آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-01-15, 01:56 PM
| #11 | ||||
| نجم روايتي ومشرفة سابقةومصممه 
|  البارت العاشر ................. تمنياتي لكم بقرأه ممتعه كانت غلا ببيتهم لما جاها تليفون واختبصت وتغيرت ألوان وجهها وقامت تركض رايحه لغرفتها غيرت وطلعت وهي ما تشوف الطريق قدامها وكانت تبكي وتسب وتلعن اللي كان السبب ونزلت مطعم ذي فيلج وكانت متغطيه وما تبي احد يعرفها لو اي احد صادفها في بيت ابو امل كانت الجازي كله قاعده مع ام امل وتباريها ولا تخليها تحس بنقص ولا بفرقى عمها وكانت تتألم شوي من عمليتها ومن طلعت من المستشفى قد لها الحين اسبوع وكان احمد كل ليله بالليل يمرهم ويقعد مع الأم والجازي كانت تتحاشاه تسلم عليه وتقعد شوي وتروح وكانت ام امل تقول ل احمد: يبه خذ زوجتك وروحوا لبيتكم احمد: وشهالكلام لا والله ما يصير هالكلام انا عندي اقتراح وبنفس الوقت تقدرين تقولين عنه طلب رجاء اللي تبين الأم : قول انت تامر يبه احمد : ما يامر عليج عدو انا ابتديت اعدل بيتي اللي بنفس الحوش ببيت هلي ومن توفت امل الله يرحمها تركته وقعدت عند الوالده عشان تباري عيالي والحين البيت للعنود وحمد وامي وبعد معهم سلطان وغلا فقلت انا وعيالي والجازي وانتي نسكن ببيتي هااااااه وشرايج الغاليه الأم : لا يبه اسمح لي انا بقعد في بيتي مع ذكرياتي وريحة شيبتي وانت ما قصرت احمد: اسمعي يمه والله ان قد تشقين العنود والجازي ببعدج عنهن تعالي ونوري بيتي وربي عيالي وعيال حمد وبكذا تكونين بالقرب من احفادج كلهم والبيت بيتج وامي اختج وحنا عيالج وترى هالكلام ما يبي له تفكير الأم:مدري وش اقول احمد: شوفي انتي كملي عدتج في بيتج وانا برتب بيتي وبصلح فيه من زمان محد دخله وانتي بتكونين معاي ومع الجازي وبخلي هالخبر لج تقولينه للجازي بمعرفتج ومن تخلصين عدتج اجي اخذكم وتنوروني والله الام: شورك وهداية الله مالي الا انتوا وبكت قرب منها احمد وحب راسها ويدها وقعد يسولف معها لين هداها ... والتفت لعله يشوف زولها قبل لا يطلع ولكن مابه امل تنهد وطلع وهو يقول بخاطره هالبزر بتلعوزني ولكن ان شاء الله بصبر وبشوف وش نهايتها معاج كان حمد والعنود يعيشون حياتهم الحلوه حمدكان واقف يمشط شعره بيطلع يروح لدوامه وكانت العنود واقفه جنبه وتناظره وبيدها غترته وعقاله حمد: هيييه انا هنييه من تفكرين فيه ؟ العنود: فيك وهي تضحك ومستحيه وتتصدد منه قرب منها حمد ومسك وجهها وباس بين عيونها بشويش ولا كان يبي تنتهي هالبوسه وقال: الله لا يحرمني منج تدرين اني من تزوجتج وانا احسد روحي على هالنعمه واعود استغفر واتعوذ بالله عنودي وشقد تعبت لين حصلت عليج عنود: حطت راسها على صدره وخذت نفس طويل ما تبي تتذكر الأحداث المؤلمه اللي مرت عليهم سحبها حمد وقال : لا يا اغلى من خلق ربي لا تتنهدين كذا وانا موجود ترى اموت لو اعرف انج تعبانه اسمعيني وش رايج اكنسل موعدي مع شركائي ونروح انا وانتي نتغدا براااااااا مع بعض العنود: لا روح انت اكيد الحين سلطان اخوك ورفيقه شريككم الثالث ينتظرونك وانا لاحق علي حمد: فديت هالحرمه السنعه ومسح على شعرها وخربه لها جاب اللي ورا لقدام وهو يضحك يدري ان هالحركه تنرفزها وخرت عنه وهي تعض على شفايفها :: حمد حمادووووووه وعطته الغتره والعقال اللي توها مدخنتهم له خذ من يدها ومسكها بنفس الوقت وقعد يطالع بعيونها ولبس وطلع ومر على امه وسلم عليها وسئل عن غلا .. قالت له امه انها طلعت راحت لجامعتها خبرك ما عاد بقى لها الا شهر وبتخلص وبتتخرج حمد: الله يوفقها وينجحها .. يله بروح لسلطان وسطام اكيد ينتظروني الحين في مكتب احمد كانت فيء قايمه بكل الشغل من تنوم احمد بالمستشفى ومن جاء لمكتبه لقى وراه قضايا وشكثر شد حيله وابتدأ في مباشرة مهامه واشغاله اللي تأخرت بسبة عمليته في بيت مها اخت احمد وكانت قاعده مع زوجها وسرحانه وكان هو يشتغل على اوراق بيده ورفع راسه وشافها مهمومه وسرحانه ناصر: مهوي وش فيج سرحانه بعيني يبه بالسوق مها: هاااه لا والله ما ابيعك الااشتريك بماي عيوني ناصر : وش فيج ؟؟ سكر الملف اللي بيده وجاء وقعد جنبها ومسك يدها وكان عارف وش فيها بس كان يبيها تفضفض له مها: ابد موضوعنا الأزلي ناصر : طيب وش فيه موضوعنا المفروض ما تفكرين فيه هذا الشس لاهب بيدي ولا بيدج بيد الله سبحانه تعالى وانا وانتي سوينا كل التحاليل وطلعنا حن الثنين ما فينا شي مها: وش يقنع امك وبكت ... دايما تقط نغزات علي اني من تزوجت الحين ثلاث سنين وما بعد حملت وان اختك واخوك تزوجوا بعدك وهذولا هو خلفوا ناصر: اعذريها مهوي انا ولدها البكر والام دوم مستعجله تبي من تزوج عيالها تشوف احفادها مها: طيب وانا وشذنبي ناصر: مها تبين تطلعين في بيت بروحج ؟؟ مها : لا والله مهب انا اللي اطلعك من عند امك وخاصه ان اخوك ساكن برا البيت ومال امك غيرك وانا اعتبرها امي بس يوجعني قلبي لقدها تقول هالكلام ناصر : عندي اقتراح انا وانتي من زمان ما سافرنا بروحنا كله كشتاتنا وسفراتنا مع الأهل قومي الحين زتات جهزي شنطتي وشنطتج بنروح لنا يومين وانا بروح لدوامي وبقدم على اجازه صغيره وبقول لامي مها : تعال وشهالسفره المفاجئه اللي حلت عليك ناصر وهو يغمز لها ويرفع حاجب وينزل الثاني : لأجل المزيون اللي عندي كل شي يهون قومي سوي اللي قلته لج ولا تحاتين امي ولا اي احد ثاني دامني معاج ... وطلع وهي قامت فرحانه تجهز اغراضهم مها تزوجت ناصر عن حب ورضى من العايلتين وخاصه انه ولد خالها وهي بنت عمته ومن فتره وهي متضايقه من تلميحات عمتها ام ناصر نرجع ل غلا ودخولها السريع للمطعم واللي كان ينتظرها هناك جات ودخلت وسحبت الستاره ودخلت ولا سلمت ولا شي وقالت : هاه وش تبي بعد ما كفاك اللي اخذته لين الحين (فيه شخص ينتظر غلا اسمه محمد) محمد وكان يدخن بشراهه وينفث الدخان بوجهها : اقعدي وسلمي بالأول بعدها اقولج وش ابي غلا: اسمع تراك مصختها وزودتها والله لو اقول لأخوي احمد وانت تعرف انه محامي كبير وكان من قبل بالنيابه العامه انك تروح فيها محمد: هههههههههههه كثري منها محدن برايح فيها غيرج غلا: شوف انت شخص حقير ونذل واللي تبيه ما اقدر اعطيك اياه وعطيتك فلوس والحين ما عندي شي اعطيك اياه محمد: معقوله ما عندج شي وقعد يطالعها ويبحلق فيها غلا: وجع يوجعك ويوجع اليوم اللي عرفتك فيه لا تطالعني كذا محمد: اسمعي ابي ثلاثة الف ريال والحين تقومين تسحبينها وتجيبينها لي ولا والله ادق على المحامي اللي تهدديني فيه واقوله من هي اخته غلا: يا اخي انت وشو طاحونه ما تشبع من الفلوس وانا من وين لي كل فتره تطلبني مبالغ كبيره انا صرت ابيع قطق ذهب عندي شوف وين وصلتني محمد: مالي شغل فيج تصرفي واذا ما عندج فلوس عندج اللي احلى واغلى من الفلوس عطيني اياه غلا من قهرها خذت كوب الماي ورشت وجهه به هنا محمد ثار وهاج وقام يرغي ويزبد وجاااء صوبها وتوه بيمد يده عليها وبيضربها الا فيه شخص دخل عليهم ومسك يده ونزلها بكل قوته وقاله : استح على وجهك تمد يدك على بنت والتفت على غلا اللي كانت واقفه خايفه ويدها على شفايفها لا تصرخ وقال لها: روحي انطريني براااااا ولا تبعدين لبيج وانتي عارفه وش ابي محمد: هييه هييه انت من انت ومن اللي سمح لك تسوي كل هالشي الرجال: انا واحد من اهل هالبنت اللي عطتك ثقة اهلها ...وامرها انها تطلع وتنتظره وانت تعال قولي وش بينك وبينها وعصره عصار ولصقه بالطاوله : تكلم الحين ولا والله ان قد هاليوم اخر يوم يكون بعمرك وتراني سجلت محادثتك وياها عشان اذا ذبحتك ما يلوموني كنت ادافع عن شرفي وسمعتي محمد: لا مابه داعي للقتل تعال اقعد وبقولك كل شي ولكن ابي فلوس قبل كل شي لأني مطلوب وبنحبس لو ما دفعت اللي علي الرجال: اخس على المراجل اللي انت فيها قاعد تهدد بنات الناس وتبتزهن عشانك مطلوب قول اللي عندك بسرعه ومن شاف محمد عيون الرجال اللي تطق شرار خاف وخر العلوم كلها وكان الرجال كل ما تكلم هالمحمد وزاد واسهب تنافصت عيونه وانقهر وكان ماسك روحه لا يزهق روح محمد ومن خلص محمد سالفته قاله الرجال طلع اللي كنت تهدد به البنت وطلع محمد اللي عنده وحطه على الطاوله وخذ الرجال الأغراض وحطهن بمخباه وخذ ورقه وكتب محمد تعهد انه ما عاد يتعرض لغلا ومضاه عليها محمد: انت وش من رجال الداخليه الرجال: واي داخليه تصدق تليفون واحد وتكون وراء الشمس وامنع عنك كل اتصال بالعالم الخارجي وتموت بحبسك ومحدن درى عنك محمد تبلعم طيب وش اسوي بسالفة الفلوس الرجال: اقول قم ولا والله لو ما تختفي من قداني ما تشوف نفسك الا وراء القضبان الحديديه وتحمل اشوفك توطوط صوب هالبنت ولا غيرها والله وثم والله اني ما ارحمك والله راحمك من يدي هالمكان العام وسمعة هالبنت ولا كانت علوم قم قام صلبك وجعل عين امك تبكيك وصرخ قم قم قام محمد يركض وهرب كنه ارنب مذعور تنهد الرجال وطلع يدور غلا لقاها بزاويه منزويه وتبكي بصوت مكتوم الرجال : صيحي ولو تبكين من اليولباكر ما راح تردين اللي راح غلا: انت من ؟؟ الرجال : مهب مهم من انااااااا المهم انتي من ومن اخته من الرجال يا ويلي عليك يا احمد وحمد وسلطان ومن ذكر الرجال اسماء اخوانها خرت وطاحت مغمى عليها الرجال ارتبك وش يسوي طلب من المضيفه انها تساعد غلا بان تقومها وتسندها وتقعدها على الكرسي وسكر الرجال الستاره ورش وجهها بالماي عشان تفوق فاقت غلا ومسحت الماي عن وجهها وحاولت انها تتغطى منه هنيه الرجال ضحك وقال : وش عقبه تتغشين مني . يا خسارة بنات الحمايل اذا كانن يتصرفن مثلج اسمعي يا بنت قومي روحي والله يستر عليج واسمعي ترى هالعله خواف ولا يسوى وتحملي انج تسوينها مره ثانيه انا انقذتج هالمره المره الثانيه ما تدرين وش بيكون مصيرج غلا: لا تكلمني بهالأسلوب انت مش عارف عني ولا شي ولا تعرف هالنذل وش سوى معاي الرجال: الا عرفت من طئطئ لسلام عليكم وكل الأدله اللي ضدج اخذتها منها ولا تخافين غلا: صج والله اجل عطني اياهم ومدت يدها طالعها الرجال : لا يا بابا انا بحرقهم عشان ترتاحين واضمن انج ما راح تردين لنفس السالفه غلا: هييه هييه ما اسمح لك تكلمني كذا الرجال وهو يضحك : اقول ما لج عندي تسمح ولا ما تسمح اقول قومي روحي لبيتكم وحاولي تنسين اللي صار وانسي وترى خذت شريحة تليفونه وهي عندي هاه استرحتي الحين وكذا ورقه فيها توقيعج بعد عندي قومي يا بنت المسلمين الله يستر عليج وعلى كل بنت ما عندها ذرة عقل مثلج قومي بسرعه اغربي عن وجههي غلا: طيب عطني اشيائي وكمل معروفك الرجال : قسم بالله ان قد بيوم تجيج اشيائج لحدج بس الحين قومي روحي غلا: وشلون بتوصلها لي وليش بعدين عطني اياها ارجوك الرجال : لا تخافين اني اسوي سواته ولا اهددج لا ابد بس لي مغزى من احتفاظي بهالأدله وبتعرفينها بوقتها اسبابي ولا تجيبين اي طاري لي كان فاهمه غلا وهي واقفه وتطالعه: فاهمه مع السلامه ومشكور ولو ان جميلك ناقص الرجال وهو يضحك بتهكم : روحي الله يستر عليج والله الله بروحج وبسمعة اخوانج تراهم ما يستاهلون منج هالتصرف غلا: انت تعرفهم الرجال وهو متكتف ويطالعها مباشره بعيونها يبيها تستحي وتروح : اعرفهم وما اعرفهم ارتاحي وروحي والله خلقني وخلقج محدن يعرف باللي صار اليوم الا انا وانتي وذاك الحقير يله روحي واتمنى اني ما اشوفج غلا: طيب متى بترسل لي اغراضي الرجال: مثل ما قلت لج بيوم ومع اغراضج رساله بوضح فيها سبب احتفاضي بهم وطلعت غلا من عند الرجال وهي مستغربه من تصرفه وكانت تبكي من اللي صار لها وشلون ان فيه شخص عرف باللي بينها وبين هالنذل اما الرجال فجلس وطلب له قهوه وقعد وهو مستغرب هالتصرف اللي عرفه عن هالبنت تبووووووووووووووون تعرفون من هو هالشخص طيب طيب بإحدى البارتات بتعرفونه ما اقدر اقولكم من هو لأنه هو له بارت خاص فاللي عليكم انكم اتابعوني وفالكم طيب ما زالت احداثي ممتلئه بالمفآجأت الغير متوقعه هههههههههههههه بس انتوا تعالوا هنيييه كل يومي اثنين وخميس وبتعرفون وش اللي صاااااااااااااار كل ودي لمن مر من هنا وشاركني احداث قصتي | ||||
|  |
|
07-01-15, 01:57 PM
| #12 | ||||
| نجم روايتي ومشرفة سابقةومصممه
| صبحكم / مسائكم / خير وغلا احبتي ومتابعيني الغاليين حابه انوه لحاجتين هنا: الأولى / اني ما دخلت في وصف اشكال وجمال بطلاتي ولا أوصاف ابطالي مثلما كنت اوصف ابطال وبطلات قصصي السابقه ولا ملابسهم ولا ... ولا .. قلت اغير . الحاجه الثانيه/ فيه أوقات بسرد عليكم مواقف صارت لهم من دون ما ألجأ لقال وقلت ,,أو اخلي الشخص يتذكر له حدث حصل له وبس...................... وسلامتكم البارت الحادي عشرررررررررررر في بيت ام امل.. كانت ام امل من خلاها احمد ذيك المره يومه اقترح عليها انها تروح معهم ولزم عليها وهي تقنع الجازي انها تروح لبيت زوجها وتباشر حياتها الزوجيه طبعا الجازي رفضت وقالت ما عليه لا تحاتين مابه مباشرة حياه زوجيه ولا اي شيء لين انتي تطلعين من العده ولاني بقابله اي نقاش لهالموضوع. واحمد من بلغته عمته بهالكلام وافق وقال خليها تاخذ راحتها وهي اصلا عادها تعبانه وبعدين كل مطرود ملحوق ولاني مستعجل اخذوا راحتكم وانا بعد بخلص لي كم شغله بالبيت وبسافر في شغل لي مها وزوجها ناصر من ردوا من رحلتهم وهم مرتاحيين نفسيا وناصر قعد مع امه واقنعها ما عاد تنغز بنت عمته لأنه يحبها واذا الله ما كتب له عيال منها عمره ما راح يفكر بعيال من غيرها وأيده ابوه بهالكلام والأم سكتت ولكنها كأم ماراح تسكت وايد برغم تحذيرات زوجها لها بأن تخليهم بحالهم ولا تغث بنت اخته. العنود وحمد من تزوجوا الحين لهم شهرين وهم عايشين بسعاده وحب وكانت العنود تزور امها يوميا ولا تخليها وتباري الجازي وتقط عليها نغزات ان فيه ناس هناك في بيتهم يبيها وبسرعه وتغمز بعيونها في مكتب احمد كانت فيء مشغوله بكتابة تقرير ولا انتبهت بالزول الواقف قدامها وساكت احم احم التفتت وشافت سلطان واقف على راسها وقفت وسلمت عليه وكانت بتروح تسوي له درب لمكتب اخوه إلا انه وقفها وسئلها عن أحوالها وعن بنتها فيء: الحمدالله انا بخير وطيبه سلطان: عندي سوؤال اذا ممكن انج تردين عليه فيء بخاطرها الله يستر وش يبغي مني : تفضل إسئل سلطان: فيه حد بحياتج الحين فيء وهي مستغربه من سؤاله: وشو !!!! ما اعرف وش تقصد بسؤالك سلطان : يعني فيه احد مميز بحياتج يعني احد بيتقدم لج منيه مناك فيء: لا مابه احد وتفضل حياك لمكتب الأستاذ احمد سلطان:مدام فيء اسمحي لي ترى مقصدي شريف ولا اقصد اني اغثج ولا اتدخل بحياتج شوفي على بلاطه كذا انا ابي اتقدم لج وابي اعرف من اروح له عشان هالأمر وابي اعرف رأيج وابي اعرف كل شي عنج وانتي بعد ابيج تعرفين كل شي عني الله الله كل ذي ابي وابي التفت سلطان وشاف اخوه يبتسم له وقال له حياك المكتب واذا تبي تخطبها اخطبها مني انااااااااااااا فيء روحي لمكتبج وانا اتفاهم مع اخوي تعاااال تعااااال سلطان وهو محرج من اخوه ومن فيء :وش فيك دخلت علينا بمشراع ومجداف احرجتني احمد: وش احرجتك فيه يا رجال انت الظاهر ما شفت وجه البنت كانت متلخبطه ومنحرجه ومحمرة الخدين وانت ابي وابي هههههههههههههه سلطان: وش اسوي كنها فهمت سوؤالي غلط فكنت اوضح وش ابي من السوؤال احمد: قولي وش تبي تعرف عنها سلطان : ليش انت وش عرفك بكل امور حياتها احمد : اعرف كل شي ، اخوها خالد كان معي من الجامعه لحد ما اشتغلنا بالنيابه لحد ما استشهد في مداهمه كنت انا وهو فيها و..... و........ وتبلعم من الذكرى وصد عن اخوه سلطان : وش يا احمد وش فيك وقفت وليش هالنظره الحزينه وكن به دمعه تبي تنزل ولكنك طردتها احمد: اه اه يا سلطان لو وش اقولك عن خالد والله ما افيه قدره هالرجال كان شهم وشجاع ومقدام .. كنا بمداهمه لأحدى المزارع المتطرفه بالبلاد يوم كنت وكيل نيابه وكان هو معاي وكانوا متحتجزين حارس المزرعه وزوجته ومن عرف خالد ان هالمجرمين محتجزين حرمه ومعها طفل طاش الدم براسه وكان بيدخل من دون حمايه ولكني منعته وقعدنا نتفاوض مع المجرمين ساعات ولابه امل كانوا يبون يطلعون من البلاد من دون محاسبه ولا بيذبحون الحارس ومرته وطفلهم وكنا نسمع صياح البزر وحنا برااااااا سلطان : حسبي الله ونعم الوكيل .. طيب وبعدين احمد : اه وتنهد بقو ما عنده بعدين اتفقنا ان حنا نغافلهم وندخل واللي فيها فيها ولكن نحاسب اهم شي على حياة الجارس ومرته وطفله ولا هم ما عليهم حسوفه ودخلنا من باب متطرف بالمزرعه وكانت واقعه ما راح انساها طول عمري لأن فيه مجرم كان بيرميني ففداني خالد بروحه وقبل ما يفديني قتل هالمجرم ولكن قد رصاصته اصابت خالد بقلبه وجيت ركض ل خالد وحاولت اسعفه ولكن ما كان الوقت لصالحه ولكن كانت اخر كلماته : الله الله بامي واختي ما اوصيك يا احمد اختي مملوك عليها وعرسها قريب وانت كفيلها من بعد الله وغمض عينه من بعد ما تشهد ومن ذاك اليوم وانا المسوؤل عن هالأسره بعد فتره زوجت فيء بخطيبها وغصبا عنهالأنها رفضت الزواج من بعد وفاة اخوها ما تبي تخلي امها بروحها ولكن زوجها الله يرحمه ما قصر سكن مع الأم وبنتها خاصه ان اسرته كانت كبيره ومرت الأيام ويتوفى زوج فيء واصبحت مسوؤل عنهم مره ثانيه ومن خلصت عدتها جبتها وشغلتها عندي ومثل ما انت شايف هذه هي عندي وانا امرهم كل وقت وكل جمعه من يعد الصلاه امرهم واتقهوى عندهم واشوف وش ناقصهم وتراني مهما سويت لهم بظل منقص بحقهم يكفي انه فداني بروحه الله يرحمه ويسكنه فسيح جناته كان شهيد الواجب والوطن سلطان : الله يرحمه يا رب طيب وشلون الحين وش اسوي هي عرفت اني ابيها زواج احمد : ابرك الساعات ان اخوي ياخذ اخت خالد في ذمتي انها تشرف اي رجال يفكر ياخذها شوف انا بقول لها عن طلبك وبخليها تاخذ وقتها ولاني بلاح عليها سلطان: ايه احمد بس هاه الله الله فيني امدحني عندها احمد: هههههههههه اقول لا يكون طحت ولا حد سمى عليك سلطان : هاه لا اي طيحه بس البنت اعجبتني باخلاقها وطيبتها ولا بنتها الصغيرونه احمد : مي سلطان : هي اسمها مي احمد: ايه امها قالت ابي اسمها قريب من اسمي سلطان : ان شاء الله انها توافق علي واصير ابو ل مي بس تعال هالبنت مالها عمام يوقفون لنا عرضه احمد: اي عمام اللي من مات ابها هالبنيه ومحدن سئل عنها بس بعد الأحتياط واجب من توافق فيء عليك بنحطهم بالصوره ولكن ثق انهم مهب معترضين الحين كلن يقول يالله نفسي سلطان : اتمنى والله والحين بطلع وانت نادها واقترح عليها وقول لها عن طلبي احمد: زين بس روح سيده لا تسولف وتخرب السالفه سلطان : زين وطلع وشافها ما زالت مشغوله باللي في يدها ورفعت راسها ومن ثن دنعت وكملت اللي كانت تشتغل عليه طلع وراح وناداها احمد وشرح لها كل شي وطلب منها انها ما تستعجل وانها اذا وافقت بيشترط على اخوه انه يسكن معكم ولا ياخذ له بيت قريب منا وتكون ام خالد جنبي فيء: بس انا ما افكر بالزواج احمد// فيء كانت اذا هي بروحها مع احمد تقوله احمد من غير كلمة استاذ// احمد: اسمعيني يا في الدنيا هذه وانا اخوج مهي باقي لج فيها احد بعد كم سنه امج وكلنا بنرحل عن هالدنيا وبنتج بتتزوج فكري عدل وشاوري الوالده وقولي لها على شرطي اللي بشرطه على اخوي وشوفيها وش بتقول وصدقيني بيكون شورها من شوري لأن كل ام تبي مصلحة عيالها فيء: ما ادري وش اقول ولكن بفكر وصدقني العرس مهب بخاطري احمد: خليه بخاطرج وانتي عادج صغيره واخوي وانا اللي مربيه واعرفه طيب وراح تحبينه فيء: اكيد بيكون طيب يكفي انك اخوه احمد: خلاص اجل اخذيه وفكينا منه فيء : ما اوعدك اني باخذه بس بفكر ولا تستعجلني احمد: لا والله ما استعجلك اخذي راحتك ولو رفضتي من حقج واعتبريني ما قلت شيء يله انا بطلع وانتي بعد واشوفج على خير باكر طلع من مكتبه ومر بيت ام امل يبي يكحل عينه بغزالته الصغيره ان عيون فتانه وهو داخل على البيت كان فيه سياره سابقته وداخله قبله وخفف هو سرعته لأن هالسياره مهب غريبه عليه كله يشوفها صافه بكراج بيت عمته وشاف الجازي نازله منها تقدم منها احمد وهو مستغرب انها تسوق جاء ونزل وسلم عليها الجازي : هلا احمد : انتي تسوقين !!! ومن متى؟؟ الجازي : من زمان احمد: وليش ما قلتي لي؟ الجازي: وانت سألتني احمد: هو انتي تقعدين اذا جيتكم في زياره من تشوفيني ركض لغرفتج بعدين تعالي داخل بدال هالوقفه وتحت هالشمس ودخلوا داخل ولقوا ام امل اللي رحبت في احمد وعزمته ع الغدا احمد رفض ولكن ام امل اصرت ووافق واستأذنتهم تروح تشوف الغدا اذا جهز احمد تعالي اقعدي ابيج شوي قعدت وهي بعباتها احمد : انتي متعوده تسوقين وانتي كاشفه عن وجهج ؟ الجازي : بعض الأحيان احط اللثمه اذا كنت بشارع عام ومتروس عالم ولكن اذا بس بفريقنا ورايحه اجيب لي حاجه من الصيدليه وع السريع ما تغشى احمد: بس انا ما ابيج تسوقين واي شي تبينه انا بجيبه ومن يوم ورايح من تطلعين حطي اللثمه ولا الغشوه الجازي: وليش يعني ..انا تربيت كذا احمد: اعتقد اللي ربيتج هي اللي ربت امل الله يرحمها والعنود وهذولا هن متغشيات في طلعاتهم وشمعنى انتي اللي بتشذين عن القاعده الجازي: انا قلت لك عن وجهة نظري احمد : وجهة نظر مهي مقبوله وحجة باطله ومن يوم ورايح التزمي بكلامي اللي ما قلته الا لمصلحتج ولسمعتج اللي هي سمعتي الجازي ضايقها كلامه وقامت بتروح اجمد : روحي بدلي وانزلي تغدي معي ومع عمتج الجازي: واذا ما ابي غذا؟ احمد: الجازي روحي بدلي وتعالي ما ابي عمتي تاخذ بالها من هالمناقشه التافهه راحت الجازي وبدلت وتعطرت وتأخرت علشان تحره ونزلت من بعد ما جاتها الخدامه تناديها للغدا وقعدت جنب عمتها وكلت من غير نفس وكان هالشي واضح ل احمد سفه لها ولاكنها موجوده وقعد ياكل ويثني على طباخ عمته اللذيذ وقبل لا تقوم الجازي قال لها احمد اقعدي الجازي بغيتج انتي وعمتي بموضوع وبعد الغدا قال لهم ان البيت تقريبا جهز وان عمته ما بقى لها الا اقل من شهر وتطلع من العده الجازي: طيب وبعدين احمد: ابد يا الغاليه تجين انتي وعمتي تشرفون بيتي وعشان ظروفنا بنسوي عشاء بسيط لأجل جيتكم للبيت ويعتبر اعلان عن زواجنا الجازي من سمعت طاري العرس فزت وقالت : لا لا ما ابي العمه: وشو اللي ما تبينه ما يكفي انه مخليج عندي طول فترة عدتي شوف يبه احمد ثاني يوم من طلوعي بنجيك وس اللي تشوفه مناسب وانا امك وانتي الجازي مهرج عندج من شهرين ولا خذتي منه شي ابتدي جهزي نفسج منه وش تنطرين وراحت مع الخدامات للمطبخ وخلتهم احمد: لازم يعني التنرفز والصوت العالي تراج ما تضرين ولا تضايقين الا المره اللي ربتج ولا انا عادي رحتي ولا قعدتي عادي الجازي وهي بقمة قهرها: اسمع ابيك ما تنسى وعدك لي انا وانت كلن بغرفته واعمل حسابك من الحين يكون لي غرفه خاصه فيني تراك وعدتني أحمد: وعدتج اني احترم وجهة نظرج ما وعدتج بغرف خاصه وتعالوا شوفوا اسمعي هالأمور نتفاهم فيها بعدين ومثل ما قلت لج يوم كنا بالمستشفى بظل بعيد عنج ولاني بطالبج بحقوقي الزوجيه لين ....... لين هاه تطلبينها مني انتي الجازي وهي تضحك : هذا بعدك وحلم ابليس بالجنه احمد: هييه انتي احترمي ملافظج وش ابليسه وش الجنه لا انا ابليس ولا انتي بالنسبه لي الجنه سامعه وطلع ويوم قده عند الباب قال لها: وسالفة السواقه بتفاهم معاج عليها لقدج ببيتي ولكن اياني واياج تطلعين من هالباب الا وانتي متغشيه سامعه وطلع من قبل لا يسمع كلامها وهو براااااااااااا خذ نفس طويل وقال الله ياخذ عدوينج ذبحتيني وهذا وانتي ما تدرين عن تأثيرج علي اجل لو عرفتي وش بتسوين طلع وراح لبيته وقعد مع امه ولعب مع عياله وطلب من امه انها تجهز لعشاء بسيط لعمته ومرته اللي بيجونهم بعد كم يوم وطبعا من الفرحان وشال البيت من الفرحه العنود اللي قالت ل احمد ولا يهمك انا اللي بقوم بكل شي وعاي غلا احمد التفت لغلا ولقاها بعالم ثاني : هييه هييه يا عرب انتوا معنا ولا التفتت عليه وطلعت من الصاله احمد وهو ينتظر من امه والعنود اجااااااابه امه وهي تضحك : ابد سلامتك جونا ناس انت تعرفهم وطلبوها وقلت خلونا نشوف وش رايها ورأي اخوانها احمد : ناس انا اعرفهم وخطبوا هالنتفه المزعحه من هم ؟ العنود: بس غلا يا يمه رفضت الموضوع من بدايته احمد: وش رفضت قبل لا تفكر الأم : اي تقول عادها صغيره وما تبي العرس الحين وخاصه انها ما بقى لها الا شهرين وتتخرج احمد : طيب ومن منهم الناس اللي تقدموا لها؟ العنود: شريك حمد وسلطان اخوك احمد: والنعم والله وسبعة الانعام وذولا ناس ما ينردون وووووووووووووووووو وبيقعد احمد مع غلا عشان يعرف ليش الرفض | ||||
|
| |
|
07-01-15, 01:59 PM
| #13 | ||||
| نجم روايتي ومشرفة سابقةومصممه
| صباحكم خير وبركه البارت الثاني عشر ............ تمنياتي لكم بقرءه ممتعه في بيت ام امل اللي طلعت من العده من يومين كانت مجهزه اغراضها لأن احمد كلمها انه بيجي ياخذها هي والجازي يوديهم لبيته الجديد .. جاتها الجازي وكانت لابسه عبايتها الجازي : صباح الخير يمه الأم : صباح النور يمه .. هاه كيف اصبحتي وشلون النفسبه اليوم من بعد لقاءج العاصف مع احمد البارحه الجازي : نفسيتي زفت وانتي بكرامه الأم : طيب ليش الرجال ما سوى لج ولي ولكل اللي يعرفهم الا كل خير وش اعتراضج على انتقالنا لبيته وبنكون قريبين من العنود وعيااال المرحومه وبالعكس ذيك العايله كلهم طيبين وفيهم البركه الجازي: ما ادري يمه من اشوفه احس بضيقه واكتئاب مهب ودي غصب عني الأم : لا هالكلام ما يجوز وانا امج هذا الحين زوجج ولا تنسين وقفته الأنسانيه معاج وانه عطاج كلوته وهو راضي ومبسوط ولا حد جبره الجازي: لا حول هو بنذل بسبة هالكلوه اففففففف وقعدت ترطن بكلمات مبهمه وراحت للمطبخ تاخذ لها كوب نسكافيه وتذكرت كلمات احمد لها......... احمد: الجازي اسمعيني عدل هالتقلبات المزاجيه اللي انتي فيها خليها بيني وبينج بكره في بيتنا عيالي بيلاحظون ولا تقولين يهال وما يفهمون وبعدين لا تنسن خواتي واخواني وقبلهم امي ماابيهم يلاحظون نفورج مني فاهمه الجازي: وش اوامرك وش اسوي ؟؟ احمد قرب منها وبينت الحده بوجهه : التزمي العقل والحكمه تصرفي عدل ولا والله ما تلومين الا نفسج الجازي وهي تطالعه بعين قويه ومستهجنه تهديده: وش بتسوي بتضربني مثلا ؟ احمد خذ نفس طويل وتكتف وقعد يطالعها ومبحلق بعيونها يبيها تستحي من مناظره: ابد بتشوفين بنفسج وش بسوي ترى والله محدن منحرج غيرج ولا انا الكل معي وعارفيني ما تجي مني العيبه الجازي: تقصد اني انا اللي تصدر منها العيبه وان هلي ما عرفوا يربوني؟ احمد: قولي اللي بتقولينه وترى سواقة سيارات ما فيه عندج دريولنا بالبيت وفاضي لج ولمشاويرج واللثمه ولا الغشايه تنحط على وجهج قبل لا تخطي ريولج عتبة الباب ومجلسي ما يفضى وبابه مواجهه باب الحوش وما ابي لا انا ولا غيري يلمحج منج شي وانتي طالعه وفي البيت اخذي راحتج سووي اللي تبينه الجازي: السواقه بسوق ولاني مخليه سيارتي وانت تزوجتني وانا اسوق واقبلني كما انا ولا كيفك وسالفة اللثمه انا احطها دوم ومهب محتاجه نصايحك بهذا الخصوص احمد: طيب بشوف اذا بتسوقين .. المهم اجهزوا بكره الصباح بجي اخذكم وطلع منها من دون ما يقول لها مع السلامه هنيه الجازي وهي تتذكر كلامه تنرفزت وعصبت وصرخت من القهر جاتها مرة عمها متروعه من صرختها وتوها بتسألها وش فيج الا جرس الباب يدق طالعتها وقالت بتفتحين الباب لزوجج ولا اروح انا الجازي : لا يمه روحي انتي انا بخلص كوبي هذا وبجيكم وراحت الأم وفتحت له الباب وهلت به وشوي وجاتهم الجازي وسلمت من طرف خشمها وظلت واقفه احمد وهو يبتسم لها ولعمتها : الله حييها عروسي الحلوه تصدقين يمه الجازي حلوه وكنها لعبة باربي اللي عند بنتي عندوه حلوه مشكنمه وتقاطيعها صغيره وقصيره وااااااااااااايد الجازي انقهرت من قصيره وااايد وقالت له: اذا مهي بعاجبتك القصيره اجل ليش خذتها؟ احمد: اممممممم وش اسوي القدر ربطني فيج وهو يغمز لها يبي يحرجها هي صدت عنه وهي مستغربه هاللغمزه اللي سواها قدام عمتها وتحركت كنها تنهي المحادثه وقالت يله خلونا نروح احمد هز كتفه وحرك راسه لعمته ام امل ب يله خل نمشي وطلعوا وراحوا لبيتهم وهناك ببيت احمد .. كانت العنود طايره من الفرح من قدها امها والجازي بيونها وبيسكنون معها وكانت مرتبه البيت ومدخنته ومختاره كل الأثاث مع احمد وغلا ومعدلين البيت بحيث انه يناسب عروس العنود وهي تتعدل قدام المرايه وتطالع حمد اللي كان واقف ويطالعها: اقول وش فيه الأخ معجب هههههههههههه حمد وهو مقرب منها ومسكها من خصرها وحط حنوكه على كتفها وكان يشم شعرها : ايه معجب ومن زمان ومن عصر جدي ولا حد درى عني ومن مشى دمي بوريدج وشفت محيااج وعيونج مسكره قلت بخاطري هاذي هي فتاة احلامي وهاذي هي ام عيالي وكنت اطالعج وعارف انه مهب من حقي ابحلق بوحده متخدره بس غصبا عني والله وباس راسها هنييييه العنود راحت فيها واتكت على صدره وقعدت تتدلع عليه وتلعب بثوبه لحد ما قال لها اقول اطلعي من الغرفه وروحي استقبلي امج واختج احسن لج ووخر عنها يرتب روحه وهو يطالعاه بأحلى نظرات الحب طلعت العنود من ملحقها وهو تترنم بأحلى اغية حب من فرحتها المزدوجه وراحت عند ام احمد وحبت راسها وقعدن ينتظرن ام امل والجازي اما غلا فكانت في غرفتها وسرحانه بكلام اخوانها سلطان واحمد ومدحهم ل سطام وانه رجال سنافي وما ينرد وليش هي ما تاخذ وقتها وتفكر ليش الرفض المباشر هنييه خافت يشكون فيها وقالت طيب خلوني افكر ولا حد يستعجلني وبعدين انتوا ليش مستعجلين علي تراني صغيره وبكذا انتوا تلهوني عن دراستي وترى تخرجي ما بقى عليه وانتوا قاعدين على راسي سلطان : انا مستعد أجل الشوفه والخطبه وكل شي ووعد محدن يكلمج بس نبي الموافقه المبدئيه غلا وهي تضحك : وانت من عشان تؤجل وتحدد عنه سلطان : انا اخوه هذا اخوي الثالث من بعد احمد وحمد والله يا غلا انج تشكرين ربج انه هو رجالج غلا: طيب بفكر وبعطيكم ردي بعد كم يوم ولكن ارجوكم لا حد يناقشني ان ردي بالرفض ولا القبول احمد : شوفي غلا اكيد بناقشجج ليش رفضتي ولا ليش خليناج تفكرين ومن فكرتي رفضتي طيب رفضتي ليه وش اسباب الرفض؟ اخذي راحتج ولا تستعجلين وثقي ان ما فيه احد بيجبرج على هالزواج حتى كنا كلنا موافقين فالنهايه انتي اللي بتعيشين معاه غلا: الله لا يحرمني منكم وقعدت علا تفكر في همها .. لو ان ذاك الرجال ما يعرف اخوانها ولو انه معطيها الأشياء اللي ضدها ولو انه معطيها الامان كانت وافقت على سطام اللي الكل يمدح فيه ،، بس هي الحين متشتته وخايفه من اي حركه تبدر من ذاك الرجال وجات الجازي وام امل وسلموا على ام احمد وقعدوا مع بعض الحريم ورتبوا امورهم وانهم بيسون حفله بسيطه ومابه معازيم الأ الأقارب وبس حفله بمثابة اعلان عن زواج احمد والجازي وحددوا ان هالحفله بعد اسبوع عشان يمدي الجازي تتأقلم على بيتها وحياتها الجديده العنود للجازي: يله يا عروس نبي نكشخج للمعرس الجازي: وش تقولين انتي مصدقه روحج ان به عروس ومعرس العنود: اقول اهجدي وانثبري بعد لا تسوين سواتي وتندمين لاحق الجازي: وش جاب ل جاب انا قصتي غير عنج انا ما ابيه ولا اواطنه بعيشة الله كل ما شفت وجهه شفت وجهه اختج امل وغصت بعبرتها جاتها العنود وضمتها وهدتها وقالت لها: يا بنت اذكري الله وتعوذي من ابليس والله ان احمد خيرة اخوانه وانه ما عليه قصور وانتي بنت مالج احد الا انا وامي وحنا حريم وهذا انا تزوجت وامي جات هنا طيب وانتي بتقعدين حارنه والنهايه الجازي : ما ادري انا قلت له مابي اقعد معك بغرفه وحده وكنه مهب راضي والله العنود ما اقدر اعيش وياااااه ما اقدر العنود: طيب طيب هدي عندي حل لمشكلتج هاي انتوا الحين عيشوا مع بعض ولا تبينون لأهل البيت اي شي من مشاكلكم وان شاء الله مع الأيام راح تتعودين عليه وتحبينه وقولي العنود ما قالت الجازي: اصلا انا قلت له ماابي قربك وخلني مجرد زوجه بالاسم وربي عيالك مثل ما كانت امل تحب وانت سووو اللي تبي حتى لو تبي تتزوج تزوج ما عندي مشكله العنود وهي فاطسه ضحك: وربي ان هالكلام راح تضحكين عليه خلال شهرمن عيشتج مع احمد وبتشوفين الجازي : عنيد وش سوى حمد فيج خلاج نعومي وطيوبه وعيونج كله مسبله وتلعبين بهالشعر العنود: وجع ليش انا كنت من قبل شريره انا كنت عنيده وعنادي وداني ورى الشمس ولولا لطف ربي كان رحت فيها مع اللي ما يتسمى احمد ربي واشكره انه سخر لي حمد واكتبه لي ما تتصورين وشقد يحبني وخلاني احبخ واعشقه بجنون الجازي: الله يهنيكم والحين لو سمحتي ما ابي تعدل ولا اي شي العنود: مهب على كيفج والله ان قد تتعدلين وتكشخين واسوي لج عرس مصغر ونتصور وياج سامعه وتو الجازي بترد عليها الا العنود سكرت ثم الجازي بيدها واستحلفتها بابوها وامها وابو العنود انها ما تناقشها الجازي: اوووه ما ابي ليش بس ليش العنود: تعاي شوفي المفآجأه اللي احمد مجهزها لج .............. وخذتها وودتها لبيتها وبطلت باب غرفه من الغرف وشافت ديكورها والألوان كلها طفوليه والسرير صغير ووردي وصور باربي بكل زاويه وركن وكذا دبدوب الجازي: واااااااي حلوه هالغرفه هاي غرفة العنود العنود: لا يا امج الا غرفتج يا البزر بدال ما تنامين مع زوجج رايحه تتشرطين ابي غرفه بروحي وهذا هو نفذ لج طلبج انا وغلا رتبنا كل البيت الا هالغرفه هو اللي سواها على ذوقه هاااااااااااااه وشرايج الجازي: وش رااي هالغرفه تناسب بنته ما تناسبني انا بس بقبل بها لأن ما قدامي الا هالحل وراحت تتفرج على باقي البيت وقعدت مع شاهين والعنود اللي اصلا يحبونها مثلها مثل العنود وغلا ومها ولكنها هي اكثر بسبة تعلقها بامهم وكل ما راحت مكان الا هم وراها وماسكين بثيابها وماما الجازي وماما جويزي عندوه وش ماما جويزي هاذي؟؟ التفتت الجازي متخرعه من دخول احمد المفاجئء عليهم عندوه: انت مره قلت حق خالوه العنود جويزي هههههههه جويزي حلوه صح ماماتي الجازي وهي حاضنه العنود وتطالع احمد بنظرات ناريه : اي قلبي حلو جويزي وبعدين اصير صغنونه واااااااايد وقصيرونه وااايد لما اسمع جويزي هاي منكم ومن ابوكم احمد قط غترته على الكنبه وضحك وعرف وش مقصدها من الحكي قعدت تطالعه الجازي لأول مره تشوفه وهم متزوجين وما معهم الا هالطفلين كان وسيم وساومة الرجل اللي مهب كله جمال لا.. كان طويل واسمر وشعره محلق ومرتب ومن زمان وهي معجبه فيه كأخ ولكن انه يصير زوجها هذا اللي عمرها ما فكرت فيه احمد: هيييه هيييه انا هنييه قدامج وش فيج سارحه فيني لهدرجه انا مملوح الجازي : وش مملوحه والله انك انسان عادي ولا تاخذ بروحك مقلب اقووووووول وشهالغرفه اللي انت مجهزها لي احمد: اممممممممم اربها اعجبتج تراني تعبت بتصميمها وترتيبها ابيها تليق بمقامج وفكرخ وتصرفاتج الجازي : انت تشوفني طفله صح ؟؟ زين ليش تزوجت هالطفله ؟ احمد وهو سارح بعيونها وشعرها المفلول وطولها الغير شكل وتقاطيعها الحلوه : الله كتبج لي وهل تبيني اعترض مثلج على قسمة ربي الجازي : وش رايك العنود وامك وامي والبنات يبون يسون لنا حفلة عرس وانا الصراحه ما ابي تو عمي متوفي احمد: والله هالشي بينج وبينهن انا مالي شغل والحين انا تعبان بروح انام وانتي اخذي راحتج في بيتج ومع عيالج الجازي : هاااااااااااااااااااااه بيتي وعياااااااالي احمد فهى من شاف عيونها سرحت وكنها بتبكي قام وجاها وضمها وقال : ارجوك الجازي لا تبكين كل ما ذكرتيها تراج تحرقينها بدموعج هاذي وتراج مهب انتي اللي تحبينها وبس كلنا نحبها وتنهدت وبكت ومن دون شعور حطت راسها على صدر احمد هي ثواني ولكن انتبهت على روحها ونقدت على نفسها وطلعت تركض من الخجل وشلون انها سمحت لروحها انه تستسلم لضمته احمد وهو يطالع يده ويشم بقايا عطرها : اه اه يا جويزي والله انج بتذبحيني بصدودج الله يقدرني واروضج وان شاء الله ما تعرفين وش انتي بالنسبه لي وراح لغرفته وهو يفكر فيها وفي ضمته لها وابتسم كان حجمها ضئيل وواصله لحد خصره ولكن تأثيرها عليه كبير الجازي وهي بغرفتها كانت متضايقه من هالضمه الغير مقصوده ووووووووووووووووووووووووو ووووووووووووووو انتظروااااااااااا بارتي الجاي اللي بيكون فيه حفل عرس الجازي واحمد وبتكون فيه شوية فرفشه ووناسه | ||||
|
| |
|
07-01-15, 01:59 PM
| #14 | ||||
| نجم روايتي ومشرفة سابقةومصممه
| والحين هذا هو البارت الثالث عشر مع تمنياتي لكم بقراءه ممتعه ..................................... في مكتب احمد كانت فيء مشغوله بكتابة مذكره ل احمد وجاها تليفون من العنود تعزمها على عرس اختها الجازي ومديرها احمد اللي هو بكره وتعذرت فيء ولكن العنود اصرت عليها انها تجي وتجيب والدتها وبنتها /احمد عرف امه من زمان على ام خالد وخلى عيالها شاهين والعنود يصادقون مي بنت فيء وطلب احمد من العنود انها تعزمها هي احسن من انه هو يعزمها وبعد اصرار والحاح وافقت في وخاصه ان امر خطبتها من سلطان محد يعرفها لين الحين الا هي وامها واحمد وسلطان وكانت العنود تراكض منيه ومناك ومعها غلا ومها يبون يجهزون هالعروس اللي ولا همها ولا كن العرس عرسها المهم ......... ما جاء يوم الخطبه اللي كان بيوم جمعه الا وكل شي جاهز جهزن البنات حفله صغيره مابها الا الأقارب وكذا بيت من الجيران لأشهار العرس وكانت غلا مجهزه دي جي بس رفضت الجازي واصرت انه يكون دي جي بمعنى الكلمه اذا كان ولا بد اي شي بس مهب دي وصجه ولجه واغاني وزغاريد تبي سيديات منزليه ويا ليت مهب سيديات كلها اغتني مفرحه غلا تضايقت منها وراحت لغرفتها تلبس وتترتب جاها اخوها احمد ولما سئلها وش فيها وقالت له السبب لضيقها قال لها عادي مرريها البنت كانت متعلقه بعمها اقول : تراني عزمن سطام وهله خلهم يجون ويشوفونج وبالمره تقعدين مع هله وتعرفينهم ويعرفونج وترى اذا تبين تشوفينه الشوفه الشرعيه وبوجودي بعد يكون احسن وبكذا تكونين شفتيه وهذا من حقج وشفتي هله هاه وشرايج؟؟ غلا وهي مترررده : ما ادري والله انت وش تقول احمد: اقولج شوفيه ومعاي ولا تستحين غلا: طيب بس خلك معاي والله ان خليتني معاه ما يجيك خير احمد: وشو وش تقولين هاذي شوفه شرعيه كلها نظره وحده منج ومنه وبس اي اخبريني وراج وهو يضحك لها ويغمز بعيونه لها وعلى الساعه ثمان كانن مها وغلا والعنود وام احمد وام امل في استقبال معازيمهم وكانت فيه موسيقى هاديه واغاني ناعمه وبصوت واطي وكانوا عيال احمد فرحانين ان الجازي بتصير ماماتهم الحلوه وجات فيء ومعها امها وبنتها اللي من دخلت راحت لأم احمد وتعلقت برقبتها وقعدت تبوس فيها وبعدها راحت تلعب مع شاهين والعنود وكانت الجازي بغرفتها تفكر بحياتها اللي راحت وبهالحياه اللي هي فيها الحين عمرها ما فكرت بيوم يكون احمد زوج لها وليش ما كانت امها وابوها موجودين معها وليش القدر كله ضدها ومرضها وموت عمها وهالزواج اللي عمره ما خطر على بالها جاتها العنود تستعجلها وان الناس كلهم موجودين لقتها تبكي وعيونها النجلا الشهلا محمره من كثر ما بكت العنود: لا حول ولا قوة الا بالله وليش هالصياح الحين وش الداعي الجازي: وش اسوي يعني تبيني اضحك وارقص العنود: اقول اسمعي قومي وخلي عنج السوداويه اللي انتي فيها وقامت وعدلتها ورتبت لها مكياجها وكانت الجازي لابسه فستان اسود ولكن فيه لمسات انوثيه وراقي موديله ودخلتها وزغردت لها زغروده خجوله ومررتها على المعازيم وخلتها تسلم وعرفتها على اللي ما تعرفهم وجات ام سطام وسلمت وقعدت تراقب غلا في كل حركه من حركاتها وفيء كانت تشوف هالأسره الطيبه اللي ممكن انها تكون فرد من افرادها وشافت وشقد بنتها منسجمه مع عيال احمد ولكن مشكلتها الأزليه امها وين بتروح من بعد عرسها راحت فيء تدور بنتها من بعد ما فقدتها وقعدت تدورها ولا لقتها وقعدت تدور وطلعت راحت للحوش وقعدت تلف ورا الفيلا ولا لقتهم تروعت وراحت مسرعه وهي متروعه وصادفت بطريقها سلطان ولا انتبهت لوجوده لين نبهها فيء: هلا سلطان سلطان وهو يطالعها كان جمالها ناعم وكيوت : هلا وش فيج تركضين فيج شي ؟ فيء انتبهت لمطالعه لها وحطت الشيله عدل على شعرها: قاعده ادور بنتي ما لقيتها اخبرها مع عيال اخوك سلطان: لا تخافين العيال بالمجلس عند اخوي احمد فيء خذت نفس ارتياح وشكرته وطلبت منه انه يجيب لها بنتها سلطان : ان شاء الله بس انتي روحي داخل وانا برسل لج بنتج وراحت وهي معجبه بتصرفه وانه ما استغل وجودها معه بروحهن ولا سئلها عن رايها ولا خذ معها بالسوالف وجات اخت سطام وقعدت مع غلا وقعدت تسولف معها وتزين اخوها في عيونها وان كل طلباتها اوامر واللي تبيه بيصير وان اخوها شاريها وشاري معرفتهم ونسبهم ووعدتها غلا خير وجاء غلا فون من احمد انها تجي للمجلس الحريم وان معه سطام وراحت لمها وقالت لها وشجعتها وودتها للمجلس ودقت الباب ودخلتها واستقبلها اخوها ومسكها من يدها وقال لها : غلا ارفعي راسج وشوفي سطام ولا تظلين منزله راسج شوفيه وانت شوفها يله عندكم خمس دقايق وراح منها ثلاث غلا تشجعت وناظرت الشخص اللي كان واقف جنب اخوها ............. وبهاللحظه احمد جاااااه تليفون وصد وابتعد شوي عنهم عشان يرد على تليفونه غلا كانت تناظر سطام وهي منصدمه كان هو راعي الفزعه كانت متفاجئه وكلها انصدام وشهالصدفه وتوها بتطلع الا يناديها بصوت واطي : غلا اسمعي ترى ما عندنا وقت وافقي علي تحملي ترفضين غلا كانت تهز راسها ب لا سطام: اسمعي وكان يصر باسنانه تحملي ترفضين ولا والله وانا صادق مهب خيرة "ن" لج سامعه اخوج جاء واطلعي ووافقي ولا ترفضين جاهم احمد وقال هاه عساكم بس شفتم بعض عدل استأذنت غلا وطلعت تركض ضحك احمد وقال له : فديت اختي المستحيه اسمع تعال نروح لمجلسنا وراحوااااااااااا اما غلا فراحت وقعدت مع المعازيم وشاركت ورقصت شوي مع مها والعنود وكانت طول الليل مراقبه من اهل سطام وبتالي الليل كل"ن" سرى لبيته وتمنوا للمعاريس حياه حلوه وسعيده طبعا الجازي كانت رافضه دخول احمد قدام هالناس ويلبسها بس غلا كانت مسويه لهم مفاجئه جابت العقد والمصوره وغصبا عن الجازي جاء احمد وباسها على راسها وبعدها على خدها ومسك يدها اللي كانت تقاومه وبكل قوه بس هو كان يضحك ويبتسم لأمه وخواته ولا كنه حاس بمقاومتها ولبسها العقد والخاتم وقعد ماسك يدها طول الوقت وجواا عياله وتصوروا مع ماما جويزي وهم فرحانين وبعد ما انفض الفرح وكلن راح بحاله راحت الجازي ل احمد بغرفته وهي ثايره وغضبانهمن تصرفاته احمد .... احمد ... وينك وين رحت طلع من الحمام وهو لاف عمره بفوطة الحمام هنيييه هي انحرجت من شكله وتوها بتطلع من غرفته الا يناديها : تعالي وش فيج جايه هاده عسى ما شر؟ الجازي: هاه لا بس بكره بروح الحين اشوف العيال احمد قرب منها وسحبها صوبه وكان قاصد ان جسمه يلامس جسمها هي خلاص اختبصت شكلا ومضمونا ودفعته بعيد عنها بس هو ما زال ماسك يدها وعيونه سرحانه بهالغيمه (عيونها) اللي لونها يتغير على حسب مزاجهل وحالتها النفسيه وش فيج قلبي وش فيج متروعه مني تراني حلالج وانتي بعد وش فيها لو شفتيني على اي صوره الجازي دزته بكل قوتها وقالت له : وخر عني وخر وين عهدك لي انك ما تجبرني على اي شي احمد وهو واقف ويطالعها وماسك خواصره : وانا وش سويت لج يعني كلها مسكة يد وبالغلط الجازي وهي طالعه : افففففففففف اكرهك اكرهك وراحت تركض لغرفتها وهناك سكرت على روحها وقعدت تنتفض وتسب وتلعن . وهناك بغرفة غلا كانت منصدمه من ان سطام هو ذاك الرجال اللي دافع عنها ولكن عيبه انه هددها انها لازم توافق وش الحل وش السواة الحين انا ما اقدر اتزوجه وهو ماسك علي كل هالبلاوي وشلون اعيش معاه كزوج وقعدت تتقلب على جمر الغضى لين طلعت الشمس ولكنها توصلت لحل وارتاحت له ومنها نامت وهي كلهاا اصرار على تنفيذه باقرب فرصه اممممممممم تبون تعرفون وش هالحل تابعوني وان شاء الله بتعرفونه وش هو وهل بتنفذه وهل ..؟ وهل ..؟ تابعوني وفالكم طيب | ||||
|
| |
|
07-01-15, 02:00 PM
| #15 | ||||
| نجم روايتي ومشرفة سابقةومصممه
| مساء الخير احبتي ومتابعيني الغاليين وهذا هو البارت الرابع عشر لعيونكم الحلوه .................. مع تمنياتي لكم بقرأه ممتعه على المغربيه صحت غلا وهي كلها إصرار انها تنفذ اللي نوت عليه امس بالليل ولا بإذنها ماي راحت لغرفة اخوها سلطان ولقته يكتب له شيء ولاهي طلبت منه تليفونه لأن فونها فضى ... أشر على تليفونه . خذته وطلعت برا غرفته ودخلت على الأسماء وراحت ل حرف (س) ولقت رقمين لشخصين باسم سطام فخذتهم وردت تليفون اخوها وطلعت وهي تشكره ودخلت غرفتها وكانت تتلتفت يمين شمال من خوفها لا احد يسمعها ويسمع اللي بتقوله خذت نفس عميق ودقت اول رقم وتمنت يكون سطام اللي خطبها مهب واحد ثاني غلا: الووو سطام: هلا غلا وشبغيتي وليش متصله ومن وين لج رقمي؟ غلا بغت من الخرعه تقط تليفونها من يدها هذا وشلون عرفها من اول حرف غلا: امممممممممممم انت وشلون عرفت اني غلا اصلا سطام : انتي ناسيه ذاك اليوم المشؤوم اني مسحت رقمج من تليفون المدعو محمد وخزنته بتليفوني تعالي وش تبين متصله؟ غلا: وش فيك قايم علي ب شراع وميداف عسى ما شر اصبر علي بغيتك بموضوع وارجوك افهمني ولا تتسرع بحكمك علي سطام: امري ... قولي وش عندج غلا: شوي شوي علي انت بكلامك هذا تخليني متردده واتعلثم ولا اقدر اقول اللي ابيه سطام: طيب اخذي راحتج وقولي اللي تبينه غلا: اسمعني لو تفضلت انا مابي ارتبط فيك مهب لعيب فيك لا والله الكل مدحك ويبيني اوافق عليك واهلك ناس ينحبون ولكن انا ما اقدر ارتبط فيك كزوج وانت عارف عني كل هالمعلومات اللي ما تتمنى اي بنت ان خطيبها ولا عريسها انه يعرفها عنها سطام:طيب وش الحل بنظرج؟ غلا : انك تعطيني اللي عندك وتروح وكلي شكر لك وعمري ما راح انسى معروفك هذا سطام: وش يضمني انج ما راح ترجعين لطريقج العوي هذا؟ غلا: ما اسمح لك انك تكلمني كذا وانت اصلا ما تعرف وش اللي عندك من ادله ضدي وهل هي ضدي ولا تهم ناس انا فاديتها بروحي وسمعتي والله والله سطام انك ظالمني ارجوك يا ولد الأجواد عطني اللي عندك واترجاك لا تفتش كثير في اللي عندك ترى هالشي راح يقلاك انت قبل لا يقتلني انا سطام: اصلا انا ماتهمني هالسخافات والوساخه انا محتفظ بالأدله عندي وبعطيج اياها يوم صباحيتج هديه مني لج سامعه وغير هالكلام ما عندي غيره غلا: بس انت ليش مصر على الزواج مني وانا بنظرك كلي سخافه ووساخه هاااااااااااااه وش تبي خلني بحال سبيلي سطام: عشان ترجع ريمه لعادتها القديمه وذيك الساعه من بينقذج قولي لي من ؟؟ غلا: ارجوك انا مهب كذا مهب كذا والله انك ظالمني سطام : ظالمج وانتي قاعده معاه بمطعم وسفور بعد حتى ما غطيتي وجهج .. اقول ضبي روحج وسكري التليفون وكلها بكره وهلي عندكم وبتتم المراسيم ويا ويلج غلا ويلاه لو ابديتي اي اعتراض محد برايح فيها الا انتي غلا: خلاص سطام انت اللي جنيت على ناس مالها ذنب انت اللي حكمت عليهم بالجرح انا ترجيتك وانت اللي رفضت انا برفضك رفض مابه رجوع وهذا من حقي ولا حد يقدر يجبرني عليك انت فاهم برفضك وسوو اللي تبيه سطام: ارفضي وشوفي اذا ما سلمت اللي عندي اخوانج وذيك الساعه انتي اللي بتكون بوجه المدفع مهب اناااااااااااااا غلا: بالعكس مهب انا اللي بكون بوجه المدفع ناس ثانيه ويا سواد وجهك وانت تهددني عشان اتزوجك والدليل اللي عندك بله واشرب مايه وتوها بتسكر الخط بوجهه الا سطام يقول لها: اسمعي تراج تعديتي الخطوط الحمرا وصدق انج قليلة ادب اللي ما تعرفينه وزياده على اللي عندي كان الكلب مصورج وانتي نازله من سيارتج ومصورج وانتي قاعده معاه وكانت على وجهج ابتسامه وما ادري وشلون ما حسيتي فيه وما ادري وحده مهدده ليش تضحك ورب الكعبه ان لج عندي اربع صور ومن ضمن هالصور صوره ليدج وهي قريبه من يده وتراها ماهي ب مفبركه اللي ملتقطها وانتي معاه بالمطعم تقدرين تشرحين لي الحين وبعدين لأخوانج وشلون جات هالصور الحلوه ل محمد يدج القريبه من يده وابتسامتج وعيونج موجهه له وصورتين وانتي داخله المطعم ومقبله له يله تفضلي انسه غلا اشرحي لي غلا وهي منبهره من كلماته وش يقول ومتى هالصور:: انت تضحك قول انك تضحك علي قول انك تبي تخوفني قول سطام: تبين ارسل لج الأربع الصور علشان تقتنعين اني ما اضحك وياج طيب دقيقه ولكن اسمعي امسحيهن من مصلحتج ولا تدقين علي وبكره بيجونكم هلي وهذاني حذرتج من الرفض غلا: بس انت ليش ترتبط بوحده لها ماضي وسخ وسخيف مهب هاي كلماتك قدامك احسن العايلات ونق اللي على مزاجك سطام: خلي عنج الهذره الزايده ولا تناقشيني بهالموضوع بسكر ومثل ما قلت لج انسي هالمكالمه واللي صار فيها وبكيفج ارفضي ولا وافقي بكيفج يله مع السلامه وسكر الفون وشوي الا جايتها اربع صور لها واستغربت وشلون هالحقير التقطها لها وشلون ما حست به اللي يشوف الصور يقول هالبنت مبتسمه لحبيبها وهاذي يدها بجنب يده ولا وبجنبهم ورده جوريه حمرااااااااااااااا الله ياخذك يا النذل وش انت سويت ما كفاك اللي سويته من اول جلي تقتلني انا بعد اه يا سطام ليش ما تفهمت وجهة نظري وسمعتني عدل وخليتني والله والله اني بموت من هاللي انا فيه وقعدت تبكي لين تورمت عيونها من البكي في الصاله كانن الجازي والعنود والعيال الصغار متجمعين ويتقهون وسوالف وضحك وجاهم حمد وقعد بجنب العنود ولصق فيها وقعد معها بنفس الكنبه اللي هي اصلا لشخص واحد وقعد يقول كلام حلو ولا استحى من وجود الجازي جات ام احمد وقالت وهي تضحك على منظر العنود اللي ميته من موقف زوجها : ويه ويه غربل الله ابليسك حمد قوم عن البنيه لخبطتها شوف خديداتها وشلون حمرا حمد وهو يلعب بشعر العنودويدز يدها اللي تحاول انه تبعد يده عن شعرها: تصدقين يمه ابي اخذ عنودتي واروح اسبوع عسل جاته العنود الصغيرونه وقالت له : وانا وانا بعد بروح معاكم وقعدوا يضحكون على موقف حمد من العنود وهي توخر منه وتروح بعيد وتقعد جنب امها الجازي وهي تضحك : حمد خذ حقك منها هالعنيده احمد وهو داخل وعيونه مركزه بعيون الجازي: من هي العنيده العنود لا والله اشهد انها ابرك من دخل هالبيت هنيييه الجاازي ماتت قهر من نغزاته وعرفت انه يقصدها الجازي وهي قايمه تبي تطلع : طيب عن اذنكم شوي احمد: وين رايحه تعالي يا عروسي وصبي لي فنجال قهوه وبعدين تراني حجزت لنا اسبوع بنروح لمكان هادي نريح من بعد هاللي شفناه كان احمد قاصد يحطها امام الأمر الواقع ويحرجها الجازي : هاااه وليش احنا متفقين ان مابه لا عرس ولا سفره عشان ظروفنا ام امل: اي ظروف يا بنتي عادي روحي مع زوجج وانبسطوا لكم اسبوع وهذا من حقج يا بنتي كعروس ويعد احمد تعب الأيام اللي راحت معاج ومعانا قام حمد وقال لهم عندي لكم اقتراح وشرايكم كلنا نروح للشاليهات ونقضي لنا اسبوع مع بعض احمد: لا يبه يومك رحت مع عروسك محد قال نروح روحه جماعيه نخلي هالروحه بعد ما نرجع ونروح كلنا حتى بيت خالي خل مها تغير جو الجازي بكره ترى العصر سفرتنا جهزي شنطتج وشنطتي والحين بمر بيت المرحوم خالد بتطمن عليهم قبل لا اسافر وطلع من دوم ما يلتفت وراه لأنه متأكد ان وجه الجازي يقدح شرار حمد: حتى انا بطلع اتمشى مع معرسنا المقبل وكان يقول هالكلام على دخلة اخته غلا الكل فهم انه يقصد سطام وضحكوا وتمنوا ان غلا توافق وتتم لها الفرحه في بيت ام خالد عند فيء وامها واحمد كانوا قاعدين ويناقشون امر خطبة سلطان ل فيء فيء: احمد انا ما اقدر اروح واخلي امي ما اقدر شوفها وشقد هي محتاجه اهتمامي وعنايتي احمد : وانتي من قالج اني بخليها شرطي على سلطان انه يجهز بيته اللي بجنب بيتنا وامج اول من يدخل هالبيت ام خالد: لا ابد يا احمد وشهالكلام وانا امك خلوا البنت والولد يرتاحون وشلي بالسكن معاهم فيء: وانا مالي عرس الا بموافقتج انج تسكنين معاي ولا هذا احمد قدامج ما ابي اعرس وانتي بعيده عني احمد: خلاص الأمر منهي من اجي من اجازتي بنعقد عليكم انتي وسلطان ام خالد: كلمت امك وتشاورتوا في الموضوع احمد: لما اجي بقول لها ولا ظنتي ان امي لها كلام بسعادة اخوي ام خالد: بس بنتي ارمله وعندها طفله لا تنسى احمد:ابد ما حنا بناسين والأرمله مالها رب يعني هذا اخوي حمد خذ زوجته وهي مطلقه ولا اعترضت فديتها ام احمد انسانه متفاهمه واتفقوا انهم يملكون من يجي من سفرته وطلب من فيء تسوي فحوصاتها وبيطلب من سلطان بعد يسوي من صوبه هالفحوصات ام خالد: بس ما كنك مستعجل اول شي خل الأهل يجون يخطبون بعدين نسوي الفحوصات احمد: انا ولي امر فيء ووافقت هههههههههههههه ولا شرايج يا عروس اخوي وسلطان متلهف وكل شوي وصايني بالنشده عن هالموضوع ومالج يا ام خالد الا بكل الأسره تكون عندج ويطلبون هالغاليه ام مي للشيخ سلطان وطلع وهو فرحان انه وفق بين اخوه وهالأرمله الطيبه خذ نفس طويل وراح يصلي العشاء وبعدها بيروح البيت وهم متأكد ان وراه عاصفه هوجاء بانتظاره وووووووووووو وتابعوني يوم الخميس وفالكم طيب | ||||
|
| |
|
07-01-15, 02:00 PM
| #16 | ||||
| نجم روايتي ومشرفة سابقةومصممه
| مساء الخير احبتي ومتابعيني الغاليين وهذا هو البارت الخامس عشر بين أيديكم وعسى ان ينال على رضاكم قراءه ممتعه رجع احمد للبيت ولقى امه وعمته بالصاله وقعد يسولف وياهن وجوه عياله ولاعبهم وكان يتعمد ما يروح للملحق علشانه عارف وش هو ينتظره وبعد ما تعشوا العيال مع بعض احمد وحمد وسلطان استأذن منهم احمد وقبل لا يطلع قال لسلطان: نسيت اقولك سلطان ابيك بكره العصر انت وفيء تروحون للمستوصف القريب من بيتهم وتسون التحاليل وعلى ما اجي قد النتايج جاهزه سلطان نط على اخوه يحضنه من فرحته ووناسته حمد: اففففف الأخ مبسوط حده وش عندك هااااااه وش ؟؟ سلطان: ما عندي شي كل السالفه بتزوج مثلكم فيها شي هاذي؟ احمد وهو يضحك ويغمز لسلطان : لا ابد ما فيها شي عادي المهم سلطان تواجد بنفس المركز اللي بتروحه فيء بكره المغرب طيب سلطان: انت تامر واجيك انا اطامر حمد: ههههههههههه اركد وخلك ثقيل مثل ما احنا خابرينك سلطان: طالعوا من يتحدث .. اقول حمد كن المدام تصوت عليك حمد: هااه وين يله اخليكم سلطان : هييه اضحك معاك محدن صوت عليك تعاااال لكن حمد راح ولا رد عليه واحمد بعد طلع وراح للجازي وهو عند الباب خذ نفس طويل ودخل كانت الجازي قاعده ترتب بهالشنطتين وترطن بكلام مهب مفهوم .. دخل احمد وسلم . طالعته من فوق لتحت ممكن تقولي وشهالحركه اللي سويتها فيني ؟ احمد وهو يتمدد بغرفته وكان رامي غترته ويطالعه هالملغمه: اي حركه معروف اي عريسين مهما انشغلوا فلابد انهم ياخذون لهم كم يوم الجازي : هذولا المعاريس العاديين مهب اللي بحالتنا احمد: وش فيها حالتنا ترانا معريس عادين ما فينا مرض ولا شي الجازي: من صدقك انت احمد وهو مركز عيونه بعيونها : اي من صدقي وبقولج شي انتي ما تعرفينه تراني ابي اخوان للعنود وثامر وكان رافع حاجب وكله استعداد للهجوم اللي بيه الجازي وهي متخوصره وشو وشو اي عيال اي خرابيط ان كانك ناسي اتفاقنا بذكرك فيه احمد:اي اتفاق انا رجل وانتي مره يعني زوجين يعني انتي حلالي وضحك ما يبيها تتروع الجازي ابتدت تخاف بس ما بينت له : لا يا بابا اسمعني وحطني على بالك عدل لا والف لا لا عيال ولا علاقه زوجيه انا مجرد انسانه بتربي لك عيالك وبس احمد: اجل بتخليني اتزوج ؟ الجازي وهي مبققه عيونها : تتزوج اي زوااااااااااااج احمد: انا رجال ولي احتياجاتي واذا ما وفرتيها راح اتزوج ولا ازيدج من الشعر بيت بجيبها وبحطها هنا معاج الجازي وهي تعظ على شفايفها : شوف سو اللي تبي تسويه بس بعيد عني بعدين انت يا الشايب يحصل لك وحده مثلي وتتزوج عليها؟ احمد وهي ميت ضحك : انا شايب طيب طيب بيراويج الشايب وش بيسوي .. وبعدين وينج انتي عشان تقولين يحصلك .. احصلي لي وبكتفي فيج الجازي: لا ما ابيك ولا ابي قربك فاهم وسامع الي هاذي اوليتها ينعاف تاليها تههدني بالزواج علي احمد : انا بنام الحين وانتي اجهزي ترى السفر بكر ما تبين تسئلين وين بنروح الجازي: ما يهمني ويا ليت ما نطول بهالسفره احمد وهو مغمض عيونه : اطلعي وبندي الليت لو سمحتي وضحك واحلمي فيني ههههههههههه الجازي فرته بالمخده الي على الكرسي وطلعت من عنده وهي مهي بطيبه عليه وعند غلا كانت محتاره وش تسوي بالمشكله الي هي فيها هاالسطام مهب راضي يخليها بحالها وهي ما تقدر تنتدي حياتها مع انسان ماخذ عنها هالفكره السيئه فكرت وفكرت لحد ما تعبت وما لقت اي حل يسعدها وبنفس الوقت ما تخرب على غيرها وتتعسهم فاتخذت قرارها بالموافقه وهي خايفه من الي ينتظرها بهالمستقبل المجهول وقالت ل احمد باليوم الثاني انها موافقه بارك لها وخذ باله من نظرتها اللي ما تشع منها السعاده مثل ما هو متعود منها احمد: غلا انتي مجبوره ولا شي ؟ غلا: لا ابد بس مرهقه هاليومين اختباراتي النهائيه احمد : بقولج شي وما ابي حد يعرف فيه طيب غلا : قول وشو ؟؟ احمد وهو يضجك على فضولها ههههههههههه يا حبكن يا الحريم للسوالف ابد سلامتج بعد ما ارد من السفر بكلم امي عن زواج سلطان وفيء .. فيء تعرفينها سكرتيرتي بنت ام خالد اخت صديقي خالد الله يرحمه غلا: وااااااااااااي حلو هالخبر وقعدت تصفق احمد سكتها وقال : اصبري مابي حد يدري بس انتي وحمد وسلطان وفيء وامها غلاهههههههههههههه: من بقى تقريبا العايله كلها تدري احمد: لا الراس الكبيره عادها لين الحين ما درت انتي ناسيه يوم عرس العنود وحمد وش سوت كانت معترضه على انها مطلقه و.... وولدها ما بعد اعرس والحين وش بتقول سلطان بعد بياخذ ارمله وعندها طفله غلا: ما فيها شي خل امي علي احمد: ابيج انتي وهي وسلطان وسطام تسون التحاليل هاليومين عشان نخليج ترتاحين وتاخذين راحتج في اختباراتج وانا بقول لأمي عن تحاليلج وان اهل سطام بيونها بكره وانتوا سوا تحاليكم مع بعض ابي ازوجكم وافرح فيكم غلا من فرحة اخوها وكلامه نست الهم اللي هي فيه وقامت احضنته وقالت اللي تشوفه سوه والله يسعدك مع ام عيون شهل احمد : وش قلتي ام عيون شهل وش شهل يعني غلا : وش شهل تستعبط حضرتك يعني عيونها عسلي على لوزي على اخضر على لون الغدير اخلطهم مع بعض يطلع لك هاللون احمد اخذ نفس وقال بخاطره::: اه واه وش ذبحني انا من اربع سنين واكثر غير هالعيون غلا: ويه ويه بعني بالسوق يبه ولا هالتنهيده فديتك والله احمد: سهالات قلبي انتي شوفي ما ابي حد يدري بسالفة سلطان لكن موضوعج عادي وابي على ما ارجع يكون كل شي اوكي وباس راسها وبارك لها ومسح على شعرها وطلع مع الجازي وكان ناوي لحوريته الحلوه نيه ولاهب مغير راييها من صوبها وبيحطها قدام الأمر الواقع وبالنسبه لمها اختهم حملت وكانت الحاله اللي تمر بها حاله نفسيه ومن سافرت وغيرت جو مع زوجها بعيد عن ضغوطات الأهل واسمحوا لي لقصر البارت ولكن بعوضكم ان شاء الله بالبارت الجاي مع احمد والجازي اللي راحوا لجزر المالديف واممممممممممم كن بقى بارتين او ثلاثه وبتخلص القصه وانتظروني يوم الأثنين الجاي ببارت حلو وطويل وكله مفاجأت حلوه | | ||||
|
| |
|
07-01-15, 02:01 PM
| #17 | ||||
| نجم روايتي ومشرفة سابقةومصممه
| صباحكم / مسائكم خير وبركه البارت السادس عشر تمنياتي بقراءه ممتعه ........................................ كان سلطان وسطام متلهفين على إجراءات الفحوصات وبالموعد راحوا هم الثنين ولقوا غلا وفيء بانتظارهم وسوا الفحوصات بسكات مثل ما امرهم احمد وراحت غلا مع فيء لبيتهم وقعدت معها وهي حزينه فيء: غلا وش فيج كنج منتي مبسوطه عسى ما شريا قلبي شكلج مهب شكل بنت مقدمه على فرحة عمرها. غلا: هذا انتي قلتيها فرحة عمرها وهذه مهب فرحة عمري انتي الحين مهب غريبه وان شاء الله قريب بتصيرين زوجة اخوي وبقولج كل شي ما عاد اقدر استحمل والله تعبت وقعدت تبكي جاتها فيء وضمتها وقعدت تهدي فيها لين ما سكتت غلا: امنتج امانه محدن يدري باللي بقوله لج انا اختي وهي اختي ما قدرت اقول لها المسكينه فرحانه بحمالها ولاهيه بفرحتها الله يتمم عليها والجازي بعد ما اقدر اقول لها اما العنود فهي صاحبة السالفه عشان كذا ما قدراصارح حد والحين اسمعي سالفتي وشوري علي وش السواة فيء: قولي والله يقدرني واساعدج غلا: بيوم مشؤوم جاني اتصال من واحد مجهول وشلون عرف رقمي والله ما ادري وربي ماني راعية سوالف وعلوم وسمعتي كلن يعرفها ويشهد لي بها المهم هذا من دوم مقدمات فجعني انه يبي يشوفني لأن عنده مستمسك ضد اخوي حمد واني اذا ما جيته والله ان قد تروح سمعتنا انا قعدت اسكر بوجهه كذا مره ولا عطيته وجه .. لحد ما ارسل لي صورة العنود زوجة اخوي حمد صورة انسانه ماخذها راحتها لما صورت هالصوره وبعد ما عطيته وجهه من الخوف وصرت اقفل تليفوني معظم الأوقات لحد ما جاتني رساله يعلمني من هو بالضبط وان التجاهل من قلبي مهب لصالحي وصالح عائلتي فيء: طلع من هالشخص؟ غلا وهي تبكي وتدعي عليه: زوج العنود السابق محمد فيء وهي تحط يدها على شفايفها: اففففففف وش يبي مرسل صورة طليقته لج ويهدد؟ غلا:هنييه المصيبه العوده ترجيته انه يقول اللي يبيه على الفون ولكنه ما رضى الا يشوفني ويراويني اللي عنده ورحت له بمطعم وبوسط النهار وبين العالم وبعد ما قعدت وانا ارتجف من الخوف راواني فيلم الله يخسه له هو والعنود لما كانت زوجته وكانت من وجهها ونظراتها كارهته وكانت تدفعه بيدها وتهرب ولكنه كان جابرها على انها تجاريه وكان الحقير دوم يجيبها صوب الكاميرا اللي كان حاطها لهالغرض و.............. وغطت وجهها وقعدت تبكي وتسب وتلعنه هالمحمد تخيلي كانت العنود تبكي وهو ولا هامه كان يبوسها بتقزز وقطع ثيابها وتوه بيقدم على فعلته الا ان العنود اغمى عليها هو من خلال الصور ولا همه طالع صوب الكاميرا ومد لسانه وضحك وقااااااال المره الثانيه راح تضبط العمليه فيء: صدق نذل وحقير من يسوي هالسواه مع زوجته افففففففففف اله لا يرده عساه للزوال غلا: وبعد راواني كذا صوره لها وهي نايمه وحاسر عنها الملحف ومطلع اشياء المفروض ما تطلع الا للزوج ذاته هنيييه وهو معي ويراويني بغيت اموت تخيلت العنود وشلي صبرت عليه وشلي قاسته منه وقلت وش المطلوب مني ؟ قال: ابي فلوس ومهب اي فلوس هاي سمعة اخوج ومرته انا ما راح اطلع روحي بالشريط برتبه وبطلع بس ظهري وبنشر هالصور لو رضختي لطلبي فيء وهي حاطه يدها على قلبها وش طلبه؟ غلا : لا تخافين يخسي الا هو .. كان طالب مني خمسين الف !!! فيء: اففففففففف وش سويتي غلا: حاولت اخوفه من ربي وعقابه ولكنه مهب صوبي وحاولت انه يخفض لي الطلب ولا وافق يااني اجيب له طلبه ولا بكره هالشريط وهالصور بتكون منتشره بكل ارجاااااء الدوحه قمت اتعثر واتخبط كان رصيدي بالبنك حوالي /10000/ الاف من وين لي ب اربعين الف له وما كان قدامي الا ابيع مجوهراتي الغاليه وانحطيت بأسوأ موقف بعرس احمد امي تسئلني ليش لابسه اكسسوارات وانا اللي اعرفه عنج انج تحبين الماساتج اللي انا شاريتها لج وعلى ذوقج المهم جبت له المبلغ وعطيته اياه وخذيت منه البلاوي اللي عنده ورحت وانا فرحانه اني انقذت سمعة اخوي لو صور زوجته انتشرت من بيصدق ان اللي معها زوجها ورحت للبيت واتلفتها ومرت الأيام وكم شهر وردت ريمه لعادتها القديمه رد بعد يطالبني بفلوس ثانيه هنييه بغيت انجلط من وين لي وقلت له ما عندي وس اللي تبيه قام يضحك ويقول مسكينه انتي على بالج ان الصور والشريط اللي عطيتج اياهم هم الحقيقين لا هذولا الا نسخه تصرفي وجيبي لي فلوس وانتوا عايلتكم كلها فلوس فيء: ما فكرتي تحاكين احمد اخوج انا متأكده انج لو كلمتيه كان تصرف عدل وخاصه انه محامي غلا: لا خفت ان احمد يتهور هذه امور عائليه وفيها عرض وشرف ويمكن موت فيء: طيب وش سويتي؟ غلا: رحت له وانا عندي قطعتين مجوهرات وما ظنتي انهن بيكفنه بس قلت اوديهن له واقطهم بوجهه وشرحت لها غلا كل اللي صار وياها ومع محمد وشلون ان سطام كان يسمع المحادثه واللي فهمه ان هالشخص يهدد غلا وانه يبي منها شي وهي رافضه وطب عليهم سطام وكفخ محمد وطلب من غلا انها تروح تقعد على طاولته لحد ما يخلص من الموضوع فيء: سطام خطيبج؟؟؟؟؟!!!! غلا: ايه وبعد ما خذ عليه تعهد وخذا اللي عنده حتى تليفونه كسره وخذ الشريحه اللي فيه والحقير هرب ولا عاد عرفت عنه شي فيء: هذا اللي انا قصدته يوم قلت لج لو دخلتي احمد كان تصرف اي رجل يهدد اي حرمه وشاف معها رجال ما عاده مقرب منها .. المهم وبعدين وش صاااار معاج ومع سطام غلا: ماعطاني وقت قعد يهاوشني واني لعبت بسمعة هلي واللي ذبحني انه ذكر اسامي اخواني هنييه بغيت انتحر سئلته من انت ما رد علي وطلبته اللي عنده بعد ما رد علي قالي : قومي روحي بيتكم وانضبي ولا تردين على اي اتصال من هالكلب قلت له: طيب عطني هالأشياء اللي عندك قال لي لا..............قلت له وانا اغلي وش فرقت عنه بعد انت مثله تبي تهددني بها ولا تهدد بها اخواني لو تشوفين نظرته لي كان متي من الخوف والرعب المهم تقدم لي سطام وانا ما اعرف انه هو الشخص اللي انقذني القذر محمد ورفضته لمجرد اني ما ابي العرس وكان بالي مشغول باللي ينتظرني مع ذاك الرجال الي يعرفنا ولا بين لي من يوم رحت منه وجاني احمد وسلطان وحمد وشاوروني وان هالشخص اللي متقدم لي ما فيه احسن منه خلقا وديننا وليش وليش وش اسباب رفضج وما ادري شنو ووافقت تحت الحاحهم وبيوم عرس احمد الجازي طلب مني احمد اني اشوفه الشوفه الشرعيه بما انه موجود بالعرس وهله موجودين واللي قد سبق وجوا خطبوني وشفته ويا ليتني ما شفته مت قهر وحسره ليش هو بالذات؟؟ وبلحظه احمد انشغل عني وعنه دقايق بتليفون جاه قالي سطام وبصوت واطي: من عيونج بترفضيني بس يا ويلج هاااااااه يا ويلج وافقي ولا ... فيء: ووافقتي غلا: كلمته باليوم الثاني وحاولت اغير له راييه ما ابي ابدأ حياتي الزوجيه بخطأ انا مالي ذنب فيه لكنه رفض وهاوشني اني بنت قوية عين واني ما استحي وليش كلمته واني متعوده على كذا مواقف قلت له: طيب خلني اولي وروح دور لك على اللي احسن مني رفض وهذا انا قدامج وافقت غصبا عني فيء: طيب قولي له الحقيقه واطلبي منه الكتمان غلا: حاولت ولكنه ما عطاني فرصه ... عموما خلاص الفاس طاح بالراس وما عاد فيه مجال لتغير الوضع انا بروح الحين البيت عندي اخر امتحان هاليومين ارتحت من فضفضت لج فيء: فديتج غلوي ولا يهمج انا اختج الثانيه واعتبري اللي قاتيه ما كنج قلتيه والله يقدم اللي فيه الخير انتي روحي وارتاحي الحين نسافر شوي من جو الهم للعروسين اللي بجزر المالديف كان احمد متخذ قراره انه يغير اسلوب الجازي من ناحيته وانه ماعاد فيه قدره على الصبر على اسلوبها الجاف ومن جوا لهالجزر وهو يدلعها ويمشيها وهي ابد ما غير مبوزه ومتضايقه وبيوم مسكها من يدها وجابها وقعدها وقال لها: اسمعي يا بنت المسلمين انا ما خليت طريقه حلوه ورومانسيه ما لجأت لها وش انتي تقترحين علي اسويه عشان ارضيج ونبدأ حياه حلوه مشتركه الجازي: ابد ما اقترح اي شيء الا انك تبعد عني يا اخي ما اقدر اتصورك زوجي وبس احمد : طيب وش تتخيليني الجازي : اي شي الا انك زوجي انت زوج امل وبس وابو ثامر والعنود بالنسبه لي احمد وهو يتنهد وياخذ نفس عميق: طيب وانا بصير لج اخ وصديق وشرايج الجازي وهي تفكر : ما ادري احمد: هذه يدي مادها لج تعاي نطلع ونلعب واعتبريني اخوج ابوج اللي تتخيلينه طيب جويزي وضحك ههههههههههههههه الجازي مدت لها يده تلقائيا وهي مرتاحه من هالأتفاقيه وخذوا لهم ثلاث ايام وهم طلعات وضحك وسوالف لحد ما كانوا بيوم بمطعم يتعشون وكان بالمطعم ناس خليجين وكانوا يطالعون الجازي بنظرات ما اعجبت احمد وحاول انه يغير مكانهم من غير ما تحس الجازي وبعد ما ارتاح هنيه هي انتبهت للي للشابين اللي كانوا يطالعونهم وعدلت وضعيه الشيله عليها وطبعا كانت من دون عبايه هنا قال لها تعالي نطلع ووافقت وطلعوا وقبل لا يمرون من جنب الطاوله اللي عليها الشابين مسك يدها بكل تملك وقربها منه وكانت رساله لهالثنين انه هاللي تطالعونه ملكيه خاصه وبرا المطعم وخرت عنع الجازي وكانت انفاسها مضطربه من قربه منها ومن ريحة عطره اللي دوختها احمد:وش فيج ؟ الجازي: ولا شي خل نروح لشقتنا انا بردانه وطول الطريق وهو ماسك يدها وبين لحظه ولحظه كان يضغط على يدها كأنه يلفت انتباهها لشي بالطريق وكان ما يخلي اي فرصه لقربه منها ومن وصلوا للشقه راحت لغرفتها وسكرت الباب عليها وهي خايفه خايفه من اللي ابتدت تحس به من صوب احمد معقوله بثلاث ايان تتغير المشاعر من نفور للود وتقارب وقعدت تفكر وتفكر في احمد وفي مواقفه مع امل وحنانه بعياله وتبرعه بكلوته لها واهتمامه بكل صغيره وكبيره بها وباسرتها ونامت وهي مبتسمه وكان احمد طويل بال معاها ويبيها تحبه وتجيه برضاها وقبل لا يردون للدوحه بيوم صادفهم نفس الموقف ونفس الشابين بس هالمره واحد من الشباب حاول انه يلفت انتباه الجازي ولاحظه احمد وراح له وقال له وهو يغلي من الغيض: خير اخوي وش هالحركات اللي مال امها داعي لبنات المسلمين تراها زوجتي وعيب هالحركات وتوه بيدافع عن نفسه وكانت بتصير مشكله الا بجية الجازي مسكت كم احمد وصوتت عليه بصوت عذب : احمد حبيبي كنا تأخرنا يله وخل ربعم بعدين حنا بشهر عسلنا وطالعت صوب الشابين وقالت عن اذنكم وطلعوا ومن طلعوا محد منهم تكلم احمد ماسك يدها وساكت وكان متمني انها تقصد الكلمه اللي قالتها بالمطعم وهي فرحانه انها اقذت الموقف وبشقتهم وقبل لا تروح لغرفتها مسكها احمد من يدها وقال لها بصوت مليان عاطفه على وين؟؟ الجازي وهي تحاول تتملص منه : بعد على وين بروح غرفتي احمد: بس احنا بشهر عسلنا ولا نسيتي اللي قلتيه من شووي الجازي: انا قلت اللي قلته انقاذا للموقف والحين خلني اروح انام تعبانه احمد: انتي تعبانه اجل وش اقول عن اللي انا فيه اقول ما عاد بعد هالليله ابتعاد انتي زوجتي وانا زوجج ومكانج معاي بغرفتي ودامج منتي بقد الأقتراح اللي اقترحتيه ليش تقترحين وقلد صوتها : احمد حبيبي تعال احنا بشهر عسلنا اقول تعالي ومسكها بيدها ووداها لغرفته وسكر الباب وراه وسط احتجاجها وضربها له وانها تكرهه احمد: اكرهيني الحين عدل مليت من اللف واللعب خليج مره واعرفي اللي لج واللي عليج وكانت ترمي عليها المخدات واللي يصادفها ولكنه ما اهتم وخذها وضمها وسكتها واخرس احتجاجاتها ووووووووووووووووووووووووو ووووووووووووووووووووووووو ووووووووووو وبس | ||||
|
| |
|
07-01-15, 02:02 PM
| #18 | ||||
| نجم روايتي ومشرفة سابقةومصممه
| صباحكم خير ومساءكم اخير ان شاء الله هلا وكل الغلا والحلا لكم متابعيني الكرام كلي سعاده بهالمتابعه اللي راح افتقدها عند إنتهاء قصتي اليكم البارت السابع عشر وكلي تمنيات لكم بقرأءه ممتعه حييييييييييييييياكم في جزر المالديف وعند العروسين احمد والجازي: فتحت عيونها الجازي وتحركت مستغربه المكان اللي هي نايمه فيه وتنبهت انها مهب بسريرها والتفتت للجهه الثانيه وشافت احمد توه مفتح عيونه على حركتها وظلوا ثنيناتهم يناظرون بعض فتره مد احمد يده لشعر الجازي وزاحه من على وجهها حاولت انها تقوم من تذكرت اللي صار معهم امس بالليل بس هو منعها وتوها بتقول وبتحتج فما كان من احمد الا وحط يده على شفتها بمعنى اششش لاتتكلمين وظلوا كذا شووي بعدها خذ صبعه اللي كان على شفايفها وباسها هي هنا داخت واستغربت حركته كان بامكانه انه يبوسها ليش يبوس صبعه اللي كان بشفتها ضمها لصدره وقاااال : الجازي واللي يرحم والدينج لا تتكلمين وتخربين لحظاتي هاي ارررررررجوج الجازي بلمت وش فيه احمد من امس وكل تصرفاته توحي انه عاشق وولهان لها من متى وليش وشحقه تاهت مع افكارها ولكنه ما خلاها تفكر فاجئها بهمسات ليست كباقي الهمسات ولمسات تذوب الصخر وقبلات كلها غلا وشوق للي بين ايديه وعاش احمد والجازي اسبوع اخر من شهر عسلهم كانوا بيردون للدوحه اليوم الثاني ولكن احمد مدد باجازته عشان يدلع روحه ويدلع زوجته اللي ما صدق انها عطفت عليه وكان هالأسبوع حافل باكتشافاتهم لبعض كان يكلمها بكل حب ويرد على جميع اسئلتها عليه وكان يبي يعرف عنها كل شي من يوم ما نولدت لحد ما تزوجها وكانوا يسهرون لوجه الصبح وبعد ما يصلون ينامون للظهر وهكذا قضوا اجمل اسبوع ممكن انه يمر على عروسين وباليوم الثامن ضبوا اغراضهم وكان لسان حالهم يقول : اذكر ديارك يا قريب وتواعدوا انهم يكونون مع بعض على طول وعلى الحلوه والمره وان ما يفرقهم الا ..... وما نطقوا كلمة الموت وردوا للدوحه واحتفلوا اهلهم بردتهم وكانت سعادتهم واضحه على وجوهم واكثر من فرح وانبسط العنود اللي كانت تحاتيهم بعد يومين حست العنود بتعب وارهاق طلبت ان الجازي تروح معها للطبيب وهناك بشروا العنود انها حامل وطارت من فرحتها وطلبت من الجازي ما تخبر اي احد لحد ما تبشر حمد وراحت العنود لغرفتها واستراحت لها شوي بعدها قامت تبي تسوي مفاجئه ل حمد جهزت غرفتها وخلتها كنها غرفة عروسين وبخرتها وعطرتها وهي لبست احلى واشيك الملابس لعيون حمد ومن جاء حمد ودش غرفته الشبه مظلمه استغرب انه مالقى العنود تحت مع امها ولا مع امه وبعد هنا بالغرفه ما لمحها شوي الا هي طالعه له كنها حوريه وقف قلبه من شكلها المتغير عليه عمره ما قد شافها بهالشكل ومن دون كلام طار ووصل لحد عندها ومسك يديها وقعد يناظرها وعيونه معلقه بعيونها ومن دون كلام وقعدت تسولف عليه باي حكي وبعدها قالت له بجيب لك العشاء منت بجوعان حمد:الا جوعان بس جوعان لعيونج ولهالزين اللي ما قد شفتج به من قبل العنود وهي جعلانه منه مهب زعلانه لعنبو الدلع: يعني شنو ما شفتني حلوه الا هالليله حمد: الا الا والا بس فيج شي غريب عجيب وحلو في عيونج في شكلج حتى غرفتنا مغيرتها فوق تحت العنود: اول شي بنتعشى بعدها بنسولف حمد:طيب طيب يله عشيناوابدعينا والله اني حاس ان فيه شي حلو ينتظرني العنود جابت العشا وعشته وكانت تدلعه وتلقمه بيديها وبكل دلع وهو رايح فيها من حركاتها ودلعها وبعد ما تعشوا وحلوا جات وقعدت جنبه ولصقت فيه وقالت له : وش لي عندك ؟ حمد:انا كلي لج امريني يا بعدكل هلي انا العنود :افففف انا كل هذولا حمد: واكثر لعنبوا غيرج وانتي تعتبرين نفسج شي عادي انتي دنيتي كلها،، انتي الحياه ويوم خذج ذاك الحقير بغيت اموت ((عند نطقه لهالجمله وكان صوته شوي عالي كانت غلا ماره رايحه لغرفتها وقف قلبها يعني اخوها كان يحب العنود قبل لاتتزوج محمد وتغربل وتعذب ،، اشهد اني مهب متندمه ولامتحسفه على اللي سويته علشانك)) العنود وهي تحط يدها على فمه: ارجوك بس لا ترجعني لأسوأ ايام حياتي وانا الحين بأسعدها اسمع يا قلب قلبي انت بعد سبع شهور بهديك هديه حلوه ويا رب تشاركني فرحتي بهالهديه وكانت حاطه يدها على بطنها حمد وهو فاتح فمه من المفاجئه الحلوه وانخرس شوي بس شل يدها من بطنها وباس مكان ما كانت حاطه يدها اه يا العنود اخيرا بتتوج فرحتي وبتكمل ووقفها وقال تعالي نصلي ركعتين شكر لله ولنعمته علينا وصلوا ركعتين وهم فرحانين شاكرين لله هالنعم اللي وهبهم اياها وناموا وهم باسعد حالاتهم عند غلا اللي كانت سرحانه بحالها اه يا ويلي عليك يا حمد اتاريك كنت تبي العنود ومحد خذ باله انك بفترة زواجها كنت معذب ومجروح والله اني قد ما اقدر احميك ولا اخلي اي شي يصيبك انت وعنودك سلطااااااااان كان فرحان ان اجتماعه بذيك الفيء الغامضه واللي كلها حزن قرب وعاهد روحه انه يسعدها ويسعد قلب بنتها الصغيرونه بيوم كلم احمد امه عن ملكة سطام على غلا انه بعد بكره وابشرج بعد ملكة سلطان وفيء ام احمد: من من وش تقول وش فيك احمد : اقولج سلطان خطب مني فيء بنت ام خالد اخت رفيقي واللي فداني بروحه خابرتهم وتعرفينهم امه:حرام عليكم انتوا تبون تجلطوني احمد:ليش يمه فديتج اسم الله عليج امه: عرس حمد ما خذتوا رأيي وهذا الحين سلطان بعد لا حول ولا قوة الا بالله عيالي كلهم مهب معتبرين في شوري وانا كأم ابي لهم الزين وبعدين سلطان شحاده ياخذ ارمله وعندها بنت احمد : اذكري الله يمه حرام هالكلام وانتي تعرفينهم زين وشذنبها فيء انها ترملت بعدين هي معارضه بس انا اللي لحيت عليها وين بتلقين مثلها وبأخلاقها ام احمد: اكيد مافيه مثلها بس افهموني ابي لولدي بنت بنوت افففففففففففف منكم وش اقول جايني تحطني قدام الأمر الواقع وتقولي بكره ملكته متى سووا التحاليل متى؟ احمد : مع سلطان وغلا وبمعرفتي وقام وحب راسها وقعد يقول لها كلام حلو ولأنه عارف طيبة قلب امه قعد يراضيها وانها لازم الليله تروح مع ام امل وكل البنات عشان يخطبون فيء وبعدبكره بتكون الملكه الجماعيه خلينا نفرح ام احمد فديت روحج وانتي مالج الا سعادة عيالج وبيني وبينج هذا انتي كنتي معارضه زواج العنود من حمد لأنها مطلقه ولكن شوفي النتيجه وشحلاتهم وبيخلونج جده للمره الثالثه وعقبال سلطان وغلا ومها بالطريق وما طلع منها الا وهو مرضيها وراح لمكتبه وطرد فيء وطلب منها ما تداوم لمدة اربعة ايام وقال لها ان امه والباقيين بيجونهم بكره يطلبونها من امها وبعد بكره الملكه الجماعيه وبعدها بيحددون الزواج وطلعت فيء وهي مبسوطه من شرط احمد ان ان امها تعيش معها ببيتها مع سلطان وبكذا ضمن انها تراعي امها ووووووووووووووووووووووووو ووووووووو وانتظروني بكم حدث بالبارت الجاي اللي هو يوم الأثنين الجاي فيه حدثين وانتوا حزروا فزروا وش هم ولكن اللي يبي يعرف ما عليه الا انه يتابعني يوم الأثنين وفالكم طيب ............. | ||||
|
| |
|
07-01-15, 02:05 PM
| #19 | ||||
| نجم روايتي ومشرفة سابقةومصممه
| السلام عليكم ورحمة الله وبركاته وشحالكم احبتي اليكم بارتي الثامن عشر ما ادري ليش قل الحماس لقصتي وما فيه متابعين الا اثنين ثلاثه هل لأنها طويله ولو انها بارت ولا بارتين كان الكل مرها عموما انا بكتب حتى لو كان كل متابعيني شخص واحد .................................................. .................................................. ............ راحت ام احمد وام امل والعنود ومها وخطبوا فيء من امها واتفقوا ان عرس سلطان وفيء وغلا وسطام بنفس اليوم بعد شهرين يعني بعد ما تخلص غلا اخر اختبار لها وعشان بعد يكون عندها وقت لتجهيز نفسها وبيكون بيت سلطان بنغس الفريج اللي ساكنين فيه عائلة احمد ام فيء: والله ما ادري وش اقول وقامت تبكي من فرحتها لبنتها الوحيده ومن حزنها لفرقى ولدها وانها كانت تبيه عون لها باخر ايامها ام احمد: ااافا تبين احمد يزعل من كلامج هذا لا تقولين هالحكي مره ثانيه وانتي اختي وام امل اختي الثانيه وفيء بنتي وبنتها حفيدتي واتفقوا ان ملجة سلطان وفيء وغلا وسطان كلهم مع بعض في بيت ام احمد واستأذنت ام احمد ام خالد بهالشي عشان ما يتغربلون بالشاوير يعني حفله في بيت ام خالد وحفله في بين ام حمد وان بيت ام احمد اكبر ويضم ويسع الكل ووافقت ام خالد وكلها يومين وطلعت النتايج اللي افرحت الكل ان كل شي اوكي واتفقوا ان الملكه يوم الجمعه اللي هي بعد بكره وكانن البنات فرحانات وقاعدات يجهزن للحفله يوم الاربعاء ع الساعه عشر صحت الجازي وقامت وبدلت وخذت سيارتها وراحت تاخذ لها لبس للخطوبه وبالمره قالت امر مكتب زوجي اشوفه كانت الجازي مبسوطه وعايشه احلى ايامها مع احمد كان كل ليله يقعد معها ويسولف وكان ناوي يقول لها قصة غرامه بعيونها بس خاف لا تاخذ عنه نظره خطأ ولكنه قال باقرب فرصه بقول لها وشلي مشقيني وشلي كان مصبرني على صدودها كان احمد يراجع اوراق مع فيء وكان شوي راسه قريب من راسها واللي يشوفهم من بعيد يقول بخاطره هاي حركة واحد يحب وحده ومقرب منها يشوشها والحقيقه غير طبعا جاتهم وسلمت بصوت عالي ورمت شنطتها على اقرب كرسي وقعدت وكانت تطالع فيء بنظرات مهب حلوه فيء: هلا الجازي ومرحبا وش اخبارج الجازي : ماني بطيبه فييء: افا ليش يا بعد قلبي عسى ما شر هنييه تنبه احمد ان الجازي فيها شيء مهب طبيعي وكنها الجازي الأوليه مهب الجازي حبيبته اللي خلاها الصبح وهي كنها ورده وتطالعه بأحلى النظرات احمدوكان يلم الأوراق اللي كان يراجعها مع فيء: أقول فيء يله من غير مطرود ولا ابي اشوفج بكره هنييا روحي اجهزي وتجهزي لملكتج واذا ناقصج اي شيء ما عليج الا تدقين علي وامريني بس هنيه قالت الجازي ل فيء: امريه بس وشوفي هههههههههههههههههه فيء من طيبتها ما خذت بالها من نبرة الجازي المستهزءه طيب يله عن اذنكم واشوفج على خير الجازي بعد بكره بالملكه الجازي وهو صاده عنها: خير ان شاء الله ومن طلعت فيء قرب احمد وجهه من وجه الجازي وقال لها وهو يصر على اسنانه: وش قصدج من هالحركات واللمزات الجازي: وانت وش كنت تسوي وانت مقرب وجهم من وجهها وتوشوشها وش كنت تقول لها هاااااااااه وهي بتصير زوجة اخوك ؟؟ وانا وين محلي من اعراب حياتك؟ هنيه احمد عض شفايفه وغمض عيونه ما يبي يصدق اللي قاعد يسمعه من حب وشريكة حياته مسكها من يدها وامرها تطلع قدامه وتروح للبيت وهو بيلحقها وهناك بيتفاهم وياها وانه ما فيه داعي اي احد من موكلينه يجون فجأءه ويسمعون اي شيء ولا الفراش الموجود وتوها بتعترض على كلامه بس هو ما اعطاها فرصه دزها وعطاها شنطتها وامرها تطلع من المكتب احمد: من جايبج مع من جاااايه؟ الجازي : جايه بسيارتي احمد وهو كاتم انفاسه : ليش تعانديني ليش وانا حاط تحت امرج سواق خاص روحي الحين وربي اني اراويج الشغل عدل بعدين وطلعت وهي تهاوش كل شيء قدامها وركبت سيارتها وشخطت وعلى طول للبيت ودخلت لغرفتها القديمه اللي هجرتها من جات من شهر العسل وسكرت الباب على روحها وقعدت تبكي وتسب احمد وليش انها حبته ووثقت فيه تنبهت انها قالت انها حبت احمد لا مهب معقول انا ما احبه انا اكرهه وقامت تكسر كل اللي تطوله يديها وتصرخ وجاتها غلا وقعدت تصوت عليها وفتحي الباب الجازي ولكن ما ردت عليها بعد العنود جات ولكن ما عبرتهم وخلوها بعدها بشويات جاء احمد وقالت له العنود ان الجازي ما تدري وش فيها وانها قاعده تكسر وتصارخ وانها وغلا حاولوا يبونها تفتح بس هي ما فتحت لهم احمد: طيب العنود لا تحاتين روحي هناك عند امي وامج ولا تبينين لهم اي شيء هاذي بنت عمج وراسها العوي وترى السالفه تافهه ولا تحاتين راح احمد ودق عليها ولا ردت ولكنه من صرخ عليها ذيك الصرخه اللي هزت البيت هز اخترعت وجات وفتحت له وهي كلها تصميم انها ما ترضخ له ولا تبين له حبها احمد:وش فيج ممكن اعرف وش فيج استجنيتي واستخفيتي الجازي وهي ماسكه خواصرها وتطالعه من فوق لتحت: لا والله انا اللي استخفيت احلف واللي شفته بعيوني بمكتبك وش تسميه بالله قولي احمد وهو ماسك يدها ولاويها لها يبي يوجعها : والله لو ما قصرتي صوتج لاتشوفين شي ما يرضيج انتي فاهمه؟ الجازي وهي تتألم من قوة مسكتها وتحاول انهاتبعده عنها: وش بتسوي يعني بتضربني ؟ احمد : لو اعرف ان الضرب بيهذبج وبيهذب اخلاقج كان والله ضربتج اسمعيني والله والله لو سمعتج تذكرين هالشي لو بتلميح ما تلومين الا نفسج والسياره خذيتها وسكرتها وحطيتها بالكراج وهذا سويكج اللي كنتي ناسيته خذه وحطه بمخباه وقعدت تهاوشه وعلى صوتها وجات العنود وغلا ركض العنود: عسى ما شر وش فيكم ما بغينا نفرح فيكم ونستانس لسعادتكم غلا: وش فيج حبيبتي الجازي وانت احمد وش فيكم والله اصواتكم عاليه وزين ان امي وام امل مهب هنييه الجازي وهي عيونها تقدح شرار: اسئلوه هو لا حد يسئلني انااااااااا احمد وهو يصرخ على الجازي: جويزي جوزي عن هالكلام لا والله تندمين العنود :افففففففف وش فيكم الجازي : الاخ احمد الظاهر معجب بخطيبة اخوه سلطان السكرتيره فيء هنيه احمد طاش الدم براسه وعطاها كف اخرسها واخرس اللي حواليها وقبل لا يطلع من المكان كله اسف يا العنود انج شفتي هالموقف مني وانتي تعبانه وحامل واسف غلا انج مقبله على عرس وتشوفين اخوج ومثالج اللي تتمنين مثله من الرجال بهالموقف اسف ولكنها حدتني على هالتصرف اللي بعمري ما فكرت اني ألجأ له وانتي الجازي من يوم ورايح راح تشوفين وجه اخر ل احمد وقولي ما قلت لج ولما تجين تتأسفين ما راح ارضى الجازي وهو ماسكه خدها المورم: انا انا تمد يدك علي هاذي وصاة عمي لك وانا اللي بتجيك تتأسف انت تحلم وقعدت تبكي وهو طلع من البيت ما يشوف الطريق غلا : وش قلتي من شوي يا الجازي عن احمد وفيء العنود: اكيد ما تقصدين صح اكيد الجازي : الا اقصد واقصد انا رحت لمكتبه ابي اراويه البدله اللي خذتها للملكه وكنت بعزمه نروح نتغدى براااا الا اشوفهم مع بعض غلا: وشلون وضحي وش شفتي: وشرحت لهم الجازي كل شي غلا: بس هذا مهب شرط وترى احمد من كم سنه وفيء سكرتيرته ولو بغاها كان تزوجها من بعد المرحومه امل العنود: صحيح وش سويتي بعمرج لهالدرجه اعمتج الغيره الجازي وهي محتره انهن طاحن على عوقها: اي غيره اي بلا وش قاعدات تقولن انا ........أنااااااااااااااا وما قدرا تكمل غلا: تعوذي من ابليس وغسلي وجههج وحاولي انج بس هاليوم تبعدين عن طريق احمد ومن بكره تقربي منه واعتذري باسلوب غير مباشر وكبري عقلج تراه يحبج ويخاف عليج من النسمه الجازي : ما راح اعتذر واللي فيها فيها العنود: بالطقاق اضربي راسج باكبرها طوفه هنييه وخربي على روحج ولكن ما نبي عجايزنا يحسن بشيء ولا تخربين فرحتنا اللي بعد بكره ولا والله اني اصف مع احمد الجازي: عادي ما ابيكم اطلعوا من غرفتي وطلعن غلا والعنود وخلنها مع شكوكها وظنونها وحبها ل احمد احمد راح لمكتبه وقعد فيه وفكر وفكر وقرر انه يأدبها ويربيها من جد وجديد وبالنسبه للعايلتين عايلة سطام واحمد فكانن الحريم يجهزن لأحلى يوم والجازي اختفت بغرفتها ما تبي تشوف احد واحمد كان محترم رغبتها بس يبي يعدن هاليومين على خير ومن يوم السبت بيفضى لها ويوم الجمعه ع المغربيه كان بيت ام احمد كنه قاعة فرح ورود وحلا ودي جي كله اغاني فرح وكانت عايلة سطام كلها موجوده وام خالد وبنتها وكان الملج موجود وتمت الملكه على خير وجاء وقت تلبيس الدبل هااااااااااااااااه تبون تعيشون معاي الجو تعالوا هنيييه يوم الخميس وبقولكم وش صار ترى فيه اكشنات حلوه صارت بذاك اليوم تابعوني وفالكم طيب ................... | ||||
|
| |
|
07-01-15, 02:07 PM
| #20 | ||||
| نجم روايتي ومشرفة سابقةومصممه
| البارت التاسع عشر........... تمنياتي لكم بقراءه ممتعه لكم دق احمد الباب ولا حد رد عليه وكذا مره دق بعدها دخل واول ما طاحت عينه طاحت على اللي على السرير الجازي وكانت تبكي وهي ضامه حرمه ما شاف احمد وجهها وكانت تحاول تسحب المحلول من يدها وبكل قوتها وتقول : ليش ماااااات ابيه يكون معاي ليش رااااح وخلاني وانتبهت للي عند الباب الواقف المتصنم وجات عينها بعينه عيون لطالما ذبحته واهلكته وكانت عيونها مليانه دموع توقف الزمن ب احمد وتخشب !!! معقوله الجازي هي اللي .... معقوله هالطفله اللي كانت بعرسه عمرها /16/ هي ان نظره ذباحه نبهت العنود ان فيه شخص عند الباب ،،،،،،، التفت العنود وهي تعدل لثمتها ورحبت ب احمد وقربت له الكرسي يجلس عليه العنود وكان صوتها مختفي : هلا احمد حياك استريح على الكرسي انت عادك تعبان احمد: اسمحوا لي دقيت كذا مره على الباب ولا تلقيت رد بسبة صياحكن عسى ما شر وش فيه ؟؟ العنود وهي تضم الجازي اللي ردت للصياح ولكن بصوت مكتوم : ابوي عطاك عمره وصاحت هي الثانيه احمد: لا حول ولا قوة الا بالله ..ان لله وانا اليه راجعون .. ومتى كانت الوفاه ؟ العنود :اليوم الظهر والعصر صلوا عليه وانا خفت ان اي احد يفاجئ الجازي فجيت بعد ما خليت امك وخواتك عندها احمد: زين سويتي طيب حتى انتي روحي لأمج اكيد هي محتاجتج وانا بقعد مع الجازي الجازي وهي مخبيه وجهها في صدر العنود: لا ما ابيك تكون معي روح .. العنود تكفين لا تروحين وتخليني معاه وبكت بكاء يقطع القلب احمد: الجازي اهدي واللي يرحم والديج وخلي العنود تروح لأمها اللي هي امج واكيد هي محتاجه بنتها تكون معها بهاللحظات وانا بقعد على هالكرسي ولا مسوي لج شي وبعدين انتي ليش خايفه مني ترى انا زوجج بالأول والاخير الجازي صاحت زياده وقطعت وايرات المحلول اللي بيدها ومن شاف احمد بقع الدم قام ودق الجرس ونادى الممرضات وجوا واعطوها مهدئات ومنوم وكلها دقايق وراحت بسابع نومه احمد: العنود لا تحاتين انتي روحي لأمج وهي مثل ما سمعتي راح تنام لبكره وانتي قابلي امج بالعزاء وانا بقعد معها وبطلع بكره شوي بجي اعزي وبستقبل المعزين مع حمد وسلطان بعدها بجي اقابل الجازي العنود: واذا قعدت وغربلتك بالصياح احمد وهو يضحك على خفيف : وشدعوا تغربلني لا تخافين بعرف اتعامل معها صدقيني قومي روحي واخذي بالج من روحج وامج من معج تحت العنود : سواقنا وحمد ما عنده خبر اني برجع قال لي نامي عند الجازي احمد : طيب اتصلي عليه الحين وقولي له اللي قلته لج واتصلت العنود وجاء حمد وسلم على احمد وعزوا بعض واتفق احمد ان حمد بكره يجي ياخذه عشان يكون معه بالعزاء ومن طلعوا العنود وحمد رجع احمد وجلس جنب الجازي على السرير وقعد يتأملها وبعد شعرها المبلول بدموعها عن وجهها وقعد يقول بخاطره :: يا الله انتي كنتي قريبه مني ولا قد مره صادفتج بحياتي وشهالصدف وشهالمقادير لكن احسن واحمد ربي اني ما قد صادفتج ولا كان بيكون عذابي عذابين بسبة وجود امل الله يرحمها معي وقعد يتذكر وشلون كانت اول نظره وش سوت فيه وشلون نظره من بعيد لعبت بكيانه وقلبت موازينه الراكزه وشلون يشوفها بعد اربع سنين وبنفس المكان ولكن شاف كل تقاطيعها وهنا مااااااااااات بدل المره مرررررررات يومه ظن انها ضاعت منه للمره الثانيه واللي ذبحه وقهره كلمته اللي عطاها ابو امل بانه بيتزوج الجازي وانه بيعيش المأساه للمره الثانيه ومع مره ثانيه وبيظلمها معاه ومع تعلقه بام عيون ولكن ربي اهداني اغلى واحلى هديه يومها هي طلعت زوجتي اللهم لك الحمد يا رب والله يرحمك يا ابو امل انك اعطيتني من ذبحتني واشغلتني وصدق يومك قلت منت متحسف كنك الا عارف قام وتوضى وصلى ركعتين شكر لله وترحم على عمه ابو امل ونام على الكنبه اللي جنب الجازي ولا صحى الا عل صوت الممرضات والتفت على فاتنته ولقاها نايمه وكان اثر الدموع راسم على خدودها خط وعوره قلبه وجاء ومسح بكل رقه وبشويش وطلع بعد ما جات اخته غلا ووصاها عليها وانها امس انهارت عليهم وهو بيجي على الليل وبيقعد معها واستأذن من الطبيب اللي ما نصحه انه يطلع وانه مهيئ لأنتقال اي عدوى بسبب عمليته طمنه احمد بانه لن يصيبه الا ما كتبه الله له وطلع وهو حزين على فرقى عمه ابو امل وظل ثلاثة ايام بالعزاء هو واخوانه من الصبح لليل وكان يجي ويقعد مع الجازي لحد الصبح وكل ما حاول انه يكلمها تصد عنه ولا تعطيه بالها وبين لحظه ولحظه يشوفها تمسح دموعها خلاها على راحتها ولا حاول انه يسكتها يمكن البكاء يريحها وكانت باستمرار على تواصل مع ام امل على الفون وباليوم الرابع لوفاة عمها ويوم جاها دكتورها طلبت انه يرخصها وانها بخير وبتلتزم بكل تعاليمه رخصها ولكنه اوصاها بعدم الأختلاط كثير بهالناس لأن العدوى ممكن انها تنتقل حتى من الأنفاس ووصى احمد عليها وبارك لهم وقال : بعد مده خذها وروحوا لشهر عسلكم التفت عليه الجازي وكان ودها تحذفه بشنطتها اللي بيدها وانتبه احمد لتشنج الجازي وعقدة حواجبها من كلام الدكتور احمد: الجازي اسمعيني بقولج شي ترى انا صدق زوجج بس والله اني مهب وحش كله متخوفه مني بهالأيام الاربعه وانتي منزويه وقاعده بعيد مني اسمعي انا اخترتج بكامل ارادتي من عرفت بتعلق عنودتي وشاهين فيج ومن كلام عمج عنج وعن حبج لعيالي ولأمهم ومن جاب طاري امل صاحت وقالت له: اشوفك حاسبت على ذكراها هذا انت خذت بنت عمها باقرب فرصه احمد وهو فرحان انه ماخذت بالها من نظرته لها بيوم عرسه ولا كان قالت انا يا بنت المسلمين لي ثلاث سنين وانا ارفض الزواج والبتات اللي امي تعرضهن علي احتراما ووفاءا لذكرى امل وبمره اقنعتني اخذ العنود ولكني كنت عارف بقصتها مع احمد امي مقصدها بهالشي تبي وحده من عايلتكم تهتم بعيالكم وتكون ام حنونه على شاهين والعنود وانتي كنتي قدامي ويعلم الله اني ما قد شفتج من قبل ولا اعرفج وما همني بهالدنيا لا حريم ولا نسوان لحد ما قعدت مع عمج الله يرحمه ولمح لي انه عروسي عنده الجازي : اه اه اه يعني هو اللي عرضني عليك مهب انت اللي خطبني منه وقعدت تصيح احمد: اسمعي انا ما قلت هالكلام الا من بعد ماقلتي اني افكر بالزواج وبالعرس وثقي ثقه تامه اني مهب بضايمج وبتكونين راعية بيتي وام لشاهين والعنود الجازي وهي قاعده تلبس عباتها وتجهز اغراضها : احمد بطلب منك طلب وتكفى لا تردني وكانت عيونها تترجااااه هنييه احمد قال بخاطره والله لو تطلبين روحي ان قد اعطيج اياه وفوق ذا تقولين تكفى احمد: امريني الجازي: ابيك ابيك وتقطع كلامها وكانت تتصدد منه جاء وقرب منها ورفع بيده حنكها وثبته بعيونه وقال امريني ولج ما طلبتي اتفضت الجازي من قربه منها وملامسته لوجهها : ما يامر عليك عدو بس والله يخليك ابي كلمتك من الحين ابي اكون ام عيالك شاهين والعنود وبس احمد : وشلون ما فهمت ؟ الجازي : يعني انت اخوي وانا اختك وربي ما اقدر اتخيلك اكثر من كذا وبكت احمد مد يده يبي يساعدها ولكنه رد يده عنها من بعد كلامها هذا وقال لها: لج ما طلبتي وانا ابي اقولج شي عمري ما فرضت روحي على حد ولا راح افرض عليج انتي شي وان هااااه وان وصار ود من صوبج ثقي اني انتظر منج اشاره ولكن اني ابدأ من بعد تصريحج هذا ووعدي لج والله ما راح يكون الجازي وهي تتهكم : وانت بعد ثق ان هالبادره ما راح تبدر مني مهما صار ولا امتد العمر بنا وانت مرخوص لو بغيت لك زوجه روح وما راح أردك احمد بخاطره وهومتكتف ويطالعها : اي كثري منها اتزوج وانتي عندي على رفقه لأخليج تندمين انج قلتي اللي قلتيه بس هين وطلعوا من المستشفى ونزل وساعدها ودخلها لبيت عمها وسلم على زوجة عمه وسولف معاهم واتفق انه بيمرهم كل يوم وطلع وراح لبيته وهناك قعد يتذكر كلام الجازي وضحك ونوى لها على نيه وبيبدأ بتنفيذها لما تكون في بيتها والحين بترككم على امل اللقاء بكم يوم الأثنين الجاي ولا تروحون بعيد ترى فيه علوم ن وايده بالطريق وما زال بجعبتي الكثير تابعوني وفلكم طيب | ||||
|
| |
|
| أدوات الموضوع | |
| انواع عرض الموضوع | |
|
|
2Likes
العرض العادي
