آخر 10 مشاركات
|
| |||||||||||||
| مشاهدة نتائج الإستطلاع: بانتهاء الجزء الاخير من السلسلة ان شاء الله هل تحبذون ان اكتب عن يومياتهم في حلقات؟ | |||
| نعم.. احب ان اقرأ مستقبلا يوميات جديدة عن حياة الغوازي والنواجي |     | 2,404 | 81.82% |
| لا .. اكتفي بالاجزاء الاربع فقط من السلسلة ... |    | 534 | 18.18% |
| المصوتون: 2938. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
26-11-15, 10:38 PM
| #7811 | ||||||||
 
|  عاشت إيديك و الله يعطيك العافية على هذا الفصل الحلو صحيح أنني لا اتابع روايتك هذه بإستمرار لأنني انتظر إنتهائها و لكنني لم استطع منع نفسي من قراءة مقتطفات من الرواية و قراءة الفصل 12 و الذي كان اكثر رائع و جميل كالعادة محمد و فاطمة لقد كنت قلقة عليهما بشدة و لكنني ارتحت لأنهما بخير فاطمة اشفقت عليها بشدة ... توتة لا تستحق ابدا كل هذا الألم و العذاب أنا سأكون بإنتظار الفصول القادمة ( خاصة الفصل الأخير ) على أحر من الجمر | ||||||||
|  |
|
26-11-15, 11:33 PM
| #7816 | ||||
 
| فصل راااائع ،،،، ماهر شخصية غير عادية واضح انها تطورت وتغيرت بطريقة دراماتيكية مثيرة لدرجة اتمنى معها جزءا اخر يحمل احداثا وتغيرات دراماتيكية هائلة ،،، ابدعـتِ جاردينيا بغض النظر عن قوة الدراما ما بين التوأمين والاختين الا ان التطور المذهل في شخصية ماهر الغازي اعتبره ذروة الابداع وفاتحة لرواية اخرى عنه 😍 | ||||
|
| |
|
27-11-15, 12:09 AM
| #7817 | ||||||||
| نجم روايتي 
| انا جيت ^_^ عذرا على التأخير يا كاري ... لما جيت بليل عشان اعلق على الفصل النور قطع وقفلني ... بس الحمدلله مكنتش لسه بدأت في كتابه التعليق عشان كده كان زماني بشد في شعري ... بس مش مهم اهو الواحد يقرأ الفصل مرة كمان بمزاج وهدوء شديد الفصل ده بالنسبه ليا من اقوى الفصول ... مليان ودسم من كله بدايه من نجاه فاطمه ومحمد ... وصول محمد لنقطه النهايه ... وصول فرد جميل ورقيق لعائله الغازي .. المحادثه الاكثر من رائعه بين بلال وابنه ... اعتراف محمود بالحب ... قسوه ماهر تقريبا مع الكل واولهم نفسه ومحمد ... انهيار فاطمه من كله ومعاملتها الجديده القاسيه خلينا نمسك حاجه حاجه اخيرا مات الشر والجنون بموت خالد واحد مريض مهووس كان لازم يموت عشان الكل يرتاح ... بندم وبلوم نفسي كل شويه اني فكرت للحظه انه هو اللي هينقذ فاطمه  يلا معلش غلطه وعديت وزي ما توقعت ماهر هو صاحب الرصاصه التانيه ... هو كان ليه الكلمه الاخيره في انتهاء الصراع ده كالعاده لازم اقول اني بحب ماهر اكتر واكتر والفصل ده حبيته جدااااا يمكن عشان قسوته ورعبه اللي ظهره بوضوح قدام الكل ... حتى قدام صفيه مخفش تتخض او تكره الشخصيه القاسيه دي الا انه كان لازم يكون كده ... يمكن عشان كان عارف انه كان لازم يعرف برجوع خالد وانه مش هيسيب فاطمه في حالها او يمكن تأنيبه لنفسه انه اتاخر في انقاذ فاطمه لحد ما اتصاب محمد يعني بكل الاحوال كان بيلوم نفسه وظهور قسوته وعنفه مع الكل ده كعقاب ليه اولا صفيه مخافتش ولا نظرتها لماهر وحبه ليها اتغير او حتى اتهز هزه بسيطه هي لو تفكر بهدوء هتلاقي انها ممكن تكون زيه واكثر قسوه كمان محدش يقدر يلوم ماهر وهو بيدافع عن عائلته بالقسوه والوحشيه والعنف ده هو زي الاسد اللي بيفترس اللي قدامه لو قرب من اولاده وهنا الحقير خالد مقربش بس ... لا ده خطف وعذب وكاد ان يقتل اثنين من اهم الناس في حياته مبسوطه انه محسش بالندم لقتل الحقير ده .. في الاخر ده كان دفاع عن النفس وعن افراد عائلته ... والحمدلله انه خرج بالسلامه ومتعرضش لاي تهمه او حجز من اي نوع المواجهه بين ماهر ومحمد رائعه ... قويه ... عنيفه .... كنت متحمسه وانا باتابعها جدااااااااااا ماهر من البدايه وحاسس بمحمد وحبه لفاطمه وعلى علم بتردده ومراقبته ليها من بعيد لبعيد في انتظار اتخاذ الخطوة المناسبه تعنيفه ومعالمته بعنف وحده قدام الكل ... اعتقد انها قرصه ودن لمحمد يمكن بيعاقبه انه اتاخر في طلب عرضه للوقت ده يمكن كان عارف بغيظه من فاطمه ومن اختيارتها زمان يمكن كان بيحاول يحمي فاطمه منه ومن اي حاجه تخرج منه غضب عنه سواء كان بنظرة لوم وعتاب او شفقه او اتهام انها اللي وصلت نفسها لكده الا انه في نفس الوقت كان بيحاول يوصله انه هيكون قريب من فاطمه حتى لو بقيت زوجه ليه مش عشان هتبقى زوجته يبقى هتنسى ماهر او معاملته معاه هتتغير هو كصفيه ليها ويمكن اكتر كمان اعتقد انه لاحظ غيظه ورفضه لقرب فاطمه منه وتساهلها في المعامله معاه ... مع ان مفيش تساهل ولا حاجه اخت بتتعامل مع اخوه الكبير .... الا ان محمد وتملكه رافض اي تعامل حتى لو كان مع طه الصغير الخلاصه ان المواجهه بين الاتنين كانت في منتهى الروعه فاطمه ورجوعها لبيتها ووسط اهلها تبا كم صعبت عليا واشفقت على الحاله اللي وصلت ليها اكتر حاجه زعلتني هو تعاملها القاسي مع صفيه مع اني عارفه ان ده رد فعل طبيعي ووسيله للهرب من وجه اختها الكبرى كلامها وتعاملها كان بعيد تماما عن فاطمه الناعمه والهاديه في كل حاجه بتعملها بس بعد التجربه اللي عانت منها انا متوقعه اني لسه هشوف منها كتير هي عارفه اختها صفيه اول حاجه هتعملها انها تحمل نفسها اللي حصل وتجيب الخطأ عليها يمكن تصرف فاطمه الحاد كان بيحاول يجنب صفيه الاحساس ده بس مهما عملت وقالت مش هتقدر تغير صفيه من الجزء ده صفيه اتربيت وكبرت على كده ... كانت ديما المسئوله عن عائلتها الصغيره ... كانت الام والاب والاخت الكبرى اللي في ايدها كل حاجه وده زاد بعد موت الام ... اه وجودها قبل كده مكنش فعال اوي الا ان كفايه ان وجود ام ليهم تحتويهم بعد وجود اختهم صفيه انهيار فاطمه وكلامها عن اللي حصلها خلال الخطف كان موجع جداااا  الحمدلله زي ما توقعت ان الحقير مجاش جنبها ولا لمس منها شعره بس مين قال ان الاغتصاب هو مجرد سرقه العذريه بالغصب والاكراه الاغتصاب بشع ومدمر اه ... الا ان الاعتداء والتهجم على الشخص ولمسه بالغصب مرات ومرات وهو لا حول ولا قوه ابشع وابشع فاطمه في قراره نفسها عارفه انها لسه برئيه ونقيه ... الا ان هجوم الحقير وتعديه عليها سايب اثر قوي وعنيف جواها ... كأنها اعترضت للاغتصاب بس مع وقف التنفيذ حاسه بالخجل والعار من موجهه اختها الكبري حاسه بالخذلان والخوف لما تواجه ماهر حاسه بالذل والاسف والخذلان والعار من رؤيه محمد ليها وهي في الحاله اللي كانت فيها حاسه بالخجل والضعف تجاه نفسها انها مقدرتش تقاوم كفايه وترفض هجوم السافل ده عليها ... استسلمت كأي ضعيفه وفقدت الوعي كأنها بتسلم امرها وترضى باللي بيحصل للاسف متعرفش ان كل انسان ليه طاقه بيتحملها ... هي قويه وجدا كمان الا ان الظرف اللي كانت فيه كان اقوى منها ... كان مفاجئ وغير متوقع وقدر يصيبها بالشلل المؤقت الا انها قاومت ... مش لازم مقاومه بالضرب والرفس ... لا كفايه النفور الواضح وضوح الشمس على وجهها ... جسدها المتصلب والرافض لكل لمسه من الحقير الا انها في حالتها دي مش هتبص لكل ده للاسف انا متأكده انها هترفض طلب محمد وهتعتبره شفقه وحمايه ليها من العار وساعتها ماهر هيكون في صفها وربنا يستر عشان مقلبش عليه ساعتها طه العبقري اثر فيا بانهياره وخوفه على فاطمه واحتماله لفقدانه شخص اخر من عائلته انا متفائله بيه جداااا محمد ... واقدر اقول بكل ثقه اني قدام محمد جديد واثق من نفسه ... عارف هو عايز ايه وواثق انه هيوصله رغم الصعوبات اللي عارف انه هيلاقيها الا انه هيوصل ... متقبل كل اللي حصل بهدوء يثير الاعجاب ... بقى قادر انه يطلع ويقول كل اللي كان بيخبيه زمان ... ده كان مستعد يكدب ويخدع عشان يوصل للي عايزه يا جدعان  " عقلي لم يكن يستوعب مدى اهمية فاطمة لحياتي كلها وليس القلب وحده .. " ممكن الجمله دي تصف وتعبر عن التغيير اللي حصل في محمد زمان مكنش بيفكر غير ان في حاجه ناقصه وواقفه في طريق ارتباطه بفاطمه ... بجانب الحيره والغيره والالم والغضب وكل اللي بيحس بيه من زمان لحد ما شاف فاطمه واقفه مع الحقير وسمع منها الكلام اللي زاد من غضبه وجنونه بس كل ده اتغير بعد احساسه انه ممكن يفقد فاطمه للابد ... وهنا مش يفقد يعني تكون لغيره لا دي يفقدها بمعنى الكلمه ... ساعتها انه عرف انه مش هيقدر يسمع لكلام عقله او اي كلام ومنطق بيوجهوه انه يبعد عنها ويتركها بعد المحنه اللي مر بيها هو وفاطمه ... عرف ان وجوده في حياتها بقى ضروري ... رفض انه ينتظر لحد ما يخرج من المستشفى ويكون قادر على الوقوف والمواجهه بينه وبين ماهر وبين فاطمه نفسها بس اعتقد انه اتسرع سنه في طلب الزواج ... طبعا مش اقصد انه يقعد ويفكر تاني وتالت لالالالالالالا ... اقصد الظروف اللي هما فيها اختياره انه يطلب الزواج منها بعد مرور اسبوع ولا اتنين على اللي مروا فيه ... كأنه بيقول انه بنقذك يا فاطمه من اللي كنتي فيه ... او انا هداري عليكي واتزوجك لانك من العائله ده مش كلامي على فكرة ... ده كلام فاطمه لما تعرف انه عايز تتزوجها اول حاجه هتسمعها منها ... ليه دلوقتي ؟؟ الا انه عارف هو داخل على ايه ... حاسه انه متوقع انه هيقابل صعوبات متمثله في فاطمه وماهر الا انه عجبني جداااا وهو بيواجه ماهر بهدوء وثبات ... رغم حده وعنف ماهر معاه كأنه بيحاول يغضبه ويخرجه عن سيطرته على امل انه يقول كلام جارح او يرجع في كلامه الا انه قابل كل ده بثبات واصرار على اللي عايزه ... كان بيثت ليه ولكل اللي موجود انه جدي ومصمم على اللي قاله ومش هيكست غير لما يحصل على فاطمه يكون الحامي والدافع عنها ... هو كان كده من زمان ومازال الا انه كان في الخفاء ... دلوقتي جه الوقت اللي بيعمل كل ده واكتر بس في العلن وقدام الكل كمان عجبني اووووي وصوله لمعرفه مكان فاطمه ومعرفه ان خالد هو اللي ورا اللي حصلها بعد ما رمى الغيره والغضب والالم على جنب وحط قدامه ان فاطمه في خطر ومحتاجه وجوده سيطر على كل حاجه وقدر يجمع النقط الناقصه وعرف ان المجنون رائد فاطمه متهمهوش في حاجه وانه مش هيقدر يقدم على خطوة زي دي ... اتجه لاكتر شخص فاطمه مهمه عنده وفشل انه يوصل ويحصل عليها من الاخر عجبني اوووووووووووي في الحته دي المحادثه بينه وبين بلال بحضور نجلاء كانت راااااااااااااااااااائعه ... يالهوووووي عليها بجد  كنت عايزة اقتبش المشهد كله ... بس هكتفي بالجزء ده " التوازن بنيّ يعني .. ان العقل والقلب يجب ان يتكاتفا ...الواحد منهما يسند الاخر كصديقين مقربين وفيين لبعضهما متفقين على المصلحة العامة ، قد يختصمان لبعض الوقت .. لكن الثقة يجب ان تكون موجودة والصداقة يجب ان تظل موصولة.." انا بحب بلال يا ناااااااااااااس لتاني مرة احب وبشده كلامه ... ديما كلامه منطقي وموزون وبيريح الواحد ويخليه يصل لبر الامان ولتاني مرة هحتفظ بالكلام والنصايح لنفسي عشان محتاجاه على المستوي الشخصي اولا كلام اسر للبت زينب ثم كلام بلال للابنه ... وكله بفضلك يا كاري .gif "Eh S(7)") نجلاء وبلال ... علاقه متكامله من كله من حب وتفاهم ومشاركه وكل اللي قلب يحبه ... بحب الاتنين دول جداااااااااا حبيت تأثرها بحفيدتها الرقيقه وعجبني جدا الاسم اللي اختارته " هديل ظافر اسر الغازي "  اسم قوي ويدل على الكثير والكثير ... فارس ... غازي ... هديل كله بيدل على التملك والفوز بحوراءه واعلان انه فاز وسيطر عليها من جميع الاتجاهات  صعبت عليا جدااا وهي بتتقبل خبر اصابه ابنها ... كان لازم رد فعلها يكون هيستيري ومجنون ... دي ام ... بتتخض وتموت من الرعب لو حد من اولادها انجرح جرح بسيط ... هتعمل ايه بقى لما تعرف انه مصاب بطلق ناري وفي منطقه خطره كمان الا ان كل حاجه بقيت تمام واطمنت عليه ومش بس كده دي اعلنت الحرب وشغل الغوازي وشغل النساء هيشتغل في سبيل الفوز بفاطمه لصغيرها بس انا كده اطمنت انها هتوصل لهدفها ... ماهر الغازي خد بالك نجلاء الغازي اخت الكبير اوي اسر الغازي جايلك يعني خدلك ساتر احسنلك   اسر وظهوره ومراقبته لكل حاجه بتحصل وانتظاره اللحظه المناسبه ليتدخل ويحط التاتش بتاعه وجوده بيفرحني من جميع الاتجاهات يا ناس :heeheeh: محمود واعتراف مفاجئ بالحب شكله غار من اخوه ومن المفرقعات اللي عملها وحب يتجنن هو كمان والحمدلله اهو اتجنن واعترف بجزء بسيط من اللي جواه ناحيه زينب يمكن شايف انها مش هتيجي غير بالطريقه دي الهجوم ومهاجمه كل حاجه فيها يمكن تجيب نتيجه معاها الهروب ومحاوله ان مفيش حاجه بينهم مش حل خالص بالعكس ده هيزود الالم والعذاب ليهم هما الاتنين هي مصممه باللي في دماغها وكل مرة بتتمسك بيه اكتر وتتخذه درع قدام اللي بيحص وتشوفه من محمود الا ان محمود ليه رأي تاني ... مش هيهدأ غير لما يلاقيها هاديه وضعيفه ومحتاجه ليه زي ما حصل قبل كده هيعاني الا انه راضي بأي حاجه مادام هيوصل ليها في الاخر بس للاسف الحلو ميكملش فتاه الغنم ظهرت وقطعت عليه وعليا اللحظه الرومانسيه المجنونه ومش بس كده خليته ينسى كل الاعترافات اللي بيقولها ويبقى زي الاهبل قدامها ايه اللي فيهاااااااااااااا بيخليها تسيب الاثر ده عند الكل كده  وشها بينور شويه ... مسالمه شويتين ... خجوله 3 شويات ... عندها حياء مش عند الكل مثلا ومادام هي عندها حياء مش عند الكل اللي جابها تزور زميل ليها بمفردها ؟! مجبتش بقره ولا اتنين في ايدها وهي جايه على الاقل متكنش لوحدها عمتا هي شكلها واخده مقلب وفاكرة ان محمد معجب بيها خاصه وهي اخر مرة ظهرت كانت مكسوفه وحيائها زاد اكتر ما هو زايد ... دي كان ناقص تستخبى في الشراب بتاعها من كتر الخجل بس عمتا احب اقولك ان محمد قال عليكي بلهاء ... هو اه كان يقصد كلامه بس الكلام كان على مين ... عليكي ... يعني انتي بلهاء من الاخر اعتقد واتمنى ان ده اخر ظهور ليها ... كفايه نور من وشها بقى لاحسن عينيا وجعتني اعتقد انها هتشوف معامله جديده من محمد ... هتحس انه جدي ومش هتشوف علامات الانبهار والاعجاب اللاراديه في عيونه مش بعيد يعزمها على خطوبته وفرحه اللي في القريب العاجل فرحانه جدااا ان كلامه الابله كان مع ابوه بلال مش معاها هي ... الصراحه مكناش ناقصين جرحى وضحايا كنت متوقعه ظهورها على فكرة ... بس اتفاجئت في الاخر لما طبت زي المباحث على فجأه اتمنى ان زينب تضرب محمود في وجهه ... في بطنه ... واخيرا في رجله الاتنين المرة دي يستاهل الضرب على ام راسه كاري الفصل رائع من كل حاجه .... مزجني وعدلي الدماغ وشوقني اووووووي للقادم بجد انتي رائعه .... الله يعطيكي الف عافيه وييسرلك امورك ديما  الخواطر بتاعت الفصل اللي فات رووووووووووووووووووعه حبيتها اووووووي .... كالعاده تسلموا يا قراء يا حلوين ... تصميمك يجنن يا كاري ... كان نفسي اكون معاهم الا ان الوحي مش راضي ينزل وطبعا مش عايزة اكتب اي حاجه والسلام  وبالنسبه لسؤالك اللي كان على الفيس يا كاري عن الروايه القادمه ان شاء الله ... فأنا شوفت ان سلسله القوارير مكتسحه وفي فرق كبير بيها وبين سلسله قلوب تحكي انا مشتاقه للقوارير وكل اللي فيها جدااااااااااا الا اني بفضل نخلص من الجزء السادس ونقفل حكايه الحمراء الرخمه ونستعد للقوارير من كله انا متشوقه للجزء ده اووووي واتشوقت اكتر لما قولتي انه جزء ناري جدا جدا وانا بحب الحاجات دي  يعني انا بختار سلسله قلوب تحكي .... ثم انتي متحمسه للجزء ده جدااااااااا يعني توكلي على الله وابدأي فيه ثم نفضى للقارورة الثالثه والرابعه ورا بعض ان شاء الله عمتا اي حاجه منك يا كاري جميله وهتقبلها بسعاده وزقططه في انتظارك ديما  | ||||||||
|
| |
|
27-11-15, 01:52 AM
| #7820 | ||||
| نجم روايتي وعضوة بفريق الكتابة للروايات الرومانسية 
| انا طبعا مش ح اقدر اقول اي حاجة .... عظمة يا ملكة بس حاجة وحدة .... هي البت جاي تعمل ايه ..... يعني مش عارفة .... بصراحة بصراحة .....  طبعا اخبط على دماغي .0. وقعدت احلل وانظام وافكر ... ايه اللي بيصير .. طبعا كل تخميناتنا اللي فاتت طلعت غلط ... بتشوري نمش ايمين .. نلقاكي وخدة دورة وريحة غرب في شمال ... الموضوع ما بيطمنش ....  البارت كله مليان الغام ... يعني مواقف صغيرة .. بتخليكي اتحني لزمان .. يعني كلام بلالب عن نجلا ... خلاني افتكرهم زمان ايام الغرام .... حضن نجلا لمحمد كان موقف مؤثر ... كلامها زرع الامان جواته .. وجواتي كمان في كلام ماهر لمحمد تحذير لغيرته الزايدة .. يعني ماهر فاهم شخصية محمد جدا علشان يواجهه بالحقائق من تقرير العذرية لدوره في حياة فاطمة ... يعني يا محمد حط الغيرة على جنب ... اسر وتفكاره وشخصيته المسيطرة ... اموت في الراجل داه ... ليه حاسة ان فاطمة موجوعة من شوفة محمد ليه في الوضع دا اكثر من الوضع بحد ذاته ... برغم تقرير العذرية لكان مازالت كاتمة في نفسها ... حتى انفجارها في صفية .. كان بس تنفيس .. ممكن الانفجار ح يكون لمى زينب تجيب سيرة بيلسان .... اكيد فاطمة ح ترفض الخطوبة لانه ح تحسها نوع من الشفقة .. اه على فكرة بلاش تخمين ما ينفعش معاكي .. ممكن نلاقي نفسن في ليلة اللدخلة البارت اللي جاي ...هههههههه | ||||
|
| |
|
| الكلمات الدلالية (Tags) |
| الجزء الرابع من سلسلة الياذة العاشقين للكاتبة كاردينيا73 |
| أدوات الموضوع | |
| انواع عرض الموضوع | |
|
|
1232Likes
.png)
.png)
العرض العادي
