا ما معطتنهم سالفه و الا الف من يتمناني و اولهم الا وراك وليد عصب عليها: شموو بس عيب لأفرج صدق ..... و اشوف نصيبي شموو: روح شوفه احد ماسكك... و تمت تتحرطم عليه ...... مالت عليك انت و ياها ... وقبل لا تدخل المكتب الفتت عليه ها شوو .... وين الكوفي ... و الا اطرش ناس ييبونه و هي تاشر على مطر وليد مجرد تلمح عن مطر و الا تيب سيرته ينقهر منها : شموو خليني ساكت احسن لج ....... سيري داخل و بروح اطلب الكوفي و اذا سمعت انه ياي صوبج و الا المكتب لأحش ريلج حش شموو و هي تتخصر : وانا شو علي .... هو مسوي عمره قيس لو كانت سالفة غير مطر جان ضحك بس السالفه فيها هذا العله تنرفزه................ يحس بمسؤوليته عنها ...... لو صدق اخته لقعدها بالبيت و ريح باله...... خالد : هاي ... لي ساعه ارمسك على وين وليد و عينه على مطر ... هو حاس انه مجرد يطلع من هنيه راح يسير لشموو وليد : خالد ابي منك خدمه خالد: امر و هو بعد يطالع مطر وليد ابيك تروح المكتب و تقعد على مكتبي و تمنع هذا الحثاله يرمس .... خالد : وليد و انت شو عرفك انه راح يروح داخل ..... وليد : اتحداك ....... و فهد ستين مره منبهنه و هو فار المسؤوليه على .... اونها عندي في المكتب و لازم اراقبها....شو بسير خالد .: اوكي لا تتاخر 00000000 خالد ما صدق خبر و على طول لمكتب وليد ... و بدل لا يقعد على المكتب سحب الكرسي الا بجنب طاولة شموو و حط ريل على ريل مها: هلا بالقاطع ....... خالد : اهلين .... الا شو الاخبار مها : زينه شموو: خالد شو تبا خالد يهز كتفه : و لا شي شموو: عيل ليش يالس جدامي ..... سير مكتبك خالد: ناطر وليد مها: ليكون عازمنك على الكوفي انت بعد خالد يعتدل بيلسته: السالفه فيها كوفي .... و ما خبرني ...... بهذي اللحظه دخل مطر المكتب و عينه على شموو ..... بس تفاجأ لما شاف خالد يالس معاها شموو ما انتبهت له بس حست في خالد يصطلب بقعدته و عاقد حواجبه..... لفت تشوف شو السالفه.....بصراحه حسيت بخوف منه ... اول مره احس بهذا الاحساس ... هذا ليش ملاحقني شو يبا .... شافته يتقرب من مكتبها ..... خالد وقف على طول : نعم مطر بغيت شي مطر ارتبك ما عارف شو يقول .... ما توقع وجود خالد هني مطر: بغيت معاملة الـ......... مها وهي معصبه من حركاته: عندي انا هذي المعامله ...... تشوف شموو تاشر عليها خمس بايدها ..... و كملت لحظه خمس دقايق و هي خالصه شموو دقت على فهد ...... بس ما قدرت تتكلم لأن عيون مطر عليها ... اما خالد تاكد من شكوك وليد ... و فعلا خاف عليها .... خالد: مطر لو سمحت تعال ابيك برع مطر مو راضي يتحرك و عينه على شموو ... و هز راسه بعد فتره اوكي..... هو لاف بيطلع دخل وليد و راه هندي شال كوفي حق البنات و الشباب ....وليد عصب حس انه مو قادر يتمالك عمره قال بكل هدوء: راج وزع الكوفي حق الموظفين الشباب حسوا ان في شي غلط و ليد معصب ...بس و لا واحد تكلم ... و اشر بايده على مطر الحقني .... طلعوا مطر و وليد و خالد من المكتب.......... وليد هجم على مطر و زخه من رقبته و قال و هو معصب : شو اسوي داخل قسمي مطر مرتبك مو عارف يرد.... و خالد يحاول يهدي في وليد ... هذا مو المكان المناسب و عيون الموظفين عليهم.... كمل وليد : مطر انا عارف حركاتك زين .... خلك بعيد عنها .... انت فاهم مطر : عن منو وليد بصوت عالي: لا تستهبل على انت فاهم مطر و هو معصب : انت مالك دخل .... هي الا بنت خالتك وليد تنرفز ما حاس بعمره و الا بكس بويه مطر .... مطر يترقص مثل المريحانه ... خالد الحين صار يتفرج بس .... عارف وليد لين عصب ما يشوف جدامه ... و مطر قاهرنه يستاهل الا ياه يرجع وليد يسحب مطر من ثوبه و يهمس له بصوت قاسي و عصبي: اذا ما تعرف بنت الخاله هي محيره حقي ... يعني خطيبتي .... وبعد تخرجها راح نتزوج مطر وهو مستغرب ... ما خبروه انها محيره حق احد: انت جذاب فهد: و ليش جذاب .... هي فعلا محيره حقه .... وهو يحاول يكبت غضبه .... ما توصل الى اشتباك جدام الموظفين .... واشر عليهم .... انتوا الاثنين مكتبي الحين.... مها و شموو شافوا كل الا استوى بس مو عارفين السبب او حتى الحوار الا دار بينهم .... شما من شافت وليد داخل المكتب و في عيونه شرار دقت على فهد تعلمه .... و فهد يا على طول حتى انه ما نزل من المصعد يا ركض على الدرج .... مها : بسم الله انت اهلج كلهم جي .... و الله انه يخرع لما دخل علينا و شاف مطر شموو و هي تشرب الكوفي : عيل انا شو اقول .... فهد و احمد و وليد وحليله ابوي بس الا طيب و حبوب...... مها: تظنين شو السبب شموو: شو عرفني ... شكل بينهم شي من الاول ... ولحين من حركاته معاي ..... وليد ما قدر يعديها عليه مها: بس ما تستغربين عصبيت وليد عليه لهذي الدرجه شموو تفكر ما تبي تحط امال و تنصدم بعدين: نحن متربين مع بعض .... يعني ما يرضاها علي مثل ما يرضاها على خواته.... ******************************* في مكتب فهد......... فهد متنرفز من الا صار .... بس ما يحق لوليد يعتدي على الريال بهذي الطريقة..... دخلوا كل من وليد و مطر المكتب فهد : تفضلوا وليد: فهد مطر اعتذر و اتنهى الموضوع مطر : انا ما كنت فهد قاطعاه معصب اولا تلاحق اختي من مكان الى مكان .... شو كنت تبا فيها ....... ما ترد مطر : ابد كنت ابي اتعرف عليها عن قرب ..... لما شافهم صدوا له معصبين تدارك الموضوع بسرعه ...... انا قصدي اني ... لما تتعامل معاي بطريقه مباشره ممكن تغير رايها فهد : بس انا عطيتك ردها .... و ما كوا داعي لهذي الحركات ..... و ما اضنك راح ترضاها حق خواتك ... مطر : و الله اسف و اعتذر .... انا ما كنت ادري انها مخطوبه ...... فهد مازال متوتر و ماسك عمره غصب ... هو الى الان مو عارف شو الا خلي وليد يعصب بهذي الطريقه... بس ما دام الريال اعترف بغلطه لازم انهي الموضوع فهد: اوكي راح اعديها لك هذي المره ..... بس اذا سمعت انك اذيت أي موظفه ما راح يصير خير .... فاهم يهز راسه بسرعه و يوقف ييبي يطلع ....... : اعتذر مره ثانيه ..... اوعدك ما راح يتكرر الا استوى....... مع السلامه وليد و فهد تموا يطالعون بعض .... رغم ان فهد ما عايبتنه الطريقة الا حل فيها وليد الموضوع بس برد حرته في مطر... غير طيح وليد في خطوبه اجباريه .... ابتسم وليد.... لما شاف ابتسامة فهد فهم كل الا يدور براس فهد ... وليد و هو يوقف معصب : على شو تبتسم .... مو انت السبب ... اقولك اختك خلها في البيت ... بس انت مو عايبنك و فارنها على راسي..... فهد ما قدر يمسك عمره من الضحك ....: و ابتليت فيها ....هههههههههههههههههههه...... . صدق الله يعينك .... وليد: فهد شو الحين من صدقك صارت محيره حقي فهد: هيه مو انت اعلنت على الملأ وليد يتنهد هو الا يابه حق عمره ....: انزين ممكن طلب ..... لا تعلن الموضوع لما استوعب الا صار اليوم فهد وهو يحط ايده على كتف وليد: وليد ما صار شي .... بامكانا نسكت عن الموضوع و تنتهي السالفه انت عارف ان الزواج مو غصب وليد: لا .... و يرجع مطر يلف و يدور حوليها .... خل كل شي مثل ماهو ..... و كل واحد ياخذ نصيبه..... استأذن وليد و هو ما له بارض يرجع المكتب و يشوفها .... راح الكفتيريا يريح شوي... موقفه من مطر حسم الصراع الا كان داخله .... بين امه و حبيبته نوره ..... على الاقل امه راح تكون فرحانه بهذا الزواج .... او الخطوبه .... لما احصل سبب اتلكك فيه و أفكها ..... بس نوره شو يسكتها ... هي الحين ما تفهم وغير كل اليوم و الثاني مطلعه لي معرس ما ادري من وين..... اصلا لو تباني بتصبر ما تبا بكيفها ..... و الله شكلك وليد فعلا تتلكك............. تنهد وليد و فكر الخطوبه و خلاص صارت علنيه... لازم يفهم شموو السالفه عسب ما يواجه معها مشاكل بعد فسخ الخطوبه.... دق على فهد و فهمه بضرورة معرفة شموو كل الاحداث علشان ما ترفض .... شموو تفكر وين راح وليد .... مو معقوله اختلف مع فهد و ترك الشركه وراح ... بس اغراضه موجوده.... و بدت تقلق عليه .... رن موبايلها ردت بسرعه لما شافت المتصل فهد : تعالي مكتبي بسرعه شموو: ما ادل .... ممكن اخلي مهوو تيبني فهد: شمووو اتصرفي مها سمعت اسمها رفعت راسها تطالع شموو شموو: فهد يبيني .... تدلين مكتبه هزت مها راسها و قاموا طلعوا من المكتب ... شموو مسكت ايد مها .... متوتره شموو: مهوو و الله متوتره حاسه ان السالفه اكبر من الا صار مها: لا تتشائمين .... ان شاء الله ما صار شي انفتح باب المصعد و كان وليد داخل شاف شموو و مها وليد : رايحه لفهد شموو ما رامت ترمس هزت راسها بهي .. وليد: تعالي انا بعد رايح له شموو تراجعت لورا متردده ... شكله ما يطمن ... و شدت على ايد مها مها : حبيبتي سيري معاه .... لا تخافين وليد ما عيبته الكلمه شو تخاف منى: شموو و صمخ ... تعالي فكينا ركبت شموو المصعد بتردد و وقفت بعيد عن وليد ... ليش تحس ان وليد متوتر اكثر عنها في مكتب فهد شرح فهد كل شي لشموو .... شموو فرحت مو مهم خطوبه بالغصب بس المهم صار خطيبها .... بس حاولت تظهر غير هذا الشي .... وقفت بسرعه و هي تقول: يعني انا الحين خطيبة وليد وهي مو قادره تطالع وليد....... فهد: هي بس لفتره محدده و هي لما تخلصين دراسه ..... و بعدين تقررون اذا بتستمرون او لا شمووو: فهد انت عارف شو تقول .... و انت عارف ان وليد يبي و حده ثانيه ؟؟؟؟؟؟!!!!! بصراحه ما اقدر اوافق فهد , هو صابر يفهمها : انت خلاص ما لج راي هو حير عليج يعني صار خطيبج....... و الاشياء الثانيه راح تتفاهمون عليها بعدين وليد: شموو يلسي خل افهمج ...... انت عارفه الضروف كلها .... يعني الخطوبه ممكن تقربنا او تبعدنا ..... شموو و هي مو قادره تشيل عينها من عليه : وليد حرام خالتي راح تفرح و خواتك ... غير امي و ابوي .... و بعدين نقولهم ما نبا بعض و تكمل .... تعتقد خواتك راح يعدوا الخطوبه جي من غير حفله او دبله مستحيل وليد: شو يعني خل يسون الا يبونه مو نحن مخطوبين ...... نحن هنيه نخبرج عن ضروف خطبتنا ...... يعني ما كوا داعي ترفضين و....... شموو بسرعه : خلاص انا فهمت .... يعني الحين انتوا اعلنتوا الخطبه و انا لازم ما ارفض عسب الا صار ..... اوكي انا موافقه على الاقل تفرح الوالده شوي..... و نغير الروتين اليومي .. فهد و هو يضحك على اخته : انت الخديه خطبه صدقيه مو لعبان و ترجعين تقولين لا مو خطيبي و ما اعرف شو... وليد: لا تعلمين احد الا بعد ما نتقدم رسمي...... فهد: يالله قوموا الدوام خلص ..... ما تبون تروحون شموو و وليد طلعوا مع بعض على اساس رايحه تييب اغراضها .... و هي فرحانه وايد ... اخيرا راح يتحقق حلمها .... و ين مهوو اعلمها .... دخلوا المصعد و كان فيه اشخاص وايد ... اضطرت شموو تتقرب من وليد وايد و هو حط ايده حاجز ورا ظهرها علشان ما تحتك مع الريال الا وراها.... شم ريحة عطرها .... دخلت اعماقه .... توتر من قربها .... حس فيها مرتبكه و برر ارتباكها بالزحمه الا بالمصعد... اول ما طلعت من المصعد تنفست بعمق و سرعت بحركتها تبي تبعد عنه ... اما هو مشى وراها ببطء ... و هو يحاول يفسر الا يشعر فيه..... | ||||
|
| |
|
16-12-08, 02:04 AM
| #25 | ||||
| الفصل الخامس الجزء الثاني اليوم الجمعه الا لازم تقابل فيه مها خطيبها واهله .... اجتمعت مع اهله... ما تعدلت وايد مجرد كحل و بس.... و لما يا دور خطيبها يدخل يشوفها وتشوفه .... تمت يالسه مكانها و منزله راسها ..... دخل ابوها مع المعرس ابوها: ها حبيبتي ارفعي راسج مها ترفع راسها بالغصب تشوف عريس الهنا .... الا بهت فيها و نا ظرها بنظرات كانه يبي ياكلها .... تمت متملله في مكانها .... استأذنت و طلعت ..... و هي مو مرتاحه له ابد بس شو اسوي لازم ارضي الوالده...... رجعت ميلس الحريم .... و تم الحوار عن المهر و هذي الاشياء .... ام المعرس : ها يمه عندج أي شروط ام مها: بنتي تبي تكمل دراستها و بعدين تملجون .... و العرس على كيفكم حددوه ... لاحظت النظرات المتبادله بين اهله بس سكت ما ابي اتدخل .... سمعت امي تكمل : و تبي تشتغل بعد .... عاد المكان الا يرضى زوجها فيه عادي .... المهم شغلها... المهم حطينا شروطنا و هم بعد تشرطوا لما قالوا بس .... انا ما ادري وين يروح لساني ما ارد ... يمكن عارفة اذا رديت ممكن اخرب كل شي .... لبسوني الدبله و طقم الذهب. ++++++++++++++++++++++++++++ في نفس الوقت شموو كانت خطوبتها الا الكل فرح فيها ... و كان يتمناها من زمان .... خوات وليد ما خلوا هدايا الا يابوها .... و سهروا طول الليل رقص و غناء ... شموو صدق كانت فرحانه من قلبها ... وهي مصره تكسب وليد .... و تخليه يحبها... و تنسيه كل الا عرفهم.... قامت ترقص معاهم وهم يضحكون على خبالها .... وليد بعد ما خلصت الخطوبه رجع البيت و هو شال هم ... كيف يحب وحده ويخطب ثانيه ... شموو ما همها تقبلت الموضوع و ما خذتنه تسليه بس هو غير ما يقدر يعاملها على انها خطيبته ... شموو العنفوصه الا كان يشلها على كتوفه تصير خطيبته و الله الزمن دوار..... وليد: هلا حبيبتي نوره: هلا حياتي و ينك ما ترد وليد: كنت مشغول شو.... نوره: حبيبي شو سويت بموضوعنا وليد تنرفز ... هي لحوحه وايد : نوره الله يخليج .... انسي الموضوع شوي.... عطيني فرصه نوره: بس انا ما اقدر اصبر اكثر من جي وليد: حبي اذا تبيني بتصبرين و الا شو هذا هو الحوار اليومي الا يدور بينهم لدرجه انه خلاص مل منها و من حنتها...... السبت فهد بدا يفكر بعمق يبي يرتبط في مها ............. يحس عمره خلاص ما قادر يصبر عنها... يرتب شو راح يسوي في الخطوبه و شروطها ....... الاخ واثق من الموافقه........... فهد : يبه ابيك تخطب حقي ابو فهد استانس: اخير رمست.............. البنت بطير منك و انت نايم فهد: هههههههههههههه شو تطير يبه ............ انا واثق انها لي .... و ما راح تكون لغيري بوفهد: خلاص يا ولدي انا كلمت ابوها من كم اسبوع ......... بس ما ردوا خبر لي فهد استغرب : ليش ؟؟؟؟؟؟؟؟؟؟ يفكر اكيد ما درت بالخطوبه و الا اكيد شموو راح تخبرني .............؟؟؟؟؟ تذكر شموو و مها ما كانوا طبيعيين طول الاسبوع ......................... بدا توتر الواثق..... شموو نزلت تتنقز مثل العاده احمد: ابي اعرف انت قطوه تتنقز جي شموو بدلع : كيفي شو حارنك احمد: و انا اقدر اقول شي لأختي لحبيبتي شموو: احمدووو عن التمصلح قول شو عندك يرد : ابي اخطب شموو: سير منو ما سكك انقهر منها : عيل تخطبين حق فهد و تحنين و تزنين عليه شموو: عادي اخوي الكبير............ بعد انت بعدك صغنوووون يضربها على راسها : صغنووون في عينج شافت ابوها و فهد يالسين في الصاله : يبه شوف ولدك ضربني على راسي احمد: ما يتغشمرون (يمزحزن) معاج شموو تمد بوز : لا ........ يخي انا بنت رقيقه لازم تتعلمون تعاملوني برقه لاحظت شموو ان فهد ساكت و ما تكلم و يطالعها بنظرات: فهد شو فيك يضحك عليه ابوه : خبرته باني خطبت بنت بو حمد و لين الحين ما ردوا خبر شموو تفاجأت ...... شو هذا الخبر اليديد ........... بس متأخر.......... و فهد ليش متضايق ليكون من الخطوبه سألته بعصبيه : و انت حضرتك زعلان علشان ابوي خطبها فهد طنشها و ما رد ...... كملت : فهد بعدين معاك ............ شو تفسر اهتماك فيها و حركاتك معاها فهد: شموو عن الغباء انزين احمد: يالخديه هو مرمس ابوي يخطبها شهقت شموو حرام و الله حرام .... ما قدرت تقعد اكثر علشان ما تتلبك جدامهم .....وركض لغرفتها............. فهد نش على طول لحقها ............ و الله اني عارف ان السالفه فيها انه ..... و شموو تعرفها............. دق عليها الغرفه و دخل على طول ........ شافها مرتبكه و خايفه ....: شو الا تعرفينه عن الموضوع شموو: ما اعرف شي.................. شافت نظراته الا تزيغ ........... كل الا اعرفه انها لو عرفت انك خطبتها اكيد بتقول فهد: شو قصدج شموو: يمكن ما خبروها سكت يفكر شوي: ليش باعتقادج ردت بسرعه تبي تتهرب منه: ما اعرف ........اوه ...... ليش تطالعني جي و انا شو علي .... لف و طلع عنها منقهر يبي يعرف شو الا صاير و شموو مخبيه شي ....... ناطر الاحد بفارغ الصبر عسب يتفاهم معها بروحه ........................ ++++++++++++++++++++++++ في بيت بو حمد مها ما رقدت طول الليل تفكر بالخطوه الا اخذتها ........ نزلت تشوف امها الا هللت فيها و باستها على خدها ..... الحين يمه ............. لما انسرقت مني الفرحه........ حمد: ليش ماده بوز .......... منو اجبرج توافقين تطالع امها : و لا احد ............. بس بعدي استوعب الفكره امها : حمد خل اختك بحالها...... حمد جد عصب : يعني يمه انت ما تشوفين حالتها ...... ليش تغصبوها على واحد ما تبيه... بالاول ابوي و الحين انت .............. بعد فهد ارحم من هذا اللوث امه سكتت هي فعلا ما تشوف الفرحه بعيونها ... بس لازم تعرس لين متى بتم جي تحاول تهدي الوضع: حمد الله هداك ... ما دام موافق على شروطي خلاص ... مو مشكله انسدت نفسها و طلعت غرفتها ..... و مي بعد زعلانه منها ....... شو اسوي .... اهم شي رضا امي......!!!!!! و ينتهي يوم ثاني كئيب لأبطالنا ................. فهد حاير و خايف بنفس الوقت ...... مها اخذت القرار بالموافقه على الخطوبه تحت اصرار امها ..... بس قلبها و عقلها مكان ثاني شموو رغم فرحها بخطوبتها ....... الا عكر مزاجها .... فهد ........... يكسر الخاطر وليد خاطب وحده و يحب ثانيه ............................ و ضايع بين رضا امه او رضا حبيبته | ||||
|
| |
|
16-12-08, 02:21 AM
| #26 | ||||
| الفصل الخامس الجزء الثالث وضاع الحلم في الاسبوع الاخير : مها وصلت الشركه متاخره شوي غير عن عادتها ........ اول ما وصلت القسم راحت حق شموو و روتها الدبله في صبعها.... شموو تفاجأت هي تعرف ان الجمعه كانت خطوبة مهوو بس حست باحساس غريب لما شافت الدبله في ايدها ..... تحكمت بعمرها و قامت تحضن مهوو و تبوس فيها .... و ترويها دبلتها .... مها فرحت صدق حق صديقتها ... اخيرا حصلت الا تباه .... الشباب كانوا مندمجين وياهم و عرفوا عن خطوبة شموو و وليد ..... بس مستغربين من خطوبة مها المفاجأه.... و قاموا يباركون و يتمنون لهم السعاده احمدا: شفتوا ويهنا حلو عليكم فيصل : كملوا بعد اسبوعين وراح تتزوجون الثالث: ما تعرفون بنات نخطبهم ضحكوا عليه البنات ..... وليد : مبروك مها ........................... وهو يفكر بردت فعل فهد ... و الله عادي يتهور مها وهي ترجع مكانها و تمثل السعاده: الله يبارك فيك ....... و انتشرت الاخبار في الشركه .... خطوبة شموو و مها..... نزلت مها و شموو للكفتيريا و أي احد يمر حذالهم يبارك لهم شموو: اف تعبت يا مسرع الاخبار الا تنتشر مها: صدقج ......................... مها كانت هاديه غير عن العاده تفكر في ردت فعل فهد .... هو لو يبيني خطبني ..... و هو ما لمح حقي.......... اف ليش افكر فيه ... بالنفس اللحظه مروا خالد و فهد بجنب الطاوله .....فهد القى نظره عليهم و كمل ييب له غدا ... مها خلاص توترت شكله ما عرف .... شموو تفكر بنفس الطريقة... شو بيسوي فهد الله يستر و ما يفضحنا..... كان فهد و خالد و وليد يسولفون قامت شموو تيب لها بيبسي و لحقتها مها علشان تاخذ للبنات وليد و هو يرفع نظره حق مها رجع يطالع فهد ........ يا ترا عرف و الا بعد .... ما اضني عرف و يقعد جي عادي وليد: الا ما دريتوا عن خطبة مها فهد شرق ... وهو يطالع وليد: شو قلت وليد يفكر انا الا يبته حق عمري : مها انخطبت فهد وهو مو مصدق : وليد بطل حركاتك ... امزح في شي ثاني لو سمحت وليد: فهد جد مها كانت خطوبتها يوم الجمعه ... و الكل بارك لها في المكتب .... و هي لابسه دبله في ايدها ..... سير اسالها فهد بعده مو مستوعب الكلام الا انقال التفت يدورها .... شافها عند الكاشير ويا اخته ...و قام راح لها فهد يتحمحم بصوت عالي شوي ...... مها ارتبكت حست انه مو ناوي على خير ..... قرب منها و سالها : صدق الا سمعته مها بهتت في ويه ما عرفت ترد شموو: هي صدق .... مها انخطبت فهد طالع اخته بحقد : وليش ما خبرتوني ..... و مخليني اخر واحد يعرف شموو و هي تتلفت : فهد مو هذا المكان المناسب ..... فهد بعصبيه لمها: اشوف ايدج مها مدت ايدها ترويه الدبله .... ما حس بعمره و الا هو ماسك ايدها يضغط عليها بقوه .... لدرجة ايدها احمرت .... لما سمع صوت تاوها ... خف من الضغط عليها و مسك الدبله و شلها قال : هذي مكانها غلط..... و الله لو شفتج لابستنها ما يصير لج طيب ..... انت فاهمه دف ايدها بقوه .... من قهره طلع على طول لسيارته و تم يلف و ما عارف كيف يتصرف ... و ضرب السكان كذا مره ... منقهر منها ليش توافق على واحد ثاني و هي تعرف انه يباها ... ليش اما مها ما قدرت تمسك عمرها .... تقريبا معظم الا بالكفتيريا لفتهم الموقف .... مها خافت جد منه هي شافته كم مره معصب بس مثل الحين لا .... صراحه يخوف ... شموو حطت ايدها على مها و سحبتها تبي تاخذها لمكان بعيد ترتاح فيه شوي .... و هي بالها مع فهد ... اكيد طلع من الشركه .... اشرت للوليد ... و طلبت منه يشوف وين فهد .... لأنها صدق خايفه عليه.... مها و هي تستوعب الا صار : شمووو اخوج ليش عصب شموو: يعني ما تعرفين.... انا شو قاليه لج مها تتنهد و هي تستند على الكرسي .... : هو ما لمح و لا................ حتى لو لمح راح ارفض شموو تطالعها معصبه منها: مهووو ما اضنج حقوده لهذي الدرجه مها: ليش الا استوى من سنه شوي................................. هو اعترف انه يحب.... ما قدرت تكمل شمووو: ما قالها صريحه بس تصرفاته تدل ...... شافت الشك في عيون مها..... خالد و وليد يعرفون انه يحبج.... مها تحس عمرها متوتره مشاعرها رافضه تصدق الا انقال ...... و هي شو شعورها، خايفه مها و هي تقوم : شموو لو سمحتي خبري البنات اني راجعه البيت .... و وليد بعد مها ما قدرت تقعد في الشركه اكثر من جي....... ما تبي تواجه .... تخاف منه .... ابي ارجع البيت افكر.........شلت اغراضها و طلعت ...... و هي بالاشاره التفتت للسياره مثل سيارة فهد .. توترت الحين انا شارده من الشركه علشان ما اواجه .... اشوفه الحين هني جدامي..... و تمت تدعي انه ما يلف و يشوفها .... فهد غارق باحلامه .... منقهر من عمره ليش ضيعها من ايده ... كان بخطبها و يملج اول ما تخلص تدريب ... هي ليش استعيلت.....اول مره اخسر شي انا ابيه و اترك احد غيري ياخذه ... بس لازم اتصرف مستحيل اخليها تروح من ايدي ....... لفت انتباه سياره تمشي بسرعه .... قعد يفكر هذي مو كأنها سيارتها ... بس هي في الدوام ليش طالعه الحين .... عيبته فكرت انها ما تبي تواجه ... يعني ممكن تحبني او على الاقل تاثرت بالا صار ....... تبع سيارتها .... لما وصلت البيت بالسلامه... اف منها ... اذا الله اراد و صارت من نصيبي راح امنعها من سواقة السياره..مستعد اصير دريول لها بس ما يصيبها شي .... بدا يفكر كيف يتصرف .........!!!! فكر في ابوه هو راح ينقذ الموقف ... هو صح ما طلب منهم يخطبون له الا امس بس هم يعرفون بنيته بالزواج من مها ..... و انا متأكد ان ابوي راح يتصرف...... طول الوقت الا مر على شموو بالمكتب ساكته تفكر ..... شو يمكن يصير لأخوها ..... هو مره ضيعها من ايده و هذي الثانيه ........ تنهدة بصوت عالي : وليد ابي اروح وليد يطالع ساعته : لا تووو الناس شموو: اف بس مليت .............. و ما عندي شغله اسويها وليد: تعالي خذي هذا الملف تطالعه منقهره منه: يخي جامل............ شافته يضيق عيونه و يطالعها بنظرات معصب منها ..... خلاص عرفنا الشغل شغل ................ تقدمت منه تاخذ الملف و قالت بصوت واطي: الا فهد ما قال متى بيرد بدون نفس : لا........................ شموو فرحانه: عيل منو بيوصلني...........و تطالعه نظرة انتصار.....................أنت!!!!!! وليد تفاجأ ما خطر على باله انها راح تركب معاه السياره مثل قبل او تقترب منه ...... حس بعمره مخنوق من الوضع الا هو فيه ........... و يبي يبعد او يتهرب ........ : وين احمد خله ياخذج.............. انا بصراحه ما اقدر شموو: شو عندك يعني............. بعد منو قال اني بركب معاك ........ بس انرفزك لفت ترجع مكانها ...تذكرت ان احمد يرقد الظهر.... رجعت له مره ثانيه تساسره و هي منزله راسها عنده: احمد يرقد الظهر............ يعني غصب عنك تاخذني .....لما شافت نظراته ............هههههههههههههههه ليش خايف انا ما اعض هو مرتبك من قربها منه الحين في المكتب........ كيف في السياره و هم بروحهم كملت : اذا دقيت له الحين راح يلحق يي............ شو رايك وليد بسرعه : خلاص دقي له ........... و فكيني ضحكت شموو و قالت : عفيه عليك ............ و هذا الملف وليد: كمليه باجر شافها تبتسم بانتصار ..... الحين عرف انها لعبتها صح و قدرت تلف و دور عليه لين وافق انها تطلع بسرعه.............. مو مهم المهم انها تبعد عنه ............... شموووو : يالله شباب اخليكم تكرفون ....... انا طبعا واصطه ..........باي الشباب ضحكوا مو عليها على وليد الا انحرج من كلامها ..... بس وين بتروح .... طلع بعدها وليد يرمس بالموبايل .... شافها واقفه عند المصعد ... عيونه عليها و هي تدندن بصوت واطي و تعدل من شيلتها .... فتح المصعد كانت بتدخل بس كأنها حست بوجوده لفت تشوف ...... واقف قريب منها و يهمس بالتلفون ...... انقهرت منه و رجعت له .... رفع لها حواجبه و كأنه يسألها شو تبين ردت بدلع: وليد بس عاد بنتأخر...............متعمده تسمع الا على الخط عصب منها و قطع الخط: انت خبله و الا هبله ابتسمت: اممممم افكر .......... اعتقد الاثنين وليد: عيل طلعي خبالتج و هبلج لأحد ثاني......و غزها بنظره ........ انت فاهمه شموو: عدال ..............يعني الا يشوفك يعرف انك تغازل ........... يخي احترم على الاقل الغبيه الا واقفه جدامك ...... ما تقدر تصبر لما تروح البيت ......... و الا يعني مسوي عمرك رومانسي وايد ما تقدر تصبر................قالت هذي الكلمتين بسرعه و تطنز و كأنها تتف الكلمات تف.......... وليد يتافف انا الا يبته حق عمري .... شو الا بلاني : شما لو سمحتي لا تدخلين ما ابي احرجش شموو و هي ترفع راسها بغرور: اصلا ما تهمني ... لفت للمصعد و ركبت و هي فيها نار غيره و قهر منه ...... (هذي البدايه ) | ||||
|
| |
|
16-12-08, 02:36 AM
| #27 | ||||
| الفصل الخامس الجزء الرابع بعد الظهر دق على ابوه يعلمه .... فهد: هلا يبه انت وين ابوفهد : وين يعني في البيت فهد: يبه انت ما علمت ابو حمد عني ابو فهد هو يعقد حواجبه: بلى ليش فهد: اسمح لي يبه بس متى ابو فهد: من حوالي اسبوع او اكثر .....خبرتك امس ......... ليش في شي فهد: يبه البنت انخطبت .... ابو فهد و قف و ترك الا في ايده : كيف يعني انخطبت .... ليش ما رد لنا خبر.... اشوفه و ارد لك ابو فهد عصب كيف يعطيني كلمه و يعطي غيري كلمه..... دق على ابو حمد .... ابو فهد: هلا ابو حمد و ين انت ..... الحين بمرك ابوحمد شو السالفه ليكون عرف بالخطوبه ..... ابو فهد ما راح يعديها بالساهل .... يطالع نسيبه .. محمد محمد: الا شو قلت يا بو حمد ابوحمد: الشور عند البنت ..... نحن متفقين تكون الملجه بعد التخرج ... محمد: الله هداك ابو حمد الا هي ملجه يعني ما فيها شي .... وبعد ما راح تأثر على دراستها : و الله ما اعرف شو اقولك ..... محمد: و انا ابيها بصراحه تتفرغ حقي و حق العيال ما ابيها تنشغل بشي ثاني : بس من شروطها انها تشتغل .... و هذا الشرط راح ينكتب بالعقد..... انت فكر ورد على خبر ... هي وافقت على اساس هذي الشروط وانت ياي بعد الخطوبه بكم يوم تغير .... محمد: يصير خير يا عمي ..... وطلع ابوحمد توهق .... كيف يتصرف هو عارف ان بنته راح ترفض نهائيا الملجه قبل التخرج ... و ما راح يعيبها الحجي الا قاله محمد الحين...... سمع صوت سياره عرف انه بو فهد بو حمد: يا حي من يانا .... تفضل بو فهد من دون مقدمات : شو الا سمعته يا ابو حمد بوحمد ارتبك: و الله هو خطب قبل و انا شاورت البنت فيه .... قلت اذا رفضت بخبرها عن ولدك انت تعرف ان الخطوبه على خطوبه حرام .... بو فهد: الله هداك يا بوحمد جان علمتني انا من زمان المح لك عن هذا الموضوع بوحمد: اسمح لي بس انا خفت يتكرر الا صار قبل بوفهد: و اذا قلتك ان فهد هو الا خبرني يبا البنت بوحمد يفكر شوي...: - و الله كل شي نصيب يا بوفهد ... تفضل قهواك بوفهد : منو هذا الا خطبها بوحمد: محمد ولد................. قاطعاه ابو فهد : لا تقول هذا مديون لين راسه ..... مو حرام تعق بنتك في هذا المصير بوحمد اول مره يعرف بهذا الحجي ...... توتر هو فعلا ما يبي بنته يكون مصيرها جي... انا لازم اتصرف .... يتنهد الله يهديج ام حمد نحن وافقنا عليه عسب كلامها عنه .... بوحمد: لا تقول يا ريال .... و الله ما ارضاها حقها ..... بو فهد: البنت نحن نبيها .... و انا ما اقول هذا الحجي الا و انا واثق ان ولدي يبيها ... انا ما راح اخطب الحين علشان ما تصير خطبه على خطبه .... بس انت تخبر عن الولد زين .... و اذا صار شي لا سمح الله ... ولدي اولى من الغريب.... بعد ما طلع ابو فهد قعدت افكر في كلامه.... انا طول عمري كنت ابي فهد حق بنتي بس الضروف .................. و الحين ما اقدر ارفض محمد علشان فهد.... بس ظلمت البنت مره ما ابي اظلمها مره ثانيه.... هي راضيه و موافقه عليه ... كل الا علي اني اوصل شروطه حقها.. دخل الصاله شافهم على السفره يتريونه على الغدا و مها معاهم ... سلم عليهم و هو يطالعها : ها اليوم راده من وقت مها: شو اسوي استحيت كثر ما يباركون حقي قلت اشرد .. مي: عدال .... كأنج اول مره تنخطبي يعني بو حمد و هو ما عايبنه الكلام .... يطالع ام حمد الا سالت عن محمد و شو يبي بوحمد : يبي يقدم الملجه تشهق ام حمد و هي تطالع بنتها .... تحس انها اجبرتها توافق على محمد بطريقه غير مباشره .. هي ملاحظه على بنتها شرودها و ما تشوف الفرحه في عيونها مثل كل عروس علشان جي هي مقرره انها بتوقف مع بنتها ام حمد: بس هذي من شروطنا بو حمد : انا اقول ملجه ما تضر .... و بعد التخرج يصير خير... و هو يبيها تهتم في بيتها .. شكله ما مايد شغلها لهاك الزود مها ما قدرت تستوعب الا انقال مسكت ايدها عن الاكل ... هي اصلا من الاول مالها نفس بس قالت انزل افرج عن نفسي.... و يا ليتني ما نزلت.... هي لو عن الملجه الحين ما راح تضرها.. بس اسلوبه بعد الخطوبه قام يعارض كل شروطها هذا الا يقهر.... هذي المره ما راح اعديها و اسكت خلاص و الا راح يصير يصير مها: يبه ما مر يومين الا ياي يعارض الشروط عيل بعد الملجه شو بيرني من شعري و ياخذني بيته....... ام حمد: و هي صادقه .... عيل بعد التعب و الدراسه يبي يقعدها في البيت ... وليش وافق من الاول عيل... مها: انتوا عارفين اني وافقت عليه علشانكم ..... انه رضا بشروطي .... بس يخالف هذي الشروط لا................. قوله يبه اني ابي شغاله بعد و بيت بروحي ... مثل ما غير رايه انا بعد غيرت راي.....سكتت تشوف رد فعلهم .... و كملت ..... اذا رفض خل يولي لأني مو مرتاحه له ابد.......سارت بسرعه غرفتها .... ما تبي تشوف احد او تكلم احد هذي ثاني خطبه تنفك ... بس اريح و لا اخذ واحد ما له كلمه......... بليل في غرفة ام حمد و ابو حمد ام حمد تصيح على حظ بنتها ... بعد ما خبرها بو حمد ان محمد طلع مديون ..... الام: و على حظج يا بنتي مالج نصيب الاب: استغفري يا حرمه ... ما صار شي الا كل خير الام: انت ما شفتها ... من انخطبت ما قد شفتها فرحانه ... لما لبسوها الدبل .... ما ابتسمت .. هذي غلطتي اني اصريت تاخذ الريال الغلط الاب: تعادلنا عيل مره انا و الثانيه انت ........ و يبتسم ... عاد الثالثه هي الام: بسم الله على بنتي ...... ان شاء الله الثالثه ثابته الاب:بس بعد ما راح ارد على محمد الا بعد .... ما اسالها مره ثانيه........... هذا زواج مو لعبه وطلع راح غرفت مها .... دق عليها الباب و فتحه شوي شوي شافها قاعده تقرأ قرآن يلس بحذالها و ضم كتوفها........ الاب: يمه انت موكل يوم تنخطبين و هذا قسمه و نصيب .... انا راح اخبر محمد الا قلتيه بس من غير ما اكنسل السالفه .... خل نشوف قراره و بعدين تاخذين قرارج الاكيد.... مها : الا تشوفه يبه ... ما ابيك تزعل مني ........ بس بصراحه انا مو مرتاحه حقه.... و صدق ما ابيه الاب: خلاص عيل خلي كل شي على و اعتبري الموضوع منتهي طلع من عند بنته و هو مرتاح اخيرا من بدت سالفة الخطوبه و هو متكدر ما يبي يكدر خاطرها او يظلمها ... و راح انفذ الا تباه ... هي الحين كبيره و لها الحق تحدد مصيرها .... نامت مها مرتاحه لقرارها ..... تقريبا ريحت بالكم موووووو...............................!!!!! !!!!!!! !!!!!!!!!!!!!؟؟؟؟؟؟؟؟؟؟؟؟؟؟؟ | ||||
|
| |
|
21-12-08, 12:31 PM
| #30 | ||||
|  الفصل الخامس الجزء الاول في ثاني يوم مها كانت نفسيتها مرتاحه و تشعر بسعاده كبيره.... كانت تدندن مع الاغنيه و تتمايل معاها... و البنات فرحانين لفرحها و مسوين ضجه في السياره حصوو: و الله مخابيل في احد رايق مثلنا اليوم مها: دوم مو يوم ان شاء الله.... وصلوا مع فهد و اخته .... شموو من سمعت الموسيقى العاليه و الاغاني شاله البقعه .... ركض لربعها و هي فيها حره منهم ... شموو و هي محطيه ايدها على خصرها: لا و الله ليش مسوين حفله عزه: هذي المها فرحانه اليوم ....... الا جنها تحتفل بخطوبتها تضحك عليها مها و تدزها و هي تتدلع: اصلا انا دوم جي انسانه مرتاحه نفسيا .... بعيده عن العقد..... شموو: ما دري منو امس متضايق و راد البيت بسرعه تغزها مها بعيون وحده : بسم الله علي هم و انزاح من على قلبي وصلوا عند المصعد و بما انه زحمه انقسموا مجموعتين حصوو ومها و شموو و فهد .... مها ما عارضت وجودها مع فهد... ما عاد يخوفها .... بالعكس تحس انها تبي تكون وياه ... بدت تحس بحبه الا واضح من نظرات عينه و هو يراقبها خلسه..... و مها عامله نفسها عادي جدا و لا مهتمه ... و ما كانت ناويه تخبر احد عن فسخ خطوبتها ...... تحس ان الوقت مو مناسب......... اما فهد ما قدر يشيل عينه من عليها من نزلت من السياره و هو يراقب كل حركه تسويها .... في المصعد تتعمد اطنشه......... بس لاحظ انها ما عاد لبست الدبله..... من تذكر انها ممكن تضيع من ايده ... ما تمالك عمره ... يحس بمشاعر كثيره داخله تبي تنفجر.... همس و هو مغتاض منها :عفيه للشاطرين الا يسمعون الكلام مها تطالعه بنص عين ... هي فعلا كانت خايفه منه و ما بنيتها تلبس الدبله ابد....... ردت عليه : ما عايبتني ... قلت بغيرها و باخذ وحده على ذوقي فهد: يا ليتج تغيرين الشخص نفسه مها و هي تطلع من المصعد و بدلع: فهد بس عاد انا ما صدقت انخطب و ابي اعيش فترة الخطوبه مثل كل الناس لا تنغص علي..... و تمشي بسرعه و ما اهتمت برده او بشموو الا قاعده اسمع صوتها وهي تترجى اخوها يهدى..... شموو تدخل المكتب و عينها على مها ميته منها قهر ........ كيف تجرح اخوها بالهذي الطريقه .. حرام عليها ... رقعت اغراضها بقوه على مكتبها .... وليد استغرب من نفسيتها و عصبيتها و تم يناظر مها مره الا الفرحه تنط من عينها و شموو مره الا معصبه و لا سلمت لما دخلت و تقز مها بنظرات شرار و ما عطتني ويه......... شموو: انت على شو ناويه مها: انا ابدا حبيبتي ........ و لا شي شموو: ليش احس ان وراج مصيبه و تخططين لشي مها :بس عاد نحن بالمكتب ....... لو سمحتى نتحاسب بعدين شموو: لا ما فيني صبر الحين قومي مها و هي تطالع وليد: صبر ام مطر ......... عندي لج مفاجأه بمليون شموو: ام خميس اطبي ........ احسن لج مها: ليش عاد ................. و هي تطالع نظرات وليد الا وده يقوم يكفخهم على سخافتهم .. قال ام مطر قال مها : او نسيت تغير الاسم الى ام .... تقاطعها شموو بعصبيه: مهوو بس عاد ..... و الله انج رايقه سكتوا البنات شوي وليد: ها اصبحنا و اصبح الملك لله ...... كملوا سوالف اشوف ...... ليش سكتوا........ مها و شما شموو من يقول اسمها شما تعرف انه معصب ... سكتت تطالعه و مها لابستنه و لا كأن احد يكلمها وليد: احمد ييب الخمسين ملف و وزعهم على البنات .... ابيها كلها اليوم قبل نهاية الدوام شموو: خيبه كل هذا مها و هي تطالع وليد مو مصدقه: تمزح اكيد وليد: كلمه زياده و احط خمسين ملف غيرهم تموا البنات يطالعوه منقهرين منه .... بس على مين رغم انشغالهم الا ما يفوتهم شي الا يعلقوا عليه..... مها : طالعي شموو هذا اسمه مصعب .... و الله شكله بالصوره تحفه شموو تنش من مكانها و تروح عند مها تشوف الصوره : الله شعره حلو مو مها تضربها بكوعها علشان تسكت ... هذي الخبله وليد يالس وهي تتغزل في الريال شموو: مهوو شوفيج اليوم مو طبيعيه مها : انا و الا انت... و تاشر بعيونها على وليد .... صدت شموو تشوفه .... اوه نسيته..رجعت مكتبها بسرعه ... وليد و هو يطالعها بنظرات منقهر منها ... الحين الا بالمكتب شو بيقولون قاعده تتغزل في واحد و خطيبها يالس........ انتبهت شموو انه ما زال يطالعها ... قالت: سوري نسيت انك موجود ضحكوا عليها الشباب : صدق ياهل شو عليج بالعرس انت شموو و هي مستحيه: بس عاد لا تمصخوها تموا على هذا الحال مدة اربع ساعات ... كل وحده منهم تعلق على الملف الا يطيح بايدها.... وليد طفر منهم و هو يهز راسه ما شي فايده فيهم ابد..... وقت الغدا دخل فهد الكفتيريا و عيونه تدور عليها .... بعده منقهر من حركتها ... غريبه مش موجوده.. شاف خالد على الطاوله ينطره ...... قعد و هو يتافف خالد: عافان الله الناس تسلم ..... شو فيك تتافف فهد: يعني ما تعرف خالد: انت الا يبته حق عمرك ... كم مره خبرتك تروح تخطبها ... و كنت واثق انها لك فهد منقهر : و بتصير لي وليد يراقب فهد من بعيد وابتسم اكيد يدور عليها ..... قام للطاولة فهد وليد :مرحبا شباب..... فهد رد بدون نفس..........ههههههههههههههههه ههههههههههه ..... الله على العاشق الولهان ..... مفتقد وجودها مو فهد ما له نفس يرد او يناقش احد تم ساكت وليد: معاقبين.... عطيتهم 50 ملف يخلصونه اليوم .....ههههههههههه ... ليش تطالعني جي خالد:هههههههههههههههههههه� �هه تضن العقاب ينفع معاهم وليد: اكيد لا........ انا ماعطينهم شغل زياده علشان يسكتون بس منو يقول .... بعد المناقشات الحاده الصبح ... تحولت المواضيع عن اصحاب الملف.... لدرجة ان بالي كله كان معاهم ... و عرفت تفاصيل الملف من غير ما اقراه... فهد يبتسم هو يعرف اخته .... اكيد خذت السالفه غياض و ما نزلت للغدا عسب جي 0000000000000000000000000000000000 مها: شموو ما يعتي شموو و هي تمسك بطنها من اليوع: الا ميته يوع مها: خلصتي شمووو: لا .... و عادي اذا مخلصت بفر له الملفات كلها و لا يهمني مها: ههههههههههه هذاك اول الدفاشه الحين الحركه محسوبه عليج مطر مار بجنب مكتبهم استغرب وجودهم .... دخل سلم عليهم مها: و عليكم السلام ............. نعم امر تبي شي مطر و هو يطالع شموو الا مطنشتنه و ما ردت السلام: السلام لله ..... شفتكم يالسات قلت اسلم شموو: و خلاص سلمت ... شو تبى بعد مطر: ما كنت ادري انج عصبيه جي....... رغم اني كنت احاول اتقرب منج علشان تصيري من نصيبي....... ما كنت ادري انج محيره ................ مها: بس مطر لو سمحت الموضوع منتهي شموو: كل واحد خذ نصيبه مطر: هيه بس انا بعدي ما خذت نصيبي....... بنطرج لما تكنسلين الخطوبه .... واذا ما صار ... بحول لربيعتج.. مها و شموو فتحوا عيونهم علي الاخر هذا اكيد خبله ..... ابتسم شوي و طلع و هو فرحان بردت فعلهم ... على الاقل زرع الخوف و الشك فيهم.. ............................................ وليد : يالله شباب بروح اخذ لهم كوفي خالد: يا هذا الكوفي الا طالع علينا هــ اليومين وليد : حرام اكيد يوعانين و انا اعرف ما بقاومون الكوفي ابد ......... اشر بايده لهم و طلع ..... وهو شال الكوفي وطالع للمصعد تلاقى ويا مطر الا حتى ما سلم بس طالعاه بنظرات استفزازيه...وليد في خاطره الحمدالله و الشكر بلاه هذا....صدق نفسه خايسه.!!!!!!!! وصل وليد عند البنات الا من طلع مطر و لا وحده منهم رمست او حتى شافت الشغل الا في ايدها.... وليد و هو يدندن و مستانس: مرحبا .... قلت اتنوا اكيد يوعانين ... يبت لكم اخف شي يصبركم لما تروحون البيت...... و يوزع الكوفي ..... استغرب سكوتهم و لا وحده منهم ردت او شكرته ... تم يطالع مها و بعدين شموو : شو صاير ما ترمسون بعض......... شو هذي الحركات .... يهال انتوا.......... انزين احد يرد علي مها: مشكور وليد........ بس السالفه مو جي شموو: مهووو بس عن المشاكل وليد استغرب بلاهم ...... ركز نظره على شموو الا لاحظ انها تتفادى عيونه ...احس انها مخبيه شي و ما تبي تقول وليد: شو صاير ما تردون....شموو مها: الزفت مطر مر هني .... و فر كم كلمه تسم البدن وليد من يابت طاري مطرتنرفز ... و هذا بعدين معاه ..... شو قصته..... و هو عيونه على شموو وليد: شما ..... رفعت راسها تطالعه.....ما تحب يزقرها جي ..... تعرف انه معصب شموو: قال ان لما اكنسل الخطوبه راح اكون من.......سكتت ...... وليد و هو خلاص واصله عنده:::: من شو شموو و هي تتكلم بسرعه: من نصيبه و اذا مو انا راح يحول لمها ...... و الله احس فيه خبله ... لا تاخذ على كلامه وليد ما وقف يفكر مرتين على طول للكفتيريا .... وهو داخل شل الحمدانيه من على راسه من كثر ما هو معصب.... خالد انتبه عليه وقف على طول ... و فهد يتابع نظرات خالد ... شاف وليد رايح صوب مطر بسرعه و شكله معصب ... وليد مسك مطر من ثيابه و هات بكوسات .... و طاحوا على الارض و من قوة الضرب مطر ما قادر يتحرك .... هجموا الشباب وشلوا وليد من على مطر .... الا معصب و ينافخ ويبي يهجم على وليد... تدخل فهد على طول ..... بقوة شخصيته و بصوته العالي : ممكن اعرف شو الا صاير هني.............. وليد: هذا الزفت رايح للبنات يتوعد فيهم مطر: كنت اتغشمر ... هم خلوا السالفه جد فهد: معاي المكتب و هذي المشكله طولت اكثر من اللازم في المكتب فهد لوليد: انت موكل مره تحل مشاكلك بالخناق .... انا ما اذكرك بهذي العصبيه... وليد وهو يحاول يتمالك اعصابه ... هو فعلا الضرب اخر الحلول عنده بس هذا مطر ما ابلعه: شل اختك و خلها في البيت و انا شو على كل يوم مسوي مشكله علشانها .... فهد: لازم مو قيس ..... شاف نظرات وليد الا شوي بياكله .... هههههههههه... هذا اللقب الا اطلقوه حقك الشباب ... وليد و هو معصب : و الله لك بارض تضحك بعد .... اقولك قال لها راح تكونين لي اول ما تفسخ الخطوبه...كأنه عارف انها خطوبه مؤقته فهد: انت ما عليك منه كلام بس... هو الحين اعتذر و وقع تعهد بعدم التعرض عليها.... و راح ننهي هذا الموضوع وليد: ينتهي ...... و اذا تراه مهدد ربيعتها بعد .... شكله ناوي يخليهم ضرر فهد: عني انا اول ما تصير في ايدي .... ما ابي خطوبه راح املج على طول.... بس انت عاد وليد من قال املج كأنه احد صب عليه ماي بارد .... ما توصل لجي..... و هو يضيع السالفه وليد: انت مصر عليها ... ياخي البنت مخطوبه ... اشوفك اخس عن مطر ضحك فهد : انا ما اقدر اتخيل انها تكون لغيري ..... راح اتصرف ... يمكن اعطي خطيبها كم الف و يفك عن الخطبه... وليد: ههههههههههه منو قيس الحين ..... 000000000000000000000000000000000 دخلوا الشباب و كل واحد يطالعهم بنظرات ..... مها و شموو مستغربين منهم مها: نعم في شي شموو: يمكن شكلنا غلط مها: شوفي يمكن شاربي محد شموو: هههههههههه ... اطول عن شارب احمدوو الشباب ضحكوا الاول: و انتوا شو عليكم كل يوم و الثاني مسوين مشكله الثاني: الا انه وليدوو طلع مو سهل الثالث: الا طلع قيس مها: هههههههههههههههه شو سوى الاول: مسك مطر و طاح فيه ضرب مها تشهق: هذا كيف راح تتفاهمين معاه كل ضرب واحد من الشباب: وليد نادر ما يعصب ...... بس وجود الخطيبه معاه .... غيره شموو: بس عاد و الله اعلم عليكم وليد احمد: لا عاد كله و لا يقلب علينا ... هو نحن نقدر على زعله.... واحد من الشباب : و الله هذا خبل .... وش لك تبتلي بوليد احمد: صراحه هذا مطر مصخها ... وحده مخطوبه ليش تتحرش فيها...... و الله لو خطيبتي حطتني بهذا الموقف الا اخليها في البيت ابرك لها شموو: الحين هو وينه احمد : عند فهد .......... ما ادي شو يتامرون شموو تطالع مها .....متوتره ... تخاف وليد يقنع فهد و يرجعها البيت مها و هي حاسه فيها: شموو شربي الكوفي برد بهذا الوقت دخل عليهم وليد وهو يبتسم و لا كأنه مسوي شي .... ويعلق هو و الشباب و ما خذ المسأله كوووووووول.... شموو ارتاحت شوي.... ما بيطلع حرته فيها وليد و هو يناظرهم : ها وين وصلت الملفات مها: اول مره اعرف انك شرير .... قاعدين نكرف من الصبح .... و يايب لنا كوفي واحد بس .. انزين اطلب لنا ثاني شموو: لا و الا يرحم والديج كفايه الا يانا من ورا هذا الكوفي مها: صدقج كانا محسودين عليه شموو: اكيد يعني .... شوفي كيف يطالعون الكاسه و هي فاضيه ... وليد يضحك عليهم : انتوا ما تبطلون هبل .... عندكم نص ساعه روحوا تغدوو شموو توقف بسرعه :قول والله مها: و اذا ما خلصنا الملفات اليوم وليد : مو مشكله باجر تكملونها شموو: يالله مهوو عندنا ساعة غدا يدوبك تكفينا وليد: ساعه انا اقول نص ساعه مها: نص حق شموو و نص حقي .... يعني ساعه احمد: وليد اسكت عنهم الا يخلوها ساعتين وليد: صدقك .... الا متى اخر يوم لكم عندنا شموو: افا تبي الفكه مها: عدال عاد انتي مقابلتنه 24 ساعه يعني......... شموو: لا تفرح ترا كل يوم عليك الغدا و الكوفي بعد... وشكلي بمر مع فهد في جولاته اليوميه.. مها: و الله فكره و نغصص عليهم...... وليد: و الله لأذبحج انت و ياها ........ سيروا قبل لا اغير رايي يضحكون عليه البنات و يسون له حركات هبل قبل لا يطلعون...... لاقاهم فهد علق : انتوا المهابيل ما تبطلون هذي الحركات شموو: هذا وليدوو يبي الفكه منا ...... اقوله بنيي معاك في كل جوله .....عصب فهد وهو يطالع مها و تتعلق عينه في عينها و كانه سحر يبي يلتفت يرمس مع شموو بس مو قادر و قال بهمس: ما احلاها من ساعه لما تكونين معاي............. شموو و هي تطالعهم ... و تفكر مهوو الجذابه و تقول اونها ما تحبه عيل ليش تناظره جي.. شموو: و الله اول مره اعرف انك تحبني هل كثر فهد و هو يبتسم و يحاول يركز مع اخته: و اكثر بعد مها وهي تطالعه مستغربه من تصرفاته ... شكله فعلا يحبني ... عيونه خبرتني ... حسيت برجفه في كل جسمي و ما قدرت انطق بكلمه او اتحرك .... سحبتني شموو معاها و هي تتافف : شكلكم مطولين ...........فهد كمل شغلك......... مها تحركي بلاج ترجفين انت مريضه و الله لو اوصف لكم مشاعري و انا اسمع شموو عرفت تاثيري عليها... اكيد قرت مشاعري من عيوني ... آه على عيونها بحر غويصه....... و ربي احبها... .................................. مها: اخوج بخبل فيني ... كيف يطالعني جي و انا مخطوبه .... شموو: من الحب ما قتل مها: بس حرام غمضني راح اخذ واحد ثاني شموو: احلمي ... عادي اخوي يخطفج ...هههههههههههه ... خفتي ...... انت هي نحن وين عايشين.. مها: ما خوفتيني عادي........ بس صدق شو ممكن يسوي شموو: يسوي لج غسيل مخ............. و يخليج تحبينه غصب......... و هي تفكر و قالت بصوت عالي........هذا طبعا اذا ما كنتي تحبينه فعلا مها : بلا سخافه خل ناكل يعانين شموو: كلي كلي شو عليج يمر الوقت و هم سوالف و ضحك وليد: تو الناس جان تميتوا بعد مها: سوري ما حسينا بالوقت شموو: خل نعذبك شوي قبل لننتقل ........ ربعنا اهدى منا ... مو مال هذي الحركات وليد: الحمد الله ريحتي بالي.... تفضلوا شوفوا شغلكم | ||||
|
| |
 |
| أدوات الموضوع | |
| انواع عرض الموضوع | |
|
|
1Likes
العرض العادي
