آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-09-14, 12:19 PM
| #21 | ||||||||
| مراقبة عامة ومشرفة منتدى الروايات المنقولة  
|  الجزء(22) انتهى شهر رمضان و جا عيد الفطر السعيد الكل فرحان بقدومه و الدنيا محلوهـ بعين الكل .. يوم الاحد كانت الفرحه في بيت ام نواف فرحتين , فرحه العيد و فرحه زواج نواف الليله . الكل محتاس بالترتيب و التنظيم استعداداً للحفل, احمد خذا سياره اخوهـ للمغسله ينظفونها و يلمعونها .. وفهد الصغير على غير عادته قاعد بغرفه نواف يلعب بسياراته و نواف منسدح على السرير يحاول ينام او يغفو لفتره حتى يريح باله و عيونه من التفكير. ************************************************** بعد العشاء الكل واقف على اقدامه في صاله العرس اهل العروسه و العريس كانوا متفاهمين و متعاونين على ان الزواج يتم بهدوء بدون أي مشاكل مثل اللي نسمع عنها .. بدوا المعازيم يهلون و كل وحده من الحريم متكشخه و تتميز عن الثانيه بشئ . الساعه 11 طلت مشاعل على الصاله شافت جموع وعالم وكانها داخله بعلبه ألوان , و ازعاج من صوت المطربه وهي تغني و تحي الحفل بصوتها و البنات على الكوشه يرقصون كان المنظر حلو و من داخل قلبها مستانسه على اخوها و لميس . نزلت من الدرجات بكل نعومه حتى ما تزل رجولها و تطيح واتجهت لطاوله شمس وامها تشوف اخبارهم واذا محتاجين شئ مشاعل: هاااه شو عاملين الحلوين شمس: تمام انتي اخبارتج شلون العروس مشاعل: الحمدلله تمام ... عساكم مرتاحين ام سيف: الله يسلمتج يا الغاليه مرتاحين و الله يقويكم ******************************************* في وسط الزحمه و الناس ..كانت ساره بعيونها تجول في الصاله و تشوف ضحكات الناس و ابتسامتهم دليل على راحتهم و بنات خواتها كل وحده احلى من الثانيه رايحين و جايين بكل روعه و ثقه الا هي قاعده بمكانها و تندب حظها و تتذكر مشاري لو انها ما انفصلت عنه كان الحين هي بمثل هاليوم الكل نظره عليها و يبارك لها لاكن ما ينفع شئ الحين.. هذولا هم بنات خواتها اصغر منها و بيتزوجون وكل وحده بتشوف حياتها الا هي بتقعد في مكانها ولا احد بيطل فيها مثل ما قال مشاري عجوز تتشبب.. قامت من مكانها بسرعه قبل لا تطيح دمعتها و تنفظح وراحت لغرفه الملابس بعيد عن الكل , اول ما دخلت لقت ملاك قاعدهـ و الحزن يغطي ملامحها و كأنها بعزى و حولها غيمه سودهـ ساره: وشفيك قاعده هنا ..قومي اطلعي برا شوفي العالم و الناس تخطب في بنات خالاتك وانتي هنا , الحقي على نفسك قبل لا يفوتك قطار الزواج طنشتها ملاك و استحرقتها على تفكيرها كله مصب على الزواج , ما سمعت لها و ظلت عايمه بحزنها. *********************************** دق جوال مشاعل و شافت الرقم كان عبدالرحمن اللي داق عليها و يطلبها تطلع له من الباب اللي في الخلف يبيها ضروري.. قامت من مكانها و راحت للباب مشاعل: نعم دحوم وش بغيت ما تكلم عبدالرحمن اكتفى انه ابتسم والتفت علي يمينه وكأنه يقول لها شوفي , يوم التفت مشاعل انصدمت من الرجال اللي واقف بجمب اخوها بابتسامه باهته على وجهه و التجاعيد الخفيفه على طرف عيونه .. اما الرجال انبهر و انصدم من اللي قاعد يشوفه قدامه وان هذه مشاعل صارت كذا وكل شئ فيها تغيير ما كأنها البنت الصغيره الدلوعه بملامحها البريئه . ابو نواف: السلام عليكم ..شلونك مشاعل مد يده يسلم , بينما هي تجمعت الدموع بعيونها و مدت يدها له وسحبته شوي للداخل حتى تضمه كان ابو نواف في صراع مع دموعه علشان ما تنزل اما مشاعل فما قدرت تتحمل و نزلت كم دمعه على خدها ابو نواف: شلونك ..وشخبارك مشاعل: الحمدلله تمام ... ماشي الحال ابو نواف: شلون امك واخوانك واهلك كلهم بخير مشاعل: أي كلنا بخير انت كيفك و ش علومك يبه ابو نواف: بخير دامك بخير .. مبروك على اخوك وعقبالكم يارب , و اشوفك عروس مشاعل: الله يبارك فيك كانت مو مصدقه اللي تشوفه ابوها اللي لها كم سنه ما شافته فقط تسمع صوته و تحلم فيه اخيرا شافته و كانت لها مفاجئه كبيرهـ وخصوصاً انه تغيير 180 درجه عن اول بشكله و اسلوبه قبل كم سنه يوم كان عايش معهم في بيت واحد وهي بين امها و ابوها , كان ابوها اطيب منه مافي وحنون ما يرفض لهم طلب ولا يسمح لهم يبكون , الا يوم تسلط عليهم خالها خالد ابو عبدالله وهو من الاساس ما يحب ابوها ولا كان وده امها تتزوج ابوها لانه مو عائلتهم وكان بينهم تنافس شديد في الشغل , كثرت المشاكل من تحت راس ابو عبدالله و صارت قصص و هوشات بينه وبين ابو نواف حتى صارت ام نواف في وضع محير إما توقف مع اخوها او مع زوجها ابو عيالها و كلهم غاليين عليها وبنفس الوقت كانوا اهلها ضاغطين عليها و الكل يعاتبها لو بس فكرت توقف مع زوجها او تساندهـ وكانت دايما ام خالد تكرر: اللي مافيه خير بأهله مافيه خير بالناس , وانتي يا عبير لو قويتي زوجك على اخوك بكره بتندمين وبتشوفين بحياتك .. زوجك مو دايم لك ويمكن يجي اليوم اللي ياخذ عليك وحدهـ ثانيه ساعتها محد بيوقف معك الا اخوك ومن هالكلام و التعليقات اللي تاخذها من خواتها , الا ان طفح الكيل بابو نواف و زادت المشاكل بينه وبين ابو عبدالله وانتقلت الى بيته صار يتهاوش مع زوجته ام نواف و صار اليوم المشؤوم و طلقها و ترك لها العيال و سافر للرياض بعيد عن مشاكلهم .. تزوج وعاش حياته وهم كملوا حياتهم بلا اب قريب , ومع مرور الزمن صارت تعاني ام نواف من نظرات الناس و كلامهم بأنها مطلقه واكيد هي السبب ولا ما تخلى عنها زوجها بعد هالعشرهـ و المشكله ان النظرات من ناس بعاد و قراب حتى الاهل ما سلمت منهم . مره اختها ساره قالت - اصلا الوحده بعد ما تنفصل عن زوجها بطلاق او موت مالها أي قيمه و حيل الله يعينها على نفسها ويعين عيالها غير لوم اختها ام سلطان وهي تقول - كان داريتي الاثنين زوجك واخوك و كوني مره بصف هذا ومره بصف هذاك ... شوفي الحين وش استفدتي صرتي مطلقه بــ5 عيال كانت كل ليله تعيش بغرفتها وحيدهـ ما حولها احد غير صدى اصواتهم وهم يلومون ويعاتبون و نظراتهم المليئه بالشماته و الاستحقار .. لاكن ربي ما يخلي احد سخر لها عيالها وهداهم وصاروا كبار و كل واحد شايل نفسه ويفكر فيها قبل نفسه و الحمدلله هي بين عيالها ربتهم و علمتهم وهذا هو الكبير زواجه اليوم اما اخوها ابو عبدالله لقى جزاءه و يشوف ردت افعاله بحياته من زواجه بام عهود وطلاقه لسبب امها المتسلطه و اللي خربت بينهم ثم تزوج بام عبدالله المرأه ذات العقل الصغير و الفاشله كانها شيطان بين الناس .. والله يعينه مدري وش بيشوف بحياته جزاءاً له ما يدري ان خراب البيوت وراه ندم و حسرهـ . ************************************** انزفت العروس لميس على موسيقى هادئه و المصوره قدامها تلتقط لها احلى الصور للذكرى و الناس كلهم منبهرين بجمال البنت و ملامحها الناعمه ... جا وقت زفه نواف لها و طلع مع ابو لميس و اخوها ايضا هو ما كان اقل منها جاذبيه بلونه الاسمر و رزانته عاد وقتها الناس ما خلوا شئ الا و تكلموا فيه اللي تقول "اكيد بيطلعون عيالهم قمر " و الثانيه تقول" كل واحد احلى من الثاني هي بأنوثتها و هو برزته و رجولته" و طول الوقت ام نواف تسمي على ولدها و زوجته و تدعي ربها يوفقهم بحياتهم ويرزقهم الذريه الصالحه . بهالوقت العالم عيونهم متوجه على الكوشه هي كانت عايشه بانواااع الحزن و الضيقه غير القهر اللي بقلبها و لو عليها كان ذبحت لميس بيدها , بكل قوه و جرأه وقفت بدون حتى ما تتغطى اكتفت بوضع الشال على كتوفها و يوم شافتهم طلعوا من الصاله رايحين يقطعون الكيك و ام نواف وراهم طلعت هي الثانيه تحت نظرات بنات خالتها مستغربين من تصرفها الغريب و مالها حق تلحقهم وهي ما تمت لهم بصله قريبه . في الغرفه وقدام الكيك علشان يقطعونه و المصوره وراهم تاخذ لهم صور كان نواف وجهه منصفق و باين بعيونه الضيقه استغربت امه من نظارته و فسرتها على انه متوتر , غير لميس اللي وجهها احمر و مو قادره تنتطق بحرف حتى يوم باركوا لها الناس يالله ردت عليهم بصوت خافت من الحيا . ******************************* من جهه ثانيه طلعت هديل تكلم بجوالها بعيد عن الازعاج هديل: أي سعود ويــ ..... وقفت عن الكلام وهي تشوف ملاك تمسح دموعها بعيد عن الناس هديل: سعود اكلمك شوي يالله باي سكرت منه وراحت لبنت خالتها تشوف وش فيها تبكي هديل: ملاك وشفيك التفت بسرعه وهي تمسح دموعها: ما فيني شئ بس شويه تعب هديل: روحي ارتاحي ... يمكن الوقفه كثير تعبتك ملاك: يمكن ... مشت وخلت هديل بحيرتها منها " وشفيها ذي تبكي كل ذا فرح يعني , لو انها اخته كان قلنا , ما ادري وش عندك يا ملاك ما اتوقع التعب يغير ملامح وجهك لهالدرجه " **************************************** عند الرجال كان هو اسعد واحد بالدنيا لان اليوم زواج اخوه ومحد قدهـ .. ونفس الشئ حسين كان مرتاح لصديق عمره و فرحان له من قلبه حسين: مبروكـ و عقبالك احمد: الله يبارك فيك عقبالنا كلنا ... والله اليوم احس اني بطير من الفرحه حسين: هههههه الله عليك اجل لو عرسي وش بتسوي احمد: هههههههههههه لو عرسك بصير مطرب واجي اغني لك ومناك سلطان يسولف مع مجموعه من العازيم لانه اجتماعي و يحب يتداخل مع الناس , اما ابو نواف قاعد بسلامته مبتسم و بعيونه لمحه حزن او هم من هموم الدنيا على كذا ما رحمه ابو عبدالله من نظراته القاتله و الشريره وكأنه للحين ما نسى اللي صار بالماضي . قام ابو نواف و اتجه لولده احمد يسلم عليه لانه بيطلع احمد: يبه تو الناس اقعد شوي ابو نواف: لا والله بروح ارتاح و بكره سفرتي راجع للرياض تعرف الشغل ما يرحم يوم شافهم عبدالرحمن قرب منهم يشاركهم الحديث عبدالرحمن: طيب اجل شغلك ان كان مو مهم واقعد لحد ما يرجع احمد و ارجعوا مع بعض احمد: أي والله يبه فكره دحوم حلوهـ ... ابو نواف: لو اقدر كان سويتها بس اخوانكم هناك و امهم و الشغل بعد ما اقدر أأجله تضايقوا العيال من طرى زوجته الثانيه و عياله احمد: خلاص اجل براحتك عبدالرحمن: انتبه لنفسك يبه ابو نواف: انشاءالله وانتوا بعد انتبهوا لنفسكم ولاخوانكم وامكم وهالله هالله بدراستكم ابيكم تصيرون متفوقين و بالمركز الاولى احمد: انت تامر امر ودعهم و وصاهم يبلغون سلامه لامهم و مشاعل و الاهل و راح لشقته يرتاح على ما يجي وقت سفرته. انتهى العرس و الكل توجهه لبيته بعد تعب هذا اليوم الجميل كانت ام نواف في قمه التعب و الارهاق و ام سلطان اقل منها تعب لانها كانت ذراع اختها الايمين .. *********************************** ثاني يوم على المغرب قامت مشاعل من النوم و دخلت الحمام خذت شور بسيط ينشطها ثم لبست ونزلت تشوف اخبار امها , راحت لغرفتها ما لقتها , اتجهت جهه الدرج بتنزل الا شافت اخوها فهد يطلع بسرعه و باين عليه التعب يوم وصل وقف قدامها يلهث من طلوع الدرجات بسرعه مشاعل: فهود..شفيك تركض فهد: الحقي ماما .. قاعده بالصاله على الكرسي خافت مشاعل على امها و مسكت يد اخوها و نزلوا بسرعه للصاله وبالفعل لقتها قاعده على الكرسي و لابسه جلال الصلاه و قدامها السجاده توها مخلصه الصلاه , قربت منها مشاعل وعلى وجهها علامه استفهام مشاعل: يمه وشفيك فهد يقولي الحقي على ماما ..فيك شئ ام نواف : رجولي متكسرهـ حيييل ما قدرت اطلع فوق قمت صليت تحت على الكرسي ما اقدر اوقف عليها عقب امس مشاعل:ههههههههههههه سلامتك يا الغاليه خلاص عجزتي ام نواف: ههههه شفتي شلون , والله تعب امس للحين برجولي مدري وش سوت خالتك مها اكيد هي بعد رجولها متكسره مشاعل: الله يعافيها امس كانت معاونتنا بكل شئ هي وبناتها .. حتى عهود ما قصرت ام نواف: كلهم الله يعطيهم العافيه ... اقول عطيني التلفون اكلم خالتك مها اشوف اخبارها مشاعل: الا اخبار نواف ما دق عليك ام نواف: الا قال بيمرنا بعد العشا يسلم مشاعل: زين .. اجل بروح اسوي القهوه , تعال فهود ساعدني فهد: وش تبيني اسوي انا رجال مشاعل: اقول امش و انت ساكت ابيك تساعدني بتسويت الحلى يالله فهد: اذا السالفه فيها حلى يالله مشينا مشاعل: ااااهـ منك سوسه ************************************* في بيت ام سلطان الكل مجتمع على القهوهـ و يسولفون عن احداث امس هديل: هنوده شفتي امس ملاك مدري وش قصتها همست هند لاختها : اشششش لا يسمعونك شوي شوي قصرت هديل صوتها و قالت: طيب شفتيها امس شلون وجهها مصفوق هند: أي شفتها يمكن تعبانه هديل: أي تعبانه انا يوم طلعت بكلم سعود لقيت دموع نازله من عيونها سألتها وشفيك قالت تعبانه ... وهي من اول العرس و باين عليها التوتر شافتهم ام سلطان يتساسرون قالت: لا يتناجى اثنين دون ثالثهم وش عندكم تحشون فيه هديل: امس يمه ملاك مدري وشفيها متغيره مررره دقتها هند علشان تسكت خاصه ان سلطان و سعود قاعدين ام سلطان: يمكن تعبانه او فيها شئ هديل: أي تعبانه ما شفتيها شلون يوم زفوا نواف ما تغطت و على كذا كانت واقفه و باين كل شئ فيها و يوم طلعوا طلعت وراهم هند: وش عليك من البنت ... انتى ما تدرين وش فيها ام سلطان: أي صح غريبه حركتها و محد تحرك مننا وراهم ... ما تدرين عن ظروف الناس تذكر سلطان يوم ملكت خالته ساره و طلعتها له بالغلط في الحوش و انها كيف تغيرت من كبرت , بس استغرب حركتها مثل ما سمع من خواته . وسط ما هم يسولفون دق التلفون و كانت ام نوف تسلم على اختها وتشوف اخبارها واخبار عيالها بعد العرس . ********************************* في بيت ام خالد كانت قاعدهـ مع بنتها ساره و مستغربه من تصرفات خالد في الاوقات الاخيره صار غريب و كانه يدور على شئ و شكاك ساره: ما ادري عنه وش اللي لاف عقله هالايام ام خالد: الله يستر من اللي جاي يا خوفي إن زوجته قايله له شئ اعرفها تألف على كيفها من سوالف و تقوله عاد هو يصدق كل شئ منها وكانه ما يعرفها هي و بلاويها جلست ساره تفكر بكلام امها اكيد ام عبدالله قايله له شئ عن مكالماتها مع حمد و فكرت بطريقه تبعد عنها الشكوك و تقلب السالفه على غيرها . **************************************** ثاني يوم طلعت ملاك من دوامها بدري و راحت لمكان غريب حي قديم و ضيق من شكله يخوف , لاكن قوت قلبها و دخلت لين ما وصلت بيت حرمه سمعت عنها ممكن تلبي طلبها , وكانت هالحرمه توصل طلبات الناس لرجال ساحر علشان ينفذها . وسط ما ملاك تقول طلبها و الحرمه تكتب وقفت ونبهتها على اللي تسويه الحرمه: يا بنيتي انتي توك صغيره و الطريق قدامك ما تدرين يمكن بكره ربي يرزقك بواحد احسن من نواف بكثير ملاك: ما همني .. انا كل اللي ابيه اخرب عليهم و احرق قلبها مثل ما حرقت قلبي عليه , انتى عليك توصلين طلبي ما ابي نصايح سكتت الحرمه يوم شافت اصرار ملاك وعنادها و خذت منها نص المبلغ وكان 50 الف و الباقي المره الجايه . بعد ما عطتها طلعت من عندها و هي مو شايفه الغلط اللي قاعده تسويه و انه حرام و عواقبه كبيره بتندم عليها بحياتها الدنيا و بعد ما تموت . ******************************************** بين الغيوم و السحب و داخل الطياره كانوا نواف و لميس متجهيين لـتركيا يقضون شهر العسل هناك , كان نواف مسكر عيونه مسترخي وحاط في اذنه السماعات اما لميس تتفرج على المجلات تبعد الملل عنها وكل بعد فتره تلتفت على نواف وتتامل شكله وهو نايم تحس هالرجال غريب و غامض ما تدري وش اللي فيه ان كان مرتاح بزواجهم او لا , من ليله زواجهم وهو هادئ ما يتكلم كثير و ان تكلم سألها ان كانت تبي شئ او يشكرها على شئ سوته له ..في بدايه الامر قالت يمكن متوتر و مو متعود على الحياه الجديده لاكن بعد كذا ما صار توتر اكيد في شئ ثاني يخليه بهالهدوء و الصمت .. بين ما هي تتأمله و تفكر بحالته فتح عيونه و لاحظ بانها تتطالعه هي بسرعه نزلت عيونها على المجله و هو اعتدل في جلسته ونزل السماعات من اذنه قال : بغيتي شئ ؟ لميس : لا سلامتك نواف: زين انا بروح لدوره المياه قام من مكانه وراح و هي تلحقه بنظراتها ودها بس لو تعرف عن اللي بداخله لو شئ بسيط . ************************************* مشاعل: يا حليله نواف ما ادري وش مسوي الحين ... له وحشه ام نواف: الله يسعدهم انا وصيته اذا وصل يطمني .. تلاقينه لاهي مع لميس في القفص الذهبي مشاعل: هههههههه مرت بينهم لحظه سكوت قطعتها مشاعل بسؤالها _يمه .. ليش ما ترجعين لابوي و الله فقدناه انصدمت ام نواف من سؤال بنتها وما توقعته منها وهي كبيره و فاهمه اجل شلون اخوانها الصغار يفكرون ردت: مشاعل هذا الموضوع قديم و انتهى ما ابي اتكلم فيه تركت اللي بيدها و طلعت لغرفتها علشان ما يفضحها توترها بطاري ابو عيالها و تفتح معها مشاعل امور ثانيه . اما مشاعل ندمت على طرحها للسؤال اللي ضايق امها و ماتوقعت ان امها لهدرجه ما تبي تسمع طاري ابوهم . دق جوالها ناظرت فيه كانت شمس المتصله و ردت مشاعل بفرح _هلا بالطش و الرش شمس: هلا والله .. اخبارتج مشاعل: تمام و شفيه صوتك متغيير .. اكيد وحشتك صح شمس: لا من قال ... امي و ابوي سافروا اليوم والله احس بالوحده و الخوف مشاعل: ههههههههههههههه يا حياتي تحزنين , اموووت على الوحيد طيب وين سيف خليه يقعد معك شمس: سيووف طالع مدري وين كان ولد حلال توهم طروا اسمه الا رجع من برا و سمع اخته تكلم بالتلفون وتذكره سيف: وشفيه سيف بعد .. عند مين تشكين سمعته مشاعل و قالت لشمس: يووه انفضحنا لا تجيبين طاري اسمي قولي أي شئ شمس: فاضيه لكم انتي وهو انا الحين حزينه بفراق حبايبي وابيك تواسيني تفكرين فيه سيف: هيه انتي من تكلمين شمس: مين اكلم بعد مشاعل مشاعل: انطمي يا غبيه لا تقولين اسمي سيف وحس بقلبه يدق و الفرحه باينه بعيونه خاصا يوم درى ان مشاعل جابت طاريه قرب من اخته وقعد جمبها شمس: نعم وش تبي همس لها سيف: ولا شئ كملي ..كملي السوالف معها مشاعل: الووو شمس وين رحتي شمس: أي هنا ... هاه مشمش وش اسوي اول مره يروحون ويخلوني بروحي مشاعل: وشفيها طيب وحده وش كبرها ما تقدر على فراق اهلها , استحي يا بنت و اعقلي وخلي عنك الدلع عصبت شمس و قالت: وش اللي اعقل اصلا انتى ما تحسين فيني لو كنتي مكاني كان قعدتي تصيحين مثل النونو ... ما احبتج و يالله باي مشاعل: هههههههههههههه خلاص خلاص و لا تزعلين تعالي عندي اليوم غيري جو شمس: ما ابي ما ابي ما ابي ... بروح انام يالله باي مشاعل: تتغلين انتي وجهك , زين براحتك و انتبهي لنفسك زين وكلي ترا امك مو حولك حتى تنتبه لك .. شمس: طيب .. شئ ثاني بعد انسه مشاعل مشاعل: لا .. باي يا الدلوعه شمس: باي سكرت منها و رمت نفسها على الكنب و بعيونها شويه دموع معلقه , خش بعينها سيف وسالها _شو كنتوا تسولفون عنه ... شو قلتوا عني شمس: ما قلنا شئ قامت متجه لغرفتها تحاول تسلي نفسها بشئ و تبعد الطفش , لحقها سيف و طول الطريق وهو يتكلم ويسأل عن مشاعل و اخبارها و شمس كانت مره ترد عليه برد بسيط ومره تسكت و تطنشه الين ما وصلت معها و صرخت عليه _ مشاعل مشاعل اووف ياربي ترا ازعجتني روح عيش ببيتهم وفكني دخلت غرفتها و سكرت الباب بقوه ورمت نفسها على السرير تحس بالضيقه و الملل اول مره يسافرون امها و ابوها ويخلونها بلحالها . ظلت دقايق على السرير بكل سكون وعيونها مسكره ما تبي تفكر بشئ او تحاول تتعود على الوضع اللي هي فيه لين ما يرجعون اهلها بالسلامه . استغرب سيف من عصبيه اخته المفاجئه و اللي اكيد من فراق الاهل و بعدهم عنها وهي مو متعودهـ ... قطع عليه اتصال مهند كان يطلبه يطلع معه برا يتمشون .. وافق على الطلعه و دق على شمس الباب و من ورا و قالها _شموسه انا طالع اذا بغيتي شئ كلميني اوكي رفعت شمس راسها و صرخت: ما ابي شئ ولا ابي اسمع صوت احد ضحك سيف على صوتها و عصبيتها اللي مالها داعي" ههههههههه و الله حاله هالبنات دلع و بكى على كل صغيره وكبيره". ******************************************* بدت الدراسه من جديد و الكل رجع لشغله من بعد اجازه رمضان و العيد , و الاحداث عاديه عند الكل الا ... نواف و لميس الجو بارد بينهم و الملل بدى يتسرب للميس و الخوف من حاله نواف الغريبه . ساره و عقلها يشتغل تخطط بشى يبعد عنها الشكوك . ملاك تجاهد و تحاول تلقى على الفلوس حتى تكملها للساحر و يتم الشئ اللي تبيه مع ذلك يتملكها خوف من اللي جاي و قلق لاكنها تعاند نفسها و تستمر بالغلط | ||||||||
|  |
|
17-09-14, 12:23 PM
| #22 | ||||||||
| مراقبة عامة ومشرفة منتدى الروايات المنقولة
| الجزء(23) في يوم من الايام وكان الوقت عصر تقريبا الساعه 4 و نص رجعت ساره من دوامها و براسها فكره وحده مصممه على تنفيذها اليوم . تغدت وطلعت لغرفتها , اول شئ سوته بلغت صديقتها المقربه تهاني و حبيب الغفله حمد بخطتها في البدايه عارضتها تهاني و نبهتها لاكن اقنعتها ساره و وافقت على تنفيذ الدور المكلفه به . غيرت اسم تهاني بجوالها و حطته اسم " حياتي" .. و فعلت خدمه تحويل المكالمات عند عدم الرد لمده قصيره و اختارت الرقم "رقم ام عبدالله" يعني اللي يتصل عليها ما ترد عليه و يتحول اتصاله لرقم ام عبدالله بدون علم المتصل وعلم ام عبدالله , بعد التغييرات اللي سوتها بجوالها راحت للرسائل و كتبت بيت شعر بسيط ثم " لك وحشه يا قمر" وارسلتها لجوال ام عبدالله . ظلت تناظر جوالها تنتظر تقرير استلام الرساله و يوم جاها التقرير دقت على ام عبدالله اللي اكيد شافت الرساله ساره وكأنها منحرجه منها: الو هلا الجوهره اخبارك ام عبدالله: بخير الله يسلمك انتى شلونك شلون خالتي ساره: كلنا بخير .. اقول الجوهره اعذريني و الله ارسلت لك الرساله بالغلط كنت برسلها لرقم ثاني بس مدري شلون اخترت رقمك .. اعذريني ام عبدالله: لا ما يخالف تصير هالغلطات و زين جت عندي مو لعند شخص ثاني ساره: أي والله زين .. يالله اجل اخليك الحين مع السلامه سكرت منها و هي مرتاحه نسبياً لسير خطتها مثل ما تبي و قاعده تتخيل شكل ام عبدالله وهي تقول لزوجها عن الرساله عاد هو يقوم معصب و يجي لبيتهم يتفاهم مع ساره .. مرت الساعات و بعد المغرب جاء ابو عبدالله يسلم على امه و يشوف اخبارها .. و يوم درت ساره بوجوده نزلت عندهم حتى تمشي الخطه و تكون طبيعيه .. شافها ابو عبدالله و باين الشرار من عيونه بدون أي اعتبار لوجود امه وجهه كلامه لساره و بعصبيه _ هاتي الجوال اشوف ساره : نعم .. جوالي ليش انشاءالله ابو عبدالله: قلت هاتيه ولا تكثرين الكلام ترا مو علي هالحركات وقفت ام خالد مستغربه من تصرفه - وشفيك انت على اختك قاعد لها على الوحده قاطعها ابو عبدالله: يمه الله يعافيك خليك برا الموضوع ... التفت على ساره و زادت عصبيته : بتجيبين الجوال ولا شلون ساره: خير وش تبي فيه ... وشفيك انت تتحكم فيني و باموري الجوال جوالي و خاص فيني مالك حق تفتش فيه تقدم منها و سحبه من يدها , وهي استسلمت له و تاكد لها ان ام عبدالله ورته الرساله زياده على الموقف اللي صار في بيت ام نواف و قالت له . جلس يفتش بالارقام و يشوف الاسماء عاديه لين وصل لاسم حياتي و بدون تردد دق على الرقم و انتظر احد يرد .. شوي جاه صوت تهاني _ الو هلا سارونه سكت ابو عبدالله متفاجئ و متفشل .. ومناك تهاني تتكلم _الوو ساره وينك .... تسمعيني بسرعه سكر الخط ورمى الجوال على الكنب .. خذته ساره و شافت بالفعل انه دق على " حياتي" عصبيته زادت و نظراته صارت تخوف اكثر _ وبعدين معك انتى ... وش اللي انتي فيه هاه , المكالمات الغريبه و الرسايل لمين!! تكلمي ساره: أي مكالمات و رسايل .. الرقم اللي دقيت عليه هذه صديقتي تهاني اتوقع الكل يعرفها انها صديقتي من ايام الابتدائي ابو عبدالله وهو شاك بالامر: وش معناه الاسم الغريب ساره: قلت لك صديقتي من ايام الابتدائي و عاشت معي كل لحظات حياتي علشان كذا مسميتها بهالاسم .. من اللي لعب عليك وقالك بكلام و خرابيط اذا كان على الرساله حقت اليوم العصر بالفعل كنت غلطانه و برسلها للبنت لانها اليوم ما داومت و اذا زوجتك المصون قالت لك شئ و لفت عقلك فاكيد انها تبي تبعد عنها شئ و تلهيك معي .. فكر فيها يا اخوي وحده وش كبري لاني مراهقه مثل بنتك ولا خبله مثل زوجتك حتى اكلم رجال و اسوي شئ غلط ابو عبدالله: وش قصدك يعني .. بتجنوني انتي وهي كل وحده مطلعه كلام و تالف على كيفها ساره: هذاك قلتها تالف على كيفها .. روح شوفها يمكن هي اللي عندها بلاوي و جايه تقطها على غيرها حتى ما تنفضح ... انصدمت ام خالد من كلام بنتها و تصرفات ولدها , ابداً ما توقعت بيوم ان مثل هالامور تصير قدامها و بين عيالها الكبار الفاهمين ام خالد: ساره انتي وش تقولين .. وش هالكلام الماصخ انتوا كبار ما اظن مثل هالامور تكون بينكم ساره: يمه .. لو انها كبيره صح ما تقلب زوجها على اهله و تقوله اختك و اختك .. إلا انها وحده طفله و عقلها صغير علشان كذا بلاويها تقطها على الغير . صرخ ابو عبدالله وسكتهم ما تحمل اللي يسمعه و ان كلام اخته ساره ممكن يكون صح , صار مثل المجنون الكل من جهه يقوله كلام زوجته و اخته و هو بالوسط يتلقى كلماتهم واتهاماتهم لبعض و الشكوك تلعب دورها بعقله .. طلع من البيت و مو شايف قدامه اعصابه انفلتت و ضغط الدم عنده واصل اعلى درجه لو عليه يكسر كل شئ يمر قدامه و يحطمه, راح لبيته طاير يشوف زوجته و يقطع الشك باليقين حتى ما سمح لنفسه يفكر بكلام الثنتين و يكتشف الحقيقه من الكذب . ******************************** في بيتها قاعده المسكينه و حولها عيالها منثرين كتبهم و دفاترهم اللي يحل الواجب و اللي يقرا لها المطالعه وهي محتاسه بينهم شوي تطالع هذا وشوي تطالع الثاني .. شوي الكل سمع تسكيره الباب بقوه وكأن اللي داخل عملاق مو انسان .. دخل ابو عبدالله بوجهه احمر و حواجب معقده و عيونه حُمره من العصبيه الكل خاف من شكله و وقف عن العمل اللي كان يسويه , قامت ام عبدالله ويدها على قلبها _ بسم الله علينا وشفيك معصب صاير شئ قرب اكثر و خذا جوالها اللي كان فوق المكتبه و هي مستغربه منه ام عبدالله: خالد وشفيك وش صاير ناظر فيها بحقد ثم وجهه نظراته لعياله اللي قاعدين يراقبون الموقف بغرابه .. صرخ فيهم _ كل واحد على غرفته اشوف بسرعه البرق طاروا باغراضهم وكتبهم على الغرفه تاركين ابوهم وامهم في جو مكهرب و يخوف .. وعى ابو عبدالله على نغمه الجوال و كان المتصل رقم غريب .. وقتها التفت على زوجته و قالها _ ردي ام عبدالله بكل برأءه و على بالها طلب زوجها عادي و طبيعي بحكم انه جوالها , خذته وردت _الوو على ما يتكلم حمد سحب ابو عبدالله الجوال و حطه على اذنه يسمع حمد: هلا والله .. كيف الحال طبعا بهاللحظه وقف الزمن لثانيه عند ابو عبدالله , تلخبطت عنده كل الاحاسيس و المشاعر خوف على صدمه و قلق و حزن و غيرهـ من المشاعر اللي ما تنوصف . تغيرت ملامحه من العصبيه إلا صدمه و جمود , شفايفه ترتجف و يدهـ ايضاً .. نظراته مركزه على زوجته اللي واقفه قدامه وما كانت مختلفه عنه كثير بملامحها الجامده و استغرابها من حركه زوجها يوم سحب الجوال منها .. بين هالوضعيه كان حمد مستمر في الكلام مثل ما طلبت ساره و هو عارف وش وضع ابو عبدالله و كيف صوته كوون له صدمه كبيره بعد هاللحظه المتوقفه تحرك الزمن من جديد , رمى ابو عبدالله الجوال و رفع يده للاعلى و نزلها باقوى ما عنده على خد ام عبدالله و صوته هز البيت هز وهو يقول _ يا خـــااااااااااااااااااايـ ـنه انهارت ام عبدالله و دموعها تسيل على خدها المضروب و علامات الاستفهام على وجهها من تصرفه كمل ابو عبدالله و انهال عليها بالالفاظ و الكلمات القويه يفرغ اللي بداخله من قهر _ حـــيوااااااااااااانه .. ما توقعــتك حقيــرهـ لذي الدرجه ... يا خاااااينه يــااا يــااا ســافله ... تــلعبين من وراي و تتهمين غيــرك بالغلط .. كل هالكلمات ما بردت حركته و اضطر انه يمسك شعرها و يلوح براسها يمين و يسار و هو يرمي الكلمات عليها . من جهه ثانيه في نفس البيت كانت عهود مجتمعه مع اخوانها و كلهم حولها خايفيين من الحرب اللي برا و صوت ابوهم كأنه قنبله بتهد البيت . بعد هالحرب القويه طلع ابو عبدالله بقلب ميت و اعصاب منتهيه تفكيره مقفل و كل شئ فيه ميت لفتره , تارك وراهـ زوجته وام عياله المراءه الخاينه " على قولته" طايحه على الارض بكل ضعف و انكسار ما لها حيله تدافع عن نفسها او تفهم السالفه الا انها تبكي و تشهق . ************************************* الساعه 9 مساءاً .. طلع سيف و اخته شمس للمطار يستقبلون امهم وابوهم و يتحمدون لهم بسلامه الرجوع شمس: شغل سي دي ولا الراديو نكسر الهدوء اللي عايشيين فيه ... سيف: افتحي الدرج تلقين فيه اشرطه اختاري اللي تبين غاصت شمس بين السي ديهات تدور على شئ حلو , وهو غاص بافكاره في مشاعل وما يدري ليه هالايام صار يفكر فيها كثير بعد ما حلم فيها امس وانها واقفه قدام بيته اللي قاعد يبنيه وهو يحاول يوصل لها بس في شئ يمنعه و ما يقدر يحرك رجوله و يمشي لها .. قطع عليه التفكير صوت المطرب عباس ابراهيم انا ما اقدر اكون اصدق من احساسي ومن اشواقي تبي تعرف كثر شوقي شوف عيوني و تكفيك تصدق ما عرفت القى لـحبك حل او معنى انا من كثر ما احبك وانا صاحي احلم فيك ************************************** في تركيا .. بالتحديد في شقتهم الصغيرهـ جالس نواف يتفرج على التلفزيون , طلت عليه لميس و شافته على نفس وضعيته من تركته من ساعه , قربت منه و قعدت بالكنبه اللي جمبه ودها تتكلم بس مترددهـ , هو ولا عبر وجودها حتى ما كلف نفسه يلتفت لها انما استمر في متابعته للبرنامج السخيف اللي في التلفزيون , مرت دقايق على صمتهم ثم تشجعت لميس و تكلمت _ نواف .. ما ودك نطلع شوي نتمشى رد عليها بدون ما يلتفت لها : وين تبينا نروح لميس: أي مكان بس نطلع شوي .. مليت من القعده نواف: اوكي .. قامت لميس بسرعه حتى تبدل ملابسها و تجهز , قبل لا تطلع قال لها _ على فكره بكره بنسافر على النمسا يعني لا طلعنا اليوم خذي كل اللي تبين من هنا ابتسمت لميس وهزت راسها بالموافقه وراحت لغرفتها , اما هو تنهد وحط راسه على الكنبه بشكل يأس و مهموم اللي يشوفه يقول ان كل مصايب الدنيا على راسه .. انتظر لين تخلص و يدخل يغير ملابسه ثم يطلعون يتمشون . **************************************** في المطار واقفين بكل فرح و سرور ينتظرون يلمحون امهم وابوهم .. شوي الا طلعوا الاثنين و قابلوهم عيالهم باحلى ابتسامه سيف: هلا والله بالغاليين نورت السعوديه ابو سيف: منوره باهلها ..اخباركم التفت على شمس لقاها لازقه بأمها و كأنها لها سنه ما شافتها .. وعيونها تلمع باين ان الدموع عند الابواب سيف: بشوفتكم حنا بخير .. يمه شلونتج كيف السفره ام سيف: الله يسلمك كلنا بخير و حشتوني ابو سيف: ياهوو عبرونا .. عطونا وجهه قربت شمس من ابوها و صوتها بدا يهتز : هلا يبه شلونك ابو سيف: طيب الله يسلمك ... انتي كيفك يا الدلوعه لهدرجه زعلانه برجعتنا شهقت شمس و قالت: لااااااااا ... بالعكس والله ودي اصرخ برجعتكم ... ثاني مره بروح معكم و ما بقعد مع الفار سيف تفتحت عيون سيف من اللي سمعه : انا فار يا الصرصوره الدلوعه ... التفت على امه وابوه وقال: ترا بنتكم دلوعه و ثقيله دم طول الوقت وهي مبوزه و حزينه كأنها مطلقه بــ 10 عيال ضربته امه على كتفه بخفيف : بسم الله على بنتي .. فال الله ولا فالك , هذه شمس مو حيالله .. تعالي يمه خلتج منه هالسوسه سيف: وشفيكم علي كل واحد يطلع لي لقب .. شكلي طايح من عينكم انا .. هين هين ابو سيف: هههههههههههه ولا يهمك وانا ابوك هذول هم الحريم احيانا تهب عليهم رياح مدري وش اسمها .. تخليهم كذا بمزاج غريب سيف: ههههههههه وانت صادق توجههوا كلهم طالعين من المطار للسيارهـ و الفرحه مبينه من عيونهم بجمعتهم من جديد. ******************************** في ناس فرحانه بلم الشمل وغيرهم ناس ضايقه فيهم الدنيا من كل جهه , رجع ابو عبدالله البيت و يوم دخل توقع الهدوء و السكون لاكن اللي ما توقعه خروج ام عبدالله بدون عيالها , يوم سال عنها عند عهود قالت له _ راحت بيت اختها وتركتنا عصب ابو عبدالله من تصرفها و طلعتها بدون علمه وغير كذا تركت العيال لحالهم .. التفت على بنته وقال -خلاص روحوا ناموا و يصير خير قعد بالصاله و كل شئ حوله هادي لا تلفزيون ولا شئ .. ما يدري وش يفكر فيه للحين مو مصدق اللي صار له قبل كم ساعه و يحس انه في كابوس مخيف .. يعني شلون بعد كل هالسنين و العشره اللي بينه وبين الجوهره تخونه و تكلم واحد من وراه .. غير كذا بكل وقاحه تتهم اخته و تدخل الشكوك في عقله .. ظل طول الليل على هالحاله عايش بجو كئيب مظلم بافكاره .. و تخيلاته اللي مالها نهايه . ******************************** في احد المنتزهات و قدام البحر كانوا واقفين لميس تتأمل الطبيعه و الحيره باينه بعيونها من نواف و لو عليها تصرخ و تشكي حالتها معه للبحر اللي قدامها .. ونواف ايضا واقف بشموخه و رزته يطالع البحر ودهـ لو يطلق صرخه و يبث همه و ضيقته للطبيعه يمكن يرتاح و يريح اللي معه . انتبهت لميس لرجال واقف وراهم بمسافه يبيع ورد احمر شكله مره حلو .. فحبت تكسر الهدوء بينهم بورده منها لنواف .. استاذنت منه وراحت للرجال بسرعه , شرت الورده ورجعت له لميس: نواف ترك تأمله للبحر و التفت لها بدون أي رد كملت لميس: عجبني و حبيت اهديك اياه ... تستاهل ابتسم ببهــاته و خذا الورد يشمه _ تــسلمين قالها و رجع يناطر البحر مره ثانيه تاركها في حيرتها و استنكارها لتصرفه .. تعب نفسه يوم قال تسلمين كان سكت احسن .. يعني حتى ما يجامل و يرد عليها بكلام حلو .. ما ادري هو انسان له احساس ولا احساسه ميت مثل نص هالعالم .. **************************************** في الجامعه .. شمس: ما تلاحظين شئ مشاعل: لا .. وين تقصدين شمس: مدري انتي شوفي فتحي عيونتج زين و لاحظي التفت مشاعل حولها و ما لقت شئ غريب , رجعت تطالع في شمس و مالقت شئ فيها متغير الا انها تبتسم ببلاهه مشاعل: ما اشوف شئ الا انك تبتسمين <<< قالتها و هي قصدها تستهبل . لاكن طلع استهبالها صح شمس: صح عليتج ابتسم , غريبه على مو؟ مشاعل: لا مو غريبه انتي دايما تبتسمين الا يوم سافروا اهلك اعتزلتي الابتسامه شمس: و الحين رجعت لها .. يا ذكااء افهمي اهلي رجعوا امس مشاعل: من جد .... مبرووووك شمس: أي مبروك اسمها الحمدلله على السلامه ضربت مشاعل جبهتها وكأنها نست وش تقول _اي صح الحمدلله على سلامتهم ... شمس:ههههههههههههه الله يسلمتج مشاعل: وانا اقول ليش البنت اليوم فله و تسولف مو مثل الايام اللي راحت على الصامت و لونها باهت شمس: باهت بعينتج ... والله لا تشوفين لا امسك عليتح كلمه "مبروك" و كل ما شفتج بذكرتج فيها مشاعل: اووووهوو يا شين بعض الناس لا مسكوا الغلط شمس: احسن مشاعل: عن الهذره , تراني جوعانه باكل اليوم على حسابك يالله اعزميني شمس: قال شو اعزميني .. تعزمين نفستج غصب انتي , بس تامرين امر كم مشمش عندي مشاعل: كثير في سوق الخضار شمس: هيه ..هيه .. هيه , ما تضحك . *********************************** وقت البريك في الدوام كانت قاعده وحيده ما حولها احد بعد ما تركت صديقتها حنان , صارت مثل الغريبه الكل معه صديق الا هي من تصرفاتها و تكبرها .. ملاك من النوع القوي و تبي كل شئ على كيفها و ما تحب تبين ضعفها لأحد . مرت حنان من جمبها و معها موظفه ثانيه وشافت ملاك قاعده بلحالها تلعب بالجوال تسلي نفسها , ما هانت على حنان تمر وما تسلم .. حنان: شلونك ملاك رفعت ملاك عيونها و ردت بملل: بخير حنان: الحمدلله .. شلون اهلك انشاءالله بخير قامت ملاك من مكانها و قبل لا تطلع من الغرفه ردت : كلنا تمام طلعت و هي مو طايقه تشوف حنان او غيرها , حتى ما قدرت تجاملها و تسألها عن اخبارها , مدري هي أي نوع من البشر غير انها غلطانه تتكبر بعد . راحت للغرفه الثانيه وكانت فاضيه دقت على الحرمه اللي راحت لها قبل فتره تسألها عن سير الامور و هل تسمح لها بتاجيل دفع المبلغ للاسبوع اللي بعده . ردت الحرمه: أي ممكن بس يا ملاك يوم انك ما تقدرين تدفعين المبلغ بوقته ليش تطلبين نسوي لك عمل , وانتي تعرفين هالاشياء تكلف ملاك: من قالك ما اقدر .. بس لاني اعتذرت هالمره لا تخافين فلوسكم بتجيكم الاسبوع الجاي *************************************** الظهر رجع ابو عبدالله البيت و في يده كيس الغدا , لقى عياله رجعوا من المدرسه و للحين امهم عند اختها و ما رجعت ابو عبدالله ينادي: عهود .. عهود طلعت من غرفتها: هلا يبه ابو عبدالله: خذي حطيلكم الغدا انا بروح انام اذا اذن العصر قوميني عهود: ما تبي تاكل ابو عبدالله: لا ما اشتهي .. انتوا كلوا دخل غرفته وهو مهدود من الشغل و من التفكير و المشكله اللي هو فيها .. بدل ملابسه و رمى بنفسه على السرير يبي ينام و يريح باله لانه من امس و هو في حاله توتر .. مرت دقايق غمض عيونه الا سمع صوت رساله جت لجواله ..يوم فتحها كانت من زوجته الجوهره استغرب من الكلام اللي كاتبته وما توقع ان الامور بتزيد لهدرجه , رمى جواله و ترك كل شئ مثل ما هو لا رد عليها و لا شغل باله بالموضوع سكر عيونه و استسلم للنوم. ***************************************** مر اسبوع و ام عبدالله مو في بيتها وحتى ابو عبدالله ما فكر يكلمها او حتى يطلبها ترجع لعيالها كان اللي شاغل باله امر ملزم يسويه وهو الطلاق .. بعد اللي صار و شافه منها ما يقدر يتحمل اكثر و يعيش معها في بيت واحد , تهون عنده كل الامور الا انها تخونه و تكلم غيره و عيالها حولها و هو معها و مو مقصر معها بشئ . اكتفى منها ومن مشاكلها مع اهله و كلامها اللي ما يخلص كل بعد جمعه و عشا مع اهله ترجع له باخبارهم و كل كلامهم اللي قالوا ليلتها .. قرر انه يطلقها و هو مغمض عينه ولا احد يدري بقراره الا بعد ما يسويه . *********************************** و اخيرا رجعوا المعاريس لارض الوطن بعد شهر من الغربه و القلق و الحيره من الطرفين .. ثاني يوم راحت لميس لبيت اهلها تسلم عليهم وتشوف اخبارهم وهم نفس الشئ مشتاقين لها و فرحانين برجعتها .. وقت صلاه العشا الكل قام يصلي استغلت ام لميس هدوء المكان و قعدت مع بنتها تشوف اخبارها مع نواف ام لميس: هاه يمه ... شلونك معه تنهدت لميس و تذكرت كل الايام اللي راحت و المأسأه اللي هي فيها _ ماشي الحال تمام ام لميس: شلون ماشي الحال .. ابي اخباركم زين , كيفه معك كيف تصرفاته و كلامه بدت عيون لميس تدمع و العبره خانقتها : يمه .. نواف غريب مره غريب ما عرفت له ام لميس: شلون غريب من أي ناحيه ما قدرت لميس تخبي اكثر و قالت كل شئ _تخيلي من ليله زواجنا نام في الصاله على الكنبه و لا كأنه عريس .. و الايام اللي بعدها طول الوقت ساكت وبارد ما يتكلم و لا يسولف بس اسمعه بجمل مختصره .. احس اني متزوجه تمثال مو ادمي ام لميس: من جدك ..يعني ما قرب منك ولا صار بينكم شئ لميس: لا ام لميس: لا يكون انتى مسويه شئ ما عجبه لميس: ما سويت شئ ..كل اللي قلتي لي عليه سويته ..كل يوم واحاول اصير احسن من اليوم اللي قبله بس ما في فايده .. حتى بسفرتنا هادئ و بارد كانه مغصوب علي ام لميس: لا تقولين مثل هالكلام مو مغصوب ولا شئ ... وانتي لا تشيلين هم اكثر من كذه يمكن في البدايه يكون كذا بعدين يتغيير ترا كثير بدايه زواجهم يكونون غريبيين بعدين مع مرور الايام يمشون اهم شئ انتي لا تقصرين معه بأي شئ و بيني اهتمامك فيه لميس: انشاءالله يكون كلامك صح و يتغيير .. والله اني خايفه ام لميس: لا انشاءالله خير , وان صار شئ بينكم علطول قولي لي لا تخبين علي لميس: طيب مسكينه هالبنت ارتاحت شوي يوم شكت لامها و قالت لها عن المعاناه اللي عاشتها في بدايه حياتها الجديده وهي ما توقعت ابداً انها بتكون مثل البنات اللي تسمع عنهم في بدايه زواجهم يحسون بالتعاسه و الخوف .. ارتاحت من كلام امها و يمكن بيتغيير نواف مع مرور الايام ... تمنت هالشئ بالقوه يصير و تكمل حياتها مثل الناس. **************************************** يوم الخميس اجتمعوا في بيت الجده ام خالد .. وقبل لا يوصل ولدها ابو عبدالله و عياله خذت بناتها و قالت لهم عن طلاق الجوهره من خالد .. حلت الصدمه على الكل و المفاجأءه .. ولا احد منهم توقع اللي صار ام سلطان: ما دريتي ليش طلقها بهالشكل و فجأءه ام خالد: لا والله ما قالي السبب الحقيقي , قال ما يقدر يعيش معها اكثر و انه مو مرتاح معها ام علي: توه يحس انه مو مرتاح بعد كل هالعيال كان طلقها من اول و ارتاح كان عيالهم ما يضيعون بينهم ام نواف: ما ندري عن الضروف .. الله يعينهم ********************************** برا بالصاله عند البنات سوالف و ضحك .. هند: وين الدبه عهود تاخرت للحين ما جت مشاعل: يمكن شعرها دخل بالاستشوار و تورطت الكل:هههههههههههههههههههه� �ه كالعاده قاعده معهم ملاك و ساكته تتسلى بالجوال او بالتلفزيون و شوي تضحك معهم .. بعد ربع ساعه وصل ابو عبدالله و عياله و دخلت عهود بدون ام عبدالله هديل: وين خالتي الجوهره ما اشوفها مشاعل: أي صح وينها .. يمكن مشغوله بشئ وما جت هديل: ما اتوقع خالي خالد ما يخليها عهود: ما تدرون انتوا وش صار هند: لا وش صار و حكت لهم عهود السالفه باختصار , حتى ما ذكرت سالفه الضرب و الصراخ ما ودها تفضح زوجه ابوها مهما كان هي قريبه منها و تعتبرها امها .. تفاجئوا البنات بهالخبر و ماتوقعوه يصير في يوم من الايام . محد يدري بالسبب الحقيقي في طلاق الجوهره الا ساره و قاعده بينهم كأنها بريئه ومالها يد بالموضوع وهي السبب بعينه. كان الجو في الصاله هادئ و الكل ساكت يفكر باللي يفكر فيه و بينهم شويه تعليقات على التلفزيون . ام نواف كل ما ناظرت عيال اخوها حز قلبها على حالتهم الحين صاروا بعيدين عن امهم مثل عيالها بعيدين عن ابوهم .. و اللي يبتعد عن امه اصعب من البعد عن ابوه لان الام كل شئ بالدنيا و مهم وجودها بحياه الانسان . يالله وش يسوون هذه الدنيا تصير الاحداث فجأءه بلا سابق انذار .. تفرق ناس و تقرب ناس , تمر ايام حلوهـ و بعدها ايام شينه مليئه بالحزن و الهم .. و الانسان عايش يتقلب مع تقلبات الزمن . *********************************** اللي ما كان بالحسبان ولا توقعته ملاك .. حضور نواف و زوجته لميس , انصدمت يوم شافتها تدخل عليهم بابتسامتها الحلوه و نعومتها لو عليها كان ذبحتها و دفنتها بمكانها و يصير قبرها ذكر للكل .. اما الباقي كانوا فرحانين بحضورها , رحبوا فيها و قعدوها بينهم . في البدايه كانت لميس مستحيه من اهل نواف و انها ما تعودت عليهم بس بطيبتهم خذت عليهم و دخلت معهم بالسوالف عهود هالجنيه ولا كأن صاير لهم شئ نست الضيقه و رجعت لرجتها السابقه _مشاعل ... و الله ان زوجه اخوك روووعه ... تعرفون تختارون مشاعل: يمديك بس .. اذكري الله عهود: ماشاءالله عليها ... خلاص ارتحتي مشاعل: أي ارتحت التفت عهود على هند و قالت _ وانتي يا حلوه متى تملكين و تفكينا ضربتها هند على كتفها: وش قصدك بـ تفكينا .. قاعده على راسك ولا عايشه على فلوسك , املك وقت ما بغيت عهود: لاني تعبت كل شوي افكر بيوم ملكتك و زواجك وش بيكون شكلي فيهم .. تعرفيني لازم اطلع بشكل حلو و مبهر للكل هديل: ماااالت مااالت عليك .. ليش مصدقه نفسك انك حلوهـ تراك شيييييييينه عهود: يا عمري اصدق نفسي و نص دامي طالعه عليك يا الشينه انتي و طلعت لسانها لهديل و هي تحرك حواجبها تبي تستفزها مشاعل:ههههههههههه الله يرجكم .. ودي يمر يوم نجتمع فيه و تكونون عاقليين لاكن مستحيل هند: ما عليك منهم , ما قلتي لي وش مسويه بالاختبارات مشاعل: اووف من هالاختبارات ذبحتني , عاد هالسنه عندنا دكتوره متوحشه لابعد درجه .. من عيونها يبان ان الاختبار مو سهل دخلوا هديل و عهود بالموضوع هديل: احسن عهود: تستاهلين اكثر عصبت منهم مشاعل و قالت _ طيب تشوفون بحركه سريعه خذت نواه التمر اللي قدامها و رمتهم بفنجان قهوه هديل و عهود وبسرعه قامت وسحبت يد هند معها علشان يبتعدون عنهم و هي تفر بجلدها منهم شهقوا هديل و عهود ما توقعوا حركتها القويه قالت عهود بهمس و تحاول توصل صوتها لمشاعل وهي تمشي و ما تبي الحريم يسمعونها _يا سخيفه يا غبيه والله لاوريك هديل: القهوه حلوه خربتي على التكييف عهود: قومي .. والله ما اخليها اليوم قاموا و ركض ورا مشاعل و هند اللي طلعوا برا علشان يتجنبون نظرات امهاتهم و تساولهم عن اللي صار . ************************************* دق جوال سلطان وهو بالمجلس قاعد مع عيال خالاته .. استأذن منهم وطلع برا عن الازعاج سلطان: أي هلا عزوز .. اخبارك في هالاثناء كان فيه مطارده من قبل هديل و عهود يلحقون مشاعل و هند تتمشى بين الزرع تشوف الورد مشاعل تصارخ: لا الله يخليكم خلاص معد اعيدها عهود: لا والف لا ... بتاخذين جزاك يعني بتاخذينه هديل: لو مسكتك لا ادخل نواه التمر بخشمك زادت مشاعل الركض و هم وراها تعبت رجولهم لاكن نسوا التعب و إلا يعاقبونها على حركتها , تمنت مشاعل لو يطلع نواف و تتمسك فيه حتى ما يقدرون يسوون فيها شئ .. يوم حست انهم قربوا منها زادت سرعه الركض و هي تصارخ و لفت عند مجلس الرجال وهم وراها يتوعدون سلطان: لا والله اليوم ما اقدر تعرف الخميس و مجتمع مع الاهل ... خليه مره ثانيه .. اوكي سلم على الشباب ... مع السلامه سكر من صديقه و لف علشان يرجع للداخل لاكنه سمع صراخ و ازعاج ناس و الصوت قريب منه .. ما امداه يستوعب الصوت الا شاف بنت تركض و وراها بنتين وجهه مشاعل يطلب النجده و يدين عهود توضح انها تهدد و هديل تحاول تكمل الركض .. لمحت مشاعل زول واحد لابس شئ ابيض واقف قدامها بمسافه مو بعيده مره , وقفت و الباقي و قفوا وراها وهم يلهثون من الركض و التعب و نفسهم يزيد شهيق .. زفير , حتى الصوت اختفى مو قادرين يتكلمون بعد ثانيه رفعت مشاعل راسها و تفاجئت بوجود سلطان قدامها و على وجهه علامه استفهام من الحدث اللي يصير قدامه .. وعهود وهديل نفس الشئ متفاجئين من وجوده .. توتر سلطان وما يدري وش يسوي بهالحظه , اما مشاعل لفت وراها و اتجهت لعهود تمسكها و يرجعون لادراجهم بكل برود ما ادري هل هو من الخوف او التعب حتى ما قدروا يركضون و يختفون عن عينه بسرعه. قربت منه هديل و كأنها تبي تتاكد منه: سلطان؟! سلطان: أي انا وش عندكم جايين لجهه الرجال هديل: والله مو قصدنا شئ بس كنا نلحق الغبيه مشاعل .. ما رد عليها و دخل للمجلس وهو متوتر و في قمه الاحراج اكره ما عنده انه يتفشل و يكون بموقف مثل هذا قدام حريم . رجعت هديل لهم وهي هلكانه من المشي و لقتهم طايحين على الكراسي جت و قعدت معهم هديل: مويه .. ابي مويه مشاعل: تكفين هند جيبي لنا مويه بسرعه هند: بجيب لكم بس تقولون لي وش اللي قلبكم كذا دخلت بسرعه جابت المويه و رجعت لهم .. انقضوا ثلاثتهم على الكاسات و شربوا بحماس و اللي يشوفهم يقول انهم تايهيين بالصحراء لمده اسبوع مشاعل: الله يغربلكم فشلتوني قدام الرجال عهود: كله منك انتي اللي بديتي مشاعل: لا والله انتوا .. لو انكم ما دخلتوا بسالفتي مع هند كان ما صار اللي صار , الحين وش بيقول علينا الرجال هديل: بيقول بزارين .. امي داعيه علي يوم اشوفهم عهود: انتي و اخوك اللي يطلع لنا بكل وقت .. غير ذاك اليوم اللي في بيتكم يوم نصور بالشارع , هذا اليوم طلع لنا يوم نركض ونلحق الخبله ضربتها مشاعل على راسها: ما غيرك الخبله هند راسها يدور بينهم ما تدري وش عنه يتكلمون _هيه انتي وياها وش تتكلمون عنه .. مين اللي طلع لكم مشاعل: اخوك المصون .. شافنا نركض هند: احلفوا !!! طنشوها و محد رد عليها زين عهود: اااهـ يا قلبي انقطع نفسي وانا اركض مشاعل: راسي مصدع ابي بندول هديل: بدخل داخل اتبرد .. قوموا انتى وهي لا يطلع لكم ابو الجيران ****************************** في الليل و الكل راح لبيته بعد الجمعه الحلوه في بيت الجده .. قاعد نواف بالصاله يتفرج على فلم , شكله ما له نيه ينام , شافته لميس و جت قعدت معه سألها نواف بعد دقيقه من الصمت _شلون الجمعه اليوم .. انشاءالله استانستي فرحت لميس بسؤال: أي الحمدلله .. سوالف و ضحك قعدتهم ما تنمل عم السكوت بينهم مره ثانيه .. و حبت تقطعه لميس بسؤالها عن ملاك اللي مزعجتها نظراتها طول اليوم و تصرفاتها الغريبه لميس: نواف .. خالتك مها كم بنت عندها وحده ولا ثنتين؟ نواف: ممممم خالتي مها عندها هند وهديل .. خالتي الثانيه نوره هي اللي عندها بنت وحده ملاك لميس: اهااا نواف: ليش تسألين لميس: لا بس سؤال ..يا حليلهم هديل و عهود زاحفات مع مشاعل ضحك نواف ببرود على كلمتها "زاحفات" _وش قلتي زاحفات؟ حست لميس بان كلمتها غلط .. وان نواف ما توقعها منها و خافت لا يكون ما عجبته قالت بتردد: أي ..مو قصدي شئ ..يعني حبوبات عرف نواف بخوفها و ندمها على كلمتها _اهاا.. زاحفات .. حلوه الكلمه بلعت لميس ريقها و حست كأنها يتطنز عليها , فسكتت وبلعت لسانها حتى ما تقول شئ غلط مره ثانيه. ****************************************** بعد طلاقها و الاوضاع الصعبه اللي مرت فيها سافرت ام عبدالله لاهلها تاركه عيالها عند ابوهم وهي مكسوره من الداخل و مهمومه , طول وقتها تدعي على اللي كان السبب في مشكلتها و الشخص اللي ورطها و سبب في خراب بيتها . و ابو عبدالله نفس الشئ قلبه مكسور و روحه مجروحه بعد اللي صار .. صار يحس بالملل و الضيقه القاتله و انه صار ضعيف ما يقدر يواجهه مشاكل الحياه اللي ما تخلص .. بحالته البائسه و الكئيبه تذكر اخته عبير ام نواف و تذكر ابو نواف كيف ايام اول يوم كان هو يفتعل المشاكل بينه وبين زوج اخته الين ما انتقلت لاخته و زوجها و انتهت بالطلاق .. تذكر حاله اخته وقت طلاقها وكيف كانت ضعيفه و باين بعيونها الهم والخوف على عيالها .. و تذكرت السنوات اللي عانت فيها حتى تربي عيالها لحالها .. تعلمهم وتلبي طلباتهم و وقها كانت لهم الام والاب و كل شئ بالدنيا نست نفسها وما رضت تتزوج بثاني علشان عيالها تهتم فيهم .. والحين جاه الدور و صار مثلها مطلق زوجته وبيعيش حياته مع عياله اللي هم بعيدين عن امهم .. في الماضي يوم تطلقت اخته بسببه ما فكر بان الدنيا بتوريه و بتعطيه جزاءه ..لاكن اليوم تذكر كل اللي صار و هذه الدنيا ترد له عمله . ************************************* الاسبوع الثاني قدرت ملاك توفر المبلغ المطلوب و تعطيه للحرمه علشان يكمل العمل .. شدت على نفسها و طلبت من الحرمه يكون العمل قوي خاصه بعد ما شافت لميس في بيت جدتها زاد الحقد في قلبها .. ******************************************* اتفقت مشاعل و شمس يطلعون للسوق بعد المغرب , و بالفعل صار اللي اتفقوا عليه و طلعوا وصلت مشاعل قبل شمس ظلت تدور بالمحلات القريبه من البوابه اللي اتفقوا عليها حتى اذا وصلت شمس تلقاها علطول .. شوي دقت عليها و قالت لها انا وصلت طلعت مشاعل من المحل تشوفها لاكن الصدمه الكبيره اللي شافتها قدامها و ما توقعتها ابداً ابداً .. حست بمغص في بطنها و الجو حولها صار حار , رجولها مو شايلتها ودها تقعد على أي كرسي ترتاح فيه.. و تمنت لو ان الانسان اللي تشوفه شبيه له ما يكون هو . بانت الصدمه على ملامحها و حست فيها شمس و سيف .. قربت منها شمس و هي تبتسم _هلا مشمش ..شلونتج مشاعل: بخير , كيفك انتي شمس: الحمدلله بخير , تاخرت عليتج مشاعل:لا كانت اجوبتها مختصره و بارده تحس بأن في شئ يحركها مو هي اللي تتحرك و تتحكم بنفسها .. حتى ما ناظرت سيف ولا عبرته ,لاكن هو تكلم وزاد الطين بله _شلونتج مشاعل ردت عليه مشاعل بصوت حتى هي ما سمعت نفسها و الباقي ما سمعوا شئ بس شافوا شفايفها تتحرك ..و بعثرت نظراتها حولها في الارض شمس: يالله مشينا انقلب وجهه مشاعل زياده يوم درت انه بيمشي وراهم و افكارها متضاربه و في داخلها انسان يتكلم و يتحلطم " الله لا يوفقك يا شمس وش اللي يخليك تجيبينه معك .. قلوا الناس يوم انك تجيبين هالسيف معك لو هندي البقاله اصرف بكثير منه .. وهو بعد وش جابه ياربي على قطه الوجه هذه ما يثقل و يشيل نفسه بنفسه " تكلمت شمس و صحتها من هواجيسها: تعالي ندخل ذا المحل بشوف لي جزمه حلوه ببلاهه من مشاعل التفت وراها تشوف سيف وينه ..هل هو للحين وراهم و شافته لاهي عنهم ويتفرج بالجزم المعروضه برا .. لا حظتها شمس وانها متوتره لابعد درجه اكيد من وجود سيف شمس: مشمش دقيقه شوي راحت لاخوها وقالت له _ شو رايك تروح تجلس بالقهوه لين نخلص ! سيف: ليش متضايقين من وجودي شمس: أي ما تشوف وجهه البنت متقلب الوان احسها شوي و تذبحنا .. اكيد تفاجئت من وجودك وانا ما قلت لها سيف: اوكي .. رفع صوته اكثر علشان تسمعه مشاعل _خلاص انا بروح للقهوه بس تخلصون عطيني خبر و انتبهوا لانفسكم زين راح ورجعت شمس لمشاعل .. و علطول فجرت القنبله في وجهها مشاعل: تدرين انك سخيفه و حركتك مالها داعي .. ليه ما قلتي لي انه بيجي معك كان رفضت الطلعه من الاول ولا اتفاجئ بوجوده . انقلب وجههي و ضاعت علومي حتى مشي ما اقدر امشي زين ودها شمس تضحك على شكل مشاعل وهي معصبه بس كتمت الضحكه و وضحت لها الموضوع وتاسفت لها _ مشاعل و الله مو قصدي احرجتج معاه بس يوم جيت اطلع كان هو بعد بيطلع و قالي بوصلتج لما وصلنا نزل معاي ..قلت له بتسوق مع البنت قال ما يخالف بنزل لان ما عندي شئ , لاكن انا والله ما ادري عن قراره و ما درى بطلعتي معك الا عند الباب و انا بركب مع السواق.. اسفه مشمش على اللي صار مشاعل: اووف منك .. بس والله تشوفين لا احرجك قدام رجال السعوديه كلهم شمس:ههههههه الله هذه قويه مشاعل: وتضحكين بعد سكتت شمس وحطت يدها على فمها: لا خلاص والله ما بضحك ابتسمت مشاعل على حركه شمس و اشرت لها باصباعها _ااااااااهـ منك .. سووووسه ..يالله بس ترا العالم شروا كل شئ زين دخلوا المحل و قدرت مشاعل تاخذ راحتها بالتسوق و الشراء .. لانهم اذا راحوا مع بعض كل شئ يصير حلو و ياخذونه.. اما لو كل وحده راحت مع امها بتدلع و ما بيعجبها شئ و بتردد العباره المعروفه"" كل بنات الجامعه عندهم هالشئ"" ... ************************************* فتحت الباب بقوه وسكرته و طارت على سرير هديل فزت هديل من حركت اختها و لفت بالكرسي اللي قاعده عليه تواجهها هديل: شوي شوي ..وشفيك طايره كأن احد لاحقك .. خير انشاءالله هند: وخير انشاءالله ... كل الخير , تخيلي هدوله سمعت شئ يخوف حسيت باتباك و قشعريره بجسمي و اطرافي ترتجف و احس باحساس مدري وش ينقاله رفعت هديل حواجبها باستغراب: وشفيك وش اللي سمعتيه خلاك تحسين باحساس مدري وش ينقاله بلعت هند ريقها بصعوبه وقالت _امي كانت تكلم ام تركي و سمعتها تقول انشاءالله في ذي الاجازه بعد ما تتخرج تملك. .. يعني انا , قربت ملكتي يا هديل وبحركه سريعه غطت وجهها بالمخده هديل: طيب وشفيها احلى خبر سمعته اليوم هند:....سكوت ما ردت و وجهها غايص في المخده هديل:هيه انتي وشفيك ..لا يكون مو عاجبك الخبر رفعت هند راسها و قالت _الا بس استحيت و خفت هديل:هههههههههههههههههههه� �هههههههههههه .... حلوووه ذي استحيت توك تستحين اجل يوم المكله وش بتسوين هند: اسكتي بس قاعده افكر بهاليوم شلون بقابله وش بسوي .. ما فكرت بالفستان ولا بشئ هديل: ولا عليك اتركي كل شئ علي .. فستانك على ذوقي و بتشوفين بيكون يجنن بس انتي اهدي و لا تخافين كل شئ بيكون تمام .. دقت امهم الباب و طلبت هند تطلع لها تبي تكلمها شوي قالت هديل و اختها عند الباب: ايووه يا عم ..اتمخطري يا حلوه يا زينه هند: تشوفين يا الدبه .. بس ارجع اعلمك التشجيع زين هديل: لا تكفين خوفتيني يالله بس . وطلعت هند عند امها تتكلم معها بموضوع الملكه و وقتها و التجهيزات اللي بتصير. **************************************** خلصوا التسوق و اللف بين المحلات .. مشاعل: خلاص انا انتهيت شمس: أي والله انقص ضهري من المشي .. كلمي سواقك يجي و بنتظرك لين يوصل مشاعل: اصلاً هو هنا قاعد مع شلته بكلمه يقرب السياره كلمت مشاعل السواق و فاجاءه رده _انا في الدمام ودي ماما بيت صديق هيا << صديقتها شهقت مشاعل و عصبت عليه _مو انا قلت لك انتظرني لين اخلص و اكلمك ليش تروح .. بعدين لما ماما كلمتك ليش ما دقيت علي وقلت لي .. غبي انت ولا غبي الحين شلون ارجع للبيت انتظر حضرتك لين ترجع سكرت بوجهه و الاخلاق واصله معها .. شمس: شفيتج معصبه وتصارخين وينه السواق مشاعل: الغبي المتخلف قلت له انتظر ولا تتحرك لين اخلص , تخيلي دقيت عليه يقولي في الدمام . شمس: وش وداه هناك مشاعل: امي الله يهديها طالعه لبيت صديقتها ... ام الورطه شمس: خلاص اجل بوصلتج لا تشيلين هم .. هذا هو سيف جاي مشاعل: هيه هيه أي سيف واي اوصلك .. لا حبيبتي ما اركب لو سواقكم أي بس اخوك لأ شمس: ليه وش فرقت يعني .. سيف احسن من السواق عن الدلع بوصلتج يعني بوصلتج مشاعل: انا ما تحملت اشوفه و يمشي معنا علشان اركب معه في نفس السياره ... ما بـ .. ما كملت كلامها لانه جاي لهم و اضطرت تسكت وتلف وجهها للجهه الثانيه حتى ما يبان توترها .. سيف:هاه خلصتوا سحبته شمس بعيد عنهم وقالت له عن مشاعل , هو علطول وافق و بكل سعه صدر لو ودها يوصلها للمريخ . شمس: يالله مشمش مشينا مشاعل: ما بتحرك .. قلت ما بركب شمس: شلون بتروحين اجل مشاعل: بكلم اخوي يجيني او اركب تاكسي او اروح مشي شمس: يالله بس عن الدلع و امشي شاف سيف عنادها و رفضها انهم يوصلونها قرب منها و يوم شافته قرب و ناوي يتكلم بلعت لسانها وسكتت قال سيف بحزم : ترا بنوصلتج لبيتكم مو خاطفينتج .. يالله تفضلوا استحت منه و باليالله حركت رجولها و مشت , طول الطريق تتحلطم ورجع الانسان اللي يتكلم داخلها " يوووووهـ اكرهني واكره المواقف اللي زي كذا ... حسبي الله عليك من سواق غبي , والله لا اوريك حتى انتي يمه تشوفين حطيتيني بموقف محرج ولا احد بيحس فيني " سبقهم سيف و راح يقرب السياره .. وصل و ركبوا من التوتر اللي عايشه فيه و التناحه ما ركزت مع الباب اللي فتحته وركبت فيه ..الا بعد ما مشى صرخت بداخلها و عيونها تفتحت "يالله وش خلاني اركب من ذي الجهه قلوا الاماكن جعلي اركب بالشنطه ولا وراه... انوااااع الاحرااج .. ليتني اكون بحلم ولا الوقت يمر بسرعه و اوصل .. يووووهـ من الاحراج " زادت الحراره حولها رغم بروده السياره و جهها متقلب الوان و اشكال و من يوم ما ركبت وهي على وضعيه وحده ما تحركت ولو ودها تكتم نفسها و ما تتنفس . حست ان الطريق طويل و بيتهم بعيد و الشوراع زحمه ..كأن هذا وقته .. عند الاشاره وبدون ما تحس بنفسها تنهدت بصوت مرتفع و الكل سمعها .. يوم انتبهت لنفسها و للحركه اللي سوتها بلا شعور رفعت عينها للمرايه وشافت عيون الاخ سيف بحدتها يناظرها .. وهالشئ اللي ما كان ودها يصير تطيح عينه بعينها , بسرعه نزلت عينها و داخلها صرخات و عتاب و زاد التوتر ارتكبت شمس حماقه التفت على مشاعل و تكلمت : مشاعل وشفيتج تتنهدين ؟ قلبت مشاعل عيونها و ضغطت على شنطتها من التوتر و تنحنحت بصمت حتى تعدل صوتها و تتكلم قالت بهمس : ما فيني شئ شمس:ههههههه سنه على ما تردين سيف: يمكن بردانه من المكيف شمس: بردانه؟ انقهرت مشاعل من شمس و ليش تتكلم كان خلتهم على الهدوء احسن .. نست نفسها وردت _ مو لازم تعرفين شمس: الا ابي اعرف بردانه ؟ سكتت مشاعل بينما سيف فيه الضحكه على اسلوبها .. اكيد نست نفسها وعلى بالها انهم بس الموجودين علشان كذا ردت بهالرد. بعد سنه من الارهاق العصبي و التوتر اللي عاشته مشاعل اخيرا وصلت للبيت وبسرعه نزلت و اتجهت للباب تفتحه , ما تحرك سيف لين دخلت وسكرت الباب وراها ثم مشى . اما هي من ورا الباب و داخل البيت فسخت عبايتها و رمتها داخل واحد من الاكياس تحس انها مخنوقه و محتره .. يالله شالت نفسها و دخلت داخل لقت عبدالرحمن قاعد بالصاله مستغرب من دخلتها وبدون عبايه مشاعل: سلام عبدالرحمن: وعليكم السلام .. وين عبايتك نسيتيها في السوق مشاعل: ترا مو فاضيه لسخافاتك ... اوووف منكم طلعت لغرفتها تريح اعصابها و جسمها من تعب اليوم .. حتى ما تفرجت على اللي شرته رمت الاكياس ونامت علطول اما سيف كل شوي يتذكر شكلها توترها و صوتها و ردها على شمس بعفويه .. ضحك فجأءه وهو يتذكر كلمتها " مو لازم تعرفين " .. التفتت عليه شمس تشوفه على وشو يضحك شمس:سلامات تضحك مع مين سيف: اضحك مع نفسي شمس: الحمدلله والشكر تركته بهواجيسه و افكاره اللي توديه لبعيد و تجيبه .. تنهد بقوه وهو يتذكر عيونها و نظرتها له من المرايه كان وده يدري باللي في داخلها اكيد ان اعصابها تعباااانه و واصله معها وما بتنسى هاليوم الصعيب | ||||||||
|
| |
|
17-09-14, 07:06 PM
| #23 | ||||||||
| مراقبة عامة ومشرفة منتدى الروايات المنقولة
| الجزء(24) مرت الايام و كل مالها تزداد سوء و صعوبه على ابو عبدالله و عياله , ما تعودوا يعيشون بدون ام و بعيده عنهم بس يعرفون اخبارها من يوم ليوم وهي نفس الشئ .. لاحظت الجده ام خالد تغيير ولدها و ضعفه و باين الهم بعيونه ام خالد: بقولك شئ وانشاءالله توافق عليه ابو عبدالله: امري يمه وش بغيتي ام خالد: ما يامر عليك عدو ابي سلامتك وسلامت عيالك .. ترا الحاله اللي انت وعيالك فيها ما تصلح كل واحد منكم يبيله اهتمام لا انت ولا الصغار خطر في بال خالد ان امه تقوله تزوج , وهو كاره طاري الزواج فقاطعها و حب يسكر الموضوع قبل لا يزيد _ يمه الله يعافيك ما ابي اتزوج هالفكره شيليها من راسك ام خالد: ومن قالك اني ابيك تتزوج لا يابوي اسمعني زين .. انا اقول بدل ما تعيش مع عيالك لحالكم في البيت وكل كم شهر تدفع الايجار غير المصاريف الثانيه , تعالوا عيشوا معي في البيت .. الحمدلله البيت وش كبره وفيه الغرف اللي تكفينا و زياده ما فيه الا أنا و اختك ذبحنا الهدوء محد حولنا .. جب عيالك هنا و انت كل ما جيت من دوامك تعال هنا تلقى الشئ اللي تبيه وكل اموركم بتمشي ابو عبدالله: يمه ما ابي اثقل عليك .. وازيد المصاريف خليني كذا احسن ام خالد: أي مصاريف ... كل شئ مثل ما هو الشغالات و الله يعطيهم العافيه ثنتين قايمين بالبيت و انا و عهود قاعدات ما عندنا شئ .. اقصر الشر وجيبهم ترا كذا بيضيعون و يتعبون بالدنيا ابو عبدالله: اشوف ام خالد: لا تشوف ولا شئ, يعني تستخسر علي قعدتهم معي تراهم يونسون وان ازعجوني ادبتهم ما حب ابو عبدالله يكسر بخاطر امه و حس ان فكرتها زينه حتى يرتاح هو و هم بعد يلقون من يهتم فيهم .. اصرت عليه يدق عليهم و يجهزون اغراضهم الضروريه و الثانيه يخلونها نهايه الاسبوع , وطلبت من الخدامات ينظفون الجناح اللي فوق و يرتبونه . دخلت ساره البيت توها راجعه من دوامها سلمت على امها و طلعت لغرفتها تبدل ملابسها ..لاكنها شافت الحوسه و التنظيف اللي يسوونه الخدامات , نزلت تسأل امها ام خالد: أي قلت لاخوك خالد يجيب عياله عندنا المساكين مالهم احد ساره: وشو .. يجوون عندنا يمه من جدك انتي ! .. ام خالد: أي من جدي وشفيك معصبه ساره: بيجون و يبدا الازعاج و الحوسه و الواحد ما بياخذ راحته في البيت ام خالد: اقوول عاد , هذول عيال اخوك اذا ما شلناهم حنا من يشيلهم ساره:اووووف ..صاير بيتنا ملجأ .. انا رايحه انام ولحد يصحيني . فرحوا بخبر ابوهم وانهم بيسكنون عند جدتهم على الاقل يلقون احد كبير يهتم فيهم .. وعهود ارتاحت من هالخبر لانها بترتاح و بتطيح منها المسؤوليه و الشغل .. جهزوا اغراضهم المهمه و اشياء المدرسه و بعض الملابس و راحوا . *********************************************** الوقت وقت اختبارات نصف السنه و الكل مشغول و متوتر و قلق ... كانوا الاثنين"سعود و علي" اكثرهم اللي شادين حيلهم هالسنه . اخيرا خلصت هند من الدراسه و تخرجت .. وكانت اسعد وحده من فرحتها اخر يوم لها ما نامت و احتفلت بتخرجها بكل فرح و وراحه.. وايضا ملاك كانت شبه مرتاحه بانتهاء العمل اللي سعت له و دفعت المبلغ كامل و وعدتها الحرمه بالنتيجه اللي ترضيها .. فكانت كل بعد فتره تحاول تعرف اخبار نواف و سير امورهـ . ************************************************ في احد الايام دخل نواف البيت جاي من دوامه , واستقبلته لميس كعادتها بابتسامتها الحلوهـ و هي ترحب فيه _هلا بك .. خذت الشنطه اللي بيده و علطول قعد على اقرب كنبه له يرتاح و فتح ازارير الثوب يتنفس و يتهوى لميس: الغدا جاهز تبيني احط لك نواف: لا لميس: طيب اصب لك عصير ليمون بارد يهدي اعصابك نواف: قلت لك لا .. ما ابي شئ قام و دخل غرفته اخذ منشفته و علطول على الحمام يبي يهدي اعصابه تحت المويه و يرتاح .. اما هي ما استغربت من حركته لانها تقريباً تعودت على عصبيته و بروده القاتل. طلع من الحمام وهو لاف المنشفه حول خصره ما توقع وجودها بالغرفه .. بدورها استحت ونزلت راسها وهو دخل لغرفه الملابس و لبس له تي شيرت اخضر خفيف و بنطلون اسود وطلع رمى نفسه على السرير بدون ما ينطق أي شئ. قربت منه لميس و قعدت على طرف السرير عند راسه _وشفيك ؟؟ تعبان من شئ تنهد نواف ..سكر عيونه بقوه ثم فتحها و هو يناظر السقف بجمود , كأنه يدور الاجابه فوق لميس: وش صار على طلبك انشاءالله وافقوا عليه نواف: قالوا بيردون علي لميس: زين متى تبيني اقومك نواف: العصر لميس: اوكي اذا قمت ابي اروح بيت اهلي نواف:اوووف.. طيب خلاص وهي قايمه من عنده قالت: اسفه ازعجتك وكأنه شعله نار و بكلمتها رمت الحطب عليه قام وقف بطوله و شب عليها هواش وصراخ _اي ازعجتيني و غثيتيني .. وبعدين يعني ما القى الراحه ابد و الكل ضدي , ترا ما صارت وش هالعيشه اووف طلع كومه النار من الغرفه تارك وراه المسكينه ضامه نفسها و خانتها دموعها و بدت تبكي ما تحملت كلامه و صراخه اصلاً ما توقعته منه هذا التصرف كل اللي قالته اعتذار و شب عليها , اجل لو لامته على شئ وش بيسوي .. ما قدرت توقف من الخوف و رجفه جسمها طاحت على الارض وجلست تبكي بكل ضعف . بكلامه هذا و صراخه حرق فيها اشياء كثيره و زاد من همها و جروحها , هي ما تحملت بروده وجفاه علشان تتحمل صراخه و عصبيته . ********************************************* نزلت ساره وهي خالصه و متكشخه _ يمه انا طالعه زين ... يمكن بطول لا تشيلين هم ام خالد: الله يحفظك .. سلمي على تهاني وامها ساره: اوكي يالله باي. بعد ما طلعت لفت الجده على عهود تكلمها _ عهود جيبي لي التلفون اكلم عمتك مها اشوف وش سوت بتجهيزات هند عهود: تلاقينهم محتاسين دام باقي يومين على ملكتها ام خالد: وانتي الصادقه الله يعينهم عهود: زين انا بروح اسوي القهوه .. مشتهيتها مع باونتي ام خالد: حطي معها صحن التمر الزين اللي جابه ابوك عهود: انشاءالله وصلت للمكان المطلوب .. وهو كان بانتظـارها بكل سهوله ركبت في السياره و تحركوا حمد: حيالله ساره ساره بحياء: الله يحيك حمد: اخبارك يا عمري لك وحشه ساره: هههه الحمدلله تمام انت كيفك حمد: بخير دام الحلو بخير كملوا طريقهم للمطعم بين الكلام ..هو يخطط وش بيسوي و هي مستحيه منه و في قمه الوناسه لانها مع حبيبها "حبيب الغفله". *********************************************** دخل سيف و الفرحه باينه في عيونه سيف: السلام عليكم جميعا باس راس امه وابوه , ويوم جا عند شمس ضربها على راسها بخفيف الكل: وعليكم السلام شمس: ااااااااااي يا دب .. ما تعرف شلون تحترم عمتك شمس سيف: تخسين .. عمتى اصرف منك بمليون مره شمس: هيه هيه يا شينك ابو سيف: المهم وشعندك جاي و الفرح باين بعيونك ..عطني اخر اخبارك ام سيف: انشاءالله تبيني اخطب لك سيف: لا يمه انتي وين وانا وين ... اسمعوا الخبر الحلو ام سيف:هات نشوف سيف: احم .. مريت العمال اليوم ولقيت نص الدور الارضي مخلصينه ابو سيف: زييييييين والحمدلله ام سيف: الله يبارك لك في الباقي و يعينهم شمس: بس ... نص الدور الارضي على بالي البيت كله خلص سيف: انتي شو تحسبين البناء سهل لو تشوفين مساحه الارض كم كبر راستج هالفاضي شمس: فااضي بعينك راسي يساوي بلد سيف: هذاتج اعترفتي كبر بلد يعني كبير ابو سيف+ام سيف:ههههههههههههههههههههه� �هههه ابو سيف: خلاص انت وهي كلكم روسكم صغيره ام سيف: بسم الله على عيالها وش قالوا لكم راسهم كره بيسبول الكل:هههههههههههههههههههه� �هههههههههههه سيف: يمه والله انتج خطيره عليتج تشبيهات اليييييمه شمس: ما يضحك .. دمعت عيون ابو سيف من الضحك و انهى ضحكته بكحه شمس: بكيتوا بابي ..وخليتوه يكح قربت من ابوها و دقت علي ضهره _ بسم الله عليك يا ابي .. بعيد الشر عنك ام سيف: كله منه هالسوسه سيووف .. ضحكنا الله يرجه سيف: وش دخلني انا ..قلت راس بنتكم كبير وانتوا صغرتوا الحجم وصار كره بيسبول ..ههههههههههه ابو سيف: الله يخليكم لي و الله من زمان ما ضحكت من قلب ... اجل روسكم صغيره هاه ههههههه يا حبي لكم و الله شمس: تحبني انا اكثر صح سيف:لا انا ام سيف: لا انت ولاهي .. انا ابو سيف:ههههههههههههههههههههه� � ... تبون الصدق ما احبكم كلكم بس كنت اجامل لكم .. قام من مكانه طالع فوق يتوضئ و يتجهز للصلاه وهم وراه على وجههم علامه استفهام حس بصدمتهم ولف عليهم وعلى وجهه ابتسامه _ ما احبكم بس اموت فيكم .. انتوا دنيتي صفقوا سيف و شمس يشجعون ابوهم و يصرخون بهتافات التشجيع سيف:احلىىى يا شاعر امووت على الرومنسيين بس شمس: لا لا لا ما يمديني ابد ... اذوب انا خذت ام سيف الخديدات من فوق الكنب و رمتها عليهم ام سيف: اشش انت وهي احرجتوا ابوكم .. وطلعت لحقت زوجها لغرفتهم و وراها سيف و شمس يضكون .. بعد ما خلصوا الضحك تذكرت شمس كلمه اخوها لها "راسها كبير" و قامت رمت عليه الخديده _انا راسي كبير هاه يا السوسه سيف: أي كبير طلع لسانه لها و قرب منها و بحركه سريعه شد شعرها و نغزها ببطنها وركض بسرعه للباب و هي بعد صرختها ركضت وراه تحاول تنتقم منه .. لاكنها ما قدرت وطلع بسرعه للشارع .. توعدته بعقاب قوي بس يرجع البيت و يشوف. ************************************************* ساره: اااهـ وخر عني ... حمد وشفيك اقولك وخر حمد: اسكتي لا تفضحينا .. ساره: طلعني من هالمكان الحين حمد: أي اطلعك لحظه شوي ما شبعت منك .. بعدين بوريك الهديه اللي جهزتها لك ساره: ما ابي اشوف أي هديه .. طلعني لا اقلب الدنيا عليك دفها حمد بكل قوته و طاحت على الارض .. ما قدرت تقوم و تساعد نفسها , ضلت تصارخ و تضربه على ضهره و تعضه .. الطاوله اللي جمبها انقذتها ..سحبت المفرش و طاحت التحفه الكبيره فوق راسه .. قام وهو ماسك راسه من الالم و الدم بدا يصب من راسه .. حمد: ااي يا مجرمه .. اااي راسي قامت بسرعه وقفت و ضربته برجولها على بطنه .. عدلت شكلها المبهذل و مسحت دموعها المتناثره على خدها و ركضت للباب تطلع .. بكل خوف العالم و الدقات في قلبها سريعه كل شوي تلتفت وراها تشوفه لا يكون نزل من الشقه ولحقها .. تطمنت اكثر لما وقف قدامها سياره اجره و بسرعه ركبت و امرته يمشي . ************************************************** * في هالوقت وصل احمد من الرياض وما خبر اهله بجيته حب يسوي لهم مفاجئه ما ينسونها .. وقف سيارته برا عند الباب وفتح الباب ودخل .. في الحديقه غير شكله بسرعه على حسب ما خطط و استعد يدخل للبيت بهدوء و محد يحس فيه .. في الداخل كانت ام نواف و مشاعل بالمطبخ يسوون لهم عشا معتبر و عبدالرحمن وفهد بالصاله اللي فوق يتفرجون "مستر بن" .. دخل احمد بهدوء و صار يمشي شوي شوي , التفت ما لقى احد وهو عامل حسابه لو ما لقى احد وش يسوي طلع بسرعه دق الجرس و رجع دخل .. نزل عبدالرحمن و وراه فهد علشان يفتحون الباب و كانت الصدمه و الخوف اللي طيح قلوبهم يوم شافوه صرخوا كلهم عبدالرحمن بصوته الرجولي و فهد بصوته الصغير .. وداخل احمد ضحكه كاتمها سمعوهم ام نواف ومشاعل فطلعوا من المطبخ بسرعه و وراهم خدامتهم هي بعد تفزع .. كانت المفاجئه الكبيره رجال عجوز منحني ضهره وماسك عصا و متلثم بالغتره و المشكله شعره طويل وملفلف "كشه" واقف عند الباب صرخت مشاعل و الخدامه و تجمعوا حول ام نواف , اما هي الاخيره سمت بالله و كل جسمها يرتجف وشوي و يغمى عليها ما قدر احمد يكمل المشهد فعدل وقفته و رمى العصا على الارض و طاحت غترته و هو بعد طاح يضحك و يفرفر رجوله من شده الضحك مشاعل: سخييييف عبدالرحمن: خوفتنا يا غبي كان فهد شوي ويبكي و يوم شاف انه احمد قلب للضحك فصار شكله دموع و ضحك .. اما ام نواف قعدت علطول على الكرسي اللي وراها بعد طيحه قلبها من الخوف و الدوخه اللي حستها احمد طايح على الارض يضحك من قلب و حوله مشاعل و عبدالرحمن بملامح عصبيه و ضحك , خلص ضحكه وقام قعد احمد: والله انكم نكته ... ااااهـ يا قلبي مت ضحك مشاعل: طيحت قلوبنا .. تخيل متنا خوف عبدالرحمن: والله بغى يغمى علي يوم شفت رجال عجوز بـ بيتنا احمد: هذا وانت رجال البيت .. والله انك خيخه طار فهد عليهم وهو فرحان بشوفه احمد و بالشعر الكبير اللي فوق راسه فهد: واااااااو شعر كدش .. احمد لبسني قام ولبسه الشعر الكبير و صار شكله نكته بوجهه الصغير و اسنانه المكسره التفت احمد على امه وشافها قاعده تشرب كاس مويه جابته لها الخدامه , قرب منها وهو يبتسم احمد: عاش من شافك مامي .. كيفك يا الغاليه ام نواف: الحمدلله بخير احمد:هههه اسف والله ما ودي اطيح قلوبكم بس وش اسوي احب المقالب ام نواف: عاجبك اللي سويته ضيقت خلقي و صدع راسي بسببك احمد: سلامتك يا الغاليه .. يضيق خلقك بشوفتي افااااا ما هقيتها والله ام نواف: لا وشدعوه .. عاش من شافك قرب وباس راس امه .. وهي حذرته انه ما يكرر مثل هالمقالب فيهم .. ولا بتزعل عليه وما تكلمه . فرح الكل برجوع احمد و احتفلوا معاه بعشوه حلوه من يدينهم .. بعدها سهروا على فلم مضحك يكملون الوناسه . ************************************************** ***** ثاني يوم بعد الغداء .. ام سلطان و ولدها قاعديين ومحد حولهم سلطان: خلاص اكدت على الشيخ يوم الاربعاء .. و كل شئ ماشي مثل ما طلبتي ام سلطان: زين الله يعطيك العافيه , انشاءالله يملكون و يصير باقي الزواج سلطان: كل شئ جاء ورا بعض .. لو بعدنا يوم الزواج مو احسن واريح لنا ام سلطان: لا انا ما احب الفتره بين المكله و الزواج تكون طويله .. هو كله تعب في تعب خلنا نخلص مره وحده احسن سلطان:الله يسهل .. يا حليلها هند و الله كبرت بسرعه اذكرها وهي صغيره كانت تحفه ام سلطان:ههههههه شفت شلون الزمن يمشي و عقبالك انشاءالله نشوفك عريس نزلت هديل تركض و بيدها فستان هند و وراها هند بوجهه احمر هديل: يمه الحقي فستان هنوده انشق ام سلطان: وش اللي شقه .. ورق هو هديل: لا جد يمه شوفي وقربت منها توريها فتحه من الجمب .. تحت السحاب سلطان: أي من كثر ما تلبسه , او زاد وزنها هند: لا ذا ولا ذا , بس مدري شلون انشق .. الحين وش اسوي تقوس فم هند للاسفل و ضاقت بسبب فستانها هديل بحماس: ولا يهمك نوديه للخياط يعدله .. كلمي السواق يطلع بعد العصر ام سلطان: عاشت المدبره ..على كيفك تخططين سلطان: ولا كاننا ناس قدامك تشاورينهم هديل: هالمور مافيها مشاوره .. ملكت البنت بعد يوم و الفستان مشقوق لازم يتعدل و باسرع وقت هند و الخوف واضح من صوتها و وجهها: _ طيب لو ما تعدل وش اسوي هديل: عادي نشتري لك واحد ثاني ... يالله تعالي نشوف وش ناقصك ونجيبه لاطلعنا اليوم وطلعوا الثنتين لفوق يكملون اللي كانوا فيه ام سلطان: والله هالبنت ارج منها مافي شفت شلون صرفت الموضوع حتى ما سمحت لنا نقول شئ ولا اختك المسكينه تكلمت و الموضوع يخصها سلطان:ههههههه و الله قدعه هالهديل شكلها بتاخذ واحد ضعيف و تبهذله ******************************************** مليون مره و هو يدق عليها لاكنها مطنشته و ما ردت عليه , يرسل مسجات و يتصل كل ساعه وهي مستمره في التطنيش .. ساره:اووووف منه وش يبي بعد .. ردت عليه بدون نفس _نعم ..خير حمد: الناس اول شئ تسلم تقول كيفك ساره: السلام عليكم حمد: وعليكم السلام ..شلونك ساره: بخير .. بغيت شئ حمد: ساره ابي اتكلم معك , ممكن من وقتك شوي ساره: شوف من اليوم ورايح مالي أي كلام معك وش تبي تقول بعد اللي سويته هاه .. بس الشرهه مو عليك علي انا اللي صدقتك وطاوعتك ولا انت ذيب مثل اللي حولك قال حمد في نفسه" وانتي غبيه و خبله يوم تصدقيني .. ولا احد يحب وجههك " كملت ساره كلامها: احسلك تمسح رقمي و تبعد عني لاني مو فاضيه لك و لاشكالك وان دقيت مره ثانيه لا تشوف شئ ما عمرك شفته حمد: طيب دقيقه قبل لا تسكرين بقول شئ .. تدرين انك خبله و متخلفه ولا وحده وش كبرها تصدق كلام شاب فاضي انتي المفروض تربين مو تتربين من جديد انصدمت ساره من كلامه و تهزيئه لها و حست لثاني مره انها ما تسوي شئ , اول مره من مشاري و الحين من حمد .. تمنت لو تدخل من التلفون و تقطع لسانه .. وصل حدها منه و ارتفع ضغطها من اسلوبه حمد: والله حااله على كثر ما تتابعون و تسمعون قصص ماساه بنات ما تتعضون .. عسى فيك اللي يجيك انتي بالذات ..سلام وسكر بوجهها الخط حتى ما انتظر يسمع ردها و تعقيبها على كلامه .. كان عارف حالتها انها بتكون في حاله صدمه و قهر منه و من نفسها لانها وصلت لهدرجه . عادت كلامه في بالها يوم يقول "ما تتعضون" وحست بالفعل انها غبيه بفعلتها هذه ولا كيف تصدق واحد ما يعرف عنها شئ و في ليله و ضحاها حبها .. لامت نفسها بكلمات العتاب اللي تحطم الروح و النفس و علشان ترتاح اكثر مسحت رقمه وقامت رمت هديته ما تبي تتذكر أي شئ يخصه . **************************************** بعد التصادم اللي صار بينهم .. عصبيته المفاجئه و جرح مشاعرها رجعت الامور في بيتهم مثل قبل هدوء نواف القاتل و حيره و خوف لميس .. كانت قاعده بالصاله تقلب بقنوات التلفزيون تدور شئ يسليها .. طلع لها نواف و توه صاحي من النوم بعد دوامه لميس: تبي اسوي لك شئ نواف: اذا ما عليك امر كوب شاهي قامت لميس للمطبخ تسوي له اللي طلبه وهو استلم الريموت يقلب بالتلفزيون اثناء ما تسوي له الشاهي قاعده تفكر انها تفتعل شئ يغيير عليهم هالروتين و البرود اللي بينهم..طلعت مع الشاهي و قدمته له _تفضل نواف: مشكوره قعدت جمبه وبعد ما رشف رشفه من الكوب و حطه ..قالت له _ الليله عندك شئ قال نواف بعد تفكير بسيط : لا ..بغيتي شئ ابتسمت لميس لجوابه و قالت _ خلاص اجل عازمتك على العشا التفت عليها مستغرب منها , قابلته بابتسامه حلوه مبينه اسنانها نواف: وش المناسبه لميس: ممممممم بس كذا .. نواف: اوكي اقبل الدعوه فرحت لميس لقبوله طلبها و تمنت ان هاليله تكون بدايه تغيير زوجها و سير حياتها براحه. ********************************************** ملاك: وين علي ما لقيته بغرفته؟ ام علي: طالع مع سعود يقول بيروحون محل الكمبيوترات .. مسكين خليه يشم نفسه بعد الدراسه لاحقين على الكرف النصف الثاني ملاك: الله يعينه ام علي: الا تعالي ..عندك شئ تلبسينه بملكه هند ملاك: أي عندي للمكله و للزواج ام علي: زين اجل , كنت بشوف لو ما عندك نطلع السوق اليوم .. شوي دخل عليهم ابو علي و وجهه اصفر باين من عيونه انه فيه شئ.. ما استغربت زوجته و بنته لانهم متعوديين عليه ابو علي: السلام عليكم الكل: وعليكم السلام ابو علي: وين علي نادوه ابيه ام علي: طالع مع سعود شوي و يرجع ابو علي: المهم رتبوا اغراضكم ..صاحب البيت يبي بيته ام علي: وشو .. وليه انشاءالله انت ما دفعت له ايجار الشهر ابو علي: من وين بدفع له .. شايفتني قاعد على كنز كم مره اطلبه ياجل الدفع لفتره الين ما مل الرجال وقال ابي بيتي ..عاد برجع مره ثانيه وادور لنا بيت ام علي: ولا لمينا اغراضنا وين نروح انشاءالله نقعد بالشارع ابو علي: بيت امك يا كبره و فاضي اقعدوا عندها لين يحلها الف حلال ام علي: وبكل بساطه تقولها ما فكرت الناس وش بتقول كل بعد فتره مطرودين من البيت و اغراضنا منثره . ابو علي: اقول لا تكثرين علي الكلام و اللي قلته سمعتيه , الرجال يبي بيته السبت.. خلصنا قام طلع من الصاله و تاركهم بقهر و ضيقه من هالقرار ام علي: حسبي الله عليه .. تبهذلنا بسببه لا بيت يضفنا و لا رجال عنده عقل يفكر و يامن مستقبل عياله عايش على فضل غيره ملاك: الحين من جده يوم يقول نسكن عند جدتي ام علي: يا فشلتي عند خواتي ما ادري وش بيقولون .. حتى مالي وجهه اروح اطلبهم فلوس علشان نسدد الايجار .. يارب ارحمنا و استر علينا *********************************************** نزلت مشاعل من فوق و لقت امها كالعاده تسولف بالتلفون .. انتظرتها لين تخلص و تقولها الشئ اللي شافته ام نواف: يالله اجل نشوفك على خير .. مع السلامه سكرت و التفت على بنتها - هاه وشعندك .. لا تقولين نبي نطلع تراني اتابع برنامج و بيجي بعد ساعه مشاعل: لا ولا فكرت بس شفت شئ غريب بغرفه نواف ام نواف: وش شفتي مشاعل: شفت نمل اسود هذاك السام كثير منه عند الباب .. خفت وما فتحت شفته داخل ام نواف: لااا.. قومي نشوف طلعوا لغرفه نواف و بالفعل كان عند الباب نمل كثير اسود شكله يخوف ام نواف: بسم الله من وين جا فتحت الباب و لمبات الغرفه لقت على الارض صف من النمل متجه لدولاب ملابسه مشاعل: ويييع .. شكله يخوف..بروح انادي واتي تقتله ام نواف: لا , لا تنادينها مو زين نقتل النمل .. خليه نشوف وش نهايته مشاعل: تخيلي يدخل غرفنا و يقرصنا ام نواف: مالكم شغل فيه خلوه سكرت اللمبات والباب و نزلوا تحت مشاعل: يمه خير تخلينه كذا .. والله لا ينتشر في البيت بعدين نتورط ام نواف: صاحيه انتي تقتلين نمل , المهم لا تقربون منه وانا بقول لواتي لا تجيه ما فهمت مشاعل قصد امها ليش تركت النمل وما قتلته .. و ايضا ام نواف ما عرفت وش قصه هالنمل و من وين جا وغريبه بس عند غرفه نواف . ************************************************ الساعه 11 رجع لبيته و يوم دخل كان الجو هادئ فتذكر انها مسويه له عشا .. دخل للصاله ثم التفت لغرفه الطعام وشاف الطاوله مرتبه و مصفوف فوقها انواع من الصحون و الاكلات و مزينه بشويه شموع .. طلت عليه لميس باناقتها اللي جذبته .. كانت لابسه فستان سواريه اصفر قصير لتحت الركبه , ضيق من فوق و وسيع من تحت فيه كسرات و حزام احمر .. اكتفت برفع شعرها حتى تبان الحلقان الالماس باللون الاحمر كان نواف منبهر من جمالها و نعومتها كأنها طفله حلوه و بابتسامه ارتسمت على وجهها رحبت فيه - مساء الورد نواف: مساء الورد قربت منه لميس , مسكت يده و سحبته للطاوله .. قعد و قعدت قباله لميس: انشاءالله يعجبك العشا ولو انه مو قد المقام و مثل المطاعم بس يعني نواف: لا شكل الاكل شهي ..يسلمو خذت صحنه و سالته وش يبي علشان تحط له .. كانت مسويه كشري و سلطه بالمكورنه و شرت صحن ورق عنب و حاجات ثانيه خفيفه وعلى الجمب عصير فراوله بارد . طول الوقت نواف ياكل بحماس و راحه وهي تناظره من وقت لوقت و فرحانه لهدوء و باين عليه اعجابه بالاكل و بها . رفع عينه و لقاها تناظره بوجه بشوش بادلها بابتسامه بارده و قال _ تسلم يدك الاكل حلو لميس: الله يسلمك .. مع اني اول مره اسوي عشا كامل , بس الحمدلله دامه عجبك كملوا اكلهم براحه وهدوء يتخلل وقتهم شويه تعليقات و كلمات بسيطه .. بلحظه غص نواف و قام يكح .. قامت له لميس بسرعه وبيدها كاس مويه و اليد الثانيه تدق ضهره و تسمي عليه .. وهو ميت من الكحه و وجهه قلب احمر . لميس: بسم الله عليك .. ما زال مستمر بالغصه و انكتم النفس عنده قام ضرب الكاس اللي بيدها انسكبت المويه عليها و على الارض و طاح الكرسي من وراه يوم قام بسرعه متجهه للحمام .. ولميس تركض وراه و يدها على قلبها خافت لا يكون صار له شئ دخل وقفل الباب وهي من ورا الباب تدق عليه لميس: نواف افتح ..نواف لا يصير فيك شئ ..افتح الباب شوي ما سمعت له صوت و عم الهدوء مره ثانيه .. دقت الباب الا فتح و طلع لها بشكل غير وجهه قلب الوان احمر على بنفسجي من الكتمه و العرق على جبينه ومن عيونه مرهقه و حمره .. مسكته لميس مع كتفه فاجاءها بحركته قام ونزل يدها عنه بقوه وراح للصاله و هي وراه جت بكاس مويه لميس: نواف .. هاك مويه اشرب شوي لف عليها و بقوته ضرب الكاس وطاح في الارض انكسر ..صرخ باعلى صوته - خلاااص ما ابي شئ ..فكيني ..ارحميني ..خلاااص خذا مفاتيحه و طلع من البيت وهي بين جو من الصدمه و الحيره متفاجئه من حركته و عصبيته بعد هدوءه .. بصرخته ما تحركت من مكانها ولا تغيرت ملامحها بكل سكون رجعت لطاوله الطعام وقفت قدام الاكل تناظر المكان بعيون اغرورقت بالدموع و بحركه لا اردايه منها مسكت باطراف المفرش و نفضته بقوه لدرجه طيران الصحون و الاكل و طاحوا بالارض تكسروا .. وهي طاحت وراهم و ظلت مرميه على الارض بين الزجاج تبكي بصوت عالي .. وبداخلها ندم و قهر محد يعلم فيه .. حلمت و تمنت من قلبها ان هالليله تكون بدايه لحياه جديده بينهم لاكن كانت مجرد احلام وهذه هي صحت منها و رجعت لاصل حياتها مع هالانسان و رجعت للحيره و الخوف . ************************************************** * الكل مجتمع و متكشخ لان اليوم ملكه هند و الفرحه منتشره بينهم .. في غرفه هند قاعده و الكوافيره تحط لها اللمسات الاخيره و كانت معها عهود هند: عهود ابي الصراحه شلون شكلي عهود: و الله حلوه .. فستانك ناعم و حلو صدقيني بيخق تركي و بيطلب حفل الزواج بكره استحت هند و نزلت راسها بس حاولت ما تبين حجلها علشان ما تعلق عليها عهود _ اقول بس عاد لا تمصخينها ... زين هديل مو هنا كان طحتوا فيني تعليق شوي الا دخلت هديل - سمعت اسمي ... اعترفي انتي و هي و ش كنتوا تتكلمون فيه هند: مو شئ مهم .. تعالي شلون الوضع تحت زحمه و عالم هديل: يعني خلاتي و صديقاتك و صديقاتي و بعض الجيران عهود: وين مشمش ... سلمت علي اول ما جت وبعدها اختفت هديل: مدري شفتها تحوس تحت وبعدين قاعده مع لميس بعد دقايق طلع لهم سعود بالدفتر علشان توقع .. دق الباب و انتظر يفتحون هديل: هاه .. جا الدفتر سعود: يب ... وخري بدخل اسلم على العروس هديل: دقيقه التفت على عهود وقالت لها تتغطى علشان سعود يدخل بعد ما تغطت دخل و واجهه هند سلم عليها و بارك لها هند: وين اوقع ؟ سعود: هنا عند اصباعي بس مو فوقه مدت يدها ترتجف و مسكت القلم .. بهالوقت تجمعت الدموع بعيونها ما ادري هو من الخوف او الخجل بس قاومتها علشان ما تنزل .. شجعتها هديل: يالله سمي بالله و وقعي سعود: ترا مو بس انتي اللي رجولك تصافق حتى هو تحت و وجهه يقول " يا عالم انا اليوم عريس" ضحكوا الكل و ضحكت هند بخفيف و نزلت يدها على الورق و وقعت . تعالت الزغاريد حولها و سعود شاركهم بصوت اشبه للحريم .. ونزل يرجع للرجال وفي هذا اليوم الاربعاء صارت هند زوجه لـتركي رسمياً و امام الملأ .. الله يوفقهم و عقبال الباقي. | ||||||||
|
| |
|
17-09-14, 07:11 PM
| #24 | ||||||||
| مراقبة عامة ومشرفة منتدى الروايات المنقولة
| الجزء(25) دق التلفون في بيت ام علي و محد حوله .. فطلعت ملاك وردت ملاك: الوو ام نواف: السلام عليكم ...شلونك ملاك ملاك: وعليكم السلام ... والله بخير انتي شلونك وشخبارك ام نواف: كلنا بخير و الحمدلله .. شلون الاهل و الشغل ملاك: ماشي الحال ما صدقت ملاك انها ردت على خالتها فسألتها عن نواف ملاك: شلون مشاعل .. و نواف ام نواف: مشاعل شوفيها نايمه بعد سهر الليل , و نواف الحمدلله مستانس مع زوجته ضاق صدرها يوم سمعت كلام خالتها .. غريبه تقول انه مستانس يعني حياته ماشيه تمام وما اثر فيه شئ ولا تغيير .. معقوله كل اللي سويته و دفعته ما فاد ولا جاب نتيجه .. صحت من هواجيسها بطلب خالتها - عطيني امك اذا هي حولك نزلت السماعه وراحت تنادي امها و بعدها دخلت لغرفتها متضايقه حدها و تتمنى بس تسمع أي شئ يخص نواف بيين اثر عملها فيه .. صبرت نفسها بكم كلمه وان العمل توه يمكن يتطور مع مرور الايام. *********************** في بيت ام سلطان .. هديل قاعده بالصاله و قدامها التلفون و حولها جرايد و دفتر و قلم .. نزلت هند فمرت المطبخ صبت لها عصير و لهديل وطلعت فيه تقعد معها تسولف شوي و تبعد التوتر عنها هند: وش تسوين تبحثين عن وظيفه ولا بيت هديل: لا .. قاعده أأكد على المطربه و شلتها من الطقاقات على يوم العرس و المطعم علشان العشا و الكوافيره هند: ماشاءالله عليك .. طيب وش صار هديل: الحمدلله كل شئ تمام .. لزمت عليهم لا يتأخرون و يجهزون كل شئ علشان لا نتورط يومها ابتسمت هند لحرص اختها عليها و اهتمامها الكبير لـ حفله زواجها هند: الله يخليك لي وما يحرمني منك كبر راس هديل و مدت يدها اليمين قدام وجهه هند و مقلوبه .. استغربت هند من الحركه وما فهمت وش تقصد اختها هند: خير وش تبين .. اضافرك حلوه و يدك ناعمه وش بعد هديل: بوسيها .. انا الليدي ضربتها هند على خفيف و قالت: وخري بس .قال بوسيها , انتي تستاهلين بوسه على الراس و قامت قرب منها وحبت راسها .. بهاللحظه نزل سعود وشافهم سعود:اووووه الجده هديل عندنا ... كيف الحال كملت هديل التمثيليه و مثلت دور الجده ..قالت _هااااااه وش قلت ما اسمع علا سعود صوته: كيف الحاااااااااااال هديل: تونا ما كلينا ... ماتت هند ضحك عليهم و خفه دمهم دخل سلطان توه راجع من صلاه العشا ..سلم و محد رد عليه الا هند اما سعود و هديل مشغولين بتمثليتهم سلطان: وشفيهم هذول ... طار على عقلهم فجاءه هند: لا تفوتك مسلسل " سعيدان و جدته" سلطان: خلوا عندكم الهذره .. يالله انت ما خلصت ترا بروح اخليك سعود: الا خلصت يالله مشينا قبل لا يشوفنا علي و ينشب لنا هديل: على وين سعود: سر .. اذا كبرتي تعرفين هديل: يا شينكـ ...لا من جد وين رايحين سلطان: طالعين نفلها مع عيال خالاتك .. تبين شئ هديل: يا حظكم ... لا ما ابي شئ طلعوا سلطان و سعود و كانوا متواعدين مع احمد و عبدالرحمن وعلي يطلعون للبحرين يغيرون جو .. ********************************* كلم نواف لميس و قالها تتعشى عند اهلها لانه بيتأخر .. فارتاحت من طلبه حتى تقعد مع امها اكثر و تشكي لها حست ام لميس ان بنتها فيها شئ و اكيد من حياتها مع نواف فسألتها _ كيف نواف معك رجعت الاحداث للميس و تذكرت ليله اليوم المشؤوم و صراخ نواف و انهيارها في البكا لميس: ااااهـ يا يمه , تعبت ام لميس: ليش وش صار بعد تكلمي تشجعت لميس و قاومت دموعها و حكت لامها القصه من بدايه الليله يوم كان هادئ و راضي الين ما طاحت على الارض تبكي بين كسرات الصحون و الزجاج. ام لميس: حسبي الله و نعم الوكيل... ما صارت هذه معقوله نواف يسويها و اللي يشوفه يقول رجال عاقل و حنون ما توقعته بهالعجرفه و القساوه لميس: يمه هالانسان غريب وان كان بيضل طول عمره كذا انا ما اقدر اعيش معه ام لميس: لا تقولين كذا انشاءالله بيتعدل و تكملون حياتكم مع بعض ... لا تحطين في بالك فكره الانفصال ترا الموضوع مو سهل و صعب لدرجه ما تتصورين لميس: وش اللي صعب فيه اني بصير مطلقه وانا ما كملت سنه من زواجي ولا عندي عيال .. عادي مو اول وحده ام لميس: لا لا ما ابي اسمع منك هالكلام ... بعيد الشر عنك .. بس انتي اصبري و حاولي وربي ما بيضيع تعبك لميس: ما اظن .. هذا انسان خالي من الاحساس و مزاجي و غريب ام لميس: اسمعيني زين .. اذا طالت السالفه و تمادى اكثر بضرب او غيره علميني علطول علشان يكون تصرفي معه ومع امه شئ ثاني ... ما اخبرها عبير مقصره في تربيه عيالها بس الزمن يغيير الناس ... الله يعينك يمه الكل يلوم نواف بتصرفاته و احاسيسه الميته وهم ما يدرون انه مو بارادته و رغبته يوم يسوي هالحركات الغريبه .. و المسكين هو نفسه يعاني من ضيقه و كره لنفسه و قليل ما يرتاح او يضحك بعكس اول . ******************************** انتبهت مشاعل على صوت اخوها فهد و هو يتكلم بس ما تدري مع مين .. راحت بجهته وما شافت احد حوله و مستمر في الكلام فهد: روحي عني يا غبيه ... وخري قربت منه اكثر وسالته _ فهوود وش تسوي ؟ فهد: شوفي هالنمل الكثير يطلع فوق رجولي و ما يروح مشاعل: وخر عنه لا تقرب منه فهد: بقتلهم اخاف يدخلون غرفتنا انا و دحووم مشاعل: قلت لك خليه تعال مسكت يده و نزلت معه و بطريقهم شافت امها مشاعل: يمه شوفي صرفه مع هالنمل .. للحين ما راح ام نواف: يصير خير ... زاد عن اول ولا نفسه مشاعل: مدري عنه سحبت فهد و نزلنا ... شكله يقرف راحت ام نواف من عندهم متجهه لغرفه نواف ...يوم وصلت شافت النمل خف عن اول بكثير .. فخلته و راحت تشوف شغلها.. ******************************************* ملاك: هاه ابوي لقى بيت ام علي: لا و الله للحين ما لقى .. مدري وش بنسوي بكره السبت و اغراضنا شوفيها كلها محتاسه .. والله ابوك ما سوا فينا خير بهالنقلات كل بعد فتره ملاك: ما كلمتي جدتي؟ ام علي: بكلمها وش بقولها ... و الله حنا مطرودين من البيت و ما لقينا بيت يضفنا ترا بنسكن عندك لين نلقى ... والله فشله غير كذا خواتي وش بيقولون ملاك: اوووف من هالعيشه ... دنيا اعوذ بالله منها ومن ناسها سمعوا صوت ابو علي يتنحنح .. ام علي: لا تجيبين له طاري علي و روحته للبحرين تعرفينه بيسوي لنا محاضره ملاك: اصلا انا قايمه لغرفتي مالي خلق لشئ قامت و تركت امها تقابل ابوها و سخافاته .. خبرها بضروره تسليم البيت بكره و هالقش حقهم لازم ينقلونه لبيت جده العيال .. جالس يتكلم ولا يفكر بالعواقب و الاشياء اللي بتصير من ورا افعاله السخيفه و قراراته البطاله .. بس يجي يخطط و يامر و على الباقي ينفذون كأن ما في بالدنيا الا هو . ********************************** مر الوقت و انتصف الليل .. بس قبل لا تدخل ام خالد غرفتها و تنام .. دق التلفون وكانت بنتها ام علي ..سلمت عليها و خذت اخبارها وهي متفشله ما تدري شلون بتفتح معها الموضوع .. فحست ام خالد ان بنتها فيها شئ و اتصالها هالوقت ما يجي كذا .. يوم سالتها عن طلبها استسلمت ام علي و قالت كل شئ و هي تتاسف و تعتذر ام خالد: الله يحيكم و ان ما شالكم البيت ابشروا بشئ احسن منه ... يا نوره لا تتاسفين و تستحين ترا حنا اهلك ومالك غيرنا ... خلاص بكره الصبح انشاءالله اقوم بدري و ارسل السواق مع الونيت يروح ياخذ اغراضكم و انتوا تتفضلون وقت ما تبون .. ولا تشيلين هم في الجناح الثاني اللي على اليمين يوسعكم اخلي الخدامات ينظفونه لكم ام علي: الله يعطيك العافيه يمه ويبارك بعمرك ويخليك لنا .. تسلمين والله ام خالد: الله يبارك لنا كلنا ... انتي لا تشيلين هم روحي نامي و بكره يصير خير سكرت منها وهي مرتاحه نوعا ما ان امها ما علقت على زوجها ابو علي او قطت كلمه او شئ .. و رحبت فيهم بسعه صدر بس اكيد الباقي مابيسكت و اولهم ساره .. ********************************* صباح السبت قامت لميس من نومها يوم التفت للجهه الثانيه ما لقت نواف جمبها على السرير و شكله قام قبلها .. بعد ما غسلت طلعت لاكن ما لقت له اثر في البيت فدخلت المطبخ تسوي لها كوب شاهي و ساندويتش , الا سمعت صوت تسكيره الباب كان توه جاي من برا .. استغربت من طلوعه في هالوقت من صباح الله و وقت دوامه مو الحين دخل و سمع صوت بالمطبخ عرف انها هي .. طل براسه و صبح عليها لميس: صباح النور لف بيمشي الا وقفته بسؤالها _اسوي لك فطور نواف: لا فطرت بعد ما سوت لها الفطور طلعت و قعدت معه بالصاله قال نواف: ابشرك وافق المدير على نقلي لميس: الحمدلله نواف: بس بيكون في سفرات لاكن اقل من أول .. اريح لي ولك سكتت لميس ما عقبت عليه فالتفت عليها و قال _ ولا شرايك لميس: الا اريح تغييرت لميس شوي من بعد رجعتها من بيت امها و صارت اكثر جديه معه و برود مع ان قلبها يعورها على حالتهم وما ودها اللي يصير بس مجبوره . ******************************************** من ذا اليوم بدت اجازه ساره و مدتها اسبوع تريح فيه .. تم نقل ام علي و عيالها لبيت الجده و بعض الاغراض نقلوها .. فصار البيت مليان غير عن اول و الجده فرحانه بوجود احفادها حولها , عيال ولدها و بنتها .. وقت الغدا السفره مليانه و طويله .. وام خالد بدورها ما قصرت لهم شئ الضيق باين على وجهه ساره وهي بتقعد على السفره _ وش هالاكل كثير مره .. نهايته بينكب ونخسره ام خالد: بالعافيه علينا ... يالله سموا بالله حست ام علي ان اختها ساره متضايقه من وجودهم و كأنهم مثقلين عليها و مسوين زحمه .. على انها قاعده ما تشتغل في البيت يعني مرتاحه بس كذا قساوه قلب ما تبي احد يضيق عليها بالبيت. *********************************** دخلت هديل على هند لقتها تكلم بالجوال و وجها احمر .. علطول عرفت من تكلم من الفضول الزايد سكرت الباب و قعدت جمبها تنتظرها تخلص و تاخذ منها الاخبار ارتبكت هند من دخول اختها و استحت شوي , فقامت من مكانها و اتجهت للشباك تناظر على برا حتى تخفى وجهها عن هديل و قصرت صوتها وهي تتكلم تركي: زين حياتي تامرين على شئ ماشيات هند: ابي سلامتك و انتبه لنفسك زين تركي: تخافين علي هند: انت روحي اكيد بخاف عليك تركي: فديييتك .. الله يخليك لي يارب هند: ويخليك لي تركي: زين ما اعطلك و طمنيني عليك اوكي هند: اوكي .. تركي: مع السلامه هند: هلا والله مع السلامه . نزلت الجوال من اذنها و سكرته ما امداها تلف الا جاها صوت هديل _ ياهوووووو ما اقدر انا ما اقدر .. قيس و ليلى يا عيني بس هند: يا سخفك , بعدين وش عندك مرتزه هنا و تتسمعين ما تدرين ان التنصت عيب هديل: انا ما اتنصت دخلت وانتي تكلمينه يعني مو من وراك قاعده اسمع ... المهم شلونه هند: بخير هديل: دووم انشاءالله هند: وانتي وش دخلك فيه ..هيه اعقلي هديل: يعني تغارين هاااه .. تغارين << قالتها وهي تغمز لها و تناظرها بنص عين هند: أي اغار عليه حتى من النسمه .. فديت قلبه يهبل هديل: يا ذا الحب اللي عذب قلوب العذارى ..عقبالنا يارب نحب و يصير بحياتنا شخص نغار عليه هند: الله يرزقك .. المهم جايه وش تبين هاتي من الاخر هديل: ما ابي شئ كنت بشوفك اذا تحتاجين شئ و اسليك ادري انك خايفه و متوتره لان ما بقى شئ على زواجك تنهدت هند: اااهـ .. وانتي الصادقه ساعات افرح و ابي اليوم يمر بسرعه وساعات اخاف من يوم الزواج .. يارب يعدي على خير هديل: انشاءالله .. بس انتي لا تشيلين هم مره ريحي بالك .. وكل شئ بيكون تمام دام اختك هدوله موجوده هند: هههههههههههههه الله يخليك لي *********************************** بعد هاليوم .. استمر حال بيت ام سلطان من تجهيزات لزواج هند .. و في بيت الجده ام خالد قاعده بين عيالها و احفادها بفرح و راحه بال , لاكن هناك بعض التوتر و القلق من ام علي بخصوص الايام الجايه و ما تدري ان كان بيلقى زوجها بيت مناسب ينقلون له .. ايضا ساره متضايقه من وجودهم و ازعاجهم لانه زاد بجمعه عيال اخوها خالد و اختها نوره , زياده على كذا متضايقه كل ما ذكرت حمد و تصرفها معه و تندب حظها و تلوم نفسها على افعالها في الماضي. لا جديد في حياه نواف و لميس , مستمر حالهم على الهدوء و البرود و نوبات الغضب و العصبيه تمر على نواف لفترات متباعده و قصيره لاسباب تافهه وكل ما فكرت لميس فكره انها تنفصل عنه يرجع لها كلام امها و تتذكر نصيحتها لها بان تصبر اكثر . سيف العاشق المسكين للحين متعلق بمشاعل و يفكر فيها بس يعيش بحيره ما يدري هل هي تفكر فيه او ان بحياتها شخص ثاني تفكر فيه و هو ما عملت له حساب .. كم مره يحاول يجس النبض من اخته شمس لاكنها ترده و ما تعطيه وجهه و جواب كافي لاسئلته . ***************************************** انتهت الاجازه نصف السنه و الكل رجع لدوامه و شغله للمره الثالثه بعد اجازه العيد .. بدوا المدارس و الجامعات مواد و دروس الفصل الثاني بكل حماس. سافرت هند و تركي شهر العسل لـجزر المالديف يقضون فيه بدايه حياتهم الجديده .. كانت السعاده تغمرهم و الراحه النفسيه و الرضى .. ما توقعت هند انها تتزوج واحد يكون بهالقلب الابيض و الطيبه ولا فكرت بان تركي بهالمشاعر النقيه و الاحاسيس .. سكرت هند التلفون بعد ما كلمت اهلها بالسعوديه و كان تركي توه طالع من الحمام بعد ما تسبح ..حاط المنشفه حول رقبته و شعره مبلل شاف البسمه على وجهه هند فسألها عن السبب _ وشفيك لا يكون تضحكين على شكلي .. اوريك يا هنوده هند: هههههههههه لا من قال بس توني كلمت اهلي و يسلمون عليك تركي: اها .. اخبارهم وش مسوين هند: الحمدلله كلهم بخير ..لهم وحشه والله تركي: وانتي الصادقه كل السعوديه لها وحشه قرب منها و حط عينه بعينها وقال _بس دامك انتي معي كل شئ يهون .. انتي دنيتي استحت هند حمر وجهها و ناظرت تحت للارض كمل تركي : يا حلووو اللي يستحون فديت هالخد الاحمر و ضغط على خدها بنعومه و هو يضحك بخفه .. ضحكت معه و هي تنزل يده و تبوسها هند: يا قلبي انت ************************************* بعيد عن رومانسيه هند وتركي و هدوهم .. ازعاج ساره بصوتها العالي و صراخها ساره: يعني لمتى هالعيشه الواحد ما يقدر يرتاح في بيته و ياخذ راحته بكل جهه القى ناس..اووف ياربي ام خالد: وش قله الادب هذه ..صاحيه انتي و لا مجنونه هذول اهلك و ما اظن في صاحي يرفض اهله و يكرههم لو قاعدين فوق راسك ذيك الساعه تكلمي تكلمت ان علي تهدي الموضوع: خلاص يا جماعه ترا ما تسوى .. ساره لا تتضايقين اكثر كلها يوم او يومين وحنا طالعين .. ام خالد لـ بنتها نوره : ما عليك منها انشاءالله لو تقعدون سنه .. مالها دخل تنطم و تسكت تنرفزت ساره من كلام امها و تفشيلها قدام الكل فلقطت وجهها و طلعت لغرفتها .. بعد ما اختفت عنهم التفت ام خالد على نوره و قالت _ اقعدي يمه ما عليك منها مجنونه ولا على المجنون حرج , البيت بيت الكل و الله يحي الجميع اسمعي و طنشي لا تشيلين بقلبك دامي موجوده محد يفتح فمه ويتكلم ام علي: الله يخليك لنا يا الغاليه . الحمدلله ما كانت ملاك موجوده بهاللحظه و سمعت كلام خالتها كان بتتكلم وتطول لسانها على خالتها و يمكن تصير مشكله كبيره لان ملاك ما تسكت عن شئ و أي شخص يسبها او يدوس على طرفها تقلب الدنيا عليه و تقعدها . ********************************** بكل انوااع الطفش و الملل اللي حل على هديل , مرت على غرفه هند فتذكرت ايام وجودها و سوالفهم مع بعض و الضحك و الهواش احيانا .. رجعت بها الذكرى و تمنت بالفعل ترجع لهم ويرجعون مثل اول .. وقفت عن التفكير يوم سمعت اصوات اخونها تحت بالصاله مع امهم فنزلت تقعد معهم شوي سعود: انا ملللليت من هالدراسه عيت تخلص اووف ياربي ام سلطان: يالله ما بقى لكم الا كم شهر و تخلص السنه اهم شئ شد حيلك لا تتراخى في الاخير سعود: يارب تمر الايام بسرعه .. و الله يستر لف سلطان على هديل لقاها على غير عادتها هاديه سلطان: غريبه ام الشباب هاديه اليوم وش الطاري ردت هديل ببرود و وجها على التلفزيون: ما فيني شئ سعود: لا تكذبين باين من عيونك سلطان: هاتي لاشوف اخبارك مين مزعلك واخلى سعود ينتف شعره الكل:هههههههههههههههههههه� � الا هي ما ضحكت واكتفت بنظره بارده رمتها عليهم و تنهدت سلطان: لا لا شكل الامر كبير ..وشفيك يا بت هديل: قلت ما فيني شئ ام سلطان: خلو اختكم لحالها انت وياهـ .. قالت لكم ما فيها شئ حست بالعبره تخنقها من الضيقه و الطفش و اللي حولها مو حاسيين فيها ..قامت بسرعه علشان ما تنفضح قدامهم , وهي طالعه قال سعود _ على وين .. توك نازله ما تهنت غرفتك بفراقك لفت جهته و قالت بصوت عالي اشبه بالصراخ _ اووف منكم محد يحس مدري شلون عايشين في هالبيت بدونها و تضحكون بعد نزلت دمعه على خدها بسرعه مسحتها وكملت طريقها قبل لا ينزلون باقي الدموع و هم وراها مستغربين من حالتها و اعصابها المشدوده هالايام .. استوعبت ام سلطان ان هديل فقدت هند مره و ماتعودت على بعادها و عيشتها بدونها قال سلطان: وهي صادقه فقدنا هند ام سلطان: الله يرجعها بالسلامه يارب سعود: يالله عاد لا تقلبونها مناحه .. شرايكم نطلع لمكان نغيير جو ام سلطان: لا اقعد شف دروسك خلصت الاجازه و مافي لعب بعد اليوم سعود: ساعه بس نطلع وبعدها ارجع لكتبي الله يهديك يمه ما صارت هذه تحرميني من الطلعه علشان الدراسه ام سلطان: قال احرمك من الطلعه .. روحتك للمسجد و المدرسه وش تسمى دخله سلطان: خلاص ولا يهمكم نهايه الاسبوع نروح للبحرين , بكلم احمد لو ما عنده شئ يجينا و نروح كلنا سعود: اااي كلمه اليوم علشان يعمل حسابه , وانتي يمه كلمي خالتي عبير و قولي لها . ام سلطان: بسم الله علينا وشفيك طاير .. لا تتحمس مره يمكن الناس مشغولين , انا بقولهم واشوف سعود: لا انشاءالله بيوافقون .. و اوعدك ان وافقوا و سمعت الخبر الحلو منك احفظ ادله التوحيد كامله للدروس اللي خذيناها ام سلطان: يعني للحين ما حفظتها و بتتجمع عليك قام سعود بيطلع علشان لا تمسكه امه و سلطان بالمحاضرات و النصايح على الدراسه , قال وهو طالع _ الا بس قصدي اراجعهم خخخخخخخخ .. سي يو سلطان: اهنيك تعرف تصرف ضحكت ام سلطان على حركات ولدها المجنون و خفه دمه .. شوي تذكرت هديل و حالتها المتغييره بعد سفر هند و ما توقعت ان هديل الجنيه بيأثر فيها غياب اختها و تضيق لبعادها . ****************************************** ثاني يوم بالجامعه .كانوا اسطل ناس بالمكان و عقلهم مفصول عن الخدمه وذلك بسبب سهرهم و كل وحده جات مواصله وما نامت و الساعه 11 يكملون 12 ساعه صاحيين الضحك يعم المكان و بشكل هستيري و اشكالهم محششه كل وحده راسها يتحرك يمين ويسار من الضحك الدموع مليانه بعيونه مشاعل و تحاول تمسك نفسها عن الضحك وتتكلم _ شمس يا الدبه خلااااص والله بموت من الضحك شمس: اهـ بطني اهـ ...هههههههههههههه كل ما اتذكر شكلها اضحك عيت تروح عن بالي ههههه مشاعل: خاصا يوم طاحــ ... انقطع كلامها بضحكتها و رجعوا يضحكون على اشياء سخيفه مرت عليهم اليوم . **************************************** في مكتب سيف ..متضايق حده و طفشان , باله مشغول فيها و بشئ ثاني خاص بحياته يفكر له و متعبه التفكير .. يحس انه ضايع و مو قادر يرتب اموره و شكل حياته .. يتردد له كلام صديقه مهند _ توكل على الله ولا تتردد و تنتظر اكثر يمكن تندم تافف و نزل راسه على المكتب بتعب .. ثم فكر بشئ و حب ينفذه بسرعه بدون ما يدرس الفكره في راسه زين .. خذا جواله وكلم شمس شمس: هههههههه ... لحظه هذا سيوووف داق علي ردت : هلا خيو سيف: هلا فيك .. لا يكون بمحاضره شمس: لا برا .. شلونك سيف: تمام .. اسمعي متى بتطلعين اليوم شمس: امم والله مدري سالت مشاعل: مشمش متى نطلع اليوم .؟ مشاعل: في ذيك الساعه .. رقم 1 يوم سمع صوتها فز قلبه و تلخبطت مشاعره , ما توقع يسمع صوتها على طبيعتها و استهبالها المعهود مع اخته .. قطع عليه افكاره صوت شمس وهي تقوله _ الساعه 1 ..ليه في شئ سيف: خلاص اجل بستأذن من الدوام وامرك لاني عازمك على الغدا و ابيك بموضوع شمس:لااااااا الله يخليك ما اقدر اليوم ..من امس مواصله وراسي مصدع و مسطله مع التوحفه مشمش ..سيووف خليه مره ثانيه تنهد سيف: طيب خلاص ..باي استغربت من حركته صرامه اسلوبه و ضيقه صوته ..بس ما اهتمت كثير و قالت بنفسها اذا رجعت البيت و ريحت شافت وش فيه | ||||||||
|
| |
|
17-09-14, 07:33 PM
| #25 | ||||||||
| مراقبة عامة ومشرفة منتدى الروايات المنقولة
| الجزء(26) في احد المقاهي اللي يجتمعون فيها الشباب , خذا سيف جواله و دق على مهند يشوف وينه سيف: ياخي وينك لي ساعه انتظرك مهند: هذاني داخل القهوه .. سكر و علطول شافه قدامه ..سلموا على بعض و طلبوا لهم شاهي مهند: اعذرني تاخرت كان فيه حادث و معطل الشارع .. المهم اخبارك سيف: مو بخير مهند: افااا عسى ما شئ سيف: تعبت يا مهند .. كل شئ فيني تعب ومحد حاس فيني مهند: طيب سويت اللي اتفقنا عليه , كلمت اختك سيف: جيت بكلمها و ما امداني اول مره طلبتها كانت تعبانه وبتنام بعدين انشغلت بالدوام و بناء البيت وما لقيت وقت اقعد معها و اقولها مهند: طيب حاول مره ثانيه لازم تشد على نفسك .. ترا ان راحت البنت انت وحدك اللي بيتعب و بيندم سيف: اوووف ياربي ... الخوف مثل ما قلت انها تروح مهند: خلاص اجل توكل على الله و اول ما ترجع البيت اقعد مع اختك و افتح الموضوع معها ولا تتردد سيف: تخيل تكون مرتبطه و في بالها احد ثاني مهند: لا تخلي للشكوك محل كذا بتتعب اكثر .. انت تكلم و ما يصير الا كل خير سيف: يارب سهل . **************************************** كانت مشاعل ما تدري ان في شخص يفكر فيها و انها مشغله باله في كل وقت .. البنت لاهيه و ناسيه الدنيا في البحرين مع هديل و عهود عهود: يالله انتوا خلصونا الفيلم بيبدأ هديل: دقيقه يا بنت الناس خليه يجيب مقاسي .. هالجزمه لازم اخذها كانوا الثلاثه بمحل جزم( vis) و بتشتري هديل بوت عجبها و بعد ما يطلعون يرورحون للسينما يتفرجون على الفيلم وما كانوا يدرون ان العيال مختارينه سعود: انتوا ادخلوا وانا بجيب لكم الفشار .. تعال دحوم معي احمد: توهم ما فتحوا ..يمديك تشتري و ندخل سوا بعد 10 دقايق فتحوا الابواب و بدوا الناس يدخلون .. و البنات جايين مسرعين شروا لهم فشار و عصير و دخلوا مشاعل: وين نقعد .. ما نبي قدام مره تاشر عهود على مكان فوق شوي و قالت _ هناك احسن .. يالله مشينا لسوء حظهم طلعوا و قعدوا و ما يدرون ان العيال وراهم .. لان المكان كان شوي زحمه ومحد منتبه للثاني يوم قعدوا و رتبوا نفسهم لاحظ عبدالرحمن اللي قدامه و سال اللي جمبه كان سعود _ شف اللي قدامنا ما تعرفهم قدم سعود شوي و طل عليهم شاف شنطه هديل سعود: هديل التفت يوم سمعت اسمها مستغربه من اللي ينادي ولقته سعود سعود: وش جابكم هنا هديل: انتوا اللي وش تبون ورانا ورانا الفتوا عهود و مشاعل وراهم و العيال كلهم لاحظوا فبدوا التعليق على بعض و يوم امتلى المكان هدءوا. تذكر سلطان اخر مره شاف فيها بنات خالاته و تذكر شكلهم المضحك فــ نزل وجهه تحت وضحك , انتبه له احمد فقال _ ترا الفيلم توه ما بدى كل ذا تحمس سلطان: اسكت بس ما تعرف شئ ورجعوا مره ثانيه للتعليقات و السوالف و كانت جهتهم اكثر ازعاج و الناس كل شوي تتلفت .. الين ما جا اعلان بالشاشه الالتزام بالهدوء و قفل الجوالات ..فقال سعود _ اششش سمعت انت وياه ما نبي ازعاج .. و الثلاثي المرح اللي قدام سوالف و حش بالحريم اجلوه لا طلعتو . التزموا لامره على غير العاده و محد فشله و الكل سكت و دخل جو مع الفيلم . ******************************************* قاعده بالصاله قدام التلفزيون و لاكن مو مركزه مع شئ طول الوقت بالها مشغول و تفكر في حياتها .. دخل نواف توه جاي من برا سلم وقعد .. التفت على لميس شافها سرحانها و عيونها على الارض شكلها تفكر بشئ و طفشانه مره .. فـ حب يغير الجو شوي قال: شرايك نطلع شوي رفعت عيونها لوجهه مستغربه : _ حنا نطلع نواف: أي نطلع ليش مستغربه لميس: لا مو مستغربه ولا شئ نواف: اجل يالله قومي بدلي ملابسك وخلينا نطلع نتعشى بأي مطعم ابتسمت رغما عنها بقراره اللي اسعدها و حست انه يفكر فيها .. فقامت بسرعه وراحت تبدل ملابسها , بعد دقايق طلعوا بالسياره . طول الطريق و هي تفكر بحاله زوجها وش اللي غيره و خلاه رايق هاليوم .. و غريبه طلبه يطلعون سوا و من قبل كانت هي تطلب اما اليوم جا منه ... قطع عليها تفكيرها صوت ازعاج و بوري سياره من وراهم صوت نواف يتحلطم و يسب في السواق اللي وراهم نواف: الله يقطع وجهه وفيه ذا المجنون اكتفت لميس بالصمت تراقب الحدث لاكن ما توقعت بلحظه يوقف نواف على جمب وينزل لميس: نواف وين رايح نواف: بروح أأدبه هالمجنون لميس: نواف ارجع .. اقصر الشر و ارجع ما رد عليها و سكر الباب علطول ... التفت ورا تشوف اللي يصير و كان نواف يرفع يده و وجهه معصب يتكلم بقوه و يصارخ .. و الرجال الثاني نفس الشئ معصب و يصارخ .. حطت يدها على قلبها لا يتهورون ويصير شئ اكبر .. شافت الوضع ازداد و قرب نواف من الرجال اكثر , فكرت تنزل تهديه بس خافت خاصا يوم شافت سيارات وقفوا علطول و نزلوا منها رجال يهدون الوضع الرجال: اذكروا الله يا شباب ما صار شئ عاند نواف و عاند الرجال الثاني وما هدوا .. و زاد صراخهم الين ما تعدى نواف حدوده و مسك ثوب الرجال و هو بدوره مد يده ومسك نواف و العالم تجمعت يفرقونهم . اما لميس في السياره طاح قلبها و بدت ترتجف يدها و هي تشوف زوجها معصب و يتهاوش .. ما تدري وش تسوي مستحيل انها تنزل لانها بتنذبح وقتها .. فلمحت جوال نواف قدامها مسكته و دورت بين الاسماء ما تدري مين تكلم اخوانه و اهله في البحرين و اصدقاءه ما تعرفهم .. فجاءه فتح الباب بقوه وركب جمبها و هو يتحلطم .. حمدت ربها على رجوعه بالسلامه و الهوشه وقفت على كذا . نواف: يلعنهم من ناس ... اعوذ بالله حرك سيارته و باقي اثار العصبيه على وجهه .. ما تكلمت لميس و رجعت الجوال مكانه و ياللكارثه شافها و هي ترجع جواله , التفت لها و قال _ وش عندك انتي الثانيه ما خذه الجوال وقف الدم بعروقها. .ثم ارتجف كامل جسمها من الخوف وما قدرت تتكلم و تبرر موقفها , كمل نواف بصوت عالي _ تكلمي وش عندك ما خذته .. حلالك ولا حلال ابوك نطقت بصوت واطي _ كنت ابي ادق على واحـ .... نواف: احمدي ربك اننا بالسياره ولا كان كسرت يدك , اغراضي لعد تمدين يدك عليهم فاهمه .. و طلعه برا منتي كفوها برجعك للبيت تنتطقين لحالك لف الدركسون و رجع للشارع الثاني باتجاه البيت .. انصدمت لميس من حركته و كلامه القاسي .. وش دخلها هي حتى يعصب عليها و يطلع حرته فيها .. أي قلب مكون منه هالانسان .. حست انها مخنوقه و تبي تصرخ و تعلن عن الهم اللي في قلبها لاكن هيهات تنتطق بشئ بعد ما طلع روحها بعصبيته . ********************************************* توكل سيف على الله و عزم انه يقول لاخته بكل شئ في قلبه و يتاح .. لاكن الاحداث كانت ضده , مره جا بيقول لشمس لقاها تتابع فيلم و شوي ابوه دخل و قعد معها فما قدر ينطق بشئ و ثاني مره كثر عليه الشغل و صار يطلع متاخر و ينام واذا قام ما يلقى شمس اما نايمه او طالعه .. وصلت معه و تذكر الحلم اللي حلمه انه ما يقدر يوصل لـ حبيبته و في شئ بيمنعه عنها . ************************************************* طلعوا من المجمع بعد ما تعشوا و خلصوا تمشيه و هم راجعيين للسعوديه تقسموا لقسمين .. العيال كلهم في سياره احمد و معهم ام نواف لانها تعرفهم اذا اجتمعوا يستخفون و البنات مع ام سلطان بسياره سلطان احمد: و اللي يوصل قبل وش له؟ سلطان: اذا وصلت قبلي ابشر بذاك الشئ اللي يسرك انت و الشعب اللي معك و ان وصلت قبلك اطلب وش ابي ... اتفقنا احمد: اتفقنا سلطان: يالله يا بنات بسرعه اركبوا ورانا مشوار طويل و سباق مع الاخ حماده و تحركت السياره باتجاه الجسر .. في سياره سلطان هذره البنات ما تخلص و سوالفهم ورا بعض شاركتهم ام سلطان في بعضها اما سلطان ظل يستمع لهم و يضحك في نفسه على بعض قصصهم و تذكر مره ثانيه شكلهم في بيت الجده و هم يركضون , كانت الصوره ملازمه عقله و كل شوي يتذكرها من بين السوالف قالت عهود _ تصدقون ليتني شريت ذاك الكحل من الحرمه اللي تبيع شكله زين مشاعل: أي و الله انا بعد ندمت ليتني خذيته ام سلطان: أي وحده ذيك اللي تمشي و بيدها كيس تعرض بضاعه هديل: أي .. ورتنا مكياجات حلوه ام سلطان: جت عندنا بس يوم شفتها كنها مو مره سعرها مو على قدها تلقون بالسوق احلى وارخص مشاعل: أي صح .. تراهم ابو رفسه الكل ضحك على كلمتها حتى سلطان لف على الشباك و ضحك كملوا طريقهم بين الضحك و السوالف و بالاخير وصل احمد قبل سلطان و العيال مزعجين سلطان بالاتصالات حتى يحرونه و توعدهم بشئ يعجبهم . ******************************************* اليوم الثاني نفذ سلطان وعده و عزمهم على احد المطاعم .. و قالهم يطلبون اللي خاطرهم فيه و هم ما صدقوا على الله و طلبوا و كلوا اكلهم بالعافيه عبدالرحمن: الحمدلله ..شبعت سعود: بطني بينفقع ... مشكور يا اخوي عزيمه ما تنسى سلطان وهو يمسح يده و يرجع الكرسي على ورا قال: أي و الله ما تنسى قام الاخ و استغربوا الكل منه وين رايح .. شاف سلطان علامه الاستفهام باينه على وجههم فقال _ بروح اغسل و اجي بعد عنهم بسرعه وراح كلم الويتر و اشر على طاولتهم ثم طلع من المطعم بسرعه و ركب سيارته و هرب منهم .. الويتر: سير 320 ريال التفت احمد على الباقي وهو يتسأل سعود: وينه ذا كل ذا يغسل بالحمام علي: لا يكون سواها و انحاش احمد: و الله يسويها الدب طلع عبدالرحمن برا ما لقى السياره ... ورجع يبشرهم بهروب سلطان عبدالرحمن: ماله اثر الفار .. هرب و ورطنا صوت مسج عم المكان طالع من جوالاتهم كلهم .. يوم فتحوها لقوها من سلطان يقول فيها "" شرايكم بالهديه يا الشين انت وياهـ .. احلى عزيمه صح .. فيكم خير انسوا هاليوم اللي طاحت وجيهكم فيه قدام العالم ..هع هع هع هع .. حبيبكم سلطان """ علي: الفار سواها احمد: الله يغربل وجهه ورطنا سعود: لا تتحلطمون ادفعوا الرجال ينتظر له ساعه كل واحد طلع اللي بجيبه و يالله كفى المبلغ ما بقى الا ريال عند عبدالرحمن .. و بسرعه لموا و جيههم و طلعوا يقابلون المشكله الكبرى احمد: خذا السياره الله يخسه .. و الله هالسلطه لاذبحه و انتف شعره علي: حتى لو بناخذ تاكسي ما معنا فلوس سعود:صدق انكم عيال فقر و الله المستعان عبدالرحمن: ما عليك زود في زحمه السيارات لقولهم تاكسي و السواق سعودي فركبوا معه احمد قدام و الثلاثه سعود و على و عبدالرحمن ورا.. عند اول اشاره لهم وقفوا وقفت جمبهم سياره مو غريبه عليهم و اللي فيها مشغل اغنيه بصوت عالي و يناظر فيهم و يضحك التفت السواق و هو يحمدربه على نعمه العقل السواق: يا هالشباب متهورين و مجانين قسم بالله ... ولا شاريكم التفت على الباقي وهم بدورهم التفتوا يشوفون السياره اللي صادر منها الصوت شهق علي: سلطااااااااااان ... يا عيال النذل هذا هو احمد: و الله ما اخليه و نزل بسرعه و ركض للجهه الثانيه عند سياره سلطان اللي بداخلها يترقص و يرفع ضغطهم زياده .. حاول يفتح الباب لاكنه مقفل احمد : افتحه يا اااا اقولك افتحه ياشر سلطان باصباعه "لا" ما قدر عليه احمد و رجع للتاكسي وهو يتوعد و يهدد سال السواق: تعرفونه احمد: هذا اللي ورطنا .. الخايس و الله لاوريه مر هاليوم حلو على سلطان بعد ما ورطهم .. اما الباقي كانوا معصبين و الاخلاق معهم واااصله حدها و توعدوا فيه بشئ احلى من حركته . ************************************************ مرت الايام و الاسابيع و الشهور و اخيراً بعد تعب سنه كامله بدت الاجازه الصيفيه و الكل ولله الحمد نجح سعود تخرج من الثانويه بنسبه 97 % و عــلى بنسبه91 % لظروف عائلته و نقلهم من بيت لبيت جدتهم و الضغوط النفسيه عليه وعلى امه اثرت على مستواه الدراسي. صاروا هالايام يتابعون الجرايد حتى يعرفون مواعيد التسجيل بالجامعات << ياشين هالايام اللي تطيح القلب من الخوف و تطير النوم من العين . ************************************************* سلطان: وش عندكم بهالاجازه بتسافرون ولا وش نظامكم ام سلطان: السفر للحين ما فكرنا فيه , اول خلي اخوك يسجل بالجامعه و يقبلونه ويصير خير سلطان: وش تبي انت يا الحبيب ؟ زراعه ولا طب بيطري سعود: لا والله خليتها لك اذا تقاعدت من شغلك ادرسها سلطان:ههههههه بسم الله علي توني شباب, المهم وش تبي أي تخصص أي جامعه سعود: ابي هندسه معماريه بالفيصل و غيرها ما ابي سلطان: ليه هي عروس ..خخخخخخخخخخخ وشلون اختبارك القدرات زين سعود: أي بس مو عالي مره اخاف ما يقبلوني و يرددون عبارتهم المعتاده " المقاعد ممتلئه " ام سلطان: لا ما عليك لو ما قبلوك بنفسي ادخلهم مع ملفك و اتفاهم معهم سلطان: اوووه عاد لو ام سلطان بس مرت من شارعهم يرشونه بالورد .. انت قولهم بس اني ولد ام سلطان وتاكد انهم بياخذونك ام سلطان: اوريكـ تستهبل علي سعود: طيب لو ما قبلوني وش اسوي سلطان: عادي قدم بالكليات الثانيه و مو اكيد يقبلونك ام سلطان: شفيك على اخوك لا تخوفه زياده , لا انشاءالله بياخذونك , قول لابوك من الحين حتى لو صار شئ يدور لك على واسطه سلطان: خلكم من التسجيل واسمعوني زين انا بسافر نهايه الاسبوع , خذيت اجازه من الدوام اسبوع و قررنا مع الشباب نروح لـسوريا ام سلطان: تروح و تجي بالسلامه سلطان: ادري انكم ما تقدرون تستغنون عني بس قلت نبعد شوي حتى تحسون بغلاي ام سلطان + سعود:هههههههههههه سعود: عليك ثقه تكفي بلد ام سلطان: و الله انك غالي قريب كنت او بعيد .. انتبه لنفسك زين و لا يسرقونكم و يلعبون عليكم بكم كلمه سلطان: انشاءالله .. وين هديل ما اشوفها سعود: أي والله وينها مختفيه البنت ام سلطان: نايمه اختنا في الله ... سهرانه لين 6 الصبح سلطان: وش عليها مأجزهـ شوي دق التلفون , رد سعود وكانت هند اللي متصله من رابغ تسلم على اهلها. ********************************************* طلعت الخاله ساره مع عهود للسوق ومروا محل الجوالات .. كان فاضي ما فيه الا راعي المحل اليمني و هندي ساره: شوف يا خوي هذا الجوال احيانا يعلق و اذا جيت ارسل له بلوتوث يقول الذاكره ممتلئه مع انها فاضيه اليمني: اشوف .. و اخذ يقلب فيه شوي قال : ممكن ادق على جوالي اشوف العطل بالضبط ساره: أي ممكن استغربت عهود ليش يدق ماله دخل بالشبكه و غريبه عمتها وافقت . طول الوقت و اليمني داقها سوالف مع ساره وهي ماخذه الموضوع عادي حتى اخوها اللي هو اخوها ما تسولف معه بهذه الطريقه . ملت عهود و لفت على الجهه الثانيه تشوف الجوالات لين تخلص خالتها من المسخره اللي مع راعي المحل قال اليمني: خلاص خلي الجوال عندي و تعالي الاسبوع الجاي .. هذا الكرت فيه رقم المحل حتى تتاكدين اذا خلص او لا ساره: اوكي .. اشوفك على خير ..باااي اليمني: تشرفنا ... مع السلامه و طلعوا الثنتين يتمشون بالمحلات الثانيه ... يوم خلصوا قالت عهود _ هاه بنمر المطاعم ناخذ عشا ولا ساره: لا و اللي يعافيك منب فاضيه اشتري للجموع الغفيره في البيت لهم كم شهر وهم ياكلون و ينامون عل حسابنا حتى ما فكروا يقطون ريال واحد قالت عهود حتى تخفف شوي : لا تاخذين بخاطرك عليهم تعرفين حالهم على قدهم ساره: واللي حاله على قده يحترم نفسه ..شوفي ملاكوه هالمغروره ما ادري على وشو رافعه هالخشم لا جمال و لا مال حتى شهاده مافيه قالت عهود في نفسها: في هذه انتي صادقه يا شين المحتاج و مغرور. كلموا السواق وجا خذا الاكياس و اتجههوا للسياره . *********************************************** سكر من مهند و تنفس الصعداء , حس ان الهواء قليل حوله وما يكفيه حتى يتنفس , نزل من السياره و دخل البيت وهو خلاص معزم يفتح الموضوع مع شمس و يقول اللي في قلبه و يصير اللي يصير . سيف: السلام عليكم الكل: و عليكم السلام و الرحمه ام سيف: حياك الله .. الطيب عند ذكره سيف: ليه شو كنتوا تحكون عني فيه شمس: الموضوع المعتاد الزواج و الزواج .. و جمله مامي المعروفه "متى تعرس يا وليدي" ابتسم سيف و ارتاح شوي يوم درى ان اهله يفكرون بزواجه .. قال: وش عندكم الحين .. تعشيتوا؟ ام سيف: أي و الحمدلله لو ندري انك بتجي كان ترييناك سيف: لا بالعافيه عليكم تعشيت ابو سيف: وشفيك واقف تعال اقعد شوي سيف: ولا يهمك و جا قعد جمب ابوه يتبادل اطراف الحديث مع اهله و كل شوي يناظر الساعه ينتظر متى يقومون للنوم و يمسك شمس يقولها باللي في قلبه . ************************************************* الساعه 1 و نص .. الهدوء يعم المكان و نص العالم نايمه الا هي و هو , مجتمعين في غرفتها على ضوء الاباجورهـ و الجو البارد حولهم شمس قاعده على طرف السرير و ضامه نفسها و سيف عند الكرسي اللي عند الشباك يطل على الشارع شمس: و هذا انا قدامك , تكلم و قول اللي بخاطرك كلي اذان صاغيه سيف: بقولتج شئ حابسه في قلبي من زمان و لو ما قلته بموت شمس: بسم الله عليك , اجل قول تنهد سيف و بدا يتكلم: شمس .. اانـ .. اانـا أحب ــ أحب مشاعل شمس: مو شئ جديد .. على بالي شئ اكبر سيف: اسمعيني زين .. انا اموت فيها و الله يا شمس متعلق قلبي بهالبنت وابيها تكون يمي و حولي .. بس ..بس شمس: بس شو .. تكلم اسمعك سيف: بس ما ادري عنها هل هي بحياتها احد ولا شئ ... تقاطعه شمس : اقولك يا خوي .. البنت عايشه حياتها و جوهــا مثل نص هالعالم , ما سمعت عبدالمجيد وش يقول لي حبيب اعرفه ما اعرفه .. حيث ربي ما كتب وصله و حان يعني عاطفيه بس ما عمرها قالت لي ان قلبها فيه احد غير اهلها و انا سيف: اكيد شمس: هذا اللي اعرفه .. ما قلت لي انت وش تبي بالضبط كلامك هذا وش المطلوب مني سكت سيف ما رد عليها و كان وجهه يطل على الشارع و سرحان .. يفكر بهالمشاعل اللي اسرت قلبه في فتره قصيره لاهو باللي احتك معها مره و صار بينهم مواقف تبين شخصيتها حتى يعجب فيها لشئ ما , لاكن كذا من ربي حبيته بسرعه يوم لاقيته على قوله رابح صقر شمس: يا الوووو وين رحت يا الحبيب سيف: أي معتج شمس: أي معي شكلك غرقان في الخيال .. سمعت اللي قلته سيف: أي سمعت .. طيب تعرفين ان امي تلح علي بالزواج شمس: أي والله الا لو عليها بكره تخطب لك و بعده تملك و بعده تتزوج ..خخخخخخخخخخخخخخخخ سيف: خلاص انا موافق بتزوجها شمس: منهي مشاعل !! سيف: أي وشفيتج مستغربه شمس: من جدك انت ولا تستهبل ..سيووف فكر زين ترا هذا زواج مو لعبه يعني انت بتتبع قلبك و احاسيسك فكر باشياء ثانيه فكر لو البنت رفضتك لو حبك لها مجرد اعجاب او فتره و تعدي قاطعها سيف: لا يا شمس قلبي و اعرفه .. من يوم وانا بالجامعه وحولي ناس عايشيين بالحب و نصهم كانوا لعب و خرابيط وقتها كان ممكن انا بعد اقول احب أي وحده مثلهم لاكن ما اهتميت للامر و ما ضنيت يوم من الايام بحب .. حتى اول ما حسيت بمشاعري نحوها شكيت وقلت يمكن مجرد اعجاب لا اكثر و لاكن مع مرور الايام تعلقت فيها اكثر و زاد حبي لها شمس: طيب دقيقه ... ما فكرت لو انها ما تحبك او متعلقه بشخص ثاني سيف: في البدايه ما فكرت بس الحين هذا اللي مخوفني يا شمس شمس: طيب زبده الكلام كله انــ ... !! سيف: اني اكلم امي و نروح نخطبها و أي شئ تطلبه انا حاظر شمس: انا ما اظن ان لها طلبات كثير الا انها تكمل دراستها و اخاف انها ترفضك بسبب الدراسه سيف: وانا مستعد انتظرها لين تخلص دراسه شمس: و ان خلصت دراستها و جا واحد غيرك وصارت من نصيبه سيف: الله لا يقوله ..لا انشاءالله شمس: انشاءالله لا ..بس انا اقولك لازم تحط كل الاحتمالات علشان ما تنصدم سيف: و اللي يسلمتج لا تخوفييني اكثر ترا والله اعصابي متوتره و خايف لدرجه اني اقوم من نومي في الليل من حلم شين شفته او كابوس شمس: الله لهدرجه يا سيووف ما توقعت قلبك رهيف لذي الدرجه سيف: وش اسوي الحب بكسر الحاء .. يتعب القلب و الروح شمس: ههههههههههه .. حلوه ذي الحب بكسر الحاء سيف: زين يعني بكره اكلم امي ولا شرايتج شمس: وش فيك طاير كذا .. شوي شوي على عمرك سيف: اخاف يسبقني واحد و ياخذها قبلي شمس: مممممممممم في هذه صدقت لان البنت مزيونه تخطف قلوب الرجال مثلك << و تغمز له سيف: انتي باقص لسانتج .. لعد تتفاولين وتقولين كلام يخوف شمس:ههههههههههههههههههه .. طيب طيب خلاص اخر مره اخوف قلبك فدييييييته والله سيف: اجل يالله ريحتيني الله يريح قلبتج ... تصبحين على خير شمس: و انت من اهله...احلام سعيده خيو طلع وسكر الباب و شمس في مكانها تضحك على اخوها و شكله وهو يفضفض لها و يتكلم يحزن على يضحك , اول مره تشوفه متوتر و عيونه تدور بالمكان تدور على اجابه لاسئلته .. تمنت من قلبها ان سيف و مشاعل يكونون لبعض و بكذا تطمن على الاثنين اخوها و صديقتها المقربه . اما سيف في غرفته استلقى على السرير و نظره معلق بالسقف " الحمدلله ياربي شمس و درت باللي في قلبي و راح نص الهم باقي بكره انشاءالله اكلم الوالده و اقولها اكيد بترضى و بتروح تخطب لي هي .. و اتوقع مشاعل بتوافق لان ماعلي كلام و اخو صديقتها .. يارب تسهل علي و يصير اللي في بالي و ارتاح و الله تعبت من الشوق لعيونها " ************************************************** * تركي: وشفيه الحلو هادي و سرحان هند: سلامتك ما فيني شئ تركي: الا فيك ... مشتاقه لاهلك صح ولا غطان هند: ههههه فديتك انت اللي فاهمني صحيح تركي: ههههههه اعجبك << قالها وهو يغمز لها هند: ودي اشوفهم واقعد معهم و الله لهم وحشه خاصا الدبه هديل تركي: ولا يهمك يا بعدهم اجازتي بتبدأ الاسبوع الجاي , جهزي عمرك و نروح انتي تامرين هند: يسلم عمرك يا تركي و الله لا يحرمني منك ومن حنانك تركي: كم هنوده عندي انا .. يالله انا طالعه تبين شئ هند: أي صح نسيت اقولك , جارتنا اللي فوق مسويه عشا اليوم وعازمتني تركي: اوكي .. روحي غيري جو , لو تبيني اشيلك فوق ضهري و اوديك هند: ههههه تسلم بروح برجولي تركي: على بالي بعد بتصدقين هند+ تركــي: هههههههههههههههااااي هند: انتبه لنفسك زين تركي: انشاءالله ماما ضحكت هند على خفه دم تركي و طيبته .. و حمدت ربها الف مره على نصيبها و بياض قلب زوجها .. لانها طيبه و على نياتها ربي رزقها بواحد طيب ما حلمت فيه ولا فكرت بانها تلقى رجال باحساس في زمن غاب عنه الاحساس من معظم البشر . ******************************************** طلعت عهود لغرفه عمتها ساره تناديها بحسب طلب الجده و لقت الباب مردود فدقت و دخلت علطول و ساره ما انتبهت لها و كملت كلامها على الجوال _ تدري عاد اشتقت لك و لصوتك .. طول اليوم افكر فيك اذا انت بخير او .... وقف لسانها عن الكلام يوم انتبهت لوجود عهود وراها و اللي اكيد سمعتها , سكرت ساره الجوال و قالت بعصبيه _ ما عندك يد تدقين الباب ولا محد علمك الاستئذان طبعاً الصدمه حلت على عهود من اللي سمعته باذنها و تذكرت كلام هند لهم و الحين تأكد لها كل شئ .. ردت _ الا دقيت الباب بس الظاهر ما سمعتيني ساره: وش اللي ما سمعت شايفتني صمخه ولا غبيه مثلك ... عهود: لا انا ما قلت كذا تقاطعها ساره: اجل وش قصدك .. تدرين ما عليك شرهه من صغرك وانتي متنطله بين الناس ومو متربيه ما تعرفين تحكين زين , عمى يعمي العدو .. جايه وش تبين خنقت العبره عهود و ضاق صدرها بكلام عمتها حست ان كلامها قوي مثل السكين بصدرها . ساره: هيه انتي وش تبين عهود: جدتي تبيك تحت ساره: خلاص انقلعي جايتكم .. اوووف طلعت عهود و تقلب وجهها الوان و بسرعه راحت لغرفتها و سكرت الباب وراها و بدون أي سابق انذار لدموعها نزلت و بدت تبكي من قلب على كلام عمتها القوي .. يعني هذه نهايتها ابداً ما توقعت ان في يوم من الايام احد من اهلها يجرحها او يعايرها بوضعها صحيح ان مالها دخل باللي صار ولا لها يد و اللي صار كله بسبب امها و ابوها , تفرقوا وهذه النتيجه عايشه بين الناس اما يرحمونها او يتشمتون فيها . رجعت مره ثانيه ساره و دقت على سعيد << راعي محل الجوالات اللي راحت له قبل كم يوم , وقت ما دق على جواله بجوالها خزن الرقم و ظل يتصل عليها و يزعجها في بدايه الامر تصدته بعدين خضعت له و استمرت تكلمه مثل ما كانت تسوي قبل مع حمد . | ||||||||
|
| |
|
17-09-14, 07:35 PM
| #26 | ||||||||
| مراقبة عامة ومشرفة منتدى الروايات المنقولة
| الجزء(27) العصريه كانت في غرفتها و اشعه الشمس الدافيه تتخلل الشباك و الستاير .. تنهدت بعمق و هي تتذكر الموضوع اللي طرى على حياتها فجأءه و هو خطبت سيف لها كل المشاعر و الاحاسيس في حاله توتر و اضطراب من بعد ما قالت امها ان سيف خطبها و الامر بيدها تستخير و تشوف اذا كانت موافقه عليه او لا " معقوله يعني سيف يخطبني .. ما توقعت بهالسرعه و انه جاد بحبه على بالي كذا بس كلام شباب .. و شمس هالدبه ولا جابت لي طاري او لمحت لي .. ياربي وش ذا اللي انا فيه ما توقعت الموضوع صعب لهذي الدرجه و يتعب .. اعصابي و تفكيري كلهم خلاااص مرهقين تعبت افكر و قراري بيكون مهم ان وافقت يعني بدايه مشوار حياه جديده وان رفضت بستمر بحياتي مثل اول بس ما ادري ان كان بيطري عليها اشياء ثانيه .. طيب دراستي هذا بعد شئ ثاني لازم احطه بعين الاعتبار و هل بقدر اوفق بين الدراسه و الزواج ولا لأ .. مالي الا استخير و اهدى شوي من جد تعبت".. قامت و غسلت وجهها و نزلت عند امها تريح اعصابها شوي و تغيير جو وهي هالايام ما تدري ليه متغيره كلها .. ******************************************** هي متعبها التفكير و هو ايضا خايف من الجاي .. كل ما يصلي يدعي ربه بانه يوفقه و انها تكون من نصيبه .. صح انها تدري بحبه لها بس هذا ما يأكد انها بتوافق عليه او لا.. صار يعد الايام لين يمر اسبوع على اتفاقهم و يسمع بقرارها وهو كل يوم عن يوم يزيد توتره و خوفه و برضوا يحس بالفرح كل ما تذكرها بجمالها و حياها يوم شافها . ********************************************** وصلت هند لاهلها و كانت اسعد وحده بالدنيا حتى هديل مو اقل منها سعاده .. بنفس يوم وصولها كانت رحله سلطان لسوريا في الليل ... هديل: أي وش بعد .. سولفي وشفيك تستحين هند: ههههههههه وش اسولف فيه ... انا بخير و تركي بخير و الحمدلله هديل: شلون رابغ تعودتي عليها ولا يعني هند: ممممممممم يعني .. طبعا مو مثل هنا بس حليوهـ و في ناس حولي نفسي تقريباً توهم متزوجات و شغل ازواجهم خلتهم يعيشون هناك .. يعني كل شئ تمام هديل: و الله وحشتييييني.. احس اني مسكينه في هالبيت الكل علي محد يفزع معي هند: هههههههههه .. هذا اللي همك الفزعات , بس ولا عليك دامي في هالايام باخذ لك حقهم ونص انظم لهم سعود بالسوالف و الكلام و كان اغلب اوقاتهم يقعدون مع بعض لان لهم فتره طويله بعاد و الحين مجتمعين . ************************************************ في بيت اهل لميس ... ام لميس: هاه يمه وش اخبار زوجك انشاءالله بخير لميس: ماشين و الحمدلله ام لميس: وش جديدكم انشاءالله تغيير و صار احسن لميس: كلنا تمام يمه .. نفسنا ما تغير شئ ام لميس: طيب ما عرفتي وش فيه بالضبط وش يبي ... يمكن الرجال محتاج شئ ولد مثلاً يغيير عليه حياته تغيرت ملامح لميس و قلب وجهها اصفر وقالت _ يمه من جدك انتي وش هالكلام كأنك ما تعرفين اولاً تونا ما كملنا سنه من زواجنا و ثانياً شلون بحمل و اجيب له ولد وهو حتى ما قرب مني ... الله يهديك بس شهقت ام لميس وما توقعت اللي سمعته من بنتها _ لا عاااد من جد هالاكلام .. قلتي لي بدايه زواجكم و على بالي تغييرت اموركم .. معقوله يا لميس تجمعت الدموع بعيون لميس و حست بالفشله و القهر قدام امها و ردت بصوت اشبه بالمسموع _ أي اللي سمعتيه مني صحيح .. وانا ما بقعد معه هالرجال المجنون المريض نفسياً .. بتطلق منه خلاص ام لميس: حسبي الله و نعم الوكيل .. عين وما صلت على النبي ولا هذه سوات يسويها .. لميس: نواف هاللي تشوفونه رجال طلع ولا شئ بس ما عنده الا الصمت ولا العصبيه و الهواش .. مليت منه ومن الحياه كلها كرهني عيشتي ام لميس: لا لا .. كذا ما ينفع لحد هنا وخلاص انا بكلم امه اخليها تتفاهم معه .. من هو علشان يلعب بحسبه بنتي لميس: لا تكلمين امه ولا شئ .. ان ما تغير و الله العظيم ما اقعد معه ولا دقيقه .. و يصير اللي يصير يقولون عني مطلقه وشو يعني حرام ام لميس: وش الفايده لو تطلقتي بتطيح السالفه كلها عليك والناس وش بتقول اكيد بيقولون فيك عيب و لا هو ولا عليه بيلقى الف وحده ياخذها . لميس: ما علي من الناس يقولون اللي يقولونه .. الزم ما علي راحتى ان ما تعدل ما لي قعده معه استغفرت ام لميس و تمتمت بكلمات تهدي فيها بنتها و تواسيها و هي حاطه في بالها انها بتفتح الموضوع مع ام نواف و توقف هالمهزله اللي تصير بس بدون علم لميس . *********************************************** دخلت ملاك على امها و هي تتافف و واضح عليها الملل و الطفش ام علي: وش فيك طفشانه و ضايقه بك الدنيا ملاك: مليت .. ابوي للحين مالقى بيت .. ترا وصلت معي و الله ام علي: لا للحين مالقى .. وكلنا وصلت معنا بس وش نسوي مالنا الا الصبر ملاك: الكل يناظرنا بنظرات الشفقه و الشماته على حالنا .. شئ يقهر ام علي: لا مو لهدرجه يا ملاك هذول اهلنا وما اظن بيناظرونا بهالنظرات اللي تتوهمينها .. وانتي ما عليك من احد و الله محنا عايشيين على راس احد فيهم .... الا مين تقصدين بالضبط !! ملاك: في غيرها خالتي ساره .. هي و نظراتها و كلماتها اللي كل يوم تسمعنا منها ام علي: ما عليك منها .. ولا كأنك سمعتي , بكره انشاءالله بيلقى ابوك بيت ننقل له و نريحها ملاك: متى بكره .. من زمان وحنا نصبر نفسنا بهالكلمه بكره و بكره و جا بكره و لا تحركنا شبر ام علي: احمدي ربك على النعمه وان جدتك الله يعافيها ضفتنا ولا كان حنا بالشارع ملاك: الحمدلله . بعد طلوع ام علي و عيالها من البيت و سكنهم في بيت الجده وتغير حالتهم .. ضاقت الدنيا بعيون ملاك وحست ان العالم حولها اسود ومعد في شئ يريحها .. مرات تفكر بنواف و تندم على اللي سوته له و مرات تنقهر منه ومن لميس و تتمنى لهم الشر و كل فتره ودها تعرف عن احوالهم و تهمها اخبارهم حتى لو بسيطه , يعني بعد ما كانت شامخه والعالم حولها صديقتها حنان و غيرها .. صارت الحين ولا شئ وحيده بالدنيا و في حاله ضيقه وطفش دائم كل هذا جزاء لها و لافعالها و تكبرها اللي اعماها . ************************************************** ** في بيت ام سلطان .. هذه كانت حاله سعود , قاعد يلعب بلاي ستيشن و الجوال فوق السرير و داخل جو مع اللعب الا سمع صوت مسج .. وقف اللعبه وراح يشوفه و اول ما فتح لقى مكتوب التالي: نباركـ للطالب سعود محمد لقبوله في جامعه الملك فيصل , يرجى اكمال عمليه التسجيل باحضار باقي الاوراق لتحديد موعد المقابله الشخصيه المرسل: جامعه الملك فيصل بحركه لا اراديه صرخ و رفع يده لفوق و بسرعه طلع من غرفته يركض و وجهه احمر يضحك .. سمعوا الكل من تحت وخافوا لا يكون صاير شئ ام سلطان: بسم الله عليك وش صاير سعود وهو يدور : انقبلت .. انقبلت بالجااااامعه عمت الفرحه الكل و امتلت عيون ام سلطان دموع من الفرحه و ضمت ولدها تبارك له .. وهند وهديل متقطعات من الفرحه و باركوا لاخوهم , صار البيت في حاله ازعاج و فرح بخبر قبول سعود اللي كانوا متخوفيين من الموضوع بس الحمدلله ربي وفقه و سهل عليه , ما بقى الا المقابله الشخصيه و باذن الله بيعدي منها ... اخذ التلفون و بشر ابوه و سلطان بسوريا و باقي عيال خالاته كلهم فرحوا بالخبر و باركوا له من قلبهم سعود: عشاكم اليوم علي .. لو تبون من مطعم المريخ ابشروا هديل: فديت قلبك انشاءالله كل يوم يجيك خبر حلو و نتعشى على حسابك الكل : هههههههههههههه بهالخبر الحلو و قبوله بالجامعه نسى كل التعب اللي عاشه طول سنوات الدراسه و بالاخص ثالث ثانوي .. نسى تعب الحفظ و المذاكره و سهر الليالي .. و المشاوير من مدرس خصوصي لمكتبه ياخذ اسئله الاعوام السابقه و من المدرسه لغرفته .. صحيح كانت ايام متعبه و هم على القلب بس الحين صارت ذكرى و احلى ذكرى . ************************************************** ******* تم قبول علي بكليه التقنيه بعد واسطه خاله خالد حتى يساعد اهله و يخفف عنهم المصاريف و يصير مسؤول عن نفسه , هو بعد الكل فرح بقبوله و بهذه المناسبه عزمت الجده بناتها و احفادها يحتفلون بقبول الاثنين سعود و علي . ************************************************** * مشاعل: انتي يا حلوهـ .. كذا تبعدين و توحشينا تدرين مالكم داعي انتي و زوجك قولي له خلاص اهلي محتاجيني .. والله عهود: من جد هنودهـ فقدناكـ يا بنت هند: احم .. احم .. الحين حسيتوا بقيمتي مشاعل: لا و الله انتي من زمان غاليه بس عهود: قصدها بس يوم رحتى صرتي اغلى هديل: هيه انتي وهي ترا اغار .. هذه اختي وبس عهود: لا يسمعك تركي و الله ينتف شعرك مشاعل: هههههههههههه أي والله ... المهم علومك وش الدنيا بك سولفي لا تسكتين هند: يووه منكم يا بنات هذا انتوا تحبون السوالف مشاعل: اسمع اسمع .. الله اعلم من اللي كان يسولف قبل .. ولا نسيتي انك بنت بعد عهود: هههه لا صارت حرمه .. خلاص من الحريم هديل: ههههه الحرمه هند .. الكل: ههههههههههههههههههههههههه في جهه اخرى من الصاله تسال الجده ام خالد عن نواف و زوجته ام نواف: و الله بخير و لله الحمد بس صاير شئ انا مره افتشلت عند الناس و ما ادري وش السبب ام خالد: الله يستر قولي وش صاير ام نواف: نواف و لميس العلاقه بينهم عدم .. قبل كم يوم كلمتني رنا ام لميس وقالت لي ان .............. وحكت ام نواف القصه لامها حتى تساعدها و تحل حيرتها وما كان احد يمهم و يسمع لهم الا وحده .. ملاك .. من سمعت جدتها تسأل عن نواف و اخباره .. حاولت تركز اكثر معهم حتى تعرف من خالتها ام نواف عن علومه و سمعت كل الكلام من اوله لاخره .. وقتها حست بالخوف تلتها الفرحه هذا يعني العمل اللي سوته ما طار بالهواء .. هي الحين ما همها ان نواف يكون من نصيبها ولاكن ما يتوفق مع لميس و تحرق قلبها و تقهرها مثل ما هي انقهرت . ************************************************** احمد: اجل الشين بسوريا هاه .. فر بجلده هالمره مني لاكن والله لا اوريه ما نسيت حركته البايخه سعود: ههههههه ... أي عاد خذ حقنا بس شوي شوي عليه تراه اخوي احمد: احلف انه اخوك ... اقول يالله مناك بس لا احشرك انت وياها بعلبه مربى علي: ووع بيطلع مربى مر سعود يصرف قبل لا يقومون عليه الكل وسال عن نواف احمد: قال بيجي مدري عنه وين راح .. جيبوا شئ نلعب فيه مليت و الله علي يكلم عبدالله : قم .. قم جب لاعمامك البلاي ستيشن .. يالله عبدالله: تخسون الا انتوا تكونوا اعمامي قاموا عليه الكل وهو هرب بسرعه منهم قبل لا يمسكونه احمد: شف هالنتفه طلع له لسان سعود: هالولد قاهرني من زمااان ودي اعلقه بحبل و اجلده علي: خليكم منه .. ما عليه شرهـ مسكين ************************************************** ********* دخل عليها كالثور الهائج و طالعه من عيونها الشرار , هالمره خافت من نظراته و طريقه دخوله و قالت اكيد ورا جيته هذه مصيبه صرخ نواف: ولك عين بعد اللي سويتيه تناظريني اهتزت اطراف لميس ما تدري وش يتكلم عنه _ وش سويت .. وش تتكلم عنه قرب منها و مسكت يدها بقوه وقال _ مطلعه اسرار البيت عند امك و هي ما قصرت فضحتنا عند العالم ... ما قلت لك مره بقص يدك , شكلي هالمره بقص لسانك واعلقه للكلاب .. ورماها على الكنبه .. عرفت ان امها سوت اللي براسها وقالت لام نواف و الحين بينتهي امرها بالفعل و يمكن هالمجنون يرتكب فيها جريمه .. كمل كلامه و صراخه و تهزيئه فيها وهي مرميه على الكنب بدموع على خدها و مغطيه طرف وجهها بيدها تخاف لا يمد يده او شئ . كان بالفعل مثل المجنون شكله مرعب و هو واقف فوقها معصب و يصارخ و عيونه حمره.. لا ارداياً و بدون ما يحس بنفسه انهال عليها بالكلمات الجارحه اللي ما توقعتها منه ابداً و بعدها طلع من البيت و هو ما يشوف قدامه الا غيمه سوداء ... لاكن هالمره غير ما ظلت لميس مثل ماهي تبكي قامت وغسلت وجهها و يالله تسحبت على غرفتها و قررت خلاص من اليوم مالها قعده بالبيت ومعه .. يكفي ما جاها من قبل .. صبرت صبرت الين ما خلاااص ما عاد فيها حيل تصبر اكثر , جهزت اغراضها بسرعه و كلمت اخوها يجي ياخذها و اللي يصير يصير حتى لو رجع البيت ومالقاها بكيفه ما همها هو ولا غيره من الناس. ************************************************* اليوم الثاني ساره: لا اسمحلي ما اقدر .. خلنا كذا حلوين سعيد: هذه اول مره اطلبك فيها ترديني .. ما قلت شئ غريب بس اني ابي اشوفك ساره: لا يا سعيد قلت لك راي بالموضوع اشوفك لا .. سعيد: متاكده انتي من قرارك ساره: أي متاكده سعيد: حرام عليك تحرمين عيني من شوفتك .. ساره: يا عمري الله يخليك افهمني قلت لك ما اقدر سعيد: طيب .. طيب لو قلت لك ان عندي شئ مهم لك ساره: مهم .. وش الشئ ؟! ضحك سعيد ضحكه شريره وقال: هاه هاه هاه .. اقولك ولا اخاف تنصدمين خافت ساره من كلامه وقالت بحذر : لا قول ... سعيد: طيب بقول ................ • يا ترى وش اللي عند سعيد من كلام مهم بيقوله لسارهـ و هل هو كلام عابر تقدر ترد عليه ولا بيغير حياتها 180 درجه ؟! ************************************************** زاد التوتر و الخوف عند سيف , ما بقى الا يومين و يسمع اخر خبر و قرار من مشاعل هل بتوافق او لا .. ومن جهه ثانيه لميس مصممه على الانفصال من نواف و خايفه من اللي جاي هل بيرضى انهم ينفصلون وكل واحد يروح بطريقه ولا لا . له يومين ماله خبر .. مستغربه ام نواف من ولدها و ينه عنها تدق عليه جواله مسكر و البيت محد يرد , و ايضاً لميس ما جاها اتصال منه ولا خبر معقوله يكون مرتاح بغيبتها وما صدق على الله نساها .. *********************************************** دق جوال لميس و كانت ام نواف , فتأكدت انها داقه علشان طلعتها من البيت و تبي تشوف وش القصه خصوصاً بعد ما امها قالت لها الموضوع لميس: هلا خالتي ام نواف: هلا لميس شلونك يمه لميس: الحمدلله بخير .. انتي كيفك ام نواف: بخير دامك بخير , الا بسألك وين نواف ادق على جواله مسكر و بيتكم محد يرد على التلفون تفاجئت لميس من عدم علم ام نواف بولدها و سؤالها عنه .. يعني اكيد ما جاهم ولا مرهم ابد لميس: ما لقيتيه ؟! ام نواف: أي و الله قلت غريبه ما مرنا ولا كلمنا اكيد فيه شئ استحت لميس وما تدري وش تقول .. هل تقول اللي صار لهم و طلعتها من البيت ولا تألف أي عذر و سبب لين تشوف نواف وينه قالت بتردد: و الله يا خالتي انا بعد ما ادري عنه .. قبل امس تهاوشنا وطلعت لبيت امي و للحين ما اعرف عنه شئ شهقت ام نواف وقالت: لك يومين ولا تعرفين عن زوجك شئ.. ع الاقل كان خبرتيني مو تخليني كذا .. لميس: انا ما ادري انك ما تدرين عنه ام نواف: خلاص .. خلاص وسكرت التفون في وجهها حتى ما قالت مع السلامه و بسرعه قومت احمد اللي كان نايم وقالت له يشوف وين نواف مختفي حتى زوجته ما تدري عنه . قام احمد و طلع مع عبدالرحمن .. دقوا على جواله لقوه مسكر و مروا من عند بيته مالقوا له اثر ولا بالاماكن اللي يروحها حتى اصدقاءه ما يدرون عنه ولهم يومين ما شافوه . ام نواف ما خلتهم كل شوي تدق اما على جوال احمد او عبدالرحمن وتسالهم عن نواف و كلهم يردون بلا للحين ما لقوه احمد: خلاص يمه هدي نفسك بروح اسال مراكز الشرطه واشوف .. لا تشيلين هم تلاقينه طالع البحرين ولا الشاليهات و مقفل جواله ما يبي ازعاج ام نواف: أي خبر تلقونه عنه كلمني علطول زين .. طمني يا احمد على اخوك احمد: انشاءالله يمه ... مع السلامه وقف عند عده مراكز للشرطه و سأل عنه بس ماله اثر و عطاهم مواصفات لسيارته يمكن يلقونه .. و رقم جواله حتى يتصلون فيه. عند اخر مركز شرطه .. قال الضابط _ دقيقه الله يحفظك صاحب السياره اسمه نواف سالم احمد: أي طال عمرك الضابط: السياره حصلناها على طريق الجبيل في حادث مروري انصدم احمد و عبدالرحمن من كلام الضابط و طاحت قلوبهم يوم دروا ان اخوهم سوا حادث الضابط: وتم نقل السائق للمستشفى بسرعه البرق طار احمد للمستشفى بعد ما اخذ اسمها من الضابط وراح يشوف اخوهـ وحالته .. نبهه احمد عبدالرحمن بان ما يجيب طاري لامه و لو دقت يقول لها للحين ما لقوه . ************************************************** *** مشاعل: يمه الله يهديك ريحي بالك انشاءالله يكون بخير ام نواف: أي اريح بالي و الولد له يومين مختفي محد يدري عنه لا زوجته ولا اصدقاءه ... تخيلي صار فيه شئ و الله لانجن هذا ولدي مشاعل: بسم الله عليك وعليه انشاءالله خير .. ام نواف: اووف وشفيهم تاخروا , دقي على احمد ولا عبدالرحمن شوفيه وش صار عليهم مشاعل: دقيت يمه قبل شوي .. احمد ما يرد و عبدالرحمن يقول ما لقوه للحين ام نواف: استغفر الله العظيم .. وش هاللي انا فيه ما صدقت ولدي يكون جمبي و حولي حتى يصير فيه شئ مره ثانيه ******************************************* في المستشفى .. قابل احمد الدكتور المناوب و سأله عن حاله نواف الدكتور: ولله الحمد تم انقاذه بالوقت المناسب بس هو الحين تحت العنايه المركزه في حاله اغماء بسبب الضربه اللي في راسه احمد: يعني انشاءالله بيقوم بالسلامه الدكتور: انشاءالله .. تم تجبير يده المكسوره و خرجنا قطع الزجاج من وجهه ... ادعي ربك يقوم بالسلامه احمد: الله يسمع منك .. مشكور دكتور يعطيك العافيه بعد ما راح الدكتور ما قدر احمد يمسك نفسه اكثر و قعد على اقرب كرسي له و راسه بين يديه .. كل شئ جا فجاءه و محد حسب له حساب او فكر فيه .. يومين يغيب نواف عنهم و السبب انه مسوي حادث و بالعنايه المركزهـ .. ما يدري شلون بيقابل امه ويقولها الخبر ولا وش بيسوي الحين هو المسؤول عن اخوه المريض و امه و اخوانه . ************************************************** ما كانت لميس اقل منهم توتر , رغم اللي كان بينهم الا ان قلبها ضايق عليه و خايفه لا يكون صار له شئ لانها بتلوم نفسها و بتكون هي السبب .. كم مره دقت على ام نواف و مشاعل وكان ردهم لها بانهم ما يعرفون عنه شئ .. ***************************************** هند: متي بيرجع سلطان ما قالكم ؟ ام سلطان: قال اجازته مدتها اسبوع يعني مابيطول . هديل: تخيلوا يرجع لنا بحرمه سوريه هند: لا انشاءالله ام سلطان: فال الله ولا فالك .. انشاءالله يرجع لنا سالم غانم .. و الله فقدناه شوي دق التلفون وكان سلطان المتصل يسلم عليهم .. فرحوا كلهم يوم سمعوا صوته و خذوا اخباره وقال انه بيرجع بعد كم يوم . ************************************************** * حاله ساره تغييرت 180 درجه بعد ما قال لها سعيد عن شئ مو بس صدمها الا طيح قلبها و دموعها , ما توقعت ولا فكرت انها في يوم من الايام بتكون في مثل هالموقف .. و اللي صار ان لما عطته جوالها حتى يشوف العطل فيه خلاه عنده كم يوم علشان يصلحه و بحكم انه خبير بالجوالات قدر يرجع الملفات المحذوفه و كل شئ بالجوال من اسماء و رسائل و حتى صور , وهي كانت من قبل تصور نفسها بمناسبات او بايام عاديه , فاحتفظ بالصور و صار يستخدمها كنوع من التهديد ان ما نفذت اللي يبيه لا ينشر الصور و تنفضح .. ترجته و بكت عنده حتى يمسحهم بس ما رضى و أصر على انه يشوفها باي مكان هي تختاره . محد حاس فيها و بالخوف اللي عايشه فيه حتى هي ما تتجرأ تشكي لاحد يساعدها بمشكلتها , صارت طول يومها تفكر بالسالفه و بحل للمشكله اللي طاحت فيها بنفسها لا تاكل زين وحتى النوم ما تنام زين و تقوم بوسط الليل خايفه من اليوم اللي بعده لا ينفذ تهديده عاد وقتها بالفعل تروح فيها . ************************************************** * رجعوا احمد و عبدالرحمن للبيت و استقبلتهم امهم بأسئلتها عن نواف ام نواف: هاه بشروا لقيتوه .. وش صار عليه احمد: اهدي يمه كل شئ تمام ام نواف: تكلم وش صار على اخوك , لي ساعه وانا قاعده على اعصابي تكلم يا احمد احمد: لقيناه مسوي حادث و الحين بالمستشفى دارت الدنيا بام نواف و طاح قلبها من الخوف على ولدها .. مسكتها مشاعل و قعدتها على الكنب تهديها مشاعل: شلونه الحين انشاءالله بخير احمد: الله يقومه بالسلامه ام نواف: وين باي مستشفى بروح له الحين اشوفه احمد: يمه الله يهديك وين تروحين الوقت متأخر و هو بخير ام نواف: ما بيرتاح قلبي لين اشوفه ... مشاعل جيبي عبايتي وانت شغل السياره ..بسرعه مشاعل: يا يمه خلي الصباح يجي و بكره تروحين له صدقيني بيكون بخير ام نواف: تفهمين انا وش اقول جيبي عبايتي احمد: وين تروحين .. نواف بالعنايه المركزه و الوقت ما يسمح للدخول .. بكره نقوم من الصبح وتروحين تشوفينه زاد الخوف في قلبها يوم سمعت انه بالعنايه المركزه و اكيد فيه شئ خطر ولا ما كان دخلوه فيها ام نواف: ليه وش فيه ... اخوك وش صار له حتى يحطونه بالعنايه تنهد احمد و خلاص ما قدر يتحمل اكثر : يمه الله يرحم والديك خلاص .. ولدك بخير و بكره بتشوفينه التفت على عبدالرحمن وسالته : تكلم انت نواف وش فيه ؟ عبدالرحمن بتردد: يوم سوا الحادث ضرب براسه و يده انكسرت و و يقاطعه احمد: خلاص عبدالرحمن .. يمه الدكتور طمنا نواف بخير .. خلاص ام نواف: اكيد انكم تخبون علي شئ ... قعده منب قاعده لازم اشوفه ما قدروا يهدوون امهم اكثر و اصرت انها تروح له .. فلبست عبايتها وراحت مع احمد للمستشفى حتى تشوف ولدها نواف و تطمن عليه بنفسها . هالليله كانت شؤوم على الكل .. محد جاه النوم و ظلوا طول الليل على اعصابهم و تفكيرهم مع نواف .. لميس درت عن زوجها و زاد خوفها و صارت تلوم نفسها انها هي السبب لو ما شكت امها من الاول كان ما صار اللي صار . ************************************************** ****** ثاني يوم سافر ابو نواف لعياله بعد ما سمع بخطبه مشاعل و حادث نواف .. فجاء يشوف عياله و ياخذ اخبارهم و علومهم . تقابلوا ابو نواف و عياله احمد و عبدالرحمن في احد المقاهي .. عزموه على بيتهم بس رفض و قال يشوفهم برا احسن ابو نواف: بشروني عنكم شلونكم و شلون امكم و الاهل احمد: و الله كلنا بخير و ماشي الحال .. بس تعرف اللي صار لنواف قلب كيانا كلنا ابو نواف: الله يسهل و يقومه بالسلامه متى قال الدكتور بيطلع من العنايه احمد: قال بكره اذا تحسنت حالته و بينقلونه لغرفه خاصه بس بيظل تحت مراقبتهم ابو نواف: هذه الدنيا فجاءه تصيبك مصيبه انت في غنى عنها .. الحمدلله جت على كذا وانشاءالله بيقوم و يصير احسن من قبل احمد: الله يسمع منك كملوا سوالفهم و سال ابو نواف عن اللي تقدم لمشاعل "سيف" و خذا اسمه بالكامل حتى يسأل عنه بين الناس و يشوف اخلاقه . ************************************************ دق جوال سيف و كان مهند مهند: هلا شلونك يا الغالي سيف: تمام الله يسلمك ... انت علومك وش مسوي مهند: بخير دامك بخير .. اقولك تراني مسافر الليله لجده جتني السفره مفاجئه , كلها يومين اشوف الشغل و ارجع سيف: اهاا الله يعينك و يوديك بالسلامه .. في احد بيوديك المطار ولا امرك مهند: لا مرني الساعه 8 سيف: انت تامر .. و الله بفقدك مهند: ههههه ادري ما يحتاج تقول هههههههههههه سيف: الله على الثقه .. ههههههه زين اشوفك الليله مهند: اوكي .. مع السلامه . سكر منه و رجع اسير لافكاره و تخيلاته .. صار عالمه كله مشاعل .. مشاعل ... مشاعل .. ياربي من ذي المشاعل متى تقرر و تريحني . تصدق .. !! { رقيت في حبكْ كْثير .. ! حتى وصلت , اني اطير !! تخيل .. أطير في | زرقة | سمآك واذوب في ذرة هوآك واستعذبك .. خوف و هلآك ..! غصبن علي ..:$ من كثر ما : أحبك و ابيك .. ابغى اكون بدآخلك .. مالي شبيه ولا شريك إلا .. \ أنا / .. وبس *********************************************** ام خالد: يا بعد عمري يا نواف .. وشلونه الحين عساه بخير ام نواف: انشاءالله و الله يا يمه خايفه عليه مالي غيره بالدنيا ام خالد: ادعي ربك انشاءالله يقوم بالسلامه .. و الحمدلله انها جت على كذا مو اكثر ام نواف: انتي ما شفتيه وجهه مشطب بالزجاج و يده مجبره و راسه ... الحادث مو سهل .. سيارته راحت عدم ام خالد: ربك قادر على كل شئ يا يمه .. ادعي له يقوم بالسلامه و لا تشيلين هم ... شلون اخوانه ؟ ام نواف: ماشي حالهم , ابوهم جاء اليوم و طلعوا معه احمد و عبدالرحمن . ام خالد: الله يسلمه دامه جاء يشوف عياله .. انا الحين بمرك ونروح نشوفه لا تضيقين خلقك اكثر ام نواف: الله يسهل بس سكرت من بنتها و التفت على اللي قاعدين حولها ينتظرون الاخبار من ام خالد ام علي: سلامات وشفيها عبير ؟ ام خالد:استغفر الله العظيم .. نواف !! زاد تركيز ملاك و تركت اللي بيدها تسمع اخبار الحبيب كملت الجده : نواف سوا حادث و دخلوه العنايه المركزه انصدم الكل و حزن على الخبر الشنيع .. ترددت كلمات الاسى و الحزن ام علي: وشلونه الحين ام خالد: عساه يكون بخير .. تقول بكره اذا تحسن يطلعونه من العنايه .. مسكينه عبير قلبها مخطوف على ولدها هذا الكبير و سندها بالدنيا .. الله يقومه بالسلامه يارب الكل: امين ام خالد: انا الحين طالعه لها و مناك بنروح نزورهـ ... عساها ترتاح اذا شافته ام علي: الله يكون بعونها سلمي عليها . ام خالد: انشاءالله قامت تلبس عبايتها و حفيدها علي كان بيوديها لبيت خالته .. حتى يسلم عليها و على عيال خالته و يواسيهم شوي . ********************************************** وصل الخبر للكل و لام سلطان و عيالها تفاجئوا و حزنوا كثير باللي صار لنواف .. فهي بعد راحت بيت اختها مع سعود حتى تهديها شوي . ************************************************* بعد ما سمعت ملاك اللي صار لنواف زادت دقات قلبها و هالمره خافت من قلب عليه لان الحادث شكله جدا قوي .. حست بالاسى و الحزن على حبيبها ودها لو تروح وتشوفه بعينها تطمن على حاله و صحته .. هي صح تمنت الشر لزوجته لاكن مو له و لو تدري ان فعلتها سبب لحادثه كان من الاول ما فكرت فيها .. طرى في بالها انها تكلم مشاعل و تعرف عنه اكثر .. وهي نادراً ما تتصل على جوالها الا بالضروره القصوى .. فخذت جوالها و دقت على رقم مشاعل اللي جاها الرد بعد فتره و كان صوتها متغيير باين انها متأثره مره باللي صار . ************************************************ في طريقهم للمطار .. مهند: عاد انشاءالله لارجعت اسمع اخبار حلوه عنك سيف: امين يارب ... و الله اني خايف و اعصابي مشدودهـ مهند: هونها وتهون انشاءالله خير و انت مافي شئ يعيبك ويخلي البنت ترفضك سيف: دعواتك يا خوي .. الله يسهل علي مهند: هههههههه يا حليلك يا سيوف حالتك تحزن تدري ولا لأ سيف: وبعدين معاكم انتوا .. كلكم علي لا انت ولا شمس بس طايحين فيني طنازه و ضحك مهند: هههههههههههه مدري عنك انت اللي يشوفك يقول اول واحد بالعالم يخطب سيف: وش اسوي الحب بكسر الحاء وانا اخوك مات مهند ضحك على كلمه سيف وقال : الحب بكسر الحاء ليه يعني اقوى من الحب بالضمه سيف: اتوقع انه اقوى مهند: قسم بالله ان عقلك رايح فيها .. هذا وانت توك خاطب مستخف اجل لا تزوجت وش بتصير اكيد بتنجن سيف: هذا اللي بيصير , لانك ما جربت الحب بكسر الحاء علشان كذا مهند: هههههههههههههههههههههههها ااااااااااااااااي سيف: اضحك .. اضحك يابو هنود .. هيييه بس مهند: ههههههههه الله يرجك و الله ما بنسى حالتك ذي و طول عمري بقعد اذكرك فيها سيف: لا يكثر وترانا وصلنا | ||||||||
|
| |
|
17-09-14, 07:36 PM
| #27 | ||||||||
| مراقبة عامة ومشرفة منتدى الروايات المنقولة
| الجزء(28) رجع سلطان من سوريــا و هو كله شوق لاهله .. درى بسالفه نواف و تأثر مره على اللي صار لولد خالته سلطان: وليش يوم اتصلت فيكم ما قلتوا لي هند: ما حبينا نزعجك و كانت ايام وترجع لنا سلطان: حتى لو .. على الاقل اكلم احمد و اشوف اخبارهم .. طيب شلونه الحين ام سلطان: الله يكون بعونهم .. طلعوه من العنايه و الحين في غرفه خاصه تحت مراقبت الدكتور طلع برا عن اهله يكلم احمد ويشوف اخباره وصحت نواف .. رد عليه بصوت باين عليه التعب و الارهاق.. بعد السلام سأل عن نواف سلطان: بشرني شلون نواف عساه بخير تنهد احمد من قلب و قال: بخير .. بس ... ما قدر يكمل و حس انه شوي و يبكي على حاله اخوهـ .. عرف سلطان ان نواف فيه شئ كبير و احمد ضايق صدرهـ مره و محتاج احد يوقف معه سلطان: وينك فيه انا الحين جايك احمد: عند مواقف المستشفى توني طالع من عنده سلطان: خلاص اجل اقابلك عند اقرب محطه للمستشفى .. مع السلامه سكر منه و ركب سيارته بسرعه وطار لعند احمد .. ما يدري وش اللي زاد على حاله نواف و خلت احمد بهالصوره .. صوته ابداً ما كان يطمن و اكيد المشكله اكبر من حادث و جروح . في بيت ام نواف .. *************************************** قاعده ام نواف و دموعها على خدها تبكي على حاله ولدها الغريبه و امها بجمبها تهديها من جهه ومشاعل من جهه ثانيه وهي تحاول تسيطر على دموعها لا تنزل ام خالد: اذكري الله و هدي يا عبير انشاءالله بيتحسن ام نواف: شلون اهدى ما شفتي حالته شلون .. حتى ما يبي يسلم علينا ويشوفنا , معقوله يعني ولدي اللي ربيته يطردني من عنده ام خالد: حسبي الله ونعم الوكيل ... اكيد الولد فيه شئ و نفسيته تعبانه لا تلومينه يمه .. ترا اللي تسوينه بنفسك مو زين ما نمتي ولا كليتي كذا بتتعبين اكثر ام نواف: جعلي اموت بس ما اشوف ولدي بهالصوره . شوي انفتح الباب و دخلت ام سلطان وهند و علطول ارتمت مشاعل على هند وبدت تبكي .. وام سلطان راحت لاختها تهديها و تطمنها على نواف خنقت العبره هند من شافت حاله خالتها و مشاعل و حست بالضيق عليهم .. فخذت مشاعل و طلعت معها لغرفتها هند: خلاص يا مشاعل يكفي بكى و دموع .. يكفي خالتي منهاره لازم تقويين قلبك اكثر و توقفين معها مشاعل: شلون ما ابكي وهذا اخوي اشوفه بهالحاله ... كله جروح و متغيير علينا كأننا مو اهله هند: يمكن نفسيته تعبانه وما يبي يشوف احد مشاعل: حتى لو حنا اهله مو أي احد .. ما اظن ان في احد صاحي يطرد امه و اخوانه اكيد فيه شئ اكبر ضمت هند مشاعل و تاثرت مرره بحالتها .. حاولت بشتى الطرق و الكلمات انها تهديها و تمسح دموعها .. الكل كان مستغرب و مستنكر من حاله نواف بعد ما طلع من العنايه المركزه .. صاير عصبي و يرفض يقابل أي احد , ثاني يوم زارته امه واخوانه صرخ فيهم وطردهم و يوم جت زوجته لميس ايضاً طردها من الغرفه و قال ما يبي يشوف احد و الدكتور نفذ اوامره و منع زيارته حتى تتحسن حالته . ********************************************** ام لميس: ياله يمه قومي كلي لك شئ من الصبح وانتي على لحم بطنك ما يصير كذا لميس: ما ابي اكل شئ .. ما ابي ام لميس: تعوذي من الشيطان و مسحي دموعك انشاءالله نواف بيقوم بالسلامه لميس: انتي ما شفيته شلون ..يمه نواف تغيير عن اول و للاسواء .. معقوله يكون هذا بسبب الحادث اكيد في شئ ثاني واتوقع اني انا السبب في اللي صار ام لميس: لا تقولين كذا .. ترا البكى و العتب ما ينفع قومي غسلي وجهك توضي وصلي ركعتين ادعي ربك انه يقومه بالسلامه و يعافيه لميس: يمه لو صار فيه شئ اكثر من كذا ما بسامح نفسي انا السبب لو اني ما شكيت لك كان انتي ما قلتي لامه ولاصار الحادث .. كله مني انا كله مني ودخلت في نوبه بكى مره ثانيه واشد من قبل , وامها جمبها تهديها بالكلمات و تحاول تشيل منها فكره ان هي السبب . ******************************************** محد فيهم مرتاح باللي صار , الكل قلبه على نواف و خايف .. تقابلوا سلطان واحمد وكان احمد وجهه اصفر و باين عليه التعب .. اول ما شاف سلطان ما قدر يتحمل اكثر و نزلت دمعه من عيونه . شكى لسلطان كل شئ و انه خايف على اخوه و ضايقه الدنيا فيه , سلطان بدورهـ حاول يخفف عنه و يصبره ويقول ان الشئ ما يستاهل تخاف عليه هالقد كلها ايام و تتعدل نفسيته ويرجع مثل اول و احسن . ********************************************** ايضاً سيف كان في حاله توتر و قلق باللي صار .. مدري ليه كل ما حاول يقرب منها يجي شئ و يبعدها .. تضايق للي صار لـنواف و لمشاعل اكثر لانه درى من شمس انها متأثــره مره و خايــفه على اخوهــا لدرجه انها نست خطبت سيف و كل تفكيرها مع نواف . سيف: وش تسوين ؟! شمس: حياك ادخل ما عندي شئ .. أحوس بالنت .. انت وش عندك غريبه هالوقت قاعد بالبيت سيف: اووف من هالدنيا شئ غريب والله شمس: ليه وش صاير لك سيف: متضايق لا اكثر شمس: و السبب سيف: مشاعل ... مشاعل يا شمس مدري ليه احس الناس يشغلونها عني و ياخذونها بكل سهوله و انا هنا مشتاق لها و يحترق قلبي عليها نزلت شمس اللاب توب من حظنها و التفت عليه حتى تستوعب كلامه وتشوفه هل هو صاحي ولا فيه شئ قالت: وش هالكلام صاحي انت سيف: أي صاحي واتكلم من جد .. شوفيها انشغلت بسالفه اخوها و نستني شمس: سيف طبيعي هذا اخوها و اللي صار له مو سهل اكيد انها بتلهى معه لين يقوم بالسلامه سيف: طيب تخيلي ترفضني و تشوفني شؤوم عليهم يوم خطبتها صار لاخوها حادث .. شمس: هيه انت وش قاعد تقول .. أي شؤوم واي خرابيط , اصحى ياخوي و خل عنك الهواجيس و التخيلات الغبيه .. ما توقعت كذا طاير على البنت .. اصبر لين يقوم اخوها بالسلامه ويردون علينا البنت لو من نصيبك حتى لو بعد سنه بتكون لك سيف: انتي ما تحسين باللي فيني .. يا شمس وحده احبها و اموت فيها و هي ولاهي داريه عني و مشغوله بغيري شمس: ادري انك تحبها و تغار بس مو لهدرجه هذول اهلها و اخوها .. خير تلومها على اخوها .. اصحى حس سيف انه بالفعل مو صاحي و افكاره الغريبه بسبب ضيقته و خوفه انها تبعد عنه .. طلع من عند شمس و باله مو معه محتار و خايف و ضايق وكل المشاعر الغريبه فيه .. يحس بأنه ضايع و محد من الناس حوله و حاسيين فيه .. اخته شمس وتلومه على كلامه وافكاره و مهند مشغول بشغله واكيد لو قاله ايضاً بيستنكر منه هالتصرف .. دعى ربه انه يريح باله و يكتب له الخير . *********************************************** في انشغال الناس بموضوع نواف و تفكيرهم كله منصب عليه .. استغلت هالوقت و خذت راحتها . رجعت ساره البيت و هي واصله معها وتعبانه حيل .. هذه المره الثالثه اللي تقابل سعيد غصباً عنها ومو برضاها بس علشان ما ينفذ تهديده و ينشر الصور .. محد حاس فيها و منتبه لها و لتغيرها المفاجئه لا تاكل ولا تنام زين .. انقلب وججها اصفر و مو بعيده حياتها كلها تنقلب ان استمرت بهالمشكله وما انقذت نفسها . *********************************************** في هذه الدنيا و الحياه اللي عايشين فيها تمر علينا ايام تكون حلوهـ و نتمنى انها تطول و تنعاد كم مره بالعمر , و احياناً تمر ايام نتمنى اننا ما انولدنا حتى نعيشها و نذوق الهم و الضيقه .. *********************************************** محد من العائله توقع ان حادث نواف بيؤدي الى تعب نفسيته وتغييره الكلــي .. حتى الدكاتره في بدايه الامر قالوا اكيد متاثر من الحادث بس بعد ما استمر الوضع و رفضه لزياره اهله استغربوا و اكدووا ان في شئ اكبر من الحادث .. لا ليلهم ليل ولا نهارهم نهار في بيت ام نواف .. خوف و ضيقه صدر تحل على الجميع لدرجه ضعفهم و الاكل صار قليل , احتارت ام نواف بحاله ولدها و ما عرفت وش السبب و الحل وكانت الجده ام خالد مع بنتها في الحيره و الخوف .. فاقترحت ام سلطان انهم يجيبون شيخ يقرا على نواف يمكن يكون فيه عين لان العين حق و ممكن احد صابه . ********************************************** في المستشفى و عند غرفه نواف طلع الشيخ مع احمد و وقفوا مع ام نواف و لميس ام نواف: طمنا يا شيخ الشيخ: هذه مويه مقري فيها تشربونه كل يوم على اذان المغرب و يغسل وجهه مره في اليوم . احمد: انشاءالله الشيخ: وفي البيت افتحوا سوره البقره كل يوم .. ام نواف: انشاءالله .. يعني باذن الله بيتحسن الشيخ: باذن الواحد الاحد .. بس بغيت اقولكم الولد معمول له عمل القلوب الثلاثه , قلب ام نواف و لميس و احمد .. انهارت و شئ اكبر من الصدمه حل عليهم .. نسوا العالم اللي حولهم و ازعاج المستشفى كل تركيزهم على كلام الشيخ الشيخ: و العمل من الاهل .. مثل ما تعرفون احيانا الاقارب xxxxب , فخذوا حذركم من اللي حولكم و الله يسهل عليه و يقوم بالسلامه ... في امان الله تبعه احمد لباب المستشفى حتى يوصله بينما ام نواف و لميس تجمد كل شئ فيهم حتى الدموع ضيعت طريقها في النزول و الحروف تاهت وما نطقوا بحرف .. وكأن الثنتين مسيرات لا مخيرات دخلوا لاستراحه النساء و قعدوا على اقرب كرسيين قالت ام نواف بصوت خفيف: معقوله اللي قاله الشيخ .. نواف مسحور ردت لميس بنفس درجه الصوت الخفيف: يعني زوجي كان مسحور .. خالتي نواف كان مسحور ونزلت دمعه منها وتلتها دموع ام نواف ... ودخلوا في نوبه من البكى بصمت .. هاللي كان فيه نواف من عصبيه و غرابه كله من اثر السحر .. هواشه للميس و بروده معها واحيانا مع اهله سببه انه كان مسحور .. يالله من يصدق ومن يتوقع ان احد ومن الاهل يعني قريب يسحره و ليش طيب هل كره فيه ولا حقد . الله يكون بعونه و بعون اهله و زوجته . ************************************************** ** في مكان اشبه بالصحراء مربوط من رقبته بسلسله و ملاك تسحبه بقوه و ملامحها شريره و تضحك وهو على ركبه يمشي شوي وشوي يطيح .. الين ما شاف قدامه قفص كبير فتحت الباب ورمته داخله وهي تضحك .. يوم التفت حوله شاف لميس و الدم على وجهها و شكلها تعبان صرخت: نواف ..نواف باليالله قام على رجوله حتى يقرب منها .. فجأءه مر من قدامه غراب اسود وكبير يطير بينه وبين لميس و يمنع وصوله لها .. وهي مناك تصرخ تنادي اسمه ومن وراه صوت ملاك وهي تضحك .. خوف و ضياع يعيش فيه . فز من نومه بسرعه و التفت حوله لقى نفسه بغرفه المستشفى و صوت الجهاز اللي جمبه و بيده مغروزه ابره المغذي .. اجل وش ذا اللي كان فيه كابوس ولا حلم مخيف .. وش جاب ملاك فيه وليش تسحبه للقفص و تضحك ..لميس ليش ما يقدر يوصل لها و بينهم غراب يمنع الوصول .. كل ذي اسئله تدور في باله من كم يوم وهو يحلم احلام غريبه تحوي لميس وملاك و هو بحاله خوف . دخل عليه احمد وهو يحاول يبتسم حتى يخفف على اخوه احمد: السلام عليكم نواف: وعليكم السلام احمد: شلونك اليوم ... وجهك منور انشاءالله احسن نواف: الحمدلله بخير حمد ربه احمد ان نواف ما عصب و صرخ عليه كالعاده بل استقبله و سلم عليه وهذه حالته من يومين متغير عن اول , كان الوقت على اذان المغرب فصب له المويه في كاس و عطاه يشرب نواف: مو عطشان .. خليها بعدين احمد: ما عليه .. المويه زينه ما تضر وشرب منها بدون ما يقاوم اكثر و هاليوم بالذات كان اهدى عن قبل حتى سأل عن امه ليش ما جت احمد: بالطريق بس انا سبقتهم حتى اسولف معك اعرف اذا جو ياخذون الجو كله ابتسم نواف ببرود و بابتسامته انفجرت اسارير احمد و حمد ربه مليون مره في نفسه على تحسن حالته . *********************************************** ما انتشر خبر السحر في العائله فقط اللي درى به ام نواف وابو نواف و احمد و مشاعل و لميس وامها و الجده وام سلطان و سلطان .. حتى ما يكثر الكلام و القيل و القال .. طبعاً الكل خاف و استغرب من الخــبر .. شلون سحر ومن العائله لهدرجه في انســان يضر قريبه و يتمنى له الشر . *********************************************** على التلفون عهود و مشاعل عهود: الحمدلله على سلامه نواف .. سمعت جدتي تقول انه تحسن مشاعل: الله يسلمك عهود: الله يعينكم ويعين لميس و الله مسكينه اكيد طار قلبها على زوجها مشاعل: الله يعين الجميع كان اسلوب مشاعل متغيير مررره من بعد ما درت عن السحر , ضاق صدرها و انصدمت ان العمل يكون من اهلها . عهود: وشفيك يالله تتكلمين .. كأن احد غاصبك مشاعل: وش تبيني اسوي اضحك و اصرخ عهود: لا مشاعل: اجل خلاص .. لو اخوك اللي صاير له كذا تعرفين ليش صوتي كذا حست عهود بعصبيه مشاعل و تغييرها فما طولت معها و سكرت التلفون " ياربي على هالناس كنهم اول ناس ولدهم يسوي حادث كل العالم قاموا وقعدوا علشانه .. لو انا ولا واحد من اخواني اللي صار له اتحدى يفزون مثل الحين و الله كل واحد بيكبر مخدته وينام .. اااهـ بس لنا الله " ************************************************ في غرفه نواف كان فيه امه و جدته و احمد ومشاعل يزورونه .. شوي الا دخلت لميس مع امها سلموا على الجالسين و طلع احمد حتى ياخذون راحتهم قربت لميس من سرير نواف حتى تسلم عليه .. وقفت عند راسه و قالت _ الف الحمدلله على سلامتك ما تشوف شر نواف: الله يسلمك لمح بعيونها نظرت حزن و دمعه حايره تحاول لميس تتماسك و ما تنزل دموعها قدامه لميس: شلونك اليوم انشاءالله احسن نواف: بخير الله يسلمك .. انتي كيفك لميس: بخير بعدت عنه بسرعه قبل لا تطيح دمعتها و خذت منديل ومسحت عيونها قبل لا يشوفونها الكل و راحت قعدت جمب مشاعل تسولف و تبعد عنها الحزن . بينما نواف من شاف لميس وحس ان قلبه زادت ضرباته و شاف شئ في لميس كان عمي عنه وما يشوفه .. حس بدفئ صوتها وهي تسلم عليه و بخوفها عليه و حنانها من الدمعه اللي في عيونها .. يا ان هالبنت عانت معاه و صبرت عليه وعلى تصرفاته على انها كانت مستاءه منه و تلومه بس يوم عرفت السبب ندمت على كل كلمه قالتها عنه عند امها و ردت عنها فكره الانفصال و دعت ربها انشاءالله يتحسن ويكون افضل من اول . ام لميس: الله يقومه بالسلامه ويطلع انشاءالله سالم و يبعد عنه الشر الكل: امــين ام خالد: هالدنيا ما فيها خير .. اعوذ بالله في وسط محنا عايشين تطري علينا اشياء الله يستر منها بس محد يتوقعها . عند لميس و مشاعل .. مشاعل: اخبارك اليوم لميس: الحمدلله بخير دام نواف بخير و ما يشكي شئ مشاعل: بلوهـ و طحنا فيها اعوذ بالله لميس: وانتي الصادقه .. حسبي الله ونعم الوكيل على اللي كان السبب تحرك نواف من مكانه شوي و كأنه يبي شئ .. فز له امه ولميس بوقت واحد و قربوا منه يشوفون وش يبي .. نواف: وين احمد ؟ ام نواف: برا تبيني اناديه لميس: تبي شئ اسوي لك اياه نواف: لا.. خلوا احمد يسأل الدكتور متى بطلع من المستشفى ام نواف: اخاف تتعب برا خلك هنا تحت ملاحظتهم احسن و هم يقررون متى تطلع نواف: لا يمه ماله داعي خلاص انا بخير و اقدر اطلع لميس: متاكد .. يعني ما تحس بالم في راسك نواف: مو مره الالم ... تكفون ابي اطلع تعبت من القعده ام نواف: خلاص بشوف احمد و اقوله التفت على مشاعل تقولها تطلع تكلم احمد و تقوله عن طلب نواف لميس: نواف تبي شئ .. مويه او شئ تاكله نواف: لا مشكورهـ " يالله يارب انك تقوم نواف بالسلامه و تحسن حاله .. و الله تعبت و ضاقت بي الدنيا .. يارب طلبتك يسر اموري و حياتي و وفقني مع زوجي " << هذا اللي كان يدور ببال لميس و هي تلمح نواف راقد على السرير بوجه الاصفر و الضعيف بعد الحادث و نفسيته اللي كانت تعبانه. ********************************************** بعيد عنهم كانت ساره تكلم سعيد و هي تترجاه و لو يطلب تحب رجوله بس يتركها بحالها ساره: صدقني بكره ما اقدر عندي طلعه بزور ولد اختي بالمستشفى سعيد:وانتي كل يوم طالعه لي بعذر ساره: هذا الصدق ولــ ... سعيد: خلاص اجل بكيفك روحي انتي بكره و زوري ولد اختك و انا بطلع للقهوه و ارسل الصور ما عندي أي مشكله عصبت منه ساره و قالت: انت ما تفهم اقولك ما اقدر خله يوم ثاني .. ترا ما صارت كل ما طرى على بالك شئ قمت و قلت لي و لازم علي انفذه سعيد: هيييه انتي و ش قاعده تقولين انا الحين صرت ما افهم .. طيب يا ساره اعلمك مين اللي ما يفهم ساره: ما قــ .... سكر التلفون بوجهها , ولا سمع كلامها خافت لا يكون بينفذ تهديده و بكره ينشر الصور .. احتارت بين امرين اما تطلع تزور ولد اختها و لا تطلع معه حفاظاً على صورها .. تعبت مرره و شايله هم كبير كيف تنهي هالمشكله الكبيرهـ . ************************************************** ****** في احد المطاعم دخل ابو نواف يطلب له عشاء خفيف ياكله قبل ما ينام .. وهو عند الكاشير يسوي الطلب .. سمع بشخص جمبه ينادي اسمه و هالصوت مو غريب عليه مرهـ .. التفت و لقى المفاجئه اللي ما توقعها رد ابو نواف يرحب ببرود : هلا ابو عبدالله .. هلابك مد ابو عبدالله يده يسلم و خاف لا يرده ابو نواف , لاكن اخلاقه ما تسمح له و مد يده الثاني وتصافحوا ابو عبدالله: كيف الحال ابو نواف: بخير و الحمدلله .. علومك انت ابو عبدالله : ماشي حالنا رجع ابو نواف يحاسب على طلبه و ينتظر لين يخلص ابو عبدالله: ماشاءالله من متى وانت هنا ابو نواف: لي تقريبا يومين .. جيت اشوف العيال تعرف بعد حادث نواف و خطبت مشاعل ابو عبدالله مستغرب شوي : خطبت مشاعل !! ماشاءالله من متى هالكلام ابو نواف: من فتره قبل حادث نواف .. ليه ما دريت ابو عبدالله: لا والله ابو نواف: أي يمكنك مشغول ولاهي ... الحمدلله البنت انخطبت من ولد حلال و ناس ابو عبدالله: على البركه , الله يوفقها ابونواف: الله يبارك فيك ابو عبدالله وده يقعد مع طليق اخته و يتكلم معه شوي و هو متاكد انه ما بيرده بعد ما سلم عليه ودار بينهم حوار بسيط ابو عبدالله: تجي نجلس شوي على ما يجي الطلب ابو نواف: ولا يــ ... ولاكن الطلب كان اسرع وصل لابو نواف ابتسم على خفيف و قال: وهذا الطلب وصل ابو عبدالله : ما يخالف اعطيك رقمي و نتقابل قريب استغرب ابو نواف مرره من حركته , وهو اللي اول ما يطيق يشوفه و يسمع عنه شئ .. بس صحيح اللي قال الناس تتغير من طيبه لشر ومن شر لطيبه .. اخذ رقمه و سلم عليه و ودعه . ************************************************* على حد الزمن واقف..واشاهد عبرة الأيام... وشمس العمر تغرق..في بحرها لين يخفيها.. وشوف الليل يكبر...والنهار يذوب في ظلام.. حزينه لحظة المغرب!..وداع النور يطفيها... وأشوف الموج يرقص..والدموع من السحاب رزام.. عجيبه رقصة الموج..؟!ودمع الغيم يبكيها.. واشاهد غربة الموجه..لقت عقب السفر مقام... على رمل السهل تالي زبدها ما يوعيها... سرى بي هاجس الذكرى.!على متن الخيال وهام يرد الذهن لايام تعدتني لياليها. ..أضم الطيف بعيوني واعانق ساري الأنسام،،، واردد نغمة الماضي على قلبي وأغنيها... ألا ياليل..!؟ الغريب إلي سهر ما نام..! تذكر له؟! على بعد المسافه عين يغليها..!! أمانه يا قمر،،، يا ساري بالليل خذ سلامي... وصبه شوق!! في عين الذي عيني...معنيها؟!، حنين الولف ياهل الولف يجلب للقلوب..هيام!! ومن يجرج قلوب الحبايب لا بد يداويها....! أغني للقلوب إلي عزاها بالحياة أحلام وارد الشان لأهل الشان باولها وتاليها ********************************************** بعد اسبوعين من الالــم و المعاناهـ و الخوف .. ارتاح الجميع و رجعت البسمه و السعاده لــحياتهم .. ولله الحمد طلع نواف من المستشفى بخير فقط يصحب الجبس اللي بيده و شويه الم في راسه , كان قلق من لميس ان بقلبها يكون فيه شئ عليه من افعاله في السابق و تصرفاته معها لاكنها كانت العكس .. كانت قريبه منه وما يطلب شئ الا و تنفذه له و تخاف عليه اكثر من نفسها اذن المغرب و قام نواف بيتوضا علشان يصلي .. فمسكته لميس تسنده حتى ما يدوخ نواف: مشكورهـ تعبت معاي لميس: لا تقول كذا .. تعبك راحه بعد ما وقف زين التفت عليها يبتسم وقال: لميس انا اسف على اللي صار من قبل مالي وجهه اقابلك فيه , صدقيني متفشل بمعاملتي معك و تصرفاتي الغريبه وانتي مالك أي ذنب لميس: مسموح يا نواف و عاذرتك اللي صار لك شئ مو سهل نواف: اكيد مسامحتني لميس: اكيد .. نواف اللي كنت فيه مو بيدك ولا بهواك وافعالك غصباً عنك .. صدقني عاذرتك نواف: يســلم قلبك الطيب و يخليك لي كل ما تذكرت تصرفاته معها في السابق و تعامله تحاول انها تمحي هالذكريات و لا تفكر فيها .. بين لها الحين انه طيب و قلبه حنون و اللي كان فيه من قبل من اثر السحر مو من اخلاقه . ************************************************** بسعاده اكثر من نواف و لميس كان عايشها سيف بعد ما وافقت مشاعل عليه طار من الفرحه و الضحكه شاقه وجهه من اليسار لليمين. مهند: ههههههههههه اخاف تشوف نفسك علينا ياخي سيف: احم .. يمكن ترا مو اكيد تعرف انت لما الواحد يقرب من حبيبه خلاص ينسي الدنيا مهند: افااااا هذه نهايتها يعني سيف: تقدر تقول حز بخاطر مهند شوي على صديق عمره و حس انه ممكن ينساهـ و يلهي بنفسه و زواجه القادم .. انتبه سيف لهدوء مهند و سكون ملامحه فـ عرف انه خذا على خاطره منه سيف: من جدك بو هنود تزعل ترا والله امزح معك انت اخوي ومهما صار بالدنيا ما ابعد عنك وانساه مهند: لا ما زعلت .. ولا يهمك اهم شئ راحتك وسعادتك سيف: وانا سعادتي من سعادتك .. الا تعال شرايك انت بعد تخطب و نتزوج بيوم واحد مهند: البركه فيك دور لي وحده زينه وانا مستعد سيف: تدري مره فكرت انك تكون لاختي شمس بس هونت على الفكره لان كل واحد منكم اجن من الثاني و اذا اجتمعتوا الله يعين مهند: ههههههههه و انت صادق اختك اتنافس معها ترا بالشطانه .. لا حبيبي انا ابي وحده هاديه و دلوعه سيف: اووخص يا ابو دلوعه ههههههههههههههه مهند: ههههههههههههههههه خلاص عاد لا تمسكها علينا سيف: دلوعه .. دلوعه .. دلوعه مهند: قسم بالله خساره اللي يقولك شئ .. خلاااااااااااااص سيف: هههههههههههههههههههههاااا اي *********************************************** ام نواف: افكر بكره اسوي عشا بمناسبه طلعت نواف و سلامته مشاعل: لا يمه الله يسلمك لا ام نواف: ليش وشفيك رافضه وبقوه بعد مشاعل: نسيتي يمه اللي صار لنا .. قالك الشيخ اللي سوا العمل من الاهل و بعد تبين تعزمينهم في البيت ام نواف: وش هالكلام اللي تقولينه يعني اهلك ما ندخلهم البيت علشان هالسبب .. افرضي كانوا الاهل من طرف ابوك .. هاه مشاعل: اهل ابوي مالهم دخل فينا ومن زمان عنهم قاطعتها ام نواف و قالت بعصبيه: مشاعل... لا اسمع هالكلام منك مره ثانيه اهلك على العين و الراس و بيظلون اهل لو وش صار فهمتي مشاعل: خلاص اللي تشوفينه قامت مشاعل و تركت امها .. كانت متضايقه ومعصبه من بعد ما درت ان السحر من اهلها و ودها تعرف من الشخص اللي مسوي لاخوها كان والله ما تخليه .. طلعت لغرفه احمد و لقته منسدح على سريره مدري وش يفكر فيه مشاعل: نايم ؟! احمد: لا بغيتي شئ مشاعل: أي ... ما قالك الشيخ من الشخص الي مسوي العمل لنواف احمد: سالته وما رضى يقولي , حتى جدتي ما ودها نعرف تقول حتى ما تصير مشاكل مشاعل: تدري لو اعرف من اللي سوا السحر .. لا اخليه يندم على فعلته طول عمرهـ احمد: يكفي عقاب ربك .. بيشوف بدنيته قبل اخرته مشاعل: والله صعبه اهلك اللي حولك وسندك بالدنيا يطعنون من وراك .. صعبه احمد: ااااااااهـ بس مالنا الا الدعاء على اللي كان السبب .. حسبي الله ونعم الوكيل .. اهم شئ قام نواف بالسلامه ورجع لبيته و حياته مشاعل: وانت صادق الحمدلله قام احمد و حب يغير السالفه _ الا تعالي يا الشينه .. يعني كبرتي و انخطبتي هاه استحت مشاعل من اخوها وما توقعت يفتح معها هالموضوع .. علطول نزلت راسها احمد: حركتات والله وبعد تستحين ..هههههههههههههههه مشاعل: يالله مناك بس ... يا ثقل دمك احمد: هههههههههههههههههههههه يا حليلك , بس ترا الولد ما عليه كلام صح اني مره تصادمت وياه و تهاوشنا بس انه ولد حلال .. الله يوفقك وياهـ مشاعل: وعقبالك احمد: لاااا انا باقي لي مشوار , اخلص دراسه و اتوظف بعدين افكر بالزواج و ابيها على ذوقك مشاعل: ابشر .. دامك تؤامي فاوعدك بذيك البنت اللي تطير قلبك احمد: لا عاد قلبي ابيه لا تطيرهـ ومعد يرجع مشاعل+ احمد: ههههههههههههههههههههههههه ااااي ************************************************** ********* بعد ما رفضت ساره طلب سعيد و طلعتها معه .. ما سمعت صوته ولا دق عليها ابد .. خافت لا يكون نشر الصور و فضحها .. ذيك الليله ما مرت دقيقه الا وتحاول تتصل فيه لاكن محد يرد , استمرت حوالي ساعتين وهي كل شوي تعيد الاتصال عليه و نفس الاجابه يرن و يقطع ما يرد عليها .. تاكدت انه مسوي شئ و بيفاجئها به .. تمنت انها ما انولدت ولا جت على الدنيا حتى يصير لها هالشئ .. مو يكفي نظرت الناس لها عانس و محد يطالع فيها ويوم تقدم لها واحد و ملكت عليه تطلقت فتاكد للناس ان فيها بلى , و الحين بتصير علك بحلقهم و تنتشر صورها بين العالم .. انخربت حياتها و كل شئ حولها صار مرعب و يخوف ... وهي بهالحاله من الرعب و القلق تذكرت زوجه اخوها جواهر ام عبدالله , كيف هالمسكينه تطلقت و بعدت عن عيالها و صارت تعاني بهالدنيا و كله ظلم ومن ورا راس ساره و افكارها .. سوت هالفعله حتى تبعد عنها الشكوك وما تنفضح مع حمد لاكن الله اقوى منها و هذه هي بتنفضح مع سعيد و حياتها بتنتهي . تمنت الزمن يرجع لورا و ما تورط ام عبدالله ولا تتورط هي مثل الحين .. بس الندم و كلمه ياليت ما تنفع .. ************************************************** ** في بيت ام سلطان .. كان سلطان يكلم بالجوال وبصوت شوي واطي : _ لا انشاءالله بكلم اهلــي بس تعرفين مرينا بظروف صعبه شوي .. بس تهدى الامور بفتح الموضوع معهم ... أي ولا يهمك , انتي اخبارك كيف الاهل ... ارتبك يوم دخلت عليه هند فـ صرف الموضوع _ اوكي حبيبي اخليك الحين , يالله مع السلامه هند: وش عندك تهذر بالجوال مو من عوايدك سلطان: واحد من الشباب من زمان عنه و قعدت اسولف معه هند: اها .. طيب بغيت اقولك تركي بيمر بعد شوي يقول بيسلم علي قبل ما نروح سلطان: وين تروحون ... تو الاجازه ما خلصت هند: لا بنروح لـماليزيا كم يوم و نرجع سلطان: اهاااا يعني شهر عسل ثاني هههههههه هند: هههههههههه تقدر تقول , اقل من شهر عسل سلطان: الله يسهل عليكم , تروحون و ترجعون بالسلامه .. اجل الحين نازل بس ابدل ملابسي هند: الله يسلمك ... يالله اخليك . •يا ترى مين كان يكلم سلطان .. وكأن الشخص بنت !! .. بنعرف في الاجزاء القادمه ************************************************ بسرعه ما توقعوها تم تحديد ملكه العاشق سيف و حبيبته مشاعل و الزواج في نهايه شهر شعبان قبل الدراسه ما تبدا و قبل رمضان و بهالوقت راح يكون نواف تحسن اكثر و صار جسمه اقوى شوي .. بفضل الله يسر لهم الامور و وفقهم . ************************************************** *** على طاوله المقهى .. ابو عبدالله و ابو نواف و قدامهم اكواب القهوه .. ابو نواف بهدوء يستمع لخال عياله و هو ملاحظ تغييره و ضعفه امامه ابو عبدالله: والله يا خوي ما تدري شلون عانيت بهالدنيا بعد طلاق ام العيال .. حسيت اني ضعت و ما اقدر اوفق بحياتي و حياه العيال .. ما توقعت الامر بهالصعوبه . ابو نواف: هذا وانت رجال .. اجل شلون الحرمه الضعيفه اللي تركض بالدنيا حتى تلحق تربي و ترضي عيالها ابو عبدالله: وانت صادق ... ما ادري وش اقولك شايف شلون الدنيا وشايف شلون كنت معاملتي معك مو زينه ولا كأنك نسيبي .. حتى سلام ونظره ما اناظرك .. كان قلبي قاسي و ظالم .. وهذا جزاتي نفس ما سويت صار لي و تبهذلت بالدنيا .. و الله اني نادم يا ابو نواف نادم من كل قلبي ابو نواف: ربك كريم .. دامك ندمت و تبت انشاءالله بيسامحك و يصفح عنك , هذه الدنيا يوم لك و يوم عليك .. الله يستر علينا و يبارك لنا باللي بقى من اعمارنا ابو عبدالله: اللهم امين . ******************************************** مو عيب لما الواحد يعترف بغلطه و يبين ندمه و حسرته على الغلط اللي كان فيه .. كلنا نغلط ونطيح بس الشاطر فينا اللي يتعلم من غلطه و يكمل حياته و هو يتفادى الغلط .. معظمنا ولا يفكر بالاعتراف مثل ابو عبدالله و يشوف ان هالشئ فشله او ينقص من قدره لو قال للناس اني غلطت و ندمت , ما يدري انه ممكن يكبر بعين الناس حتى لو ما بينوا له هالشئ و ان ممكن غيره يستفيد من غلطه و يفيدهـ ... | ||||||||
|
| |
|
17-09-14, 07:40 PM
| #28 | ||||||||
| مراقبة عامة ومشرفة منتدى الروايات المنقولة
| الجزء(29) بعد منتصف الليل و الناس نايمه الا هي تصلي فوق سجادتها و تدعي ربها ان يغفر لها و يرحمها و يستر عليها .. لها عده ايام ما تنام و هي على هالحاله صلاه و دعاء في الليل .. سعيد للحين ما يرد ولا في أي خبر عنه اكيد انه نشر الصور ولا سوا شئ ثانــي يفضحها ... وجهه ساره احمر و كله دموع و رافعه يدينها تدعي ربها و تطلب منه الستر و المغفره .. بهالوقت محد بيحس فيها و يدري باللي في قلبها الا هو خالقها , محد بيطلعها من مشكلتها و يرحمها الا هو الرحمن الرحيم .. توها تصحى و تتذكر ان فوقها رب عظيم ما يغفى عن عباده و هو الرحمن يقبل التوبه و يغفر الذنوب, بصلواتها و خشوعها هدت نفسها شوي و قدرت على الاقل تنام بشويه راحه و هدوء انحرمت منهم عده ايام . ******************************* نواف & لمــيس ... تغيرت حياتــهم مليون درجه ... وين كانوا و وين صــاروا كله بفضل الله لميس: نواف لا تفتح الفرن ترا تخرب الكيكه نواف: والله ... طيب متى تخلص تراني مشتهيها ريحتها حلوهـ لميس: دقايق بس نواف: تلعبين علي من زمان وانتي تقولين دقايق لميس: ياربي منك ... خلاص جهز الصحون و الشوك و تكون جاهزه نواف: امرنا لله نسمع كلام الشيف نادى نواف لميس اللي كانت معطيته ضهرها نواف: لمو .. قلبي شوفيني التفت لميس له و فجاءه جاها رذاذ مويه على وجهها و شهقت من برودته,, مات نواف ضحك على شكلها لميس: ااااااااااااااهـ منك .. والله لا اوريك ركضت بسرعه للمغسله و عبت يدها بالمويه حتى ترشه نواف: لا ..لا حرام عليك مو لهدرجه عاد انا رشيت شوي .. لمو اعقلي لميس: ولا تدري هونت ما ابي ارشك .. اصبر علي بشئ اكبر نواف: وش بتسوين لميس: دقيقه كبت المويه من يدها وراحت للفريزر و خذت قطعه ثلج مكعبه لميس: تعال تعال حبيبي عندي لك هديه نواف بحذر و هو يبتعد عنها : وش عندك ..لموو حرام عليك انا حبيبك لميس: أي عشان كذا عندي لك هديه بسرعه قربت منه و حطت داخله الثلجه و هو يصرخ من برودتها نواف: اااااي حرام عليك و الله بااااااااردهـ لميس: هههههههههه ... شرايك حلوه الهديه صح نواف: أي أي .. بارد بارد .. أي ما اقدر اشيلها لميس: خلك تستااااهل .. بشوف كيكتي لا تنحرق قدر يطلع الثلجه بعد ما ساحت نصها و بللت تي شيرته .. و لميس مناك تضحك عليه وهي تزين الكيكه قبل لا ياكلونها . صارت حياتهم حلوهـ و لا كأنهم نواف و لميس اللي من قبل عايشين في برود قاتل و احيانا هواش و صراخ .. كل ما صلت لميس حمدت ربها مليون مرهـ على فضله و تغيير نواف .. وهو ايضاً يحمد ربه ان الله سلمه و شاف النور بحياته وزال الهم و الضيقه اللي كانوا بقلبه ... لاكن صار بقلبه الم على بنت خالته ملاك بعد احلامه المزعجه اللي كان يشوفها راح و طلب تفسيرها عند اكبر الشيوخ المختصين بتفسير الاحلام و بين له انها هي اللي سوت له العمل..ما خبر احد بهالنتيجه و ظل ساكت محتفظ فيها حتى ما تصير مشاكل بين الاهل . **************************************** يوم الخميس...في بيت الجدهـ درى الكل بخطبه مشاعل و باركوا لها , و فرحوا لها من قلب هديل: يا الخاينه بتتزوجين قبلي هاه مشاعل: شفتي شلون .. عقبالكم عهود: سمعت انه اخو شمس .. جد مشاعل: أي جد عهود تغمز لها : لا يكون كان بينكم حب ولا شئ ... اعترفي مشاعل: ما ادري ... نصيبنا جاء كذا هند: ما عليك منها ... الله يوفقكم و يسهل عليكم ... حركات بتصيرين حرمه مثلي الكل: ههههههههههههههههههه استحت مشاعل من كلامهم : خلاااص عاد يا شينكم بينهم كانت لميس تسولف و تاخذ وتعطي لاكن بحذر .. من عرفت ان اللي سوا العمل لزوجها من اهله صارت تخاف منهم وتحذر كثير مثل ما وصتها امها ..و كان باين عليها الرضى و الراحه . بعكس ملاك اللي زادت ضيقتها بدون ما تعرف وش السبب .. للان ما درت عن نواف و العمل انفك عنه و صارت اكثر حيره و ضياع بحياتها . لاحظوا البنات ضيقه ملاك و تغيير خالتهم ساره و ضعفها سالت هديل: عهود وشفيها ملاك و جهها معبس عهود: ما تعرفينها مزاجها اكيد مو رايق مشاعل: للان وهي ما تسولف معك عهود: يعني اوقات مو كثيرهـ هديل: يا ويلي ما تطفشين في هالبيت ملاك و مغروره وخالتي ساره و غريبه من تقعدين معه عهود: الله يخلي جدتي لي ... صديقتي و اختي و كل دنيتي الكل: هههههههههههههههه هند: يا حبي لها ... الله يطول بعمرها الكل: امين مشاعل: طيب خالتي ساره كأنها مريضه او فيها شئ عهود: تلاقينها مكروفه من الدوام ولا حبيب الغفله زعلان عليها استغرب الكل من كلامها .. وش حبيب الغفله بعد هند: أي حبيب وش تقولين انتي هديل: من جد حبيبها زعلان عهود: مدري عنها , مو انتي هند تقولين مره سمعتيها تكلم واحد هند: أي من زمان عهود: طيب انا قبل فتره سمعتها .. حتى كانت تكلمه وما تدري اني وراها مشاعل: يوء .. وشافتك عهود: أي شافتني و درت اني سمعتها .. و عصبت وقامت تهزئ .. الحمدلله والشكر فاتحه باب الغرفه وتكلمه ام الثقه الزايده هديل: والله قويه .. الحين من جدك هو زعلان عهود: اقولك مدري يمكن . هند: هيه انتوا لا يكون فضحتوها و قلتوا لاحد عن اللي سمعته هديل: اصلا نسيت السالفه مشاعل: و انا بعد ما جا على بالي ابد .. قلت يمكن يتهيأ لك مو اكيد عهود: انا اول ما صدقتك بس يوم سمعت باذني صدقت ... بعدين من بقوله ابوي اللي بيعطيني كف وقتها ولا جدتي اللي بتمسك قلبها و تطيح علينا . انظمت لهم لميس و غيروا سوالفهم للموضه و المكياج يتخللها ضحك و سعه صدر . ************************************************* وقت العشاء .. طلعت مشاعل من المطبخ بصينيه و فوقها كاسات المويه حتى توديها لعند الرجال قاطعتها ملاك و خذتها منها ملاك: هاتيها عنك مشاعل: انتبهي لا يشوفك احد من العيال . ما سمعت لها ملاك و راحت بالصينيه لغرفه الطعام الخاصه بالرجال , تمنت لو على الاقل تلمحه او تسمع صوته بعد خروجه من المستشفى . عند الممر اللي يودي لملحق الرجال .. لميس: وشفيك ...تحس بشئ يألمك نواف: لا والله .. بس اا... لميس: بس وشو ؟ نواف: بس مشتاق لك حمر وجهه لميس و ضربته على كتفه بخفيف : خوفتني على بالي شئ اكبر نواف: و اللي مشتاق لعيونك شئ عادي ... لازم تتعشين خلينا نطلع الحين لميس: وش بيقولون اهلك , لا تستعجل كلها نص ساعه وحنا خالصين نواف: بس انا ما اقدر انتظر اكثر .. قلــبي يعورني على بعادك لو دقيقه و بعدين اغار منهم قاعده انتي بينهم تضحكين و تسولفين و انا هنا افكر فيك لميس: شدعوه عاااد ... حياتي روح تعشى تلقاهم ينتظرونك نواف: طيب دقيقه بعطيك شئ لميس: وشو قرب منها و حبها على خدها بكل حنان , بهاللحظه دخلت ملاك و كان نظرها تحت على الصينيه اول ما رفعتهم شافت الشئ اللي ما تمنته بحياتها ابد .. مستحيل حبيب قلبها و اللي سوت المستحيل حتى يكون لها و تبعده عن زوجته .. تشوفه الحين و بهالوضع . من الصدمه رمت الصينيه و تبعثرت المويه على الارض , انتبهوا لها نواف و لميس و لصدمتها و شكلها الغريب بنظرات مالها معني .. ابتدعت لميس بسرعه عن نواف و وجها مقلوب احمر و من الخجل ما تدري وش تسوي , اما نواف هم بالخروج بسرعه لاكن استوقفه صوت لميس يوم قالت: _ بسم الله عليك .. ملاك وشفيك التفت وراه حتى يشوف هالملاك .. اللي تحبهـ و سحرته حتى يكون لها .. معقوله هذه هي و انا توقعتها مثل ما شفتها بالحلم قصيره و شينه و الشر باين عيونها .. لاكن العكس طلعت وحده ملامحها تدل على الطيبه و الغموض. ما اقدر اوصف لكم موقف ملاك و قتها و نظراتها لنواف و هو ايضاً سرح يناظر فيها و نسى وجود زوجته و عيال خالاته ينتظرونه على العشاء . قامت لميس من الارض بعد ما جمعت العلب اللي ما انفقعوا و استغربت من موقف الاثنين و جمودهم .. ما قدرت تتكلم او تصحيهم من السرحان اللي عايشينه , لاكن سعود انقذها وجا من بعيد ينادي على نواف الكل يوم سمع صوته تحرك و رجع لمكانه .. نواف لغرفه الطعام مكان العشا و ملاك طارت على غرفتها و لميس لعند العشا بعقل مشغول تبي تفسير باللي صار. إمتزج حلمي معا لذّة غبائي ــــــ يوم شفت الليل فيني ينتحي وإبتسمت : ) وقمت أجمّع كبريائي ــــــ بعد ماطاحت ستارة مسرحي ام خالد: يالله سموا بالله ... الا وين ملاك ما اشوفها لميس: شفتها طالعه فوق . قامت هند : بروح اناديها فوق في غرفتها انواااع الانكسار و الضعف , كل الالــم يتوسد قلبها بعد ما شافت الحبيب لاهــي بـ حبيبه .. " ليه ياربي شفته معها بهالصورهـ .. ليه , اهون علي اشوفه لحاله ولا معها .. أكــرهه و أكرهــا اكرهم كلهم .. قاسيين عديمين احساس ما فكروا ولو مره انــي احبه و هايمه فيه " دقت هند الباب و دخلت : ملاك وش تسوين يالله العشا قامت بسرعه من على السرير و مسحت دموعها قبل لا تشوفها هند .. تنحنحت حتى تعدل صوتها _ خلاص هند الحين جايه شافت هند خشمها احمر و باين من صوتها انها كانت تبكي هند: ملاك وشفيك ... تبكين !! ملاك: لا ما فيني شئ يالله ننزل هند: أي ما فيك شئ , شوفي خشمك احمر و عيونك فيها دموع , صاير شئ ملاك ملاك: لا ما قدرت تتحمل اكثر و تصمد و دخلت في نوبه من البكاء رغم عنها .. و هند مستغربه منها وش صاير لها تغييرت حالتها فجاءهـ . قربت منها و قعدتها على طرف السرير تهديها و تعرف وش فيها اكيد تعبانه او مضايقها احد . هند: خلاص هدي .. امسحي دموعك و قولي لي وشفيك ملاك من بين دموعها: روحي تعشي الحين بيشوفونك تاخرتي و يجون .. روحي يا هند هند: طيب يسألون عنك وش اقولهم ملاك: قولي بطنها يعورها .. خلاص روحي هند: طيب بس بعرف منك بعد العشا .. لا تضيقين خلقك و قومي غسلي وجهك . طلعت من عندها بالوقت المناسب لان صوت ام علي تنادي عليهم من تحت .. فنزلت هند بسرعه و قالت لهم ان ملاك بطنها يعورها ما تبي اكل .. طبعا الكذبه ما مشت على لميس و زادت حيرتها من حركه ملاك و الموقف اللي قبل شوي صار بينها وبين زوجها نواف . ************************************************** ثاني يوم .. بعد العصر رجعت هند للبيت كانت الظهر تتغدى مع تركي بمطعم , دخلت غرفتها و بدلت ملابسها الا جتها هديل _ هــلووو .. عامله ايه هند: اهلين ... وش عندك صاحيه يوم طلعت كنتي نايمه و امس ما نمتى الا الصبح هديل: سعود ما خلاني انام ازعجني .. تعالي يا النذله تطلعين تتغدين برا من وراي و بدون علمي هند: هههههههههه .. تركي عازمني على الغدا وش تبيني اخذك معي هديل: أي المفروض تاخذيني هند: لا والله !! هديل: طيب وش سويتوا ؟ هند: اكلنا هديل: وبس هند: ياربييي منك حشريه مووت هديل: المهم شفيها ملاك امس ما تعشت معنا و وجهها من اول متغيير هند: مسكينه تقول متضايقه .. اكيد دام ابوهم للحين يحوس و يدور بيت مناسب يستاجرونه هديل: الله يعينهم طلعوا من غرفه هند وهم نازليين لتحت سمعوا صوت امهم متحمسه مع الكلام و من جهه صوت سلطان ايضا كان عالي هديل: مو كأن صوت امي تهاوش هند: الا .. تعالي نشوف وراحوا باتجاه الصوت اللي كان طالع من غرفه الام .. و قبل لا يدخلون سمعوا هالنقاش ام سلطان: انا مو موافقه على هالبنت ... قلوا بنات ديرتك علشان تاخذها سلطان: يا يمه افهميني انا ابيها و هي تبيني .. و جيت اقولك عنها حتى اتقدم لها ما رحت من وراكم و تزوجتها ام سلطان: من قدامنا من ورانا ما علي انا رافضه يعني رافضه سلطان: و السبب ام سلطان: مو لازم تعرف السبب ... اثاري سفرتك لسوريا علشانها هاه .. رايح لها تتخط و حنا علينا ننفذ سلطان: يمه وش هالكلام انا اصلا من سفرتي هذه عرفتها .. بعدين وش المانع لما الواحد يتزوج اللي يحبها ولا حرام عندكم ام سلطان: سلطان .. النقاش انتهى زواج بتتزوج اخطب لك بنت من بلدك غير كذا لا ... حلوه ذي تتزوج سوريه فتحت الباب بقوه ولقت بناتها بوجهها كانوا يتسمعون .. وهم خافوا من طلعتها لهم فجاءه . ما تكلمت ام سلطان بشئ فقط ناظرتهم و كانت مصعبه و اعصابها تعبانه .. طلع سلطان وراها و هو ايضا متضاايق مره من كلام امه و زياده على كذا خواته سمعوا النقاش اللي دار بينهم _ وش عندك انتي وياها تتسمعون تخبت هديل ورا هند و خلتها بالواجهه لسلطان هند بتردد: سمعنا صراخ امي فخفنا و قــ .... سلطان: خلاص .. وخري بــس طلع تاركهم بحيرتهم من اللي سمعوا وما توقعوا هذه نهايتها طلب اخوهم الزواج من برا . ************************************************* " ياربي وش القصه .. وش معناه اللي صار امس بينه وبينها وقدامي بعد .. يوم سألته عن خالته هل بتقعد طول عمرها ببيت جدته يالله جاوبني وقال ما علينا منهم .. الله يستر بس و يضل نواف على ماهو ولا يتغيير" صوت نواف يناديها: لميس .. لموو لميس: هلا يا قلبي ... أمر وش بغيت نواف: ما يامر عليك عدو ... ترا الاربعاء الجاي عندي سفرهـ للمغرب لميس: الاربعاء .. نواف : أي .. تروحين معي ؟ لميس: مممممممم براحتك نواف: خلاص اجل نروح نغيير جو .. عاد بتكون احلى رحلاتي لان قلبي معاي لميس: هههههههه .. فديت قلبك نواف: فديتك كلك على بعضك يا بعدهم انتي .. يا عمري و الله لميس: تدري انــي احبك .. رغم كل اللي صار احــبك و امووت بهواك نواف: حــبيبتي و الله من جد يا لمووو سامحيني على اللي صار لميس: افاا عليك يا نواف تراك غالي و قلت لك مليون مره معذور نواف: يا طيب قلبك الله يخليك يارب و حسبي الله على اللي كان السبب من يوم ما شاف نواف ملاك قدامه تذكر احلامه المزعجه و يسال نفسه الف مره وش مقصدها من العمل و ليش سوت كذا .. هل كرهـ لي و حقد ولا انتقام من شئ .. وش السبب القوي اللي خلاها تأذيني و تعذبني بحياتي وانا من اهلها ولا يوم في عمري اذيتها. ********************************************** وش نهايه ساره ؟! متى بتنتهي مأساتها و حزنها و الخوف اللي بحياتها متى يخلص و يفكها؟ كيف الخبر القوي اللي صدم ام سلطان و بناتها منه .. هل يقدر يقنعها و يتزوج تالا السوريه؟ في شئ جديد بيطري على حياهـ ملاكـ ... هل بيفرحها ولا العكس تستمر في احزانها؟ مرت الايام و كل "ن" على همه سرى .. ذيك الساعه جاها الفرج من رب العالمين دق جوال ساره و يوم شافت الشاشه لقته سعيد .. خافت اكثر و اهتزت اطرافها .. بسرعه سكرت باب غرفتها حتى تاخذ راحتها معه ردت بتردد: الــوو جاها صوت رجالي غير عن سعيد : الوووو السلام عليكم ساره: وعليكم السلام .. نعم الرجال: لو سمحتي اختي انتي صاحبه الجوال ساره: نعم بغيت شئ الرجال: ما ادري وش اقولك بس سعيد خلاص شوي و يطيح الجوال من يدها من كثر الخوف _ وشفيه الرجال: توفى بحادث كان مويه بارده انكبت عليها و كل شئ فيها و حولها صار بارد .. وش ذا اللي تسمعه سعيد مات كيف و متى الرجال: الوو ...الوو انتي معاي ساره: أي معك الرجال: ما اطول عليك بس كنت بقولك هالخبر و ان صورك اللي كانت عنده مسحتها كلها ساره: صوري ؟! .. انت مين الرجال: صديق سعيد .. الله يهيك بس ولا في احد يسوي سواتك .. يالله مع السلامه حتى ما ردت عليه او شكرته او استفسرت عن اسئلتها .. سكرت التلفون وهي للحين مصدومه ... شلون صار كذا مات ..سعيد مات كيف , و ليش .. بعدين يجيني واحد يقولي صورك انمسحت وش معناه .. يعني ما نشرها سعيد .. معقوله . حمدت ربها مليون مره على فضله و رحمته بها .. و اخيراً بتعيش بسلام و راحه بال .. قطعت عهد على نفسها تكف عن هالحركات اللي تجيب لها المصايب و البلاوي . ************************************************** ****** احمد: الو ..هلا سلطان كيفك سلطان: هلا بك و الله بخير انت علومك شلون الاهل احمد: كلنا بخير الله يسلمك.. اقول انت فاضي سلطان: أي ما عندي شئ .. أمر احمد: بغيت اشوفك سلطان: اوكي نتقابل بالقهوه احمد: تم ... يالله سلام كانوا الاثنين متضايقيين و مسوده الدنيا بعيونهم سلطان بسبب رفض امه لزواجه من اللي يحبها .. و احمد ضايق بعد ما درى من اخوه نواف عن سوات ملاك .. لان نواف ما قدر يكتم اكثر و قال لاقرب الناس له وهو احمد و الاخير انصدم منها و ما توقع ابداً اللي سمعه و احتار بالسالفه فمالقى الا سلطان يمكن يقدر يقوله و يرتاح على ان نواف وصاه ما يتكلم مع احد . ********************************************** طلعت شمس للخيمه من الطفش ما تدري وش تسوي ولقت سيف على غير عادته قاعد و التلفزيون قدامه مفتوح بصوت منخفض و شكله ما يتابع شئ شمس: مساء الورد خــيووو .. غريبه شو فيك قاعد هالوقت سيف: هلا و الله ...اااااااااهـ شمس: الله شفيك تتنهد من قلب ..فضفض يا خيو سيف: تصدقين اني للحين مو مصدق اللي انا فيه شمس: شو اللي انت فيه !! سيف:انها بتصير لي بعد اسبوعين شمس: اهااا ..ههههههه شفت شلون و اللي تحبه بيصير قربك سيف: من كثر شوقي لها صرت اعد الايام حتى تمر و يجي اليوم اللي بتكون فيه زوجتي رسمي شمس: الله يوفقك .. و الله ما توقعت ان الحب كذا سيف: احمدي ربتج ما طحتي فيه شمس: هههههههههههههههه سيف: شفيتج تضحكين لا يكون تحبين !! شمس: مم لا و الله ما حصل لي الشرف .. خليني بدنيتي مرتااحه و فالتها سيف: ااااااااااهـ بس شوفي الساعه شلون تمر شوي شوي شمس: سيف.. شكلك انهبلت اللي يسمعك يقول انك اول واحد يحب و يتزوج خلاص اذيتنا يوه سيف: خخخخخ مشكله اللي يغارون مــــشـــكله شمس: تدري ان القعده معك ضايعه كل حياتك مشاعل مشاعل اووف .. بروح ادور لي شئ ثاني اصرف منك قامت متجه للباب بتطلع الا ناداها سيف و التفت عليه _نعم سيف: اذا كلمتيها بلغيها سلامي الحار شمس: ياااااا شينك ما ببلغها و بقولها ناسيك ..تشوف سيف: سويها وشوفي وش يصير لتج طلعت لسانها له وراحت معصبه و منقهره محد يعطيها وجهه بهالبيت امها و ابوها دايماً مشغوليين و سيف يفكر بهالمشاعل و بيوم ملكته و بناء بيته و هي ما عندها احد تتسلى معه ما غير تدخل و تطلع من مكان لثاني و تدور في البيت .. ******************************************** سكرت ام علي جوالها و الفرحه باينه على وجهها و الدنيا نورت بعيونها ام علي: ملاك التفت عليها : هلا يمه ام علي: ابوك يسلم عليكم ويقول الحمدلله لقى بيت و بننقل له قريب ملاك بفرح: والله .. اخيراً صار لنا بيت نرتاح فيه ام علي: الف الحمدلله ... و الله ريحني هالخبر ,بروح ابشر امي و ساره ملاك: اهم شئ خالتي ساره حتى ترتاح و اخيراً جاء الفرح لهم و لقى ابوهم بيت ينقلون فيه و يرتاحون من نظرات الناس و كلامهم ..مهما كان الانسان قاعد بين اهله او اصدقاءه اللي يحبهم ويحبونه لاكن الراحه الفعليه ما تكون الا في بيته .. قامت ملاك ترتب اغراضها من الفرحه و الحماس و تبي بسرعه الوقت يمر و يصيرون في بيتهم الجديد . الكل فرح بالخبر الجده و ساره و عهود .. و دعوا ربهم يوفقهم و انشاءالله تكون ايام ام علي حلوه بعيده عن التعب و الضيق . ************************************************** * في القهوه ... احمد: وشفيك متضايق و متغيير كلك سلطان: اسكت بس .. ما في شئ بالدنيا يسر احمد: لهدرجه عااد .. قولي وشفيك بعد دقايق تكلم سلطان وقال لاحمد كل شئ و اللي صار له بسوريا و كلام امه معه ورفضها ضايقه هالشئ مره و فكر انه يتزوجها بدون علم اهله احمد: لا ما انصحك بهالفكره .. اصبر على امك شوي ومره ثانيه ارجع و افتح معها السالفه انشاءالله توافق يمكن هي في البدايه انصدمت وما توقعت الخبر تسمعه منك سلطان: ما اظن بتوافق هي رافضه و بشده و يوم كلمت ابوي نفس الشئ رفض .. قسم بالله حاله من اول وهي تزن علي اتزوج يوم جيت اطلبها تخطب لي رفضت احمد: وانت متاكد من البنت واهلها .. هذول ناس توك تعرفهم و ما تعرف ماضيهم و سوابقهم ان كانوا طيبين ولا لأ سلطان: ما يهمني انا اللي يهمني انها تكون لي وبس ..وان استمر الحال على كذا وما وافقوا بتزوجها بدون علمهم هذاني قلت لك يا احمد احمد: تعوذ من الشيطان وخل عنك هالحركات ترا امك ادرى بمصلحتك ولو شافت الامر عادي وخير لك كان وافقت من اول سلطان: ما ادري بصراحه وش سبب رفضها ما ادري مرت بينهم لحظه سكون ثم قال سلطان _ وانت وشفيك ..طلبت تقابلني وانا اللي تكلمت هاه قولي وش فيك احمد: مصيبه يا سلطان مصيبه وغريبه طاحت علينا سلطان: خير انشاءالله تكلم احمد: لو اقولك ما تصدق .. سلطان: أي قول ترا خوفتني احمد: تعرف باللي صار لنواف و السحر سلطان: أي احمد: بقولك بس بيني وبينك ترا نواف موصيني ما اقول لاحد بس ما قدرت انت قريب على قلبي ولازم اقولك سلطان: بيني وبينك ..يالله قول احمد: اللي سحر نواف ..ملاك بنت خالتي نوره طبعاً ما يوصف شكل سلطان بهالخبر .. مشاعره و احاسيسه تجمدت حس انه يحلم وهو يسمع هالكلام من احمد .. وكأنه بيصحى من الحلم ويسمع شئ ثاني سلطان: لا تقول ... من جدك انت ولا تستهبل احمد: للاسف الكلام صح , انا مثلك ما صدقت اول ما سمعت بس طلع هذا هو الصدق سلطان: طيب ليه تسوي كذا وش السبب وهو ولا يمها ولا بينهم شئ احمد: ما ادري .. شئ اشبه باللغز شئ غريب واحد من اهلك ومو أي واحد الا وحده تسوي هالعمله سلطان: ان كيدهن عظيم .. حسبي الله عليها من بنت ... تذكر يوم شفناها مره بالغلط شكلها ما يدل على شر او قسوه احمد: وانت صادق ابداً ما جا على بال احد ان بنت اللي مسويه العمل سلطان: طيب الحين وش بتسوي ..نواف ما سوا شئ احمد: وش يسوي بيقول لامي عنها مستحيل يسويها .. و انا بعد مستحيلين اقول هالشئ ... بعدين ملكه مشاعل قربت ما ابي أي شئ يخرب عليها خلنا كذا احسن سلطان: بس هالشئ ما ينسكت عنه لو تركناها بتتمادى و يمكن تسوي شئ اكبر اللي يسحر يا احمد مستعد يسوي أي شئ قتل او غيره .. احمد: قلت لك الحين ما نبي أي شئ يخرب على مشاعل .. اذا بنسوي شئ خليه بعدين سلطان: حسبي الله عليها من بنت .. ما فيها خير لا هي ولا ابوها كملوا شرب القهوه و كل واحد مشغول البال بمشكلته و يتخلل السكوت تمتمات بسيطه من سلطان من اثر الصدمه و الخبر الغريب . هل تظنون ان فكره سلطان زينه بانهم ما يسكتون على ملاك و لازم يبان كل شئ و يقفونها عند حدها ولا احسن يكتمون على الموضوع و لا كأن شئ صار و احد منهم يدري . ************************************************** * نهايه الاسبوع ودعوا كلاً من نواف و لميس اهلهم وسافروا للمغرب لشغل نواف ومنها يغيرون جو ويستانسون . ******************************************** في بيت ام سلطان .. دق جوال هند و كانت نايمه , يالله رفعته و ردت هند: الووو تركي: صباح الليل ... للحين نايمه قومي خلاص يكفي نوم هند: هلا تركي شلونك تركي: بخير يا الغاليه انتي اخبارك .شلون الاهل هند: كلنا بخير الله يسلمك تركي: عمري وشفيك تعبانه وش عندك صرتي تنامين كثير ..قومي خلي عنك الكسل يالله هند: و الله مدري وشفيني جسمي طايح و بس ابي ارتاح تركي: اجل قومي و نص ساعه بمرك علشان نطلع نتمشى يالله يا قلبي هند: طيب .. الحين بقوم تركي: يالله اشوفك على خير من كم يوم وهند تحس بتعب و خمول و بس تنام كثير .. حتى الاكل ما تشتهيه ما تدري ليش و باتصال تركي غير عليها شوي ..يمكن اذا طلعت تغيير شوي . بعد ما خذت لها شور على السريع لبست وتجهزت للطلعه ثم نزلت تحت تقعد مع امها و هديل هند: السلام عليكم الكل: وعليكم السلام ام سلطان: صح النوم ... ما بغينا نشوفك هديل: شكلك طالعه على وين هند: كلمني تركي و قال بيمرني بعد شوي نطلع ام سلطان: زين خل الكسل يطير منك شوي هند: وين سلطان من زمان عنه ام سلطان: مدري عنه .. ما صار يقعد في البيت كثير ناظرت هديل هند و دروا انه للحين زعلان من رفض امه لطلبه اللي من قبل كم يوم . ام سلطان:اللي سمعتوه لا يطلع برا ..طلب اخوكم انا رافضته و ما في أي مجال للنقاش وان سواها و تزوج من ورانا لا اعرفه ولا يعرفني هند: يمه لا تضيقين خلقك سلطان ما يسويها دامك رفضتي اكيد انتهى الموضوع عنده ام سلطان: انشاءالله ... هديل: طيب انا اشوف ما فيها شئ .. يمكن البنت بنت حلال حنا ما شفناها ام سلطان: حتى لو .. ياخذ من برا لا , يا كثر بنات ديرته و غيره متزوج من هنا و هذا هم يا حلو حياتهم هند: هذا هو تركي وصل .. يالله تامرون على شئ ام سلطان: انتبهوا لانفسكم .. و سلمي على تركي هند: انشاءالله .. مع السلامه . *********************************************** استقرت الاوضاع نوعاً ما بين الكل .. ام علي و تستعد تنقل لبيتها الجديد , و نواف و لميس مو سايعتهم الدنيا من الفرحه و الراحــه .. ايضاً هند و تركي كانوا اسعد ناس بعد خبر حمل هند و صار الكل مهتم فيها و يخاف عليها من النسمه بحكم انها الاولـــى بالعائله تحمل . سيف محد قده و كل بعد يوم راسه يكبر بقرب يوم ملكته و قربه من الحبيبه ... و صارت شمس تغار وفي حاله غريبه. للحين الثلاثه نواف و سلطان واحمد مكتمين على الموضوع لين يلقون الف حلال . و مشاعل بحاله توتر و ارتباك لان ملكتها قربت.. بعكس الثنتين هديل و عهود فالينها و محد قدهم كل يوم طلعه بحكم تجهييز لمكله مشاعل . الخاله ساره هدت و تحسنت معاملتها مع الكل .. صارت ملتزمه و تراعي شعور اهلها .. الله هداها و ابتعدت عن تصرفاتها المراهقه . | ||||||||
|
| |
|
17-09-14, 07:43 PM
| #29 | ||||||||
| مراقبة عامة ومشرفة منتدى الروايات المنقولة
| الجزء(30) مرت الايامـ و يوم الاربعاء بعد اسبوع رجعوا نواف و لميس من المغرب بالسلامه و هم مشتاقين لاهلهم و لبيتهم نواف: اقول لمو قوميني الساعه 10 .. حتى اروح لبيت امي اشوف اذا بغوا شئ لميس: انشاءالله .. تصبح على الف خير نواف: وانتي من اهل الخير . ******************************************* تركي: هاه يا قلبي شلونك اليوم ..طمنيني عليك هند: الحمدلله انا بخير اذا انت بخير . تركي: دوم يارب , تعشيتي هند: أي الحمدلله تركي: بالعافيه هند: الله يعافيك .. اخبارك انت وش مسوي تركي: ماشي الحال بس والله مشتاق لك هند: و انا اكثر و حشتني عيونك تركي: متى نخلص و نرجع اااااهـ بس هند: هههههههههه .. يا حليلك يا تروك فديتك والله تركي: اوكي قلبي ما اطول عليك نامي زين وارتاحي واول ما تقومين كلميني اوكي هند: انشااااء الله .. بصحيك الفجر تركي: تغطي زين عن المكيف لا تبردين وتبردين ولدنا هند: على امرك يا الغلا ... تصبح على خير تركي: وانتي من اهل الخير . ****************************************** الخميس... اخيراً جاء اليوم المنتظر و الكل مشتاق لهاليوم .. حاله مشاعل متوتره و اعصابه مشدوده ما تتحمل شئ كله من الخوف و الارتباك , و اغلب اوقاتها اما تهاوش اخوانها الصغار او تكون ساكته ما تتكلم .. بعكس سيف اللي يشوف وجه يقول انه مستانس و حياته حلوه .. الابتسامه شاقه وجهه و طول الوقت رايح و جاي ما يدري وش يسوي . ام نواف تنادي بنتها : مشـــاعل .. مشــاعل مشاعل: نعم ام نواف: تعالي ... اقولك ترا حجزت لك عند الكوافيره هبه ..بتروحين لها بعد المغرب مشاعل: نعم .انا ما ابي هبه هالصالون ما ابيه ام نواف: اجل وش تبين بتقعدين كذا بدون مكياج و تسريحه .. اصحي ترا اليوم ملكتك مشاعل: ادري انها ملكتي بس انا ما قلت لك ابي هالصالون .. ما طلبت احجز فيه ام نواف: هذا جزاتي لاني سويت لك خير على صراخهم دخلوا نواف و احمد جايين من صلاه الظهر نواف: وشفيكم .. ليش الصراخ ام نواف: اختك قليله الادب رافعه صوتها علي علشان حجزت لها تتعدل بالصالون نواف: وشفيك انتي .. هاه مشاعل: فيني مليون شئ .. وانتوا ما تحسون بس تلوموني و تمسكون علي الغلط نواف: هــيه شفيك معصبه .. التفت على امه واحمد ويسألهم _ شفيها من مزعلها ام نواف: محد داس عليها بطرف بس كذا دلع و قله حيا احمد: مشاعل وشفيك مشاعل: ما فيني شئ زين .. اوووف ياربي تركتهم بحيرتهم وطلعت لغرفتها و حالتها قالبه من كم يوم احمد: خلوها يمكن متضايقه شوي ام نواف: ياذا العالم الغريب تسوي فيهم خير ولا يبين بعيونهم نواف: ما عليك منها يمه .. قولي لي وش مسوين ام نواف: كل شئ تمام احمد: زين انتبهوا على الغرف و الاغراض تدرين اليوم البيت بيمتلي بالناس ام نواف: كلهم اهل و قرايب محد غريب مره نواف: و لو .. الواحد ياخذ الحذر احمد: يمه تدرين وش شفنا من الاهل ام نواف عصبت على عيالها بعد كلامهم _ وشفيهم اهلكم .. لا تنسون انهم اخواني يعني مهما صار بيضلون اخواني و خوالكم و الواجب عليكم تحترمونهم احمد: ما قلنا شئ بس برضو لما الواحد ينطعن من اهله ما يأمن احد ام نواف: وشفيك انت الثاني لسانك طال .. هذول اهلك اللي بيوقفون جمبك وقت ما تطيح شافوا الاثنين ان امهم مو مهتمه للي صار قبل و مو ماخذه الحذر وتلومهم لو قالوا الصح احمد: يمه الله يخليك اللي جا منهم يكفي اننا نشك بانهم اهل انا اتكلم مو على الاكل بس على فئه معينه وانتي على نياتك قاعده بينهم ام نواف: ومنهم هالفئه .. قول اشوف نواف: احمد خلاص ماله داعي احمد: الا يا نواف له داعي ونص لمتى بنقعد ساكتين علشان خاطرهم ... يمه اللي مسوي السحر لولدك نواف نواف: احمد انا قلت خلاص احمد: هي ملاك بنت خالتي نوره ... مو مصدقه اسئلي اللي بتسألين ... هذا هو نواف قدامك و اسأليه .. بنت اختك هاللي بازيين فيها طلعت ساحره نواف: هيه انت مجنون ولا فاقد عقلك .. قطع هواش نواف صوت امه و الصدمه حلت عليها ام نواف: وش قاعد تقول انت .. نواف كلام اخوك صحيح ولا لأ .. تكلم تنهد نواف و رد بصوت اشبه بالمسموع : ايه ام نواف: شلون صار كذا ..وليه , البنت قاعده معنا و بيننا معقوله تسوي هالسوات و ليه تسويها احمد: ناقصه تربيه و اهل يقضبونها انا لو اشوفها لا اخرب حياتها مثل ما خربت حياتنا صرخ نواف: خلااااااااااااص ... اسكت وفكنا ام نواف: حسبي الله ونعــ .... حست بالدنيا تدور فيها و الاوكسجين حولها ما يكفيها تتنفس حاولت تمسك باي شئ حولها حتى ما تطيح لاكن ما اسعفها شئ و طاحت مغشي عليها بين عيالها . ************************************************* ام سلطان : هديل قومي .. يكفي نوم يالله فتحت هديل نص عيونها و قالت: يمه تونا اذا جت الساعه 3 قوميني ام سلطان: لا 3 ولا 4 يالله قومي تغدي وجهزي اغراضك لا تنسين اليوم ملكت مشاعل هديل: زين الحين بقوم وتوها بتطلع ام سلطان الا دق جوال هديل و كانت عهود المتصله هديل: يمه الله يعافيك ردي على الجوال و قولي نايمه ام سلطان: عن الدلع ويالله قومي .تلاقينها عهود المتصله لانها قالت لي قبل شوي يوم اكلم جدتك انها بتدق هديل: اجل بكيفها ..ما برد طلعت ام سلطان و راحت تشوف الغدا حتى تحطه لزوجها و عيالها ياكلون وهي للحين ما تدري عن اللي صار لاختها ام نواف . سلطان: السلام عليكم ام سلطان: وعليكم السلام يوم شاف امه تغير شئ بداخله وتذكر كل شئ تالا السوريه و رفض امه لها و فكرته يتزوجها من ورا اهله و تحذير احمد له من هالحركه .. بس علطول طير التفكير من باله و راح لغرفته حتى يبدا ينفذ خطته .. نزل شنطته وجهزها ببعض الملابس و طلع جواز سفره و كل اوراقه و قرر بعد ملكه بنت خالته يسافر و يتزوجها ثم يجيبها و يحط اهله تحت الامر الواقع . *********************************************** مشاعل: طيب شلونها الحين وش قال الدكتور احمد: لا تخافين امي بخير و انشاءالله تطلع بالسلامه مشاعل: طيب بجي المستشفى ابي اشوفها احمد: وين تجين الله يهديك خلاص شوي واخليك تكلمينها مشاعل: طيب .. مع السلامه سكرت منه و دخلت في نوبه من البكاء المستمر تحس انها مذنبه و هى اللي زعلت امها بصراخها و رفعت ضغطها من البدايه .. و زاد على كذا توترها بهاليوم و القلق اللي عايشته ما تدري وش تسوي بلا تفكير مسكت جوالها و دقت على اقرب الناس لها "شمس " كانت شمس توها متغديه و قاعده تزيين اضافيرها فدق الجوال و عرفت بالنغمه الصادره انها مشاعل .. ردت بفرح _ هلا والله بالعروس .. حيالله مشمش ردت مشاعل بصوت كله بكاء و شهقات بسيطه : الوو شـمس خافت شمس يوم سمعت صوتها : مشاعل وشفيتج .. وش صاير لتج مشاعل: امــ ... ما قدرت تكمل و رجعت تبكي و شمس من جهه تهديها حتى تفهم منها القصه .. وبعد دقايق عرفت كل شئ فانصدمت هي الاخيره بالموضوع و حاولت تخفى صدمتها و تفاجئها بالخبر و هدت مشاعل و طمنتها شمس: لا انشاءالله بتطلع بالسلامه ... هدي نفستج يا مشاعل ما صار الا الخير مشاعل: ...... سكوت ما ردت شمس: خلاص يا قلبي روحي غسلي ويهتج و اشربي ماي و عقب كلميني اوكي مشاعل: طيب *********************************************** على العصر الكل درى بالموضوع و دخول ام نواف المستشفى بس ما عرفوا وش السبب .. وملكه مشاعل تم تأجيلها لوقت ثاني حتى تهدى الامور ..الكل راح لبيت ام نواف الا الجده ام خالد و بنتها نوره ام علي راحوا المستشفى . في البيت .. الكل يهدي فيها و يطمنها على امها .. يوم تكلمت ملاك وقالت _ مافيها شئ يمكن ارهاق بسيط و يعدي على خير ما تحملت مشاعل اللي فيها جت هذه الثانيه و زادت عليها فشبت مثل النار مشاعل:انتي بالذات لا تتكلمين , صوتك ما ابي اسمعه مو كافي اللي سويتيه جايه بعد و تسمعيني صوتك ... الله لا يوفقك لا دنيا ولا اخره و جعلك تشوفينه فيك تفاجئ الكل بكلام مشاعل و ما يدرون وش معناه اللي تسويه , حتى ملاك خافت و استغربت من حركه مشاعل معها و هي ما قالت شئ غلط .. وشكت انهم عرفوا شئ عنها وعن سواتها علشان كذا كلام مشاعل جاء قوي ام سلطان: مشاعل وش تقولين وشهالكلام .. البنت ما قالت شئ مشاعل: ما قالت شئ لاكن سوت اشياء ... اللي امي فيه هي السبب و كل اللي صار لنا و صار لاخوي نواف هي السبب اللي ما حسب الكل حسابه دخلت لميس عليهم و توها بتقول السلام الا انتبهت للجو المكهرب بينهم و وجه مشاعل الاحمر و باين عليها العصبيه غير الباقي الخايفين و مستنكرين الموقف قدامهم .. المشكله الاكبر ان دخلتها كانت على صراخ مشاعل و هي تقول _ اللي صار لنا و صار لاخوي نواف هي السبب سألت نفسها من تقصد مشاعل .. اكيد وحده من اهلهم و علطول ربطت اللي سمعته بسحر زوجها فدق قلبها و بان الخوف على ملامحها قالت الخاله ساره: خلاص يا جماعه ما صار شئ .. يمكن مشاعل تعبانه شويه ... تعالي ارتاحي بغرفتك مشاعل: برتاح اذا هذه طلعت من بيتنا ولا اشوف وجهها مره ثانيه ام سلطان: مشاعل وشفيك ... انهبلتي انتي مشاعل: بقولك يا خالتي و الكل يسمعني ولا ني خايفه من احد .. هاللي تشوفينها قدامك ساحره .. و حقيره .. نذله و شويه عليها الموت .. هي اللي سحرت نواف و قلبت حياته و حياتنا و بعد قاعده بيننا مثل البريئه ... و طول عمري مستحيل اسامحها و الله ينتقم منها طبعاً ما ينوصف حالتهم بهاللحظه .. لا صدمه ولا استغراب و خوف و ارتباك .. كل المشاعر الغريبه مرت عليهم .. بعضهم يحس انه يحلم و البعض بان اللي يسمعه نكته و الجو صار اكثر من مكهرب و ساد الصمت و علامات الدهشه و الاستفام على وجييهم .. اما ملاك محط انظار الكل ما تحملت نظرتهم و كلام مشاعل عليها ..فبحركه جنونيه و بدون وعي منها صرخت وقالت _ مو ذنبي.. اللي سويته غصب عني .. من يومي وانا احبه و اموت فيها اتمناه يكون لي و قربي في الاخير تجي هذه << و تاشر على لميس ... في الاخير تجي هذه و تاخذه بكل سهوله ولا كأني موجوده .. تستاهل اللي جاها و جاء له ولكمـ .. كلكم عديمين احساس و ما تفكرون بغيركمـ تطورت مراحل الصدمه الا شئ اعظم بعد ما سمعوا كلام ملاك واعترافها .. حتى مشاعل ما توقعت بيكون هذا ردها .. و لميس الانسانه الوحيده اللي نست نفسها و العالم و كل شئ حولها بس كلام ملاك يتردد في بالها .. و رجع لها الموقف اللي صار في بيت الجده بين ملاك و نواف , هذا اللي يصير قدامها تفسير لكل شئ لاسئلتها و حيرتها .. ما توقعت بتلقى الجواب بهالصوره و بهالوقت . ضاعت الحروف من ام سلطان ما تدري وش تقول وهي تشوف وتسمع هالشئ .. وش تسوي بموقف مثل كذا ممكن يكبر و يزيد .. تبادلت النظرات مع اختها ساره و بنتها هند ولقت لا شئ على وجيهم وهم ايضاً ما يدرون وش يحسون فيه مشاعل: اطلعي برا ... اقولك اطلعي برا يا ... فلتت اعصابها اكثر و نست نفسها .. قربت من ملاك و دفتها بقوه وهي تصارخ بوجهها و تسب اجتمعوا حولها ساره وعهود و هديل يهدونها و يبعدون ملاك عنها كملت مشاعل صراخها : هاللي تشوفينها احسن وافضل منك .. هذه انسانه لها دم وقلب مو مثلك حيوااانــه ... تفو عليك وعلى اللي ما رباك يا بنت الـ... ام سلطان: مشاعل خلاص ... يكفي خلاص ... وانتوا بعدوها من هنا << تقصد ملاك مشاعل: تطلع برا هالحيوانه ما ابي اشوفها ... اطلعي برا خذت اقرب تحفه لها و رمتها قدام ملاك تكسرت و تناثرت اجزاءها بالصاله ...بسرعه مسكتها ام سلطان وقعدتها حتى ما تتهور اكثر و مشاعل بدت تبكي من قلب وجهها كله دموع و صوتها راح من الصياح مالها حيل تتحرك او تسوي أي شئ فقط سندت راسها على كتف خالتها و دخلت في نوبه البكاء اقوى من قبل و شكلها صار يقطع القلب .. وصلت مع لميس و حتى ما قدرت توقف او تنطق بشى .. طلعت من البيت وهي ما تدري وين تروح .. كلمت اخوها يجي ياخذها ..ونست اللي داخل و نواف اللي مع امه بالمستشفى ولا الرجال اللي برا بوضع هم ايضاً مستائيين منه. بعد دقايق هدات مشاعل و هدأ الكــل و كانت ملاك مو موجوده طلعت بعد لميس علطول .. زياده على غرورها و انها مو محبوبه عند الكل بحركتها هذه طاحت من عيونهم و صارت ما تسوى شئ . ********************************************** مِتَىْ نَاوِيْ عَ الوِصَالْ ..!؟ تَرَىْ بُعْدِگ يَا غَ ـالِيْ ..طَالْ .. وصَبْرِيْ ..{ قَرَّبْ} يِصِيْرْ ..,مِنْ المُـحَالْ ..!! مِنْ كِثِرْ { شُوْقِيْ ..! صِرْتْ أَشُوفِگ فِيْ گلْ الطِيُوفْ // وفِيْ گلْ الوُجُوهْ .. صِرْتْ أَشُوفِگ هَذَاْ .., و ذَاگ .., صِرْت أَشُوفِگ .., گلُهُمْ .. مِنْ آَوِلْهُمْ لِـ {[ آَخِرْهُمْ .., هَذَا حَالِيْ .. يَا حَالِيْ [ أَنَا ] .., كان سيف يدور بسيارته في شوارع الخبر .. كل ضيقه العالم بقلبه غير الالــم و القهــر .. ما صدق ان يوم ملكته راح يكون بهالشكل وهو اللي بنتظره من زمان و ياما حلم وتخيل كيف بيكون هاليوم لاكن ما تخيله بهالصوره .. هو هنا ضايق و احاسيسه متضاربه و حبيبته بعيد عنه تتألــم و تصارع تقلبات الزمن . تنهد بقوه وحس ان قلبه بيطلع .. كل فكره يدور بين حالته و بين مشاعل .. بدون تفكير خذا جواله ودق على اخته شمس يسألها عن مشاعل , جاوبته بان حالتها صعبه و صوتها مره رايح فيها الله يعينها . سكر من اخته وزادت ضيقته .. ليته ما دق وسأل ولا جت في باله لاكن هالشئ مستحيل يمر يومه وما تطري هالمشاعل عليه . ************************************************* اخر الليل على الساعه 12 .. كانت هذه اوضاعهم ام خالد قعدت في بيت ام نواف الين ما تطلع بنتها بالسلامه و تداري احفادها وتكون بجمبهم خاصاً مشاعل بعد ما درت الجده باللي صار مع ملاك و التصادم اللي صار . لميس و نواف عم بعض الهدوء في بيتهم .. نواف يحس بحرقه قلب زوجته و ألمـها بعد ما سمعت كل شئ عنه .. و ايضاً لميس قلبها يعورها على زوجها ..على طيبه قلبه و حسن نيته ما خلوه شياطين الانس و اذوهـ .. لو عليها كان تحطه بعيونها وتسكر عليها تحميه من شر الدنيا. سيف مستلقى على سريره و طاير من عيونه النوم .. افكار كثيره تشغل باله خلاااص يحس راسه بينفجر , يبي ينام بس ما يقدر يبي ينسى او يوقف عن التفكير لو ثانيه . ندم .. قهر و حزن مشاعر احتوت ملاك .. تمنت تموت ولا تكون بهالموقف اللي صار اليوم و قدام اهلها كلهم ..وين شموخها و رفعه راسها اللي على الكل الحين صارت ولا شئ مخلينها بينهم بس علشان امها قريبتهم لاكن هي ما تستاهل النظره حتى . لعنت نفسها و حالها و تفكيرها الغبي اللي وداها بداهيه و مشاكل ما توقعتها ابد. ام علي من عرفت السالفه و فعلت بنتها ما تكلمت ولا نطقت بشئ .. كل شئ فيها تجمد لسانها و عيونها و اطرافها ... سمعت وشافت بحياتها مواقف قويه بس مثل موقف اليوم ما فكرت فيه انه بيمر عليها في يوم من ايام عمرها ..رجعت للبيت الجديد اللي نقلوا له و دخلت غرفتها بهدوء ..حطت راسها على المخده و سكرت عيونها . لا هاوشت ملاك ولا تأسفت من اهلها و لاشئ .. الصدمه شلت كل شئ فيها . ام سلطان و بناتها و عهود والخاله ساره للان وهم مستغربين من اللي صار ..هل هو حلم او كابوس ولا وشو بالضبط ..كذا فجأءه من فرحه وشوق ليوم حلو "ملكه مشاعل" تحول الــى حزن وألـــم على الكل . اجل سلطان سفرته شوي لين تطلع خالته بالسلامه و يطمن عليها وعلى عيال خالاته بعدين يروح يشوف امورهـ و يتمنى ان موضوعه يعدي على خير . ************************************************** ** مر يوم الجمعه مثل اللي قبله من برود و حيرهـ و غيرهــا من المشاعر اللي تمر على الانسان بدون ما يحس او يفكر فيها . ************************************************* السبت.. يوم ما ينتسى ولا يغيب على البال , بدايه اسبوع ونهايه حياهـ .. راحه شخص و ضيق اشخاص . ولله الحمد طلعت ام نواف من المستشفى بالسلامه بعد ما ظلت يومين بسبب الانهيار العصبي اللي صابها .. ارتاحوا عيالها برجوعها بينهم و الكل قعد حولها يداريها و يحاول ما يكدر خاطرها . ************************************************** ** دقت ام سلطان على بيت اختها ام علي ..فرد علي وبعد السلام طلبته تكلم امه علي: و الله امي نايمه ام سلطان: نايمه؟؟ الوقت عصر روح قومها الله يهيدكم .. وين اختك علي: انشاءالله دقيقه بس ام سلطان: شوف قومها وقولها تدق علي اليوم ضروري ..لا تنسى علي: انشاءالله خالتي .. مع السلامه راح لغرفه امه ودق الباب .. انتظر شوي ما جاه رد فــ فتح الباب و لقاها نايمه بالفعل , قرب منها و يناديها بهمس علي: يمه .. يمه قومي ..يمه هز كتفها علها تقوم لاكن ما ترد و كرر يناديها _ يمه قومي الساعه 5 قرب المغرب ..يمه نغزه قلبه بجمود امه فطلع بسرعه ينادي ملاك و جت الاخيره للغرفه تقوم امها ملاك: يمه ... يمه قومي ترا الوقت عصر هزتها ما ردت و التفت على علي لقت الخوف بدا يحتوي ملامحه علي: وشفيها ما ترد ملاك: ما ادري مسكت ملاك معصم امها تجس النبض و ما حست بأي شئ و دقات قلبها ما تسمعها .. ملاك: شغل السياره بنوديها المستشفى علي: المفتاح مو معي ابوي خذاه و طلع ملاك: وقف أي تاكسي أي شئ لازم نوديها الحين . وصلوا لاقرب مستشفى بعد ربع ساعه و طاروا فيها على الاسعاف و قاموا الممرضات بالامور اللازمه من قياس ضغط الدم و مستوى السكر و نبضات القلب .. فـ علطول دخلوها لغرفه خاصه و دخل الدكتور يشوف حالتها . ملاك و علي برا ينتظرون الدكتور يطمنهم على امهم علي: كلمت ابوي ما رد ملاك: حاول مره ثانيه .. قوله يجي بسرعه علي: ما رد بكلم خالي خالد وبعد دقايق جا ابو عبدالله لعندهم و طمنهم انشاءالله تكون بخير .. طال انتظراهم برا الغرفه و مر الوقت ببطئ و لا خبر من الدكتور .. زاد التوتر و الارتباك بقلوبهم .. يارب استر . ************************************************** سلطان: أي اخوي مقعد واحد لسوريا .. الله يعافيك لو في بكره احجز لي تم حجزه لسوريا يوم الاحد .. بعد ما تطمن على اهله و ان ملكه مشاعل للحين ما تحددت مره ثانيه فانتهز الفرصه وقال بيسافر و يكسب الوقت . توه مسكر التلفون ..طالع الساعه لقى الوقت قرب اذان المغرب فقام يتجهز للصلاه .. الا دخلت عليه هديل بقوه هديل: ســـلطااان ارتاع سلطان من دخلتها عليه بهالشكل وقال: وشفيك طايره ... خير انشاءالله هديل بصوت يهتز و نفس سريع : خالـــتي نورهـ .... ************************************************** *** ( كل نفس ذائقه الموت) " إنــا لله و إنــا إلــيه راجعون" حل الحزن الاعظم على الكل و ضاقت الدنيا بعيونهم .. تمت مراسيم العزاء و الواجب عليهم لمده ثلاث ايام .. الكل كان يترحم على ام علي و يطلب من الله يغفر لها ذنوبها و يغمد روحها الجنه و يصبر عيالها و اهلها . كذا في غفله الناس و لهوهم في الدنيا فارقت الحياهـ ببساطه و ما سمحت للي حولها يحسون بهالشئ .. الكل بكى عليها و حزن الا هي .. ملاك .. بنتها بكت عليها و على نفسها و على وضعها المحزن كيف راحت امها بهالوقت وتركتها تعاني بالدنيا و تكمل حياتها بين الناس بين الطيب و الشري . راحت بلا عوده لو في الخيال .. راحت بدون ما تودعهم ولا نطقت باي كلمه وصيه او اسف او تحذير .. راحت وحنا وراها رايحين بيوم من الايام . الله يرحمها و يرحم اموات المسلمين و الاحياء . ************************************************** ** بعد اسبوع من اللي صار هدت الامور نوعاً ما .. وصارت الجده ملمه باحفادها زياده على عيال ولدها خالد صارت تهتم بعيال بنتها المرحومه و تسأل عنهم رغم اللي صار .. في احد الايام ام خالد قاعده مع ولدها تتقهوى و فتحت معه هالموضوع ام خالد: اقولك ودي اخذ ملاك و علي للعمره , يرتاحون شوي بعد اللي صار و يدعون لامهم ابو عبدالله: ما يخالف متى تبين احجز لكم ام خالد: باقرب وقت كلها يومين نعتمر و نرجع علطول ابو عبدالله: انشاءالله اكلم المطار و احجز لكم 3 مقاعد اجل نزلت ساره على اجتماعهم و درت بسالفه العمره فحبت تروح معهم تعتمر و تتقرب لربها اكثر وتطلب الرحمه و المغفره ابو عبدالله: اجل 4 مقاعد يصير خير . ام خالد: الله يعطيك العافيه .. و الله يسهل علينا وعلى هالعيال راحت امهم وتركتهم بزحمه الناس و الدنيا ساره: الله يرحمها الكل: امين. ************************************************** *** بوفاه ام علي ما قدر سلطان يسافر و راحت عليه الرحله لاكنه ما يأس و للحين الفكره في راسه , حجز ليوم قريب ليروح و تمنى ان ما يصير شئ يخرب عليه سفرته هالمره . .. هل بتعدي الأمور و يقدر يســافر و لا لأ .. ؟!؟ ************************************************** ***** ثاني يوم .. بعد المغرب تجهزت ام نواف و مشاعل للضيوف اللي بيزورونهم وهم ام سيف و بنتها شمس ..حبوا يسلمون عليهم و يتطمنون على ام نواف بعد ما طلعت من المستشفى وبعد وفاه اختها . ام نواف: حيالله من جانا .. عاش من شافكم ام سيف: عاشت ايامتج عيوني .. شلونتج وشخبارتج انتي و العيال عساكم طيبين ام نواف: بخير كلنا تمام الله يسلمك انتي طمنيني عليك وعلى العيال ام سيف: بخير دامكم بخير .. ومن جهه ثانيه مشاعل و شمس ماخذتهم السوالف بعد ما خذوا اخبار بعض ولان لهم فتره طويله ما شافوا بعض كل وحده متحمسه تسولف و مشتاقه تسمع الثانيه. ما حاولت مشاعل تجيب طاري سيف لانها منحرجه مررره منهم و حتى كانت هاديه على غير العاده .. أمــا شمس ما لاحظت تغيير مشاعل و حياها اليوم نست نفسها و خذتها السوالف و الضحك و باين عليها انها مرتاحه واخيراً غيرت جو الطفش في البيت ولقت من يتكلم معها و يضحك . ************************************************* من يوم ما درى سيف بروحه امه واخته لبيت الحبيبه وهو قلبه طايــر و تفكيره بعييييد .. مهند: يا الووووو .. وين رحت ترانا هنا سيف: معك ياخي وشفيك تنافخ والله اسمع مهند: واضح انك معي تدري حتى عيونك تهوجس سيف: هههههههههههههههه الله يرجك اول مره اسمع عيون تهوجس مهند: يعني نظراتك مو مستقره و ملامحك تتغير بالثانيه ميه مره كانك مجنون يسولف مع نفسه سيف: أي والله مجنون .. انجنيت بعد ما عرفت هالبنت .. مهند: الله يعينك اجل ... تراني جوعان ابي اكل شئ اطلب لي لا هنت سيف: ولا يهمك اطلب لك لو تبي سياره من الصومال .. انت امر بس مهند: هههههه لا سياره من الصومال مشكور ابي شئ يملي معدتي وطلبوا لهم شاهي مع كروسان بالجبن حاااار الجبنه تسيح منه و ريحته تفتح النفس . ************************************************** *** في بيت ام سلطان .. بالمجلس تركي و هند هند: ههههههههاااي من جدك ولا تمزح تركي: امزح اكيد , عاد تخيلي تركي سواق باص و الله لاصير نكته وخاصه عندك هند: هههههه يا حلوك وياحلو سوالفك ضحكتني تركي: طالع عليك حلو .. الا تعالي لا تنسين ولدنا تراني جاي اتطمن عليه هند: لا ما نسيته , هو وابوه بعيوني .. الله لا يحرمني منهم تركي: امين وما يحرمنا منك يا الغاليه هند: قلت لك لو طلع ولد بسميه فيصل ولو بنت حور تركي: لا لا لو بنت بسميها شذى اما الولد مثل ما تبين فيصل .. فيصل هند: لا حور تركي: نسوي قرعه ونشوف هند: خلاص موافقه عاد ان طلعت حور ترا خلاص ما اتراجع تركي: من قالك بتطلع حور .. بتكون شذى يعني شذى هند: حور تركي: شذى شوي دخل سلطان وشافهم متحمسين بهالموضوع وشكلهم يضحك سلطان: السلام عليكم الكل: وعليكم السلام تركي: هلا سلطان شلونك .. شلون الاهل انشاءالله بخير سلطان: الله يسلمك كلنا بخير و صحه و عافيه بشرني عنك اخبارك تركي: ماشي حالنا . سلطان: دوم انشاءالله ... اشوفكم متحمسين وش الطاري تركي: بالله عليك من احلى حور ولا شذى هند: مو حور احلى .. قول ايه سلطان:مممممممممممممم و الله تبون الصراحه الصراحه الكل: أي سلطان: الصراحه موضي احلى تركي:جاء يكحلها عماها هند: حرام عليك .. موضي هذه بنتك في المستقبل انا بنتي حور شيخه الكل تركي: تقصدين شذى هند: لا حور سلطان: خلاص لا حور ولا شذى , سووا قرعه و اللي يطلع اختاروه هند: هذا اللي بنسويه تركي:يالله اجل حجره ورقه مقص هند: لا والله هذه ما تصلح بجيب ورقه وقلم نكتب و سلطان يختار تركي: زين يالله قامت هند علشان تجيب الورقه و القلم ويكتبون الاسمين واللي يختاره سلطان لثلاث مرات هو اللي يصير اسم البنت .. نواف يصوت على لميس و يستعجلها نواف: لموووو يالله تاخرنا لميس: هذاني خلصت بس احط الروج نواف: روج ..مناكير .. صبغه ..عليكم خرابيط تدوخ الراس طلعت لميس و ماسكه بيدها الشنطه و العبايه _ يالله خلصت التفت نواف عليها و تفاجئ بشكلها الحلو ..طالعه غييير نعومه مره وكأنها بنوته صغيره و انيقه جداً .. طارت الحروف و الكلمات يوم شافها و نسى نفسه بهالاميره اللي قدامه لميس: نونو ..شفيك اقولك خلصت نواف: فدييييتكـ .. احمر وجهه لميس من نظراته و كلمته .قالت: ههههههه خلاص نونو يالله لا نتاخر نواف: دقيقه لا تلبسين العبايه .. تعالي اقعدي شوي ابي اكحل عيني بهالحلى لميس بدلع : نواااف خلاص عاد قام من الكنبه وسحبها من يدها حتى تقعد جمبه و يتامل في جمالها و يشبع من ريحه عطرها الخيالي . لو يقولوا انتي حلوه جاوبيهم ذي قديمه لو يقولوا انتي روعه قولي ادري بس قديمه ************************************************** ***** ثاني يوم زارت ام سلطان لبيت اختها عبير ام نواف تسلم عليها و تغيير جو .. بين السوالف فتحت معها سالفه سلطان و طلبه للزواج من وحده سوريه تعرف عليها بسفرته ..و قالت لها انها رفضت هالفكره و قررت على امر حتى تحمي ولدها و وافقتها ام نواف خصوصاً ان الشئ اللي قررته زين للكل وما بيضر احد باذن الله . ************************************************** | ||||||||
|
| |
|
17-09-14, 07:49 PM
| #30 | ||||||||
| مراقبة عامة ومشرفة منتدى الروايات المنقولة
| الجزء(32) .. و الاخير انتشر خبر خطبه سلطان و عهود في العائله و الكل بارك لهم و تمنى لهم الخير .. في غرفه عهود قاعده في احلامها و للان مو مصدقه اللي صار , ما عمرها طرى على بالها ان سلطان بيخطبها او يفكر فيها .. يوم قالت لها جدتها ما صدقت و حسبتها تمزح بس شافت ان الامر جد و السالفه صدق سلطان خطبها و يبيها على سنه الله و رسوله .. بالاصل مو هو اللي يبيها الا مجبور و مغصوب عليها .. وافقت بعد ما استخارت و دعت ان كان الامر فيه خير يسير لها ربي .. و بموافقتها فرحوا الكل الا سلطان كرهها اكثر و ما صار يطيق شئ بحياته .. يتمنى يصير أي شئ ولا يتزوج عهود . وهي بين احلامها و افكارها دق جوالها و كانت مشاعل المتصله عهود: هلا ميشــو مشاعل: السلام عليكم عهود: وعليكم السلام .. اخبارك مشاعل: تمام انتى كيفك وش مسويه عهود: بخير الله يسلمك مشاعل: عهود .. غريبه هاااديه وش الطاري لا يكون علشان فارس الاحلام عهود: ههههههه ..يمكن , تدرين مشاعل مو مصدقه اللي صار احس اني احلم مشاعل: لا تحلمين ولا شئ .. السالفه حقيقه و بعد فتره بتملكين و تصيرين عروسه عهود: ااااهـ بس و الله احساس حلو لما تدرين ان في واحد يفكر فيك ويبيك له مشاعل: وانتي الصادقه .. المهم وش عندك الحين عهود: ولا شئ افكر مشاعل: اوكي خلي عنك التفكير و قومي البسي الحين بمرك نطلع للصالون بسوي البروفه حقتي , تدرين ما بقى الا يومين على العرس وبمر السوق عهود: ولا يهمك .. ثواني و انا انتظرك عند الباب.. بقول جدتي اول مشاعل: يالله اجل .. see u *********************************** في بيت أهل سيف .. الوقت العصر قربُ المغرب .. دخل سيف فرحان وسلم على امه و اخته سيف: وين الغالي ما أشوفــه ام سيف: المسكين للحين بالدوام اليوم عنده شغل كثير ... طمني عليك شلونك سيف: بخير يا الغاليه .. مريت العمال و الحمدلله خلصوا الدور الاول باقي الثاني شمس: حلوو يعني متى يخلص ؟ سيف: امممممم و الله بالضبط ما ادري بس يمكن على السنه الجديده ام سيف: لا انشاءالله يمديكم بدايه زواجكم اسكنوا بشقه على قدكم و لا خلص البيت يكون صرتوا عائله شوي كبيره سيف: اااهـ و الله ارتحت يوم خلص الدور الاول .. ما بقى الا شوي و الحمدلله شمس: من قدك يا سيوف العروس و خلصنا ... هههههههههههههه تبادلوا بعض السوالف يتخللها الضحك و الراحــه .. شوي دق جواله بنغمه معينه لـمشاعل .. فقام علطول يبعد عن اهله حتى يرد عليها سيف: عن اذنكم شمس: ياهووووووو ... ارحمونا يا العاشقين التفت عليها سيف و هددها بيده يا ويلها لو قالت كلمه ثانيه . ام سيف: ههههههه يا حليله هالسيف .. الله يوفقهم يا رب و الله مشاعل بنت حلال و اهلها ناس ما عليهم كلام شمس: وانتي الصادقه . ******************************************** في مكان اخر .. ساره قاعده لحالها تهوجس و تفكر .. تشوف حالها و كيف صارت للان وهي مثل ما هي , و عيال خواتها كبروا و حظهم جاء معهم و كل واحد تزوج و كوََن حياته الا هي .. يرزق الله من يشاء بغير حساب , تنهدت من قلبها و حمدت ربها على الحاله احسن من غيرها على الاقل حولها اهلها امها و خواتها و لها وظيفتها وفي غيرها اردى من حالتها . دنيا مشاكلها على كل موال كلن على همه من الوقت يشكي *********************************************** في هالوقت بعد المغرب الجميع طالع من بيته للسوق ياخذون اخر الاغراض قبل العرس مشاعل و امها و عهود .. ام سلطان و هديل .. دخل سلطان البيت بعد ما غاب كم يوم .. و ما لقى احد الا هند سلطان: السلام عليكم هند: هلا و عليكم السلام .. عاش من شافك سلطان: عاشت ايامك ... وينهم ما اشوف احد هند: طلعوا السوق انا ما رحت احس اني تعبانه و تعرف هديل تفر السوق فر سلطان: ماشاءالله عليها .. متى عرس مشاعل الاربعاء ولا الخميس هند: لا الاربعاء.. اخبارك انت وين كنت لك كم يوم مختفي سلطان: كنت بمزرعه واحد من الشباب ابي ارتاح شوي من هموم الدنيا هند: يا ابن الحلال لا تكبر الموضوع .. أي هموم و أي خرابيط .. وعسى ان تكرهوا شئ و هو خير لكم , ترى شور امي زين و البنت ما عليها كلام بتسعدك بحياتك سلطان: ليش ما شاورتني من قبل و علطول خططت لحياتي هند: خافت عليك لا تروح تاخذ اللي ما تبيها .. ترا امي تبي مصلحتك يا سلطان سلطان: ما قصرت يوم انها تبي مصلحتي .. بس لو قالت لي كان بوافق و اتزوج وحده من اختياري مو هي تختار هند: يعني ممكن تاخذ وحده بس غير عهود سلطان: أي .. هند: لو ندري من قبل كان ما خطبناها لك , و الحين لو قلت لامي هالكلام ما اتوقع بتردها بتقول هذه بنت اخوي و فشله اقولهم هونا عن بنتكم سلطان: استغفر الله العظيم ... هند: لا تشيل هم .. انشاءالله تتوفق بحياتك وترتاح معها , صدقني عهود ما تنعاب بنت يا حليلها طيبه وعلى نياتها سكت سلطان يفكر بحالته و كلام اخته .. يمكن صحيح يرتاح معها و تمشي حياته براحه و بعيد عن المشاكل .. الله يستر من الايام الجايه . ************************************************** * في احد محلات البلياردو كانوا الشباب مجتمعين احمد , سعود , علي و عبدالرحمن سعود: و الله لا خسفكم انت وياه تشوفون هنا ما في لعب بزران احمد: نشوف يا حبيبي ان فزت علي لك اللي تبيه سعود: لا تتهور ترا بفوز و اورطك .. ما تعرفني زين احمد: اسمعوا يا عيال .. الكل شاهد علينا اوكي علي: شاهدين ونص ابدوا بس خلصونا بدوا يلعبون الاثنين احمد وسعود و كل واحد يتحدى الثانـــي , و علي و عبدالرحمن ياكلون و يتفرجون عليهم في نهايه اللعبه فاز احمد و صفق الكل احمد: هااااه وينك يا بطل وييييينك ههههههههه , هذا اللي بيفوز علي: انا ما اقدر على الثقه يا سعووود لا ارحمنا سعود: يالله بس مناااااك , انا رحمتك علشان كذا خليتك تفوز ناظر احمد في علي و عبدالرحمن و كلهم بوقت واحد ضحكوا من قلب , وسعود مرتفع ضغطه وده يفلقهم بالعصا سعود: خلاص انت وياه يالله اطلب وش تبي وخلصنا احمد: لا لا انا ما اطلب شئ الله ما قصر علي من خيره .. لو تبون اعشيكم لاسبوع ابشروا عبدالرحمن: ااااااي يا حميد .. سعود: اسكت بس تشجعه عشانه اخوك , لا يكبر راسكم انت وياه ... انا بعد لو أأشر على شئ يجيني ابوي من جهه وامي من جهه احمد: يا شين التقليييد .. ولا يا عيال ؟! عبدالرحمن: خخخخخخخ من جد كان علي ساكت ما تدخل معهم بالحديث خاصا يوم جابوا طاري ان أي شئ يبونه يجيهم .. حس انه غريب عنهم ومختلف . هذا سعود امه وابوه حوله , واحمد وعبدالرحمن امهم معهم وابوهم البعيد مو مقصر معهم بشئ , الا هو ابوه يالله يلحق نفسه و امه راحت وتركتهم بهالدنيا الله يرحمها .. ضاق صدره على حالته و وضعه بين الناس ... قطع عليه سرحانه صوت عبدالرحمن وهو يناديه _ يالله علي طالعين للمطعم , ولا ما جعت علي: يالله جاي . ************************************************** ** في السوق ... مشاعل: يمه هالمحل خايس ما في جزم حلوه .. تخفيضات ع الفاضي ام نواف: انتي دخلتيه وشفتي .. امشي عهود خلك من ذي الدلوعه جايين السوق علشانها و تتشرط بعد دخلوا المحل و شافت مشاعل جزم حلوه ما توقعتها و قعدت تقوس وتشوف اللي يناسبها ام نواف: هاه هذا هو الخايس اشوفك تقوسين الجزمه مشاعل: لا في بعضهم حلوين ام نواف + عهود: ههههههههههههههههههاااي عهود: منتي صاحيه وربي مأثر عليك شئ ام نواف: الله يعيننا لا تزوجت ****************************************** في السوق الثاني ام سلطان: يالله انتي خلصينا ترا تاخرنا هديل: لحظه .. ما بطلع لين اخذ التنوره .. ونفس اللون اللي ابيه ام سلطان: ياربي منك بتلقين وحده احسن منها .. يالله امشي هديل: يمه دقيقه طلع راعي المحل المصري : اعزريني يا فندم مفيش مقاسك و اللون اللي عوزاه كبير ام سلطان: يالله اجل مشينا هديل: يمه دقيقه ... اجل عطني المقاس الكبير و نفس اللون انا بتفاهم معها ام سلطان: وش بتسوين المقاس كبير عليك هديل: الله يعافي الخياطين بوديها عند الخياط يضيقها ام سلطان: ترا بيخربها لك .. هذاني علمتك هديل: لا انشاءالله .. مو اول مره اسويها .. خذت التنوره اللي تبيها و حاسبتها , مستحيل هديل تدخل محل وتشوف شئ يعجبها وتخليه لازم تاخذه و لو مو على قدها تتصرف فيه . مر الوقت و كل"ن" رجع لبيته يتعشى وينام .. ************************************************** ***** عدى اليوم الثاني و اللي بعده حفل زواج العاشقين سيف و مشاعل .. في قاعه القصيبي الكل واقف على رجوله , اللي يروح يسار و اللي يروح يمين .. اما مشاعل بالغرفه تحط لها الكوافيره اللمسات الاخيره و البنات كل شوي داخلين عندها يشوفونها وش مسويه مع التوتر و الخوف هند: ياهوووو اش اش الجمال .. اخاف يشوفك سيف يخطفك ويركض فيك مشاعل: هههه من جد طالعه حلوه .. ولا فيني شئ مو مره هند: لا كلك على بعضك حلوه .. صدقيني شكلك يهبل لا تخافين اهم شئ رزي عمرك و لا عليك مشاعل: الله يستر .. وش تسوون برا هند: ابد المعازيم جوا .. و البنات يرقصون كل العالم مستانسه و تنتظر تشوفك دخلت عليهم شمس .. شمس: مرحبا الكل: هلا بك شمس: لا اله الا الله طالعه تهبليييييييين يا عمري والله مشاعل: ههههه تسلمين .. اكيد حلوه شمس: رووعه ما شاءالله هند: هههه كل ما دخل احد عليها سألتها حلوه ولا لأ شمس: الله يحفظتج انشاءالله ... اسمعي ترا سيف بيدخل الحين علشان تصورون مع بعض.. عقب كذا تنزفين مشاعل: يوء .. الحين شمس: يعني بعد شوي بس جيت اقولتج .. مشاعل: كم الساعه هند: اممممم ... الساعه 12 و نص .. مشاعل:يعني باقي نص ساعه .. الله يستر شمس+ هند: هههههههههههااااي شمس: وبعدها يطير بتج الحبيب استحت مشاعل و ضربات قلبها زادت و شوي بتطلع .. تركوها وراحوا برا يشوفون جو العرس . ************************************************ عند الرجال .. قاعد سيف بينهم وكل شوي ينزل عينه على الساعه يشوف كم باقي ويقوم لعند قلبه يشوفها .. تنهد و بعثر نظراته بين الحضور و شافهم منهمكين يسولفون و غيرهم يرقص ولا عليهم من شئ.. ما دروا عنه وانه قاعد على اعصابه مشتاق للحبيبه . يوم خلصت الاغنيه و وقفوا الطقاقين .. قرب منه احمد احمد: هاه اخبار عريسنا سيف: بخير احمد: زين .. ترا شوي و تدخل علشان تصورون قوي قلبك سيف: ااااهـ .. الوقت يا بطئه .. مشتاق لها و الله احمد: نعم .. وش قلت انتبه سيف لنفسه و انه قال شئ غلط : احم لا سلامتك .. احمد بابتسامت خبث : اوكي انا رايح اشوف المعازيم سيف: الله يعطيك العافيه . ************************************************** ****** في صاله الحريم .. الكوشه زحمه و العالم كلها قامت ترقص على اغنيه " الحب خالد" و المطربه تشجعهم ... عاااشووو .. عاااشووو.. الحب خالد و حبي لك خالد وباقي للي احبه و احب دار"ن" سكن فيها عليهم يا احمر << تقصد هديل , وهي ما صدقت و كبر راسها محد قدها ذكروها بالاغنيه .. مره اشكالهم حلوه و صوت الطق و الاغنيه تحمس و تربش القلب .. غير الوان الفساتين واشكال الحريم اللي تخطف القلوب و كل وحده احلى من الثانـــيه .. مر الوقت بسرعه مثل ما تمنى سيف .. خلصوا التصوير اللي خلى مشاعل مو بس مستحيه الا في قمه الحيا من قربها لسيف و المصوره طلبت منهم حركات يسوونها حتى تكون الصوره حلوه , فانحرجت مررره و سيف طار عقله و ما صدق على الله .. زفوها على موسيقى هاديه و قصيده غزل و مدح فيها باسلوب راائــع بصوت شاعر معروف .. و يوم دخل سيف انقلبت موازين الحريم بشكله الجذاب و الرزهـ .. كل وحده مطيره عيونها فيه و تفصفص شكله من تحت لفوق و هو مو يم احد عيونه مصوبه قدامه على اللي قاعده بوسط الكوشه كأنها البدر .. حس ان الطريق طويل حتى يوصل لها و الدرج مرتفع .. يارب متى يوصل وكأنه ما كان معها قبل شوي يصوورون , صدق هالمشاعل جننته . إن كان{ ليلي} يقتل {الشمس} بالهون فأنت [ النهار ] اللي بليلي بقى حي ما أبيك تسأل{ كيف} أنا أحب وشلون... ؟ الحب كله أنا{ أشوفه} فيك شوي يكفي أشوفك "كل شي" بهالكون ويكفي أشوف {الكون} "بدونك" ..{ولا شي}~ الساعه 3 الفجر و القصر شبه فاضي .. راحوا المعازيم و ما بقى الا اهل العرس يضبون اغراضهم و يروحون لبيوتهم يرتاحون بعد التعب الشاق .. و المعاريس بدنيا ثانيه ناسيين وين هم فيه و من هم اصلاً .. سيف تقريباً فقد عقله و صار مسحور و مسير لمشاعل .. وهي انواع المشاعر اللي تحتويها بالدقيقه حتى ما تنوصف ومالها معنى .. يااااهـ من ذا الحب .. وربــي عذاب بس حــلو . ************************************************** ** بعد اسبوعين من هاليوم .. و المعاريس يقضون شهر العسل نصه بتايلند و النص بــالهند رجعوا للشرقيه و هم مشتاقين لاهلهم .. بدت الدراسه سنه جديده و بعد فتره بدا شهر رمضان الـــكريم و تغييرت الاجواء عند الكل صيام وعباده وراحه نفسيه كله بفضل الله .. في احد الايام .. في رابغ تسبحت هند بعد التراويح و توها بتطلع من الحمام الا بلحظه زلقت و طاحت بقوه على الارض ... بالصاله سمع تركي صرختها , رمى اللي بيده و ركض لها تركي يدق الباب: هند ... هند افتحي الباب وشفيك صوت هند من داخل تتألم و تتأوهـ زاد الخوف في قلبه و دق بقوه : هند الله يخليك افتحي الباب .. هند وش صاير هند: تـــركي ... ااااهـ ظهري تركي: تكفين افتحي الباب تسحبت و حاولت تقرب من الباب حتى تفتحه , و علطول دخل لها تركي و وجهه اصفر من شافها منسدحه على الارض و باين ان طيحتها قويه . شالها و طار بها على اقرب مستشفى حتى يشوفها الدكتور و يتطمن على حالتها و حاله الجنين . ********************************************** في الخبر .. شقه سيف و مشاعل سيف: حبيبتي مشاعل: هلا و الله نور البيت سيف: منور فيتج يا روحي .. وش تسوين مشاعل: ولا شئ .. اتصفح بكتاب الطبخ , ابي اسوي لك بكره شئ حلو سيف: يالبى قلبتج .... لا تتعبين نفستج الوالده عازمتنا بكره نفطر عندها مشاعل: اهااا .. الله يعطيها العافيه .. بس حتى لو ما يصير نروح ويدينا فاضيه سيف: انا ما علي بدخل و يدي شايلتج ... عاد انتي دبري عمرتج مشاعل: ههههههههههه ... حلوووهـ هذه سيف: دوم الضحكه يارب .. شرايتح نطلع نتمشى برا و نتسحر , الجو حلو مشاعل: اوكي ... بس ما نبي نقعد نمشي شوي بالكورنيش احس اني ثقيله سيف: ولا يهمتج نمشي و نتسابق بعد مشاعل: ههههههههههه الا هذه ما اقدر . ************************************************** نرجع لتركي و هند .. في المستشفى الدكتور : الطيحه كانت قويه .. و صار اللي خفنا منه تركي بحذر: وش صار يا دكتور .. قول الله يخليك الدكتور: السيده بخير بس الجنين راح الله يرحمه دارت الارض من تحته و اسود الجو من حوله , رمى بنفسه على اقرب كرسي وراه و فك ازاريــر ثوبه لان الاوكسجين قل و يحس ما يقدر يتنفس ابد .. شلون كذا نور عمره راح يعني الحين لا فيصل ولا حور او شذى .. يالله وش هاللي طاحوا به .. بعد فرحه و سعاده جاهم خبر موت الجنين ولدهم راح و راح معه شوقهم له . تطمن على حال زوجته , وكانت منسدحه على السرير و الجهاز بجمبها يقيس النبض و الضغط .. بدون ما يفتح فمه عرفت هند باللي صار و كان كل شئ واضح بعيونه .. بكت هند بكت و بكت , وتركي بجمبها يبكي بصمت و بحزن و يحاول يهديها , ما يقدر يشوف قلبه يبكي و بحاله حزن تكسر الخاطر .. انتهى يومهم على هالحاله .. الحزن اسرهم والدموع لازمتهم طول الليل . ************************************************* مر الشــهر سريع , و دايماً الايام الحلوه تمر بسرعه .. حددوا ملكه سلطان وعهود في العيد و الزواج بعدها باسبوع . فرحت عهود و تخللت فرحتها خوف من المستقبل و توتـــر .. اما سلطان بهالخبر لا فرح و لا تضايق صار الوضع عنده عادي و مثل ما هم خطبوا له خلاهم يحددون ملكته و زواجه على هواهــم . و ايضاً انتشر خبر هند و تضايقوا لاجلها .. خاصاً ام سلطان مرررره تضايقت على بنتها و حالتها حست فيها و بشوقها بالولد لاكنه راح و رجع كل شئ مثل ما كان . ************************************************** * كـــل عام وانت بخـــير عيدكمـ مبارك .. عساكـــــم من عواده هذه الكلمات و العبارات اللي كانوا الناس يتبادلونها تعبيراً عن فرحتهم وسعادتهم بقدوم عيد الفطر .. عند سيف و مشاعل احلى و اروع عيد لانه اول عيد يقضونه سوا مع بعض .. صباحه غير و ليله اروع .. كل يوم عن يوم يزيد حب سيف للقمر و مشاعل تنبهر من سيف و تمووت من حنانه اللي محتويها به . عهود اكثر منهم فرح بقرب ملكتها و زواجها .. صارت محتاسه و تدور تجهز لنفسها جدتها و خالاتها يساعدونها و كأنها بنتهم .. ما قصروا معها بشئ و هي المسكينه تغيرت فجاءه وعقلت مدري ليه معظم وقتها سرحانه في احلامها و كل شئ داخلها يصرخ فرحان . تركي و هند .. حاولوا يطلعون من حالتهم الكئيبه شوي .. و الحياه ما وقفت على كذا , الحمدلله قامت هند بالسلامه و بقت لزوجها تكمل حياتها معه وانشاءالله ربي بيرزقهم بالذريه الصالحه و يعوضهم .. سافروا للشرقيه عند اهلهم حتى يعييدون معهم و يطلعون من الحزن اللي عاشوه لفتره. سلطان هالعيد عنده عااادي و كل ما خلص يوم ينقبض قلبه و يزيد خوفه لقرب يوم ارتباطه بعهود رسمي .. يناظر الشمس و السماء يشوف كيف هي الدنيا غريبه ..مرات حلوه ومرات مره .. كل شئ حوله جامد ما يعبر عن شئ و اكيد هالجوامد تحس من داخلها و كاتمه مشاعرها في جوفها . ملاك و اخوانها ببدايه العيد رجعت لهم الذكريات و الالام .. تذكروا امهم ... نبض قلبهم ونور حياتهم .. هالعيد بيقضونه بدونها و بعيد عنها وما اصعب الاوقات الحلوه بدون الانسان الغالي ما اصعبها . نهايه رمضان راحت لميس للمستشفى تحلل دم وتكشف بعد ما حست بارهاق وتعب و دوخه و كانت نتائج التحليلات ثالث يوم العيد فزارت الدكتوره مع نواف حتى يتطمنون. الدكتوره: اهلين اختي لميس شلونك عساك بخير لميس: بخير الله يسلمك ... الدكتوره: ارتاحي اشوفك مرتبكه لميس: الله يسلمك .. خايفه من النتائج بشري يا دكتوره ابتسمت الدكتوره و قالت لها : الف مبروك النتائج تقول بانك حامل .. مبروك اختي عمت الفرحه حياه لميس و ما تدري وش تقول او كيف تعبر عن فرحتها المفاجئه _ الله يبارك بعمرك .. و الله مو مصدقه يعني انا حامل الدكتور: الحمدلله .. و الله يسهل عليك لميس: الحمدلله .. مشكوره دكتوره الله يعطيك العافيه بعد ما خذت ورقه الموعد الجاي طلعت طايره عند نواف اللي واقف عند الباب و يده على قلبه نواف: هاه بشري انشاءالله خير تجمعت دموع الفرح بعيونها وقالت : انا حامل طير نواف عيونه من المفاجئه الكبيره و ارتسمت على وجهه ابتسامه متررده : احلفي .. من جد لمو انتي حامل لميس: أي وهذا الموعد الجاي مسك يدها و هو يرتجف من الفرحه , وده يصرخ : مبروك يا قلبي الف مبروك لميس: الله يبارك فيك يا دنيتي و اخيراً بيصير عندنا نونو صغير نواف: تعالي .. والله لا اهديك احلى هديه و احلى مفاجئه طاروا بسرعه لسيارتهم من الفرحه و نواف ما يدري شلون بيسوق .. كل شوي يلتفت على لميس اللي بجمبه و يبتسم يحس انه اسعد واحد بالعالم كله .. اخيراً بيصير ابو و بيكون عنده نونو صغير يملي عليه حياته. ************************************************ بهالفتره تزوج ابو علي بوحده كبر بنته ملاك و جابها للبيت تعيش معهم .. و علاقتها مع ملاك رسميه مررره و ما بينهم شئ غير بعض الكلمات و الطلبات .. و صارت ملكه سلطان و عهود بوسط فرح العائله و وناستهم الا سلطان فقط اكتفى بابتسامه باهته للمجامله حتى معاملته مع عهود جداً عاديه ..ولا كأنه مشتاق لها .. تجين نحكي لـ السماء قصّة النور .......... ونعيد ترتيب المسا والأغاني ! وأصوّرك في وسط هالقلب عصفور .............. عيّا يطير إلا بوسط المحاني وآقول أحبك والهوا فيني يثور .............. وإنتي تقولي : كيف تسرق لساني ؟! يافتنة إحساسي وأنا فيك مغرور ............ هاتي يدك بأوقّف أم الثواني ************************************************** ******** تركي: عمري .. قلبي هنوده هند: هلا تركي: شلونك .. طمنيني عليك هند: تمام تركي: مممممم شرايك اخذ اجازه اسبوعين هند: ليش .. وش عندك تركي: بس ابي اقعد طول وقتي مع حبيبتي .. نور حياتي ابتسمت هند وبعينها دمعه حايره : اهم شئ انك ترتاح يا قلبي تركي: وانا لما اشوفك كلي يرتاح وانسى هموم الدنيا هند: عسى ربي يخليك لي يا تركي تركي: امين يارب ... زين حياتي شرايك اخذ اجازه ونسافر .. ابي اعيش بدنيا ما فيها الا انا وانت هند: وين بنسافر تركي: انتي اختاري وين تبين.. لو القمر صدقيني اوديك اهم شئ اشوفك مرتاحه و تضحكين هند: دامي معك كل شئ يهون تركي: يا عمري و الله .. طيب وين تبين نروح هند: ممممممم ما يحضرني أي شئ الحين انت قول وانا اختار تركي: اوكي .. اندونسيا هند: مم لا غيرها تركي: هاواي .. تركيا ... هند: أي هاواي حلوه تركي: اوكي ... من عيوني , بقدم اجازتي و بعدها بحجز لنا .يابعد عمري يا هند وربي احبك واتمنى لك الخير ضمها لصدره بحنيه و هي ما قدرت اكثر فنزلت دمعتها بسكوت ومسحتها بسرعه و حاولت تمسك نفسها ولا تنهار . ************************************************** **** شااايف البحر شو كبير .. كبر البحر بحبك شااايف السما شو بعيده .. بعد السما بحبك سكر سيف الراديو و التفت على مشاعل .. سيف: سمعتي وش قالت فيروز ... تراها غنت علشاننا مشاعل: ههههههه يعني حبنا وصل للعالم كله سيف: أي ... شفتي الهلال اللي فوق .. يدري بحبنا وهو كل ليله يروي قصتنا للنجوم مشاعل: وهـ بس ... اجل الشمس وش تسوي اكيد تغار سيف: الشمس طال عمرتج .. كل نهار تصبح علينا تبتسم لنا و تنشر اشعتها على الدنيا ومعها كميه من حبنا تدرين عاد لانه كبير مره مشاعل: ههههههههههههههاااي .. الله عليك خيالك روووعه سيف: لعيونتج اصير راعي خيالات و احلام .. حبيببتي انتي مشاعل: و انت حبيبي ... احبك يا سيدي سيف:اوعدتج يا مشمش ما اخليتج ولا ابتعد عنتج لو شو صار ... الا لا سمعتي بخبر وفاتي ضربته على كتفه بخفيف و هي تعقد حواجبها : سيوف وش هالكلام بسم الله عليك و الله يطول بعمرك ويخليك لي يا قلبي.. والله من بعدك انا اضيع سيف: هههه فديت روحتج .. احبتج مشاعل: انا اكثر سيف: لا انا مشاعل: انا وظلوا يتحدون بعض من يحب الثاني اكثر .. مثل ما قال اسير الشوق اختلفنا من يحب الثاني اكثر .. واتفقنا انك اكثر وانا اكثر ************************************************** ****** نواف: لمووو وش تسوين .. حطي اللي بيدك لميس: مو ثقيل علي لا تخاف نواف: حتى لو ريشه .. خليه تبين تتعبين نفسك و تتعبين نونووتنا لميس: نونووتنا ؟! ههههههههههه.. حلوه طالعه منك نواف: احم اعجبك انا ... تعالي اقعدي وعن الدوران بالبيت خلاص ارتاحي لميس: ياربي منك يا نونو .. لا تشيل هم لازم اتحرك شوي ما يصير اقعد 24 ساعه نواف: عندي يصير .. حياتي اخاف عليك لميس: صدق تخاف علي نواف: لو ما خفت على قلبي و روحي من اخاف عليه ... الله يخليك لي يا قمرهم انتي لميس: هههه و يخليك لي نواف: يوووه نسيتيني وش جايب لك لميس: وش عندك اشوف نواف: تفضلي يا قلبي شفته بالمحل وعجبني فخذيته لك خذت لميس الهديه و فتحتها كانت بلوزه وسيعه تنفع لها لانها حامل بيضاء فيها ورود وردي و اخضر و اكمامها جبنيز مرره ناعمه لميس: يااااااهـ يا حلوها ... مشكور حياتي ليش تعبت نفسك نواف: مو تعب ولا شئ , شئ بسيط انتي يا روحي تستاهلين اكثر لميس: تسلم يدينك يا الغالي .. يا ابو ولدي نواف: اااااااااااهـ ما اقدر انا على كذا اروح ملح لميس: ههههههههههههههههههه نواف: وانتي صيري سكر علشان اكلك مره وحده لميس+ نواف: ههههههههههههههههههههههههه بالحب و الحنان اللي يملي بيتهم انشاءالله ربي يرزقهم بالولد اللي يزيد من حلاوه حياتهم وينعشها . ************************************************** *** عهود: زين انتبه لنفسك ولا تسرع سلطان: انشاءالله ... ليش تخافين علي؟! عهود: اكيد ... سلطان انت حلى عمري شلون ما اخاف عليك سلطان: تـــسلمين يا الغاليه .. عهود اعتذر لك كنت مقصر معك من قبل مو؟ عهود: ممممم تقريباً بس ولا يهمك انت غالي بقلبي و ما ينقص من غلاك شئ مهما صار سلطان: يا طيب قلبك ... فديتك والله .. اعذريني و اوعدك لا اشيلك فوق راسي و اهنيك بحياتك عهود: يا حبي لك ... الله يخليك لي يا سلطه وما يحرمني منك رفع سلطان واحد من حواجبه وقال باستغراب: وشو .. سلطه!! عهود: أي سلطه ..هههههههه مو عاجبك سلطان: الا و الله طالع من لسانك عسل ... يا روح سلطه انتي مشت امورهم و تعود سلطان على عهود وتاقلم معها , حس بطيبه قلبها و حسن نيتها .. فحرام يظلمها بمعاملته السيئه وهي مالها ذنب .. دعى ربه انه يوفقه معها و يسير اموره ويعيش بسلاوم وراحه. ************************************************** عشنا مع افراد القصه اروع و اصعب اللحظات الفرحه و الحزن .. البسمه و الدمعه .. ليل ونهار . شفنا كيف قلب الام ( الجده ام خالد) على عيالها و احفادها تحاول تلمهم تحت جناحها و تغمرهم بحنانها و طيبتها . و ام نواف يالله تلحق على عيالها كل واحد من جهه اللي متزوج و يعاني بزواجه و اللي يدرس بعيد غير اللي معها وابوهم بعيد عنهم . وام علي اللي عانت بحياتها مع زوجها الغير مبالي و عيالها .. تداري هذا و ذاا .. وهذه هي بالاخير خلت لهم الدنيا وماتت. شفنا ملاك و جنونها,, الحب اعماهـــا و سيرها على الطريق الخطــا الخاله ساره و وضعها .. كيف افتقدت الزواج و الحنان وحاولت تلقاه بامور اخرى غلط ممكن توديها بداهيه بس تلاحقت عمرها و تأدبت. غلط هديل .. و تلاحق سلطان عمره و تركه لسمر .. و ندم ابو عبدالله و اعترافه بالغلط.. ..كل هالامور تصير بيحاتنا و بيننا.. ممكن نغيرنا بهوانا و رضانا و نعيش بسلام . اما من جهه اخـــرى .. عند العاشقين بعد هالزحمه و غبره الايام .. من جفا نواف و تعب لميس معه .. بعد سيف عن مشاعل .. فقدان هند وتركي للجنين .. حزن سلطان و خوفه من المستقبل تعدلت امورهم ومشت حياتهم بحلاوه و راحـــه .. كل اثنين عاشقين بعض مو بس تغلف حياتهم كلمه حب حتى الخوف على بعض البحث عن سعاده الاخر وراحته كانت كفيله بأن تلون حياتهم بلون وردي .. تحوطهم السكينه و الرضا . بحمد الله تمت قصه ابيك في درب المحبه تخاويني ما ابيك في زحمه الاحباب تنسانـــي يوم الثلاثاء .. 19-8-2008 5:30 a.m ..~انسه صمت ~.. (( الدكتوره غاده)) | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
