آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-01-15, 10:03 PM
| #1 | ||||||||||
| نجم روايتي ومشرفة سابقة وفراشة متالقة بعالم الازياء  
|  مابيك تحبني أعذبك وتعذبني..لو أنت تحبني خليها صداقة الكاتبه / برينسس أوراق ، مكتمله [TABLE1="width:100%;background-color:white;border:6px double tomato;"] | [/TABLE1] السلام عليكم ورحمة الله وبركاته شخباركم يا حلووات نقدم لكم باقه جميله من الروايات الكويتيه بمناسبة اليوم الوطني لدولة الكويت الشقيقه  قراءة ممتعة .gif "Eh S(7)") التعديل الأخير تم بواسطة اسطورة ! ; 23-01-15 الساعة 08:53 PM | |||||||||
|  |
|
07-01-15, 10:04 PM
| #2 | |||||||||
| نجم روايتي ومشرفة سابقة وفراشة متالقة بعالم الازياء
| السلام عليكم ورحمة الله عدنا والعود أحمد بعد غياب دام أكثر من سنة عن كتابة الروايات رجعت لكم برواية هالمرة رومانسية حيللللل جرئية جرأة معقولة بدون خدش للحياء ولا إسفاف .. وواضح من عنوانها أنها بتتكلم عن الحب وعادات وتقاليد أهل الكويت .. الخطف .. حياة البدو .. والحرية وأن شاء الله تعجبكم .. راح اخصص أيام للرد وأيام لوضع فصول الرواية بانتظار الجزء الأول من مولودتي الجديدة : مابيك تحبني أعذبك وتعذبني لو أنت تحبني خليها صداقة | |||||||||
|
| |
|
07-01-15, 10:06 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| .الشخصيات الرئيسية : معاذ : 22 سنة شاب وسيم يهتم بملابسه وكشخته وابتسامته والبنات يموتون فيه ما يمشي بدون بوديقارد بس حيل متواضع يدرس بالجامعة أدب انجليزي ثالث سنةةةة رشدان : 21 رفيج معاذ وذراعه اليمين وما يخش عنه شي ولا يمشي بدونه يدرس معاه بنفس الكلية .. ملامحه عاديةةةة بس تكانةةةة ويعتمد عليه واللي محبب البنات فيه الماركات اللي يلبسها . يوسف : 22 أصغر من معاذ بثلاث شهور ويصير ولد خالته وفاهم كل شي عنه بس طبعه هادي وما يحب المشاكل جميللللللل جماله ما ينوصف حمزة : 20 اصغر شاب بالشلة بس اقوى واحد فيهم ومعاذ يعتمد عليه بالهواش خخخ يلعب حديد وكارتيه ويدرب خيول ويلعب رماية ويسبح يعني يحب كل انواع الرياضات وهذا سبب قوته وكلهم عيال ناس اكباريه وتجااار ولهم اسم وسمعة بالسوق والكل بالجامعة يعرف قروبهم عبدالعزيز : 23 سنة شاب طويل جسمه عريض له عوارض وفيه جاذبيةةةة تحبب البنات فيه وغمازتينه يجننون جورية : 18 سنةةة سنة اولى جامعة ما تعرف شي ولا تفهم شي بالمواد والقوانين لي الحين خخخ نعومةةةة حيللل ولبسها ذرب شعرها أسود قصته دائريه لتحت رقبتها بشويه وعيونها عسلية لوزية وشفايفها خلقه ورديةةةةة سارا : 20 سنة اخت جورية وسابقتها بسنتين هي بثالث سنة جامعة اول كورس واختها مستجدة خخخ ملامحها ناعمة بس مو بجمال جورية بشرتها سمره صافيةةةةةةةةةة حيل وجسمها يجنن خلده : 20 سنة رفيجة سارا وبنفس الكلية معاها وتاخذ معاها نفس المواد وياكلون ويقعدون بنفس المكان حتى لما يسحبون على ام الجامعة يسحبون مع بعض خخخ بشرتها بيضا حيللللللل قزومة وشعرها اسود ناعم طويل على طول تاركته وتلبس نظارات ماك تشكن على طول والبي بي ما يفارق ايدينها وحاطة تقويم يعني مخفيه ملامحهاا واخليكم مع احداث القصة ونبدا من الجامعةةةةةةة الساعة 9:30 ممرات الكلية رشدان : شباب شفتوا سارا العبدةةةةةةةةة حمزة ومعاذ : ههههههههههههه يوسف بهدوء : حرام عليك يااخي شتبي بالبنت ليش تعيب عليها رشدان : اففف شقلت الحين انا معاذ : خلصنا شفيها بعدين صج ترى مو عبدة هي سمرةةةة حليوه هههههههههه رشدان : المهم تسمعوني ولا اذلف معاذ وحمزة ويوسف : هههههههه قول رشدان : عندها اخت صاروخ ( ومسك قلبه وعض شفته ) قسم أني خقيت حمزة ومعاذ : هههههههههههههه وشفيك صرت سعودي رشدان ضحك على حماسه : ههههههه ما ادري الكلمة الوحيدة اللي حسيتها تعبر حمزة ومعاذ ويوسف : ههههههههههههههههههههههههه معاذ : لهدرجة حلوة رشدان : قطعةةةة مو قطعة كيكةةةة قسم انها كيكة شنو عليها جسم شنو عليها عيون شنو عليها لون شعر حمزة : هذا قام يوصفها لنا يوسف : اخر شي تطلع عبدة مثل اختها معاذ وحمزة طاحوا على بعض من الضحك : هههههههههههههههههههههههه رشدان : والله الشرهه علي أني اقول لكم >> راح وتركهم حمزة : تعال وين رايح ؟! معاذ يضحك : هههههه خله خله بالحديقةةةة جورية : افف زهقت زهقت ويع ويع ويع ليش يطالعوني جذي سارا وخلدة : ههههههههههههههه جورية : الحين أنا معصبة وانتو تضحكون علي سارا : ههههههه قلتلج بتزهقين اول يومين بعدين بتتعودين خلدة : عادي جوجه بس يتعودون عليج ينسونج وما تشوفين احد يعطيج ويه سارا وخلدة : هههههههههههههههههه عبدالعزيز يقرب منهم ويقط زقارته تحته ويدوسها : صباح العسل ياعسلللللللل جورية معصبة على طول ردت : صباح الهم وال... سارا حطت ايدها على حلجها : ااا عزوز هذي جورية اختي جورية هذا عزوز خلدة ضحكت : هههههه جورية تفشلت لانها تعرفه : حبيبج ؟! عبدالعزيز ضحك بقوة : ههههههههههههه اي حبيبها سارا تفشلت من اختها : عزيز أنا عبدالعزيز نزل نظاراته شوي وابتسم وبينوا غمازته : عادي ساروه اختج هذي فلةةةةةة هههههههههههههه جوريه دق قلبها من ابتسامته وحركة النظارة وغمازته وتنفست بصوت عالي ( الله ياخذني وانت بعد اسكت بروحي مفضوحة افف افف غبية غبية ) عبدالعزيز : انا زعلان منج ساروه سارا مستحية : ليييييش عبدالعزيز : ليش ما قلتي لي ان اختج بتداوم وياج سارا : ما ادري عادي ما يا على بالي خلدة : كا دريت شبتسوي ؟! عبدالعزيز يطالع ساعته : لازم نقوم بالواجب قوموا عازمكم على ريوق سارا : لا عزيز مانبي عبدالعزيز قاطعها : ولا كلمة امشوا معاي يالله سارا مصدومة : وربعك عبدالعزيز : منو جاسم وفواز بييون معانا يالله بسرعةةةةة سارا وقفت مكانها وخلدة حست ان الوضع غلط سحبت جورية ومشت عبدالعزيز لف وشافها وراح سحبها : يالله شفيج جاسم : من صجه هذا ؟! فواز : والله سواها الچلببببب جاسم : 23 سنة جماله عادي ضعيف وطويلللللل بس ملابسه الماركة تخلي الناس تطالعه وتسولف معاه فواز : 23 سنةةةة اكبر من جاسم وعزوز بأربع شهور شخصيته هادي وتكانةةةةةةة جاسم : بس والله قطعة بنت اللذينا فواز : اول مرة ادري ان سويره عندها هالأخت جاسم : شجاب القمر للتراب فواز ضحك : هههههههههههههههه حرام عليك مو لهدرجة جاسم : واكثر بعد تتحداني فواز سكت : ......... عبدالعزيز يأشر لهم : يالله شباب جاسم وفواز قربوا منهم : وين عبدالعزيز : عازمكم على الريوق بمناسبة ان ( التفت وما شافها ) وينها جورية كانت منخشه ورا خلدة : هني كلهم : هههههههههههههههه عبدالعزيز ماسك نفسه غصب : شباب هذي جوريه اخت حبيبتي جوريه هذول جاسم وفواز ربعي وقروبي وبمناسبة انضمامها لشلتنا الموقرة عازمكم على الريوق خلدة وسارا وفواز وجاسم : هههههههههههههههههههه رشدان من بعيد كان يراقبهم ويكلم نفسه : والله طاح عليها عزوز الحيوان معاذ ياله من ورا : هيي ياابو الشباب ليش تكلم نفسك يوسف : وينها الكيكة رشدان : صادها الحيوان معاذ ويوسف وحمزة : هههههههههههههه عزوز ؟! رشدان : وفيه غيره ناشب لنا هني حمزة : انا مو مصدق رشدان : طقاق مو لازم حمزة : يطقك ياحمار يوسف ومعاذ : هههههههههههههههههههه نترك الجامعة وسوالفها شوي ونروح لبيت ابو سارا ابو سارا ما عنده غير بنتين وكان يتمنى طول عمره يكون عنده ولد يشيل اسمه بس ام سارا صار عندها سكر وضغط والحمل صار خطر عليها ومن وقتها تغيرت معاملته معاهم وصار شديد وقاسي شوي ام سارا مصدومة : جوريه !! ابو سارا : اي شفيج ام سارا : ما فيني شي بس شمعنى اهي وبعدين جوريه صغيره توها اول كورس وينها وين الزواج وشلون تزوجها قبل اختها واصلا المفروض ترفض الشايب هذا يمشي ويتزوج ابو سارا عصب : لا والله تعالي طقيني بعد شفيج اكلتيني بقشوري كلمة ورا كلمة عطيني مجال ارد عليج | |||||||||
|
| |
|
07-01-15, 10:07 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| الجزء 2 ابو سارا عصب : لا والله تعالي طقيني بعد شفيج اكلتيني بقشوري كلمة ورا كلمة عطيني مجال ارد عليج ام سارا تفشلت وسكتت : ......... ابو سارا : أنا معطي الريال كلمه .. علمي بنتج تجهز نفسها باجر يشوفها والخميس الملجة ام سارا : أنت من صجك بتعطي جوريه لهالشايب .. لا والله حشى ماخذته برا عند البيت عزوز بسيارته الامبرجيني : وصلنا سارا : مشكور عزوز جوريه بعفويتها : ي حظي شنو مشكور قولي يعطيك العافية ي عمري ي قلبي الله لا يحرمني منك مو مشكور سارا تفشلت وعبدالعزيز ضحك : ههههههههههههههههههههههههه ههههههههههه سارا استحت حيل : هين يا ام لسان طويل اوريج بالبيت عبدالعزيز ماسك بطنه من كثر الضحك : هههههههه خليها والله عجبتني اختج ههههههههههههههههههه جوريه نزلت وهي تضحك : هههههه باي عزوز سارا بحقد : قطت الميانه ام لسان عبدالعزيز ضحك : ههههههههههه بايات ي عمري هههههههه سارا مسكتها ومشت : امشي جدامي انتي يا ام لسان توج ما تعرفين تتكلمين وما تدرين شتسوين ووين تروحين والحين توج متعرفه عليه تفشليني جدامه جوريه تضحك : هههههههه والله ما أدري سارا : شفيهم امي وابوي يصارخون .. يمه يبه شفيكم تصارخون صوتكم واصل الشارع ابو سارا : سألي امج اللي ما تستحي على ويهها اخر عمري ترفع صوتها بويهي وتعصي كلمتي ام سارا : الله يالدنيا .. أنا الحين صرت ما استحي.. بعد كل اللي سويته عشانك ..اسمعني عاد .. بنتي ما تزوجها لهالشيبة يعني ما تزوجها سارا مصدومة : يمه يبه شسالفة ابو سارا: بنشوف منو كلامه بيمشي عالثاني يابنت سلطان جوريه : يبه شفيكم ام سارا تصارخ : أبوج اللي ما يخاف ربه بيزوجج لابوصقر الشيبه اللي يمشي ويتزوج سارا انصدمت : أنا .. من قالكم أني بتزوج ابو سارا : من كلمج انتي ؟؟ بوصقر يبي جوريه حضروا نفسكم الملجة يوم الخميس غير هالكلام ما عندي جوريه مصدومة : من قال اني موافقة ..أنا بكمل دراستي ومابي اتزوج الحين .. ابو سارا مسكها من شعرها : سمعيني عاد أنا قلت كلامي وما راح اعيده جهزي نفسج يوم الخميس لا اخليج تجهزين نفسج غصب جوريه عصبت : مو كيفك وهد شعري عورتني ابوها طاح فيها طق وامها خافت عليها وقامت تحاول تفكها منه وسارا من الخوف انحاشت برا البيت ودقت على عبدالعزيز : عزوز انت وين عبدالعزيز : شفيج حبيبتي سارا : تعال بسرعة رد بسرعةةةةة بسرعة عزيز راح يذبحها انا خايفة بسرعةةةة أبو سارا بالبيت قطع جوريه تقطع مجع شعرها وطاح فيها ترفس وطراقاات وطق بالعقال وهي تصارخ وامها تصارخ والخدامة خايفة : تردين بويهي هين والله لأربيج والله لأربيج مسكها من شعرها وسحبها على الدرج وصعدها غرفتها وقفل عليها واخذ المفتاح وطلع ام سارا تبجي وتركض وراه : حسبي الله ونعم الوكيل فيك يالظالم ليش قفلت عليها ليش ابو سارا دزها وطلع : وخري عني جوريه تبجي وتطق الباب : يمه فتحولي الباب تكفون يمه مابي اتزوجه تكفففففففين ام سارا قامت وهي تبجي : زين يمه زين نادت الخدامة يابت لها المفتاح السبير وطلعتها جوريه تبجي حيل : تكفين يمه لا تخلينه يزوجني تكفين ام سارا : اقولج ما راح تتزوجينه .. روحي لمي ملابسج بسرعة وخلينا نروح جوريه تمسح دموعها بسرعة : وين نروح ام سارا : بالطريج افهمج بسرعةةةةة نادت الخدامة وقالت لها تقول للسايق يجهز السيارة بسرعة ولمت ملابسها وملابس بنتها ونزلت وهم طالعين رد أبوها من الصلاة وشافها : وين على الله مسكها من شعرها بس امها وقفت بينهم : روحي جوريه روحي أنا بعدين اييج جوريه انحاشت بسرعةةةةةةة ومعاها الخدامة طلعت لها الهاندباك وابوها لحقها بس امها وقفت ورا الباب ومنعته يطلع وطقها طق اليهد عشان توخر عن الباب وطلع وما لقاها ورجع لها معصب ومسكها من شعرها : بنتج وين راحت ؟ وين نحشتيها ؟؟ ما تحجين ؟؟ ام سارا تصارخ : وخر عني ي مال ايدك الكسر أنا سكت لك وايد ترى لا تتوقع اني ما وراي ظهر .. انت عارف اهلي عدل ابو سارا بعصبية : تهددني بأهلج خليهم ينفعونج .. طلعي عن بيتي لا بارك الله فيج ولا في بناتج انتي طالق أما جوريه ما لقت مكان تروح له غير البحر .. وين تروح ومالها صديقات ولا عمام ولا خوال طول عمرها مالها غير أمها وأختها .. : اخ ي جسمي يعورني .. اخ ي ايدي اخ يمه .. وينج يمه ظلت تدق على أمها وأمها ما ترد عليها لما راح الليل ونامت جدام البحر على الرمل شقة عبدالعزيز نفس الوقت سارا تبجي من قلب : خايفة عزوز خايفة أنت ما شفته شلون يطقها وأمي أدق عليها ما ترد .. جوريه اختي واعرفها ما تعرف تتصرف ما تعرف عبدالعزيز يمسح دموعها وماخذها بحضنه : ياقلبي بسج بجي ذبحتي روحج خلاص ان شاء الله مافي الا العافية باجر يتحسن الوضع وأنا بنفسي أوديج وأكلم امج واتفاهم معاها بعدين حتى لو طقها هذي بنته واكيد ما راح يسوي شي يضرها سارا بخوف : مابي اروح مابي بقعد عندك عبدالعزيز يسدحها : خلاص انتي الحين نامي وريحي نفسج وانسي كل شي ثاني يوم الصبح الساعة 11 جوريه قامت من النوم وجسمها مسكر على حرارة الشمس غسلت ويهها بماي البحر وقعدت : شسوي الحين وين اروح سارا ما ادري عنها وامي ما ترد علي .. لا لا ما راح ارد لو رديت اكيد بيخليني اتزوجه غصب .. مستحيل اضيع مستقبلي مع واحد شايب اكبر من ابوي .. أنا بدرس وبصير مترجمة مابي اتزوج الحين .. حتى امي وسارا ما راح اكلمهم اكيد لو كلمتهم بيعرفون مكاني وبيرجعوني غصب .. لا لا .. طلعت الشريحة من فونها وكسرتها وقامت : بس وين اروح ما معاي الا 35 شلون بيكفوني اكل وشرب ونوم اصلا مافي ولا فندق ولا احد يأجرني سحبت جنطتها واجرت تاكسي وراحت شارع المطاعم طلبت لها صمون وعصير وسلطة وقعدت تتريق سطام : تشوف اللي اشوفه وليد : شنو سطام : قطعة قطعة بنت الكلببببببب كيكةةةةةة وليد : سطام فكنا من مشاكلك وخلص اكلك عشان نقوم سطام : من صجك انت تبيني اقوم واخليها .. وليد : انت ليش تحب المشاكل بعدين البنت شكلها مسافرة أو بتسافر يعني انثبر بمكانك سطام ضحك : هههههههه والله انك طيب هذي مسافرة حبيبي هذي شكلها منحاشة او مطرودة وليد : يعني شنو سطام : يعني لازم نضبطها لنا ابتسم بخبث وقام وطنش وليد اللي يناديه وليد : سطام سطام تعال وين رايح سطام سحب كرسي وقعد بدون استئذان وغمز لها : مرحبا جوريه خافت : نعم سطام مسك ايدها : ممكن نتعرف جوريه سحبت ايدها وقامت : لا سطام مسك ايدها وسحبها حيل ولزقت بالطاولة : وين وين جوريه من الخوف عصبت وطقته طراق : احترم نفسك ... شنو هذا .. ما تستحي انت .. شهالوقاحة وقلة الادب اللي انت فيها .. طلعت وتركته وكل الناس تطالعها اللي مصدوم واللي يضحك واللي قلبها مصخره على سطام سطام تفشل وحقد عليها وطلع وراها على طول : ......... وليد لحقه بسرعة : سطام سطام تعال وين رايح يالمينون لا تفضحنا سطام ركب سيارته بسرعةةةة: خلصني بتركب ولا امشي عنك وليد ركب : خلها تولي خلاص وسطام لحق التاكسي اللي فيه جوريه وصار يحدهم ويبي يقلبهم ويسبها ويسوي لها حركات وصخه : والله ما اخليها والله وليد : شوي شوي خفف سطام لا تقلبنا سسسسطام خلها تولي خلاص لا تذبحنا بسرعتكككككككككككك سسسسسسطام سطام يصارخ : اذا خايف اننننننزل وليد عصب عليه : احترم نفسك سطام لا تنسى منو أنا ومنو أنت سطام جرحه كلام وليد بس خلاص رفيجه وتعود عليه وصارخ : لااا ما نسيت وادري انك وليد اللي ابوك واهلك تجار وانا سطام الفقير الحافي المنتف اللي مرافجك من المدرسةةةةةةة وليد : اسف سطام تدري اني ما اقصد اجرحك بس خلاص وقف وقف بتذبحنا سطام وقف : وهذا انا وقفت ارتحت الحين وليد : اي ارتحت وبعدين انسى ما صار شي مدت ايدها عليك ياخي تستاهل من قالك تروح تتحرش فيها جدام الناس شين وقواة عين سطام : هالمرة عشانك بطوفها وليد : انزين ودني البيت بريح احس اني هلكان من الصبح برا ضاحية عبدالله المبارك الساعة 5 ام سارا : وين اروح يعني اقولك طلقني وبناتي ما ادري وينهم ........ : وانا شسويلج توج تتذكرينا بعد عشرين سنةةةةة .. ام سارا : شسوي يعني وين اروح مالي غيركم الحينننننن ......... : روحي المكان اللي كنتي فيه مالج قعدة هني ولا نتشرف فيج يالله برا ام سارا نزلت دموعها وراحت طلعت الخدامة صيتا وراجيف واقفين برا : ماما وين يروح الحين ام سارا تمسح دموعها ( وين اروح الحين ) : رد البيت راجيف خاف : بيت ماما ام سارا بعصبية : ما سمعت يعني خلصني يالله راجيف اخترع : اوكي اوكي ام سارا تكلم نفسها ( مالي الا ارد واساحله نار محمد ولا الشارع والفضيحة ) شنو توقعاتكم ؟! شنو صار لجوريه ووين بتروح ؟؟ ام سارا ردت للعذاب بنفسها تهقون يردها ولا يطردها ؟؟ وشلون راح تحل هالمشكلة وترد بناتها ؟؟ سارا شلون تساعد اختها وشنو بيصير معاها ؟؟ واحداث وايد تابعوهاا ناطرة ردودكم | |||||||||
|
| |
|
07-01-15, 10:11 PM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| الجزء 3 شقة عبدالعزيز الساعة 8 م دخل عزيز غرفته وشافها للحين نايمة بفراشه : ياكسلانة قومي من الصبح نايمة سارا غطت نفسها بالكمبل : جم الساعةةةة ؟؟ عبدالعزيز انتبه لحركتها وابتسم : ثمان قومي يالله سارا : وين بنروح ؟؟ عبدالعزيز : باخذج نتعشى برا وبروح لابوج واتفاهم معاه وان شاء الله انه تنحل هالمشكلة سارا : لا لا ما اروح عبدالعزيز : ما يصير سارا فكري فيها مهما كان بيظل ابوج ومهما طقكم وهاوشكم اكيد بيحن عليكم ويحبكم ويخاف من الفضيحة ، انتي بس قومي وانا انزل واتفاهم معاه سارا بخوف : اوكي بيت ابو سارا ابو سارا : اشوفج رديتي ؟؟ ام سارا : طردوني ابو سارا : ههههههههه احسنننننن قايل لج بس ما تسمعين الكلام والحين ذلفي خلصيني انتي وخدامتج وسايقج خلهم ينفعونج ههههههههههه ام سارا عصبت : اسمعني عاد بالقانون هالبيت بيتي وانا اللي قاعدة وانت اللي تطلع وبناتي بيردون عندي ويعيشون عندي وهالشيبه انت تتصرف معاه وتفهمه انه ماله شي عندنا ولا ترى والله لأشتكي عليك انت وياه واقول انك مطلقني وماخذ بيتي وطارد بناتك وبتزوجهم غصب عنهم واخذ منك اللي وراك وجدامك وفوق هذا ملزوم بمعاش السايق والخدامة والمصرف والنفقةةةةة والبيت لي يعني بقعدك على الحديدةةةةة ابو سارا خاف من تهديدها ( أنا شلي قردني وياج الله ياخذج ويفكني منج ماكو الا اترك لها البيت واخذ فلوسي واهج لمكان ما يوصلني فيه بوصقر واعيش حياتي واتزوج ويصير عندي ولديشيل اسمي ) : ........ ام سارا : شقلت ؟؟ ابو سارا : قلت لا بارك الله فيج ولا بالساعة اللي شفتج فيها انتي طالق طالق ام سارا حست بالراحة وابتسامة النصر علت ويهها لما شافته ياخذ مفاتيحه وبوكه ويطلع : صيتا شيلي ملابس بابا من كبت كله قطي زبالةةةةةةةةة صيتا : اوكي ماما ام سارا : خلاص يافضة خلاص ايام عذابج وحسرتج ودموعج راحت انا لازم اعيش حياتي وارجع بناتي لحضني وهالشيبة انا اعرف شسوي فيه بالتاكسي السايق مل منها من الصبح معاها وما يدري وين يروح : ماما انا يتعب خلاص انتي انزل انا فيه مشكلة لازم يسوي سيارة بعدين يسوي خصم من معاش مال انا جوريه خافت وين اروح الحين انا لازم اتصرف مستحيل امشي بروحي بعد اللي صار اليوم .. : زين زين بعطيك فلوسك لا تحن افففف ودني مجمع .......وانطرني هناك السايق يتحلطم : انا فيه يتعب انتي انزل جوريه عصبت : اقولك بعطيك فلوسك امش وانت ساكت لا ادق على الشركة يفصلونك السايق خاف وقام يسب ويتحلطم وصلها للمجمع اللي تبينه ونطرها وهي نزلت دخلت اول محل رجالي شافته اشترت لها تيشرتات واسعة وجم بنطلون وجاكيت رجالي وشماغ وكاب وراحت الحمامات ودخلت حمام الرجال بسرعة وبدون محد يشوفها وبدلت ملابسها لبست بنطلون وتيشيرت واسع بني وفوقه جاكيت اسود بحيث يغطي صدرها ولمت شعرها تحت الكاب ولبست نظارة كبيرةةةةةة رجالية وشالت اكياسها وطلعت وقلبها يدق مو واثقة من اللي بتسويه طلعت وركبت السيارة : شوف ولا كلمة فهمت الحين بعطيك فلوسك السايق منغث وساكت : ................................. جوريه فتحت الباب مرة ثانية وسوت نفسها توها نازلة تسال : ا ا يالاخو عبدالعزيز : هلا اخوي جوريه طاح قلبها ببطنها ( ما طحت الا بعزيز افف ليش ليش الحين يكشفني ) خشنت صوتها وعينها بالارض : يااخوي انا توني نازل من المطار صارلي عشرين سنة عايش برا الديرة مع اهلي والحين رديت وهالهندي ما يفهمني اقوله ودني فندق يقول ما يعرف عبدالعزيز : ولا يهمك اخوي انا افهمه جوريه توهقت ( شفيني غبية اي فندق وانا ما عندي فلوس ولا شي ) : لا لا اقصد ما راح يفهم منك انا تعبت منه شرايك توديني انت عبدالعزيز شك فيه وقام يطالعه ( وضعه غريب شلون اول مرة يطب الديرة ويتكلم احسن مني وشكله نعوم وراعي بلاوي خل اوصله وافتك منه احسن ) : اي مو مشكلة جوريه استانست وخشنت صوتها : مشكور ياخوي خلني بس اخذ اغراضي منه عبدالعزيز ساعدها واخذ الاغراض والجنطة وحطهم بدبة سيارته وجوريه حاسبت التاكسي وركبت عبدالعزيز : شسمك ياخوي جوريه ( والحين شسوي ما لقيت غير عبدالعزيز الحين شلون افهمه لو كشفني .. لا لا ما راح يكشفني على الاقل جذي مرتاحة اني بتعامل مع الناس على اساس اني صبي مو بنت .. ) : ها اسمي عبدالله عبدالعزيز : اتشرفنا انا عبدالعزيز جوريه ( اخ ادري ) : الشرف لي عبدالعزيز : ممكن سؤال جوريه طاح قلبها ببطنها : اتفضل عبدالعزيز : عبدالله انت تقول اول مرة تطب الديرة وطول عمرك عايش برا وانا احس ان لبسك وكلامك كويتي مثلنا جوريه قاطعته وخشنت صوتها : اي اي هذا لانه ابوي كويتي وامي امريكية وانا ولدت هناك وتعلمت كويتي من ابوي بس امي وابوي توفوا بحادث من شهرين وانا قلت لازم ارد واعيش هني وادور اهلي عبدالعزيز ( وأنا اقول شفيه نعوم طلع تربية امريكية ) : يعني ما عندك مكان تروح له جوريه ( اخيرا حس ) : والله بصراحة ما اعرف احد هني وما عندي مكان اروح له قلت اروح فندق الليلة عبدالعزيز : لا فندق ولا شي شرايك اخذك عندي ومنها تنام وترتاح شكلك تعبان ومنها تقوم باجر تدور اهلك واساعدك وافهمك على كل شي جوريه ( عنده ، وسارا ، اذا لقيتها هناك شسوي بس تشوف عيوني تكشفني ) : ا انت عايش بروحك عبدالعزيز ضحك : هههههه تدري ان الله يحبك اليوم اي عايش بروحي جوريه ( عيل سارا وين راحت يمكن عند خلدة ) : اي زين بيت ابو سارا الساعة 12 ص سارا بحضن امها : يمه انا للحين مو مصدقة انج سويتي كل هذا ووقفني بويه ابوي والحين انا بحضنج ام سارا تحضنها : اخ يابنتي الزمن يعلم وانا اللي شفته امس عمره ما مر علي وابوكم كسر خاطري وطلقني بعد هالعمر الله لا يسامحه لا اهو ولا هالشيبة وانا اللي بعت (وسكتت ) سارا ما فهمت : بعتني شنو يمه ام سارا ( شفيني قمت اخورها اشوه اني ما كملت ) : ولا شي يمه ولا شي كنت اقصد اني بعت كل شي عشانكم الحين انسي كل شي ونامي وارتاحي وباجر من الصبح ندور على اختج سارا : ان شاء الله ام سارا : تعالي صج شلي بينج وبين عبدالعزيز سارا استحت : يمه والله مافي بينا شي اهو يحبني من زمان وانا احبه وكان ينطرني اخلص دراستي ونتزوج انا معاه ام سارا : من متى من زمان يعني سارا : من الجامعة اول ما دشيت ام سارا : بس والله انه ولد اصل وكبر بعيني لولا موقفه اللي سواه معاج وما لمسج وانتي عنده وكان بيكلم ابوج جان ما خليتج تشوفينه ولا تكلمينه بعد وجان عرفت شسوي فيج سارا ضحكت : ههههه تصبحين على خير يا احلى ام بالدنيا شقة عبدالعزيز عبدالعزيز : اتفضل عبدالله حياك لا تستحي جوريه : زاد فضلك اعذرني ياخوي تعبان وبنام عبدالعزيز : اي نام واخذ راحتك اعتبر البيت بيتك هذي غرفتي والثانية غرفتك جوريه : ما ادري شلون ارد لك جميلك بس مشكور عبدالعزيز ابتسم : شدعوه ما سويت شي جوريه دخلت الغرفةةةةةةةة وقفلت الباب وتنهدت بصوت عالي وحذفت نفسها على الفراش : اخيرا وراحت بسابع نومةةةةةةةةةة عبدالعزيز انسدح بفراشه : غريب امره .. ليش احس انه جذاب وبعدين ليش حاط نظارة بالليل وسالفة انه ابوه كويتي وتعلم منه ما دشت مخي مبين شكله جنس .. استغفرالله خل انام وباجر يبين كل شي الجامعة الساعة 8 سارا : صباح الخير خلدة : صباح النور وينج يومين ادق عليج ما تردين ووينها جوريه ما داومت سارا : امشي امشي بعدين افهمج صار معاي وايد اشياء بس بعد المحاضرة اقولج كل شي خلدة : اوكي راحو المحاضرة وكانت هذي المحاضرة الوحيدة اللي كل ثلاثا يلتقون فيها قروب معاذ مع قروب عزيز سارا وخلدة : السلام عليكم الطلبة : وعليكم السلام عبدالعزيز اشر لها : تعالي هني سارا : امبيه فشلة مافي مكان خلاص بقعد هناك خلدة : يالله سارا جاسم : ماني قايم عبدالعزيز : مالت عليك من قالك قوم فواز : هههههه خلاص البنت راحت قعدت وانتو تتهاوشون معاذ قاعد وراهم : وينها الحب ؟ رشدان ضغط على اسنانه : خرا عليك زيننننننن وانا شكو تسالني عنها يوسف يضحك : ههههه شفيك عصبت حمزة : اسكت عنه معاذ معاذ ضحك من قلب : هههههههههههههه ما قلت شي انا دخل دكتور المحاضرة وسكتوا سلم عليهم وسلموا عليه احمد سالم .... نعم اسيل عامر ..... نعم الخ الخ جوريه محمد ..... .... لا رد جوريه محمد ..... .... سارا ردت : دكتور أنا أختها اهي تعبانة ما راح تداوم هالاسبوع الدكتور : انزين ذكريني بعد المحاضرة اسجلها عذر سارا : ان شاء الله حمزة الفهد..... نعم خلدة سلطان .... نعم رشدان عبداللطيف ..... نعم الخ خلص الاسماء وبدا الشرح والكل سكت وبدا يسمع ويكتب شقة عبدالعزيز الساعة 11 قعدت جوريه وجسمها مكسر شافت نفسها بملابسها وتذكرت كل شي وشهقت : امبيه انا شسويت شلون افك نفسي من هالورطة مالت علي اصلا شكلي من شكل صبي ويهي ناعم وجسمي ضعيف ياربي شسوي لازم اكمل مستحيل اخلي عزيز يحس فيني او يكشفني اكيد بيقول لسارا وانفضح قامت بسرعة تسبحت ونشفت شعرها : شعري لازم اقصه ولازم اعدل بنفسي عشان ما يشك فيني .. اففف من وين ابدا لبست مشد على صدرها وفوقه بلوزة علاق عشان تغطي عليه وما يبين وفوقهم تيشيرت واسع لونه ازرق وجاكيت اسود وبنطلون واسع .. لمت شعرها كله بيدها وحشته لتحت اذونها مثل الصبيان اهو اصلا كان لرقبتها .. جهزت النظارة ولبست الكاب وصار شكلها صج صبي بس ضعيف : ههههههه شكلي صار غبي وخواف ( وخشنت صوتها ) بس احسن طلعت للمطبخ وسوت لها نسكافيه وسمعت صوت وارتبكت عبدالعزيز دخل وشافها : السلام عليكم جوريه بجفاف : احم وعليكم السلام اعذريني قعدت ما لقيت احد عبدالعزيز ( شفيه مرتبك وعيونه بالارض ) : لا عادي خذ راحتك .. شرايك نروح نتغدى ومنها اوصلك المكان اللي تبيه جوريه خافت ولفت على المغسلة وحطت النسكافيه عليها : توصلني .. اي اي يالله عبدالعزيز ( بديت اشك ) : يالله عيل بس دقيقة اغسل وابدل ونروح جوريه قعدت تفكر بخوف ( شسوي وانا ما عندي فلوس وهويتي بنت ) عبدالعزيز طلع من غرفته وشافها : يالله جوريه سحبت جنطتها : يالله انا جاهزة ا اقصد جاهز ( غبية غبية شسويت ) عبدالعزيز بنفسه ( جاهزة .. هين ) : انزين عبدالله ليش لابس نظارتك احنا للحين بالبيت جوريه ( افف شقول ) : ا ا اي عشان عيوني تعبانة ما نمت عدل امس والشمس تأذيني عبدالعزيز : انزين بس ماتحس باالحر ترى صيف موت الدنيا شكلك متعود على البراد برا جوريه : ها اي تدري الجو هناك كله بارد ومطر فتعودت البس جاكيت واخاف اشيله امرض لاني للحين مو متعود على جوكم ... ا ا ما راح نروح عبدالعزيز بهدوء : امبلا يالله اخذ الجنطة ونزلوا من العمارة وحطها بالدبة وركب السيارة وركبت جوريه جدام ميتة خوف .. عبدالعزيز ارسل بي سي لربعه ( شباب لحد يمرني الشقة قبل ما يقول لي ) راحو مطعم البستان وطلب عبدالعزيز احلى مشاوي وسلطات عبدالعزيز : ما قلت لي عبدالله شنو تحب تاكل ما ادري انا طلبت وما سالتك جوريه : انا احب السلطات اكثر شي عبدالعزيز ابتسم بخبث : نباتي يعني جوريه مرتبكة : ها اي نباتية اقصد نباتي ( شفيني غبية ) عبدالعزيز ( حلو حلو ههههه ) : شفيك عبدالله احسك متوتر ومرتبك قلت لك لا تحاتي ولا تفكر بشي انا هني بعلمك كل شي وشنو اهم الاشياء اللي ممكن تساعدك تلقى اهل ابوك جوريه ( رحت فيها) : اي مشكور ترى ما اعرف شي عبدالعزيز : العفو ما سويت شي خلصوا اكلهم وراحو السيارة ووداها عبدالعزيز لاقرب فندق ووقف عبدالعزيز : هذا الفندق وصلنا تقدر تنزل تضبط حجزك على ما انزل الاغراض جوريه ( توهقت ) : ها اي ان شاء الله نزلت جوريه وعبدالعزيز نزل وفتح الدبه ( هين ياعبدالله ) فتح الجنطة بخفة قبل ماينزلها وشاف كل اللي فيها ملابس بنت وانصدم : والله حسيت شكلها شكل بنت وجسمها جسم بنت شلون قدرت تجذب انها ولد لا وتتنكر وتألف قصص بس هين أنا اوريج يا عبدالله جوريه حست انه طول وهي بالأساس ما دشت وقفت عند البوابة ورجعت له : ...... عبدالعزيز شافها : ها عبدالله شفيك رجعت >> نزل الجنطة جوريه بصوت خشن : والله ما أدري شقولك ياخوي شكلي بتعبك معاي طلعت مضيع هويتي بالمطار وتدري بدونها ما اقدر احجز عبدالعزيز ( هين ) : اي مو مشكلة احجزلك باسمي وبعدين انت كنسله جوريه ( شفيه ما يفهم ) : لا لا أنا اقول احسن شي اقعد عندك جم يوم ليما القى اهلي واعرف عنوانهم عبدالعزيز ( تقعدين عندي وتقطين بلاويج علي ناقصج انا ) : اي مو مشكلة حياك البيت بيتك اصلا انا ساكن بروحي جوريه تنهدت وراحت ركبت معاه السيارة وهي تسب بنفسها وتفكر بمصيبتها : ................. عبدالعزيز ( والله قوية عين بس هين أنا لج ) : ........... انتهى شنو توقعاتكم ؟؟ عبدالعزيز شلون بيكشفها ؟؟ او معقولة يصدق انها ولد ؟؟ وشلون جوريه بتتعامل معاه ؟؟ ام سارا اللي للحين ما تدري عن بنتها وين راحت شلون ترجعها ؟؟ سارا وخلدة شنو يقدرون يسوون عشان يلقون جوريه ؟؟ ابو صقر كل شي من تحت راسه شنو بيسوي مع ابو سارا ؟؟ ابو سارا وين راح ؟؟ وشلون بيحل السالفة مع ابو صقر ؟؟ | |||||||||
|
| |
|
07-01-15, 10:12 PM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| الجزء 4 بيت ام سارا سارا : يمه ام سارا : هلا يمه سارا : ما راح نبلغ عن جوريه بيصير لها أربع ايام غايبة عن البيت وما ندري وينها ؟؟ ام سارا : نبلغ عنها تبينا ننفضح كافي الفضايح اللي يت من تحت راس ابوج وهالشيبة الله لا يوفقه سارا : عيل شنسوي ما يصير نسكت ام سارا : لحظة .. صيتا فتحي الباب سارا : معقولة تكون ردت راحو للباب وطلع بو صقر : وين زوجج ؟! ام سارا بحقد : شيايبك عندنا يالشيبة وما تستحي على دمك ما تقول شايب ريلي والقبر صك عمرك السبعين وللحين تدور على بنات روح حسبي الله ونعم الوكيل فيك ابو صقر : انا مالي كلام معاج انا كلامي مع ابو سارا وينه انا متفق معاه اليوم ام سارا تصارخ : شوف يالشايب يالعايب اذا ما مشيت الحين بدق على الشرطة واعلمهم عن سوالفك واخليهم يسحبونك للمخفر وابو سارا ذلف من يومين وما ندري وينه وهني لا تدوره لانه طلقني وهالبيت بيتي وماله رجعه فيه فهمت يالله عطنا مقفاك سكرت الباب بويهه ودخلت مع بنتها وخدامتها ابو صقر كان مصدوم ويكلم نفسه : يعني اخذ فلوسي وقص علي وانحاش انا هالمنتف اخر عمري يقص علي والله فشلةةةة ( قام يطق الباب بعصاته ) صج انج ما تستحين ومحد عرف يربيج ما الوم ابو سارا يوم قال هذي تركت اهلها وخانتهم عشاني شلون ما تخوني .. تصكين الباب بويهي وتطردني انا اوريج اذا ما اخليج تخيسين بالسجن وتعفنين فيه ما اكون بوصقر . مشى وخلاهم خايفين | |||||||||
|
| |
|
07-01-15, 10:13 PM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| تكملة البارت الرابع سارا : يمه شهالخرابيط اللي يقولها ام سارا ارتبكت : قلتيها بعد خرابيط شايب ومخرف سارا : يمه اهو يقول تركتي اهلج وخنتيهم ؟؟ شلون عرف ومنو اهلج مو انتي قلتي انج وحيدة وامج وابوج ماتوا من زمان ام سارا : اي يايمه ما عليج منه سارا : شلون ما علي منه يمه انتي ما سمعتي كلامه ام سارا صارخت : خلاص عاد ناقصتج انا تحققين معاي سارا : ما احقق معاج يمه بس بعرف اذا صج عندنا خوال اهلج يعني ولا لا عشان نقول لهم يساعدونا ام سارا : ساروه ذلفي دارج احسن لج كافيني اللي فيني سارا راحت تركض : اوهو وطاف اسبوع وراه اسبوع وجوريه محد يدري عنها شقة عبدالعزيز الساعة 8 م جوريه من هذاك اليوم وهي قافلة على نفسها وما تطلع الا عشان الحمام عزكم الله او عشان تاكل وقليل ما تقعد مع عبدالعزيز عشان ما يكشفها عبدالعزيز بالبلكونة قاعد يدخن وبيده جاي ويكلم فون : حبيبتي خلاص ذبحتي عمرج كل يوم تبجين هذا احنا كل يوم ندورها وما خليت مكان ما رحت له شتبينا نسوي اكثر من جذي سارا تبجي : هذي اختي اختي تعرف شنو يعني اختي اكيد صارلها شي اكيد .. ولا ليش ما يت الجامعة وليش ما تكلمنا انا وامي عبدالعزيز : يمكن خافت تتصل فيكم وتعلمكم عن مكانها وتضطرون تقول لأبوها اهي وين .. والجامعة اكيد ما راح تداوم دام ابوج بيدورها هناك اول مكان بيروح له سارا : بس ابوي ما ندري وينه ومن يوم طلق امي ما بين وامي احسها خاشه عني شي وما تبي تقول لي والشيبه كل يوم يسويلنا فضيحة عند الباب عبدالعزيز : خلاص انتي اهدي وأنا بمرج ونتفاهم سارا : انزين عبدالعزيز : يالله شوي وامركم سارا : اوكي باي عبدالعزيز : باي ... عبدالله تعال اشرب جاي جوريه كانت تسمع كل شي وتبجي من قلبببببب مسحت دموعها بسرعةةةةة وعدلت الكاب وطلعت : نعم زين زين دقيقة عبدالعزيز انتبه لخشمها وعيونها : عبدالله انت كنت تبجي متضايق من شي جوريه هني انهارت ما قدرت تتماسك غطت عيونها وبجت : .......... عبدالعزيز حط ايده على جتفها : افا عليك ياعبدالله شلي مضايقك قولي جوريه تكهربت من لمسته ( ليش ياعزيز ليش .. ليش انت اللي تساعدني ليش انت اللي مصدقني .. ليش انت بالذات اطيح عليك وتطلع لي) بعدت جتفها بسرعةةةةة : لا لا ما فيني شي تعبان شوي بس ما ادري شلون جذي انهرت عبدالعزيز حس برجفتها لما مسك جتفها ( لازم اتاكد ) : الا تعال انا ذاك اليوم وانا انزل جنطتك من السيارة لقيت سحابها مبطل ولما ييت بسكره انتبهت ان اغلبها ملابس بنات وخبري فيك ما تدري عن اهل ابوك شي جوريه ( هئ ) :هاا اي هذول الملابس انا شاريهم هدايا حق اهل ابوي يمكن يطلع ابوي متزوج هني او عندي بنات عم او عمه اعطيهم عبدالعزيز ( ابو الچذب كل شي عنده جاهز ) : اها جوريه قامت بتدش داخل : عن اذنك بروح اريح احس اني تعبان عبدالعزيز ( شلون اكشفها .. زين واذا صج طلع ولد وكلامه عن ابوه والملابس كله صح شسوي .. لا مستحيل مبين انه يجذب شلون اعرف ) : لحظة عبدالله شرايك تروح معاي النادي ودي العب شوي وادش المسبح ومنها تطلع من قعدة البيت وتغير جوك جوريه : ها لا لا بنام احسن ما اعرف اسبح عبدالعزيز قام وراه ولما يت جوريه تسكر الباب رفسه ودش وقفله جوريه خافت : شفيك عبدالعزيز !! عبدالعزيز : بصراحة أنا شاك فيك جوريه قامت ترجف : شاك فيني يعني شلون عبدالعزيز يقرب حيل : يعني سالفة جاهزة ونباتية والنظارات طول اليوم والملابس والشكل والنعومة كلها تحسسني انك بنت .. وسالفة اهلك وهويتك اللي ضايعة ما دشت مخي .. جوريه ( رحت فيها ) : يعني شنو ؟؟ عبدالعزيز قرب حيل : يعني احسن لج تقولين منو انتي وشتبين مني وليش تسوين جذي ولا اخذي اغراضج وطلعي برا انا مو ناقص بلاوي جوريه خافت حيللل : عبدالعزيز شفيك شهالكلام اللي تقوله انت جذي تهينّي وأنا ببيتك انا ولد صدقني وما جذبت عليك بشي عبدالعزيز دزها على الطوفه : وتجذبين بعد !! مو مشكلة انا اعرف اتاكد اذا انتي بنت او ولد .. افصخ بلوزتك جوريه شوي وتبجي : شفيك ينيت اقولك والله و عبدالعزيز ما اتحمل مسك البلوزة وشقها كلهاااااااا وشال الكاب وشاف ستيانها اللي مخبي صدرها : ...... جورية صارخت : لااااااااا عزيز !! عبدالعزيز انصدم لما طالع بعيونها عدل : جوريه !!!!!!! جوريه قامت تبجي وقعدت بالأرض : .................................. عبدالعزيز مصدوم قعد جدامها : شلون انتي هني جوريه شلون قدرتي اتسوين كل هذا اسبوعين قاعدة وما حسيت فيج ولا تقولين لي ، ما تدرين امج وسارا قالبين الدنيا عليج جوريه مسكت راسها : بس عزيز بسسسسسسسسس عبدالعزيز مسكها وهزها حيلللللللل : فهميني شلللللللون جوريه صارخت : خفت ، خفت اقول لسارا وامي واكلمهم ويوصل لي من سجل المكالمات ، وساراوما ادري وينها لما انحاشت توقعت انها عندك ، وما كنت بسبب لكم مشكلة ، خفت اروح الجامعة بيدورني هناك اول مكان بيروحون له ،كسرت خطي وخذيت غيره .. ظليت يومين بالشارع مالي غير البحر انام فيه وانا بنت بروحي والرايح والراد يتحرش فيني ويسمعني كلام شسوي شسوي .. اصلا ماكنت ابيك انت تطلع لي وتساعدني انا بروحي انصدمت فيكككككك عبدالعزيز مصدوم ان اهي تسوي كل هذا هذي اللي تقول عنها سارا ما تعرف شي : انتي غبية انا مو مهم ولو طلع مكالمتج ولقاج عندي ما اقدر اقوله انج مو هني ما اقدر امنعه يدش ويفتش يعني زين لج اللي سويتيه جوريه تبجي : خلاص فكني فكني مو ناقصتكككككك روح عني روح قامت عنه وعبدالعزيز سحبها حيلللللللل لدرجة ان ستيانها انفتح جوريه شهقت وغطت نفسها بيدينها : هـــــى عبدالعزيز لفها عليه وطالعها وهي منزله راسها وخايفة منه وترجف حيللل وتبجي ورفع راسها : انتي حمارة جوريه ردت نزلت راسها : وخر عني عبدالعزيز : ماني موخر عنج رفعي راسج وكلميني ليش ما تبيني اساعدج جوريه صارخت : كيفي مابيك تساعدني غصببببببب عبدالعزيز عصب عليها : اي غصببببببببببب جوريه ترجف خلاص تعبت قعدت بالارض تكورت على نفسها : ليش غصب ؟! عبدالعزيز بصراخ : كيفففففففففففففي جوريه صارخت : اطلع برااااااااااااااااااااا عبدالعزيز طلع وطق الباب حيللللللللللل جوريه قامت للحمام بجت وبجت وبجت لحد ما ورمت عيونها وتعبت قامت تسبحت بماي بارد وطلعت لبست ملابسها الداخلية وبيجامة ساتان اسود فيها نجم وردية قطعتين قميص علاق وبنطلون وطلعت بدون ما تنشف شعرها ما شافته بالصالة .. الساعة تأشر على الـ 12 لمحته بالبلكونة وجدامه طافية الزقاير مليانة وبيده زقاره وفونه يدق ويسكره عبدالعزيز حس فيها ولف عنها وطفا الزقارة اللي بيده : ............................. جوريه قعدت بالكرسي اللي مقابله ونزلت راسها بالارض : اسفة عزيز !!! عبدالعزيز ساكت يشوف سارا تتصل فيه وما يرد : ................... جوريه تكمل : شنو كنت تبيني اسوي كنت خايفة حيللللل لا تصير انت بعد ضدي عبدالعزيز رفع عيونه لها .. ارتبك لما شاف لمعة الدموع بعيونها وريحة شعرها المبلل وشكلها الناعم بالبيجامة .. قرب منها وصار ويهه بويهها : ضدج ؟! جوريه ارتبكت ودق قلبها من قربه ونزلت عيونها : اي عبدالعزيز مسك ويهها : ليش شلي بيني وبينج ؟! جوريه حست بضيقةةةةة ولفت ويهها عنه : ولا شي حبيب اختي وزميلي بالجامعة عبدالعزيز ( تجذبين ) : قومي عيل لبسي خل اردج البيت امج وسارا خايفين عليج ويحاتونج جوريه : مابي عبدالعزيز : ليش جوريه : اخاف عبدالعزيز : ابوج مسافر وطلق امج والبيت صار لها وما راح يرد جوريه : يعني ما راح يزوجني بوصقر عبدالعزيز : لاا جوريه : بس شلون عبدالعزيز انا افهمج بس قومي لبسي جوريه : مابي اروح اليوم عبدالعزيز سكت : ............ جوريه سكتت : .......... عبدالعزيز مسك ايدها ولاحظ رجفتها منه اللي خوفته وحركت احساسه : اسف على اللي سويته بس كنت معصب و جوريه نزلت راسها والرجفع مبينه بصوتها ( شفيج ياغبية شفيج ليش خايفة منه هذا عزيز حبيب اختج وزوجها عن قريب ) : عادي ما صار شي !! قامت عنه بسرعةةةةةةة ودخلت غرفتها وقفلت على نفسها عبدالعزيز تنهد : من وين طلعتي ياجوري بيت ام سارا نفس الوقت ام سارا : انتي للحين قاعدة ما تقومين تنامين مو وراج دوام باجر سارا : اي يمه بس ما ادري شفيه عزيز قال بيمرنا عشان يكلمج والحين ادق عليه ما يرد ام سارا : يكلمني بشنو ؟! بعدين يمكن غير رايه وشاف نفسه تعبان ونام او انشغل وما قدر يكلمج سارا : كان بيكلمج بخصوص جوريه انه لازم نبلغ عنها ام سارا تنهدت : خلاص انا اتصرفت سارا : شلون يمه ام سارا : فيه شي كنت خاشته عنكم والحين صار لازم تعرفونه لاني بروحي ما اقدر اسوي شي سارا خافت : شنو يمه ام سارا : أنا مو وحيدة أخواني أربعة وأخت وحدة وأبوي للحين عايش ما مات بس امي ماتت من زمان سارا انصدمت : يعني عندي أربع خوال وخالة وحدة ويدي عايش وينهم وليش كل هالسنين ما قلتي لنا وليش قلتي انهم ميتين ام سارا : سالفة طويلةةةةة سارا : ميخالف بسمعها ام سارا : أنا حبيت أبوج واهو فقير منتف ما عنده ولا فلس كان توه موظف بالصحة ومتوظف على الثانوية وانا كنت وقتها صغيرة يمكن كبرج أو أصغر منج واهلي من اكبارية الديرةةةة وخيرهم وسمعتهم وفلوسهم بكل مكان ولما قلت لأمي الله يرحمها أني أحب واحد وبيتقدم لي خافت وهاوشتني ، الحب وقتها كان عيب وحرام وشي كبير على البنت بس الحين الناس شوي تفتحت ويشهد الله اني ما كنت اسوي شي غلط كل اللي كان بينا كلام ورسايل ونظرات ، المهم أنه قلت له قلت له واهو أصر يتقدم لي وصج تقدم لي وابوي رفضه وطرده من بيته وطقني بهذاك اليوم ومن يومها ابوج شرط على نفسه انه يكمل دراسته مع وظيفته ويبني نفسه بنفسه ويحط راسه براس ابوي واخواني وأنا كل محد يتقدم لي ارفضه لحد ما كون ابوج نفسه ويمع له جم فلس ورد وخطبني وهني ابوي فشله وقاله بتحط راسك براسنا حسبالك مشروعك الصغير ولا وضيفتك الحكومية والا البيت اللي بعد جم سنة بيطلعك بيخليني اوافق اعطيك بنتي ، المهم انه طرده مرة ثانية وأنا قلت له ننحاش ونتزوج وصج انحشت وياه وخذا اثنين من ربعه المحكمة شهدوا على زواجنا ومن وقتها ابوي واخواني تبروا مني وحرموني من كل شي وحلفوا مالهم علاقة فيني لأني انا اللي اخترت ابوج عليهم وسويت اللي براسي وكسرت كلامهم سارا كانت مصدومة من اللي تسمعه : انتي يمه كنتي تحبين !! مستحيل ما اصدق !! ام سارا : من جم يوم رحت لهم لما ابوج طلقني وانتي طلعتي ما ادري وين رحتي وجوريه انحاشت من ابوها وخوفها منه سارا : اي وشصار ام سارا : ما شفت ابوي بس اخواني وعيالهم كانوا موجودين واللي اتكلم اخوي الكبير وطردني وما رضا يساعدني وقالي مثل ما اخترتيه تحملي بعد كل هالسنين راده بس الحين توني مكلمته مرة ثانية وقلت له عن كل شي وقالي من باجر الصبح نروح لهم واهو بيخلي عياله وعيال خوالج كلهم يدورون عن ابوج وجوريه ويوقفون بوصقر عند حده سارا خافت : شقلتي يمه ام سارا : كل شي ، قلت له عن حياة الذل والمهانة اللي عايشتها عند أبوج قلت له عن معايره لي كل يوم اني مريضة وما قدرت اييب له ولد قلت له عن معاملته لكم وخوفكم منه وعن طلاقي وطلعة اختج سارا : وانا ام سارا : ما يبت سيرتج فهمتهم انج كنتي هني سارا براحة : ان شاء الله يقدرون يلقون جوريه ام سارا : امين يارب .. يالله قومي نامي وراج دوام سارا : مو تقولين بنروح لهم ام سارا : اي صح خلاص باجر لا تروحين بس قعدي تسع نتريق ونجهز نفسنا ونمشي سارا : ان شاء الله تصبحين على خير ام سارا : تلاقين الخير شنو توقعاتكم ؟؟ منو اخوان ام سارا ؟؟ وصج يساعدونها ولا لا ؟؟ جوريه شنو بيصير لها معقولة ترد تدرس وترجع لحياتها طبيعية ؟؟ معاذ ورشدان وحمزةةةةةة ويوسف وعلاقتهم مع قروب عبدالعزيز ؟؟ وليد وسطام ؟؟ ووايد احداث تابعوني بس بشوف ردودكم !! | |||||||||
|
| |
|
07-01-15, 10:15 PM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| الجزء 5 شقة عبدالعزيز الساعة 6 عبدالعزيز قام من النوم واتسبح وفرش اسنانه وصلى ولبس تيشيرت ابولو ابيض وبنطلون قطني اسود وطلع واخذ كتبه فتح بابها ووقف عند فراشها : جوريه جوريه جوريه فتحت عيونها بصعوبة : هممممم عبدالعزيز : قومي ما راح تداومين جوريه قعدت عدل : ادوام عبدالعزيز : اي داومي قلت لج مافي شي بعدين سارا ملت ترقع لج عند الدكاترة انج تعبانة وتنقل عنج المحاضرات جوريه : اي بس عبدالعزيز : مو واثقة بكلامي جوريه بخوف : امبلا عبدالعزيز : قومي عيل جوريه : ان شاء الله خمس دقايق واخلص نطرها بالصالة لما خلصت وغسلت وصلت ولبست بنطلون ابيض وقميص احمر ازاريره سود ولبست ساعة مايكل كورس فضية وجنطة شانيل سودا مع كعبها وحطت كحل وماسكرا وخذت نظاراتها وطلعت : أنا جاهزة عبدالعزيز طالعها دقيقة بعدين قام وقرب منها : ليش قاصه شعرج ؟؟ جوريه نزلت راسها : جذي احلى عبدالعزيز : لا مو احلى قصة الصبيان هذي مابي اشوفها مرة ثانية وأنا أدري ليش سويتي جذي جوريه : بأي حق تطلب مني هالشي عبدالعزيز زعل : صح مالي حق يالله اخذي اغراضج تاخرنا مشى قبلها وهي تحسفت ومشت وراه وسحبت جنطتها معاها ركبت سيارته اللامبرجيني الأصفر وهي خايفة ومستانسة بداخلها طول الطريج كانوا ساكتين ليما وصلوا الجامعة ونزلوا جوريه : عزوز اقصد عزيز عبدالعزيز ابتسم بس ما طالعها الحين طلع الخوف : هلا جوريه : خايفة شقول لسارا وين كنت وشلون ييت معاك عبدالعزيز : اي صح شلون نسيتها انا .. خلاص شوفي انتي خليج خمس دقايق وانا بدش قبلج وعلى اساس انج ما شفتيني ولا شفتج ، وفهميها انج قلتي بتداومين وتشوفينها هي اول عشان تساعدج جوريه : واذا سالتني وين كنت ؟؟ اقول لها كنت عند خلدة عبدالعزيز : لا خلدة تدري بكل شي قولي انج من الخوف ما كنتي تدرين وين تروحين وانج رحتي عند وحدة من رفيجاتج او قعدتي بفندق او اي شي جوريه : اوكي مشى عبدالعزيز عنها وهي بدا الخوف يدش قلبها الصغير ظلت واقفة بالشمس عشر دقايق عند البوابة نفسها معاذ وقروبه توهم واصلين رشدان : هذي منو اللي نزلت مع عزوز ؟؟ معاذ : وينها ؟؟ يوسف : هذيج اللي واقفة عند سيارته وكانت تسولف معاه ومشى عنها رشدان : اي بس شفيه مشى وخلاها حمزة : جذي طلع اخ لو تدري سارا عنها معاذ ضحك : هههههههههه يوسف : زين امشوا حرقتنا الشمس وبتبدا المحاضرة واحنا واقفين رشدان لما قربوا عند الباب كانت جوريه توها بتدش وطارت عيونه : جوريه !!!!!! معاذ التفت بسرعةةةةة اهو وحمزة ويوسف يشوفونها : جوريه !! جوريه طالعت رشدان بخوف : انت تعرفني ؟! رشدان مصدوم من قصة شعرها ( ليش تقصينه احلى كان ) : شكلج نسيتي انا رشدان اللي شفتج مع سارا وخلدة اول يوم جوريه تذكرته : اي اي صح رشدان تكلم بسرعة : هذول ربعي معاذ ويوسف وحمزة واحنا كلنا قروب مع عزوز جوريه مرتبكة حيلل : تشرفت فيكم لفت بتمشي وتفأجات بعبدالعزيز يسحبها من ايدها : وينج انتي قتلج خمس دقايق مو ربع ساعةةةةةة جوريه : اح ايدي شفيك عزيز هدني كنت اكلمهم ما تشوف عبدالعزيز لف وشافهم : ...... معاذ بنظرة نارية : شلونك عزوز عبدالعزيز منفس : زين الحمدلله عن اذنكم تاخرنا مسكها ومشى حمزة : هذي اهي يوسف : شفيه هذا منفس رشدان : شفته شلون ساحب البنيه عيل سارا وينها حمزة : بس حلوة والله العظيم حلوةةةةةةةةةة جسمها يشششششششوق معاذ كان ساكت مشى وخلاهم: امشوا تاخرنا ولحقوه كلهم عبدالعزيز عند القاعة : مرة ثانية لا توقفين وتكلمينهم ولا تحتكين فيهم فهمتي جوريه : زين اسفه عبدالعزيز : سارا مو مداومة اليوم جوريه : لييييييش بشوفها عبدالعزيز : بعدين افهمج بالعكس احسن عشان نرتب افكارنا وحتى خلدة مو مداومة فراح تظلين معاي وتردين معاي البيت جوريه : ليش وبيتنا عبدالعزيز : ما راح تروحين اليوم بالبيت افهمج كل شي جوريه : انزين بعد المحاضرة طلعت جوريه مع عبدالعزيز وجاسم وفواز جوريه : هــى عبدالعزيز التفت على طول : شفيج جوريه انخشت وراه : ه هذول الاثنين اللي تحرشوا فيني وكانوا لاحقيني بالسيارة عبدالعزيز التفت للي تأشر عليهم وانصدم : وليد !! جوريه : منو وليد !! جاسم : هذا ولد خاله فواز : انتي متاكدة انج تقصدين وليد وسطام عبدالعزيز بعصبية : جوري جوريه خافت : والله اهما عبدالعزيز تركها وراح لهم ومسك سطام من تيشيرته ولزقه بالطوفه اللي وراه سطام انصدم : خير خير وليد : شفيك عزوز عبدالعزيز بصوت خلا كل اللي بالممر يوقفون : انت ماك شغغغغغغل لا تتدخل فهمت وليد عصب : تتهجم على رفيجي وانا واقف وما اتدخل عبدالعزيز بعصبية : وليد خلك برا الموضوع ( والتفت لسطام ) وأنت ياحيوان تشوف البنت اللي وراي اذا شفتك بيوم مقرب لها ولا مكلمها راح اخليه اخر يوم بعمركككك فهمت >> ومشى عنه وصارخ على الناس : ليش واقفين فيه شي !! الكل مشى بعد صراخه فواز سحبه معاه : عزوز الله يهداك شفيك فضحتنا جاسم : الناس شكو تصارخ عليهم عبدالعزيز : ليش واقفين لازم يعني اي اثنين يتكلمون يشوفونهم ويعرفون سالفتهم فواز يطالع البنات والشباب اللي يسمعونه : فشلتنا خلاص .. الحين انت كنت تتكلم ولا تهاوش عبدالعزيز : اسكت عني فواز احسن لك واصله معاي لخشمي مالي خلقك جوريه حست انها السبب : عزوز اسفةةةةة عبدالعزيز صارخ : أنتي كله من.... فواز قاطعه : بسسسس عاد عزوز هدي شفيك على البنت جوريه دمعت عيونها : اسفةةةةةةةة عبدالعزيز هدا شوي : زين خلاص لا تبجين بالجامعة بس عند وليد وسطام سطام يعدل نفسه : شفيه ولد عمتك ين وليد : البنت اللي تحرشت فيها ولحقت بالسيارة اخت حبيبته سطام : وشكو اهو اخت حبيبته مو حبيبته بعدين لحقناها مو لحقتها وليد : أنا مالي شغل فيك أنت اللي قمت وتحرشت فيها وأنا كنت قاعد سطام بحقد : هين ياعزوز ، أنا ناسيها لكن الحين حطيتها ببالي ونشوف وليد سكت عنه لأنه معصب : ............. * نروح لعبدالله المبارك ونتعرف على : الجد سلطان ابو فهد : رجال كبير عمره 78 سنةةةةةةةة تعلم الشدة والقسوة من ابوه وعلمها لعياله الجدة : متوفية *فهد الكبير : ابو سلطان 55 سنة عنده سلطان ( 25 سنة) وليد ( 23 سنة ) مشاري ( 22 سنة ) خالد ( 20 سنة) وزوجته ام سلطان : عمرها 50 سنةةةة *سلمان أبو علي : 53 سنة الوحيد بأخوانه قلبه طيب وحنون حيل عنده ، علي ( 23 سنة ) أنوار ( 22 سنة) دلال ( 20 سنة ) شوق ( 19 سنة ) حسين ( 18 سنة ) * سيف أبو سيف : 51 سنة وحيل عصبي تعلم من أبوه كل شي وعنده ، سيف (22 سنة ) أمل ( 21 سنة ) عبدالكريم ( 20 سنة ) وزوجته ام سيف عمرها 49 سنة * سعود أبو مساعد : 50 سنة ما عنده غير مساعد عمره 22 سنة ومطلق من عشرين سنةةة * حصة أم عبدالعزيز أكبر من سلمان عمرها 54 سنة وزوجها يصير ولد عمها وعندها منه ( عبدالعزيز 24 سنة ) افراح ( 20 سنة ) أسماء ( 18 سنة ) ايمان (17 سنة ) اجتماع العايلة ام سارا : وهذا كل اللي صار يبه الجد سلطان : حسبي الله ونعم الوكيل والبنت وينها الحين ام سارا : من هذاك اليوم ما ندري عنها شي واهو ما اهتم ولا دور وأنا بنتي وأعرفها خوافة وما تعرف تتصرف مع الناس حتى رفيجات ما عندها عشان اقول انها راحت عندهم فهد ابو سلطان بقسوة : لو خوافة وما تعرف تتصرف جان ما انحاشت من بيتها بس مقيوله الحب يطلع على بذره سلمان ابو علي : الحين الحجي ما منه فايدة لازم ندورها اسمها على اسمنا وسمعتها من سمعتنا سعود أبو مساعد : وليش على اسمنا اسمها على أبوها الخايس اللي ما عرف يربيها سلمان ابو علي : ياجماعة ياجماعة بنظل نعيد ونزيد بهالسالفة لازم نتحرك نسوي شي تقول لكم البنت ما يدرون عنها من اسبوعين ويمكن اكثر الجد سلطان : شفيك ساكت ياسيف سيف ابو سيف : أنا أشوف كلام اخوي سلمان صح كلامنا وقعدتنا وسوالفنا هذي لا تودي ولا تييب لازم نخلي عيالنا يتحركون يسوون شي الجد سلطان : خلاص خلوا فهد ومشاري وسيف وعلي يروحون يدورونها بالجهرا وخالد ومساعد يروحون العاصمة وحسين ووليد يروحون الفراونية وانت يابو عبدالعزيز كلم ولدك خله يدور عنها بحولي ومحد منهم يرجع الا وهي ومعاه لو يقعدون يدورونها كل العمر ام سارا : زين يبه شلون يعرفونها سلمان ابو علي : اي صح الجد سلطان : ما عندج صورة لها عطيهم صورتها ام سارا : وبو صقر يبه ومحمد الجد سلطان : ريلج الجلب خليه انا اعرف شغلي معاه وبوصقر هذا حسابه معاي انا بعدين ، قومي الحين اخذي بنتج وروحي عند الحريم خليها تعرفهم واختاري لكم غرفتين تقعدون فيهم هني عندي ببيتي ام سارا : عندك الجد سلطان : اي عندي ولا عندج مانع بعد ام سارا تفشلت : لا يبه بس بيتي شلون اهده وخدامتي وسايقي شلون اخليهم بروحهم الجد سلطان : سايقج وخدامتج نييبهم عندج هني والبيت باسمج ما راح يطير خليه فاضي ام سارا : ان شاء الله سارا كانت ساكتة ومصدومة من قسوة جدها وحكمته وطيبة خالها سلمان وحنانه وعصبيته خالها فهد وكرهه الواضح لها ولأبوها وأمها | |||||||||
|
| |
|
07-01-15, 10:18 PM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| الجزء 6 شقة عبدالعزيز الساعة 2:30 جوريه مصدومة : أهل أمي !! عبدالعزيز : أي هذا اللي فهمته من سارا أن أمج قالت لأبوها وأخوانها يدورونج اللي هم يدج وخوالج جوريه : من متى انا عندي يد وخوال وخالات من متتتتتتى امي وحيدة امها وابوها واهم ميتين من زمان عبدالعزيز : لا مو ميتين هذا فهمتكم اياه جوريه : شلون شلون مو قادرة استوعب عبدالعزيز : الحين خلي شلون ومتى ، جذي ما راح تقدرين تردين الا لما نشوف شنو بيصير معاهم ونفهم منهم السالفة عدل . جوريه مسكت راسها : امبيه يعني فضيحة فضيحة عبدالعزيز يواسيها : جوريه خلاص توكلي على الله وان شاء الله كل شي وله حل وصدقيني ما راح اهدج او اتخلى عنج لحد ما اتطمن انج صرتي ببيت اهلج وبأمان جوريه : ليش تسوي كل هذا ؟؟ عبدالعزيز : لأنج أخت سارا وتهميني قام عنها وانسدح بفراشه وغمض عيونه جوريه كانت ساكتة ولما قام قامت اهي لغرفتها وطقت الباب حيلللللللللللللل عبدالعزيز فز من صوت الباب وقام لها معصب : كسرتي الباابببببببب ما تعرفين ...... سكت لما شافها متكوره على نفسها وتبجي عبدالعزيز قرب منها : جوريه شفيج ؟؟ جوريه مسحت دموعها وقامت للحمام : ما فيني شي عبدالعزيز مسكها من ايدها وسحبها حيللللل للفراش وثبتها : شفيييييييييييييج !! جوريه صارخت بويهه : مالك شغللللللللللللل فيني زيننننن عبدالعزيز عصب : ليش قاعدة عننننننننندي اذا مالي شغل فيج >> طلع وترك الباب اخذ فونه وطلع من البيت ومن العصبية نزل السلم ما استخدم الاصنصير ولما ركب اتصلت أمه : هلا يمه أم عبدالعزيز : هلا ياولدي أنت وينك عبدالعزيز يتنهد : توني طالع من البيت ليش يمه فيج شي أم عبدالعزيز : أي تعال أنا وأبوك نبيك بموضوع ضروري عبدالعزيز ماله خلق : ما يتأجل ؟؟ أم عبدالعزيز : لاا تعال ناطرينك عبدالعزيز : مسافة الطريج ان شاء الله عبدالله المبارك بيت الجد سلطان أم سلطان : سارا هذول كل بنات وشباب خوالج وخالاتج ، سلطان ووليد ومشاري وخالد عيال خالج فهد ، علي وحسين ودلال وشوق وأنوار عيال خالج سلمان ، عبدالكريم وأمل وسيف عيال خالج سيف ، ومساعد ولد خالج سعود ، وخالتج حصة عندها عبدالعزيز وأفراح وأسماء وإيمان سارا مستحية منهم : السلام عليكم البنات بصوت واحد : وعليكم السلام الشباب محد منهم سلم بس يطالعونها من فوق لي تحت أمل حست فيها وراحت لها : تعالي سارا أوريج غرفتج سيف بحده : أمللللللللللل أمل خافت منه ووقفت مكانها : ........ أم سيف طالعته بنظرة : شفيك عليها روحي يمه اخذي بنت عمتج وروحي مع البنات فوق الجد سلطان طلع من غرفته ووراه عياله : لا خلوها أبيها ، حصة وينه ولدج !! حصة ام عبدالعزيز : كلمته يبه الجد سلطان : ووليد وينه ؟ ابو سلطان : الحين اكلمه الجد سلطان : زين كلكم فوق بس سارا والشباب يلحقوني الديوانية راحو كلهم الديوانية ومعاهم سارا الجد سلطان : سمعوني عدل الحين راح تتوزعون عشان تدورون عن ( نساها ) شسمها اختج سارا : جوريه يبه الجد سلطان انصدم من كلمة يبه بس كمل كلامه : بتدورون عنها .. سلطان ووليد وعلي وسيف مع بعض وعبدالكريم وخالد ومشاري مع بعض وحسين ومساعد مع بعض وعبدالعزيز بروحه كل مجموعة يروحون منطقة ويمشونها كلها شوارعها مستشفياتها ومخافرها وفنادقها ومزراعها وما تردون البيت الا وهي معاكم سلطان : بس شلون ندورها واحنا ما نعرفها الجد سلطان التفت لسارا : شوفيهم صورة اختج سارا مستحية : بس يبه ما عندي لها الا صورة وحدة وبالتلفون الجد سلطان : اي مو مشكلة خلهم يشوفونها سارا مستحية : ان شاء الله الجد سلطان : قومي شفيج سارا : بس يبه الصورة ما تصلح الجد سلطان عصب عليها : تصلح ولا ما تصلح قومي عطيهم الصورة سارا خافت من صراخه : ان شاء الله . فتحت الصورة وكانت الوحيدة عندها لجوريه وهي معاها جوريه لابسة جينز للفخذ وبدي احمر علاق وناثره شعرها وحاطة حمره حمره وسارا لابسه نفنوف أسود كت وقصير للركبة ورافعه شعرها كله فوق وحاطه ميك اب كامل وكانت سارا قاعدة على الارض ووراها مرايه وفاجه ريولها وجوريه بحضنها نفس قعدتها ومصورين وهم مادين شفايفهم >> احب التفاصيل تخلي القارئ بالصورة قامت بتعطي الفون لسلطان بس سيف سبقها سيف بنظرة نارية : خلها ترسلها بالقروب أحسسسسسن سارا عصبت وقامت : لاا الجد سلطان قام وطقها كفففف خلاها تطيح : محد يقول لا وأنا موجود فهمتي اخذ فونها وحذفه على سيف : أرسلها لقروبكم عشان الشباب يحفظون شكلها ويدورونها عدل سارا قامت تبجي من الإحراج وطلعت تركض لأمها : يممممممماه أم سارا خذتها بحضنها بخوف والبنات والحريم كلهم انصدموا من شكلها وهي داشه تركض وتبجي : شفيييييج يمه سارا تبجي : طقني ام سارا : منو اللي طقج سارا : يدي ام علي : ميخالف يابنتي يدج طبعه حار شوي وعصبي بس قلبه طيب ويخاف على عياله افراح تكلمت : اي سارا صدقيني بابا سلطان طيب حيل بس تعيشين معانا راح تعرفينه عدل ام سارا تمسح دموعها : مسحي دموعج يالله وشوفي بنات خالاتج اللي طول عمرج تتمنين يكونون عندج شوق قامت ومسكتها من ايدها وهي تبتسم : يالله تعالي اشوفج غرفتج وغرفة عميمة فضة سارا راحت معاها وهي تمسح دموعها وتبتسم ولحقوها كل البنات دلال : لحظة شوقو سمعي سارو اعتبري نفسج وحدة منا وفينا ولا تستحين من شي امم انا دلول شوق : اي صح وانا شوق افراح : هههه اكيد ما استوعبتي شي من اللي قالته خالتي ام سلطان انا فروحه ايمان : وانا ايمان اسماء : وانا اسماء امل : وانا اموله سارا بعفويه : انتي مابي اصير رفيجتج كلهم : ههههههههههههههههه نرجع الديوانية وصلت الصورة لقروب شباب العايلة والكل انصدم لما فتحها مشاري يهمس لسلطان : والله من قلب الصورة ما تصلح علي يكلم سيف : حرام عليك خليتها ترسل هالصورة صج ما تصلح الحين الكل شافها سيف لما شاف الصورة رقع قلبه وتحسف : وإذا علي : شنو وإذا كلهم مو محارمها ، اقص ايدي اذا ما كنت تكابر سيف تضايق : علي اسكت عني خلاص والله مابي خلق لنفسي الجد سلطان لاحظ انه طولوا : وصلت الصورة سلطان ( ياليتها ما وصلت ) : اي وصلت عند الحريم عبدالعزيز توه واصل : السلام عليكم حصة أم عبدالعزيز : وعليكم السلام تعال ابيك بموضوع عبدالعزيز استغرب ما خلته حتى يسلم على احد : شفيج يمه شصاير ساحبتني وراج حصة أم عبدالعزيز : اسمعني بسرعة ولا تقاطعني عبدالعزيز : خوفتني يمه قولي شصاير ؟! حصة أم عبدالعزيز : أنا كان عندي أخت توأم لي اسمها فضة قبل عشرين سنة حبت واحد فقير وانحاشت معاه وتزوجته غصب عن ابوي واخواني ومن هذيج السنة تبروا منها و حرموها من كل شي ووصانا أبوي حتى انتو عيالنا ما نعلمكم ان كان عندكم خالة عبدالعزيز انصدم : اي حصة ام عبدالعزيز : اليوم خالتك ردت مطلقة وعندها بنتين وحدة منهم منحاشة لأن أبوها كان بيزوجها واحد شايب ، المهم أنه يدك طلبكم كلكم وحالف أنه يذبحها إذا لقيتوها عبدالعزيز حس أنه بيرجع ودقات قلبه سريعة : شسمها يمه ؟ حصة ام عبدالعزيز : اسمها جوري ما ادري جوريه والثانية سارا عبدالعزيز قام بسرعةةةةةة وطلع من البيت كله حصة أم عبدالعزيز : عزيز عزيز يمه وين راح ، الله يهداج يافضة بعد عشرين سنة تردين بمصيبة عبدالعزيز دايس بكل قوته على البانزين ومعصب : تو الناس تتكلمون تو الناااااااااااااااااااااا ااس ، سارا وجوريه بنات خالتي ، مستحيل ما اصدق ، شلون ما حسيت شلون ما انتبهت انا ووليد جدامهم طول اليوم بالجامعة ولا وواحد فينا انتبه ، شلون نعرف او ننتبه وهم خاشين عنا اصلا ان عندنا خالة ، شلوووووووووووووون نرجع للديوانيةةةة وليد توه داش وما انتبه لجده : السلام عليككككككم ، شهالصورة اللي دازينها بالقروب ، لو يدري عزوز انكم ناشرين صورة الحب ماله ما يطلع من هني الا للسجن فيكم ههههههههههه بس حلوة والله حلوةةةةةةةةةةةةةةةةة الشباب يخزونه وكلهم ساكتين : ............ وليد حس انه الوضع مو طبيعي ولف وراه وحاشته رجفه : ي يدي الجد سلطان : اي صورة تقصدها وليد توهق وقام يتلفت يمين ويسار يبي احد يساعده من الشباب : الله ياخذكم ما قلتوا ان يدي هني خالد كان ماسك ضحكته على شكل اخوه : ......... مشاري ضحك : ههههه ليش انت عمي ما تشوف الجد سلطان بعصبية : شقلت ؟! وليد ارتبك : ما قلت شي يدي الجد سلطان : ليش قالولك عني ما اسمع الشباب غصب عنهم طلعت ضحكتهم : ههههههههههههههههههههههههه هه وليد : شيفكني الحين ، لا حشاك يدي الجد سلطان : سارا ساراااااااااااا وليد يطالعهم : سارا منو محد رد عليه : ............ سارا يت مخترعة وخايفة حيلللللللل : نعممممممم الجد سلطان شافها وقفت عند الباب : ما تدشين سارا خافت ودخلت : نعِـ .... وقفت من الصدمة وليد انصدم بعد : سارا سارا حست الدنيا سوده بعيونها هذا وليد ولد خالة عزوز شيابه هني : ........... الجد سلطان بعصبية : انت تعرفها وليد خاف : لا لا ما أعرفها هذي سارا حبيبة عزوز سارا تحس أنها بترجع كل اللي بطنها وجسمها صار حار : عزيز يصير ولد خالتي خالد رد عليها : اي سارا طاحت على طول : .................................. الكل انصدم بس محد تحرك من مكانه الجد سلطان : قوموا شيلوها عني مابي أشوفهاااا قاموا سلطان وعلي وخالد شالوها داخل مشاري يكلم وليد : الله ياخذك كنا بشي صرنا بشي ثاني مساعد : فضحت البنت ما تعرف تسكت وليد مو فاهم شي : فهموني شسالفة ؟؟ هذي الصورة اللي دازينها بالقروب شلون وصلت وشلون سارا تطلع بنت عمتي الجد سلطان : بعدين تفهم قولي الحين شلون تعرف سارا واختها وليد : معانا بالجامعة بس فهموني الجد سلطان : سارا واختها يصيرون بنات عمتك فضة ، قبل عشرين سنة انحاشت وتزوجت واحد فقير والحين طلقها ورجعت لنا بس بنتها الثانية منحاشة صارلها ثلاثة أسابيع وأنا مناديكم تدورونها وليد خرب ام السالفة : شلون منحاشة وأنا اليوم شايفها مع عزوز بالجامعة خالد طق ويهه : الله ياخذك ياوليد فضحت الريال مشاري غصب ماسك ضحكته : انت غبي حسين : خرب ام السالفةةةةةةة وليد توه يستوعب : ليش شسويت ؟؟ الجد سلطان : شايفها يعني يعرفها وليد : ها ما ادري الجد سلطان بعصبية : اتكلم عدل ياولدددددد وليد تبلعم : كانت مع عزوز اليوم بس ما أدري عن شي الجد سلطان : سلطااااااان سلطان بسرعة : نعم يبه الجد سلطان : تعرف وين ساكن سلطان : ها اي يبه اعرف الجد سلطان قام : قوم ودني عنده سلطان : انت يبه الجد سلطان : اي انا خالد : يبه انت بنفسك بتروح دق على عزيز وناده عندك الجد سلطان : حصة ياحصةةةةةة حصة ام عبدالعزيز : نعم يبه الجد سلطان : ولدج وينه حصة ام عبدالعزيز : توه طلع ليش ما ياكم الجد سلطان صارخ عليها : كلميه خله يرد حصة ام عبدالعزيز : ان شاء الله يتبع ؛؛؛ شرايكم فيه شنو توقعاتكم ؟؟ ما راح اكتب شي بنطر ردودكم | |||||||||
|
| |
|
07-01-15, 10:32 PM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| الجزء 7 شقة عبدالعزيز الساعة 5:00 عبدالعزيز دخل بسرعةةةةة : جوريه جوريييييييييييييه جوريه فتح باب غرفتها وما لقاها .. عبدالعزيز هدا شوي : وينها هذي ، جوريه وينج انتي بالحمام ، فتح الحمام ما لقاها ، ركض للكبت وفتحه وما لقى ولا شي من ملابسها و قعد بالأرض من الصدمة تذكر أنهم تهاوشوا قبل ما يطلع من البيت وتذكر انه قال لها اذا مالي شغل فيج ليش دخلتي حياتج عبدالعزيز صارخ : لاااا جوريه لاااااا مو الحين مو الحين ، وين ألقاج ويننننننننننننننننن نخليه ونروح لتفاصيل حياة ثانية قصر أبو معاذ الساعة 6:00 معاذ قاعد عند أبوه بمكتبه والبوديقارد واقفين عند الباب : يبه مو سالفة احب بس غيداء ما أبيها أبو معاذ : بس هذي بنت عمك وأنا معطي كلمة لأخوي من كنتو صغار معاذ : أنت قلتها يبه صغار يعني كلامكم كله سوالف بين الاهل ومو أكثر من غشمرة وبعدين إذا كانت بنت عمي لازم اخذها غصب يعني أبو معاذ : أنت تدري أني عمري ما جبرتك على شي بس هذي بنت أخوي معاذ قاطع أبوه : يبه حط كل شي براسي قول الولد ما يبي يتزوج الحين يبي يكمل دراسته يبي يسافر ما يبي من بنات العايلة وإذا عمي زعل أنا أكلمه ( وقام ) يالله يبه أنا رايح مواعد الربع أكيد ناطريني الحين تبي شي أبو معاذ تنهد : أبي سلامتك طلع معاذ من مكتب أبوه ولحقوه البوديقارد الخاصين فيه أم معاذ : وين رايح يمه معاذ : طالع يمه تبين شي أم معاذ : سلامتك بس مرت عمك وبنات عمك هني بيسلمون عليك معاذ مشى ووراه البوديقارد : سلمي عليهم يمه أم معاذ تفشلت من ولدها وقامت ترقع : الله يهديه هالولد كله مستعيل أم عنود ( مرت عمهم وعندها بنات اثنينه عنود وغيداء ) : حتى لو المفروض يسلم علينا مو جذي من عند الباب أم معاذ تفشلت : والله يا أم عنود لوجين ( أخت معاذ الوحيدة واخر العنقود وعمرها 18 سنة بيضاااا ونعومةةة حيل ودلوعة ) ردت عن أمها : والله أخوي سلم يامرت عمي بس أنتي يمكن ما سمعتيه فديته بسسسسسسسس بعدين مو لازم يدخل >> قالتها بدلع عنود ضحكت : هههههههههه اي صح غيداء خزتها وخلتها تسكت : ............... أم العنود تكلم نفسها مصيبةةةةةة لسانها يلوط اذانها : اييييه الله يخليه لكم ما قلت شي لوجين بدلع ترفع ايدينها : امينننننننننننننن ( وخذت فونها تلعب فيه دخلت البي بي ام وكلمت معاذ بالخاص) Dlw3aat a5whaa : طافك شكلهم هههههههههههه Mu3aath : هههههههه أحسن مالي خلقهم Dlw3aat a5whaa : تقول شفيه ما سلم قلت والله سلم بس أنتي ما شفتيه جان تتفشل وتسكت Mu3aath : هههههههه زين تسوين فيهم سمعي بروح فراديدز انا والربع تبين شي Dlw3aat a5whaa: اي اي ييب لي معاك �� Mu3aath : �� اوكي ام معاذ : انتي يابنت ساعة اناديج ما تسمعين لوجين بدلع : قام اكلم اخوي حبيبي يقول بتعشى مع الربع ويسألني اذا ابي شي قلت له ييب لي معاك << تعتمد الخبلة خخ غيداء : خل اييب لنا لوجين حطت ريل على ريل : لا حبيبتي بس حقي عنود سحبتها : لولو قومي نروح المسبح لوجين ضحكت وقامت معاها .. عنود طيبة وفيها خبال على نيتها : هههههههه زين يالله بس تعالي ناخذ لبسنا عنود وقفت : ما يبت لبسي لوجين تضحك : أنا أعطيج هههههه عنود : صج فديتج والله ام معاذ : قومي مع البنات غيوده غيداء بغرور : ليش أنا ياهل مثلهم ألعب بالمسبح هههههههههههههه أم عنود تفشلت منها : ليش المسبح بس حق اليهال اشوف الناس تدش نوادي عشان تتسبح وانتي قاعده عندي هني شتسوين قومي معاهم استانسي عنود زعلت من أمها وقامت : زينننننن طلعت للمسبح وسمعت صوت مسج بفونها ولقت واتساب من أمها : ياحظي لوجين مفتاح اخوها خليج معاها تقربي منها تدلعي مثلها ما تشوفينها ماكله قلبه عنود ردت على أمها : اكرهها يمه ويع دلوعة بس شسوي لازم اوصل قلبه وعقله بعد #غيداء : 23 سنة مخلصة دبلوم مكتبات من التجاري وناطره الوظيفةةةة وتحب معاذ تموت عليه من اهم صغار بس اهو مو معطيها ويه #عنود : 20 سنة قلبها طيب وعلى نياتها بيضا طويلة وضعيفه فيها خبال شوي لان بصغرها صارلها حادث سبب لها ارتجاج بسيط فرايديز الساعة 8:00 معاذ : السلام عليكم يوسف وحمزة : وعليكم السلام معاذ : رشدان وينه ؟ حمزة : ما ندري عنه من طلعنا من الجامعة قال عندي شغل وجهازه مغلق يوسف : خلك منه ، شفيك تأخرت معاذ : ياعمي عندنا مرت عمي وبناتها لوعوا جبدي اتخيل أبوي اليوم فاتحني بموضوع زواجنا يوسف : أنت وغيداء معاذ : اي يوسف : وشقلت له معاذ : أكيد لا يوسف : وشقالك معاذ : حاول فيني مني مناك قلت له لا وعمي أنا اتفاهم معاه حمزة : زين هذول اللي وراك خلهم يقعدون بطاولة ويتعشون ولا حتى هني بتخليهم واقفين معاذ ضحك واشر للبوديقارد يقعدون : ههههههههه شفيك معصب زين حمزة : لاعت جبدي بكل مكان وراك جنهم ظلك بالجامعة معاك بالسوق معاك بالبحر معاك بالبر معاك نسافر معاك ما يتعبون معاذ يضحك من قلب : هههههههه اعوذ بالله من عينك لا تنظلهم بس حمزة ويوسف : هههههههههههههههههههههه بيت الجد سلطان الجد سلطان بعصبية : وينه ولدج ياحصةةةةة حصة أم عبدالعزيز : ما يرد يبه الجد سلطان : بو عبدالعزيز شوف لي ولدك وينه أبيه الحين ابوعبدالعزيز : ان شاء الله عند البنات دلال : افف ملل زهقت من الصبح وهم على هالسالفة شوق : سكتي دلال عيب عليج أنوار : لو ماخذين رقم سارا مو احسن على الاقل نتطمن عليها من خذوها للحين ما ردوا أسماء : أي والله صح أفراح : أخذوه من خالتي فضة إيمان قامت : أنا باخذه بالمستشفى الساعة 8:30 خالد وسيف قاعدين ينطرونها سيف : وبعدين من العصر واحنا هني خالد : شفيك بصلتك محروقة انطر يا اخي سيف : مليت خالد : قوم نشوفها سيف : ما راح يدخلونك جناح عام هذا خالد : يبه اعطي السستر فلوس تدخلني سيف : كيفك داخل الجناح سارا نايمة وويهها شاحب وبيدها ابرة المغذي دخلوا خالد وسيف وسكروا عليها الستارة خالد : نايمة سيف : زين شلون ما قالولنا نطلعها ولا يخلونها عندهم سارا حست عليهم وفتحت عيونها : .................... خالد تكلم : الحمدلله على السلامة سارا بهدوء : وين فوني سيف : هذا اللي هامج خالد : سيفففففف احنا بجناح عام ، فونج عند سلطان سارا : طلعوني من هني خالد : بس يخلص اللي بيدج نطلعج سارا سكتت : .............. خالد : حط فونك صامت فشلتنا احنا بمستشفى سيف : هذي أمل .. هلا أمل أمل : سيف نبي نتطمن على سارا وندق عليها ما ترد سيف : مسرع خذيتوا رقمها .. مافيها شي مافيها الا العافية شوي ورادين أمل : عطني أكلمها سيف مد لها فونه : تبيج سارا خذت منه الفون وردت : هلا أموله أمل : هلا سارونه طولتي خفنا عليج خذينا رقمج من عميمة بس ما تردين سارا : حبيبتي والله فوني مو عندي أمل : زين مطولين سارا : لا شوي أمل : عشان ننطرج بنطلب عشا سارا : عليكم بالعافية أنا ما أكل بالليل أمل : ليش عفيه سارونه بس اليوم أنتي أول يوم عندنا لا تكسرين بخاطري سارا ابتسمت : انزين خلاص أمل : يالله عيل ناطرينج باي سارا : باي مدت له فونه وسيف خذاه وسكره وبعد ربع ساعة قاموا وطلعوا وبالسيارة سارا كانت قاعدة ورا وشبه نايمه : خالد خالد طالعها من المرايه : هلا سارا : بدق خالد عرف أنها بتكلم عزوز فعطاها فونه : اوكي سارا ضغطت رقم عبدالعزيز مرة واثنينه وثلاثة وأربعه بعدين رد عبدالعزيز بصوت مخنوق : هلا خالد سارا : أنا سارا عبدالعزيز انصدم : سارا انتي وينج وليش تكلميني من رقم خالد سارا : جوريه عندك عبدالعزيز : سارا ردي علي ليش تكلميني من رقم خالد سارا صارخت : أنت اللي ترد علي .. جوريه عندك ولا لا ؟؟ خالد وسيف انصدموا من صراخها بس كانوا ساكتين ويسمعون عبدالعزيز : لاا سارا : أنا كنت عندك ليش ما قلت لي انك ولد خالتي عبدالعزيز تنهد : أنا توني اليوم دريت سارا تبجي وتصارخ : اليوم دريت ؟؟ عبدالعزيز : سارا والله العظيم اليوم عرفت خلاص بعدين اكلمج الحين مشغول سارا حذفت الفون وغطت ويهها وبجت خالد كسرت خاطره خصوصا بعد اللي صارلها بالديوانية .. اخذ فونه وكلمها : سارا مسحي دموعج ترى مو بس عبدالعزيز اللي اليوم عرف حتى احنا سيف : وصلنا البيت شقة عبدالعزيز الساعة 9:00 عبدالعزيز بصدمة : سلطان سلطان : ليش ما ترد على أمك وأبوك عبدالعزيز راح قعد : فوني فيه 450 مكالمة ما رديت على أحد سلطان : وليد قال لنا كل شي عبدالعزيز : والمطلوب سلطان : وينها جوريه عبدالعزيز : مو عندي سلطان : وليد قال أنه شافها معاك اليوم بالجامعة وطلعت معاك وأمها وأختها من ثلاثة أسابيع ما يدرون عنها حتى ما يدرون أنها مداومة يعني البنت عندك . عبدالعزيز : كانت عندي والحين ما أدري وينها سلطان انصدم : شلون يعني عبدالعزيز : فكني سلطان مالي خلق نفسي سلطان : فهمني عشان اعرف اتصرف عبدالعزيز : تتصرفون ولا تذبحونها سلطان : أمك قالت لك صح ، مو مهم المهم اني أنا ييت ومحد يدري يعني قولي وينها يمكن أقدر اساعدك واتصرف بعدين شلون هي عندك واللي فهمته أنك تحب أختها عبدالعزيز : سالفة طويلةةةةة سلطان : اسمعك عبدالعزيز قاله كل شي من أول يوم شافها بالجامعة لحد ما يت عنده : ............ سلطان : يعني طول هالمدة هي عندك وحسبالك ولد عبدالعزيز : ولما عرفت من ثاني يوم كنت برجعها بيت أمها وخذيتها الجامعة على أساس أني بردها بعد الدوام بس لما قالت لي سارا أنها ما داومت وأن أمها راحت لأهلها عشان يساعدونهم رديتها معاي وما كنت أدري أن أهل أمها اللي تقصدهم هم احنا سلطان : ووينها الحين عبدالعزيز : قبل ما اييكم تهاوشت معاها ولما رديت ما لقيتها حتى ملابسها ماخذتهم وطلعت على طول أدورها وتوني قبلك راد سلطان : انحاشت منك يعني عبدالعزيز : زعلت مني سلطان : ووين راحت عبدالعزيز : قول لهم أنك ما لقيتها عندي ولا ينطروني لأني بنام سلطان : ما راح اروح الشباب كلهم بالشوارع الحين يدورون عنها عبدالعزيز : ياسلام وشلون بيعرفونها وهم ما شافوها ولا مرة سلطان : خذينا صورتها من سارا عبدالعزيز عصب : خذيتوا صورتها سلطان : اي دزيناها بالقروب عشان الكل يعرف يدورها عبدالعزيز قام بسرعةةةةةةةةةةةةة : دزيتوها بالقروب ليششششششششششش سلطان : لا تصارخ .. يدك اهو اللي قال مو أنا عبدالعزيز اخذ سويجه ونزل يركض سلطان نزل يركض وراه ومسكه قبل ما يحرك : عزييييييييييييييز عبدالعزيز : وخر عني سلطان سلطان : ما راح اخليك تسوق وأنت جذي معصب تعال معاي عبدالعزيز نزل من سيارته وركب مع سلطان سلطان يعطيه فونها وفونه : هذا جهازها وجهازي امسح صورتها منه عبدالعزيز اخذ جهازها بجيبه وفتح صورتها وانصدم : ما لقيتوا غير هالصورةةةةةةةة طق ايده بالجام ومن قوته انكسرت الجام وانجرحت ايده سلطان انصدم وصارخ عليه : ينيت أنت ايدك تنزففففففف عبدالعزيز يصارخ : بالطقاق خل تنزفففف ودني البيت بسرعةةةةةةة سلطان : بوديك مستشفى اول عبدالعزيز : سلطانننننننننن سلطان : زين زين ما أدري طالع جبريت على منو وصلوا بعد ساعةةةة من الزحمة وعبدالعزيز كان ضاغط على جرحه ودمه غرق ملابسه وسيارة سلطان سلطان نزل قبله عشان يهدي الوضع وركض ليده : يبه ترى معصب وكسر جام السيارة وجرح نفسه لا تهاوشه شوي شوي معاه الجد سلطان ما لحق يتكلم الا وشاف عبدالعزيز داش بدمه وشره وعيونه تطق شرار عبدالعزيز : الحين الحين تناديهم ويمسحون الصورة ابو عبدالعزيز : شفيها ايدك عبدالعزيز عبدالعزيز معصب : مافيها شي ، الحين الحين تنادونهم يمسحون الصورة الجد سلطان مصدوم من ردة فعله : عزيييييييييييز تعلم تتكلم عدل مع الكبار عبدالعزيز كسر الطاولة بيده المجروحه : ماني متكلم عدل الحين نادوهم جدامي يمسحون الصورة ولا ترى والله ما اطلع من هني الا ميت او للسجن طبعا الكل سمع صراخه وصوته العالي والحريم تيمعوا عند الباب وحصة لما شافت ولدها جذي بجت وسارا طاحت مرة ثانية ما تحملت الجد سلطان شاف الوضع فوضى وهذا يان عليهم : فهد سكر الباب فهد ابو سلطان راح طرد الحريم وسكر الباب : شيلوها هذي طاحت علينا مرة ثانية وروحوا فوق يالله عبدالعزيز واقف وايده تنزف والطاولة تحته مكسورة وانفاسه عاليه وعمامه الثلاثة مصدومين منه وسلطان واقف عنده : يالله سلطان مسكه من ورا : هدي نفسك عزييييييييييييز عبدالعزيز يبعده بعصبية : ماني هادي الحين تنادونهم الحينننننننننننن الجد سلطان يتذكر كلام وليد لما قال عنه ما يطلع مني الا للسجن ويكلم نفسه ( ما طلعت الا علي ياعزيز ) : سلطان كلم عيال عمك خل يردون واخذ ولد عمتك المستشفى عبدالعزيز : ما راح اتحرك سلطان قام بيطلع عند الباب يكلمهم : ان شاء الله بوقف هني احداث وايد واشياء تشابكت وشخصيات كثيرة ومحتاجة تفاصيل بشوف ردودكم وتوقعاتكم واكمل جوريه وين راحت ؟؟ ورشدان وين اختفى ؟؟ وسارا شنو صارلها ؟؟ وعبدالعزيز معصب حيل شنو بيسوي وشلون بيفهمهم الموضوع ؟؟ غيداء شلون تحصل قلب معاذ ؟؟ لوجين الدلوعة وعلاقتها بأخوها ؟؟ خالد وسيف ووليد وعلي شخصيات تحتاج تفصيل ؟؟ | |||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
