آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-10-14, 07:49 PM
| #21 | ||||||||
| مراقبة عامة ومشرفة منتدى الروايات المنقولة  
|  بسم الله الرحمن الرحيم السلام عليكم من الله ورحمته وبركاته كل عام وكل لحظه وانتم من الله اقرب وافضل كل عام وانتو بالف صحه وسعاده وعساكم تعودون ايادكم من احسن لاحسن لكم وحشه كبر السماء وحلاتها سامحوني على القصور ي الغراميين المودم قفل اشتراكه فاظطريت انتظر الين اشوف لي حل واختي غلاوي ماقصرت فديت نبضها اتصلت فيها وساعدتني انها بتقولكم ظرفي ربي يسعدك حبيبتي،، الف شكرا لمن وضع له بصمه على البارت الاخير وكل بارت سابق اتمنى يعجبكم البارت كما عهدت كونو بخير اكون سعيده باذن الله البارت الثالث عشر  فِينِي كَآنت [ طفلةٍ تغفَى علَى سرْد الحَكآآيـَـآآ تعشقَك ... لكنْ , بـ صَمت ! طفلةٍ بـ الرّووح تركضَ تنبشْ بـ وسْط الحَنَآآيـَآآ .. ومن غصُون القلب كَآنت ....... تجمَع ورود وهدَآآيـَآآ تزرعك فِي كلّ صبح ! .... وآآخر الليلة وبعض الخلق يلبَسْ نُومه وبعضَه حكاياا.. تطلب الله وتصلـي ../ علّه يهدِيهآآ مثلْ وجهك كثير علّهَآآ تتنفّسك كلْ يووم من الأوّلْ للـ أخير ! " شُووف وشلُون النوآيـَآآ " طفلةٍ أطرَآفهَآ رعشَة يدِين أمّك .. هدبهَآآ لك غطَآآ .. وعيُونهَآ لأجلك سريـرْ طفلةٍ بـ عيُونَهآ { لُوحَة يتم ..! وبـ شفَآتَهـآآ " يبَـه أنَآ أحبّك كثير "! طفلة من لحمك ودمّك , طفلة تتوسّد يدينك , طفلة تتغطّى بـ لمّك , حلمَهآ فِي كلّ لِيلَه / سندرِيلآ والأمِيرْ .. همّهـآآ مَآكآن همّك همّهـآآ مَآكآن همّك همّهـآآ مَآكآن همّك حلمَهآ فِي كل مرّه , ينتهِي قبل الأخِير .. وتصحَى بدرِي السندرِيلآ حآآفِيه ! والأرض مآتوصّل لـ قآآع ....... والهَوى حبلَه قصييير , ماقدر يرحم ضعفها وصوت نحيبها المفطور ،،اللي يسمعها يقول احد ذابح احب شخص بحياتها ماقدرت حتى تسحب ايدينها من ايده،، تحس بطعم الموت قبل حله،، قاعد يغيضها ويحرقها بضرتها،،عرف زين كيف يعاقبها،، جنونها عليه قبل ،،،غيب عقلها حتى عن حمالها اللي هو جزء منه ماحست بيدينها اللي افلتها بعنف جارح ، ،ولا حسيت بالهواء البارد اللي كل ماله تزيد برودته ماتدري كم مر عليها جالسه قربه تبكي بدون حتى لايهديها الا من همسات غاضبه منه ،،بس خلاص ،،عورتي راسي،، دموع مزيفه،، بسش خلاص وبعدين هدت بعد ماحست ان دموعها جفت وروحها استسلمت للتعب تحركت بثقل بدون لاتناظر ملامحه الجامدة وعيونه اللي سرحانه لبعييد،، وقفت برجفه متمنيه لو ماشافته ولا التقت معه بالمره ماحس بغيابها ولاهمه روحتها وجلسته بروحه كل ما تذكر تصرفاتها الطايشه ،،كرها وكره دلعها الاولي،، غمض عيونه بالم وأحداث ليله مولمه ترجع له بقسسسسوه ايدها على خصرها وبدلع...:حبيبي ابي الحين يلا قوم جرها بخفه تجلس بحضنه وعيونه معلقه على الفلم المرعب..:شهدي بلاش دلع بس ينتهي الفلم نروح حق الخيل زمت شفايفها باعتراض غطت على عيونه بيدينها الثنتين ...:اجل مافيه فلم احنى جايين ننبسط حظرت الكاتب ابعد ايدينها بضحكه وبحب..:ابي افهم وش الطاري على الخيل الحين ..خليها بكره صدت للجهه الثانيه وبزعل مصطنع..:خلاص تابع فلمك ماعاد بزعجك رفعها بخفه بعد مارمى الرموت بعيد عنه ضحك بوناسه على ابتسامتها اللي تاسره باسها بحب يعجز عن مداها فيها اكتفى ولها قرر يكون نزلها بحرص من وصل للاسطبلات القريبه من الفله شهد باصرار..:بيبي بكون على المهره وانت على خيلك سحب اللجام لاحب خيوله ..:تعالي معاي ماله داعي اثنين تعدته بثقه..:ابي اسبقك وتعطيني هديه على ذوقي التفت عليها وبحماس..:تحملي لو سبقتك وفزت عليك امتطت المهره بمهاره مثل ماعلمها بالضبط شدت على اللجام بحرص وبخفه ضربت السوط ضحك بسعاده ناويه تسبقه وتكسب التحدي تاملها لجزء من الدقايق خياله يعجز خيالها يوصف عشقها جميله لحد الجنون واكثر مجنون لو ماشاف عيونها كل ليله وباسها الين تطفش امتطى خيله ولحق فيها بتحدى كل هذا قبل يوم من تسقيطها للمره الثانيه بيسابقها وبيكسب التحدي سوا فازت او خيرت بيجننها وبيهبل فيها مثل العاده ، ، ابتتسم بسخريه طفله وقدرت تلعب عليه وتستغفله اي جرح ابدعت فيه وعذبته علمها ومن اشتد ساعدها هو اول من اتصاوب من ايدينها ركبت وتسابقت عشان ينزل البيبي حققت مرادها يجهل كثير متى بيحقق مراده وينتقم لقلبه الفندق،،، زهبت شنطة ملابسها اللي جهزتها عمتها أم قصي ،، من آخر نقاش بينهم وهي مشتته ضايعه، ،وخاصه مارد يتكلم في آخر شي بينهم،، تعاملهم مع بعض جاف وبارد وكثر أوقات تستغرب جلسته مع روحه لأوقات طويله،،، قفلت الشنطه بعد ماتاكدت ان كل اغراضها كامله،، لفت على ملابسه اللي جهزهم من وقت خبرها أنهم بيطلعون من الفندق ،، عضت شفايفها بحيره ترتبهم في الشنطه أو تكون ابعد ارحم لها،، امتلت عيونها دموع اول ماتذكرت أبوها العود وهو يطلب الحل منها لو ظلمها بهالزواج وبقلب صافي باست كتفه ورأسه وحللته عشان يرتاح،، لو ماكانت موافقه عليه ماكنت بتسمع لضغط احد منهم،،، بس لانها تحس بالنقص اضطرت توافق غصب عنهاا،،، يكفي ان خالد ناوي يتزوج،،فاهي ماهي حابه تكون ثقل على احد ،، فزت بخرعه وهي تسمع صوت باب الجناح ينطق ،، تحركت بثقل للصاله الخارجية،، طاحت عيونها عليه يصلي بعمق ،، تنهدت وهي تقرب من الباب سمعت صوت خالد وكانه يكلم احد العاملين براء،،، فتحت الباب وبتلقاىيه رجعت خلفه،، خالد.. دخل وابتسم بحنان اول ماطاحت عيونه عليها. ابتسمت له باحترام لقلبه الطيب، ،رفع ايده على كتفها يحثها تمشي لداخل وهو يبوسها على راسها خجلت من تعامله اللي ماتعودت عليه الا من عرفته وعرفت قلبه،، وقف قبال المرايه اللي بالواجهه ،،،:أخبار الوله ضحكت بخفه على طريقه نطقه لاسمها،،لانه الوحيد اللي يناديها غير :،،الحمدلله،، وبنعومه فطريه،:،وانت رجع يطالعها بعد مانتبه للي يصلي قريب منهم ،:،،تمام،، طالع حولينه وبستفسار ،،:شنطكم جاهزه،، حركت راسها بالايجاب وهي تأشر له يجلس،،:تفظل اجلس على بال ماجيب شي تشربه،، طالع ساعته ورجع يطالعها وبجديه:،،لا وين مايمدي ،،ي الله نلحق على الطياره،، عزام اللي سمع حوارهم وقف وهو يطوي السجاده ،،وبجمود،،:روحي جيبي شي على السريع على مايجب الشنط،، خالد ماعترض،، فرصه يكلمها بعيد عن انضار عزام،، مشى معها للمطبخ يتحجج بسوالفه عن ولد منيره وكيف شكله مجننه وذابحه أخذت الكأس القريب منها وصبت له عصير الفراوله بعد ماحطت مكعبات الثلج بوسطه وقف يطالعه بتركيز بس قاعده تسمعه ومآلها أي تعليق،، يبي يطمن كيف قضت هاليومين ويا عزام كتف ايدينه بعد مانزلت العصير قباله،،وبجديه تخالف حنانه اللي تعودت عليه،:،كيفه معك؟؟ رفعت راسها بسرعه له ،، ثواني فهمت معنى سؤاله ،،شتت نظراتها وبهمس،،زين سكتت وهو ظل ساكت ينطر باقي جوابهاا العقيم سكوتها قاعد يخوفه،،، تقرب منها وهو يرفع وجهها جهته،،وبصدق بان ع ملامحه:،،لو ماتبين معه ،،لو ضايقك اقدر اخذك الحين.... حركت راسها بالنفي وهي تتحرك للمغسله تغسل ايدها وبثقه مصطنعة،:،لا انا حيل مرتاحه. لو ماكان خالد اللي يكلمها كان ضحكت بسخريه عن جملته الأخيرة ،،، اقل شي لو ماراعت شي ،،بتراعي نظرت الناس لهااا الأول تركها وبالأصل متزوج عليها والثاني يومين ماجلست معه تنهدت بصمت اول ماحست فيه يدخل ويقطع عليها تحقيق خالد، لو كان ابوها ولا أخوها عايشين ماكنت معه ولا ببيته ولاعرفتهم من الاصل،، صحت من سرحانها بعد ما سمعت صوته موجه لها عزام ببرود،،الببسي عباتك ماعاد فيه وقت تعدته بجمود لبست عباتهم وطلعت ببرود مشابه لبروده تسمعهم يسولفون من اول ماركبو السياره ،، كلام تفهمه وكلام ماتدري عن أساسه الأسهم،المناقصات،،واللطلب يات اللي بيستقبلها عزام بنفسه تساوي ملايين،، صدت على طرف و تتامل اللي حولها وحركتهم اللي تشغل سرحاننها لو بس وليد كان معاهم كان بسرعه فهم سبة حزنها وضباب اعيونها،، كل شي تبيه فاقدته 100بالميه ،،أصلا ما تحس انه فيه سبب لوجودها بهالحياة عدلت جلستها بعد انتبهت لخالد ينزل وعزام من قبله،، وصلو للمطار من غير لاتحس بطول المسافه ،،تنفست بعمق وهي تنزل وتسحب شنطتها الصغيره مر عليهم وقت الين نادو على رحلتهم المتوجهه لكوريا لف عليها خالد وهو يسلم عليها بعطف وحب صافي لها،، انحنى عليها وبصوت هامس: ،،برسلك رقمي الثاني لو مارديت اتصلي عليه أوكي ابتسمت له بامتان ،،ي كبر قلبه وياطيبه ،،يبي يحسسها بقربه بأي طريقه ماراح يتركها تحس بالفقد حتى لو خسر عزام وصحبته ،،،،،،، غانم][] نفسيته زفت وماله نفس يفطر بعد اللي صار بينه وبينها امس،، النوم جافاه،، طول امس يتقلب بفراشه يبي يطلعها من راسه بس ماقدر عذبه شكلها الخرافي بالفستان الأبيض وجهها الملائكي ،، رفع عيونها عليها ملتهيه تأكل وتين عاقده حواجبها،، لو ماكان الكل جالس يفطر ،،ماكان بيرضى بصمتها اللي يذبحه،، أبو غانم الي لاحظ ضيق ولده من اول مادخل غرفه الطعام ،،ووبيده شنطه متوسطه تاركها على الطاوله بآول الغرفه،، قرب منه التوست المحمص وهو يحثه:،،مد يبوك دامه باقي ساخن ابتسم لأبوه ابتسامه ما وصلت لعيونه وهو يمد ايده يأخذ قطعه منهاا،، فارس اللي كان قاعد مقابل وتين ويضحكون مع بعض على أدق الأشياء ،،لف على أبوه بعد ماسمع صوته وبمرح،،:بابا اليوم بتروحنا لمدينة الثلج صح حرك راسه بالنفي وعيونه على الصينيه اللي قدامه.. وبعمق،،:لألا اليوم ماني فاضي،،بكلم باسل يروحكم،، ام غانم بحنان بعد لمحت الفرحه بعيون وتين وفارس،:،يمه روح معاهم ويا باسل اذا تقدر رفع عيونه لامه وبحب لهالانسانه اللي كلها حنان وطيبه،،:،يمه بروح المزرعه يكفي باسل معاهم طالعه أبوه بتعجب: ،،بتروح المزرعه حق ايش؟؟؟وانت بعد بكره عندك سفره!!!!! طالعها بتلقاىيه، ،تناظره بغضب وكأنها رافضه نهاىيا فكرت روحتها معه، ،طنش احتجاجها اللي كان باين له ولابوه اللي طالعها بدون قصد،، رجع عيونه لأبوه وبعمق اكثر،،:بروح انا وشهد شوق بصدمه ،،:وسفرتك؟؟؟ غانم ببرود من تحقيقهم الكريه بالنسبة لوضعه،،:برجع قبل موعد الطيارة،، الكل سكت ،، صدمهم برايه المفاجى باين الضيق بملامحه ،، تافف بطفش،،من منى اللي وقفت بهدوء مناقض للنار اللي تأكل بروحها ،، من طريقه رمي المنديل الخاص بالاكل على طاولة عرفو اعتراضها على رايه المرفض تنرفز وحاول يكتم غضبه اكثر،، يعرف منى زين ويعرف حبها له بنفس الوقت يعرف عن الشي اللي بيراضيها فيه رفع راسه بقوه من الدوامه اللي لافته بعد ماسمع لهجتها البارده،،، شهد وعيونها على وتين وهي تاكلها،،:ماقدر اليوم أحس بتعب احسن ناجلها،، رفع حاجب ،،أش هالقوه اللي طلعت لها جالسه تراده قدام اهله،، وتامر وتخالف كلامه رفع ايده يطالع ساعته وبامر:،،بعد شوي بيكون السائق براء زهبي لك اغراض بسيطه رفعت راسها بقهر من رده الكريه،، ماكانها قالت شي ولا اعترضت،، شد شفايفه بقهر ينهرها لاتكمل تمثليتها السخيفه قدام أهله الكل عرف ان بينهم شي مضايقهم،، ،من طريقه تحديهم لبعض،، تصرفاتهم تفضح مكنونهم وتين بطفوليه ،،بابا بروح معاكم ابتسمت برضى وعيونها لساتها بعيونه ،،لانها تعرف زين انه يبي تكون معه بروحها،، وقفت وهي تسمع وتين تتكلم مع ابوها بصوت باكي محتجه يروحون بدونها،،،، ،،،،، احمد،،، كثر ماضحك على هبالها بطنه قاعد يعوره واهي ما رحمته ابداا نسى كل شي ،،، حتى خططه حق الأيام الجايه تبخرت،، وجودها قدامه قاعد يسحره ويضيع اعلومه وعدوبيدها قطعه الليمونه وبصوت عالي،،لألا غششش لازم نعيد من البدايه،، بدرية شهقت وهي تحرك راسها بعتراض ...تحاول تفك ايدينها اللي ربطها احمد بطلب من وعد:،،،انقلعي لو تموتين ماعاد اذوقها ضربت على راسها بخفه وهي تقرب الليمونه من فمها اللي صار احمر من على الأطراف بسبة الحموضة، ،وبحماس وشعرها طاير من كثر اللعب :،،شوفي انت بس ذوقيها ولاتعفطين وجهك بس تجئ بفمك ابتسمي كنك تتلذذين ..وبصرخه ....ترى لو عفستي وجهك برجع اذوقك ضحكت ام احمد على هبال زوجه ولدها وهي راحمه بدريه من الرهان اللي طيحت روحها فيه بدريه تذوقتها من جديد غصب عنها بامر وعد فتحت عيونها بقوه وهي تبتسم أقوى شي عيونها امتلت دموع من كثر ماطلع حااامض عليها بدريه بمبالغه عشان يفكونها::،،يممم طعمها يهبل ي حلاتها بس،، كتم ضحكته على اخته الكذوب غمز لوعد اللي فهمت عليه وصارت تضحك بقوه ،،وبتمثيل:،،لباك دامه عجبك مارح اخليها في خاطر حماتي الا واعطيها مره ثانيه فتحت عيونها بصدمه مجانين مافيها تسايرهم ارخت جسمها تطيح على الصوفه تخبي وجهها وبنذاله ،،،اوعييد لاتخليني اعلم احمد عن السر فتحت عيونها بقوه بعد ماستوعبت قصد بدريه مالت عليها ترفعها وبهمس،،اوريك ي الشينه بدريه مدت ايدها بنتصار وهي تطالع احمد: تبي السر تعال فك ،،، وعد وهي تلكم بطنها بقوه،:،بسوي اللي تبين بس لاتعلمينه ضحكت بانتصار تدري ان احمد مايدري عن طلعهتم للماركت مسكة على بطنها بانفعال ،،ماكنت ضربة وعد قويه، تخاف ترجع تصربها من جديد ،وبنتقام،،:يلا قدامي تاكلينها بقشورها لو ماتبين اتكلم وعد نزت بخرعه اول ماجلس احمد معاهم على نفس الكنبه وجهها لبدريه تتحلف ترجعها له ماقدر يشوف ملامحها الغاضبه قرب بفضول وعيونه لبدريه صدره مقابل ظهرها المتصلب مد ايده اللي حاوطت خصرها من بعيد مسك ايد بدريه ناويه يفكها وبفضول:،،،اطلبي اللي تبين لو تعلميني اللي بينكم بدريه كتمت ضحكتها على شكل وعد المتوهق بدون لتأخذ بال على شكلهم القريب حيل من بعض خاصه ان أمها واختها راحو المطبخ يجهزون الأكل،،، رفعت حاجب وببتسامه ،،،اممم شوف أحم لو تمر عشر ساعات وهي مطيعه مابعلمك لو رجعت لمقالبها وعيونها على وعد بقوووول وعد بفررحه وهي تفك ايد بدريه بسرعه قبل تغير كلامها ،،:اتفقنا،، عيونه على ايدها اللي ترتجف زاد فضوله يعرف اللي بينهم مايدري انها كارهه قربه منها،،وخاصه قدام احد،، بتنفجر،،،داخلها احساسيس اعجزت تفهمها،، مسك ايدها قبل تقوم تلحق بدريه اللي أمها قامت تنادي عليها تجئ تساعدهم قرب وجهه من وجهها ،،وبجديه:،،وش مخبيه عني ارفعت كتفها بثقه ...:مافي شي أو بالأصح كنا نمزح مافيه شي حرر ايدها من قبضته استغرب اكثر ،،رجفتها قاعده تزيد بشكل ملحوظ، ،ركز بوجهها ،،،الإرهاق والتعب باين عليها لمها بسرعه لحضنه وبحنان بالغ،،:أش فيك لاتخبين علي،، بكت بتعب اول ماحست بلمسته الحنونه،،، بما انها عفويه نطقت بجزء معين من اللي جواتها :،،،مابي اعيش هناك بروحي،،خلنا نعيش هنا معاهم انصدم من طلبها الغريب بالنسبة له،، اللي يسمعه كل وحده تتزوج تتمنى تعيش ببيت خاص فيها،، بعيد عن اللي حولها هي غير ماتبي هالشي ،، ،وشكله تاعبها ومآثر على نفسيتها، أبتعد عنها وهو يطالع عيونها الباكيه،:،غالي والطلب رخيص وبجديه،،،بس لازم نقول لامي اول ضحكت بفرحه نست دموعها ،،ضربته على فخذه بعربجيه زي الشباب: ،،،ولايهمك خالتي بتوافق ي حمود ضحك براحه وهو يحرك راسه بالنفي،،:الله يرحم الأنوثة ي رغد بس ماكانت عنده تسمع تعليقه الأخير لانها طارت تقول للبنات عن آخر خبر اسعدها،، ،،، عزام أشر لصاحب التاكسي يدخل للشنط لداخل القصر الصغير،،، ساعده البواب اللي رحب في عزام بشده وراح يحمل الشنط لداخل طول سفر تهم ووجودهم بالطياره ماكان بينهم أي نوع من الكلام المتبادل مستغربه نوم عزام بشكل متواصل لساعات طويله لدرجة كان يجمع صلواته ويرد ينام من جديد،، خافت على روحها،،كيف تسافر مع شخص لو تنخطف أو يصير لها مكروه ما درى عنها لمحته يتحرك بتعب يصعد الدرج بعد ماسلم على الحرمه الكبيرة اللي رحبت فيهم معقولة بيرد ينام!!!! ماشبع نوم مامل!! شتت نظراتها على فخامة المكان اللي تشرح الصدر ،،نفس البيوت اللي كانت تشوفها بالأفلام،، ،بيت من الخشب القوي بنوافذ كبيره حيل تطل على الحديقة الخارجية المغطاة بالثلج ضمت روحها وهي تمسح على زندها من البرد اللي حسته فجاءه،، تصميم كل زاويه بالقصر قمه بالروعه ، ،ماكان بكبر القصر اللي بالديره بس هذا اجمل مريح كثير وقريب للقلب التفتت على الحرمه الكبيرة اللي مدت لها بكاس القهوه تنفست بعمق ريحته اللي تفوح وتشهي ابتسمت لها بحنان ،،:أتمنى ان يعجبك سيدتي ابتسمت لها بخجل وهي تشيل الكأس وبنعومه:،،رائحته جميله ،،شكرًا لك ضحكت لها باحترام وهي تشوف ملامح وله اللي جذبتها وأوحت لها بطيبه قلبها،، تحركت ببطى وهي تسمعه ينزل وصوته يكلم يخبرهم بوصولهم ،، مرت من جنبه وهي محتاره في أمره وتقلب حاله،،، تعدته بخطوات متردده تتعرف على المكان المجهول لها وقف خطواتها على غرفتهم ،،،شنطتها وشنطته موجوده داخلها لو بيدها ماجلست معه بنفس الغرفه ،،اشتاقت تختلي بروحها وتفكر بوضعها الحالي كل مكان تدخله قاعد يشتت تفكيرها اكثر،، مبهوره بغرفة نومهم،،كبرها وألوانها فتحت نفسها بشكل عجيب رفعت كفوفه تنفخ فيهم تدفيها ،، لازم تتسبح وتغير ملابسها بملابس أثقل،، بنطلون اسود وبلوزه تفاحيه ثقيله، تسبحت على السريع وبعزم مدت سجادتها تدعي ان الله يجعل هالزواج خيره لها وله، ،ويعينها على كل أمر يحيط بها،، سلمت براحه كبيرهبعد ماخلصت صلاتها ،، طاحت عيونها عليه واقف قريب منها ماد جواله لها،،قطبت حواجبها... مين سال عنها فسخت جلال الصلاه وهي تأخذ الجوال :،،الوو انصدمت وهي تسمع آخر صوت توقعت تسمعه،، ام عزام،:......هلا وله وله وهي تحس بربكه من وقفته اللي واضح انه ناوي يسمع الكلام:،،هلا خالتي ،،كيفك ام عزام بلامباله،،:تمام. وببرود ،......الحمدلله على سلامتكم رفعة عيونها عليه استغربت طريقة كلامها ماهي مجبوره تجاملها من البدايه ملامحه جامده بدون أي تعبير ،،تنهدت وهي تزرع الابتسامه،،:الله يسلمك،،،،تسلمين فديتك ام عزام بتطنيش لكلامتها الاخيره،:،عطي عزام الجوال ابيه ماهي فاهمه شي،، أش الحكمة ممن المكالمه،،، الاهتمام مفقود من الطرفين فليش اعطاها تكلم من الأساس مافاتها ابتسامته السخرية اللي انغرست على شفايفه اول مامدت الجوال عليه أنهى الاتصال بسرعه وهي لساتها واقف مصره تفهم معنى لتصرفه شالت السجاده تطويها وبهدوء:،،خالتي ماكنت تبي تكلمني صح؟؟؟ طالعها لثواني ورجع عيونه على الجوال وبجمود،:،،،بالعكس هي بنفسها قالت بتكلمك عقدت حواجبها وبضياع بان على صوتها،،:ليش تكلمني بدون نفس؟؟؟؟ وقف قدامها وعيونه عليها وبسخريه ،،،ماتحب تكلم احد بنفس هه حتى ولدها الكبير تصدقين!!! الألم والجرح بان في ملامحه،، ،اول مره قلبها يعطف عليه ،،نقص الاهتمام مشكله خاصه لو كانت من اقرب الناس لنا،، مدت ايدها برجفه وهي تشد على ايده بعد ماحاولت تبتسم،، ....:مستحيل تلاقي قلب يحبك كبر قلبها تغيرت ملامحه للضيق ناسي أساس العلاقه اللي بينهم، :،،من توفى أبوي توفى كل إحساس كانت تحمله لناا.... وبضحكه قهر ،،،حتى بسرعه تزوجت وتركتنا خافت يتعب أو يصير له شي خاصه انه جالس يتكلم بقهر وااااضح،، ولأنها مانست توصيات خالد لها عن وضعه اتسعت ابتسامتها وهي تشد على كفه اكثر ،،،:بس الحين انا معك تغيرت نظراته وهو يركز عليها وبتأكيد ،،:معي.....!!يعني ماراح تتركيني ؟؟؟ انصدمت من سواله اللي ماتوقعته أبدا ،، مافتها جانب الضعف اللي يخبيه،،حركت راسها بالإيجاب ،، ....:لا أبدا مابخليك ابتسم لها ابتسامه صافيه لأول مره تشوفها خاليه من أي سخريه أو الم،،رفع ايده لشعرها يحركه بنعومه عجيبه،،ماحس بتوتر ها من قربه متاكد انها ناويه تحسسها بالقرب اللي افتقده من اللي حوله باس خدها وهو غايب في وصالها اللي ماتوقع يكون بهالسرعه حاولت تقاومه بس ما قدرت عند قوته الي طوقتها بتملك رجولي ،،،،،، خالد ،، (..أنا بالهجر عذّبته.. وَلاَ حنّيت قبل يموت وهو بالموت عذّبني .. عذابي كلّه سْكُوته ..) واقف قدام البحر،، وحيد هذا احساسه من كم يوم،،، من سافر عزام وانشغل غانم اللي رجعت علاقتهم تتحسن وهو وحيد زايد ماكان يقصر في التواصل معه ،، بس هم له مشاغل وحياه تشغله ،، اخذ حصى ورماها لبعيد وحده ورى الثانيه في محاوله تشتيت أفكاره ،، من شاف عيونها وحاله تعبان وضاايق،، تكتف بتملل يتلفت على اللي حولينه ،، اغلبهم عوائل وأطفال ،،والله العالم مين منهم مرتاح ،،تنهد بصوت عالي.. مو معقولة كلهم متزوجين عن حب ؟؟؟؟بس عايشين وعندهم ذريه تعب من الوحدة والتفكير فيها، ،،شعره بدت تتخلله شعرات بسيطه بيضاء وهو للحين تايه،، لازم يكلم ام قصي تدور له بنت الحلال اللي تساعده وتنسيه همه القديم،، قفل عيونه بتعب وهو يتذكر مكالمته الاخيره ويا شهد،، شهد بجديه،،ليش متشائم ي عمي ،،،انا اعرف لك بنت الحلال اللي تسعدك خالد برفض قاطع:،،لألا واللي يسلم عمرك مالي بعوار الرأس ،،خليني كذا أريح لي،، شهد بتصميم وهي تحاول تقنعه:،،انت أش بتخسر لو ماعجبتك تقدر تنسحب خالد،،:لا وين انسحب تعرفيني ماقدر أكسر بخاطر احد،، رجع لارض الواقع على صوت الجوال اللي ينبه لقرب موعد الصلاه،، لبس نظراته ناوي يمر البيت يبدل ملابسه ويستعد يصلي جماعه،، مايبي يلجاء لشهد ويخطب البنت اللي تعرفها وتكون من قرايب حبيبته ويظلمها،، يكفي انه بيجازف بقلبه لوحده ثانيه ومدري لو قدر اهو يحبهاا،، استغفر بصوت عالي من الجنون اللي قاعده يشتته الحياه بتمشي بتمشي ،،، غانم..  التفت على السواق يكلمه بعد ماامرها تدخل داخل الاستراحة إلخاصه فيه،،،بدون لايطالعها،، بعثر شعره وهو ياشر على الحارس ،،:،روح مع ولد العم علي يرجعك للفله مد له المقسوم وراح تنفس بعمق محتار واقف لحاله،، نفس الشعور اللي حسه لما هاوشها يوم زواج أخوها،، ماله خاطر يدخل لداخل الاستراحه،، بالاظافه مايبي يشوفها وهو حده متضايق منهاا ،،ماقدر يعاتب ويصارخ طول جيتهم للمزرعة بسبب السايق اللي كان يسوف ويفهم العربي زين فضل الصمت التام منه ومنها،، ماهو قادر ينسى تغليها لما ناداها تجيب عبايتها يطلعون،، عقد حواجبه وبصرامه،،نعم؟؟؟؟ شهد وهي صاده لبعيد،،:غيرت رأيي مابي أروح،، ابتسم بسخريه:،،على أساس انا ماشي ع رايك ،،وبتعمد يضايقها،،،لانتي مرتاحه ولا انا برتاح بس كلها عناد ي شهد،، غورقت عيونها وهي تناظره بغضب،،:ليش ما تفهم انا مابي اروووح رفع حاجب وبتصميم ،،:قلت لك مايهمني رايك ،، ،مشى خطوه يتعداها لبراء: ،،لا تتاخرين من قبل مقرر مايسافر الا ونعم بدفاها وبدلعها المجنون، ،بس نقاشهم واللي صار الصبح خرب كل شي عليه التفت على البوابه وهو يشوفها واقفه بجنبها.. بجمالها اللي يجننه ويعشق تفاصيله جسم ممشوق بدقه خياليه بنطلون اسود اسبورت ماسك على الجسم وبلوزه اسود راسمه تفاصيل خصرها ، ،شعرها مرفوع على فوق الا من خصل متمرده قاعده تتحرك من الهواء صد للجهه الثانيه قفل عيونه لجزء من الثواني لو يجلس يتاملها بيخرب الدنيا وبيحوسها بجنونه،، تلفت يتأكد فيه احد غيرهم بالمزرعه رغم تأكيده على العم علي انه يفضيها هاليومين رجع يلتفت جهتها وبهدوء:،،لو حابه تتمشين معي تعالي،،، رفع ايده على رقبته وهو يشوفها تمشي وياها وعيونها تتلفت على المناظر اللي تصدفها تعب من التوتر اللي صاده، ،يبيها تتكلم، ،بس أبد مالها نيه،، شابك اصابعه بصابعها فزت من قربه بعد ماكانت سرحاانه، ،ما سحبت ايدها ولاشدت اناملها، ،رجعت لبرودها اللي قبل دقايق،، حس فيها تنكمش على روحها وهي ترجع لوراء بخطوه،، عاثره.. خيل حره واقفه بشموخ عالي ...شديدة السواد تاكل من العشب اللي قدامهم.. ماهي مقيده داخل الاسطبلات مثل باقي الخيول،، ماحست بيده لما ترك ايدها جرته خطواته.. لخيله اللي يعشقه بجنون،، للحظه حسته بيثور على المتمرد اللي وقف بجنبه،، خاب ضنها وهي تشوف الخيل يقرب اكثر من غانم ويلف بكبرياء على خياله تنفست بعمق بعد متاكدت من التالف المؤلم بينه وبين خيله الشامخ،، دست ايدينها بجيوب بنطلونها بهدوء ،،، اعطته ظهرها تتفرج على جمال المكان بالوانه الساحره،، ابتسمت وهي تتحرك بخطوات سريعه... جهة البيت الصغير المصنوع بعنايه واضحه ي الله وش كثر تحب هالحيوان اللي جواته،،، ثبتت ايدها على احد زوايها وهي تراقب تحركه السريع والمدروس عجله كبيره بشكل دائري مقسم من الداخل على درجات ولها صوت مزعج بلاستيك بألوان جميله أسطواني ممتد للأعلى يوصل لبيت صغير جواته قش بسيط من الخشب عيونها تتحرك بشكل عشوائي وهي تتابع حركة الهمتارو وكأنها في عمليه مهمه سريعه،، ماحست فيه لما قرب عيونه مركزه لابتسامتها وتعجبها من اللي تشوفه،، ماتدري انها سبب تواجد هالحيوان بالمزرعه،، من عرف بحبه لهالكاىن حتى وهو زعلان منها وصى فيه أبو على وجاببه،، رجع بخطوات ثقيله لخيله اللي كان ناوي يتبعه، ،مسح على شعره وبجمود،،:مادري انك اول مره تشوفين حيوانات بحياتك رفعت حاجب وهي تصلب طولها ،،، معطيها ظهره ويتكلم ببرود يذبح،،، حركت عيونها ببطى وهي ترجع تستكشف الأشياء الجديده عليها ،، ما قدرت ماتقرب من الاسطبلات المحرمة عليها من جهته تحبها من شموخها وعنفوانها ،، تجاوزته بخطوات بسيطه واقفه قبال الخيول الكثيره بمكانها الواسع،، ابتسمت بألم بعد ما سمعت همسه الحاد،، غانم بهمس تعمد يوصلها:،،اللي مايعترف بالخطاء مايتوب عنه غمضت عيونها وبتعب واضح ،،:ماضنتي جينا نفتح جروح امس . صمت ،،كلامها حق ،،، مايبي جروح جديده تتعبهم اكثر ابتسمت بتعب وهي تشوف الفرس المناقضه تماماً للون خيله الجامح ،، بيضاء بياض الطهر ،،مسحت على جبينها بتوتر من انه يجرحها من جديد حست بحركه الفرس المتوتره من رجفتها،، هدت روحها وهي ترجع تمسح عليها من جديد تنفست براحه من صمته لحركتها الكريهه له،، لفت جهته بهدوء،، طاحت عيونها بعيونه اللي اطالعها بنظره غريبه مجهوله،، بلعت ريقها ،،وبنعومه تخفي توترها:،،،توها جديده صح؟؟ رفع حاجب وعيونه بعيونها ،،وبتقصد:،،لا،،هذي ولدت بعد مانتي نزلتي ولدك الثاني، حس بعيونها اللي صدت بسرعه ،،شدت على طرف الحاجز القريب بقهر،، وبعدين... ليش ماهو ناوي يعتقها،، حست بالغصه تجرح ببلعومها،،، انا اللي ضيعته استاهل ،،استاهل رفعت راسها للسماء وهي تضغط على حنجرتها ولفت جهته من جديد... متأكده انه يراقبها نفس النظره الغريبه اللي من ثواني،، ابتسمت بمرح في محاوله ماتفضحها عيونها :،،شكلها مره الفيه ،،،امممم الا أش اسمها شال عيونه من عليها وهي يقرب المويه لجهة خيله ،،،:جموح عقدت حواجبها وبستغراب،:،جمووح؟؟؟ رفع عيونه لها وهو متأكد انه بتستغرب الاسم وبثقه: ،،أي جموح ،،،ليش اسمها ماعجبتك؟؟ رفعت كتفها وبتشتت ،،:يجنن رجعت عيونها له وقبل تعلق ،،عقدت حواجبها من جديد ،:هيه عيب طالعها بتعجب من كلمتها الغريبه وبسرعه حول نظراته للخيل مكان ماتناظر ،،وبستنكار،، :وشو اللي عيب؟؟ طالعته وبطفوليه فقدها من سنين ...تاشر على خيله:،،،هيه قول لولدكم عيب يطالع بنتنا رفع حاجب وببتسامه غصب عنه بعد مافهم قصدها،،:يمكن انه مهتويها حطت ايدها على خصرها وبمرح:،،هيه عيب ماعندنا العشق وخرابيطه ،،بعدين حتى شهايد ما عندك ي أبو عيون ماققدر يمسك ضحكته العاليه وخاصه بعد جملتها الاخيره وعينها على الخيل ،،، كوريا،،  كل ما حاولت , أضحك لـ السنين جااا يناديني من الظلّمه / ضياااااع ! تحس روحها رجعت للحياة وخاصه ان عيشتها وياه ماكنت صعبه زي ماتتوقع سحبت شالها من على شعرها وهي تنزل كيس الأغراض على الطاوله،، مشت بخطوات ثابته وبنعومه:،،شبيلي شبيليا رفعت راسها على دخلة وله وببتسامه صافيه،:،مرحباً صغيرتي،، ضحكت بنعومه وهي تجلس بالكرسي اللي مقابلها:،،امحق وين الصغر مني ي بنت ذي الديار شبيليا تقطع السلطه ماردت على وله لانها تعودت عليها احيانا تتكلم بطريقه لاتفهمها ،، وله بهدوء مطلق: ،،لازال ناىم أليس كذالك؟؟ شيبيلي،:،نعم ،،،من زمن اعرفه ولكنه اصبح لي مختلف تماما عن السابق وله بفضول وعيونها على شبيليا،:،مالذي اختلف عن الماضي،، شبيليا وهي تواصل شغلها بعد ماخذت وله البطاطس تقشرها:،،اصبح متجلدا كالجليد الابيض،، يستغرق وقتا طويل بالنوم حتى اصبحت اشك انه مصاب بمرض يخفيه،، بلعت ريقها بتوتر من كلام العجوز اللي قبالها ،،وبتررد أكبر،،:هل تعرفين مشفى للأمراض النفسيه؟؟ كانت متأكده انه محتاج معالجه فوريه ولكن ملاحظه شبيليا دفعتها تهتم اكثر وتساعده جمدت ايدينها وقلبها رجف بألم مميت بعد مارفعت عيونه للباب،، مكتف ايدينه وجسمه مائل على الباب ببجامه ثقيله للبرد ،،ملامحه قاسيه لحد الشحوب وبقسووه ،،،لمين المستشفي ي وله؟؟؟؟ لاتغرك الضحكه ،،،،،،،، لي عوده ببارت أجمل يوم السبت أو الأحد دمتم | ||||||||
|  |
|
13-10-14, 02:24 AM
| #23 | ||||||||
| مراقبة عامة ومشرفة منتدى الروايات المنقولة
| بسم الله الرحمن الرحيم السلام عليكم ورحمه من الله وبركاته عسى اوقاتكم كلها خير واحسان والله يعيني وياكم على الدوامات وتعبها ...اسعدتني تعليقاتكم حيل الف شكر لك واحد منكم ربي يسعدكم ويريح بالكم مره افرحني حماسكم لبى الحماس،، مراحب بكل من انظم لروايتي البسيطه تشرفت فيكم ي الغوالي ، اتمنى يعجبكم البارت طابت اوقاتكم البارت الرابع عشر  مو حزين ! وكنت أكثر من حزين ! كنت مثل البرّد .. في وقت , الوداع , كل ما حاولت , أضحك لـ السنين جااا يناديني من الظلّمه / ضياااااع ! وين أروح , وكل خطواتي حنين البحر , كم مات في وسطه , شراع هذي الرحله , مع خوف وأنين هذي الرحله , بلا ( قلب ومتاع ) جيت أسافر , بس ما أدري لـ وين جيت أدوّرني وسط هذا الصراع ! ما لقيت الا , سجين , ومو سجين ضاعت أحلامه على أرضه وضاع يا حزن .. ما كنت أنتظرك .. منين ! جيت لك , مع كل دمعه / بأندفاع لو قدرت أسكت مع اللي ساكتين ما قدرت الّبس عن الغربه : قناع المدينه صوتها , مده , رهين تتسع بالخوف , ضاق , الاتساع ! المدينه صوتها , مده , رهين ما خلق هالكبّت غير .. الانصياع ما يطيح الدمع ! طيّحي له يا عين والله أني كنت .. وافي .. للنخاع آصعب مّن الموت , عندي حاجتين : الرحيل , بـ خطوة الرّجل الشجاع ما يموت الشك , الا باليقين أرّتفع يا صوت لـ أبعد .. أرتفاع ! وين آبلقى , داخل الدنيا أمين كل حاجه , في نهايتها .. خداع قوم يا جرحي , بـ نضحك للسنين وله بهدوء مطلق ،،لازال ناىم أليس كذالك؟؟ شيبيلي،،نعم ،،،من زمن بعيد اعرفه ولكنه اصبح مختلفا عن السابق وله بفضول وعيونها على شبيليا،،مالذي اختلف عن الماضي،، شبيليا وهي تواصل شغلها بعد ماخذت وله البطاطس تقشرها،،اصبح متجملدا كالجليد الابيض،، ويستغرق وقتا طويل بالنوم حتى اصبحت اشك انه مصاب بمرض يخيفيه،، بلعت ريقها بتوتر من كلام العجوز اللي قبالها ،،وبتررد أكبر،،هل تعرفين مشفى للأمراض النفسيه؟؟ كانت متأكده انه محتاج معالجه فوريه ولكن ملاحظه شبيليا دفعتها انها تهتم اكثر وتساعده جمدت ايدينها وقلبها رجف بألم مميت بعد مارفعت عيونه للباب،، مكتف ايدينه وجسمه مائل على الباب ببجامه ثقيله للبرد،،ملامحه قاسيه لحد الشحوب وبقسووه ،،،لمين المستشفي ي وله؟؟؟؟ تصلبت بحده جمدت اطرافها وتحركاتها،، ما قدرت ترد أو تهميه عن الحقيقة،، قلبها قاعد يعورها من كثر ما يتحرك،، متأكده ان يسمع صوت رعبها الصامت،، ماحست بيدها اللي انجرحت وهي تشوف شبيليا توقف بتوتر تتفادى الموضوع وكأنها فهمت سؤال عزام لوله، :،،كنت اخبرها عن تعب ابني ديفيد لذالك اردفة بسوالها عن المستشفيات حتى تساعدني بدفع المال لعلاجه.. رفع عيونه لشبيليا صدره يشتعل نار ،، مايقدر يحكم على اللي انقال بالتلفيق لانه دخل على آخر جمله انقالت،، تنهد بصوت مسموع من شحوب وجيههم وتوترهم،، تقدم ببطى وانظم معاهم على الطاوله،، ابتسم بسخريه اكثر وهو يشوف الجرح اللي صاب أصبعها السبابه .. وببرود،،:من كثر حرصك على ولد شبيليا اصبعك انقطعت حركت عيونها باليه على اصبعها الرجفه قاعده تفضح مكنونها الدم قاعد ينزل من ايدها بغزاره ،، نزلت ايدها بلا مبالاه..دستها بحضنها تغطيها بكفها الثانيه تخفي رجفتها حركت راسها ببطى وهي تحس بريقها ناشف،:،اجهز لك قهوتك؟؟ تجاهل سوالها الكريه مد كفه لها وبجمود ،،،:هاتي أيدك أشوف،، طالعته برعب تشد كفها بدون وعي ،ما قدرت تقراء ملامحه ،، غامض بصوره مخيفه عيونه على ايده وكانه ينتظر عفوها باطلاق سراح كفها لكفه،،، تنفست بعمق وهي تمد ايدها بعد مانتشر عليها الدم ،،سحب فأين من اللي كان على الطاوله ولفه على أصبعها بهدوء يذبح، ،أخذ غيره ومسح بقايا الدم اللي بيدها،، ماتكلم ولاعلق ورحمها توترها ماقاعد يرحمها قدامها تعمد ما يطالعها ،،متأكد من نظراتها الموجهه له،، رجع عيونه عليها متجاهل شبيليا اللي تتحرك بكثرخ من بعد ماجلس معاهم،،:،ليش ترجفين؟؟ عدلت جلستها بارتباك واضح ابتسمت بتشتت :،،،امممم الجرح مااتووو التوت بألم يضغط باصبعه على ايدها مركز على الجرح وبفحيح وعيونه تنطق شرار،:، لو بس اعرف ان الكلام اللي بينكم من شوي انا المقصود فيه لا دفنك برضك محد درى عنك سحبت ايدها من ايده بوجع قفلت عيونها تمنع دموعها ..:ماكنت اتكلم عنك ليش ماتصدق شبيلي مارد على تساولها ولا سمعها لانه طلع من اخر كلمه قالها. ،،،، في جناح احمد،، طلعت من غرفتها بفضول تسمعه يسولف باندماج كبير،، حماسه بالسولف اشعلت اللقافه بدمها قربت منه ناويه تهبل فيه اليوم الحمال مضايقها ومثقل حركتها ،،وقف بصدمه وهي تسمع كلامه بدون لاينتبه عليها احمد ،،:،لاوين ي جود صعبه اسافر واترك شغلي ماقدر اجازف... من الاول اجازاتي اخذتها صعبه هالصيفه جد رجعت خطواتها بحذر رجعت مكان ماجات ،، جلست على السرير بشرود عيونها على انتفاح بطنها !!!! متأكده انها حارمته كل شي بس ماتوقعته يلجى للمكالمات المحرمه،، تحركت بصعوبه تتمدد بجمود،، ما قدرت تحبه ماقدرت تعشقه مثل عشقه المزعوم،، ما تحس بقهر انه مع غيرها وماتبي تحس بهالشي للابد،، فرق السن بينهم هو الحاجز من تألف اروحهم زي ماتعتقد،، رجعت تناظر حركه طفلهم ،،ي ليته ماكان فيه وقدرت تسحب نفسها من حياته للأبد ماتبي يكون جزء منه يعيش معها ويذكرها فيه،، فرعبها الأساسي انه تحبه بغفله منها،، غلفت قلبها مثل ماهي تخطط وهي تسمع خطواته قريبه من الغرفه،، احمد وهو داخل وعيونه تدور عليها،،ناظرها وبتساول،،:يعورك شي؟؟ حركت راسها بالإيجاب وهي تبتسم بستعباط عقد حواجبه وهو يجلس قدامها :،،يعني كيف افهمها هذي تبتسمين من العوار،،؟؟ غمزت له وهي تتحرك وتجلس بشقاوه،،:سمعت صوتك تكلم .......مين معك؟؟ احمد بلعثمه:،،اممم واحد من أصحابي شدت شعرها بعشوائية وهي تغمز له،:،شكله ينحب هالصاحب طالعها لفتره وهو متشتت من تصرفها،، لو سمعته اكيد كانت بتسوي سالفه زي أي زوجه ولو ماسمعته وكان مجرد صوت من بعيد كيف تقول عن أصحابه كذا!!!! مسك اذنها وعيونه بعيونها:،،عيب ي ماما طيب عيب ي البزر رفعت حاجب ،،أي عيب يتكلم عنه ، ،،مين اللي يعمل العيب ويسويي نفسه شريف،، بعدت ايده وهي تفتح فمها بألم وبيستهبال،،:هيه عورت البيبي فتح عيونه وبشك:،،نعم؟؟ فركت اذنها بالم وبثقه،:،الحين اذنه تعوره والسبه انت ي الشين رفع حاجب من كلمتها الاخيره رغم ثقته العماء بشكله... وبتعجب،،:وش دخل أذنه بذنك؟؟ طالعته بثقه أكبر تربعت بحماس يعشقه طقه على راسه توعيه،،:هيه ي الذكي ترى أذنه في اذني وبطنه في بطني وهي تاشر على اسنانها حتى اسنانه في اسناني ،،ماش ما عندك ثقافه رفع ايده يلمس جبينها...:لا ابشرك المشكله اكبر ماهي سالفه سخونه طالعته بنص عين وبثقه..:حتى لسانه بلساني وهو اللي يتكلم عني احيانا ضحك بصوت عالي وقف يأخذ ملابس للنوم :،،الله يخلف عليك حشى جعلتيه متلبسك رفعه كتفها بغرور...:كيفك لاتصدق مشت من جنيه ناويه تنزل عند عمها والبنات،، مسك كفها قبل تطلع وهو يقربها لصدره بعد ماترك ملابسه تطيح من يده، ضمها بحرص وهو يقرب شفايفه لاذنها،:،،الي متى وانا أنام الحالي تحرك بتوتر وهي تحاول تبعده،،:لو سمحت ي الشايب شكلك غلطان رفع وجهها يقابله وبستفهام،،:غلطان؟؟ ضربت بطنه بخفه تشتت انتباهه وبطفوليه :،،راحت علي المباره واختك مراهنه ان فريقي يخسر قربها له اكثر وهي يتنفس قربها البعيد منه وبعتب،:،رغد ووبعدين رفععت كفها على صدره في محاوله انها تبعده،،:قلبي ماهو بيدي ماقدرت ماقدرت..... بأسها على جبينها بعد ماسمع كلامها المسموم مايلومها بدايته وياها كانت غلط وبس حبها يبي كل شي يتغير جذريا.. ،،، غانم رفع عيونه يراقبها من لحظه للحظه ... يقراء كتاب عن فظل الاستغفار بحول الله،، يعشق قصص الاستغفار من كثر ما تحولت حياه ناس كثيره بفضل الله ثم بفضله.. جالسه تمسح على ايدينها كريم بعد ماتسبحت ،،وباين عليها.... سرحاانه لبعيد زم شفايفه ،،في ايش جالسه تفكر،؟ ،من اللي جالس يشغل بألها حتى وهي معاه؟؟ طالع الكتاب باله مشتت ..نفخ بطفش تقلب فضيع صاب مزاجه،، مارفع عيونه عليها لمحها توقف وتختم جلستها بعطرها الراقي طالعته لثواني ...مشغول بالقراءه من بدل وانسدح،،، ماتنكر وناستها بلفتهم البسيطه على المزرعة،، يكفي انه صار يأخذ ويعطي ..مبعد قناع الجمود والصلابة اللي يتسلح فيه،، رفعت ايدها على خصرها .. تدور بعيونها على مكان مريح تنام عليه استقرت على الكنبه الواسعه بآخر الغرفه ،، فتحت الخزانه تأخذ الحاف ووساده مناسبه ماتعورها،، مانتبهت لعيونه المتعجبه من تصرفها،، رمت الحاف على الكنبه وهي تعدل مكان الوساده باهتمام غانم.. اللي قاطع هدوءها بسخريه واضحه،،،:خير ان شاء الله ليش ونومة الكنب لف تناظره وبصدق بان عليها.. وهي تاشر على السرير:،،السرير ما يكفي صغير وانت من غير شي ارجولك تعورك رفع حاجب من عذرها التافه بعيونه،،وببرود:،،ماشكيت الحال ...رجعي قشك وتعالي نامي هنا طالعت مكان ماياشر على السرير ورجعت تناظره ،،كيف تفهمه.. المكان صغير كيف يكفيهم تنهدت بصمت وهي ترجع اللي شالتهم بالخزانه،،، ماتبي تفكر في القرب اللي بتكون فيه تنفست بعمق تهدي ضربات قلبها السريعه بعثرت شعرها بتوتر وهي تجلس على طرف السرير ،، ماقدرت تناظره،، حدها متوتره ومنحرجه من روحها،، انتبهت عليه يقفل الابجوره اللي جنبه بعد ماترك الكتاب على الطاوله،، فسخت الشبشب بنعومه اندست بالفراش بعد ماعطته ظهرها تجاهلت نظراته الغامضه هدت انفاسها بعد ماحست بهدوءه التام وكانه حاس بتصلبها ،، ....عيونه على حركتها المتجمده ،، نفسها الوحيد اللي جالس يفضح توترها واحراجها عجزه انه يصعد ينام لياليه عندها اذبحه لذالك فكر يجيبها للمزرعه ينعم بدفاها،، مستحيل يفوته نظرت الندم والشوق اللي بعيونها مستحيل يتجاهل النار اللي تولع بصدرها اول ماتلمح منى حس بهدوها رغم تاكده انها للحين مانامت،، مسح على عيونه بعجز كيف ينام بسلام وهي بعيده عنه رغم القرب بينهم تافف بصوت مسموع رجع يطالعها من جديد قرب منها اكثر بيكسر الجمود اللي بينهم رغم عن اللي بينهم سحبها بخفه له زنده الصلب وساده لها تجاهل شهقتها من حركته الغير متوقعه،، وبعمق،،:كذا أريح لي ولك... ثبت ايده الثانيه على صدرها:،،اشش أهدي كلمته الاخيره وترتها اكثر مما انها تهديها قفلت عيونها بوجع تتذكر سنين ماتغفى الا بحضنه حتى لو حصل بينهم ما حصل هو مكانها من عرفته وصار يعرف زين انها ما تتنازل عنه تعلقت فيه اكثر وهي تحس فيه يلمها اكثر ، ،دافن وجهه بين خصل شعرها اللي ياما عبر له عن عشقه لريحته ولونه اللي ياسره ،،، وله.... قفزت برعب وهي تشوفه يرمي الفازات على الحاجز الزجاجي اللي يطل على الحديقه المكان تغطى بقطع الزجاج اللي انتشرت في غرفة الجلوس صوته الشاحب يسطح بكامل الفله رجعت له الحاله بعد مااوهمت روحها انه صدق كذبة شبيليا مرت ست ساعات على هدوءه المهيب وفجاء ثار بجنون،، دموعه في عيونه يهذري بطفلة الراحله كيندا.. يلوم نفسه ويسب جده وعمه والأكثر إهمال امه له باصعب اوقاته ماخذهم الموت لانهم سيىين اخذها لانها طفله صغيره يحبها مارحمها ولا رحم حالته وش بيصير عقبها فيه ماقدرت توقف ،،،تشوفه يجرح بروحه ويكسر كل شي حوله تقطع قلبها وهي تشوفه يجلس على ركبه وعيونه تايهه بدون هدف قربت منه بعد مانادته : ،،عزام طالعها بنظرات ضايعه وكانه يترصد حظورها،، ماقدرت تتراجع وهي تشوف ملامحه تنقلب للاسواء فتحت ايدينها له بامل تكسب هدوءه ورضاه ضمته بهدوء مناقض للبراكين اللي جواته ساكن ماتحرك حتى النفس واقف ماقدر يتنفس ثانيه ثانيتن اربع ادرك كلمتها اللي قبل كم ساعه .. وكان عقله الباطني ينبهه على استغفالها له واستحقارها،، حست بحركته العنيفه شدت عليه اكثر،، تاوهت بالم وهي اظافره تتحرك بعنف على صدرها وايدينها يتككلم عن الانتقام وانه ناوي يحرقها ويحرق الكل ويشفي غليه منهم دموعها تنزل بصمت يحرق قلبها من المها الجسدي والنفسي رجعت بقوه على وراء من حركاته العشوائية ضرب ظهرها بالحاجز وهي لسى لامته بضعف جلست برجفه بعد ماحسته بدى يتعب وينهد حيله،، عيونه ضايعه في الفراغ والشحوب قاعد يشوه ملامحه الرجولية تخللت اصابعاه شعره تمتم بايات قرانيه ترقيه من حالته الصعبه عليه وعليها.. ارتخى بثقل وعيونه تتقفل بعد ماحس بالراحة اللي غلفت روحه،، ،،،، فله أبو غانم،،، ضغطت على راسها بقهر الصداع ذابحها من الثنائي اللي قدامها ،،طالعتهم بغضب،،وبحده...: بكلم أبوكم اليوم عشان يجئ يعاقبكم ويشوف اللي جالسين تسوونه فارس وهو ينزل الطين اللي بيده قدام وتين،:،انا رجال محد بيخاصمني،، رفعت حاجب من تمرد ولد أخوها وبقهر،،:اجل مالكم الا أنادي أمك بتعرف تسنعكم زين رجعت عيونها لوتين اللي جالسه تبني بيت من الطين وملابسها كلها مويه،،:يلا وتين قدامي على الحمام وقفت بزعل وهي تشوف ملامح شوق الغاضبه، ،فضت فستانها بيدينها الوسخانه،:،ليش فارس يلعب وانا لا ....ابغى زيه،، طالعة فارس اللي يطالعها بخوف وهو معند على رايه ،وبتحايل:،،مايبي أعطيه من الايس كريم اللي جابه أبوي خليه هنا احسن نط بفرحه وهو يصفق،،:الا أبغى أبغى أشرت بيدها وهي تحرك راسها ،،:يلا بسرعه قدامي على الحمام وانت روح للشغاله تروحك للحمام الثاني... أبو غانم ابتسمت بعد ماحظر على اخر كلامها وبجديه: ،،تعالي ي شوق أبيك ابتسمت بحب لابوها ...:سونيا شيلي وتين سبحيها بالاول ودفيهم زين سونيا...:اوكيه جلست قربه بعد ماجلس على العشب الأخضر ،، باست ايده وببتسامه صافيه،،:لبيه ي الغالي، مسح على شعرها وهو يرد لها الابتسامه ،،:امس تأخر تي في بيت عمك عسى خير ،، رفعت راسها تناظر فارس اللي يدور والشغالة تطرد ورآه ،:،،خير ي الغالي باسل تأخر علي وانا ماصدقت بالفرصه اتونس معاهم،، ركز بعيونها وبشك،،:انت وزوجة عبدالله ماشوفكم تجلسون تتونسون مع بعض لا يكون صار شي بينكم،، رجعت خصل تمردت من المشباك بسبب الهواء ،،:لا فديتك بس عشانها مشغوله بتاثيث الفله من امس ،،خاصه انو غانم تعبان ماله خلق محلات ومشاوير تنهد براحه ،،وبجديه اكثر،،:كلمني أخوها مشاري البارحه واليوم بيجي يتقهوى معي بعد صلاه العصر عقدت حواجبها، ،منشده لكلام ابوها ،،: يكون زعلان عشان غانم شال شهد وأخته لا؟؟ حرك عصاه بهدوء وعيونه عليها ،:،،يبي النسب ي أبوك،،ومشاري رجال كفؤ ومايرد مانتبه لملامحها اللي تغيرت من طاح عليها الخبر الأكسجين اختفى وضاق كونها،،، ضغطت على بلعومها برجفه ريقها نشف من كثر ماقلبها يدق بعنف،، حركت راسها يمين ويسار في محاوله ان ربي يساعدها تتنفس غاب كلامه وهي تشوفه يحرك يده يمدح ويثني على مشاري اللي الكل يمدحه ويتمناه يتكلم بس ماتدري وش يقول أنحت بصعوبه تكح بصوت عالي عيونها امتلت بالدموع والضيق لساتها بانيه أحلامها على فارسها البعيد،، لساتها متامله انه بيرجع يأخذها لحضانه للأبد حست بيدينه المجعدة تضغط على صدرها وتسمي عليها..:بسم عليك ي بوك وش اللي صابك مسحت دموعها قبل لاينتبه عليها،، رفعت راسها ...خايفه يصير لابوها شي من ردت فعلها الغريبه ضغطت على صدرها بخفه تتصنع الابتسامه:،،نمت امس وانا شاربه عصير بارد ومن صحيت وحلقي يعورني مسك بكفها وهو مقهور من اجاباته البارده:،،،وفيه احد يشرب شي يضر وينام تحت التكييف باست راسه وهي توقف في محاوله للهروب من ان السالفه تنفتح من جديد،:امسحها في وجهي ي الغالي تعرفني أنسى ،، طالعها متعجب من وقفتها وبستفهام،،:وين بتروحين؟؟للحين ماسمعت رايك مدت ايدهاتساعده يوقف لان الجو بدا يبرد وبهمس،:،يبه اذا جاء غانم يصير خير ،مابي اتخذ قرار الا وهم معي يوعوني،، ابتسم بخفه رغم احساسه برجفتها اللي ماعجبته،،:عبدالله وباسل يمدحونه مستحيل يعترضون عليه ماقدرت تقول شي يعيب مشاري أو يغير رأي ابوها،،، خاصه انها دوم تمدح في شخصيته لاتكلم ابوها عنه ،غير أنهم يمدحونه بالشغل بشكل كبير وهالشي لاحظته من بدت تداوم بالمستشفى صدمتها بالخبر الجم لسانها وعقلها مابين بالعمل ولا صرح لها برغبته استاذنت بنعومه تخفي نيران جواتها تذبحها اسرعت خطواته لغرفتها جلست بتهالك بعد ماختلت بروحها حيلها مهدود من الخبر المميت اللي سمعته اليوم دموعها تنزل غصب عنها، ،لو يدري كيف تحب خالد ماجاء ولا كلم ابوها لو يدري كيف محتفظه باتفه تفاصيله مافكر يخطبها تجاهلت صوت فارس وهو يطق الباب يطلبها تفتح له،، ماتدري كم مر عليها ..جالسه على برودة السرميك لو يبيني كان تقدم من جديد أو على الأقل اعتذر مني،، مايبيني سنين مرت ماسال،، كبرت وهو كبر كثير وصار ناضج يبي وحده بعمره تحبه وتفهمه كل فكره تطرى ببالها تذبحها اكثر من اللي قبلها،، الي متى وهي على طرد السراب ومانالت،، وكم بتجلس تحتري جيته وواقعه مستحيل ضمت نفسها وهي تنحنى بجسمها زي الطفل النايم بتوافق وبتنسى سنينه واغلى هدياه بتعيش حب جديد موثق بلقاء ابدي ... ينسيها طيف حبيبها اللي يمرها كل ليله ،،، المزرعه،، تحركت بخمول .. . تتنفس بعمق عطره اللي تغلغل لاخر اعماقها، ،فتحت عيونها بثقل مكانه فاضي الا من ريحته اللي تشربه الفرش،،، حرصه على راحتها اسعدها حييل فرحه كبيره تسكن قلبها وتغمره ابتسمت بحب وروحها طايره من السعاده بعد ماحست باهتمامه البارحه وشوقه اللي مقدر يخفيه،، قدر يعوضها بنظره تسعى لها من رجعت لاحضانه،، طالعت الساعه اللي صارت على العشرة والربع تحركت بنشاط ... تلبس وتتعدل وتشوف وينه ،، مستحيل تخلي اليوم يروح بدون ذكرى حلوه تجمعهم،، طالعة المراية برضى تام ،، بنطلون ابيض عملي للمزرعه بلوزه صفراء بجاليه يتغلب عليه الابيض والأصفر كثفت العطر بعد مارفعت شعرها على فوق بشكل عشوائي متقن ،، عقدت حواجبها وهي تتوسط الصاله ،،ريحة حريق قريبه منها حيل، ،فتحت عيونها بقوه وهي تسمع صوت في المطبخ،،ابتسمت بعفويه،:،معقولة قاعد يطبخ!!!!!! كتمت ابتسامتها بعد ماطاحت عيونها على وجهه المتذمر ، ،قربت منه وبنعومه،،:صباح الورد مالتفت لها ،، يغسل ايده وعيونه على البيض اللي صار بني مائل للسواد،:،،،،صباح النور وقفت قدامه ،،وبضحكه،،:ورى ماصحيتني بدال هالبهذاله الطويله،، سحب الفاين ينشف ايده وهو متوجه للكرسي يجلس عليه،،،وبجفاف،،:الين تصحين مت جوع رفعت حاجب من جوابه المبالغ،، ماحبت ترد وتكبر بينهم، ،أخذت البيض وبدت تسوي من جديد وزعت صحون على الطاوله بوجبات خفيه،،بيض جبن،قشطه،،مخلل،،تونه،، قربت له الكافي واخذت كاسها الساخن،، جلست مقابلته،، الصمت سيد الموقف،من بدت تحظر الفطور، لاهي بجواله متجاهل وجودها وعطرها اللي تغلغل كل خلاياه تنفست بعمق ...وهو تبدى تأكل بصمت تتجاهله مثل ماهو جالس يتجالها،، نزل جواله على الطاوله وبدى يأكل وتفكيره مع رسالتها،،(حبيبي بشيل اغراضي وبنقل للفله اليوم...) قومت الدنياء لما عرفت انه بشيل شهد للمزرعه بدونها ، ،،ولانه عارف انه متلهفه على الفله اللي وعدها أعطاها المفتاح حق الفله كرضوه لها،، رفع عيونه للي جالسه قباله،، تأكل بصمت وباين عليها السرحان،، شتت نظراته بهدوء..لو تدري بس كيف كل الزوايا فقدتها كان طارت للفووق لآخر سماء لو عرفت انه تعب من بعد ماطلقها وطاح وزنه بتكون واثقه من جنونه وعشقه لاتفاصيلها لو بس تعرف كيف نحرته باسقاطها لاطفال ابراياء ماكنت بتصدق انه هو اللي جالس قدامها بهدوء حس بنغزه في آخر اصبعه الابهام بسبب الحرق اللي خلفه البيض،، رفع ايده طالعها ورجع يمسك علبه المويه البارده حتى يخف عليه الحراره رفع عيونه لها بعد ماسمع صوتها المتساىل شهد بستفهام،،:غانم أيدك فيها شي اشر بايد اللي فيها الملعقه ومغروسه بقطعه من المخلل،:،حرق بسيط وقفت بهدوء يناقض قلبها اللي يتحرك بالم، انحنت على ركبتها بعد ماخذت الثلج،وبهمس متوتر،،:اشوف شهقت برعب بعد ماطاحت عيونها الجلد المتجم اسفل ابهامه،، بلعت ريقها وهي تحط الثلج على الحرق غصه تذبحها من اول مارد عليها وخرب صباحها والحرق كمل قوتها ... نزلت دموعها غصب عنها مانتبه لدموعها يتابع حركت اصابعها المرتجفه، ،توترها الغريب يجهله ويشده لها اكثر ،، حرك ايده بهدوء ناوي يسحبها ،،وبخشونه:حرق بسيط مايستاهل كل ذا الاهتمام انحنت اكثر على ايده ..نفخت بهدوء في محاوله تهدى جرحه بلع ريقه من حركتها المفاجىه ،، رجع عيونه عليها،، انصصدم،،دموعها بحر على خدودها االفاتنه شدها يوقفها بيده الثانيه قدامه وقريبه منه حيل مسح دموعها وبهمس،،:الحرق صغير ي البيبي ابتسمت على كلمته الاخيره وبالم بان بصوتها،،:ليش ماصحيتني ماكان بيصير كذا،، صدقني كنت ابي أسوي لك فطور قبل تصحى بس انت سبقتني مارد ولاعلق على حروفها المتالمه،، رفعت عيونه وتعلقت بعيونه اللي تناظرها بنظره غريبه غامضه،، انحنى بهدوء،،انفه لامست انفها ،،بهمس ،،،:ليش تخافين ؟؟؟وانت ما تحبيني ؟؟ انحبست انفاسه بصدمه من جملته الغير متوقعه تعمد يذكر الحب بين سطورهم ،،حاب ياكد لنفسه جنونها عليه،، عيونه على شفايفها ينتظر ردها اللي بيرضي غروره ،،وبيريح روحه شدت عليه اكثر وبتمته تتقنها بنعومه:،،انا ماعمري حبيتك.....انا اعشقك وعدت نفسها بذكرى فلاذيه تجمعهم بهالمكان،، تغلبت خجلها في محاوله انها تكسبه لها من جديد توترت وهي تشوفه يلتقي معها من جديد ،، والرضى مرسوم بملامحه وعيونه ----- وله....  واقفه في حديقه الفله تحتضن كفوفها كأس القهوه الايطاليه،، جامده وعيونه زايغه في الفراغ حالته اليوم استنزفتها جهد كبير ماتوقعته ،،قوته وصلابه جسمه عورتها جسديا وتركت اثار واضحه بجسمها،، شدت كفوفها تستمد الحراره من الكأس الساخن عيونها تتابع البخار اللي يطلع منه بدون هدف ليه صابره ومتحمله مريض هي في غنى عنه لو لها سند ماكانت بتصبر عليه ولا على اوجاعه،، لو بس فيه احد من اهل بيتها -- ماتقدر ترجع الاموات بلو ولو،، تنهدت بمراره تتذكر كيف كانت بتموت في يده حطمها وزاد التعب اللي ساكن جواتها،، لو ماخانها فهد وتحملهامستعده تقسم انها تتحمله حتى لو مايراعيها الاصابع ماتساوت الا بمعادله واحده---الرجال---نفس الأول الثاني العاشر -نفس العله،، رفعت ايدها تطالع كم صار الوقت،، تخاف يصحى ويكمل الباقي وينهيها التفتت على صوت شبيليا شايله شنطه صغيره -تامر السواق يجهز السياره اشرت لها من بعيد وهي تتجه لها بعد مالمحتها بالحديقة،، شدت الكاب الثقيل على جسمها بحرص، ماتبي يبين عليها شي من اللي صار.. شبيلي بغضب،،:هل اصبتي بالجنون؟ فالطقس بارد فقد تصابين بالالفلونزا.. ابتسمت بحب على حنانها وهي تشرب قهوتها،،طالعتها بثقه،:،انا ارتدي ملابس ثقيله كما ترين... وبضحكه باهته،،احب الصباح ورائحة القهوه زفرت بضيق على حال وله السيء ،،وبهمس:،،هل لازلتي تبحثين عن طبيب لسيدي لفت بسرعه لجهة البوابه،، دخوله المفاجى المره الي راحت ارعبتها، ،رجعت عيونها لشبيلي ويدها الباره تحتضن الكاب بقوه:،،نعم فانا مصره ،،وأريد عمل شي لمساعدته،، ابتسمت شبيلي بعد ماخافت ان وله تراجعت عن قرارها ، ،مسحت على كتف وله وبحماس:،،حفيدتي تعمل بمصح نفسي فهي بالتأكيد تستطيع مساعدتك نطت بفرحه وهي ترخي الكاب بدون انتباه،:،لباك ولبى بزارينك اللي مسرع خلفو،،عز الله أنكم اجاويد مانتبهت لنظرات شبيليا على صدرها بصدمه ،،غير انها مافهمت شي من كلام وله عقدت حواجبها وبصوت غاضب، :،اشك انه قد اصابه الجنون اللعنة وله بعدم استياعب:،،عن من تتحدثين؟؟ رفعت ايدها تاشر على صدر وله،،:السيد ازم الا ترين ماسببه جنونه انتهبت على اللي تقصده شبيليا شدت الكاب بلخبطه وقفت بعثر كارهه تسمع شي يذكرها بفعلته لوحة بيدها لشبيليا بعد ماعطتها ظهرها،،:إلى القاء،، لاتتاخرين حتى نكمل حديثنا مشت بخطوات سريعه جهة القصر البرد يدخل لآخر جسمها ويجمد اطرافها،، التفتت تدور مكان الدفايه ألمركزيه. ،، علت الحراره وهي تسب نفسها من غفلتها وحماسها مع شبيليا تجمد أيدها على الجريده اللي بحضنها صوت خطواته بالسلم الخشبي ارعبتها،، تنفست بعمق وهي تثبت عيونها بدون هدف على الصفحة الاولى اللي يشوفها يجزم انها مندمجه بكل حواسها باللي تقراءه،، دور عليها بعيونه ،،، قاعده تقراء قدامها كأس جديد من القهوه .. عقد حواجبه بتفكير معقولة هدوءها !!!! اللي صار امس ماصار؟؟؟ حلم اكيد حلم ،،ولاهي مستحيل تكون بخير وجالسه برواق وهدوء ضغط على راسه وهو يجلس على نفس الكنبه ،،تفصلهم مسافات بسيطه رمى علبه الدخان على الطاوله وبهدوء،،.صباح الخير،، رفعت راسها بعد ما سيطرت على رجفتها وبنعومه ،،:صباح النور واصلت قرأتها المزيفة،،، رجع راسه على وراء وعيونه مقفله،،ومسترخى قفلت الجريده وبهمس وصله،،:تبي شي معين على الفطور؟؟ التفت لهابشرود ،،معقولة احلم،، ماتعبت ..الأكيد انه مرض جديد بالوهم،،عقد حواجبه من رجفة أيديها وهي ت شد الكاب وتوقف بثقل،،، أشر بيده تجلس وبغموض،:،مابي شي بشرب القهوه هذي وهو ياشر على الطاوله،، جلست مكان ماكانت جالسه وهي تسحب الجريده بيد واليد ثانيه متمسكه بالكاب قرب منها بفضوول مايفصلهم شي غير سنتي مترات،،وبجمود:،،شيليه بلعت ريقها بصعوبه عيونه مركزه على الكاب وملامحه جامده شدت ايدها وبتررد :،،المكان بارد ماتحمل رفع حاجب 00 شكوكه قاعده تتأكد بصوره ماكده،،وببرود،:،بتشيلينه ولا اشيله بنفسي نزلت الكاب بتعب شتت نظراتها جاهله ردت فعله على التشوه اللي تاركه امس على صدرها وايدينها فتح عيونه بصدمه ،آثار قسوته مسبه لهاجروح كثيره ، ،يعني كانت معه لما تعب ماخاب ضنه كسر كل شي ،،سبهم،،وتوعد فيهم بالويل بحظورها،، قدر يتحكم بحالته مرتين من سكنو بالفله وماعرفت بتعبه،، بس هالمره كل شي على المكشوف رفع راسه وهو يضغط على فكها بقوه،،:مو انا حذرتك مليون مره ماتلعبين معي،،انت ما تفهمين؟ لفت ايدينها حولين خصره وببكى ،،:تكفى للحين جروحي عطايب لاتزيدني لمستها وصوت بكاها بحزن .. نرفزه اكثر وصدع فيه.. دفها بقسوه وهو يسحب بكت الدخان ويطلع لغرفته من جديد،، كتمت دموعها بانين الم روحها أكبر بكثير من الم جسدها،، عدلت جلستها بجمود ، ،قوتها وثقتها بنفسها وين تبخرت تتحدى الكل بعزه نفسها وشموخها، ،وبظروف غريبه هي كسرت روحها بروحها،، تنهدت بعمق،،كل شي تغير فيها لازم تسوي عليه كنترول من جديد،، وترجع وله الاوليه اللي ما تعترف بالضعف،، طاحت عيونها على مكان ماكان جالس وبسرعه تغيرت ملامحها وقفت بلخبطه وهي تسمع صوت شبيلي قريب من البوابه والواضح ان معاها صوت أنثوي ناعم انحنت بخفه تخفي اللي طاح من عزام على دخله شبيليا لاتغرك الضحكه ؟ ،،،، دعاء يكرهه الشيطان اللهم انك سلطت علينا عدوا عليما بعيوبنا - يرانا هو وقبيله من حيث لا نراهم -- اللهم آيسه منا كما آيستـه من رحمتك وقنطه منا كما قنطـته من عـفوك -- وباعــد بيننا وبينه كما باعـدت بينه وبين رحمتك وجنتك لي عوده باذن الرحمن اخر الاسبوع...تعليقاتكم تسعدني استغفر الله سبحان الله والحمدلله ولااله الا الله والله اكبر | ||||||||
|
| |
|
18-10-14, 09:34 PM
| #24 | ||||||||
| مراقبة عامة ومشرفة منتدى الروايات المنقولة
| بسم الله الرحمن الرحيم 15 سلام عليكم ورحمه من الله وبركاته،، لبى قلوبكم على التعليقات اللي تشرح تشرح النفس وقسم اتخيل على بعض التعليقات لو جد اهي كاتبه لانو اسلوبكم في الجمل وربي ساحر وجميل حيلات يسعد قلوب اسعدتني ، اتشرف بمن انضم الينا ي مراحب ملايين ، والف شكر لمن خطت حروفه داخل صفحاتي الخياليه ، اتمنى يعجبكم البارت طابت اوقاتكم احبتي البارت اهداء ملامح بريىه--هيبه وداع- ، ، بنوتات الله يسعدكم قبل فتره وحده قالت لي اهديني البارت ونسيت من هي لاهنتو اللي قالت لي ترسلي مره ثانيه البارت الخامس عشر⚡⚡  تِسَلَّلْت الأَمَلْ ظَمْيَا .. أَبَرْوِى مِنْ تَعَالِيْلِيْ ـــ وَأَثَارِيْ هـَ الظَمَا أَفْضَلْ .. مِنْ إِنِّيْ أَشْرَبْ أَيَّامِيْ بَنِيْتْ الحِلْمْ مِنْ تُربَةْ خُفُوْقِيْ .. وَاِنْهَدَمْ حِيْلِيْ ـــ سَرَقْتْ الخُوْف مِنْ مِحْجَرْ عُيُوْنِيْ .. ضَاقْ هِنْدَامِيْ أَرَتِّبْ مَكْتَبَةْ عمْرِيْ .. وتِنْفِضْهَا مَنَادِيْلِيْ ـــ يِطِيْر غبَار يِخْنِقْنِيْ .. وِيْنْخَرْ [ حِزْنَهْ ] عظَامِيْ شَحَبْ .. وَجْهْ الصّبحْ وَأَصْبَحْ بِدُوْن ألوَانْ يِشْكِيْلِيْ ـــ بِعَادِيْ .. وَاِنْكِسَارَاتِيْ .. وِبَعْضِيْ صَارْ مِتْرَامِيْ عَلَىْ أَطْرَافِ الشِّفَاة اليُوم .. غَنَّتْنِيْ .. مَوَاوِيْلِيْ ـــ تَعَبْ .. نَظْرَةْ عَتَبْ .. آهَاتْ .. زَادَتْ مَعْهَا آلامِيْ وكَفِّيْت البَصَرْ عَنْهُمْ .. سَقَطْ تِمْثَالْ يِحْكِيْ لِيْ تنهدت بعمق،، كل شي تغير فيها لازم تسوي عليه كنترول من جديد،، وترجع وله الاوليه اللي ما تعترف بالضعف،، طاحت عيونها على مكان ماكان جالس وبسرعه تغيرت ملامحها وقفت بلخبطه وهي تسمع صوت شبيلي قريب من البوابه والواضح ان معاها صوت أنثوي ناعم بسرعه انحنت تخفي اللي طاح من عزام على دخله شبيليا عطفت الصورة وهي تدخلها في جيبها،، تقدمت ببتسامه صفراء وهي تصافح الضيفه اللي واقفه قدامه بكبرياء،،، وله بتشتت،،:مرحبا كرستيان بنعومه طاغيه،،:مرحباً انا كرستيان شبيلي بضحكه،،:هذي هي حفيدتي اللتي اخبرتك عنها وله رجعت عيونها بكريس بصدمه، ،ماتوقعت حظورها السريع، ،ماتوقعت مطلبها بتكون جميله بشكل ملفت، شعر أشقر،،بياض صارخ مشرب بحمره،،شفايف توتيه صغار،،وخشم حاد،، طويله ممشوقه بشكل منحوت ،، ابتسمت بتوتروهي تاشر لها تتفظل بالجلوس، جلست قدامها وهي ترجع شعرها لاوراء عيونها مشتته بين كرستي وبين شبيلي اللي بدت تسوي القهوه،، كرستيان ببتسامه غامضه من ارتباك وله،،:كنت امكث هنا وقتا طويلا مع والدتي..فهذا المكان محبب اللي كثيرا ،، وله بتعجب :،،لم تخبرني شبيلي بذاك،،بل اعتقدت انها الوحيدة اللتي تعلم عن عاءله عزام ضحكت بهدوء ،،:انا اعرف عائله ازم جميعهم ،، منذ الطفوله وحتى اصبح عمري في العشرين حتى تركت المكان وانتقلت للعيش مع والدي لاكمال دراستي عقدت حواجبها ،، يعني عزام راح يكتشف انها طبيبه نفسيه وأكيد راح يذبحها هالمره رفعت عيونها وبجديه:،،يبدو ان شبيلي نسيت عن السيد عزام يعرف عن اختصاصك،، فانا لاريد ان ارتبط بطبيب بشكل واضح امامه،، وقفت وهي تأخذ القهوه من جدتها ،،وبثقه :السيد ازم لايعلم عن دراستي،،فانا سأخبره أنني أصبحت مهندسه فحسب شبيلي بطيبه،،:لاتقلقي ...حفيدتي ذكيه تستطيع الحذر من معرفته بعملها ،،فانا أخبرتها بكل شي عند قدومنا إلى هنا،، بلعت ريقها بتوتر ماهي مرتاحه ولاعندها حل ثاني يساعدها لو اكتشف اكيد بينهيها بصوره بشعه ولو تركته على حالته ممكن يتخلص منها في غير وعي منه ولا اي فكره قاعده تساعده لقدام طالعة الجوال اللي ينبه عن وجود متصل خالد...يتصل بك رفعته بهدوء وهي تنسحب للغرفه القريب بعيد عنهم،، بعد ماستاذنت بلطف ،، ،،،،، شهد،، وقفت بشكل مائل تمسك بطنها من كثر الضحك،، :،قلت لك لاتجرب ارجولك مكسره بس ما تسمع ضحك وهو يمسد ارجوله ببطى،،:،يعرفني زين ،،بس مدري وش فيه اليوم مايبيني جلست جنبه على العشب،،:بلاه اللي مهتويها على قولتك،، ضحك بصوت عالي ،،، لساتها تذكر كلامته امس،، حرك راسه بالإيجاب يسايرها:،إيه صدقتي نسينا عن العشق ابتسمت على رده وهي تمد ايدها تشوف رجله اللي مغطيها الجبس،،وبنعومه وعيونها مركزه على ارجوله،،:تعورك؟؟ طالعها لثواني ، ،يموت على اهتمامها وبراءتها ،، مد ايده وسحبها له بسرعه،، شدها لصدره ظهرها ملاصق لصدرها،، ذراعه الصلبه ملفوفة على خصرها،،وبهمس يحرك خصله من شعرها،،: بتشتاقين لي على مارجع ؟؟ بلعت ريقها ، ،من رجعت ماتعودت على شقاوته معها نفس زمان،، لفت جهته وعيونه بعيونها،،وبتحايل...: كثر شوقك لي بيكون شوقي واكثر،، رفع حاجب من إجابتها المراوغه،،:يمكن مااشتاق لك. عضت على شفايفها وهي ترفع ايدها لصدره وبتمتمه وصلته،،:لو ما تشتاق ماكنت اسمع قلبك الحين فتح عيونه بصدمه،، ماتوقعها منتبهه لحركة قلبه السريعة وكانه مراهق بأول شبابه،، طالعها بخبث،:،قلبي يتحرك من الطيحه وانت كملتي علي بثقلك الحين شهقت بصوت عالي بعد ماستبوعبت كلامه وهو يضحك على ردت فعلها المتأخرة،، نطت بسرعه ناويه تضربه على بطنه تادبه بس هو سبقها وسحبهاً له من جديد،، ،،، وعد ابتسمت ابتسامه عريضه وعيونها على بدريه واختها بعد ماقالت اللغز بصوت وصله عقد حواجبه، ،أش تقصد بكلامها نزل بياله الشاهي من ايده وعيونه مركزه عليهاا،، معقولة تقصده؟؟ ليش تتكلم باسلوب غامض بدريه بتافف،،اوعييد لغزك مثل كشتك شينه ومآلها حل،، دخلت أصابعها ب شعرها المكدش تنفشه اكثر وبصوت عالي،:،،ترى عليه دراهم ان جاوبتو احمد بجديه ،،وش اللغز اللي ماسمعناه الا عندك،، لفت جهته، ،وعيونها بعيونه وبتكرار،:،يخون ،،ويكلم ،،ويشتكي،،ويوهم الناس بالزين،،،،هاه ماعرفته ترى سهل توقعت تعرفه القوه اللي بعيونها تشككه بقوه انها سمعته مره من المرات وهو يكلم ،،خايف يخطئ خطوه ويطلع ضنه غلط،، معقولة تقصده؟؟ رفع كتفه وهو يشرب شاي وعيونه تحولت للتلفزيون،،بعدم مبالاه،، ابتسمت بشقاوه ،،أحسن ،،يستأهل ،،الكذاب، ،االممثل،، وقفت وهي تتمطط وبحماس:،،أش رأيكم نطلع للحديقه نسوي شي حماس،، طالعها بنص عين،،اهجدي الجو بارد براء غمزة له بثقه،،،:اللي ماعرف الحل وماهو بمن اعضاء اللعبه.. ممنوعه مداخلاته لانه ذكي وهالمره بلط عقله شتت نظراتها على البنات بعد ماحست فيه يلف بقوه جهتها،،:هاه بنات أش رايكم نلعب ؟ بدريه بتأييد ،،:بصراحه نبي نغير الروتين ،،بس لاصابنا تعب انت السبب احمد بغضب وهو يشوف اخواته يقومون معاها،،:وحده بس تطلع احش ارجولها حش وأولهم انت يالبومه كشت عليه بعد مالاحظت ام احمد جايه من براء وقريبه منهم،،:ي وسامتك ي القرد نطت وراء خالتها بعد ماوقف وهي تطلع لسانها تقلد الاطفال ام احمد طالعت ولدها ورجعت تناظر وعد:،،أش صار وعد بتمسكن،:،خالتي شوفيه ناشب لي مع ذا البزر اللي مطفشني ام احمد وهي تتقدم من احمد،،:احمد مو انا قلت لك خل البنت براحتها ولا نسيت كلامنا ضغط على اسنانه بعد ماطلعت براء واخواته راحو ورآها،،يمه شوفيهم رايحين يلعبون والجو بارد عليهم ام احمد بحزم،:،،خلاص احمد ما عادو صغار تحاسبهم ببيتهم ،،، وله ارتاحت كثير من سوالف خالد وحنانه معها.. مرت الساعه بدون لاتحس فيها بقلبه أبوه فضيعه تغنيها عن الألم اللي يستوطنها،، جرت خطواته لغرفه الجلوس القريبه منها فتحت عيونها بصدمه صوت ضحكته تغللت لاخر زوايه بطبلتها عقد حواجبها ...أش اللي قالته ضحكه هالكثر اول مره يضحك هالكبر من تزوجته قربت منهم... والفضول ياكلها أش ممكن قالت،، قاعدين يتكلمون باللغة الفرنسيه،، ماقدرت تفهم شي من كلامهم طلاسم بطلاسم،،، عيونها على ضحكته وابتسامتها الفاتنه،، أش هالاريحيه الفضيعه اللي بينهم مالتفت لها،، ماكان محور تفكيره انه يعطيها شي من اهتمامه رفعت عيونها على شبيلي وهي تتكلم بغضب ،:،،لاتتحدثون بالالغاز أريد ان اشارككم الحديث عزام ببتسامه:،،ي حلوك،،،،،،انا وكريس كنا نتحدى ان نتقن الفرنسي،،والان اصبحت تعلم جميع المفردات بجداره عاليه رجع عيونه لكريس،،:ادهشتيني بالفعل نزلت راسها بخجل وبتمتمه ماوصلت لهم،،:لااستطيع نسيان ماوعدتك به،، وله وعيونها على عزام:،،تبي شي معين اسويه لك على العشاء مالتفت لهاا..ماقدرت تلفت انتباهه،، طالع ساعته وببرود،،:اليوم انا بطلعكم نتعشى براء رفعت حاجب،، من جاو ماطلعهم،، ان طلعت مع شبيلي ولا ماطلعها، ،،واليوم عزيمه عشان معرفه قديمه وقفت بقهر...وبهمس وصله،،:ماراح اطلع مره مرهقه حرك راسه بالإيجاب وبهمس مماثل،،:براحتك ،،، شهد،،، كثرت الحطب ،،،المكان بدى يدفى عن اول الليل وبرودته،،، طالعته،،مشغول يكلم خالد عن سفرته وعن زياد وسوالف البر،، ابتسمت بحب،، ماتوقعت ترجع علاقته تتحسن بخالد،، حررت شعرها من المشباك وهي تنتظر الحليب بالزنجبيل يسخن،، تنهدت بضيق على بعد بنتها الوتين ماتحب تنام بعيد عنها،،حتى لو كانت بأيدي امنيه شالت الصينيه بعد مارتبت الكاسات بشكل جميل ،، جلست بجنبه وهي تقرب منه كاسه وبهمس،:،بلغه سلامي غانم ببتسامه :،،شهد تسلم عليك ضحك بصوت عالي وهو يمد الجوال لها،،:يقول لا يدخلون بينكم العواذل ابتسمت وهي تسحب الجوال،،:حي الله تاج راسي خالد بضحكه،:،تاج رأسك ي شهيد،،يعني ان ماسالت ولا ما تسألين رفعت حاجب،،:كثر منها تو امس مرسله اسأل عنك اتسعت اببتسامته:،،يكفيني انك مبسوطه،،،الا قولي لي كيفك؟ رفعة عيونها اللي جالس قريب منها ،، يقلب بالقنوات الفضاء يه وباين عليه الطفش،،:تمام ،،،وانت؟ خالد ببرود ،:،مليت الوحده،،،كل وقتي داج مدري وين اروح،،عشان كذا أبيك تسألين وله عن صاحبتها اللي كانت تبيني اخطبها،، شهد بتوتر،:بس طلعت مخطوبه،، انتبهت على نظرات غانم اللي ركزت عليها بفضول،، ابعدت نظراتها عنه بحرص خالد بجديه،،:طيب ابي وحده ما تكون من قرايب لنا،،وبإصرار،،مانعرفهم،،، عاد انت بالدوام اكيد لك صحبات شهد بخبث،،،:ايوه فيه ...اجل بس ارجع بتفق معك على كل شي خالد وعيونه على الاشاره االلي فتحت:،،اوكي بس لا تنسين ،،لاتكلميها الا لما اعرف عنها كل شي اتسعت ابتسامتها.. قلبها بيوقف من الفرحه،، واخيرا بيصير اللي ببالها..:صار ي الغالي وقف قدام بيت يزيد اللي اتفقو يتقابلون،:،استودعتك الله قفللت منه بحماس...ماراح تتاخر عن اللي ببالها بس ترد للقصر اخذت الحليب تشرب براحه كبيره اختصر عليها مشوار طوويل كانت بتسويه ،،عشان تخبره بسوء الفهم اللي بباله،، غانم وهو يفتح جاكيته الكبير،:،تعالي ابتسمت بخجل وهي تدخل معه بالجاكيت وتلف ايدينها حولين خصره ورأسها على صدره وبنعومه،:،كل ماشفت صداقتكم ترجع زي قبل أحس الدنياء لسى بخير شدها عليه اكثر ،و،بذهن غايب،،:ماعمري ارخصت فيه،،حتى لما صار اللي صار باست على صدره وبحب،،:مايلام خالد يوم ميزك عن الكل ضحتكة وصلت لها من اهتزاز صدره البسيط،، طالع الحطب اللي يشتعل... وبخفوات،:،خالد ناوي يتزوج؟؟؟ حرك راسها بالايجاب وهي ترجع لفكرتها اللي تبي تحبكها بدون لاحد يشك فيها،، زم شفايفه،،،،وببجمود :،،بنت مين؟؟ حسة بشعور غانم المتازم، ،الاكيد يتمنى خالد لاخته،،لان اخته ترفض الكل بعد ماتركها،، تنهدت بصمت،،:للحين ماحدد،،بس يبي من عائله مو معروفه لنا،، تنفس بعمق،،، متأكد لمح حب شوق بعيونه،، ،كيف يبي يتزوج غيرها،، معقولة يتوهم،، ليش للحين ماتزوج عقبها،، ثقته بنصيبهم تحولت فجاءه، ،شتت نظرراته وبهمس،:،الله يوفقه طالعته بشقاوه تغير جوه،،:ابي هديه حلوه من ألمانيا أشر على خشمه،،:اعتبريها في الجيب بس ها على حسب كيف تستقبليني اول مادخل،، ظربته بخفه على بطنه:،،خلها تجئ مني لاتخرب علي،، ضحك بخفه،،حلو قاعده تفكر بتفاصيله وتبين اهتمامها جهته،، قرر ياجل سوالف كثير كان بينقاشها فيها لما يرجع من السفر،، مايبي يخرب جوهم بعتراض منه ومنها،، رجع عيونها عليها راسها ثقل وانفاسها انتظمت،، مافته عيونها النعسانه قبل دقايق ابتسم بهدوء عيونه الواسعه على ملامحها اللي تقتنه حيل،، رجع بجسمه على الكنبه وهي بتلقائية رجعت معه من حركه جسمه كثافة رومشها وطولها حكايه تجذبه لحدود مالانهايه،،، ياما حلم تكون بحضنه في الشتاء،، يلمها ويحكي لها عن عشقه الأزلي،،، الحلم تحقق بس اللسان عي يبيح سده،، طبع بوسه على عيونها بخفه، ،شدها لحضنه اكثر يدفيها،، مايبيها تحس بالبرد وتروح عنه مرر اصبعه على ملامحه ببطى غير عن طفلته المراهقة المتهوره،، غير حتى بقوه ملامحها تنهد وهو يبعد عيونه بصعوبه،، لو يجلس للصبح ماملها، ،طاحت عيونه على الجريده البعيدة عنه على الرف اشتاق يرجع لشغله بالجريده ،،اشتاق لقلمه وضجته بين الكتاب،، اسمه معروف، ،ومنافسينه كثار،، بس يرجع ناوي يعدل كثير أشياء ماعجبته قفل عيونه بالم... خالد بيتزوج غير شوووق!!!! معقوله يعرف انها للحين ماتزوجت وبيتزوج غيرها!!! ،،،، في الكوفي،،، فتح علبه السندوتش وبدى يأكل على مايجي فيصل صاحبه،،، الجو بارد بشكل فضيع،، يشبه برودة ايامه ووحدته فيصل اللي دخل المطعم من ثواني:،،ي المشفوح وقف اجيب اكلي نأكل سواء،، وليد ببتسامه،:،قالك زوجتك ي مال العروس اللي تسنعك فيصل ببتسامه عريضه،،:ايوه كثر من دعاوي العرس كثر وليد بضحكه وهو متعجب،،:حتى لو تسنعك عادي،، عدل جلسته وهو يفتح العلبه،،:حتى لو اخلف عنها وضحك بصوت عالي وهي يرمي عليه ورقه كورها بيدينه:،،انقلع ي الخايس ي ام وسن فيصل وهو يساير وفمه مليان اكل،:،لاوش وسن على حسب هي تحدد يمكن ما يعجبها وسن حقتك... حرك راسها بالإيجاب ،،:انت حالتك حاله ما منك فود فيصل :،،الا ي أبو الحالات كيف ماشي على الرقيه تغيرت ملامحه للحزن وهو يتنهد،،:ماشي عليها ،،للحين ماحس بشي جديد غير صورت البحر اللي محفوره جواتي.. فيصل بصبر،:،انا متفائل ،، ابتسم بحزن،:لي سنين امداها ترجع الذاكره ،،،،،بس شكل حضي عطيب فيصل بغضب:،،استغفر ربك،،ولا تنسى ان الله عند حسن ضن عباده،، نفخ اصابعه في محاوله يدفيها،،،:ونعم بالله،،والرقيه مستحيل اخليها لا تخاف فيصل بشك :،،متاكد وقف وهو ناوي يغسل ايده،،:في اليوم استغفر 100مره ،،ربي ان مسني الضر وانت ارحم الراحمين،،70مره ،،ربي لا تذرني فردا وانت خير الوارثين،،70مره يا غياث المستغيثين ورجائهم أغثني 70مره ومشى قبل يسمع تعليق فيصل اللي فرح بهتمام وليد بالرقيه ،،،،، شهد  )"]ماكسر ضلع الثقه غير الغياب..وماحفر قبر الوداع الا التغلي..! قربت المبخره من شعرها واحداث امس ترجع لها... اول مارجعو من المزرعه شد انتباهها الفله المنوره باضاءت ملفته وراء فله أبو غانم بنفس الحديقه عوار كبير طاح ببطنها ت...تذكر كلامه ان الفله مو لها لعشيقته،، قفلت عيونه وهي تسحب ايدها من ايده،، بلعت ريقها وهي تلتفت له،،وبشحوب،:،فلتك شغال نورها طفى السائق السياره ونزل ... بقى هو ...وهي طالعها وبجمود ظاهري،:إيه خلاص صارت جاهزه ابتسمت بخوف،،وبهمس،،:مين بيسكنها،،؟ رفع حاجب وهو يطالع ورآها التفتت بتلقائية وهي تشوف منى طالعه وبيدها كيس كبيره تعطيه الشغاله،،، رجعت عيونها عليه ، ماكانت تتوهم بيعطي عشيقته بالتاكيد شدت على اسنانه وبقهر...:،هه يعني مشوار المزرعه كانت تسكيته،، طالعه بصدمه معقوله كذا بتضن فيه ماحست اللي حسه بوجودها وبغضب،،:مايحتاج اسكتك على أمر تعرفينه من زمان حركة راسها بالإيجاب وهي تفك الباب،،:صح عليك مايحتاج مايحتاج شالت شنطتها الصغيره ومشت تحت انظاره ،، بهدوء مناقض للنار اللي تشتعل جواتها، عدلت اسوارتها بشرود ثبتت الخلخال وهي تستعجل شوق لبست عباتها بعد ما جهزت شواق،، شواق ،:،بيجون بنات كثير شهد وهي مشغوله بالجوالترسل رساله ،،:مو كثير يعني بس صحبات أميره، ركبو مع السواق بعجل... اشترو حلا وفطاير وتوجهو لقصر أبو ناصر،، وقفت بحرص بالممرات الداخليه تعدل لبسها اشرت لشهد تسبقها على ماتعدل مكياجها الناعم وقفت بثقه ،،طالعها مبهره بمعنى الكلمه ابتسمت لشهد الي تناديه ومعها ام قصي وبناته، ،سلمت عليهابخجل يناسب ملامحها،، ترتاح لهم كثير،، تحس انها بين أهلها من طيبتهم،، باست ولد أميره وقطعت خدوده وهو يبكي من حركاتها،، أميره وهي تسحبه،:،ولدي بيموت بيدك وانت ماغير تشفطين خدوده ضحكت وهي تسحبه لحضنها من جديد،،:خلاص إسفين مادرينا انه خكري صرخت بنقزه من قرصة أميره على كتفها،، وتين برجاء وهي تاشر على حضنها،،:شواقه نزليه هنا زيك يلا جيبيه حطت ايدها على راسه بعد ماسمعت وتين تطلب هالطلب من شوق ،،:عز الله راح فيها ولدي شهد اللي جايه من براء الضيافه،:،تعالي شوق وقفت وهي تنزل البيبي بحجر امه،،:الله فزع لك من الصبايا اللي ناوين عليه شهد بتمثيل،:،سلسالي طاح بالحديقه ومالقيته،أخاف يلاقونه الخدم وماعاد يرجع لي شوق ،،:دورتيه؟؟ حركت راسها بالايجاب وهي تتوجه للحديقه ،،:دورته بس انا متأكده اانه هناك لحقتها شوق ايد على خصرها وعيونها على المزوع تدور بتركيز انصصدم ، ،فتح عيونه بصدمه،، هذي مجنونه اكيد مجنونه،، كيف تطلع لي وحده متزوجه،، خبته بضيافه الرجال بعد ماقنعته ان لازم يشوف البنت اللي بيخطبها،، ومنها تكون النظره،، ركز عيونه عليها واقفه بشموخ رغم انحناء راسه،، كبرت كثير مثل ماكبر،، ملامحها تغيرت ،، صارت ناضجه وملفته بشكل يذبح جميله حد الوووجع فاتنه بصوره مبهره تنرفز وهو يشوف ابتسامتها لشهد وكأنها تطمنها على شغله مستحيل يسامح شهد على زلتها وقف بضياع،، صورت ولد عمها سببت له استفراغ فضيع الهواء عي يدخل جواته ويساعده اتجه للباب بانفعال يضربه بقوه والغضب يتملك روحه،، مالها حق تخدعه وتخدعها،،، الحين بس تأكد سبب إصرارها ان المفتاح يكون معاها طعنته باردتها مالها حق مالها حق باللي سوته اي خطوته سوتها وارتكبت ذنبه وذنبها،، ضربه ضربه أقوى وهو يسمع؟؟؟؟؟ لاتغرك الضحكه؟  | ||||||||
|
| |
|
26-10-14, 07:17 AM
| #25 | ||||||||
| مراقبة عامة ومشرفة منتدى الروايات المنقولة
| بسم الله الرحمن الرحيم16 السلام عليكم ورحمه الله وبركاته كيفكم ي الغوالي لبى قلوبكم اسعدتني تعليقاتكم حيل ربي يسعدكم جميعاا الف شكرا على كل حرف نثرتوه بين اسطر روايتي وربي اتمنى اعلق على تعليقاتكم لانو مره تسعدني ي الغراميين ، حبايبي رد على اللي يبوني انزل بارتين بالاسبوع وربي ماقدر لانو جدولي يكون مكركب وي الله افضى مستعده يكون بارتين اذا قفلت الروايه الين نص شهر 2 وعقب افتحها وانزلها بارتين واكثر اذا يناسبكم ابشرو ي فديتكم،، ، اتمنى يعجبكم البارت طابت اوقاتكم البارت السادس عشر--  حتّى فجري : شق ثوبه من غيابه وصوّت لـ عينه تعالي وإجرحيه حتى عطري جف دمّه من عذابه وذْبلت أزهار عمري : تحتريه حتّى صوتي قام ينطر عند بابه ويْتسوّل " إذن " تسمعه وتجيه حتّى شعري ظلّ واقف وإنتخى به ونادى : يا علّه بيوم يحس فيه .. حتّى إسمي لاحقه |حضرة جنابه ما تغيّر .. لا ولا عمره نِسيه ، حتّى شوقي خايفٍ منْه و يهابه ودّه يصرخ والله يا عالم أبيه .. حتّى جرحي ويّا خنْجره يْتشابه دلّ دربه ، وعمره ما ضيّع يديه حتّى شوفي دايم ينادي سرابه ويْتمنّى : ترجع النظره إليه .. حتّى قلبي: ما تعنّى له و جابه ولا هو فكّر يسأل بـ لحظه عليه حتّى فكري ضاع وضيّع له صوابه ليه يرحل .. ودّي أعرف بس ليه =( ركز عيونه عليها واقفه بشموخ رغم انحناء راسها،، كبرت كثير مثل ماكبر،، ملامحها تغيرت ،، ناضجه وملفته بشكل يذبح تنرفز وهو يشوف ابتسامتها لشهد وكأنها تطمنها على شغله مستحيل يسامح شهد على زلتها صورت ولد عمها سببت له استفراغ فضيع حتى الهواء عيى يدخل جواته اتجه للباب يضربه بقوه والغضب يتملك روحه،، مالها حق تخدعه وتخدعها،،، مالها دين عنده ترجعه بهالطريقه البشعه الحين بس تأكد سبب إصرارها ان المفتاح يكون معاها ضربه ضربه أقوى وهو يسمع ضحكتها الكريهه مع الشهد ،، ضرب الباب اقوى من قبل،،،وبفحيح...:شهد افتحي الباب بسرررعه وقفت بخرعه بانت بملامحها انصدمت من صوت خالد ومن الضرب العالي على الباب،، ارتبك وهي تشوف الخوف والرعب على وجه شوق،، مدت ايدها برجفه واضحه جرتها بعيد شوي عن الضيافه ...وبلخبطه،،،:روحي روحي داخل هذا عزام يناديني شوق برعب،،:وش فيه.... ليه يصارخ كذا،،؟ شهد وهي تمشي بخطوات سريعه للضيافه،،:روحي بسرعه داخل بلعت ريقها ... رجفه قويه بجسمها،،، رفعت ايدها على صدرها ،، قلبها يتحرك بعنف. من. الصوت،، مشت خطوتين متوجه لداخل الفله،،، ليش كان يصرخ بطريقه مخيفه هالكثر؟؟ ليش داىما معصب وحالته حاله!! تجمدت خطواتها،، عزام مسافر .....!!!!!! على كلامها اليوم،، عزام لساته مسافر شلون فيه وهو مسافر؟؟ ماكان عزام اللي يناديها،، ،شحوب كسى ملامحها لفت بضياع تطالع المكان اللي كانت فيه مع شهد، ،عقدت حواجبها أش اللي قاعد يصير ، ،،شي ماهو طبيعي رافض عقلها يستوعبه،، رجعت بخطوات متردده... غصب عن كل شي ب تأكد شكوكها اللي بدت ترميها بكل جال كتمت انفاسها وهي تسمع صوته الغاضب حيل حيل خالد بغضب،،:قاعده تستهبلين ي شهد،،مطلعت لي وحده متزوجه وتعرفين موقفي جهتها شهد بتوتر من صوته العالي لايوصل لشوق،،،:خالد انت فاهم غلط ،،،انت تعال اجلس وبحكي لك كل شي..فيه شغلات ماتعرفها ي روحي نفض ايدها من ايده بجلافه،، رفع اصبعه السبابه بوجها وبقهر ،،،:ولا كلمه ولاكلمه يكفي خنتي زوجك وخنتي اخته بتصرفك التافه شهقت بصدمه ماخانت احد ماله نيه تعور قلبه ،،تبي تفرحه وانقلبت نكد بنكد اخر شي تتوقعه نظرته السيىه والكبيره بعيونها امتلت عيونها بالدموع ..وبحده،،:الغلطانه انا مو انت ي عمي ،،،وبحرقه،،،عساها تكون من نصيب مشاري ولا تعرف لها اثر.. ماكانو يدرون انها تسمع كلامهم عنها وتجرحيهم لبعض،، ماكان احد حاس باحد من جرحه والمه من الثاني... ضغطت على شفايفه بصدمه تمنع صوت شهقاتها تطلع مشت بخطوات سريعه من حست بحركه خارج الضيافه يعني... تغافلتها شهد ،،عشانه،، كذبت عليها وواهمتها بضالتها عشان يشوفها!!!! يعني كان يتوقع اني متزوجه!!!! خانت ثقتي فيها ...وعرضتني له بدون علمي وعلمه؟ مالومه خاينه خاينه قفلت باب التواليت عليها تبكي حضها وقهرها من الأيام ....والاهم منه ومنها ليش عذابها كله بسبه هالعااىله ليش حبتهم وتعلقت فيهم هالكثر؟؟ سحبت جوالها برجفه دورت الرقم بضياع ..:كومار تعالي انا في بيت ماما شهد كومار ..:اوك .. عدلت مكياجها بتوتر وهي تسمع ام شهد تسال عنها،، مشت بخطوات جامده بدون لاطالع شهد اللي منزله عيونها على الجوال وسرحانه،، ام شهد،،وينك حبيبتي شوق بربكه وهي تلبس عباتها،،:كنت بالتواليت شهد بتعجب.... وبصوت مبحوح،،:شوق على وين ؟؟؟ شوق وعيونها على أميره: ،،عند ي مشوار خاص بقضيه وعقب بروح البيت وقفت شهد بشك،، يكون سمعت اللي صار،، ركزت بملامحها،، طبيعيه جدا،،، ملامحها جامده ماتوحي بانها سمعت شي وقفت قبالها بعد ماطلعت للصاله الخارجيه وودعت الموجودين،،::،شوق انت تعبانه شوق ببرود،،:لا بس تذكرت شغله ضروريه لازم اسويها ابتسمت بضيق ،،:وهالشغله ي انسه ابي اعرفها تعدتها متجهه للباب،،وببرود..:خاصه مشتبخطوات سريعه،، ماتبيها ترجع تسالها وتحقق وتعرف انها سمعت بكلامهم محتاجه ترتب افكارها من جديد وروحها تهدى وتستوعب اللي حاصل واقفه قبال البوابه الريسيه ..ترجع تتصل على السائق تستعجله،، خنقه فضيعه تسكن صدرها من هالمكان الكريه سمعت خطوات قريبه منها،، مالتفتت ،،متأكده راح تنفجر فيها وتجرحها كثير،، ليش ماهي قاعد تفهم رغبتها في البعد هالحظة عقدت حواجبها بتفكير،، الخطوات هدت... ريحة الدخان وصلتها وتغلغت انفاسها ،، غمضت عيونها بتعب،،وهي تبلع ريقها،، ،آخر شي تتمناه وجوده الحين،، اكيد (هو).. دام عزام مسافر وقف بصدمه لما لمح طيفها واقف وباين عليها العجلة،، عيونه مركزه عليها،، ،شهد شتته كثير معقوله لعبه منهم ...وهي متزوجه ويبون يحرقون قلبه شهد ماتغلط،،بس هالمره مصيبه اللي سوته،، راسه بينفجر ... فكره انها للحين بنت واللي عاشه كذبه بتجننه تنفس بعمق وبخشونه،،:،انتظري داخل على مايجي أخوك عضت على شفاتها بحده،،، يبتعد ارحم له من النار اللي جواتها،، شدت على الجوال ورجعت تتصل من جديد على السائق اللي صار قريب ... قفلت منه وبهمس،،الحين بيجي.. اش البرود اللي قاعد يسيرهم بطريقه غريبه ليش ماتلتفت له وتعاتبه نفس اوول ليش ماهو قادر يحرك خطواته ويسحبها له ويكون هالمره الجلاد.. اي حاجز قاعد يمنعهم من بعض الف خطوه وخطوه تبعدهم عن الشفافيه طرت بباله فكره تريحه وتهديه،، رمى السيجاره وبجمود يسكنه،،:مبروك عليك مشاري التفتت جهتة بصدمه،، الا هو في قاموسها آخر واحد يبارك لها بعذابها،، توقعة فرحته بعد الوهم اللي كان يعيشه مثل مافهمت عيونها بعيونه، ،بلعت ريقها بعد مالمحت شكله المهيب بلبسه العسكري ،وبقوه ظاهريه،:،الله يبارك فيك،، تصلب جسمه، ،قلبه يتحرك بعنف يتعبه،، ي الله وتعب السنين اللي قضاها ضغط على راسه باصابع مرتجفه بعد مارجعت عيونها للجوال،، هو متأكد لمح ولد عمها معها كم مره،، ،متأكد من اللي شافه هو اللي خطبها قبل سنين،،، رفع عيونه على آخر جمله نطقتها وهي تكلم السواق،،:،يلا كأني طالعه عدل وقفته... وبغموض،،:،بتوافقين عليه رفعت حاجب بعد ما وقفت خطواتها ناويه تتركه غصب عنها افلتت ضحكه تملاها السخرية،،:هه.. باي حق يسال؟؟ توه يبارك ماله حق يسال مشاري بينسيني عذاب السنين بدونك ،،،،،،، غانم ابتسم براحه ...الدكتور يلف شاش ثقيل على رجله اليمين بدون الجبس طالع ايده ..يحاول يثنيها ،،،وضعها أحسن بكثير من ارجوله،، الدكتور بجديه،:،لازم تكون حريص أخ غانم عشان مانضطر للجبس مره ثانيه وقف بهدوء :،،ان شاء الله محتاجه مره ثانيه طالع بغانم وهو يمشي بميلان بسيط مستغني عن العصى ،، ابتسم لمحاولاته،،..:في البدايه لابد من العصى تعتمد عليها،،اممم كم يوم وماعاد تحتاج لها جلس على الكرسي بحرص..يحس بنغزات بسيطه بساقه،،:طيب المواعيد اقدر احولها للديره ومن هناك اراجع وضعي كتب الحبوب اللي تلزم مريضه،،وبحرص،،:اكيد ،،بس الموعد الجاي لازم تجي نسوي كشف اخير وعقب بنحول أوراقك لمكان ماتبي ابتسم براحه،:،الله يعطيك العافيك،، أخذ الورقه بعد ما صافحه ووعده يلتزم بكل اللي وصاه عليه،، تنفس بعمق اي راحه تملكته بعد ماحس انه قاعد يرجع لوضعه الطبيعي ابتسم لبدر اللي ينتظره بآخر الممر ،، رفع جواله بعد مانبهه بوجود مكالمه، الوالد يتصل بك،، اتسعت ابتسامته،،وبمحبه،،:هلا بالغالي هلا بتاج راسي أبو غانم بضحكه،،هلا يبوك،،كيفك بشرني عنك،،؟ غانم براحه وهو يأخذ علبه المويه اللي مدها له بدر:أبشرك كل شي يسر الحال،،والدكتور شال الجبس اليوم يعني كم يوم وارجع لوضعي الطبيعي،، أبو غانم بفرحه بانت بصوته،،:الله يبشرك ي أبوك،،،الحمدلله على سلامتك ام غانم اللي اخذت الجوال بعد ماسمعت كلام زوجها مع ولده ،،،:الحمد الله على سلامتك ي روحي،،،الله يفرحك وترجع لنا أحسن من قبل،، ضحك بصوت عالي بعد ماركب السياره،،:الله يسلمك،،من فضل الله ي الغاليه ما هدى بالها تسأله عن تفاصيل بسيطه وصى فيها الدكتور يضحك على لهفتها وحنانهاالبالغ،، شده صوت باسل بعد ماكان مندمج،،، باسل بضحك،،،:شهد ترى ارجعها فيك وفي بنتك البزر ردت عليه بضحكه مماثله تتحداه،، رفع حاجب، ،،مبسوطه على الاخر، ،ماقدر يميز أش قاعده تقول ل باسل،، ماقدر يميز كلام امه وتركيزه مشوش،، انتابه فضول كبير يعرف سر ضحكتها ابتسم بشرود ،،بعد صمت امه تنتظر جوابه،، طالع ببدر ،،لاهي عنه مركز بالسواقه ،،تحنحن ،،:ماسمعت أش قلتي يمه؟ ام غانم :،،متى تجي ي أبو فارس؟؟ تنفس بعمق،،:يومين يمه وأكون عندكم ابتسمت بحب،،:الله يوصلك بالسلامة ي الغالي،، شد على شعره ..وبهدوء،،:ربي يسلمك،،امممم يمه من اللي حولك،، ام غانم،:أبوك وباسل وشهد ،،الوتين وفارس طلعو يللعبون،،منى ببيتها لسى ماجات سمع صوتها تكلم امه،، شهد بنعومه،،:يمه أعطيني اكلمه،، ام غانم مدت لها الجوال بعد ماودعته،، ، ، تجاهلت عتبها بينه وبينه من اخر زعل بينهم وبنعومه ،،:صباح الخير،، ابتسم بسخريه، ،ماتوقع تتذكره وتطلب تكلمه،، عض شفته بغيض،،تمنى بدر ماكان جنبه ويسمعه ماكان بيعدي المكالمه على خير بيادبها على تصرفتها وضحكاتها الجريىه من شوي أحتدت ملامحه وبجمود،،:صباح النور،، شهد بهمس بعد ماطلعت للصاله الخارجية،:،الحمد لله على السلامه ي روحي حرك عصاته بحركات سريعه من الضيفه اللي وصلت له،، تنهد بعمق:الله يسلمك استغربت رسميته، ،تكلمه يوميا صوته وكلامه غير مختلف تماماً عن غانم امس جموده وبروده قاعد يخوفها جلست بخوف.. وبتردد،،:غانم فيك شي؟؟ طالع برجوله بعد ماسمع سؤالها الاخير ،، رفع عيونه على الزحمة اللي تعاني منها الشوارع كبت غضبه ،،وبجمود،،ولاشي،، صوتها يخنقه،، اهتمامها في غيره يذبحه يدري انها ما تخونه بس غيرته عليها تحرقه مايقدر يسمعها تضحك بعيد عنه وما يهتم غمض عيونه وببرود ،،اكلمك بعدين......سلام شهد بصدمه ،:غانم صمت من الطرف الثانيه لجزء من ال،ثواني ، انصدمت اكثر بعد ماسمعت الخط اتقفل،، ماقدر يتحمل صوتها اكثر،، التفت على بدر بتشتت،،:بدر وصلني الفندق أحس مرهق وأبي ارتاح بدر بتعجب،،: آفا وين اللي يقول مانرجع الا بعد الغداء شتت نظراته وببرود: غير اليوم نطلع .... التزم الصمت، ،حس انو أهله في السالفه، ،تأكدت شكوكه بعد مانتبه لجواله يتصل ويعطيهم مشغول باصرار غير وجهته للفندق بعد ماكان متحمس يغيرون جو ،،،،،، احمد،، طالعها بغضب وبحده،،،دامك ناويه تشترين ليه مأخذ تي مني فلوس متربعه على سجاد دائرية تنبش بالأكياس اللي حولينها، عفست ملامحها وبلا مبالاه :،،المره الجايه بعلمك سيد زبده احمد بغضب وهو يجلس على الكرسي مقابلها،:،وعد تكلمي زين مطت شفايفه. وهي تتكتف زي حركه الاطفال واصبعها السبابه رافعته .وبستهبال،،:أبله احمد انا اسفه،، طير عيونه بغضب .. حركااتها تنرفزه اكثر،، اش هالطفوليه الماسخه رجعت تطلع الاغراض بحماس وفضول تنفس بضيق بقهر،،،:وعد جرت الكيسه الثانيه باندماج،: همممم رفعت فستان وردي للبيبي ..وبحماس،:ي دلبي عليهم ي ناس يدنن طالعته ببتسامه .. تعلمه الفستان :بالله وش رايك هماني ذووق واهبل استغفر بصوت عالي ..وبغضب،،:مين إعطاك فلوس طالعته بثقه :انا اعطيتني رفع حاجب وبملل:عن الاستهبال،،،مين؟؟؟ رجعت تنبش بالاكياس وبجديه،،:ماكذب عليك اسأل اخواتك حتى.. عقد حواجبه،،وبتساول :كم كان معك؟؟ رفعت كفها الصغيره تكش عليه وهي تبتسم :خمس ميه طالع بالاكياس لثواني... .رجع عيونه لها بتركيز... وبقهر..: الخمس ميه ماتجيب هالاكياس كلها.. حكت رقبتها وهي تسبل بعيونها :سرررقه الله يطول بعمرك... فتح عيونه... وبشك،،:سرقه!!!!! حركت راسها بالايجاب وهي تسحب اللبس الثاني للبيبي:أزكي عليهم من الذنوب سحب الكيسه من قدامها وبحده:عن الاستهبال واتكلمي زين..تراك موصلتها وقفت بصعوبه ، ،حملها بالشهر الاخير مخليها تتحرك بصعوبه،، تخصرت وبطفش،:شوف ارجع واسوي أدب وارفع اصبع وابله وحركات ترى مافيني حيل خلها العصر احمدوه ضغط على راسه بصبر،، بتجلطه وبتموته على الأغلب، ،طالعها وبصير اكثر:جد سرقتي ولا مزحه تاففت بصوت عالي وهي تاشر على الكيسه الاخيره..:هذيك بس اللي سرقه والباقي حلال ماحبيت اسرقهم بس رحمتهم مايزكون اتوقع طالع الكيسه، ،ملابس اطفال،، أسعارها غاليه ومن الطراز الفخم،، رجع عيونه عليها مسكها من زندها،،وبغضب،،:ماتستحين ..... ،ماتخافين ربك؟؟؟ حكت شعرها بعشوائية ،،وبثقه،،:افهم قاعده أزكي عليهم ..اخفف ذنوبهم ي خي ضغط على زندها اكثر،، لو ماكانت حامل كان عرف يادبها ويطلع اعيونها،، ماعمره قصر وياها يدور رضاها وتدور قهره وغيضه انحنى بسرعه وشال كيسه الملابس اللي اشترت عليها،،وبفحيح،،انا ماني مستعد البس ولدي ملابس حرام،، تخصرت وبقهر منه،،،: مره تعرف الحرام..ومكالمات تالي الليل مو حرام؟؟؟ رمى اللي بيده ...وبغضب اكبر،،رفع ايده بدون شعور وبثواني استقرت بخدها ،،، وله،، سحبت الصوره اللي نسيت أمرها من كم يوم،، صورته وبحضنه بنوته وبجنبه حرمه بنص الثلاثين عقدت حواجبها بتفكير،،اكيد بنته وزوجته تحولت ملامحها للشفقه ، ،طفلته جميله وجذابه،، ملامحها تشبهه كثير خشم حاد،، شفايف صغيره حواجب مرفوعه مقوسه كثير تشبه ملامحه القاسيه صعب شعور الفقدان ،، تنهدت بالم بالغ، ،كثر قسوته تحس بوجعه من موتهم،، خبتها وسط كتاب خاص بالقصص الاسطوريه،، ماتبيه يعرف بوجودها معاها بتنفي اي اهتمام يربطها فيه فتحت البلكونه بهدو،، مستغله توقف المطر، ،ابتسمت بتفاًًىل طلت الشمس بعد غيبت ايام تشرح النفس شدت الكاب بحرص ، ،الجوء بارد عن العاده،، شتت نظراتها بفضول بعد ماسمعت صوت ضحكات قريبه،، عقدت حواجبها بعد ماطاحت عيونها عليهم،، جالس بالحديقه ،،وكريس جالسه قريب منه حيل تضحك بغنج ،كتفها بكتفه ،كل شوي تنحنى جهته تعلمه شغله بجوالها وينفجرون ضحك عيونه معلقه عليها عضت شفاتها بشك،، تعالمهم مع بعض يوحي بالشك،، من عاشت هالغريبه معاهم وهو متغييير!!!!! معقوله.. هذا اللي يسمى علاج ..وعرفت له،،؟؟؟ حركت نظراتها لشبيلي اللي طالعه من بوابه السرداب بيدها كرتون واضح انها قديم ركزت بلبس كريس اللي وقفت تاخذ الكرتونه بنطلون ضيق ..بلوزه صوف تلف خصرها فاتنه بصوره كبيره كيف سمحت لها شبيلي بهالبس معقوله ماعلقت؟؟ زمت شفايفها بغضب،، ي كثر ماهي ماخذه راحتها بكل شي قاعده تفرض وجودها بقوه عجيبه قفلت عيونها بقهر.... مستحيل تنسى اللي سواه معها قبل ايام،، لمها بحالميه لصدره بعد ماطبع قبله طويله على جبينها مسح على شعرها بحنان بالغ تحركت بتوتر،، ماتعودت ع حنانه وقربه الحميمي شد ايدينه حولين خصرها وبهمس..:اشش حبيبي اهدي لاتتعبين روحك زياده، استكانت حركتها بهدوء و خجل،، غمضت عيونها ...وبتردد..:كل هالحنيه عشان فقر الدم؟؟؟ ابتسم بغموض ...:لما طحتي الصبح انفجعت ....خفت كثير عتبت على روحي لما قال لي الدكتور سبة طيحتك فقر دم حاد تحركت بخفه ترفع عيونه لعيونه... ماتعودت على شفافيته الغريبه حدودهم لبعض معروفهم ... وللدخلا اللي عايشين بينهم ماقدرت تفهم شي من عيونه .. نظراته جامده بجمود ملامحه ابتسمت بضياع ...:لا انت مالك ذنب ...انا اللي اهلكت روحي بالرياضه ابتسم بهدوء..:يكفيك رشاقه ماتحتاجين تسوين رياضه.. ابتسمت بفرحه.. تغيره فجاه مايهمها.. يكفيها قاعد يلاحظ اشياء تخصها.. اهتمامه بتفاصيلها تسعدها لبعد حد ابتعدت عنه بدلع وايدينها تقفل ازارير بجامته..:لاتتغير علي حتى لو ماتحبني لاتتغير رفع عيونه للسقف متضاهر بالتفكير...:اممم اذا تبين نبداء صفحه جديده تم ... بس بشرط......ركز عيونه بعيونها اللي تترقب باقي كلامه... احم تلتزمين بالحبوب اللي صرفها الدكتور عشان ترد لك عافيتك طالعته بعدم تصديق معقوله تعبها غيره لشخص اخر مختلف تماما عن عزام المتوحش امتلت اعيونها دموع.. تصرفاته وتصرفات فهد قبله افقدتها اشياء كثيره بكت بصوت مسموع اول محتواها لصدره من جديد حملها بخفه ..وبعتب..:خلاص ي دميعه كفايه بكى نزلها على السرير بحرص.. غطها باللحاف.. وعيونه معلقه بعيونها المرهقه مسح على شعرها وبحرص..:الحين نامي ولاتفكرين بشي اتفقنا هزت راسها بالايجاب.. بالفعل محتاجه تنام... تريح بعد يوم طويل ارهق مشاعرها قبل جسدها اخذت الحبوب من ايده واتبعتها بكاس مويه ساعه ساعتين اربع ساعات تحركت بالم حاد يلف ظهرها واسفل بطنها،، فتحت اعيونها بتعب،، لفت جهة اليمين تكتم انينها،، مصدووومه ،،،معقوله لساته موجود من نامت؟؟؟ ماطلع ماراح ل كريس الكريهه معقوله لهدرجه خاف عليها!! عضت الحاف بوجع ...:هممم عزام بموووت التفت جهتها بقوه .. نزل الاب بعد مالاحظ وجهها االاحمر بكت بصوت عالي...:عزام بموت بموووت تنفس بعمق،،جلس بجنبها وبهمس..:سمي بالله هذا الارهاق لاعب فيك حركت راسها بالرفض . الالم اكبر من ارهاق وتعب سكاكين حاده تقطع جواتها ..وبالم:.مستحيل يكون فقر دم مسوي اللي احس فيه وو،، شدت ع ايده بقوه ،، لسانها رافض ينطق باقي جملتها،، صوت نحيبها عالي رفعها تجلس بحرص ،، سند ظهرها بخداديات صغيره... وبجمود..:الحين بخيف الوجع بسك بكى طالعته بتعجب ... بروده عجيب. .ليش مو قاعد يحس بالنار اللي تحرق ظهرها قرب كاس المويه من شفايفها،، شربت برجفه ،، طالعها بغموض يناسب ملامحه باس عيونها ..:الحين يروح الالم..بس الأول اتسبحي شان اعصابك تهدى.. مافيها حيل تعارض،، اللي فيها فوق معارضاتها وتحيزها،، تحركت بحرص بالغ فتحت عيونها بصدمه شهقت برعب . ..السرير مغطى بالدم ،، ماحست بشي الا لما رفع اللحاف عنها غطت شفايفها بخوف ...وبرجفه..:عزام دم شوف دم دم شد على زندها وببجمود..:يلا قومي اوصلك للحمام رفعت عيونها عليه بسرعه مستحيل اللي فيه يكون برود عيونه خاليه من الحرص اللي قبل ساعات سحبت ايدها بتلقاىيه،، رجعت عيونها على الدم لاجزاء من الثواني رجعت تطالعه معقوله مايحس ؟؟ مايشوف اللي قاعده تشوفه!!! اعطاها ظهره بعد مافقد الامل بمساعدته لها.... رجع مكانه الاول.. نزل الاب بحظنه يكمل شغله طالعته بعدم استيعاب !!!!!! مجنون ...اعمى مايشوف ولا قاعده تتوهم اللي تشوفه شدت ايديها برجفه... وبصوت ميت..:عزام شوفه دم صدقني د قاطعها بغضب..:ازعجتيني دم ودم شفته ماني اعمى فتح فمها بصدمه،، عيونها ثابته عليه،، واهتمامه وخوفه والندم اللي نسجه وحصنه ودفاه والحبوب الحبوب الحبوب وقف تفكيرهاا بصدمه ،، حركت راسها بالرفض مستحيل يوصل بهالاجرام ليش يسويه من الاصل.. شدت شفايفها..... وبارهاق واضح..:الحبووب اللي اكلتها حق ايش؟؟ تافف بصوت عالي ،، سحب الاوراق والالب وجواله المرمي بعيد..وبجديه..: ولاشي ...تنزل البيبي رمشت بسرعه،، قاعد يستهبل اكيد الاكيد انه يكذب كذبه جديده كانت حامل ونزل طفلها!!!! تحركت بالم ...وبشك،،:انت قاعد تمزح وياي صح؟؟ رفع حاجب ...وبسخريه..:ماني مستعد يكون لي طفل من جديد،، يكفي ماتت كندا ،،،وبحده بانت بملامحه...انسي موضوع الاطفال بالمره طلع ببرود يناقض البراكين اللي جواتها... تركها حطام بحطام خدعها بحنانه ونزل طفلها!! ماتبي منه جزء يربطها فيه طول العمر بس ماتبي خديعته ،،فزعت على صوت الجوال اللي نبه بوجود مكالمه ،، جرت خطواتها جهته تتناسى اللي صار ،،،ابشر بصفحه جديده ماهي صفحتك ي عزام ،،،، شهد، مجنون هـ الحلم ...., عيت تضبط ...َ [اوضاعه..] طالعة اتصاله ،، من امس يتصل وحاقرته،، ابتسمت بسخريه ، ،اتصاله ماهو لعيونها،، اكيد عشان يستفسر اكثر عن الخبر المفاجى اللي ماتوقعه رفعت عيونها على صوت الباب اللي انفتح... ابتسمت بحب،، وتين بيدينها حنى ،، نزلت لمستواها بعد ماوقفت قدامها سحبة خدها ،وبحب،:فديتهم ي ناس على الحلا حركت راسها يمين ويسار تبعد ايد امها،،:ماما تعوريني باستها بخفه..:قلتي لماما شكرا على الحنه ابتسمت بسعاده وعيونها على ايدينها..:ايوه ..وبحماس..حتى ماما حنت زيي شالتها ونزلتها على السرير ،،:اممم شوق تحت عند الماما ؟ حركت راسها بالرفض ..:لا روحها عمو باسل لشغل سحبت الفراشاه بذهن غايب.. تصرفاتها من رجعو اخر مره .. تثبت انها سمعت كل شي صار عقدت حواجبها،،لو سمعت شي كان بتعاتب اكييد ماكانت بتسكت وتمشيها ليه تصد،،ليه كارهه الجلسه معها؟؟ تنهدت بضيق ..حماسها انها تجمعهم من جديد انقلب ضدها طالعت روحها بالمنظره بتفكير.. وبالها يعيد ...اخر موقف صدمها بشوق ولخبطها اكثر.. ،جالسه تاكل فارس ووتين بحضنها ..تسولف ويا منى عن تمارين شد الظهر ماقدرت تنسحب بعد مالمحتها منى قربت منهم وبهدوء،،: مساء الخير،، طالعتها شوق بنظره سريعه وبهمس خافت،:اهلين جلست قريب منها ..وببتسامه..:كيفك شواقه ماحركت نظراتها عن فارس وببرود...:الحمدلله صدت عن شهدوعيونها على منى..:ايوه منوش ماعاد علمتيني متى نروح المشغل ماتوقعت تطنشها،،خاصه بوجود ضرتها رفعت عيونها على الكريهه اللي قدامها .. طيف ابتسامه تسكن ثغرها. .كبرياء وثقه بحروفها شتت نظراتها.. حاله غثيان اصابتها..تنفست بعمق ..تدعي الهدوء ابتسمت باليه لوتين اللي تمد لها الكلينكس .. اخذته بصمت .تمسح فم الوتين بعد الاكل رجعت عيونها على شوق بترقب ،، بعد ماسمعت كلام الطرف الغير مرحب فيه بالمكان منى بتعالي..:اشتريت كثير اشياء ومانسيتك اش رايك تجين نشوفها شوق بحماس ،،وقفت .:يلا يمدي اشوفها قبل نطلع مافتها ابتسامت منى الشامته،، واضح كثير انها ملاحظه اللي بينهم عضت شفاتها بغيض ،،تتصنع انسامجها مع سالفه الوتين،، ماتوقعت بتفشلها قدام ضرتها ،، .......:مدام شهد صحت من قوقعتها على صوت قريب من الباب طالعت ماريا (العامله)بتساول..:هلا ماريا ماريا:ماما كبير يقول بابا خالد تحت فتحت عيونها بصدمه.. ماتوقعت جيته .. زمت شفايفها بعتب حركت راسها بالايجاب..:اوكي دقايق ونازله رفعت شعرها لفوق بطريقه عشوايه ،، طالعت بالوتين... نايمه بعمق، غطتها بحرص ، ،قللت درجه البروده بذهن شارد جرت خطواتها بقهر لقسم للضيافه.. كان انتظرها الين ترد عليه بالاتصال ليش مصر انه يحرجها ويجبرها توجهه على الاقل احترم حرمه جرحها من سم فمه.. رفعت عيونها عليه،، واقف وسط الحديقه ، ،ايدينه بجيوبه ،، وعيونه مسلهمه في الفراغ زفرت بضيق،، على كبر جرحها ،،حاسه بلخبطته،، تعرف زين مر الحبيب شلون طعمه وذوقه قربت منه بخطوات صامت، ،لساته منغمس بافكاره.. ماحس بوجودها باله مشغوول لابعد مدى يتخيله شتت نظراتها وبجفاء..:زياره مفاجىه ماتوقعناها ي عمي لف على وراء بقوه،، طالعها لثواني غايبه...طلعته من قوقعته المزعجه ..بصوتها البارد،، ملامحها بارد وعيونها لبعيد، ،زم شفايفه بتعب،، من حقها تزعل وماتناظره،، عدل وقفته... وبغموض..:حل السنين اللي عذبتك تعلمك كيف يتصرف اللي مثلي. تنفست بعمق متجاهلة مغزى كلامه وحقيقته مثل ماتوقعت جاي ياخذ تفاصيل اللي بدته،، اشرت على الجلسه القريبه منهم،وبجمود،:تفضل ..عيب تجيني ضيف وماضيفك رفع ايده يطالع ساعته،،وبخشونه:لالا مايمدي بتكلم معك ع عجل وبمشي طالعته بتركيز ،،، عيونها بعيونه القاتمه ،، تنتظر كلامه،، تكره صمته المجروح ابتسم بحنيه،، ملامح الزعل ماتعودها منها،، بعثر شعره بتوتر وهو يركل الكوره القريبه منه،،،:كنت متوتر..... صدمتيني ...... طالعها بتركيز وملامحها تغطيها الجديه...:رميتك بكلام ماهو فيك وانا ميت من شوفتها بلع ريقه وبقهر...:كنت بنجن كيف اشوفها وانا متاكد انها مع غيري سكت بقرف.. حشرشه خالطت صوته.. تافف بصوت عالي يبعد الخنقه اللي بصدره عضت شفاتها بقهر. .عتبانه عليه كثير .. وحالته كاسره خاطرها اكثر كتفت ايدينها بقهر...:تبيني اسمعك؟؟؟ولا اسامحك على جرح ماضنتي يطيب؟؟ طالعها بضياع. ..للحين مشتت مايدري وش يبي.. تحرك خطوه يوقف قدامها ..:اسف ...ماكنت ابي اجرحك...ابتسم بارهاق.. ...تعرفيني زين مايحتاج اعلمك وش تكونين لي.. بلعت غضبها،، حالته ماتسمح العتب واللوم ضياعه يمحي اي غلطه زلها لسانه تحركت بدون هدف خصله متمرده غطت على عيونها.. رجعتها بنعومه..ابتسمت بمجامله..:مسموح ي الغالي-- تنهد براحه.. يدري ماسامحته كليا.. بس قلبها كبير مقدر وضعه وحالته باسها على جبينها ..:فديتك.... امممم الا وينها وتين؟؟ طالعته بتركيز ،وبهدوء،:مانك ناوي تسوي شي قبل تروح من يدك تلاشت ابتسامته.. ركز بعيونها وبحيره..:شفته معهاكذا مره !!!!شلون ماتزوجت وو قاطعته بصدق ..:طلع اخوها من الرضاع ..بس خطوبه وانفلت بعد ماعرفو بالرضاع فتح عيونه. .احتبس تنفسه بصدمه.. ماخطر له هالخاطر فتح شفايفه وبنفس اللحظه قفلها بضياع.. ي كثر ماحترق قلبه ....واخوهااا التفت عليها بشده.. ماينسى قبل كم يوم .. قالت مشاري مستحيل ينسى الاسم مشاري حرقه هالاسم مليون مره باليومين اللي راحت سحب سيجاره بغضب.. مين الجديد اللي طلع بوجهه سحب هواء كبير يحرق بنفسه .. عدل وقفته بضيق ..وبقرف.:قلتي مشاري لما كنت ببيت العود دعيتي انها من نصيبه ....مشاري مين مين؟؟؟ حكت جبينها باحراج.. لو ماستفزها ماستفزته....:اخو ضرتي....دكتور معاها بالمشفى ومدير قسمها... رفع حاجب.. وبسخريه...:اووف اش هالتطورات،،تشتغل بالمستفى هه رفعت كتفها وبصدق..:لاتسوي نفسك ماتدري عن امنيتها من كانت اصغيره ماختفت ابتسامة السخريه من شفاته.. كثير عليه اللي قاعد يكتشفه.. نفث كميه الدخان اللي تغلغلت جواته.. طالع لبعيد من دون هدف يخفي كميه القهر اللي تنهش بضلوعه..وبقهر.:من متى مديرها ......كمم لهم؟ عقدت حواجبها.. معقوله فهم كلامها غلط.. وقفت قدامه وبصدق..:ماتعرفه..اصلا مالها الا شهر من باشرت فترة التدريب ميل شفايفه بغيض..:اووف من شهر خذت عقله؟؟ شدت على اسنانها بقهر...:خااااالد رمى السجاره بغضب..شد على جواله وبقهر..:مو هذا اللي تبينها لي ؟؟؟ وش له تزعلين ؟؟وبسخريه واضحه...احد يتزوج من احد مايعرف عنه شي؟؟ رفعت حاجب. .علامات الدهشه بعيونها. .مافتته السخريه اللي سكنت بحروفه.. اشرت له بنظراتها قبل يفتح سالفه جديده ينسجها من تخيلاته.. طالع مكان ماشرت.. ابو غانم جاي صوبهم تنفس بعمق... مافته ملامح الضيق اللي تملكت وجهه المجعد عدل وقفته ..يستعد يسلم عليه | ||||||||
|
| |
|
26-10-14, 07:22 AM
| #26 | ||||||||
| مراقبة عامة ومشرفة منتدى الروايات المنقولة
| شوق،،  عدلت البالطو بعد ماتاكدت ان عباتها مقفله طالعه بالمنظره، ،،عيونها تفضح ارهاقها وتعبها سهر الايام اللي فاتت باينه وضوح الشمس اقشعر جسمها،،مشاري خطبها ،،واحتمال كبير تقابله اي وقت بلعت ريقها بتوتر ،،لو تقابله بالممرات كيف بتعرف تتعامل معه كيف ممكن تكون معه بعد مافكر فيها كزوجه شالت قياس الضغط بتشتت.. تستعد لغرفه المريضه اللي بتشرف عليها حاولت تعترض على المهمه الجديده اللي اضافوها لها ماقدرت تناقش ومشاري المسول عن التقسيم الجديد.. اختصاصها في الحضانه ولانه فتره تدريب لازم تنفذ بدون نقاااش.. لفت على صوت الباب اللي انفتح ... ابتسمت بهدوء... تهاني صاحبتها تتحلطم بصوت خافت قربت منها..:اش عندها الاخت تهاني معصبه كشت جهة الباب وبقهر..:مالت عليهم.. ذلونا على تاخير نص ساعه كتمت ضحكتها..وبمسايره..:المفروض يتركون الدوام مفتوح مايحسبون لااحد سحب البالطو تلبسه..وبشك:تتريقين حضرتك؟؟ رفعت ايدها باستلام وهي تضحك..:حشى وكلا طالعتها بنص عين ..وبنغزه،:مستشفى اخوك تقدرين تقولين لهم مايحاسبوني ميلت شفايفها بضجر..بعد ماتوجهت للباب قبل تتاخر على المرضى..:مره ماكاني مداومه من بدري سبة مايكتبون فيني ملاحظه.. انظمت للطاقم المكلفين بنفس شغلتها.. حاولت تركز بشغلها.. تتناسى اللي شاغل كل تفكيرها.. قفلت عيونها بتعب. .بعد ماتاكدت ان الصوت القريب منها.. معروف لها كثير.. كتبت الملاحظات بدقه سريعه.. دونت درجه الضغط..والحراره..علقت الاوراق بمكانها المخصص قبل يجي للمريضه ويشرف على حالتها دست ايدينها بجيوبهل بعد ماتاكدت ان فحصها ع اكمل وجه رفعه راسها بشموخ يناسبها .. طالعه بتهاني اللي توها داخله.. تهاني بتوتر ..:عسى بس مافقدوني .....:دكتوره تهاني.. بلعت ريقها بصمت.. شدت ايدينها بعد ماقرب منهم بثقه.. تراجعت لوراء بتوتر.. متجاهله همس تهاني اللي تطلبها تكون قريبه منها.. وقف قدامهم..ابتسم بهدوء..رفع عيونه لها بعد مالاحظ انها نيتها بالانسحاب..:دكتوره شوق خليك لسى بسالك عن المريضه عبير ثبتت خطوتها مجبره ،،شتت نظراتها بعيد عنها.. مو اليوم ..كفايتها تعب وارهاق.. تنفس بعمق وبجديه مطلقه..:اممم دكتوره تهاني اليوم ثالث يوم تتاخرين بالحظور وبالعمل وهالشي يتسجل مخالفه بسجلك بلعت ريقها وبصروعه..:دكتور تعرف الزحمه وو قاطعها بثقه تربكها..:كلنا نواجه زحمه بس نبكر عشان نجي بوقت الدوام على حسب النظام.. حركت راسها بالايجاب ..:ان شاء الله ماتتكرر مخالفاتي عدل وقفته بهيبته المعروفه وبخشونه..:تمام...ورقه الانذار وقعي عليها قبل تطلعين نهايه الدوام تراجعت بهدوء مناقض لغضبها .:ان شاء الله رجع عيونه لشوق بعد مانصرفت تهاني.. التفت بنظره سريعه يتاكد من عيون اللي حوله الكل مشغول بمهمته اللي كلفهم فيها عدل وقفته بثقه.. وبخشونه..:ممكن نطلع براء الغرفه بغيتك بموضوع رفعه عيونها له،، جريى ولا كيف يطلبها طلب زي كذا؟؟ شتت نظراتها بعد مانتبهت لعيونه اللي مركزه بعيونها..:احم دكتور قولي ملاحظاتك هنا،، ابتسم،، يعرف في قرار نفسه انها تدري باللي في باله،، رفع عيونه على حولينه بحرص ..:ماراح اخذ من وقتك كثير.. تقدمته بخطوات متردده بالها مشوش محتار وقفت على عتبه الغرفه،، مستحيل تترك له الفرصه ينفرد فيه اكثر من كذا انجاز اللي سوته وقدرت تبتعد عن انظار الجميع كتمت انفاسها بعد ماحست فيه واقف قدامها خارج الغرفه حك جبينه بتوتر،، كيف يبداء معاها وهواللي مايعرف طبعها بشكل كلي سلط اعيونه عليها،، ابتسم برضى،، خجلها يجذبه اكثر،، ابعد نظراته عنها ...:كلمت عمي ابو غانم بموضوع يخصني ويخصك وعدني يرد لي خبر من يرد غانم،، اكيد لو بخاطرك اي سوال بتسالين منى وانا موصيها تعلمك كل شي عني سكت لثواني معدوده وهو يحس فيها تتراجع كم خطوه،،، ..وبعيد عن كلامهم واقناعهم لك ابي اعرف قرارك مبداىيا بلعت ريقها بتوتر.. رجفها اجتاحت ايدينها وارجولها.. اكيد جالس ينتظر ردهاا الجو حار مو قاعد يساعدها تتنفس باكتفاء عضت شفايفها حاسه بعيونه اللي مسلطه عليها وكاتمه انفاسها شدت ايدها تنفي رجفتها ووبحه..:دكتور رايي من رايي ابوي مالي شور دون شورهم ابتسم برضى. .ماغلط يوم اختارها عن صاحباتها.. انتبه عليها تنسحب لداخل الغرفه تنظم للطاقم.. وبضحكه وصلت لها..:مابي اسمع دكتور لو صار بينا نصيب ،،، وليد ،،، يُبَهْ .. شُوْفْ الغِيُوْم الّلِيْ عَلَىْ كَفْهَا .. تَفَاصِيْلِيْ ـــ تلاشت .. بَعْدِمَا سِمْعِتْ .. خَبَايَا مُوْجَزْ أَحْلامِيْه ضغط على راسه بعجز،، ،اصوات الموج القويه تختلط بصوت الماضي البحر ثاااااير وعواصف قويه لفت القارب،، سحب قميصه بخنقه،، فتح ازريره برجفه ،،، جثى على ركبته وايدينه على ارضيه القارب مقفل عيونه بشده،، القارب يتحرك بقوه ، ،عماد ،، عمر اللي حذفهم القارب قبال عيونه شهق بنزعه قويه ،، .....:لاتروح يمه ماتشوف الجو يمك ماهو حق بحر .......:لو رحت بعلم ابوي عليكو يلا خذ مين يفكك منه نزلت دموعه بقوه،،، امه ابوه وحيدته وله قفل عيونه بقوووه عرفهم زين اهله رضاها وجنته شهق بصوره اقوى لقى ضالته بعد سنين استنزفته كل شي حلو وغالي بحياته رجفة جسمه توضح حالته الكسيره حس بيدين محمد صاحبه ترفعه بصلابه... قفل عيونه.. غايب عن الوعي ،،، منى اعطتها ظهرها بعد متاكدت انها قريبه من الصاله ضحكت بنعومه وبدلع،،،:حبيبي حللت بنفسي اليوم ..وشوق قبل شوي مخبرتني بالنتايج رفعة صوتها بقصد ..:ماقدرت اصبر ماخبرك،،عاد لازم انت اول واحد يعرف بالبيبي يروحي ابتسمت برضى صوت خطوات الطرف الثاني هجدت تنفست براحه.. توها تحس بالراحه والانتقام ،، حملها صار بالوقت المناسب اللي تتمناه شاكه بحملها من قبل شهر وزياده من اعلن زواجه تعمدت تخفيه تقهر قلوب اقهرتها،، ، ، جمدت، ،وقف الدم بعروقها،، حامل حامل فرحانه وفرحته معاها اكيد مبسوط وممنون بفرحتها ضغطت على بلعومها بقووه تمنع الالم اللي سكن جواته نزلت ايدها بتلاقاىيه على بطنها مشوووشه حيل.. ليش ماتكون حامل ويضحك لها الحظ بعد رفعت عيونها على اللي واقفه تتكلم بغنج تضحك وتعلمه عن وحامهاا تجمعت الدموع بعيونهاا.. لو كانت تفرح بحملها مثل البغيضه ماتزوج غيرها وهجرهاا اي عذاب قاعده تحس فيه تراجعت بخطوات متعثره بعد مالتفتت جهتها مافتها الابتسامه المتعاليه بثغرها،، بلعت ريقهاا بتكرار وهي ترفع راسها بثقه مماثله سحب الجريده المركونه على الطاوله تتظاهر بالهدوء والامبالاه،، جرت خطواتها بثقل واضح للي اطالعها بتركيز بعد ماقفلت الجوال مشت بخطوات سريعه لغرفتها تفرغ غضبها وغيضهاا باي شي ----- عزام.. تحرك بفضول كبير يدورها من تغيب كريس عن عيونه يحس بغيابها جر خطواته لغرفتها المنعزله بعد اللي صار ميل راسه بتفكير وينها ؟؟؟ حتى غرفتها خاليه من وجودها التفت على صوت خطواتها الجايه من المطبخ لف جهتها بفضول اكبر نزل عيونها على لبسها بنطلون وتيشيرت رياضيه ميل شفايفه بابتسامه رجعت تلعب رياضه من جديد حك دقنه وبسخريه بعد ماطاحت عيونها بعيونه..:رديتي للرياضه تبين يحوشك نفس اول مره رفعت عيونها له بثقه متعجبه من وجوده بغرفتها رفعت حاجب وبثقه جذبته...: لاتغرك الضحكه  قصة واقعيه حدثت في زماني وأمام عيني وقد عشت مجريات امورها خطوه بخطوه فسبحان الله وتعالى قد نسمع عن قصص الاولين ونقرأ عنهم وعن استجابة الدعاء وعن ما اصابهم من بلاء ولكن الا نتدبر فيمن هم حولنا ونرى ان لله تدخلات إلهيه سبحانه وعزته وجلاله لا يترك عبدا الا ويرعاه تبدا القصه امرأة قد ضَرب الاستضعاف لها نصيبا فهي من المستضعفين في الارض كانت تحت أب قاسي كأي أب من بعض القدماء يعتقد بقسوته انه يرى المصلحة لبناته وان افضل شئ للفتاه تزويجها السريع ولا يكترث لتعليمها او لمن يزوجها رحمه الله فهو مجتهد ان اصاب او اخطأ فلا ضير فهذه من ابتلاءات الله على العبد زوجها الى شيخ كبيربسبب ان لديه مال وسوف يريحها وهذا الشيخ لديه اسرة كبيره فكانت تخدم هذا الشيخ وتخدم زوجته التي اصابها العما وانجبت منه ابنة ثم انجبت بعدها ولد فغضبوا أسرة هذا الشيخ الكبير وخصوصا ابناءه لانها انجبت وهذا يعني انها ستشارك في الارث بشكل كبير خصوصا ان لديها ولد ثم ما لبثت ان ماتت الام العمياء ثم لحقها الشيخ الكبير فبقيت هذه المرأة جاهلة لديها ابن وابنه اطفال فاستغلوا جهلها واكلوا كثيرا من حقوقها ورموا بها فتداركتها يد الرحمه ببيت ابوها الذي لا يكاد ان يوصف الا بالبيت الشعبي وقد زاحمها عليه من زاحمها وبدأت رحلة الحياه الشاقه فكانوا اخوان ابناءها يعطونها القليل من حقوقها وكأنها صدقات ويبصمونها على انها اخذت كامل حقوقها بالاضافه الى اضطهاد ابناءها بحجة ان تربيتهم ليست جيده لان التي تربيهم إمرأة وكبروا الابناء واصبحوا في عمر الزهور فهاهي الفتاه بلغت من العمر ال 20 واخوها يصغر منها بعام ونيف ولكن ماهي الكارثه الكارثه هي انه رغم هذا الاضطهاد بدات تشويه السمعه لهذه الفتاه من نساء العائله حين يأتي من يسأل عنها لخطبتها لماذا ؟ !! .. حتى يكون لبناتهن هذا النصيب ما ذنب هذه الفتاه ولكن لا حول ولا قوة الا بالله فهم المستضعفين في الارض ولكن هذه المراه تنظر يمينا تجد ان ابوها مات وليس لديها قوة من صلب اهلها تاوي اليهم وتنظر الى الشمال فاخوان ابناءها والتي كانت تخدم امهم يعاملونهم بهذه الدونيه وحتى ما بقي من نساء زوجات اخوان او بناتهن فنفس المعامله والاستحقار فالنظرة المستنقصة تتبع الفتاه في كل حدب وصوب بل الأدهى والأمر محاولتهم إقناع ابنها بان أمه دمرت حياته ويستحق الأفضل لكي يستغلوه في أعمالهم الخاصة وعلى حد تعبيره افضل من انهم يجيبوا سواق بالفيزا ولكن ماذا يفعل يضطر لمجارات الامور لكي يكسب شيئا من المال يساعده على قضاء بعض احتياجاته الخاصه والتي لا يستطيع ان يرهق والدته بطلبها خصوصا ان بعضها ضروريه لاستمرار عمله بسيارته الخاصه وكان يعمل كالسائق الخاص ولتمتعه بسمعه جيده كان يستأمنه الناس في توصيلهم وهو لم يزل طالبا في الصف الثانوي هذه المرأة لا تعرف فنون الدعاء ولا تحفظ من القران إلا اليسير ولا في الأحكام الا ما ظهر وابنتها تعلمت كأي فتاه في المدارس لا تنقص ولا تزيد عنهن ولكن تجد في وجوههم الطمئنينه والاريحيه رغم كل ما يمرون فيه لماذا ؟ !! .. هل تعودت نفسيتهم على ذلك أم انه التدخل الإلهي وحينما سألت يوما الابن رغم أن الابن ليس بالملتزم الذي يلفت النظر وإنسان طبيعي ولكنه يعرف ما يمر به من ظلم سألته ذات مره فقال لي كلمه ( أليس الله بكاف عبده ) هذا كل ما وصل إليه ولكنها كلمه سنعرف معناها الآن لننظر من زاوية أخرى إن للام ولبنتها عاده في رمضان يذهبون إلى الحرم المكي فهم من سكان مكه يصلون التراويح وفي فتره ثلاث سنوات يصادف ان يجلسن بجوار إمراه عجوز وقد بنيت بينهن علاقه بسيطه بين المرأة وهذه الأم والفتاه مع امها وفي السنه الثالثه والتي هي قبل هذه الرسالة بثلاث سنوات بدأت المرأة العجوز تسأل كثيرا هذه المراة والمرأه تتجاوب لتشبع فضول صديقتها العجوز ومن ضمن الدردشه بطريقه عفويه ذكرت ما يمر بها بكل اريحيه وبساطه وليس في ذهنها أي شئ سوا انها تريد ان تتكلم مع شخص احست انه يريد سماعها ليس الا ثم قالت لها هذه العجوز اين ابنك نريد ان نتعرف عليه وهكذا بسرعه البرق اتصل شخص بالابن وقال له تاتيني ام اتي اليك وبكل اريحيه قال الابن انا اتيك فهم أسره خليجيه والابن احتار اين يستضيفه فذهب اليه في الفندق ثم قابلوه احسن استقبال وبدات التغييرات طلبت العجوز يد البنت من اخوها لابنها وقد طلبت يدها من امها وقد طلبت يدها منها بكل أصول وأدب وترتيب وقالت اريدها ان تمكث معي في بلادي ولكم كل ما تريدون اريدها لابني هذا وكان ابنها هذا على قولهم رجل ملوي هدومه فقال الابن ( اخو البنت ) في نفسه محدثني بلسانه. يقول لو رأيت هذا الرجل في طريق لما توقعت ان يسلم علي اصلا فهم من ارقى الاسر ولهم صلة بحكام بلادهم على قولتنا شيوخ وقد صنع لها زواج اسطوري في بلدها وفي بلده واخوها اصبح وكيلا لاعمال كثيره في الخليج وفي المملكه وسكن مع امه يرعاها واصبحت هذه المرأه في منزل كبير فخم يزورها كل من كان يذمها ويستحقرها يزورونها وكأنها هي كبيرة المنزل ولها حق الاحترام والبر والواجب والاخوان اصبحوا يقولون ونعم التربيه ونعم المرأه ويذكرون فضلها الان هذه الابنه مرشحه لمنصب مرموق في احد القطاعات النسائيه وداعمه لحركات تربويه دعويه اسلاميه بحكم دراستها في قسم الشريعه الذي تتهرب منه اغلب الفتيات بحجة انه لا يوجد توظيف بعد التخرج ومستقبله الدنيوي ضئيل ولا نذكر لكم النقله التي مرو بها والابن ما زال صديقي بل كان يقول لي انت الوحيد الذي اعرف معدنه فهو لا يكلم ولا يزور سواي وقلت له مره يا فلان الا تذكر كلمتك ( اليس الله بكاف عبده ) قال لي اقولك قصتها ذات يوم من شدة ضيق صدري اخذت شريط ديني بريالين من تسجيلات اسلاميه وكان عن قصص المظلومين وكيف ينصرهم الله وحينما سمعت ( اليس الله بكاف عبده ) نزل في قلبي ماء بارد واثلج صدري ولم اكمل الشريط وكانني اشتريته لكي اسمعها فقط وكل ما ضاق بي الحال قلت اليس الله بكاف عبده ثم على قولنا ازهلها ( يعني لا اشيل هم بعد تذكري هذه الكلمه ) وافوض امري الى الله ثم امضي ولا انتظر كيف ومتى واين وحينما سالتني قلتها لك اليس الله بكاف عبده فأوجزت وأبلغت والآن ان الدنيا تجري بين يدي جريا لا يضاهيه جريان وان الناس تمدحني مدحا لا يجاريه امتداح وان اختي لفي شرفات وخدم وحشم وان امي لفي منزل يصبوا اليه القاصي والداني بحجه صلة الرحم ولا يدخل في قلبنا غرور ولا نريد استعلاء في الارض ولكن يكفينا ان الله عزنا ولن يسعنا سوى ان نحمده وننظر لمن هم دوننا ولا نتكبر ان الله لا يحب المتكبرين هذا معنا كلماته ولكني سطرتها بشكل ينسجم مع هذه القصه ونعم بالله انتهى كل الود ،،،،، | ||||||||
|
| |
|
02-11-14, 10:20 AM
| #28 | ||||||||
| مراقبة عامة ومشرفة منتدى الروايات المنقولة
| بسم الله الرحمن الرحيم السلام عليكم ورحمه من الله وبركاته اسعد الله مساكم بكل خير ربي يسعدكم على التعليقات المميزه فتحتو نفسي ربي يسعدكم اتشرف بمن انظم لروايتي اتمى يعجبكم البارت لانو مو ذاك الزود وربي اكتب فيه وانا مره مشغوله عاى الله ينال اعجابكم ، دعوه صادقه..الله يرزقكم بفرحه كبير بحجم السماء تجعل قلوبكم تذكرها داىما البارت السابع عشر⚡⚡  جرحتك من كثر شوقي وخليت الكلام رماح ،، ولاادري اشلون ياعمري طعنتك حيل بعتابي بدون شعور صدقني ترى كثر الغلا ذباح ،، تعال وشوف بغيابك غلاك اشلون سوى بي حرام تغيب من عمري وتعطيني الفراق وشاح ،، حرام الدمع في عيني مناديله يهدابي غيابك يشغل عيون الزوايا وامتلي اشباح ،، وانا انثر صوتك بقلب المكان واشعل ابوابي تلفت للأمل دام الرجا في عمري المنواح ،، اناديلك ولو شرهك وصولك تقطع اعصابي أبيك الجاي من عمري أنا ماابيك شي وراح ،، مادامك أجمل وآخر مادامك اول احبابي أبي ارتاح ياعمري أنا ادري هم تبي ترتاح ،، تعال وقبل ماافرح ترى تفرح بك ثيابي أحبك يابعد عمر الحزن والجرح والأفراح ،، أحبك أحبك كثر مانامت عيونك داخل اهدابي ،، عزام.. تحرك بفضول كبير يدورها من تغيب كريس عن عيونها يحس بغيابها جر خطواته لغرفته المنعزله بعد اللي صار ميل راسه بتفكير وينها ؟؟؟ حتى غرفتها خاليه من ريحتها التفت على صوت خطواتها الجايه من المطبخ لف جهتها بفضول اكبر نزل عيونها على لبسها بنطلون وتيشيرت رياضيه ميل شفايفه بابتسامه رجعت تلعب رياضه من جديد حك دقنه وبسخريه بعد ماطاحت عيونها بعيونه..:رديتي للرياضه تبين يحوشك نفس اول مره رفعت عيونها له بثقه متعجبه من وجوده بغرفتها رفعت حاجب وبثقه جذبته...:الغشيم يتعلم... والبركه فيك ي استاذي بعثر شعره بخفه يدري انها مو قاعده تمتدحه بصوره موكده رفع راسه بكبرياء وبثقه مماثله..:ولايهمك في الخدمه ..وانت اكثر وحده تشهدين لي ركزت عيونها بعيونه معقوله مجرد من الاحساس لهدرجه معه حق..هي اكثر انسانه تعرف عذابه وخبثه ابتسمت بحزن ولا اي احساس ممكن يوصف المها وشعورها الكريه جهتة ميلت راسها بنعومه..في محاوله لتشتيت الافكار اللي هاجمة مزاجها ...:اممم اشوفك عند غرفتي تبي شي ؟؟ حرك راسه بالايجاب وعيونه على الساعه المعلقه على الحايط..:المعهد ردو الموافقه على الدوره تعدته بخطوات بسيطه ان كان هذا اللي جابه فسمعت ووصلت معلومته تمتم بهمس وصله..:اوكي..يعطيك العافيه رفع حاجب قاعده تطنشه تبع تحركاتها الاليه بقهر قاعده تنرفزه ببرودها الممقوت تكتف بهدوء مناقض لغيضه..:وبعدين من هالعزله مامليتي من غرفتك رفعت كتفها بهدوء مدروس..:نووب مامليت ..اصلا مرتاحه على ذا الوضع ميل شفايفه ببتسامه سخريه..:يعني مانك ناويه ترجعين لغرفتنا.. حرك راسها بنفي قاطع ماراح ترجع لسجنه الخاص يكفي حواجز قصره القاتل عض شفايفه بقهر حركاتها مالها تفسير غير الرفض مسح على عارضه بغيض..:اوكيه براحتك ...تحملي تصرفاتي ي وله صدت للجهه الثانيه ماهي لعبه بيده متى ماحب تذكرها ومتى ماحب تناسى وجودها يروح لكريس علتها ودواها '...... وعد(في وقت سابق..) رفعت كفوفها برجفه، ،ضغط على راسهاا بالم،، قفلت عيونها لجزء من الثواني... صوت ارتطام كفه بخدها يشعرها بالدوار تراجعت بعثره لوراء... بصعوبه قدرت تجلس على الصوفه بثبات،، ضباب كثيف غطى عيونها واغمره ضغطت على راسها برجفه تمنع الدوار اللي عصف فيها،، انتفضت بشده من صوت الباب اللي ارتطم قفلت عيونها برجفه ....رجعت فتحتهم بالم الغرفه فاضيه ...راح وتركها بعد ماشفى غليله منها نزلت ببطى على السراميك وبذهن غايب سندت راسها على الصوفه شهقت بالم،، ودموعها تنزل بحرقه،، وجع ثاني يطعن باسفل بطنهاا عضت على شفايفها بقوه تكتم انينها المذبوح اي الم قاعد ينهش بجسدها النحيل سحبت جوالها المرمي قريب منهاا مستحيل ًتتحمل الموت. وتكابر شهقت ببكى مرير يقطع روحها اتصلت برقمه ماعندها غيره يفزع لها حتى لو اذاها لازم يفزع لها من وجعها ابوها بعيد ماتبي تخوفه مايرد مايرد!!! التوت على روحها بانين عالي ،، بتموت ومحد بيرفق بحالها ضغطت رقم ابوه بتعب بالغ صوت بكاها زاد من سمعت صوتها..:اه اه عمي بموووت يبه بموووت ،،،، شهد..  اابتسمت بالم تتصنع القوه..:مبروك زم شفايفه... وبجمود..:الله يبارك فيك ماتوقع تبارك له بنفسها يدري منى بتنشر الخبر ماستغرب معرفتها بهالسرعه عدل وسادته بعد مارمى جسمه على السرير... طالع السقف ..:كيفها الوتين لي يومين عن صوتها ابتسمت بحلاوه وعيونها على وتين اللي تلعب بالمكعابات..:كاهي تلعب لوحدها بعد مانام فارس تنهد بعمق ..:مرتاحه معي؟؟ عقدت حواجبها سواله غير متوقع لبست الشبشب تبتعد عن الوتين حكت جبينها بتوتر ...:ليش تسال؟؟ شد على شعره ..وبغموض..:فضول ابتسمت بالم .. وش منتظر تقول كيف تعاتب ومالها حق بعيونه نام بمكان غير مكانها سكن غيرها بقصر وهي الاحق وبيصير عنده بيبي من غيرها وكثير اشياء تجهلها بتصرفاته الغامضه نفخت بصمت .. وبحب..:لانك معي صرت مرتاحه بلعت ريقها بتوتر من ضحكته عقب جوابها البسيط.. قاعد يضحك من قلب ولا سخريه؟؟؟ ضحكته شككتها بروحها اكثر ماقدرت تحدد نواياه دامه بعيد ملامحه لو كانت قبالها كانت بتعرف اش قاعد يفكر فيه رجعت شعرها بنعومه... وبذكاء..:وانت؟؟ رفع حاجب ..تزين شفاته ابتسامه صافيه..:كثير مرتاح ابتسمت بسعاده ماحدد وجودها وياه بس صرح براحته اجابته غامضه بس مريحه للقلب يكفيها قاعد يبادلها الود بود الطف طالعت وتين ..وبهمس عذب قلبه..:اممم بعد ماشالو الجبس تقدر تطلع الدرج صح يعني تقدر تكون معانا انا ووتين باي وقت غمض عيونه بسعاده قاعده ترضيه كثير يدري زين اش قاعده تحس فيه قصوره وياها اكيد مضايقه مثل ماهو مضايقها عدل صوته ..وبضحكه يغير السالفه..:بكره بنزل السوق تبين شي اجيبه؟ حركت راسها بالرفض ..:لالا يعطيك العافيه..ابيك ترجعين لي سالم ،، وليد تحرك بتوتر رايح راد برجفه فهد فهد اول خيوط نجاته ضغط على راسه بتعب لازم يتصل فيه ، هو الوحيد اللي يقدر يكمل اجراته سحب جواله بضياع محمد بيساعده ،، بيقدر يجيب رقم فهد بسهوله وفهد بيوصله لاهله وبيفهم كل لغز اتعبه ابتسم برضى،،اكيد امه حنتت له زي ماحن لايامها ابوه عزوته وتاج راسه حبيبت قلبه وله وليد ...:حمود تكفى ابي قريبك يخدمنا اللي بالاتصالات محمد بنعاس..:وليد بلاه ازعاج لاقمت فهمني اللي تبي وليد بضجر..:محمد هذا وانا شاد الظهر فيك تمدد على سريره وبكسل..:والبطن لو تبي يلا انقلع خلني انام تافف بصوت عالي ،...:محمد قوم واللي يرحم والديك ولاترى اجيك وازعجك جلس بخمول وبطفش..:وليد اخلص وش اقوله ضحك بانتصار زين اللي اختصر عليه الجيه تحنحن بصوت عالي ..:ابيه يطلع رقم فهد ال ..... حرك راسه بالايجاب..:اوكيه وبعطيه رقمك يرسله عليك ،،، وله ضحكت بخفه ياشين الخرافات لاصدقوها هزت راسها باسى..:شيبلي المسلمين لايعترفون بذلك شبلي باصرار..:ولما ؟ حكت راسها بتفكير ..:في الشريعه قراءه الفنجان حرام ولا ياخذ بالحسبان كريس اللي كانت قريبه منهم..:ولكن مايقراء فيه يكون صحيح وله ميلت شفايفها بطفش ياكرهها لصوت وصاحبته طالعتها بنص عين وبتمتمه..:يازينك ساتره روحك بالاول شبيلي وهي تقلب فنجانها..:دعيني اقراء لك فقد يعجبك الامر.. عزام وهو داخل وبيده اكياس..:لالا شبيلي لاتفعلي ذالك فيغضب عليك الخالق رفعت كتفها بعدم اقتناع..:لاتخاف ي صغيري لن افعل ضحك بخفه،، من صغره وهي تناديه بصغيري وبيشيب ولساتها على صغيري التفت جهتها... سرحانه وعيونها على الكاس اللي قدامها تحرك المعلقه جواته باليه زم شفايفه ..في مين جالسه تفكر مين اللي اخذ جوها هالكثر واشغل بالها العلاقه بينهم رسميه نوعا ما خاصه بعد مانزلت البيبي تنهد بصمت،، مستحيل تفهم عقدته من الاطفال سحب كرسي وجلس قريب منها ركز بعيونها وبهمس..:فيك شي نزلت عيونها بعدم مبالاه رفعت كتفها وبهمس مشابه..:ولا شي ردت تحرك الملعقه جوات الكاس من جديد تابع حركة ايدها رغبه كبيره تدفعه يطلبها مره ثانيه ترجع تنام وياه بنفس الغرفه مايتجراء اللي سواه ماهو قليل مافيه يجبرها اكثر مستحيل يتحدى برودها بعصيانه لقراراتها نفخ بطفش،، التفت لكريس اللي مركز على تصرفاته ابتسم بمجامله عدل جلسته وبغموض..:ربحت شركتنا صفقه ناجحه.. اممم ستناول العشاء في المطعم الصيني بهذه المناسبه شبيلي..:وواااو مبروك ي صغيري كريس بفرحه..:اقتراح جيد ازم ..فليبارك لك الله حك رقبته بتوتر ماعلقت ..مالها نيه تحنحن بصوت عالي يمكن تنتبه عليه ميل راسه.. وبجمود..:ماسمعنا صوتك مدام وله صرت على اسنانها بصبر ابتسمت بمجامله واضحه..:مبروك رفع حاجب مايحب اسلوبها الكريه ياما حذرها بس ماتفهم رجع ظهره على الكرسي ..وببرود ..:تجهزي من بدري لاتاخرينا افلتت ضحكه خافته تدري زين بنواياه ،،حاب يتاكد لو بتطلع وان تمردت عقاب جديد مجهزه واضح كثير انه حاب يبرد حرته فيها وقفت بهدوء يناقض غضبها سحبت منديل صغير مركون على الطاوله وطلعت ،،، شهد كتمت ضحكتها بالغصب جرت خطواتها بثقه لداخل الضيافه باست على راس ابو غانم وبرقه صافحت غانم اللي باين عليه الاعتراض طالعها بتركيز صافحته ،،دليل انها سمعت كلام ابوه من شوي لاعاد تسلم على حريمك الا مصافحه ماهو بقدام الله وخلقه تبوس لمح طيف الابتسامه اللي بثغرها ابتسم بخفه حضن فارس ووتين المبسوطين برجعته فارس بعجل..:بابا وين هديتي نفخ بطفش ..:شواقه بالله عليك شوفي اشياىهم بالشنط اعطيهم صدعو فيني شوق بضحكه..:تستاهل مين قالك تتكلم وقف تاخذهم وياها ام شوق ببتسامه..:دامك جيت ي مك رد على مشاري امس مكلمني استحيت منه وانا امك غانم بجديه..:مشاري والنعم فيه ي الغاليه ،،ماغير لازم ناخذ رايها فيه وفي خالد ابو غانم بحزام..:يخسي مازوجه بنتي بعد مانسحب من سنين وقفت بصمت ماترضى لخالد مهما كان خالد احن قلب مايستاهل المسبه عضت شفايفها بخوف من صوت ابو غانم العالي غانم..:يبه لاتنسى انا كمان اخطيت وادمحو لي الخطاء ابو غانم بحده..:ماني بمامن بنتي عند رجال يسحب كلمته وهو مكلمني في بنتي ومعزم سواته ماهي بسوات الرجاجيل مشت بخطوات سريعه لبراء ادمحو غلطت ولده ليش رافض يدمح خطاء خالد ي ويل قلبك ي خالد ابوها حامل عليك كثير مسكين قلبه مسكيين من وين تاخذها ولا من وين ،،،، ابو احمد ضغطت على راسه بتعب الضغط لاعب فيه من كلمته تبكي وتون طالع ببدريه اللي تتصل باحمد مايرد اش سالفته ، ،يعرف انها بالتاسع ليش تاركها لحالها نوره بخوف..:يمه ساعتين ولسى ماولدت ام احمد بتوتر..؛اوووش خلاص بتولد لاتجلسين تحسبين لها بدريه بهمس لنوره..:انا حاسه ان بينهم شي ماهم خالين نوره بتمته..:سمعته يصرخ عليها قبل ماتتعب بوقت ،،، فهد للحين مصدوووم معقوله يرجون الاموات كيف ومالهم حياه ثانيه غير يوم يبعثون ..يوم الحشر نزل راسه بعجز ...:استغفر الله العظيم ...استغفر الله العظيم وليد بفرحه...:ي النسيب قاعد اكلمك وينك تحنحن يعدل صوته..:معك معك ي وليد ...للحين ماني مصدق ضحك بخفه مايلومه الاكيد انه انفجع خاصه ان خبرته تتوقف الين موته بالبحر جلس قريب من الحطب المشتعل ..وبحماس..:لاتقول لابوي شي ولاحتى امي وزوجتك ابيها مفاجىه ي فهدان امانه لاتعلم احد منهم بلع ريقه بصعوبه من وين يبداء يخبره امه وابوه ولا الظلم اللي سواه بزوجته زي مايقول عدل جلسته بهدوء ..:انت بس تعال وبعدين نتفاهم على كل شي عقد حواجبه ليش قاعد يتكلم بصوب وفهد بصوب ليش قاعد يكلمه بجمود فرحته غايبه وصوته باهت مرهق تنفس بعمق..وبتردد..:فهد اذا صاير شي قول الحين لاتخليني اجي وانصدم تنهد بصوت وصله ..:وليد تطمن اهلك بخير ابتسم بالم ياشح الافراح بسنينه حرك راسه بالايجاب وباصرار..:دامهم بخير على الساعه تسع بكلمك خلك بالك تكون عندهم وقتها لاني ابي اكلمهم رفع كتفه بحيره كيف بيتصرف بدون لاينتبه لشي..وبلعثمه..:وليد الله يهداك ماني بحولهم براء الديره شد على اسنانه بقهر وبحزم...:اهلي وش صار عليهم اخلص... نفخ بطفش هو اللي اختار الشقى بنفسه..:ابوك وامك الله يبيح منهم ويحلهم ، ، المستشفى ابتسمت بحنيه ي سبحان الله ي صغرها رقت ملامحها ..:يبه شوفها شوفها اصغنونه كثير ضحك بخفه ..:صغيره مره جرت كم امها اللي مشغوله تتصل باحمد...:يمه شوفيها تهبل طالعتها بذهن غايب فرحتها ناقصه وين احمد صارت عنده بنت ولا له خبر رجعت عيونها على الجوال مايرد رمته بغضب داخل شنطتها عدلت نقابها بحرص..:بروح لوعد وبس تكمل اجرات البيبي جيبوها لامها تشوفها.. ابو احمد..:جاي وياك تنهدت بقهر بعد ماختفى طيف ابوها وامها.. نوره بهدوء..:بدريه ارجعي اتصلي في الاثول يمكن يرد عليك زمت شفايفها بغضب وعيونها على البيبي الصغيره اللي جوات القزاز شهقت بقوه...:احمدووه وينك تافف بملل..:خير وش تبين شتت نظراتها بتفكير..:عندك لك بشاره لزيزه حرك راسه بالايجاب طفشان ماله خلق سوالفها :اوك قولي قبل اسكر واخلي لك اخبارك ضحكتك بدلع..:ولدت حرمك المصون فز بقوه ماهتم للقهوه اللي انتثرت على ثوبه ي كثر مانتظر هاليوم وعد له ي كثر ماجلس يحسب للحظه اللي بتكون في غرفه الولاده ينتظر اول فرحه سنينه ماتوقع احد يفاجاه بهالسرعه سحب شماغه برجفه..:متى ..وينكم ..وينكم الحين؟ طالعت بنوره اللي اطالعها باهتمام..؛بالمستشفى ...وبضحكه..بنتك تجنن تشبهني ضحك بسعاده ركب سيارته بعجل...:الله يبشرك ابشري باللي يسرك على هالخبريه حكت راسها بحمااس..:احم ننتظرك ي ابو بدريه رفع كتفه بغرور..:تعقبين من زينه اسمك ، ، غانم وقفت خطواته شتت نظراته باعجاب..مبهور من منظر الجناح متغير كل شي عن اخر مره دخله قالبه ديكور الجناح بصوره جميله حيل تداخل الون الرصاصي بدرجات السكري والاسود والوان متباعده من درجات الوردي والتفاحي معطي للجناح طله غير مميزه بكل ماتعنيه الكلمه حرك عيونه باعجاب متناهي على الورد المنثور والموزع بكل اطرف الجناح تنفس بعمق ..ريحة العود وصلت لاخر خليه بجسمه رفع عيونه على صوت خطواتها القريبه ابتسم بذهن غايب فستان اسود قصير يلف غصنها اللين شعرها متروك بحريه على كتفها الصافي ضاع بعيونها النجلا ي هي فاتنه بحسنها الفاتن ماقدر يرفع عيونه من عليها جمالها قاعد يسحر اكثر اضاءه الشمع عاكس عليها بصوره خياله وكانها صوره يصعب تصورهاا شتت نظراتها بخجل نضراته قاعده تخجلها كثير ابتسمت بعذوبه وهي تجر خطواتها ناحيته وقفت قباله بدلع لساته يطالعها بصمت مطبق ارتفعت على اصابع ارجولها باسته بخفه اسفل دقنه..:الحمد لله على السلامه حبيبي اتسعت ابتسامته اكثر لف ذراعه على خصرها بنعومه قربها له اكثر وبهمس تعشقه...:ناويه علي اليوم افلتت ضحكه خفيفه رفعت كتفها وبدلع..:ماسويت شي رفع حاجب وببتسامه...:كل ذا الزين وماسويتي شي حركت راسها بالايجاب تعانده.. وتغطي خجلها الواضح له قربها اكثر ..ركز عيونه بعيونها..:الحين وين اللي قالت تبي هديه ماشفت استقبال يبرد القلب.. شهقت بحماس زمت شفايفها بدلع..:يعني ماستقبلتك زين غمز بشقاوه تعشقها..:امبلا بس لسى انتظر استقبال خاص على ماحمستيني ميلت راسها بخجل تسحبه للصاله الداخليه..:اول تعشى قبل يبرد الاكل بعدين نتكلم فلتت ايده بخفه ...:ثواني اجيب العصر تنهد بعمق بعد ماختفت من قدامه بعثر شعره بعشواىيه،، طاوله متوسطه الحجم بالبلور السكري اللامع مرتب عليه بصوره تشهي اطباق شهيه نقل عيونه للديكور الفخم تناسق راقي لابعد الحدود كيف لحقت تغير كل شي ابتسم بحب يعشقها حد الثماله رفع عيونه على حظورها الفاتن جالسه ترتب العصر بطريقه محترفه بالكاسات قرب خطواته بهدوء بالغ ملتهيه مانتبهت لقربه الحاد منها انحنى بخفه ،، لمها بحاليمه لصدره انفاسه الحاره تلفح اذنها...:اشتقت لك بلعت ريقها بتوتر خجلانه منه ومن هدوءه اللي يجذبها ارخت جسمها على صدره العريض لفت راسها جهته وبهمس..:اليوم بدايه جديده لنا.....ارجع لي ركز عيونه بعيونها مايلومها لو طلبت بدايات جديده تمحي الماضي تعبها كثير وهي ماقصرت بالمقابل كل واحد تعب الثاني واتقن تعذيبه لمها اكثر وهو يطالع لفوق يمثل التفكير...:امممم على حسب اذا بتوافقين على شروطي نغزته بخفه على بطنه...:اصلا انت تحبني ماراح تتشرط كثير رجع عيونه عليها لهدرجه واضح حبها المجنون لفها جهته تقابله عيونها تنتظر تاكيده على جملتها اليتيمه وعيونه تدقق بادق تفاصيلها رفع اصبعه السبابه يبعد خصله متمرده غطت عيونها قرب منها مشتاق يلتقي معها من زمان من سافر يحلم بالقى يبي لقاها ينعم بدفاء شك انه مستحيل لسنوات تجاوبت معه للحظات ياما وعد نفسه بالجفاء لسنين ياما ايقن من لحظه رجوعها انه قادر يتقن فنون قهرها ماقدر يوفي وعده لسنين اشهر وانتهت طاقته وزاد شواقه لها ابتعد بهدوء منزعج من صوت الجوال اللي ينبه بوجود مكالمه تنفس بعمق بعد ماطاحت عيونه على المتصل..:لبيه ي الغاليه ام غانم..:تعال يمه مدري وش فيها حرمتك كانها تعبانه ودها للمستشفى عقد حواجبه وبتسوال ..:ليش منى اش فيها اش صار عليها مانتبه للي فلتت ايدها من ايده مركز مع امه وكلامها حرك راسه بالايجاب وهو يتلفت يمين ويسار يدور شماغه..:ابشري فديتك الحين رايح اشوف اش صاير لها قفل الجوال ورجعه بجيبه طالعها وهو يسحب شماغه بعجل...:منى تعبانه ..لازم اروحها المستشفى اذا لزم الامر حركت راسها بالايجاب متظاهره بترتيب الطاوله اللي بردت مبدىيا وببحه ..:اوك حياتي جلست بجمود على الارضيه بعد ماطلع قفلت عيونها بقووه ماراح تبكي الحسره بقلبها كبيره نزلت دموعها بغزاره حتى باول ايامهم الجديده اخذته شدت على اسنانه بغيض مايستاهل تتعب عشانه راح لها بسهوله ماقدر اللي سوته وقفت بتعب بالغ مصممه على اللي طراء ببالها ،،، وله سحبت القفاز الثقيله من ايدينها سحبت الشوكه ..:بسم الله ماهتمت لوجوده ولا لوجود شبيلي تاكل بصمت متجاهله سولفهم التافهه بنظرها شبيليا..:صغيرتي اتمنى ان تكوني برفقه السيد ازم الصيف المقبل رفعت راسها بصدمه فيه صيف جاي وهنا طاحت عيونها بعيونه الغامضه يطالعها بغموض تجهله رجعت عيونها بهدوء ظاهري نظراته.. ترسل رجفه كريهه لاوصالها ابتسمت بخفه من رجعت شبيلي تسال للمره الثانيه رفعت كتفها بخفه..:لاارغب في العوده مره اخرى عقد حواجبه بتفكير ملت وعلى بالها بتفلت منه يكفي انه راحمها وتاركها بحالها اصلا ماهو بكيفها مالها راي هو اللي بيده الامر وعليها الطاعه بدون جدال نزل الشوكه بقوه ازعجتها ..وبجمود،،،:اكيد بتجي دامني بكون فيه التفت للجهه الثانيه المطله على العاب ثلجيه خطيره متجاهل نضرات شبيلي اللي فهمت شي من جملته ماهو بكيفها ماتجي بياخذها غصب عنها حتى لو رفضت يكفي متنازل عن اشياء كثير وساكت طالع جواله بشرود كريس تتصل بك صمته بانزعاج يمكن لو جات معاهم اليوم ماظطر يطالع للي قدامه كثير علاقته بكريس قويه حيل وخاصه بعد اعترافها القوي بحبه نفخ بتعب معقوله بيتزوج للمره الثالثه رجع عيونه عليها معقوله بتهتم ولا باللي مايحفظه قطع تفكيره كريس اللي تتصل بشبيليا ركز عيونه بشبيليا شبيلي..؛ولما لاتاتين الان .......... شبيلي...:جيد نحنى بانتظارك لاتتاخرين عزام ،،:بتجي كريس شبيلي..:بالتاكيد فقد انتهت من عملها التفت بتعجب ل وله ليش ضحكت بخفه من سمعت سواله؟ دقق بملامحها جمود يخفي قصدها من ضحكتها المبهمه وقف بصبر ..:يلا نتمشي شوي نهظم عدلت جلستها باصرار .وبعاند..:مالي حيل خذ شبيلي التفتت جهة شبيلي وببتسامه..:السيد ازم يريد ان يعمل رياضه مارايك ان تعملي رياضه برفقته ضحكت بكسل..:لالا فانا اصبحت كبيره في السن.. لااتحمل المشي كثيرا كتف ايدينه وبحده..:اش رايك بعد تعزمين اللي بالمطعم يمشون معي طالعتهم لثواني تلهي روحها لاتضحك على شكله وبنعومه وعيونها عليهم..:لاوين استحي فتح عيونه بغضب مسح على دقنه وبحده ارعبتها..:قومي قبل اسوي شي تندمين عليه وقفت بهدوء يناقض رعبها منه سحبت شنطتها الصغيره ولحقت فيه بعد ماتعداها بخطوات بسيطه،، مايتكلم الصمت اختياره المفظل طفشت من سكوته المميت تاففت بصوت عالي تجذب انتباهه مالتفت لها وماسال شهقت بحده ،،شدت كمه بقوه..:عزام شوف شوف البيبي يبكي يدور اهله طالع مكان ماكانت تاشر طفل بعمر الاربع سنوات واقف يبكي رقت ملامحه غصب عنه قرب منه ،،يبتسم يطمنه له مسك بكفه الصغيره يلتفت يمين ويسار مين فاقد طفل يدور عليه طالعها بحرص..:شوفي بالجهه الثانيه فيه احد يسال وبسرعه ارجعي انا بدور هنا تحركت بسرعه تدور الاطفال نعمه مايعرفها الا اللي مفتقدها جرت له بخطوات سريعه يشبها كثير بدون امها وابوها قلبه صغير مايتحمل قسوات الدنيا اختفت ابتسمتها.. وببحه..:عزام وين البيبي وين وديته ابتسم..:بعته على مطعم اقريب هنا طالعته لجزء من الثواني ماقدرت تمثل القوه نزلت دموعها غصب عنها رجفت شفايفها طيحت قلبه قرب منها بخوف سندها باهتمام ،،ياشر لمكان قريب منهم..:شوفيه البيبي مع ابوه شوفيه هناك ماهتمت لككلامه اي شي تتوقعه منه اي تصرف ممكن يسويه جلست بوهن وهو يجلسها بمشتل قريب من البحيره ضمها لصدره يهدي من روعها صوت نحيبها قاعد يغضبه من نفسه قبل يزعله منها شد عليها اكثر وبهمس..:مهبول ابيعه لهدرجه ماعندي ضمير حركت راسها بالايجاب ..:سويتها من قبل نزلت البيبي بدون لاعرف مستحيل اسامحك،،، الله لا يسامحك مسح دموعها برقه..:خلاص بسش دموع مايبي يبرر لها عملته ماهو مضطر يبرر لها مايبي اطفال من هنا لاخر يومه بحياته بتقتنع برايه غصب عنها نزل عيونه عليها ابتعدت عنه برقه تمسح بقايا دموعها لمة روحها بجمود قاسي ماقط شافت معه الطيب تنهدت بتعب بترجع وبتصلح كل اغلاطها بتسكن ببيت ابوها وبتبعد عن قوقعه ال خالد بكبرهم ابتسمت بشحوب طفل صغير يبيع ورد احمر قاني اش قصة الاطفال هاليوم اشر له عزام ..:اريد الشراء ممكن الطفل ببتسامه..:كم تريد سيدي وله بهمس مبحوح..:بكم تريد بيعها جميعا الطفل بفرحه ..:15دولار عزام ببتسامه..:اريد شراء واحده ب15دورلار ضحك بسعاده اجمل عرض مر عليه في ليله سقيع مثل هاليله سحب الدولارات من ايده بعد ماعطاه الورده طالعته بهدوءبعد ماختفى الطفل..:دامك تحب الاطفال هالكثر ليش تعاند رغبتك حرك الورده بيده متجاهل جملتها الكريهه..:الحين بتجي كريس لازم نرد رفعت حاجب وبغيض..:المكان عاجبني ماراح اقوم ميل شفايفه ببتسامه في العناد استاذه محد يجاريها وله بقهر..:روح الورده تلقيها ميته شوق لايطق فيها عرق التفت جهتها بتركيز طالع ملامحها بذهن مشتت رد عيونه على الورده لثواني ورجع يطالع فيها معقوله كل هالنظرات عشان الورده ضحك بصوت عالي متجاهل اللي حوله قلبه يتحرك بعنف معقوله تحبه معقوله تغار عليه من كريس صدت للجهه الثانيه مقهوره من ضحكته ...:سخيف ميل جسمه بخفه صدره ملاصق لظهرها وو " لاتغرك الضحكه....  اذا استطعت كن مع قوافل الصائمين وإن لم تستطع فذكر فلاتعلم من سيصوم بفضل تذكيرك الأحد 9/1/1436 صيام يوم قبل عاشوراء الأثنين10/1/1436 عاشوراء كفارة سنة الثلاثاء11/1/1436 يلي عاشوراء الخميس13/1/1436 أول أيام البيض الجمعة14/1/1436 ثاني أيام البيض السبت15/1/1436 اخر ايام البيض ** اغتنموها** | ||||||||
|
| |
|
09-11-14, 11:47 PM
| #29 | ||||||||
| مراقبة عامة ومشرفة منتدى الروايات المنقولة
| بسم الله الرحمن الرحيم18 السلام عليكم ورحمه من الله وبركاته اجمل حروف الكون لاتليق الا بقراىي واجمل مواني ساحلي هي حروفك الماسيه اسعدتني بقوه ردودكم وربي هالمره كل ردودكم مميزه وربي مره اسعدتني فيه ردود عشتها وعدتها مره واثنين وست من حلاوتها بحجم السماء ربي يسعد قلوب اسعدتني ، اسمحوني على التاخير ، اتمنى يعجبكم البارت طابت اوقاتكم البارت الثامن عشر  يارفيف الماء وفجـر العيـد واحـزان الموانـي ياأكثر اهل الأرض طيبة قلب .. وأسرار ٍ دفينـه المكان اللي هنـا .. مليـان ضحكـات وأغانـي والكلام اللي بغيـت اقـول .. يحتـاج لسكينـة شوفي الركن البعيد هنـاك كنّـه صـدر حانـي هذا هو اللـي يليـق بشاعـر وبنـت ٍ حزينـه إنسـي الشـارع وعتمـات الزوايـا والمبانـي هاتـي يدينـك نلـف الغيـم ونشكّـل مديـنـه عندي الليلة كـلام وصمـت وأخـاف الثوانـي تظلمه او تظلم اللي فيـه كـم ضاعـت سنينـه بـس لازم تسمعيـن اللـي ابـي ولاّ تـرانـي لو بـأعيده لك نسيت ورحت اقول اللـي تبينـه شي واحد قبل ما أبـدأ ماابـي أي شـي ثانـي يخطر فبالك وانا اكشف لـك شعـور تجهلينـة إن أنا وبكـل ماتحملـة (احبـك) مـن معانـي كنت وراح ابقى احبك لين مدري وش هو لينه !؟ بـس والله ماقـدرت انسـى ولا همـي نسانـي لاذكرت انسـان فيـه اسـرار مابينـك وبينـه كـل ماتطـري علـي فكـرة هـواك الأولانـي أشعر انـي انطعـن مليـون مـره مـن يدينـه أشعـر ان عيونـك الله ماخلقهـا إلا عشـانـي كيف كانت تبتسم لـه قولـي انـك تخدعينـه ! صورة انه كان يمسـح دمعـك تزلـزل كيانـي وكيف كان يلـم شعـرك ويتبعثـر فـي يمينـه حتى إسمك يـوم رحـت أدلّلّـه حظـي رمانـي بنفس الأسم اللي يقول .. ماهي غبينه ؟! وكنّـي اللـي كـل ماناديـك بالإسـم الفلانـي أطلـب النسيـان يتـرك منـه شـي ٍ تذكرينـه لاتظنينـي انانـي .. لا .. انـا مانيـب انانـي لو سلمت من الغرق .. بـأموت في ظهر السفينه ياأني ماأكمل واعاني .. أو أكمل .. ثـم أعانـي كل ماأسمع طاري اسمه او تجي عيني فـعينـه أينّا كـان الضحيـة وأينّـا اللـي كـان جانـي مـدري .. ولكـن قـراري لازم انـك تقبلينـه مثل ما اكره فكـرة انـه واحـد ياخـذ مكانـي مااقدر اجلس في مكان انسان .. كنتي تعشقينـه وله بقهر..:روح الورده تلقيها ميته شوق لايطق فيها عرق التفت جهتها بتركيز طالع ملامحها اللي تناظره بحده عيونها تحدي في تحدي طالع الورده اللي بيده ورجع طالعها معقوله كل هالنظرات عشان الورده تغار تغار تغار ضحك بصوت عالي متجاهل اللي حوله قلبه يتحرك بعنف معقوله تحبه معقوله تغار عليه من كريس صدت للجهه الثانيه مقهوره من ضحكته ...:سخيف ميل جسمه صدره ملاصق لظهرها نزل الورده بحضنها ركى ذقنه على كتفها وبتمته..:ماخذتها لها ..من الاول ابيها لك بلعت غصه حاده تجرح بلعومها عاجز تعبر عن خيباتها فهد وعزام اكبر محطات الفشل بقاموسها رفعت كتفها بالامبالاه ظاهريه..:عادي حتى لو تعطيها ماتفرق لف ذراعه على خصرها قربها له اكثر تنهد بصوت وصلها شتت نظراته لبعيد..:يمكن اني ماخلقت الا اكون لك تزلت عيونها ليديه اللي متمسكه فيها بحرص ماهو لها زي مايفكر صفحه بتنطوي للابد تنفست بعمق..:ويمكن لك نصيب في غيري ابتسم بسخريه وبغيض..:فيه حرمه تقول لزوجها لك نصيب في غيري الا انتي نزلت ايدها على ايده تبعدها،، وقفت تعدل حجابها..:لاتزعل انا واقعيه ركز عيونه برجفه ايدينها كذوب واضح انها كذوب مرتفع ضغطها من نقاشهم السخيف رفع حاجب ..:ايدينك ترجف دست ايدينها بجيبها الكبير بوسط التي شيرت صدت للجهه الثانيه بثبات رفعت راسها بغرور تخفي ارتباكها..:طبيعي الجو مره بارد وقف بهدوء متاجهل مشاعره اللذيذه بوجودها ... غانم نفخ بعصبيه رمي الاسياخ من ايده وبحده..:شوق شيليهم لداخل خلي الخدم يغيرون ملابسهم بسرعه ام غانم ..:يمه خلي الاطفال يلعبون ماراح يضرهم المويه قلب اسياخ الشوي بجمود..:يمه الجو بارد بيمرضون واللي يعافيك ابو غانم ..:منى ي بوك عطيني فنجان قهوه ..اليوم مشتهيها حيل منى بنعومه..:يبه لاتكثر تضرك مدت له الفنجان طالعت للي واقف يشوي..:غانم تبي شاهي حرك راسها بالنفي..:لالا اعطيني مويه ابتسمت بحب وهي تمد له كاس المويه وبهمس..:حبيبي فيك شي اخذ الكاس وعيونه على اللحم..:لا ...احم. بس عشان ارجولي اليوم تعورني مسحت على ظهره بنعومه..:سلامتك ي روحي ابتسمت ..:حابه اساعدك ابتسم لها بحب جميل كبير انها تحاول تطلعه من ضيقه التفت لجواله المركون على الطاوله القريبه خالد يتصل بك رفعه بحرص وعيونه على غرفتها بالطابق العلوي..:هلا بخالد خالد ..:هلا غانم كيفك تنهد بصمت..:ماشي الحال ..بشرني عنك خالد..:الحمدلله..الله لايهينك انا عند الباب ..بالله خل شهد تكلمني ابيها ظروري وماترد ع جوالها.. مشى بخطوات ثقيله جهة البوابه..:اوك برسلها تنزل .. الحين جايك التفت لابوه ..:خالد عند الباب شوي وارد ابو غانم بجمود..:كانه جاي عشان الموضوع اللي وصاك قله وافقنا ع مشاري التفت على شوق اللي انظمت لهم من دقايق بسيط تناظر ابوها وكانها فهمت اش جالسين يتكلمون عنه شد على اسنانه بصبر من الشحوب اللي كسى ملامحها ضغط على راسها بتعب..:يمه الله يسعدك وصي على شهد تجي تكلم عمها تابعت خطواته بعد جملته الاخير من متى مكلمه خالد نزلت ايدها على بطنها بقوه عوار شديد نزل فجاءه بعظامها معقوله رجع يبيها مايبي غيرها يعني لساتها حبه ماتغير شي حلم اجزمت باستحالة واقعيته ضحكت بشرود لفارس اللي يطالعها بضحكه على لعبته حرام يفجعونها بهالطريقه حرام يرمون الكلام بوجهها بدون رحمه فيها التفتت بشرود لمنى منى بهمس..:مبروك ، ، خالد دهس السيجاره بمبالغه اشلون رافضه بشكل قاطع مسح على دقنه يقهر يتلفت يمين ويسار طالع بغانم بغيض..:اشلون يوافق على مشاري بدون لايسالها غانم بغموض.:يمكن سالها ماني متاكد ركز عيونه بعيون غانم وببرود..:ووافقت عليه تافف بصوت عالي..:خالد اقولك يمكن سالها ماني متاكد حرك راسه بالايجاب مقهور حتى الموت من اموره المعقده اصلا المفروض تكلم مع ابوها من اول ماعرف انها حره بعثر شعره بطفش..:هذي وينها ليش للحين ماجات ميل شفايفه بسخيره فاتت خالد..:تحمل مزاجها... الحين بتجي ..مدد ارجوله بتعب.. زعلان ومقهور منها حيل رجع راسه لوراء بعد ماطلع خالد لها بجنب باب الضيافه غمض عيونه بتعب مستحيل ينسى احداث البارحه عقب مارد من المستشفى اسرع بخطواته لها طول ماهو بالمستشفى يفكر فيها ابتسامته الكل شاهد عليها مبسوط بالتغير الجذري اللي صار بحياتهم اثنينهم وقف بصدمه اول ماخطت ارجوله لداخل الجناح ظلام بظلام اضاءات خافته بالمرر وين الورد والشموع من كم ساعه جر خطواته لداخل الصاله القريبه مافيه ولاشي من اللي كان فيه قبل ساعتين انهت كل شي ولاشي له اثر وكانه شي ماصار زعلت منه انقهرت لانه راح لها كانت تعبانه مظطر يروح يشوفها ليش ماتقدر موقفه شتت نظراته بشرود ماله ذنب ليش تتعامل معه بطفوليه مزعجه وينها ؟؟؟ ماله حس عقد حواجبه بتفكير معقوله تحت عند شوق لهدرجه بتتجاهله جر خطواته لغرفه نومهم فتح الباب ببرود يناقض غيضه كش جسمه من برود المكيف نايمه ظهرها جهة الباب زم شفايفه بقهر ماكلفت روحها تنتظره تعرف زين انه توه واصل وتعبان وقفت عيونه على القميص الابيض المرمي بسله الزباله القريبه منه انحنى بخفه،،سحبه تامله بهدوء قمميص ابيض بالدانتيل بسيور رفيعه قصير شد انتباهه العلبه الصغيره اللي جوات السله واضح انها مجهزه هديه صغيره له عض شفايفه بتعب ...رفعها بصمت يذبحه لساته مغفله يجهل مضمونها تركها على التسريحه بهم فسخ ثوبه بكسل رماه باهمال على الصوفه القريبه منه رفع عيونه عليها ماحست فيه!!! بعثر شعره بعشويه وين يجيه النوم وافكاره تذبح جر خطواته لمكانه القريب منها تسطح بسكون عيونه على ظهرها ليش ماله حض في سهره اسطوريه مميزه بحضورها مد ايديه بخفه.. تخلل اصابعه خصلها المنثوره على الوساده..:شهدي تنفس بعمق لساتها صاحيه انكماشها من ثواني يدل على صحوتها للحين لف جهتها وبارهاق ..:يعني وش تبين اتركها تعبانه واطنش قفلت عيونها بقهر..وببحه..:ماقلت شي لاتجلس تالف قصص ابتسم بخفه يكفيه انها قدر يخليها تنطق..:اذا الف قصص لفي اشوف عيونك حركة راسها بالرفض..:مرتاحه كذا جرها بحرص متجاهل شهقتها المتفاحىه رفع وجهها يقابل وجهه عيونها محمره منفوخه مسح على خشمها بنعومه..:اول مره اشوف احد اذا بكى زاد حلاه رفعت ايدها على صدره ترجع لوراء..:ابي انام لو سمحت رفع حاجب ليش ماهي قاعده تفهمه ماله حيل يتحمل دلعها اكثر شد قبضته على زندها ..:شهد عن الدلع رفعه عيونها بحده..:ارجع لها مابقى شي وياذن الفجر كمل يومك وياها ضغط على زندها بقسوه ..وبفحيح..:انت غبيه ولا قاعد تتغيبين اقولك هذي المسال ماتتحمل ااجلها تفهمين. تكورت على روحها راسها قريب من صدره ماهو راضي يفهمها ولا يبي يعتقها الين تهدى تافف بصبر رجع ضهره لوراء نام على ظهره ،،عيونه للسقف وبعدين مع حظه العوج رجع عيونه عليها لساتها على وضعها سحبها بخفه لحضنه رضت وان مارضت مافيه يتخلى عنها قربها حلمه من سافر الكبرياء ابعد له اليوم من كل ليله شد ايده بقوه بعد ماحس فيه تتحرك باعترض. ،، يتبع | ||||||||
|
| |
|
09-11-14, 11:50 PM
| #30 | ||||||||
| مراقبة عامة ومشرفة منتدى الروايات المنقولة
| احمد.. توتر كبير سكن باطرافه لاول مره يحس بخوف من انه يحمل بيبي صغير رقت ملامحه بحنيه ي صغر حجمها وي حلاتها انحنى بخفه يشم ريحته طالع امه بفرحه..:يمه شوفيها تشبهني لما كنت اصغير؟؟ ابتسمت بحب..:فديتك ماتشبه لك كثير لسى ملامحها مابينت كثير عقد حواجبه باعتراض..:ليش ماتفتح اعيونها من جيت وهي نايمه نوره بضحكه..:ايوه اصلا الاشهر الاولى ع طول بتكون نايمه لانو نموها في نومها رفع كتفه بتفكير..:مدري وش تخربطين ي عمة الزين كشت عليه..وبحماس:مالت عليك للحين ماندري عن زينها رفع راسه على صوت الحمام اللي انفتح قفله وقفت بدريه تسندها تمشي بحرص بالغ ركز بملامحها شحوب كبير يغطيهاا اكيد لساتها زعلانه منه رجع عيونه للبيبي بتنسى بتنسى وبتعقل هي اللي حدته وطلعته عن طوره ابتسم بتصنع بعد ماعدلت جلستها على الكرسي..:الحمدلله على سلامتك ميلت راسها للجهه الثانيه... وبهمس..:الله يسلمك ،،،، وليد... حضنها برفق ريحه الغاليه حبيبة قلبه باسها على راسها بحب..:الحمدلله الي اعطاني عمر واشوفك ي الغاليه ام فهد بدموع.../يمه ماصدقت فهد يوم انه قال انك حي ...ماصدقت الا الحين شوفتك رجعت الغالين ي روح خالتك مسح دموعها بارهاق محد بيعوض الغالين مهما كان بيعوضهم بدعاء طويل واعمال ترفعهم عند خالقهم شبك اصابعه باصابعها المجعده..:تعالي يمه نروح للسياره الين يكمل فهد الاجراءت سحبت ايده بوله باستها بشووق معقوله مامات ي فرحه قلوب عطشانه لشوفته ابتسم بحب بعد مادخلها للسياره جلس بجنبها وبحب..:ان شاء الله انك طيبه يمه اشتقت لعلومك تنهدت بعمق وعيونها معلقه بعيونه..:طيبه يمك دامنا شفناك كل عله راحت ضحك بخفه الحزن كاسيه وتارس قلبه للحين ماهو مصدق موت اغلى من ربوه رجع عيونه لفهد اللي جاي جهتهم نزل بعجل يساعده في الشنط رتبها بحرص ورجع يجلس بالمقعد قرب فهد التفت بحماس جهة فهد الصامت،..:لاتقول انك خبرت وله ..بذبحك ي فهيدان تصلب ظهره اي جاوب بيجاوبه فيه ركز عيونه على الطريق وبغموض..:لا ماتدري عن شي ضربه بخفه على كتفه..:كفو ..ابي ارتب اموري الليله وبكره ابي خالتي تقولها بالهون عشان ماتتعب او يصير عليها شي ام فهد بتوتر..:يمك الحين خلنا فيك ....وله ملحوق عليها صد بنظراته لبعيد..:يمه مابقى لي الا وله ...يكفي الحرمان اللي عاشته وعشته ،،، عزام نفخ بكفوفه يدفيهم الجو بارد غير عن العاده تلفت يمين ويسار وينها هذي عدل وقفته واقفه بعيد داخل سور الجامعه مقابلها شاب بعمر الاربعينيات عقد حواجبه سمح لها تطلع ترفه عن روحها دوره شهرين من وين عرفته قادته خطواته لها ماله اعتبار؟؟ ولا ماتدري انه بيكون فيه؟؟ ارهف سمعه يسمع جملتها الاخير وله ببتسامه...:شكرا دكتور.. سافعل ماطلبته وارفقه مع البحوث الادبيه حرك راسه بالايجاب وانصرف،، دس ايدينه بجيوبه.. وبجمود..:خلاص مشى ليش لساتك واقفه فزت بخرعه التفتت جهته بتعجب ماتوقعت جيته ليش جاء من الاصل اش الطاري بلعت ريقها بتوتر ...:ليش جيت؟ رفع حاجب وبغيض..:وليش ماجىي برايك؟؟ ميلت راسها بنعومه ..:لسى محاضره حرك راسه بالايجاب..:اها...اوكي ..مو لازم تحضرينها اليوم يلا تفظلي قدامي وقفة قدامه وبرجفه بانت بصوتها..:صار شي شابك اصابعه باصابعها سحبها تمشي وياه بصمت هدوءه يخوفها اكثر شدت على ايده برفق.وبتوتر.:صاير شي لاتخوفني ركز عيونه الغاضبه بعيونها ..وبفحيح..:انا قلت تغيرين جو ماقلت تهيتين لاحسيب ولارقيب فتحت فمها لجز من الثواني على اي كلمه بتعلق حروفه رماح مسنونه قفلت فمها بغضب اخر شي تتوقعه يفتري عليها وينسج خيالاته بشي بعيد عن الواقع كتفت ايدينها.. وبحزم..:لاتتبلى ربي يبلاك لاتتبلى زين ضحك بسخريه ..:ماني متبلي ارتاحي لانك ماراح ترجعين للدوره مره ثانيه وقفت خطواتها اكيد قاعد يمزح حرام عليه مابقى شي وتاخذ شهادتها غصه قويه تحرق بلعومها مسحت على وجها بقهر ..:عزام باقي بحث اقدمه واخذ شهادتي صد للجهه الثانيه مطنش محاولاتها الضعيفه اشر لكريس اللي تنتظرهم قريب من كفي صغير طالعتها باشمازاز ورجعت تناظره.. وبهمس وصله..:انتو من متى مع بعض عقد حواجبه عيونها كلها اتهام اش قاعد تقصد بسوالها السخيف شد على ايدها ..وبفحيح..:انت اش تقصدين رفعت كتفها متجاهله الم ايدها...:اتحمل لانك تبليت غيرك ظلم ترك ايدها بجلافه شد على اسنانه بقهر مايدري وش قاعده تقول كريستيان قهرته ورفعة ضغطه كان بيفاجىها ببداية علاجه تحت ايد دكتور كبير قهرته بتصرفاتها طالعها بنص عين تضحك مبسوطه وهي تكلم خالد بالجوال ميل شفايفه بسخريه اخرتك لي ي وله ،،،، المستشفى..(.خالد) أذكر إنيّ كنت بين إيدك وصنت..؟ وإذكر إنّك في جروحي " حاآتمي..! وقف بهيبه تفرض على اللي حوله يلتفت لوجوده ماقدر يتحكم بتصرفاته وينتظر رحمه ابوها تلتف بنظره سريعه على الغرفه ضيق عيونه بتركيز يعرفها زين نفس الوقفه محفوره بقلبه من اخر مره بالزواج ظهرها للباب ترتب الملفات حسب الجدول المفروض من الاداره انتبه للطرف الثاني اللي جالسه بالجهه الثانيه تكتب بملف ازرق تهاني صاحبة وله،، رفعت راسها بتساول..:شوق في الخانه ال وقفت بحذر ...:اقدر اخدمك في شي،، كتف ايدينه بثقه وعيونه على اللي قادته خطواته لمكانها..:حاب اخذ استشاره... التفتت بحده من سمعت صرير صوته دخل لا عماق مسامعها فتحت عيونها بصدمه مجنون ماهو صاحي مجنون كيف يجي لمكان دوامها مين يكون عشان يجي لها تلفتت يمين ويسار بتوتر كيف تتصرف ؟؟؟!! رفعت عيونها عليه عيونه القاتمه بعيونها الواسعه شد ايدينها بقوه تخفي رجفتها تنفست بعمق تهدي روحها ماراح تخليه يلاحظ توترها وصدمتها استقامة بثقه مصطنعه حملت الاوراق بيدها رجعت تجلس على مكتبها متظاهره بلا مبالاه تهاني بعفويه..:تفظل كيف اقدر اخدمك اشر بحواجبه جهة شوق.وبغموض.:لاشكرا ...دكتوره شوق بتساعدني ركز عيونه عليها متلاهيه بالملفات وماكانه صار شي يذكر عض شفايفه بقهر لهدرجه شوفته ماتسوى عندها توه بان بعيونها الخوف والتوتر وبثواني تسلحت بالجمود ، ، توترت اكثر ما فيها تتظاهر بعدم الاهتمام لوقت طويل رعبها احد يشوفه وييتكلم بسمعتها شهقت بصمت مشاري فيه مشاري بيشوفه اكيد اكيد ماراح يفهم السالفه على خير رفعت عيونه له واقف بثقه مهيب لدرجه تذبح بلبسه العسكري وشموخه العالي ميلت راسها ..وببرود ظاهري..:نعم اي خدمه ابتسم بسخريه مركز عيونه بسخريه .. ببرودها الكريه متفاىل كثير بلقاىها حطمته بجمودها الغير متوقع رفع عيونه لتهاني اللي انشغلت بالمكالمه بعيد عنهم رجع عيونه عليها نفخ بغضب قاعده تناضره بنفس البرود ... خطى خطوات بسيطه وقف قدامها باصرار يفصلهم المكتب الصغير.. وبجمود..:سمعتيني جاي اخذ استشاره المفروض ترحبين فيني نزلت عيونها بتوتر قربه لهدرجه لخبطها من جديد حركت القلم بتوتر بالغ..:لو سمحت اطلع براء ماعتقد ترضاها لوحده من اهلك جلس متجاهل جملتها الضعيفه شتت شعره بعشويه ..وبثقه.:وانت من اهلي ..ماهنا احد غريب بلعت ريقها طالعت الباب بخوف اش قاعد يخربط رجعت تناظره بتوتر..وبقهر...:لو سمحت لاتسبب لي مشاكل فتح عيونه بغضب وبعدين قاعده تعامله برسميه بالغه ماكنها حبيبته اللي عشق الاكسجين لانها تتنفسه رفع اصبعه السبابه بوجهها ..وبقهر..:قاعد اتكلم لاتحديني ماتحرك من هنا الين نهايه الدوام رجعت عيونها له وبغيض..:وانا مابي اتكلم معك لذالك لاتعطلني اكثر رفع حاجب مركز بعيونها وبخشونه..؛ابوك خيرك ي انا ي مشاري صح ولالا.. ولا ماقالك عني شتت نظراتها لتهاني اللي متوتره من توترها..:وانا اخترت وخلصت ميل شفايفه بستهزاء اي قوه قاعده تتكلم فيها عدل جلسته وبترقب..:ومين اللي اخترتي ممكن اعرف؟ رفعة كتفها بثقه..:ابي شخص نفس تخصصي يفهمني وافهمه ضحك بخفه اي مسرحيه قاعده تمثلها متاكد لساتها تحبه مانتظرت كل هالسنين الا لانها تحبه بتحبه مثل ماعشقها غصب عنها وعن ارادتها تهاني بتمثيل ..:دكتوره شوق مابقى شي على الاجتماع وقفت بحذر بعد ماطلعت تهاني سحبت ورقه مطويه مركونه على الطاوله انحنت بخفه تسحب جوالها..:اعتذر ماعندي وقت ولو سمحت لاتجي مره ثانيه التفت جهتها وبحده ارعبتها...:شووووق رمشت بخوف مجنون مع تصرفاته المخيفه وقف بغضب قدامها مايفصلهم الا خطوه مصره تقهره شد على اسنانه وبصوت عالي..:اللي تخصصه يشبه تخصصك ماراح تاخذيه تحلمين ي شوق تحلمين حركة راسها بالايجاب. وبقهر..:ايوا صح احلم ...اخرتنا نعرف مين يحلم انا ولا انت رفع ايده على خصره بصوره تجذبها اكثر طالع السقف .. يستغفر بصوت عالي رد عيونه عليها ..وبحزم..:ماجلستو مع بعض صح ..ماتفقتو على شي ؟لاتحبينه ولا هو حبك ..اختيار عشواىي صح رفعت ساعتها تتظاهر بالانشغال.. وببرود..:مايخصك و سحب ايدها بقوه يبها تجاوب وعيونها في عيونه يعرفها زين لاكذبت تربيته ماهو غبي بتحركات عيونها ضغط عليها بقوه ..وبحده..:اليوم تردين انك ماتبينه.. ومهرك بنزله في حسابك اول مايرضى ابوك بزواجنا كحت بصوت عالي تطرد العبره اللي غصه ببلعومها عن اي سنه بيدفع مهرها طالعته بقسوه ..وبحده..:ابي ثمن كل سنه عشتها فيك مخدوعه ..ابي مهر على كل جرح سببته له من تركتني وبغصه واضحه ..ها تقدر بلع ريقه بتوتر من صوتها المخنوق ترك ايدها بحنيه لو بس تفهمه بيحاول بالمستحيل تنفس بعمق..:شوق كنت تعبان لما تركتك ماتوق قاطعته بجمود..:لاتبربر عن شي ...ماراح اعيش معك ..مابيك وقفت عيونه عليها مقتول من اخر جمله رمتها بوجهه التفت على صوت تهاني القريب من الغرفه..:بنات عجلو الدكتور مشاري بيعصب لو تاخرنا على الاجتماع التفت لها من جديد واضح انها ناويه تتحرك من سمعت كلام تهاني رفع حاجب لهدرجه له تاثير عليها انحنى بخفه عليها عيونه تقدح شرار ملامحه ارعبتها اكثر من قبل ..وبفحيح...:صدقيني ماراح اربي واكبر وياخذك بارده مبرده تحرك بخطوات غاضبها للباب قفلت عيونها برجفه جملته الاخيره تدوي بظلوعها ماراح اربي واكبر وياخذك بارده مبرده ماراح اربي واكبر وياخذك بارده مبرده نزلت دموعها بغزاره ماله حق يرفع صوته ويزعل ماله حق يرجعها متى مايبي ويتركها متى مايحب ضغطت على شفايفها برجفه تكتم شهقاتها الميته ربيت ي خالد وانا تضحية تربيتك ، ، ....... احمد قربه لشفايفه بحرص يبوسه استنشق ريحته الطاهره كم مره ي ريحة الاطفال ي طيبها ابتسم بحنيه..:فتحي عيونك ي البزر كل ماجيت الا وانت نايمه يالدوبه ام وعد ببتسامه..:ولايهمك بتشبع من عيونها بس تكبر زادت ابتسامته على حركتها المنزعجه من كثر مايبوسها ابو وعد بخشونه..:خذيها لامها تلاقيها جاعت الصغيره مدها بحذر لام وعد من طلعت من المستشفى وهي ببيت اهلها كل مايجي ترفض تطلع له يشوف البيبي ويسلم عليها ويمشي حاس بغلطته ومتيقن بغلطها المقابل طالع بابوها المندمج بجهاز الرموت يصلحه عدل جلستها ...:عمي ابي مرتي وبنتي في بيتي اريح لي ولها نزل الرموت من ايده رفع عيونه بحزم ..:انت وزوجتك ماعقلتو كل يوم وبينكم شي حتى وهي مولده النشب بينكم مسد رقبته بهروب من غضب الرجال الكبير اللي قدامها ..وبهدوء..:كل اثنين يختلفون محد مرتاح دوم ي عمي هز راسه بالايجاب، التفت جهة التلفزيون.. وبحمود..:وانا اشهد..بس ماهي راضيه تطلع لك فما بالك بالرجعه عبالك بتفرح بالرده لك. تنهد بعمق يدري بهالشي يدري زين انها رافضه تشوفه قطعيا رفع عيونه بتفكير وقف فجاءه وبغموض..:يلا عمي اترخص كفايه محاولات فاشله بيخطي الخطوه اللي بباله واللي يصير يصير هي زوجته تتحمل عصبيته وقهره حدته يضربها غصب عنه رفع عيونه على الدرج اللي يوصل لغرفتها رفع ثوبه واسرع بخطواته على الدرج اهلها ماراح يسمحون له دامها نفاس ولاهو برهن اشاره منهم تريح قلبه فتح الباب بخفه دخل بسرعه وقفل الباب وراه بحرص تلفت لسريرها ..فاضي...!!! عقد حواجبه وينها؟؟؟ ارهف سمعه صوت المويه واصل لمسامعه رفع عيونه لجهة التواليت تافف بصوت عالي متوتر يجي احد ويلاقيه قبل يكلمها ضرب باب التواليت بخفه وعد ..:ايوه يمه قاعده اتسبح مسح على وجهه بضيق وبعدين لو سمعت صوته ماراح تطلع ابتسم بخفه على الصوت اللي لفته من السرير الصغيره حيل حملها بخفه تبكي بصوت عالي تحرك فيها في محاوله يسكتها ماهي راضيه تسكت وتهدي من توتره وقف بثقه بعد ماسمع القفل ينفتح ثبت عيونه عليها متظاهر انها يسكتها بتواجهه غصب عنها دام بنتهم تبكي بتظطر تشوفها ..ماراح تهرب وتالف اعذار اسرعت بخطواتها لفت روب الحمام على جسمها الرطب بسرعه وقفت بصدمه ماتوقعت وجوده بغرفتها ثبتت عيونها عليه معطيها ظهره بلعت ريقها بتعب ماتبي تشوفه للحين ماستعدت للمواجهه طالعة لبسها .. ملابسها بالدرج القريب منه بشوفها بكل الحالات شدت فينكه الروب تثبته بحرص تقدمت منه بخطوتين تجاهلت عيونه اللي طاحت على اجمل تفاصيلها سحبت البيبي من ايده بحرص .وبهدوء..:ممكن تطلع رمى شماغه ببرود على الصوفه وعيونها مثبته عليها جلس بهدوء مناقض للغضب اللي وصل بقلبها..:وليه اطلع ناسيه اني زوجك مدام اوعيد طالعته بحده شدت على اسنانها وبقهر..:بس شوي اطلع اعطيها حليب والبس وبعدها تقدر تجي نزل راسه يضحك بخفه ماتوقعها بتعطيها حليب ماجاء في باله هالاحتمال تربع بتسليه.. وببتسامه..:طيب عطيها حليب بنتظر ..وقتي فداك زمت شفايفها بغضب..:اوكي اطلع اول رفع حاجب بتسليه اكثر..:مستحيل اطلع لاتحاولين اسرعت بخطواتها للباب اذا ماراح يطلع هي اللي بتطلع ضحك بصوت اعلي ..:معي المفتاح .....بنتك تبكي حرام عليك جيعانه وقف بقهر من جمودها سحبها بحنيه جلسها على الصوفه وبحنان..:ماراح اطلع اللين نتفاهم يلا الحين نيمي بنوتي الحلوه عشان نتكلم. ابتعد عنها يدري انها خجلانه منه فتح شباك مطله على مزرعه صغيره قريبه منهم كتف ايدينه ماراح يطلع قبل يوصل معاها على حل التفت بحرص عليها مايبها تنتبه عليه ابتسم حنونه لابعد مدي تحنحن بصوت عالي بعد مانتبه انها ترفع راسها جهته عدل وقته وكانه ماشافها قفل الشباك التفت عليها بشوق عقد حواجبه ...:تعالي وش قاعده تسوين ميلت شفايفها بضجر...:اطلع لي اهدوم اسرع خطواته جهتها مسك ايدينها وبخشونه..:خليك لاتغيرين رفعة ايدينها على خصرها ..:ايوه سيد زبده تبيني امرض ماشاءالله ابتسم بحب ..: الجو حلو اليوم لاتبالغين التفت بحماس على درجها ورجع عيونها عليه وبهمس..:اش رايك اخطف اليوم ونترك قيدوم عند امك عقد حواجبها وباستفسار..:مين قيدوم طالع السرير الصغيره .وبثقه.:بنوتتنا ركزة عيونها بعيونه وبستفسار ..:وش قيدوم وش ذا الاسم يرحم والديك ، لمها بخفه على صدره من تجاوبها اللي ريحيه..:اش فيها الاسم يجنن واذا على معناه فهو اسم السماء الثانيه وكمان نوع من انواع النحاس رفعه ايديها على صدره تبعد روحها عنه ماتضمن قلبها اللي صار يتحرك له غصب عنها رفعة كتفها بنعومه ..؛انزل تحت وشوي بلحق فيك حرك راسه بالنفي..:لا ابيك تروحين معي في بيتنا صدقيني هنا انحرج كثير من اهلك بلعت ريقها بتوتر وهي ترجع تلم شعرها..:هنا ارتاح اكثر رفع وجهها يقابل وجهه قبل عيونها بنعومه تاسرها طالع بعيونها المتوتره ابتسم بحب ...:انا ادري اني غلطت ومابي نتكلم في اللي راح ..ابيك ترجعين لي ..وبغمز.. ترجعين لحبيبك ضحك بقوه شرقت بعد اخر كلمه رماها عليها يدري زين انها بدت تميل له عيونها تقول عن اللي كانت تخبيه ،،،، وليد مارمشت عيونه مصدوم من اللي قاعد يسمعه شلون ماهي موجوده كيف طلقها طلقها وتزوجت واحد ثاني!!!! اي جنون قاعد يسمعه؟؟؟ التفت لخالته جالسه بهدوء منزله راسها ماعندها اي تعليق على كلام فهد قرب منها برجفه جثى على ارجوله قدامها.. وبصدمه..:يمه هذي وله شلون يصير فيها كذا اش صار ماتفقو؟؟؟ كيف عرفها ولد عمي وتزوجها؟؟ مين زوجها له اصلا؟؟ كيف عرفتهم ؟وش صار يمه؟؟ فهد بجمود بعد مانتبه لدموع امه..:عمك خالد اللي زوجها وهو اللي رعاها عنده ابتسم بسخريه رفع كفه في وجهه يسكته..:بس بس واللي يسلمك كفايه اللي سمعته منك ... ماعاد ابي اعرف شي منك. ام فهد بعبرات..:يمه مالهم نصيب ببعض لاتلوم فهد زادت ابتسامته الساخره.وبقهر.:يمه بنت خالته مالها احد ..يرميها ..معقوله يمه!! التفت بحده على فهد اللي مركز معه ..وبجمود..:سبب طلاقكم اش كان بالله عليك ؟؟؟ ام فهد ...:تزوج عليها بدون علمها فتح عيونه بصدمه وقف بغضب انحنى بسرعه عليه يضربه بقسووه يتزوج من حقه بس ليش مايخبرها ابتعد عنه وهو يتنفس بصعوبه طالع بخالته اللي متمسكه فيه تبعده عن فهد عض شفايفه بغضب...:بروح اسال خالد عن كل شي صدقني لو ادري انك اذيتها.. بشرب من دمك ي الخسيس.. ابعد ايد خالته بجفاء واضح سحب جواله بكره الموت ..تنصدم من اقرب الناس لك بعد ماكنت متوسم فيه كل الخير ،، غانم حرك عيونه بفضول للي جالسه تسويه فصخ شماغه بصمت يشبه صمت حضوره وبخشونه..:سلام عليكم رفعه عيونها عليها مانتبهت لوجوده المفاجى طالعته لجزء من الثواني غريبه جاي والكل جالس تحت ردت عيونها باهتمام للي بيدها علقت بلوزتها بعد ماختارت لون جزمه مقاربه لها صمته موترها ومتعب اعصابها التفتت للكبت بتفكير اي شنطه بتحتاجها تناسب للبسها الناعم ماقدر يجلس تحت ويطنش زعلها يبيها في كل حالاتها طالع بالمحفظه الصغيره اللي تضيفها للشنطه ...:اش قاعد تجهزين ؟ التفتت جهته بنعومه ..:حق الدوام عقد حواجبه بداوم وماعنده علم يعني لو ماسال ماكنت بتعلمه!! شد شفايفه بصبر..:وليش للحين ماعندي خبر ؟ وقفت بهدوء تنهى اخر تجهيزاتها..:كنت بنزل بعد ماكمل شغلي واخبرك نفخ بعصبيه ماهو ناوي يعقدها بينهم بس تصرفها استفزه غصب عنه مسح على عيونه بارهاق وبجمود..:اوكي وقت دوامي يناسبك الصباح ولا لازم تدومين ابكر تنهدت بصمت صدت للجهه الثانيه..وبنعومه..:اتوقع يناسبني .. تحنحن بصوت عالي جر خطواته لمكان ماهي واقفه حضن كفها وسط كفه الكبيره ..وبعمق..:كنت مجهزه لي هديه احم للحين ماعطيتيني رفعه كتفها بعدم اهتمام ..:مين قال ..اصلا الهديه لخالد جهزتها ضحك بخفه لمها بشوق واضح باس عيونها الزعلانه بعشق ازلي مجنونه ماهي قاعده تحس فيه رد يبوس خشمها بعاند من صدها المرفوض..:كل ذا الزعل عشان طلعت امس ؟؟ ميلت شفايفها بسخريه وبقهر..:ماكانت تعبانه ادري فيها كتم ضحكته بصعوبه رفع خصل رفيعه تمردت على ملامحها وبحب..:بس الدكتور قال ضغط حمل عندها اعطاها المناسب وردينا يعني ماكانت تكذب تنهدت بعمق يحق لها تدلل حامل ولها الف عذر وعذر حركة راسها بالايجاب.وبهدوء..:بس مره ثانيه تدبر عمرها لاتجي تتعب لما تكون عندي ضحك بصوت عالي ماقدر يكتم ضحكتها شلون تدبر عمرها !!! كتم ضحكته من نظراتها الناريه لمها لصدره بشوق جارف ي جنونه عليها وعلى تصرفاتها ضربت صدره بخفه ..:بسك ضحك قاعده احس حتى لو ماشوف وجهك كح في محاوله يكتم ضحكاتها يدري انها عرفت من اهتزاز صدره يكفيهم زعل من بعض بيقضي كل لحظه معها بحب دقيق بتفاصيله كانت حلم واصبحت اجمل حقيقه ،، ام عزام قربت القهوه من شفايفها تشرب بصمت غاضب قاعد يزعلها اكثر من قبل بيضل يضايقها الين يصير فيها شي دقت رقمه بعزم واصرار عزام بجمود...هلا يمه فيه شي ام عزام بصبر...احترمني ماني اصغر اعيالك ضحك بخفه..:هه ان شاءالله.. هاه توك مقفله شكلك نسيتي من شي قفلت عيونها بتعب .وبهدوء..:يقول عمك عبدالله بتمدد سفرتك شهرين زياده ابتسم لشبيلي اللي جايه ناحيته عدل من جلسته ..وببرود ..:ماشاء الله توني اليوم مقرر دامها توصلكم الاخبار تاففت بصوت عالي ..وبطفش:اوكيه دامه جد اللي سمعته احجز لي ابي اجلس معك اشوفك واشوف مرتك رفع حاجب اهتمام جديد!! ولا سياحه موقته؟؟ حرك راسه بالايجاب..وبجمود:ان شاءالله بس افضى ...اممم الا وش الطاري وقفت بعجل للباب اللي ينطق ..:سلامتك حابه اشوفك ي عزام ولا بعد هذي فيها شي ابتسم بسخريه ماوصلتها..:لالا ولو مافيها شي ام عزام ..:اوكيه يلا بحفظ الرحمن نزل الجوال بجمود ليه حابه تزوره اش الجديد اللي طرى عليها التفت على صوت وله القريب بالجهه الثانيه فتح عيونه بغرابه مجنونه ولا قاعده تستظرف روحها راقب حركتها السريعه تجمع الثلج بحماس لعمل دوب مشابه للصوره اللي قدامها كريس اللي جالسه بالكرسي القريب منه..:لااستطيع فهمها امراءه غريبه بالفعل لف راسه جهتها ..وبجديه..:ولكنها امراءه جميله جدا رفعت عيونها عليه ماتوقعته يمدح وله مايحبها كيف يشوف جمالها عضت شفايفها بقهر ..:هه انا لاارى ماتتحدث عنه لاتبالغ ازم. رفع كتفه وهو يلتفت للي تلعب بالثلج..وبهمس..:في ذمتي انها احلى ماشافته عيني شبيلي بصوت عالي..:صغيرتي اتركي الثلج فقد تصابين بالمرض مسحت على انفها بضهر كفها ابتسمت بنعومه ..:لاتخافين على بالك اني مثل بنت ولدك المقرطسه ضحك بخفه محد بيفهم كلامها غيره رفع كتفه بلا مبالاه لشبيلي اللي مافهمت شي من كلام وله جر خطواته لها عقد حواجبه بتفكير يطالع الدوب اللي قربت تنتهي منه حرك عيونه للصوره اللي قدامها بالفعل قدرت تتقن الصوره بجداره عدل وقفته وبعياره..:وين بسوي مثله ومثله وطلع لايشبهه ولاشي ابتسمت بثقه ي كذبك ي عزام نفضت ايدها من بقايا الثلج رفعت راسها له وبجديه..:امانه عليك مايشبك انت مرر اصبعه على حاجبه ..وبتعجب..:يشبهني انا... كتمت ضحكتها.. وبتصنع..:سويته شبيهك لمح طيف ابتسامه على ثغرها شتت نظراته للدميه المتجلده تلعبين علي ي النتفه اوريك ي اللعوب دقق بالدميه لجزء من الثواني رفع عيونه عليها ركز بنظراتها ..وبهمس..؛ي حضي بزوجتي من غير شعور نسيت الرسمه وتذكرت ملامحي شفتي اش كثر محضوض شهقت باحراج رجعت خطوه لوراء تلتفت يمين ويسار تتحجج بجمع اغراضها كحت بصوت عالي من ضحكته اللي وصلت لقلبها شد على ايدها.. وبضحكه..:لحظه باقي تعديلات عشان يشبهني تماما سحبت ايدها باحراج..:امزح وانت ماصدقت التفت جهتة كريس وشبيلي شبيلي مشغوله وكريس مركزه عليه حيل تجاهل نظرات كريس الغاضبه انحنى بخفه وباسها بسرعه قبل تنتبه على اللي بيسويه وتمنعه ،، شهد ابتسمت براحه محد موجود والاكيد انه اسهل لها بالنقاش طالعتها بتركيز مشغوله تطقطق على جهازها رفعة شعرها تبعد التوتر وبنعومه..:شوق احم فاضيه ابيك بشغله رفعت راسها للي واقفه قدامها.. طالعتها بعتب تخفيه تنفست بعمق وهي ترجع تكمل اللي بدته..:هلا وش بخاطرك جلست قدامها وبعتب..:خلاص شوق الين متى بتظلين زعلانه مني ابتسمت بسخريه مالها حق تسال هالسوال اللي سوته اذى واللي سواه عمها اليوم اكبر من اذاها اتعبوها كثير بلعت غصه تعورها تحنحت .وبجمود.:ماني زعلانه نسيت اللي راح تنهدت بتعب لو تدري وش كثر يحبها خالد ماكان لامتها على اللي سوته ركزت بحركه ايدينها السريعه على الكيبورد ..وبسجه..:خالد يحبك وعشانه وعشانك سويت اللي سويته شوق بحده ...:بس انا مابيه .... ....:مين هو اللي ماتبينه التفتو جهة الباب غانم وبيده وتين نايمه نزلها بخفه على الصوفه طالعها بتركيز وبتساول..:مين؟ شهد بتردد...:مشاري.. لاتغرك الضحكه ، ، | ||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
