آخر 10 مشاركات
وريف الجوري (الكاتـب : Adella rose - )           »          💕💕 حكايا القلوب..بين الزحام والناس💕💕فعالية جديدة*قصص قصيرة*(الموسم الأول كامل) (الكاتـب : اسفة - )           »          أول شتاء من دونك -سلسلة قصص قصيرة- بأقلام نخبةكاتبات قلوب [حصرياً ]كاملة &الروابط* (الكاتـب : Märäĥ sämį - )           »          الدخيلة ... "مميزة & مكتملة" (الكاتـب : lossil - )           »          263 - بيني وبينك - لوسي غوردون (الكاتـب : PEPOO - )           »          انتقام النمر الأسود (13) للكاتبة: Jacqueline Baird *كاملة+روابط* (الكاتـب : * فوفو * - )           »          أنفاس أحمد *مميزة ومكتملة* (الكاتـب : سامراء النيل - )           »          52 - خداع المرايا - أجاثا كريستي (الكاتـب : فرح - )           »          ربما .. يوما ما * مميزة و مكتملة * (الكاتـب : كاردينيا الغوازي - )           »          رواية البوليس السري - سيلينا دولارو (الكاتـب : ahmad2006771 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 07-01-15, 12:41 AM   #21

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي


بـسم الله الرحمن الرحـيم ..
الـبارت الـعشـرووووون ..
((الاخــــــــــــــــــــ ــيـــــــــــــــــــــ ـــــــــــر ))

فجر صكرت التليفون وقعدت تبجي .. تحبا بس ما تقدر تردلا اهوا خانها والخيانه مو شي سهل ..
فجر: يا رب ساعدني انسى .. ابي انسى , انسى حبا صوتا شكلا كلامه كل شي كل شي (وقعدت تبجي)

الصبح قامت من النوم لبست وراحت الجامعه .. (عسى بس ما نسيتو ان فجر معيده بالجامعه) كان عندها محاظرة خلصتها وهيا طالعه ..
دكتور فواز:استاذة فجر
فجر:هلا دكتور
فواز:بغيت منج شغله لو سمحتي
فجر:امر
فواز:اي بس تعالي الكفتريا عشان نعرف نتكلم
فجر تنرفزت:دكتور قول شنو تبي الحين انا مو فاضية
فواز:انشالله انشالله بقول بغيت رقم الوالده الله يطول بعمرها
فجر تنحت:هااا؟؟
فواز:شفيج الصراحه انا ما احب الف والدوران انا احب اكون دايما سيده ومو مثل باجي الشباب بدش من الباب انا وايد معجب فيج و يشرفني تكونين زوجتي
فجر مو مستوعبه:دكتور فواز شالمطلوب الحين
فواز:رقم الوالده
فجر:اسفه انا ما افكر بالزواج تو الناس عن اذنك
مشت وهيا مستحيه من الي سوتا وان كسرت في راحت السيارة وقعدت تفكر شسوت لو شنو صاير المفروض ما تكسر في جذي ..
(خل نتكلم عن الدكتور فواز شوي: دكتور محترم عمره 33 سنه وايد طيب وحنون و كان من فترة يراقب تصرفات فجر ويسال عنها وايد عجبتا وبدت ادش قلباا)
فواز:انا غلطان الي سمعت كلامك
دكتور عيسى:لا والله مو غلطان بس اكيد البنيه شوي ما صدقت او استحت
فواز:مادري والله حدي تفشلت
عيسى:ما عليه انته انطر شوي ورد فاتحها بالموضوع
فواز:شورك وهدايت الله

ريم وخالد قاعدين يشوفون الشقه ..
خالد:ها حبيبتي شرايج فيها
ريم:واايد حلوة
خالد:ونطري شوي علي ونبني بيت المستقبل
ريم:ههههههه من صجك
خالد:اي شفيج
ريم:احنا خل نفرش هالشقه الحين
خالد:اي ابي كل شي على ذوقج
ريم:من عيوني
خالد:يا حلات هالعيون والله
ريم:خالد
خالد:هلا حبيبتي
ريم بضيقه:تحبني
خالد:والله اي ليش ليلحين مومصدقتني
ريم:مادري خالد شلون تحبني بعد كل الي صار بينا اكيد انا بنظرك ولا شي واني بعت نفسي حقك بسرعه شلون ليلحين تحبني وانته اصلا ما كنت تحبني
خالد تنهد:ريم انا عشانج وعشان رونق مستعد انسى كل شي وهذا الي صار شفت ان انتي وبنتي كل شي صرتو بحياتي و انتي واهتمامج فيني فوق كل الي قاعد اسوي فيج حببني فيج ويوم شفت بنتي بين ايدج حبيتج اكثر احنا غلطنا وغلط كبير وما اجذب عليج كنت خايف ان اخلي بنتي بيدج بس يوم شفتها بيدج وانتي تخافين عليها من الهوا الطاير ارتحت وزاد حبي لج ,, ريم انا والله وراس نونو نسيت كل الي صار ومرتاح وياج وابي حياتي كلها اكملها وياج لا تخربين كل الي قاعد ابني
ريم نزلت دموعها من الوناسه بعد كل الي عانتا بدت الدنيا تضحك بويها
خالد يمسح دموعها:ما عاش منو ينزل دمعتج ترا والله غاليه علي ماحب اشوفهم
ريم:توعدني ما تتخلى عني
خالد:وعد رياييل
ريم:هههههههههه انزين متى نروح السوق
خالد:الحين اذا تبين
ريم:الحين الحين
خالد:يالله سرينا

الظهر والكل توا راد من دوامه ... في بيت احمد وسارة ..
سارة:احمد
احمد:هلا سارة
سارة:وينك متى بترد
احمد:انا بتاخر شوي
سارة:ليش
احمد:عندي شغل
سارة:اوكي ناطرتك
احمد:مع السلامه
سارة طلعت الصالة ..
سارة:خالتي خالتي .. وينها خالتي ؟؟؟
راحت المطبخ ما لقت احد راحت الغرفه لقتها نايمه ..
سارة تقوم ام احمد:خالتي خالتي
ام احمد ماكو استجابه
سارة خترعت:خالتي شفيج (قامت تهزها)خاااالتي خاااالتي
ركضت على التليفون ..
سارة:الووو احمد الحقني
احمد:شفيييييج ؟؟
سارة:خالتي ماترد علي كلشششش
احمد:شنووووو ؟؟ شفيها انا ياي دقي على الاسعاف ..
بعد ربع ساعه ..
احمد:لااااااااااااااااااا� �اااااااااااا يماا لا تهديني يالغاليه وتروحين لاااااااااااااا
سارة واقفه تبجي مو مصدقه ان ام احمد ماتت
بو احمد:لا حولا ولا قوة الا بالله العلي العظيم
احمد:يمااا حبيبتي فتحي عينج
سارة تحاول توخر احمد:قوم حبيبي مو زين عليك قوم
الاسعاف شالو ام احمد .. يعني مالها رجعا هالبيت والله صار خالي بدونها ..

مر العزا كأيييب والبيت صار كأيب من بعد ام احمد الله يرحمها .. وبيوم ..
سارة:مادري ريمو مو مترقعين كلش مادري شفينا
ريم:حبيبتي لا تقولين هالحجي هذا يومها
سارة:الله يرحمها احمد معور قلبي والله وايد ضايق خلقا
ريم:اكيد بعد هذي اماا
سارة:ريموو
ريم:هلا
سارة:امج شلونها
ريم:ههههههههههه شخباري
سارة:شهالحجي
ريم:والله صج شخباري اصلا نسينا ان عندنا ام الله يطول بعمر ابوي واهلا بس
سارة:والله الدنيا صايرة تخرع
ريم:اي يالله ما علينا انتي متى تحملين ما مصختيها
سارة:والله انا خايفه ريمو وايد صارلنا سنه وشوي وليلحين ما حملت
ريم:رحتي عند دكتورة شي
سارة:لا
ريم:شرايج تروحين حق دكتورتي والله وايد شاطرة
سارة تفكر
ريم:هاا
سارة:مادري خل يرد احمد مثل اول انشالله اقولا
ريم:يالله انا الحين بمشي عندي شغل لي الراس
سارة:شهالشغل
ريم:مو قتلج بننتقل بيت بروحنا
سارة:اي زين احسن لكم
ريم:وااي من صجج حداا
سارة:الله يوفقج حبيبتي
ريم:بعد عمري يالله مع السلامه

فجر كانت قاعده بالغرفه تفكر من زمان ما داومت بالجامعه ماخذا اجازة ما تبي تشوف فواز .. رن تليفونها وكان يوسف .. فجر كانت محتاجه تكلما ..
فجر:الو
يوسف:هلا بهالصووووت
فجر:هلا
يوسف:شتقتلج
فجر:ليش داق
يوسف:لاني مشتاقلج ومو قادر انساج
فجر خنقتها العبرة:بس انا ما اقدر اردلك مستحيل نرجع حق بعض
يوسف:ليش فجر ليش قاسيه علي الله يسامح انتي ليش ماتسامحين
فجر نفجرت:قولي اسامحك على شنو قولي على خيانتك طعنتني ذبحتني ولا على معاملتك حقي ولا عشان شنو ولا شنو انا ستحملت مذلتك واسلوبك وكلامك الي مثل السم عشان احبك عشان اموت بالتراب الي تمشي عليه حتن يوم دريت ان اختي تحبك وضيعت عمرها عشانك هم ما هديتك لاني ما اتخيل حياتي بدونك بس انته شنو عطيتني ولا شي عطيتني خيانه وظلم انته ما تستاهلني خلاص لا ادق علي مرة ثانيه لاني لقيت الي يحبني ويستاهلني انا راح اتزوج يوسف خلاص مالك مكان بقلبي بعد اليوم ..
يوسف مو مستوعب كلام فجر شنو يستوعب ولا شنو يستوعب ان ريم كانت تحيا ولا فجر خلاص ضاعت منا ..
فجر صكرت التليفون وقعدت تبجي حست انها ارتاحت بعد الي قالتا حق يوسف تبي يعيش طول عمرا بتانيب الضمير بس اهيا قالتلا انها بتتزوج ليش معقوله توافق على فوااز ؟؟

سارة دخلت الغرفه على احمد ..
سارة:احمد ما يصير جذي صارلك جم يوم مو ماكل
احمد:والله سارة مالي خلق اكل
سارة:بس مو زين عليك خالتي الله يرحمها هذا يومها وكلنا فقدناها بس الي انته قاعد تسوي ماراح يرجعها المفروض تصلي لها وتطلب لها الرحمه
احمد:الله يرحمها
سارة:يالله عشان خاطري قوم اكل ابوك كاسر خاطري كلا قاعد بروحا
احمد:من يوم ورايح ماراح يقعد بروحا خلاص
سارة:شلوون
احمد ابتسم:سارون بقولج شي انا خاشه عنج
سارة اخترعت:شنوو قول؟؟
احمد:قعدي
سارة قعدت:قول
احمد:انا عندي محل تليفونات تعبت والله يا سارة تعبت على ما فتحتا
سارة مو مستوعبه:من وينلك حق محل تليفونات
احمد:انا ورفيجي دشيت شريك ويا رفيجي
سارة:من وينلك فلووس احمد
احمد:عمي سلفني عشان اشارك رفيجي ومن الارباح سددت والحين المحل صار حقي
سارة ستانست:انزين وابووك شلون ماراح يقعد بالبيت
احمد:انا قلت اذا يبي اهوا يشرف على المحل
سارة:حماده صدمتني
احمد:كلا عشانج
سارة لمت احمد:بعد عمري
احمد:يالله امشي نروح حق ابووي
سارة:يالله
طلعو راحو حق بو احمد ..

بعد مرور شهرين ..
احمد وسارة وايد تغيرت حياتهم الحمدالله وبو احمد قام يداوم بالمحل ..بس سارة خايفه ليش ليلحين ما حملت قررت تقول حق احمد عن الطبيب ..

امن فجر الحمدالله شوي بدت تنسى يوسف بس بالدوام تتحاشى تشوف فواز مستحيه منه ومو قاعده تعطي فرصه يتكلم معاها .. وبيووم :-
فواز:ترا بس
فجر ستحت:شفيك
فواز:دوختيني اروح يمين تروحين يسار اروح يسار تروحين يمين
فجر مشت ..
فواز لحقها:يعني ليش ما تكلميني
فجر:دكتور فواز لو سمحت
فواز قاطعها:لو سمحتي انتي ممكن نتكلم شوي
فجر ساكته ..
فواز:امشي الكفتريا
راحو الكفتريا ..
فواز:فجر صدقيني ما احب العب لو احبا جان قتلج بكلمج مثل اي واحد
فجر:بس انا ما افكر بالزواج الحين
فواز:ليش ممكن اعرف
فجر:بس بكمل دراستي ابي اخذ الدكتوراه تو الناس
فواز:لمن نتزوج انا ما عندي مانع تكملين دراستج
فجر سكتت
فواز:قولي فجر شنو الي مو مخليج تتزوجين ليلحين في شي تحبين مرتبطه
فجر:اي احب
فواز:اها انا اسف اني تدخلت بشي انا مالي شغل في عن اذنج
فجر قامت ركضت طلعت من الجامعه تبجي ..
(ليش ليش .. اطلع من حياتي خلاص)

ريم:اي شنو يعني ابي اكمل دراستي
خالد:وبنتج
ريم:شفيها حياتي كبرت سمالله عليها كلها سنه بعد ودششها حظانه
خالد:بس حبيبتي انا ابيج تجابلين بيتج
ريم:بس انا ما راح اهملا يعني عاجبك لا شغله ولا مشغله
خالد:انزين فتحي مشروع
ريم:مشروع شنو بعد
خالد:شنو اكثر شي تحبينا
ريم:التصوير الفوتوشوب
خالد:خلاص افتحلج مصور
ريم:خاااالد بلا ملاقه
خالد:والله
ريم:لا مابي
خالد:انزين شرايج
ريم:شنو ؟؟
خالد:تشاركين اختي مريووم بمشغلها
ريم:صج؟
خالد:اي واذا عجبج الوضع وتحسين نفسج ماشيا في افتحلج مشغل
ريم:اوكي
خالد:خلاص انا اكلم مريووم
ريم:انزين امش نطلع
خالد:قومي لبسي ..


يوسف واقف يم بيت فجر ينطرها ترد .. فجر اول ما ردت نزل يوسف من السيارة ..
يوسف:والله مو قادر انساج
فجر:وخر يوسف خلاص مستحيل ارجعلك
يوسف:ليش قولي ليش
فجر:بس جرحتني وكسرتني مابيك اكرهك وخر وخر
يوسف:ما اقدر والله احبج
فجر:توك تستوعب انك تحبني وخر زيييين
فجر مشت وخلت يوسف ..
يوسف:ما اهدج فجر والله ما اهدج ..
دشت فجر البيت ودقت على ريم ..
ريم:هلا فجوور
فجر:رييم تعالي عندي محتاجتج
ريم:شنو شفيج
فجر:تعالي وقولج
ريم:اوكي
بعد ساعه ..
ريم:شفيج
فجر:يوسف اذاني مو راضي يهدني بحالي
ريم:مصخها ترا
فجر:في شي ما قتلج يا
ريم:شنو
فجر:دكتور بالجامعه يبي يخطبني
ريم:صججج
فجر:بس مابي انا
ريم:ليش
فجر نزلت دموعها:احباا
ريم:انتي من صجج ليلحين تحبينا
فجر:مو قادره انسا
ريم:انزين حبيبتي لا تبجين
فجر:شسوي ماا اقدر اردلا
ريم:لا ترديلا وافقي على الي خطبج
فجر:مابي اظلما وياي
ريم:جربي انتي
فجر:شجرب
ريم:يعني قعدي معاه كلمي شوفي اطباعه
فجر:مادري
ريم:صدقيني بس تعرفينا اكيد راح تحبينا
فجر:افكر
ريم:اي بس لي متى بتقعدين بدون ريال
فجر:ههههههههههههه

بعد يومين بالجامعه ..
فواز يمر يم فجر ولا يطالعها فجر ستغربت معقوله خلاص ما يبيها .. ترددت تروح تكلما بس ماتدري من وين ياتلها الجرأة..
فجر:آآه دكتور فواز
فواز بنفسيه:نعم
فجر:آآم بغيت اقولك عن آآه يعني في كتاب ابي ممكن استعيرة منك
فواز يتثيقل:مو مشكله مريني المكتب عن اذنج
فجر حترت من تصرفاتا:انشالله ما يشوف نفسه
راحت بعد محاظرتها غرفتا ..
فجر:ممكن اخذ الكتاب الحين
فواز:تفضلي
فجر تمشي شويشوي قبل لا تطلع ..
فواز:فجر
فجر ستانست:هلا
فواز:انتي صج تحبين
فجر:كنت
فواز:قوليلي كل شي
فجر:اوكي
طلعو الكفتريا وفجر قالت كل شي حق فواز..
فجر:هذا كل شي عشان جذي انا مابي اتزوج واظلم زوجي معاي
فواز:واذا قتلج اني ليلحين ابيج ومتمسك فيج اكثر من اول
فجر منصدمه:ما اتوقع
فواز:فجر ابي اخطبج ونتزوج وانسيج كل شي واعيشج مثل ما انتي تبين
فجر:اخاف بعدين تعايرني بالي قتلك يا
فواز:مستحيل مو نوعي صدقيني
فجر ابتسمت
فواز:والحين اقدر اخذ رقم امج
فجر هزت راسها ..

دقت ام فجر على ابوها وقالتلا ان في احد خطبها وخل ايون بيت امها راحو سارة وفجر وريم بيت يدت فجر ..
فجر:يما اشتقتلج
ام فجر:اي وايد
فجر:والله يماا
ريم:يما شفتي بنتي
ام فجر:شفتها تهبل
نطق الباب ..
ريم:اكيد اهما انا بروح ابطل
فجر:وايد خايفه
سارة:شدعوة بياكلونج
دشو ام فواز و خالت فواز و مرت ابو فواز واخته هديل .. بعد ربع ساعه دخلت فجر ..
ام فواز:مشالله هذي العروسه
ام فجر:اي هذي بنتي فجر
ام فواز:مشالله واايد حلوة ..
(فجر كانت لابسه نفنوف قصير اوفوايت واكسسوارات ذهبيه ومسويه شعرها ستريت )
ام فواز:فجوورة شنو تشتغلين
فجر:انا موعيده بالجامعه
ام فواز:اي اي صح قالي فواز
فجر نزلت راسها
ام فواز:يحليلج جم عمرج
فجر:25
ام فواز:العمر كلا انشالله عيل يا ام فجر احنا الحين نستاذن وننطر ردكم
ام فجر:حياكم الله
بعد ما طلعو ..
ام فجر:والله خوش ناس
فجر:اي
ام فجر:قولي حق ابوج يسال عنهم خيصير منا فايده شويه
فجر:انشالله يما

بعد جم يوم حددو الملجه والعرس بيوم واحد .. يوم السبت قبل العرس بيوم ..
ام يوسف تكلم سارة بالتليفون:يحليلها والله تستاهل هالبنت معني تصدقين كان ودي فيها حق يوسف يالله ما عليه ماشي يالله مع السلامه ..
يوسف:منو هذي الي ودج فيها حقي
ام يوسف:فجر
يوسف انصدم:فجر؟؟؟؟
ام يوسف:اي يحليلها خطبها دكتور وباجر عرسهم تهبل هالبنيه
يوسف انصدم قام بسرعه وطلع برا دق على فجر ..
فجر:الو
يويسف:ليييييييييييش ليش قولي لييييش انا احبج حراام عليج
فجر:خلاص عاد يوسف انسانس انا تعلمت القساوة منك الحين انا بتتزوج انساني مثل ما قاعده انساك مع السلامه
يوسف قعد يبجي ويفتر بالسيارة ومايدري وين يرووح ..

يوم العرس ..
فجر كان شكلها كيووووت نفنوفها بدون طرحا كان اوفوايت وفي شوارفسكي صاير كوكتيل ومكياجها ذهبي وبرونز ..
دشت الصاله و رقصو البناات ودش المعرس خلص العرس .. وراحو الفندق ..

بــعــد العرس بيومين ..
يوسف:يما خطبيلي
ام يوسف:هذي الساعه المباركه والله
يوسف:اي وحده على ذوقج
ام يوسف:انا شايفتلك وحده وانشالله بكلم امها وحدد معاها يوم
يوسف:انزين
بـعد سنه ,,
فجر حامل بالشهر الثاني ,, وايد مرتاحه ويا ريلها فواز خوش واحد بعد بس تولد راح يسافرون برا عشان تكمل دراستها ,,

يوسف تزوج وحده ومو مرتاح وياها وطلقها الله يعينا عايش حيات مادري شلون صايرة ليلا نهار ونهارا ليل ..

سارة ما حملت ليلحين بس قاعده تعالج ..

ريم .. بيوم ريم وخالد طالعين
ريم:انا ايب الجنطه انطر
خالد:انا ايبها حبيبتي
ريم:لا لا عادي
ريم بتمر الشارع عشان تروح السيارة .. بس كان في سيارة دايسه 120 ..
خالد صارخ:ريييييييييييييييييم
ريم لفت ويها صوب السيارة .. السيارة خذت ريم طيرت ريم ذبحت ريم طشرت ريم ..
خالد راح عند ريم يركض ..
حط راس ريم بحظناا ..
خالد:ريييييييم قووومي حبيبتي قووومي
ريم بصوت وااطي و متقطع:ررر ننن ووو قق رووننن ققق دييرر بالك عععلىىى روونق
كانت اخر كلمه على لسانها رونق ..
خالد يمسح ويه ريم بايدا يوخر الدم ..
خالد غمض عين ريم:نوووم العوافي(ونزلت دمعه حارة على خده)
يت الاسعاف وشالت ريم ..
خالد شال رونق وقام وهوا مو مستوعب منظر ريم وشلون السيارة دعمتها و ذبحتها مو مستوعب مو مصدق .. (ماينلام)
دش بيت اما وملابسه كلها دم و ماسك ايد رونق ..
ام خالد:خالد شنو هذا شفييييك وين رييم ؟؟
خالد يطالع سيده ودموعه تنزل:ماتت
ام خالد شهقت شهقه مو طبيعيه ..
خالد:دعمتها السيارة خذتها ههههههههههههههههه ماكو ريم خلاص ماكو ريييم ههههههههههههههههههههههههه ههههههههههههههههههههههههه ههههههههههههههههههههه
ام خالد تبجي:سمالله عليك حبيبي سمالله عليك الله يرحمها
خالد يبجي ويضحك هستر جنا توا استوعب الي شافا : يمااااااااااا ابي رييييييييييييم يبوووليي ريييييييييييييييييييييييي ييم رييييييييييييييييييم (قام يصرخ)رييييييييييييييييييي� � وين رحتي وخليتيني ريييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييييييييييييييم


فجر واقفه عند الباب تطالع فواز و فواز يطالعها ..
فجر:شفييك مو طبيعي
فواز:حبيبتي امشي اندش داخل
فجر مشت وهيا ساكته:شصاير
فواز:حبيبتي انتي مؤمنه وعارفه قضاء الله وقدره
فجر تخزه
فواز:لا حولا ولا قوة الا بالله عظم الله اجرج فجر
فجر شهقت:منوو ماااااااااات
فواز نزل راسه:ريم
فجر:لااااااااااااااااااا لااااااااااا لاااااا (وطاحت من طولها )

سارة طاح التليفون من ايدها .. مو مصدقه الي تسمعه خيال اكيد حلم مو صج معقوله ريم ماتت ريم رفيجتي واختي وحبيبتي ماتت ما عادت عايشه كل شي بحياتها انتهى راحت ..
احمد:شفيج حبيبتي
سارة تبجي وتصرخ :رييييييييييييم مااااااااااتتت ليش ريم ليش تروحين وتهديييييييني ليييييييييييش
احمد:لا حولا ولا قوة الا بالله

يوم الدفن خالد واقف على قبر ريم ..
خالد:خلاص صار الي كنت تتمنينه من سنين ارتحتي من الدنيا من الي ضيع طفولتج وحياتج ومن امج وابوج الي ضلموج ومني الي اذيتج وايد سامحيني ريم انا اسف بس انا كنت قاعد اعوضج حبيبتي ليش ما خذتيني معاج ليش الحين رونق اذا كبرت شقولها راح اسولف لها عنج كل شي بقولها عن طيبتج وحنيتج وجمالج وذرابتج ودموعج وعصبيتج كل شي كل شي وعد يالغاليه اني ما انساج لو شيصير معني زعلان منج وايد ليش تهديني وتروحين وعدتيني نظل طول العمر مع بعض (مسح دموعه)احبج يالغاليه

سارة ماسكه الالبوم الي ريم كانت مسويتا لها من جم سنه .. طالعت صوره صوره وهما كانو بلندن و لما كانو بالبحر ولما كانو بحديقت بيتهم ولما كانو بعيد ميلاد فجر و قرت التعاليق الي كانت ريم كاتبتهم بجت وضحكت ..
سارة:الله يرحمج حبيبتي الله يرحمج

فجر:مو قادره استوعب
فواز:الله يرحمها
فجر:حياتي شكثر كانت تتمنى الموت يوم الدنيا كلها صاكه بويها ويوم تعدلت الدنيا ما تسانست وايد فيها الله خذاها احسن لها خل ترتاح عمرها ما رتاحت الكل كان ضدها عاشت فمتاهت الدنيا الحين ارتاحت

بعد اسـبووع ..
سارة عند الدكتورة مو مصدقه :انا حاااااااااااااااامل انا حاااااامل مو مصدقه لاااااا
طلعت من المستشفى وراحت المقبرة على طوول ..
سارة تبجي:ريووم انا حامل انتي اول وحده تدري انا ابي بنيه عشان اسميها ريم بس اذا ولد راح اسمي (( جـاسـم )) مثل ما كنتي تبين تسمين ولدج ..


الـــــنهايـــه
عندي كلام ودي اقوله حقكم قبل ما اختم القصه .. انا كتبت القصه عشان تتعضون يا بنات ابيكم تستفيدون من القصه .. شوفو حياة ريم شنو كانت وشنو صارت وشلون انتهت .. شكثر تعبت بحياتها وشكثر شافت بي الله سبحانه وتعالى بالاخير عطاها وغير حياتها مهما يصير بحياتكم يا بنات لا تستلمون للحياة كونو اقوة من الظروف انتو الي مشو الظروف مو الظروف تمشيكم ..

الحب شي حلو ترا وااايد حلو بس عرفو شلون تختارونا لا احد يقص عليكم مثل ما صار بريم وفجر
.. فجر كانت حذرة مو مثل ريم .. ريم استسلمت حق خالد بسرعه .. بس فجر حافظت على نفسها وكرامتها .. ليمن الله رزقها بولد الحلال الي حبها وسعدها بحياتها .. و ريم الله يرحمها صج خالد اذاها وايد بس الله هداه بالنهايه .. بس مو كل الصبيان جذي ومو كل مرة تصيب ..

كلكم ودكم تعرفون منو انا وليش ما دخلت بنكي الاساسي .. مابي احد يعرفني مادري ليش بس بالقصه انا سارة .. الاحداث ترا مو كلها حقيقيه نصها خيال ونصها حقيقه .. فجر و خالد كانو متابعين الروايه وانا طبعا لوول ..
وودكم تعرفون شصار الحين ..

بـعد 3 سـنوات ..
فجر صارت دكتورة بالجامعه مع فواز وصار عندهم ريم و علي ..

سارة صارت محاميه في البنق وصار عندها ريم والحين حامل حمالها شوي صعب وناطره جاسم بعد جم اسبوع مو وايد ..

يوسف تزوج بنت تعرف عليها ونسى فجر وعندا وليد ..

خالد حبيبي والله ما نسى ريم تزوج رهف خوش بنيه طيبه وتحب رونق .. نونو عمرها 4 سنوات الحين تهبل جنها ريم نسخه مشالله .. صارلهم تقريبا سنه متزوجين والحين رهف حامل ..

وبالنهايه اشكركم وايد وايد وايد اشكر وحده وحده ردت عللا القصه وشجعتني اكملها بعد عمري تهبلون وايد استانس عليكم واله وعلى ردودكم والي ورا الكواليش على قولتكم اتمنى تشاركون وتشاركون ترا استانس على الردود .. مع السلامه وشوفكم على خير انشالله .. انشالله راح ارد على وحده وحده ..واسفه على القصور وعلى التاخير احبكم والله وراح اشتاقلكم .. وانشالله اذا ولدت يمكن افكر بروايه ثانيه اذا تبوون ..


اسطورة ! غير متواجد حالياً   رد مع اقتباس
قديم 24-02-15, 09:05 PM   #22

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


آه.. آه.. آه.. يا وطن يا وطن يلي إنولدت من جديد
إنت محيط الأرض يا موج البحار
وطن النهار..
وطني وطن النهار.. إنت النهار يا وطني
إنت الأمل لي هل.. وانت النهار لي طل
آه.. آه.. يا وطن يا وطن يلي انولدت
من جديد..





لامارا غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 09:29 PM



Powered by vBulletin®
Copyright ©2000 - 2024, vBulletin Solutions, Inc.