آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-10-14, 06:55 AM
| #52 | ||||||||
| مراقبة عامة ومشرفة منتدى الروايات المنقولة  
|  ان شاء الله تستمتعون بالقراءه.. ..البارت الخمسون والاخير.. قالها بنبرة صوت خاليه من اي معنى وكانه يبغى يتخلص مني وينام والفراغ الي تركه لي بسيط وغمض عيونه كأنه ماقال شي طالعت بالشباك مافي صوت والخوف الي كان بنفسي راح لان رماح راح ورجع لو في شي كان مارجع وهو لسى معاه النوم بس احساسي داخلي قلي خليه يندم ع كلمته خليك تعكسين تواقعاته ليش يقولها في برود خليه ماينام الليل وبعدين هي اخر مره تكونين بهذا القرب ابغى استغل الفرصه وبنفس الوقت عذر حلو خايفه بس الاقوى بكل شي اني ابغى يحس بالكلمه الي قالها مشيت بخطوات وكانها متردد وجلست ع طرف السرير وانا معطيته ظهري لما جلست حسيت ان حتى انا بندم ع الفكره المجنونه هذي بس لما لف للجهه الثانيه زاد اصرار ارجع ثقتي بنفسي والله مااخليه ينام انسدحت وانا بعد معطيته ظهري مثله بس ماغمضت عيوني نفسي اقوم واطفي النور بس كذا يعني اني مو خايفه انشدت اعصابي وحسيت بقهر لما سمعت انفاسه منظمه قلت بسرعه""رماح تسمع الصوت روح شوف"" مافي ولا صوت بس ماراح ينام يبغى ينام يروح غرفته مو هنا قال بصوت مو واضح فيه النوم""مافي تتوهمين"" استغربت ان صوته مو واضح فيه النوم او النعاس او الكسل حتى حسيت بانتصار يعني يمثل انه نايم حلو مره حلو قلت وانا الف عليه وارفع راسي علشان اشوف وجهه ويدي ع كتفه""طيب تأكد مااقدر انام كذا"" حرك كتفه الي تحت يدي بمعني ابعديها وهو يقول""غمضي عيونك وتنامين"" قلت ابغى اجربه""مااقدر(وبتفكير مصطنع)قفلت باب الصاله ولا اروح اتأكد"" قال بختصار""مقفل"" حسيت بطفش منه منجده مااثر فيه اساسا من متى ورماح يهتم رجعت انسدحت واعطيته ظهري راح احاول اخر محاوله ان مانفع راح اقوم وانسدح ع سريري اساسا من متى ااثر فيه حسيت ثقتي بنفسي اهتزت كيف جات الفكره براسي اساسا اش كان فيه عقلي اكيد الصداع اثر علي جلست بحده جلس بعد رماح وقال""اش فيك قلت لك مسكر الباب"" طالعت فيه ثواني ورجعت طالعت قدام وقلت بشك مصطنع""مافي اصوات"" كان عذري بعد عذري التافه الاول الي خلاني انسدح عنده قال بعد صمت وكأنه يركز سمعه""يمكن سمعو اصواتنا علشان كذا سكتو"" طالعت في بطرف عيوني وبعدها ثبتت عيوني ع الباب وقلت""يمكن راحو"" قال""يمكن"" كانت اخر محاوله اذا يبغاني اكون جنبه او لا وكان رده واضح نزلت رجولي ع الارض وقلت من بين اسناني""الحين اقدر انام"" قال""اذا تقدرين تنامين انسدحي ليش تقومين"" اللتفت عليه بسرعه بعفويه كان واضح عليه انه يبغاني اقوم ليش الحين يقولي نامي حركت راسي بطريقة لا وانا اقوم ع الاقل حسست نفسي او بمعنى اصح لعبت ع نفسي اني انا الي قمت مو هو ماقدرت انسدح ع سريري حاسه بضغط كبير ع قلبي حاسه ان موقف اليوم ماعبرت عن شعوري كثير بس بكيت الحين حاسه بسخط من كلامه الاول ومن تصرفه الحين شكل منجده مقرر انه ينهي علاقته فيني ولا جاء الا علشان انا اتصلت ع بيتهم لو ماتكلمت كان مو موجود الحين ومواساه لنفسي جلست ع الارض من الجهه الثانيه لسريري واحسس نفسي ان محد موجود بالغرفه وهذا كان تعزيز لنفسي ولكرامتي هو مايبغاني ع سريره انا ماابغاه بالغرفه كلها بعد ثواني اللتفت لما حسيت برماح جلس جنبي بدون مايقول حرف وانا بعد ماتكلمت كانت لحظة صمت مشتركه كنت مثبته عيوني قدام ماطالعت فيه ابدا بعد وقت قال""لدرجه هذي خايفه"" حركت راسي بطريقة ايوه خايفه من بعدين خايفه لما ينهي العلاقه منجد لما افكر فيه واتمناه وهو بيوم كان جنبي بدون مااحس بوجوده خايفه من نفسي من شعوري الحين تأثرت وهو ماقال بصريح العباره كيف لو طلق راح تكون ايام قاسيه انا عارفه خايفه اني احاول وهو حرام علي وخايفه حتى الغرفه هذي تكون فيها ذكريات لنا او بالاصح لرماح اذا ماابغى افكر فيه اروح وين ماخلى لي مكان قال رماح بصوت حنون وهو ياخذ يدي""لا تخافين انا عندك"" لين متى طيب عضيت ع شفايفي بقوه مو فاهمني حركت راسي بطريقة طيب هو يقول مسؤل عني حتى يرجع اخوي بس مو مسؤل عن تفهمي ومعذور سحبت يدي من يده رجعت شعري ورا اذني كعذر لسحب يدي وحطيتها بحضني وحاولت اقول باكثر صوت عادي""خلاص نام"" احنى ظهره شوي علشان يكون وجهه قدام وجهي وقال""وانتي"" طالعت فيه انا مااقدر انام حتى تطلع من هنا قلت بهدوء""بنام بعد شوي"" حط يده وراي ع السرير وارتفع وسحب مخدتين من سريري وحطها ع الارض وقال""يلله نامي"" كانت الارض مفروشه بسجاده يعني مو ع الارض وسحب الغطا بعد بانسياغ لكلامه انسدحت ع المخده الاقرب مني وهي الي عند السرير وهو انسدح ع المخده الي جنب الجدار كان الفراغ بين السرير والجدار كبير بس مو مره بس اكبر من سرير نجود تغطيت وطالعت بالسقف وانا اتكتف بنوصل لايش كذا مليت قال رماح بصوت حسيته بعيد""زمان يوم كنت طفل كنت انسدح ع سريري حتى تقفل امي الغرفه وانسدح ع الارض كنت مااحب السرير"" طالعت فيه كان هو بعد يطالع بالسقف وكانه يشوف نفسه زمان قلت بستغراب واهتمام""ليش ماتحبه"" طبعا اهتمام بالكلام فكرت انه طاح منه وهو صغير ع شي وجرحه وبعده تعقد ضحك ضحكه قصيره وقال""كنت احسه للبنات بس والرجال ينامون بالارض"" ضحكت بخفه لاني تفاجاءة وقلت""من وين جبت هذي المعلومه الفريده"" ركى ع مخدته وصار مطل علي وقال بنبرة صوت مستمتعه""من عقلي مثل الحذياه بس للبنات"" ياهذي الافكار ضحكت من قلبي متخيلته وهو صغير والله خشن بزياده يبغى يثبت من هو صغير انه رجال فديته والله انه رجال من طلع من بطن امه في احد بيكون مثله سكتت عن الضحك وانا اطالع فيه وحتى وهو متبهذل كذا ينبض رجوله قلت""يعني عيالك بتعلمهم هذي المعلومات"" مافي رجال بيكون غيره رجع شعري ورا اذني وسحب يده لرقبتي ورسم عليها خطوط وهميه مثل السلسال حتى بداية صدري وقال بنبرة صوت حالمه""اذا كنتي انتي امهم"" نسيت كل شي كل شي حسيت الجو توتر من قلت عيالك وندمت عليها ليش قلتها وحركت يده خلتني اشد اعصابي بس بلذه بس كلامه كان احلى غزل سمعته بحياتي حسيت باحساس ثقيل ملى قلبي وكأن تفجر حبه بروحي كانت دقات قلبي سريعه لدرجة واضح النبض بصدري وعيونه كانت ع يده يعني اكيد يشوف ويحس فيها ماعرفت اش اقول له احس كل الحروف مالها معنى الحين رفع عيونه بشويش حتى وصلت عيوني والتقت عيوننا كانت نظراته عميقه وطلب خلت قلبي يرفرف بصدري وكانه يبغى يطلع قرب وجهه اكثر من وجهي وسحب يده من بداية صدري لذقني برقه وبطئ شديد ومرر اصبعه ع حدود ذقني ووصل لقلبي وروحي كل حركه منه كانت عيونه لسى بعيوني كنت مسترخيه بمكاني ماسويت ولا حركه حتى كنت بلحظات اكتم انفاسي من غير مااحس كان مصر انه يسمع جوابي كان واضح بنظره انه ينتظر جوابي بس كنت احس لساني ثقيل مو عارفه اش اقول مو موعارفه اش اقرر كنت مقرره ومخلصه بس ماني عارفه كيف اقولها او كيف ابينها قال بنبرة صوت منخفظه خاصه جدا""من اول ماشغلتي النور وشفتك"" كان واضح باقي الكلام بعيونه وبنفسه العميق الي اخذه بسرعه حاولت اتذكر اش لابسه وش مسويه بشعري وحاطه مكياج او لا كنت لابسه لبس قديم بنسبه لي مافي اي شي يلفت النظر وشعري غسلته وجف وحده ومافي اي مكياج بوجهي هذا الشي زادني حب له وزادني تفاني من غير مااسوي شي او اهتم بنفسي شافني كذا حلوه بعيونه ابتسمت بعشق له وانا اميل راسي بتجاه يده ولان يده كانت اليسار فميلت وجهي بالاتجاه يده يعني بالتجاه المعاكس له فلف وجهي باصابع يده برشاقه وصار مقابل لوجهه الي قريب مني وقال وهو فهم حركتي انها موافقه له وعيونه كانت تلمع قالها وكأنها وعد""ماراح انسى هذا اليوم رؤيا"" غمضت عيوني من الخجل الي حاسه فيه بس قلت بوعد مثله""ولا انا"" راح اتذكر هذا اليوم راح يكون شي مميز بحياتنا قال وهو يمرر اصبعه ع رموشي بخفه ورشاقه""انتي ولا ايش"" حسيت بحميميه وانا احس بانفاسه ع وجهي كانت نبرة صوته تدل ع انه يبغى يسمعها مني قلت بتلعثم بدون ماافتح عيوني وانا احس ان نظره ع كل شي في وجهي""ماانسى""حسيت اجابتي ماتفيد شي وغبيه بعد فزاد كمية الخجل لدرجة غطيت بيديني وجهي وانا اعض شفايفي بقوه قال وهو يبعد يديني ع وجهي برقه""طالعي فيني رؤيا"" حركت راسي بطريقة لا وانا اضغط يدي ع وجهي علشان مايحركها قال بنبرة صوت حانيه ومطمنه""ماراح يصير شي الا برضاك رؤيا طالعي فيني"" بعدت يدي شوي عن عيوني بس ماشلتها كلها وطالعت فيه بنظره جانبيه كنت مع احساسي العميق بوجوده وبسلطته علي الا اني حاسه بعد انه حاس بوجودي وقربي وهذا اعطاني الشجاعه ابعد يدي عن وجهي كليا بس مارفعت عيوني بعيونه كان يحتاج طاقه ثانيه قال وواضح بصوته الابتسامه""رؤيا طالعي فيني"" كان اصراره مع نبرة صوته اعطتني دافع ارفع عيوني بعيونه لما التقت نظراتنا حسيت برجفه بكامل جسمي بكل خليه من جسمي بكل مساحه من روحي كانت نظراته نظرات حب وحنان وتفهم واحتواء حسيت قلبي توقف لثواني ورجع بسرعه كبيره انسدح ع مخدته ولفني له بشوية خشونه حسستني بعمق رجولته وذكرتني بانوثتي طالع في كل جزء في وجهي وكأنه يبغى يحفظه ويثبته بذاكرته مد ذراعه وحطه ع ظهري وضغط ع يده وقربني منه حسيت بقشعريره بعمودي الفقري وهو يطالع بعيوني وينتقل من عيون لعيون بتركيز وكانه يبغى يدخل جواتي ويعرف كل شي قرب وجهه مني وباس جبهتي برقه وببطئ غمضت عيوني وانا حالمه مو مصدقه ان هذا رماح حاسه انه عاشق لما بعد راسه فتحت عيوني واتوقع كل الاحاسيس الي حاسه فيه الحين موجوده بعيوني ماقدرت اخبيها اساسا ماحاولت اخبيها خليه يشوف ويعرف ايش مكانته عندي قال ببحه وهو يرسم حواجبي الثنتين""انتي جميله"" وسحبني لحضنه سجني بين ذراعيه كان شادني ع صدره بس عقلي اشتغل فجاءه وكانه كان منوم وفجاءه رجع للواقع لما قال جميله تذكرت جميله زوجة حامد وسفرهم ومن سفرهم وردة فعلي ولما جاء هنا كل شي جاني دفعه وحده وعرفة اش يقصد بالمعنى الحقيقي لوعده انه ماينسى اليوم هذا ايش بالتحديد نفضت نفسي منه بقوه وقمت واقفه وقلت وانا اخذ انفاسي من الصدمه""اطلع"" كان واضح عليه انه مو فاهم شي اساسا مو مستوعب كلامي فجاءه كذا قلت بصراخ وانا ااشر ع الباب""اطلع برا"" جلس بشويش ونظره مثبت علي وكانه مو مصدق قلت بصوت واضحه فيه رجفة الغضب""اطلع اطلع"" علشان يصدق قام ووقف قدامي توقعت يسأل ليش وكنت مستعده لتهم والسب الي موجهتها له بس هو طالع فيني ثواني بنظرات غريبه بس الي فهمت من حركته الاستصغار مشى ومر من جنبي بدون مايرف لي جفن اللتفت عليه فتح باب الغرفه وقبل مايطلع منها مسكت الباب واول ماطلع سكرت الغرفه بقوتي كلها لدرجة اهتز الباب وقفلته بالمفتاح لين اخره وانا ارتجف من الغضب ومن البكى رميت نفسي ع سريري واطلقت العنان لنفسي كل ماحسيت اني هديت ارجع حاسه بخيانه كبيره منه ماكان بيغير رايه وهذي الليله ماكانت راح تعني له شي مجرد تجاذب قالها من اول ماشفتك يعني مو احساس وروح مجرد تجاذب من تزوجنا وهو ماسك نفسه للحين بس لما تأكد اني بنتهي من حياته فكر انه ماراح يخسر شي وطبعا قالها ماراح يصير شي الي بموافقتك يعني كيفك وانتي تحملي النتايج دخلت الحمام اغسل وجهي علشان اهدى بس لما شفت وجهي بالمرايه زاد بكاي كان يلعب علي والله يلعب ع الاقل كان قال تعالي البيت مو هنا في بيتنا رميت المويه ع المرايه وطلعت من الحمام كنت بغلط مع انه تعبير غلط كيف اغلط مع زوجي بس هو تعبير مجازي كنت راح اغلط اخذت نفس عميق وطلعت الهواء من صدري دفعه وحده وحطيت يدي ع وجهي غبيه وطول عمري راح اكون غبيه هو عنده وحده يحبها مهما كانت علاقته فيك ليش كذا انا ليش لفيت ودفنت وجهي بالمخده بس بالاخير وقفته عند حده حتى مافكر يسأل ليش غيرتي رايك يحاول اي كلمه كان عارف اني فهمت واختصر ع نفسه وطلع مهما تضايق اليوم ماراح يوصل لمقدار الالم الي حسيت فيه بس الشي الوحيد الي متسأله عنه وودي اعرف الاجابه شلون لو ماوقفته شلون بتكون ردة فعله بعدين بس الافضل اني مااعرف لاني ابدا مو ناقصه مسحت خدي وانا عارفه انها مو اخر مره امسح فيها خدي اليوم سمعت اذان الفجر كررت وراه حتى ابعد تفكيري بس بنصه فكرت ان رماح اكيد الحين رايح المسجد اش احساسه عن تصرفي بنسبه لي مفتخره وحتى لو متأخر اني بعدته عني لنا كم من تزوجنا قلت ماابغى الا باحساي ولا لا ماراح يكررها اساسا اذا سمعتي باسمه هذا الاسبوع فهذا انجاز حتى يجي اخوي وينهي السالفه قمت دخلت الحمام وضيت وطلعت وقفت عند باب الحمام وعيوني ع المخاد الي بالارض مهما ادعي اني مفتخره واني تجاوزتها احساس بداخلي يموت وهو يتألم واحساس يقول لي مو لازم نفكر ببكره نعيش حياتنا بعفويه الي يصير يصير دامه مو حرام كان تغير شي مو معقوله بتنتهي كذا مهما كان نذل كيف رماح رجعت الدموع تنزل بغزاره حاسه بندم ع اسلوبي القاسي معاه مع ان هذا اقل من جزاء وهو ماقصر علي احساس متناقض يعيش جواتي حاولت اتماسك وقدرت صليت الفجر ورجعت انسدحت ع السرير وانا حاسه بجوع بس مانفسي بشي ولا ابغى اطلع من الغرفه ابغى انام وبس غمضت عيوني وشفت صورة رماح قدامي فتحت عيوني وانا اتنهد بكل مكان خوفي الاول تحقق وفي كل شي كان موجود واذا مو موجود بالمكان نفسه كان عقلي مشغول فيه بالمكان هذا الشي الوحيد الي جديد علي هو الدار قمت واخذت قرآن نجود براجع الي حافظته انا عارفه ان مافي يشغلني عنه من غير مااحس ارجع له بس الشي الي يبغى له تركيز مثل المراجعه مااتوقع يجي في بالي بعد ماخلصت طلعت من الغرفه مااتوقع يجلس ومااتوقع انه فكر حتى ومنجد ماكن احد موجود بالمكان وتذكرت صوت امس وتذكرت ان في اغراض بالمجلس وبابه مايتقفل فتحت باب الصاله بالمفتاح الي تحت عند الباب يعني سكره ودخله من تحت الباب طلعت ودخلت المجلس مافي شي ناقص ولا واضح اثار لاحد دخل رحت ورا غرفتي مكان الشباك ولقيت كور كثير صغيره نزلت واخذت وحده من الكور هذي الاثار الي قال عنها رماح انها مو لشخص واحد يعني كان يخوفني بس ولا مايشوفها بليل اقنعتني الاولى كيف مايشوف ولانوار شغاله يعني لما ناداني انام معاه ع السرير ماكان يبغى يفتك مني كان قال انها لاطفال بس ماراح اصدقه فاختار الطريقه الاسهل وخوفني رميت الكوره بالارض ودخلت الصاله وانا فكري مشغول ليش اش بيستفيد من ترعيبي يبغى احسسه دايما اني محتاجه له وضروري وجوده جنبي هذا يشبع غروره دخلت المطبخ وتفاجأة بالكيس الموجود واسم مطعم عليه فطور جابه رماح متى اللتفت ادور عليه بالمطبخ بس مو موجود رجعت دقات قلبي منتظمه حطه وراح بس لما طلعت من المطبخ والكيس بيدي شفت رماح طالع من حمام الضيوف | ||||||||
|  |
|
05-10-14, 06:57 AM
| #53 | ||||||||
| مراقبة عامة ومشرفة منتدى الروايات المنقولة
| بحركه عفويه صادره من اعماق قلبي رجعت دخلت المطبخ بسرعه وكاني اختبي منه ليش ماراح مو اليوم دوام وقبل كل شي طردته حسيت بفرحه بسيطه اني رجعتها له وطردته مثل ماطردني من غرفته تو الاحظ اني رجعتها حسيت بثقه البيت بيتي والمكان مكاني وهو المتطفل وهو الي المفروض يروح وانا الحين متخبيه في المطبخ وهو يمشي في البيت مثل مايبغى رجعت كيس الاكل في مكانه وطلعت من المطبخ بعد ماتوكلت ع الله وسميت كان جالس بالصاله مع اني نويت اني اتصرف بثقه وان البيت بيتي واني ماابغى وجوده هنا الا اني غيرت اتجاهي ومشيت لغرفتي بخطوات شوي سريعه بعد ماشفت جلسته المسترخيه قدام التلفزيون وقدامه اكل كأنه اكل وشبع يعني ذاك زاد عنه بس مو لي جابه دخلت الغرفه قبل مايلاحظ وجودي وسكرت الباب بهدوء بعد ماابغاه يعرف اني طلعت ورجعت بدون مااسوي شي ولا ابين وجودي انسدحت ع سريري بالعرض وعيوني ع المخدات الي بالارض طالعت فيها ثواني وبعدها مديت يدي وشلتها بعصبيه وقمت حطيتها بسرير نجود واخذت مخداتها وحطيتها ع سرير والغطا سويت فيه نفس الشي كان هذا شي نفسي بس علشان ارتاح انسدحت وحطيت يدي الثنتين تحت راسي وانا اطالع بالسقف لسى احس بالجوع بس مستحيل اطلع مره ثانيه وهو موجود غمضت عيوني وانا عارفه اني ماراح انام جاء في بالي ارسل له رساله اذا ماقدرت اتكلم قدامه واقول له لايرجع ومن هذا الكلام بس بسرعه حسيت بسخف الفكره مو لهذي الدرجه انا ضعيفه الكلام الي ابغى اقول له اقوله في وجهه ولا اسكت احسن لي من هذي الطريقه يارب يروح حسيت بقهر من نفسي اخر شي اتمنى انه يروح مااعرف اتصرف مالي ردة فعلي اخذت نفس عميق وفتحت عيوني متى بحلها مع نفسي متى بارسى ع شي حاسه انه في اي لحظه يقدر يستغلني وهذا الشي افلت اعصابي انا مو شي وقت ماجاء ع باله وتذكر جاء انا عندي شعور واحساس ومااقبل غير بشعور واحساس جلست والغضب يعطيني دافع بروح افهمه كيف العالم تتصرف وبقول له ماله كلام معاي اي شي يبغى يقوله لي يقوله لحامد وقت مايرجع وهو يقوله لي قمت وفتحت باب الغرفه ماكان موجود بالصاله بس عرفت انه ماراح لاني سمعت موية المطبخ شغاله مشيت بخطوات ثابته وفكره وحده براسي بنحلها ونرتاح من هذا التعب لما دخلت المطبخ شفته واقف ويغسل صحن بيده هذي الصوره حسيتها ثبتت براسي فكرت اتراجع واطلع من المطبخ بس شكله ماخلاني اطلع وكاني استغل الفرصه بجد شكله كذا حسسني بالعائله حسسني بتعاون والمشاركه ليش احنا مو كذا اخذت نفس حسيت نفسي جبانه والكلام الي مجهزته ترددت فيه واحسه من غير معنى قلت بسرعه قبل ماتختفي شجاعتي كليا""خلينا نتفاهم مثل الناس المتحضرين"" اللتفت علي وواضح عليه انه ماتفاجاء بوجودي واللتفت وسكر المويه ولف علي بكامل جسمه بدون مايقول حرف وتكتف ينتظر كلامي او توضيح لكلامي شكله بهذا التباعد الواضح والبرد ذكرني بتصرف امس واعطاني الثقه قلت بهدوء بدون ماابين بصوتي اي انفعال داخلي""ليش مارحت"" قال بعد وقت طويل متعمد""وين"" حسيت وجودي خطا وكلامي اكثر خطا ليت ماطلعت من الغرفه قلت باكثر ثقه وبرود حاولت ابينها""بيتك"" قال بتفكير واضح انه يتمسخر علي""بيتي ليش"" قلت وانا اضغط ع اسناني""قلت بنتفاهم مثل الناس المتحضرين لا تخليني اغير رائي"" طالع فيني من فوق لتحت وقال بابتسامه ع جنب""اش بتسوين بتشوتين"" حسيت بضغط كبير ع اعصابي من طريقة كلامه كأن انا الي جالسه بمحيطه مو هو وكانت الفكره الي قالها مغريه مره بس قلت بابتسامه مثله ونظره لها معنى مختلف""لا"" اتوقع فهم لان بانت ع ملامحه العصبيه رجع لف واخذ كم صحن الي غسلهم وحطهم بالدولاب ولف علي وواضح انه رجع مسك اعصابه وقال وهو يرجع ظهره لدولاب كانت المسافه صح اقل من اول بس لسى بيننا مسافه كبيره""ايوه قولي كيف بنتفاهم بطريقه حضارييه"" كانت اخر كلمه تنقط مسخره واستخفاف بس ماخليته يأثر فيني رفعت ذقني بتصميم وقلت بهدوء ينرفز""انت تقول مسئول عني حتي يرجع اخوي تمام اتفقنا في ساعه وحده من اليوم تجي تشوف الي تبغى تشوفه وبعدها تروح لين يرجع اخوي"" كان في بالي اني ماراح افتح له الباب قلتها بطريقه منرفزه اكثر من الهدوء نفسه ووضحت عليه النرفزه قال شتيمه قويه وهو يطالع بالارض خوفتني بس ماتحركت من مكاني ويمكن لاني خايفه ماقدرت اتحرك تقدم خطوه ورجع لورا نفس الخطوه وكأنه غير رايه ورفع راسه وقال بختصار شديد""ماراح اعيد ياتجين معاي او انا بكون معاك"" قالها باسلوب غير معاني الكلمات وكأنه يقول غصب عنك نكون مع بعض حتى يرجع اخوك وكأنه مو واثق فيني كان يمديه يقولها باسلوب احسن قلت بسخط منه""وانا ماراح اعيد انت مو مسئول عني وكل شي بكيفي"" كان رده ابتسامه مصقعه من البرود عضيت شفايفي وبقوه وطلعت من المطبخ ومشيت لغرفتي بخطوات سريعه وانا اضرب الارض برجلي افرغ شوي من العصبيه وين احد يتفاهم معاه دخلت الغرفه بطلع من البيت واوريه انه بكيفي وانا حره بس وين اروح وبصراحه اخاف اطلع وحدي واروح بعيد صح العصبيه هذي بتخليني اروح مكان ماابغى بدون خوف بس بعد مااهدا وانا راجعه بكون ميته خوف اخذت نفس وجلست ع السرير مهما كانت افكاري شخصيتي هي نفسها جبانه ومااعتمد ع نفسي يعني معاه حق لما قال بجلس هنا طيب وين اروح مااعرف مكان قريب حتى المشاغل بعيده عن بيتنا مااتذكر ان في قريب ولا حتى سوق بس في صيدليه قريبه اروح واخذ منها اي شي لو شي تافهه المهم اطلع من البيت وابين انه كيفي اخذت عبايتي ولبستها وطلعت من الغرفه ماراح اخبيها بيدي ولا ورا ظهري راح اكون لابستها واتحداه مشيت وعيوني ع الباب وكانه خلاصي فيه فتحت باب الصاله وسكرته وراي بدون مااسمع لرماح صوت ومشيت بخطوات بطيئه للباب انتظر رماح يشوفني علشان يقول لا واطلع بدون مااسمع رايه بس طلعت بدون مايشوفني خلاص اذا رجعت بتعمد يشوفني علشان يعرف اني طلعت مشيت لصيدليه كان الشارع هادي ومافي حركه الكل راح دوامه ومدارسهم يمكن الحين الساعه سبعه ونص والصيدليه فاتحه اربعه وعشرين ساعه يعني مو بدري دخلت الصيدليه واخذت لي كم غرض وانا احمد الله ان حتى باعصابي ذيك مانسيت الفلوس دفعت وانا مركزه ان الاغراض ماتكون كبيره علشان اخبيها ومايعرف رماح وين كنت طلعت انا كنت ع اقل من مهلي اطالع بكل شي بشويش وحتى خطواتي لبيت بشويش اول شي حسيت اني غيرت محيط الجو الكئيب مع هذي الشمس المشرقه فتحت باب الشارع ودخلت وطالعت بكل مكان اتأكد ان رماح ماتبعني وبعدها نزلت نقابي وطرحتي ع كتفي وفتحت باب الصاله بهدوء وطالعت بالصاله وكان جالس عن نفس الكنبه و ع نفس الاسترخاء فرحت لحاجتين انه هنا وماتبعني والثانيه انه هنا وبيشوفني وانا داخله دخلت ولفيت وسكرت الباب بطريقه عاديه وانا متأكده اني مخبيه الاغراض بطرحتي زين ومو واضح بالاساس ان في شي بطرحتي لفيت ومشيت بدون مااطالع فيه وانا رافعه ذقني بثقه انتظر صوته يتكلم بعصبيه بس وصلت لغرفتي بدون شكله حتى يلاحظ وجودي دخلت وسكرت الباب وراي وانا احس اني فشلت مااستفدت شي ياليت بدل مارحت الصيدليه واشتريت هذي الاغراض الي بدون داعي واشتريت لي اي شي اكله لاني بجد جيعانه ولا بطلع واحرج نفسي اكيد يضحك ع حركتي كأني طفله وبجد ان ماعندي عقل فتحت الدولاب وطالعت بدرجي القديم مستحيل البس شي من هذي هي بلوزتين لفوق الركبه بشوي وبناطيلها اخذتها لانها تعجبني يعني مستحيل البسها بدون بنطلون خلاص بغسل لبسي الي جيت فيه والبسه طيب والدار اش البس فيه ماتفرق لان عبايتي علي حتى لو ماراح البس كذا اذا الحين اغسلها والبسها وانام واصحى طالعت بالساعه الحين ثمانيه اخذ دش واغسل البس والعبايه الا الساعه عشره وماانام الا الساعه عشره ونص يعني اصحى ان شاء الله الساعه ثلاثه اتجهز واطلع واذا رجعت من الدار اخذ دش والبس وحده من هذي يعني عادي فستان قصير وانام فيها حسيت اني دبرتها مشيت وقفلت باب الغرفه بالمفتاح ودخلت الحمام غسلت البس والعبايه اخذت دش ولفيت علي المنشفه ومددت الثوب والعبايه ع السرير علشان يجف اكثر واخذت مشط من الدرج ومشطت شعري علشان لما اخلصه بلبس حتى لو ماجف لما خلصت شعري لميته فوق ولبست لبسي وعلقت المنشفه ع الدولاب وانسدحت ع سرير نجود لان سريري شوي انبل وانا نسيت هذا الشي وبعد عبايتي لسى ممدده عليه تغطيت وغمضت عيوني بس الجوع خلاني ماانام فتحت عيوني شكل رماح مانام بليل واكياس الاكل توضح انه طلع وكذا يعني احتمال الحين نايم فتحت باب الغرفه بشويش كان التلفزيون مشغل بس بدون صوت ورماح مو جالس يعني طلع تقدمت شوي وشفت رماح متمدد ع الكنبه ونايم استفدت من الفرصه بدون مااهتم بنومته الي مو مريحه ابدا او انتبه ع سدحته الي مو مريحه ع ذيك الكنبه لان رجله رافعها فتحت الكيس وكانت مقفله يعني مافتح واخذ منها يعني كان جايبها لي ولا اش السالفه سكرته لانه كان فضول بس اعرف اش فيها الا انا ماباكل من الي جابه سويت لي بيضه وكوب حليب واكلت في المطبخ وغسلتها ورجعت الاغراض مكانها وطلعت من المطبخ ع اطراف اصابعي ولسى رماح مثل ماهو دخلت الغرفه وطالعت بالساعه كانت احدعشر ونص يعني اقل من ساعه ويأذن الظهر خلاص بنتظر الصلاه وانام مره وحده منجد صليت الظهر وانسدحت بعد اقل من نص ساعه نمت فتحت عيوني بعد وقت طالعت بالساعه كانت الساعه ثنين ونص رجعت غمضت عيوني وبعدها كل ربع ساعه افتح لان حاسه ان وراي شي وماعدلت منبه الجوال يعني حاسه اني مشغوله من شي الساعه ثلاثه وكم دقيقه جلست وانا احس اني معاي النوم لو مااشتركت امس كان مستحيل اليوم اشترك عارفه نفسي مو وجه انتظام بس دام بديت راح اكمل ان شاء الله قمت غسلت وجهي علشان اتنشط وبعدها اهتميت بوجهي وبشعري ووضيت وصليت العصر واخذت عبايتي وانا احس انه شغل غير امس براجع معاهم جزء عم واحفظ جزء الملك ان شاء الله واذا تعودت ع الجو وارتحت راح استمر ان شاء الله بالصيف وطلعت من الغرفه ماكان رماح موجود اكيد مو موجود راح يصلي العصر طلعت من البيت ووصلت لدار الا انا نشيطه ومتحمسه للبدايه بس علشان كان معاي النوم دخلت كان لسى مابدئو جلست مع البنات الي مو متذكره اسماهم مع ان امس قالو لي لما جات سميره سلمت عليها احس اني مااعرف احد غيرها وقالت ان اليوم بنبدا من سورة الملك علشان تكون السور الكبيره بالبدايه وقت الحماس والاندفاع وبعدها تصغر السور كان اسلوبها مقنع وذكي حسيت اني حبيتها بدائت تشرح معاني الكلمات وتفسر معاني الايات وقرئتها لنا باحكام التجويد بصوت خاشع مرتل وبعدها قرئناها احنا وكان عددنا اقل من عشره لانهم مفرقينا لمجموعات حسب طلب الوقت من الساعه كم لساعه كم وحسب كم يوم وتخلص جزء وحسب كم جزء تبغى وهو حافظه او لا حسيت المكان مرتب ومنظم والشغل طالع من قلبهم ومع هذا التنظيم والذكاء بتوزيع والشغل بدون ماندفه للاشتراك منجد ناس تعمل لاخرتها بعد ماخلصنا سمعت للي حافظين لما سمعتها حسيت ان السوره جديده علي لاني حاولت اقرائها باحكام التجويد ولاني صرت اعرف معنى كل حرف فيها وسبب نزول هذي الايه وموجهه لمين لما خلصناها بدائت وقرائت سوره القلم بس اول ماخلصتها قمنا لصلاة المغرب صلينا جماعه ورجعنا مكاننا وفسرتها لنا بتفصيل وسمعت لبنتين حافظين وقالت من بكره نجي حافظين هذي السورتين وكل يوم بنمشي بحسب الوقت اذا قدرنا بتصير ثلاث سور وجزء عم الي حافظينه يروحون مكان ثاني عند وحده ثانيه اسمها خلود تراجع للجزئين كامله وقالت واحنا رايحين بيوتنا نمر نستلم لبس معين لهذي الدار ونلبسه اذا جينا وبعدها صلينا العشى وجات بعدها محاضره عن اوقات الصلاه لما خلصت المحاضره كنت احس بروحانيه وشعور بالامان والاستقرار الروحي حبيت المكان مره ان شاء الله بستمر سلمت ع مجموعتي و ع سميره ورفعت طرحتي ولبست نقابي وطلعت من الدار وانا حاسه انه برجع له كل يوم ان شاء الله وراح اكون صاحبات هم احسن ناس وقريبين من بيتي ابتسمت وانا احس ان عندي شي دخلت مع باب الشارع بدون مااحس بالخوف من الطريق لاني مشيت وحدي وفتحت باب الصاله ودخلت ماكان رماح موجود بالصاله ولا له اثار المكان مرتب والتلفزيون طافي مريت من عند المطبخ وعيوني جوا وماكان موجود رجعت ودخلته بعد مافي اثار حتى الكيس مو موجود المفروض يكون رجع خلصت صلاة العشى من وقت حتى ماراح الدوام اليوم هو المهم بس علشان يوضح ان هو الاثبت والاقوى شكله تعب يعتني بنفسه ويأس وفكر انه ماله دخل فيني وعذره لما طلعت الصبح طلعت من المطبخ وانا احس بشوي خيبه المفروض يكون عند كلمته دخلت الغرفه وفسخت العبايه واخذت لبس ودخلت الحمام اخذت دش ولبسته وطلعت مانمت اليوم زين باكل وانام واصحى الصبح ان شاء الله واحفظها ع روقان وهدوء طلعت من الغرفه ودخلت المطبخ وانا محتاره اش اكل شي خفيف احس اني كسلانه مافيني اسوي شي فتحت الثلاجه وطالعت وبعدها فتحت الدولاب الي فوق وطلعت صحون صغيره وفتحت الدولاب الي تحت علشان اطلع صحن كبير انحنيت لما مسكت الصحن تفاجأة بصوت رماح معصب يقول""لين متى(رفعت راسي ودق بباب الدولاب بقوه)وانتي سايبه الباب مفتوح"" حطيت يدي ع راسي اضغط ع المكان الي دقيت فيه حسيت انه يوجعني مره مااستوعبت كلامه بس الي فهمته العصبيه قلت وانا منقهره من خرعته ومن الالم الي براسي حسيت انه وصل لنص راسي لاني قمت باندفاع وشاكه انه طلع دم""لا تصارخ اوجعتني"" وحطيت الصحن ع الارض وحطيت يدي ع راسي وحطيتها قدام عيوني اشوف فيها دم بس الحمدلله مافي شي طلع بيدي قال بحقد""تستاهلين ليش الباب مفتوح"" قلت بعصبيه وانا اضغط ع راسي""نسيت نسيت نسيت"" مططت اخر كلمه ونزلت اخذت الصحن من الارض ورفعت راسي بشويش وسكرت الدولاب الي فوق وانا اسمعه يقول بمسخره بس لسى العصبيه واضحه بصوته""وتقول مسئوله عن نفسها"" سكرت الدولاب الي فوق وسكرت الي تحت وتكتفت وانا احس الم راسي خف بس شوي وقلت""اش شايفني طفله تو دخلت الحين كنت بسكره"" ادري انها كذبه بس اش يعرفه هو صراحه قلتها بكل ثقه وكاني منجد صادقه قال من بين اسنانه""ايوه طفله اخرها معاك يارؤيا""فتحت فمي شوي | ||||||||
|
| |
|
05-10-14, 07:02 AM
| #54 | ||||||||
| مراقبة عامة ومشرفة منتدى الروايات المنقولة
| ورجعت سكرته بدون مااقول حرف كانت حركة استنكار واضحه اعطيته ظهري وغسلت الصحن حلوه ذي اخرها معاك هو الي اخرتها معاه وتجاهلت وجوده وحطيت الصحون الصغيره في الصحن الكبير اللتفت لما سمعت الثلاجه تقفلت قفلها برجوله انا فتحتها وطلعت الصحون قلت بسرعه وش عرفني ان رماح بيدخل قال وهو يحرك راسه بطريقة لا""وبعد ناسيتها مفتوحه من متى"" حسيت انه زودها مابررت له طالعت فيه بستصغار وشلت الصحن ومشيت بتجاه الثلاجه تقدم هو وفتحها وحط يده الثنتين ع باب الثلاجه وهو يطالع فيني وكانه بيشوف اعرف اتصرف ولا لا انقهرت انا تعبانه وكسلانه لدرجة مافيني اطبخ وهذا واقف لي بحلقي بس حبيت اثبت له فجلست نص جلسه وحطيت الصحن بالارض وعبيت الصحون وطلعت خضار شوي وشلت الصحن وحطيته ع الطاوله وجبت صحن وحطيت فيه علشان اغسلها انقهرت حاسه ان نظراته مسخره ع البطئ الي عايشه فيه وانقهرت اكثر لما اخذت سكينه وغسلتها اكيد بنساها وهو يطالع فيني كذا بديت اقطعها بعصبيه اخذ السكينه من يدي وقال""انا بقطعها"" تركتها ورحت لنار سخنت المويه بسوي كوبين شاهي بما انه الواضح انه بياكل معاي جهزت الكوبين وانا كل شوي اطالع فيه كان يقطعها بتركيز بس قطعته حلو يعني تبرر لتركيزه صبيت المويه الساخنه بالكوبين وشلتها ووديتها لصاله وحطيتها ع الطاوله ونزلت الاغراض الي ع الطاوله ولما قمت كان رماح طالع بالصحن حطه ع الطاوله واخذ الريموت وجلس وجلست معاه ع نفس الكنبه بس مو قريبه منه وطالعت بالتلفزيون بشوف اختياره ع ايش قلب لين استقر ع برنامج وثائقي وبدا ياكل طالعت بالصحن انا نسيت سالفة الخبز علشان كذا تفاجأة لما شفته بالصحن انحرجت حسيت بجد ان تفكيري بسيط اذا احتجت الشي بثانيته تذكرته اذا مااحتجته بنساه يعني اني ابدا مااصلح لتجيز رحلات وطلعات طالعت فيه بنظره جانبيه لما شفته مركز مع التلفزيون بديت حتى انا اكل ماتكلمنا ولا حرف لما شبعت كنت دايخه نوم من البرنامج الوثائقي الي اشوفه رجعت ظهري وتكتفت المفروض اني اقوم اشيل الصحن دامه حتى هو شكله شبع بس نفسي اقوله يشيله هو طالعت فيه اش الي يمنع قلت""انا بروح انام وانت اذا شبعت شيل الصحن ووديه المطبخ"" اللتفت علي وقال""تعودتي دايما ع الوصايا علشان كذا توصيني"" حسيت انه من اول اليوم وهو يتمسخر علي في البدايه كلامه وهو يغسل صحون الفطور وبعدها لما رحت لصيدليه ومريت من عنده ماعلق يبين صغر عقلي وبعدها لما رجعت هو لو قابلني قبل مااروح الدار كان تمسخر فيني بعد قلت بابتسامه مليانه قهر بدون تفكير""حاقد علي علشان امس"" ياليتني ماقلتها لانها غلط في غلط اش هذا الكلام اساسا ماشكله ناوي يتكلم عن هذا الموضوع عدلت جلستي وانا احس بتوتر رجع ظهره وطالع فيني بنظره جانبيه وقال""بنظرك الي سويته اش معناه طبعا غير انك طفله بارده وجبانه"" ماابغى نتطرق لهذا الكلام والتفصيل حاسه ان الموضوع حساس بقوه بس كلامه كان تجريح مبطن بس واضحه بنسبه لي عضيت خدي من جوا علشان امسك اعصابي انا الي فتحت الموضوع واستاهل ماراح ارد عليه وقفت بس رجع قال بستفزاز""السكوت علامة الرضا"" شديت رقبتي واللتفت عليه وقلت برقه متناهيه وانا الف عليه بكامل جسمي""وانت اش الي خلاك تقرب مني طبعا غير انك رجال بدون عقل"" بنفس اسلوبه سب مبطن واتوقع فهمها لان وضحت ع نظراته العصبيه مع ان ملامح وجهه الباقي متماسكه قال بملل""متى تفهمين شي انتي او انا افهمك"" وكان واضح ان كلامه طالع من قلبه رجع عدل جلسته وطالع بتلفزيون بعد يرجع ان السبب انا وانا الي خليت الثوره تقوم وانا الي حاربت وانا الي الا مالا نهايه بنسبه له قلت""دايما تصرفاتك غلط وهي تخليني افهمك زين واتوقع منك اسوء الاشياء"" وقف ومد يده الثنتين بعلامة عدم صبر ورجعها جنبه وهو يقول""مثل ايش"" استغربت من انفعاله بس هذا زاد الموضوع وزاد غلطه يعني مو حاس انه يغلط دايما قلت بختصار""ليش مارحت الدوره"" كنت راح ارتاح واتعود ع حياتي الجديده بدونه ليش لاصق فيني لاسباب تافهه طالع فيني بستغراب لثواني وكان الموضوع جديد عليه بعدها قال""اعتذرت من شهور ليش تسألين وين الغلط"" يعني منجدها عمتي لما قالت ان من زمان سمعت بالسالفه ماكان عذر له مو المهم هذا المهم قلت""وليش سفرت حامد"" طالع بكل الاتجاهات وقال""رؤيا قلت لك ليش"" قلت بعد ماعضيت ع شفايفي""ابغى الحقيقه"" مهما كانت المهم الحقيقه تعبت وانا اخمن كل تصرفاته هذي المره هو يقول كان لسى واقف وانا جالسه وقال""الحقيقه الي قلتها لك وبعدين انا مو مجبور اوضح كل شي"" حركت راسي بطريقة ايوه وقلت بمسخره""هذا سبب تفاهمنا"" جلس رماح وقال""كأني متهم وانتي ليش ماتبررين لنفسك"" قلت وانا اتكتف بنفس الطريقه""مثل ايش"" قال""دفترك الي اعطيتيه رائد"" قلت بدون صبر""والله العظيم اني مااعطيته مثل ماقال لك حامد"" قال وهو يوقف ويتقدم خطوه""طيب دام انه لي ليش تصرفاتك ماتدل ع كذا"" استغربت وقفته وجلسته وكٲنه مو مرتاح بس كلامه خلاني احس بتوتر وكاني خايفه انه يمسكني ع شي قلت ""كان لك"" وركز ع كلمة كان تقدم خطوه ثانيه وقال""لو الدفتر عندك ماتعطيني"" حركت راسي بطريقة لا بقوه مستحيل اعطيه هو مايدري وكذا تصرفاته كيف لو يدري وعنده الثقه اساسا ليش اعطيه واحنا بننفصل قال وهو مركز بعيوني بعد ماصار واقف قدامي وهو حط يدينه ع خصره""ليش"" قلت بعفويه من التوتر وكاني متهمه""ماابغى تحس ان.....(ولحقت نفسي بالنهايه)اني كذابه"" قال بصوت واثق وهو يعدل وقفته ولف وبعد عني بكذا خطوه""انتي كذابه"" ماكان ابدا سؤال دامه عارف ليش يسأل بذي الطريقه حسيت بالارهاق بمعنى كلمة الارهاق وقلت بعد ماغمضت عيوني لثواني ورجعت فتحتها وانا اوقف بيٲس""ليش ماتتركني وتروح"" قال وهو يلتفت علي""مابتركك رؤيا مهما كانت تصرفاتك"" كانت المسافه الي تفصل بيننا خطوتين تقريبا لما عقدت حواجبي حسيت بالم براسي حطيت يدي ع راسي وقلت""مابتطلق يعني"" قال بابتسامه غريبه""لا لهذي الدرجه امر كارثي تحطين يدك ع راسك"" قلت بضعف وانا اخذ نفس""يوجعني"" قرب مني الخطوات الباقيه وقال""خليني اشوفه"" وبعد يدي عن راسي وبعد الشعر عن فروة الراس قال""مااشوف شي"" قلت وانا عقلي لسى موقف ع كلامه الاول""ليش"" ورفعت راسي علشان اشوف عيونه قال بتسٲل وهو ينزل يده جنبه""ماابغى اطلق"" فهم اش كنت اقصد قلت بصوت منخفظ بٲحساس عميق""قلت انك مسئول عني حتى يرجع اخوي"" قال بابتسامه كانت الضد لثقه بنفس""كان عذر"" قلت وانا اعض شفايفي بدون مااحط امل""وبعد مايجي اخوي"" قال بٲبتسامه خفيفه وهو يحط يده الثنتين ع اكتافي""يساعدني بشيلك للبيت مو تقولين انك ثقيله"" ابتسمت يتذكر كلامي هذي قلتها يوم طلعنا البر حسيت انه يحاول يلطف الجو بس كان كلامه كله مايحتاج لتلطيف هو ناعم وخفيف ويتعمق بروحي مابيطلقني مهما كانت تصرفاتي مو هذا وعد انه مايتركني بس باسلوبه المتميز ومو قال انه سفر اهلي علشان يستغل سفرهم وجاء عندي هنا وهو عارف انه بيلقى اسلوب مو حلو مني لاني زعلانه وانه بيرجعني البيت حتى لو ماابغى تحولت ابتسامتي المرحه لابتسامه بسيطه حالمه ماناقص الا كلمه وحده كل الكلام مايقوله الا بالسحب وبالغصب راح اسحبها منه قلت بصوت هادي حاولت ماابين فيه السعاده لان هذا الكلام كفاني هو مايرضى يمشي غير كلامه وغير تخطيطه وانا غيرتها وجيت هنا وهو تبعني كان كفايه يقول تعودت عليك بس كان انا عندي طموح وانا احس بثقل يده ع اكتافي""وش اسوي اذا رحت"" قال بابتسامه روقان لان فهم اني موافقه ارجع معاه""مثل ماتسوين عادتا تتكلمين بعفويه تضحكيني تعصبيني تزعليني تراضيني تجننيني تصغريني تأسريني تخليني ماابغى احد غيرك تخليني ماني عارف اتصرف تخليني استغرب من نفسي ومن تصرفاتي تعالي رؤيا وسوي مثل ماتسوين عادتا مااطلب منك شي"" حسيت بدقات قلبي تعدت المليون بالدقيقه كانت نظرات عيونه اعمق من كلامه خلت جسمي كله يرتجف ع معاني حروفه خلت رجولي مثل العجين صعب الوقوف عليها بس حاولت بأخر ذره من عقلي ترجعني للواقع قلت وانا انزل راسي""ارجع وانت ترجع لحبيبتك"" كنت انتظر تبرير انه تركها وان خلاص عرف ان زوجته احق منها مو اكثر والله بس قال وهو ماسك ذقني بلطف ورفع وجهي له وقال""ماعندي حبيبه غيرك"" مايدري اش سوت لي كلمة في القلب غيرك طالعت بعيونه بتركيز وعدم تصديق وانا انتقل من عيون لعيون اشوفه يمزح او لا وقلت بدون تفكير""كذاب"" ضحك بقوه وطول بضحكته وقال بين ضحكاته""انتي فريده هذا رد ع اني احبك"" قلت مره ثانيه وبسرعه حتى قبل مايكمل ضحكه""كذاب"" كنت اقولها بعقلي علشان مااصدقه علشان ماانجرف لا ماراح يلعب علي مو الحين سكت عن ضحكته فجاءه لاني بعد كلمته رجعت خطوه ورا طالع فيني ولما شاف الجديه بوجهي قال بطريقه هادي وجديه غير عن شكله قبل شوي""والله اني مااكذب صح بالبدايه ماكنت اعرفك علشان احبك او اكرهك بس لما عرفتك خفت من تأثيرك علي وخفت انك بسرعه اخذتي مكان بالعايله كنت ابغى يكون عندي الخيار لاني ضد الحياه العاديه وحياة الواجب خفت بقوه يوم حسيت ان القرار مو بيدي وخفت اني اغير قناعاتي كنت احس ان الحب يجي بسرعه من اول لقاء بس معاك عرفته بطريقه ثانيه ماحبيتك حتى عرفتك زين وشفت سيأتك قبل حسناتك ومع كذا حبيتك وبقوه"" لما كان يتكلم كنت احس الارض مو سايعة فرحتي وسعادتي حاسه ان حياتي كامله مو ناقصها شي ولا شي رماح يحبني معجزه ياعالم بهذا الزمن مع ان حبه غريب مايوضح بتصرفاته بس بخليه يقولي احبك طول الوقت علشان احس فيها اخذت نفس وكأنه كان من هواء نهر عذب قلت بدلع وانا اشوف مكانتي بعيونه اخر شي في بالي""ومين الي قلت ان بالقلب غيرك"" ابتسم وحط يده الثنتين ع خدودي وقال""تتذكرين متى قلتها لك"" قلت بشوية شك لانه ماانكر غير السالفه بس يعني يحب ثنتين ولا هذي القديمه وانا الجديده مايهم المهم يحبني""ايوه والساعه بعد"" قال بابتسامة اعتذار""تتذكرين اش كنا نسوي قبل"" قلت""ايوه ع الغداء لما احاول اقنعك تروح مع اخوك المباراه"" قال وهو يرتب شعراتي الي قدام""مو بس كذا قلتي كلام كثير خرعني مو بس خوفني كنتي واثقه من نفسك وانتي تتكلمين حسيت بخطر من وجودك بيننا انا متعود ان الكلمه الاخيره لي وان عندي الحريه بكل شي من كبرت بس من دخلتي حياتي وانتي غيرتي فيني كثير علشانك ماتعرفيني قبل ماتلاحظين الاختلاف الا كل الي اعرفهم لاحظو الاختلاف ومنهم اخوك وقلتها علشان احط حدود لنفسي ولك بس مادريت انها بتكون بهذي القوه والطول وندمت ع هذي الكلمه اكثر من ندمت ع شي بحياتي"" اخذت يدينه الي بشعري وحضنتها وقلت بكل احساس احمله له""تعبتني هذي الكلمه رماح كنت احاول اكسبك بكل الطرق الي قدامي وحتى بعد كلامك هذا حاولت لاني احبك انت حلم طفولتي ومراهقتي ونضوجي"" قال بابتسامه عريضه""ماتٲكدت الا بعد الدفتر وقربت اشك طيب لو عندك الدفتر تعطيني"" ابتسمت برقه وتو اتذكر اخر ورقه كتبتها بالدفتر الي يقول احتفظ فيها قلت""اعطيك الورقه الاخيره"" ضحك بقوه وسحب يده من حضني وسحبني بكبري لحضنه وهو يقول""تعالي يامحبوبتي"" بنبرة صوت شقيه ورفعني عن الارض واخذ فيني لفه وقال بنبرة صوت مخمليه خاص""انا اليوم اخر مره بكتب هذا الدفتر ماابغاه برميه باقرب زباله لبيتنا قال لي كلام يسد النفس ماابغى اكتب علشان اذا قريتها مره ثانيه قبل ماارميه مااتذكر كلامه بنص ابغى انسى كلامه وابغى انساه مع اني عارفه اني ماراح انساه هو ع باله حب مراهقه ولا اعجاب طفوله مايدري باحساسي راح يجي يوم ويتمنى يسمع هذا الكلام من اي شخص وان شاء الله هذا الشخص مايقولها له الا بعد مايجرب نفس عذابي وبعدها بكيفه مع الي بيختارها مين ماتكون انا خلاص برمي هذا الدفتر مع كل ذكريات فيه قدامي عمر ان شاء الله راح احب وانحب وراح انساه ولا راح اقول لاحد كفايه ردة فعله بعدين ليش ماانتظر حتى اكبر كم سنه وبعدها يقرر مو الحين مهما طلع منه انا احبه وامنيتي اعيش معاه بس الحين يأس من هذي الامنيه يكفيني الحلم.. ياحبي المستحيل اتمنى بيوم تندم ع كلامك لي ولو بينك وبين نفسك بدافع الرحمه احبك(وطالع في وجهي وكمل)مو ندمان للحين عند رائي كنتي طفله ومحتاجه الكلام الي قلته لك"" ظربته ع كتفه بقوه وانا احاول انزل بس هو ثبتني اكثر الي قاله كتبته انا باخر صفحه من الدفتر قبل ماارميه حافظها صم يعني قراها كم مره يعني بجد يحبني ولا ماحفظها كنت استنى هذا الاثبات علشان انطلق واندفع بجد حسيت ان الكون كله مايسوى رماح ولا يجي لمقدار حبي له احبه والله العظيم احبه وكل ثانيه تمر تعمق وتحقق حبي له كنت حاسه بنشاط عكس جدا وقت ماقمت من الكنبه قلت بدلع""بس انا ندمت اني قلت لك كنت جلف بكلامك ماعبرت حتى انك ببيتنا"" صح ذكرايات مو حلوه بس الحين حلوه ولها بصمتها الخاصه قال بجديه مصطنعه""الحين ترضين لبنتنا تقول كذا بنفس عمرك"" قلت بسرعه""تغير الزمن الحين"" قال وهو ينزلني ع الارض وهو يقول""لا ياشيخه كيف"" نزلني قريبه منه مره يعني ملصقه فيه ماتحركت من مكاني وكأني طول عمري متعوده عليه يمكن علشان احساسي الي كان متعطش لقربه قلت بندفاع""فرق والله زمان كن....."" قاطعني وهو يقول""بسألك سؤال"" حسيت بقهر شوي لانه مااهتم لكلامي هذا رائي الازلي المفروض يسمعه ويعرفه عني ان الزمن منجد اختلف وان البنت زمان بذاك العمر اعقل وافهم واذكى من هذا الزمن الي وحدها عمرها ثمنطعش ولسى عقلها صغير دامه ماسمع هو انتم تسمعون قلت وانا معقده حواجبي""مابجاوب"" قال بدون مايعبر جوابي""ذاك اليوم الي اخذتك من القصر تسمينه يوم زواج حامد ولا تسمينه اسم ثاني مثلي"" حسيت باحراج من معنى كلامه نزلت راسي وطالعت بصدره ومررت اصابعي ع صدره يومي المتكامل قلت""زواج حامد"" قال بنبرة صوت حميميه جدا""واليوم"" حسيت لقلبي جناحات طار من صدري واستقر بصدره وعلشان اكون قريبه من قلبي ملت ع رماح وحطيت خدي ع صدره ورميت كل ثقلي عليه وانا اقول بابتسامه عريضه""بسميه اول يوم رحت فيه الدار" " الـــنــــهـــايــــه لكل من شكل جزء جميل ومشروق في حياتي شكرا لكم انتم.. عشت معكم تجربه تنبض بالاحاسيس المنوعه ولكن هناك دائما مكان اخر لتجرب جديده سٲعيشها معكم بروايه جديده ان شاء الله.. انتظروني ياسكان قلبي واحبابه.. | ||||||||
|
| |
|
05-10-14, 07:38 AM
| #55 | ||||||||
| مراقبة عامة ومشرفة منتدى الروايات المنقولة
|  ألف مبروك عجايب أكتمال رائعتك وشكرا على التزامك احترمتي متابعينك فاستحقيتي احترامهم ألف مبروك عجايب  روايه مميزه تستحق وسام الروايه المميزة والتثبيت تم اضافة وسام الروايه المميزه في الصفحه الأولى مشرفات الروايات المنقولة | ||||||||
|
| |
|
06-10-14, 12:21 AM
| #58 | |||||||||
| مراقبة عامة ومشرفة منتدى الروايات المنقولة
| اقتباس:
الأروع مشاركتك حبيبتي شكرا يعطيك العافيه | |||||||||
|
| |
|
22-10-14, 10:16 AM
| #60 | ||||
 
| روعه روعه روعه من اجمل الروايات الي قريته مع اني ابد مااحب الشخصيه الضعيفه زي رؤيا تستفزني هالشخصيه واحس تستاهل كل شي يجيها لانها ماخذت بحق نفسها عشان الناس تاخذه لها او تحطلها حساب ورماح كذالك اسلوبه استفزازي ومغرور بس حبيته من حب رؤيا له جداً استمتعت بالروايه يعطيك الف عافيه ❤️ | ||||
|
| |
|
| أدوات الموضوع | |
| انواع عرض الموضوع | |
|
|
130Likes
.png)
العرض العادي
