و انطفأت الشمُوع / للكاتبة لحن الخريف ، بحرينية مكتملة

[لامارا]

الـجـزء ( 5 ) الفصل الثــانـي

=========

الهدوء كان مسيطر عالاجواء ,, طلال عقب ما رد من بيت عمه منصور ما كان يشوف غير باب غرفته .. أمل كانت يالسة عالكرسي .. و طلال متسند ع حافة السرير ,, و الهدوء هو نفسه !!! طلال غمض عينه و هاجت فيه ذاكرته لتقريباً قبل 3 و الله 4 سنين .. أمل كانت بنت مراهقة و رغم هذا غصبها بو طلال و بوخالد ( عم طلال ,, منصور ) على انها تتزوج طلال .. رغم الرفض الي لاقوه من قبل الطرفين ,, الا ان هالزواج تم غصبـ(ن) عن الكل ,, تقريباً بعد شهر و الله شهرين من زواجهم و المشاكل المستمرة في حياتهم .. أمل ( 19 سنة .. كانت صغيرة عالزواج و الاحلام الوردية للحين في بالها )

في نفس المكان الي الحين أمل يالسة عليه قبل ثلاث سنوات همْ يالسة عليه ,, و في نفس الوقت كان طلال توه داخل الغرفة راد من الشركة .. فصخ جاكيته الأسود و رماه عالكرسي و في نفس الوقت رمى جسمه عالسرير .. فتح زرار قميصه الأبيض و تنفس الصعداء ,, رفعت أمل عيونها عالرواية الي تقراها و ظلت تطالعه يبين على ملامحه التعب .. رجعت عيونها في الرواية و اهيا تهز راسها ,,

طلال و للحين عينه مسكرنها : أمل .. منوه شفتي اليوم في الجامعة ؟؟؟
أمل ردت رفعت عيونها عن الرواية و حواجبها شبه معقودة : ليش تسأل ؟؟؟؟؟
طلال فتح عينه و بنظرة تخفي وراها أشياء وايد : كمن مرة اقول لج اذا سألتج سؤال لا تجاوبيني بمثله !!!
أمل صكت الرواية و بهدوء خلتها يمها : موب من عوايدك تسأل ؟؟ و بعدين انا ما شفت حد مميز اليوم ,,
طلال عدل يلسته ,, قال و اهوا يضم يدينه ببعض : حتى محمد ولد خالتج شمه ؟؟؟؟

أمل أبتسمت بسخرية و وقفت عن الكرسي ,, طلال ظل يطالعها لما يلست يمه عالسرير ..

أمل : شسمي هالشي ؟؟؟؟ مراقبة و الله ؟
طلال بصوت يميل للعصبية : يعني انج شفتينه ؟؟؟؟ و وقفتي مدة وياه ؟؟؟
أمل و للحين نظرة السخرية ما فارقت عينها : هيه نعم شفته و رمست وياه بعد ( للحين اللهجة الاماراتية منطبعة فيها .. ما أتأقلمت عالبحرين و ع لهجتها )
طلال صرخ عليها بقوة : و لج عين بعد ؟؟ ( طالع الجهة الثانية ) موب منج مني انا الي أخذت مراهقة مثلج
أمل : عالاقل مراهقة في الـ 19 و لا مراهق في الـ 23 !!!
طلال طالعها بعيون حادة : شقصدج ؟؟؟
أمل : اظنك فاهم قصدي زين ,, عيل شتسمي نظرات فجر لك ؟؟؟؟ و الله كلامك و ابتسامتك وياها ؟؟؟؟

طلال بعصبية يودها من شعرها فـ طاحت الربطة الحمرة عنها و تدلت عالأرض ويه عيونها الي سدتها بخوف .. و بعصبية أكبر كان بيسطرها على خدها بس دموعها الي انسابت على خدها ,, خلته يتراجع .. نزل يده و اهوا يردد (( أستغفر الله العظيم )) بس كل هذا ما منعه انه يرميها عالأرض بعييييد عنه ,, وقف و مشى للباب ,, قبل ما يطلع طالعها بعصبية و صفع الباب وراه !!! أمل تألمت من الي يصير كل يوم و يتكرر .. حاولت تسترد بقايا روحها و آلامها الي تجذبها في أنفاسها,, تسندت عالسرير و وقفت .. مشت بخطوات ثجيلة صوب الباب ,, توها بتفتحه انفتح .. دخل طلال فـ دعم جسمه بجسم أمل الي من كثر تعبها طاحت عالأرض و يلست تصيح .. نزل لمستواها ,, رفع جسمها الضعيف عن الأرض ..

طلال بهدوء : أمل ,, شفيج ؟؟؟؟

بعيد عن كل الي استوى ,, رمت روحها في صدره و ظلت متشبتة في قميصه بقووة .. كانت هذه حياتهم !!! كل واحد يكمل الثاني رغم المشاكل الي غطتهم ,,

خلنا نرد من يديد لهدوء هالغرفة ,, و نتأمل في هالاثنين الي كل واحد عيونه تحكي معاناته طول هالسنتين .. قطع السكوت صوت خطوات طلال لما تجرب من أمل و يلس يمها عالكرسي .. باعدت ويهها عن ويهه ما تقدر تطالعه !!! كانت مجبورة في هاللحظة تحدد مشاعرها اتجاه هالانسان .. طلال خلى يده على لحيتها و فر ويهها ,, خلاها غصبـ(ن) عنها تطالعه .. (( يا الله شقد مشتاق لـ هالانسانة )) غمضت أمل عينها بألم ,, ما كانت مستعدة تطالعه !!!! دموعها خانتها و ظلت تنساب على خدها مثل السيل ..

طلال بحنية : أمل .. بلاج تبجين ؟؟؟؟
أمل بصوت بالكاد ينسمع : أحاول .. أصدق .. انك .. موجود
طلال بأبتسامة تطير العقل : لا صدقي حياتي ,, صدقي .. ( جرب راسها من صدره ) انا مشتاق لج أمل ,,
أمل ظلت تبجي : انته ضيعتني طلال .. جرحت قلبي لما أختفيت !!!
طلال نزل راسه على راسها و سمح لدمعة جريئة تنساب على خده : أشكر الله الي خلاني اختفي هالسنتين عسب بس أعرف قيمتج في قلبي .. ( غمض عينه بألم ) في هالسنتين يا أمل عرفت شقد كنت أعزج و أغليج ,, عرفت شقد كنت اكابر لما أشوفج .. عرفت ان هواشنا ما كان ينتج الا من كبرياء سخيف في نفسي آآآآآآآه يا أمل .. لو أتكلم لج من اليوم لبكرة عمري ما بأقدر أقول لج عن كثر غلاج في صدري ..
أمل غمضت عينها و قالت بصوت هادئ : انا .. أحبك .. طلال

..:: ( و أخيراً فضحتها الدموع ,, و بانت مشاعرها ) ::..

======

بريطـانـيـا
اليوم / الأربـعاء
السـاعة / 9:13 بالليـل
\
:

باطلالة هادئة طلع الصبح ع بريطانيا ,, و في هالركن الهادئ من الغرفة كانت غالية للحين راقدة .. و ضامة جاكيت فهد لأحظانها و خشمها الصغير يستنشق عطر فهد الـGiorgio Armani .. يلس فهد يمها عالسرير و اهوا يتامل ملامحها البريئة ,,

فهد بهمس : يلا غالية قومي ,, بتخيسن رقاد على هالحالة ..
غالية انجلبت الجهة الثانية و للحين جاكيت فهد في حضنها : اممممممممم ..
فهد سحب جاكيته عن يدها : يا غالية لين متى بتظلين راقدة ؟؟ الساعة 9 الحين !!
غطت عينها بيدها تمنع أشعة الشمس تتسلل لعيونها : ما ابي فهد .. وخر عني ابي انام ..
فهد بحنية : غالية أمج تنطرنا .. قومي انا بـ آخذ شاور على ما انتيه تتزهبين ..

قام عنها و طلع عن الغرفة ,, نزلت من عالسرير بثجل كبييير .. فتحت كبتها و طلعت لها ثياب غير عن الي أمس تبللوا ماي ,, تذكرت كلام فهد أمس فـ غمضت عينها بألم (( آآآه يا يمه لا تروحين و تضيعيني وراج ,, انا ما تزوجت فهد الا علشاني أبي اكون يمج و أوصلج عقبها لين البحرين و انتيه سالمة موب جسم بدون روح )) طردت هالافكار من عقلها لانها ابد ما قدرت تتخيل امها بهالصورة .. دخلت الحمام و خذت شاور عالسريع ,, طلعت ( اكرمكم الله ) و اهيا تنشف شعرها عن الماي .. يلست قبال التسريحة ,, خلت الفوطة عالطاولة يمها .. و اهيا تمشي المشط بتسلسل في شعرها الأسود المتعرج ,, رفعته بكلبس بيج على لون قميصها ,, وقفت عن الكرسي و اهيا تطالع عباتها الي كانت مقطوطة عالكمدينو .. اعتفست ملامحها لما تذكرت انها مخرسة ماي ,, و الجيس الي كانت مخلية فيه عباياتها الباجية نسته في صندوق سيارة عيسى .. طلعت لها شيلة سودة من شنطتها ,, و لفتها على راسها و دموعها متعلقة في عيونها .. ما تدري ليش تحس بالضيجة ؟؟؟؟ شالت تلفونها و طلعت من الغرفة .. طالعت الصالة تدور بأنظارها عن فهد توقعته زهب ,, رفعت تنورتها البنية الي كانت شويه طويلة مرصعة بحبات كريستال بسيطة و حزام بيج مربوط فيها متدلي بأنسيابية هادية ,, طقت باب غرفة فهد .. داعبها صوته من داخل ..

فهد : دخلي غالية ..

فتحت الباب بهدوء و دخلت الغرفة ,, كان واقف عند التسريحة ييفرك شعره بالفوطة .. طالعها من المنظرة

فهد : صاير شي ؟؟
غالية نزلت راسها : عباتي كلها ماي ,, بس كنت بقول لك ان ما عندي عباة الحين ..
فهد رفع حواجبه : انزين .. و شنو المشكلة ؟؟
غالية رفعت راسها و طالعته : شنو شنو المشكلة ؟؟ اروح جذيه بدون عباة ؟
فهد ( طالع المنضرة و هز كتوفه ) : مافيها شي و الله تبين تيلسين في الشقة بروحج هذا شي ثاني طبعاً !!
غالية : لا يا معوّد شنو ايلس بروحي هنيه ,, أروح بدون عباة احسن لي ( كانت بتطلع بس شدها ثوب مقطوط عالسرير ,, وقفت في مكانها و التفتت لفهد ) فهد ثوب منوه هذا ؟؟؟؟
فهد ( طالع الثوب ) : ثوبي انا ,, ليش تسألين ؟؟؟؟
غالية ( و اهيا ترفع الثوب عن السرير ) : طيب انته ليش ما تلبس ثوب ؟؟؟؟؟؟ انا ما اشوفك الا بجينز و فانيلة أو قميص ؟؟؟؟؟
فهد بدون إهتمام : تعودت على هاللبس و لا تنسين ان ست سنوات في بلاد اجنبية كفيلة تخليني اتعود على هاللبس اكثر من الثوب ..
غالية : تصدق خاطري اشوفك بالثوب لو مرة وحدة ( لما شافته ساكت قالت ) علشان خاطري .. ( فهد ظل رافع حواجبه يطالعها ) شفيك تطالعني جذيه ؟؟ قلت شي غلط ؟؟
فهد ( أخذ من عندها الثوب ,, قال و اهوا يقرب ويهه من ويهها ) : علشان خاطرج يا بنت عمي ..

تهرب فهد من نظراتها و دش الحمام ,, حركت راسها بـ لا حول و لا قوة الا بالله و شبه ابتسامة مرسومة على بوزها .. يلست على سريره تتأمل الغرفة ,, انسدحت عالسرير و اهيا تاخذ نفس طويييل (( أحس بخوف لما اتذكر كلام فهد البارحة انها ما بتبقى اكثر من سنة )) غمضت عينها تمنع دموعها تخونها و تطيح على خدها (( ايييييه يا يمه بتروحين و بتخلينا ايتام وراج .. لو طلال حيّ كان أول من يمسح دمعتي بس وينك يا طلال ؟؟ الله يرحمك ان شاء الله و يغمد روحك الينة ))

فهد : احم احم ..

غالية قامت عن السرير و الخجل باين على ملامحها : سوري بس كنت تعبانة و و و ما حسيت لروحي ..
فهد : ههههههههههه افا عليج .. هالحجرة اعتبريها حجرتج ..

رفعت عيونها عن الأرض و طالعت فهد (( ما شاء الله عليه ,, شقد شكله حلو بالثوب )) طالعت حواليها تدور على " الغترة " الي كانت جريبة منها ,, شالتها عن الارض و بهدوء خلتها على راسه ..

فهد : شفيج ؟؟
غالية : انته ما عليك .. لا تتكلم اوكيه , خلني اكمل شغلي ..

كتمت ضحكتها لما رفع حواجبه ,, عدلت الغترة و خلت العقال في وسطها .. حاولت تخفي توترها من نظراته جنه يفصل ملامح ويهها .. كملت تعديل الغترة كانت متعودة كل يوم تعدل غترة أبوها لما يطلع للشركة ,, شالت يدها عن الغترة قبل ما تنزلها يودها فهد و ضماها بيدينه الثنتين .. طالعت يدها عقبها طالعته (( ما اخفي عليكم ان نظراته سحرتني )) أبتسمت بخجل و قالت ..

غالية : فهد شفيك تطالعني جذيه ؟؟
فهد : كنج تتعمدين تسحريني بنظراتج و بحركاتج هذه ؟
غالية ( تستصنع الهبل ) : خيبـة .. شفيها نظراتي و حركاتي !!
فهد : ايييه سوي روحج ما فهمتين شي .. عموماً " أبتسم " يا بنت عمي ما نبي نتأخر أكثر و خصوصاً ان المطر يجوز يطيح في أي وقت ..
غالية ببراءة : انزين .. شيل يدك عن يدي ابي اتحـرك ..
فهد : هههههههههههه انا شنو ذابحني غير برائتج هذه ؟؟ " شال يده " هااه شلناها .. حياج خلنا نمشي ..
غالية قالت و اهيا تطلع من الغرفة : عساها ضحكة بلا ضروس قول آآآمين ..
فـهد : آآآمين وياج ان شاء الله .. ههههههههههههههههههههههههه هههه
صرخت عليه : بلااااك تغار من ضروسي ,, تقول ضروسك ضروس حمار استغفر الله ..
فهد و اهوا يطلع من الغرفة : ضروس حمار هاااااه ؟؟
غالية و اهيا تفتح باب الشقة : لا الله يسلمك يجوز ضروس بقرة و الله قرد ؟؟
فهد : انا لله و انا اليه راجعون .. الي يشوفج يقول هذه غالية الي من مساع في الغرفة تستحي و تتكلم بهدوء .. يلا يلا خلنا نمشي لا تكسريني ..

وايهته عند الباب و اهيا رافعة حواجبه ,, و تطالعه من فوقه لتحت ..

فهد : عنلااتج انتيه شنو هالنظرات ؟؟؟ و الله بيغمى علي من نظراتج و من عيونج المجحلة ..
غاليـة : يا سلام .. و تغازلني بعد ؟؟ ( فصخت نعالها ) شكلك تبي هذا على راسك ؟؟؟؟؟؟
فهد ( رجع على ورى ) : لا يا بويه ,, الا نعالج .. توبة خلاص ما أتغزل فيج ..
غالية و اهيا تنزل عالأرض تلبسه : دواك علشان مرة ثانية ما تتغزل فيني ..
فهد ( خلى عينه بـ عينها ) : لا تنسين انا زوجج و من حقي ( مد يده لها ) يلا ..

طالعته مـدة ,, عقبها طلعت من الشقة حتى بدون ما تعير ليده الممدودة لها أدنى اهتمام ,,

غالية : و لا تنسى ان اول ما نرجع البحرين بـ ننفصل ..

مرت 5 أيام و أم طلال حالتها كل يوم تزيد عن الي قبله ,, غير نفسيتها الي أعتفست و شكلها الي تغير 180% درجة أثر العلاج الكيماوي ,, علاقة غالية ويه فهد ما اقدر أقول زينة و لا أقدر أقول ماهيب زينة .. غالية تحس فهد يبي يتقرب منها بس اهيا الي تبعده مية خطوة لكل خطوة يخطيها ,, ما تبي تتعلق فيه حاطة في بالها فكرة ان نهاية هالعلاقة بينفصلون و اهيا يكفيها مرض أمها و بلاوي هالدنيا (( على طاري فهد .. وينه للحين ما يا ؟؟؟؟ )) طالعت ساعتها و أخذت نفس (( صارت الساعة ثلاث و عيسى خبرنا انه الساعة أربع بيوصل ,, بلاه فهد تأخر ؟؟؟؟ ))

ام طلال : شفيج كل شويه تطالعين ساعتج ؟؟
غالية و اهيا تاخذ نفس : لا بس انتظر فهد علشان نروح المطار نييب عيسى ..
أم طلال : ايييييه أسبوع واحد و مليتي مني و من يلستج قبالي .. حتى عيونج ما تحطينها في عيوني ,,
غالية قالت مستغربة : شبلاج يمه ؟ الحين انا امل منج ؟؟
أم طلال : اي تملين مني !! موب غريبة عليكم تملون من وحدة السرطان منتشر فيها و العجز في ريولها ما تتقدر تتحرك !؟ وين ما تملين انتي و اخوانج !!
غالية غصب(ن) عنها طاحت دموعها على خدها و يلست تبجي : يمه انتيه ليش تقولين هالكلام ؟ في حد في الدنيا يشك في حب بنته و الله ولده له ..
أم طلال تنهدت : انا ما اشك .. انا متأكدة ! كلكم ما تبوني .. كلكم مليتون مني !!
غالية كلام امها جرحها أول مرة تصير قاسية عليها جذيه : يمه حـ ـنا نحبج .. و عمـرنـ ـا ما بنتخلى عنجـ ـ
ام طلال : اي باين .. و خصوصاً أنج تفضلين تطلعين من هني أحسن مني !!
قاطعهم فهد لما دخل الغرفة : السلام عليكم ,, ( ما عطاهم حتى فرصة يجاوبون ) غالية ؟؟ شفيج شكلج تبجين ؟؟

غالية و اهيا تعص على ذراع فهد : قول لها فهد .. قول لها اني احبها اكثر من روحيه و ما اقدر استغني عنها .. قوول لها ,,
فهد مستغرب : أقول لمنوه ؟؟
صرخت عليه : لأمي .. لأمي .. قول لها اني ما تزوجتك الا لاني ابي ابقى وياها .. قول لها اني صار لي 3 ايام ما رقدت أسهر على راحتها .. قول لها انا شقد احبها و شقد مستعدة اضحي علشانها .. ( غطت ويهها بيدينها ) قول لها ان الدنيا ما تسوى شي بدونها ,,
ام طلال : سوي روحج الضعيفة الطيبة الحين جدام ريلج !!
غالية بدون شعور فرغت كل شي و صرخت بقووة : بس يمـــه بس انا ما استحمل اكثر .. انا تعبت !!!
فهد : خالتي الله يهداج لا تخلين المرض يسيطر على مشاعرج و اعصابج ...

في نفس الوقت ما قدرت غالية تسمع الباجي ,, حست روحها مخنوقة .. بسرعة طلعت من الغرفة و صفعت الباب وراها .. سندت روحها عاليدار و أنفجرت تبجي بقووة جنها تفرغ ألم حابستنه طول هالأسبوع (( أمي من يومين مدري شفيها علي ما اعرف ليش هالمرض حولها لانسانة انعدم فيها الحنان مولية !! كلامها كل يوم يقطعني اكثر و اكثر .. بالله عليكم كل الي سويته ما يدل اني احبها ! امي الي موب فاهمة هالشي .. و لا عمرها بتفهم اني مستعدة افقد حياتي علشان تعيش )) فتحت عينها لما خلى فهد يده على كتفها ..

فهد : ما عليه غالية .. أعذريها المرض يضغط على أعصابها و لا تنسين انها كبرت ما تدري شيالسة تقول
غالية بضعف ردت راسها عاليدار : انا وايد خايفة عليها ,, خايفة هالمرض يعدم احساسها قبل روحها ..
فهد : لا تخافين عليها .. اذا انتي بينتين لها هالخوف بتزيد عليج سأليني انا عالجت وايد حالات مثلها و عرفت شـنو عوارض هالمرض !!
غالية يلست تصيح بقوة : عيل ليش ما تعالجها ؟؟ ليش تخليها تموت جدامنا و انته واقف تطالعها ؟؟؟
فهد ( نزل راسه ) : أسمحي لي غالية ,, امج المرض مسيطر عليها و انا ما عندي خبرة في هالشي ..
غالية بضعف أكبر من الي قبله انهارت عالأرض : آآآآه يا يمه .. يا ليته فيني و لا فيج يا الغالية ..

=====

البـحريـن
اليوم / الأثنـيـن
السـاعة / 8:15 الصبـح
\
:

يلست قبال التسريحة .. خليت يدي تحت لحيتي و يلست أتأمل تفصيل ويهي .. شفيني يعني لما خلاني و راح تزوجها ؟؟؟ فتحت الروج الوردي و خطيته في شفتي .. ضميتهم ويه بعض عسى يختلطون و طلعت علبة مكياجي من الدرج .. شلت الجحلة و تعمدت أني أغمجها .. خليت لي ميك آب وردي خفيف , رفعت شعري و لميته بالكلبسة , وقفت و فتحت كبتي .. طلعت لي قميص أبيض و برمودا جينز .. بدلت ثيابي و لبست العباة فوقهم .. مثل كل مرة خليت العباة مفتوحة من تحت .. شلت شيلتي و حطيتها على راسي بهدوء .. طلعت خصلات من شعري الأسود بـنعومة و لفيت الشيلة مطلعة نص رقبتي .. طلعت لي تركية طويلة و لبستها .. زينت أصابعي بخاتم لو من مية متر تنشاف لمعته .. فتحت غرشة العود و رشيتها عليّ من فوقي لتحتي .. طالعت روحي في المنضرة و أبتسمت بغرور و انا البس نضارتي الشمسية .. و الله اني احلى منج يا أمل .. بس شنو نسوي اذا عمي غصب طلال يتزوجها مدري شنو فيها غير عن كل البنات .. فتحت باب حجرتي و طلعت منها نازلة للصالة , طالعت أمي الي كعادتها تتقهوى في الصالة ..

فجر : صباح الخير يمه ..
أم خالد : : صبحج الله بالخير الغالية ..
قلت و انا اطالع ساعتي : يمه انا رايحة الجامعة .. تامريني على شي ؟؟
أم خالد : سلامتج يا روح أمج.. أهتمي في روحج ..
مروة : الله يسلمج .. يلا باي ..

فتحت باب الصالة و طلعت منها .. ركبت سيارة خالد ,, اراقبه واقف ويه عيسى و خليفة الي توها سياراتهم تحركت .. خليت ريل على ريل و يلست أهزها ورى و جدام .. انفتح باب السيارة و تداخلت اشعة الشمس لداخل .. ركب خالد السيارة و بسرعة جنه متأخر على شي شغلها ,,

فجر : شفيك تأخرت ؟؟
خالد : ماشي .. بس يلست شويه ويه عيسى و خليفة و نسيت الوقت " طالعني مدة عقبها قال جنه متجزز " و انتيه كم مرة قايل لج الجامعة ماهوب عرس تروحين لها جذيه ؟
فريت بوزي و قلت : أمي ما أعترضت و انته ما لك حق تتدخل ..
خالد " طق السكان بيده و قال بعصبية " : نزلي بدلي هـ الي لابسته و غطي رقبتج و شعرج .. " صرخ بصوت أرفع " بسرعة ما تسمعين !!!!!!!

فتحت الباب و قلت بعصبية ..

فجر : زيين لا تصرخ .. و روحة الجامعة مانيب رايحة الا بـ هذه الثياب .. و اذا فيك خير تعال تكلم ..

نزلت و صكيت الباب بقوة وراي .. مشيت في الحوش لما وصلت للباب الداخلي .. دخلت الصالة و خليت الباب ينصفع وراي بقووة ,,

أم خالد : قطييعة .. شفيج داخلة علينا معصبة جذيه ؟؟؟
قلت لها و انا اركب الدري : ما فيني شي , ادبي ولدج و قولي له ما يتدخل في خصوصياتي مرة ثانية ..

مشيت عنها بدون ما أسمع ردها .. دخلت غرفتي و قفلت الباب , شلت المفتاح و رميته على المزهرية لما شفتها تتكسر جدامي , يلست قبال التسريحة و من عصبيتي شلت كل عطوراتي و مكياجي و يلست أرميهم , خليت راسي على طاولة التسريحة لما انهد حيلي .. هين يا خويلد !!!

=====

بريطـانـيـا / المطـار الدولـي
اليوم / الخميـس
السـاعة / 5:27 العصـر
\
:

المكان يصدر ضوضاء مزعجة ,, و الناس كانت تروح و ترد و عيون غالية تراقبهم بخوف .. أخذت نفس طويييل و اهيا تطالع ساعتها (( وييينك فيه يا عيسى تأخرت جذيه و شغلت بالنا عليك )) رفعت عيونها لفهد الي وقف صوبها ..

غالية بخوف : شقال لك ؟؟؟
فهد : يقولون مافي أسم عيسى ذياب في قائمة الي وصلوا !!
غالية خلت يدها على قلبها : مافي !!!! يعني شنو ؟؟ عيسى ما يا بريطانيا ؟؟
فهد و اهوا يشيل التلفون عن أذونه : حتى تلفونه مغلق !!!!!
غالية : انا خايفة فيهم شي .. فهد و الي يسلمك أتصل على خليفة أسأل عنه ..
فهد أخذ نفس : هذا انا أتـصل له و ان شاء الله خير ..

غالية بلعت ريجها و سندت جسمها عاليدار ,, غمضت عيونها و الخوف كان يدق في قلبها بشكل موب طبيعي .. (( شهالمصايب الي تتقذف علينا من كل صوب )) صدى في المكان صوت تلفون فهد الي طاح عالأرض و تكسر ,, فتحت غالية عينها .. و طالعت المكان الي يطالعه فهد ,, و من غير ارادة خلت يدها على بوزها لما شافت طلال و أمل واقفين قبالهم ..

======

نـهـاية الـجــزء الـخامس

[لامارا]

الجــزء ( 6 ) الفصل الأول

===========

غمضت عينها بقوة و من شدة تعبها ما قدرت تستحمل الموقف و طاحت عالأرض ,, سمعت صوتأمل و طلال و فهد بس موب قادرة تستوعب شيقولون .. حست بأحد مخلي راسها على صدره وبدموع حارة فاضت على يبهتها .. فتحت عينها و طالعت أخوها طلال الي أبتسم لها واهوا يخلي يده على خدها ,, رفعت ذراعها و ضمته لصدرها .. و صوت أنينها يداعب مسامعفهد .. (( كان عارف بوجود طلال لما أتصلوا له يخبرونه ,, بس ما كان متوقع انهبيوصل لين بريطانيا )) الموجودين في المطار لما يطوفون عليهم يوقفون لبرهة يدققونفي الموقف و يتباعدون ,, كانت غالية مثل الياهل مرتمية في صدر طلال و تبجي بصوتعالي .. أمل كانت واقفة منزلة راسها للأرض ,, و تحاول تسيطر على دموعها الي تجمعتفي عينها .. صوت أنين غالية غصب فهد يتباعد عنهم و يطلع برع المطار ,, وقف عندالبوابة يطالع السيارات الي تروح و ترد .. مشى بهدوء و يلس ع واحد من كراسيالانتظار و اهوا يخلي يدينه على جبينه يكتم المشاعر الي تتلبد في خاطره (( آآآه ياغالية ما تدرين شقد يعذبني انينج ,, خاطري لو أظمج حييييييل لصدري اكفكف دموعج اليتسري على خدج ))

=====
:
\
البـحريـن / اكاديمية دلمون
الساعة / 2:25 الظهر

كان الجو هاليوم فضيييع .. مغيم لدرجة كبيرة و الغبار يهبْ في كل مكان ,, داخلالجامعة كان الكل متوتر من صوب الدرايش يراقب الغبرة الي ترست القضيبية و شارعالمعارض الي كان مزدحم بسيارات موقفة موب قادرة تتحرك من كثر الغبار و الصفرة اليكانت طاغية عالجو .. في زاوية من الدرايش كانت حور واقفة تطالع برع و يبين علىملامحها انها وايد متضااايجة ,, فجر كانت على يمينها تراقب الي يروح و يرد و هندرفيجتهم قبال فجر تتأمل السيارات عسب تشوف سيارة اختها .. تنهدت حور تنهيدةطوييييييلة و عينها تلمح سيارة التفت في مكانها موب قادرة تسيطر ع حركتها ..

فجر طالعت حور و حواجبها شبه معقودة : حور .. بلاج اليوم موب طبيعية ؟؟
حور تكتفت و ظلت تطالع فجر : مدري فجر .. هالايام احس روحي واايد متضايجة ( ردتتطالع الطريج من الدريشة ) و خصوصاً عقب ما راحت أمل زادت ضيجتي ..
فجر أبتسمت و قالت تخفف حدة الموقف : ليش ؟؟ وينها أمل ؟؟ لا يكون جتلوها بعد ..
لفت حور ويهها بسرعة صوب فجر و بصوت شويه عالي : هــذا موب وقــت طنازة فـجر !!!
هند التفت صوبهم : حور شفيج فجر ما قالت لج شي يستدعي تعصبين .. شوفي و شلونخليتيهم يطالعونا ؟؟؟؟
حور خذت نفس و يودت يدْ فجر بحنية : آسفة فجر .. مدري شبلاني صايرة وايد عصبية ..
فجر أبتسمت بحالمية : افا عليج حور صدقيني ما كنت اقصد غير الطف الجو .. انتيه بسخبريني بلاها أمل ؟؟
حور بنبرة حزينة : توها اليوم الفير مسافرة ويه طلال بريطانيا ..
فجر بطريجة غريبة : سافـــرت ويه طلال !!!!!!!! و شحقه ما خبرتيني ؟؟؟؟
هند عقدت حواجبها : و انتيه منوه عسب تقول لج ؟؟؟ يكفيج بنت عمهم و أمل حرة متىسافرت و الله يات ..
فجر تحاول تخفي احراجها : ماعليه بس ما توقعت ان طلال بـ يرد يسافر هالوقت ..
حور أبتسمت : طلال !!! الله يعينه هالانسان .. و الله ارحمه على كل الي يصير واهوا جبل ما هزته ريح ..
فجر : اوكيه خلينا من هالموضوع .. توني اليوم كلمت امي عن موضوع تلفزيون البحرين..
هند : موضوع شنو ؟؟؟؟؟ و شفيه تلفزيون البحرين ؟؟؟
فجر : يا الله علييييييج يا هند .. انتيه دومج جذيه ما تتذكرين الشي الا بطراق علىويهج ..
هند تخصرت : يلا بشوفج عطيني طراق .. (( و برجولة طقت على صدرها )) ان ما قلبتعليج الكلية الحين ..
حور : هـــــــــــند انتيه و الاخير وياج كل شي ماخذته بصبيانية .. تراج بنتهااااااه ماهوب ريال ( التفتت صوب فجر و بإهتمام قالت ) شقالت لج امج ؟؟؟؟
فجر أبتسمت : تصدقين انها وافقت ,, حتى على موضوع الحجاب ما اعترضت ..
حور : موضوع الحجاب ؟؟؟؟؟؟ ( عقدت حواجبها ) شنو هذا لقاء يديد بعد ؟؟؟؟
فجر : ههههههههههههههههههههههههه هه لا صج ما قلت لكم اني بـ افصخ الحجاب أول مااستوي مذيعة بعد تعرفون انتوه هذا اعلام و الحجاب يعيقني عن هالشي ..
هند طقتها بصبيانية على كتفها : بلاج يالية تتمسخرين .. شدخله الحجاب الحين فيالموضوع ؟؟؟؟
فجر ظلت تهمز على كتفها و اهيا تطالع هند بنص عين : و الله كنج ريال .. شفيج انتيهموب بنت استغفر الله ..
حور : لا صج فجر .. انتيه تمزحين و الله شنو ؟؟؟؟؟
فجر و اهيا للحين تهمز كتفها طالعت حور : لا من صجي أتكلم .. و الحمدلله امي ماقالت شي عن الموضوع انا الي خايفة منه اخوي خالد ما اظنه بيرضى بهالشي .. و اللهفهد ما اتوقع يتكلم شايل يده مني مولية ..
حور : من حقه يشيل يده عنج ؟؟؟؟؟ ( بعصبية ) شنو بعد هااي كل الي بيستوون مذيعينيفصخون حجابهم ؟؟؟
فجر موب مهتمة لعصبية حور : اهم شي في الاذاعة هو منظر المذيع ..
هند و اهيا تشيل كتبها و تطالع برع : يلا عيل هذه اهيا الهنوف يات لي .. ( وبطريقة صبيانية ) باي بنات ..

مشت بخطوات سريعة ما كانت منتبهة للموجودين .. هند بحركاتها جنها ريال رغم شكلهاالبريء الناعم الا انها ما تحب تتحلى بهالصفات مخلية في بالها ان النعومة و الرقةتضيع حق البنت .. حتى طريقة لف شيلتها كانت صبيانية و ثيابها كانت ولادية بحت !!!!في طريجها عند الباب دعمت في شاب كان واقف ..

هند صرخت عليه بصوت عالي : شــــوف طريجـك مـــــرة ثـانيـــة ..

و مشت موب ماعطية لنظراته ادنى اهتمام .. اهوا من صوب ثاني شال كتبه الي طاحتعالارض و طالع رفيجه الي كان يطالعها لما ركبت سيارة اختها الهنوف .. و ردْ طالع (محمد ) ..

راشد : ههههههههههههههههههههههههه ههههههههههه
محمد أبتسم : ما عليك منها .. انته بس شوفها و شلون حركاتها صبيانية و بعدين احكمعلى كلامها ..
راشد : ههههههههههههههه تصدق محمد عمري ما شفت بنت مثل هذه !!! و الله لو اختيهاشوفها لابسة مثل هاللبس الصبياني كنت حفرت قبرها بيدي ( طالع الفراغ ) آآخر زمنبنت تطلع بثياب ريال هههههههههههه
محمد ( يلس يضحك على شكل رفيجه ) : ههههههههههههههههههههههه و انته كل شي فيالدنيا يضحكك .. و بعدين هالبنت انا الي دعمتني ماهوب انتيه علشان شايل و حاطالجامعة من صوت ضحكتك ؟؟؟
راشد : شسوي يا اخي فرحااان .. مستااانس و الله خاطري ارقص من كثر الوناسة ..آآآآآآخ بس متى ايي باجر
محمد و اهوا يرفع حواجبه بشكل يضحك : مينون انته .. مينون !!! في حد في الدنيايستانس للهم و الكدر ..
راشد بشبه ابتسامة : أي همْ و أي كدر .. الحين لما تتزوج صار الموضوع همْ و كدر لاتقول موب ناوي تيي الحفلة .. لا صدقني اكنسلها لو باجي على نهايتها ساعة وحدة ..
محمد بنص عين : امممممممممم تصدق اقرر ما ايي الحفلة .. ما لي نفس و اشوفك تقدرتكنسلها و الله لا ؟؟؟؟
راشد : لا يا بويه شنو اكنسلها !!!!!! انا صار لي ستة اشهر انتظر هاليوم و تقولاكنسلها ..
محمد طالع راشد مدة عقبها قال : اونك عااااادهههههههههههههههههه هههههههههههههههههه

[لامارا]

=====

:
/
بريـطانـيا / الفنـدق و تحديداً غرفة غاليـة
الساعـة / 1:35 الليـل
الغـرفة كانت مزيج من الهدوء و نور الابجورة الاحمر منطبع على تفاصيل ويه غاليةالي كانت منزلة راسها بين كفينها و لامة شعرها باهمال كبير ,, كانت تأن بدون صوت ودموعها مثل السيل تسري على خدها .. رفعت راسها و اهيا تصيح ( آآآآآآه ) عصت علىراسها بجفينها و اهيا مغمضة عينها بقوة .. للحين راسها يوجعها !!! تحس بألمكبيييير و بالدم يتدفق بسرعة في راسها .. طالعت الغرفة بعيونها الي ملتها دموع مالقت فيها أحد ,, غمضت عينها مرة ثانية و كلمات الدكتور تتردد في أذونها ( الجلطةالمفاجأة سببت لها فقدان بصرها و هالامر مو في صالحنا نهائياً ) خلت يدها المرتجفةعلى بوزها و ظلت تصييييح بألم موب مصدقة الموضوع .. (( أمي استوت عمية !!!! ))كانت بحاجة لأحد يخفف عنها و في هالوقت بالذات مستحيلة فكرة ان شي حد في الدنيابيمسح دموعها .. حست بخوف و اهيا تطالع الستارة تروح و تيي و تتمايل في الغرفة ,,وقفت عن كرسي التسريحة و راحت صوب الدريشة .. ظلت تراقب برع و نسمات هوى باردةتداعب ملامحها البريئة .. و شعراتها الكستنائية المتعرجة تتأرجح في الهوى ماعطيةمنظرها إلهام حزين يخلق كل الهمْ و الألم في روح الي يناظر عيونها و غمازاتها اليبانت و اختلطت ويه دموعها الي بللت ويهها ,, دخل فهد الغرفة لما سمع صوت انينهاواصل للصالة .. صك الباب بهدوء و عيونه متعلقة في هالانسانة الي واقفة عندالبلكونة منزلة راسها و شعرها تحمله نسمات الهوى .. تقرب صوبها شوي شوي و بخطواتهاااااادية وقف وراها .. غالية كانت شاردة في الاجواء برى ما انتبهت لوجود فهدوراها ,, حست ببرودة تسري في جسمها سريان الدم في الشرايين لما لماها فهد منكتوفها ,, رفعت راسها و ظلت تتأمله .. أبتسم لها ابتسامة صفرة و اهوا يباعد شعرهاالي لصق في دموعها المغرقة ويهها ,,

فهد : حالتج هذه موب عايبتنيه غالية ( يود راسها من ورى و قرباه لصدره ) بلاجلهالوقت ما رقدتي ؟؟؟

حست بألمها يهيج في كيانها مرة ثانية بس هالمرة بقوووة ,, تشبتت بسرعة مثل الياهلفي صدر فهد و ظلت تبجي بصوت عاالي .. يمكن لقربها السريع من فهد خلاه يرد على ورىلما وصل لنهاية البلكونة ,, صار على نهايتها و اقل حركة من غالية تهددهم بالموت ..حاول قد ما يقدر يهديها بس ماشي أمل و جنها بركان و انفجر ,, طالع وراه شاف ضوىالسيارات الي تروح و ترد و الهوى القوي الي يردهم اكثر و اكثر على ورى .. حستغالية بدقات قلب فهد الي كانت تتصاعد ... لا موب للموقف الي يجرهم للموت ,, الالقرب غالية الشديد منه و لأول مرة !!! خلى يده على راسها و خللها في شعرها و اهواينزل راسه على يبهتها ..

فهد بحنية : غالية بسج بجي .. بتتعبين جذيه ؟؟
غالية غرزت اضافرها في ظهره بصوتها الي كان بالكاد ينسمع من كثر ما اهيا دافنةراسها في صدره : فـ ـهد امي بتمـ ـوت .. استـ ـوت .. عميـ ـة .. و مـ ـاشي أمـ ـل.. حتى من العـ ـلاج .. الكيـ ـماوي ..
فهد بحنية كبيرة حس قلبه ينعصر بأنينها : خلي ايمانج بالله قوي غالية .. و اليكاتبه ربج بيستوي .. لو كاتب لها تموت بتموت الحين ,, و الله لو كاتب لها تعيشبتاخذ العمر الي كاتبه ربج لها ..

غمض عينه لما يلست تصيح بقووة (( ايييييييه يا فهد شقايل تقول لها هالكلام )) ردْراسه على ورى و رفع وحدة من ذراعه و باعد شعره عن ويهه .. كان متسند بكل جسمه علىحافة البلكونة ,, يد ضام فيها غالية عن تطيح .. و الثانية ميود فيها اليدار عسب ماتتحرك غالية و يطيحون ثنينهم من فوق " 15 طابق " وقتها ما ينفع الندم ..منظرهم كان إلهام كبير لأكبر الرسامين ,, الي يشوفهم يقول يمثلون فلم مكسيكي ؟؟ ومن الصوب الثاني في البناية الثانية كانت بنت مراهقة واقفة تتأمل المنظر و ابتسامةعودة مرتسمة على ويهها .. صكت عقبها الستارة و اختفت انظارها عنهم ,, فهد الي تنفسبراااحة لما خف انين غالية و حساها خلاص استسلمت للسكوت .. حاول يباعد جسمهاالنحيل عنه بس ما قدر كانت بقووة متشبتة في هدومه ,, غمض عينه و شبه ابتسامةمنرسمة على بوزه .. (( ايييه يا غالية مثل ما هديتج هذه انتيه ؟؟ و جنه موقف الياستوى قبل 13 سنة ينعاد الحين )) تسند بذراعينه على اليدار و رفع روحه عن حافةالبلكونة .. تحرك بهدوء صوب باب البلكونة و غالية لحد الحين متشبتة في هدومه ..دخل الغرفة و أول ما وصل صوب السرير باعد غالية عنه و خلاها تيلس عليه .. و اهيااول ما لامس جسمها السرير و تباعد ويهها عن صدر فهد ضمت ويهها بجفينها و ردت تصيح..

فهد : لا حول و لا قوة الا بالله العظيم .. ( يلس يمها عالسرير ) غالية الله يهداجما تعبتي من كثر البجي ؟؟
غالية و للحين مغطية ويهها بيدينها : انا .. خايفة .. امي تروح .. و انا .. بعيدةعنها
فهد أبتسم و اهوا يخلي يده على كتفها : ما عليه انتيه الحين رقدي و بكرة الصبحنروح المستشفى يميع ( شال يدها الي محوطة فيها ويهها و أبتسم لما غمضت عينها مثلاليهال ) حاولي ترقدين زين ( مسح دموعها ) و دموعج هذه ما ابي اشوفها مرة ثانيةعلى ويهج .. اوكيه ؟؟

غالية سحبت يدها من بين يدينه ,, و نزلت راسها للأرض .. المهم عند فهد انه طمنقلبه عليها ,, و شافها و لله الحمد ان حالتها شويه هدْت .. وقف عن السرير و مشىبخطوات ثجيلة صوب الباب .. خلى يده على مقبض الباب بيفتحه ,, وقفاه صوت غالية اليوقفت عن السرير و راحت صوبه ..

غالية : فهد .. وين بـ ترقد الليلة ؟؟؟
فهد من غير ارادة ارتسمت ابتسامة صغيرة على ويهه ,, قال لها و اهوا ماعطيها ظهره :في الصالة اكيد .. ما يستوي طلال و أمل يرقدون في الصالة .. قلت لهم يرقدون فيغرفتي و انا ادبرها ..
غالية ببراءة : و ما يستوي انته بعد ترقد في الصالة ..
فهد رفع حواجبه و اهوا يفتح الباب : و همْ ما يصير ارقد وياج في الغرفة ( التفتلها ) و انتيه ما تبيني ؟؟
غالية بلعت ريجها لما شافته يناظرها بهالنظرات : طيب .. انته ارقد على سريري ,, وانا بـ افرش لي تحت ..
فهد أبتسم لها ابتسامة تذوْب : و ليش كل هالتكلفة رقدي انتيه في غرفتج و انا فيالصالة .. تصبحين على خير
غالية بـ همس و اهيا تراقبه يختفي من انظارها : و انته من اهله ..

[لامارا]

=====

البــحرين / كرنيش الملك فيصل
السـاعة / 2:29 بالليـل
\
:

هالوقت من الليل مستحيل يكون احد متواجد في كرنيش الملك فيصل .. ما عدى شاب يالس على وحدة من الحجارة و ضام روحه ,, قلبه كان يرفرف و جنه على وحدة من هذلين الامواج الي ترتطم بعضها ببعض و كل وحدة فيهم تتقاذف قلبه و تحطمه اكثر من ما اهوام تشتت .. رفع راسه من بين ريوله و ظل يراقب القمر و النجوم الي التفت حواليه تحميهمن اشعاعات الظلام (( آآآآآه يا قلبي محد يعرف شقد تعشق ترابها و محد بيعرف اني لو اموت فدى لحياتها .. صح ان طلال رفيجي و ولد عمي بس مهما كان قلبي بيبها و عمري ما اقدر اشوف أمل ويه ريال غيري )) وقف عن الحجرة و اهوا يضم الأوراق في صدره (( انا لازم اطلع من البحرين .. لازم اطلع منها )) طالع ساعته ما باقي غير ساعة عن موعد الطائرة .. مشى بخطوات ثجييلة صوب سيارته البورش الزرقة " تذكره بهدوء البحر,, اعز اصدقائه " مشاها بسرعة جنونة .. ما كان ماعطي الطريق ادنى حق له ,, ولا منتبه لسرعته الي وصلت لـ 180ْ .. كان كل شويه و يلف يطالع شنطته و يرد انظار هلطريقه ,, على هالحالة وصل لمطار البحرين الدولي ,, بس قبل ما يدخل ناظر البحرين نظرة مودع .. يمكن ما يردْ لها !! يمكن ما يشوف اهله .. فجر .. امه .. منيرة و حتىبنتها سارة الي كانت بالنسبة له أكثر من بنته يحبها وااايد لدرجة انها تناديهاوقات " بابا " .. غمض عينه لما مر طيف امل في باله ,, اخذ نفس طوييييل و حرك سيارته صوب الشحن .. و دخل المطار و كل أمله انه بـ الي يسويه يبتعد نهائياً عن المشاعر الي شوي و تدمره بالكامل ..

=====

لحظات هيْـجـت كيان روحـيه (فــهــد )
بريطانـيـا \ Bretanea Hospital
السـاعة / 1:35 الظهـر
\
:

رفعت راسي للسقف و انا اتنهد بقووة : غالية و الاخير وياج .. صار لي ساعة واقف هنيلي متى ؟؟؟
غالية واهيا تناظر امها من الجامة : قلت لك انته روح لحالك .. بلاك مستوي ما تفهم؟؟
طالعت ساعتي و رديت طالعتها : الساعة 1:36 لين متى ؟؟ لما اييون طلال و امل ويلقونا ما تحركنا ..
غالية : اففففففففف انزين و شحقه ما تروح انته بروحك ؟؟؟ و الله صار لي ساعة اقوللك امي مانيب مخليتها
فهد : و منوه قال لج هديها ؟؟؟ ساعة بالكثير و حنا رادين .. مجرد نحجز رحلة للبحرين و خلاص خلصنا ..
غالية : و على بالك انته الحجر سهل و الله يبي له دقيقة لو دقيقتين ؟؟؟
قلت لها عقب ما طفشت خلاص : طيب غالية .. ابقي هني ( طالعت يمين و يسار و حركت يديلها ) و هالناس الي حواليج خلها تاكلج موب بـ يدها ,, الا بعيونها زين ؟؟
غالية جنها اوتعت للي يصير : مينون انته بتخليني هني بروحي ويه هذلين ؟؟؟
ضيقت من وسع عيوني : الحين انا الي باخليج هني بروحج ؟؟ و الله انتي الي صار لجساعة معاندة ..

طالعتها و شلون تجدمتني و اهيا تقول " ماعلينا .. خلنا نمشي الحين "حركت راسي بـ لا حول و لا قوة الا بالله العظيم و مشيت صوبها .. الله يساعد هاخالتي الجلطة الي امس ياتها عفست جسمها فوق تحت ,, فقدت نظرها و غير هذا زاد عليهاآلام المرض ,, توني متفق ويه طلال خلاص نرد البحرين .. اهوا يتصل لأبو طلال يخبرهو يكنسل الحجز ويه المستشفى .. و انا و غالية نروح المطار نحجر على اقرب رحلة ,,طالعتها لما وقفت تطالعني .. يمكن انتبهت ان عقلي موب وياها ..

غالية : فهد .. بلاك ؟؟؟
قلت لها و انا أأشر على تكسي : ما بلاني شي .. الي ييلس وياج يبقى له عقل ..
غالية و اهيا تخصر يدها في وسط خصرها : نعم .. الحين انا الي ما ابقي لك عقل ,,عساك الينون ..
فهد : ههههههههههههههههههههههههه هه ( فتحت باب التكسي ) اقول لج ركبي ركبي ابركلنا ..

ركبت جدام و انا البس نظارتي الشمسية .. حسيت بالي مشغول في اشياء وايد ,, امي وخواتيه من وصلت بريطانيا ما اتصلت لهم الا كمن مرة .. غيره خالتي ام طلال ,, وغالية الي ماخذة كل تفكيري بتصرفاتها .. مدري ليش هالبنت ما تطيقني ؟؟ معقولة للحين حاطة في بالها فكرة اني ناسيها .. و منوه قال اصلاً اني اقدر انساها ؟؟ واهيا الي كانت بتصير زوجتي ؟؟ الله يغربل الغربة و الي يفكر يتغرب عسب الدراسة والله غيرها .. بسبب هالدراسة فقدت اعز انسانة لقلبي و منها صارت معاملتها وايد جافة وياي .. طالعتها من الجامة تناظر البحر من الدريشة ,, كانت الدريشة شويه مفتوحة ونسمات هوى عليلة تطير طرف شيلتها .. و غمازاتها الي حلت ملامحها للحين ظاهرة ,,يبين انها وايد تحب البحر من جذيه تبتسم لما تشوفه .. طالعت المطار لما وصلناه ..عطيت صاحب التكسي حسابه و نزلت ,, كملت كل الاجرائات و غالية ساكتة ما تكلمت ..كانت تطالع مدخل المرضى و تشوف الناس بعينها الي كانت متروسة دموع ,, ما عرفت شسبب هالدموع ؟؟ كان ودْي امسحهم بيديني بس لو كان الوضع يسمح و نفسيتها و تصرفاتها اليموب تاركة لي فرصة حتى اكلمها .. هالمرة ما اخذت تكسي ,, المسافة بين المطاروالمستشفى موب وايد كبيرة عموماً المدينة الي حنا فيها كانت بس فنادق و مستشفيات امممم منطقة سياحية تقريباً .. طالعت وراي كانت غالية تمشي منزلة راسها للارض ,,وقفت انطرها تتجرب بس لما دعمت فيني ظلت بنفس الوضعية ما تحركت .. حسيت قلبي في هاللحظة انقبض خفت فيها شي ..

فهد : غالية .. شفيج موب طبيعية ؟؟؟
غالية للحين منزلة راسها و بصوت مبحوح : سلامتك ..
يودتها من كتوفها و انا اقول : شنوه سلامتك هااي ؟؟ رفعي راسج اشوف ؟؟ ( سمعت صوتصياحها ,, قلت لها بخوف اكبر من الي قبله ) غالية دخيلج لا تسوين جذيه ؟؟ شفيج خوفتيني ؟؟
غالية باعدت ذراعها عن ذراعي و ظلت تمسح دموعها بجف يدينها : فهد .. ابي .. أروح.. لأمي ..
فهد : ما بتحرك من هني قبل ما تخبريني بلاج تصيحين ؟؟؟ حد ضايجج و الله تحرش فيج..
غالية ( للحين منزلة راسها للارض ) : ما فيني شي ,, بس حسيت روحي متضايجة شويه ..
فهد : و الضيجة الحين تيي من هني و الطريج ؟؟ ( قلت لها بحنية ) غالية اعتبريني صديقج اخوج اي شي بس لا تعذبيني بسكوتج هذا ؟؟ ( شفتها ساكتة فقلت لها و انا اتنهد تنهيدة طوييلة ) خلنا نمشي ..

[لامارا]

هديت ذراعها و تجدمتها .. حاولت ما ابين لها احساسي و لا ابي نظرة عيوني تفضحني و في هالوقت بالذات غالية موب مستعدة انها تتلقى أي كلمة ,, حتى لو كانت... وقفت عن المشي لما داعبت خشمي ريحة البحر ,, وقفت مدة اطالع المكان .. حسيتبقلبي مقبوض لما تذكرت مها .. بلعت ريجي و انا اطالع غالية الي شكلها انتبهتلشرودي لما قالت ..

غالية : فهد ..
خليت يدي في جيسي و بدون ما التفت لها : آمريني غالية ..
غالية قالت بهدووء و بصوت بالكاد سمعته : خاطري أروح صوب البحر .. شويه بس ..
فهد ( و انا انفض شعري بيديني بـ حيرة ) : في هالوقت عااد ( أبتسمت ) يلا عيل دامههذا طلبج ..

كنت بنظراتي أدور على ابتسامة لو كانت صغيرة في شفتها .. بس الي حبطني ان ملامحهاكانت جداً جامدة .. وقفت انتظر السيارات تطوف عسب نمر الشارع ,, طالعت غالية مرةثانية .. شكلها ابد ما يطمن !! نزلت عن الرصيف لما تأكدت ان ماشي غير كمن سيارة ..تعديت الشاارع و نظري كله صوب البحر و ذكريات واااااايد تهيج في روحي .. وقفت لماحسيت بقطرات الماي تداعب ريلي ,, التفت لغالية الي كانت يالسة عالكرسي .. ما صدقتاني مشيت بدون ما احس لعمري .. نزلت عالرمل و مثل الياهل خليت يديني في الماي ,,غمضت عيني و انا ارد يديني و اسندها عالارض .. (( كنت اقص على روحي فيج يا مها ..آآآآآآآآه بس و شلون كنت غبي ؟؟ )) طلعت تلفوني اطالع الاتصالات الي ياتني اليوم,, مخلنه صامت ما ابي اي حدْ يكلمني !! عصيت على حبات التلفون و انا اشوف ( 7مكالمات لم يرد عليها ) و كلها مثل ما توقعت من مها .. كان خاطري في هذا الوقتاكسر التلفون .. أتصل لها اقول لها خلااااص يا مها كل شي انتهى ,, و حبي الجديمتصحح هالايام و عمري ما اقدر اقص على روحي مثل قبل .. ما اقدر مثل ما كنت اقول انيكنت احب غالية مجرد مشااعر مراهق ,, مشاعر المراهق عمرها ما تتجدد في الكبر .. كنتاقول ان مها خلاص بتعود عليها مثل ما تعودت على غالية .. بس منوه يقول جذيه ؟؟؟منوه يقول ان الحب مجرد كلام نقوله ؟؟ وقفت عن الأرض عقب ما نفضت الرمل عني ..مشيت صوب الكرسي الي يالسة عليه غالية .. كانت منزلة راسها بجفينها ,, ما شفتملامحها بس حسيت برجفتها لما يلست يمها ..

=====
سحابــة غيــم غطــت شمـسأملـي ( غـــاليـــة )
بـريطـــانـيـا / عنـــد البــحــر
الساعــة / 3:05 العصـر
:
/

مشيت دموعي بسرعة لما حسيت بفهد يالس يمي ,, خفت عيوني الحمرة و الله الهالاتالسودة تفضحني .. فلفيت ويهي الجهة الثانية ,, يلست اطالع الناس الي عالبحر .. كنتاتجاهل نظراته !! احس بضعف لما تتلاقى عيوني بعيونه .. احس بعيون هالانسان اشيااءوايد بس عمري ما قدرت افهمها ,, من صغري يذبحني بتصرفاته و يجرحني بكلامه .. عمريما اقدر اتأقلم وياه حتى لو كان زوجي .. رفعت راسي عن الارض لما حسيت فيه وقف ,,طالعته يمشي بخطوات قريبة من بعضها جنه يعدْ خطواته بهدوئه هذا !! عقدت حواجبي لمايلس يرفع بانطلونه ,, و يرفع اكمام فانيلته السودة ..

غالية : فهد شتسوي ؟؟؟
فهد و اهوا يرفع نظارته الشمسية : ريحة البحر تشجع و الله شنو ؟؟؟
ما فهمت قصده فقلت : طيب اشله رافع بانطلونك و فانيلتك .. ناوي تتسبح انته ؟؟؟؟
فهد : ههههههههههههههههه كنج تقرين افكاري .. ( خلى نظارته الشمسية في وسط حضني )مليت من هالروتين ..

طالعته لما تجرب من البحر .. وقفت من مكاني و تجربت من البحر و عيوني ابد ما شلتهاعنه اراقبه يتباعد شويه شويه .. عصيت على نظارته لما شفت الماي وصل لنصه ,, بللتشفاتي لما تجدم زود ..

يلست أصرخ بخوف : فــــهـــد يا المينون لا تروح بعيد .. تبي تموت انته ؟؟؟

خليت يدي على قلبي لما نزل بكبره تحت الماي .. وقفت في مكاني انتظره يطلع .. دقيقة,, دقيقتين !!! فقدت الامل انه بيظهر رميت نظاارته بعييييييييييد و بسرعة رفعتعباتي و دخلت في الماي .. ما كنت أشوف تحت الماي و لا كنت أعرف وينه .. بيديني كنتادور لو خيط أمل يوصلني له .. بلاه استين و بينني ويااه .. أبتسمت براحة لما لمستطرف فانيلته ,, يلست اسحبه و انا ارد على ورى .. شي ناس وايد عند البحر عيونهم ماشالوها عني و خصوصاً عقب ما خليت فهد عالرمل و يلست أهزه ابيه يقوم .. ما كنتعارفة شنوه اسوي غير اني أبجي بصوت عالي و الم فهد حييييييييل لأحضاني .. كل اليفكرت فيه في هاللحظة اني ممكن افقد فهد و للأبد !! رفعت راسي عنه لما سمعت رياييلواقفين على راسي .. ما كنت افهم شنوه يقولون .. أشوف اشكالهم و بوزهم يتحرك بسالاصوات مختلطة عليْ .. صكيت أذوني بصبعتي و انا اصرخ بقووة ..

غالية : وخــــــروا عــــن هنـــــي

حسيت بروحي ضعيفة و انا اطالع عيون الناس الي بدت تنسحب عني واحد ورى الثاني ..على بالهم مينونة ؟؟ رصيت على ذراع فهد و انا احاول اتدارك دموعي الي انسابت علىخدي ..

غالية : فهد .. بلاك ما ترد علي .. فهد قوم دخيييلك لا تعذبني أكثر .. ( قربت راسيمن كتفه ) فهد .. احلفك بالله قوم .. علشان خاطري فهد .. ( سمعت صوته توقعت روحيهأهوجس عصيت على كتفه أكثر ) فهد انته تتكلم ؟

دفاني بقووة من كتفي لدرجة اني يلست على الرمل و انا مغمضة عيوني .. بسررعة غطيتويهي بيديني و انا احس بأنفاس فهد القريبة من انفاسي

فهد : شوفي و شلون خلق الله يطالعونا ؟؟
قلت له و بعدي مغطية ويهي : لا تتجرب مني ( دفيت الرمل بعيد عني و انا اقوم بعصبية) حركتك باايخة تعرف
فهد كنه موب مهتم لكلامي : و انتيه همْ بلاج جذيه تبجين ؟؟؟ ما تخيلتج حساسة هالكثر ؟؟.. على بالي انتيه غالية الي دومج ريال ما تهزج ريْح ..

[لامارا]

ما اهتميت لكلامه .. كملت طريجي !!..موب عارفة اصلاً وين بأروح بس الي كانفي بالي ابتعد عن فهد .. يلست عالحجرة العودة و انا اطالعه رد على وضعيته القبليةجنه ما استوى شي .. غطيت ويهي بيديني و يلست أصيييييح بقوة !!.. توقعت كل شي منهالا انه يجرحني و في هالوقت بالذات .. الي سواه ما همني بس كلامه بالاخير جررحني.. شقصده ؟؟.. ما عندي مشاعر .. و لا احاسيس !!.. على باله آآلة خالية من كل احساس.. قبل كنت اخفي مشاعري اتجاهه بهالتصرفات .. كنت اخفي حبي .. اشتياقي لعيونه بصراخي عليه !!.. ما يدري انه لما سافر بريطانيا يدرس شصار فيني ؟؟.. ما يدري انيرفضت اكون محيرة له لاني كنت خايفة يكون ما يبادلني نفس المشاعر !!.. بس خلااااصبـ الي سواه فهد اليوم بين انه ما يحبني .. ما يبيني بالاصل !!.. جبرته ضروفهياخذني كوني بنت عمه .. حسيت بغصة من هالكلاام .. خله يصدق و الله ما يصدق تصرفاتهوياي في آخر الوقت خلتني أكرهه من كل قلبي !!.. انسان ما حس لمشاعري .. حسسني بعدموجودي في حياته !!.. و يبوني اعيش وياه .. انا طلبت الطلاق عسب اشوفه اذا كانمتعلق فيني و الله لا ؟؟.. ما كنت اعرف انه انسان خاااااالي من المشاعر نهائياً!!..

=====

أمـــل
بريطــانيـا / المستشفـى
الساعـة / 3:29 الظهـر
:
/

رفعت راسي اطالع طلال بصمت !!.. ألمه كان كابت على صدري هموم فوق همومي .. تجربتصوبه .. أبتسمت ابتسامة صغيرة و انا اخلي يدي على كتفه ..

أمـل : ماعليه طلال .. تلقاهم الحين يايين في الطريج ..
طلال حسيت كلامه يقطع قلبي : أي يايين الله يهداج .. صار لهم ساعة من طلعوا وتقولين يايين ؟؟
قلت له بحنية : طيب !!.. اتصل على تلفون غالية مرة ثانية .. يمكن ترد عليك
طلال و اهوا يضغط حبات تلفونه بسرعة : ساعتين اهما برى .. اخاف استوى لهم شي و ..( خلى التلفون على اذونه ) هلا غالية .. وينكم انتوه الله يهداكم ؟؟.. بلاه صوتج؟؟.. غالــية حبيبتي هدي شوي و خبريني شفيج ؟؟.. وينه فهد ؟؟.. طيب طيب انطرجالحين
قلت له بخوف : شفيها ؟؟؟
طلال هز كتوفه و بتوتر : مدري !!!.. موب فاهم شتقول ؟؟..
حسيت باشياء واايد تفتر في راسي .. ناظرته و في عيوني ألف سؤال : ما قلت لك وينهمفيه الحين ؟؟
طلال و اهوا يقوم عن الكرسي : لا ما قالت شي .. أقول لج ما فهمت شتقول ؟؟.. مدريبس فهد وينه مخليها ..

نزلت راسي و انا احرك اصابع رجليني بالارض .. كل محاولاتي اني اتجرب من طلال تنتهيبالفشل !!.. يوم عن يوم احس روحي متعلقة في روحه اكثر من قبل .. بس مع كل هذا ..علاقتنا جداً سطحية ما احس فيها اي نوع من علاقة الزوجين !!.. يلست ألعب في اصابعيلما حسيت بقرب طلال مني ..

داعبني صوته الخشن : أمل .. بلاج ؟؟؟
هزيت راسي بأسى احاول اخفي ألمي : سلامتك .. بس حالة غالية هالايام شاغلة بالي ..( لييييييييش أتهرب منه لييش ؟؟.. ليش ما احاول اغير حياتنا للأفضل بدل هالجليدالي بيني و بينه ؟؟ هالجليد بيذبحني !!!.. )
طلال مسك يدي و بكل حنان قال : انه آسف أمل .. ما عطيتج حقج كزوجة لي ( قالها بغصة) يا ليت الضروف ما كانت مثل هذه .. بس شتنفع يا ليت ؟؟..
رفعت راسي عن الأرض ظليت اطالعه مدة عقبها قلت و العبرة خانقتني : طلال عمري ماشفتك بمثل هالحالة !!.. انته قبل تهز رجال ما يهزونك !!.. الحين شتغير ؟؟ انا مايهمني عطيتني حقي كزوجة و الله لا ؟؟.. يهمني اشوفك مرتاح .. عالاقل اشوف ابتسامتككل يوم على ويهك .. هذا يكفيني !!!..
طلال بحنيـة : يا حبي لج يا أمل !!.. انا الغبي الي ما عرفت اصونج طول هالسنتين ..انا الي ضيعت علي فرصة اني احتوي انسانة مثلج !!.. آآآآآآآآه بس يا ليت الزمن يرديا ليته ..
قلت له و انا ارص علي يده : ما ابي يا ليته هااي مرة ثانية !!.. خلنا مثل ما ابتدينهانكملها بدون يا ليت !!.. لو كانت تنفع يا ليت جان نفعتني ايام كنت اقول لك ياليتني ما تزوجتك !!.. جانها نفعتك ايام تقول لي يا ليتج ما انولدتي ...
طلال قاطعني و اهوا يغمض عينه بألم : بـــسج أمل !!!!!.. لا تعيدين علي المواجع
كملت كلامي و انا اتمعن في ملامحه : لين متى بنقول بس !!!.. الدنيا بتمشي قلنا بسو الله ما قلنا .. طلال حبيبي اذا الله كاتب لخالتيه انها تتعالج في البحرين وينكتب لها بالعافية هناك بتتعالج .. و اذا انته يلست جذيه متشائم عمرها امانيك ولا احلامك بتتحقق !!!.. أسألني اناا شقد كنت اقول بس ما بفاتح جواهر بموضوع أحمد.. كنت واثقة انها بمثابة اختي الكبيرة و كل الي تسويه صح !!.. الحمدلله انيتزوجتك قبل ما امشي في طريجها .. جان الحين ضعت و ضاعت كل احلامي !!!..
طلال و ابتسامة صفرة ترتسم على شفاته : و الي يقول لج انج ملكتي فؤاده و عقله وتفكيره شتقولين ؟؟..
احمر ويهي و نزلت راسي للأرض ما كنت متوقعة رده : .....

[لامارا]

=====

فـــجــر
مملكة البحـرين / بيـت بو خالـد
الساعـة / 4:12 العصـر
:
/

يودت أمي من ذراعها و قلت اهديها : يا يمه الله يهداج !!!.. يقول لج رايح الامارات يشتغل هناك و بعدين هذه ماهوب اول مرة يسافر فيها !!..
ام خالد سحبت ذراعها من يديني : خوووري عني اقول لج !!.. ( طالعت بدر بحدة ) وانته الثاني خبرني لين متى مسافر ؟؟.. ما كفااك الي تسويه في حرمتك و بنتك !!.. ماتحس انته كل يوم و الثاني مخليهن جذيه ؟؟..
بدر ببرود : هذه طبيعة شغلي خالتي !!!.. و اذا على بنتج و سارة الحمدلله انا موب مقصر في أي حق من حقوقهم
ام خالد : هه !!.. موب قصر هااااه ؟؟.. وينك انته فيه لما كانت سارة مريضة ؟؟..
بدر : خالتي الله يهداج ياية تحاسبيني على الي فات ؟؟
ام خالد و يبين انها عصبت من جدْ : شهالبرووود انته !!!!!.. اقول لك بنتك و حرمتك محتاجينك و انته كل يوم مسافر ( طالعت منيرة و قالت بعصبية ) ما تتكلمين ؟؟؟؟.. والله عاجبج الي يسويه ريلج ؟؟
منيرة بلعت ريجها : يمه .. بدر معاه حق عمره ما قصر في أي حق من حقوقنا !!!..
ام خالد : شنووه هاي بعد ما قصر ؟؟؟.. قص عليج بكلامه و الله شنوه ؟؟.. واحد ماتدرين عن هوى داره .. دومه قاطنج في بيت أبوج و مساافر !!.. الله يعلم شيسوي برع البلاد !!!؟؟.. و الله الشغل فضى في البحرين .. سمعنا ماشي شغل بس ريلج شغلته زينة و يقدر يشتغلها في البحرين !!!.. بس لانج قاطة عليه الخيط و المخيط .. موب هامج لامستقبلج و لا حياة بنتج !!!.. ( يلست عالكنبة ) الله يسامحكم من عيااال الله يسامحكم ذبحتووني عاااده ذبحتوني !!!..
بـدر : يا خالتي عاد انتيه الي تييبني هالشي لروحج ؟؟؟.. الحينه انا و حرمتي متفقين شحارج انتيه ؟؟..
ام خالد : شووف و شلون يكلمني ؟؟؟.. بـــدر !!!.. بنتي عقب ظهرتك من هالبيت لاتجيسها .. و لا ابيك تتنفس هوى دارها !!!.. و اذا على سفرتك .. خلك جابل اشغالك وحرمتك و بنتك برع روتينك !!!..
بـدر ( طالع منيرة ) : سمعتي امج اظنج ؟؟؟.. ( فتح باب الصالة ) ظلي هني انتيه وبنتج عيل ..

غمضت عيني لما صك الباب وراه و رديت طالعت منيرة الي ظمت بنتها و صعدت الدري تبجي.. يلست يم امي الي كانت عاصة على راسها بيدينها .. أخذت نفس طويل و انا اقول لها..

فجـر : هاااه يمه ؟؟.. استانستي للي سويتيه ؟؟
ام خـالد صرخت علي تفرغ كل شحنات غضبها : وخري هناااااك اقول لج !!!..
فريت بوزي : ما عليه بأوخر عنج !!!.. و اذا خالد سافر موب معناه تخلين كل عصبيتج علينا حنا .. ( التفت للتلفون الي رن ) الوووه مرحبا ..
خـالد : هلا فجر .. مرحبتين !!!..
أبتسمـت و انا اناظر اميه : خــالد !!!!.. وينك فيه انته ؟؟
خـالد : انتيه لا شلونك و لا شخبارك ؟؟.. بدون احم و لا دستور .. عطيني امي اهووه
فـجر : تاااااامر انته بس بشرط تييب لي من جحلة الامارات ما نشتغني عنها حناا
خالـد : أبتدينا عااااااد !!!.. ( قالها بمـلل ) ان شاء الله تامرين أمر .. عطيني أمي الحين .. ممكن !!!؟..
فـجر : ههههههه و انا اقدر !!.. ( عطيت امي التلفون ) هااااج هذا ولدج الي قالبة البيت علينا بسببه
سحبت امي التلفون من يدي و قالت بسرعة : خـالد يمه انته وينك ؟؟؟.. ( يلست تصيح ) وين رحت وضيعتني ورااك .. بلاكم انتوه كل يوم واحد يطلع من هالبيت !!!.. منوه بقىلي .. منوه ؟؟.. انته هالبنت ما بتشيلها من راسك !!!.. خلااص قلنا لك موب من نصيبك و هذه اهيا تزوجت و الله يوفقها .. ما يامر عليك عدو الغالي .. ربي يحفظك اهتم فيروحك !!!.. هالله هالله في الاتصالات .. الله يسلمك !!.. ( عطتني التلفون و اهي اتمش دموعها ) يوديه ..
غمزت لها بعيوني : هاااااه من ورانا ؟؟؟.. منوه هاي الي موب من نصيبه ؟؟؟
ام خالد : فجـــر لا تخليني الحين اقلعج برع البيت مثل هذا ريل اختج !!!.. خوزي عن ويهي .. خوزي !!..
فجـر : يـه !!!!.. يمـه شفيج انتيه ؟؟؟.. ( وقفت ) خلااااص مانيب يالسة هني اروح اذاكر احسن لي

>>> يتبـــع

[لامارا]

=====

حـــــور
مملكـة البحرين / مديـنة عيسى
الساعـة / 9:30 الصبـح
:
/

نزلت من الدري و انا امرر البخور في الصالة .. هدوووووء !!!!.. الصبح بيت خالتي هادئ اما العصر عقب ما ارد من الجامعة يا الله من فوضة ميثوه و شموه .. هذه ميثاا ياهل عالاقل توها 5 سنين اما شمه تقولون شنو مينونة عمرها 17 سنة و اهيا للحين تخلي بالها في بال ميثوه !!!.. خليت البخور عالطاولة و انا اعدل شيلتي في المرايا الي كانت متوسطة الصالة .. التفت لميثه الي نزلت من الدري و اهيا تجر شنطتها الصغنونة وراها .. أبتسمت لما شفتها مادة براطمها شبرين

ميثه : حوووور باص الحضانة سار عنيه !!!!..
تجربت يمها : و الزبدة ؟؟
ميثه : ابااج توصليني الحضانة .. لانه الماما اتصل حق الباص قال لها ما يروم يرجع ليه هنيه .. لانه خلاص ساار اييب البزران من بيوتهم ..
حور : هههههههههههههههههه فديتج انتيه اربع سنين هنيه و لا قدروا يغيرون لهجتج ( نزلت لمستواها ) و اناا كمن شهر و تبدلت لهجتي بالكامل ( طالعت خالتي الي نزلت من الدري ) صباح الخير خالتي ..
ام بندر : صباح النور بنيتي .. اخبرج وصلي هاي حضانتها !!!.. غربلتني من الصبح واقفة على راسي ..
حور : هههههههه ان شاء الله خالتيه توني اقول لها بوصلها .. ( التفت لميثه ) يلا ميثوه منوه يوصل للسيارة قبل !!؟..
ميثه و اهيا تتنطط بشنطتها : انــــاااااا .. انـاااااااااااااا
حـور : طيب !!!.. بلاج واقفة للحين ؟؟.. يلا روحي السياارة ..
ميثـه وقفت صنـم : ما قلتي 1 2 3 !!!!!!!!!؟
حـور : ههههههههههههههههههههههههه هههههههههههههه حليلج و الله .. يلا ميثوه 1 2 3 ركـضي الحين ( عقدت حواجبي لما ظلت واقفة مكانها ) هذاني قلت لج ؟؟؟؟ بلاج واقفة ؟؟؟
ميثــه : طيب ما قلتي 1 2 3 انطـــــلاق !!!!!!!!؟
حـور : لا حول و لا قوة الا بالله العلي العظيم .. ( قلت بملل ) يلا ميثه 1 2 3 انطـلاق !!!..

أبتسمت و انا اشوفها تختفي من انظاري .. شلت البخور عن الطاولة و لصراخ شموه من فوق طاح من يدي !!.. نزلت بسرعة بشيله بس سبقني بندر لما يوده .. رفعت راسي و من تلاقت عيوني بعيونه وقفت عن الأرض احاول اخفي توتري !!..

بنـدر : هااااه وينج انتيه دومج تتهربين صح ؟؟..
بللت شفاتـي : لا منوه قال اهرب .. الجامعـة وايد ضاغطة علي و طول الوقت .. انا في .. غرفتي !!..
بنـدر بطنـازة ابتـسم : آآآآآ معـاج حق !!!!.. ( و بحـدة ) على وين ان شاء الله ؟
رفعت عيـوني عن الأرض : الجامعة بعد وين ؟؟؟
بنـدر : تقصين علينا انتيه ؟؟؟؟.. ( صرخ علي فـ غمضت عيوني بقووة ) الجامعـة يوم الجمعة ؟؟؟؟
ما عرفت شنوه أرد عليه نزلت راسي و سمحت لدمعة خوف تتأرجح على خدي : .....
يودني من ذراعـي بقوة : محد عندج انتيه في هالبيت يوقفج عند حدج !!!!!.. المشكلة اني موب قادر اوقفج عند حدج لانج بتقولين ما لي حق .. ( رماني على الكنبة الي وراه بقووة و تقرب مني ) سمعيني زين !!!.. اختاري واحد من هالاثنين ردتج للامارات أو ...
قاطعته و انا ابجي بقووة : لاااااا بندر لاااا دخيلك الا ردة الامارات .. ما ابي اردها
بنـدر بقسووة تعودت عليها : عيل تبقين هني بشرط !!!!!!.. ( يودني من ذراعي و وقفني قباله ) اذا كنتي حلالي اروم اتحكم فيج و وين بتروحين !!..
ما عرفت شسوي غير اني اصطره على خده و اصرخ بصوت عالي في ويهه : انته مينووون !!!!!..
يلست أصيح لما يودني من طرف عباتي : ردي الامارات عــيل و ما ابي اشوف رقعة ويهج هني !!!..

سحبت ذراعي من بين يدينه و ركضت صوب خالتي الي شهقت لما شافتنا بهالوضع .. حضنتني أول ما شافتني أصيح بشكل يخرع و يمكن لأول مرة !!..

حـور : خالتيه .. ما ابيه .. قولي .. له .. ( صرخت و انا ادفن راسي في صدرها ) ما ابيـــه
ضمتني خالتي في صدرها : انا لله و انا اليه راجعون .. بسج بنيتي خلاص ..
بنـدر حسيته قـريب منا و خصوصاً ان صوته العالي خلاني ادفن راسي اكثر في صدر خالتي : يمــه بسها هالبنت دلع !!!!!.. انا خلااااص ما عدت استحمل تصرفاتها هذه .. انا طالع الحيـنه ساعة بالكثير و انا راد و ابي ردج روحة الامـارات و الله زواجج مني !!!.. و دلع البنات خليه بعييد عنج فاااهمة و الله لا ؟؟؟
=====

غـــاليــة ( عقـب يـوم )
مملكـة البـحرين / مطـار البـحريـن الدولـي
الساعـة / 11:23 الصبــح
:
/

سمعت كلام أبوها بالأخير و سكتت ما حبت تنطق بـ ولا كلمة !!!.. حست بنظرات فهد الي كان يمثل التجاهل .. كان ودها تصطــره بـ كف تعلمه و شلون يناظرها .. على هالافكار التفتت لفهد الي كان متجدمها بكم خطوة .. ما تدري اي فكرة مينونة طرت في بالها خلتها تمثل انها بتطيح عند باب المطار يمكن كانت أشتياق ينبضات قلبه ؟؟؟ .. و الله جنون من غير المعتاد ؟؟؟.. و فهد الي التفت لها و بحركة سريعـة تلقاها بذراعـينه

فهد بخوف بايـن من عيونه : غالية .. شكلج تعبانة .. تبيني أوديج المستشفى ؟؟؟
غاليـة و للحين مغمضة عينها تستمتع بنبضات قلبه : لا ما يحتاي .. ( تباعدت عنه و بنظرة احتقار طالعته .. كانت تبي تستفزه .. ترد له تصرفه المينون بأي طريقة !!!.. )
فهد : تقدرين تمشين و الله أساعدج ؟؟
غاليـة بابتسامـة سخرية : أي أكيد أقدر ..
فهد أبتسم : انزين .. يلا أول شي بأروح بيتنا بآخذ شاور و بأسلم على أمي و عقبها بوديج بيتكم .. ( شافها ساكته فقال و عيونه تدور على الاجابة في عيونها ) شكلج ما تبين ؟؟؟
غاليـة بهدووء حرق قلب فهد : لا عادي .. موب من حقي اصلاً اتشرط الحين !!!..

فرت غالية ويهها عن ويهه تكتم ضحكتها .. طيب فويهد دام هذه تصرفاتك خلك على هالمستوى !!!!.. و بتعرف جريب منوه غالية ؟؟.. ( ركبت سيارته ) طول الطريج كان السكوت سيدْ الموقف ما عدى اشعة الشمس الي كانت تضرب في ويه غالية .. ظلت بمثل الوضعية طول الوقت مغمضة عينها و مسندة راسها عالكرسي .. التفت فهد لها و عرف ان اشعة الشمس تضايجها !!!.. طالع طريجه مرة ثانية ينتظر اقرب تقاطع عسب يعدل الجامة .. و على أقرب اشارة ضوئية وقف و قرب صوب كرسي غالية يعدل الجامة !!!.. فتحت عيونها و اول ما شافته ويه فهد القريب من ويهها.. حست بأنفاسه .. خده يكاد يلاصق خدها من شدة قربه منها .. حست بقلبها و دقاته طبووول تهيج كيانها !!.. نزلت راسها و ظلت تطالع اصابعها الي تضربهم ببعض من شـدة توترها .. ( ظلت تطالع البواب الي فتح بوابة بيت عمها ) طول عمره عمي هلون !!!.. حالته المادية وايد زينة رغم هذا ما كان يزورنا .. مخلي فرق المطبقات بينا و بينهم مثل الحاجز .. عقب مووته ذاب الجليد !!!.. بس فهد الي كان يمثل كل طباع ابوه من غروره .. كبريائه .. حتى ملامحه كانت مقتبسة من ملامح عمي منصور .. عمره ما عطى لنا أدنى اهتمام !!.. يعتبرنا اقل منه بالمستوى و الي صار و وفاة ابوه و فلوسه الي ورثها بأكملها ابوي خلته ينصااع للواقع .. يعرف ان خلااص ماشي مجال لغروره هذا !!.. ( فتحت باب السيارة و نزلت ) لفحتها نسمة هوى عليلة طيرت طرف شيلتها .. ظلت تناظر حوش بيت عمها الواسع .. تطرد فيه الخيول من كبره !!!.. و النخيل .. و الاشجار .. و الورود .. و كل شي كانت لمسة ام خالد فيه !!!.. طالعت وحدة من الخدامات الي شالت شنط فهد و جرتهم لداخل .. دخلت الصالة و اهيا تناظر بكبرها الفااره.. بيتهم كان عوود لدرجة كبيرة و فخم بخاامة غير متصورة .. محد يعرف شقد اهل هالبيت يعيشون بهالترف الي هم فيه و لا حاسين في هالنعمة !!!.. التفتت لأم خالد الي ابتسمت لها ابتسامة امومية يملأها الحنان و الطيبة .. أول ما لامست يد غالية يد ام خالد لمتها بقوووة لأحضانها .. نزل فهد سارة بنت منيرة عن كتفه و ناظر في غالية الي يلست تصيح بصوت مهمووم ..

فهد : يمه الله يهداج البنت تعبانة .. بسها بجي !!!!.. لا تتعبينها زيادة ..
أم خالد باعدت غالية عن صدرها : هالبنت تذكرني بسارة .. لو كانت موجودة الحين صاروا بنفس العمر
منيرة و بنبرة جاافة : يكفينا نقلب المواجع .. الله يرحمها سارة صار لها ثمان سنين متوفية !!!!..

يودتها ام خالد من ذراعها و يلستها يمها و هي للحين ماسكة يدها و عاصة عليها بقووة !!!.. لمسة يدها حسست غالية بالأمان و لأول مرة من ردوا من بريطانيا ..

فهد : فـجر روحي ييبي قلاص ماي لبنت عمج ..
غالية و بجفينها تمسح دموعها : أبـي .. اروح .. بيتنـا
فهد : طيـب !!!.. انا بس بآخذ شاور و بوديج بيتكم لا تخافين انتيه محد بياكلج .. ( خذ من فجر قلاص الماي و قرباه لغالية ) شربيه غالية و أستهدي بالله .. ( بنظراته كان يراقب القلاص الي يرتجف من رجفة يدينها ) قومي ارتاحي في غرفتي على ما آخذ شاور .. قومي ..
غالية نزلت القلاص في احضاها .. مسكته بقووة : ما يحتاي .. شويه و بأصير زينة ..
فهد : غالية لا تستوين ياهل .. شوفي عيونج و شلون صارت حمرة ..
ام خالد : قومي بنيتي أرتاحي فوق اريح لج من اليلسة هني ..

جملة مرت عمها زادت حيـرتها ( وقفت عن الكرسي ) لاء موب خوفاً و لا طاعة لأمر فهد .. الا احتراماً لطلب ام خالد !!!.. حست بروحها ميهودة لما وقفت عند باب غرفته .. فهد كان يمثل عدم الاهتمام لوجودها رغم قلبه الي يتقطع لما يشوف ملامحها المايلة للضيجة .. حزنها على امها كبرها 10 سنين فوق عمرها !!!.. ( يلست على واحد من كراسي غرفة فهد .. ظلت مسندة راسها و مغمضة عينها تخفي توترها ) سمعت صوت باب الحمام عزكم الله .. فـ فتحت عينها تراقب ديكور هالغرفة !!!.. و هي تدور بأبصارها على كل قطعة اثاث زينت الغرفة تعلقت عيونها على صورة معلقة عاليدار .. أبتسمت لما شافت روحها واقفة وسط هالصورة .. كشتها و ملامحها الطفولية و خصوصاً غمازاتها الي كانت ظااهرة واضح فيها .. ناظرت عيون فهد الي كان متضايج من وجودها جدامه !!!.. ردت بأنظارها صوب فهد الي ظهر من الحمام و هو ينشف شعره الي وصل لكتوفه بالفوطة .. ( ارتسمت شبه ابتسامة على شفتها لما لقته بثوب ) عالأقل قدرت تغير فيه كمن نقطة !!!!.. فهد طالعها من منضرة التسريحة و أبتسم ..

فهد : تصدقين .. الواحد ما يطلع بحريني الا بالثـوب.. ( طالع الصورة الي كانت تطالعها ) ههههههههههههههههههههه شوفي انتيه من صغرج تحطين راسج براسي ..
غالية وقفت عن الكرسي و بدون ما يتغير من ملامحها أي شي : و انته شوف و شلون من صغرك تتضايج من وجودي
فهد خلى المشط على التسريحة و تجرب صوبها : بس الوضع تغير الحين بالنسبة لي .. اما انتيه و لا عمرج بتتغيرين ..
غالية و ترفع واحد من حواجبها بسخريـة : سبحان مغير الأحوال ..
فهد لما شاف نظراتها تباعد عنها: الا انتيه ما تتغيرين .. يلا قومي ..

طلعت من غرفته و هو بدوره اخذ تلفونه و بوكه و ظهر من الغرفة .. مشت بخطوات ثجيلة و احداث اسبوع تتكرر في بالها !!!.. وقفت عند الدري عق ما سندت كل جسمها على المزهرية الي صوبها .. ركض فهد ناحيتها لما شافها مغمضة عينها .. و نفس الشي فجر الي صعدت الدري بسرعة ..

فجـر يـودت غالية من كتفها : غلوي شفيج ؟؟
غالية و دموعها غصباً عنها سالت على خدها : فهد .. ودني بيتنا أخاف اموت و انا بعيدة عن أمي ..
فهد يمكن لثاني مرة يضمها لصدره يخفف عنها : لا تقولين جذيه غالية !!!!.. فجر روحي شوفي صوب شنطي في شنطة صغيرة فيها أدوية و اسعافات أولية ييبيها ..
فجر و هي تتباعد عنهم : ان شاء الله ..

ما عرف فهد شيسوي غير انه يحملها مثل الياهل و ينزل الدري !!!.. غالية ما كانت حاسة لحركة فهد .. موب حاسة غير في ألم كبييييير في راسها و عند عيونها تحديداً .. نزلها على الكرسي و يلس يمها و هو ماسك يدها بقووة !!!..

ام خالد يلست على يمين غالية : فهد وليدي حرمتك شكلها تعبانة .. جانك توديها المستشفى !
فهد : المشكلة اهيا الي ماهيب راضية تروح ,.. خلني هني أشوف شنو فيها ..
منيرة رغم ضيجتها طالعته بنص عين : و تسوي روحك ما تدري بعد ..
فهد و هو ياخذ الشنطة الي يابتها فجر : لااا راح فكرج بعيد .. الي في بالج مستحيل يستوي ..

غمضت غالية عينها و اذونها تتلقط كلامهم .. آآآآآآآآه يا غالية هالدنيا شخلت من بلاوي و مصايب ما عقتها عليج !!!.. مر الوقت سريع .. قطع الهدوء صوت فهد لما شال مقياس الضغط عن يدها ..

فهد و تبين الراحة من عيونه : الحمدلله مافيج الا الخير .. كم مرة قلنا لج انا و اخوج أكلي زين و نامي زين ؟؟؟.. سوء تغذية و الضغط نازل عندج ( سكت شوي عقبها قال ) انا بسألج انتيه عندج الضغط و الله لا ؟؟
غاليـة و هي تعدل يلستها : أي عـندي ..
فهد : يعني ماهوب زين لج ما تنامين زين و لا تاكلين ( خلى سماعته في الشنطة ) يلا خلني اوديج بيتكم ..
غالية وقفت عن الكرسي بتعب .. طالعت ام خالد و قالت بضيجة : السموحة منج خالتي جان ضايجتكم ..
ام خالد : ربي يحفظج بنيتي لا ضايجتينا و لا شي .. المهم تطمنا عليج و على صحتج .. بلغي أمج سلامي و خبريها ان في أقرب فرصة راح نجي نتطمن عليها !!!..
غالية : يوصل ان شاء الله .. مع السلامة ..

طلعت من بيت عمها .. ما كانت تعرف اذا طبته مرة ثانية و الله لا ؟؟.. كل أملها ان الامور تعدي على خير و تقوم امها بالسلامة .. ركبت السيارة و مثل أول ما طلعوا من المطار عمْ السكوت !!!.. بس ما طال الا عشر دقايق قطعه صوت فهد ..

فهد : جان قلتي لي من قبل أنج جذيه تعبانة كنت وديتج المستشفى ..
غالية : لو كنت محتاية للمستشفى رحت .. بروح البيت برقد و باستوي زينة ..
فهد : كيفج عاد انا قلت لج .. بعدين اذا استوى فيج شي انا مبري الذمة ..

ما ردت عليه !!!!.. اكتفت انها تفر راسها الجهة الثانية تراقب الطريج .. ايييييه بس هالايام متى تعدي و الله مليت من هالحالة كنت بقول له متى بيطلقني بس طبيت السالفة لانه ابد ماهوب وقتها .. ما ادري اذا كنتي يا البحرين أرحم على امي من بريطانيا و الله بتزيدين همها ,.. دخل فهد سيارته البورش السودة حوش بيت عمه بوطلال.. نزلت من السيارة و مشت بخطوات سريـعة لباب بيتهم .. فتحت الباب و انظارها تدور في المكان عن امها !!!!.. وقف عيسى جنه فهم من نظراتها شتدور عليه ..

عيسى : أمي في غرفتها .. يبنا لها ممرضة تعابلها هني !!!!.. تعالي غالية ..

قبل ما يكمل كلامه ركضت صوب غرفـة امها .. فتحت الباب و أول من شافته كانت الممرضة الي يالسة يم ام طلال .. مشت غالية بهدووووء صوب امها .. يلست يمها عالسرير و مسكت يدها بقووة .. رفعت ام طلال يدها الثانية و ظلت تتحسس يد غالية .. رغم انها ما تشوف !!!.. الا ان قلبها شاف غالية و حضنها بشرايينه ..

أم طـلال : غالية !!.. ربي يابج تعالي يمي حاسة روحي بأموت و انا بعيدة عنج يا الغالية ..

تحـجرت الدموع في عينها و نزلت بكل قسوة تخدش خد غالية بحرارتها .. كلام امها زيد هموم فوق همومها !!!.. ما اقدر اتخيل روحي بدونج .. مقدر !!!!!!!.. طالعت فهد الي يلس من الجهة الثانية يم ام طلال ..

فهد : شخبارج خالتي ؟؟ عساج الحين أحسن ؟؟
ام طلال : الحمدلله يا وليدي الحمدلله .. أمك و اخواتك و خالد اخوك شلونهم ؟؟؟
فهد : الحمدلله .. يسلمون عليج خالتيه و يتحمدون لج بالسلامة .. ( وقف عن السرير ) يلا تامريني على شي ؟؟؟..
أم طلال : سلامتك وليـدي .. وصل سلامي لأمك يا الغالي ..
فهد طالع غالية بنظرات عمره قاموس الكلمات ما يقدر يترجمها : غالية .. قومي الحين روحي حجرتج ارتاحي .. و خلي أمج ترتاح ..

باست أمها في راسها و وقفت تتباعد عنها !!!.. خلااااص ما اقدر ايلس صوبها اكثر و اشوف تراتيل الحزن مرسومة على ويهها .. انهد حيلي من الي يستوي !.. سدت باب غرفة امها ,.. طالعت فهد الي قال لها ببرود ..

فهد : الله يقومها بالسلامة.. بس أنتي غالية اهتمي في روحج لا تتعبينها زيادة ..
غاليـة هزت راسها بحزن : عساني الموت عسب تعيش !!!!..
فهد قـال بسررعـة : لا تقولين هالكلام .. أستغفري ربج ( تجدم صوب الباب ) إذا انتي ما يهمج حياتج و الله موتج .. انا يهمني تبقين ,.. مع السلامة ..

ما عطاها فرصة تردْ عليه .. طلع و سد الباب ورااه و سد كل بصيص تدخل منه اشعة الشمس .. ما كان عقلها يستوعب أكثر من الي فيه !!!.. حاولت ما تهتم لكلام فهد و صعدت غرفتها متجاهلة نظرات ابوها و اخوانها .. قامت امل من مكانها و صعدت الدري ورى غاليـة ..

طلال : يبه بس بخبرك .. غالية و فهد الحين بينفصلون و الله لا ؟؟
بو طلال بتعب : يا وليدي انا مدري ,.. هالموضوع راجع لهم ثنينهم ..
عيسى و ابتسامة عذبة في شفته : لا يا بويه شكلها غالية تأقلمت شويه ويه الوضع ..
خليفة : هههههههههههههههه الله يساعده عليها انا أخوها و موب مستحمل لسانها ..
طلال : هههههههههه حليلها و الله غالية طيبة بس لسانها أطول منها .. و الا انته الي من صغرك تحط راسك بـ راسها .. ما تخليها في حالها ..

التفت الكل لأمل الي نزلت من الدري ,.. و بهدووووء خلت يدها على يبهتها و تهاوى جسمها عالأرض .. ركض طلال بسرعة صوبها .. أول شي سواه انه خلى راسها على ريوله و هو يصفعها على خدها و عيونه شوي و تخترق ويهها !!!!..

---> الي يشوف حالهم الحين ما يقدر يقارن بينه و بين قبل سنتين ؟؟؟..

طلال : أمل .. أمل حبيبي قومي ( طالع اخوانـه و قال بخوف ) واحد منكم يشغل سيارته ..

ما عطى عيسى احد من اخوانه فرصة انه يقوم !!.. وقف بسرعة و ركض لسيارته .. و هو يطالع طلال الي يااه صوبه و أمل مثل الميت طايحة في ذراعه .. شغلـها و ظل يطالع أمل بخوووف ..

طلال : عيسى !!! بلاك واقف للحين .. بسرعة تحرك ..

عيسـى بتهـور منه حـرك السياارة بسرعة جنونية .. تاارك وراه غيمة من الدخان .. مسرع ما وصل صوب المستشفى ,.. و لحسن حظهم وجود فهد الي من شافهم دخل أمل غرفة المعالجة .. يلس عيسى عالكرسي بتعب و انفاسه تتدافع بصعوووبة .. فتحت زرار ثوبه و سند راسه على اليدار .. جنها طيحة أمي تنعاد ,.. منوه بيكون الضحية الحين ؟؟؟ لو راحت أمل من هالدنيا وين فييه قلبي يروح ؟؟؟.. هالبنت من رجعت من الامارات و أول يوم شفتها فيها ما نمت ليله .. وقـف عيسى عن الكرسي يطالع فهد الي ظهر من غرفة المعالجة ..

طلال و هو يتقرب ( قال و دمعة حايرة متعلقة في عيونه ) : بشر فهد ؟؟؟
فهد بتوتر باين على ملامحه : انا ما ادري شقول لكم !!!!..

====== Stooop ======

أتمنى ينال على اعجابكم .. و الفصل الثاني منه ان شاء الله جريب ..

[لامارا]

الـجـزء ( 6 ) الفصـل الثـاني

=========

طلال و هو يتقرب ( قالو دمعة حايرة متعلقة في عيونه ) : بشر فهد ؟؟؟
فهد قال بتوتر باين على ملامحه : انا ما ادري شقول لكم !!!.. بس أمل ( أبتسم ) حـامل..

رد عيسى علىورى و يلس منهد حيله عالكرسي .. خلى يده على جبينه و عص عليه بقوووة!!!!!!!! فرغ غضبه في الأرض لما رفسها بكل قوته .. حـامل!!!!!!!! ( تردد في مسامعه صوت فهد وطلال ) و انا منوه يعزيني همي ؟؟ أول انسانة حبيتها تزوجت اخوي و الحين ينزف لي خبر انها حامل !!!!.. يا الله انا ليش حظي دومه موب وياي!!..

=====
خـــالــد ( حديـث الغربـة)
الامارات العربية المتحـدة / شرطـة راس الخيمة
الساعـة / 11:32 اللـيل
:
\

كان المكان هدوء و بنت " بعمر الزهور" واقفة قبال طاولة خالد .. كانت يدينها مكللةبأساور حديد و بلوزتها البيج مبقعة بأسود منكثر ما عذوبها !!.. رفع خالد عيونه عن الملفات الي قباله و أشر للجندي انه يطلع برى ..

خالد بجديـة : حياج يلسي !!..

يلست عالكرسي عقب ما فج الجندي عنها السلاسل و ظهر .. رفعت عيونها عن يدها و خلتها في عيون خــالدو بكل جرأة !!!!!!.. الله شكثر هالبنت جريئة ؟؟.. بسالحيـن هالشكل البريء عليه هالقضية ؟؟.. ( طالع الأوراق الي فييدينه ) يجوز في لبس في الموضـوع ؟؟؟..

خالد : شيخة .. انايبتج هني لا ابي احاسبج و لا ابي أظلمج .. يبتج هني بأتساعد وياج بس بشرط تعطيني كل المعلومات الي عندج..
شيخة بعناد : أحلف لكم بالي خلقني ما لي يد في هالموضوع ما تفهمون أنتوه ؟؟
خالد : انه بعد لما شفتج شكيت في الموضوع.. كم عمرج انتيه ؟؟؟
شيخة : 18 سنة ..
خالد : شيخة انتيه عمرج 18 و متهمة في قضية مخدرات .. تعرفين يعني شنو ؟؟
شيخة : أعرف .. ما يحتاي تعلمني انا في شوه متهمة .. انته ياي لنا من برع الامارات تحبسنا .. والله الاماراتيين خلصوا عسب اييبون لنا غير مواطن..
خالـد اخذ نفس : هالموضوع خلينا بعيدين عنه لو سمحتين شيخة .. و اذا تبين اماراتي مثل الضابط الي قبلييعذبج عسب تعترفين .. انا هني ضابط في المركز كنت اماراتي و اللهبحريني بـ أدي واجبي ..
شيخة بصوت واطي : واضح ..
خالد : انا بس ابيج تعلميني منوه وياج في توزيع المخدراتو بنتساعد وياج ..
شيخة صرخت عليه : قلت لك انا الموضوع كله ما لي يد فيه ..و شلون اقول لك الحينه منوهكان ويايه ؟؟
خالد : اذا ما تساعدتي ويانا مستعدين ننقلج لمركز غير.. انتيه الي يبتيها لروحج ..
شيخة يلست تصيح بقهـرر : و الله العظيم آنه ما أعرف أي شي عن الموضوع ..
خالد : عيل تساعدي وياي .. أعرف ان الضابط الي كان قبلي يعذبج .. انا غير و ان شاء الله تطلعين براءة ..بس انتيه قولي لي الموضوع من بدايته..
شيخة : آنه أأخاف أرمس لكم بـ أي شي لانها مـ ـهددتني..
خالـد أبتسم لمامسك طرف الخيط : ما عليج إذا حنا وياج محد بـ يقدر يلمس شعرة منج .. بس انتيه تكلمي ..
شيخة : انا في آخر سنة في الثانوية تعرفت على بنت أسمهاموزة , كانت وايد تتجرب منيه لما أستوت أعزرفيجاتي .. في يوم كان راسي يعورني .. رمست وياها في التلفون قالت لي بكرة بـ أييب لج حبوب تطير هالالم .. انا ماصدقت لما عطتني اياها شربتها .. خمس دقايق و راح الألم .. كانتكل ما يألمني راسي تعطيني من هالحبوب لما أدمنت عليه .. بعدينشفت علبة الحبوب عرفت أنه مخدرات ( يلست تصيح ) انا الخبلة ما أهتميت للموضوع .. خلصنا الثانوية حتى أهلي لاحظوا اندرجاتي وايد تدنت عن قبل .. حاولوا يعرفونشوه فيني .. بس آنه خفت و ما رمست لهم عن الموضوع .. موزة لما حستني متعلقة في الحبوب قطعتهم عنيه ...

حسـت روحها ميهـودة و خصوصاً انها قالت كل الي في قلبها و في دقيقة وحدة !!!!.. حوطت ويههابيدينها و يلست تبجي بصوت عالـي قطع قلب خالد .. وقف عنالكرسي و راح صوب الباب اكتفى انه يقول " ييبوا قلاص ماي "و رد يلس عالكرسي الي قبالها .. طالعها لما هدت شوي و قال قاطعالسكوت بدون سابق إنـذار ..

خالد : طيب .. الحين و شلون وصلتي لمصنع المخدرات ؟؟؟
شيخة : توسلت لها و عطيتها كل الي عندي ( ردت تصيـح ) ودتنيللمصنع الي تاخذ منه .. ما كنت أدريان الشرطة كانت تراقب المكان ..
خالد : و المخدرات الي كانت في غرفتج ؟؟؟
شيخة : انا عمريه ما دخلتهن بيتنا .. هذه يمكن اهياخلتهن في حجرتيه..
خـالد بحزمْ : تدلين المصنع و الله لا ؟؟
شيخة طالعتـه بخوف : الله يخليك ما ابا أقول لاحد .. موزة بتذبحنيه ..
خالد : قلت لج لا تخافين .. إذا في حد بينسجن ف موزة الي بتنسجن .. عطينا اسمها ؟
شيخة بلعت ريجها : موزة ناصر الـ ***** ..
سحب دفتر الأوراق الي يمه و مسرع ما طاحت الأورااقمتبعثرة في الهوى عالأرض .. و بهدوءبسرعة سجل أسمها و هو عاقد حواجبه : موزة ناصر الـ**** ؟؟؟ من ويناهيا ؟؟؟
شيخة : من الإمارات طبعاً ..
خالد صك الورقة بالنص : أي أعرف من الإمارات .. بس وين بالضبط ؟؟
شيخة : راس الخيمة ..

عـص الورقة بقوووة و هو يسمع آخر كلمتين قالتهم شيخـة .. آآه يا أمل تعالي سمعي شنو يصير هنيو الله تموتين لو تعرفين منوه الي بـ احاسبها على قضيةتودي في ألف داهية ..

شيخة : خير .. بلاك شي؟؟؟؟
خالد و يلبس قناع عدم المبالاة : لا سلامتج .. تقدرين تروحين الحين و ان شاء الله خير..

======

[لامارا]

غــاليـــة ( سحـابـة فـرح )
مملـكـة البـحريـن // مدينـة عيـسـى
السـاعة // 9:17 الصبـح
:
\

فتـحت المجحـلـة و قربت ويهها من المرايا .. خطتها في عيـنها بتأمـل !!!.. أتذكر رسمة من رسومات فهدشفتها في السرداب كان كاتب عليها " عيونها المجحلة بعثرتني " أتذكر لما يشوفني أطالع هالرسمةيحاول يلهيني عنها .. و لما سألتهقال لي " ما لج خص منوه أقصد " .. في الأخير عرفت انه يقصدني لما شفت مكتوب وراها " عيون غالية " ( ردت تتأمل عيونها عقب ما خلتالمجحلة على التسريحة ) أبوي كان يقولان هالعيون و هالنظرات كلها أقتبستها من أمي .. اما الحين ( أبتسمت بحزن ) راح البريق الي في عيون أمي و بقـت عيونيتداري الدنيا من بعدهـا .. وقفت عن الكرسي و طلعت من الغرفة .. وأول ما دخلته كانت غرفة امها !!!!.. الي وقفت في ويههاالممرضة و إبتسامة ناعمة مرتسمة في شفتها ..

م.سحر : ما تقدرين الحين تشوفينها توني ماعطتها الأبرة ..
غالية : ما عليه بس بـ أطل عليها ..

وقفـت بعييييييد عن أمها تطالعها .. و مسحت دمعة ألمانسابت على خدها .. خلت يدها على طرف التسريحة و بريقعيونها يلعم وسط ظلمة الغرفة ..

سحـر أخترق صوتهاالهـدوء : لا تبجين أمج تتعب لما تشوف دموعج .. جربت فقد الأم بس أستحملته ..
غاليـة مسحت دموعها و قالت تحاول تبتعد عن هالمشاعر اليتهيج في كيانها : انتيه شكلج بحرينة ..شحقة تشتغلين ممرضة في البيوت ؟؟
سحر أبتسمت : انا اشتغل ويهالدكتور فهد الي يصير لكم في المستشفى .. كانوا بـ اييبون هني ممرضة أجنبية بس آنه قلت لهم ما يحتاي .. انتوه عرب و مااظن تأذوني .. و بعدين أبوي و اخواني محتاجين وايد للفلوس وانا بـ اساعدهم جذيه ..
غاليـة بنات غمازاتها ... ابتسامتها ما اطاعت تظهر خايفة من النور : الله يعطيج العافية .. شنو أسمج؟؟؟
سحر : سحر الـ***** ..
غالية : عاشت الأسامي يا سحر .. ديري بالج على أمي تراها أغلى ما عندي ..
سحـر : لا توصين حريص .. أمج مثل أمي و انا حاطتها داخل عيوني ..
غـالية و هي تنسـحب من الغرفة : تسلم عيونج..

مسحت دموعها لما سمعتصوت خليفة من المطبخ .. ما تبيه يحس بشي لا يسوي لها من الكلمة قصة و ييلس تتطنز و هي موب مناقصته من الصبح !!!!..

غالية و هي تدخـل المطبخ : صباح الخير ..
خليفة و عيسى : صباح النور ..
هيلان : صباح الخير مدام غالية .. شلونج الحين ؟؟؟
غالية و هي تيلس يمْ عيسـى : صباح النور .. انا الحمدللهالحين أحسن..
خليفة : جمع هيلان شحقة تعابلين على روحج و تسألينهاشلونها و الله شخبارها .. هالبنت أستغفر ماادري شلون .. تقدرين تقولين قطو أبو سبعة أرواح ..
غالية و هي تقط زيتونة على ويهه : مالت عليك الحين اناقطو ابو سبعة ارواح ؟
خليفة : هههههههههههههههه لا و انتيه الصاجة قطو ابوسبعة أرواح و شعره معكرونة بعد.. " يلس يحرك لي حجاته "
غالية : انا شنو أسوي فيك انته ؟؟ ما تخلي الواحد ييلس ساكت يعني..
عيسى " وقف " : يلا خلوف تأخرنا عن الشركةالحين أبوي تلقاه قالبها فوقنا..
خليفة : اففف و الله ما لي خاطر أروح .. " وقف" انتيه لا تعورين راس أمل هاااه و الله انها ماهيبناقصتج

التفت عيونهم على الباب الي صفعاه عيسى وراه ..

غالية تعقد حواجبها : بلاه أخوك ؟؟؟
خليفة : ما بلاه شي .. ماخبرتج أمل أمس ودوها المستشفى طلعت حامل ..
غالية : من صجك خلوووف .. ( بصوت عاااالي و ويهها يتهلل بفرح ) يا ونااستـي بأستوي عمة!!!..
خليفة : ههههههههههههه صج يوم قالوا عنج مينونة " طالعالدريشة لما سمع صوت هرن سيارة عيسى"طالع هاااه عيسى اذا يبي شي لازم يستوي .. يلا مع السلامة..
غاليـة و هي تشربمن الكوفي : الله يسلمك ..
خليفة بصوت عااالي و هو يظهر من المطبخ : و ما يسلمج ياا رب ..

شالــت الصحن الي يمها و رمته عليه !!!!!... ما سمعت غير صدى صوت ضحكته الي ينزل صداها كل ما يبتعد خليفة عنالمطبخ .. الله يغربل بليسك يا خليفة و الله البيت ما له روحبدونك .. نزلت عيونها لكوب الكوفي الي في يدها و هي تدورهيميـن و يسار .. يجوز فهد يدز ورقة طلاقي اليوم ؟؟.. الليل بطوله ما عرفت انامه ,.. ما ادري افكر في سالفة الطلاق و الله في مرض أمي .. طالعت الجايحست روحها موب طايقة تشربه بعد طااري هالسالفة .. خلتالكوب عالطاولة و وقفت .. يمكن لحظة جنون ؟؟ و الله لحظة ردتفيها أيام كانوا يهال .. فصخت شبشابها و خلتـه بين ذراعها !!!!..و ركضت بسـررعة .. المطبخ يفصل بينه و بين الصالة ارتفـاع تقريباً نص متر .. و يمكن لسرعتها و الله لعدم انتباهها .. دعمـت في صدره و ردواثنينهم على ورى !!!... قبل ما توصل للأرض ضماها ذاك الجسد و التفعسب يتلقى جسمه السيراميـك .. غمضت عينهابقووة لما حست بشد في ذراعها !!.. انجلت لما نزلت عالسيراميك و هي تتكور على روحها و تمسك ذراعها بيدينها..

فهد و هو يسند روحه عالأرض و يحاول يقوم : تعورتي غالية ؟؟؟

ظلت مغمضـة عينها !!!!.. و صووتها تبجي بألللم وصل لـ(قلب) فهد .. خلى يده على ذراعها بيقومها عنالأرض .. فاجأته غالية لما سحبت ذراعها من بحر يدينه و ضمتهالصدرها !!!!!!!.. تقرب منها أكثر و رفع راسها عن الأرض,.. سمعت صوته ينادي الخدامة تييب الاسعافات الأوليـة ..فتحـت عيونها بهدووووء و انفاسهاتختلط ويه ريحة المعقمْ .. تصاادفت عيون فهد بعيـون غالية لما رفع رااسه.. حست بقلبها يضرب طبوول لما عرفت بوضعها الحين و راسهاالي كان على ريله !!.. رفعت راسها عنهبتقووم .. بس الألم لما زاد عليها في ذراعها ردت راسها و هي تبجي آآآآآآآآآآه ..

فهد و صوته خايف و متوتر : غالية لا تتحركين يمكن كسر في ذراعج ..
تصيـــح : انا .. م .. موب .. قاادرة .. اتحرك .. اخااف ..انشليت
فهد : فال الله و لا فالج .. شتقولين انتيه ؟؟ بس الحينلا تتكلمين .. عطيني ذراعج بـأشوفها ..

يود ذراعها ف غمضت عينها تخفف حرارة الألم .. حاولت تتحمل الالم بس فهد الي كان كل ماله و يعص علىذراعها أكثر من قبل خلاهاا ترفس بريولها و اهيا تصيح مثلاليهال .. كرد فعل للي يستوي صفعت فهد .. ما قدرت تطالعه أو حتىتعرف ردة فعله .. بس الي حست فيه انه قام عنها و راح بعيييييد !!!!.. فتحت عينها على خفيف لما شفت سـحر الي يلست يمها و يودتها من ذراعها .. طالعتفهد بخووف و هي تبـجي