آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
18-01-15, 05:01 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ـــــــــــــــــــــــــ ـ ’، اقلب طالـت قسوتـك وأنـت ليّـن في قسوتك ياقلب ويش انت لاقي !؟ اللي تعـدّى عمـر ماهـوب هيّـن والعالم الله كم مـن العمـر باقـي ! يمكن يطول .. ويمكن اليـوم أعيّـن موتي .. ويبكون الحبايـب فراقـي وش عاد أسوي وسط قبري وأزيّن ؟! لاجفت عروق .. وعيون .. وسواقي لا عاد بـه فرصـة عشـان آتحيّـن ولا عاد به زفـرة وأفـك اختناقـي باكـر وكـل اللـي سترتـه يبيّـن وانا علـى هالحـال ميّـس وهاقـي مـدري متـى يهدينـي الله وأديّـن وأكف عن بعض المشاوير ساقـي ! . . . . # فهد المساعد ’، ][ البارت الثاني عشر ][ ’، التفت له : اللي سمعته ، ليلى تحت رحمة الله ، مشى سامي وقرب من ابوه ودموعه تخط على خده ويأشر على نفسه : انا ماكنت العب طول الوقت مثل ماكنت انت تقول تعرف القرف هذا اللي قلت انت عنه قبل شوي هذا منها ، "وبصوت اعلى وهو يأشر على الدم اللي بلبسه " هالدم اللي تشوفه بملابسي دم ليلى يبه دم ليلى حسو بخبطه والتفتوا مفجوعين لقوا ام سامي طايحه بالأرض ومغمى عليها ، ركض لها سامي وبدى يضرب على خدها بخفه : يمه يمه ، قومي يالغاليه مانبي نفقدك انتي بعد يكفي علينا ليلى قرب ابوسامي ومعه كوب مويه من الطاوله وبدى يرش عليها وحسها تحركت وتستجيب له فرح سامي ام سامي وهي تبكي وبصوت خافت من التعب : سامي قول انك تكذب نزل سامي وباس راسها وهو يبكي : محتاجه لدعواتك يمه ، ادعي لها ’، كانت تدق عليه بس ماتحصل اجابه زفرت بضيق ليش مايرد عليها هي عارفه بجدوله كل يوم بهالوقت يكون فاضي ورجعت تعيد الاتصال بس هالمره اعطاها مشغول تضايقت كثير من تطنيشه لها وحست بخوف من المستقبل المجهول خصوصا بعد ملكته ’، جلس على مكتبه بعد مارجع لينا للبيت ، ماله خلق لشي يحس ان الدنيا مسكره بوجهة من كل النواحي ، من صقر ومن ملكته الغريبه ومن عليا تنهد بضيق وهو يرجع راسه على الكرسي ويغمض عينيه حتى يدخل بإسترخاء يقدر يرتب اموره واوضاعه طرت على باله الملكه واحداثها ، انبهاره برغد ونعمومتها وملامحها الجذابه حس براحه من جهتها ونسى انتقامه لبعض الوقت وقام يذكر تفاصيلها على قله الوقت بس انطبعت صورتها بباله ملامحها تقاسيم جسمها بكل شي ابهرته ماتوقع ولا جت بباله انها بتكون بهالنعومه تذكر ملامحها وملامح هبه مرت ابوه حس بشبه بسيط بينهم بعدها تذكر تصرفات هبه اللي ماتعجبه وخاف ان تكون رغد مثلها وفكر بسخريه ماهي عمتها ماراح تروح بعيد ، بس خلها تسوي حركاتها والله لأعدلها انا يكفي اللي بقلبي عليها وانا مابعد عرفتها فلو تصير مثل عمتها بجد هنا بيكون قلبي ملياان كله عليها حس بضربات بسيطه على الباب قطع عليه وقت استرخاءه جاته الممرضه تخبره ان الحين فيه موعد عنده وراحت رغد عن باله وهو منهمك بشغله ’، فتح عيونه بتعب وقام يكح بقوه مسك صدره بتعب وهو يتنفس بصعوبه طول الليل ماهو عارف ينام قام للحمام وهو يترنح من التعب غسل وجهه بموية بارده علّ وعسى تطفي النار اللي يحسها بوجهة ، خرج من الحمام " وانتو بكرامه " وأخذ بطانيه ولفها على جسمه ونزل ببجامته وهو ناسي ان بالبيت ممكن يصادفه اشخاص ماهم محارمه بسبب التعب وصل للصاله ولقى جدته وعمته يسولفون وماهم ماخذين ببالهم منه سلم حتى ينبههم بوجوده ردو السلام الجده بخوف : وش في ياوليدي عسا ماشر قرب وجلس قريب منها وبصوت مبحوح : انفلونزا بسمه : وليش ماخبرتني او اتصلت علي حتى اكلم لك احد العيال يجي يآخذك للدكتور رد وهو يحس بصداع يداهمه : مايحتاج ياعمه الجده بخوف وقلق وهي تقرب من عنده وتلمس جبينه وخده : لا وش مايحتاج ، الا يحتاج ونص ابتسم أسامه وهو يبوس يدها : والله ماحتاج يالغاليه بس ابي بنادول لان راسي صاكني قامت بسمه : طيب ثواني اجيب لك شي تاكله والبندول رد بإعتراض : يا ياعمه مايحتاج اكل بس بنادول ضربته الجده بخفيف : تاكل دوا بدون شي قبله مايصلح ، التفتت على بسمه : جيبي يابسمه وماعليك منه بسمه : ان شاء الله يمه الجده التفتت على اسامه : وانت تاكل لك الحين وتاخذ بندول بعدها ، واول مايرجع احد من الشباب تروح للدكتور معه اسامه بابتسامه : ان شاء الله يمه * الجده من بعد وفاة عبدالاله ومرته وهي تخاف على اسامه وبسام حيل وتحاول تعوضهم باللي تقدر عليه ’، مرت كم يوم ومن خلالها صارت بعض الأحداث والمواقف - لبست عبايتها بعد مااستأذنت من زوجها حتى تروح لموعدها مثل العاده كانت تتوقع ان كل اللي تسويه خفي ومايعلم به احد بس تغافلت عن عين العالم بكل شي ومااستحضرت خوفه بكل اللي تسوي ، اتصلت عليها رفيقة السوء اللي تعاونها على هالشي وطلبت منها تتجهز لأنها قريبه من البيت ، تجهزت بس كان قلبها خايف ماتعرف ايش السبب وكأنها أول مره تعملها ، متردده مابين انها تروح او تهون وتجلس بالبيت اول مره يجيها هالاحساس المخيف كلها كم دقيقه ويعلن جوالها بالمتصل ردت : هلا أحلام المتصل : السلام عيكم ردت بإستغراب : وعليكم السلام المتصل : اختي تعرفين صاحبه هالرقم بخوف : أيوه ليه حاصل شي المتصل : من أهلها هبه : لا صديقتها ليه المتصل : صاحبه الجوال صار لها حادث وهي وشخص معاها وحنا اتصلنا على اخر رقم شهقت بخوف : ايش ، صار لها شي المتصل : حاليا تم نقلها هي واللي معاها لمستشفى الـ ..... وياليت تخبرين احد من اهلها ردت بسرعه وهي تطلع للدرج : طيب طيب الحين جايه ، يعطيك العافيه اخوي المتصل : الله يعافيك طلعت لغرفتها وغيرت لبسها وخرجت بسرعه وهي تقول للسواق يآخذها للمستشفى واول ماوصلت سألت عنها وخبروها انها بغرفه العمليات ركضت للقسم وهي تبكي وجلست تنتظر عند الباب دقت على شخص واحد لأنها ماتقدر تكون لحالها وهي بهالحاله هبه : متعب الحقني الله يخليك متعب بخوف وهو يقوم من كرسي الكوفي : هبه ايش حاصل هبه : أنا بمستشفى الـ .... ياليت تجي متعب بسرعه وهو ياخذ أغراضه ويطلع من المقهى ومتجاهل الشباب اللي معاه وينادونه : الحين جاي ، بس تراك خبصتي قلبي قولي صاير لكم شي هبه : لا تطمن كلهم بخير وتقدر تتصل عليهم بس تعال الله يخليك انا يقسم العمليات متعب : طيب طيب الحين جاي كلها دقايق ويكون متعب عندهاا : ايش فيك هبه ايش اللي جابك هيه : صص صديقتي صار لها حادث وموعارفه ايش اسوي دقو على رقمي لأني آخر شخص كلمها ومااعرف كيف اوصل الخبر لأهلها متعب يطمنها : تطمني الحين ، وماراح يصير الا كل خير ، تعرفين رقم اهلها هبه : ايوه متعب اعطيني نقلته هبه الرقم وكلم اهل احلام ووصل لهم الخبر دقايق وطلع الدكتور ، راح له متعب : ايش اللي حصل الدكتور : انتو من اقاربها متعب : ايوه الدكتور : للأسف الحادث جدا قوي وماحنا قادرين نعمل لها شي عندها نزيف وماحنا قادرين نوقفه وغير كذا ماعلى لسانها الا اسم هبه بين فتره وفتره تقوله حاليا محاوله لإيقاف النزيف بس حالتها جدا سيئة والأعمار بيد الله ، بس لو تعرف هبه ياليت تخليها تحضر ، ضروري متعب : ايوه ، تقدر تدخل هز راسه الدكتور وطبطب على كتف متعب : الصبر وانا اخوك وان شاء الله تنالوا اجر على هالشي وراح انهارت هبه وهي تبكي راح لها متعب : قومي هبة وروحي لصديقتك شوفي وش تبي هزت راسها هبه ودخلت عندها بهالوقت وصلوا اهل هبه وشرح لهم متعب الوضع وواساهم ، دقايق بسيطه وطلعت هبه وهي بإنهيار تام راح لها متعب وحضنها وهو يحاول يهديها وطلع بعدها الدكتور اللي صدم اهل احلام بالخبر مسك متعب هبه واخذها برى المستشفى ع البيت ولغرفتها وهو يحاول يهديها لحتى نامت وهي تتمتم ببعض الكلمات اللي مافهمها مثل " ليش ، ماتت ، حرام ، انا ماسويت شي " ’، - وصلهم بلاغ بمداهمة بعد ساعه ولازم يكونون على استعداد تام بدا القسم بالربكه لأن المداهمه جت مفاجئة ولا احد متوقع وقتها بمثل كذا بدبعد ساعه بالضبط تحركت السيارات من المركز متوجهةة للموقع المحدد وصلوا للموقع والقائد يرتبهم القائد : سرية 1 و 2 و 4 و 6 خليكم بالمقدمه ، ، سرية 3 و 5 انتو بعد 5 دقايق تدخلون , , باقي السرايا تحاوطون المكان من برىوواي فرد غريب يخرج من المبنى تمسكونه لو قاوم وحاول يهرب استعموا الاسلحه بس انتبهو يموت حاول اصابته بس لتقييد حركته مفهوم جميع السرايا : مفهووم حط عبدالله يده على كتف أحمد : ايش فيك احمد برعب : خايف ياعبدالله خايف عبدالله تطمن : وانا اخوك ان شاء الله مايصير الا الخير أحمد : لو كان معهم رحت فيها انا وراحت فيها سمعتنا ، الله يستر ، الله يستر انتبهوا للكلام اللي يأمرهم بالدخول وبدو بخفه يدخلون للمبنى ويفتحون اي غرفه تقابلهم ، وبدقايق عمت الفوضى المكان واصوات اطلاق النار و صوت المكبر من قبل الشرطه مع صوت الاسعاف بعد ساعه ونص توقف اطلاق النار وبدى افراد الشرطه بالخروج من المبنى ماسكين اشخاص و الاسعاف بحمل بعض المصابين من الشرطه ومن ضمنهم عبدالله رفيق عأحمد اللي اتصاوب بيده ومن تجار المخدرات راحو للمستشفى وكان عبدالله وناصر مع احمد ويسولفون معه حتى ينتهي بس المغذي منه ويروحون بعدها أحمد : يالله لك الحمد ، قسم بالله اول مادخلت بس اشوف بالوجيه من الخوف عبدالله بإبتسامه : الحمدلله ، الله يطمنكم عنه احمد : امين ياارب ’، - تأجل زواج لينا وصقر بسبب الحادث وبيكون ب3 أيام العيد بما ان مابقى شهرين على الاجازه اللي بتكون بنهاية شهر 7 ، وشهر 8 ماينفع ينحط بعده رمضان فأحسن شي يكون بالعيد ’، - هبه وحالتها النفسيه بعد وفاة احلام والكلام اللي قالته لها كانت دمااار اغلب الوقت بغرفتها وساكته الا من بعض الكلمات اللي تقولها والدمع يكون مالي عينها ، وماعاد ردت على مكالمات عمر ’، - الجميع عرف بحاله ليلى ودخولها بغيبوبه مايعرفون متى بتصحى ، الجده اول ماعرفت بالخبر بكت واول كلمه قالتها " حسبي الله عليك ياابراهيم ضيعت البنت " ااهلها كانوا كل يوم يتواجدون واحيانا يجي معاهم العمان والبنات سامي بلغ عن سامر وقالهم عن سالفه الشرب والضرب ، اما ابوسامي كان بحاله واستفاق منها بعد ماحس انه بيخسر احد اولاده زواجه ليلى بسبب طمعه بالفلوس وكأنه بايعها لسامر اول ماجا وطلب ليلى اغتر بالمظاهر ومااهتم بسعاده وراي بنته ’، - تركي ورهف تركي بدى يميل لرهف واسلوبها وخجلها كانت تطري على باله رغد بس يحاول ينساها ويبعدها عن باله ورهف مبسوطه بالتغير اللي حاصل لتركي ’، عليا زعلانه من متعب وهو يحاول لرضاها بس هي تبي تعلمه درس حتى يرد على مكالماتها ، فرحت لما شافت متعب بحالته كذا وهو يطلب رضاها يعني مكانتها لازالت موجوده عندده وكبيره حتى بعد الملكه ’، تحدد زواج متعب ورغد بيكون بعد أقل من شهرين بعد الاختبارات بإسبوع طبعا الجده هي من حددت الموعد صحيح انهم زعلانين على ليلى بس على قولة الجده انهم محتاجين فرح بعد الاحداث اللي صارت لهم وبدون علم رغد ’، بدر يعد الأيام والساعات حتى يرجع لأهله يبي يخلص بأي طريقه ’، عمر وعبير .. لازالت عبير تحرق عمر بخططها تجاه هبه اللي متجاهله كل اتصالات عمر وتهديداته بسبب حالتها السيئة بع موت أحلام ’، أحمد عايش بهم كبير ماله بالفضفضه الا لعبدالله ولا أحد من أهله يعرف باللي فيه ، الشي الوحيد اللي يبهجه هو الصبح لما ياخذ ريدا للدكتور النفسي ويسمع كلام الدكتور بتحسنها الكبير ’، تكلمت بعصبيه : انتم وش تقولون ، لا موموافقه وقف وقرب منها : طيب ليش يارغد اعطينا سبب ولو كان مقنع نكلم الجماعه ونغير الموعد رغد : مايكفي الوقت ضيق وانا مقبله على اختبارات يعني مالي الا هالشهر اضغط على عمري فيه وبعدها بنشغل بالاختبارات وانتو عارفين ان الموعد اللي حددوه بعد الاختبارات بإسبوع ماينفع سعود : عذر مومقبول ، ايش وراك هالشهر ، نروح كل يومين او ثلاثه للسوق واخذي اللي تبين رغد : وانا اتعب ، سعود انت عارف ان تجهيزات الزواج متعبه ماينفع اضغط على عمري شهر واجهز فيه سعود : احنا ماعاد عندنا كلام الجماعه خلاص حجزوا القاعه والترتيبات ، الزواج بعد شهرين ، تبين السوق انا فيه والسواق خذي رهف او امل وروحي رغد : ياسلاام ، الحين هم يتصرفون من كيفهم وكن مالنا رآي ، وبعدينامل يالله تشيل نفسها مع هالحمل انت عارف تعبها بهالحمل ، ورهف راحت واخذت اللي تبي ، وبعدين فيه مسافه كبيره على موعد زواج رهف اخذت فرصه مومثلي كل شي حتى بالراي مااستشرتوني فيه حرام عليكم وطلعت لغرفتها بضيق وغضب من كل شي كانت بالاول شايله هم الاختبارات ونقلها لجامعه الدمام بآخر سنه لها الحين جا هم اختبارات وهم زواج وهم زوج ماتعرف عنه شي ولا احد رضى يتكلم عنه الا بكلمات بسيطه رجال وماعليه جلست على السرير بغضب بهالوقت رن جوالها وردت بدون ماتشوف رغد بحده : نعم المتصل :السلام عليكم رغد بتأفف لأنها عرفت انه ازعاج بس بتشوف ايش الاخر : هلا وعليكم السلام المتصل : كيف الحال رغد بعصبيه : اقول ترى مورايقه لحركات الشباب السخيفه كيف الحال وممكن نتعرف طس زين وسكرت السماعه بوجه المتصل ، ماهي الا ثواني ورجع يدق الرقم من جديد رغد بغضب : خير خير اقلقتني وازعجت امي وش تبي اانت الحين الحين انا موقفلت السماعه بوجهك وش له ترجع تدق صدق ناس مغسول وجهها بمرق ضحكه انطلقت من الطرف الثاني خلا رغد تولع من الغيض يكفي اللي فيها رغد : وجع يوجعك الشرهه مو عليك علي انا اللي راده ومعطيتك وجه توها بتسكر وصلها الصوت المتصل : لحظه لحظه رغد هنا بوهت رغد : هذا يعرف اسمها رغد بخوف : من انت المتصل برواقه : ههههههههههه افا ماعرفتيني رجعت رغد للعصبيه : اقول اخلص علي من انت وكيف عرفت اسمي المتصل : معك متعب ، خطيبك او نقول زوجك احسن ’، ][ همســـة ][ كلمتان خفيفتان على اللسان ثقيلتان في الميزان سبحان الله وبحمده ، سبحان الله العظيم | ||||
|  |
|
22-01-15, 11:06 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـ ’، لا ضاقت الدنيا عليك وتشاويت .. .. خلق الله اللي فالرخا كان واجد ومن العرب والصوت والثوب مليت .. .. وقامت عليك هموم بأقعا تراجد فارفع يديك لخالقك لا توضيت .. .. وادعو تراك أقرب إليا صرت ساجد ووقت من أوقاتك للأوقات توقيت .. .. وسجل لنفسك في المساجد تواجد وأبشر بفزعة حامي الدين والبيت .. .. إليا هجدك من الهواجيس هاجد اللي يميت الحي ثم يحيي الميت .. .. لرضاه شف كثر البشر بالمساجد . . . . #محمد بن فطيس ’، ][ البارت الـثالث عشـر ][ فك الحزام بعد ماهبطت الطائره وهو مبسوط انه بيقابل البنت اللي دق قلبه لها ، من اول ماابتدت اجازته وهو حاجز لدبي وركب الطياره على الرغم من انه ايام بسيطه تفصله عن زواجه اللي مااهتم فيه نزل من الطياره وركب تاكسي ومر على محل الورود وأخذ باقه وشكولاته وراح لمحل الذهب أخذ لها تعليقه ومر أحد المطاعم ووصى على عشا لهم بعدها راح للشقه ، اول ماوقف السايق نزل بسرعه بعد ماحاسبه وهو يحس بنبضات قلبه يسمعها كل من في العالم رن الجرس كم مره وهو حاط اصبعه على العين انتظر اجابه بس مالقى رجع من جديد وظربه كم مره ونفس الاجابه حس بالخوف طلع المفتاح من جيبه وفتح الشقه ومشى بهدوء شاف الصاله فاضيه ومافيه غير نور الثريا استغرب انها ممكن تكون نايمه ، مشى لغرفة النوم وفتحها بهدوء ونفس الشي كانت خالية استغرب وين بتكون بهالوقت جلس على السرير بعد ماحط الاغراض بجانبه وخرج جواله من جيبه واتصل عليها كم رنه وسمع صوتها المحبب لقلبه : اهلين حبيبي ابتسم بحب : هلابك ياقلبي كيفك عليا : انا زينه انت شحالك براحة : دوووم ياارب انا بخير دامك بخير ، اقول علوي حبيبي عليا : هلا حبيبي متعب : انا اخر مره جيت فيها من بعدها مالقيت اوراق بالله دوريها في الدولاب شوفي كانك لقيتيها عليا : بس متعب انا مو بالشقه متعب : وينك فيه عليا : انا سايره مع ميثه نتمشى متعب : طيب ماعليه حبيبي ممكن ترجعين الحين للشقه وتدورين عليها ، ابيها ضروووري عليا بإستغراب : طيب بس ممكن اتأخر على ماارد عليك متعب : انتي بعيده يعني عن الشقه عليا : تقدر تقول يبيلي تقريبا ثلث الى ربع ساعه متعب : اوك مومشكله انتظرك بس بسرعه الله يخليك عليا : ان شاء الله حبيبي متعب : باي عليا : بايات ’، كانت منسدحة على السرير وتناظر السقف هي سرحاانه بحياتها الجايه كانت خايفه كثيير منها ماتعرف ايش بتسوي وكيف راح تتعامل مع الشخص الجديد اللي بيكون مسؤول عنها ، انقلبت للجهة الثانيه وهي تتنهد وتتذكر المكالمه الاولى والاخيره اللي سمعت صوته فيهاا المتصل : معك متعب ، خطيبك او نقول زوجك احسن رغد من الروعة ماعرفت ايش ترد : .......... متعب : ايش فيك رغد بربكه : ولـ آآ شش يي متعب بسخريه : له له وين لسانك اللي قبل شوي فجأه طخيتي ، ماهو قبل شوي بغيتي تطلعين لي من السماعه وتضربيني انحرجت رغد ونفس الشي ماردت متعب : كيفكك رغد : اا الحممد لله ، انت كيفكك متعب : بخير ، ناقصك شي رغد : لا تسلم ، ماتقصر متعب : طيب مع السلامه رغد بهمس : سلام كانت مستغربه من البرود اللي حاصل من هالمكالمه ولا فيه واحد اول مره يكلم خطيبته ويكون بارد كذا تنهدت بخوف وهي تحاول تبعد الافكار عنها حتى ترتاح شوي سمعت جوالها يرن ، ردت رغد : اهلين ريمو ريم: هلابك رغود ، كيفكك رغد ، الحمدلله ، وانتي ريم : تمام ، رغود شفتي نتيجتك رغد بإستغراب : ليه طلعت ريم : ايوه يالبارده ، أنا نتيجتي طلعت رغد : والله ، هاه بشري ريم بفرحه : ابشرك الحمدلله نجحت وعديت هالكورس رغد : مبرووووك حبيبتي ، يالله وخري خليني اشوف ريم : الله يبارك فيك ، طيب وطمنيني رغد : ان شاء الله باي ريم : بايات ’، سكرت باب الشقه وحطت طرحتها والشنطه على المدخل ، حست بشي يغطي عينها ويهمس بإذنها : اشتقت لك حييييييل ابتسمت براحة بعد ماسمعت همسه ولفت عليه : ميتوووو وارتمت بحضنه وهي مبسوووطه ، لف يدينه حولها وهو يبادلها الضم متعب : ياعيووون وقلب ورووح ميتووو انتي ابتعدت عنه : ايش هالمفاجأه الرووعه ، متى جيت متعب بحب وهياام : والله انتي الروعه والحلاا كله " ناظر ساعه " والله جيت تقريبا قبل ساعه الا ربع من اول ماكلمتك عليا : ياحيااتي انت ، لحظه خليني ارمس مع ميثه تروح لانها تترياني تحت متعب : اوك سحبها وجلس على الكنبه وجلسها بحضنه اول ماسكرت قبلها على خدهااا ووقفها ووقف معها عليا : ايش فيكك سحبها لحد باب الغرفه وغطى عينها بإيده وهمس : اوووششش بلا كلام زايد فتح الباب وقدمها شوي لحد ماانتصفت للغرفه وابعد يده فتحت عينها وتفاجأت كثيير من الشي اللي عمله كانت الغرفه باارده وكان فيه شموع على شكل مسار الطاوله عليها مفرش ومرتب الأكل فوقها وفيه شمعداتين والسرير الفراش جديد وعلى ورد منثور والباقه والشوكولاته وعلى التسريحه شموع على شكل قلب وداخل القلب علبه ، كان شكل الغرفه خياااااااااال التفتت له وبعينها دموع : شله كل هذا شالمناسبه متعب بهمس : ولا شي بس حبيت اخلي هاليوم مميز وماننساه ، وقرب منها لحد كثير وهمس : احبكككك ’، جلست على الكنبه بتعب : اووووووف هالمتعب الحين هو يروح يسافر ويستانس وحنا ننكرف بشقته اجل قد خبرتي معرس مسافر وماباقي على زواجه الا كم يوم ، وحضرته مابعد جا صار له حول الاسبوع وزواجه بعد بكره أبي اعرف شهالبروود اللي فيه ضحكت ليان : روقي ياحبيبتي روقي ، خليه يسافر قبل ماتجيه العله وتقلب حياته لينا بغضب : ليان شهالكلام ، لاتحكمين على الناس بدون ماتعاشرينهم صدت ليان والكلام موب عاجبها : اسكتي واللي يعافيك ماراح تبعد عن عمتها العرق دساس وانا اختك كان فيه شخص يسمع لكلامهم حست بحزن كبيييير على رغد وعلى نفسها هي اللي اعطتهم هالصوره عنها وعن رغد لو كانت قريبه منهم كان رفعوا رغد للسماء وماكان متعب علاقته كذا مع رغد ولا هو مسافر وتارك كل الامور على خواته وكأنه مو هو المعرس طلعت لغرفتها وهي تكتم شهقاتهاا ، سمعت صوت جوالها يرن دخلت غرفتها واتجهت لجوالها ورفعته شافت رقم عمر ضغطت على جوالها بقوه وهي متندمه قد شعر راسها بس وش يفيد الندم الحين ، جلست على السرير ومازالت تراقب الرقم كانت متخوفه من تهديدات عمر اللي يرسلها ودها ترد وتشوف وش عنده بس مالها اي طاقه تتكلم من الخوف ’، طلت براسهاا : رغووود اعتدلت بجلسها : هلا رهف حيااك دخلت رهف ومسكت يدها : لا انتي قومي ابيك رغد وهي تقوم من السرير : ايش فيك رهف : انتي تعالي وتعرفين استغربت حركات اختها : طيب اغير لبسي بس رهف وهي تسحبها للمجلس : مو لازم تهبلين فتحت الغرفه ودفتها بخفه وهي مستغربه ماهي الا ثواني حتى التفتت خلفها من الصوت : مفآآآآآآآآآآآآجآه اشتغلت نور الثريا وهي ماهي مستوعبه الوضع حست بأحد ارتما بحضنها ابتسمت لما عرفت من وبادلتها الحضن تكلمت بدموع : اشتقت لك رغووود رغد ضمتها وهي تبكي : حبيبتي نوري والله حتى انا اشتقت لك كثييير يد ريم اللي فكتهم وبهبال : اقول خلاص وخري عنها جأأ دوري اضمها ضحكو على هبالها ، وهي تضمها رغد : رييموووا ياقلبي علييك ريم : احبك ياابطه ومبرووك ياقلبي رغد : الله يبارك فيك حبيبتي ابتعدت ريم عنها وضمتها اميره اختها : مبروووك رغووده رغد وهي تبكي : الله يبارك فيك ميمي ، عقباالك وبعدها جت رهف وضمتها : مبروووك حبيبتي رغد وهي تضمها بقووه وبهمس : الله يبارك فيكك ابتعدت رهف وحست رغد بأحد يشد بنطلونها نزلت راسها شافت جوري بنت اختها امل : وانا حاله رعوده ابي ضحكت رغد ونزل ضمتها : ياحيااتي يانتي انفتح الباب : له له وش هالخيانه يابنات التفتوا كلهم للباب شافو امل جايه ناحيتهم وهي تمشي بشويش بسبب الحمل راحت لها رغد وضمتها : ياحبيبتي ياامل وش اللي مجيبك هنا تعب عليك ابعدها امل : وانا اقدر افوت حفله توديع العزبيه لأحلا عرووسه لا مااقدر مسحت امل دموع رغد : مبروووك حبيبتي رغد : الله يبارك فيك وعقبال جوري واخوانها ياارب رهف : يالله خلااص خلصنا من المشاهد الدراميه الحزينه اجلسوو ، جلسو البنات تلكمت رغد : والله موعارفه ايش اقول بجد فاجأتوني على اللي سويتوه ابد ماتوقعتها نوره : ياحبيبتي احسن شي ماتتوقعين رغد : كيف خطرت على بالكم وربي ماحسيت بشي رهف : انتي عازله نفسك وحلو هالشي خليتينا براحتنا عاد ، رغد ماتفوت شي الا وتعرفه ضحكووا واستأذنت أمل بعدها بتروح تخليهم هم بنات ويبون ينبسطون وهي تروح تريح ظهرها ’، دخل للبيت بحدود الساعه 2 بالليل وكان هادي شي اكيد وهو ماوصل الا متأخر طلع لغرفته وفتحها بالأيام اللي فاتت عاش أيأم حلوه حييييل واعتبرها اجمل ايام حياته مع عليااء ووده بالمزيد بعد يتمنى ان طول حياته تبقى معها وهو ناوي ومقرر من هالشي حتى لو اخذ رغد هو قلبه ملك لعليا ورغد طلعت بوجهة تتحمل اللي بيجيها منه ، انسدح على السرير بتعب وهو سرحان بافكاره شوي شوي غاب عن الدنيا وسافر لدنيا ثاانيه ’، ..: هاه عمر ايش سويت باللي قلت لك عمر : ولا شي صرخت : كيف لا شي عمر ، انا م متى قلت لك واعطيتك مهله طويله حتى تنفذ هالشي عمر : عبير ايش اسوي قوليلي ، امي تعبت ولهيت معها غير كذا انا كل ماادق عليها ماترد او مقفل تنهدت عبير بقهر : عمر خلصني من اللي قلت لك عليه بأسرع وقت ابي اطفي النار اللي بداخلي وانتقم منهم عمر : لاتحطين ببالك فكره الانتقام امك هذا يومها و.. قطعت عبير كلامه : عمر انت ماتحس بالنار اللي داخلي انت ماجربت ان حلالك ينسرق من صديق ابوك ولا جربت ان ك تدور بالشوارع عشان لقمه تاكلها ولا جربت ان امك تموت قدام عينك وتوصيك انك تاخذ بثار ابوك ، انا راح انفذ وصيه امي ولازم ادمر هالعايله واذوقهم المر اللي ذقته ، المهم عمر حاول الله يخليك عشاني أنا الحين بتركك وبسكر وانت حاول لو تضطر انك تراقب بيتهم وتتحرا طلعتها وتلاحقها فاهم ، عمر :طيب عبير: باي "وسكرت بدون ماتسمع رد منه " نزل عمر الجوال وهو ينهد وبهمس : الله يهديك ’، صباح جديد يطل على أبطالي بالشرقيه كان الوضع مرتبش الكل صاحي ويتجهز للرحله ويشيك على أغراضه بيت محمد أبومتعب مترأس طاوله الطعام وعلى يمينه هبه والتوأم ويساره كرسي فاضي و لينا وليان أبومتعب : متعب ماجا ؟! ليان وهي تشرب شاي : الا وصل رحت له قبل ماانزل وغرفته مقفله أبومتعب : وماصحى ماباقي شي على الرحلـ.. قاطعه متعب اللي دخل وهو يصدف أزرار قميصه : الا يالغالي صحيت وهذا أنا جيت "باس راسه" السلام عليكم الكل:وعليكم السلام أبومتعب بسخريه : الحمدلله ع السلامه بدري ابتسم متعب وهو يجلس بمكانه على يسار ابوه : الله يسلمك يالغالي "وأخذ خبزه وبدأ يدهنها بمربى " أبومتعب : متعب وش عندك بدبي ابتسم متعب بربكه بسيطه : أبد يالغالي ماعندي شي ابومتعب بحزم : متعب أنا سألتك سؤال صريح وجاوبني بدون لف ولادوران متعب : ييايبه الله يهديك يعني وش بيكون عندي رحت حتى انفه عن نفسي شوي دا ان اجازتي بدت فقلت اروح اتمشى أبومتعب : بس روحاتك كاثره لدبي كل مره وجهتك لها متعب : يبه هناك تحس انك بدوله اوروبيه من الانفتاح والتطور اللي فيها غير كذا وقت الدراسه كان عندي ربع من الامارات ونجتمع هناك ابومتعب : اتمنى يامتعب ان ماوراك شي ابتسم متعب : تطمن يالغالي ماوراي شي ’، أما بالرياض الوضع كان جدا هادي وكأي يوم عادي بما انه صبح ومافيه اعمال بيت ابوسعود بالصاله دخلت رهف : اوه اوه اشوف ابوسعود موجود غريبه ابتسم ابوسعود وهو يضم رغد من كتفها : اكيد بكون موجود دام هذا اخر صباح بجلس فيها مع حبيبتي أمل وهي تلتف لأمها : اقول ام سعود خلاص كرتك راح عند رغد سعود : لاتخاف يبه ترى غرفت موجوده وغرفه بدر بعج لو تحب تنام الكل : هههههههههه ابوسعود وهو يضحك : لا ساره هي الأساس ابتسم ام سعود بهدوء : عبدالعزيز سعود : شه شه ساره استحت ام سعود : سعيدااان الكل : ههههههههه رغد واللي تخلت عن هدوءها : اوووه اوووه ياساره من قدك رهف : هههههه يالعروس وين الهدوء اللي قبل شوي ولعت رغد وهجدت ، ضحك أبوسعود : رهيف خلي رغود بحالها أميره وهي مبتسمه بهدوء : رغد عايشه أميره هاليومين أمل : اكيد بس هاليومين بعدها بنسحب منها البساط رغد وهي تكلم امها : يمه بدر ماراح يجي ام سعود : لا يايمه بيصادف آخر اختبار عنده بكره ابتسمت رغد بحزن : الله يزفقه الكل : آمين ’، ][ همســة ][ لا شيء يكتمل كما نتوقعه دائما .. ولكن تأكد أن مالا تتوقعه هو الأجمل .. فلو علمت كيف يدبر الله لك الأمور لبكيت فرحت .. ’، ألقاكم يوم السبت بإذن الله | ||||
|
| |
|
24-01-15, 09:25 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ــ ’، ثقلت خطاي وكن الايام فوقي صخر الجبال وتحتي الريح والعج لا والله الا صار ما ارجيه عوقي غير الذي عن طلبته ما اتحرج يالله يا مضوي السما بالبروقي ويا مخرج وبل السحابه من اللج تمطرني برحمتك وتفك عوقي وتجعل لي من الضيقات والهم مخرج ’، ][ البارت الثآلـث عشــر ][ ’، فتحت عينها وتأملت سقف غرفتها وهي تفكر بهاليوم والاحداث اللي راح تصير فيه انقلبت للجهة الثانية ووقعت عينها على الساعه كانت تشير على الـ8 ص ، تفاجأت حست بأنها نامت بس ماتوقعت ان نومتها هذي ماخذت الا ساعه بس تنهدت وقامت لدورة المياه وغسلت فرشت سجادتها وصلت الضحى وتسندت بعدها على السرير وهي جالسه بالأرض تحس بحلقها غصه ماتعرف ايش سببها ودها تبكي وتصرخ رفعت يدها وشافت نقش الحنا فيها تذكرت امس ليله الحنا مثل مايقولون الكل تحنا والكل اجتمع عندهم جت خالتها وريم وحتى جدتها من ابوها وبنات عمانها وعماتها مع امهاتهم جو وهم اللي بالنادر يجتمعون ، تنهدت مومتخيله انها اليوم بتفارق غرفتها بتفارق البيت واهلها بتفارق اخواتها واخوانها وسعود آآآآه على سعود من ذاك اليوم وعلاقتها فيه مش ولا بد كانت شايله بخاطرها عليه حيييييل ، اشتاقت لبدر تمنت انه يحضر زواجها بس للأسف زواجها يصادف آخر اختبار نهائي عنده على كلامه لهم ، لو يوم زواجها بعد يومين كان فرحت به وبشوفته امتلت عينها بالدموع وخطت مسارها على خدها وقفت وطوت سجادتها وجلست على كرسي المكتب طلعت كراسها تبي ترسم اللي بداخلها بدت تخط خطوط عشوائية ماعرفت ترسم وتعبر بالرسم حست بيد على عينها ، ماهي مروقه لهالامور ابد يكفي اللي فيها رفعت يدها ووضعتها على اليد اللي بعينها حاولت تبعدها بس بدون فايده بضجر قالت : سعود مو وقتك اللي فيني يكفيني حست بهمس قريت لأذنها : ياعمري وش فيك فيه عروس المزاج اتش عندها بيوم زواجها تجبست بمكانها بمكانها هي تتوهم ااكيد رفعت يدها تتحسس يده وبعدها نزلت يده لأنفها وشمت ريحته المميزه نزلت دمعه ووبعدها لحقتها دموع التفتت له وضمته وهي تشهق من البكي مومصدقه انه بيحضر زواجها وهي اللي كانت قاطعه الرجا بهالشي ضمها له وهو مبتسم لفتره حتى هدت شوي وابتعدت عنه : بدور كيف جيت بدر والابتسامه على وجهه : معقوله زواج رغود ومااحضر رغد : طيب وااختبارك بدر : الاختبار والحمدلله عديته وكان امس وخرجت من الاختبار على طول على المطار وتوني دخلت البيت الاقيه هدوء قلت اجي لك لأني عارف انك ماراح تنامين رغد وهي تمسح دموعها : فديتك يالغاالي بدر : يالله خلينا نروح نشوفهم اكيد صحو رغد : لا مااعتقد تونا الساعه 8 بدر وهو يضربها على راسها بخفه : اي 8 الله يخلف عليك الساعه 10 وزياده بعد شهقت بروعه : كيف 10 بدر : بالله اقول قدامي انتي وهذا مابعد تزوجتي وكذا حالك اجل لو تزوجتي وجبي عيال بتصيرين غبيه دفته وهي بتطلع من الغرفه ووجها مولع وقالت بصوت واطي بس سمعه : سخييييف بدر ههههههههههههههههههههههههه هههههههههههههههههههههههه ’، حس بأحد يضرب الباب ويناديه بس ماكان مستوعب شوي حس بملمس على كتفه يضغط عليه : يالله قوم فتح عينه وركزها على اللي يصحيه لفتره حتى يستوعب الوضع ضغط بأقوى شوي : متعب يالله قوم بنتأخر على الطياره متعب بدون استيعاب : صقر وش جابك ؟!! صقر: متعب قوم يالله لاحقين اول ماسمع الطياره استوعب وعرف ان اليوم زواجه وهو امس ماراح مع اهله بسبب أوراق اجازته ، فز بسرعه من مكانه وتكلم وهو متوجه للحمام : الساعه كم صقر : الساعه 10 بسرعه لينا دقت علي لما انت مارديت يالله ماعندنا وقت استعجل وانا انتظرك تحت وخرج من الغرفه سكر متعب باب الحمام وهو يغسل على السريع ويتوضا مافيه وقت ياخذ شاور كان مخطط يصحى بدري حتى يروح يحلق بس شكله من التعب ماحس بالجوال والمنبه اللي مركده خرج بسرعه وصلى الفجر وغير لبسه واخذ اغراضه وسكر الباب نزل من الدرج بسرعه كان يحس بإحساس غريب حتى البيت يحسه موطبيعي بسرعه قفل باب العماره وشاف صقر مدخل سيارته راح وركب معه : السلام عليكم صقر : وعليكم السلام تنهد متعب وهو يلقط أنفاسه من الحركه السريعه : مااعرف كيف راحت علي نومه صقر وهو يحرك : ماعليه باقي وقت ان شاء الله متعب وهو يفتح الجوال ويتصل على ابوه ورفع الجوال لما شاف تعداد المكالمه بدأ : هلا بالغالي ابو متعب : وينك ياابوك كل هذا نوم متعب : العذر والسموحه يبه بس الفتره اللي فاتت ماكنت انام زين وهنا غطيت وماانتبهت ابو متعب : الله يعافيك ياولدي بس ترهق نفسك متعب وهو يبتسم : لا تخاف عندي شهر لقدام ارتاح فيه ابتسم ابومتعب : الله يوفقك يارب ويرزقك الذريه الصالحه متعب: امين ، يالله يالغالي تبي شي ابومتعب : لاسلامتك بس الله الله بالطريق ابتسم متعب : ان شاء الله ’، خارج أرض المملكه جالسه بأحد المطاعم مع صديقتها ، وهي تفضفض لها غيرتها عليا : ميثه والله بداخلي نااااار مااصدق ان اليوم زواجه ميثه : عليا حبيبتي انتي كنتي عارفه من أول ماعرستي عليه انه راح يجي وقت ويعرس عليج ، زواجكم بالسر بدون ماحد من هله يعرفون فشي متوقع عليا وهي تدمع : بس هو يحبني ميثه : حتى لو يحبج ابوه وهله مب راضين عن زواجه بالسر لو عرفوا ، علوي حبيبتي كل اللي بيدج هو الصبر وحاولي معه يعلن زواجكم واستغلي فرصه حبه لج بالضغط عليه ، انتي تملكين قلبه واكيد مب راضي على زعلج هزت عليا راسها بدون أي كلام ’، مر الوقت سريع على العايلتين متعب وصقر اللي وصلو للرياض بعد ساعه تقريبا وتوجهو للفندق لحد الظهر بعدها البنات راحوا للمشغل والشباب مع العريس متعب ، اللي يعلق واللي يتريق وهو ولا هامه ، اما عايله ابوسعود فالشباب لاهين نقل الاغراض للقاعه وبالاشراف على بعض اعمال الزينه والحريم راحو للمشغل مع العروس ’، الساعه 8 ونص العشاء وقفت سياره سعود ومعه رهف ورغد توهم بيفتحون الباب سعود : لحظه طالعوا فيه مستغربين رغد : وش فيه سعود : قريتوا الاذكآر رهف : يووه والله نسينا مع حوستنا اليوم سعود : يالله اقروها عند ي حتى اتأكد ابتسموا وبدو يقرون الأذكار ، بعد ماانتهوا التفت سعود على رغد اللي كانت جالسه بالمقعد اللي بجانبه ووضع يده على جبينها وبدآ يقرا كانت تلاحظ بس حركه شفايفه وعرفت ايش يعمل ابتسمت والغصه بحلقها بتبكي والله بتبكي وكيف مابتبكي وهي اليوم بتفارق اهلها ووبيتها وغرفتها واخوانها وكيف ماتبكي وهي ماتعرف عن اللي مسمى زوجها اي شي كل اللي تعرفه من الناس امها هي شي اكتشفته لا وكيف ماتبكي وهي بتبتعد عن اهلها وبتروح لمنطقه ثانيه وكيف ماتبكي وعلاقتها بسعود موحلوه طلعت شهقه منها وبدى يطلع منها صوت بسيط يدل على بكيها رهف : لا رغد ولاللي يخليك لاتبكين ابتعد سعود عنها ، ورفع غطاها ومسح دموعها بخفه : لاتبكين ياقلب سعود انتي عروس فيه عروس حلوه تبكي بهاليوم قبل جبينها وابتسم :الله يوفقك حبيبي نزلت رغد غطاها ونزلت اما رهف جت بتسكر الباب بس تذكرت : سعود جبتو المسكه خبط سعود جبينه بخفه : يووه والله نسيتها خلاص انزلي وانا الحين بروح اجيبها رهف : طيب وانتبه على نفسك ابتسم سعود وثواني وتحرك سعود من القاعه لما شاف رهف دخلت وراح يجيب المسكه ’، | ||||
|
| |
|
28-01-15, 10:41 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــ ’، ثقلت خطاي وكن الايام فوقي صخر الجبال وتحتي الريح والعج لا والله الا صار ما ارجيه عوقي غير الذي عن طلبته ما اتحرج يالله يا مضوي السما بالبروقي ويا مخرج وبل السحابه من اللج تمطرني برحمتك وتفك عوقي وتجعل لي من الضيقات والهم مخرج . . . #البدر ’، ][ البارت الرآبــع عشــر ][ ’، فتحت عينها وتأملت سقف غرفتها وهي تفكر بهاليوم والاحداث اللي راح تصير فيه انقلبت للجهة الثانية ووقعت عينها على الساعه كانت تشير على الـ8 ص ، تفاجأت حست بأنها نامت بس ماتوقعت ان نومتها هذي ماخذت الا ساعه بس تنهدت وقامت لدورة المياه وغسلت فرشت سجادتها وصلت الضحى وتسندت بعدها على السرير وهي جالسه بالأرض تحس بحلقها غصه ماتعرف ايش سببها ودها تبكي وتصرخ رفعت يدها وشافت نقش الحنا فيها تذكرت امس ليله الحنا مثل مايقولون الكل تحنا والكل اجتمع عندهم جت خالتها وريم وحتى جدتها من ابوها وبنات عمانها وعماتها مع امهاتهم جو وهم اللي بالنادر يجتمعون ، تنهدت مومتخيله انها اليوم بتفارق غرفتها بتفارق البيت واهلها بتفارق اخواتها واخوانها وسعود آآآآه على سعود من ذاك اليوم وعلاقتها فيه مش ولا بد كانت شايله بخاطرها عليه حيييييل ، اشتاقت لبدر تمنت انه يحضر زواجها بس للأسف زواجها يصادف آخر اختبار نهائي عنده على كلامه لهم ، لو يوم زواجها بعد يومين كان فرحت به وبشوفته امتلت عينها بالدموع وخطت مسارها على خدها وقفت وطوت سجادتها وجلست على كرسي المكتب طلعت كراسها تبي ترسم اللي بداخلها بدت تخط خطوط عشوائية ماعرفت ترسم وتعبر بالرسم حست بيد على عينها ، ماهي مروقه لهالامور ابد يكفي اللي فيها رفعت يدها ووضعتها على اليد اللي بعينها حاولت تبعدها بس بدون فايده بضجر قالت : سعود مو وقتك اللي فيني يكفيني حست بهمس قريت لأذنها : ياعمري وش فيك فيه عروس المزاج اتش عندها بيوم زواجها تجبست بمكانها بمكانها هي تتوهم ااكيد رفعت يدها تتحسس يده وبعدها نزلت يده لأنفها وشمت ريحته المميزه نزلت دمعه ووبعدها لحقتها دموع التفتت له وضمته وهي تشهق من البكي مومصدقه انه بيحضر زواجها وهي اللي كانت قاطعه الرجا بهالشي ضمها له وهو مبتسم لفتره حتى هدت شوي وابتعدت عنه : بدور كيف جيت بدر والابتسامه على وجهه : معقوله زواج رغود ومااحضر رغد : طيب وااختبارك بدر : الاختبار والحمدلله عديته وكان امس وخرجت من الاختبار على طول على المطار وتوني دخلت البيت الاقيه هدوء قلت اجي لك لأني عارف انك ماراح تنامين رغد وهي تمسح دموعها : فديتك يالغاالي بدر : يالله خلينا نروح نشوفهم اكيد صحو رغد : لا مااعتقد تونا الساعه 8 بدر وهو يضربها على راسها بخفه : اي 8 الله يخلف عليك الساعه 10 وزياده بعد شهقت بروعه : كيف 10 بدر : بالله اقول قدامي انتي وهذا مابعد تزوجتي وكذا حالك اجل لو تزوجتي وجبي عيال بتصيرين غبيه دفته وهي بتطلع من الغرفه ووجها مولع وقالت بصوت واطي بس سمعه : سخييييف بدر ههههههههههههههههههههههههه هههههههههههههههههههههههه ’، حس بأحد يضرب الباب ويناديه بس ماكان مستوعب شوي حس بملمس على كتفه يضغط عليه : يالله قوم فتح عينه وركزها على اللي يصحيه لفتره حتى يستوعب الوضع ضغط بأقوى شوي : متعب يالله قوم بنتأخر على الطياره متعب بدون استيعاب : صقر وش جابك ؟!! صقر: متعب قوم يالله لاحقين اول ماسمع الطياره استوعب وعرف ان اليوم زواجه وهو امس ماراح مع اهله بسبب أوراق اجازته ، فز بسرعه من مكانه وتكلم وهو متوجه للحمام : الساعه كم صقر : الساعه 10 بسرعه لينا دقت علي لما انت مارديت يالله ماعندنا وقت استعجل وانا انتظرك تحت وخرج من الغرفه سكر متعب باب الحمام وهو يغسل على السريع ويتوضا مافيه وقت ياخذ شاور كان مخطط يصحى بدري حتى يروح يحلق بس شكله من التعب ماحس بالجوال والمنبه اللي مركده خرج بسرعه وصلى الفجر وغير لبسه واخذ اغراضه وسكر الباب نزل من الدرج بسرعه كان يحس بإحساس غريب حتى البيت يحسه موطبيعي بسرعه قفل باب العماره وشاف صقر مدخل سيارته راح وركب معه : السلام عليكم صقر : وعليكم السلام تنهد متعب وهو يلقط أنفاسه من الحركه السريعه : مااعرف كيف راحت علي نومه صقر وهو يحرك : ماعليه باقي وقت ان شاء الله متعب وهو يفتح الجوال ويتصل على ابوه ورفع الجوال لما شاف تعداد المكالمه بدأ : هلا بالغالي ابو متعب : وينك ياابوك كل هذا نوم متعب : العذر والسموحه يبه بس الفتره اللي فاتت ماكنت انام زين وهنا غطيت وماانتبهت ابو متعب : الله يعافيك ياولدي بس ترهق نفسك متعب وهو يبتسم : لا تخاف عندي شهر لقدام ارتاح فيه ابتسم ابومتعب : الله يوفقك يارب ويرزقك الذريه الصالحه متعب: امين ، يالله يالغالي تبي شي ابومتعب : لاسلامتك بس الله الله بالطريق ابتسم متعب : ان شاء الله ’، خارج أرض المملكه جالسه بأحد المطاعم مع صديقتها ، وهي تفضفض لها غيرتها عليا : ميثه والله بداخلي نااااار مااصدق ان اليوم زواجه ميثه : عليا حبيبتي انتي كنتي عارفه من أول ماعرستي عليه انه راح يجي وقت ويعرس عليج ، زواجكم بالسر بدون ماحد من هله يعرفون فشي متوقع عليا وهي تدمع : بس هو يحبني ميثه : حتى لو يحبج ابوه وهله مب راضين عن زواجه بالسر لو عرفوا ، علوي حبيبتي كل اللي بيدج هو الصبر وحاولي معه يعلن زواجكم واستغلي فرصه حبه لج بالضغط عليه ، انتي تملكين قلبه واكيد مب راضي على زعلج هزت عليا راسها بدون أي كلام ’، مر الوقت سريع على العايلتين متعب وصقر اللي وصلو للرياض بعد ساعه تقريبا وتوجهو للفندق لحد الظهر بعدها البنات راحوا للمشغل والشباب مع العريس متعب ، اللي يعلق واللي يتريق وهو ولا هامه ، اما عايله ابوسعود فالشباب لاهين نقل الاغراض للقاعه وبالاشراف على بعض اعمال الزينه والحريم راحو للمشغل مع العروس ’، الساعه 8 ونص العشاء وقفت سياره سعود ومعه رهف ورغد توهم بيفتحون الباب سعود : لحظه طالعوا فيه مستغربين رغد : وش فيه سعود : قريتوا الاذكآر رهف : يووه والله نسينا مع حوستنا اليوم سعود : يالله اقروها عند ي حتى اتأكد ابتسموا وبدو يقرون الأذكار ، بعد ماانتهوا التفت سعود على رغد اللي كانت جالسه بالمقعد اللي بجانبه ووضع يده على جبينها وبدآ يقرا كانت تلاحظ بس حركه شفايفه وعرفت ايش يعمل ابتسمت والغصه بحلقها بتبكي والله بتبكي وكيف مابتبكي وهي اليوم بتفارق اهلها ووبيتها وغرفتها واخوانها وكيف ماتبكي وهي ماتعرف عن اللي مسمى زوجها اي شي كل اللي تعرفه من الناس امها هي شي اكتشفته لا وكيف ماتبكي وهي بتبتعد عن اهلها وبتروح لمنطقه ثانيه وكيف ماتبكي وعلاقتها بسعود موحلوه طلعت شهقه منها وبدى يطلع منها صوت بسيط يدل على بكيها رهف : لا رغد ولاللي يخليك لاتبكين ابتعد سعود عنها ، ورفع غطاها ومسح دموعها بخفه : لاتبكين ياقلب سعود انتي عروس فيه عروس حلوه تبكي بهاليوم قبل جبينها وابتسم :الله يوفقك حبيبي نزلت رغد غطاها ونزلت اما رهف جت بتسكر الباب بس تذكرت : سعود جبتو المسكه خبط سعود جبينه بخفه : يووه والله نسيتها خلاص انزلي وانا الحين بروح اجيبها رهف : طيب وانتبه على نفسك ابتسم سعود وثواني وتحرك سعود من القاعه لما شاف رهف دخلت وراح يجيب المسكه ’، | ||||
|
| |
|
28-01-15, 10:44 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، بالفندق عند عائله ابو متعب خرج متعب من الغرفه بعد مالبس ثوبه وشماغه والعقال بيده شاف الشباب مجتمعين مع الجده بسام اول ماشافه مع سلطان : يامعيريس عين الله تراك والقمر والنجوم تمشي وراك سلطان : الف صل وسلم عليك ياحبيب الله محمد بسام وسلطان : كللللووووللييييششش الشباب : ههههههههههه أسامه : اما عليكم شكل لما قمتو تزغردون لو داري شغلت الكام من أول سامي وهو يبتسم بخبث : لا تخاف ياولد العم كل شي محفوظ " وهو يأشر على جواله وابتدأ المقطع يشتغل " أحمد بعد ماخلص المقطع : هههههههه خطير ياسامي أسامه : بالله سموي حبيبي ارسلي المقطع قبل تحذفه سامي : لاتخاف يااسامه برسل المقطع بقروب العايله وبعدين ياحبيبي المقاطع اللي مثل كذا ماتنحذف لازم الأجيال تتناقلها بسام بضيق : ساميوووه يازفت احذفها سامي بخبث : كم تعطيني سلطان : كف على وجهك احذفه سامي : هههههههههههههههههه بسام وهو يناظر سلطان ويغمز له ، يعني نقوم عليه سلطان : يالله وفجأه قاموا على سامي وطرحوا ع الأرض وكلهم فوقه ويحاولون يآخذون الجوال، وسامي منكتم من الضحك وموقادر يسيطر على نفسه وبالأخير أخذوا الجوال بس مازالوا فوقه دخل فارس عليهم وبعصبيه بسبب الصراخ : بسيم ، سليطين قوموا عنه ذبحتوه بسام وهو يضحك ويقوم : فارس يرضيك يصورنا وبعدين يشوه سمعتنا عند النسايب فارس بإستنكار: وش نسايبه؟ سلطان : ههههههه يقصد بعدين بعدين فارس : ومن ذا الخبل اللي بيرضى فيكم بسام وهو يضحك ومستعد : مثل الخبل اللي رضا يزوجك بنته "وهرب برى الغرفه " الكل : ههههههههههههههههههههههههه ههههههه متعب التفت على جدته : وش فيك يمه ساكته ماهي من عوايدك الجده : متيعب يعني انا ثرثاره ضحك متعب : لا والله يمه مب هالقصد بس اللي اقصده انك انتي بهالمناسبات عندك كلام تقولينه تنهدت الجده بضيق : اعذرني ياولدي بس والله اني افكر بليلى وتمنيت انها تحضر تضايق ابومتعب : الله يقومها بالسلامه يارب الكل امين متعب : ان شاء الله يايمه بتحضر زواج لينا والزواجات الباقيه ابومتعب وهو داخل : وان شاء الله بتحضر العزومه اللي بنسويها بمناسبه زواج متعب وبتكون بمثابه الزواج الجده : ان شاء الله ’، ابتدو الناس بالحضور للقاعه وام سعود وام تركي و هبه و امل وحريم عمان رغد كانو بالاستقبال ، اما البنات كانو مشتغلين بالرقص على الساعه 11 وصل خبر لأم تركي ان اهل المعرس قريبين وابتدت الربشه اما عند المعرس ركب سيارته واللي يسوق به كان أسامه وبالمقعد الخلفي كان ابوه وعمه ابوسامي بالسيارات الثانيه كانو الشباب متوزعين مع الحريم الا بسآم اللي كان قبال سيارة متعب مع المصور ، كانت دخليتهم كبيره وملفته للي بالشارع سيارات اخر موديل مع الفليشرات والبواري والتشكيله اللي مسوينها سياره بسام قدام وبجانبها سياره صقر ومعه لينا ووراها سياره متعب وباليمين سياره احمد ومعاهامه واخته والجده والسياره اللي باليسار فارس وزوجته مع ولده والتوأم "لمار وعبدالله " وليان وورى باقي الشباب .. الكل كان يلتفت عليهم وحتى فيه بعض السيارات شاركتهم بالبواري والفليشرات لحد ماوصلو للقاعه اللي نزل مع متعب بنفس الوقت واللي معاه حريم راح لبوابه الحريم ونزلهم وانضم لهم بعدين ’، دخلت الجده ووراها العمه وخوات متعب مع حريم عمانه والبنات اللي اول مادخلوا طقوا اغنيه ترحيبيه لهم ووصلتهم ام سعود لمكانهم المحجوز وراحت بعدها تشوف رغد ’، متعب كان واقف ومايمديه يجلس بالأصل الا وفيه ناس يجون يسلمون عليه التفت على أسامه اللي كان جنبه : اسامه بالله جيب لي مويه نشف ريقي من كثر السلام ضحك اسامه : هههههههههه رحمتك والله اعطاه متعب نظره واسامه مازال يضحك ولا هامه وقام يجيب له مويه ’، اما عند رغد كانت جآلسه وهي بأبهلى حلتها وعلى وجهها ملامح الحزن ، كل بنت المفروض بهالليله تكون أسعد ليله بعمرهآ إلا هي كانت الدموع مغرقه عينها وزايدتها فتنه ، تنهدت تنهيدهـ كلهآ ألم ورجعت برآسهآ المثقل بالتسريحة وسندته على الكرسي وغمضت عيونها وتركت دموعها تنزل بهدوء على خدهآ النآعم ، كآنت تسمع برى أصوآت الأغآني " الخاليه من الاورك " تمنت ان كل هذا يكون حلم ، ماتكون جآلسة على هالكرسي تنتظرهم يعلنون وقت زفتهآ اللي في اعتقادها زفتها لقبرها ماهي لزوجها ، تمنت تكون هي الحين في بيتهم قاعده تحآرش خوآنها أو في غرفتها تقرا روآيات ، أبدا ماتمنت تكون هنآ ، سرحت بفكرها وهي تقآرن بين حآلهآ الحين وحآلها قبل ، قبل 4 شهور تقريبآ ، قطع عليها ذكرياتها الباب وهو ينفتح وصوت رهف رهف : يالله رغود وقت زفتك جبست رغد بمكانه الساعه لساتها 11 متى جت 1 التفتت على رهف وبصوت مبحوح من الربكه : الحين ..!! ’، ][ همســــــة ][ اللهمّ ارحم عبدك "عبدالله بن عبدالعزيز" واغفر له وارحمه وأنزله منازل الصديقين والشهداء والصالحين .. اللهمّ آمين | ||||
|
| |
|
28-01-15, 10:49 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــ ’، واسألوني ذاك اليوم عن سبب حزن العيون ومادروا عن قلب بوسط الحشا اسمه حزين اسألوا عن سر التعب والسواد تحت الجفون وطاحت دمعتي وسالت على خدي مع ونين وش عساني اقول ف من خابت فيه الظنون وش اقول عن حزن في داخل قلبي مستكين ذاك الانتظار ذيك التضحيات وذاك الشجون وفي المقابل العذاب والهجر والطعن والأنين ياشين حظك ياقلب ما جازوك إلا بالطعون منهو تجازى بالعنا والمر كثر هالقلب السجين تعلم ياقلبي التجاهل تراه اجمل انواع الفنون خلك قوي ماتهزك العواصف خلال كل السنين اصبر ياقلب بوسط متاهات الاحزان مدفون عسى ربك يعوضك وبصبرك هالحياة تزيين . . . #بعثرة كلمات ’، ][ البارت الـخامس عشر ][ فتحت عيونها وتعلقت بالسقف لثواني بسيطه بعدها فزت جالسه شافت نفسها بغرفه غير غرفتها دقايق بسيطه واستوعبت الوضع ان اليوم صباحيتها مثل مايقولون ابتسمت بسخريه وهي تشوف الساعه اي صباحيه اي خرابيط وهي لساها صاحية بهالوقت المتأخر والمسمى زوجها مادخل عليها يتطمن هي حية هي ميته ، كانت تقوم وتصلي وترجع تنام من التعب واللي تشوفه ان السرير من الجهة الثانيه مرتب دليل انه مانام تنهدت وهي تتذكر باقي يومها امس من زفتها اللي مارضت تنزف الا وبدر معاها تعرف انه احرجته بس ماتعرف ليش طلبته يمكن لانها مافرحت برجعته ومايمديها اصلا تفرح الا وهي مفارقته ورجعت من جديد للغرفه المخصصه للعروس دقايق بسيطه ودخل المزعوم زوجها مع ابوها واخوانها واعمامها وماامدا الغرفه تفضى من قرايبها الا دخلو قريباته وبعدها بدت المصوره الزفته بالتصوير وحركاتها اللي مدري وش تبي على انها منبهتها كم مره بس مااخذت بكلامها ولما خرج متعب بدت المناحه من جهتها وجهة خواتها وامها وجتها الفاجعه لما شافت عدم اهتمام متعب وكيف ماساعدها لما نزلت من السياره والدخول لجناحهم بالفندق وحتى تطنيشه لها وعدم كلامه لها مانامت الا بحدود الفجر ، زفرت بضيق وهي تدعي ان الله يريحها ويسهل عليها حياتها قامت وراحت لدورة المياه وغسلت وغيرت ملابسهاا " لبست فستان ناعم مموج بألوان الأصفر والاورنج مع الوردي وماسك على جسمها " راحت عند التسريحه وحطت لها مكياج خفيف مع روج فوشي لماع وتعطرت وخرجت من الغرفه وقلبها يدق طبول من الخوف والربكه دارت عينها على الصاله تنهدت براحه موموجود حلوو مشت للتلفزيون وشغلته واخذت الرموت وقصرت على الصوت لانه كان مزعج ارعبها صوته : طفيه شهقت بخوف وهي تحط يدها على صدرها من الخوف وتسمي من وين طل لها : نعم وقرب منها وهو يشدد على الكلمات : قلت طفيييه اكتسى وجهها اللون الاحمر لما شافته قريب منها وغير كذا جالس بشورت الحبيب بدون بلوزه تتكلمت بهمس : طيب طفت التلفزيون وحطت الرموت ودخلت للغرفه وسكرت الباب جلست على السرير وهي تحاول تهدي من نفسها ، حطت يدها على جبينها وهي تكلم نفسها بصوت منخفض : يوووه يارغد وش اللي جرا لك "وبدت تهف على نفسها بيدها وهي تقول " حر حر حر انتبهت على صوت ضحك لما رفعت راسها شافته عند الباب ويضحك عليها ، وقفت وهي تحس انه وصلت معها قبل شوي يتأمر والحين يضحك عطته نضره وهي تقول : ممكن اعرف ايش اللي يضحك متعب وهو يمسح دموعه من الضحك : عليك شكل صراحه تووحححححفه رغد بسخريه : بالله متعب يرد عليها وبنفس سخريتها : بالله رغد سفهته وماردت وهي تفكر كيف تطلب منه اكل كانت جوعانه كثير من امس مااكلت شي وهو حتى ماتكرم وسألها ماانتبهت الا وباب الحمام يتسكر شوي خرج بلبس طلعه ثوب و شماغ فرحت انه ممكن يقولها يطلعون يآكلون برى بس انكسرت فرحتها لم مااهتم فيها وخرج من الجناح هنا رغد ولعععت من الضيق ، طيب يامتعب رغد بالأشهر اللي فاتت بنساها والحين بتشوف رغد ثانيه رغد القديمه اللي تاخذ حقها وماتسمح لأي احد يتجاوز حدوده معاها راحت للجوال ودقت رقمه بدون اهتمام بالنتايج والتفسيرات دقايق ووصلها صوته : هلا بالعرووس رغد ممااعطت كلمته اهميه : اهلين بدر كيفك وكيف امي وابوي والكل بدر : الحمدلله بخير انت كيفك رغد : الحمدلله ، بدور بدر : آمري ياقلبي رغد : بدر بالله روح لأي مطعم وجيب لي شي آكله بدر بإستغراب : رغد فيه شي رغد : لا بس بصراحه انا جوعانه وماقدرت آكل عنده والحين هو برى فقلت استغل هالشي ضحك بدر : هههههههههه رغود تستحي رغد : بدير اخلص علي قبل يجي بدر : طيب طيب انتو بأي فندق رغد : لحظه بدر : طيب شافت رغد اسم الفندق والغرفه وقالت لبدر وسكرت منه كلها ثلث ساعه ووصل بدر ، فتحت له وبعد السلام بدر : هذا اكلك مااعرف ايش اقول غداك ولا عشاك رغد : بالله بدر روقنا " وبإستفسار لما شافت الكيس الثاني " وش هذا ؟؟! بدر : ههههههههههههه طيب بسكت .. رغد رجعت تسأل : وش هالكيس ؟!! بدر: مب انتي تقولين روقنا خلاص بسكت رغد : بدر عن السماجه بدر : ههههههههه هذا الله يسلمك بهانيس لك شبسات وشوالاتات وهالطقه تتسلين فيها وتسدين جوعك لما تجوعين رغد : بعد قلبي بدور بدر: وين راح متعب رغد تورطت وش تقوله : احمم ابد راح لأهله يمكن يتطمن عليهم وبيرجع ، وغيرت السالفه : انت متى بترجع بدر : اليوم رحلتي بالليل بروح وبخلص بعض الامور وبجلس لحد النتايج وان شاء الله ماارجع من جديد الا وحرف الـ د قبل اسمي ابتسمت رغد وهي تآكل : ان شاء الله ’، عند متعب أنا كيف خليتها كذا امس بدون عشا واليوم لافطور ولا غدا بعد نفخ الهوا من فمه يالله وش هالبلشه اللي ابتشلت فيها سمع صوت جواله ورد متعب : اهلين حبيبي عليا بدلع : هلابك حبي كيفك متعب : الحمدلله انتي كيفك عليا : الحمدلله متعب : وحشتيييييييييييني اشتقت لك حييييل عليا بدلع وبنبره بينت الزعل : ايه وااضح والدليل اني ماسمعت صوتك الا لمن دقيت عليك متعب : ههههههههه , ياحياتي انتي اسف وحقك علي بس والله كنت نايم عليا بغيره : ايه نايم بالعسل وانا بالداهيه متعب : له له له من يقول ، ولايروح فكرك بعيد ماصار شي من امس وهي بالغرفه ولا شفتها الا قبل ماتتصلين وبهواش بعد عليا بفرحه : فدييتك حبيبي وكمل متعب سوالفه مع عليا وهو ناسي رغد كليا ’، بسمه : بسم الله عليها رغد امس ماشاء الله طالعه قمر الجده : ايه والله اني ارتحت لها كثير الله يوفقهم ام سامي : امين والتفتت على الجده : الا اقول ياخالتي ليش ماتاخذين رهف لأسامه الجده : والله انه ودي بها بس البنت متملكه على ولد خالتها ام سامي : يووه والله ان بنات ام سعود ماشاء الله عليهم فيهم جمال الواحد مايفوته ، يالله الله يرزق عيالنا ببنات الحلال اللي يسعدونهم الكل : امين ’، في بيت ابو سعود كان مثل اي بيت بعد ثاني يوم من زواج بنتهم " نفسيا تحس انه كئيب " دخلت رهف غرفه امل رهف : السلام عليكم الكل وعليكم السلام رهف : كيفك امل اليوم امل بتعب : الحمدلله احسن رهف : يمه مادقت رغد ام سعود : لا والله مادقت رهف : طيب يمه ادق انا عليها ام سعود : لااا وش تدقين صاحيه انتي يمكن عندها متعب وماقدرت تدق رهف : والله ان البيت كئيب بدونها امل : هههههه بتنسانا البنت ، وبعدين تراك بتلحقينها بعد شهرين ولع وجه رهف وضربتها بخفه على كتفها : وجع ام سعود بعصبيه : يوجع العدو ، رهيف قومي شوفي العشا وصلحيه وروحي شوفي ابوك كان جدتك فكته ولا لا امل : هههههههههههههههههههههههه رهف شهقت : يمه وش مالي خلق امس كرف واليوم كرف ام سعود : اقول رهيف والله عشانا اليوم منك وقومي اشوف رهف : الله يهديك يايمه لايش الحلف ام سعود :قومي تعلمي قبل تروحين لبيتك يالله اهوف قومي قامت رهف : طيب طيب تتبعت أمل بنظرها رهف حتى خرجت من الغرفه بعدين التفتت على امها : يمه وش السالفه ام سعود بقلق : الله يستر من جدتك ياامل أمل : ليه يمه ؟!!! أم سعود : جلستها عندنا مب مطمنتني انتي عارفه جدتك قشرة الله يستر بس أمل وهي تحاول تطمن أمها : لا تخافين يمه ان شاء الله مب صاير الا الخير ’، زفرت بضيق هذا حال وحده عروس وجع يوجعك يامتيعب من متى وهو تاركني لوحدي بالفندق وهو ماطل ولا حتى دق والحين الساعه قريب الـ9 يعني اكثر من 5 ساعات وهو برى تربعت على الكنبه بعد ماصلت وغيرت لبسها لبنطلون أبيض وبلوزه صفرا وهي تشغل التلفزيون وتحط mbc 2 تشوف لها فيلم يقطع من وقتها شافت الطاوله اللي قدامها فيها بهانيس جايبها بدر وهي تقول بداخلها ياعلني ماانحرم منك يااخوي فتحت شبس ليز حار واخذت بيبسي من الثلاجه ورجعت مكانها بعد ماطفت الانوار بالصاله وبدت تتابع الفيلم ، نص ساعه ودخل متعب واستغرب الظلام الي بالصاله شاف التلفزيون شغال ولمح رغد ابتسم بحزن يحس بالشفقه عليها انها خذت واحد قلبه مع غيرها جلس بنفس كنبتها وقريب منها شاف الطاولة واستغرب من الاغراض اللي فيها مسك علبه البيبسي اللي بيدها واخذها منه شافته ورفعت حاجبها بمعنى " خير " متعب : قومي البسي عباتك بنروح للمطعم رغد بملل : مابي روح لحالك متعب : رغد رغد : قلت مابي غصب متعب : مو انتي جوعانه رغد بعصبيه : لا شبعت متعب وهو يبي يعرف من جاب الاغراض : بالله وكيف وقفت رغد : الله يخليلي اخواني اللي مايقصرون "ومشت عنه للغرفه" حس متعب بشعور مايعرف ايش هو حس نفسه حقير من تصرفه : المفروض هو اللي يروح يجيب لها مو يخليها تتصل على اخوانها ايش بيكون ردة فعلهم ايش بتكون نظرتهم له تنهد وقام وراها للغرفه ’، بعد كم يوم كان واقف ويمسح على شعرها شاف بشرتها شاحبه نزل وقبل جبينها حس فيها تفتح عينها ابتسم لها وردت له الابتسامه بتعب نادته بصوت مبحوح وخفيف : سـ ـ آمـ ـ ي سامي : قلب سامي كحت ليلى : ابي ماي اخذ سامي الموية ورفع راسها وشربها ليلى : ايش صار سامي : ماتذكرين ليلى : اذكر لما اتصلت عليك " وبصوت مخنوق " والضرب سامي : انا جيت واخذتك للمستشفى ليلى : كم صارلي بالمستشفى سامي : تقريبا شهر ونص شهقت ليلى وبدت تبكي ضمها سامي له : اووشششش لولي خلاص هدي ليلى : خـ ـ ـآيـ ـفـة سامي : لاتخافين حبيبتي مابترجعين له لو على جثتي ماني مستعد افقدك من جديد هدت ليلى وقامت تسولف مع سامي شوي ودخلت ام سامي وسلطان وفرح اللي انبسطوا لما شافو ليلى صاحيه كانت بالايام الاخيره تصحى وترجع تنام مايمديها تستوعب الشي اللي يحصل والدكتور طمنهم ’، | ||||
|
| |
|
28-01-15, 10:50 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، بيت ابو سعود التفت لأبوه : وانت يايبه وش رايك ابوسعود بقله حيله : سعود انت كبير وانا ماراح اجبرك على شي ، وانت بالأول والأخير ماراح تجلس كذا مردك للزواج سعود : بس يبه أنا ماابي وحده من بنات عماني ابوسعود : والله يابوك بصراحه حتى أنا ، ماودي بقرايب ، بس جدتك لما كانت عندنا طلبت وبرضاها هالخطبه مثل ماقلت لك قبل ولا انا ماودي بقرايب بس مابيدي شي سعود هز راسه وهو ساكت وبعد فتره بسيطه : وامي وش رايها ابوسعود : امك معروف ردها من الحين رافضه بس انت ماعليك من امك انت عطني رايك وخل امك علي سعود : ماعندي راي يايبه دام فيها طلب برضا جدتي عليك ، اللي تشوفه هز بوسعود راسه وفي داخله ضيقه انه اجبر ولده على زواج عشانه هو : الله يرضى عليك رح ياولدي وناد امك راقب ابوسعود ولده حتى طلع من الغرفه دقايق ودخلت ام سعود عليه أم سعود : آمر يا عبدالعزيز ابوسعود اخذ نفس بسيط وهو معطي ظهره ام سعود : ياساره وش ردك لو امك الله يرحمها خيرتك بين رضاها وبين أمر حطت ام سعود يدها على قلبها وهي خايفه من كلام ابوسعود ومن مقدمته هذي وبصوت قريب للهمس : رضاها ابوسعود : اجل ياساره لاتلوميني ليا اخترت رضاها ام سعود : عبدالعزيز وش صاير ابوسعود : امي طلبت رضاها بزواج سعود لوحده من بنات خواتي صرخت ام سعود : مستحييييييييييييييل يصير هالشي عياللي ماياخذون من بنات خواتك ياعبدالعزيز التفت لها ابوسعود : وليه؟!!! ام سعود : وتسأل ليه انت شايف خواتك وش مسوين برجالهم وكيف بناتهم مستقويات ولايهمهم شي ، واللي براسهم بيسوونه ، انت نسيت وش خواتك سوو بي أول زواجنا وكيف كانوا يتبلون علي لدرجه"وبغصه كملت" خلوك تطلقني ، نسيت لما تغافلوني وحطوا ذهب امك عندي واتهموني به بس ربي كشفهم بالخدامه اللي شافتهم وهم يسوون هالشي ، نسيت كل هذا ، وتبيني ارمي ولدي لهم ،عبدالعزيز اذا انت ماتبي ولدك انا ابيه ومومستغنيه عنه ابوسعود : يامره بس رضا امي بهالزواج انهارت ام سعود ، قرب منها ابوسعود وضمها على خفيف : لاتخافين ياساره سعود قدها وان شاء الله مايصير الا الخير ’، دخل فارس بيت امه وجلس عند امه واخته اللي شافهم بالصاله بعد ماسلم الجده : وش فيك ياولدي فارس : يمه كلمي صديقتك قولي لها يقول ولدي فارس لو بنتها ماترجع ترى بيعسكر عندكم لين ماترجع ضحكت بسمه اما الجده حركت فمها وقالت : الله يخلف عليك ، اقول اثقل فارس : يمه بنتها ماخلت فيني عقل الجده : انت اصلا مافيه عقل بس خذيتها وراح العقل زياده فارس : افااا الوالده مشتغله علي تحطيم ، والتفت على بسمه اقول بسوم احد مشيشها علي بسمه واللي مازالت تضحك وماردت هز فارس راسه : الله يصبر قليبك يافارس دخل اسامه : وش فيك ياعم فارس : تعال افزع مع عمك ياولد اخوي ابتسم اسامه وجلس بعد ماسلم : وش فيك فارس التفت له وتكلم : اقول لجدتك تكلم صديقتها حتى تعدل بنتها وطايحه فيني تحطيم توسعت ابتسامه اسامه : بعدي يمه عليك به رما فارس بعلبه الفاين على اسامه : ابيك عون تصير فرعون قم بس قم ’، تنهد : يااخي موقادر انساها انا شفت وحده وتعلقت فيها ولما اخطب على اساس هي تصير اختهاا سعد : الغلط منك ، ليه ماتأكدت قبل مايصير شي التفت له تركي بعصبيه : كيف الغلط مني فهمني سعد : المفروض تسأل اختك قبل عادي دامك انت ناوي ومو لعب تركي : وانا وش بيدريني ان هاللي بيصير سعد : الحين مايفيد الندم حاول بس انت تعدل وضعك البنت مالها ذنب تنهد تركي وهز راسه وهو يفكر ’، في بيت ابو متعب ليان اقول لينا ش رايك نروح للسوق نتمشى ونلعب لمور وعبود منها نتمشى ونوسع صدورنا وصدورهم لينا : حلوو قومي قولي لأبوي قبل وانا بروح اجهز لمور وعبود ليان : اوك جتهم هبه : بنات التفتو عليها بإستغراب وتكلمت لينا : هلا هبه هبه : اممم عادي اروح معاكم لينا : ايه حياك راحو وتجهزوا بعد مااعطو ابومتعب خبر وراحوا للسوق ’، في المقهى أحمد : اعوذ بالله هلكت ضحك بسام : احد قالك ادخل العسكرية أحمد : ماادري وانا اخوك سلطان : شباب وش رايكم نقول للشياب نطلع للمزرعه كم يوم بما اننا من فتره ماخرجنا بعد ماتأملنا بالبر بسام : وش اسوي طيب انا قمت بمهمتي بس انت عارف الضروف ولا تجلس تلمز ضحك أحمد : خلااص فكره حلوه نطلع ونوسع صدورنا ونفلها بعد ولو ماوافقو الشياب نطلع لو حنا يالشباب أسامه : طيب وداوامك يالشيخ أحمد : لابو الدوام وش ماخذين من الدنيا بعطيهم اجازه سامي : حلو نطلع ونصور لمتعب نغيضه بسام : متعب ماهو يمك تلاقيه لاهي سامي : ههههههه لا بهالجمعات تلاقي متعب وتشوف ’، بيت ابوسعود ام سعود : رهف خلصتي من اغراضك رهف : لا باقي ام سعود : طيب دامك جالسه ليش ماتروحين وتشترين حتى ترتاحين بعدين وماتضغطين على عمرك ماعندك الا هالشهر وبرمضان محد بفاضي لك وانتي زواجك بدايه شوال رهف : يمه بالاول كانت رغد معي الحين من معاي ، امل تعبانه وانتي على كلامك مافيك شده للأسواق من اروح معاه ام سعود : اتصلي على نورة وريم شوفيهم لو فاضين يروحون معاك رهف : يمه اخاف احرجهم ام سعود : رهف انتي عارفتهم وهذول مثل بناتي ولو عندهم شي اكيد بيقولون لك ماراح يضغطون على اعمارهم رهف : طيب ’، بالسوق هبه : لينا ، ليان روحوا انتو تمشو بالمحلات وشوفو لو تبون شي تختارونه وانا بجلس الاعب لمار وعبدالله لينا : لا هبه بيضايقونك هبه : لا ماعليك روحي انتي لينا : طيب بس لما يعذبونك اتصلي راحت لينا ولمار يتمشون بالمحلات ليان : وش عندي وش هالطيبه اللي نزلت عليها فجأه لينا : والله مااعرف بس يمكن الحادث اللي صار لصديقتها صحاها ليان : والله مدري بس صراحه لحد الحين انا قلقانه منها وخايفه لينا : بلا وسوسه وش بتسوي يعني ليان : مدري بس الحذر واجب لينا : اللي يسمعك يقول يتذبحنا ولا بتسحرنا ، امشي بس امشي يمكن نلقا شي آخذه حتى ارتاح من الاسواق طفشت ’، من أول مادخل وهي مراقبته أغلب وقته سرحان قامت وجلست بجانبه لما شافت ان الكل خرج وماباقي الا هي وهو حطت يدها على رجله: وش فيك يايمه ابتسم ابتسامه باهته : ولاشي يالغاليه ابتسمت بحزن على حاله وانه شايل همهم: احمد انا امك تخبي علي أحمد : ولاشي يايمه بس فيه مشاكل بالشغل بسمه : وش مشاكله ؟!! أحمد اضطر يكذب : آبد يمه بس فيه كلام ان فيه مهمه عمل بعد اسبوع وحنا نحاول يخلون أحد بديل عنا بسمه بوف : يااحمد خل عنك هالشغل اللي ماشفنا وراه الا المغثه والقلق ، انت ماشاء الله شهادتك جامعيه رح اشتغل مع خوالك بالشركه ودر حلالك وحلال اختك أحمد : يمه انتي عارفه اني مادخلت العسكريه الا رغبه مني بسم : عارفه يايمه بس قلبي ماعاد يتحمل شغلك ومهامتك أحمد وهو يمسك يد أمه ويبوسمها: سلامه قلبك ، الله يخليك لن ويطول بعمر ، يمه بسمه وهي مبتسمه بحنان : سم يابوي أحمد : وش رايك اليوم نطلع نتمشى انا وانتي وريدا من زمان ماطلعنا مع بعض بسمه : بس أمي لحالها أحمد : فارس بيجيها ودينا موجوده بسمه : اللي تشوفه وقف وهو يبوس راسها: خلاص خليكم جاهزين بعد العشاء ، تبين شي يمه هزت راسها بلا : سلامتك بس انتبه على نفسك أحمد دعواتك ’، ][ همســه ][ قل يَ إلهي مُتعب ! و اسرد حكايتك الطويلة .. الله حسبُك عن جُموع الناس .. عن بوح يطول لصاحب ليسَ بين يديه حيلة ... | ||||
|
| |
|
01-02-15, 06:56 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــ ’، بأي قدر من الرقة والمحبة تقترف الأمور المشينة، مثل الدودة التي تنهش برعم الوردة العطرة، تلطخ جمال اسمك وهو ما زال برعما! واهاً لك، في أي العناصر الرقيقة تخفي خطاياك! . هذا اللسان الذي يروي قصة أيامك، مَعَلِّقاً باستهتار على ألاعيبك، لا يستطيع أن يذمك، لكنه على سبيل المدح، حين يشير إلى اسمك، يغفر الخبر السيء الذي يقال عنك. . يا له من مدار ذلك الذي اتخذته تلك الخطايا حين اختارتك أن لتكون لها سكنا، حيث يخفي نقاب الجمال جميع الوصمات فتتحول كل الأشياء إلى الصورة الحبيبة التي تراها العيون! . انتبه، أيها القلب العزيز، لهذه الميزات الكبرى، إن أكثر السكاكين صلابة يضيع حدها إذا أسيء استخدامها. # . . . . #وليام شكسبير ’، ][ البارت السادي عشــر ][ أسبوع صارلهم بدبي من بعد موقف الفندق بالرياض خبرها ان طيارتهم الساعه 11 ومن لما وصلت دبي ودخلت الفندق ماعاد طلع وحتى نادرا ماتشوفه ممكن خلال الاسبوع ماشافته الا مرتين حتى النوم ينامه برى البيت تنهدت بملل وراحت للدولاب واخذت عبايتها وهي عازمه انها تخرج وتوسع صدرها بالأماكن القريبه حول الفندق ولو ممكن تضيع هي في بلد عربيه وامان ان شاء الله لبست عبايتها وتأكدت من اغراضها بالشنطه من جوال وبوك وكرت الفندق وخرجت مشت بالشارع شوي ولقت سوبر ماركت ولقت كم محل بدت تدخل المحلات ولما يعجبها شي تشتريه رفعت يدها تشوف الساعه خلاص ماباقي شي على المغرب قررت ترجع للفندق بس قبل لازم تمر السوبر ماركت دخلت واخذت شيبسات وشوكولاتات ومشروبات حاسبت وكملت طريقها لحتى وصلت للفندق تحس انها استانست شوي بدل جو الغلقه اللي كانت عايشتها فتحت باب الغرفه وبيدينها الاكياس حطتها عند الباب بعد ماسكرته حتى تفتح غطاتها ورجعت تشيلها رفعت راسها شافته واقف وواضح عليه العصبيه رافع حاجبه ومكتف ايديه مااهتمت منه كثير سلمت ومالقت رد كملت طريقها للغرفه بس قبضه يده القوية على زندها وقفتها وطاحت الاكياس ناظرت يده ورفعت نظرها لحتى استقرت على وجهة رغد : نعم متعب بغضب : وين كنتي رغد ببرود : مثل ماانت شايف معاي اكياس يعني رحت درت على المحلات اللي تحت وهذا انا جيت ضغط على يدها بأقوى : ومن سمحلك تطلعين تغير ملامح رغد للالم بسبب ضغطه على يدها : انا سمحت لنفسي صرخ متعب وارتعبت رغد ثاني مره احد يصرخ عليها وكله ومتعب له دخل بالموضوع : رغيد والله وهذا انا حلفت لو تعيدينها مره ثانيه وتطلعين من جديد وبدون اذني سواء هنا او لما نرجع والله ان يجيك شي عمرك ماشفتيه فاهمه رغد حست انها تبكي بس قاومت وتكلمت وهي موصله حدها منه : احلف بس وش تبيني اسوي وانا لي اسبوع هنا منحبسه مامعي ونيس مقابله الجدران 24 ساعه وانت حضرتك ماشفتك الا يومين اول يوم لما وصلنا واليوم اللي بعده وخرجت وماعاد شفتك لو صار لي شي او احتجت انا شي وانت موموجود وش الحال قولي ، وبعدين انت متزوجني عشان تسجني ، وبعدين يااخي فوق شينك قوات عينك يعني لاانت اللي مطلعني ولا انت اللي بتسمح لي اطلع لحالي اي شهر عسل هذا الا شهر بصل كله نكد ، اسبوع بس من جيت عندك وكذا معيشني لا اهتمام لا مراعاة لشعور الغير واناني اجل باقي الايام وش بيكون حالي وسحبت يدها منه واخذت الاغراض وراحت للغرفه وقفلتها اما هو فكان واقف مبهت بمكانه حس برغد فعلا هي معها حق لو صار لها شي وش بيكون موقفي عند اهلها اللي امنوها علي ، وش رده فعلهم لو عرفو ان بنتهم عايشه كذا وهم اللي مأملين علي غير كذا هي عروس من حقها تنبسط ويكون هالايام ماتنسى من السعاده بس شكلها بتكون من التعاسه ، حس انه مكتوم وخرج من الفندق مسك جواله ودق عليه هو الحين بحاجته سمع صوت ضحكته : هههههههه هلا بالمعرس اللي من اسبوع ماافتكرنا ابتسم بسخريه لو تعرف بس حال العروس ياصقر ’، جلس بقربها في الصاله بعد ماودى ولده لغرفته وهو نايم : هاه حبيبتي ان شاء الله من اليوم مافيه الوحام ابتسمت له: ان شاء الله تكلم بضيق : لاتقولين عقب هالشهرين اللي عند اهلك وماخف ارحمي حالي ضحكت بخفه ، وناظرها بطرف عينه وتكلم بزعل : ايه اضحكي وش عليك انا هنا حالتي حاله وانتي ولا هامك شهقت : حرام عليك فارس والله انا بعد متبهذله مع هالوحام ، وبعدين متوقع اني فرحانه انك بعيد عني ضمها له وهو مبتسم وبحب : فدييتكك ابتعدت عنه وهي مكشره ، استغرب فارس وهو شاك بالوضع : لاتقولين ريـ .. ماامداه يكمل كلامه الا وهو يشوفها تركض لدوره المياه حتى تستفرغ ، تنهد بضيق وقام لها شافها متكيه على المغسله بيد واليد الثانيه تغسل جا من وراها وضمها سكر المويه ومشا بها للغرفه وسدحها على السرير ، رفع راسه لوجهها شاف الدمعه متعلقه بعينها ، همست ريما : فـ ـ ـآ ر قاطعها وهو يحط اصبعه على فمها وعارف ايش بتقول : اشششش اهدي حبيبي انا فاهم وماني زعلان ولا متضايق باسها على راسها : يالله نامي الحين وارتاحي هزت راسها وهي تغمض علينها ، اما فارس طفا الانوار عدا نور الابجوره وخرج من الغرفه وهو يتنهد بضيق بس لازم يستحمل راح الكثير وماباقي الا القليل ’، جالس بالصاله ينتظرها من بعد المشاده اللي صارت قبل كم يوم وهو حاس بالذنب يتذكر كيف ماجادلها ولا تكلم معها بعد مادخلت للغرفه وطلب لهم عشا بالفندق وطلعت تعشت ورجعت تدخل ولما جا اليوم الثاني وطلب منها يطلعون يتمشون رغد ببرود وهي تبرد اظافرها : آسفه متعب : نعم رغد : اطلع بروحك متعب : مو انتي امس فاتحه لي هواش واسطوانه وش عرضها على هالطلعه رغد ناظرته ورجعت تكلم اللي بيدها : صح امس تكلمت بس موعشان تجي اليوم الثاني او بعد كم يوم وتتصدق علي وتطلعني أنا بغنى عنها لو ماجت من نفس متعب : ومنو قال انها صدقه ؟!! أنا صح بالايام اللي فاتت ماطلعتك وماجيت اطلب منك الا بعد كلامك بس لأن فعلا كلامك نبهني على هالشي احنا جايين هنا نعيش شهر عسل ونخليه ذكرة حلوه لنا لطول العمر ان شاء الله ، وقدامنا اسبوع ونص تقريبا نعيشه من أروع مايكون ، وننسى الاسبوع اللي فات رغد سكتت وتفكر بنفسها" ليه مااطلع وأستانس بدل هالغلقه بين هالجدران وماعلي منه " : طيب عطني ربع ساعه وأجيك ابتسم متعب وهز راسه وطلع بهاليوم راحو لدبي مول وتمشو فيها وتعشوا ورجعوا ، اليوم اللي بعدها حط مخطط واتبعه حتى ماتروح سفرته هذي كلها بدون مايقابل عليا ويطلع معها فقسم بعض أوقاته يكون مع عليا وبعضه مع رغد قطع سرحانه خروج رغد اللي كانت لابسه عبايتها الكتف اللي قررت تلبسها بسفرتها افضل من الراس التفت لها وابتسم لااراديا تأمل وجهها الجذاب وكانت مسوية مكياج ناعم من كحل وقلوس وشعرها اللي رافعته بفوضويه جميله ، انتبه لرغد وهي تنزل راسها من الخجل بعد ماطال تأمله وقف : يالله البسي خلينا نمشي حتى مانتأخر لبست نقابهاوطلعت معاه بهاليوم راحوا لـ"أكواريوم دبي " وتمشوا فيه وكان يضحك على تعليقات رغد العفويه بهاليوم حس انه مبسوط حييييل مايدري ليه بس تمنى انه ماينتهي هاليوم ويبقى معها كذا بجو رغد وتعليقاتها على الحيوانات البحريه أو على الأجانب الموجودين بدبي أو بتناحتها اللااراديه لما تشوف شي يبهرها ’، صرخت : لااا قلت ماابي اشوفه " التفتت على سامي وهي ترتجف وتبكي " سامي الله يخلييك ماابي اشووووفه حضنها سامي : هدي ليلى ليه ماتبين تشوفينه ليلى هزت راسها بهستيريا وهي رافضه بس ماابي اشوفه ماابي قربت منها امها وهي تبكي : خلاص يابنتي لك ماتبين ماراح يدخل هزت راسها والدموع فيه عينها وهي بحضن امها وتشهق كان شكلها يقططططع القلب خرج سامي والدموع بعينه ماكان متخيل ولا في يوم ان ليلى حالتها بتكون كذا ومن السبب اقرب الناس الله يسامحه اما اللي عند الباب كان يبكي ندم وهو يسمع صوتها وهي تبكي ورافضه تشوووفه مايلومها لان اللي شافته منه موشوي دار ضهره للباب وخرج من المستشفى بككبره من الضيق ’، جلست على كرسي المطبخ وهي تحاكي امها وبترجي : يمه الله يخليك خلينا نخرج التفتت امها وبإستغراب : وين نروح بضيق : اي مكان يمه الله يخليك " وقامت عند امها وبدت تبوس راسها ويدها " الله يخليك كلمي سعود يودينا اي مكان او السواق والله طقت كبدي من البيت ماشفت الشارع من اسبوعين تقريبا اخر مره من زواج رغد والبيت مافيه ونيــ .. قطعت امها كلامها وهي حاطه يدها على اذنها بإنزعاج : حشى حشى بالعه رادو من هالازعاج وبعدين تعالي مافكرتي بإختك من معاها بالبيت رهف : عادي معاها الخدامات ولا تتصل على بندر يجي ام سعود : اقول اهجدي بس تصبري وبعدين محد قالك لاتروحين تتقضين لأغراضك رهف بضيق : يمه يالله عاد ام سعود وهي تكمل تقطيعها للخضار : بتروحين روحي لحالك رهف: محد بموديني لحالي ام سعود : اجل شدي ارضك رهف : يممممممممممممممممااااه ام سعود : وصمممه خلااص روحي كلمي سعود وماراح يقول شي يطلعك ويفكني من حنتك رهف : طيب بس كلميه انتي عشان يرضى ام سعود : طيب جيبي الجوال وفكيني ’، جالسه ع الكرسي بأحد كراسي الحديقه وهي تشوفه يشتري لهم ايسكريم بعد ماخلص من الشخص اللي كان واقف معه ويسولف الايام اللي فاتت اوضاعهم مستقره بس مازالت متخوفه من حياتها تأملت ملامحه الجذابه من حواجبه الكثيفه لأنفه وشفاته أي وحده تتمنى يكوم متعب من نصيبها وتملك قلبه ، أخذت نفس وهي تصد وتقطع تأملاتها لما حست بخفقه في قلبها بدت تشوف الناس حتى جا وهو حامل بيده الآيسكريم جلس وهو يناولها خاصها وهو يقول : آسف تأخرت عليك بس شفت واحد ربع الدراسه ابتسمت تحت غطاتها : لا عادي "وسكتت شوي وقطعت الصمت اللي دام دقايق بسيطه " اممم كلمني عن دراستك ؟ ابتسم : وش تبين تعرفين رغد : عادي قول اللي تبي تقوله ولما يصير عندي سؤال بسأل متعب : الله يسلمك أنا الحمدلله تخرجت من هنا بنسبه عاليه امي الله يرحمها من وانا صغير كانت تقولي انت دكتور ، بتصير دكتور حتى حببتني بهالشي وخلت طموحي اني اكون دكتور بالمستقبل لما خلصت الثانوي ابوي وعماني حاولوا معي اني ادخل اداره اعمال حتى انضم لهم بالشركه بس أنا رفضت لأن مهنه الطبيب كانت حلمي اللي حلمت به من وانا صغير رغد : وصقر كان معاك ؟! متعب : صقر كان محتار بين شيئين الهندسه والطب بس أعتقد لما شاف رغبتي تشجع معي وقرر رغد : وسفرتك ؟! متعب : ابوي كان معارض بسالفه السفر خارجيا ، بس امي الله يرحمها أقنعته وغير كذا حنتي عليه وخصوصا بعد ماشفت ان صقر بيدرس بالخارج والحمدلله اقتنع بالاخير وسافرت مع صقر ودرست معه هناك لحد ماتخصصنا وكل واحد دخل بالقسم اللي يشوف نفسه فيه رغد : مازلت متواصل مع ربعك بالدراسه متعب : شلتي ايوه واغلبهم من الامارات لأن فيه بينهم صله قرابه ومعرفه قديمه عندي هنا خليفه وسيف وعلي رغد : ومن الجنس الناعم ابتسم متعب : عندي عليا هي الوحيده اللي مازلت متواصل معاها وهي اماراتيه ونجتمع ككلنا احيانا لما أجي هنا أما البنات الباقي فانقطعت عنهم من لما خلصت دراسه رغد : ومازالت مع صقر نفس الشي متعب : ايوه كلنا نتواصل ونشوف بعض حتى صقر معانا رغد بداخلها "الله يستر " ’، في بيت ابو متعب ردت بخوف : عمر قلت لك ماعاد تتصل عمر: ليه حبيبتي انا مشتااق لك حييل هبه : يوووه عمر خلااص الله يخليك حل عني انا متزوجه وبطلت هالحركات انساني عمر بسخرية ضحك : ههههههههههههههه توك الحين تعرفين انك متزوجه ، اقول بكره ابي اشوفك في مجمع الـ .... ولو ماجيتي المكالمات اللي بيننا بتوصل لزوجك ، سلااام ياحلو " وسكر السماعه بوجهها" انهاارت هبه على الكنبه وهي تضرب خدها بخفه وتكلم نفسها : انا اللي جبته لنفسي استآهل ، حسبي الله عليك ونعم الوكيل فيك يااعمر ويااحلا.. آآه يااحلام مااقول الا الله يرحمك مااقدر ادعي عليك وانتي متوفيه ، سرحت هبه بمصيبتها وماحست الا بيد تهزها بخفه ابومتعب : وش فيك ياهبه انتي ابد معاجبتني هزت هبه راسها : لا ولا شي آمر بغيت شي ابومتعب : هبه لو عندك شي قوليه ابتسمت هبه : ماتقصر يالغالي ولو فيه شي بتعرفه " وقفت " : احط لك العشاء ابو متعب : ايه بالله مرره جوعان هبه : من عيوني " ومشت للمطبخ ابومتعب " والله مااعرف ايش وراك ياهبه ، ابتسم وحس براحه من تغيرها حب تغيرها كثير صايره تهتم فيه اكثر من الاول وتهتم بالبيت وبالعيال الله يثبتك على ماانتي عليه ياهبه " .. قطع تفكيره صوتها تناديه : محمممد العشاا ابومتعب : يالله جااي ’، بيت أبو تركي جلس وهو يزفر بتعب ناظرته أمه بحنان : عافاك يابوي ابتسم لها : الله يعافيك ام تركي : هاه وش سوو العمال تركي: الحين باقي بس غرفه النوم مع غرفه الملابس والغرفة الجانبيه ام تركي : الصاله خلصت ؟! تركي : ايوه خلصت ودورات المياه والمطبخ ام تركي : زين الحمدلله ، حاول انجزها حتى برمضان تكون اغلبيته فاضي وماتتعب تركي : ان شاء الله رمضان بيكون للأثاث بس ام تركي : الله يتمم بخير يارب تركي : آمين "وبإستفسار" وين ريم ام تركي: عند خالتك تركي : وليه مارحتي معها توسعين صدرك بدل الجلسه لحالك أم تركي : والله مافيني حيل مكسله تركي : زين الحمدلله اهم شي مافيك شي وقف تركي : يالله يمه بروح اشوف العمال اخاف يخبصون ام تركي : الله يحفظك ’، جلس بجانبه وهومبسووط : الحمدلله التفت له : هاه اشوفك مبسوط يابدير بدر : أكيد وانا اشوف انه كله يومين واكون بالسعوديه واترك الغربه "والتفت عليه الابتسامه مرسومه على وجهه" عبود أنا ماادري وش كنت بسوي بدونك عبدالاله : انا عارف انك بدوني ولاشي بدر بدفاشه وهو يخبطه بالخداديه على راسه : لاتصدق نفسك عبدالاله ويوياخذ خداديه ويضربه : عارف حالي وابتدوا يضربون بعض لحد ماتعبوا وانسدحوا على الأرض وكل واحد يلقط نفسه شوي وانطقت ضحكاتهم وكل واحد فرحان بتحقيق حلمه اللي سهر وتعب عليه سنييييين ’، مرت الأيام لحد ماصارت 3 أسابيع على زواج متعب ورغد - اليوم هو يوم رجوع متعب ورغد للسعوديه .. دخل متعب الغرفه : هاه رغد جهزتي رغد وهي تلف الطرحه : ايوه بس البس نقابي تقدم متعب واخذ الشناط وخرجوا للمطار . . في المطار كلها 10 دقايق من وصولهم ونادوا على رحلتهم ، جلست رغد عند الشباك وجلس بجانبها متعب حست بمتعب يهز كتفها والتفتت له متعب : اربطي الحزام ربطت رغد الحزام بدون ماتتكلم ورجعت لحالها تشوف السير بدى يتحرك دلاله ان الطياره حتى بدت ترتفع عن الارض وهي على حالها تفكر بأيامها اللي قضتها مع متعب وباقي الايام اللي راح تقضيها ، صحيح متعب تغير من بعد المواجهة ذاك اليوم بأنه الايام اللي فاتت يخرجها ويمشيها بس كانت تبقى أوقات لحالها ومستغربه وين ممكن يروح وهو توه متزوج لوقت متأخر لأنه يخرج من بعد صلاه الفجر يصليها وماتشوفه الا الظهر يخرجون يتغدون واحيانا تتغدى لحاليا بالفندق لما يجي المغرب يطلعها يتمشون شوي بالمول او الملاهي او حديقه ويدخلون مطعم يتعشون بعدها ترجع على الساعه 10 ونص ويخرج هو مايجي الا الساعه 12 بالليل ينام يومين بس اللي علقوا ببالها يوم "أكواريوم ويوم فيراري " اللي كانت خايفه من حياتها لو بتستمر كذا ’، بالمزرعه صار لهم 4 ايام فيها هم خططو لهالوقت حتى متعب يلحق عليهم يجلسون يومين وبعدها يرجعون لان ماباقي شي على رمضان عند البنات بالمسبح كان ازعاج صراخ البنات وسوالف الحريم لان كان فيه طاوله وكراسي جالسين عليها صرخت الجده : اسكتوا الله لايكثركن من بنات فجأه سكتو البنات من صرخه الجده ولما استوعبوا : ههههههههههههههههههههههههه هههههههههههههه هزت الجده راسها بقله حيله : الحين وش اللي يضحك انتي وياها ياقليلات الادب فيه رجال بالمزرعه وانتن تصارخن كذا ليان : ياجدتي خلينا ننبسط من متى ماطلعنا للمزرعه الجده : انبسطو بس بهدوء لازم هالضجه ويا هاللعب ، شباب شباب مو بنات اعوذ بالله فرح : يمه الله يطول بعمرك عادي مافيها شي الجده: لا عيب يالله اسكتن وتسبحن وانت هاجدات ولا والله لاتطلعون ولا عاد تتسبحون الا المره الثانيه لما نجي بدو البنات يلعبون بهدوء والبنات يسولفون 10 دقايق مرت ورجع الازعاج من جديد هزت الجده راسها : مامنكن فايده الحريم : ههههههههههههههههه بسمه : يايمه خلهم يستانسون الجده : انا ماقلت شي بس وش له هالصجه كلها خلاص كبروا طلعو حريم بكره كل وحده بتفتح بيت ريما : خالتي عادي ، ولما يجي وقت فتح البيوت بتلاقينهم ماشاء الله كل وحده احسن من الثانيه بالعقل ، الحين خلهم ينبسطون لاحقين الجده مااقتنعت بس سكتت كلمت بسمه ام سامي وبصوت واطي : سنا وش اخبار ليلى التفتت ام سامي على ليلى اللي تتسبح مع البنات "ليلى خرجت قبل اسبوعين تقريبا ويدارون نفسيتها كثير " وبحسره : والله مثل ماانتي شايفه صايره قليله كلام بسمه : طيب ومع ابراهيم ام سامي : على نفس حالها رافضه انها تشوفه بسمه : لاحول ولا قوة الا بالله الجده : بسمه التفتت بسمه على امها : هلا يمه الجده : بعد بكره عزيمه متعب بسمه : ايه يمه وكل شي جاهز تطمني الكل ماقصر هزت راسها الجده وتمتمت : الحمدلله ’، عند الرجال التفت ابو متعب على الشباب : شبااااااااب التفتو كلهم وتكلم احمد : سم ياخال ابومتعب : اليوم العشا عليكم قمز بسام وراح لأبومتعب وحب راسه وكتفه : لا الله يخليك ياعمي بيصير مثل المره اللي فاتت ضحكو على قمزه بسام وكلامه ابو متعب والابتسامه على وجهة : لا لا تخاف مابيصير شي أسامه طيب وش تبون نصلح فارس : والله اللي تبون التفت عليه ابو سامي ويناظره بطرف عينه : تراك معهم ضحكو الشباب عليه وعلى التفشيله اللي جاته من ابوسامي سلطان : فارس لقط لقط حرك فارس راسه بإحراج وبحركه استهباليه : افا وانا اخوك تفشلني قدامهم وتخليني مسخره لهم " وكمل وهو يلتفت على سلطان ويناظره بنص عين "هاهاها مايضحك نزل سلطان راسه باستهبال : جد ماتنفع شكلي يبي لي اغيرها ضحكوا الرجال على شكل سلطان ’، ][ همســه ][ السعادة لاتحتاج إلى معجزات .. كل ماتحتاجه قلب متسامح ، وجه مبتسم ، قناعة بالنصيب و [ ثقة تآمة بالله ] ’، | ||||
|
| |
|
05-02-15, 10:39 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، مالهم صوت .. غربوا والزمان سكوت .. ليتهم ماقربوا وهقوني بالوصل .. علقوني بالأمل هذا شيء لايحتمل .. التجافي موت .. الهوى تيه.. غرني ضعت في واديه .. وانت طيفك مرني مرني ليل وفجر .. مرني باحلى العمر آه من يقوى الصبر .. التجافي موت .. طول صدود .. صاحبك يالعيون السود .. ماسمع من صاح بك صاح من هم وغضب .. ها الجفا ماله سبب .. وانت من خان وكذب .. ليه احبك موت .. . . . . . #بدر بن عبدالمحسن ’، ][ البارت السابع عشـر ][ ’، بعد يومين وبيوم العزيمه أبوسعود وعياله جو للشرقيه قبل العزيمه بيوم وناموا .. بالصاله كان ابوسعود وسعود وبدر جالسين بالصاله ينتظرون البنات يخلصون أبوسعود : هاه ياسعود وش رايك بالموضوع سعو د تنهد وهو يتعدل :مالي كلام بعدك يايبه ابوسعود : ابي كلمه اكيد ياسعود مالك دخل بكلامي انا ورايي سعود : اللي تشوفه يايبه انا ماعندي مانع ابوسعود وهو يوقف : على خير ان شاء الله أول مانرجع بكلم امي واختي ، يالله قومو نروح تأخرنا على الجماعه "مشى وهو يستعجل البنات وطلع من الغرفه " بدر كان ماخذ وضعيه المتفرج شاف وجه اخوه كيف انقلب لما ابوه جاب طاري الخطوبه من بنت العمه وقف وجلس بجانبه بدر: ماعليك ياسعود ماراح يصير الا اللي تبي سعود بهم : مالنا مجال غير نطلب من الله يفركش الموضوع بدر بثقه : ماعليك ماراح يصير الا اللي تبي سعود : كيف ؟! بدر خل الموضوع علي تنهد سعود : طيب ومتى بتبدأ دوامك بدر : ان شاء الله لما نرجع أول يوم ببداه سعود وهو مبتسم : الله يوفقك د. بدر بدر وهو يرد الابتسامه ويوقف : وياك يارب ، يالله نروح تأخرنا على أبوي سعود وقف : ياللا ’، العزيمه كانت بالمزرعه طبعا بما ان المزرعه كبيره فهم راح يزفون رغد ، الحريم راح يجلسونهم بالصاله لان رغد بتنزل على الدرج وقت الزفه الكل كان محتاس الوقت الحين قريب العشا لازم يكونون جاهزين .. بغرف البنات مثل ماانتو عارفين كل وحده كم ساعه حتى تجهز ليآن : لينآآ شفتي حزامي الاسود لينا وهي تلف شعرها بالفير : لاا ضربت رجلها بضيق : ياربيييه هذا وقته الحين التفتت لينا على ليان : طيب اسألي البنات يمكن احد معاه ليان وشوي وتبكي : مااحد معاه لينا رجعت للتسريحه تكمل : طيب شوفي عمتي او احد حريم عماني او هبه ليان : اوووف يالله بروح فرح : بنات وش البس هذا الفستان او هذا التفتت ريدآ : الاسود حلو دينا : لا الوردي فرح : يووه استقروا على واحد ضحكت ريدآ : حبيبتي اللي يعجبك البسيه فرح : كلهم حلوات بس احترت دخلت عليهم ريما : هاه ماخلصتوا فرح : ريوم وش احسن فستان ريما : الأسود فرح بفرحه : حلوو " وراحت تلبس ريمآ : دينا ، خالتي تبيك دينا بإستغراب : ليه هزت ريما كتوفها : مااعرف ’، عند ليآن اللي واقفه بالممر ليان وعينها مليانه دموع : اووف وش هالورطه الحين وش البس جاها صوت : بسم الله عليك ليان وش فيك تبكين ارفعت عينها ولقت هبه واقفه عند باب غرفتها وبصوت مرتجف : هـبـ ـه تقدمت هبه وهي رافعه فستانها التركواز : وش فيك ليون ليآن : معاك حزام اسود هبه : اممم ايوه اعتقد معاي ليان بفرحه : جد هبه مسكت يد ليان : ايوه تعالي دخلت الغرفه ودخلتها معاها وراحت للدولاب وفتحته وخلال ماهبه تدور سمعت صوت ابو متعب يناديها ليان ولع وجهها لما عرفت ان ابوها موجود هبه وهي تكمل تدور الحزام ردت على ابومتعب : لحظه محمد ليان بإحراج : آآ هبه انا بخرج برى ولما تحصلين الحزام اتصلي علي اجيبه ابتسمت هبه : لا شوفي هذا طلعت هبه الحزام ومدته لليان : خذي ضمت ليان هبه بطريقه فاجأتها : شكككرا هبه ابتسمت هبه : العفو حبيبتي خرجت ليان وراحت هبه لأبومتعب تشوف وش يبي ’، ضرب الباب عليها : يالله رغد تأخرنا سمع صوتها : طيب دقايق متعب : هذا وانتي رايحه للمشغل اجل لو بالبيت متى تخلصين خرجت رغد من الغرفه وهي تلبس طرحتها : هذا انا خلصت قام متعب : يالله ’، كان يكلم برى : عبدالله مااقدر احضر عندي مناسبه كبيره عبدالله : احمد الرئيس مستدعيك وانت عارفه احمد : والله مشكلته انا الحين بالمزرعه عندي عزيمه بمناسبه زواج متعب عبدالله : احمد لاتضيع وضيفتك منكك وبعدين انت عارف انه متقصدك لانك تراده وصارت بينكم منابشات كم مره احمد بدون اهتمام : بكيفه بس اقولك قوله ان احمد تعذر جواله مقفل اي شي ولما يجي بكره انا اتصرف معاه عبدالله تنهد بقله حيله : براحتك ،سلم على اللي عندك احمد : يوصل ان شاء الله التفت راجع شاف خاله محمد ابومتعب : وش فيك يااحمد تنهد احمد : والله ياخالي الدوام مستدعيني وانا رافض ابومتعب : ليه رافض رح ياولدي احمد : لا ياخالي ماباأروح انا مستأذن من زمان بهالشي واساس انا اجازه ليش يستدعوني ابومتعب : طيب من هذا اللي بتتصرف معاه احمد : رئيس جديد توه جاينا ومستلعن علينا وعلي خصوصا بما اني انا اللي اعارضه واحاجه وحطني براسه هز ابومتعب راسه : طيب ياولدي وش رايك تترك العسكريه وتجي تشتغل معنا بالشركه احمد : لا ياخالي مايحتاج ابومتعب : شوف يااحمد انت لو اشتغلت فهذا حلال امك مو حلالي لحالي حط هالشي براسك وانت ماشاء الله معاك شهاده اداره اعمال يعني تقدر تشتغل بشغل غير العسكرية هز احمد راسه : ان شاء الله ياخالي ’، دخلت سياره متعب المزرعه ومن اول مادخلت ارسلت على عمتها تقرب عند الباب وقفت السياره وجت بتنزل مسك يدها حست بربكه متعب: قريتي على نفسك هزت رغد : ايوه متعب : طيب خلي جوالك معاك حتى لما ادق عليك طيب رغد : طيب نزلت رغد من السياره وهو يتبعها بنظره تنهد وهو يهز راسه من حياته وراح وقف سيارته ونزل للرجال ’، بدبي .. عليا بفرح : ماتصدقين ياميثه شقد فرحت لما وافق أسكن معاه بالدمام ميثه : شوووو ، عليا تتكلمين جد عليا : ايه ليه ؟ ميثه : شو ليه ؟؟ انتي ينيتي ليه تسيرين للدمام وتقعدين هناك لو حد من اهله عرف شو بيكون موقفج عليا : مايهمني اهم شي اكون مع متعب يااختي انتي ماتحسين انا احس بنار بصدري كل ماتخيلته معاها ، اقترحت عليه هالفكره لما كان هني وماارد لي خبر ورجعت اليوم اتصل عليه ووافق ميثه : والله مااعرف شو اقولج ياعليا بس الله يستر ماترجعين مره ثانيه لدبي مطلقه عليا بروعه : لا بسم الله علي ابتسمت ميثه : الله يوفقج حبيبتي عليا وهي مبتسمه : ويوفقك ’، اول مادخلت من الباب شافت هبه تنهد براحه نزلت طرحتها لانها كانت متغطية بها هبه : اهلين رغود "وسلمت عليها واول مابعدت " رغد : هلابك عمتي كيفك هبه : الحمدلله وانتي كيفك واخبارك مع متعب هزت راسها بخجل : الحمدلله هبه : تعالي هنا شوفي المرايه من هنا راحت معها هبه وخلعت عبايتها كانت لابسه فستان اوف وايت ناعم قماشه جوبير ومن الوسط كان فيه شريطه عريضه شوي من حرير ومكياجها ناعم بس روجها كان احمر صارخ وشعرها حطته كيرلي وبف ولبست تاج صغير ,, هبه : الله الله رغود وش هالجمال اثاري الزواج يحلي رغد بإحراج : هبه بالله اهجدي ضحكت هبه : ههههههههه قبل شوي عمتي والحين هبه ، خلاص دامك قلتي هبه فانتي معصبه رغد : بالله هبه شكلي حلو ولا تجامليني هبه : يابنت والله شكلك جناااان ماشاء الله رغد :الحمدلله ، طيب فيه ناس كثيرين هبه : اممم تقدرين تقولين رغد : واهلي هبه : اهلك جو وهم داخل بس انتي مابتدخلين عليهم بتروحين معاي للغرفه لانك بتنزفين ناظرتها رغد : وهنا بعد زفه ضحكت هبه على شكل رغد : ايه ياحبيبتي يالله مشي البنات يستنون ’، عند الرجال بعد ماسلم متعب عليهم جلس بسام بجانبه بعد ماصب القهوه : اقول ياطويل العمر التفت له متعب : وش عندك بسا م: ابد طال عمرك بس تنصحنا بالزواج متعب : انت خلص دراستك بالاول وبعدين تكلم بسام : لا بس يعني كذا سؤال حتى نتطمن على المستقبل متعب : اقول رح رح شف سامي يبيك تكلم بسام وهو ناوي يهج : يااخي ابيك لو مره فارد هالخشه "وكمل بابتسامه وهو يهز حواجبه " : الله يعين رغود عليك وقام بسرعه اما متعب فضحك بخفه عليه . . ’، | ||||
|
| |
|
05-02-15, 10:40 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ’، عند رغد ليلى ودينا كانوا يتكلمون بصوت منخفض ليلى : ماشاء الله تبارك الرحمن فيها نعومه وأنوثة صارخة دينا : ايوه ماشاء الله بس ان شاء الله الاخلاق ضربتها ليلى على كتفها : دينوه اهجدي انتي من كثر ماتتكلمين وتعيبين بيجيك رجل بنفس الكلام دينا بروعه : لا بسم الله علي ضحكت ليلى : اجل اهجدي أما رغد فهي حاسه بملل فضييييع تنتظر متى بس تروح تشوف أهلها البنات ماحاولوا يسولفون معها وهبه دلتها ع الغرفه وراحت حتى ليان ولينا موموجودين ، كانت تطقطق بجوالها تسولف وتحارش أي أحد تقطع وقت قطع عليها دخلت ليان للغرفه وكلمتها : يالله رغد بنزفك التفتت لها ريدآ بإستغراب : ماكأنه بدري ليان : ايوه عارفه بس لان متعب يقول لا تتأخرون لأن حدي ل12 ونص وبمشي والحين 10 ونص على ماتنزف والعشاء الا قد وصلت دينا : الله يهديه متعب وش معجله ، وبعدين مو على أساس بينام هنا ليان : اندري ، يالله رغد وقفت رغد بهدوء وتبعت ليان حتى و صلت قريب من الدرج ووقف شوي حتى اشتغلت الزفه وبدت تنزل بهدوء وقلبها يدق من الخوف والربكه "طبعا الدرج من ناحيتين وبعدها يتصل بواحد ويوصل للصاله ، الفله اللي بنص المزرعه جدا فخمه ومهيأه للسكن فيها " بدت تنزل من الدرج على الجهة اليمين لحد ماوصلت للساحه البسيطه المتصله وقفت شوي "بكلام البنات " وكملت مسيرها لحد مانزلت من الدرج كاامل لمحت امها وشفاتها تتحرك عرفت انها تحصنها ابتسمت وهي تحس بغصه راحت عند الجده وسلمت عليها الجده : كيفك يابنتي رغد : الحمدلله يمه انت كيفك بشريني عنك الجده بفرحه : الحمدلله ، ماشاء الله تبارك الرحمن الله يحفظك يابنتي ابتسمت رغد بإحراج وكملت سلام على الحريم لحتى وصلت لامها واختها وخالتها وضمتهم وعينها تدمع اشتااقت لهم حيييل ’، خرج متعب من المجلس التفت لما سمع احد يناديه : هلا بالنسيب ابتسم سعود : هلابك بالله نبي نسلم على رغد متعب : طيب يالله الحين اصلا بنمشي للبيت تطلع مره وحده وتسلمون سعود : طيب اجل بكلم الاهل حتى يخرجون معها ’، شربت موية حتى تدف الاكل بسرعه وردت على الجوال : اهلين متعب متعب : هلا ليان ، اخبار العزيمه ليان : الحمدلله متعب : تمام طيب ليان رغد عندك لاني ادقق عليها وماترد ليان : لا والله توها قايمه وراحت تغسل بعد العشاء متعب : طيب اعطيها الجوال بكلمها ليان قامت من الكرسي : طيب لحظه رراحت ليان للمغاسل وشافت رغد تحط الروج : رغد التفتت رغد وابتسمت : امري ليان مدت الجوال : متعب اخذت الجوال وردت : أيوه متعب بغضب : الحين وينك فيه ليه ماتريدن على جوالك رغد بإستغراب : جوالي مادق متعب بسخرية : بالله اكثر من 3 مكالمات رغد ببرود : طيب ماانتبهت له متعب : اخلصي بسرعه بنروح ، وياويلك تتأخرين رغد بغضب تقول بنفسها ، عبده عنده يكلمني بهالالوب ، كتمت غضبها لأن ليان هنا ولا عرفت كيف ترد عليه : ان شاء الله كانت ليان تتابع وجه رغد من بعيد والتغير اللي صار فيه حست ان متعب هزأها تعرف متعب يقط الكلمه بدون مايحاسب جت لها رغد ومدت لها الجوال : شكرا ليون ابتسمت لها : العفو ’، وقف ابو سعود ووقفو معه عياله : اكرمكم الله قام ابومتعب : تو الناس ياابوسعود ابوسعود : ماتقصرون ووجهكم ابيض ، يالله نستأذن ابومتعب : حياكم الله خرجوا ابوسعود وعياله فارس : ماشاء الله ابوسعود ، رجال والنعم فيه ابوسامي : ايه والله ماشاء الله رجال محترم وحكمه فارس : حتى عياله رجال ماشاء الله سعود ماسك الشركه وبدر دكتور ’، خرجت مع اهلها بعد تمطيط باللبس والسوالف مع رهف متقصده حتى تلطعه على أسلوبه ومشت معاهم شافت ابوها واخوانها سلمت عليهم ابوسعود : بشريني عنك يابنتي رغد : الحمدلله يبه انت شخبارك ابوسعود : الحمدلله والله البيت من غيرك ماش تكلم بدر : افااا الوالد شكلك ناوي اليوم تبات معانا بالغرفه الكل : هههههههههه ابوسعود : لا لا مااعتقد اهون عليها ام سعود : لا تهون ضحك الكل على كلمتها رغد : هههههه يمه تغارين مني ام سعود : اكريمينا بسكوتك بدر : ويووو لقطي لقطي وجهك رغد : اصلا انا وش جابني هنا ابو سعود : يالله ياابوك لا تتأخرين على رجلك هزت رغد راسها : ان شاء الله ، بس امانه يبه بكره تعالوا لي ابوسعود : لا وين يابوك نجيك وانتو توكم متزوجين ماينفع رغد: لا يبه متعب مابيقول شي او على الاقل نروح لاحد الحدائق او الكورنيش هز ابو سعود راسه : يصير خير باست رغد راسه وراس امها : يالله مع السلامه راحت رغد لمتعب اللي ينتظرها في السياره تذكرت تهديد حست بخوف وش بيسوي فيها ركبت السياره رغد : السلام عليكم متعب : وعليكم السلام حرك متعب وخرج من المزرعه وطول الطريق وهم ساكتين ’، جلست على السرير وهي تحس بألم في ظهرها انسدحت عل وعسى يخف الالم دقايق ودخل عليها فارس وقرب منها خاف لما شاف وجهها كذا جلس على السرير بجانبها : ريما فيك شي فتحت عيونها وابتسمت بتعب : لا حبيبي مافيني شي فارس : ريما ماني اهبل انتي واضح عليك تعبانه قومي نروح للمستشفى ريمآ : لا مايحتاج فارس بس ظهري يآلمني ممكن لاني ماارتحت اليوم عصب فارس : وليش ماارتحتي انتي هبله انتي من الاول تعبانه بهالحمل وجيتي تطينينها اليوم بعدم راحتك ريمآ : خلاص فارس شوي وبيخف الالم بس جيب لي قميص حتى اغير هاللي علي مااحسني مرتاحه فارس : طيب وراح يجيب لها قميص وساعدها حتى تبدل وسدحها على السرير حتى تنام واخذ ولده وراح لغرفه البنات وضرب الباب فتحت دينا الباب : هلا فارس فارس : دينا بالله خلي نواف عندك دينا بإستغراب ليه وش فيك فارس : ريما تعبانه وانتي عارفته بيعذبها دينا بخوف : فيها شي انا من يوم شفت وجهها كذا وانا حاسه فارس ابتسم يطمنها : لا بس ظهرها يالمها شوي وعلى كلامها انها ماارتاحت طول اليوم وان شاء الله بكره تكون احسن دينا : خلاص خله ’، انسدح بسام على السرير : آآآآآآآآآآآآآآآه ياظهري احس اني اليوم انكرفت كرف الحمير انسدح سلطان مثله : آآآآخخ وانا مثلك يووووه بسآم : انا انكرف عشان متيعب كأنه يستاهل ضحك عليهم سامي اللي يغير ملابسه : من شافكم تطنون وتونون يقول انكم مكسرين حصا التفت له بسام : ايه بلاك ماجا اللي جاي لنا قهوه جايه وقهوه رايحه وشاهي جاي وشاهي رايح وقم يابسام صب وقم يابسام شوف العشا وقم يابسـ .. قاطعه آسامه : ياليل بتذلنا يعني شكل يبي من يعلم متعب عنك حتى يصلبك بسآم : علمه مسك آسامه جواله ودق على متعب وحطه سبيكر ثواني ووصلهم صوت متعب : هلا اسامه بسام اول ماسمع صوت متعب نط لأسآمه وباس راسه وكتفه وخده وجبينه وهو يقوله بصوت منخفض الله يخليك لاتقول ضحكوا كلهم عليه حتى اسامه متعب بإستغراب : الوووو اسامه اسامه وهو يمسح دمعه من الضحك : هلاا متعب متعب : وش فيك اسامه وهو يتحمحم : لا ابد بس حبيت اقولك انك ناسي بوكك متعب وهو يتحسس مخباه : يوووه زين انك قلت لي يارجال ماتقصر اسامه : ياهلا وسكر السماعه من متعب ورجع يضحك من جديد على بسام اللي طب فوقه ويضربه بمزح ’، دخلت ام سامي واستغربت من حال ابوسامي ام سامي : ابراهيم وش فيك ابوسامي : شايل هم ليلى ام سامي : تطمن ياابراهيم كلها فتره وتعدي وان شاء الله ماتطول ابوسامي : سامحيني ياسناء عذبتك معاي كثيرر وعذبت العيال ام سامي : لاتقول هالكلام باابراهيم انا مابقلبي عليك شي وحتى العيال وليلى واللي فيها رده فعل للي شافته هد ياابراهيم وقوم نام لان بكره على ماسمعت من خالتي بنرجع للبيت تنهد ابوسامي وهو يقوم : ان شاء الله ’، بالسياره عند متعب هدوء وماقطع عليهم غير اتصال اسامه ولما سكر استمر الهدوء امارغد تحس انها هلكانه تبي الفراش تنام فيه ماصدقت وقفت السياره وطفاها متعب " طبعا هم لهم شقه بالدور الثاني 3 غرف وصاله ومطبخ صغير " ونزلت خلعت طرحتها وهي تصعد الدرج وهو وراها لحتى وصلو لجناحهم انتظرته حتى وصل وفتح باب الشقه لأنها مابعد أخذت لها مفتاح ومشت للغرفه خلعت عبايتها وعلقتها على الشماعه وراحت للتسريحه وبدت تفتح اكسسواراتها يبيلها دوش بس مافيها الحين وهالعفسه اللي بوجهها وش بيوخرها . . حست بالباب ينفتح التفتت شافت متعب واقف يناظرها بنظرات طيحت قلبها عند رجولها رغد : احم بغيت شي متعب : كان مسرح فيها حس بدقات قلبه تسرع مايعرف ايش منه كان مفهي فيها قرب منها بدون كلام اما رغد خافت وبدت ترجع لحتى اصطدمت بالجدار ومتعب قريب منها حيل نزل راسه حتى وصل لأذنها وهمس : ابيك انتي ’، ][ همســـة ][ الذي كفاك هم الأمس .. سَ يكفيك همّ اليوم بإذن الله والذي رعاك صغيرًا سَ يرعاك كبيرًا بإذن الله فَ توكل عليه وحده سبحانه وأبشر بما يسعدك .. | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
