خبروه اني على وصله حييت الكاتبه / وفاء الطوايله ،

[اسطورة !]

السلام عليكم ورحمة الله وبركاته

نقدم لكم رواية قصيميه جميله انا متابعتها وبرجع اكمل قراءة الفصول اللي فاتتني

وحبيت انقلها لكم



قراءة ممتعة

[اسطورة !]

بسم الله الرحمن الرحيم.
ياهلا والله وغلا بغرام وأهل **** .
اليوم أبنزل لكم روايتي الثانية ((خبروه إني على وصلهه حيييييت)).
بعد مانزلت لكم روايتي الأولى اللي ماجازت لكن وماكملتها بس إن شاء الله ذي تصير أزين وألقى ردود وتفاعل وجمهور كثير يارب.
والله ماودي الشهرة وكذا مير عندي موهبة وودي أطلعها لكم أستفيد وتستفيدون.
.................................................. ........................................
وسط الجبال الشامخة وعمتة الليل كل الموجودين بخيام وبيوت الشعر نايمين ومافيه غير صوت الذيب
اللي يعوي ويبحث له عن عشاء له ثلاث مأكل..وأكيد بيكون جوعان ويعوي بشكل مخيييف.
صحت غرام من نومها وهي تصيح تبي أمها ومن الظلام ماتدري وينهي : ماااامااا.
هدى قامت بخوف وهي تقول : ياروح ماما تعالي أنا هنيه.
راحت لها غرام وحضنتها هدى وهي تهمس بإذن بنيتها اللي عمرها سنتين : ياليت أبووي مافرقنا عن أبوتس ولا كان هلحين أنا وأنتي بعماير القصيم مرقدين بعيد عن الذيابه والليل اللي يروع ياربي ترحمنا.
صحت أمها على همهتها وقالت بإنزعاج : هدى قومي أنتي وغرام لجيتني .
هدى خنقتها العبرة وإحتضنت غرام وهي تبكي وتقول بصوت خافت : توحين ياغرومه؟ ننطرد بأخر الليل وهالبرد القارس.
راحت لبيت الشعر وجلست بمجلس الحريم ونزلت غرام اللي تبكي بالأرض : غرااام ياروحي الروح إسكتي .
غرام عضت سبابتها وهي خايفه من صوت الذيب اللي قرب منهم .
صرخت بقوه وهي تحس أن الذيب دخل وهدى ضمتها وهي تحاول تهديها لأنها تدري أن الذيب بعيد ويمكن خلاف الجبل .
صحى همام (( أبو هدى )) وطلع من الرفة وهو يقول : هدى .
وقفت هدى : هلا يبه أنا وراء القاطع .
همام دخل ومسك غرام من يدها وجرها معه : تراني أبوديها لأبوها أذتني .
هدى برجاء : لا يأبي لا .
همام برجاء أكبر : ياهدى والله إنها لجه وأنتي وراتس جامعه وتراتس تهميني أكثر منها.
هدى أقتنعت بكلام أبوها وقالت باستفسار :يبه متى يقدر يردها حمود < أبو غرام > .
همام بثقة : ليامنتس خلصتي الجامعه وكل جمعه وهي عندتس لا تذلين عليها .



---
هذي البداية وإذا شفت أي تشجيع أو رد أو تفاعل أو توقع أو حتى نقد راح أكملها اليوم إن شاء الله.

[اسطورة !]

تكملة الجزء الاول .....>

هدى أقتنعت بكلام أبوها وقالت باستفسار :يبه متى يقدر يردها حمود < أبو غرام > .
همام بثقة : ليامنتس خلصتي الجامعه وكل جمعه وهي عندتس لا تذلين عليها .



---


هدى ضمت بنتها وقالت بهمس : الله يحفظتس وترجعين لي .
وقالت بحنين : ياحظتس تبين تشوفين القصيم وتسكنين هناك بعيد عن الذيابه والليل اللي يروع .
شالها همام وهو يقول بثقة : ماعليتس ياهدى كلها كم يوم إن شاء الله وأنتي بالقصيم من هالبنيه .
هدى قبل لايروح لأبوها قالت له : يبه يبه تكفى وصلني للخيمه عند أمي ذاله لأمشي لحالي .
ضحك همام بخفه وهو يقول : مأحسبنتس تذلين كذا....يأبوتس أنا عشت بالبر حول 21 سنه والحين رجعت للبر وأحس إني رجعت لشبابي .
ودخلت هدى عند أمها وأبوها أخذ بنتها ومشى للقصيم اللي تبعد عنهم 15 كيلو .
نامت هدى ساعات قليله وطلع خيط الفجر يشق نوره من السماء .
هدوء البر مافيه صوت أذان مثل اللي إعتادو عليها ولا فيه منبهات .
قامت سماحة ( أم هدى ) وهي تقول بصوت خافت : لا إله إلا الله , أصبحنا وأصبح الملك لله .
وطالعت ببنتها هدى اللي نايمتن بجنبها : هــدى.. هدى.. هدى .
قامت هدى وهي خايفه وسمت عليها أمها وقالت بإستغراب : هدى وين غرام ؟
هدى بغت تبكي بس إبتسمت وقالت : غرام أخذها أبوي يبي يوديها لحمود .
سماحه بصدق : والله أنه أزين ياهدى حتى الورع ماهو مرتاح بهالبر ماتعودت عليه ياروحي روحها .
هدى بخوف على غرام : يبه بس أخاف أن مأحد ينتبه لها من الصغار .
سماحه بثقه : والله أن ام حمود ماهي مخليتن غرومه تنضرب وهي ساكته.....ولا تنسين أن اختس عهود هناك .
هدى بصوت مخنوق : ياقلبي ياعهود خبري فيها عندها الأختبارات النهائيه مدري هي نجحت ولا لا .
سماحه : ان شاء الله يومنها تخرج وحنا لاقين لنا بيت داخل القصيم ... الله يسامح أبوتس بس .
وخرجت تتوضى وتصلي وقامت هدى بعد وتوضت وصلت الفجر .
انبسطت لأن الصبح طلع والنور انتشر بالأرض يعني هلحين تقدر تتحرك باللي تبي .
راحت لبيت الشعر وشغلت الإسطوانه وسحبت ( المركابه ) وشغلتها .
وحطت فوقها الصاج وما أحتمى الصاج إلآ والعجينه جاهزه .
خبزت الخبر وهي تتذكر كيف كانت حياتها وكيف صارت الحين .
كانت عايشه مع أمها وأبوها من صغرها بفيلا من فلل القصيم وبداخل حي كبير وفخم .
وماناقصها شي وكل طلباتها ملبينها لها تزوجت حمود ولد عمها وماقصر معها بشي .
بس صار اللي صار وبسبب تصرف خاطي من أبوها هذولا هم عايشين ببيت شعر وخيمة .
هي تقدر الحين تروح لحمود وتعيش الحياه اللي هي تبيها بس ماهي نذله تترك أمها وأبوها بظروف مثل هذي .
واللي اصر على روحتها مع أهلها هو حمود عشان مكأفئتها الجامعيه تصير لأبوها .
1000 ريال يقدر يصرف نفسها فيها لو بالقليل والقليل حيل .
مع أن همام ببداية الأمر إعترض بس بالأخير ماله إلا هالألف يمشي حاله فيها .

___

مدينة القصيم .
الأشجار يحركها الهوا البارد اللي معلن قرب الشتاء .
الشوارع مكتظة بالسيارات العابره .
البيوت مليانه بالحياه عكس البر الهادئ القاتل .
في إحدى البيوت دخل حمود وهو شايل بنته غرام على كتفه : يمه يمه .
وقفت عمشاء اللي انبسطت يوم شافت غرام : عمك زانت أموره ؟
حمود بحزن : لا والله مير إن شاء الله تزين .... يمه عمي همام جاب لنا غرام يقول والله ماترقد الليل من الصياح والخوف .
أخذتها عمشاء وهي تقول بسعادة : ياهلا والله ببنيتي ... جعله يومن مبارك اللي شفتها فيه .
حمود بإبتسامة : يمه ترا عبير أبلشتني تقول تبي تروح هي وعهود لهدى .
عمشاء اتسعت ابتسامتها وهي تقول : والله اني كنت ابقولك نبي نروح لاهل عمك ناخذ لهم من هالارزاق هم محتاجين .
حمود اخذ نفس عميق : والله يايمه عمي همام مدري وش فيه.. عماني جمعو له ميتين الف يبونه يشتري له بيت مير عيا .
عمشاء بفخر : والله ان هذا الرجال اللي يعتمد على نفسه مهوب مثل ابوك يومنه بغى يشتري له سياره راح يشحذ اخوانه .
حمود : بس يايمه عمي همام يقول والله لو ماهو اهو اللي مضيعن حلاله كان أخذ الفلوس .
عمشاء مسحت على ظهر غرام اللي نامت على كتفها : ياروحي شكلها توها ذاقت الراحه .
حمود : يمه ابروح لدوامي وليامني طلعت ترا نبي نروح لعمي .
وطلع حمود ودخلت سُعاد اللي لابسه عبايتها وطرحتها على كتفها : صباح الخير يمه .
عمشاء : صباح النور ياهلا .. سُعاد ليامنتس شفتي هدى بالجامعه سلمي لي عليها وعلميها أن غرام والله ماهي إلا عند أمها الثانيه .
سُعاد : يمه اليوم هدى عنها of إن شاء الله لادرست يوم الخميس علمتها .
عمشاء : أجل ماني بحاجتس العصر نبي نروح لها ان شاء الله ونطمنها على بنتها .
سُعاد بحزن وهي تلف طرحتها : الله يعينهم عمتي سماحه وهدى عايشات بالبر وبناتهن هنيه .
عمشاء بحزن اكبر : عسى اللي جارا لهم مايجري على مسلم .
سُعاد : أمين يارب العالمين...........يله يمه أنا ابروح للجامعه ادعي لي عندي كويز .
عمشاء : الله ينجحتس .
طلعت سُعاد وبقت عمشاء لحالها ماعندها إلا غرام .
حمدت ربها اللي جاب لها غرام تملئ عليها وحشة البيت ووحدته .

__

إحدى ثانويات القصيم للبنات .
بفصل ثالث علمي .
نص البنات يختبرون حاسب عملي والنص الباقي مخلصين الاختبار .
جالسات بجنب بعض عهود وبنت عمها عبير .
عهود بفرحه : تصدقين عبور هذا احلى يوم اللي ابروح فيه لاهلي وبشوفهم .
عبير بفرحه لا تقل عن فرحة عهود : اشتقت لعمتي وهدى وازين شي أن اليوم الاربعاء ابشحذ امي بنرقد عندهم انا وانتي.
عهود بخوف : يمه تخيلي نرقد بالبر .
عبير باستغراب : ماتبين تنامين عندهم؟؟
عهود هزت راسها بلا : اخاف من البر .. وهدى امس يومني كلمتها من جوال أبوي تقول كل ششي حلو الا الليل يخوف .
عبير : عادي نسمي بالله وماهو جاينا شي ان شاء الله .
عهود : خلاص نقول لهم ونجرب ومدامنا نبي نسحب كل خميس نروح الاربعاء ونرقد هناك .
عبير : تم .
جات احدى الطالبات جلست قدامهم مكان البنات اللي طالعات من الفصل : صباح الخير .
عهود وعبير : صباح النور .
مرام : ماشاء الله عليكم بنات عم وبالبيت وبالمدرسه مع بعض .
ابتسمو لها البنات وهم ماعندهم رد لها .
وكملت هي : قالت لي وحده من البنات ان اهل عهود ماهم بالقصيم صدز ؟
عهود بقهر : روحي للي علمتس وتأكدي .
عبير بقهر اكبر : وانتي وش كارتس ؟ بالقصيم ولا ماهم بالقصيم مالتس شغل وقومي من هنيه .
مرام قامت والتفت عبير لعهود وهي تقول : لا تتضاقين منها .
عهود : وليه مأتضايق كافي علي اني بعيده عن اهلي .

__

البر....,
سماحه تجلس بجنب همام قدام النار وتقول : هاه ياهمام وشلون أهل القصيم ؟
همام بابتسامه : طيبين الحمدلله وترا اليوم اخوي مبارك يبي يجي هو وعايلته .
سماحه : هي جت العطله يومنهم يبون يجون من الرياض ؟
همام : لا مير يبون يجون يسلمون علينا ويرجعون قبل الاختبارات تبدأ .
سماحه : الله يوفقهم ويسلمهم .
همام : وبعد تبين تشوفين عهود اليوم ان شاء الله .
أنتهى الجزء الاول والليلة ان شاء الله الجزء الثاني لا تحرموني من ردودكم يمال الجنه البارده .

[اسطورة !]

أدري أن البارت قصير حيل بس إن شاء الله بكره بحاول أكتب 20 صفحة لأني والله عجزت لأكتب أكثر من كذا .
وبعدين كتبت ذا البارت وقفل اللاب توب وأنا ماحفظته وأنقهرت وحاولت أكتب كثير وهذا اللي قدرت عليه .
وسامحوني ياقلبي .

البارت الثاني ....
البر....,
سماحه تجلس بجنب همام قدام النار وتقول : هاه ياهمام وشلون أهل القصيم ؟
همام بابتسامه : طيبين الحمدلله وترا اليوم اخوي مبارك يبي يجي هو وعايلته .
سماحه : هي جت العطله يومنهم يبون يجون من الرياض ؟
همام : لا مير يبون يجون يسلمون علينا ويرجعون قبل الاختبارات تبدأ .
سماحه : الله يوفقهم ويسلمهم .
همام : وبعد تبين تشوفين عهود اليوم ان شاء الله .
شهقت سماحه وهي ماهي مصدقته : ياخي لاتكذب علي هلون تراني والله مأتحمل .
همام : والله صحيح اليوم جايين ان شاء الله علمني حمود .
انبسطت سماحه وقالت بإستفسار : مارحت لأبو أحمد ؟
همام بهدوء : لا....وماني رايحن له .
سماحه بصدمه : ليه يأبو هدى ؟
همام : والله ماني رايح أشحذ خلق الله ورزقي يبي يجيني إن شاء الله.....وأبشرتس يأم هدى شريت من مكأفئة هدى حول 50 بطيخه .
سماحه بفضول : وش تبي تسوي فيهن * وضحكت * ثنتين يكفنك ويشبعنك أسبوع بعد .
ضحك همام : ياصغر عقلتس صغراه.........يالمهبوله 50 بطيخه شريت الوحده بـ 15 وأبيعهن بـ 30 ريال .
سماحه : ياويلي غاليات والله محد يشري منك .
همام : لا ياسماحه أنا أختار المكان المناسب اللي يشرون منه البطيخ الواجد .
سماحه : والله يأبو هدى لونك شاري تمر وبايعه أنه أزين لك .
همام : التمر هو اللي مقدر عليه الشمس تغير طعمه وتعرفين أنا اببيعهن بصندوق سيارتي .
سماحه وقف وهي تقول : والله لونك مخليني أخيط الخلاقين وأبيعهن بالبسطات أزين .
همام : يازينتس ساكته يابنت عمي .
دخلت سماحه عند هدى اللي ماسكه كتابها وتذاكر إختبار الفاينل اللي عليها بكره .
سماحه بذهول : أنتي ماسويتي الغداء ؟
هدى بغصه : يمه مافيه بصل ومافيه رز .
سماحه بلعت ريقها : الله يرزقنا......ووش ناكل هلحين ؟
هدى مسحت دموعها وقالت وهي توقف : مادري يمه بروح أسأل أبوي يمكن عنده فلوس يجيب لنا من المطعم .
وراحت عند أبوها اللي قال : ياهلا والله بأم غرام ياهلا ببنيتي .
هدى حبت راسه وجلست بجنبه : يبه معك فلوس ؟
همام بحزن : لا والله يابنيتي مامعي فلوسن واجد مير يجيب الله خير....بس أنتي وش تبغين ؟
هدى : يبه حنا ماعندنا شي نسويه على الغداء وكانك تقدر جب لنا غداء من المطعم .
همام : معي أربع مية ريال باقي مكافئتس وش تبيني أشري لتس غير الغداء ؟
هدى : أبي رز 10 كيلو وبصل وزيت قلي......إيه ويابي دور لي بطاطس جاهز للقلي لأن عبير وعهود يحبن البطاطس .
همام : أبشري .
ومشى همام وهدى راحت تعلم أمها اللي انبسطت بذا الخبر .

--

بسيارة مبارك بالخط السريع ( القصيم - الرياض ) .
جيب لكزس 2014 لونها أبيض .
متوجهين للقصيم قدام راكب فهد ويسوق السيارة وعلى يمينه أبوه مبارك .
ووراء راكبين بدريه زوجة مبارك وبالنص بنتها وجدان وعلى يمين وجدان أخوها اللي أكبر منها يوسف .
مبارك وهو يأشر لفهد : وقف وقف على البقالة هذي اللي قدامنا .
فهد طلع جواله وهو يقول لأبوه : وش أقول للعمال يكملون طريقهم ولا يحترونا ؟
مبارك : لا لا خلهم ورانا لين نوصل .
فهد كلم العمال اللي بالشاحنه المحلمه بالغنم وقالهم يوقفون وراه .
بدريه : أبوفهد نبي ماء وعصير وجيب فرايح لأبو هدى وأهله .
مبارك وهو ينزل : تبشرون بالخير .
ونزل ودخل البقالة وقالت وجدان : ليه ماخليتونا نروح لهم بعد الإختبارات أخاف إني أشوف عبير وعهود واقعد عندهم وأترك إختباراتي .
ضحك يوسف اللي بثاني جامعة ومخلص إختباراته لأن ماعنده إلا مادة وحده وأختبرها وخلص : والله تسوينها .
فهد اللي عمره 26 بالسلك العسكري برتبة رقيب : حنا لو ناقلينتس للقصيم أزين كان مفتكين منتس من زمان .
بدريه بغموض : فهد وش قلت على الموضوع اللي كلمتك به أمس .
فهد بإبتسامه : توكلي على الله يالغاليه .
وجدان بلقافتها المعتاده : وشو يمه وشو ؟
بدريه : ياحبتس للقافه .
وجدان برجاء : لا يمه تكفين علمين وش السالفه .
بدريه بإنزعاج : وجدان والله لو تحبين السماء ماني قايلتن لتس .
وجدان سكتت وهي زعلانه من أمها .
وقال فهد : وجدان .
وجدان بدون نفس : هاه .
فهد : ودتس تشوفين حايل والجوف .
وجدان بفرحه : أي والله تكفى .
ضحك فهد ثم قال : أبشري بذا الأسبوع اللي بنقضيه عند أهل القصيم بوريتس حايل وليامنا جينا عقب الإختبارات أبشحذ عماني نروح للجوف .

__

البر---> الساعه 2 ونص الظهر ,
خلصو غداهم وقالت سماحه وهي تمسح يدها بالمنديل : الله يغنيك يأبو هدى .
همام : عافيه.....إلا الله يغني هدى هذي من فلوسها الله يزيدها من فضله....هدى يأبوتس كان ودتس تروحين لبيتس تراتس مرخوصه .
هدى بفزع: أروح وأخليكم الله لا يقولها....لا إن شاء الله أنا أبجلس عندكم لين ربي يرزقكم ببيت .
همام بفخر : أنا أشهد أن حمود رجال وعن مية رجال والله أن فزعته معي تنومسني .
هدى بإبتسامه : الله يخليك لنا يايبه وأبد والله حمود ماسوى إلا الواجب .
همام : الله يغنيه يارب.......أنتم رتبتم البيت مبارك يبي يجي هلحين على وصول .
هدى بإبتسامه : والله إني مستانسه بلمت عماني وجمعتهم .
همام : الله يونستس بجنات النعيم .
هدى : امين يارب العالمين........إلا يبه ماتقدر تخلي عهود تجي وتسكن عندنا ؟
همام : لا والله ياهدى مأقدر مدرستها بعيد .
هدى قامت وراحت لأمها اللي تحطب : يمه ادخلي وأنا ابحطب عنتس .
سماحه : لا يأمي هذا شغلي وأنا أبكمله لحالي .
هدى : خلاص يمه أنا ابروح أسوي القهوه والشاهي هو فيه ولا لا ؟
سماحه : إيه إيه فيه وسوي بس قهوة الحريم لأن أبوتس هو اللي يبي يسوي قهوة الرجال .
راحت هدى لبيت الشعر وفتحت الصندوق وطلعت الشاهي والسكر والهيل والقرنفل والبن .
وبدأت تطبخهم .
وماخلصت القهوه إلا وأهل عمها مبارك واصلين راحت بسرعه وأخذت طرحتها ولفتها على راسها .
وربطت نقابها بإحكام ولبست جلالها لأنها تستحي تطلع قدام عيال عمها بدون جلال أو عباه .
طلعت وسلمت على عمها مبارك وزوجته وردت بحيا على فهد ولد عمها اللي يقول : مساتس الله بالخير يأم غرام .
هدى : هلا مساك الله بالنور وشلونك يأبو مبارك عساك طيب ؟
فهد : الحمدلله بخير .
وسلمت على وجدان بنت عمها وهي تقول : هددى وشلونك ؟
هدى : الحمدلله بخير.....وشلونتس ياوجدان ووشلون الجامعه معتس ؟
وجدان : زينه الله يستر والله احس إني أبسقط .
هدى : تعوذي من الشيطان وترا التحضيري سهل بالحيل .
وجدان : لا والله ماهو سهل إنه صعبن بالحيل .

--

بيت العمه نشميه.......>>
نشيمه بصوت عالي : حنااااان.....حنااااااان.
نزلت حنان تركض مع الدرج : هلا هلا يمه .
نشميه : تبين تروحين معي لأهلي ولا لا ؟
حنان اللي بيدها كتابها حق الجامعه : لا يمه أبذاكر .
نشميه وهي تلبس نقابها : أسمعي حنو ترا أخوي مبارك هناك ويبي يجي نشمي بكره إن شاء الله .

[اسطورة !]

البارت الثالث ..$

بيت العمه نشميه.......>>
نشيمه بصوت عالي : حنااااان.....حنااااااان.
نزلت حنان تركض مع الدرج : هلا هلا يمه .
نشميه : تبين تروحين معي لأهلي ولا لا ؟
حنان اللي بيدها كتابها حق الجامعه : لا يمه أبذاكر .
نشميه وهي تلبس نقابها : أسمعي حنو ترا أخوي مبارك هناك ويبي يجي نشمي بكره إن شاء الله .
حنان : يمه يجون معاه نوال وخلود ؟
نشيمه بحمق وإستهزاء : لا يبن يجلسن بحايل لحالهن .
وأخذت شنطتها وهي تقول : يله يابنت لا ترثين حبلي ( لا ترثين حبلي = لا تأخريني ) .
حنان : أجل خلاص بكره أروح علشان بنات خالي نشمي ماني رايحه اليوم .
نشميه : وأنا ابرقد هناك وماني جايه علشان أخذتس بكره .
حنان : أتصل على سليمان ولا أحمد وياخذوني .
نشميه : بكيفتس........شوفي حبيبتي حنو لاسويتي العشاء إغرفي لأم سطام لا تنسينها مسكينه ماعندها أحد غير ولدها سطام .
حنان بإبتسامة : والله تستاهل هي اللي مفرقتن بين سلطام ومرته لين تطلقو .
نشميه بعصبيه : حنااان عيب عليتس .
سكتت حنان وهي تفتح الكتاب وتذاكر .
طلعت نشميه وحنان سكرت الكتاب وشغلت التلفزيون وحطت على قناة فورشباب2 .
هي ماتحب قناة فورشباب1 لأن إيقاعاتها مزعجه وهي تحس أن فيها موسيقى لذا هي تفضل فورشباب2 لأنها مؤثرات بشرية وهاديه .
حنان تقول بقلبها " مدري ليه هالمنشدين يحطون إيقاع كنه أغنيه وربي مغنيهم عن الأيقاع هذا فهد مطر ماشاء الله لا إيقاع ولا طبل وهذا زين صوته ماشاءالله ماينزل البوم الا وكل الناس شارينه......أما بعضهم والله ان ايقاعه موسيقى خالصه ويقول انه مؤثرات بشريه وين مؤثرات بشريه والعزف واضح الله يهديهم بس ويصلح حالهم....انا وش ابي بالناس اللي يحط ايقاع ماني سامعتن له واللي مايحط على العين والراس ونسمع كل اللي هو يسجل "
وزودت الصوت وهي تتابع كليب نساك موتك بدون ايقاع .

___

بسيارة حمود .
مشغل البوم عبدالإله النجيدي ( وين الناس ) .
تسمع عهود للكلمات واللحن والأداء بإصغاء وهي تطالع بالشارع ودمعتها على خدها .
مهي مصدقه أنها تبي تشوف امها وهدى مر شهر وهي ماشافتهن .
أما ابوها البارح شافته يومنه جاب لهم غرام بنت أختها هدى اللي الحين جالستن بحضن عمتها عبير .
عبير قالت وهي تلكز عهود كوع : عهود وش فيتس ؟؟؟؟؟؟
عهود إنتفضت بخفه هي خافت من عبير الله يهديها : مابي شي مير اشتقت لاهلي .
عبير تواسيها : ماعليه مابقى الا خمسين كيلو ونصل .
عهود بهمس : تكفين عبور قولي لحمود يجيب لنا من البقاله سهره نبي نسهر مع بنات عمي على شي يستاهل .
عبير بابتسامه : شي مثل وشهو؟؟؟؟
عهود : مثل حمضيات عايله وحب باجه وليز ملح وليز فلفل وعلوك وورقه .
عبير بصوت عالي : حمووود....حمووود .
سكر حمود السي دي ( وين الناس ) : هلا عبورتي .
عبير بإبتسامه : حمود وانا اختك بني البقاله .
حمود ميل على البقاله اللي قدامهم : امريني وش تبين ؟؟؟؟؟؟؟؟
عبير : ولا لي عليك امر نبي سهره .
قال خلف ((((ابو حمود)))) : حمود لاتقصر مع بنياتي بشي جب لهن اكثر من اللي هن يبن اعرفهن يستحن .
ضحكت عمشاء : ههههههههههه ليتك بس سمعت يابو حمود وش هن موصيات حمود فيه درازن من الاكل .
ضحك خلف : يامرن امر بنياتي أهم شي ام غرام جيبو لها اللي هي تشتهي وانت ياحمود تعرفها اكثر منا .
حمود ضحك وهو يقول بمرح : لا توصي حريص .
عمشاء بضحكه : شاري لها كراتين .
ضحكو كلهم : ههههههههههههههههههههههههه ههههههههه .

__

اخذت هدى الاكياس اللي عطتها مرة عمها مبارك .
دخلت بالخميه وفتحتهن وتفاجأت بالكميات الكبيره من الاكل .
سمعت صوت فهد ولد عمها يتنحنح تغطت ووقفت وهي تقول : ادخل يافهد .
وصل فهد قريب من باب الخميه المفتوح ونزل الكرتون الثقيل اللي كان شايل ومشى.
راحت هدى وسحبت الكرتون ودخلته بالخيمه وفتحته ولقته داخل الكرتون ثلاث كراتين .
الأول = كرتون زيت قلي .
الثاني = كرتون مكرونة .
الثالث = كرتون شوربة الشوفان .
رفعت يدينها للسماء وهي تدعي من قلبها ان ربي يوفق عمها وعايلته مثل مافرحوهم بهالأنعام والارزاق .
$
مجلس الرجال.............
همام بصدمه : انت وش تقول يامبارك ؟؟؟ ماني قايلن لكم انا ابرجع فلوسي مثل ماضيعتها ؟؟
مبارك قام وحب راس اخوه اللي اصغر منه : عاد والله ماتعيي والغنم اللي انا جايبن لك اعتبرها سلف وتردها لي اذا الله اغناك .
همام قام وحب خشم اخوه وقال وهم يجلسون مره ثانيه : والله مأنسى جميلك هذا وانه برقبتي لين اموت .
مبارك : افا يابو هدى هذا كلامك ؟ حنا اخوان ومابينا ذا الكلام وابد فلوسي فلوسك وحلالنا واحد .
قال يوسف : ياعمي حنا يد وحده وانا لو احتجت شي والله لاشحذ عمي كني شاحذن أبوي .
همام بمرح : هين انت مابوجهك حيا .
تفشل يوسف وضحك .
وقال همام : والله اني امزح ياولدي .

نهاية البارت الثالث .

[اسطورة !]

اليكم البارت الرابع


مجلس الرجال.............
همام بصدمه : انت وش تقول يامبارك ؟؟؟ ماني قايلن لكم انا ابرجع فلوسي مثل ماضيعتها ؟؟
مبارك قام وحب راس اخوه اللي اصغر منه : عاد والله ماتعيي والغنم اللي انا جايبن لك اعتبرها سلف وتردها لي اذا الله اغناك .
همام قام وحب خشم اخوه وقال وهم يجلسون مره ثانيه : والله مأنسى جميلك هذا وانه برقبتي لين اموت .
مبارك : افا يابو هدى هذا كلامك ؟ حنا اخوان ومابينا ذا الكلام وابد فلوسي فلوسك وحلالنا واحد .
قال يوسف : ياعمي حنا يد وحده وانا لو احتجت شي والله لاشحذ عمي كني شاحذن أبوي .
همام بمرح : هين انت مابوجهك حيا .
تفشل يوسف وضحك .
وقال همام : والله اني امزح ياولدي .

__

على الساعه عشره بالليل .
نامو كل الضيوف حتى سماحه وهمام نامو
بس بقى البنات .
إيه صح مبارك وهو جاي جاب خيمتين وحده للحريم ووحده للضيوف .
والرجال ينامون بمجلس الرجال .
البنات راحو للخيمه وشغلو الكبس ( الكبس = هو عباره عن لمبه تشغل عن طريق شبكها بالسياره << عساكم فهمتو ؟؟ هههه )
جات وجدان وهي شايله لاب توبها بشنطته السوداء .
جلست جنب هدى وهي تقول بإبتسامة : أم غرام جعلني مأبكيتس دوري لنا شبكة .
ضحكت هدى وهي تقول : والله إذا كان حمود ماهو نايم أبشرو * والتفت على عبير * عبوره حبيبتي ابكلم حمود من جوالتس.
تذكرت عبير شي وطلعت من شنطتها كرتون جوال iphon5 : هذي هدية من أمي لتس .
هدى اخذت الجوال وهي تقول بفرحه : جعلها تسلم عمتي عمششآء .
وفتحت الجوال ومدته لوجدان : تعرفين تبرمجينه ؟
وجدان اخذت الجوال من هدى وهي تقول : افا عليتس .
هدى تحس ان هذا كثير عليها كل ماتمنته اليوم نالته ..,حمدت ربها على النعمه اللي هي فيها.
" الحمدلله والله اني باكبر نعمه ياربي لك الحمد عايشتن ببر وحولي اهلي غيري مشردين بالشوارع "
انتهت وجدان من برمجة الجوال وقالت لهدى : تعرفين تنزلين البرامج ولا انزلها لتس؟؟؟؟
هدى بابتسامه : لا يمال العافيه اعرف انزلهن .
عهود بلقافه : طيب اتصلي على حمود وخليه يفتح لنا الشبكه.
ضحكت هدى وهي توقف وتقول : ياحبتس للقافه.
طلعت برا واتصلت على حمود اللي رد على طول : نعم.
هدى تدري انه ماعرف رقمها لانه جديد : هلا حمود .
حمود فز قلبه : ياهلا والله بهدى حي ذا الصوت .
هدى بشوق : هلا بك والله اني مبطيتن عنك .
حمود : شوفتي لتس اليوم ماتكفي تجهزي الصبح ابخذتس ونبي نتمشي بالرس شوي .
ابتسمت هدى وهي تقول : ابشر ........ حمود تكفى افتح الشبكه للبنات .
حمود اتسعت ابتسامته : ابشري مانرد لتس طلب.....وماعليتس من البنات لا تسهرين معهن لاني باخذتس الصبح .
هدى ضحكت بخفه : عيب اخليهن وارقد هن ضيوف علي .
حمود : هن بمحلهن ياهدى..........تبين شي قبل لا ارقد؟؟؟؟
همست له هدى بحب : ابي سلامتك .
حمود : الله يسلمتس يالغاليه.
رجعت هدى عند البنات وهي مبسوطه مره وطالعت بوجدان : هاا انفتحت الشبكه؟؟؟
وجدان بابتسامه : ايه انفتحت الله يجزا ابو غرام خير .
هدى : امين..........بنات انا ابروح انام باتسر نبي نروح انا وحمووود للرس نتمشى .
غمزت لها عهود بمرح : ياسلام على الروومنسيه .
هدى بخجل : عيب استحي على وجهتس .
عبير بضحكه : عهود وجه ابن فهره .
وجدان ضحكت بقوه : والله انتس صادزه......اقول بنات عندي لكن مفاجأه.
الكل بلهفه : وشهي؟؟
وجدان : انا ابدرس الجامعه بالقصيم .
استانسو البنات اخيرآ وجدان تبي تسكن عندهم ويصيرو مع بعض .
قالت هدى اللي اكبر من وجدان بسنه : والله لو انتس متعوذه من الشيطان ومجتهده بأول ثانوي تسان الحين انتي بالجامعه .
وجدان بابتسامه : عاد وش اسوي اول ثانوي نار(ن) حاره يالله نجحت منه الحمدلله اللي فكني منه هو ومواده اللي هذا كثرها .
عبير باستغراب : لهالدرجه صعب تسقطين سنتين؟؟؟
وجدان : وش اسوي ماعرف للرياضيات والنحو والبلاغه حتى الفيزياء والجغرافيا ماعليهن قصور مير اشوا من الرياضيات .
واردفت تحاول تغير الموضوع : الا حنانوه علامه ماجت مع عمتي؟؟؟
عهود بهدوء : تعرفين حنان ماتحب تقعد معنا الا ليا جن بنات عمي نشمي على اساس انهن حضريات وحنا بدويات .
هدى بعتب : حرام عليتس يمكن ماهذا قصدها صح ان حنان ماتجلس معنا واجد وتكلمنا من طرف خشمها بس يمكن قصدها شي ثاني ولا بعد يومنها تجينا وهي متضايقه التمسو لها عذر بدال ماتاكلون لحمها وهي غايبه .
حسو البنات فعلا انهم غلطو على حنان واستغفرو من ذنبهم وهو ذكرهم اختهم المسلمه بما تكره .
قالت عبير : اهل عمي خزام ماشاءالله عليهم بذا العطله اللي عقب الاختبارات يبون يروحون للكويت .
هدى متفاجئه : ليه يروحون ؟؟؟
عبير : الله يهديتس يروحون لخوالهم.......ودي اوصي عرباء بأغراض من هناكـ مير متحشده ( متحشده = مستحيه ) .
هدى بتشجيع : لا عادي تراها بنت عمتس وعرباء والله ان قلبها ابيض من الشاش .
عبير تثق براي هدى وتحب تستشيرها بالمقام الاول والاخير : اجل بوصيها .
عهود بلقافه : وش تبين من الكويت ؟
عبير بمرح : ماهو شغلتس .
ضحكت وجدان : بنص الجبهه .

___

حنان جالسه ببيت اهلها توها تسوي العشاء وتحس الوقت متأخر وشلون تودي العشاء لجارتهم ام سطام .
طالعت بساعتها اللي بيدها ولقتها الساعه عشر وربع " ياربي وشلون اودي لهم العشاء ؟"
سمت بالله وغرفت من المكرونه اللي مسويه بحافظة طعام وسكرت الحافظه وطلعت لغرفتها ولبست عبايتها وطرحتها .
ربطت نقابها بإحكام وشالت الحافظة وهي تغطي عيونها بطرف طرحتها .
طلعت من البيت وراحت لبيت جارتهم ام سطام رنت الجرس .
مــــــــــــره

مـــــــــــــــــــــرتي ن

ثلاثـــــــــــــــــــــ ـــــــــــــــه

أربــــــــــــــــــــــ ــــــــــــــــــــــعه

مأحد يفتح " ياربي مالهم الا عشانا ام سطام مشلوله وماتقدر تطبخ "
كانت بترجع للبيت وتخلي حافظة الطعام قدام الباب وهي لافه تبي ترجع للبيت شافت سطام ينزل من سيارته .
خافت واستحت وارتبكت تحس انها ماتقدر تتصرف .
لاول مره بحياتها توقف قدام رجال غريب عنها لا هو ولد عمها ولا هو ولد خالها .
سطام نزل عيونه بالارض وهو يقول : هلا اختي وش بغيتي .
حنان نزلت الحافظة على الارض : ه..هـ..هــذا عشــاك..كـ..م .
ومشت بسرعه لبيتهم وهي تنتفض من الخوف .
دخلت وسكرت الباب وشافت ابوها جالس بالحوش وقال بإستغراب : حنان من وين انتي جايه؟؟؟؟؟
نهاية البارت الرابع
ابي توقعاتكم

[اسطورة !]

البارت الخامس

طلعت من البيت وراحت لبيت جارتهم ام سطام رنت الجرس .
مــــــــــــره

مـــــــــــــــــــــرتي ن

ثلاثـــــــــــــــــــــ ـــــــــــــــه

أربــــــــــــــــــــــ ــــــــــــــــــــــعه

مأحد يفتح " ياربي مالهم الا عشانا ام سطام مشلوله وماتقدر تطبخ "
كانت بترجع للبيت وتخلي حافظة الطعام قدام الباب وهي لافه تبي ترجع للبيت شافت سطام ينزل من سيارته .
خافت واستحت وارتبكت تحس انها ماتقدر تتصرف .
لاول مره بحياتها توقف قدام رجال غريب عنها لا هو ولد عمها ولا هو ولد خالها .
سطام نزل عيونه بالارض وهو يقول : هلا اختي وش بغيتي .
حنان نزلت الحافظة على الارض : ه..هـ..هــذا عشــاك..كـ..م .
ومشت بسرعه لبيتهم وهي تنتفض من الخوف .
دخلت وسكرت الباب وشافت ابوها جالس بالحوش وقال بإستغراب : حنان من وين انتي جايه؟؟؟؟؟
حنان حبت راس ابوها وقالت وهي تجلس بجنبه : رحت اودي عشاء ام سطام .
فواز : تراهم ماهم ببيتهم ام سطام الله يشفي لها راحت للطبيب .
حنان : لا توني شفتهم وهم راجعين .
فواز ابتسم وهو يقول بفخر : الله يكثر من امثالتس والله انتس اجوديه .
حنان : يبه باتسر العصر يبون يجون اهل خالي نشمي وابروح لهم .
فواز قال بمرح : اييه عاد يبن يجن خوياتنا موضي ودلال وجملاء مانقدر نقعد بالبيت .
ضحكت حنان وهي تقول : والله صحيح يبه ابروح لهم .
فواز وهو يأشر على خشمه : على هالخشم بكره وانتي عندهم مير كم الساعه تبين تروحين ؟؟؟؟؟
حنان بعد تفكير : ودي اروح لهم مبكر.
فواز : خلاص عقب صلاة الصبح وانتي بالسياره .
ضحكت حنان : هههههههههههههه لا يبه وش بعد صلاة الفجر انا اقصد الساعه تسع ولا بعد عشر .
فواز : اصلا خالتس همام عازمني على الغداء بكره وانا ودي اروح لهم بدري قبل تفوتني المرقه .
ضحكت حنان وهي تقول : تخيل يبه تروح لهم عشان المرقه .
فواز بجديه : والله اني ماداني الرجال اللي يجيبون قبل ضيفتهم مرقه كنّا حريم وهم يغرفون لنا بالصحون .

__

الرس!!
بالسيارة غرام بحضن امها وهي توكلها كيك بار وعصير ربيع .
حمود يطالع الطريق اللي قدامه ويقول : ياحليلتس ياهدى والله اني مبطي عنتس .
هدى إبتسمت : والله اشتقت لك واشتقت لبيتنا.......ياخي ماعينت طرحتي المطرزه ودي البسها على هالعشاء . ( عينت = شفت ) .
حمود : والله مدري مير ابشري يام غرام نمر هلحين سوق النخيل بلازا وتروحين لنواعم وتشرين منهم الطرحه اللي تعجبتس .
شهقت هدى : لا ياويلي غالي الطرحة عندهم ب60 ريال .
حمود ابتسم وهو يقول : اللي بخاطرتس والله لتاخذينه لونه بمليون.....وتسان 60 ريال واجد انتي بكم تشرين شيالتس دايم ( شيال = طرح ) .
هدى : والله دايمن اخذهن بعشرة وبخمس طعش .
حمود : مايخالف....ها تروحين للنخيل بلازا ولا للهرم ؟
هدى : لا ابروح للنخيل عشان نواعم .
حمود : ماودتس تشرين لعمتي طرحه ولا عباه ؟؟؟؟
هدى : لا امي مهي محتاجه وبعدين امي ماتحب الطرح المطرزه .
حمود : اجل اللي يعجبتس يابنت عمي .
ابتسمت هدى وهي تطالع غرام : ودي اشتري لغرومه فستان......عبوره الله يهديها ماجابت لها الا بجامات .
حمود بمرح : تستاهل بنت حمود اللي يشري لها .

__

نشمي - جميعة . دلال 24 . موضي 22 . جملاء 20 . عيسى 26 . موسى 25
بالطريق السريع الرياض-الدمام ..
بسيارة عيسى بن نشمي //عيسى وامه وابوه \\
عيسى بابتسامه : يمه انتي رقدتي ؟؟
جميعه وهي تعدل برقعها اللي مال من نومتها : اي والله غفيت.......حنا وين وصلنا ياعيسى .
عيسى وهو يطالع اللوحة : الرياض 150 كم .... والقصيم 560 كم .
جميعه : يووووه ياطول الطريق يالله توصلنا على خير .
نشمي وهو يطالع البعارين اللي يمين الطريق : يازين عطايا الله سبحان اللي خلقهن والله اني ودي اشتري .
عيسى : ابشر يبه باللي يشري لك البعارين اللي تبيض وجهك .
جميعه باستخفاف : وشارك بأم رقيبه اظنك تفوز بكم مليون .
نشمي بابتسامه : والله نشارك وليه مانشارك ............ مدامن عندي فلوس ماني مضيعن الناموس .
عيسى بصدق : والله انك ناموس .
نشمي : اخوانك ماهم حولنا ؟؟؟؟؟؟؟؟
عيسى : ايه هذا هو موسى ورانا سيارته شوي وتطير من كثر سرعته .
جميعه : تقول انه ورانا اجل سيارتك وش تبي تسوي من سرعتك .
نشمي بإستهبال : تبي توقف .
ضحك عيسى : ههههههههههههههههههههههههه ههههههههههه .
نشمي طلع جواله ومده لجميعه : ام عيسى الله يسلمتس ارسلي فضلا اتصل بي على موسى والله اني ماعرف لحقات الفقارى .
جميعه وهي تاخذ الجوال : والله مافقير الا انت وليتك فقير فلوس لا والله مغنيك الله مير انت فقير عقل .
سكت نشمي وماحب يعلق على كلامها لأنه مايهمه .
ودقايق واتصل موسى ورد نشمي : ياااااهلا والله بأبو نشمي.......وين انت يارجال ؟؟؟؟؟؟
موسى : انا وراكم على طول .
نشمي : وشلون دلوله راسها يعورها ليالحين ؟؟؟
موسى بإبتسامه وهو يناظر بدلال اللي جالسه بالمقعد اللي بجنبه : اي من يومنا طلعنا من الشرقيه ووجها مسفهل .
ضحك نشمي : ياكثر خبالك اقول بس عطني دلولتي .
عطى الجوال لدلال اللي ردت برزانه : هلا يبه .
نشمي : ياهلا والله ببنيتي وشلونتس يادلال ؟
دلال بهدوء : الحمدلله راسي هون .
نشمي : الله يجعلتس دايم بخير .
دلال : وياك يايبه .. ها تامر على شي .
نشمي : ابد سلامتس .
سكرت المكالمه وفزعت من صراخ خواتها جملاء وموضي .

[اسطورة !]

آلبآرت آلسآدس.....,


سكرت آلمكآلمه وفزعت من صرآخ خوآتهآ جملآء وموضي .
دلآل بخوف وهي تنآظرهم : وش فيكم ؟؟؟ علآمتسن ؟؟
موضي وهي تضحك : آلنصر سجل هدف .
موسى بإبتسآمة : مآشآءآلله أجل تتآبعن آلمبآرآه ؟
جملآء وهي تفتح آلبث آلمبآشر مره ثآنيه لآنه علق : آي وآلله متحمسين .
موسى ضحك : آلله لآيخليني منتسن آلمبآرآه آعآده هههههههههههههههههههههههه .
دلآل بسخريه : وآلله آني آحسبنه صآير بكن شي هآلصريخ لآ عآد آسمعه مرتن ثآنيه رجيتن قلبي .
جملآء آللي جآلسه ورآ سيت دلآل على طول رفعت رآسهآ وحبت كتف دلآل : آسفه يآدلآلو .
دلآل بآبتسآمه : مآتخلين حركآتس يآجميّل .
موسى : دلآل آفتحي آلوآتس آب وآلله آبقولتس شي مهم .
دلآل طلعت جوآلهآ آلجآلكسي من شنطتهآ وقآلت : آرسل بسرعه وطف آلجوآل لآتسوق وآنت فآتحه .
موسى ضحك وهو يرسل لهآ : آمي آلثآنيه .
دلآل شهقت يوم قرت آلرسآله ونآظرت بموسى .

__

آلخيآم..../
دخلت عمشآء بآلخيمه : عبيييير . عبيييير . عبيييير .
قآمت عبير من نومهآ وهي تمسح عيونهآ وتقول بخوف : هآه يمه .
عمشآء : قومي يأمي آهل عمتس وصلو وحنآن توهآ جتنآ .
عبير وقفت وهي تقول : يمه آلحمآم فيه مآء ولآ لآزم آخذ معي مآء ؟؟؟
عمشآء بآبتسآمه : لآ آبو هدى مآقصر علينآ بشي وآلحمآم فيه مآء .
وآلتفتت على عهود آلنآيمه بجنب عبير : عهههود . عهههود .
صحت عهود وهي منزعجه : عمه تكفين آبرقد شوي تونآ بدري .
عمشآء مسكت يد عهود وسحبتهآ : مآينفع معتس آلآ هلون يآبنت همآم .
عهود برجآء : تكفين عمه آبرقد بس لين صلآة آلظهر .
عمشآء برفض قآطع : لآ وآلله منتي رآقده وقومي سآعديني آنآ وآمتس وعبير آم غرآم جعلني مآخلآ منهآ رآحت للرس .
عهود بآستغرآب : ليآ آلحين وهدى مآرجعت ؟؟؟
عمشآء : لآ وآلله مآرجعت عسى ربي يحفظهم لنآ .
دخلت عبير آللي جآيه من حمآم آلحريم : يمهـ جت آلصلآة ؟
عمشآء : لآ بآقي نص سآعه .
قآمت عهود ورآحت للحمآم وعبير تشآور آمهآ : وش رآيتس يمه وش نلبس ؟؟؟؟
عمشآء : وآلله مدري عنتس آنتي وبنت عمتس آلبسن آللي يجوز لتسن .
عبير بتردد: بس عآدي لو آلبس تنوره ؟؟
عمشآء : مزآل آنتس منتي بطآلعتن دزدآم آلرجآل بكيفتس . ( دزدآم = قدآم < تعرفون كيف ننطقهآ ؟؟؟ )
عبير : آجل خلآص آنآ آبلبس آلسكريهه و عهود تلبس آلبيضآآء .
عمشآء بآستغرآب : آقول يآعبيره .
عبير : هآه .
عمشآء : مآشوف معتسن كتب تذآكرن .
عبير بآبتسآمه : يمه توه آختبآرنآ ترآ بعد آسبوع ويومين .
عمشآء : آجل بكيفكن .

___

حلّ آلليل بظلآمه .
صآر مآفيه إلآ صوت صرير ( حشرة ) آلليل .
وشبت آلضو آللي بشق آلرجآل .
وآلدلآل آلصفر
آللي آنعكس عليهم لون آلنآر وصآرن يبرقن .
ضجة مجلس آلرجآل وهدوء مجلس آلحريم.
يحكي قصة بدآوه لن تنتهي .
يحكي قصة آصآلة لن تفنى .
هذي حيآة آبنآء آلصحرآء
مهمآ عآشو بقصور وبنآيآت
وعمآير يبقى للصحرآء
حب مآيتزلزل وآنتمآء صآمد وبآقي .
قآل مبآرك آللي جآلس بوسط آخوآنه : يآبو هدى لنآ عندك طلب
ونتمنى آنك مآترده وآن رديته بتبقى آلمحبه بيننآ وآن قبلته آلمحبه بتزيد .
همآم بحميه : دمي يرخص لك يآبو فهد .
مبآرك : جعلك سآلم يآخوي ........ حنآ آلييوم جآيينك خطآب
ويشرفن آني آخطب بنتك عهود لولدي فهد .
آسفهل وجه همآم وقآل بدون تردد : آبشر بهآ
ولونهآ ذبيحه مآعشتكم وفهد وآلله لونه طآلبن دمي مآقلت له لآ .
آنبسطت فهد .
وآبوه مآيقل عن فرحه....*

__

مجلس آلحريم .
كل آللي آنقآل سمعوه آلحريم حرف حرف .
هي تكبت بكآهآ وحرجهآ تحت آحتضآنهآ لغرآم .
قآلت بدريه بونآسه : يآلله لك آلحمد يآلله لك آلحمد آللي تمم هآلخطبه على خير .
هدى بحزن : وآلله مآنسى قول جدتي يومنهآ قآلت عهود لفهد .
سمآحه : آلله يرحم عمتي وآلله آنهآ مآتمنت كثر مآتمنت آن فهد وعهود ينخطبون لبعض .
طآلعت نشميه بآلبنآت : عقبآل بنيآتنآ آلثآنيآت.....وهآلعرس وآلله مآتكلفين فيه يآبدريه بريآل وآحد .
شهقت بدريه : لآ يآنشميه آستغفري .
نشميه بحزم : آنآ حلفت وعرس فهد وآلله مآتدفعين فيه ريآل .
قآلت حنآن بمرح : يمه روحي آحلفي على خآلي مآيدفع ريآل بعرس فهد .
نشميه طآلعت بحنآن : يآصغر عقلتس يآحنآن مآتدرين وش تقولين .
تفشلت حنآن وضحكت بخفوت ودلآل قآلت : آلله يرفع قدرتس يآعمتي عقبآل مآتفرحين بعرس عيآلتس .
نشميه : آمين يآرب آلعآلمين آللهم آستجب دعوة دلول .
قآمت عهود وهي تقول بآرتبآك وصوت مرتجف : آنآ بروح...شوي.
وطلعت من عندهم ورآحت للخميه جلست بفرآشهآ وهي تفكر بآللي صآر .
مآتبغى فهد ومآتبغى حتى تسمع آسمه تكره ومآتدآنيه .
وبعدين هو آكبر منهآ بست سنوآت وسآكن بآلريآض ومغرور وثقيل طينه .
وحتى يومنهآ صغيره شعرهآ كآن منكوش كل آلنآس يسكتون آلآ فهد يعآيرهآ .
وهذآ آللي زآد كرهه بقلبهآ لآنهآ بنت وحسآسه وآقل شي يآثر فيهآ .
من صغرهآ وهي تكرهه حتى بعض آلآحيآن يضربهآ وكبرت عهود وكبر معهآ آلكره
على عكس آلمتوقع فهي طفله ويوم تكبر ينتهي كره آلطفوله ويجي محله آلآخوه .
بس عهود سبحآن آلله حآلتهآ غير كبرت وكبر معهآ آلكره وآلبغض .
خلآص هي من آلحين صآرت زوجة فهد ومآلهآ آي كلمه آو آعترآض .
آلكلآم بين آلريآجيل هي مآلهآ شغل بولآ شي .
تتقضى لعرسهآ وتتكشخ وتستآنس بدون آي كلمه .
آصلآ عهود مآتقدر تقول لآبوهآ ووش تقوله ؟؟
مآبي ولد آخوك ؟!
خلآص آلفآس وقع بآلرآس ومآبعد هذآ كلآم .
تستلم للآمر آلوآقع وتمشي على آلسرآط آلمستقيم مثل مآيبون هم .
هي آلعروس بس هم آللي يقررون حيآتهآ .
هي عكس هدى يوم خطبهآ حمود كآنت تبيه مثل مآهو يبيهآ .
ولآ هي من صغرهآ وآسم فهد مدبس بظهرهآ .
قبل ثلآث سنين سمعت من وجدآن آن فهد يبي يخطب آستآنست تحسب آنه يبي يخطب وحده ثآنيه .
مآهي عطيته من جده وجدته .
مسحت دموعهآ وهي تشوف عبير تدخل .
جلست بجنبهآ عبير : عهود وش بلآتس ؟
عهود بصوت بآكي: مآفيه شي يآعبير أبد مستآنسه آن آبوي عطآني لفهد كني رخيصه .
عبير : تعوذي من آلشيطآن وترآ هذي عآدتنآ مآفيه ولآ بنت آنرد لهآ آلشور وآللي خآطبهآ ولد عمهآ
آصلآ آنتي عطية فهد وكلنآ ندري آنتس مرته ليه مغتآضه ؟؟؟؟
عهود : هو آكبر مني وبعدين آنتي مآتعرفين فهد ثقيل طينه وثقيل دم وشآيفن حآله على آلنآس .
عبير توآسيهآ : مآيخآلف هذآ حمود كله عذآريب مير من بعد عرسه وهو متغير وآلله آن آلرجآل يتغير بعد عرسه
وآنتي غيري فهد مثل مآتبين .
عهود بعصبيه : رخمه هو ولآ مره علشآن آغيره على آللي آنآ آبي وحمود مآغيرته هدى ولآ شي هو ترك آلدخآن وعقل
آمآ فهد وآلله لو آصيح بآذنه من آليوم لين بكره مآهو سآمعني .
عبير بآبتسآمه : مدآمن ولد عمتس لآهو رآعي بنآت ولآ يتتن ولآ هو خمّآر وش يعيبه ؟؟؟ ( تتن = يشرب دخآن , خمّآر = رآعي خمر ) .
عهود بقهر : يعيبه نفسه آلشينه آللي مآتشيلهآ آلآرض .
عبير : آلله يهديتس وآلله آن فهد مآفيه عيوب .
عهود بقهر آكبر : وآلله آن مآفيه من آلزين شعره ..... وبعدين آدري آنه يبي يقلعني للريآض وآنآ مآبي آلريآض .
عبير بآبتسآمه : آآآه بس يآزين آلريآض ويآزين آهلهآ .
عهود : وآلله آن آلريآض زينه لين دخلهآ فهد وكرهتهآ عسآه للمآحي آللي يمحيه .
عبير بفزع : آستغفري يآبنت.....لآ تدعين على ولد عمتس .
عهود وهي تمسح دموعهآ : آلآ جعله للموت آليوم قبل بآتسر .
عبير بذهول : يهبي يهبي....تسآنتس مآتبينه آمه تبيه .
عهود بضيقه : وش آسوي يآعبير وآلله آلعظيم آني مآدآنيه فوق آلآرض.....حرآم بآلله يآعبير آن عندي آليهود آشوآ منوه .
عبير مذهوله ومنصدمه من عهود : عوووذه عوذه فيه وحده حقوده لهآلدرجه ؟؟؟ يآلله لآ تعآقبنآ .

__

دلآل طآلعه برآ بآلقمره وآلهوآ آلطلق آلبآرد آللي يحمل معه آنذآرآت آلشتآء آللي قرب .
تتذكر آلرسآله آللي آرسلهآ لهآ موسى (( عبدآلرحمن ولد عمي خزآم آمس كلمني عليتس ويقول يبيتس )) .
دلآل تتذكر يوم وقفو يصلون صلآة آلعصر طلبت من موسى يجلس معهآ بآلسيآره شوي .
دلآل بصوت قصير : يآقليل آلحيآ يآمضيع آلسنع وش هآلكلآم .
موسى بهدوء وهو يبتسم : وآلله هذآ كلآم ولد عمتس وآنآ آبي آبغلتس آيآه قبل لآ يخطبتس وآنتي مآتبينه وتعرفين آبوي مآهو آخذ رآيتس .
دلآل بقهر : قله كآنه يبيني يعرف محل آبوي مآهو بهآلطريقه آلعوجآء .
موسى : آدري وآلله آنه غلطآن بس عبدآلرحمن وآلله مآيبي يآخذتس وآنتي مآتبينه .
دلآل : مآهو على كيفه مدآمني عطيته يبي يآخذني ورجله فوق رآسه .
موسى بآستغرآب من آخته دلآل آلرزينه تتكلم كذآ : آنتي وش بلآتس ؟ ترآ مآقآل كذآ آلآ عشآن مآيجرحتس .
دلآل : يمآل آلمآحي آللي يمحيك آنت وآيآه وآلله لآعلم عليكم آبوي آخليه يربيكم من جد وجديد .
موسى برجآء : لآ دلآل تكفين لآ تعقدينهآ وهي بسيطه. ...وعلميني كآنتس تبينه ولآ لآ ؟
دلآل وهي تفتح آلبآب تبي تنزل علشآن تصلي آلعصر : آلرد يآخذه من آبوي مآهو مني مآلي حتسي قبل آبوي .

[اسطورة !]

البارت السابع

دلآل طآلعه برآ بآلقمره وآلهوآ آلطلق آلبآرد آللي يحمل معه آنذآرآت آلشتآء آللي قرب .
تتذكر آلرسآله آللي آرسلهآ لهآ موسى (( عبدآلرحمن ولد عمي خزآم آمس كلمني عليتس ويقول يبيتس )) .
دلآل تتذكر يوم وقفو يصلون صلآة آلعصر طلبت من موسى يجلس معهآ بآلسيآره شوي .
دلآل بصوت قصير : يآقليل آلحيآ يآمضيع آلسنع وش هآلكلآم .
موسى بهدوء وهو يبتسم : وآلله هذآ كلآم ولد عمتس وآنآ آبي آبغلتس آيآه قبل لآ يخطبتس وآنتي مآتبينه وتعرفين آبوي مآهو آخذ رآيتس .
دلآل بقهر : قله كآنه يبيني يعرف محل آبوي مآهو بهآلطريقه آلعوجآء .
موسى : آدري وآلله آنه غلطآن بس عبدآلرحمن وآلله مآيبي يآخذتس وآنتي مآتبينه .
دلآل : مآهو على كيفه مدآمني عطيته يبي يآخذني ورجله فوق رآسه .
موسى بآستغرآب من آخته دلآل آلرزينه تتكلم كذآ : آنتي وش بلآتس ؟ ترآ مآقآل كذآ آلآ عشآن مآيجرحتس .
دلآل : يمآل آلمآحي آللي يمحيك آنت وآيآه وآلله لآعلم عليكم آبوي آخليه يربيكم من جد وجديد .
موسى برجآء : لآ دلآل تكفين لآ تعقدينهآ وهي بسيطه. ...وعلميني كآنتس تبينه ولآ لآ ؟
دلآل وهي تفتح آلبآب تبي تنزل علشآن تصلي آلعصر : آلرد يآخذه من آبوي مآهو مني مآلي حتسي قبل آبوي .
""" ومدري وش بلآهم ومدري وش آللي قردهم ؟؟؟ وشلون يخطبون بدون علم آبوآنهم آللي ربوهم وتعبو عليهم
وآلله لو آبوي يزوجن رآعي مآقلت لوه لآ ترآ هو آللي ربآن وعلمن آلصح من آلخطآء بآخر شي آخوي وولد عمي يلعبون من ورآوه
وآلله آن آبوي مآيستآهل آللي يعمل بوه تسذآ """
قآطع عليهآ تفكيرهآ صوت آبوهآ نشمي : دلوله آنتي وآقفه بهآلليل آلمظلم لحآلتس ؟؟؟
دلآل بآبتسآمه وهو تنآظر لآبوهآ : يبه وآلله آلليله قمرآ مهي ظلآم .
نشمي وهو يوقف قدآمهآ : بس آنتي يآبنيتي مآتعودتي على آلظلآم من طلعتس للدنيآ وآنتي تحت آنوآر آلكهربآء .
دلآل : بس آلحمدلله آن ربي حقق آمنيتي ونمت بآرض ربي آللي ترد آلروح .
نشمي آحتآر يقول لهآ هنآ آو لآ : آقول دلآل عندي شي مهم آقوله لتس هنيه ولآ وين تبيني آقوله لتس ؟؟؟؟
دلآل بحيره : بكيفك يآبيي .
نشمي قصر صوته وقآل : يآبنيتي آنآ خآلفت سلوم آهلي وعآدآتهم كلوه علشآنتس آنتي بنيتي آلغآليه وآلله آني مآقدر آعمل بتس آللي عملوه همآم بعهود يمتسن عهود مآتبي رجله آو هو مآيبي عهود.......مير آنتي مآقدر آجوزتس بدون مشورتس وعبدآلرحمن ولد عمتس توه دق علي ويخطبتس منّ وآبي ردتس على ولد عمتس بآقرب وقت . ( يمستن = يمكن )
دلآل آثر به كلآم آبوه تخيلت لو هي وآخوه متشآورين ورآء آبوه آللي جآي يستشيره : بكيفك يآبوي آن تسآنه يصلح مآنقوله لآ .
نشمي بآبتسآمه : علمين يآبنيتي تسآنتس تبين ولد عمتس آببشره هلحين .
دلآل بخجل : آيه آبيه .
ومشت من عند آبوهآ .

__

آلوقت : آلسآعه 11 بآلليل .
آلمكآن : آلقصيم - ورآء خيآم آلحريم .
آلبنآت فآرشين بسآطين وجآلسين كلهم ومعهم مرة عمهم بدريه .
هدى تصب لهم شآهي وعبير تصب لهم حمضيآت .
طلعت حنآن آلحلآ من شنطتهآ وآلفطآير وحطتهن بينهم .
وقآلت وهي تطآلع بدلآل : آليوم دلآل مآش مهي معنآ .
دلآل طآلعت بحنآن وآبتسمت لهآ بدون مآترد عليهآ .
وجدآن طآلعت بعبير : وين عهود ؟؟؟؟
عبير بضيقه : رآقده .
وجدآن حست آن عبير فيهآ شي وهمست لهآ : ورآتس متضآيقه ؟؟؟
عبير بخوف آن وجدآن تدري آن عهود مآتبي آخوه : مآني متضآيقه مير فيه نوم .
بدريه سمعت كلآم عبير آلآخير وقآلت : قومي يآقلبي آرقدي لآ تجآملين آحد على حسآب نفستس .
قآمت عبير وحبت رآس مرة عمهآ ورآحت للخيمه آللي فيهآ عهود .
دخلت وشآفت عهود جآلسه ومركيه ظهرهآ على عمود آلخيمه آللي بآلنص وتطقطق بجوآلهآ .
عبير بهدوء : سلآم عليكم .
عهود نآظرتهآ : عليكم آلسلآم .
عبير جلست جنبهآ : عهود ليه مآتجلسين معنآ برآ ؟؟
عهود : مآبي .
عبير تكره عهود لمآ تصير نفسيه كذآ : عهود ورآتس تسذآ ؟؟؟ تعوذي من آبليس .
عهود آخذت نفس عميق وسكرت جوآلهآ وهي تقول : آعوذبآلله من آلشيطآن آلرجيم .
عبير مسكت يدهآ : يله نبي نروح نجلس معهم .
عهود برفض تآم : لآ مآني رآيحه كآن ودتس تروحين لهم روحي وخليني لحآلي .
تضآيقت عبير من عهود آكثر من ضيقتهآ آلآوله : شوفي يآعهود وآلله آن مآتعوذتي من آبليس لآعلم هدى آنتس مآتبين فهد .
عهود بهدوء : علميهآ وهدى وش بيدهآ تبي تسويه ؟؟
عبير : بيدهآ تروح تعلم آبوتس وآبوتس يعلم فهد .
عهود مآقدرت تمسك نفسهآ من آلضحك : آتخيل بس شكل آبوي وهو يعلم فهد آني مآبيه صآر هم حريم علشآن ينقلون هآلسوآلف ؟؟؟؟
وآلله يآعبير لو رحت لأبوي وقلت له آني مآبي فهد مآهو رآد علي ومآهو محآولن يخلصني من هآلعرس فآلآحسن آني مآ آفتضح بين آلنآس
يكفي آني علمتس .
عبير طفشت منهآ وقآمت : آدري آنتس تبين تبقين هلون آيآم وآجده آلله يعننآ عليتس وعلى نفستس آلشينه تعيبين بفهد ومآشفتي نفستس .
وطلعت وعهود قآمت وتمددت بفرآشهآ .

__

آلشبآب...........,
جآلسين بشق آلرجآل قدآم شبة آلضو ويوسف يجرلهم شله .
وهم طربآنين لآن صوت يوسف مآشآء آلله حلو مره حتى آلشيله كلمآتهآ جزله .
وخصوصآ آن آللي منشدهآ فهد مطر عآد مآشآء آلله آبو نآيف لحنه غير وصوته غير آلله يزيده من فضله .
آنتهى يوسف من جر شلة يآعقآب وهو يقول : وسلآمتكم .
فهد وهو يقلب آلجمر : آقول يآعيآل وش رآيكم بآتسر نقنص قآعدين بآلبيت تسنآ بنيآت . ( تسنآ = كنآ ) .
حمود : آنآ مآني خويك بآتسر آبروح لدوآمي قضت آجآزتي وشكلي آبآ آخذ آهلي معي .
فهد بآستغرآب : ليه يآحمود ؟؟؟ آسحب على آلدوآم .
حمود رفع حآجبه : لآ وآلله ؟؟ ومنهو آللي يصرف علي .
فهد بضحكه : آبشر بآللي يرسل لك كل شهر آلف ريآل .
حمود بضحكه : شغآله علشآن ترسل لي آلف ريآل ؟؟
موسى بآبتسآمه : لو آن عبدآلرحمن هنيه تسآن خآويتك .
عيسى : آنآ خويك .
يوسف : وآنآ بعد آبخآويكم .
فهد بآستهبآل : آجل هونّآ . ( هونآ = مآحنآ رآيحين )
وضحكو كلهم وقآل عمهم مبآرك آللي توه جآء من عند سيآرته : عآد يوسف لآحد يتعرضه من آمس وعمه همآم يكسّحه ( يكسّحه = يفشله ) .
حمود بضحكه : هلحين آنت كسحته يآعم ههههههههههههههههههههه .
قآم يوسف وحب رآس آبوه وضحك : من آمس وعمي همآم وآبوي مقتردين بي وآليوم فهد بدآ شغله .


__

في آلصبآح ومع نسيم آلهوآ آلبآرد .
تأكد آن مآفيه آحد بآلخيمه رآحت لشنطتهآ وطلعت دفتر وقلم .
جلست بفرآشهآ وبدآت تكتب رسآله .
تكتبهآ بحذر وتخآف آحد يشوفهآ ويدري وش بلآهآ .
تتخيل آمهآ ولآ هدى يشوفنهآ وهي تكتب آلورقه هذي ويدرن وش مضمونهآ وآلله لتموت وآلله لتنحرهآ آمهآ .
آللي هي تكتب مآهو هين وهي تدري آنهآ غلطآنه مير وش بيدهآ غير كذآ .
خلصت من كتآبة آلورقه وتنفست بعمق وآستآنست وهي تخلصهآ .
صفطت آلورقه وحطتهآ بجيب جآكيتهآ ولبست طرحتهآ وطلعت لبيت آلشعر آللي فيه آلكل يفطرون مآعدآ حنآن وجملآء آلنآيمآت قبل شوي بجنبهآ .
دخلت وقآلت بهدوء : سلآم عليكم .
آلكل : عليكم آلسلآم .
قآلت آمهآ بآبتسآمه : يآهلآ ببنيتي آللي مندسه عنّآ . (مندسه = متخبيه ) .
ضحكت عهود بخجل وجلست بجنب آمهآ آللي مدت لهآ كوب حليب : وآلله آن وجهتس مصفر .
بدريه : آعوذبآلله من آمس وهي مآكلت لونه لقمه .
نشميه بمرح وهي تنآظر بنت آخوهآ : بسم آلله عليهآ مستحيه .
شربت عهود شوي من آلحليب يمكن آلى فوق آلنص بشوي .
ووقفت وهي تقول : غرآم حبيبتي تعآلي معي .
غرآم قآمت من حضن جدتهآ عمشآء ورآحت مع عهود آللي شآلتهآ وطلعت فيهآ برآ .
جلست على ركبهآ قدآم غرآم وهي تقول بهمس : غرومه حبيبتي آبعطيتس ورقه وتعطينهآ فهد تعرفينه ؟؟
غرآم : آيه آعلفه . ( آعلفه = آعرفه ) .
عهود مدت لهآ آلورقه وهي تقولهآ بتحذير : وآلله يآغرآم لو آحد شآف آلورقه غير فهد لألعن خيرتس لأذبحتس سمعتين ؟؟
غرآم آخذت آلورقه وهي تقول بخوف : حلآص وآلله محد يدلي .

آنتهآآ آلبآآرت

[اسطورة !]

* آلبـآرت آلثآمن *


شربت عهود شوي من آلحليب يمكن آلى فوق آلنص بشوي .
ووقفت وهي تقول : غرآم حبيبتي تعآلي معي .
غرآم قآمت من حضن جدتهآ عمشآء ورآحت مع عهود آللي شآلتهآ وطلعت فيهآ برآ .
جلست على ركبهآ قدآم غرآم وهي تقول بهمس : غرومه حبيبتي آبعطيتس ورقه وتعطينهآ فهد تعرفينه ؟؟
غرآم : آيه آعلفه . ( آعلفه = آعرفه ) .
عهود مدت لهآ آلورقه وهي تقولهآ بتحذير : وآلله يآغرآم لو آحد شآف آلورقه غير فهد لألعن خيرتس لأذبحتس سمعتين ؟؟
غرآم آخذت آلورقه وهي تقول بخوف : حلآص وآلله محد يدلي .
وآنطلقت غرآم لشق آلرجآل دخلت ورآحت تركض لفهد آللي حضنهآ آول مآوصلته .
وقآلت بصوت هآمس يآدوب يسمعه فهد من خوفهآ من عهود : عمو فهد .
فهد : هلآ .
غرآم قربت من آذنه وقآلت : تعآل بلآ بدولك سي . ( برآ بقولك شي ) .
طلع فهد وهو شآيله ومن طلعو من عند آلرجآل مدت له آلورقه آللي آعطتهآ خآلتهآ عهود : هآلي من آهود ( هذي من عهود ) .
آخذ فهد آلورقه ونزل غرآم بآلآرض وهي رآحت لأمهآ .
فهد مستغرب ومندهش من بنت عمه """ وش مهببه بنت عمي ؟؟؟ كود آنه علمن مآتبي آحد يدري به """
فتح آلورقه وهو يسآل آلله آلنجآه """ آلمره هذي مهي صآحيه وشلون ترسل له بآلآورآق وهو يآدوبه خآطبهآ وآلله آنهآ مآتستحي """
قرأ آللي بدآخل آلورقه وعيونه يتطآير منهآ آلشرآر ( سلآم عليكم .. حبيت آقولك يآولد عمي قبل لآ ترتبط فيني ترآني آكرهك
وآكره حتى آسمك ويآجعلني آموت قبل آليوم آللي يزفوني لك / عهود ) .
فهد بقهر وهو يقطع آلورقه ويطيرهآ مع آلهوآ """ آوريتس يآعهيد آوريتس """
ركب بسيآرته ومشى للقصيم وهو منقهر منهآ .
يحس آنهآ آهآنته آكبر آهآنه """ ليه تكرهني وش آنآ مسوي لهآ ؟؟؟؟ هذآ جزآي آللي حبيتهآ وعزيتهآ وحطيتهآ فوق رآسي
وتآليتهآ تقول هآلحتسي وآلله آنتس مآتستحين يآعهود وآلله آنتس قليلة حيآ وآصل وتربيه مير آوريتس آلتربيه على حق وحقيقه """

__

آلشرقيـــــــــــــــــــ ـــــــــه .
جآلسين بآلحوش وآلهوآ آلطلق يزين جلستهم .
قدآمهم فطورهم وهو عبآره عن جبن وخبز وزيتون وعسل وكيري وكرآفت ومربى وقشطه وكل مآلذ وطآب .
قآل عبدآلرحمن وهو ينزل بيآلته بآلآرض بعد مآشرب منهآ : يبه ترآني مآني مخآويكم للكويت .
خزآم بآستغرآب : ليه ؟؟ صآر مآنت تحب آلكويت ؟؟؟؟؟
عبدآلرحمن : آلآ وآلله آحب آلكويت وآهلهآ مير ودي آروح للقصيم عند عمومتي .
خزآم : بسلآمك رح لهم مآحنآ قآيلن لك شي . ( سلآمك = سلآمتك << بس حنآ آلقصمآن نقولهآ بسلآمك ) .
عآيضه طآلعت بولدهآ : وآلله آن عندك علومن مآليتن رآسك مير قل علومك .
عبدآلرحمن ضحك وقآل : يآزين آلكويتيه لآ حتست قصيمي ( حتست = حكت ) .
علي آخوه آلكبير : آحترم آمك يآورع ولآ وآلله لآ آعلمك آلآحترآم عدل مدل .
خزآم نآظر بعلي : وإنت آحترم آخوك ولآ وآلله لآ آعلمك آلآحترآم عدل مدل ؟
عبدآلرحمن بإبتسآمه وهو يوقف : يمه آنآ آبروح للخبر توصيني بشي ؟؟؟
عآيضه وهي توقف : آي يبه جيب معآك سمج وآذآ مآمعك فلوسك آنآ آعطيك .
عبدآلرحمن حب رآسهآ : لآ آلله يخليتس لي معي آلفلوس وآلسمك آبشري به .
وطلع عبدآلرحمن ركب بسيآرته وحرك متوجه للخبر وهو يفكر بكلآم آمه آلبآرح .
/ آلسآعه 8 ونص آلبآرح بآلليل \
دخل عبدآلرحمن آلبيت رآجع من آلآسترآحه : سلآم عليكم .
آخته عربآء آللي تتفرج على قنآة مآسة آلمجد : عليكم آلسلآم.....آلدحمي آلدحمي تعآل تآبع معآي آلحفل آلختآمي للمجره .
عبدآلرحمن جلس جنبهآ وهو يقول : مآعلي من آلمجره ومن حفلهآ آلختآمي آنآ علي من مسلسل رآئد آسمآعيل آلبندقدآر هو متى يبدأ بس ؟؟؟
عربآء قصرت صوت آلتلفزيون : وآلله مدري متى بآلضبط مير بآلشهر آلجآي....يآخي عبدآلرحمن آلآشترآك ينتهي بشهر آربعه آشترك لنآ .
عبدآلرحمن بآستخفآف : آيه نبي نطير نشترك قبل شهر آربعه آقول بس آلبخي .
سكتت عربآء وهي زعلآنه على آخوهآ كيف يكلمهآ بآلطريقه هذي .
عربآء بغرور مصطنع : وشلون تكلمني كذآ ؟؟؟ آنآ عربآء بنت خزآم آللي طآحت من آجلهآ رقآب .
عبدآلرحمن وقف : وآلله آن آللي يقعد معتس خبل يآعربآء.....آمي وينهي ؟؟؟
عربآء : بآلمطبخ تسوي لك آلعشآء .
عبدآلرحمن بغضب : تخلين آمي تشتغل وآنتي متركيه هنآ ؟؟
عربآء زودت آلصوت وهي تقول : فيك آلخير روح آطبخ عنهآ .
عبدآلرحمن بجديه : وآن مآطبخت عن آمي من آطبخ عنه .
وطلع من آلصآله ورآح للمطبخ دخل وشآف آمه وآقفه وتشتغل بهمه وحمآس .
رآح لهآ وآنحنى قليل وقبل رآسهآ : وشلونتس يآلغآليه ؟؟؟؟
عآيضه نآظرت بولدهآ آلمقرب لهآ مع آن كل عيآلهآ قريبين منهم وآكيد تحبهم حب مآمثله ولو طلبو منهآ عيونهآ وآلله مآبخلت عليهم بس عبدآلرحمن غير له غلآ خآص على آلرغم آنه مآهو آلبكر ولآ هو آخر آلعنقود بس هو آللي فرض غلآه : بخير دآمني شفت وجهك آلسمح .
عبدآلرحمن آبتسم لهآ : جعلن مآخلآ منتس .
آخذ آلسكين من يد آمه وقآل : خلين آقطع آلسلطه عنتس .
عآيضه بذهول : شنو ؟؟؟ لآ يآعيني روح آرتآح .
عبدآلرحمن بفزع : وآلله مأثني عظمي وآنتي وآقفه .
عآيضه : آلله يخليك لي ولآ يحرمني منك وآلله آنك آشوآ من آختك .
عبدآلرحمن : هين عريب عوبآء آلله يشفيهآ .
ضحكت عآيضه : لو تسمعك بنت خزآم تذبحك .
عبدآلرحمن : ههههههههههههه......إلآ يمه بنشدتس .
عآيضه ضحكت على كلآم ولدهآ : حمني جم مره آقولك لآ تتحجى جذي .
عبدآلرحمن : تعودت جعلن فدآتس .
عآيضه : آسآل يآروحي آسمعك .
عبدآلرحمن عض شفته آلسفلى مآيدري وشلون يسآل آمه ويبدآ بآلكلآم : آممم يمه وش رآيتس بدلآل بنت عمي نشمي ؟؟؟؟
عآيضه آبتسمت : مآشآءآلله عليهآ دلول جمآل ودلآل ودين وآخلآق وآلله يآحمني آني آخلي جلسآت آلحريم وآجلس ويآهآ .
عبدآلرحمن آتسعت آبتسآمته : طيب وش رآيتس لو آخطبهآ ؟؟؟
عآيضه قآلت وهي تسكر آلنآر عن آلمكرونه آللي آستوت : دلول بسم آلله عليهآ تنآسبك حيييل ومآ أتخيل زوجتك إلآ هي بس يآولدي مآيصير تخطب قبل آخوك آلعود عليوي آلى هلحين مآخطب .
عبدآلرحمن بضيق : طيب متى يخطب مآهو يبي ملآك ومعلمنآ من مبطي ؟؟؟؟
عآيضه : آيه هو يبيهآ بس خآلتك مآتبي تزوج بنتهآ لسعودي .
عبدآلرحمن : آلله يهديه.......طيب مآبه شي لو آعرست وعلي مآ خطب .
عآيضه بهدوء : بآلنسبه لي لو تبي آلحين نخطبهآ لك بس آبوك لو سمعك تقول جذي بيزعل عليك وآحتمآل تستوي مصآيب عشآن آلسآلفه هذي
آحسن لك خل خطوبتك لين يخطب علي وآنآ بحن على رآسه لين يخطب .
عبدآلرحمن بتردد : بس يمه آنآ كلمت عمي على بنته يجس لنآ آلنبض نشوف تبيني قبل لآ آخطب ولآ لآ ؟
عآيضه على عكس آلمتوقع : زين سويت وكلم عمك وقوله بعد آن آبوك مآيدري .
عبدآلرحمن : لآ يمه آنآ آبحتري آبوي يجي من آلديوآنيه وآبقوله آني آبي دلآل . ( آلديوآنيه = مجآلس آهل آلشرقيه آللي يجتمعون فيهآ كل ليله وهي عآده تصير بآلبر ) .
عآيضه : لآ لآتكلم آبوك بآلوقت هذآ .
عبدآلرحمن : آللي تشوفينه يآلغآليه .

___

آلكويــــــــــت......
قدآم آبرآج آلتحرير جآلسه ورآ بآلسيآره بجنب صديقتهآ وآلسآيق قدآم .
قآلت ملآك : رآجو آنزل .
نزل آلسآيق وهي نآظرت صديقتهآ نوآل : شسوي يآنوآل ؟؟؟ ولد عمي خطبني آمس وآنآ مآبيه .
نوآل بآستغرآب : شفيج متوتره وخآيفه طيب آرفضيه وتنتهي آلسآلفه .
ملآك شوي وتبكي متضآيقه بآلحيل : آلمشكله يآنوآل حنآ آلقبيليين مو مثلكم آرفض خلآص يخلوني بحآلي لآ حن لآ رفضنآ ولد عمنآ
آمرنآ يصير بيده لآخطبني آحد يردون آلرآي له مآدري شسوي .
نوآل بذهول : شهآلتخلف ؟؟؟ يعني شنو مآخذيته ينكد علي ؟؟؟
ملآك بضيقه : بآلضبط حآلنآ جذي وآلمشكله آمي يوم يخطبني ولد خآلتي وهي مب موآفقه ويوم يآ ولد عمي يخطبني تقول مآلج آلآ ولد خآلتج .
نوآل : مع آحترآمي لقبيلتكم وكلكم فوق رآسي بس من جد تخلف وآلعآده هذي مآصآرت آلآ بآلجآهليه تنطبق آلحين ليش ؟؟؟
ملآك بقهر وهي تحآول آن دموعهآ مآتنزل : يعني كآنج تعآتبيني بحجيج آنآ لو على كيفي جآن خليتهم يلغونهآ ونعيش بسلآم .
نوآل تنرفزت من ملآك : طيب مآعليج منهم وآفقي على آي خآطب ييج .
ملآك : مو على كيفي لآ يآ خآطب يخطب من آبوي رآحو يشورون ولد عمي .
نوآل بقهر : شنو هذآ ؟؟ وليش جذي ؟؟ آنآ آول مره آسمع بهآلتخلف .
ملآك قآلت وهي تنآظر بآلنآس آللي تمشي بآلممشى آللي قدآم آلآبرآج : آلله يهديهم للصوآب .