آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-10-14, 07:53 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  تابع البارت السابع عشـر ” هل أكتفي بكَ حلماً ؟ أم أنتَ قدري وواقعي؟ ” __________________ رن المنبه الساعه ٢ ونص فتحت عيونها بإنزعاج تثاوبت وتمددت لفت تناظر للحين نايم : ماسمع المنبه! سكّرته وهي بمكانها : فييصل * لارد* فيييصصل فيصل فيصل فيصل فييييييصصااال ياليل مدت يدها هزت كتفه شفيه ذا فاطس ؟ : فيصل فيصل مغمض : ياليل خلاص انخرسي اللحين اقوم جمانه : نعم نعم؟ ايش اللي انخرسي ! قووم بسرعه قام بتأفأف جلس شغل السياره جمانه : جوعانه ! فيصل : اللحين نوقف عند بقاله نشتري فطيره وعصير جمانه بتكشير : مابي ابي عشاء انا حتى غداء ماتغديت! فيصل : لاا اذا طلعنا وخلصنا يصير خير ____________ سعد محبوس بالغرفه جالس بزهق! : عازمه صديقاتها وحابستني ! * بسخريه* اخر عمري تمشيني مَرَه-حرمه- على كيفها! قام يفتش بالتسريحه وبأغراضها يشغل نفسه بأي شي ! شاف بشنطتها صوره صغيره له كاتبه ورا الصوره ” هل تعلم ان بفعلك هذا تزيدني شوقاً وحباً وشغفاً بك؟ هل تعلم ؟ هل تشعر؟ “ تنهد وبنفسه اعلم واشعر اسف ساره تحمليني ما تزوجتك علشان ابقى معك ! كان بس انتقام لابوك * بسخريه من نفسه* ماقدرت اسوي شي من الانتقام شفتك تبخر كل شي براسي تدرين؟ انتي لينتي قلبي غيرتيني ! انا معك غير! والله غير ! بعدت عندك بمحاوله اني انساك وارجع وانتقم منك اشد انتقام استعد ولما ارجع واشوف عيونك؟ أنسى كل شي دموعك ماأتحملها كيف بالله بسوي كذا وانتقم كييف؟؟؟ طلع صورتها من جيب بنطلونه الخلفي غمض عيونه وقبلها قبلة طويله عميقه ” سامحيني واقتربي مني أكثر فأنا أشتاق اليك اضعاف اضعاف ماتفعلين وتشعرين ! “ __________ جمانه فتحت درج قدامها بالسياره ضحكت : ياقدمها !! اخذتها حطتها بجيبها : مهم نعرف الوقت ! ركب عطاها الفطيره والعصير كولي بسرعه ناظرته : وانت ماتبي فيصل : لا مو مشتهي كشرت قطعت من فطيرتها مدته له جمانه : خذ ! فيصل : اقولك مابي كولي انتي بس صرخت فجأه: فيييصصصصصاااالل تفاجئ لف لها بصدمه وغضب : وبععديين مع الصرااا * دخلت الفطيره بفمه !* جمانه تضحك لدرجة دموعها نزلت من شكله : ههههههههههههههههههههههههه ههه فيصل ياكلها وهو يناظرها بقهر وغضب لف كمل طريقه وهو مكشر سكتت تناظر الطريق لفت شافت وجهه المكشر رجعت تضحك مره ثانيه : هههههههههههههههههههههههه ااه يابطني شكلك تحفه فيصل يصرخ : واللله لو ماسكتي لأفتح الباب ارميك ! جمانه تكتم ضحكتها : لا خلاص اسفه وقف عند المصنع هدووء مافيه احد ناظر المفتاح اللي بيده الحمدلله انه معي! لف لها يشرح المكان علشان لو ضاعت او صار شي _____________ واقف بسيارته وراهم بمسافه كبيره يراقبهم ويطق بالقلم! : هم عند المصنع اللحين متى ابدا ؟ بخبث : اذا دخلوا ادخل وراهم اسرق منهم الدليل اذا لقوه وشوف شغلك معهم ! ___________ جالسه على سجادتها تدعي وقلبها ناغزها ” كنت مرتاحه الايام اللي راحت اليوم احس وكأنه شخص ماسك قلبي ويضغط عليه ، وش يصير معك يابنتي اللحين ؟ * دمعت عيونها* بخير ؟ مرتاحه ؟ انا مسامحتك ولا راح اهاوشك ولا اعاتبك بتّصَرف ولا كأنه صار شي * بكت * بس ارجعي انتي عارفه انك بنتي الوحيده والغاليه حتى لو بعدك عيال انتي الاغلى بينهم ! * نزلت دموعها أكثر وظلت تدعي لها طول الليل! * اما ابو جمانه كان يفكر يشيلها من كرت العائله! ______________ نزلوا ومشوا للمصنع من الخلف نزّل ركبته اليسرى للارض ونصب رجله اليمنى قدام السور فيصل : تعالي اصعدي على كتفي واجلسي فوق السور المفتاح اللي معي بس لباب المصنع الداخلي! جمانه خايفه بس تصرفت العكس : طيب قربت منه : ترا انا ثقيله بكسر لك ظهرك فيصل : عارف الله يعيني وقفت على كتفه ضربت راسه : وجع فيصل يهاوش : جمان ياحماره ماحنا فاضين لهبالك اصعدي وانتي ساكته رفعت يدها المرتجفه للسور من فوق وبصعوبه قدرت تتعلق فيه قام وقف وهي على كتوفه مسك سيقانها ورفعها شوي رفعت رجلها لجهة المصنع من داخل بعدين رفعت الثانيه وصارت جالسه فوق فيصل : اصبري لا تنزلين اللحين يصير فيك شي المسافه بعيده قفز ومسك السور رفع نفسه بيده وبحكم عضلاته وجسمه القوي قدر يرفع نفسه ويجلس فوق السور بسهوله فقز للتحت وقف قدامها فتح يدينه :نطي! جمانه تفاجئت وهي تناظر يدينه وبنفسها مو وقتك جمانه سحبت نفس وقفزت مسكها بقوه علشان مايطيحون تعلقت برقبته وهو ماسكها من خصرها رافعها عن الارض رفعت راسها صار قدام وجهه على طول بلع ريقه تنفسه ارتفع توترت من قرب وجهه لها قلبها يدق بقوه… تركها فجأه ولف يمشي اما هي طاحت على الارض بقوه : ااااه ظهري ناظرته يمشي للباب بدون يلف جمانه بقهر : كمل جميلك طيب!! قامت ولحقته وقفت وراه فيصل بصوت منخفض : خليك وراي ولا تبعدين عني شبر واحد فاهمه؟؟ جمانه بهمس : فاهمه طلع المفتاح من جيبه وفتح الباب دخلوا بهدوء وسكروا الباب مشى بحذر لمكتب الرئيس … ___________ اياد يرتب الملفات يناظر الساعه ٣ وبنفسه اللحين ارجع للبيت وتفضحني امي انتبه على ظرف طايح بالارض اخذه شاف الاسم سعد شكله نساه هنا رماه بإهمال على الطاوله تناثرت صور منه! تأفأف جمع الصور بيدخلهم انصدم لما شاف جمانه بوضعيات خليعه مع واحد فتح عيونه على وسعهم وجهه صار احمر من العصبيه عروقه بارزه تنفسه يعلى ويعلى شد على الصور اللي بيده وصرخ : الحقيييييييرررررررررره !!!!! اتصل على سعد وخبى مسدس بجيبه !!! اياد بجمود : ويننك؟؟ سعد بخبث يمثل النوم : وين ويعني؟ اياد : تعال لـ….. بسرعه انتظرك وقفل ______________ فتح الباب بخفه ومهاره من ادوات معه ودخل ! وراهم يبتسم بخبث وبيده قلم ! _____________ فيصل يفتش بمكتب الرئيس مالقى شي! الا خزنه وكانت مقفله برمز سري ! بحكم انه من ١٤ سنه يعرف الرئيس ويشتغل معه جرب كل الارقام المتوقعه بباله وفشل ! متأكد من بعد اللي سويته غير كل شي ! فتح شنطة الظهر اللي كانت معه ! طلع بودره ورشها بمكان الارقام ! الاماكن اللي انغطت اكثر شي فيها أكثر البودره من اللي بالارقام المضغوطه قليل! طلع سماعات دكتور حطها بأذنه وعلى الخزنه تناظره جمانه بإستغراب ! بهمس : ايش تسوي ؟ مارد عليها وهو مركز يضغط الرقم الاول ويسمع القفل الاول فتح او لا بقى تقريباً حول ٢٠ دقيقه يحاول والعرق يتصبب منه الجو حار وحارق هنا قدر واخيرا يفتحه اخذ ملفات وعقود مهمه ودليل كافي انه مجرم!! دخلهم بشنطته الا ورقه وحده بجيبه وهي اهم ورقه تحسباً لو صار شي! سكر الخزنه لف لجمانه : امشـ تفاجئ لما شافها مو موجوده!!!!! عصبب وقام بفزع وقلق كبير يدورها مالقى لها اي أثر وكإن الارض أخفتها ! ____________ نهاية البارت السابع عشـر | ||||
|  |
|
21-10-14, 07:55 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن عشـر ” هل أكتفي بكَ حلماً؟ أم أنت قدري وواقعي ؟ “ ____________ لف لجمانه : امشـ تفاجئ لما شافها مو موجوده!!!!! عصبب وقام بفزع وقلق كبير يدورها مالقى لها اي أثر وكإن الارض أخفتها ! يمشى يدور هنا وهناك بالغرفه بكل مكان ماحصلها!! مستححيييل كيف بدقيقتين بتختفي كااانننت هنننا وقف غمض عيونه بهدوء يحاول يسمع اي صوت مو معقوله تختفي بدقيقتين!! انتبه على صوت جاي من الدرج اللي يصعد للسطح راح لجهته يركض وقلبه يدق بجنون خايف عليها! ندم اشد الندم انه اخذها معه!! ايش كنت افكر فييه اساساً لما وافققتت؟؟؟؟ وقف على السطح مصدوم!… واقف لابس قناع مو مطلع غير عيونه وجمانه واقفه قدامه ظهرها ملاصق لصدره ماسكها من اكتافها وبيده الثانيه سكين حاد بشكل قلم!! حاطه عند رقبتها صرخ : تقرب بدخل السكين برقبتها! وقف مكانه العرق يتصبب منه تقريباً موقفه مع طلال انعاد بس مع جمانه! فتحت عيونها ببطئ راسها يألمها اخر شي تتذكره لما كانت واقفه ورا فيصل تحركت شدها عليه انصدمت لما استوعبت الموقف بدت ترجف بخوف وعيون دامعه تناظر فيصل بنجده :الاوراق والوثائق اللي معك طلعهم * صرخ * بسرررعععه فيصل يناظر بعيون جمانه مباشره عض شفته السفليه وعيونه مركزها على عيونها ! فهمت عليه يبيها تسوي اللي علمها ! بس طبعاً التدريب كان غير الحقيقه !! نزل شنطته رماها ورفع يده فوق مركز بعيونها علشان تستمد القوه منه ! هز راسه بـ إيه بلعت ريقها لفت ضربته بقوه فاجئته ماكان متوقعها ابد بكوعها لفت له رفسته من بين رجلينه سحب فيصل مسدد من جيبه الخلفي بسرعه واطلق على رجله! طاح على الارض تنزف رجله بألم ترجف بخوف دموعها تنزل لفت تناظر فيصل اللي كان يطمنها بنظراته ركضت له بدون شعور ضمته ! تفاجئ بقوه منها رجع خطوتين ورا بكت بحضنه تدور الامان ! خايفه! كانت بالنسبه له اللحين طفله ! حاوطها وطبطب على ظهرها : ارتاحي ماصار شي اهدي تنتفض بحضنه اللي شافته مو قليل ارعبها كانت للحضه بين الحياه والموت ! بعّدت عنه بسرعه لما استوعبت مسحت دموعها فيصل بإبتسامه : قويه ماتوقعتها منك! جمانه بفخر : وش تحسبني ؟ فيصل يناظرها بنص عين : مادري مين اللي جت تركض تو؟ بلعت ريقها لفت عنه بخجل من جرأتها وحركتها! ابتسم وهو يشوفها خجلانه! طلعوا اتصل من هاتف عمومي على الشارع للاسعاف خبرهم! عن اللي بالسطح ركب سيارته وحرك راجع للبيت! __________ سعد طالع ساره : وين؟ سعد : يهمك ؟ ساره تدعي الا مبالاه : لا طلع ركب سيارته اتصل على الرئيس يرسل له ٥ رجال عارف ان اياد ماراح يتركه بحاله! وصل سعد : اهلاً اياد ، خير وش صاير عسى ماشر؟ اياد بجمود رفع الظرف : هذا ايش؟ سعد بخبث : هذي وحده عاهره لقيناها مع واحد تاجر مخدرات بكرا الشرطه بتمسكهم! اياد بغضب صرخ : اشررف منننك يااالحقييير! سعد بإستهزاء : اشرف مني تطلع كذا قدام رجال غريب البنت اللي اعرفها تخجل تطلع كذا حتى عند زوجها! اياد طلع المسدس وجهه لسعد اياد بغضب : وين ساكن؟ سعد ببرود : بكرا يرسلون لي مكانه ، الا انت ايش دخلك بالبنت هذي بينكم شي؟ اياد بسخريه : ماتدري وين مكانهم يعني؟ سعد : لا ! *يمثل الصدمه* : لا تقول هي اللي هربت بيوم زواجكممم؟؟؟ اياد بلحظة غضب اطلق النار !! سعد رجع على ورا من الروعه ! اياد بغضب : اسكت لأطلق عليك هالمره!! بكرا ترسلي مكانهم *صرخ* فاااههههم؟؟؟؟ سعد رافع حاجب : طيب! لف رجع للسياره يناظر الرجال اللي حول السياره منتشرين ينتظرون منه اشاره علشان يجون ! اشرلهم روحوا ! ________________ نزلوا للبيت مقلوب فوق تحت جمانه لفت تناظره شافت عيونه الحزن طاغي عليها نزلت راسها اكيد تذكر طلال! الله يرحمه! جمانه بمحاوله لتغيير الجو : اجلس بنظف البيت بعدين بنشوف فلم وانا اللي بختاره ياويلك تنام انتظرني ! لف ناظرها ابتسم : اوكي! نظفت البيت بسرعه وجهزت العصير والبوب كورن اختارت فلم وقعدوا يتفرجون ومن الجهد والتعب اللي صار اليوم نامو بدون يحسون! ___________ صحى على صوت الجرس مين بيجي !! فيصل قرب من الباب : ميين؟ : قسم الشرطه مكافحة المخدرات! فيصل فتح بصدمه : طيب ؟ : وصلنا بلاغ من وجود مخدرات عنك ولازم نفتش ! فيصل مصدوم ضحك بسخريه كيف مافكر ان الرئيس كان يدبر له مؤامره! عرف ان امره انتهى ترك الباب ودخلوا يفتشون! جمانه واقفه جمبه مصدومه :فصيييل وش صار ايش يقولون ؟؟ فيصل لف لها * يتصنع الابتسامه*: انسيني ارجعي للبيت اخيراً بتفتكين مني ! جمانه بصدمه وعبره : ايش تقووول؟؟ ماراح ارجع !! فيصل : بياخذوني اللحين! جمانه بقلق وخنقه: بس انت مو راعي مخدرات! فيصل: وكيف تعرفين؟ جمانه بثقه : ادري ! واحد من الشرطه صرخ : لقييناااهمم !!! تجمعوا عليه الشرطه كبلو ايدينه! صرخت جمانه ودموعها تنزل بصدمه ! : هيييههه ااييشش تسسسووونن مو هووو والله مو هووو فيصل لف يناظرها قلبه يدق بقوه ثقتها فيه اثرت عليه دموعه جامده بعيونه: اسف جمان ! جمانه تصرخ : لا تكذذذب لاااا تتتككككذذذب !!! سحبوه طلعوه جاء من وراها حط يده على فمها وسحبها! __________ يتبع…. | ||||
|
| |
|
21-10-14, 11:17 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع البارت الثامن عشـر “هل أكتفي بكَ حلماً ؟ أم أنت قدري وواقعي؟ “ ____________________________ جمانه تصرخ : لا تكذذذب لاااا تتتككككذذذب !!! سحبوه اخذوه قدامها … جاء من وراها حط يده على فمها وسحبها! تحاول تفلت نفسها منه ماقدرت مثبتها عليه ظهرها ملاصق لصدره على طول اخذها فتح باب السياره الخلفي رماها فيه! ركب ومشى تصرخ: مو كذا ظلم والللله ظلللم موو هووو موو هووو!! صرخ عليها : ولااا كلللمممه يالعااااهرره!!! انصدمت فتحت عيونها على وسعهم لما سمعت صوته جمانه : ايااادد!!!! اياد بسخريه : ايش؟ ماتبين ترجعين؟ تبين تبقين مع هذا الحقير! جمانه بغضب : ايياد احتررم نفسك!! اياد بإستهزاء : تدافعين عنه بعد! لك عين؟؟ سكتت لفت الشباك بعصبيه وقلق ! _____________ بغرفة التحقيق سلمان : كل المحادثه هنا مسجله سلمان : تعترف انك تاجر مخدرات وخمر؟ وتروج لهم! فيصل بجمود : ايه سلمان متفاجئ : تعترف؟؟ فيصل يناظر بعينه مباشره : وش رايك؟ سلمان بإبتسامه : دايم اللي بموقفك يكذبون على العموم جهز لك محامي الاسبوع الجاي بالمحكمه نلتقي! صرخ على الحراس : خوذووه ! قربوا منه مسكوه بيسحبونه صرخ فيهم وفلت نفسه ! : اناا امششي! دخل السجن وقفلوا الباب تأمل المكان اللي هو فيه بسخريه فراش بالارض ونايمين عليه ٥ اشخاص ! ضيق وصخ! مافيه حتى مكيف ! بالسقف مروحه صغيره مفتوحه تدور وتطلع اصوات …. جلس بأبعد زاويه يفكر بقلق ايش صار لها ؟؟ رجعت لاهلها ايش بيسوون فيها؟ انا متأكد ان امها واثقه فيها ! ابوها؟ لو انا اللي وصلتها ! تنهد بضيق بفقدها ! __________ دخل لبيتها يسحبها وراه وهي تصرخ جت امها على صوت الصراخ انصدمت : جمااانه؟؟ هدت لما شافت امها نزلت دموعها ركضت لها ضمتها ام جمانه تبكي : الحمدللله ياربي الحمدلله *شدتها لها اكثر* ماتدرين ايش صار فيني وانتي مو فيه *بكوا بقوه * الحمدلله الحمدلله ! جمانه تبكي : اسفه يمه والله اسفه جلسوا على الكنب ام جمانه تبكي وبعبره وصوت مخنوق اشتقت لك يابنتي اشتقت لك ! _______________ طلع اتجه لشركة ابو جمانه -خالد- على طول دخل لمكتبه رافع راسه بتكبر : السلام خالد بجمود : نعم؟ اياد رمى الظرف اللي فيه الصور على المكتب : شوف بنتك الشريفه العفيفه وش مسويه! بلع ريقه متفاجئ ماصار يستبعد عنها اي شي تسوي -هذا وهي تربيته مافيه ثقه- : طيب اطلع! اياد يضحك بصوت عالي : مانيب طالع لين تشوف الصور *بحده* قداامي اخذ الظرف فتحه انصدم غمض عيونه رجع الظرف مكانه ناظر اياد بقهر : واللحين توكل ! اياد بإبتسامه جانبيه : عندي نسخه من الصور! خالد بغضب : ووش تبيي؟؟؟ اياد بإبتسامه جانبيه : بنتك! _________________ جمانه بغرفتها مع امها اللي جالسه تتأملها مو مصدقه! مر شهرين !! يالله ياطولهم .. جمانه بإبتسامه باهته مرتاحه امها ماسألتها عن شئ : خلاص ماما لا تناظيني كذا والله رجعت نزلت دمعه منها مسحتها بسرعه : بروح اسويلك عشاء تحبينه ضعفانه مره ليش ماتاكين؟ جمانه بإبتسامه : والله اكل فطور غداء عشاء مرتاحه وضحكت واشتقت لكم وبكيت! تنهدت ام جمانه باستها وراحت تسوي لها اكل ! فتح الباب بقوه و بغضب صرخ : جمااانه تعااالي دخل عليها بالغرفه شافها مر بباله صورها الخليعه! بدون تردد سحب عقاله وجلدها فيه جلد مو صاحي ام جمانه جت تركض تصرخ : خاااللللد اتتتركها بنتي اترركها ضمت بنته وبصراخ وغضب وقهر : تبي تضرب اضربني انا لا تضربها لاااا تضرررببببههها خالد بغضب : ووخخخرريي يالعاهره !! ماربيتي بنتك زين واللحيين تدااافعيين عننهاا!! دفها عن جمانه وجلدها وجلد وجلد جسمها مزرق احمر انعدم من الضرب ملابسها صارت حمرا !! تهذي وهي بالارض : فـ ـيصل أخـ ـطفني طلع واخذ ام جمانه اللي كانت منهاره على الارض تبكي وجسمها مضروب من دفاعها عن بنتها الوحيده تفلت نفسها منه : اتتررككنني بقعد عند بنننتتي مااالك ايي حقق تمننعنني !! طلع الظرف اللي فيه صوور رماه قدامها بقهر وحسره : شوفي بنتك وش مسويه ناطرت الصور بصدمه نزلت اخذتهم نزلت دموعها اكثر لفت لبنتها : ياحسرتي عليك يابنتي مين اللي حاقد عليك ومسوي كذا؟؟ خالد بقهر وصدمه : اييش تقووللين انتتتي ؟؟ ناظرته امها بقهر : مصصددق انتت مصصددق!! هذا مو جسم بنتي متأكده خالد يهز راسه : ثقتك فيه بتضيعها ناظرته بقهر وحرقه : هذا وانت ابوها مو مصدقها! هذا وانت ابوها صدقت بدون تشوف بعيونك! بلع ريقه لف بيطلع صرخت فيه : بوودييها للمستشفى!! لف لها اذا عتبت باب الغرفه والله لاذبحها واذبحك و* بسخريه* ارجعك للبيت اهلك واربيها انا! انصدمت .. طلع قفل الباب وراه لفت لبنتها بعجز ودموعها تنزل اسفه يابنتي اسفه راحت جابت صندوق الاسعاف وعقمت جروحها ولفتهم والله مااسامحه لو صار لك شي او بقى اثر والله!! ____________ نهاية البارت الثامن عشـر | ||||
|
| |
|
21-10-14, 11:26 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع عشر ” هل أكتفي بكَ حلماً ؟ أم أنت قدري وواقعي ؟” ______________ صحت بتعب شافت امها نايمه عندها .. خنقتها العبره مدت يدها بإرتجاف مسحت على راسها شكراً يمه *بكت* صحت امها مفجوعه مسحت دموعها بحنيه : خلاص انا مصدقتك لا تبكين ضمتها بقوه تبكي : يمه والله مافيه احد بالدنيا مثلك جمايلك مهما اسوي واعدهم ماراح اقدر *بكت اكثر * يمه احبك بكت امها ضمتها اكثر : انا احبك يابنتي فيه احد مايحب قطعه من روحه؟ واثقه فيك واعرفك وبصدقك بصوت مخنوق : شكراً شكراً يمه شكراً امها تمسح دموع جمانه بروح اسوي الفطور امشي اساعدك تغسلين وتبدلين ابتسمت لها جمانه والعبره خانقتها هزت راسها بـ إيه ______________ جالس ماسك راسه بينفجر من القلق ايش تسوي وايش صار معها؟؟ بخير ؟ فرحانه مع اهلها تنهد بحرقه ضرب صدره بيده ليش هذا مو مرتاح لييش!! زففر انسدح غمض عيونه بقوه ينسي نفسه يبي ينام لو وبع ساعه مو قادر من التفكير قرب ينادي الحراس : اطلبوا سلمان ابيه! الحارس يضحك : هههههههههههه بيجيك يعني؟ فيصل بحده : تحررك!! قمط وراح يقول لسلمان ______________ سعد : ساره خلاص تأسفت لمتى وحنا كذا؟ ساره ببرود : لين ارضى! سعد تنهد وهو يناظرها بخيبه ورجاء توترت من نظراته لفت تلعب ياسر قام بيطلع : تبين شي ؟ ساره : لا شكراً طلع واتجه على طول لمحل مجوهرات طلب اغلى طقم الماس طلبهم يغلفونه ! طلع واشترى باقة ورد أحمر كبييره فيها ورقة اعتذار بخط يده ! ________________ الرئيس يصرخ بغضب : ووييننهاا الللحييين؟؟؟ بخوف : ببيتها اخذها اياد قبل ناخذها ماتوقعنا يكون هناك الرئيس بغضب : وكيف عرف اياد ؟؟ بخبث ودهاء : سعد الرئيس بسخريه : سعد؟؟ سسععددد؟؟؟ : لا مستحيل يسويها بعدين اياد يقدر يطلعها الرئيس رافع حاجب : اها يقدر وتوقيته كان بالضبط لما يقبضون على فيصل! ____________ الحارس : هذا اللي قاله بس سلمان بإستغراب وشك انا حاس انه وراه سالفه! قام يروح مع الحارس اللي تفاجئ انه جاء بكل سهوله! سلمان واقف قدام فيصل يفصلهم حدايد ! سلمان : خير ؟ فيصل رافع حاجب : الخير بوجهك سلمان بإبتسامة سخريه : تسلم! فيصل : بعترف بالغرفة التحقيق انا اللي تاجرت بمخدرات وخمر! سلمان بإندهاش طيب اعترفت !!! حس انه وراه شي ماقال كذا عبث ! : طيب تعال معي لغرفة التحقيق فتح الحارس القفل وطلع فيصل يمشي ورا سلمان وايدينه مكبله! _______________ جمانه تفطر مع امها يسولفون ويضحكون يحاولون ينسون بعضهم اللي جالس يصير ! جمانه : يمه اتصلي على ريما ورهف يجون اشتقت لهم ! ام جمانه بإبتسامه : بيفرحون كثثييير جمانه بإبتسامه وغرور : اكيد بيفرحو مو جمانه رجعت؟ ام جمانه تضحك : ثقتك لازم نلقى لها حل. * اتصلت على ريما * ام جمانه : هلا ريما جمانه تأشر لامها وتتكلم بصوت منخفض لاااا تقوولين لها انيي هناا خليها مفاجئه!! ام جمانه بإبتسامه اشرت لجمان بيدها بـ اوكي : تعالي عندي انتي ورهف اليوم بسلم عليكم : العصر ؟ اوكي حلو : مع السلامه _____________ فيصل يمشى ورا سلمان قرب منه وهمس بأذنه بقولك شي مهم لا تفتح التسجيل ! وترا التهمه ملفقه ! سلمان هز راسه بإيه كنت حاس من البدايه وراك قصه! دخلوا غرفة التحقيق سلمان طلب من بدر يدير التسجيل والكاميرات من داخل ويسكرهم سلمان : واللحين قول اللي تبي مافيه تسجيل ولا كاميرات فيصل : بدخل بالموضوع على طول سلمان : تقضل فيصل:اول شي انا من اسبوع ماكنت هنا رجعت امس علشان شغله بس .. وتقدر تتأكد من الكاميرا اللي انا معلقها بالبيت تلقاها فوق بالسقف على الثريا كاميرة مراقبه صغيره .. سلمان يهز راسه : طيب اللي لفق التهمه مين ؟ وايش الدافع اللي خلاه يسوي كذا؟ فيصل : هو نفسه اللي تسبب لحادثك! رفع عينه لفيصل بصدمه فيصل : اليو اس بي انا اللي حطيتها ! * بغصه* هو قتل صديقي ! اخوي قتله !! سلمان بغضب : حقير !!! عندك دليل فيصل بقهر هز راسه ب لا! : انا رجعت هنا علشان اخذ دليل يخليه يعفن بالسجن ولقيته! سلمان : وينه واكيد حس اللحين عن اختفاءه ليش مافيه ردت فعل؟ !! فيصل : اذا قلت مكانه اللحين بيصير نفس اللي صار قبل و ماراح يدرون لاني اخذت اوراقهم الاصليه وحطيت لهم اوراق مزوره! سلمان : عندك خطه؟ فيصل بخبث ودهاء : ايوه بس بالاول تصرف كانه اعترفت انه انا ولا احد يدري باللي قلته! علشان مايسون شي ويحسبون انتهى امري الى يوم المحكمه نـ…. سلمان يهز راسه بإعجاب : اوكي ! __________________ يتبع…. | ||||
|
| |
|
21-10-14, 11:43 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  تابع البارت التاسع عشـر ” هل أكتفي بكَ حلماً ؟ أم أنت قدري وواقعي ” _____________ سعد دخل للبيت اخذ ياسر عطاه المربيه وقالها تنومه دخل عن ساره اللي اول ماشافته جاي قامت تطلع مسكها قبل تطلع جلسّها على الكرسي جلس قدامها على ركبته مد لها باقة الورد الكبيره : اسف سامحيني __________ جمانه متخبيه ورا الباب دخلت ريما ورهف يسولفون ويضحكون مع ام جمانه نطت قدامهم فجأه : بوووو بفجعه رجعوا فجاء ورا : بسم اللـ.. جمااااانننه !! ركضت لها ضمتها بقوووه بغصه : خفت مااشوفك ابد جمانه تمسح دموع ريما : اووو خير ماارجع رهف للحين واققه بمكانها : ريما اقرصيني ! ريما : ههههههههههههههههههههه يالفاهيه قرصتها بقوه وراحت ضمت جمانه: اخيراً رجعتي اشتقنا لك جمانه : وانا اكثر والله واقفه عند الباب تراقبهم بإبتسامه الله مارزقها بخوات بس عواضها بصديقات مافيه منهم بهالزمن! جمانه تنادي : تعالي ماما معنا ام جمانه بإبتسامه: لا حبيبتي عندي شغل اقعدوا سولفوا ______________ فيصل جالس يعد الايام ليوم المحكمه اليوم الحاسم! الساعه ! وينها؟ يحاول يتذكر وين حطيتها وين؟؟ تذكر لما ركب السياره راجع للرياض تركها بالسياره ! قام للحارس : اطلب سلمان جلس زين اني طلبت يتوسط لي بسجن لحالي افتراضاً لو الرئيس مرسل أحد بالسجن يراقب! __________ سعد : اسف سامحيني تجمعت الدموع بعيونها وبعتاب : ليش سويت كذا؟ ابي اعرف بس ليش ؟ سعد يتنهد : اقدر احتفظ بالسبب لنفسي ؟ ساره بغصه : لهدرجه متى تقدرني ؟ ليش تخبي عني؟ ايش يعني زوجه وشريكة حياه ؟ بينهم اسرار؟ سعد بخنقه : ساره ! لاتفسرين على هواك! انا ماقلت كذا ! بس هذا الشي بالذات ماابي زوجتي تعرفه! بعض الاشياء لازم نخبيها عن بعض علشان نكمل حياتنا! ساره تنزل عينها : متزوج غيري؟ سعد بنفي قاطع : تحرم علي نساء حواء غيرك! رفعت عينها له سحبت نفس ابتسمت : سامحتك! سعد بفرحه كبيره ضماها بقوه ساره بضحكه : خلاص كسرت عظامي سعد بعدها عنه بإبتسامه واسعه : شكراً ! ___________ ريما : جمانه قوليلنا وين كنتي وايش الي صار؟ ريما ورهف بصوت واحد : تحسبين بنصدق اللي بالجوال مثلا؟ جمانه بإستغراب : وشو اللي بالجوال؟ رسالة اياد؟ ريما : جوالك!! والمحادثات والاتصالات ! جمانه : وش تقولون؟؟ ريما : يالله دقيقه الجوال مو لك يعني؟ جمانه : مافهمت شي ترا رهف : لقينا بجوالك محادثات مع شباب وارقام انك تكلمينهم واتفقتي مع واحد تهربين معه ! جمانه بصدمه : انااا؟؟؟؟ لا والله مو انا ! مو جوالي هذا !! رهف : ايوه حنا مصدقين وواثقين انه ماكان انتي بس ابوك شكله صدق علشان كذا ضربك! جمانه تهز راسها بنفي : لا هو كان بيده صور امس! ريما : اللي عطاه الصور هو نفسه اللي خطفك وبدل جوالك اكيد! جمانه بصدمه قلبها يدق : لا لا مستحيل يسوي كذا رهف : ايش اللي مستحيل مجرم هذا!! شكله بينه وبين ابوك شي ! جمانه تجمعت الدموع بعيونها : اقولكم مو هو والله خطفني يحميني ما أذاني ابد! ريما بإستغراب : هيه جمانه اصحي ايش اللي خطفك يحميك مصدقته؟؟ جمانه بثقه : ايه مصدقته! كيف بيعطي ابوي الصور وهو اساساً مسجون؟ رهف بصدمه : مسجووون؟؟ جمانه : تخيلوا ملفقين له تهمة المتاجره بالمخدرات والخمر!! ريما : جمانه!!! يمكن جد تاجر مخدرات ! جمانه بغضب صرخت فيها : اقووللك هو مو كذاا افههمواا! رهف: ليش واثقه كذا؟ جمانه تتنهد : مادري بس عندي احساس هو مو كذا تخيلوا طول ما انا عنده ببيت واحد بعد لحالنا! مااذاني ولا لمسني ! يسويلي اكل حتى وهو تعبان مافرط بولا وجبه لا فطور ولا غداء ولا عشاء ! *بدموع* حتى لما مرضت عالجني ! حتى لما خطفوني رجعني! ضحك معي! ولعب معي وجابلي تلفزيون ! * بكت * لا تتكلمون عنه كذا وانتم ماتعرفونه ! ريما ضمتها : ياقلبي رهف تتنهد وبحنيه : جمانه اصحي على نفسك! لا تفكرين فيه كذا! هو بالنهايه مجرم وخاطف! انسيه وانسي اللي صار جمانه مسحت دموعها وبقوه : بزوره بالسجن! ____________ نهاية البارت التاسع عشـر | ||||
|
| |
|
21-10-14, 12:13 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت العشـرون ” هل أكتفي بكَ حلماً ؟ أم انت قدري وواقعي؟” _____________ سلمان : طلبتني؟ فيصل : ايه ابي اطلب منك خدمه سلمان : اطلب فيصل : بسيارتي ساعه قديمه من الساعات اللي تفتح وتسكر عرفتهم ؟ سلمان : ايوه فيصل : جيبها لي سلمان : ممنوع ادخل شي للسجن! فيصل : عارف علشان كذا طلبته منك ! سلمان يهز راسه : اوكي رجع بعد نص ساعه : مالقيتها! فيصل بصدمه وإستغراب : كييف انا متأكدد! سلمان : دورت زين مافيه شي فيصل بإبتسامه : شكرا سلمان : عفواً * راح* فيصل يتنهد محتفظ فيها كل هالسنين و بكل سهوله تروح! كيف بشوفها اللحين ماعندي غير هذي الصوره اللي فالساعه * ضغط على راسه بقوه * لا بحياتي ولا بصوره * بغصه* اشتقت لها وبشتاق لها اكثر ! _____________ جمانه تمسح دموعها وبقوه : بزوره بالسجن! ريما بصدمه : مجنونه؟ رهف : لالا مو من جدك جمانه !! جمانه تناظرهم بقوه : بروح ازوره واللحين ريما : كيف طيب ؟ ابوك حالف ماتعتبين الباب! رهف : ايوه واذا عرف والله لايفضحك انتي وفيصل هذا ! جمانه : عارفه وعندي خطه بس احتاجكم ! ريما : جمانه حبيبتي مهما سوا يضل مجرم ! خلاص انسيه ماحنا ناقصين مشاكل ! جمانه : تساعدوني ولا اطلعوا من هنا ! رهف : خلاص نساعدك بس بشرط جمانه تناظرها : اللي هو؟ رهف : اروح معك جمانه بفرحه : اوكي مو مشكله ريما تتنهد : الله يستر منكم جمانه : اسمعوا انا …. ___________ الرئيس بغضب : ياويلك مني ياسعد ياويلك : نقتله؟ الرئيس بخبث : لا خلوه عايش ، ابي راس ولده! __________ بيده سلك ويجلد يجلد لين نزف ! : اشتريت أمهر قاتل مأجور بـ ٢٠,٠٠٠ علشان بالنهايه هم يهربون وانت بالارض ؟ ساكت وجهه احمر عاض شفته يكتم الالم جلده ثانيه وثالثه ورابعه ! : لو كانوا اخذوك الاسعاف نهايتك بيدي ! غمض عيونه شد عليهم بألم وذكرى ذاك اليوم تمر بباله اول ماطلع فيصل وجمانه بصعوبه وقف متمسك بسور السطح يتنفس بصعوبه وجهه شاحب يتصبب منه العرق نزل ببطئ بالدرج التوت رجله وطاح من اعلى الدرج الى نهايته ! طلع جواله برجفه واتصل على صديقه بالعمل -قُتّال مأجورين- ساعده وهربوا قبل يجي الاسعاف اللي ماعرف اساساً اي مصنع هو فيه! __________ طلعت جمانه ورهف متغطين من الغرفه قابلتهم ام جمانه : وين بدري ؟ رهف : جمانه نامت وطلعنا اتركيها براحتها شكلها تعبانه تنهدت ام جمانه : بعد قلبي هي الا شفيكم متغطيات مافيه احد؟ رهف ترقع : كأننا سمعنا صوت رجال قلنا نتغطى يمكن جاء ابو جمانه طلعوا جمانه تزفر اشوا ماانتبهت رهف : زولك انتي وريما نفس الشي جمانه : ايه توقعين يدخلوني ولا يسالون انا مين اول ؟ رهف : مادري نروح ونشوف وش يصير وصلوا ونزلوا بيستأذنون شافوا شايب الجد : لو سمحت انا ابي اخذ زياره لفيصل الـ… رهف تهمس بأذن جمانه :روحي بسرعه قولي انك خطيبته جمانه تناظرها بتوتر دفتها رهف داخل جمانه بسرعه : لو سحمت ابي زياره لفيصل الـ.. الموظف : مادري ايش قلتي اختي عيدي جمانه تاخذ نفس : زياره لفيصل الـ… الموظف : مين انتي وايش تصيرين له؟ جمانه بتوتر : خـ خطيبته الموظف : اثبات ؟ الجد بسرعه وانتباه: مهاا بنتي وانتي هنا ؟ ليش ماقلتي اخذك معي؟ جمانه بصدمه تتدارك الوضع : ههه ماتوقعت تجي الجد : تعالي ندخل مع بعض تعالي الموظف مشت عليه ودخلهم ! ___________ الحارس : فيصل عندك زائر فيصل بإستغراب وصدمه : زائر ؟ انا؟ متأكد ؟ الحارس : ايوه فتح الباب طلع وراهم فيصل يده مكبله جلسوه بكرسي قدامه شبك ورا الشبك جمانه و الجد جاره ! تفاجئ بقوه وبنفس الوقت فرح ! فرح كثير ” فيه احد فقده ؟ دور عليه ؟فكر فيه؟ بحد ذاته سعاده!” جلس بصدمه : جـ جمان ؟ جمانه بإبتسامه وعبره : ايوه جمان فيصل بلع ريقه خبى فرحته وبحده : ليش جيتي ماتدرين انه خطر؟؟ جمان : الا ادري وادري انه مو صحيح وظلم زفر : جمان ارجعي لاتزيدينها علي ولا تطلعين احتمال يخطفونك جمانه تتنهد : كيفك ؟ بخير؟ يعطونك اكل؟ تاكل زين؟ ليش شاحب كذا؟ فيصل بإستغراب: وش فيك؟ نزلت دموعها مسحتهم بسرعه : شفيك عادي رد دين! انتبه ليدها مجروحه وبغضب : ايش هذا مين اللي ضربك؟؟ جمانه : ماعليك جرح بسيط فيصل : وهذا اللي هنا بعد من وين؟ بغباء رفعت يدها لرقبتها تشوف طالعه او لا فيصل : يعني فيه احد ضاربك* بحده * مين؟ اياد؟ جمانه بإرتباك : لا مو اياد فيصل : ابوك؟ بلعت ريقها : ايوه فيصل رافع حاجب : ليش ضربك ؟ علشان الجوال؟ جمانه رفعت راسها له : انت اللي سويت كذا بالجوال؟ فيصل : ايوه بس توقعت يشوف الشريحه مسجله باسم نوره يعني مو انتي ولا ذكرت اسمك بولا محادثه ! جمانه تتنهد : طيب والصور ؟ فيصل بإستغراب : اي صور :جاني هو بيده صور لي مع واحد و * نزلت عيونها* وضربني! فيصل بقهر : لو انا مو بالسجن رحت له ولا تركته يمد يده جمانه ناظرته بصدمه وقلبها يدق بقوه فيصل يرقع : لانك مظلومه الجد : سحبتوا علي؟ فيصل ناظره نساه : احم الا كيف عرفت ؟ الجد : ماقلتلك انا انك ولدي؟ فيصل يبلع ريقه : ا ايوه الجد : انا شفتهم يدخّلون الكرتون اللي فيه هذي الاشياء بوقف شاهد بالمحكمه ! فيصل بتحذير : لا توقف ولا تجي انا اعرف ادبر نفسي لا تحط نفسك بخطر ! الجد : ماراح اسكت وحتى لو مو انت ماسكت ! فيصل بصوت فيه حده: ياجد لا تتدخل وارجع لبيتك بسلام الجد يسلك : طيب طيب * وبنفسه رايح رايح !* جمانه تناظره بإمتنان : شكراً لانك دخلتني الجد : عادي اسمك جمان؟ جمانه تضحك : لا لا جمانه يكفي واحد يقولي جمان الجد بإبتسامه : خطيبته ؟ جمانه بإرتباك : لا لا الجد : كيف كنتي تدخلين شقته مااحس انك من البنات الـ * فيصل يقاطعه * : وانت تراقبني؟ الجد يحك راسه ويضحك : هههههههههههههههه اكذب لو قلت لا حس انك جد ولدي فيصل بإبتسامه : وانت ابوي جمانه ابتسمت لهم : يلا لازم ارجع مع السلامه فيصل بسرعه : انتبهي لنفسك لف للجد : روح وراها لين تركب بالسياره الحقها لين ترجع للبيت الجد بإبتسامه : ان شاء الله مع السلامه فيصل : مع السلامه ___________ الرئيس : شاهد ؟ : ايه طال عمرك سمعتهم يتكلمون وقال انه شافهم و تراه شايب ! الرئيس بخبث : يستخدم ادويه؟ : ياخذ ابر انسولين الرئيس ضحك بخبث : ….. ___________ يتبع … | ||||
|
| |
|
21-10-14, 12:20 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع البارت العشـرون ” هل أكتفي بكَ حلماً؟ أم أنت قدري وواقعي “ ___________ بخوف وصوت متقطع منخفض:سـ سعود سعود : هلا : و وينــك ؟ سعود : طلعت من المنظمه انا انسحبت خلاص : لازم ا اقابلك سعود بحيره واستغراب : اوكي الساعه ٥ بمقهى ….. ___________ جمانه رجعت مع رهف شافتهم ام جمانه : مافيه احد اكشفوا ! رهف : هههه *تضيع* صحت جمانه ؟ ام جمانه تناظرهم بإستغراب : مارضت تفتح لي الباب رهف : ايه اكيد تعبانه نفسيتها هههه رهف : بروح لها احاول معها تفتح الباب راحت و لحقتها جمانه وقفتها يد امها : اكشفي ! رهف : شفيك ياخاله عادي هههه مسكت الغطا فتحته بغضب : جماااننه؟؟؟ جمانه بخوف : لا لا ماما بس طلعت معها شو… ام جمانه :انا اوريكم * فصخت جزمتها ضربتها جمانه بألم تصرخ : ااه اااه لا لا * هربت * ام جمانه تناظر رهف : وانتي بعد تلحقها وهي تهرب رمت الجزمه ضربت راسها رهف : ااااه خالتي كسرتي راسي ام جمانه : تستاهلين واللحين دور لريما ام جمانه تطق الباب : ريييما افتحي ريما بخوف : طيب بفتح بس احلفي ماتضربيني ام جمانه : لا بضربك ليش ماقلتيلي وكذبتوا علي؟ فتحت ريما دخلوا كلهم ام جمانه تتنهد : جمانه وين رحتي ؟ جمانه : بس طلعت اشم هواء ام جمانه تغمض بقوه : لا تستخفين فيني وين رحتي قلت؟؟ انسحبت ريما ورهف من الغرفه تركوهم جمانه بعبره : يمه الله يخليك خلاص والله مابعودها ام جمانه بصوت اشبه بالصراخ : قلللت لكك ويين كنتتتي؟؟ جمانه منزله عيونها وبخوف وارتباك : رحت للسجن ! ام جمانه بين اسنانها : ايش تسوين بالسجن؟ جمانه بلعت ريقها ساكته ام جمانه : جمااانه انا ساكته للحين ماسألت وش صار او وين كنتي ؟ انا واثقه فيك بس مو واثقه بالناس اذا كانوا لمسوك او آذوك ؟ جمانه تتنهد وبعبره : انا بخير مااحد لمسني ولا احد اذاني ! حاولوا لكن *بلعت ريقها* لكن شخض حماني منهم *ناظرت امها وبكت * هم اللحين لفقوا له تهمة مخدرات وخمر لانه وقف ضدهم وساعدني ! ام جمانه : مين هذا؟ ومن وين طلع؟ انتي اساساً وين رحتي يوم الزواج ؟؟ جمانه : جتني رساله من اياد يقول لي اطلع للباب الخلفي طلعت و اخذني واحد ! اتوقع جوال اياد كان معه *نزلت دموعها * والله واقسم بعزة الله وجلالته ! مالمسني ابد ولا طلب مني اوقف قدامه بدون حجاب ! عالجني لما مرضت حتى اكلي يهتم فيه ! وهو نفسه اللي حماني منهم ! امها تهز راسها بنفي : جمانه انتي مو بعقلك ابداً هو خاطف مجرم ايش اللي يحميك ومايأذيك والخرابيط هذي؟؟ لو جد كلامه فيه شرطه! يكلم ابوك مو يجي بهالطريقه! جمانه انتبهي لنفسك فكري بعقل جمامه : ماتعرفينه انتي ماتعرفينه ام جمانه بغضب : جماانه تساهلت معك كثير لكن عن هذا الشئ ماراح اتساهل! ماراح تطلعين من البيت حتى جوال مابعطيك ولا تكلمين ولا تقابلينه ولا توصلين له كلام والله اذا سويتي شي من وراي ياجمانه لا انا امك ولا انتي بنتي ! جملنه تبكي بإنهيار : لا لا يمه الله يخليك لا والله مو مثل ماتفكرين والله !! ام جمانه وقفت : خلاص سكري الموضوع لا يعرف ابوك طلعت شافت ريما ورهف جالسين بالصاله تنهدت : ماكان لازم تسوون كذا ، اوعدوني ماتعيدونها او تتواصلون معه هذا خططيير !! مجررم!!مصدقين انه يحميها ؟؟ من وين يعرفها علشان يحميها ؟ هذا غير انه خطفها فيه شرطه وفيه ابوها ! ريما ورهف هزوا راسهم بإيه عن اقتناع : ايوه صادقه واسفين ام جمانه : يله حصل خير : مع السلامه * رجعوا لبيوتهم* ______________ الرئيس : انتبه لا يحس فيك احد اليوم لازم نتخلص منه : حاضر بخوف : يارئيس مو انا اختار غيري مابي اكون المريض ! الرئيس رافع حاجب : مريض تبي ولا ميت؟ غمض عيونه بلع ريقه : مريض الرئيس جرح فخذه جرح عميق نزف منه دم كثيير وطاح على الارض فاقد الوعي شالوا بسرعه دخلوه قسم الطوارئ بالمستشفى طلبوا الدكتور بسرعه راح لهم .. دخل الجد موعده اللحين عند الدكتور ماشافه جاء بيطلع الا جاه واحد لابس بالطو ابيض : انا الدكتور البديل اقدر اساعدك الجد : لو سمحت يادكتور انا معي سكر ابي اعرف كم جرعة انسولين اخذ؟ الدكتور بخبث : كتب له جرعه كبيره من الانسولين وعطاه! الجد بإبتسامه : الله يعطيك العافيه وطلع فصخ البالطو رماه بإهمال وطلع! _______ جالسه على السرير ضامه رجولها لصدرها معقوله بيسجنونه للابد؟ مستحيل اكيد بيدبر نفسه هو ذكي اصلا * بإحباط * لو ماقدر؟ وحكموا عليه ظلم ؟ * هزت راسها بنفي* لالا مستحيل اصلا انا ايش دخلني؟ سويت اللي علي وخلاص؟ليش افكر فيه ؟ ايوه بالضبط هو صديقي مثل ريما مثلا لو صار لها شي اكيد بقلق وافكر فيها ايوه ايوه قاطعها صوت الباب جمانه : مين ؟ ام جمانه : انا افتحي قامت فتحت الباب ام جمانه بيدها ساعه : لقيتها بجيبك جمانه عقت حواجبها تناظرها تذكرت لما اخذتها من سيارة فيصل بسعااده ضمت امها بقوه : شكراً مااماا حقتي هذي سحبتها امها بإستغراب : من وين مطلعتها قديمه مره ! جمانه تضحك : طاحت علي من السماء باست يدها وجه وقفا : الحمدلله والشكر طلعت وسكرت الباب ضحكت بقوه ضمت الساعه اخيراً ذكرى اكيد مسكها بيده باستها فتحتها تشوفها تشتغل للحين انسدحت على بطنها قدامها الساعه تراقبها مبتسمه شوي وقفت الساعه تأفأفت شفيها خربتها؟ فتحتها تحوس طاحت صوره رفعت الصوره عاقده حواجبها هذي انا ؟؟ كيف جيت هنا ومين هذا اللي معي؟ آلمها قلبها تجمعت الدموع بعيونها وهي تناظر الصوره خنقتها العبره شفيني ؟ سحبت نفس نزلت دموعها ياربي تأملته واقف جمها المها راسها مسكته تضغط عليه بآلم اااه صور واشياء تمر قدامها غمضت عيونها بقوه صرخت تلف وجهها يمين ويسار اااهه راااسسي ام جمانه بفزع تطق الباب : جماااننهه اافتتحيي ____________ نهاية البارت العشـرون | ||||
|
| |
|
21-10-14, 12:23 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  البارت الواحد والعشـرون “هل أكتفي بكَ حلماً؟ أم أنت قدري وواقعي ؟ “ _____________ جالس ينتظره شوي شافه داخل اشر له بيده -انا هنا- بلع ريقه بخوف يحاول يكون طبيعي : كيفك؟ سعد رافع حاجب : خير حاتم وشفيك؟ حاتم بربكه: شفيني يعني؟ سعد بشك : الرئيس وش ناوي عليه ادري ماراح يتركني كذا؟ حاتم بخوف: لا لا ماقال شي عنك ابد والله العظيم ضحك سعد : ياغبي كشفت نفسك حاتم يغير الموضوع : وين بتشتغل؟ _____________ جالس بهم راسه بين يدينه بعجز راسه صدع من التفكير دور بكل مكان سأل بكل مكان وبالشرطه مالقى اي جواب! جلست جمبه تتنهد: يابو طلال الله ياخذ ثارنا منهم ارتاح خلاص شوف وجهك كيف صار ؟ ابو طلال بهم : ولدي ! وولدي فلذت كبدي مات مقتول؟؟ وانا حتى القاتل مااعرفه! الله لا يسامحه الله لا يسامحه ضمته تبكي : والله مو سهل اللي نعيشه مو سهله *مسحت دموعها* احسن شي ماقلنا لساره يكفي حنا قلوبنا منحرقه عليه ! ____________ تتأمل الصوره اكثر ويزيد الم راسها اكثر صور واشياء مبعثره صداااع ضرب في الباب صوت امها صوت ضحك ولد صغير ؟ صوت ضحكها وهي صغيره كلها تمر بجنون صررخت بقووه :: اااااااااااااه راااسسسييي *تتلفت يمين ويسار تحاول بعد نفسها عن الضجيج هذا ماقدرت* فقدت الوعي ! ام جمانه لقت مفتاح زايد عندها لغرفة جمانه فتحته بسرعه انصدمت وهي تشوفها بالارض صرخت : جمماااننه جمانه بنتي جمانه رفعت راس جمانه لفخذها : جمانه اصحي جماااننه؟؟ قامت تركض اتصلت على الاسعاف : بسررعه بنتي .. ______________ ساره تمشي تدور ياسر : ياااسسر وينك ؟؟ شافت المربيه : وين ياسر؟ المربيه : مادري هو روح ماما! ساره :ياربي وين راح هالجني بصوت عالي * ياااااسسر مععي حلااووه! ____________ باقي يومين ؟ بكرا بالليل ببدا اخذ ورقه وقلم رسم له خريطه يتبعها منعاً للأخطاء الحارس : فيصل عندك زائر فتح له الباب وطلع فيصل يمشي ورا جلس على الكرسي ورا الشبك فيصل بإستغراب : مين ؟ : فهد فيصل : ماقد شفتك ؟ تعرفني؟ فهد : انا ولد الرئيس فيصل بصدمه : ولده ؟؟ فهد : ايوه كان متزوج بس. *نزل راسه* توفت بمرض السل فيصل : الله يرحمها فهد : ابي تقولي كل شي عن ابوي وكل شي تعرفه عنه فيصل رافع حاجب : ايش اللي يثبت لي صدقك؟ طلع بطاقته عطاها فيصل وتأكد انه ولده فيصل : طيب كيف تبيني اقولك ماتعرف؟ فهد : لا ابوي مرسلني لأوروبا من كنت صغير مارجعت الا قبل كم يوم ومو برضاه بعد فيصل : بقولك كل شي بس ماترجع تلومني بعدين! فهد : انا اعرف انه يسوي شي خطأ وحرام بس لازم اعرف ايش هو بالضبط ______________ فتحت عيونها ببطئ شافت امها وريما ورهف جالسين عندها ام جمانه : الحمدلله على السلامه جمانه غمضت عيونها ورجعت فتحتهم ريما : خفنا عليك جاء الدكتور : وين ولي امرها؟ قامت ام جمانه : انا الدكتور : تعالي معي راحت معه تناظره بخوف : ايش فيها يادكتور الدكتور : لا تخافي مافيها الا العافيه بس بسألك كم سؤال ام جمانه : الحمدلله ، اسأل ؟ الدكتور : تعرضت المريضه لصدمه وهي صغيره؟ ام جمانه تتنهد : ايوه الدكتور : اشرحيلي تفاصيل الحادثه ولا تتركين شي ام جمانه : جمانه هي بنتي الوحيده مالها خوات ولا اخوان كانت العصر كل يوم طلع للحديقه اللي قدام بيتنا تلعب ! ابتسمت : كانت تلعب مع ولد دايم معه واي احد يغلط عليه كانت تضربه تهاوشت مع اياد ولد جيراننا علشانه اياد يبيها تلعب معه وهي ماتبيه تطور الموضوع هذا مره صارت من تجي من المدرسه تنام عند الباب اول ما يأذن العصر تطلع وصارت ماتبي ترجع للبيت وتصيح وتضربنا تبي تلعب معه حتى احياناً تدخله للبيت بدون ندري وتاخذه لغرفتها توريه ملابسها واغراضها ماكان عندي اي مشكله انها تدخله بس انها دخلت غريب بدون تقولي لازم تعرف انه مو اي احد تدخله للبيت كدرس لها حرمتها يوم ماتطلع ماقد شفت جمانه شرسه مثل ذاك اليوم اللي حرمتها فيه! و من بعد ذاك اليوم اختفى الولد مرت بأيام صعبه جداً تخيل يادكتور لا تاكل ولا تشرب وشرسه تضرب اي احد قدامها وتصيح ابيه ابيه بعد فتره استوعبت انه خلاص ماراح يرجع صارت تأذي نفسها وتبكي تقول لاني ماراحت ذاك اليوم صارت تلوم نفسها وكرهتني اغمى عليها ومن بعد ذاك اليوم مسحته من ذاكرتها من الصدمه ماعادت تتذكره ! ابداً احيانا تقول فيصل ؟ وبس تنسى فتره ونست كل شي حتى اسمه! الدكتور : قابلته ولا شافته هالفتره؟ ام جمانه : لا الدكتور : الاطفال يحسون بالحب مثلنا! الفرق حبهم صادق وطاهر ! ولا يعرفون يعبرون عن دواخلهم ، تذكرها اللحين له ماتذكرته هو بس حتى حبها لانها ماتخلصت منه مازال بقلبها واللحين تعيش فراقه نفس وهي صغيره اهتمي فيها فتره وتعدي ! ام جمانه : شكراً دكتور رجعت عند جمانه : كيفك ماردت عليها ولا ناظرتها ريما : من اليوم نكلمها انا ورهف ماردت علينا ام جمانه تتنهد : تبين نرجع للبيت ؟ لارد : تكرهين المستشفيات انتي صح ؟ لارد : اللحين نطلع ____________ يتبع … | ||||
|
| |
|
21-10-14, 12:39 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع البارت الواحد والعشـرون “هل أكتفي بكَ حلماً؟ أم أنت قدري وواقعي ؟” _____________ تبكي بيدها الجوال رد رد رد ! : هلا حبـ قاطعته بصراخ ودموع : سسعععد اللحق علليي يااسر اختتفااء سعد بصراخ وقلق : وينك بالبيت؟؟ ساره : ايه ركب سيارته مشى فيها بسرعه قطع كل الاشاراة بطريقه رن جواله رد بسرعه : ايش صار لقيتيه؟ : ههههههههههههههههههههه تتوقع بتلقاه هي؟ سعد بغضبب صررخ : ياااحححققييييررر !! اترك والوولدد وتفااهم معععي !!! بسخريه : تعال لـ …. * سكر * وقف ورجع زااد السررعه وقلبه يررجججف مقهور معصب !! ______________ ساره بالبيت تبكي بإنهيار وألم كبير ولدي ياسر كله مني اهملته كككله مني يااربب رجععه لي يااررب جتها المربيه مدت لها ورقه فيه : مدام هدا واحد دخلها تحت الباب وراح ! قامت وقفت سحبتها ” تبين ولدك ياسر تعالي لـ…… ولا تقولين لأحد حتى لزوجك واذا قلتي ولدك انسيه “ صرخت بخوف اتصلت على السواق وطلعت : بسررعه لـ……. _______________ أم جمانه : يله حبيبتي كولي لفت وجهها برفض بدون تتكلم ام جمانه : الله يرضى عليك يابنتي تكلمي قولي شي قلبي يوجعني تكلمي او كولي على الاقل رفعت عينها لها بدموع وصوت متقطع مخنوق : يـمـ ـه ام جمانه تمسك يدها تشد عليها تناظر عيونها مباشره : ياروح امك جمانه بعبره وصوت مخنووق تأشر على قلبها : يألـمـ ـني كثثير يـمـ ـه كثـ يـر ! ضمتها بحزن على حالها وقلق : ماعليه فتره وتعدي فتره جمانه دموعها تنزل : هو عرفني ! انا ماعرفته ولا تذكرته حتى ! شكثر الالم اللي حس فيه؟ يمه قلبي يوجعني ماكنت عارفه انه هو نفسه بس حبيته ووثقت فيه * بكت بقوه * ييمه شسوي ؟؟ شسوي قلبي يألمني اللحين بس فهمت نفسي ام جمانه مافهمت ايش تقصد بس اللي تعرفه انها تتألم ! بعبره : لو اقدر اشيل هالالم اتحمله عنك يايمه لو اقدر جمانه غمضت عيونها ضمت امها اكثر ام جمانه : خلاص ياجمانه صار ماضي وذكرى جميله لطفل انسيه جمانه مو هنا المشكله لو ماقابلته كان اهون علي. ماحبت تضايق امها اكثر بعدت عنها وابتسمت مسحت دموعها : اجمل ذكرى مع طفل ! غسلت وجهها واكلت __________________ دخل سعد بسرعه انصدم ساره واقفه قدامه! سعد بصدمه : سـ سـاره؟ ساره بإحتقار: ايه ساره زوجتك يارجل الاعمال الشريف بلع ريقه الا هالنظره لا تناظريني كذا لف وجهه عنها شاف ياسر مجلسينه بكرسي مربط مضروب يبكي بصوت منخفض علشان مايضربونه دمعت عينه وهو يشوفه بحرقه يحس بجمره واقفه ببلعومه بألم : يـ ـاسر ولدي صرخت ساره : مو ولدك ولدي اناا بس انااا ياسر بصوت منخفض متعب متألم : بـ ـابا ضـربوني مـ ـاما دلع دم -طلع- ساره تبكي بإنهيار : ولدي الله يخليكم اتروكوه اتركووه الله يخليككم * جلست عند رجل الرئيس تبوسها * اعطيك اللي تبي اسويك اللي تبي بس اتركه اتررك وللدي صرخ سعد : ساااررره قوووممي ماردت عليه تناظر الرئيس : موافق موافق؟ جاها سعد رفعها ناظر الرئيس بصراخ : وبعديين يعنيي؟؟؟ وشش تبييي؟؟ الرئيس يناظرهم بسخريه ضحك لف لرجال : اتركوه يرجع لهم تركوه راح يرككض : مااامااا بااباا قبل يوصلهم بكل برود طلع مسدس قتله ! اخترقت ظهره الرصاصه فمه يتدافع الدم فيه طاح بالارض : مـ ـامـ ـا وقفوا لحظه يناظرونه من بعيد بدون اي ردة فعل ! صددمه لفت تناظر سعد تضحك بجنون وجهها كله دموع: حللم؟ كابوس؟ متى اصحى ؟ مشى ببطئ بكل طاقته يمشي برجفه : ياسـ ر ؟ جلس عنده بإبتسامه : ياسر ؟ بابا جاء قوم؟ يـ ـاسر * صرررخ * قوووومم * ضممه بقووه يبكي يصرخ يبكي يشهق ياسسرر وللدييي يااااسسررر قربت منه تمسح الدم من وجه وملابسه : اللحين يصحى لا تبكي سعد ! شفيك حتى ياسر مابكاء مثلك صرخ فيها : اصصححيي اصححي بنزلت دموعها بغزاره صرخت : ماابيي اصححى مااببييييي *انهارت على الارض تبكي *حسبي الله عليكم حسسببيي الله علليييكممم والله مااسامححككم والله *تضرب وجهها وتبكي قربت من سعد ضربته وضربته : ررججع وللددي كلله منننك ياحقيييير كللله مننننكك جاه اتصال : الشرطه؟ اوكي طلع هو ورجاله ركبو السياره وهربوا قبل يجون الشرطه! _______________ فيصل يجهز نفسه: بعد ساعه بروح سلمان : انتتببه لاحد يحس فيه انا بتكفل بكل الحراس فيصل : لازم اجيب الدليل قبل المحكمه بكرا والله مااتركه وبجيب الدليل اللي يأكد قتله لطلال! سلمان يهز راسه بإيه : لازم! _____________ دخل للبيت بجمود فتح غرفتها بغضب : تجهزي بكرا ملكتك على اياد ! جمانه بصدمه : ككييف؟؟ ابو جمانه بسخريه : احمدي ربك احد بياخذك حقيره صايعه عاهره كلمه تليق لك! جمانه بألم : لا تظلميني يايبه لا تظلمني مابي ذنبي يصير برقبتك ابو جمانه من ورا قلبه صرخ فيها : ولا كللمه ياكذذاابه ياحققييره جد مااعرفت اربيك !! طلع وضرب وراه الباب بقوه __________ نهاية البارت الواحد والعشرون . | ||||
|
| |
|
21-10-14, 11:45 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني والعشـرون “هل أكتفي بكَ حلماً؟ أم أنت قدري وواقعي ؟” _____________ دخلت سيارات الشرطه والاسعاف قام سعد رافع ياسر بين يدينه يركض فيه للإسعاف صرخ فيهم : لأقرب مستشفى بسسسررعه ماماات !! ساره جالسه ماسكه يد ياسر تبكي وتدعي له وصلوا للمستشفى نزلوا للطوارئ لغرفة العمليات على طول! جالسين برا الغرفه تبكي وتدعي تلوم سعد على كل اللي صار ___________ جمانه تصرخ : ماراح اتزووج مارااح اتتزوووج قرب منها مسكها مع شعرها يناظرها بغغصضب صرخ فيها : بتتزوجين ورجلك فرق راسك فاااههممه جمانه وهي تبكي : لا مو فاهمه لااااا صطرها كف من قوته طاحت بالارض سحبها مع شعرها وقفها : بتتزوجين وانتي حمار ارفضي ولا فشليني قدام الشيخ وشوفي وش بسوي فيك تركها بقوه وطلع .. بكت بقوه دموعها تنزل بحرقه تبكي وتبكي من امس وهي تبكي حتى امها منعها تروح لها وقافل عليها! بيدها الصوره وتبكي تناظر فيصل وتخاطبه كأنه يسمعها ! : اطلع من السجن بسرعه انا انتظرك لا تتركني حتى لو تزوجت احميني فيصل احميني احميني ضمت الصوره وبكت بقوه ___________ طلع الدكتور ركضوا عنده سعد بخوف : بششر ؟ الدكتور : الحمدلله عاش طلّعنا الرصاصه من ظهره رحمه من ربي انه عاش سبحان الله بالنسبه لطفل رصاصه بظهره .. سعد وساره ينفس الوقت سجدوا شكر لله يحمدون ربهم ويشكرونه ! بفرحه وصدمه ماتوقعوا يعيش رحمة ربي واسعه .. الدكتور : لو سمحت تعال لغرفتي مشى وراه دخلوا جلس الدكتور واشر لسعد يجلس قدامه الدكتور : الاصابه جت بعاموده الفقري الاصابه مره قويه تسببت بفقدان التحكم بالعضلات و وراح يصير عنده تشنجات عضليه متكرره يُؤسفني اقول انه راح يكون مشلول الحركه فتره بعد مايتعاقى ظهره نبدأ معه علاج تأهيلي مااضمن انه الحركه ترجع مثل قبل لكن بتتحسن وادعوله يناظره ببرود كل شي داخله فوضى عقله قلبه مايتحمل تنفسه ارتفع يتنفس بقوه الدكتور بقلق : سعد سعد صرررخ بققووه رمى كل شي على الطاوله ضرب نفسه بجنونه كلللله مننني كللل اللي يصيير فييه منني مااله ذننب مااللله ذذذننب !! مسكه الدكتور بكل قوته يحاول يروضه كان هايج صرخ للممرضات يجون عطوه ابرة مهدئ ثواني وارتخاء بين يدينه سدحوه على السرير دخلت على صوت الصراخ والتكسير ماتحملت قربت للدكتور قولي وش فيه ولدي وش بيصير فيه ؟؟ تنهد الدكتور : ولدك فـ قاطعته بسرعه : خلاص لا تقول مابي اعرف سكرت اذانها بيدها وبصراخ : مابي اعرف مابي اعرف قامت تمشي بتطلع ترجف دموعها تنزل ابتسمت الحمدلله عايش هذا اهم شي الحمدلله على كل حال الحمدلله اتصلت على السواق تبي تهرب من هنا ركبت على البيت بسرعه عند ماما صعدت للغرفه بدون ترد عليهم ولا على تساؤلاتهم دخلت غرفتها رمت نفسها على السرير وبكت وبكت ليته فيني ولا فيك حبيبي ليته اكلت حبتين بندول نايت ونامت بعمق تتمنى ماتصحى ابد! ______________ الساعه ٣ دخل سلمان للسجن بيده صحن فيه كاسات شاي على عدد الموجودين من الحراس ! سلمان يبتسم : اليوم بعطيكم شاي انا سويته تقدير لكم تاركين بيوتكم وجايني بالليل للحراسه ! الحراس : تسلم وزع لهم كلهم تأكد انهم كلهم شربوا طلع بعد نص ساعه دخل مره ثانيه شافهم كلهم ناموا! سحب من حارس فيصل المفتاح فتح له لبس سلمان ملابس السجن وانسدح مكان فيصل معطي الباب ظهره اما فيصل لابس اسود وكاب فيها كاميرا مراقبه وتسجيل صغغيره وجهازين تنصت وتسجيل برجله بدر بغرفة المراقبه يراقب فيصل واللي يصير معه من الكاميرا اللي مثبتها يمشى بخفه علشان ماحد ينتبه عليه ركب سيارته وحرك لبيت الرئيس ! ___________ يتبع … | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
