فصل رائع كعادتك تميمة
بالنسبة لوعد و سيف
وعد برفضها العودة لسيف بتحاول تنقذ الجزء المتبقى من مشاعرهم لأن استمرارهم بالصورة اللى كانوا عليها كان فيها دمار للمتبقى من مشاعرهم و بالنسبة لسيف وعد محتلة مشاعره كلها و ما بيصدق يلاقى مشكلة وعد وقعت فيها و يسيب اللى فى ايده و يجرى عليها بس كل واحد و بالرغم من مشاعره تجاه الاخر بيحاول يكون فى همزة وصل بينهم مش بيقطعوا كل الخيوط و اتمنى ده يكون سبب للعودة مرة تانية لبعض .
بالنسبة لميرال و الله انا معجبة باصرارها على ملاحقة سيف و اعترافها بحبه و خصوصاً بظروفه مع وعد بس هى فى الاخر خسرانة لأن المشاعر مش بالشكل و اتمنى تفهم ده و من سيف نفسه .
كرمة وحاتم
كرمة فقدت أى مشاعر بينها وبين محمد بس هى بتحاول ترد له دينه عليها عن طريق علياء مراته و بصراحة علياء نموذج للمرأة الخانعة جداً على عكس كرمة المتطلعة الطموحة و غلطة كرمة انها ما كانتش صريحة مع حاتم بس ارجع و اقول لو اتكلمت معاه كان حيقبل برأيها !!! و اللى اخشاه ان حاتم يكون فقد الأمل ويئس من كرمة و ييجى هنا دور كرمة انها تحاول تفهمه مشاعرها و تشركه فيها لأن واحد بشخصية حاتم لازم يسيطر على كل الخيوط و اعتقد ان محمد الصغير حبيب الكل حيساعدها فى الجزء ده .
وليد و شيراز
الثنائى ده بتألم علشانه جداً كل واحد فيهم مجروح و مطعون و عاوز يعالج الجرح ده و مش عارف اتمنى بمحاولة وليد انه يعرف ماضى شيراز انه يبتدى العلاج .
رائف و ملك
ثنائى البهجة كل ما اتابع قصتهم بحس ان الدنيا لسه بخير بوجود شخصية محبة عطوفة زى رائف و ملاك زى ملك مهما بتشوف فى حياتها بتقدر تتغلب عليه و تحاربه بس قصة زوجة رائف يا ترى حتؤثر عليهم و لا حتساعدهم يفهموا بعض اكتر ؟
تحياتى تميمة و فى انتظار ابداعك
| 
آخر 10 مشاركات
01-08-15, 05:28 AM
500Likes
.png)
العرض العادي
