آخر 10 مشاركات
317 – صدى الذكريات - فانيسا جرانت - روايات أحلامي (الكاتـب : Just Faith - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          أنين الهوَى - الجزء 1 من سلسلة تايري -شرقية زائرة -للكاتبة:ملك على* مكتملة & الروابط* (الكاتـب : ملاك علي - )           »          ودارتـــــــــ الأيـــــــــــــام .... " مكتملة " (الكاتـب : أناناسة - )           »          عــــيــــنـــاك عــــذابــي ... مكتملة (الكاتـب : dew - )           »          عيون لا تعرف النوم (1) *مميزة & مكتمله * .. سلسلة مغتربون في الحب (الكاتـب : bambolina - )           »          لقاء الخريف / الكاتبة : طرماء و ثرثارة ، كاملة (الكاتـب : taman - )           »          جدران دافئة (2) .. سلسلة مشاعر صادقة (الكاتـب : كلبهار - )           »          ضلع قاصر *مميزة و مكتملة * (الكاتـب : أنشودة الندى - )           »          الدخيلة ... "مميزة & مكتملة" (الكاتـب : lossil - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree7Likes
إضافة رد
 
LinkBack أدوات الموضوع انواع عرض الموضوع
قديم 02-01-15, 12:22 AM   #11

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي


البارت العاشر


من بعد ما راحت عليا عن سعود راح لخاله وقاله ان عليا وافقت عليه

وهذا انا اطلبها منك رسمي ولأني كبير عايلتي وما عندي إ لأ اخواني الصغار فما لها داعي اني اجيبهم

وحنا اهل متى تبي تعمل الفحوصات عشان اخلي اختي تسويها من هناك وانا اسويها هنا عندكم

ابو خالد :عادي يبه لو بكره ما فيها شي

سعود :اجل خلاص نسويها بكره انا وعليا وعلي من هنا وبقول للوالده تاخذ شجون وتسوي فحوصاتها والله يقدم اللي فيه الخير

ومن بكره الصبح قام علي فرحان وكله نشاط وخذ اخته عليا وراحوا لمستوصفهم القريب منهم وعملوا الفحوصات الازمه وكان سابقهم سعود لنفس المستوصف

سعود:هلا علي وشحالك يا النسيب

علي:الله يسمع منك ويتم الأمر على خير ونصير انسباء

سعود وهو يطالع عليا المتلثمه صباح الخير بنت خالي

عليا:هلا سعود وراحت ركبت السياره ،،،،،،،،،، ضحك علي على تصرف اخته وقال:مستحيه العروس عن اذنك اربك بس بتغدا عندنا

سعود:لا والله يا علي فرصه ثانيه ان شاء الله انا من هنا للمطار

وبدق لعمي اول ما تظهر فحو صات شجون وبجي انا وامي واختي عشان نملك
ونتفق على الأمور الباقيه

علي وهو متشقق من الفرح على خير يا سعود اجل استودعك الله وسلم واسلم

سعود:سلم اوكي بس على امي ههههههههههههه

علي:هذا انا خليتك تسلم على عليا يا اخي خلك مرن شووي

سعود:هههههههه طيب يا المرن بوصل السلام وسلموا على بعض وكلن راح بحال سبيله

وفي بيت ابو خالد فيه ربشه من خالد يبيهم يستعجلون به هو الثاني

خالد:هذا وانا العود ومخليني والله لو ما املكتوا بي لأضرب عن الزواج

ابو خالد:لا إ لأ انك تضرب عن الزواج قوم دق على عمك بو حمد وحمد وخلهم يجونا هنا وبنروح كلنا لبيت ابو هيا ولا يهمك

وقام خالد ركض سوا اتصالاته وراحوا واخطبوا وقربهم الرجال لأنهم جيران ويعرفون بعض من مبطي وما يحتاج نشده

واليوم الثاني سوا خالد وهيا الفحوصات والكل الحين ينتظر النتيجه

بعد خمس ايام طلعت نتايج الفحوصات ايجابيه لكل من سعود وعليا وعلي وخالد وهيا

ودق ابو خالد على سعود وبشره وسئله عن فحوصات شجون قاله سعود والله بعد يومين بتطلع

ابو خالد:انا عندي ولد مستربش بملكه بكره واذا تقدرون تجون يا مرررحبا

سعود:لا والله يا خالي الله يبارك لخالد املك به وخله يستانس وحنا الدور جاينا ان شاء الله وبعدين زين ان يكون بينا وقت شوي عشان ما تصكنا عين تونا خالصين من عرس مها ومحمد وهذا خالد والبقيه حنا

بو خالد:الحامي الله وكله مقدر ومكتوب على الجبين لازم تشوفه العين وسكر منه

وعند البنات الهنوف وعليا كانن يرتبن ويعدلن حق ملكة خالد بكره إ لأ تليفون عليا يرن

شلته وسمعت حمد يكلمها بكل الحزن مبروك بنت عمي

عليا:الله يبارك فيك وفي حياتك حمد وعقبالك ان شاء الله

حمد:ما ظنتي وما هقيت اني اقدر استبدلج بوحده ثانيه

عليا طلعت من الغرفه خافت الهنوف تسمعها وقالت لحمد: اسمع حمد والله لو ادري اني بكون مصدر سعاده لك كان ما رفضتك بس انا عارفه روحي ما اصلح لك

حمد:وتصلحين لسعود
عليا:الله يخليك حمد لا تجرحني يكفيني اللي فيني

حمد:افا افا ما عشت ولا كنت اذا بجرحج ولا بتسبب بجرح لج وش فيج عليا قولي

عليا:ابد سلامتك مابه شي بس ما كنت افكر بالعرس وازيدك من الهم بيت بروح برا الدوحه هذا اللي مضايقني

حمد كتم شهقته بقلبه وعرف وش تقصد عليا

:عليا انتي مجبوره على سعود

عليا:لا ليش تقول كذا

حمد:مدري سمعت شي بالشركه وتمنيت اني ما سمعته

عليا:وشو

حمد:سمعت سعود يقول لأبوي وابوج وخالد وانا كنت برا بس سمعتهم وانا داخل عليهم

ان المليون مهرج فعليا وبيقدم لج مهر عادي مثل كل البنات يعني كنه شاريج بهالدين اللي على شركتنا لشركته

عليا:لا يا حمد لاتظلمه هو جا هنا وكلمني بوجود ابوي//كانت عليا ما تبي تجرح مشاعر حمد وبعد ماتبي تقول اسرارها لأي كان//
وقال لي سوا وافقت ولا ما وافقت المليون بيطرحها عن شركة خواله وعيالهم

حمد:اجل ليش وافقتي وليش احسج مهمومه

عليا :وافقت لأن عمتي ترجتني تبيني عندها وعشان البنت اليتيمه اللي تعلقت فيني وعشان ابوي اقنعني وعشان علي بعد يستانس

حمد:وانتي مستانسه؟؟؟

عليا :انا مرتاحه واستخرت ولقيت الراحه بس طلبتك حمد اعتبرني اختك تراك وحيد وتربيت وسطنا يا اخي وشلون كنت تعامل مها كاخت وانا لا

حمد:وش اسوي بقلبي مالي عليه سلطه

عليا:تعوذ من ابليس وبعدين انا عندي لك عروس قسم بالله انها ازود مني بالجمال و...........

حمد:و......... وشو وبعدين السالفه مهي بالجمال لا والله السالفه سالفة عشق ابدي

عليا :طيعني يا ولد عمي وما راح تندم

حمد:وش السالفه تبين تريحين ضميرج من صوبي ارتاحي يا الغلا ولا تحاتيني

عليا:حمد فكر عدل وفتح عيونك للي جاي وبتشوف احلى شي صافطته لك اختك عليا

حمد:خلينا من هالخرابيط انا خذت رقمج من فون امي عشان ابارك لج واشوف إذا كنتي محتاجه اي شي

عليا:اي محتاجه ؟؟

حمد:امري لو روحي ما غلت عليج

عليا:وبعدين يا اغلى اخ وبعدين معاك

حمد:خلاص امري يا اختي ولو اني مهب مقتنع بها بس يله كله علشانج

عليا:ابيك يوم عرسي انت اللي تغني لي

حمد:افففففففففففففففففففف� �ف حرام عليج والله انج قاسيه مهب لهدرجه اعفيني واللي يرحم والديج

عليا:خلاص الحين عرفت انك ما تعزني خلاص مابي اي شي منك

حمد:لا حول يا تذبحيني يا اني مهب شي بنظرج

عليا:ابي اثبت للكل واولهم شخص شاريك وقلبه محتويك اني انا اختك وانك اغلى اخ لي بهالدنيا

حمد:لا حول يا هالشخص من تكون تعيسة الحظ هاي اللي ما تدري ان دروب قلبي مقفله بوجهها وبوجهه غيرها

عليا:راح اقولك بس مهب الحين وبشوف يمكن انت اذا شفتها صدفه وتمنقلت بعيونها تشوف بعينها شي ما عمرك حلمت به

حمد وهو يضحك: تصدقين انج شوقتيني اعرف بس ولا انا وين وانتي وين

عليا:لا معليه بتشوف وتدعي لي اني فتحت عينك على كنز حلو
حمد:طيب يا عليا بشوف وشهالشي

عليا:ايه كذا ابيك

حمدبخاطره اكيد يا عليا يا اطيب قلب تبين كل الناس فرحانه مثلج وما تبين تحسين ان فيه واحد وراج مقهور

سكر حمد من عليا وراحت عليا لغرفتها ولقت الهنوف تكلم هيا الي طايره من الوناسه ان بكره ملكتها بحبها

تابعوني يوم الاثنين الجاي وفالكم ان شاء الله فيني ما يخيب
.......................


درة الاحساء غير متواجد حالياً   رد مع اقتباس
قديم 02-01-15, 01:27 PM   #12

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت الحادي عشر

كان بيت ابو هيا/هو اسمه ابو فهد بس بقولكم ابو هيا على اساس ما تلخبطون في الشخصيات.

مزحوم باجتماع العايلتين والأقارب واليوم تلبيس الشبكه

وعليا والهنوف كانت فرحتهم مزدوجه لأن مها بتجي سيده من المطار على خطبة اخوها.

وهيا صايره غير شكل الفرحه والمستحى مخلي شكلها حلوه وكيوت وعيونها تلمع من الفرحه.

عليا:ايه يا بعض العرب يا انهم هالليل مهب على بعضهم ياووووووووو على قولة قحطه.

هيا:وانتي ناسيه انج بعد كم يوم ملكتج ويا اني بتشمت فيج تشمت ياووووووو.

هنا تغير وجه عليا وصدت لأن هيا ذكرتها بشي هي تحاول تتناساه

هيا:اوه عليا وش فيج ؟

عليا:لا ابد بس اللي موجعني اني بفارقكم وبفتقد هاللمه وهالجمعه اللي تعودت عليها من صغري يجوني من الباب للنار كذا سيده

اخذ واحد ما اعرفه وابتعد عنكم وخنقتها العبره وطلعت من الغرفه

شويات وجات مها واختلطت الزغاريط والدموع والفرح وتجهزوا للحظات الحاسمه

وجهزوا الدي جي وارقصوا وشويات وجاء موعد تلبيس خالد لهيا الشبكه

ودخل خالد ومعه ابو هيا وسلم الابو على بنته وقعد خالد جنب هيا وكانت هيا تهبل بشكلها الجميل وكانت موطيه راسها
وقرب منها خالد وباس راسها وشبك يده بيدها وقعد يكلمها ويسئلها عن اشياء ما يدري هي وش بس يبي يسمع صوتها

خالد:اقول هيا بتتكلمين ولا اقوم اطلع

هيا:هاه لا وش تطلع

خالد:لبى هالحس سمعيني صوتج يا بنت والله اني من مبطي وانا عيوني وقلبي لج

هيا:كانت تسمعه وهي منبهره بشكله الرجولي وصوته وعيونه

خالد:اقول قولي اي شي

هيا:اي شي
خالد:هههههههههههه لبى اي شي منج

جاتهم عليا ومها وهم شايلين العقد وقربوه من خالد ووقموا العروسين عشان يلبسها بمساعدة عليا.

وكان يتلكك في تلبيسها وهي منتهيه وخدودها مولعه.

عليا:اقول الاخو خلص البنت شووي وتطيح علينا

خالد:اسم الله عليها اذا بتطيح صوبي على صدري ترى انا الحين حلالها

هيا:اوووووووووووووووووه خالد خلاص عاد

عليا:وااااااااااو وشهالصوت اللي كله نعومه وخر عنها فديتها والله

خالد وهو يسكر العقد لها :لا حد يتفدا حلالي غيري

مها:حرام عليكم انتوا الثنين والله انها ما عاد تقدر تستحملكم

خالد مسك يدها وباسها قدام الكل وقعدوا وهو ماسكها وسوالف وهي ما غير تحرك راسها بنعم

وكان المكان كله فرح ووناسه واقترحت عليا على خالد ان حمد يجي من بعد ما يتغطن الحريم ويغني لهم اغنيتين ويطلع

وافق بعد مماطله ان يمكن ما يوافقون اهل المكان ان شخص غريب يدخل عليهم

عليا:لا انا ماخذه رايهم وابو هيا ما اعترض دامك انت موجود

خالد:اوكي اتصلي على علي خليه هو ومحمد يجون مع حمد

قامت عليا واتصلت على حمد مباشره وترجته وطلبته انه يجي يفرح ولد عمه

حمد:عليا ما اقدر

عليا :لا بالله إ لأ تقدر تعال واطربنا وبعدين دقق عدل فيه ناس موجوده بتكون انت محط اهتمامهم

حمد:عادج على هالموال

عليا:لا تطولها وتعال يله ووووووووووووو

حمد:وش ووووووو يا بنت عمي امري لا تترددين

عليا:تكفى حمد ابي اشوف ابتسامتك وروحك اللي انا خابرتها

حمد:عليا تقول لحمد تكفى ابشري يا انج تشوفين اللي يسعدج ويسعد الحاضرين

عليا:قصدك الحاضرات ههههههههههههههه

حمد :يله سووي درب حنا جاين بعد شووي

وقالت للحريم يتغطن /اما العروس وخالد فكانوا بمكام شبه مغطى عشان ما يضايقون العروس بهالحر بالغطا

ودخلو الثلاثي المرح وبندوا الدي جي مؤقتا لحد ما يخلصون الشباب

وكانت ام حمد كاشخه بولدها وفديته وهذا ولدي ولبى قلبه وعيونه يعني انا امه يا بنات يا حلوين تعالوا تميلحوا عندي

غنى حمد اغاني حلوه وكلها سعاده وفرح وكان كل شوي يرفع راسه يدور لعليا

ويوم شافها وجات عيونه بعيونها اشرت بإيماءه من راسها لوحده جنبها متلثمه

عطاها نظره بمعنى اوك ،،،،،،،،،،،،،،،،، شوي وركز على اللي جنبها شاف وحده من عيونها تبين حلوه وبس

وغنى اغنيه لأخطبوط العود عبادي الجوهر اوجعت قلب عليا بروحها ولا الباقيين ما خذوا بالهم

وهو يغنيها كان يبتسم وكانت كلمات الأغنيه مناقضه لأبتسامته غنى /تدرين وادري بنفترق تدرين قلبي بيحترق/ وبعدها الحقها باغنية اغراب لنفس المطرب/

بعدها دخلهم جو الحب والوناسه غنى اغاني حلوه واستأذن من الحضور مع تمنياته للعروسين باطيب التمنيات وطلعوا الشباب

عند الباب لحقته عليا ومن وراها وحده/اكيد عرفتوها/

وسلمت عليه وقالت له تسلم ولد عمي ويسلم صوتك وحسك

شكرها وما كان يبي يناظرها وهي راحت بعد مالفتت انتباهه باللي معها

التفت وشاف عيون حلوه تناظره مع ذلك ما عرف من هي وتوه بيطلع صوتت عليه
حمد

؟؟؟؟؟؟؟؟؟؟؟؟؟؟؟؟؟؟
حمد استغرب جرائتها وشلون وحده بنت وتصوت عليه

حمد:نعم اختي بغيتي شي؟

:لا اخوي بس حبيت اقولك ......

حمد:وش ؟؟
:هاه لا خلاص ما ادري وراحت عنه وخلته واقف يفكر من هي هاي اللي تجرأت وكلمته وشلون ما خافت حد يشوفها

طلع وهو يتحسب على هالدنيا ولا وش فيها لو كانت عليا هي حلاله وفرحته اليوم مع ولد عمه

نرجع لمعاريسنا اللي كانوا مبسوطين وسوالف وضحك وكان خالد وهيا قاعدين بمجلس بروحهم وطبت عليهم عليا وقالت

:هيه انتوا يله قوموا انتهت الحفله وانت تبي رقمها اخذه قبل لا تطلع واسهروا

مع بعض وانتي قومي لغرفتج كل المعازيم روحوا وانتوا ابد روسكم بروس بعض

خالد:اقول لا يكون غيرانه يا اختي ترى الدور جايج بعد يومين ويااني براويج

عليا جاتها نفس الحاله من الصدود والشرود من يجيبون لها طاري عرسها ولا ملكتها

هيا:عليا تعالي ومدت يدها لها ومشن من بعد ما هيا ودعت خالد على امل ان تكون بينهم هالليل مكالمه طويله

هيا:عليا وش سالفتج ليش منتي بسعيده لا تقولين فراقكم وبعدي عنكم لا وبدا مهب السالفه ذي اللي معذبتج قولي لي مهب انا وانتي دوم نقول لعالم ان حنا نص بعضنا من عادنا تونا صغار ونكمل بعضنا

فضفضي لي ولا تقهرين روحج قولي

عليا:وش اقول ما عندي شي اقوله والحين روحي بدلي واكلي لج شي لأن فيه ناس بتقعد تقرق على راسج للفجر

هيا:ويه فديته

عليابخاطرها الله يسعدكم هالسعاده والفرح بالملكه ولا فلا

وطلعت ام محمد مع بنتها الهنوف وكان محمد ومها قد سبقوهم للبيت

وعند السياره لقت سايقها متلعوز يعابل تاير السياره المبنجر

وتو ام محمد بتتصل على ولدها إ لأ حمد مار ومعه امه وسئلها وش العلم وقالت له السالفه

ام حمد:تعالي بنوصلج على دربنا

هنا حمد لاحظ ان البنت اللي مع ام محمد هي نفسها اللي كلمته وكانت مع عليا ،،،،،،،،،،،،، انصدم اخت محمد وبنت خالة عليا

هي اللي عيونها منه

ركبت الهنوف ورا حمد وكانت كل شوي ترفع راسها تشوفه اذا كان عرفها ولا لا

وحمد ما عطاها وجه وكان يسولف مع امه وخالته ام محمد ويوم وصلوا للبيت
نزل احتراما لهم

ونزلت ام محمد وبنتها ومرت من صوبه الهنوف ولمحها بنظره عابره وصد

هنا الهنوف ماتت من وجع الحب ومن عدم معرفته باللي بقلبها له

ودخلت البيت وسيده على غرفتها وهات يا صياح ودقت على عليا وقالت لها على عدم مبالاة حمد بها وانه وانه وكانت تقط الحكي من دون ما تعرف هي وش تقول،،،،،،،،، هدتها عليا وطلبت منها تنام وبكره بتتفاهم معها،،،،،،،،،،، فكرت شوي عليا واقدمت على خطوه كانت تتمنى انها تكون لصالح هالثنين اللي تعزهم وتحبهم


وشهو اللي سوته عليا يا ترى تبون تعرفون تابعوني بالبارت الثاني عشر
تعالوااااااااااااا
انزلوا شووووووووي وبتلقون كل اللي خاطركم فيه.


درة الاحساء غير متواجد حالياً   رد مع اقتباس
قديم 02-01-15, 01:27 PM   #13

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت الثاني عشر


بعد اسبوع من ملكة خالد وهيا جات العمه ام سعود وكل اسرتها اللي بالكويت لحضور ملكة اخوهم الكبير واختهم الصغيره شجون

وبنفس اليوم تمت الملكه وعمت الفرحه بيت بو خالد واخته وتعارفوا بقية الأسره بباقي اسرة العمه

واللي كان طاير من الفرحه والوناسه علي انه بعد يومين بيلبس شجون الشبكه

ولكن سعود كان جايب شبكة عليا معه وقال ليش التأخير بدخل الحين وبلبسها وخلوا علي بعد بكره احسن من احنا نربكهم بملكتين وحوسه كبيره

اسئلوا عليا اذا كانت جاهزه لمجئ سعود عشان يلبسها الدبله والشبكه قالت:

مابه مشكله عادي وكانت لابسه وكاشخه من الأساس لهالضيوف اللي ببيتهم

قالت لروحها:يا ويل حالي حتى خطوبه مثل هالبنات استكثرتها علي يا سعود

وجاتها عمتها وكانت عيونها كلها دموع وقالت لها:عليا ارجوج يا بنتي افرحي وفرحيني معاج

مبي هالنظره الحزينه اللي بعيونج تذكرني بيوم ملكتي يوم ابوي كان زعلان علي

عليا:تداركت روحها وحاولت ترسم على وجهها احلى ابتسامه لعمتها الطيبه وقالت لها:

لا عمتي انا فرحانه بس تعرفين الربكه والخجل ولا تنسين اني بروح عن هلي وببعد عشان كذا اسج شوي ويتوه فكري ويغشاني الحزن ولا تفكرين بغير هذا

العمه:يا بنتي ثقي من شي واحد انج خذتي اغلى واطيب البشر وبعد ما تعرفينه راح تقولين عمتي قالت

عليا وهي تضم عمتها :ان شاء الله عمتي وشويه إ لأ عنودوا طابه عليهم وقالت وانا بعد ابي بوسه سيم سيم يدوتي

عليا خذتها وضمتها وقالت بخاطرها اصلا وش اللي بيصبرني على مقابل ابوج غيرج وهاليده

جاء سعود مع علي وسووى درب وقال علي لعليا:اقول لا تطولين الشيخه انتي وياه عشان ابي بعد ما يطلع اشوف عروسي

سعود وهو ما غير يناظر بعليا وهي منزله راسها:يا اخي ما حد ردك روح اطلب من اختك الثانيه ولا امك ترتب لك شوفتها وهو لازم يعني عليا

علي:قومك يا سعود ما تعرف قيمة عليا بهالبيت انت خذت ارق قلب واغلى من بهالوجود

سعود قرب من عليا ومسك يدها وباس راسها وقعدها على الكنبه وجلس بجنبها

وقال:وعشان كذا انا بغيتها هالجوهره الغاليه وثق يا علي اني راح اصونها ولا ارد لها طلب

علي:طيب يا النسيب خذ راحتك ولا اقولك استعجل وبقول لمها تقول لعمووه تجيب الشبكه وتشبك وتطلع ههههههههههههه وطلع

سعود :هلا عليا وشحالج ومبروك علينا

عليا وما زالت منزله راسها من الخجل :مرحبا

قرب شوي ورفع راسها وهاله الجمال الحزين والنظره التايهه

سعود:عليا ارجو اني ما اكون سبب هالنظره الحزينه

عليا وهي توخر وجهها عنه لا ابدا

سعود:وش فيج تكلميني رسمي

عليا :لا عادي
سعود:لا مهب عادي تكلمي معي وقولي وش طلباتج
عليا:مابه طلبات غير انك ما تقطعني من هلي وبس

سعود:وشهالكلام اقطعج من هلج اللي هم اصلا هلي مدري من وين جايبه هالفكره

بعدين انا عندي لج مفاجئه راح تطيرين من الفرحه لما تعرفينها وخاطري اشوف وجهج ذيك الساعه

عليا بخاطرها مابه شي من صوبك راح يفرحني:وشها الشي الي بيطرني من الفرحه

سعود:مفاجئه محتفظ بها لج وان شاء الله انج تقدرين هاللي سويته علشانج وعشان ارضيج واشوف النظره اللي بخاطري

عليا:طيب قول وشوف النتيجه

سعود:شوفي عليا انا ما قلت هالخبر إ لأ لج انتي من بعد هلي طبعا لأن الخبر يخصهم بالمقام الأول وشاورتهم ومن بعد موافقتهم
قلت مبي عليا تعرف الخبر الا مني انا

عليا وكان قلبها يدق بسرعه :وش خبرك سعود ترى قلبي يدق ويعورني وخايفه

سعود حط يده على موضع قلبها ولقاه يدق بقوه وقال:ابي هالقلب يدق لي انا وبس

عليا وخرت عن موضع يده :اففففف وشهالرجال اللي ما يستحي

سعود:رحم سحاها ورفع وجهها عشان يشوف وقع كلماته عليها:عليا انا وكل هلي بنجي نسكن هنا بقطر هاه وشرايج

عليا تنحت وفتحت عيونها على اخرهم وشوي ونزلت دمعتها ولكن حاولت تمسحها بسرعه فسارع سعود ومسك يدها وبعدها عن عيونها وقرب منها

ومسح دمعتها باطراف اصابعه بشويش وباس عيونها وقال:

لهالدرجه فرحانه

عليا وهي تتمالك روحها من المفاجئه الحلوه ومن جرائته وحركاته :ايه لهالدرجه واكثر وشقد فرحتني سعود بهالخبر ابوي وعمي يدرون

سعود وهو منبهر ببحة صوتها ومنظرها الي كله فرح :لا قلت لج ما بعد قلت لأي كان

حبيت اقدم لج هالخبر لج بروحج وبعد ما اطلع من هنا بروح لهم وبقول لهم

وترى جيتي لقطر اللي في ذيك الأيام كنت ابحث عن بيوت قريبه منكم والحمدالله لقيت ثلاث فلل قريبه من بعضها واشتريناهم انا واخواني

وشجون بتكون مع هلج وخواتي الثنتين مع ازواجهم بالكويت ومراح يقاطعونا

عليا:وليش يعني فكرت انك تسكن هنا بقطر وانت كويتي وكل اشغالك هناك

سعود وهو يضحك لها:تدرين لو ادري انج بتتكلمين معي كذا كان قلت لج من قبل

اللي خلاني حب امي وتعلقها بكم وانها تعبت بسنينها اللي راحت فقلت اقربها من كل شي هي تحبه وبعدين كل اشغالي دمجتها باشغال خوالي وبنكون

ان شاء الله اسره وحده وشركه كبيره وحده ولابه احد راح ينضام وينهضم حقه

والحين ابي البسج شبكتج اللي مختارها بنفسي وعلى ذوقي وابي رايج فيها

عليا :هاه امممممممم اي شي بعد هالخبر راح يكون حلو

سعود:لا مهب اي شي هذا ذوقي الخاص وطلبيه سويتها من شفتج

عليا:طيب بقولك رايي
دق سعود على اخته الكبيره وجات وجابت الشبكه وقال لها ابي البس عليا بروحي اذا امكن روحي لهي عجايزج وبعد ربع ساعه تعالوا

طلعت اخته وهي تضحك على كلامه وعلى مستحى عليا

سعود وقف وفتح لها العقد تشوفه وكان شي شي جميل صغير وكله الماس ويبرق
وكان ينتظر رايها

عليا:وااااااااااو سعود روعه والله انك ذوق حلو وصغير ومشكنم ولو انك جايب لي شي كبير كان ما عجبني

سعود:الحمدالله نه عجبج اجل تعالي افتري وارفعي شعرج شوي خليني البسج اياه

ساعدته على استحيا وهو ميت من ريحتها وبياض رقبتها وجماله المسكت وكان بطيء بتسكيرة العقد

بعدها لبسها الحلق والأسواره اما الدبله فصدق ابطى كثير لين يلبسها اياها

ورفع اليد وباسها وقرب وباس الخد وضمها بشويش عشان ما تجفل منه

وهي كانت مستحيه وحاولت انها ما تدفعه بعيد ولكن هو طول بالضمه عشان كذا رفعت راسها ووخرت عنه

سعود:لبى الخجل بس وقعدوا يسولفون شوي إ لأ العمه والأم والخاله والخوات كلهم جايين ومن وراهم الهنوف وهيا

وهات يا تبريكات وضحك وفرح وفيه ناس برا كانوا مستعجلين بس محد عطاهم وجه ههههههههههه

بعد ساعتين من دخلة سعود عند عليا طلع وقال لها اخذي رقمي من اختي ودقي علي باي وقت تبينه تراني حلالج وغمز لها وهو طالع

هيا:ويل حالي ما اجمله وهو يغمز

عليا وشو والله لأروح اقول لخالد

هيا:لا حول ابتدت الغيره وش فيج اضحك امزح وبعدين مابه حد يقدر ياخذ مكان خالد بقلبي

عليا:هويا هذه مهب غيره

هيا:اقول اشوف دبلتج وهنا شهقت من روعة الدبله والعقد الحلو

جات شجون وقعدت جنبهن وقالت:تصدقون عمري ما شفت سعود فرحان مثل هالأيام

هيا:ليه هو ما كان متزوج وقد جرب هالشي من قلب

شجون:إ لأ بس كانت قصته قصه بزواجه الأولي ؟؟
هيا :هاه وش السالفه.

شجون :عليا انتي طبعا ما تعرفين وشهي القصه

عليا:لا مدري ولا قدسئلت

هيا:ماعليج منها قولي وش السالفه وكلنا فضول

شجون:عليا بقولج بس مبي سعود يدري اني قلت لج رجاء

عليا:اجل لا تقولين اي شيء

شجون:لا لازم تعرفين عشان ماتستكثرين السعاده على اخوي

عليا :وشلون يعني استكثر السعاده على اخوج

شجون :اخوي ترى والله شاف الشقى من عاده صغير وهو شايل همنا وقايم بابوي وعمي اللي اكبر من ابوي بكثير وما كان له إ لأ بنت وحده وكبيره شوي يعني اكبر من سعود بخمس سنين

هيا:اها طيب هاي البنت اللي طبعا خذها اخوج مهب كذا

شجون:ايه كانت انسانه عاديه ومنغلقه على روحها وقليلة حكي وكله ساكته

وبيوم ابوي ترجى اخوي انه ياخذها عشان عمه اللي تعبان ويبي يريح اخوه باخر ايامه

ووافق اخوي وهو كله صرار انه يرضي ابوي وعمي

وكانت امي حزينه على مصير ولدها البكر بس ما كان بيدها شي

وتزوج سعود بنت عمنا وجابها تعيش ويانا على الأقل تعاشر لها ناس بدل ما كانت عايشه ببيت عمي بروحها وسط الخدم

ولكن بعد ما كانت تتكلم كثير الله يرحمها حاولنا نطلعها من قوقعتها بس ما قدرنا

وبعد سنه ونص جابت عنود وبعدها بسنه توفت وخلت اخوي بحزنه على هالزوجه اللي حاول انه يسعدها بس ما قدر

وعمي لحق بنته بكم شهر

عليا اخوي كان وما زال يبحث عن حب حياته ارجو انه لقاه فيج والله انه تعب حيل

ارجو انج تسعدينه يا بنت خالي ارجوج

عليا:وهي تضم شجون لها وشهالكلام شجون اكيد بسعده مهب زوجي

شجون :مهب الفكره بس اخوي ما عرف لعبة بنات ولا سوى بحياته شي شين

كله تفاني واسعاد للغير ولا قد فكر بروحه ومن شافج وهو مبسوط وشفنا احلى ابتسامه على وجهه

هيا:الله قصه حلوه ومعبره بانتظارج علايه

عليا:اقول فارقي بعيد لأصوت على خالد الحين

هيا:هاه وينه اصلا هو قالي يبي يشوفني لو لمحه هنا

ههههههههههههههههههههههههه هههههههههههههههههههههههه

تابعوني يوم الجمعه بالبارت الثالث والرابع عشر
وفالكم فيني ما يخيب.


درة الاحساء غير متواجد حالياً   رد مع اقتباس
قديم 02-01-15, 01:33 PM   #14

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت الثالث عشر


بعد ما طلع سعود راح للمجلس وبشر خواله انه بيجي يسكن بقطر هو واخوانه.

ولكن واحد من اخوانه بيوزع اقامته بين هنا والكويت لاشغاله المرتبطه بالكويت.

والكل فرح بالتمام الشمل

علي:احلى شي يا النسيب عشان حرمنا المصون ما تخاف ولا تحاتي اهلها أقول عن اذنكم بروح البس عروسي الشبكه.

خالد:ما يحتاج يا علي اقعد وخل الأهل يلبسونها عنك.

علي:وهو محتر من اقتراح اخوه:اقول اسكت ولا حد يتبعني يبي يشوف له حد هناك.

سعود وهو فاطس:ههههههههههه كفك يا النسيب اقول روح وخذ راحتك ولا تحاتي.

وراح علي ودخلوه وجاء وقعد جنب شجون وهو ما غير حتى الرمشه ما يرمش كله صامت ويتبسم ويناظر

جاته مها واعطته الشبكه وساعدته انه يلبس شجون وبعدها شغوا الدي جي ورقصوا له وهنوهم

علي:شجون وش اخبارج اسمحي لي ترى ما اعرف انمق بالحكي ويمكن تشوفيني دفش بس والله اني حبيتج من اول نظره وطرت وصممت انج تكون من نصيبي

شجون ما ردت وكان علي ماسك يدها بكل الحنان ويبي يسمع صوتها

علي :شجون تحكي قولي ايشي ابي اسمع صوتج

هم ما ردت عليه

علي:يا هوووووووووه لا يكون تزوجت طرما ما تتكلم شوفي اذا كذا بروح من الحين اشتري مفكرات صغيره والكثير من الأقلام عشان تكتبين لي اي شي راح اسئلج عنه

شجون ضحكت وقالت:مهب لهالدرجه

علي:لبى هالصوت بسسسسسسسسس

وقعد يجرئها عليه لحد راحوا هالمعازيم وقال لها بما انج صرتي حلالي وما به مانع اشوفج

الله الله فيني بصدفه بالمطبخ ولا بصدمه على الدرج هههههههههه

استحت يوم تذكرت هذاك الموقف

وانقضت هالليله الحلوه بكل ما فيها مفاجئات رائعه للكل

وباليوم الثاني قال ابو خالد لام سعود اخته انه عازمهم على العزبه كم يوم قبل لا يردون للكويت

ومن ثالث يوم على جية ام سعود راحوا للعزيه
عايلة بو حمد وام محمد كلن شل شلايله وصوب العزبه

ورتبوا امورهم الشباب احتلو الملحق القريب من المجلس والحريم توزعوا مع بعض وكانت احلا لمه واحلى زحمه

باليوم الثاني وعلى الفجر راحت عليا لخيلها وركبتها ودارت بارجاء مزرعتهم من دون ما تدري ان به ثنين يراقبونها

وهي كالعاده لما تكون بالعزبه مستأذنه ابوها انها ع الفجر والكل نايم ولا به حدن يشوفها تروح تمارس هوايتها المحببه

طلع لها حمد من المكان اللي كان فيه وكانت هي راده من تجوالها وخلصت ونزلت

احم احم
التفتت عليا وعدلت لثمتها وشافت انه حمد

عليا:هلا حمد وش مقومك من الصبح
حمد:قولي ليش لين الحين ما نمت

عليا :عسى ما شر وش فيك حمد قولي

حمد:وش اقول خلاص ما عاد به حكي ولا كلام ينقال المهم الف مبروك لج بنت عمي ويا عساج تتباركين وتتهنين

عليا:الله يبارك فيك وعقبالك يا رب وعن قريب بعد
حمد:لا مهب قريب ويمكن ما افكر وليش اتعس وحده معاي مالها ذنب

عليا:خل عنك السوالف وانا اختك وترى اللي صافطتها لك تستاهلك

حمد:عليا تراها تجرأت وكلمتني ولا عجبني تصرفها
عليا:حرام عليك حمد هاي تربية خالتي وامي يعني كنها انا ومها ولا سوت اللي سوته الا من زود تمسكها بك

حمد:هي قالت لج
عليا:ايه وبنفس اللحظه اللي نزلتهم بالبيت فكر حمد واوزنها عدل الدنيا ما تسوى
وانت وحيد ابوك وامك ويبون يشوفونك معرس وتارس البيت عيال

حمد:مدري عليا مدري مبي اتعسها وهي مالها ذنب
عليا:وش تعاسته انت كل اللي عليك انك ما تفكر باللي كان ببالك وعط روحك وعطها فرصه

حمد:لا عليا لا ضميري ما انبئني من الحين وشلون اجل بعدين

وكانوا متعمقين بالسوالف وبلحظه قال حمد :عليا ارجوج لا تلحين ارجوك اللي فيني كافيني حرام عليج وش سويت لج انا عشان تعذبيني كذا

//يا ليت تقول لي انا وش عليا مسويه لك وشلون معذبتك وتترجاها على ايش؟؟//

سعود؟؟!!!!

سعود:ايه ياعليا سعود وش انتي قاعده تسوين بنص الليل مع ولد عمج وبالأسطبل

حمد :اسمع سعود
عليا:صبر حمد شوي ،،، وش تقصد بكلامك هذا سعود
سعود :وش اقصد واضح كلامي ثنين واقفين مع بعض وبروحهم ويتناجون ويترجون بعضهم وشوي وبيمسكج شوفي وشلون انتوا قربين من بعض

حمد:اذكر الله سعود ولا تغلط وتتندم على كلامك بعدين

سعود:اي غلط مع وجهك انت يا اخي هذه بنت عمك وزوجة ولد عمتك

عليا:سعوووووووووووووود وكان صوتها ارتفع شوي

اسمعني بقولك هالكلمه قبل لا اروح انا متعوده من صغري اركب خيل بالفجر وكان يحرسني واحد من اخواني ولا حمد ولا محمد اللي بمثابة اخوان لي

وترى شرحت لك الموقف عشان بس ما يروح فكرك بعيد ولا مهب من حقك ابرر لك تصرفاتي وانا ما بعد رحت لبيتك

سعود قرب منها ومسك يدها بقوته وكان الشرريتطاير من عيونه :اسمعيني هذا ثاني موقف لج معي مهب لصالحج

حمد:سعود فك عليا وخلها تروح وخلنا نتفاهم انا وانت

سعود :انت اسكت تصرفي معاك بعدين
حمد:اوكي بس خل عليا تروح قبل لا يقومون عمال الأسطبل ويشوفونا بهالموقف

سعود:اقول الظاهر عمالكم متعودين انهم يشوفونكم بهالحاله اللي تقول انها تركب خيل كل ما جيتوا هنا معك ومع ولد خالتها

علياوهي تصر على اسنانها من وجع مسكته المؤلمه لها:انا تربيت على الأخلاق الرفيعه يا ولد عمتي واللي رباني خوالك الثنين اللي كانوا مشجعيني ويركبون معي

سعود:اسمعيني عدل انتي وياه ابي اعرف وش اللي بينكم وخربته انا

عليا:مراح اقولك وخلك بقهرك وظنونك واذا هاذي اوليتها ينعاف تاليها

سعود:بتقولين لي وغصبا عنج

حمد:انا بقولك
عليا:حمد لا مهب من حقه يطلع على خباياك واسرارك
سعود:اها اجل من حقج انتي بس المقابل تحت جنح اليل والهمس وما ادري بعد وشو

عليا نفضت يديه من يدها بكل قوتها ووخرت عنه وكانت مخنوقه وكان حمد بيموت وهو يشوفها بهالموقف اللي تسبب به

حمد:اسمع يا ولد الحلال بما انك شفت الظاهر بقولك بس عشان ابري عليا من ظنك السيئ
عليا:حمد لا لا لا

حمد تجاهلها وقال لسعود وعيونه مركزه عليه:اسمع ترى ابوي وعمي كذا مره اقترحوا علي اني اخذ وحده من بنات عمي مثل ما انت خذت بنت عمك

ولكن انا ما قدرت تعرف ليش لأني تربيت وياهن وكبرنا مع بعض وما حسيت انه
ممكن اتزوج باي وحده لاني اشوفهن بمثابة الخوات

ومن كم شهر شفت بنت خالتهم اخت محمد وطلبت من اختي عليا انها ىتجس النبض لي اذا هي ما عندها مانع بتقدم لأخوها

وعليا ما قصرت ومن حوالي اسبوع جابت لي الموافقه وكنت ابي اخطبها بس
جيت انت وتملكت وعلي وخالد فقلت اصبر شوي محدن بطاير

سعود:زين وش سالفة الترجي اللي من شوي وان عليا هي سبب عذابك

حمد خذ له نفس وقال وهو صاد مايبي يشوف عيون عليا وهو يكذب اول كذبه بحياته:

اسمعني سعود والله اني ما كنت ابي حد يعرف بهاللي بقوله بس ليش اخليك تظن بزوجتك اللي هي اغلى اخت وهي بريئه

السالفه اني حبيت وحده وما كانت من نصيبي زوجها ابوها لواحد ثري وكبير بالسن وعنده مميزات اكثر مني

سعود:ليش انت خطبتها عشان هالابو يقارن بينكم

حمد:ايه رحت له بروحي ما كنت ابي احط ابوي وعمي بموقف مع هالرجال المشهور عنه بالطمع والجشع وشرحت له وطمعته بمهر كبير ولكنه رفض لان المتقدم له قبلي مثل ما قلت لك اغراه اكثر

سعود:طيب وشلون بتاخذ اخت محمد الحين وانت مثل ما انا شايف انت ما زلت تحب ذيك

حمد: خلاص فكرت وبمساعدة عليا اني افرح ابوي ولاني وحيده وان حبي راح بحاله الله يسعدها وش بيدي وبيدها

وقلت لعليا ارجوج لا تعذبيني اقصد بهالكلام لا تذكريني بشي انتهى وابيج تسوين لي مثل ما سويتي لأخوانج وهاي السالفه يا ولد عمتي

سعود وكان ينقل بصره بينهم :بس ترى موقفكم غلط وشهالوقفه اللي ما حد يشوفها واذا حد شافكم وش رايه وزيد على الموضوع انه البنت بعصمة رجال

حمد :اسئل اللي تبي من هنا ولا هناك بيلقى اني ولا واحد من اخوانها نركب معها عشان نحرسها وهذاأ مر ابوي وعمي

سعود:وش معنى يعني امر من الخوال

حمدوهو يضحك :وش نسوي كلمة عليا عندهم ما اتثنى وطلباتها اوامر ولا اخوانها رافضين رفضا باتا انها تركب خيل ولا وازيدك من الشعر بيت

ساعدها ابوي وخلاها تاخذ الليسن واخوانها ما دروا لين الحين

عليا:وانت وشدراك هذا الخبر ما حد عرف فيه اي احد حتى ابوي

حمد وهو ما يناظرهالأنه خايف من انه يشوف تعاستها اللي هو متأكد منه:عمج نسى ليسنج على الطاوله واحمدي ربج مهب امي اللي شافته هههههههههه

عليا بخاطرها:اه يا حمد وش انت سويت وافقت على انك تتزوج الهنوف عشان تنقذ سمعتي اللي هي اصلا نظيفه

سعود:عليا كل هالمواهب فيج وانا ما ادري اجل بكره الفجر ولا اي وقت تبينه انا بركب معاج الخيل

والسياره بخليج تسوقينها وقدام الكل ولا اخوانج ولا اي احد له سلطه عليج

عليا:بس انت اللي له سلطه علي صح؟
سعود:ايه عليا انا وبس وما فيه احد غيري تفكرين له ولا تحطين له حساب

حمد اسمح لي والله لو انك بمكاني وشفت حرمتك بهالموقف انك تسوي اكثر من اللي انا سويته

حمد:لا ابد وبعدين انت متى بتسافر ابيك تحضر ملكتي

سعود:بنسافر بعد اربعة ايام وما ظنتي بحضر الملكه بس الخطبه ممكن لو صارت هاليومين

حمد:اجل يسعدني انك تكون من ضمن اللي بيروحون يخطبون الهنوف

والليله بشل لها شله بالسهره وابيك تساعدني

سعود وهو يطالع عليا اللي كانت متملله وتبي تروح:وشلون تبيني اساعدك

بشل شله طويله شوي شله عنوانها الحلا والملح بنتقاسمها انت نص وانا نص ونصك اهديه لزوجتك وهنا التفت حمد لعليا

سعود :اوكي يشرفني والله نتشارك بشله حلوه وكل واحد يقصد اللي بباله ولا شرايج بنت خالي

عليا وهي رايحه :كيفكم عن اذنكم بروح

سعود :صبر شوي ،،حمد عن اذنك

حمد:اوكي باي يا حلوين اقول وهو يضحك لا تطولون هههههههههههه بروح انام وموعدنا الليله يا روميو زمانك وراح
سعود:عليا ابي اقولج اني اسف وانا ترى والله ما قد اعتذرت لأي حد تعرفين ليش لأني ما قد غلطت على حد

عليا:وجات غلطتك براسي انا
سعود:وش اسوي هاه وشلون اوصل لج وجهة نظري اني مت يوم شفتج نازله من الفرس وهو واقف جنبج

عليا بخاطرها:زين انك ما سمعت كل الحكي:خلاص سعود وصلت وجهة نظرك ويا ليت بمستقبل الايام الجايه ما تتسرع باصدار احكامك علي

سعود:هي حاجه وحده لو قلتيها لي كل شي اوكي وتمام

عليا وهي عارفه وشهالحاجه الوحده:وش هالحاجه؟

سعود:الخاتم وحرف الميم والسلسله المميزه من منه
عليا:وليش يعني تكون من احد

سعود:مدري؟؟

عليا:وانا احتفظ بحق الرد
سعود :بس انتي كذا تحطين نفسج في موضع الشك
علياوهي رايحه منه:براحتك والأيام بيننا وبتعرف من عليا

سعود اه اه يا عليا ليش تصعبينها وهي سهله قولي لي وريحيني

راح ينام وخلا اللي بباله لبعدين

راحت عليا وارسلت لحمد مسج بضرورة انه يكلمها بسرعه وبان يطلع من العزبه متبي اي احد يسمع الحكي اللي بتقوله له

طلع حمد بسيارته وكلم عليا

عليا:ليش حمد سويت شي انت مهب مقتنع به

حمد:وش تبيني اسوي اخليه يشك فيج ويغربلج وبعدين وشهو الموقف اللي ماسكه قبل هذا الموقف اللي كنا فيه

عليا:شي عادي بس انا ابي اعلمه من تكون عليا وانه لازم يثق فيني

المهم وش سالفة الخطبه والكلام اللي سمعته

حمد:اللي سمعتيه بكلم ابوي بعد العصر يكلم محمد بس انتي متأكده من موافقتها

عليا:يا بيري حالي ايه والله متأكده واخرتها امس بالليل يوم شافتك مار تنهدت

خلاص اجل قولي لها بعدين اني الليله بشل لها شله وبها اسمها والله يستر من اخوها لا يهفني باللي جنبه
شوفي اذا ما جاني منج مسج تقولين فيه انها رافضه بنكلم محمد العصر اوكي

عليا:ان شاء الله بس حمد تعال اقعد مع امك وشاورها تراك وحيدها ولازم تحطها بالصوره

حمد:الله عليج يا عليا وعلى قلبج اللي محتوي الكل خلاص لا تحاتين امي اللي ما تعرفينه انها معجبه فيها من زومان وقد لمحت لي عنها

عليا:هههههههههه زين اما انا ما كانت تبيني لك كلش الحمدالله وبكذا تطمنت عليك وثق يا حمد انك ما راح تندم وبقول لي بيوم اشكرج عليا على هالأختيار

حمد:الله يقدم اللي فيه الخير والحين يله اخليج بروح انام لي شوي
عشان اصحصح للخطبه وحق السهر والأغاني واذا بخطركم اي شي تبون تسمعونه ارسلوا مع عنودو رساله مكتوبه وانا حاضر لكم وسكر من عليا وراح وحط راسه ونام.

وعلى العصر عليا كلمت الهنوف انه حمد كلمها وهي ماره وبوجود سعود انه هالليل يبي يخطبج ويبي سعود من اللي يتكلمون عند اخوج له

الهنوف:هاه وشلون بس هو هذاك اليوم ما عبرني ولا كنه يعرفني

عليا:اكيد تبينه يخربط وياج يعني وهو متربي معاج ومع اخوج ومعانا هاه وش قلتي

الهنوف:وش اقول موافقه وانتي عارفه

عليا:امممممممممم قال لي انه بيهديج شله فيها اسمج وانه خايف من اخوج هههههههه

الهنوف:لا خليه يشل ويغني وانا واخوي كلنا فدوه له

مها وهي قد سمعت الحوار كله:جعلج الماحي ان شاء الله وجعلج فدوه انتي واخوج لا

الهنوف وهي تنخش وراء عليا من السحى :هههههههههه مهووي سوري بس والله اني احبه وامووت فيه

وضحكن وشوي وتكلموا الرجال الكبار مع محمد اللي فرح ان اخته مهب رايحه لغريب

وقال بيشاور البنت وبيرد عليهم

وعلى الليل راحت ام سعود وضبطت القعده برا للرجال وللحريم وخلوا حاجز بسيط بينهم بحكم ان عيالها ومحمد وحمد وخالد وعلي ما يجوز انهم يشوفون الحريم

ولا هي وام خالد وام محمد بيروحن يقعدن مع شلة الرجال ومابه الا العنود فرحانه بهالجو وماما عليا الي ما خلتها بروحها وطلبات هالطفله عندها اوامر

وابتدت السمره والسهره والضحك من كل جانب وكان حمد عارف ان الهنوف قد عندها خبر انه خطبها

وقال للي قاعدين انابشل شله وبيساعدني سعود بنصها

وابتدأ حمد يشل وكان صوته عذب وكله حنان وكانت عليا تغمز للهنوف انه اهداءه لها

وان النص الثاني اهداء لي

حــــــــــــــــــــــــ ــــــــمــــــــــــــــ ــــــد

يا نسانيس الغلا اللي عطرت كل الزوايا

بلغي حبي وشوقي للعنود الغشمريه

معك امانه يا هبايب الدوحه وديها التحايا///ترى هبايب نجد بس غرتها ///

بلغيها بالسلام وبلغيها بالتحيه

"الهنوف"اللي حلاها غير عن كل الصبايا

فتنته تسحر ملامحها طفوليه بريه

جادل ن من جابها الله ما مشت درب الخطايا

شيخة ن وبنت شيوخ اهل الوفا واهل الحميه

فتنة ن تمشي على القاع وغلاها فالحنايا

الله عطاها الحلا والملح من عنده عطيه

خصها بالزين خلاق الملا جزل العطايا

ما بقا للزين عنها لا كثير ولا بليه
////////////////////////////////////////

وسلامتكم واترك بقية الشله لسعود

ابو حمد :وليش ما كملتها وسعود يشل لنا وحده ثانيه

ابو خالد:ايه والله اليل طويل ونبي نسمر ونستانس

علي:اقول وانا بعد بغني لكم اغنيه حلوه ومهداه لبعض العرب /ورفع صوته/

ههههههههههههههههههههههههه هه

حمد :هذا اتفاق بيني وبين سعود يله سعود كمل بقية الشله

احم احم


وانا بعد اهدي هذا الجزء لناس غاليه عندي

وشل وكان صوته جهوري ويخليك متسلطن وما ودك انه يخلص

وش أقول وويش اخلي فالوصف وفالحلايا

حسنها وهبه من المعبود خلاق البريه

وجهها مثل القمر فيه اجتمع حلو المزايا

والخدود مورده فيها جمال وجاذبيه

والعيون مكحله والموت في حمر الشفايا

واهني اللي بعينه ناظرها واهنيه

جيتها حبي وشوقي واجمل ايامي هدايا

واهدت الخفاق جرح وجيت راجع بالهديه

جيتها رويان شوق ورحت وعروقي ظمايا

عقبت لي فوق كبدي كيه من فوق كيه

رحت منها والوله والشوق سوا بي سوايا

زادت جروح الخفوق ونقضت جرحي عليه

في خيالي باقي من صورة اللقيا بقايا

اتخيلها واهيجن باللحون السامريه

يا "عليا"الفاتنه يا بنت قادات السرايل///هي يا الهنوف بس حطيت عليا

لا تجافيني دخيل الله بلا ذنب وخطيه

لا تزيدين الجروح ولا تحرقين الكوايا

مالغيرك في حياتي يا حياتي قابليه

فعلا انتي جوهره مالك شبيه فالبرايا

بنت عز وتستحقين الحياه المخمليه

وسلامتكم

الله الله عليكم يا عيالي وقعدت ام سعود تصفق لحمد ولسعود وقالت :عجبتوني يوم غيرتو بكلمات الشله لصالحكم

وكان خالد مع هيا على الفون ويسمعها هاالأهداءات ويقول لها مني لج ولو كنتي موجوده كان اهديتج مثلهم

وطلب ابو حمد اغنيه قديمه يحبها هو وزوجته لعبدالكريم عبد القادر منلك عيني وغناها حمد لابوه وامه وهو يغمز لامه اللي كانت على غير عادتها كانت مبسوطه

وجاء دور علي من بعد ما جاته ورقه فيها طلب من شجون انه يغني لها اغنيه معينه

علي وهو يتلفت :كح كح فيه طلب من ناس حلوه تبيني اغني اغنيه قديمه بس وش كلماتها روعه

اغنيه اماراتيه ل /محمد المنهالي وهاكم يا يا الغلا

وضحكوا على كلمه الصادق

وخلا حمد يدق له وغناها وكان صوته عادي بس انه اعجب شجون

//////////////////////////////////////////////////////

ممنوع غيرك يدخل القلب ممنوع

انت الوحيد اللي مصرح دخولك

قلبن على حبك من سنين مطبوع

انته غلاه اللي سكنه بسهوله

اهواك عشق وخافقي منك مسموع

لبيه ياللي يا حياتي تقوله

لا غبت عني هلت العين بدموع

وانوح من شوق العين الخجوله

اشر وامر وانا لك سمع وطوع

يحلى زماني يا ضماه وسيوله

هذا حبيبك جاك لا غصب وخضوع

لكن حبك حل عرضه وطوله

الين صرت بدنيته حق ومشروع

غايه هناه تكون جنبه وحوله

ماله في غيرك يا هوى البال مطموع

الا انت حبك اللي سمحت بدخوله

وسلامتكم وسلامة قلبي

هههههههههههههههههههه

وطول الليل كانت العنود تتنقل بين الحريم والرجال وكانت تودي طلبات البنيات

وكان سعود وده يشوف وجه عليا ولا قدر بخاطره حكي كثير بس ما سمح الوقت انه يشوفها فارسل لها رساله مع بنته وقال لها عطيها ماما عليا

والصغيره فرحانه ودت الورقه لعليا وقالت قدام الكل من عند باباتي لج

احمر وجهها وخذت الورقه وقرتها واحمرت زياده وعقدت ما بين حواجبها ورفعت راسها وشافت البنات يطالعونها ودهم يعرفون وش اللي كاتبه سعود لعليا

عليا:هههههههههههههه اسرار ما اقدر اقول لكم وقامت وراحت عنهم لغرفتها وهي معصبه

هو وش فاكر روحه يعني هاه اشتراني ولا اشتراني معليه يا سعود ان ما راويتك بس اصبر علي


تهقون وش كاتب لها سعود وخلاها تعصب؟؟
الجواب بالبارت الرابع عشر .


درة الاحساء غير متواجد حالياً   رد مع اقتباس
قديم 02-01-15, 01:34 PM   #15

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت الرابع عشر
من بعد ما انتهت السهره جوا البنات عند عليا يسئلونها وش كاتب لها سعود

عليا:ابد شي عادي وبعدين خلن عنكن النشده وحب الفضول اللي مال امه داعي

الهنوف وهي طايره من السعاده:اه يا حلو هالدنيا اذا الله حقق لك كل امنياتك

علياجاتها ولمتها وباركت لها من القلب وتمنت لها السعاده

وكذلك شجون ومها كانن هالثلاثي فرحانات للهنوف وما ناقصهم إ لأ هيا اللي بتجيهم بعد يومين معزومه هي واهلها عند انسباهم

ومن الفجر قامت عليا وراحت للأسطبل ولقت سعود ينتظرها

سعود:هلا عليا صباح الخير يا ملاكي

عليا:هلا فيك الله يسعد صباحك ،،،ممكن اعرف وشهالأمر اللي كتبته لي امس بالليل

سعود:لا امر ولا شي انا طلبت منج انج تجين تركبين معي خيل ولا حلال على غيري وحرام معي

عليا:وشهالأسلوب سعود انا ما احبك تحاكيني كذا

سعود:يا وجه الله وشنا قلت /كتبت لج تعالي نركب خيل وتراني علمت خالي بها الطلعه الصباحيه ووافق والعصر بنروح نتمشى مع بعض بالسياره وانتي اللي بتسوقين بي ابي اجرب سواقتج واخلي كل هلج يشوفونج وانتي معي وتسوقين عشان ماحد بعدها يتعرض لج وش الغلط باللي قلته ولا كتبته/

عليا:اسلوبك ؟

سعود:عليا لا تصعبينها وهي سهله وعاديه يله تعالي نركب خيل ونتمشى شوي واذا تقدرين تسابقيني انا لها

عليا:يله وانا بعد لها

وراحوا وركبوا الخيل وتمشوا شوي بعدها تسابقوا وسبقها سعود وهو يضحك على تصرفاتها يومها تبي تسبقه

/الله عليج يا عليا وينج من زمان عني ابي وحده مثلج تكون بفتره الند لي وبفتره تكون كل حياتي/

وبعد ما وصلوا الأصطبل وقف معاها وقعد يسولف معها

سعود:عليا عرفت انج ذويقه باختيار الأثاث وش رايج لو اعطيج كل الصلاحيات تأثثين فلتنا

عليا:هاه لا ما اقدر بروحي

سعود:إ لأ تقدرين وبعدين معاج خالد وعلي بوصيهم عليج كل المطلوب منج ذوقج وحسج الأنوثي

وبعد ابيج تأثثين الملحق الكبير القريب من فلتنا

عليا:افففففففف فيلا وملحق وش فاكرني مهندسة ديكور

سعود وهو يناظرها ذيك النظره اللي خلت عليا تصد من السحى:لا اكثر والله وانتي قد ثقتي واختياري

عليا:بس اخاف بعدين تندم على هالأختيار

سعود وهو يقصد كل كلمه:عمري هاه عمري ما ندمت على اختيار من اختياراتي يا عليا

عليا:اوكي متى تبيني أبدأ

سعود :من نروح للكويت انتي ابتدي وعندج كل الصلاحيات ولج حساب مفتوح ووكاله تصرفين ولا تبخلين على بيتنا باي شي غالي ونفيس

والملحق ابيه حق خواتي اذا جوني زايرين هنا ابيهم ياخذون راحتهم هم وعيالهم

عليا:طيب ولا يهمك بحاول اني اخلص بس ما قلت لي كم المده اللي معي

سعود:ماابي اتعبج بس كل ما خلصتي من بدري يكون افضل عشان بعد نشوف متى عرسنا

عليا :يا ليت علي واختك يتزوجون قبل ابي اساعدهم

سعود:وانتي بس كله بالأخير وبتساعدين هالعالم واحنا ؟؟

عليا :امس سمعت علي وخالد اتفقوا ان اعراسهم تكون متقاربه يعني خالد بعد شهر ونص وعلي بعد باسبوعين

سعود :يعني انتي تبين عرسنا مثلا بعد سنه!!!!

عليا وهي تطالعه وهي عارفه انه يتطنز :كيفك اذا يناسبك بعد سنه عادي عندي

سعود وهو مقهور من ردها وبرودها:لا والله يا بنت الخال إ لأ بعد ثلاث شهور وصرفي عمرج

عليا:بس بيكون تعب علي انا بأثثت الفيلا والملحق ولا بجهز اخواني ولا ...ولا ...

سعود :مهب شغلي عليا المفروض احنا اللي زواجنا قبل بس تركت المجال قدامج عشان ترتاحين من التجهيزات اللي قدامج

بعدين عليا ابي اهتمامج فيني ترى اشوف خالد امس كله مراسله مع خطيبته وغرت وشجون اختي الصغيره مع علي واكيد بعد كم يوم الهنوف وحمد وانا اللي ولد البطه السودا

عليا:وش تبيني اسووي لك؟

سعود:هذا الشي راجع لج انا بدق لج كل شووي لما اسافر وبرسل لج مسجات

بس انتي بعد تلحلحي واشعريني اني عريس مثلي مثلهم

قرب منها ومسك يدها وهي حاولت تبعد عنه

سعود:هههههههه لا تخجلين مني الله يخليج تراني حلالج ولا تشعريني اني غريب وانج مجبوره علي

عليا بنفسها/وهذا الواقع اصلا / سعود انا عمري ما عرفت هالحركات والحين جايني وتمسكني وتبيني اجاريك على الأقل اصبر علي شويات

اقول خليني اقولج على المغربيه بنروح نتمشى ومعنا عنودي عشان ترتاحين ولا تجفلين مني

عليا:طيب بروح الحين وقبل لا تمشي قالت له :فرصه سعيده اني تمشيت معك وتسابقت

سعود:وانا اسعد والله

وراحت عنه وانشغلت بتجهيز الغدا وترتيب البيت مع الخدم وبعد الغدا استأذنت منهم انها تعبانه وتبي تنام ويا ليت محد يزعجني

وعلى المغرب جاتها عنود وقالت لها :بابا يقول يله تعالي نروح نمشي

ضحكت لها وقالت زين اسبقيني

ونزلت وشافت كل البنات مجتمعات ويتطنزن ويقطن حكي عليها وانها وانها

زقرتهن العمه الجازي وقالت :كل وحده تحط لسانها بلهاتها وكل وحده تساهر النجوم وتسولف مع خطيبها ويوم عليا بتروح مع خطيبها قمتن تحطمنها بروحها مستحيه

ههههههههههههههههه

جات عنود وخذت عليا من يدها وراحن للسياره ولقت سعود واقف مع ابوها واخوها خالد

جات عليا وسلمت على ابوها وحبته على راسها والتفتت على خالد وقالت له:وشلونك وشلون الحب ههههههههههه

خالد/اقول روحي سوقي بريلج وترى كلنا قاعدين لج هنا نبي نشوف وشلون بتكون تجربتج الأولى وبوجود كل هالحشد اللي حاطتج تحت المجهر

عليا:لعيونك والله براويك يله سعود تعال

راحت وركبت مكان السايق وسعود جنبها وعنودي راكبه ورا
سعود:عليا اثبتي وقدمي لهالجمهور اروع ما عندج

واذا تبين مساعده تراني جاهز

عليا:لا سعود عادي وثبتت حزام الأمان ودقت سلف وريوست للورا وتمت العمليه على احسن ما يكون وسعود منبهر بحركاتها ويدها الناعمه وهي ماسكه السكان

ومشوا بعيد عن العزبه وكان سعود يسولف عليها ويبث عليها احلى الكلام وكانت هي مستانسه عليه وعلى عنودو وعلى سوالفها وكل شوي وناطه بحضن ابوها

سعود:ههههههههه 100% يا اجمل سواقه بهالدنيا

عليا وقطت اللثمه وماخذه راحتها وياه:والله وش رايك انفع بالشوارع الزحمه مثلا

سعود:اممممممممم والله انتي اثبتي انج فعلا سواقتج تمام ولكن ما قد جربتج بالشوارع المزحومه

اقول وش رايج تمشين معاي لأقرب مكان مزحوم عشان اشوف

عليا:يله اوكي وراحت وكان الظلام حل للدوحه وكانت مزرعتهم بالشمال واثبتت لسعود جدارتها وحسن تصرفها وعدم تهورها وكانت تسوق بكل مرونه وكنها من زمان وهي تسوق

سعود:الصراحه تمام بس كنج من زمان وانتي تسوقين

عليا:هذا بفضل عمي فديته كله هو اللي كان يخليني اسوق ويشجعني ولا خلاني لين خذت الليسن

سعود:اممممممم عليا لا تدلعين اي احد من هلج قدامي ترى اغار

عليا:وشلون يعني

سعود:يعني فديته ولبيه وضم اخوانج ولا عمج ولا حتى ابوج ترى اغار

عليا:ههههههههه والله منت بصاحي هذولا هلي واحبهم

سعود:وانا ترى كل هلج واللي راح من حياتج بكفه والكفه الثانيه لي بروحي

عليا:ان شاء الله سعود بس اصبر علي لا تستعجلني

سعود مد يده ومسك يده ودنع شوي وباس يدها وهي هنا انتفضت

عليا:سعود الله يهداك ترى بدعم خلني اركز

سعود:هههههههههههه بدعم ولا قربي منج هو اللي ما تستسيغينه

عليا:وليش ما تقول ما بعدني تعودت عليك

سعود:طيب بنصبر وش وراي غيره

مروا على مطعم وتعشوا فيه وحلوا وبعدين ردوا وكانت عليا تبي سعود يسوق

لكن سعود رفض وقال لها كملي وكملوا وقضوا وقت حلو مع بعض واول ما صلوا هناك

لقوا السامر مجتمع وضحك مثل امس واغاني وسوالف وجات عليا وقعدت مع البنات وقعدت تسولف وياهن وكل شوي وجاها مسج حلو من سعود ومابه إ لأ مها وشجون والهنوف اللي يسبقونها ويفتحونه واااااااو وضحك من تغير الحال اللي صار بين هالثنين

وفي الصباح راحوا الهنوف ومها وسووا الفحوصات وبانتظار النتيجه بعد خمسة ايام

وبكره من الصبح هيا واهلها بيجون وبيقضون كل اليوم في العزبه وبعد بكره بيسافرون اهل الكويت واهل الدوحه بيردون لبيوتهم

راحت عليا تنام وهي مبسوطه ولأول مره من كم يوم نامت وهي مبتسمه

تابعوني يوم الاثنين يا الغاليين ومالكم الأ كل اللي تحبونه.

أزميرالد likes this.

درة الاحساء غير متواجد حالياً   رد مع اقتباس
قديم 02-01-15, 01:52 PM   #16

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت السابع عشررر
مع اول زقزقه للعصافير قامت عليا من نومتها ولبست وطلعت وراحت صوب الأصطبل

وكانت ظانه انها بتكون بروحها وبحريتها وبتستمتع باخر يوم في المزرعه مع فرسها

ولكن اول ما وصلت لقت سعود واقف وينتظرها

سعود:يا صباح الغلا كنت عارف انج بتجين وما خيبتي ظني
عليا:صباح الخير وكانت مرتبكه لأنها قالت لأخوها مهي براكبه خيل وهو قال لسعود

سعود:هلا تعالي اركبي ولا تبيني اساعدج وامسك يدج ومشى قرب صوبها بس هي تحاشته وراحت وركبت

وسعود كان يطالعها وهو ساكت

عليا:ليش ما تقول اللي تبي تقوله بدل هالنظرات

سعود:تعجبيني وتعجبني سرعة بديهتج ،،،إ لأ قولي لي ليش قلتي لخالد انج منتي بجايه تركبين خيل ؟
الظاهر كنتي ما تبيني اجي؟
عليا:لا عادي بس بغيت اجي بروحي شوي وكنت ناويه ما ابعد مثل كل مره

سعود:عليا اسمعي ما ابيج تركبين الخيل وانا مهب موجود
عليا:ليش ؟
سعود:تعرفين انا واحد اغار وبعدين انتي بتنشغلين هالشهرين باشياء كثيره الله يعينج؟

هو لازم انتي كل شي تشرفين عليه يعني عرس مها ومحمد اللي عرفته انج قمتي به من الألف للياء
واخرتي عرسنا عشان تساعدين وتقومين باعراس اخوانج هو مابه إ لأ انتي

عليا:تقدر تقول انهم يعتمدون علي بكل شي وانا ما اخرة عرسنا إ لأ عشان اسوي اللي علي ناحية اخواني

سعود:يا رب تقومين باللي لي ناحيتج
عليا:وش تقصد ؟
سعود:ابد سلامتج ترى يا عليا انا ما كلفتج تأثثين فيلتنا إ لأ علشانج وعشان تحسين هالبيت هو مملكتج وذوقج ولا والله اني قادر اجيب اكبر المصممين واكلفهم بهالشي

عليا:داريه وكانوا يمشون ويسولفون وشوي وتسابقوا وسبقت عليا والظاهر ان سعود باغيها تسبقه

وبعد ما ردوا للأصطبلات ونزلوا جاء سعود صوبها ومسك يدها وقال لها:
عليا راح توحشيني
كلميني ولا ارسلي لي مسجات عاطفيه مثل هالحبيبه اللي قاعد اشوفهم قدامي
عليا وهي تحاول تسحب يدها منه بس مابه فكه:ان شاء الله
سعود:عليا ترى حولت مهرج على حسابج اللي خذته من ابوج
اما حساب تأثيث الفيلا والملحق ففتحت لج حساب وهاج رقمه وعطاها اياه

كانت عليا تبي تروح وتبعد عنه بس هو كان حاكرها ومسكر عليها الدرب

عليا:سعود ابي اروح

سعود:يا لبى من نادتني بسعود وليش مستعجله كلها لحظات وسعود بيروح ولاهب شايفته إ لأ وقت عرس خالد

عليا :معلش بس الشمس ابتدت تظهر والحين العمال بيقومون عن اذنك

وتملصت منه وراحت ركض للبيت

دخلت وخذت لها شور وتوها بتلبس إ لأ تشوف العنود قايمه وتبكي ابي بابا

عليا:نامي حبيبتي بابا نايم
عنودو:لا ابي بابا
عليا:لا حول وين اجيب لج بابا الحين خذت فونها ودقت على سعود وقالت له ان العنود تبكي وتبيه

سعود:طيب انا بجي للصاله ولا عليج امر جيبيها لي

شلتها عليا ونزلتها لسعود اللي لقته قدامها واقف بوسط الصاله وكان ما زال بلبس ركوب الخيل
وهو من شاف بنته تبكي خذها من عليا وسكتهاكالعاده والتفت لعليا وحارت عيونه وهو يطالعها
وكان شكل عليا روعه وشعرها العسلي منثور على كتفها وكان لبسها بسيط وناعم وهي ما خذت بالها من العجله وش هي لابسه

وتوها تنتبه وتبي تروح ناداها سعود وصوته مبحوح الحروف:عليا صبر شوي

قرب منها وقال:افففففففففف شكلج عذاب بعينه وعلمه وكانت عيونه سارحه بكل شكلها لحد ما جات عيونه على صدرها وشاف الخاتم المعلق بلسلسلته

هنا عصب وعظ شفايفه وقال :لهدرجه ما تقدرين تستغنين عن هالهديه لابستها حتى وانتي تسبحين

عليا:حطت يدها على صدرها وناظرته وقالت:مدري وش فيك ولكن هذه هديه غاليه علي وبتظل ملازمتني لحد ما اموت

سعود شوط وقرب منها وكان ناوي يسحب السلسله ويقطعها من قهره من كلامها

إ لأ عنود بنته ماده يدها لعيا بمعنى شليني بروح معاج

خذتها عليا وراحت عنه وهو ما غير انفاسه تطلع شرار و غضب

راحت لغرفتها وهي مستغربه من تصرفه كان بلحظه بقمة الرومانسيه وبلحظه انقلب كنه ذيب شرس

كله من هالسلسله وضحكت وضمت الخاتم وباسته من غلاة اللي مهديها اياه

ههههههههههههههههههههههههه ه
تبون تعرفون من مهديها الهديه اللي سببت لها ازمه مع سعود وعادها بتسبب لها ازمه
اممممممممممممممممم بقولكم ولا تدرون خلوها بوقتها عشان يكون لها وقع جميل في حزتها
................


درة الاحساء غير متواجد حالياً   رد مع اقتباس
قديم 02-01-15, 01:53 PM   #17

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت الثامن عشررر

بعد ما بدلت عليا ملابسها لبست عنود ملابس السفر وفطرتها وافطرت معها

نزلت تحت وقعدت مع عمتها وامها وكلها ساعتين وتوادعوا على امل انهم يجون

لعرس خالد

كان سعود يترقب شوفة عليا بس هي ما طلعت برا وانقهر من تصرفها وقال بخاطره على شينها قواة عينها بعد مهي بجايه تسلم علي معليه يا عليا بتشوفين

اما علي فودع شجون ووصاها انها تهتم بروحها ولا تقطعه من الاتصالات ولا المسجات

وراحوا ورجعوا عايلة ابو خالد للدوحه

واخذت الحياه مسارها الطبيعي

عليا كانت من اول يوم مقسمه وقتها بين تأثيث الفيلا والملحق وترتيب عرس اخوها ومساعدة هيا في تجهيز روحها للعرس

في اول اسبوع سعود ما اتصل بعليا ولكن بعدها داس على روحه واتصل ولا ردت عليه وحاول مرات وهم نفس النتيجه

وعض على شفايفه وانقهر من هالتصرف الطفولي

بعد يومين عاود الأتصال فردت عليه :هلا سعود بغيت شي امرني

سعود:وشها الأسلوب وشهالرد وبعدين وينج من يومين اتصلت فيج ولا رديتي

عليا:ما خذت بالي كنت مشغوله مثل ما انت عارف

سعود:طيب يا المشغوله انا اتصلت كذا مره واذا فاتج اتصال واحد اكيد فيه كم اتصال بعده وبعدين فونج فيه خدمه اسمها مكالمات لم يرد عليها

عليا:طيب سعود خلصت تراني مشغوله حدي

سعود:تصدقين انج قليلة سنع وتصرفج هذا ما عجبني وبرد عليج بس مهب الحين
وش اخبار الفيلا
عليا:كل شي اوكي وماشي وكلها اسبوعين وبتكون الفيلا والملحق خالصين

سعود:هذه مده قياسيه اكيد اتعبتي روحج بالمراكض يا رب بس علي معاج

عليا:نعم علي معاي بكل خطوه ولا تحاتي انا ما تعبت ولا شي وبعدين وش اخبار عنود وعمتي طمني عليهم

سعود:لو يهمونج كان اتصلتي على عمتج وسئلتي عنها وعن عنود
عليا:لا والله بس انشغلت والله من اصبح بين امسي وانا من شغلة الفيلا وتجهيز عرس اخوي والحجوزات وانت ناسي انك معطيني وقت قياسي لعرسنا

بعد قاعده اذا رحت مع هيا اساعدها لتجهيزها لعرسها اخذ لروحي

سعود:وش تبيني اسوي يعني كله منج لو وافقتي ان عرسنا قبلهم كان ما تعبتي ولا شطيتي روحج

عليا:ما اقدر وبعدين بكره ملكة حمد وبنت خالتي

سعود:هههههههههههه بالبركه خلاص تحاليلهم اوكي اقول اربج بس ما ركضتي لهم

عليا:كني اشم من كلامك طنازه ولا انا غلطانه

سعود:العفو يا مدام وهو انا اقدر سوري ولو انج عندي كان حبيت راسج

عليا من سمعت كلمة مدام كشت وانزوت هالكلمه كبيره عليها وبعد حبيت راسج

سعود: الو الوووووووووو نحن هنا

عليا:هلا معاك
سعود:اخليج عليا والله يصبرني عليج
عليا:ليش وش انا مسويه
سعود:ابد بنت خالي ما به شي كني شايفج من شوي ومهب من عشرة ايام واخر لقاء بينا كان مش ولا بد
عليا:كله منك وعصبيتك الزايده
سعود:عصبيتي ههههههههههه حلوه عصبيتي قولي غيرتي وهذا من حقي

عليا:مابه شي تغار منه
سعود:هذا شي انا اللي اقرره مهب انتي
عليا:طيب سعود على كيفك الحين بخليك وسلم لي على عروسنا وعمتي وعنود

سعود :يوصل واهتمي بروحج وسلمي على الكل ،،،،،،،،،،، وسكر منها

ومن بكره احتفلوا بملكة حمد والهنوف وبعد الملكه دخل حمد ولبس الهنوف الشبكه

وكانت امه طايره من الفرح والكل فرحان وسعيد واكثرهم طبعا الهنوف
جاتهم عليا وباركت لولد عمها والهنوف ومازحتهم وراحت

حمد:هاه الهنوف اربج مبسوطه
الهنوف:وايد حمد وانت؟

حمد:وانا بعد الهنوف ابي اقولج شي ابيج تمهليني شوي خلينا نتعارف على بعض اكثر ولا تستغربين من صمتي الكثير تراني مهب متعود على اجواء الحب والخطبه والكلام الحلو

مثل منتي عارفه انا تربيت وحيد وتربيت مع عيال عمي اللي اعتبرهم اخواني

فانا اقترحت ان عرسنا بعد اربع ولا خمس شهور بعد عرس عليا وسعود وشرايج

الهنوف :احسن وانا بعد ابي اتعود عليك واتعرف اكثر واصلا عرساتنا هاليومين كاثره وانا خايفه لا ننصك بعين

حمد:اوكي اخذي راحتج بالتجهيز ومسك يدها وقعد يناظرها ويقول بخاطره:
لعنبوك يا القلب وش فيك حزين وصاد وش فيها الهنوف الزين كله واصل وفصل
واخلاق وش ناقصها

تمت الليله على احسن ما يكون

وبعد شهر ونص جاء وقت عرس خالد وكانت عليا قد خلصت كل شي يخص الفيلا وعطت سعود خبر وكانت تراسله وتصور له كل شي يصير

وبالنسبه للتجهيزات لفرح اخوها فتساعدن كل البنات الهنوف ومها والعروس وخلصوا كل شي

مها:اقول عليا انتي خلصتي كل شي لهالعالم كله وانتي وش سويتي لروحج

عليا:انا خذت العطورات والشنط والجزم وفصلت لي كذا فستان وخلصنا

مها:نعم يا روح امج خلصتي لا بالله ما خلصتي وين الذهب ووين اهم شي وكانت تغمز بعيونها

عليا:وش هو اللي اهم شي وانا اصلا كل شي موجود عندي وليش اصلا المخاسير
مها:هيه انتي جدتي هذا عرسج مهب سفره واهم شي ملابس النوم هع هع

عليا:احمرت وكانت تبي تقوم امسكتها مها وقالت :تذكرين يوم عرسي انتي اللي خذتي لي ملابسي والحين انا اللي باخذ لج وحده بوحده

عليا:سووي اللي تبينه بس هاه الله الله بالملابس الحشمه
مها:ههههههههه ان شاء الله جدتي حشى منتي بعروس عليا انتي مهب سعيده

عليا:إ لأ مبسوطه وفرحانه وخاصه اني مهب مسافره بعيده عنكم

مها :زين ليش احسج مهب فرحانه مثل هيا ومثلي ومثل الهنوف وشجون
عليا:انتي خذتي محمد عن حب وكذلك هيا والهنوف خذت حبها اللي تتحلم فيه من عادها مراهقه بغض النظر عن مشاعره تجاهها
وشجون قرطب قح نظره واعجاب منها ومن اخوج وصار اللي صار
اما انا فشي عادي اللي صار بيني وبين سعود
ههههههههههه كلهم موقفين اللي شافني فيهم وكل واحد العن من الثاني يوم مشوار الجامعه ويوم كنا بالستي وتعرض لنا ذاك الخبل

مها:اصلا مات عليج وعلى تصرفج

عليا:سعود طيب وحليو بس احسه قاسي في بعض الأحيان
مها:لا تلومينه عليا هو اكبر اخوانه وتحمل المسؤليه من بدري وقصة زواجه ومجاملته لأبوه وعمه وزوجته اللي ماتت وخلت له بنت صغيرونه

وانتي بعد عطيه مجال انه يتقرب منج ترى الحياه حلوه بوجود من نحبهم

وقامت وحبت اختها وراحت لبيتها

وقعدت عليا تفكر بهالدنيا وتصاريف القدر سبحان الله وشلون تجمع ناس ما كان في بالهم انهم بيوم يلتقون


وقبل عرس خالد وهيا بيوم وصلوا بيت عمتها كلها ونزلوا عندهم وكانت استعدادات العرس على قدم وساق

وجاء سعود وسلم على عليا وجلس معها المجلس وكان حاكرها وقاعد جنبها بنفس الكنبه

سعود:هاه عليا وش اخر علوم العرس

عليا:ابد والله خلصنا كل شي وبعد /10/ايام بنجيكم للكويت عشان عرس علي وشجون

سعود وهو ماسك يدها ويطالع نقش الحنا :روعه يدج وهي محناه وترى احب الحنا

عليا:وهي مستحيه هاه ايه

سعود ضحك على الخجل وقال لها اقول ابيج تروحين معاي للفيلا ابي اشوف وش صار فيها

عليا:لا اسمح لي انا مشغوله حدي خذ علي معاك وتراه كل شي يعرفه

سعود:وانا مبي علي ابي عليا

عليا:بس والله مشغوله
سعود:نص ساعه من وقتج الثمين وما راح أخرج واذا خايفه تجين معي بناخذ معنا محرم

عليا :اوكي بروح اجيب عباتي وجايه

وطلعت وقالت لأمها ان سعود يبي يشوف وش ناقص الفيلا إ لأ عميمه ما تبين تجين ويانا

ام سعود:لا والله تعبانه روحي يمه وتراه زوجج اللي طالعه معه مهب غريب

طلعت عليا وراحت معاه للفيلا وراوته كل شي

انبهر سعود بذوقها وحسها الحلو اللي مبين بكل ركن بالبيت

وبعدها راحوا للملحق وهم بعد كان بقمة الذوق والجمال وكان شغلها مرتب ومتعوب عليه

سعود وهم طالعين من البيت وبالسياره:مدري وشلون اشكرج عليا بصراحه والله كل شي كامل والكامل وجهه

اشكرج غناتي وقرب وكان يبي يبوس راسها ولكنها وخرت عنه

فمسك يدها وطلع من درج السياره علبه صغيره فيها خاتم حلو ولبسه اياها

عليا:شنو ذيه

سعود:هذه هديه صغيره مني لج ولا حرام اهديج
عليا:لا مهب حرام بس

سعود :شنو بس
عليا:مدري كنك تعطيني بدل اتعاب
سعود وهو يضحك ههههههههههه والله انج غريبة كلام ولا ترى الأزواج يهادون بعضهم

عليا:طيب اشكرك وما تقصر وترى كلك ذوق وكانت تقلب الخاتم بين اصابعها وشكله ماخذ بصرها من جماله

وردوا للبيت وقبل لا تنزل قال لها :بكره ابي اشوف كشختج لو امكن يعني

عليا:وشلون يعني ومتى يومني بكون بالصاله من الظهر لين نص الليل

سعود:لما تردين ابي اشوفج

عليا:ان شاء الله ونزلت وراحت وهي تسولف في خاطرها :هالرجال يا حبه حق تمسك يدي والتلزق فيني اففففففففف

وفات اليوم واستقبلوا يوم عرس خالد بكل الفرح

تابعوني يو الاثنين الجاي
وجوي كله فرح واعراس وجمال.

أزميرالد likes this.

درة الاحساء غير متواجد حالياً   رد مع اقتباس
قديم 02-01-15, 01:57 PM   #18

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت التاسع عشر


اصبحت شمس يوم الخميس على بيت بو خالد وكلهم فرح وسرور لهذاليوم

عليا واختها والهنوف وشجون من الساعه /2/وهن بصالة الفرح وجاتهم العروس

ورتبوا المكان واشرفت عليا على كل صغيره وكبيره ولا ارتاحت إ لأ على الساعه /5/ وراحت تتعدل وفونها ما طاح من يدها من كثر ماهي تلاحق مستلزمات العرس ومتطلباته

وجن الحريم الكبار ام المعرس واختها وام سعود على الساعه /6/ قد كل شي جاهز وبارز ما عليهن إ لأ استقبال المعازيم

وعلى الساعه /8/نزلن البنات وقعدن مع امهاتهن يستقبلون المهنيئين ويقلطونهن

وجات الفرقه وغنت احلى اغتانيها وكانن البنات من الطرفين من طرف العروس

والمعرس يتبارن في الرقص

ودخلت العروس على الساعه/11/ وكانت بقمة جمالها وقعدوها على كوشتها

وبعد ساعه جاء وقت دخول المعرس من بعد ما خلصت هيا تصوير مع اهلها وصديقاتها ورقصوا لها خاصيتها

جات زفة المعرس ودخلواا لشباب ومعهم ابو هيا وابو خالد وعلي ومحمد واخوان هيا

ومن بعد ما صوروا معاه وارزفوا له طلعوا الرجال

التفت خالد صوب عروسه وكشف عنها اللي حاطينه على وجهها وباس الجبهه والخد ومسك يدها وقعد وياها

وجوه هله وباركوا له

وكانت المصوره تصورهم وتطلب منهم لقطات جريئه ومابه إ لأ خالد وهو حده مستانس على مستحى هيا وكله يشجعها وهي منتهيه

وبعد ساعه طلعوا المعاريس وقلطوا المعازيم على العشاء

وعند الباب كانوا اخوان سعود وخذوا امهم واختهم وحريمهم وروحوا لبيت بو خالد

اما سعود فهو كان ناوي انه هو الي ياخذ عليا ويوصلها البيت

اتصل عليها وطلب منها تجي صوب سيارته ولكنها رفضت وقالت انها بتركب مع علي

سعود:علي خذ امي وامج وراحوا من بعد ما طلبت منهم يروحون

عليا:ليش انا ما بعد خلصت لم اغراض امي

سعود:اوكي لمي على راحتج انا انتظرج برا يله ،،،،،،،،،،،،، وسكر منها

عليا قعدت تسب علي وشلون يخليها ويروح معليه هين ان ما راويتك

وبعد نص ساعه خلصت عليا وطلعت ولقت سعود ينتظرها وصفت اغراض امها بالسياره من وراء وركبت معاه من بعد ما سلمت عليه

سعود:حيا الله عروسي

عليا:هلا بك سعود

سعود مد يده ومسك يدها وهي متخشبه من حركته ولكنها ما سبحت يدها

وبعد شوي وقف سعود على البحر ،،، هنيه عليا انتبهت ان هالشارع مهب الشارع اللي يوديهم لبيتهم وسئلته وقال:

ابي اسولف معاج تعالي ننزل ،،ونزل وراح صوب بابها وفتحه ومد يده بس هي تجاهلتها ونزلت

وكان فيه هواء خفيف وهف عليهم وطالع سعود عليا ومات على شكلها ورقتها وجمالها ومد يده يبي يشيل اللثمه بس هي وخرت عنه

سعود:عليا فيج شي؟

عليا:لا ما فيني شي إ لأ انت اللي فيك وش فيك ترى حنا مهب بالبيت تبيني اشيل لثمتي

سعود:عارف انج مهب بالبيت وترى انا اغار عليج من هالهواء اللي يلعب بعباتج فلا تعطيني نصايح

وانا قاعد اشوف انه مابه حد بالطريق وترى حنا على البحر وعلى الفجر وشوفي ما به احد

التفت وشالت الثمه قالت بخاطرها والله ما يخليني اروح لين يشوفني خله يشوف ونخلص

وقال لها قربي مني تراني والله العظيم ما اعض ويوم شافها ما قربت منه قرب هو ووخر العبايه يبي يشوف لبسها

وشاف اللي خلى دقات قلبها تسرع اكثر من معدلها الطبيعي

افففففففف عليا وشهالزين يا بختي كل هذا لي

عليا استحت ولمت عباتها وعدلت شكلها وقالت له :يله سعود خل نروح بعدين انا ميته من التعب ابي ارتاح

سعود:سلامتج من التعب تعالي وخذها وفتح لهالباب وراح وشغل سيارته ومشى وكان يمشي الهوينا وما كان مستعجل ومشغل لها موسيقى هاديه

ولما وصلوا طلب منها صوره من صور العرس

عليا:الصور مع مها اختي

سعود:معليه حنا بنسافر بكرع بعد العصر يمديج تطلبينها الصور وابي وحده واضحه وحلوه لج

عليا:ليش يعني هذا انت شفتني
سعود:تسمين هاللحظه السريعه شوفه اقول ابي صورتج بكره

عليا :طيب طيب والحين اخليك وتصبح على خير ونزلت وراحت لغرفتها لقت عنودو محتله سريرها ونايمه وحاضنه دبدوها

بدلت وصلت الفجر ونامت جنب العنود

وعلى الظهر قامن البنات وتغدن وقعدن يسولفن عن العرس وحلاوة العروس وخجلها وخوفها

عليا:فديتها هيا من يشوفها امس ما يقول هاذي هيا الجريئه كل الوقت رجفه وراسها تحت لبيه يا مرة اخوي

وراحت لمهوي وخذت منها الصور ونقت احلى وأجرأ وحده وحطتها في ظرف وعطتها عنود وقالت وديها لباباتج شوفيه كاهو برا عند سيارته

وراحت العنود وعطت ابوها الظرف وردت لعليا
وكانت عليا تراقب سعود من وراء الزجاج ويوم فتح الظرف رفع راسه وناظر صوب المكان اللي جات منه بنته كنه حاس انه مراقب

خذ له فتره وهو يطالع هالحوريه وخذ له نفس طويل ونوى لها على كلمتين قبل لا يروح

وعلى العصر طلعوا اهل سعود من بعد ما ودعوا بيت بو خالد وكان علي توه سارق له مسكة يد على الطاير من شجون اللي من جات وهي تتحاشاه

لأن عرسهم بعد اسبوعين ومهب عدله انه يشوفها

لكنه شافها وتكلم معها شوي وهي مستعجله وكنها مسويه جريمه

لان عرسهم بعد اسبوعين و............و..............

اما سعود فاول ما شاف عليا قال لها وكانوا عند باب السياره

وشهالفستان اللي ما ستر الأ الشي البسيط هذا عاري

عليا:الكل الحين يلبس كذا

سعود :الكل ما علي منه علي من مرتي وبس

عليا:سعود انت كل مره تحب تهاوشني قبل لا تسافر

سعود:لا بس اذا شفت شي مهب راضي عنه لازم انبهج عليه

عليا:ترى اختك واختي لابسين مثله

سعود:ما علي إ لأ منج

عليا طالعته وقالت اقول دام شكلي مهب عاجبك عطني صورتي وتوكل على الله

سعود:ايه معليه اعطيج اياها قدها من ممتلكاتي الخاصه

وسلم عليها وشغل سيارته وراح

........................


درة الاحساء غير متواجد حالياً   رد مع اقتباس
قديم 02-01-15, 06:39 PM   #19

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت العشرين


بها الأسبوعين اللي بقوا على عرس علي وشجون قضته مها والهنوف وعليا

في شراء ما نقص عليا لزفافها اللي ما بقى عليه إ لأ شهر

وقبل ثلاثة ايام على العرس سافروا بيت بو خالد كلهم للكويت للعرس

وخالد وعروسه كانوا بشهر عسلهم وبيجون مباشره على الكويت قبل العرس بيوم

وهناك بمطار الكويت استقبلهم سعود وهو فرحان حده من قده هذه اول مره يزورونه خواله وعروسه

ووصلوا البيت وكانوا بقمة الفرح والوناسه

وقضوا هاليومين بترتيب كل شي من حجز في الصالونات الخ الخ

وبيوم العرس الظهر راحن البنات للصاله المخصصه للعرس وكان سعود هو اللي موديهم

من يوم وصلوا خواله وعايلتهم وهو ما شاف عليا إ ل لمحه وخطفه وقال خلني اشوفها هنا

عليا:سعود وين العنود اخبرها طايره كانت تبي تجي معنا

سعود وهو منتشي وعليا راكبه جنبه وتسأله وتسولف عليه:والله انا خليتها عند امي عشان ما تلعوزكم

مها:فديتها بنتك طيبوبه وكلها برائه

سعود:ايه اكيد طالعه علي

شجون:تصدق وانا بعد اقول طالعه عليك

سعود:فديت العروس انا

كانت الهنوف من ركبت السياره ساكته وطبعا سعود محترم صمتها

ومن وصلوا هناك نزلوا ونزل معهم سعود ودخلهم للقسم المخصص لهم وطلب لهم الغدا وكل اللي يحتاجونه وقبل لا يطلع وصى عليا انها اذا احتاجت اي شي ما عليها إ لأ تتصل

سعود :اوووه نسيت طبعا انا اللي برجعكم في الليل وابي اشوف كشختج

عليا:يمكن كشختي ما تعجبك

سعود :لا بتعجبني بس انتي خليج طبيعيه ولا تكثرين من الميك اب تراج حلوه وما تحتاجين تعدل

وطلع وهو فرحان ويقول بخاطره جعله يسقى اذا جاء يوم عرسنا يا عليا شقد انا متشوق لذاك اليوم

جاتهم هيا اللي وصلت امس بالليل متاخره ونزلت مع زوجها فندق عشان ياخذون راحتهم

هيا:سلام بنات وحشتوني وهات يا بوس واحضان وسوالف وتنشد وقعدن يتغدن ويرتبن امورهن ولا حسوا بالوقت إ لأ هو ثمان ونزلن كلهن تحت يستقبلون المعازيم مع امهاتهم

وخلوا العروس تتعدل على راحتها

وابتدا الفرح بالرقص والزغاريد وتوزيع الحلو

وبعد فتره صغيره نزلت عروسنا الحلوه وبعدها بساعه ونص جاء المعرس مع هله وارزفوا له وصوروا معاه وطلعوا

وقرب علي من شجونه وشل الغشوه عنها وباس خدها وطول

وبعد ساعه من دخلته خذ عروسه ومن بعد ما راحوا لجناحهم وصوروا وبدلت العروس طاروا على طول لشهر عسلهم /ههههههههههه ما يلاعب مستعجل الأخو/

وقبل الفجر بشوي كلن سرى لبيته وجاء سعود وخذ امه وام خالد وعليا وبنته وردوا للبيت وكان وده انه يكون بروحه بس عليا خربت عليه بان عزمت امها وعمتها

ومن عرف ان هذا تخطيطها غمز لها بعينه من خلال المرايه ومسك لحيته وقال لها طيب

وفي البيت نزلت عليا على طول ولا عطته فرصه انه ينفرد فيها طيران على غرفتها وبدلت وحطت راسها ونامت ولا حست بتأنيب ضمير ولا شي

قامت الساعه وحده الظهر وهي شبعانه رقاد وبدلت ونزلت عند اهلها وتغدت وطلبت من عمتها سويك سيارتها تبي تفر بالفريج ولاهي مبتعده

ام سعود:بس اخاف سعود يزعل اذا درى انج طلعتي

عليا:وليش يزعل هو يدري اني اسوق وعندي ليسن وحبت راس عمتها وخذت السويك وطلعت

ولا رجعت إ لأ بعد ساعتين من طلعتها
ومن دخلت ساحة البيت لقته واقف مع واحد من عماله وكان معصب حده

مرت عليه وسلمت وراحت خلاها لحد ما وصلت لطرف البيت ولحقها ووقفها

سعود:عليا وين رحتي بهالقايله؟
عليا :افتريت بالفريج ودرت شوي بشوارعكم ورديت فيه شي
سعود:وليه ما قلتي لي كان خذتج ودرت فيج بكل الأماكن اللي بخاطرج ولا رفقتي ممله

عليا:لا بس حبيت ادور واتفرج على راحتي وتوها بتمشي وقفها
عليا متى بتعرفين وشلون تتصرفين وياي
عليا:وشلون تبيني اتصرف وياك ،،، ترى انا اتصرف وياك طبيعي وعادي بس انت مدري وشلون

سعود :انا اللي ما تدرين وشلون والله يا عليا اني تعبت وانا افكر وشلون اراضيج وانتي ما غير تتجهين عكس سيري

عليا:سعود وشهالحكي اقول عن اذنك وانت الظاهر من تشوف وجههي يحلا لك الهواش وياي

سعود خذ له نفس وما كان وده انه يعنفها اكثر كان مخطط انه يغازلها شوي ويعزمها على العشاء ويقول لها كلام حلو بس هي خربت عليه

دشت عليا غرفتها ولقت مها اختها واقفه عند الدريشه وتطل على سعود وعليا

مها:لا حول وانتوا كله نقاشات حاده وبس

عليا:وش اسووي فيه ليش طلعتي وليش مدري وشو يوووووووه يا مها انا متخوفه من زواجي منه

كنت ذيك الأيام لاهيه وما خذتني المشاغل والحين فضيت والله اني كلي خوف
مها:اذكري الله وسمي بالرحمن مابه إ لأ العافيه

على الأقل انتي سعود يحبج لكن المسكينه الهنوف الدور عليها اللي حمد من يوم ما شافها يوم الملكه لا ارسل ولا دق وهي ما غير تصرط عوقها وساكته

عليا:افففففف انا مليت وانا احل بمشاكل هالعالم وانا بعد ابي اللي يهديني ويحل مشاكلي وصاحت

مها راحت لأختها وضمتها وقرت عليها وهدتها وسمت عليها وقالت:ما راح اقولج لا تبكين لا ابكي وريحي روحج من الهم الي كابتته بقلبج فضفضي لي وانا اختج ترى انا صرت مره ولا منتي ملاحظه وقعدت تضحكها وتمسح دموعها

وتموا بيت ابو خالد عند ام سعود من بعد العرس يومين وردوا للدوحه

وخلال فترة وجودهم سعود ما قرب من عليا ولا تحرش فيها
اللهم يوم وصلهم للمطار طالعها وسلم عليها وصد منها وكله قهر وضيقه منها

واستمرت الحياه ماشيه في بيت بو خالد وخلال هالفتره خلص سعود كل اللي له بالكويت وجاء وسكن بالدوحه

وصفى اعماله كلها اللي بالكويت وجاء واحد من اخوانه وسكن جنبه والثاني رفض انه يطلع من الكويت وقل ما فيها شي اذا صار لي بيتين واحد بالدوحه والثاني بالكويت وبعدين عيالي واهل زوجتي هنا وشغلي

اما خوات سعود فظلن مع ازواجهن بالكويت ووعدوا امهم انهم ما يتركونها كل شوي بيطبون عليها

وقرب موعد عرس سعود وعليا وهم كل واحد ضايق من رفيقه وهي كل ما اتصل فيها ما ترد عليه واذا ردت فترد برد سريع وتتعذر انها مشغوله

وطبعا خالد وعلي استقروا مع ابوهم بالفيلا الكبيره ورفضوا انهم يتركون ابوهم وامهم بروحهم وخاصه ان مها عند زوجها وعليا بتروح مع زوجها وبيفضى البيت

وفي يوم راحت عليا للمزرعه مع خدامتها وسايقها من بعد ما اسأذنت ابوها ان لها شغله مهمه هناك كانت ناسيتها

ابوها رفض ولكن بعد تحببها له وترجيها قال روحي ولا تبطين

وراحـــــــــــــــــــــ ـــــــــــــــــــــــــ ــــت

وهناك صار لها شي تبون تعرفونه اوكي بس مهب الحين بالبارت الجاي

تابعوني وفالكم طيب
يا هووووووووووووو حدث
ههههههههههههههه


درة الاحساء غير متواجد حالياً   رد مع اقتباس
قديم 02-01-15, 06:40 PM   #20

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت الثاني والعشرون



راح سعود لبيت خاله وهو الود وده يكفخ عليا

تعب منها ومن برودها ولا مبالاتها وتتصل في ولد عمها عادي كنه واحد من اخوانها
وصل للبيت ودخل وطلب من زوجة خاله انها تنادي عليا للمقلط تحت

قالت له لا يبه اصعد لها انت فوق هي تعبانه وما تقدر تنزل وتو البنات رايحيين منها تعال يا امك مابه حد هنا

وراح وياها وتوها بتسوي له درب طلب منها انها تروح وهو يبي يسوي لعليا مفاجئه بجيته

دخل ولقى الغرفه هاديه وعليا كانت بالحمام وشوي وهي طالعه وتفاجئت بوجوده الي مالي الغرفه بشكله وريحة عطره
عليا مشت لحد سريرها ودخلت فيه وتلحفت بلحافها عشان يفهم ولا يطول

سعود:مابه سلام ولا مستحيه من اللي سوتيه من شوي
عليا:وش سويت انا عمري ما اسوي شي واندم عليه ولا اقول ان هذا غلط
سعود:لا والله ومكالمتج لحمد وش تسمينها
عليا:حمد كان وما زال اخوي وولد عمي وبيظل لين ما نموت
سعود:ومشاعري مالها احترام عندج انتي ما تعرفين السنع والأصول
عليا:انا عارفه للسنع والأصول قبل لا اعرفك ومهب انت اللي تعلمني هلي علموني اياها وحاسب على كلماتك تراها تجرح ولاني مستعده اسمعها
سعود:إ لأ بتسمعينها وبتنفذينها وانتي تضحكين
اسمعي عليا فيه اشياء يمكن تفوتج ولا تاخذين بالج منها ولازم تعرفين انج الحين حرمه وبعصمة رجال يغار ولا يحب ان حرمته تكلم ولاتسولف مع اي احد بغض النظر عن من هو هالرجال
عليا:سعود انت مش فاهم الحكايه ولا كان عذرتني بس الحين انا تعبانه ولا اقدر اسولف واتناقش كثير
سعود:بس كنتي مستعده تسولفين وتتناقشين مع حمد ،،، اقول وش كنتي تبين منه قولي لي انا يمكن اقدر اساعدج
عليا:لا انت بالذات ما تقدر تساعد في هذا الموضوع

سعود:وشلون يعني ممكن تفهميني
عليا:سعود هذه اسرار تخص حمد والهنوف انت مالك دخل فيها وبحكم اني اعرف كل شي والهنوف قريبتي وحمد بمثابة اخوي اقدر اتدخل واحل الأشكال اللي صاير بينهم
سعود وهو يضحك بطنازه: اقول حلي مشاكلنا قبل لا تحلين مشاكل هالعالم
عليا:ما اشوف بيننا مشاكل
سعود:اقول الحكي معاج ضايع زين ان عرسنا ما عاد عليه إ لأ /10/ عشان احكمج واراقب تصرفاتج
عليا:اقول سعود كنك ابتديت تخورها شنو يعني تحكم وتراقب مهب انا اللي ينوجه لها هالكلام
سعود:هين يا عليا بتشوفين شي مني ما قد فكرتي فيه ولا تعرفينه عني
والحين بخليج ترتاحين مني بس مهب كثير كلها حديدن سهل وبتكونين عندي
وقبل لا يطلع وهو عند باب الغرفه قال:اقول لا تعاودين الأتصال بحمد ترى مسحت المكالمه من تليفونه وهذا انا حذرتج.............. وطلع
عليا فرت الباب بكرتونة الفاين وقعدت تلعن الساعه اللي عرفته فيها شوي وتعوذت من ابليس ونحاس فيه اتصلت بحمد

وقالت له عن الهنوف و..........و............ وان هذه يمكن تكون اخر مكالمه بينهم
حمد:الله يسعدج يا بنت عمي ومشكوره على لفت النظر وصدقتي والله انا هملت الهنوف هاليومين ولا يهمج اوعدج اني اهتم فيها مهب علشانج ولا علشاني لا علشان الهنوف بنت طيبه وتحبني حب مثل حبي لج

وسولفوا شوي وسكرت منه وهي مرتاحه منه ومن كلامه ووعده لها انه يهم ببنت خالتها

وانقضى اسبوع وهي ما غير ترتب لعرسها وترتيباته وكل البنات يساعدونها بكل شي
وقبل العرس بيومين وصلوا المعاريس شجون وعلي واكتملت الفرحه
وبيوم عرس سعود وعليا كان كل شي تمام ومرتب له

سعود كانت فرحته ناقصه لأنه ماخذ على خاطره منها من ذاك اليوم اللي زارها فيه في بيت اهلها وما عاد شافها
وهي بعد حاسه بشي منقص عليها فرحتها ولكنها ما بينت لحد وما غير تضحك وما به إ لأ العمه الجازي وبناتها ونسوان عيالها طايرات من الفرح ويقومن ويقعدن ويرتبن الكل يبي يسوي ويقدم احلى ما عنده لسعود وعروسه اللي ما قصرت مع اي احد

وبهذه الليله اخوان سعود الثنين وحمد وخالد وعلي ومحمد والخوال كانوا بمقدمة المدعوين والمهنيئين

وفي عرس الحريم كان شي حلو وتفوق على الأعراس اللي طافت بترتيبه اللي فاق حدود الخيال وكانوا مسوين هدايا للمعازيم عباره عن مكعب فيه قطعة عود وقلب احمر من الورد الجوري ومكتوب عليه اسامي العروسين
وقطعة شوكولاته من اغلى الأصناف وكانت ريحة المكعب تبخ عود

والفرقه اللي جايه تدق بالعرس من ارقى الفرق
والبنات يوم شافن كشخة العروس قامن يقرن عليه ويبخرنها كانت ايه من الجمال الأسطوري

عليا كانت تنتفض من الموقف اللي هي فيه ومن تعليقات البنات عليها

وكانت عنودو فرحانه ان ماما عليا بتصير ماما حقيقيه وبتكون معها بالبيت
ونزلن البنات وكل وحده فرحانه لفرحة غلاهم عليا

وشوي ونزلن عروسهم ومن زود جمالها الفتان قعدت المطربه تقول بعالي الصوت
(حارس ،،، حارس) وهاي الكلمه تنقال للعروس اللي جمالها مسكت ويخطف الأبصار
وجات عليا بكل جمالها ودلالها وقعدت بكوشتها وصوروا معها الكل ورقصوا لها

وبعد ساعتين دخل المعرس بالموكب اياه المتكون من اخوانه واخوان العروس وخواله وارزفوا له وتصوروا وياه بعدها طلعوا

وجاء دوره انه يكشف عن وجه عروسه وكشف وهو حابس انفاسه من الحلا والزين اللي كان ماثل قدامه باس راسها ومسك يدها وكانت ترتجف ورص عليها بشويش
وقعدوا وكانت المصوره تصورهم وتطلب انتباهم للفلاش بس عليا مطنشه
وبعد ساعه من دخلة المعرس طلع سعود وعروسه راحوا لجناحهم

و......................................واذا تبون تعرفون باقي الأحداث

واذا تبون تعرفون وفيكم فضول تعالوا بكره هنييييه
وفالكم طيب .


درة الاحساء غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:44 PM



Powered by vBulletin®
Copyright ©2000 - 2024, vBulletin Solutions, Inc.