آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-02-15, 11:46 PM
| #72 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  بِسْم الله الرحمن الرحيم اتمنى للجميع صحه دائمه اشكركم للمره الثانيه على تحملكم لظروفي حبيت اترك لكم اليوم بارت يذكركم بابطالي وادري تاخرت باخبارهم عنكم بس السموحه ماوصلت الا قبل يومين واليوم بعد بمشي بس ياذن الله مابطول عليك البارت الثالث والثلاثون مابي سؤالك عني اليوم ماابغاه ماريد قلبك دام هذي خطاويك عفت الهوى من بعد ماشفت دنياه عفت الليالي كلها في تجافيك ببكي ندم وببكي وله بعد فرقاه واكتب قصيدة حزن بفراقه والله أحبه ويصعب القلب ينساه لكن عزة نفسي تقول مابيك ضيعت قلب حالف مايخليك والحين مابي يمرني طيف ذكراه حبــي رفعــك ولازم انه.. يوطيـــــــك .. عض شفايفه بتعب ..وبقتضاب..:انا وشوق بنفصل ..اتمنى ماتعرف وتحترم رغبتي .... تراجعت برجفه بعد ماكانت جايه تنام بالغرفه مثل ماقالت لشهد صدمتها كبيره اللي سمعته فوق طاقتها متصااوب!!!! تعبان ومريض ومايبها تعرف ارجوله تعوره وهي بعيده عنه يعاني بروحه وهي بديره غير ديرته جلست بصمت مطبق اخر حروفه تدوي بدمااغها بينفصلون!!!!!! ماتوقعته جدي هالكثر رفعت عيونها على غانم اللي طلع بعد مانهى مكالمته ملامحه جاامده فكه مشدود وحواجبه معقووده جلس مقابل لها على الصوفه مسح على وجهه بصبر وبجديه..:ابي اعرف كل اللي بينك وبين خالد بالتفصيل .. صدت للجهه الثانيه وبجمود...:خلاص دامه قالك بننفصل ليش تسال عن اللي بيناتنا طالعه لجزء من الدقايق كلامه يدل انها سمعت المكالمه اللي من تو قاعده تردد الانفصال وكانه امر عادي ضغط راسه بقهر من البرود اللي قاعد يوجهه من اثنينهم ركز عيونه عليها وببحه..:انت وخالد ماجربتو اللي عشته وعانيته اسنين...اذا كان اللي بينكم كبير تنازلي الين تحتوينه وعقب اقنعيه باللي تبين بس ماتوصل للطلاق التفتت جهته بهدوء جربته الفراق من سنين مثل ماجربه ماتبي الطلاق بس هو باعها بالرخيص شلون بتتنازل اذا كان راكنها باخر اهتماماته بللت شفايفها وبخفوت..:ان شاءالله مابيصير الا الخيره لي وله تنهد بعمق طالع يمين ويسار يدور جواله اللي ناسيه في الغرفه وقف بكسل وعيونه على شوق اللي تلعب باضافرها ميل راسه وبخمول..:بنمشي الديره بعد الفجر ابي اكون قريب من خالد على الاقل هاليومين حركت راسها بالايجاب وعيونها لبعيد وببحه..:ان شاءالله ،،،،، احمد حرك اصابعه البارده على مكان المغذي بكفه الثانيه نزعها ببرود ورماها بعشوائيه ابعد اللحاف عن جسمه وحرك ارجوله بارهاق بالغ لمس الارضيه بارجوله وهو يتحسس للنعاله اللي مايدري عن وجهتها فزت بخوف بعد ماطلعت من الحمام وشافته واقف على حيله قربت منه بخطوات سريعه وكفها يتعلق بكفه وقفت قدامه وبتوتر..:انت وش اللي مصحيك من فراشك شد كفه من كفها بجفاء وبخشونه..:وينها نعالي ابي اطلع ضاق صدري من الجلسه اعترضت طريقه وبرفض..:ارجع بفراشك ماينفع تطلع ..لساتك تعبان تجاهل كلامها سحب العصى اللي جابها ابوه من امس ضرب فيها ضربات متكرره على اللي قدامه بيتاكد كان قدامه شي او يمشي بدون عثرات وقفت قدامه بصبر من حركاته السريعه ..:انزين انتظر بنادي الدكتور عشان اتاكد اذا مسموح تطلع ولا لا تحرك جهة الباب من الاصوت اللقريبه منه ماهو منتظر اذن احد عشان يطلع ارهف سمعه صوت ابوه قريب منه يتكلم او يناقش احد قريب منه حرك شفايفه بضيق ..: يبه التفت على الصوت القريب منه تعدى اللي واقف وياه بخطوات متعثره مسك بالعصى اللي بايد احمد وبهلع..:خير ي بووك لايكون تونس شي حرك راسه بالنفي وبجمود..:ابي ملابسي ونعالي ماني جالس هنا زياده عن اللي جلسته رفع ذراعه على كتفه يمشيه معاه لغرفته ..:يلا يبوك الحين نطلع ولايهمك ولاتجلس دقيقه زياده ابتسم بحزن وبهمس..:تبيني عون ي الغالي وكسرت ظهرك وانت شايب حتى وانا شاب رجعت لك مثل الطفل باس راسه بالم وعيونه مليانه دموع..:انت االلي طلعت به من هالدنيا تشيل اسمي لاعاد توجع قلبي فيك ي احمد نزل راسه مكسور بيموت لو ماقال الحسره اللي بقلبه يبي يكون سند مايبي يكون عاله عليه وعلى اهله ي رب ياجامع الناس ليوم لاريب فيه انك لاخلف الميعاد اجمع بيني وبين بصري ،،،، وله تحركت بثقل توزع الحلى قدام خالد وعزام اللي جالسين يسولفون عن صفقات ناجحه في الاستثمار طالعة ساعتها بهتمام كل ساعتين لازم ياخذ الحبوب اللي صرفها الدكتور تخفف عليه الم ارجوله باقي نص ساعه تقريبا على الساعتين بتمام خالد بخشونه وهو يتمدد..:وله اذا تعبتي ادخلي نامي داخل كفايه من بدري وانت هالكه روحك وياي ابتسمت بنعومه وهي تسترخي ..:محد قالك تروح تسوي فيها فلاحه ويصاوبونك واكلها اناا ضحك بخفوت وهو يبعثر شعره..:ولايهمك انت الوحيده اللي بتاكلين حلاوة الترقيه فز عزام بحماس ..:مبروووك الف مبروووك...متى رقووك ؟؟ رفع كتفه وعيونه على عزام المتفائل..:للحين لساته كلام بس يتاكد اكيد بخبر الكل عزام برواقان..:اجل بزوج اعيالي من عيالك عسى بس نحصل وراكم ورثه تسوى ولا انت وخلايفك تلوعون الكبد سحب الخداديه القريبه منه ورماها بوجه عزام..:انا اللي خلايفي يلوعون الكبد ياوجه البومه رفع ايده باستسلام وعيونه على وله اللي تضحك عليهم..:اذا على الوسامه معي شهاده تعلمك اني مملووح كتمت ضحكتها وبثقه..:عمي سلك له واجبر بخاطر المملوح نط بهجوم عليها بعد ماسمع صوت خالد يضحك بصوت عالي تحركت بسرعه متجاهله حملها وتخبت وراء خالد يستاهل ولا مين اللي قاله يسالها اسئله محرجه قدام احد من اهلهم تحرك بمحاوله يسحبها تشبثت بخالد وبضحكه..:ي عمي ترى عزام ممملوح يذبح من الوسامه ضحك على تعليقها اللي اسعده حتى وان كانت تبالغ جلس وببحه..:اخرتك لي واعلمك المملوح وش يسوي شرق خالد بالقهوه بعد ماسمع همسها الخجول قليل ادب ماتتغير ،،،، شوق وقفت قدامه بخمول من النوم اللي كان مقطع اليومين اللي فاتت طالعته بهدوء عيونه زايغه بدون هدف حواجبه معقودين من رجعو لبيت ابوه رفض يروح لبيته لفتره طويله ارسلت الخدامه ولمت اغراضه واغراضها المهمه مدت كفها ولمست كفه فز من لمستها اللي كسرت ضجيج افكاره انحت بخفه وجلست على نفس الكنبه المنسدح عليها..:يلا اغير ملابسك هذاني جبتها حرك راسه لجهتها وبحده..:قالو لك مشلول ماعرف البس يوم انك تبين تلبسيني زمت شفايفها من صوته العالي ..:بس ماقالو لي ان عقلك صار مشلول سيد زبده عض شفته بعصبيه وهو يتملس حولينه سحب الملابس من ايدينه وبغضب..:عدلي الفاظك قبل اطلع الاستعباط من عينك كشت على وجهها وبهمس ماوصله..:امحق على حضي الطايح يوم نويت اتعدل انعمى تحرك بعشوائيه متجاهل همسها اللي مافهمه فزت قريبه منه وبرجى..:احمدوه ممكن بس هالمره تمنحني الشرف واساعدك في لبسك ميل شفايفه بسخريه وهو يفسخ تيشيرته..:الله واكبر والاخلاق اللي ماطلعت الا من شفقه حكة راسها بعشوائيه وبستهبال..:هي يعني لاتحسبها اخلاق اخلاق يعني وراي مصالح ابيك تروح معاي للسوق اشتري سرير صغيرون لبنوتتنا ابتسم بحرقه عورة قلبها..:صح وجودي مهم خاصه ان ختياري مره بيعجبك الحيين نغزته بكوعها وبرجه..:يعني بصراحه بصراحه اختيارك ذوق من اخترتني بحياتك شد شفايفه ببرود..:وانا اقوول ليه ذوقي ماتعدل الا من عرفتك طالعته بنص عين وهي تتوجه لقيدوم اللي تبكي..:اتريق اتريق ترى مره ماتضحك ميل شفايفه ببتسامه صافيه الكل بيتغير وينقلب حاله الا هي .... غانم ركن سيارته مقابل السوبر ماركت بعد مانزل باسل يجيب اغراض يحتجونها رجع راسه على المرتبه بتعب من مشو والصداع مافاراق راسه وريحه الم فضيع يمتد من عيونه الين اواخر جبينه فتح عيونه بخمول من صوت الرساله اللي وصلته من ثواني سحب جواله يشوف مضمونها (ممكن تنزلني اول مانوصل ببيت اهلي ابي انام عندهم واطمن على عمي خالد ) تافف بصوت وصلها كانه ناوي يفكه الصداع بعد رسالتها مستحيل يروح يكره تنام بمكان بعيد عنه رفع الجوال وبضيق(لا..بكره اوديك لهم) فتحت جوالها بلهفه قلبها قلقان على خالد... وشوقها كبير لاهلها قطبت حواجبها من رده الغير متوقع لو ماكانت في السياره الكريهه كانت بتطلبه وبتزيد عليه بصوتها ضغطت على رد (حبيبي تكفى مره احتاج اهلي وبكره برجع) ارتفع بعد مالمح باسل طالع من المحل ارخى عيونه للجوال بعد ماسمع صوت الرساله الجديده طالع اول كلمه خطتها حروفها مستحيل تفهم سبب رفضه يعشق ادق تفاصيلها يمنع نفسه كثير يبوح بجنونه لها يكابر ويجفى عشان ماتفهم كثر حبه وتتمرد عليه مثل قبل رمى الجوال جنبه وحرك المفتاح متجاهل الرد عليها حاس بعيونها عليه يعرف زين اش كثر مقهوره مايقدر يستغنى عنها مشكلتها ومشكلته رفع عيونه للمرايه يدورها بعيونه صاده جهة الشباك تناظر اي شي بشرود ابتسم بارهاق ياكثر ماكانت تعذبه بهالطريقه حرك شفايفه بشيله يحبها في وجودها ياعذول المحبه حط نفسك مكاني رفعه عيونها عليه بعد ماسمعت كلامتها اللي زادت من قهرها ابتسم بهدوء بعد ماانتبه لنظرتها الغاضبه نزل النظاره على عيونه وهو يرجع عيونه على الطريق ،،، عزام ضيق عيونه بعد ماتجمدت خطواته عقد حواجبه وعيونه تتابع تصرفاتها ترفع الفرن الكهربائي بثقل وريحة المطبخ منظفات بصوره تخنق رفع اطراف ثوبه وربطه على خصره بغضب جاهله عن اللي واقف وراها شمر اكمامه وهو يتوجه للهوايه يفتحها بسرعه التفتت على الصوت القريب منها ابتسمت بحب..:بسم الله من متى وانت هنا تجاهل سؤالها وهو يسحبها بكفها لخارج المطبخ عقدت حواجبها من ملامحه القاتمه سحبت كفها وبخوف..:عزام فيك شي؟؟ فلت ايدها من ايدها بعد ماقفل باب المطبخ الي يفصله عن الصاله استدار جهتها وبغضب..:مجنونه انت ولا قاعده تستهبلين حضرتك رمشت بعدم استياعب اش سوت عشان يقول لها هالسموم ليش قاعد يلقبها بالمجنونه مامدها تسوي شي عشان يتهجم عليها بهالطريقه طالعت عيونه وبصبر..:عزام اهدى وفهمني ليش معصب رفع حاجب وبقهر..:عن المسخره..اثاريني كل يوم بداومي وياغافلين لكم الله طالعته لجزء من الثواني دامه بيستمر على اسلوبه القديم مافيها حيل لتمرده ماتحب كلام الغاز وماتبي تسمعه جرت خطواتها ببرود لغرفتها الشغل اخذ من طاقتها كثير والواضح انه يبي يكمل عليها التفتت جهته بقوه من ايده اللي لفت معصمها بغضب انحنى جهتها وبفحيح..:مو لاني اعدي لك كثير تمشين ولاكاني اتكلم قربت وجهها من وجهه وبغيض..:ومو لاني ساكته بتجلس تطلع قوتك علي وتنسى حمالي ابتسم بسخريه تبي تذبحه اكييد لسى تقول حمال ناسيه اللي كانت تسويه من وقت شد على معصمها وبغضب..:لاتسوين مهتمه وانت قبل شوي تتحركين بسرعه وبمكان مخنقوق عشان تذبحين ولدي رفعت كفها على جبينها ماتوقعت هالسبب اللي قلبه بهالصوره مررت اصابعها على جبينها وبخفوت..:مليت من الجلسه بروحي ماتوقع كل وحده حامل ماتتحرك شد على اسنانه وبعدم تصديق..:وطبعا اكيد ماكنت متعمده تكتمين المكان بريحة المنظفات حركت راسها بالرفض كارهه تدخل معاه بنقاش عقيم ماله حل تنفس بعمق وبسخريه..:ومتوقعه اصدقك صح رفعت كتفها بعدم مباله وبقصد..:مضطر تصدقني اتوقع ماعندي سوابق فتح عيونه بغيض بعد ردها الي افحمه نزلت كفها على كفه الي متمسكه بمعصمها ابعدت ايده وبتمثيل..:فك ايدي احس بداور ارخى ايده وبتوتر..:اش قاعده تحسين فيه غير الدوخه اسرعت بخطواتها لغرفتها ..:سلامتك قلبك.. بنااام لادورار ولاشي قفلت الباب قبل تسمع رده اللي اكيد بيكون ضدها ضحكت بدلع بعد ماسمعت صوت باب غرفته اللي انفتح بقوه تستاهل ولا انا اللي ابي اذبحك ولدك ماكنه ولدي ،،،، احمد قفل عيونه بضيق من صوت الاطباء حولينه يجهل اشكالهم.... وتفاصيل كثير نساها كل شي بحياته تساوى طعمه واغلى شي بذاته افتقده كاره كل شي حتى روحه يبيها تنتهي في اي لحظه ضغط على عيونه بتعب ينتظر تعليق الدكتور على حالته حرك اصابعه وسحب عصاته الخاصه فيه اعتمد عليها ووقف بضيق الدكتور..:لحظه استاذ احمد وقف بهدوء يناقض التعب اللي بروحه حس بخطوات تقترب جهته رجع يجلس بالكرسي اللي كان عليه من ثواني بمساعدة دكتوره المختص الدكتور بهدوء وعيونه على الاشعه..:حالتك متحسنه جدا عن الزياره اللي فاتت سحب نفس قووي من الامل الجديد اللي انفجر جواته التفتت جهة الدكتور بعشوائيه وبرجفه..:يعني برد اشوف مثل قبل ابتسم بسعاده على اهتمام مريضه ركز عيونه عليه وبتفائل..:لو التزمت بمواعيدك بكل شي نوصيك عليه نقول باذن الله الامل بالله كبير ضحك بسعاده تملى روحه الميته فيه امل كبير يرجع احمد الاولي وقف بعثره مايبي يسمع شي ثاني يحطم فرحته تلمس طريقه بعشوائيه يدور مكان الباب اللي ابوه واقف قدامه ينتظره حس بيدين ابوه المجعده تدله الطريق الصح فتح فمه لثواني ورجع يقفله من جديد للحظه كان بيقول اللي قاله الدكتور ويفرح قلب ابوه مثل مازعله تراجع بخوف يتحطم الحلم ويتحطم قلب هالشايب اللي تعذب كثير جاهل تماما انو ابوه سمع كل شي وبكى على فرحته بصمت ،،،، غانم عيونه على تحركاتها السريعه تلبس وتين لبسها تبع النوم رفعتها بخفه ونزلتها على سريرها بالغرفه المفتوحه على غرفتهم سحبت المجفف تجفف شعرها بعد الشور متجاهله عيونه اللي تتابع تصرفاتها للحينه مقهوره من تطنيشه لرسالتها قفلت المجفف ورفعت شعرها لفووق بعشوائيه غانم ببحه بعد ماسترخى على السرير..:ابي اعرف ليش من دخلنا وانت مطنشه وجودي رفعت كتفها وبغيض..:ابد الله يعافيك ماكانك انت اللي طنشت رسالتي فتح عيونه ببراءه مصطنعه ..:اي رساله!!!! طالعته بقهر وبضيق..:لاتسوي عمرك ماتدري عن الرساله انا بنفسي شفتك تقراها حك راسه بعشوائيه وبتحلطم..:يعني مالنا مخرج منا مناك نزلت الكريم من ايدها بغيض قفلت الليتات ورجعت تسترخي بمكانها مالها خلق روقانه طالع ملامحها اللي تاسره من الاضاءه البسيطه الصادره من المرر مقفله عيونه وملامحها هاديه تناقض اسلوبها من دقايق رفع اصابعه وبعثر شعرها فتحت عيونها وتقابلت ب عيونه العاشقه بللت شفايفها وببحه..:ابي انام ميل شفايفه ببتسامه وهو ينزل راسه على نفس وسادتها..:ناامي ي روحي ماله داعي الاذن ابعدت ايده عن شعرها ..:ماعرف انام وانت تتحرك ممكن رفع حاجب وبتسليه،..:ماقدر اكون مؤدب صعبه قفلت عيونها وبضيق..:حدي مرهقه لاتزيدني دخل ذرعه تحت راسها وسحبها بقوه لحضنه باس جبينها وبهمس..:الحين نامي وانا بعد لازم انام رفعت عيونها عليه بغضب ..:ماقدر انام كذا ..ابعد لاتخنقني ركز عيونه بعيونها سحب انفها وببحه..:اذا تركتك تنامين هناك انا اللي بختنق..حتى لو كنت انام يوم هنا ويوم هناك ..مايمر صباحي الا وانت قدام عيوني ..فهمتي الحين ليش رفضت عيونها مركزه على حركة شفايفه شحيح في مشاعره وان تكلم ماكذب تقوست شفايفها وبغصه..:ليش ماقلت هالكلام لما ارسلت لك؟؟ ابتسم بخفوت وبهمس..:لاني ماحب اقوله الا لما تكونين بجنبي ..تشوفين بعيوني اللي اقصده واكثر دست وجهها بصدره بعد ماتجمعت الدموع بعيونها كثير مر عليها تنتظر مشاعره المجهوله متاكده انه قاعد يسمع دقات قلبها من اعترفه اللي اسعدها حييل ،،، ،، خالد.. تافف بصوت عالي من الماده الحاره اللي تركوها على ارجوله بعد مانظفو مكان الرصاصه رفع عيونه على الدكتور اللي يشرف على التنظيف بشكل نهائي تنفس بعمق وبجديه..:دكتور هالتنظيف وهالحوسه لازم كل يومين اسويها الدكتور ..:ظروري تعملها وكمان نشوف الغرز من فتره لفتره وقف بتثقل وبخشونه..:طيب فيه احتمال تاثر على مشيتي وتقلل من توازني حرك راسه بالنفي وهو يكتب مرهم جديد ..:لالا ابدا لاتخاف مد عليه بالورقه وباهتمام..:ابدا باستخدام هالمرهم بدال اللي اعطيتك وحاول تهتم بصحتك سحب الورقه بملل طفش من كثر المراجعات كل يومين سبحان الله كيف ملايين يعانون من الامراض مانحس فيهم الحمدلله..الحمدلله رفع عيونه على صوت مالوف قريب منه ضيق عيونه على الشخص اللي واقف يتناقش مع الاستقبال في موضوع فكاهي مثل ماستنتج متى رجع!! متاكد من نقله من كم شهر شلون رجع وبكل ثقه شلون رجع وماعنده خبر عض شفايفه بغيض شوووق بنفس المكان نفس الاكسجين يتنفسه تتنفسه معاه تراجع بخطوات ثقيله بعد ماقرب من البوابه الخارجيه يضغط على ارجوله متجاهل الالم اللي يعصر بلحمه الحين بس عرف ليش متخليه عنه يكفي صار له اللي صار وماخبرها عشان ماتنفجع فيه دارى خاطرها حتى وهو يتالم وتعبان ماتبيه اكيد ماتبيه دام مشاري فيه ليش ترجع له دام فيه البديل تبي نفس تخصصها ماينسى هالجمله اللي رمتها بوجهه ايام خطبته لها دخل غرفتها وعيونه تدور بحده على المكتب اللي يدري زين انه مكانه ماهي فيه ماهي موجوده قست نظراته اول مالمح شنطتها يعرفها هالشنطه زين مشى جهتها بخطوات متعثره سحب نفس قوى من عطرها اللي متشبث بمكانها البارد بينتظرها الين ترجع لنفس مكانها تشلخ الجرح من خيوطه منعه يوصل بحثه المجنون جلس بصعوبه على المكتب وجواله بيده يتصل برقمها اللي يحفظها عن ظهر قلب شد على اسنانه بغيض من رنين جوالها اللي منحبس بشنطتها من داومت رفع عيونه للنيرس اللي تركت اوراق صغيره بالصندوق المقابل غرفتها بلل شفايفه وبخشونه..:نيرس ممكن طالعته بستغراب وجرت خطواتها لداخل الغرفه بعد مالمحت التعب بملامحه عدل جلسته وبارهاق..:نادي الدكتوره شوق قولي لها حاله ظروريه حركت راسها بالايجاب رغم عدم اقتناعها بكلامه مايهمه النظره اللي يوجهها من الرايح والراد محد يهمه غيرها المتمرده الجفوول رفع راسه على صوت خطوات قريبه من غرفتها تجمدت خطواتها بعد ماسرعت بخفوف من كلام النيرس ماتوقعت تواجده ولا خمنت بالاحلام وجوده بمكتبها عيونه قااتمه ملامحه شاحبه وحواجبه معقوده بصوره تخوف نظراته الثاقبه تشكك من ثقتها بروحها كسرت عيونها عنه وهي تتقدم لداخل بخطوات بارده نزلت جهاز خافض الحرار على الرف اللي قابلها وبخفوت..:ماتوقعت زيارتك..ليتك خبرتني قبل تجي. كنت بنزلك بنفسك رفع حاجب اش هالاحترام الاسطوري تجيه بنفسها تخاف يعرف الاعيبها وحابه تختصر عليها بروحها ابتسم بسخريه ..:اش هالزوجه المثاليه بصراحه اخاف يحسدني عليك مشاري وتخرب حياتنا السعيده رفعت عيونها عليه بعد نطقه الحقود لاسم مشاري عيونه غاضب حييل تاكدت انه لمح مشاري بعد رجعته المفاجئه رفعت راسها بغرور وبضيق..:وش دخل مشاري الحين بسالفتنا حرك راسه بالايجاب بستهزازء واضح تبي تجننه لامحاله ماهي حاسه بالحريقه اللي قاعد تشعل بجوفه عض شفته بغيض وبحده..:انت تبيني ارتكب فيك جريمه اليوم ولا اشلووون؟؟؟ نزلت عيونها على البقه الغامقه اللي تزيد فوق ركبته قطبت حواجبها شلون نسيت جرحه اللي لساته باول ايامه الدم كل ماله يزيد وهو ولاهامه وضعه التفتت على الباب وقفلته بحرص اسرعت بخطواتها للصيدليه الموجوده باخر غرفتها حاسه بعيونه اللي بتاكلها من القهر متجاهله اهاناته وشتمه اللي يجرح بصدرها التفتت جهته وعيونها التفت بعيونه اشرت على ارجوله وهي تتقرب منه بخطوات متوتره طالع مكان ماتناظر ورجع يناظرها بتعجب معقوله تقصد جرحه!!!! شللون عرفت بالجرح بدون حتى لاتشوفه قربت الكرسي قريب منه ..:ممكن تجلس على الكرسي اشوف جرحك طالعها لثواني معدوده وبصمت جلس على الكرسي مثلل ماطلبت منه رفعت بنطلونه بحرص بعد ماسندت ارجوله على طاوله اصغيره شد على كفها قبل توصل للمكان اللي يعوره وبجمود..:انت كيف عرفتي اني متصاوب تنفست بعمق وبربكه..:من لما تصاوبت وكلمت غانم انفجر يضحك بصوت عالي ارعبها بصوته العالي يضحك بشكل متواصل بلعت ريقها بخوف اول مره يضحك بهالطريقه سحبت كفها من كفها تواصل اللي ناويه عليه ضغط على ساقه وبفحيح..:ماكانك تاخرتي كثير..حتى اتصال استكثرتيه فيني ي شوق وانا اللي كنت حريص ماخوفك صدت بارهاق من الهجوم والصد اللي بينها وبينه دموعها غرقت عيونها من التعب اللي ارهقها وازدها اليوم مسحت خشمها وببحه..:لاتعاتب وانت بروحك قلت انو انا وياك بننفصل ميل شفايفه بصخريه وبجمود..:اهاا وانا اقول ليش للحين ماشلتي اللثمه عنك اثارينا منفصلين مبدئيا جرت اللثمه ورمتها بغضب لبعيد ليش دايم يسيئ الضن فيها التفتت جهة ارجوله اللي تعوره وابعدت ايده بجفاء رفعت بنطلونه بحرص لمكان جرحه شهقت بصوت عالي من شكل اللحلم اللي متجمع بصوره تكسر القلب بلعت العوار اللي ببلعومها بعد مانزلت دموعها بوجع طهرته بصمت مشابه لصمته اللي ارهق بقاياها عيونه على دموعها المناقضه لملامحه اللي تاسره من الوريد للوريد توه يفهم معنى شوقه لها وجودها قربه بالطريقه قاعد يعذبه كثير سحب كفها بهدوء وطبع بوسه عميقه توصل لها حجم المعاناة في غيابها ارتمت بحضنه تبكي بالم تبكي منه وعليه تبكي قسووته وحنانه ابتسم بحب من ايدينها اللي طوقته بطفوليه يعشقها سحب نفس كبير وهو يلمها بشوق واضح مجنون وشلون قدر يعيش من دونها حبه وسنين عمره كيف قدر ينام وهي بعيده رفع وجهها لوجهه وهو يمسح دموعها برقه تعشقها اتسعت ابتسامته بعد مالمح الخجل اللي كسى خدودها باس عيونها وبهمس..:يلا قومي معاي مالنا سنع بهالمكان مره ثاانيه... شوق...........!؟!؟!؟!؟! لاتغرك الضحكه؟ سوره الاخلاص ثلاث مراات تعادل ختمه ..خلونا نعطر صحائفنا | ||||
|  |
|
21-03-15, 04:04 AM
| #75 | ||||||||
| مراقبة عامة ومشرفة منتدى الروايات المنقولة  
| بسم الله الرحمن الرحيم السلام عليكم ورحمه الله وبركاته اتمنى الجميع بالف صحه وعافيه تخوني كل عبارات الاسف عن تاخيري ..اعذروني على تاخيري وتقصيري السيئ .. كل تعليق تركتوه ترك مساحه كبير جواتي احبها بجنون حروفكم ،، وكمان فيه اشخاص علقوني فيهم من اسلوبهم وردودهم علقوني فيهم من تقديرهم لظروفي وتعاونهم معي انسى وجودكم معي سواء هنا او بالمنتديات المجاوره املك لكم دعوات طاهره في علم الغيب في هالاجواء الرائعه والممطره هنا سيجف قلمي وتنتهي خيوط البدايه اتمنى ان يطيب لكم البارت كسابقه البارت الاخير... البارت اهداء ل لحبيبة قلبي sandra1sandros - , يالجادل اللي يدعي القلب ويجيه ............. يالفاتن اللي هالشعور التجى به ان كنت حاضر مال خلق الله وجيه ............. وفي غيبتك كل الوجيه اتشابه ياسيد آلامي احبك بلا ليه ............. بعض الغلا بالصدر ماله اجابه ليت الغلا في خاطري كتب وامحيه ............. مير الغلا فاس ( ن ) والاضلاع غابه يحطب ضلوعي و آتهاوى واهاديه ............. وامشي معه في دربه اللي مشابه جاك الغلا عنده كلامن بـ يحيكه ............. واخذه على قد الوله في عتابه وش فايدة شعري اذا منت قاريه ............. وشـ له اعذب هـ الورق بالكتابه صبح الرياض الـ ممتلي بالمشاريه ............. وليل الخبر اللي هدوووؤه كآآآآبه يفرض علي امارس الدمع و ابكيه ............. وفي موطني يفرض علي الغرابه شفني ( كبير ) وضاع من عين واليه ............. وشفني ( وحيد ) وصرت ناس ( ن) غلابه شفني كفن لـ الروح والوقت هاريه ............. تشرين في وجهي و فـ الصدر آبه ومن كثر مـ اخلق لك على بالي وجيه ............. صارت وجيه الناس عندي تشابه يالغايب اللي يشلع القلب طاريه ............. يالحاضر اللي كل شي اختفى به قلي بربك هالوله وين اوديه ............. لا صرت بدموع الغلا منت آبه ياناس ياعالم مخاليق ياهيه ............. يا هـ العواذل من بعيت وقرابه لوامتي دراي ترا يوم اناديه ............. لا الصوت ياصله ولا الشوف جابه لا هو هنا لا هو هنيا ولا هنيه ............. مير الحنين احيان يمطر سحابه مدام لا يقرا ولا الصوت يوحيه ............. قولو له آخر بيت يبغى اجابه وش فايدة شعري اذا منت قاريه ............. وش فايدة دمعي اذا ما درى به بكتب لها : ان رضت ولا بغت تعتب ............. ............. هي : ملهمة نبض فاخر كتاباتي وكانه عجبها الشعر لـ آخر رمق بكتب ............. ............. و اما عجبها فـ هذي آخر ابياتي لـ ضيم ليش دايم يسيئ الضن فيها التفتت جهة ارجوله اللي تعوره وابعدت ايده بجفاء رفعت بنطلونه بحرص لمكان جرحه شهقت بصوت عالي من شكل اللحلم اللي متجمع بصوره تكسر القلب بلعت العوار اللي ببلعومها بعد مانزلت دموعها بوجع طهرته بصمت مشابه لصمته اللي ارهق بقاياها عيونه على دموعها المناقضه لملامحه اللي تاسره من الوريد للوريد توه يفهم معنى شوقه لها وجودها قربه بالطريقه قاعد يعذبه كثير سحب كفها بهدوء وطبع بوسه عميقه توصل لها حجم المعاناة في غيابها ارتمت بحضنه تبكي بالم تبكي منه وعليه تبكي قسووته وحنانه ابتسم بحب من ايدينها اللي طوقته بطفوليه يعشقها سحب نفس كبير وهو يلمها بشوق واضح مجنون وشلون قدر يعيش من دونها حبه وسنين عمره كيف قدر ينام وهي بعيده رفع وجهها لوجهه وهو يمسح دموعها برقه تعشقها اتسعت ابتسامته بعد مالمح الخجل اللي كسى خدودها باس عيونها وبهمس..:يلا قومي معاي مالنا سنع بهالمكان مره ثاانيه... رومشت بخوف من جملته اللي تعني الف معنى ومعنى كلمته خوفتها كثير ارتفعت بخفه وعيونه قريبه من عيونه الواسعه بلعت ريقها وبتوتر..:احم بس باقي حاله بشوفها واطلع وياك..اللي ماسكه القسم وياي ماجت اليوم .. ركز عيونه بعيونها وبعمق..:سمعتي وش قلت من شو مالك بهالمكان سنع ..انا بدور لك شغله احسن ترضيني وترضيك مثل ماتوقعت اللي خايفه منه احتملته معانيه تو قلبها يتحرك بجنون من السعاده اللي احتوتها وبثواني حست بروحها هوت لاخر مكان بالارض مررت اصابعها على جبينها وبخفوت ارهق روحها..:خالد واللي يسلم عمرك افهمني شغلي ماراح اتركه ...انا احب مهنتي ابتسم بغرابه ليش ماهو قادر يفهمها ماتحبه متاكد من هالشغله المؤلمه رفع عيونه عليها وبغموض..:اختاري انا ولا شغلك طالعته بصدمه مجنون ويبي يجننها باسلوبه ليش من تزوجو خلاففاتهم محصورهم على شغلها وبس رفعت راسها بغرور وبثقه مصطنعه..:ماقدر اختار كلكم عندي مهمين حرك راسه بالايجاب وبحده.::يعني شغلك اهم مدام شوق وو قطع غليانه صوت الباب اللي انطق للمره الرابعه اعطها نظره حاده لما تقدمت للباب تبي تفتحه تحامل على ارجوله وجر خطواته للباب صوره مشاري بعيونه وكل خياله انو اللي يطق الباب مشاري بنفسه عدل وقفته وهو يفتح الباب بجفاء واضح فتح عيونه بتعجب من الشخص اللي واقف قدامه ضنونه خابت وجرت اشخاص مايتمنى وجودهم هالحظه ابتعد بعثره لما رفع عصاته يضرب بهالارض مواصل خطواته لداخل ليش ابوها جاي كييف عرف بوجوده وياها رفع عيونه على شوق اللي لبست اللثمه قبل يفتح الباب تقدمت لابوها بخطوات مرتبكه تمسك بكفه جر ايده بجفاء وعيونه على المنصدمين من تواجده الغريب رفع عصاته بوجه خالد اللي واقف بتعب..:انت وش جايبك لحد بنتي ماعندها ابوها تدل بيته يومنك جايها للشغل تحركت بربكه وبتلعثم...:يبه اجلس عشان افهمك الموض قاطعها بحده وعيونه بعيون خالد..:ياللي ماتستحي ولاتعرف اسلوم الرجال جاي تاخذ زوجتك من دوامها ماكأن لها بيت تجي وتاخذ خاطرها وترضيها تنفس بعمق كاره الموجهه الكريهه مع الشايب اللي واقف قدامه بغضب وااضح تحرك بضيق وبتعب..:مابيني وبين زوجتي شي عشان اجي واراضيها واعلوم الرجال انت اكثر واحد يدري اني ادلها وهي ساسي حرك عصاته موجها للباب وبغيض..:اطلع براء ي الخسيس ولاعاد اشوف وجهك بنتي ماتصلح لك وانا من الاول حذرتك لاتجيني زعلانه جرت ايده برجفه قطعت قلبه همست قريب من اذنه بالم..:يبه تكفى لاتخرب بيتي خالد بغضب وبحده..:زوجتي وانا اللي اقرر اذا ماتنفع لي ي عمي ..وانا مرتاح معها كثير فريح قلبك جلس بثقل بعد ماسمع صوت شهقات بنته تضعفه من جديد مجنونه وشلون حبت المتعجرف مسح على وجهه متجاهل خالد اللي يدور في الغرفه مثل الطير المسجون رفع عيونه عليه وبضيق..:روح مابي اشوفك ولا ابي ارجع لك بنتي لاتتعبني وترفع علي السكر جرت خطواتها بعثره بعد جملة ابوها الركيكه واضح ان الضغط بدى يرتفع عنده مسكت بكف خالد تجره للباب اللي مشرع بنسبه بسيطه طالعها بحده كاره لمستها اللي زاد غضبه عليها وعلى ابوها شدت على كفه وبهمس بكاي..:تكفى روح ابوي لايصير عليه شي ويطيح علينا عض شفايفه بحده وبعصبيه..:انت قاعده تستهبلين ماسمعتي اش قاعد يقول ابوك وقفت حاجز بينها وبين ابوها ظهرها لابوها وعيونها على عيونه القاتمه قربت كفه من شفايفها برجفه وباستها برجى ميت..:تكفى طلبتك روح وانا بنفسي بتصل فيك ونتفاهم طالعها لثواني معدوده توه ينتبه لدموعها وحمره عيونها بوستها السريعه اشعلت الوجع بقلبه من جديد رفع عيونه لابوها اللي قاعد يراقب بصمت غريب رد عيونه عليها وبهمس حاد..:قولي لابوك ماهو خالد ال خالد اللي يهددونه ..واذا اصر على اللي برايه ماعندي مشكله كوني ببيته سنه وسنين ماراح اطلق ..وانا بتزوج ثنتين وثلاث واربع واشوف اش رايح يسوي شهقت بصوت عالي من الطعه اللي رماها جوات قلبها المجروح ارخت ايدها من كفه بعد ماذبحها بصوره موكده جر خطواته للباب وقلبه ينزف على اخر جمله جمعتهم بوجع جديد ،،،،،، احمد فز جالس بصوره سريعه على السرير قفل عيونه ورد يفتحهم للمره العاشره ضغط على عيونه بقوه ورد يفتحهم من جديد ضحك بضياع بعد مانشف ريقه من اللي قاعد يشوفه لاول مره من الحادث يشوف غشايه بيضاء اول مايبطل عيونه معقوله الفرج قريب!!!! تلمس بضعف يدور للعصى حولينه وينها، ...وين راحت وهوفي امس حاجته رفع راسه على صوت الطقطقه القريبه منه التفت على مكان الصوت وبعلثمه..:يمه انت فيه...؟؟ جرت خطواتها جهته وبيدها اكل قيدوم اللي صحت من دقايق..:خالتي براء ..ماينفع اوعيد الزين شد شعره لوراء وعيونه زايغه بالفراغ..:تعالي تعالي جنبي ابيك بشغله حلووه كثير وقفت ايدها عن تحريك الاكل بالملعقه الصغيره جلست بثقل وبخفوت..:شغله حلوه!!! تعدل جهتها وببتسامه واسعه..:وعد انا صرت اشوف غشايه بيضاء يعني صرت اشوفكم طالعة عيونه لجزء من الثواني عيونه لبعييد!!!! مايشوفها ولا لشي بسيط شلون صار يشوفهم!! بلعت ريقها وبتوتر..:يعني زماان ماكنت تشوف بهالطريقه اتسعت ابتسامته بضعف ضغط على بلعومه يمنع الغصه اللي عصرت ببلعومه من جديد..:اول مره من الحادث ماشوف الظلام نزلت الصحن الصغير من ايدها مرتبكه كيف ممكن تتصرف معاه ماتبي تبني حلم على اوهام اخرها امنيات كذابه حضنة وجهه بكفوفها الدافيه وبمرح مصطنع..:ي لبيه يعني قريبا بتخق على جمالي ورقتي ضحك بخفوت وهو يلمها على صدره بحنيه نساها من فتره بعيده..:خليني ارجع اشوف ولكل حادث حديث فزت من حضنه وبصروعه ..:الحين رجعت تشوف من جديد وأنا شوشتي طايره وحالتي مزريه اخاف تهون وتقول مابي ارجع واشوف جر اذنها وببتسامه..:وانا اقول اول ماجيتي وش ذي الشوشه اللي ظللت على المكان ضربة على راسه بخفه وبغرور..:وش عرفك في الموضه وصيحاتها حك راسه وبجديه مصطنعه..:اذا الله اكرمكني وفتحت ابي اشوف شعرك راكد ولو مره بالعمر مو مثل الحين اشوفها طايره.. وقفت بعزم وهي مقهوره من كلامه.. وقفت قريب منه رفعت اصبعين من اصابعها وبطفوليه..:اتحداك كم العدد اللي على اصابعي حب ايده وجه وقفى وهو يهز راسه باسى..: الحمد لله والشكر....يالله انك تخلف علينا سحبت الصينيه الصغيره وهي تتوجه لغرفه قيدوم..:شفت انك ماتقدر تتحداني سيد زبده ،،،،، وله طالعت في شكلها للمره الثالثه في مرايه السيب اللي يروح لمكتبه فستان قصير باللون السكري تتوزع عليه ورد صغير باللون الوردي رافعه شعرها لفوق بعنايه بعد ماهتمت بمكياجها البسيط ماقدرت تتحمل يوم زياده على الوضع اللي بينهم مخنقوقه كثير من الزعل الاخير اللي خرب عليها وعليه رفعه راسها لفوق تسحب نفس قووي يهدي اعصابها طالعت بنعومه من فتحت الباب المتوسطه شدت شفايفه ببتسامه ناعمه وبتوتر..:محتاج شي؟؟ رفع عيونه على الصوت اللي يعشقه من اول يوم شافها رد عيونه على الاوراق اللي قدامه قبل تفضحه ملامحه وتبين الاعجاب بشكلها اللي اسره بصوره كبيره دفت الباب بهدوء بعد ماتجاهل وجودها بعثرت شعرها بتوتر ..:اممم تبي قهوه ؟ سحب الملف الاسود اللي قريب منه وبخشونه..:لا تنفست بعمق ماتعودت على زعله ماتعودت ترضيه ويكون زعلان وصاد تحركت ببطى جهته محتاره كثير شلون بترضيه بطريقه مميزه عضت شفاتها وبهمس..:اختنقت من الجلسه بروحي ممكن نطلع من البيت اليوم؟؟ حرك راسه بالنفي وعيونه متصلبه على الشغل اللي بيده..:ماني فاضي مره ثانيه تاففت بصوت عالي من العجز اللي تملكها بصوره كبيره رفع عيونه عليها بعد تصرفها اللي نرفزه رفع حاجب وبجمود..:اسفين سنيورينا حقك علينا مانرد اوامرك المرات الجايه رمشت بعدم استياعب ماكان قصدها تتافف من كلامه مقهوره من حالها ولاهو قاعد يساعدها تتجاوز الحواجز اللي بينهم تقربت منه بخطوات ثقيله جلست على المكتب مواجهه له عيونها بعيونه الغامضه سحبة كفه برجفه واحضنتها وسط كفينها البارده بلعت ريقها بصعوبه وبخفوت..:انا لو كنت ابي البيبي ينزل كان من زمان تخلصت منه مستحيل كنت بحتفظ فيه الين الحين ركز عيونه بعيونها وبحده..:من الاول ماتبينه والدليل ماكنت تبيني اعرف بحملك عشان تنزلينه بدون لاحسيب ولارقيب بس ي الله حضك سيى هالمره وطلعت بوجهك زمت شفايفها بغضب وبغيض..:لاتجلس تالف ي عزام انا ابي هالبيبي من زماان وانت اكثر واحد عاش وجعي لما اعطيتني حبوب ونزل البيبي ابتسم بسخريه ..:وتبين تردينها لي هالمره... يعني وحده بوحده ولا...؟ ابتسمت بالم شلون يتجراء في كلام يجرحها هالكثر كيف يفكر انها ممكن تنتقم فيه من روحها ابتعدت عنه وهي مخنوقه من قسوته اللي ردت من جديد قفلت عيونها بصبر وبجمود..:اخر شي فكر فيه اني ممكن اذي عمري واعصي ربي عشان اي مخلوق ...عموما عطلتك عن شغلك جيتي بالوقت الغلط رفع عيونه بعد مابتعدت عنه متوجهه للباب بضيق بلع ريقه وبخشونه..:جهزي عمرك بنطلع للبحر نغير جو حركت راسها بالايجاب بعد مانزلت دموعها غصب عنها | ||||||||
|
| |
|
21-03-15, 04:06 AM
| #76 | ||||||||
| مراقبة عامة ومشرفة منتدى الروايات المنقولة
| ،،،، غانم ضحك بتسليه على شكل خالد المنعفس من النوم تمدد على العشب وعيونه على ارجوله المتضرره..:شلونها ارجولك اليوم سحب الكرسي القريب منه وجلس بثقل التفت حولينه ورجع يطالع بغانم اللي يناظره ببتسامه صافيه ابتسم بهدوء ..:تمام ماعلي شر ...وانت كيفك فز جالس بعد ماتركت الشغاله صينيه القهوه والحلى بيناتهم جر الدله وبروقان..:عال العال وبما انو الترقيه صارت اكيده مسوي عزيمه بالمزرعه والهديه الكبيره بالطريق ضحك بسعاده على حماس صديق عمره وبود..:يسلم راسك ..مابيك تكلف على عمرك رفع كتفه وببتسامه..:ماجيت اخذ رايك انت خذ الخبر وبس حك راسه بعشوائيه ..:عاد لاتفشلني واطيح من عيني مد الفنجان عليه وبضحكه..:انت طايح طايح الله لايعوق بشر..الا ماتبي تعلمني وش مجلسك بروحك وزوجتك فيه وتقدر تخدمك نزل عيونه على بخار القهوه وبضيق..:جيت اتفاهم معاها بالمستشفى وابوك سوالنا سالفه وطردني فتح عيونه بصدمه وبجديه..:وليش رايح للمستشفى مو تحس انو هالشي غلط مسح على خشمه بقهر وبعصبيه.:اي غلط !!!!! انا متزوجها ماني مراهق وجاي اغازل ليش ماتفهمون تاافف بصوت عالي وبواقعيه..:بس ابوي يدري زين انو شوق زعلانه وهالشي بعادتنا نقص لما تجي وتاخذها من مكان غير بيت ابوها صد بضيق وبغيض..:مادري انو بيفهم الموضوع بهالطريقه وماكنت متوقع وجوده تنفس بعمق يدري زين بجنون خالد في شوق شتت نظراته بتفكير لازم يرجعهم لبعض حتى وان ضايقه ابوه بالكلام رفع عيونه لخالد اللي جالس يشرب بصمت ابتسم بهدوء وبغمزه..:اجل عزيمه التريقه جات بوقتها وانت لاتقصر ،،،،، شوق.. رفعت عيونها بسرعه بعد جملة شهد الاخيره ارتخت ايدها من اله صنع الكعك بعد ماستدركت الوضع شتت نظراتها بغضب بعد مالمحت الابتسامه على شفايف امها وشهد شغلت الاله من جديد متجاهله نغزاتهم عليهاا اش هالفكره السخيفه اللي طرت بعقل غانم يسوي للخاين ضيافة ترقيه مايدري عن كلامه الاخيره ولا ماكان احرق قلبها ورفع خشم العقيد المغرور قفلت الاله بغضب واضح للي حولينها للحين كلامه الاخير يدور براسها (ماعندي مشكله كوني ببيته سنه وسنين ماراح اطلق ..وانا بتزوج ثنتين وثلاث واربع واشوف اش رايح يسوي) هه يتزوج ويحرق قلبها والاكيد بتحرق قلبه وتتزوج غيره التفتت جهة شهد بعد مالتهت امها بالاتصال السريع اللي اخذها بعيد عنها رفعت ايدها على خصرها وبحرقه..:ليش يعزمه ليش؟؟؟ خالد مايستاهل ترقيه ولا يستاهل ضيافه.. لايعزمه قولي له ماهو لازم ركزت عيونها بعيون شوق اللي ممتليه دموع وقهر اش صاير !!!وحارق قلبها هالكثر عدلت جلستها وبهدوء..:شوق شاللي صاير بينكم وماتبينه!!! مسحت على خشمها برجفه وبحشرشه..:اي صح مابيه كرهته مابيه ابي طلاقي وبس فتحت فمها بصدمه بعد ماوجهة نظراتها للباب ..:اووش لاحد يسمعك ي مجنونه ويصدق كلامك تحركت بغضب لكاس المويه البارده..سحبته بسرعه تبلل اصابعها ببرودته وتنثره على ملامحها المرهقه صدت بضيق من شهد اللي صارت واقفه قدامها بعد ماقفلت الباب بحرص رفعت كفها بجفاء وبقهر..:شهد واللي يسلمك افتحي الباب مالي خلق اتكلم عن شي جرت كمها بجديه بعد مالمحت اللرجفه اللي تملكت اللي قدامها ..:ي مجنونه خالد يحبك ولو يدري انك تفكرين بالطلاق بيجن ويقلب الدنياء علينا حركت راسها باسى وبسخريه..:مره بينجن وبيز عقله بعد زمت شفايفها بستغراب اش صاير وقالبها على خالد تدري بعمها زين وعشقه لشوق ووجودها التفتت على الباب اللي انفتح بصوره مفاجئه ابتسمت بضبابيه لخالتها اللي مبتسمه بعفوبه ام غانم ببتسامه..:غانم يقول على الفجر بنمشي للمزرعه عشان يتاكد من كل شي قبل يجون الضيوف تحركت باليه وعيونها على الميكرويف..:انا بجلس مع ابوي انا متاكده مابيروح للمزرعه طالعت بنتها لثواني وبهدوء..:اصلا ابوك اول واحد بيروح ..واكثر منا مصر على هالعزيمه فتحت عيونها بتعجب يبي يروح!!!! واللي صار بينه وبين خالد!!! مابيها ترجع لخالد شلون بيجمعهم في نفس المكان؟؟ امتلت عيونها بالدموع كارهته كثير بعد ماحرق قلبها وطعنها بالصميم ماتبيه العقيد المغرور ،،،،، احمد رفع كفه برجفه يتلمس الشاش الملفوفه حولين عيونه حرك اصابعه بخفه حولين عيونه هالعمليه بتحدد مصيره الاخيره بعد الله قلبه يتحرك بصوره سريعه من اي فكره سلبيه تطرى في مخيلاته استغفر بصوت عالي ثقته بالله كبيره قادر على كل شي وهالشي مثلج صدره لحدود كبيره تحرك ببطى على صوت الهمس القريب منه بلع الغصه بصعوبه ابوه قاعد يدعي له بحرقه واضحه والواضح انه قاعد يصلي بقلب خاشع حرك ايده للجرس القريب منه تلمس بعشوائيه يدور عليه ضغطه بتوتر كبير مافيه يصبر الين يفكون الشاش بالوقت اللي يحددونه ارتفع بضيق وهو يبعد اللحاف عن ارجوله البارده رفع راسه على صوت النيرس والدكتور اللي غزو عليه ضجيج افكاره تحرك بعشوائيه وبتعب..:دكتوور جر خطواته لمريضه اللي باين عليه الضيق وبجديه..:كيفك اليوم؟ رفع كفه على الشاش وبارهاق..:شيل هالشاش قاعد يتعبني كثير تلمسه بحرص يتاكد لو كان مشدود مثل مافهم من اسلوب احمد ارخى ايده بعد ماوجه نظراته لاحمد..:اش اللي قاعد يعورك ؟؟ نفخ بصبر بعد ماسمع صوت خطوات ابوه اللي تقرب جهته تحنحن بصوت عالي ..: ولاشي قاعد يعورني بس هاللي على عيوني كاتمه على صدري ابتسم بهدوء توه ينتبه لقصده مايلومه الانتظار صعب كثير نزل عيونه للساعه اللي مرتبطه بمعصمه لسى وقت على مايرفع الشاش رفع عيونه لاحمد اللي قاعد يتحرك بتوتر تنفس بعمق وهو يرفع ايدينها للشاش الابيض اللي يلف راس احمد بيتوكل على الله خايف كثير من ردة فعل مريضه مايحب الاحباط والصدمه حتى وان كانت بوجه غيره نزل الشاش بحرص بعد ماخفف اضاءه الغرفه عيونه مركزه على جفونه المطبقه دقايق مرت للحين مقفلهم بصمت مهيب قلبه قاعد يتحرك بسرعه من دموع الشايب اللي واقف بجنبه ينتظر الفرج من الله ضغط على ايده برجفه..:ي بوك فتح عيونك ابي اطمن عليك،.. ماتحرك ساكن ما غير تنفسه السريع مايحسون فيه امله في هالعمليه خايف يطيح من اعلى احلامه لاخر حظ بيضيمه بدنياه مايبي غير روحه واحزانه بالمكان ليش ماطلبهم يطلعون اول مايفتح الشاش شد على عيونه اكثر من الصداع اللي فر راسه بصوره مفاجئه بلع ريقه بالم وهو يضغط على راسه بعشوائيه تمتم بصوت خافت..:استغفر الله العظيم استغفر الله العظيم فتح عيونه ببطى ثقيل على روحه نظراته جامده بمكان معين مارمش ماظهر تعبير ولانطق بحرف حرك نظراته بعشوائيه بعد ماسمع حشرشه مخنوقه من ابوه رفع عيونه بضبابيه عليه يشوفه بصوره نسبيه جدا ملامحه محفوره جواته وهذا اللي ساعده ضحك بضياع قاعد يشوف حتى لو شي بسيط بيرجع له كل شي تحرك برجفه يسجد على الارضيه البارده يبكي بصوت عالي ويتكلم كلامات مانفهمت لهم زادت رجفته من لمسة ابوه على شعره وكأنه طفل صغير دارت فيه الدنياء يسمعه يبكي ويحمد الله يناديه يقوم يشوف ملامحه ويتاكد من نجاح عمليته رافض يسمع لاحد محتاج سجده طووويله تغسل قلبه وهمومه شكر كبير يحتاجه يشكر فيه ربه قبل خلقه .. عزام.. رمى علبه السيجاره ومفتاح السياره على السجاد بعد مافرشها قريب من البحر لمس جيوبه يتفقد لو كان الجوال جواتها او نساه داخل السياره سحبه بصمت بعد مالمحها تجلس قريب منه تابعها بتعجب وهي تسحب كبت الدخان وتركنه بالجهه الثانيه من طرفها فتحت الاكياس اللي اخذهم من السوبر ماركات اخذت علبه المويه بدون هدف ماتبيها ماهي عطشانه من الاساس عيونه اللي طالعتها بغضب من ثواني حركتها بدون تفكير حركت العلبه بايدها بهدوء يشابه هدوءه رفعت عيونها عليه بعد ماكسر الصمت الكريه اللي بينهم عزام بجمود..:رجعي السجاير ميلت شفايفها بعتراض وبنعومه..:الدخان يتعبني ماتحمل ريحته شد على شفايفه وبضيق..:رجعيه بسرعه ..ماله داعي نتخانق من جديد جرته بجفى وبقهر رمته مكانه الاولى ليش يطلعها دامه نفسيات هالكثر رجع عيونه بغضب على الجوال مايبي يدقق على حركتها اللي قهرته بصوره اكيده حبس تنفسه من سمع صوت شهقاتها المتواصله رفع عيونه عليها بخوف دموعها تنزل بقهر واضح شفايفها ترجف بصوره طفوليه تذبحه للوريد بعثر شعره بربكه وبخشونه..:انا ماحب احد يشيل اشيائي بهالطريقه ..اهدي حصل خير رفعت عيونها لعيونه اللي تناظرها بقلق مسحت على خشمها بتعب وبحشرشه..:ليش قاعد تعاملني بهالطريقه..ماسويت شي.. ليش مصر انك تظلمني .. طالعها لجزء من الثواني مابكت على تصرفه من دقايق بكت على وضعهم راح من باله انها ممكن تنضغط بهالصوره وخاصه بشهرها الاخير حرك راسه بالايجاب وبجديه..:خلاص اهدي واسف لو ظلمتك يمكن مانتبهت على روحي وقفت شهقتها بتعجب من خضوعه المفاجئ توها من كم ساعه تعتذر له ماهتم لها عيونه جامده وملامحه باهته مسحت دموعها بعشوائيه بلعت ريقها بصعوبه ..:انت فاهمني صح حرك راسه بالايجاب بعد ماطالع البحر بتشاغل حاس بعيونها اللي تناظره بتساؤل قربت اكثر من المكان اللي جالس فيه بتقنعه فيها غصب عنه تنفست بعمق وهي ترجع وتسحب الكبت من جديد وتحضنه بوسط كفوفها تابعة حركه عيونه على تصرفها اللي اكيد نرفزه من جديد دقته بكتفها القريب من كتفه وبهمس..:مو مني من البيبي.. رفع عيونه لعيونها وبتكرار..:من البيبي!!! ميلت شفايفه ببتسامه وبدلع..:مايحب ريحته يقول.. طالع ابتسامتها لثواني ابتسم بهدوء على افتراها الواضح ابعد نظراته عنها ..وبخشونه..:وبعد رفعت عيونها بتفكير ..:امممم ويقولك تعلم حبيبتك عن جنس الجنين اللي مخبيه عنها.. قلبه تحرك بصوره مفاجئه من كلمتها العفويه طالعها بنص عين وبعمق..:شلون حبيبتي وانت اصلا ماقدرتي تحبيني؟؟ رمشت بعدم استياعب اش قاعد يقصد بجملته الثقيله معقوله مايحبها!!! وتصرفاته وحرصه وجنونه وعيونه اللي تتابع تحركاتها بللت شفايفها وبهمس احرق قلبها..:ماحبك ضحك بسخريه وعيونه لبعيد..:ادري التفتت جهته عيونه قاتمه وملامحه قاسيه بطريقه مرعبه امتلت عيونها دمووع حركت شفايفها بثقل وبخفوت..:ماقدرت احبك بس مانام قبل ماشوفك او حتى اسمع صوتك اخر الليل وانت راجع ماحن لغيرك ومابي اسولف لشخص غيرك ماتحرك قلبي الا لا سمع طاريك ومابكيت الا لك مايطير قلبي الا ابتسمت لي شفاتك مايغيب نبضي الا اخذتني بحضنك اصلا حتى حملي ماتوحمت الا على عطرك ضحك بخفوت عيونها ماتكذب ايدينها اللي كانت تشرح وضعها ولمعه دموعها اثبتت صدقها لمها بسرعه لحضنه بعد مانزلت عيونها باسى واضح لحالهم باسها بعمق على راسها وبهمس..:لاتحبيني اجل ..ابيك مثل ماقلتي لاتتغيرين لاتحبيني --- المزرعه(وليد) ضحك بصوت عالي من حكاوي جده بايام المراهقه ماتوقعه شقي وياذي الجار واهل داره مسح على عارضه الخفيف وبضحكه..:وانا اقول يبه على مين طلعت؟؟ ابتسم بسعاده تملى قلبه ..:طلعت على ابوك الله يرحمه راكد وزين خالد ببتسامه..:اجل من اللي طلع عليك يبه ابو غانم بعمق بعد ماكان ملتزم الصمت..: انت .... التفت على عمه بصدمه ماتوقع تداخله من اخر موقف ماتقابلو ولاماصار بينهم اي نقاش تقابلت نظراتهم بصمت ميت نظراات عمه مختلفه كثير الغضب اللي بعيونهم خفت حدتهم واضح عليه الهدوء ابعد عيونه بضيق على غانم اللي انظم لهم من ثواني غانم ببتسامه..:كيفها ارجولك اليوم تنفس بعمق وبخفوت..:احسسن تحرك بثقل وهو يسحب عكازته اللي صارت ملازمه لتحركاته ابو عبدالله بعجله..:على وين ..؟؟ عدل وقفته بحرص وبجديه..:زملائي بالعمل بيمرون يسلمون ...على وشك يوصلون.. وقف وليد بخفه يساند خالد اللي يتحرك بثقل سنده بحرص وعيونه على خطواته المتقاربه تنهد براحه اول ماطلع براء الضيافه خنقه فضيعه تلف بصدره يبي يرد لبيته لوحدته اللي تعود عليها فك ايد وليد اللي تشده بحرص وليد بتساؤل..:عمي فيك شي حرك راسه بالرفض وهو يجر خطواته ..:ابي اتمشي لوحدي اذا احتجتك اتصلت فيك حرك راسه بالايجاب بعد مالمح الضيق بوجه عمه --- عزام يتحرك بقلق وتوتر كبير لسانه يردد الذكر بخوف اطرافه ماهي قادره تشيله من الافكار اللي تاخذه وتجيبه ماتوقعها بتتاخر بغرف العمليات هالكثر صوت انينها بذونه يدوي ماكان يدري انو احساس الولاده معها من يومين خبت عليه وقدرت تكتم المها عنه وعن غيره قفل عيونه يتذكر الساعتين اللي راحت نط بهلع من نومه بعد ماسمع صوت صراخ مكبوت قريب من دوره المياه اسرع بخطواته للحمام منحنيه بالم ترجع وايدينها حولين بطنها المنفوخ وقف قدامها بصدمه وبخوف..:وله ي روحي اش صاير اش فيك؟؟؟؟ انحنت بالم بالغ وببكى عالي..:بموووت شكلي بولد قاعده احس بالمووت من الالم تنح لثواني معدوده بتولد!! واخيرا حلم واقع يحضنه ويشم ريحته نقز بصروعه للكبت يدور عباتها سحبها بخفه ورجع يلبسها على السريع مايبي احد يحس عليه الكل جاي للمزرعه يستانس ماله خاطر يخرب عليهم ويخوفهم سندها بحرص وبسرعه ساعدها تركب السياره وله بوجع..:بموووت ماني قادره اتحمل الالم شد على كفها بربكه وببتسامه..:تحملي ي روحي اذكري ربك عضت على شفايفها بانين مكبوت ضحك بخفوت وعيونه للشارع..:واخيرا بيجي ولي العهد عاد هاه من الحين بخليه يتعلم يدير حلال ابوه ..طبعا بيكون في صفي اكثر عشان اكيييي صرخت بصوت عالي...:عزااام ماااهو وقتك بمووت وانت قاعد تخطط و تمشي على هونك رفع عيونه على النيرس اللي طلعت من غرفه العمليات وقطعت حبل افكاره جمدت خطواته وعيونه ثابته عليها ريقه نااشب وحيله طايح ابتسم باليه وكانه يحثها تتكلم وتبرد قلبه ميلت راسها وببتسامه..:مبروك ...الله رزقكم بصبي -- احمد مسح دموعه للمره الثالثه عيونه لابوه اللي جالس بتهالك ويبكي نفس حالته تحرك بثقل من الرجفه اللي صابت جسمه ماتوقع يرجع يشوف مثل قبل تامل كثير واللله ماخيب ضنه وامله جلس قريب من ارجول ابوه شده بخفه وبحشرشه..:يبه قاعد اتعذب من دموعك مابي ابكيك اكثر مسح عيونه باصابع مجعده استغفر بصوت عالي رفع عيونه لاحمد وبخفوت..:من فرحتي فيك ي بوك بكيت ..خفت لاتنتكس حالتك وماعاد ترجع لنا قفل عيونه بخفه ورجع يفتح ببطى..:الحمدلله..يبه خلنا نروح للبيت مشتاق اشوفهم كلهم كل شي نسيته في عماي ابيهم كلهم ابتسم بسعاده .. الفرحه اللي بوجه احمد من زمان مالمحها بين ملامحه البريئه وقف بثقل وبضحكه..:حتى هم يبوك يبونك ترد بسرعه ..عاد ماعلمتهم بشي ..ابيك انت تبشرهم بروحك حرك راسه بالايجاب وهو يلتفت على السرير اللي كان نايم عليه سحب جواله ومحفظته تحركت عيونه للعصى اللي كان يستند عليه شهور يعتمد عليها ومايعرف شكلها ولونها رفعها وطالع ابوه وببتسامه..:ماعاد احتاجها ابو احمد بضيق..:لايبوك خلها معاك لاتنسى الروىئي عندك مارجعت بالكامل فتح عيونه بمحاوله يثبت لابوه عكس كلامه..:الا هذاني اشوفك يبه شابك كفه بكف ولد وببتسامه..:ادري تشوفني بس راح تحتاجها كم يوم ..تحملها اكثر -- شوق ابتسمت باليه الكل طاير من الفرحه لخبر ولادة وله الا هي حاسه بكتمه على صدرها من دخلت هالمكان رفعت صينيه الحلى ووزعتها بذهن شارد التفتت على شهد بانزعاج من صوتها العالي شهد ..:شواقه بتروحين ويانا نشوف البيبي ووله حركة راسها بالرفض وببحه..:لا ..اممم مره ثانيه قربت خطواتها لشوق اللي ردت عيونها للصينيه..وبجديه..:خالد يقول لازم تروحين فتحت عيونها بتعجب توها تنتبه للجوال اللي بكف شهد صدت بضيق وبجفاء..:قولي له بروح متى ماحب ..لاتنتظروني كتمت ضحكتها على اخر جمله رمماها خالد وبصوت عالي مثل ماطلبها..:شوق يقول نسيتي المفاجئه اللي قلتي بتسويتها له اليوم اجل ي ويلك لو تروحين وهو بيجلس كمان رمشت بعدم استياعب اي مفاجئه!!! قاعد يستهبل!! الاكيد انه خرف وقاعد يجننها معاه عضت شفاته بغضب وبهمس..:شهد قصري حسك ماتشوفين الحريم يطالعونا رفعت كتفها وهي تبتعد عن شوق وبصوت اعلى..:شوووق خالد يبيك براء يقول لاتبطين عليه زمت شفايفها بغضب فتحت فمها لثواني تصرخ بتصرفات شهد الكريهه طاحت عيونها بام عزام وحريم من جماعتهم شدت على فكها ببتسامه بارده تخفي النار اللي بجواتها وقفت بسرعه وعيونها على القاطع اللي طلعت منه شهد جرت خطواتها بقهر طالعت الباب الخارجي المفتووح،.... طلعت بهالسرعه!!! تنفست بعمق اش يبي قاعد ينتظرها بيتزوج ثنين وثلاث واربع ..اش يبي فيها رفعت راسها بغرور وارجولها تقودها للبوابه الخارجيه للفله طاحت عيونها عليه جالس بسيارته مشرع الباب وعيونه على كومة الاوراق اللي بحضنه حواجبه معقوده وهو يتنقل من ورقه للثانيه بلعت ريقها بغصه بيتزوج عليها التافه بيجازي حبها بخيانه تقطع قلبها وروحها هفت على وجهها بسرعه من الكتمه اللي جثت على صدرها دامه طلب يتقابلون هي اللي راح تبتدي وغصب عنه بينفذ كل شي تبيه جرت خطواتها جهته بثقل وقفت قريب منه لساته مشغول باللي في يده كتفت ايدينها ووببحه تخفي غليلها..:ماجيت عشانك طلبت..جيت عشان نتفاهم على الطلاق رفع راسه بقوه من صوتها اللي دخل لاخر مكان بقلبه واشلعه طالع ملامحها الجديه فكها مشدود وعيونها غاضبه كثير وقفتها شموخ يعجز يفسره في كل لحظه يشوفها زفر بضيق ..وبهمس..:حتى السلام بتاجرين عليه فما بالك لو كنت زوجك... ابتسمت بقهر وبقهر واضح..:علم حريمك ي ابو الاربع انا خلاص راحت عليك.. طالعها لثواني كلامها ملخبط ويبي له شفره يفهم معانيه اي اربع؟؟؟ كتم ضحكته بالزور بعد ماتذكر زيارته الاخيره بالمستشفى للحين ماسكه كلمته نزل الاوراق بالمقعد اللي جنبه وبجديه مصطنعه..:مايحتاج اعلمهم كلهم باخذهم من هالجيل واكيد مايفوتهم شي لاتشيلين هم رفعت حاجب وبغضب..:عساك وياهم ي الشايب..ابي طلاقي ممكن عدل جلسته بحرص من ارجوله اللي تعوره اليوم بصوره اكبر يحرك المفتاح بين كفوفه بتسليه ..:اذا اعطيتي الشايب بوسه بيفكر يجاوبك ..اذا بوستين اعطيك الجواب على طول طالعته بتعجب احر ماعندها ابرد ماعنده قاعده تحترق وهو قاعد يلعب باعصابها قربت منه وبغضب..:وضعي مايسمح لك تخفف دمك وتستظرف مممكن سحب كفها بسرعه وجرها لحضنه وسط غضبها لمها بقوه على صدره غرس وجهه بشعرها اللي يعشق ريحته ولونه تجاهل شهقتها من تصرفه المفاجى شد ايدينه على خصرها من حركاتها المعارضه على اللي قاعد يسويه باسها بعمق وبرجى..:ارجولي ذابحتني من الالم بسك حركه وشقاوه هدئت بشكل نسبي لساتها تتحرك تبي تخلص من ايدينه تسلحت بالقوه ماتبيه يضعفها نزلت ايدها على صدرها تبعده بضيق من حركه قلبها السريعه شد ايدينه حولينه بعتراض وبهمس..:على الاقل باركي لي الترقيه كلهم فرحو لي الا انت.. قفلت عيونها بتعب..:مبروك.....شيل ايدينك رفع راسه بعاند قرب وجهه من وجها المحتقن بقوه الضعف بعيونها مستحيل يجهله ميل شفايفه ببتسامه ووبحه..:لاتخافين حريمي بسكنهم بعيد عنك ولاتتضايقين ي روحي فتحت عيونها بغضب كانها ناويه تهدى فمستحيل كلامه يتركها تحركت بقوه متاجله نقزته من عوار ارجوله ضربته بقهر على صدره عشان يفكها وتبرد قلبها فيه مسك بمعصمها وتزحزح بصعوبه ووقف مقابل لغضبها اللي صار يعشقه بجنون ماقدر يلتفت يدور عصاته من حركاته السريعه رفع ايده يثبت وجهها مقابله وبضحكه..:اول مره اعرف انو الكبار تجيهم فرط حركه هه حالات نادره شدت فكها بغضب كل ثانيه يرمي كلام اكبر من اللي قلبه ضحك بصوت عالي ..:اوووش اهدي ....امززح.. امزح جرت ايدها من ايده بفشل ..:قلت لك فك ايدي ليش ماتفهم سحب المفتاح وبخفه قفل السياره وايده لساتها متعلقه بتحركاته السريعه التفت عليها يحثها تمشي وياه ماتحركت ثابته مكانها بعصيان وقف قريب منها عيونه بعيونها القاتمه مسح على طرف حاجبها المعقود وبهمس..:اللي انتظر شوقه وراحت سنين عمره ينتظرها كيف بتطيب له الحريم وهي بحياته رمشت بعدم استياعب قاعد يلعب باعصابها من جديد الغصه تلوي بحنجرتها وتموتها بللت شفايها برجفه وبحشرشه..:يعني...؟؟ باس عيونها الدامعه بوله وبخفوت..:ابوك قهرني ومن قهري قلت كلام ماله معنى عشان اغطي على ضعفي بعيونه ابتسمت بسخريه بعد مانزلت دموعها ..:تجي تحرق قلبي!!!!! حرك راسه بالرفض وبقرف من الذكرى اللي مرت بخياله..:لو تعرفين حرقت القلب كان حسيتي فيني وانا اشوف مشاري وياك بنفس المكان تحركة بغضب وبقهر..:بنرد مشاري ومشاري ..لاتتعذر فيه واللي يرحم والديك فك ايدها بجفاء واضح تحرك بثقل من العوار اللي بدى يزيد من حدته بلع ريقه ..:انت ماتحسين!!! انا ادري انو تقدم لك يعني ناظرك في يوم على انك زوجه .. وانت بنفسك قلتي لي ابي شريك حياتي نفس تخصصي ..كل شي قاعد ينرفزني فيه رفعت كتفها بضعف ..وبتعب..:بس مشاري مايعني لي..ولو كان همي اخذ نفس التخصص ماكانت اخترتك تنفس بعمق كلامها المفروض يريحه قاعده تعترف رغم الظروف بقناعتها فيه مشاري مايعني لها وجوده وياها بنفس المكان قاعد يذبحه شد شعره بعشوائيه التفت عليها بهدوء تناظر لبعيد بدون هدف لاي مكان غيره شابك اصابعه باصابعه البارده تابع حركة عيونها لكفه المتمسكه فيها اشر بحواجبه للمشتل القريب منهم..:اش رايك نمشي ..كلام كثير ابي اقوله حركة راسها بالايجاب وبهمس..:اوك جر عصاته المركونه على طرف السياره اعتمد عليها وهو يتحرك بخطوات بطيئه شد على اصابعه بحنيه .وبضحكه.:تدرين حسدت اعويزم على البزر اليوم اجل يصير عندهم ولد وعمه باقي رفعت عيونها عليه ابتسمت بخفوت معقوله قاعد يقارن نفسه بعزام اللي متزوج من قبله ميلت شفايفها ..:الله يبارك لهم فيه حك جبينه وبنص عين..:عقبالنا صدت بتعب وبقتضاب..:بس انا ماتمنى .. جمدت خطواته بصدمه طالعها لجزء من الثواني ..:ليش!!!! بللت شفايفها وبضيق..:على اساس حياتنا تماام وماشيه مثل غيرنا رفع حاجب وبراحه..:صح عليك..اجل لازم ارجع افكر في الثانيه جرت ايدها من ايده بغضب تافه ومتمرد بيذبحها بكلامه من جديد ضحك بصوت عالي وبتسليه..:اخر مره امزح التووبه فتحت عيونها بغضب صدرها يرتفع وينزل من غيضها قابلته بقهر وبحده..:مين قالك لاتمزح ..امزح واتزوج اصلا مايهمني روح مايهمني كتم ضحكته وبتصنع.:خلاص اتفقنا وانت بنفسك تختارينها انتبهت لابتسامته اللي يحاول يكتمها بجهد خبيث يبي يستثير غيرتها المجنونه تعدته بخطوات متقاربه للجلسه القريبه منهم جلست بثقل متجاهله عيونه اللي تتابعها تبعها ببطى ملحوظ الالم شاد على ارجوله ومكرهه في كل شي جلس بحرص وهو يرفع البنطلون يطالع مكان الجرح شد شفايفه بقرف من الدم الخفيف اللي مطبع على الشاش رفع عيونه للي جلست قريب منه تبعد ايده من الشاش وتتفحصها طالعته بتعجب .::ليش مارحت المستشفى واضح انها ملتهبه رفع كتفه ووببتسامه..:دكتورتي زعول ماتبيني فتحت الشاش بتوتر من كلامه الاخير طالعت جرحه بضيق واضح ان الجرح غاير وملتهب طالعته وبتفكير..:امم جبت معاك معقم وشاش؟؟ حرك راسه بالايجاب وعيونه مركزه على ادق تفاصيلها نزلت راسها بتوتر تتشغل بجرحه وبخفوت..:طيب لازم اروح اجيبهم.. جرحك لو ماتعقم بيأذيك كثير طبع بوسه طوويله بوسط كفها اللي ترجف من بدت تكشف على جرحه افتقدها كثير ليش ماهي حاسه فيه رجع يبوسها بعطش ماتجهله قلبه مريض بدونها ليش ماتنبه عليه وتقطع حبل الجفى تحركت بربكه تخاف من نفسها وشوقها اللي تحاول تدفنه ماتركها مايبيها تروح عنه تعب صد وكبرياء حضن وجهها وسط كفوفها يبيها تطالعه عيونها تناظر لاي مكان ثاني غيره تنفس بعمق وبهمس..:ماتعبتي....... انا ميت قوست شفايفها بغصه تكره ضعفها في وجوده ابعدت عيونها عن عيونه اللي تعاتبها فتحت فمها تحاول تكذب وضعها وغصب عنها نزلت دموعها مافيها تكابر اكثر تعبت بدونه ومافيه حمل لهموم اكبر من اللي راح فتح عيونه بصدمه من دموعها اللي نزلت بدون سابق انذار قاعد يعترف بحبه لها ليش تبكي!! ارخى كفوفه ببرود ليش ماهو قادر يستوعبها معقوله ماهي قادره تسامحه!!! زفر بضيق وببرود..:اهدي لاتبكين ..بعدين نتكلم متى ماتحبين .. تحرك بثقل مخنووق بصوره فضيعه وقفت بسرعه مع وقفته المفاجئه مسحت دموعها بعشوائيه وبحشرجه..:لاتروح .......انتظر اعقم جرحك ابتسم بخفوت ،..:معليه مره ثانيه ...ماتعورني لاتخافين وقفت مقابله تمنعه يكمل مشيه..:بس واضح انها ملتهبه كثير جر انفها برقه وبهمس..:هذا وش اسميه شفقه ولا حب؟؟؟ دست ايدينها في جيبها المرتسم بوسط التي شيرت..وبتوتر..:لا مو شفقه ركز عيونه عليها ليش قاعده تلعب فيه للحظه يأس منها ميه بالميه والحين قاعد تطيره لابعد سماء حرك شفايفه ببطى ..:يعني كل هالخوف اللي اشوفه حب تراجعت بربكه وهي تاشر على بوابه الفله اللي صارو قريب منها..:ادخل الضيافه على ماجيب المعقم انظف جرحك حرك راسه بالرفض وعيونه بعيونها اللي تناظر بخجل يعشقه انحنى بخفه لاذنها وبهمس..:اذا تبين تعقمينها ترجعين لي الحين وش لي بالضيافه وغرفتنا فوق تحركت بتوتر وبعلثمه..:ابوي الحين في السالفه ماهي بيني وبينك وبس ميل شفايفه ببتسامه وبعمق..:وانا وعمي اتفاهمنا وابوي اقنعه ترجعين لي...يعني القرار لك الحين فتحت عيونها بتعجب ابوها رد يقتنع فيه قلبها قاعد يتحرك بجنون بترجع ....له معقوله!!! بلعت ريقها بتوتر من نظراته اللي يحتري جواب يشفي قلبه تراجعت بلخبطه وبضياع ..:لاتظغط علي ...لازم افكر تنفس بعمق وبصبر..:ابي جواب منك شخصيا..مابيه لا برساله ولا بمرسول،..ووعد احترم رايك اي ماكان | ||||||||
|
| |
|
21-03-15, 04:13 AM
| #77 | ||||||||
| مراقبة عامة ومشرفة منتدى الروايات المنقولة
| 3 احمد كتم ضحكته بالزور حركاتها ماهي معقوله معقول عقلها صغير لهالدرجه!!! ماخبرها ان نظره رجع له بشكل جزئي حذرهم كثير مايوضحون لها شي ركز عيونه على قيدوم اللي رجعت تكرر الخطاء ببراءه مطلقه تسحب علبه البيبسي لشفايفها من جديد زمت شفايفها بغضب من تصرفات بنوتتها وبغضب..:هييه عيبب حق كبار جرت العلبه قريب منها وبتحلطم..:املاك خاصه ي البومه مسح على وجهه يتصنع الجديه وبتمثيل..:اش قاعده تقولين ؟؟ بلعت الحلى اللي حضرته من وقت وبهدوء..:قاعده اصور قيدوم مرره اخلاق هالبنت ضحك غصب عنه كذووب وممثله بارعه اجل تصورها واخلاق رفعت عيونه عليها بستغراب عقدت حواجبها وبتساؤل..:اش فيك تضحك حك جبينه وبتصنع..:عشاني ماني قادر افهم وش تقول هزت راسها باسى ..:ي حبيبي كملت ....الا حموود كم عمرك اتسعت ابتسامته بعد كلمتها الاولى شتت نظراته... وبتفكير وهو يحاول يكتم ضحكته..:اممم على الخمسين شهقت بخرعه ..:اجل غشوووني فيك ي حسرت شبابي رفع حاجب وببتسامه..:اي شباب والبلوزه لون والبنطلون لون ومحاربه بنتي على البيبسي فتحت فمها بدفاع انحبس الاكسجين جواتها طالعت لبسها بصدمه ورجعت تناظره شلون عرف هي ايش لابسه جرت خطواتها جهته بعثره ارجولها ترجف من رجفت جسمها بلعت ريقها الناشف بالم جلست على الارضيه قريب من ارجوله رفعت راسه له وبلعثمه..:اش شلون عرفت......انت رجعت تشووف!!!!!!؟ سحب خصل متفرقه من شعرها رافعتها بربطات ملونه..:وكمان سارقه املاك بنتي وتعاتبينها رمشت بعدم استياعب يعني رد يشوف مستحييييل من متى رجع نظره طالعته بضبابيه بعد مافلت ضحكة راحه.. نابعه من اعماقه ضحكت بجنون دموعها تنزل وشفيفها تبتسم بضياع فزت بسرعه وارتمت في حضنه بعد مافتح ايدينه لها شدت ايدينه حولين رقبته بتملك ماتبي تتركه ماهي قادره تستوعب شي من اللي قاعد يقوله رجفة قلبها الضعيف بتوصل له كل شي عاجزه تقوله حست بيدينه ترفعها عشان تواجهه يشوف ملامحها اللي متعطشه لها كثير غرست وجهه في صدره بعتراض ماتبي كلامه تبي تعيش الفرحه ويحس باحساسها رفعت راسها بصوره مفاجئه طالعته وبشهقات متواصله..:ليش تكذب علي ...ليش ماقلت لي من زمان انك رديت تشوف ..؟ ضحك بخفوت وهو يمسح دموعها المتمرده باس عيونها الزايغه ..:مارجع لي بسهوله ..اليوم الصبح سويت عمليه وتوهم سمحو لي اطلع شفت امي وجلست معاها ..عقب جيت لحبيبي اعلمه بالخبر بنفسي فتحت ايدينه بقوه وبضياع..:هالكبر فرحني الخبر ..كثييير زم شفايفه بعتراض ..:بس كذا؟؟ رفعت عيونها بتفكير وبحب..:لا كبر حبك بقلبي ضحك بسعاده كبيره وهو يرجع يلمها من جديد لصدره..:وكبر هالقلب وصاحبته ابي اعيش -- غانم.. ابتسم بسخريه ي كثر ماهي متقنه بالتمثيل شلون قدرت تمثل الفرحه لو ماكانو بالمزرعه بالاتاكيد كان امداه ينفجر فيها طالع امه اللي استاذنت بهدوء وتركتهم لحالهم رجع راسه بخمول على الصوفه اللي وراه بيحاول يمسك اعصابه غصب عنه لازم يتحمل ويبلغ غيضه منها ماهم لوحدهم ويكره احد يعرف باللي بيناتهم طالعته بحزن وبتعب..:غانم رفع ايده بصد ماهو ناقصه صوتها اللي يستفزه اللي صار اليوم يكفيه لشهور قدام قفل عيونه يمثل النوم عض شفايفه بقهر بعد ماسمعها تنادي عليه من جديد شد على فكه وبحده..:قلت لك انكتمي ولا بعد هذي ماتنفهم قوست شفايفها بعبره جديده شلون بتفهمه الحين واضح وضوح الشمس اش كثر كارها جرت خطوتها له ماهي قادره ترتاح وهو بعيد وزعلان رجعت شعرها بطفش وبرجى..:تكفى اسمعني ..صدقني ماكنت اعرف ..مستعده احلف لو تبي رفع راسه بقوه وبغضب..:انا ماثق حتى بحلفانك..موهو اللي سوها مرات قادر يعيديها ولا اش رايك؟ نزلت دموعها بعجز تراجعت بتعب وكأنه تدور على حل يطلعها من اللي هي فيه دارت بعشوائيه حولين نفسها مسحت عيونها بعشوائيه.. وببكى..:انا من زمان اتمنى احمل واثبت لك اني تغيرت بس ال قاطعها بسخريه بعد ماركز عيونه بعيونها وبفحيح..:بس ماضبطت معك وماقدرتي تنزلين البيبي صح ضغطت على راسها بتعب عاجزه كثير تبرر تصرفها جلست بثقل على السراميك قدامه بتعانده بتجننه اللين يصدقها غصب عنه فتح عيونه بغضب اول مالمحها تتربع بثقه على الارضيه عدل جلسته ..وبغيض..:اش هالحركاات المااصخه ...قوومي بسرعه قبل ماطلع جنونك على راسك الحين حركت راسها بالرفض وهي تشهق بصوت عالي نفخ بعصبيه وبحده..:بتقومين ولا شلون طالعته بضعف وبانين..:اول تصدقني انو مالي ذنب تافف بصوت عالي وقف بغضب وهو يجر خطواتها لها انحني جهتها.وبفحيح.:تصرفك مسح كل ذره بقلبك لك فلا تتصرفين مثل الاطفال لانو بصير اعاقبك بقسوه تكرهينها.. يلا قومي قبل ماشيلك بنفسي جرت كمه بعجز وبخنقه..:اضربني لو تبي بس الله يخليك لاتتعامل معي بهالطريقه ابتسم بسخريه وهو يرد يوقف من جديد بعد ماطرت بباله فكره سريعه..:تصبحين على خير انا طالع انام فتحت عيونه بعدم استياعب وين رايح الليله بنام عندها وين طالع!!! نطت بسرعه قبل يفتح الباب ويطلع وماتقدر تتصرف وقفت بغضب في وجهه وظهرها للباب عضت شفايفها وبغضب..:احلم تروح لها ..اذبحك قبل تتهنى فيك تافف بصوت عالي وبملل..:وبعدين رفعت كتفها وبحشرجه..:بصير عاقله بس لاتروح لها ..أبيك جر خطواته بكسل للسرير بعد ماقفل الليتات وتركها بالظلام تداري دموعها متضايق حيل منها عيونها كانت صادقه حلفانه انه ماتدري عن شي دخل قلبه عقله رافض يصدقها السنين اللي فرقتهم بسبب غلطتها رجعت تغلط من جديد نفس الغلط ونفس الجرح تنفس بعمق بعد ماحس فيها تسترخى بمكانها تنفسها سريع وشهقاتها واضحه وضوح الشمس انقلب للجهه الثانيه ليش تتصرف وياه بهالطريقه الهمجيه فجعته بالخبر وبعصيانها في الاول لو ماكانت حامل كان بيتصرف تصرفات تزعجها طول العمر كتم تنفسه من ايدها اللي التفت على خصره العريض قفل عيونه بضيق بعد ماحس براسها يرتخي على ظهره لصقت وجهها بكتفه وبهمس..:حاولت كثير ارجعك لي بس مارجعت.. تعبت منك حرام عليك اللي تسويه فيني نفخ بغضب وبحده..:انقلعي عني قبل اسوي شي كل اللي بالمزرعه تشهده اليوم ..اقصري الشر وابعدي باسته بنعومه وبهمس ميت..:كيف حملت وانت مريض ولازم تتعالج وماتعالجت؟؟؟؟ تصلب جسمه شلون نسى عن مرضه شلون حملت؟؟؟ فز بخرعه وتنفسه سريع بصوره مرعبه خبط بكفه على الابجوره القريبه منه وجهه مرعب وعيونه غاايمه بصوره مخييفه حركت فمها بثقل قبل يسوي شي تندم عليه ..:الحبوب اللي كان يصرفها الدكتور كنت احطها بكاس عصير كل يوم واعطيك كل يوم لانو ادري ماكنت تاخذها انتبهت لرجفه شفايفه عيونه الزايغه من اللي قاعد يسمعه ارتفعت بنعومه وهي تسحب شنطتها الصغيره المرميه على الكومدينه فتحتها بهدوء وطلعت اقراص الحبوب الكبيره نسبيا نزلتها بحضنه وعيونها لبعيد..:لو ماكنت ابي البيبي شلون بعطيك حبوبك كل يوم ضغط على ذراعها وبضياع..:شلون عرفتي اني مريض .....لاتجننيني ابتسمت بتعب وبصدق..:من لما قالك الدكتور واحنى مسافرين وعرفت انك اخذت حبوب وماكلتها ..شفتها لما كنا بالمطبخ وانت عصبت علي ..من هذاك اليوم قررت اعطيك هي طالعها لدقايق معدوده كثير اللي قاعد يسمعه يعني كانت حاسه فيه؟؟؟ تحملته وسوت المستحيل تبي طفل منه ماكانت تقصد تضحي بالبيبي تحبه تعشقه وتبي ترضيه حرك عيونه للاقراص اللي بحضنه اغلبهم فاضين مانتبه على شي من قبل رفع عيونه عليها حاولت كثير تفهمه بدون لاتعترف باللي سوته ويزعل او يتغير مزاجه عاجز كثثير قدامها صغير مقابل تصرفها ابتسم بالم لابتسامتها الضايعه جرها بقوه لحظنه حبيبته اللي تركها من سنين توه يلقيها اليوم عشقه وجنونه بحضنه بلع ريقه بغصه تجرح بلعومه سوت المستحيل عشانه رفع وجهها برقه ملامحها قريبه من ملامحه التايهه باس خشمها الشامخ بصمت تنهد بعمق من ضحكتها اللي رفعته لاخر سماء ماهي مصدقه انو قدر يصدقها احتضانه المبالغ فيه يفسر صمته المصدووم بللت شفايفها وبخفوت..:مستحيل اسوي شي يفرقنا لاتشك فيني مره ثانيه و قاطعها بضحيج وبالم..:اششش اليوم لي ..تكلمتي كثير ..بريتي ذنوبك وانا زدت من ذنوبي نزل ايده على بطنها وبضحكه..:اخيرا حلمي بيتحقق واشوف يكبر هنا قدام عيوني اتسعت ابتسامتها وبدلع..:ولانك تعبت امه بيدلل عليك كثير رجع ظهره على بدايه السرير وهو يجرها لحظنه بتملك تعشقه وبهمس.:اتنفسك .. انتهى لاتغرك الضحكه؟ تمت بحمدالله..باخر مطافي اعجز عن شكر كل من يستحق فوق كلمه شكرا ..لكل من مر وترك تعليق كان مرضي او غيره.. مشكورين ..اسعدتوني ...يكفيني بردودكم اثبتو قلمي .. مادري لو كان بارتي الاخير بنفس مستوى البارتات السابقه ولكن الله يشهد انو حاولت اجمله رغم الضغوط اللي اعيشها والله من كثر ماني متاخره احس كل فكره تبخرت من راسي يروح وقت طويل وانا صاامده عند حدث ولافكره تسعفني اخلصه.. وبعدم رضاي كملته بطريقه عسى تعجبكم __ لكل من مر هنا اسفه لو ضايقت احد فيكم ..واتمنى انو تركت فكره جميله عني.. _ روايتي والروايات بشكل عام خياليه بقدر مانتمنى الحياه الواقعيه ليست بروايه الروايه فقط تحمل نكهه من الواقع لاتجعلو الروايات تبعدكم من الواقع.. _ ماقول انو هالروايه اخر محطاتي ..يمكن يحن قلمي لخيالات جديده .. وباذن الله بيكون لي عوده بفكره جديده مختلفه عن كل ماطرحته مسبق لابد يجي يوم وانثر مااخفى قلبي بين ايدينكم .. عشقت تفاعلكم وردودكم اخر شي اتمناه منكم دعوات صادقه من قلوب طاهره بالتوفيق..لانو الحين دخلت بمشروع حلمت فيه كثير واحتاج هالدعوات فلاتبخلون علي ي الغوالي ،، (قل هو الله احد--الله الصمد ..لم يلد ولم يولد..ولم يكن له كفوا احد..) | ||||||||
|
| |
|
21-03-15, 10:41 PM
| #78 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته ألف مبروووووك للكاتبه اكتمال راااااائعتها وإن شاء الله نرى لها مولوده جديده قريبا رابط لتحميل الرواية | ||||||||
|
| |
|
22-03-15, 01:30 AM
| #79 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 20 ( الأعضاء 7 والزوار 13) فيتامين سي, احترت بدنيتي!, amen alselawi, فديتك امي, karima73, summer cloud, نوت2009 | ||||||||
|
| |
|
22-03-15, 10:38 AM
| #80 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
| السلام عليكم ورحمة الله وبركاته صباح الورد الف شكر لفيتامين سي على النقل والف مبروك اكتمال الرواية ويارب نشوفين اعمال متميزة كهذه الرواية للكاتبة الرائعة | ||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
