آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-03-15, 08:39 PM
| #51 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ــــــــــ ’، ينهاني العقل عن حاجات والقلب بالعكس يامرني ! مابين نفي الوله واثبات خوفي ! مدى الوقت كاسرني يا قلب : قل للحكي .. بسكات لا عاد ف الحزن يبذرني يا كثر مابي من الضيقات أضيع معها وادوّرني والطفلة اللي لها بالذات عشقي ! بها صرت خاسرني أوقات تشتاق لي واوقات تصبر ! وانا وش يصبرني ؟ أسيّل الشوق ف الابيات ويسيل دمعي وينثرني . . . . # زايد الرويس ’، ][ البارت الثامن والعشرون ][ ’، مرت أيام الاجازه سريعه مثل العادة وراح أسبوع أول من الفصل الدراسي الثاني في العايله بعد مازارو هبه كملوا اسبوع الاجازه بالرياض بعدين رجعوا .. أما رغد فبقت عند أهلها طول الأسبوعين بما ان الجامعات أول أسبوع مايداومون فيه فإستغلت هالشي وجلست وجا متعب وأخذها يوم الأربعاء لأن الخميس كان حفل شبكه أحمد وليلى بذاك اليوم كانت التجهيزات على مستوى عااالي بمزرعه العايله ’، كانت تحط اللمسات الاخير على نفسها راحت للصندوق الموجود بالغرفه بعجل وهي ترفع فستانها طلعت علبه منها وفتحتها اخذت طقم الذهب الأبيض وبدت تلبسه على عجل قبل يجي متعب ويخضها راحت للتسريحه بتاخذ الايشارب الا بدخول متعب اللي وترها خصوصا ان لبسها من فوق عاري كان الفستان وردي ساده والايشارب فيه تشكيله ورد بالعنابي والوردي والفوشي كان فستانها جدا بسيط بس كانت جدا بارزه بسبب الروج الصارخ اللي مستخدمته مسكت الايشارب وبدت تلفه وتربطه بشكل مايل وتستر ظهرها وكتفها بربكه من نظرات متعب متعب بعد صمت لدقايق معدوده : خلصتي رغد : ايوه متعب وهو يقرب منها خلتها تتراجع للخلف لااراديا مسك ذراعها برقه وجلسها على الكرسي ونزل تحت لعند قدمها رفع فستانها لحد نص ساقها حتى يتأكد من النعال اللي راح تلبسه ، رفع عينه بهدوء ولاحظ الحمره اللي كست ملامحها وقال بهدوء : وين نعالك رغد اشرت له : فوق الأريكه "مشى بهدوء ووقف عند الاريكه ، أخذ النعال وبدا يقلبها بيده " رماها بإهمال : ماتلبسين هذي رغد بصدمه : ليه !!!! متعب : عاليه وانت وضعك مايسمح وقفت رغد وهي تقرب منه : لا متعب والله موعاليه "رفعت الطراحه اللي على الأريكه وطلعت منها نعال ثانيه اللي كان كعبها عالي بكثير " شوف هذي فيه فرق بينهم هذذي كعبها بسيط متعب اخذ نعال ثانيه اللي عارضت عليها رغد : مستحيييل البس هذي متعب : ليه ؟!! رغد : متعب انت شايف هذي فلات ماتنفع ابد للمناسبات رجع متعب وأخذ نعال ثانيه فيها كعب بس بسيط : هذي ولاتقولين واطيه بتلبسينه ولا مولازم هالروحه رغد بالطل ألبسها هين بس : طيب متعب وهو متوجه للباب : استعجلي واياني واياك تستغفليني ترى بشوف وش لابسه بالسياره راقبت خروج متعب ونزلت لبست النعال اللي طلعه متعب "ايه هين البس هذي وبمناسبه كذا " راحت وجت بتدخلها بشنطتها بس خافت انه يفتشها توجهت للدولاب واخذت ايشارب عريض حطت النعال تحت ابطها ولفت الايشارب عليه بقوه بشكل مايل حتى ماتطيح حست انها مومرتاحه بس بتستحمل لبست عبايتها واخذت شنطتها ونزلت كانت الصاله فاضيه خرجت من البيت شافت متعب بالسياره توجهت له فتحت الباب وركبت وهي تسلم ، رد عليها السلام بهدوء وشغل انوار السياره ورفع عبايتها يتأكد وش لابسه متعب : الشنطه حمدت رغد ربها بسرها : ماحطيت شي شوف "مدت له الشنطه " بس متعب من شكل الشنطه عرف ان مافيه شي ، سمى بالله وحرك كانت الساعه تشير على 6:45 على مايووصل للمزرعه قدها 7:30 أو 7:45 بدى يدردش مع رغد ويسألها عن حالها خصوصا انهم امس راجعين من الرياض بالليل ولما صحى الصبح لهى مع احمد ويادوب جا ولبس وهذي جلسته معها ’، بالمزرعه الكل كان مرتبش ويتأكدون من الاستعدادات خصوصا انه ماباقي شي على جيه الضيوف بغرفه البنات اللي كانت كأن اعصار جاي وضربها ملابس ، علاقات مرميه بكل مكان التسريحه عطور طايحه بنس منتشره اسلاك الفير والسيراميك اكسسوارات دخلت لينا الغرفه : ليان اتصلي على متعب استعجليه عشان رغد ، الناس بدو يجون وهم لسا ليان وهي تلبس الحلق : طيب بس اخلص لينا : استعجلي الكل خلص الا انت ليان هزت راسها وهي ساكته ، أخذت اكسسوار شعر وحطته بمقدمه شعرها وبدت تتأمل نفسها لو ناقص شي كانت طالعه بنووته ناعمة بشكل موطبيعي فستانه الليكي توب وقصير لنص الساق وشعرها الكيرلي اللي غطت فيه الجزء العاري من كتفها وظهرها ابتسمت وهي راضيه عن شكلها ، مسكت عطرها وبدت ترش بشكل عشوائي على نفسها حطته واخذت الجوال وطلعت من الغرفه وهي تدق على متعب اللي رد عليها وقال انه لسا منزل رغد ’، عند رغد اللي أول مادخلت وشافت فرح مسكتها وسلمت عليها وطلبت منها توصلها لغرفه فاضيه حتى تتأكد من نفسها دخلت رغد الغرفه وسكرت الباب خلعت عبايتها وفكت الايشارب اللي مضايقها لبست النعال وانفتح الباب التفتت تشوف من شافتها ليان ليان : اخيرا مابغيتو تجون ابتسمت رغد وهي تكمل لبس : وش اسوي انت تعرفين اني انا اللي عدلت نفسي وتعرفين عاد متى نخلص وغير كذا اخوك وقف لي ع الوحده ابتسمت ليان : ليه وش فيك انتي وياه رغد توجهت للمرايه اللي موجوده القت نظره سريعه على نفسها ووهي ترش العطر : ابد بس عشان النعال يقول عاليه ومدري ايش ليان : ههههههه طيب شوفيك بالاخير سمعتي كلامه ، كان ريحتي نفسك من البدايه التفتت لها رغد وهي تغمز لها : افا وانت موقعه اني مااسوي اللي ببالي ليان : وش سويتي رغد : ابد والله سويت حركه بسيطه وخبيتها ولما ركبت معه سوالي تفتيش للشنطه وتأكيد من الرجول ومشت عليه "رفعت فستانها" بس وش رايك ليان : هههههههه والله انك خبله لو يدري عنك ماخلاك تطلعين من البيت ، بس ماتحسينها عاليه رغد وهي تأشر على السرير : لا حرام عليك شوفي وش مخليني البس وماعندي واطيه وغير كذا كلها ساعتين بس "وبضيقه كملت " لأني سمعته بالسياره يكلم ويقول ع ال2 بيكون عندهم ليان : اوك بس انتبهي على نفسك وخلك جالسه افضل رغد وهي تمسك يد ليان : اوك يالله سرينا ’، عدت الخطوبه على خير وع الساعه 12 ونص اتصل متعب يستعجل رغد بالخروج ، ركبت رغد السياره وكان يكلم من طريقه كلامه انه رجل بس كانت تسمع صوت ناعم صحيح الكلمات مومفهومه بس نبره الصوت واضحه كتمت قهرها وهي تحاول تهدي نفسها كانت سرحانه على حالها ليه لما حبيته صار متزوج ويحب غيري حست بالدموع تملي عينها وحست بيده على كفها :رغد علامك ؟؟ رغد وهي تحاول تبلع غصتها : لا ولاشي بس شوي تعبانه ناظرها بقلق : وش تحسين فيه نروح المستشفى ؟ رغد : لا مايحتاج بس تعرف صاحيه من بدري وامس جايين من سفر عشان كذا خيم الصمت على السياره لحد ماوصلو البيت نزلت رغد من السياره وهو خلفها كانت تتمنى انه مايلحقها حتى تقدر تبكي على راحتها وتقدر تخلع النعال اللي نست تخلعها من استعجاله لها بس للأسف كان وراها فتحت باب الجناح ودخلت توجهت لغرفتها علقت عبايتها التفتت وهي متوقعه انها وراها بس ماحصلت احد حمدت ربها جلست على الاريكه وبدت تخلع حذيانها خلعت الاولى بس لما جت بتخلع الثانيه على دخلته ارتبكت رغد من نظراته المصدومه واللي تحولت بسرعه لغضب قرب منها بسرعه ومسكها مع زندها بقوه : انت تستغفليني ولا كيف ؟ رغد تحاول تظهر البرود في كلامها : مومعقول اروح الحفل بالي اعطيتني هزمها متعب بعنف : انا لما قلت لك كلمه تنفذينها انا ماجبت شي من عندي الكعب بحالك بيضرك رغد : انا ماجاني شي شوف خلاص عاد فكها سيره شي عدا وراح متعب : لا ماني فاكها سيره استغفالك لي هذا شي كبيــ.... قطع عليه كلامه صوت جواله توه استوعب انه تأخر على الموعد نفض يديه منها وتركها وراح وهو يقول بغضب : لاتنتظريني وخرج من الجناح والبيت اما رغد فكانت مصدومه مجروحه لايمكن حركه الاستغفال يمررها متعب كذا بس من المكالمه مااهتم .. غير كذا نفضه يده منها وكأنه مقروف لا هذا شي كبييير كبيييير حاولت تهدي نفسها بكلمات "لاتبكين يارغد لاتبكين شي عادي انتي متعوده عليه " بس دموعها كانت اقوى منها نزلت دموعها وهي تكابر.. ’، باليوم الثاني حست بالشمس تضايقها بنومها غير كذا ملابسها ماكانت مريحه فتحت عينها بهدووء بليييغ تحس وجهها مشدود راسها صداااع فضيييع تعدلت وهي تحس بألم بظهرها تأملت الغرفه لثواني بعدها بدت تخلع ملابسها وتروح لدوره المياه تاخذ شور سريع حتى تصلي الصلوات اللي فاتتها ، طلعت والروب عليها استقرت عينها على الساعه كانت 5 ماباقي شي على المغرب لبست جلابيه خفيفه وفرشت سجادتها وصلت اللي فاتتها وانتظرت على السجاده صلاة المغرب حتى يدخل وقتها خلصت من الصلوات طوت السجاده توجهت للتسريحه شافت وجهها باهت عينها كان فيها انتفاخ بسيط حطت كحل وروج بدون اي اهتمام بالاساس رفعت شعرها وتعطرت وطلعت من الجناح بعد مااخذت جوالها نزلت حتى وصلت للصاله كان الهدوء مخيم عليها والانوار طافيه استغربت نادت الخدامه بس مااحد رد عليها توجهت للمطبخ وكان خالي وطافي تنهدت بضيق وراحت للجناح من جديد جلست تلعب بالايباد حتى ملت وفتحت موقع الجامعه وبدت تشوف المواد وتتأمل الجدول للمستوى الاخير كان عندها 3 أيام اوف يعني راحه لها بما ان موادها هالمستوى قليله وراحت لمواد المستوى اللي فات وجلست تتأمل معدلها في المواد ومعدلها التراكمي سكرت الموقع و تنهدت حست انها جوعانه بس مومشتهيه تاكل شي راحت للمطبخ فتحت احد الادراج طلعت منه شبس ليز ماكس حار كبير وبيبسي وسكرته راحت للثلاجه وطلعت زبادي وسوت صوص للشبس وحطت ثلج بكاس كبير وتوجهت للصاله وبدت تاكل كانت مخبيه عن متعب هالاغراض اللي لو درا عنها ماجلست عندها ولا ثانيه ابتسمت بفرحه وهي تشوف الغازات من البيبسي اللي نادر ماشربته من بدايه الحمل رفعته لفمها وبدت تشرب بتلذذ على ان الجو بارد بس مااهتمت تبي شي يبرد النار اللي جواها شغلت الايباد وجلست تشوف فلم بإندماج تحركت من مكانها واستقر نظرها على الساعه كانت 9 ونص فجأه حست بوحشه المكان البيت خالي من كل الاشخاص عداها يوم كامل لحالها بالبيت شكل خالها قرر ينام بالمزرعه والمسمى زوجها نايم عند عليا غمضت عينها بقهر وهي تنفخ الهوا من فمها قامت وراحت للغرفه صلت وقررت تدق على عبير شوي ووصلها صوتها عبير : أهلين رغود رغد : أهلا عبير كيفك عبير : الحمدلله انتي أخبارك وأخبار حملك معك رغد : الحمدلله عبير : من وين طالعه الشمس طرينا على بالك رغد : هههههههه والله يااختي فاضيه فقلت أدق أسولف معك شوي عبير : ههههههه زين والله دام فضيتي ودقيتي جلست تسولف معها شوي وبعدين سكرت منها ابتسمت بهدوء وهي تحس براحه تجاه عبير اللي عوضتها عن نورة صحيح تفقدها لما تتغيب عن الجامعه بس الحين انضافت لهم انسانه جديده ثالثه من طرف عبير .. تذكرت أول يوم قابلت البنت . . بأيام الاختبارات كانت هي وعبير متفقات يحضرون قبل الاختبار بنص ساعه يراجعون الأشياء المهمه مع بعض . . كانت رغد جالسه بمكانهم المعتاد تراجع انتبهت لعبير جايه نحوها ومعاها بنت وقفت وسلمت على عبير وعلى البنت . . عبير بعد ماجلست : رغد أعرفك هذي بنت صديقه أمي "عليا " ... عليا أعرفك على رغد عليا بلإبتسامه هاديه : أهلا رغد .. تشرفت رغد وهي ترد الابتسامه لها : هلابك حبيبتي الشرف لي عبير وهي مبتسمه : ماكنت صراحه اقابلها لأني ماكنت متوقعه انها معنا بالجامعه . . لسا الحين قابلتها بالصدفه . . أمي كانت تقولي انها كانت تجلس لوحدها ومامعاها رفقه "وجهت كلامها لعليا " من الحين هذا مكانا المعتاد أول ماتخلصين محاضره دايركت تعالي هنا ومن بعدها وعليا فرد جديد انضم لها ولعبير وتعددت المقابلات بأيام الاختبارات وتبادلوا الأرقام وفيه تواصل خفيف بالواتس بما ان تم انشاء قروب لهم الـ3 "عبير - رغد - عليا " تنهدت وهي مقرره تدق على متعب تبيه يجي لايمكن تجلس باقي الوقت لحالها رفعت السماعه لأذنها وانتظرت لفتره حتى وصلها صوته البارد : هلارغد رغد : كيفك متعب ببرود : الحمدلله وانتي رغد : الحمدلله ، متـ... انقطع صوتها وهي تسمع صوت خفيف بس كانت الكلمات واضحه "متعب بس هاي اللعبه الله يخليك بعدها نروح للمطعم" متعب بإستغراب لما طولت ماتكلمت : رغد فيك شي تبين شي رغد بغصه وهمس : لا لا خلاص ولاشي بس حبيت اتطمن عليك باي سكرت رغد السماعه بدون ماتسمع لمتعب بدت تبكي بصوت عالي خلاص ماتقدر تستحمل ليه حظها كذا ليه كل اللي تحبهم مايكونون من نصيبها بالأول تركي والحين متعب ليه كذا ’، | ||||
|  |
|
10-03-15, 08:41 PM
| #52 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــــــ ’، عند متعب اللي استغرب في البدايه بعدين مااهتم لأنه ماتوقع ان رغد سمعت شي لأن عليا لما كانت تكلمه كانت تكلمه من بعيد ع الساعه 11 ونص خرجواعليا ومتعب من المطعم متعب : هاه حبيبي وش رايك بالمطعم عليا : وااااو مره لذيييذ ، احلى يوم بعمري الله يخليك لي حبيبي ابتسم متعب وقبل مايتكلم رن جواله كانت ليان : اهلين ليونه ليان : اهلين متعب كيفك متعب: الحمدلله انتو كيفكم ليان : الحمدلله ، الا اقول متعب أدق على رغد ماترد متعب : طيب روحي لها الجناح يمكن الجوال بعيد عنها ليان : بس احنا من امس بالمزرعه نايمين متعب بصدمه : اييييييييش نايمين بالمزرعه ليان : ايوه ليه ماتدري متعب وهو يحرك السياره بسرعه حتى يروح لرغد يوم كامل لوحدها بالبيت خاف لما قالت ليان انها ماترد على الجوال : طيب انا بروح الحين وبشوفها باي عليا بقلق : شو مستوي متعب متعب بذهن مشتت : ولا شي بس بروح اشوف رغد لوحدها بالبيت لوت عليا فمها بضيق : مافيها شي قبل ساعه متصله عليك متعب بضيق وهو يوقف عند العماره : خلاص عليا ، يالله انزلي وسكري الباب زين عليا : بتجي اليوم تنام عندي متعب بإستعجال : لا عليا طلعت من السياره ودخلت العماره كل هذا تحت انظار متعب حرك بسرعه متوجه للبيت اللي وصله بوقت قياسي وطول الطريق يتصل على رغد بس مايلاقي رد ركض لجناحه وهو يفكر يوم كامل ورغد بالبيت بدون اي ناس موحش فمابالك برغد اللي ماتعودت ابد تكون لحالها دخل للجناح وشاف الصاله الكنبه مومرتبه فيها مفرش والطاوله عليها علبتين بيبسي صحنين فيها بقايا شبس والايباد والسماعه بجنبهم لو كان بحاله افضل من كذا كان حاسبها بس الحين كل اللي في باله انها تكون بخير ومايكون صار لها شي . . مشى للغرفه وفي باله اسوأ التخيلات فتح الغرفه بهدوء وهو يدخلها حتى استقر نظره على السرير وهي نايمه ومتكوره على نفسها من البرد تقدم لها حتى صار فوق راسها هز كتفها بخفه وهو يناديها بصوت واطي انتبه لها تفتح عينها وترجع تسكرهم بعدم استيعاب كرر نداءه لها ونفس النتيجه علا بصوته حتى فتحت عينها وتعدلت بوضها بشكل سريع وهي تحس بألم غير طبيعي بظهرها متعب : فيك شي رغد وهي تحس ان الالم فوق احتمالها الم بظهرها والم براسها بسبب نومها وهي تبكي قاالت بصوت مبحوح : لا متعب انتبه لعينها الوارمه لعن نفسه مليون مره : طيب قومي غسلي وتعالي ابيك وتحرك خارج الغرفه ينتظرها بالصاله تأملته وهو خارج جلست بمكانها بضع دقايق وتحركت رغد بهدوء ومشت لدوره المياه كانت تحس ببروده ورطوبه على رجلها كامله موعارفه سببها نزلت راسها راسها على لبسها وانصدمت من اللي شافته التفتت بسرعه للسرير اللي كان فيه بقعه حمرا ’، عند متعب اللي حس بتأخر رغد قام وراح فتح الباب والتقت عينه بعين رغد الدامعه اللي قالت : متعب دممم ’، دخلت الغرفه عليها : هاه كلمتيها هزت راسها بلا : اتصلت عليها ماردت كلمت متعب بس مومعها شكله بالدوام قال شوي وبيتصل لينا : طيب انت وش تبين فيها ليان : كنت ابيها تتأكد لي من الشعب في الجدول مع البنات . . لأن البنات الحين يقولون فيه عفسه بالجداول لينا : طيب هنا تأكدي انت ليان : الشبكه ضعيفه هنا وانت عارفه انه زحمه فماينفع يجتمع الاثنين مع بعض ، متى بنرجع البيت لينا : بكره العصر ان شاء الله تعرفين خلاص اليوم اللي بعده دوامات ليان هزت راسها وهي ساكته ’، كان جالس ينتظر الدكتوره تطمنه مايدري كيف وصل هنا من اول ماقالت له متعب دم وهو موعارف كيف يتصرف قطع تفكيره الدكتوره وقف لها متعب : هاه يادكتوره وش فيه الدكتورة وهي تجلس على المكتب : الحمدلله الجنين بخير وهي تقدر تطلع ماله داعي بقاءها بس هاليومين لازم تجي تاخذ مغذي متعب براحه بسيطه : طيب النزيف وش بسببه ؟ الدكتورة تكلمت على دخول رغد : فيه كذا سبب للنزيف بس ع الغالب انه بسبب حاله النفسيه أوالتغذيه التفتت الدكتورة لرغد : سبق وصار لك نزيف او هذي اول مره متعب توه بيتلكم بينكر الا صدمه جواب رغد : ايوه لما كنت بالشهر الثاني وبعدها بشهرين أو ثلاث هزت الدكتوره راسها : شوفي يارغد صراحه هو أعتبره أنا مكرمه من ربي انك لحد هالوقت مااجهضتي لأن نزيف 3 مرات طول مدة الحمل صعب ماتنتهي بإجهاض . . هالمره ربي سلم والحمدلله بس مره ثانيه مااضمن لك بقاء الجنين لازم تهتمين بنفسيتك وبتغذيتك ، وماتتحركين كثير أو تجهدين نفسك اما لو استمريتي كذا فراح يكون ياولاده مبكره يااجهاض كش جلد رغد من طاري الولاده والاجهاض : اوك الدكتوره : بالسلامه ان شاء الله ’، مقتطفات سريعه .. # حال رغد تحسن شوي مع اهتمام متعب فيها وقوت علاقتها بعبير وعليا ، # لينا وضعها مثل ماهو رجعها صقر ويوم يكون مافيه أحلى منه وأيام نفس قبل # هبه رجعت للدمام بالضيف الجديد والكل طاير به والكل يشبه فيه مره يشبه فيصل ومره ليان ومره لينا ومره التوأم ، # رهف الكل طاير بها بسبب هالحمل اللي أدخل على البيت قليل من الفرح وكل البيت شايلها توصيات لاتشيلين ، لاتسوين ، لاتتحركين # ليلى وأحمد - دينا وعمر .. علاقتهم مافيه أروع منها وعايشين بهدوء ويخططون لمستقبلهم مع بعض # سعود ونوره تقبلت نورة سالفه الاجهاض وأم فواز وفواز عرفوا بسالفه تحرشات راشد بنوره من الأول وعاتبوها على صمتها ، ام فواز تطلقت بعد مااجبر فواز راشد اللي مقطوط بالسجن من ذاك اليوم بسبب التحرش # بدر تقدم لخطبه ايلاف بعد مافاتح أهله ولاقى قبول ماكان متوقعه بسبب أوضاع أهل ايلاف المعيشيه .. ايلاف اللي كانت بآخر فتره من فترات الابتعاث مع شقيقها هاني وينتظرونها تنتهي من آخر المواد حتى تتم الملكه ’، بأحد صباحات الدوام توها طالعه من المحاضره ولمحت عبير اللي كانت بمكان صاد عن البنات وماهي منتبهه لها ابتسمت وهي تطلع جوالها وتشغل تسجيل الفيديو وتقرب منها بخفه وهي ناويه تخرع عبير حتى تشوف عبير شكلها ولما قربت وضح صوت عليا وهي تتكلم واللي صدمها عبير : هههههه لا ياحبيبي مابتخاف ماحدا بيعرف اصلا ، من حكي لعليا ان اخته عندهم بالبيت ونادر تروح لبيتا عبير : يزيد مضبط كل شي وغير هيك اللي يأكد لي نجاح الخطه هي من كلام جوز عليا المصون عبير : ههههههههههههههههههههههه هو متل الخاتم بإصبعا . . خالي احس اني كل مابشوفو يحسسني بالقرف آآآه متى بس آخذ بتاري منهم عبير : انا ابتديت بأخته وشوف حياتا كيف لما ارسلنا لجوزا صور الها وشوف كيف انألبت حياتا وهي لساتا عروس ياحياتي عليا هو عليا مسيطرا عليه وكل الأخبار بتوصل لإلي ، مرت بيوه عند عمر أدله بتسبت حركاتا الملتويه وكمان عنده صور لإلها بس آآخ لو عمر يسلمها لإلي ومابائي الا خيتو لصغيره وهي دورها أريب ان ماخليت سمعتهم بالأرض مااكون أنا عبير عبير : مابتخاف خالي عليا رفيئتي وأنا بعتمد عليها بأمور كتير لما كنا ندرس مع بعض في كندا انصدمت رغد صدمه عمرها ماتخيلت عبير كذا رجعت بسرعه حتى ماتنتبه لها عبير جلست بأحد الطاولات تحاول تستوعب منهم اللي تحاول تدمرهم هي وعليا وتنتقم منهم معقوله زوج عليا ، لا لا مااعتقد مافيه وحده بتلعب على زوجها وتكذب عليه ، يوووه انا وش دخلني بكيفها ، لا لا ياررغد انت موكذا هذي فيها سمعه عايله لو صار لها شي بتروح فيها وهي مالها ذنب كله بسبب هالخبيثه ، بس لحظه لحظه كيف عبير درست برى هي وعليا يعني الحين المفروض ماتكون هنا . . يااارب . . طيب كيف بعرف عايله زوج عليا كيف يارغد كيف آآآآآه ماني قادره افكر من الصدمه حست بشي قطع تفكيرها التفتت شافت عبير : رغوود وين رحتي جلست رغد تتأمل عبير وهي تفكر حتى قطعت عبير تفكيرها من جديد : يااهووووه رغد بنفسها ، خلاص يارغد لاتفضحين نفسك : هلا هلا عبير عبير : وينك من زمان اكلمك رغد : سامحيني عبير بس سرحت شوي ، الا انت وينك دورت عليك مالقيتك عبير : ابد بس كنت ادور لحد ماتطلعين من المحاضره ، عندك محاضره ثانيه ؟!! رغد : ايه بس شكلي مابحضرها بطلع عبير : ليه عسى ماشر ؟ رغد : لا ابد بس احس بتعب شوي وامس مااحس اني نايمه كويس عبير : طيب اتصلتي بزوجك رغد : لا الحين بتصل ، وانت عندك محاضره عبير وهي تضحك : هههههه وش فيك نسيتي اني اليوم محاضره ثانيه معك رغد بابتسامه مغتصبه : ايه صح نسيت ، طيب بتحضرين عبير : لا دامك بتسحبين بسحب رغد : وين عليا عبير : عليا امها تعبانه فتغيبت اليوم رغد : الله يشفيها . . طيب انا بدق الحين على زوجي عبير : أجل انا بطلع الحين السواق اكيد برى ينتظر رغد : طيب اشوفك بكره على خير ’، العصر كانت جالسه بالصاله تفكر ماتعرف كيف تلقى حل للكلام اللي سمعته ، رفعت الجوال لأذنها بعد مادقت على نورة وقررت تستشيرها وصلها صوتها المحبب نوره : مرحبا الساع ولايسدن رغد : ههههههههه مراحب وش فيك انقلبتي اماراتيه نوره : أكيد ياعزيزتي بنقلب اماراتيه ماهو انا من يومين عندهم رغد بمفاجأه : احلفي بالله نوره : ههههههه والله سعودي حبيبي الله لايخليني صار عنده سفره لدبي شغل وتمشيه وقرر يوديني فديت قلبه رغد : هههههه الله يخليكم لبعض نوره بحب : امين ياااارب رغد : احم نوره انت مشغوله او سعود عندك نوره : لا سعود مايجي الا قريب المغرب ليه فيك شي رغد : لا بس ابي مشورتك نوره : بإيش رغد : قالت السالفه لنوره نوره : اياااك يارغد تتدخلين رغد : بس يانوره هذي سمعه نوره بغضب : وانت وش عليك منها يمكن تدري ان لك طرف بالسالفه بعدين وتوهقك والله ماتفكك من مشاكلها انتي صاحيه وابتعدي عنها رغد : نوره الله يخليك قولي كلام غير هذا انا مااقدر اشوف شي زي كذا واسكت عنه نوره : رغيد بلاهبل هذي حقوده ممكن تدمر حياتك يااختي رغد بعدم اقتناع : انا ماراح اسكت نوره هزت راسها بقله حيله : طيب تعرفين اسم زوجها رغد : لا نوره : اجل كيف بتوصلين لها رغد: مدري والله انا ماني لاقيه طريقه بس هالفتره راح استمر معها بس بحذر نوره : رغد مالك دخل بالسالفه لاتتدخلين وبعدين تروحين انتي بداهيه رغد : مااقدر يانورة حاولت بس ماقدرت نورة بقله حيله وهي عارفه رغد وعنادها: طيب انتبهي وعلميني أول بأول وكل شي ببالك قبل ماتنفذينه رغد : ان شاء الله ’، جلس على الكنبه وهو ماسك يدها : هاه وش قلتي كانت منزله راسها من الخجل خصوصا انها جالسه بجنبه وماسك يدها : بس يااحمد صعبه انت عارف اني سبق وتزوجت والناس بعد عارفين أحمد وهو يناظرها بحب : وانا وش علي من الناس ، انا علي منك انت ، غير كذا زواجك هذاك ماهو زواج ، انتي حياتك معي انا وانا ابي أعيشك بفرحه مثلك مثل اي بنت بليله عمرها ليلى : بس يااحمد شهرين مره قليله وش يمديني اسوي واجهز أحمد بفرحه من اقتناعها : حبيبي انت اشتري الأشياء الضروريه وباقي الأغراض عادي أكملها لك بعد الزواج بس أهم حاجه تكونين معي بأسرع وقت أنا الود ودي أخذتك من أول مامكلنا بس آآآآه لازم من هالشكليات ليلى ولع وجهها من كلامه : احم خلاص مثل ماتبي أحمد وهو يقوم : الحمدلله واخيرا ليلى : ههههههه أحمد : يالله حبيبتي اأنا الحين بروح الحين انت تشوفين تو جاي من الدوام وغير كذا اطلع بكرامتي قبل يجي اخوك النشبه ويعكر مزاجي بعد اللي سمعته منك ليلى : هههههه طيب انتبه لنفسك أحمد وهو يبوس جبينها : ان شاء الله وانت بعد انتبهي على نفسك واي مكان بتطلعينه ارسلي لي رساله بس حتى اعرف وينك فيه مجرد اطمئنان ليلى وهي مبتسمه : ان شاء الله ’، بعد مضي عده أسابيع .. وقفت أمام المدخل تلبس عبايتها جا من وراها : يعني لازم تروحين بيت صديقتك قربت من المرايه حتى تتأكد من وضع نقابها : متعب انا قلت لك من قبل بس انت اللي مااعرف وش فيك متردد متعب : رغد انا خايف عليك هي مجرد زميله بالجامعه وغير كذا انت امس تتشكين من ظهرك والدكتورة محذرة من الجلسه الطويله وانتي الحين بآخر شهورك تلزمك راحه طويله أنا لو الود ودي ماتروحين هاليومين اللي بالجامعه التفتت له : انا ماراح اطول كله ساعه ان شاء الله وراجعه وبعدين عيب علي البنت كذا مره تعزمني وأنا اتعذر لها تنهد متعب بقله حيله : طيب بس انتبهي على نفسك ودقي علي وقت ماتخلصين منها لو ماكنت نايم بجي أنا وأخذك هزت راسها وهي مبتسمه رفعت غطاها وقربت منه ورفعت نفسها وباسته بخفه وابتعدت وهي خجلانه اول مره تبادر هي من نفسها وتسوي كذا رغد والحمره كاسيه وجهها : انتبه على نفسك ونوم العافيه حبيبي وخرجت بسرعه من الباب ، اما متعب اللي ظل ساكن بمكانه مومستوعب اللي قامت فيه رغد كانت نبضات قلبه مومنتظمه تنهد وهو حاس بشعور جميل تمنى انها ماتروح وتظل معه هز راسه ومشى قاصد الدرج حتى يتوجه لمكانه اما عند رغد اللي ماكانت مصدقه اللي سوته من كم اسبوع بس حسمت أمرها وراح تحارب على حبها ماراح تستسلم راح تثبت نفسها بقلب متعب لأن متعب لها وحدها مولعليا هي معترف فيها أمام الناس هي صحيح انها الثانيه بحياته بس بتخلي نفسها الأنثى الوحيده في حياته قطع تفكيرها سلسلة أفكارها السواق لما قال : مدام هذا بيت ’، ][ همســـة ][ عبارة دتفئة جدًا . . لا تحزن - ان الله معنا - اللهمّ لاتجعلنا بحاجة لـِ غيرك وَ أنت أقرب إلينا من حبل الوريد . . | ||||
|
| |
|
15-03-15, 10:52 AM
| #53 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــ ’، الـحــيــاة الـــــي تـكــوّرنــا وتركلنا علـى مرمـى الحـزن وتجيـب قـول ! مـــــا يـشـجـعـهـا ســوانـــا ولايــدربــنـــا ســــواهــــا وكــلْ مــاْ نـحـاول نبادلـهـا الهـجـوم نــــــــكـــــــــون آوت ويــتـــواصـــل لــعــبــنــا شــــــــــــــــوط أول .. شــــــــوط ثــــانـــــي.. شــــــــوط ثــــالــــث.. شــــــــوط رابــــــــع .. شـــــــوط خــــامــــس.. وكـــل مـــا تـرتــد هـجـمــة لــلأســف نـطـلــع تـسـلــل !! الــحـــيـــاة اهــــــــداف والـهـدّاف مــن يـقــدر يـــراوغ ! أو يـــــــــســـــــــدّد أو يــــــــنـــــــــاول ! أو يسوّي أي حاجة تثبت انه داخل الملعب أساسي ! وآآآه يـــــــا الـمــلــعــب .. جـمــاهــيــره تــصـــفـــق.. للبـعـيـد ولـلـقـريـب ولـلـغـريـب والغريب انك تعيش العمر كله وانـت تلعـب .. ورغــم هـــذا .. مـــا تـفــوز ! . الـحـيــاة .. إنــــك تــكـــون ! أو مـــــــا تــــكــــون ... يــا تـكـون الـلاعــب الـحـريّـف !! يـا تقـضـي عـلـى الـدكّـة حيـاتـك !! . . . . #زايد الرويس ’، ][ البارت التاسع والعشرون ][ ’، بعد مرور عدة أسابيع ... وقفت أمام المدخل تلبس عبايتها جا من وراها : يعني لازم تروحين بيت صديقتك قربت من المرايه حتى تتأكد من وضع نقابها : متعب انا قلت لك من قبل بس انت اللي مااعرف وش فيك متردد متعب : رغد انا خايف عليك هي مجرد زميله بالجامعه وغير كذا انت امس تتشكين من ظهرك والدكتورة محذرة من الجلسه الطويله التفتت له : انا ماراح اطول كله ساعه ونص ، ساعتين ان شاء الله وراجعه وبعدين عيب علي البنت كذا مره تعزمني وأنا اتعذر لها تنهد متعب بقله حيله : طيب بس انتبهي على نفسك ودقي علي وقت ماتخلصين منها لو ماكنت نايم بجي أنا وأخذك هزت راسها وهي مبتسمه رفعت غطاها وقربت منه ورفعت نفسها وباسته بخفه وابتعدت وهي خجلانه اول مره تبادر هي من نفسها وتسوي كذا رغد والحمره كاسيه وجهها : انتبه على نفسك ونوم العافيه حبيبي وخرجت بسرعه من الباب ، اما متعب اللي ظل ساكن بمكانه مومستوعب اللي قامت فيه رغد كانت نبضات قلبه مومنتظمه تنهد وهو حاس بشعور جميل تمنى انها ماتروح وتظل معه هز راسه ومشى قاصد الدرج حتى يتوجه لجناحه اما عند رغد اللي ماكانت مصدقه اللي سوته ، من كم اسبوع بس حسمت أمرها وراح تحارب على حبها ماراح تستسلم راح تثبت نفسها بقلب متعب لأن متعب لها وحدها مولعليا هي معترف فيها أمام الناس هي صحيح انها الثانيه بحياته بس بتخلي نفسها الأنثى الوحيده في حياته قطع تفكيرها سلسلة أفكارها السواق لما قال : مدام هذا بيت التفتت تتأمل العماره حست بربكه ودار براسها فكره التراجع عن اللي بتسويه تنهدت بخوف من اللي بيصير وقوت نفسها وهي تذكر الآدعيه بسرها رغد : شوف انت روح الحين وانا لما ادق تجي طيب بس لاتروح بعيد أنا بس ساعه ، ساعه ونص واطلع السواق : ان شاء الله مدام فتحت الباب بعد ماارسلت لعليا انها وصلت وهي تقوي نفسها ودقات قلبها واصله المليون ،بدت تخطي خطواتها لداخل العماره وقفت عند الأصنصير ودخلت وهي تذكر الدور ورقم الشقه انفتح الباب وتقدمت بخطواتها خارج الأصنصير وهي تلتفت للأبواب الموجوده بالدور حتى استقر نظرها على الشقه رقم "20" تقدمت حتى وقفت امامها دقت الجرس شوي وصلها صوت عليا : ميـــن رغد : انا رغد عليا فتحت عليا الباب وهي ترحب برغد وتسلم : تفضلي يااختي مابه احد زوجي موموجود رغد : الله يزيد فضلك آخذت عليا العبايه من رغد وهي تعلقها بالدولاب وتتوجه عند رغد : أخيراااا مابغت هالجيه تجي ابتسمت رغد : تعرفين عاد الظروف اللي صارت عليا وهي تآخذ ترمس القهوه الموجود على الطاوله : عاذرتك يااختي رغد : الا وين عبير ؟! عليا : والله عبير مثل مانك عارفه محتاسه مع اخوها بزواجه تو قبل شوي دقت تعتذر عن الجيه "مدت لها الفنجان " سمي ابتسمت رغد بفرح وهي تاخذ القهوه وتقول بنفسها " حلو يمكن اقدر أسحب من عليا كلام ": تسلمين حبيبتي . . والله تدرين وانا البس عبايتي زوجي يقولي أجلي روحتك شهقت عليا : شف بعد بغت ماتجي ضحكت رغد : ههههههههههههه لا لا تخافين قلت له بروح بالاخير قال لاتطولين عليا : ذا الجيه اللي ماجت الا طلعه الروح ’، دخلت الصاله والاكياس بيدها تنافخ : هفففف ويا هالسوق ابلشتينا انتي وزواجك ضحكت على كلام اختها اللي كل يوم نفس الكلام من اول ماتحدد زواجها وهي طايره بالاسواق مع دينا وفرح وريدا : تحمليني كلها كم اسبوع وبتفارقيني وبتجلسين تقولين تعالي وانا بقولك ماني فاضيه لك فرح : شف بعد هذا جزا المعروف ليلى : ههههههههههههههه دخل سامي اللي كان واقف عند الباب من اول مادخلوا : وانتي هذا هو موالك كل يوم وصوتك يسمعه سابع جار فرح وهي تهمز رجلها : يااخي تكسرت رجولي كل يوم كذا دخل سلطان وهو يقول بإستهبال : ماذا دهاك ياشقيقتي من أذاك يابعد عمري ضحكت ليلى وهي تقول وتشيل الأغراض : ماذا دهاك وبعدها بعد عمري انتحرت اللهجه الفصحى منك ياوخيي سلطان : انتي وش يدريك روحي بس كلمي احمدك ضحكت ليلى وهي طالعه منهم والتفتت فرح عليه : يااخي لقد فعلوا بي النون ومايعلمون شهق سلطان : وماذا فعلوا بك ياتوأمي فرح وهي تأشر على سامي اللي ماسك الرموت ويدور بالقنوات بملل : اقتص منه ياتوأمي سامي وهو يضحك : هههههههه يقتص مني عشان قلت لك هذا موالك وصوتك يسمعه سابع جار فرح : ايه نعم سامي وهو يوقف : اقول روقينا ، وش رايكم نطلع نتعشى برى قمزت فرح : ايه ايه راضني ناظرها سامي بطرف عينه : انتي من قالك انك معنا انتي بنجيب لك سفري من وحده من هالشركات التفتت فرح بعد ماسمعت صوت ضحك سلطان : وانت ياتوأمي دافع عني ليه تضحك سلطان : آسف دام فيها عزومه واكل مااعرفك سامي : هههههههههههههههههههههههه تخلى عنها فرح بصدمه : شه باعني عشان عزومه سامي : روحي يالله قولي لهم وانتظركم بالسياره ’، جالسه تطقطق على جوالها بعد مااستأذنت منها عليا شافت الساعه تشير على 9 وربع خذت نفس عميق صار لها الحين عند عليا قرابه الساعة ونص ماتحس انها طلعت بفايده منها كانت تتهرب من سؤالها عن زوجها واهله ماتدري ليه ، سمعت بهزاز ونغمه جوال التفتت بجنبها وقعت عينها على جوال عليا توها بترجع نظرها لجوالها مره ثانيه بس لفت نظرها الرقم نهايته 900 رجعت بنظرها على الرقم ورجعت تقراه بصدمه هذا الرقم تعرفه زين وتتعرف صاحبه لايمكن تنسى هالرقم انصدمت من الاستنتاج اللي ببالها معقووله عليا هي نفسها غمضت عينها بقوه لا لايمكن هذا الشي يمكن تشابه ارقام فتحت عينها بترجع تشوف الرقم من جديد الا ان الاتصال انقطع خذت الجوال وحطته مكانه بس بالمقلوب حتى ماتشك . . لو صار اللي بالها صح لازم تتأكد بس كيف خذت جوالها ودقت على السواق وأمرته يجي وقالها انه قريب يعني كم دقيقه بسيطه ويكون موجود عقلها فكرها مشوش موقادره تفكر تهرب عليا من سؤالها بخصوص زوجها . . متعب زوجته اسمها عليا بس عليا هذي سعوديه ومتعب سبق وعرفت منه أو استنتجت انها اماراتيه او لها عرق بالامارات فكرت بشي بس لازم تسوي نفسها طبيعيه حتى ماتشك نادت على عليا : علياااا سمعت صوتها من بعيد : لحظه رغد رغد : عليا انا برووح الحين جت عليا وهي تركض : وين رغد لسا بدري رغد : لاحبيبتي زوجي دق وكلم السواق وهو على وصول بس ابي اجلس معك قبل يجي عليا : لاااا والله بدري اجلسي تعشي معي رغد : الله يغنيك . . تعالي بس اجلسي ، وترى جوالك دق تقدمت عليا واخذت جوالها : جوالي !! "فتحت الجوال ووقعت عينها على الرقم ، رفعت عليا نظرها بريبه لرغد بس شافتها مومهتمه " رغد وهي تمزح : تعالي اجلسي قبل يجي موتقولين ماجلست معك ترى يمكن تكون اول مره واخر مره على حسب ابو الشباب عليا وهي تتكلم براحه بعد ماشافت رغد تمزح معها : ههههههه لا ان شاء الله جلست عليا : يالله ياستي نتكلــ.... قطع عليها صوت جوال رغد اللي حمدت ربها على ان السواق جا لأنها موقادره تستحمل هالوضع رغد رفعت الجوال وكلمت السواق اللي قالها انه ينتظرها تحت عليا : لااااااا رغد اجلسي ع الاقل لما 10 رغد : لا وش اقعد لين 10 انتي مطلعه ابوالشباب من بيته عشاني خلاص خليني افكك واشوفك بعد بكره بالجامعه ان شاء الله راحت عليا تجيب عبايه رغد واعطتها وبدت رغد تلبس عليا : بس اوعديني انها مو اخر مره ابتسمت رغد اللي خلصت لبس وتقول بنفسها "ايه هين " وسلمت على عليا : ان شاء الله بس المره الجايه دورك تعالي لي بس هاه بعد ماأولد عليا : ههههههههههه ايه ان شاء الله رغد : يالله باي عليا : باي طلعت رغد من شقه عليا بخطوات سريعه موقادره تصبر تبي تطير للبيت وتتمنى ان متعب موجود بخطوات سريعه طلعت من العماره وركبت السياره رغد : كريم بسرعه روح للبيت استعجل كريم : ان شاء الله مدام رغد رفعت جوالها ودقت على متعب وصلها صوت متعب اللي كله نوم وشكله توه صاحي ابتسمت بفرحه : اهلين متعب صحيت متعب بصوت مبحوح : ايوه انت وينك ، خلصتي تبيني أجيك رغد : لا الحين السواق جايبني ، وش فيه صوتك ؟! متعب : توني صاحي واحس بصداع لأني مانمت زين رغد : طيب يالله الحين جايه لك سكرت رغد وهي مو مرتاحه بجلستها لدرجه حست بحركه جنينها بدت تزعجها كأنه حاس بتوترها من استنتاجها كل همها الحين تعرف لو عليا زميلتها هي نفسها زوجه متعب او لا نست السالفه اللي خلتها تروح لعليا وتحاول تنقذ سمعه البنت اول ماوصلت البيت نزلت بعجله بعد ماحطت جوالها بعمد في السياره بعد ماحفظت طول الطريق جوال عليا مرت بالصاله وشافت خالها والبنات وقع نظرها على لينا اللي كان وجهها باهت حزنت على حالتها ماتعرف ايش المشكله بس ماتمنت هالشي يصير لها سلمت عليهم واستأذنت منهم وطلعت لجناحها اخذت نفس عميق وفتحت باب الجناح تقدمت كذا خطوه حتى دخلت الصاله شافت متعب منسدح على الكنبه ومسترخي قربت من عنده وهي متخدره من شكله اللطيف اعجبها مع شعره اللي نازل شوي على جبينه ووجهه المسترخي . . نزلت عند راسه وبدت تخلل يدها بشعره اللي اغراها للمسه متعب اللي اول ماحس بالباب ينفتح ظل مثل ماهو بنفس وضعيته حس بها على راسه وحتى لما نزلت اخذ نفس عميييق وامتلت رئته بعطرها الهادي حس بيدها على شعره بحركه لطيفه فتح عينه واستقرت على وجهها شاف ابتسامتها اللي ماليه وجهها خلاص موقادر اكثر ، مسك براسها من ورى وقربها عنده وباسها بلطف بااالغ رغد اللي تخدرت من نظرته وحست بأنه يقودها للي يبيه هو ، اول مااستقرت شفاته عليها غمضت عينها وهي تعيش هاللحظه بس حركه اصدرها جنينها خلتها تنتفض وتتدارك الوضع وتحس بنفسها ، استغرب لما انتفضت بين يديه وابتعدت عنه أخذ نففس وقال بهمس مبحوح : وش فيك رغد اللي وقفت وابتعدت شوي عنه وبخجل قالت : ابد بس ولدك اليوم حركته زايده هز راسه وهو ساكت تعدل بجلسته قربت منه وجلست بجنبه : وش فيك انسدح متعب على رجلها : مدري احس بصداع رغد : اكلت بندول ؟ متعب بهمس وهو مغمض : لا رغد : طيب وخر بقوم اجيب لك شي تاكله حتى تاخذ بندول رفع متعب راسه وقامت رغد ورجع يحط راسه ع الخداديه ، راحت رغد وخلعت عبايتها وبدلت لبسها لقميص خفيف ومريح اخذت البندول من الدرج وطلعت من الغرفه راحت للمطبخ وصلحت ساندويش وشالت الصينيه بعد ماحطت العصير والماي دخلت الصاله شافت متعب بنفس الحاله حطت الصينيه على الطاوله رغد : متعب قوم اكل يالله عشان تاخذ البندول تعدل متعب واخذ الصينيه وبدأ ياكل بهدوء راحت رغد للغرفه وهي ناويه تنفذ اللي في بالها غابت دقيقه تقريبا عن متعب وبعدين رجعت طلت من الباب : متعب رفع نظره لها رغد : وين جوالك عقت حواجبه بإستغراب : ليه ؟ رغد : مالقيت جوالي بدق عليه متعب : شوفي فوق التسريحه رغد : فيه رقم سري ؟! متعب وهو ياكل : 5000 ابتسمت وغابت عنه ، راحت للتسريحه بسرعه مسكت الجوال بيد مرتجفه الحين بتتوضح الحقائق كله هنا بهالكتله الصغيره اللي بين يدها حطت الرمز ونفتح الجوال راحت للاتصالات شافت اسم " علّوي " نزلت عينها على الرقم والوقت انهارت لما تأكدت نفس الرقم مافيه دليل اكثر من هذا حست بالدموع تملي عينها هزت راسها بقوه وهي تحاول تثبت نفسها دقت على رقمها وطلع "رغود " كلها اسماء دلع يمكن مايبي يجرح وحده على حساب الثانيه اخذت نفس وهي تحاول تعدل وضعها وتطلع له لقته ياكل عطته الجوال وقالت وهي مبتسمه : مالقيته شكلي نسيته بالسياره توجهت للمدخل الصغير اللي بالجناح واخذت التلفون ودقت على ليان وقالت لها تقول للسواق يدور على جوالها بالسياره راحت له شافته يفتح علبه البندول وياخذ حبتين جلست بجنبه : روح نام اكيد من ارهاق الأيام اللي فاتت انت ماتنام زين متعب : لا موالحين خلينا نسولف لاحقين ع النوم ’، | ||||
|
| |
|
15-03-15, 10:53 AM
| #54 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــ ’، تكلم بإنفعال طبيعي : بس ياعبدالله كيف مافيه شي يثبت اكثر من كذا دليل مافيه عبدالله وهو يحاول يهديه : عارف يااحمد بس تقرير مستشفى الأمل موكافي حتى يطلع ابوك براءه البيت بإسمه ، خلينا نتكلم بالمنطق انا مصدق ابوك بس المحقق والقاضي ايش يدريهم او يثبت لهم ان ابوك ماكان معهم متورط انت عارف بهالاشياء ان الواحد مايطلع براءه الا بدليل قوي له احمد والدموع امتلت بعينه قبل كم يوم بس كان فرحان بدليل اللي توقع انه دليل براءه ابوه والحين منهار ماعاد فيه مجال لخلاص ابوه ابوه بيروح ياقصاص يامؤبد حس بعبدالله يضمه ويحاول يهديه مدة اسبوعين بس وتبدأ محاكمه ابوه الجديد بعد ماتمددت بسبب تقارير مستشفى الأمل ’، تكلمت بعجل والغصه خانقتها انتظرت خروج متعب للدوام واتصلت على نوره على طول : نوووورة طلعت زوجته طلعت زوجته انصدمت نوره من كلام رغد واندفاعها بالكلام : لحظه حبيبتي فهميني مافهمت شي رغد وهي تشهق من البكي : عليا اللي معي بالجامعه زوجه متعب زوجته نوره : وكيف عرفتي!!!!!! رغد : قالت لها السالفه كلها نوره بعد صمت ثواني : رغد انت عارفه انه متزوج وماانهرتي كذا الحين اهدي وخلينا نتكلم بهدوء وعقل بس رغد ماكانت يمها كانت تبكي تبي تطلع النار الموجوده جوا صدرها حست بكبدها تقلب عليها رمت الجوال على السرير وراحت بسرعه لدوره المياه وبدت ترجع دقايق وبدت رغد تاخذ نفس عميق وهي تسمع صوت جوالها يدق كانت عارفه انها نوره بس الحين تحس بتعب خصوصا انها امس مانامت زين والحين استفراغها هد حيلها طلعت من دورة المياه اخذت علبه مويه وشربتها رحت للسرير مسكت الجوال وردت على نوره اللي قالت بروعه : وينك وين رحتي خوفتيني عليك رغد بصوت مبحوح : ولاشي بس حسيت بغثيان وهذا انا عندك نوره بعطف على اختها وصديقه عمرها : تبين نتكلم بعدين هزت رغد راسها بلا وكأن نوره أمامها : لا ابي نتكلم يمكن ارتاح شوي نوره : طيب الحين نتكلم شوي شوي رغد : طيب نورة : اولا حطي ببالك ان تعرف عليا عليك وحتى عبير ماهي صدفه ع الغالب وراهم شي يعني أذيه لك فاانتبهي لهم وياليت بعد تحرمين الروحه لهم والاحتكاك بهم قدر الامكان رغد هزت راسها وكأن نوره أمامها : طيب نوره : تذكري انتي ليه رحتي لعليا ، انت رحتي لها عشان شي يمكن يدليك وتقدرين تنقذين سمعه بنت وعائله رغد وهي تسمع بإنصات وموقادره تستنتج شي نوره : من خلال كلامك ان هالبنت اخت زوج عليا يعني وحده من خوات متعب رغد تكلم بصدمه : يعني يالينا أو ليان نوره : بالضبط بس فيه شي خلينا نسترجع الاشياء اللي سمعتيها من مكالمه عبير ، هي قالت عن متعب انه مثل الخاتم بيد عليا وهذا شي ماعلينا منه راح يكون من ضمن آخر الأشياء فهمتي يارغد رغد : ايوه نوره : حلو نبدأ لما قالت انها وصت أحد يدمر حياه اخته العروس وهذا يعني انـ.. قطعت رغد كلامها : لينا هي البنت اللي حياتها انعفست يعني عليا ارسلت صور واكيد معه كلام يشوه صوره لينا عند زوجها نوره بإبتسامه : برافو عليك كملت رغد : والبنت اللي على اساسها بتخرب سمعتها هي ليان لاااااااا مومعقوووول نوره : اهدي يارغد رغد : كيف تبيني اهدا يانوره هذي بتدمرنا كلنا نوره : رغد نبدأ نحل المشاكل حبه حبه رغد : لحظه باقي مرت ابوه "وبهمس كملت " مستحييييييييييييل نوره بإستغراب : وش فيك رغد رغد : نورة هي قالت عن مرت ابوه وان لها اساليب ملتويه يعني هبه يعني عمتي هبه لها علاقه بشخص اسمه عمر ، مستحيل عمتي تسوي كذا لا مومعقوول نوره بهدوء : رغد انتي كيف تبين تحلين المشاكل وانت افكارك مشوشه ومنفعله رغد : انا مصدومه يانوره نوره : حبيبتي انا اعرف ان هذا الشي صعب بس لازم نفكر ونحل كل شي قبل ماتصير المصيبه رغد : بس احنا لحالنا مانقدر نسوي شي غير كذا اذا حلينا مشكله البنات باقي مشكله عمتي مالها حل نوره : المشكله مانعرف من عمر هذا هو اخوها ابوها عمها خالها او صديقها رغد مر ببالها "موقف قطع عليها تفكيرها شخص يناديها بإسمها : رغوووود رفعت راسها وابتسمت لما شافتها وقفت وسلمت عليها : هلاااا والله ابتسمت : ياحبي لك ماتوقعت اشوفكك انتي من اهل العروس رغد : هههههه حتى انا والله ماتوقعت اشوفكك ايه العروس تكون عمة زوجي مسكت يدها : ياقلبي عليك اجل صرنا نسايب انا المعرس اخوي من الرضاعه رغد : ههههههه سبحان الله يالصدف " رغد بصدمه من الاستنتاج : نووره عرفت من عمر والله عرفته نوره : من ؟ رغد : عمر زوج دينا عمه متعب انصدمت نوره : كيييييييييييييييييييييف !!!!!!!!! رغد : آآآآآآه ياراااسي اول شي اكتشف ان عليا هي نفسها زوجه متعب بعدين بالبنات واخر شي بعمتي وعمر زوج دينا كيف كذا ، لايكون مخططين على دينا بعد ؟!!! نوره بخوف على رغد : حبيبتي انت هدي نفسك رغد : كيف تبيني أهدى نوره بخوف من هالامور : رغد هدي . . مشكله عمتك صعبه كثييير اكثر من صعوبه البنات ، عمر يمكن هو وعليا متفقين على هالشي رغد بخوووف : يارببييي انا وش اسوي كيف احل هالمصايب اللي فوق راسي نوره : رغد نحل اول مشكله البنات بعدين نلتفت لعمتك لو نضطر نكلم الهيئه رغد بخوف : ايييش الهيئه نوره بحزم : ايوه ، شوفي اول شي عندك جرأه رغد : جرأة ، ليش ؟!!!!!!!!! نوره : ابيك تاخذين رقم زوج لينا وتكلمينه رغد : نوره انتي انجنيتي نوره : رغد انتي بهالشي بتنقذين حياه عائله بتسوين خير بعائله مشتته رغد : طيب واذا خذيته بعدين نوره : ابيك تحاولين بمتعب تجين هالاسبوع عندنا ونحل مشكله لينا مع بعض رغد : مااعتقد يوافق نوره سكتت وهي تفكر بشي : طيب رغد الحين سعود جا اكلمك بعدين طيب رغد : طيب انسدحت رغد ع السرير بتعب احداث اليوم من بدايته متعبه كيف بتتحمل كيف هي خايفه على نفسها مع هالضغوط يصير شي بحملها خصوصا ان الدكتوره منبهه على الضغوط والنفسيه بس هذا شي موبيدها غصب غمضت عينها بإسترخاء الحين ماتحتاج الا شي واحد النوم ولاغير النوم ’، كان جالس معها بحديقه وهو يحس بسعاده وراحه حط يده على بطنها البارزه وهو يمسح بخفه انتبه لابتسامتها الناعمه فجأة تحولت الدنيا لسواد وتغيرت هيأتها صارت حزينه وتبكي كان يشوف شفاتها تتحرك بس موعارف وش تقول فهم كلة وحده انا صادقه مااكذب صدقني مااكذب واختفت من امامه وفجأة طلعت ثعابين سوداء حوله وكان يحاول يهرب منها لحد ماقرصه ثعبان ... فزز من حلمه وهو يصرخ بخوف لما استوعب انه حلم بدأ يهدي وهو يتعوذ بالله من الشيطان الرجيم ، قام من الكنبه اللي نام عليها بدون احساس وتوجه لغرفته ومازالت نبضات قلبه غير منتظمه ’، جلس بقله حيله : يابوي تكلم قلنا اي شي ممكن يفيد ويطلعك من المشكله اللي انت طايح فيها هذي ثالث مره اجي اسألك وانت ساكت أبوأحمد:...... أحمد : محاكمتك الثانيه كله يومين وبتصدر وماعاد فيه تمديد الا اذا طلع دليل قوي ارحم حالي يابوي انا كله شهر واتزوج وامي واختي من بيكون عندهم كلنا محتاجين لك وقعت كلمات احمد في قلب ابوه : انا اذكر الشخص اللي ساعدني بس ماادري بيفيد او لا احمد بفرحه من كلام ابوه : قل يابوي منهو هو من المجموعه هز ابواحمد راسه بالايجاب : ايه شوفه يسكن بمزرعه الـ.... بالخبر اسمه سلمان ماادري لو بيفيد او لا هو لما طلعني منهم قالي اي شي تحتاجه اعرف اني معك وبساعدك أحمد وهو يبوس راسه بفرحه بسيطه : الحين اروح له طيران طلع احمد من عند ابوه واتصل على عبدالله اللي طلبه يروح معاه وصلو للمكان المقصود نزل احمد ووراه عبدالله شافو ابواب المزرعه الكبيره مفتوح وموجود على جنب مثل الغرفه توقعها احمد انه غرفه العامل تقصدها احمد وعبدالله بمسيرتهم ضربوا الباب بس للأسف مالقو اي اجابه التفت أحمد على عبدالله : نروح للعماره اللي هناك عبدالله : بس يمكن يكون فيه حريم أحمد : نصوت عبدالله : قدام اتجهوا احمد وعبدالله للعماره الموجوده داخل المزرعه وصلو للباب وشافو جرس ضربه احمد دقايق بسيطه ووصلهم صوت خدامه أحمد : سلمان موجود الخدامه : لا بابا سلمان روه من عصر ومافي ارجع عبدالله : طيب متى بيرجع الخدامه : مافي معلوم سير هز احمد راسه بيأس شكل مالأبوه حياه جديده : شكرا التفت احمد وتوجه بالسياره وخلفه عبدالله ركب احمد وعبدالله السياره تو احمد بيحرك الا عبدالله يوقفه : انتظر ياابن الحلال تونا خلنا ننتظر الرجال يمكن يجي أحمد : انا عزيت ماعاد فيني أمل انتظروا ساعه لحقتها ساعه تبعتها ساعات ومافيه اي شي يوحي بأن سلمان هذا راح يجي كانت الساعه تشير لـ10 عزم احمد وشغل السياره وعبدالله كان ساكت حتى هو عزا من جيه المدعوا سلمان كان الطريق للمزرعه ممر واحد وفيه كذا مزرعه معلمه بالأسماء حرك أحمد وهو محبط قابلته سياره ومااهتم هدا شوي حتى يقدر يعدي وكمل طريقه فز عبدالله وقال: احمد وش فيك احمد بقهر : ولاشي بس انا فقدت الأمل عبدالله وهو يشوف أحمد بعد ماكان ملتفت على ورى : ارجع ياولد السياره اللي قبل شوي مرت دخلت المزرعه التفت أحمد بقوه : احلف بالله عبدالله : استعجل يااخي يمكن يكون هو خلنا نلحق ع الرجال غير أحمد اتجاه السياره ومشى بسرعه راجع للمزرعه وفعلا شاف السياره اللي مرت مركونه وبابها مفتوح وفيها شخص داخل مطلع رجل برى السياره وباقي جسمه داخل وقف أحمد عند الباب الخارجي طفى السياره وتوه بينزل الا مسكه عبدالله : تأكد من سلاحك رفع أحمد بنطلونه وهو ساكت ، شافه عبدالله وتركه وهو يقول : مشينا نزلوا واقتربومن صاحب السياره اللي مازال على وضعه حتى وقفو عند بابه صاحب السياره رفع راسه بعد ماحس بأحد واقف فوقه : آمر اخوي بغيت شي أحمد واللي كان متوتر : انت سلمان سلمان : وصلت أحمد انلجم ماعاد عرف يتكلم فتدارك عبدالله الوضع لما شاف نظرات الاستغراب من سلمان : ياخوي حنا عندنا مشكله وانت الوحيد اللي عندك الاجابات عليها سلمان ببرود وهو يصد وبيده جهاز صغير يضغط فيه : بس أنا مااعرفكم ومابيني وبينكم اي شي ، والحين ممكن توخرون لأنكم معطليني أحمد والدموع بعينه : أحنا مانعرفك وانت ماتعرفنا بس فيه شخص دلنا عليك سمع احمد وعبدالله صوت من وراهم : نعم يالاخو التفتوا لقو وراهم جدار بشري من الرجال وكأنهم بوديقارد صد احمد عنهم وهو يلتفت لسلمان من جديد : انا كلامي مع هالرجال مومعكم وقف سلمان وسكر باب السياره ودف احمد عن طريقه وبكلمه للرجال : طلعوهم من هنا ’، ][ همســة ][ الحياة قصيرة جدًا ، استمتع بِ أيامك . . أضحك مع كل فرصة للضحك ، أبك فقط حين تكون مضطرًا لذلك . . ولا تدع الآخرين يحبطونك أبدًا . . #ويل سميث | ||||
|
| |
|
21-03-15, 10:33 AM
| #55 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــ ’، ليهـ !! هذا هو اللي تبيه اني ارحل من حياتك وأشعل عيوني بـ ( ليه ) ؟ بس خلاص هذا هو اللي قدرته وقدرك ربي عليه بذمتك هذا كلام اني ارجع من جديد أرجع افرش كل تعب عمري وانام هذا هو اللي تبيه وهذا هو اللي قدرته وقدرك ربي عليه اني ارحل من حياتك وأشعل عيوني بـ ليه ؟ بس خلاص بذمتك هذا كلام أني ارجع من جديد أرجع افرش كل تعب عمري وانام زين لحظه !! لاسألوني الناس وينك وان دروا ضحكة عيونك عن عيوني سافرت ردت لعينك بذمتك قول وش اقول قول قول قول قول . . . . #سآلم سيار ’، ][ البارت الثلاثون ][ ’، تكلمت بفرحه : أحلفي بالله يانورة ، يعني انتو هنا ضحكت نوره : ايوه حبيبتي احنا هنا بالشرقيه ماتشوفينها منوره رغد : يالزفته وماتقولين لي ولاشي نوره : بالله ايش رايك بالمفاجأه رغد : احلى مفاجأه بس كيف اقنعتي سعود نوره بدلع : اصلا سعودي حبيبي مايرد لي طلب رغد بتريقه : سعودي حبيبي مااقول الا ياشين السرج ع البقر نوره شهقت : هذا وانا جايه بساعدك رغد :لا لا لا خلاص اسفه بس تعالي عندي بسرعه انا موقادره اصبر الموضوع فوق راسي من اخر مره كلمتك قبل اسبوعين نوره وهي تشوف الساعه : قلت لسعود يجيبني بس رافض رغد : الله الحين تو تقولين سعودي وحبيبي مايرد لي طلب نوره : يوووه رغيد حاولي بأخوك خلنا نخلص من الموضوع رغد : طيب يالله وخري خلني ادق عليه كلها ساعه بالكثير ونوره وسعود عند رغد بجناح متعب ورغد سعود : يااختي انت حنانه بشكل اوووف موطبيعي الله يعين متعب عليك رغد وهي تناظره بنص عين : نعم أخ سعود نوره : هييي انتي لاتناظرين زوجي كذا سعود بحمااس : بعددددي والله هذي الزوجة السنعه "وقرب منها واعطاها بوسه خاطفه على خدها خلتها تهجد مكانها " انفرطت ضحكه من رغد : ههههههههههههههههه ياساااتر شف كيف وجهها انقلب سعود : ههههههههههه نورة وهي تناظر سعود بطرف عينها : هذا جزا اللي يدافع عنك بس صدق من قال جزا المعروف عشر كفوف سعود : اوه اوه شفتي يارغيد زعلتي مدامتي مني ياستي خلاص ولايهمك وهذي بوسه ثانيه "قرب منها بيبوس خدها الا نوره خاطه يدها على شفاته وهي تدفه يرجع مكانها ووجها مولع من الخجل " نوره : خلاااص خلاااص والله راضيه رغد :هههههههههههههههه ياحياتي ياسعود توني ادري انك جريء كذا سعود وهو يوقف وياخذ اغراضه من الطاوله : طلعت مواهبي من يوم اعرست رغد : ههههههههه من جد ، وبعدين وين وين تونا بدري سعود : بدري من عمرك بس بروح مشوار ساعه ساعه ونص وراجع اخذ نوره رغد : لا طول شوي بعد . . وبعدين زين اطلع دام القمر معاي بسلامتك سعود : شه باعتني ايه الله يرحم ايام اول رغد : ههههههه يااخي انت مليت من وجهك 21 سنه مقابلني سعود : هين يارغيد مردك تحتاجيني ، المهم يالله انا بروح تبون شي نوره ورغد : سلامتك ، انتبه لنفسك قامت رغد ووصلت سعود لعند الباب ورجعت لجناحها ، اول مادخلت وجلست : ايوه يالله خلينا نبدأ بخطتك نوره : اول شي قوي قلبك ، غير كذا عمتك لازم تفبركين السالفه مثل ماقلنا موتخرين كل شي رغد وقلبها يدق من الخوف اخذت نفس عميق وهي تاخذ الجوال وتدق على الرقم نوره بهمس : حطيه سبيكر نفذت رغد كلام نوره شوي ووصلها صوته الرجولي : الوو ارتبكت رغد وسكتت رجع يتكلم بإستغراااب : الوووو دقت نوره رغد بخفه وهي تأشر لها يعني تكلمي رغد تشجعت وطلع صوتها اخيرا : السلام عليكم تكلم بإستغراب من الصوت الأنثوي : هلا وعليكم السلام رغد : صقر ؟؟ صقر : ايوه بس مين معي ؟ رغد : انا رغد زوجه متعب انصدم صقر والتفت بريبه على متعب اللي جالس بجانبه بالكوفي : لحظه شوي "التفت على الشباب " شباب شوي وراجع "ومشى من عندهم قبل يسمع منهم كلام وتوجه لسيارته ركبها : ايوه رغد فيه شي رغد وهي تشوف نوره تحثها على الكلام : احم صقر انا مااعرف كيف اشرح وأبدأ بالكلام اللي عندي بس راح أسأل سؤال وأتمنى انك تجاوب عليه بصراحه صقر بإستغراب أكبر وش اللي بينه وبين رغد حتى تتصل عليه : ايش هو السؤال رغد : انت بينك وبين لينا مشكله صح تنرفز صقر : اخت رغد أنا مااسمح لأي احد يتدخـ.... قاطعته رغد وهي تتكلم بسرعه وتسكر السبيكر وترجع الجوال لأذنها: لحظه ياصقر والله الكلام اللي عندي مهم ويعتمد على اجابتك لهالسؤال صقر وهو يبي يشوف آخرتها معها : ايوه رغد بتردد : وصلتك صور لها من رقم انصدم صقر كيف عرفت رغد بالسالفه ، هالسالفه مااحد يعرف بها الا هو ومتعب بس ومايعتقد ان متعب يوصل السالفه لرغد مهما كان: انتي كيف عرفتي لايكون انتي اللي أرسـ.... رجعت رغد تقطع كلامه : لا لا والله موانا من كلامك هذا اكد لي هالشي ، صقر انا اعرف هالشخص صقر بصدمه : تعرفينه !! "وبتهور كمل ونبره الاستحقار ماليه كلامه " ماتوقعتك أبد بهالدناءه تخططين على هدم حياة شخص عشان المشاكل اللي بينك وبين متعب وبكل جراءه وقوه عين جايه تقولين لي انك تعرفين . . كنت احاول اعدل اللي بينك وبين متعب لأني كنت متوقعك شخص يستاهل بس للأسف توقعي كان خاطئ كنت احاول اغير نظره متعب لك من بعد عمتك بس صدق من قال العرق دساس رغد اللي الصدمه عقدت على لسانها وماعرفت تتكلم أو تدافع عن نفسها صقر : انتي استمرارك في حياة متعب خطر على العائله كلها ، واياني واياك تدقين من جديد أو تقربين لأحد من العايله فاهمه "وسكر السماعه" كل هذا ورغد ساكته بدون ولا حرف ولا همس، نورة اللي خافت لما شافت ملامح رغد وتغيرها خافت هزت نورة رغد : رغد وش فيك وش صار رغد اللي انفجرت بكي وهي تطيح بحضن نورة نورة واللي عظامها صبت : رغد وش قالك وش صار ظلت رغد تبكي بدون ماتعطي نورة اي اجابه ونورة تحاول تهديها حتى تفهم السالفه أما صقر اللي حط راسه على الدركسون بصدمه ماتوقع أبد رغد يطلع منها كل هذا ، أخذ الجوال وأرسل رساله للينا كان زمااان يرسل مثلها قبل ماتصير المشكله وغرق من جديد بأفكاره اللي ماصحاها الا ضرب خفيف ع الشباك من واحد من الشباب اللي كان معهم بالكوفي ’، ماهو قادر ينام يتقلب بسريره يبي الصبح يطلع حتى يروح للمركز عشان اليوم اللي ينتظره من زماااان براءه ابوه تذكر مقابلته مع سليمان وقف سلمان وسكر باب السياره ودف احمد عن طريقه وبكلمه للرجال : طلعوهم من هنا بسرعه قربو البوديقارد ومسكو عبدالله وأحمد اللي حاولوا يتفلتون وهم يشوفون سليمان توجه للبيت صرخ أحمد والبوديقارد يسحبونه : سليمان الله يخليك اسمعني شوي ابوي ناصر أبو أحمد هو اللي دلني عليك يمكن بيدك انت براءته شاف احمد ، سلمان وقف عن المشي والتفت لهم وأشر للبوديقارد ، بسرعه انفلت منهم أحمد وركض بإتجاه سلمان أحمد : ابوي دلني عليك وخبرني انك ساعدته سلمان : ابوك ناصر أحمد الـ... هز احمد راسه بفرحه : ايه ايه أخذ سلمان نفس عميق : الحقني انت وخويك مشى سلمان واحمد وعبدالله اللي يده كانت بجيوبه وراه لحد مادخلوا مجلس جلس سلمان : تفضلوا جلس احمد وعبدالله سلمان : ايوه بإيش ممكن أساعدكم تكلم أحمد بسرعه : أبوي متهم حاليا بسالفه المخدرات وتوزيع كميات كبيره يعني بالمعنى مروج ، قدرنا اننا ناخذ تقارير من المستشفى تثبت براءه ابوي من الترويج في فتره المراقبه بس فيه مشكله البيت اللي كانو الشرطه يراقبونه ويتم فيه التوزيع مسجل بإسمه ، انكر ابوي صلته بهالبيت بس مافيه دليل قطعي لهالشي سلمان كان غامض ماقدروا ياخذون منه ردة فعل ع الكلام : المحاكمة متى ؟ أحمد : بعد يومين سلمان بعد صمت دام لثواني طويله : ابوك بريء يااحمد العصابه هم اللي دبسوه فيها اعتقد تذكر اللي صار لأختك انصدم أحمد وماقدر ينطق بس سلمان عرف اللي بداخله وجاوب : ايوه يااحمد اللي صار لأختك كلها تخطيط من قبل العصابه وهي اللي خلت ابوك يدمن وهي نفسها اللي تحرضه بس ابوك ماقد روج او وزع شي البيت بعد ابتزاز منهم لما كان يبي مخدر سجل البيت بإسمه وهو ماكان عارف نواياهم وحتى لوتسأله مااعتقد يذكر متى سجل البيت لأنه وصل أقصى مراحل الادمان تنهد سلمان ووقف وهو ملقي ظهره لأحمد وعبدالله ويتأمل صورة معلقه ع الجدار : واذا كان جيتكم هذي تبوني اشهد ببراءه ابوك انا راح اشهد وعندي دليل يثبت كلامي وقف احمد بفرحه ولا اراديا حضن سلمان من ورا ودموعه تنزل تفاجأ سلمان من ردة فعل احمد بس بعدها ابتسم بهدوء ورجع يلتفت عليهم سلمان : ابوك يااحمد عليه فضل كبييييير علي بكره ان شاء الله بتوجه للمركز وبدلي بالشهاده ومعي الاثبات خرجوا من عنده وهم في اقصى سعادتهم ناصر برئ بيطلع براءه انتبه لصوت الاقامه لصلاة الفجر انصدم ماحس بالأذان فز بسرعه وتوضى ومشى للمسجد يصلي ، وبعد الصلاة رجع للبيت ومسك جواله ودخل على ليلى بالواتس وشافها متواجد أخذ يدردش معها ماصدق متى تجي الساعه اللي متفق فيها مع سلمان اعتذر من ليلى وكان واقف بسيارته في المواقف ينتظره وهو متحمس حتى يروح ويشوف ابوه وبراءه ابوه انتظر وطال انتظاره بدأ يقلق من تأخير سلمان ، معقوله كان يكذب ، لا لا مااعتقد مافيه مجال غير هاليوم بكره المحاكمه لو حكم عليه خلاااص اكيد بيتنفذ على طول ياقصاص بسبب الترويج يامؤبد انتظر وانتظر وانتظر وطال الانتظار وللأسف مابين سلمان ’، أول ماخلص الشغل اللي بيده طلع من مكتبه وهو بيروح لمتعب حتى يقوله الأحداث الجديد ، دخل مكتبه بدون لايضرب شاف متعب رافع راسه بغضب لأنه مايحب هالحركه بس استغرب لما شافت حال صقر كذا وعيونه فيها لمعه فقدها من زمااااان متعب : خير صقر فيه شي توجه له صقر وحضنه : اناا فرحاااااان انا مبسوووووووط ابتسم متعب لفرحه صقر اللي تركه وجلس ع الكرسي مقابل مكتب متعب متعب : قولي فرحني ، ترى من زمان عن الافراح صقر : أبد بإختصار حياتي ولله الحمد بتتعدل والهم بودعه متعب بفرحه من فرحة رفيقه : قولي فرحني صقر : مووقت الكلام . . بروح آخذ لينا "وقف صقر بحمااس" يالله يالنسيب أنا بروح متعب : تعال قولي وش السالفه بالتفصيل جاي ترمي علي هالكلمتين وتذلف وش غير رايك مع لينا ضحك صقر اللي كان واصل عند الباب : هههههههههه انا بروح اجيب ليونتي وبآخذ اجازه كم يوم باي ياحلو نتفاهم بعد الاجازه خرج صقر وهو يسمع نداءات متعب ’، | ||||
|
| |
|
21-03-15, 10:34 AM
| #56 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــ ’، مر شهر على ابطالي هادئ جدا ’، عائلة ابومتعب .. هبه رجعت للبيت ومعاها احلى هديه ، الكل كان طاير بالأخو الجديد وماتمر خرجه للبنات او لمور وعبود الا وهو محمول له العاب او ملابس ’، صقر ولينا ..حياتهم رجعت بأحسن مايكون ، لينا اللي لحد الحين تحاول مع صقر يخبرها سالفه تغيره عليها ’، عائله ابوتركي يعدون الأشهر لولادة رهف يبون فرحه تدخل البيت بعد وفاة ريم ’، عائلة أبوسعود .. سعود ونوره .. حياتهم مستقره ، نورة لازالت تفكر بإجهاضها وأحيانا تتحسر عليه بس اللي فرحها طلاق امها من اللي كان مسبب لها الرعب ، غير انها تحاول تلقى حل لمشكله رغد اللي تفاقمت أكثر من الأول كانت متوقعه انهم لما يكلمون صقر بيكون متفهم بس للأسف كان متهور ومااعطاهم فرصه يقولون كل اللي عندهم اما سعود كان يسعى لورى راشد لحد ماتطمن من مصيره لأنه خاف يستغل وحده نورة في بعض الاوقات وينتقم فكان قلق شوي ’، بدر .. لازال يعاني من مضايقات منال له ، تمت خطبته وملكته من ايلاف اللي رجعت ويحاول يلاقي لها وظيفه بنفس المستشفى اللي هو فيه ’، عائله ام فواز .. راشد اللي بالسجن والكل متطمن ومرتاح من شره فواز وزوجته اللي استقروا عند ام فواز وكانوا يحاولون قد مايقدرون يطلعون ام فواز من الصدمه بزوجها ’، اما في بيت الجدة .. كان بأغلب الأيام فيه حركه بسبب التخطيط لزواج دينا وليلى وكل يوم دينا او ليلى طالعين بحركه يبون يسوونها بالزواج ’، بسام اخيرا وبعد راحه دامت شهور من بعد التخرج بدأ الشغل بالشركه مع عمانه أسامه بعد تفكير بالموضوع واخيرا فاتح عمته بسمه وجدته بموضوع زواجه ورشحوله اخت ريما زوجة فارس "دانه" وماكان عنده اي اعتراض على قولته انتو فصلو وانا البس ’، بسمه "أم أحمد " بسمة كان بداخلها الهم الكبيييير صحيح ماكانت توضح لأحد بس اي مرأة بمكانها لابد تشيل هم بعيالها أحمد اللي تشوفه بالفتره الأخير ذابل وتعبان وكل ماتسأله يقول ضغوط الشغل بس لازالت مومقتنعه وتحس ان السالفه فيها ابوه أحمد اللي يعيش حاليا بشعور مايقدر يوصفه لأحد يبي شي واحد بس يبكي حتى يرتاااااااااااح ريدا أميرتنا الهادئة وأخيرا بعد تعب ومعاناة من زيارة العيادة النفسية انقطعت عنها تماما لأنها الحين ماعاد تحتاجها ’، ابوسامي .. الكل مرتبش لتجهيز ليلى بسبب زواجها اللي ماكان متوقع لها كلها شهر ونص ويجي وقت الزواج فيحاولون يضغطون انفسهم حتى يجهزونها وترتاح قبل زواجها بكم اسبوع سامي قبل النوم يفكر بأميرته الهادئة لازالت عالقه بباله بعد الموقف اللي دق قلبه لها من بعدها ’، واخيــرا نجي عند بطلتنا المعذبه بحب شخص يحب غيرها وبسبب ظلم صديقه له رغد اللي كذا مرة حاولت تتكلم مع متعب بخصوص موضوع عليا بس ترجع وتهون بعد كل مكالمه من نوره يجيها حماس ورغبه بس لما تشوفه ينطفي حماسها ، جالسه بالصاله تنتظره مثل كل مره تعزم فيها وقفت بصعوبه الحين هي داخله الشهر الثامن حركات جنينها صاير جدا مزعجه لها ، ضربات قلبها ابد مومنتظمه خايفه من نتيجه اللي بتقوله ، هل بينفع الاعتراف ولا بيدمرها وبيخليها تعيش مرارة جديده ، نص ساعه من تفكيرها وسمعت تسكيرة الباب سرت رجفه بكل جسمها اخذت نفس عميق عل وعسى تهدا وتقدر تتكلم لما تواجهه ثواني بسيطه ودخل عليها رمى السلام عليها وهو يخلع قميصه ردت عليه السلام بهدوء وهي تراقبه وهو يلبس بجامته خلص وجا عندها وجلس بجنبها على السرير متعب : وش فيك ؟ رغد بربكه وخوف : لا لا ولا شي "قامت بتروح بس مسك يدها وهو يناظرها بإستغراب " متعب : رغود فيك شي يآلمك شي رغد : لا لا بسس "سكتت شوي " ايه عادي اروح للرياض متعب : الرياض ؟!! ليه؟ رغد : ولاشي من زمان عن أهلي وأبي أشوفهم غير كذا بنسوي شبكه لبدر وابي اروح متعب هز راسه : خلاص بشوف وضعي واقولك ’، اليوم هو يوم جمعة العايله الكل متجمع من رجال ونساء كلام الرجال كان يدور على الشركه اما الحريم والبنات فمافيه طاري غير الزواج والفساتين اما الشباب فأكيد محبوبتهم الكوره والدوريات الاوربية الا شخص واحد ماكان معهم ابد وده يقوم ويضم كل الموجودين من الفرحة اللي فيه اللي لوتتوزع على السعودية كلها كفتها وزود كل شوي يشوف الساعه والباب ينتظر دخول شخص على احر من الجمر كلها ثواني وفز واقف والكل التفت له مستغرب من وقفته الفجائية . . انتبهوا للشخص الواقف عند الباب وأحمد معانقه فز ابوسامي بغضب لما عرفه : انت وش جابك مسكه ابومتعب : اهدا ياابراهيم ابوسامي : وش أهدا موشايف هالـ.... جاي يدخل بس فعايله ابومتعب بحزم : ابراهيم اهدا الشباب كانوا ماخذين وضعيه المتفرج على اللي يصير قدامهم ، تقدم ابواحمد لهم : أنا ماني لايمكم ع اللي تقولونه ، أعترف اني غلطان والغلط راكبني من راسي لساسي ابوسامي : اكيد ولا بعد فيها شك سامي : ابراهيم خلاص خلنا نعرف نشوف الرجال ابومتعب : نفضل ياابواحمد "والتفت ع الشباب ": روحو للملحق جلس ابواحمد ومعاه احمد وطلعو الشباب من المجلس وهم انواع الهمسات والاستغراب ابومتعب : قول يا ناصر نسمعك انفعل ابوسامي ووقف : محمد وانت ناوي تسمعه من بعد تصرفاته المفروض ماينسمع له كلام ابومتعب واللي اول مره يرتفع صوته بشكل شبه عالي : ابراااهيم انا وش قلت خلنا نسمع للرجال جلس ابوسامي وأخذ وضعيه المتفرج أبوأحمد : مثل ماقلت من حقكم هالشي بس اللي صار ماكان بيدي ماكنت بوعيي ابومتعب بإستغراب : ماكنت بوعيك !!!!! ابواحمد : بقولكم القصه في الماضي وقبل تغير ابواحمد "مشاهد " ][ 1 ][ جلس بجنبه : يافهد اتركهم هذولا منت بقدهم فهد تكلم بحقد : لا والله مااتركهم هو اللي جروا اخوي ولعبوا بعقله ناصر : فهد اللي فات مات واخوك الحمدلله انه تاب قبل وفاته وتركهم فهد بحرقه : بس هم فرقونا انت عارف وش سلمان بالنسبه لي من غلاته سميت ولدي عليه ناصر : ربي اللي بيحاسبهم موانت ، لاتدمر نفسك مثل اخوك وتفجع قلب امك وعيالك اذا انت ماتبي نفسك هم يبونك فهد : لاتحاول ياناصر اللي براسي بسويه ][ 2 ][ فهد : ناصر كلها يوم بس واخذ بثار اخوي انا ناصر : فهد فيه مجال تنسحب اللي تسويه غلط فهد : لا اللي اسويه صح ، انا انتقم لي ولأمي لأخوي وللكل اخوي سلم منها بس هم ماراح يبقون ورا اخوي بس ناصر : الله يهديك فهد بهمس : انا الحين بسكر اخاف احد يدخل علي بس شف مثل مااتفقنا ، بكرة الساعه 11 بالليل تمون في الموقع الـ ..... لاتتأخر انا بطلع لك اول ماانفذ العمليه ][ 3 ][ التفت بروعه من فتحة باب السياره شاف رفيق عمره نزل بسرعه يساعده ولاوجهه الخوف : فهد وش فيك وش صار فهد والألم واضح عليه وهو ماسك فخذه يحاول يضغط عليه حتى يخفف نزيف الدم : روووح بسرعه بسررعه مشى ناصر وحرك سيارته بسرعه كبيره متجه للمستشفى وهو يلتفت عليه كل شوي شافه ماسك الجوال ويضعط بسرعه شوي وتتركه التفت عليه بتعب : ناصر وصيتي عيالي انتبه لهم ياخوك انتبه لهم ناصر واللي الرعب مالي قلبه بعد هالكلام : ان شاء الله انت اللي بترجع لهم وتفرح فيهم فهد ابتسم وغمض بهدوء ][ 4 ][ ..:شف هو متعاون معه لازم نجره لأنه اكيد خبره ببعض الأسرار ..: كيف نجره وانت شايفه كيف حامي نفسه وملتزم يعني ماله بهالحركات ..: مالنا الا سعد هو اللي بيفكنا بهالظروف وبيوقعه ][ 5 ][ ..: أعطيك بس بشرط ياناصر ناصر تكلم بصوت مبحوح : خذ اللي تبي بس عطني مااقدر استحمل ..: بنتك ناصر : حلالك بس الله يخليك عطني ابتسم بسخريه وهو يرمي كيس فيه حبوب على ناصر ][ 6 ][ ..: انت ليه دخلت هنا واللي سمعته عنك انك كنت ملتزم ناصر : انا ماحسيت بتغيري الا من بعد عزيمه واحد اسمه سعد من بعدها وانا هذي حالتي ..: ماانت ناوي تغير حالك ، اكيد عندك عيله واهل ينتظرون طلتك عليهم ناصر : بس أنا وقعت معهم وماعاد اقدر اغك ..: من قال ماعاد تقدر تفك انت قدامك فرصه الحين ، اهرب واختفي كم شهر وبعدها روح للشرطه وبلغ عن المعلومات اللي عندك حس بشويه أمل : بس كيف بخرج انا مليت من حالتي ..: عندك اصرار ؟ تبي تغير نفسك ؟؟ ناصر بحماس : ايه ايه .: خلاص الساعه 5 الفجر خلك جاهز ناصر : ماتقصر ياولدي والله ماادري كيف اطلع من جزاك ، وش اسمك ياولدي ابتسم له :: اسمي ، اسمي ياعمي سلمان .. سلمان فهــد في الحاضر ... ناصر"أبو أحمد " : أنا من فتره طويله من وفاة رفيقي فهد وأنا أراقبهم وطول السنوات اللي فاتت كنت معهم " فهد" الله يرحمه كان عندهم له cd حاولت أعرف مكانه لأن من خلال فهمي من فهد انه شي خطير ولابد أحصل عليه خلال هالسنوات من خلال مراقبتي لهم من بعيد لبعيد بس هم كشفوني من سنتين تقريبا لأجل ماقدرت أفيد بشيء ووقعوني بالمخدرات بدون علم مني منزل راسه ويسمع لكلام ابوه منصدم من الحقائق والأحداث هذي اللي كانت السبب بتغير حال ابوه للأسوأ ينتظر رده فعل خواله وايش بيقولون رفع راسه لما سمعه صوت ابومتعب ابومتعب : ياناصر اكثر شخص غلطت بحقه هو بسمه ابواحمد : عارف بس حتى انتو غلطت بحقكم ، وانا ابي اقابل بسمه واعتذر لها فارس : ها حقك بس اعتقد ان الوقت حاليا مومناسب هز راسه ابواحمد بتفهم وهو يوقف : اجل خلاص اروح انا وارجع من جديد بعد اتفاق بيننا عن الوقت وقف ابومتعب : وين ياناصر اجلس وتعش معنا ابواحمد : ماتقصر يامحمد عساك سالم بس عندي بعض الأمور بخلصها قبل فارس : اجل ماتشوف شر ان شاء الله بأقرب وقت تلتقي مع بسمه هز ابواحمد راسه وهو مبتسم ، وسلم عليهم وطلع من البيت التفت ابوسامي بغضب على احمد : وانت لايكون داري بفعايل ابوك السودا ابومتعب : خلاااص ياابراهيم وقف ابراهيم وطلع من المجلس وهو متنرفز ’، باليوم التالي رغد وليان كانو بالمجمع يلعبون التوأم . . رغد بتعب : ليان خلينا نجلس نرتاح ماعاد أقدر أمشي زياده ليان : تونا جالسين ماامدانا نتعب رغد : هههههههه تقارنين حالك بحالي خلينا نجلس ونطلب لنا شي نريح شوي وبعدين نطلع للمطعم نتعشى ونرجع ليان : طيب اجلسي انتي وانا بروح أشوف لآن مع عبود ولمور هزت رغد راسها ومشت للطاولات وجلست وهي تتأمل الناس والعالم شوي وجت ليان والتوأم ولآن وكانوا التوأم معارضين بعد ماجلسوا لمار : رغد بث لعبه وحده عبود : قثم بالله وحده بث وحده رغد وهي تفتح يدها دلاله الكثره : هههههههه انتو لعبتو كثييير الحين بنروح للمطعم أي مطعم تبون ؟ لمار : ماكدوذ عبود اللي قال بنفس وقت لمار : هرفي لمور : لا لا هرفي يع بث مره نروح ماكدوذ بعدين هرفي عبود : لا ماكدوذ ييع هرفي حلو مسكت ليان راسها وهي تشوف رغد تضحك عليهم : يووووه يارغد معطيتهم وجه رغد : يااختي قسم انهم زينه البيت . . "التفتت للتوأم " طيب وش رايكم نروح لماكدز على قولتكم ونآخذ للمور وبعدين نروح لهرفي ونآخذ لعبود . . ونتعشى في البيت مع بابا وماما ومتعب نطوا عبود ولمور بفرح : ياللا نروح ياللا وقفت رغد وليان ولآن اللي مسكت التوأم كانت ليان سابقتهم وهي تتريق على رغد ومشيتها طلعو من المجمع وكلموا السواق اللي قالت انه بنفس المكان اللي نزلهم فيه عند بالمواقف الثانيه ليان وهي تلتفت لورى وهي تقطع الشارع وتكلم رغد اللي كانت بعيده عنها بمسافه بسيطه : عليك مشيه تجيب النوم رغد وهي تضحك : أشوف فيك يوم ياليون ليان : لا حبيبتي أنا ماراح اكون مثلك ان شاء اللـ.... قطع كلام ليان صرخه أطلقتها رغد ’، ماسكه الجوال وتعيد وتزيد بقراءه الرساله ماتدري اللي تسويه صح أو خطأ بس تحاول جاهده تصلح الموضوع قرت الرساله للكره الأخيره وبنفسها قرار انها هذي آخر مره تقرأ الرساله فيها اللي كان محتواها " السلام عليكم ورحمة الله وبركاته أخ صقر . . لم أستطع أن أبقى صامته وأنا أرى حياة أعز شخص لي تنهار أمامي بسبب أُناس لم يخافو الله وبسبب غايات لا انسانيه تكونت بداخلهم . . رسالتي هذه هي دليل براءه بسيطه من تهمه انت اتهمتها لهذا الشخص دون الاستماع الكامل لكلامه فقط أخذت بدايه الكلام وتكونت داخلك فكره خاطئة للموضوع كامل وقسوت بالكلام لشخص أراد المساعده لأنه لم يرضى بأن يُظلم شخص وهو قد يملك ارجاع السعاده للشخص المظلوم دون أن يأبه بحياته التي قد تُهدم أو بحالته الصحية . . في البدايه قبل أن أسرد بالحديث الموجود لدي أحببت أن أعرف بنفسي . . أنا صديقه لـِ رغد في مكالمتك الفائته مع رغد اتهمتها وقسوت عليها بكلامك وكل ماكان في نيتها أن تُصلح حال لينا بعدما استمعت لأناس خططوا أن يهدموا حياة عائله بأكملها دون أن تعلم من هي تلك العائلة ، حاولت جاهده منعها لكنها أبت . . القصه . . أن رغد اسمتعت لكلام زميلتها بالجامعه بالهاتف عن حقدها المدفون تجاه عائلة صديقتها وخططت بمساعده صديقتها وهي الأخرى زميله ثانيه لرغد لتدمير ترابط عائلة الزوج وتشويه سمعتها . . قررت رغد أن تعرف تلك العائله المجهولة بزياره الزميله الثانيه في مسكنها لمعرفه أمور بسيطه عن زوجها وعائلته لكن الزميله لم تفصح بأي معلومات عن زوجها . . من خلال تلك الزياره استطاعت رغد معرفه الزوج عن طريقه الصدفه عندما رن هاتف الزميله بجانب رغد وكانت الزميله غير موجوده بالغرفه التفتت رغد ناحية الهاتف ولفت انتباهها رقم المتصل أصيبت رغد بصدمه لكن عليها التأكد من الرقم من جديد فأستأذنت رغد وعادت لمنزلها أخذت هاتف متعب متحججه بفقدان هاتفها الذي تركته عمدا في سياره السائق . . دخلت على جهة الاتصالات وتأكدت من رقم زميلتها الذي كان موجودا في هاتف متعب وكان آخر اتصال أجراه في الوقت الي كانت رغد عند زميلتها هذا مالدي . . قد تكون هذه الأحداث التي سردتها لاتصدق أو موجوده في عالم الروايات والمسلسلات لكن يعلم الله بصدق كلامي هذا وهو شاهد على كل حرف كتبته لك . . لم أستطع أن أبوح بكل شي فهناك أمور لايمكن أن أقولها . . فالوحيد الذي يمكنه قولها هو " رغد " أرجوا أن يقودك فضولك لمعرفه تلك الأحداث بالاتصال على رغد وأيضا سَ تقودك شهامتك لمساعدتها " فهذه العائله هي عائلتك أيضا " للمعلومية : رغد لاتعلم بهذه الرسالة " أنهت نوره رسالتها ودخلت على رقم صقر بالواتس اللي أخذته من رغد دون علمها شافت حالته متصل تجرأت وبدت المحادثه نوره : أخ صقر ظلت نورة تراقب الشاشه وقلبها طبول وهي تشوف كلمه "جآري الكتآبه" صقر : أيوه مين معي نورة لما شافت الايجاب ارتاحت وسوت لصق للرساله وأرسلتها . . وانتظرت حتى شافت الصح الأزرق دليل القراءه طلعت من المحادثه بعد ماسوت حظر لرقمه في الواتس وحذفت المحادثه وهي متطمنه لفعلها .. ’، ][ همسة ][ يقول المغامسي : لاتمل من التوبه . . حتى وان تكرر الذنب . . أليس كلما اتسخ ثوبكَ غسلته ! كذلك كلما أذنبت إستغفر ربك لـِ يغفر لك . . مفردات تعيد لك الأمل | ||||
|
| |
|
28-03-15, 10:41 PM
| #58 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــ ’، طوّل الليل والمجروح ما يسمع غير صوت الجروح وحزنه الضافي كن روحه من ضلوعه تبي تطلع لاتذكّر بقايا حلمه الغافي ليت من غاب .. في لحظة وله .. يرجع ينتشل ضيقةٍ تستوطن اطرافي يا حبيبي شف عيون الغلا تدمع كنها تقول لايام التعب كاااافي مابقى للحياة فنظرتي مطمع وين انا وانت ؟ والا حضنك الدافي !! السهر صار للتفكير مستودع انتظر من زماني لحظة انصافي يمكن الحزن لايام الفرح يخضع ويشعل الوقت شمعٍ من زمن طافي . . . . #زايد الرويس ’، ][ البارت الواحد والثلاثون ][ ’، صرخه انطلقت من رغد بسبب السياره المسرعه تنبه ليان اللي كانت بجانب الشارع ومابينها وبين مواقف السيارات الا خطوات بسيطه التفتت ليان بخوف لجهة السياره المسرعه وغمضت عيونها وتصلبت مكانها تنتظر مصيرها . . حست بيد قوية تسحبها بسرعه. . تألمت جراء طيحتها القوية ع الأرض فتحت عيونها وهي تتأوه وشافت نفسها طايحه بالأرض وأمامها شخص واقف . . رغد أول ماابتعدت السياره مشت بالسرعه اللي تقدر عليها وهي خايفه حتى قربت من ليان اللي مازالت جالسه ع الأرض بين السيارات وتبكي والشخص جالس معها يحاول يهديها قربت رغد منها وجلست بجانبها رغد بخوف : ليان فيك شي ؟ صار لك شي ؟!! ضمت ليان رغد بقوه وهي تبكي وتهمس لرغد "بغيت اموت" تطمنت رغد منها و رفعت راسها للشاب : مشكور اخوي الشاب بقلق : العفو بس ماصار لها شي أخاف صار لها شي . . أوديكم للمستشفى رغد واللي ليان مازالت بحضنها : لا أخوي ماتقصر مافيها شي الحمدلله بس شكلها من الروعه صار لها كذا . . انتبهوا لصوت نداء لهم التفتوا رغد و الشاب وشافوا لمار وعبود يشوفونهم من شباك السياره : لياااان - رغد ياللا بثرعه رغد : هذي سيارتنا . . يعطيك العافيه اخوي هز الشاب راسه وابتعد عنهم . . رغد واللي تحاول تفك ليان منها لأنها ضامتها بقوه وبدا بطنها يعورها بسبب هالشي رغد : ليان خلينا نروح للسياره جالسين بنص المواقف ليآن : .... رغد بألم : ليان بطني تعورني فكيني شوي ليان واللي فكت رغد بس شهقاتها مازالت . . وقفت رغد ومسكت ليان معها حتى وقفت . . مسكت رغد أكياسها والتفتت تدور كيس ليان وشافتها من الناحيه المقابله . . لأن الشاب لما سحب ليان انفلتت منها الكيس واصطدمت الكيس بالسياره المسرعه . . راحت رغد لها وجابتها ومازالت ليان واقفه بمكانها . . مسكتها رغد ومشو للسياره ركبو وكانوا هادين . . قطع هالصمت عبود ولمار عبود : رغد نروح لماك وهرفي رغد بسده نفس بعد الحادث : عبود لمور بكره نروح اليوم نشوف سامينا تسوي لنا ساندويش وناكله لمار وهي تهز راسها بقوه : لا لا رغد نبي أكل من ماك بلييييذ رغد : طيب بس نروح محل واحد ماك أو هرفي عبود ولمار : لا لا كلهم رغد : أجل مافيه نروح للبيت على طول عبود : طيب خلاث واحد بث . . رغد : وش تبون عبود بزعل : ماك رغد أشفقت على حالته لأنها كسرت بخاطره : عبود حبيبي المره الجايه نروح لهرفي طيب هز عبود براسه : طيب راحوا لماك وأخذوا العشاء وراحوا للبيت وطول الطريق رغد تفكر وليان هاديه . . دخلوا البيت وشافوا هبه وأبو متعب جالسين بالصاله ركضوا التوأم لهم وهم يعلمونهم بكل الألعاب اللي لعبوها واللي شروها بحماس إستأذنت رغد وراحت لغرفه ليان اللي توجهت على طول لغرفتها بعد السلام . . ضربت الباب ودخلت . . شافتها جالسه ع الكرسي ومسرحه . . راحت لها وجلست أمامها ع السرير رغد : ليون وش فيك انتبهت ليان لها وبهدوء : أحس اني بحلم ابتسمت رغد بحنان : حبيبتي الحمدلله انه ماصار لك شي والله يجازي هالولد كل خير همست ليان : الحمدلله رغد : يالله انزلي تحت وكلي مع خالي وهبه يسألون عنك قبل شوي ليان : لا مالي نفس رغد : لا روحي خلاص انسي انتي الحمدلله بصحه وخير روحي يالله هزت ليان راسها ، ومشت رغد ولما وصلت للباب وقفها صوت ليان : رغد بطنك تآلمك ؟!! رغد ابتسمت : لا بس انتي لما كنت ضامتك ضغطتي علي وحسيت بألم خفيف بس الحين الحمدلله مافيني شي ابتسمت لها ليان ورغد طلعت متوجهه لجناحها تريح بعد يوم متعب . . ’، بيت الجده . . جلس بجنبها : هاه يمه وش قلتي ردت عليه برد حازم : أحمد انا قلت لك رايي من قبل وماراح يتغير أحمد : بس يايمه اللي معروف عنك التسامح مااشوفك تسامحتي هالمره مع ابوي لما بغى يردك بسمه : ابوك يااحمد جرحني عشان كذا قلبي موراضي يوافق بالرجعه أحمد : بس يمه انتي عرفتي بأسبابه بسمه : وايش يضمني انه مايرجع أحمد : الله يهديك يايمه الحين انت شفتي وضعه تتوقعين فيه واحد عاقل يرجع بسمه : طيب والناس اللي كانوا يلاحقونه أحمد : تطمني يمه شهاده سلمان والأدله اللي معه من شريط فيديو لتخطيطهم وبعض مواقعهم اللي يعرفها سلمان غير المواقع اللي اعطاهم اياها ابوي كافيه بالقبض عليهم ان شاء الله . . خير يالغاليه بس انتي وافقي بسمه : خلاص عطني اسبوع واقولك ’، مدت لها كيس صغير وانتبهت لنظراتها وتأملها لهالكيس : عليا خذي الكيس عليا بإستغراب : وش هذا ؟! جلست بجانبها وهي تحط الكيس ع الطاوله : وش تشوفين ؟ عليا : حبوب ، بس وش له ؟!! عبير : شوفي هذي حبوب أبي بكل شراب يشربه متعب عندك تحطين له " شاهي -قهوه - عصير " تفاجأت عليا : قصدك هذي حبـ.. قاطعتها عبير ببرود : ايه هذي هي المهم مايمر هالشهر الا وابيه مايستغني عن هالحبوب عليا بتردد : عبير بس هذا شي كبير عبير : لا لا عادي "وبسخريه " لو تتخيلي قد اايش متحمسه أشوف شكل متعب وحالته بعد شهر عليا : طيب بس ترى مدري متى بستخدمه عبير : طيب بس حاولي تعجلين على ماتتجرأئين وتستخدمينها هزت عليا راسها وهي تقلب بكيس الحبوب ’، جالسه تنتظر متعب يجي حتى تقوله الكلام وهي عازمه بعد التشجيع اللي لقته من نورة ومن صقر اللي أكد لها ان متعب بيصدقها ظلت تعيد مكالمه صقر اللي فاجأتها كانت بالصاله تفكر وش بتسوي، طول الايام وهي مهمومه منه . . الموضوع تعقد كثير . . وهذا اللي كانت متخوفه منه سمعت رنه جوالها صادره من غرفه نومها وقفت بثقل وراحت لغرفتها حتى وصلت للجوال اللي كان يشحن فوق التسريحه . . شافت رقم غريب تركته بدون اهتمام . . أخذت الشاحن وشبكته بالكهرب الموجود بالصاله عندها وجلست مازال جوالها يرن للمره الثانيه من نفس الرقم . . سكت الجوال للحظات بسيطه ورجع من جديد يرن استغربت وقررت ترد رغد : ألو صقر : السلام عليكم رغد : وعليكم السلام صقر : رغد ماني عارف وش أقول بالضبط بس في ابي اسمع قولك بالحادثه ابتسمت رغد بسخريه بعد ماعرفته : بعد شهر !!! صقر حس بالاحراج : آعتذر بس أنـ.. قاطعته رغد وهي بس تبي أحد يساعدها قبل الفضيحه : لاتعذر ولا شي ايش تبي تعرف صقر : كل اللي عندك رغد بهدوء : عليا صقر بإستغراب : عليااا , من علياء ؟؟؟!! رغد : زوجه متعب صقر : وش فيها ؟!! رغد : عليا هي لها يد باللي صار لك انت ولينا انصدم صقر صدمه عمره ورد : كيف ؟!!!! رغد : اللي ماتعرفه ولايعرفه متعب ان عليا كانت معاي بالجامعه وكانت زميله لي مع بنت ثانيه اسمها عبير وكنت معاها بكل شي فأعتقد كانت تتقرب مني لنوايا داخلها قبل مااكلمك باسبوعين تقريبا كنت قريبه من عبير لما كنا بالجامعه وهي ماكانت منتبهه لي سمعت منها كلام خطير وفهمته منها انه عن أهل زوج عليا بمساعده عليا نفسها بذاك الوقت ماكنت عارفه من زوجها ومن اهله صقر : طيب وش اللي أكد لك انها عليا زوجة متعب كيف عرفتي !!! اخذت نفس عميق وتكلمت : بعدها بكم يوم رحت لبيت عليا كنت متردده بالروحه خصوصا بعد الكلام اللي سمعته من عبيرخوفني بس فيه شي دفعني سمعه وشرف بنت وعائله ممكن تضيع اللي تعرفه انها موبس لينا اللي مخطط عليها كل البيت حتى متعب صقر بصدمه على انه قرا رساله نورة بس انصدم : انتي وش تخربطين، لايمكن اصدق هالكلام اصلا انتي من وين جايبه هالتحليلات وبعدين مافي هالبلد الا عليا وحده وهي زوجة متعب !!! . . وبعدين عليا كانت معانا وقت الدراسه وتزوجت متعب عن حب مستحيل تسوي كذا . . رغد بإنفعال من كلامه الاخير : لا فيه مليون عليا بس اسمعني خلني اكمل ولا اعذرني بغلق الخط صقر لاحظ انفعالها وتعوذ من الشيطان : اوك كملي رغد : لما رحت عندها وجلست معها كنت مرات أسألها عن زوجها ومن ماخذه منه وكانت تتهرب بس قبل مااتصل ع السواق رن جوالها وكان بجنبي التفت له و شفت الاسم ماكان واضح بس طاح نظري على الرقم انصدمت كيف الرقم صار عندها حللت متعب متزوج من وحده اسمها عليا ، تهربها من الاجابه ع السؤال كل هذي ادله بس ماجزمت لأنها موكافيه ، بعد مارجعت للبيت طلبت من متعب جواله حتى ادق على جوالي اللي كنت حاطته بسياره السواق دخلت على الاتصالات كان رقم عليا عنده وتقريبا نفس وقت الاتصال كل هذا ادله واضحه على ان عليا هي نفسها زوجه متعب صقر كان مصدوم من كلام رغد كيف كل هذا يطلع منها وايش مصلحتها : طيب وش مصلحتها من هذا كله رغد : مااعرف انا بس اللي فهمته من عبير انتقام كانت تقول انه " متعب" هو زي الخاتم بإصبع عليا ، وعبير أعطت يزيد صور حتى يرسلها لزوج أخته اللي هوانت و ... "وسكتت شوي " صقر بحذر : كملي ليه سكتي رغد : ليان صقر : ليان !! وش فيها ؟؟؟ رغد : ليان بترسل احد حتى "قطعت كلامها وهي موقادره تتخيل الموقف " سكت صقر مبهت يعني ليان احتمال تفضحها بالشرف بهمس قال : ليان اعتداء أو شي من هالقبيل صح رغد هزت راسه وكأنه يشوفها وبهمس : ايه صقر لااااا الكلام اللي اسمعه كبيييير ، كبيييير كثيييير مومعقوله كل هذا يطلع من عليا ياارب رحمتك ياااارب رغد واللي ماكانت عارفه بالعلاقه الجديده كل اللي تعرفه ان لينا رجعت لصقر وكانت خايفه ان صقر مازال ماخذ فكره خاطئة عن لينا : صقر انت لازم تزين علاقتك بلينا لأن مالها ذنب غير كذا تساعدني لازم نحمي ليان ومتعب تفهمه كل حاجه بس كيف ؟ صقر : رغد متعب لازم تقولين له رغد بخوف : مستحيل ماراح يصدق صقر : لا بيصدق انتي بس قولي له وماعليك رغد : طيب "وبتردد قالت " فيه شي ثاني صقر : فيه شي ثاني بعد رغد : عمتي صقر : عمتكك !!! وش فيها رغد : كانت مرسله لها وحده اسمها احلام حتى تجرها لأماكن مشبوهه واعطت صورها لواحد اسمه عمر صقر : وكيف بنعرف عمر هذا ؟؟ رغد : عمر هذا اخو عبير وهو نفسه زوج دينا عمه متعب صقر: يعني عمر متزوج عمه متعب ، يعني اكيد فيه خطه بينهم رغد : اكيييد ، بس صورعمتي لازم ناخذها من عمر صقر : عمر خليه علي ، ولينا الحمدلله اموري معها تمام ، ليان ابيك تكونين مثل ظلها وانا راح احط ناس يراقبونها رغد وانفرجت عليها : اللهم لك الحمد صقر : باقي متعب وهو عليك هزت رغد راسها بتفاؤل : ان شاء الله صقر وهو مبتسم براحه : مشكووره رغد ماقصرتي ، ماتدرين قد ايش انا كنت عايش بهم مايعلم فيه الا ربي رغد : لينا مثل اختي وماارضى يصير لها كذا ، أنا أستأذن صقر مع السلامه صقر : مع السلامه سكر صقر وهو مرتاح من جهة رغد مايدري وش الشي اللي مخليه يصدق كلامها . . رساله نورة جابت مفعولها بالدليل انه اتصل وعرف اشياء ماكانت نورة ذاكرتها أما رغد سكرت السماعه ورمت الجوال مومصدقه كل هالهم اللي عاشته بيختفي ، مومصدقه ان فيه أمل ان متعب يكون لها وحدها بدون أحد مايشاركها قطع تفكيرها متعب اللي تقدم لها وباسها على راسها وجلس بجانبها وبعد ماتطمن عليها رغد بتردد : لو اقولك كلام تصدقني ؟ متعب : كلام !! عن ايش ؟! رغد : جاوبني اول قد خبرت مني كذبه بكلامي ؟ متعب وهو يفكر : هو انا خبرت منك كذبه وكذبه كبيره بعد وهذي الوحيده وهي حملك ، بس ليه هالكلام ؟!! رغد أخذت نفس عميييييق : علياء زوجتك متعب : عليا !!! وش فيها رغد غمضت عينها بقوه ورمت الكلام تبي تخلص بأسرع طريقه: عليا لها يد في مشكله لينا وصقر استغرق الصمت دقايق بس طويله على رغد اللي لازالت مغمضه عينها بعد القنبلة اللي رمتها ، فتحت عينها بتردد بعد ماحست ان الصمت طول شافته يناظرها مبتسم ، حست براحه من ابتسامته وتفاءلت انه صدقها وان اللي شالت همه كان شي بسيط حمدت ربها بسرها على هالشي وهي ترد له الابتسامه ’، بيت الجده دخل بوجهه الشاحب اللي اعتادوا عليه على جدته اللي كانت لوحدها من بعد ماراحت عمته بسمه لزوجها . . العمان سوو عشا بسيط واجتمعوا فيه وراحت بسمه لزوجها بعد ماأخذو منه وعود بعدم تكرار هالشي من جديد و دينا اللي لاهيه بالتجهيزات الاخيره من الزواج سلم على جدته وانسدح على رجلها ناظرته وكلمته بحنان : وش فيك يابوي رد بصوت مبحووح : تعباااان يمه تعباااانه الجده بخوف : بسم الله عليك من التعب ياجعله بعدوينك ابتسم وهو مغمض ولارد الجد واللي كانت شاكه فيه لأن حالته تغيرت بعد الموضوع وكيف فز لما سمعه : سامي في بالك أحد انصدم سامي من كلام جدته وفتح عينه تأكدت الجده : تبي ريدا ياابوي ابتسم سامي بحزن : خلاص يمه البنت مومكتوبه لي هزت الجده راسها وهي ساكته ورجعته حتى ينام على رجلها وهي تحرك بشعره ’، | ||||
|
| |
|
28-03-15, 10:42 PM
| #59 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بالكوفي كان جالس ينتظر وبيده سيجاره صار له بحدود النص ساعه على الموعد المتفقين عليه شويات وشافه واقف عنده جلس وبغضب : انت متى رجعت للتدخين تكلم وهو يشوف الدخان اللي نفثه بسرحان : من وقت " تعدل بوضعيته " المهم قلي وش عندك ، بينك وبين لينا شي ؟ صقر : انت قولي الحين احنا ماصدقنا انك تركته صار لك أكثر من 4 سنين تاركه ليه رجعت له متعب ببرود : هذا أنا رجعت أدخن وصار شي عادي ماتفرق سواء بتدخين أو لا صقر بصوت عالي شوي : انت نسيت وش ججاك قبل نسيت كلام الدكتور وانك لابد تبتعد عن التدخين نهائيا . . يااخي بعض من وظايف كبدك كانت متعطله بسببه تبي تنهي حياتك انت متعب : حياتي وكيفي صقر : لا موبكيفك وراك أهل يبونك وبعد كم شهر ولد يبيك وزوجه تنتظرك متعب وهو يطفي السيجاره يبي يخلص من حنه صقر : هذا أنا طفيتها . . خلصني وقولي بينك وبين لينا شي صقر: أهم شي ماعاد ترجع لها . . و الحمدلله وضعي أنا ولينا تمام بس أنا عرفت اسم الشخص اللي دز الصور لي متعب بإندهاش : من ؟!! صقر : واحد اسمه يزيد ومدزوز من قبل وحده متعب : كيف عرفت صقر : عرفت بطريقتي متعب : بالله عليك ياشيخ قول صقر بغموض : كل اللي بقوله "ترى بيدك جوهره " لاتضيعها من يدك يامتعب انتبه لاتضيعها من يدك بسبب ناس ثانين مايبون الخير لك انتبه متعب بإستغراب من كلامه توه بيتكلم بس قطع كلامه الشخص اللي وقف عند طاولتهم ، وقف متعب وهو مبتسم متعب وهو يسلم عليه: هلا بالشيخ عمر ابتسم عمر : هلا متعب كيفك وش اخبارك متعب : الحمدلله انت قلي وش اخبارك عمر : الحمدلله متعب التفت على صقر : صقر هذا عمر زوج عمتي صقر واللي انفرجت أساريره ووقف يسلم : هلا عمر عمر : هلابك كيف الحال صقر : الحمدلله انت بشرني عنك عمر : نحمد الله متعب اللي مسك جواله من المكالمه وقف : عن اذنكم شباب بكلم وبرجع "ووجه كلامه لعمر " ولااجي والقاك موموجود ابتسم عمر وهز راسه صقر اللي حس ان ربي مكرمه اليوم بالموضوع اللي تسهل من جهة عمر التفت له : أمم عمر عمر : سم صقر : سم الله عدوك ، ممكن رقمك عندي شغله أبيك فيها عمر واللي استغرب بس نقله الرقم بإبتسامه . . جا متعب وجلس معهم شوي واستأذن عمر اللي راح مع ربعه وجلس صقر ومتعب يدردشون ’، بعد مرور كم يوم . . ’، كانت تتأمل لعبهم بالرمل خلاص كلها يومين بس وترجع للرياض وراح تكون للأبد ماتتخيل هالشي يصير ماكملت سنه من حياتها الجديد الا وترجع للرياض ومعها طفل بأحشاءها اسندت نفسها على كرسي الحديقه وهي تسترخي تذكرت كل اللي حصل بالأيام اللي فاتت من اعترافها للمكالمه في الماضي القريب جدًا .. رغد غمضت عينها بقوه وتكلمت : عليا هي سبب مشكله لينا وصقر استغرق الصمت دقايق بس طويله على رغد اللي لازالت مغمضه عينها بعد القنبلة اللي رمتها ، فتحت عينها بتردد بعد ماحست ان الصمت طول شافته يناظرها مبتسم ، حست براحه من ابتسامته وتفاءلت انه صدقها وان اللي شالت همه كان شي بسيط حمدت ربها بسرها على هالشي وهي ترد له الابتسامه بس للأسف اختفت ابتسامتها وهي تشوف ضحكته العاليه واتبعها بكلامه متعب : ههههههههههههههههههههههههه انت تقولين كذا عشان اترك عليا اختفت ضحكته وتبدلت ملامحه للقسوه وهو يمسك شعرها من ورا ويسحبه مما خلاها ترجع راسها نتيجه سحبته متعب : لو ايش ماتقولين ماراح اصدقت ولا راح اترك عليا وكلها كم يوم بس وانشر خبر زواجي منها "رمى عليخا نظره استحقار " وانتي خليك مع احلامك ، عليا هي الأولى بكل شي بحياتي وانت آخر شي شفتي الفرق اللي بينكم هي الأولى وانت الآخيره ترك شعره بعنف : والحين يالله انقلعي برى رغد بكلمه وحده ردت عليك : بتندم خرجت من الغرفة تجر الخيبه كانت مصدومه من عنف كلماته ياما ذاقت من كلماته المسمومه بس كان عندها امل لما شافت تغيره انها تكون شي مهم بس ابد ماجا ببالها هي اخر اهتماماته ها اذا اهتم بعد ، بهالليله مابكت ولانزلت ولا دمعه تقلبت على الكنبه بعدم راحه موعارفه تنام تبي تنام حتى ترتاح من التفكير ، حست بظهرها بدى يعورها ، الكنبه قاسيه ماتنفع تنام عليها ، وقع نظرها على الساعه كانت تشير ع الـ2 وقفت توجهت لدورة المياه توضت وراحت للغرفه الثانيه فرشت السجاده الموجوده وبدت تصلي وتدعي بكل خشوع وتلذذ خلصت من صلاتها وانسدحت على سجادتها وهي تستغفر وبدون اي وعي نامت اميرتنا الحالمه ’، مرت اليومين سريعه من خلالها حجزت رغد طياه للرياض بدون علم أحد الا نورة قبل الطيارة بنص ساعه دورت رقمه وضغطت عل الزر الأخضر وهي ترفع الجوال بإذنها انتظرت حتى وصل لها صوته الرجولي : الو رغد : صقر صقر : هلا رغد رغد : وش صار على موضوع عمتي ؟؟!! صقر ابتسم من هالانسانه اللي يعتبرها جوهره بيد صديقه : لاتشيلين هم انا كلمت الرجال وواجهته وجها لوجه واكد لي ان مامعه اي اثبات وانها كلها من افكار عليا رغد بشك : وانت متأكد منه ؟ صقر : الرجال لما واجهته ماحسيت على وجهه اي علامه ارتباك وكان يتكلم بثقه وقالي ان اللي كان موجود عنده اتلفها وهو تايب حاليا هزت راسها براحه بسيطه بس فاجاها لما قال : قلتي لمتعب ؟ سمعت رغد صوت النداء ، توها بتجاوب الا قاطعها : انتي بالمطار رغد وهي تتكلم بعجله : صقر كل اللي بقوله انا ومتعب انتهينا ، أنا قررت وهذا شي وأنا آمنت به . . انت انتبه للينا وانتبه لليان انا حاليا ماعادني موجوده بحياتهم غير كذا صار حادث قبل فتره كانت ليان بتروح فيها وربك سلم مااعرف لو كان الحادث مقصود ومن جهتهم أو بالصدفه . . وكل اللي اوصيك به ياصقر انتبه لهم متعب عقله مغسول ولاهي بس انت الوحيد اللي صدقتني ووثقت بحكيي انتبه للينا وليان ولمور وعبود هم امانه الحين عندك صقر تفاجأ من سالفه ليان ومن كلامها السريع : رغد فهمـ.. قاطعته : صقر انا الحين رحلتي مااقدر اتكلم بأكثر من كذا فمان الله سكرت رغد الجوال وهي تصعد الطياره، ارسلت لنوره رساله موجزه "ارسلي السواق بعد نص ساعه ولااحد يدري" وقفلت جوالها وهي تكرر " استودعت الله نفسي وزوجي - ماله - وعافيته - و جسده فاحفظ اللهم له دينه وابعد عنه كل من يكون سبب في مرضه او همه - أستودعتكم الله الذي لاتضيع ودائعه" ’، دخل مكتبه وهو ناوي يجس النبض بعد مكالمه رغد : هلا بأبو الشباب ابتسم متعب : هلابك ، اشوف رجلك تعودت توطوط عندي صقر ضحك : ههههههههههه يااخي احبك وش اسوي متعب : اخلص وش عندك صقر : ابد بس ملان قلت اجي اسولف معك شوي متعب وهو يتسند على الكرسي : يالله سولف صقر : الا جد وش اخبار عليا من زمان ماجبت طاريها متعب وهو مبتسم : الحمدلله ماعلينا انا واهي وهالايام معسكر عندها صقر : ليـه ؟؟؟ وزوجتك اللي بالبيت متعب بدون اهتمام : يااخي بقلعتها منكده علي خلها تولي ، وبعدين أحد عنده القمر ويشوف النجوم صقر حس بصدمه منه معقوله مااهتم برغد ولا احتلت جزء من اهتمامه بفتره بقاءها عنده ’، دخل على اخته اللي نادر ماتطلع من غرفتها من أول مارجعوا للبيت . . شافها جالسه ع الكرسي ومعها كتاب تقراه أحمد : سلام ريري ابتسمت له وهي تحط الكتاب ع الطاوله : اهلين حمود وعليكم السلام أحمد وهو يجلس ع الكرسي مقابلها : وينك مااشوفك كل ماجيت قالت امي ريدا فوق بغرفتها ولا نايمه ابتسمت ريدا والدموع بدت تتجمع بعينها ولاردت أحمد فهم عليها وبحنان : ريدا اللي فات فات الحين احنا عيال اليوم انسي ريدآ : مااقدر يا احمد كل شي يذكرني باللي صار . . أنا حتى مااقدر اشوف وجه أبوي يذكرني باللي صار أحمد : تبين ترجعين بيت جدتي ريدا بفرحه وهي تمسح الدموع اللي بعينها : ايه ايه الله يخليك بس فتره وأرجع أحمد : طيب بقول لأمي أعطيها خبر . . وموضوع خطوبتك ؟ ريدآ : أحمد الحين ماابي يصير شي لحتى بعد زواجك أحمد : طيب والشوفه ريدآ : ماعندي مانع أنا بس مو الحين أحمد : كل شي مو الحين متى تبينه أجل ريدا ابتسمت : تدري أساسا موضوع الخطبه أبد ماجا على بالي من كلامكم عن الرجال قلت نتوكل على الله أحمد : طيب . . ريدا : لا لا بعد زواجك نتكلم بالموضوع . . انتو خلاص اعطيتوه الراي . . يصبر أهلا وسهلا . . مايبي يروح يدور أحد ثاني أحمد : طيب هو ترى بس كلام لحد الحين مابعد صار رسمي لرغبتك والرجال ماقال شي ريدآ : طيب ننزل تحت عند أمي أحمد : ياللا .. ’، ساعه بالكثير ورغد تسحب شنطتها خرجت من المطار وشافت سياره السواق توجهت له وركبت انتظرته حتى ركب الشنطه وتوجهت للبيت طول الطريق تفكربإيش تقول لأهلها ماتب يتتكلم ولاتنطق بحرف انتبهت للسواق وهو ينبهها على الوصول نزلت ودخلت البيت اللي كان هادي بهالوقت شي طبيعي الكل بالدوامات راحت لغرفتها فتحت التكييف وحولته على بروده منخفضه غيرت لبسها لقميص خفيف انسدحت على الفراش وهي تستنشق عطرها القديم اشتاقت كثير لذيك الايام . . غطت بنوم عمييييييييييييقققق وهي تتأمل بأيام قادمه أحلى ’، طلعت كاسين وحطتهم بصينيه أخذت العصير الموجود فوق الطاوله وصبته بالكاستين . . تلفتت بخوف من اكتشاف أمرها وطلعت من الدرج كيس أخذت منه حبتين بيد مرتجفه . . بالأيام اللي فاتت كل ماتجي تحط تحس ان خوفها يوقف حاجز بينها وبين هالشي أخذت نفس وزفرته وحطت الحبتين بالكاس وحركته بخفه حتى حست ان الحبتين ذابت . . دخلت المزاز بكاستها حتى تقدر تميز بين الكاستين وحطت صحن الشيبس والصوص بنفس الصينيه وشالتهم . . ’، ][ همسـة ][ اللهمّ استودعناك بلادنا وجنودنا فَ احفظهم بحفظك يارب العالمين | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
