خبروه اني على وصله حييت الكاتبه / وفاء الطوايله ،

[اسطورة !]

سلام عليكم..
صبحكم الله بالخير والرضا يا احبابي .
استغربت مافيه ردود بس والله معذورين انا قصرت في حقكم واجد وادري ان مشاغل الدنيا هي اللي الهتكم عن الرد مثل ماتنهيني عن تنزل بارت.. اليوم كتبت مايقارب 18 صفحه ان شاء الله ترضيكم بارت مليئ بالاحداث الغير معتاده .


قراءة ممتعة

البارت السادس والستون..#

دخلت بالغرفه اللي جنب غرفته وشافت ساره ماتزال نايمه
قربت من ساره ولمست جبينه المولع : ساااره ساااره .
تحركت ساره بانزعاج وقالت ودموعه بعيونه : نعم .
حنان ساعدتها على الجلوس : قومي نوديتس المستشفى..
ساره : لا تعبتكم معاي .
حنان اخذت عباية ساره : يالله ياساره امشي وخلي عنتس الكلام هذا .
ساره تلبس عبايته وهي متفشله من حنان : الحين من بطلع معه ؟
حنان : ماعندي الا سطام يوديتس .
ساره تذكرت شي : انا بالعده ومايصير اطلع من سطام .
حنان : ياشيخه انتي جايه من لندن لحالتس وانتي بعدتس والطلعه هذي للضروره ماهي تمشيه .
رن جوال ساره اللي قريب من حنان وارتبكت ساره وناظرتها حنان : ساره علامتس ..؟
ساره صارت تبكي بقوه : حنان تكفين ردي على أمي ما اقدر أكلامه .
استغربت منها حنان ورفعت الجوال وردت بـ / نعم .
جاها صوت ام عادل : من انتي .. هذا مو جوال ساره ...؟
حنان : وصلتي.....أمريني ...؟
ام عادل : أجل أنتي حنــــان...؟
حنان إرتبكت من نبرة أم عادل : إيــه أنا حنان....ساره تعبانه ماتقدر تكلمتس...أمريني.
ام عادل : أبيك تبعدين عن بـنتي.. (وبحقد) مو أنتي بنت عمة عرباء النسرة...؟
حنان أبعدت عن ساره وهي تحاول تأثر على أمها : صح عرباء بنت خالي وافتخر به...وبنتس هي اللي جايه عندي .
ام عادل : اسمعي انتي اذا جاء العصر وبنتي ببيتك طلاقك على يدي .
حنان تنهدت : تكفين فكيني من شرتس .
ام عادل بتهديد : والله ياحنان لو ماطردتي ساره من بيتك لأنسيك إسمك ترا انا مو هينه لا تستهنين فيني .
حنان تأففت : اللي تبينه بيصير بس وين أودي سااااره .....؟
ام عادل بغضب : أرميها بالشارع .
حنان بحزن : ودامتس ماتبينها تجي عندتس ليه ماتتركينها عندي .....؟
ام عادل : لاني ابيهاا تعرف ان مالها الا احنا.....وعندي مهمات احتاجها فيها فـ ياليت ترمينها بالششارع قبل العصر...لإنتس حامل ومايصير طلاقتس بالوقت هذا .
انصدمت حنان منها ومن المعلومات اللي هي تعرف عنها.وش عرفها انها حامل : طيب طيب الي تبينه بيصير .
وسكرت منها ورجعت لساره اللي قالت : وش تبي...؟
حنان برجفه : تقول لازم اطردك من بيتي قبل العصر .
مسكت ساره بذراع حنان : تكفين حنان لا تسوينها .
حنان بثقه : مستحيل مستحيل اسويها يا ساره .
ساره نزلت دموعه وهي تقول : آبي كااايل حسبي الله على اهله....ماحد راح يخاف علي مثله .
نزلت دموع حنان ومسحت على شعر ساره ـــ قومي الحين نوديتس للطبيب حرارتس مرتفعه .
ساره برجاء : لا لا حنان تكفين خليني اموت وارتاح من هم الحياه .
حنان انفجعت : لا ساره حرام عليتس وقومي معي يله اتصلت على سطام .
قامت معها ساره وحنان تنظر لها بشفقه وحزن .
*
/
*
/
*
/
*
بسيارة عيسى بعد ماطلعو من عند اهله .
رن جوال عرباء وطلعت تقرأ الرسالة النصيه (( عمرهـ مقبلوهـ مقدماً لا تنسيني من دعائك ياعرباء..*)).
انتفضت بخوف ناظرت بعيسى تخاف انه يلمح اي شي من الرساله .
مسحت الرساله وهي ترجف """ وش هالبلوه ووش هالرقم الغريب لا بعد ويعرف اني ابعتمر ""
عيسى ناظر به : علامتس عرباء....؟
عرباء بخوف وارتبالك : ولا..ولا شي....ليش..؟
عيسى ابتسم لها : اشوفتس كسرتي شاشة الجوال من كثر ماتضغطين عليها .
نزلت الجوال بالشنطه وابتسمت له : عندك شيلات ...؟
عيسى ضحك وهو يمد لها شنطة الـ sd اللي مليانه شيلات ومحاورات : يعني طفشتي من سوالفي....؟
عرباء بطلف : لا والله ما اقصد بس نتسلى شوي .
عيسى ضحك : امزح معتس والله .
شغلت عرباء شيلات منير البقمي .
رن جوالها برساله ثانيه فتحته وانذهلت (( ياعيني يطربك صوتك منير البقمي ..؟ ذوقك رفيع ياعرباء))
إنتفضت بخوف طالعت بعيسى وطالعت وراه وشافت عيسى يبتسم وهو يطالع الطريق
وواضح انه ما انتبه له ولا لخوفه ومنطرب على الشيلات
هي قلبه صار يقرقع خاااايفه ان عيسى يدري بهاللي يرسل له
رقمه غريب وفتحت النمبر بوك ومالقته خافت مره .
/
*
/
*
/
مر يومـــين..$
..
مـــاليزيــا>>كــوالالمبور .....#
الصباح الباكر والجو المعتدل جالسين فهد وعهود بالحديقه قدام الفندق ويفطرون
تكلم فهد : عهود إلــى متى وحنا بيننا الحواجز كذا وعلى أتفه سبب تزعلين ...؟
عهود بضيقه وهي تناظر بالسماء : اسأل نفسك .
فهد انقهر منها : عهووود لا تكلمت حاكيني زيــن .
عهود انقهرت منه اكثر ودمعت عيونها وحطت عينها بعينه وهي تقول : وش تبي فهد ..؟ وش المطلوب مني ..؟
فهد بعصبيه : المطلوب منتس تحترميني وماهو على كل شي تزعلين.....تنازلي شوي اتركي الجامعه ودراستها لو انه بس عشاني .
عهود تأففت : وهـه الجامعه وراح ادرسها واذا حملت أجلتها لين أولد وكل شي الا دراستي .
فهد عصب اكثر : تتحديني ياعهود...؟
عهود بقوه هي استغربت منها : إيه أتحداك(وصارت تبكي) فهد أنا حلمي من صغري أتخرج من الجامــعة حلمي أكون جامعيه ليه انت ماتبيني أكمل دراستي وش المشكله يعني؟؟ كثير بنات أعرفهم خلصو الجامعه واشتغلو بعد وهم متزوجات وقفت علي يعني....؟
وصارت تمسح دموعها اللي تنزل بقوه وهو تضايق أكثر : عهـود قلنا لتس جامعه ماراح تدرسين لا تزنين على راسي...كنت قبل أقول ادرسي لين تحملين بس الحين لااا لا تدرسين .
عهود بقهر وهي تبكي : ليييه ما ادرس لييه ...؟
فهد عصب منها : مابيتس تدرسين.....قابلي بيتس ازين لتس من الدراسه .
نزلت راسها على الطاوله وهي تبكي بقوه قام فهد وقالها بجفا : قومي لا تفضحينا بالناس..ادخلي الفندق ونوحي على كيفتس .
ومشى وخلاها وهي راحت لجناحهم مثل ما قال لها ورمت نفسها على السرير وهي تبكي بحرقه .
أمما فهد..*
صار يمشي بالممشى اللي بالحديقه وهو زعلان منها ""بغيتها طرب وصارت نشب......قلت لها نسافر ونتصافى وسافرنا وتعكر الجو بيننا اكثر"
/
*
/
*
/
*
صـــلاله...$
ديار عمان وأرض الجنان
بين الطبيعه والجمال
والخضاره والضباب
في أعالي الجبال تحت الغيوم يوقفون يوسف وعبير .
يوسف العاشق وعبير الخجوله
ماسك يدها ويحكي لها عن صلاله وانها من اجمل مدن الخليج وتشبه جو جنوب السعوديه
قطع كلامه على قبله ليدها وهو يقول : وأنتي اجمل بنت بالخليج .
استحت عبير بس شعور السعاده تنامى بداخلها .
لها مضى على زفافها يومين واكتشفت فيها شخصية يوسف .
هادي وطيب ويعشقها بجنون وصرح لها بهالشي من أول ليلة.
هي بدت تتعلق فيه ومعجبه فيه جداً.
/
*
/
*
/
*
عند العروس جمــلاء...#
بعد صلاة العصر مباشره...
جالسه على السرير ومعطيه بندر ظهرها ومايسمع الا شهقاتها اللي اوجعته.،قال بحنان : خلاص جملاء لا تبكين .
جملاء مسحت دموعها وقالت بألم : عاجبك يابندر اللي سوته فيني أمك ...؟
بندر بين نارين نار أمه ونار زوجته : أمسحيها بوجهي...ووعد مني ما اتزوج عليتس لو تنطبق السماء على الأرض.
جملاء بحرقه : بندر اذا عمتي ماهي راضيه على زواجنا طلقني .
انصدم من كلامها بندر : انتي مجنونه....؟وشلون اطلقك وزواجنا قبل يومين.؟ تبينا نصير علك بحلوق الناس...؟
جملاء بعصبيه : مايهمني الناس.....يهمني راحتي وبس.....انا لي يومين معاك واقولك بصراحه مو مرتاحه.... عمتي ذبحتني أول شي رفضت نسافر بلعتها وسكتت عشانك وعشان عمي وأمس مخليتني أسوي العشاء وانا توي عروس وسكتت عشانكم بسس واليوم تكلم بنت اختها وتقول انها بتخطبها لك...؟ بندر بذمتك هذي عيشه ...؟ كانها ماهي راضيه على زواجنا من اول ليه اخذتني ...؟
بندر قام وراح لها جلس جنبها وهو يقول برجاء : زواج من غيرتس ماراح اتزوج تطمني من هالناحيه.....اقسم لتس بالله ان امي طيبه ولا فيه مثلها بس من عقب عرسنا وهي متغيره مدري ليه....اعذريها ياجملاء انا وحيدها واكيد انها تخاف اني اصير معاك ضدها .
جملاء باستغراب : وش اللي اصير معتس ضدها طباين انا وهي ...؟ (طباين=ضرات=شرايك=جارات) .
بندر رفع حاجبه مستنكر : يعني ماتعرفين ان فيه مره تغار على ولدها من مرته ..؟ وتذل انه ينساها ...؟
جملاء هزت راسها : ادري ادري بس ماهو مثل عمتي حسناء... هــه بكره بنروح للمدينه وأشوف خواتها اللي هي ماتكلم الا قدامي .
بندر بعصبيه بس مازال محافظ على توازن صوته : جــملاء إلا أمي...صح انتس زوجتي وأحبتس بس أمي خط أحمر...أعتبريها امتس وابلعي كل اللي هي تسوي وماراح تخسرين شي بالعكس بتربحينها .
جملاء بضيقه : اذا زاد الوضع سوء أكثر من كذا ماراح أقعد دقيقه وحده......جدتك اللي أكبر مني عشرين مره حاطه دوبها من دوبي وتعلمن أن بنات بناتها وبنات عيالها ازين مني وان جمالي على قدي .
انصدم بندر : من متى هالكلام ....؟
جملاء بألم : أمس يوم مشت للمدينه .
بندر استغرب من امه وجدته اللي انقلبت شخصياتهن : تحملي كل مايجيتس واذا ماقدرتي اخذ لتس بيت لحالتس وترتاحين....بس حاولي انه مايصير بينتس وبين اهلي عـــداوه .
/
*
/
*
/
*
القصيم.....#
حنان طلعت من المطبخ وهي شايله صينية الشاهي والقهوه راحت للقلط ولقت سطام وامه...
جلست جنب عمتها وصبت لها قهوه : سمي .
ام سطام اخذت القهوه وهي تقول : سم الله عدوتس .
قالها سطام : صبي لي شاهي.... وينتس انتي ماتنشافين....؟
وقفت ام سطام عشان ياخذون راحتهم مع بعض : بروح اسمع الفتاوى .
قالت حنان بهم : عند ساره كاسره خاطري.....سطام.
سطام يناظرها بعشق : لبيه .
حنان بتوتر : دق جوال ساااره من يوميـــن وطلبت مني ارد على امــها ورديت وصارت تهددن وتقول اذا ماطلعت ساره من بيتي طلاقي راح يصير على يدها...ومدري وش عرفه اني حاامل...هذا انا لي يومين متوتره بس احتري متى تطيح على راسي مصيبه والمشكله ساااره ترتجييني اخليييها عندي هي مالها احدد غيرنا .
سطام طفش من هالسالفه : ياحنان ساره ماوراها غير عوار الراس هـه هذا انا تقل مطرود من بيتي وقليل اشوفتس...حنان اعقلي وطلعيها من بيتس....ترا هي ماجت هنا وهي خاليه اكيد ان وراها مصيبه....انتي مصــدقه ان اهلها طاردينها...؟ طيب مدامنهم طاردينها امها ليه بس تدق عليها وتكلمها..؟ لو هـــي زعلانه عليها صـــدز مــاكان كلمتها...أرجعي لعقلتس ياحنان وطلعيــها من بيتس...والله لولا محبتس وغــلاتس ولا كــان طردتها...انزيـــن هي مسكينه واهلها مايبونها لنـــها أخذتن بريطاني وش عرفه بتس وجابه لتس هـــاه....؟
حنان فكرت بكلامه : لا سطام حــرام عليك إلا ساره والله تنحط على الجرح يبرا واللي عرفن به دلال بنت خالي توصين عليه وحتى أم عيسى مرة خـــالي كلمتن وتقــولي شوفي ساره عندتس بــلندن .
سطام استغرب من هالعايله : شوفـــي حنان أنا تاركه هنا عشانتس أنتي ولا لو هي ماهي من طرف أهلتس كان ماقعدت ببيتي دقيقه وحده.
حنان ابتسمت له : ياحبيبي ياسطام ويلوموني بـــك....خلاص حبيبي أنتظر بس تقضي حـــدادها هــنا راح تطلع لشقه .
سطام بصدمه : وشـــهو ...؟ أنتظر بعد أربع شهــور ...؟ لا لا حــــنان أنتي أكيد أنهبلتي..... شوفي خويتس هذي طلعيها للمحلق وانا ابرجع لبيتي والوقت اللي تقضينه معها راح تقضينه معي والعكس ترا انا ما اشوفتس الا وقت نومة خويتس .
حنان ابتسمت له : من عيوني بس عطيني يومين ارتب اغراضها واطلعها للملحق .
ابتسم لها سطام وقالها : وراتس لابده عند الباب تعالي عندي .
/
*
/
*
/
*
دبـــــــي...!!
أرض العمران والتطور
والجمال والرفاهيه.
ملاك ماسكه بيدها آيــــــس كريمم.. وتناظر بعلي اللي بيرش عليها مويه من الشلال وتضحك .
فجأه ابتلت بالمويه ومسكت صرخته وهي تناظر بعبايته اللي لصقت عليه أنصدمت هالحركه من علي
رفعت راسها وكانت الطامه!!!
رمت الايس كريم على الارض وراحت لهم تركض .
اتضح له ان فيه ولد هو اللي رشها بالماي وهالحين الولد بين يدين علي ودمانه تقطر من راسه
جلست تصارخ على علي وهي ماسكه عضده : عـــلي بــــس بــــس بيموت .
التمو الناس عليهم وفرقوهم من بعض وعلي يحس ان يده احترقت من الالم مايقدر يحركها لا يمين ولا شمال
بس ماهمه الالم كثر همه بملاك اللي عبايته لاصقه على جسمه وموضحه تفاصيل جسمه الفاتن صرخ به : روحـــي أجلسي هنـــاك .
لفت وراها مافيه الا كراسي المنتزه لان الناس كثار وهم فترة العصر ولا تقدر تمشي اكثر من كذا
راحت وجلست على الكراسي وهي تدعي ان عبايته تجف بسرعه
صارت تبكي من هول الصدمه والموقف اللي ماتوقعت انه بيصير
الولد طاح على الارض غرقان بدمه وعلي خشمه ينزف ويده مايقدر يحركها نهائياً
دقايق بس ووصلو الاسعاف وخذو علي والولد وجو اثنين من رجال الامن ووقفو قريب من ملاك : أخـــتي .
رفعت راسها بخوف : نعـــم ....؟
تكلم الأول : الله يسلمج امشي معانا للمستشفى زوجج طلب منا .
وقفت معاهم وهي خجلانه من عبايته سحبت العبايه عن جسمه وصارت تمشي ببطء
متفشله ماتدري وشلون تركب معاهم وعبايته كله ماء : أخــــوي.
وقف الثاني : سمي طال عمرج .
ملاك بخجل : عبايتي كله مويه وما اقدر اركب السياره .
قال الاول وهو مبتسم : ماعليج انتي بس اركبي معانا نوصلج المستشفى وتتطمنين على زوجج واجراءات التحقيق بتطول ويمكن نضطر نرسلج لسفارة دولتكم .
ركبت معهم وهي تدعي ان الله يسهلها وماييحتاج تروح للسفاره .
/
*
/
*
/
*
القصيم.......$
وصلوا حمود وهــدى القصيم ومعاهم عمشــاء وسماحــه وهمام .
اول ماوصلو غرام راحت تركض لبيتهم وهي تقول : عبيــــــــــــــــر.. عبيــــــر .
وتطق الباب بقووه وتبكي وتنادي عبييير .
انبسط حمود طلع جواله وصورها فيديو وارسلها على عبير .
وهدى راحت لغرام وهي تبكي وضمت غرام وتنتظر حمود يفتح الباب ودخلت وهي تهمس بإذن بنتها : كلنا فاقدينها ياقلبي .
يمكن غرام مافهمت ولا كلمه من كلاااام امهاا بس تعلقت بأمها وهي تقول : وين عبـــير ...؟
إبتسمت هدى : عبير راحت مع يوسف .
عمشاء اخذت غرام من هدى ونهرتها : ليييه تشيلينها..؟ يابنتي ارفقي على نفستس وعلى اللي ببطنتس حامل بـ 6 شهور وتشيلين غرومه....؟
هدى ضضحكت : تعودت ياعمه اشيلها كل ماشفتها.
عمشاء : لا عااد أشـــــــوفتس شايلتها تسمعين...؟
هدى إبتسمت بسعاده على اهتمام عمتها فيها : من عيوني .
عمشاء بتساؤول : ليه هالدموع ياهـــدى ...؟
هالكلمه خلت هدى تبتسم من قلب : تســـاليني ياعمه ودموعك مثل دموعي ...؟
استغربت عمشاء ان عينها تدمع : ماكنت أعــرف ان دموعي ظاهرتن لتس ولا كان مانشدتس.
/
*
/
*
/
*
عند العروس وجـــدان....$
بعدهم بالدمام ماطلعو مثل العرسان الباقين .
تحس احمد بعيد عنها ماتدري ليش كل الحوارات اللي دارت بينهم انهم الاسبوع الجــاي راجعين للقصيم..
جالسه بشرفة غرفتهم اللي تطل على البحر وهي تناظر بالبحر وتحس ان احمد وراه شي
انصدمت من همساته بإذنهااا : وش فيتس تصددين عني من اليوم يابنت الخال ...؟
وجدان قمزت واقفه وهي خايفه : أحـــمد من انت وانت هنا...؟
ابتسم أحمد : من علمتي عهود أن وراي شي وشكل وراي مصايب(وضحك) ظلمتيني يابنت خـــالي والله لا وراي مصايب ولا اي شي
ومن عرسي انشغلت مع اخوي سليمان حضر العرس وهو مهـــدد ويمكن باي لحظه يتصلون علي يخبروني بوفاته .
خااافت وجدان وشهــــقت : علامه...؟
أحمد : اقولتس بس مايطلع لاحد وياويلتس لو امي تدري والله ما ارحمتس .
وجدان صارت تتنافض : وش فيـــه....؟
احمد بصوت خافت : سليمان من ثلاث سنوات بلغ عن عصابه والى يومتس وهو وياهم مصاقع بالروس ويوم هو اللي يبلغ عليهم وينمسكون ويوم يهددونه هو واخوياه.....حتى انا اصغر منه وتزوجت قبله لانه هو مايقدر يرتبط باي وحده وهذي حالته حت الشرطه ماقدرو يحمونه من هالعصابه لانها خطيــــره وخطيــره بالحيـــل تصدقين حتى بالعرس واحـد من العـــصابه حاضر العرس والى الحين ماندري منهو والمشكله انه جاي العصر والعصر كانو العيال بالقصر يقولون كل الموجودين ربعنا ولا واحد من بينهم غريب .
وجدان ارتعبت من السالفه وقالت بخوف : وسليمـــان وش يسوي الحيــن ..؟
احمد ابتسم : الحين تو كلمني يقول دخلو بيتنا هو وامي وابوي .
وجدان خافت من هالسالفه وأحمد مسك يده وسحبه لداخل الغرفه وهو يقول : حنا عرسان بنخلي وقتنا لبعض والناس يحلون مشاكلهم بدوننا .
*
/
*
/
*
/
مــــكه..
أطهر بقاع الأرض.
في المســعى حافين ويسعون تحس بسعاده وهي ببيت الله
تحس بنعمة الله عليها وهي تطأ رجلها مكان وطــى فيه الرسول صلى الله عليه وسلم واصحابه
تسعى جنب عيسى وهي تحمد الله مليون مره على النعمه اللي هي فيها يكفيها بهالدنيا حُــب عيسى وحنان عبدالرحمن وعطف علي
والأهم من هذا كلــــه مكانتها عند أبـــوها
ابتسمت في خاطرها"""وشلون يايمه تبيني اصير البنيه الرقيقه اللي تبينها وانا مابحياتي غير العيال""""
رن جوالها بشنطتها معلن قدوم رساله نصيه مكتوب فيها (( ارفعي عبايتك على راسك ياعرباء)) .
لا هنــا إنتفضت من الخوف طالعت وراه ولا شخص رافع الجوال رفعت عبايته على راسه وهي تتراجف " الله يكفيني شرك"
مسحت الرساله على طول قبل يشوفها عيسى وهي خايفه وعيسى قالها : وش فيك وقفتي ...؟
عرباء ماتدري وش تقول :هــاه.؟ إيه صــح بشرب مــن زمــزم... عيسى لاتنس بناخذ لأهــلنا ماء زمـــزم .
رد عليها عيسى اللي بيكلم وحاط الجوال على اذنه : تـــامرين أمـــر .
وبدأ يكلم أخوها علي أبتعد عنها شوي وجتها رساله فتحتها وجلست على الأرض خلاص ماتقدر توقف فتحت الرساله (( شرباً هنيئاً ))
خافت وبقوه وبدون تردد إتصلت على دلال : الوو.
جاها صوت دلال : ياهــلا وغلا عروب شــخبارك ...؟
عرباء وهي ترتجف:بخــير.. بخيــر..دلال فيه رقم غريب يرسل لي من بعد ماطلعنا من الشرقية والمشكله انه يرسل رسايل ماهي معقوله يعني يوم كنا طالعين مرسلي عمره مقبوله حتى والله شغلت الشـــيلات وأرسلي انه يحب صوت ذا المـــنشد وتو يرسلي عدلــي عباتك ويوم شربت من زمـــزم أرسلــي شرباً هـــنيئاً تكفين دلال الحقي علي وش اســــوي.
دلال خافت : علمي عيــــسى قبل لا يقراهم وتـــصير مصيـــبه .
عرباء شوي وتبكي : ما اقدر... وش أقولـــه .
دلال بهدوء : لا أرسل لتس المره الجايه عطي الجوال عيسى وخليه يقراها .
عرباء بكت : خــــايفه... ياربي من يصيـــر هاللي يرســل والله انه يخوف .
دلال تحاول تهديها : علمي عيسى ومـــاراح يسوي لـــتس شي .
عرباء :طـيب عيسى جاء...مع الســـلامه .
وسكرت المكالمه وقامت ومشت جنب عيسى يكملون الشوط الســادس وهي تحس خــلاص أنهد حيله ماتقدر تكمل سعيه : خــلاص عيسى تعبت ما اقدر أكمل بنجلـــس شوي .
عيسى بإعتراض : بقــى شوط واحــد بس يالله قومي ترا الفرصه هذي ماتجيتس كل مره .
كملت وهي تحس بالوجع برجوله من الساعه من الساعه العصر دخلو الحرم وجلسو بالساحه يقرون قرآن وينتظرون الصلاه صلو العصر وبدو بالطواف ومع الزحمه خلصو الطواف بساعه ونص وصلو المغرب وكملو السعي والحين الساعه 8 وربع وهم على وشك الإنتهاء
و أول ماخلصو السعي جلسو بإنتظار صلاة العـــشاء اللي تو أذن .
جاتها رساله فتحتها وهي خايفه (( سعي مشكور...أحتسبي الأجر من تعبك هذا ياعرباء)) بدون تردد لفت الشاشه لعيسى : شوف رقم غريب مرسل لي كـــذا .
خذا عيسى الجوال وأتصل على الرقم فوراً وإستغرب أن الرقم خارج الخدمه : طيب من متى يرسل لتس ...؟
عرباء بتوتر : من يومين...أمس قفلت جوالي وأنصدمت أنه ما ارسل ولا شي ولا يرسل الا اذا كنت فاتحه جوالي .
عيسى باستغراب : وش عرفه اصلا انتس تعـــــبانه...؟
عرباء بخوف : مأأدري مــادري ياعيـــسى شي خــوفني يعرف عنــي كل شــي .
عيسى بهدوء وهو واثــق بعرباء : شوفي لا تردين عليه وبس اقري رسايله وعلميني به واذا صار يدق ولا تغير شي من نمط رسايله غيرنا رقمتس وسمع الله لمن حمـــده .
عرباء بسرعه : طيب ليه ما اغيره الحين ..؟
عيسى : واحــد يرسل لتس ذا الرسايل تحسبينوه خـــالي..؟ أكيد وراه شي ويعرف عنتس كل شي....اصبري عليه وانا معتس ولا راح اخليتس .
عرباء استغربت تفهم عيــسى للموضوع وهدوءه وثقته فيها ولا سألها هل لها معرفه فيه ولا أي شي
تزهّل الموضوع وعلمها أنــــه سند لهــا مهمـا واجهــة .
/
*
/
*
/
*

دار زايـــــــــــــد ..#
دبـــــــــــي.. من العصر والحين الساعه 9 بالليل وهو بالتحقيق وهي بالسفاره الكويتيه..
جالسه جنبها موظفه : خـلاص أختي لا تبجين ريلــج بيطلع من هالقضيه بسلام .
ملاك بخوف : وإذا سجـــنوه وش أســـــوي..؟
الموظفه الكويتيه : حنا معج لا تخافين....أعتبري نفسج بين أهلج ولا حنا مو اهلج ..؟
ملاك بمجامله : الا اهلي.....بس انا ما اعرف احد هنا.. تكفين طمنيني وش صار عليه .
الموظفه بهدوء : انتي بس امسحي دموعج وتاكدي انه بيطلع هو الربحان من هالقضيه طالما هي دفاع عن شرفه واكتشف ان الريال اللي رشج بالماي ياهل عمره ثمان تعش سنه شاف ريال يلعب ويا حرمته عجبته السالفه راح ورشج بالماي وهـه هذا هو راسه مفلّع وعينه مفقوعه وريلج يده أنكسرت .
ملاك بخوف : ياويلي كله مني... كله مني... وهو عصبي بزياده.
الموظفه باعجاب: ألا احمدي ربج ان ريلج يغار عليج ويخاف عليج هذا هو ماخلا السالفه هذي تمر بســـلام .
وبعد دقــايق دخلت موظفه ثانيه : اخت ملاك ريلج برع .
وقفت ملاك وكأنهم قايلين لها اسعد خبر بالكون ودعت الموظفات اللي كانو لطيفات معاها وطلعت بسرعه لعلي .
اول ماشافته راحت له وخمته : علي الحمدلله على سلامتك .
هو حط يده السليمه ورا ظهرها : الله يسلمتس... يالله ملاك حنا بالشارع امشي للسياره وبنطلع على طول للمطار .
ملاك بخوف وهي تبعد عنه : ليــــش...؟
علي ناظر بيده : بنرجع للشرقيه هذي يـــــدي منكسره والمشكله انــها اليمين ما اقدر لا اســوق ولا اتصـرف طبيعي بموقف مثـــــل اللي العصر.
ملاك مشت جنب علي وركبو بالتاكسي وهي تقول : طيـــب وأغراضنا يبي لــــــي يومين أشيل فيهن ..؟
علي : لا تطمني بتخلصينهم كلهم الليله وكلهن ترا ملابس .
ملاك : ووش صار بالمركز..؟
علي : تعهدنا وتنازلنا وطلعنا...مع انه ورع وماهو خليـــجي الا انه رجـــال.. هــه وهو ورع كسر يدي وش بيسوي لا كبر .
ضحكت ملاك : اهم شي انها انكسرت يدك عشــــاني .
علي بحب : كلي فـــداك لو يقطرون دمــــي .
/
*
/
*
/
*
اليـــــوم التالي...#
الســـاعه 8 صبـــاح
ســاره تنزل الدرج مع حـــنان بتنتقل للملــحق وهي ممتنــه لحنــان
قابلتهم ميــعاد وقالت بقرف : هذي اللي مبديتن رجالها على أهلها ...؟ هذي خويتس يا حـــنان..؟ هذي اللي بتهدمين بيتس عشـــانها ..؟
والله العظيــم انها ماتستـــاهل واللي ماحشم أهلـــه ماهو حاشمتس... هذا انا اقولـــها قدامــها ســـاره خــطر عليتس ياحنــان تخلصي مــنها قبل تنزل على راســـتس اكبر مصيـــبه .

[اروى الود]

كملي الرواية وايد روووعة وموفقة غن شاء الله

[اسطورة !]

سلاآم عليكم .
مساكم الله بالخير.. تسلم عليكم وفاء ء وأنا اختهاا هيفاء .
تقولكم وفاء : أسفه على التأخير بس والله الظروف منعتها .
هي عندها خلع بكتفها وسوت تثبيت وأبشركم إنها طيبةة بس يبي لها شهرين ماتجهد نفسهاا والكتابه تتعبها
إصبرو عليها إن شاء الله شهرين وترجع لككم .
ووفاء تقول وصلي سلامي لهم كلهم وهي طيبه وتبيكم تعذرونهاا.

^
اعتذار الكاتبه