آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-10-14, 06:28 PM
| #53 | ||||||||||||
| نجم روايتي  
|  -البارت الرابع عشر- _ وش هو الشقا ؟ قلبين ماتوا من الوله ماضمهم موعد لقا خانقهم إحساس إشتياق ذابحهم إحساس الفراق وين اللقا ؟ مابه لقا وكلن على حبه بقا يا هو شقا . سكر كتابه وهو يتنهد للمرة الخامسه يحاول يذاكر بس هي على بالهّ كأنهم حاسين ببعض ! شـايل همها خصوصاً هالفترهّ , مايدري ليش؟ صايرة تزورة باحلامـه كثير ! يسرح فيها ولاحظ تضايق نجلاء منهّ وهي تقوله ركز على دراستك ولا ترا ماراح تقبل فيك اذا رجعت لها بدون شهاده.. حطت نجلاء فنجال القهوه قدامه وابتسمت له , نجلاء بحب : حتومي خلص ؟ حاتم يرمي الكتاب ويضحك : اوهو عليناّ ترا عمري 25 وأنتي تدلعيني ؟ نجلاء : وش اسوي احبك حاتم : يابعد حي العرب وامواتها وانا احبك بعد.. نجلاء تضحك : ذي كلمة ملاذ لقطتها ! تصدق حآتم , أحس أني اعرفها كثير وانا ماقابلتهآ لسى وحتى حبيتهآ كمان.. حاتم : غضبن عليك أحد مايحب هالملاكّ ؟ نجلاء تبتسم : ياحظها فيك. حاتم تذكرها : الا قولي ياحظني فيهآ , الله يجيب لقى متوتر هالفتره أختبارت وضغط وزادني هم تفكيري فيها نجلاء : كل شىء على ربك , أدعـي ان ربي يحفظها الين ترجع لها وتخليها تستانس بشهادتك , تذكر حاتمّ سنوات قضاها مع ملاذ.. كانت أقرب له من روحـه ! تذكر أول ماطلبت منه يدرس بالخارج ومايضيع البعثه , ملاذ : لاعاد تكلمني وتتصل علي فاهم , حاتم : أفـا ليه ؟ ملاذ بزعل : وتسأل ليه ؟ أحـد يجيه بعثه ويرفضهآ ؟ حاتم : بس انا ما ابي ابعد عنك ! ملاذ : بس انا ابيك تصير دكتور.. حاتم يتنهد : هاذي أمنيتك ملاذ تبتسم : من كل قلبـي ! حاتم بوعد وقلب صـافي : والله لأحققها ! ولو أبقى ادرس طول العمـر كم عندي ملاذ أنا ؟ تذكر فرحها وبكيهاّ وشوقها له وهي كل فتره وفتره تكلمـه بس هالمرة أنقطعت عنـه سنتين كامله ! لاسمعت صوتها .. ولا شفتها .. آآه ياملاذ ! متى ربي يكتب لنا عناق ولقى .. _____ كان ضامهآ على صدره وتنفس براحه يوم حس فيهآ هدتِ غمض عيونه بالم من الضربات اللي على جسمهّ كسرت عليه كل شىء بالغرفه وهي تصرخ عشان مايقرب منهآ , كانت كل الدواليب طايحه ومآفيه شىء طبيعي بالغرفـه وكأن قايم فيها حرب , شاف جروحها اللي على نفسهآ يوم طاحت على قزاز من المرايه وانجرحت وهي تبكي , أنهـارت بشكل مو طبيعي ! شافها غفت عليه عقب ماثبتهآ بحضنهّ غضب عنها .. كل دقيقتين تفز وهي تقول لاتقرب مني.. لهدرجة هي خايفه مني؟ كارهتني لدرجة الانهيار ! مـالومها ولا راح الومهاّ شالها بخفه وهدوء وهو ينزلها على السرير.. ناظر للباب بحدهّ , لهم اكثر من سـاعه يطقون للحين ماسمحو ؟ قرب من الباب بهدوء وفتحـه , عزام بهدوء : وش تبـون ؟ جت اروى بتدخل ولكنه سد البابّ وهو واقف قدامها , عزام بهدوء : ساعتين تطقون الباب ؟ ام عزام بحده : والله ثم والله ياعزامم أني ما اخليييك على سواتك هاذي !!! وخـر عن الباب الله يسود وجه أبلييسس وخخر !! التفت بملاذ اللي نايمه بهدوء وطلع لهم وسكر الباب , دلال بشهقه : وش اللي على جسمك ! شاف جسمه بهدوء وابتسم : القطوه مخشتني ! تبون مني شىء ولا ارجع لزوجتي ؟ ام عزام بعصبيه : الشرهه علي احاول ازوج واحد مجنون مثلك ل بريئه وشش سسسويت ياولدي !! ما أخبرك ظالم ولا قـاسي ولا عمري شفت احن منك على خواتك وش سسويت فيها وش قلبك عليها هالصبح !! عزام بهدوء : لاتدخلون بحياتي الزوجيه.. ريم تكلمت : ملاذ وش فيها ؟ عزام بنظره حاده : انتي بالذات وش دخلك ؟ اروى بهدوء : عزام ياخوي لاتعصب , خفنـا عليكم وش صاير وش هالصراخ والتكسير كأن حرب قايمه ! عزام بجمود : أتوقع أنكم عارفين أني ما احب احد يتدخل بحياتي , وخصوصاً مع زوجتي .. سواء أمي خواتي أو اي احد ! كل شىء خاص فيني.. ام عزام بعصبيه : اقول وخخخر يبي يذبح بنت الناس ويقول لحد يتدخل ! عزام يبتسم : يرضالي عليك أنتي بالذات لاتخربينها علي وتصفين معها , ام عزام بتكشيره : لاتخليني اغضب عليك قليّ وش مسوي .. عزام : شوي اقولك مو قدام البنات , ام عزام بحده : عزززامم ؟ لايكون تصرفني ؟ أفتـح الباب بشوف البنت اتطمن عليها فتح الباب عزام ودخلت امه وشهقت بقوة على منظر الغرفهّ شافت عزام يأشر لها بمعنى أن ملاذ نـايمه اسكتي ! قربت منها بالسريرّ وشافتها نايمة بهدوء وبرائه , ناظرت فيهآ وكانها تقول ياحسرتي عليك وش مسوي بها ! طلعت أمه بهدوء عشان ماتقوم ملاذ وشدته بعصبيه معهآ .. عزام : شوي شوي وش فيك ؟ ام عزام بصراخ : وش فيينييي الغرفه كأن قايم بها ححرب وحالتكم حالة وصراخ البنت من اليوم وتقول وش فيينيي!!! عزام يبتسم لأمه ببرود : اقولك وش صار , طلبت مني اراضي ريم وقلت لهآ أني كنت كاويهاّ وعصبت علي , ام عزام بشهقه : أنت كاوي ريييييم !!! عزام تغيرت ملامح وجهه : يمه لاتكسرين راسي زيهآ , ام عزام تجمعت الدمـوع بعينها : ياقلبي عنها عصبت عشان ريييم !! والله وهـي معها حق لو ذبحتك بعد حلال , طيب وليش تقول لاتلمسني ؟ عزام : لاني كنت احاول اهديها وامسك ايدينها بس , عـرفتي السالفه ؟ ام عزام بعدم تصديق : تكذب علي يامك ؟ عزام بنظره صادقه : اقدر اكذب على امـي ؟ ام عزام تتنهد : راضي حرمتك تراني منيب راضيه عليك , عزام يطمنها : مـاتقوم وتجيك الا وهي تقول الله يخلي لي زوجي ام عزام تتنهد : الله يصلحكم , خـلاص رح ارتاح انت وامسح الجروح اللي عليك عزام يبوس راس أمـه : الله يخليك لي , قـام من عندها وهو يضحك على كذبته ! مو هي اللي تعرف تمثل حتى انا اعرف ابدع بالدورّ قدام أمـي وجودي عند اهلي وانا ماروضتهآ مشكله هالاسبوع وبعد الجمعهّ بسافر لماليزيـا منهآ شغل ومنها أعرف اربيها لحالي .. دخل الغرفه وسكر الباب وأنسدح جنبهآ , حس فيها فزت بخفيف.. مو نـايمه ولا راح تقدر تنآم بعد الرعب اللي سببته لهآ , أبـي اعرف كيف قدرت تقول اسمه قدامي وبدون خـوف انا متأكد كل الثقه انها ما كانت مخطوبه , ولا عندها أ أخ بهالاسم سواء من امها ولا ابوها.. لا من عيال خوالها ولا من عمانها.. من أنت يا حـاتم ! هو أنا ناقص شك فيهآ عشان تطلع قدامي ؟ نـاقص أسود صورتها بعيني زياده ؟ ولا ناقص أزيد هميّ على فوقة هم .. مـاني ناقصك , والله ماتفرح فيـها وهي عندي لف وجهها يمهآ وجلس يتأمل معالمها , وجهها أحمر من كثر البكي. لف وجهها يمهآ وجلس يتأمل معالمها , وجهها أحمر من كثر البكي.. تنهد وهو ينجذب لمعالمّ البرائه فيهآ , حـرام علي اللي اسويه.. ليش ما أسوي تحليل واريح ضميري , ليش مو راضي استوعب ان كل هالبرائه تجي بوحده عاهره ! دقيقـه انا ليش فيني امل انها طاهره وهي اعترفت لي؟ قالت لي انها بتروح له , ماعليـها منني ولا احترمت لفظ اني زوجهاّ وأنت من جد تحسب أنها طاهره , العـاهر يبقى عاهر طول عمره.. وهي بتبقى كذا , سواء تعلقت فيها ولا شافها تفتح عيونها بهدوء.. ركزت عينها بعينهّ شاف الالم والحزن والتعب فيهآ وشاف التبلد والحرمان كل اللي يشوفة بعيونها الفاتنهِ يعكس حقيقتها وماضيها الاسود اللي ببالها , عزام بصوت هادي : أكسبيني لاتخسرين.. ملاذ بصوت خافت : خسرت كل شىء من يوم ماطلعت من بيت أهـلي أنا خسرت كل شىء من زمان , عزام بهدوء : بـاقي عندك حياتك ملاذ بالم : اي حياه؟ عايفتهاّ ولو تسوي فيني خير خذها ما أبيها , عزام بنفس الهمس : أن بغيتهآ بعيد أبنيها بنفسي من جديد.. ملاذ ترجع تغمض عيونهآ : خذها وأقتلها , لاتحـاول تصلح جروح ملتهبه , قام من على السرير وهو للحين عينه بعينهآ , طـلع من الغرفه والندم يطغي عليه .. وكل مانويت ابتعد ؟ اقرأ سطور كثيرة تشبه اوّضاعنا . واشتاقلك وارجع واحن وانا كلي ألم ، عجزت اتجاوزك . كل كلامها يحسسه بالحقاره ! أنا لازم اوقف حيرتي واكتشف حقيقتهآ لازم اثبتها بأي طـريقة لازم.. - رجعت تسيل دموعهآ على فراشها بصمت وهي زامهّ شفايفها اللي ترجـف لو لمسني , كـان عرف وقتها أني طاهرهّ ! بس جعل ربي ياخذ روحي قبل لا اسلم نفسي لأشكـاله بكت بحرقهّ والم حسبي الله على اخواني حسبي الله على أبوي يوم رماني عليك وحسبي عليك أنت الف مرة ! وحسبي على اللي ظلمنيَ مسحت دموعها وهي تستغفرّ قفلت باب الغرفه خوفاً منه أنه يرجع ويعيد عليهآ شريط الرعب اللي عاشتهّ بقربه , جلست تقرآ قران بصوت باكي وخاشع تنهدت وهي تحس قلبها ينغسل من الاحزان , ينبرد من كوايا النـار اللي فيه , أستغفرت بقلب مؤمن وهي تقول " الله يسامحهم انا مسامحتهم " ___ كان يفتش بالاوراق والمعاملاتّ صدق عمر بكل كلمة قالها.. رجع الاسهم وكل اشتراك بين شركاتهمّ بس اللي أدهش شاهين . أن عمر تنازل عن كل شركاته لأمراءه امريكيه؟ تضحك بسخريه وهو يقول : ينلعب عليـه الغبي , وانا وش ابي به هو وشركاته بالف حريقه.. سكر الملف ورماه على سالم وهو يتنهد بتعب , زاح همـي من على ظهري بعد ماتخلص عزام من مشكلته ! ماعاد راح ننتظر ظهور عمرّ بأي دقيقة , خـلاص صار ماضي.. ابتسم وهو يفكر باروى , أكيـد عليها ضغوط أختبارت.. يبي يرتاح ويعوض عن باقي الفتره اللي عآشها بهم واشغال , ابـي اتملك على حبيبتي .. يمكن هي تنثر السعاده بداخلي ! وعزام مع ملاذ , يتصافى أن شاء الله.. مستحيل اقدر اتدخل فيه هو وزوجتـه ياخوفي يتعلق فيها وهي مو شريفهّ , __ جلست يوم كامل بالغرفهّ ماتـبي تطلع منها بس تقرآ قرآن وتوكل نفسها لِ ربها . رجعت تتحلى بالقوة والصبرّ اللي تمثله طول الوقت , قـامت بهدوء وهي ترتب شكلها وتفتح الباب لأروى اللي ضمتها بابتسامهّ اروى : اشتقت لك من أمس ماطلعتي من الغرفه , ملاذ بابتسامه : ماعليه شوي تعبانه , يالله مشينـا نجلس مع دلال وريم , اروى : اوهو خليهم يذاكرون بس , تعـالي بفرجك على فساتين بنطلبهآ من فرنسا للحفل بعد يومين ! ملاذ تضرب جبهتها : أوه نسيت اروى تضحك : حفلتك وتنسينهآ ؟ أنهبلتي , مشينـا مشينا بوريك يمكن يعجبك شىء وتختارينه .. دخلت مع أروى غرفتهآ وفتحت اللاب قدامهاّ جلست تفرجها على فساتين وأقل مايقال عنها الفخامهّ ملاذ تبتسم : هذا هذا جممميل ! اروى تحفظ الصوره : ياعيني يوصلك بكرة قبل اليوم , ملاذ بشهقه : لا مو قـصدي ابيه يعني.. اروى تسكر فمها : اشش لايكون تبين تلبسين من اللي بيجيبهم عزام , ملاذ تضيق عيونها : بيجيب لي ؟ اروى تشمق : اكيد يختي مايبي تصير حرمته أجمل وحده بالحفلّ ملاذ تتكتف : مو على كيفه لو البسه لبس قهوجيه اروى تضحك : لا ياغبيه ! أنتي ماتدرين امي وش ناوية تسوي تبي تجمع الحريم بصالتنا اللي تحت الكبيره وانتي وعزام تنزلون مع الدرجّ اروى تنهد بحركة غبيه وتمسك يدينها : زي سندريلآ والامير .. ملاذ ترفع حاجب : قصدك زي الساحره والغول ؟ اروى تطفها على جبهتها : وش يعرفك بالحب أنتي ملاذ تنسدح على السرير وهي تناظر بالسقف : مـا اعرف عنهّ شىء اروى تناظرها بصدمه : وش تقولين ؟ ملاذ تبتسم : اسكتي بس احب اخوك , ضحكت بقوة بعد هالكلمـه واروى استغربت ضحكها بس ابتسمت وهي تشوفهاّ مبسوطه , أروى : وش اللي يضحكك ؟ ملاذ بعفويه : أني احب اخوك ههههههههههههههههههههههههه هههههههههههههههههه اروى : كلي تبن يحصل لك اصلاً ملاذ بغرور : اوهو خفو علينا اروى ترجع تتفرج بالفساتين :شششوفي يابنت يجنن ملاذ بتمعن : هذا فستان زواج ؟ اروى تسبل بعيونها : أيييه يجنن ملاذ : والله لاعلم اخوك عليك اروى : علميه اساساً ماعلي منكم أيه ابعرس اكيد وش كبري كملت 20 ملاذ تبتسم : لا عجوز صراحه أروى تنسدح جنب ملاذ : تدرين أحس أني اتأمل كثير بالحياة الزوجيهّ أنسدحت ملاذ جنبها وسرحت : لاتتأملين كثير.. اروى باستغراب : ليش ؟ ملاذ تبتسم : لا ولا شىء , كمـلي احلام وتخيلات وتأملات ماعليك مني.. أروى تضحك : اسكتي لاتضحكين علي والله جد , يعنـي تخيلي فارس احلامك وكذا يعني.. لا لا تتخيلين كلي تبن انتي عندك عزامّ فزت بانتباه : عزام ؟ أروى باستهبال : لايكون اول مرة تسمعين اسمـه أسمـه عزام ! على كثر ماينادونه قدامي ولا مرة فكرت أنتبه لاسمه ولا افكر فيـه ! طلع أسمـه عزام ماخذ من أسمـه كثير ! ابتسمتِ وهي تقول بداخلها , وطلع أسمـه عزام؟ وهو عازمّ عليك انك مو طاهره.. مافكرت أبداً أني اناديه , لنا اكثر من شهر متزوجين ولا طرآ على بالي حتى أني انتبه لاهله وهم ينادونه يمكـن لانه كان مايهمني ! وهو اساساً لازال مايهمني لكن كنت ما أبي انتبه على اسمه عشان ما اذكر العثره اللي لقيتها بحياتيّ بس شكل هالعثره بتطول وهي مخليتني طايحـه بالارض ! كانت اروى تسولف عليهآ وتتخيل معهاّ توصف لها الحب والامان والاحلام ! ماتـدري ان ملاذ ماتبي تنال من ذولي غير , الراحـه ___ تنهد وهو يشوف تنازل ربح شركاته اللي بماليزيا , لازم أسـافر بعد اسبوع.. بس ملاذ وين اوديها؟ مستحيل اخليها عند اهلي اساساً مستحيل اضل بدونها أكثر من اسبوع , باخذها معي.. بس أن شافت جيسي؟ مايهمني , ابتسم وهو ناويّ يخليها بنفس الشقه معهآ .. والله يانار عليك ياعزام وبتشبِ هاذي أم لسان والثانيه مستحيل تسكت عن حقهآ , نـشوف قوتك ياملاذ طلعيهآ .. تنهد براحهّ ورجع يقرآ معاملاتهِ ويسرح بشغلهّ ___ مر يومينَ بدون ماتقابلهّ ولا حتى رجعت لغرفتها كانت مع اروى بالاكثر ودلال وريم وتنام عند ام عزام بدون أعتـراضه وكانت امه تسأله اذا كان مضايقها ؟ وهي تبتسم بمجامله وتقول : لا خـالتي عزام مو مقصر علي بأي شىء.. صباح يوم الحـفل ! قامت من النوم وطلعت وهي تتثاوب.. شافته واقف على باب غرفته ويناظر في غرفة أمـه وكأنه ينتظرها تطلع , عزام يبتسم وهو مسند نفسه على باب غرفته : صباح الخير , مـا اشتقتي لغرفتك؟ كشرت بوجهها وتجاهلتهّ ومشت بتنزل مع الدرج.. مسكهآ بيدها بحده وهو يبتسم ببرود : لا ياقلبه ما اتفقنا كذا , دفت ملاذ يده بقوة وتكلمت من بين اسنانه : يامقرف كل يوم تجيني بوجـه , مـاني قلبك جعل قلبك الممموت عزام يرفع حواجبه : أشوف عطيناكّ وجه قمتي تتعدين , تذكـري أنك خدامه بالنسبه لي , وبالنسبه لأهلي زوجتي الوهميهِ .. ملاذ تبتسم : جبتها لنفسك هالمره , شـوف من وراك وحاول تبرر لها .. مشت مع الدرج وخلته يلتفت برعبّ شاف أروى الواقفـه مصدومة من كلماته أروى بغير أستيعاب : زوجـه وهميه ؟ عزام بارتباك : أنسي اللي قلته ماله معنى , اروى تمد يدها توقف عزام : لحظة , عيد مافهمت أنا ماني مستوعبه ؟ التفت لملاذ بنظرات حاده وهي تنزل الدرج وهي مبسوطهّ جبـتها لنفسك وكشفت نفسك بنفسك ! واللحين ؟ برر لنفسك , وبالاخـير عاقب نفسك. عض على شفايفه بقهر وهو يتوعد فيهآ بداخلهّ.. يعني شايفة اروى واقفة وراي ولاتكلمتِ ولو أني قايل كلمة اوضح من كذا وش صـار ولو أمي اللي كانت واقفة كيف كان بيكونِ وضعي , والله لاوريك ! تمردتي كثير ياملاذ.. التفت لاروى الي بدا صوتهآ يرجف : عزامم وضح لي وش تقصد بزوجة وهمـيه تككلم ! عزام بهدوء : قلت لك كلامي ماله معنى , اروى بعصبيه : كييييف ماله معننننى وملاذ صار لها كم يوم ماتكلمك بعد الصراخ اللي سمعناهّ بغرفتكم , واللحين تقولهآ أنتي زوجتي الوهميييه عزامم تكككللم لاتخليني اقول لاممي !!!! عزام بحده : وقص بلسانكِ أسكتي ! اروى برجفه ونظرات ضعف : لاتقولي أنك تلعب علينـا تكفى , عزام يتنهد : انسي قلت لك مالهّ معنى اروى بدت دموعها تنزل : لاتقولي أنك للحين تفكر في عمر وشروق.. غمض عيونه بتعبّ عزام بصوت مبحوح : لاتذكريني تكفين بالعذاب جلست خمس سنين عشان أنسى.. اروى بشهاق : يعنـي أنت نسيتهآ ؟ عزام يبتسم : نستني ملاذي ! اروى تبكي زياده : لاتـكذب انت للحين تكره الحريم صح ! عزام يهز راسه بأيجابيه : أكذب عليك ان قلت لا.. قربت أروى وضمت عزام وهي تبكيّ.. عزام بحنيه : أمسحي دموعك لحد يشوفك اروى تشهق : والله ملاذ طيـبه ! صحيح انا مافهمت شىء , بس أتوقع انـكم.. عزام يحط راسهآ على صدرة عشان ماتتكلم : آشش , أنا وملاذ متفاهمين.. بكتِ بندم على اخوهاّ حسبي الله عليك ياشروق للحين وهو متعقـد منك ! كانت تدعـي على عمر من كل قلبهآ , بكت على ملاذ اللي كانت تحسبهآ سعيده مع اخوها , وبكتِ على حالهم الثنين وكانها شالت الهم عنهم ! بعدت عن عزام بعد ماهدت .. اروى بقهر : ليش لعبت علينا ؟ عزام يبتسم : تعرفين اني ماراح اكذب مرتين.. اروى بحيره : وش ناوي عليه لخبطت حياتنا وانا اختك؟ عزم يحط يده على كتفها : مانويتِ الا اني اسعد نفسي واعيش حياتي.. اروى : شاهين يدري ؟ عزام : هو أول من يدري.. حستِ بالغضب يغلي بداخلها ! يدري أن اخوي يلعب علينا بقصة الزواج وما منعهّ ما سـاعده يطلع من مشكلته ساعده انه يتخلص من زواج مها حقير حقير حقير حتى ما قال لي ! راحت من عند عزام ودخلت غرفتهآ , رفعـت الجوال وأتصلت على رقمهّ سمعت صوته الهادي .. شاهين : هلا والله اروى بقهر وصوت باكي : الله لا يسامممحك ليش ماقلت لي !! خليته يعيش نفسه بكذبه ويعيشنا معه !! أنت صـاحبه وصديقة عمره واخوه مافكرت تطلعه من عقدته؟ خليته يكذب على امه وخواته وعلى بنت الناس المسكينه اللي ما ادري اللحين اذا اسمها صحيح الله لا يسسسامحك ليش سويت كذا ! شاهين بهدوء طاغي : قصري حسك وتكلمي معي زين , اروى بصراخ : مب عاججججبك اسلوبي مشكلتك انا ماكلمتك عشان أسالك اذا أسلوبي زين ولآ انا كلمتتتك ابي اعرف الححقاره ذي كككيف تخلي اخوي يكذذب علييينا !!! شاهين بحده : بس لا لاتوطى ببطنك ! وأخوك ماهو بزر يعرف مصلحة نفسه , لا أنـا ولا أنتي نقدر نتحكم بحياتهّ اروى بصوت باكي : حرام عليـك كنت مرتاحه انه تزوج وأستانس بالاخيـر تطلع كذبه ! شاهين بحنيه : لاتشيلين همه بيدبر أوضاعهّ اروى بقهر : أنت مستحيل تفهم , يمـكن لان ماعندك اخوان وانت وحيد امك وابوك , شاهين بهدوء : عزام أخـوي اروى بحده : لو اخوكك مارضيييتهآ له ! شاهين بحده : اتركي عنك اللقافه ومالك شغل بحياة عزام , وشـدي حيلك بالاختبارات , لأن بعدها ملكتنا .. سامعتني زين ؟ اروى بقهر : أمـوت ولا اتزوج واحد مثلك شاهين : هه والله وطلبت رايك أنـا , لاعرفتي تتكلمين معاي زين .. أرجعي أتصلي أسلوب الاطفال هذا ماني مـافضي اتعامل معك فيه اروى بعصبيه : لا تتعامل معاي بالأساس لأني ما ابي يكون بيينا أي علاقه ! شاهين بضحكه : اقول مع السلامه يازوجتي.. سكر بوجهها وخلاها منقهره ومعصبهّ ضربت الجوال بالارض بقوه وبكت بقهر أكرهه وكنت بتزوج واحد مممثله حححقير قهرننني قهرننني !!! ضربت رجلها بالارض بكل قهرّ وهي تسب شاهين وتشتمتهَ رجعت لضعفهآ وهي تبكي على مخدتها وتقول أحـبه والله حقير بس أحبه !! ___ سكر منهآ وهو يمسح وجهه.. خليتهآ تعصب من اسلوبي بس برضو مستحيل أخليها تتعامل معي كذا لأنها معصبه لا تـلومها يا شاهين عرفت ان اخوها يمثل عليهم ! الله يصلحك ياعزام؟ حياتك ملخبطه لازم تحوسني معاك وتزعلهآ عليّ.. تنهد وهو يفكر أنه يملك عليها بأقرب وقت , عـشان يعرف يهديها بالموضوع ويراضيها.. __ كانت بالمطبخ تسوي لها فطورّ أبتسمت بشفي غليلها وهي تتخيل شكلة يوم تورط مع أخـته بس حرام بتنجرح بحقيقة انه يكذب عليهم ! حست بشخص يسحبهآ مع يدها , طـاح كاس القهوه من يدها بقوة على الارض .. عزام بحده : أروى عرفت ! ملاذ تبتسم ببرود : أنت جبتها لنفسك انا ماتكلمتِ , مو انا خدامتك.. عزام من بين أسنانه : حاولي ماتخليني افقد اعصابي , رجعت تتجاهله وهي تغني بصوت منخفض وتبلد من وجوده أنصدم من حركتها وعرف أنها تحاول تقهره .. جلس على طاولة الاكل بالمطبخ والتفت له برفعة حاجب , عزام : سوي لي فطور .. ملاذ : أتوقع عندكم اكثر من شغالة بالبيت , عزام بحده : وأنتي على راسهم , سوي لي فطور لا اعفس المطبخ على راسك اللحين.. ملاذ تبتسم : يالله اعفسه خلنا نقوم امك على صوت صراخي , عزام يبتسم : كذا السالفه أجل ؟ ملاذ تبتسم : ما اتوقع تقدر تمد يدك على ببيت أهلك , عزام قام بابتسامه خبيثه : جهزي لسرفنا اخر الاسبوع , طلـع من المطبخ وخلاها مرتبكه بلعت ريقها بعصوبه وهي تفكر أنها بتسافر لوحدها معاهّ راح يرجع لها خوفها وضعفها اكثر واكثر هالمرة بنكون لوحدنا يسوي اللي يسوي.. لو يذبحني محد درا عني ! مستحيل لازم اقنع امه أني اجلس عندها ياربـي مستحيل اروح معه !! طلعت مع الدرج وقابلتِ دلال ابتسمت بوجهها وصبحتهآ , دلال بنعاس : يالله مشينا المشغل مب رايقه اسوي شعري عجزانه , ملاذ : طول عمرك زوله , ماراح أروح اعرف اسوي شكلي بنفسي.. دلال تجرها : أنقلعي البسي عباتك وقومي ريم ونادي اروى بس , ملاذ : طيب بنروح مع مين ؟ دلال : عزام .. ملاذ بارتباك : لا لا مايحتاج خـلاص أنـ.. عزام قاطعها : جيبي مفاتيح سيارتي من غرفتنا , راحت ملاذ ودخلت الغرفه , جلست تحوس بدروجة اللي جنب السرير جلست تحوس بدروجة اللي جنب السرير شافت صورة غريبهّ لعزام مع شخص ثاني.. يشبهه كثير بس عزام أحلى منه ضيقت عيونهآ بتدقيق ولفت الصورة وأنصدمت من الكلام اللي عليهآ .. همست بصدمه : أخـوه فزت بخوف من صوتهّ الساخر , عزام : شرايك فيه ؟ تبينه ؟ تراه أخبر مني بامور الحقاره اللي تعرفونها.. رمت الصورة على الارض وقامت بتطلع .. حس فيها تضايقت من كلامه ونادهاّ بنبره غريبه .. عزام : ملاذ , وقف لكن ما التفتت عليـه .. عزام : من بعد السفر راح أخلص كل الامور , شهقت بفرح : بتطـلقني ؟ عزام ضحك : احلمي على قدك ! الامور اللي راح اخلصهآ , علاقتك أنتي وحـاتم حست برجفـه من فكرة أنه ممكن يتعرض لحاتمّ راح يأذيـه ! راح يقتله وهو كل من بقا لي ! تجمعت الدموع بعيونهآ ونطقت بصعوبه .. ملاذ : لا تأذيـه حس بنار تغليّ بداخله هاذي مو من جدها جـالسه تطلب مني ما أذيه ! على ذمتي وتعترف انها كانت تبي تهرب معه وتقول لا تأذيه؟ جالس أهددها وتقولي لا تأذيه ! والله ويا غبائي مليون مرة يوم فكرت بطهارتكّ شد على قبضة يده بقهر وتجاهلها , أخـذ مفتاح سيارته ونزل بدون مايلتفت لها .. عزام : لا تتأخرين وتجلسين تبكين طول اليوم.. اخذت لها نفس عميقّ تطمن نفسها وهي تقول مايعـرفه ولا راح يجيب له خبر , بس أخـاف انه يعرف مكانهّ لأنه ولد .. جيراننا مسحت دموعها واخذت عبايتهآ , مرت على ريم واروى وأنتظرتهم لين يجهزون ونزلتِ جت بتركب بالمرتبه اللي ورا واستردتهآ يده , ملاذ بهدوء : خلي اروى تركب قدام.. قرب لها وهمس : لاهو أحترام ولا حُب وزي كل مرة لو بيدي ما أجلس جنبك لو ثواني. ملاذ بحقد : نفس الشعورّ ركبت السياره وريم واروى ودلال يطالعونهمّ بأستغراب من همسهم. أروى تبتسم : متحمسه اشوف شكل ملاذ دلال : عيونك كبار ماشاء الله بيضبط عليك المكياج , ملاذ بهدوء : ما احب احد يزيننيّ , أعرف اسوي مكياجي بنفسي.. عزام يبتسم : ياويل عيوني الليله.. التفت له بصدمهّ وسمعت صوت ضحكات البنات .. غمز لها والتفت بقهر لشباك والله ما أخليك تتأمل فيني شىء .. جعل هالعيون الفقع ابو سته وستين وجـه سرحت بتفكيرها ولاحظ هو سرحانها , وش تفكرين فيـه ؟ أهلك ؟ اخوانك ؟ حـاتم ؟ ولا أنـا ؟ ضحك على تفكيره بأحتمال انه يطري في بالهاّ وان جا لي طاري فِ هو سواد حياتها اللي تفكر فيـه وقف السياره والتفت لخواته : أنزلو , أروى : وملاذ ؟ عزام يبتسم : ناخذ لفيتن وارجع لكم ملاذ فتحت باب السياره ومسكهآ مع يدها بسرعه : أجلسي بمشيكّ شوي , ملاذ بصوت مكتوم : مـا أبي بنزل مع البنات , عزام بهدوء : أنا قلت لك أجلسي , التفت لاروى : سكري الباب.. سكرتِ الباب وهي مرتبكهّ مستحيل اتفادا فكرة أنهم مو متفاهمين هو ماخذها زوجة وهميهّ , يعني قدامنا غير و ورانا غيـر الله يستر , رجـع تفكيرها لشاهين وحست عيونهآ تمتلي بالدموع الله ياخذه قهرني قهرني ! تنهدتِ ودخلت الصالون , حاولت تنسى وحطت السماعات باذنهآ .. تنهدت براحه وهي تقول , والله لاطلع هواشك لي من عينك ياشاهين.. ___ مشى بالسياره والصمت طغى على المكان.. وقف عند البحر وقالها تنزل بس تجاهلتهّ عزام : ليش تجيبين الحزن لنفسك ؟ ملاذ : أيـه صح ليش اجيبه ! أنا حياتي كلها سعيده ليش أحزن ؟ تصدق ؟ انا غبيه لأني احزن على نفسي.. عزام يتنهد : وشنهو حلمك اللي يتكرر عليك ؟ ملاذ بتجاهل : ماراح اقولك ؟ عزام بعصبيه : تبين تشككيني فيك زياده ؟ وش يضمني أنك مو حـامل ؟ ملاذ التفت له وعيونها مليانه دموع : أقولك وش الحلم عشان اثبت لك ان تفكيرك طول الوقت غبي؟ عزام بتركيز في عيونهآ : قـولي ملاذ بنظرات ضعف : مريمّ .. عزام بتعقيدة حواجب : مريم مين ؟ ملاذ تاخذ نفس : مريم بنت عمران , أم عيسى الرسولِ عليـه السلامّ زادت تركيزه بحلمها وهو مدقق معها بكل كلمـه ملاذ بصوت باكي : كل ليلة بالحلم تضربني على بطني ثلاثّ مرات.. كانت ملامحه تدل على الصدمه والأندهاش , حلمـها غريب بس اللي صدمه تفسيره هو قبل لا يسمعها كنت أحسب أن اللي يجيها بالحلم يدل على انها حامل وأني بكشفهآ طلعت كل ضنونك سـواد ياعزام وهي صادقة تفكيري هالمرة طلع غبي ! حنٍ عليها وهو يشوفها تمسح دموعها مثل الاطـفال , عزام بهدوء : خـلاص لاتبكين , ملاذ تشهق : مـو مـو بيدي تنهد بضيقة ومسح وجهه عزام : طيب تجيك احلام ثانيه ؟ ملاذ تهز راسها بنفي : لا .. عزام بهدوء : خلاص أنسي الحلم , بوديـك اللحين للبنات , ملاذ : لا رجعني البيت , ما احب الكوفيرات , عزام : ماش ليت ربي يخلي خواتي مثلك أجل ضحكت على كلمتة ولمحتهِ يبتسم .. من عيُونك شفت هالعالم جميّل ؟وفي يدينك صار لِ احلامي حياة كنت فاقدّ ضحكتي وبالي طويل لين صوتك جاب ضحكاتي معاه ! ____ ميهاف بقهر : لا ممما ابييييها تجي هالبيييت أبد !! كايد بهدوء : بتكون زي أي خدامه بالبيت لاتخافين.. ملاذ بعصبيه : ككاييييد والله ماتجيبها !! كايد بهدوء : كلمتي تمشي وماعلي منك.. ميهاف تبكي : يعني يرضيك اني انقهر ؟ كايد يتنهد من دلع ميهاف : ياروح أخوك وأنتي ترضين اني اطلع ببيت ثاني اجل ؟ ميهاف : لا بس ما ابي احد يشاركني فيك كايد يبتسم : لاتخافين , زي ماقلت لك هي زي اي خدامه بالبيت , ميهاف باقتناع : جد ؟ طيب وان ضايقتني.. كايد : حتى عينها ما راح اخليها ترفعهآ بعينك ميهاف تبتسم : خلاص على كذا جيبها وخل نطرد الخدامه اللي بالبيت , كايد باستغراب : ليش ؟ ميهاف بخبث : مو قلت هي خدامهّ ؟ خلاص أجل ليش نصرف فلوسنا على باقي الخدم.. كايد يضحك : والله انك مثل العقرب ميهاف : حرام عليك انا مو شريرة بس ما احب احد ياخذ اخوي مني كايد : ومحد راح ياخذه ميهاف : قلت لي اسمها دلال ؟ مو عاجبني ابي اغيرهّ كايد يشرب قهوته : أيوه وش تبي اختي تسمي خدامتنا الجديده ميهاف : سانتي نزل قهوته وهم يكتم الضحكه وطلعها بقوه كايد : ههههههههههههههههههههههههه ههههههههههههههههههههههههه ههههههههههههه صاحيه انتي اندنوسيه هي ؟ ميهاف بتعقيدة حواجب : وش نسميها أجل كايد : حصه منيره مزنه صيته .. ميهاف : لا قول عمشا أحسن ؟ كايد يبتسم : وهذا حلو بعد , ميهاف تضحك : ما انت صاحي الله يعين بناتك اذا جو , جلس يناظر فيها دقايق وكأنه مو مستوعب كلمتها.. بنـاتي ؟ ميهاف بنتي وأختي وأمي وكل شىء بقا لي.. ماعمري فكرت بالزواج ولا اني اغير من روتيني واتزوج حياتي كلها من طلعت على الدنيا " أشغال - وميهاف - وجالسه تقولي بنات ؟ ميهاف انتي حرمتيني من كثير اشياء وعوضتيني عنها.. ____ رجع يجلس على البحر بعد ماوصلهاّ للبيت.. تنهد بضيق وهو يفكر بحلمها , ليش مريم بنت عمران.. وليش ثلاث ضربات.. وليش يتكرر عليها هالحلم كثير وبالاغلب كل ليله.. معـقول اني ظلمتها ؟ بس حاتم مين ؟ حيرتني كثير كل مالقيت دليل لنجاستها يجي دليل ثاني يثبت طهارتها عقلي تفكيري كله أحتاس , بـس ليش احس براحه اذا شفتها تضحك.. وعيونها تحسسنيّ أنها ما عرفت من خبث الحياة شىء , تذكر لما مثلت قدام امه وأبتسم.. والله وتقدر تلعب عليّ بدون ما احس رفع جواله وأتصل بشاهين. وصله صوت شاهين وهو يعاتبه : لا اسحب شهر كامل احسن ؟ عـادي ترا انا جدار عزام يضحك : ياكثر شوقي ل هالجدار اقول لا تقعد تقول سحب وماسحبت تراني جالس عندك اكثر من شهر ماقالو أهلي شىء ,\ مثـل ما اسحب عليهم لازم تذوق هالسحبهّ شاهين يضحك : كل تراب بس الا اخبارك وش مسوي ؟ عزام يتنهد : أحـاول اكتشف ملاذ , شاهين : صح تذكرت , ليش قلت لاروى لازم تنكبني معاك بعد؟ عزام عقد حواجبه : ماقلت لها بس هي سمعتني اتكلم , تعـال وش دراك ؟ شاهين يضحك : الله وكيلك دقت علي ونتفتني ماخلت لي فرصة أتكلم ! عزام يضحك : تستاهل , وانا اقول وراها تسأل اذا شاهين يدري.. أثـرها ناوية عليك ! شاهين : أحم عزام تدري أني احبك صح؟ عزام : هاه وش تبي ؟ شاهين : يافاهمني ياعارفني ياقاريني .. عزام : اخلص على يالجني لازم تمصلح شاهين بجديه : ابي املك على اروى بعد الاختبارات , عزام : خذها اللحين وفكني بعد ماني ناقص تكشفني قدام امـي شاهين بصدمه : أعقب ياهذا مايقدر النعمة اللي عنده .. عزام : أيـه ما اقدرها , تبي تملك جب الشيخ معك وانت جاي الشرقيه وخلصني بلا رسميات.. شاهين يتنهد : امحق نسيب عزام : بالله اعقب تفكيري كله مب معكم ترا شاهين : طيب طيب وش سويت معها ؟ بتطلقها ترجعها لاهلها سألتها عن حلمها ولا كيف ؟ جلس عزام يحكي لشاهينِ كل اللي صار معاهّ عزام يتنهد : حلمها غريب لازم اسفره عند اكثر من شيخ كان يسمع ضحكات شاهين المكتومة عزام بحده : ضحكتك من سرك الا وش يضحكك ؟ شاهين : ههههههههههههههههههههههههه ههههههههههههههههه اجل قلت لي كذبت عليك عند امك ؟ عزام كشر : طيب وش اللي يضحك شاهين يضحك : ياحليلهاّ نورة صدقت زوجة ولدها وسحبت عليه عزام يبتسم : بس والله ان عليها تمثيل .. شاهين بجديه : وهذا اكثر شىء يخليك تحذر منها , انا لا أقـول لك عاملها باحسن شكل ولا اقولك أظلمـها خلك عادل وانا اخوك . عزام يناظر بالبحر بسرحان : الله لا يجعلني ظـالم لها أن شاء الله ____ كانت جالسه تستشور شعرهآ , سدلته على ظهرها بخفه وطلعت لفاتهِ الجميله ناظرت بشكلها بأقتناع تامّ حطت مكياج خفيف وتعمدت تكثر الكحل على عيونها الواسعهّ طلـع منظرها جذاب وملائكي بكل معنى الكلمهّ فتحت الدولاب وطلعت الفستـان اللي طلبته لها أروى , كان لونـه أسود , عشان يطلع جمـال لون بشرتها الابيضّ لبسته وهي تتأمل نفسها على المرايه , دخلت عليها أم عزام وبايدها البخور .. ام عزام بأبتسامه كبيره : ماشاء الله أقري على نفسك وانا امك وش هالزين ملاذ تبتسم : زين عيونك يمهّ قربت منها ام عزام وعيونها تلمع من الدمـوع ملاذ بحنيه : امي وش فيك ؟ ام عزام : ياروح امـك ماتدرين وش الهم اللي على صدري سنين ماتدرين وش كثر شلت هـم ان ولدي يجلس على عقدتة طول عمرهّ ماتدرين أنك اسعدتيني الله رزق ولدي فيك ويابخته والله , كانت تحاول تكتم الغبنه اللي داخلها .. عقدته وعقتده ولا أدري وش سبايب هالعقدهّ اللي أعـرفه انه جالس يطلع عقدتة فيني , ياقلبي على امك ياعزام اللي لو تدري بالحقيقة تعذبت أكثر مني .. ضمت ام عزام اللي تبكي .. ملاذ بضحكه : خلاص تبين تخربين شكلي غرتي مني هاه ام عزام تمسح دموعها : جعلني ما ابكيك يابعد حيّي ملاذ باتبسامه صادقه : أميـن , حست بشوق لأمـها داخلها .. أمـي وينك تعالي شوفيها تذكرننني فيك كثير ! يمـه خايفه علي ؟ برجع لك قريب .. زمت يدينها على قلبها وهي تتنفس بامل مخنوق هـو وعدني يخليني باحضانك بعد ما أرجع من اهله , وعدنـي وانا للحين اشتفق على وعوده وأحتريها ! أشتقت لك يمهّ.. لأحضانك وصدرك الدافي لعيون الخايفه بي من غدر الزمان وتراه يمه ؟ غدر بيّ. هل سمعتكم يوماً بالحزن الراقي؟ هو ذاك الحزن الذي حرق العيون بدون دموع ! ويسكن بأيسر صدرهاِ , لأحد يعلم به لأن صاحبته لاتشتكيه.. ولا تبكيه.. ولا تفضفض بهّ , هـي تحاول ان تظهر كبريائها ؟ وتتعايش معه ! ناظرت بجسمهآ المرسوم على الفستان الاسود.. لبست هاللون عشان أوهم الناس بثقتي وغروري.. وانا كلي من داخلي مكسوره , كسـرني اللي حط لي هيبه قدامكم ! خذت لها نفس عميق وهي تشوف اروى تناديهاّ , اروى : ملاذ يالله عزام ينتظرك ! التفتت لها بصدمه : عزام ؟ اروى تبتسم : أيـه ! راح ينزل بك للحريم ثم يطلع , قـومي يالله ملاذ بارتباك : لا لا لا قولي له يروح ماراح انزل معـه ماله داعي هالحركات اروى بعصبيه : اقول قومممي انا اخطط لكل شىء واخرتها تقولين له ماله داعي امشي سرعه بقهر مها والبنات اللي عيونهم ماشفات خير طول هالسنين يبون يتزوجونهّ عضت شفايفها بقهر .. والله وقليلات حيا مثله ورا ماتزوج وحده منهم وفكني من غثاهّ هه ولا نسيت , الجلمود القاسي العصبي .. يخاف من الحريم ! حست بنفضه بجسمها يوم لمحت هيبته بالثوبِ الابيض اللي مبين عضلاتهّ ورزته بالشماغ وطولـه من ورا اروى , اروى تبتسم : جابك الله خذها بنفسك مو راضيه تجي راحت أروى وتركت عزام اللي طاحت عينه عليهآ أنصدم من جمالهاّ يعرف انها جميله لكن من يوم ما أخذها ماقد شافهآ مبرزه أنوثتها هالكثر .. ركز عيونه في عيونهاِ الوسعه المكحلهّ حس أنه يغرق فيهآ , عيونها اللي ياما شاف منها الدموع.. وياما كان هو السبب فيهآ , عيونها اللي فنتنته وكذب أعجابه فيها من يوم ولحظات القاا .. حست فيه ياكلها بعيونهّ نزلت راسها بأحراج من نظراته المتفحصهّ سمعت صوته المبحوح ورفعت راسهآشافته يمد يده لها وهو يناظرها بنظرات عجزت تفهمها اّلا هي غضب ولا حقد ولا استقراف. .ماهي سخريه ولا استهزاء او ازدراءنظرهّ ماعرفتها من يوم ما جابتها الاقدار تحتِ رحمتهّ سمعت صوته الهادي وهو يطلبها : خلينا ننسى الليله بس .. عطيني يدك وأسمحي ليّ لأول مرة يعاملها بهالاسلوب , تبـي تقولة تكفى خلك كذا !أيـه انا ابي انسى ذلك وكرهي لك بس أنت ماتساعدنيّ مدت يدها وشد عليهآ وهو يبتسم جرها بسرعه وضمهآ على صدرهّ توسعت عيونها بصدمه وزادت دقات قلبها وهي تسمعه يقرآ عليها الاذكار ويقبل راسهاَ زادت صدمتهآ بحركتهّ وشدها له أكثر وهو مغمض عيونهِ ,عجـزت افهمه ليه فجأه يتصرف معي كذا , مستحيل يكون يستدرجني لشىء ..مستحيل يكون يلعب علي عشان يكسرني بعدهاّ ومستحيل ومن سابع المستحيلاتِ يكون , يحبني .. __ماذا أفعل لكي تشعر بي أكثر ؟ الم تصلك تلميحاتي المغلفه بكبرياء ! أم أن حراره احرفيّ لم تكن لاذعه لك..ماذا أفعل لكي , أجعلك تكتشف شعور ..أنا لم أعرفه بنفسي الا الان ! __ نهايه البارت الرابع عشر :* رايكم بالروايه الى الان ؟ انتقاداتكم ؟ شىء مو عاجبكم ؟ شىء تبوننا نضيفه ؟ شكراً لكم من القلب على الدعم والحكي الجميل. الله يسعدكم أضعاف وأضعاف وأضعاف ما تتحمسون معانا  من اليوم أن شاء الله بحاول انزل كل يوم 4 أجزاء. ويصير البارت الواحد 8 أجزاء بكذا ننزل بارت كل يومين؟ أحبكم التعديل الأخير تم بواسطة ايفاادم ; 22-10-14 الساعة 07:01 PM | ||||||||||||
|  |
|
20-10-14, 12:50 AM
| #57 | |||||||||||
| نجم روايتي  
| شكرااااااااا سلمت يداك لمتي سيستمر ظلم عزام لملاز وما علاقة ملاز بحاتم وموقف ملاز من عزام عندما تعرف بوفاة أمها ومن هي جيسي هل هي زوجة عزام؟ شكراااااا لك وفي انتظارررررررك | |||||||||||
|
| |
|
| أدوات الموضوع | |
| انواع عرض الموضوع | |
|
|
54Likes
.png)
.png)
.png)
العرض العادي
