آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-06-15, 07:49 PM
| #172 | ||||||||
| مشرفة ،كاتبة ،قاصة وأميرة واحة الأسمر بمنتدى قلوب أحلام وقلم مميز وحي الكلمة وبطلة اتقابلنا فين ؟ ومُحيي عبق روايتي الأصيل- مفكرة وحارسة وكنز السراديب وقاصة هالوين 
|  بصراحه روايه روعه خصوصا مع التقدم بالاحداث بتصير جذابه اكثر انا ابتديت فيها من يومين وما انتبهت انها غير مكتمله وكنت اشوف ردود البنات يطالبوا بفصول جديده واشوف اعتذاراتك واقول الحمد لله اني ما تابعت من البدايه وانصدمت امس وانا اوقف باخر صفحه والروايه غير مكتمله وكنت بموت من القهر لولا سلم الله وما صار فيني شي وشكلي غلطت ودخلتها بس لان الاسم لفت انتباهي فخليني اقولك شي يا شوق تكفى لا تخليه يرتاح يا شوق تكفى عذبه في غيابي ههههههههه ياريت تشتاقي لقراءك مثل ما بنشتاق لك ولأبطالك انا بتابعك وبنتظر نزول فصولك بصبر ومعك لنهايه لانك مبدعه بسرد الاحداث دمتي ودام ابداعك مشكوره فيتامين سي مبدعه بختياراتك دوما كما تعودنا منك يعطيك الف الف عافيه وكل سنه وانت بخير ولو انها متأخره اشوي تحياتي | ||||||||
|  |
|
30-06-15, 04:00 PM
| #173 | ||||
| رووووواااايه خطيره وحلوه تسلم يدك بس مااحب انتظر 😭😭😭😭حسبتها مكتمله وانااضحك ع ردوود البنات بس الشماته مب زينه 😁😁حبيت اسلوبك في الكتابه وانك ما قاعده توصفين الشخصيات 😒بس اقتراح صغيرون بالنسبه للحريم الكبار تقولي ام عزام ام نواف افضل عشان ماتكثر الاسماء ونلخبط الي حبيتهم بالروايه اكييييد عزام 😝بس كمان نواف حبيته وصبره ع هذي رنوووه رافعه ضغطي وملااااااك جعلها الماحي سافله صدق وماعندها كرامه اما فتونه😢الله يصبرك والنسيان نعمه مشكوره ع الروايه الرائعه وللامام ولا تبطين بليييييييييز | ||||
|
| |
|
06-07-15, 04:59 PM
| #175 | ||||||||
| مراقبة عامة ومشرفة منتدى الروايات المنقولة  
| بآرت _66_ .. .. اعتذر عن التأخير كنت تعبانه .. مبروك عليكم ماتبقى من الشهر .. اذكروني بدعوهٓ ، .. صرخة بأعلى صوت : عـــزآم ضلت تضرب البآب بقوه وهي تسمع صوت ركضٓ مع آلدرج وصحيح شآفت عزآم في الممر وعيونه موسعه .. بدون تردد كان يركض لهآ .. ضرب الباب بقوه .. لحتى ضرب بالجدآر مسك يدهآ وهو يسحبهآ كان يحس بحرارة النآر في وجهه سحب يدهآ بقوه لحتى طلعت في الممر وصارت تركض معه لحتى وصلوآ لدرجٓ ، لف ع طول يناظر بالدخآن وبالنآر اللي شتعلت بالجنآح القريب من الممر كله ، اساساً كآن جناح ضيوف .. لف على فآتن وهو يمسح على وجهآ اللي صار اسود من الدخآن .. ضلت تكح بشكل سريع وهي حاطه يدها على صدرهآ وجالسه على اول درجه .. ركضت سهآم ومعها مويه : اخذي اشربي لف عزام لسهآم وهو يقول : آتصلتي ع الدفآع سهام : ايه ايه .. انفتح باب الصآله بقوه وكان الوليد وخوانه اللي باين ع وجههم الخوف والخرع ودخل من وسطهم نايف اللي وجهه كله دموع .. بدو يركضون ويصوتون ع عزام اللي جالس ع الدرج جنب فاتن : وش صآررر ؟؟؟؟؟ وش صااار عزام لف على فاتن يغطي عليها لان عمانه موجودين والعيال دخلوا كلهم مع الدفآع اما سهام امسكت يد فاتن وقومتهآ ودخلوا غرفة ملآك اللي كانت جالسه وباين عليها الخوف سكرت سهام الباب وهي تناظر بملاك .. اللي بسرعه وقفت وصارت تناظر بفاتن ! اللي توقعت تحترق لكن حيه ! سهام توقعت ان ملاك مادرت عمن الموضوع : صآر حريق اولا بغرفة الضيوف سهام لفت على فاتن بخوف : الحمدلله على سلامتك يا عمري بالاثاث ولا فيك الحمدلله ماصار لك شيء ، ضلت عيون فآتن معلقه على ملآك اللي كانت مرتاعه ؟ من فاتن انها تعلم .. ولكن فاتن وهي تحد ع اسنانها وتناظر في ملاك : الله يسلمك .. مسحت فاتن على وجهآ واثار الشهقات الى الان ماراحت .. طق الباب مرتين .. سهام : مين ؟! عزآم : انا عزام فاتن هنا ؟ سهام : ايه .. ملاك وقفت الدنيا قدامها وصارت نظرات عيونها على فاتن وبأذنها تسمع كلام عزام اللي كله اهتمام وحب .. عزام : اذا تحس باي شي قولي لي اوديها المستشفى ناظرت سهام بفاتن اللي ع طول تصنعت الابتسامه وهزت راسها بالنفي .. سهام : لا لا تخآف مافيها شي ، اختفى صوت عزام والاكيد انه رآح .. جلست سهام ع سرير اللي جالسه عليه فاتن .. وحطت يدها ع فخذ فاتن وهي تبتسم تحاول تهدي من الروعه اللي سكنتها .. فاتن رفعت عيونها الحمرا على ملاك وتتذكر حركتها اللي ماصار لها ساعه .. يالله يعني اذا حصلت لها فرصه تذبحني بتسويهآ ؟ .. سهآم استغربت نظرات فاتن لملاك ولفت على ملاك بسرعه وعقدت حاجبها ورجعت وناظرت بفاتن اللي لا زالت تناظر بملاك .. سهام : فاتن من دون ماتلف او تنزل عيونها عن ملاك : نعم ؟ سهام : وش فيك ؟ فاتن ضلت تناظر بملاك اللي صارت تبلع ريقهآ وهي متبلعمه وخايفه آشد الخوف .. لفت فاتن ونزلت عينهآ : ابي آطلع .. سهام : الدفاع برا ؟ ماتسمعين صوتهم بعدين كل عيآل عمي موجودين ، ماتقدرين تطلعين ابداً .. انتظري لما يعطينا عزام اشاره نطلع .. .. رنا & نوآف دق جوآلهآ كذا مرهه .. وكآن " حويلآن " تنهدت ورفعت السماعه لأذنهآ : خير ؟ نواف : أخبارك ؟ رنا : مثل ماتشوف يعجبك ! نواف : الحمدلله .. الحين انا بدوام رنا : وش اسوي لك مثلاً !! نواف : رنااا .. اف عاد الى متى هالحركات رنا تنهدت : طيب ! الحين وش فيك داق علي يعني ادخل بالموضوع بسرعه ، نواف : دقايق انا طالع من الدوام بركب سيارتي جاي للبيت رنا ميلت فمها بستهزاء : هالحين هذا الشيء اللي تبي تقوله ؟!! نوآف : لآ .. كنت بقولك ابيك تلبسين بنطلع انا ويآك نتمشى رنا : مابي نواف : اكيد ؟؟؟ تردد وعضت اظافرها وهي تفكر : لا لا مابي نواف يدري انها تبي : طيب على راحتك بس تاكدي ترا انتي الخسرآنه .. رنا : يلا يلا مع السلآمه سكرت بوجهه بسرعه .. ثم لفت على الجوال : اه ياليتٓ رحت بدال هالبيت اللي ماطلعت منه دهر .. اول ماسكر من عندهآ .. دق جواله وكآن مشاري ، رد : هلا ! مشاري : وينك ؟! نواف تنهد : انت تعرف ويني مشاري : نواف تعال للقصر بسرعه .. اليوم لازم نكلم ابوي عن موضوعك نواف فز بسرعه : تستتهبل اكييييد ؟! مشاري : قلت لك تعال ! نوآف : مشاري اسمعني زين .. رجاءً خلك سآكت مشاري : راح تجي ولا اتكلم انا لحآلي ، ؟ نواف : انت تبي تجلط آبوي صح ؟ مشاري : اوهه زين تدري ان اللي سويته يجلط بعدين ! مدامك تبي مصلحة ابوي ليش تسوي كذا ؟ نواف تنهد : مشاري سكت فتره قصيره ثم قال بهدوء : شويآت واجي زين ؟؟ سكر الجوآل .. وكان واصل للبيتٓ ، لف بسرعه ورجع للقصر مسافة الطريق وصل .. كان يشوف عيال عمه وعمانه كلهم واقفين برآ .. نزل بسرعه : شفيكم !! كلهم لفوا عليه : بدري ! وانت تدري عمن الموضوع نايف رغم ان ماكان وقته الا انه قال بستهبال : نواف بس بكرت العايله ، نفس عمان توجد بالخريطه بس مالها تفاعل طنشه نواف وناظر في متعب وهو يقول : شفيهم ؟ متعب : احترق جناح الضيوف كله وسع عيونه : كيف حس باليد اللي انحطت على كتفه : خل عنك الحريق وتعال معاي لف بصدمه وكان مشاري يسحب يده لداخل نواف : فيكم شي ؟! مشاري دخل المشب وسكر الباب مشى لين وصل عند الكنب قعد وقال بهدوء : تتوقع فيه شي واجي ببرود كذا ؟! اكيد كلنا بخير نواف تنهد براحه : طيب مشاري : اجلس .. نواف قرب بهدوء وقعد جنب مشاري وهو مو طايق اللي بيقوله .. مشاري : ايوه اخ نواف ؟ الى متى بتبقى مخبي زواجك كذا !!! نواف : للابد ي مشاري مشاري : هه يستهبل ذا نواف لف على مشاري بسرعه : وش تتوقع مني ؟ مشاري لف بقوه وحط يده ع فخذ مشاري وهو يقول بغضب : انت متزوج بسر يا نواف ؟ وامي اللي قاعده تدور لك بنت وتبي تزوجك باي وسيله كذا راح تجيها وتقول انا متزوج ؟!!! نواف : ماراح احد يستغرب ي مشاري ، قعد مشاري حاجبه وهو يناظر بنواف بستغراب .. كمل نواف بهدوء : قبلي تركي وعزام .. ابتسم مشاري بصدمه وغضب : تبيني اعطيك كف ؟ نواف حط يده ع يد مشاري اللي حاطها على فخذه وحذفها بقوه وقام .. مشاري بصوت حاد جدا. : نواف لا اطلع .. م خلصت فتح الباب نواف وطلع من دون م يرد على مشاري نهائياً .. مر من جنب نواف عزام اللي ضرب كتفه بكتف نواف . لف عزام بثقل وهو رافع حاجبه يناظر في نواف اللي كان مستعجل .. فتح الباب ودخل على مشاري وسكر الباب بعده مشاري رفع عيونه لعزام .. ثم نزلها بسرعهٓ . قرب عزام وجلس بجنب مشاري .. عرف ان مشاري معصبٓ م حب يكلمه .. مد يده وصب له قهوه وقعد يتقهوا .. مشاري كان مشبك يدينه ويناظر بالارض بحده .. ولكن قال بهدوء : تهقا لو بقول لابوي وش راح يسوي ؟! عزام فهم الموضوع بسرعه .. : بيعصب آكيييد مشاري رفع عيونه لعزام : طيب وش آسسسويٓ ؟!! عزام رفع كتوفه : انت ادرا .. مشاري كان جالس على الكنب وعزام بالارض يتقهوا نزل بسرعه من الكنب وتربع قدام عزام : وش اسوي ي عزام نواف يستفزني .. وزواجه صدمني حيل ومابي يصدم غيري عزام : اذا ماتبي يصدم غيرك اسكت مشاري : مو حل عزام : طيب حاول تسوي اي شي غير انك تعلم مشاري : والله ماني خايف الا على ابوي ولا لو على نواف لاعلم ولا علي من آحد، عزام سحب المركآ وحطها ورا ظهره مدد رجوله وحط يدينه ورا راسه وصار يناظر بالسقف ، مشاري ضل يناظر بعزام .. وهو ساكت : شفيك سكت ؟! عزام من دون ماينزل عيونه من السقف : مشاري الموضوع بينك وبين اخوك مابي ادخل بينكم ! مشاري تنهد : انت اصلاً ماحليت مشاكلك شلون تحل مشاكل غيرك وخر يدينه بسرعه ولف على مشاري ولكن ابتسم بهدوء واخذ فنجاله وقعد يشربه .. بدون اي رد .. بعد دقايق من الصمتٓ رفع عزام جواله وكان ثلاث مكالمات من رقم غريب .. عقد حاجبه ودق ، حط الجوآل على اذنه وكان مشغول .. سكر .. بهدوء ثم رجع يدق بعد دقايق .. ولكن نفس المشكله مشغول .. .. ملاك .. بغضب : رجاءً لا تحاولي تهديدي هكذا ! جينيا : اتعلمين ان الان يتصل بي السيد عزام ؟ ملاك : ماذا تريدين سأعطيك جميع ماتريدين جينيا : اريد 30 الف .. والان واتمنى عدم التأخر ، ملاك تنهدت : ارجوك جينيا لا تردي على السيد عزام جينيا : لا تقلقي لن افعل ملاك : حسنناً اذن اليوم سأحول المبلغ الذي تريدينه كما طلبتي مقابل صمتك جينيا تنهدت : حسناً .. الى القاء سكرت الجوال .. ملاك غمضت عيونها وهي تحد على اسنانها .. كيف سمحت لوحده كانت تنظف القذاره اللي تحت رجلها تهينها بهذي الطريقه ؟! كيييف سمحت لنفسها رمت الجوآل على السرير بكل غضب وطلعتٓ ، دخلت الحمام وسكرت عليها الباب بقوه .. فتح باب الغرفه وكانت آميره ، نادت بهدوء : ملاك ؟؟؟ ملااك ؟ لفت تناظر بالغرفه ولكن كانت فاضيه ومافي الا جوال ملاك اللي مفتوح ع السرير.. مدت يدها واخذته وناظرت بالمكالمات .. وكانت اول مكالمه " جينيا " عقدت حاجبها وهي تقول بهدوء : جينيا ؟ نزلت للمكالمات وهي تلاحظ ان مكالماتها مع جينيا كثيره وتاخذ بساعات احياناً ! فتحت فمها مو مصدقه ، ولكن نزلت الجوال بسرعه على السرير وطلعت .. .. في آلصاله .. لبست عباتهآ والدموع الى الان ماجفت .. ومطبوعه في خدهآ كانت سهام .. تبوس في خالد وتضمه بقوه ، لفت فاتن على سهآم : هاتيه .. اخذت خآلد وشالته على كتفهآا ، .. عيونها كانت حمر مره عشان كذا اذطرت تحط غطاء فوق عيونها ، اول ما طلعت شافت عزام يسوي تنسيفته قدام شباك المشب اللي يعكس على حسب الضوء ، ويصير مثل المرايه .. شافها بالمرايه تمشي وتناظر فيه لف بهدوء : خلصتيٓ !؟ فاتن ضلت تمشي لحتى وصلت عنده وقفت قدام ورفعت راسها من طوله وهي تناظر فيه دمعت عيونها وحست انها اهتزت .. بشكل سريع : ابي اروح للمزرعه عزام تنهد ونزل عيونه للارض .. فاتن : مشتاقه لابوي .. عزام مد يده وشآل خالد ومشى وتعداها ركب السياره وهي لازالت واقفه مكانها .. مسحت دموعها .. ومشت لحتى وصلت لسيآرهٓ ، ركبت وسكرت الباب بهدوء . كان خالد بينهم جالسٓ ، لفت باصرار : اقولك ودني المزرعه !! م بصبر : وش راح توصلين له ابوك ..... سكت فاتن بعدت الغطا عن وجها وصار بس نقاب : ابوي ايش عزام : ي فاتن !!! ابوك الحين حالته مو زينه مو بخير خليه يرتاح مايصير تروحين لهم صرخت باعلى صوت : انت اخر من يتكلم غمض عيونه بصبر .. وحاول انه يتجاهل اي شيء تقوله ، مسحتٓ دموعها ولكن بقت شهقاتها اللي .. ماتقدر تخبيها وصلوا للبيت ، ولكن كان في واحد واقف قدام الباب ويحاول يلزق ورقه .. عقد عزام حاجبه وهو يناظر بالرجال ، وكذلك فاتن اللي استغربت ! مين يكون لف الرجال ولما شاف سيارة عزام صار يركض بسرعه ، لفت فاتن بخوف على عزام اللي حرك سيارته بسرعه قصوى لحتى وقف قدام الرجال اللي يركض .. متوجه لسيارته فتح عزام الباب بكل سرعه وعصبييه .. وفاتن صدمتها كانت اكبر من اي شيء .. اول مره تشوف عزام يركض بهالشكل .. ركض عزام ورا الشخص اللي فتح باب سيارته ولكن عزام كان اسرع منه وسكر البابٓ بقوه ع يدينه .. صرخ باعلى صوت : اااه مسكه عزام مع ياقته وكان يقول بصوت عالي : سسسعود وسع عيونه الرجال : س س سع سعود مين م م م ما ماعرفه حد عزام على اسنانهٓ .. وهو يسحبه الين الباب وكان مقصده يتأكد من الورقه .. كان الرجال يحاول يفلت من يده وهو يقول : ي خي وخر ماني سعود وخر ضل عزام يسحبه مثل الغنمه على الارض والعصبيه كانت تطلع من كل مكان فيه ، كانت سيارته واقفه في نص الشارع ، لان بيتهم على شارع عام .. وكان الباب مفتوح وغترة عزام على الرصيف ، ماعليه الا طاقيه .. وباب السياره مفتوح .. ضمت فاتن خالد ، وهي تعرف ان اللي مسكه يتعلق بسعود ذا تعرف ! اكيد راح يعرف ان مو هي اللي يقصدها ، فتح الرساله عزام وطنش كل الكلام وصار يناظر باخر شي وكان مكتوب " مع تحياتي سعود " حذف الورقه وبكل سرعه منه لكمه بكل قوه .. وبدون رحمه ، صار يضربه ضرب عنيف جداً وقف سعود ولكم عزام اقوى من لكمته ، لكن كان عزام اقوى واسرع ،، مد رجله وحطها ورا رجل سعود ودفه بقوه لحتى ضرب راسه بالارض .. وصار يلكمه بكل قوته سمع صرخة فاتن من السياره : خلـــــــــه حس بقلبه شيء يوجعه وهالشيء خلاه يزيد عنف وضرب لسعود اللي طاح مغمى عليه .. من قو الضرب ضل يضرب رغم ان سعود مثل ان مغمى عليه .. ولما شاف عزام م يرحم رفع رجوله وحطها ع صدر عزام وبركله منه شاته لورا .. وقام صار يركض .. فز عزام من الارض ولكن سعود ركب سيارته وبسرعه مشى لف عزام لفاتن وهو يناظر فيها .. كان يلهث بغضب ويتذكر صرختها اللي ماتغيب عن اذنه وهي تطلب منه يتركه ، مشى بهدوء وركب السياره من دون ما يناقشهآ .. وقف قدام الباب .. ونزل .. قبلهآ كان يحس ان الدنيا تدور في عيونه ، كان يقبض على يده بقوهه خايف ينفجر عليهآ من كثر الغضب اللي فيه ولكن غمض عيونه بصمت يحاول يهدي البراكين اللي دآخله .. كانت تمشي ورآه وخاالد في حظنها تضمه ودموعها تتسابق .. مثل البرقٓ ، صعدت فوق ورآه دخل الغرفه وكانت خطواته سريعهٓ ، دخلت الغرفه وسمعت صوت ضربة باب الحمام اللي فجرت إذنهآ غمضت عيونها وطاحت دمعتها على يد خالد اللي يناظر فيها ببرائه ويضحكٓ ، نزلت خالد بين العآبه .. ونزلت عباتها وقعدت على السرير وجها الى لان اسود من الدخآن اللي اليومٓ ، طول عزام بالحمام وكأنه نام فيه م كانت تدري انه يحاول يهدي اعصابه لان لو طلع وهو بهالعصبيه يمكن قتلها مايشفي غليله عشان كذا جلس بالحمام لحتى حس انه شوي هدا .. بعده فتح الباب ثم دخل غرفة التبديل .. طلع وكان لابس بجامه بنطلونها اسود والتي شيرت رمادي طاحت عيونه عليهآ آول مٓ فتح البآب .. وكانت تناظر فيه بهدوء ، وهو يناظر فيها تذكر صرختها لما كان يضرب سعود .. لما كانت تترجاه بصرختها يبعد عنه .. كانت بتمشي جنبه وتدخل الحمام بدون م تناقشه .. ولكن مسك يدها وصارت يدينهم بينه وبينهآ .. غمضت عيونها قبل لا تلف عليه وقالت بهدوء : ممكن بس هاليوم ارتاح !؟ عزام سحب يدها بقوهه وقفها قدآمه وهو يحد على اسنانه : شرايك بحبيبك وهو يمسح الارض من كثر ما لكمته ؟! فاتن عقدت حاجبها : انت ايش تقول ؟ ناظرت في يدها ثم رفعت راسها له بقرف : اقول فكنيٓ عزام رفع حاجب وبصوت حاد : تدرين لو ما انحاش كان ذبحته قدام عيونك .. واخليك تبكينه ، فاتن ابتسمت بقهر : هالشيء بينك وبينه انا مالي شغل ، وللمعلوميه انا قلت لك تتركه لاني ........ " سكتت" عزام شد على يدها بقوه : ايش ؟! فاتن نزلت عيونها وهي تقول بقرف : اكرهه اشوفكك .. ابتعد عنها وفك يده وكتف يدينه قدامها وقال : لهدرجه تكرهيني ؟! فاتن : فوق ماتتصور عزام : عشاني اغتصبتك ...؟ صــــــــــــــــــــــــ ـدمــــــــــــــــــــــ ــه رفعت عيونها بسرعه له وحدت على اسنونها بغضب شي في داخلها ارتجف .. وحست ان هالكلمه طالعه ببرود اعصاب منه .. عزام ابتسم رغم ان الغضب يملا عيونه : شرايك اعيدها ؟ فاتن كان الصدمه شلتها شل ، ناظرت فيه وهي م تدري تقول .. مدت يدها بسرعه تبي تعطيه كف ولكن رفع راسه وصار الكف برقبته بقوهه .. مسك يدينها الثنتين وحطها ورا ظهرهآ .. دفها بقوه لورا وكانت عيونه ماتبشر بالخير ابداً وقفت قدامه وعيونها بعيونه وشافت انه صادق باللي قاله .. بدون اي سابق انذار .. رجع لها شريط ليلة الحادثه مايمر في بالها غير صوت انفاسه .. ولا تتذكر الا مسكت يدينه ، والضلام اللي كانت فيه .. ولا تسمع الا صوت صراخها اللي تخالط مع صوت الفنان اللي كان يغني بطرب وفن وهي تبكي وتصرخ قهر وغبنه .. بدون شعور نزلت دموعها بشكل سريع مدت يدينها ومسكت بلوزته وهي تصرخ : الله يخليييييييييك لآ. وقف عزام وهو عاقد حاجبه وكان شي غزه في قلبه من صرختها اللي كانت من قلب .. حطت راسها على صدره وهي تصرخ بصوت يقطع القلب وهي تترجاه مايقرب منهآ .. غمض عيونه بقوهٓ من دون مايرفعها عن الارض لانها نزلت رجوله .. بعد دقايق فتح عيونه وابتعد خطوتين وشافها جالسه على الآرضٓ وكل شي فيها يبكي .. منهاره بشكل يقطع القلبٓ ، قرب بهدوء وجلس على الارض قدامها وهو يقول بنبره هاديه : انتي وش يرضيك ؟! فاتن ضلت تشهق وهي تبكي بشكل يبكي الحجر .. عزام : انا نفذ صبري معك ي فاتن .. بس قولي لي وش الحل وانا مستعد اسويه .. فاتن مسحت دموعها بكل قهر وهي تحد على اسنانها وتقول : انك تروح بنبره حنونه وهاديه : بس علميني وين اروح وبروح ؟! فاتن صرخة : ببليس والشيطان في جهنم ان شاء الله بس روح مابي اشووفكك بنفس المكان اللي اعيش فيه ابتسم على جنب وهو يقول : طيب انا ماشي ضلت تناظر فيه بشراسه والشهقات تقطع بين النفس والثاني قام وقف بطوله قدامها وتوجه لدولابه .. وصار يطلع جوازاتهٓ ، وملابسه ويحطها بشنطه صغيره سودا .. رفع يده لدرج اللي فوق الدولاب وطلع منه مسدس ملفوف بشرشف بيج .. وحطه بشنطته .. وهو يسكر الشنطه قال : بسافر للهند فتره طويله .. اتمنى تراجعين نفسك في ذا الفتره .. مازالت على الارض ومستنده على السرير قالت من دون ماتلف عليه : عساني اسمع فيك خبر شين ان شاء الله .. ابتسم وهو يسكر الشنطه .. قرب من خالد وباسه مع جبينه ومسح ع شعره ثم اخذ شنطته وطلع .. وقبل لا يسكر الباب سمع صوتتها بغضب : باللي مايحفظك .. طلع من البيتٓ وصار يمشي وم انتبه باللورقه اللي داسها برجله .. وتعداها .. فتح السياره وركبٓ ، كان ناسي جواله بالسياره وشاف اربع مكالمات من سهام .. واساساً جت بوقتها لانه يبي يكلمها .. اتصل عليها وبسرعه ردت لان اخر مكالمه لها كانت قبل دقايق .. سهام : عزام وشلون فاتن .. شغل سيارته والسماعات بأذنه : بخير .. سهام اخذت نفس : الحمدلله .. عزام : سهام اسمعي .. ابي اوصيك سهام : عزام انا اللي بقولك شي مهم وضروري عزام : ممكن اقول اللي عندي انا اول شي ؟! سهام : طيب قول عزام : انا الحين مسافر وطيارتي بعد ساعه .. بروح للهندٓ ابيك تنتبهين لفاتن وخالد .. تراها خوافه وتخاف من الضلام .. وتخاف لحالها لا تخلينها واي شي تبيه جيبيه لها .. او اتصلي علي .. سهام : عزام تستهبل ليش تبي تسآفر ؟!!! عزام : فاتن عندي شغل .. ويمكن اطول بعد سهام : اوخس شغل بالهند بعدين انا سهام مو فاتن عزام تنهد : سهام لا تنسين تروحين لها بين فتره وفتره سهام : طيب ابشر م طلبت شيٓ ، عزام : راح يطفي شحن جوالي اكلمك بعدين سهام : لحظه عزام اسمع سكر بوجها بسرعه .. تنهدت وحذفت الجوال بغضب .. وسكتت .. .. مشآعل & تركيٓ دخل وهو شايل معاه اكيآس كثيرهه.. مشاعل ابتسمة : كل هذا ايش ؟! تركي : اغراض اللي ناقصه .. ابتسمة : طيب ، اليوم غريبه جاي بدري !؟ تركي : اي خلص دوامي بسرعه جا وجلس على الكنب بتعب ونزل شماغه .. واخذ نفس دق جواله رفعه وكان " سحر " تنهد وسكره بوجها .. جت مشاعل وجلست قدآمهٓ : شفيك كانك تعبان ؟! تركي : احترق جناح الضيوف اللي بالقصر شهقت بخوف : ايششش تقول ؟ تركي : بس الحمدلله محد فيه شيء كلهم بخير مشاعل اخذت الجوال : بدق اسال عنهم تركي : ي بنت والله مافيهم شي يعني فيهم شي بجي كذا برود بعدين ما احترق الا الغرفه والممر تقريباً .. مشاعل : الحمدلله على سلامة الجميع والله خوفتني . تركي : بسم الله عليييك ، اي قولي لي .. متى كلمتي خواتك ؟ مشاعل : ابي اكلم سديم بس م ترد تركي : طايحه هي وسآلم بالعسل اكيييد مشاعل : والله م اتوقع تركي : آفاا وليش م تتوقعين ؟! مشاعل : انت تعرف سالم وانا اعرفه تركي : طيب دامكم تعرفونه ليش تزوجونه .. مشاعل تنهدت : م ادري ودي انها ترد علي تركي : اليوم سالم يقول انه راح يجيون للقصر للعشاء مشاعل : جد ياليت والله .. اجل بروح لهم تركي : يلاا اجل خلينا نتقهوى بعدين بنروح سوا .. مشاعل : يلآآ ،. .. سديم & سآلــم .. دخل عليها بالغرفه والابتسآمه مرسومه على وجهه وكان يكلم : ابد ي قلبي بس مشتآق لك .. فارس بستغراب : انت وش تقول ، سالم يناظر في سديم اللي رفعت عيونها بسرعه له : حبيبتي اكلمك بعدين ممكن ؟! فارس بستغراب : مريض انت ؟ سكر سالم بوجهه وانبطح على بطنه قدام سديم على السرير وهو يقول : همزي ظهريٓ وسعت عيونها بصدمه ثم اخذت نفس كانت تبي تقوم بس مسك يدها وعدل جلسته ، : شفيك ؟ سديم : خل وحده من اللي تعرفهم تجي همزكٓ سالم : اي طبعاً شوي مواعدهم بشقه واكيد راح يهمزوني ، ابتسمت بقهر : عليك بالقوههٓ ، سالم مدد رجوله قدامها : لا يكون غرتي ضحكت بقهر : اناااا ؟؟؟ اغار ! ليش ان شاء الله وعلى مين سالم ضحك : احب الكبر اللي اشوفه بعيونك ابتسمت : انت لانك واطي ورخيص دايم تدور وتعاشر الرخيصات اللي نفسك ابتسم : بس انتي منهم !! تذكرين لما طلعتي معاي سديم بقهر : انت تعرف وش كانت نيتي ! سالم : جد سديم انتي وحده تعرفين كل بلاوي وتعرفين اني صايع وراعي بنات صح ولالا ابتسمت : مع الاسف ايييه سالم ابتسم : خلاص اجل هذي غلطتك مو غلطتيٓ قآم .. وطلع من الغرفه وهي نزلت رآسها بكل ألم وقهر من حركاته اللي تقهر .. اتصل جوالها وكانت ديمٓ ، ردت : هلا ديم ديم : هلاا سديم اخباركك اخبار سالم معاك ان شاء الله م سوا شي يزعلك نزلت دمعتها بكل قهر ولكن ببتسامه : لا ابد مايقصر معيٓ مو مخلي علي قاصر .. ددخل وهو يصفر ويفر السبحه على الصبعه السبابهٓ توجه دولابه وانتبه ان سديم تكلمٓ ، وهي اول ما شافته طلعت من الغرفه خافت يقول اي كلمه وتسمعها ديم .. عقد حاجبه : ليش طلعت ؟ مين تكلم مشى وراها بسرعه وهي كانت تكلمٓ سحب الجوال من أذنها بسرعه وحطه على اذنه .. سالم : آلووو آلووو ديم بصدمه : الووو هلاا سالم شفيك ؟ نزل الجوال وسكره بسرعه .. وناظر بسديم الي فاتحه فمها بصدمه : شسويت ؟ سالم مد الجوال لها : امسكيٓ اخذته بصدمه وهي مو مصدقه الشيءٓ اللي سوآه قبل شوي نهائياً .. .. " عزآم " .. السآعه 11:36 م .. وقفٓ قدآم استراحة الشبآب .. وخلآ شنطته بالسيآرههٓ م نزلهآ نزل وصآر يطق باب الاستراحه .. فتح الباب ، مشعل وكانت صدمته كبيره ولكن فرح كثير : هلآ هلآ عزام مو مصدق قرب عزام وسلم عليه خشمٓ .. وهو يسمع ترحيب مشعل الحآر ، مشعل : هلا هلا والله ادخل ي عزام مافي غير الشباب اللي انت خابرهم دخل عزآم واول م وصل للمجلسٓ شاف كل اخوياه .. موجودينٓ كلهم اول ماشافوا عزام حذفوا البلوت اللي بيدينهم وقاموا يسلمون ويرحبون فيه .. محمد : اوه ماني مصدق عزام الوليد في استراحتنآ .. ابتسم عزام ابتسآمه باردهه : تحملوني بجلس فيها مشعل : ابد والله انك في قلوبنا قبل لا تجي فيها .. واذا ما كفاك المكان افرش لك صدري ي ابو بندر .. ابتسم عزام : انا صار اسمي ابو خالد ماعاد انا ابو بندر لفوا على بعض .. عمر : لا عاد ! جالك ولد ي عزام ابتسم : ايه اسمه خالد ، مشعل : اجل الله يعينا نغير الاسم لابو خالد ! جلس عزآم .. بصمتٓ وهو يحس بجرح كبير في صدرههٓ الى الآن يفكر بكل شيء صآر لهٓ ، مشعل : تعرف تقنص ! بكره بنروح نقنص ي الذيب .. " حط يده على فخذ عزام " ابتسم عزام : ابد جاهز .. كل ضهر بنروح نقنص نفس ايام قبل ، عمر : اكيد انك للحين طباخ وتطبخ الطيور ؟! عزام : تقدر تقول اني نسيتٓ مشعل : افااا اجل مدلعتك حرمتك لين نسيت كيف تطبخ محمد : ههههه بنجربكك اجل .. مد مشعل لعزام فناجل قهوه .. : اسلم عزام اخذه : تسلم .. عمر : اي طمنا اخبار ابوك واخبار عمانك وخوانك اخبار الجميع ؟ عزام : الحمدلله كلهم بخير مشعل : يقولون انك تركت شركة ابوك هو صدز يخوك ؟! عزام ناظر ببرود لمشعل : انا دكتور .. عشان كذا تركته محمد : م شاء الله دكتور ايش ؟! عزام : جلديه ،. عمر : م شاء الله طول عمرك رجال وبتبقى ي عزام ذيب ي ابو خالد والله ان ماتغير فيك شي .. ع خبري العام انت انت ابتسم : اي والله ولا ابي اتغير .. محمد : حتى للحين ماتعرف علومك من وجهك اذا م تكلم لسانك م حسينا فيك ، عمر : اوه عاد هذي صعبه ابتسم عزام وبانت اسنانه : علومي تسركم .. ضحكوا كلهم مشعل : الله يجعله يآرب .. قعدوا يسولفون .. فتره طويله اما عزآم ضل يناظر بفناجله وهو سآكتٓ اول مره يحس بهالضيقه اللي توسدت صدرهه ، مد مشعل يده : ورا م شريت قهوتك .. عزام اخذ فنجاله وشربه بصمت وهو يحس انه يشرب المر ، والقهر مع القهوه .. انشغل عن كل حاجه لا ذكرته .. وينقضي وقتي معه والذهن شارد يبرد الفنجال في يدي ما شربته .. واستحي لارجعه واقول بارد .. :: انتهى البآرت :: اممٓ انا الجوهرهٓ صديقة امجاد مرا واعتذر عن امجاد انها ما دخلت المنتدى ولا ردت ابداً ولكنٓ اقسم انها تعتذر منكم وتبغى ترد ولكن تعبت هالفتره عموماً هذا البيبي حقها اي احد يبي يوصل لها كلام او يناقشها عن اي شيء روحو لها هناك لان كثير جوني باسك الروايه يبغون شي يتواصلون فيه معها وقلت لهم برنامج كك ولكن قالوا انها ماترد هناك عموماً قلت لها تعطيني اي شي وقالت البيبي وراح يكون مخصص لمعجبات الروايه >>> 57727b5b | ||||||||
|
| |
|
06-07-15, 11:25 PM
| #176 | ||||
| مرحبا كيفك ميجووووو يارب اتكوني بخيييير ومبارك عليك ما بقا من رمضااان *المهم بقولها لج تراك طولتي حييييييل عليييينا كل يوم اخش ع المنتدي واتشوف اذا اكووووو بارت لكن مافيه ^ادري والله انه رمضان وزحمة واشغال وطلعات وهيييك شي بس عاد تحملينا روايتك تحفة ولا يعلا عليها عساس جذيه اتشوفين كيييف مشتاقين لج ولاناملك المبدعه اي صج اختي متابعه لك بمنتدي ثاني وخبرتني ان روايتك اتقفلت بالمنتدي عندهم صدددمه طمنيني عللليك ياالغاليييه بانتظارك ولك كل ودي | ||||
|
| |
|
07-07-15, 01:27 AM
| #178 | |||||||||
| مراقبة عامة ومشرفة منتدى الروايات المنقولة
| اقتباس:
هلا ضواهن حبيبتي الروايه صح أغلقت لكن تم فتحها ونزلت الكاتبه البارت 66 ونقلته قبل ردك هذا شـكــ وبارك الله فيك ـــرا لك ... لك مني أجمل تحية . التعديل الأخير تم بواسطة فيتامين سي ; 07-07-15 الساعة 02:09 AM | |||||||||
|
| |
|
07-07-15, 05:26 AM
| #179 | ||||||||
| مشرفة ،كاتبة ،قاصة وأميرة واحة الأسمر بمنتدى قلوب أحلام وقلم مميز وحي الكلمة وبطلة اتقابلنا فين ؟ ومُحيي عبق روايتي الأصيل- مفكرة وحارسة وكنز السراديب وقاصة هالوين
| فصل حلو اكيييد بس صغيرون ما لحقت اشبع منه ياريت ممكن لو تموتي سالم اكره نوعيته من الرجال ملك منتظره نهايتها يارب قريب وشكرا حبيبتي فيتامين سيلتنزيل والتذكير ويعطيكم الف عافيه | ||||||||
|
| |
|
07-07-15, 06:09 AM
| #180 | ||||||||
| مراقبة عامة ومشرفة منتدى الروايات المنقولة
| بآرتٓ .. _٦٧_ اولاً .. اقدم اعتذاري لكل العمانين اللي يقرون روايتي في مقطع من البارت بأن نايف قال : انت يانواف بس بكرت العايله نفس عمان توجد بالخريطه فقط .. انا اعتذر لكل عمانيه ولكل عماني ويشهد علي الله م قصدي فيها السب .. قصدي انها جداً هاديه وبعيده عن المشاكل والحروب .. لكني احب عمان جداً اهي واهلها والمقطع ذا اخذه من نكت واغلب كلام نايف يكون مسرود .. خايفه احد يزعل علي بسبب هالمقطع وجتني وحده بالبييي وقالت لي وضحت المووضوع ونعم فيها اسلوبها جداً راقي لو غيرها جت بهاوش .. اتمنى محد يزعل علي نيتي جداً صافيه لما قلت هالمقطع .. ولا قصدي اجرح احد .. اتمنى يوصل اعتذاري لكل عمانيه قرت روايتي .. واسفه من جديد .. قآم من عندهم وتحولت الانظآر كلهآ على عزآم .. مشعل : وينٓ بتروح ي عزآم ! عزام : بروح قريب وبجيٓ ، ماراح اتأخر مشعل : افرش لك فراش هنآ ولا تبي بالمشب ، لان هنا برد عزام : مو مهم اي مكان ماراح اقول لآ .. محمد : توصلني عزام معاك لبيتي سيارتي مافيها بانزيم عزام : يلآ امش معآايٓ ، قام محمد وطلع مع عزآم لبرا الاستراحه .. لف عمر على مشعل : م تحس ان عزام فيه شيء ؟ مشعل : الآ واضح ان الولد فيه شي ولا بالله عليك مخلي قصر ابوه والبيوت والمزارع اللي عندهم وجاي ينام عندي وعندك في ذا النمل وعيشة القرف ، عمر : احمد ربكك ي مشعل .. بس والله انك صادق الولد فيه شي ورغم انه مايوضح وش في داخله الا هالمره واضح من فعله .. مشعل : الله يعينه يارب وترا السعاده ماتنشرا بالمال ، عمر هز راسه : اي والله انك صآدق ، لو تنشرا كان هو اسعد مخلوقٓ ، لكن قسم هالوجه م يستاهل الضيق .. مشعل : عاد تراه ولد الوليد .. مانبيه يشكي من شيء قوم خلنا نسوي عشاء ، ونرتب للمكان .. تراه متعود ع الريحه الزينه والمنظر الزين .. عمر : يلآ اجل بقوم اسوي عشاء ، .. ركبوا السيآرههٓ .. لف عزام على محمد : بيتك ؟ تراني ناسي وين مكانه محمد : لا لا قريب من هنا انت بس امش وانا راح ادلكٓ ، عزآم صآر يمشي حسب مايوصف لهٓ محمد لحتى وصل عند بيته نزل محمد وقبل لا يروح دخل راسه مع الدريشه : مشكور ي ابو خالد م تقصر ابتسم ابتسامته الجانبيه بثقل وحركك سيآرته .. لف لحتى طلع من جنب بيتهم مسافة الطريق لحتى وصل عند مزرعة مخلد .. اول ماوقف كآنت السآعه ١٢ ونصٓ .. ولكن فتح الباب من دون تردد ونزل يمكن مايكون في وقت يكون مخلد فاضي فيه ومايكون بالمسجد الآ هالوقت .. نزل وصار يدق البآب .. اكثر من مرهه ولكن بدون اي رد .. لحتى بعد ربع ساعه تقريباً فتح مخلد البآب وصدمته كآنت كبيرهه جداً .. عزام : السلآم عليكم عقد مخلد حاجبه وهو يناظر في عزام فتره طويله كلها صمت عزام : انا اعتذر عن جيتي في هالوقت المتأخر ولكن ابيك ضروري ي عمٓ. ! مخلد حد على اسنانه بغضب ورفع اصبعه قدام عيون عزام بتهديد ووعيد : لا تقول لي عم افضل تناديني باسميٓ ! عزام : نتكلم عند الباب ؟ مخلد : افضل تقول اللي عندك لاني راح اسكر الباب اذا م تكلمتٓ عزام بصبر : هالأسلوب ابداً ماينفع ادري انك كارهني ومعصب مني ولكن ابداً طريقتك ماتفيد ياليت تسمع اللي عندي واسمع اللي عندك واطلع من عند بيتك وانت فاهمني حتى لو بالطريقه اللي انت راح تصيغها لي .. مخلد بهدوء ابعد عن الباب : آدخل ، تقدم عزام خطوتين قدام .. ودخل كان اغلب المزرعه ظلام .. دخل في الغرفه .. ولع اللمبه مخلد وهو يأشر لعزام يدخل بدون نفس .. عزام جلس ع الكنب : ياليت تنادي عمتي مخلد ناظر فيه بنظرات حاده ولكن توجه لللباب وبصوته العالي : نوره .. نوره جت عند الباب : هلاا مخلد نزل راسه وهو يأشر ع الباب : ادخلي .. ددخلت ولكن كانت صدمتها كبيره جداً في شوفة عزام .. لفت بسرعه على مخلد الي انصدمت اكثر كيف وافق يدخله ! عزام قام يبي يسلم .. لكن مدت يدها برود وجلست .. مخلد : تقدر تتكلم الحينٓ .. اخذ نفس بهدوء .. : اسمع ي عم انا جايك ابي اقولك كل شيء من بداية الموضوع الى نهايته وراح اقول كل شي بصدق عشان ابيك تحكم من الظالم ومن المظلوم من اللي يستحق تغضب عليه وتزعل منه .. ومن اللي مايستحق هالشيء ! نوره رغم انها كارهه شوفة عزام الا انها فرحت وعرفت ليش جا عل وعسى يقول شي يلين قلب مخلد على فآتن .. مخلد بصمت وكان يكرر في داخله لا اله الا الله واستغفرالله عشان يطرد الغضب اللي يسكنه .. عزام : ي عم انت امام مسجد وشخص واعي وفاهم مايحتاج اعلمك .. كيف تتصرف معي ومع بنتك ولكن فاتن ماتستحق القسى ذا منك ابداً .. مخلد رفع راسه : انت اخر واحد يعلمني كيف اتعامل مع فاتن عزام : انا اعترف اني غلطان والشي اللي سويته في فاتن شيء كبير لكن وقتها مادري وش صار لي الشيطان شاطر ي عمٓ ! اقسم بالله م قدرت حتى اني اتعوذ بالله منه ، والفتنه شي كبير وانت ادرى وانا ادري هالشيء مايكفر من ذنبي ولا راح تسامحني اذا قلت لك هذي فعلة الشيطان وأوامره وأوامر اعوانه ولا ارتجي منك السموحه لاني ما استحقها منك .. انا اللي ابيه ان الله يسامحني .. لاني تبت وعرفت ان الشيء اللي سويته كبير جداً ، وانا م راح انسى رحمة الله في عباده حتى لو كان الذنب كبير وتذكر ان " التائب من الذنب كمن لا ذنب له " مابيك تسامحني ي عم سامح بينتك اللي مالها دخل بالموضوع .. مخلد ضل يناظر في عزام وهو عاقد حاجبه بغضب .. اما نوره دمعت عيونها بكل ألم وترجي .. عزام سكت للحظات ونزل راسه ثم قآل : فاتن عاشت حياتها كلها بألم وقهر .. وماهي شهور وشهرين .. انا اعيش الندم كل يوم وكل لحظه بسبب اللي اشوفه فيها عيونها ماتوقف من الدموع .. انت عليها انا عليها اهلي عليها قلي بس من لها ؟ حس بدمعة مخلد اللي وقفت ع طرف عينه وبسرعه من مخلد مسحها قبل لا نوره تشوف .. عزام : فاتن ماتستحق اللي تعيشه ابداً .. لا منك ولا مني ولآ من اهليٓ حتى اني صرت استغرب تصرفاتها .. صارت شرسه وهمها بس الانتقام انا ماقاعد الومها احاول اصبر عليها ولما شفت ان صبري نفذ هذا انا اخذت اغراضي ومشيت بنتك في البيت لحالها .. والله محد يحس بضيقها غير الله .. حرام اللي تسويه فيها وهي مالها ذنب صرخ بصوت عالي : انت السبب في كل شيء عزام : عشان كذا لا تسامحني سامحها مابيها تشيل ذنب غيرها ، طيب علمني خالد وش ذنبه ؟! سمعوا شهقة نوره اللي طلعت من اعماق قلبها وهي متغطيه بطرحتها تحاول م تتكلم لانها راح تنفجر بكي .. عزام لاحظ دموع مخلد ولكن بدون تردد كمل .. : اللي صار فيك كبير بس مو اكبر من اللي صار في بنتك شوف عمرها كم ! تتوقع هالعمر يستاهل انها تعيش فيه ألم وضيق ! اسأل نوره عن اللي صار ، انا اعتديت على فاتن غصباً عنها مو برضاها عشان تحاربها .. وتحملها الذنب .. وحملت بعد مو من رضاها .. بنتك بريئه وطاهره وماهي في جيلها سامحها ، عشان ترجع تعيش في هالدنيا اللي ماحست ولا يوم بحلاوتها .. وارجع اقولك اذا في احد يستاهل انك تتضايق منه وتحاربه فهو انا .. قام عزام بهدوء وطلع من المزرعه وهو يسمع صوت مخلد اللي انفجر بكي .. وحزن .. كلام عزام أثر في مخلد كثير وصحاه .. نوره لفت على مخلد وهي غرقانه بدموعها : والله يا مخلد ان كل اللي قاله صحيح .. فاتن مالها ذنب وانت شفت كيف عانت تكفى يٓ مخلد سامحها وفرح عيني بشوفتها لا تقسى عليها انت مصلي وتخاف ربك ، وربك اعلم في اللي صار ترا الموضوع كبير لكن انحل والبنت تزوجت عزام وخلاص وهي مالها دخل وذنب سامحها انا ارجيك ي مخلد ، قام بهدوء من جنبهآا وطلع من الغرفه .. وطلع من المزرعه كلهآ توجه للمسجد وهو كان يمشي يناظر بعتبة المسجد تذكر كيف خالد كان يبكيٓ ، دخل وهو يتجاهل هالمكان .. فرش سجادته وهو يبكي بكل ألم .. يحس بالضيق اللي سكن صدره .. ولكن فكر وفكر كثير .. فاتن وش ذنبها ! بنته ويعرفها ويعرف وش صار فيها الموضوع كبير لكن م انتشر وربي ستر عليها وعاشت مع عزام هو ليش يقسى عليها ، ضل يبكي ع سجادته كانه طفل ... وهو يطلب السماح من رب العالمينٓ .. .. لفت عليه بهدوء وكان ميت ضحك ويناظر بمسرحية طارق العلي .. تنهدت : سآلم سالم من دون مايناظر فيها : ها ! سديم : بكرهه ابي اروح لأهلي .. ما شفتهمٓ ! ، سآلم اخذ الريموتٓ ، وطفاه وقف وتوجه لعندها عقدت حاجبها وهي تناظر فيه يتقدم عندهآ .. سالم مد يدهه وسحبها تقوم .. لحتى وقفت قدامه ، سالم : تروحين للقصر ؟ سديم : اي سالم مد يده وصار يرفع شعرها عن وجها : كم عندي سديم تنهدت وغمضت عيونها مدت يدها وحطتها ع صدرهه بتدفه لورآ ،، ولكن بسرعه مسك يدها وثبتها على صدره : مشتآق لك سديم عقدت حاجبها : آيش ؟ سالم صار يفتح ازارير ثوبه : اقول مشتاق لك سديم تنهدت : استغفرالله ابعد ابعد عن طريقي .. مسك يدها قبل لا تروح : على ويييين سديم : لانك مو صاحي بروح انام سالم : كلنآ بنروح ننام بس مو الحينٓ ، .. آليوم الثآنـــي .. الساعه ٨:٥٤ ص ، قام عزام وكان فراشه مفروش على الأرضٓ ، لف يدور مشعل وعمرٓ ! تنهد ثم قآم بخمول . فجأه دخل عمر وهو شايل صنيه فطور .. وعمر وراه .. مشعل : صباح الخير .. عزام : صبآح النور .. قام عزام وشال فراشه ورتبه .. دخل عمر وضبطوا الفطور .. بعد م خلصٓ ، لف مشعل على عزآم : يلآ ماودك نروح نقنص ؟ عزام : اي يلآ بس بروح اتأكد من اني جايب البندق ،.. مشعل : وانا بروح البس بجآمتي انتظروني ، عمر : شوي على العشاء نبي نروحٓ ! للمخيم عند العيال ودخلوني بالله اني اجيبك معي انت بالذات ي عزام اول مادروا انك موجود فرحوا وقالوا تجي معانا للمخيم عزام : ماعندك مشكله .. انا بعد ودي اغير جو .. عمر : يلاا اجل جيب بندقك وخلنآ نروح نصيد ، قآم عزام ومعاه عمر ومشعل .. ركبوآ السيآرهه كلهم ، وانطلقوا لصيد .. ... طق البآب بهدوءٓ ، نزلت مع الدرج بخوف وهي تحس ان دقات قلبهآ تتسارع .. مع كل طقه للبآبٓ ، فاتن بصوت يملآه الخوف : مينٓ ؟! سهام : انا فاتن افتحي الباب فاتن م عرفت الصوت كررت سؤالها من جديد : مين ؟! سهام : انآ سهام ي فآتن افتحي الباب وش فيك ،.. تنهدت فاتن براحه ثم فتحت البآب .. دخلت سهام وسلمت عليها : اخبارك فاتن فاتن : الحمدلله بخيرٓ ، سهام : وين خلود فاتن : تو نآم من الساعه وحده وهو يبكي سهام : افا وش فيه فاتن : تعبان سهآم : طيبٓ فاتن امشي خلينا ندخل توجهوا لصاله نزلت سهام عباتها وحطتها ع الكنب وجلست قدام فاتن .. سهام : ايوه علميني وش فيه عزام سافر كذا فجأه ؟! فاتن بصدمه ناظرت فيها : شدراك سهام : هو دقٓ علي وقالي وصاني عليك وعلى خآلد بعدٓ ، فآتن نزلت راسها : م ادري سهام : تصدقين ؟ انتم فيكم شي والشيء ذا كبير حيل رفعت راسها بسرعه : ايش ! سهام : يعني تصرفاتكم غريبه جداً .. م ادري وش يصير بينكم ! لدرجة انووو .... فاتن : لدرجة ايش ؟ سهام : فاتن انتي من متى تزوجتي عزام اخوي ؟! فاتن استغربت اسألةة سهام ، وعقدت حاجبها سهام : ومتى جبتي خالد ؟ صــــــــــــدمـــــــــه فاتن بكل صدمه : كيف ؟ كـ كـ يـ ف ؟ يعني م م فهمت كيف سهام : اقصد خالد ؟! فاتن : خالد اخوي تقصدين ؟! سهام : لا تقولين اخوك انا عرفت ان خالد ولدك انتي وعزام بس كيف .. فاتن صدمتها كانت جداً كبيره وفي وقت ضيق جداً م قدرت ترد وكيف تتصرف ! وش تقول ، مجرد انها غمضت عيونها وحطت يدينها ع فمها وسكتت .. سهام بكل وضوح : فاتن انتي وعزام في شي مخبينه عني بس ياليت تفهميني وش فيكم ! وليش كذبتوا وقلتوا ان خالد اخوك ؟!!! فاتن : لأن لأن .. قبل لا تكمل بكت بسرعه ومن دون سابق انذآر وضلت سهام مفهيه ومتسائله وش صاير لفاتن ؟! فاتن ضلت تشهق .. وتحاول تهدي جمرات الالم اللي داخل عيونها .. سهام : فاتن علميني وش فيك الله يخليك والله لاكون لك عون ماكون فرعون فاتن رفعت راسها والدموع تملا عيونهآ .. ضلت تناظر بسهام للحظات .. ولكن اخذت نفس ومسحت دموعها وضلت ساكته فتره قصيرهه .. سهام تنهدت : ابي اعرف وش فيك ؟ انتي من اول م عرفتك وانتي بس تبكين ، وتتألمين وتكرهين عزام ومو باين انكم متزوجين والسبب ؟؟ السبب مجهول ،.. فاتن بهدوء : لان عزام جرحني جرح ماراح انساه طول ما انا عايشه سهام عقدت حاجبها : جرحك ؟ هه وفي ايش فاتن اشرت ع صدرها ونزلت دمعه مالامست خدها وطاحت ع الارض من سرعها .. : هنا عزام خلا جرح كبيييييير سهام قامت بسرعه وجلست ع نفس الكنب اللي فيه فاتن وحطت يدها ع يد فاتن وهي تهزها بغضب : فاتن تكلمي ؟! فاتن : تذكرين لما جيت في زوآج فيصل ؟ سهام ناظرت بالارض شوي تتذكر بعدين ناظرت في فاتن بسرعه : اي اي اتذكر ! فاتن : وقتها ... " سكتت " وقتهااا كان بدت تبكي وهي تحاول تتحمل الالم والوجع اللي بصدرها ولكن م قدرت ابداً .. سهام حست ان مافيها تصبر اكثر من كذا ولكن غمضت عيونها بتوتر وهي تقول بهدوء : يرحم والديك تكلمي فاتن بصوت ععالي : اغتصبني صصصصصصصصصصدمممممممممممممم مممه ارتخت يد سهام اللي سحبتها من فوق يد فاتن بهدوء .. ضحكت بصدمه : انتي شتقولين ؟ فاتن حطت يدها على وجها وهي تبكي بكل ألم .. سهام بصوت قصير يملاه الصدمه والحزن : فاتن الكلام اللي تقولينه تسمعه اذنك ؟ فاتن رفعت عيونها الغرقانه دموع وهي تحد ع اسنانها وتأشر ع نفسها : عشان كذا انا اكرهه وما احبببببه سهام : لحظه لحظه ابتعدت عن فاتن وحطت يدينها على راسها تحاول تهدي الروعه اللي سكنتها .. صمممممت وهدوء ، كانت سهام منزله راسها للارض بكل صدمه ويدينها ع فمها وفاتن مغطيه ع وجها بيدينها وماينسمع الا شهقاتها المتواصله .. لفت سهام بهدوء وبرقت في عينها دمعه .. وقفت ع طرف رمشها ونزلت بسرعهٓ ، ع خدها .. سهام بصوت باكي : كيف ي فاتن ؟ مسحت سهام دموعها واخذت نفس ولفت ع فاتن بسرعه وهي تبعد يدينها عن وجها : قولي لي كل السالفه تكفين فاتن .. فاتن .. : حملت بخآلد .. لكن م كنت اعرف انه عزام وانه ولد الوليد واصلاً م شفت شكله نهائياً .. مرت تسع شهور وانا مايمر يومي الا بألم وحزن وضيقة صدر ، لا تسأليني كيف خبيت حملي عن ابويٓ ، لكن كذبت عليه كذبه ما ينساها طول ماهو حي .. ما كان يعرف عن قصتي الا عمتي .. وبنت جيرانا حنان .. يوم ولدت ، تخيلي اني وديت خالد في المسجد اللي ابوي امام فيه جابه ابوي ورباه وسماه خالد ، وفي يوم من الايام شفت اخوك عزام بالغلط .. وقتها عرفني بس م عرفته .. وبعدها جا وقال قصته والسالفه لعمتي ، اللي سكتت وسترت عليها وكذبت علي بانه ساتر علي .. وتزوجته وانا كل يوم استحقر نفسي واكره نفسي ، واحب واكره نفس الشخص .. م انكر اني حبيته ولكن كرهي اكبر من حبي له .. لانه اعترف لي بانه هو الشخص الواطي الحقير اللي اعتدى علي .. سهام غمضت عيونها وحطت يدينها ع اذنها : م اصدق فاتن : هذا هو اخوك الشريف ! الحين عرفتي ليش خالد ولدي ؟ شفتي الطريقه اللي جا فيها خالد ؟ سهام نزلت دموعها .. وهي تهز راسها يمين وشمال بصدمه : تكفين خلاص .. اسكتي مابي اسمع اي شي .. مسحت دموعها فآتن .. وسكتت ، اما سهام كانت عيونها تملاها الدموع .. والصدمه اللي تدف الدموع وتخليها تنزل ورا بعض وبشكل سريع ،. ... بعد م صادوا .. رجع عزام للاستراحه وسلاحه في يده وغترته ع شكل عصامه امراتيه .. ومشمر عن اكمام ثوبه .. دخل الاستراحه ونزل السلاح ع الكنب .. ولف ع العيال اللي انسدحوا من التعب .. عزام : افا وراكم تسدحتوا كذا ؟! مشعل : والله اني تعبت ي ابو خالد .. اول ماقال ابو خالد تذكر خالد وتذكر فاتن .. ع طول اخذ جواله مشعل : ماشاء الله عليك ي عزام اغلبهم انت اللي صدتهم ! عزام بستعجال لف عليه قبل لا يطلع : معليش بس بكلم طلع وهو يدق ع جوآل سهآم .. ... لفت بهدوء ع الجوال اللي ع الكنبٓ ، وكان مكتوب " عزومي" ضلت تناظر بهالاسم فتره طويلهٓ .. لحتى انتهت المكالمه وبسرعه جت مكالمه ثآنيهٓ ، .. اخذت الجوال بهدوء وردت : نعم ! عزام : وينك عن الجوال سهام ضلت ساكته .. عزام : وينك ؟ لفت ع فاتن : في بيتكك .. عزام : اخبار فاتن ؟! بهدوء وبرود : بخير عزام : وخالد ؟! بنفس النبره الهاديه : بخير عزام : طيبٓ .. يلا اكلمك شوي سكرت الجوال بسرعه وحذفت الجوال بعيد عنها .. استغرب عزام اسلوب سهام ونبرة صوتها الجافه ! وكلامها البارد له .. ولكن دخل المجلسٓ بهدوء وسكت .. .. اخذت عبآتها وقآمتٓ ، لفت على فاتن قبل لا تطلع : انا بروح للقصر .. بس راح اجي انام عندك يمكن الساعه ١٠ بالليل خليك عند الجوال هزت فآتن راسها بالرضىٓ ، وراحت .. .. في آلقصر .. طلعت ديم وهي رافعه حاجبها بستغراب : شفيك نوآف ؟ سحب يدها ودخلها المجلس : مشاري درا ديم : في ايش ؟ نواف : اني متزوج رنأ .. حطت يدها ع فمهإ بسرعه وشهقت : تستهبل نواف : ويهددني انه بيعلم ابوي ؟ وش نسوي رنا قبل لا تتكلم انفتح الباب وكان مشاري .. اللي صار يناظر فيهم بهدوء مشاري : ديم اطلعي ابي اكلم نواف في موضوع جت بتطلع مسك نواف يدها : ديم تدري ي مشاري مشاري بستغراب : تدرين ؟! نزلت راسها وسكتت سكر الباب بقوه وتقدم لها بعصبيه ولكن وقف نواف قدامه : ارجع خطوتين ورا مشاري بوعيد : من يدري بعد نواف : بس حنا الثلاث مشاري : ان شاء الله طلعتوا بنتيجه ! ديم : بنحاول نفكر نحل الموضوع من دون ما نعلم ابوي .. مشاري بضحكة استهزاء : كيف ي شاطره ؟! ديم : مشاري ؟ اذا قلت لابوي راح ينقهر .. ويمكن يصير في نواف نفس ماصار في عزام وتركي .. مشاري من قلب : احسسسن يستاهل اللي يجيه نواف : ي مشاري انت ماتعرف الموضوع لا تتكلم مشاري : م يهمني ! عندكم حل ولا انا اتصرف ديم : طيب اسمعوا لفوا لها كلهم بصمت .. كملت : ليش م نكذب ع الجميع ! مشاري : هذا اللي انتم فالحين فيه الكذب ديم : مشاري ممكن تسمعني لين اخلص ؟ سكتوا وناظروا فيها كملت : بنزوج رنا ونواف قدام الجميع وسالفةة انهم متزوجين بسرٓ محد راح يدري عنها نواف بستغراب : تستهبلين كيف وهي زوجتي الحين ؟! ديم : انا اقولك كيف وكل اللي بقوله بيصير بكره وكذا نكون سكرنا الموضوع وحليناه مشاري كتف يدينه بستهزاء : علميني وش بتسوين ان شاء الله ديم : طيب انا اعلمك .. .. آلسآعه ١٠:٥٤ م .. في الحديقهٓ ، جلست روآن قدآم منار .. اللي صارت تناظر بسماء .. روان : منار متى تتزوجين ابي افرح فيك ! منار ابتسمت : ابي افرح فيك انتي روان نزلت راسها : خلاص انا قرب الوقت .. ماعاد باقي غير يومين .. منار : اي عاد مو تجيني بعد يوم من زواجك تقولين انا حامل روان : ههههههه من جدك انتيٓ .. اكيد لازم تجيب كتكوت ولا كتكوته منار : روان تكفين تكفين عيالك ابي اسميهم انااا روان : امممم طيب .. منار بفرحه : جد روان : اي والله جد .. منار : طيب اسمعي البنت ابي يكون اسمها هديل والولد هادي روان : مع ان الاسماء مو حلوا مرا الا اني عطيتك وعد خلاص بفرحه : يعني خلاص ذول اسمائهم اكيد ماراح تخذليني انتي وجاسم اخوي التسلب روان : لا ماعليك انا بقنعه .. منار : طيب والله تحمست متى يجون ، جا نايف يمشي بهدوء ويسحب دبابه وراه ، تأففوا كلهم وكتفوا يدينهم نايف قعد في الطاوله معاهم : ي زين الجو زيناه منار لفت عليه وهي تميل فمها بسخريه : ي شينك انت شينآه نايف : من ودهاا تلعب معاي .. دباب منار لفت عليه : انت ماتفهم ؟ مسوي حادث فيه ي غبي وللحين تحبه نايف : لان ذي هوايتي منار : اذا توديني للخطر الله لا يعيدها من هوايه نايف ببتسامه عريضه : تخافين علي ؟ منار رفعت حواجبها : لا طبعاً خايفه على عمي وش بيصير فيه من بعدك ولا انت ماعليك حسوفه نايف : لا لا تخافين ماني ميت الا بعد ما تزوجك منار : انت شفيك ماني متزوجتك افهم نايف : كيفك بس ترا مصيرك بتاخذيني منار تنهدت : روان وش رايك نقوم نايف : اي والله خلونا نقوم تدور لنا مكان زين .. خ منار : انت انثبر هنا ممكن ؟ نايف : الله يهديك ي منار دايم تجرحيني بس انا اتجاهل منار لفت ع روان : قومي قومي .. ... ملآك بنيره حاده : انتي ماتفهمين ؟! اقنعيه بأن م يستسلم مو معناتها شافه عزام وضربه عرف وين يعيش وش يسوي ؟ عبير : عجزت اقنعه ي ملاك صار لي يومين احاول اخليه يرجع يكذب عليه بس رفض تنهدت : قولي له بعطيه الفلوس اللي يبيهااا حتى لو كانت نص مليون م يهمني المهم يرجع يسوي اللي قلت له عليه .. عبير : وش صار ع جينيا ملاك : قعدت تهددني ذا الحيوانه خايفه منها ي عبير خايفه عبير : ماعليكٓ وش بتسوي يعني ملاك : تتصل على عزآم في اي وقت اليوم حولت لها عشرين الف في حسابها وبكره بحول وبعده وبعده ! بس لجل اسكتها عبير : انتي ليش تتورطين مع ناس كذا ! ملاك : طيب الحين علميني وش اسوي بسعود ذا الحيوان عبير : ماعليك انا بتصرف معاهه .. بحاول اخليه يرجع لشغله مهما كان الثمن م عليك هالشي انا ابي احله ملاك : طيب .. هالموضوع ترا ابي اخليه عليك عبير : طيب .. .. فتح الباب بهدوء وبصوته العالي : طروقٓ ، دخلت ريحةة الدخان في انفه .. بقوه وكان البيت كله يملاه الدخان .. كانت سحر نفس المكان اللي تجلس فيه دايم .. طنش وجودهآ وصار ينادي طارق بصوته العالي .. تقدم لصاله وصار يفتح الشبابيك عشان تروح ريحةة الزجاير جاء خالد وجلس ع فخذه اليسار .. سحر : ايوا شو صار شايفتك مو مبسوط مع هي اللي مابنتسمى تركي : لا انا جداً مبسوط معها بس مجرد مادخل في هالبيت يضيق خلقي .. سحر : لشو تجي لكان ؟ تركي : عشان اللي قاعد في حضني ماهو عشانك ببتسامه : ايوا خبرني كيفا لهي .. تركي : غنيه عن سؤالك عليها سحر : ماشاء الله حاسه انو هالبنت عرفت لك كتير تركي : تعرفني واعرفها وتحبني واحبها واتوقع ان هالشيء كبير جداً .. بالنسبه لي حست بالقهر اللي يغلي في داخلهآ ..، غمضت عيونها وهي تحط الزجاير في فمها ويطلع الدخان مع خشمها .. قام تركي بعد م لعب مع طارق وسولف معه .. طارق : لوين ي بابا ؟ تركي : بروح لشركة ي ابوي يمكن اجيكم بكرا الظهر .. طلع من البيت وسكر الباب اما سحر .. كانت افكر بتفكير شيطاني كيف تهدم حياته .. ... فتح البآب ودخلٓ ، يبي يقولها ويصارحها عن الشيء اللي قالته ديم له وش الخطه اللي بتخلي اهله يزوجونه رنا ويقتنعون انه مو متزوجها بسر .. شافها قاعده ع الكنب .. وباين انها معصبه حيل ، نواف : رنا لفت بكل غضب وهي تقول : اخيراً شرفت ؟! نواف جلس ع الكنب جنبها : وش تبين ؟! رنا ابتسمت ورفعت حاجبها : طفشت في البيت لحالي نواف : اللي يشوفك يقول اني اذا جيت عندك صرتي ترحبين فيني الا تبين تحارشين بس لا يكون ذي متعتك ! رنا : اي ارفع ضغطك هنا انا استانس تنهد : اسمعي ابي اقولك شي ضروري رنا : ايش هو ؟ نواف : انتي تدرين اني متزوجك بسر وتدرين ان اهلي وعايلتنا كلهم م يدرون ولو يدرون صار نون وما يعلمون رنا رفعت كتوفها : وش المطلوب ؟ نواف : المطلوب .. هو ان في خطه راح نسويها .. عشان نتزوج قدام عيون الجميع بس .. رنا عقدت حاجبها : كيف نتزوج قدام عيون الجميع بس ؟ ليش احنا الحين وش نسوي نواف : انتي ماعليك اللا انك تطيعيني والباقي خليه علي رنا حدت ع اسنانها : نواف انا ابيك تطلقني انا م ابيك ليش م تفهم ؟! نواف تنهد : اطلقك بعدين رنا : تستهبل انت ؟ شايفني بزر قدامك ولا وش تشوفني ؟ نواف : خلينا من ذا الموضوع الحين انا يوم ادق عليك ليش م تردين علي ؟ رنا : جوالي خربان م اسمعه اذا دق رفع حاجبه وقام اخذ جوالها وهي شهقت : وش تسوي جلس وطنشها .. وطلع جواله واتصل ع جوالها وانصدم من الاسم * حويلان * رفع راسه بهدوء لها : حويلان ؟ حاولت تخفي ابتسامتها : اي حويلان عندك شي نواف بغضب : اهااا ؟ وانا اللي مسميك وحيدة قلبي رنا : كل واحد وكيفه فتح اسمها وحذف وحيدة قلبي وكتب بغضب * العوبا * ... مشآعل .. اتصلت على ديم .. وم ردت واتصلت على سديم وردت بسرعه .. سديم : آلووٓ مشآعل : اخيراً احد منكم رد علي ؟ سديم : وش فيك عسى م شر مشاعل : مافي شي بس طفشت وابي اسولف معاكم ! سديم : مشاعل انا سالم راح يجي شويات واكلمك مشاعل : من الحين تطنشينا عشانه تنهدت : اكلمك بعدين سكرت السماعه بوجها وتنهدت .. سمعت صوت طق الباب واستغربت ؟ من بيكون تركي راح لشركه اكيد مو هو لا لا يمكن هو وناسي شي فتحت الباب وكانت حرمه متغطيه .. مشاعل : انتي مينٓ ؟! سحر : انا زوجة تركي صصصصصصصصصدممممممممممممممم ه مشاعل عقدت حاجبها : قصدك طليقته ؟ سحر : لا حبيبتي هي عندك انتي لانو ماطلقني مشاعل ببتسامة صدمه : كيف ؟! سحر : بدي اقلك انو تركي زور ورقة الطلاق مشان يكزب عليك وع اشكالك ولا تركي اصلاً ما يقدر يستغني عني نهائياً .. بوادعك قبل لا امشي وانتي قولي ماتبين ان بغيتي ما جي وان بغيتيني بقيت وان بغيتي قولي ارحل وانا بقولك زين لا تحسبيني بخير لو اني اقدر بكيت بس فيني من الرجوله مثل منتي تشوفين ماشكيت الحال مره ولو انا اقدر شكيت معقوله انسى سيرتك ! وانساك تهقين ؟! لو بحاول بلقى نفسي عندك ما دريت ! اعذريني قبل لاارحل وقولي ارحل بس وين ولو رحلت مانيب راجع حتى لو اني هديت شوفي حالي لاذكرتك التهي مع كل حين كيف ابنساك قولي ؟ والله مالحظه نسيت ، وان طال بعدي مارجعت انخاك تنسين ! رغم انك ماتبيني الا عارف وش لقيت سامحيني ياحياتي وانسيني تكفين ! لو قدرتي علميني لاني والله ما نسيت ، .. :: انتهى آلبآرت :: .. | ||||||||
|
| |
|
| أدوات الموضوع | |
| انواع عرض الموضوع | |
|
|
2Likes
.png)
العرض العادي
