دخيلك لا تخليني وحيد وترحلين أرجوك الكاتبة / تذكار العتيبي ، مكتمله

اسطورة ! · 08-09-14, 12:28 AM

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

كيف حالكم إن شاء الله بخير ؟

اقدم لكم روايه وان شاء الله تعجبكم

قراءة ممتعة

اسطورة ! · 08-09-14, 12:29 AM

بسم الله الرحمن الرحيم ،،

تمر الحياة بين حلم وآمنيه ولا يحدث إلا ما كتب الله لنا عيون تحلم وقلب يتمنئ والله كريم ،
.
.

.
.
.،، سبق لي أن كتبت قصص لكن هاهيأ مؤلودتي الآول آقدمها لكم بين أياديكم ،،
طبعآ آول مره أنزل روايه وأتمنى أنه تعجبكم، روايتي قصيره مرهه فـ أعذروني

◾️لن أسمح ولن أحلل ولن أبيح بنقل مؤلودتي بعدم ذكر أسمي _تذككار العتيبي _ ◾️
.

/ مدخل/

القلب طعنته وخنجرك كان مسموم
والجرح غاير والمشاعر قتيله ..!
وفيني آلم أكبر من أحساس مظلوم
يمنع دموعي كبرياء ثقيله ..!
➰➰➰➰➰➰➰➰➰➰➰➰➰➰➰➰

في يوم من ايأم الشتاء البارد الساعة 2:30 م ،
بـ عيون حزينهه وروحآ متوجعهه وأتهام أبتلت فيه وشعور مخيب للأمل ودموع متجمعه في محجرهاا تنظر آليهم بوجع من أبيها ثم أخيها الأكبر راكان ثم أخيها الثاني طلال مرورآ بأخيها الأصغر نايف
،، بصوت حاد وغاضب وقاسي: أي قليلة التربيه ياخايسه هذي أخرته تواعدين هاه ! منهو هذا بسرعه قولي بسرعه ولا قسم بجلالة الله لأوريك واعلمك شلون توطين راسي .
بأنكسار واضح وصوت مخنوق ويرتجف : يبه !! يبه تكفئ والله ما أعرف شي يبه الله يخليك لاتتهمن بكذب .
أبو راكان بصوت حاد : جب ولا كلمة وتكذبين بعد ، أجل من الي دق علي وقالي عن سوالفك ياحيوانه ولا متواعده معه بنص الليل بعد أنا اوريك شغلك _وسحب العقال من راسه_بخوف تترقب الي يصير وفجاءهه !!! اااااااااااااه _بصوت كسير من الآلم ودموع تسقط لا آرادي _ يبه يبه تكفئ اااااااه يبه أسمعني يبه والله مأ أعرف شي يبه انا بنتك _بصراخ مؤلم_ راكااااااااااااااان تكفئ ابعد ابوي طلال الله يخليك تعال ، ينظرون اليها بقهههههر و قلوب حاقده كأنهم بساحة قصاص ينتظرون من السياف يقص رأس القاتل . على مافعلته
آما الأخ الاصغر ليسئ بيده مايستطيع أرادته فـ ينظر اليهآ بالم فهو الوحيد الذي يثق فيها .
""بغرفة جانبيه نائمة بسلام اليوم الأربعاء فلا يوجد لديها محاظرات _of_ يوم راحتها فالدراسة الجامعية صعبة جدآ ، قامت بخوف وهي تسمع صراخ ابيها وأخوانها وصوت كسير بات يتقطع من الحزن والآلم مشت بخطوات غير موازنه وخوف يسكن قلبها فـ فتحت الباب بيدها المرتجفه لتسكن أطرافها برهه من الزمن لينصدم قلبها وهي تشاهد أختها ساقطه وأبيها بجبروته يضربها بـ عقاله ، لتندفع بقوته ساحبه أختها من بين أيادي ابيها .
ريم بصراخ : بس بس حرام عليك يبــــه حرااااااااااام ليش تضربها .
طلال بقهر وحقد : خليها تستاهل هي الي جابته لنفسها _بصوت مقهور_ أحسن تستاهل والله لو أبوي ما ضربها أني انا راح اضربها .
تقدم بخطوات ثابته ورفع قدمه ووضعها ع كتفها وبصوت قوي وصارم
راكان : سمعه هذي سمعتنا شرفنا ياحيوانه ليش _بصوت قوي_ ليييييش رماها بقدمه تارك خلفه البقيه خارجآ من المنزل .
فجاءه عم الهدوء في أرجا المنزل ، توجهة الأنظار الى التي واقفه عند الباب .
أبو راكان بعصبيه : تعالي شوفي بنتك الي خلت سيرتنا على كل السان تعااااااالي شوفي أخرت الدلع هذا أنا تنزل راسي ، شلون أواجهه الرجال هاه شلووووون لكن هين والله لا أعلمك هين .
خرج طلال بقهر ثم أبيه .
بصياح ودموع تسقط بلا توقف والم جسدي وروحي يعتصر ذالك الجسد الصغير : يمة ! يمة والله كذب والله العظيم ما سويت شي ماسويت ، كل الي صار كذب شوفي ،، شوفي كتبي توي جيت من الجامعه _كانت ترتجف وتشاهق_ ياويله من الله يمة ! ابوي ما رحمني ياويله .
ضمتها بـ حب الأم لابنتها وجعلت راسها على صدرها الحاني وهي تتألم من ألام جسدها بفعل والدها .

/ مخـــــرج/

من هول صكات الزمن صرت مرعوب
وعقب الشجاعة قمت أهدّي وأحاسب
وأحسب ليالي العمر والعمر محسوب
لاشك من فوق المحاسب محاسب
وإن رحت لا طالب ولا نيب مطلوب
خسارة الدنيا لديني مكاسب

اسطورة ! · 08-09-14, 12:33 AM

part 2

الشخصيات:
*أبو راكان ( أنسان قاسي شوي عصبي غني عمره 62 صعب التفاهم معه )
*أم راكان ( طيبه بالحيييل تحب بناتها وعيالها عمرها 49)
*راكان ( طيب حنون طويل أسمر جسمه رياضي يحب أخته الصغيره لكن أذ عصب مستحيل يتفاهم عمره 32 متزوج بنت عمه غلا ويحبها )
*طلال ( نفسه برأس خشمه عصبي طويل أسمر معضل شوي ، خواته يخافن منه عمره 28 ، مغرور ، أبوه بالغصب مخليه يداوم عنده بالشركه )
*نايف ( حبوووووب مره متوسط الطول عمره 21 ويدرس بالجامعه )
*ريم ( متوسطه الطول بيضاء شعرها للكتف حبوبه طالبه جامعيه عمرها 22)
*......( بطلة الروايه أممم أسمها مع الأحداث تعرفونه قصيره ،بيضاء ، شعرها طويل ،عيونها تذبح ، طالبه جامعيه عمرها 19 )
*غلا ( متوسطه الطول ، شعرها لنص ظهرها ، بنت عم راكان وتحبه بجنوووون عمرها 24)
______________
*مشعل ( ولد عمهم وأخو غلا طويل طيب وبسرعه يسامح يحب ريم من يوم هي صغيره عمره 28 )
_____________
*سعود ( أنسان حقود كل همه الفلوس ،طماع ، يكره ولد أخوه ، يعني كل الصفات الشينه فيه عمره 55 )
*أبو طارق ( تقريبا مثل صفات أخوه عمره 52 )

/ مدخل /

*قد قالوا الصمت ياناس هيبه
لاصار كثر الحكي ماله تعابير
لكن ترا الساكت سكوته مصيبه
يسكت وهرجه وسط جوفه طوابير *

بعد ساعة بالتمام دخل أبو راكان بغضب وناظرهن وبصوت مرعب : قومي يالله بسرعه زوجك ينتظرك عند الباب .
صــــدمه حلت على الجميع ولكن عليها هي بالذات موجعه بكل ماتحمله الكلمه
أم راكان بخوف : أنت وش تقول ، خاف ربك وأي زوج هذا هاه
ريم بآلم : يبه تكفئ يبه الكلام الي قلته صحيح ولا لا .
أبو راكان : وأنا من متى أكذب هاه _وبصراخ_ قومي يازفت يالله قومي مابي أشوفك من اليوم ورايح وبيتي لاعاد تدخلينه فهمتي .
آما هي لاكلام ولا صوت يعبر بما فيها فقط أكتفت بدموع تسيل وهي تردد بداخلها يارب .
أم راكان بصياح : حسبي الله ونعم والوكيل ، حسبي الله ونعم الوكيل فيك
قامت وهي لاتزال عباتها ولبس الجامعة عليها فـ دخلت غرفتها المشتركه بغرفة أختها فسحبت حقيبتها اليد فأدخلت ماتحتاجه فقط متناسيه جوالها وأيبادها
ضمت أمها وأختها بدون كلام فـ ليسئ لديها من البوح ماتقوله تاركه امها متوجهه الئ المرآة فرفعت نقابها ع وجهها ليبين فقط عيونها المكحله السائله بفعل دموعها خرجت الى الصاله لتجدهم فيها
رفعت راسها وبصوتها الكسير : دام أنك بعتني وأتهمتن بالكذب الله لايسامحك _لفت على أخوانها_
يوم أنكم ماتبوني الحين حتى انا ما أبيكم وشرفكم _ناظرت لراكان_ ترا مالعبت فيه رح دور على الي كذب عليكم وأتهمني .ومن عافن عفته حتى لوكان غالي ، خذت شالها الشتوي بالون البني لتدير ظهرها تاركتهم .
هاهي تخرج بخطوات حزينه ربما كسيره والحزن يطوق قلبها مودعه خلفها أشخاص أحبتهم .
.
.
أف زفر بضيق ، ياربي ساعدن أنا وش الي سويته أف صار لي نص ساعه والبرد يذبح هنا الله يسهل علي .
ناظرته بخوف رجل يرتدي الثوب البني ماسك هاتفه يتحدث به يقف بجانب جيبه التي يندرج لشركة
تايوتا _2013_ زفرر بضيق والتفت ليحدق بها لتتوقف انظاره بعيونها الدامعه دقائق .
بضيق ياربي كيف تكون حياتي معه والواضح انه ماهو من جماعتنا يارب ساعدني يارب
مشت بخطوات لتحتار في آمرها أين ستركب في الأمام أم الخلف ؟
أستعانت بالله فـ فتحت الباب الأمامي لتضع حقيبة اليد عند أقدامها وشالها بحضنها دافنه به يديها بفعل الهواء البارد .
آما هو فـ تعوذ من الشيطان ليقرا معوذاته وأذكاره ليفتح الباب ويجلس بجانبها .
شعور مخيف تشعر به وهو جالس بجانبها فلا تعلم ماهو أسلوبه ومعاملته وأيضآ آسمه وأين ساكن ، خائفه جدآ وهي تردد بداخلها يارب .
توقف ليهم بالنزول ، فـ رفعت رأسها لتقرأ الأحوال السعودية فلأن أصبح متزوج لأبد من تغيير بطاقة ليصبح كرت عائله .
آما هي لأتزال آلام جسدها يؤلمها بشكل غير طبيعي ولكن مأبيدها فعله لتردد بقلب صادق (حسبنآ الله سيؤتينا الله من فضله وأن الى ربنا لراغبون )
ركب بجانبها وآضعآ بجانبه هاتفه من نوع آيفون وتفكيره بعيد جدآ الئ أهله ماهي ردت فعلهم .
.
.
غلا بحزن ماسكه بيد راكان : راكان حرام عليكم ليش أتهمتوها ليش ، يمكن ! يمكن هي بريئه أصلآ مستحيل تسوي كذا ، راكان خالتي وريم مآ وقفو صياح ، يرضيك أمك ياراكان منهاره بالشكل هذا
راكان بآلم : مقهووووور ياغلا شلون أقابل أخوياي بالدوام مالي وجهه والله مالي وجهه ، سالفتنا صارت على كل لسان .
غلا : حبيبي مو هي دلوعتك مو هي غلاك طيب ليش ماتفاهمت معاها يمكن بريئه يمكن !!
بقهر : مقهوووووور منها اليوم دقي علي وعلى أبوي وطلال ، يقول شف أختك شف تربيتكم شف ، مقهور ياغلا مقهور والله ضايقه فيني الوسيعه .
ضمته بحزن هي تردد ربي يفرجها إن شاءالله .
ً*
**تظن فيني شر وأظن بك خير والظاهر ان الظنون تمثل أهلها **
" شطر واحد، زاد فيني الأمل
الأماني في رجئ الله ماتخيب "

لوحه بالأزرق _مخرج_ على جهة اليمين ناظر في المرآة الآماميه وضرب أشاره يمين للناس اللي خلفه ، وطلع ماسك الخط السريع تارك الرياض خلفه
الصمت من الطرفين يعم المكان مافيه أي حديث ينطرح بينهم ، شغل المسجل يضيع الملل والطفش وحط أغنيه عراقيه حزينه .
حزينه تتذكر ماحدث اليوم لاتذكر أنه خانة والديها بتربيتهم ، ولا شرفهم ولا خانة دينها
نامت بدون ماتحس بأرهاق وتعب .

/ مخـــــرج /

ً#نجد الصعوبة احيانآ في فهم ما يجري من حولنا!!
او نتصاعب ذلك ونعمي عيوننا عن اخطاء لا تعفى!
فقط لمواكبة القدر...وتحت مسمى النصيب والعار.
نتجنب البوح بأخطائهم...نسامح ونغفر مئات المرات...
وعند اول خطيئة منك،تجد نفسك في عداد المنسين،الملعونين.#

اسطورة ! · 08-09-14, 12:34 AM

Part ( 3 )

/ مدخل /
◼️
الردي يبيع خوتك لأول من يسوم
والكريم يولع النار في سوامها
وخوة ماهيب لله لا يمكن تدوم
تقدر بقدر المصالح تعد أيامها
◼️

في بيت رآقي عجوز في السبعين من عمرها رغم كبرها وضغط المشاكل وتعب الأيام الأ انها لا زالت تملك قوة ذاكره وقوه في الحديث تخلوا أبنائها عنها لأنها وقفت ، وقفت حق لأبن أبنها ، 15 عآما فارق والديه الحياهه فـ كانت له الأم والأب فـ دفنت شبابها لرعاية خالد فقط ، فـ هو الآن رجل يملك الكثير من القوهه والشجاعهه رعا جدته فكان لها خير الحفيد البار بها ، أهتم وحافظ عليها من كلام أبنائها القاسي عليها ،
فأبنائها طمعوا بورث أخيهم المتوفي فـ كانت بكل قوتها واقفه لهم فهذا حلال حفيدها خالد فـ هو الأن يبلغ من العمر 35 عامآ علمته الحياة الكثير من المصائب ومعرفة الأخوه الصادقه .

أم سعود بخوف (الجده): ياوليدي ياهيثم .
فز بخوف من صوتها بحكم كبر سنها يعتبرها جدته ، تارك خلفه شباب الأستراحه : أمري ياجدتي وش الي مخوفتس .
أم سعود بدموع : ياوليدي خالد أدق عليه مايرد ، راح أمس ويقول أنه اليوم بيجي ولا جاء .
هيثم : أفا يـ الغاليه لا تنزل دموعتس وخالد أن شاءالله مآبه ألا العافيه تلقين جواله صامت ، أنا الحين بدق عليه .
أم سعود : تكفئ طمنن عليه ماعندي غيره بـ هالدنيا .
هيثم بحب لها : أبشري أبشري ولا يهمتس .
قفل الجوال منها ودق على خالد ولا يرد : اف ياخويلد وينك فيه ، ودق مره ثانيه .
واقف خلفه فيه الضحكه على شكله المعصب وضرب بيدهه على ظهر هيثم .
هيثم بعصبيه : فهيدان يازفت كم مره أقولك لأ تضرب ولا والله لا أوريك شغلك لا أخليك تحرم هالضرب .
فهد بروقان : الله الله طول بعرض وصاك الثلاثين ومن شهر معرس وتقولي فهيدان حرام عليك.
هيثم : أقول متى علمك بخالد ؟
فهد : أمس كلمته قال أنه رايح للرياض ليه ؟
هيثم : جدتي دقة علي تصيح خايفه على خالد .
فهد :أفا أفا وطلع جواله ، أي داقه علي ،، دق دق على خالد .
هيثم : طيب

الساعة 7:15م
صحت من النوم على صوت جوال ولكن بوضع أهتزاز ناظرت قدام الطريق أسود موحش والصمت هو سيد المكان لفت بوجهها لقت كيس كبير فيه عصاير وكاكاو وأنواع من البطاطس ولوزين وقوارير ماء .
معناته أننا وقفنا عند محطة غريبه ماحسيت وأنا الوحيده من أخواني اللي نومي خفيف .
المشكله أني ما اعرف وين رايحه أف مالي غير أني أنتظر أي لوحه أشوف وين أنا رايحه . أف يالبرد أحسه يزيد من برودته .
يشوف الجوال يهتز مره بأسم جنتي ومره بأسم هيثم ومره بأسم فهد لكن للحين مو عارف وش يقول لهم رحت للرياض عزابي والحين راجع متزوج ، الله يستر من جدتي كيف بقوله . دق الجوال من جديد .
ياربي هذا وش فيه ما يحس _بخوف _ ياويلي ليكون جني ، حطت يدها على قلبها ، الدنيا ظلام والي معي مسكون ، بخوف وهي تردد بقلبها أية الكرسي والمعوذات ، لا لا وش فيني صرت خوافه كذا
تقريبا حوالي 5 دقائق ناظرت في اللوحه الزرقاء ( حائل -100كم)
هئئئئئئئئ ياويلي يعني انا رايحة لحايل يارب أستر ، يارب أستر .
دق الجوال من جديد ، رد بصوت رخيييييم وهادئ : هلا بـ الغالية .
أم سعود بخوف وعتب : خالد أنت صاير لك شي ، ليه ماترد علي ليه ما تطمنن عليك وهو أنا لي غيرك بالدنيا .
خالد بخوف عليها : يمه ، يـ الغاليه والله مابي شي بس جوالي صامت وهذا انا راجع ساعه بالكثير وانا عندتس ، تأمريني بشي ، ناقصتس حاجه علميني .
أم سعود براحه : لا يالغالي مآبي الأ سلامتك فمان الله .
خالد بحب : بحفظ الله

صوته مختلف تمامآ عن صوت أبوي وأخواني ، صوته ثقيل رزين هادي يمه أحس برعشه أول مره أسمعه يتكلم .

دق الجرس ثواني فقط الآ خدامة الجيران واقفه قدام أم سعود ، ومعها حافظه فيها كبسه وحافظه مرقوق وحافظه جريش وسلطة .
بلهجه أندونيسيه : ماما هزا أشا مال أنتي وبابا كالد ( هذا عشاء لك أنتي وبابا خالد )
أم سعود بحب لجيرانها : حطيه هنا قدامي ، وهي تدعي بالخير لجيرانها الطيبين من يوم راحت شغالتها وهم مهتمين فيها ، ناظرت ساعتها الذهبيه هديه من خالد وهي تتحسب جيت خالد ليتعشى معها .

دق جواله بأسم هيثم : هلا والله ............. الحمدلله بخير وانت شلونك ............. لا هذا انا شوي واصل البيت ............ يالله تآمر شي ............. مع السلامة .
وهذا انا دخلت حايل يارب يكون بعوني بس .
ربع ساعة فقط الآ هم واقفين قدام البيت .
وااااااو بيتهم راقي بس الحين وش اسوي هذا لا يتكلم ولا شي . وفجاءهه
خالد بهدؤ : تعالي معي .
مشيت وراهه بخطوات هاديه وأنا اردد بقلبي يارب ، فتح الباب بالمفتاح اللي معه ودخل بخطوات واثقه وأنا وراهه أرجف من الخوف والبرد ، البرد هينا يموت زايد حبتين
توزعت أنظاري على أرجاء بيته باين أنه راقي من تصميمه وأثاثه بس الله يستر من الي داخل .

سمعت الباب يتفتح متاكد مليون بالميه أنه خالد
أم سعود بحنان : تعال هينا ياوليدي أنا هينا .
توجهه للمكان الي فيه وبحب يمه
أم سعود : خــــــــال _وفجاءهه وقفت كلام _

/ مخــــــرج /

الفراق .. الضيق , الحظ .. العَنا ,
- الجروح إللي تجي بليّا ( طعون ! )

.. الظروف , الموت , الحزن , الهَنا ..
الدموع .. الصوت / خلْهُم : يسمعون
دام ندري الـ " بُكى " ما فادَنا !
[ ليه ما نرحَم قلوبٍ يدمعون؟؟! ]
إنبقينا ( ثنين ) . وكل شي – ضدَّنا !
: الصبر . . . كثر الأمل : ما ينفعون .
النصيب / الناس / قسوةوقتَنا :
مو بـ إيدينا هـ الثلاثه , يخضعون
العواذل ........ { عيدهم} بـ فْراقَنا
" فرصة " أعدائي فـ غيابي / يطلعون
راقبونا . . و إتعبوا . . . فيقربَنا
و
من يشوفـونا " تصدّق " يفزعون !
- صابنا إللي كاتِبَه [ اللـهُ] لَنا -
لومشاعرنا .. حبيبي يفجعون .. !
إنت ((( ضقت ))) فـ غيبتي لكن , أنا :
إنَّاللـه . . . وإليـهِ راجعون .

اسطورة ! · 08-09-14, 12:35 AM

Part ( 4 )

/ مدخل /

اجمـل ..ما في الحياة ...!! ان تجد انسان . . . يقرأك دون حروف .... ♥ يفهمك ... . . دون كلام .... ♥ ♥ يحبك .. دون مقابل ...♥ ♥

بصدمه أدهشت قلبها قبل عقلها ماذا حدث لأبنها ليدخل وبرفقته فتاهه .
أم سعود بصوت خافت مصدوم : خالد من هاااااااذي
خالد : يمه دخيلتس لا تفهميني غلط هذا زوجتي ، زوجتي يمه
أم سعود بصدمه : وشو _وبعصبيه_ خالد صاير لعقلك شي وش تقول أنت ؟ ولفت لها وش أسمتس أنتي ؟
وشلون وصلتي لولدي . تعاااااالي
قربت بخطوات مقتوله وبصوت كسير ودموعها تنزل : أنا أنا قوت أسمي قوت _وبصياح_ تكفين ، تكفين لا تفهميني غلط والله مالي ذنب ، الله يخليك أسمعيني الله يخليك تكفين .
أم سعود بقوه متظاهره : تعالي أمسحي دموعتس وقوليلي وشهي علتس .
آما هو واقف يناظر بصمت وينتظر اللي بتقوله
قوت : أنا ..................................................
( سارده لها ماحدث )
أم سعود بحزن : لا حول ولا قوة الإ بالله ، حسبي الله على كل ظالم ، هو أبوتس ليه يسوي بتس هالــون ، طيب أخوانتس وينهم ؟
قوت بصوت متقطع : أبوي عصبي صعب التفاهم معه وخواني مصدقين أنو انا أكلم _وبدموع _ حرموني من أمي حرموني بس أبي أمي ، وصارت تبكي
أم سعود بدموع : تعالي تعالي وضمتها لا تخافين أمتس أن شاء الله بتشوفينه وأبوتس يبي يعرف غلطته هو وأخوانتس .
قوت بالم ضمتها بقوهه وهي تشاهق
أم سعود : لا تخافين يابنيتي ربي عطاتس رجال صالح يخاف ربه كريم وشهم واللي أنتي تآمرين فيه ماهوب قايلتس لا أنا أعرفه ولدي وتربيتي ،
أم سعود : ياخالد تعال تعشاء وانتي يابنيتي تعشي بعد أكيد أنكم مو ماكلين شي .
خالد : أي والله يايمه أني جيعان على لحم بطني من الصبح .
سمو بالله وبدو ياكلون
أم سعود بعتب : ليه ما تاكلين ، هو مو معجبتس أكلنا
خالد بأبتسامه يبي يكسر جو الصمت بينه وبينها : يآيمه الله يهداتس ماتعرف تاكل
أم سعود بأستغراب : شلون يعني
خالد : ههههههههههه يعني ما تعرف تاكل بالارض مثلنا هي متعوده تاكل على طاوله وبعدين ماتحب تاكل أكل شعبي
أم سعود : صدق ياقوت هاللي يقوله ؟
قوت حسبي الله عليك يحسب أني ما استحي منه ، بحياء : لا يمه عادي أكل بكل الحالتين بعدين أنا احب الاكل الشعبي
خالد بأستنكار لا أرادي منها : يمه
قوت باحراج نزلت راسها
أم سعود : عادي عادي لا تستحين انا أمتس ما عليتس منه ، ولفت على خالد أنت شبلاك عليها واذا قالت يمه بكيفها
خالد بضحكه قويه : هههههههههههههههههههه هدي هدي يالغاليه ما قصدي شي بكيفكن قولن اللي تقولن
قوت بحياء : الحمدلله
أم سعود : وين وين والله ماتقومين تعشي ما عليتس منه
خالد : خلاص هذا انا قايم يمه تري بروح لهيثم يبيني
أم سعود : لا تاخر وانتبه لنفسك وتدف زين
خالد : أن شاءالله مع السلامه وطلع

بالأسترحه
هيثم بصدمه : قل تمزح
خالد برود : والله
هيثم : خالد ليكون رجعت مرام بنت عمتك
خالد : من هههههههه مرام لا مو مرام هذي عافه الخاطر خلاص ، هذي من نجد
السلام عليكم
لفو على فهد قاموا سلمو عليه
فهد : شلونك يقولون من طول الغيبات جاب الغنايم
هيثم بجد : وسؤالف بعد
خالد بضحك على شكل هيثم : هههههههههههههه
فهد باستغراب : وش صاير
الكل سكت ثواني .
خالد : ألسالفه وما فيها أن أنا اعرست
فهد : هههههههههههه قل غيرهه علم علم وش السالفه
هيثم : وهذي السالفه
فهد بصدمه : خالد وش هالزواج المفأجى ،، وش الي حادك عليه
خالد : ......................................( وقالهم سالفته )

��
الساعة 11:00م
جالسات بهدوء بعد مآغسلت قوت حافظات الأكل .
أم سعود بحنان : يايمه قومي روحي نامي
قوت بهدؤ : يمه وين أروح
أم سعود : لغرفة رجلتس
قوت بخوف : لا لا يمه تكفين أبي انا عندك تكفين يمه
أم سعود : ما يصير وش تبين خالد يقول
قوت : بس هالليله بس هذي
أم سعود : الشكوئ لله هالليله بس
دخل البيت الساعة 12:30ص أستغرب الهدوء دخل غرفت جدته وشافهن نايمات بجنب بعض
سكر الباب وراح لغرفته غير ملابسه وراح لسريره وأنسدح فيه وهو يفكر بحياته
��

فـ الصباح قدام الفطور
أبو راكان : ريم ليه ما تفطرين ؟
ريم بحزن : مالي نفس ، وقامت لبست عبايتها رايحه للجامعه وبهمس مع السلامه
أم راكان : مع السلامه أنتبهي لنفسك
أبو راكان وهو قايم : طلال لا تأخر على الشركه
طلال : أن شاءالله
نايف : يالله مع السلامه أنا رايح
أم راكان مع السلامه ، وطلع
طلال بهدوء : يمه
أم راكان :................
طلال : يمه ليش مأتردين علي
أم راكان بعصبيه وهي قايمه : مالي كلام معك فاهم ، وراحت
طلال بعصبيه ضرب على الطاوله وطلع
��
غلا : راكان حبيبي يالله الفطور جاهز
راكان بهم : لا حياتي مالي نفس
غلا : طيب حبيبي أنتبه لنفسك أوك
راكان وهو يبوس خدها : أوكي ،، وطلع
��
جالسين قدام الفطور ويفطرون
أم سعود بحنان : قوت
قوت بحزن : هلا
أم سعود : ليش مأتاكلين
قوت بهم : يمه دراستي اليوم عندي تسليم البحوث ، بحوث تعبانه عليه يمه مهمومه وش أسوي
أم سعود ناظرت بخالد يعني تكلم
خالد : لا تخافين ولا تهتمين ، تبين أسجلك هنا بالجامعه تري عندي وآسطات .
قوت بحزن : لا شكلي أبي اسحب هالسنه
خالد : بكيفك على العموم أذ ودك علميني بس . ولف على جدته يمه هيثم وفهد
يبون يجون ويسلمون عليتس .
أم سعود :حياهم الله ، الله يشهد أنهم رجال
خالد : أنا طالع تأمرن على شي
أم سعود : لا ، لا تطلع كذا البس لك شي عن هالبرد
خالد : أبشري يمه ،، وطلع
قوت : يمه قولي لجارتك لا ترسل شي خلاص ، أنا الي بطبخ وأزين كل شي
أم سعود بفخر : عشتي والله هذي البنت السنعه الي تشتغل مو مثل هالبنات هالايام ماغير نوم ولا طالعات ، بس ما قلتيلي كم عمرتس ؟
قوت : عمري 19 يمه
أم سعود : يعل عمرتس طويل أن شاءالله

/ مخـــــرج /

عــنــدمــا يــغــمــرنــي شــخــص بــأخــلاقــه وطــيــب أفــعــالــه فــانــي أقــف "حــائــرا" بــيــن الــصــمــت والــكــلام ، ســأخــتــار "الــكــلام"

عــنــدمــا يــكــون الــكــلام مــن فــضــة ولــكــنــي ســأفــضــل "الــصــمــت" أمـــام شــخــص أصــلــه مــن ذهــب

اسطورة ! · 08-09-14, 12:40 AM

Part ( 5 )

/ مدخل /

لســـت مرغمـــاً بـــأن أصبــــح رجـــــلاً تركــــع عنــــد قدميــــه قلـــــوب النســــاء....! ...بل أكتفــــي ان تشعــــرني أنثــــى واحــــــده..أني أعظم الرجــــــــال في نظرهــــا وسأجعلهـــــــا .إمرأة فوق كل النساء ..!!

بـ مجلس الرجال أمامهم ترامس القهوهه والشاي والتمر فـ الأول يتحدث والثاني منصت والأخر يضحك آما هيا سعيده جدآ بـ هؤلاء
فهد بضحك : يآجدتي وش رايتس أزوجتس أبو ناصر _أبوناصر شايب من رجال الحي معرف بالبخل وعنده ثلاث حريم وكل فتره يتزوج ويطلق _
أم سعود بكبر : والله لو مايبقى على وجهه هـ الأرض الأ هو أني مأخذه
هيثم بأبتسامه : ياجدتي خوذيه خالد وخلاص عنده بنت نجد ماهو فاضي لتس
أم سعود بخوف تناظر خالد وهي ساكته
خالد بضحك : هههههههههههه يمه لايهمتس كلامهم أنتي بعيوني لو أخذ أربع
صب لهم هيثم من القهوهه
فهد بمدح : اوووووه بس ريحة الهيل تصحي الرأس
أم سعود بأبتسامه : الله يسلم من سواهه
هيثم بنغزهه : شكله بنت نجد يافهد
فهد بآستهبال : بالله مشينا مشينا تبي ناخذ لنا حريم من الرياض
خالد بضحك : ههههههههههه والله لو تأخذون من هينا الين قدام ولا وحده بتصير مثل المدام
فهد : أووووووووه ياحركات عاد قل حياتي غلاي الحب
أم سعود بتعصيب خفيف : فهيدان لا تفسد ولدي وبعدين ياويلك أن سمعتك تبي تعرس على مرتك ياويلك
هيثم وخالد : ههههههههههههههههههههههههه ههههههههههههه
خالد بغمزهه : هههههههههههههه أجل تبي تفسدن هاه
خالد : لا خلاص تبنا
أم سعود : وانت ياوليدي متى تبي تعرس ؟
هيثم : قريب أن شاءالله
فهد بمزح : ههههههه ماتدرين ياجدتي يمكن يدخل عليتس بـ فلبينيه
الكل : ههههههههههههههههههه
أم سعود : أنا قايله لسانك متبري منك
فهد : ههههههههههه وانا صادق هالمستشفئ مليان فلبينو

هأهم دائمآ هكذا ضحك ومزح والأهم الاحترام ،، من جهه أخرئ
واقفه آمامها بأستغراب
ميار بصدمه : من أنتي
قوت بهدوء: أنا قوت زوجة خالد
ميار مصدومه : قولي والله ، متئ تزوجتوا ، ومتئ جيتي
قوت : أمس تزوجت وأمس جيت
ميار بفرح : يالله وناسه وصار لخالد زوجه غير مراموه الزفت
قوت بصدمه : لحظه لحظه متزوج من ؟
ميار : أصبري هذي سالفه طويله عريضه ، ودي قبل نروح للسوق
قوت : أي ياليت ماعندي شي
ميار : خلاص أجل خوذي الموافقه من خالد أما انا مضمونه وهذا السواق عند الباب
قوت بأحراج : ميار أنتي قولي لخالد
ميار بخبث : هههههههه مافيه أنتي قوليله ، يالله هذا هو جاء قوليله

** ميار عمرها 20 تصير بنت خالة خالد وأخته من الرضاعه **
خالد : أوووووه ميار عندنا
ميار بأبتسامه : هلابك والله شلونك
خالد : تمام شلون خالتي
ميار : أمي ههههههههههه زعلانه عليك
خالد : أفا ليه ؟
ميار : تقول مأشفته من زمان
خالد : أي والله معه حق
ميار بخبث وهي تناظر قوت وتسحب الكلمات بطء : خــــــالد قــــوت _وبسرعه_تبي تقولك شي بس مستحيه ، ويالله أنا طالعه أنتظر برا وطلعت
قوت هييييييي حسبي الله عليك الحين وش أقوله هين يامياروه .
تقدم لها وجلس عند رجولها
خالد بهمس : قوت
قوت بصوت ضعيف : همممممم
ومسك يدها شد عليه : آمري وش اللي تبينه ..
قوت بحياء وخدودها مورده : أبي أطلع مع ميار السوق
خالد بهدوء : بس خلاص روحي ، لحظة خذي وطلع لها _فلوس _تكفي
قوت بحياء : أيه وااااجد ، تسلم
خالد : الله يسلمك أي شي تبينه قوليه لي مو لميار
قوت وهي منزله راسها : طيب ، ممكن شوي بطلع
خالد بلعانه : لاااا
بصدمه ناظرت فيه ،
خالد : أول شي بوسيني من هينا وهو يأشر على خده
قوت بأحراج وصوتها يالله يطلع: خـ ـ ـالد
خالد بهمس : عيونه ، مافيه طلعه الأ بوسه
بحركه سريعه باسته وهربت
آما هو كان مستانس مررررررهه وراح لمجلس الرجال
.
فهد بأبتسامه : أوووووووه الوجهه منور زياده
هيثم : هههههههه يارجال أتركه الرجل توه معرس
فهد : يوووووه نسينا خلاص نبي نسكت
هيثم يالله يافهد وناظر بخالد وأم سعود : حنا نستأذن
خالد : وين وين تغدو معنا
فهد : لا والله ورانا أشغال
أم سعود : بحفظ الله ، مع السلامه
.
أم سعود بهدوء : خالد من اللي شهد على زواجك ؟
خالد : معارفي بالرياض كثير يمه
أم سعود بتسأول : والمهر
خالد وهو يطلع بطاقة صراف : هذا هو يمه أمس طلعت البطاقه وحولت المهر .....ألف .
أم سعود : أنتبه ياخالد لاتجرح البنت ، وخله بقلبك وحافظ عليه ، ترا الحين ماله الأ الله ثم أنت .
خالد: أكيد يمه قوت بعيوني ، وأن شاءالله هالزواج أفضل من الأول
.

/ مخـــرج /

.
.
ارجي السنين المقبله تنصف الحال ... عقب السنين اللي مضت لي حزينه
مشيت كل دروب الايام رحـال... طال الشقا والحزم طالت سنينه
وكل من نشد ويقول وش هي الاحوال... اجامله بالرد واقول زينه!!

اسطورة ! · 08-09-14, 12:40 AM

Part ( 6 )

/ مدخل /

ابيك تدري صوتك العذب لاغاب ....احس نفسي تنكسر من غيابه
كذا غيابك للحزن يفتح ابواب.... غصب علي البس شقاه وثيابه
ادمنت صوتك وأن تثيقلت كذاب .... من يعشقك لاغبت يفقد صوابه
.

الساعة 10:45ص
قوت بحياء : يمه ، تكلميلي عن خالد
أم سعود : خالد رجال ماخلوه عمامه بحاله علشان الورث يبون يأكلون حلاله والمشكله حتئ بنتي اللي هي عمته صافه معهم وتزوج مرام بنت عمته وكل يوم مشكله بس ربتس كريم وعافه من قلبه ، والحمدلله اللي جيتي بطريقه ، يايمه خالد أنسان كتوووم مايقولي كل شي بس أنتي حاولي تطلعينه من ضيقه خليله يفضفض لتس
قوت : يمه ليش عمامه مايبونه ولا يزورونك ؟
أم سعود بهم : ولا بيوم قصرت عليهم بشي ، ومع هذا كانوا بيرموني بدار المسنين عشان خالد يعطيهم حلاله بس وقف بوجيههم ولا سمحلهم _وبدموع_بس وش يفيد لا صاروا عيالي مايبوني
قوت بحزن ضمت أم سعود : ما عليه يمه كل أنسان محاسب على أفعاله والحمدلله أن ربي جعلك سند وعزوه ، وبكرا هم بيعرفون خطأهم
أم سعود وهي تمسح دموعها : يابنيتي خليتس مني الوقت راح روحي قومي خالد لصلاة الجمعه
قوت وهي قايمه : أن شاءالله
.
.
طلعت لدور الثاني وقفت قدام غرفته أف ياربي وشلون أصحيه
فتحت الباب ودخلت بهدوء شافته نايم بعمق ، قربت منه وبهدوء حطت يدها على كتفه
قوت بصوت ناعم : خالد ، خالد
خالد بأنزعاج : هممممم
قوت : يالله قوم لصلاة الجمعه
خالد وفيه النوم : كم الساعه
قوت : 11:14
خالد بصمت يناظر عيونها أماهي لآول مره تناظر فيه وفجاااااااء
سحبها وطاحت عليه وضمها له
قوت بخوف : أاهه
خالد بهمس وهو يمسح على شعرها : قووووت
قوت بجراءه تناظر بعيونه : لبييييه
خالد : لبيتي بمكه ، بس وش اللي سويتي فيني
قوت بخوف : وش سويت
خالد بهمس : خليتي قلبي يحبك
قوت فجاااءهه : ههههههههههه جد حتى انت ماتخليني أنام الليل من التفكير بك
خالد بحب : هههههههههه وأنتي بعد ، الأ تعالي ليش نايمه عند أمي
قوت باحراج : أمممممم أسولف مع أمي وما أدري الا وانا نايمه
خالد : بالله تلعبين على من
قوت : هههههههههههه طيب قم الوقت راح بعدين نكمل سوالف
.
.
.
بـ بيت ثاني
فهد بضحك : ههههههههههههههههههه وهههههههههاي
جالسه وتناظر فيه بعصبيه وزعل وهي تلمس ملابسها المبلله بالماء
فهد من بعد الضحك : برووو
أبرار ساكته
فهد يضمها مع الجنب : برووو حياتي خلاص
أبرار بتعصيب : والله يافهد أن سويت هالحركه لا أوريك
فهد : هههههههههه ويبوسها خلاص عاد هذا طبعي من اللي قايل لك ترفعين صوتك وانا نايم ، ديني ودين اللي يرفع صوته علي أحمدي ربتس أنتس زوجتي ولا كان ذبحتك
أبرار بدفاع : بس أنا مارفعت صوتي هذا صوتي الطبيعي
فهد بغمزه : بذمتك
أبرار : لا
فهد : هههههههههه وتزعل بعد
أبرار : ههههههههههههه المهم أبي اشوف زوجة خالد
فهد : خلاص العصر أوديك ، يالله باي
أبرار : بايااااات
.
.
.
من بعد صلاة الجمعه متجمعين على الغداء مثل كل مره الطفش والملل يعم المكان .
أبو راكان : ريم
ريم : سم يبه
أبو راكان : تجهزي الخميس الجاي زواجك من مشعل
صدمه عليهم كلهم
طلال : يبه وش هالكلام من متى صار
أبو راكان : ماصار شي الخميس الجاي تملك ويأخذه مشعل
أم راكان بعصبيه : يامحمد ماراح أسمحلك تفهم تتصرف على كيفك فاهم ليش أنت وش صاير فيك
أبو راكان بعصبيه : ألزمي حدودك وبعدين أنا ماني ناقص مصيبه جديده
ريم بصياح : المصيبه ماسويته قبل عاد مو الحين يبه تكفئ مابي مشعل تكفئ
أبو راكان بصوت عالي : لييه شايفه لك شوفه وتبين أنتظر مصيبتك
ريم راحت لفرفتها وهي تبكي
أم راكان بألم : حوبت بناتك مأراح تعداك ، وراحت
.
.
.
وبعد يومين بيت خالد
خالد : يمه بطلع للبر مع الشباب
ميار بشهقه : قصدك شيبان مو شباب
قوت : هههههههههههههه لا عاد حدك خالد بعز الشباب
ميار بغمزه : هههههه بدينا نغار ونحب ياحركاااااات
قوت بأحراج : كولي تبن
أم سعود بتساؤل : تطول ولا لا ؟
خالد : يعني أسبوع ، أسبوع ونص
قوت : متئ بتروح
خالد : بكرا ، بس حطي لي ملابس
قوت : أبشر
خالد: الله يبشرك بالجنه
ميار : أحــــــلا هذا عشق بس نوع ثاني
قوت : الله يرزقكك
ميار : آميييييييييين يارب العالمين
خالد بصدمه : أي قليلة الحياء ، وقدامي بعد وضربها بعلبة المنديل
قوت بوناسه : ههههههههههههههه تستاهلين

/ مخرج /

لا لاتلوم القلب يوم إنه اغلاك.... وش حيلتي مدام قلبي عصاني
غصب علي قلبي يوديني هناك.... جيت اشتكي لك من عذاب الزماني
ياروح روحي وش حياتي بلياك.... لاشفت زولك ارتبك في مكاني

اسطورة ! · 08-09-14, 12:41 AM

part ( 7 )

/ مدخل /

لا ضاق صدري رحت للبر حطاب ـــــــــــــــــــــــــ ــ وشبيت ناري في صحاري خلاها
وسط الفياض اللي بها أزهار وأعشاب ــــــــــــــــ ريح الخزامى فايح(ن) في مساها
استرجع الذكرى على رأس مرقاب ــــــــــــــــــــــ وأرسم لقلبي صورة(ن) ما نساها
دنياك تلبس لك عبايه وجلباب ـــــــــــــــــــــــــ ـــــ وتخفي غدر سود الليال وجفاها
شفت القمر يوم اكتمل صار جذاب ــــــــــــــــــــــ نور ليال(ن) مظلمه في سماها
ترى العمر مثل القمر طل ثم غاب ـــــــــــــــــــــ أغنم حياتك لا تكدر صفاها
حافظ على الطاعه قبل يقفل الباب ــــــــــــــــــــ ثم يتبين صحها من خطاها
اليوم فعل الطيب راعيه ما خاب ــــــــــــــــــــــ عند الرجال اللي بعيد(ن) مداها
الطيب يبقى يا فتى الجود لو شاب ـــــــــــــــــــــ في شجرة(ن) سيل المكارم سقاها
والبيت ما يبنى بلا أوتاد وأطناب ـــــــــــــــــــــــ ومن لا بنى يسكن مذاري هواها

الساعه 6:10م
جالسين عند النار خلفهم الخيمه ويمينهم سياراتهم اللي يضحك واللي يسولف واللي يغني ، اليوم الجوو حلو بعد المطر لكن البرد مره قوي
سلطان : الجو اليوم روعه
فهد : أي والله خصوصآ المطر اللي جانا طيب
أحمد: ياشباب من يبي يساعدن على الذبيحه
هيثم : أنا
راجح : ياشباب من يبي أصب له شاي
خالد : خذ عاد شاهي الجمر أحلا شي
منصور : أي والله صادق ياخالد
وصارو يسؤلفون
.
.
.
ميار بصوت عالي : قوووووووووت
قوت وهي جايه : خييييير
ميار بحماس : تعالي تعالي بسرعه
قوت تجلس بجنبها : نعم ، وش عندك
ميار بحياء : بقولك شي
قوت : وشو
ميار بأحساس: شفت وأحد مزززهه خقق يأويل حااااااالي عليه
قوت بأستغراب : وين شفتيه
ميار بحماس : هنا وانا داخله البيت الأ صدمت فيه أحسبه خالد صرت أخانق وعصبت عليه
بس هو خز فيني يممممممه يخوف طويل وعريض تخيلي كان متلثم بس عيوووونه عذاب
قوت : وما عرفتي من ؟
ميار بحزن : لا ، المهم خلي نهبل بخالد دقي عليه تكفين
قوت بحياء : لا لا أستحي
ميار بصبر : يااااربي أخلصي علي ودقي
قوت وهي تاخذ جهازها الجديد قبل لا يطلع خالد شراه لها : ياربي يدق أن شاالله مايرد
، هههههههه اشوء قفل الخط ولا رد
وفجاااااااااءهه سمعو صوت صراخ ونزلن تحت بخوف
سعود ولد أم سعود بصراخ وعصبيه: وينهاااااا وينها هذي والتفت على أمه عاجبتس اللي سواه هاه
متزوج له وحده مدري منين ، الله والعالم من وين ماخذه
أبو طارق أخوه : أكيييييد متستر عليه اكيييد ، يممممه هذا فشلنا عند الناس .
سعود : الحين مخلي بنت عمته وماخذ هذي وش لاقي فيها هذي هاه
أم سعود بقووووه وهدوء : خلص كلامكم ، أطلعوو برررا يالله برا

قوت بخووووف رجعت فوق ودقت على خالد
أبو طارق : محنا طالعين الين يطلقها واليوم بعد

قوت برجاء : تكفئ رد تكفئ

جالسين من بعد العشاء وسؤالف وضحك فجاءه حس بجواله يدق
قام بسرعه وطلع من الخيمه : ألو
قوت بصياح : خاااااالد اهئئئئ
خالد بخوف : قوت وشفيك ، وش صاير
قوت بدموع : عمامك هينا ويبونك تطلقني تعال خالد تعال
خالد بعصبيه : خييييير ماعليك منهم أنا الحين جاي ، وسكر
رجع للخيمه : ماعليه شباب انا مضطر أرجع
كلهم باصوات متفرقه : عسئ ماشر ، ليه ، الأهل فيهم شي ووووووو.
خالد : مافيه الأ كل خير بس مضطر يالله مع السلامه
الكل : لله يسلمك
سلطان : هيثم ولا راجح واحد منكم يعطينا قصيدهه
راجح : هههههههه فكوني انا هيثم أقصد
هيثم بثقه : أبشر ما طلبت شي
يقووووول

من قيض دنياي جيت ادور ظلالك
وارتاح من عقب ماأشقتني مسافاتي
هالك وضامي مشاعر والبدن هالك
يايبس ريق الخفوق وقل حيلاتي
واللي جعلني بلا تفكير أسعى لك
اني لأحسدك في صبرك بغيباتي
ياقو قلبك اقل القول ؟ وش حالك
شحّيت وش عاد لوني قلت لك تاتي
هبّتني اشواق لك وارسيت في جالك
وبالفعل الأشواق تجري عكس مشهاتي
لو هو بيديني أبد والله مااعنا لك
لكن شوقي فضح بقلبي بنظراتي
جيتك مجمّع حكي من يوم ترحالك
وصوّخ اذانك لصوتي واسمع الآتي:
ماأبدن سئمتك ولا ببدل إبدالك
به حي قد قال لك سئمت نبضاتي ؟
نعم أحبك ولا علي بإهمالك
وان كان حبك غلط ؟ ياحلو غلطاتي
هذا انا ياحبيبي بآترضّا لك
من يوم قفّيت وانا العله بذاتي
قفيت بالحالك ؟ ابدن ماانت بالحالك
خاوتك فرحة خفوقي وإبتساماتي
لشاعر/ سعيد بن مانع القحطاني

فهد : صح لسانك
سلطان : أي والله صح لسانك ماقصرت
هيثم : صح بدنك ، تسلم والله

بالرياااااااض
جالسه بحزن بفستانها الأبيض ودموعها تسيل اليوم مو يوم وناستي يوم تعاستي يوم مووووووتي
مابي مشعل مأ ابيييييييه
وبصراخ : قوووووولوا لبوي أني مو مسامحته مو على كيفه يتحكم بحياتي مو على كييييييفه ااااااهه
دخل عليها طلال : ريم يالله مشعل ينتظرك
ريم بترجي : تكفئ طلال تكفئ ما ابيه طلال الله يخليك
طلال بالم عليها : خلاص ياريم صار كل شي راح الوقت يالله تعالي وسحبها معه لسيارة مشعل وركبها فيها
مشعل وهو يسلم على راكاان : هههههههه ريم بعيوني ، مع السلامه
راكان : الله يسلمك
وصلوا الفندق ، جالسين بالصاله بهدوء مشعل بحب : كيفك ريم
ريم:............
مشعل قرب منها ورفع راسها بصدمه : ريم ليه تبكين
ريم وهي تتذكر كلام أبوها لها ان مشعل مايدري انها مغصوبه عليه ورافضته
مشعل بعصبيه : ريم ليش تبكين
ريم بصوت موجوع ودموعها تسيل : أنت السبب أنت _وبصياح قوي_
أنت وأبوي السبب كلكم دمرتوني انا مابيييييك أفهم أكرهك أكرهكك
وسكتت على صوت الكف منه
بدموع تناظره ويدها على خدها مشعل : ألا كرامتي فهمتي ألا هي .
دف الكرسي وطلع من الجناح

/ مخـــــرج /

الضحك ماهو علامة مستريح
والبكى احيان مايوحي بحزن
خذ مثل مني انا قلبي جريح
وابتسملك من غرابيل وشجن
وان بكيت يجوز ابكي من صحيح
من جرح,من ظلم ,من صدمة زمن
او يجوز ابكي على شان استريح
او نتيجة شوق او حزن وندم

اسطورة ! · 08-09-14, 12:42 AM

Part ( 8 ) ➡️
الأخييييييير

/ مدخل /

ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...

بعصبيه وقف عند باب بيته وهو يشوف سيارات عمه وبغضب دخل البيت
سعود بصراخ : وينهااااا تعاااالي انتي مالك جلسه هينا
خالد بعصبيه : خييييييير وش تبي
أبو طارق بخوف : طلقها ياخالد سيرتنا صارت على كل لسان
خالد بصراخ : مووو مطلق وأعلى مافي خيلك أركبه أنت واخوك وبعدين هذا شي راجعلي مال أي احد دخل فيه سااامع
سعود : شلون يعني تارك بنت عمتك وجايب هذي الله والعالم عاد من وين جايبه
خالد بصراخ : ثمــــــن كلامك وبنت محمد هي أشرف منكم وبنت أختك هااااذي زوجه ولدك اذ انت خايف عليها فاااااااهم ، والحيييين بررررررا
أبو طارق : عاجبك يمه عاجبك يطردنا قدامك مافيه أي احتتتترام
أم سعود ناظرت فيهم وبروود : بررررررررا مابي أشوفكم
طلعوا وهم يتدعون على خالد ويرمون أنواع الكلام
أم سعود برجاء : رووووح ياخالد لقوت أكيد سمعت كل شي روح لها
طلع لدور الثاني شاف قوت ميته من الصياح وميار تهدي فيها
خالد بأمر : ميار خلاص روحي لبيتكم يالله
ميار وهي تقوم تلبس عبايتها : طيب
جلس عندها ورفع يدينها عن وجهها وضمها له وهي ضمته بكل قوتها وبصياح : خـــالـ ـدد
خالد بهمس وهو يمسح على راسها وظهرها : يـ روحهه
قوت وهي تشاهق : خالد لا تخليني خالد تكفى
خالد يضمها بقوه : اشش خلاص من يقول اني بتركك
قوت بدموع وهي ترفع راسها وتناظره : عمك يقول
خالد : ههههههههههههههه وأنتي مصدقه كلامه
قوت ببرائه : ايه
خالد وهو يضمها من جديد : لايهمك كلامه ماعنده سالفه
قوت بحياء وهمس : طيب ، خالد بقولك شي
خالد بهمس : قولي ياروح خالد
قوت : أنا أنا حامل
خالد وهو مصدوم ومو مصدق رفع قوت من صدره : جد قوت قولي الصدق جد حامل ولا لا
قوت بأحراج : والله والله ياخالد حامل
خالد وهو يبوسها بقوه : ههههههههه انا بروح اقول لـ مي ، أمي تنتظر هالخبر من زمان
قوت بحياء : طيب

بالرياض
دخل عليها نفس مآتركها تصياح بألم وحزن فأبوها لم يرحم أختها قبل لا يرحمها
بصوت جاف : تولمي بعد نص ساعه رايحين للشرقيه . وطلع
قامت وبداخلها هذا وش فيه مايحس يبيني أروح هالحزه غيرت فستانها ومسحت مكياجها ولبست بنطلون أبيض وبدي أزرق بس.
شاف ساعته 2:15ص خلاص ماهو قادر يجلس أكثر من كذا قام لها شافها معطيته ظهرها بلع ريقه بصعوبه : ريم نبي نمشي يالله
ريم بحزن وهي تأخذ عبايتها : طيب
.
.
.
قامت بسرعه من النوم وهي تشوف خالد نايم وراحت للحمام*أعزكم الله* تستفرغ بوجع غسلت وجهها وهي طالعه من الحمام الأ خالد قدامها صدره عاري ماعليه الا سروال البجامه فقط والخوف باين عليه : قوت حبيبتي وش فيك
قوت بحياء : خالد مافيني شي بس تعب شوي
ضمها لصدره وبحب : تبين أوديك للمستشفى
قوت بخوف : لا لا خالد خلاص صرت زينه
خالد شالها وحطها على السرير : طيب خلاص أرتاحي
أنسدحت وسحبت الحاف عليها وهو أنسدح جنبها : ليش أحسك حزينه
قوت بدموع : أشتقت لمي أبوي حرمني من أمي
خالد ضمها بقوه ومسح دموعها : خلاص ياعمري أمك بأذن الله بتشوفينه
قوت بفرح وهي تضمه بقوووه : جد جد ياخالد
خالد بفرح لها : أي جد أصلن أنا مسوي لك مفأجاه لكن أنتي بدموعك هذي خربتيها
قوت : ههههههههههه ياعمري أنت الله يخليك لي ولا يحرمن منك
خالد : آمييين ياقلبي
قوت بدلع : متى راح أشوف أمي
خالد أممم _وهو يقلد دلعها_هاليومين هذي
قوت : ههههههههههههههه لاتقلدني
خالد : بالله ههههههههههههههههه
.
.
.
أف وش فيني صايره أفكر فيه كثير وهذا هو متلثم بعد يارب صبرك بس
راحت للمطبخ جاي بنفسها كباتشينو سحبت الكرسي وماتدري أن الأرضيه ماء من بعد أخوها صارت تتناول الكرتون وفجأءه أختل توازنها وبصوت واحد : اااااااااااااااااااه يممممممه
طاحت على يدها : يمممممممه يدي يممممممه
نزلت على صراخ بنتها وهي خايفه دخلت المطبخ بخوف
أم عبدالعزيز : ميااااار ميار وش فيك
ميار بدموع وصياح : يمممممه يدي مقدر أحركه
أم عبدالعزيز : خلاص ألحين أوديك للمستشفى وين عبايتك
ميار بصياح : بغرفتي أيهئئئئئئئئ
طلعت وأخذت جوالها ودقت على خالد
.
.
قوت بهمس : خالد جوال يدق
خالد بهمس مشابهه : بكيفه
قوت : خالد حرررررام يمكن أحد يبيك ضروري
سحب جواله وفز بخوف هذي خالتي : ألـــــو
أم عبدالعزيز بحزن : خالد يمه بسرعه تعال ميار طاحت على يدها وتصيح تعالدخذها للمستشفى
خالد : أبشري ياخالتي شوي واكون عندك ، مع السلامه
قوت بخوف : وش صاير خالد
وهو يلبس ملابسه : ميار طاحت على يده وابي أوديه للمستشفى يالله قوت مع السلامه
قوت بحب له : الله يسلمك ياعمري
.
.
.
رفع جواله وأستغرب خالد يدق عليه هالحزه
هيثم : ألو
خالد : مرحبا ، شلونك هيثم ، أنت وينك
هيثم أستغرب سرعة خالد بالكلام : أنا بالمستشفى شوي وأطلع ليه
خالد : لا لاتطلع الحين جايك
دقايق الا هم بالمستشفى وميار تصيح شاف هيثم جايهم
هيثم: أهلن خالد وش فيك
خالد : أنا مافيني شي لكن أختي طاحت على يدها وابيك تسوي لها أشاعه
هيثم : أوكي تعالو
ربع ساعه وهم يسوون لها أشاعه على يدها والنتجيه كانت
خالد : هاه أيش طلع
هيثم : معاها كسر
خالد : أفا
هيثم : ثواني بس ونجبر لها يدها
بالغرفه خالد وميار فقط
خالد بضحك : ههههههههههههههههههه تستاهلين خلي اللقافه تنفعك
ميار وهي تمسح دموعها : خالد أطلع برااااا
خالد : أكيد مسويه لك بلاء
ميار : كله من الزفت عزوز هو اللي كان بالمطبخ والله لوريه
خالد : ههههههههه ياويلك ياعزوز
سمع كلامها مشبه على الصوت دخل وهو بنفسه جبر يدها
ميار بصدمه وبداخلها هو والله هوو هذي عيونه ياربي أحس قلبي يرجف
ناظر عيونها الدامعه وبهمس : والله تعرفين تخانقين بعد
ميار بخوف وصدمه منزله راسها
هيثم بهمس كمان : هاه وين السانك
ميار بخووووف وقاطعهم صوت خالد : خلصت ولا لا
هيثم : لا خلاص ، وبهمس : لنا لقاء
.
.
.
بخوف مو مصدقه راح تشوف بنتها قوت قلب الأم غير يحن ويشتاق قلب الأم غييييير
دخل عليها نايف: يمه خيير وشفيه صوتك وليه أنتي بيت خالي ؟
أم راكان : قوت يانايف بشوفها الحين بتجي
نايف : جد ، جد يمه ااااهه الحمدلله لك يارب
أم راكان : أيه جد ، من يصدق ثلاث شهور ماشفت بنتي
نايف : الحمدلله يايمه ، الحمدلله
.
.
.
بـ أحدئ شاليهات الشرقيه واقفه من خلف الزجاج وتناظر البحر ودموعها تسيل علئ خدودها
فجاءهه ضمها وصار ظهرها ملاصق لصدره
مشعل بهمس : أنا سبب هالدموع ؟
ريم :...................
مشعل : ردي علي أنا السبب
ريم لفت له وصار مايفرق بينهم غير شي بسيط ناظرت عيونه وهزت راسها بلا
مشعل بتساؤل : أجل
ريم : مادري مقهوره منك ومن أبوي وأخواني
مشعل بحب : أششش خلاص أنا مستعد أعوضك عن كل شي
ناظرت فيه بألم ومشت بخطوات بطيئه ،، ثواني الأ حست يدها وجسمها قدامه
مشعل برجاء : يرضيك ، تروحين وتتركيني وحيد هاه يرضيك
ضمته بقووووه وهي تصيح : لا لا مايرضيني مشعل لا تتركني
ضمها بجنون : مستحيل مستحيل أتركك مستحيل يالريم
تولمي بكرا راجعين للرياض عندي لك مفاجاءه
ريم بفرح : صدق
مشعل : أيه صدق وبأس خدودها
.
.
.
بعد صياح قوت وفرحتها بأمها وأخوها نايف
تناظر بـ خالد وهي تبتسم بفرح له وتشكره بهمس بدون محد يحس الأ هو
قوت : يمه أبي أجلس عندك هينا
أم راكان بتردد : يايمه شوفي رأي راكان أنا مالي دخل
بأن عليه الضيق الود وده أن قوت ماتتركه ولا يوم : بكيفك على راحتك
قوت : يسلمو خلوووودي
أستاذن وطلع لشركته
بعد يومين مر عليهم حتئ يسلم عليها ويودعها
خالد : يالله قوت أنتبهي لنفسك أنا ماشي
قوت بدموع : وين أجلس شوي
خالد : ودي بس لازم أروح
ضمته بقوه وهي تهمس بأذنه : مستحيل أتركك وحيد ، ثواني بس وانا جايه معك
ضمها بقوه وهو مصدوم : أيش
قوت ببراءه : بجي معك اصبر شوي
راحت وهو مستانس ويردد بـ الحمدلله لك يارب ،

➖➖➖➖➖➖➖➖➖➖➖➖➖➖➖➖
مآبعد النهاية ،،

أبو رآكان توفئ بعد ماضربته جلطه دماغيه ،، بـعد ماعرف بظلمه لـ قوت كان بالشركه دقت عليه بنت من نفس جامعة قوت وقالت أنها هي اللي مرسله واحد يتكلم بقوت ويكذب عليها .

راكان >> أنصدم من الحقيقه وندم بقوووووه وطلب السماح من قوت .عنده بنت أسمها جوري
طلال >> نفس حالة راكان ، وتزوج بنت خالته وعنده ولد (محمد)
أم راكان >> سعيده بوجود عيالها وأحفادها كل يوم يجون عندها وأحيان ينامون عندها
ريم >> عندها بنت أسمها كادي وسعيده بوجود مشعل معاها ،، ومشعل نفس الشي .
غلا >> مرتاحه بعد ماعرف راكان الحقيقه لأنها تعتبر قوت أختها ، وهي حامل بالشهر السابع .
نايف>> حلمه وطموحه الدراسه بـ أمريكا والحمدلله تحقق هذا الشي ، خاطب بنت صديقه أمه .
أم سعود>> جاء أبوطارق يطلب سماحها وهو ندمان بعد ماتوفى أخوه سعود قدام عينه وعرف بخطاه .

أبرار وفهد >> كل يوم وآحد مسوي مقلب بالثاني ويزعلون ويرجعون يراضون بطريقتهم عندهم ولد سماه على هيثم وصار هيثم الفهد .

هيثم وميار >> بعد حب نظراتهم دام شهرين ونص بسبب مراجعات ميار ليدها ، تزوجوا وعندهم بنت مثل القمر ، وسموها قمر

خالد وقوت >> بحياتها ماكانت تحلم بمثل عيشتها مع خالد حياة جميييييله مره وتحب خالد بجنون وسامحت أخوانها بعد كلام خالد لها أنهم أخوانها ومالها غيرهم وعندهم ولدهم فهــــد يحبونه هو عشقهم ، وهي حامل بالشهر الرابع .

/ مخرج /

أفعل ماشئت لكن لا تظلم أحدآ ،،
وتميز بما شئت ..لكن لا تتكبر أبدآ ،،
وخاصم من شئت ..لكن لا تشتم أبدآ ،،
وأغضب كما شئت ..لكن لاتجرح أحدآ
.
.

فيتامين سي · 27-11-14, 11:07 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري