خبروه اني على وصله حييت الكاتبه / وفاء الطوايله ،

[اسطورة !]

مسااااكم الله بالخير..تكفون ادعو لي بالنجاح ..
..

*آلبآرت آلستين*

عربآء : مآ آبي آشغل آمي بمشآكلي وخبآلي هي مآهي متحملتني آصلآ .
علي بآستغرآب : آفآآآ عريب وش ذآ آلحكي ؟؟؟؟
عربآء : علي آنت عرفت آلسآلفه كآمله يوم آمي تعلم آبوي.
وسمعت صوت عآيضه من ورآه : آيه آشتكي لعلي وآبكي عنده وضآيقيه بعد ترآ يمكن هو آلوحيد آللي سلم منش ومن خبآلش .
قآمت عربآء ورآحت تركض لغرفته .
وقف علي ونآظر بآمه : ليه يمه ؟؟؟
عآيضه جلست وهي متنرفزه على آلآخر : وش آللي ليه ؟؟ ؟ آختك يآعلي مآرآح تعقل آلآ بآلطريقه هذي خلآص وقت آلمقآلب وآلهبآل ولّى وآلحين لآزم تعرف آنهآ بتتزوج وبتصير مسؤوليتهآ كبيره ومحآسبه على كل حركه وكلمه......عربآء تسوي فينآ مقآلب ونتقبلهآ بكل سعة صدر بس لو سوت بعسيى في يوم من آلآيآم مقلب ولآ بآحد خوآته وآلله مآهو رآحمهآ هو زوجهآ وحن آهلهآ وعربآء خبآلهآ وآجد.....وحركآتهآ مع خآلة عيسى قلة آدب وآن مآتعلمت وهي عآدهآ بيتي متى بتتعلم ؟؟؟؟
علي جلس جنب آمه وهو محتآر : لآ يمه تصرفتس هذآ غلط هي تسذآ تشوف نفسه آن مآله آهميه ببيتنآ وهذآ بيزيد هم عرسه وتوتره وتعرفين آلبنآت يآيمه توترهم مبآلغ فيه .
عآيضه آبتسمت بآلم : آلبنآت ؟؟؟؟ ليه وآنت تعد عربآء من آلبنآت وآلله يآبعض حركآتهآ آنهآ مآصآرت على آلعيآل .
على حب رآس آمه : هذآ آنتي يمه تبآلغين بحركآت عربآء وآنه آكثر من حركآت آلعيآل وهي وآلله مآشفت منه آلآ كل علم غآنم وتكرم آختي عن سوآد آلوجه ودآم آم عآدل هي آلغلطآنه ترآه تستآهل......عربآء آختي وآعرفه زين مآتسكــت عن حقه..هـه لتس فوق آحدى عشر يوم زعلآنه عليه ولآ فكرت آصلآ تعتذر ولآ تستسمح منتس وآنتي آمه عآد كيف خآلة رجله .
عآيضه مسحت دمعته : وهذآ آللي قآهرني يآعلي آنآ قلت لعبدآلرحمن يبتعد عنهآ قد مآيقدر آبي مآ آحد يكلمهآ علشآن تعرف خطآهآ وتجي عندي تعتذر مني بس هي برآسهآ حب مآ آنطحن وآنآ آبطحنه لهآ.....وآنت حآول بعد مآتكلمهآ نهآئياً....قدني جآيه من عند آلخدآمه نور آعتذر منهآ لأني طردتهآ من غرفة عربآء وتقولي مدآم وآلله حرآم آللي تسوينه بعربآء.....يعني وصلت فيهآ آلموآصيل تعلم آلخدآمه بآللي يصير بيننآ .
علي إبتسم : وآلله آنتس تبآلغين وآجد يعني وش به لآ صآدقت آلخدآمه ؟؟؟ آلخدآمه مآهي آنسآن مثلنآ ؟؟؟
عآيضه بضيقه : آلآ آنسآنه مثلنآ بس هآلعربآء تقهرني حركآتهآ آحسهآ مآسوت كذآ آلآ علشآن تقهرني وتزعلني آكثر .
علي : آستغفري يمه عربآء مآهي كذآ ولآ رآح تزعلتس .
عآيضه : بنيتي وآعرفه آكثر من آني آعرف نفسي آللي هي تحب وآلله آفيه آطيب له منهآ وآللي هي تكره تشربه آلسم وتذوقه آمر عيشه .
علي بفخر : هذي آلآنسآنه آللي تعرف آلحيآه زين مآهو تجآمل على حسآب نفسه .
عآيضه : طيب ولو ملآك مثل عربآء كآن وش قلت ؟؟؟
علي : يمه بصرآحه آنآ كنت بعد آتضآيق مع حركآت عربآء بس آذكر مره كنآ نسولف به آنآ وعيسى وكآن عيسى فخور فيهآ ويقول هي آللي تصلح ربة منزل بزمن مثل زمنآ وكنت معآرضه ولمآ فكرت فيهآ زين وآشوف رآيي آنآ بعربآء بعيد عن رآي آلنآس شفت آنه هي آللي نفتخر به من جد يمه آنآ تعجبن آلمره آلقويه آللي مآتغلط على آحد لآكن يآويل من دآس له على طرف توكله آلترآب وهو وآقف .
عآيضه : يآحر قلبي من بنتي آللي مآهي رآضيه تفهم ولآ تتعلم .

______

لندن===>آلسآعه 11 آلصبح...يوم آلسبت..برد قآرس وسمآء ممطره .
بشقة سطآم وحنآن .
حنآن متلحفة بشرشف صوت وترجف من آلبرد وبجنبه عمته آم سطآم آللي بدأت تمشي على آلعكآزآت بخفيف لآبسه آثقل من لبس حنآن .
حنآن بخوف : عمه سطآم له آربع سآعآت طلع ولآ رجع تهقين وين رآح ؟؟؟
آم سطآم هي بعد خآيفه على ولده بس تبي تطمن حنآن : قريب وبيرجع آن شآء آلله....آكيد آنهم مسكرين آلطريق علشآن آلمطر .
رغم كل هذآ آبتسمت حنآن : يآعمري يآعمه وش يسكرون آلطريق مآحنآ بآلقصيم هذولآ لندن متعودين على آلآمطآر .
آم سطآم بآبتسآمه : يآحي آلقصيم وبردهآ ودفآهآ وآلله آني آشتقت للقصيم آكثر من شوقي لآهلي .
حنآن سرحت لبعيد فكرهآ طآر للقصيم حيآتهآ وسكنهآ .
عآشت صغيره بين مزآرع ونخل .
وكبرت بين عمرآن وتطور .
آشتآقت لكل شآرع بآلقصيم وكل قطعه من آرض آلقصيم .
طآلعت بعمته : هآنت يآعمه كله 20 يوم وحنآ بآلقصيم آن شآء آلله .
آم سطآم : آيييه خليهآ على آلله قضينآ حول آلشهرين وحنآ هنيه .
آنفتح آلبآب وفزت حنآن تشوف من دخل سطآم وملآبسه كله مآء وهو شآيل معه كيس بوه آكل : حنآن روحي طلعي لي ملآبس .
حنآن رآحت تركض للغرفه وطلعت له بنطلون وبلوزه صوف وآخذت جآكيت ثقيل وآعطتهم سطآم آللي كآن وآقف قدآم آمه ويسولف معه .
آخذ منه آلملآبس وآبتسم له : تسلمين آلله يخليتس لي .
جلست حنآن جنب عمته وآم سطآم تقول : هه شفتي مسكرين آلطريق علشآن آلمطر وآجد وشكل تصريف آلشآرع خربآن .
حنآن مسكت ضحكته " يآحبيبتي يآعمتي على بآله آن شوآرع لندن مثل شوآرع آلخليج """" : آيه شكله قديم تصريف آلشآرع .
آم سطآم : آلديره هذي كل آبوهآ يآحنآن مآهي زينه مآجت على آلشآرع وبسس.....يآمي وديني لغرفتي آبرتآح لي شوي .
حنآن سآعدت آم سطآم تقوم وتجلس على كرسيه ودته حنآن للغرفه وطلعت للصآله ولقت سطآم بيده كوب مآء وهو متسند على آلكنبه وتعبآن بآلحيل
جلست بجنبه : سطآم وش بلآك ؟؟؟؟؟
سطآم بآرهآق : خويتس سآره دقت علي وآنآ جآي بآلطريق وتصيح وتقول آفزع لي يوم جيت عند بيته آلآ هي وآقفه عند زوجه وهو كله دم
شلته وودينآه للمستشفى وبمآ آني سعودي آتهمون آنوه آنآ آللي مسوين به كل هذآ وبوآسطة سآره طلعت من آلسآلفه وطلع آللي طآعنوه آخوه يبي يفلوس منوه وعيآ وبغى يذبحوه .
شهقت حنآن بخوف : يآلله سترك!! ووشلونوه آلحين ؟؟؟
سطآم : وآلله حآلتوه مآهي مستقره .
حنآن بخوف : وسآره وينه ؟؟؟؟
سطآم : خآبره بآلمستشفى....تبين تروحين له ؟؟؟
حنآن : بكيفك .
سطآم : خلآص عقب آلعصر آوديتس لهم لآن آمي عنده مرآجعه وبآلمره تمرين على خويتس.
حنآن همست لسطآم : عندي لك خبر بمليون .
آبتسم سطآم : بشري .
حنآن قربت منه وهمست لوه : آنآ حآمل .
وقف سطآم وهو مصدوم وفرحآن ومو عآرف وش يسوي : هآه ؟ صدز وآلله ؟ آمي وينه آبعلمه .
ضحكت حنآن وهي توقف وتمسك يده : علمت عمتي من مبطي .
سطآم حب رآسهآ ولف يدوه على كتفهآ وهو يضمهآ له : آزين خبر سمعتوه بحيآتي......من متى ؟
حنآن : آلدكتوره تقول لي ثلآثة آسآبيع .
سطآم بفرحه : وعمتي نشميه علمتيه ولآ لآ ؟
حنآن تذكرت : يوووه لآ وآلله مآعلمته آبرووح آعلمه .


____________

آلريـــآض===>صبآح آلآحد====>مدرسة عهود ووجدآن .
عهود جآلسه قبل آلطآبور على آلكرآسي جنب وجدآن : آآه ظهري يعورن من آلبآرح .
آنبسطت وجدآن وقآلت بحمآس : آكيد حآمل .
عهود شوي وتسطر وجدآن : فضحتينآ بين آلبنآت آسكتي.
وجدآن همست لعهود : وآلله يمكن حآمل آنتي وش درآتس .
عهود تجآري وجدآن : آيه يمكن حآمل......ترى من عرسي ثلآث شهور .
وجدآن : يآسلآم؟؟؟ وآنتي تشوفين هآلفتره بسيطه يآعمري فيه بنآت حملو من آول شهر .
عهود آستحت حيل : تكفين سكري آلموضوع ولآ عآد تفتحينوه عقب مآ آطلع من آلمدرسه آروح للمستشفى وآشوف وش آلمشكله .
وجدآن آبتسمت : طيب مآفيه آعرآض ثآنيه غير ظهرتس ؟؟
عهود وكآنه آنتبهت لشيء : آلآ وآلله صآيره مآ آطيق آلآكل كلش ولآ آكل آلآ فطيره وعصير ربيع .
وجدآن بفرحه : وآلله شكلتس حآمل .
عهود : لآ آن شآء آلله.........آنآ مآ آبي آحمل آلآ آذآ خلصت آلثآنويه .
وجدآن : طيب قومي نبي نتمشى .
عهود حطت يده على ظهره : لآ وآلله مآ آقدر ظهري يوجعن مررره.....شكلي بستأذن .
وجدآن بآبتسآمه : يآعيني فهد بشغلوه مآهو فآضي لتس .
عهود : عآدي عمي يجي يآخذن آهم شي آروح آرتآح .
تمآم آلسآعه 6:30 ص رن آلجرس للطآبور .
وقفت عهود بثقل وشآلت شنطته على كتفه ورآحت وصفت بطآبوره .
تحس آن آللي قدآمه ضبآب ولآ تشوف شي تفقد توآزنه وترجع تصلب طوله مره ثآنيه .
خلآص مآعآدت تتحمل آلوقفه حست بوحده تمسكه بقوه : عهود بسم آلله عليك آش فيك .

_______

آلقصيم===>آلسآعه 6:40 ص .
جآلسه سمآحه وتفطر مع رجله همآم : هدى آتصلت علي تو تقول تبي تجيب غرآم عندي....عآد ودي نودي غرومه للملآهي تلعب له شوي.
همآم بآبتسآمه وحب لبنت بنتوه : تستآهل بنت حمود يوديه للي تبي .
سمآحه : آمآ حمود وآلله آن جميلوه يبقى بآرقآبنآ لين نموت آلله يخليه لآهلوه .
همآم بفخر : آنآ آشهد آنوه رجآل وعن ثمآنين رجآل .
سمآحه : آلآ آقول عهود كم بآقي له وتعطل ؟؟
همآم : هه حول شهر ومع آلآختبآرآت شهر وآسبوعين......علآمتس ؟؟؟
سمآحه : وآلله آني آشتقت له مع آنه مآرآحت آلآ قبل آربعة آيآم بس مدري علآمي من آمس وآنآ مشتآقه له وودي آشوفه .
همآم : آن شآء آلله تشوفينه قريب .
وكمل وهو يضحك : عآد عقب آلعطله تسكن عنده عهود بآلريآض ويمكن عقبه مآيعرفنآ .
ضحكت سمآحه : آلله يوفقهن ويرزقهن آلذريه آلصآلحه وآلله آني مآ آتخيل بيدينهن بزرآن .
همآم وقف : وآلله مآ آنسى يوم آقول هدى ورع كيف بتربي بنيته ومآشآء آلله هدى ذلحين مره .
سمآحه: آلله يخليهن لنآ مآطلعنآ من آلدنيآ آلآ بهآلبنتين وهذآ حنآ رجعنآ بآلبيت لحآلنآ .
همآم بمزح : ترآ مآعندي مشكله آتزوج وحده تملآ لي آلبيت بزآرين .
سمآحه ضحكت : هههههههههه وش آعتبره بنيتي ولآ ضرتي ؟؟؟؟
همآم كمل مزحه : لو آبعرس آبآخذ لي وحده آصغر من عهود علشآن تنقهرين صدز .
سمآحه : آلله لآ يجيب ذآك آليوم .
رن آلجرس وطلع همآم يفتح آلبآب وسمآحه رتبت آلصينيه آللي به قهوه وشآهي .
دقآيق ودخلت نشميه : سلآم عليكم .
سمآحه بلهفه : يآهلآ وآلله بآم سليمآن........صبحتس آلله بآلخير .
وسلمت عليه ونشميه تقول : جيتس من فجر آلله بس آسمحي لي عيآلي كلن آلتهى بشغلوه وفوآز مسآفر ومآقدرت آجلس بآلبيت لحآلي وآلله آني آحتر آلنور يظهر آبي آجي عندتس .
ضحكت سمآحه : آذآ آنتي آم سليمآن آلمره آلعآقله تخآفين تجلسين لحآلتس وش نقول عن آلبنيآت ؟؟؟؟
ضحكت نشميه : لآ تشرهين علي وآلله آن آلبيت يخوف من عقبهم عسآني مآ آعدمهم......آلآ مآبشرتس ؟؟
حنآن حآمل .
فرحت سمآحه كثير لحنآن لكن تضآيقت من آلطرف آلثآني حنآن متزوجه عقب عهود وهذآ هم يزفون خبر حملهآ لكن هي تنتظر حمل عهود
وكل يوم آذآ شآفت آتصآل من عهود تتمنى آن عهود تبشره بحمله... مآهي حآسده حنآن نهآئياً لكن حمل بنته مسبب له خوف آن عهود عنده مشكله
تتمنى آنه قريب تخبر آلنآس بحمل عهود لكن طآآآآآآل آلآنتظآر ومرت ثلآث شهور وشوي وهــي كل يوم تقول " بآتسر إن شآء آلله يبشروني به "


___________

عودهه للمدرسه ..
كآنت آبله فآتن مدرسة آلريآضيآت توقف قريب من فصل ثآلث علمي لآنه هي آللي عليهم آلحصه آلآولى .
شآفت عهود تعبآنه وآلتعب وآضح على وجهه.... آسمعت آلآذآعه وعيونه على عهود آللي تسكر عيونه وتفتحهم تتحرك يمين ويسآر وكأأن شي مضآيقه بغت تطيح عهود وتمسكت بآلبنت آللي جنبه ورآحت آبله فآتن لهم بسرعه ومسكت عهود آللي طآحت عليه : عهود بسم آلله عليك آش فيك .
عهود وهي تبكي : تعبآنه .
نزلت آبله فآتن شنطة عهود وآعطتهآ وجدآن آللي جآت تركض من طآبوره تشوف عهود وش بلآه .
آبله فآتن نآدت آلخآله آم علي وصآرو يمشون عهود آللي مو قآدره تفتح عيونه ولآ تنآظرهم .
دخلوه بآلآرشآد وقآلت آبله فآتن لوجدآن آللي وآقفه ورآء عهود آلممدده على آلسرير : تعرفين آرقآم آهلهآ ؟؟
دخلت آلمرشده آبله منى : سجل عهود وآرقمهآ آللي عندي..آرقآمهآ يوم كآنت بآلقصيم .
وجدآن بسرعه : آنآ حآفظه رقم آمي آتصلي عليهآ وهي تعطيتس رقم آهل عهود . [ أستحت لآ تقول رقم زوج عهود ] .
آتصلو على بدريه آللي على طول آعطتهم رقم فهد .
نآظرت آبله منى بعهود آللي تعبآنه مره : تكلمين ولي آمرك ولآ آنآ آكلمه .
عهود بتعب : لآ آنآ آكلموه .
مدت له آلآبله آلسمآعه وهي تنتظر رد فهد آللي فتح آلخط وقآل : نعم .
عهود صوته تعبآن : فهد....تعآل خذن....من آلمدرسه..
فهد بخوف وهو يوقف : وش بلآتس ؟؟؟
عهود بصوت مخنوق : تعبآنه مره .
فهد زآد خوفوه : بسم آلله عليتس......آلحين جآيتس .
وسكرت آلمكآلمه وهي تقول للآبله : آلحين جآي .
وجدآن نزلت شنطة عهود وعبآته على آلكرسي آللي جنب آلسرير وطلعت لفصله .
آبله فآتن جلست قريب من عهود : وش آللي يوجعك ؟
عهود : رآسي وآحس آني دآآآيخه مره .
آبله فآتن بآستغرآب : يمكن مآكله شي متسمم ولآ مآنمتي زين .


____

آلشرقيه===>6:50 ص ===>بيت خزآم .
عربآء صحت من نومه وقآمت آخذت له شور ولبست روز وردي سآده
وشعره الطويل لفته كعكه بكلبس آسود .
نزلت تحت ولقت آمه وآبوه وعلي يفطرون : صبآح آلخير .
آبوه وعلي..: صبآح آلنور .
دخلت آلمطبخ وآول مآدخلت طلعت نور للمخزن رآحت عربآء للثلآجه وفتحته وطلعت ثلآث بيضآت .
فتحتهم بآمقلآة آلبيض وحطت عليهم ملح طلعت آلخبز وسخنته شوي .
حطت آلبيض بحصن وآلخبز بصحن وطلعت للصآله حطت آلفطور على آلسفره مع فطورهم وضحكت آمه : بيض عيون ؟؟ هذآ فطور ؟؟
خزآم بعصبيه : لتس هو ولآ له ؟؟؟؟
عآيضه : لآ لهآ بس مآهو بيض عيون أخآف بعدين لآ جوهآ ضيوف سوت لهم بيض عيون .
علي بدفآع : آفآ يمه!! عربآء سنعه ومآهي مسويه آلآ آلسنع ولو قدمت لضيوفه بيض عيون نعمه يآربي لك آلحمد .
عربآء تفطر ولآ كآنهم يتكلمون عنه لآكن من آلدآخل متضآيقه حيل من كلآم آمه هي غلطت بس خلآص عآد آنتهى آلموضوع..
خزآم نآظر بعربآء : يآبنيتي لآ تتعبين نفستس بآلشغل وحتسي آمتس ترآه من محبته لتس .
عربآء بسخريه : لآ يبه لآزم آشتغل علشآن تدرون آني مثل آلبنآت .
آبتسم خزآم : لآ وآلله مآنتي مثل آلبنآت....وولآ وحده تقدر تقآرن نفسه بتس....وش جآب آلثرآ للثريآ....آنشهد آنتس بعيني فريده ولآ لتس شبيه .
علي بآبتسآمه : خلآص عروب ترآ آلزعل مآهوب لآيق عليتس .
خزآم حب رآس عربء وحضنهآ على جنب وهو يقول : آلله لآ يحرمن منتس وآلله آني مآ آدري وشلون يبي يصير بيتي بدونتس .
عربآء جلست تبكي وتمسكت بأبوه آللي آنصدم منه : عربآء آفآ يآبنيتي علآمتس ؟؟؟

[اسطورة !]

-سلام عليكم
-الاختبارات النهائيه على الابواب وانا طالبه بالثانوي ولازم اجيب نسبه عاليه خصوصا اني اخر سنه ودرجاتي بالفصل الاول ماش.
- الحين انا اختبر اختبارات شهريه واختباراتي الى 18-7 فما ادري انا اقدر انزل بارت او لا واذا مانزلت اعذرووني وابشرو بالعوض ان شاء الله .
-احتمال يعني 50% ان هذا اخر بارت الى تاريخ 25-7 .
-وبالاختبارات النهائيه ما ادري اقدر اكتب او لا .
-تكفون ياخواتي ادعو لي انجح وارتاااااح .
-الله الله بالردود
الى اللقاء..

^

كلام الكاتبه

[ريتال22]

الله يوفقك اختي وينجحك بنسبه عاليه وترفع الراس😉
ومنتظرينك ع نااااار

[توتةتوتة]

شـكــ وبارك الله فيك ـــرا لك ... لك مني أجمل تحية .

[اسطورة !]

*البارت الواحد والستين*

دخلت آلمطبخ وآول مآدخلت طلعت نور للمخزن رآحت عربآء للثلآجه وفتحته وطلعت ثلآث بيضآت .
فتحتهم بآمقلآة آلبيض وحطت عليهم ملح طلعت آلخبز وسخنته شوي .
حطت آلبيض بحصن وآلخبز بصحن وطلعت للصآله حطت آلفطور على آلسفره مع فطورهم وضحكت آمه : بيض عيون ؟؟ هذآ فطور ؟؟
خزآم بعصبيه : لتس هو ولآ له ؟؟؟؟
عآيضه : لآ لهآ بس مآهو بيض عيون أخآف بعدين لآ جوهآ ضيوف سوت لهم بيض عيون .
علي بدفآع : آفآ يمه!! عربآء سنعه ومآهي مسويه آلآ آلسنع ولو قدمت لضيوفه بيض عيون نعمه يآربي لك آلحمد .
عربآء تفطر ولآ كآنهم يتكلمون عنه لآكن من آلدآخل متضآيقه حيل من كلآم آمه هي غلطت بس خلآص عآد آنتهى آلموضوع..
خزآم نآظر بعربآء : يآبنيتي لآ تتعبين نفستس بآلشغل وحتسي آمتس ترآه من محبته لتس .
عربآء بسخريه : لآ يبه لآزم آشتغل علشآن تدرون آني مثل آلبنآت .
آبتسم خزآم : لآ وآلله مآنتي مثل آلبنآت....وولآ وحده تقدر تقآرن نفسه بتس....وش جآب آلثرآ للثريآ....آنشهد آنتس بعيني فريده ولآ لتس شبيه .
علي بآبتسآمه : خلآص عروب ترآ آلزعل مآهوب لآيق عليتس .
خزآم حب رآس عربء وحضنهآ على جنب وهو يقول : آلله لآ يحرمن منتس وآلله آني مآ آدري وشلون يبي يصير بيتي بدونتس .
عربآء جلست تبكي وتمسكت بأبوه آللي آنصدم منه : عربآء آفآ يآبنيتي علآمتس ؟؟؟
عرباء تمسكت أكثر بأبوه وصارت تبكي بصوت مسموع : يبه.....يبه....لا تخليني .
خزام وقف ووقف عرباء معاوه : عرباء علامتس يا ابوتس .
عرباء بعدت شوي عن أبوه ومسحت دموعه : يبه امي كله تقول محد متحملتس تكفى يبه لا تخلين يمكن كلهم يتخلون عني إلا انت يبه .
حب على راسه خزام ومسح دموعه : والله ما اخليتس دامتس ماسودتي وجهي بين العرب .
وناظر بعايضه وبعصبيه : وانتي يامره والله ان ماعدلتي نفستس وقضبتي لسانتس وخليتي بنيتي على هواه لاوريتس الشغل .
همست عرباء لابوه بصوت باكي : تكفى يبه قل لامي تخلين اروح لبيت عمي نشمي اليوم .
ابتسم له خزام ومسح على شعره وهو يقول : ابد والله الشي اللي ودتس به بس علمين به ويصير وامتس ماله شغل بتس .
عايضه انقهرت : وش اللي مالي شغل فيها ذي بنتي وان ماعلمتها السنع من يبي يعلمها .
خزام : عرباء مابه اسنع منها واحترمي البنيه ولا ترا والله مايصير لتس طيب واظنتس تعرفين زين........وبنيتي والله اللي يضايقها مايعين خير .
عرباء حبت كتف ابوه وهي ممتنه له بذا الحكي تحس انه ملكت الارض وابوه يدافع عنه كذا .
هي وده تعرف لو عيسى مايبيه وطلقه ورجعت لبيت اهله كيف بتصير معاملة ابوه له .
طلعت لغرفته وهي تفكر بعبدالرحمن اللي صاير مايطيق منه كلمه ماتدري وش اللي غير اخوه عليه كذا .
اول مافكرت به هو انه متضايق من شي بس اللي هي تشوف ان عبدالرحمن معهم كلهم طبيعي لكن هي لا تقل مايدانيه فوق الارض.
تاليتها البارحة :
عرباء جالسه بالصاله وتتابع اخبار علوم وكان ضيفهم فهد مطر وهي مستمتعه واجد بالحلقه .
مر عبدالرحمن من عنده ونادته : عبدالرحممممن .
وقف وابتسم له : هلا عرباء .
عرباء اشرت له على التلفزيون : شوف مين ضيف النقيب وعباس .
ابتسم عبدالرحمن : انا تعبان بروح انام .
عرباء بلقافته المعتاده : تعال بعدين النوم والله يا حلقتهم اليوم انها غير .
قرب منه عبدالرحمن وقال بجفا : لا قال واحد ابنام اعرفي انه مايبي يجلس معتس .
وطلع لجناحه وهي ابتسمت بالم """ اجل كذا ياعبدالرحمن ؟؟؟؟ """"
-
تنهدت """ ياربي لا تفرقن انا وأخيي والله ان مابه احد اقرب لي منوه مدري كيف بقضي حياتي بدونوه """""
انسدحت على سريره بالعرض """" لا لا ياعرباء قاعدتس ماتتغير لو مهما صار اللي مايطيقني مره ما اطيقه مليون مره واللي يبيعني برخيص ابيعه بترااااب """"

_________

الـــــــــــريـــاض...
المستشفى...
عهود تسمع كلام الدكتوره وهي متنحه """هذي وش دراه """ : دكتوره كلامتس غلط .
ابتسمت الدكتوره : لا يا اخت عهود انتي اللي كلامك غلط.... الحبوب هذي تضرك حيل....فقدتي شهيتك والسبب الحبوب هذي أتركيهم عشان ماتخسرين صحتك .
عهود بانزعاج : يعني لازم اتركهم ؟؟؟؟
الدكتورة : ايه...... - وبهمس : أنا حبيت اساعدك مساعدة اخويه بس تكفين عهود لا احد يعرف ابكتب لك اسم حبوب اطلعي وخذيهم من اي صيدليه برا وان شاء الله الحبوب هذي فعاله وماراح تسبب لك مشاكل .
اخذت عهود اسم الحبوب وطلعت برا وجاه فهد وقال بلهفه اوجعت قلب عهود : هاه بشري ؟؟؟
عهود مثلت انه متضايقه : ولا شي......تسمم .
فهد حس بضيقه بس ابتسم وهو يحاول يطلعها من ضيقتها : مايخالف ان شاء الله تحملين قريب .
عهود مشت جنبوه وهي تقول بقلبه " لا ان شاء الله.......ابي على الاقل عقب سنه ".
طلعت هي وفهد للسياره واول ماركبو رد فهد على جواله : هلا يمه .....الحمدلله مابه الا العافيه.......لا والله يالغاليه الله يكتب لنا قريب ان شاء الله.....ياحبي لتس......مع السلامه .
عهود مثلت انه تضايقت اكثر : عمتي تسأل عن نتيجتي ؟؟؟؟
ضحك فهد : علامتس تقل ميت لتس احد خلاص يابنت الحلال .
عهود ماتدري وش قوة القلب اللي عنده تمثل عليه وهو يحاول يطلعه من ضيقته : وجدان الى الحين بالمدرسسسه ؟؟؟؟
فهد بالم حاول يخفيه تحت ابتسامه مصطنعه : لا طلعت تحسب انتس حامل وتبي تشوف النتيجه بدري .
عهود حست ان كلمات فهد مثل الصفعه على وجهه """ ياربي ليش كلهم متشفقين على ذا المولود.....انا بصراحه ماودي """ : طيب مايخالف فهد ابي الصيدليه .
فهد اخذ اللفه عشان الصيدليه اللي بالشارع الثاني : وش تبين جعلني فداتس انا اجيبوه لتس انتي خليتس مرتاحه .
عهود ماتدري وش تقول ارتبكت : لا خلن انزل انا .
فهد ناظر به : انتي تعبانه والله اني خايف عليتس من كثرة المشي وش تبين وانا اجيبوه ؟؟
عهود شافت انه مستحيل تنزل : ابي كريم جرجنز و كريم واحد وعشرين .
دورت اشياء صعبه : وكريم لوريال اوكولاجين....و..
قاطعه فهد وهو مبتسم : انتي بتصبغين لتس عماره ولا بتحطينهم على وجهتس ؟؟؟
حست انه يدري انه ماتبي كل هذول : خلاص ما انت جايبهم ماهو لازم .
فهد طلع من جيبوه ميتين : اخذي وانزلي جيبيهن ماحفظت منهن الا كريم واحد وعشرين .
ضحكت عهود ونزلت ودخلت بالصيدليه طلعت الورقه اللي هي ماسكه بيده : لو سمحت ابي الحبوب هذي .
وهي راحت وشرت كل الكريمات اللي هي قالت لفهد .
تمنت لو شنطته معه تحط به الحبوب لكن الشنطه اللي معه هي شنطة المدرسه وبه كتب .
رجعت تحاسب واخذت الحبوب وابعدت عن الكاشير وحطتهن بجيب مريوله نزلت عبايته ورجعت اخذت الكيس اللي به الكريمات وطلعت .

_______

الكويت....>الساعه 10 ونص.
ملاك تلبس عباته ومستعجله انفتح الباب ودخلت وضحى : ملاك بسرعه .
ملاك استعجلت اكثر: وضوح ياقلبي اتنيني شوي .
وضحى رفعت عباته على راسه : انا والله خايفه يلاغيني جابر عشان تاخري انا بروح وانتي لحقيني .
ملاك اخذت شنطته وطلعت قبل وضحى : اصلا انا بطلع قبلش .
وصارو يتسابقون هي وملاك من تطلع اول .
وضحى شوي وتركض وملاك تضحك عليه : بس يالخبله بخليش تطلعين قبلي بس لا تذبحين روحش .
وطلعو ملاك راحت لسيارة ابوها ووضحى راحت مع جابر وهن يضحكن .
ركبت ملاك وقالت مها بانزعاج : انتي ماترتاحين الا اذا نقعتينا بالسياره ساعه ؟؟؟؟
ام جابر بابتسامه : اي والله من وهي صغيره اخر مايركب السياره هي .
ضحك ابو جابر : عاد ماندري علي بيتحملش ولا لا .
ملاك ابتسمت وناظرت بمها : جبتي معش الكاميرا ؟؟؟؟
مها رفعت الكاميرا اللي بالشنطه : هذي هي بس يعني طالعين لعزبه وش بتصورين ؟؟؟؟
ملاك : انتي علامش شابه من ركبت ؟؟؟ كيفي ابصور اللي اصور .
مها : وع مدري وش بتصورين الغنم ولا الابل .
ملاك بعصبيه : الحين الغنم والبل عطايا الرحمن تقولين عنهن وع؟؟؟ اجل انتي وش ؟؟؟
مها بعصبيه وبجديه : والله مدري وش هالذوق اللي عندكم....اكره ما اشوف حياة البدو الحين الساعه عشر الصبح وطالعين للعزبه طيب حررر .
ملاك تنرفزت من جد : والله فيه تبريد بالعزبه ودام ماهي عاجبتس الطلعه ليه تطلعين ؟؟؟
مها : هو بكيفي ؟؟ جابر حلف علي .
ملاك : انزين ليه ماقطعتي حلوفته عليش وقعدتي وفكيتينا من لسانش ؟؟
قالت ام جابر : افااا ياملاك تفجر اخيها ؟؟؟؟ (تفجر=ماتنفذ الحلف).
ملاك ببساطه : والله هي ماتبي تطلع يحلفون عليها ليه ؟؟
ام جابر بعصبيه : لانه اخيها يبيها تطلع معه....وانتي يامها ان كان حياة البدو ماهي عاجبتش كان فيش خير غيري منها شي .
ملاك بابتسامه : خلاص يا ام جابر حقش علينا انتي وولدش ومالكم الا اللي يرضيكم .
ابتسم ابوه : وابو جابر ؟؟؟
ملاك بصدق ومن قلب : جعلني فدوتن له .
إتسعت إبتسامة أبوه وقال بصدق : يابعد روح إبيش والله إنش اغلى من وطت اقدامه الثرى .
مها سوت نفسه زعلانه : وانا وين منزلتي عندك يا ابو جابر ؟؟؟؟
أبو جابر : إنتي عاد غير وحشاشتنا ومالنا عنش غنى .
ام جابر بابتسامه : يمكن من حبه لش يعيي على الخطاطيب منش .
همست ملاك لمها : هاه عادش تبين غلا إبيش ولا تبين العرس ؟؟؟؟
مها بمرح : إبي جلعني فداه شيّب وماهو قادر يتحمل مسؤوليتي أكثر من كذا .
ضحكت ملاك : أعلمه عليش .
مها برعب : دخيلش أبلعي لسانش .


_______________


الريــــــــــــــــــاض.. .بيت أهل فهـد..
دخلو فهد وعهود ولقو بدريه ومبارك ووجدان جالسين بالصالة .
تمنت عهود لو مع دخلتهم يبشرونهم بحمل عهود .....حست أنه احقر انسانه
بلعت ريقه وهي تحس بضيقه .
قال فهد بعد ماسكر الباب : صبحكم الله بالخير .
وقفت وجدان وسلمت على عهود : عهود أنتي بخير ؟؟؟
عهود ابتسمت بعد مانزلت نقابه : طيبه الحمدلله .
وجدان مشت مع عهود لغرفته وهي تقول : خوفتين عليك.....تصدقين يوم امي اتصلت على ابوي ياخذن من المدرسه قالت لوه عهود شكله حامل عاد ماراح لدواموه يقول بتطمن عليه....بس ان شاء الله الشهر الجاي نفرح بحملتس .
عهود " الله يسامحن " : ان شاء الله .
ودخلو بغرفة وجدان وجلست عهود على السرير وهي تقول : أبي شوربة بيضاء بالدجاج .
ضحكت وجدان : امي اصلا مسويتن لتس شوربة بالدجاج من عرفت انتس دايخة .
عهود ابتسمت وهي تتمدد : جعلني فداه.....وانتي ورا ماقعدتي بالمدرسة ؟؟
وجدان بابتسامه : مابي اقعد بالمدرسة وأنتي مرتاحة هنا .
جلست عهود ونزلت عبايته وطرحته وقالت وجدان : تبين اروح اجيب لتس بيجامه من شقتس ؟؟؟؟
عهود هزت راسه بلا : بنام صحين على صلاة الظهر .
طق الباب وانفتح ودخلت بدريه معاه صحنين شوربة : عهود يا امي قومي اشربي الشوربة .
عهود بصوت تعبان : احس بدوخة بنام شوي .
بدريه نزلت الصينية على الطاولة القريبة من السرير وساعدت عهود على الجلوس : ياله يابنيتي اشربي ذا الشربة كود انه تنزل حرارتس وترتاحين .
قالت عهود وهي تحس انه دايخة مرة : فهد هنا ؟؟؟؟؟
بدرية مدت الملعقة لعهود : لا والله رجع لشغله............تبين شي يا أمي ؟؟
عهود : عنده بالسيارة حبوب بندول زينة نسيتهم .
بدرية ناظرت بوجدان : قومي جيبي الحبوب اللي بغرفتي .
عهود تشرب شوربة وتحس بس ريحة الشوربة ترد الروح عاد كيف طعمه .
هي تحس بالذنب من شافت اهتمام بدريه به وعمه مستأذن من شغلوه علشان يتطمن عليه وهي السبب بحرمانهم فرحتهم بحفيدهم الاول .
" بترك الحبوب.....لا لا اصلاً احس فيه مشاكل الى الحين بيني انا وفهد....اذا ماحملت بيفرحون ان شاء الله بعيال يوسف "


_____________

مرت الايام وفيه مشاكل قايمه ومشاكل خامده ومشاكل انتهت .
6-شعبان..اول ايام الاختبارات .
الساعة 5 الفجر .
عهود جالسة تذاكر رياضيات بالصاله وتحس انه ماهي فاهمه ولا شي
رن جواله اللي بجنبه وردت : هلا وجدان .
وجدان بابتسامه : ها كيف المذاكرة ؟
عهود حست بضيقه : والله احس اني ماذاكرت ولا شي....وانتي ؟؟؟
وجدان ضحكت : اول يوم علي تاريخ وسهل والله الى الحين مافتحتوه .
شهقت عهود بصدمه : من جدتس انتي ؟؟؟؟
وجدان : باقي ساعه ونص بذاكر به .
عهود : والله انتس مجنونه....وليه ماذاكرتي ؟؟
وجدان: سهل كلوه اعرفوه تراوه عن السعودية ودول الخليج وكل هذا انا حافظتوه مثل اسمي .
ابتسمت عهود : اجل متى استقلت الكويت ؟؟؟؟
وجدان بسرعة : استقلت عام 61 وهي اول دولة خليجية استقلت.
عهود : الله يوفقنا يارب ولا يصير عندنا دور ثاني .
وجدان من قلب : اميين يارب.....الله يستر والله اني خايفه من النحو والانقليزي والجغرافيا .
عهود : الله يهديتس وينتس منهن ايام الاختبارات الشهرية ؟؟؟؟
وجدان : يوووه والله ماقدرت اذاكر الوقت هذاك لاني معتمدة على الله ثم الاختبارات النهائية......الا ام غرام وش عليه اليوم ؟؟؟
عهود : مادة انقليزية بس والله مدري وش هي.
وجدان ضحكت : هدى عنده حمود يعرف انقليزي ورياضيات ماشاءالله عليه ماهو مثلتس رجلتس مايعرف شي .
عهود بحمية : ماهو لازم يعرف انقليزي ولا رياضيات اصلا وش حقه يعرفه ؟؟
وجدان ابتسمت : اقول بس كملي مذاكرتس بروح افتح الكتاب شوي .


_______

الشرقية====>بيت خزام====>الساعه 5 ونص .
عرباء منسدحه وتذاكر مادته الوحيده اللي اليوم تختبره وتتخرج ان شاء الله .
جلست وهي تسمع طق الباب : ادخل .
دخلت امه اللي مازالت زعلانه عليه له فوق شهر وشوي : صباح الخير .
عرباء وقفت : هلا يمه صباح النور .
عايضه : عندتس اختبار اليوم ؟
عرباء : ايه الساعة عشر .
عايضه بهدوء : الله يوفقتس.......تعالي افطري .
عرباء استغربت من امه : لا يمه ما ابي فطور تو متقهوية مع علاوي .
عايضه : وانا قلت تعالي افطري .
عرباء بعناد : وانا ما ابي .
عايضه عصبت : السالفة عناد يعني ؟؟؟
عرباء ابتسمت وحبت راس امه : لا ماهو لا عناد ولا شي بس خلاص ما ابي فطور .
عايضه بعصبيه : قلت لتس بتفطرين يعني بتفطرين .
عرباء ابتسمت وببرود : يمه يعني مالقيتي شي تهاوشين عليه جت على فطوري؟؟؟
عايضه عصبت زياده : تدرين ان عرستس باقي عليه 14 يوم ؟؟؟؟
عرباء بنفس الهدوء والبرود : ادري.
عايضه وانفاسه تعلو وتهبط : ماشاء الله على البنات كلهن تغيرت اشكالهن ومستعدات لزفافهن الا انتي .
عرباء قربت شوي من امه وهمست له : والله انتي تقولين اني مو مثل البنات....... وانا بعد ما ابي اصير مثلهم .
عايضه : انا حجزت لتس برنامج كامل عند ام إسماعيل بعشرة ايام تسوي لتس برنامج عروس كامل وشامل .
عرباء : مشكورة يمه.....بس بعد مالوه داعي .
عايضه : لا عاد البرنامج اللي انا تعبت به وحجزت لتس عندهم بتروحين لوه غصب عنتس .
عرباء ابتسمت : اللي تبين يالغالية.......دلول حجزت لي انا واياها عند اللي سوتها في عرسها واظنها تكفي .
عايضه : انا علمتس من باتسر تروحين معي لأم إسماعيل .
عرباء : اوكي .
طلعت عايضه وعرباء ابتسمت " ياحبي لتس يايمه مسوية نفستس زعلانه وانتي تحجزين لي من وحدة لوحدة
لا بعد وانتي اللي مختارة موديل فستاني وتقولين انه دلول اللي مختارتوه ؟؟
ياحبي لتس يايمه والله اني اشتقت للجلسة معتس واجد"


__________

الـــــــمدينة المـــنـــورة....؛؛الساعة8و� �ص.
حسناء ترتب الفطور وتبتسم لابو بندر : زواج بندر باقي عليه14 يوم ماتتخيل قد ايش مِتحمِسة لزواج ولدي... كُنت أتمنى أنو يصير لوحدو .
مهنا : وعرسه مع عيال عمه والفرح واحد .
حسناء صب لوه شاهي : لا يا أبو بندر لما يكون زواج إبني تجهيزاتو لوحدو حيكون الزواج احلى .
مهنا يحس ان كلام زوجتوه عن اهلوه غلط مع انه ماقالت شي : عاد بندر وتزوج مع عيال عمه وفرحنا واحد وماله داعي الحتسي الزايد .
حسناء : انا ماقُلت شي غلط.....بس من جد اخواتي يقولو احتمال مايحضرو الزواج .
مهنا نزل كاستوه وهو يقول : مير اريح .
حسناء زعلت : اش دا الكلام ؟ اخواتي ماعملو فيك شي .
مهنا : ادري انهن ماسون بي شي لكن يوزنتس على حمولتس وشهو له ؟؟؟
حسناء : لا هما ماقالو شي بس ليش زواج ابني مع زواج ابناء عمه ؟؟؟
مهنا بعصبيه : لانه اخذ بنت عمه وتوتس تنطقين وتقول ماودتس ان العرس يصير هناك .
حسناء : يا ابو بندر انا ماقُلت شي إيش بك زعلان كدا ؟
مهنا : إسمعي يامرة عرس الولد يبي يصير مع عيال عمه ماهو عاجبتس لا تحضرينه .
حسناء قامت وهي متضايقه جلست جنب التليفون واتصلت على اخته عواطف : يامية أهلا وسهلا بأم بندر .
حسناء إبتسمت : هلا فيكِ........صباح الفُل والسُكر .
عواطف باستغراب : إش بكِ يا حسناء مانشوفكِ ولا تكلمينا ؟؟؟؟
حسناء بحرج : ماهو في الشهر هدا زواج إبني أنشغلت بو كتير .
عواطف بإستهزاء : زواج الواد مع أولاد عمو تنشغلي بإيش ؟
حسناء تحسست من الموضوع : فيه اشياء تانيه زي شقة العروس انا اللي حختار الاثاث .
عواطف واصلت استهزائها : وليه مايشتري اغراض بيتو مع اولاد عمو ؟
حسناء ماتبي تقول كلمه تزعل اخته منه : إيش بكِ ياعواطف نحنا كبرنا على الكلام دا .
عواطف بزعل : لا ياحسناء زواج بندر انا لازم احضرو بس صعبه ادا كان في الشرقيه .
حسناء : ماهي صعبه كلها ساعة في الطياره .
عواطف : انتي تقدري تروحي في الطياره بس انا اخاف منها .
حسناء : ان شاءالله تحضري افراحنا التانيه لان دي راحت عليا وعليكم .
عواطف : ماقُلتي لمهنا يسوي فرح بندر هنا زي ماقالت لكي أُمي ؟
حسناء بحزن : رافض الفكره دي ياعواطف وماهو راضي يسوي زواج إبنو هنا .
عواطف بعصبيه : انتي تتكلمي معاه وكانه ملك....اتكلمي معاه على انكِ زوجتو ولكي حق يسوي اللي تبغي .
حسناء : الكلام دا ينفع لكم بس مهنا مستحيل .


__________

الشرقيـــــــــــــة..؛؛ال ساعة 9 وربع طلعت جملاء من اختباره وهي تتأفف """ ياربي وش ذا الاختبار الصعب """"
طلعت بوجهه عرباء : كيف الاختبار .
تخرعت جملاء وعقدت حواجبه : انتي من وين طلعتي لي ؟؟؟؟
عرباء ضحكت : طلعت من تحت الأرض......وشلون اختبارتس ؟!!؟
جملاء لوت فمه : ماهو زين .
عرباء باستغراب : افا ليش ؟؟؟
جملاء بضيقه : احفظ احفظ واخر شي الاسئله مابه ولا شي من اللي حفظتوه......الا انتي وشلون اختبارتس عساتس بس نجحتي بهالمادة ؟؟؟
ابتسمت عرباء : والله ان ذا الاختبار افضل اختبار مر علي ضمنت الدرجة الكاملة .
جملاء ابتسمت لعرباء : ياجعلتس دوم ناجحة.
عرباء همست لجملاء : بقى يومين ويجون هنا اهل عمي مهنا .
جملاء استحت ودفت عرباء : انقلعي عني .
عرباء بضحكة وهي تسحب جملاء : علامتس يالخبله ؟؟؟
جملاء : عرباء والله من جد انا استحي .
عرباء : الله يهنيتس...........الا وشلون رجالي ؟؟
جملاء ضحكت : عمرتس ماتتغيرين.....ورجالتس بخير الحمدلله ويعد الساعات على ذاك اليوم .
عرباء حطت يده على قلبه وهي تقول : آآه ياقلبي بس لو اهلي يسمعون كلاموه ويحطون الزفه قبل العرس بيومين .
جملاء قرصت عرباء : والله انتس من جد ماتستحين .
عرباء : ياحبيبتي انا ماني حمار بمثل هاليومين اني مستحية وعقب العرس عندي الوضع عادي .
جملاء :والله العظيم حنا مانمثل انه من جد نستحي .
عرباء : تصدقين انا ما استحي الا اذا كنت عند ابوي واخواني اما الحريم عادي ما استحي منهن .
جملاء استغربت من عرباء : ترا انتي مانتي صاحية .
تكره هالطاري وتكره ان احد يكلمه بهالطريقة : جمووول احترمي نفستس قدام اعصب ذلحين........صاحية ولا ماني صاحية انا لنفسي وبس .
جملاء : غريبة وش هالانانية ؟؟؟
عرباء : والله ماني انانية بس اذا كان امي اللي هي امي ماهي متحملتني من بيتحملن غيره ؟؟؟؟ انا عادي عندي اصير انانية بس ما اصير ساذجة وكل من هب ودب ارضيه واداريه .
جملاء استغربت بقوه من عرباء : انتي وش صايبتس ؟؟؟؟؟
عرباء : ياسلام عليكم يعني انتم لكم حق تزعلون علي بس انا مالي حق ازعل على احد .
جملاء ابتسمت تحاول تهدي عرباء : انتي علامتس ترانا نهرج مانتهاوش .
عرباء : وهروج اطلع انا فيها غبية وما استحي فكيني منها ترا يالله طايقه نفسي .
جملاء : اسفه والله احسبتس بنت عمي اللي خاطرها اوسع من الكون وتسمع المدح والقدح وماتزعل .
عرباء بدت تعصب اكثر : انا انسانه احس مثلكم ولي قلب واكيد الكلام الشين بيأثر فيني .



____________

الريــــــــاض,,,,,,الساعه 9 ونص.....طلعو عهود ووجدان من المدرسة مع بعض ينتظرون فهد عند باب المدرسة .
وجدان : ياربي فهد تاخر وانا مابي اوقف بالششمس واجد .
عهود بدا راسه يصدع : يوووه والله ماهي عادته يتأخر وسبحان الله يوم صار الجو حاار تأخر .
وجدان تأففت : متى يجي هو مرتاح تحت مكيف السيارة وحنا نطبخ من الشمس هنا .
عهود : خلاص اسكتي يعني وين بيروح ؟؟؟؟
وجدان جلست وجلست عهود معه : ياربي والله انوه يقهر.
عهود تضايقت : خلاص وجدااان ترا والله تنرفزين .
وجدان بعصبيه وهي تحاول توطي صوته لانهم بالشارع : ترا هو اخوي قبل يصير رجلتس .
عهود عرفت ان وجدان واصله حده من العصبيه : عارفة انه اخوتس بس يبقى رجالي .
وجدان : ودامتس ماترضين عليه ليه تاخذين حبوب من وراه .
عهود هنا انقهرت : اسكتي يمال الماحي .
وجدان انبسطت لانه عرفت تزعل عهود : والله العظيم لو ماني خايفه انه يذبحتس كانه علمتوه ولا علمت امي .
عهود شوي وتبكي : ليه انتي نذله كذا ؟؟ هذي جزاتي اني وثقت بتس وعلمتس .
وجدان : والله ياعهود ماتدرين وش كثر متلهفين على ولد فهد لكن انتي السبب بتأخر حملتس .
عهود : هذا انتي عقب اسبوعين عرستس واملي لهم البيت عيال وفرحيهم .
وجدان بعصبيه : انتي علامتس علي ؟؟ ولا عشاني يعني بطلع من البيت تبين تمثلين دور مرة الولد اللي تعادي أهله ؟؟؟؟
عهود : والله انتي اللي شابه اليوم .
وجدان تضايقت مره وقامت : بروح هناك ياويلتس تحلقين تراني والله زعلانه منتس .
راحت وجدان ووقفت بعيد عن عهود اللي تهز رجله يتوتر """" ارويتس ياوجدان......بعلم فهد قبل تعلموه وتصير كارثة """""
ناظرت بساعته 10 إلا ربع """ ياربي وراه تأخر......الله يستر ""
شافت سيارة فهد وقامت وراحت للسيارة فتحت الباب اللي قدام وركبت : سلام عليكم .
فهد إبتسم : عليكم السلام .
ركبت وجدان وصفقت الباب بقوة : ليه تتأخر ؟؟
فهد مارد عليه : وشلون إختباراتكم ؟؟؟
وجدان : زين .
عهود : الحمدلله زين لكن عندي خطاء واحد .
فهد إبتسم وهو يناظر الطريق قدامه : إجتهدو أنتم ثانوية عامة ولازم تنجحون .
وجدان بعصبية : إجتهدنا ولا ما إجتهدنا اللي كاتبه ربي بيصير.........ولا نسيت وشلون نجحت من الثانوي ؟؟؟.
فهد بدا يعصب : ورا ماتلايطين ؟؟
عهود إستغربت منهم : وش فيكم ؟؟؟؟.
وجدان بعصبية : مافينا شي..الجو بارد ويجنن وفهد جاينا قبل لا نطلع .
فهد : الحين علشان بس تأخرت نص ساعه عصبتي ؟؟؟
وجدان بدت تهدى : خلاص ماني زعلانة بس تكفى أرفع على التكييف والله أنه حرر موت .


_________

القــصــيـــــم أرض الخير........*
طلعت عبير من المدرسة وركبت بسيارة حمود قدام وبعد مانشده عن إختباره : مايخالف نمر هدى بالجامعة ؟؟ باقي على طلعته ربع ساعة .
إبتسمت عبير : خذ راحتك......أحلى ربع ساعة أجلسها معاك .
حمود إتسعت إبتسامته : ياحبي لتس .
عبير : يووه ودي أكلم عهود أنشده عن إختباره .
حمود ضحك : اما عهود أنا أضمن لتس أنه ناجحه .
عبير : هي شاطرة ماشاءالله عليه...
وكملت بقهر : بس فهد عيّا لا يخليه تكمل الجامعة والله انوه يقهر .
حمود ضحك : اجل علشان كذا حاطه بشروط عرستس تكملين دراستس .
عبير حمدت ربه مليون مره أنه لابسه نقابه ولا كان شاف وجهه أحمر من الفشيلة : حمود كم نسبتك بالثانوي ؟؟؟
حمود : الفصل الأول جبت 95 والفصل الثاني 97.....وهدى ماشاءالله عليه تسعين تسعين بكل الفصلين.
عبير : إيه مرتك ماهي شاطرة مثلنا.....بصراحة حنا أشطرنا عهود ماشاءالله عقبه أنت وعقب أنا .
حمود : يوسف تراوه كسلان مثل فهد.....نسبتوه وهو ثانوية عامة 61 .
عبير """ولييييييه وش ذا الطاري.......يعني ماعندوه شي يقولوه غير هاليوسف ؟؟؟؟ مايدري أني أستحي بس لا أطرو أسموه ؟؟؟""
حمود كمل كلاموه : ومع أنوه كسلان إلا أنه يترقى بكل ترقية ماشاءالله عليه وحن الشطار بعشر سنين نترقى مرة .
عبير تبي تبعد السالفه كله عن يوسف : تعرف تشرح لي نحو ؟؟
حمود : لا والله ما اعرف لوه النحو بس هدى تعرف .
عبير : باتسر عندي نحوو صعب بالحيل....قهرتن خويتي بالأدبي تقول والله انوه أسهل مادة .
حمود : والله اني نجحت بوه ممتاز وأنا ما أعرفوه أبددد .
عبير : لا يكون تغش ؟؟؟؟
حمود : لا أعوذبالله..الله لا يقوله .
عبير ضحكت : والله مايندرى عنك..
حمود بصدق : لا والله العظيم ماكنت أغش وما اداني الغش.


______

الشرقيـــة........بيت نشمي..
سكرت جميعة من المكالمة وهي تقول : أبشرك يا أبو عيسى عرباء نجحت .
إبتسم نشمي : الله يبشرتس بالخير والله انها مابغت تفتك من هالمادة .
عيسى بإهتمام : وش هالمادة ؟؟؟
ناظر نشمي بجميعة : هي وشهي مادتها ؟؟؟
ضحكت جميعة : والله انه اسمه صعب لكن هي درستها سنه كامله ترمين ولا نجحت .
موسى ضحك : إسمها جيومورفولوجيا .
ضحك عيسى : وأنت وشلون حفظت إسمها ؟؟؟؟
موسى : والله من كثر مايسجلها عبدالرحمن ترم صيفي .
نشمي : والله ان المادة واضح أنها صعبة درستها بنيتي ترمين أساسيين وترمين صيفيين ونجحت به اليوم الحمدلله .
عيسى : الحمدلله أنه خصلته .
موسى إبتسم لعيسى : إيه على طاري عرسك ترا اتصل علي الشاعر اللي خبرك يقول بـ 21 ألف .
أنصدمت جميعة : وشوو ؟؟؟ شاعر بواحد وعشرين ألف ؟؟ انهبلتو أنتو ؟؟؟
ضحك عيسى : الله يرضى عليتس يايمه وطقاقتهم بكم ؟؟؟؟
جميعة : ب 15 ألف لكن هذي طقاقة وجودها بالعرس مهم ...بس الشاعر ماله أهمية .
عيسى : لا والله أنه من أهمية الطقاقة وزود........صرتي يمه مثل موضي قالت جزماتك حلوه بكم ؟؟ قلت بخمس مية وهي تقعد تهاوش وتقول حرام إسراف قلت لها وفستانتس بكم ؟ قالت هي هين هذي أغراض بنات أكيد غالية .
ضحك نشمي : غلا أغراضهن من غلاهن .
دخلت جملاء اللي توه راجعه من الجامعه : سلام عليكم .
الكل : عليكم السلام .
جملاء جلست جنب أمها وهمست لها : يمه عروب زعلت علي....
قاطعته أمه بحده وبصوت عالي.....

[اسطورة !]

*البارت الثاني والستين*

جملاء جلست جنب أمها وهمست لها : يمه عروب زعلت علي....
قاطعته أمه بحده وبصوت عالي : قالت لي عرباء...مامعتس حق تقولين عنه كذا .
جملاء قامت بسرعة وحبت راس امه : يمه والله غصب عني .
جميعه بزعل : اللي يزعل عرباء يعتبر نفسوه مزعلن....روحي قولي لأختس تحط لتس فطورتس .
طلعت من عندهم جملاء وجميعه تحاول تهدا .
قال عيسى بإستفسار : وش بلاهم البنات؟؟؟؟
جميعه بزعل : يزعلون بنيتي ويجون يشكون منه ماهو كافي زعل........
وابترت كلمته قبل لا تقوله كانت بتقول ماهو كافي زعل امه منه لكن هالكلمه بتجي من وراه اسئله وكيف بتصير صورة عرباء بعين عيسى وهي متكلمه على خالتوه .
نشمي : منهو اللي زعلان على عرباء ؟؟
جميعه : جملاء والبنات .
نشمي استغرب: علامهن على بعضهن ؟؟
جميعه : ما ادري عنهن .
====>>فوق بغرفة موضي .
جالسه موضي على السرير...تفكر اخته اللي اصغر منه عرسه باقي عليه ايام وهي مااحد طق بابهم يطلبه
تحس بالنقص الكبير ماتدري وشلون قدرت تمثل على اهله انه مستانسه ومرتاحه
وهي الهم ياكله اكل كيف بتكون نظرة الناس له ؟
ينظرون له بشفقه وانهم خواته اعرسو وهي لا ؟؟
خذت جواله ماله الا عرباء تشكي له لان عرباء قريبه منه وتحس به كثير : الوو .
عرباء: ياهلا والله بمويضي .
موضي : ياهلا بتس مبروك نجاحتس وتخرجتس .
عرباء بابتسامه : الله يبارك بتس.
موضي فرحت لعرباء كثير : ماشاءالله ذا السنه غيرعليك تخرجتس وعرستس الله يهنيتس .
عرباء : ياحياتي الله يخليتس لي وعقبال مانفرح بعرستس جميع .
موضي اوجعته ذا الكلمه : ما اظن ياعرباء .
شهقت عرباء : وش ذا الكلام ياموضي ؟ علامتس ؟
موضي : اختي اللي اصغر مني تزوجت وانا حتى ما احد خطبن عرباء انتي ما تتخلين وشلون احس نظرات الناس لي فيه ناس ينظرون لي بشفقه وناس ينظرون لي باحتقار كني بايره لان اختي اللي اصغر مني اعرست وانا لا عمري ثلاثه وعشرين وما نخطبت ووجدان وعبير وعهود بسم الله عليهم ما وصلو العشرين ومتزوجات .
عرباء بثقه : وكلام الناس ماراح يفيدتس ولا يضرتس تعوذي من ابليس واعرفي انتس توتس صغيره وونصيبتس بيجيتس .
موضي شوي وتبكي : والله ياعرباء اني بديت احس بالنقص كل بنات العايله تزوجن الا انا .
عرباء بتفهم : موضي والله العظيم انتي لا ناقصه ولا شي واللي يقول عنتس ناقصه هو الناقص ولو ماتزوجتي طول عمرتس ماهي مشكله لان مقامتس ومكانتس ببيت ابوتس كل ماله ويكبر ولا تنسين ان كلن ونصيبه وانتي نصيبتس ماجاتس للحين .
موضي ماتنفعه المجاملات ولا تبي احد يجامله من هالناحيه بالذات : اسالتس بالله ياعرباء انتي تشوفيني ناقصه ؟؟؟؟؟
عرباء بهلع : انتي وش تقولين يالخبله ؟ انا اشهد ان ما بالبنات مثلتس .
موضي بتوتر : عرباء لو انتي اللي مكاني وش راح تسوين ؟؟؟
عرباء بصدق : والله العظيم احسدتس على اللي انتي فيه ياموضي على الاقل انتي عندتس احساس وتحسين ولا انا كم مرة انقالت لي كلة "متى تحسين ؟ " من اقرب الناس لي احس هالكلمه طعنه ما تجرح إلا تذبح!!
استغربت موضي ان عرباء تتكلم بهالعمق : معقوله عرباء يأثر بتس كلام مثل كذا ؟
ضحكت عرباء بألم : تشوفين حتى انتي تشوفين عديمة احساس .
موضي مستغربة من شخصية عرباء وتقلبها الغريب : ماقصدي جعلني فداتس لكن منتي على خبري .
عرباء بتعب : العوامل اللي غيرتني واجد
موضي ضحكت : بس خبالتس ماتغير .
عرباء ضحكت : ههههههههههههههههههههه ياجعلني ما ابكيتس ماتقدرين تسيرين علينا هالعصريه مع عمتي جميعه ؟؟؟
موضي باستغراب : عريب ووجع وش تحسين فيه تعزمين على القهاوي وعرستس مابقى عليه شي ؟؟؟
عرباء : انا ما احس انه به شي وماني ملزومه اسوي اللي الناس يسوونه .
موضي : صح انتي ماتسوين اللي الناس يسوون لكن تعزمين امي؟؟ ام عيسى ؟؟
عرباء ضحكت : تراه ام عيسى ماهي عيسى .
موضي بصدق: تصدقين عروب والله العظيم احس انتس عند امي اغلى منا هي لا ضاقت اتصلت عليتس ولا راحت لتس وبناته بالبيت .
عرباء بمرح : حاسدتن يامويضي ؟؟؟؟؟
موضي : ههههههههههه لا والله ماني حاسدتس لكن صداقتس انتي وامي من نوع اخر الحين انتي صح تشكين لامي همومتس ؟؟
عرباء : ايه .
موضي : تخيلي ضايقتس عيسى يعني بتروحين تشكينه عند امه ؟؟؟؟
عرباء بنبره غريبه : عادي مافيها شي وهي امي مثل ماهي امه وعمتي بتوقف مع الحق والله لا يجيب الضيق والزعل بيننا .
موضي من قلبها : امين .
____

مساء الاربعاء 16-8 .
مر وقت الاختبارات سريييع.
وهذي عهود تذاكر الحديث اخر اختبار لها .
قاعده تذاكر وشهقت بخوف يوم حست بقبلة فهد على راسها نزل نفسه وصار ظهرها لاصق بصدره مسك القلم منها وكتب على الورقه ( أحبتس )
وطلع من عندها وهي تحس انفاسه مخطوفه تحاول تاخذ اكبر قدر من الاوكسجين .
حطت يدها على قلبها اللي يدق بقوه وبسرعه .
تناظر خطه اللي هو كاتب وهي تدري انه كاتب هالكلمه من قلبه .
سكرت الكتاب لانها مو قادره تذاكر وعندها وقت تذاكر الصباح .
سندت ظهرها على الكرسي وهي تحس انها بتموت من تأنيب الضمير هو يحبها وهي تحبه بس مو قادره تتوج حبهم وزواجهم بطفل
لانها باختصار تبي تكمل الجامعه وهو وعدها اذا جاء وقت الجامعه وهي ماهي حامل راح تدرس الجامعه
مسحت دمعه نزلت على خدها """ ياربي ساعدني"""
تحس انها مكتومه لو هو مايحبها ويثبت لها حبه كل يوم كان صار الموضوع اسهل من كذا
هي ندمت قد شعر راسها انها علمت وجدان
لان وجدان لاشافت حالة اخوها وامها وابوها وهم ينتظرون حملها بشفقه تبي تتعاطف معهم وتعلمهم بسواة عهود
ماتنسى عهود يوم تقول لها وجدان ( انتي خاينه ) .
سكرت اذونها ماتبي تتذكر اكثر هي على كل الكلام اللي قالته وجدان تمت ساكته
لانها تدري انها غلطانه وتبي وجدان تفرغ غضبها عشان تهدى ولا تعلم احد .
فكرت بالف طريقه تعلم به فهد لكن ماتقدر
يعني وش تقوله ؟؟
تخاف انه يذبحها
اللي هي سوته ماهو قليل وهي تدري بالشي هذا
قامت وراحت غسلت وجهها ونشفته بالمناديل ورمت المنديل بالزباله وهي تناظر بوجهها
"""معقوله؟؟؟ انا صرت خاينه ؟؟؟؟
لالالا ماهي خيانه اني اخذ حبوب وهو مايدري .
طيب واذا درى ؟؟؟؟
ماراح يسوي شي...إيه يعني وش بيسوي؟؟؟ اكثر شي يسويه بيقولي اتركيهم واتركهم وسمع الله لمن حمده
اصلا وش بيدريه عن الحبوب يمكن لو اخذهم قدامه ماهو عارف وش ذا
ايه ومافيها شي اني بأجل سالفة الحمل لسنه على الاقل
ان شاء الله يتزوج يوسف هو زواجه عقب اربع ايام ويفرحون بولدوه....
بس...بس....وجدان تقول فرحي فهد لان ولده بيصير اول حفيد وبتصير فرحته غير
طيب لو انه اخر حفيد ان شاء الله الفرحه بوه وغلاه ماراح يتغير
ايه ماله داعي ناخذ بهالشكليات """"".
_____

بطريق الشرقية السريع باقي 200 كيلو .
راكبين قدام مهنا وولده بندر ووراء حسناء وامها .
وقالت حسناء برجاء : ابو بندر طلبتك مانبي ننام عند ابو علي بنتهم زِواجها قريب ومانبغى نحرجها .
مهنا ناظر بولده : اسمع بندر خذ لامك وجدتك شقه وخلك عندهم .
بندر باستغراب : نستاجر وبيوت عماني عندنا ؟؟؟
مهنا : انت ماتسمع امك وش تقول ؟؟؟ راح يسببون احراج للبنات .
بندر برفض قاطع : وش ينحرجن منوه ؟؟؟؟ مافيها شي روحو عندهم .
تكلمت هالمره جدته : لا يا ابني مايصير كده هوا إحراج لنا ولها...اسمع كلامنا وخد لنا شقه اربع ايام بس وانا حرجع مع اولادي للمدينه ومامتك حترجع لبيت عمك .
بندر : ووش الفرق بين الحين واربع ايام ؟
مهنا : سوالف حريم خلنا بس نفتك منهم وناخذ لهم شقه .
بندر : ومن اللي يقعد عندهن ؟ انا ابي اقعد مع عيال عمي .
جدته بعصبيه : نحنا ستات وانتا خايف علينا ؟
بندر : طيب خلاص امرنا لله ناخذ لكم شقه بس عمي مسوي لنا عشاء يعني نتعشى عندهم ونرتاح شوي ونروح ندور لكم شقه .
همست ام حسناء لبنتها : اشبو ابنك ما عندو ريق حلو حتى انا ستو مايحترمني .
ردت عليها حسناء بهمس مماثل : يا امي هوا كدا طولي بالك علي مايحُب الحُرمه تخالف رايو .
ضحكت ام حسناء باستهزاء لكن بصوت هامس : بكرا يتجوز وتمشيه جملاء على رايها وهوا مبسوط .
حسناء انتفضت برعب : ايش دا الكلام يا امي دحين ولدي يخالف رايي تتوقعي انو بيمشي على رايو حرمتو ؟؟؟
ام حسناء بغبنه : انا جربت يا حسناء اولادي يمشو وراء زوجاتهم وناسين اني امهم أخوكِ عزام اتصل عليه اقولو ابغى المستشفى تعبانه ياولدي يقول هاجر طالبه مني اوديها لبيت اهلها يعني حط مشوار زوجتو اهم من روحتي للمستشفى
حسناء بخوف : لا ولدي ماراح يعمل كدا هوا طيب وحنون .
ام حسناء : واولادي طيبين وماشفت احد في طيبتهم بس ولائهم لزوجاتهم اكتر من ولائهم لمامتهم .
سكتت حسناء وهي تتخيل ابشع السيناريوهات اللي ممكن تتصل على بندر فيها تبي المستشفى ويتعذر بمشوار زوجته
حست ان الدنيا اظلمت بعينها """ ياليت زوجتو من بنات اخواتي على الاقل يراعو مشاعر خالتهم """
______

القصيم===>الساعه 10 بالليل .
عبير نزلت كتابه ونزلت دمعه من عينه وهي تشوف شناطه اللي مرتبه به كل اغراضه
نزلت دمعه من عينه ماتبي تبعد عن اهله ،، ماتبي تروح للرياض
الحياه بدون اهله صعبه
ماتتخيل انها بتصحى الصبح وماتصبح بوجه ابوها
تفطر وماتهتم فيها امها وتقطع لها من الخبز وتقرب لها صحن الاكل تصب لها حليب
تحلف عليها ماتطلع الا هي مفطره
ماتتخيل انها بتجلس وهدى ماهي جنبها ولا تسمع صوت هدى
ماتتخيل انها بتركب بالسياره واللي جنبها ماهو حمود
ماتتخيل انه بيمر يوم ماتشوف غرام وتلعب معها
ماتتخيل انه بيمر شهر وهي ماشافت القصيم وبيتهم واهله
نزلت دموعه اكثر وهي تتذكر انه من باتسر بتطلع من المدرسه وتغير ملابسه ويطلعون للمطار على طول .
مسحت دموعه وفتحت الكتاب تكمل مذاكرته وعقله الباطن يرسل له اشارات ( راح تتعودين مثل ماتعودت عهود,,, وكل البنات تزوجن واغتربن عن ديارهن وهذي سنة الحياه ) .
______

يوسف جالس بالملحق اللي هو مكانه من 6 اشهر تعود على هالمكان وحبه اكثر من بيتهم .
ابتسم على قراره يوم اثث الملحق وبنى به دور ثاني وصار بيته هو وعبير
امه عارضت هالشي بالبدايه بس بعدين رضخت للامر الواقع
وبالعكس اريح لعبير وعهود على الاقل يقدرن ياخذ راحتهن
فهد ماراح يدخل المحلق ،، ويوسف ماراح يدخل الدور الثاني ببيتهم اللي بيصير بأكمله لفهد وعهود .
انتبه يوسف للباب اللي يطق قام وفتح الباب : هلا والله بالغاليه .
بدريه : ياهلا والله بعريسنا......ها يابوي اعجبك ترتيبنا لاغراضك ولا لا .
يوسف حب راس امه : وشلون مايعجبن وبدريه اللي مرتبته .
ابتسمت بدريه : جعلن ما ابكيك..... يوسف انت وين بتروح شهر العسل ؟؟؟؟
يوسف ابتسم : يمه اجازتي كلها اسبوع ودي نروح بهالاسبوع لدولة بارده بس محتار مدري وين بنروح وانا لازم احجز قبل يروح علي الوقت .
بدريه باستغراب : وشلون تروح بدون فيزا ؟؟؟
يوسف : بنروح لدول اسيويه بدون فيزا....و الحمدلله تأشيرتي مطلعها قبل 6 شهور وجديده بس بنت عمي ماقد طلعت من السعوديه وحمود ضبط كل شي .
بدريه : ووش الدوله الاسيويه اللي ودك تروح له ؟؟؟؟
يوسف يدري ان امه تخاف حيل وقال بمرح : ودي اروح لايران .
ضربته امه على كتفه : والله لو تموت ماتطب ايران تبي تذبح روحك .
ضحك يوسف وحب راس امه مره ثانيه : لا لا والله امزح معتس.......وش رايتس يمه وين نروح ؟؟؟؟
بدريه ماله خبره بالدول الاسيويه : وش رايك تروح لعُمان طبيعه وبراد وامان ودولة خليجيه .
يوسف : والله راحت عن بالي.....شورتس وهداية الله ان شاءالله نروح لعمان .
بدريه : شوف روح لصلاله تراه ازين من مسقط .
يوسف : ماشاء الله يمه خبره بعمان .
بدريه ابتسمت : اي والله كان ابوك قبل يودين كل صيف لعمان وحفظت عمان .
يوسف بمرح : حركااات انتي وابوي اجل كنتو تصيفون هناك؟ ووين كنا ؟؟؟
بدريه : يعني ماتذكر اخر مره رحنا لعمان يوم كان عمرك ست سنين .
ضحك يوسف : يووووه يمه وشلون تبيني اذكر مرت عليها 16 سنه .
بدريه ناظرت بالدرج الحلزوني اللي يتوسط الصاله الصغيره : تصدق يوسف تو ادري ان مكان الدرج غلط .
ناظر يوسف بالدرج : لا والله ماهو غلط بالعكس مودرن .
بدريه : ايه بس يعني لو جو ضيوف ومعهم بزارين عاد وانت تعرف بزارينا ماشاءالله كل مكان يدخلونه .
يوسف : الضيوف بالصاله اللي داخل البيت......هنا مكان صغير ولا يصلح لهم .
بدريه : وافرض امه جت اكيد تبي تدخله ببيته .
يوسف ابتسم : هذي عهود له ست شهور عندنا امه ماعمره جت هنا بس عمي همام وعمي خلف اللي يجون .
بدريه رفعت كتفينها بمعنى ما ادري .
وكملت : الا انت متى بتمشي ان شاء الله ؟؟؟
يوسف ضحك : رحلتي الساعه 12 الا ربع عساني بس اوافق عماني بالمطار .
بدريه بمرح : توافق عمانك ولا عبير .
يوسف : هههههههههههههههههه عماني وعبير .

__________

الكويت صباح الخميس الساعه 5 ونص الصبح .
النور توه يطلع .
وملاك جالسه على الشاطئ وتناظر بالماء اللي يقترب ويبتعد بفعل الامواج .
جمعت تراب بيدها واستنشقته """" آآآآه ياعمري يالكويت """"
ماتبي تبكي هي ان شاء الله بترجع تسكن بالكويت لو بعد حين
اللي مهون عليه انها بتسكن بالشرقيه قريبه من الكويت تقدر تجي للكويت اسبوعيا
بس ماتدري اذا علي بيوافق ولا لا .
حست باحد يمشي من واره لفت ولقت اخوه جابر متوجه له .
لفت بسرعه وطالعت بالبحر ومسحت دموعه ومن خلصت من مسح دموعه اللي نزلت وهي مادرت
جلس جابر جنبه وهو يقول : جوش حيل رايق اهنيش على ذوقش .
ضحكت ملاك مع انها ودها تبكي بدال الضحك : حظرتك تطنز ولا تمدح ؟؟؟؟
انبسط جابر انه قدر يضحكها : لا والله امدحش من جد شي حلو الجلسه على البحر وقت الصبح .
ملاك : افضل وقت المغيب اكثر من الصبح .
ضحك جابر :يعني لازم تميزين باي شي ؟؟؟ امشي خلينا نرجع للشاليه الخبله مهاوي مسويه حفله مدري وشهوله .
ملاك وقفت معاه ومشت بجنبه وهي تقول بحيا : جابر انت تقدر تروح للشرقيه كل اسبوع ؟؟؟؟
استغرب جابر سؤاله : يعني كيف مافهمتش ؟؟
ملاك ماتدري كيف تفهمه :اقصد لو واحد اهله بالشرقيه وهو ساكن بالكويت يقدر يطلع لهم كل اسبوع ؟؟؟؟
جابر فهم قصدها يعني هي تقدر تجيهم اسبوعياً ولا لا : ايه يقدر كل يوم بعد .
تطمنت ملاك من هالناحيه : طيب من جد لو اهل وضحى ماهم بالكويت وطلبت منك كل اسبوع توديها لاهلها توديها ؟؟؟؟؟
جابر فاهم تلميحاتها زين بس مايبي يحرجها : اي والله اوديها من حقها تشوف اهلها والمسافه كلها 350 كيلو .
ودخلو هي واخوها داخل وشافت الحفله اللي مسويتها مها
وضحى توزع العصاير على الطاولتين اللي هم مسوين
ومها توها نازله من فوق وراء امها وابوها
حست ملاك بغصه توقف بنص حلقها """" حسبي الله على ابليسش يامها """"
من قرت اللي على التورته ( وداعاً ملاك ) .
جابر همس لملاك : ماعليش من هالخبل والله لو اني داري كان ما دعيتش .
ملاك بصوت فيه بكاء : لا عادي .
جابر راح لمها وسحبها : انتي علامش؟؟ تدرين ان اختش على طريف ليه تسوين كذا ؟؟؟
مها باستغراب : والله بس بفرحها بالحفله .
جابر بعصبيه وهو يخفض صوته قد مايقدر : ومن حلاة هالكيكه اللي كاتبه عليها .
مها انقهرت : هذي جزاتي لاني بفرحها ؟
جابر ندم على انه هاوشها : خلاص اسف بس روحي كملي حفلتش معهم
وابتسم عشان تعرف انه ماهو زعلان : فيه مجانين يسوون حفلتهم 5 الصبح ؟؟؟
ضحكت مها وراحت لهم تكمل الحفله .
وطلع هو لشاليهه هو ووضحى من يتذكر ان اخته بتروح وتتزوج وتسكن بعيد عنهم يحس بضيقه
حتى يوم قال لوضحى قالت كلهم والله حاسين نفس الاحساس
حتى ماتحمل يقعد معاهم وهم مسوين الحفله لها وتوديعها
كسرت قلبه يوم تسأله .
______

الساعه 9 ونص الصباح .
طلعت وجدان من المدرسه وجنبه عهود : الحمدلله واخيرا جاء اليوم اللي تحررت فيه من شي اسمه مدرسه .
عهود : اااه بس ليتن مثلتس اقدر اكمل دراستي الجامعيه .
وجدان بنغزه : هذا انتي مو حامل ولا راح تحملين كملي دراستس مثل ماتبين .
عهود فضلت الصمت لانه بالنهايه هي الخسرانه
شافو سيارة فهد وتوجهو له وركبو مع بعض وفهد قال بابتسامه : مبروك التخرج .
ردت عهود قبل وجدان : الله يبارك فيك .
وعقب ماسكتت قالت وجدان : الله يبارك فيك ماودك تطلعنا شوي بمناسبة تخرجنا .
اشر فهد على خشموه : على ذا الخشم وين تبين بس ؟؟؟؟
وجدان ماتدري وين تروح احتارت : وش رايتس عهود وين نروح ؟؟؟
عهود : نروح لحياة مول ؟؟
وجدان : ولا الاندلس ؟؟
عهود : لا الحياه احلى من الاندلس .
فهد : اقطعن رايكن على سوق واحد ولا ترا بهون .
وجدان سرعه : لا لا خلاص نبي الحياه .
ابتسم فهد لعهود : اليوم كلمن عمي يقول رحلتهم الساعه 11 الظهر .
عهود بحنين لاهله : الله يوصلهم سالمين غانمين يوه ياليتن معهم .
وجدان بضحكه : ههههههههههههههههههههههههه ههه ودتس معهم عشان تركبين الطياره ؟؟؟؟
عهود : يوووه ياسمجتس لا والله بس مشتاقه لاهلي .
فهد يدري انوه مقصر لانه مايوديه مع اهله : ان شاء الله تشوفيهم بالشرقية......وترا ماعندي بقعد مع اهلي ومدري وشو بالعشر ايام هذي اللي قبل رمضان نبي نروح للامارات ولا ماليزيا .
عهود سكتت شوي وقالت : نروح لماليزيا ازين .
فهد : اجل جهزي نفستس ترا ان شاء الله نبي نمشي بـ 22/8 .
عهود : علي خير ان شاء الله .
وجدان راكبة وراء ومن سمعت كلامهم وهي تحس انه بتموت من القهر .
"""" وش هالنفااااق ياعهيد ؟؟؟؟ ليييه كذا ؟؟؟
هو يحاول يفرحتس وانتي حارمتوه من اكبر فرحه لوه.....والله لو ماني خايفه عليتس كان علمتوه عن غدرتس به..... يعني هو يراكض لرضاتس وانتي حتى مافكرتي تتركين ذا البلا اللي بيصير سبب بتعاستس ان درى ؟؟.....وكل هذا علشان وشش؟؟؟ عشان الجامعه "

____

نفس اليوم==>نفس الوقت .
عرباء طلعت من غرفته ونزلت تحت .
شافت عبدالرحمن ودلال وامه جالسين : صباح الخير .
عبدالرحمن ، دلال : صباح النور .
عرباء جلست على الكنبه اللي قدامهم : ليه مارحت لدوامك .
عبدالرحمن ترك اسلوب التجاهل من فتره لانه مايقدر يتجاهل (عرباء) : اخذت اجازه علشان عرس اخوي .
عرباء تخصرت : وعرسي ما تاخذ لوه اجازه ؟؟؟؟
عايضه شوي وتقتل بنته مابقى على عرسه الا ثلاث ايام وتتكلم كذا : عرسش وعرس اخوش اظن نفس اليوم .
عرباء ابتسمت لامه وطالعت دلال : وانتي ماشاء الله من عطلتي ماشفناتس .
دلال ضحكت : والله مدري من اللي تخشخش عنا .
عرباء : لو كل بنات الدنيا ينخشون عن الناس عشان عرسهم انا ماراح انخش.....شفتيني البارحة قعدت مع عمتي حسناء وامه .
عايضه عصبت : وتفتخرين بعد بقلة حياش ؟؟؟
هالمره تكلم عبدالرحمن : والله ما اشوفها قلة حياء.
عايضه : والله العظيم ان الكافرات يستحن وهذي لاسحا ولا مستحى .

انتظر ردودكم.

[اسطورة !]

مساء الخير .
مبارك عليكم الشهر الله يجعلنا من صوامه وقوامه .
اسفه على تأخري بتنزيل البارت بس صارت لي ظروف صعبه شوي .
دعواتكم لأخوي بالشفاء وانتم تنتظرون الاذان جعل ربي يستجيب دعانا ودعاكم .

إليكم البارت .

*البارت الثآلث والستون*

عبدالرحمن ترك اسلوب التجاهل من فتره لانه مايقدر يتجاهل (عرباء) : اخذت اجازه علشان عرس اخوي .
عرباء تخصرت : وعرسي ما تاخذ لوه اجازه ؟؟؟؟
عايضه شوي وتقتل بنته مابقى على عرسه الا ثلاث ايام وتتكلم كذا : عرسش وعرس اخوش اظن نفس اليوم .
عرباء ابتسمت لامه وطالعت دلال : وانتي ماشاء الله من عطلتي ماشفناتس .
دلال ضحكت : والله مدري من اللي تخشخش عنا .
عرباء : لو كل بنات الدنيا ينخشون عن الناس عشان عرسهم انا ماراح انخش.....شفتيني البارحة قعدت مع عمتي حسناء وامه .
عايضه عصبت : وتفتخرين بعد بقلة حياش ؟؟؟
هالمره تكلم عبدالرحمن : والله ما اشوفها قلة حياء.
عايضه : والله العظيم ان الكافرات يستحن وهذي لاسحا ولا مستحى .
عرباء ردت طالعت امه وابتسمت وكانه تستهزئ بامه يعني عايضه تسب وتشتم وعرباء تناظره وتبتسم : انتي علامش ؟؟ انهبلتي ؟؟
عرباء ساكتة ولا تتكلم وعايضه ميتة قهر من اسلوب عرباء الجديد .
ناظرت عرباء بدلال : دلول عمتي جميعه وموضي بيجون العصر تسوين لي حلا ؟؟
دلال اشرت على عيونها : من عيووني كم عروب عندي .
ابتسمت لها عرباء ،،،، عايضه : عرباء .
عرباء بلهفه : هلا يمه .
عايضه شوي وتبكي : اليوم بأخذ اغراضش واوديهم لبيتش انا ودلال .
عرباء انبسطت ان امها متأثره لخروجها من البيت غيرها لا سمعت امها بتبكي تبكي معها وتتضايق بس عرباء فرحت بهالاهتمام .
وقف عبدالرحمن : انا بروح ادور شقه تصلح لخالتي وعيالها اتصل علي جابر البارح وكلفني ادور له شقه .
وطلع عبدالرحمن وقامت عايضه اللي ماتبي احد يشوف دموعه .
دلال ناظرت بعرباء : من اللي مختار لو شعرتس اكيد عمتي ؟؟؟
عرباء ناظرت بشعرها البني اللي رابطته بربطه وجايبته على جنب : لا والله الكوفيرا هي اللي اختارته لي .
دلال : لو تشوفين استعدادات جملاء تعرفين ان انتي مو استعدادات عروس .
عرباء : دلول لا تقارنيني بأحد.....أنا عرباء وهم البنات .
ضحكت دلال : كأني اشم ريحة غرور ؟؟
عرباء بابتسامه : والله ابوي معلمن على الشي انا غير لاني عرباء وهم البنات .
دلال ماقدرت تقول الا من كل قلبها : انا اشهد ان عمي صادق .


___

شقة حسناء وامها../ الساعه 11 قبل صلاة الظهر بدقايق .
سكرت ام حسناء من مكالمة : تسلم عليكِ شيخة وتتعذر لانها ماتقدر تجي لزواج إبنكِ .
حسناء : إش بها شيخة ما تتصل على جوالي ؟؟
ام حسناء بشفافية : حسناء اخواتك وبنات عمك وبنات خالك زعلانين منك عشان زواج بندر .
حسناء بقهر : وانا ايش اعمل ادا ابوه يبغي زواج بندر مع اولاد عمو ؟؟
ام حسناء : إيش تعلمي ؟؟؟ تعترضي.... ترفضي الزواج دا كلو .
حسناء انقهرت اكثر : ابويا ما رباني على معارضة زوجي .
ام حسناء فضلت السكوت : ماقُلتي لي يا بنتي مين البنت اللي امس جلست معانا ؟؟
حسناء بهدوء : عرباء بنت خزام .
ام حسناء ابتسمت : ماشاء الله لا اله الا الله جمال ودلال......ايش رايكِ نخطبها لمشعل ابن اختك وفاء ؟؟؟
حسناء ابتسمت : يا امي عرباء زواجها بعد اربع ايام .
ام حسناء انصدمت : ايش قلتي ؟؟؟؟البنت هذي عروس ؟؟؟ كيف تطلع قدامنا كدا ؟؟؟؟
حسناء اللي ماتشوف فيها شي : عادي ماسوت لا عيب ولا حرام .
ام حسناء : لااا ياحسناء لو هيّا بنتك ماراح ترضي تجلس مع النسوان وزفافها بعد اربع ايام .
هي منغبنه من قبل لا تنفتح ذا السالفه كلها : مافيها شي وعروب جلست معانا لانها اعتبرتنا اهل .
ام حسناء : الحمدلله انها مخطوبه ولا خطبتها لمشعل .
حسناء مضغوطه وتحس انها بتنفجر لو مافرغت غضبها : الحمدلله اللي فكها من مشعل....يعني بس عشانها جلست معانا صارت مشكله كيف لو معاشرتكم ؟؟
ام حسناء : خلاص يابنتي لا تزعلي .
حسناء قامت وهي تقول : لا يا امي كل الناس زعلو عليا بس انا مالي حق ازعل .
قبل لا تسمع اي رد من امها دخلت غرفتها وسكرت الباب .
وام حسناء قعدت تفكر بجملاء وهل هي مثل اسمها و لا لا .
تفكر بمرة ولد بنتها تحسها مثل عرباء .
ابتسمت وهي تتخيلها مثل عرباء .
"""" والله حلوه اذا كان زي عرباء لبسها ساتر وشعرها طويل مو زي بنات اليوم يا ساتر ياربي اللبس فاضح اكتر من انو ساتر
والشعر مافيه فرق بينو وبين شعر الاولاد......شوقتني بنت عم جملاء لشوفة جملاء """"



__________

الرياض===>نفس الوقت .
دخلو بالبيت وهم تعبانين مره وكل وحده بيده فوق اربع اكياس .
وجدان على طول طلعت لغرفته اما عهود وقفت تحتري فهد اللي يسكر الباب : اطلعي نزلي اغراضتس وتعالي بشري امي وابوي بنجاحتس .
طلعت عهود مثل ماقاله فهد وغيرت ملابس المدرسه اللي بغت تبكي يوم نزلتهم لانه هذا اخر يوم راح تلبس فيه مريول المدرسة
اخر يوم تختبر باللجنة ويشرفون عليه مدرسات كل بين فتره وفتره " من تبي ماء ، من تبي منديل "
اخر يوم احد يحاسبه على طول اظافره وقصره
اخر يوم تصف به طابور صباحي وتسمع الاذاعه وتطلع لفصله وتسمع الصفاره
نزلت دمعه من عينه على وداع المدرسه واخيراً لبست جلابيه ناعمه وحلوه لونها ابيض وعليها دواير ازرق صغيره .
راحت عند التسريحه وفتحت شعرها رتبته وحطت كحل اسود وروج وردي فاتح
تعطرت ونزلت تحت ولقت فهد وامه جالسين بالصاله .
على طول راحت عند عمته : صباح الخير يا احلى عمه بالدنيا .
ضحكت بدريه : صباح النور لو انتس تكذبين علي......وادري ان غلا عمشاء عندتس مايعادله غلا .
بهالحظات جات وجدان وجلست بالجهة الثانية قريب من امه .
وقالت عهود رداً على عمتها : افا ياعمه والله انتس غاليه وانتس عبارة أمي .
بدريه لفت ذراعها ورا اكتاف عهود : جعلني ما انحرم منتس يانظر عيني.......انا اشهد اني حظيظه بمرة ولدي اللي متاكده بتسد مكان بنتي .
عهود حبت راس عمته : وانا والله حظيظه بام مثلتس .
وجدان منقهره تحس انه بتموت من القهر .
""" ياااااربي على نفاقتس ياعهود
ترصصين امي وتحبينه وانتي من وراه مايهمتس الا نفستس
والله العظيم بديت اكرهتس ............وان ماعلمت فهد ولا امي اكيد ابصير متعاونه معتس على النفاق
يووووووه والله مابوه احد مثلتس منافقه منافقه منافقه منافقه تجلسين بين اهلي وانتي اللي تحبينهم وماعندتس اغلى منهم ومن وراهم خيانه وخداع
والله العظيم انتس تكرهين الواحد بتس """
وقفت وجدان : يمه يوسف هنا ؟؟؟؟؟
بدريه : ايه يا امي تلقينه بالملحق .
طلعت وجدان وهي منقهره زود """""على الاقل ياعهيد قدري الحوسه اللي صارت للبيت بسببتس.......يوسف طلع من بيتنا نهائياً عشانتس
قدرييييهم فرحييهم بولد ولدهم....لكم مااااش لا حيا ولا مستحا...واكيد ان خويته عبير مثله يحبون الدراسه اكثر من حبهم لاهلهم
ياناس والله مالقينا من ورا الدراسه شي """""
طقت الباب ودخلت بالملحق اللي تغير 180 درجه وصار اشبه ببيت ثاني : يووووسف .
انفتخ الباب وقال يوسف : هلا والله بوخيتي .
ضمته وجدان : ياهلا وياغلا....لي يومين ماشفتك وين مختفي .
يوسف ابتسم له وهويدخل معاه : والله تعرفين عرسي قرب ومشاويري كثرت .
وجدان استحت من هالطاري لان هي بعد عرسه مع عرس اخوه .


__________________

يـــــــوم العرس...20 / 8 .
الساعه 2 الظهر....عند وجدان بالفندق .
الكوفيرا تحط لها المسحات الاولى من المكياج وعهود جالسه قريب منها : وجدان هدي خليك طبيعيه .
وجدان تنتفض من الخوف : وشلون اهدي وهم بعد شوي بيزفوني .
عهود باست جبين وجدان : خذي نفس عميق عشر مرات وان شاء الله تهدين .
وجدان مسكت يد عهود بيدين ترجف : امي وينهي ؟؟؟
عهود : عمتي بالقصر.....تبين اتصل عليه تجي لتس ؟؟؟
وجدان : لا لا.....خليه.....عهود ما اوصيتس على امي وابوي وفهد لا تقهرينهم .
عهود هنا ماقدرت تمسك نفسه نزلت دموعه : وجدان انا طحت بدوامه ماراح اطلع منها بسلام .
وجدان : لا يا عهود لو تحبين فهد راح تطلعين منها .
عهود عقدت حواجبها : لو أحبه ؟؟؟؟ انا ميته فيه مو بس احبه .
وجدان بثقه : حبتس لفهد ماهو حب حقيقي .
عهود : وش ذا الكلام ؟؟؟
وجدان مازالت ترجف : انا متاكده لو انتس تحبين فهد كان ضحيتي ولو بالقليل علشانه .
عهود : والله العظيم احبه احبه احبه ولا لي غنى عنه بس انتي عارفه ما اقدر اترك حلمي .
وجدان : هه هذا انتي مو متنازله عن الدراسه لانتس ماقد حبيتي فهد .
رن جوال عهود قبل لا ترد على وجدان وقامت : هلا فهد .
فهد : هلا بتس....نزلت امي عند وجدان ماودتس تروحين لخويتس.
عهود : طيب الحين جايه .
رجعت للغرفه وهي تلبس عباته دخلت عمته بدريه .
وعهود ودعتهم وطلعت اول مافتحت باب السياره تذكرت كلام وجدان """" معقوله ما احبه """" : سلام عليكم .
فهد ابتسم لها : عليكم السلام....هلا بشيخة البنات .
ابتسمت عهود وسكتت .
وقالت بتردد : فهد انت متضايق من سالفة حملي ؟؟؟
فهد بتلقائية : لا......اللي يجي من الله حياه الله .
عهود لقت نفسها تتكلم بدون وعي : طيب ولو طلعت انا عقيم وش بتسوي ؟؟؟
فهد استغرب كلامها : ماراح اسوي شي برضى بوضعي .
عهود بغصه : اذا انت ترضى غيرك مايرضى....فهد طلبتك لا تخليني .
فهد عقد حواجبه : انتي بتس شي ؟؟
عهود : لا....بس خايفه اكون عقيم .
فهد ابتسم : امسحي دموعتس واعرفي ان مافيه شي بيبعدتس عني .
عهود حست ان كلامه مثل السكاكين اللي تنغرس بقلبه .


_______________________

الفندق الأخر والعروس الباكيه .
ملاك... ماتبكي خوف عروس ولا فراق اهله هي تبكي الوطن اللي احتضنها .
ايقنت انها اغتربت روح وجسد .
جنبها امها اللي تحاول تهديها : بس يايمه قطعتي روحش بالصياح ارفقي على روحش .
ملاك احتضنت امها : يمه لا تخلوني لحالي .
قربت منها مها اللي تو خلصت مكياجها : تعوذي من ابليس ياملاك...وانتي هنا بالسعودية بين اهلش وربعش ولا انتي مغتربه .
ملاك بين شهقاتها : لا مغتربه ونص ماتعودت اطلع من الكويت فتره طويله آآآآآآه ما ابي علي ولا ابي العرس هذا كله .
انفجعت وضحى اللي كانت واقفه جنب عمته : ملااااك اصحي على عمرش وتعوذي من ابليس .
ملاك مسحت دموعه : يمه يمه تكفين قولي لخالتي بسكن بالكويت .
ام جابر رفعت راس بنتها : ملاك طالبتش طلبه تخلين ذا اليوم يعدي على خير و....
ماقدرت تكمل كلامها لانها جلست تبكي : تكفين لا تخربين علي فرحتي......حاولي تفرحين.
ملاك مسحت دموعه : يمه تكفين ادعي لي .
ام جابر : والله ما انساش من دعواتي جعل ربي يسعدش .
رن الجرس وقالت وضحى : قدها الكوفيرا وصلت .
قامت ملاك وغسلت وجهها بماء بارد ورجعت للغرفه والكوفيرا تحاول ترفع من معنوياتها : الف الصلاة على النبي شو العروس جميله .
وضحى ابتسمت : عيونش الحلوة .
الكوفيرا ابتسمت لوضحى وطالعت ملاك : تحبي نبلش هلاّ ولا بعد دئايق حتى ترتاحي ؟؟؟
ملاك : لا نبدأ الحين ازين .
قالت وضحى لملاك : عن اذنش ملاك بروح اسوي مكياجي قبل تمشي الكوفيرا الثانيه قدها عمتي خلصت مكياجها .


^^^^^^^^^^^^^^^^^^
حال جملاء ماهو ازين من حال البنات .
بس هي متوترة وتحاول تمسك دموعها .
دلال واقفه جنبها والكوفيرا تشتغل قالت جملاء برجاء: دلول انتي حامل وماهو زين الميقاف لتس .
دلال ابتسمت : عشان عروستنا كل شي يهون .
جملاء ابتسمت : عرباء بالله وش تسوي ؟؟؟
دلال حزنت على عرباء : ياجعلني قبلها بالفندق لحالها حلفت علي اجي اشوفتس وارجع لها .
جملاء باستغراب : وعمتي عايضه ؟؟؟؟؟
دلال تنفست بعمق : عمتي الله يسامحها بالعرس ولا كأن بنتها هامتها .
جملاء استغربت بقوه : ليه ؟؟؟
دلال : تقول انها ماتستحي .
وابتسمت : يلا جمول امي وموضي عندتس انا برجع لعرباء .
وطلعت وركبت بالسياره مع موسى اللي قال اول ماركبت : ترا عبدالرحمن احرق جوالي اتصالات يقول انتبه لدلال شكله ما يثق بنا .
واردف : بس ما الومه بتس .
دلال ضحكت : يابعدي ياخوي الله لايحرمن منك .
موسى : ولا منتس .
وبهدوء : دلول تعرفين بنت جيراننا نورة ؟؟؟
دلال استغربت من سؤاله : ايه ليه وش فيها ؟؟؟؟
ضحك موسى : انتي علامتس ؟؟
دلال : وش بك تسال عنها ...؟
موسى : ابي عقب العيد ان شاء الله تخطبونها لي بس ياويلتس لو يطلع الكلام هذا قبل العيد .
دلال بضيق : موسى انت عارف انها ماهي قبيليه و...
موسى قاطعها : لا لا دلال مابي يجي ذا الكلام منتس .
دلال زاد ضيقها : انا عندي عادي ونوره من خيرة البنات وادري ان مابه مثلها بس اهلي ماراح يتقبلونها .
موسى باصرار : لو فيها زعل القبيله كلها ماهمني احد اهم شي اخذ نوره .
دلال ضيقت عيونها : عادي تزعل عليك امي ؟؟؟
موسى بفزع : الله لايجيب ذاك اليوم ..
دلال : هذاك تقولها لو فيها زعل القبيله كلها .
موسى : شوفي انا ابيتس تكلمين نوره واهلها واذا وافقو بحط اهلي امام الأمر الواقع .
دلال : تبي تجلطهم أنت ؟؟؟؟
موسى عصب : دلال ترا انا احبها ولا ابي غيرها .
دلال : طيب وش معنى الحين ؟؟؟
موسى : لاني ابي اعرس .
دلال : واذا قلت لك دور لك وحده غيري تسوي لك هالمهمه ؟؟؟
موسى تضايق : بقولتس مشكورة .
دلال بعد تضايقت واجد على اخوه : موسى تكفى كلم ابوي بالموضوع واذا رفض وعد مني اكلمه.... ما اقدر اخطبها لك من وراهم .


_________

عربــــــــاء جنب جناح ملاك على طول .
جالسه لحالها مابعد جات الكوفيرا وهي اعصابها مرتاحه ومروقه على الاخر .
تحس ان ماعندها لا احساس ولا اعصاب .
تو عرفت ان كلمة أبوها بمحلها يوم قالها ( مافيه مره بالأرض تسوى مواطي رجليتس لأنتس غير عنهم كلهم...خذتي صفات امي شكل وفعل وأسم......وإذا أمتس ماهي عاجبتها حركاتس أنا أفتخر فيتس وتراتس مبيضة وجهي أول وتالي ) .
إنفتح الباب ودخلت دلال اللي نزلت نقابها وهي تقول :اووووووووف حر مووت برا .
ابتسمت لعرباء اللي واقفه وتبتسم : حي الله عروستنا .
عرباء : هلا بتس.......وش اخبار جملاء عساها ماماتت من الخوف ؟؟؟؟
ضحكت دلال : على وشك.......الا انتي ماتجهزتي ؟؟؟؟
عرباء ببساطه : لا اتصلت على الكوفيرا ماردت
وضحكت : شكلها سحبت علي .
دلال شوي وتنهبل : وتضحكين افرضي ماجات .
عرباء بثقة : عادي .
دلال تخصرت : لا والله ؟؟؟
عرباء : والله عادي وش فيها طيب ؟؟؟ واذا انزفيت بدون مكياج وبدون تسريحة ؟؟؟ تصدقين شي حلو اتميز عن البنات كلهم ويصيرون هم بصف وانا بصف لحالي .
دلال انقهرت من برود عرباء : ترا غرورتس هذاراح يضيعتس اتصلي على الكوفيرا مره ثانيه ولا بروح ادور لتس كوفيرا .
عرباء اتصلت وردت الكوفيرا اللي قالت لها انها بالطريق نزلت الجوال وهي تقول : دلول وش رايك اسوي مقلب بعلي .
دفتها دلال وهي تقول : والله انتس فاضيه .
عرباء ضحكت : لا تدفيني تراني ثقيله وبكذا يمكن يطيح ولد عبدالرحمن والله مايرحمتس .
دلال : ياكثر خبالتس.......انا اول مره اشوف عروس مثلتس .
عرباء بغرور حقيقي زرعه فيها ابوها : لاني ماني اي عروس .


________________

بقصر العرس .
حسناء وامها جالسين جنب بعض وام حسناء تقول : ايش دا الزواج اللي بدا من العصر .
حسناء : كدا زواجاتهم .
ام حسناء بضيق وهي تطالع القاعه بشكل عام : متى ينتهي الزواج ونعرف خافي جملاء دي .
حسناء بثقة : ماحتعجبك يا امي .
ام حسناء : ايش السبب ؟
حسناء : لانها مو زينا وتقدري تقولي فيها كيمة بداوه يا ساتر .
ام حسناء : انتي ماشفتي عرباء كيف جميله وهي بدويه .
حسناء : بس جملاء مو زي عرباء .
ام حسناء : حنشوفها ونحكم.
..
..
بالجهه الثانيه ، هدى وامها وام حمود جالسات ويتقهون .
جات عايضه ونزلت عندهم صحون فطاير وقالت لأم حمود : اشوا انتي مثلي ما انتي رايحه لعبير ؟؟؟
عمشاء بحزن : والله ما ابي اشوفها وهي تبكي يكفي اني ابروح لها بالزفه........جيتي عرباء ؟؟؟
عايضه سحبت كرسي وجلست : لا والله الى الحين ودام خالتها بجنبها متطمنه .
سماحه : عهود تقول ماهي جايه للعرس تبي تقعد مع عبير .
عمشاء : اي والله انها قالت لي...الله يرزقها ويسعدها .
ابتسمت عايضه على هالطاري : ابشركم ان دلال حامل حللت امس وطلعت نتيجتها .
فرحو كلهم بس سماحه ضيقتها تصاعدت """" ماشاء الله لا اله الا الله اللهم لا حسد.......دلول اللي متزوجه عقب عهود حملت وعهود لا ؟؟ ياربي فرحني بحملها قريييب يارب """
هدى اللي حامل بالشهر الرابع قالت : الله يكون بعونها ويقومها بالسلامه .
ابتسمت عمشاء بحب : الله يسهل عليكن انتي ودلال وحنان .
ابتسمت عايضه : حنان تقول يمكن ماتحضر .
هدى بحزن : ايه تقول خويتها مات رجالها وجات عندها بالقصيم .
عايضه بلعت ريقها : ترى خويتها بنت اخت جميعه .
استغربت سماحه وفتحت عيونها : وشووو رجال بنتها ميت وهي كاشختن هنيه ؟؟؟
عايضه بحزن : عزتي لحال بنيتها .
عمشاء ناظرت بعايشه (شويشه) اخت جميعه : لا حول ولا قوة الا بالله .
عايضه : هذي تراها ماتداني عرباء فوق الارض والله اني خايفتن على بنيتي منها .
سماحه : عرباء بسم الله عليها ماينخاف منها .


____________

عبيير..
متوتره حيييل حست انها استعجلت بموافقتها على يوسف .
تحس انها صغيره على الزواج ولا هي قد المسؤوليه .
ناظرت بعهود اللي جالسه على الكنبه ومشغوله بجوالها : عهوود .
رفعت عهود راسها : لبيه .
عبير بتردد : انتي صح تعرفين حماتس يوسف زين .
عهود : اعرفه نص ونص .
عبير وصوتها يرجف : طيب اوصفي لي شخصيتوه .
عهود قامت وقربت من عبير : والله تعرفين ماجلست معاه كثير يعني سلام من بعيد لبعيد بس عمي يعتمد عليه اكثر من فهد
ووجدان دايم تمدحه عندي .
عبير وهي تفرك يدينها بتوتر : يعني تحسينه عصبي وكذا ولا كيف ؟؟؟؟
ابتسمت عهود : والله ما ادري......ان شاء الله تعرفينه مع الوقت..اهم شي لا تتوترين ولا تبكين عشان مايخرب مكياجتس .
ابتسمت عبير وناظرت نفسها بالمرايه : يوووه فستاني ثقيل حيل ما ادري كيف البسه .
ضحكت عهود : احمدي ربتس ما انتي مثلي بزفتي عانيت من جد .
عبير وهي ترتجف : اتذكر يوم هربتي من فهد .
ضحكت عهود بصوت عالي : هههههههههههههههههههههه تصدقين من احلى المواقف اللي صارت لي بحياتي مع انه موقف اليييم .
عبير : المجنونه ماتسوي سواتس .
سرحت عهود لذيك الايام وعذابها .
وعبير تفكر بالليله واللي يصير فيها ،،خااايفه حيل .


_______

المساء الساعه 7 .
عرباء : والله تطلعين للعرس وتفرحين معهم تراه عرس اخوتس واختس .
دلال مصره على رايها : وبعد عرس حماي وحماتي بس ماني طالعه لاني راقصه ولاني معاونتهم على شي .
عرباء برجاء : دلال طلبتس روحي .
دلال تناظر بعرباء وميكاجه وفستانه : لا والله ماني رايحه وتاركتس.......بالله قريتي على نفستس .
ضحكت عرباء: من اليوم وانتي تقرين علي .
دلال سحبت عرباء قدام المرايه الطويلة : شوفي شوفي ماشاء الله عليتس .
عرباء ألقت نظره على نفسها .
بداية من شعرها البني المرول الملفوف فوق ونازل منه خصل
قصتها المنفوخة ومثبته بالطرحة البيضاء اللي توصل أخر الذيل
نحرها المكشوف اللي يزينه سلسال ذهب ناعم فستانها الأبيض الفخم حلم اي فتاه
مابين الدانتيل والفصوص اللامعه رسم تفاصيل عروس
مكياجها الفخم اللي مبرز جمالها حلقها الذهبي اللي يوصل نص رقبتها
نقش يدينها الي امتزج بين البني والاسود .
التفتت على دلال : اخواني بيجون للزفة ابي شي اغطي يديني وصدري وظهري .
ضحكت دلال : من عيوني شرشف الصلاه يكفيتس ؟؟
عرباء : اي شي اهم شي اتستر.......وانتي يله روحي للعرس ترا والله لا ازعل لو ماحضرتي عرسي .
دلال قبلت راس عرباء : الله يسامحتس تبيني يعني اوقف بالشوارع ادور تاكسي ؟؟؟
ابتسمت عرباء ببساطه : لا اتصلي على الدحمي .
دلال : اكيد ماهو فاضي لي.
عرباء : اتصلي وشوفي والعيال واجد ويسدون مكانه دقايق.......يابنت خالتي قريبه مني لو ابي شي رحت لها .
دلال لبست عبايتها وهي تقول : مع اني ماني راقصه ولاني مسويه شي بس بحضر عرستس عشانتس بس .
وطلعت دلال بعد ماودعت عرباء ووعدتها تجيها بالزفه .
وبما ان كل واحد واخته زواجهم بنفس اليوم.
زفة عرباء × عيسى و علي × ملاك الساعه 11 .
وبعدهم عبير ويوسف الساعه11 ونص .
وبعدهم وجدان واحمد الساعه 12 .
عرباء تحس انه مبسوطه ماتدري وش هالشعور بس هي فعلاً مبسوطه .
جلست على الكنبه بشويش عشان مايخرب فستانه وهي تفكر بمقلب تسويه بعلي .
ابتسمت بخفه على الفكره اللي خطرت ببالها .


_________________

عند الرجال .
خمس عرسان واقفين يستقبلون المهنين .
فهد واقف جنب عبدالرحمن اللي تو جاب دلال ..
قال فهد وهو يجلس بجنب عبدالرحمن : وش رايك تسافر معنا لماليزيا انت ومرتك .
عبدالرحمن : لا والله ما اقدر المره حبلاء .
ابتسم له فهد : الف مبروك واخيراً تبي تصير أبو ؟؟؟
عبدالرحمن : ان شاء الله يجي فهد على خير.......وانت ماراح تسمي ولدك عبدالرحمن ؟؟؟
فهد بصدق : والله لو مابقى الا اسمك ما اسمي عليه .
ضحك عبدالرحمن : افاا هذا وانا بسمي على اسمك .
فهد : لا لا انا ابو عبدالعزيز وانتم عارفين بذا الشي .
عبدالرحمن : تفرح فيه قريب ان شاء الله .
فهد يدعي من كل قلبه انه يفرح بعبدالعزيز قريب .
ومستغرب فهد ماعمر الرجال تكلمو بهالسالفه وش معنى هو...؟
ابتسم يوم شاف موسى جاي لهم : هلا بالشباب .
عبدالرحمن وفهد مع بعض : هلا بك .
جلس موسى جنب فهد والتفت لهم : لو رمضان ماهو عقب عشر ايام كان عزمتكم على كشته .
فهد : الا اقول متى تعزمنا على عرسك ؟؟ خل عنك المكاشيت .
موسى بدون وعي : جهزو انفسكم عقب العيد ان شاء الله .
ضحك عبدالرحمن: ومتى يمديك تخطب ؟؟؟؟
فهد : يمكن يبي عرسه مثل عروس اهلنا خطوبه وملكه وعرس بنفس اليوم .


________________

بقاعة الحريم .
القصر مليان عن بكرة ابيه .
الحضور واجد..
مها واقفه جنب دلال وترقص بكتافها لموضي اللي ترقص لهم .
قالت مها باستغراب : غريبه كل بناتكم عرسهم بيوم واحد....شوفي الحريم كل شوي طالعه وحده .
دلال ضحكت : تقل بيموتون لو ما اعرسو بذا اليوم.....الحمدلله انهم ماحطو عرسي معهم .
مها : ههههههههههههه اي والله الحمدلله ولا كان ماصار فيه الا موضي وهدى .
دلال : وانا وش ابغير يعني ؟؟؟ عهود جلست عند عبير ولا كان كثرتنا شوي .
مها : ومع هذا كله ماشاء الله عرسكم يجنن........الا مين البنات المتفصخات ذوليك ؟؟؟؟
ناظرت دلال : ايييه هذوليك بنت خالتي وعمتها .
تفشلت مها ونزلت عيونها بالارض "" ياويييييلي وش سويت انا ؟؟؟؟":اسفه دلول والله ماتوقعتهم يقربون لكم .
دلال ابتسمت : لا فديتتس عادي وانتي ماقلتي الا الحق .
مها : الله يستر عليهن بس .
<<___>>

عايضه واقفه جنب اختها ام جابر : اتصلت على عرباء قلت بجيش وعيت .
ام جابر : يابختش بنيتش مرتاحه ومريحتش اما ملاك بس تبكي وحلفت ما احد يقعد عندها الا وضحى .
عايضه : فديت ملاك وحياها ليت كل الناس مثلها .
ام جابر بصدق : الا فديت عرباء وثقلها ليت كل الناس مثلها .
عايضه تضايقت بقوه لان زفة عرباء بقى عليها 3 ساعات ودها تقعد مع عرباء بس ماتبي عرباء تعرف انها متضايقه من طلعتها للبيت
تبي عرباء تحس انها غلطانه وتعدل من نفسها عشان رضى امها
بس هذي هي زعلانه عليها شهرين وعرباء ولا كأنه همها .

__________

قرب موعد الزفه....وعرباء عيت اول شي يزفون علي وبعدين هي .
وفاجأتهم كلهم وهي تطلب منهم تروح تسلم على علي وملاك .
كانت جنبها امها وتقولها : عرباء انتي وش تبين تسلمين عليهم ؟؟؟
عرباء تحب راس امها ويدينها : ابي اشوف ملاك .
لبستها امها عبايتها ودلال تمد لها الطرحه .
تغطت بطرحتها ومشت مع امها اللي ماسكه يدها وتقول : ما ادري وين بيوصلنا خبالش....هه هذا اخيش طلعو من عنده كلهم ونزلو عند عيسى تحت ادخلي وسلمي وتعالي بسرعه اتناش هنا .
دخلت عرباء وسلمت على علي وملاك وباركت لهم وطلعت وقبل لا ترجع لأمها قفلت الباب بالمفتاح مرتين وطلعت .

إنتهى،،،،،،،،،،،موعدنا قريب جداً إن شاء الله مع زفاف عرباء .

[اسطورة !]

سلام عليكم ورحمة الله وبركاته.
صباح الخير على البنات الحلوين وجعل ايامكم كلها سعاده.
اسعدتوني بردودكم جعل السعاده ماتفارقكم.
والله ما اقدر ارد عليكم لاني بالقريه والشبكه توصل بالقطاره وتو قدرت ادخل .
كتبت بارت حول 10 صفحات سامحوني على قصره بس من جد متعب متعب اول مره اكتب كذا .
.
.
هذا البارت اقدر اقول انه كله لعرباء وعروساتنا الباقيات لهم بارتات ثانيه
عرباء احداثها كثيره وشقاوتها حتى بليلة عرسها
اتمنى تتحملونها شوي
إليكم البارت........>

*البارت الرابع والخمسين*

قرب موعد الزفه....وعرباء عيت اول شي يزفون علي وبعدين هي .
وفاجأتهم كلهم وهي تطلب منهم تروح تسلم على علي وملاك .
كانت جنبها امها وتقولها : عرباء انتي وش تبين تسلمين عليهم ؟؟؟
عرباء تحب راس امها ويدينها : ابي اشوف ملاك .
لبستها امها عبايتها ودلال تمد لها الطرحه .
تغطت بطرحتها ومشت مع امها اللي ماسكه يدها وتقول : ما ادري وين بيوصلنا خبالش....هه هذا اخيش طلعو من عنده كلهم ونزلو عند عيسى تحت ادخلي وسلمي وتعالي بسرعه اتناش هنا...طول عمرش ماتستحين رايحه تسلمين عليهم ؟؟؟؟؟
تجاهلت كلامها ودخلت وسلمت على علي وملاك وباركت لهم وطلعت وقبل لا ترجع لأمها قفلت الباب بالمفتاح مرتين وطلعت .
قابلتها امها اللي ابتسمت : مالش الا دقيقتين ماسرعش تسلمين .
ضحكت عرباء : والله سلمت عليهم .
عايضه بغضب : ماشاءالله عليش بعد دقايق زفتش وانتي تبوسمين وتضحكين .
عرباء باستهزاء : وش تبيني اسوي يا ام علي ؟؟ غصب ابكي عششان تعرفون اني استحي .
عايضه دفتها لباب جناحها : ادخلي نزلي عباتش وشيكي على مكياجش قبل ياتي رجالش .
دخلت عرباء ولقت دلال تبخر قميص ابيض طويل : دلول وش تسوين ؟؟
دلال بغضب : قميصتس الوردي وينه ؟؟؟
عرباء ضحكت : من صدزتس تبيني البس ذاك اللي مايستر ربع جسمي .
دلال : هه طلعت لتس ذا الطويل ياويلتس ان قطيتيه وهذا رجلتس بيدخل انا ابطلع .
وسلمت عليها وضمتها وهي تقول بهمس وصوت مخنوق : الله يوفقتس ويرزقتس الذريه الصالحه .
حست عرباء باحساس غريب وده تبكي .
اول مادخل خزام اللي يطالعها بفرح وراسه واصل النجوم رغم حزنه ان بنته طلعت من بيته
قرب منها وهي تبتسم له تقدمت له وحبت راسه ويديها ترجف
تكلم خزام : الف مبروك يابنتي.....الحمدلله اللي بلغني هاليوم اللي ازفتس فيه هذي اكبر امنيه اني اسلمتس لرجالتس واوصيه عليتس.....
وتكفين يابنتي بيضي وجهي قدام ولد اخوي وانتي من يومتس مبيضه وجهي.......وادمحي زلة رجلتس ومشاكلتس انتي وياه حلوها بينكم
انتبهي يابنتي تدخلين طرف ثالث بينكم .
تحس انها مخنوقه يدها ترتعش بيد ابوها قالت بهمس : من عيوني وراح ابيض وجهك .
حب راسها مره ثانيه وهي حبت يده ودلال واقفه بعيده شوي وعينها عليهم وتبكي بصمت .
خرج خزام ودخلو عمان عرباء سلمو وطلعو..
وجات جميعه وسلمت عليها وهي تترقب دخول امها... بس امها طولت وهي ما جات .
ودخل عبدالرحمن مع عيسى وهو يقول بصوت عالي : ترا عطيناك مهرتن غاليه والله لو تزعلها بيوم حسابك معي .
ضحك عيسى : عرباء بعيوني .
تقدمت له دلال وسلمت على كتفه وبصوت باكي : الف مبروك .
ابتسم لها عيسى : الله يبارك بتس ويخليتس لنا .
وتقدم لعرباء اللي منزله راسها للارض وشابكه يدينها ببعض وترجف وعبدالرحمن واقف جنبها ويهمس لها : تاكدي ان غلاتس زاد بقلوبنا ولايهمتس زعل امي عليتس ترا قلبها ابيض وراح تسامحتس .
عرباء همست له وهي تحاول تبين له هدوئها عكس رجفتها الداخليه والخارجيه : المفروض انها واقفه جبني الحين لكن عادي وهي زعلت علي بدون سبب لو فيه سبب كان استسمحت منها .
ابتسم لها عبدالرحمن ويوم شاف لمعة عينها حضنها بقوه وهي تشبثت فيه وبكت بقوه : عرباء..افاااا علامتس .
عرباء بصوت واطي لكن سمعوه عيسى ودلال : قول لامي اني احتجتها بالوقت هذا بس خذلتني ودلال ماقصرت معي جعلني ما اعدمها .
عبدالرحمن همس باذنها : خلاص ياخيتي امسحي دموعتس وتاكدي ان كلنا وراتس .
ابتعد عنها ومسك يد دلال اللي ماهي احسن من حال عرباء وقال لعيسى :الف مبروك وترا عرباء برقبتك .
عيسى تقدم لعرباء وقال بثقة : لا توصي حريص .
طلعو دلال وعبدالرحمن وبقت هي وعيسى تحس نفسها ضااااق
تبي تبكي وتطلع من هنا بس ماتبي تفشل اهلها قرب منها عيسى وقبل جبينها : الف مبروك ياعرباء .
عرباء بصوت هامس وفيه اثر بكاء : الله يبارك فيك .
جلسها معاه وقال بثقه : لو تخلو العالم كله عنتس تأكـــــدي اني ماراح اتخلى عنتس...اخترتس زوجه لي لاني أحبتس.
عرباء تحس وجهها بينفجر من شدة الضغط عليها قالت بصوت باكي اوجع عيسى : تخلت عني أمي آآآه.
وجلست تبكي وعيسى مايدري وش يسوي معها نزل بشته وقرب منهااكثر : عرباء.....عرباء.....تعوذي من ابليس .
تمتمت بصوت هااامس: اعوذبالله من الشيطان الرجيم .
إحسسسسساسها صععب مررره
تحس مافيه شي يوازي خذلانها امها أقرب النـــــــاس لها خذلتها
من شافت امها جايه لجناحها إستبشرت خير بس تاكدت ان امهاا على زعلها لانها مازفتها لرجالها ماسمعت امها توصي عيسى عليها مثل جميعه توصي عيسى وتحلفه بالله مايضيم عرباء
هي شافت الفرحه بعيون امها بس شكلها فرحتها بعلي مو فيهااا.
هذا وهي امه توصيه عليها وأمــــــــها ولا كانها بنتتتتتها
مافيه شي يوازي قهرها واحساسها بالغبنه بموقف مثل هذا مايتكرر مره ثانيه امها ماوقفت معها
هي ظنت ان ماااافيه سبب بالدنيا بيخلي امها تخذلها بالطريقه هذي
وكل هذا تعتبره امها عقاب لها لانها نزلت راسها بين الحريم
ماعادت تبي شي كثر ان امها توقف معها بالهالوقت تكلمها باكر تعلمها وش اللي يصلح وش اللي مايصلح
بس هي مالها إلا دلال وجيمعه.....!
قررت تخلي امها مثل ماتخلت عنها.....وياصعبه من قرار
بس هذي هي عرباء تقرر كل شي بسرعه ولا تتراجع !!!
رفعت راسها لعيسى ومسحت دموعها وابتسمت : اسفه ضيقت خلقك .
عيسى بصدق بعد ماحب يدها : جعلني انا وخاطري فداتس....والله يجملني واخليتس اسعد مره بالكون .
عرباء استحت بس ابتسمت فعلاً كلام ريحها .
^
^
^
^
بسيارة عبدالرحمن دلال بصوت باكي : عبدالرحمن رجعن للبيت تعبانه .
عبدالرحمن وقف السياره على جنب وباستغراب : وش بلاتس ؟؟؟ تبين المستشفى ؟؟؟؟
دلال اخذت منديل تمسح خشمه ودموعه : لا بس برتاح .
عبدالرحمن بقلق : علامتس ياقلبي ؟؟
دلال : ماشفت كيف حالة عرباء؟؟؟؟؟ خايفه عليهاا لا تسوي شي بروحها .
عبدالرحمن بثقه : ما خليناها الا عند رجال كفو وعيــسى أخوتس وتعرفينه زين يقدر يطلعها من حزنهاااا.
دلال هزت راسها بالايجاب : بس مافيه مثل الام....مادري ليش عمتي تسوي بها كذا..
عبدالرحمن : كلام عرباء شين حملتني كلام يضيق الخلق ما اقدر اقوله لامي......بس يبقى كلامها برقبتي وحرام لو ما اقوله لامي .
دلال بقهر : لازم عمتي تعرف ان عرباء كانت محتاجتها .
عبدالرحمن اخذ اللفه بيرجع للبيت : وزفة اختس ما انتي حاضرته ؟؟؟؟
دلال هزت راسها بلا : عندها امي وماهي بحاجتي وانا ودي ارتاح من الساعه عشر الصبح وانا جالسه والحين الساعه 12 الا .
=
=
=
=
خزاااام اعتذر منهم مايقدر يروح لزفاف العيال الباقين ورجع لبيته .
وقف سيارته واول مافتح الباب وقفت سيارة عبدالرحمن قبل لا يدخل البيت وقف وطالع بعبدالرحمن اللي تقدم له : يبه سلامات ليه مارحت معهم.
خزام بابتسامه : يعز علي فراق عرباء وودي اقعد لحالي .
عبدالرحمن اوجعه كلام ابوه اذا ابوه الشديد يقول كذا كيف قدرت امه تقوي قلبهاااا؟؟؟؟؟
مادرى عبدالرحمن ان عايضه الحين بغرفة عرباء وتبكي مثل الثكلى .
ماقدرت تشوف عرباء وهم يزفونها ويطلعون ويسكرون الباب ويمشون ودعواتهم لها .
زفت عبدالرحمن قبل ثلاث شهور واليوم زفت علي قلبها يرفرف بفرح تطلع لبيتها وهي مرتاحه ومبسوطه
واليوم بزفة عرباء تغير الوضع طلعت قبل الزفه ونزلت تحت وطلعت مع جابر وامه لبيتها
من طلعت وهي تبكي وجالها الحين نص ساعه وبكاها مستمر.....تبي تبين للكل انها زعلانه على عرباء بس ماتقدر
والحين قلقانه على عرباء وماتدري وش مخبيه لها الايام .
××
أما خزام دخل بالديوانيه ونزل عقاله ولف شماغه تحت ذقنه وجلس قدام الدلال وشبك المنقل وبدأ يسوي قهوته
مايدري ليه كل هالحزن على عرباء مايدري ليه يحس انها بترجع له مسكوره
رغم انه يثق بعيسى ويعرف ان عيسى قد المسؤوليه
بس قلبه واحساسه ماهم مريحينه
شوي وسمع خطوات قادمه له رفع راسه على دلال اللي دخلت وشعرها ملفوف بمنشفه ولابسه قميص بيت واسع ومريح
حبت راس عمها وجلست بجنبه : تأخرت بنومتك ياعم.
ابتسم خزام : مافي نوم يابوتس....انتي وشلونتس عساتس ماتعبتي ؟؟؟
ابتسمت دلال على اهتمامه : الحمدلله بخير .
خزام : روحي ارقدي يابنتي وارتاحي اكيد انتس تعبتي من هالعرس عسى الله يوفقهم ويفرحنا بشوفة عيالهم .
دلال من كل قلبها : امين يارب....بس ياعم القعده معك ماتنعوض .
ابتسم لها خزام : جعل ربي يبارك لتس بمالتس وعيالتس.........ها علميني يابنتي ودتس تطلعين من البيت ولا لا ؟؟؟؟
انتفضت دلال وبجزع : الله لا يقوله اطلع من بيت عماني....وليه اطلع ؟؟؟؟
خزام ابتسم على انفعالها وعرف انها فعلا تعتبرهم اهلها مثل ما اهم معتبرينها بنتهم : لان مرة علي بتصير بالشقه اللي جنب شقتكم وما ادري لو هالشي مضايقتس .
دلال : لا جعلني فداك مرتاحه كذا ولا ابي اطلع من بيتك جعل عمرك طويل .
استوت القهوه وصب لدلال فنجال : سمي .
اخذته دلال من عمها وريحة القهوه ترد الروح وتقعد الراس : جعل ربي يسلمك ويخليك لنا .
خزام بابتسامه : ودي باتسر نطلع للشاليهات .
ابتسمت دلال على فكرة عمها وتدري انه متضايق حيل : كلنااا ؟؟؟
خزام : لا بس انا وانتي وعايضه وعبدالرحمن ادري الناس ماهيب فاضيتن لنا .
ضحكت دلال ووقفت وهي تقول : عم انا ابطلع اجهز اغراضي تامرن على شي ؟؟؟؟
خزام بحب : ما يامر عليتس عدو .

*
/
*
/
الساعه 12:45ص..
بسيارة فهد متوجهين للزفه الثانيه زفة وجدان .
عهود تبكي وفهد يسمع بكاها ولاحب يكلمها يبيها تاخذ راحتها وتطلع كل اللي بقلبها
وقفو عند الفندق الثاني وشاف الشباب توهم يدخلون مع أحمد ولد عمتهم وعيال عم احمد موجودين وفواز ابو احمد .
يوم شاف الرجال الغرب عنهم واقفين قدام الباب : ادخلي وبسرعه روحي سلمي على وجدان ولا تبطين .
عهود باستغراب : ليه؟؟؟؟
فهد تنرفز : ماتشوفين الرجال الغرب؟؟ ولا تبين تصفين جنبهم .
عهود بعد انقهرت اكثر منه : انا بس بسلم على وجدان واصلا ماهو لازم بجلس بالسياره لين تجي .
فهد انقهر : احسن لنا ولتس .
ونزل وهي انقهرت اكثر """ يعني كاني بمشي قدام الرجال بدون عباه ولا غطاء؟؟؟ واصلا ماهم عارفين ووجدان لها حق علي""
طلعت جوالها وتذكرت ان مافيه شبكه وارسلت لوجدان رساله نصيه (( كنت بجي عندتس واسلم عليتس بس اخوتس عيا سامحيني )).
نزلت جوالها بالشنطه.

*
/
*
/
عند علي وملاك.
قبل ساعه ونص....اول ماطلعت عرباء علي درت انها قفلت عليهم .
التفت لملاك وحط يده اسفل ذقنها ورفع وجهها له : مبروك علي شوفة وجهتس جعلني ما انحرم منه .
استحت ملاك وتحس دمها يجري بسرعه من الحيا
قبلها وهي انتفضت من جرأته بهاليوم ضحك يوم شاف رجفتها وخوفها : وش بلاتس تراني رجلتس.
ملاك ما كان ناقصها هالجو نزلت دموعها وراء بعض وعلي حس انه جنى عليها : ملاك فديتس علامتس ؟؟؟
هزت راسها بلا وقامت وراحت للحمام المشترك بالغرفه ودخلت بالحمام وهي تنتفض من الخوف .
سحبت السحاب ونزلت فستانها اللي بالقوه طلع فكت تسريحتها وفتحت الدش ودخلت تحت المويه البارده
.
.
علي استغرب قومتها قرب من الحمام وسمع صوت الماء وارتاح .
رجع مكانه ونزل شماغه وعقاله وطاقيته وتذكر حركة عرباء وانقهر """ اوريتس ياعرباء """
اخذ جواله وارسل لعبدالرحمن بالواتس اب ( تعال افتح لنا باب الغرفه ) .
نزل الجوال مطنش تساؤولات عبدالرحمن هو عطاه خبر ان جاء ولا بيتصرف .
ابتسم وهو يتذكر كيف ابتسامة عرباء عكس خوف ملاك """ الله يوفقتس يا خيتي """
طلعت ملاك ولف يناظر حب طفولته وعشق رجولته .
لابسه قميص ماسك على الرقبه باللون الابيض الدانتيل والصدر ضيق باللون الابيض اللامع بالفصوص وبعدين مطاط ومسكر للاخر وعلى الجوانب فتحه توصل الركبه وشعرها مفتوح ومبلل وهي تلعب بتوتر بكم يدها اليسرى الطويل المزين بالدانتيل كانت فـتـنـه .
قام وقرب منها وقالها بصريح العباره : الليله بتخليني أخربها .

*
/
*
/

عند عرباء وعيسى ..
يدري انها ضايقه وضيقتها مالها حــد .
قال بابتسامه : ماودتس تقومين تغيرين هالفستان بنصلي ؟؟؟
وقفت عرباء وقالت بهمس : مايخالف اكلم دلال ؟؟
ابتسم لها عيسى : خذي راحتس يالغاليه .
طلعت متوجه للصاله واتصلت على دلال اللي كانت بتنام : هلا والله بالعروس .
عرباء بصوت باكي : دلال وينتس ؟؟؟
دلال فزت بخوف : بالبيت...وش فيتس عرباء ؟؟؟
عرباء بصوت يالله يطلع : احس اني بموت .
دلال تحس ان الموت قرب منها قالت بهمس : وش سوا بتس عيسى .
تفاجأت من ضحكة عرباء : مقلب يالخبله هههههههههههههههههههههههه .
دلال بغضب : ما اقول الا الله لا يجزاتس خير.....هذا وقت مقالب يالخبله ؟؟؟؟
عرباء ضحكت : خلاص دلول يعني ما انتي متعوده على مقالبي ؟؟؟ انا شفتس تبكين يوم مشيتي من عندي وابي اتطمن عليتس .
دلال وهي تبكي : انقلعي ولا تكلميني شلعتي قلبي خليتي كل الطواري الشينه تجيني .
عرباء ضحكت بصوت عالي ناسيه ان عيسى قريب منها : ههههههههههههههههههههههه خلاص اسفه والله اسفه .
دلال رغم انها تبكي وحالتها حاله بسبب مقلب عرباء قالت عشان ماتضيق خلق عرباء : خلاص عشانتس عروس سامحتس .
عرباء : جعلني فداتس يله مع السلامه .
وسكرت الجوال وتفاجأت بعيسى واقف عند الباب ويضحك : والله انتس ممثله محترفه اخاف اختي ماتت من الخوف .
طاح وجه عرباء تحس وجه ينبض من الفشله """ حسبي الله هذا وش عرفه """ : تتجسس ؟
قالته وهي رافعه حاجبه وتحاول تبين انه ماتفشلت .
عيسى ضحك وقرب منها : انا يوم سمعت صوتس تبكين طلعت اشوف وش بتس وشدني كلامتس وعرفت انتس مسويه مقلب
ياشيخه طيرتي قلبي قبل قلب اختي .
عرباء تفشلت اكثر ونزلت جواله على الكنبه وتعدته متوجه للحمام وهو يضحك على جنونها "" ويلوموني به ؟؟؟ البنات مثل هالوقت ماهن فاضيات للناس وهي تسوي مقالب آآآه جعلني ما افقد ضحكتها """
عرباء واقفه قدام المرايه وتنزل فستانه وتطالع نفسه بالمرايه وتهمس لنفسه : خبله والله خبله وشلون اسوي مقلب بهالوقت
هذا عيسى سمعني وضحك علي الحين وش اللي استفدته........اووووف نسيت علي وملاك ياويلي والله ان علي بيتوطى ببطني
بس يستاهل اجل يفشلني قدام ابوي وعماني واسكت له .
دخلت الحمام وتروشت .


إنتهى..!

(( اللهم أحفظ لنا خليجنا ))

رحم الله شهداء الكويت وجعل كل حاقد كيده في نحره .

[اسطورة !]

سلام عليكم ورحمة الله وبركاته
ككل عام وأنتم بخير والعيد عليكم مبارك..
أدري طولت عليكم حييل لكن أعذروني والله مافضيت
من 15/9 وحنا بالقرية والشبكة ماهي زينه
ويوم رجعنا للقصيم 22/9 نجهز للعيد وأنتم تعرفون حوسة العيد
وزواج ولد عمي يوم الأثنين الجاي ونجهز أغراض الزواج يعني والله مشغوله مشغوله مشغوله
والزواج بعد ماهوب القصيم وسفر وتعب والله العظيم أحاول قد ما أقدر أنزل لكم بارت
أعذروني على التأخيــر وإن شاء الله أحاول قد ما أقدر ألتزم بالمواعيد
*
أعذروني على قصر البارت ادري انه قصصير حييل لكن والله العظيم منخلعه كتفي اليمين وما اقدر اكتب واجد وهذا اللي قدرت عليه ولو ماني متأخره عليكم كذا كان حاولت ازوده بكره .

البآرت الخامس والستون..#


طلّ الصباحْ..
وإرتعفت الشمسّ .."
عبدالرحمن جالس بالصاله ويفطر وزوجته جالسه جنبه : كلمتي عرباء ؟
إبتسمت دلال : كلمتني البارحة مسوية فيني مقلب وإتصلت عليها عقب صلاة الفجر ماترد .
عبدالرحمن بإستغراب : وأمي إلى الحين ماصحت ؟
دلال ناظرت بساعته اللي تشير 7 ونص : لا والله ماصحت طليت عليها قبل نص ساعه ولقيتها نايمه.
عبدالرحمن عقد حواجبه : ماعمرها أشرقت الشمس وأمي نايمه .
وقام بيروح لغرفة أمه ونزلت عايضه مع الدرج ووجهها مورم من البكاء وعيونها حمرا
راح لها عبدالرحمن بسرعه : يمه علامتس ؟؟
عايضه ابتسمت : من زمان ماسهرت ولا سهرت أتعب... وزود على كذا ثارت علي الحساسية من البخور البارحة .
عبدالرحمن وأمه جلسو على نفس الكنبة اللي بصدر المجلس :يمه تسلم عليتس عرباء وتقول خذلتيها وهي بعز حاجتها لتس وخلاص هي ماعادت محتاجتس .
دلال تنتفض بمكانه وتأشر لعبدالرحمن يسكت بس هو بيوص رسالة عرباء لأمه لأنها حطت هالكلام أمانة برقبببته .
عايضه وضح عليها أكثر شي الجمود لأن وجهها من قبل مورم وعيونها حمراء: وأنا بعد ماني بحاجتها عندي بناتي دلال وملاك يكفني عنها .
عبدالرحمن أنصصدم من أمه : يمه يعني خلاص عرباء ما عادت تعني لتس اي شي؟؟؟
عايضه بألم : عرباء عندها انا والطوفه سوا .
دلال تكلمت هالمره : لا ياعمتي....والله لو شفتي لهفتها البارحه وهي تدور عليتس تدخلين تطمنين قلبها كان عرفتي انها كانت بحاجتس .
هنا عايضه ماقدرت تتكلم لانها تدري لو تكلمت راح تبكي اتصلت على عرباء اليوم ولا لقت اي رد
هي تدري ان بنته عنيده وزعلها شين وماترضى بسرعه
بس هي تبي تأدبها لأن لا الكلام ولا الضرب عادو ينفعون مع عرباء..!

*
/
*
/
*
/
صحت عهود 11 الظهر وقامت تروشت ولبست ليقنز أبيض وبلوزه أزرق جبنيز توصل تحت ركبتها
لبست فلات أبيض وشعرها لفته كعكه وشيكت على شنطهم وقربت من فهد النايم : فهد..فهد..فهد.
تحرك فهد :همم.
عهود : قووم يله مابقى شي على صلاة الظهر .
فز فهد واقف وقام يتروش ويتجهز للسفرهم
صلو الظهر وأخذت عهود عباتها الكتف ولبستها على عجل طيارتهم الساعه وحده والحين الساعه 12 وربع .
لفت الطرحه ولبست النقاب ودخل فهد وهي تشيل جوالها بشنطتها : بسرعه اخلصي .
عرفت ان فهد معصب وزعلان... من البارح يوم تزاعلو علشان زفة وجدان ماكلمت فهد وحتى هو ماكلمه
وبيروحون لماليزيا وهم متزاعلين ،،، ناظرت بفهد : اذا كان زعلان ماله داعي نسافر .
فهد مارد عليها إلا بكلمتين : أمشي بس .
مشت وراه عهود وهو يسحب الشنطة السوداء الكبيرة اللي تحتوي على ملابسها اما ملابسه فهو قد حطهم بالسياره
كارهه هالسفره ماتدري ليه ولا تدري ليه ماوده تطلع معه لاي مكان
تكره فهد لما يزعل مايخانق ولا يضرب ولا يقط حكي يوجع بس انه يتجاهل وهالشي يموتها قهرر.
وهي قررت تتجاهله حتى يحس فيها ويحس ان التجاهل يقهر .
/
*
/
*
/
*

نفس الوقت بالدمامم...#

جملاء تتزين وتتكشخ لان ام بندر وجدته بيجون يسلمون عليها ويشوفونها
لابسه فستان لونه بيج ضيق طويل وباكمام طويلة ناعم مافيه إلا حزام من نفس الفستان بنفس اللون ينربط وراء
والصدر مسكر بس ضيق شعرها لافته بتسريحه حلوه سوتها لها الكوفيرا اللي جابتها لها امها الصباح
ومكياج ناعم يليق بهالوقت والمناسبه..، دخل بندر يستعجلها تطلع تسلم عليهم تعطرت
ومشت بخطوات مرتبكه تحس قلبها بيطلع من الخوف ترجف بشكل ماهو طبيعي
طلعت واستقبلتها زعاريدهم اول شي سلمت على جدة بندر وحبت راسها وجدة بندر عيونها بوجه جملاء مانزلتهم عنها
وراحت جملاء تسلم على امه مرة عمها وتعرفها من قبل بس حسناء هالمره سلامها على جملاء متغير بس سلام بدون ماتبارك ولا تاخذ اخبارها
سلام بارد يعلم جملاء ان الناس مو مثل اول
جملاء جلست جنب بندر وهي تتنافض من الارتباك
قالت جدة بندر : فيه عروس تلبس بصباحيتها فستان مفصل جسمها؟؟؟؟
بلعت جملاء ريقها وعضت شفتها ونزلت راسها للارض
وردت حسناء على امها : اتغيرو الناس يا امي والبنات صارو مايستحو..
جملاء توترت وقالت حسناء وهي توقف : عمك يبغى يسلم عليكي إلبسي عباتكي لا يدخل وانتي كدا .
بندر باعتراض : خليتس ياجملاء لاتلبسين عباتتس مافيه مره تلبس عباتها ببيتها .
ومع كلمة بندر دخل مهنا وقامت جملاء تسلم عليه وهي تحس بخجل من نفسها
امها قالت لها ان فستانها زين ويصلح واصلا هو ذذوق دلال
تخيلت لو هي اخذه الفستان اللي قالت لها عليه موضي ميدي ومنفوش ..$
مهنا : ياهلا والله ببنتي....الف مبروك يالغاليه..
جملاء بصوت يرتجف : الله يبارك فيك ياعم .
مهنا ناظر ببندر : متى رحلتكم؟؟
بندر بابتسامه : باتسر الصبح..
مهنا بأمر : حسناء امشي يله مابقى شي على طيارتنا.
حسناء بفجعه : نمشي للمدينه؟؟؟؟
مهنا باستعجال : يامره امشي.
حسناء : يلا يا امي .
قامت هي وامها وهن يتهامسن بجملاء : حرمة ولدكِ ما اعجبتني ماهي زي عرباء.
حسناء : يكفي يا امي طيبتها وانا ما اقدر اتجاهل جملاء متل ماقُلتي.
امها : خليكي غبيه ولا تسمعي كلامي وهيا راح تخرجك من بيتك لما تجيها اقرب فرصه لانكِ طيبه معاها وتعرف خيرك وشرك
بس لما تتجاهليها ماتدري انتي طيبه كدا ولا شريره ولا تقدر تتطاول عليكِ بأي شي.
حسناء : بس يا أمي هيّا حتسكن في بيتي وانا ابغي اكرم ضيفي عاد كيف بأهل بيتي .
زعلت امها : خليكي متل اختكي منى حرمة ولدها استغلت طيبتها ومامات زوجها الا وهيّا طاردتها من البيت كلو.
*
/
*
/
*
/
عند عرباء....#
تلبس عباتها استعداد لخروجهم لبيت نشمي ويسلمون على اهل عيسى وعقب يسلمون على اهل عرباء
يرجعون ينامون الليله بالفندق والعصر رحلتهم لمكه ومن بعدها يجلسون بالطايف يومين والمدينه يومين ويرجعون للدمام.
كان عيسى يبي شهر العسل بتركيا بس عرباء ماتبي تطلع من السعوديه واحترم رايها
ووافق على سفرهم ياخذون عمره ويجلسون اربع ايام ويرجعون لبيتهم.
ركبو بالسيارة وعرباء تتصل على دلال اللي ماترد
توترت شوي هي بتروح لبيت اهله وماتدري امها هناك ولا لا
رن جوال عرباء ورفعت جوالها تشوف من المتصل وانصدمت انه امه ردت ببرود : اهلاً .
عايضه ردت ب: هلا والله بالعروس.....كيف حالش ؟
عرباء : الحمدلله بخير..يمه انتم بالبيت...؟
عايضه : لا والله بالشاليه.........تبغين شي ...؟
عرباء بسخريه : لا ماقصرتي معي بشي يايمه بس كنت بسلم عليكم قبل نسافر .
عايضه : خلاص نرجع للبيت و...
قاطعتها عرباء : لا لاترجعون حنا بنسلم على اهل عمي ونمشي .
عايضه : توصلون بالسلامه ان شاء الله .
وقفلت من امها وعيسى يقول : تو كلمت عبدالرحمن ووصف لي الشاليه تبين نروح لهم ؟
عرباء احتارت ماتدري وش تقول : اللي يريحك .
عيسى بابتسامه : الشاليه قريب من هنا مشوار نص ساعه .
عرباء خافت من مواجهتها لامها تدري انها بتنفجر بامها : لا ماحنا رايحين لهم .
/
*
/
*
/
*
القصيم..*
شقة حنان فوق اهل سطام .
من ثلاث ايام وساره عندها تبكي وتشكي لها
اتصلت على امها اكثر من مرة تترجاها تدخلها بيتها ورفضت امها
ومالقت قدامها الا حنان حتى عماتها رفضو دخولها ببيوتهم ورجال خالتها جميعه رافض دخولها بيته
طق الباب وقامت حنان تفتح ابتسمت يوم شافت اللي ورا الباب : هلا ميعاد .
دخلت ميعاد بنت عم سطام : ياهلا والله .
حنان بإبتسامه : تفضلي اجلسي بسوي القهوة .
ميعاد سحبت حنان : الله يغنيك لا تسوين شي انا جايه اقولك نصيحه وبطلع .
سكتت حنان وجلست مع ميعاد بالصاله وميعاد بدأت تتكلم : شوفي حنان هاللي مدخلته ببيتس ومخليه رجلتس يطلع لغرفته القديمه ومأمنته على بيتتس ترا والله ماراح تنفعتس هي خاينه واللي خانت أهله اكيد بتخونتس.
حنان انفجعت : لا ميعااااد الا ساره مستحيل تصير كذا هذي والله مره طيبه انتي لو جربتي تجلسين معاها يوم واحد....
قاطعتها ميعاد : جعلن ما اجلس مع اشكاله دقيقه وحده......حنان لاتلعب بعقلتس هالمره ترا ماهي هينه .
حنان تضايقت من ميعاد : انتيي اصلا ماتعررفينها ولا ماكاان قلتي عنهاا كذا .
مييعاد قالت وهي توقف : لو ماني معتبرتس اختي كان والله ماقلت لك هالكلام...تكفين ياحنان لا تخربين بيتتس بنفستس.....يله حبيبتي انا استاذن.
وطلعت ميعاد وحنان حتى مافكرت بكلامها لانه واثقه بساره وتعرف من ساره اللي هي مأمنته على بيته
دخلت بالغرفه اللي جنب غرفته وشافت ساره ماتزال نايمه
قربت من ساره ولمست جبينه المولع : ساااره ساااره .
تحركت ساره بانزعاج وقالت ودموعه بعيونه : نعم .
حنان ساعدتها على الجلوس : قومي نوديتس المستشفى..
ساره : لا تعبتكم معاي .
حنان اخذت عباية ساره : يالله ياساره امشي وخلي عنتس الكلام هذا .
ساره تلبس عبايته وهي متفشله من حنان : الحين من بطلع معه ؟
حنان : ماعندي الا سطام يوديتس .
ساره تذكرت شي : انا بالعده ومايصير اطلع من سطام .
حنان : ياشيخه انتي جايه من لندن لحالتس وانتي بعدتس والطلعه هذي للضروره ماهي تمشيه .
رن جوال ساره اللي قريب من حنان وارتبكت ساره و....

[hidaya 2]

شـكــ وبارك الله فيك ـــرا لك ... لك مني أجمل تحية .