آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-05-15, 07:10 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت الثاني عشر مها وعلامة الصدمة في ويهها وتهز راسها بعلامة (لا) ظبية توترت : شنوو مهوي شقالت لج مها تحاول تمسك ضحكتها : قالت :"جاسر مارضى" ههههههههههههههههههههههه ظبية تغيرت ملامح ويها الي الرعب : جاسر درى وووواي بيذبحني مينون صدقيني يسويها مها ماتت ضحك : هههههههههه لا وتقول خل تجهز بمر عليها ولد عمها لان الوقت تأخر واخوها في الدوام ههههههههه ههه لالا صج شكلج بتندفنين ظبية مرعوبة وتبلع ريجها : ويعة ويعة لا تضحكين ترا من صجي مهوي يمكن يضربني مها انقلب ويها : يخسي يمد يده عليج حتى لو ولد عمج انتي من محارمة الدنيا مب فوضة ظبية : انتي وصليني مها بزعل : بس تدرين ان حاظرة الشيخ مانعني 15 دقيقة مرت ظبية : الو ام احمد : نزلي تحت جاسر عند الباب ظبية : يمااا ليش جاسر عيب اركب معاه ام احمد :احمد في الشغل وابوج جاي تعبان وهو الي قالة ايبج ظبية : زززين خلاص مها وظبية نزلوا طبعا مها راحت تركض للدريشة تطل على جاسر تشوفه الي معذب رفيجتها وظبية المسكينة طلعت وهي مغطية ويها وراحت ركبت ورا سكرت الباب وقلبها يدق 120 دقة في الثانية الوحدة جاسر شافها من المنظرة وماعلق وحرك السيارة ظبية تبلع ريقها "ماتكلم ...ماصرخ علي ...شبيسوي فيني ..انا قايلة بيذبحني " مرت خمس دقايق وجاسر مانطق ظبية تبلع ريجها وبتردد : ترا مالي خص هي كلمت امي انا قلت لها لا والله والله جاسر مارد عليها ولا شافها ولا كانها تكلمت ظبية زاد توترها : انزين عصب علي قول اي شي جاسر ولا جنها تتكلم ظبية بدت ترتجف ودموعها بدت تنزل وصوتها ارتج : جاااسر جااسسر جاسر بصوت عالي وقف قلب ظبية : نـــــــــعــــــم ظبية ماتت روع وصاحت بمشاهق :هههههاائ هههئئ جاسر بعصبية : ليش الصياح الحين ؟ ظبية ماردت عليه :هههههئئ ههاااااائ جاسر وقف السيارة : يعني شلوووون مب ساكتة ظبية تحاول تمسك نفسها : ها هاء جاسر بجدية : الحين شلون تدخلين البيت وانتي جي بقولون مسوي فيج شيء ظبية استحت :....... جاسر يتأفف : استغفر الله تدرين انج غلطانة ظبية نست نفسها تماما : اي غلطانة بس انت لا تزعل علي جاسر غصب عنه ابتسم : من قدي لهاي الدرجة ماتقدرين على زعلي !! ظبية انتبهت لزلت السانها وانفجرررر ويهها : لال ا الا يعني قصدي يعني اننن يعني مابي اااا جاسر يحرك السيارة : خلاص خلاص فهمنا الترقيعة ظبية في داخلها "حقييييييير انا الكلببة الي احب واحد مثلة صج مايستحي ....انا بعد يبي لي كم طراق عشان ايود هاي اللسان الفارط جاسر يبي يقهرها : اقول بنت عمي رفيجتج هاذي ماعندها اخت بنت خالة تزوجيني اياها ظبية تشوفه بحقاارة جاسر يبي يزيد قهرها : اكيد بتكون حلوة مثل اختها الي ماخذها الشيخ فهد ال...... ظبية تتكلم وترص على كل كلمة : لا اذا من ناحية الجمال انت بس قولي متى تبي تعرس وانا ادور لك احلى بنت في الدوحة ...كم جاسر عندنا ؟ جاسر ماسك ضحكتة حس انها عصبت : اي بنت عمي هالله هالله فيني ظبية تحاول انها ماتفصخ نعالها وتهفة : انت بس قول متى وادور لك جاسر رفع حواجبة : الحين دوري لي من الحين ابي اعرس بعد 6 شهور تقريبا ظبية وقف قلبها السالفة شكلها صج : من صجك ؟! جاسر : اييي ليكون عبالج استهبل عليج انا .. دوري لي من بكرا ...بس لا تيبين لي وحده بيضا وعيونها ناعسة جنها بترقد ماحب جي ابيها سمرا (يقصدها ههههه ) ظبية تزم شفايفها : يحصلك بيضا وعيونة ناعسة اصلا ماترضى فيك شايف شكلك ؟!! جاسر يشوفها من المنظرة بس انقر انها مغطية ويها :شفيني اصلا انا ان مشيت في السوق البنات يغازلوني ظبية فجت حلجها : هاااه صججج !! جاسر خلاص ماقدر يستحمل :هههههههههههههههههههههههه� �ههههههههههههه ظبية انقهرت : وانت اكيييد ماقصرت معاهم جاسر بصوت راكز : لا انا مخلي نفسي حق وحدة سبشل ظبية : مالت عليها اكييد زبالة واخلاقها زفت جاسر : لين هني وبس لزمي حدودج وربطي السانج ظبية انحرجت "من صجه هاي ":............... جاسر دخل بوابة البيت : تصبحين على خير ظبية زعلت وماردت عليه ونزلت من السيارة وسكت الباب بقوا ماعندهاا :سبشل قال جاسر في السيارة ميت ضحك :هههههههههههههههههههههههه� � تغااااار تغاااار ههههههههههه ظبية وهي تسكر باب البيت تشوفة يضحك في سيارتة : مالت عليك جاسر نزل بيتهم ومزاجة عاااااالي اما ظبية المسكينة ماوقفت صياح في فندق فور سيزن في المالديف علي ونورة وصلوا بعد مدة والتعب هاد حيلهم نورة فتحت الشنطة ترتب الثياب علي بصوت واطي :خلي عنج بكرا رتبي نورة ماسمعت :نعم ؟ علي كأنة مستحي : خلي عنج نامي وبكرا لاحقة على الترتيب نورة ماصدقت على الله معطها ويهه : لا عادي انا مب تعبانة علي قرب منها وخذ له بجاما توة شاريها لسفرة هههههه ودخل يبدل نورة كانت سريعة وخلصت الترتيب وخذت لها بجاما ناعمة وقعدت تنطر علي يطلع علي طلع وشافها واقفة : بسم الله مسرع ماخلصتي نورة بملل : ايي ودخلت الحمام علي راح للباب وفتحه وكان في حديقة صغيرة وفيها مسبح وقف يتأمل المنظر حلوو نورة طلعت وشافته واقف برا وراحت صوبة علي لف عليها : حلو المكان نورة مبتسمه : اي وايد حلو علي تعود على وجود نورة في حياتة صج الفترة قصيرة بس صار يحبها اكثر و اكثر علي رجع وتلحف : تصبحين على خير نورة تحطمت : وانت من اهلة علي : لين متى بتمين واقفة ؟ نورة دخلت وسكت الباب وراحت للسرير وجلست عليه خذت شيلتها ولبستها وفتحت القرآن تقرا علي مغمظ عيونة ويسمع صوتها الشجي هو وهي تتكلم يموت عيل شلون بصوت التجويد : مشاء الله عليج من متى تعلمتي التجويد نورة :صدق الله العظيم (وحطت القرآن على الطاولة ) اقول لك وماتضحك علي ابتسم : لا ماضحك نورة : اول ماتزوجنا انت كنت كل تروح وتخليني بروحي فقمت الشغل اليوتيوب واتعلم علي انبهر منها : يعني من فترة بسيطة وتقرين جي نورة فرحانة قاعد يمدحها : ايي علي قعد يشوفها ومبتسم لها نورة تخصبقت صدت عنه وتلحفت وغمضت عيونها : تصبح على خير علي خذ نفس طويل : وانت من اهلة وطبعا كالعادة قعد يطالع ظهرها لحد مانام في قطر الساعة 8 الصبح دانة داخلة الشركة مع ابوها وراحت لمكتبها وقعدت ريم طقت الباب ودخلت : سلام دانة لفت عليها : وعليكم السلام ريم منفسة على دانة : انتي بنت المدير دانة ماعجبها اسلوبها تبي تحرها : لا بنت رئيس الشركة ريم تخزها : ايي هلا والله دانة بدون نفس : هلا فيج ريم : امممم دانة دانة : نعم ريم : انتي في شي بينج وبين ريان دانة عصبت : احترمي نفسج وطلعي برا ريم تقعد علي الكرسي : شدعوة عاد شقلت لج انا عشان تعصبين ..انا ابي اكون رفيجتج دانة : لو سمحتي اطلعي برا ...انا مابي رفيجة انا ياية اشتغل ريم خزتها وطلعت دانة بعد ماطلعت ريم : قلعت وادرين ان شاء الله جليلة الحيا وبعدها لفت على الكمبيوتر وبدت تشتغل عليه في بيت بو جاسر شيخة قاعدة مع امها : يما ام جاسر : ها يمة شيخة : قومي نطلع ابي اغير جو ام جاسر : مالج حاية قري مكانج جاسر طالع من حجرتة : شخوة قومي لبسي شيخة نطت : وين بنروح ؟ جاسر : بتريق وبشتري لي كم شغلة لج 6 دقايق ان مابرزتي رحت عنج وطلع من البيت شيخة رحت تركض دارها تبدل ام جاسر تهز راسها : مادري هالبنت متى بتعقل مابقى شي على عرسها وهي ماغير ياهل بو جاسر : لا بتتغير عقب العرس ام جاسر بيأس : ماظنتي شيخة نزلت : خلصت ام جاسر : اي حق الطلعة مافي اسرع منج لو الحين قايلة لج يبي لي شي من فوق جان يدتي اسرع منج شيخة : يمااا ام جاسر : وصمه على القمة ذلفي عن ويهي شيخة تبوس راس امها : لو الحين اطلع واموت بتتحسفين ام جاسر : الحمدالله والشكر شهالفال من صباح الله خير شيخة : هههههههههه بو جاسر : اخوج طلع من فترة لحقية يمكن راح عنج شيخة : تركض للباب لالالا في بيت بومحمد العمة مها : ريان ماجنك تأخرت اليوم على الدوام ؟ ريان : لا مستأذن اليوم مالي خلق العمة مها : مب عوايدك ريان يغير الموضوع : شرايج نروح كتارا نتريق ؟ العمة مها : جنك تقرا افكاري ريان : عيل قومي برزي العمة مها قامت : دقايق ريان رفع جواله : بنشوف يادانة شلون تاخذين مكاني في الشركة ليوم واحد بس ههههههههه ان ماشردتج من الشركة ما كون ريان ريان : الو كريس : الو نعم ريان : كريس اخذي الاوراق الي بمكتبي وعطيها الانسة دانة وقولي لها اني ابي الشغل كامل بكرا الصبح كريس : بس ياستاز الاوراق كتير مابزن تأدر تخلصون اليوم ريان : وانتي شيخصج عطيها الاوراق وخلاص كريس خافت : أوامر تانية استاز ؟ ريان : شكرا (وقفل الخط) العمة مها نزلت : يلا جهزت ريان : يلا في بيت بو احمد ظبية فالمطبخ تسوي لها ريوق ومتنكدة من الي صار لها مع جاسر في السيارة سارة : ظبوي سوي لي نسكافية ظبية :...... سارة: ظبوووووي ظبيه تلتفت : ههممم سارة : لين الحين راقدة ؟ ظبية : شتبين ؟ سارة : نسكافية بليز ظبية : زين سارة : ظبوي شفيج ؟ ظبية بملل : ولا شي سارة : قلعتج ظبية : اففففف سارة طلعت من المطبخ ظبية فتحت باب المطبخ الخارجي وقعدت على الدري تصيح :ههئ ههههئئئ ــــــــ: ليش تصيحين ؟؟ ظبية وقف قلبها من الصوت الي سمعته صوته هو وقفت على حيلها بتدخل جاسر مسك يدها : لحظة ظبية تحاول تجر يدها : جاسر هدني جاسر يشوفها بتدقيق على كل تفصيل فيها : قولي لي شفيج وبخليج تروحين ظبية معصبة : جاسر انا حاسرة ( بمعنى مكشوفة الرأس والذراعين ) شيخة ورى جاسر : جاسر !! جاسر ترك يد ظبية وظبية دخلت وسكرت الباب بسرعة شيخة بنرفزة : أنت استخفيت ؟؟ ولاطار عقلك ؟ شلون تمسك البنت جي ! ولابعد حاسرة !! نسيت العيب ياجاسر !نسيت الحلال والحرام ذي مب حلال عليك جاسر ولا كأنة يسمعها : تبين نروح كتارا ولا ذا بيرل ؟ شيخة صرخت : انا اكلمك من صجي وانت تقول لي وين تبين تروحين ؟ الحين لو ابوي شايفك ولا عمي شتقدر تقول لهم ؟! جاسر ببرودة اعصاب ويمشي لسيارته : محد شافني شيخة تركب السيارة وسكرت الباب : جاسر من صجي ليش تسوي جي ؟ جاسر :ــــــــــــــ شيخة محروق قلبها : جاسر ليش تسوي جييييي جاسر يسوق من غير مايرد عليها :ــــــــــــــ شيخة تصرخ بأعلى صوتها : جاااااسر لييييش تسوي جيييييي؟؟ جاسر نفذ صبرة وبصرخة بطت طبلة اذن شيخة : احبهااااااااااااااا شيخة كأن حد ضاربها بمطرقة على راسها : هااا !!!! جاسر يتنفس بعصبية : الي سمعتية شيخة ماسكة ضحكتها : انزين ليش ماقلت لي جاسر منحرج في قمة الانحراج : شويخ قلبي ويهج شيخة : هههههههههه انزين ليش ماتخطبها وتفكونا جاسر يبتسم : ابي اشوف غلاتي عندها شيخة : سخيييف تراك جاسر يذكر اللي صار : قلت لها اخطبي لي وحدة حلوة مسكينة ماتت حرة هههههههههههه شيخة : مشاء الله وتسألها شفيج ؟ جاسر : اي يمكن احمد مضايقها ولا سارة ودانة شيخة : لالا مانقدر على الي مايرضى على حبيبته جاسر انحرج جداً : جب جب شيخة : ههههههه تراكم معذبين حالكم هي تحبك وانت تحبها ليش ماتخطبها ؟ جاسر : شخوة باشتري لج الي تبينة بس قولي لي شتقول عني شيخة : اي شي اي شي ؟ جاسر : اي شي شيخة : ابي سوارة فني كليف جاسر : تم شيخة انصدمت انه وافق خصوصا ان ثمن الاسوارة 10 آلاف: امممم اول مرة دريت انها تحبك كانت راسمتك جاسر استغرب : صج ! شيخة : ايي وبعد تدري انها تنطرك كل يوم في الحديقة عشان تشوفك جاسر حس ان في يد قاعدة تهرس قلبة وهو يتذكر الايام اللي كان يضن انها سارة ويحس انها تنطرة: امم شيخة تهز راسها : اممم وفي مصر كل بنت تشوفك كانت تسوي لها شي هههههه جاسرابتسم : اي اتذكر شيخة : بس هاي ثمن الاسوارة جاسر تنكد : اففف ياملقج شيخة : انزين ليش ماتشتري لها شي ؟ جاسر : لا شاشتري لها بعدين بتدري شيخة : ياشييينك واذا درت حرام عليك تراك مب عارف شتسوي فيها جاسر بغرور : عادي انا عاجبني الوضع شيخة : قول لها صدقني راح ترتاح جاسر بأصرار : لا شيخة : انزين اشتر لها شي وبعطيها اياه على انه مني وعقب قول لها انه منك اذا تزوجتوا يعني جاسر عجبتة الفكرة : اوكي شيخة : اممم شرايك تشتري لها سلسلة ؟ جاسر : لا بشتري لها مضعد ذهب شيخة بتضحك من ذوق اخوها مالة عادة : وووع شنو ايام الخمسينات شنو مضعد ذهب شاري حق حبيبتك ولا يدتك !! جاسر : لا ياغبية مضعد (سوار) اقدر اشوفة لكن السلسة ماقدر اشوفها لابستها شيخة : عيل اشتري خاتم جاسر وكأنة يسرح : هي ترسم والخاتم بيظايقها شيخة تحط يدها على خدها : ظهرت تحبها من قلب جاسر استحى وويه حمر لأول مرة : قلبي ويهج شيخة :هههههههههههههههههههه في القصر مها تركض بالحديقة هينا : مها لا تسرعي مها : روحي ابي اقعد بروحي هينا وقفت : حسنا مها كملت ركض ودموعها تركض على خدها رن جوالها مها وقفت : الو ظبية : مهاا هئهئ مها خافت : شفيج ؟ ظبية : اليوم كنت قاعدة في المطبخ ,,,,,,, الخ ) مها : سويد الويه مايستحي جليل الحيا ظبية متروعة : حسيت بقلبي يطيح في بطني من الروع كان تفكيري كله ان لو ابوي ولا احمد شافوني شبقولون عني مها : لو مكانج جان عطيته ذاك الراشدي الي يسنع ويهه ظبية :هههههه قلبي مايطاوعني ..شفتي ويهه مها : مالت عليييج ثم مالت علييج ظبية : مهوووي عااد مها : قلبي ويهج ظبية : خلاص ماعليج مني انتي اخبارج مها : مشاء الله وانتي ماتسأليني عن اخباري الا عقب ماتقولين الي في بطنج ظبية :هههههههههههه يووو مهوي مها تحاول ماتبين حزنها : انا تمام ظبية بجدية : كلمتيه ؟ مها : لا ظبية : ليش ؟ مها برجفه في صوتها : شنو اقطع عليه شهر العسل ظبية : عادي شفيها مها تتبلعم : سكي الموضوع ولي سلمج ظبية : مها لازم تكلمينة قولي له انج بتروحين حق هلج تزورينهم مها : اروح حق من ابوي الي ياخذ معاش من فهد بعد ما زوجني اياه ولا لأمي الي ماحاولت توقف ابوي وتعقلني ....اتصدقين احس اني كبرت 20 سنة في 6 شهور ظبية : والله ماعرف شاقول لج بس مهما كان يظلون هلج مها : اصلا حاولت اقول له قبل ورفض ظبية : كسري كلامة وطلعي من البيت مها :هههههه يمه الكل هني يمشي على شورة ماقدر اسوي شي من غير مايدري ظبية : لين متى ؟ مها تاخذ نفس وتكتمة : لين ربج ياخذ امانته ولا امانتي ظبية بستنفار : شهالكلام مها وكاره كل شيئ حولها : شتبن اقول لج يعني ظبية : مها انتي تحبينة وهو ياج وقالج ان مستعد يقعد معاج مها بحرقة قلب : ماااا يبيني ما يبيني انا بالنسبة له جارية تعرفينهم الي نشوفهم بالمسلسلات التاريخة هااذي انا وعرض علي ان يقعد معاي بسبة ولدة الي في بطني مب عشاني ...لكن انا اروية والله لحرق قلبة ظبية : تعوذي من الشيطان مها : اعوذ بالله من الشيطان الرجيم ظبية : مهوي ليش ماتتدلعين جدامه مهما كان يظل رجل !! (قالتها بالفصحى) وأي ريال تجذبة المرة مها :ههههههه شنو ادلع بالكرشة الي بدت تظهر لي وووع ظبية مستانسة : صج ظهر لج بطن مها : اي بس صغيير ظبية : الحين كم شهر عدا ؟ مها : ماعرف بس اعتقد 3 شهور ظبية : وااي كيوت يعني لي ما يرجع بتكونين بكرشة صح ههههههههههه مها : يمكن يتخرع من شكلي ويطلقني ههههههههههههه ظبية : لا بيستخف عليج وبقولين ظبوي قالت مها : ليش يسخف ؟ ظبية : يعني حلو المنظر مها : اي حلو ..انا بكل كشختي ماعجبته تبين بالكرشة اعجبة ؟ ظبية تبي تقهر مها : بنشوف مها تكرة اسلوب ظبية لما تبي تقهرها : يلا باي بكمل رياضة ظبية : باي نهاي البارت اتمنى انه يعجبكم  واسمحولي على القصور  عطوني ارائكم البارت الجاي بيكون بعد 10 ايام | ||||
|  |
|
20-05-15, 06:56 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث عشر في كتارا ريان قاعد مع عمة :اقول عميمة العمة مها : خير ريان : في وحدة قاعد تشوفج صار لها ساعة شكلها تعرفج العمة مها : بروحها ؟ ريان : لا في واحد معاها العمة مها حطت غشوتها ولفت بتشوفها فجأة قامت من الكرسي وراحت تمشي بسرعة برا ريان استغرب الحركة تدفع ولحقها ريان يحط يدة على جتوفها : شفيج العمة مها تحاول تمسك نفسها : لا بس هاذي اخت راشد وماحبيت اسلم عليها ريان متفهم عمتة : انزين يلا نروح عائشة : مهااا العمة مها وقفت عائشة راحت ولمتها : جذي يا مها تشوفيني ولا تسلمين العمة مها لمت عليها : لا بس ما حبيت اذكرج بالي صار عائشة : لا يا مها انتي رفيجتي من ايام الدراسة قبل سالفة الخطبة طبعا ريان وخر عنهم عشان عائشة تاخذ راحتها شوي وطلع راشد راشد وقف والشوق مالي عينة يبي يشوف لمحة منها : مها ؟! العمة مها صدت راشد قرب جنب اخته : مها شخبارج ؟ مها لفت بتروح راشد رفع يدة بيمسك يدها لكن قبل ما تلمس يدة كفوفها جاه بوكس على وجه ام يابته مها صرخت : ريان وخرر عنه لا تسوي لنا فضيحة ريان وخر : الشره مب عليك على الي ماعرف يربك ويعلمك الادب ياجليل الحيا راشد ما قاوم ريان لكن كم بودي قارد جاو يركضون له راشد : وقف البودي قارد : متأكد انك ماا راشد قاطعة : قلت لك روح البودي قارد وخر عنهم مها تمسك ريان : ريان يلا نروح ريان خز راشد بحتقار : يلا راشد حس بقلبة بيوقف من الي معاها ؟ زوجها ؟ من ؟ معقولة بعد ماحصلتها بعد كل هاي السنين تكون راحت من يدي ؟ راشد اشر على البودي قارد : ابيك تجيب لي كل المعلومات عنهم راشد يكلم نفسه : لا يا مها انتي لي أنا في المالديف نورة قامت وتعدلت وراحت للمطبخ تسوي لها قهوة وبعدها قعدت تقرا مجلة وشافت فلم ووو نورة تشوف الساعة : شفيه مب عوايدة ينام لهاي الحزة وقامت تشوف علي ..فتحت باب الغرفة بشويش وشافته على السرير راحت صوبة : علي علي :....... نورة تحركة بشوويش : علييي علي يرص على عينة : هممم نورة حطت يدها على راسة : واااي ياحستري راسة مولع وراحت تركض تجيب له كمادات وبندول طايش ومضاد حيوي وحطتهم على الطاولة وسوت له توست وجن عشان ياكلة قبل الدواء نورة : علي علي قووم علي يحرك جسمة بصعوووبه وسند ظهرة على السرير نورة تمد يدها : كل لك لقمتين وخذ الحبوب علي يتبلعم بعصوبة : مب مشتهي نورة : ادري محد يشتهي الاكل وهو مريض بس عشان خاطري لازم تاخذ الدوا وماتقدر تاخذه على معدة فاضية علي يشوفها بتعب : نورة مابي مشكورة نورة : بس لقمة وحدة علي يمد يدة للتوست نورة عطته اياه وراحت تحيب ماي : سم علي خذ الماي وشرب نورة خذت باقي الماي وحطت فيه البندوال الفوار : اشرب هاي بخليك مثل الحصان علي ابتسم بأرهاق نورة : انزين تبي اجهز لك الحمام لو تنقعت في ماي بارد تخف الحرارة علي : لالا مابي نورة ولا كأنها سمعت راحت للحمام وفتحت الماي وظهرت له ملابس وراحت صوبة ومسكتة من يدة تقيمة علي تضايق ك نورة قلت لج لا نورة تجر مسكينة اونها قيمة اصلا لو عورت قلبة وهي تجره لو قعدت من اليوم لين بكرا تجرة ماقدرت عليه بس هو مسكين مايبي يحرجها فقام نورة دخلتة الحمام علي فصخ قميص البجامة وسمع صفقت الباب ترن في أذنة ابتسم ودخل في البانيو وصرخ صرخة من قمة راسة :اااااااااااااه نورة ورى الباب : علي شفييييك عليييييي علي مصب : جذية يحطون الماي مثلج نورة مرتبكة : لا بس هاي لانك مسخن تحس ان الماي بارد وايد ولا هو عاديي تر... قاطعها لما علي فتح باب الحمام وهو لابس بنطلون البجامة وجسمة مبلل كلة نورة لفت بتروح علي مسكها من يدها ويرها بقوو وحطها تحت الماي نورة شهقت :هاااااااا علي يصرخ عليها : هاي عادي هااااا ؟؟ نورة تيبست مكانها والماي ينزل عليها كأنه شرار يقطع جسمها من البرودة وقمضت عينها لان الشيخ الحلو الي جدامها ناسي قميصة علي يشوفها وهي ترتجف بين يدة وعيونها مسكرة ...قرب منها وباس راسها : مشكورة وهدها نورة طلعت من الحمام وسحبت لها فوطة واول ماسكرت باب الحمام مسكت قلبها 10 دقات في الثانية وتتنفس بسرعة : هاء هاء هاء بعدها قامت وخذت لها ثياب وبدلت بسرعة وراحت الصالة علي طلع وراح لها : اسف نورة شافته وتبلعمت : على شنو ؟ علي قعد جنبها : لاني حطيتج تحت الشور نورة وخرت شوي : لا عادي علي قرب اكثر : ليش قاعدة توخرين ؟ نورة ارتجفت : ما وخرت علي حط راسه علي ريلها : راسي يعورني نورة جسمها تكهرب : سلامتك علي يشوفها وكل ذرة في عينة تقول احبج اعشقج اموت فيج متييم ومغروووم: مشكورة نورة متوتر : علي شنو ؟ علي يبتسم والتعب هاد حيلة : لانج نورة نورة مافهمت عليه :ها علي استسلم للتعب ونام نورة ابتسمت وحطت يدها على راسه في بيت السيارة جاسر يشوف الاسوارة الي في الكيس : انزين شلون بتعطينها شيخة بملل : شلون يعني بقول لها انه هدية مني وخلي توعدني انها ماتفصخة جاسر : بس انتي يايبة لها ذهب بتقول لج شالمناسبة ؟ شيخة : بقص عليها بكلمتين ان ذكرا وخرابيط وبتصدق جاسر يحس بفرحة في قلبة غريبة : اوكي ووصلو البيت نزلت شيخة بتخدل البيت جاسر : وين وين روحي عطيها شيخة : عاد الحين ظهر يمكن نايمة جاسر : لا بتحصلينها قاعدة شيخة : وانت شدراك جاسر يخفي ابتسامتة : ادري شيخة : عيل مب رايحة جاسر يتأفف : اففف شخوة روحي لا اخذ الاسوارة من عندج شيخة : زين زين شيخة مشت لبيت عمها فتحت الباب شيخة : السلام عليكم ام احمد : هلا يمة احمد ما لف عليها ام احمد بصوت واطي : رد السلام احمد بهدوء : وعليكم السلام شيخة قربت من مرت عمها : خالتي وين ظبية ؟ احمد وهو يقرا الجريدة : فوق شيخة ماردت عليه وصعدت فوق ام احمد : احمد شهالأسلوب على فكرة ذي مرتك وعرسكم مابقى عليه شي احمد بدون نفس : يعني شاسوي لها بعدين في حد يجي يزور الظهر ام احمد : يبا مافيها شي بيت عمها وجنه بيتها وبعدين طول عمرها تجي هالحزة عادي احمد مارد عليها :....... ام احمد بجدية وبصوت واطي : احمد يبه قلبك عايفها ولا تبي غيرها ؟ احمد يشوف امه : يمه شهالكلام ؟ ذي بنت عمي ومافي احسن منها لي ام احمد بنرفزة : عيل ليش تكلمها من طرف خشمك ؟ احمد تملل من الحوار : يما والله مافي شي بس يعني مب لازم ام احمد تقاطعة : لا يا أحمد لازم تحبها ولازم تحترمها وتقدرها حتى لو كنت تعبان على الاقل ابتسم لها ولا شوفها ! احمد يتنهد : ان شاء الله في الطابق الثاني شيخة ماهتمت بتابتا بأحمد وتحس ان علاقتها معاه راح تظل نفس ماهي حتى بعد الزواج (في قلبها كانت تتمنى حد يحبها وتحبة لكن هاي الي الله كاتبه لها خصوصا بعد الي صار لها من فترة طويلة ) شيخة تطق الباب : ظبية ظبية : تعالي شيخة دخلت وراحت لظبية وقعدة مجابلتها ومدت لها الكيس : هاج ظبية خذت الكيس : شنو هاي شيخة : هدية مني لج ظبية شافت الاسوارة : شخوة هاي ذهب ؟ شيخة : اي ظبية : مب غالي وبعدين شالمناسبة ؟ شيخة تبتسم : بس ذكرى وياويلج ان فصختيه حتى وانتي تتسبحين ظبية تبوس شيخة : ماقصرتي وعد مراح افصخها في المكتب دانة بعد ماجاتها الملفات قلبها وقف : وي ياربي شلون بخلص هاي كلة اليوم انا ملف واحد وهبابي اكملة يالله كريس تبتسم : منا مشكلة راح ساعدك دانة قامت من الكرسي وراحت لكريس ولمتها وباستها على خدها : مشكوووورة والله مراح انساها لج كريس سحبت لها ملف : خلاص انا بخلص هاي الملف وبرجع لك دانة شاقة الحلج : اوكي دانة وقفت وراحت للباب : كريس كريس لفت صوبها : نعم دانة بمحبة : تبين لاتية ؟ كريس : لا شو بدك تعمليه انتي ؟! دانة بفخر : انا احسن وحدة تسوي لاتية احلى من كوستا وستار بوكس كريس تضحك : هههههههه يعني بدك تروحي للمطبخ تعملية ؟ دانة بفرحة : لا جبت من البيت سخان ماي ههههههه في المكتب كريس توترت : يييه ييه مايشوفك استاز ريان راح يعصب كتييير دانة تتدلع بالبناني : اااي دخيلك شو بدو يساوي ما أنا بنت رئيس الشركة وهو مدير ومساعد بابا كريس تضحك : والله بتحكي شامي منيح دانة تغمز لها وترد المكتب دخلت المكتب وراحت صوب الطاولة الي فيها المسخن وبدت تسوي قهوتها ريم دخلت : هاااء مستحيل مو من صجج ريان بيعصب دانة تنفخ والدم واصل لراسها ماتدانيها ودها تكسر الكوب الي في يدها على راسها : كيفي ولو سمحتي للمرة المليون اقول لج لما تدخلين طقي الباب ريم تحرك شفايفها : والله انا يت انصحج بما اني كنت مارة وشفتج دانة اول شيئ يا في مخها انها (غبية ) لان طول هاي الوقت عبالها ان الزجاج مايكشف الي في المكتب دانة راحت للباب وفتحتة وتأشر لريم : شكرا على النصيحة الحين ممكن تتفضلين برا ريم الي شيلتها هبابها ثابتة على راسها مشت بسرعة وطلعت دانة مقهورة : افففف شكلي بطلع من الشركة وذي السبة خذت القهوة وراحت وعطتها كريس كريس تطعم القهوة : يسلموو عنجد طيب كتيير دانة تغمز لها : مو قلت لج طلعت لمكتبها وبدت شغل مرت خمس ساعات جات كريس لمكتب دانة : شو كم ملف بائي ؟ دانة مستانسة : بس ذي كريس : اوكي راح خلصوا وهي طالعة دخل ريان ريان يطق الباب : مساء الخير دانة عدلت شيلتها ورفعت اللثمة بسرعة (غيرت النقاب لان اللثمة اسهل لها تنزلة لو محد موجود وترفعه اذا حد دخل ) دانة ماعطت ريان ويه ولا ردت عليها ريان متعود على اسلوبها بعد مامر وقت : ممكن افهم شلي قاعد يصير كريس مختبصة : شو استاز ريان كان صوتة راكز ويطرب الاسماع حتى وهو معصب : انا ماقلت ان الانسه دانة تاخذ الشغل كله كريس تتبلعم : بس ياستاز دانة بثقة وقفت وأشرت لكريس تروح : كريس تقدرين تتفضلين انا راح اتفاهم مع استاذ ريان كريس ماصدقت على الله وطلعت ريان ماخذ راحتة راح وقعد على الكرسي وحط ريل على ريل : تفضلي اشرحي لي دانة على الرغم من الثقة الي تظهرها جدامة الي ان قلبها رف رف كل ماتشوفه لان رجل غير طبيعي في جمال غير طبيعي وهيبة ماصارت وصوت يطرب الاسماع من اي كلمة يقولها دانة صدت عنه يعني انه عيب تطالعة : بسألك سؤال واحد ريان نزل عينة لانه مهما كان مايصير يشوفها حتى لو كان متشفق على شوفتها : تفضلي دانة بصوت هادي : انا متى يخلص دوامي ؟ ريان اسنكر من سؤالها : 3 العصر دانة ابتسمت : والحين الساعة كم ؟ ريان فهم مقصدها : 3 ونص دانة تحس بفرحة الانتصار : يعني دوامي خلص بس انا مارحت البيت وتميت عشان اخلص ملفاتك ولو ما كريس ساعدتني جان حتى على الساعة 6 ماخلصت ...وبعدين انت قلت انك تبي الاوراق اليوم ! يعني مستحيل اخلصهم لك ...وطبعا مافي قانون يقول اني لازم اتم عقب مايخلص دوامي ولا انا غلطانة ؟؟ ريان يحاول انه يقوي موقفة : هذا دليل على عدم كفاءتج ..لو كنتي شاطرة وكفو جان خلصتيهم على الساعة 2 مب ثلاث ونص دانة مبتسمة : من قال لك اني شاطرة ؟! او كفو ... انا اشتغل هني وهاذي مهاراتي ...اساسا لو كنت شاطرة جان ماقعدت في الشركة ..جان دخلت الجامعة ...يعني من الاخير هذا الي اقدر اقدمة واذا مب عاجبك شغلي ..(وتحس ان محد قدها ) روح قول حق ابوي ريان كان ودة يسمعها كم كلمة تطيحها من طولها لكن مع الاسف مايقدر ولا يستجرأ ان يصرخ على بنت الرئيس دانة بنظرات تخلي ريان مثل الحشرة الصغيييرة جدامها : اذا ما عندك شيئ تقولة تقدر تتفضل ريان قام وراح للباب وقبل لا يطلع لف على دانة : الايام بينا ...يا ..دانة وطلع دانة حست بأن دمها وصل مرحلة الغليان شلون يتجرأ يقول اسمها جي حاف من غير انسة ولا اختي ولا استاذة : حقيييييير هيين ياريان ان ماخليت ابوي يجلعك من الشركة ماكون انا ريان طلع من عند دانة وودة يقطع ثوبة من القهر :انا ريان بنت تسكتني وتربط لساني اااااخ بس اااخ هييين يادانة ان ما خليتج تخافين من حرف الراء من اسمي ماكون ريان ماكووون رياان وطلع من الشركة بكبرها في بيت ابو محمد العمة مها مب على بعضها : ااخ ياراشد ليش تظهر لي بعد هاي الاسنين كلها لييش ...اااه يا راشد ماتغيرت كلش بس لحيتك صارت فيها كم شعرة بيضا ..انت الي بعتني مستحيل انسى هاي الشي ...لو ترجع لي زاحف على ركبك مب مسامحتك في فندق S T rage الجناح الملكي راشد واقف في البلكونة يشوف بحر الدوحة البودي قارد : ياشيخ جبت لك المعلومات راشد : قول إلي عندك البودي قارد : اسمه ريان ال..... يكون ولد اخو الانسة مها .ساكنين في شارع ـــــ ـ ـ ـ هو يشتغل في شركة ــ ـ ـ ـ ـ صاحبها( فلان الفلاني ) راشد بخوف من السؤال الي بيسألة : تزوجت ؟ البودي قارد : لا ياشيخ راشد خذ نفس عميييق وكأنة توه مرتاح : خلاص روح البودي قارد: اوامر ثانية ؟ راشد : قلت لك روح البودي قارد طلع راشد يبتسم : بترجعين لي يامها بترجعين لي يوم الجمعة الكل متيمع في بيت بو احمد شيخة : تبين عصير خالتي ؟ ام احمد : اي يمه يبي لي ام جاسر : انا بعد شيخة تروح للمطبخ : ان شاء الله دخلت المطبخ بعد ماحطت الشيلة على راسها وسوت عصير ليمون بالنعناع وتوها بتطلع سمعت صوت من زماااااااان ماسمعتة صوت قربت تنساه : شيخة شيخة حست انه قلبها توقف لعدة ثواني وجمدت مكانها من غير ماتلف ماتبي تشوفه : نعم ـــــــــــ (كان صوتة متقطع ورايح ): ص صج إلى سمععتة ؟ شيخة جسمها ارتعش تأكدت من الصوت بس مالفت : شسمعت ؟؟ ــــــــــ(بلع ريجة بصعووبة وكأنة يبلع حجر) : أحمد مللج عليج ؟؟ ! شيخة قمضت عينها تحاول انها تمسك دمعتها :.......... ـــــــ(دخل المطبخ من الباب الي برا ووقف وراها والتعب هااد حيلة ):شيخة طلعينييي شيخة تتنفس بصعوبة : اطلعععع برا مابي اشووووفك اطلع قبل محد اييي ــــــــــ(ماسك ثوبة وكأنة مخنووق ومب قادر يتنفس ) : وغلااات كل من تحبينة تشوفيني شيخة ترص على اسنانها وقمضت عينها ولفت بشويش ...وشهقت لما شافته :هاااااااء ــــــــــ(ابتسم وعيونة مب قادر يفتحهم من التعب الي فيه ): شفتي شصار فيني ؟؟ شيخة ترتجف ماتوقعت في يوم ممكن تشوفه بهاي الحال ابد ابد حتى بالاحلام ماتخيلته جي : ليش تغيرت ؟ ــــــ(عيونة كانت تلمع بشوفتها مشتاق لها قد كل قطرة ماي في البحر ): ......(مارد عليها ولف عنها بيطلع من الباب الخلفي ) شيخة حست بأن قلبها هو إلي بيطلع : سحيييم سحيم حس بروحة ترجع لجسمة يالله شكثر يحب صوتها قمض عينة وهو يحاول قد ما يقدر انه يشم ريحته عطرها : لبية شيخة بألم شديييد : ليش رجعت ؟!! سحيم بأبتسامت حزن شديد ..شافها وبدون مايرد عليها طلع اول ماطلع شيخة حست ان راسها وزنة 200 كيلو وطاحت على الارض ظبية دخلت المطبخ : ووي شخووة اسم الله عليج شفيييج شيخة قامت و تشوف الباب كأنة شبح : ...... ظبية تلم على شيخة : اسم الله عليج اسم الله عليج شصاير لج شيخة تهز راسها وتقوم من الارض : ولا شي بس شفت فار واختبصت ظبية :هههههههههههههه الحين فار سوا فيج كل هاي شيخة ما ابتسمت : ظبية خذي العصير حق خالتي وامي انا برد البيت ظبية تغيرت ملامح ويها : شيخة شفيج ؟ الي شفتية مب فار عشان يصير فيج جي شصار ؟ شيخة : قريب تعرفين وطلعت ظبية وقفت مكانها مستغربه شصاير ليش شيخة انقلب حالها دخلت الصالة وعطت امها العصير ام احمد : وين شيخة ؟ ظبية تغطي عنها : تقول ياتها دوخة وبترد البيت ام جاسر : ليش مايات تقولنا ظبية : قالت لي انا اقول لكم سارة عبس ويها وحست ان في شي صاير : اي هي من الصبح تقول لي تحس بدوخة خل تروح البيت ترتاح احسن وقامت وسحبت ظبية وراحو لغرفة المكتب : قولي لي شفيها شخية ؟ ظبية تتلفت وتتكلم بصوت واطي : مادري مادري دخلت المطبخ لقيتها طايحة على الارض سارة : صج !! ظبية تهز راسها : ويوم قامت قعدت تشوف الباب وكأنها شايفة شبح سارة : تهقين من شافت ؟ ظبية تهز راسها : مادري مادري سارة : عطيها وقت اكيد بتي وبتقول لنا وطلعوا من المكتب في ميلس الخارجي كل الشباب متيمعين والشاب بعد وتابعون مبارة ريال مدريد x برشلونا وطبعا الميلس مقسوم نصيين نصهم مدريدين ونصهم برشلونين جاسر : الله عليييك يا اوزيل الله عليك احمد يضرب جاسر بالمخدة : شوف الحين يردها ديفيد فيا جاسر مستانس : يبااا ماقصر حسين الجسمي من غنا حبيبي برشلوني وبرشلونة رايح فيهاااا هههههههههههههههه ابو احمد : هههههههه عساه دوم يغني لهم ابو جاسر : يابوك ياأحمد انت ظاهر غلط بينا كلنا مدريد ألا انت وربعك برشلونة ابو احمد : ظاهر على خالة وعيالهم برشلونين ابو جاسر : اييي فجأة تفتح باب الميلس ابو احمد وقف من الصدمة الي شافها ورجلوة ترتجف من الفرحة مب علرف الي يشوفه صج ولا حلم مب قادر يستوعب الي يشوفه : سحييم !! احمد راح يركض لسحيم ولمه بقوى ماعندة وقعد يصيح مثل الياهل الي كان ضايع ولقا امه : سييييحم سحيييم متى رجعت ليش ماكلمتني لييييش ؟ الريايل كلهم راحوا يركضون له ويسلمون عليه وحتى عمة قعد يبجي سحيم قرب من ابوه : يبه سامحني ونزل على يده يحبها ابو احمد مسكة بقو ولمه لصدرة : اااه ياولدي ليش سويت فينا جذيي انا يوم طردتك ماكان من قلبي يايبه سحيم قعد يصيح وهو ضام ابوه : سااامحني يابية ساامحني ابو احمد تذكر مرتة : امك يايبة امك روح لها متشفقة على شوفتك احمد راح لخوة : تعال وطلعوا من الميلس احمد يطق الباب : ظبية فتحت ظبية شافت سحيم واول ردت فعل ياتها (طراق على ويه سحيم ): ليييش ماكلمتنا ياسحيييم ليييش حرقت قلب امي عليك تموت في اليوم 100 مرة تبي تسمع صوتك سحيم قرب من ظبية ولمها : سامحيني يالغالية ام احمد سمعت حسه وقامت من مكانها تركض مثل المينونة : اسمع صوت الغالي ام جاسر تمسك يدها : لا تعبين قلبج ياحبيبتي والله مب زين عليج ام احمد والدموع تنزل من عينها : اسمع صوووتة اسمعة وقامت تنادي ام احمد تمشي للباب : سحييم سحييم سحيم واقف عند الباب : يماااه ام احمد شافته واقف عند الباب وقفت تشوفة وهي ساكته وبعدها صرخت بصوت عالي هز البيت كلة : وااااي ولدي رجع ولدي رجع واااي يمة سحييييم وطاحت غشيان عليها نهاية البارت الثالث عشر ابي رايكم في سحيم شنو دورة ومن حبته من اول بارت له ؟؟؟ يلا يلا لااااازم اقرا ردود طويلة بليييز هاي الفترة عندي بحوث وامتحانات تبن بارت بعد 10 ايام ردوا على بردود طويلة ههههههه<< تهديد وابتزاز ؛) | ||||
|
| |
|
20-05-15, 09:02 PM
| #24 | ||||
| بارت رائع بانتظار جديدك مع ان مها م ظهرت في هالبارت نورة لمتى بيظل حالها كذا وسحيم شو مشكلته ليش كان بعيد عن عائلته طول هذيك الفترة اتوقع احمد و شيخة بينفصلوا عن بعض في النهاية ومها بتزوج راشد صح في البداية بترفض وبتصير مشاكل بس اتوقع انهم في النهاية بتزوجوا بانتظار البارت الجاي لا تطولي | ||||
|
| |
|
28-05-15, 08:43 PM
| #25 | ||||
| حلوووووة وبزوووود روايتك قلبي حبيتها كثير احسها خفيفة ع القلب وجمييلة وهادية كثيير احب هالنوعية بطرحها واسلوبها الجمييل والقريب لمجتمعنا مش صعبة واجرام ومبالغات تفجع 😊حبوبتي ابليييز لا تطولين علينا بالبارت وياريييت اكثر من بارت اتنزلين وشكرااااااا | ||||
|
| |
|
31-05-15, 04:42 AM
| #27 | ||||
| نجم روايتي وفراشة الروايات المنقولة 
| روايه. روعه. جد والاسلوب حلو لانه باللهجه الخليجيه. اموت. عليها. بس شوي الاحداث. فيها غموض يعني مها. وطريقه زواجها من فخد. والجده عربيهاو اجنبيه. لانه. اللي فهمتو. انها ترجمه لكلامه. المهم. ظبيه. بدو يحرف قلبها جاسر. مو قليل طلع ومين سحيم الاسم غريب اخو احمد وايش قصته. وهل كان يحب شيخه اتمنى يكون الها تكمله. جد | ||||
|
| |
|
01-06-15, 09:23 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وطاحت من الصدمة شلها سحيم ودخلوا البيت بعد ماتغطوا الحريم في غرفة ام احمد تفتح عيونها : سحيييم سحيم قاعد على ركبته وماسك يد امه ويبوسها : لبيية يالغالية ام احمد تصيح كأنها ياهل : هههههئ هئئئ يمه يمه حبيبي حبيبي شكلك متغير تعبان ياقلب امك سحيم والدموع تنزل من عينة : ماتعبني غير بعدي عنكم يالغالية كبرني 30 سنة كرهت الدنيا كلها صارت سودا في عيني اااه يايمه لو تدرين شصار فيني ام احمد تلمة : يا حبيبي ياقلب امك انت ليش ليش ماكلمتنا ؟؟ سحيم منحرج والدمعة تلمع بعينة : مستحي منكم الي سويته مب شوي خايف تصدوني اخاف افقد الامل انكم بتسامحوني ام احمد وهي لين الحين تصيح : لكنه اقل من اني ماشوفك يايمة سحيم يبوس راس امة : سامحيني يالغاااالية سامحيني وجاوا البنات سارة ودانة وسووا فلم هندي نهاية الجزء تتوقعون شسالفة سحيم ؟؟ ليش ترك هله ؟ ليش شيخة طاحت لما شافته ؟ شبيصير لكل ابطالنا في الجزء الياي ؟؟؟ وبعد ساعتين وبعد الكل ماهدئ متجمعين في دار امهم ابو احمد : بس يا سحيم ما قلت لي وين مرتك ؟؟ سحيم منحرج من ابوة : عطتك عمرها الكل فج عينة ظبية : شلون ؟ سحيم يتكلم بألم : مرضت بالسرطان العام ومن ثلاث شهور توفت سارة : الله يرحمها دانة منحرجة من السؤال الي بتسألة : مايبتو عيال ؟ سحيم منحرج اكيد مب يايبين عيال بالحياة الي كان عايشها اصلا ولا كأنها مرتة ولا حتى اخته اساسا ما كان يقعد معاها الا في وجبات الاكل وبس ! : الله مارزقنا بعد مرور شهر في لندن فهد قاعد في لوبي الفندق ومنزل الكاب الكلاسك على ويهه ولابس نظارات شمسية سديم : حبيبي قوم نطلع تمللت كل اطلع بروحي فهد بملل : روحي حق يدتي سديم تتدلع : يوووء عاااد شنو جدتك ؟؟ ابيك انت فهد الي صاير مايطيقها : سديم لو سمحتي روحي فوق تراني مب طايقج سديم والدمعة في عينها : ليش حبيبي انا شسويت كل الي طلبته انّا نطلع مع بعض لا تنسى احنا في شهر العسل فهد بجدية : روحي لمي اغراضج سديم خافت : ليش فهد وقف : بنرجع الدوحة سديم: شنوووو فهد وهو رايح عنها : الي سمعتيه سديم من مصدقة : فهد مب من صجك شنو نرجع الدوحة ! فهد ويتكلم معاها من صجة : اذا ماتبين ترجعين قعدي هي مع يدتي سديم : فههههد ! فهد لف عليها وهو كاره شخصيتها وكل تصرفاتها فرق كبير بين سفرته مع مها الي استمتع فيها وسفرته مع سديم الي تنكد فيها : هاي اخر كلام عندي بتقعدين ولا بتردين؟ سديم والعبرة خانقتها وهي تمشي بسرعة: اففف برجع فهد كمل طريقة وبعد 3 ساعات صاروا في الطيارة سديم مالها خلق تتكلم فهد فاتح الابتوب ويسمع اغاني ويشوف كم صورة له بتنزل في مجلة (....) وسمع اغنية البشارة وتذكر يوم العرس وشلون مها كانت ماخذه كل نظراته حفظ كل حركة سوتها خذ نفس وقمض عينه فهد يكلم نفسه : شلي قاعد يصير فيك يافهد مب قادر اكون بعيد عنها ولا اقدر اكون قريب منها واساسا مب عارف اذا كنت ابي اكون قريب منها او لا ولا عارف شلي ابيه منها ماعرف احط اسم صحيح لمشاعري لها ماعرف انا اشفق عليها ولا بس لانها تشابه (مها) وراح في سابع نومة في بيت بوجاسر شيخة في دارها وقافلة الباب وجالسة في الحمام تحت الشور شيخة في عقلها شيخة دموعها تنزل بشكل متزااايد : اااخ اااخ يااارب ياحبيبي يالله ساااعدني مب قادرة اصدق انه رجع ولا اقدر اتزوج احمد بعد مارجع سحييم ماااقدر عمررري مانسيت سحيم لكني كنت اقص على روحي اقول انه خلاص مب راجع واني نسيت لكن شالفايدة ...الا هاي المصيبة إلي انا فيها ياااارب ماقدر اتزوج شخص احب اخوة ماقدر ! الكل كان عارف الي بيني وبين سحيم ...انا غبيية ماكان المفروض اوافق على احمد حتى لو مارجع سحيم ...انا وحدة حقيرة حقيرة ظبية تطق باب الغرفة ظبية ترفع صوتها بعد ماطقت الباب اكثر من مرة : شيخة بطلي الباب شيخة :...... ظبية تطق اقوى : شخووووة بطلي الباااب شيخة سمعت صوت ظبية : انا في الحمااااام ظبية تعرف طبايع شيخة فقالت بننطرها لحد ماتفتح لها الباب ظبية قعد في الصالة الي فوق وحطت غشوتها تخاف ان حد (جاسر) يجي بعد مامرت نص ساعة خاب امل ظبية بشوفت جاسر سمعت صوت قفل باب غرفة شيخة يتبطل راحت تركض ظبية دخلت وسكرت الباب وقفلته شيخة قعدت على السرير وحطت يدها على حلجها ودموعها تنزل وكانت لابسة روب الحمام وجسمها وشعرها كله مبلل شيخة بصوت واطي : أنا واطيه وحقيرة وسافلة هئئئ احبه ظبية ماقدرت ولا اقدر انساه ههئئئ كل كلمة تبين تقولينها معاج حق فيها ... ماكان لازم اوافق على احمد ...لان قلبي لغيرة ...بس قلت اني ماردي بنسى سحيم ...وبحب احمد اول مانخطب له ...بسسس ظبية تحط يدها على يد شيخة : اااوووش لا تقولين ولا كلمة كل الي صار مب في يدج الي الله كاتبة صار شيخة بخوووف : ظبوي ...شاسوي ...ارجوج ساعديني ..بموت من قهري وحرقت قلبببي ههههئئئ ظبية لمت شيخة : اوشش اهدي اهدي "قل مايصيبنا إلا ماكتب الله لنا " شيخة : مب قادرة اشوف ولا حد فيهم ... ماقدر...احس اني خنت سحيم بزواجي بأحمد واحس اني خنت أحمد بحبي لسحيم ظبية مب عارفة شترد عليها شيخة : انا لما خطبني احمد قلت ان سحيم ذكرى ماراح ترجع ولازم اكمل حياتي لكن سحيم رجع هههئئ رجع شفته امس شكلة شكلة شكلة ...غييير...باين عليه التعب ..يا كلمني ..هههئئئ قالي قالي "صج الي سمعته " هههئئئئئهئ بااااموووت صوته خلى كل خلية في جسم توقف ااااااااااااااااااه وفقدت الوعي ظبية شهقت :هااااء يالله يالله لااا شخوة مب قادة انادي حد ويعرف كل شي (تحرك ويه شيخة) شخوة عفية قومي ...شخوووة ...يالله شاسوي ...ماقدر اقول حق احمد تعال (ويسألني ليش تصيح وشالسبب) اكيد حزتها بعرف ان شيخة مانست سحيم وبتصير مصيبة بين الاخوان اااه ولا اقدر اقول حق حد اساسا ياااارب شاسوي ؟!... رجعت تهز شيخة وعقب يابت عطر وشممتها ..ومافي فايدة ظبية جاتها فكرة هاي مفرهاا الوحيد يظل سحيم دكتور اكيد بيكون محترف في شغلة : اتصل في سحيم هو الوحيد الي يقدر يساعدني ظبية تتصل : الو سحييم سحيم بصوته الدافي : هلا بأم الزين ظبية بخوف : سحيم اسمعني عدل ! سحيم توتر:خير؟ ظبية : شيخة انهارت علي في دارها بسبب عارف اكيد ليش ولاني قادرة اقول حق حد اخاف يسون معاي تحقيق واكيد شيخة بتروح فيها سحيم خذ نفس عميق : من موجود في بيت عمي ؟ ظبية وميته روع : بس خالتي ام جاسر سحيم : وين قاعدة ؟ ظبية : في الصاله تحت سحيم : سمعيني عدل انا بايي من باب المطبخ وانتي تعالي لي هناك ....والخ ظبية بخووف : ماقدر اخاف حد يشونا سحيم بعصبة : والبنت شيصير عليها ! ظبية : زيين زيين خلاص يلا تعال ظبية نزلت بسرعة وقالت حق الخدامة تنظف المجلس عشان ماتنتبه لسحيم ودخلته من المطبخ وصعدوا فوق ظبية :سحيم بس وقف هني بقطيها سحيم بجدية : ظبية نسيتي اني دكتور واعرف افرق بين دوري كدكتور ودوري كولد عم ظبية وقفت عند الباب ومصرة على رايها : سحيييم لااا انطر سحيم بنفاذ صبر من اخته : بسرعة ظبية بسرعة فصخت عبايتها ولبستها شيخة والشيلة بعد : تعال دخل سحيم وفتح شنطته وظهر الادوات وقعد يكشف عليها سحيم : ظبية البنت فيها انهيار عصبي حاد حتى لوعطيتها ابره الكل بيلاحظ انها متغيرة ظبية : مو مشكلة بس خلها تصحي سحيم عطها ابرة مهدئ وقال انه بيب لها حبوب : سمعي لا تطلعين من عندها كلش واذا حد دخل سوي نفسج راقدة عشان مايسأل ظبية : اووكي سحيم : روحي شوفي الطريق وطلوا ونزلوا تحت وظهر من المطبخ ظبية : ااف اشوه محد صادنا ورجعت تركض فوق في بيت علي الدنيا مافي احلى منها طبعا الفضل يعود لقبل شهر لما كانوا في المالديف ومن ذاك اليوم وعلي معيش نورة فوق فوق السماء وعلى قولته العيايز (مسويلها يادهين لا تنكتين) مدلعها وشل سالفة اخوة ريان من باله نهائيا اما نورة تحس انها اسعد بنت في العالم بمعنى الكلمة تشوف علي الدنيا وما فيها ..بس ما قالت له انها تحبه من زمان ..لانها تخاف تفتح السيرة ..ويقول لها عن ريان ..وينقلب حالة ..طبعا هي ندمانة قد شعر راسها انها حاولت انها تخلي علي يغار عليها من ريان ..قبل الزواج اكيد..لكن الي صار صار ..من يصدق ان هذي نورة !! وين نورة المغرورة المتكبرة ..اختفت صار كل همها انها تشوف علي يبتسم لها ويحبها وبس ..ماتبي شيئ اكثر علي دخل البيت ينادي : نوووورة نورة نورة يات تركض : هلا حبيبي على ابتسم وقرب منها وباس راسها وشم ريحة عطرها يالله شقد هاذي المرة تقدر تحلي الدنيا في عينة وهي بعد الي تقدر تسودها علي بصوته المبحوح : يالله نورة ابتسمت : حبيبي شفيك ؟ علي قعد على الكرسي وجلس نورة احذاه وطالع عيونها وابتسامه تخوف على ويه وقال لها بيت شعر : كفاك تلعب دور العاشقيـن معـي وتنتقـي كلمـات لسـت تعنيهـا (نزار قباني) نورة وخرت عنه بخوف ماتبي يفتح لها السيرة القديمة ماتبي بعد هاي الشهر الي عاشته ماتبي ترجع تعيش الي عاشته قبل نورة ابتسمت وراحت تمشي للمطبخ : سويت لك اليوم عشا ان شاءالله يعجبك علي تمدد على الكرسي وسكر عينة ولا رد عليها نورة اول مادخلت المطبخ حطت يدها على قلبها : لا ارجوك علي لا ترجع مثل قبل ارجوك انا شسويت شقصدة بالشعر الي قالة حطت السباغيتي في صحن ورشت على جبن خفيف ورجعت الصالة نورة حطت الصحن جدام علي : وهاي احلى طبخة حق حبيبي وحياتي وعمري كلة وحبت راسة على فتح عينة طالعها : تحبين الكعبة مشكورة نورة ارتبكت : بس ! علي من غير نفس : مشكورة يالغالية نورة تبلعمت خلاص تأكدت انه فيه شي ياي : العفو جلس على وقعد ياكل بهدوء ونورة تراقبة وخلص الاكل ومسح حلجه وقام : تسلم يدج نورة تراقبة وقلبها يطق 1000 دقة في الثانية : بالعافية علي وهو رايح صوب الحجرة : تصبحين على خير نورة ودموعها نزلت : وانت من اهلة علي توضى وصلى وتمدد على السرير ربع ساعة ودخلت نورة علي خلاص تعود مايقدر يرقد الا وهي جنبة كأنها مخدر له مستحيل يرقد بدون ماتكون جنبة نورة بدلت ملابسها وتمددت على السرير ودموعها تزل من غير صوت علي لاحظ تنفسها مب طبيعي وعرف انها تصيح ...حس بسكاكين تقطع قلبة مايقدر يشوفها بهاي الحالة ...وفوق هاي تصيح بسبته هو نورة مسحت دموعها علي قرب منها ولمها له : ادموعج غالية علي لاتنزلينها ابد نورة ارتاحت : انت الوحيد الي تكون سبب في نزولها علي لمها بقو له : سامحيني نورة وقلبها يرف رف من قربه لها :مسموح يالغالي مسموح في القصر مها جالسة في الحديقة كالعادة وجاتها اينا تركض اينا : مها السيد فهد على وصول مها خذت نفس : اوكي شاسوي له يعني اينا :لا فقط اردت ان اخبرك مها هزت راسها وبهدوئها قامت واحت داخل البيت وجاتها فكرة وبتسمت دخلت جناحها وبدت تحط مكياج خفيف ايلينر وروج بنكي فاتح ولبست فستان شانيل لونه كحلي وكان مخصر الجسم وبطنها كان باين وكعب لبوتان ...كل الي تبيه تحرق قلب سديم وتحسس فهد انها عايشة حياتها ومتعدله ومتكشخه حتى لو هو مب موجود طلعت من الجناح ونزلت الدرج وسمعت صوت الباب فهد فتح باب القصر وشافها نازله من الدرج بكامل اناقتها فهد يكلم نفسه : معقولة كاشختلي ..(ولفت نظره الكعب ) ليش لابسه كعب وهي حامل ! مها تبتسم ووفقت على الدرج : حمدالله على السلامه سديم تخزها فهد : الله يسلمج مها نزلت وراحت صوب سديم وسلمت عليها خد : عدلت لج الجناح ان شاء الله يعجبج .(.لفت على فهد) وسلمت عليه باليد فهد انبطت جبده حركتها جدا طفولية ابتسم بأستهزاء مها رايحة صوب الصاله : حياكم سديم تنرفزت منها : هاااي انتي حركاتج البايخة هاذي مب علي مسويه فيه الطيبة ولا هامج مها قاطعتها وهي تضحك: وووي ياسديم فهد لو يبي ثنتين غيرج زوجته الله يهداج بس فهد رفع حواجبة مستغرب منها الظاهر انها حاطة خطة يديدة : مشكورة يا مها سديم لفة علية معصبة : شنو مشكوة هاا فهد ! مها قعدت على الكرسي : ووي ياسديم الشرع حلل اربع شفيها لو خذ اربع سديم مفورررة : سمعي انتي مافي داعي لهاي الحركات السخيفة الي تسوينها انا ادري انج ميته قهر انه عافج وخذاني وتقولين هاي الكلام بس عشان تنرفزيني مها تحط مخدة ورى ظهرها وحطت يدها على بطنها: ههههههههه فهد خليه عندج 7 ايام بالاسبوع مايهمني .... فهد ماعجبة كلامها : مهااا مب انتي الى تقررين وين ارقد 7 ايام بالاسبوع سديم بققت عيونها : وليش ان شاء الله ناوي تبات عندها !! فهد ببرودة القاتل : اي ناوي ليش مب زوجتي هي ؟ سديم ودموعها تزل : فهد ! فهد طنشها وراح صوب الاصنصير مها ابتسمت وقامت بتروح تصعد الدري فهد يناديها : مهاا مها وقفت ولفت صوبه : نعم فهد يأشر لها : تعالي مها واقفة مكانها : ليش ؟ فهد ياخذ نفس : لان حاضرتج لابسة كعب عالي وانتي حامل واخاف يصير شيئ في ولدي لو طحتي من الدري مها ولا كأنة سمعته طنشت وركبت الدري سديم استانست وراحت لفهد فهد طنش سديم وراح يلحق مها مها يوم شافته ياي صوبها خافت وركضت بسرعة لجناحها فهد يصرخ : مهاااااا مها ركضت اسرع ودخلت الجناح وقبل ماتسكر الباب فهد حط يدة وفتح الباب ودخل مها وخرت بسرعة : شتبي !!؟ فهد معصب : كم مرة قلت لج ماتكسرين كلامي هاا ماعندج عقل انتي؟ لو انج طايحة من الدري وو مها بعصبة : وو شنو هاا شنوسقطت عاادي احسن ليش ايب ولد امه ماتحب ابوه وابوه يكره امه هاا ولا اقول له ..ابوك اعتبره مثل اخوي ..مب هاي اتفاقك مع هلي يوم خذتني ؟؟ ماخذتني عشان ايب لك عيال ولا اساسا خذتي عشان اكون زوجه لك ..انت اساسا مب معترف للعالم انك تزوجتني ...زوجتك الحين برا تحصلها قاعدة تصيح بسبتك ...ولي سلمك روح لها ..يكفي الي سويته فيني ..لاتسويه فيها بعد فهد لأول مرة يكتفي بالصمت مها ابتسمت وفتحت الباب : روح لها يافهد روح فهد تم واقف مكانة في هاي اللحظة ماكان عارف ليش مصر انه يتم عندها هي مايبي غيرها راح وسكر الباب : ولا تنسين يامها ان القصر ذي كله لي والي فيه بعد مها وخرت وراحت غرفة الملابس : صح كلامك القصر لك والي فيه لك بعد بس عمرك مب محصل على قلب الي في هاي القصر ..مهما سويت ...ان قعدت هني ولا برا ...ماتفرق عندي (ووقفت ولفت عليه وقالت له كلمة تعور ) لان المرة لما تعوف ...مايهمها اي شيئ ثاني فهد لحقها ولفها عليه بخفة وحط يده على ويها وقعد يشوف عيونها فهد بصوت هادي وفيه حنية ابتسم لها : جذابة ...جذابة يامها مها وخرت يده وكملت طريقها لغرفة الملابس : مايهمني رايك فهد ولا كأنه سمعها الى خلاص خذ الي الاجابة عيونها عيونها كانت تقول له لا تروح وهو فهمها بسهوله شلح الجاكيت وتمدد على السرير رجعت مها بعد مالبست بجامتها الحرير فهد يطالعها ويبتسم مها رفعت حواجبها : حمدالله والشكر وراحت الصالة وقعدت تشوف التلفزيون فهد يكلمها وهو في السرير : شتابعين ؟ مها بصوت عالي : فلم فهد وقف عند باب حجرة النوم : اي فلم مها مارفعت عينها عن التلفزيون : the rang 2 فهد يخزها وهو واقف : غيري غيري الفلم مها انبطت جبدها : خير ان شاء الله ليش اغيرة عاجبني فهد بجدية : مب زين يا خبلة مها تبتسم بستهزاء : الفم جايفتة 20 مرة من وانا ياهل فهد عارف انها مب سامعة كلامة فقرر ان يقعد ويتابع معاها في اخر لقطات الفلم "لما سمارا تلحق البطلة ناعومي في البير " مها دموعها تنزل من الضحك :ههههههههههههههههههههه ااااه ههههههههههههههه فهد تخرع من ضحكتها : بسم الله شفيج مها تمسح دموعها وتتذكر سالفة صارت وهي صغيرة : ولا شي المقطع يضحك فهد مب مستوعب ان في بنت ممكن تضحك على هاي اللقطة : انت فعلاً مب طبيعية مها تقوم ورايحة الدار : ومن قالك ان رايك يهمني فهد قام لحقها مها دخلت بسرعة وقفلت الباب : تصبح على خير فهد احترررر من حركتها : مهااااا فتحي الباب مها بتطير من الوناسة : وووي نسيت اقول لك ان رقادي صاير ثقيييل عقب الحمال لو تكسر الباب مب سامعته فهد مفور عليها : هييين يا مها مردج بتطلعين ....اروح حق مرتي السنعة الي تعرف قيمة ريلها مها وهي تتلحف : سلملي عليها فهد طلع وصكر الباب او بالاحرى كسر الباب مها تضحك :ههههههههههه هين يا فهد ان ما ظهرت لك قرون وشيبت راسك كله ههههههههههه نهاية البارت ردودكم يلا اعذروني البارت الجاي بتاريخ 16 بسبب الامتحانات ولازم اركز لكن بحاول انزل بارت بتاريخ 12 بس ما اوعدكم شجعوني بتعليقاتكم عشان انزلة طويل | ||||
|
| |
|
03-06-15, 10:13 PM
| #29 | |||||||||||
 
| | |||||||||||
|
| |
|
04-06-15, 04:56 PM
| #30 | ||||
| نجم روايتي 
|   روووووووووووووووووووو� �وعة الفصل يلا بلا غلاظة نزلي ب 12 بلييييييييييييز بعدين الفصل كتييييييييير صغير لو سمحتي قطعتيه كنا متحمسين مو قليلة هل المها واللهجة روعة انا بحب اللهجة الخليجية وفاهمة كل الحوار والكلمات تحياتي كاتبتنا الأمورة | ||||
|
| |
|
| أدوات الموضوع | |
| انواع عرض الموضوع | |
|
|
2Likes
.png)
العرض العادي
