آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-01-15, 09:46 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ’، طلعت برى تآخذ لها شوية هوى حاسه بخنقة وغصه عورت حلقها ، ماقدرت تمسك نفسها اول ماوصلها خبر ان اختها خلاص صارت حليلة للإنسآن اللي عشقته ، كل اللي سوته باركت لها وطلعت برى المكان خنقها على وسعه الا انه كأنه قبو عندها ملت صدرها بهالهوا رفعت عينها للسما وهي تدعي بقلبها ان الله يريحها ويزيل همها ، شهقه طلعت منها تبعها قطرات من الندي تمشي على خدها الناعم بخفة ، مااهتمت بالمكياج لأنها ماكثرت وعارفه انه ماراح يخرب شي بما نها حطت خفيف جدا ، شهقه تبيعتها شهقه وقطرة تبيعتها قطرات ، سمعت صوت يناديها رفعت يدها ومسحت خدها وتحت عينها بخفه ولفت وهي تحاول ترسم ابتسامه ريم: رغد وش فيك ليش طلعتي رغد : لا بس كنت اكلم وطلعت برى ، ليش وش عندك ريم : خالتي تبيك داخل رغد : يالله الحين داخله ، وراحت وتركت ريم برى مستغربة من حالتها ’، عند الرجآل عقب ماتم كل شي وعقب التباريك كآن تركي متشوق مره حتى يشوفها ، اشتاق لملامحها اللي ماشافها الا لثوآني بس تذكر الورقه اللي طاحت منها وتذكر خاطرتها اللي كاتبتها ، حفظها من كثر ما يقراها وقام يردد كلماتها في باله للـ شوق .. نبض(ن) .. ينادي .. من اولي .. لـ آخري .. وينك .. وينك .. تجاوب .. هـ الشوق فيني .. وتسكن .. كل الثواني .. تعبت .. رعشة كفوفي .. من برد .. غيابك .. أبي .. اتنفسك عطر .. يداعب .. ضما صدري .. أبي .. انبضك غلا .. يجري .. بـ كل مساحاتي .. وينك .. وينك .. اخاف .. تحترق اشواقي .. وانعيني .. بـ رماد .. إحساسي .. ويموت .. حرفي .. بين سطوري .. واكفنه .. بـ قرطاس اوراقي .. منقول لـ/عنقود الحرف . .. انتبه ليد سعود : وين سرحت تركي : ولا مكان سعود : عيني بعينك تركي ابتسم : اقول خلصني متى بأشوف رهف سعود وهو يناظر ساعته : تونا ، على الـ11 بتشوفها طير تركي عيونه : هي خير وش على الـ11 تقول مالك الا نص ساعه وبعدها بدخل ومالي شغل ضحك سعود على تركي : طيب طيب خلاص ، واثقل لا تفضحنا تنهد سعود والتفت على متعب اللي توه داخل وقال لسعود : يا أخي هالمخلوق ماهضمته ، مغرور سعود التفت بإستغراب ناحيه الباب : متعب تركي بتكشيره : ايه وفيه غيره سعود : مدري انا احسه عادي ، وماحسيت انه مغرور يمكن تكون ثقه بس مغرور ماضنيت تركي : اقول اخلص علينا بس متى بشوف رهف ’، عند لينا وليآن جالسات وكل كلامهم تعليقات على الحفله وترتيبها والفساتين ليآن : شوفي شوفي هالبنت ماشاء الله عليها ، حتى فستانها حلو لينآ : ايه والله ماشاء الله ، على مااعتقد هذي رغد بنت اخو هبه ليآن : أفا هذي رغد حسآفه والله ، كنت ناوية اكلم ميتو عنها بس مادامها قريبة هبه مانبيها لينآ بإستغراب : من ميتو ليان : متعب لينا : ههههههههه الحين متعب صار ميتو ، صراحه حسيته شي أليف مايناسب شكله الدلع ، بس تقدرين والله انك صادقه ، البنت حلوه ونعومه بس يكفينا عله وحده تجي الثانيه ، ليآن : واكيد نفس الطبايع الشينه من اهمال وعدم احساس بالمسؤولية لينا : الله يستر علينا خلاص اسكتي بس قاطعتهم لمار : لينا أبي حمام لينا وهي تكلم ليان : وين لان ؟ ليان : تلاقينها لقت وحده من الخدم وراحت معها "التفتت على لمار : تعالي لمور أنا بآخذك رغد اللي كانت لابسه فستان اورانج هادي بدون أكمام ’، تكلمت ببلاهه : نعم ، من جدك يمه ام سامي وهي متضايقه عشان بنتها بس مافي يدها حيله : ايه يا يمه ، ابوك سوآ كل شي وأعطى الرجآل كلمه ، مافيه مجآل يعود ويرده مره ثانيه ليلى وبدت تستوعب : يمه يعني انا انخطبت وملكتي بعد يومين ام سامي : ايه ليلى : وانا مالي راي حتى تقررون مصيري ، كذا من الباب للطاقه تجون وتقولون ان ملكتك بعد يومين ، وبعدين الملكه تطول ، لازم وتحليل وعفسه أم سآمي : ابوك ياليلى سوى ودبر كل شي ليلى : بس كيف أم سآمي : والله ماعندي علم ، بس هو جا وقالي هالشي ، ومافيه مجال اننا نهون ، وانتي عارفه ابوك لو حط في باله شي بيسويه ليلى بهدوء : خلاص يمه ، أنا موآفقه ’، وقف السياره بقوه وهالشي طلع صوت وفتح الباب وبسآم وراه بسيارته وماهو دآري وش السالفه ، شآف الباب مفتوح ركض ودخل البيت سمع صوت صرآخ وتوجه نآحيه الصوت وشآف عمته تنظرب من زوجها ، اندفع نآحيته وبكل قوته دفعه ناحيه الجدار اللي ارتطم فيها بقوه ، ونزل لعمته ورفعها ، سآمي : عمه انتي بخير أم احمد والصوت بالكآد ينسمع : ر رييدآ التفت وشآف بسآم وآقف مو مستوعب صرخ سآمي : بسآم تعآل خذ عمتي وودها للمستشفى وأنا بلحقك وشآفه ينآظرهـ ببلاهه وصرخ : بسسسسسسرعه تحرك بسآم نآحيه العمه ومسكها وسآعدها على المشي والوقوف وأخذ عباة معلقه ولفها عليها ، أما سآمي فإتجه لنآحيه الغرف وهو يصرخ : ريدآ ، ريدآآ وينك بسرعه ريدآ فتحت بآب غرفتها وطلت : س سسآمي التفت نآحيه الصوت وشافها رحم حالها وبقوه شافها بريئة بحآلتها هذي : ريدآ البسي عباتك بسرعه ريدآ : طيب وركضت لغرفتها وطلعت وهي تلبس عباتها اما هو فرآح ناحيه الباب حتى ينتظرها واول ماطلعوا ركبو للسياره وتوجهو بسرعه للمستشفى ’، انزفت بفستانها التيفاني الهادي وتحت الصدر كرستالات ناعمه صغيره على شكل حزام عريض كآنت هاديه جدا وطلتها ولا اروع جلست على الكوشه البسيطه المخصصه لها وجت خالتها وبنت خالتها وعماته يباركون لها ويسلمون عليها وهي ترد عليهم بحيا وهدوء شويات وفضى المكان من الناس اللي راحوا يتعشون الا منها ومن بعض القرايب جت امها ومسكتها من يدها ام سعود : يالله يمه ، تركي بالمجلس يبي يجلس معك ارتجفت رهف وقامت مع امها اللي قادتها للمجلس ، وحمدت ربها ان اخوانها سوو مثل ماقالت لهم ، اهي تدخل وبعدين هو يدخل عليها مب يدفعونها عليه توجهت بوسط المجلس وجلست ثوآني الا وتحس بأقدآم ويتبعها فتحة الباب نزلت رآسها على طول ، ودخلت ريحه العطور المخلوطه بين عطر اخوها سعود وعطره قرب سعود وبارك لهاا وهو خلفه بآس رآسها : مبروك رهف رهف بحيآ : الله يبارك فيك التفت لسعود : هوينا شوي سعود ابتسم سعود : ودي اتنيذل بس رحمتك ، بس هاه ياويلتك تسوي شي ماشيات أذبحك اجل كل شي لبعدين "وغمز له وهو يضحك "اما رهف اللي ماتت من الحيا طلع سعود وسكر الباب بعده التفت تركي لرهف وبإبتسآمه : رهوف ، ارفعي رآسك ، وعينك ، مو ترفعين راسك بدون عينك ابي كلها رفعت رآسها بحيآ ونظرها يرتفع معه لحد مااستقرت عينها بعينه وشافته مبهوت تركي اللي انصدم ، لا مو هذي اللي كآنت في بالي لا مو رهف ، بلع ريقه وهو مصدوم يعني اللي شفتها رغد مورهف رغد ليش ما تأكد قبل ليش رهف استغربت صدمته وخافت تكلمت بصوت خآفت : تركي ، وش فيك استوعب تركي ورد بلعثمه : هاه ، لا لا ولا شي ، بس ماتوقعتك كذآ وبتسم ، احلى من الوصف ماشاء الله نزلت رآسها بحيآ اما هو تنهد بدآخله بضيق مورهف اللي تمناها وبحث عنها ’، انتهت هالليه على خير وهبه كآن لازم تروح مع رجلها لأن بكره رآح يمشون للشرقيه ، اما رغد فالنوم مجافيها من اول ما قيل ان تركي ماهو لها ’، كان محترق في محله موقآدر يسسوي شي ، يتصل على سآمي وريدآ والبيت بس مآيرد أحد وهالشي وتره فوق التوتر اللي فيه أخلاقه وآصله معه ، وماتحمل أي كلمه لدرجه انه تهاوش مع وآحد من اللي معه تنهد بحرقه وهو يرفع الجوآل لأذنه ونفس الشي مالقى اجابه رمى الجوآل بقوه فوق مرتبة الراكب بسيارته وضرب الدركسون بقوه يبي ينفس عن نفسه من هالتوتر سمع ضرب على الشباك وشافه ناصر ، تأفف بضيق وربي ماطايقهم نزل القزآز وبضيق قال : خير وش تبي نآصر : الحين وش فيك انت متوتر تو قبل ساعه وش زينك وش قلبك كذا وخلاك تتهاوش مع عبد الله أحمد : نآصر ابعد عن خلقتي قسم ماني طايق حتى نفسي نآصر بإستغرآب : طيب وش فيك صرخ احمد : مابي اقول خلاص روح عن وجهي احسن لك لا يجيك اللي جا لعبـ .... ، وقطع كلامه لفته بسرعه لجهة الجوال وشافه سآمي رد بخوف : هآه سامي وش صاير سآمي تنهد : الحين حنا بالمستشفى صرخ بخوف أجد : المستشفى ، ليش وش صآير سآمي : عقب الضرب عمتي اغمى عليها ، اخذناها للمستشفى خوف من شي كبير بس الحمد لله ماكان شي كبير بس انكسرت يدها اليمنى ورضوض بالوجه والجسم أحمد : وكل ذا وتقول بس ، انت بأي مستشفى ، سآمي : ليش وش عندك ، لا تقول بتجي أحمد : ايه بجي سآمي : بس شغلك مـ,, قآطعه أحمد : بكيفه بستين الف داهيه أهم شي أهلي أي مستشفى قول بسرعه سآمي : مستشفى الـ .... أحمد : طيب يالله جآيك وسكر بوجهه نآصر : خير يآأحمد عسى مآشر أحمد : أبد الأهل تعبانين شوي يالله عن أذنك ، ومشى أحمد للقايد مره ثانيه ، بيطلب منه الأذن بس كآن حآط في بآله انه في كلا الحالات رآيح سوآء وآفق القآيد أو لا ’، حآضنه الخداديه حقتها وتبكي على حظها اللي خلى ابوبها قآسي ، قالت لأمها موآفقه بس عشآن تريح قلبها وماتشيل همها صآر لها يومين على هالحاله ، في غرفتها حابسه عمرها ماهي مصدقة هالشي بكره يوم ملكتها بكره رآح يرتبط إسمها بإسمه هي اللي فيها مواعتراض على الزواج نفسه قد ماهو اعتراض على الشخص موقف سامي واعتراضه عليه خوفها حيييل سمعت طراطيش كلام من خلال الصراخ اللي وصلها انه مشيه مش ولابد يعني بطال غير كذا تحس ان ابوها بايعها هي تعرف قد ايش ابوها يحب الفلوس واصراره على هالشخص وهو صاحب مال ماله الا تفسير واحد هو ان ابوها له فايده، طلعت شهقه وتبعتها شهقآت منها على تفسيراتها وأفكارها اللي تدور بعقلها سمعت ضرب للباب ، فزت بقوة من سريرها ورآحت لدورة الميآه وقفلت البآب ولعت الموية حتى اللي يدخل يسمع الصوت ، بدت تغسل عيونه بموية بآرد حتى يخفف الاحمرار والورم اللي بآين من عينها ، خلاص تعبت من البكي ، رآح توآجه مصيرهآ وعسى الله يجعل بعد بكيها هذا فرح وسعآده وتخيب أفكارها السودا ’، جآلس وسرحان كيف راح يصارح اهله بالشي اللي مخبيه ايش بتكون رده فعلهم ، انتبه لأبوه وهو يناديه متعب : سم يبه أبو متعب : الحقني على المكتب ، وقآم متوجه لمكتبه متعب و ليآن ولينا استغربوا مو بالعاده ابوهم يسوي كذا ، وهبه اللي كآنت بتطير من الفرحه ان خطتها بتصير مثل ماخططت لها بس أخفت ابتسامتها قآم متعب وتوجه للمكتب وبآله مشغول وحآس ان ابوه بيقوله شي الله يستر منه ’، ][ همســـــة ][ لمّ يخلقنا الله لينسانا ، ولمّ يخلقنا لكي ننساه ، معادلة بسيطة جدًا - اذّكر الله يذكرك - ’، | ||||
|  |
|
02-01-15, 09:50 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، تخيل يوم عانقني خيالك . على ذكر المواجع والسفر والحل والترحال طويت آخر ورق عندي بقا في دفتر أحزاني طويته .. وانكسر قلبي وصوتي بالمواجع سال ودريت إن الظلام اللي تحت كف السهر جاني جلست أجمع مسافاتي وأغني لسفر موال على صفحة من الماضي بها حلمي وعنواني بها كم سافرت عيني ليالي والظلام أهوال وبها كم سافرت روحي وأنا بالليل وحداني ’، ][ البــــآرت الســــــــآدس ][ ’، رجعت لعزلتها مره ثانيه من بعد شبكه اختها ، الكل استغرب وش اللي خلاها تعود ، حتى لصمتها ، مآكآنت تتكلم أبد الا مع نورة بس ، حتى الأكل ماصارت تآكل مثل عادتها قآمت وغيرت لبسهآ ولبست لها بلوزه طويله بيضآ مع بنطلون أسود ، رآحت لتسريحتها ورتبت شعرها ولبست طوق على راسها .. كآنت محتآجه تفضض بس بطريقه تعودتها كثير وتخلت عنها هالايام ، رآحت للدرج الأخير من كمودينتها وطلعت الكرآسه مع القلم ، مااحتاجت للألوآن لأن أكيد اللي رآح ترسمه مآكآن يحتآج لأي لون ، بتكون بالأبيض والأسود والرماديه بس ، طلعت من غرفتها بعد ماقفلتها نزلت وهي تتمنى ماتقابل احد وربي استجاب لدعاها لما مرت من الصالة ومالقت أحد ، رآحت للمطبخ وهي تمشي بسرحآن بتروح للحديقه للمكآن المعتآد بس أول مآرفعت رآسها طآحت عينها على اختها اللي بالمطبخ وتحط كوبين من العصير في صينيه عرفت لمن اخذت نفس وقوت نفسها وهي تذكر نفسها "رغد هذي اختك حبيبتك تمني لها الخير وادعي من ربك العوض " دخلت لها المطبخ وعلى شفاتها ابتسامه مزيفه : هاه رهوفه اشوفك كاشخه ابتسمت رهف بخجل : احم تركي موجود رغد : اووه اجل خلاص ماعا لنا كرت خلاص يالله روحي لاتتأخرين عليه هزت راسها ومازالت البسمه على شفاتها ، راقبتها رغد وهي تحمل الصينيه وتطلع من المطبخ متجهه للحديقه حتى اختفت عن نظراتها ماعاد لها مجال للخروج لأن من طريق رهف انهم بالحديقه رجعت متجهه لغرفتها ولما وصلت وفتحت الباب بس كآن مقفول حآولت تتذكر بهالدقايق البسيطه وين حآطه المفتآح فيه بس للأسف فشلت من تشوش عقلها رمت اللي بيدها بضق وجلست على الارض لفت انتباهها شي يلمع داخل الكراسه فتحتها بسرعه وكان مفتآحها بسرعه فتحت الباب ودخلت وسكرته بقوه خفيفه ، جلست على السرير وهي تفتح كراستها وبدت ترسم خرابيش بالورق بدون اي هدف او معنى ’، وقف وقال بصوت مرتفع شي : مآ ابي ما أبي ، مارآح آخذها لو تنطبق السما على الأرض وقف ابوه وبعصبيه : نعم ، تعصآني ، انا قلت لك كلمه ولا ابي فيها مناقشه هالبنت بتآخذها يعني بتآخذها يامتعب متعب : آسف يبه ، أنا ماقد رديتك مرهـ ، بس آسف بهالشي رآح أردك ، وماابي أي شي من طرف زوجتك ، اللي أكيد هي مقترحه هالشي عليك أبو متعب : مالك شغل بهبه ، هي ماقالت لي شي ، أنا اللي جآ في بالي هالشي حتى نقوي علاقتنا بأبو سعود وشركتهم أكثر ، وانا قلت لك اللي عندي متعب : وانا يبه هم بعد قلت لك اللي عندي وهالبنت ماراح آخذهآ ، ومشى تآرك أبوه اللي أول مره يرفع صوته ، واول مره يعصاه مسك بمقبض الباب وتوه بيفتحه الا وقف عقله كلام ابوه قلبه قام يدق بشكل غير طبيعي حس انه بحلم ، ايه اكيد بحلم ولا ابوي عمره ماكان كذا التفت ناحيه ابوه ووجه اصفر من الكلام اللي سمعه : وش قلت يبه ابو متعب قسى قلبه اللي لان أول ماشاف شكل متعب : قلت لك ، رضاي بزواجك بهالبنت ملت الدموع عين متعب : يبه انت عارف وش تقول أبو متعب واللي شوي وبيهون عن اللي قاله : ..... تنهد متعب بحرقه : اللي تشوفه يايبه ، اللي تشوفه سوه ، وطلع من المكتب ومن البيت بكره والدنيا ضايقه فيه أول مره ابوه يسوي فيه كذا او يغصبه على شي ، توعد رغد في باله ’، ..: بس انا مااقدر اترك أهلي لحآلهم وهم بهالضروف ومالهم غيري ضرب بيده على الطآوله وبصوت عالي : هذا الشي مايخليك تروح كذا بدون مايوآفق القايد أحمد ببرود : وانا رحت وقلت له مرتين ، بس هو رفض وأهلي اهم من رفضه وموآفقه وأهم من شغلي حتى عصب : هذا بيحسب لك غير انضباط ابتسم بسخريه : عادي ارتفع الضغط عنده من بروده : شوف يااحمد هذا اول انذار لك بعدها بنبدى نحاسبك انت عارف ان فيه سجن للأفراد الغير منضبطين أحمد : والله شوف اذا انتو ماتعاونتوا معي فراح يتكرر هالشي ، انا قلت ان الاهل محتاجين لي وماعندهم غيري بس انتوا اللي مو راضين تقتنعون ، انا تشوفوني متعاون معكم وتحت يدكم بأي شي بالاخير لما يجيني شي اضطراري ترفضون !!!! تنهد وقال : خلاص توكل يااحمد ’، ناظرها بشفقه على حالتها بس مابيده حيله : وقعي ارتجفت يعني خلاص اللي يصر حقيقه ماهو حلم غمضت عيونها بقوه تحاول تستوعب فتحت عيونها على يده اللي لامست خدها تنهدت بضيق ومسكت القلم وسمت بالله راحت للمكان اللي بتوقع له شافت توقيعه ارتجفت بخوف وارتجفت معها شفاتها همس لها : توكلي على الله وقعت اخيرا بدون اي رد رمت القلم على الدفتر وضمته بقوه وقامت تبكي وتشهق بألم ، ابوها ذبحها اليوم ذبحها ابعدها بيد واليد الثانيه ماسكه الدفتر همس لها : لا تبكي يالغاليه ان شاء الله خير لك اللي صآر ، الله يسعدك ويوفقك وطلع منها اما هي فرمت حالها على السرير وقامت تبكي بقوه سمعت جوالها مسكته وشافت الاتصال من لينا ردت عليها : بموت يالينا والله بموت ، مااقدر أتحمل مآأقدر وعودت تنهارر مره ثانيه لينآ : ليلى ، هدّي ياقلبي ، ليلى : لينا وش اهدي ابوي ما اهتم برغبتي ، اهم شي شآف مصلحته ومااهتم فيني مااهتم ، بس شاف انه عنده خير وباعني له هالشي يذبحني " وصرخت " يذبحني " آآآآآآآآآآهـ لينآ : ليلى انا دقايق وجايتك وسكرت منها وليلى كملت بكيها ’، ..: أنا مااقدر أرد أختي ردت بضيق : وليش ماتقدر ترد اختك البنت مالها رغبه مو غصب رفع صوته : خلاص عاد قلت لك انا مااقدر اردها وحتى لو كانت رغد مو موافقه ام سعود : يا ابو سعود ، انت تهمك سعاده بنتك ، والزواج موغصب تنهد بضيق ورد : أدري ياام سعود ادري ، بس ماابي أرد اختي وتزعل ام سعود : واذا زعلت اهم ماعلينا بنتنا ، ماراح تنفعا اختك وزعلها لو جتنا بكره مطلقه ابو سعود ارتاع وكأنه بدى يلين : بسم الله على بنتي ، والله شكلي بسويها ولأول مره وبردها اتاحت ام سعود لردهـ : الله يرزقه باللي احسن منها ويرزقها باللي احسن منه ’، ركضت لغرفتها بسرعه وقفلت الباب عليها اليوم البيت فاضي ومافيه احد ،، اخوها مسافر مع زوجته وامها طالعه .. وهي الوحيده بالبيت مع زوج امها تسندت على الباب والدموع بعينها ،، لين متى عايشه بهالخوف لين متى ،، ما تقدر تقول لأمها تخاف تكذبها ،، ولا تقدر تقول لأخوها تنهدت بتعب ودموعها تسيل على عينها .. فزت بخوف وهي تسمع الضرب المروع على الباب وصوته البغيض راشد : افتحي الباب احسن لك ورجع يضرب بأقوى : قلت لك افتحي الباب .. ردت بصوت مرتجف : وش تبي ضحك بسخريه : وش ابي يعني ،، ابيك انتي انتي ارتجفت كل اوصالها من كلامه الجريء رآشد : افتحي ترى راح تستانسين وماراح آلمك توجهت لجوآلها ومسكته وهي ترتجف ،، مالها غيرها تدبرها بحل بهالمصيبه اتصلت اول ماسمعت صوتها قالت بصوت باكي : الله يخليك الحقيني بسرعه ولا بضيع ’، دق عليها وهو شايل هم رده فعلها كيف بتكون عقب مايرده هبه : هلا بأخوي ابو سعود : هلا بك يالغاليه ، كيفك هبه : مانشكي بآس الحمد لله وانت والعيال كيفهم ابو سعود : الحمد لله ،، الا اقول هبه هبه : آمر يالغالي ابو سعود : بخصوص الموضوع اللي كلمتيني هبه : ايه وش فيه ابو سعود : والله رغد رآفضه الزواج حاليا من اي شخص مو بس من متعب هبه سكتت شوي وبعدين ردت : بس ياخوي متعب ماينتفوفت واهي آخرتها بتتزوج ، ومتعب ماشاء الله والنعم فيه ابو سعود : انا عارف يااختي بس البنت رافضه الحين وماابي اضغط عليها وانا تو احس انها باديه ترجع لي مثل قبل هبه : بس ياخوي البنات الحين مافيه اححدن ماتتتمنى انها تروح لبيت زوجها ورغد ماشاء الله ، تكفى ياخوي حاول فيها مره ومرتين وثلاث لحد ماتقتنع ، ماراح الاقي لرغد شخص مناسب كثر متعب ، وانا اعرفه واضمنه لها تنهد ابو سعود : طيب بحآول فيها مره ثانيه وان شاء الله تقتنع وعلى قولتك متعب رجال وماينتعوض ’، ..: قلت لا يعني لا ،، مابي ..: طيب ليش رآفضه قولي سبب طيب ..: سعود واللي يخليك لا تضغط علي ، مابي الدعوه مو غصب سعود : رغد ، متعب ماينرد رجآل والنعم فيه والكل يتمناه لبنته رغد : خل اللي يتمناه يجيه ،، انا مااتمنى خلاص سعود واللي يخليك لا تضغط علي ، انا قلت رآيي لأمي أول ماقالت لي وماراح اغير رآآيي تنهد سعود بقله حيله : شوفي ، أنا بخليك على رآحتك 3 ايام الى 4 وبعدها بجي اكلمك وآخذ منك الرد ، لا تستعجلين واستخيري ، والله يكتب لك اللي فيه الخير وطلع من عندها واهي قامت تبكي ومسكت جوآلها اللي رن وشافت صاحبه الرقم رغد بصوت مبحوح : هلا تكلمت بخوف :الله يخليك الحقيني بسرعه ولا بضيع ’، ضرب الباب بخفه ودخل والابتسامه على وجهه ،، ردت له الابتسآمه بتعب .. وهو توجه لها وباسها على رآسها ..: ماتشوفين شر يالغاليه ..: الشر مايجيك ،، بشرني عنك يااحمد وعن ان شاء الله بخير احمد : تطمني يالغاليه انا وريدا الحمد لله كلنا بخير وماناقصنا غيرك تنورين علينا دنيتنا من جديد أم احمد : الحمد لله ..واخبار ابوك تضايق احمد شوي ورد : يمه لين متى بنصبر على هالحال .. ترى والله تعبت روحو اسكنوا عند جدتي خلاص ،، لازم خوالي يعرفون باللي يصير من وراهم ام احمد : احمد ترانا تلكمنا بالمووضوع هذا وانتهينا منه ،، فما له داعي نرجع ونفتح السالفه من جديد احمد : وعاجبك هاللي صار ،، طلبتك يمه طلبتك ام احمد : خلاص يمه سو اللي يريحك انفرجت على احمد وحمد ربه وبفرحه رد : واللي بيرحيك بعد ان شاء الله ’، طآر عقلها اول ماسمعت كلمتها : الله يخليك الحقيني بسرعه ولا بضيع رغد : نورة وش فيك نورة وهي تشهق من البكي : رغد مو وقته بسرعه تعالي وربي بضيع لو ماتجين رغد برعب : وينك طيب نورهـ : بالبيت رغد واللي كأنها فهمت : طيب يالله جايه وسكرت ركضت للشماعه واخذت عباتها وجوالها بيدها وركضت للدور اللي تحت ، دخلت على الجلسه وماانتبهت للشخص الموجود ركزت نظرها على سعود وقالت بإرتجآف : سعود واللي يخليك الحق علي بسرعه كل اللي بالمجلس قام من صوتها اللي ارعبهم نبرته وماانتبهوا للشخص الغريب بينهم وبخوف قال سعود : وش فيك ردت وهي تلبس عباتها ولازالت ماهي منتبهه لهالشخص : مو وقتك بسرعه وطلعت عند المدخل تزين نقابها ركض وراها سعود من الخوف : رغد وش صاير مسكت الجوآل : ومسكت يدها وهي تقول : بسرعه رح على بيت نورة سعود باستغراب وهي يفتح باب السياره : ليش رغد بضيق : سعود بسرعه وانا اقولك بالطريق شغل السياره ومشى لبيت نورة بسرعه ورغد قالت له عن زوج امها وتحرشه فيها دايم وصلوا لبيت نورة وسعود مشتعل من الغضب ونزل مع رغد ، لا يمكن يخليها هنا لحالها مع نوره ضربت رغد الجرس اللي وصل مسامعه لكل اللي بالبيت نورة اللي فرحت انها بترتاح من زوج امها ، اما راشد اللي ارتعب ووده يذبح هاللي جا بهالوقت ، طلبت رغد من نورة تجي لهم بعبايتها وفعلا جت لهم وباين بهيئتها انها كانت تركض خايفه طول الطريق كانت شهقاتها هي اللي طاغيه على الهدوء الموجود بالسياره كانت ضامتها وتبكي ،، خلتها تفرغ كل الخوف اللي عايشته بهالدقايق ، وصلوا للبيت أخذتها رغد دايركت على غرفتها تنهدت رغد : خلاص يانورة ، نوره وهي تشهق : تعبت والله تعبت رغد تنهدت ومابيدها حيله : نورة اهدي من أول ماجينا وهذي حالتك ، وش رايك تكلمين أمك تنامين عندهنا نوره : لا وش انام عندكم ، مايصلح رغد : يوه يانوره وش مايصلح والله عادي ،، ولا اقولك انا بكلمها وفعلا كلمتها وحاولت فيها لين رضت بس بشرط ان فوآز يوآفق هنا نوره غسلت يدها رغد : بخلي سعود يكلمه ويقنعه نورهـ : لا تتعبين حالك ولا تتعبينه معك ، ماراح يوآفق رغد : لا بيوآفق ان شاء الله ، وخري خليني اقول لسعود وهو يتصرف وراحت كلمت سعود اللي اقنع فوآز بعد جهد وجهيد ^_^ ’، من اول ماكلمه ابوه وقاله عن رايه وهو جالس يلفلف بالسياره الساعه وصلت لل2 وهو على هالحاله من اول ماطلع من البيت ،، حآس بضيق غير طبيعي حلمه اللي بناه من سنه تقريبا انهدم بهالقرار ،، حقد على هبه كثييير ، وتوعد بدآخله وقف عند المحطه وعبى بنزين وراح للبقاله يشتري له شي يسد جوعه اخذ فطيره وبيره باربيكان فراوله وعلبه سجاير تركها من زمان بس يرجع لها وقت الضيق لأنه يحرق غضبه بها حاسب عليها ومشى لسيارته وحركها راح للبحر ووقف عنده وبدأ يآكل وهو سرحآن ،، قطع عليه نغمه خلت قلبه يدق بعنف ،، نزل الفطيره واخذ البيره وشرب شوي ومسك جواله وتوه بيرد الا انقطع الاتصآل جلس يتأمله بهاللحظآت ،، ورجع مره ثانيه الاتصآل ضغط على علامه الرد ووصله صوته اللي يعيشه بجنه ..: اهلين حبيبي متعب : هلا ياقلبي ،، كيفك ..: الحمد لله وانت كيفك ،، اشتقت لك كثييير ،، يالله متى عاد تجي للامارات واااايد مشتآقه لك متعب : ان شاء الله قريب ،، ..: حبيبي ترى انا مليت كل شوي قريب وقريب وماتجي يالله متى عاد هالقريب تنهد ورد : عليا حبيبي فيه موضوع ابي اكلمك فيه عليا بقلق : شو فيك حبيبي متعب : لا ماينفع على التليفون ،، انا الحين بدور حجز على الامارات ولو لقيت الحين بجي طارت عليا من الفرحه : طيب وخبرني اذا لقيت ومتى متعب : ان شاء الله حبيبي الحين بتصل ،، يالله تآمرين على شي عليا : سلامتك قلبي بس اتصل وقولي متعب : ان شاء الله خلك عند الجوال كلها 10 او ربع ساعه وارجع ادق عليا : اترياك سكر متعب من هنا واتصل يدور له حجز من هنا ولقا حجز بعد ساعه تقريبا و على طول اتجه للبيت يرتب اغراضه وهو يدق على عليا يخبرها على موعد طيارته ’، كآن قلقان على ولده ،، تحسف انه ضغط عليه ، أول مره يتأخر عن البيت كذآ بدون مايكون مرتبط بالشغل ،، شاف هبه نآزله تنهد بضيق هبه : هدّ بآلك يَ محمد وان شاء الله مافيه الا الخير أبو متعب : اي أهدّي ، هذي اول مره يتأخر كذا ، والله اني قلقان عليه ، ياليتني ماغصبته ولا ضغطت عليه ياليتني هبه : انت ماسويت كذا الا لمصلحته ، ولا تندم ان شاء الله بتكون سبب لسعادته وبيجيك يحب راسك على هالغصيبه اللي انت متحسف عليها ابو متعب : الله يسمع منـ... وقطع كلامه متعب اللي وآقف عند الباب ، فز وركض له ابو متعب : وينك ياولدي قلقتني عليك ، اتصل عليك وماترد حتى ربعك اتصلت عليهم ومحد يعرف عنك شي تنهد بضيق من نفسه كيف اقلق ابوه ومن الموضوع بعد بآس رآسه : السموحه يالغالي "وطآح نظره على هبه وكمل " بس كنت متضايق شوي ، ابو متعب: مسموح ياولدي مسموح متعب : يبه انا مسآفر الحين تبي شي استغرب ابو متعب : وين يامتعب متعب: الامارات ابو متعب : موكن سفراتك للإمآرت كثيره ، وكلها مو لشغل ارتبك متعب بس اخفاهـ : نستانس يالغالي هناك كأنك في دولة أوروبيه من التطور ماشاء الله ابو متعب : وكم بتقعد متعب : ماراح اطول كلها يومين 3 بالكثير وراد ان شاء الله ابو متعب : يالله توصل بالسلامه ياولدي والله الله بالصلاه انتبه لها بآس متعب رآسه : ان شاء الله ، يالله بورح اجهز اغراضي رحلتي ماباقي عليها كثير ، اشوفك على خير ، ولاتسهر تراهو متعبن لك ابتسم ابو متعب : ان شاء الله طلع متعب بعد ماارتاح من ناحيه ابوه وقلقه وراح يجهز اغراضه حتى يروح للمطآر بسرعه ’، ][ همســـــة ][ إن خسرت شيئا لم تتوقع أن تخسره ، فإن الله سَ يرزقك شيئا لم تتوقع يوما أن تملكه .. | ||||
|
| |
|
02-01-15, 09:52 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، إن جـاك منهـو يقـول الوقـت مـالـه آمــان .. قـول البشـر للآسـف باعـت قلـوب و شــرت ! الـنــاس متـغـيـره ؟ ولا الـزمــان الـزمــان ! وجه الزمن ماغدرك .. الناس فيـك غـدرت !! شفني قبل كنت قاسي طبـع / واللحيـن لان سـوالـفـي عـنّـهـا صبـرتـهـا ،، مـاصـبـرت ! نشـرت قلبـي قصايـد مــن مـكـان ل مـكـان يمكن تحس ب خطاهـا ؟ بالقصيـد إن قـرت ’، ][ البــارت الســــــــــابع ][ شاف الساعه وهو وده يغمض ويفتح ويلاقي نفسه عندها ، تنهد وغمض عيونه ، وفجآه طرى في باله موضوع الخطبة واشغلت تفكيره وسرح فيه وماانتبه الا على صوت اللي يأمره بربط الحزآم لهبوط الطياره ، وراح من باله الموضوع وحل محلها عليا هبطت الطياره ونزل وسوى كل الاجراءات وطلع من المطار وهو حامل شنطته الصغيره على كتفه اتصل على عليا متعب : حبيبي انا بأرضك عليا بفرحه : جد حبيبي ، اتريآني مسافه الطريج وانا عندك متعب بابتسامه : اتريآك وكلها كم دقيقه الا وعليا نآطه بحضنه وحاضنته بادلها بس بخفه وابعدها عنه بحرج وهو يهمس لها : عليا ترى حنا بالشارع ابعدت عنه : من شوقي لك حبيبي ابتسم : خلينا نروح للشقه ترى حدّي مشتآآآآآآآآق وغمز لها نزلت رآسها بحيآ : طيب يالله ’، ..: ماراح انزل ، ولا راح يشوفني خلاص عاد ، مو يكفي انكم غاصبيني عليه ، الحين بعد تطلبون مني اني اني انزل له ، والله يحلم ..: ليلى ، يابنتي تكفين مانبي مشاكل ليلى : يمه قلت لا يعني لا ، وخلاص عـ... وقطع كلامها ابوها اللي نظراته نار ابو سامي : ليلى 10 دقايق واشوفك بالمجلس تحت وربي تعدي 10 وانتي مانزلتي تشوفين شي عمرك ماشفتيه وطلع ، لكنه رجع وقال : ولعلمك زواجك بعد اسبوع وطلع بعد مافجر هالخبر في وجهها ، اما هي فخلاااااااص ، حست بشي يجثم على صدرها وانها ماعاد قادره تتنفس ماتوقعت ابوها بهالقسوه تمنت امنيه وحده انها ترتاح من هالدنيا ، اظلمت الدنيا بعينها وحست براسها يضرب بشي قاسي وصرخه امها اللي بعدها ماعاد حست بشي ام سامي : ليلىىىىىىىىىىىىىىىىىىىىىى ىىىىىىىىىى ’، كآن ماسك امه مع يدها ، فتح الباب وهو ينآدي على اخته ..: ريدآآآآ ،، يَ ريدآآآآآآآآآآآآآ جت تركض ريدآ وأول مآشآفت أمها صرخت بفرح ورآحت ركض لها وحضنتها وهي تبكي وجت الجده على صراخ ريدآ ورآحت لبنتها وضمتها وهي خانقتها العبره وتتحسب على ابو احمد الجدهـ : وشلونك يابنتي ان شاء الله بخير ام احمد : الحمد لله يايمه لا تشيلين همي الجده : وشلون مااشيل همك وانتي كذا تعيبانه ،، حسبي الله عليـ.. قاطعتها ام احمد : يمه لا تتحسبين تنهدت الجده بضيق : ايه يابنتي اقولك ترى مالك رجعة له وانا اقولك ،، واخوانك بعد مأيدين هالشي أحمد قالنا كل شي وكلمتي هذي مابعدها كلام هزت ام احمد راسها وهي ساكته ’، كآن سرحآن فيها "ليش كل ماجيت أنساك أتذكرك خلاص يارغد اطلعي من بالي انتي محرمه علي خلاااااص " قطع سرحانه صوت امه ..: يمه تركي وش فيك ،، منت على بعضك ياولدي تركي بإبتسآمه بالغصب : لا يمه سلامتك بس قاعد افكر بالشغل ،، كآثر هاليومين شويات ام تركي بإبتسآمه حنآن : الله يعطيك العافيه ياوليدي ، بس لا تجهد نفسك وريحها العمر يخلص والشغل لا ابتسم تركي : على امرك يالغاليه ، الا اقول يمه وين ريم ماعاد اشوفها ام تركي : اكيد نايمه استغرب تركي ،:: نايمه لهالوقت كم الساعه يمه ، من أول ماجت من الجامعه وهي نايمه ام تركي بقله حيله : وش أسوي بها ياوليدي ، نومها ماهو براضي يتعدل ، كلمتها كثير بس مابه فايده قام تركي : بروح اصحيها خليها تجلس معنا شوي ، نوم بالنهار وسهر بالليل ’، قالت بصدمه : سآفر ،، متى وليش ، ووين ..: والله مدري ليش ، بس متى امس بالليل ، ووين للإمآرآت كلمت نفسها بس مآن صوتها عالي شوي : متعب سفراته للاماارات كثيره ودايما يقول مع ربعي بس صقر ماسافر معه ، ومو من عادته انه يعلق على دوله وحده الا اذا وسكتت وقطع تفكيرها صوت هبه هبه بشك : الا اذا ايش ؟! لينا : هاه ، لا لا ولا شي عن اذنك وركضت للدرج بسرعه حتى تصعد لغرفتها وتكلم صقر وتشوفه وين هو فيه ’، مسك يدها وهو يضغط عليها بحنان : حبيبي وين ودك نروح اليوم ابتسمت : اي مكان حبيبي المهم اكون معك ابتسم بخبث وهو يناظرها : انا لو ودّي أكون في الشقه ومااطلع منها ابد فهمت قصدهـ ونزلت رآسها بحيا مصطنع : ميتو بلا حركاتك هذي ، يكفي اللي صار امس ، قوم وديني للمطعم حدّي جوعانه ضحك عليها : قلب ميتو جوعان ، لا لا مايصير ، يالله حبيبي انتي جاهزهـ ابتسمت : ايه جآهزه قآم ولازالت يدها بيدهـ سحبها بخفه لحد ماقومها ، يالله اجل جيبي عباتك ’، ..: خلاص احلام ، دقايق وطالعه لك ،، لا يابنت الحلال ابو متعب مش موجود ، .. ايه بس المهم تكون مثل سهرات العاده ،، ههههههههههههه .. اكيد اكيد لاتوصين .. اوك ياقلبي يالله طالعه الحين .. سلام مسكت عباتها وحطت عطرها بالشنطه ولبست عباتها وطلعت من البيت وركبت السياره مع احلام وانطلقوا للمكان اللي دايم يترددون له لوناستهم بس وبدون احساس بمسؤؤولية مراقبه أحد ’، ..: مدري مدري ، ماني قآدره أتخذ قرار ، احس بضغوطات من كل جهه ..: رغد تبين رآيي رغد : اكيد يَ نوره اكيد ،، انا ماقلت لك الا اني ابي رايك ومشورتك تنهدت نوره : رغد من رايي ،، لازم توآفقين على متعب انصدمت رغد : اايـــــــــــــــــــــش نوره : ايه لازم توافقين ، ماراح تنسين تركي الا بهالشي ، ووش يدريك ، يمكن يكون متعب هو الشخص اللي يسعدك هزت راسها بخفه : لا لا مااقدر مااقدر ، راح اتخيله تركي ، مااقدر نوره : لا يا رغد ، بالعكس ، انتي عارفه انك لو كنتي على ذمته ، ماراح تفكرين فيه ، لأنك عارفه ان هالشي حرام وشوي شوي راح تنسين تركي ، وتحبين متعب رغد : ماادري ، ماادري كل ماجيت أفكر أحس بصدآع ، وماني قادره اتخذ قرار ، أحيانا اقول ودّي أني أوآفق ، بس بعدين أقول ليش أظلم ولد الناس وانا فكري وعقلي كله مع تركي واحس اني ماراح اقدر اسعدهـ نوره : رغد ياحبيبتي ، من قال ، وانتي اللي يعيش معك مايكون مبسوط ، بالعكس الا بيكون مبسوط لأنك تقدرين تسعدين اللي حولك ، وهو بيحاول يسعدك لين شافك كذا رغد : آهـ يانوره ، لو بس تركي مو في بالي ولا بقلبي ، كآن قلت اني بكون أسعد انسانه بالكون من اللي سمعته من سعود وابوي بمتعب ضمتها نوره : وان شاء الله بتكونين اسعد انسانه بس فكري بعقلك ولا تخلين قلبك يحكمك وانتي قلتيها لو كان تركي مو بقلبك كان وافقتي والحين شيلي تركي من قلبك وفكري بعقلك ، انتي ماراح تقعدين طول العمر كذا بدون زواج ولو انتي راغبه بهالشي اهلك ماراح يرضون ويمكن يكون اللي يرضون فيه اقل من متعب بكل شي ، توكي على الله يارغد وصلي استخاره وادعي ان ربي يزيل عنك همك وينور لك هالطريق والله يكتب اللي فيه الخير حست رغد براحه من كلام نوره ، حست بإمتنان شديد لهالانسانه العظيمه ، ودهآ تساعدها وتريحها من عيشتها بس مافي يدها حيله غير انها تدعي لها ان ربي يرحمها ويفهكا من العذاب والقلق اللي تعيشه ’، جلست بجنبها : أحلام يالله نرجع ناظرتها بعد ماشافت الساعه : هبه تونا بدري هبه وبتوتر : لا أحلام شوفي الساعه 9 ونص ولازم اروح على مانوصل الا وصلت 10 أحلام ببرود : موالحين بعدين مابعد شفنا مازن هبه : مـولـ..... قطع كلامها شخص جلس بجنبهم : الحلوات وش يقولون هبه وقفت وطرحتها بيدها : عمر أنا بروح الحين عمر : ليه تونا يدري هبه وهي تلف طرحتها : لا ،ماعاد باقي وقت زوجي شوي وبيرجع وقفت أحلام : لحظه هبه بروح معك عمر وهو وقف وراهم وهم يلبسون : بس مابعد كملنا السهره أحلام : مره ثانيه عمر ، سلم على مازن وطلعت بسرعه تلحق هبه اللي طلعت ’، وقف عند بابها ، وشاف ان الأنوآر طآفيه ضرب الباب على خفيف ، ومالاقى اجابه ، سمعت صوت الضرب بس ماالقت له بال اما عنده فرجع مره ثانيه وضرب سمع صوت خفيف قرب اذنه واعاد الضرب بصوت اقوى وقوى الصوت يطلب منه الدخول دخل وفتح الأنوآر :ريوم ردت بصوت ماليه النوم فيه : هاه تركي : يالله قومي ، نوم بالنهار وسهر بالليل وش هالنظام الخايس ريم : تركي انقلع ترى ماني رايقه لك وطف الانوار معك تركي وهو يتكي على التسريحه : لا ماني رايح ويالله قومي اجلسي مع امي تحت ، لحالها وانتي تدرين ان حنا عندنا دواماات وبيكون اغلب وقتها فاضيه وجالسه لحالها بعدت المفرش عنها وهي تمثل الضجر : اف خلاص خلاص قمت يالله طس بببدل وبنزل تحت ابتسم : يالله طيب بسرعه لا تتأخرين ، ومشى للباب وطلع ريم : طيب ، بصلي بس ’، مرت الايام واليوم راح يرجع للسعودية بعد ما عاش أحلى ايام حياته مع عليا ، اما رغد فهو اليوم لازم تخبر سعود عن قرارها بعد مااعطاها مهله كم يوم واليوم راح يآخذ منها الرد النهائي ، رهف اللي بدت تحس بضيق من تركي وتطنيشه لها وبروده معها وقت المكالمات ، اما لينا في عايشه مع صقر فتره ولا اروع ، هبه لازالت على ضياعها ومحد داري عنها ومرتاحه للشي اللي فكرت فيه وهي زواج متعب من رغد ، كانت تبي رغد تجرب الحالة اللي عايشينها بيت ابومتعب صحيح حالة ابوسعود ممتازه بس ماتقارن أبدا بحالة ابومتعب ، اما نورة لازالت تعاني من الخوف كل ماكانت بالبيت وتتمنى بسرعه متى يجي نصيبها وترتاح من هالبيت اللي عاشت فيه رعب غير طبيعي ، أم احمد وريدا لازالوا عند الجده وام احمد تحاول في امها انها ترجع لبيتها لكن الجده رافضه وبعد احمد اللي ارتاح كثير وهو بشغله ومتطمن على اهله ولازال يعاني من ريدا اللي رجعت لحالتها الاولى بعد الحادثه اللي صارت بين امها وابوها ، ليلى بدت معانتها من هالزواج من البدايه ، بعد ماطاحت اصطدم راسها بالسرير وسبب جرح لها وجلست بالمستشفى يومين وطلعت بعدها ، اما خطيبها المجهول بالنسبه لها وللكل فما كلف على نفسه انه يتطمن عليها وهذا الشي خوفها كثييير من هالزواج ، اما سامي فقلقآن كثير على ليلى وحياتها الجديده ، وغير كذا سمع اشياء واشياء عن هالخطيب خلته يخاف اكثر واكثر واقنع ابوه انه يأجل الزواج بس رفض انه يأجله أكثر من اسبوع ثاني حدده هو ، ، ’، جالس مع أعز ربعه وصديقه المقرب وسرحان فز بصوته : تركي وش فيك تنهد تركي : يااخوك أحس اني بلشت عمري بهالخطبه بإستغراب : وش فيك ليه ؟؟! تركي : ماصارت البنت اللي ابيها ياسعد سعد : فهمني يااخي كل السالفه تتقط علي مقاطع وتسكت تركي تنهد بهم : بيوم جيتي من السفر رحت لبيت خالتي وبالصدفه شفت وحده من البنات واعجبتني وبعدها بكم يوم لما كنت رايح معك الصبح نفطر ورحت أسلم على ولد خالتي كانت معه وحده أنا شفت خاتم كان بيدها وكان نفس الخاتم بيد البنت اللي شفتها ، وانا بدون مااأتأكد رحت وقلت لأمي عنها وخطبتها واستعجلت بكل شي حتى بدون ماأشأل عنها كشكلا سعد : طيب وشلون عرفت انها هي ؟ تركي : تم الموضوع وبيوم الشبكه لما شفتها انصدمت الحين ماني قادر اروح بنت خالتي من بالي أبدا سعد بحيره : بس انت أخذت اختها يعني محرمه عليك تركي : عارف بس انا بعد مااقدر اعيش مع رهف وانا افكر بأختها سعد : وش بتسوي تركي : محتااار كثير مااقدر اركز سعد : بس ياتركي لهالدرجه من مقابله وحده علقت في بالك تركي : لما شفتها جاني احساس ان حياتي معها بتكون حلوه سعد : مجرد احساس مع الوقت بتنساه لأن كلها شوفه بس ، غير كذا اللي خلاك تتعلق بالاخت بشوفه بييخليك تتعلق بزوجتك تركي تنهد وبتردد : شكلي بفل هالخطبه ارتاع سعد : انت وش تقول حرام عليك خطوبتك ماصار عليها اسبوعين وانت بتروح تفلها خاف ربك ع البنت تركي : ماراح اقدر اعيش معها وانا عقلي مع اختها "وقف تركي وهو يآخذ أغراضه " خلال هاليومين بالكثير بنهي الموضوع والله يعيني مشى تركي بدون اهتمام بسعد اللي يناديه ويحاول يزيحه عن رايه ’، تنهد بضيق ، وتمنى من كل قلبه انهم مابعد ردوا على اهله او ردو بالرفض وهذا امل ضعيف جدا مادام ان مرت ابوه طرف بالسالفه فنسبه ضعيف الرفض بس كان متعلق ببصيص من الأمل ، دخل الغرفه وشاف قلبه جالسه على السرير وعلى وجهها حزن باين بعد ماقال لها سالفه الخطوبة ، راح لها وضمها هممس : علوي ، تأكدي انك انتي القلب كله هزت راسها برفض : انت ترمس كذا ، انت بس تسوي هالشي حتى تآخذني على قد عقلي وأصدق ، هي بتكون قريبة منك بكل شي نزلت راسها على ركبها وقامت تبكي تقطع قلبه عليها كيف حياته كلها تبكي وعشان من عشانها هي ، توعد لها بداخله على انها مالها ذنب بس هي سبب نزول دموع عليا الغاليه ، متعب : عليا تأكدي انه وحتى لو كانت قريبه من كل شي على قولتك فأكيد بكون أتخيلها انتي ، لا تتوقعين اني بقرب لها من كيفي ، وتأكدي اني لو قربت لها بكون قربت لها وانا اتخيلك انتي بكل شي ، بكل شي ، ولاتنزل دموعك على شي مايسوى ، ترى دموعك غاليه ، دفت رآسها بصدره : انت راح تنساني متعب : انسى روحي ولا انسآك ، خلاص عليا لاتخليني اقلق عليك وانا الحين بسافر ، ترى والله اهون واجلس عندك ابعدت عنه ومسحت دموعها وقالت بصوت مبحوح : لا روح توصل بالسلامه يارب ، وكملت بصوت يرتجف ، لاتنساني باسها بكل وجهها بحب : انسى روحي ولا انساك ابتعد عنها وراح لشنطته وسحبها : اشوفك على خير ان شاء الله ردت : ان شاء الله ، واتصل علي طمني هز راسه ، وطلع مودعها ، ويتوعد لرغد بباله اللي بسببها نزلت دموع الحبيبه واتجه للمطآر ’، عند رغد لحد الحين محتارة وكل ماتذكرت كلام نورة تزداد اصرارها على رآيها بس بعدين تعود تهون هزت رآسها بضعف والغصه بحلقها خلاص قررت ترفض وتريح عمرها وتصمم على رايها قامت للكومدينه وفتحت الأدرآج بسرعه وبعشوآئيه لحتى لقت اللي تبيه خذت الملف وحطه على السرير وقامت للباب وقفلته عليها ، فتحت الملف ونثرت الأورآق اللي موجوده فيه على السرير بعشوآئيه ، كانت كلها خواطر و رسومات لتركي وصوره لها ولتركي وهي صغيره ـ وصوره لتركي قبل مايسآفر ، اخذتها من ريم وهي ماتدري تنهدت واخذت الرسومات بعشوآئيه جمعتها شافت الساعه متأخر مافيه احد قايم اكيد نايمين فتحت الباب بخفه وشآفت البيت ظلام مشت ونزلت للمطبخ طلت وماشافت احد توجهت لدرج وأخذت كبريت وولعت بالروسومات وحطتها على المجلى وانتظرت حتى احترقت كل الأورآق ، كان قلبها يدق بعنف ماتدري ليش ، اول ماشافت ان النار انطفت والاوراق تحولت لرماد التفتت وانصدمت لما شافت سعود عند الباب ويناظرها بتركز ، رجف قلبها زود الرجفه اللي فيه وبجسمها رفع سعود حاجبه وببرود : وش عندك ؟ ارتبكت من نبرة البرود اللي فيه : ماعندي شي سعود : وش هاللي احرقتيهم ارجعت ورا لما شافته يتقدم وبخوف : لا لا مافيه شي اوراق من الجامعه احرقتهم لان فيهم اسم الله سعود وعارف انها تكذب بس مشى تقدم للطاولة وسحب الكرسي وقال : وش رايك بالموضوع نزلت رغد نظرها وردت بلعثمه : أأأأ أنـآ ......... ’، سمعت صوته اللي يكلمها بحنان : يالله ياليلى سامر ينتظرك تحت رفعت راسها وتعلقت عينها فيه تترجاه بس ماشافت نتيجه ،، قامت ومسكت فستانها ترفعه شوي حتى تقدر تمشي توجهت لعباتها المعلقه واخذتها مشت مع سامي لحد ماوصلت للصاله ، شافت امها واختها يبكون ، ودها تبكي معهم بس دموعها مو راضيه تنزل ، فيها غصه بحلقها تحاول تبلعها بس مافيه فايده عورت حلقها هالغصه تنهدت بحزن وشافت امها مقبله عليها ، ضمتها وكملت بكي بصوت عالي ، كآنت بارده ماقابلت امها بأي حضن أبعدت امها عنها وجت اختها وسوت نفس الشي وهي نفس ردت الفعل ابعدت اختها عنها تحركت للمدخل ولبست عباتها ولفت طرحتها على راسها بإهمال اما نقابها فحطتعه بالشنطة الصغيره اللي ماسكتها بيدها وتغطت بالطرحه التفتت قبل ماتطلع وهي تناظر البيت وتلقي عليه نظره اخيره وشافت اختها وامها يناظرونها صدت عنهم وطلعت بكت ام سامي وفرح بقوة على ليلى وحالها اللي انقلب من ، ياحسرتي عليك ، فرح والدموع بعينها ضمت امها وتهديها : بس يايمه ، يمكن يكون خيره لها هدي ام سامي : اي خيره وهذا اللي باعها ابوك له سمعته في الحضيض اي خيره هذي اللي تخلي قلبي قابضني عليها اي خيره هذي اللي تخليني افز من نومي اكثر من مره بحلمن شين يخليني امسك قلبي . كل هالاشياء تحت انظآر سآمي اللي ودا شنط ليلى ودخل وهم بهالحاله ’، جآلسة بكرآسي الانتظآر ، تنتظر دورها ، ماكآنت مستوعه أبد ، كيف انطقت هالكلمه ، كانت مو في وعيها نهآئيا جلست تتذكر الموقف وتعيده في باله كذا مره تنهدت والتفتت لأمها اللي جآت معها ، شآفت فرحتهم كلهم بهالخبر ، كآنت تحس ان الموضوع عادي جدا ولا يمكن يسبب لهم هالفرحه ، عدا على الموقف اللي صار لها تقريبا 3 ايام ، سرحت بفكرها ماحست الا بيد امها تنبهها ان دورها الحين ’، ][ همســـــة ][ للدنيا قانون يسمى : الدوران .. سَ يعود إليك سواء خيرًا أم شرًا فَ أحسن صنع ماتود أن يعود إليك | ||||
|
| |
|
02-01-15, 09:53 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| # جمرة غضى .. أضمها بكفي أضمها حيل . . أبي الدفا .. لو تحترق كفي وأبي سفر لليل بردان أنا تكفى .. أبي احترق بدفا لعيونك التحنان .. فعيونك المنفى جيتك من الإعصار .. جفني المطر .. والنار جمرة غضى والله الجفا برد .. وقل الوفا برد والموعد المهجور ما ينبت الورد ياحبي المغرور .. ياللي دفاك اشعور رد القمر للنور .. واحلى العمر .. في وعد بردان .. بردان أنا تكفى.. أبي احترق بدفا يا أول الحب .. شفتك أنا مره ويا أعذب الحب .. عشتك أنا مره واهديت لك قلب ورديت لي جمرة ومن يومها كان الرحيل وليل الشتا .. القاسي الطويل وآه يا الحنين لليل باب له حارسين برد وسحاب # . . البدر ][ البــآرت الـثــــآمن ][ ’، جآلسة بكرآسي الانتظآر ، تنتظر دورها ، ماكآنت مستوعه أبد ، كيف انطقت هالكلمه ، كانت مو في وعيها نهآئيا جلست تتذكر الموقف وتعيده في باله كذا مره تنهدت والتفتت لأمها اللي جآت معها ، شآفت فرحتهم كلهم بهالخبر اللي ماتوقعت ابدا يفرحون هالفرحه ، كآنت تحس ان الموضوع عادي جدا ولا يمكن يسبب لهم هالفرحه ، عدا على الموقف اللي صار لها تقريبا 3 ايام ، سرحت بفكرها ماحست الا بيد امها تنبهها ان دورها الحين قامت مع امها وراحت لغرفه التحليل وجلست على الكرسي ،، وقفت عندها الممرضه ومسكت يدها على طول لفت وجهها للجهة الثانيه وغمضت عينها بقوه حست بشي رطب يمسح على يدها وبعدها حست بوخزه الابره كلها ثواني وفتحت عيونها اول ماخلصت الممرضه زينت كمها وعباتها عليها وطلعت مع امها كل هذا وهي ساكته ولا كلمه طلعت منها ،، شافت اخوها واقف ينتظرهم اتجهو له ..: خلصتو ردت امها : ايه وانا امك خلصنا ، بس متى وشلون طيب بيطابقون التحليل وتحليله هو رد على امه : بيرسلون العينه له هناك او هو يرسل عينته ويروح للمستشفى ويطابقون وخلصنا ركبوا للسياره ، التفت عليها : تبين اجيب لك شي هزت راسها بضعف وبصوت مبحوح يالله ينسمع : لا مابي شي الفت على امه وسألها نفس السؤال وجاوبت عليه اما هي فأسندت رآسها على الشباك وسرحت بفكرها للموقف اللي ينعاد عليها بكل وقت وكل دقيقه وثانيه ..:وش رايك بالموضوع نزلت نظرها وردت بلعثمه : أأأأ أنـآ ورفعت نظرها ولمن شافته نفس النظره ردت بدون وعي من الربكه : موآفقه وقف سعود وكأنه مو مصدق : ايش قلتي خآفت رغد : موآفقه ابتسم سعود ورآح لها وحضنها : مآرآح تندمين يَ رغد ، متعب رجآل والكل يمدحه ، بإذن الله بيسعدك ردت له ابتسامه وهي تفكر بالمصيبه اللي قالتها ، خلاص الفاس وقع بالراس على قولتهم طبعا اليوم الثاني ، قال سعود لأمه وابوه عن قرار رغد وفرحوا كثير ، وكلم ابو سعود هبه وقالها اللي بدورها قالت لأبو متعب ووصل الخبر لمتعب اللي وصل حدّه وتوعد رغد بداخله وماطلب النظرة الشرعيه ولا ابدى اي ردة فعل تجاه الموضوع ، وتحدد وقت التحاليل اللي بوآسطة من ابو متعب بتطلع بدري ’، من اول مادخلت هالبيت وهي عايشه بعذاب ، قآمت بضعف عقب الضرب اللي تعرضت له من المسمى زوجها لأنها منعته من انه يسوي اللي في باله وهي حالفه انه مايلمسها الا بوقت هي تكون مو بوعيها ، بعد اللي شافته من حاله ، كل ماجت تتحسب تعود تمسك لسانها وبالقوه لأنها تتذكر انه ابوها ، تمسكت بالتسريحه وهي منحنيه ، كآن ضهرها يحرقها وبطنها ، حست اني بترجع ، فركضت للحمام واستفرغت دم ، غسلت ورآحت للسرير وانسدحت بضعف عليه وماعاد حست بعمرها من التعب ’، قالت له والغصه واقفه بحلقآ : انت مجبور علي ؟! انصدم منها وش الشي اللي خلاها تقول كذا : ايييش ، وش اللي مجبور عليك انا محد يجبرني على شي ماابيه ردت : أجل وش اللي يخليك كذا ، علاقتك معي برود في برود وغير كذا لين جيت الاقيك اغلب وقتك ياساكت او سرحان بلم وماعرف وش يرد : رهف ، مو لأني مااتكلم او مااجيك كثير يعني اني مغصوب بس شغلي ماخذ اغلب وقتي رهف : بس ياتركي المفرروض انك تفصل بين شغلك وحياتك ، الحين حنا بفتره خطوبة ، لازم نستغلها ونتعرف على بعض أكثر ، حتى نعرف نتعامل مع بعض بعدين تركي قرب لها وعلى شفاته ابتسامه: ان شاء الله ولا يهمك ، بحآول وانتي ساعديني ، ولا تشرهين علي ردت له الا بتسآمه : ان شاء الله ، عن اذنك بروح اجيب القهوه اشر له براسه والابتسامه لازالت مرسومه على شفاته تابعها لحد ماطلعت واختفت الابتسامه وحل محلها البهتان ، ماتوقع ابد انها ملاحظه ، خآف خآف كثير يظلمها تنهد بضيق وهو يتعدل بجلسته ، وتذكر أمس لما دخل البيت وهو جاي من الدوام وكان ناوي يصارح أهله بقراره دخل البيت واتجه للمجلس لما سمع أصوات قرب وحس ان الأصوات غريبه مواصوات ريم وامه ، ادار بجسمه ناوي يروح لغرفته بس وقفه صوت يسأل : رهف وش شعورك بعد الخطبه وتجاه تركي حس تركي من صوت رهف انها تتكلم وهي مبتسمه : تدرين اني ولا مره جا ببالي ان تركي ممكن يكون من نصيبي ، شعوري أكيد مبسوطه انتي عارفه يانوره تركي ماينقصه شي رجال والكل يمدحه بأخلاقه والحمدلله حتى شكله أكيد موكامل لأن مافيه انسان كامل بس مواصفاته تقريبا مميزه ويكفي انه ولد خالتي ابتعد عن المكان بسرعه مايبي يسمع كلامها زياده يكفي اللي سمعه يحس بغصه في حلقه ، ركب سيارته وهو يتصل على سعد وقاله انه ينتظره في المقهى كلها دقايق بسيطه الا وسعد جالس قباله وبدون أي مقدمات تكلم تركي : الزواج بيتم سعد : وش صاير ياتركي اثبت على قرار قبل كم يوم طالع من عندي وانت معزم على الانفصال والحين جاي وتقول بيتم تنهد تركي : اسمع ياسعد .. "قاله كل اللي سمعه " ابتسم سعد : تركي هذي ممكن تكون رحمة من ربي انك تسمع هالكلام ، البنت وش ذنبها ، بإذن الله على يدها تنسى اختها هز تركي راسه وهو ساكت ’، جلس بتعب على الكرسي وحآس بصدآآآع يفتك رآسه حط رآسه على الطآولة وماسك راسه بيديه ويحآول يضغط عليه بخفه عسى يخف ، من زمآن ماجآه هالصدآع ، حس بجوآله يهتز بجيبه ، أبد مو وقته مد يده بيطلعه بس سكت ورجع مره ثانيه يدق تأفف بضيق طلع جواله وحآول يركز في شاشه الجوآل حتى يقرا من بس ماقدر ، يحس في عيونه ظباب يمنع انه يركز في النظر بسبه رآسه ضغط على الرد وسمع صوته صقر صقر : ألو متعب بصوت مبحوح : هلا صقر صقر بخوف : متعب وش فيك متعب وخلاص حآس انه بيغمى عليه وبصوت خفيف جدا مايدري اذا صقر سمعه او لا : صـ ص دآع فهم صقر السبب من أول حرف على انه مافهم اللي قاله متعب ، بسرعه قآم من الطاوله في الكوفي ، واتجه للمستشفى بعد مااتصل عليهم يسألهم اذا موجود متعب او لا ركب سيارته وشغلها ومشى بسرعه وكآن يحآول انه يتجاوز السيارات او الاشارات اللي يقدر يتجاوزها وصل للمستشفى وبسرعه وقف سيارته وحتى مو في المواقف بس شاف الامن عند الباب ورمى المفتاح عليه بعجله قال / امين ود السياره للمواقف بسرعه " وتحرك مسرع لمكتب متعب اما امين فخاف ، لأنه أول مره يكون حاله صقر كذا كان يركض في الممرات سرعه وكل من شافه استغرب بسرعه دخل على السكرتير اللي استغرب دخوله قام منصور : اهلا د.صقر بس صقر مااعطاه وجه ودخل بسرعه على متعب وشاف راسه على المكتب ، ركض له بسرعه وهز كتفه صقر : متعب ، متعب بس متعب غايب ، قام صقر بسرعه وبدى يقيس نبضات قلبه وتنفسه وكشف عليه على السريع بعد ماعدله على الكرسي ومنصور يتابعه بخوف تنهد صقر براحه ولف على منصور : منصور تعال ساعدني خلينا نحطه على السرير عدله على السرير وهو غاط بنوم عميق ، ركب له مغذي وجلس صقر على الكرسي وهو يشوف ملامحه ، اول مره يصير كذا لمتعب اول مره يغمى عليه من الصداع اللي يجيه بسبب الضغط اللي يجيه والنفسيه السيئه اللي ملازمته هالايام بسبه موضوع الخطبه ، تنهد صقر وهو يقول بنفسه الله يعينك يامتعب ’، انطلقت ضحكاتهم اللي الفتت كل اللي باللي الكوفي التابع للسوق ، كل واحد جاب اهله وخلهم يتسوقون براحتهم وهم انشغلو ببعض بالسوالف تركي وهو يضحك : لا لو تشوف شكله وجهه محمر من الاحرآج ، قسم بالله نكته خالد ووجهه محمر من الاحرآج : خلاص عاد وربي مل ماتذكرت اللي صار احس اني مدري وشو نايف : هههههههههههه ، حلوة مدري وشو ، بس كملتها يعني ممداك تصدم بالباب الزجاجي الا وطايح من الدرج تركي : لا والكل يناظر بعد سعود : ياعمري عليك رحمتك وربي ، يعني الحين انت صدمت بالباب الزجاجي وتعكرت بالدرج وطحت ، بالله وين عيونك خالد : ابي اغطي على احراجي بالصدمه ماانتبهت للدرج وطحت كملوا الشباب تعليقات وضحك على خالد بعد الموقف اللي صار له اما البنات كانت رهف ، وامل وريم ورغد بالسوق يتقضون لرهف بعد ماتحدد زواجها بعد العيد بس تبي تتسوق على راحتها بدون ماتضغط على عمرها امل وهي تمسك بلوزه : هاه رهف وش رايك بهذه مسكت رهف البلوزه وقامت تقلبها :ماعليها بس لونها مو حلو شوفي كان فيه لون ثاني اما ريم ورغد فكانوا ول همهم بس يعلقون على هذا وهذاك ويشوفون شكل فلان وعلان رغد بدت ترجع مثل اول بس لازالت تعاني كل ماشافت تركي او احد تكلم عنه ، ريم : شوفي شوفي هذا خققققه لا لا مااتحمل ومالت على رغد بخفه رغد مسكتها وعدلها وضربتها على كتفها : وجع تعدلي فضحتينا ، ريم وهي تتعدل : احم ، الا صدق وش صار على التحليل ، طلع او باقي رغد واللي اكتساها البرود بعد ماجابوا هالطاري :مدري عن شي ، وبعدين تونا مسوين التحليل ماصار له 3 ايام ، واللي اعرفه انه يطول ريم : بس لين كآن فيه واسطه بتطلعه لك بيوم رغد : مادري متى ماطلع بيصير فيه خبر ، خلينا نروح لدوره المياه احس ان نقابي انعفس ’، مسكها مع يدها وهي كانت تضحك له بدلع : تعالي وين بتروحين ضحكت وقالت بغنج : وش تبي مني ، خلاص برجع للبيت من متى وانا عندك ، شوي بيجي زوجي وماراح يلاقيني جلسها على الكنبه : طيب عادي تتعلثي له بأي شي وقفت وراحت لعبايتها : لا لا مايصلح خصوصا اني تعلثت بتعب حتى مااروح لجمعهتم ، وبعدين بحاول هالايام مااجي هنا ، لاني احس انه بادي يشك لحقها : طيب بس لا توقفين مكالمات ، ترى انا اشتاق لك بكل دقيقه وبكل ثانيه ابتسمت : من عيوني ، يالله عمر اشوفك على خير ، باي عمر : باي طلعت من عنده امّ هو فراح على الكنبه وجلس يفكر وهو ضايق خلقه من حياته كلها ماكان كذا الا بسبب شي واحد بس مايقدر يتراجع لازم ينفذ اللي بباله اللي ماهو قادر ينفذه شي صعب عليه كل اللي بينهم ماتعدا المكالمات والخروج مع بعض هو يبي اكبر من هالشي تنهد وهو يهز راسه بضيق وهو يردد في باله "مااقدر اسوي اللي تبينه مااقدر أخلاقي موكذا ، بس مااقدر أتركك لحالك يَ اختي " ’، الكل مجتمع عدا 3 أفراد ناقصين 2من عايله ابو متعب ، 1 من ابوسامي بالمجلس عند الرجال فارس : الا يا محمد وين متعب ، مو من عادته يتغيب عن الجمعه ابو متعب : متعب اليوم عنده دوام مع انه قايل لي بجي بس ماادري وش فيه تأخر ، واتصل عليه مايرد فارس : ايه وانا مستغرب بس اكيد ماراح يتغيب الا انه مشغول التفت ابو متعب : يابو سامي الا شخبار ليلى ابو سامي : ماعليها الحمد لله ابو متعب : الحمد لله ، بس وينها صار لنا جمعتين ماشفناها ماحضرت بدايه زواجها قلنا اكيد سفر وكذا بس الحين ماعاد لها عذر ، انت مكلم رجلها يجي ابو سامي بإرتباك حآول يخفيه ، ايه ايه ، قايل له ابو متعب : اجل المرة الثانيه لازم تكون موجوده هي وزوجها ابو سامي : ان شاء الله جهة الشباب اللي جالسين بالملحق بسآم : اقول انت وياه سامي : خير وش عندك بسآم : اخبر انه قبل شهر مدري شهرين قلنا بنروح للبر وأجلناها عشان الشيخ "وهو يأشر على احمد " ، وبعدها جت اصابته وبعدها ارتبطنا بمناسبات ، الحين وش ورانا الاسبوع الجاي نطلع أسآمه : والله حلو ، ماعندنا شي بس شف الكبار وش بيقولون اخاف مايكون الموعد مناسب لهم بسآم : لا ان شاء الله مايكون عندهم شي ، بس مب تطلعون لنا شي انتو ، الشياب خلوهم علي بس انتو ماعندكم شي سلطآن : لا ماعندنا شي ، بس لا تضمن كثير انهم بوافقون بسآم وهو يغمز : ماعليك أنا بسآم اعرف وشلون اخليهم يوافقون الكل ابتسم وعرف طريقته المعتادهـ موهو الولد المدلل عند الجدة قآم بسآم : يالله شباب ادعو انهم يوافقون أحمد ابتسم : اقول روح بس وقبل لا تجي بتصل على واحد من الربع يحجز مخيم لنا قآم بسآم وطلع من المجلس واتجه لداخل البيت ، وقف بالصاله وتنحنح : ياولد ام احمد : ادخل يابسآم دخل بسآم وعلى شفاته ابتسآمة : السلام عليكم المل : وعليكم السلام اتجه لجدته وباس راسها وجلس عندها ، التفت عليها : وش اخبارك يمه الجده : الحمد لله ياوليدي انت وش اخبارك بسآم : مانشكي باس الحمد لله والتفت على عمته وانتي ياعمه وش اخبارك ابتسمت ام احمد وهي تمد له فنجان القهوه : الحمد لله والتفت على العموم : وانتو ؟ الكل رد بأصوات متفرقه : الحمدلله ، بخير ، تمام بسآم : الحمد لله "التفت على جدته وهمس لها " يمه الجده : سم يابوي بسآم : عندك شي الاسبوع الجاي ، الجده : وش عندي ياوليدي ابد ماعندي شي بسآم : يعني زواجات او عزايم الجده : لا يايمه ان شاء الله ماعندي شي بسآم : يمه اقنعي عمّآني نبي نروح للبر الاسبوع الجاي ونستانس الاربعاء والخميس والجمعه ان شاء الله نرجع قبل ماندخل بالدراسه الجديه الجده ابتسمت : اعتمد ياولدي ، مالك الا اللي يسرك ابتسم بسآم : الله يخليك ويطول عمرك يالغاليه . وقف بعد ماحط الفنجان يالله اترخص ام احمد : وين يابسام ، ماشربت الا فنجآن بسآم وهو يلبس نعاله "الله يكرمكم " لا بس ياعمه انا رايح للشباب الحين مشى بسآم وهو مبتسم وتوجه للملحق وقبل مايدخل نفخ صدره وعلى وجهه ابتسامه مغروره : احم احم ضحك سلطان : اقول حمود عسا كلمت رفيقك بس ضحك أحمد : أكلمه مايرد دخل سامي للملحق : هاه وش الرد بسام واللي لازالت ابتسامه الغرور مرسومه بوجهه : يعني انت وش تتوقع الرد دام انا اللي طلبت سامي : ههههههههههه ابوك يالغرور اللي مقطعك بسام : اكيد مو أنا بسام ، لازم أغتر ’، فتح عينه وحس بألم شديد براسه رجع وغمض عينه ، تأوه بخفه وهو يحاول انه يرفع نفسه من السرير .. تنهد بضيق ورجع نفسه على السرير يآخذ نفس عل وعسى يخف هالصداع اللي ذبحه اخذ وقت وهو يحاول يضبط نفسه وفتح عينه بهدوء وتسلطت عينه على السسقف الابيض ، شوي شوي وبدأ يحرك عينه لحتى تعود شوي وبدأ يوقف وهو حاس بدوخه راح للكرسي وسحبه وجلس عليه وفتح درجه وطلع جواله منه ، شآف الساعه وشهق من الروعه ، كانت الساعه 1 ونص لليل ، شاف اتصالات من عمانه وعيال عمه ومن صديقه علي وخواته وعليا ، تذكر الجمعة اللي بتكون اليوم ببيت جدته ، تنهد بضيق الحين وشلون بيشرح لأبوه سبب تأخره ، رفع رآسه على صوت فتحة الباب وكان صقر ومعه كوب كفي اللي وابتسم اول ماشافه ، صقر : هاه وش اخبارك الحين متعب بصوت مبحوح اكثر من بحته العاديه : الحمد لله صقر : يالله قوم اوديك للبيت متعب : لا روح انت انا بسوق صقر بطنازه : ايه عشان نشوفك مره ثانيه ، وبعدين انا مامعي سياره "وبحزم " قوم بس انت منت قادر توقف من الصداع والدوخه ، والحين تبي تسوق عز الله شفناك مره ثانيه قام متعب وخلع اللاب كوت وعلقه واخذ اغراضه وطلع من مكتبه بعد ماقفله وكان صقر ماسكه مع يده تحسبا لو داهمته دوخه قويه ، لحتى وصلو لسياره متعب ، ركب متعب بجهة الراكب وسدح المرتبه وارخى نفسه فيها ، والتفت على صقر اللي حرك السياره : معك بنادول صقر : ايه بس اصبر لحتى تآكل شي وبعدين اعطيك متعب واللي حس بلوعه اول ماانذكر الاكل وبتكشيره : لا لا ماني مشتهي عطني بنادول بس يخفف لو شوي علي هالصداع صقر : قلت لا يعني لا بتآكل لو شي بسيط منت بصاحي من اول مادخلت المستشفى وانت مااكلت شي من غداك الظاهر خلاص لو ماتبي مطعم وقفنا عند بقاله واخذت لك فطيره اخف لمعدتك متعب : ايه احسن وقف عند بقالة وخذ لي لو شوكليت بس المهم تجي وتعطيني بنادول وقف صقر عند البقاله : تبي شي معين ولا ؟! متعب : لا جب اللي تبي واستعجل هز صقر راسه ونزل ، اخذ متعب نفس وعدل وضعه وفتح درج السياره مسك كرتون السجاير آخذ وحده وولعها وبدأ يدخن رجع لوضعيته القديمه وغمض عينه ولازالت السجاره بفمه حس بالباب ينفتح وبسرعه اختفت السجارة من فمه ، فتح عينه بغضب شاف صقر لايقل عنه من الغضب صقر بصوت عالي شوي: صاحي انت ولا كيف متعب بنفس خايسه : صقر جبها ترى ماني مروق لك رمى صقر السجاره برى وسكر الباب وهو يرمي بخفه الكيسه اللي معه على متعب ويحرك السياره وهو يقول : اذا انت مستغني عن عمرك اهلك مومستغنين ، انت عارف الصداع الفتاك هذا مايجي الا من الضغوطات اللي حولك والارهاق والتغذيه السيئة غير كذا ممكن يسبب لك اشياء ثانيه لو استمريت على هالوضع قرحه أو سرطان لاقدر الله وتجي انت وتعاند كلام الدكتور وتدمر نفسك ، كنك موطبيب وعارف متعب :..... صقر : كل يالله حتى أعطيك البنادول ، ولاهنت هالفتره اقطع السم لين تتعدل نفسيك ع الاقل فتح متعب الكيس وهو يتأمل الفطيره والعصير والمويه مع السنكرس ،أخذ متعب الفطيره وإبتدا ياكل لو شي بسيط يسكت به صقر حتى يعطيه بنادول والسياره يعمها هدووووء الا من صوت ماهر المعيقلي ثطع هالهدوء صت جوال متعب بجيبه ، طلعه واستغرب يوم شافه علي وتذذكر انه داق عليه اليوم يوم كان نايم ، ماله خلق يرد على احد ، توه بيحطه على التنده حقت السياره بس بدون مايقصد ضغط على زر الرد ، انتبه له ورفع الجوال بضيق لأذنه علي : السلام عليكم متعب : هلا وعليكم السلام والرحمه علي : كيفك متعب ان شاء الله بخير متعب : الحمد لله وانت علي : مانشكي باس ولله الحمد ، الا اقول متعب ترى طلعت نتيجه التحليل متعب : اي نتيجه ؟ علي : نتيجه تحليل الزواج متعب واللي ضاق خلقه زياده وحس براسه يآلمه أكثر من تذكر هالسالفه وتمنى انه ماتطابق: ايه ايه وش صار علي : لا الحمد لله مطابقه متعب تنهد بضيق وقال حتى مايصير شك علي : الحمد لله ، مشكور علي تعبتك علي : لا عادي لا تعب ولا شي ، وسآمحني ياخوك تأخرت بهالنتيجه بس مثلك عارف الايام اللي فاتت عشان العزا اللي عندنا وأزعجتك باتصالي هالوقت متعب : لا عادي ياخوي لاتقول كذا علي : يالله تآمر على شي متعب : سلامتك علي : فمان الله متعب : فمان الله سكر متعب وتنهد بضيق وهو يحط الكيس بجنبه واسند راسه ، وكل هذا تحت متابعه صقر ، اللي سأله أول ماسكر صقر : وش فيك متعب بضيق : طلعت نتيجه التحليل صقر : طيب وش النتيجه متعب : متطابقه صقر باستغراب : طيب وش فيك متضايق متعب : تسوي كأنك ماتدري ، انا ماابي هالزواج ماابيه صقر : وليش ماتبيه عطني سبب متعب : يكفي انها تقرب لهبه مرت ابوي ، وغير كذا انا احب عليا صقر : اذا كانت مرت ابوك على كلامك انها ماهي مهتمه ومطنشه وهمها نفسها ، ترى مو شرط تكون نفسها ، ممكن تكون احسن منها وتكون نعم الزوجه متعب : وممكن تكون اردى منها ، وبعدين انا ماابي غير عليا صقر : طيب انت مآخذ عليا متعب : بس بالسر ، ماني معترف فيها قدام جماعتنا صقر : لأنك عارف ان اهلك راح يرفضونها ، مثل ماابوك رآفضها لما طلبتها قبل فتره عشان كذا ماخذها بالسر متعب : خلاص خلاص بس هين رآح اخليها تندم على الساعه اللي فكرت فيها على الموافقه صقر باستغراب : بس هي مالها ذنب متعب بصراخ : الا لها ذنب ، ذنبها انها بنت اخو هبه ، ذنبها انها وافقت علي ، ذنبها اني مجبور عليها صقر : يامتعب الله يهديك لا تظلم البنـ... قاطعه متعب : خلاص سوق بسرعه بس خليني اوصل للبيت ترى مو طايق عمري وهالصداع مو فاكني تنهد صقر وهو يتمتم ان ربي يهديه . ’، | ||||
|
| |
|
02-01-15, 10:02 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، اليوم الثاني .. رغد جلست وهي حاسه بندم شديد على موافقتها خصوصا عقب حلم اليوم اللي خافت منه ، طلعت من غرفتها ونزلت شافت البيت فاضي تنهدت كآن ودها تجلس مع احد بس الكل نايم .. طلعت برى في الحديقه كآن الجو خيال هوا والشمس توها طالعه ، جلست على الكراسي الموجوده بالحديقه وسرح بالها بعيد قامت تفكر بالحلم اللي شافته اليوم تذكرت أول ما انقال لها خبر الخطوبه كيف كانت رافضه ليتها تمت على رفضها هذا ، وبعدها انتقلت لموقفها مع سعود وموافقتها ، وكيف اول ماقالت رايها راحت لغرفتها وصلت استخاره ودعت ان امورها تتيسر ويكتب لها ربي الخير بهالموضوع ، وكانت مرتاحه على انها من داخلها رافضه الموضوع ، والحين الحلم اللي حلمته خلاها ترجع من جديد وتتحسف انها قالت الموافقه طول الايام اللي فاتت كان متناسيه الموضوع ويطرى عليها بس مو كثير اغلب الحيان وقت النوم ، بس حلم اليوم خلاها تخاف ، ماتدري وش الحياة اللي راح تقابلها مع هالشخص ، قطع سرحانها يد انحطت على كتفها ..: وش فيه الحلو سرحآن التفتت له شافته يبتسم وردت الابتسامه له : ابد اعجبني الجو وجلست هنا راح للكرسي اللي قدامها : هاه وش فيك سرحانه ، اكيد بمتعب وغمز لها ولعت رغد : سخيف وصدت عنه ضحك سعود اول ماشاف احراجها والحمره اللي اكتست وجهها : اخيرا يارغد شفتك مستحيه له له مااصدق التفتت له ومازالت منحرجه : سعود بلا هبال عاد وبعدين مابعد صار شي رسمي حتى أفكر فيه ، الا وش مقومك الوقت سعود وهو فاهم لها : تغيرين الموضوع فاهم لك ترى ، ابد من بعد الصلاه ماجاني النوم وقلت انزل احومي السياره شوي ، وش رايك تجين معي دامك صاحيه رغد ابتسمت : مانقول لا ، بس تفطرني ، تراني جوعانه ابتسم : طيب يالله طيري جيبي عبايتك ، والفطور على حسآبك جيبي بوكك معك تخصرت رغد : احلف بس ، اقولك بتفطرني تقول على حسابك سعود : ايه على حسابك يكفي اني بمشيك وبتخسرين بنزين سيارتي رغد : بوكي يصفر سعود : روحي جيبي عبايتك ونتفاهم بالسياره رآحت رغد تجيب عباتها اما سعود فتوجه للسياره ينتظرها ’، ..: تكفى ياخوي خذني معك طالعها بإستغراب : وش فيك انتي هالايام ردت بإرتباك : لا ولا شي بس ابي اروح معك مابي اجلس هنا رد : طيب ليه عطيني سبب ، تبين تنقلين معي للشرقيه وكل صديقاتك هنا ، وانتي عارفه اني ما دايم اجي لهنا ، وغير كذا دراستك وش بتسوين ..: عادي كل هالامور عادي انا ابي اغير المجتمع مليت نلظرها وهو مومقتنع ابدا برآيها : بس يانوره انتـ... قاطعته بكلمه والدموع بعينها : تكفى فايز تنهد بقله حيله : بس مو لين جا بعدين تجين وتتأففين وتقولين رجعني مااقدر ارجعك الا بنهايه الشهر هزت راسها: ينقص لساني لو قلت رجعني ’، كان الكل مجتمع ببيت الجده من الرجآل بدون حريمهم او بناتهم ,, لأن اليوم الجمعة فيكون عند الكل عاده ان الرجال يجتمعون ويتغدون معها وكل مره يكون الغدا من بيت الجده: يابو متعب وين متعب لا امس جا ولا اليوم أبو متعب : والله يايمه تعرفين دوامه كيف ,, وامس ماجا الا متأخر واليوم يادوب صلي وبعدين رجع للبيت ينام الجده : ولو ماجا يسلم علي ،، صار اسبوعين ماشفته لا الجمعة اللي فاتت ويوم الجمعة ابو متعب : حقك علينا يالغاليه ، وان شاء الله اليوم اكلمه واقول له يجيك والتفتت الجده على ابو سامي : وانت يا ابراهيم ابو سآمي : سمي يالغاليه الجده : ليلى وينهي هالاسبوع ابو سامي : ليلى عند رجلها ومانقدر نجبرهم انهم يحضرون ناضرته الجده بنظره افزعته : الله يستر منك ياابراهيم ، لكن الله يوفقها ويكفيها الشر دب الخوف بقلب ابو سامي : يالغاليه مافيها الا الخير وانا ماني برامي بنتي على كل من هب ودب تنهدت الجده وقلبها ماكلها على ليلى اللي كانت تتمنى انها تكون من نصيب متعب يالله حكمه ربي والله يجعل اللي فيه الخير انتتبهت الجده على بسّآم اللي يأشر لها ، ابتسمت بخفه عليه ماترفض له ولأسامه طلب ، لهم مكانه خاصه عندها هزت راسها بخفه والتفتت لعيالها الجده : شوفوا الاسبوع الجاي فضوا اعماركم ابومتعب : خير يايمه الجده :خير ان شاء الله ، بس نبي نطلع للبر ، ونوسع صدورنا فيه ابو سامي : بس يايمه اشغالنـ... قطعت الجده كلامها بنبرتها اللي تأكد ان الموضوع غير قابل للنقاش وان الموضوعع منتهين منه بس هذا اعطاءهم للخبر الجده : لا بس ولا شي كلها أيآم خلنا نستانس ونونس العيال قبل ماينحكرون بالدراسه فآرس: على امرك يالغاليه : أنا من ناحيتي ماعندي شغل ولو عندي افضى لك الجده : الله يرضى عليك ياولدي ابو متعب : وانا معكم بس احتمال يصير شي يخلينا نأجل الطلعه للاسبوع اللي بعده ابتسمت له الجده وفهمت قصده : مومشكله وبعدين التفتت على ابو سامي وبحزم : وانت تنهد ابو سامي بقله حيله : معكم ’، نزل من الدرج وهو ماهو طايق روحه الصداع مازال يمسكه بين فترة وفتره وغير كذا الخبر التعيس اللي كدره زود ، كان لابس بنطلون قماش مقلم أبيض وكحلي وسماوي ولابس بلوزه بيضا عاديه اول ماوطت رجله الصاله ، استغرب من الهدوء الحاصل فيها وين لينا وليان ، وين ازعاج ومضارب لمار وعبد الله نادى على الخدامه متعب بصوت عالي : لان ، لان جت جيهان وهو تسرع بخطاها : يس سير متعب : وين لمور وعبود جيهان : هازا في قاردن وذ لان هز راسه : طيب خلاص جيبي لي كوب قهوه في الحديقه هزت راسها ومشت عنه ، اما هو توجه للباب حتى يروح عند لمار وعبد الله اللي اهملهم الفتره اللي فاتت كثييييير شاف لمار وعبد الله يلعبون بالتراب ولان تراقبهم عصب لأنه مايحبهم يلعبون بالتراب اللي كله امراض متعب : لمار ، عبد الله ارتعبوا لمار وعبد الله : لانهم عارفين ان متعب مايحب احد يلعب بالتراب ومحذرهم نزلوا روسهم وماردو عليه قرب متعب من عندهم : أنا كم مرة قلت لكم لا تلعبون بالتراب ، كله جراثيم بعدين تمرضون عبد الله : آثفين صد متعب عنهم يمثل الزعل ، جت له لمار والدمعة بعينها : متعب خلاث وطاحت الدمعة بخدها الناعم هنا متعب مااستحمل على طول نزل لها واخذها بحضنه وقآل : خلاص يابابا لا تبكين ، لمار : انت ذعلان متعب : أنا زعلان لأني ماابيكم تمرضون ، والتراب كله أمراض لمآر : خلاث آثفين ماعاد نتعودها حس متعب بشي يحرك بنطلونه ، ونزل بنظره لينه عبد الله يبيه يرفعه مثل لمار : متعب ثيلني انا بعد نزل متعب له وعدل وضعيه لمار بيده ورفع عبد الله ومشى لحد ماوصل للكراسي الموجوه بالحديقه وجلس عليها وجلس كل واحد منهم على فخذ متعب : أنا ماابيكم تلعبون بالتراب ، العبوا بأي شي الا التراب عبد الله : بس ماعندنا العاب استغرب متعب : وين العابكم لمآر : العابنا كلهم راحوا ماعاد يبونا ضحك متعب وفهم قصدها : خلاص اليوم نروح ونشتري العاب كثيييره ونروح للملاهي ونلعب نطوا من الفرح وهم على فخذه ، ابتسم متعب : يالله وين البوسه كل واحد منهم مسكه مع رقبته بجهه ووقربو من خده وباسوه بسرعة وبعد استغرب متعب : لا هذي مو بوسه لمآر وهي تلمس خده اللي بادي يطلع فيه شعر : وث نثوي يوذع خدك ، ضحك متعب : خلاص انا ببوسكم ، وقرب منهم وباسهم بقوه وبعدين قال : يالله شوي وبتجي جيهان روحوا معها غيروا ملابسكم وتعالوا عندي عشان شوي ونروح نشتري العاب ونروح للملاهي ’، ..: يايمه اللي يهديك هدّي ، مافيها الا العافيه جلست وهو شايله هم : لا لا ، قلبي قارصني عليها ، صار لها اسبوع ماكلمتني ، وآخر مرة كلمتني فيها كآن صوتها مو طبيعي تنهدت هي بعد وهي حاسه بخوف على اختها بس ماتبي امها تشيل همها زياده : لا توسوسين ، هي مع رجلها، والتقتت للباب اللي انفتح ودخل منه سآمي ، وردت : سآمي ، تعال كلم امي ، شايله هم ليلى والبنت ان شاء الله مافيها شي ابتسم سامي وهو توجه لأمه وبآس رآسها : الله يسعدلي مساك ابتسمت ام سامي : ومسآك يالغالي جلس عندها سامي : هاه يام سآمي وش فيك ام سامي ابتسمت بحزن : قلبي ماكلني على ليلى ، مااتصلت الا مرة بس وصوتها مااعجبني سامي : لا تشيلين همها ، ان شاء الله بكلم سامر وبشوف ، واذا ماقدر يجيبها بروح انا وبجيبها او بالجمعة الجايه اللي بتكون عند جدتي بتكون حاضره ، لأن جدتي موصيه ابوي انتي الله يهديك لا يروح تفكيرك بالشين ، تنهدت ان سامي وهي تدعي بصوت منخفض لبنتها ولعيالها وتدعي لأبو سامي بالهدايه ’، ..: شوف ياعمر انت طولت ، لازم بأسرع وقت تدمرهم عمر : مايفنع كذا على طول ، هذي رابع مره تقريبا أشوفها تبيني كذا على طول ..: موشغلي المهم أبي بأسرع وقت عمر : بس ياعـ.... ..: عمر ماابي بس هذولا هم اللي دمروتسببوا بموت ابوي وابوك ، لازم ننتقم منهم عمر : لا تقولين كذا ، هذا قضآ وقدر قالت بحقد وهي تنهي كل شي : لا لاتقول كذا لو ماهم كانت امي بتسير حالتها كذا ، اشتغل طول اليوم عشان اوفر لعلاجها ، حرقوا قلب امي على ابويه ، بس ماراح اخليهم لازم ادمرهم لازم ، وانت لازم تنفذ اللي قلت لك عليه بسرعه ، بس تنتهي من هاللي عندك تنتقل للثانيه ، فاهم وسكرت بوجهه والحقد كل ماله يكبر بقلبها وهي تتوعد فيهم ’، طلع من السوق مع لمار وعبد الله وهو ماسكهم ويشوف فرحتهم بالالعاب ، ابتعد كثير عنهم الفتره اللي فاتت ، فتح باب السياره وركبهم ودخل الاغراض بالمرتبه الثانيه وركب بمكانه التفت لهم ، هاه وين تبون تروحون عبود ولمار بصوت واحد : الملاهي ضحك على حماسسهم : طيب يالله نروح للملاهي بس لازم نروح للبيت نآخذ ليآن او لينا عشان نقدر ندخل حرك وهو فرحان لفرحهم ولحاسهم ، فرتحهم هذي نسته موضوع التحليل ونتيجتها ونسته كل تعبه اللي امس كان موجود ’، كانت جالسه في في مكان كله أخضر وريحته ولا اروع ، شافت شخص تعرفه ابتسمت له ورد لها الابتسآمه وجلس عندهآ ..: هاهـ ان شاء الله مستآنسه ردت عليه وهي تميل نفسها عليه وتحط راسها على كتفه : اكيد مستانسه دامني معاك اابتسم وميل عليها وباسها على جبينها : الله يخليك لي فجأه قآم من عندها وابتعد نادته: وين بتروح بس مارد عليها شافته يلتفت لها ويبتسم ويلوح بيده بالوداع ، قامت مقروصه وركضت تلحقه وهي تنادي لحد مااختفى التفتت لما سمعت بأحد يناديها من وراها شآفت حرمه غريبه عنها تبتسم ابتسامه خافت منها ماارتاحت لها ، الحرمه :هههههههه ، على بالك بتآحذينه مني ردت لورى وهي ترتجف : وش تبين قربت الحرمه : انا راح ادمره وادمرك معه سمعت صوته التفتت وراها شافته مربط بحبال وحوله ثعابين قربت الحرمه منه وبعدين التفتت عليها : شوفي موته ، شوفي كيف رآح يموت وقربت السكين منه وهي ناويه تذبحه صرخت من الخوف ، وفزت من سريرها على دخله اختها اللي سمعت صوت صراخها ضمتها وهي تسمي عليها : بسم الله عليك رغد وش فيك رغد وهي ترتجف وتهذي : بتذبحه ، ايه ، ايه بتذبحه رهف : تعوذي من ابليس رغود ، حلم حلم التفتت رغد لرهف والدمع بعينه : بس أنا شفته والثعابيـ... شدت رهف بحضنها على رغد : اششش .. خلاص لا تقولين شي ، تعوذي من ابليس ويالله قومي صلي .. قامت رهف وطلعت من الغرفه بس ماشافت رغد هدت هدت رجفت رغد شوي وهي تفكر بالأشخاص الغرباء اللي شافتهم بحلمها تعوذت بالله من الشيطان ، وقآمت تتوضآ وتصلي ’، دخلوا للبيت يصارخون من الفرحه وهو وراهم يضحك شاف الصاله موجود ابوه ومرت ابوه تنهد بضيق عقب ماتذكر التحليل ونتيجته ، سلم وجلس ابو متعب : عافاك يابوك ابتسك متعب : الله يعافيك يالغالي ابو متعب : ترى امي شرهانه عليك ، وتسأل عنك اليوم وامس متعب تنهد بتعب وهو حاس بألم رآسه بدى يرجع له : خلاص بكره او بعده راح اروح لها واجلس عندها انتبه لمرة ابوه وهي تأشر بإشآرآت خفيه لأبوه حتى ماينتبه لها هو ابومتعب : الا اقول يامتعب الحين مو على أسآس ان نتيجه التحليل تطلع بعد يومين ، الحين حنا بندخل على رابع يوم ضاق خلق متعب وعرف سبب الاشارات اللي تسويها هبه : ايه طلعت ، امس كلمني علي بس انا جيت تعبان من الدوام وماقلت لأحد ابو متعب : هآهـ بشر متعب تكلم وهو يتمنى انه يقول العكس : كل شي تمآم ومافيه شي يعوق هالزواج ابتسم ابو متعب : زين الحمدلله قام متعب وهو يشوف فرحه ابوه وهبه : يالله انا استأذن بروح ارتاح شوي ابومتعب : الله معاك ترقبوه لحد مااختفى عن انظارهم والتفتت هبه على ابومتعب ،: هاه متى اكلم اخوي ابو متعب : برآحتك ، لو تبين الحين ، هبه : طيب الخطوبة و الملكه ابو متعب : االخطوبة و الملكه خليها على نهاية هالاسبوع الاربعاء والخميس افضل شي هبه بوناسه ان الشي اللي تبيه صار : الحين اقوم اكلمه ’، تكلمت بذهول : إيــــــششش ’، ][ همســـة ][ لا يوجد ما يسمى وقت متأخر لكي تبدأ في تحسين نفسك .. ولايوجد سن محدد للوصول للأفضل طالما قلبك مازآل ينبض .. "إذًا لديكَ فرصة " | ||||
|
| |
|
03-01-15, 09:37 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، فـ كل قصة حب أحلام ومدينة .. ليل ونخيل وهبوب .. لكل قصة حب لو كانت حزينه .. أجمل ألوان الغروب .. ناظري ضيّ الحوانيت القديمه .. ونقش أبواب البيوت .. كلها شعر ومواعيدٍ قديمه .. وصوت قلبـي اللي يموت .. وما يموت .. لكل قصة حب .. عذال وحسود .. ليه تخدعنا الأماني .. والليالي السود .. سود إشعلي جمر العناد .. قربـي معاد أشوفك .. لا يفرقنا السواد .. ارسمي وجهي بكفوفك .. ولا تجرّحنا عيون الليل .. وحروف النميمه ولا يعذبنا السكوت .. إن عطشنا أو شربنا الدمع ديمه .. للهوى بنحيا ونموت .. لكل قصة حب أشواك وورود .. وليه نصرخ من ألمها .. وكلها تنبت في عود .. ناظري هذا قمرنا لو تغطيه الغيوم .. وناظري هذا شجرنا مهما تحرقه السموم .. ولو تجرّحنا عيون الليل وحروف النميمه .. ولو يعذّبنا السكوت .. إن عطشنا أو شربنا الدمع ديمه .. للهوى بنحيا ونموت ! البدر بن عبدالمُحسن ! ’، ][ البــــآرت التآســـع ][ تكلمت بذهول : ايـــششش ردت عليها أول ماشافت ذهولها : وش فيك ، شي متوقع بعني تكلمت بإنفعآل : بس مو كذآ ، تصدموني على طول ترى ملكتك الخميس ، حتى ماقلتو ان النتيجه طلعت ام سعود : امس كلمت عمتك ابوك وقالت له ان النتيجه توها طالعه وان حنا مستعجلين ونبيها الخميس لو ماعندكم شي ، وحنا ماعندنا شي والخطوبة ياتكون قبلها العصر او بتكون الاربعاء رغد : بس المفروض تجون تقولون لي وانا اشوف لو الوقت يناسبني موب كذا خبط لزق ، ام سعود : عاد انا قلت لك الخميس ملكتك وشبكتك ، كلها الخميس ، واحتمآل بعد ان تكون الملكه الاربعاء والشبكه الخميس صرخت رغد بدون وعي ان اللي يحاكيها امها : لاعاد لين هنا ويكـ....... صرخت هزت قلب رغد وهزت اركآن البيت كله : رغـــــــــــــــــــــــ ـــــــــــــــــــــــــ ـــــــد التفتت برعب ، من هاللي يصرخ عليها ، شافته قدامها ، مسكها مع يدها بقوهـ : ترى هذي أمك مب اصغر عيالك تصارخين عليها حاولت تفك يدها منه ، بس ماسكها بقوه ، حست بهاللحظه ان رغد اللي قبل جتها ، شي من صفاتها : انتو مو من حقكم تقررون على كيفكم ، هذي شي خاص فيني أنا اللي اقرره مو انتو ضغط على مسكته وهو يقربها منه زياده : وحنا اغراب ، حنا اهلك صرخت بوجهه : أهل ، اهل تقررون على كيفكم بدون ماتآخذون رآيي سعود وصلت معه : قصري صوتك وانتي تتكلمين معي فاهمه ، وماعندنا بنات يتكلمون بهالامور ، رغد وهي تحس ان العبره بدت توقف بحلقها : لاهـ اشوف يوم حبيبة الكل رهف خذيتوا رايها بكل شي ، ضحك سعود بإستهزاء وقال كلمه خلتها ترن بعقها وتوجع قلبها : هذيك رهف وانتي رغد ، فيه فرق بينكم لاتقارنين نفسك فيها ام سعود وهي تحاول تفك رغد : سعود هد اختك رغد جرح جديد تتلقاه من سعود .. بدو يفرقون بينها وبين اختها ، من أبسط حقوقها انهم يآخذون رآيها : خلاص انا هونت ماعاد ابي هالزواجه وهالخطبه ، واصلا انا مغصوبه وانتوا اكيد ماراح تزوجوني غصب ابتسم سعود : لا يالبزر بتآخذين متعب وغصبن عنك فهمتي ، وللمعلوميه ، حتى يوم الزواج ماراح نآخذ رآيك فيه دفها بعيد عنه وهذا الشي خلاها تتعثر ، راحت لها أمها بينما سعود طلع بعد مارمى عليها كلماته الجارحه ام سعود وهي تحضن رد : رغد فيك شي تعورتي بس رغد بحآله ذهول ، وهي تعيد كلام سعود معها " هذيك رهف وانتي رغد ، فيه فرق بينكم لاتقارنين نفسك فيها ، لا يالبزر بتآخذين متعب وغصبن عنك فهمتي ، وللمعلوميه ، حتى يوم الزواج ماراح نآخذ رآيك فيه " هزت راسها ودمعها بدى ينزل على خدها الناعم ماتوقعت سعود يقولها هالكلام وهي الغاليه عنده ، شهقه طلعت منها وتبعتها شهقات وراحت بنوبه بكاء قويه وهي تركض لغرفتها ’، تجمعت بالزاويه من الخوف ، كل يوم على هالحاله ، ولا واليوم جايب ربعه عندها ، وهي ماتقدر تتكلم وتقول شي ، كل يوم تتجرع الضرب والعذاب ، عند شفتها فيه جرح مع اي حركه تسويها بشفاتها تآلمها ، خدها وآرم ومتغير لونه ونفس الشي تحت عينها للأزرق ، شعرها مومرتب ، بإتخصار حالتها مبهذله ، سمعت الضرب يزيد وتجمعت اكثر بالزاويه حست انه جاب ربعه معه وبدو يحاولون كسر الباب ركضت للكومدينه وبدت تفتح الادراج علّ وعسى يكون جوالها هنا ـ بس انهارت يوم لقت الادراج فاضيه حست انهم خلاص ماباقي شي وينكسر الباب التفتت للشباك وشافت فيه بلكونه راحت لها وفتحتها شافت المسافه ماكانت طويله كثير جت ببالها فكره ركضت ناحيه واخذت شراشف السرير وبدت تربطهم ببعض وربطت طرف منه بالبلكونه كلها دقايق بسيطه وانفتح الباب سامر ركض اول ماشاف البلكونه مفتوحه وشاف الشراشف مربوطه ببعضها ، التفت على ربعه اللي كانو 2 : بسرعه روحو تحت مايمدينها تنحآش وطلعوا كلهم يدورونها ، أول ماحست بأن الغرفه فضت ميلت راسها بخفه وشافت ان الغرفه فاضيه طلعت من مكانها وركضت برى الغرفه للدور الثالث وفتحت وحده من الغرف وقفلتها عليها وهي تحمد ربها ان محد انتبه لها "طبعا هي سوت تمويه لهم ، ورآحت ورى الشماعه الموجوده بالغرفه ، وعلقت الثياب أكثر عليها وراحت وراها حتى محد ينتبه لها " ’، عدت الايام بسرعه وجا يوم الملكه طبعا متعب اول مادرى بالموعد قلب البيت فوق تحت وبالاخير رضخ ومازال يتوعد برغد وطبعا ماراح يشوفها النظرة الشرعيه، رغد من ذاك اليوم حبست عمرها بالغرفه وماتطلع منها بس في آخر الليل عشان تجيب لها شي يبل ريقها ومودايما وترجع لغرفتها على طول ، وطول هالايام امها ورهف يحاولون فيها تطلع بس ماهي راضيه سعود ندم انه عاملها كذا بس ماتحمل اول ماشافها تصارخ على امه مستتغرب من حالة اخته اللي صار لها شهر تقريبا او اكثر ، عمّآت وبنات عمان متعب اللي تضايقوا كثير من هالخطبه ، مو لشي بس مو مقتنعين بـرغد بعد اللي شافوه من هبه وحركاتها اللي تقهرهم ، تركي حآول قدر الامكان انه ينسى رغـد وبدى يهتم برهف أكثر عقب الكلام اللي صار بينهم ، طبعا وصل له خبر خطبة رغد وتضايق كثييير وحقد على متعب ليلى لازالت عايشه بعذابها ومحد داري عنها الا شخص وآحد ، بس ينتظر اشاره منها ، سآمي قلقان على اخته وينتظرها تتكلم حتى يقوم الدنيا ويقعدها وماله شغل بأي أحد واللي يصير يصير ، ولازلت ريدآ شاغله فكره ، أحمد اللي زاد الهم عليه خصوصا بعد ماسمع أخبآر عن أبوه ويتمنى من كل قلبه انها تكون خطأ يوم الملكه .. بيت ابو سعود من ذاك اليوم وهي حابسه عمرها .. ماتوقعتها من سعود ,, توقعت من اي شخص ثاني الا سعود ، الحين محتاجته اقرب شخص لها هو سعود وش صار حتى يكون كذا.. رن جوالها ، وقامت له بتثاقل شافت المتصل نورة ردت عليها بهدوء لازمها طوال الايام اللي فاتت رغد : الو نورة : هلا رغود ، كيفك وش اخبارك رغد : عايشين وانتي نورة : أفا رغود كذا بس عايشين ، مافيه الحمدلله او شي رغد : ......... تنهدت نورة بحزن لحال صديقتها : رغود رغد : هلا نورة : حبيت اقولك شي رغد : قولي نورة سكتت شوي بعدين تكلمت : انا بروح مع فوآز للشرقيه انصدمت رغد ، ماتوقعت نورة جاده يوم قالت لها ، توقعتها تمزحح وحتى لو اخذتها بالجد توقعت فوآز بيرفض اوي اي احد ثاني ، ردت رغد والغصه بحلقها : يعني خلاص ، ماراح اشوفك وطلعت شهقه قوية منها نورة : لا بتشوفيني انا كل شهر بجي هنا وبمرك ، وكل يوم بكلمك ، انتي عارفه انا ليش سويت كذا ، ماعا اقدر استحمل واعيش بهاالخوف تنهدت رغد : طيب ودراستك نورة : راح اوقفها هالترم وبنقل اوراقي للشرقيه عند فوآز وببدا من الترم الجاي ابتسمت رغد وبتردد وخوف من ردة فعل نورة : تدرين يانورة اني حتى هناك ماراح افترق عنك استغربت نورة بس ردت بهبال : ناويه تجين معي رغد : ايه ضحكت نوره : آآآآآآآآآآآآآآآهـ ياليت والله رغد بعد صمت دام ثواني : نورة انا اليوم ملكتي انصدمت نورة صدمه قويه وردت بدون استيعاب : ايــــــــــــــــــــششش شش ، من جدك رغد بحزن ، اللي سمعتيه نورة بشرهه على رغد : وليش ماتكلمتي من زمان توك الحين تتكلمين يوم جا نفس اليوم ، مشكورة يارغد ، مشكورة ماتوقعتها منك رغد : نــور........... بس نورة سكرت السماعه وماسمعت كلام رغد او وش تبرريرها رمت رغد الحوال على الارض وانسدحت على السرير تبكي الهم بيذبحها لا محاله ، بداخلها هموم لو تقولها لأحد بكى رحمة على حالها شفقه وعطف سمعت ضرب الباب وعرفت من قامت وهي تترنح من التعب فتحت الباب واعطتته ظهرها ومشت متوجهه للسرير ..: مابعد خذيتي شور رغد هزت راسها جت لها وجلست يمها وحطت يدها على كتفها وقربت رغد منها : رغد ليش كذا ياخيتي ، ليش تحبسين عمرك بهالغرفه وتحكرينه ، ليش تغيرتي ، وماعدتي رغد اللي قبل حتى اهملتي نفسك وشكلك التفتت لها رغد والدمع بعينها : امل انا تعبانه تعبانه ودخلت بنوبه بكا قويه بعد ماطاحت بحضن اختها امل ، امل اختها اللي كانت غاليه عليها بقوووه اقرب خواتها بعد ماتزوجت ابتعدت عنها شوي بس مااهملتها ، ظلت تبكي وتبكي لحد ماحست انها ماعادت تقوى اكثر ابعدتها امل اول ماهدت : رغد المفروض اليوم تكونين اسعد انسانه واحمدي ربك منتي بماخذه الا زين الرجال ، متعب رجال والنعم فيه الكل يمدحه، بأخلاقه و دينه وحتى ماشاء الله دكتور و مزيون وش تبين اكثر من كذا رغد طيف ابتسامه على وجهها : حتى ازين من عبدالاله ضربتها امل بخفه على كتفها وهي تبعدها : لاعاد متعب مايجي ظفر عبد الاله قامت رغد : حدك عاد كل شي ولا متعب لاتغلطين ضحكت امل وشاركتها رغد بالضحك امل : يالله ربي يسعدك قومي خذي شور وشوي وبتجي ليليان عشان تجهزك ابتسمت رغد وهزت راسها بالايجآب ومشت لدورة المياه الله يكرمكم بس التفتت بسرعه على امل وقال : امول امل بابتسامه : عيون امول رغد : تكفين امل خذي جوالي ودقي على نورة ، وفهميها كل شي امل باستغراب : ليش رغد نزلت راسها : كلمتها قبل شوي وقلت لها ان اليوم ملكتي زعلت ليش اني ماقلت لها من بدري وهي ماتدري وش صار هزت راسها وابتسمت وهي تروح تاخذ جوال رغد من عيوني لاتشيلين هم ووعد تجيك نوير اليوم واذا ماكان الحين بعد رغد : تدرين امول امل : ايش رغد ابتسمت : ياحظ عبد الاله فيك ابتسمت بإحرآج وقالت : ونيآل متعب بك ’، فتح عينه بهدوء وتعلقت بالسقف لثوآني وبعدها بدأ يرجع له التركيز ، تنهد وقآم بكسل ودخل دورة المياه والمنشفه على كتفه العاري غسل وطلع وهو يمسح وجهه ، جلس على السرير بتعب مانام الا على الـ8 الصبح والحين شكله قام من بدري ، مسك الجوآل وشآف الساعه كانت تشير على الـ2 ظهر ، انصدم لما شافها هالوقت قام بسرعه وهالشي سبب له دوخه ومسك راسه عليها جلس على السرير مره ثانيه لحتى يهدأ وبعدين قآم وركض يتوضأ وصلى الظهر جلس شوي على السجآده وبدأ يستغفر على تأخيرهـ ، التفت على السرير الثاني اللي بالغرفه شافه فاضي استغرب كيف قام اخوه وهو ماحس عليه ، بدل ملابسه ولبس بنطلون جينز وبلوزه سودا عليها كتابه بالأبيض ، رآح للتسريحه وأخذ المشط ومشط شعره اللي واصل لرقبته وتعطر ولبس ساعته واخذ شنطته الصغيره اللي تنحط على الخصر وحط فيها بوكه ومفتاح سيارته والجوآل وطلع من الغرفه . شآف اهله كلهم متجمعين سلم وجلس ابو متعب : وش فيك ياولدي ماقمت من بدري ماهو بعادتك متعب : مانمت الا الصبح ابو متعب : طيب ياولدي تقهو الحين وبعدين رح اشتر غدا اخوانك ينتظرونك قام متعب : طيب ليش ماقومتوني ، بروح اشتري الغدا وبمر احد الكافيهات وبآخذ لي تبون شيي معين ولا اجيب رز ابو متعب : اللي انت مشتهيه ، التفت متعب على البنات : وانتو الكل : اللي تبي طلع واخذ معه عبد الله ولمآر ’، تنهد : والله غصب عني هالشي كآن لازم اقسى حتى تحس شوي حطت يدها على كتفه : لاتشيل هم ياخوي ، حط يديه على راسه : وشلون مااشيل هم وهذي الغاليه ياأمل الغاليه ، انا ماقد مرة رفعت صوتي عليها ولو رفعته كإستهبال بس هالمره رفعت صوتي وحتى بغيت اضربها امل : ياخوي رغد بتنسى وراح تعذرك لاتنسى انك الغالي عندها تنهد سعود بقله حيله وهو يقول بداخله رغد تغيرت ياامل تغيرت كثيييييييييير ’، حس بإهتزاز بجيبه طلع جواله وشاف صقر متصل : هلا صقر صقر : هلا بك ، السلام عليكم متعب : وعليكم السلام صقر : كيف الحال ، واخبار النفسيه متعب : ماعلينا ، المهم وينك انت متى بتجي صقر : مسكت الخط ان شاء الله على المغرب اكون عندك متعب : ان شاء الله صقر : متعب ماأوصيك ، البنت مالها ذنب متعب بضيق : يصير خير تنهد صقر بقله حيله : ان شاء الله ، المهم وش اخبار حرمتي ابتسم متعب : حرمتك والله بخير ، ماعليها قالبتنا وحايستنا حوس بهالاسوآق صقر : آآهـ لبى العرب ، فديتها والله ، ايه عاد مااوصيك لاتبخل عليها بشي متعب : اقول طير بس ماعاد الا لينوه اسوي اللي تبي صقر : وشفيها لينوه لبى هي كلها رقه وانوثه ودلع متعب : ايه وآضح ، ترى هالشي قدامك ، ولا عندنا تعال شف الرقه والدلع اللي تتكلم عنه ضحك صقر : المهم عندي مايهمني عندك وش تسوي ، وبعدين وش ماتسوي بتكون بنظري دلع ورقه وكل ابو شي ضحك متعب : الحب أعمى صقر: ايه والله بقوووه ، يالله يالنسيب تآمر على شي متعب : سلامتك صقر سلام قيصل : سلام ’، مر الوقت سريع والحين وقت المغرب في بيت ابو سعود كانوا الرجال في المجلس حتى يملكون .. اخذ سعود الدفتر وراح به لغرفه رغد اللي كانت الكوفير عندها تزينها وماعاد باقي الا لمسات بسيطه وتنتهي ضرب الباب بخفه ، وطلعت له امل . امل : هلا سعود وش عندك سعود : نآدي رغد خليها توقع دخلت امل للغرفه وشوياات طلعت ومعها رغد ابتسم سعود لها وهو يشوف جمالها الناعم على ان مكياجها ناعم بس طالعه ولا اروع ، اول مرة يشوفونها بهالشكل والميكياج ، كانت غييييييييير مد لها الدفتر والقلم ، مسكته وهي ترتجف وسمت بالله ووقعت ، زغردت امل وباستها على خدها تبارك لها ، اما سعود ، اخذ الدفتر وباسها على رآسها وهو مبتسم بحنآن على خوفها بدر : مبروك رغود ،، الله يسعدك يارب لازآلت منزله رآسها ومآسكه دموعها بالقوهـ .. حست بأمل تحضنها تمسكت فيها بقوه ودمعها بدأ بالنزول .. أبعدتها امل وهي تمسح دعوها امل : لا رغد اليوم المفروض ولا دمعه تنزل منك ،، اليوم تكونين اسعد انسآنه وهالفتره تكون افضل ايام حياتك ،، يالله ياقلبي خلي الكوفير تكمل شغلها ماباقي شي على العشآء ’، تأففت : هاه وش سويت عمر : مآسويت شي وقفت وبصرخه قالت : ايش ، وش ولا شي انا قلت لك لازم تدمر مرت ابوهم بعدها تنتقل للبنت عمر : ياعـ..... تأففت بضيق وشوي وتبكي : بليز عمر لاتقعد تناقشني انا لازم انتقم منهم ماراح انسى انهم غدروا بأبوي وسرقوا فلوسه ، وليتهم اكتفوا بهذا لا اقتلوه ، وموتوا امي قهر عمر بعدم رضآ : طيب طيب خلاص بشوف ’، وقف وبصرآخ : لاعاد لين هنآ وبس ، من متى ماشفناها من اول ماتزوجت وصار لها الحين شهر واذا ماكان اكثر بعد ماشفناها الا مره وكل ماكلمناه طلع لنا بعذر مقنع والحين جاي يكمل بعد ويحرمها من خطبه ولد عمها ، ابو سآمي بصوت أعلى : سآآآآآآآآآآآآآآآآآآآمي ، مالك دخل لاتتدخل بشي مايخصك التفت سامي على ابوه : وكيف مايخصني وهذي اختي ابو سآمي بحزم : وهي بنتي انت لا تتدخل مالك شغل بينها وبين زوجها سامي بق : يبه اللي يطول بعمــ.... ابو سآمي : سآمي أنا وش قلت خلاص انهوا الموضوع وليلى ماهي مع غريب مع رجلها واللي يبيه يسويه ويالله خلصونا خلونا نروح تأخرنآ وطلع ابوسآمي وتارك ورآهـ قلب أم يتفطر على بنتها وقلب اخو مقهور على اخته ’، | ||||
|
| |
|
03-01-15, 09:46 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، امتلى المجلس بالرجآل من أقآرب رغد ومتعب اللي جآلس بملل وبنفس الوقت شآيل هم عليآ لين وصل لها الخبر .. تنهد بضيق وحس به صقر صقر : هذا وجه واحد اليوم متملك متعب بأخلاق قافله : روقني يااخي قسم مالي خلقك ابتسم صقر : انسى شوي وعش هالفرحه اللي تشوفها بوجيه الكل متعب : لارد تنهد صقر بقله حيله : الله يهديك متعب بسرحآن : تتوقع كيف بتكون ردة فعلها صقر : وش تتوقع يعني ، اي بنت اكيد تتمنى ان ليلتها هذي تكون ذكرى حلوه ، وانت بتخربها عليها متعب بشوية عصبيه : يالدلخ مااتكلم عن هاللي مدري وش اسمها حتى ، "كمل هم " أتكلم عن عليآ عصب صقر : يأأخي حرآم عليك البنت مالها ذنب ، انت ليش كذا نفسي نفسي ، التفت عليه متعب بصدمه : نفسي نفسي صقر : ايه نفسي نفسي ، مافكرت بهالمسكينه اللي بتكسر فرحتها ولا فكرت بأهلها اللي لو شافو حالتها كيف بتتردى كيف بتكون حالهم ، ولا فكرت حتى بفرحه ابوك اللي اللي مرسومه عليه الحين عصب متعب كل هالحي ينقال له ومن من من صديقه واخوه اللي هذي يعتبرها اول مررره يعصب عليه ويصدمه بشي فيه : انت هي وش فيك كله عشان هاللي ماتنتسمى تسوي فيني كذا صقر نآظرهـ بنظره اول مرة تطلع منه وعلى من على متعب وقام وتركه متجه للباب المجلس ومن المجلس لباب البيت الخارجي وركب سيارته وشغلها من هنا ومسك خط الدمام من هنا ، ماهو قادر يستحمل اكثر من كذا ، يحس انه مشارك متعب في اللي بتلاقيه رغد من متعب اللي يعرفه اكثر من نفسه ’، اما بالمجلس فكانت حاله ذهول تعتلي وجه متعب الي انصدم من نظرة صقر وحركته انتبه للصوت اللي يناديه والتفت يشوف من صاحب الصوت كآن سعود .. سعود وهو يجلس بمكان صقر وبإبتسآمه : يالله يالنسيت فيص وهو يحاول يرد على ابتسامه سعود : وين اتسعت ابتسامه سعود : وين اجل ، يالله ماتبي تشوف حرمك تضايق متعب بس ماوضح وبإبتسآمه بآهته : وهذي فيها سؤال قآم متعب وهو يتبع سعود اللي يقوده للمجلس اللي موجود فيه رغد ’، بالمجلس عند رغد جلست بتعب عقب ماانزفت زفه بسيطه بينهم التفتت لأمل : امل الحقيني بمويه الله يسعدك ابتسمت امل : من عيوني طلعت امل ودخلت على طول رهف : رغود تو سعود دآق والحين بيجي هو ويا متعب ارتبكت رغد وارتفعت الغصه بحلقها وبخوف قالت : الحين رهف : ايه الحين تجمعت الدموع بعين رغد لأنها كانت تتمنى ان نورة تجي بس للأسف صديقتها ماحضرت هاليوم بصوت مرتجف : طيب رهف حلو شكلي رهف ابتسمت بحنآن : بسم الله عليك تطيرين العقل ، ابتسمت رغد بحزن ولا ردت ونزلت راسها ، حست بهدوء حولها وبأحد وآقف قدامها ارتبكت معقوله دخل سعود ومتعب وهي ماحست رفعت راسها بخوف ووممدآهآ تشوف اشخص زين الا ارتمى بحضنها ، بآدلته الحضن بعد ماعرفت من ريحة العطر نزلت دمعه من رغد وهي تقول : معقوله يانوره تتوقعين اني بكون كذا وبخبي عنك هالشي نورة وهي تبعد عن رغد : آسفه حبيبتي بس ماسويت كذا الا من عتبي عليك توقعتك نسيتي تخبريني رغد : لا والله انتي على بالي دوم ومـآ... قاطعتها نوره : خلاص رغود مافيه وقت الحين بيجي اخوك وخطيبك ، المهم حبيبتي مااوصيك خليك قويه وعيشي هاليوم بكل دقايقه الباقيه من هاليوم خليه يرسخ ببالك وبتقولين نورة قالت ، أضمن لك متعب يارغد ولو اني مااعرفه بس مرتاحه له كثييييييييير ، وبنتظرك انا ماراح اروح اليوم "وبمزح كملت " وتراي عآزمتك في غرفتي فوق ضحكت رغد عقب مافهمت قصدها : والله وبتنور غرفتك حست نورة ورغد بحركه بسرعه باست نورة رغد وركضت للبآب ، نورة : الله يسعدك وسكرت الباب بهدوء من هنآ وانفتح البآب الثاني من جهة ثانيه .. رغد نزلت رآسها بسرعه من الربكه ووقفت وهي تفرك يدها ببعض ،، قرب سعود مع متعب اللي مركز عليها ويحاول يشوف ملامحها ويبي يقارنها بعلياء .. كان سعود قدامه ابتعد سعوود حتى يعطي مجآل لمتعب انه يسلم على رغد .. وقف متعب قدام رغد ومد يده حتى يسلم عليها ... انتبهت رغد ليده فمدت يدها البارده بإرتجآف حتى تلامست يده مع يدها وباس راسها بخفه وابتعد عنها ووقف بجانبها وارتفع راسه لسعود اللي وقف لحد الحين ابتسم سعود وهو لحد الحين مومتخيل ان رغد تملكت : خلاص انا هنا وانتهت مهمتي .. والتفت على متعب وابتسم وهو يقول : لاتفلها يالنسيب شوي بس رد له متعب الابتسآمه : اقول سعود يمدحون البآب .. روح شوف الوآلد أكيد يبي شي ضحك سعود وهو يطلع من المجلس .. التفت متعب لرغد وهم لحد الحين واقفين ، جلس متعب : بتضلين كذا واقفه رغد اللي كانت سرحآنه بصوت متعب اللي اعجبتها بحته .. جلست بهدوء وهي لحد الحين منزله رآسها اما متعب اللي مااعار رغد اهتمام وضل ساكت وهو يفكر بعليا وردة فعلها حتى سمعوا اصوآت تقترب من المجلس وكلها ثوآني والباب مفتوح ودخلوا اهل متعب المحارم " عماته وخواته وجدته " قام متعب ومشى ناحيه جدته وقبل راسها ويدها الجدة وهي تبتسم له : الله يوفقك ياوليدي ويسعدك رد لها متعب الابتسآمه : امين ويخليك لنا ويطول بعمرك يمه .. ومسك يدها لحتى جلسها على الكنب ، وسلم على عمآته وخوآته اللي بعدها رآحوا يسلمون على رغد وهو مصدومين فيها همّ يدرون انها حلوه بس اليوم كآنت أحلا بكثير بفستآنها الأصفر ومداخله معه ألوآن الفوشي والبحري بطريقه نآعمه وبالصدر فيه كريستآلآت بسيطة .. أما تسريحتها فكآنت كرلي لها ومرفوع شوي مع بف ووردتين بجانب أذنهآ باللون الأصفر والفوشي .. ومكآجها كآن نآعم باللون الفوشي .. كآنت بجد روووعة ونعووومه حييييييل بعد ماانتهت من سلآم العمآت رفعت فستآنها بأطرآف أصآبعها ورفعت رآسها حتى تشوف طريقه وتوجهت للجده واول ماوقفت قدآمها بآست رآسها ويدهآ الجده وابتسآمه الرآحه باينه بوجهها : مبروك يابنتي الله يوفقك رغد : الله يبارك فيك ياخاله ابتسمت الجدة وهي تقول : لا يابنتي انتي مرت الغالي وابيك تسميني مثل مايسميني ردت لها رغد الابتسآمه الناعمه : ان شاء الله يمه قرب متعب من رغد الواقفه عند الجده وهو لحد الحين مبهور منها كانت فوق ماتصور على كلام خواته انها حلوة بس الحين حسها فوق الحلا بكثير مد يده ومسك يدها ومشى معها لحد الكراسي اللي مزينه لهم وجلسها بجانبه ، اما رغد فإشتعلت من الخجل .. قربت لينا الشبكة عند متعب وفتحت الصندوق الخاص ورفعته لمتعب اللي بدأ بتلبيسها السلسآل والحلق والإسوآره والساعه .. قربت لمآر وهي خجلانه ومعها علبه صغره بحجم الكف وراحت لعند متعب اللي انحنى لها وباسها وشالها .. لمار همست بإذن متعب اللي اول ماخلصت همس اطلق ضحكه عاليه وهو يحس براحه غريبه .. ونزل لمار بعد ماباسها مره ثانيه وفتحت العلبه واخذ الدبله منها ولبس رغد .. رآحت لمآر للجهة الثانيه عند رغد ومدت العلبه لها واخذت رغد دبله متعب وهي ترتجف ولبستها اياه .. شوي وفضى المجلس من الكل التفت متعب : فيه شي بالأرض ابتسمت بخجل وعرفت قصده بس لازالت منزله رآسها قرب متعب زياده منها حتى لزق فيها ومد يده ورفع وجهها بأصابعه ،، اما رغد فجآتها نفاضه من الوضع اول مالامسن يده وجهها غمضت عيننها لاارادي .. متعب اللي قام يتأمل ملامحها الناعمه تنقل بنظره حتى وقف عند شفاتها المليآنه المصبوغه بالروج الفوشي اللمآع اعطتها منظر مغري قرب وجهه منها بحركه غير اراديه وطبع قبله بخدها بالقرب من شفاتها خلتها تنتفظ وتفتح عيونها على وسعها رجعت ورى اما هو ابتعد واكتسى وجهه الجمود فجأه ولاحظت هي هالشي .. وقف وطلع من المجلس وهو مصدوم من نفسه كيف سوى كذا ماكان متوقع ابدا سسوي كذا اول ماشاف انتفاظتها طرى على باله عليا قام يقارن بينها وبين عليا .. طلعت عليا بالنسبه لها عاديه جدا . اما عند رغد فلا زالت فاتحه عينها على وسعها مازالت مصدومه اولا من بوسته ثم جمود وجهه اللي شافته فجأ ومن خروجه المفاجئ كذا بدون حتى مايتكلم جلست شويات تهدئ نبضات قلبها .. وقفت وطلعت من المجلس شافت بالصاله نورة ورهف وريم وشهد بنت اختها جالسين يسولفون اللي التفتوا الها وعلى طول تجمعوا حولها واستلموها بالأسئله اما هي فكانت اجاباتها بارده حتى تنفرد بعمرها شويات وتقدر تتكلم مع نورة براحتها .. ’، بمكان ثاني .. خلاص ملت وصلت حدها من حياتها ومن هالعذاب اللي تتلقاه كل يوم وكل ساعه .. صار لها بحدود الشهرين الحين وهي ماشافت اهلها الا مرتين او مره بعد .. قامت وفتحت الباب الغرفه اللي بالدور الثالث وطلت شوي الوقت الحين الفجر وبدت الشمس تشرق ماسمعت صوت نزلت شوي شوي واخذت جلال الصلاة عليها وقامت تردد "وجعلنا من بين أيديهم سدآ ومن خلفهم سدآ فأغشينآهم فهم لايبصرون ، واعو بكلمات الله التامات من شر ماخلق حتى وصلت للصاله ميلت نفسها شافت الشخص المسمى زوجها ومعه الخمه ربعه بأطرآف أصآبعها مشت حتى وصلت عنده ميلت عمرها له وشافت الجوال ابتسمت ومدت يدها بشوي شوي وقلبها طبول ويدها ترتجف من الخوف و.................... ’، ][ همســـة ][ ينام العبد على أمر قد يئس منه ويستيقظ على انفراجه ! فَ ثق بربك - لا إله إلا الله - كم أزاحت حسرة ، كم أسعدت في العالمين شقيّا ’، | ||||
|
| |
|
12-01-15, 01:07 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ــــــ ’، . . . صدق أو لا تصدق كل ما تباعدت المسافة بين الرغيف والجوع ،، تلقى الفرح أصدق تصدق أو لا تصدق لامن غدت كل المشاكل جوع الصغار وسقفٍ يداريهم قبل يصحى النهار تلقى الشعور أعمق صدق أو لا تصدق كل ما انقفل درب انفتحت أبواب صدق أو لا تصدق لو فيه احد طيب ،، للطيبة أسباب صدق أو لا تصدق قليل من يعفي ويسامح ،، كثير وده ينتقم بس ينتظر له وقت سانح صدق أو لا تصدق القناعة كنز يفنى ولو كل من ياخذ قنع أ وكل من ياكل شبع كان الفرح غطى شوارعنا صدق أو لا تصدق كل النهايات البداية ،، وأحلى البدايات النهاية وكلنا رغم القساوة الظاهرة ،، نبكي قدام المرايه . . . # لـِ الأمير عبدالرحمن بن مساعد ’، ][ البــآرت العــآشــــر ][ ’، بعد مارجعوا من حفل الشبكه عائله ابو سامي رجعوا للشرقيه على طول طلعوا من الشبكه وتوجهوا للمطار .. اما باقي العائلات جالسين بالرياض .. الحريم والبنآت مجتمعين بغرفه وحده وسوالف عن الشبكه .. ام أحمد : بسم الله ماشاء الله عليها رغد طالعه قمر ريمآ : ايه والله صدقتي يابسمة .. ماشاء الله بنات ام سعود كل وحده تقول الزين عندي .. دينا : عآد عسى الأخلاق نفس الشكل مب مثل العمه الشكل ماعليه والاخلاق شينه استغفر الله ماحست دينا الا وعلبه المنديل برآسها التفتت وهي معصبه على من اللي ضربها شافت الجده معصبه : دنيه ووجعه وش فيك تتكلمين عن مرت اخوك كذا الحرمه ماشفنا منها شي دينا بهمس : اوما ماشفنا شي هاللي بعد الزواج ماشفنا اخونا الا بعد شهرين وخلت اخونا يكتب لها عماره بإسمها وماخفي أعظم خلينا ساكتين بس يايمه .. وبصوت عآلي : آسفين يايمه آسفين اما عند البنات اللي فطسوا ضحك على دينا يوم ضربتها الجده وهم فعلا مع دينا بكل حرف نطقته ، عمهم محمد ماتزوج هبه الا يبيها تهتم بالتوأم بس هبه همها نفسها غير المشاكل اللي تصير مع ليان الاعتياديه بين البنت ومرت ابوها وكيف ان عمهم محمد مايرد هبه بأي شي تطلبه لدرجه باني لها عماره بأسمها وحساب بالبنك بمبلغ وقدره ينزل لها شهريا ليآن : ليت بس اللي آخذها متعب رهف .. احسها حبوبة صحيح ان رغد احلى بس بعد رهف حلوة لينآ : والله حتى رغد شكلها بعد حبوبة وحلوة .. الواحد مانحكم عليه كذا ,, لازم نعاشره وبعدها نحكم ليآن : والله الشي واضح وبعدين وين بتروح ماهي برايحه بعيد عن عمتها لينآ : ولو ماراح نحكم الا لين عاشرنآهآ .. وبعدين متعب عارف بسوآلف العمه فأكيد بيآخذ الحذر من البنت ليآن : الله يعين بس ’، كان يسمع اصوات وضجه شي غير طبيعي حاول يفتح عينه بس ماقدر يحس بألم برآسه لايطآق حآول حتى يتكلم بس ماقدر ورآح بعآلم ثآني بعيييييد عن عالم الحالي ’، جلست معها على السرير : هآهـ تكلمي قولي نزلت رسهآ بحزن : وش تبيني اقول يانورة نورة بإستغرآب كل شي تنهدت رغد : انتي عرفتي سالفه الملكه هذي الخبط لزق هزت راسها نوره بالرفض وكملت : أمل لما كلمتني كل اللي قالته انها كانت مجبوره تخبي وموبيدها ، وقالت لي انك رافضه تتجهزين بس نزلت رآسها رغد والدمع مالي عينها : اجبروني يانوره اجبروني ، تخيلي سعود صارخ علي ومد يده كل هذا لأني بس اعترضت وبالاخير "كملت بصوت يرتجف " يوم قلت له ليش رهف آخذين رآيها قآل هذيك رهف وانتي رغد "شهقت" لاتقارنين نفسك فيها " وطآحت بحضن نورة تنتحب أخوهآ اللي ماتوقعته ولا تخيلت ولا بالأحلآم انه ممكن يسوي كذا لامن ناحيه الصراخ ولا من رفعه اليد اللي شوي بس وتلطم خدها كل هذا كآن تحت أسمآع سعود اللي كآن جآي بيآخذ بخآطر رغد ويرآضيها ومآكآن دآري ان عندهآ أحد الا لما سمعها تتكلم وشده الكلام دار بجسمه وعود رجع للدرج بسرعه وهو ينزل بضيق حآس ان البيت خآنقه من بعد ماسمع كلام رغد وشهقاتها ونحيبها اللي آلمته حيييييييييل ’، بمكان ثاني .. خلاص ملت وصلت حدها من حياتها ومن هالعذاب اللي تتلقاه كل يوم وكل ساعه .. بتدخل الشهرين الحين وهي ماشافت اهلها الا مرتين او ثلاث .. قامت وفتحت الباب الغرفه اللي بالدور الثالث وطلت شوي الوقت الحين الفجر ماسمعت صوت نزلت شوي شوي واخذت جلال الصلاة عليها وقامت تردد "وجعلنا من بين أيديهم سدآ ومن خلفهم سدآ فأغشينآهم فهم لايبصرون ، واعوذ بكلمات الله التامات من شر ماخلق ومن الأدعية اللي حافظتها " حتى وصلت للصاله ميلت نفسها شافت الشخص المسمى زوجها ومعه الخمه ربعه بأطرآف أصآبعها مشت حتى وصلت عنده ميلت عمرها له وشافت أحد جوالاته ابتسمت وهي تحمد ربها لأن الجوال اللي حصلته من النوعيات القديمه شكله هذا مايستخدمه كثير يعني ماراح يفقده مدت يدها بشوي شوي وقلبها طبول ويدها ترتجف من الخوف و مسكت الجوال ماحست الا يد مسكت يدها الممدوده جمدت بمكانها والتفتت بخوف شافت سالم صديق زوجها يبتسم بخبث وهو منسدح قريب من سامر يقرب منها ويسحبها ناحيته يحاول يعدل وضعه حاولت تفك يده منها بس ماقدرت ويهمس لها بـ أششش لا إرآديآ , رفسه برجلها مع وجهه بما انه تحت رجلها منسدح تأوه بصوت عالي وتركها وهي هربت بسرعه ناحيه غرفة الخدم المهجورة .. حتى محد يشك بأنها موجوده وقفلتها وهي ترتجف من الخوف من الموقف ومن الغرفه نفسها ماتدري وشلون خطرت ببالها هالغرفه وقادتها رجلها لها .. ’، ضمتها : حبيبتي انتي ، أسفه ياقلبي لأني فهمتك غلط ابتسمت بحزن وهي تمسح دمعها : لا عادي وخبطتها مع راسها بخفه .. انتي ويا هالراس يعني متوقعه بخبي عنك شي مثل كذا يانوير مسكت نورة رآسها وهي تمثل الألم : وجع ماهوب يد ذي ، الله يعين متعب عليك حمرة كست خدودها ، ورجعت تخبطها مرة ثانيه على راسها بس أقوى شوي : وجعـ"ن" يوجعك يالزفته ، بسم الله علي من عينك ، وبطرف عينها قالت : لاتطرين هالاسم مرة ثانيه ضحكت نورة : طيب طيب ، بس وش حسيتي وانتي معه ابتسمت رغد : ابد مااحسيت بشي بس قلبي طبول وجريء تعالت ضحكات نورة على رغد ، لأنها عارفه صديقتها على انها رجه بس خجولة حييييل رغد : اضحكي اضحكي أشوف فيك يوم يانويرة ، الا تعالي وش صار معك بنقلك ابتسمت بحزن نورة : خلاص هالاسبوع ان شاء الله بروح مع فواز "ورفعت عينها لها والدمع ماليها" :بفقدك يالدوبا رغد وهي تقرب منها وتضمها ودمعها ينزل : حبيبتي وأنا بعد ابتعدت نورة عن رغ وهي تمسح دمعها : يالله ننام الشمس بدت تشرق ’، كان يدور بالشوارع بدون هدف من يوم سمع باللي قالته رغد وهو ضايقه فيه الدنيا هذي الغاليه ويسوي فيها كذا وقف عند البيت بعد ماعبا السيارة بنزين وعيونه حمرا من التعب يعني صار له تقريبا يوم كامل مانام من امس اللي انشغل من بدري بتجهيزات الشبكه والحين الساعه بتجي الـ10 الصبح وهو هلكاااان يدور السرير بس طفا السيارة ونزل راسه على الدركسون وغمض عينه شوي يريحها قبل ماينزل من السياره ’، وآقف متوتر بعد ماخرج من صلاة العشاء وبيده الجوآل دق عليه بالليل بعد الشبكة والصبح ومقفل ، ورجع الظهر وكل الأوقات ونفس الشي والحين العشاء مقفل من امس من بعد الشبكه وهو مايدري عنه بخبركان خايف حيييييييل عليه .. فكر بلينآ وركض بسرعه للغرفه ضرب الباب ضربات سريعه وتواليه فتحت الباب دينا بعد عرفت اللي عند الباب : متعب ؟ ش فيك متعب : دينا نادي لينا بسرعه دينا بخوف : ليش صاير شي متعب : لا لا بس نادي لينا دينا بإستغراب من حاله متعب : طيب ثوآني حاول متعب يهدي نفسه على ماتجي لينا حتى ماتخاف لما تشوف حالته لينآ : هلا متعب ايش عندك متعب بهدوء ويالله قدر يضبط توترخ حتى مايفجع لينا: لينو حبيبي دق عليك صقر لينا : لا ليش وقعت الصدمه على راس متعب : لا ولا شي بس أدق عليه ومايرد لينا : لا لا تقلق تلاقيه انشغل بالدوآم أمس قال لي ان عنده مواعيد كثيره اليوم بسبب تأجيل أمس ارتاح شوي متعب وقرر يدق على المستشفى : طيب خلاص توجه متعب برى الجناح : ودق على المستشفى ..: مستشفى الـ ... كيف أقدر أخدمك متعب : السلام عليكم .. عبدالسلام ..: وعليكم السلام .. ايوه عبدالسلام اخوي آمر؟! متعب : عبدالسلام أنا الـ د. متعب ممكن توجهني لمكتب الـ د. صقر عبدالسلام : هلا د. متعب الـ د . صقر موموجود حآليآ متعب : موموجود ،، ليش هو إستأذن من الدوآم عبدالسلام : لا مآإستأذن متعب : طيب غريبه اليوم عنده ضغط مواعيد يعني المفروض ماينتهي دوامه الا بالوقت المحدد عبدالسلام : أيوه بس الد.صقر حاليا له إجآزه متعب بإستغراب أكبر : ليش عبدالسلام : الـ د. صقر عمل أمس حآدث وهو الحين منوم انصدم متعب : حـ . ـ . ـ . ـآدث عبدالسلام : أيوه متعب : ومن متى عبدالسلام : أمس بحدود السآعه 12 متعب : يعني اول ماوصل للشرقيه .. طيب كيف حالته عبدالسلام : والله ماادري د. متعب متعب : طيب من المسؤول عن حالته عبدالسلام : الـد. عزآم هو المسؤول عن حالته متعب : طيب ناصر شكرا ، ويعطيك العافيه عبدالسلام : العفو .. ويعافيك ربي سكر وطيرآن على غرفته ورتب أغرآضه وبسرعه وخرج من الفندق متوجه لسيآرته ومآسك طريق الشرقيه وهو يدق على أبوهـ يعطيه خبر ’، سكرت الجوال ودخلته بالشنطة وقامت تلبس عبايتها رغد : نوري وش رايك تنامين اليوم بعد نورة وهي تلبس عبايتها : لا ياقلبي اعذريني لازم اجهز اغراضي .. بكرة بنمشي للشرقيه ولا نسيتي خيم الحزن على رغد : طيب حبيبتي الله يحفظك وطمنيني عنك باست نورة رغد : من عيوني ، يالله تامرين على شي رغد : لا ، الله يحفظك ’، حس بأحد يهز كتفه وينادي بإسمه فتح عيونه وهو بمرحله اللا استيعاب .. تركز نظره على وجه الشخص وهو يناظر بدون تركز رهف : سعود وش فيك تنبه سعود وتعدل : هلا هلا رهف لمست جبينه : وش فيك سعود وهو يبعد يد رهف ويحط يده على جبينه ابد بس صداع ومانمت الا متأخر ، إلا كم الساعه رهف : تو مخلصين من صلاة العشاء فز سعود من السرير وقومته الفجآئية خلته يدوخ فرجع يجلس رهف بخوف وهي تجلس عنده : سعود وش فيك ابتسم : لا لا ولا شي بس لأنيي قمت فجأة حسيت بدوخه رهف : الله يهديك ماكأنك عارف بهالشي سعود وهو يوقف : عاد نسيت ، مشت رهف متوجه للباب بتطلع وقفها صوت سعود وهو يقول لها : رهوف جهزي لي قهوه على مااخلص رهف وهي عند باب الغرفه : ان شاء الله ’، ماسكة الجوال بيدها وترتجف من الخوف وكل شوي تلتفت خلفها من أمس من أول مامسكت الجوال وهي متردده بالاتصال بنفس اليوم أو لا بالأخير قررت تتصل باليوم اللي بعده المكان كله ظلام عدا الجوال اللي منور جزء بسيط من الغرفة شافت ساعه الجوال وكانت تشير لـ3 الفجر ابتسمت بخوف وفرحة يوم كامل تنتظر يصير وقت الفجر حتى تدق لأنها عارفه ان كل الخمه اللي في الصاله ميتين هالوقت عقب السهرة وماراح يحسون فيها ،، بدت تدق الرقم اللي حافظته ومستحيل تنساه بأصابع مرتجفه واخيرا ضغطت زر الاتصال وبدأ الاتصال طول ومارد وبدأ اليأس والخوف يدب قلبها وهي شوي وتبكي وتدعي انه يرد بس للأسف ناظرت الشاشه "لم يتم الرد " رجعت من جديد ودقت بس حست بصوت أقدآم تقترب من الغرفة ارتبكت وماعرفت ايش تسوي عارفة ان لو المسمى زوجها مسكها ومعها الجوال بتكون نهايتها هي من غير الجوال وماسلمت منه ومن تحرشات ربعه ، حست براحه اول ماابتعدت الخطوات الى ان اختفت فتحت الباب بهدوء وميلت براسها ومشت للدرج بتروح للدور الثاني بتروح لوحده من الغرف وتقفل الباب علييها بما انها بتدق على اخوها وبتنتظره اكيد بيجي وماراح يطول .. مشت بخطوات خفيفه سريعه حتى وصلت للصاله وهي محتاره وين تروح لأي غرفه فكرت بغرفتها السابقه الي كانت فيها قبل بس تذكرت انهم كسروا الباب مشت للغرفه بالدور الثالث وهي تحط الجوال على اذنها بعد مارجعت تدق الرقم من جديد وصلها صوت من الطرف الثاني حست بالعبرة تخنقها وهمست : سامي الحق علي ’، | ||||
|
| |
|
12-01-15, 01:09 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ــ ’، من الطرف الثاني قبل الحادثه بساعه تقريبا .. بإستراحه الشباب عبدالرحمن : هههههههههههههههه ، يااخي لو تشوفه قسم بالله تموت من الضحك أنا بالله ماسك عمري سامي وهو يضحك : ليتني كنت معكم فاتني شكل فيصل ناظره فيصل بطرف عينه : مايضحك بس الشباب مستمرين بالضحك وهم يتخيلون شكل فيصل .. كان فيصل و عبدالرحمن رايحين للسوق وبيدخلون احد المحلات وفيصل شاف وحده وحطها بباله وتتبعها وهو يضايقها وعبدالرحمن يحاول فيه يتركها وابتعد عنه وهو يراقبه من بعيد لبعيد البنت من الغضب عطته كف قوي وهي تصرخ عليه هو حس بالاحراج وخرج بسرعه قبل مايجون الأمن أو الهيئه فيصل : أشوف فيكم يوم عبدالرحمن وهو يمسح دموعه بعد ماتذكر الموقف : هههههه لا لاتخاف هالموقف مب صاير لأي واحد فينا لأننا مب مثلك راعين مغازل عادل بعد ماهدأ من نوبة الضحك الهستيرية : اقول شباب ايش رايكم نتسبح بالمسبح سامي : نتسبح بهالبرد !!! عادل : لاتبالغ اليوم الجو حلو يعني مابيضر لو نتسبح غير كذا المسبح بغرفه مغلقه الكل اقتنع وراحوا كلهم يتسبحون على الساعه 3 حس سامي بتعب من اللعب في المسبح سآمي : شباب انا بطلع عادل : وش فيك سآمي : لا بس تعبت من اللعب في المسبح وتأخرت على اهلي ، وبعدين انت ويا وجهك من شافك ماقال انك متزوج وعندك مرة تنتظرك بالبيت عادل وهو يتسبح على ظهره : والله المرة عند اهلها عبدالرحمن: ايوه قل كذا ونشوفك فالها عندنا اليوم اثاريه عشان المدام موبالبيت خالد : تراك بتلحقه بعد شهر ونص حك عبدالرحمن راسه وعلى فمه ابتسامه محرجه : هقوتك بصير مثله سامي وهو يطلع من المسبح : مب هقوتنا الا اكيد ،، كمل وهو ياخذ الفوطة وينشف نفسه : يالله شباب أشوفكم بكره ان الله احيانا ومشا طالع من المسبح وراح للحمام واخذ دش سريع وطلع وهو يصدف أزرار قميصه أخذ جواله شاف فيه كذا مكالمه قبل 5 دقايق من رقم استغرب بس مااعار الموضوع اهتمام اول ماركب سيارته دق نفس الرقم ثواني بس استغرقها ورفع الجوال لأذنه وصل له همس : سآمي إلحق علي تعدل بجلسته مومصدق اذنه :ليلـــــــــــــــــــــ� �ـــــــــــــــــــى ليلى : سامي بسرعه الله يخليك والله بموت لو بقيت أكثر سامي وهو يشغل سيارته بربكة : طيب طيب ليلى انتي وينك فيك ليلى : في بيت سامر سآمي : طيب تقدرين توصفين لي ليلى : أيه انا أعرف ................ سآمي : ايوه خلاص طيـ.... ألوه ليلى اختفى صوت ليلى وماقام يسمع الا صوت صراخ من ليلى ’، دخل للمستشفى بوقت متأخر كان ماشي بسرعه المسافه اللي المفروض يقطعها في 4 ساعات وشوي قطعها ب3 ساعات بسرعه راح عند الريسبشن .. فصيل : عبدالسلام بأي جنآج عبدالسلام / هلا د. متعب .. في العنايه انهار متعب وحس بالدنيا تدور بعينه وهمس: عنايه عبدالسلام بصرآخ بعد مااستقر جسم متعب بالأرض : د. متعــــــــــب بعدها بسآعه فتح عيونه وحس بصدآع شديد التفت وشآف الممرضة اللي انتبهت له همس : What happend ؟ "مالذي حصل " الممرضه :Oh Dr. Mutaab, I will call the Dr. now "آه دكتور متعب ، سوف أستدعي الدكتور الآن " عدلت الممرضة المغذي وطلعت تنادي الدكتور ماجد . خلال هالوقت غمض عيونه يرتاح شوي وقلبه لازاال قلقان على صقر يبي الدكتور يجي عشان يسأله بعدها يروح يتطمن عليه فتح عينه اول ماحس بالباب ينفتح د.مآجد : الحمدلله على سلامتك د. متعب متعب : الله يسلمك ، وبلاها هالدكتور من متى اقول ضحكة قصيره انطلقت من ماجد : حتى وانت تعبان مانسلم منك ابتسم متعب : هاه ياماجد وش صاير ماجد : ابد انخفاض في الضغط ، شكلك ماتحملت الخبر وحصل لك متعب : يعني اقدر الحين أطلع مآجد : ايوه الحين التفت ماجد للمرضه : you can take down the drip now " يمكنك ازاله المغذي الآن الممرضه : Ok Dr. مآجد : ماتشوف شر يامتعب ، روح تطمن على صقر وتراه بخير بس اجراء روتيني حتى نتطمن عليه هز متعب راسه وهو يعدل من نفسه بعد ماشالت الممرضه المغذي ورآح يتطمن على صقر ’، كان متوتر .. ينتظر الإشآرة تولع تنهد بقهر ماحبكت تصير الاشاره فيها صف أول الا باليوم هز راسه بضيق وصوت وصراخ ليلى لازال يتردد على مسامعه أول ماشاف الإشآرة خضراء على طول مشى وبسرعه وهو يتبع وصف ليلى لحد ماوصل للبيت انصدم يوم شاف البيت تقريبا شبه يومي يمر من هالبيت وماكان متوقع ان اخته قريبة منه لهالدرجه .. وقف السيارة ونزل بعد ماقفلها وتوجهه للباب شافه مفتوح دخل وهو يمشي بخطوات اقرب للسرعه وتوجه للباب اللي يدخل للبيت دخل وشاف درج مشى بسرعه بس لفت انتباهه اشخاص موجودين بالصاله لف عليهم بسرعه شاف رجال نايمين وكأنهم ميتين مااعارهم انتباه مشى للدرج وركب عليه وهو يركض حتى وصل للصاله بالدور الثاني مشى بنفس سرعته بفتح الأبواب لفت انتباهه سيب "ممر" بعدها باب مردود وكأنه يسمع صوت حركة فيه .. قرب بهدوء حتى صار مقابل الباب دزه بخفه وانفتح على الأخر ويرتطم بالجدار على خفيف .. دخل الغرفه بهدوء مماثل حتى بدت الغرفه تتضح عنه شاف شخص ملقيه ظهره ويهذي بكلمات غير مفهومه خمن انه سامر وشي مرمي على الارض ورجل سامر على هالشي نزل نظرة بسرعه للأرض شاف ليلى جثه بلا اي حركه ركض ناحيه سامر ودفه بقوه ونزل لليلي ، وحط رآسها على رجله وقام يضرب خدها بخفه وخوف : ليلى ليلى تكفين ردي حط يده قدام أنفها حتى يتحسس النفس وتطمن انها تتنفس نزل راسها بسرعه وبحذر على الأرض وقام ركض لسامر اللي ماهو مستوعب وطايح ومازال يهذي وقفه سامي بغضب ومسكه مع ياقه قميصه وهو يصرخ : أيآ النذل يالحقير أعطيناك اياها أمانه تسوي فيها كذا وبدأ يضربه وسامر يحاول يقاوم بس ماقدر بسب الشرب اللي مأثر عليه وكان يضربة بأي مكآن بجمسه ويرفسه حتى بدأ الدم يطلع من وجهه , دفة أسآمه بقوة على الجدار وضرب راس سامر بالجدار مااهتم سامي اللي حمل ليلى بعد مارمى عليها الشرشف وخرج من البيت بسرعه وتوجه للمستشفى ’، رفعت الجوال بإذنها وبهمس : هلا عموري عمر : هلا حياتي ، هآه قلبي متى أشوفك هبة : حبيبي هالفترة مااقدر عمر : لا ياقلبي من متى ماشفتك وكل مرة تقولين مااقدر مااقدر ، لهالدرجة مااششتقتي لي هبة : حرام عليك ياعمر الا بتقطع من الشوق بس انشغلت الفترة اللي فاتت بملكه بنت اخوي وبالسفر وتونا جايين عمر بزعل : خلاص خلاص مع السلامه هبة : خلاص ياقلبي بكرة عند سوق الـ .... اقابلك هناك ابتسم بمكر : خلاص بكره اقابلك سكر منها وانطلقت ضحكة كبيره من الشخص اللي جالس جنبه باسته على خده : تعجبني ياقلبي التفت لها وبإبتسامه باهته : يعني لاز... قاطعته وبشوية حده : عمر خلاص عاد من متى تعيد وتزيد بهالسالفه تنهد عمر : طيب ياعبير بس هذي اخر مرة اسوي مثل هالشي ابتسمت عبير وبتسليك : طيب طيب ’، تتصل عليه من اول ماوصلو البيت بس ماتلاقي رد تنهدت بقلق وطلعت من غرفتها وجلست بالصاله اللي بالدور الثاني بدت تغير القنوات بدون هدف بس تحاول تشغل بالها حتى ماتقلق عليه زياده تذكرت متعب وحالته لما جا سألها عن صقر ومن بعدها اختفى وقال ابوها ان متعب رجع الدمام فزت لجناح متعب وضربت الباب بخفه بس مالقت رد دخلت الغرفه ولقتها فاضيه دب الخوف بزياده على قلبها خرجت من الغرفه وراحت بتنزل للدور اللي تحت رفعت راسها وشافت متعب مقابلها ابتسم متعب بتعب : اهلين لينو الحمدلله على السلامه ردت بإبتسامه باهته : الله يسلمك شاف متعب بعيون لينا كلام بس ماكان وده يفتح مع لينا اي كلام لانه هلكان وماعنده اي استعداد للكلام لانه حاس انها بتسأله عن صقر متعب مسك يدها وكمل باقي الدرج وراح لغرفته وهي معاه : ليه مونايمه لحد هالوقت لينا : اتصل على صقر من فتره مايرد علي جلس متعب على السرير وخلع الجزمه والشراب وهو يقول : اجلسي لينو امتلى قلب ليناخوف وجلست على كرسي التسريحه : وش فيك متعب صقر صار له شي انسدح متعب على السرير : حبيبتي بقولك بس ابيك هاديه ، ركز بعيونه عليها .. صقر صار له حادث بسيط بس هو بخير شهقت اول ماسمعت هالكلام وامتلت عينها بالدموع : متى وكيف متعب قام وراح لها وحضنها وهي على السرير : هدي لينو والله انه بخير وانا لسا جيت من عنده ، حادثه كان امس بالليل لما خرج من الملكه وصار ببدايه الدمام لينا : طيب كيفه واييش اللي حصل متعب : قلت لك بخير بس لازم يكون بالمستشفى حتى نتطمن عليه اكثر ابعدها عن حضنه ومسح دمعها : وعد حبيبتي بكره اوديك لو قدرت او اخليك تكلمينه طيب حبيبي بس الحين روحي وريحي اكيد مترتوا الأسواق قبل رحلتكم ابتسمت وهزت راسها ووقفت : مشكور متعب ارتاح الحين ولما يجي وقت الفجر بصحيك هز راسه وهو ينسدح على السرير ويتلحف : يعطيك العافيه أنا بسترخي بس لأن ماباقي شي ع الفجربس ادخلي تأكدي أخاف أغفي من التعب هزت راسها وهي تخفض على أنوار الغرفه وطلعت ’، ][ همســــة ][ •° ـآٍعْلَمْ°• ـآنَكـَ ـآقْوَى مِنَ ـآلجَمِيعْ مَآ دَآمَ الله ُ مَعَكـْ قُلْ { يَآآآآآرَبْ } بـٍ صِدْقْ ~ وَسَتَأتِيكَ ـآلرَحْمَة وَـآلفَرَجْ {أِدْعُونِيْ أَسْتَجِبْ لَكُمْ} وَثِقْ بـٍ ـآنَ ـآلقُوَةَ مِنَ الله ـآلقَوِيْ ـآلعَزِيزْ وَسَتَظهَرْ شَمسَ ـآلفرَج وَلَو بَعدَ حِينْ : إنها دَعْوَةَ ـآلمُضْطَرِ ـآٍذَآ دَعَآهـْ ~ ’، أعتذر من جديد عن التأخير ألقاكم بإذن الله يوم الأربعاء توقعاتكم - آرآءكم | ||||
|
| |
|
15-01-15, 12:44 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـ أركض ورا الشمس .. اللي تغيب .. ابي النهار .. وينتحي .. أخاف أنا وجهي الى طاح الظلام .. فوق الملامح .. ينمحي .. كافي سواد العين والظل الحزين .. وشمسٍ تبين .. وماتبين .. ورا السحاب .. كافي بَعْض ليلٍ يجي .. قبل الغياب .. عن ليل الغياب يا موقد الشمعة .. وجهي أنا .. أو نور ذا الشمعة .. قاسي الشحوب .. في رعشة الضي العليل .. وتكبر مسافات الهروب .. يا صاحبي الشمعة غروب .. به قريةٍ .. تحت الظلام .. مريتها ماجيتها وبنيةٍ .. تحت الظلام .. ورسالةٍ في الليل .. خانتها الحروف .. من القهر شقيتها .. كلي عيون .. وماتشوف والناس .. ياظل .. وطيوف .. والظلما .. نسيان .. الحبيب .. لحبيب .. أركض ورى الشمس اللي تغيب .. . . . . #البـدر ’، ][ البــآرت الحآدي عشر ][ ’، خآرج حدود المملكة تنهد بضيق خلاص يحس انه ماعاد يقدر يصبر اكثر من كذا اخر مرة زار اهله ماعاد وده يرجع يسافر لهم الأشياء اللي صارت بغيابه شوقته يروح لهم عبد الإله : وش فيك يارجال شايل هم الدنيا على راسك التفت له بدر وهو منسدح على الكنبه : يااخي خلاص مليت طقت كبدي ابي ارجع لأهلي مشعل : هانت بدور كلها جم شهر ونرجع يميع ونودع الغربه بدر: صحيح هانت بس غصب هالفترة عند اهلي بيكون فيه اجواء ثانيه وانا مااقدر اشهدها عصام : ياخيي هونا وبتهون لاتنسى انو امك وبيك واخواتك بيكونو فخورين فيك لما بترجع للسعودية وانت دكتور انت بس اول يالله وأوم صل لك ركعتين وادعي الله انو يمرر هالشهور بيسر تنهد بدر بقله حيله بدون كلام ويحس بغصه بحلقه ماهو قادر يقاومها دخل للغرفه وسكر الباب بقوه وانسدح على السرير وهو ملقي الباب ظهره وبدت دموعه تنزل على خده يحس انه مشتاق كثير لأهله شوق غير طبيعي حس بصوت الباب ينفتح بحركه سريعه مسح دمعه وغمض عيونه وظل على حالته قرب منه عبد الاله اللي معه بنفس الغرفه وجلس على السرير وحط يده على كتف بدر عبد الاله : بدور كلنا اشتقنا لأهلنا وناسنا بس مالنا الا اننا نصبر على هالشي من اجل طموحنا واحلامنا واهلنا لازم نصبر عشانهم ، هم الدافع لنا بهالغربه صبرت 6 سنين ماانت قادر تصبر 3 شهور أو أقل قوم وانا اخوك وتوض وصل لك ركتين واطلب من الله اليسر والتوفيق "وكمل وعلى وجهه ابتسامه خبيثه " وقوم خلنا نسوي حركات نذاله بالاثنين اللي برى تعدل بدر وعلى وجهة ابتسامه وضم عبدالاله الاخو اللي تعرف عليه بهالغربه وكأن ربي مرسله له وحقق دعوات امه .. تفاجأ عبدالأله من حركه بدر بعدها اعتلت على وجهة ابتسامه أخوية محبه تعرفوا على بعض بالطيارة كل واحد منهم ضايع مايعرف ايش بيسوي بهالغربة .. ’، وقف عند الطواريء وحملها ويصرخ : الله يخليكم بسرعه جو دفعه من الممرضات والممرضين معاهم سرير وضعها وبدو يسرعون لغرفه الدكتور وهو يتبعهم وقف بعد ماشاف الباب يتسكر ويفصله بينه وبين اخته ، ينتظر الدكتور والكشف اللي بيسفر عنه تنهد ونزل نظره ليده وملابسه كان فيها دم ليلى خصوصا كمه المليان بعد حمله لها تسند على الجدار وهو يدعي ان تنجي ليلى من هالحادث حس بجواله يهتز بجيبه رفعه وشاف امه ارتبك وتأكد انها فقدته وقت صلاة الفجر رفع الجوال لإذنه : هلا يمه ام سامي هلابك ياولدي ، عسا ماشر وش فيك مونايم سامي بربكه اخفاها : ابد يمه بس انا مع واحد من الربع بالمستشفى ام سامي بخوف : فيك شي يمه سامي : لايمه تطمني مافيني شي بس اللي معاي جايله حادث بسيط والحين انا معه اتـطمن عليه واجيكم ام سالي : طيب انتبه للطريق يمه سامي : ان شاء الله يمه وريحي بالك ام سامي : الله يحفظك سامي : مع السلامه ’، جلست على الكرسي اللي بالحديقه بعدما صلت الفجروبيدها كوب الكوفي وهي تفكر بالاحداث السريعه اللي حصلت خلال هالشهرين واللي بتصير بعد شهرين وتغير حالها بسرعه قياسيه ، رفعت الكوب لفمها وغمضت عينها و هي تتلذذ بطعم السائل ، حست بأحد جلس على الكرسي معاها ضلت مغمضه عينها لانها عرفت من الشخص بسبب ريحه العطر تأمل وجهها الذابل تنهدت وتكلم بعدها : متى راح ترضين التزمت الصمت وكأن مافيه احد عندها يكلمها حس بأن قليل من الغضب بدا يتسلل له بسبب تطنيشها : رغود انتي عارفه معزتك عندي وعارفه اني اغليك كثير بس غصب عني لما شفتك تكلمين امي كذا شي طبيعي اعصب فتحت عينها وناظرته ببرود : اعرف استغرب : طيب دامك عارفه تعتقدين ان لك حق تزعلين كذا علي ركزت نظرها بالكوب اللي بيدها : وانت لك حق تعمل فيني كذا رد بإستغراب : انا ايش عملت ابتسمت بسخريه : اوووه لا ولا شي سعود وصلت معاه : رغد تكلمي زين قامت بغضب وخبطت بالكوب اللي معاها على الطاوله لدرجه انسكب بعض منه على يدها والطاوله بس مااهتمت ولا حست فيه من كمية القهر اللي بداخلها : زعلانه منك لانك غصبتني على هالزواجه ، زعلانه منك لأنك مااهتميت برآيي ، زعلانه لأنك ماقدرت حالتي كل هذا ومالي حق ازعل سعود : يعني انتي ماكنتي موافقه على متعب رغد ودمعه من عينها طاحت : اليوم اللي جيتني بالمطبخ كنت ناويه ارفض بس من الروعه قلت موافقه ولا انا ، لا لا موموافقه وراحت من عنده اما هو فكان مركز على وجههاا وهي تتكلم ويشوف غضبها وبنفس الوقت يشوف دمعها ينزل على خدها، تنهد بضيقه وقام لغرفته ينام فيها ساعه قبل الدوام ’، دخل الصاله وصوته واصل لآخر البيت : يآأهل البيت ، يآ أهل البيت سمع صوت بأحد الغرف وتوجه لهاضرب الباب فتحه ، ابتسم وهو يقول : حيا الله الغاليه ردت ابتسامته : الله يحييك ياولدي قرب منها باس راسها ويدها : كيفك يمه ان شاء الله بخير الجده بإبتسامه حنونه : الحمدلله ياولدي انت بشرني عنك أحمد : يالله لك الحمد ، هاه ياجده اشوفك جالسه بغرفتك وين امي وريدآ الجده : امك بالمطبخ وماحبيت اجلس بلحيلي بالصاله قلت ادخل للغرفه اريح شوي قام لها أحمد وباس راسها : الله يعطيك طولة العمر يالغاليه ، يالله اخليك بروح اسلم على امي وبآخذ ريدآ الجده : الله يحفظكم ياولدي خرج أحمد من غرفه الجده ولاقى امه جالسه بالصاله قرب منها وباس راسها ويدها : كيفك يالغاليه ام احمد : الحمدلله ياولدي احمد : الحمدلله ، هاه ياام احمد ماودك تفطرينا ابتسمت : دقايق ويكون جاهز بس روح صحي ريدآ خلها تفطر معاك صحيتها كم مره وموراضيه تصحى احمد : ان شاء الله على امرك يالغاليه توجهت ام احمد للمطبخ اما احمد فصعد الدرج راح لغرفه ريدآ وضرب الباب بس مالقى رد رجع وضربة ونفس الشي مالقى رد فتح الباب سرت قشعريره بجسمه من بروده الغرفه ويزيد عليها الظلام الا من نور الابجوره الخفيف راح للتكييف وخفض عليه لأن هالايام على ان الأجواء حلوه بس تخوف من ناحيه الأمراض وطفاه بالريموت ، وفتح الستاره والشباك واتجه للسرير شافها نايمه ببراءه وهي مكشرة من نور الشمس ابتسم بحزن على حالها وتنهد جلس على السرير وبدا يمسح على راسها وهو يناديها بصوت خفيف أحمد : ريدآ ريدآ تحركت ريدآ : هممم أحمد : يالله رودي بسرعه حتى مانتأخر على الموعد سمعت اسم الموعد فتحت عينها بروعه : كم الساعه رفع يده وهو يشوف الساعه اللي تشير على 7 ونص : 7 ونص فزت بسرعه من سريرها وراحت أخذت منشفتها وهي تقول لأحمد : طيب انت انزل وانا 10 دقايق بالكثير ونازله لك احمد : طيب انتظرك لاتستعجلين ان شاء الله بنلحق خرج احمد ونزل عند امه اللي جهزت الفطور وبدآ يآكل وهو ينتظر ريدآ تنزل ’، مد يديه على المنبه يطفيه صحى وهو يرجع ينام لأنه مااخذ كفايته من النوم صار له يومين او ثلاث تقريبا من اليوم اللي سبق شبكته ويوم شبكته ونومه المتأخر ليوم الحادث اخذ منشفته وتوجه لدورة المياه " الله يكرمكم " وأخذ له شور صحصح من خلاله ولو شي بسيط لبس ملابسه وتعطر وأخذ أغراضه وخرج من غرفته شاف اخته لينا بالصاله رحم حالها كثير أكيد مانامت توجه لها : لينو ناظرته : هلا متعب متعب : قومي البسي عباتك ونروح نشوف صقر لينا فزت من مكانها : طيب مابتأخر ابتسم متعب : انتظرك بالسياره نزل وشاف الصاله فاضيه مثل العاده بهالوقت طلع برى البيت وركب سيارته ماهي الا دقايق بسيطه وحس بالباب الجانبي له ينفتح التفت وشاف لينا حرك السياره اول ماالباب اتسكر وتوجه للمستشفى بعد مااخذ لهم كوفي وكروسون ’، اسند راسه على الدركسون وهو ممسكه بكل يديه مو مصدق اللي سمعه من الدكتور مومصدق ابد تنهد بألم كيف ببيوصل الخبر لأمه واخته واخوانه نزل من السياره وهو يسحب برجوله على وقت فتحته للباب اهتز جواله شافها امه اكيد قلقت على تأخيره صار له حول الـ3 ساعات من كلمها اخر مره " من الساعه 4 والحين 7 ونص " حط جواله على الصامت ودخل الصاله شاف ابوه وامه يفطرون سامي : السلام عليكم وباس راس راس ابوه وامه ام سامي : وعليكم السلام هلا يمه جلس سامي على الكرسي : هلابك يالغاليه ابو سامي بتكشيره : روح تسبح و بدل ثيابك من هالقرف والحقني للشركه سامي : طيب ام سامي : ياابراهيم الحين انت ماشفت حاله الولد سهران وتعبان ولساه جاي تبيه يداو... انقطع كلامه من ابوسامي اللي تكلم بغضب : انا قلت كلمه ومالها ثناه يلحقني على الدوام ، اللعب هذا ماعندي يسهر ويبي يغيب وقف ابو سامي اللي ماخطى الا خطوه للباب حتى يطلع بس وقف اول ماتوجه له الكلام سامي : الا اقول يبه وش اخبار ليلى ابو سامي وصلت معاه : بخير دامها مع رجلها سامي بسخرية واسلوب اول مره يتعامل مع ابوه وهو واقف وقريب من ابوه : متأكد يبه سامي حس بعد كلامه بحراره كبيره على خده بسبب الكف العنيف اللي تلقاه من ابوه ، وسمع بنفس الوقت شهقة من امه ابو سآمي : ياقليل الأدب تكذب ابوك ياللي ماتستحي على وجهك التفت سامي لأبوه اللي استدار بيكمل طريقه خارج من البيت بعد كلمات الشتايم اللي القاها على مسامع سامي وامه سامي وهو يشوف ابوه وصل للباب وبغضب والدمع مملي عينه قال : يبه ترى ليلى تحت رحمة الله ماهي بخير التفت ابو سامي بصدمه وصوت امه اللي بدت بالبكاء وهي ماسمعت الا هالكلمه شاف ابوه اللي التفت عليه واقف مبهوت وعيونه مفتوحة على الآخر : وش تقووول انت ’، من اول ماصحت الصبح وهي مالها خلق للدوام بعد جدالها مع سعود بس تحس انها مسختها بهالغياب لبست واخذت عبايتها ونزلت شافت امها ورهف جالسين بالصاله سلمت وراحت تبوس راس امها : صباح الخير رهف وام سعود : صباح النور ام سعود : مو اليوم ماعندك شي رغد : ايوه بس فيه بحث لازم اسلمه وعندي بريزنتيشن اقدمه اليوم ام سعود : رغيد لاتجلسين تتفلسفين علي بالانجليزي كأن مااحد درس الا انتي ضحكت رغد ورهف ، رغد : وش اللي مو فاهمته يمه ام سعود : وش بزينريشن رهف ورغد ماتو من الضحك على كلمه امهم على انهم يقولونها كثير بس ام سعود تنسى حركت ام سعود شفاتها بطريقه تدل على الضيق : وش فيك انتو وياها رهف وهي تضحك على الخفيف : تكفين يمه عيديها وش اسمها ام سعود رمت علبه المنديل عليها بس تحاشتها : اوص انتي من اول ماتملكتي وانتي منهبله ، والثانيه هجدت كأنكم تبادلتوا بالادوآر استحت رهف وسكتت ، ورغد مازالت تضحك من زمان ماضحكت بهالطريقه قالت : يمه بريزنتشن يعني عرض ببرنامج على اللاب اسويه قدام الدكتورة والطالبات ام سعود : ايوه تذكرت ابتسمت رغد وقامت بعد مارن جوالها رنه باست راس امها : يالله يمه انا بروح الحين مع ريم دعوااتك ام سعود : الله يوفقك يابنيتي ويحميك من بنات السوء رغد بعد مالبست نقابها آمين ، يالله مع السلامه ’، ببيت جديد صحى من النوم واستغرب حالتها هالفتره اغلب الوقت نايمه ونومها شبه ثقيل العاده يصحى ويلاقيها قايمه وقهوته جاهزه بس هالايام يصحى قبلها ويصحيها حتى تجهز ملابسه واحيانا يداوم بدون لايتقهوى تأفف بضيق وهو يصحيها : ريمآآ ريمآ : ..... فارس : ريوم مومعقوله انتي هالايام ويا هالنوم فتحت عيونها بثقل وهي تتعدل : ايش فيك فارس فارس بضيق : حالتك موعاجبتني انتي مومثـ.... قطع كلامه بعد ماشافها تقوم بسرعه من السرير وتركض لدوره المياه ، ركض وراها بخوف شافها منزله وجهها على المغسله ويدها على بطنها وتستفرغ ، جا وراها وسندها لانه حس هالمره ان استفراغها قوي مومثل الايام اللي قبل لما شافها انتهت وغسلت فمها ثبتها ورجع يغسل وجهها بس ماامتلت الدموع بعينها ففارس بحنيه : وش فيك قلبي ريمآ هزت راسها بتعب بمعنى ولا شي حملها فارس ومشى بهال لحد ماسدحها على السرير : انتي حالك موعاجبني اليوم بنروح للدكتور نشوف ايش السالفه ومن الحين اقولك بتروحين معاي غصب مافيه اعذار مثل قبل تنهدت ريمآ وهي ماتبي تقول بس غصب شكلها بتقول لأن طول الايام اللي فاتت تتعذر له ويمشي بس اليوم ماعنده نيه ريمآآ : انا عارفه ايش فيني مايحتاج تروح للدكتور فارس باستغراب : ايش اللي فيك وايش اللي دراك اصلا ريمآ : رحت للمستشفى قبل يومين تقريبا وعرفت السبب جلس عندها على السرير : وايش اللي فيك نزلت راسها بحيا : احم فيه شخص رابع بينضم لنا بعد كم شهر فارس جلس ثواني على مايستوعب كلامها رفعت راسها بعد ماشافت هدوءه ماحست بنفسها الا وهي بحضنه ويتمتم بالحمد والشكر لله ، امتلت عينها بالدموع اول ماسمعته جلست بحضنه كم دقيقه وابعدها شاف دمعها ومسحه بحنان : ليه الدموع الحين هزت كتفها بمعنا مااعرف والبسمه مرسومه على شفاتها ابتسم فارس : مبرووك حبيبي ريمآ : الله يبارك فيك فارس بمزح : ماشاء الله ومتى كنتي ناويه تخبريني لما يجيك الطلق ان شاء الله ضحكت ريمآ ويمزح مثله : الشهاده لله لما اولد ضحك فارس : ياحيااتي انتي ، انتبهي لنفسك ريوم مابعيد نفس الاسطوانه اللي الكل يقولها لما الوحده تحمل لأنك عارفتها بس ابيك تحافظين على الدعاء بإن ربي يثبته ويسهل عليك ومن الأدعيه المعروفه ابتسمت : ماتوصي حبيبي ان شاء الله فارس قام بس رجع يجلس : الا انتي بأي شهر ريمآ : بالشهر الثاني بدخل الثالث بعد اسبوع تقريبا او اسبوعين فارس : الله يسهل عليك ، ومتى ناويه تعلميني ريمآ : امين يارب ، والله كنت ناويه هالاسبوع بس ربك ماكتب اقولها لك بطريقه حلو ابتسم فارس : يكفي الخبر حلوو ، يالله لك الحمد، يالله حبي بروح انا الحين للشركه لأن الساعه جت 8 وانا لسا ماسويت شي ريمآ : الله يحفظك فارس قام ولما وصل لباب دوره المياه : الله يكرمكم التفت لها : وبوصي الخدامه عليه ماتتحركين من مكانك لما ارجع واي شي تبينه اطلبيه من سونا لحد ماارجع نتكلم ، وترا رآح اسأل سوننا لو كنتي قايمه او متحركه من الفراش ضحكت ريما بخفه : طيب على امرك رما سامي بوسه لها ودخل لدوره المياه اما ريما فانسدحت وهي مبتسمه تكمل نومها الزايد ’، شدت على يده اول ماوصلوا على الباب التفت لها بإستغراب : ايش فيك ردت والرجفه باينه بصوتها : خايفه قربها منه : لاتخافين انا معك ، يالله ندخل ونتطمن عليه هزت راسها بالموافقه وفتح الباب بعد ماشاف موافتها ، دخلو الغرفه المليانه بالبياض بكل شي قربوا من السرير وشافوه نايم إلتفت لها وشاف الدموع مغرقه عينها ، مسح دمعها : ليش الدموع لينو شوفيه بخير والحمدلله لينا بصوت مرتجف : ايش الضرر التفت متعب على صقر : كسر بالساق اليسرى ورضة قوية باليد اليمنى وبعض الرضوض والخدوش شهقت لينا بعد ماسمعت كلام متعب ، متعب وهو يضمها : لينو حبيبي احمدي الله ماصار له شي كلها كم شهر وهو متعافي من الخدوش والكسر ، "كمل بخبث وهو ناوي يحرجها " وبعدين تعالي لايكون فاتحه هالمناحة كلها لأنك تبين الزواج وماتبين يتغير موعده ضربته على كتفه وهي منحرجه : سخيف ضحك متعب بصوت عالي وهو ناسي المكان ادى لتحرك صقر ومحاوله منه لفتح عينه شوي شوي حتى فتحها كلها : وهو يشوف الصوره ضباب ، غمض وفتح كم مره لحد مااتضحت الصوره شاف متعب ولينا ابتسم على خفيف تحرك بس حس بألم بصدره اصدر صوت تأوه انتبه له متعب ولينا التفت متعب بسرعه له وقرب منه وهو مبتسم باس جبينه : الحمدلله على سلامتك صقر صقر : الله يسلمك والتفت بعدها على لينا القريبه من متعب وابتسم : مابتسلمين علي ردت لينا الابتسامه بخجل : الحمدلله على السلامه وتكفير واجر ان شاء الله صقر : الله يسلمك ياقلبي ويجزاك خير حس متعب بضيقه لأنه حس ان صقر ماخذ بخاطره من السالفه بس مشاها : عن اذنكم دقايق وجاي وخرج متعب هو يتنهد وراح متوجه لمكتبه دقايق حتى ياخذون راحتهم صقر : ترى مابعتبر هذا سلام لينا : بالله اجل وش يعتبر صقر ابتسم : اجل تسلمين علي كذا قربي مني شوي قربت لينا وزحف صقر شوي : اجلسي ولعت لينا من الخجل : صقر ضحك صقر بخفه : اجلسي ليون مابسوي شي جلست لينا بقربه وماحست الا بقبله رقيقه على خدها ولعت عليها وقامت بسرعه من عنده ، ضحك صقر بقوه عليها ومسك صدره بألم : آآآآآه قربت لينا بخوف منه : ايش فيك صقر وهو مكشر : مااعرف حسيت بنغزه بصدري لينا : أنادي لك متعب يشوف ابتسم صقر بتعب : لا خليك قريبه مني وكل شي بيزول ، وبعدين متعب ايش عرفه بحالتي مومسؤول عني هو استحت لينا وكمل صقر : يالله انا سلمت عليك دورك تسلمين علي لينا بإستغراب : ايش اسوي صقر وهو مبتسم : مثل ماسويت لك لينا بحيا : لا لا صقر اخاف احد يدخل علينا صقر : لا مااحد داخل ، يالله حبيبي ولا ترى بزعل عليك لينا قربت بخجل : طيب بس غمض عيونك ضحك صقر بخفه وغمض عينه ، حس بقبله سريعه على خده وفتح عيونه بعدها لقاها منزله راسها ووجها مكتسي للون الأحمر ابتسم صقر : الله لايحرمني منك يالغاليه لينا خلاص ذابت من الحيا : صقر خلاص ولا وربي اطلع من الغرفه ضحك صقر : طيب طيب سكتنا ’، ركبو السياره بعد ماانتهى مشوارهم التفتت على اخوها : أحمد ايش قالك الدكتور أحمد ابتسم لها وعينه على الطريق : الحمدلله فيه تحسن بحالتك نزلت راسها بحزن : بس انا مااحس التفت لها بعد ماوقف عند الاشاره : لا ياريدا لاتقولين كذا ، انتي ماتحسين بس الدكتور اكد لي هالشي واحنا كمان حاسين بتغيرك للأحسن ، انتي بس يبيلك شويه صبر من نفسك وماتفقدين الأمل وبإذن الله تتعافين ريدآ : ونعم بالله ، الله يخليك ياخوي ولا يحرمنا منك ابتسم أحمد : ولا منك ريدآ : الا بسألك أحمد مافيه اخبار عن ابوي تغير وجه احمد وخبى لحقيقه : لا للأسف تنهدت ريدآ : الله يهديه ويرجعه سالم احمد : امين ’، تكلم بصرخه : انت وش تقول التفت له : اللي سمعته ، ليلى تحت رحمة الله يبه ماتبي منا الحين الا الدعاء ’، ][ همســـة ][ وعلى سبيل السعاده ، ذكرك يَ الله يريح الضمير لا إله إلا أنت سبحانكَ انّي كنتُ من الظالمين | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
