25-06-15, 05:26 AM
| #41 | |||||||||
| نجم روايتي ومشرفة سابقة وفراشة متالقة بعالم الازياء  
|  يتبع بارت 24 التكملة صرخت وهي تبكي: ليييش كله منك كله منك اكرهههك اطلع برى أكرهك جت الدكتورة بتعطيها مهدئ بس ماقدرت بسبب الانفعال قرب حمد ومسكها والدكتورة طقتها الإبرة وكانت تهذي بكلمات لين راحت لعالم ثاني عالم الهدوء جلس يتأمل فيها وما حس بنفسه إلا جواله يرن شاف المتصل(الجد) وضرب يده على راسه:نسييت قام بسرعه وركب سيارته ومشى للشركه الرياض-في بيت قديم - الساعهه 2:00 ظهراً كانت راجعهه من الدوام ومنهلكه دخلت البيت شافت اختها الي منسدحه على الكنب بتعب لانها نفس الشيء راجعهه من الدوام مرام:اخخخ تعبت منى: هذي الدنيا شسوي مرام : راح نستمر على هالحال مليت والله طفشت حتى كرامتي انمسحت بالأرض صرت خدامه اعمل بالمدرسة انظف دورات المياه منى:اجل أنا دوامي أكثر من دوامك انا فراشه مو بس انظف دورات المياه الله يكرمكم بس عادي بالشهر نجمع الف ريال مرام:تصدقين أحلم اني اصير أميره منى ضحكت : ههههههههههههههه أميره مره وحده قولي الحمدللـــه غيرك مايلقى اكل مرام تنهدت بألم : الحمدللـــه نعرفكم منى**طيوبه حييل وجميله بشرتها برونزية وعيونها كبار لونهم اسود وشعرهــآ أسود لين ظهرها عمرها 27 متفهمه ودائماً تحل المشاكل غيرها وهي مع الحق حتى لو صار عليها مرام **طيوبه وتحب المقالب دائماً مع الحق نفس اختها جميله بيضاء وشعرها اسود لين كتوفها جمييله ومزوحه عمرها 20 طبعاً امهم ماتت من سنتين ومايعرفون ابوهم من هم صغار تقول لهم امهم ابوكم مات يمكن منى تذكر بس مرام لا عايشين بفقر هذولا بيكون لهم دور الرواية لي آخرها ومهمين ..قبل تقريبا تسع طعش سنة.. أبو سامر تزوج من ام سامر..جابت سامر وسالم بعد ماجابت التوأم.. ..سافر أبو طلال وأبو سامر لبريطانيا..طبعا أبو طلال تزوج اخت ام سامي البريطانية..الي هي الحين زوجته ام طلال..وأبو سامر تزوج اختهم بعد.. ورجعوا..وأبو سامر ماقال لأحد خلى الموضوع سر..أما أبو طلال خبر العائلة كلها..بالأول الجد عصب..بعدين تقبل الموضوع مثل أبو سامي...مرت الأيام وحملت ام وليد وجابت وليد وماتت....أبو سامر خبر الكل عن زواجه..وقال اني جبت ولد منها.. لمآ صار عمر وليد سنه..ام سامي ولدت لينآ..ورضعت وليد..وصار اخوهم هع..والكل حقدوا على وليد الطفل البرئ..إذا اجتمعوا العايله أكثر البزارين يطقونه ويقولون لأبو سامر ترى وليد طقنا..بعدين أبو سامر مايقصر فيه يطقه قدام الأطفال وهم يضحكون طبعاً لينآ وسامي الوحدين الي يدافعون عنه..وأول عدو له حرمة ابوه ام سامر..وكانت تحرث أبو سامر عليه.. كل ماجاء من الدوام تقول ترى وليد ضرب بناتك..ترى وليد تلف الكتب حقاتك..ترى وليد...الخ....طبعــآ أبو سامر يعصب ويضربه مايمر يوم الأ لازم يضربه على اتفه الأشياء اصلاً كله من كذب ام سامر لما وليد صار عمره 10 سنوات صار له أصدقاء صار يطلع ويلعب معهم ولازالت ام سامر تكذب على أبو سامر أن وليد سوا وسوا وطبعاً أبو سامر يضربه..لين وصلت انها تقول ان وليد يدخن أبو سامر عصب ذاك اليوم أخذه وضربه بالخشبه ورماه بدار الأيتام..بعد شهر أبو سامي والجد سألوا أبو سامر عن وليد قال رميته بدار الأيتام عصب أبو سامي وصار يهاوش أبو سامر...راح عبدالرحمن (أبو سامي) لدار الأيتام واخذه وعيشه ببيته لمآ صار عمر وليد أربع طعش كان وقتها أبو سامر مصاب بمرض وهو ندمان قد شعره وجاء تأسف لولده يجي يعيش معهم في الببت بس وليد قال لا بعيش عند ابوي عبدالرحمن نرجع الأحداث قبل يوم الدمام-بيت الجد-الساعهه5:00-عصرا يمشي وراء جده للمكتب جلس على الكرسي : سم بغيت شيء الجد:اليوم ابوك دق علي يبيك ترجع للبيت تعيش معهم وليد باستهزاء : يبيني ارجع هههههه مضحك بالسهولة انسى الي سواه فيني لولا الله ثم عمي أبو سامي وانت ولا كان أنا بدار الأيتام زين ماصرت بمستشفى المجانين الجد بحزن على حال وليد:بس هو ابوك ويظل ابوك مهما صار وليد بعصــبيه : لا مو ابوي يخسي يصير ابوي ترى الفترة هذي أجامل? واقول ابوي ولا انا بداخلي يخسي يصير ابوي بعد ما سوى فيني كذا انا ابوي عبدالرحمن(أبو سامي) الجد : على فكرة ترى مو بس انت الي جربت المعاناه حتى حمد نفس الشيء لمآ كان صغير وشوف قبل يتزوج كان ساكن ببيت ابوه وليد بصدمه : حمد امه غير ام سلطان نفسي الجد:ايه بس هو وووووووو وليد صدمه انتهاء البارت | |||||||||
|  |
|
02-07-15, 03:18 AM
| #43 | |||||||||
| نجم روايتي ومشرفة سابقة وفراشة متالقة بعالم الازياء
| السلام عليكم كيفكم وكيف رمضان معكم المهم قررت أنزل لكم نص البارت يوم الثلاثاء ونص البارت يوم الأربعاء البارت الخامس والعشرين الجد : على فكرة ترى مو بس انت الي جربت المعاناه حتى حمد نفس الشيء لمآ كان صغير وشوف قبل يتزوج كان ساكن ببيت ابوه وليد بصدمه : حمد امه غير ام سلطان نفسي الجد:ايه بس هو تميز بالذكاء وبناء روحه بنفسه انت لو تدري وش صار معه (تنهد) وليد بفضول وصدمه:وش صار معه الجد:أبو سلطان(صالح) لمآ كان شاب كان راعي بنات قررنا انا وجدتك نزوجه عشان يعقل وبالفعل صالح مارفض وتزوج وجاه منها ولد وبنت (ساره وسلطان) ورجع لسوالفه الي تسود الوجه مره اجتمعنا انا وأهل صديقي بشاليه عند البحر خمس أيام وكان صالح جاي من برى سكران ومحد عرف عنه إلا. .....(وسكت) بنت صديقي كانت طالعه من غرفتها مسكها وصار الي صار وحملت منه من بعد مده وكل هذا محد عرف يعد تقريباً شهرين اجتمعنا مره ثانيه بس مو بالشاليه بالمزرعهه البنت راحت لأبو سلطان وقالت له انا حامل منك طبعاً هو بالأول كذبها بعدين تذكر لمآ كان صحى بذيك الليله قرر يتزوجها لين تولد بعدين يطلقها ويأخذ الولد وبالفعل سوا كذا ولا أحد عرف إلا أنا لأن هو طلب مني مااخبر احد قلت ابشر وأنا ماكنت اعرف سالفته وقال للعايله انه بيسافر ويمكن يقعد سبع شهور راح وبعد سبع شهور رجع ولا كان شيء صار سألته وين حطيت حرمتك قال طلقتها انصدمت وتفشلت من رفيقي وليد صدمه:طيب والولد وين راح(يقصدحمد) الجد : اصبر تجيك السالفه بعد فتره تهاوشت انا وجدتك وكبرت المشكله على شيء تافهه وطلبت جدتك الطلاق وانا رفضت وهي أصرت والأخير طلقتها وصرت مااطيق البيت ولا اجي كثير رحت للرياض وقعدت هناك فتره يمكن حوالي سنه ورجعت وصرت أزور الرياض بين فتره وفترة رحت لعمي اترجاه ترجع جدتك لي (الجده تصير بنت عمه)ووافقت ترجع لي بس شرطت شرط............سكت الوليد:طيب وش دخل سالفة حمد بالهسالفه ؟؟؟:الشرط انها هي متبنيه ورع عمره تقريبا سنتين وتبيه يسكن بالبيت صدمه وليد والجد :حمد ابتسم بألم على طفولته:والورع اسمه حمد وليد:من متى وانت هنا حمد:مو مهم بس جيت بعطي جدي أوراق الشركه وليد بتفكير: طيب يسأل كيف عرفتوا انه هذا حمد ولد عمي صالح الجد :عاد هذي سالفة طويله روح لجدتك تعلمك وليد : بععععد الجد:اقول حمد من زمان عن لينا وش أخبارها حمد تنهد وبكذب:بخير الحمدللـــه وش اخبارك انت الجد : بخير الحمدللـــه. ....الا اقول حمد ليش ماتسكن هنا بأحد الفلل الفاضيه حمد : لا انا ف مرتاح ببيتي الجد : الا وين بيتك حمد : قريب من هنا مو بعيد......يالله انا استأذن بروح للينا طلع من عند جده وراح للمستشفى عشان يكتبون لها خروج طلع من الاصنصير واتجه لغرفتها انصدم من الرجل الي متلطم بشماغه طلع من غرفتها الدمام-بيت أبو عبدالعزيز أبو عبدالعزيز : وش تبيني اسوي صح الولد المتقدم لهآ ماشاءالله لا يحسد أخلاق وطيب وشركاته كثيرة بس ابوي يقول هي محيره لولد عمها ومااقدر بعدين هي شكلهــآ مو موافقه جود دخلت :ليش مو موافقه أبو /ام عبدالعزيز انصدموا:جود جود ودموعها تنزل :ايوا ليش مو موافقه أبو عبدالعزيز : لأن انتي زوجك فارس والكل يعرف انك محيره له جود:بس انا مابيــــ........ رن جوال أبو عبدالعزيز أبو عبدالعزيز ابتسم : السلام عليكم ........وش اخبارك؟...الحمدللـــه...وش اخبار الوالده والأهل كلهم..يالله لك الحمد نحمده....سم ابشر......الله يحيكم في كل وقت...اشاورها وارد لك خير......بأمان الله التفت لجود:هذا فارس يسلم عليك جود ببرود : الله يسلمه أبو عبدالعزيز : يقول وش رايك الملكه تكون بعد أسبوع جود : بس انا مابيــــ قاطعها ابوها:انتي محيره له أفهمي يابنت جود تاففت وهي تحس بخنقة(انا اوريك يافارس كم مره اقولك مابيك خلاص خل نفصخ الخطوبة بس الحمار دق على ابوي عشان يغصبني حمار يفرض نفسه علي <<خخخ)قالت بدون نفس : اوكي موافقه ابتسم: انتي وميس ملكتكم بنفس اليوم الدمام-المستشفى-سمر&سامي تبكي:يعني انا مااقدر أحمل سامي : طيب ادعي ربك يشفيك وبعدين الدكتور قال عادي انتظمي على العلاج وفيه أمل انك تحملين مسك يدهــآ وركبوا السياره ووصلوا القصر أو المجمع حق فلل الراشد سمر ولازالت تبكي :بروح لأهلي سامي ماحب يظغط عليها:براحتك الدمام-المستشفى-حمد فتح عيونه يتأكد من رقم الغرفه ركض بيلحق الرجل لكن اختفى الرجل دخل الغرفه والشرار يتطاير من عيونه شافها نايمه جن جنونه لمآ شاف باقة ورد معها ورقه صغيره فتح الورقه (الحمدللـــه على سلامتك حبيبتي سعد ) قرب منها : مسويه نفسك نايمه فتحت عيونها لأنها توها تصحى من المهدي الي الصبح:ابي ماء عطاها ماء وهو يحاول يمسك أعصابه ويتظاهر بالبرود:لينآ التفت وجهها البرئ حمد بلع ريقه (معقوله تسويها أتمنى اني غلطان وجهها البرئ يشفع لها انا تسرعت مافكرت اني قتلت ولدي بيدي ) لينا ببحه:ممكن تطلع حمد : اقول البسي عبايتك ولا ودك تقعدين بالمستشفى عشان سعد حبيب القلب لينآ بصراخ : اطلع برى فتح الدولاب وأخذ العبايه ورماها عليها :أربع دقايق أن ماشفتك لابسه العبايه بتشوفين شيء بحياتك شفتيه لينا لبست عباتها ومالها خلق تهاوش وقفت بتطلع لكن مسك يدهــآ وفتح الباب بيطلع وقف كأنه نسى شيء :اقول لينآ كأنك نسيتي باقة الورد الي من حبيب القلب التفتت عليه باستهزاء ولفت عنه يوم ملكة ميس & زياد جود &فارس كان الكل في بيت الجد ملكوا على فارس وجود كانوا بالغرفه لوحدهم فارس : وش اخبارك جود جود : بخير فارس على باله مستحيه : وانا بخير قرب منها جود بنرفزه: انت وش تبي لاتقرب ترى مااطيقك فارس : هههههههههه احسبك مستحيه اثاري مغصوبه على الزواج وماتبيني على فكرة حتى انا نفس الشعور هههه جود تنرفزت ابتسم على شكلها وقرب وصار مايفصل بينهم إلا شعره قامت لكن هو مسك يدهــآ : وين. جود:اتركني فارس وقف وهمس باذونها:ارفعي راسك وحطي عينك بعيني رفعت راسها وعلى طول نزلته :اترك يدي طق طق البــآب ودخل جواد:ياعيني قطعت عليكم الرومنسية فارس : اقلب وجهكـ واطلع ياخي ماتترك احد بحاله جواد :اشتقت لاختي. بنفس القصر لكن بمكان ثاني دخلت المطبخ وأخذت مويه وراحت بتطلع من الباب الي على الحديقة لكن صدمه بصدر رجل وطاحت على وراء نزل لها : عورتك آسف مسك يدهــآ وقومها :آسف ميسون برتباك:أنا آسفه وراحت ركض داخل أما هو وقف شوي يستوعب بعدين ابتسم وأخذ كأس المويه حقها وشربه وراح وهو مستانس مايدري ليش خلص اليوم على خير والكل راح على بيته إلا حمد ولينا بغرفة الجد كان فيه وليد وحمد والجد والجده حمد : وليد إذا ماعليك أمر تروح تنادي لينآ قام وليد وراح لغرفتها طق الباب : ادخل دخل وليد :زوجك يبيك لينآ كانت لابسه بجامه سوداء انسدحت على سريرها:قول لينا نايمه وسكر النور والباب طلع وليد وراح لحمد :لينآ نايمه حمد : طيب شوفي درب بروح لها يتبع التكملة بكرى توقعاتكم؟ رأيكم؟ ؟ | |||||||||
|
| |
|
10-07-15, 02:02 AM
| #45 | |||||||||
| نجم روايتي ومشرفة سابقة وفراشة متالقة بعالم الازياء
| يتبع التكملة بارت 25 دخل وليد :زوجك يبيك لينآ كانت لابسه بجامه سوداء انسدحت على سريرها:قول لينا نايمه وسكر النور والباب طلع وليد وراح لحمد :لينآ نايمه حمد : طيب شوفي درب بروح لها راح وليد وبعد دقيقة جاء :مافي احد حمد قام وصعد الدرج واتجه لغرفتها فتح الباب وفتح النور حمد:لينآ لينا :.................. حمد قرب منها فتح الغطاء :لينآ لينآ :. ................. قام وطفى النور وفصخ شماغه واتصل على المرببه قالها تدير بالها على تمارا انسدح جنبها ونااام الدمام-بيت أبو عبدالعزيز - الساعهه 2:00ليلا بغرفة ميس ميس :اتصل عليه لالا ...بعدين المفروض هو الي يتصل مو انا حطت جوالها على الكومدينه وناااااااامت بنفس البيت بغرفة جود جود : هذي المره الخامسة الي يدق اففف ردت جود : نعم فارس: السلام عليكم جود : وعليكم السلام ...خير بغيت شيء فارس :إيه بغيت تسمعيني جود بطفش :اوكي يلا اسمعك فارس :احنا الحين نكره بعض ولانبي الزواج اوكي بعد الزواج بخمس شهور نتطلق هاه وش رايك جود : اوكي يلا مع السلامه سكرت قبل تسمع أي رد الدمام-بيت زياد - الساعهه 2:30 ليلا في غرفة ميسون كانت تفكر بالي صار معها وهي منحرجة وبنفس الوقت مستانسه كانت تفكر بشكله (وسييم ويهبل ومحترم وخخخ بس ودي اعرف من هذا اوووف خل اروح ل زياد احسن ) قامت وراحت لغرفة زياد طقت الباب لارد طقت مره ثانيه (اكيد يكلم ميس ):زياد قربت للباب ماتسمع شيء فتحت الباب شافته نايم استغربت انه ماكان يكلمها رجعت لغرفتها ونامت في يوم جديد الدمام-بيت الجد-الساعهه10:00-صباحاً غرفة لينآ قامت وكانت ماتدري بوجود حمد ومعطيته ظهرها فتحت عيونها الرماديه وتناظر الدريشه وهي مستانسه انها قدرت تهزمه وماراحت معه حست بيدين تلتف على خصرها بلعت ريقها وهي تشوف خاتمه الي باصعبه شهقت : ح م حمد حمد وهو يقربها له :إيوااا ليش متفاجئه لفت له :انت نايم هنا حمد وهو يتأمل وجهها :امم قامت عنه وهي معصبه :ومن سمحلك حمد ابتسم : انا سمحت لنفسي صدت عنه ودخلت دورة المياه بعد يومين الدمام-بيت حمد-الساعهه10-صباحا من بعد الملكه وهي بغرفتها ولا عند تمارا وإذا جاء حمد دخلت غرفتها ماشافته من هم ببيت الجد قامت للمطبخ تشرب ماء رجعت شافت حمد بغرفتها ومعه جوالها (هذا وش يبي بايفوني اففف) لينآ : هات الجوال حمد : أمم بسألك سوال وابيك تجاوبيني بصراحهه لينآ : تفضل حمد : انتي تعرفين سعد لينآ تبي تقهره : إيوااا أعرفه | |||||||||
|
| |
|
10-07-15, 02:04 AM
| #46 | |||||||||
| نجم روايتي ومشرفة سابقة وفراشة متالقة بعالم الازياء
| السلام عليكم ورحمة الله . . . وش اخباركم؟ إن شاء الله بخير . . حبيت اقولكم انه مافي بارتات إلا بعد العيد بأسبوع . . عشان ماننشغل بالعشر الاوخر . . وثاني شيء ايام العيد الكل لاهي وفيه صيام الست عشان كذا بعد العيد بأسبوع بنزل بارتين . . أتمنى مااضايقكم . . . مع تحيات غلا الروح ^ كلام الكاتبه | |||||||||
|
| |
|
22-07-15, 08:21 AM
| #49 | |||||||||
| نجم روايتي ومشرفة سابقة وفراشة متالقة بعالم الازياء
| البارت السادس والعشرون 26 الدمام-بيت حمد-الساعهه10-صباحا من بعد الملكه وهي بغرفتها ولا عند تمارا وإذا جاء حمد دخلت غرفتها ماشافته من هم ببيت الجد قامت للمطبخ تشرب ماء رجعت شافت حمد بغرفتها ومعه جوالها (هذا وش يبي بايفوني اففف) لينآ : هات الجوال حمد : أمم بسألك سوال وابيك تجاوبيني بصراحهه لينآ : تفضل حمد : انتي تعرفين سعد لينآ تبي تقهره : إيوااا أعرفه حمد بضحكه : كذااااااااابه لينآ رفعت حاجب من أسلوبه :انت وش عليك مو أنا مااهمك حمد قرب منها وهو يبتسم بخبث : طيـــــــب كيف اصدق أنك تعرفينه لينآ تبعد عنه :إنت مصدق من قبل مو عشان كذا ""بغصه "طيحت ولدي حمد : طيب احلفي انك تعرفينه لينآ تطلع الحره الي فيها: ليش احلف مايهم المهم حبيبي سعد حمد عصب مسك معصم يدها وقال وهو يرص على أسنانه:سعد حبيبك هاه طيب استني علي يومين بس وراجع لك والله لاخليك تبكين دم قام وهو معصب وراح بمكتبه رفع السماعه وهو معصب : السلام عليكم أبو حامد:وعليكم السلام ورحمة الله وش اخبارك بشرنا عنك حمد وهو ماله خلق لأبو حامد لأنه يتمصلح:الحمدلله بخبر اخبارك انت أبو حامد :بخير الحمدللـــه حمد : اقول يابو حامد ودي اعجل بالملكه عشان عندي شغل أبو حامد بفرحعه(أخيرا طحتوا بيدي يالراشد انا اوريكم ):ابشر بس متى تبيها حمد : بعد يومين أبو حامد والفرحة مو سايعته :ابشر بيت ابو سلطان كانت قاعده بالصاله وهي تفكر هذا حالها من عرفت بمرضها كل بنت تتمنى تصير ام وتحس بشعور الامومه قطع عليها جوالها شافت المتصل "حبيبي "" ابتسمت مشتاقه له لهآ خمس أيام ماشافته كل مااتصل عليها يقول متى ترجعين تقول مو اليوم سمعت صوت الباب ينفتح شافت اخوانها (سلطان _حمد _خالد) انصدمت من دخول حمد معهم مو من عادته حمد وسلطان :السلام عليكم سمر :وعليكم السلام ورحمة الله حمد : وش اخبارك سمر : بخير أخبارك انت وأخبار لينآ حمد : الحمدللـــه بخير سمر : وش عندك صاير مانشوفك انت وزوجتك حمد : أنا دائما مشغول مايصير فيه وقت نجي سمر : الله يعين حمد : وش عنده الحلو بايت هنا مو عند الحبيب سمر : لا بس قلت اشتقت لأهلي وغرفتي خالد قال بلقافه : تبرير سامج هههــ(ماحس إلا بالمخده على وجهه)ايي حمد : احسن عشان المره الثانية تحترم الي أكبر منك خالد :ان شاء الله الرياض-في بيت منى ومرام مرام :اقول منى ماكن عبدالرحمن تاخر كثير صار له خمس شهور مو زايرنا منى :صار له خمس سنوات كل شهر يزورنا وبشتري لنا الي نحتاجه ويسدد فاتورة الكهرباء والماء والله مايقصر مرام : انا قلبي ناغزني يقول إن فيه شيء منى :لا أن شاءلله مافيه الا العافية مرام : ان شاء الله منى: يارا بنت الجيران بكرى ملكتها عازمتنا ولازم نروح نشتري فساتين مرام كشرت : وعععع من الي امه داعيه عليه منى :اسكتي بس اعرفك الحين بتبدين تحشين في خلق الله مرام ضحكت : عارفتني منى :أكيد سامي كان رايح لفله ابوه عشان يشوف العمال إذا ركبو الاثاث ولا لا طبعاً هو بيسكن فيها هو وسمر وجنى وفهد غير كل شيء عشان مااحد يتذكر الماضي شاف كل شيء اوكي اتصل على سمر : السلام عليكم سمر : وعليكم السلام سامي : شخبارك سمر : بخير انت وش اخبارك؟ سامي : تسألني وش اخباري إخباري ماتسرك سمر بخوف : اسم الله عليك حبيبي وش فيك سامي :قولي وش اللي مو فيني سمر بخوف أكبر :سامي تكلم وش فيك سامي : فيني الوله والشوق سمر تنهدت برآآحـه : مو اليوم بتشوفني ليش تخوفتي كذا سامي : هههههههههههههههه جد والله اشتقت لك مااشتقتي لي سمر ضحكت : اكيد اشتقت لك سامي : اروح فدوه لك ياقلبي. طيب تجهزي بنروح بيت ابوي. سمر :اوكي بعد أيام... سامي&سمر:سكنوا في بيت آبو سامي بعد ما غيروها فوق تحت ومعهم جنى وفهد وليد:باله مشغول في البنت الي شافها بملكة جود وميس وصار هادئ عكس قبل وطبعاً هذا ألفت انتباه الكل ساكن ببيت الجد ودايما يرجع في الليل متأخر جود:تجهز للزواج الي باقي عليه شهر ومنقهره من تصرفات فارس وبنفس الوقت تحبه بس تحس انه يكرها وماتبي تعترف له ويمسح بكرامتها فارس:نفس الشيء يحبها ويحس انها تكرهه عشان كذا يبين لها أنه هو بعد مو ميت عليها زياد:عايش قصة حب جديدة مع ميس بالجوال 24 ساعه وهو يعشقها مرره ماتوقع بيوم بيعشقها للحد هذا ..ميس : نفس الشعور وهي تجهز لزواجها الي بعد شهر بنفس اليوم الي فيه جود وفارس حمد:تزوج بنت من عايله فقيره للتسليه ولأسباب كثيره نعرفها مع الأحداث وسافر شهر عسل طبعاً بعد ما طلق العنود وحاس نفسه مخنوق مايدري ليش لينا:انقهرت لما عرفت عن حمد انه متزوج وحبت تقهره وترد له الصاع صاعين وقالت بتنفذ خطتها بيت الجد كانت داخله الصاله الكبيرة الي مجتمع فيها كل العايله ماعدا حمد :السلام عليكم الكل قام حتى الجد وكانوا منصدمين ايه منصدمين مو منها لالا من الي معها البنت الصغيره ذات الخمس سنوات (تمارا) لينآ : اعرفكم على بنت زوجي تمارا الحلوه تمارا ببرائه:وين جدو لينآ ضحكت واشرت باصبعها على الجد الي منصدم انتهى البارت توقعاتكم؟ تحياتى غلا الروح ♡ | |||||||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
