آخر 10 مشاركات
جدران دافئة (2) .. سلسلة مشاعر صادقة (الكاتـب : كلبهار - )           »          294 - لماذا تهربين؟ - كارول مورتيمر (الكاتـب : بلا عنوان - )           »          ثمن الكبرياء (107) للكاتبة: Michelle Reid...... كاملة (الكاتـب : فراشه وردى - )           »          1041 - ميراث خطر - ستيفاني هوارد - د.ن (الكاتـب : سنو وايت - )           »          البجعة الورقية (129) للكاتبة: Leylah Attar *كاملة & تم إضافة الرابط* (الكاتـب : Andalus - )           »          زهرة النار -قلوب أحلام زائرة- لدرة القلم: زهرة سوداء (سوسن رضوان) *كاملة* (الكاتـب : زهرة سوداء - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          317 – صدى الذكريات - فانيسا جرانت - روايات أحلامي (الكاتـب : Just Faith - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          أنين الهوَى - الجزء 1 من سلسلة تايري -شرقية زائرة -للكاتبة:ملك على* مكتملة & الروابط* (الكاتـب : ملاك علي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree7Likes
إضافة رد
 
LinkBack أدوات الموضوع انواع عرض الموضوع
قديم 31-12-14, 11:52 PM   #1

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
Rewitysmile25 غرور وكبرياء... للكاتبة: اسكن عيوني. رواية قطرية مكتملة





الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
كيفكم بنات ان شاء الله بخير أقدم لكم رواية قطرية
وان شاء الله تنال على اعجابكم


رواية: ((غرور وكبرياء ))
بقلم الكاتبة: اسكن عيوني
قراءة ممتعه للجميع



التعديل الأخير تم بواسطة درة الاحساء ; 05-01-15 الساعة 01:57 PM
درة الاحساء غير متواجد حالياً   رد مع اقتباس
قديم 31-12-14, 11:58 PM   #2

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي



رابط لتحميل الرواية

https://www.rewity.com/forum/t317195.html#post10031879


البارت الأول

كلمة الكاتبة

السلام عليكم ورحمة الله وبركاته
اليوم جيتكم ومعي قصه حصريه لكم .
اتمنى انها تنال على اعجابكم ورضاكم واستحسانكم
واي نقد اتقبله بصدر رحب.
واعذروني اذا جاتكم كلمه فيها خطأ املائي ترى فيني عاده مهي بزينه ما اراجع بعد ما اكتب على طول اعتمد المشاركه.
القصه هنا واضحه من عنوانها راح تتحدث عن هالصفتين واكيد باقي
الصفات موجوده ولكن التمركز هنابيكون واضح/هههههه لا حول طولتها وهي قصيره.



بطلة قصتي اسمها عليا فيها من الجمال والزين الشي المكود/يعني حلوه مره على قولة السعوديين /ومهما وصفتها يمكن ما افيها حقها هي عيون هو طول ولا بياض ولا ..ولا../خلكم من التخيل وتعالوا معاي لبيتهم

حياكم دامني معكم لا تخافون ادخلوا اقلطوا واسمعوا القصه مني

يا الليل والله هالبنت مهي بخالصه علينا

اسرة عليا مكونه من: ابوها وامها واختها مها واخوانها خالد وعلي

بيتهم بالدوحه/اجل وين / لهم مجلس كبير عمره ما خلا من الضيوف

وطبعا هالعليا لها اعمام وخوال راح تعرفون عنهم بالتسلسل ومن خلال متابعتكم لي

عليا بالسنه الخيره بالجامعه وتحب الحياه والضحك والمزوح /لا احسن طلعيها معقده هههههه/

ولها هوايه اخوانها ما يحبونها فيها /ركوب الخيل/ ولكن ابوها سامح لها تركب
في الأوقات الي ما يكون به احد بالمزرعه/لهم مزرعه بالشمال/

وحاولت انها تسوق بس خالد وعلي مترصدين لها خايفين عليها وعلى سمعتهم
((بعض الأسر تعتبر سواقة المرأه عيب))
ولكن هالبنت /علياراسها قوي واللي تبيه تسويه حتى لو مهب برضاهم

ولا خلت ابوها يهاوشهم ولكنها هي حابه ان اخوانها ما يكونون حجر عثره بطريقها

البيت بالدوحه والمزرعه بالشمال ويطلعون لمزرعتهم في العطل الاسبوعيه

ايام مها اختها تعزم صديقاتها وهي عليا بعد ويجتمعون مع بنات العايله

ويفلونها فل

نسيت اقول ان احداثي هنا فيها شي بسيط من الواقع والباقي من وحي خيالي /لبى خيالي بس/لا حول ابتدأ التمدح اللي ما احبه/

وكل ما دخل عضو جديد على قصتي راح اقولكم من وش اسمه وكل بيانات بطاقته العائليه

لان لو كتبت لكم الحين اسماء كل الابطال والربع والجيران مراح تركزون

ابو خالد رجل عصامي بنى نفسه بنفسه وربى عياله وبناته احسن تربيه

ولا عمره قسى عليهم إ ل فيما ندر ولمصلحتهم

خالد عمره /28/ يشتغل مع ابوه في شركتهم الصغيره

علي عمره/26/يشتغل في الخارجيه

علياعمرها/23/طالبه باخر سنتها

مها/20/ بالجامعه سنه ثانيه

امهم انسانه طيبه واجوديه وتحب بيتها وجيرانها

مها الصغير تقدم لها ولد خالتها اللي يحبها من وهي صغيره بس هي رافضه انها تتزوج قبل اختها واخوانها وانها عادها صغيره وتبي تتدلع

وبدري على الزواج

لكن محمد /عمره25/كان يلح ويروح ويجي على خالته وعيالها كله يستعجلهم يبيها وهو بيساعدها بدراستها وان عمره ما راح يكون حجر عثره بطريق مستقبلها الدراسي

ابو خالد كانت وجهة نظره انه يصبر سنه ولا سنتين لانه يشوف مها عادها صغيره
وامها عادي لأنها حاسه ان بنتها تبي محمد بس مستحيه انه تتزوج قبل اخوانها

عائلة محمد:امه اللي هي اخت ام خالد وهي اختها الكبيره ومترمله وما عنده إ ل محمد والهنوف /عمرها 22/

وكل ما راحت اسرة ابو خالد لمزرعتهم معروف ان بيت الخاله معهم

وووووووووووووو

اكيد تبون تعرفون وش معناة ووووووووووو

معناتها ان حب محمد ومها نشا من يومهم صغار كله مع بعض

ورحلاتهم وسفراتهم وبحكم ان محمد كله مع خالد وعلي عيال خالته

وباخر طلعه لهم كانت مهوي تتمشى مع الهنوف بالمزرعه جاهم محمد مسرع /هو من يشوف مهويته على قولته تضيع علومه ومفاتيح قلبه
جاء صوبهم وفرمل وقال :

اسمعي والله ان ما وافقتي علي والله لسوي لج جلجله في جامعتج

وقعد يسبل لها ويترجاها وهي ميته عليه بس

محمد:لعنبوا غيرج اختج ما تبي العرس واخوانج بعد ولكن انا ابيج وانتي بعد

اخلصي علي تراني والله لتهور اذا ما وافقتي

مها:انت ليش مستعجل انا لك وانت لي وش فيك اصبر علي

محمد:وش له الصبر انا رجال قد العرس والمسؤليه وفاتح بيت

وانتي عاد عليج سنتين ولا ثلاث دراسه وليش انتظر خلينا نتزوج وبساعدج بكل شي تبينه حتى لو تبيني اتقدم للأختبارات بدالج.

مها:مدري انتي وش رايج الهنوف

الهنوف :اشوف كلام اخوي صحيح وليش التأخير والكل موافق مابه إ لأ انتي معسره ومصعبه الموقف

محمد:معليه كل هذا بيطلع من عيونج بس اصبري علي لين تصيرين في بيتي

مها :يمه مابي خلاص مع وجهك قاعد تهددني من الحين

محمد :اسمعي ذالليل بكلم ابوج فاهمه ويا ويلج لو ما ساعدتيني

ههههههههههههههه وش تساعدك فيه يا سبع البرمبه

التفتوا على صاحب الصوت

إ لأ يشوفون ذاك الغزال الممتطي فرسه ومتلثم


ههههههههههه

اكيد عرفتوها

مابه غيرها حلوتنا عليا
نزلت من فرسها وشلت اللثمه وسلمت وقعدت تنغز في اختها لين خلت وجهها احمر وحار

محمد:كفايه عليوه ما اسمح لج تلعوزين ولا تحرجين مهويتي

عليا:اقول يا الأخو تراها اختي قبل لا تصير مهويتك

وقعدوا يضحكون ويقنعون في مهوي انها توافق
...........................



التعديل الأخير تم بواسطة فيتامين سي ; 18-02-15 الساعة 02:30 PM
درة الاحساء غير متواجد حالياً   رد مع اقتباس
قديم 01-01-15, 02:16 PM   #3

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

//البارت الثاني//


توضيح قبل لا أبدأ بالبارت الثاني:

اللي ابغى اقوله هنا عليا واختها مها مايتغطون قدام محمد ولد الخاله لأنه تربى وكبر
معهم وصار مع الأيام شي عادي
وطبعا مع محافظتهن على الحجاب والستر
لكن مع عيال عمهم والناس الباقيه راح تشوفون وشلون التصرف

حبيت بس ابين لكم الفكره

يله نبدأ

//////////////////////

في الصباح قامت عليا ولبست وافطرت مع ابوها وامها وطلعت رايحه لجامعتها

مع دريولها وخادمتها وكانت منشغله تدرس وتدون اشياء بدفترها لخاص ولا حست

إ لأ بذيك الصدمه وفرمله وانحراف سيارتها عن الطريق

خذت نفس وسمت وهللت وكبرت ورفعت راسها تبي تشوف وش صاير

إلأ سيارتها امبنجره وحادت عن الطريق ولولا عناية الله كانوا راحوا فيها

قام الهندي /السايق/ يبي يغير التاير ومن بختهم العاثر ما لقوا الأسبير

وقعدوا دقايق على هالوضع إ لأ سياره موقفه بجنبهم ونزل منها واحد

وكلم السايق وش المشكله ؟
وشرح له الوضع
هنا الرجل انبه وهاوشه ليش ما ينتبه اذا كان السبير موجود ولا ولا وش شغلتك انت

عليا شوطت عليه بس ما كانت تقدر تقول اي شي

ويوم شاف ان السياره فيها حريم تقدم شوي وسلم وهو صاد وقال:

اختي اذا ممكن اخذي سيارتي وروحي لجامعتج وانا بنتظر هنا لحد ما ينزلج السايق وبعد ما يرجع لي بكون قد تصرفت//السياره مبنجره قريب الجامعه//

عليا رفضت بصوت واطي واشكرته وقالت ما فيه داعي انا بتصل على ابوي ولا حدا اخواني

هو عصب وقال:ما فيه داعي والسالفه اقصر منها ما شفت وترى دريولج اللي بيوصلج لجامعتج مهب انا

غليا:حتى ولو عموما اشكرك اخوي وما قصرت وصدت عنه واتصلت في ابوها

بالنسبه للرجل وخر عنها وهو يغلي من الغضب عليها بس ما ابعد خاف ان حد يتحرش فيها وظل يراقب الوضع من بعيد

كلها ربع ساعه إ لأ اخو عليا خالد جاي وخذ اخته ونزلها بالجامعه وتصرف في السياره وتوه بيحرك جاه الرجال وسلم عليه وقال له انه جاء يوم شاف السياره متعطله وعرض مساعدته لكن الأهل رفضوا

شكره خالد وكلن راح بحال سبيله

عليا من دخلت الجامعه وهي تتحلطم وتسب وتلعن جاتها رفيقتها هياوسئلتها وش فيها

شرحت لها السالفه قامت هيا تضحك عليها
عليا:وجع يوجع العدو انا محتره وانتي تضحكين

هيا:من حالتج المعتفسه يا اختي وش فيج مأزمه السالفه وتهاوشين السالفه خلاص انحلت

عليا:اللي قاهرني وباط كبدي انه كان مصر على تقديم المساعده ويوم رفضت ما راح خذ له زاويه وقعد يراقبني

هيا:وشدراج انه كان يراقبج هو انتي بعد كنتي تراقبينه وبعدين تعالي هو وش

شكله مزيون

عليا:طالعوا هاذي انا وين وهي وين وشدخلني بشكله بالله الحين

هيا:اقصد ما لمحتيه ولو بنظره

عليا :إ لأ لمحته بس مهب اني بققت عيوني انسان عادي مثل مخاليق ربي

هيا:انتي كل الرجاجيل عندج اشكالهم عاديه ومابه مميز بحياتج

عليا:وجعله دوم وش ماخذين منهم

هيا :لو ما اعرفج زين كان قلت انج قد حبيتي وغدر بج حبيبج بسبة نظرتج لهالرجال

يا اختي هذا انتي تحبين ابوج واخوانج مهب رجاجيل ذولا ولا وش معنى

عليا:يا الليل ما اطولك اناما اكرهم بس احاول ابعد نفسي عن اي شي يسبب

لي سمعه سيئه

وهذا انتي شايفه حال صديقتنا سميه وشخذت من الحب غير البلا

هيا:مهب كل الحريم سميه ولا هب كل ارجال حبيبها الي صار زوجها

عليا:اقول قومي نروح للكوفي ابي اشرب اي شي مركز كني دايخه منج ومن اللي صار لي

هيا:يله قومي وانا وش سويت كل اللي علي اني انبهج بس

بعد انتهاء الدوامات ورجوع عليا لبيتهم لقت ابوها معصب على السايق

وشلون ان بنته تكون بهذا الموقف وان اي احد يجي يكلمها ويعرض عليها سيارته

جاته عليا وضمته وباست راسه وهدته وقدر الله وما شاء فعل

ابو خالد:عجبتيني يومج رفضتي عرض الرجال الغريب عليج

عليا:هذا اصلا اللي مفروض يحصل

خالد:تصدق يبه قعد يراقب سيارة عليا يقول انه معتبرها مثل اخته وكان خايف اي احد يمر ويتحرش فيها

شكرته على تصرفه وراح

مر اليوم عادي على اسرة ابو خالد

وفي اليوم الثاني تقدمت ام محمد رسمي لبو خالد تطلب منهم القرب في مها
وبعد مشاورات ومداولات وافقوا بس يكون الزواج بعد //3// شهور بعد ما تخلص

هالسنه وتكون قدمت اختباراتها اللي مفروض تقدمها للكورس هذا

وحدووا يوم للملكه بعد اسبوعين بعد ما يعملون التحاليل

مها كانت فرحانه وخايفه بنفس الوقت

فرحانه انها بتتزوج فتى احلامها وحب عمرها
وخايفه انها صغيره وعاد قدامها مشوار سنتين دراسه
ومسوؤلية زواج وعيال و......و.....

بس خالتها طمنتها والهنوف وانهم معها على طول

ويكفي محمد بحد ذاته انه شاريها وميت عليها

وبعد اسبوعين طلعت النتايج ايجابيه وملكوهم
وبكره بيسون حفله خطوبه مقتصره للعايله فقط

انتظروني يوم الأثنين الجاي وتعالوا وانتوا كاشخين وتراكم معزومين على خطوبة محمد ومها

اشياء حلوه وكثيره بنتظاركم وخاصه مع العروسين
نزلت لكم بارتين اليوم
ويا رب تعجبكم قصتي
وتراها حصريه لكم ومن كتاباتي وفيه من هالحدث اللي صارمع وحده
من الأهل فقمت ارتب اموري وابهر السالفه من خيالي
وبالنهايه طلعت معي القصه الماثله امامكم
ومثل ما قلت لكم كلي صدر رحب لتقبل اي انتقاد
وتابعوني يوم الأثنين الجاي ببارتين


درة الاحساء غير متواجد حالياً   رد مع اقتباس
قديم 02-01-15, 12:12 AM   #4

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

//البارت الثالث//


في بيت بو خالد الجو كله نشاط والكل يركض ويساعد //الليله حفل خطوبة صغيرونة العايله والكل فرحان ومستانس

البنات عند الكوافير والحريم الكبار يشرفن على مستلزمات الحفله المنتظره

المهم

على الساعه سبع توافدوا المعازيم وكلهم اهل ما به غريب

جوا عايلة بو حمد//اخو بو خالد اللي اصغر منه وهالأسره مكونه من الأب انسان حبه مركزه لعليا وعيونها لأنها مسماه على امه وهي بالطبع حبوبه وهو اللي مشجعها ومقويها على اخوانها ومعطيها الضوء الأخضر بركوب الخيل ويحاول فيهم انها تاخذ الليسن بس هم رافضين

زوجته انسانه شايفه روحها وانها برستيج وانها من سيدات المجتمع المخملي

وان ام خالد وام محمد مهب من مستواها بس هي جايه عشان زوجها جابرها تجي

ولهم ولد وحيد اسمه حمد وعمره//24//توه متخرج ويشتغل بشركه قطاع خاص

وهالولد رومانسي ويدق عود وعليه صوت جذاب وعينه من بنت عمه عليا من زمان

جوا الثلاثي من الصالون متعدلات وكل وحده تقول الزود عندي من الزين والجمال

العروس مها واختها عليا واخت المعرس الهنوف وكانت معهم صديقة عليا هيا

راحت عليا ولبست لها شيله وغطت شعرها وراحت مع خالتها وامها تشوف وش ناقص

ويوم تأكدت ان كل شي اوكي راحت بدلت وكشخت وراحت تستقبل مع امهاتها المعازيم.

وهيا كله تعليقات ان زوجة عمهم ام حمد عيونها طاحت وهي تراقب عليا بكل حركاتها وسكناتها

وعليا ولا اهتمت بها سلمت عليها ورحبت بها من حبها لعمها وبس

على الساعه تسع ابتدأ الدي جي باعذب الأغاني واحلاها وكل من يحب اهل الفرح شارك بالرقص والتصفيق والزغاريد

وطلعت عروسنا ذات الجمال المخملي الناعم الساعه عشر وقعدت على كرسيها المخصص لها.
وجوها صديقاتها وسلموا عليها وصوروا وياها

وبعد ساعه اعلنوا ان المعرس بيدخل ومعه ابو العروس واخوانها وحمد ولد عمهم.

ودخلوا وسط الأغاني المفرحه ويوم وصلوا للمنصه وقفت مها وهي ترتجف كن اليوم الأ عرسها ما كنه إ لأ خطوبه

وكانت ماسكه يد اختها عليا

وعليا تحاول تفك يدها عشان توخر عنها وتخلي مجال لأبوها واخوانها يجون يسلمون عليها ويصورون وهي ابدا ماسكه يدها بكل قوتها

جاء ابو خالد وحب بنته وضحك لها وبارك وراح ومن بعده عمها بو حمد ومن ثم اخوانها اللي ما خلوا كلمه ما قطوها عليها

وهي تحمر وتخضر من السحى وسلم عليها حمد من بعيد

نجي لمحمد كان واقف بجنبها وماسك يدها وقرب منها ولا رفع الغطاء اللي عليها عشان ولد عمها موجود.

باس راسها وهو يقول هالحمد واخوانج وش مقعدهم ابي اشوف وجهج

وهي كلش رايحه فيها وجهها شوي بينفجر من الدم

قام حمد بمساعده خالد يغنون ويرزفون ويرقصون ام محمد وام خالد وعيون خالد ترسل اشارات لمحمد بمعنى حره هالليل مابه راحه لك ولا طلعه لنا.

كانت عليا تشوف حمد وهو يغني اغاني خاصه ويرسلها لها وهي ولا كنها موجوده كعادتها.

محمد صوت على عليا ،،،،،جاته

محمد :الله يخليج عليا واللي يرحم والديج اخذي هالثنين وديهم برا ولا والله لأقوم عليهم ما تلاحظين ان اخوج وده يقهرني جعلني اقهره بيوم خطوبته ولا عرسه.

ضحكت عليا وراحت لأخوها وطلبت منه ياخذ حمد معاه ويطلعون عشان العروس فطست من الحر ونبي نكشف عنها ويلبسها عريسها الشبكه

هي تتكلم وخالد يغني ويرادد حمد

حمد من شاف عليا معصبه وتشر بيدها //كانت متغشيه طبعا //وهي تامرهم بانهم يطلعون

حمد وقف اغنيته وتمنى للعروسين اطيب حياه وقال لعليا انتي تامرين طويلة العمر.

يله خويلد نطلع احسن لك لا يجيك ولد خالتك ويرفسك ويشوتك برا البيت شوفه برق عيونه تولع

ضحكوا وطلعوا

هنا تنفس محمد الصعدا وقام وقوم مها معاه وكشف عنها وباسها على راسها وخدينها وخذ نفس طويل

هنا هي وخرت عنه وقالت له:

انتبه الناس تراقبنا

محمد:وشعلي منهم لعنبوه ضيقوا علي هالبزرين قاعدين يستعرضون والحين انتي تقولين الناس تراقبنا

قعدت وقعد جنبها وعيونها ما غير ترسل لها احلى كلمات الحب والغلا

وجات امه ورقصت له واخته وخالته ونقطوا عليه

وشووي ولبسها العقد بمساعدة اخته وصوروا لهم كم صوره من اللي قلوبكم تحبها
وها ما غير ميته ومنكمشه على روحها شوي وبتصيح

رحمها ووخر عنها وكان ماسك يدها طول الوقت وكان وده يبوس يدها بس خايف انها تنحرج اكثر من الأحراج اللي هي فيه

وعلى الساعه /12/امروا بالعشا وقامن هالحريم يطامرن ويتعشن

ومحمد خذ عروسه وراحوا للمقلط الصغير //مجلس صغير وصاد عن هالدوشه// عشان يسولف وياها شوي قبل لا يروح

خذها وقعدها جنبه وكان لاصق بمعنى الكلمه وهي توخر منه بس مابه امل من الفكه منه

وجاتهم عليا وقالت :

محمد انت ومهوي اجيب لكم عشا انا عارفه انكم ما تغديتوا

مها :لا ما نبي شي

محمد:إ لأ يا عليا جيبي لنا عشا وخلينا انا ومهويتي نتعشى اول عشوه وحنا حلال بعض.

عليا:هههههههههههه لعنبوا غيرك ارحم ضعفها وخجلها شوي شوي بس على اختي

هنيه صاحت مها وتعبرت واعتفست وانفجرت إهئ إهئ إهئ

تروعت عليا وجات صوبها وما كان من محمد إ لأ انه عطاها اشاره تطلع وترد الباب وراها

//تردالباب//يعني ما تسكره ههههههههههههه يا حليلي اكيد الكل يعرف هالمعنى.

مسكها وضمها لصدره وهي ترتجف وتبعده وتقوله يا اخي وخر عني

هنيه محمد مات من الضحك وقال وش يا اخي قولي حبيبي ويا قلبي يا روحي

بس بعذرج الليله اسمعي حبيبتي اهدي اول شي ترى كل البنات يستحون بس مهب كذا ينفجرون كنج مجبوره علي

قلبي مهوي شوفيني وشقد فرحان شاركيني فرحتي
ورفع وجهها بيده ومسح دموعها

مها:لو بس تخفف من حركاتك

محمد:ما اقدر انا صبرت وايد وراعيت الدين وراعيت صلة الدم ولا قد غلطت بكلمه مهي من حقي

كل حياتي ما غير اطالعج واناظرج واقول لج احبج واغليج وبس

والحين يوم صرتي حلالي تقولين خف علي لا والله ما ني بخاف عليج وبتبادليني نفس الحكي

مها:اوكي بس شوي شوي علي مهب كذا دفعه وحده

محمد:اقول اقصري الهرج وتعالي قولي لي وشهالزين كله لي

مها:لا لي انا

وقعدوا يسولفون شوي وشوي وجاتهم عليا بالعشا
وعشاها بيديه وكان يحاول انه يجريها ويبيها تطعمه بيدها وهي ابد صنمت من حركاته

وعلى الساعه ثنتين طلعوه بالغصب من عند مها //هههههههههه مسكين ما صدق تصير له//الله ما اجمل هالاجواء: اقول اخلصي علينا ههههههه

وفي انتهاء الحفله جاء حمد ياخذ امه وكان وده يشوف زول عليا لو من بعيد

دخل الحوش وشافها من بعيد متلثمه وتمر العمال والخدم انهم يسون هذا وهذا

قرب منها وسلم

رفعت راسها وشافته قدامها ردت السلام عليه وتوها بتمشي سألها

عليا انتي ليش متجاهلتني؟؟

عليا:انا ابد ما تجاهلتك وشلون تقول هالكلام

حمد:احس بكذا عليا انتي عارفه بمشاعري ناحيتج واني ابيج على سنة الله ورسوله

عليا:حمد الله يخليك انا قد قلت لك من كم شهر اني اعتبرك مثل اخواني ولا اصلح لك

حمد:ليش يعني ما تصلحين لي؟

عليا:كذا يا حمد ما احسك زوج لي ما احس ناحيتك باحساس مها ناحية محمد

حمد:وانتي عطتيني وقت اعبر لج وتسمعيني كله صادتني ومبعده عني

بنت عمي اسمعيني انا باغيج وشاريج فلا ترديني وتكسرين قلبي

عليا:حمد الله يخليك انت تنفخ بقربه مقطوعه انا ما افكر في الزواج ولا افكر فيك إ لأ كاخ وبس

وبعدين فتح عيونك عدل وبتلقى من تحبك وتموت فيك وتتمنى نظره منك وترى مهي ببعيد قريبه

حمد:ماهمني اي احد إ لأ انتي ما ابي حليله لي الأ انتي

عليا:قلت لك رأيي وانت بكيفك وارجوك ولد عمي لا تخرب علاقتنا ببعض

حمد:انا اخرب انا ابيج وابي قربج وتقولين اخرب

عليا:حمد الله يخليك فكر عدل بكلامي بتلقاني قلت لج الكلام العدل وهذا احساسي ناحيتك ومثل ما قلت لك فيه قلب يبيك

حمد:ولا يكون انتي تركتيني علشان هالقلب اللي يبيني؟

عليا :لا بالعكس هالقلب اللي يبيك ما يدري اني ادري انه يبيك

حمد الله يخليك خلني اخت لك والله العظيم اعزك واحبك محبة اخت لأخوها

حمد طالعها وراح منها بحسرته

مرت عليها زوجة عمها وطالعتها من فوق لتحت كنها سمعت كلام عليا لحمد
وسلمت وطلعت وراء ولدها

راحت عليا لغرفتها وحيلها مهدود من التعب ومن مواجهة حمد وكلامها معه

كانت عارفه انها جرحته ولكن ماباليد حيله ما تبي تجرح شعوره وتجامله على حساب مشاعرها

راحت غيرت وخذت لها شور ولقت مها تسولف بالفون مع الحب

هههههههههههههه وشدعوى من شوي تبكين منه ومن تصرفاته والحين طايحه توشوش

مها:اوووه عليا لا تكملين علي ترى اللي على الخط ماخذ حقه وحقكم

عليا جات وضمتها وحبت راسها وتمنت لها السعاده وراحت تنام وخلت عصفورين الحب يتناجون
...................

أزميرالد likes this.

درة الاحساء غير متواجد حالياً   رد مع اقتباس
قديم 02-01-15, 12:13 AM   #5

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

//البارت الرابع//


في يوم اجتمعوا كل البنات بالمزرعه وقاموا يخططون لعرس مها والتنسيق له.

مع امتحاناتها وكل وحده مسويه جدول وش بيسون //يعني وحده تساعد مها بالعطور والميك اب والثانيه بملابس النوم والثالثه وبملابس السبور والبدل والجزم اعزكم الله وهكذا.

ومضى شهر على خطبة الكناري وهم كل يوم تليفونات وسهر وبالنهار جامعه والعصاري تشري ومقاضي العرس

هنا مها انهد حيلها وتركت كل شي على اختها وكانت عارفه ذوق اختها انها توب

عليا:ما يصير يا بنت تعالي شوفي وابدي رأيج ولازم كل قطعه وكل شي يخص عرسج يكون لج فيه رأي

مها:لا يا اختي انا مت وما عاد اقدر امشي وعيوني مفتوحه
عليا:قومج سهر الليل مع قيس يا ليلى

مها هههههههههه ما اسمح لج تتطنزين على بعلي

عليا:وخر بس بعلي

اقول بنات مالنا إ لأ توحيد جهودنا وناخذ لها كل شي وعلى ذوقنا وهي غصبا عنها راح ترضى فيه

الهنوف:اصلا هي يحصل لها ذوقي وذوقج وذوق هياوي

وكانن ما شاء الله عليهن كخلية نحل ما قد ارتاحن يوم والوقت يمشي

والعرس وقته قرب

والعروس من جامعتها ومذاكرتها وللسوالف مع محمد

بيوم وعليا والهنوف وهيا بالستي مر واحد على عليا وقعد يلحقها من مكان لمكان

ويحاول انه يلفت انتباهها ةهي مطنشته ولكنه ما مل ولا هدا لين عليا تضايقت حدها

الهنوف:خليه يولي ولا تتنرفزين ولا توضحين له انج متضايقه

عليا: شوفيه اففففف ابي اخذ راحتي وهو من مكان لمكان بالله لو احد من هلي ولا معرفنا شاف هالموقف وش بيقول

هيا:اقول هدوني عليه والله لأشرشحه عدل واخليه بيزه ما يسوى

عليا:لا امشوا نطلع فوق ناخذ اللي بقى من لوازم عروسنا ونرجع للبيت

الهنوف:لا حرام عليج انتي واعدتني بغدا وانا مافيني حيل للرده للبيت

عليا:وين نتغذا هالعله ورانا وين ما نروح

هيا:ما عيج منه يله تعالوا نتغذا وعلى حسابي ويله ان شاء عمري ما حوشت

عليا:ههههههههه لا والله الغذا علي يله امشن والله يبعد هامغثه عن طريقنا

ودخلن قسم العائلات وتغدن وحاسبن وتوهن بيطلعن إ لأ الرجال واقف ينتظرهم

هنيه طاش دم عليا :وبعدين معاك انت وش تبي يعني؟

الرجال :ابيج انتي اذا سمحتي
عليا:اقول روح طس بعيد احسن لك وترى مهب زينه بحقك وانت رجال تلاحق حريم بمجمع

الرجال:انا من لمحت زولج وانا ماني ببخير

هيا:عمى يعميك انت ما تفهم روح

الرجال :اقول روحي انتي بعيد وخليني اتفاهم مع عمتج

وكلمه منا وكلمه مناك إ لأ جايهم واحد رزه وشكل ومن شافته عليا وقف قلبها

كان الرجال اللي حاول يساعدها يوم الجامعه

نعم اخوي وش فيك واقف بوسط المكان ومسبب ازمه ومشاكل

الرجال:وانت وشخصك وشدخلك

فما كان منه إ لأ انه جره من جيبه وكفخه وخلاه طايح على الأرض//هي دقيقه بس وقام الرجال يقوم ويطيح يركض طلع من المجمع بعد ما صار مسخره للرايح والجاي.

والتفت المنقذ على عليا واللي معها وقال:وانتن ضبن عماركن وروحن وشها اللعبه قاعدات

تاخذن وتعطن مع الرجال كنكن تعرفنه

عليا:اسمع اخوي مهب من حقك تقط علينا كلام مثل كلامك هذا

حنا ابتلشنا فيه وجزاك الله كل خير انك خلصتنا منه بس مهب من حقك تقول اللي قلته

اقول:لا تطولينها وهي قصيره يله امشن روحن بحال سبيلكن

توه هيا بترد عليه امسكتها الهنوف من يدها وسكتتها

عليا وخرت عن الرجال وخذت اغراضها ومشت هي والبنات وراحن لسيارتهن

وعند المواقف شافوا الخبل يرغي ويزبد وجاي صوبهن ويقول والله لأنتقم منكم

انا يشرحني اخوكم كذا واخليه والله ان قد انتقم منكم ومنه

من اللي بتنتقم منه؟؟

التفتوا وشافوا المنقذ وهو جاي بسرعة الصاروخ يبي يمسكه ولكنه طار وكنه سحابة غبار

التفت على البنات وقال يله الله يسهل لكم امشوا سبحان الله كني حسيت انه بيلحقكم فجيت وراكم

التفت للسياره وعرفها والتفت لعليا وقده بيقول شي وسكت

راح صوب الهندي وناداه وكلمه ومن ثم بعد شوي وراح عنهم

ركبن البنات وعليا بتموت من الموقف اللي صار لها ما كانت تحب انها تنحط بهالموقف

عليا وهي تكلم الدريول:وش يقول لك هذا رجال؟

يقول شنو اسم كفيل مال انت؟
هيا:ويه ويه وشيبي من ابوج عليوووه لا يكون بيروح يعلمه على اللي صار؟

الهنوف :ما ظنتي من شكله اجودي وشهم وسوا معروفه ولا يبي من وراه شكر

عليا:تعرفون هذا منو؟

البنات مع بعض:لا انتي تعرفينه؟

عليا:لا بس هذا اللي قلت لكم عنه اللي عرض علي سيارته يوم تعطلت ذاك اليوم

اهاااااا

وتهقين عرفج

عليا:بذمتج هيووه وانا وشدراني

هيا:لا عرفج والدليل انه سئل سايقكم عن اسم ابوج

الدريول كان يتكلم مع نفسه فسألته الهنوف شنو فيه كومار؟

كومار:ما شي بس فيه سياره ورا انا يمشي

التفتت هيا وشافت المنقذ وراهم ودقتها ضحكه رنانه

عليا:وجع ليش التفتي مهب حلو المنظر وانتي تلتفتين

هيا:هههههههه وش اسوي خفت لا يكون المصرقع اللي لعوزنا اليوم فشفت
بطلنا المغوار

اقول وش بقى من اغراض العروس

وتمن يتناقشن ونسن اللي يمشي وراهن لين وصلوا بيت ابو خالد ونزلوا

فمر عليهم شاخط وراح

التفتن على بعض واضحكن واتفقن ما يقولن لأي احد من اهل البيت اي شي

ودخلوا لقوا مها متكيه في الصاله والفون في اذنها وتهمس وتضحك

الهنوف:عشتوا احنا نراكض من مكان لمكان وهي هنيه طايحه مع اخوي مغازل

مها :عيب تقولين مغازل هذا ريلي؟

وش فيها اذا تعبتي علي ان شاء الله اردها لج بفرحج واساعدج

الهنوف :امين الله يسمع منج بس متى متى؟

هيا:اقول الهنوف وش فيج مستلهطه على العرس اصبري توج صغيره

الهنوف ماني مستعجله بس بس والتفتت على عليا وسكتت

عليا :الهنوف ما فيه داعي تتكلمين اذا ما تبين تتكلمين

الهنوف:لا ابي اتكلم وافضفض احس اني مكتومه واللي فيني ما اقدر عليه بروحي

مها سكرت الفون وجات احضنت الهنوف وقالت لها وش فيج قلبي قولي

خذتهم عليا لغرفتها وبعدوا عن جو البيت الملغوم

ووووووووووووووووووووو

وتابعوني بالبارت الخامس وبقولكم وش حكاية الهنوف اللي ما حد يعرف بها إ لأ ........؟؟
...............


درة الاحساء غير متواجد حالياً   رد مع اقتباس
قديم 02-01-15, 12:15 AM   #6

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت الخامس

راحن البنات لفوق وبسطن وراون مها كا اللي خذوه وعجبها وشكرتهن من قلبها

وقالت ان شاء الله اردها بفرحكن كلهن احمرن إ لأ عليا كانت تضحك على وجيهن

المهم نرجع لغاليتنا الهنوف ونشوف وش فيها

مها:هنوفتي وش فيج يا قلبي قولي لنا وحنا ان شاء الله راح نوقف معج بكل شي

الهنوف وهي تطالع عليا: خلوا عليا تقول لكم

عليا:لا وبدا انتي صاحبة القضيه فقوليها واشرحيها وبسطيها وحن لج مستمعين

هيا:اقول اخلصن علينا يا مال اللي ماني بقايلته// هههههههههه هيا دايما لسانه متبري منها هذا للعلم عشان محد يزعل من بعض الفاظها//

الهنوف بعد تردد ونظرات لعليا: انا احب وقاتلني الهوى والحب

مها وهيا وعيونهن مبققه :وشلون ومتى ومن هو؟؟؟

الهنوف: متى من مبطي وشلون من ربي اللي حط غلاه هنا واشرت على قلبها

ومن هو؟ بعد تردد ونظرات زايغه .......... حمد ولد عمكم

مها:من هو ؟؟؟؟؟؟؟ وطالعت عليا//لانها عارفه ان حمد موته وروحه وحياته عليا//

هيا:اه المزيون اللي يدق عود وصوته يهوس والله وعرفتي تنقين بس فيه عيب شرعي

الهنوف:وش هو؟؟

هيا:كنه يحب عليا

عليا:لا انتي غلطانه هيا ،،،، حمد ولد عمي يعزني ويقدرني وكله يسولف لي

انه اذا بغى يعرس يبيني اختار له وحده على ذوقي لأن ما عنده خوات فانا ومهوي خواته

مها كانت تطالع اختها باستغراب

الهنوف:ليش تنكرين يا عليا واضح انه يحبج من نظراته لج في كل مره اصيده وهو يناظرج

عليا:غلطانه اسمعي اذا بغيتيه حلال لج اتلحلي والفتي انتباهه مهب قاعده محلج سر

الهنوف :وش اسوي يعني اقوله تعال انا احبك واموت فيك وروحي بتفارقني لو ما حبيتني

هيا:وخر عنها كل ذا فيج وحنا ما درينا عنج

عليا:بس انا داريه وماخذه بالي منها ومن غيرها وناظرت هيا

هيا:وجع وجع من تقصدين//هههههههههههه اللي على راسه بطحه يحسس عليها// (( نسيت اقول لكم قرائي الكرام اللي بين الخطين هذولا// يعني انا اللي اعلق عليهم لأدخال البسمه على قلوبكم مهب كلام ابطال قصتي وهذا للعلم فقط))

عليا:اقصد حبيبتي وخطيبة اخوي خالد هياوي

هنا البنات تسدحوا من الضحك لأن وجه هيا اختلطت الوانه

وكلهم عارفين ان خالد مكلم امه واخته يبي هيا وهم وعدوه يكلمونها بس بعد زواج مهوي.



هيا:اوووووه والله لو تحدوني ارفض اخوكم

عليا:وشو وشو وهو انتي تطولين تاخذين خالد طول بعرض وجمال ومنصب وكل

عذرا تتمناه اقول ارفضي من الحين عشان انقي له وحده ومن رفيقات مهوي

اللي كله مطيحات عندنا بس عشان يلمحنه وهو مار ولا زار

هياوهي ماسكه وسطها:هي انتي وياها اللي في امها خير تقرب بس من خويلد

هههههههههههه مها
هههههههههههه الهنوف
ههههههههههههههههههههههههه ه عليا//ايه اطلعي على حقيقتج عادي وعبري

عن مشاعرج ما فيها شي

الهنوف :وانتي عليا وش مشاعرج ما قد حبيتي حد؟؟ انتي كله منغلقه بهذا

الموضوع ولا قد سمحتي لأي احد انه يتكلم فيه

عليا:لأني ما احب احد بعينه واذا صار انتوا الثلاث اقرب ناسي وربعي بقول لكم

وجعله ما يصير امحق اذا هاذي بوادره الي باينه عليكم ما ابيه ههههههههه

هيا:تصدقين علايه اتخيلج في حالة حب شكلج بيكون نايس وبتكونين روعه

عليا:جعلج الروع قومي روحي بيتكم لا يجي خالد ويتنح اذا شافج

هيا:قولي والله انه يتنح اذا جات سيرتي؟؟

عليا:يا الليل اللي مابه لمبه قومي بوصلج للباب
وقامن وتوهم عند الباب

إلا ابو خالد ومن وراه خالد داخلين سلموا وراحوا داخل وهيا ما غير تلتفت وراها

عليا:مامي الدرب يناديج وهو مهب مطالعج ومعه بابي

هيا:عليا قولي امين

عليا :امين اكيد من غلاتي عندج بتدعين لي بشي حلو وزين

هيا:جعلج تحبين وتتعذبين بالحب ومابه من يساعدج غيره عشان اتشمت فيج

عليا:افففففففف لهدرجه انا مؤذيه عشان تدعين علي بهالدعاه

هيا:وش انا دعيت عليج به بالحب مهب بالمرض

عليا:اقول طسي لا افرج باللي في يدي

عليا،،، عليا،،،،،،،،، عليا

كان خالد يصوت على اخته وردت عليه وهي تضحك ورافعه حاجبها

لبيه لبيه يا بعد روح عليا

خالد وهو واقف عند باب الصاله ويطالعهن :تعالي وشهالسوالف اللي ما خلصت

عليا:هههههههههه اه لو تدري بس

خالد:طيب تعالي ودريني تراني غشيم وهو يضحك ودخل

هيا:واااااااااااي احبه اموت عليه هالصبي ابو غمازات

عليا:صدق ما تستحين اقول اسري احسن لج افففففف ما عاد به خجل واحمرار خدود هاليومين

وراحت هيا لبيتها وهي فرحانه من اللي شافته

جات عليا ولقت امها وابوها واخوانها الثنين ومها قاعدين وكن عندهم اجتماع القمه

عليا:مها وين الهنوف///مها راحت تبدل وتسبح وبتنام //معروف ان الهنوف بين فتره وفتره تنام عند بنات خالتها

ابو خالد:تعالوا بقول لكم خبر مفرح والله اني قد لي كم يوم متعومس ومن

جاني هالخبر افرحني وانساني اللي بي

ام خالد:عسى ما شر بو خالد اول شي قل لنا وش معومسك وحطنا بالصوره

ومن ثم قول خبرك السار

خال:ابد يمه شوية مشاكل ماليه بشركتنا موقفه لنا مشروع مهم وان شاء

الله راح نحل هالأزمه ولا شرايك يبه باللي انعرض عليك

ابو خالد:الموضوع مهب بيدي يا ولدي بيد صاحبة الشور؟

ام خالد:شور وش شوره ادخلوا بالموضوع وخلوا عنكم الألغاز

ابو خالد:نترك هالموضوع وبقول لكم ان اختي الوحيده/الجازي ام سعود/ تعرفونها

ام خالد :وعيونها بتدمع من ذكرى بنت عمها اللي ما شافتها من سنين

وشلون ما نعرفها هذه اختي وصديقة عمري وش فيها بو خالد يا رب بس مابه خلاف عليها

ابو خالد وهو يطالع عياله:ابد انتوا عارفين ان ابوي الله يرحمه كان رافض زواجها

من زوجها اللي هي الحين بعصمته وقال لها اختاري يا انا ياهالرجال الي متقدم لج وانتي تبينه

ام خالد:ايه عارفين واختارته وابوك الله يرحمه ويسامحه طردها من حياتنا

ابو خالد:بس سوا اللي عليه زوجها اياه ومن بعدها قال لها يله ما ابي اشوفج كلش

عليا:هذا كله عارفينه بس وش الجديد

ابو خالد :فديتج الجديد جاء عن طريقج انتي وبخليها مفاجئه لج وشلون عن طريقج

عليا:لا يبه قول

ابو خالد :خلونا نكمل السالفه المعروف ان الرجال اللي تزوجته اختي صديق اخوي بو حمد الروح بالروح

ومن جيته لنا عرف ان عندنا بنت مزيونه وقد الزواج وخلى هله يجون يشوفونها واعجبتهم واخطبوها

وكان ابوي يبي بنته الوحيده لولد رفيقه وتكون قريبه منه مهب ياخذها ويطير بها برا قطر

//اللي كان متقدم للجازي اهله بالكويت//

المهم من بعد ما خذوا رايي اختي اختارت مشعل /وهذا اسم زوجها/ وخاصه

انها قد شافته وهو بعد شافها وصار القبول بين الطرفين

وولد صديق ابوي كانت اختي ما تهضمه ولا ينزل لها من زور على قولتها انه راعي لعبه ومغازل بنات كما كانت تسمع عنه

المهم ان ابوي زوجها اياها وحتى ما بارك لها ولا ودعها وخلاني انا واخوي بو حمد

نقوم مقامه وامي معنا الله يرحمها وسافرت ودموعها اربع اربع بس مرتاحه انها سوت الصح

ووصتنا ان حنا نحاول فيه عشان ترد لنا وتزورنا بين فتره وفتره

والباقي انتوا عارفينه

انه رفض رفضا باتا انه يستقبلها وقبل لا يموت من سنتين قال قولوا لها اني مسامحها

ولا تحط بخاطرها علي وخلوها تطلب لي الرحمه

عليا:زين يبه ابي أسألك ليش احنا ما كنا نتواصل وياهم طول هالفتره

انا اذكر اني شفت عمتي مرتين ثلاث يوم كنا صغار وكنا برا الدوحه وكنا بدوله اوروبيه

ابو خالد:لأن ابوي يوم درى اني تواصلت معاها انا وامج وابو حمد اغتاظ وسب وهاوش

وخيرنا بينها وبينه

خالد:لا حول يا انه هالجد متعصب وفكره غير نمونه

علي:ههههههههه والله انك اخو غير نمونه انت حد يقول عن جده كذا

المهم يبه كمل به شي جديد بالموضوع

الجديد يا عيال

ان عمتكم ترملت من بعد موتة ابوي بكم شهر والحين جاني ولدها الكبير سعود

ويبي يجيب امه ونواصل اللي انقطع

ام خالد :والله والله بو خالد ابركها من ساعه يكفي اللي راح من عمرنا والله يكفي

عيالنا تربوا بعيد عن بعضهم وقعدت تبكي

قام ابو خالد وضمها وقال لها اعرف وشقد تحبين اختي وانا بعد احبها وافتقدتها

بس خلاص وبعدين هالعيون اللي تطالعنا ههههههههههه

رفعت راسها شافت عيالها يطالعونها وهم يضحكون

ام خالد:ممكن اعرف وش اللي يضحك بالموضوع الحين انا ابكي وانتوا تضحكون

عليا:ههههههههه نضحك من ضمة ابوي لج شوفي وشلون حاضنج لدرجة اني غرت وبعدين هذا مكاني انا عند ابوي هههههههههه

علي:اقول انتي متى بتعرسين وتفضين الجو لأمج ماخذها زوجها عنها

مها:ايه والله متى ترى لعوزتينا

خالد:صحيح

ابو خالد:هيه انتوا كله إ لأ عليا هذه حشاشة يوفي وسمية الوالده ما ارضى عليها

ومد يده لها وجاته طلقه وضمته وحبته على يديه الثنتين وراسه وحبت امها

المهم انتوا ترى العرس بقى عليه اسبوعين خلصوا اموركم

ام خالد: من بيجي مع اختك؟

ابو خالد:ولدها الكبير واخر بنت واسمها شجون مثل ما انتي عارفه

ام خالد:والباقيين

ابو خالد:الباقيين بعدين ولأن سعود ولدها الكبير ارمل والصغيره ما بعد تزوجت فهم اللي بيجون

ومعروف عن عمتهم انها جابت ثلاث عيال وثلاث بنات وكلهم تزوجوا إ لأ الصغيره

اللي توها متخرجه من كم شهر

ام خالد:لا حول ولا قوة الأ بالله وهو سعود ترمل

ابو خالد :ايه وعنده من زوجته بنت عمه طفله صغيره وهي عند اختي الحين وبتجي معهم

زين اقول شباب ترى بجهز الملحق اللي برا لكم ولولد عمتكم وبما ان البيت فيه بنات فاحسن شي هذا الترتيب

علي :وحنا نقدر نقول للملكه شي انتي امري وحنا لج منفذين

ابو خالد:رتبوا المكان بحيث انه يكفي هالشباب الثلاثه وخلوا البيت للحريم وللعرس

والمهنئين ويله الحين نقوم نمسي بخليكم تصبحون على خير

وغمز لخالد بعينه شي وخالد وافق على غمزته

عليا من بعد ما راحت امها وابوها:خالد ابوي فرحته ناقصه وش فيه؟

خالد:ابد تتخيلين هي شوية مشاكل وان شاء الله بتنحل

وترى بيت عمتي بيجون قبل العرس بيومين خليكم جاهزين لهم

وطلع هو وعلي للحوش كن عندهم مشاورات ما يبون البنتين يعرفون بها

مها:اقول وش شعورج وعمتنا جايه لنا بعد هالمده الطويله

عليا:مدري والله مهوي قلبي ناغزني من كلمات ابوي الأيحائيه وشكله المهموم

وجية عمتي مربوطه فيني وش السالفه

مها من قال لج ان جية عمتج مربوطه فيج؟

ما شفتي ابوي قط له كلمه وانا ذكيه القطها وهي طايره

يله قومي روحي احضني الهنوف وسولفي عليها بالمستجدات الجديده

مها:على طاري الهنوف انتي ليش نكرتي حب حمد لج قدامها مع انه واضح للكل وهي متأكده من هالشي

عليا:ودي خليها تحاول فيه وتراهم مناسبين بعض وانا ما اناسب حمد كلش

مها:ابوي وعمي عاقدين امالهم عليكم

عليا:عمي يحبني وابوي اكثر منه ولا راح يجبروني على شي انا ما ابيه

راحت عليا لغرفتها وقعدت تفكر لين تعبت من التفكير

وقامت وبندت الليتات وراحت فتحت شباكها وقعدت تناظر النجوم

شوي والا مار على بيتهم سياره ماره وهي تمشي بكل تمهل ووخرت عن مرمى البصر وطالعت وشهالسياره

تمنقلت عدل وعرفت من صاحب السياره اللي كان يطالع صوب شباكها وكنه عارف انها واقفه وراه

هاه احبتي عرفتوا من هو صاحب السياره

اكيد عرفتوه ههههههههههه ........................
هو به أحد غيررررررررررررره.


درة الاحساء غير متواجد حالياً   رد مع اقتباس
قديم 02-01-15, 12:16 AM   #7

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت السادس

احتارت عليا وش جاب الرجل الغريب لحد هنا وبهذا الوقت المتأخر //اخبره كان ورانا ووصلنا وراح بحال سبيله وشلي مخليه مار من هنا

اففففففف وانا وش حقه اتعب راسي بالأسئله سكرت شباكها وراحت تنام وهي

كلها اسئله ولا لقت لها إجابه عمتها وجيتها وهالرجال اللي اعترض طريقها مرتين
وكلهن بالصدفه

ونظرة ابوي لخالد وحاله اللي كله تعب هي السالفه تعب عمل وامور ماديه ولا فيه شي كايد وقعدت تتقلب لحد ما اذن الفجر قامت وتعوذت من ابليس وتوضت وصلت وقالت لعمرها يا عليا دعي الخلق للخالق والله يسهل امور ابوي ويسرها

وقضوا هالوقت اللي بقى قبل العرس ركض ومراكض لحد ما انجزوا كل شي بوقته

والعروس متوتره وطلبت من محمد توقف المكالمات وهو رافض لين زقرته عليا

وهددته وهي تضحك طبعا انها بتأخر العرس لو ما جاز وتركد وما بقى للعرس الا

ثلاث ايام

هو قال لمها ولعليا:ما عليه بتشوفون الخبال يوم العرس وقد اعذر من انذر
وفي اليوم المحدد لجية العمه كان كل شي جاهز لأستقبالها

وكانت فرحة ام خالد ما توصف وهي واختها ام محمد يجهزن لبنت عمهم اللي ما شافوها من سنين

وجات الجازي ام سعود وكا ن الأستقبال كله صياح وعتاب ويمكن استمر الحال ساعتين وهم كله ضم ولم وبكاء وذكريات لحد ما جاهم ابو حمد وكمل عليهم

هنيه قال ابو خالد لأخوه: عدل والله انا قاعد لي ساعتين اهدي تجي انت يا الرجال وتكمل معاهم
ابو حمد:اقول اسكت لأبكيك معانا واخلي منظرك العن من منظري
انت ناسي انها اختنا الوحيده وغلانا وان احنا ما شفناها من سنين

هنيه بو خالد تبلعم وطلع وقال :بروح للمجلس اقعد مع سعود خليناه بروحه
مع العيال يله خلص موالك والحقني
وطلع وهو فرحان لأجتماع شمل اسرته وراح للمجلس وقعد مع العيال وسوالف

وضحك وكان ابو خالد مسووي عشاء كبير وعازم الأولي والتالي

شوي وجاهم حمد ومحمد والتموا يسولفون وجاتهم العمه وام خالد وام محمد وقعدوا قعده ولا اروع

ابو خالد: حنا لنا قعدات ان شاء الله جايه بس بسألج ام سعود كم يوم بتجلسين هنا

ام سعود:والله اسبوع لأن سعود مشغول بشغله وبنرد بعد شهر هنا وبجيب كل عايلتي وبنقعد مع بعض واوعدكم ما عاد نفترق اكثر

ابو خالد: اجل الحين روحن داخل البيت لأن هالوقت الناس بتجي تسلم على سعود والسهره الليله صباحي يا جويزي هههههه

قامت وبكت لأن ابو خالد كان يدلعها بهالكلمه

علي:يا هوووه يا عمه جويزي

خالد:استح على وجهك هالكلمه بس لأبوي وانت لا

سعود وهو يضحك :اقول لا تسمعكم بنتي النشبه وتعلق عليها تعرفون هي اي شي تسمعه ما عاد تنساه

علي:الله يخليها لك حلوه هالبنيه كم عمرها

سعود:/4/سنين/ومسميها العنود ودلعها عنودي عنوده اللي ودكم

ومضى الوقت وكان من اجمل اوقاتهم

نرجع للحريم او بالأحرى البنات

شجون:الله يا بنات خالي ما اجمل لمتكم اعتبروني اختكم الرابعه
هيا: احم احم انتي بتكونين بالترتيب الخامسه انا الرابعه هههههههههههه

واقول لا احد يتعدى على حقوقي وكانت ترفع حاجب وتنزله

هههههههههههههههه وضحكن كل البنات الموجودات لأنهن عرفن هيا وش تلمح له
شجون :لبى روحج هيا:انا الخامسه السادسه اهم شي اكون منكم وفيكم

انا عندي اختين مثل ما انتوا عارفين بس لاهيات بحياتهن وبيوتهن وعيالهن ولأني اخر العنقود فتشوفوني ضايعه بينهم ما عندي إ لأ هالعنود ابثها شكواي

وعلى طاري العنود جات سيده ولصقت في عليا وكانت تشمها وتقول لها:ابي ،،ابي

عليا:وش تبين قولي

عنوده/ابي مثلج //احتارت عليا وش تبي عنود

شجون خذت العنود وسئلتها ووين لين فهمت انها تتعطر من عطر عليا

عليا وهي تضحك لعنود:لبى قليبج بس كذا تعالي والله لأسبحج به وخذتها وعطرتها ومشطت شعرها العسلي وسوت لها تسريحه حلوه

ماماه: هنا كلهم التفتوا لشجون عشانها مربيتها بس عنوده راحت لعليا وقالت ابي ماماه

عليا تمت تطالع شجون يعني ترجمي

شجون :شوفي عنوده عمرها ما صوتت على اي شخص غريب بهالأسم ما تقوله إ لأ لأمي ولا انا تقولي شجونه

والحين هي تقولج ماماه غريب والله غريب انها تقولج ماما

عليا تغارقت عيونها من الدموع على هاليتيمه اللي تدور الحنان الأمومي عند كل امرأه تصادفها

شجون:انا جبت لي فستانين للعرس وحابه اخذ رايكم وش الأحلى

وقعدن يجهزن للعرس اللي هو بعد بكره

دق محمد على مها بس هي ما ردت عطت الفون عليا إللي تصدت له
محمد:عليا قولي امين جعل ياخذج من لا يرحم دقات قلبج

عليا:هههههههههه بتبطي انت وهو اللي ما اعرفه بس اسمع يا ولد خالتي لا تحرجها والله ان خدودها مولعه وعيونها واذنها عندي بسبتك اصبر ما عاد بقى شي

محمد: اوكي بس قولي لها ان غذا لناظره لقريب

عليا:والله ما اقول لها هي بروحها تبي سبه عشان توخر العرس وانت بكذا بتروعها
محمد:اجل خلاص يابنت والله اني اضحك وما عندي ما عند جدتي يله سلمي عليها وبوسيها لي

عليا:اقول روح بعيد بس ،،، بعدين تعال انت وين الحين

محمد برا مجلسكم وتونا مخلصين العشاء وبروح للبيت ما ودي اسهر تعبان

سلمي امانه سلمي
عليا:لا حول زين بسلم يله روح ريح يا عريس

مها:هاه وش قالج

عليا يسلم عليج ويقول راح توحشينه
شجون:حركات مها انتي ليش ما رديتي عليه
مها:احسن جنني من املكنا لحد من يومين وانا كله مكالمات ابي اقعد مع هلي ما يخليني اتنفس فديته والله
هيا:وشهو من هو اللي فديته
مها :خالد اخوي فديته طالب من امي تدور له عروس بعد عرسي مباشره
هيا:ليش انتوا ما حصلتوها عروسه لين الحين
عليا:والله لقينا ثلاث وقاعدين نفرزهم له وهو اللي عليه انه يختار بينهن
هيا عصبت وقطت حكي عليهن

شجون :ههههههههه لحظه كني فهمت الطبخه هياوي تحب ولد خالوووو

هيا :اووووه انتي وش تحب لا ما احب هو اللي يحبني

شجون/ايوه حلو كذا وناسه والله من عرس مها وننتقل لعرسكم انتوا بعدها الهنوف ومن صاحب النصيب المحظوظ

الهنوف:والله لين الحين ما دق بابي هالفتى

شجون:ما عنده نظر والله

عنوده:ماما علايه ابي انام

فطسن البنات من اللقب وشلون القطته وهي سمعته مره وحده

عليا:تحت امرج والله وين تبين تنامين بس انتي امري

عنوده:عندج ابى انام

شجون/اممممممم غريبه للمره الثانيه هي ما تنام إ لأ بحضن ابوها ويالله يالله اذا كان مشغول ولا مسافر تنام عند امي وشلون الحين بتنام عندج

المهم بغير لها وبتصل على ابوها يشوفها قبل لا تنام وبعدها بجيبها تنام عندج اذا ما عندج مانع
عليا:لا والله إ لأ ابرك الساعات والله اني حبيتها ها العنودو
ومن بعد ما لبست بيجامتها راحت لأبوها تحت بالصاله من بعد ما دقت عليه اخته يجي واكدت عليه ان ما به احد تحت

جاء وباس بنوته وقعد يسولف لها شوي وتوه بيطلع قالت له بنته
بابا: رد عليها يا روح بابا ،،،تعال شم وعطته خدها ويدها

الله عنودي وشهالريحه الحلوه
عنود/هادي ريحة ماما علايه

سعود وهو يطالع اخته وش هي تقول
شجون شرحت له السالفه قعد يناظر بنته وهو يفكر وباسها وقال لها روحي نامي عند ماما عليا

لا ماما علايه

لا حول وهي سمعت منيه وسجلت منيه

شجون :ايه تعاي ماما نروح لعند عليا

وراحت معها وقضوا وقت من احلى الأوقات واصبح اليوم الثاني كله شغل وحنى للحريم ورمسه وزحمه وترتيبات

وجاء اليوم المنتظر يوم زواج الحلوين العاشقين

وراحن البنات من الظهر للقاعه كلهن واتفقن ان الحريم الكبار يلحقونهم بعد صلاة العصر

ام خالد:عليا بتقدرين يمه تخلصين كل شي بروحج

الهنوف:افا خالتي وانا ويني وهيووه وينها كلنا مرتبين الشغل لا تحاتين

ام خالد:جعل عيني ما تبكيكن وجعلني افرح فيكن وحده وراء الثانيه

هيا:امين

ههههههههههههههههههههههههه ههههههههههههههههههههههههه ههههه

وطلعن وهناك كل شي كان على قدم وساق وما جات الساعه ست إ لأ كل شي جاهز

نجي للعروس اللي كانت بقمة توترها

مها:عليا اقول لا تبعدين عني انتي وهنوف في الزفه اخاف اطيح ولا ولا

عليا خلي عنج السوالف اللي مالها معنى بس كلنا جنبج ولا تحاتين ولا ابي
اشوف إ لأ ابتسامتج وتحملي تبكين لأعطيج كف واخليج صدق تبكين

وكلمه من شجون ومن هيا وحتى عنودوا ما قصرت بنشر جو الفرح

على الساعه سبع ونص قعدت عنود تبكي ابي بابا وابي بابا
وشجون تسكتها وين اجيب لج بابا الحين بعرس الرجاجيل ولا كو فكه

عليا اتصلي عليه وترى الرجال مهب ببعيد عن قاعتنا كلها عشر دقايق يجي يشوفها ويسكتها وبعدين يروح
شجون :بس انا مشغوله من بينزلها له

عليا:امممممممم انا بنزلها بلبس عباتي ولثامي وبوديها له بس ما اعرف شكله اخوج هذا هههههههههه

شجون :سعود فديت روحه احلى رجال بالدنيا من تشوفينه راح تعرفين ان هذا سعود بس انتي ناظري عيون عنودو وبتعرفين شكله

عليا:اقول اخلصي علي

ودقت عليه وقالت له انها بتجيب له بنته عند الباب وما قالت ان عليا هي اللي بتجيب بنته له

ودق سعود على اخته بعد ربع ساعه ووصفت له الباب اللي لازم يجي منه

وراحت عليا وهي ماسكه عنودو وهالعنودوا كانت تبكي وعيونها حمر من كثر الصياح

وعند الباب قعدت عليا تتلفت وما شافت اي رجال /////////

شووي إ لأ تشوف اخر رجل كانت تتمنى انها تشوفه لا يمكن وهذا وش جايبه هنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

انتظروني في البارت السابع وياهي علوم بتصير في هالمقابله وفي الزفه
وكلها مفاجأت حلوه وغاويه ومن اللي يحبها قلبكم

تابعوني لا خليت منكم


..............


درة الاحساء غير متواجد حالياً   رد مع اقتباس
قديم 02-01-15, 12:18 AM   #8

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت السابع
وقفت عليا تناظر هالشخص اللي شافته واقف ومعطيها نص وجهه بس ما عرفته من هو

وعنوده من شافته نزلت وراحت له ركض بابا وهي تبكي

خذها ابوها وضمها لصدره وقعد يراضيها ويحاول انه يفهم وش فيها وهي ما غير تبكي وتقول كلام مهب مترابط

التفت لعليا اللي واقفه وكلها صدمه واندهاش للي تشوفه وتتساءل من بد مخاليق ربي تطلع انت ولد عمتي سعود

سعود:مساء الخير عليا وشحالج ،،، اسمحي لي مدري وش اقول كنت أتمنى اني اشوفج بأحسن الظروف بس هذا اللي حصل ومالي يد فيه

عليا:بعد التقاطها لأنفاسها :هلا سعود وشحالك

سعود:بخير بس ممكن اعرف وش فيها عنودي تبكي بهالطريقه

عليا :مدري والله انا كنت مع امي وخالتي وعمتي تحت نرتب القاعه إ لأ شجون متصله فيني تبيني انزلها لك

سعود:اسف عليا لهالظروف اللي كل مره جمعتني فيج كل ظرف العن من اللي قبله

عليا:لا ابد سعود ما صار إ لأ الخير وعادي ترى اللي صار

سعود خذ بنته وسكتها بعد مراشاه وتحبب خشوم

عنودي:ابي اروح وياك

سعود:لا ماما ما يصير البنات الحلوات يتمون هنيه بس اوعدج بعد شوي برجع وباخذج

لا لا مابي ابي اروح معاك

عليا:عنودي ماما تعالي معاي وانا بخليج تطلعين بعدين مع بابا الحين ممنوع

عندو:وشلون لا لا لا

وكان سعود يتلفت يبي له حاجه فهمت عليا انه يدور له على فاين عشان يمسح وجه بنته

قامت فتحت شنطتها وعطته كومه مناديل خاصه بها //حتى الفاين اللي تستعمله غير هههههههههههه اخلصي//

خذه ومسح وجه عنودته ووعدها انه يجي مع زفة الرجال بس عشان ياخذها

ويوديها المكان اللي هي تبيه

سعود:يله ماما روحي مع عموه عليا

عنودي:علايه

سعود وهو يضحك على بنته:ايه عموه علايه

عليا انبهرت بغمازاته وضحكته لبنته وين وجهه الحين و وجهه ذاك اليوم وهو معبس

خذت البنت منه وراحت وهو يتعذر منها عن كل اللي حصل وعن ازعاجه وازعاج بنته لها

عليا وهي رايحه:ابد يا ولد عمتي ما به ازعاج هاي عنود الصيد والغلا لازم ندلعها

وراحت وعطت عمتها عنود وراحت للبنات فوق

وقعدت بعد ما فصخت العباه واللثمه وقعدت تفكر

هيا:بووووووووووه//يا بلفيت تخرعها

عليا:اه وجع روعتيني امحق مره اذا كذا بتلفتين انتباه خالد لا بالله خليج عند امج

جاتهم الهنوف وشجون وهن كاشخات اخر كشخه وكل وحده تقول الزود عندي

عليا:اقول بنات بقول لكم شي عشان ما تتفاجئون بعدين

وش وش قولي

عليا وهي تطالع شجون:تذكرون الرجال اللي عرض علي سيارته وانقذنا من الأهبل بالسوق طلع من؟؟

من من من؟؟؟

عليا وما زالت مركزه على شجون :سعود ولد عمتي!!!

الهنوف :لا قولي بدلي صج يا حلاته والله اخوج شجون

هيا:ابو غمازات ابو حواجب معقوده هو سعودنا ما غيره

عليا :ايه ما غيره

شجون :ممكن توضيح عشان اكون فاهمه طلاسمكم

وشرحوا لها كل شي

شجون :لبى قلب اخوي فديته والله فارسي المغوار

عليا:يله خلونا ننزل نستقبل المعازيم مع امهاتنا مهب حلوه وحنا مخلينهن بروحهن

بس قبل ما ننزل نروح لعروسنا نعطيها كل النصائح و...........

راحوا لها لقوها منكمشه على روحها وكنها باكيه ولا بتبكي

عليا :اقول اختي حبي قلبي ترى حنا فيها اذا مهونه عن العرس تطلقج منه ونزوجه هيا

مها:روحي انقلعي انتي وهيا معاج

هيا:يا ويل حالي وانا وش سويت انا كل امنيتي اصير مرة اخوج مهب مرة حمود

مها:حمود بعينج اسمه محمد قالتها وهي محمرة الخدين

الهنوف جات وضمت مهاوقالت لها:فديت حرم محمد وبس

وسولفوا معها وشجعوها انها تتماسك وتطلع بابتسامه ومهب تتخرع وترى هاليوم يسمونه يوم وليلة العمر

ونزلولن الرباعي الكاشخ وسمت عليهن الجازي وقرت المعوذات

وكل وحده من هالغزلان راحت تشوف لها شغله يبون عرس دلوعتهم وحلوتهم مها يكون بأحلى صوره

وبعد ما جات الفرقه ودقوا والكل جامل ورقص
نزلت العروس بكل الجمال على الساعه /11/على احلى اغنيه وكانت كل العيون

مركزه على هالعروس الكيوت اللي كلها برائه وحلا طفولي

وبعد وصولها لكوشتها وخذت لها عشرات الصور مع امهاتها وصديقاتها قعدت على الكوشه وكانت عليا واللي معها من البنات يرتبون قعدتها ويضحكون لها

جاتها عنودي وصورت معها وراحت تترقص مع اللي يرقصون وفرحانه بهالجو المفرح

بعد ساعه من وصول العروس اعلنوا عن وصول المعرس وعلى النساء انهن يتغطن

دخل معرسنا على اغنية التميمي حمد وكانوا كلهم داخلين وياه

ابو حمد وابو خالد وسعود وخالد وحمد وعلي مسوين جو وماسكين السيوف ويرزفون لحد ما وصلوا المعرس الكوشه وكانت العروس متغطيه

وجاها ابوها وباس راسها وتمنى لها السعاده وعمها واخوانها

اما حمد وسعود فكانوا واقفين على جنب مع العمه اللي كانت تبيهم يرزفون ويرقصونها

حمد:ابشري عمتي واحلى اهداء للعمه الغاليه وطلب من الدقاقه اغنيه لعمته ودقت لهم وغنت وابدعت وما غير حمد يصول ويجول بعمته على كبر المسرح كله

بعده جاهم خالد وسعود وكملوا على العمه هدوا حيلها ما غير يتبادلونها هاشباب الفرحانين بها

جاها اخوها بو حمد ورقصها من اعمق اعماق قلبه وهو يضمها ويبعدها ويرجعها لصدره ويطالع زوجته يبيها تغير وهي ما غير حاطه رجل على رجل ولا كنها من اهل الفرح

بعد هالزفه وها الأستعراض الروعه طلب من الرجال مغادرة الصاله الحريميه

وطلعوا وما تم إ لأ المعرس اللي كان ميت على شوفة مهويته اللي كان ماسك يدها من اول ما دخلوا

جاها ورفع عنها الغطاء وباس راسها وجبهتها وكان بيكمل لو ما ابتعدت عنه

عليا:هي يا الأخو التزم شوي ترى حركاتكم مراقبه من الكل

وطلبت منهم المصوره حركات حلوه لزوم التصوير

وبعد ساعه غادرت العروس مع عريسها لجناحهم وقاموا المعازيم على العشاء

وتمن البنات يرقصن

راحت الهنوف مع العروس عشان تساعدها ورجعت للبنات وهي فاطسه على مهوي وحركاتها الطفوليه وانها كانت ماسكه فيها وما بغت تخليها تطلع

لحد ما مسكني اخوي وجرني بقوته وطلعني من الجناح

عليا:فديت اختي اكيد الحين هي ميته من الأحراج

هيا:عقبال ما اموت من الأحراج معاك يا خالد

الهنوف:امين لج ولكل واحد يحب الله يجمعه مع حبيبه

سعود اول ما طلع خذ بنته معاه وراحوا على انه في تالي الليل من بعد ما ترجع امه تجي تاخذها منه

وعلى الساعه ثلاث ونص ردوا اهل بو خالد لبيتهم من بعد ما خلص العرس

اللي كان من اروع الأعراس

بو خالد خذ مرته وراحوا لغرفتهم

والبنات الهنوف وهيا اللي قررت تبات عندهم عشان تودع العروس بكره لما تجيهم

شجون باتت في غرفة عليا وهيا والهنوف بغرفة مها

وبدلت عليا وتجهزت لصلاة الفجر إ لأ تشوف تلفون شجون يرن رنين متواصل وكانت شجون تتسبح ولا هي بطالعه إ لأ بعد ساعه تقريبا

ردت على التليفون

شجون وينج ادق عليج من ساعه حسبي الله على ابليسج تعالي انا تحت بالصاله وهالنزقه جننتني تبيكم والذات عليا

تعالي اخذيها رحت لأمي ولقيتها نايمه ولا حولها انها تقوم تعالي

شجون وش فيج صاخه؟؟؟

اممممممممم انا مهب شجون
شجون تتسبح وش السالفه وش فيها عنود

سعود:لا حول والله مهب قصدي ازعجج بس هي ما نامت تبيج وانا ابي اروح اصلي الفجر جماعه وهي لاصقه فيني ما تبي تفكني

عليا:اوكي انا جايتك باخذا منك لأن شجون من سابع المستحيلات تجيك يبي لها ساعه على ما تخلص

خذت لها شيله كبيره تغطيها ولبستها وتغشت بطرفها ونزلت له وسلمت وجات تاخذ البنت الا هي ماسكه ابوها بكل قوتها

سعود :شوفي انا بحطها على الكنبه وانتي اخذيها

وتوه بيحطها الا هي ناشبه له وماسكته وكانت تتسولف وكنها تتحلم

سعود:لا حول

عليا:ما عليه خلها وعطني اياها

قرب سعود منها عطاها البنت وهو يحاول بكل ما اوتي من قوه// يا حلوها بكل ما اؤتي منه ابو الفصحى// انه ما يناظرها

لكن عيونه سبقته وشاف طرف وجهها الحلو وجات يده ومن دون تخطيط مسبق بيدها

وحسوا انهم ضربتهم صاعقه والتماس كهربائي

وخرت عنه وطلعت والبنت بيدها ركض وحطتها على السرير وتعوذت من ابليس

وتوضت من جديد وهي كانت اصلا متوضيه وصلت وحاولت انها بعد الصلاه انها تنام

ولكن ما جاتها نومه من هالأحداث اللي كانت صعبه انها تتخيلها انها تصير معها

بالنسبه لسعود من طلع وهو شبه مخدر
راح وتوضأ وصلى جماعه ورد ونزل من سيارته ومد يده يبي يرمي الفاين اللي بسيارته اللي مسح وجه بنته به اللي كان من عند عليا

لاحظ ان فيه شي ثقيل وسط الفاين

فله ولقى خاتم حلو ومشكنم وشكله الماس وغالي محطوط بسلسله احلى

وقعد يناظر بهالخاتم الروعه وقال بخاطره:هي ليش حاطته بسلسله ليش مهي بلابسته

ويا ترى هل يشكل لها ذكرى خاصه وهل .... وهل...

احتفظ بالخاتم عنده بسيارته ونزل واتفت صوب شباكها ولا شاف حد

راح ينام ولكن هيهات هيهات وكله تسأؤل من هو اللي جايب هالهديه القيمه لج يا بنت خالي

وقعد يفكر ويفكر لين تعب ونام على الساعه تسع الصبح
......................


درة الاحساء غير متواجد حالياً   رد مع اقتباس
قديم 02-01-15, 12:19 AM   #9

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت الثامن
في اليوم الثاني وعلى المغربيه جات العروس والمعرس لبيت ابو العروس

بيسلمون عليهم وبيقعدون معهم كم ساعه ومن ثم بيسافرون لشهر العسل

وكانت العروس شكلها يجنن وكيوت ومستحيه من نغزات هيا والهنوف

طلبت عنودو ماي فراحت شجون تجيب لها من المطبخ وما كانت لابسه

اي شي على راسها على اساس ان البيت مابه رجال غير خالها وبس

وهي صاعده الدرج اخبطت لها رجال وطاحت غرشة الماي من يدها

التفتت إ لأ تشوف واحد قدامها من الخرعه تبي تمر بس هو كان ساد الطريق

تلتفت وتبي ترجع وراها ونزلت بس هو ناداها

علي:اختي تعالي وسوري على اللي صار والله ما كنت ادري ان به حد برا

انا سئلت عليا كنت ابي لي حاجه ضروريه من غرفتي فقالت تعال عادي

ما به احد برا تفضلي ووسع لها المكان وهي مرت كنها صاروخ من جنبه

وهو تم واقف مكانه ويفكر اكيد هاذي شجون لأني عارف شكل الهنوف

وشكل هيا من كثر ما يلمحهن من بعيد

وراح للمجلس وهو يفكر باللي شافه ونوى له نيه ما نواها لغيرها من قبل هاليوم

نرجع عند العروس واللي قاعدين معها

دخلت عليهم شجون وهي تنتفض من الموقف الي صار معها وقالت لعليا وشلون تقولين لأخوج تعال داخل مابه حد برا وانا كنت بالمطبخ

عليا:والله ما خذت بالي انج برا على بالي في غرفتي تتعدلين ولا اي شي

بس وش صار هاه قولي شكلج مهب على بعضه

شجون ارتبكت وبعدها قالت:صار ان فيه واحد وش متنه وش عرضه دعمني

وانا صاعده الدرج وبغيت انطحن واطيح

هيا:هاه من هو وشو اربه بس مهب خالد

الهنوف :هههههههههه والله انج دافوره تو عليا تقولج ان اخوها علي داق عليها

يبي ياخذ له حاجه مهمه من غرفته ركزي امحق بنت ما به بهالدنيا غير خالد

هيا:فديت خالد ايه بالنسبه لي مابه غير خالد وبس

عليا:طالعوا احنا وين وهي وين ،،،وبعدين شجون وش صار

شجون:ابد ما غير زغللت عيوني وضربتني ام الركب وخفت وبغيت ابكي

ورجعت ريوس ابي اهرب بس هو وسع الطريق واعتذر فسمعت تبريراته ورحت

مها:هههههههههه عاد علي ماله بهالسوالف كني به الحين مستحي اكثر منج

شجون:مستحي اسمع هاي وش تقول والله انه قعد يطالعني ساعه

عليا:يا وجه الله وانتي ركزتي عليه وهو يطالعج

شجون:اووووه عليا بعد انتي وتعليقاتج

عليا:ههههههههه بعدين لا تلومينه اول مره يشوف وحده حلوه وكاشخه قدامه

شجون :هذا انتن خواته حلوات

مها:خواته قلتيها هههههههه فديتك عليان دعمت البنت وصار اكسدنت بس وايد حلو هالأكسدنت

شجون:اووووه مها والله اروح عنكم عند امي وخالاتي

ارحموها البنات وقعدن يسولفن مع مها وقدمن لها الهدايا

وراحت مع زوجها للمطار وداهم علي ومن جاء طاري علي احمرت شجون وطلعت من المكان

وضحكن البنات عليها

قبل سفر سعود وامه بيومين جاء علي لأبوه وامه وقال لهم:يبه يمه ابيكم تخطبون لي بنت عمتي شجون

خالد:هاه وليش متعدي على حقي بالدور يا اخي حنا اتفقنا ان بعد زواج اختك اتقدم انا لهيا

علي:يا اخي تقدم وحد ردك

خالد:لا بس اصبر شوي مهب قرطب قح وبعدي مباشره

علي:ان ما كنت قبلك ،،،يبه وش رايك ؟ وكانوا متجمعين بالمجلس البراني وما

عندهم حد

ابو خالد:والله اذا تبيها واهلها وهي موافقين ابرك الساعات وين بحصل احسن

من بنت اختي بس انت وش الي دخل هالفكره براسك؟

علي :هاه لا ولا شي بس حبيت اعرس مثل بقية الخلق

خالد:وش معنى بنت عمتك بالذات؟

ام خالد:لا حول وش فيكم عليه خلوه تعال يبه انا بجس النبض عند عمتك والبنت

وبشوف اذا مابه ممانعه ابشر والله

خالد:وانا يمه اشوف ضعت بالطوشه وانهضم حقي ونسيتوني

ام خالد:لا يبه ما نسيناك وبعد اسبوع روح انت وابوك لأبو هيا واخطبوا الدرب

سالك وكل شي اوكي وبعدها نعمل فحوصاتنا ومن ثم ان شاء الله نملك بكم

خالد:ايه اشوى وبعدين علي يتقدم ونتفق متى نسوي اعراسنا بس مهب مع بعض

ابو خالد:انتوا الحين ضمنتوا موافقة اختي وبنتها اصبروا شوي

علي:شوف يبه انت كلمهم ربط حكي ولا الأصول نعرفها بنروح لهم للكويت

وبنطلبها رسمي

هههههههههههههه والله وكبرت يا علي الله يقدم اللي فيه الخير وان شاء الله

امك بتشوف عمتك ويصير خير

طلعوا ابو وام خالد من المجلس وتم علي وخالد وقعد خالد يسأل اخوه لين

اعترف له باللي صار وانه وقع صريع نظرات ذيك العيون

خالد:ههههههههههههه والله وطبيت وما حد سمى عليك يله الله يوفقك يا اخوي

ويوم وكلمت ام خالد الجازي وسئلتها عن رايها بالموضوع

الجازي:ابرك الساعات والله ان حنا نتواصل دوم مهب يوم والله لو الأمر بيدي اني اعطيكم اياها من الحين

بس هذه يتيمه وبشاورها هي واخوانها وبرد لج الخبر بعد كم يوم

ويوم السفر توادعوا العمه وعيالها مع بيت ابو خالد

وكان علي يلف ويدور جنب السياره لعل وعسى انه يشوف زول بعض الناس

في النهايه ما شاف إ لأ شي اسود يتحرك قدامه

ابتسم وناظرها من بعيد

عليا وهي تودع شجون:اقول التفتي صوب ناس كنهم يبون يلفتون انتباهج

عليا عندها خبر من خطبة اخوها لشجون

التفتت شجون صوبه إ لأ هو يبتسم لها وصد

جات عنود وسلمت على جدها بو خالد وام خالد وتعلقت بعليا وقالت لها

احبج ماما عليا

استغربت عليا من الكلمه وانها دوم تقول لها علايه

التفتت صوب عمتها وودعتها وركبوا سيارتهم وراحوا

وسعود يطالع عليا من بعيد ويقول بخاطره :ايه يا بنت الخال ما فقدتي شي

ضايع منج بس برجع لج عليا ومعي لج مفأجئه مدري بتسعدج ولا؟؟

احبتي انتظروني يوم الأثنين ببارتي التاسع و العاشر وفالكم البيرق.


درة الاحساء غير متواجد حالياً   رد مع اقتباس
قديم 02-01-15, 12:22 AM   #10

درة الاحساء

نجم روايتي ومشرفة سابقةومصممه

 
الصورة الرمزية درة الاحساء

? العضوٌ??? » 213582
?  التسِجيلٌ » Dec 2011
? مشَارَ?اتْي » 6,499
?  نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي

البارت التاسع
مرت الأيام والعايله احوالها مستقره ،،،مها تتصل باهلها وتطمنهم على روحها.

وهي ما زالت بشهر العسل وبشرتها عليا ان معدلاتها الجامعيه اوكي ومرتفعه.

وانتقلت للسنه الثالثه بكل تميز

بعد اسبوعين جاء بو خالد لبنته عليا وناداها بروحها وجاته

بو خالد:تعالي يمه اقعدي جنبي وش علومج وش مسويه
عليا:ابد يبه كل شي اوكي ومثل ماانت عارف نجحت انا واختي وانا خلصت وهذا انا تخرجت ويله جهز لي قسم العلاقات العامه بشركتك بمسكه لك هههههههههه

بو خالد:انتي دوم وانتي رافعه راسي والحين بغيتج بكلمة راس وما ابي اي احد يعرف بها.

عليا:تفضل يبه انت تامرني

بو خالد:ما يامر عليج ظالم اسمعي شركتنا مرت بظروف عسره ولا طلعنا منها إ لأ سعود ولد عمتج.

عليا:وشلون وهو وشدخله ؟

بو خالد:هو شركته نفس شركتنا استيراد وتصدير وكنا نتنافس مع شركه اجنبيه

واتحدت معاه وفزنا بمناقصه كبيره

عليا:وكنت تعرف انه ولد اختك ذيك الساعه

بو خالد:ايه اعرفه شكلا واسما لأنه معروف وكل مناقصاته نزيهه والكل يبي رضاه

عليا:زين وش المطلوب مني

بو خالد: تعجبيني يا الغلا ،، كلمته عن اخوج علي انه يبي اخته شجون وقال ان شاء الله يصير خير وبرد عليك بعد ما اقعد وياها ومع اخواني وامي
وتوه امس محاكيني وقال ان اخته وافقت

عليا:الله وصفقت بيديها وهي فرحانه لأخوها زين خلني ابشر عليان يا انه بيطير من الفرح

بو خالد:صبر شوي اسمعي هو اشترط مقابل زواج اخته باخوج زواجه منج

عليا:هاه وش وش ليش وعسى ما شر هو انا مناقصه من مناقصاته يستبدلني باخته
لا يبه انا مهب موافقه

بو خالد:اسمعي العلم اللي بيجيج يمه ولا تستعجلين

انا مدين لسعود بمليون ريال وهو قال اذا عليا وافقت اعتبره مهرها وبعدين يا بنتي سعود وش عيبه والله انه رجال طيب وكريم وبار بوالديه ولا عمري شفت رجال مثله كامل والكامل الله وترى ما امدحه عشانه ولد اختي لا والله

وقال ان بنته حابتج ومتعلقه فيج وانه مراح يلقى ام لبنته احسن منج

عليا:بس يبه انا ما اقدر اتزوج بهاي الطريقه كني سلعه ولا بضاعه لا يبه

بو خالد:فكري عدل واستخيري وعطيني رايج بعد اسبوع لأنه بيجي لو وافقتي
وبنملك بكم مع بعض

عليا:يعني لو ما وافقت عليه مراح يوافق على اخوي واخته

بو خالد:ايه هذا شرطه وبعد يقول يبي يقعد معاج ويقولج على الباقي

عليا:نعم نعم هو بقى باقي وش عنده زود بعد

بو خالد:يمه عليا اصبري ولا تصدرين احكامج كذا شوفيه واقعدي معه واعرفي منه وش يبي منج واوعدج اني مراح اجبرج على شي

عليا:اوكي يبه موافقه اشوفه واشوف وش هو يبي مني متى بيجي حضرته

بو خالد:ههههههههههه لا تتكلمين عنه كذا تراه حبوب ودمه خفيف وطيب

عليا:لروحه ولهله مهب لي

بو خالد:خلاص بدق له وبشوف متى يقدر يجينا لأنه قال يبي يقعد معج قبل كل شي بعدها نحدد وش بيصير

عليا:خلاص خله يجي ونشوف

قام بو خالد وضم بنته ومسح على راسها وقال لها:من زمان وانا اقول ان عقلج اكبر من سنج وانج مراح تتصرفين إ لأ باللي فيه الصالح

وطلع منها ،،،،،،،،، وظلت تفكر ابوي كنه يبيني اوافق على هالزواج حتى لو انا مهب موافقه يا ترى يا سعود وش تبي مني

بعد يومين جاها ابوها وقال لها ان سعود بيجي اليوم المغرب وبيرجع بنفس اليوم فخليج جاهزه لشوفته

عليا:زين يبه وامي واخواني وش بنقول لهم

ابوها:خلاص قلت لهم وشرحت انه بيعرض عليج الزواج وبيشرح لج حالته ولا قلت لهم انه اشترط زواجه مقابل زواج ولدنا باخته مهب حلوه نصبر ونشوف وش بيكون نتيجة قعدتكم الليله

عليا:يبه اكيد بتكون معي بهالقعده

ابوها:لا يمه بتجلسين وياه بالصاله وبابها مفتوح والكل يشوفكم وبلثمتج ولا به غلط بالقعده

عليا:انا ما قلت غلط بس بس

ابوها:لا تبسبسين ولا شي انا بكون موجود قريب منج وخليج بنتي اللي اخبرها عن /100/رجال ههههههههههه تدرين انه علمني انه هو اللي عرض عليج سيارته ذاك اليوم ورفضتي

لعنبوكم كان قلتوا لي عموما الرجال اعجب بحسن تصرفج ولحقج لحد البيت وكان ناوي يخطبج ويوم درى انج بنتي زاد اصراره عليج

عليا بخاطرها لحقني يوم كنا بالسوق مهب يوم الجامعه ابتدأ يلخبط علينا

خلاص يبه بروح عندي شغله واذا جاء وقلط نادوني

راحت لغرفتها وهي عندها عاده اذا متضايقه تلبس السلسه اللي فيها الخاتم الغالي على قلبها

دورتها منيه مناك وما خلت مكان ما دورت فيه لحد ما تعبت من الدواره والتنشد ولا لقته

لا حول هاذي اوليتها الله يستر من تاليها

وعلى المغرب جاها اخوها علي يناديها وقال ان ابوي يبيها ومعه سعود وهو يغمز لها

عليا:اه يا علي لو تدري انه ربط موافقتي بك وبشجون //في قلبها هالكلام

طيب نازله اسبقني ولبست عباتها ولثمتها وجات وسلمت عليه وقعدت بعيد عنه

استأذن ابوها منهم وقال سعود هاذي عليا عندك واتفقوا وعطوني رايكم النهائي

عليا يمه هذا ولد عمتج وتراه شاريج وانا ما عندي مانع إ لأ اذا مانعتي انتي

وطلع

سعود:هلا عليا وشلونج وش اخبارج ومبروك التخرج

عليا:الله يسلمك ويبارك بحياتج وعقبال عنود ان شاء الله
سعود:اسمعيني عليا انا طلبت من خالي اني اشوفج عشان اوضح لج شي

انا من فتره وانا ادور لي زوجه وتكون على اختياري مدري اذا تعرفين ولا لا زوجتي المرحومه كانت بنت عمي وابوي هو اللي اختارها لي وكانت نعم الزوجه

وكانت امي تلح علي اني اتزوج واجيب ام لبنتي وكنت مأجل الفكره لين شفتج
وعجبتيني

عليا كانت تسمعه وكلها استغراب من كلامه هو وش فيه داخل بكل قوته

المهم بنت خالي انا طالبج زوجه لي وام لبنتي وش رايج

عليا:اذا رفضت انت بترفض زواج اخوي من اختك

سعود:والله مدري بس اذا اضطريت اني احطج امام الأمر الواقع بسويها

وترى ابوج قال لي انه قالج انه مدين لي بمليون ريال وقلت له هذا مهر عليا مني

عليا:يعني السالفه بيع وشرا

سعود:كيفج اذا بتعتبرينها كذا
عليا :بس هذا اجبار وحرام اني ما اختار زوجي بنفسي

سعود :ليش انا وش فيني يعني وتعتبرين زواجج مني مهب عدل ولاهب على مزاجج

عليا:ما قلت كذا بس انا ما افكر بالعرس الحين وابي اتوظف مع ابوي بشركته بالقسم النسائي ولا ابي ابعد عن هلي ابي اعيش بقطر

سعود:بالنسبه لوظيفتج نفكر فيها بعدين والبعد مابه بعد وهاذي اختي بتجي تعيش عندكم بالمقابل

عليا واذا طلبتك انك توافق على عرس اخوي وانا مبي اتزوجك وش بتقول

سعود:يؤسفني اقول انا مهب موافق عليهم

عليا:بس حرام عليك

سعود:عليا فكري عدل وتراني انا الحين ابي ادمج شركة ابوج بشركتي وترى
خالي بو خالد وبو حمد وحمد وخالد وانا بنصير شركاء
عليا:وانا بتضحون بي وسطكم
سعود:اول مره اسمع ان الزواج بي بيصير تضحيه يكون بعلمج ترى نص بنات الكويت ميتات فيني

عليا:ياليت تاخذ وحده من اللي ميتات فيك

سعود:شوفي عليا بلا طولة هرج انا اعرض عليج الزواج وانتي فكري عدل وردي
علي وش رايج عشان نسوي اللي علينا

عليا:انت كذا تجبرني وما خليت قدامي الأ الموافقه بس

تأكد انك اجبرتني وغصبا عني راح اوافق عليك عشان اخوي ومديونية ابوي واخر شي افكر بنتك عنود

سعود:ول ول وانا مالي لو جزء بسيط من تفكيرج

عليا ما خليت قدامي مجال اني افكر واشاور واتعزز وبعدها اعلن لا انت جيت وخذوه فغلوه

فلا تلومني بعدين اذا ما كنت لك الزوجه اللي تتمناها

سعود:ليش حكمتي على زواجنا بالفشل قبل انه يبدأ

عليا: من بدايته ومن ومن الله يخليك اعفيني من تعدد الأسباب

والحين قول لأبوي اني موافقه وتوها بتطلع وقفها

عليامنتي بفاقده لج شي ومهب اي شي

شي غالي وعزيز عليج

التفتت عليه وقالت :وش تقصد

سعود وهو يقدم لها خاتمها وسلسلتها وقال يا ليت اعرف من هو صاحب الحرف/م/اللي منقوش بخاتمج

عليا:هاته وشلون وصلك وخذته ومسكته بكل قوتها وكان يطالعها وقال

انتي من دون ما تدرين ذاك اليوم يوم عرس اختج وانتي تعطيني الفاين كان معه ولا حسيتي بس غريبه وشلون ما فقدتيه

عليا:إ لأ فقدته بس ما عرفت وين راح مني الحمدالله انه رد لي

سعود من هو اللي مهديج اياه

عليا:مهب من حقك تسألني هالسؤال
سعود:طيب بيصير من حقي وبسألج عليا بس هاه حاذري والكذب علي

عليا:عمري ما كذبت بحياتي ولما يصير لك حق بقولك والحين بخليك مع السلامه

وطلعت وهي كلها قهر من هاللي صار كانت متأمله خير

انها تقدر تقنعه انه يتراجع عن اللي هو ناوي عليه بس ما قدرت

بس معليه سعود والله لأخليك تندم على انك فكرت فيني

وراحت لغرفتها

وظل سعود واقف بمكانه وهو يفكر وشلون هالعليا قوية شخصيه وتبسم وقال بخاطره احلى على الأقل القى اللي ترد علي الصوت وتناقشني

بس ما راح ارتاح لين اعرف من هو صاحب الحرف /م/ذا

هو من بعد ما طاح هالخاتم بيده قعد يقلبه بيت يديه لين شاف بطرف الخاتم حرف حلو صغير وعرف ان/م/ومن ذاك اليوم وهو كله فضول يبي يعرف من يكون هذا الميم

أزميرالد likes this.

درة الاحساء غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:22 AM



Powered by vBulletin®
Copyright ©2000 - 2024, vBulletin Solutions, Inc.