عاشر من تعاشر فلابد من الفراق / بقلم بزوغ القمر ، قطرية كاملة

[ام مزن]

	بسم الله الرحمن الرحيم يسعدنى ان اقدم لكم رواية ( عاشر من تعاشر فلابد من الفراق ) للكاتبة :- بزوغ القمر قراءة ممتعة

[ام مزن]

عندما تحب شخصاً وترااه غارقاً في دوامة الدنيا ..!

وتأتي إليه تاركاً خلفك كل مايهمك أنت شخصياً !!

لتمد له يد العون ..!

ولكن يفاجأك برفضه لـ مساعدتك له !

بسبب ..إنه لا يريدك ان تتدخل في شؤن حياته ..


أريدكم أن تعيشوا معي ..فـي أحداث هذه القصه بحزنها وفرحها ..

أن تتخيلوا شخصياتها ..

أترك بين أيديكم قصه جديده ..أتمنى أن أرى منكم كل خير ..

[ام مزن]

الجزء الأول


"أفرآح ومنآزعآت "


صرخت هند بأعلى صوتهآ وهي فوق : ماااااااااااااااااااامااا ااااااااااااااااااااااااا ا
!! جوفي بنـتج بتجيب لي المررررررررررررررض !!
أم بدر وهي تصرخ : ذبحتووني والله ذبحتوووووني ..ماعدت أقدر أتحملكم ..
هند : بنتج الي ذبحـتني ..هآي شلون طلعت توأمي مآآآآدري .! مااامااا
شليييهااااااا عنييييييييييييي ..
أم بدر : انا غااسله يدي منكم ..طسو مايخصني فيكم ..

نزلت هند من فوق وهي معصبه حدها وهنادي تتمخطر وراها : مااامااا
..جوفيها ماتخليني ألبسس هالبنطلون !
هنادي : والله أنتي أنسانه قذره ..وبتوصخين ملابسي ..
هند : في أخترااع أسمه غساااااااااله بيغسسسسسسلونه
هنادي : ماااابي أعطيج غصصصصصب ؟! عطيني البنطلون يلااا
هند : مب موصختهاااا ..بروح بيت رفيجتي يعني بقعد عاقله أفهمي !
هنادي بغرور : قلت مابي ! عطيني بنـ ..
ومايمديهآ هنادي تكمل جملتها ألا بـ البنطلون على ويهها ..
هند : خذيه شبعي منه.أصلاً من زينه ولا من حلاته انا كنت أبي أخذه عشان أفكج منه بس ..
وركبت الدري هند وهي تتحلطم على هنادي أختها التوأم الي شخصياتهم مختلفـه عن بعض لدرجه فضيعه !
لكن الشبـه الي بينهم مب طبيعي ..الي يشوفهم أول مره مابيفرق بينهم ..ألا بـ أختلاف لون عيونهم


ودخلت كوثر هي وعيالها : السلام عليكم ورحمه الله وبركاته ..
أم بدر : هلا هلا وغلا بالزيين ..هلا ببنيتي !
كوثر : هلا يمه ..شخبارج فديتج ؟!
ورحت تسلم على أمها : بخير دامني شفت هالويه السمح !
سعود : افااا ! وأحنا وين رحنا ياليده ؟! ولا خلالاص الغلا كله حق الوالده ؟!
أم بدر : واي يعلني ماخلى من شوفتك ..تعال يمه تعااال ..
وراح سعود يسلم على يدته وباس يدها وراسها : شخبارج يالغاليه عساج مرتاحه ؟!
ام بدر : وين أرتاااااح وهالثنتين في هالبيت ..طلعوا لي روحي ..
سعود يطالع خالته هنادي : افاا ياهنوود شمسوين فـ يدووتي ؟!
هنادي : خالتك انا أحترم نفسك شنو هنوود !!
سعود وهو مب طايقها بس جي كان يكلمها مجامله : السموحه خالتي هنادي مادريت برستيجج مايسمح ..وينهي شيختج هند !
ومايمدي ثواني ألا وهند على الدري : أخـــتي الغاليه كوثر يااااات !
وراحت تركض تسسسلم على كوثر ..
هند : شخبارج أختي ان شاءالله طيبه ؟! وشخبار عيالج وأبو العيال عساكم مرتاحين .؟! ها الويك آند جا الله يعين بيتنا بينبط من عيال كوثر
أم بدر : أحسن ماينبط من صراخج طوول النهار !
هند : نغــم نغــم !! ناس يحصل لهــم يسمعون حسـي كل ليلـه ماتدرين يالوالده شكثر ناس متعذبين بـ حبي !
دخل طارق وهو يكمل عن هند : ومايرقدون الليل ألا لما يسمعون حسي وماينطفي نار شوقهم ألا بشوفـتي ..حفظنااااااااا !!
وكانت وراه فاطمه الي قاصين عليها ومشغلينا حمالي : جان حفظت منهجك ولا شاطر تحفظ كلام الشيخه هند
هند : وليش عيووني الشيخه هند مو ماليه عينج ؟! لا قولي مو ماليه عينج ؟! لا قولي أنطرج بس تقوليين ..

وبدت الحرب العآلميه المليون بين فاطمه وهند الي مابتنتهي ألا بعد مايخلص الويك آند

كوثر متزوجه واحد فـ الشمال : وتقريبا كل ويك آند يجون الدوحـه وبكرها هو " سعود وعمره 23 ويشتغل ..طبعاً هو كان موصلهم وبيرجع يوم السبت عشان الدوامات ..وبعده طارق 21 سنـه وفي الجامعه وآخر العنقود هي فاطمه 16 أول ثانوي ! "

وعلى هاليمعـه الحلوه دخل بو بدر " يدهم " وقاموا أحفاده يسلمون عليه ..
بوبدر : ونور البيت بشيخه الحريم كوثر ..
كوثر مبتسمه : النور نورك يايبه ..
هند : اييييييه ايييييه طااح كرتنا ..من قدج ياكوكو !
بوبدر : افاا والله ..انتي نوارة البيت ..من غيرج البيت زيرو !
هند : هههههههههاااااي ..أخس يالشايب من معلمك زيرو خخخخخخخخخخ ..
سعود : تلاقين أحمدووه ولد خالي سعد ماعطيه كوورس لغه أنجليزيه ..خخخخخخ
هند : والله يسوويها هالبو حمص ..انا في خاطري أعرف شلون يقدر يخزن كل هالمعلومات في راسـه ..انا يالله أحفظ شنو قلت الحين !
فاطمه : تف تف بس لآ تحسسدينه !
هند بهمس : آيي القلـب مآنقدر ^.*
فاطمه أنحرجت بس مابينت : أوووووص !
ضحكت هند وراحت عنها وقعدت يم هنادي الي عقب ماتعبت من الوقفه قعدت ..
هند بهمس : الحين بتعطيني البنطلون ولا لا ؟!
هنادي بغرور : لو تحلميييييين ..
هند وهي قايمه : أصلاً مااااااااااابيه .." وألتفتت على سعود وطارق وكوثر " تبون شي تهفونه ولا اجيب لي بروحي ؟!
أم بدر : طالعوا طولة الألسااان ! ياربي هالبنت بتذبحني ..لا حيا ولا مستحى ..حد يقول حق ضيووفه تبون ولا لا ..
هند : مااامااا ..ألا كووووكوووو !
أبو بدر : فدييت بنــتي عسل
كوثر : مامنها فايده يايمه .." وقالت لـ هند " روحي روحي هفي بروحج ..
سعود قام : لا شنو تهفين بروحج ..خليني بهف وياااج ..
طارق قام : آييي لا تهفوون عني ..أنطرووني ..
هند : قوموآ خلونا نهف مع بعض خخخخخخ ..
وراحوا المطبخ وقاموا يتهاوشون على العشى الي لين الحين ماأستوى !!
وخذ سعود من الباستا الي مسويتها الخدامه شوي وحطها في حلجه وكانت حاااره ..وقام يكح وفتح حلجـه وطاحت لقمته في يده ..
طارق مسك يد سعود ومدها حق هند : هااااج جاج خير ..خذيه ..
هند بقرف : وااااااااااااااااااااع واااااااااااااااااع ..
سعود وهو يدز طارق ويحط لقمته مره ثانيه في حلجـه : مالت عليج وعليـه عسسل شحلالاتها البااستا صارت !!

طلعوا بعدين من المطبخ وكانت هند ماسكه قوطي بيبسي وقعدت شوي بعيد عن هنادي ..
هند : هنوووود ..خلصيني عطيني البنطلووون !!
هنادي : مااابي اوووف
هند : مالت عليج وعلى الي طلب منج ..
طارق : ههههههههه انتي الي طالبه الحمدالله والشكر ..
هند : زيين زييين تقوم توديني الستي ؟!
طارق حط ريل على ريل : ترجيني أكثر ..
هند : لو أستوي يتيمه ماترجيتك .." ألتفتت على سعود " شيخك الي بيوديني
سعود : مشكلتج تعرفيني أموت ع المدح ..قومي لبسي بسرعه ..
هند راحت تركض وباست راس سعود :فديييت ولد أختي الي مايقصصر صصصج ولد كوووكووو ..!
هنادي : انا بعد بروح ..
هند ألتفت : والله أن قمتي ذبحتج ..! ملابسج تكفيج 11 سنه وتبين تجين ..تخسين ..
سعود : لا لا انا بس بودي هند .سيارتي ماتكفي ألا 2 ..
وكان قاصد سعود يقهر هنادي مثل ماقهرته مساعه ..
هند : خخخخخخخخخخ حلووووووووه .." ألتفتت على أابوها " باااباااا عادي اروح مع سعود الستي ؟!
أبو بدر : توج تشاورين ؟! حبيبتي انتي خططتي وركبتي السياره وتوج تستأذنين
هند : عادي باااباااا ماطلعت انا مع ولد الجيران ..ألا ولد بنتـك ..
أبوبدر : روحي يمه روحي ..وديري بالج على روحج لآ تيننين الولد ..
سعود : افااا هنوود تينني ..عسسل خالتي عسسل ..
هند : محد فاهمني غيرك ..يلا باباتي ماماتي كووكوو ..تشاااااو ..
وراحت تركض الغرفه ولبست ونزلت ..
هند منصدمـه : وييييييين سعود ليكون راح عني !!!!!!!!
فاطمه : اذا كان ناوي على روحـه ..روحي ينطرج في السياره ..
هند : دواج عندي يوم برجع .. " وطلعت وهي تغني أغنيه [ دواك عندي ] "

وراحت هند السياره وكان سعود قاعد ويتعبث في الجوال ..
هند : خلصصني ولآترى بهون ومب رايحه ..
سعود في قلبه " هاذي الساعه المباركه "
حرك السياره وراحوا الستي وطول الوقت وهند تزن وتسولف ولا سكتت ..
وسعود مستحملها شيسوي خالته بعد ..
وقفوا في البارك بعد طلعة روح ..
وهم بينزلون كانت هند مو متغشيه ..
سعود مسكها من يدها : وين وين ؟!
هند : بروح الستي شفيك ..
سعود : غشوتج وين ؟!
هند : أنآ ما أتغشى !
سعود : حلفي عاد ..شكبرج مره وماتتغشين ..الشرهه مو عليج الشرهه على خالتي الي مخليتج جي ..
هند : سعوود لآ تغلـــط !
سعود : أقول تغشي ولا أرجعي السياره ..
هند : قلت لك زين بتغشى بس أنت مو راضي .." وهي تمشي تتحلطم " أقوله بتغشى يقولي لو تغشيتي برجعج السياره ..مايستحي ..!!
ضحك سعود بينه وبين نفسه ومشى لين وصل يمها ..
قاموا يتمشون في الأسواق وقامت هند تتشرى من هينه ومن هناك ..
لين ماتعبت قالت حق سعود : سعودي تكفى ابي من باسكن روبنز ..!
سعود : بووه ياهنوود ..هو فووق!
هند : زين بتروح له زحف انت ! ..بنركب الأصنصير ..
سعود : أخ منج ..!! مآقدر أقص علييج ..
هند : يلآ يلآ جداامي .وشوف انا أبي ملك شيك بالكراميل ..لآ يحط لي كريمآ لأنهآ تضايقني ..وياويله لو كان الملك شيك حار نفس ذاك اليوم ..ابيه بارد يسرسح على قلبي .. و .. و .. و ...!!
وقامت الشيخه هند تتشرط !! لكنها ماتدري متى بينفجر سعود عليها !
وصلوا عند باسكن روبنز ..
سعود : أنثبري هنيه بروح أطلب لج وبجي ..
هند : زين يعني تشوفني تحركت ..
وراح سعود وهند ألتفتت على الي رايح والي جاي ..
ولمحت شخص كان واقف شوي بعيد عنهاا ..!
دققت فيه شوي ..وبعدين أعرفته ..وقامت تنادي : خالد ..خـالـد !
أنتبه عليها خالد وألتفت ..
هي رفعت الغشوه وضحكت ..
وهو عرفها وجا صوبها : هلا والله هلا بـ هنوود ..
هند : هلا فيييك زوود يالشيخ ..شخبارك ؟!
خالد : بخير عمتي الشيخه طال عمرج ..شله قاعده بروحج ويايه مع منو ؟!
هنيه هند توهقت !!
انا ليش ناديته بالأساس !
شوي وجا سعود وشاف خالد واقف !
تم يطالعون بعض وشكلهم عارفين بعض بس مب قادرين يميزون !
هند متوهقه شوي : أمم ..سعود ..هذا خالد ولد ..ولد ..أخوي بدر !!
طالعوا بعض ثنيناتهم والحقد والكرهه بينقز من عيونهم ..!
خالد : مع السلامه يا أخت أبوي !
وراح خالد وهو معصب وكارهه عمته كوثر وعيالها !
سعود : صج لا حيا ولا مستحى في هالرياال ماعلمته السنع حرمة بدور ..
هند : ههههههااي حلووه حرمة بدرو بس تكفى لا تعيدها لأنه أخوي .
سعود ألتفت عليها وعطاها الملك شيك : أمسكي انتي وطوفي جدامي ع البيت

ومشت هند وكـ العاده تتحلطم وركبت السياره وراحوا ع البيت ..
نزلت ورجع سعود لـ ربعه ..

//

وفي بيت بدر ..
دخل خالد معصب : أكرهـــــه وبظل طول عمري أكرهـه !
أم خالد : بسم الله الرحمن الرحيم ..كارهه منو يا وليدي ؟!
خالد : عيال الي ماتتسمى .. الي باعت أخوانها عشان زوجها الخايس
أم خالد قامت بصعوبه وهي معصبه : لا ياخالـد ! انا عمري ماعلمتكم الكرهه ..ومابي على آخر عمري تربيتي تخترب ..
خالد : بس كرهنا لهم ورثنااه من أبوي ..
أم خالد : انا قلت لك ياولدي ..هالكرهه أبيك تمحيه من قلبك ..
خالد : مستحيل .. هالكرهه أنولد معاي ..من يوم وانا صغير لين كبرت ..طول عمري كنت حاقد علييهم ..والحين تبيني أمحي هالحقد !!
أم خالد : ربي يهديك ويصلح حال أبوك الي متعبني فـ تربيتكم .. انا أربيكم على شي وانتوا تطلعون شي ثاني .. لآ أله ألا الله محمد رسول الله ..
وراحت غرفتها وهي تتحلطم وتدعي على حظها المغبر ..!
خالد : ان ماخليتكم تندمون ياعيال كوثر ..ماكون انا ولد بدر ! وأولهم أنتي ياكوثر ..أنتي الي بتذوقين هالعذاااب ..وبتعرفين ان خالد قد كلمته !

في بيت بوبدر ..

أم بدر : هنادي يمه ..قومي قولي حق الخدامات يعدلون الميلس عيال خالتج بيجون ..
هنادي نقزت من الفرحه : صصج مااامااا؟!
أم بدر : كبرج انا أجذب عليج ..قومي يلا قولي لهم ..
هنادي ركضت المطبخ : لينا .. مولآي ..روحوا نظفوا الميلس بيجون ناس بسرعه روحوا
ورجعت تركض الغرفه وسكرت الباب وتسبحت ولبست أحلى ملابسها لأن كل شي عليها حلو ..
خذت لها جلابيه سودا وعليها شويـه ذهبي على الأطرآف وبـ أشكال خفيفه حلوه ..وشيله نفسها ..
وكحلت عيونها السود وحطت لها مسكارا وحطت لها قلوس وردي خفيف وحطت شيلتها على كتفها ..وهي مشاءالله بياضهاا واايد محليها ومخليهاا ملاك ..ومشطت شعرها الطوويل الأسود المدرج ..
وتدخنت وطلعت ..وشافت هند في ويهها وهي ماسكه كافيين وتاكل الثالث وفي يدها الثآنيـه بيبسي ..
هند وفي حلجها كافي : ول ول ول ول بتروحين عرس ؟!
هنادي : قولي مشاءالله لا تعطيني بعين ..بيجونا عيال خالتي ..
هند : وانا أقوووووووووول هالكشخه حق من ؟! الله يعينك ياولد خالتي ..
هنادي : أقول جب بس جب ..
هند : أنجبي أنتي ..هاي يزاي أمدحج !
فاطمه من وراهم : محد قال لج أمدحيها .. هي قمر من قبل لا تطلعين ..
هند بدفاشه : آيييييييي انا طالعه من بطن أمي قبلها هاا ..
هنادي : بـ خمس دقاااااااااااااايق ..مآبتفرق
هند : الي أكبر منج بدقيقه أفهم منج بسنـه ..
فاطمه : حرفت المثـل ..!
هنادي : هاي كل شي بيمشي على هواهااا ..خليها تولي ..
هند : ولي انتي انا شله أولي .." ودزتها شوي " وقومي عني بروح ألبس ..
هنادي : زين شعندج مستعيله ؟!
فاطمه : هاي في كل شي مستعيله ..حتى طلعت من بطن أمها قبلج ..
هند : شله انا متفقه معاها نطلع مع بعض .. يختي الله كاتب أطلع قبلها عشان أنور المكان .. ويلا يلا وخروا عن غرفتي !
وسكرت الباب في ويههم ..

وبعد نص ساعه وصلت أخت أم بدر " دلال " أم جابر ..
كوثر : خالتي جاااات
أم بدر : هلا والله بأختي الغاليه ..
أم جابر : هلا فيج ياحبيبتي ..شخبارج ؟!
أم بدر : الحمدالله طيبه ..انتي بشريني عنج وعن العيال وبو العيال ..
وقاموا ياخذون علوم بعض لين نزلوا هنادي وفاطمه ..

أم جابر : هلا والله بالبنات الحلوين ..
هنادي : هلا فيج خالتي ..شخبارج ؟!
أم جابر : الحمدالله بشوفتج ياحبيبتي ..وشخبارج أنتي يافطيم ؟!
فاطمه : الحمدالله خالتي تماام ..
أم بدر : وين عيالج يا دلال ؟!
أم جابر : ويـه قلت لهم روحوا الميلس ..قلت يمكن يكون عندكم حريم ولا شي ..
يمه فاطمه روحي ناديهم ..
فاطمه : لا خالتي أستحي ماعرفهم انا ..
هنادي : ماعليج ياخالتي انا بروح أناديهم ..!!
وطلعت هنادي لـ الميلس وعدلت شيلتها وطقت الباب ودخلت ..
هنادي : السلام عليكم ..
قام جابر : وعليكم السلام ..هلا هند ..
عبدالعزيز : هاذي هنادي مو هند ..
جابر : هههههههه السموحه والله مافرق بينكم ..
هنادي ابتسمت أبتسامه مو من قلبها : مو مشكله ..
جابر : شخبارج وشخبار دراستج ؟!
هنادي وهي تطالع عبدالعزيز الي يتعبث بـ الجوال : الحمدالله تمام .. ان شاءالله بكون من الأوائل ..!
جابر : دوم أنتي من الأوائل ..ورافعه راسنا ..
أبتسمت هنادي : أوكي وين علي ..خالتي قالت لي أناديكم مافي حد في البيت ..
جابر : علي طلع شوي يتكلم في التلفون وراجع ..ويلا أحنا جايين ..
هنادي : أوكي ..وطلعت من الميلس ..
جابر : مشاءالله عليها بنت خالتي كل يوم تكبر وتحلو ..ياليتني ماتزوجت هالدعله ونطرتها لين تكبر ..أووف ليتني سمعت كلامج يالوالده ..
قام عبدالعزيز من مكانه : كله مكياج .." وطلع من الميلس ودخل الصاله وجابر وراه "
عبدالعزيز وجابر : السلام عليكم ..
الكل : وعليكم السلام ..
ورآحوا سلموا على أم بدر : شخبارج خالتي ؟!
أم بدر : بخير الحمدالله .. أنتو شخباركم ياعيال ..وشخبار حرمتك ياجابر ..
عبدالعزيز : الحمدالله تمام ..
جابر : طيب ياخالتي ..وحرمتي مثل ماهي ..
أم بدر : وليش ماجبتها معاك ..نتونس معاها ..
جابر : مو لازم ..في بيت أهلها ..
وقعدوا وتفاولوا وطول الوقت جابر يطالع هنادي الي تضايقت من نظراته وتتمنى عبدالعزيز الي يطالعها مو جابر ..!
وشوي وألا تنزل هند من فوق وهي تغني : تصافينا بعد غيبه وبين حبه وطيبه ..فديته ماقدر يبعد فديت الشوق بـ قليبه .. رجع لي وبيده ورده يبي فيها يراضيني ومن فرحي انا فيها تحدر الدمع من عيني .." وعقب ماحست بوجود ناس تحت سكتت " أووه الخاله وعيالها وصلوا ..نور البيت نور ..!
وراحت تسلم على خالتها : شخبارج خالوتي عساج طيبه ومرتاحه في بيتنا ومحد ضايقج ولا قط عليج بنغزه ؟!
أم جابر : هههههههه بشوفتج ياحبيبتي انا بخير ..
وألتفتت على عيال خالتها : وانتوا شخباركم ؟! ووينه عليوي الصايع ؟!
عبدالعزيز الي من نزلت وهو يشوفها : بشوفتج طيبين ..وعلوي صايع مثل ماقلتي ..
وجابر كان سرحان ..ولما ضربه عبدالعزيز في خصره ينبهه ..
جابر بهمس : شنو ؟!
عبدالعزيز : تسألك هند عن أخبارك ..
جابر : متى ؟!
هند : لا الأخ هيمااااان في الحرمـه ..جان ماخليتها تروح بيت أهلها وطلعتوا تتمشون .. مول مافيك رومانسيه ..
جابر في قلبه " ألا في هنادي يابعد قلبي والله " : ههههه شفتي شلون ماعندي رومانسيه ..
وقعدت هند وقام الكل يسولف ويضحك وحشرت الجو هند بضحكها وروحها المرحـه ..
وقفت هنادي : حد يبي عصير ؟! انا رايحه أجيب لي ..
جابر : انا ..
أم جابر : محد يبي يمه لا تكلفين على روحج ..
هنادي : لا كلافه ولا شي خالتي .." وألتفتت على عزيز وسألته " تبي ؟!
عبدالعزيز : لا مشكوره ..
هند :انا أبي جيبي لي وياج ..
عبدالعزيز : عيل انا بعد أبي ..!
هند خزته وبعبط : يـ التقليد ..!! خلآص هنود مابي
عبدالعزيز : عيل انا بعد مابي هههه ..
أنقهرت هنادي منهم ..ومن أهتمام عبدالعزيز الواضح بـ هند .. وراحت المطبخ وقالت حق الخدامه تصب العصير
هنادي : اوف أوف الحين انا مرتزه جدامه صار لي ساعه ..وهو أول مانزلت هندوه لحست عقله ..أراوييج ياهندووه ..من يومي وانا أكرهج " وهنيـه سمعت ضحكت هند " أخخخخ كل شي ماخذته مني حتى محبه الناس خذتيها انتي ..بس ألا عبدالعزيز عمري ماراح أخليج تاخذينه مني ..هذا حبي الطفولي والأبدي ..مابسمح لج ياهندووه مابسمح لج ..
لينا : شو بكي عم تحكي لـ حالك ..؟! وشو الي مابدك تسمحي لـ هند ؟!
هنادي صرخت عليها : وانتي شدخلج ؟! طالعي شغلج وانتي منطمه ..ووين العصير ؟! لينا الي متعوده على أسلوب هنادي الخايس : هيدا هوا ..
خذت هنادي العصير وعطته جابر وراحت فوق الغرفه منقهره من هند ..


وتحت في الصاله ..
هند : خالوه ..
أم جابر : عيوني ياحبيبتي ..
هند : شواقه وين ؟!
أم جابر : في البيت ..
هند :لييييييييش خليتيهآ في البيت !
أم جابر : يختي البنت ماتحب تطلع ..صايره تتشائم !
كوثر : المفروض أنتي تشجعينها على أنها تطلع مو تأيدينهآ بـ هالراي وتخلينها في البيت ..
أم جابر : مابـ اليد حيله يابنيتي ..هي عنيده وانا ماقدر عليها ..
هند : أووووف يبيلها تكفخ هالبنت ..
عبدالعزيز : لآ تغلطيين على أختي ..
هند وهي معصبه لأن أم جابر وايد مدلعه شوق وهالدلع هو الي بيخربها زود : كيفي بغلط وانت شيخصك ؟!
عبدالعزيز على باله تستعبط مثل كل مره وقال يبلفيت معصب هو الثاني : أختي بعد تبيني أسكت عنها وأخليج تسبينها ويا ويهج ..
هند وهي قايمه : الله والأخت ..ألا قتمــه ومآتقدر تتكلم ..


شتتوقعون يصير بين هنآدي وعبدالعزيز ؟!
وجآبر !! معقوله يكون حاط عينه على هنآدي ؟! وهو متزوج !!
وهند ..شنو بيكون دورها فـ القصه ؟


أنتظركم

[ام مزن]

" عندمآ تنصدم بحقآئق ..مره ! "

الجــــزء الثــــــاني


حلت الصدمـه على الكل !!!!
وقف عبدالعزيز من الصدمـه ..مو عارف شنو يقول ..وأخيراً نطق : طوول عمرج عديمة أحساس ..
ولف عنها وطلع من البيت
و أم بدر ماقدرت تتكلم أو تقول شي تتأسف فيه عن الموقف ..
وهند وقفت مصدوومه من الي قالته ..هي قآلت جي لأنها كانت منقهره ..وماأهتمت لـ كلمه عبدالعزيز الي طلعت من قلبـه ..لأن يعشق أخته شوق ..ومافكرت هد إلا لو أن أم جابر تهتم في بنتها شوي جان بنتها طلعت من العزله الي حابسه نفسها فيها ..وبسبب عفويه هند قالت هالكلمـه والكل أنصدم فيها ..
هند بخوف : خ ..خـآ ...خخ ..
أم جابر : ماله داعي تقولين شي .. انا فآهمه كل شي ..
هند وهي ماسكه نفسها لا تصيح : خالتي تكفين والله ماكان قـ ..
أم جابر وقف : مو مشكله .. يلا جابر فديتك انا بروح قوم وصلني البيت ..
كوثر : لا خالتي تكفين هند ماقصدها شي والله ..
أم جابر : جااااابر قووم ولا أرجع بتكسي ..قوم يلا ..
قام جابر وهو ساكت وكوثر تركض ورى أم جابر : خالتي أرجووج أمسحيها في ويهي ..هند ياهل هبلـه ماتفهم ..والله هي ماقالت جي ألا وهي زعلانه انكم ماجبتوا شوق معاكم ..خالتي .." وسكرت أم جابر الباب .."
ألتفتت كوثر على هند الي كانت واقفه مكانها ..وأم بدر الي منزله راسها وساكته ..
قامت أم بدر و وقفت جدام هند ..
وضلت هند واقفه بشموخ تنطر الحكم الي بيجي من أمها ..
بس أم بدر أخذلتها وراحت غرفتها وسكرت الباب ..
كوثر صرخت فـ هند :أنتي ششششششنو ؟ غبيه ؟! هبلـه مآتفهمين ؟ ماتعرفين ان خالتي تذبحينها ولا تطرين عيالها بشي يهينهم ..أنتي ذبحتيها ..ذبحتيهــــــا ياهند ..

طلعت كوثر وراحت غرفتها القديمه ..
ونرجع لـ هند الي لين الحين واقفه ومنصدمه من نفسها ..ظلت تمشي لين وصلت صوب مرجحانتها " الدورفه " وركبتها وقامت تهز روحها جدام و ورى ..
هند : كله منج ياأم جابر أنتي الي خليتيني اقول هالكلام ..لو أنتي أهتميتي بـ بنتج كثر ماتهتمين بـ أن الناس يهينونهم جان ماصار الي صار ..!
بنتج من طفولتها كانت منصدمه ..ماعالجتيها ..ماكلمتيها ..خليتيها تتصرف بحريتها الي قاعده تهدمها أكثر وأكثر ..

وظلت هند تآخذها الأفكار وتوديها لين ماقطع حبل أفكارها صوت طق الباب ..
تمت قاعده مكانها تنطر الخدامه تفتح الباب ..
بس بعد ثواني تذكرت ان لما طق المطر الجرس أخترب ..
وطق الباب مره ثانيه ..قامت تصوت على الخدامات ..لينا ..لييييييينااا ..مولااااااااي مولاااااااااااااااي !!!!
أووف مستحيل يسمعوني ..
حطت شيلتها على شعرها وفتحت الباب ..
كان واحد واقف بكل غرور وشموخ ..ضخم ! عريض ! حنطاوي البشره ! ملامحه حاده غريييييبه !!
وقفت هند منذهله من حجمه الضخم عليها ..لأن هند شوي قصيره ..!!!
نزل راسه وقال : لوسمحتي بغيت سيف ..
هند : ها !
رفع راسه وجذبه جمال هند الأخآذ ! ..تم ساكت فتره ..
وبعدين هند ضربت الباب بقوه : شتبي .؟!
أنتبه الريال بس مابين عليه الخوف وقال : لو سمحتي ابي سيف ..
هند : ماعندنا سيووف ..جايفنا فاتحين محل ..ولا معلق على باب بيتنا سيوف للبيع ؟!
قام يضحك الريال بهستيريـه وهند منصدمه من غباءه ..ومسكت الباب تبي تسكره إلا هو يدز الباب ويخليها ترجع على ورى من قوتـه ..
هند :آييييييي شفيك تتهجم علي وفي بيتنآآ ؟!
الريال بجديه ورزآنـه: قلت لج بغيـت سيف ..نادي لي الشخص سيف الي يسكن هنيـه ..
هند : ماعندنا واحد بـ هالأسم ..تفضل !!
الريال : مو هذا بيت سيف صالح الـ .....
هند : لا يبه هذا بيت جيرانهم ..البيت الي على يمينك بيتهم ..مع السلامه ..
وسكرت هند الباب وهي منقهره عليـه ..قال يبي سيف ..هه !!
دخلت هند البيت وأطرافها بارده لأنها ماكانت لابسه شي ثقيل ..دخلت الغرفه وسكرت الباب وراهاا ..
أنسدحت على السرير ..ياترى بنام عدل ولا لا ؟! يااااربي تعبت من هالأرق كل ليلـه !

صباح اليوم الثاني ..

وفي بيت سعد ولد بوبدر ..

بوماجد : اصبحنا وأصبح الملك لله ولا إله ألا الله ..
أم ماجد : صباح الخير فديتك ..تعال تفطر ..
بوماجد : صباح النور ..صبيلي شاي حليب ..
أم ماجد : تآمر يالغآلي ..
ونزل أحمد مستعيل كـ العاده ويبوس راس أمه وأبوه ويقول : Good morning
أم ماجد بطبعها البدوي الي ماغيرته رغم أنها عاشت مع سعد 30 سنه لكنها متحفظه بـ لغه البدو : وش تهرج علينا ياولدي من صباح ربي !!
أحمد وهو يصب له كوب حليب : صباح الخير يالغاليه ..
أم ماجد : كذا أبيك تهرج مثل العالم والناس ..مو فندق ومرنن ..مدري وشلون تقولوونها

أحمد : وااافديت بداااوتج انا ..
وكمل كلامه : Well, I am going to college ..bay ..
بو ماجد : مايعتدل لسانه هالولد ويتكلم مثل الأوادم ..
هدى وهي نازله من فوق بكشتها : خلوه يتفلسف عليكم بالأنجليزي الي يقول محد يدرس ويفهم غيره ..
أم ماجد : صباح الخير ..ولا انتي صباحك كله معافر !!
هدى : صباااح الخيييير ,, أوكي جي ؟!
وقعدت هدى على السفره وقامت تتفطر ..وطبعاً هدى في سن المراهقـه محد بقادر يسيطر عليها ..!
بو ماجد : ووين ماجد ؟!
أم ماجد : ماني بداريه ..
بو ماحد : عيل شنو فايدتج في البيت ..تأكلينهم وبس ؟!
أم ماجد : أشوفك تصرخ بوجهي ! أنا الي مربيه ولدك ولا انت ..تذكر يوم قلت لي " تربيه البنات عليكي وتربيه الأولاد علي "..خلاص تحمل انت مسؤليتهم ..
قام بو ماجد منزعج من بكره ماجد الي كله صااايع ومايرجع البيت ألا يه الصبح ..
قامت هدى عن الفطور ..
أم ماجد : وين ماكلتي شي ؟!
هدى : كالعاده أنسدت نفسي من هواشكم .." وراحت تركب الدري " أووف تعلمني ماأتهآوش وهي طاقـه كل يوم هوشه مع أبوي ..يسدون نفس الواحد ..
أم ماجد : وش تقوليين ؟! ماأسمعك ؟!
هدى : ولا ششي ولا شششي ..!!
هدى عمرها : 15 سنه ثالث إعدادي ..بنت عايشه سن المراهقه بكل مافيه !!وطبعاً ماعندها من ينصحها أو يقول لها الي تسوينه غلط !!
لبست وتعدلت وخذت عبايتها وراحت المدرسه مع الخدامه والدريول ..ومامحد يدري بـ الي خشته في شنطتها ..!!



وفي بيت بوخالد ..

ندى نازله تركض وتلحقها مريم ..
ومسكت ندى أخوها محمد وأنخشت وراه ..
مريم تبي تمسكها بس هي تنخش أزيد وتروح يمين ويسار ومحمد مخليها على رآحتها ووين ماتفره هو يتحرك ويااهاا ..
مريم معصبـه : حموود قووم ..
محمد : انا الي منخش ولا هي ..تراها لازقه فيني ..
مريم: دزها خلها توخر ..
ندى : لا والله !؟!؟!!
محمد : لا ماقدر هاي آخر العنقود ..حبيبة قلبي ندووش ..
مريم عصبت : حبيبة قلبك حراميه ..أقوولج جيبي شغآبي " حلقي " أحسن لج والله لا أقول حق أمي تزفج زف ..
ندى : انتي كل يوم تاخذين أغراضي وتكشخين فيهم حق المدرسه وانا لا ..يعني شنو حلال عليج وحرام علي ؟؟؟
مريم : اييييييييييي انا يوم آخذهم أرجعهم مو أتصدق فيهم على بنات الصف ..
ندى : يعني رفيجتي تقول لي شغابتج حلوه أقول لها مشكوره وبس ..لازم أقول لها حلال عليج ..
مريم
أونه بتتذيكى على ندى : زين شغابتج الي في يدج حلووه !

ندى : اي أدري ..بس مو قايله لج حلال عليج لأنج مو من بنات صفي ..
مريم عصبت وصرخت : يمااااااه ..
محمد : وويعه تشل العدوو ..مريوم مب حس عليييييج أذني أنخرمت !!
مريم عند أمها تناقز من القهر : يمااه شششوفيهاااا ماخذه شغاابي ..
أم خالد : ياندى ياندى هاي الحاله كل صبح ..تراكم تأخرتوا عن المدرسه ..
مريم وقعدت على الأرض بحركه طفوليه : والله ماقووووم ألا يوم تعطيني شغابي ..
محمد حظن ندى : ولا يهمج يالكريمه أنتي ..عطيها شغابها ووعد مني أني أوديج يوم ترجعين من المدرسه فيلاجيو تشترين الي تبينه ..
ندى نقزت بفررررررررح :صصصصصصج ؟!
محمد : آكييد ..يلا عطيها ..
ندى حطت الشغاب في حظن مريم : يوودي .." وراحت فوق تلبس عبايتها وهي تناقز من الفرحه "
مريم وهي شوي وبتصيح : يمااه هي تآخذ شغابي وحموود يجآزيها ويوديها فيلآجيو .؟!
محمد وهو يشرب شاي : من صجج بوديها ..ألا مقصـه ..!!


وفي بيت البطلتين ..

هند : ياخفيف الروح كيف أنتوا ..يادوى قلبي من أعواقه ..أرحموني لو تكرمتو..
هنادي : يااااالله صباح خير ..سكتي سكتي صرت أحلم بكوااابيس والسبه صوتج ..
هند وهي ولا كأن هنادي تكلمها : مستني أيه تعال أولهآ بأه ..عيونك دي حبيبي متشوأه .." وقآلت بنشآز " ولآلآلآلآلآلآلآ يوووووووم من أيااامك ..
هنادي وهي تضرب هند : سكتي سسكتي ..
هند منصدمه : قدها !!!
قامت هنادي بتشرد بس ماقدر ..هيهااااات ثم هيهاات تشرد من يد هند .
وأمسكتها هند وطاحت فيها طق ..

وأنفتح الباب فجأه : بسسسس !!
ظلت كل وحده شايره على آخر حركه ! هند قاعده على هنادي وتمجع شعرها ..
بو بدر : حلبـه مصارعه مو غرفه ؟!!!
هنادي : باااباااهي الي جات غرفتي ..
بو بدر : ويا هند شنو الي مجيبج غرفتهااا ؟!!؟؟؟
هند تجذب : هي الي قالت لي .

[ام مزن]

بو بدر يدري ان بنته تجذب : قومووا يلا قوموا عشان أوصلكم المدرسه ..5 دقايق واشوفكم في السياره .. يلااااااااااا ..

وفي مدرسه أعداديه .. الي فيها بنت بوماجد "هدى " وبنت بوخالد " ندى "

كانت هدى كـ العاده شارده من الحصه وهي وربعها يمشون ..بس هالمره كان الموضوع شوي مرعب ..غير عن سالفه الشرده ..!!

دخلت هدى ورفيجاتها الحمام " أكرمكم الله " وطلعت هدى من تنورتها الجوال ..
ميس : أووف وأخيراً !!
هدى : أنطمي الي يقول انتي الي جايبته ..!
ميس : شعليج لا أهل يحاسبونج ولا يراقبون وراج ..انا الي الحمدالله والشكر أهل معقدين ..!!
هدى : أقول بتسكتين ولا أحذفج من الدريشه ؟!
ميس : بسكت بسكت ..بس أنتي دقي على الرقم الي بقوله لج ..!
وأول مادقت هدى على الرقم ألا بـ شخص دآخل عليهم الحماام !!!

ندى بفرح : أوووه بنت العم موجوده ! " ومايمدي الأبتسآمه تنرسم على شفايف ندى ألا نمسحت !! " هدى !
هدى مسكت بنت عمها : حبيبتي ندوووش !!
ندى تبعد يد هدى عنها : هدووي شنوه الجوال ؟! من وين لج ايااه ؟! " وبعدين أستوعبت " هدوووي هذا جوالج ؟! ليش جايبته المدرسه ؟!
هدى عصبت : أقول أنتوآ " كانت تقول حق البنتين الثانين غير ميس " قوموا وقفوا عند باب الحمام ..واذا شفتوا حد جاي طقوا الباب علينا وأرجعوا الصف ..فاهمين ..

وكانوا البنات مثل الهبـل ..يمشون ورى كلام هدى ..!!
هدى تقول لـ ندى : حبيبتي ندووش سمعيني انا يايبه الجوال حق ميس ..عشان تكلم رفيج أخوها ...المسكينه ..هي تموت عليه وتحبه وهو بعد ..بس أهلها مايخلونها تتصل أو حتى تمسك التلفون ..
ندى : وانتي شلج خص تجيبين لها الجوال ؟! ومو شرط تكلم رفيج أخوها..يولي ..
هدى منقهره من غباء ندى : أقولج يحبــها وتحبه تقولين يولـي ..
ندى : يعني عاادي لو تكلم ريال غريب ؟!
هدى : اي عاادي شفيها يعني ..مسويه منكر لا سمح الله ؟! ألا كلمتيه ..الو هلا ..اي أوكي باي ..وخلصت المحادثه ..ندووش لا تكبرين الموضوووع !!
وهدى عشان تهدي ندى عطت ميس الجوال وقالت لها : هاج ميااسه دقي على رفيج أخوج وكلميـه ..وخليه يعطينا واحد رقم واحد من المزايين لـ ندووش ..
ندى منصدمه : لا لا ياهدى ...
قاطعتها هدى : شفيج خايفه قلت لج ..الو هلا اي أوكي باي ..وخلاااااص !!
مسكت ميس الجوال بخبث ودقت على حبيبها : هلا حبيبي ..الحمدالله وانت ؟ دوم ياربي ..هههههههه ..لا حبي داقه عليك ابي رقم ..لاااا ويه حشى علي أكيد مو لي .. لا وحده يديده على شلتنا ..
وكانت ندى بتمووت من الخووف وهي تتلفت يمين ويسار وخايفه .!!
ميس وهي تتكلم بصوت واطي : أي ..اوكي خلاص سيفت الرقم .. أممم لا وقت ثاني ..ههههههه انا بعد ..فديتك والله ..أوكي عيل بيباااي حبي ..

التفتت ميس على هدى وندى وعطتهم الجوال : هذا هو الرقم !! يقول تراه فاضي !
مسكت هدى التلفون ودقت وعطت ندى الجوال ..
ندى : لااااا لاااااااا هدى الله يخلييييييج مابي ..
هدى : علشاااااني والله علششاني ..
ندى :لااااا هدووي مابي ..
هدى : زين مره وحده بسس وبعدييين اذا ماعجبج مابقول لج كلمي ..
ندى أقتنعت شوي وأمسكت الجوال وقالت بصوت متقطع : أ ..أألو وو !!
الريال : هلا والله بهالصووت وراعيه هالصووت !!شخبارج حبيبتي ؟!
ندى سكرت الجوال في ويهه ..
هدى منصدمه : لييييش ؟ شقال لج ؟!
ندى معصبه : حقيييير قذر يقول لي حبيبتي ..حبته القراااده !!
ميس : ههههههههههههههههههههههههه هههههههه ..
هدى ضحكت بغرور ..وقامت تفهم ندى كل شي ..وشنو الي ممكن يقوله لها وشنو ترد عليـه ..
وفهمت ندى ودقت هدى مره ثانيـه ..
الريال : مسكره في ويهي وبعد دقيتي ؟!
ندى : آسفه بس " وشافت هدى ..وهدى ذكرتها بـ الكلمـه ..وقالت ندى " بس سمعت صوت قريب ..!!
الريال : ايي اذا على جي مو مشكلـه .. زين ماقلتي لي شلونج حبيبتي ؟!
ندى بلعت ريجها : بخير الحمدالله ..
الريال : دووم ياربي ..زين فديتج أدري هذا مو رقمج ..عطيني رقمج ..
ندى : ماعندي جوال ..!!
الريال : ششدعوه في حد هالأيام ماعنده جوال ..
ندى : اي انا ..
الريال : مو مشكلـه انتي اخذي رقمي وأتصلي فيني من البيت في الليل الساعه 11 أوكي ؟!
ندى : ليش !؟
الريال : لأني الحين في الدواام ..بخلص شغلي في الليل ..يعني لازم تتصلين لي في الليل عشآن أنام على حلاة صصوتج ..واكيد بقوم على صوتج صح ؟!
عاد أستحت ندى من هالكلام وماقدرت غير أنها تقول : صح ..!!

وبعد ماسكرت ندى أتفقت هدى مع ندى أنها ماتقول حق حد كلـش عن هالشـي وطبعاً ندى أمينـه فـ هدى ماكانت خايفه ..!
وطلعت ندى من الحماام وهي كانت خايفه ..بس عاجبها الوضع .!!

الظهر في بيت بوبدر ..
كانت هند منسدحه على الكرسي وتفرفر في التلفزيون وجدامها ملة " بوب كورن " و " بيبسي " وتاكل وتشرب ومكيفه ..
وشوي وأنفتح الباب ..لكن هند كـ العاده ماكلفت على روحها وصدت على الباب .. الي بيدش البيت مرده بيمر جدامها وبتشوفه ..
وفي لحظات حست هند ان حد حط يده على عينهاا ..
هند : شـ هالحركات الماصخه بعد ؟!
الطرف الثاني : ............
هند : زييين من ؟! أشكره ولد .؟! من ؟!
الطرف الثاني : ..............
هند : اوف عاد أنتوا شكثركم وين أعرفكم ..خلود ولآ حموود ولآ سعوود ولا طرووق ولا احمدووه ولا مجوود ...لا وين مجوود هالصااايع ..
الطرف الثاني : وهذا ماياااز لين الحين ؟!
هند شهقت : ضاااااااااحي !!!
ضاحي : ههههههههه بشحمه ولحمه ..
نقزت هند ولوت عليه : فديييييت رووحك ياخووي متى رجعت ؟!
ضاحي : من أسبوعيين ..
هند شهقت : وليش ماقلت لنا ؟! وشلـه من أسبوعين ؟! وليش ماجيت البيت ؟! ووين كنت ؟!
ضاحي : حشى مايسوى علي جذبت ..توني واصل ياماما ..أكوهي شناطي عند البااااب ..
هند تطالعه بطرف عينها وهي طول الوقت تحاول تتغلب على دمووعها الي ممكن تخونها : بعد على بالي ..جان علمت حرمتك ..
ضاحي وهو يطيح ع الكرسي : وفدييييت طاريهاا انا ..! وحشتني والله ..
هند : ماعندك سالفه والله .. " وراحت عنه " بروح أنادي مااامالين ماتفتح انت الشناط وتطلع صوغتي ..!! مابترقد اليوم ألا وصوغتي في يدي ..
ضاحي : مايبت لج شي توكلي ..
هند وهي رايحه : ايي معلييه ..مب شايف غرفتك ان مالقيت صوغتي موجوده ..!!
قام يضحك ضاحي ..هاذي هندووه اخته ماتغيرت ..
ضاحي { عمره 29 سنه مالج على وحده امه أختارتها لـه وحبهااا حب جنوووني وهو توه راجع من بريطانيا وفي يده أكبر شهادة دكتوراه فـ الطـب }
ووصلت أم بدر وهي يالله يالله تمشي وسلمت على ولدها وهي تصييييييح من الفرحه ..
ضاحي : الله يهداج يايمه شله هالدمووع ؟!
أم بدر : من فرحتي فييك ياولدي ..طول يومي أدعي أشوفك قبل لا أموت
ضاحي : بعد عمر طووويل يالغاااليه جعل يومي قبل يومج
ام بدر : لا تقول جي ياوليدي ..انا عشت دنيتي وربيتكم وربيت عيالكم ..
هند تكمل عنها : وبزوجهم قريب ..مابي فـ هالدنيـه ألا أني اشوفك معرس انت وخواااتك ...يمه الله يهدااج حفظنا مواالج ..
ضاحي : فديتها وفديت مواالها ياربي .." وحط راسه ضاحي على حظن أمه وقعدت أمه تمسح على راسه "
هند : آآآآآآآآيه يقووولوون اني آغااار !!
ضاحي : مشكلتج ..
هند وتروح بسرعه عند حظن أمها من الصوب الثاني وتحط رآسها عليها ..
ام بدر : بتذبحج هالغييييييييره ياهندوووه ..
هند وهي تضرب راس ضاحي براسها : كيفي ..
ضاحي يضرب راسها براسه : آيي لآ طقييين ..
هند وهي تعيد الحركـه : كيييييييفي ..
ضاحي وهو يضربها مره ثانيه : أوكي كيفج بعد انا كيفي ..
وتوها هند بتضربه ألآ أمها تدزها ع الأرض ..
أم بدر : بسسسج مصختيهااا ..هاي أخوج توه راجع يدور حنان أمه هند : بعد انا أدور حناان ماااماا ..
ضاحي: الله وأكبر علييج ..طول يومج مجابتلها ..يوم جيت بتشاركيني فيهاا!!
وضلوا يتهاووشوون وأم بدر طفرت منهم وسنعتهم شوي بـ العصا ..
ورجع بوبدر من العزبه وشاف ولده قاعد في الصاله ..خنقتـه العبره وراح سلم على ولده ..وعزم على عزيمه بـ شرف رجعة ولده بالسلامه ..



وفي بيت بوخالد ..
كانت العايله كلها متجمعه في الصاله ويسولفون ..
ودق تلفون بوخالد : هلا يبه ..
بوبدر : أهليين ..شخبارك فديتك ؟!
بوخالد : بخير يبه ..شخبارك انت ؟!
بوبدر : الحمدالله برجعت ولدي بالسلامه ..
بوخالد : ضاحي رجع ؟! زييين والله !
بوبدر : وهاي الي انا داق على شانه ..باجر عشاكم عندنا ..
بوخالد : أبششر يبه ..بس كوثر و ..
بوبدر : انتوا ماتبون تحاجون بعض بهواكم ..بس انا يوم ابي اعزم ..ابي الكل متجمع في بيتي ..عيااالي كلهم ..!

[ام مزن]

بوخالد : بس يايبه انا ..
بوبدر : خلااااااص يابدر ..انا قلت الي عندي ..باجر العشا عندي والعيال كلهم ابيهم موجودين ..ويلا مع السلامه ..
بوخالد تنهد : مع السلامه ..
وأتصل بوبدر على بوماجد ..وببعد لقى أعترآض منـه لكن بوبدر بـ قوته وجبروته خلى بوماجد ينصت لـ أمره ..

في غرفه ضاحي ..
ضاحي : هندوووه تكفين ..يرحم أمج طلعي أبي أرقد .. تعباااااان ..
هند : ماافي أمل ..صوووغتي وييييين ؟
ضاحي : مب مطلع لج ششي والشنطه مقفوله وجان فيج خير بطليهاا ..
هند : عاادي وبششوف شلون بترقد ؟
وراحت هند عند التلفزيون وحطت على ميلودي كليب وطوولت حده ..وصج كان الصوت زاعجها بس لعاااانه بتخليه ..
ضاحي يسد أذنـه : هندووووه وريييييييل ..
هند بندت التلفزيون : شنووو ؟! شقلت ؟!
ضاحي : وريل يااااااااخذج ويفكني منج ..
هند تنقز ع السرير : آميييييييييين آميييييييييييييييين ..
ضاحي منصدم : آيااا جليلة الحياااااااااااااا ..
هند نزلت من على السرير : ياخي مليت من البيت ..أبي أتزوج !
ضاحي يحذف عليها قوطي الكلينكس : أذلفـي لآ أقوم لج الحين ..
طلعت هند وهي معصبـه ونست سالفه الصوغـه ..
رجع أنسدح ضاحي على السرير وأتصل على حبيبة قلبه " دانه "

وفي بيت بوخالد

الساعه 10 ونص كانوا تقريباً أهل البيت نايمين ماعدا خالد الي مع ربعه ..
وندى الي تنطر الساعه تستوي 11 وتتصل ..!!
ندى : أووف ياربي ليش الوقت بطئ ؟ يااه انا بتصل لآزم يعني الساعه 11 بالظبط ؟
وخذت ندى التلفون ودقت على الرقم وهي ترجف ..لكن في شي داخها يقول لهاا كملـي ..دقت على آخر رقم بصعوبه ..
وضلت تسمع ..صووت رنة التلفوون ..وشوي ورد عليها : ألوو ..
ندى بصوت واطي : الوو ..
الريال عرفها : هلآ هلآ ..قلت لج دقي الساعه 11 ..! مآقدرتي تصبرين ؟
ندى أستحت وأسكتت ..
الريال : ههههههههه ..مو مشكله ..بس بغيت أعرف شسم القمر الي وياي ؟
ندى مستحيه : أسمي ندى ..
الريال : يااازيييييييييينه من أسسم فدييت هالأسم وراعيته ..انا فهوودج ..أسمي فهـد ..
ندى : حلوو أسمك ..
فهد : مو مثل حلآتج ..
أستحت ندى وأسكتت ..
فهد : ألا أقول ! انتي في آي صف ؟
ندى : في ثاني أعداي ..
فهد في قلبه " بااال يااهل " : فديييتج والله ..

وقعد يسولف فهد معااهاا ويستدرجها بالكلام وندى تعلقت فيه وحبته !!!

اليوم الثاني في بيت بوبدر على العصر ..
البيت كان حشره وأزعاااج ..كانت كوثر وعيالها في البيت لأنهم جآيين من الظهر ..
هنادي : فطووم وهندوووه ان ماقمتوا عند التلفزيون وقسم بالله لا أقول حق أمي انكم مازخيتوا شي ..
محد رد عليها وظلوا يشوفون التلفزيون ..!
هنادي : آآآآآآي أكلمكم انا ..والله بعلم أمي ترى ..
هند تكلم فاطمه : فطييم أحذفي مخدتين بننسدح على الأرض
حذفت فاطمه المخدتين ونسدحوا على الأرض وكملوا المسلسل ..
هنادي جات وأسحبت المخدات من تحت راسهم ويرضخ راسهم على الأرض
رفعت راسها فاطمه مصدعه : آآآآآآي يالرزيييييييله !!!
هنادي : تسستاهلين انتي ويااهاااا ..
هند ألتفتت على هنادي بـ ملآمح جامده ..
هنادي حست بـ الخوف بس مابينت لـ هند ..!
وجآن تهجم هند على هنادي وتطيح فيها طق ..!
هنادي : وخرررري يالسسسباله ..
هند : دااامج مب قد حركاتج السخيفه هااي لا تسوينهاا..
هنادي : قووومي بتعفسين شعري توني معدلتـــه ..
هند وهي تمجع شعر هنادي : أحسسن مب من زينـه ..
ودخلوا عليهم في هاللحظه سعود وطارق ..!
طارق : بووه بووه ..خالاتي يتهااوشوون ..!
سعود : ههههههههه طالع شكل هناادي شلون ههههههههههههههه
طارق : تحفـــــه ..مسكينه ..
سعود وهو يوخر هند عن هنادي : قوومي هندووه قوومي ذبحتيهااا ..
هند وهي ترفس هنادي : رزييييييييله ..مره ثانيه لا تتحرشين فيني دامج مب قدهااا ..
طارق : ههههههههههههه باال جنها وحده من الشباااب ..شنو قدها مو قدهااا !!
هند وهي تقوم : الحين روحي قولي حق أمي ان أحنا ماسوينا شي ..هالخدم ذوول حق منو ؟ والأكل بيجيبونه من برع !!
هنادي توهقت : ايي بس أمي قالت لي ..
هند فضحتها :روحي روحي دوري لج جذبه أحسسن ..مب علي انااا تجذبين
هنادي مفتشله : انا ماجذب ..
طلعت هند من الصاله الفوقيه ونزلت تحت مع طارق وسعود وقعدوا يسولفون ويضحكون مع بعض ..
وهنادي تطالعهم من فوق بقهـر وغيض كاتمته في قلبهااا ..!!!

وعلى المغرب كانوا هند وفاطمه يتعدلون في غرفه هند ..
فاطمه وهي تحط اللمسات الأخيره ..وبعدين ألتفتت على هند ..
فاطمه : هندووه ليش ماسويتي شي .!؟
هند مستغربه : شاسوي ؟!
فاطمه: ليش ماكشختي ؟
هند تطالع روحها : أكووني كاشخه ..
فاطمه : آي كشخه الله يهدااج ..!! جلابيه عاديه تسمينها كشخه ؟!
هند : يعني شنو تبيني ألبس مثلاً ..! فستان عرس ؟!
فاطمه : محد قال لج ألبس فستان عرس ..بس حطي شي في ويهج !! ليش جي مو حاطه شي ؟
هند : يااااه سوالف البنات هاي انا ماحبهااا ..!
فاطمه : اللــه وأكبـر !! وانتي مب بنت مثلنا ..!
هند : محد قال جي ..بس لآزم أصبغ ويهي وأحط ستين ألف لون ع الفاضي ..ألا أخواني بيجون هم وعيالهم ..! شـ المشكله ؟!
فاطمه / كيفج ..
دخلت هنادي الغرفه وقالت : أمي تقول أنزلوا تحت ..واذا مو مصدقتني قولي لها ..
هند وهي تشل سماعات الام بي 3 عن أذنها : وحد قال لج جذابه ؟
هنادي وهي مفتشله شوي : والله انتوا كله مجذبيني ..
هند وهي قايمه : لأن في حياتج مامر يوم ماجذبتي فيه ..
هنادي : هندووه أحترمييييييييني ..
هند وهي تدزها : يوم البقر تحج على قرونهاا ..

ونزلت هند من الدري وهنادي الحقد يشتعل في قلبهاا ..
شافت فاطمه تحط الكحل في عيونهاا وقالت :من زينج الحين قاعده تكحلين في هالعيوون
فاطمه مابغت المشاكل طالعتها شوي وبعدين صدت عنها وكملت شغلها ..
هنادي : الحمدالله والشكر " طلعت وسكرت الباب "
فاطمه صدت ع البآب : والله العظيم هالبنت معقده ..الله يعينج ياهند ..


هل الأيآم بتمر عآديـه ؟!
وضآحي ..! بيكون له دور في القصـه ؟!
وشـ المشكلـه بين عيآل كوثر وعيآل سعد وبدر !!؟؟؟
انتظر ردودكم .. بااال يااهل

[ام مزن]

" عندمآ تتوهج الأحدآث "


الجـــــــزء الثــــالـث



في بيت خالة هند وهنادي ..
أم جابر : يابنتي قومي ولد خالتج راجع من السفر عيب ماتروحين ..
هزت راسها بـ النفي بقووه ..
أم جابر : والله انا الود ودي مارحت ..بس ماقدر أرد أختي ..تكفين يالغاليه .قومي علشاااني بس ..
أشرت لها شوق بـ معنى " ليش ماتبين تروحين " ؟!
أم جابر تدآركت الوضع : لآ بس ..بس يعني مابي أخليج في البيت بروحج ..
شوق هزت رآسها أنهآ فهمت ..
أم جابر : يلا قومي فديتج معاي ..ولبسي أحلى لبس عندج ..
شوق أخضعت لـ الأمر الواقع ولبست وتعدلت شوي ونزلت تحت ..
عبدالعزيز : يلا يمه ..
أم جابر : وشفيك مستعيل ؟
عبدالعزيز : مو مستعيل ولا شي ..بس خلصتوا يلآ أمشوا ..
أم جابر : يلا ..
ومشوا لـ بيت بوبدر ..

بعد نص ساعه تقريباً الكل تجمع في بيت بوبدر ماعدا أم جابر لين الحين ماوصلت ..
مريم : لا والله أن أول ثانوي أصعب ..
فاطمه : لا انا اشوف ان أول كان أسهل من ثاني ..ثاني عقدني ..
هنادي تدخل في السالفه : لا لا أول صصج كان صعب ..
فاطمه ولآ كأنه هنادي تكلمت وكملت سالفتها مع مريم : بس انتي كم كانت نسبتج في أول ؟
مريم : 75 ! واييد كان صعب ..هاي الي قدرني الله عليه ..
فاطمه : ههههه يحليلج انا 90 " وشقت الحلج بشويه غرور "
مريم : مشششششاءالله شاطره ..
فاطمه : عيل شلووون .؟!

وفي الصوب الثاني هدى وندى يهمسون ..
ندى : أووف أووف ياهدى ..شكثر مشتاااقه أسمع صوته ..
هدى بأبتسآمه غرور : لـ هدرجه مستخفه عليه ..
ندى : هو الي مستخف علي ..كل يوم يقول لي أحبج ..! وآآي ياهدى هو بس سمع صوتي لو شافني شنو بيسوي ..
هدى : طرشي له صورتج ..
ندى شهقت : شنووووووووو ؟ مسسسسستحيل !!
هدى بأستخفاف : الحمدالله والشكر ..شفييييج ؟
ندى : لاااا لاااا فديتج هذا شرفي مستحيل ألعب فيه ..
هدى وهي تضحك : يعني الحين يوم كلمتيه مالعبتي في شرفج ..أقول بلا هباال ..ولو طلب منج صورتج لا ترفضين ..ولا ترى بيضيع من يدج ..
ندى : وشلون بعطيه صورتي وانا أكلمه من تلفون البيت ؟ ولا الناس تطورت وصار تلفون البيت في بلوتوث وأم أم أس !!
هدى : تستعبطين ؟ أقول طلعي لج جواال ..قولي لهم هديه نجاااحي أبي جوال ..
ندى بهيآم : اييي عشآن أكلمه على راحتي وبدوون خووف .." وسكتت فتره وقالت " أووف أبي أروح البيت أبي أكلمه ..
هدى ضحكت على خبال بنت عمهاا وصدت الصوب الثاني ..

وكانت هند توها طالعه من المطبخ وهي تمشي وتاكل حست بألم في كليتهاا ..أرجعت شوي المطبخ عشآن محد يشوفها ..
مسكت قلاص ماي وقامت تششرب وهي تحس بألم ..حطت راسها على طاوله المطبخ وأضغطت على كليتهااا ..
وبعد فتره حست بصصوت في المطبخ رفعت راسها شافت عبدالعزيز واقف جدامها ..
تداركت الأمر وعدلت شيلتها وقالت : خير ؟
عبدالعزيز بخوف لكن مابينه : شفيج هند ؟
هند : مافيني شي ..شتبي ؟
عبدالعزيز يبين ألآ مبالآه : ولا شي ..بشرب ماي ..
خذت هند البيبسي وتوها بتطلع ألا عبدالعزيز يقول : آييي آآآآآآآي انتي ..!
هند ماردت عليها وكملت طريجهاا ..
أما هو بسرعه راح لها ومسكها من يدها : أكلمج انااا ..
هند وهي تهد يده :انا عندي أسم ..مو آيي آآآي !!
عبدالعزيز : آسف آنسه هند .." وطالع البيبسي الي في يدها وسحبها منها " هذا ممنوع
هند منصدمه من تصرفه " لكن رجعت خذت البيبسي منه " مايخصصك ..ممنوع ولآ مو ممنوع ..ماضنك دكتوري ..
عبدالعزيز وهو بدى يتنرفز وخذ البيبسي منها مره ثانيه : هنـد لا تعااااانديييني ..
هند : بعاندك لأنك مو ولي أمي ومالك خص فيني ..
عبدالعزيز : انتي فيج الكلى ..مب زيييين لج أفهمي ..
هند : يعني معلومه يديده ..أدري ان فيني الكلـى ..وكيفي بشرب أبيه مو انت الي بتمنعني ..
عبدالعزيز عصب عليها ودز عليها قوطي البيبسي : يودي أطفحي لين ماتمووتييين ..
هند وهي مسفهه لـه : زين بموت انت شحارق قلبك ؟
عبدالعزيز بقهر وبهمس : لأنج ساكنته يالغبيه ..
هند ألتفتت : قلت شي ؟
عبدالعزيز : سلآمتي .." وعطااهاا ظهره وطلع "
وهو طالع شافت في ويهه هنادي كانت واقفه عند باب المطبخ البراعي ..
هنادي بأبتسامه تهبل : شخبارك ولد خالتي ؟
عبدالعزيز وهو ماله نفس : بخير ..ممكن شوي عشان أطلع ..
هنادي : شدعوه عااد مافي شلوونج بنت خالتي ؟
عبدالعزيز عصصب : شلونج بنت خالتي ..ان شاءالله بخير .. يلآ خلآص مع الـــسلامه .." ودزها شوي وطلع من المطبخ "
هنادي منقهره : أووف منك ..مغرووور !!

وفي ميلس الحريم ..
دخلت هند وشافت خالتها أم جابر ..
أستحت من تصرفها الغبي ..
وراحت لها وباستها على يدها وراسها وقالت : السموحه ياخالتي وانتي أدرى ان ماكان قصدي ..
أم جابر بـ قلبها الطيب : مسامحتج يالغاليه ..
أبتسمت هند وألتفتت على شوق ..
وراحت سلمت عليها وقعدوا يسولفون ..! طبعاً هند بس الي تتكلم !!


وعند الرياييل ..


دخل عبدالعزيز وحس أن الجو متكهرب شوي ..
قعد أحذى ولد خالته " ضاحي " وسأله : شـ السالفه ؟
ضاحي : أسسكت ..تووها شرااره طالعه من بدر ..
ضحك عبدالعزيز : يـ هالحاااله ..
ضاحي : ههههه شنسوي بعد ..!!
وكان ترتيب الشباب كـ التالي : من صوب اليمين كان سعود وطارق وجابر وعبدالعزيز وضاحي وبعدين طآوله شوي كبيره ويكمل الدور ..بوبدر " الجد " وأحذاه بدر وعياله الي هم خالد ومحمد وبعدين سعد وحذاه عياله ماجد وأحمد ..!
كانت نظرات العيون متواصله بين سعود وخالد ..وكل واحد حاقد على الثاني ..
طارق حس في أخوه ونغزه ..
ألتفت سعود عليه وهمس : شنو ؟
طارق : بسسسك كلت الريال ..
سعود بقهر : هو الي يطالعني ..مادري منو قايل له اني ماكل حلاله !!
طارق : انا بس ابي اعرف ليش يكرهونا هالكثر ..
سعود : يولون يكرهونا قد مايبون ..مب ميتين عليهم احناا ..
طارق : لا بس والله فضول ابي اعرف !!
سعود : أسكت قام يدي يخزنا ..

وكل من يسولف في صوب ..ودخل عليهم شخص غير متوقع !!!!!




بوسعود : السلام عليكم ورحمه الله وبركاته ..
سعد وبدر قاموا منصدمين !
عيال بوسعود وضاحي وبوبدر وعيال خالتهم ردوا السلام ..!
بوبدر : حياااك ياولدي حياااك ..
راح بوسعود وسلم على بوبدر : شخبارك عمي ؟!
بوبدر : الحمدالله طيب ..انت شخبارك وشخبار شغلك ؟!
بوسعود : الحمدالله أموري متيسره ..
بوبدر : الحمدالله ..
وألتفت على بدر ومد يده ..لكن بدر صد الصوب الثاني ..
وماوعى ألآ بصوت أبوه الجهوري : بـــــدر !!
بدر تنرفز ومد يده بخياس نفس ..
بوسعود وهو طبعاً عاذره : شخبارك يابوخالد ؟!
بدر : زيين ..
وصد بوسعود على بوماجد الي سلم عليه خوفاً من أبوه لا يعصب عليه ..وكمل سلآمه على الشباب الي كلش محد طايقه غير ماجد الي مب عارف شـ الطبخه ..

راح الصوب الثاني ولوى على ضاحي : الحمدالله على السلامه ياخووي ..
ضاحي : الله يسسلمك ..
بوسعود : عيل رجعت بشهادتك الي ترفع الرااس ..
ضاحي : من دعوااتكم ..
بوسعود : انت شاطر وماعليييك خووف ..ان شاءالله عيال أختك يطلعون علييك ..
سعود : هههاااي فـ الأحلاااام ..
طارق بستعبط : انا انا طالع على خـالي ..
بوسعود : ايي طل ..عايد لي الثانويه مرتين !!
ضاحي : ههههههه ..لا هو حب يجيب نسبـه أعلى .." وغمز لـ طارق " صح ؟
طارق : ايي اييي ..
وألتفت على جابر وعبدالعزيز وسلم عليهم ..
جابر حس ان بوسعود ماعرفه قال : انا ولد خالة ضاحي !
بوسعود وكأنه يتذكر : آيييي آييي ..أتذكرك وانت صغيير ..
وقآموا يسولفون مع بوسعود وكانوا يضحكوون وحسهم مااالي الميلس ..!

وخالد ميت من القهـر وفي وده يروح ويخنقهم كلهـم ..!!!
وقام ماجد لكن مسكه خالد وقال : وين ؟
ماجد : ياخي بروح صوبهم بسولف .. لاعت جبدي ..أنتوا مملييين .!
خالد بعصبيه : أقعـد ..!
ماجد : مب على كيفك ..
خالد وهو يسحبه : قلت لك أقعـد هذول ناس مو من مستوااانااا ..!
ماجد بقلة أدب : طيير زيين ..
وراح ماجد صوبهم وكملوا سوالفهم ..وخالد ماقدر يستحمل وطلع من الميلس ..

راح صوب المطبخ الخارجي لأن المكان هناك شبـه مغطى ومحد يشوفه ..أتصل على رفيجه ..
ناصر : هلآ والله ..
خالد : نصصور انا بموت من القهر ..
ناصر : أفااا شعندك ؟
خالد : مجوود صار في صفهم هـ الصااايع قليل الأدب ..
ناصر : صار في صف من ؟ شتقول انت ؟!
خالد من العصبيه ماشرح لـ ناصر السآلفـه وسكر في ويهه ..!!
راح صوب المطبخ بيشرب ماي ..شاف ستين ألف خدامه في ويهه ..!
خالد : أووه .. ياجماعه أبي مااي ..!
لينا : بدك مآي ؟ على عيني ..
خالد : اييي ..
راحت لينا وصبت له ماي وعطته : صحه وهناا ..
خالد ماكان رايق لها وصد الصوب الثاني وشرب المااي ..
وهو توه بيطلع شاف حس حد يضحك ..
فاطمه : ههههههههههههه ..آآه بطني عورني الله يقطعج ..لآويييه انتي جريئه أمآ انا خجووله ..هههههههههه اي فديتني ..أقووول طيري عطيتج ويه واايد ..ههههههه لا والله انا في بيت يدي وعندنا نااس ..أوكي بدق لج باجر ..مع السلامه فديتج ..!
وصدت على الخدآمات وشافت في ويهها خالد ..
أبتسم خالد لها بـ أعجاب ..
وفاطمه تسبهت من جمااله السساااااحر ..
كان خالد جميييل بدرجه فضيعه ..ملاااامحه رجووليه والي محليه أكثر العاارض الخفييف ششوي ..
وشوي ودخلت عليهم هنادي ..
هنادي شهقت : خلووووووووود ؟؟؟؟
خالد ألتفت لها : خالد لوسمحتي ..
هنادي تطالع فاطمه : فطووم ياقليلة الأدب شعندج مجابلته بدون شيله .." وسحبتها من يدها وطلعتها برع المطبخ "

خالد ضحك بخبث وقال في نفسه : فاطمـه ! والله حلووه ..أكييد بنت كوثر ..آيي آيي وآيد تشبه طارق !! ..والله وبتندموون ياعيال كوثر .." وضحك بصوت عااالي وطلع من المطبخ رايح ميلس الرياييل "

ورجعت فاطمه الصاله وهي سرحااانه أو قولوا هيماانه بـ خالد الي طلع في ويههااا ..!

حطوا العشا حق الحريم والرياييل وكل من تعشى ..
وبعدين أستأذن بوسعود ورااح الشمال حق شغله باجر ..لكن عياله بيبآتون في الدوحه وباجر بيروحون الشمال على قولة أمهم ..!!

بوبدر : قوم ياضاحي سو حق الرياييل درب ..عشان تسلمون على كوثر والبنااات !
ضاحي : أبششر يالغالي ..
وطلع ضاحي وتنحنح ..
أم بدر : هدى ياوليدي هدى ..
ضاحي دخل وهو مدنع : السلام عليكم ..
الكل : وعليكم السلام ..
ضاحي : شخبارج يام خالد ؟
أم خالد : يسرك حالي ياخوي ..والحمدالله على سلامتك ..
ضاحي : الله يسلمج ..وشخبارج ياماجد ..
أم ماجد : بخير جعلك الخير ..والحمدالله على سلآمتك ومبروك على التخرج ياوليدي ..!
ضاحي : الله يسلمج ويبارك فيج .." ورفع راسه حق أمه " يمااه أبوي يقول سوي درب الرياييل بيجون يسلمون على كوثر والبنات ..!
أم بدر : يلآ يابنات قوموا تغطوا الرياييل بيجوون ..
ثنتين قام قلبهم يرقع ..
هناادي بشوفه عبدالعزيز ..!
وفاطمه بشوفه خالد ..!

دخلواا الشبااب الصاله ..
الشباب : السلام عليكم ..
الباقي : وعليكم السلام ..
راح بوبدر وقعد أحذى أم بدر وقال : بدر ..سعد ..سلموا على أختكم ..!
بدر ماحب يحط نفسه في موقف مساعه وراح سلم عليها بس ماسألها عن أخبارها ..ورجع قعد أحذى حرمته ..
وسعد نفس الشي لكنه قال : شخبارج كوثر ؟
كوثر أستانست : الحمدالله طيبه بشوفتك ياخووي ..
تأثر شوي سعد لكن قسى قلبه ..وصد يدور حرمته بعيونه ..وشافها شوي بعيد ..وراح قعد صوبها ..

راحوا الشباب يسلموون على خالآتهم " كوثر وهند وهنادي "

هند : هاا أخبارك أحمدووه ؟ لين الحين شاطر ولا ؟
أحمد : تف تف لآ تحسديني ..
هند : شاحسد فيك ..انت مستحيل تنحسد ..!!
هدى بغرور : بتذبحين أخووي من هالكلآم ..نضلتووه مسكين ..!
هند طالعتها بطرف عينها وصدت عنها ..طبعها مثـل هنآدي ..مغرووره ..!!

وفـ الصوب الثاني كاانوا ثنين يطالعون شخص واحد ..!
الي هم خالد وماجد يطالعووون فاطمه ..!!
خالد يطالعها ويفكر ويرسم خططه عليهااا ..
وماجد فهى من أنوثة فاطمه ونعومتهاا وخجلها الي واااااضح ..!

أما جابر كان يلتقط نظرات لـ هنادي ..لكنها مو ماعطته ويه ..وتطالع عبدالعزيز الي يتعبث في جواله كـ العااده ..!

وبعد ربع ساعه .. قاموا الكل وراحوا بيوتهم ..!!

وعيال كوثر سعود وطارق راحوا غرفه سعد وبدر الأوليـه وناموا فيهاا ..وفاطمه رقدت وياهند ..





في بيت بوخالد ..

خالد قاعد في الصاله ويفكر ..
هل ممكن هي تكون الوسيله الي بنتقم فيها من كوثر وعيالهآ ؟! بس حرام !
لالا من قال أن حرام .. الي سواه فينا ريلها مب شوي ..
بس ريلها مو هي ..وريلها أساساً تأسف ..!
حتى ولو الأسف مابيفيييد ..لآزم أنتقم منـه لآلآلآلآلآزم !
خالد : آآآآآوووف ..مب عارف شنو آبي !
مريم وهي واقفه عند راسه : قول لي شنو تبي وبحآول أجيبه لك !
نقز خالد لأنـه مآأنتبـه لوجود مريم ..
وقال : بسم الله الرحمن الرحيم .! شمطلعج انتي تآلي الليل ؟!
مريم : وين طالعه انا الشآرع ؟! في الصاله أحنا !
ألتفت خالد يمين ويسار ..وبعدين أستوعب أن في البيت ..
مسكين حالك ياخالد ..!!
خالد عصب : زيين زيين أذلفي عن ويهي ..
مريم قامت عنـه وقعدت على الكرسي الي جدام التلفزيون ..
قعد خالد يفكر " شلون بجيب رقمهآ !! أممم ..أدق على خلييل وأقول له يطلع لي الرقم !! آيـه ترااه في كيوتل ويقدر يطلع لي الرقم !! بس لحظـه ! شنو بيقول عني ! لآ لآ بحط روحي في موقف محرج !! ..أمممم ..أممم ..مريووم !! مآفي غيرهآ .." وقال بصوت مسموع : مريووم ..
مريم : نعم !؟
خالد : أنتي تعرفين بنات كوثر .؟!
مريم : هي ماعندها غير بنت وحده ..فاطمه ..
خالد يستهبل : صصج ؟ انا على بالي واايد ..!
مريم أندمجت .. مسكينه أول مره يعطيهآ خالد ويه : وييه ..لالا مسكينه ماعندها غير فاطمه ..وكبري .. ونااساا ياخلوود عندي بنت عمـه كبري ..
خالد أنقهر بتعلق مريم بـ فآطمـه بس سكت .." مردي بنتقم منكم " : اهاا ..زيين انتي تسولفين معاهاا على التلفون ..؟
مريم : ويييي اليوم شايفتها ههههه ..بس خذت رقمها أفا عليييك عشآن نهذر خخخخخخ ..
خالد وهو يفكر : اهااا ..! " وبعدين نقز فجأه " مريووم قومي جيبي لي مااي
مريم : قوم انت .. انا مندمجـه مع الفلم..!
خالد عصب : أقوولج قووووووووومي !!
مريم وهي قايمه خذت جوالها معاهاا : أووف أووف ..
خالد سحب الجوال منها : وين انتي بتجيبين لي ماي من جوالج .!. روحي جيبي معاااي وخلي الجوال هنيـه ..محد بيبووقـه !
مريم أستغربت بس حطت الجوال على الكرسي وراحت ..
شافها خالد دخلت المطبخ ..وركض بسرعه عند الكرسي وقام يدور أسم فاطمـه ..
وبعدين لقى أسم " فط فط بنت العمه " وبسرعه سيف الرقم عنده وحط الجوال مكانه وراح يركض غرفته ..!
طلعت مريم من المطبخ وماشافت خالد !!
مريم : وين راح ويا ويهه !! أووف انا ماصدقت يعطيني ويه ..
شربت مريم الماي وهي تمشي ودخلت الصاله وكملت فلمهآ .!!

دخل خالد غرفته وهو في باله ستين ألف فكره جهنميـه ..
دق على رقم فاطمه وظل يرن ويرن بس محد يرد ..
خالد " مع ويههآ شلـه مآترد ؟ "
وأتصل خالد مره ثانيه ..وتوه بيسكر ألآ الصوب الثاني : ألوو ..
خالد : هلآ والله ..
فاطمه : منوو ؟
خالد : أممم ..فاطمـه !
فاطمه شهقت : انت من وين تعرفني ؟
خالد : فآطمه انا ولد خالج بدر !! انا خالد ..!
فاطمه طاح قلبها في بطنها " خالد ..فدييت هالصصوت والله ..وسرحت ونست التلفون "
خالد : الووو .. فاطمـه .الوووو ..
فاطمـه : هاا .. هلآ ..خير خالد في شي ؟ الأهل صاير فيهم شي؟!
خالد : لا .. انا الي صاير فيني شي ؟!
يعله فيني ولآ فييك ..وردت قالت فاطمه : خيير ؟! شفيك ؟
خالد بهيآم مصطنع : كل شي يجي منج خيير .. فاطمه ..انا شفتج اليوم في بيت يدي وأرتحت لج ..حسيتج أنج أنتي المره الوحيده الي ممكن تفهمني ..وتحس فيني وفي معاناااتي ..
فاطمه بـ براءه : معاناة شنو ؟
توهق خالد .. هو كان يقول جي مثل المسلسلات ..ولا هو شعرفـه بـ كلام الحب وهالخرابيط ..
خالد : آآه ..معآنتي في حبج !
فاطمه بغباء : اهاا ..
خالد : فاطمه انا أحبـج ..!
أسستحت فاطمه وأسكتت ..
خالد : فاطمـه ..!
فاطمه : خالد أحس ان الي انت تسويه عيب .. يعني مو عدله أني أكلمك على التلفون ..
خالد : لآ مآفيها ششي ..
فاطمه : أمبلا ..عييب انت ماتحل علي ..يعني حراام ..!!
خالد : بس انا أحبج ..أحبـج يافآطمـه وأبي أتزوجج !! يعني بتصيرين مرتي !
أنحرجت فاطمه وسكتت
خالد : أحبـج ..أحبـــــــــــج ..
فاطمه خجلها ماخلاها تتكلم ّ
خالد عرف ان مع الوقت بتبادله الحب !

وكملووا سوالفهم وخالد يتغزل كل شوي فـي فاطمه لين الفجر ..وبعدين أستأذنت فآطمه من خالد وسكرت على اساس ان الحين هي بتدخل غرفه هند ومحد يحس عليها ..

ومرت اياام وعلاقه فاطمه وخالد كل يوم عن يوم تقوى ..وفاطمه حبت خالد وتعقلت فييييه لـ درجه أن ماتناام ألا اذا كلمهاا ..
وندى وفهد على حالهم ..وموعدهم ماتغير ..الساعه 11 فـ الليل ندى تدق على فهد وتكلمه !
وبدت أيام الامتحانات وهند وهنادي ومحمد ولد بدر شادين حيلهم ..ثانويه عامه ..ولازم يبيضون الويه ..
هند وهي تمشي فـي الحوش رايحه وراده تردد القصيده !
هند : أووف ياربي ..انا ليش ماحفظت القصيده من قبل .. لوعت جبدي ..!
ضاحي : من فلاحتج ..شاطره بس في الهذره ولاأكل ..
ألتفتت هند وقالت : مايخصصك أووف .." وراحت ورى البيت تدرس , صايره نفسيه هند في الأرض ..ماتستحمل ولا كلمه ..كل ماتحفظ سؤال تحس انها نست الي قبله ..!
وبعد مامروا 3 ساعات جات الخدامه حق هند وقالت لها : مدموزيل ..يلا انا في حط عشا ..يلا قووم !!
هند : ماابي ..روحي انتي ..
سوليس : مايصسير مدموزيل ..انتي مافي ياكل من يجي من مدرسه ..بعدين انتي في موت !
هند عصبت : أوووووووووه ..روحي ياخي مااابي مب غصصصصصصصب !
سوليس خافت لأن أول مره هند تكلمها جي ..راحت عنها المطبخ وقالت حق أم بدر ان هند ماتبي عشاا ..
أم بدر : روحي ياهنادي شوفي أختج ..قولي لها تتعشا ..من امس واللقمه ماطبت حلجهاا !!
هنادي : كيفها .. هي موته روحها من اليوع ..شعندكم تحاتونهاا ..
أم بدر توها بتتكلم ..ألا ضاحي يقول : ماعليه يماا انا بقووم اشوفهاا ..
وراح ضاحي يشوف هند ..لقااهاا شوي وتناام ..
ضاحي قعد يمها ومسح على راسهاا : هنووده ..قوم يلا تعشي وناامي ..
هند صحصحت : لا مابي أتعشى .. مب يوعانه ..
ضاحي : ليش ؟!
هند : واايد اشياء ماحفظها ..كل ماأقراها أحس اني حافظتها ويوم أسمع حق روحي انسى !!
ضاحي : انتي حافظته ..لكن من التوتر تنسين ..هنود خلج واثقه من روحج والي حفظتيه قبل لا تدرسينه ولا بتتلخبطين ..أدرسي الي مادرستيه وقومي تعشي وحطي راسج وناامي ..وقومي الفير صلي وراجعي بـ الخفيف وماعلييج شر ..هاي انا دووم اسويها يوم كنت في بريطانيا ..والحمدالله ربي وفقني ..!
هند : بس انا مالي نفس آكل .!
ضاحي : ماعليه انتي بتشوفين الأكل وبتنفتح نفسج ..!
قامت هند مع ضاحي وأول ماشافت الأكل أعفدت عليه وقعدت تآكل بشرآهه لأنها من أمس ماكلت شي ..!

مرت الأيام وهند خذت بنصيحه ضاحي ..وصارت تناام من وهل عشان تصحي الفير ..وتراجع ..!

واليوم آخر يوم أمتحانات ..دخلت هند قبل هنادي الصاله وهي تنااقز وتغني
هند : وحياااااة ألبي وأفرااحوو وهنا في مسسا وصبااحوو ..مالأيت فرحاان فـ الدنياا ..زي الفرحااان بنقاااااحوووو ..كان حلم جميل في خيااالنااااا وماغبششي ولا يوم عن بالنااا ..
طارق : ههههههههه بوووه .! هاي بس مخلصه أمتحانات لين الحين مانجحت !
هند : يااااخي انا النجااح ضامنته ..أهم شي خلصصت غثى وهم ..!
ورجعت تغني : مالأيت فرحاان فـ الدنياا ..زي الفرحااان بنقاااااحوووو .." ركبت الدري " الناااااااااااااقح يرفع أيييدوو ..هييي ..الناااااقـــح يرفع أيييدووو هييي .." ودخلت غرفتهاا "
سعود : يحلييلهاا خاالتي ..مستخفه ..
هنادي وهي تقعد ع الكرسي : من زمااان ..
طارق منقهر من هنادي: الله يوفقهاااااا وتنجح بـ أمتياااااااز !!
هنادي : ويوفق الكل ..!
دخل ضاحي الصاله مستاانس : ياامعيييرسس عين الله ترااااك .. القمر والنجووووم تمشي وراااك ..
سعود : ياالله حيياا بالمعرس ..
ضاحي شق الحلج : الله يحييك ويبقييك ويزوجك بالي تفتح نفسك .!
سعود : هههههههههههه آآمييين ..
طارق : عسى الفرحه دووم ..هاا باجر العرس !! بآجر بتدخل عش الزوجيه !
ضاحي يقعد : ياحلآلآته من عشش .." قعد عدل " جربووه ..سعوود طرووق من صجي أقولكم تزوجوآ أول ماتشتغلون ..لا تضيعون عمركم بـ الصياااعه ..
طارق وهو عمره مافكر بـ الزواج : لااااا ياخي مافي أحلى من العزوووبيه !
ضاحي : بتتزوج وبعدين بتعرف أن كلااامي عدل .!
سعود : الله كريم ..
ضاحي يخز سعود : شكلك نااوي ع الزوااج ..ولآ مفكر بـ وحده من المزاايين !
سعود منصدم : لآ والله !! عمري مافكرت بحد ..بس مصيري بتزوج وبكمل ديني !
ضاحي : ايي هذا الكلام الزيين ^.*

وفي بيت العرووس ..بيت بوراشد ..
دانه رايحه تركض المطبخ وتفتح الجدر وتمسك القفشه وتقعد تاااكل وتااكل
دخلت عليها أختها الصغيره لولوه ..
لولوه : عييب ماياكلون من الجدر ..أخذي لج صحن ..
دانه تطالعها بنص عين : سكتي سكتي انتي مايخصج ..
لولوه مدت بوزها ولفت عشان تطلع ..
شوي ألآ دآنه تصوت عليها : تعااالي تعااالي ..
لولوه ألتفتت بسرعه على بالها بتراضيها ولا بتبوسها : نعم !
دانه : روحي بسرعه قولي حق شرود يطلب من ماكدونالدز ويخلي الدريول يروح يجيبـه ..بسسسرعـــه !
لولوه وهي خايفه : زييين !!
وراحت حق أخوها شريده وقالت له ..لكنه سفهه لها وكمل شغله بـ الآب توب ..
طلعت دانه من المطبخ ودخلت الصاله على شريده ..
دانه وهي قاعده وفي يدها سندويج : طلبت ولا لا ؟!
شريده وهو يطقطق على الكمبيوتر : أطلب شنو ؟
دانه : أووووف ..ماقالت لك الساحره أطلب من ماكدونالدز !!؟؟؟
شريده ألتفت عليها : ماقالت لي جي ..
دانه : عيل شقالت ؟؟؟
شريده : قالت لي قول حق شرود يطلب من الدريول ويخلي ماكدونالدز يروح يجيبه ..!!
دانه : هههههههههههه وييييييه ..أعكست الكلام من الروووع خخخخخ ..
شريده رجع لـ الاب توب : شكلها ..
دانه وهي تسكر الاب توب على يده : قوووم قووووم أطلب يوووعااااااانه ..
شريده : يامال الضعفه واحد في يدج ..وبعد تبين ..!؟؟؟
دانه وهي تضربه : صل على النبي ..انا أعصابي متوتره ..ولا انا ماكل جي ..
شريده : ايي ..من طلعتي من بطن أمي وأعصابج متوتره ..
دانه أنحرجت : أووووه ..انت بتطلب ولا شلوون ؟!
شريده وهو يمسك جواله : بس عشانج عرووس ^.*
يقولون أستحت دانه ..وراحت غرفتها ..
وهي رايحه غرفتها نزلت أختها موضي ..
وسمعت شريده يتكلم : وجبتين ماك جيكن...اييواا ..
موضي تركض عنده وقعدت عند ريله : آييه آييه ..انا بعد ..
شريده : وسلطه سيزر بصوص الجزيره ..و3 آيس كريم ماك فلوري ..ايي علييك نوور ..
موضي تهز ريله : انااااااا ابييييييييي ..
شريده : لا سلامتك ..بس الحين بيجيك الدريول ..بـ أسم شريده ..مع السلامه ..
موضي تضرب ريله : ليييييييييييش ماطلبت ليييييييييييي ..
شريده : وانا طالب وجبتين وسطله حق منووو ؟!
موضي : شدراااني ..
شريده : طلبتج يامال العافيه انتي وأختج .." دزها شوي " قومي عني ..
موضي تدزه مره ثانيه : آيي أنا أكبر منك ويا ويهك الخااايس ..
شريده ماعطاهاا ويه ..أو بالأساس ماسمعهااا ...

في صباح اليوم التالي <-- أحلى يالفصحه خخخ ..

هند قامت على الساعه 10 ..راحت غسلت ويهها ونزلت تحت ..
لقت الكل قاايم وقاعدين فـ الصاله ..
هند : اووه أووه ..شعندهم متجمعين ..!
ضاحي : ان شاءالله دووم ..
هند : اي ان شاءالله دووم .." مسكت قلاص العصير وشربت "
ضاحي : يلا انتوا ماتبون تروحون الفندق ..؟؟
هنادي فزت : ايي ايي ..
هند : شدعووووه ؟؟ هالحزه ؟؟
هنادي : ايي انتي شعلى بالج ؟؟ انتي بروحج بتتعدلين ؟. لين مايوصلون ولين مايخلصون منا ..ترى أحنآ الساعه 6 المفروض نكون خالصين ..
هند وهي تشرب العصير : والله انتي أخبر ..!!
هنادي قامت : يلا انا بروح أتسبح
ضاحي يمسك يد هند ويجرها : قوومي يلااا ورى أختج ..
هند وهي ماتبي تقوم : زيين بس بشرب عصيــــــــــر ..
ضاحي : شربي هنااااااك ..قوووومي يلاااااااا ..
هند قامت منقهره : يعني لو قمت بسرعه بيجي الليل بسرعه ..أووووف !!
راحت هند الغرفه وتسبحت وقعدت في الغرفه تنشف شعرها : سألوني الناااس عنك ياحبيبي ..كتبوا المكاتيب وأخدها الهوااا .." ويطق البااب عليها "
هند : منووو ؟!
محد يرد ..والطق يزيد ..
هند : أووف أوووف ..مآفي غيرك طروووق .." وفتحت الباااب "
ضاحي: سبرايييييييز ..انا ضاحي مب طروووق خخخ ..
هند وهي مخيسه النفس : زين شتبي ؟!
ضاحي يمسك كتوفها ويهزها : يلاااا يلاااا لبسسسسي ..
هند وهي متسندره من هز ضاحي لها : زيين زيين ..والله دخــــــــــت ..!!
ضاحي نزل يده : يلاااااااا بعد لين الـ 3 أن ماطلعتوا ..
هند حاطه يدها على خصرها : ايي شبتسسوي ؟!
ضاحي توهق : ايي يعني ان ماطلعتوا ...
هند : والله انت الخسران فديتك ..يعني تتصور بيصير العرس والشيخه هند محد !
ضاحي سفهه لها وقام يغني : يامعيرسسس ..عين الله تراااك ..القمر والنجووم ..تمشي وراااك ..
هند أبتسمت : الله يوفقك ياضاحي ..
دخلت غرفتها وجهزت أغراضها وطلعت وكانت هنادي فـ الصاله تتحلطم أن هند أخرتهم ..


وجا وقت الليل ..وكل وحده طالعه أحلى من الثانيه ..
هند كانت لابسه فستان ألوان فاتحه كات..صوب السد كله زم وبعدين يجي كلووش وعليه قطع طويله ملونه ..وشعرها كانت مسويته رول وعلى تسريحه بسيطه لأن شعرها قصيـر مو طويل ..ومكيااجها كان وايد نااعم ..وكأنها مو حاطه شي ..
أما هنادي كانت لابسه فستان عنابي وبيج ..وكان كبيـر واايد ..يعني حجمه ضخم بس روووعه ..فيـه كرستالات وقطع مخمليه عنابيه وبيج ..وكانت رافعه شعرها الطوويل بتسريحه فضيعه ..ومكياجها عناابي سموك ..

بدا العرس والكل لهى بـ شغله ..
هند كانت تمشي وتسأل عن هنادي ..ولقتها عند طاولات الـ في آي بي ..قاعده مع أهل العرووس ..
راحت عندها وتوها بتتكلم ألآ تسمع هنادي تقول : والله أنا ماعجبني ستايل العرس ..يعني توقعته أرقى شووي ..الكوشه عاااديه ..يعني مو مبتكره ..لو سمح لي ضاحي أنا أرتب الكوشه وكل شي .,.أحس العرس بيطلع أحلى ..
هند أنقهرت من تصرف هنادي ..شلون جي تقول جدام أهل العروس ..
هند مسكت يد هنادي : هنادي قومي معاي أمي تبيج ..
هنادي تقوم برقعه ودلع : زيين صبري شوي ..
هند مسكتها وجرتها بقوه ..وصدت على أهل العروس : آسفـه والله ..ماعليكم من كلام هناادي ..السموحه ..
موضي وهي عارفه طبع هنادي : لا مسموحه فدييتج ..
هند أبتسمت لها وراحت ..
هنادي تهد يد هند : شفيج انتي ؟!
هند : انتي ناويه تخربين عرس أخوووج ؟!
هنادي ماسمعتها من الحشره : هاااا ؟؟!؟؟
هند صرخت : أقووول روحي أمي أمي تبيييج ..
وراحت هند عن هنادي منقهره ..

دخلت العروس بـ أبهى حله ..وكل من قام يصلي ع النبي من حلااهاا ..وبعد فتره دخلوا ضاحي الي كان مرتبك ..ومبين عليه الخووف ..
والي يشوفه على الكوشه ..مايشوفه وهو في البيت الظهر ..خخخخخ ..
وبجذيه يكون خلص العرس ..والكل راح بيته يناام ..


وضاحي ودانه سافروا على ماليزيا شهر العسـل ..
ومرت أجازه الصيـف بطيئـه وكئيبـه , وطول الوقت هند وهنادي هوااش !!


صحت هنادي على حس طق بااب ..بقوووه ..
....: هنااااااااااااااااااااديي يييييييييييي قوووووووووووومي


خآلد ! شـ سآلفتـه ؟! معقولـه بينتقم من كوثر بـ هالطريقـه ؟!
وفآطمـه المسكينـه !! نست حبها لـ أحمد !!!!!
وهند وهنآدي ! شبيسون فـي الأمتحآنآت ؟!
وضآحي يحليلـه ..تزوج ^_^
شنو ينتظرك يآضآحي بعد مآتدخل القفص الذهبي ؟!

[ام مزن]

" غلطـه ..من سيدفع الثمن "


الجـــزء الرابـــــــــــع


صحت هنادي على حس طق بااب ..بقوووه ..
....: هنااااااااااااااااااااديي يييييييييييي قوووووووووووومي ..يلاااااااااااا يلاااااااااا النتاااااااااايج طلعــــــــــــــت


فزت هنادي من النوم وفتحت الباب : حلفي حلفي !!
هند وهي مستاانسه : والله ولله ..أمس تميت سهرانه أنطر النتاايج ..أقوولج لو الموقع بني آدم جان أنفجر ..خخخخخخ ..العالم كلها عليه ..
هنادي تنرفزت : كم نسبتــــــــي .؟؟ ماعلي من كلااامج الفااضي !!
هند تحرها : اذا ماتبين تسمعين كلااامي ..عيل حريمة بوزج تعرفين كم نتيجتج ..!!
هنادي راحت عنها صوب الآب توب : عادي بطلعها الحين ..
هند حطت كتفها على البااب وتمت تطالع هنادي بسخريه : بشوفج شلون بطلعينها ..
هنادي أفتحت الآب توب ولقت " باسورد "
هنادي ألتفتت على هند : أفتحيـــــــــــــــــــه ..
هند تغني : مالأيت فرحاان فـ الدنياا ..زي الفرحااان بنقاااااحوووو .." وخزت هنادي ونزلت الصاله "
هنادي قعدت على الكرسي منقهـره ..وشوي وتكسر الاب توب الي جدامها ..

قعدت هند في الصاله وألا يرن التلفون ..
هند : ألوو ؟
....: هلاااااااااا والله ..أقوول نجحتي ولا ؟!
هند : ههههههههههااااي ..شعلى بالك ..أكيد بنجح وبـ أمتيآز !!
....: عيل بشري كم النسبـه ؟!
هند : أنت قول بـ الأول !
...: يعني بذمتج محمد ولد بدر من متى نسبـه تشرف ؟؟ أقوول أستري علي وفرحيني فيج انتي وهناادي ..؟؟
هند : خخخخخخ مسكين حالك والله ..أقووول يوم بتجي بيتنا بقول لك ..
وسكرت الخط ..
راحت هند المطبخ وقامت تغني وتحووس ..
وطرت على بآلها فكره ..
هند أبتسمت ..وقامت تجهز ..

على الساعه 12 ونص دخل ضااحي البيت هو وحرمته : السلاااام علييكم ياهل البيـــــــــت ..
هند كانت فـ المطبخ وأسمعت الصوت ..وطلعت تركض حتى بدون ماتغسل يدها ..
هند : ضاااااااااااااااحي ؟؟؟
ضاحي : لا خياااله ..
هند راحت لوت عليه : وحشششتني وحششششششتني .." وبعدين قامت عنه " شدعوه يمديكم تسآفرون وترجعون ؟!؟؟؟؟؟
ضاحي : والله ماكان ودي أرجع ..بس دانه .." وطالعها وهي ضحكت ..وهو قعد يمسح ملابسـه وقال " بس تدرين لمتج خووش لمـه ..موناقص ألا بس تحطيني انا بدال كيكتج ..لعوزتيني بـ عجيتنتج
هند وهي رايحه صوب دانه : أدري الكل يتمنى لمتـي ..وعاد انت من قدك لمتك مجاناً
ضاحي : لا بمووت انا وألمـج وياهالراااس ..عندي مرتي مآبتقصر " وغمز حق دانه "
دآنه ضحكت ونزلت راسها ..
هند وهي تسلم عليها : ماعليج منـه بيـاااع حجي ..اليوم يقول لج حبيبتي ..وباجر يقول لج ذلفـي ..
شهق ضاحي وألتفت على دانه ..
أما هند راحت تركض المطبـخ ..
دانه : ههههههههه يحليلها أختك ..
ضاحي منقهر : قل الله حلاها ..عمرها هالهبله مابتعقـل ..!
دانه : يوم بتعقل بتقول ليتها ماعقلت ..خلها تملي عليكم البيت بـ الوناسه والضحك ..
ضاحي مسك يدها وقعدها على الكرسي : أقوول صكي هالسيره ..تونا معرسين ونسولف عن شينـة الحلايـا ..
دانه : حراام عليييييييييك هههههههه ..
ودخلوا عليهم أم بدر وبو بدر ..
أم بدر وهي تفصخ البطوله " البرقع " : أووف حرر حررر ..
ضاحي نقز : حيــــــــــــااالله هالصوووووووووووت..

وقعدوا كلهم يسولفون , ودخلت عليهم هنادي وكملوا سوالفهم ..وضاحي طول الوقت قاعد ويحرج دانه ..وهي مسكينـه مالها ألا الأرض تفرك ريلها فيها ..ولو الأرض تتكلم بتقول لها خفي شوي ..خخخ ..

دخلت عليهم هند وهي ماسكه كيكتين وحده شوكلاتا والثانيه فانيليا مزينه بـ الفراوله ..
ضاحي : اللـه اللـه شـ هالزييييييييييين ..كله هاي عشااني انا معرس ؟!
هند طالعته بنص عين ..وصدت على هنادي ..
هنادي لين الحين منقهره من تصرف هند ..فـ صدت عنها ..
هند : مابراااضيج حبيبتي .. بس أبيج تشوفين نتيجتج .." وعطتها كيكـه الشوكلاتا ..وكان مكتوب عليها نسبتـها 69 "
هنادي مسكت الكيكـه وشهقت : جذااااااااااااااااااااااا به !!!
هند وهي تضحك : عيل أجذب عليج ..أفتحي النت وشوفي ..
بوبدر : ليش كم نسبتج ياهنادي ؟!
هنادي وهي تصيح : بنتك جذااابه ..انا درسـت عدل ..جذااابه ..
هند عصبت أن هنادي تتهمها : روحي أخذي الآب توب وأفتحيـه وشوفي نسبتج ..والباسورد " هندوه " ..أفتحيـه وشششوفي ..
هنادي راحت فوق تركض عقب ماحذفت الكيكـه على الأرض ..
دانه : أستغفر الله " وقامت بسرعه شالت الكيكه من على الأرض .."
أم بدر متخرعه : هند .!! ليكون أختج مانجحت ؟!
هند وهي تنزل الكيكـه الثانيـه : لا والله يمه نجحت ..بس هي مادرست ..ونسبتها 69 ..انا مايخصنـي ..!! لو كان تفكيرها بـ الدراسه وتبي نسبـه عدله جان درست وحكت لليل ونهار ..وبتجيب فـ الـ 90 مثلـي ..
ضاحي : وشلـه مادرسـت ..شنو الي كان يشغلها ؟! وراها عرس ولا عيال ؟!
هند وهي تجمع الكيكـه مع دانه : انا شدراني ..تسألني انا ..أسألها هي ..
ضاحي قام وراح فوق وطق الباب على هنادي ..
فتحت هنادي الباب ...
ضاحي : هنادي شفيج ؟!
هنادي : مافيني شي ! شفيني ؟!
دخل ضاحي وقعد على السرير وقعدت هنادي حذاه ..
ضاحي مسك يدها : انتي زعلانه على نسبتج ؟!
هنادي نزلت راسها ..
ضاحي يواسيها : ماعليه ياهنادي ..خيرها بغيرها ..بس انتي من البدآيه ليش مادرستي ؟! هو مستحيل تحصلين نسبـه حلوه من غيـر ماتدرسيـن !
هنادي تبي تنطق : بس ..
ضاحي : مو مشكلـه لوتبين نسبـه حلوه ..عيدي السنـه ..ولو ماتبين تقومين الصبح ..درسي مسائي .. أهم شي تجيبين نسبـه حلوه تدخلج الجامعه ..
هنادي : ضاحي انا ماتهمني النسبـه ..!!
ضاحي أنصدم !! : عيل ليش كنتي تصيحين ؟!
هنادي : يعني شنو هالحركـه الي سوتها هند ..ليش فشلتني جدامك وجدام أمي وأبوي ..وبـ الأخص دانه ..شـ قصدها بـ هالحركـه ..؟؟
ضاحي قام معصب : يعني ماهمتج نسبــــــــتج ؟!
هنادي بـ برود : لا .. لأني مابي أدش الجامعه بـ الأساااس ..
ضاحي منقهر : خساااره فيج الكلااام والله ..
وطلع وسكر الباب ورااه ..

في الليل ..

وتجمعوا عيال بوبدر كلهم ..يتحمدون لـ المعاريس على السلامـه

هنادي كانت قاعده في الحوش ..كانت تنطر عبدالعزيز ..!
طلع عبدالعزيز من الميلس وشافها ..قرب عندها ..ووقف !
هنادي : شلونك عزيز ؟!
عبدالعزيز : بخير ..! شبغيتي ..؟ متصلـه لي !!؟
هنادي بلعت ريجها : عبدالعزيز انت تدري أني .." سكتت وطالعته ..شافته جامد ..لكن ظنت أن الكلمـه الي بتقولها بتلينـه " أنـي ..أحبـك !
عبدالعزيز وهو جامد : زين ؟
هنادي أستغربت !!
عبدالعزيز : شنو المطلوب مني ؟ أدري أنج تحبينـي ..والعايله كلها تدري بعد ..!
هنادي أستحت وسكتت ..
عبدالعزيز : لكن بعد هم يدرون أني عمري ماحبيتـج ..
عطااها ظهره وهي صدت عليه على طوول ..!
هنادي وهي شوي وتصيح : ليييييييش ؟! ليش يـا عبدالعزيز انا طول عمري وانا أحبك ..عمري مافكرت فـ غيرك ..أخلصت لك ..انت وبـس ..!
عبدالعزيز : بس انا قلت لج أني ماحبـج ..وعمري مافكرت فيـج ياهناادي ..
هنادي قامت تصيـح : حراااام عليييييييك يا عبدالعزيز حرااااام ..!! ليش تسوي فيني جي ..انت ماعندك قلـب ماعندك قلب " وقعدت على الكراسي تصيح "
ألتفت عليها عبدالعزيز وقال : هنادي ..انا أعتبرج أختـي ..أنتـي ماكنتي تعطيني فرصه أعترف لج بـ هالشي ..!! طول عمرج معيشـه نفسج ومعيشـه الكل فـ أمل أني فـ يوم بخطبج !!
هنادي : لأن طوول عمرك كنت تبين لـي هالشي !!
أنصدم عبدالعزيز : انااااااااااا !!!
هنادي : ايي أنت " قامت " من وانا صغيره كنت ماتلعب ألا معااي ..وكنت كله تداافع عني ..بعكس جابر وضاحي الي كانوا بصف هند ..!! كنت تحبني ..بس هم مايحبوني ..
عبدالعزيز : وانا مازلت أحبـج مثل أختي ..لكن مو اني أتزوجج ..!! " وتنزرفز " وخلاااص لو سمحتي لا تقعدين تعيدين وتزيدين فـ هالساالفه ..انا مافكر فيـج يابنت خآلـتي ..شوفي طريجج ..دامج فـ أول عمرج ..
وقام عنها ودخل الميلس ..
هنادي قعدت على الكرسي تصيـح : خااااااااين ..جذااااااااب ..أنااااااااني ..أكرهــــــــك يا عبدالعزيز أكرهــــــــــــك ..

بعد ماتعبت هنادي من الصياح دخلت داخل بس من الباب الي ورى ..غسلت ويهها ونامت على طول لأنها حست بتعب وصدااع ..

في بيت بوبدر ..

ندى كانت تتكلم في التلفون مع فهد ..
فهد : وأخيراً خذتي تلفون ..على الأقل أقدر أكلمج وأتصل فيج على راحتي ..
ندى : ايي مابغيت بطلعة رووح أبوي أشترى لي ..
فهد : فدييتج والله ..يعني كل يوم بكلمج ..مابتجين تقولين لي " كنا سهرانين في بيت خالتي ..ورجعت تعبااانه "
ندى : هههههههههه .. لا خلاااص ..
فهد : ياحبي لج ..أقوول ندووتي ..
ندى : عيووني آمرني أنت بس ..!
فهد : تسسلم لي عيوونج والله ..أمممم ..أبي أششوفج ..
ندى أنصدمت : شنو ؟؟! تششوفين ؟ ليييش ؟!
فهد : بعد شنو ليش ؟! شدعوه أكلم وحده عمري ماشفتها ..!!
ندى : بس مو مشكله أنت تحبني ..!
فهد : أوكي أحبج أيي ..بس بعد أبي أشوفج ..
ندى خافت : بس شلون يعني انا ماعرف شلون بشوفك .!! وأخاف !!
فهد : مو مشكله قولي حق أمج بروح السوق أبي أشوف رفيجتي ..ونتلاقى انا وأنتي في مطعم ولا قهوه ..
ندى خافت : لااا لااا يافهد انا أخاف ..
فهد عصب : أووكي أوووكي خلج خايفه ..بس لا تحلمين تشوفين رقمي مره ثانيـه على جوالج ..ولا تفكرين تتصلين فيني ..باي ..
ندى أنصدمت من تصرف فهد .!
ندى : ليش زعل ؟! شفيـه ؟؟ صج يعني انا ماقدر أشوفـه .. مآقدر أقول حق أمي أبي أشوف رفيجتي فـ المجمع ..! والله أخاااااااف ..
أووف ياااربي ..مافي حل ثااني ..
وقعدت تتصل على فهد مره ثانيـه بس مايرد عليها وبعدين أغلق جوالـه ..!

الصبـح قامت هنادي مصدعه ..وراسها يعورها ..
نزلت الصاله وشافت أم جابر عندهم تسولف مع أمها ..
سلمت عليها وراحت المطبخ تتريق ..
دخلت عليها أمها ..
هنادي : شدعوه خالتي جايه عندنا من صباح الله خير ..!!
أم بدر : كانت تبيني في موضوع ..وماقدرت تفاتحني أياه أمس ..جاتني اليوم هنادي وهي تشرب الحليب : خير ان شاءالله ..!
أم بدر قعدت : خيـر يابنتـي خير " وأبتسمت لها "
هنادي طالعت أمها بـ أستغراب : شفيج يمـه ؟! قولـي الي عندج ..!!
أم بدر : حبيبتي أنتي كبرتي ..ويـ الوقت الي لازم تتزوجين فـيـه ..!!
هنادي بطلت عيونها وتوها بتتكلم أمها سكتتها وكملت : أم جابر جايه تخطبج حق ولدها ..
هنادي منصدمـه : شنوووووووووووووووووو ؟.؟؟؟؟؟؟
وقامت تفكر بـ كلام عبدالعزيز لـها أمس ..قال لها أنـه مايبيها ..شلون يجي يخطبها اليييوووووم ؟؟؟
أم بدر : هاا شقلـتي ؟!
هنادي همست : عبدالعزيز !!
أم بدر تتلفت : وينـه ؟
هنادي قالت : يمـه عبدالعزيز الي تقم لي ؟! ولد خــــالتـي ؟؟؟
أم بدر تضحك : لا يايمـه ..جابر الي خطبـج ..!
هنادي أنصدمت : شنووووووووووووووووووو ؟؟؟؟؟ جاااااااااااابر ؟؟!
أم بدر تخرعت : ايي يايمـه شفيج ؟!
هنادي قامت وقالت بصوت عالي : شنووو ؟ هذا الي نااقص أتزوج جابر ..ليش قلوا الريااييل عشان آخذه ؟! ..ولا فوووق كل هذا متزووج .." ألتفتت على أمها " ترضيــــــــن بنتج تتزوج واحد متزووووووووج ؟!
أم بدر منحرجـه : بس هو طلقها ..
هنادي صرخت : حتى ولــــــــووو ..هو كان متزووج من قبـل ..!! يمـه انا مب طايح حظي عشآن تزوجيني جااابـر ..لو تنطبق السما على الأرض وتطلع الشمس من الغرب ماتزووجـت جابر .. " وطلعت من المطبخ "
أم بدر تلحقها : بس هو طلق حرمتـه عشآنج ..هناادي ..
هنادي وهي تصرخ : بـ الطقااااق يطلقها يطلقها انا شيخصنـي ..؟؟ جا تقدم لي وانا قلت لـه مابتزوجك ألا يوم تطلق حرمتك .." وألتفتت على أمها لقتها تسوي لها حركات عشـان تسكت ..لكن هنادي سفهت " جان نطرني لين ماخلص ثانويـه ويتقدم لي ..مو كنتوا تقولون هنادي حق جابـر ...؟ ولا ماقدر يصبر على الزواااج ..؟ " وكملت طريجها تدخل الصاله " جابر يتقدم لي ..هه ..
وطلعت أم بدر من الممر الي يودي على الصاله وويهها محترق من الفشلـه ..لأن أم جابر لين الحين ماراحت ..وأكيـد سمعت كل شي ..!!
أم بدر : سامحينـي يآختي .
أم جابر قاطعتها وهي تقوم : ماعليه ياأم بدر ..ماعليـه .." وخذت عبايتها وقالت " مع السلامـه ..
وطلعت من البيت ..وأم بدر منحرجـه ومحتره على بنتها الي ماوافقت على ولد أختها ..ليش هو ريال ومو ناقصـه شي ..وشفيها اذا تزوج وطلق ...؟؟!!

وفي صوب ثاني خالد كان قاعد فـ الدوام زهقااان وضايق خلقـه !
وطرت على باله فاطمـه ..
خذ الجوال ودق لها ..وظل يرن ويرن محد يشلـه ..بس فـ الأخير ردت ..
فاطمه بكسل : ألووو ..
خالد : صبااح الخيــــر لـ أحلى ماخلق ربـي ..أحلى صبـآح لـ أحلى فاطمـه فـ هالكوون ..!
فاطمه أنحرجت : الله يهداااك ياخالد ..مغازل من الصبـح ؟!
خالد : شااسوي ..قلبي محترق ..في خااطري أششوفج ..حتى أمس ماقدرت أشوفـج ..
فاطمـه : ماعلينا الأيااام يايـه ..انت شلونك ؟!
خالد : دامني أكلمج انا أكيـد تمااااااااام ..
فاطمـه : دووم ياربي ..
خالد : يلا عيل قومي صحصحي وأتصلي فيني مره ثانيـه ..أبي أسولف معااج ..الدوام يضيق الخلق ..
فاطمـه : هههه .فديت الي ضايق خلقـه ..5 دقايق وأتصل فييك ..
خالد بـ أبتسامه خبث : أنطرج ..!
سكرت التلفون ..وهو يردد : أنطــرج ..أنطـــرج يابنت كوثـر ..

مـرت الأياام كما هي عليـه ..
ندى لين الحين تحاول تتصل على فهد لكنـه حاقرها ..ولجأت لـ هدى تساعدها ..لكن هدى ماقدرت ..

في بيت بوبدر ..
كانت هنادي تتمشى في الحوش ..ضايق خلقها ..
هنادي : آآه ياربي ..شنو هالزهق والملل ..لا جامعه ولا شي ..حتى أوآدم مثل العالم مافيه أسولف معاهم ..
هند من وراها : وانا مو مآليـه عينج ؟!
هنادي تخرعت : يمـااه ! شفيج انتي ؟ شتبين ؟!
هند : أكووني جدآمج 24 ساعه ..سولفي لي ..
هنادي وهي منقرفـه : هذا الي ناقص أسولف معااج ..ماعندي سالفـه .!
هند أنقهرت بس أمسكت أعصابها : هنادي انتي ليش ماتحبيني ؟! انا أختـج ..أنـ ..
هنادي تنرفزت وقامت تمشي : وانـآ عمري ماضريتج ..ليش ليش ياهنادي تكرهيني ..اوووف زهقتيني كم مره تعيدين وتزيدين في الكلآم ..حفظته أكثر من أسمي ..
هند : بس انتي ماتعطيني سبب مقنع يخليج تكرهيني ..
هنادي عصبت : بس جي ..أكرهج ..مآآآآآآآآحبـج ..الكل يفضلج علي ..الكل يستآنس معاااج ..وانا ولااااااااششششششي ..انا على الهاامش .." وحطت عينها بعين هند " أكـرهج ..أكـرهـــــج وكل يوم أدعي عليييييج ..
وراحت هنادي تركض لـ البيت ..
هند وآقفـه مكانها ومنصدمـه ..تحس انها مو قادره تتحرك ..
ليييش هالحقد من هناادي ..ليش أختها حاقده ..!!
قطع حبل أفكارها صوت ضاحي : هنووودتي يلااا عشان نروح المستشفى ..
هند أمسحت دموعها اللي خانتها : يلااا جاايـه ..

ركبت هنادي الدري ..لكن وقفها صوت أمها ..
هنادي : نعم ؟!
أم بدر : نعم الله علييج ..تعالي يمـه بغيتج في موضوع ..
هنادي متضآيقـه : يمـه مالي خلق ..بعدييين ..
أم بدر : قلت لج تعاااااالـي ..
هنادي قامت تتأفف : نعم ؟ نعم ؟
أم بدر متضآيقـه من قلة أدب هنادي ..لكنها كتمت في قلبها كـ العآده : هناادي ..أمس تقدم لج واحد ..وأبوج يقول رجال وماعليـه كلام ..شرآيج ؟
هنادي فزت معصبـه : انا مااااااابي أتزووج تفهميين ؟ ماااااااابي ..وآي وآحد يدق بابنـآ قولـي لـه ماعندنا بنات لـ الزواااج ..انا عايفـه العرس كلـه .. أوووف ..
وطلعت غرفتها معصبـه وهي تتحلطم ..
سكرت الباب بقوه وطاحت صوره عبدالعزيز الي كانت على التسريحـه ..
راحت لها هنادي ومسكتها ..
كانت تطالع عبدالعزيز ..وتمسح على وجهه ..: ليش تركتني ياعبدالعزيز ..ليشش ماتحبني ؟ انا شنو ناقصني ؟ ليش تركتني في وسط ضيقـي ..ّ! حبك كان يكبر معااي يوم عن يوم ..وكل يوم أبني أحلاامي وسط القمر والنجووم ..
حضنت الصوره وقامت تصييييييييح : أحببببببببك أحبببببببببببببك ..
وفجأه طرت على بآلها فكره ..ومسحت دموعها بسرعه وراحت تركض عند أمها ..وشافتها قآعده مع أبوها وتسولف ..
هنادي : يمـه ..انتوا عطيتوا الرجال كلمـه !؟؟
أم بدر : آي رجآل ؟!
هنآدي : الي خطبني يايمـه ..
أم بدر : لا ..توني قايلـه حق أبوج ..وبيكلمـه عقب المغرب ..
هنادي : عيل خلاااص ..قولوا لـه أني موآفقـه ..
أم بدر فتحت حلجهآ شبرين : شنوووووووو ؟!
هنادي صدت عنهم عشآن تمنع دموعها تنزل من هالقرآر المتسرع الي بيدمر حياتها : قولوا لـه أني موافقـه ..خلاااص انا أبي أفتك من هالعيشـه ..
أبو بدر : هناادي أحترمي نفسسسج ..
هنادي صدت عليـه وعيونها تلمع ..ورجعت راحت غرفتها ..


كانت هند تمشي في المستشفى هااديـه ..موكأنها هند اللي بينها وبين الهدوء عدآوه ..!
ضاحي : هـند ..هـــــــندووووووووه !!
هند ألتفتت : خير ؟! شنو ؟!
ضاحي : سلامة عمرج ..شفيج وين سرحتي ؟!
هند : ولا مكان ..
ضاحي : أمشي خلينآ ندخل ونخلص ..!
دخلت هند غرفه الدكتور ..وبعدين نقولها عشآن يسون لها غسيل كلى .!

..

كانت واقفه بفستانها الأبيض الفخم ..بشعرها الطوويل الأسود وعيونها السودا تلمع من كثر ماصااحت ..
كل الأنظار كانت عليها ..شلون ماتكون عليها واليله ليلتها ..الليلـه الي بتغير حياتها ..ماتعرف هل بتسعدها ولا بتزيدها هم ..
وصلت لـ الكرسي ورجعت لفت على حسب كلام المصوره ..
كانت مثل الرجل الآلـي ..يحركونها مثل مايبون ..كانت مجرد جسد ..عقلها وقلبها عند شحص ثاني ..
وقفت صوبها أم ريلها وسلمت عليها وهي تحضنها وتبارك لها ..
وقامت تصور معاها وهي مفتخره بجمال حرمة ولدها ..وكأنها تقول لـ العآلم ..شوفوا ولدي منو بيآخذ !!

[ام مزن]

" أفرآح ..وهل ستستمر ؟ "


الجـــزء الخـآمس



جات هند اللي مستانسـه والفرحـه مو سآيعتهآ وفي نفس الوقت كان في خاطرها تملي القآعه كلها من دموعهآ الي ممكن تنفجر بـ آي لـحظـه !
هند تبوس أختها : ألف ألف مبرووك ياهناادي ..
هنادي سكتت وماردت عليها ..
أمآ أم خليفه ..كانت مستغربـه أن هنادي ماردت على أختها ..
بس توقعت ان من أرتباكها وخوفها مالها بارض ..
قامت أم خليفـه ترقص من فرحتها وأبتسامتها مافارقتها ..
وهنادي مفتشلـه من أم زوجها المجهول ..!! الناس شنو بتقول عن عرسهآ !!
خربت عليـهآآآ .!!
المطربـه : ياجمااعه ..ألبسوا عبيكم المعرس بيدخل !!
هنادي قامت تنتفض !! شنووو ؟ الحين بيدخل !! لااااا خلااااص مابي أتزوج ..
ألتفتت على أختها الي توها كانت بتنزل وأمسكت يدها : هند هند .. مابي خلاااص ..قولوا لـه يطلقني ..خلااااص مابيـه ..
هند قامت تضحك من أرتباك أختها : شفييج ..؟! فدييتج أستهدي بـ الله
هنادي تقول حق هند : لا تكفيين هند لا تخلييني ..والله مابي أتزوج ..ماا ..
ماكملت كلامها لأن هند هدتها وركضت يوم شافت الرجآجيل دخلوآ القآعـه ..
ظلت هنادي واقفه مكانها وترتجف ..كل شي فيها يطلب الرحمـه ..خايفه من المجهول ..خايفه من الي بينطرها ..هل بتكون سعيده ! ولا تعيسـه !!
رفعت راسها هنادي وشافت الي ماكانت تبي تشوفـه !!
عبدالعزيـــــــــــــــــ ــــــز !
صرخت في قلبها : وبكــــــــــــــل وقااااااااااحـه جااااي عرسسسسي ..أكرهك يآحقييييير أكرهك يآمتبلد المششاااااااعر ..
وقف زوجها العزيز جنبها ..وأبوها على يمينها وأخوآنها أحذآه ..وعيال عمامها وخالآتها ..يعني العآلم كلها متجمـعه في هالعرس !
صوروآ الشباب كم صوره مع المعرس ..وبعدها طلعوآ من القآعـه !
ومحد تم غير أبوها وأخوآنها وزوجـهآ !
رفع المعرس الغطا عن هناادي ..!! وأندهش من الجماال الي شافـه ! كانت آيـه من الجمآل ..سبحاان اللي صورها ..حس بروحـه أخس مآخلق ربـه جدآمهآ !! قال في قلبـه " الله يعيني " باسها على رآسها وقال لها : مبرووك ..!
وقف مجآبلها ينتظر الرد ..كان وده يسمع صوتها ..جمالها أبهره ! هل صوتها بيكون مثل جمالها ..لكن للأسف هنادي ماردت عليـه ولفت الصوب الثاني ..
بوبدر يبوس بنتـه : ألف مبرووك يايمـه ..الف مبرووك ..
هنادي ماكانت عارفه شنو تسوي ..كل مشاعرها متلخبطـه ..ماتبي تصيح ..ماتبي تبين روحها ضعيفـه ..كفااايه صار لي 4 شهور وانا أصيييح ..مآخلصوا دمووعي .!!!
حآولت أكتم دموعي ومآأتكلم وأتجآهل اللي يقولونـه ..! عشآن مآأضعف ...مابي أضعف !!
سلموا عليها أخوآنها وطلعوا مع أبوهم !!
وظلت العروس والمعرس يتصورون ..كل الحآظرين كآنوا حاسدينهم ..كانوا يشوفونهم واايد لآيقين على بعض ..الكل يحسبهم مآخذين بعض عن علآقـه حب !
لكن " مآخفي أعظم " !!

ركبت على الكوشـه بنت في قمـه الأنوثـه والدلع ..كان جمالها طبيعي وملفت للأنظآر ..وصلت عند كرسي المعآريس وبآست المعرس ..وقالت بصوتها النآعم الرنآآن : مبرووك يآأحلى أخو في الدنيآ !
أخوها بصوتـه الثقيـل الخشن : هههههه ..وانتي عندج غيري ؟!
ضحكت معااه : ربي لا يحرمني منك ..
ابتسم لها : ولا منج يالغاليـه ..
كانت هنادي تسمعهم !! مآعمرهم أخوآني قالوا لي جي ..هالكلآم أسمعـه حق هند وبس !! انا مايجيني شي ! عمرهم ماقالوا لي كلمـه حلووه ..كل الأخوان يعاملون خواتهم جي ..ألا أخواااااني ..مفرقين بيني وبين هند ..آآآآخ أكرهج أكرهـــــــج ..

جات أم المعرس وصورت معااه ..وعيونها كانت تلمع من الفرح والوناسـه ..! هذا ولدها ..هذا بجرها الغاالي ..اللي من بعده هي ولاااشي ..

خلص وقت العروس والمعرس ..الحين وقت رقص البناات وسوالفهم ..
طلعوا العرسان..وهم ماسكين يد بعض ..!!
كانت كلمآت بين المعآزيم تدور ..
" صدقيني يحبون بعض ..انتي شوفي شلون مآسك يدها وهي شلون محمره .."
"ياليت يآخذني وآحد مثلـه ..يآختي وسسسسيم يهبل يهبل .."
" محلااااااااهم ..أنآ بموت وأشوف عيالهم شلون بيطلعوون ..فلقة قمر "

محد صلى ع النبي وذكر ربـه !!
عين ربي تحفظكم يامعاريسنا ..

ركبوا السياره ..وأنطلقوآ إلى أرقى الفنادق في قطر !
نزل بسرعه من السياره وفتح لها الباب ..ومد يده يساعدها ..
هي ماكانت ناويه تمد يدها..لكنها حست أنها ثقيله ومآتقدر تقوم بروحها ..أستسلمت ومدت يدهاا ..
مسك يدها وعيونـه تلمع حناان وطيبـه ..وصلوا جناحهم ..وفتح البااب وقال يلطف الجو : برجلك اليمين ياعرووسـه ..
هنادي كانت ملامح وجههآ عآديـه ..جآمده !! الخوف والقلق كان مسيطر عليها ..
عذرها ..ودخلوا الجناح مع بعض ..هنادي قعدت على أول كرسي شافتـه جدآمها ..كانت تحس ريلها مو شايلتها ..الفستان وايد كان كبيـر !

تروح الفندق بـ فستان العرس ..جان بدلت !!
أصلاً هي شنو اللي خلاها توافق على هالزواج ؟
قامت تلوم نفسها وتسب في روحها ..ونست اللي واقف متعذب من هالجماال !!
وأخيراً تكلم : هنادي ..
أرفعت راسها وبحركـه عفويـه خلت قلبـه يدق طبوول رفرفت برموشها الكثااف ..
بلع ريجـه وقال : انا بروح أتسبح وأطلب عشى ..أوكي ؟!
ماردت عليه ونزلت راسها ..
أما هو توقع انها ماترد عليـه ..عرف أنها مستحيـه !!
ياحليلك والله ..لو تدري شنو مخبيه لك الأياااام
تسبح وطلع وطلب العشى ..لكن يوم رجع الصاله ماشاااف هناادي موجوده ..!!
أستخف !!
وين رااااااحت ! مافي غير صالـه وغرفـه !! وييييييين بترووووووووووح !!
قام يركض في الجنااح ..وبعدين حس بـ لفحة هوى ..ألتفت على يمينـه وشاف الستآره تتحرك ويبين من خلالها ظل أسود ..
جر الستاره وشاف هنادي واقفه في البلكونـه وشعرها الأسود يتطااايره بنعوومـه مع أتجااه الرييح ..تطمن قلبـه وحس برآحـه فضيعـه ..
قرب منها ومسك يدها ..
أول ماحست هنادي بلمستـه هدت يده بسرعه وطالعتـه بنظره مآفهمهآ ..وراحت بسرعه داخل الغرفـه ..فتحت شنطتها اللي منعت حد يرتبها غيرهاا ..وخذت بيجآمتها وفوطتها ودخلت الحمام ..
ماكانت مهتمـه بـ العيون الحآيره الي تطالعها ..




..

رجعت ندى من العرس ..طرشت له مسج .! لكنه مارد عليها ..

" ندى "

أووف ياااربي هذا شفيـه ؟! زين انا مواافقـه موااافقــــه بس لا يتركني لا يخلين ويرووح ..
دخلت غرفتي وسكرت الباب بقووه ..حسيت أن البيت كلـه تزلزل ! رحت خذت لي بيجآمتي وتسبحت وحطيت راسي أبي أناام ..لكن أفزعني صوت المسج !
فتحته بسرعه وانا الشوق والولـه يتطآير من عيوني ..كان منـه ..منـه هوو ..
أووف وأخيراً ..
" وأخيراً أقتنعتي ..زين حبي انا الحين تعبآن ..بآجر نتفآهم على التفآصيل ..تصبحين على خير حبيبتي "
قمت أقرى المسج كذآ مره ..مو مصدقـه انه طرش لي مسج ..آآخ ياربي ..أحبـه أحبـه ..
طرشت لـه الرد وغمضت عيوني وانا حاضنـه الموبايل ..وسرحت بـ أحلآمـي


نرجع لـ عرسانا ..
طلعت من الحمام وهي تنشف شعرها ..قعدت جدام التسريحـه وقامت تمشط شعرها ..كانت تفكر !

" هنادي "

لين الحين مو مستوعبـه أني تزوجت ..!! وتزوجت منوو ..وآحد ماعرفـه ..ياربي انا أسمـه نسيتـه !! 4 شهور من ملجنآ وعمري ماشفته ولا شافني ألا اليوم !! شلون أتذكر أسمـه !!
أووف زين يعني انا أبي أكلمـه شلون !؟ أقولـه " يازوجي " ولا " ياهوو " ..أووف
تركت المشط وخليت شعري سايح لين ماينشف وطلعت الصاله ..
وشفته قاعد وجدامه صينيـه العشا .. شافني وأبتسم : تفضلي تعشي ..العشاا جاا
فقدتك أنت مع ويهك ..قعدت على الكرسي وخذت الريموت وقعدت أفرفر في القنوآت ..وشفت أغنيـه أحبها لـ مريآم فآرس ..وقعدت أدندن بصوت وآطي مع الغنيـه ..
مآوعيت ألا بـ التلفزيون مسكر !
ماشكيت فـ اللي قآعد جدآمي كلـش ..طآلعت الجهآز ..ورجعت نظري لـ التلفزيون ..
جاني صوته الخشن اللي طير قلبي من مكانـه : انا الي مسكره .. لا تتخرعين !
ورفع لي الريموت الثآني الي في يده !!
يولـي مع ويهـه ..على بآلـه بترجآه وبقولـه تكفى شغل التلفزيون ! فتحت التلفزيون بـ الريموت الي في يدي ..ومايمديـه يشتغل ألا ورجع بند !
ألتفت على الخايس الي يمي وطالعتـه بقهر ..
ورجعت شغلتـه مره ثآنيـه وهو يرجع يفتحـه ..وظلينآ على هالحآل لين مآعصب وحذف الريموت على الأرض الي تنتف ستين ألف نتفـه
صادني رعب في لحظتهآ ..هاي شفيـه أستخف !! صرخ علي : شفييج انتي ..؟ يعني تشوفيني أسكر التلفزيون تفتحينـه ليش ؟!
أنصدمت منـه ! ليش يصرخ عـلي !
وقفت وانا معصبـه : آيييييييييي أنت مآلك حقك تصرخ علي فاااااااهم ..وكيفي انا أبي التلفزيون انت شتبي ؟!
حسيتـه أنصدم ..ويهه تغير 180 درجـه ..!! أحسن عشآن يعرف من هناادي ..
جاتني فكره شيطآنيـه ..أبتسمت من دآخلـي ..
قلت وانا أمثل الدموع والحزن : هذا وأحنآ مآكملنآ يوم من أول يوم زوآجنآ وجي تصرخ علي ..الله يعين بآجر بتضربني وبتكسر رآسي ..وطحت على الكرسي أمثل الصيـآح ..!
بعد ثوآني قليلـه حسيته قريب مني ..قربـه خوفني ..أربكني ..يـآلله انا شنو الي خلآني أسوي جي ..مسح على ظهري وحآول يرفع وجهي الي مغطيتـه بيديني ودآفنتـه في الكرسي ..
زوجي العزيز الي لين الحين مآتشرفت بـ معرفـه أسمـه : هنـادي ..هنـآدي أنآ آسف ..والله آسف ماكان قصدي ..بس انتي نرفزتيني ..
كانت بتغلبني الطيبـه وبحن عليـه ! حرام هو ماسوى شي ..
لااا ..أصلاً منو قال لـه يتزوجني ..يتحمل المسؤليـه ..!
قمت من الكرسي ووقفت جدآمـه وجهي مليآن دموع تمآسيـح : مابي أسمع منك شي ..خلاااص روح عنـي ..
وركضت بسرعـه الغرفـه وحذفت عليـه فرآش ومخده وسكرت الباب وقفلتـه ..
حسيت فيـه يركض وجا يدق الباب : هناادي فتحي البااب ..هناادي خليييينا نتفآهم ..والله مايسوى ..هنااااااادي
تسندت على الباب وانا أبتسم ..
اليوم صرفتـه وخليتـه يخمد في الصآلـه ..بآجر شآسوي فيـه !!
لحظـه لحظـه !! ليكون بيستوي لي مثل " روميو وجوليت وقيس وليلى " وأنـه بيوديني شهر العسل وهالحركآت الي مثل ويهه !!
انا لآزم أوقف هالمهزلـه ..مستحيل أعيش معااه بروحنآ !! انا يوم وآحد ومو بآلعتـه ! أقعد معااه شهـــــــــــر !!
هه ..هزلت ..!!
حطيت رآسي ع المخده ورحت في سبـآت عميق !

" هند "

قمت على صوت تكسر وطقطقـه ..صرخت : أوووف انتوا ماتخلون الواحد يرقد ..
وأنقلبت الصوب الثاني ..وفي نفس اللحظـه تفتح الباب ..
ماما : هندوووه يلااا قوومي ..
قلت : مااااااااااااابي خلووني أبي أرقد ..
ماما : حرااام علييج خافي ربج ..كم صلآه فآتتج !
نقزت : ليش الساعه كم ؟!
ماما : السآعه 5 ونص المغرب ..قووومي لااا صلاة ظهر ولا عصر ..والحين بيأذن المغرب ..
نقزت من فرآشي ورحت الحمآم بسرعه أتوضى وأصلي العصر والظهر ..رجعت فرآشي ابي أنسدح ..أحس لين الحين في راسي النوده ..
فتحت علي الباب دانه حرمة ضاحي : انتي ماقمتي !!
قلت بكسل : والله قمت وصليت ..بس أحس لين الحين في راسي النوده ..
دانه قعدت على السرير : عيل رقدي ..أحنا بنروح العزبه ..
فزيت : شنووووووووو ؟!
دانه تضحك : شوي شوي على روحج ..قلت بنروح العزبه مو فرنسآ ..
ضميت يدي وانا أسوي روحي هيمآنـه : أعووف فرنسآ والشقر كل أبوهم ..فدوه لـ عيون البعآريين والنووق ..
وتخرعت يوم حسيت بصوت ضاحي يقول : عاااااشششت عااااششت بنت البدوو ..
ضحكت : انت شـ اللي مجيبك ؟!
ضاحي يلوي على كتف دانه : جيت أتطمن على حبيبتي ..قلت يمكن سويتي فيها شي ..!!
ركبت على السرير وانا حاطه يدي على خصري : لا والله ؟!
ضاحي : ههههههههههههه أرتااحي يمه لاينقز لج عرج ..
شوي وألا دانه تشل يده عن كتفها وتحاول تطلع من الغرفـه ..
ضاحي يلحقها : افااا الحلووين زعلآنين ؟!
دانه وهي تمنعـه بيدها : لا تكلمنـي ..خل الي سهرآن عندهم أمس ينفعونك ..!
لحقتهم أبي أعرف السالفـه خخخ ..
ضاحي : دندونتي حياااتي والله كنت عند ربعي ..
دانه ألتفتت عليه : ربعك !! وريحـه العطر النسآئيـه شنو تسميهآآ .!! أقول يوم تبي تلعبها ألعبها صصح ..
ضحكت في سري ونزلت معاهم من على الدري ..
ضاحي يمشي بسرعه يبي يلحقها : حبـي والله المووضـه ..الكل يتعطر بـ هالعطوور ..الموضه عطور الرجاجيل لـ البنات وعطور البنآت لـ الرجآجيل ..
دانه ماعطته وجه وقعدت ترتب الدلآل وتحطهم في الشنطـه ..
مسكها ضاحي من زندها ولفهآ لـه وقال لها بهمس ..لكني كنت مكبره الأذن : حبي ..حيااتي ..انا من لي غيرج ..وربـي انج ماليـه علي الدنيا ومافيها ..معقولـه أفكر في غيرج ..
نزلت دانه راسها وبان عليها الخجل وحمرت خدوودهاا ..
عاد انا ماعجبني الموقف واايد ..تنحنحت عشآن لا يمصخونها وهم في الصاله ..
ضاحي ألتفت علي : نعم خييير ؟!
قلت وانا رايحه المطبخ : لا بس حبيت أنبهكم اذا كنتوا ناسيين روحكم ..أنكم في الصاله مو ...
دانه أنحرجت وضحكت ..وانا ضحكت معاهاا على ملآمح ضاحي المعصب ..
رحت المطبخ وانا أغني " سهران معاكي الليله ..مهموم وسارح بغيابك جربت سنين طوويلـه ..مأدرت شيلك من بآلي "
خذت لي كوب النسكآفيـه عشآن أصحصح عدل وركبت الدري ..طقيت الباب على هنادي ..مافتحت ..ويي شفيها !؟
فجيت الباب ولقيت الغرفه مرتبـه والمكيف مسكر .!!
لحظـــــــــــــه !!
آآآآآآخ انا نسيت أن هنادي تزوجت ..
لـ لحظه أنملت عيوني دمووع ..آآه ياهنادي ..آآه يآتوأم روحي ..رحتي وخليتيني ..حطيت كوب النسكآفيه على الطآوله وقعدت على سريرها ..
حآولت أمسك دموعي الي ممكن تخوني وأضعف بـ آي لحظـه ..وربي وحشتيني يـ آختي ..وحشتني هوشآتي معااج ..
وطرت على بالي فكره ..نقزت خذت كوبي وطلعت رايحه غرفه ماما ودخلت على طوول ..
نقزت على السرير : مااماااااااا ..مااااااماااااااااااا ..
ماما : وصمـه شتبيييييييين ؟!
قلت بدلع : ماااماااا لا تدعيين علي ..." ولويت عليها" أهوون عليييييييج ..
ضحكت ماما وقالت : شتبين يـ الغاليه آمريني !
قلت وانا أضحك : هنادي لين الحين ماجات من السفر ..وربي وحشتني مامااا ..
تنهدت ماما وقالت : آآه ياهند ..واحشتني أكثر منج ..بس ربج كريم وهاي سنة الحياه ..مردكم كلكم بتتزوجون وبيخلى علي البيت انا وأبوكم ..
بعدت عنها وانا أحرك لها حواجبي وألطف الجو : أنج تسوين روحج متأثره ..وألا أنتي تتمنين اليوم اللي نتزوج فيه ويخلى لج البيت مع الشيبـه ..
ضربتني أمي على راسي ..قلت : آآخ ..ماامااا شفييييييج ؟؟ مو هااي الصج !
قالت لي : طووفي يلاااااا ..قومي عن ويهي مآتنعطين ويه
قلت وانا أبوس راسها : فدييييييت المعصبـه والله ..هاي كله عشان قلت الصج خخخخخ
وشردت غرفتي عنها قبل لا يجيني شي يكسر راسي ..


" ندى "

كنت قاعده متوتره في السيااره ..يالله يارب اللي سويته صح ولا غلط !!
شلون أرضى على نفسي أقابل شخص ماعرفه ..؟ لا لحظه انا اعرفه ..وقريب بيصير زوجي ..وأستحيت من هالكلمـه وأحمرت خدوودي ..
ولكن وعآني من أحلامي الوردييـه " عبدالمجيد" ..
عبدالمجيد : مااماا يلا أنزل ..
قلت : زيين انت أنطر أهنيـه أوكي ..انا مافي يتأخر ..نص سآعه بس ..
نزلت ونزلت وراي الخدآمـه ..رحت لـ المكآن الي بنلتقي فيـه ..آآخ ياربي انك تعدي هاليوم على خيير ..واايد خاايفـه ..!!
شلون بيكون شكلـه ؟! ..طوويل ..! ولا قصيير ..أبيييه !! ليكوون يطلع متييييييين !! يعععععععع ! لالالالا هو قال لي ان جسمـه حلو ..!!
خرعتني رنـه التلفون ..مسكت التلفون وانا أنتفض ..ياربي ياربي هذا " فهد " شاقول لـه !!
آآييي شنو بعد شاقول لـه ..بقول له أني قاعده في الكوفي ..شنو فيهااا ..
رديت عليه : الوو ..
فهد : يالله حيا بـ هالصوووت ..
ضحكت : أهليين ..وينك ؟
فهد : أمممم ..انا في باريس غاليري ..أبيج تجيين ..!
قلت : لااا فهد بعييييد ..
فهد : هههههه ..ماعليه تحركي الحين انتي وانا بسولف معااج ..وأحلف لج مابتحسين بـ الوقت ..
ضحكت وقمت ..قعدت أسولف معااه والخدآمـه تلحقني ..يالله شـ هالوهقـه أكيد بتقول حق أمي ..!!
قلت حق فهد : فهد زين شاسوي انا في الخدآمـه ؟!
فهد : قولي لها تنطرج برع ..
قلت : لااا ماقدر أمي موصيتها ماتهدني ولا دقيقـه ..
فهد : أووف شـ هالعلـه بعد ..أمممم ...زين قولي لها تروح تجيب لج عصير من ستار بوكس ..بعيييد ويـالله لين توصل لج ..!
قلت : ايي فكره ..أوكي بقول لها ..
قلت حق الخدآمـه ..ويالله يالله فهمت ..راحت عني وانا دخلت باريس غاليري ..كان قلبي يدق طبوول ..!!
فهد : نــــــدى ..حبيي وييينج ؟!
رديت عليـه : هلاا ..خاايفه فهد ..
فهد يضحك : من شنووو ؟! ..انتي دخلتي المحل ؟!
قلت : آيي ..
فهد : شنو لون شنطتج ؟!
قلت : صفرآ !
فهد : أوكي انا بدورج وبجييج أوكي ..
قلت : أووكي ..
قمت أتمشى ونسسيت روحي ونسيت فهد الي كان على التلفون ..
وقعدت أتمشى وأشوف العطور وأتنقى ومستاااانسـه ..
ماوعيت ألا بحد يمسك يدي أنتفضت ..ولفيت بسرعه ..
شفت رجال ضعيف شوي ..أسسمر ملااامحـه حلووه ..سناافي وطوووويل ..! كان مربي له عاارض ..يـ الله شنو جمييييييييل ..
فهد : يـاربي أنك تخليهاااااا ..
أنحرجت وهمست : فهد ؟!
فهد : عيووونه وقلبـه ..
ضحكت ..أما هو فـ مسك يدي ..هديت يده بخووف وقعدت أتلفت ..
فهد يتلفت معاي : شفيج ؟! من منو خايفه ؟!
قلت : فهد يمكن حد يشوفناا !!
فهد : لا حبيبي ماعليج ..انا مخلي رفيجي يراقب المكاان ..واذا حد جاا يبلغني .." وبعدين همس " حبيبتي ..خلج معاي وأنسي الدنيا كلها ..
ضحكت وهو رجع مسك يدي ..وكان يقرب مني لكني ماكنت حااسه ..كنت في عااالم ثااني ..عاالم الرومانسيه الي كنت أسمع عنها لكني ماجربتها ألا مع فهد ..أحبـه ياعااالم أحبـــــــــه ياااناااااااااااااس ..
صرخت يوم حسيت بـ بوسه على خدي : انت شتسوي ؟!
فهد وكأنـه منصدم : شفيج ؟! عااادي انا حبيبج ..
قلت : آيي بس .." ماكملت كلامي لأني شفت الخدآمـه جايه من بعيد "
قلت : فهد فهد ..الخدآمـه جات ..خلاااص يلااا انا بروح ..
ورحت بسرعه قبل لا أسمع رده ..خذت العصير منهاا وبسرعه شخطته لـ السياره ..وأول ماركبت السياره تنهدت تنهيده أرتياااح ..ولكن أفزعني صوت المسج ..
فتحته بسرعه " أموووت عليهم ..وربي أنج ملاااااااااك ..أحبج ندوويتي "
ضحكت وحضنت الجوال ..وانا أمووت فيييييييييك ..




" هند "

رتبت شنطتي وخذت الآكو والمآكو ..مآتم شي مآحطيتـه في الشنطـه ..مآحب يكون في شي نآقص عندي ..سكرت شنطتي ..وحطيت يدي ورى ظهري بتعب ..وحنيت ظهري على ورى شوي ..ومآوعيت ألا الباب ينفتح بقوه ..فقدت توآزني وطحت على الأرض ..حسيت أن عضآمتي تكسرت ..غمضت عيوني وصرخت : وييييييييييييييعه ..
........: ياقليلة الأدب !!
رفعت نظري وشفت مريم بنت أخوي ..قلت لها : خيييييير شعندج فاتحه علي الباااب جي ؟! ماتعرفين أن اللي عآيشـه في هالغرفـه فتاة حسآسـه وخوآفـه ؟
مريم تطنز : لا مادريت ..مره ثانيه ان شاءالله بنتبه ..
قمت من على الأرض : لا تعيدينها ..
مريم سفهتني : ليش ماجات شواقه ؟!
أستغربت : ليش خالوه أم جابر جآت ؟!
مريم : يس ..هي تحت ..توقعت شوق تكون معاج فووق ..

آآخ ياربي ..ماقدر أكلم خالوه بعد اللي قلته عن شوق ! والله انا ماكان قصدي ..الحين شاقول لها ..!! يعني معقوله بنروح العزبه وهي بتخلي " شوق " بروحها في البيت ..لااااااا مستحييل ..
انا لآزم أشوفها وآقنعها تجي ..بس شلوون ؟؟؟ آآآخ ياربي ..

أنتبهت على مريم اللي تنآديني : صرتي هنادي الثآنيـه ..من أكلمج تسرحين ..؟!
طنشتها وقمت بسرعه أنزل تحت ..لكن ربي ستر أني سمعت صوت عبدالعزيز تحت ..رجعت فوق بسرعه وبدلت لبست جلاابيه وشيلة بيت ..ونزلت مره ثانيه ..ماوصلت الأرض ألا وانا ميته من التعب ..
بابا : شوي شوي على روحج ..
قلت : بابا ..تكفى ..ترى تكفى تهز الرجاجيل ..ولولا ضروف الوقت مآقلت تكفى ..
ضحك بابا مع عبدالعزيز ..
وقال لي : تم يابنتي ..آمريني ..
قعدت يمه وقمت أتتلفت يمين ويسار ..
عبدالعزيز : شفيج ؟!
همست : أمي وأمك هنيـه ؟
عبدالعزيز : لاء ..أظن طلعوا ..
تنهدت برآحه وقلت حق بابا : أبي أروح بيت خالتي أم جابر .." وقلت بسرعه " أبي أقنع شوق تجي معانا العزبه ..
كأنه حد مسك وجهي ولفني صوب عبدالعزيز ..شفت وجهه تغير ..تأكدت أنه لين الحيين متحسس من الكلمه الي قلتها ..بس مآينلام ..مالت عليي لساني أطول مني ..
بابا : بس الدريول في الجمعيـه ..يقضي أغراض البيت مع خآلتج وأمج ..
قلت : زيين بابا أنت ودني ..
بابا : والله ماقدر ..انا تعباان ومافيني حيل ..
توني بنطق ألا عبدالعزيز يقول : انا بوديج لو تبين ..
قلت في قلبي " خير شعندك دااق السدر " ..بس شاسوي ..ماعندي غيره لآزم أروح حق شوق قبل لا أمي تجي ..
بابا : زين تسوي والله ..أخذوا طلال ولد جابر معاكم ..
أووف انا ناقصه غثى وصيااح ..بس بعد مايجوز أروح معااه بروحي ..قلت : ان شاءالله بااباا ..ورحت فوق ولقيت مريم قاعده على لاب توبي ..قلت لها : بتجين معاي بيت شوق ؟!
مريم قامت : ايي ..بس هي مب جايه ؟
قلت : أنا بروح أقنعهآ ..تجين ؟
مريم : ايي اييي ..
ورحت انا بسرعه ألبس عبايتي ..لأن شوي ويأذن العشآ ..لآزم نطلع السآعه 9 !!
نزلت تحت ورحت صوب السيايير ولقيت عبدالعزيز في السياره ..توني بركب وبعدين تذكرت طلاال ..رحت بسرعه داخل صوب صالة الحريم وقلت : وين طلوول ؟
حرمة جابر اللي رجعها من تزوجت هنادي : مع الخدامه في المطبخ ..ليش ؟
قلت وانا رايحه صوب المطبخ : برووح مشوار ..وباخذه معاي ..
خذته من الخدامه وانا ألآعبـه عشآن مايصييح ..وعطيته مصاص عشان يسكت ..ركبت السياره وقعدت طلال على الكرسي وربطت حزام الأمان حقه ..
رفعت راسي وشفت عبدالعزيز يطالعني .. أنتفض قلبي من الخووف ..حسيته بيتكلم ..لكن دخلت مريم ..
زفرت براحه ..الحمدالله أنقذتني ..
مريم بخجل : السلام عليكم ..
عبدالعزيز : وعليكم السلام ..
حرك السياره ومشينآ ..ضربتني مريم في خصري وصرخت صرخه مكتومـه ..حسيت أن عبدالعزيز سمع ..لأنه رفع راسه وبعدين نزله ..
قلت لها بهمس : شفيج ؟
مريم بنفس درجة صوتي : ليش ماقلتي ان عبدالعزيز اللي بيودينآ ..يختي أنا أستحي ..
قلت بصوت عادي : ماعندج سالفـه والله ..


أووف ياربي ..هاي ليش جي بطيء ؟ ..قلت : عبدالعزيز ..
عبدالعزيز : هلااا ..
قلت : أسرع شوي الله يخلييك ..والله لو جات أمي وأعرفت اني محد لا تدفني ..
ضحك عبدالعزيز : اسم الله علييج ..وماطلبتي شي ..
وشخط فينـــــــا وكانت سرعته في حدوود الـ 140 - 160 ..ومريم حاظنه طلااال وهي خاايفه من السرعه ..وانا ميتـه من الونااااسـه ..أحس أن حلجي بينشق من كثر ماأتبسسم ...وصلنـا بيت خالتي في 10 دقاايق ..دخلت البيت بسرعه حتى مانزلت طلال ولآ أهتميت بـ مريم اللي من نوعها خجوله وأكيد أستحت ..
صعدت فووق ورحت غرفة شوق ..دقيت البااب وبعدين فتحتـه ..لقيتها منسدحه على سريره وقاعده تكتب في دفترها ..أبتسمت لها ..وجاتني تركض تحضني ..
ضحكت وقلت : لآ تحرجيييييييني ..أدري أدري وآحشتج مووت ..
بعدتها عني عشآن أشوف ردة فعلها ..شفتها مبتسمـه وبعدين هزت رآسها ..قلت لها : يلااا يلااا جهزي أغراضج بسرعه ..بنروح العزبه ..
هزت راسها بـ النفي ورجعت تقعد على السرير ..
ياااربي ..الحين شنو اللي بيقنعها تجي ..راسها يابس هالبنت .مادري طالعه على منوو ؟ جيت عندها وقعدت عند ريلها ..حطيت يدي على ركبها ..وقلت : ليش ياشوق ؟ اللي تسوينـه في نفسج مو زيين ..لازم تطلعين وتشوفين الي حولج ..الحين كم سنه صار لج ماطلعتي من البيت ؟ قولـي لي .كم ؟
نزلت شوق راسها وحسيتها بتصيح ..حاولت أتدآرك الأمر وضحكت ألطف الجو : والله لو انا منج أنتحرت ..انا يوم واحد ماطلع تصيدني جلطـه ..شلون قدرتي تقعدين 3 سنين في البيت ولا تطلعين !
مسكت شوق دفترها وقامت تكتب ..وبعدين عطتني أياه ..خذته بلهفـه وقريتـه ..أنصدمت من اللي كاتبتـه ..يااااااقلبي عليج ياشووق ..والله هالبنت مظلومه ..شلون قدرت تستحمل هالمصايب ..الله يعينج يالغاليه ويشفيج ..
قلت لها : حبيبتي كلنا أهلج ومستحيل حد يضحك علييج ..وليش أنتي شفيج ؟ مافيج ألا العافيـه .." وقلت أمزح " ياليتني انا مثلج ..أحس فلـه جي كأني في مسلسل ..خخخخخ ..
ضحكت شوق ..وجريتها من يدها وانا أقول : يلااا يلااااااااااااا ..بنروح العزبـه ..
وركضت صوب الكبت مالها وقعدت أطلع جينزات وجلابيات وأحطهم على السرير ..وقلت وانا أكمل : تخبريين شوااقه قبل 4 سنين يوم كنا نروح كل أربعا وخميس العزبـه ..كنتي أنتي كله معاي وفي فريقي ..وهنادي وعبدالعزيز في فريق ..هههههه مراات يجي ضاحي ويوقف معااهم ..وانا وأنتي نصيييح ونقول غش ..لكن بعدين يجي جابر ويوقف معانا .." ألتفت عليها " وشفتها مغطيه ويهها بيدها وتصيييح ..ركضت لها وحضنتها : شوق ماله داعي هالتشآئم ..كل ماقلت لج كلمه حزنتي ولا صحتي .." وقلت بحزم وانا أبعدها عني " شوفي والله لو ماجيتي العزبه اليوم ..والله وهذاني أحلف بـ الله ..أني ماأشبر بيتكم ولا تشوفين رقعة ويهي لين مامووت ..
صرخت وحضنتني وكأنها تقول لي " أسم الله عليج "
وبعدت عني وراحت تركض لـ الدفتر وكتبت وعطتني ..قريت بصوت مسموع " ماقدر ياهند ..والله ماقدر ..أفهميني 3 سنين ماطلعت من البيت ..صعبه والله صعبـه "
رفعت حاجبي وانا أطالعها وقلت : حلفي عاد ! أقول وايد سكت عنج قومي قومي يلااا ..
صدت عني وضلت قاعده على السرير ..
كان عندي أمل انها بتجي ..وخذت ملابسها وحطيتها في الشنطـه وسكرتها وعطيتها عبايتها : يلاااااااااا ..
هزت راسها بـ النفي وقامت تصيييح ..
قلت معصبـه : أوكي أوكي خلج هنيـه ..بس انا حلفتي مابثنيها ..وأعتبري أن هاي اخر يوم تشوفيني فيـه ..مع السلامـه ..وحطيت شنطتها على الأرض وطلعت من الغرفـه وانا أنافخ ميته من القهر ..لقيت مريم وعبدالعزيز وطلال في الصاله ..
عبدالعزيز وقف : هاا !! رضت تجي ؟
قلت وانا أصرخ : راااااااسسهااااااااا ياابـــس مااادري على منوووووووووو ؟
تنهدت مريم ونزلت راسها ..وبعدين انا قلت لـ عبدالعزيز : وهي بتقعد في البيت مع منو ؟ شلون ترضون تخلونها بروحهاا ؟
عبدالعزيز : علي بيرجع الحين وبيسهر في البيت مع ربعـه ..يعني بيكون معاها ..
قلت : وهاي الصايع بيفكر فيها ولا بيطل عليها كل دقيقـه .." زفرت بضيق " أستغفر الله ..أتسغفر الله ..يلااا خلونا نطلع لا أنفجر ..وأحنا طالعين شفنا علي داخل البيت ..
قلت : زين شرفت ..أبيك تقعد مع أختك وتحطها في عيونك ..كل شوي طل عليهاا .. لا تخليها بروحهاا ..
علي : ههههههه بنت البارحه هي ..بس لعيونج يابنت الخالـه ..بطل عليها كل دقيقتين ..شتآمريني فيـه ..
قال عبدالعزيز : ولا شي ..وبسك كثرة كلااام ويلااا هند ومريم بنتأخر ..
علي وهو يضحك ويغمز لـ عبدالعزيز : بس تكلمت ..شفيها يعني .."وألتفت علي " أقولج هنوود ..يقولون الغيره تذبح ..صج ولا لا ؟
فهمت نغزته ..وماحبيت أتسيخف زود : الله أعلم ..يلاا احنا رايحيين ..مع السلامـه ..
علي : مع السلامـه ..
ركبت السياره وسكرت الباب بقوه ..أووف ياربي من هالبنت ..وربي مفتقده حسها النااعم ..ضحكتها العاليه ..كل شي فيها ..ربي يشفييج ياشووق ..
توه عبدالعزيز بيحرك السياره ..سمعت طق على باب الدريشـه ..ألتفت بسرعه وشفت شوق لابسه عبايتها وشيلتها وماسكه شنطتها بيدها اليسار ..شهقت وفتحت الباب بسرعه ..حضنتها وانا أقول : كنت حاسه أنج بتجييييين ..أدري ماتقدرين على فراقي ..لأني حلفت مآطب بيتكم ..
ضحكت شوق ودخلتها السياره ..وقعدت أزن وأزن على راسها وأقول لها على شنو مخططين وشنو بنسوي ..

" هنادي "

دخلت معاه بيتهم وانا لا يعه جبدي ..أوف انا على بالي بيسكني في بيت بروحي ..طلعت مع أهلـه ..يااااااااربييييييييي ..
ألتفت على ورى وشفت عريس الغفلـه يطلع الشنط من السياره ..أوووف انا بدخل مالي بارض أقعد في هالجو الخايس ..ماوعيت ألا بحد يحضني بقوه : هلااااااا وغلاااا بـ حرمة الغااااااالي ..
بلعت ريجي وحزت بوزي ..شتبي ذي ! ..
قلت وانا مالي مزاج لـ شي : هلا خالوه ..
قالت لي : ناديني بيمه ..أحلى " وأبتسمت لي "
هزيت راسي بـ أن شاءالله وقلت لها : الجو مو حلو ..ياليت ندخل داخل ..
خالوه : تنورييييييينـه يـ الغااااااليه تنورينـه ..حيااج البيت بيـتج ..حياااااج ..
دخلت البيت ..ومشاءالله مايحتاي أتكلم ..البيت أبـــــداع ..فخامـه وذوق وكل غرض باين عليه قيمتـه ..أنتبهت لـ البنت اللي جايه تركض من الدري ..وتعدتني وحضنت اللي متصنم وراي وقالت : يااااااقلبي ياخلووف ..وحشششتني ..
اهاااااااا ..طلع أسم المحروس خلف ! هه ..عاشت الأسااامي

[ام مزن]

خلف : ههههههههه ..اللي يقول مسافر شهر ! أقصاها وأسبوعين ..
ألتفت وشفت أخته حاضنته وتصيييح ..ويييييي شفيها !!
وكأنه خلف حس فيها ..بعدها عنها وقال : ميششوو شفيج تصييحيين ؟
ميشو ! شـ الأسم الغريب ؟ ..آييي يمكن أسمها مشاعل ..والله وتعرف تدلع ياخلووف ..
وشوي وتكلمت أبو الهول " أمـه " : أقعد يايبـه أقعد خل حرمتك تستريح شوي ..وأنتي يـ الهبلـه قومي عن أخوج ..خرعتيه وطيرتي فؤاده ..
ضحك خلف وقال : يمه شفيها ؟ ليش تصيح ؟
خالوه : ماعليك منها ..انت من سافرت وهي كل يوم تصيح ..تقول وحشني ..
حضنها خلف مره ثانيه وهو يقول : يااااااحيااااااتي والله ..لـ هدرجـه ماتستغنين عني ..ماخبرت كنت أوحشج يوم أبات برع البيت

أوووف ينرفزوون ..قعدت ع الكرسي وحطيت ريل على ريل وانا أهز ريولي بطفش ..متى بتخلص هالمسرحيـه ؟
قعد خلف ولزقت فيه هاذي الـ " ميشو " ..أوف هاي ماتستحي ؟ أنا عمري ماسويت جي حق أخوي ..
خالوه : هاا ..عسى أستانستو ؟ وسعتوا صدركم ؟
ألتفت علي خلف وأبتسم : الحمدالله يمـه ..أستانسنـا ..
خالوه ألتفتت علي : وانتي يايمـه ..عسى ماأذاج وليدي ؟ ترااه حنااااان ..لكنه طيب ..
لفيت بوزي : ولدج ..زين ..
مشاعل : أصلاً أخووي مافييي منـه ..كل بنت تتمنااه ..وتحمد ربها مليوون مره اللي يكون من صيبهاا ..
أشتعلت نيراان الدنيا كلها فيني ..
تقصدني ! لا والله تقصدني ..قلت لها بـ برود بعكس البرآكين اللي تفور فيني من الداخل : والله ياقلبي ..أخوج اللي يحمد ربه بـ أني رضيت فيـه ..لأني انا هنادي بنت بوبدر ..محد يطولني ..ولحد يقدر يوصل لي ..
حسيت بـ الصدمـه على وجييه الكل !
وقف خلف وقال : هنادي ! شفيج ؟
قلت وانا أمثل الدموع : شفت أختك شقاعده تقول عني ؟ وهذا انا توني داشه البيت ماكملت نص يوم ..الله يعين باجر شنو بتسوي فيني ..
خلف مسك يدي ..حسيت برجفـه في قلبي ..هديت يده بقوه وغطيت يديني بويهي ..قال لي خلف : ماعليه ياهنادي ..مشاعل كانت تمزح ..والله كانت تمزززح .." وكلم مشاعل " صح يامشاعل ؟ كنت تمزحيين ؟
مشاعل : لاااءء انا ..
قاطعها خلف وقال : خلالااااص ميششو ..اعتذري الحين حق هناادي ..
رفعت يدي عن ويهي وطالعت فيها ..كانت مشاعل تطالعني مصدومـه ..أبتسمت نص أبتسامـه ..وبعدين عضيت على شفايفي أمنع أبتسامتي لا تبين ..
مشاعل منصدمـه : خــــلف !! انــــا ...
خلف على صوتـه : مشششششاعل خلااااص ..أعتذري منهاا وأنتهى الموضوع ..
أنملت عيون مشاعل بـ الدموع وقالت بصوت واطي مرتجف : آ آآ ..آسفـه ..
وراحت تركض على الدري .. كنت بضحك بصووت علي ..بس صدمني خلف يوم ألتفت علي بسرعه ..نزلت راسي وبينت أني حزينـه ..
خلف : أرتحتي ؟
حطيت يدي على أنفي بطريقـه دراميـه وقلت : زعللللللت مني .." وقعدت على الكرسي وأنا أمثل ببراعه " ليش أحرجتها ياخلف ..مسكيييييييييينه ..
خلف قعد جنبي وحط يده ورى ضهري : ماعليه حبيبتي ..عشان مره ثانيه ماتمزح بـ هالطريقـه ..
عضيت على شفايفي وانا أمنع ضحكتي ..ياربي شكلي بنفضح اليوم ..
راودني شعور أني ألتفت على خالوه ..أم خلف ..
شفتها منزله راسها وشكلها متضايقه ..أحسسسن ..جعلها ضيقـه ماتفارقج طول عمرج ..
وبعدين مسكت راسي وقلت : خلف ..أبي أروح الغرفـه ..
مسك خلف يدي وقال : شفيج حبيبتي ؟ تعبانه .؟
حبتك القراااده ان شاءالله ..حبيبتي قال ..قلت : ايي ششوي ..
قومني وحاول يسندني ..أووف ماحب هالحركات ..بعدت يده وقلت : أوكي انا تعبانه بس مو ماقدر أمشي ..خلاااص بروح بروحي ..
حسيته أنحرج من أمـه ..لأنه أصلاً متعود على أسلوبي في ماليزيا ..قال : أوكي بس بدليج الغرفـه ..
مشيت ورااه ورحت الغرفـه ..فصخت عبايتي ورميت روحي على السرير من التعب ونمت ..


" فاطمـه "

أووف هذا شفيه مايفهم ؟ صعبـه والله صعبـه ..
رديت عليـه بمسج وانا قاعده أنتفض من القهر ..ألتفت علي طارق : مطــــر مطــــــر ..
رفعت حاجبي أطالعه مستغربه ..قال : جي الناس تزفر ..ولا أعصار جونو ..طالعي السيت كلـه مااي ..
قام سعود يضحك وأمي معاهم ..صديت عنهم وطالعت الدريشه ..
أووف منه سخيف ..انا ناقصته ..نقزت متخرعه يوم سمعت صوت المسج ..فتحتـه بسرعه ..وطالعته وطارت عيوني ..!
وصرخت ..شششششفيه هذا مايفهم ؟
ألتفتوا علي كلهم ..
طارق : منو ذيه ؟
سعود : شفيييج ؟
أمي أمسكت راسي : أسم الله عليج يايمـه ..شفيج ؟
ويييييييي ..انا قلت بصوت عالي ..مالت علييييي أقوول .. بعلت ريجي وقلت : آه ..آآ ..لآ بس الجوال مادري شفيـه شاير ..وأبي أقرى المسج ..
سعود : هههههههه ..الحمدالله والشكر ..حد يقول حق الجوال مايفهم ..
طارق : متخلفه ..ههههههه ..
صديت عنهم ورجعت عيني على الجوال وكتبت له " خالد أفهمني ..ماقدر ! شلون أتقابل معاك بروحناا !! والله ماقدر ..وحتى ولو في المزرعه وفي الليل ومحد يشوفنا ..بس مادري ..ماقدر ماقدر "
حطيت الجوال في الشنطـه وغمضت عيوني ..


" ضاحي "

مسكت التلفون وحطيت السماعات في أذني ورجعت الجوال مكانه ..ألتفت ورى وقلت : والله أسمع صوت واحد أذبحكم كلكم ..
رديت : ألوو ..
راشد : هلا والله بوراشد ..
ضاحي : ومنو هاي بوراشد ؟
راشد : انت ..مو ولي العهد ان شاءالله راشد ..
ضاحي : ههههههه ..عندك ثقه بنفسك وايد ..
راشد : أعبجبك ..
ضاحي : هاا ..وينكم ؟ في الطريج ولا ؟
راشد : لاااا يبه ..ماقدر انا أجي في الليل ..
ضاحي : لييش ؟ أحسن شي طريج الليل ..
راشد : ناسي أن فيني عشا ليلي ..ماقدر أشوف فـ الليل ..
ضاحي : اووووه راحت عن بالي والله ..أيي معليه ..شرفنا عقب صلاة الفجر ..
راشد : على خير ان شاءالله ..
ضاحي : يلا عيل ..مع السلامـه ..
راشد : فمان الله ..

ألتفتت علي دانه وقالت : هذا راشد ؟
قلت لها : ايي ..
دانه : بيجي ؟
قلت : الفجر ان شاءالله ..
ونقزت هند وقالت : من هاذا راشد ؟
رفعت يدي عن السكان وضربت راسها وقلت : وانتي شدخلج ؟
هند : تقدر تقول من دريشة الفضوول ..
دانه : هههههههه ..انا أخبر من باب الفضول مو من دريشة الفضول ..
هند : لاء انا فضولي على قدي ..فـ قلت دريشه خخخخخ ..زين قولوا لي من هاي راشد ؟
دانه : أخوي الكبير ..
هند : اهاا ..

" هنادي "

صحيت يوم حسيت بجسم يرتمي على السرير ..ألتفت بسرعه لقيت خلف منسدح ..فزيت وهو تخرع وقام ..
خلف : مانمتي ؟
قلت : أنت خرعتني !
أبتسم ومسح على شعري : مادريت أن قلبج رهيف جي ..
بعدت يده عني بقوه وقلت له : روح جيب ألحاف ثاني ..
طالعني مستغرب ورفع حاجبه : ليش ؟
قلت بسرعه : بعد شنو وين تنام ..؟
خلف : انا أستحملت في إيطاليا أني أنام على الكرسي كل يوم ..بس خلاااض ظهري تكسر ..
بلعت ريجي وقلت : زيين ..خلف انا .." وقمت أصيييح "
نقز خلف عندي وقال : هناااادي شفييييج ؟ ليش تصيحييين ؟
قلت أتعذر : انا ..ماا ..أهــــــئ .." ورجعت غطيت ويهي بيديني وأصييح " ..
خلف : زيين خلاااص هدي هدي ..ماتبيني أنام عندج ؟ خلاااص ..بنام ع الكرسي .." وقام من على السرير وطلع برع الغرفه "
نزلت يديني عن ويهي بشويش ..هههههههههه ..غبي ..أثول ..أهبـل ..
وحذفت روحي على السرير ..وقعدت ألعب بأطراف شعري ..أممممم ..يعني كل يوم بقعد أصييح عشان أخليه ما ينام ع السرير ؟ ايييي ..انا بقوله ماتحمل قربك وماطيقك ..وعاد اللي فيها فيها ..
وأنفتح الباب مره ثانيه وشفت خلف قاعد يسحب كرسي من كبير شوي مع الخدامه ..
خلف : لااا ..شوي شوي بتكسرين البااااااااب ..يالغبييييييييه ..
فتحت نص عيوني ابي اشوف شـ السالفه ..
وشفت الخدامه تدز الكرسي صوب الباب ..وخلف يهاوشها ..يمـه ! أول مره أشوفه يهاوش حد ..مسكين يطلع حرته في الخدامه ..
خلف صرخ : طلعـي أشووف طلعـي ..كفيتي ووفيتي مابي منج شي ..
طلعت الخدامه وظل الكرسي نصه داخل ونصه برع .. وخلف قام يسحب الكرسي ..حسيته مب قادر ..وثقيل عليه ..لأن بنيتـه ضعيفه ..مادري شنو اللي خلااني أقووم ..
ألتفت علي خلف منصدم ..عضيت شفايفي وقلت : بساعدك ..
صد عني خلف وقال : مشكوره ..
مالت علييك وعلى ويهك يـ الرخوه ..حد جي يدز الكرسي ..زحمته شوي ونقزت على الكرسي ورحت برع ..شفته رافع حاجبه ومنصدم من الحركـه ..ضحكت وقلت له : أسحبه يلااا ..
أبتسم وسحب الكرسي وانا قعدت أدزه ..لين وصلنااه عند التلفزيون ..
خلف : وشاسوي في هالكرسي الصغيير ؟
قلت : أممم ..
وقعدت ألف على الغرفه أدور مكان حلوو أحطـه فيه ..وبعدين نقزت وقلت : آآآآييييييييي ..
ورحت صوب السرير وقلت : شوف هالكرسي " شازلونج " يعني بيطلع رووعه لو حطيته جدام السرير .." ألتفت عليه وقلت " صح ؟
كان يطالعني وهو مبتسم ..عيونه كانت تلمع ..نظراته غريييبه ..يمـه ! نظرته تخوووف ..
ناديته : خلف ..خلـــــف ...!!
وكأنه أنتبه : نعم ..؟
قلت : سلااامتك ..بس الكرسي حطه جدام السرير .." وصديت عنه ودخلت الحماام "



أنتهـى


آآخ يآهنآدي ..شنو ناويه عليه ؟
شوق المسكينـه شنو سبب عدم قدرتها على الكلآم ؟
وفاطمـه وخالد ..شنو نهايتهم ؟ وأحمد المسكين ..!
ندى ..جرائتها وصلتها أنها تقابل فهد من ورى أهلها ..شنو بيكون مصيرها ؟

تابعوني في البارت السآدس ان شاءالله ..

أختكم ..