أبيك في درب المحبة تخاويني / للكاتبة : الدكتورة غادة (مكتملة )

فيتامين سي · 17-09-14, 11:24 AM

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

أعضاء روايتي الغالين نقدم لكم رواية

((ابيك في درب المحبه تخاويني ))

بقلم: الدكتوره غاده

قراءة ممتعة للجميع ........

فيتامين سي · 17-09-14, 11:28 AM

رابط لتحميل الرواية

https://www.rewity.com/forum/t307689.html

هذه اول قصه لي .. اتمنى انها تنال على اعجابكم .. تحوي احداثها على مواقف صارت بحياتنا .. على مشاعر احتوتنا في يوم من الايام
فرح .. حزن .. ندم .. و حلم
راح نتعرف على " الحب الحقيقي" بعيد عن حب الاحلام و الخيالات .. وراح نتعرف على "الانسان" بكل نواحيه من حيث الطيبه و الشر .. والقوه و الضعف .
كيف الدنيا تجمع ناس بعااد عن بعض .. وكيف تبعد ناس قرااب من بعض ..
كيف نكرهـ و كيف نحب
وكيف نتعامل مع كل شخص .
اترككم مع الجزء الاول و نبذه صغيره و بشكل عام على افراد القصه

عيال الجده "حصه"

مها "ام سلطان"
عبير"ام نواف"
نوره"ام علي"
خالد"ابو عبدالله"
ساره:ممرضه باحد المستشفيات

هذه البدايه .. ومع الاجزاء القادمه بذكر كل عائله بالتفصيل ... و المشاكل اللي تصير في كل بيت والمعروفه في مجتمعنا ..

الجـــزء (1):

يوم الاربعاء , في بيت ام سلطان كانوا البنات قاعدات بالصاله يتابعون فلم ..
قالت هديل:بكره بنروح لبيت جدتي
هند:اكيد ولا شرايك..
هديل:والله زهق كل خميس مجتمعين .. ودي يمر خميس اطلع لمكان غير بيت جدتي .. من جد مليت
هند:ومين يسمعك يا حظي ..مره قلت لامي ليش ما يكون خميس نروح وخميس لا قالت:لا هذه امي لازم كل اسبوع اشوفها ولا وش تبين يقولون علي خواتي
هديل:يا ذا الخوات اللي ازعجونا ..
دخل عليهم سعود:وين امي
هند:راحت السوق مع خالتي جواهر..
سعود:احمد ربي اني كنت بالنادي ولا تورط فيهم
هند:بروح اذاكر لي كم كلمه اكيد بكره ما يمديني اسوي شئ
سعود يستهزء فيها:ايييي يا الدفرررره .. حركااااااات
هديل:هههههههههههه ما يمدينا ..هههههههههه

هذه عائله "مها"ام سلطان..اكبر عيال الجده حصه:تشتغل مديره مدرسه ابتدائيه
سلطان:يدرس اخر سنه بجامعه البترول والمعادن
هند:تدرس ثالث سنه بالجامعه ..قسم تغذيه
هديل:اول سنه بالجامعه..حاسب
سعود:ثاني ثانوي
علي:اخر العنقود .. يدرس بسنه ثالث ابتدائي

على الساعه 10 ونص رجعت ام سعود مع جواهر" ام عبدالله" زوجه اخوها خالد
ام سلطان:السلام عليكم
هديل + سعود:وعليكم السلام
ام سلطان:سعود قم ودي خالتك لبيتها ... لان خالك بالدوام و الوقت مو زين تروح مع السواق بلحالها
قام سعود بملل..وخذا معه اخوه علي ..
ام سلطان:وين هند .. بغرفتها اكيد
هديل:يس...تذاكر
ام سلطان:فاتكم السوق اليوم في اشياء مره حلوهـ ..
هديل :انا بروح بس بروح بدوم ما احد يخاويني ..
نزلت هند على جمله اختها وهي تضحك:هههههههههههه وانتى الصادقه ... << كانوا يقصدون زوجه خالهم
ام سلطان فهمت قصد بناتها:هههههه الله يهديكم بس ...

وصلت جواهر لبيتها ..
_سعود اذا ما عليك امر طلع الاكياس فوق ... ظهري يألمني
سعود :انشاءالله
دخلت بيتها وصوت التلفزيون لاخر شئ ..ازعاج وحوسه ما كأن فيه بنت كبيره وفاهمه
جواهر تنادي:عهــــــــــود..عهوو� �ود
طلعت عهود من غرفتها وكانت حاطه ماسك بوجها:نعم
جواهر:وش ذا الازعاج ما تشوفين البيت شلون حوسه
عهود:والله كل ما ارتبه جو عيالك وخربوه...
جواهر بتافف :استغفر الله العظيم ..
قصرت على صوت التلفزيون وخلت عيالها يرتبون الحوسه ..طلت على عهود مره ثانيه
قالت:على الاقل قومي جهزي لنا العشا ...
عهود:طيب... بس ينشف المناكير واقوم
تركتها جواهر لان مو بيدها شئ ... ان صارخت عليها زعلت واشتكت ابوها وان تركتها على هواها ما سوت شئ ولا تحركت وهي بنفسها ما يعجبها الوضع

بيت خالد"ابو عبدالله"
زوجته الاولى جاب منها بنته"عهود"بعدين طلقها وانفصلوا عن بعض ..تزوجت ام عهود برجال ثاني وتركت عهود مع ابوها
تدرس عهود بمعهد انجليزي..خلصت الثانوي بمعدل ضعيف ومالقت لها جامعه او كليه
زوجته الثانيه"جواهر"
عيالها..
عبدالله:ثاني متوسط
سحر:خامس ابتدائي
ريم:ثالث ابتدائي

جواهر لها مواقف غريبه مع اهل زوجها ... مو عاجبتها العيشه ودايما تشتكي زوجها وتتذمر مع انها على غلط .. ومن جهه ثانيه خوات زوجها مو معبرينها ..محترمينها شوي بس علشان اخوهم خالد .. دايما في صراع معها ومشاكل .. يمكن اللي معطيتها وجهه هي ام سعود علشان كذا دايما مخاويتها في كل شئ.
**********************************

في بيت الدكتوره عبير"ام نواف"
نواف"طيار مدني ..يشتغل بمطار الملك فهد..اول سنه له بالشغل
مشاعل:اول سنه بالجامعه... تصميم داخلى
احمد تؤام لمشاعل:يدرس هندسه بجامعه الملك سعود في الرياض وعايش في بيت ابوه
عبدالرحمن:اول ثانوي
فهد:اول ابتدائي

عائله راقيه بحكم شغل الابو والام ... ومختلفين عن الباقي ...كل شئ متوفر لهم السفر والترفيه ..رغم كذا متواضعين مع اهلهم ومو رافعين راسهم , ام نواف منفصله عن زوجها و عايشه مع عيالها بينما الابو تزوج من وحده ثانيه وعايش بالرياض لذلك احمد ساكن عنده فتره دراسته

بعد العشا ... تجمعوا على التلفزيون مستعدين لفيلم السهره على قوله فهد
قال فهد بكل براءه:يارب يكون فلم السهر حلوو وما يخوف
عبدالرحمن:لا انشاءالله يطلع مرعب علشان ما تنام الليل..
فهد:لااااااا ...ماما شوفي دحوو
احمد:اص انت وياه بدا الفيلم
بعد لحظات من السكوت قامت مشاعل
عبدالرحمن:على وين ما ودك تتفرجين الفيلم
مشاعل:لا ... في ممثل ما احب تمثيله وكله اكشن بروح اقرا لي قصه اصرف لي
ام نواف:بكره قومي بدري وخلصي اشغالك لاننا بنروح عند جدتك من زمان عنها
مشاعل:تيب

ام نواف تختلف عن اختها ام سعود باشياء كثيره..
مو كل اسبوع تروح عند امها بحكم نظريتها .. تبي تخلي مجال لامها واختها"ساره" ياخذون راحتهم بنهايه الاسبوع .. وحتى هي تقعد تشوف عيالها واشغالها في البيت..
لانها طول الاسبوع مشغوله بدوامها.. واحيانا اذا كانت فاضيه تزور امها مع ولدها الصغير فهد زياره بسيطه تسلم عليها وتشوف اخبارها..
دق جوالها .. وانفزعت من صوته ..
شيخه البنات يتصل بك
ردت مشاعل:هلا
عهود:هلا بك شعله عسى ما ازعجتك
تجاملها مشاعل:لا عااادي..
عهود:بكره جايين بيت جدتي
مشاعل:أي..بغيتي شئ
عهود:ممممم وش بتلبسين
مشاعل:وش بلبس؟؟.... مدري ما طلعت وش بلبس
عهود:اهاااااا... طيب بكره جيبي معك فلم if only
مشاعل:اوكي...يالله باي
عهود:وشفيك مستعجله ..دقيقه
مشاعل:نعم
عهود:تصبحين على خير
مشاعل وهي تضحك على سخافه بنت خالها:وانتى من اهل الخير.سي يا

سكرت من عهود وبدت شغلها المعتاد .. متعوده كل ليله تسوي غرفتها جو رومانسي ..سكرت اللمبات الا من الاباجوره الصغيره .. وشغلت موسيقى بصوت واطئ مره ..بوسط البرد متلحفه بالبطانيه وماسكه روايه "اني راحله" للكاتب المعروف يوسف السباعي داخله جو مع الاحداث.
*****************************************

يوم الخميس...

ام علي بالمطبخ تغسل مواعين الغدا وبنتها ملاك ترتب باقي الاشياء.دخل علي
_يمه..انا اليوم منب رايح معكم بيت جدتي ..عندي طلعه من الشباب
ام علي:طلعه؟؟ على وين انشاءالله
علي:مشوار ..بنروح نتمشى
ام علي:ايه....تروح تتمشى وتوسع صدرك بعدين تصير مشكله وتطيح على راسي انا
علي:كلها ساعه وراجعين ...بعدين انا مليت من روتين الخميس كل اسبوع مجتمعين ما صارت هذه
ام علي:قول لابوك ان رضى روح...وش اسوي لك
طلع وهو فرحان ...امه ماهمها الموضوع ..الركه على ابوه انشاءالله يوافق
ملاك:انشاءالله ما يوافق على طلعته
ام علي:وش عليك منه انتى
ملاك:تدرين انتى دايما طلعاته وراها مشاكل..فشلنا قدام الناس
ام علي:اخوك مراهق ومو اول واحد يكون له مشاكل
ملاك:مراهق بس يتادب ويتعلم الصح والغلط
رجع علي لامه:يمه حاولي في ابوي ..عيا يخليني اروح مع الشباب
ملاك:احسن شئ سواه.
علي:انتى اسكتي ولا كلمه
ام علي:خلاص ما دام ابوك عيا انا مالي دخل
علي:يمااا حاولى فيه ..روحي كلميه
ام علي:............
علي:يمااااااا ..يالله عاد....يمااا
ام علي:طيب خلاص بروح بس اخلص اللي في يدي.

خلصت اللي كانت تسويه وبالفعل راحت تكلم زوجها وتقنعه يخلي ولده يطلع مع اصدقاءه
ابو علي:قلت لا...انتى ما تعرفين المشاكل اللي من وراه
ام على:بس هو وعدني انه بيبطل هالحركات ويعقل
ام علي:يلعب عليك بكم كلمه وانتى تصدقينه...قلت مهب رايح مع عيال الشوارع ..وبيروح معك بيت اهلك مثل الناس..يقعد مع خواله احسن له من اللفه والدوران بالشوارع وقله الحيا
ما قدرت ترد عليه ..والتزمت بأمره...يروح معها يعني يروح
اول ما طلعت من عند الابو سالها علي وهو مستبشر خير
_هاه وش قال
ام علي:لا...بتروح معنا لبيت جدتك
علي باقوى ما عنده قال:اوووووووووووووف ..الله يقطع الساعه اللي انولدت فيها ..ما صارت حياه ...كل شئ يتحكم فيه
طلع ابوه...وبسرعه سكت وبلع لسانه خاف لا يكون سمع كلامه
ابو علي يوجهه كلامه لولده:بتروح مع اهلك سامع ولا لأ...وترجع وقت ما يرجعون ماعندي دوران بالشارع ع الفاضي
علي بخوف:انشاءالله..

هذا الحدث صار ببيت ام علي المسكينه ..اسيره الاحزان والشقا ..ربي بلاها بزوج مهمل كثير في عياله وحياتهم ... ما ينظر بعين الواقع للمستقبل وكل شئ عنده بسيط .. يشوف الناس غلط وهو صح..وعلى ذلك عياله طلعوا ضعاف و لهم مشاكل كثيره لا هو يحلها ولا يمنعها ويحافظ على عياله
ام علي:ربه منزل
ملاك:اكبر عيالها ..خلصت الثانوي وما كملت باي جامعه ..صارت تشتغل سكرتيره بمستوصف اهلى
علي:2 ثانوي ...ومثل ما ذكرت سابقا مراهق له مشاكله
بدر:1 ثانوي
ثامر:خامس
ام علي تقريبا هي اقل وحده حظا بين خواتها من جميع النواحي ..وهي الله يهديها ما حاولت تعدل من وضعها والامر بمقدورها انها تسوي وتفعل بس ما حاولت,واتكلت على الغير
*******************************************

بعد صلاه العصر والكل بغرفته يجهز للطلعه..احتارت هديل وش تلبس كالعاده دايما في حاله حوسه طلعت نص الدولاب وكل ما شفات لبس ما عجبها ..مع ان الروحه لبيت الجده وتقابل اهلها مو ناس غريبين بس هي طبعها كذا
اخيرا استقرت على تي شيرت ابيض و ازرق فاقع ومصرقع وجينز برمودا ..كان ستايلها بناتي ومكياجها بعد فيه صرقعه شوي بحسب شخصيتها .. مرت امها من الغرفه وشافت هديل بهالشكل
ام سلطان:هذا اللي لبستيه
هديل:أي..يالله لقيت لبس مناسب ..شوفي هالحوسه كلها علشان ادور شئ زين
ام سلطان:بس انا اشوفه مو مره ..لونه قوي وصارخ مره الموديل حتى المكياج كثير خففيه
هديل:يمه حنا رايحين بيت جدتي ..يعني عادي ..بعدين هذا لبس البنات ما يكون رسمي
ام سلطان:على الاقل خففي شوي..غيري البلوزه
طلعت الام وقعدت هديل على طرف السرير وهي متضايقه..اوووف من هالحاله ..هذه انا ستايلي كذا..غصب يعني اغيره.. وبعدين حنا بنات اذا مالبسنا كذا وش نلبس تنوره وجاكيت ابو قصه..رسمي في رسمي.
مره كانت هديل منزعجه من تصرف امها خاصا في اللبس ... اكيد ام سلطان تبي بناتها يكونون باحس صوره واحسن شكل وهي نظرتها تختلف عنهم ..مهما كان كل واحد له نوع وطريق باللبس..ما قلنا شئ لو تنصحها في بعض الاشياء بس مو في كل شئ تجبرها تسويه.
********************************

صوت ام نواف تنادي على عيالها:يالله يا عيال ما خلصتوا
نزلت مشاعل مع فهد:الا ماما ..خلصنا بس مين بيودينا ترا ما كلمت السواق
ام نواف:لا احمد بيودينا بيدخل يسلم على امي وبعدها بيرجع يذاكر يقول عنده اختبار الاحد
احمد:يالله جاهزيين...
مشاعل:يالله مشينا

كانت مشاعل ما تتغطى بس تتحجب ..بحكم نص حياتهم برا المملكه وابوها كانت متساهل نوعا ما..

شافهم احدى الجيران من النوعيه اللي 24 ساعه عند الباب يراقب الرايح والجاي
كانوا شابين واقفين ..شافوا احمد وعائلته طالعين بالسياره..
قال واحد:شف شلوون اخته طالعه بدون غطا...ابد مهوب رجال
قال الثاني:وش دراك عنه...قعدت معه
الاول:لا ..ولا افكر
الثاني:استغفر ربك..هذا احمد قعدت معه كم من مره عرفت ان في الدنيا في ناس لها احساس .. خليت الرجوله لك ..
الاول:وش قصدك
الثاني:ولا شئ ..انا اقوم امشي واخليك مع شغلك مراقبه العالمين والحش على كيف كيفك

هذه حاله بعض الناس رجال كانوا او نساء ..شغلهم مراقبه الناس ومعرفه تحركاتهم..هذا وين راح ومن وين جا ..وش لبس وش سوا
بس يحكون ويحشوون بالعالم وما يشوفون نفسهم ولا يدرون عن اهلهم اللي ربي برحمته ساتر عليهم.
*****************************************

على الساعه 5 ونص الكل موجود في بيت الجده ..وكانت ام نواف توها واصله مع عيالها.دخلت وسلمت على الجالسين
ام نواف:يمه .. ترا احمد برا يبي يسلم عليك
الجده:الله يحيه..خلي البنات يتغطون بطرحهم وخلوه يدخل من زمان عنه
دخل احمد:السلام عليكم..هلا جده شلونك وشخبارك
الجده:الحمدلله والشكر انا بخير وبصحه وعافيه..انت شلونك يماا وشلون امك واخوانك
احمد:الحمدلله كلنا بخير دامك بخير

الجده:شلون دراستك ...عساك ماشي فيها
احمد:والله تمااام كل شئ بخير...دعواتك لنا
الجده:الله يوفقك ويسهل طريقتك انت واخوانك كلهم <<< تقصد كل احفادها
سلم على باقي خالاته ..وتطمن عليهم ..بعدها طلع .. وهو عند الباب بيركب سيارته , ساله سعود:على وين ..تو الناس
احمد:والله ودي اقعد بس عندي كم شغله لازم اسويها تعرف الجمعه بمشي الرياض
سعود:الله يعينك
احمد:بكره انشاءالله بمركم وبسلم على سلطان من زمان عنه
سعود:الله يحيك..فمان الله
احمد:مع السلامه
كل اللي صار قدام على وشاف ولد خالته بسيارته .وعلى هواه يقعد مع اهله او ما يقعد ..اللي يبيه يسويه مو زيه مغصوب على كل شئ وحياته يحكمها اهله.

هذا لجزء الاول ..كله تعريف بشخصيات القصه بشكل عام..والاحداث بينهم عاديه ..انشاءالله القادم يكون احلى واكثر تشويقا.

الجزء(2)

في مطار فينيسيا في ايطاليا ..هبطت طائره الخطوط السعوديه ..نزلوا الركاب والكابتن ..
استلم نواف وصديقه الكابتن حسين اغراضهم ..وطالعين من المطار
حسين:وشرايك بدل ما تستأجر لك شقه تقعد عندي هالفتره .. خالي هنا وعنده بيت صغير يوسعنا
نواف:والله ما قصرت بس ما ودي اكلف عليكم
حسين:لا كلافه ولا شئ انت اخوي .. ترا خالي لوحده ما عنده عائله وراعي فلااااات بتستانس معه
نواف انحرج من صديقه فوافق على عرضه .. واتجهوا لبيت خال حسين..

*************************************

بنفس الوقت في الدمام سالت الخاله ساره عن نواف:اخبار نواف ..وشلون الشغل معه
ام نواف:والله الحمدلله تماااااام ...مسافر ايطاليا .. يسلم عليكم كلكم ويعتذر على القصور
الجده:الله يوفقه ويستر عليه ..
ام نواف:امييين ..اجمعين انشاءالله....بس بيني وبينكم ودي ازوجه ...والله اخاف عليه من هالسفرات

بهاللحظه كانت ملاك تتكلم الا سكتت ..سمعت شئ عن نواف وشئ مو سهل
بيزوجونه ما يصير وهو توه متخرج ...تمنت انها تكون سمعت غلط او انها تحلم بس تكلمت خالتها وتبين لها ان اللي سمعته صدق
ام سلطان:هذا اللي كان ودي اقولك اياه...زوجيه احسن واستر له..الدنيا مالها امان وما تدرين برا وش يصير من بلاوي
الجده:بس نواف ماشاءالله عليه محترم ..اعرفه هذا ولدي وما شفت منه الا كل خير
ساره:يمااا هو محترم ورجال ..بس الخوف من الحريم هالجنس الناعم وراه بلاوي تشيب الراس
ام سلطان:وانتوا الصادقين صرت اخاف على عيالي اكثر من خوفي على البنات
ساره:البنت قدامك ودايم معك بس الولد هو اللي ما تقدرين تحكمينه
ام نواف:الله يحفظهم من كل شر
الجده:اليوم كلمتني فايزه ..تسلم عليكم ..وقالت بتجينا اليوم تسهر معنا
ام سلطان:الله يحيها والله من زماان عنها
الجده:لاهيه مع بناتها ..6 بنات شئ مو سهل...بس تراهم حليوات ... بتشوفونهم اليوم.

كانت ملاك تحب شئ اسمه نواف ..تتمنى وتحلم انه يكون من نصيبها .. كل شئ فيه كامل والكامل الله ...جمال وعلم وفلوس ما شاءالله رجال ولا كل الرجال..ياما ايام تحلم انها معه وانها بجمبه ومحد في الدنيا يشوف الا هي وبس...لاكن عقب ما سمعت هالكلام ضاق صدرها وحست ان فتى احلامها بيضيع منها وبتصير احلامها سراب.
عهود:هاه مشاعل جبتي الفلم
مشاعل:أي جبته بشنطتى ...
فتحتها وعطتها السي دي
عهود:حلووو
مشاعل:اكثر من حلو مررره رومانسي و يحزن
عهود:اجل بقعد عليه اليوم ...
مشاعل تلتف على هند:شو اخبار صديقتك مرام
هند:والله تماااام ... انخطبت من ولد عمها
مشاعل:يا حركااااات ...وش عندهم الناس قاموا يتزوجون لا يكون الموضه
هند+هديل:هههههههههههههه
هديل:اذا الموضه كذا اجل بتزوج خخخخخخخخ
مشاعل :عااد انتى ام الموضه ورا الخيل يا شقرا
هديل:على طاري الموضه ... مدري وش عندهم هالايام البنات طالعين بحركه في النقاب تلبسه وتنزله لنص الخشم تشوفين الفتحه كنها شارع..ابد افغانيه كاشخه
مشاعل:هههههههههههههههاااا� �ااااااااي..حلووووه
هديل:أي والله ..شفتهم مره بالجامعه على بالي رحت لافغانستان ادرس هناك بالغلط
مشاعل:يختي هذه الموضه مثل ما قلتي ... يعني ما تتلثم الا تنزل النقاب..بصراحه عليهم حركات غريبه
هند:مرررررررره..وليت انها صافيه بلا الوان وشوائب الا والله عرس والوان الطيف على العيون
دخلت عهود بالسالفه:وش تحكون عنه...موضه النقاب النازل..وش فيها
هديل:مالها داعي ..يا انها تغطى زين ولا تكشف مو تسوي لي تموويه
عهود:انا اشوف مافيها شئ... احسن من اللي تكشف <<< دقه لبنت عمتها مشاعل
هند:لا يا قلبي انا عندي تكشف بدون الزحمه اللي بوجها ولا انها تتنقب وكل المكياج بعيونها
هديل:لا يكون تسوينها بس
عهود بارتباك:هــاه؟؟!! انا اسويها لا من قال ..بس عادي مافيها شئ
التفت مشاعل على ملاك:ملاك شو فيك ماعم تتكلمى
ملاك بملل وضيق:ما فيني شئ...

وطلعت برا الصاله
هند:وش فيها
مشاعل:ما اعرفش
عهود:تلاقين مشاكل مع ابوها الغريب
هند:اششش لا يسمعونك خالاتي والله لا يقصفون رقبتك
مشاعل:أي لكاااان شو هالحكي عهود ما تخجلي انتى
هديل:هههههههه وش عندك على الشامي ..ارحمينا بس
مشاعل بدلع مصطنع:يختي ما تعرفين انا مين ..ترا لي عرق لبناني
هند+هديل+عهود:هههههههههههه� �ههههههههه
هديل:ههههه كنك فتون وهي تتكلم البراطم رايحه يسار يمين ..يقالها دلوعه

هذه عادته البنات يجتمعون مع بعض ويسولفون منها يغيرون جو ويتعملون من بعض ..احيانا تصير بينهم حساسيات بس تزول بسرعه لان مصيرهم بيرجعون لبعض بنات خاله ما بينهم شئ..
ما ندري مع مرور الايام بتغيير هالعلاقه ولا لأ..الانسان اذا كبر زياده وعرف الحياه من جميع نواحيها ..يتغيير وتصير صفاته غير مو بعيده يكره اللي يحب ...ويحب اللي يكره.

*********************************

في فينيسيا..

وصلوا بيت الخال..دق حسين الباب وفتح خاله مهند
مهند:هلاااااااا والله ...مرحبا مليون
سلم عليه حسين سلام حار لان له فتره ما شافه
حسين:اعرفك صديقي و اخوي الكابتن نواف..نواف هذه خالي مهند
مهند:هلا والله بنواف ..كيف الحال
نواف:هلا بك يا الغالي..والله تمام وانت شلونك
مهند:بخير دامكم بخير حياكم ..تفضلوا
كان بيته صغير وانيق نظامه قديم والديكور اثري وحلو ...فيه لوح قديمه وبعض التحف اللي تزين الاركان..
مهند:نورتوا فينيسيا ...
حسين:منوره بوجودك..حبيبي..كيف الحياه هنا وش الدنيا بك يا القطوع
مهند:عال العال والحمدلله...
مهند ماشاءالله عليه رجال نشمي وباقي على تقاليد بلده والقيم....رحب بضيوفه واكرمهم ..اجتماعي ياخذ ويعطي مع الناس ويرتاح له الواحد من اول مره
مهند:هاه نواف شلونكـ وشلون الاهل؟؟ اهم شئ حسين شلونه معك تراه جني اعرفه
نواف:هههههه الله يسلمك كلنا بخير ... حتى حسين ماشي حاله مع انه له حركات بالرحله بس الله يستر عليه
حسين:نواااف!! يا نووواااف..لا ترمي السالفه علي مو انت اللي قلت لي سوي كذا ولا تسوي كذا
تفاجئه نواف من كلامه وفتح عيونه وعلى وجهه الضحكه:لااااااااااا حرام عليك والله انى برئ....لف على مهند:لا تصدقه ترا والله ما سويت شئ
حسين ميت ضحك:هههههههههههاااااي ..يا حليلك اثاريك خواف وانا اخوك طالع علي
مهند:ههههههههه الله يقطع ابليسكم وش مسوين من بلاوي انت وهو
حسين:يا ولد الحلال الله يستر علينا ..كلها شيطنه شباب ..
نواف:هبلنا بالناس في المطار ..ههههههههههههه ..والله اننا مجرمين
مهند:وش مسوين قول انت وياه
حسين:وحنا ماشيين شفنا ام وعيالها ..كان ولدها الصغير معه بيبسي ...وفرحان فيه ..قمت انا من الحرص والخوف عليه لان البيبسي مضر وانا خييك
مهند يعلق باستهزاء:أي نعم..صدقت يا الفيلسوف
كمل حسين:وحنا ماريين من جمبه قمت بخفه حركه واضرب علبه البيبسي وطاحت ..المشكله ما طاحت ع الارض ..طاحت على شنطه اللاب توب
مهند:حراام عليك
حسين:انت لوتشوف شكل الام مفتحه عيونها مو مصدقه لابها"اللاب توب" منكب عليه بيبسي..وهاك هواش للولد..مسكين تفشل
مهند:ههههههههههه حرااام عليك والله تهزا الولد..اجل وش دخل نواف تورطه معك
حسين:هو اللي نبهني ع الولد..قال شف ذا اللي يشرب بيبسي شكله متحمس
نواف:هههههههههههههههه ...
مهند:هههههههههههههه امحق كابتن انت وهو ... هههههههههههههههههه

استمتعوا بجلستهم الثلاثه وتعود نواف على الخال مهند ..اخذ راحته في البيت , وما حس بالغربه لوجود حسين وخاله الطيب مهند.

************************************

ساره تسأل:نوره وش فيك ..وش تفكرين فيه
ام على:ابد سلامتك والله ما فيني شئ
ساره:وش اللي ما فيك شئ ..ما سمعنا صوتك اليوم
ام خالد:لا يكون ابو علي مسوي لك شئ
ام علي:لا يمه ما سوا شئ....
ام خالد:اجل وش فيك ... صاير لكم شئ..شوفي حتى بنتك مو مع البنات مدري وين راحت
ردت ام علي بنوع من القسوه شوي:قلت ما فيني شئ وبعدين ملاك مهب صغيره يمكن راحت الحمام.
سكتت الجده بعد رد بنتها القوي ..شكلها طفشانه وواصله حدها ... كان الهودء يعم المكان الا من همسه عهود للبنات:شفتوا ما قلت لكم صاير شئ
مشكله وطاحت فيها بدون ما تحس ..سمعوها عماتها وجدتها..وكلهم التفتوا عليها بنظرات مالها معنى "عتاب وانتقاد..ونظره زوجه ابوها جواهر نظره غير ..ظلت تناظرها وكنها تهددها وتتوعد فيها"
خافت عهود وتفشلت مرررره... خافت لا تتهزا من جدتها او عمتها تاخذ على خاطرها وتقوم مشكله على راسها..
وسط ماهي تحاول تلملم قطع وجهها المفتشل وتبي أي شئ يلهي وينسي الجالسين من اللي قالته..دخلت ملاك:الضيوف جو
قامت ام سلطان و ساره يحيونهم ...والباقي يرتب المكان ع السريع
كانت فايزه وبناتها السته ماشاءالله عليهم ..كل وحده احلى من الثانيه..دخلوا وسلموا عليهم.
على شاطئ البحر في كورنيش الخبر .. سلطان ومعلق الجوال بأذنه ..

سلطان:سموره يا قلبي ..شفتي البحر اللي قدامي هذا اقل قدر لحبي لك
سمر:ههههه والله؟! ......... احرجتني يا سلطان
سلطان:أي والله ترا حبي لك اكبر من الكون كله ... لو علي لاصرخ واسمع كل العالم انى احبك
سمر:طيب اطلب منك طلب
سلطان:امري يا قلبي
سمر:ابيك تصرخ وتقول احبك يا سمر
سلطان:ممممم والله طلبك قوي بس ابشري ... دقيقه بس اتفحص المكان اللي حولي...اشوه الناس بعيده يالله ..اسمعيني من بيتكم مو من التلفون
سمر:يعني صوتك بيوصل لجده
سلطان:بيوصل للمريخ وبتشوفين ..يالله
وقف على الكرسي اللي قدام البحر ورفع يده لفوق وصرخ باعلى صوت له وباقوى قوه"احـــــــــــــــــــ� �ـبـــــــــــــــــــــ ـ ـــــــــــــــــك يــــــــــــــــاااااااا اااااا ســـــمـــر"
ماتت سمر من الحيا ما تدري وش تسوي تضحك ولا تسكت...
سلطان:اااااااهـ يا قلبي ... حبالي الصوتيه راحت
سمر:ههههه فداك حبالي انا...
سلطان:تسلميلي يا قمر
صدفه وبلا سابق انذار حس سلطان بان احد يحط يده على كتفه ... وقتها تجمد من الخوف وعلطول سكر التلفون..التفت ولقى المفاجئ اللي ما كان يتوقعها
احمد ولد خالته
سلطان باستغراب:احمد؟؟؟؟؟
احمد:شلونك
سلطان:الحمدلله بخير
احمد:كيف الدراسه
سلطان:بخير
كانت ردوده مختصره من الارتباك والخوف ما قدر يتكلم زين
احمد:شلون الحب معك
وقتها تقلب وجهه سلطان .. كل التعابير ارتسمت على وجه"خوف واحراج و ارتباك
سكت سلطان ما رد..واحمد كمل كلامه بين الضحك:ههههههههههههههههههه� �ههههههههههههههههه الله يغربلك يا سليطين ههههههههههههههههههههههههه هههههه ابصم بالعشره انك مجنون ابد منت عاقل
وش ذا ..على بالك انت برا ..والله لو سمعوك ربعنا لاشرشحوك بالحكي والنقد
سلطان:هااااه..كان صوتي عالي
احمد:الا ال ال عالي<<< ال تضاف للكلمه عند المبالغه القويه
سلطان:في احد غيرك سمع...يعني العالم كلها سمعت
احمد:هههههههههههههههههههه أي انت صارخت واكيد الناس بتسمع
التفت سلطان يشوف الناس .. وقال:لا شكل محد سمع..شوف كلهم مشغوليين انت اللي قاط اذنك علي
احمد ومستمرفي الضحك:ههههههههههههههههههه� �ه والله انى ما كنت معك كنت اذاكر الا واسمع صوت واحد يصرخ بكلمه غريبه ...يوم التفت الاقي ولد خالتي الوقور ..يعلن ويصارح بحبه لسمر..هههههههههههههههههههه ه وش الطاري
سلطان:الله يقطع ابليسك.. قول امين
احمد:ياخي وش فيك مرتبك ومنت على بعضك
سلطان:منحرج ...متفشل منك الله يقطع ذا الوجه وش خلاك تجي الكورنيش اليوم ...
احمد:هههههههههههههههههههه� �هههههههههههههه
والله انك تحززززن ..كل ذا احراج
سلطان:اقول حمود..الله يستر عليك لا تفضحنا بلييييز
احمد:وشدعوه عاااد اروح اقول للعيال سلطان سوى كذا وكذا.. بالنسبه لي عاادي حب واعشق واكره بس لا تتهور حبيبي طيب...ولا لا يكون كلمه حبيبي محجوزه لغيري بعد
في البدايه ما فهمه سلطان..ضل يفكر بكلمته ..شوي فهم قصده ان كلمه حبيبي محجوزه لسمر بس تقولها:
هههههههههههههههههههههههه ... يا ربييييي ...الحين بتقعد تحشرني وتذلني بكلماتك وتعليقاتك الماصخه
احمد:عادي ياخي الحياه كذا ..
سلطان:المهم لك وحشه يا الدب انا عازمك على قهوه امش خلنا نسولف ونعرف وش اخبارك

***************************

في كتابتي ما ذكرت ازواجهم "ابو سلطان و ابو نواف"وذكرت ابو علي بموقف واحد
تقريبا رجال عاديين مالهم أي فعاليه بالقصه..اعرفكم عليهم بشكل عام
ابو سلطان:موظف بشركه ... وظيفه والحمدلله زينه وراتب قوي
ابو نواف:ضابط .. مطلق زوجته ام نواف ومتزوج من حرمه ثانيه وساكن بالرياض....مثل ما ذكرت من قبل ,صارت له مشاكل مع زوجته فانفصلوا وترك عياله لها ..
ابو علي:عسكري ...برتبه عاديه .. مثل ما ذكرت اول مهمل نوعا ما بعياله..يمكن راح اذكره بعده مواقف اكثر من غيره.

*****************************************

في مقهى د.كيف ..داخلين جو مع ريحه القهوه , وماخذتهم السوالف
سلطان:الا وشلون اهلك كلهم انشاءالله بخير..خالتى عبير اخبارها ..
احمد:والله كلنا بخير الله يسلمك..وشفيك هذه الف مره تسال عن اهلي..صاير شئ وانا مدري
سلطان:لا يا بوووي ما صار شئ..خالتى وعيالها لازم اتطمن عليهم
احمد:الله يسلمك ما قصرت
لحظات من الصمت ..تكلم سلطان:ابسالك شلون الحياه من دون ابوك...ماشين ولا فقدتوه
احمد:اقولك اياها وبكل صراحه فقدنا ابوي في بدايه الايام ..يعني الشهور الاولى يوم تركنا كنا حاسيين بالتغير اللي طرا علينا ومتأزميين مررره..بس الحين والله عادي
كل امورنا تمام ..
سلطان:احس صعبه ..امك واخوانك بدون رجال في البيت انت في الرياض ونواف دايما يسافر..وعبدالرحمن توه مو قد المسؤوليه
احمد:وانت صادق احيانا تكون صعبه ..بس تعودنا وكلن شايل نفسه ..يمكن فهد هو الصغير وبيكبر بعدين بس حنا موجودين وانتوا ما تقصرون معنا بكل وقت...
يوم ابوي طلق امي كنت باول ثانوي وقتها كنت مراهق ما اتحمل أي مسؤوليه ..عايش حياتي كذا عندي ابو وام يلبون لي طلباتي وكل اللي ابيه ..بس بعد ما ابتعد ابوي عنا..تغير كل شئ ..شديت على نفسي بدراستي وكانت هي همي الاول..عرفت اني بواجهه حياه صعبه ودنيا وناس غريبه..ان ما كنت قوي ومعي شئ يسندني ما راح اعيش وامشي..امي بيجي لها يوم وبتتعب ..بعدين من اللي وقتها يساعدها ويدعمها مالها الا حنا عيالها وسندها بالدنيا...
والحمدلله ربي سهل علي و وفقني بدراستي لين خلصت ودخلت الجامعه صح انى بعيد عنهم ومصاريفي اكثر ..بس وش اسوي كلها كم سنه وانشاءالله ارجع بشهاده ترفعني وترفع راسي امي...اهم شئ راحتها وراحه اخواني ..اوكي اتعب انا بس هم يرتاحون ..وما حد قواني وساعدني بالمواقف الصعبه الا اخوي نواف..كل كلمه ونصيحه كان يقولي اياها ما نسيتها للان في بالي..هو بعد شد حيله وتعب علشاننا
الفلوس مهب قاعده. اليوم عندنا راتب امي ونواف ونفقه ابوي والمكافأه بس بكره بتضمنها؟؟..لا طبعا .. ما تضمن الا شهادتك معك وين ما رحت ..الناس ما تحترمك وتقدرك الا بالشهاده..الحياه مهب لعب اكل ونوم ومباريات ومغازل بنات مثل ايام اول ..لا الحين كل شئ تغيير ... مثل ما يقولون"كل يوم نتعلم بهالدنيا دروس..في هذه الدنيا لا ماحد خلق عالم"
انبهر سلطان من كلام ولد خالته ..ماتوقع ان واحد بعمره وبوضعه هذا يفكر بهالطريقه... دبدوب ونكتى خفيف دم ..لاكن عاقل ..مخه براسه يبدي مصلحت اهله على غيره..
وين بزمنا هذا شباب مثل كذا يفكرون لبعيد وللمستقبل الا قليل...صحيح الواحد ما يدري عن الغيب و وش اللي بيصير بكره بس يحط احتمالات ..يرسم ولو بشكل بسيط مسيرت حياته ..يخطط اولوياته عشان يرتاح ..

********************************

الحريم ما خذتهم السوالف ... والبنات نفس الشئ ما خلوا شئ الا وتكلموا فيه
عهود تسأل وحده من بنات فايزه:انت تدرسين؟
البنت"فاطمه":أي ..ادرس جفرافيا بكليه البنات...ثاني سنه
عهود بأشمئزاز ... كليه البنات ..وععع ما احبها
فاطمه:عاااد وش اسوي مالي الا هي ...
هند:اهم شئ انك تدرسين ويصير معك شهاده محترمه ..مو تقعدين كذا
فاطمه:وانتى صادقه .. وانتى عهود وش تدرسين
عهود:معهد انجليزي
فاطمه:اهاااااا...طيب الكليه احسن من المعهد
عهود:لا لا انا ما اتحمل كرف الكليات وغثاهم
هند تطالع مشاعل بنظرات معروفه بينهم ..وكان قصدها عن عهود
شافتهم هديل والبنت ذي جريئه ما يهمها شئ ..ضحكت وقالت بصوت واطئ:يا سبحان الخالق..ناس عجيبه.

*************************

جا العشا وقاموا البنات مع خالتهم "ساره" ونوف يحطون السفره..بينما جواهر تسحبت وراحت تكلم بالجوال...
في المطبخ .....
ساره لــعهود:وين عمتك <<< تقصد جواهر
عهود:مدري
طلعت تشوفها وين علشان تساعد بالحط ... مو تقعد وتفشلهم قدام الضيوف..مرررت وسمعتها تتكلم
جواهر:انا مليييييت .. كل وحده اخس من الثانيه..زهقت من القعده معهم
دخلت عليها ساره بكل قوه:ترانا نحط العشا..ياليت تتفضلين وتساعدينا
جواهر:يالله اجل ...اكلمك بعدين عيوني.مع السلامه
قامت بكل ثقل ويالله تمشي ..
ساره تتكلم في نفسها : جعل هالرجلين بالكسر ...

ساره طيبه و مسالمه يوم سمعت كلام جواهر ما حبت تكبر السالفه فسكتت وسوت نفسها ما سمعت .

دق جرس الباب ...وكان سلطان و احمد جايين بيتعشون مع اهلهم..دخلوا خيمه الرجال"بيت الشعر"
_السلام عليكم
الكل:وعليكم السلام ورحمه الله وبركاته
سلموا على خوالهم والعيال وقعدوا يسولوفون...الا ما جهزت السفره
سعود للجالسين: حياكم العشا
عند الحريم ...
هديل:على طاري السرقه ..انتبهوا هالايام طالعه ناس مسوين فيها طرارين عند الصرافات وهم حراميه
الخاله ساره:لاااا..زين قلتي لي عاد راتبي توه نازل
عهود:فضحتي عمرك عمتى ... لو مر حرامي وسمع والله لايترصدك في كل مكان
ساره: أي والله ...لا خلاص امزح ..امزح
الكل:هههههههههههههههههههه� �ههههههههههههه

***************************************

اذا في ردود راح نكمل مع بعض أوكيشن
لكم سلامي

فيتامين سي · 17-09-14, 11:34 AM

الجزء(3)

يوم الجمعه .. رجعوا من الصلاه .. وهم على على طاوله الاكل يتغدون
ام نواف:انتبه لنفسك ولدراستك .. ولاتنسى ربك اهم شئ الصلاه يمه
احمد:انشاءالله ...لا توصين حريص
عبدالرحمن:متى بتمشي
احمد:العصر عشان اوصل بدري واترب اغارضي
مشاعل:عاد لا تطول علينا ... اول ما تخلص اختباراتك تعال
احمد:اكيد ..وانا اقدر ابتعد عنكم
دق التلفون ورد عبدالرحمن:هلاااااااااا ابو فهد ..عاش من سمع صوتك
الكل قاموا حول التلفون ..كان نواف اللي داق عليهم
عبدالرحمن:الحمدلله كلنا بخير ..انت شلونك وشلون ايطاليا ... ماما أي هنا
ام نواف:يا هلا بولدي ..شلونك عيوني وش اخبارك...حنا بخير دامك بخير ..كل اخوانك تمام يسلمون عليك انت اهم شئ شلونك .... هاه تاكل زين وتنام
مشاعل:ماما عطيني بكلمه ..لا تسكرين منه
ام نواف:دقيقه انتى ...اي نواف يمه انتبه لنفسك زين ولا تنسانا ..
خذت مشاعل التلفون :هايات باخوي الكبير ..هلا والله ازيك يا عم...والله تماام جدتي وخالاتي كلهم يسلمون عليك..اقول نواف شلون الايطاليين حلوين ..
ام نواف:شف البنت!!
احمد:هاتي بس بلا لعب عيال
مشاعل قالت بسرعه قبل لا يسحبون منها السماعه:نواف احجز لي واحد زين عيونه خضر وشعره كيرلي حلو
خذا السماعه احمد وكلم اخوه ...
مناك فهد يصارخ ابي اكلم ..ابي اكلم ..وعطوه هو بعد كلم نواف ع السريع ..كل اللي طلبه العاب سيارات ..
سكروا منه ورجعوا يكلمون اكلهم ..كل واحد منهم يتذكر نواف والايام الحلوه اللي مرت معه..كان يحلي الجلسه بتعليقاته وضحكته على انه هادي بس قعدته ما تنمل ..
****************************************

من طبع جواهر "ام عبدالله" تحب الكلام مع زوجها واي شئ يصير تقوله و طبعا تبهر السالفه على كيف كيفها
ام عبدالله:فاتك امس وش صار
ابو عبدلله:؟؟ وش صار
ام عبداللهر:اسمع السالفه بالتفصيل الملل.. كانت اختك ام علي ساكته الحرمه ما عندها شئ تتكلم فيه ..الا ساره تحب الهذره سالتها وش فيك ساكته..ردت ام علي ما فيني شئ.امك وخواتك الحوا على ام علي تقولهم وش فيها وزوجها وش مسوي لها ..قالت وهي معصبه مافيني شئ ...حلو
ابو عبدالله:طيب وبعدين
ام عبدالله:قمنا سكتنا ..الا بنتك هالملسونه قالت للبنات شفتوا ما قلت لكم ان زوجها مسوي شئ..عااد سمعناها و سمعتها ام علي ويا انها خذت كم هائل من النظرات اللي احتقرتها ..يعني كانت ام علي بتهب على بنتك وتلعن شكلها بهالكلام وزين ان ملاك ما كانت موجوده ولا كان صارت علووم ..عاد ملاك ما يحتاج وحش كاسر
قام او عبدالله بعد ما سمع السالفه :والله ما عندك سالفه..قلتي لي عهود تكلمت هاه
ام عبداللهر:أي ...وين رايح لا يكون بتضربها ترا انا ما قلت شئ .. مالي دخل
ما رد عليها خالد وراح لغرفه بنته..كل اللي كان يبي منها يقعد معها ويهاوشها على الكلمه اللي قالتها وان لازم تحترم نفسها وتحسن الفاضها ..بطبيعه خالد بارد و يوقف الغلطان عند حده .. بس احيانا يكون تفكره غريب ويقهر

طق طق ..
ماسمعت عهود الباب لانها حاطه الهدفون وقاعده تتفرج على الفلم اللي عطتها مشاعل
فتح ابوها الباب .. وشاف اللي قاعده تشوفه ..كان في الفلم لقطه مو زينه وجت على دخلته وشافها
صرخ:عهود
شالت الهدفون بسرعه وهي خايفه من صوت ابوها :نعم
سكرت الشاشه بسرعه
ابو عبدالله:وش ذا الفلم اللي تشوفينه
عهود:هاااه ..
ابو عبدالله:من وين جبتي هالفلم..انا اكلمك ردي علي
مع صوت الابو العالي ركضت جواهر لغرفه عهود تشوف وش السالفه..
عهود:هذا فلم عادي والله عادي مو اللي في بالك
ابو عبدالله:اجل وش اللي شفته
عهود:يبه هذا شئ فلم عادي مثل اللي بالتلفزيون بس ....
ابو عبدالله:بس وشو تكلمي
عهود:يعني في لقطات مو زينه زي أي فلم
ابو عبدالله:وليش من الاساس تشوفينه
عهود:مشاعل ..اي مشاعل عطتني اياه وقالت حلو
ابو عبدالله:نعم ؟؟ مشاعل عطتك اياه
عهود:أي مشاعل يوم الخميس جابته وعطتني
ابو عبدالله يحاول يهدي نفسه :استغفر الله ..هاتى السي دي
بكل بساطه طلعت الشريط وعطته ...
نسى الابو الشئ اللي جا يكلمها عنه بعد ما شاف الفلم ..مع انه كان فلم عادي مثل افلام التلفزيون في لقطات مو زينه ..وهو ما طاحت عينه الا على الشين
طلع وراحت وراه جواهر عشان تعرف السالفه من اولها
قعدت عهود ع الكرسي وخذت نفس عميق ..
_اووووووف الحمدلله فكيت نفسي ..بعدين وش دخله بهالوقت .الحين لا كملت الفلم ولا بيرجع لمشاعل...بس والله حلو .... يا زينهم هالشقران

***************************************

في فينيسيا.....

طلعوا الثلاثه يتمشون ويتفرجون على الطبيعه والجمال..دخلوا اشهر منطقه للتسوق اسمها"Mercerie" انبهروا من تصميمه و ابداع الديزايين...عند احد المقاهي مرت شابه جميله وناااعمه ابتسمت للخال وليد..وهو رد الابتسامه لها
وليد:عن اذنكم ..راح عندها
حسين:من ذي الحلوهـ ... و بعد يعرفها خالي
نواف:يمكن صديقه دراسه او عمل
رجع وليد مع البنت وعرفهم فيها
وليد:هذه "كين" صديقتي وحبيبتي
فتحوا حسين ونواف فمهم وعيونهم مو مصدقين اللي يسمعونه
ابتسمت كين وحيتهم ..
رد نواف التحيه بحروف متقطعه وابتسامه باهته..اما حسين مع الارتباك رد:هلاا ا ا بــ ح ب يب ت خالي..<<قالها بصوت يالله ينسمع
شافت كين مدى تفاجئم فيها ورد حسين المضحك :هههههههههههههههههههههههه� �<<ماتت ضحك عليهم ..ولفت على وليد وقالت كم كلمه ايطاليه
وليد يترجم لهم:تقول انكم كيوت وفيكم تناحه شوي
حسين :قالت تناحه ..وشو أي كلمه بمعني تناحه
وليد:هههههههههههههههههههه� �ه ..ما قالت كذا بالحرف يعني قريب منها..خذوا هذه الخريطه تدلكم على الاماكن الزينه وانا بروح مع كين نتمشى واذا بغيتوا شئ دقوا على او ارجعوا البيت
نواف:بتطول؟
وليد:يمكن..بس انتبهوا لا تسوون حركات نص كم ..يالله باي
ودعتهم كين بحركه بسيطه من يدها
بعد ما ابتعدوا واختفوا عن الانظار..تنهد حسين وقال:شفت...شفت شلون الجمال والرقه .ياربيييي
نواف:انا ما خقيت الا ع الابتسامه ... صدقت اختى يوم قالت لي جب لي واحد ايطالي
التفت حسين على صديقه وكنه سمع شئ غريب:اختك قالت كذا
نواف:هااه..لا ولاشئ ..امش بس لا نطلع الفضايح اكثر

*************************************
قاعده ع اللاب توب وتسولف مع "Bring me to life"
كان اسمها "هوا"
قال:وش هالصوره...!!
هوا:مو عاجبتك
Bring :يعني بس لو تكون صورتك احسن
هوا:هههههههه انشاءالله عمي بغيرها الحين
وحطت صوره قمر في السما وقالت :هذه انا
Bring :يووه ع الثقه ..ارحمينا بس
هوا:ههههههه..بالعقل يعني بحط صورتي
Bring :وليش لا...لنا سنه مع بعض واتوقع صرنا اكثر من اصدقاء وكم مره وريتك صورتي
هوا:مممممم افكراشوف
Bring :باقي تفكرين ..طيب على راحتك ..المهم غيري السالفه

وبالفعل غيروا السالفه وبدوا يتكلمون عن الرياضه والانديه .. هديل لها سنه وهي تكلم "bring me to life" واسمه الحقيقي..(سعد)..كانت علاقتهم كاي علاقه بالنت سوالف وضحك واذا في أي استفسار عن برامج .. مع مرور الايام حست هديل بانه اول شخص ترتاح معه واقرب واحد لها مع انه ما تعرف اصله ولا شئ عنه وكل المعلومات اللي عطاها مو اكيد تكون صح..

من جهه ثانيه دخلت بنت خالتها مشاعل كان اسمها "غربه الروح"
غربه الروح:هاي يا هوا يا بنت
هوا:هايات ...
غربه الروح:what's up
هوا:تمام..
مرت بينهم لحظات من السكوت
غربه الروح:وشفيك ساكته مشغوله؟
هوا:يب..قاعده مع سعد فديت عمره
غربه الروح:اهااا وانا اقول ليش حاطه ذي الصوره مسويتلي رومانسيه والله ما درى عنك
هوا:لا يكثر بليز
غربه الروح:اوكي اخليك يامال العرس
هوا:c ya
غربه الروح:c ya
سمعت مشاعل صوت اخوها احمد يناديها ..
مشاعل:يب
احمد:يالله انا بمشي الحين
مشاعل:ليه تونا
احمد:وش اللي تونا الساعه 4 ..صح النوم
مشاعل:خساره بفقدك والله يا اخوي
احمد:لهدرجه انا مهم
مشاعل:لا مو مره بس لازم ارفع معنوياتك شوي وادلعك
احمد:كان كملتي المجامله وقلتي ايه...
ام نواف:انتبه لنفسك ولا تسرع بالطريق امشي حبه حبه
فهد داخل عرض:ههههه حبه حبه حبو ابو كاس تحبو
ام نواف:اول ما توصل عطنا خبر ..اوكي
احمد:انشاءالله ...عبدالرحمن حط بالك على ماما واخوانك والبيت..
عبدالرحمن:اوكي توصل بالسلامه
احمد :الله يسلمكم
سلم على اهله وطلع بسيارته متجه للرياض
بعد ما راح جلس فهد على الكنب وحاط يده على خده وهو حزين
مشاعل:شفيك فهووود ؟
فهد :البيت كبير وفاضي احس انى بضيع
طاحوا كلهم ضحك:ههههههههههههههههههههه� �ههااااااااااااااااااي
عبدالرحمن:عليك احساس خطييييير
فهد:ماما ..اليوم راح احمد ومن زمان راح نواف ليش حنا بعد ما نروح
ام نواف: حبيبي وين نروح
فهد:امممممم نروح عن على الصغير ابي العب معاه وانتى اقعدي مع خالتي اشربوا قهوه وتكلموا
ام نواف:امس ما لعبت معه
فهد:الا بس ما كفانا الوقت
ام نواف:مره ثانيه انشاءالله ..انا بطلع بالحديقه اقعد وانت تعال اسبح شرايك
فهد بفرح:يالله..
راح يركض يجهز العابه للسباحه وعبدالرحمن طلع لغرفته قاعد على البلاي ستيشن كالعاده..تطمنت مشاعل ان الصاله فاضيه قالت لامها:ماما ..اليوم بطلع مع شمس للظهران مول
ام نواف:اليوم ؟ليش وش عندكم وبكره سبت وكل الايام الجايه اختبارات
مشاعل:طيب ايام الاختبارت ما يمدينا نتطلع للسوق وبعد الاختبارات راح يكون زحمه وكل شئ زين راح ...
ام نواف:حتى لو ما اضمن
مشاعل:وش اللي ما تضمنين ..شمس وتعرفين امها بنروح مع سواقهم وشغالتهم كلها ساعه ونرجع
سكتت امو نواف تفكر...
مشاعل:هاه وش قلتي
ام نواف:متى رايحين
مشاعل:بعد المغرب
ام نواف:لا
مشاعل بدلع :ماما..يالله عااد ....ماما
ام نواف:تعالي بعد نص ساعه وتعرفين ردي
مشاعل:هههههه حشا كنى جايه اخطب..خلاص بجيك بعد نص ساعه عاد مو تخيبين ظني
طلعت لغرفتها تكلم القصه اللي كانت تقراها...
صوت فهد من بعيد:ماااااامااااااااا يالله انا جاهز للسبااااااااحه
ام نواف:يالله انا جايه

************************************

طلع خالد ابو عبدالله بعد ما خلص اشغاله مر على بيت امه ..
ابو عبدالله:السلام عليكم
ام خالد"الجده"وعليكم السلام هلا يمه شلونك ..شلون عياك انشاءالله بخير
ابو عبدالله:الحمدلله كلنا بخير انتى شلونك وش مسويه
ام خالد:بخير دامك بخير قبل شوي كلمت اختك مها وقالت لي عن الرجال اللي جا يخطب ساره
ابو عبدالله:أي سالت عنه في عده اماكن طلع ولد حلال بس انه ما يشتغل
ام خالد:وهذه المشكله شلون يجي يخطب وهو ما يشتغل من وين بيجيب مصاريف العرس والبيت
ابو عبدالله:المهم انه طيب والشغل يقول قاعد يدور وقريب بيلقى
ام خالد:وتظمن انه بيلقى ..لا يا خالد انا ما ارضى واحد ياخذ بنتي وما عنده شغل من وين بيعيشها
ابو عبدالله:وساره الله منعم عليها بوظيفه وراتب زين..تقدر تمشي حياتها فيه
ام خالد:ومن متى الحرمه هي اللي تصرف على زوجها حتى لو هي موظفه مو معناه انه ما يشتغل ويعيش على فلوس زوجته
ابو عبدالله:يمه ما قلت انه لا يشتغل .. بس مو عيب تساعده لو شوي
ام خالد:انت الحين شايف زوج اختك نوره يشتغل ومو قادر يشتري لهم بيت كل سنه يتنقل من بيت لبيت الايجار قص ظهره..اجل شلون هذا اللي ماله شغل خلقه..لا يا خالد ما ارضى فيه
خالد:الراي راي ساره نسالها ونشوف
ام خالد:اسالها بس انا مو عاجبني هالرجال قلنا طيب ما يخالف بس بطالي بدون شغل لا
ابو عبدالله:يمه لا تدققين مره ترا خواتى اللي في عمرهم لهم عيال وكبار بعد
ام خالد:ادري هالشئ وان خواتك متاخرين بالزواج بس هذا نصيبهم ..وبرضوا ما نرميهم لاي واحد بحجه انهم كبار .
ابو عبدالله:انتى قولي لساره الموضوع ونشوف ردها ..

°•.ღ.•°

هذاك لو قال ((الشتا )) صيف .. عرقت
ولو قال صيفي(( برد)) .. شبيت ناري

°•.ღ.•°

سمر:الله وش هالكلام الحلو ..طالع من لسانك عسل
سلطان:انتى بس تامرين ...
سمر:يعني بتبطل تدخن
سلطان:انشاءالله ..بحاول
سمر:ابي قول وفعل ..مو تسكتني
سلطان:لا ابشري والله بحاول
سمر:كذا ريحتني
سلطان:الا ما قلتي لي شلون امك وشخبارها
سمر:ااااهـ يا سلطان ..الحمدلله على كل حال..
سلطان:راحت المستشفى
سمر:أي راحت وليتها ما راحت ..
سلطان:افاااا ..ليه وش قال الدكتور
سمر:بعد ما فحصها قال عندها فقرات الظهر متلاحمه لازم يسوون لها عمليه ومو اكيد تنجح
سلطان:لاااااااااا من جدك
سمر:واللي خوفني اكثر عمتى تقول يمكن ما تنجح ويصير لها شلل
سلطان:اعوذ بالله وش هالكلام .. يا عمري هونيها انشاءالله خير لها ..انتى لا تسمعين كلام الناس اللي كاتبه ربك بيصير
سمر:أي بس هذه امي لازم اشيل هم الشئ مو سهل
سلطان:الله يخليها لكم .. مالك الا تدعين ربك يخفف عليها .. اذا احسن لها العمليه خليها تسويها وانشاءالله مثل ما قلت لك مهب صاير الا المكتوب ..
سمر:خايفه مره من بعد كلام عمتى
سلطان:ترا في ناس تكبر السالفه وما تقول شئ خير المفروض تهديكم و تطمنكم .. ادعي لها ان العمليه تنجح..
سمر:الله يستر
سلطان:ومتى بتسويها
سمر:بعد اسبوع ..يعني بتدخل المستشفى السبت الجاي
سلطان:الله يعينها ويعينكم...

*************************************
قبل سنه سافر سلطان مع اهله لجده .. يغيرون جو وهناك تعرف على سمر باحد الاسواق
كان يمشي مع اخوه سعود ..وسمر قدامهم مع اختها الصغيره ..بالغلط لفت وصدمت في سلطان وانكب العصير اللي معها على ثوبه
سلطان شهقت من بروده العصير
سمر بارتباك وخجل:اسفه والله اسفه ما كان قصدي
سلطان بعصبيه:ما تشوفين .. الحين وش ينفع الاسف
سمر:والله ما كنت ادري ..
بعفويه خذت منديل ومسحت اللي على ثوبه...
سلطان:وخري عني مو محتاج مساعدتك
حست سمر انه يهينها او يحتقرها بفعلتها ذي
قالت:ياربي على غرورك .. تراك مو اول شخص يتوسخ ثوبه في السوق
سلطان:نعم...غلطانه وتتكلمين
سعود يهدي الوضع:سلطان بس يالله نمشي
سحب اخوه قبل لا تكبر السالفه وفي قلبه حررره عل سمر ..وهي ودها تكفخه على اسلوبه المتكبر..
كملت تسوقها مع اختها ..وانتهى اليوم على خير
بعد كم يوم راحت لملاهي الشلال ..واقفه عند المطعم ..وبالصدفه شافت سلطان وهو شافها..طالعها بنظره باهته ولف وجهه
تكلمت سمر تطلب الاكل اللي تبيه
قال سلطان:انتبهي بس لا تكبين العصير على احد غيري
سمر:لا ياشيخ ..ومن انت علشان تنبهني
سلطان:انا سلطان ..عندك شئ
سمر:لا ما عندي شئ لك يا سلطان ...
لفت وجهها للجهه الثانيه وقالت لاختها:اووف يقهر
سمعها ورد:مو اكثر منك
سمر:نعم؟؟
سلطان:هههههههههه ولا شئ ..باي
طلع وترك لها المطعم وهي تحترق قهر من ضحكته ..
بعد ساعه تقابلوا عند احد الالعاب وكانت زحمه .. البنت بحالها شافته وسكتت الا هو غصب يضايقها ويرفع ضغطها
سلطان:لو سمحتى
لفت سمر على بالها احد ثاني غيره
سلطان:لا بس كنت ابغى اشوف اذا معك شئ واقولك لا ينكب .. عاد لو ركبتي مع العصير في الملاهي وانكب على الناس كلهم مشكله كبيره<<<قالها وهو يبتسم
سمر :استغفر الله ..يعني لازم تذكرني ...اوف غثيث
سلطان:مره كنت اقهر والحين غثيث وبعدين وش اصير
سمر من القهر تبي تضحك على اسلوبه ..الا يتميلح لها غصب
سمر:ههههه والله عالم غريبه تتلزق غصب
سلطان:أي بتلزق غصب عندك مانع
سمر تقلده بالكلام: أي بتلزق غصب عندك مانع
مات ضحك سلطان على حركتها :هههههههههههههههههههااااا� �ي..الله يرجك وش ذا التقليد
لفت وجهها ومشت من عنده<<< يعني اني ثقل..
قالت وهي رايحه:اللهم طولك ياروح ...
سلطان:دقيقه وين رايحه ..
مشت وهي مطنشه ... ولاكنها سمعت وش قال..والاخ مشى وراها ..
سلطان:دقيقه يا فتاه العصير
سمر ودها تضحك بس ماسكه نفسها ومطنشه..جا قدامها
_دقيقه يا فتاه العصير ..بغيت اقولك شئ
سمر:خلصنا وش تبي
سلطان:اخلصكم ليه انتوا مين ..انا بس اشوفك انتى
سمر:هههه ..غبي
سلطان:ما عليك زود
سمر:نعم؟؟
سلطان:الله ينعم بحالك بس ما قلتي لي شو اسمك عصيره ولا سائله
سمر:ما قالوا لك انك ثقيل دم ..تقههههر
سلطان:هههههه طيب ليش معصبه ريلاكس..والله اشتري لك عصير يهدي اعصابك
عطته نظره جامده..
سلطان:اوه نظرتك جامده لا خلاص ببطل واصير ما اقهر ..
سمر:وش تبي الحين
سلطان:امممم .. رقمك علشان اعرف اسمك بس .. مو اكثر
سمر:هيهيهيه ..
سلطان:هههههه عليك ضحكه حلوه مثلك
سمر وهي ماشيه :.....050
قالته على السريع وتركته
سلطان:دقيقه ...وش اخر رقم...4
هزت راسها لا..
سلطان:6 ..5..7..1
سلطان:واحد
هزت راسها بــ"أي"

وبكذا تعرف عليها اكثر وكانت بدايه ايامهم كلها عاديه ضحك وهواش وكل واحد يستفز الثاني .. بس كان سلطان معجب فيها وبخفه دمها وغبائها .. وسمر رافع ضغطها هالانسان بس عاجبها حتى كانت تسميه "ثقيل دم"وهو يسميها " كوكتيل"

::التقينا ومدري كيف احنا التقينا...صدفه حلوه اجتمعنا وبعدها بدينا السوالف والقصيد..وصار كلن يحكي عن قديمه والجديد..ومن حكى صابني شئ غريب..وقلت في بالي جاب لي ربي حبيب...صدفه لقيته بدربي واجتمع قلبه وقلبي..ومن عرفته صارت دنيتي جديده...ومن نظرته صارت ايامي سعيده...

**************************************

دخلت ام على على بنتها ولقته قاعده على سريرها تفكر بشئ
ام علي:ملاك وش فيك ؟؟
ملاك:ما فيني شئ
ام علي:لا يكون تعبانه ..مسخنه
ملاك:لا ما فيني شئ
ام علي :اجل قومي معي نطلع نتمشى شوي
ملا:وين نروح؟
ام علي:نروح أي مكان .. بنده مثلا
ملاك:مالي خلق ...
ام علي:براحتك انا باخذ اخوانك ونطلع..تبين شئ
ملاك:لا
طلعت وتركتها في ضيقتها وحيرتها ..
_معقوله نواف بيتزوج ويصير لوحده ثانيه طيب وانا وين اروح اصير لمين .. بس الموضوع مو اكيد خالتى قالت كلمه ومو اكيد تسويها..ياربي وش ذا اللي انا فيه...مشاعل ما حست اني ابي اخوها ياما تكلمت عنه واسالها عنه لهدرجه مخها جامد ما تفهمها وهي طايره...اوووف يا ذا الحب من طرف واحد شئ يجيب المرض
***********************************************

نزلت لامها بالحديقه وهي متامله خير
مشاعل:هاه مماتي شو قلتي اروح مع شمس
ام نواف تصرف السالفه وتحرق اعصاب بنتها:اقول مشاعل ابي ازوج نواف .. دامه صار يسافر كثير بصراحه خايفه عليه
مشاعل:اممممم ..انا معك بهالفكره ... نزوجه ونستر عليه احسن بس مين بتاخذين له
ام نواف:اول نشوف البنات اللي بالعائله..
مشاعل:لاااااااا الا هم ..مره بنات خالتي يقولون وعععع زواج الاقارب لو يخلصون رجال الدنيا ما ناخذ من اهلنا ..
ام نواف:من جدك!! من قال كذا
مشاعل:عهود وهديل
ام نواف:ايييه..ما عليك منهم بياعات كلام..شرايك ببنات فايزه اللي شفناهم يوم الخميس
مشاعل:والله بنات حلال بس في غيرهم احسن
ام نواف:ليه وش فيهم كاملات والكامل الله
مشاعل:أي ما عليهم شئ بس ما يناسبون نواف ...هو يبيله وحده متعلمه مرره تفكيرها زي تفكيره .. وكشخه بقوه مو تكون وحده عاديه زيهم
ام نواف:أي يعني تبين وحده كشخه وراعيه طلعات ولبس وما تعرف شئ في البيت
مشاعل:لا مو لهدرجه بس في بنات راعيات بيت و نفس الشئ كشيخات ويعرفون الزين..يمه خلي ذا الموضوع على جمب وانشاءالله خير ما قلتي لي اروح؟؟
ام نواف:اه منك لحوحه..اي روحي بس انتبهي لنفسك
مشاعل:اوكيك..وانتى لا تشيلين هم بفتح عيوني زين وادور لك عن بنت زينه لنواف
ام نواف:قبل لا تروحين ترا اول اسبوع من الاجازه في عرس "سلمان"ولد رنا ..بنروحه انشاءالله
مشاعل:سلمان ولد امه بيتزوج يا حليله كبر الولد.. دام عرس لعيال خالتي رنا اكيد بروح هي كل عروسها وعزايمها زينه..

**************************************
بعد المغرب
وصلت شمس لبيت مشاعل ونزلت تسلم على ام نواف
نبذه صغيره عن عائله شمس
ابوها"فايز" تاجر كبير ومعروف بالشرقيه ..امها "زينه" اماراتيه واهلها بالامارات
سيف : موظف في احد البنوك
شمس:تدرس مع مشاعل .. وما تعرفت عليها الا عند تسجليهم بالجامعه وبالصدفه التقوا مره ثانيه بعد ما انقبلوا

دخلت شمس للصاله:السلام عليكم ..شحالتج خالتي
ام نواف:وعليكم السلام ورحمه الله ..الحمدلله بخير يا بنيتي انتى شلونك وشلون الوالده واهلك
شمس:يسرتج الحال ..والله كلنا بخير ..
مشاعل:يالله ماما ..انشاءالله محنا مطولين على العشا بنرجع
ام نواف:توكلوا على الله وانتبهوا لنفسكم

شمس:انشاءالله خالتي ..يالله مع السلامه
مشاعل:بدك اشئ مماتي
ام نواف:سلامتكم..
مشاعل:سي يو..

***************************************

في السياره..
شمس:اووف ياربي متى تخلص السنه ونفتك
مشاعل:ليه وش عندك مستعجله
شمس:ابى ارتاح ابى اشوف حالي ..اسافر واغير جو
مشاعل:وين بتسارفون
شمس:اول شئ الامارات نسلم على اهلي بعدين بنروح لباريس
مشاعل:ونااسه اجل .. فليها وغيري جو
شمس:اكيد ما يبيلها كلام...شرايتج نمر جيان ونعبي لنا عربيه بالحلويات والتشبس ترا مشتهيه اكل هالفسافيس
مشاعل:الحين مو تقولين تبين تنحفين وتسوين دايت وش اللي غيرك..
شمس:والله تعبت اشوف الاكل جدامي وما اكله ..وسيف معذبني بالبيت كل بعد كم يوم يسوي لنا شئ مره "باربكيو بارت"..ومره مدري وشو ..خرابيطه كثير
مشاعل:ليش يعرف يطبخ
شمس:يطبخ اذا كان مروق ومشتهي شئ يبدع فيه... وانا اكل واتورط .
مشاعل:ههههههههه بالعافيه عليكم.

******************************************
وصلوا المول ونزلوا ..كان اقل زحمه لانه جمعه والناس مشغوله تجهز ليوم السبت ..مروا كم محل وخذوا اللبس اللي يعجبهم وبعض المحلات ما خذوا منها شئ ..
في محل زهور الريف..
اللبناني:مرحبااا ... تفضلوا
شمس:لو سمحت وش اخر عطر نزل عندكم
اللبناني:تفضلي ..هيدا برفان بريحه التوت كتيير حلوو وهادي ,بيدل على الانوثه
شمس لمشاعل:شرايتج مو حلووو
مشاعل:اييي ريحته مميزه
اللبناني:اختى انتى ما بدك شئ <<< يقصد مشاعل
عندنا كوكلشن لعطور خاصه بالجسم "شامبو .. و لوشن"كتير حلوو بيناسبك انتى بالذات
مشاعل:اناااا؟؟ ..طيب اشوفه
عطاها عينه منه وشمتها ..بس ما عجبها
مشاعل:مممم أي حلو<<< تجامله
اللبناني:شوو ما عجبك ... طيب شو رايك بهيدا ..ريحتوو احلى وبيجذب كمان
زهقت مشاعل منه وحبت تنهي السالفه:حلووو .. اوكي اجيك مره ثانيه الحين مستعجله
اللبناني:على وين لسى بدري...في عندي مجموعه كتير بتعجبك وتناسب نعومتك
مشاعل:طيب شكرا ..سحبت شمس وطلعوا
شمس:وشفيتج على الريال... قاعد يوريتج اشياء زينه وانتى مو عايبنتج
مشاعل:ما يستحي احرجني ..ما شفتي نظراته شلون
شمس:هههههه حركات ياللي يستحي ...

****************************************

علي جالس مع الشباب في احد زوايا الشارع ...
حمد:واقولكم .. لحقناها للبيت وعرفنا من هي والله لاتندم على الحركه اللي سوتها مو انا اللي ترمي الورقه بوجهي
علي:انت الغلطان ... شفتها من الاول ما تعطيك وجهه اتركها في غيرها كثير
حمد:والله ما اخليها .. على مين رافعه راسها ..لانزله بالتراب وتشوف
طلع سامي من جيبه بكت دخان وعطى حمد:خذ بس وهدي اعصابك الدنيا ما تسوى
حمد:مشكور
وجهه لعلي سيجاره ثانيه..
علي:لا شكرا ما ابي
سامي:خذ بلا حركات بزارين..خذ ياخي وعيش الجو
خذا علي السيجاره وهو ما وده ياخذها بس ما حب يتفشل قدام الشباب ومسوي فيها رجال .. لو اهله دروا باللي قاعد يسويه كان ما خلوه .
****************************************

قاعده ام خالد مع بنتها ساره تكلمها بموضوع الخطبه
ام خالد:انا قلت لازم اقولك لان الموضوع خاص فيك ..بس لو تبين راي انا مو عاجبني هالرجال مدري شلون بيتزوج وهو ما يشتغل
ساره:طيب ان رفضته في غيره؟
ام خالد:الرجال مليين الدنيا..يروح هذا يجي غيره
ساره:يمه وانتى شايفه الرجال طابور على بيتنا يوم تقولين كذا ... في السنه نعمه لو جا واحد يخطب..
ام خالد:براحتك يا بنيتي الامر بيدك فكري وشوفي

*****************************

فيتامين سي · 17-09-14, 11:37 AM

الجزء(4)

بغرفتها وهي داخله جو مع "Bring me to life"
Bring:اقولك يوم الاحد بدخل المستشفى بسوي عمليه "لوز"
هوا:من جدك؟؟!! سلامتك والله ما تشوف شئ
Bring:الله يسلمك..والله خايف ..ما احب المستشفيات
هوا:لا انشاءالله سهالات..طيب ومتى بتطلع
Bring:مدري والله يمكن ما اطلع واموت
هوا:لا تقول كذا ..الله يطول بعمرك
Bring:انتى ما تسمعين بقصص دكاتره البنج..احيانا ما يضبطونه زين ويدخل المريض بغيبوبه
هوا:بسم الله عليك يا سعد ..
Bring:اطلب منك طلب بس ما ترديني فيه
هوا:امر ...
Bring: بصراحه انتى غاليه على قلبي .. ومن جد حبيتك يا هديل ..ابي قبل ما ادخل المستشفى اسمع صوتك
تفاجئت هديل من طلبه ... وترددت بالرد
هوا:...........سكوت
Bring:وينكـ يا قلبي
هوا:هنا معك
Bring:هاه وش قلتي؟!
هوا:بصراحه طلبك صعب يا سعد
Bring: وش اللي صعب فيه ..خذي رقمي وياليت ما تنطشيني ترا محتاج اسمع صوتك............0503
هوا:اوكي..
كملوا المحادثه بسوالف وضحك ..وللاسف سجلت هديل الرقم بجوالها ... لعب بعقلها الشيطان وعلى بالها كل من قال "حبيتك" تكون الكلمه طالعه من قلبه
*************************************************

في الصاله كانت ام نواف قاعده مع عيالها عبدالرحمن ..وفهد يلعب بالعابه..
دق جوال عبدالرحمن ورد:هلا...الحمدلله بخير ..اخبارك انت....ايه بكره لا منب رايح بغيب..لا والله تعبان شوي مره ثانيه..انت بتروح مع مين..اهااا..يالله اجل مع
السلامه

ام نواف:سلامات وشفيك تقول تعبان
عبدالرحمن:لا مو تعبان بس اصرف الولد ما ابي اروح
ام نواف:بكره عندكم شئ بالمدرسه
عبدالرحمن:أي ..في رحله لنادي الاتفاق..
ام نواف:طيب روح وسع صدرك مع العيال وش عندك في البيت
عبدالرحمن:ما ابي اروح ..زحمه وناس كثير ..خليني في البيت احسن
ام نواف:بكيفك..

ما استغربت ام نواف من حركه ولدها لانه كان انطوائي وما يحب يقعد مع الناس .. دايما بغرفته قاعد على البلاي ستيشن او يقرا بالقصص..ماله بالناس والطلعات الكثيره.. من يوم وهو صغير كان يخاف و متعلق بامه كثير .. كان السبب المشاكل اللي مروا فيها مع ابوهم ..ما نساها ودايما تتكر في باله..

************************************************

على اطراف الرياض ... وهو يشوف اللمبات من بعيد اخيرا وصل احمد بالسلامه ..بعد ربع ساعه وهو واقف عند باب البيت وينزل اغراضه ... كان ابوه توه طالع
احمد:السلام عليكم
ابو نواف:وعليكم السلام ..هلاا والله .. الحمدلله على السلامه
احمد:الله يسلمك شلونك يبه
ابو نواف:بخير والحمدلله..انت شلونك وشلون اخوانك انشاءالله كلهم بخير
احمد:تمااااام يسلمون عليك

ابو نواف في بيته ملحق برا وفاضي فخلاهه لولده اللي يدرس عنده..ما كان قريب منه ولا بعيد .. يعني لاهي بشغله وزوجته وعياله اللي عايش معهم اما عياله من ام نواف مو مرره مرتبط معهم..
دخل احمد غرفته وعلطول دق على امه يطمنها
احمد:هلاا يمه شلونك
ام نواف:بخير الله يسلمك هاه وصلت
احمد:أي ..الحمدلله
ام نواف:الحمدلله على سلامتك يا الغالي...عااد الحين صلي العشا وتعشى ونام ريح نفسك
احمد:انشاءالله ..شلون اخواني كلهم بخير
ام نواف:ماشي حالهم ..مشاعل توها جايه من برا كانت مع صديقتها
احمد:وش يطلعها ذي ما كفاها الخميس طالعه..يمه قولي لها مو يوم غاب القط تلعب يا فار..لا تكثر الطلعات وانتبهي لها تكفين
ام نواف:انشاااءالله ..لاتشيل هم وانتبه لنفسك ولدراستك..
احمد:يالله فمان الله
ام نواف:مع السلامه.

*****************************************

رجع علي البيت وقابلته امه بالاسئله:وين كنت ؟ ومع مين ؟ وش سويت كل ذا الوقت ؟ ما تفكر ان وراك اهل يتنطرونك؟ولا ما تسمع كلام ابوك كم مره قالك لا تتاخر؟
رد علي :رحت مكان من الاماكن والحين رجعت لمكان الهم والضيق .
ام علي:الهم انك تقعد مع اهلك والضيق انك تشوف وش يبون وتلبي حاجاتهم ..
علي:اوووووف
طلعت ملاك على كلمه اخوها
ملاك:هيه انت وش عندك نافش ريشك ورافع راسك علينا ..امي لما تكلمت ترد عليها بادب
علي:لو سمحتي لا تتدخلين بشئ ما يخصك ولا بيجيك شئ ما ترضين فيه
ملاك:وش بيجيني يعني ..شوف حبيبي انفخ عضلاتك برا البيت مو هنا.. هذا انت برا البيت مثل القطوه تلحق وراهم والحين متفرعن علينا
قرب منها ورفع ده..
ملاك:يالله اضرب اشوف ..وريني شطارتك..لحظه وش هالريحه ..تدخن؟؟
علي بارتباك:نعم وش هالكلام انا ما ادخن
ام علي قربت منه تشمه:ريحت سجاير ..لايكون تدخن
علي:يمه وشفيك صدقتي تسمعين كلام هذه
ام علي:والله ابوك لو درى لا يلعن شكلك سمعت
علي:قلت لكم ما ادخن ..اووووف
مشى وتركهم ضغطهم مرتفع والام ضايق صدرها على حركاااته..مسكتها ملاك وقعدتها على الكنب
ملاك:يمه ما عليك منه ... هدي اعصابك تراه ما يسوى
ام علي:هالولد بيذبحني تعبت معاه تعبت وطقيت منه..ما يسمع الكلام ولا يعبرنا ابد
ملاك:الله يهديه.

***************************************

الساعه 12 بالليل الكل نايم من تعب اليوم الا وحده بغرفتها تتقلب على السرير مو جايها نوم ..وبالها مشغول بسالفه مهمه لها وتحدد مستقبلها وحياتها
ساره "ياربي تعبت وانا قاعده عند اهلي ملييت من هالحياه .. تعبت من كلام الناس ونظرتهم يعني لمتى بظل كذا عانس مثل ما يقولون
اااااهـ .. هالكلمه تقتل القلب و تجرح بقوه.. عيال خواتي كلهم بيتزوجون وانا قاعده بمحلي لا جديد ولا أي شئ..
يقولون الرجال طيب و ولد حلال بس ما يشتغل.. طيب وشفيها خلاص بوافق عليه وافتك من كلام الناس وحكيهم ..
ياخوفي اخذه ويقعد طول عمره بلا شغل ..وقتها اتورط من جد
استغفر الله العظيم ... يارب ساعدني و اكتب لي الخير في كل مكان.
انا تعبت والله تعبت افكر ومحتاره بامري .. اللهم اني سلمت امري اليك.
نامت وسلمت امرها لله.

************************************************** ****
صباح السبت سيف ينادي على اخته ويستعجلها
شمس:زين زين جيت
سيف:اخرتينا شوفي الساعه كم 7 ونص يالله نوصل
وهم في السياره..
سيف:وش ذا اللي معتج كنتج بياعه
شمس:بياعه مره وحده حرام عليك ..هذا اكلنا انا و مشاعل امس شارينه من جيان وبنفلها اليوم
سيف:ربيعتج هذا ما امداتج تتعرفين عليها حتى صرتوا تتسوقون مع بعض
شمس:البنت طيبه وتنحب علطول..مابلقى مثلها بهالوقت
سيف:عالعموم انتبهى لا يغرتج الانسان من الظاهر
شمس:ليش كل هالحرص تخاف علي
سيف:اكيد اخاف عليتج مو اختى الصغيره والوحيده
شمس:يووه ما توقعتك خواف لذي الدرجه
سيف:هذا يزاي اني اخاف عليتج مالت على هالويهه .. يالله انزلي وخلصينا
شمس:ادري اني بوحشك يا خوي بس مو بيدي وراي دراسه ومحاضرات..يالله بااي
سيف وهو يضحك على هبالها و خفه دمها

داخل الحرم الجامعي...
قابلت شمس طالبتين لها معرفه بسيطه بهم
نوال:شمس تعالي ..تعالي ابيك
شمس:هلا..بغيتي شئ
نوال:من جيتي معه اليوم ... ذاك الحلو اللي بالسياره
شمس:جيت مع اخوي ليش تسالين
نوال:واااااااااااو يهبل ..ملامحه مررره حلووه..
شمس:الله يقطع ابليسج ... غضي بصرتج عن الرياييل
نوال:ااااااهـ تكفين بس..ما قلتي لي وش اسمه
شمس:وش عليتج من اسمه تراه ما درى عنتج ولا عن هوا دارتج..يالله عن اذنتج
نوال تكلم صديقتها:اووووف مغرورهـ مالت عليها من بنت

مشاعل من بعيد:وينكـ يا بت الايه ...سنه ادور عليك
شمس:نشبت لي نوال..قال شو ..اخوتج يهبل شو اسمه
مشاعل:هههههههه حركات البنات المعروفه ..اذا دروا ان عندك اخو حليوو لصقوا فيك..امشي بس نلحق ع المحاضره قبل ما تبدأ.
*****************************************

دق جرس الباب , قامت ام علي مخترعه من اللي بيدق في هالوقت ..فتحت الباب وكان ولدها ثامر راجع من المدرسه
ثامر:السلام عليكم ادري انك مستغربه وش عندي راجه بس المدرسه مقفله ما فيها احد بس الحارس
ام علي:مقفله؟؟ ليه وش عندهم اجازه
ثامر:سالت الحارس يقول في صيانه داخل الكهرباء خربانه والعمال يشتغلون فيها
ام علي: وبس انت اللي ما كنت تدري بهالشئ ولا حتى غيرك من الطلاب , يعني يوم رحت في طلاب مثلك راحوا ورجعوا
ثامر:أي في كثير ..مو مصدقه اسالي اللي بتسالينه
ام علي:بدل ملابسك وارجع نام ..
بكل برود دخلت غرفتها ورجعت نامت وخله ولدها اللي كالعاده تغافل امه وطلع برا البيت راح للمطعم فطر و لف كم لفه بالشارع ثم رجع ...كله صار الصبح والام نايمه على بالها ولدها في البيت ونايم.
*****************************************

طبعا الكل عرف بالرجال اللي جا يخط ساره ..الجده وام نواف ما عجبهم الوضع خصوصا انه ما يشتغل ..اما الباقي كانوا مؤيدين ويحتجون بانها كبيره واللي في سنها المفروض انها ما ترفض وتتعجل بالزواج.

********************************************
يوم الاثنين في بيت الجده "ام خالد" ... جالسه مع ولدها خالد وبنتها ام سلطان وكانت ساره معهم يتناقشون بسالفه الرجال ..
ام سلطان:هاه وش قلتي .. ترا حنا نبي مصلحتك يا ساره و الامر بيدك
ساره:يمه وشرايك
ام خالد:تعرفون راي راضيه فيه الا سالفه الشغل
ابو عبدالله:يمه الله يهديك لا تدققين على كل شئ خلاص انشاءالله يشتغل ويمشي اموره
شافت ام خالد ان كلاهما يضايق عيالها ومو مسموع فحبت ما تكثر كلام
ام خالد:خلاص اللي تشوفونه والله يكتب اللي فيه الخير
ابو عبدالله:يعني ارد على الرجال واقوله انك موافقه علشان الاربعاء يجي وتصير خطبه رسميه
ساره: اي

********************************************
طق الباب ودخل على هديل
سلطان:سلااااام
هديل: وعليكم السلام ....هلا
سلطان:تحتاجين اللاب توب تبعك
هديل:لا ...ليش
سلطان:ابيه لان حقي عند المهندس و عندي شغل مهم
هديل:اوكي ...
خذا سلطان جهازها وطلع وهي لحقته نزلت تحت عند اختها هند لقتها قاعده على التلفزيون تتابع برنامج التفاح الاخضر..
هديل:اووووف تغذيه هنا وتغذيه بالجامعه خلاص ارحمينا
هند:لا اله الا الله .. وش عليك منى
هديل:يختي غيري شوفي أي فلم أي شئ صاحي ..طفشت
هند:انتظري دقايق لين يخلص
استسلمت هديل لامر اختها ورضت باالحاله اللي هي فيها ..مسكت جوالها وارسلت مسج يقول
"سجلت في خافي الضماير تعابير"
"وكتبت على هاتفي حلو المعاني"
"ودعيت الله خالق الناس و الطير"
"يحفظك من شرور الزماني "
"وعسى تكون ايامك كلها خير"
"ويجعل ربي السعاده والفرح لك تهاني"

دخلت ام سلطان كانت توها جايه من بيت امها "ام خالد" ..سلمت على بناتها و سالت عن اخبارهم واخبار البيت بغيابها , ثم طلعت تبدل ملابسها ..
اما هديل دخلت المطبخ تصلح القهوه والشاهي ..

طلعت هديل وهي شايله الصينيه..
هند: تدرين ان خالتي ساره انخطبت
هديل: والله؟؟ على البركه وش دراك
هند:سمعت امي وهي تكلم جدتي على التلفون وما تشوفينها اليوم راحه عندهم اكيد علشان سالفه الخطبه
هديل: الله يوفقها ما بغت تنخطب .. يا خوفي اكبر واصير مثلها عانس
هند:استغفري ربك , هذا وانتى قريبه منها تقولين كذا اجل شلون البعيد
هديل: ما قلت شئ يا بنت الحلال .. الله يوفقها ويستر عليها ويرزقنا
هند: اششش امي جت ولا تقولين لها شئ , لين ما هي تقولنا
نزلت ام سلطان وقاعده مع بناتها وعيالها يتقهوون الا سلطان كان بغرفته يشتغل على الكمبيوتر ..
بعد دقايق صوت سلطان من فوق ينادي على امه :يماااا..يماااا
قاموا كلهم يحسبون فيه شئ صاير
ام سلطان:بسم الله ... وش فيك تصارخ
سلطان:يمه تعالي بسرعه ابيك
طلعت الام ولحقوها البنات
سلطان:انا قلت امي بس انتوا مالكم دخل
في غرفه ..
سلطان:تعالي شوفي بلاوي بنتك ..اقري وشوفي

المشكله الكبيره اللي صارت وهديل ما تدري عنها , ان كل المحادثات اللي كانت تدور بينها وبين صديقاتها و سعد في الماسنجر مسجله بالكمبيوتر وطلعها سلطان ..
قراهم كلهم وما انصدم الا بعد محادثه هديل وسعد اللي كانت تحوي على كم صوره له ورقم تلفونه..

كانت ام سلطان مصدومه و مو مستعوبه اللي تقراه: سلطان وش ذا الكلام من وين جبته
سلطان:هذه بنتك هديل داقه صداقه مع رجال غريب سوالف وضحك وصور واخرتها ارقام , شوفي رقمه كاتبه لها
ام سلطان:حسبي الله عليها من بنت حسبي الله عليه , انت متاكد انها هي
سلطان:يماا الجهاز جهازها وش تبين اكثر من كذا ..
ام سلطان: وينها قليله الادب
طلعت تنادي على هديل ... وبكل براءه جت ما درت وش اللي ينتظرها فوق
هديل:نعم يمه..
ام سلطان:تعالي ..تعالي .. من هذا اللي تكلمينه
واشرت على اللاب توب
قربت هديل من الشاشه تقرا المحادثه وتستوعب اللي قاعد يصير
سلطان : سالناك منهو ذا
بعد الورطه و المفاجاءه اللي طاحب فيها هديل ما عرفت تصرف نفسها او ترقع السالفه
قالت:مدري ... والله مدري منهو ذا
سلطان:هديل تكلمي زين وقولي منهو ذا
هديل:والله مو انا هذه مشاعل ..اي مشاعل يوم جت عندي دخلت المسن وجلست تسولف انا مالي دخل
سلطان:اليوزر نيم حقك و اسمك مكتوب في المحادثه تستهبلين علينا
هديل:والله العظيم انا مالي دخل , قسم بالله , لو تبوني احلف بالقران واقولكم مو انا

طبعا اللي بحاله وموقف مثل هديل ممكن يسوي أي شئ علشان يبري نفسه .. للاسف حلفت واقسمت وهي تدري انها كذابه واللي تسويه ما يجوز بس الظروف تخلي الواحد خروف

ام سلطان:حسبي الله عليك من بنت .. مو متربيه ويبيلك تربيه من جديد , هاتي الجوال اشوف..هاتيه
مد يده سلطان لها وخذا الجوال , فتح الاسماء لقى اسم bring me to life
وفي المكالمات مالقي أي مكالمه صادره او وارده لنفس الاسم .. اما في الرسائل لقى رساله له في الرسايل المرسله ..
من القهر خذا سلطان كف وطبعه على خد هديل , وكانت الدموع اقرب شئ لها جلست وتبكي وتتمسكن عند امها
هديل:يمه شفيك علي قلت لك انا مالي دخل .. انتوا اسمعوا السالفه كامله بعدين احكموا, ليش ما تصدقيني ..والله مو انا
ام سلطان:اص يا حقيره يا كذابه تحلفين انه مب انتى وكل شئ يدل انك انتي , من بعد اليوم يا هديل لا جوال ولا كمبيوتر وان شفتك قاعده عليه لاقص يدينك ورجولك فاهمه
سلطان :انقلي عن وجهنا ..اطلعي برااااااا
على طلعتها من غرفه سلطان قابلت هند جت على صوت صراخهم وشافه حاله اختها و وجها الاحمر كله دموع
دخلت عليهم :يمه شفيكم وش صاير
ام سلطان: ما صار شئ ... فكيني انتي الثانيه
طلعت وتركت عيالها اللي بقهر واللي بحيره
هند تسأل سلطان: سلطان وش صاير هديل شفيها
سلطان:شوفي بلاوي اختك الله لا يوفقها .
جلست تقرا المحادثه و مثل البقيه انصدمت من الكلام وما توقعت اختها تكون لهدرجه ..
خذا سلطان الجوال والكمبيوتر حطه بغرفته وقفل عليها وطلع من البيت يشم نفس ويزيل الضيقه اللي فيه

********************************************
في بيت ام علي على الساعه 8 المسا , ملاك وامها قاعدات بالصاله يتابعون مسلسل خليجي على احد القنوات .. الا يدق جوال ملاك وكان المتصل صديقتها بالشغل " حنان "
ملاك:الـــــــــــو ..هلا حنان
حنان:هلاااااااا والله بهالصوت شلونك يا دبه اخبارك
ملاك: والله بخير ..انتى شلونك كيف الدوام اليوم
حنان:ماشي مثل كل يوم كرف وتعب الا ما قلتي لي ليش غايبه اليوم عسى ما شر
ملاك:الشر ما يجيك بس تعبانه شويه ومالي خلق للدوام
حنان:تعبانه ؟! من وشو وانتى امس مثل الحصان ماشاءالله
قامت ملاك من الصاله لغرفتها حتى تاخذ راحتها بالكلام ..
ملاك:والله يا حنان ضايق صدري مررره , تعبت وانا افكر فيه
حنان:لا يكون نواف
ملاك:في غيره متعبني
حنان:يا بنت الناس لا تكبرين السالفه , الامر مو جديد انك تحبينه وهو ما يدري عنك نص بنات السعوديه كذا
ملاك:انتى ما تدرين وش صار اصلا
حنان:وش صار بعد ..هاتي وش عندك
ملاك:لك خلق تسمعين
حنان:أي تكلمي

وحكت ملاك لصديقتها حنان كل شئ .. تقول كلمه وشوي تسكت العبره خانقتها وتبي تبكي بس تقاوم
ملاك:تخيلي يا حنان الانسان اللي تحبينه يكون لغيرك
حنان:طيب انتى متاكده من الموضوع يمكن بس كذا امه تتمنى وماراح يصير شئ
ملاك:حتى ولو , خايفه يروح عني ويكون لغيري انتى ما تدرين وشكثر احبه , اموووووت فيه يا حنان, و لما اسمع احد جاب طاريه يفز قلبي , ولي اكثر من سنه ما شفته مشتاقه له والله مشتاااقه
حنان: يا حياتي عورتي قلبي .. انا اشهد ان الحب عذاب , طيب ما حاولتي تلمحين لاخته انك تحبينه او تبينه
ملاك:حاولت بس اخته ثوره ما تحس
حنان:ههههه , شدعوه ما تحس تلاقينها داريه بس مطنشه ترا بنات هالايام عبيطات
ملاك:طيب وش الحل , ساعديني تكفين ... ابي اهله يدرون انى احبه وابيه , وابيه يكون لي وبس لو بأي طريق تكفين يا حنان قولي لي وش الحل
حنان:امممممممم ... اسمعي انتى هدي نفسك وريحي بالك انا بفكر وانشاءالله القى حل واقولك بكره
ملاك:لا تخيبين ظني ترا متعلقه فيه مره
حنان:ولا يهمك ...يالله ما اطول عليك ..مع السلامه
ملاك:هلا والله حياك.

************************************
في نفس البيت وبمكن ثاني ..
جا ابو علي وقعد مع زوجته
ام علي:تدري ان ثامر طول هالاسبوع كل ماراح المدرسه يلقاها مقفله والحارس يقول في صيانه داخل
ابو علي:وش صيانته بعد
ام علي:يقول كهرباء ومكيفات بس مو معقوله طول الاسبوع اجازه , روح بكره واسال وش السالفه
ابو علي:فاضي له اروح اسال , قلك الولد فيه صيانه داخل خلاص .
ام علي:الله يستر بس من هالعيال , ما وراهم الا المشاكل
ابو علي: خليها على ربك المهم اسمعي الخبر ذا , صاحب البيت يبينا نطلع من بيته
ام علي وهي مفتحه عيونها من الدهشه:نــــــــــعم !! نطلع وين نروح
ابو علي: ما ادري وين نروح لا تساليني , بس هو قالي اليوم اطلعوا من بيتي لانه بياجره بسعر اعلى
ام علي: ما يكفيه , من قبل كم شهر رافع الايجار والحين بيرفعه زياده
ابو علي: انا بصراحه ما اقدر ادفع المبلغ اللي طلبه , فمن الحين ندور على مكان ثاني وقولي لاخوانك يدورون لنا
ام علي:وش دخل اخواني بالموضوع , يا زيني وانا اقولهم دوروا لنا بيت
ابو علي:أي وشفيها مو اخوانك , ماشاءالله كل واحد بوظيفه ومكان زين اكيد يعرفون منا ولا منا
ام علي: يا شماتت امي واخواني فيني وش بيقولون عني
ابو علي: ماراح يقولون شئ , لو انهم طيبين وعيال حلال ما يخلون اختهم وزوجها وعيالها كذا , قولي لهم وبس
حل السكوت بينهم المسكينه ام علي مشاعرها متضاربه ما تدري وش تقول او وش تفكر فيه بعد كلام زوجها الغريب
ابو علي ينادي:ملاااك ..ملااك
ملاك: نعم يبه
ابو علي: سوي لي كاس شاهي راسي مصدع .

هذه بس حالته ياكل ويشرب وينام , ما يهتم بمشاعر واحاسيس غيره , يجرح او يحطم انسان كل شئ عادي عنده , مصدق انه الرجال والابو يعني الكل ينقاد له وما يرد له طلب ولا يتجادل معه باي موضوع , خبروه بسالفه ولده ما اهتم و لا فكر لو لحظه بالموضوع , يجي يرمي كم خبر وكم امر لزوجته وعياله ويقعد كانه ما سوا شئ.. رجال غريب ما يعتبر انسان.
********************************************

طالع بسيارته يدور في الشوارع من مكان لمكان , يحس انه متضايق و مخنوق
"سلطان" معقوله يا هديل يطلع منك كل ذا وانا اللي كنت اشوفك بريئه وطيبه على قد نياتك ما توقعت منك ذا الشئ تكلمين واحد من ورانا وبينك وبينه حب وغرام ...
قطع عليه حبل افكاره صوت الجوال وكانت سمر اللي داقه
اووف وش تبي ذي الحين مو وقته
رد بثقل:هلا سمر
جاه صوتها بعيد و الحروف منها يالله تطلع
سلطان:سمر شفيك
سمر:سلطان امي ...... امي ماتت
سلطان:من جدك ... لا اله الا الله سمر تتكلمين جد
سمر:أي امي ماتت وخلتنا
سلطان:الله يرحمها ... عظم الله اجرك يا سمر
سمر:الله يجزاك خير ... لها يومين وهذا الثالث
سلطان:وليش ما قلتي لي وقتها
سمر:كنت بحاله ما يعلم فيها الا ربي , حتى نفسي ما ادري عنها
سلطان:الله يعينكم انشاءالله , شلون ابوك واخوانك
سمر: البيت كله مو على بعضه مصدومين وكننا بحلم
سلطان:يا قلبي هذه الحياه ناس تجي للدنيا وناس تروح عنها , كلنا رايحين ولنا يوم نموت فيه مالك الا تدعين لها بالرحمه والمغفره وانشاءالله تكون ارتاحت من هم الدنيا
سمر:الله يرحمها , بس شلون بعيش حياتي من دونها ما اقدر يا سلطان اذا تعبت او بكيت من يكون حولي
سلطان:استغفري ربك , ابوك واخوانك وانا كلنا لك ..محد بيتركك انتى بعيونا يا سمر وبقلوبنا , امك الله يرحمها مهما سويتي ماراح ترجع لك
وبدت سمر تبكي و تبكي تبي تطلع اللي في قبها من حزن والم .. وضل سلطان يهدي فيها الين ما سكرت منه
ورجع لافكاره مره ثانيه..
هذه الدنيا كلنا رايحين , مسكينه سمر الله يصبرها على ما ابتلاها.

كل اللي صار قدامه و كلامه مع سمر ما ربط بين حركاته وحركات اخته , ما جا في باله ان وضع اخته مثل وضع سمر تكلم واحد غريب من ورا اهلها وبدون علم احد , وما حط في باله انه مثل سعد هذا اللي رفع ضغطه و كرهه من يوم ما درى انه بعلاقه مع هديل ..
"كما تدين تدان" هذه العباره كثيييير ناس ما تحسب لها حساب ولا تفكر فيها ابد.

*******************************************

بعيد عن الحزن والكابه وضيقه الصدر ..كانوا احلى ثلاثه مستمتعين بالحياه وناسيين نفسهم من الوناسه
وليد و حسين و نواف في "(piazza san marco)" ساحه كبيره حلووووه وتشرب فيها كوفي و فيها مطاعم وجنبها محلات وفيها مباني حلوه.
على احد الطاولات كانوا قاعدين وياكلون بكل راحه
حسين:وااااو وش ذا الاكل الزين تسلم يد من سواه
وليد: لانك جوعان تقول كذا , ترا ما يحلي الاكل الا المكان والقعده الحلوه بين الناس
نواف:وانت صادق تنفتح نفسك من جد العالم حولك تضحك ومرتاحه مطنشه الدنيا بقوووه
حسين:خلاص انا قررت اصير رحاله وانتقل من بلد لبلد
وليد:أي هين علشان اختي ترتكب فيك جريمه
حسين:امي الله يجزاها الجنه وحشتني والله , تراها طيوبه قولها كم كلمه وتصدق
وليد:حتى لو تركت على هواك بتظل وراك وراك
نواف:ياحبي لهم الامهات , ينحطون على الجرح يبرا
حسين لوليد: ما سمعت خوينا وش يقول.. مايبي يتزوج الا وحده مثل امه
وليد:ههههههه ترا كلنا كذا ما نبي غير وحده تشبه الام والبنات ما يبون الا رجال مثل ابوهم
حسين:بصراحه مع وجود كل هالحلوات اللي حولي بتزوج 4 واذا طفشت بطلق وحده واخذ بدالها وهاك تغيير
نواف:والله انك قليل خاتمه
وليد:اذا هذا تفكيرك عساك على القوه
حسين:ليه وشفيكم علي الشرع حلل اربع
وليد:قم بس نتمشى ونهضم الاكل
نواف:دقيقه باخذ لي عصير تبون
حسين:ما عندهم سوبيا ؟!
وليد + نواف:هههههههههههههههههههه� �ههههههههههههههههههههه
نواف:الله يغربلك وش سوبيته في ذا المكان
وليد:يلعن ام الشفااااحه يا ناااس
حسين:لا اله الا الله , عين الحسود فيها دود مدري عود .
**************************************

فيتامين سي · 17-09-14, 11:39 AM

الجزء (5)

في وسط الضلام والبرد كانت مشاعل غاطسه بالنوم وتحلم ... وجوالها يدق ويدق كان على الصامت فما سمعته و الشخص اللي يدق عليها كان محتاجها مررره .. ما يأس ودق على تلفون البيت .. قامت ام نواف من نومها متضايقه و متخرعه من التلفون خافت لايكون احد من عيالها او اهلها فيهم شئ
ردت:الوو
جاها صوت هديل :الووو .. خالتي شلونك
ام نواف:الحمدلله بخير , مين هديل
هديل:أي
ام نواف:خير انشاءالله احد صاير فيه شئ
هديل:لا كلنا بخير , خالتي ممكن اكلم مشاعل ابيها ضروري
ام نواف مستغربه:مشاعل والله نايمه الحين يعني تبينها ضروري
هديل:الله يعافيك أي والله ضروري
راحت ام نواف تقوم بنتها ...
مشاعل:نعم ... وش تبي الحين
ام نواف:مدري عنها شكلها تبيك في شئ مهم قومي شوفي البنت
قامت بكسل واتجهت للتلفون اللي في الصاله ... و ام نواف ما تطمنت للموضوع و رفعت السماعه الثانيه من غرفتها
مشاعل: الووو
هديل:مشاعل اسفه ازعجتك بهالوقت بس في سالفه كبيره طاحت على راسي
صحصحت مشاعل وسالتها: وش صار
هديل: امي و سلطان دروا عن سعد ...
مشاعل:من جدك انتى وش دراهم
هديل: انا الحين اكلمك في المجلس و السالفه طويله بعدين اقولك بس في شئ اكبر من كذا
مشاعل:وشو بعد
هديل:انا قلت لهم ان انتى اللي تعرفينه مو انا.. والله ما كان قصدي ومالقيت حل غير هذا تكفين لا تفشليني عندهم .. مشاعل ساعديني
مشاعل: وانا وش دخلني فيك وفيه ليش تقولين انه يعرفني
تقاطعها هديل: والله ااااسفه بس وقتها ما ادري وش اسوي , مشاعل طلبتك لو امي سالتك قولي أي والله لو ثبت الموضوع انه انا لا يذبحني سلطان
مشاعل: حسبي الله عليك ... قلوا التصريفات ومالقيتي الا انا تحطيني بهالموقف , طيب خالتي وامي و اهلي كلهم وش بيكون موقفهم مني ما فكرتي الا في نفسك ونسيتي غيرك
هديل وبدت تصيح نادمه على اللي سوته ومنحرجه من بنت خالتها.. كسرت خاطر مشاعل وقامت تهدأها
_خلاص هديل لا تبكين والله كسرتي خاطري .. روحي نامي وبكره يصير خير
هديل:ما راح انسى لك هذا الجميل الله يخيلك لي
مشاعل:اوكي..يالله تصبحين على خير
سكرت منها و متجهه لغرفتها بتكمل نومها .. طلعت ام نواف وجهها متغيير
سالت بنتها: وش تبي هديل؟
مشاعل بارتباك: موضوع غبي اقولك بعدين ..تصبحين على خير

كل اللي دار بين مشاعل وهديل سمعته ام نواف و عرفت القصه كلها بدون ما تقولها بنتها .. انصدمت من كلام هديل و ما توقعت يطلع منها ذي السوالف... وما حبت تكبر الموضوع في الوقت المتاخر اجله اسئلتها ونقاشها مع مشاعل لوقت ثاني.
***********************************************

ثاني يوم ...
الكل قام واستعد للمدارس و الدوامات
في بيت ابو عبدالله .. صوت الاستشوار من جهه وصوت ريم تصارخ من جهه
_عهوووود اربطي لي جزمتي ... عهوووووود
سكرته والتفت عليها: اوووف نعم خير وش تبين
ريم:اربطي لي جزمتي
عهود:وين سحر خليها تربطها لك
ريم:سحر نايمه مهب رايحه
عهود:استغفر الله ... تعالي اشوف... خلصنا يالله مع السلامه
طلعت ورجعت عهود للاستشوار .. خلصت وبدت تحط الميك اب وتسبحت بالعطر
خلصت بعد ساعه كالعاده وطلعت للسياره اللي تنتظرها برا , كان سواق خصوصي ياخذها مع البنات للمعهد
عهود:صبااح الخير
ردوا:صباح النور
قالت وحده منهم : كيفك عهود
عهود:تمام <<< كانت ما تطيقها علشان كذا حتى ردها يالله تقوله
البنت:ريحه عطرك ماشاءالله تصك الراس
عهود:نعم .. تكلميني
البنت:تعرفين هالشئ حرام
عهود:وش المطلوب
البنت:حبيت انصحك وانبهك على الغلط اللي انتي فيه
عهود:محد طلب منك تنصحين ...اوووف
لفت وجهها على الجهه الثانيه
البنت:الله يهديك بس..

****************************************
على الساعه 10 تقريبا تقابلت مشاعل مع هديل بالجامعه
شهقت مشاعل وقالت: الله يقطع ابليسك وليش تاخذين الرقم من اول
هديل:والله ما كان قصدي شئ خذيت الرقم بس حتى ما كلمته ولا سمعت صوته وهو وعدني ما يدق علي الا اذا قلت له
مشاعل:تستهبلين انتي.. ياما شفنا بالمسلسلات وسمعنا قصص عن هالبلاوي اللي تصير .. وما نتوب بعد.. الناس اللي انتى عايشه معهم و تعرفينهم يخونون وما تامنينهم شلون بتامنين بواحد ما تعرفين عنه ولا شئ
هديل:طيب الحين صار اللي صار تكفين ساعديني والله خايفه
مشاعل:الحين خفتي بعد ما ورطي نفسك و ورطيني معك .. بامانه انا وش دخلني وش اللي خلاك تقولين اسمي في مشكلتك قلوا الاسماء والتصريفات
هديل:قلت لك وقتها والله مدري وش اسوي لو انتى بمثل موقفي كان سويتي اكثر
مشاعل:وش قالوا لك خبله اكلم واحد غريب ...
هديل:مشاعل !! مو علشان لجات لك تذليني
مشاعل:ما قلتي لي هند وش سوت
هديل:هند ما تدري عن السالفه مدري عاد اذا امي قالت لها او لا.. اصلا ما كلمت احد من امس
مشاعل:استغفرالله العظيم ..
سكوت بينهم لمده ثواني .. تكلمت هديل
_الحين وش اسوي .. تكلمي قولي شئ
مشاعل:وش اقول هااه .. ما اقول الا الله يستر..يالله انا بروح عندي محاضره بعد دقايق
هديل:تكفين لا تقولين لخالتي بالسالفه ولا لاحد ثاني
مشاعل:يصير خير ... مع السلامه.

***************************************
في احد المستوصفات الاهليه بالتحديد في غرفه الموظفات
حنان:هاااه وش مسويه
ملاك:ماشي الحال ... انتى كيفك
حنان:الحمدلله بخير...كل ذا طفش وضيقه ترا الدنيا ما تسوى
ملاك:ااااااهـ يا حنان .. بس في غير الدنيا يسوون العالم كله
حنان:اها قصدك نواف
ملاك:أي .. قولي لي وش اسوي والله تعبت
حنان:السالفه ما تسوي كل اللي تسوينه ... في مليون واحد غيره يتمنونك
ملاك:وانا ما ابي المليون واحد ابيه هو .. يا حنان افهمي احبه و اموووت فيه بشكل ما تتصورين
حنان:خلاص يا ملاك تعبتي قلبي شكلك يحزن ... دامك تحبينه مررره ابشري وانا اختك بلقى لك حل وانشاءالله ينفع
ملاك :والله !! وعد يعني
حنان تهز راسها:امممم ... تقريبا
ملاك بفرح:اسمعي لو ساعدتيني وصار اللي ابيه والله لك اللي تبينه بس يكون نواف لي

*******************************************

لهدرجه الحب يسوي .. يخلي العاقل مجنون وتفكيره صغير , غريبه ملاك العاقله الكبيره تتصرف بتصرفات مراهقين ..وتحط امل كبير بان نواف بيكون من نصيبها, ولا يمكن تصرفها سليم و طبيعي بحكم مقدار حبها لنواف و عشقها له ..
راح نشوف بالاجزاء القادمه .. مصير الحب الجنوني من طرف واحد ..
**********************************

شمس: طيب باتشر وش عندتج تعالي عندي نفلها
مشاعل: ما عندي شئ .. بس الاربعاء دايم اكون كسلانه وابي ارتاح
شمس:الا ذا الاربعاء ما ابيتج ترتاحين تعالي عندي يا بنت الناس ترا مليت من زمان وانا اعزمتج و ترفضين
مشاعل:هههههه خلاص ولا يهمك بقول لمماتي وارد لك خبر بس مو اكيد
دخلت ام نواف على بنتها الغرفه ..
مشاعل:اقول شمووسه اخليك الحين ... بدك اشئ
شمس:سلامتج .. سلمي على الوالده
مشاعل:يوصل .. يالله سي يو
سكرت من شمس و التفت لامها
_هلا مامي ازيك
سكرت الباب ام نواف وقعدت على طرف السرير
_بخير .. انتى اخبارك شلون الدراسه وشمس
مشاعل:ماشي الحال .. ترا شمس عازمتني بكره عندها
ام نواف:يصير خير .. عندي موضوع ابي اتكلم معك فيه وابي الصراحه لاني سمعت كل شئ
خافت مشاعل من اسلوب امها و طريقتها بالكلام
كملت ام نواف كلامها: وش قصه هديل و التلفون اللي امس
مشاعل بارتباك: هديل !!
ام نواف:أي هديل ولا ما تعرفينها
مشاعل:كانت عندها مشكله وتبيني اساعدها
ام نواف: وليه هي ما عندها ام و اخت تتكلم معهم ولا انتى الاستشاريه الاخصائيه لها
مشاعل:هي ترتاح لي و افهم عليها مو اكثر من كذا
ام نواف:ممكن اعرف وش مشكلتها
مشاعل:................... "سكوت"
ام نواف: تراني انتظر ك تتكلمين
استسلمت لطلب امها وقالت السالفه من اولها لاخرها .. وهي مالها دخل باللي صار
ام نواف بعصبيه: وش معنى انتى اللي قالت اسمك وعلقت الموضوع عليك ... ليش ما اختارت عهود ولا ملاك ولا أي بلوه ثانيه
مشاعل: مدري عنها والله انا مالي دخل في اللي صار
ام نواف:لانك طيبه بزياده كل من غلط سحبك معه الحين وش بيقولون عليك وعلي اختى وش بيكون فكرتها عنك لانها اصلا ما تدري انك مالك دخل بالموضوع
مشاعل:قلت لهديل ذا الكلام .. وقلت وقلت لين ما تعبت .. طيب وش اسوي
ام نواف:انا اعرف وش تسوين قومي البسي عبايتك
مشاعل باستغراب: ليه وين بنروح
ام نواف:عن خالتك .. قومي البسي وكلمي السواق يطلع السياره

طلعت ام نواف مع بنتها ..متجهيين لبيت الخاله ام سلطان
ام نواف: اسمعي تقولين كل شئ صار وكل حرف قالته لك هديل , سمعتي ولا لا
مشاعل:انشاءالله
ام نواف:بعد ... هذا اللي ناقص يطيحون بمشاكل وغصب يدخلونها فيها

عند باب بيتهم واقف جمب سيارته .. وكان يكلم سمر يشوف اخبارها , وصلت ام نواف لبيت اختها ونزلوا
سلطان لسمر:عمري اكلمك بعدين يالله باي
نزلت ام نواف و مشاعل ..
ام نواف:السلام عليكم شلونك سلطان
سلطان:وعليكم السلام هلا خالتي ..شخبارك انشاءالله بخير
ام نواف:الحمدلله بخير ..امك داخل
سلطان:أي حياك تفضلي
كان سلطان مستغرب من جيتهم وطريقه خالته بالكلام جامده شوي .. وهو ماخذ موقف من مشاعل و تغيرت نظرته لها بعد ما قالت هديل ان لها يد بالسالفه اللي صارت.
في الصاله ...
ام سلطان تحي اختها:هلا والله تفضلوا
ام نواف:الله يحيك كيفك وكيف العيال وابوهم
ام سلطان:كلنا بخير والحمدلله . انتى شلونك وش مسويه
ام نواف:بخير دامك بخير .. وين البنات ما اشوفهم
ام سلطان: في غرفتهم اللي تذاكر اللي نايمه
ام نواف:اقولك يا اختي ادري جيتي مو مناسبه بس الموضوع اللي صار ما ينسكت عليه
ام سلطان ودرت ان اختها تقصد بموضوع هديل و مشاعل وكان ظنها ان كلام بنتها صح عن مشاعل
قالت: انا بعد ما صدقت اللي صار يعني هذه نهايتها بناتنا يكلمون رجال من ورانا كل هالتربيه ما نفعت فيهم
ام نواف:تقصدين بنتك ... ياليت تنادينها علشان يبان كل شئ
ام سلطان:ليه صاير شئ ثاني بعد
نزلت هديل و وراها هند وماكانوا يدرون ان خالتهم موجوده
انصدمت هديل يوم شافت خالتها ومشاعل بالصاله مع امها اكيد علشان سالفتها .. واليوم اكييد بتروح فيها
هند: السلام عليكم
الكل:وعليكم السلام
ام سلطان تنادي :هديل
هديل بتردد: هلا خالتي شلونك
ام نواف ما ردت و وجهت كلامها لاختها: اسئلي بنتك منهو الرجال اللي تكلمه وشلون عرفته ..
التفت ام سلطان على بنتها ورجعت التفت لاختها : انتى ما تدرين ان مشاعل لها يد بعد
ام نواف:لا تستعجلين اسمعي القصه كلها من اول
ام سلطان لهديل بصرخه: تكلمي ... قولي وش السالفه
بدت هديل تبكي و ما قدرت تتكلم .. تحس انها مخنوقه و الموقف صعب عليها لدرجه انها ما تدري وش تسوي تمنت وقتها انها تطيح مغمى عليها او تموت مره وحده .
ام نواف:اللي صار ان بنتك المحترمه ........
كبت العشا كله و قالت كل شئ سمعته من بنتها مشاعل لا زادت ولا نقصت
شهقت ام سلطان من اللي سمعته و مسكت شعر بنتها : يا حقيره تكذبين علي انا كنت شاكه في البنت و قلت ما خربك الا هي طلعتي انتي اساس البلاء يا قليله الادب ... والله ما عرفت اربيك يا هديل
ركضت هند لامها تهديها وتبعد اختها منها , ومشاعل كانت بتروح تبعد هديل الا امها مسكت يدها وناظرتها بنظره قويه
ام نواف: والله ما توقعتها ابد يا ام سلطان , هذه نهايتها مشاكلكم تحطونها على راسنا
ام سلطان: حسبي الله على هالبنت , تدرين هالحيوانه حلفت واقسمت ان مشاعل هي اللي تكلمه و قالي سلطان .... قالي لا تصدقينها كذابه وقليله ادب هي و الثانيه لاكن ااااااهـ يا حرتي ...ااااهـ يا قلبي.. الله لا يربحك يا هديل ولا يوفقك
كان سلطان برا ويسمع ازعاج بالداخل .. وتاكد ان الصراخ بسبب هالمشكله وقاعد على احر من الجمر يبي يعرف وش صار

طلعت هديل لغرفتها و هي منتهيه من البكا , اما هند ركضت للمطبخ وجابت كاس مويه لامها يهديها شوي
ام سلطان: اعذريني وانا اختك والله مالي حق باني اشك ببنتك وهالحقيره كل شئ من وراها
ام نواف: صح اللي سوته بنتك غلط ويمكن بنتي تكون بنفس الموقف بس مو ترمي المشكله على غيرها وتخلف وتقسم بانها بريئه .. جيتي هذه مو علشان افضح بنتك و اسبب مشكله في بيتك انا جيت علشان بنتي اولا واخيرا .. ابرئها من اللي صار , لان مو بعيده بكره أي شئ يصير يطيح براس واحد من عيالي .
ام سلطان: حسبي الله ونعم الوكيل .. حسبي الله ونعم الوكيل.. امسحيها بوجهي يا عبير حقك علي وانا اللي ما عرفت اربيها
ام نواف :الله يعينك اجل .. انا استاذن مع السلامه
سحبت بنتها وطلعت من بيت اختها للسياره
دخل سلطان البيت ولقى امه بتطلع لغرفتها ..
_يمه ..يمه
التفت له وردت بصوت بارد:نعم وش بغيت
سلطان: وشفيكم .. وش اللي صار مع خالتي
ام سلطان: تكفى مو فاضيه اقولك وش صار فكنا من شرك
تركته وطلعت لغرفتها ترتاح .. اما هو لقى اخته هند وراح لها
_هند وش صار اصواتكم طالعه للشارع
هند: حسبي الله عليها .. فشلتنا الحيوانه طيحت وجيهنا قدام العالم
سلطان: ليش في شئ جديد بعد... قولي وش صار
هند:........
سلطان:تكلمي
وحكت له كل اللي صار بين امها وخالتها.. وهو دمه يفور ويغلي من قهره من اخته..

*****************************************
في هذه اللحظه ..انسانه تعيش في مدينه الحزن بدموعها و احزانها .. تحطمت وانجرحت من اقرب ناس لها .. و انسانه مقهوره .. مصدومه ومنحرجه من الدنيا على موقف مفاجئه..وغيرهم في انسانه فرحانه و خايفه من بكره وبعده وبعده..

ساره في غرفتها منسدحه على السرير .. تفكر في يوم الاربعاء وهو موعد خطبتها رسمي .. اخيرا ما بغى يجي ذا اليوم .. اخيرا في رجال فكر فيني انا بالذات وحب يرتبط فيني .. مو مصدقه اللي قاعد يصير احس اني احلم .. يارب اكتب اللي الخير و يسير لي اموري
****************************************
ننتقل لبيت اخر و نتعرف على شخصيات اخرى .. في بيت شمس
كانت سهرانه و قاعده في وسط غرفتها حولها كتبها وملازمها حقت الدراسه ومن جهه ثانيه كتب الطبخ .
ذاكرت لها كم درس علشان اختبار الاحد صعب و طويل , بعد ما ملت و تعبت فتحت كتب الطبخ تدور اكله حلوه تسويها بكره لمشاعل اذا جتها
صوت مسج جوالها فتحته وكان من مشاعل تقول فيه " صباح الليل يا عسل ما حبيت ازعجك بس بقولك ما اقدر اجيك بكره ..... اكيد الحين مرتفع ضغطك و زعلانه بس ولا يهمك بغيير راي وبجي ... سي يا "
ابتسمت شمس من خفه دم صديقتها و تقليعاتها الغبيه
طق .. طق
كان سيف يدق الباب.. ودخل
شمس:هلا
سيف:السلام عليكم
شمس: وعليكم السلام حياك خيوو
سيف يتلفت في ارجاء الغرفه ويشوف الحوسه اللي اخته عايشه فيها
سيف:بالله عليتج هذه غرفه بنت
شمس:شف شلون الزمن لعب بحسبتي
سيف:شو مسهرتج لهالوقت المتاخر بكره ما وراتج جامعه
شمس: نمت طول النهار وقمت الليل اذاكر ...
سيف: وش ذا ... كتب طبخ ليه عندكم ماده طبخ
شمس:هههههه الله لا يقوله .. بس ادور على طبخه حلوه اسويها باتشر , عازمه مشاعل وهي اول مره تزوني لازم اتفنن لها
سيف:اهااا ... كل ذي الزحمه علشان صديقتج ... يا حظها لقت من يفكر فيها ويعمل لها حساب
شمس:يالله مناااك بس .. انت ما تدري انك اخويا واختى وكل دنيتي
سيف:احم .. احم
شمس:لا يكبر راسك مرره ترا اجامل
سيف: من صدقتج !
شمس ماتت ضحك على اخوها: هههههههه لا شدعوه .. انت اخوي عزوتي بهالدنيا , المهم تعال ساعدني وش اسوي باتشر.
جلس سيف بجمبها و خذوا يتفرجون على الاكلات ... قضوا جلستهم بين السوالف و الضحك كل واحد يعلق على الثاني هذه حالتهم ..
سيف ولد وحيد ماله اخوان يتسلى معهم و صديقه مو دايما يكون فاضي له .. نفس الشئ شمس البنت الوحيده و اخوها هو الشخص اللي يفهمها و قريب منها كثير , احيانا تقعد مع امها بس يبقى اخوها بالنسبه لها كل شئ
سيف: اوووف خلاص تعبت و احس انى جوعان ابي اكل شئ
شمس: قم سوي لك شئ .. ساندويتش جبنه ولا اندومي
سيف يناطرها بنص عين و على وجه ابتسامه على الجنب: الحين اقولتج جوعان يعني قومي سوي لي اكل , تقولين قم سوي لك ... مالت على هالوجه
شمس:هع هع هع ... اصبر لباتشر وتاكل من يدي احلى طبخه
سيف:مابي .. زعلت خلاص بروح انام
شمس: تصبح على خير
سيف: لعنبوتج جاملي قولي تعال اراضيك .. كلش ما عندتج رومانسيه
شمس:هههههه .. احسن
طلعت لسانه لها و تحرك حواجبها لفوق وتحت .. تستفز اخوها
سيف : كش عليتج يا السنكوحه.. تصبحين على خير
شمس: وانت من اهل الخير .. احلام سعيده خيوو

فيتامين سي · 17-09-14, 11:40 AM

الجزء (6)

بعد المعمعه اللي صارت و القلق في بيت ام سلطان هدت الامور نوعا ما لاكن ظلت معاملت ام سلطان لبنتها هديل متغييره ومو مثل اول .. ونفسها هديل صايره كارهه البيت و القعده مع اهلها طول الوقت بغرفتها اما تسمع في ذا الاغاني او تفرغ ما بداخلها في دفترها.

***************************************
العصريه كالعاده قاعده ام نواف في حديقه البيت مع كوب الشاهي اللي يمخمخ الراس ويهدي الاعصاب , و عيالها عبدالرحمن يسقي الزرع و الورود و الصغير فهد يلعب بالسيكل حقه ويدور, نزلت عندهم مشاعل
_السلام عليكم
ام نواف: وعليكم السلام .. صح النوم
مشاعل: والله ما كنت نايمه ذاكرت لي كم كلمه عشان اختبار الاحد
ام نواف: ليش صعب
مشاعل: تقريبا , المنهج طويل
ام نواف: الله يوفقك انتى و اخوانك .. ترا نواف يسلم عليكم كلمني قبل شوي
مشاعل: الله يسلمه شلونه القاطع والله له وحشه
ام نواف: الحمدلله بخير يقول قريب انشاءالله وراجع تقريبا نهايه الاختبارات
مشاعل: حلووو .. يقعد معنا الاجازه ..
ام نواف: متى رايحه عند شمس
مشاعل: العشا علطول لاني ما ابي اتاخر عندها كله بس تغيير جو
ام نواف: زين اجل لاني بروح مع فهد عند جدتك اليوم .. في واحد جاي يخطب خالتك ساره وجاي مع اهله
مشاعل: على البركه .. الله يسير لها
ام نواف: امين ... اقولك سالفه هديل لا تطلع لاي احد خاصا جدتك وخالاتك لا يدرون ..
مشاعل: انشاءالله يمه
ام نواف: اااااهـ الله يهديها هالبنت ما كان ودي احط اختى بمثل هالموقف صعب والله .. صعب
مشاعل: الله يعينهم

******************************************
ابو عبدالله : وين ثوبي جاهز خلاص ومكوي
ام عبدالله: ليه وش عندك اليوم .. زواج او عزيمه
ابو عبدالله: لا ذا ولا ذا , في خطاب جايين لساره
ام عبدالله بتعجب : صدق !! واخيرا ما بغوا يجوون
ناظرها زوجها بنظره حاده ... وهي حست فيها و رقعت الموضوع
_ أي .. الله يوفقها و يسير لها امورها ... الا الرجال من الاهل ولا من بعيد
ابو عبدالله: لا مو من الاهل بس انه ولد ناس محترمين
ام عبدالله: يعني من برى العائله .. غريبه وانت كنت اول واحد رافض هالشئ وش اللي غيرك
ابو عبدالله: ساره مهب صغيره علشان نتشرط .. اللي يجي فيه الخير والبركه
ام عبدالله: ليت كلامك ذا كان من اول .. كان الحين هي ام لعيال
ابو عبدالله: كل شئ مكتوب ومقدر .. خلينا نسمع الاخبار

**************************************
سلطان كان يمشي بسيارته توه طالع من محل الكمبيوترات واخذ جهازه الاب توب .. الا يدق جواله
"swetty يتصل بك "
تضايق يوم شاف الرقم و ما وده يرد مو بالعاده يحتويه هالشعور اذا دقت سمر الا هاليومين صاير مو طايقها مدري ليه
رد بثقل: الووو
سمر: هلااا سلطان كيفك
سلطان: الحمدلله بخير انتى كيفك .. كيف اهلك
سمر: ماشي الحال تمام.. وينك من زمان عنك
سلطان: اعذريني هالايام مشغول ..
سمر: اهااا وكل ذا الشغل يلهيك عني وعن السؤال علي
سلطان: لا والله بس الشئ مو بيدي مشاكل مع الاهل و قلق يعني نفسيتي كانت مو مره
سمر: اهم شئ انك بخير
سلطان: بخير دامك بخير ... انتى كيفك .. وش مسويه
سمر بتنهيده : ااااهـ الحمدلله ماشيه
سلطان: دووم
عم بينهم السكوت و المحادثه بينهم بااارده ..
سمر: شفيك ساكت
سلطان: سلامتك مافيني شئ
سمر: سلطان بقولك شئ انت ما مليت
سلطان: من وشو امل ؟!
سمر بتردد : يعني ... من الدنيا و الوضع هذا
سلطان يستغبي عليها: تقريبا مليت بس ما فهمت قصدك بالوضع هذا
سمر: يعني لمتى بنقعد كذا .. بعيدين عن بعض
سلطان: ومن قال اننا بعيدين انا ما اشوف كذا
سمر: بس يا سلطان اوقات تمر علي ابي اتطمن عليك واعرف اخبارك ما اقدر يعني قلبي دايم يعورني لو ما سمعت صوتك او كان فيك شئ
سلطان: يا عمري انتى ارتاحي ولا تعورين قلبك بشئ .. انا بكون بخير اذا انتى بخير
سمر وبدت تعصب عليه لانه ما فهمها
_ سلطان افهمني .. ابيك تكون لي قربي و حولي .. تعبت وانا بعيده عنك
قاطعها سلطان: دقيقه .. شلون يعني تبيني افهمك سمر تكلمي بوضوح قولي وش اللي بقلبك
مره لحظه سكوت ثم قالت سمر : متى بنتزوج
وقتها رفع سلطان حاجبه و لوى فمه كنه الموضوع ما عجبه ..
كملت سمر: متى اكون جمبك و قبالك اصحي وانام وانا حولك ... ما ودك هالشئ يصير
سلطان: الا اكيد ودي بس يا سمر انتى مستعجله تدرين انى هالسنه واخلص دراستي وعلى ما توظف و اقدر اوفر شئ للزواج بعدين انتي وش فكرك بهالموضوع مو كم مره قلتي لي عن الزواج وقلت لك اصبري .
سمر: اصبر لمتى الين ما اصير لغيرك .. تدري امي الله يرحمها و ابوي مسكين وكبير في السن يعني أي واحد بيتقدم لي بيوافق خوفا علي
سلطان: يا سمر .. يا عمري لا تحطين هالشئ في بالك انا احبك وبيجي اليوم اللي بدق بابكم واطلب يدك .. كل شئ بوقته حلو يا حلو
سكتت سمر و كن الكلام عجبها نوعا ما و رضت به .. مع انها متخوفه من النهايه .. المشكله يا كثر هالقصص و المسلسلات اللي نقراها و نسمعها وبعد نشوفها عن علاقات الشاب مع البنت و المماطله و اللف والدوران الا ان اللي " تحب" يروح عن بالها هالامور و تصدق كل شئ يقوله حبيبها و هي في يوم من الايام كانت تنتقد اللي يصدقون الشاب .. مثل ما يقولن " الحب اعمى"
*****************************
نغيير شوي عن عائله ام نواف و ام سعود .. ونجي عن ام عبدالله
قامت العمه عهود من نومها و صحصحت بعد ما خذت لها شور ينشط .. جت للصاله وقعدت على التلفزيون مع زوجه ابوها ام عبدالله .. هم بالعاده ما يتهاوشون كثير ولا يمونون على بعض كثير اوقات تصير بينهم خلافات و اوقات يرضون على بعض .. يعني هيك وهيك
عهود : للحين ما خلصت سنوات الضياع
ام عبدالله: لا توها ... الا قولي نور اللي للحين ما خلصت والله وفيهم الخير يوم عرضوا هالمسلسلين غيرنا جو من كئابه الخليجيين و قله حيا المصاريه
عهود: انا اتابع نور ويكفي لو شفت سنوات الضياع بتلخبط بينهم ... الا وين ابوي ما اشوفه
ام عبدالله: قبل شوي طلع .. راح يشوف العمال و البيت ... ما دريتي عن عمتك ساره
عهود بحذر : بسم الله عليها شفيها
ام عبدالله: اليوم بيجونها خطاب ... و ابوك على غير عادته موافق عليهم رغم انهم مو من الاهل
عهود بفرح: لااااااا ... مبروووك يا حياتي يا عمتوو .. الله يوفقها يارب
ام عبدالله: اميين والله انها تكسر الخاطر .. عمرها في الثلاثين وللحين ما تزوجت
عهود: الله يسهل عليها ويارب يكون ولد حلال .. اجل اليوم الحبيبه مستانسه
ام عبدالله: اهم شئ تتزوج وترتاح تدرين لو انها مكانها كان جتني حاله نفسيه
عهود: من وشو
ام عبدالله: اول شئ بحس اني منبوذه ومحد يبيني غير كلام الناس كل ما رحت مكان بيقولون " عانس" وتخيلي نظرتهم لي ان اكيد فيني بلاء ... يوووه الله لا يقوله لبناتي
عهود: مو شرط .. اللي واثقه من نفسها ما همها كلام الناس ونظرتهم , والله لو مشيتي على كلام الناس منتب عايشه .. شوفي ان تزوجت البنت وتوفقت حسدوها على زواجها الزين وان ما توفقت تشمتوا فيها , غير كذا ان ما تزوجت قالوا اكيد و بصموا على العشره ان فيها شئ ومحد يبيها .. يووه على هالناس ما يخلون احد في حاله.
ام عبدالله: اتركيك من الناس الحين الا الغريبه ابوك شلون موافق على الرجال وهو من برا .. تذكرين تفكير ابوك اول شلون كان يرفض أي واحد من برا العائله حتى عمتك عبير سمعت انها بالقوه تزوجته
عهود: وش بعد بتشرط الحين خلاص معد ينفع وزين انه غير هالنظريه ولا كان رحت فيها انا وخواتي .. بصراحه ابوي تفكيره غلط ليش ما يبي الا من العائله افرضي جا واحد من برا وماشاءالله عليه رجال بعلم و مال و الزمن يشهد على افعاله ويرفظه .. اصلا غلط في غلط ذا التفكيير
ام عبدالله: غلط وبس .. حنا اللي طحنا فيها والله
عهود ترفع حواجبها باستغراب: يعني ما كان ودك تتزوجين ابوي لانه من العائله
ام عبدالله: لا يا بنت الحلال مو قصدي كذا .. بس يعني هاه .....
سكتت وما كملت كلامها
عهود: يعني وشو !!
ام عبدالله: اقول اسكتي خليني اتابع المسلسل ما بغى يجي بعد سنه من الدعايات

*****************************
بعد المغرب في بيت ام خالد " الجده" ريحت البخور تملى ارجاء البيت و النور مشع في كل مكان ..
وصل ابو عبدالله وسحبته امه تتكلم معه
ابو عبدالله: هلا يمه وش بغيتي
ام خالد: اسمع وانا امك .. ابيك تسال الرجال عن كل شئ بالتفصيل الملل , وين بيسكن و هل هو بيشتغل ولا لا .. و هل قد تزوج من قبل .. وكل شئ لا تخلى شئ ما تعرفه عنه ..هذا زواج مو أي شئ
ابو عبدالله: انشاءالله يمه يصير خير بس انتى لا تسوين زحمه
ام خالد: الحين هذا وانا خايفه على اختك وابي لها الخير تقولي زحمه
ابو عبدالله: لا يمه ما اقصد شئ الله يجزاك الجنه يارب ..
وصلوا بناتها ام سعود وام نواف .. وتركوا عيالهم الصغار " علي و فهد" يلعبون في غرفه الالعاب ..
ام سعود راحت عند امها تتكلم معها ببعض الامور , و ام نواف طلعت لاختها ساره في غرفتها
طق .. طق
دخلت ام نواف بابتسامه: السلام عليكم
ردت ساره: وعليكم السلام هلا عبير حياك
ام نواف: شلونك وشخبارك
ساره: الحمدلله طيبه اتى كيفك وشلون العيال
ام نواف: والله كلنا بخير يسلمون عليك... هاه مستعده
ساره: انشاءالله
ام نواف: توكلي على الله .. وهدي نفسك واعصابك انشاءالله خير بيجون وبنقعد مع اهله نشوفهم ونعرف كل شئ عنهم بعدين بتدخلين عليه يشوفك وتشوفينه الشوفه الشرعيه .. امور بسيطه بتعدي باذن الله
ساره بتنهد: الله يستر
ام نواف : هاه طلعتي وش بتلبسين !! ولا اختار معك
ساره: لا ما طلعت .. ابي رايك

من طبيعه ام نواف قلبها طيب وحنونه كثير .. دايما مبتسمه و تتلكم بالخير الا وقت ما تعصب تتغير و ما تسكت عن حقها وحق عيالها مثل ما سوت في سالفه هديل .. كانت محبوبه اكثر من قبل امها و خواتها .. ماشاءالله عليها كريمه وما تبخل على احد بشئ على كثر ما تشوف من اشياء ما تعجبها احيانا تعديها و تسوي الخير.
تقريبا ام سعود نفس طبيعتها بس اشد .. وحازمه اكثر .. لاكن كل وحده منهم فيها الخير.

****************************
في المستوصف وكان دوامهم الثاني " ليلي / مساءي"
حنان: بشرى ساره ..
ملاك: هاه لقيتي لي حل
حنان: أي حل يا بنت الحلال .. اسمعي المدير طالع شرايك نسحب ونروح لبيوتنا
ملاك: .... سكوت ما ردت
قعدت جمبها حنان وحطت يدها على كتفها وقالت:
_ امس مدري وش جابك على بالي كنت اشوف مسلسل مصري و البطله نفس حالتك تحب واحد مو داري عنها تخيلي وش سوت .. سحرته
التفت عليها ملاك بدون ما تعلق او تتكلم..كملت حنان
_ سحرته المجنونه علشان يحبها , والله هالمسلسلات ما خلوا شئ , وقتها علطول ذكرتك قلت الله يستر من هالجنيه ملاك لا تسويها
ملاك : وبعدين وش صار
حنان: ما كملته قمت ونمت .. سخافه يا بنت الحلال وش ذا الحب اللي يخلي الوحده كذا
ملاك: الحب يسوي اكثر انتى ما جربتيه
حنان: الله لا يقوله اجربه .. ذا جنون مو حب .. يالله بس عن الهذره وتضييع الوقت ترا كلمت " شفيق " وقلت له يجي ياخذنا الحين بنلطع دام محد ورانا واليوم اربعاء ابي اروح ارتاح
ما عقبت ملاك على موضوع الطلعه من الدوام لان بالها كان مشغول باللي سمعته من صديقتها و حركت بطله المسلسل المجنونه..
******************************************
مشاعل وشمس في قمه الوناسه و الافتلال
شمس: حيا الله شعوله .. نور البيت
مشاعل: منور باهله .. تسلمين يا قلبي
دخلت ام سيف عليهم تسلم على صديقه بنتها
ام سيف: حياالله مشاعل شحالتج عيوني .. شلون اهلتج
مشاعل: الله يحيك خالتي والله الحمدلله كلنا بخير .. امي تسلم عليك.. .. انتى اخبارك وش مسويه
ام سيف: بخير دامتج بخير ... شلون الدراسه معتج و الاختبارات انشاءالله سهالات
مشاعل: والله ماشيه ... ما بقى شئ ونخلص ..
ام سيف: الله يوفقكم جميع و يسهل عليكم
شمس+ مشاعل: امين
ظلت ام سيف كم دقيقه مع البنات يسولفون بشكل عام .. وهي معجبه بشخصيه مشاعل و مرحها ونعومتها .. بعدها قامت عشان تخليهم على راحتهم
مشاعل: يا حليلها امك .. قعدتها ما تنمل
شمس: الله يسلمتج كله من ذوقتج ... الا ما قلتي لي وش مسويه بنت خالتج بعد ذيك السالفه
مشاعل: سالفه طويله .. الله يستر عليها
شمس وفهمت ان مشاعل ما ودها تقول
_ الله يعينها في هالدنيا مافي احد مرتاح
كملوا سوالفهم و ضحكهم ... بين القهوه والحلى ثم الشاهي مع المعجنات و البيتزا ... كانت مسويتها شمس بعد عناء طويل واللي ساعدها في الاختيار سيف .. اختار لها البيتزا وكانت بطريقه مختلفه عن البيتزا العاديه وطعمها حلو .. اما حلى القهوه سوته مشاعل و جابته معها لان امها عودتها اذا بتروح لاحد ما تروح ويدينها فاضي على الاقل تاخذ شئ بسيط ..

دخل سيف البيت وتوه راجع من القهوه .. لقى امه بالصاله تتابع الاخبار.. سلم وقعد معها شوي
سيف: اجل شمس مع ربيعتها بالمجلس
ام سيف: أي يا حليلاتهم .. مستانسات اسمع ضحكهم
سيف: تبين شئ من المطبخ بروح ادور الاكل اللي سوته بنتج المحترفه ابى اذوقه
ام سيف: ههه بيعجبك تلقاه بصينيه يم المايكروويف

****************************************
*ملاك و حبها الجنوني لنواف , ما نتيجيه؟*
* رجعه نواف من فينيسيا وما الجديد في حياته؟*
*هل سلطان بيوفي بوعده و يتزوجه حبيبه القلب سمر؟*
*هديل و حياتها المميته ما نهايتها؟*
*كيف علاقه شمس بمشاعل هل بتتغيير ام تبقى على ما هي مجرد صديقات؟*
*سارهـ و الحدث الجديد في حياتها , خطبتها و زواجها كيف راح يكون؟
*****************************

الجزء(7)

ملت من قعدتها بالغرفه لساعات طويله فنزلت للصاله تغيير جو , مالقت احد الا اخوها سعود و اختها هند طالعه من المطبخ مع كوب عصير لها ولسعود , جت هديل وقعدت معهم بدون ما تتكلم , وهم يتابعون التلفزيون بصمت جا سلطان
_السلام عليكم
الكل رد: وعليكم السلام
سال اخته هند: وين امي بغرفتها
هند: لا راحت بيت جدتي
سلطان: وش عندها رايحه الابعاء
هند: في خطاب جايين لخالتي ساره
سلطان:اهااا .. على البركه ...
قعد معهم وما عبر هديل .. سال هند وسعود عن دراستهم الا هديل مطنشها , حست هي بهالشئ و حز بخاطرها انها مهمشه في البيت
سلطان: بكره شرايكم نطلع نتغدى برا
سعود بفرح: اكيد أي .. نبي البحر
هند: اوكي ما يخالف ... وش رايك هديل
ما امداها تقول رايها الا تكلم سلطان وقال: مين تسالين انتي , في احد غيري انا سعود تكلمينه , اذا امي وافقت خلاص نطلع
حست هديل بالدنيا تدور فيها ,, و الدموع بعينها شوي وتنزل ,, من متى صارت ولاشئ بالبيت ومن متى صاروا اهلها يكرهونها ,, كرهت اليوم اللي انولدت فيه ولا تكون عاله و غثه على غيرها
قامت واتجهت لغرفتها بقلب مكسور و روح مجروحه.. بعد ما اختفت عنهم قالت هند
_ سلطان وش ذا الكلام , حرام عليك
سلطان: وش سويت قلت الصح محد غيرنا الثلاثه قاعدين .. سعود انت تشوف غيرنا بالصاله
سعود سكت ومارد هو بعد تفاجئه من اسلوب اخوه و كلامه القاسي
هند: ولو , ما تقول هالكلام هي ما اكفرت ولا قتلت احد
سلطان: واللي سوته شئ سهل بنظرك
طبعا سعود ما كان يدري بالضبط وش القصه و اخته اقرب وحده له ما توقع يطلع منها أي شئ.

*****************************
في غرفتها راميه نفسها على السرير و غرقت بدموعها ... . تشهق من كثر البكا وتتمنى ان روحها تطلع وترتاح .. ما توقعت انها في يوم من الايام بتكون في مثل هالموقف عله على اهلها و موقعها في البيت ولاشئ .. حتى الشغاله احسن منها على الاقل لها صوت مسموع اما هي مافي فرق بينها وبين الجدران اللي حولها كل هذا لانها تعرف واحد غريب وحتى ما صار بينهم شئ كبير .. بس الزمن ما يرحم يا هديل .. اللي غلط يتحمل غلطه وهذه القدر مكتوب يصير كذا .
*********************************

وصلت ملاك للبيت , دخلت على هواش وصراخ ابوها يصرخ وامها تصرخ كل"ن" يرفع صوته على الثاني , سلمت ولا احد عبرها اعصابهم ما تسمح لهم بالانتباه للي جا البيت .
دخلت غرفتها وهي واصله حدها مو كفايه جايه من دوامها وتعبانه تبي ترتاح تلقى اهلها يتهاوشون..
ابو علي: خلااص انا قلت كلامي ونهايه اختبارات العيال يكون كل شئ جاهز لا تفشليني عند الرجال
ام علي: هذا هو اهم شئ نفسك اما انا عادي اتفشل قدام الخلق و الكل يتشمت فيني
ابو علي: والله مشكلتك عااد .. عمى فيك عيشه تقصر العمر
طلع وسكر الباب باقوى ما عنده , مسكين على باله رجوله الصراخ .. ما امداه ابو علي يطلع الا فتح علي باب غرفته وطلع متجه هو الثاني للباب
ام علي لمحته و قالت: على وين انشاءالله دجه وصياع وقله حيا
علي: مانيب رايح مكان هنا بس عند الباب .. البيت كله ملل وصراخ بطلع اشم هوا نقي
طلعت ملاك : هوا نقي انت و وجهك ولا تشم هالسم و تدخن
علي: وش عندك انتى داخله عرض السالفه بيني وبينها , وانتى مالك دخل فهمتى ولا لا << قالها وهو يرفع يده في وجه اخته
نزلت ملاك يده بقوه وصرخت فيه : اولا نزل يدك جعلها الكسر وثانيا هذه اسمها امي وتاج راسك .. على مين رفعه الراس ونفخه الصدر ترا كلك كلك حشره
عصب علي وارتفع ضغطه من كلمه اخته .. حتى عيونه شوي وتطلع من مكانها ... اخذ كف و وجهه لملاك بلا سابق انذار
شهقت ام علي وملاك من حركته ومن الصدمه ما يدرون وش يسوون .. قال علي: هذا اقل شئ اسويه , وقعده في البيت ما نيب قاعد
طلع وملاك من وراه تصارخ عليه : بحريقه جعلك ما ترجع يا حمار
وخانتها العبره وبدت تبكي .. مصدومه من حركه اخوها و الموقف اللي كانت فيه .. اما ام علي قعدت على اقرب كنبه وحطته يدها على راسها كالعاده , هذه هي كل بعد مشكله تاخذ ذي الوضعيه قعده ومسكه راس ..
ملاك بصوت مخنوق: شفتي شلون ذا الحيوان وش سوا قدامك وساكته بعد ما تقولين شئ
ام علي : .............. سكوت
ملاك : لو ما قدرتي توقفينه عند حده وتكلمينه على الاقل هديني واسيني مو تسكتين , محد في هالبيت يحس كلكم عديمين احساس .. تجرح ذي الكلمه بس هي الصدق .. حياه كلها هواش و صراخ و جفا .. ودي لو لحظه احس بالحنان واحد يكون حولي .. دام كذا لا تلوميني لو سويت أي شئ .. زين
زوج يهاوش و يلوم .. و ولد يصارخ ويفرد عضلاته .. في نهايه المطاف بنت تتشره و تتذمر .. هذا اللي مر على ام علي باقل من ساعه .. و تقريبا مثل هالمواقف تمر عليها كثير بحياتها .. يعني متعوده ..
بكل بساطه دخلت غرفتها و بدت تبكي بصمت , تطلع مافي قلبها يمكن تطفي نار مشتعله بداخلها ناتجه من قهر و ندم غير الحزن و الهم و الخوف من بكرهـ .

اقول يمكن تنفرج في المقابيل
ولا ادري الا الارض تحتي تهايل
و بعد التعب و الهم و الحط و الشيل
توى عرفت ان البخت كان مايل

فهد المساعد..
*****************************

على الساعه 9 و نص سواق مشاعل و معه اخوانها عبدالرحمن والصغير فهد و اقفين عند باب بيت شمس .
مشاعل عند الباب الداخلي للبيت تودع شمس وامها
_ كثر الله خيركم الله يعطيكم العافيه , عاد زورونا يا خاله
ام شمس: الله يعافيتج , انشاءالله الجيات اكثر ونشوفتج يا عمري , سلمي على الوالده و الاهل
مشاعل: انشاءالله يوصل
شمس: نورتي يا دبه , قعدتج ما تنمل
مشاعل : تسلمين .. يالله مع السلامه
في هذه اللحظه وهي طالعه نازله من الدرجات الصغيره ومتجه للباب الخارجي , كان سيف قاعد في خيمته اللي برا و مستعد يطلع ويدخل البيت بياخذ له شئ , لاكن دق جواله ورجع لمكانه يرد على المتصل , اما مشاعل كملت طريقها وطلعت لاخوانها برا .. بلا أي تصادم بينها وبين سيف كالمعتاد في القصص..
********************************
في السياره..
مشاعل: وش عندكم طالعين كلكم بهالحماس
فهد: يختي بناخذك من بيت صديقتك ولا تبين تنامين عندها
مشاعل: هههه يا حلوك انت وتفكيرك
عبدالرحمن: بناخذ عشا من هارديز
مشاعل: كوووول , بس لا يكون بنروح نقعد وننتظر لين يخلص الطلب
عبدالرحمن: لا قبل لا نطلع من البيت سوينها الاوردر .. اذا رحنا لهم بيكون جاهز
مشاعل: أي اشوه .

******************************************
بعد هذا اليوم الاربعاء .. مرت الايام عاديه بلا احداث مهمه .. وكان وقت اختبارات نهائيه للطلاب بدوا الجامعات وبعضهم خلصوا والمدارس بقى لهم اسبوع ..
بيت ام سلطان كان الجو بااارد .. تطنيش لهديل و ام سلطان صارت اكثر شده وحزم مع الكل .. سلطان طفشان من حياته و الدنيا بشكل عام بالاضافه لسمر اللي معتبرها "شئ" يبهر و يزين حياته فيعا ويغيير جو معها .
اما بيت ام نواف .. بين الفرحه من قرب رجوع نواف و احمد , والخوف من الاختبارات و النتائج .
عند ابو عبدالله ... شويه تصادمات بين ام عبدالله و عهود و غرابه ابو عبدالله "خالد" ..
وبيت البائسه ام علي .. مشاكل × صراخ و كابه خوف من المستقبل و اللي بيصير بعدين
اما ساره الحالمه .. غارقه باحلامها و افكارها بخطيبها .. زوجها المنتظر .
***************************************
خلصوا مشاعل وشمس اختباراتهم .. فقررت مشاعل تسوي حفله دي جي في بيتها وتعزم شمس و صديقاتهم ..

يوم الثلاثاء وهم يسولفون على التلفون بكل انواع السوالف .. حش في الناس و ضحك شوي شكوى .. صدق حريم

مشاعل: المهم يوم الخميس هذا بسوي حفله دي جي وبعزم البنات شو رايك
شمس: ونااسه .. احسن الخميس قبل ما يسافرون الناس
مشاعل: اجل بعزم شله اسيل و خلود
شمس: لاتنسين امونه تراها حلى القعده
مشاعل: اكييد هذه اول وحده .. يا حبي لها ذي البنت تنسيك هموم الدنيا و مشاكلها
شمس: زين وش بتقدمين من اكل ..
مشاعل: بسوي بوفيه و بحط معظم انواع الاكل حالي و مالح غير المشروبات و السلطات
شمس: اوكي انا علي السلطات والمشروبات وان لقيت شئ ثاني حلو بجيبه
مشاعل: لا تعبين نفسك يا سكره .. يكفي جيتك
شمس: لا تعب ولا شئ مو انتى ربيعتي
مشاعل: ربيعتك ونص
شمس + مشاعل: ههههههههههههههههههههههههه ههه
*********************************

ام سلطان قاعده بالصاله بلحالها , شوي نزلت هند وقعدت معها ..
هند: يمه بتكلم معك بشئ
ام سلطان: تكلمي
هند: ترا ما يصير اللي تسوونه مع هديل هي صح غلطت وعرفت غلطتها خلاص .. وبحركاتكم هذه انتى وسلطان راح تتمرد اكثر , يعني شوفي كم لها وهي ما تقعد معنا الا على الاكل و ساكته حتى باوقات قهوتنا و سوالفنا ما تنزل , تدرين كم مره ادخل عليها الاقيها تبكي شكلها يكسر الخاطر . اصلا حرام اللي تسوونه لها
ام سلطان: خلصتي كلامك... اختك اللي سوته مو سهل غير انها تكلم غريب كذبت علينا و فشلتنا قدام العالم , ولا تبيني امسح على شعرها واقولها خلاص يا قلبي ولا تبكين , هذه بنتي وانا اعرف اربيها .
في هالوقت نزل سلطان من غرفته وسمع النقاش الحاد بين امه واخته , دخل بالسالفه وقال
_ وش عندك انتى بعد عاجبك اللي سوته اختك , قله حيا و كذب .. تحمد ربها ما قطعت لسانها هالكلبه
قامت هند وهي منقهره من اسلوبهم .. صرخت فيهم
_ هذا انتوا .. ناس ما عندكم احساس تشوفون نفسكم صح والباقي غلط .. قال نخاف عليكم .. أي تخافون علينا ..انا اعرف اللي يحب انسان يحتويه و يحن عليه مو يرميه ويطنشه عشانه غلط ترا كلنا نغلط
سلطان : هيييييه انتى احترمي نفسك ولا ترا قسم بالله تشوفين شئ ما عمرك شفتيه.. انقلعي على غرفتك اشوف

عطتهم ظهرها و طلعت لغرفه هديل .. دقت الباب و دخلت
هند: وش تسوين .. مشغوله بشئ
هديل: لا ما عندي شئ حياك
هند: كيفك
هديل ببرود: تمام
هند: سمعتي الحرب اللي صارت تحت
هديل: أي سمعت .. مو شئ جديد
هند: ولا يهمك يا هديل .. لو طنشوك امي وسلطان انا موجوده .. بكون صديقتك اكثر من اختك .. صح اني كنت بعيده عنك ذيك الايام وبدايه المشكله بس لا تشيلين هم انا موجوده .. تكلمي معي واشكي لي وطلعي كل اللي بقلبك ..
هديل: بس صعبه انك تشوفين امك ما تكلمك ومو معتبرتك شئ في البيت
هند: ادري انها صعبه .. بس هذا اللي صار يمكن اختبار من ربي ولازم تصبرين وتدعين ان يحنن قلب امي عليك .. اما سلطان ما عليك منه .. اهم شئ انتي هونيها وتهون.. بدت الصيفيه و ملكه خالتي ساره قريبه فليها يا بنت و اطلعي من غرفتك ترا اغراضك تشكي تقول مليت من وجه هديل
ابتسمت هديل.. وكملت هند: أي كذا اضحكي تضحك لك الدنيا .. شرايك تقومين معي نشوف مسرحيه لطارق العلي ترا تموووووت من الضحك
هديل: وين اذا بالصاله منب طالعه
هند: لااا عندي بالغرفه .. يالله امشي

فيتامين سي · 17-09-14, 11:42 AM

الجزء(8)

بدت الاجازه و الكل مستانس من الفرحه محد ينام وسهر بالليل و المطاعم شغاله و الاسواق زحمه .. وكل يوم زواج و حفل تخرج .. سبحان الله وين كانوا الناس زحمه دراسه واختبارات وهم وخوف .. والحين نسوا شئ اسمه دراسه و قومه صبح ..

*********************************
رجع احمد للشرقيه واهله فرحانين فيه خاصا انه نجح والحمدلله .. ويومها طلعت ام نواف و عيالها للراشد يغيرون جو .. خذت الشغاله " فهد" وراحت معه للالعاب , احمد و عبدالرحمن نازلين تحت بالعاب الشباب , اما ام نواف و بنتها مشاعل يدورون بالمحلات ,, عاد تعرفون الحريم اذا راحوا السوق ينسوون نفسهم .. من الحماس الزايد دخلوا محل " الدو للاكسسوارات"
مشاعل بجهه و امها بجهه يتفرجون , منهبلين على التشكيله الجديده..
مشاعل تهمس : ماما ..تعالي لا يفوتك
ام نواف: وشو لقيتي شئ
مشاعل: شوفي هالحلق مررره يجنن مناسب مع فستانك الاصفر
ام نواف: وانتى الصادقه رووعه .. باخذه
مشاعل: وانا باخذ هذا اللي لونه احمر
ام نواف: اشوف .. لا مب زين يشبه حقي ..خذي شكل ثاني
مشاعل: لااا و الله عشانه يشبه حقك اغيره .. ما ابي باخذه
ام نواف: لا تاخذينه ولا ما اشتريلك الجوال اللي تبينه
مشاعل ودها تضحك : يمه تستهبلين .. ترا انا اللي وريتك ذا الحلق ..
ام نواف: ههههه الله يغربلك من بنت خذيه يا الدبه

هذه حاله ام نواف وبنتها مشاعل مراات كنهم صديقات كل وحده تستهبل على الثانيه .. خاصا بالسوق انوااع الزحف فيهم ..
طلعوا من المحل ورايحين باتجاه اليمين .. ويقابلونهم رجالين المشكله كبار بس عندهم مراهقه متاخره
قال الاول : يا حظي الليله .. القمر يمشي بالارض
الثاني: الا قمرين مو واحد .. فديت الاسمراني يا ناااس
مشاعل: ماما سمعتي وش يقولون ..
ام نواف تسحب بنتها : تعالي منا .. انتبهي من ذولا الكبار تراهم مجانين
الاول: على وين يا حلوو .. بس كلمه يا الغلا

زادت حالتهم و كثره كلماتهم و تعليقاتهم .. طفح الكيل بام نواف والتفت عليهم
قالت: يقطع ذا الوجه , شايب منتف ما تستحي على وجهك يا حقير
الرجال الثاني: فديت المعصب .. يا زينه والله
مشاعل تهدي امها و تبعدها عنهم .. وام نواف تسب و تهاوش .. الين ما صار الشئ اللي محد توقعه لا الرجاليين ولا مشاعل .. فسخت ام نواف جزمتها" وانتوا بكرامه" رفعتها و نزلتها باقوى ما عندها على جبه الرجال الاول ..
انصدم الكل من حركتها .. وخافوا اكثر بعد ما شافوا الدم يسيل على وجهه .. اما الثاني لف على الجهه الثانيه وباسرع ما عنده رااح بعيد عنهم ..
صرخ الرجال المضروب: ااااااااااااهـ .. حسبي الله عليك يا المجرمه ..
ام نواف: تنقلع ولا ازيدك وافقع عيونك
مسكت مشاعل امها بقوه وشدتها لها : يمه تعوذي من ابليس وامشي بسرعه
مشوا وتركوه يوون من الضربه و متفشل من العالم اللي حوله .. << عسى يستاهل .

على اقرب كراسي قعدوا يرتاحون شوي من اللي صار لهم .. وشربت ام نواف مويه تهدي اعصابها شوي
مشاعل وفيها الضحكه: والله انك خطيره .. تعجبيني
ام نواف: عمى بعينه قليل الادب و التربيه .. شايب منتهي الله لا يوفقه
ما قدرت مشاعل تتحمل شكل امها وضحكت:ههههههههههههههههههه� �
ام نواف: تضحكين هاه .. ولا تساعديني كان فسختي انتى بعد وكملتي على الثاني
مشاعل:ههههههههه .. والله يمه تعجبيني .. حبتييين يا شنباات
ام نواف: شنبات بعينك امشي بس نكمل .. عكر مزاجي المتخلف .

**********************************

ما اختلفت عنهم جواهر ام عبدالله هي وعهود طلعوا للسوق يتقضون , ام عبدالله لانها بتروح عند اهلها فشرت ملابس وهدايا لهم اما عهود شرت لمكله خالتها وحفله مشاعل الدي جي وكم قراشيع واكسسوارات ..
ام عبدالله: يقلعهم هالناس ما جوا السوق الا يوم جينا شوفي الزحمه شلون كننا بحج
عهود: وانتى صادقه اهم شئ انتبهي لشنطك لا تنخطف .. ولا ابوي بيخطف راسك ترا اليوم معطيك فلوس
ام عبدالله: اص و قص بهاللسان قال يخطف راسي ليه وش شايفه ابوك ذباح
عهود:هههههههه .. تدرين احلى ما في الدنيا يوم تعصبين
ام عبدالله: يالله بس منااك يا الحشريه ..
****************************************

دخل بكل قوه وعصبيه ..
ابو علي: ابشرك لقيت بيت وبسعر زين .. حسبي الله عليهم كل البيوت اجارها غالي ما يرحمون غيرهم
ام علي: وين لقيته انشاءالله قريب بس وبحي زين
ابو علي: تتشرط بعد , احمدي ربك لقيته .. المهم يكون بعلمك نهايه الاسبوع وحنا مسلمين ذا البيت
ام علي: نعم !! .. وش نهايه الاسبوع باقي ما جهزنا البيت الثاني ولا نظفناه متى يمدينا انشاءالله
ابو علي: يمديكم ونص المفتاح عندي ومن بكره الصبح العمال بجيبهم يعدلون بعض الاشياء فيه ..
ام علي: الله يعيننا
ابو علي: قوم انت واخوانك على غرفتك ابي اكلم امك
قامت ملاك وعلي وسحبوا اخوانهم
ام علي: خير انشاءالله وش صاير بعد
ابو علي: ترا محتاج لفلوس , انتى عارفه توني مستاجر بيت جديد و تعديلات وكل شئ يبيله فلوس وانا بصراحه مطفر هالايام
ام علي: وش المطلوب مني
ابو علي: اخوانك الله لا يهينهم اطلبي منهم .. وانشاءالله ان فتحها ربي علينا نرجع لهم حقهم, اعرفهم ما يقصرون
ناظرته ام علي بنظره غريبه وقالت: وهذا انا بس اطلب منهم ولا اعطي ..
ابو علي: تراهم اخوانك ليش تحطين بينك وبين سد .. كم مره اقولك اللي مافيه خير باهله مافيه خير بالناس
ام علي: طااح وجهي خلااص مليت اطلب واسال وهم ملوا يعطوني , اللي فيهم يكفيهم
ابو علي: استغفر الله العظيم اقولها شئ تقولي اشياء .. المهم اطلبي منهم وقولي لهم ضروري ولا يخافون حقهم بيرجع .. سلام

************************************

هديل وهي تمسح دموعها : هههههههههههههههههههههههه الله يرجه كلامه يموت ضحك
هند: هههههههه من جد .. عليه اسلوب يضحك .
هديل: تصدقين من زمان ما ضحكت بذي الطريق
هند: دووم انشاءالله تضحكين
دخلت عليهم امهم
_ انتي هنا .. تعالي ابيك
قامت هند لامها وتركت اختها هديل بحاله ضحك مع طارق العلي و حركاته.

هند: هلا
ام سلطان: في موضوع ابي اتكلم معك فيه .. وخاص فيك وابيك تركزين معي
هند بخوف: خير انشاءالله وش فيه
ام سلطان: في ناس جايين يخطبونك لولدهم .. ويمكن يزورونا الاسبوع الجاي
تفاجئت هند بالخبر و ما استوعبت اللي سمعته .. فتحت عيونها بتعجب وقالت: ناس يخطبوني انا .. مو خالتي ساره
ام سلطان: هيه فتحي عقلك زين خالتك ساره موضوعها غير و ملكتها قريبه .. الناس اللي بيتقدمون لك غير ..
هند:ومن هم يمه
ام سلطان: ام فايز "ابله نوال" اللي معي بالمدرسه
هند: ...... سكوت وحيره .. مو مصدقه تحس انها تحلم
ام سلطان: ناس والنعم فيهم .. بيجون الاسبوع الجاي انشاءالله و يصير خير , انا ما اجبرك على شئ شوفي اللي يريحك بتشوفين الولد وبعدها استخيري و اللي فيه الخير يصير
هند: يمه بس انا ابي اكمل دراستي .. واحس الزواج و الدراسه صعبه شوي
ام سلطان بعصبيه خفيفه: أي صعبه .. ولا تبين تعنسيين .. يا كثرهم اللي تزوجوا و هم يدرسون وماصار لهم شئ وقفت عليك انتى .. انا ما ابيك توصلين لمرحله مثل خالتك ساره وتعنسيين ويقلون الخطاب وقتها من جد بتندمين .
هند سكتت بعد كلام امها و هزت راسها بالموافقه و الاستسلام .. قامت بطلع لغرفتها
الا قالت امها: نسيت اقولك الموضوع لا يطلع برا البيت .. بنات خالاتك لا يدرون الين ما يوضح الموضوع
هند: انشاءالله يمه

عند هديل
هديل: لا يكون هاوشتك علشاني
هند:لااااااا ولا جابت خبرك .. تخيلي يا هدوول .. في ناس بيخطبوني
فتحت عيونها هديل من المفاجئه وشهقت : ااااحلفي !!
هند: والله العظيم والاسبوع الجاي بيجون
هديل بابتسامه : يا حليلك يا هنوووده والله وكبرتي ..
ضمتها من الفرحه و هم يضحكون بهدوء ..
كملت هديل: على البركه والله يوفقك
هند: امين ..
***********************************************

طلعوا من الراشد وهم بالسياره رايحين للبيت
قال عبدالرحمن: فاتكم شفنا واحد راسه مفلووق ويصب دم . شكله متهاوش مع احد
التفت مشاعل تناظر امها وهي بعد بادلتها النظره بابتسامه
احمد: مسكين المشكله كبير في السن مدري منهو اللي ضاربه
ما قدرت تتحمل مشاعل وضحكت..
عبدالرحمن: وش يضحك ؟ ؟
احمد: شر البليه ما يضحك
فهد بصوته الصغير : وبعد ضحكتها شريره يمكن هي اللي ضاربه الرجال ترا تسويها اختكم المراءه الحديديه
وقتها ما قدروا يكتمون شئ وماتت ام نواف وبنتها ضحك لدرجه عيونهم دمعت
والباقي مستغربين من ضحكهم
عبدالرحمن: خير انشاءالله
احمد: شكلهم مسويين شئ
ام نواف: تدرون انا اللي فلقته بجزمتي هههههههههههه يستاهل قليل الحيا
احمد + عبدالرحمن: اااااااااااحلفي
فهد بكل حماس : امااااااا .. ماما اكيد تستهبلين صح

مشاعل: والله صدق .. قاعد يستخف دمه علينا ويقط كلمات فورينا شغله
ام نواف: شايب مقحطط .. ما يبيله الا قص لسان وفقع عيون
احمد: اجل يستااااهل .. وليش ما ناديتوني
عبدالرحمن: يقطع شكله ... الغبي
مشاعل: أي نناديكم انا اصلا ما كنت حاطه في بالي ان بيصير كذا ما وعيت الا على صرخه الرجال والدم يصب منه
ام نواف: والله قهرني .. ما لقيت الا هالحل .. خليه عبره لغيره من المتخلفين
مرت ثانيه سكوت .. العيال مستغربين ويقلبون السالفه براسهم .. شوي الكل انفلت يضحك و يتذكرون شكل الرجال وهم ميتين ضحك .

*******************************************
طبعا الكل في بيت ام سلطان داري بالناس اللي متقدمين لهند .. ابو سلطان وسلطان وهديل ..
و باقي افراد العائله دروا بموضوع ام علي ونقلهم لبيت جديد و ضيق حالتهم فما قصروا اخوانها ومدوا يد العون لخاطر عيونها مو لخاطر زوجها ..
والخاله ساره تنتظر على احر من الجمر يوم ملكتها , المسكينه طااايره من الفرحه .. ما بغت الفرحه تجيها من كم سنه وهي تنتظر..
وبيت ام نواف هم بعد ينتظرون رجعه نواف على احر من الجمر ... مشتاقين له حييييل..

********************************************

يوم الخميس .. وصلت شمس عند مشاعل بدري عشان تساعدها بالترتيب قبل ما يجوون البنات ..
مشاعل: يسلموو يا الدبه .. تعبتك معاي
شمس: لا شدعوه مو تعب ولا شئ ..
دق جوال شمس وكان سيف المتصل , ردت عليه
_ هلا سيف
سيف: افااا يا الخاينه عندتج حفله ولا تقولين لي
شمس: خخخخ عسى فيك .. خلصني شو بغيت
سيف: ابى اجي .. عادي
شمس تكلم مشاعل وتقولها : سيف يبي يجي ؟
مشاعل: قولي له لا , ما نبيه
وسمعها وهي تقول ما نبيه , رجعت شمس له وقالت
_ سمعت وش قالت ما تبيك
سيف: انا اللي ما ابي اجي , المهم شو اسم العطر اللي بغيتيه
شمس: روك اند روز
سيف: هذا هو يا قدمتج . انزين تهنوا بحفلتكم الخايسه
شمس لمشاعل : يقول حفلنا خايسه
مشاعل بصوت عالي: ااااي اشتغل القهر .. والله مشكله
شمس: ههههههههههه شفت وش قالت تستاهل اللي يجيك
سيف: يالله بس مناك .. باي يا العنزات
شمس:ههههه باي .
مشاعل: اخوك منسم ما توقعته كذا على بالي رزه وثقل
شمس: ما عليتج منه تجي هفوات يستخف .

على الساعه 9 ونص والبنات جايين , ومن ظمنهم كانت عهود معزومه اما هند هديل وملاك ما جوا ..
كانت قعدتهم في "البيسمنت" القبو .. مطفيين اللمبات الا من ضوء ملون يدور ومشغلين الاستريو باعلى صوت بالاضافه للسماعات وهاك رقص و حركات يسار ويمين واللي ما يعرف يرقع دام الجو ضلام ومحد ينتبه ..
حطت شمس على اغنيه عبدالمجيد عبدالله"عسى دايم نكون احباب"

من الدنيا وش المطلوب سوا راحه فكر وقلوب
وخل"ن" في هواه تذوب وهو مثلك بحبك ذاب
عسى دايم نكون احباب

وعليها اغنيه غربيه ثانيه .. والكل قام يرقص عليها و يستهبل .
مره الجو كان حلو .. الكل يحس انه بعالم ثاني وناسي الدنيا ..
بعد ما رقصوا وتعبوا راحوا ياكلون .. الجوع له دور .. غير السوالف اللي ما تخلص حتى بوقت الاكل ..
مرت الساعات وهم في قمه الوناسه و الفله .. تقريبا على الساعه 12 ونص والكل راح
سيف واقف عند الباب ينتظر اخته تطلع , وهي داخل تضحك مع مشاعل
مشاعل: هههههههههههه يا التحفه اخوك بنتظرك برا
شمس ميته ضحك: ههههههههه خليه يولي .. اقولك عاد ما صدقت يوم انشغلوا بالاكل و اا ....
ما قدرت تكمل الضحك غلبها ومشاعل معها
سيف: يقطع شكلها اكيد قاعده تهذر ..
دق عليها وعطته مشغول
سيف: اووووووووووووف .. الحريم حاله مستعصيه
بعد خمس دقايق طلعت وعيونها حمر من الضحك , وركبت السياره
_السلام عليكم
سيف: وعليكم.. بدري كان ما طلعتي
شمس فيها الضحكه: والله مشاعل ماسكتني فاتك اللي صار ونااسه
سيف يناظرها بنظره حقد وحرك المفتاح بيمشي
شمس: دقيقه مشاعل تدق علي ... الو
مشاعل وكان صوتها طالع من الجوال لهدوء السياره
_ لا يكون رحتي , ترا شنطتك عندي
شمس:يوووء صح نسيتها .. سيف دقيقه بروح اخذها
طنشها سيف وما رد .. دعس على البنزين ومشى
استغربت منه شمس و قالت: هيه شو بلاك انت اقولك بروح اخذ شنطتي
سيف: تركيها بعدين فاضي لك انا
رجعت شمس للتلفون تكلم مشاعل: شعله سيف معصب يقول تركيها بعدين
مشاعل: هههههههههههه يا هوووو يا معصب , خلاص اجل مره ثانيه مثل ما قال عمنا سيف
شمس: اوكي باي
سكرت منها و التفتت عليه : شكلك مو شئ وانت معصب
ناظرها سيف وقال: عاد من زينتج وانتى تتميلحين
بهالكلمه سكتها و حست وجهها تفشل وصار كبر النمله .
الجزء (9)

سلطان واحمد تقابلوا باحد القهاوي اللي في العزيزيه " تجمع الشباب" ..
سلطان: اخبار نواف .. بيجي قريب
احمد: أي بكره انشاءالله
سلطان: الله يجيبه بالسلامه
دق جواله وكانت سمر فما رد عليها وعطاها مشغول وهو يتافف
احمد يساله: شفيك .. لا يكون الحبيبه
سلطان: أي ازعجتنا يا خي
احمد: افااااا وش ازعجتك , خبري فيك تحبها
سلطان: كنت احبها بس صارت ممله و تلح على الزواج ما تفهم اقولها اصبري علي تقول لا في واحد بيتقدم لي
احمد: يعني ما صرت تحبها ولا بتتزوجها
سلطان: مجنون اتزوجها .. لا ما ابيها صح ان لي وقت طويل معها بس كذا اتسلى واغير جو لاكن لو جيت للصدق ما اتزوجها
احمد: طيب ليش المشاوير تكلمها و تعلقها فيك بعدين تسحب عليها
سلطان: كذا ابي اجرب
احمد: يوم انك تجرب وتكلمها ما تخاف غيرك يكلم خواتك ويسوي نس اللي تسويه
هنا نزل سلطان كوب الشاهي اللي كان يشربه و تغييرت ملامحه بكلمه ولد خالته
_ نعم !!
احمد: مو بعيده ترا واحد يكلم خواتك ويلعب عليهم .. انا ما اقولك علشان تشك فيهم وتروح تسوي معهم استجواب وتفتش جوالاتهم بس هذا الصدق " كما تدين تدان"
سلطان ظل دقيقه ساكت يفكر باللي صار لاخته هديل .. غريبه ما جت هالفكره براسه وما حط في باله انه مثل ما يكلم سمر في غيره بيكلم خواته.
احمد: زين انك اعتقتها من الحين .. فيك الخير بس غيرك الله يكفينا شرهم
سلطان تنهد: استغفر الله العظيم .. بيني وبينك مليت من روتين حياتي .. طفش هالدنيا
احمد: كلنا طفشانين و واصله حدنا من الحياه بس الحين اجازه وفلها على قد ما تبي .. شرايك بعد ملكه خالتي ناخذ لنا شاليه نقعد فيه و نعيش حاله اقلاع
سلطان: ههههه حلوه ذي حاله اقلاع ,اوكي ليش لأ..

هذه نهايه العلاقه بين سلطان وسمر .. خبرها بقراره الاخير وانه في اسباب تمنعه طلبت منه تعرف لاكنه ما جاوبها .. تركها في حال سبيلها وتزوجت البنت اما هو كمل حياته عاادي ولا كانه صار شئ ..
ورجع نواف من ايطاليا و نور البيت برجوعه .. من الفرحه صار فهد ينام عنده بالغرفه و يقوم نفس الوقت اللي يقوم معه وكل طلعه طلعها لحقه كنه ابوه ..
ام علي وعيالها بدوا ينقلون الاغراض لبيتهم الجديد .. المسكينه نحفت من الهم والتعب و صارت ضعيفه مابيدها حيله ...ماغير ملاك الا ترد روحها شوي و قفه اخوانها معها فيها البركه.

************************************************** **********

في بيت ابو عبدالله .. قاعد بالصاله يقرا جريده و زوجته وعياله يتفرجون على المسلسل..
ام عبدالله: صدق اختك نوره نقلت من بيتها
ابو عبدالله: أي الله يعينهم
ام عبدالله: وهم كل سنه في بيت ... حتى اللي اغنى منهم ما سووا كذا .. ناس عجيبه
نزل ابو عبدالله الجريده وناظر فيها : احمدي ربك انك في بيت ومستقره مو كل فتره في مكان غير المشاكل الكثيره اللي بهالدنيا ... انتى وش تتعبين عليه لا شغل ولا مشغله بس قاعده في البيت على التلفزيون وتتكلمين في الناس
ام عبدالله: بسم الله وشفيك اكلتني ما قلت الا الصح
تنهد ابو عبدالله: استغفر الله العظيم ..
عهود: يبه متى ملكه خالتي ساره
ابو عبدالله: الاسبوع الجاي نهايته
ام عبدالله: يعني الاربعاء ولا الخميس
ابو عبدالله: الخميس
عهود: حلووو , يمديني اجهز
ام عبدالله: طيب متى حجزت لي انا والعيال
ابو عبدالله:توني انشاءالله بروح بروح احجز لكم ..
بطبيعه الحال عهود ما تروح مع زوجه ابوها لاهلها .. تقعد عند جدتها وخالتها ساره .. ومراات تقضي كم يوم عند هند وهديل او عند مشاعل .. تغير جو اما ملاك مو مره معها .. والله تحزن هالبنت مالها احد << وش تبين انتى ..
هع هع هع

*******************************************

رجعوا من الصالون وهم خالصات من الميك اب و التسريحه ما بقى الايلبسون الفساتين" ام نواف وبنتها" لان اليوم عرس ولد رنا ..
ام نواف كان فستانها "كحلي وفيه درجات الازرق وموديله بسيط بدون نكلف , بس حطت حيلها و كشختها بطقم الالماس اللي لبسته"
و مشاعل فستانها"بنفسجى بنقشات فضيه , و موديل فيه حركات بناتي مو ساده .. غير الاكسسورات اللي لابستها محليتها اكثر"

فهد: ماما طالعه حلوهـ .. لا تلبسين عبايه اطلعي كذا عشان ما يخرب شكلك
سمعه عبدالرحمن وقال: أي علشان تصير علووم
احمد يكمل: وتفصخ كعبها وتفلق واحد من اللي وراها
الكل تذكر الموقف و تسدح ضحك..
مشاعل: اسكتوا ترا كحلي بيسيل
نواف وهو ما يدري وش السالفه: وش صار .. أي كعب واي رجال
احمد: اقولك بعدين ..امك طلعت قوويه
ام نواف: الله يرجكم .. مسكتوها علي. اوريكم

خلصوا من تزينهم وراحوا الزواج .. وصلوا الساعه 11 واستقبلتهم ام المعرس رنا و نادت بنتها تسلم عليهم
ام نواف بانبهار: هذه لميس ماشاءالله عليها .. شلونك عيوني
لميس بابتسامه: الحمدلله خالتي ..انتى شلونك
ام نواف : بخير دامكم بخير مبرووك على اخوك وعقبالك انشاءالله
لميس: الله يبارك فيك ..
والتفت على مشاعل تسلم عليها
بعدها اتجهوا للطاوله اللي محجوزه لهم وكان فيها بعض المعزومات تعرفهم ام نواف ..
قربت ام نواف من بنتها وهمست لها: فتحي عيونك زين ودوري لاخوك ترا هذه فرصتنا
ردت مشاعل بضحكه: هههههه انشاءالله بس وش رايك في لميس مو تجنن
ام نواف: الا تاخذ العقل .. انتى بس شوفي احتياط وانا امك

حالتهم صعبه ام نواف ومشاعل ... عااد هذه وظيفتهم مناظر و تحليل للي تمر قدامهم ..كانت ام نواف تركز على اسلوب و حركات البنت اما مشاعل على الشكل واذا شافتها طويله ناظرت تحت تشوف طول كعبها .. مرفعها مرره ولا يعني .. اما نواف خذا اخوانه وطلعوا للكورنيش يلعبون كوره ولا هو داري وش ينتظره ....

**************************************************
فهد قاعد على الطرف وياكل ايسكريم من ماك .. وكل شوي تمر من جمبه ذبانه تضايقه وهو يتحرك يسار ويمين .. الا ان طفح الكيل وصرخ " يا غبيه روووووحي عننننني" .. وقفوا اخوانه العب و التفتوا عليه
عبدالرحمن: وشفيك
فهد في عيونه دموع: ذبانه غبيه بتاكل ايسكريمي
احمد+ عبدالرحمن:ههههههههههههههه� �هههه
نواف يكتم الضحكه : خلاص كله بسرعه وان جت انا بتفاهم معها
كملوا لعبهم و هو سمع كلام اخوه وكلا بسرعه .. يوم خلص قرب منهم ودخل ساحه اللعب .. شافه احمد وقال : لا يفوتكم شكله
الكل طاح بالزرع:هههههههههههههههههه� �هههههههههه
كان فهد مع وجهه الصفير حول فمه كله ايسكريم وبخشمه شوي .. ويدينه مرفعا فوق لا يوسخ ملابسه
_ احد يغسل لي
اخذه عبدالرحمن لدوره المياه وغسل وجهه ويده .. ورجعوا يكلمون اللعب بعد الفاصل المضحك من تمثيل فهد.

************************************************** *******
شمس بغرفتها تتفرج على فلم , ودخل عليها سيف من الطفش يبي يضايقها
سيف: شو تسوين عنوني
شمس وعيونها معلقه على اللاب توب: اتفرج فلم
قرب سيف: أي فلم
شمس:هذا
وبحركه نذاله منه سحب سلك البطاريه من اللاب وطفى
شهقت شمس و صرخت : يااااااااااااااااا حيوااااااااااااااااااااان
طلع وهو يركض وينزل من الدرج بسرعه ويضحك
الابو و الام قاعدين تحت بالصاله وسمعوا الحرب اللي صارت .. شوي جاهم سيف وقعد جمب امه
ابو سيف: وش سويت لها
نزلت شمس وجهها احمر معصبه
_شفتوا ولدكم العبي طفى على الجهاز وانا قاعده اتابع الفلم
ام سيف: كل ذا علشان الفلم على بالي قص شعرتج ولا شئ
سيف: هههههههه فكره ليتني قاصه
ابو سيف: خلاص ولا يهمك انا اتفاهم معه , سيارته مهب مغيرها لمده سنه
سيف:عااادي ابدلها مع سيارتك او استاجر سياره
شمس:هذا مو حل
ابو سيف: اقطع عنه اشتراك اوربت
سيف: عادي اروح بيت واحد من الشباب
ام سيف: انا علي الحل .. ازوجه غصب
سيف:لااااااا الا ذا الحل ترا بطلع من البيت
شمس بحماس : احسن
وطلعت لغرفتها منقهره منه ومن حركاته الصبيانيه
ابو سيف: حراام عليك والله رفعت ضغطها
سيف:ياخي مليت ابي اسوي جو في البيت
ام سيف: انت تزوج وبيضير لك اجواء في بيتك انشاءالله
سيف: أي تريني "انتظريني" وانا ولدك
ابو سيف : بغيت اكلمك بموضوع
تعدل سيف بقعدته :هلا يبه
ابو سيف: ما ودك تبدا تبني بيتك .. ترا البنا ياخذ وقت وانشاءالله على ما يخلص يكون تزوجت
قال سيف بعد تفكير : فكره حلوه انشاءالله
ابو سيف: شوف لك مقاول زين و شركه زينه وتوكل على الله
ام سيف: سيف ما ودك ادورك بنت الحلال, ترا عمرك الحين زين لا تتريا اكثر من جذي ومثل ما تعرف البنات يالله يتحصلون كل وحده شروطها اكثر من الثانيه
سيف :...........سكوت
ام سيف: وشفيك ساكت يعني موافق
سيف: يمه تكفين خلي الموضوع ذا مو الحين .. خليني ابدى بنا البيت بعدين يصير خير

**************************************
ريحه البخور ممليه البيت والمجلس وكل شئ جاهز القهوه و التمر .. طلعت هند من الحمام "وانتوا بكرامه" بعد ما خذت لها شور بسيط استعدادا للضيوف اللي بيجوون اليوم ..
طق طق
دخلت هديل : هند وش بتلبسين
هند:ما ادري تعالي ساعديني
بعد بحث بسيط استقرت هند على تنوره زيتيه "ميد" و تي شيرت برتقالي بحركات ونقوش زيتيه , وحطت ميك اب خفيف " شدو برتقالي خفيف مع كحل وقلوس وردي وبلاش لونه على مشمشي"

وصلوا الظيوف واستقبلتهم ام سلطان و بنتها هديل << اخيرا عبروها المسكينه وعطوها دور في البيت.
وفي المجلس الثاني الرجال قاعدين يتقهوون ويباشر عليهم سعود وشوي سلطان ..
كان الولد اسمه"تركي"موظف بارامكو بشغله زينه وراتب قوي ماشاءالله محترم و فاهم وطيب .

دخلت هند تسلم على امه وخواته .. الكل انبهر من حلاتها ونعومتها , وهي من الحيا ما تدري وش تسوي داخلها افكار كثير .

مر الوقت و بعد العشا ..قاعدين بالصاله كلهم , قال سلطان
_قررنا انا واحمد نحجز يوم نروح فيه الشاليها نغيير جو شرايكم
ابو سلطان: فكره حلوهـ , شوفوا الوقت المناسب وحنا جاهزيين
سعود: نبي يومين او ثلاث مو اقل
ام سلطان: خذوه بعد ملكه ساره
سلطان: اكيد انتوا ولا يهمكم كل شئ علينا انا واحمد لا قلنا يالله يالله ..

وفي غرفه هند كانت هديل قاعده معها سهرانيين ..ويتكلمون عن اللي صار اليوم والناس اللي جوا
هديل: طيب يوم شفتيه شلون كان شكله
هند: امممم حليوو ماعليه يعني وسيم و مملوح ..
دخل عليهم سلطان, علطول سكتوا
قال : خذي
ومد الجوال و اللاب توب لهديل , كمل كلامه : يليت بس تنتبهين من الناس و تحسبين لنا حساب قبل أي شئ تسوينه
قال كلامه وطلع ..
هديل: غريبه وش صاير
هند: احمدي ربك رضوا عنك , تلاقينهم عرفوا غلطهم وشافوا حركاتهم وتطنيشهم معك ماله فايده
*******************************************

فيتامين سي · 17-09-14, 11:49 AM

مر الاسبوع واليوم الاربعاء مرت مشاعل على عهود و بيطلعون يتمشوون شوي ملوا من القعده
مروا على بيت شمس بتعطيها شنطها ابطت عندها عقابا لها ولنسيانها

كانت قاعده مع اهلها بالصاله يتقهوون و جوالها التحفه ناسيته بغرفتها ما درت ان مشاعل جايه اليوم
مشاعل: اووووف اكيد جوالها بعيد هالبنت باذبحها
عهود: مالك الا تنزلين وتدقين الباب
مشاعل: هذا اللي بسويه
نزلت وطقت الباب .. بعد دقايق فتح سيف
مشاعل بارتباك : السلام عليكم
سيف ومستغرب منهي ذي اول مره يشوفها ..رد: وعليكم السلام
مشاعل: لو سمحت عطها لشمس
سيف باستغراب: شمس؟؟ هذه لها .. من اقولها
مشاعل واستغربت انه ما عرفها : هذه شنطتها نستها عندي
سيف:اهااااا أي تذكرت .. انتى مشاعل
مشاعل بابتسامه: أي .. سلم عليها اوكي.. يالله باي
سيف: هلا والله مع السلامه
ركبت سيارتها وراحت وهو دخل البيت و مدري وش يحس فيه .. متجه لداخل البيت ويفكر بداخله
شلون ما عرفتها وش اللي جاني .. والله اني متنح صدق بعدين ما توقعتها كذا حليووه يقطع وجهها على الهبال اللي فيها البنت مملوحه و تجنن ... عيونها ولا ابتسامتها حتى صوتها لابق لها ..
دخل وساله ابوه :مين عند الباب
سيف لشمس: هاتج يا السنكوحه شنطتج جابتها ربيعتج
شمس: يووووء نسيت ارجع اخذها ... تعبتها والله
ام سيف: الله يهديتج دايم ضايعه وكل اغراضتج منثره في كل مكان
كملوا قعدتهم بين السوالف و التلفزيون ...

في السياره..
عهود: هذا اخوها شكلها يجننن يا حظ اللي بتاخذه
مشاعل وتايدها : أي والله حلو .. الله يرزقنا واحد"ن" مثله
عهود: لا محجوز انتى دوريلك غيره
مشاعل: ههههه حلوه محجوز سياره على غفله

وصلوا للكوفي شوب ونزلوا ..

************************************************
حنان شهقت: انجنيتي صح
ملاك: أي دامي احبه فانا مجنونه
حنان: هيه انتى وش ذا التفكير حراام عليك ترا ما يسوي تسوين كل ذا علشانه
ملاك: الا يسوى و نص انتى ما تعرفين وشكثر احبه اموووت فيه ومستعده اسوي أي شئ علشانه
حنان: قلنا أي شئ بس لهدرجه ... اولا حرام وثانيا ما يجوز اصلا
ملاك: بتساعديني ولا لا...
حنان : ما برد عليك لانك اكيد مجنونه
ملاك: انتى بس لو يكون عندك جزء من مشاعري نحوه ساعتها بتعرفين صح وش معنى الحب
حنان: الله لا يحوجني احب اذا كانت النهايه كذا.
ملاك: طيب مشكوره يا حنان هذا وانا توقعت تساعديني وتكون يدك بايدي
حنان: اساعدك ايه بس مو في سالفه مثل هذه ... اللي بتسوينه يا قلبي مشكله كبيره بدل ما يكون حل
ملاك: بنشوف في الاخير وش بيصير صدق ... انا اذا حبيت وحطيت الشئ براسي يصير على هواي
************************************************** *****
الجزء(10)

الصبح الساعه 9 .. يا حلو الجو .. هوا طراوه واشعه الشمس منوره الدنيا وعاكسه نورها على البحر .. عصافير و طيور .. والعالم مرووقه و مرتاحه نفسيا بقدره الله ونعمه ..

في حديقه البيت قاعده ام نواف تفطر مع ولدها نواف .. هي تقرا الجرايد وهو على اللاب توب يشوف الاسهم ..
نزلت الجريده وشربت من الحليب شوي ..ثم قالت : يمه ابي اكلمك بموضوع مهم
نواف: هلا يا الغاليه وش بغيتي
ام نواف: اسمعني زين يا نواف ... ماشاءالله عليك كبرت وصرت رجال تعتمد على نفسك بكل شئ , امشي وانا رافعه راسي فيك .. انت معي
سكر الجهاز ولف عليها: أي معك ..
ام نواف: طيب ما ودك تتزوج مو في بالك وحده اروح اخطبها لك
نواف : يمه الله يهديك تونا وشفيك مستعجله
ام نواف: وش اللي تونا بتصك الثلاثين وتقول تونا ... اخاف عليك يا نواف من هالسفرات اللي تروحها.. ابيك تتزوج واشوف عيالك قبل موتي
نواف: يماااا لا تققولين هالكلام ... جعل يومي قبل يومك والله يطول بعمرك بس انتى لا تشيلين هم وانشاءالله الوقت اللي احس فيه اني ابي اتزوج بقولك
ام نواف: لا يا نواف اسمح لي .. لمتى بتقعد كذا .. اللي بكبرك عرسهم قرب وانت توك.. جيتك هنا بخطب لك فيها
نواف: يماا عااد وش ذا .. قلت لك مو الحين
ام نواف: وش اللي يمنعك هاه .. طالب ولا في احد يصرف عليك والفلوس مو بيدك
نواف: يا يمه افهميني مو وقته الحين
ام نواف بعصبيه : الا وقته ولا لا يكون متعرفلك على وحده هناك ورافض الزواج علشانها
نواف: وش ذا الكلام يمه حرام عليك مو متعرف ولا شئ
ام نواف: اجل بتتزوج يعني بتتزوج
نواف:.....سكوت
ام نواف: لميس بنت ام سلمان ما في احسن منها جمال و اخلاق وشهاده عاليه ما شاءالله وين بتلاقي مثلها في هالوقت
نواف: يمه اسمعيني .. انا الحين في بدايه شغلي وبسافر كثير ما بكون مستقر وصعبه اسحبها وراي والله صعبه غير كذا توني ما كونت نفسي الله يهيدك بس
ام نواف: الله يهدينا جميع ... اسمع لو تبيني اكون راضيه عليك تتزوج البنت خلاص ماعندي كلام غير هذا
قام نواف من مكانه معصب من حكم امه و امرها بس ما يقدر يرفض ويردها هذه الغاليه .. طلع بسيارته برا البيت يدور بالشوارع ويفكر باللي جاي في المستقبل القريب...
امه تخاف عليه من هالزمن الشين وتبي له الستر و الراحه ما راعه شعوره ورفضه للموضوع .. وهو بعد نواف ما فهم قصد امه و كثر خوفها عليه .. ما عرف قلب الام شلون يكون على عيالها لو صاروا اطول منها و بشوارب بتظل تخاف عليهم وتتمنى لهم كل خير .

*****************************************
طلعوا سلطان واحمد من مكتب الحجز خلاص الحمد لله تمموا حجز الشاليه يوم الاحد ..
احمد: وش ذي الزحمه كنهم مو شايفين خير
سلطان: اييييه تعرف الصيف والحر ما لك غير المسبح او البحر
احمد: وش عندك الحين
سلطان: ولا شئ .. بغيت شئ
احمد: اجل معزوم على الفطور ..
سلطان: تسلم يا حمتوو
طلع سيجاره و ولعها ..
احمد: ما تعبت من هالسم اللي تشربه
سلطان: كل شئ بالدنيا تعب وقفت على ذي
احمد: الله يعينك بس ... اعضاءك تشكي تقول ارحمني يا سلطه
سلطان: هههههههه حلووووه بس لا تعيدها .... ياخي اسرع تراني جوعان
احمد: ههههههههه انشاءالله
دق جوال احمد .. ابو نونو "يتصل بك"
رد عليه وكان نواف يساله وينه فيه ... قاله مع سلطان بيروحون يفطرون وعزمه معهم ...
****************************************

مرت الساعات و على سفره الغداء في بيت ام علي ... وهذا اول غدا لهم في بيتهم الجديد
ابو علي: متى ملكه اختك ؟
ام علي: بكره الخميس
ابو علي: زين لاني الجمعه بسافر لقطر عندي شغل
فجاءه وقفوا عن الاكل مستغربين من قرار ابوهم المفاجئ .. ام علي تناظر بنتها ملاك وملاك تناظرها وشاركهم علي النظرات ... على وجوههم علامه استفهام .
ام علي: قطر ؟؟ وش شغله اللي هناك
ابو علي: شغل وانتهينا .. ولا ماتبون اصير بزنس مان و اجيب لكم فلوس علشان تعيشوون زي الناس
سكتوا كلهم .. ما لهم أي كلمه او تعليق بعد اللي قاله ابوهم " الرجل الغريب" ...
ام علي: يعني عندك فلوس علشان كذا بتسافر
ابو علي: أي الحمد لله .. تكفي للسفر بعدين منب مطول كلها 3 ايام و راجع
ام علي: زين اليوم نبي نروح السوق نتجهز لمكله اختي
ابو علي: وانتوا كل مناسبه لازم شئ جديد .. تراها ملكه مو عرس
ام علي: ولووو حنا من متى ما رحنا عرس حتى يكون عندنا فساتين , صرفناهم يوم جينا ننقل مره من المرات
ابو علي: خلاص طيب ... خلي ولدك يوديكم انا مو فاضي
علي: متى بتروحون
ام علي: بعد المغرب

شئ غريب مو ؟! كم مره يقول ما عنده فلوس و يطلب زوجته تتسلف من اخوانها ثم يجي ويسافر 3 ايام .. اجل من وين له ولا يمكن قام من نومه ولقى تحت مخدته فلوس مثل الخيالات ... ويحسب نفسه بيتوفق بحياته " اللي ما فيه خير لاهله .. ما فيه خير للناس"... الله يصبرك يا ام علي انتى وعيالك على ما بلاكم ربي من ابو غريب.
*************************************************

مشاعل: هلا يا الدبه
شمس: مرحبا الساع عنوني شلونج
مشاعل: منيحه عم بزقح ..
شمس: هههههههههههههه دووووم مو يووووم
مشاعل: يدوم عزك ... انتى شلونك عامله ايه
شمس: والله بخير الله يسلمتج .ز مشكوره يا الغلا على الشنطه والله منحرجه منتج نسيتها انا ويهي
مشاعل: العفو يا دبه ... عااادي الكبر في العمر له دور وانا خيتك
شمس: ههههههههههه بسم الله علي توني شباب اهبل
دخل سيف بكل حماس : شموووسه وين الــ ــ ـــ ـــ ـــ" سكت يوم شاف اخته تكلم "
شمس تكلمه: نعم شو تبا
سيف: خلصي اول ... الا من تكلمين
شمس: ربيعتي
سيف يستهبل: منهي ... عمشه
شمس: هههههههههههه مشاعل اسمعي سيف يسميتج عمشه
مشاعل : انااا عمشه ؟؟ اجل هو وشو ... هو صعفق
شمس: ههههههههههههههه تقولك صعفق
سيف: يالله بس خلصي انتى وهي .. كسبتوا الاتصالات
دخل وسكر الباب وقعدت على طرف سريرها
شمس: خير
سيف: انتظرك
مشاعل : شعندك مشغوله مع صعفق
شمس: لاااا ما عليتج منه .. ايه بكره شو بتلبسين
مشاعل: طلعت لي فستان قصير احمر مع جاكيت فرو اللي وريتك اياه مثل حق الموديلز اللي باغنيه " مشيتي خلاص لوائل جسار"
شمس تحاول تتذكر : مممممممم أي عرفته .. مره حلوو ناعم حيل
مشاعل: أي ما ابي اتكلف .. ملكه و انتهينا الوعد بالعرس
شمس: يالله عبالتج
مشاعل: يصير خير
شمس: ليه ما تبين تتزوجين
مشاعل: اكيد أي بس ما ابي اتحمس وافكر في الزواج كثير
شمس: احسلتج .. اللي يكتبه ربي فيه الخير .. يالله اجل قلبي اخليتج الحين
مشاعل: اوكي ... take care
شمس: u 2 …. C ya
مشاعل: c ya

سكرت ولفت على سيف : نعم
سيف:بس هذه سوالفكم طلعات و زواج
شمس: لا و الله بس ملكه خالتها باتشر و اسالها شو بتلبس .. بعدين انت وش دخلك بسوالف الحريم
سيف: طيب ... شلون هي مشاعل ؟!
شمس : شووو ؟! وش ذا السؤال
سيف حس ان سؤاله غلط , قال: لاااا اقصد شلون هي وش تحب يعني
شمس: خخخخ عادي ما تحب شئ ... بنت عاديه مثل أي بنت بالعالم
سيف: لا بس امس يوم شفتها غير ... شكلها دلوعه
شمس: لاااا لا دلوعه ولاشئ بس نعومه وحبوبه .. الا وش عندك انت تسال
سيف: اسال وبس .. حرام !!
قام وطلع من غرفتها
شمس: اجل وش عندك جاي ما تبي شئ
سيف: نسيت وش كنت ابي ..
لحقته شمس: سيووف شرايك نطلع
سيف : وين نطلع بهالحر و الشمس
شمس: أي مكان لو سوبر ماركت ابي اغير جو
سيف: زين البسي عبايتج ويالله
وبالفعل طلعوا بالسياره يغيرون جو .. الشوارع هاديه نوعا ما لانه ظهر واجازه الناس نايمه من بعد سهر الليالي ..
مغلين الراديو على MBC FM
شمس: يارب يجيبون اغنيه لعبدالمجيد
سيف: ليه طلع شريط
شمس: اييييه ما سمعته.. يجنننن يا خذ العقل
سيف: لا ما سمعته ... اذا عندتج اغانيه عطيني اياها

المذيعه: اعزائي المستمعين اترككم مع يارا "صدفه"
شمس: يووووه قهر ...

"صدفه ومن بين كل الناس علقني .. من يوم شفته وعيني جات بعينه .. حسيت شئ بعيونه حيل يجذبني .. لما ابتسم بانت بوجهي تلاوينه"

شمس: مليت من هالاغنيه كل العالم طايحه فيها
سيف: انا مثلك بس الحين ما اظن
لفت عليه شمس مستغربه " شلوون؟!
سيف بارتباك: هاااه .. لا ولاشئ .

معقوله يعني يا سيف ... بنظره وحده وموقف ما دام اكثر من 15 دقيقه ... تفكر فيها و تعيد اللي صار بينكم من كلام .. يا كثرهم اللي قابلتهم وصارت بينك وبينهم مواقف الا هذه يعني غير
صدقوا يوم قالوا " القلب وما يهوى"
************************************************** *

الخميس .. العصر الكل مشغول .. من البنات اللي تحط مناكير و اللي تستشور شعرها وغيره , اما العيال سلطان راح ياكد للصبابين يجون اليوم ويمر المطبخ علشان العشا .. نواف طالع من امه راحت لمحل الحلويات تجيب الحلا اللي طلبوه للملكه .. اما ام خالد طلعت مع السواق و حفيدها سعود رايحه تودي صدقه لعائله فقيره تكفلت بهم كل شهر .. وهي في الطريق راجعه كان زحمه
ام خالد: وش ذي الزحمه مو وقتها الحين
سعود: شكله في حادث
ام خالد: الله يستر
وهم ماريين شافوا 3 سيارات متصادمه و الناس متجمعين على سياره يطلعون المصاب اللي فيها , فجأءه صرخ سعود
_ وقف .. وقف <<< يقول للسواق
ام خالد: بسم الله وشفيك
سعود: هذه كنها سياره علي ... الا هي
نزل بسرعه وراح لمكان الحادث وبالفعل كان علي اللي صادم بسيارتين بس الحمدلله ما صابه شئ...رجع سعود لجدته يطمنها
ام خالد: هاه علي فيه شئ
سعود: لا ما فيه شئ بس دايخ شوي .. خلاص انتوا روحوا البيت وانا بقعد معه وبكلم احد العيال
ام خالد: حسبي الله ونعم الوكيل .. انتبه لنفسك، يمه
راح السواق وظل سعود مع علي وكلم اخوه سلطان و نواف ... كان نواف اسرع بالوصول من سلطان وجا المرور
الشرطي : كلكم على القسم بسرعه
علي ينافخ وبكل وقاحه: انا مو غلطان هو اللي لف علي و ارتبكت وقتها ... دفع وتصليح منب دافع
الشرطي يناظره بنظرات غريبه و مستحقره على حركاته
نواف: يالله بس قدامي ولك وجهه تتكلم بعد ..
في البيت ... محد يدري باللي صار الا الجده
ام خالد: السلام عليكم
الكل: وعليكم السلام
ام سلطان: هاه يمه لقيتي الناس
ام خالد: أي الحمدلله عطيتهم فرحوا مرره المساكين
ام سلطان: الله يجزاك الف خير
ام خالد تسال بنتها : الا انتى معطيه علي مفتاح السياره
ام علي: أي قال بيسمع شريط بالسياره وعطيته ليه
ام خالد: ما شفت السياره عند الباب
ام علي: يمكن راح ياخذ له لفه منا ومناك
ام خالد بضحكه استهزاء:لفه .. هههه ... وانا جايه شفنا حادث 3 سيارات و ولدك من ظمنهم
الكل شهق من الخبر اللي سمعه ..
كملت ام خالد: هذا اللي بيسمع شريط بالسياره راح وصدم له وخرب سياره ابوه ...
ام علي: لا يمه من جدك..صار فيه شئ
ام نواف تهدي: صلوا على النبي انشاءالله ما يكون فيه شئ
ام خالد: مدري عنه شفت الناس يطلعونه وخليت سعود عنده
شوي دخل احمد وكان داري بالسالفه
ام نواف: احمد شلون علي ... وينه فيه
احمد: بمركز الشرطه مع نواف .. تطمنوا ما فيه شئ
ام علي: حسبي الله عليه من ولد ..قالي يمه ابي المفتاح بسمع شريط بالسياره هنا عند الباب ومنب متحرك وش اللي خلاه يسوق ويمشي مدري عنه ... حسبي الله عليه
على صوتها طلعوا البنات وساره معهم
ساره بخوف : خير وش صار
ام خالد: علي صادم له سيارتين وبمركز الشرطه
ملاك: صار فيه شئ
ام علي: ليته ميت ... ليته ميت ومريحني حسبي الله عليه .. الحين وش اسوي هاه يالله لقينا هالسياره تودينا وتجيبنا وجا الحيوان و صدم فيها
مسكتها ام نواف: لا تقولين كذا لا تدعين عليه مهما كان هذا ولدك
ام علي: الا بدعي عليه .. الله ياخذه و لا يوفقه ... اللي مثله ما ينبغى
طلعت ساره و البنات الا ملاك قعدت مع امها ينتظرون اخر الاخبار عنه...
في الغرفه
ساره: عمى بعينه من ولد ما لقى يسوي هالشئ الا بيوم ملكتي نكد علينا الله ينكد عليه
عهود: الله لا يبلانا ... وجهه اصلا شؤوم على اللي يشوفه
هند: حرام عليك ... تلاقينه طلع يتمشى واحد دخل عليه
هديل: واللي يرحم والديك لا تدافعين عليه معروف انه ولد مطفوق و ارج منه مافي .
مشاعل: الله يعين خالتي تحززن
ساره: مشكلتها هي اللي ما عرفت تربي عيالها ... اووف احتريت شغلي المكيف
عهود: وحده غيري تشغله يديني فيها مناكير
هديل: ياااي يا المناكير .. اذا نشفت تعالي حطي لي

نرجع للدور اللي تحت ...
ام سلطان: كلمي ابوه خليه يجي
ملاك: عاااد كن بيهمه الامر والله لا يسكر بوجهنا التلفون
ام خالد: بنت .. عيب تتكلمين على ابوك كذا
ملاك: جده الله يعافيك لا تلوميني كلامي صح
ام خالد: ولو هذا ابوك .... قله حيا ..بنات اخر زمن يسبون اباءهم قدام الناس
ام علي: الحين وش اسوي قولوا لي وش اسوي .. تعبت اهاوش تعبت اضرب واسب لاكن مافي فايده زي الحيوان ما يفهم ... يدري ان ابوه مب مليونير حتى يغير السياره ويدري انه ولد مرجوج ليش يسوقها اجل.. ما اقول الا الله لا يرده من ولد ولا يرجعه للبيت ياااارب
ام نواف: استغفري لا تقولين كذا عليه ... الله يهديه
*******************************
في مركز الشرطه ...
علي و رجاليين صاحبين السيارات المصدومه ... ونواف معهم
الشرطي: انت اللي غلطان سرعتك عااااليه و المشكله الشارع مب سريع حتى تاخذ راحتك
علي: وش مسرع فيه اقولك هم وقف فجاءه قدامي
الشرطي: ولا تنسى ان رخصه ما عندك , يعني الغلط راكبك راكبك .. ما تدري انه ممنوع احد يسوق بلا رخصه قياده
علي: ادري بس كنت مضطر
الشرطي وبدا يعصب : وش مظطر فيه هاه... غلطان و تعلي صوتك على الاقل احترم اللي واقفين تراهم كبر ابوك
تكلم واحد من الرجال: على فكره انا بقولكم من البدايه تنازل منب متنازل غلط ويتحمل غلطه ... في شئ اوقعه لاني مستعجل
تكلم علي: خير انشاءالله ...
قاطعه نواف بصوت جامد : عـــلي...
التفت له ..وشافه يحط اصبعه على فمه "يعني اسكت"
علي: ما تسمع وش يقول
نواف: قلت لك اسكت
طلعوا الرجال وبقى علي ..اما انه ينحجز او يطلع بكفاله... بطبيعه الحال كلم نواف ابو علي علشان يدفع له و يكفله ويطلع .. لاكنه بكل ببساطه قال: فلوس ما عندي .. تعرف حالتي يا نواف
تفاجئ نواف من رده و حز بخاطره " وش ذا الابو " ... اظطر انه يكلم خالته ... وردت انه يقعد بالحجز وما يطلع ومحد بيدفع له لين يتادب
علي: من جدكم اقعد بالحجز
نواف: هذا اللي طلبته امك
الشرطي: اللي ما تربي حنا نربيه ... يا عسكري .. خذه للحجز الين ما يحلها ربي
علي: نواف من جدك بتخليني , اليوم ملكه خالتـــ .....
قاطعه وقال: توكل على الله واذا مكتوب انك بتطلع بتطلع .
بعد ما راح ..قال الشرطي: وش يقرب لك
نواف: ولد خالتي
الشرطي: انتبهوا له .. قول لابوه ينتبه له ويربيه من جديد والله ما راح يقدر يكمل حياته بهالاسلوب
نواف: ياما قلنا وياما نبهنا بس خلها على ربك
الشرطي: الله المستعان ... ما يربون عيالهم زين واذا غلطوا ومسكناهم " جاك الابو ينافخ طلعوا ولدي وانتوا بس تاخذون فلوس الناس بالكفاله اللي حاطينها "
نواف: الله يعينكم ... هذا رقمي واي شئ صار تقدرون تدقون باي وقت
الشرطي: انشاءالله .
******************************************

ام سلطان: بتخلينه بالحجز يوم ملكه خالته
ام علي: خليه لين يخيس ومن محتاجه اصلا...

رجعوا العيال وطلعت ام نواف للحوش تكلم ولدها وتشوف وش سوى
نواف: كلمت ابوه علشان يكفله ويطلعه قال ماعندي فلوس
ام نواف: استغفر الله العظيم ... هو هذا مواله ما عندي فلوس طول عمره ما عنده ... اجل حجزوه عندهم
نواف: ايه ..لين ما يكفله احد
ام نواف: وكم المبلغ
نواف: 5 الاف.... زين شلون خالتي يوم كلمتها صوتها رايح فيها
ام نواف: الله يكون بعونها مررره متضايقه منه ..الله يهديه ابد ما يريح امه ..عله و العياذ بالله
خالك خالد درى
نواف: أي بيخلص شغله ويجي
ام نواف: زين اذا بغيت شئ دق علي او على مشاعل
**************************************
هديل: يختي خلصي بكوي ثوبي
مشاعل: زين حطيه بكويه مره وحده ...
عهود: هاكم حقي بعد ... تراني مشغوله
هديل: اجل لا صارت ملكتك وش بتكونين "سوبر مشغوله"
عهود :ياااارب الله يسمع منك
مشاعل: الله كل ذا تحمس
عهود: وفي احد ما يبي يتزوج
هديل ناظرت اختها وفيهم الضحكه .. ثم قالت: طيب اقولكم شئ ما تصدقونه
عهود + مشاعل: وشو ؟؟!!
هديل: احم ... اختى وحبيبتي هند انخطبت
الكل : وشوووووووووووو انخطبت
عهود: احلفي
مشاعل: اووووخص يا حركااااااااااات
هند بحيا: أي صدق
عهود: و توك تقولين يا الدبه ... مبرووووك عقبالي يارب
هند: الله يبارك فيك
مشاعل: هنا هنا ضمه يا اختاه .. مبروووووك يا قمر
هند: الله يبارك فيكم وعقبالكم
طلعت خالتهم ساره وكانت سامعه باللي صار
_ مبروك يا هند <<< قالتها ببرود
هند: الله يبارك فيك
كانت ساره حاسده هند بالحظ ... ما خلصت دراستها وانخطبت وهي اللي بالثلاثين توها تملك ... هذا اللي صار ولا تبينها ترفضه لخاطر عيونك ...والله !!
********************************************

مر الوقت وبعد العشا تجهز الكل ولبس .. الخاله ساره مع هند بالصالون تسوي التسريحه و الميك اب
قربوا يخلصون ويرجعون للبيت علشان توقع على العقد ..
في الحوش واقفين نواف وسلطان يدخن كالعاده .. جاهم احمد
_ يا شباب .. قولوا امين
نواف+ سلطان : امييين
احمد: عقبالكم يارب اشوفكم بمثل هاليوم بجمب الملاك توقعون على العقد
سلطان: الله يسمع منك
نواف وتذكر طلب امه ورد ببرود: يصير خير
سلطان: وشفيك تقولها كذا ما ودك تعرس
نواف: ااااايه قلت يصير خير
احمد: مسوي لي ثقل ومهب ميت على العرس .. وش وراك عندك شئ تسلي نفسك فيه سفر و رحلات .. اقلااع لابعد درجه
سلطان: هههههه وانت صادق ... مريح خوينا
نواف: ارحمونا تكفون سكروا ع الموضوع
احمد: ليش وش مضايقك فيه

بهاللحظه دق جوال ملاك وكانت حنان اللي داقه تبي تعرف موقع البيت بالضبط لانها معزومه ... عن الازعاج و الزحمه طلعت للحوش ترد عليها ...
ملا: أي حنان .. وينك الحين
حنان: انااا عند الشاطئ مول وين اروح يسر ولا يمين
ملاك: روحي يمين من بين المول و الفندق بعدين خذي .............
سكتت يوم شافت عيال خالتها الثلاثه واقفين يناظرونها وبينهم نواف ... دخلت بسرعه وقلبها بيطلعم من مكانه من الخوف , حتى نست صديقتها اللي على التلفون.. اكيد بتنساها شافت حبيب القلب بعد سنوااات من الغياب
حنان: الووووو .... ملاك وينك يابنت
ملاك: أي معك ..وين وصلتي
كملت لها الوصف و هي مو على بعضها مرتبكه من الموقف اللي صار .. اما الشباب متفاجئين منها
سلطان: منهي ذي
احمد: كنها ملاك
سلطان: وراها احلوووت كذا اذكرها متوحشه وهي صغيره
احمد: ههههههه اكيد بتتغير ولا تبيها على ماهي الله يرجك قال متوحشه اجل انت وشو أليف
نواف: ههههههههههههه والله انكم ما تستحون كليتوا البنت .. امشوا بس قبل لا يطلع احد غيرها

مسكينه هي في احلامها غارقه و مو مصدقه انها شافته وشافها واكيد الحين يفكر فيها و قلبه يدق مثلها و مو قادر يوقف على رجوله ..
ملاك وبخاطرها : اااااااااااااهـ يا قلبي ما بغيت اشوفه .. يا زينه وياحلوه بالثوب .. اخيرا كحلت عيني بشوفته فديتك والله يا نوااف الله لا يحرمني من شوفتك وعقبالنا يارب نكون بمثل هاليوم.

رجعت الخاله ساره من الصالون وتمت مراسيم الملكه .. صورت مع زوجها(مشاري) و مع امها و خواتها والبنات .. كانت ميته من الفرح الدنيا مو شايلتها من الوناسه حست انها ملكه العالم كله واسعد وحده في هاليوم , محد قدها بعد انتظار لسنوات اخيرا كتب لها ربي وتزوجت ...
مبرووكـ يا ساره .. الله يتمم عليك السعاده

هذا اللي صار بيوم ملكتها " فرح من جهه و ضيقه صدر لام علي على ولدها و اللي سواه و برود ابوه .. غير كذا سعاده ملاك بشوفه نواف .. وسعاده الباقي بخطبه هند "

عطني السعاده لو ثواني قليلات.. واعطيك انا عمري وباقي حياتي
عطني ولو لحظه من الذات للذات.. يعاده تمحي بها ذكرياتي
تعبت انا مليت من كثر الاهات.. وتعاستي خايف تعجل وفاتي
عمر البشر محسوب في بضع ساعات.. ولو فاتت الساعات فات الفواتي

الشاعر ناصر المري

فيتامين سي · 17-09-14, 11:51 AM

الجزء (11)

ام سيف : على وين ..
سيف: بغيتي شئ طالع استقبل مهند اليوم بيرجع من استراليا
ام سيف بفرح : لااااا الحمدلله على سلامته ... يا حليله خلص دراسته
سيف: أي ماشاءالله عليه
ام سيف: الله يوفقه اجل سلملي عليه .. وانتبه لنفسك
سيف: اوكي بغيتي شئ يا الغاليه
ام سيف: لا كنت بروح للصالون بس اخذ " سفرجل " واروح مع شمس
يمديكم على اسم السواق "سفرجل" هع هع هع
سيف: اوكي فمان الله
ام سيف: مع السلامه

هذا مهند صديق سيف من ايام التمهيدي ... يتيم الام والابو وكان عايش مع عمه وماشاءالله عليه يوم خلص الثانوي طلع وكمل دراسته برا في استراليا.. وام سيف كانت له مثل الام والاخت تحبه مثل عيالها وتغليه علشان كذا فرحت مررره برجوعه على الاقل يكون مع سيف وقريب منهم.

نزلت شمس بعد ما قامت من النوم
ام سيف: صح النوم .. كان كملتي للصبح
شمس: لاااا خلاص شبعت نوم و اكتفيت من الاحلام... وين سيوووف الصرقوووع
ام سيف: راح يستقبل مهند من المطار
شمس: وااااااااااااو اخيرا رجع المغترب .. له وحشه الدب
ام سيف: أي والله يا حليله هالولد ... الله يوفقه ويبارك له بدراسته
شمس: بنروح الصالون اليوم
ام سيف: أي كلمي سفرجل قولي له يطلع الموتر بعد ما يصلي العشا
شمس: وترا بمر شوكلا متشهيه تشوكلت
ام سيف: عيل لا تجين وتقولين لي ابي اسوي دايت
شمس بضحكه شريره: هاهاها حسنا اماهـ
**************************************
ابو علي: قلنا لكم الف مره ما عندي فلوس و اليوم بسافر .. فكينا عاااد
ام علي: شلون تسافر وولدك بالحجز رامينه حرام عليك ... اجل سفرتك علشانه هذا ولدك اهم من الشغل
ابو علي: حسبي الله عليكم انتى و ولدك المعتوهـ .. وين خواله ليش ما يدفعون له مو ولد اختهم .... هذه اخر مره اتكلم فيها او خليه يخيس بالحجز لين ارجع من السفر مو ضاره شئ
ام علي وفقدت اعصابها : الله ياخذك وياخذ ولدك .. كرهتوني الحياه ذبحتوني .. خلاااص يكفي ..يكفي
طلعت ملاك تركض لامها ودقات قلبها سريعه .. خايفه لا يصير فيها شئ ...
قالت وهي ماسكتها: يمه خلااص هدي ... ريحي اعصابك يمه تكفين
ام علي: ذبحوني قتلوني وانا حيه ... حشى منب ام ولا انسانه
التفت ملاك وبعيونها دموع على جهه ابوها وشافته واقف زي الجدار حتى مافي قلبه رحمه يهدي زوجته وهي بهالحاله ... تافف من الموقف وطلع برا البيت
ملاك: يمه علشان خاطري هدي نفسك ما يسوي تسوين بنفسك كذا
ام علي: ااااااااهـ يا قلبي تعبت ... والله تعبت يا ملاك ابي اموت وارتاح من هالغثا
ملاك: لا تقولين كذا الله يطول بعمرك يمه ....خليهم بحريقه هو وياه انتى اهم .
****************************************

بمكان ثاني ونفس الحاله يتناقشون بسالفه حجز علي
ام سلطان: ومتى بيطلعونه للحين ابوه ما دفع الكفاله
سلطان: لا يقول ماعنده فلوس واليوم بيسافر
ام سلطان: نعم ؟! بيسافر و ولده يتركه كذا
سلطان: عاااد شفتي التفكير شلون
ابو سلطان: هالرجال معروف هو بطريق و الخير بطريق ... الله لا يبلانا ... الا متى طلعتكم للشاليه بكره
سلطان: لا الاحد
هند: لا يكون بناجلها علشانه
سعود: لا مستحيل ... عاد ما صدقنا نلاقي طلعه معتبره
سلطان: محنا ماجلين شئ علشان خاطر عيونه ... خالي خالد قال يمكن يدفعها له
ام سلطان: لا حول ولا قوه الا بالله ..

*******************************************
ام خالد: ومن متى هو عنده فلوس 24 ساعه مطفر
ابو عبدالله يهدي الوضع: خلاص انا بدفع له واطلعه ... لمتى يعني بيقعد بالحجز
ام خالد: الله يجزاك خير ويبارك فيك
ابو عبدالله: يقولون الشباب الاحد حاجزيين بالشاليهات
ام خالد: أي سمعت خلنا نروح نستانس ونغيير جو ... وبعد اختك تطلع من الضيقه اللي فيها عقب حركه ولدها
ابو عبدالله: يالله اجل انا طالع تبين شئ
ام خالد:سلامتك ... يعطيك الف عافيه
********************************************
وهم في السياره طربانيين على اغنيه محمد عبده

هلا بالطيب الغالي ..عزيز و شوفته منوه
ترا ما جا على بالي .. اشوف عيونك الحلوه

مهند: الله الله كل هذا لي
سيف: وكم مهند عندي انا .. ياخي والله لك وحشه من زمااااان عنك
مهند: وانت بعد وحشتني يا الدب ... وحشتني سواليفك
يكمل سيف: وحشتني شوفتك اكثر
مهند : ههههههههههههه وش عندك صاير شاعر لايكون تحب
سيف تغيرت ملامحه يوم سمع "تحب" ..قال: انا ..ههههه مدري والله بس ما اتوقع
مهند يغمز له : علييينا ..ما تتوقع ...
سيف:هههههههههههههااااي الله يرجك وش جاب هالسالفه في بالك
مهند: عيونك فاضحتك
سيف بجديه: احلف .. من جد
مهند مااات ضحك:ههههههههههههههههههههه� �ههههههههههاااااي ... والله الحين ثبت لي انك تحب وشفيك ارتعت كذا
سيف: اقووول خوينا في الله ريحنا ... ولا تفضحنا قدام العالم , استعد لشوفت الوالده ازعجتني بالاتصال
مهند:انشاءالله عمي روميو ..ههههههههههههههههه
سيف:هههههه روميو بعينك

****************************************

معلقه السماعه باذنها وداخله جو مع مشاري
سارهـ:ههههههههه من جدك انت
مشاري: أي والله ...قلت لهم ابي وظيفه زينه انا على وجهه عرس قالوا مافي الا "حارس امن"
ساره: لا كله ولا حارس امن
مشاري:اقول عيوني دوامك بالمستشفى متى يخلص
ساره: 4 العصر اطلع
مشاري: الله!! من 8 الصبح لــ 4 العصر اجل نص يومك برى البيت
ساره: تقريبا أي
مشاري: اجل ما يصير كذا شوفي مديركم كلميه خليه يقصر من ساعات العمل.. ما يصير تكرفين للناس وزوجك بالبيت لوحده
ساره : أي انشاءالله بشوف
مشاري: تقولين بتطلعون يوم الاحد للشاليها
ساره:أي بتجي
مشاري: اكيد مو صرت من العائله
ساره :هههههههههه الله يحيك
دخلت عليها امها ... وتعذرت من مشاري وسكرت
ام خالد: هذا مشاري
ساره بخجل: أي ..يسلم عليك بعد
ام خالد: الله يسلمه ... وش سوى لقى شغل
ساره: يقول قاعد يدور ... يمه شفيك عليه الرجال طيب وما صدقت على الله لقيته تبينه يطير
ام خالد: وليش يطير شايفتني الحقه بعصا و اهججه منك ..لا يا قلبي انا ابي لك الخير انتى واخوانك.. اذا كان كلامي يزعلك ويضايقك العذر و السموحه , سوي اللي يعجبك والله يوفقك وياه

طلعت المسكينه ام خالد وتحس انها ثقل على عيالها وهم مو فاهمين انها تبي الخير لهم ..هي عاشت سنوات وايام بهالدنيا دارستها صح .. بحلوها وبمرها وما تبي عيالها او احفادها يطيحون بمشاكل و مصاعب الدنيا اللي ما تخلص ...
"افعل خير وقطه في البحر" <<< مدري المثل صح ولا لأ

**********************************************
في مركز الشرطه .. الساعه 6 يوم السبت ...
الشرطي لابو عبدالله: الله يبارك فيك ويكثر من امثالك
ابو عبدالله: تسلم والله ..خلاص يطلع معي الولد
الشرطي: أي يقدر يطلع دامه وقع على التعهد .. بس يكون بعلمكم اصحاب السيارات المتضرره للحين ما تنازلوا عن التعويض
ابو عبدالله:يصير خير
الشرطي: قلت ابوه مسافر ... متى بيرجع انشاءالله
ابو عبدالله يهز كتوفه : علمي علمك
الشرطي: اهااا ... الله يعينك يا خالد ويعطيك الف عافيه على اللي سويته.

في السياره
علي: اسف ادري اني الغلط راكبني .. وتعبتكم معاي ..
ابو عبدالله: تاسف لامك مو لي .. المسكينه اللي مالها احد بهالدنيا غيرك تطالع الله ثم انت .. تنزل الحين تتاسف لها وتحب راسها ..ياعلي انت منت بصغير حتى نكون وراك بكل شئ اللي مثلك رجال شايلين بيوت وعوايل ., فهمت وش اقولك
علي: انشاءالله
*******************************************
عهود داقتها سوالف مع مشاعل ومو راضيه تسكر
مشاعل: اقول يا بت اخليك الحين بروح اكل جوعانه
عهود : عنااد فيك ما بسكر بقعد ...
مشاعل: يعني عنااد .. طيب اوريك يا الدبه
عهود: اقول صديقتك شمس بتجي بكره
مشاعل: لا ..ليش تسالين
عهود: ابد سؤال وبس .. تدرين ان ابوي طلع علي من الحجز
مشاعل: زييين يعطيه العافيه ... احسن من غيره
عهود: من جد الله لا يقوله اتزوج واحد مثل ابو ملاك ..شري اعوذ بالله
مشاعل: عهود ..عهود يا مال العرس انشاءالله
عهود: خلااص فهمت اوكي روحي كلي بالعافيه ..واشوفك بكره
************************************************** ********
دخل علي البيت و منزل راسه .. لقى امه طالعه من غرفتها .. علطول اتجه لها وسحب يدها يبويها ويتاسف لها و الدموع على خده
علي: يمه انا اسف والله اسف تكفين سامحيني ... ما قصدت اسوي كذا ولا اسف
ام علي و ضايق صدرها على هالموقف المؤلم و دموع ولدها .. مسحت على راسه وقالت: مسموح يا علي والله يهديك ..انا يوم رفضت يطلعونك من الحجز وقتها كنت ابيك تاخذ درس باللي سويته و تتعلم ان اللي سويته اكبر غلط مو معناه اني اكرهك انت مهما تكون ولدي
رفع راسه وقال: اخر مرره اسويها بس تكفين سامحيني .. ادري اني غلطان واني تعبتك انتى واهلي كلهم بس سامحوني.
ام علي: الله يهديك يا علي و يصلح من شانك و يصبرني .. الله يهيدك.

************************************************** *****
طلعت من المطبخ مع صحن "كلوب ساندويتش" و قعدت مع امها بالصاله

مشاعل: ازيك يا الغاليه .. وين اخواني ما لهم حس
ام نواف: احمد و عبدالرحمن نايمين لانهم مواصلين من امس و نواف طلع مع فهد من ساعه يقول بيمر محل الكمبيوترات بيغير لاب توبه
مشاعل: هاه الطلعه بكره اكيدهـ .. ترا عهود متحمسه لابعد درجه
ام نواف: هههه يا حليلها قولي لها أي اكيد .. وعلي ولد خالتك طلع اليوم من الحجز والحمدلله
مشاعل: أي زين .. قالت لي عهود
صوت الباب تسكر ودخل فهد يركض بفرح
فهد: شريت قايم بوي جديد احسن من حق دحوووم
مشاعل: وين حقك القديم لا يكون رميته
فهد: لا خرب وعطيته علي الصغير <<< ولد ام سلطان
مشاعل: يعني غشيته
فهد: لااا وش تحسبيني مثلك
دخل نواف وهو يضحك على قوه فهد : تعجبني ... خلك شديد معها .. السلام عليكم جميعا
الكل: وعليكم السلام
مشاعل: ما جبت لي شئ
نواف: كنت بجيب لك فلاش مومري بس قلت لا خساره فيك تستاهلين شئ اكبر
مشاعل: أي اشوه على بالي بتتهزا فيني
ام نواف: الله جابك ... بكره وحنا رايحين للشاليه بتمر على خالتك نوره وتاخذهم لان ابوهم مسافر .. وسواق جدتك مهب رايح
نواف: اجل مع مين بتروح خالي خالد
ام نواف: أي ... خذ الرانج وبتروح معك مشاعل .. واحمد بياخذ المرسيدس
نواف: اوكي ترا بنمشي الساعه 9 و خليهم يجهزون من بدري
ام نواف: مشاعل كلمي السواق خليه يطلع السياره بعد العشا بروح لكارفور اخذ اغراض للطلعه
مشاعل: برووح معك بس ابي جيان
ام نواف: بلا جيان بلا خرابيط ادري فيك بتمرين على كليرز و طقته ..لا بنروح لكارفور
مشاعل: ومن قال بروح لكليرز انـــ ....
قاطعها فهد: الا بتلفين عليه وشوي بتلفين على المطاعم وتاخذين بوب كورن بالكرميل
مشاعل وكاتمه الضحكه: انت وش دخلك ... يالله مناك بس يا صاحب الراس الصغير
نواف: هيييه لا تغلطين على عمك فهد هذا شيخ البيت
ام نواف: والنعم فيه
فهد يطلع لسانه لمشاعل : احسسسسن فشلوكـ يا الدبه
قامت مشاعل وعطته ضربه خفيفه على راسه: لا يكثر بس
************************************************** *****
ام عبدالله تنادى عهود:عهوووووووووووود..عهوو� � وينك يا الصقهه
عهود: نعم نعم خير وش فيه
ام عبدالله : استحي على وجهك وتعالي ساعديني شوي ... على الاقل رتبي اغراض اخوانك للسباحه و طلعي ملابسهم
عهود: اوووف و بنتك وينها ما تسوي هالاشياء
ام عبدالله بعصبيه: قلت لك انتى تسوينها وما ابي اكرر اللي قلته .. ما تشوفيني حايسه بالمطبخ اسوي لاهلك شئ يبلعونه ولا تبينهم يلوموني مثل كل مره على تقصيري اوووف منكم
عهود: اجل اذا خلصتي رتبي اغراضك .. انا مو فاضيه
وطلعت لغرفتها تاركه زوجه ابوها تصارخ وتسب فيها
ام عبدالله تتحلطم: حسبي الله عليك من بنت ... ما فيك خير ابد

الجو تكهرب بين ام عبدالله وعهود وصاروا ما يكلمون بعض .. عهود مستمره على عنادها وما سوت الشئ اللي طلبته زوجه ابوها , وام عبدالله حاقده وزعلانه على حركاتها و وقاحتها معها .
************************************************** *****************
الجو هااادي و النفسيات مرتااااحه والحمدلله ... من بعد طلوع علي من الحجز و قعدته في البيت ما طلع كادته يدور بالشوارع و غيبه ابوهم وبعدهم عن الصراخ و الهواش ..
ام علي: ترا بكره بيمرنا نواف ونروح للشاليه .. ما قصرتك خالتكم الله يعطيها العافيه
ملاك وقلبها دق يوم سمعت اسمه وحست بالفرح خاصا انه بيمرهم
علي: اشوه اننا بنروح على بالي بيسحبون علينا
ام علي: فيهم الخير
ملاك: نواف و مين معه
ام علي: والله ما ادري ...
ملاك وتكلم نفسها : ياااااي وناااسه اخيرا بشوفه من قريب وبقعد معه في نفس المكان الحمدلله يارب ان ابوي سافر ولا ما كان صار هالشئ ... متى يجي بكره والله مشتااااااااااااقه لك يا نواف .

**************************************************
سعود نازل من الدرج بسرعه و حمااس ينادي الشغاله
سعود: ساااااااموو سااامو
سامو: نئم اس فيه
سعود: وين سروالي حق السباحه ...
سامو: ما ادري انتا اخر مره يروح نادي ما في انا يشوفه
سعود: يوم رجعت من النادي علقته وين وديتيه
هند: خير وش عندك تصارخ
سعود: ادور سروالي حق السباحه ضيعته ذي
هند: ما ضاع ولا شئ .. شفته بغرفه الغسيل روح شوفه هناك
سعود: وبعد تقول ما ادري ... يالله بس وخري عن وجههي
هند تتحلطم: الحمدلله والشكر من الوناسه مستخف و مسوي لي فيها .

في مكان ثاني غرفه هديل حوسه و اغراض مرميه بالغرفه ... فوق السرير شنطتها و حولها قرابيع ملابس سباحه ونظارات و زحمه اشياء اللي يشوفها يقول رايحه للغوص .. ومشغله المسجل على اغنيه
لــ b2k

دخلت هند على امها : هاه يمه وش تسوين
ام سلطان: ارتب اوراق المدرسه برمي اللي ما ابيه ... جهزتي لبكره
هند: أي وخلصت .. باقي هديل و سعود حايسين
ام سلطان: ترا بنقعد يومين خذي كل اللي تحتاجينه
مرت بينهم لحظه صمت ثم قالت ام سلطان وكنها تذكرت شئ
_ الا ما قلتي لي عن الناس اللي جوا قبل فتره شرايك بالولد واهله
هند بتردد: والله ما ادري بالضبط .. بس محتاره وخايفه
ام سلطان: انتى استخرتي اول
هند: أي
ام سلطان: خلاص دامك استخرتي انشاءالله بيبان لك ان كان خير ولا لأ ... انا من ناحيتي ما اجبرك على شئ الولد واهله طيبين وناس حلال بحكم قعدتي مع الام
هند: ..... سكووت
ام سلطان: ومحد بيجبرك على شئ انتى ما تبينه بس لا تحطين في بالك انك بترفضين علشان الدراسه ترا كثير ربي وفقهم بالدراسه وهم معرسين مع عيالهم
هند تتنهد : اوكي .. اللي تشوفينه
ام سلطان: ابي رايك انتي مو اللي انا اشوفه..
هند: طيب خلاص
ام سلطان: وشو خلاص يعني موافقه عليه
هند تهز راسها بهدوء "أي"
ام سلطان: الله يوفقك ويكتب لك الخير ... وبرضوا لا تنسين الدعاء و حسن النيه .
************************************************** *******
هذا اليوم الكل فرحاان ومتحمس لثاني يوم وطلعتهم للشاليه الجماعيه ...احمد وعبدالرحمن ما قاموا الا ساعه متاخره من الليل علشان يواصلون للصبح و سعود شاركهم السهر بس في بيته ومتواصلين بالمسن .. ملاك هي بعد من الفرحه و الانتظار لشوفه الحبيب ما جاها النوم وطول الليل تحلم وتفكر فيه ... اما سيف ومهند سهرانين ويسولفون ما خلوا شئ ما تكلموا فيه كل الاحداث اللي صارت لهم بالماضي وهم مو مع بعض من احزان ومن افراح وناسيين الوقت و الدنيا

فيتامين سي · 17-09-14, 11:52 AM

الجزء (12)

الساعه 8 وصوت منبه الجوال يدق ..سكرته وشوي دق جوالها (كريزي قيرل يتصل بك) ردت وكانت هديل اللي داقه قامت قعدت على السرير تصحصح . كل ذا علشان عهود تقوم من نومها و تستقبل يوم الاحد من اوله ..تذكرت ان المسبح والشاليه ينتظرها وتخيلت لونه الازرق ..فزت من سريرها واتجهت على الحمام" وانتوا بكرامه" ..

*******************************************

احمد يدخل غرفه مشاعل ويصارخ : قومي قومي يا بت الحته الصباح جا و يالله بنروح الشاليه ..قومي يا الدبه
مشاعل بتافف: اووووووووف وش ذا الازعاج ما تعرف تقوم بهدوء
احمد ويفتح ستاير الغرفه : لا ما اعرف يالله فزي بلا كسل

من جهه ثانيه دخل عبدالرحمن على فهد يقومه : فهووووود قوم يالله بنسبح , قام فهد ونط على ظهر اخوه تعلق فيه وطلعوا من الغرفه
********************************************

سعود يطمر الدرجات ومعه المفتاح ..راح يشغل السياره و يحط الاغراض فيها و بكامل نشاطه .. هديل وبعد ما لبست وجهزت خذت كريم واقي الشمس وبتحطه على وجهها الا تدق عليها عهود
هديل: هااااه وش تبين
عهود: اسمعي جيبي كريمك واقي الشمس ..حقي خلص
هديل: استغفر الله العظيم الا تقلدين مع وجهك .. توني بحطه يوهـ
عهود: هههههههههه وش اسوي احبس يا بعد تسبدي
هديل: حبك برص ...

*****************************************
ملاك واقفه قدام المرايه تتكحل و تعدل حواجبها ... وماخذه احلى عطر تعطرت به ..على بالها عروس في صباحيتها
_ وهـ ياربي ما بغى يجي ذا اليوم ... ونااااسه بشوفه ..
وجلست تغني وتدنن على اغنيه احمد الهرمي

في قلبي شئ بقوله وابي تسمعني للاخر
انا كل لحظه لك اوله تعب قلبي وهو صابر
يا كل منااي هنا دنياي
انت يا كل منااي هنا دنياي

كل هالرجه في البيوت و النشاط الصباحي علشان الطلعه ..سبحان الله الانسان عليه طلعاات في اوقات الفرح ما ادري وش تبي .. يستخف وينسى نفسه ..لو عليه يطير او يرقص او يسوي أي شئ يعبر عن فرحه وراحته .
**************************************************

على الساعه 8 ونص تحركت السيارات وقرروا يتقابلون عند احد الاماكن علشان يمشون مع بعض .. بس قبلها طلع نواف ومشاعل لبيت خالتهم نورهـ
وهم عند الباب
علي: يمه يالله نواف جا
ام علي: انشاءالله انتوا اطلعوا بس بقفل الابواب..
بعد ما قفلت كل شئ وشيكت على البيت ركبت ومشى نواف
ام علي: شلونكم ..اخباركم
مشاعل: الحمدلله بخير انتى كيفك
ام علي: والله تمام الله يسلمك... الله يعطيك العافيه نواف تعبناك
نواف بضحكه بسيطه : ويعافيك لا تعب ولا شئ انتوا اهل
ام علي : اخبار عبدالرحمن وفهد اكيد مستانسين زي الشعب اللي عندي<< تقصد عيالها
مشاعل: اااااوهـ ما ناموا من امس
نواف: لو عليهم كانوا راحوا بالطياره

ملاك وانوااااع الاحاسيس داخلها ... والافكار توديها وتجيبها وهي تتامل في نواف من تحت غطاها
_ ياربييييييي وش ذا الزين فديتك يا نواف ما الوم اللي يتعلق فيك حلو و هادي حتى ابتسامتك تجنن اهـ بس ليتك من نصيبي والله لاحطك بعيوني واسكر عليك .. بشيلك على راسي و ببعد الناس عنك انت لي وبس ... الله لا يحرمني من شوفتك ..
وهو ولا داري عن هوا دارها ولا يفكر فيها ابد .. كان باله في صديقه حسين مدري ليش جا على باله فجاءه وحس انه مشتاق له .. وسبحان الله وقتها دق جواله
شاف المتصل ورد بسرعه
نواف: هلاااا واللله عاش من سمع هالصوت
حسين: عاشت ايامك يا الغالي وين الناس يا القاطع وحشتني والله
نواف: هههههههه الله يسلمك والله موجود بس انشغلت شوي والحين انا برا مع الاهل
حسين: للاااااا وش عليك فالها .. اجل اكلمك بعدين لا فضيت
نواف: اوكي ابو حسنين ..... فمان الله
حسين: مع السلامه .

ورجعت ملاك في زحمه افكارها: من ذا اللي كلمه لا يكون وحده ويصرفها ..لا بس لو وحده ما يرد عليها قدامنا بعدين انا وش هالتفكير نوافي ما يسوي كذا محترم ورجال عن الف رجال .. لو اعرف رقمك بس ااااااااهـ يا قلبي .. احبكـ .
***************************************

في سياره ابو عبدالله ..كان ماخذ امه واخته ساره
ام خالد: المكان بعيد؟!
ابو عبدالله: تقريبا بس الصبح مافي زحمه بنوصل بسرعه انشاءالله
ام خالد لفت على عهود : تعرفين تسبحين ولا اعلمك
عهود رفعت حواجبها مستغربه من كلام جدتها: نعم !! أي اعرف
ام خالد: بس مهب مثلي انا ماهره في السباحه من يوم ما كان عمري 4 سنوات وانا اغوص مع البنات في البركه
عهود: ههههههههههه من جدك ..صدق واللع تعرفين تسبحين
ام خالد: أي اعرف وش على باللك ... كنت اجي من بعيد واطب داخل البركه وهاك سباحه بس الحركات البهلوانيه ما اعرفها.. والحين يوم كبرت خلاص رجولي يالله تشيلني حتى تخليني اسبح
عهود: هههههههههههههه اثاريك منت بسهله ....
ام خالد : اعجبك

ماتت عهود ضحك على اسلوب جدتها الزاحف ..تمر عليها اوقات تصير فله و مقلعه على غير العاده ...
دق جوال ساره وكان مشاري اللي يتصل.. استحت وما ردت عليه ورجع مره ثانيه دق وعطته مشغول ..تقريبا ثلاث مرات او اربع وهي مطنشه ..استغربوا منها الكل وسالتها امها
ام خالد: من ذا اللي يدق عليك ردي شوفي يمكن شئ ضروري
ساره: لا يمه هذا مشاري
ام خالد: اييييه ..مشاري وش عنده من الصبح
ساره: يمه الله يهديك وانا وش دراني شفتيني رديت عليه
ابو عبدالله: انا عزمته على الشاليه اليوم ..يمكن يسال وين مكانه
ام خالد: ولو بيسال ليه ما يدق عليك ... مو انت اللي عازمه
ابو عبدالله: مدري عنه
ساره وما عجبها اسلوب وكلام امها عنه ... تضايقت وحطت جوالها على الصامت لا يدق مره ثانيه و ترجع امها وتتكلم .
************************************************** *

بعد نص ساعه وصلوا واول ما دخلت السيارات داخل وقفت ..نزلوا العيال يركضون .. شله المراهقين (علي واخوانه..سعود وعبدالرحمن و عبدالله) كان احمد وده يطير معهم بس مسوي لي ثقل قدام خالاته وهو من جمبها والجده ام خالد تصارخ ( سموا بالله يا عيال شوي شوي على نفسكم )..

دخلوا ورتبوا الاغراض اللي بالمطبخ واللي بغرفه الجلوس وفي اشياء ثانيه عند الرجال حاطينها..عند السيارات لقى سلطان شئ غريب يخاف منه نواف وهو صرصور كبير لعبه بلاستيك .. شاله وجا عند نواف
سلطان: كابتن نواف .. ولد خالتي وحبيبي
نواف مستغرب من حركاته الشيطانيه..رد: نعم وش عندك يا السوسه
مسكه من طرف التي شيرت حقه وطلع الصرصور بيده الثانيه على وجهه وقتها نواف صرخ
_ااااااااااااااااااااا يا حيواااان
وحط رجله يركض بعيد عنه ..وسلطان ميت ضحك على خوفه ,احمد شاف اللي صار و مسك الكيميرا يصور فلم الرعب الكوميدي اللي قاعد يصير
من جهه ثانيه ملاك شافت كل اللي صار لحبيب قلبها وطااااارت مدري هو من الفرحه ولا من الخوف المهم انها بلمت مكانها وقاعده تطالعه وتشوف كل تحركاته صراخه وضحكه وهي داخله جو معهم وكنها بتركض معه وتتعلق فيه
نواف من بعيد يصارخ: والله يا سلطه لو جبته لا تزعل قسم بالله مالك داااعي
سلطان: ههههههه ياخي وشفيك صرصور لعبه بلاستيك يهبل ...تعال المسه شوف وشلون نعومته
نواف: حسبي الله عليك من شيطان ... ترا تزعل لو جبته عندي اقلعه عن وجهي الحين
سلطان :هههههه عناد فيك بخليه قدامك ياخي هو يحبك حس فيه
نواف يتكلم وهو صاك على اسنانه من القهر: سلطه يلعن شكلك شيله .. فشلتنا قدام الاهل شوف خالاتي شلون يناظرون
سلطان: عاادي يا ابن الحلال خلهم يشوفون خوفك
نواف: من قالك اخاف منه بس اتقرف ... وانت واحد وسخ شلون تمسكه
سلطان وتغافل نواف ورماه عليه من بعيد .. ونواف ركض للجهه الثانيه سكر سيارته وراح عند خاله علشان يبتعد عن السوسه سلطان.

عهود شافت ملاك واقفه عن الباب ...
_وش تسوين ودك تطبين معهم
ملاك وكنها صحت من حلم : هااااه... لا مافيني شئ وين البنات
عهود: هونيك ..امشي خلينا نصور للذكرى بنسوي جلسه تصوير
***********************************
برا الغرف عند الحديقه حقوا طاوله وفوقها الاكل ساندويتشات و عصيرات للي يبي ... والشغالات قاعدات حول مسبح الصغار ينتبهون لهم ..
والكل قاعد داخل لان برا حر وخالد "ابو عبدالله" معهم .. مافي احد غريب

هديل تسال البنات: وين خالتي ساره ما شفتها
مشاعل: شفتها تكلم بالجوال
عهود: حركتااات يا الحب والله حاااااله !!
************************************************** *

اذن الظهر وقامت شمس على الم في بطنها ما تدري من وشو ... خذت لها شور ثم نزلت بتاخذ مسكن الم .. وبرضوا ما نفع
ام سيف : شمس وين سيف ما لقيته بغرفته
شمس ببرود: ما ادري عنه
وقعدت على الكنبه وضامه نفسها من الالم
ام سيف: بسم الله عليتج ..تعبانه
شمس: بطني يعورني
ام سيف: زين كليتي شئ ما زان لتج
شمس: لا من اول ما قمت على ذا الالم
ام سيف: خلاص بسوي لتج عصير ليمون انشاءالله يهدي الالم
دخل ابو سيف توه راجع من المسجد وشاف شمس منسدحه في الصاله ..بعد السلام
ابو سيف: يالله ما لبستي بنطلع نتغدا برا
شمس: انتوا روحوا ما اقدر بطني يعورني
ابو سيف: سلامتك وش كليتي
شمس: ما كليت شئ
طلعت امها بالعصير وعطتها تشرب علشان يخف الالم
ام سيف: ما ادري وش فيها من اول ما قامت والم ببطنها
ابو سيف: ما تشوفين شر..خلاص نخلي المطعم بعدين
**********************************************
مر الوقت و خلصوا الغدا ... قاعدات يسولفون وكل وحده قدامها بياله شاهي اخضر اممم الروقااااان..
ويتناقشون بامور عديده .. من ظمن كلامهم
ام نواف: انشاءالله قبل لا يسافر نواف بروح اخطب له ...
الجده(ام خالد): ماشاءالله تبارك الرحمن .. ومن بتاخذين له
ام نواف: لميس بنت رنا ..بنت حلال واهلها ناس محترمين
كانت قاعده معهم ام عبدالله المراءه الصامته ..في وسطهم وساكته تسمع كلامهم وتجمع واذا راحت بيتها خرت كل شئ ..

****************************************
ساره بترجي: مشاري يا قلبي لا تزعل و الله ما كان قصدي اسكر بوجهك بس كنت قاعده وسط اهلي شلون تبيني ارد عليك
مشاري: يعني مستحيه و متفشله مني مو هذا قصدك
ساره تتافف بداخلها وتحاول تهدي الوضع: لاااا يا مشاري من قال هالكلام والله انك غالي وما تدرين شكثر فرحتي يوم اشوف رقمك يدق
مشاري: مو انا الحين زوجك و الكل عارف بهالشئ ليش ما تردين علي قدامهم .. ادق وتعطيني مشغول وادق وادق .. كله مشغول .. لو صديقتك كان رديتي
ساره: يا عيوني يا قلبي اااسفه حقك علي ومره ثانيه برد عليك لو كنت نايمه بس لا تزعل مني ..
مشاري: خلاص خلاص مسموحه .. ما قلت لك تراني بجيكم بكره من الصبح ..وابي اشوفك عاد لا تقولين ما اقدر اهلي موجودين انتي زوجتي ومن حقي اشوفك و اقعد معك

******************************************
البنات طفشانيين يبون يسبحون و العيال مطولين
عهود: اوووف مليون ساعه وهم يسبحون ما تعبوا
هند: شرايك نتهور ونطب معهم
هديل: أي علشااان سلطان يتعشى فينا اليوم
مشاعل: هههههه من جد ... تخيلوا والله نطب ..يكونون مندمجين مع السباحه و المويه الا يشوفون اشكال غريبه و لبس ملوون نطت بالمسبح
هديل :هههههههههههه عااد يقوم واحد منهم يصارخ(اطلعوا برا لا اشطب وجهكم) ... وجدتي مناك تدعي علينا (واخزيااه اطلعوا يا مال الضعفه انتى وهي )
الكل مات ضحك على كلام هديل:هههههههههههههههههه
ما مرت ربع ساعه الا طلعوا وتركوا لهم المسبح بما حمل ..خخخخخخ
********************************************
والبنات ما صدقوا غيروا ملابسهم ونزلوا في المويه ... بكل حماااس
ما بقى الا ملاك وهند .. ملاك ثقيله دم وطول الوقت بالها مع نواف و هند بارده .. وكانت واقفه عند المسبح ومتررده تنزل ولا لأ... وبدون ما تدري طلعت مشاعل بخفه وراحت من وراها
مشاعل: هنووده
التفت عليها : نعم !!
ودفتها على المسبح ... غاصت وطلعت تهاووش: يا غبيه ..تخيلي مت وش بتسوين وقتها
تهاوش وفيها الضحكه ..ما قدرت تكتمها و ضحكت
مشاعل: خلي البروود ينفعك وخري بس بطب .
من جهه ثانيه الانسانه الحالمه قاعده تتفرج عليهم و بالها معه تفكر فيه وتتخيله .. طلعت ام عبدالله من داخل ولقت ملاك قاعده
ام عبدالله: وش عندك ما تطبين معهم ..
ملاك: مالي نفس
ام عبدالله: احد يشوف المسبح ويقول ماله نفس
ملاك: ............سكووت
ام عبدالله: ماشاءالله عليهم كلهم بيتزوجون ساره وملكت وهند انخطبت و نواف بيخطبون له قريب .. شكلها موضه هالسنه
وقتها ملاك دارت بها الدنيا وحست ان قلبها وقف والدم تجلط بجسمها .. وش ذا اللي تسمعه من جد ولا تحلم ..لا يكون زوجه خالها تمزح او تستهبل ..نواف بيخطبون له وحده غيرها وهي اللي تحبه .
ملاك: ومن قالك هالكلام
ام عبدالله: بسم الله شفيك صايره كذا ..امه بعضمه لسانها قايله ما الفت كلام
تركتها في حيرتها و حاله صدمه كبيره ..

بشروني عنك ما يدرون عني .. ما دروا باللي شغل فكري و ظني
اتسمع للحكي بك و اتحفظ .. خايف"ن" دقات قلبي يفضحني
كل ما سموك باسمك فز قلبي .. و المسامع و المدامع شاغلني

الامير خالد الفيصل
*************************************************
الى الساعه 12 بالليل والم بطنها ما خف ..ما غير تتلوى وما نفع فيها حبوب ولا مسكنات
ام سيف: قومي البسي عباتج ويالله بنروح المستشفى
شمس: وش بيسوون لي ..اخاف عمليه
ام سيف: انشاءالله خير بس نشوف وش سالفه ذا الالم ..يالله بسم الله
طلعوا مع سيف وراحوا للاسعاف وهناك استقبلهم الطبيب المناوب و بعد الكشف والتشخيص قال ان عندها الزايده ولازم يشيلونها بعمليه بسيطه ما تخوف
في البدايه خافت شمس وسوت زحمه ماتبي عمليه و بتقعد تاخذ في المسكنات ..لاكن الدكتور نببها اذا تهاونت فيها يمكن تنفجر وتسبب لها اضرار كثيره بالجسم فاستسلمت للعمليه ..
وكتبولها دخول "تنويم" و العمليه انشاءالله ثاني يوم ..

***********************************************
عند العيال تعشوا من كثر جوعهم وتعبهم بالسباحه ... وكلهم مخدرين خلاص فيهم النوم الا تذكر نواف فنيلته الداخليه مضيعها
احمد: وش تدور ضايع لك بزر
نواف: لا فنيلتي فسختها ومدري وين حطيتها
احمد: يمكن عند المسبح ولا بمكان ..
نواف: يا شين كذا اكره اغراضي تضيع
فر المكان وحاسه ولا لقى شئ ... طنش الموضوع وراح نام يريح جسمه من عنااء اليوم .. وبكذا انتهى اول يوم لهم بالشاليه .. وشمس المسكينه قضت ليلتها بالمستشفى وحيده يسليها الم بطنها.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري