آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-08-15, 04:04 PM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  بارت قبل الاخير الساعة 1 الظهر الكل نايم في البيت بعد الغدا ...جاسر كان متمدد في سريرة ويفكر بظبية اللي ما انتكبت له ...ويفكر شلون بيتقبل فكره انها ممكن تكون لغيرة ....وبعدها سمع خرخشة عند بابة جاسر : من ؟ :...... جاسر : شخوة فتحت الباب ودشت وقفلته جاسر من الصدمة حس بشفطة كهربا بقوة 1230 فولت : يا مينووونة ظبية كانت واقفة جدامة وفي دارة لابسة عبايتها وشيلتها وتشوفها وعيونها مليانه شووووق : شخبارك ؟ جاسر يعدل قعدته في السرير ويشوفها بخوف : انتي خبلة ؟ شلون تدخلين داري !!! ظبية واقفة احذا الباب : اي اي خبلة وما استحي وقليلة ادب زززين جاسر يحط يدة على حلجة : اوووص بتفضحينا وطي صوتج ظبية وخرت عن الباب وراحت وقعدت على الكرسي اللي احذا السرير : شخبارك ؟ جاسر صج كان مشتاق ان يشوفها بس مب بهاي الطريقة ! : ظبية ولي سلمج طلعي برا ظبية مصرة انها تقعد : شوف جاسر ان ما قلت لي اخبارك ماراح اطلع لو ايون اخواني ايروني من شعري فاهم جاسر يشوفها ويشوف الباب : اوووص اووص بتفضحينا ظبية بكل جرأه راحت وقفلت الباب ورجعت وقعدت على الارض على ركبتها السرير ومسكت يده : شخبارك جاسر كان يشوفها بصدمة لالا صدمة كلمة صغيرة بالانفجاع اللي كان فيه جاسر : ظبية ...انتي فعلا استخفيتي ظبية هزت راسها بنعم جاسر يتبلعم : ظبية ..ارجوج لا تعذبيني ..اللي قاعدة تسوينه غلط ..مايجوز ...حراااام ظبية ودموعها على خدها : ما يهمني مايهننني....تسمع ...مب من حقك انك تتحكم فيني تسمع ....انت تحبني وخطبتني ...وعقب تخليني ...جذية باردة مبردة....وعقب تخليني اقعد انطرك مثل الحمارة تحت عشان تمر واشرفك...وبعد مستكثر علي شوفتك ...وانا سنين سنين انطرك ولما يتني تخليني عقبها بيوم !! جاسر يشوف عيونها وهيمااان هيمان: ظبية ولي سلمج قومي طلعي برا لان مادري شقد بامسك نفسي ومااا.... ظبية بكل جرأة باست كف يدة : اسمع يا جاسر ياولد عمي ....ان ماكنت لي وانا ماكنت لك ...راح اعيش طول عمري عانس فاهم ....فلا تسوي نفسك الريال اللي بيضحي بنفسة عشاني فاهم ...انا ابيك ..انا احبك انت...ابيك انت ...مابي غيرك ...فاهم !! جاسر بدى يفقد سيطرته على نفسة : ظبية والله ماقدر ......طلعي برااا ظبية وقفت جدامة وتتبلعم ودموعها على خدها : تزوجني عيل !! جاسر قلبة يطق طق سنه بساعة ويتكلم من تحت اسنانة: طلعي براااا طلعي برااااا ظبية راحت للباب ووقفت ولفت علية : انا بطلع الحين ...لكن برجع وبرجع واذا تبني اوقف ...تعرف شلي لازم تسوية (وطلعت) جاسر حط يدة على قلبة ويحاول يهدي دقات قلبة والحرورة اللي شبت في جسمة بكبرة : لا لا البنت ينت رسمي وبتينني معاها بيت بو احمد ابو احمد حاط يدة على ويه والدمعة على خدة :انا لله وانا اليه راجعون ...انا لله وانا اليه راجعون ام احمد خافت : من؟ اللي مات ؟ ابو احمد يمسح ويهه : بو هميان ..عبدالله ..عطاج عمرة سحيم حس بطراق على ويه خلاص خلاص مافي امل راح ياخذ هاذي اللي ماتتسمى (هميان) حتى اسمها قديم وابوها فقران شلون ياترا شكل هاي الهميان !!! ابو احمد بصوت مبحوح: قوم يا سحيم بسرعة سحيم جسمة تيبس على الكرسي مايقدر يحرك صبعة: وين يبا ؟ ابو احمد وفتن عينه على سحيم : وين يعني على محمكة ...البنت وين تقعد برحها في البيت سحيم يحس بمطرقة تضرب راسة : يبا بس فحوصات العرس ما جهزت ابو احمد : انت دكتور وتقدر تدبر الموضوع اليوم سحيم مايقدر يكسر كلام ابوة خلاص : ان شاء الله ابواحمد : وانتي يأم احمد قومي لبسي عباتج البنت ما عندها ولا حد وعلية لا عمام ولا خوال ام احمد قايمة : يلا دقيقة ظبية تدخل البيت ام احمد تشوف ظبية بعبايتها : زين دامج بالعباية تعالي معاي ظبية ومب عارفة شي عن الموضوع : على وين ؟ ام احمد :في الطريق بتعرفين سحيم قام :انا رايح اخلص الموضوع ابو احمد : المغرب ابي كل شي جاهز سحيم بأنكسار : ان شاءالله ظبية قعدت على الكرسي وتشوف ويه سحيم ...كان مكسور ...مثل ماكان قبل سنين ...لما راح عنهم !! شصاير !؟. ظبية تمسك كف سحيم ...سحيم شافها وابتسم وطلع ظبية راحت لامها بسرعة :يماا قولي لي بسرعة شصار ام احمد زعلانة : سحيم بيتزوج اليوم ظبية حست بكف على ويها : شنو !!!!!!؟ شلون ..من ؟....ليش؟ ام احمد تشوف ابو احمد ياي صوبهم : بعدين بعدين ...يلا امشي وطلعوا وركبوا السيارة وتوجهو لبيت هميان وبعد نص ساعة وصلو للبيت ....كان جدا قديم وشعبي ام احمد تشوف البيت من برا وخايفة : ذي بيتهم ! ابو احمد يشوفها بنظرة ام احمد تبطل الباب : يلا ظبوي ظبية نزلت وراحت وطقت الجرس ام احمد : الله يصبرها ظبية : يما ممكن تقولين لي شقاعد يصير ام احمد تتكلم بسرعة واختصار : اللي قاعد يصير ...ان البنت اللي في ذي البيت خطيبة سحيم وما عندها اهل وابوها توفى اليوم كان المفروض يملجون الاسبوع الياي..بس وفتحت هميان الباب واقفة لابسة جلابية بيت قديمة وشعرها كان مفتوح طوووويل مشاءالله جدا وناعم وبني ام احمد وظبية دخلوا البيت وسكروا الباب هميان واقفة ودموعها على ويها تنزل مثل الشلال مع ذالك مافي ولا صوت !! ام احمد لمتها وكانت هميان جدا ضئيييلة ...وشفايفها كنهم مرسومين لونهم لون التوت البري : عظم الله اجرج يابنتي انا ام سحيم وهاذي اخته ظبية هميان تعدل نظارتها وتسلم على ظبية ظبية تشوفها شكلها مب غريب : عظم الله اجرج هميان ما تكلمت ودخلت البيت وقعدت على الكرسي وتصيح صيياح ومافي صوت يظهر ام احمد قعدت احذاها : بسم الله عليج ...يمه مهب زين جذي صيحي براحتج ...محد يلومج ...صيحي براحتج هميان مستمرة على الصياح اللي بدون صوت ظبية قامت ويابت لها فاين وعطتها وعقب شافت مصحف وقعدت تقرا بصوت عالي هميان تمسح دموعها : انا اسمي هميان ام احمد استغربت : يما نعرفج هميان لا تحاتين هميان قامت وراحت داخل عنهم ظبية تلتفت لأمها بصوت واطي : يما ادري مب وقته بس البنت تيييننن جنها باربي خليجية هههه ام احمد ما عجبها كلام ظبية : اووش ظبية سكتت وعقب ردت تتكلم : انا شفتها من قبل بس مادري وين ؟ ام احمد وتحس بعدم راحة من ناحية هميان : ووين ممكن تشوفينها ؟..ذي مدرستها شنو ولا دراستها شنو ولا شغلها ...بس خلاص سكتي شكلها ياية ظبية ما عجبها كلام امها بس شتقول هميان دخلت ومعاها شاي احمر وقدمتة لهم : تفضلوا ظبية تمسكها من يدها وتقعدها : حبيبتي ....لا تسوين شي ارتاحي ام احمد : يما هميان جهزتي شنطتج ولا تبين ظبية تساعدج ؟ هميان ترمش وهي تشوف ام احمد : شنطتي ! ليش ام احمد تطول روحها : يما انتي تدرين ان الملجة كانت المفروض الاسبوع الياي ...بس يعني الحين ...يعني قصدي اليوم اليوم هميان فهمت قصد ام احمد ...وتوترت : بس ابوي الله يرحمة توفى اليوم!! ظبية كاسرة خاطرها وقامت ولمتها ام احمد تتبلعم : انتي جهزي اغراضج ورجعي معانا والملجة بنخليها مثل ما كانت ....عقب اسبوع ....اساسا عقب اسبوع عرس اخوة بعد احمد هميان تفصخ نظارتها وتمسح دموعها وتتبلعم : شلون يعني ايي معاكم ؟ ظبية ابتسمت لها : يعني تين تسكنين معاي في غرفتي لين الاسبوع الياي مانقدر نخليج في ذي البيت بروحج ام احمد : شقلتي يا هميان ؟ هميان تهز راسها بالنفي ظبية : بس بيتكم وايد بعيد ....وانتي بروحج ..والناس تدري ان ابوج الله يرحمة هميان وقفت وراحت تركض دارها ظبية : يما تكسر الخاطر عورت قلبي ام احمد : اللهم طولج ياروح ....مادري ليش ابوج مصر انه يزوجه هاي البنيه ظبية مصدومة من امها : يما البنت تهبل ...وباين عليها مأدبة ام احمد : روحي روحي شوفيها ظبية تتمشى في البيت لحد ما شافت غرفتها وكانت قاعدة في سريرها هميان متكورة على نفسها ودموعها صارت انهر وميحيطات بكبرها: مابي اطلع ....بس ابوي... ابوي وعدته اني اسمع كلمة ابو احمد وو س ح يم سحيم .....وان انتو صرتوا اهلي وان لازم احترمكم واحبكم لو مهما صار ظبية قعد ولمتها بقووة : ياعمري ياحبيبتي ....لا تظغطين على نفسج ...صدقيني احنا بنكون اقرب الناس لج ....وبعدين لا تخافين ...انتي بتكونين مرت سحيم تعرفين من سحيم ! هميان رجعت فصخت النظارة وتمسح دموعها وتهز راسها بعلامة لا ظبية ابتسمت : سحيم اطيب شخص عرفته بحياتي ....مستحيل يضايقج ...او يجرحج ....سحيم قلبه عوود بيكون زوجج وصديقج واخوج وابوج واهلج كلهم هميان بحزن شديد جدا : ما في داعي تقصين علي انا اعرف انه يكرهني بس دامة بيفتح لي بيته (وهني انهارت هميان من الصياح) وخصوصا عقب وفاه ابوي ...انا باحترمة وبقدرة ...حتى لو كرهني ظبية تلمها وتدبخها لحد ما نامت هميان ظبية وقفت وطلعت لامها : رقدت ام احمد ارتاحت : زين ظبية راحت وقعدت احذى امها : يما ليش ابوي مصر على البنت وابوها الله يرحمة ام احمد بملل : سالفة قديمة ....المهم روحي وجهزي اغراضها انا كلمت ابوج وقال مب مشكلة نخلي الملجة الاسبوع الياي وهاي الاسبوع تقعد معاج ظبية تهز راسها بالموافقة شركة التسويق ايمان تدخل مكتب راشد وتقعد على مكتبه وتتصل له راشد : الو ايمان بصوت حزين : راحت عليك يا عمي راشد عنفش : شلون يعني ؟! ايمان بتردد: يعني ...ماعدت في قلبها ..صج نستك راشد توتر : وشدراج ايمان : اا هي قالت لي راشد ارتاح : تجذب عليج ايمان قلبها عورها : لا ما تجذب ....انسها مالك امل راشد عصب : بس قالت لج ماتحبني خلاص صدقتيها يعني ايمان ترددت : لا يعني هي ما قالت ما تحبك ...قالت اشياء ثانية راشد فووور : سمعيني تركبين السيارة وتيني في لجونا الحييين ايمان : عمي شفيك ! وين ايي والشغل راشد : قولي لمها اي شي ...المهم تين بسرعة ايمان :ان شاء الله بعد ربع ساعة ايمان تدخل القهوة : سلام راشد : قولي لي شصار بالتفصيييل ايمان ماتبي تكسر بقلبة : راشد ما اقدر ...المهم تعرف انها ماتحبك وخلاص راشد متنرفز : بتتكلمين ولا اقول لابو العيال عن طلعتج ذاك اليوم...بال ايمان خافت : خلاص خلاص باقول راشد تكفت وسند ظهر على الكرسي : يلا كلنا اذان صاغية ايمان بأختصار : اسمة سعود محمد يشتغل في بلدية الـ ـ ـ ـ راشد تبلعم : ومن ذي ؟! ايمان خايفة تقول : ااا يعني من ...هو راشد تضرب الطاولة : ايمااان ايمان تصروعت : حبيبها ...يعني من طرف واحد ...هي تحبه...مايدري قصدي هو مايدري راشد كان حد ماعطية 70 طراق في ثانية : مع السلامة ايمان قامت لحقته : لحظة وين رايح راشد بجدية والشرار طالع من:بلدية الــ ـ ـ ـ ايمان وقفت جدامة : ينيت بتفضحها .....تقول مايعرفها راشد يدز ايمان وطلع وركب سيارته وشخطها في بلدية الـ ـ ـ ـ راشد يدخل : السلام عليكم موظف الاستقبال : وعليكم السلام راشد بثقة : ممكن اقابل الاستاذ سعود محمد لو سمحت ((مسكين ما يدري ان مها الفت الاسم من عندها <<<اساسا اخترعت كل شي في ذي السعود )) موظف الاستقبال : اسف حاظرتك بس معندنش اي حد بالاسم ده راشد كشر : شلون متأكد ؟؟ موظف الاستقبال يشوف الكمبيوتر : لحظة...اه الاستاذ سعود احمد مش محمد ((الله عليج يا مها ....وجان يظهر فعلا في شخص اسمه سعود في البلدية ...شللي ممكن يصير )) راشد ابتسم :سعود محمد ولا احمد ما تفرق ممكن اقابلة موظف الاستقبال يشوف البودي قارد اللي ورا راشد وحس انه شخصية مهمة : اقول له مين حضرتك ؟ راشد بملل : قول له راشد وبس موظف الاستقبال : لحظة بس دخل لمكتب صغير فيه محاسب : استاذ سعود سعود لف عليه : نعم موظف الاستقبال: في حد عاوز يأبلك سعود مستغرب : من؟ موظف الاستقبال : بأول راشد سعود ما عرف الاسم : ماقال لك وش يبى ؟ موظف الاستقبال : لاء سعود يفصخ نظارتة الطبية خل يتفضل موظف الاستقبال يرجع لمكتبة : تفضل ... في الممر التاني المكتب اللي بأبقلك على طول راشد : شكرا مشى شاف الباب مفتوح طقة ودخل وشاف سعود واقف بيستقبلة <<<وصف لسعود< شكلة مرتب لحية سودا محدودة بشكل احترافي عيون سودا وبشرة بيضا تذكر قول الشاعر ((الوجه كصبح مبيض والشعر كلليل مسود .....ضدان اذا اجتمعا ظهر حسنهما ....والضد يظهر حسنه الضد)) طولة تقريبا 180 جسمه معتدل وابتسامة كانت فائقة الجماااال راشد حس بالغيرة : السلام عليكم سعود يقرب لراشد ويمد يدة : وعليكم السلام ...تفضل راشد يسلم عليه ...وراح قعد : سعود يرجع لكرسية وبلهجة اهل الريان: وش تشرب ؟ راشد بنظرات كارهه: مشكور سعود مبتسم :لا والله ما يصير كذا راشد بملل : ماي سعود ابتسم يتصل ويطلب : راشد بصوت لا يخلى من نبرة التهديد : اسمع يا استاذ سعود اللي يابني عندك ....مها سعود مافهم : مها من ؟ راشد : مها اللي تشتغل في شركة التسويق سعود تهز راسة بالنفي : ما قد مر علي اسمها راشد تنرفز : من الاخير بعد عنها واذا شفتك صوبها والله ثم والله لا افنشك من شغلك سعود عصب بطريقة ينونية : يااا استااذ احترم نفسك قلنا لك ما نعرفها ومن هو انت لاجل تطردني من شغلي راشد ببرود وهوطالع : قريب تعرف وخلى سعود في حيرة في القصر فهد يمشي بخطوات بطيئة يبي يشوفها مشتاق لها ليش مايقدر يقول لها كلمة من اربع حروف (احبك) سهلة جدا في النطق لكن صعبة تنقال في نفس الوقت ...ليش ما يقدر يقول ويريح نفسة من العذاب والشوق مها طلعت من جناحها وشافته مار احذاها : سلام فهد طنشها وراح عنها مها بعصبية : السلام لله فهد ما كلمها وراح عنها مها : على فكرة خطتك وايد فااااشلة تفهم شفتك 3 مرات وانت قلت مب شايفة ويهيي فهد يدخل جناحة ويسكر الباب وابتسم بهدوء (تحبني ) سديم : لو سمحت ممكن توخر عن الباب ابي اطلع فهد بطل لها الباب سديم طلعت وشافت مها واقفة بعصبية : لحد ينفجر علينا مها رجعت جناحها وسكرت الباب بأقوى ما عندها وراحت البلكونة وقعدت وطلعت الصورة من مخباها وقعدت تتأمل صورت فيصل ليش هو مألوف لها لهاي الدرجة وبعدها غفت على الكرسي في حلم مها كانت في يد شخص حاملها ويركض للدكتور وهي تشوفه والدم يقطر منها كان عمرها 7 سنوات هو هو (فيصل ) قامت من النوم :هااااا هينا : بسم الله مها تمسك يد هينا : شفته بالحلم تذكرت تذكرت فيصل هو سبب اني حيه لين اليوم ....من سينين حد دعمني وشرد لكن فيصل شافني بالشارع ووداني المستشفى هينا : اهدئي مها : لازم ارجع الصورة مكانها طلعت من جناحها وشافت يمين ويسار وعقب نزلت للحديقة وقعدت تمشي لحد ما وصلت القراج وفتحت السيارة ودخلت رجعت الصورة مكانها لكنها ما قدرت تطلع من السيارة ....تشم ريحته فيها شكلة كان في السيارة ...قمضت عينها ورجعت راسها لورى تفكر فيه ...اشتاقت له وايد صج تشوفه او تلمحة لكن ما تسمع صوته وما يعبرها بتاتا ....الحب يذل يمسح كرامة الشخص ....لان الحب والكرامة مستحيل يتجمعون ...اللي يختار الحب يتنازل عن الكرامة واللي يختار الكرامة يخسر حبه ...نزلت دموع من عينها بحرارة لانها خلاص قررت انها ....انها ....تختار الحب ..وتتنازل عن الكرامة طلعت من السيارة وراحت تمشي بخطوات سريعة للقصر ...دخلت ...صعدت الدرج....ووصلت جناحة....رفعت يدها عشان تطق الباب ...لكن تذكرت ...سديم ! ...حبها لفهد مايكفي ....تتنازل عن كرامتها لفهد ماتكفي ...لان حتى لو تنازلت عن كرامتها له ...تبقى سديم موجودة وهي مستحيل تقدر تشارك حبيبها مع وحدة ثانية ....صعب!....تراجعت بخطوات سريعة ورجعت لجناحها وهي منهارة نفسيا ً في بيت بوجاسر جاسر يتكلم بالتلفون : ياخي شفيييك اقول لك احبها بس ما اقدر اكون معاها وانا هذا حالي مبارك : ما منك فايدة مع السلامة جاسر سكر الخط وشاب نار داخلة ...يحبها ...وتحبه ...لكن ...القدر ما وقف معاه ...جاسر اختار كرامته على حبه ...لان كرامته ما تسمح له انه يكون عبء على حبيبته شيخة تدخل دار جاسر : سلااام جاسر يسند ظهرة : عليكم السلام شيخة : مستعد اليوم بيركبون لك الريل جاسر ابتسم : اكيد شيخة تتبلعم : سمعت من سحيم جاسر يهز راسة بالايجاب : اي ...قال البنت بتي بيتهم وعقب اسبوع بتزوجون شيخة تحاول تخفي حزنها : شلون تسكن في بيتهم وهي غريبة !؟ جاسر : اكيد بتقعد بغرفة احد البنات لين الملجة شيخة قامت بتطلع جاسر : انتي شخبارج ؟.....عرسج عقب اسبوع ترا شيخة ابتسمت والدمعة حايرة في عينها : الله يتمم على خير جاسر يشوف اخته تعيسة ولا هو عارف السبب : ترا احمد والله ما في مثلة شيخة ضحكت : هههههههه يعني بيتغير شي لو مدحته يعني جاسر : لا بس قلت اريحج شوي شيخة راحت للباب : باي في الشركة دانة بتطلع من مكتبها دوامها خلص : الو بابا وينك ؟ ابو احمد : بابا احنا رايحين نجيب خطيبته سحيم ...اتصلي بأحمد ايج دانة : اوكي سكرت الخط وشافته واقف يطالعها دانة لبست لثمتها : نعم ريان يطالعها من فوق لين تحت من زمان ماشافها من يوم الحادث : شخبارج ؟ دانة رفعت حواجبها خير شيبي : تمام ريم تمشي بأتجاهم ولوت ريلها عمدا عشان تطيح على ريان :اااااه ريان مسكها ورفعها : بسم الله عليج دانة رفعت حواجبها بتعجب ...ومن غير شعور :ووويع ان شاء الله احنا شركة محترمة هاي الحركات تسونها برا ....قلة ادب ودخلت مكتبها ريان لحقها ودخل المكتب : نعم انسه دانة ....قلة ادب ؟! دانة خافت منه واستوعبت القنبلة اللي قطتها عليه : اي اي قلة ادب ما باقي غير تلمها ...(غيرة تهقون هههههه) ريان ابتسم ابتسامة قاتلة : ليش تغارين؟! دانة انصفق ويها : استاذ ريان لو سمحت احترم نفسك ...شهالاسوب ؟ ريان ببرود يقعد على مكتبها ويرقع السالفة : ليش ...قلت شي غلط ...انا قصدي تغارين منا لان في كيميا بينا وانتي ما عندج حبيب حسب علمي دانة منفجعه شفيه اليوم شارب محشش سكران : اطلع برا ريان وقف وراح صوبها وبثقة ويكلمها بصوت واطي : حاولي تخففين من الغيرة ترا بتفظحين عمرج فيها ...اذا محد لاحظ لحد الحين ..بيلاحظون قريبا دانة تبلعمت ووخرت بسرعة : انت شقاعد تخربط ! والله ان عدت ذي الكلام لا اروح لأبوي واقول له عن سواد ويهك مع اللي ماتتسمى ريم ....واذا فاكر انك معذب قلوب العذاري ....فأنا لا وقف عندي واحترم نفسك فاهم ! ريان يتأملها وخاطرة يروح وير اللثمة من ويها ويشوف ويها من زمااان ما شافها ...راح للباب وقبل ما يطلع لف وقط قنبلة عليها : يمكن انتي مب ملاحظة على نفسج ...بس الموظفين بدوا اشاعات عن اعجابج لي واذا شافوا ردج اللي قلتيه لريم راح يتأكدون عشان جذي حبيت احذرج ....وانا ما عندي مشاكل متعود على المعجبات اللي بسنج ...مافي داعي تنحرجين لهاي الدرجة دانة تمسك كرتون الفاين وحذفته بقوة على ريان : برااااا ريان طلع وهو ماسك ضحكته :ينت ينت في بيت علي نورة طالعة من المطبخ وجايبة معاها كوبين قهوة : تفضل علي يقعدها جنبة : تسلم يدج نورة : الله يسلمك علي يتأملها : جنها عيونج ذبلانة ؟ نورة تزم شفايفها : من ولدك علي يبوس عينها : تهبل تهبل مب ذبلانه ولا شي نورة تخصرت : ياسلام علي يجرها : تعالي بس عن الدلع خل نتابع لنا فلم نورة : تايتانك علي يسوي نفسة يكح: كححح كححح شخباري تايتانك نورة : ادري انه قديم بس كل مرة اشوفة جني اشوفة اول مرة علي : انزين ما تحبن الاكشن كلش نورة : اممم بلا بس مب كل شي بعض الافلام علي : يعني مثلا شنو ؟ نورة : احب فاست اند فيورس علي : والله زين وشفتي كل الاجزاء ؟ نورة : اي  علي : زين شفتي تيكن ؟ نورة : هاي اللي اخطفوا بنته ؟ علي : اي نورة : اي فضيييع امووووت على هااي الممثل يقتلني علي رفع حواجب وزم شفايفة:........ نورة مندمجة : يالله صج هو شيبة لكنه فضيع فضييع علي بحرة : وبعد من تمووووتين عليه من الممثلين ؟ نورة حست بغيرته : اممم براد بت وجورج كلوني وسلفستر ستلون جوني دب ....ايييي هيو جاكمن او ماااي جاد عذاااب علي شوي ويخمها بكس : منووو! نورة تتدلع : هييو جاكمن يالله شفت شكله ذي احلى ممثل بنظري علي شاف ان اسلوب المزاقر ما يفيد معاها :عاد تدرين هاذي اللي مثلت معاه في فلم استراليا اففففف شنو عليها جسم طويلة ومنحوتة نحت ولا شقرا وعيونها زرق اااخ نورة ماتت قهر : من نيكول كدمان يييييع ما عندك ذوق علي حس بالانتصار : الا تهبل مشاء الله عليها ....عاد تبين الشقرا الثانية ااااخخخيييية عليهااا (ويضرب قلبة) نورة بققت عينها : من ؟! علي يحاول يخش ابتسامته : سكارلت جوهانسن ااااف صاروووخ نورة تضربه بالمخدة بقوة وقامت للدار : مالت علي انا اللي قاعدة معاك قليل الادب ....احشمني على الاقل علي مات ضحك : فديييت اللي يغارون .....تعالي يابنت الحلال والله بس ابي انرفزج نورة مكملة على دارها : مابي علي راح يركض وراها نورة شافته وراحت تركض علي: لا تركضين يالخبلة ولدي يطيح نورة وقفت علي وصل لها وشلها وراحوا للدار نهاية البارت ابي شنو توقعاتكم للبارت الاخير في مفاجاة شني هي ؟؟ حاولوا تعرفون | ||||
|  |
|
06-08-15, 08:29 AM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الاخيييييييييييير في سيارة بواحمد ظبية كل شوي تلف يمينها وتشوف هميان وصياحها ابو احمد : بس يا بنتي قطعتي قلوبنا هميان تحاول تسكت لانها مستحية من الريال الغريب ظبية قربت احذاها ولمتها : استغفر الله ام احمد :بس يايمه ترحمي له احسن له من الصياح ترا الصياح يعذب الميت في قبرة هميان سكتت وتبلعمت : الله يرحمه في بيت بوجاسر شيخة تقرا سورة البقرة وخلصتها : يالله يالله انزل السكينه على قلبي يارب حببني بأحمد وابعد سحيم من تفكيري يارب ارجوك ساعدني وارحمني ام جاسر تطق الباب : شيخة شيخة : هلا يما تعالي ام جاسر دخلت الدار : ها يمة سكرتي الشنطة شيخة ببرود : اي يمه كل شي جاهز ام جاسر : زين عيل انا باخلي السواق الحين ايي ويوديهم بيتكم شيخة تحس بضيق نفس: زين ام جاسر حاسة في بنتها : ترا كل بنية جذي قبل عرسها وبعد العرس بأسبوع تحس انها كانت غبية انها عيشت عمرها بكل ذي الخوف شيخة هزت راسها في سيارة قديمة كروزر 2005 سعود يضرب بيدة على السكان : من هو!! ....يالله رحت فيها يا رجل ...وش اسوي يعني ....خلاص خلاص ..رايح لها بكرا ...ولا بانطرد من شغلي سكر الخط وهو خايف مايعرف من ذي مها اللي يابت له المصايب في شركة التسويق مها رايحة للسيارة وفتحت الباب لكن يد قوية رجعت سكرته: هاااااي راشد : مساء الخير مها بعصبية : اسمعني خلاص انا حركاتك هاذي ماقدر استحملها وبكرا راح تشوف استقالتي في مكتبك ...ولو سمحت توخر عن طريقي وما تتعرض لي لا والله ارفع عليك قضية تحرش فاهممم راشد والغيرة ماكلة قلبة : ماتقدرين تسوين شي خلاصج مني مستحيل لو تروحين اقصى الشرق والغرب بتحصليني في ويهج ...ولا تخوفيني بالشرطة ولا انتي ناسية انا منو ؟!! مها تكتفت وبدت دموعها تنزل راشد يشوفها وقلبة يحترق ويقول لنفسة : انا حقيير وواطي اللي انزل دموعج راشد يتبلعم : مها ....احبج والله احبج مها تمسح دموعها بسرعة : راشد ...انا كبرت ...ماني فاضية للحب وو راشد قاطعها : لااا يامها ...الحب لو عمرج 89 بظل موجود ماله خص ...ليش تعاقبيني على شي مالي ذنب فيه ...ليش ما سمعتي تبرري ليش رحتي مها قمضت هينها وتنهدت : ما ينفع هاي الكلام الحين راشد بنرفزة : عشان سعود ! مها خافت : اي سعود !! راشد يخزها ويتكلم وهو راص على اسنانة : موظف البلدية المصون مها بتردد وهي مكلمة بجذبتها اللي جذبتها على ايمان وواضح انها قالت لراشد : اي سعود ...ولو سمحت توخر لاني تأخرت راشد : تكلمت معاه !!!!!! مها لفت بأستغراب : نعم ! راشد بعصبية : ااي اي رحت له البلدية وتكلمت معاه ....انكر معرفتج يا ست مها ....شلون بترتبطين في واحد جبان مها ما تعرف تضحك والله تخاف من تصرفات راشد :....... راشد : شفيج سكتي ؟ هاا لانج اكتشفتي حقيقته ؟ مها تشوفه : انت .....مينووون ...مختل عقليا (وركبت السيارة ) وقعدت تفكر في اللي اسمه سعود الوهمي اللي في الاخر ظهر صجي هههههههههه صباح الدوحة الساعة 6:30 ص ودرجة الحرارة 14 في القصر فهد قام وحاس ان جسمه مكسر ...شاف سديم وهي نايمة على الكرسي ....راح لها فهد : سديم سديييم سديم فتحت عينها : هممم فهد يحك شعرة اللي طال صار له شهور ما قصة : روحي السرير ..انا طالع سديم رجعت رقدت وطنشته فهد بملل وهو رايح للحمام : قلعتج بدل وصلى وطلع يتأمل انه يشوفها ...العقاب اللي سواه حس انه عقاب له مب لها ...قرب صوب جناحها يبي يسمع اي صوت ....فجأه الباب تفتح فهد رجع خطوة ورى مها رفعت راسها ..شافته لابس بنطلون جينز غامج وبلوفر زيتي ولام شعرة لعنقوص ...من زمان ما شافته بذي القرب ..شمت ريحته اااااه ياريحته فهد ولا كأنة كان لازق بلباب مشى رايح للدرج مها اشتاقت له : فهد فهد حس بالف نملة تمشي بجسمه ...لكنه كمل طريقة وداس على قلبة مها تبلعمت وقمضت عينها ...لين متى هاي العلاقة ...بعدها راحت تمشي بخطوات كبيرة للبلكونة اللي في الصالون اللي في الطابق الثاني فهد شافها وهي تمشي بسرعة : اخذ نفس وكمل طريقة طااااررررخ فهد رجع يركب الدري وهو ميت خوف اكيد طاحت مها : مهااااا مهااا مها واقفة ولفة الشال عليها وشعرها مفتوح ويتطاير من الهوا كان شكلها ملائكي وهي تبتسم له فهد وقف وشاف الفازة مكسورة احذاها مها راحت له وتكلمة ببرود : معليش صايرة اسوي اشياء غريبة ...ومنها التكسير ....امممم تقدر تقول هواية يديدة فهد يتنفس بسرعة بسبب الركضة اللي ركضها في الدرج مها تقرب منه وتهمس بصوت واطي : ااوووبسس سوري خليتك تخرب وعدك ......وتكلمت (وعضت على شفايفها ) فهد واقف بعصبية وهو يشوفها مها ابتسمت وراحت للبلكونة فهد اخذ نفس ووخر عنها وصرخ بصوت هز القصر بكبرة: اينااااااااااااا اينا يات تركض :نعم فهد اشر لها على القزاز ....ومشى وهو معصب حده بيت بواحمد هميان قامت من النوم وشافت ظبية نايمة تحركت شوي شوي واحت للحمام وبعد ساعة ملت من الحجرة والظلمة وراح للدريشة ودخلت ورى الستارة وقعدت تشوف الحوش ...شقد البيت كبييير كل شي في الحوش عجبها وخصوصا القعدة اللي تحت الشيرة الكبيرة (مكان ظبية اللي تنطر فيه جاسر ) ظبية قامت : هميان هميان وخرت الستارة : صباح الخير ظبية ابتسمت : صباح النور هميان : قيمتج ؟ ظبية هزت راسها بلا هميان والدموع في عينها ظبية وقفت وراحت صوبها : لااااا عاد ما صدقت اشوفج رايقة لا تصيحين هميان تعض على شفايفها : مب بيدي والله ظبية تبي تلهيها : شرايج نروح المطبخ ونسوي كريب نوتيلا ؟ خوش شي هاه هميان تهز راسها بلا ظبية : يلا عاد الحين كلهم رقود هميان ما حبت تكسر بخاطرها :اوكي ولبست عبايتها ونزلوا المطبخ ظبية تقفل باب المطبخ : خلاص فصخي عباتج قفلت الباب هميان فصخت شيلتها وعبايتها وحطتهم على الكرسي : يلا وبتدوا شغل بالعجينة ....بعد نص ساعة هميان وظبية يسالفون وياكلون هميان : يعني ...ما اقدر اقول لج صح اللي تسوينه ..مهما كان هو يعتبر غريب ...حرام يعني ظبية : بس انتي ما تعرفين جاسر ...ماراح يتحرك مغرور ومتكبر هميان : بس انا اشوفه يضحي بحبه عشان يسعدج مع واحد يقدر اقل شي يوقف على ريلة ظبية تنرفزت : بس ...هو بيوقف على ريلة وحتى لو كان من غير يد وريل انا ابيه اهو مابي غيرة ! هميان وتلهت بسوالف ظبية : اام يعني الله يجمعكم ان شاء الله ظبية ابتسمت : يارب يارررب بعد مرور شهور عدة ،،، قام سحيم من النوم يشم ريحتها اللي دايماً معبية الحجرة سواء ان كانت موجودة او لا فتح عينه يدورها قام من السرير وراح لغرفة الملابس ...وعقب رجع للمقعد وشاف ورقة على المكتب الملاحظة انا رايحة الدوام كلعادة وما حبيت اوقضك وبرجع 6 المغرب " اي صح امك قالت لي انك تكلمها ظروري اذا قمت " عفس مسك النوت وقعد على الكرسي وقمض عيونة يحاول يرجع ليوم العرس ....قبل شهور... هميان قاعدة في الكنبة وتشوف سحيم منهار من الصياح وحاول يكتم صوتة بالغترة((شماغ)) اللي حاطها في حلجة هميان قامت وراحت الحمام وقعدت تصيح اهي الثانية على ابوها وبعد مدة بدلت وطلعت من الحمام شافته نفس ما هو راحت ووقعدت مقابلة له وبعد ما استجمعت قوتها هميان بصوت خافت : ليش تصيح ؟ سحيم قلبة شاب نار خلاص حبيبته صارت لخوة ! من اليوم لازم يودع التفكير فيها لازم يصير تفكيرة فيها ما يتعدا حدود السلام والاحوال فقط هميان قامت ويابت له ماي وحطته مجابلة : ادري ... انك ما تبيني ...لا تهتهم فينا ..انتوا الله يجزاكم الف خير ..حميتونا من كلام الناس والقعدة بروحي في بيت بعيد وموحش وكله ذكريات ولو عشت فيه جان مت من شوقي لأبوي سحيم يسمع كلامها ومطنش هميان مب هاين عليها تشوف ريال يصيح ...صعبه وايد تحس ان لما الريال يصيح هي اللي تنكسر : اعتبرني اثاث في الحجرة ...لا تهتم ابدا فيني ..سوي اللي تبية عيش حياتك ..انا اوعدك اني مراح اضايقك ابدا سحيم سكت ومسح دموعة بغترتة وقعد يطالعها ..شكلها مايوحي انه دكتورة بس شخصيتها واضحه انها قوية : متأكدة انج قد هاي الوعد ؟! هميان تهز راسها بقو بعلامة نعم سحيم : واذا كنتي قد وعدج انا اوعدج اني مراح اضايقج بعد كل شي تبينه بيكون تحت يدج ...ولج كل احترام ...وانا مب مغصوب عليج ...ولا تحطين هاي الفكرة في بالج ...انا بس ... هميان اندمجت : بس شنو ؟ سحيم بكل جراءة : احب وحدة ثانية ! هميان كلش ما انصدمت وردت بشكل طبيعي : انزين وليش ما خطبتها ؟! سحيم يشوف الارض : النصيب هميان قلبها عورها : انزين ..هي تزوجت ؟ سحيم رفع عينه عليها وكان الاحمرار مولع فيها هميان خافت : مب لازم تجاوب يعني سحيم بلع ريجة : اي تزوجت هميان زعلت ..كسر خاطرها شكلة كان يحبها وايد : مثل ماقلت النصيب ..شوف انا وايد اقرا كتب ..يعني عندي معلومات وايد وخصوصا من الادب القديم اللي كان ابوي دايماً يسولفي عنه ...وحسب كلامة وان الانسان ينسى ...ويقدر يحب مب بس مرة مرات وايد ....يعيني انت عط نفسك وقت وان شاء الله بتقدر تنساها وبتحب غيرها ....وانا ترا بخطبها لك! سحيم بقق عينه منصدم : الحين انا احب غيرج ..بس انتي معقولة ماتغارين يعني ؟ حتى لو ما تحبيني شي طبيعي انج ما تحبيني بس انا زوجج ! هميان فكرت قبل ماترد : انت فعلا زوجي ...بس الظروف اللي تزوجنا فيها ...انا يعني ما كنت ابي اتزوج ابدا كل همي شغلي لكن انجبرت باوظاعي اتزوج وانت بعد ..حتى لو ابوك ما اجبرك عليي بس ..ما تزوجتني لنك تبي زوجة واستقرار تبي تحميني بس...وهاي الشي مب غريب عليك ...ما انت حميت ارملة رفيجك لين توفت الله يرحمها ...والحين رجعت وحميتني انا ...وانا فعلاً ممنونة لك وانت مافي مثلك اثنين ...شيخ الريايل كلهم . سحيم ابتسم على كلامها : كلامج حلو هميان ابتسمت : ابوي ... الله يرحمة كان دايما يقول لي هاي الكلمة سحيم : شكلج وايد متعلقة في ابوج هميان ودمعة حاصرت عينها من كل اتجاه : ابوي كان كل شي بحياتي كل شي الهوا الماي كل شييي ...والحين انا عايشة بس روحي احسها ماتت سحيم التزم الصمت وتمدد على الكرسي : تصبحين على خير هميان قامت وراحت طفت الليت : وانت من اهلة ومرت الشهور وهميان عند وعدها وكل يوم تيب لسحيم مرة !! يمكن يحبها وتزوجها ،،، شقد غريبة هاي البيت بس هي كانت تشوف سحيم فووووق وانها لو شنو سوت مستحيل تفوز بقلبة وعشان جذية ما حاولت انها تحبة ولا حاولت انها تحببه فيها ! لكن سحيم تعلق فيها بالشهر الاول اي بشهر صارت اقرب اصدقائة والشهر الثاني صار يشوفها القلب الحنون كأنها امه والشهر الثالث خلاص صار متيم فيها يعشق كل تفصيلة فيها لكن شلون يبين لها حبة وهي بايعتة وبايعة حبة ولا حاولت مرة ولاحس انها تحاول تكون غير اخت له فكان صعب جدا انه يعترف لها رجع سحيم من ذكرياتة وطالع النوت مرة ثانية ..ونزل الصالة يدور امة ام احمد: هلا يبة تعال سحيم باس راسها وقعد : خير يمه شفيج؟ ام احمد بتردد : يمة سحيم لين الحين تحبها ؟ سحيم انحرج ونزل راسة : يما شقاعد تقولين شيخة الحين مرت اخوي وانا مستحيل احاول افكر فيها ابد ام احمد : شيخة عايشة حياتها شوفها كاهي حامل بشهرها الثالث وانت مرتك ....اخوان! سحيم وقف بعصبية : يمااا شهالكلام ؟! ام احمد والدمعة بعينها : امس وانا رايحة لدار اختك ...سمعتها وهي تكلمك وتقول لك ...ها شرايك فيها ؟ يمكن تنسيك حبك الاول ....في مرة عاجل تقول لريلها هاي الكلام ؟!! سحيم قعد ورفع راسه وعيونه كانت حادة جدية وتكلم وهو صار على اسنانة والكلمة ظهرت منها بحرقة قلب : ماهيب شايفتني يايمة ! ام احمد تشوف حرقة ولدها : انت تحب هميان !!؟ سحيم خذ نفس ورفع راسه للسقف : اااه يايمة ...مادري شصار وليش وشنو اللي فيها ..قدرت تنسين حب 14 سنه في 3 شهور يايمة ...ماخذة كل تفكيري ...وتموتني قهر وهي ياية كل يوم تقول لي شرايك في ذي وامس شفت ذيج ...ماعرف ليش قلبها ماحن لي ولا رف صوبي ام احمد حست بكره اتجاه هميان غصب عنها : ما عش من يقهرك يايبة سحيم شبك يدة ببعض : مب عارف شلون احسسها انه احبها ولاني قادر اقول لها واشوف صدها قلبي تعبان يايمة والله تعبان ام احمد تحط يدها على صدر ولدها : سم الله عليك ...يبه اسمه كلامي مرتك مب بس تحبك ..مرتك مب شايفة في هاي الدنيا غيرك صدقني ما على السانها غير سيحم وشيبي سحيم وش سوا سحيم شلون تقول انها ماتحبك ...هي تبي تشل ضيقتك ولا هي عارفة شلون سحيم انصدم من كلام امة : يما ..لا تخليني احلم بشي مب موجود ام احمد بأصرار : لا يمة موجود ...الحريم تعرف لبعضها وهميان تشرق بسمك ...روح خذها من المستشفى وسافروا كم يوم شهر عسل ..وبتشوف اني معاي حق سحيم نقز وحب راس امة الحين الحييين بسافر مب ناطر بكرا ام احمد : هههههههه في امانه الله سحيم ركض للجناح لم اغراض له ولهميان وحط عطرها اللي بيموت علية وسكر الشنطة وطار للسيارة وكلم سفرات رجنسي وحجز له تذكرتين لتركيا ..اسطانبول وشخطها للسفريات وخذ التذاكر وراح للمستشفى سحيم بصوت جدي : هلا هميان استذني ونزلي بسرعة انا برا هميان توترت : ان شاء الله طلعت وركبت السيارة : خير شصاير ؟ سحيم : ولا شي هميان : امك وابوك فيهم شي سحيم : ماحد فيه شي هميان : عيل ليش ياي تاخذني ؟ سحيم :.... هميان طنشت وبعد 5 دقايق : عاد اقولك اليوم يات مريضة المستشفى مشاء الله عليها قمر 14 توها مخلصة ثانوية وعايلتها معروفة لتلوق لك سحيم تنهد : صج ؟ هميان ابتسمت : واخيرا في ردت فعل الحمدالله ...اي صج يعني تقدر تفتخر فيها جدام الناس سحيم كشر ووقف في احد مواقف كورنيش الدوحة اللي على طريق المطار: نعم ....افتخر فيها ؟! هميان توترت : ااف خرعتني قلت على هاي والقفة في شي صاير ...اي تفتخر فيها شقايلة انا سحيم قعد يشوف عيونها يحاول يصيد شي هميان توترت واحمرت اخدودها اول مرة تحس بنظرات سحيم جذية : بسم الله عليك ...شفيك ؟ سحيم ابتسم : عيل الموضوع كان جذية ؟! هميان توترت اكثر : شلون يعني ؟ سحيم : يعني البنات اللي كل مظهرتهم والبعد والجفى والقسوة كلها هميان انصدمت : انا قاسية...انا مافي شي طلبتة وما سويته لك حطيتك بعيوني ومسويتك يادهين لا تنكتين ..تقول عني بعد وجفى وقسوة !!! سحيم ابتسم : اي اي قاسية وايد لما تشوفني شلون متعلق فيج ومجابلج طول الوقت واسمع كل سوالفج البايخة عن البنات اللي بتخطبينهم ولا مرة حسستيني بحبج لي هميان تحس انها غرقت في البحر وخلاص نفسها انقطع : ... سحيم جمد ويه : ليش ساكته ؟ هميان رجع الهواء لرئتها :سحيم ..بعد وفاة ابوي انت الوحد اللي بقيت لي ...مابي اخسرك ..ابي اشوفك مستانس وفرحان وبنت تلوق لك وانا مهما خذت من شهادات بظل بنت الفراش اللي اصلها ... سحيم قاطعها : وانتي شلون تحكمين علي براحتج وتقررين من يصلح لي ومن لا هميان اخنقتها العبرة وشافت الشنطة وراة والخوف مسك قلبها وعقلها : وغلاتك كل من تحبة يا سحيم ما توديني لخوالي ...رجعني بيتكم طلقني زين واصير خدامة في بيتكم بس لا توديني لهم ارجووووك (روفعت يدة بحكة سريعة وباستها) سحيم سبحها بقوة لصدرة ولمها بكل حنان اول مرة يشوفها بهاي الانكسار : اااووووووش شتخربطين فيه ينتي ...هميان انتي نستيني الدنيا هاذي كلها وعيشتني سلطان في دنيتج ...خلتيني مثل المسحور بكل تفصيلة فيج من ظفر ريلج لين راسج ومن قلبج الكبير لين عقلج الرزين مفتون فيج نسيت كل حريم الدنيا هاذي وما اشوف غيرج ...اي احبج....وبعد اصلج وفصلج تاج على راسي وامشي وانا مفتخر فيج وبعد الدكتور يبي وحدة دكتورة مثلة هميان رفعت راسها وبسؤال غبي : عيل الشنطة ليش ؟ سحيم ابتسم : شهر عسل اسطنيول ....يعني مب ناويه تقولينها وتريحني هميان ابتسمت : بان جوووك سيفيورم (بالتركي) سحيم عنفش : شنو يعني هميان ابتسم : اسألهم في تركيا ولما وصلوا المطار طاحت عين سحيم على اختة ظبية اللي نسى ان امس كان زواجها ...اي ظبية تزوجت! ابتسم وهو يشوفها هميان شافت ظبية وابتسمت : فديتها الله يهنيها يارب سحيم طالع هميان ويبي يحرها : على الاقل قدرت تاخذ اللي تحبة رغم كل الصعوبات اللي واجهتها هميان اللي كسرت توقعات سحيم وفرحت لان شافت قصة حب اكتملت بالزواج : صح ...حلو لما تشوف قصة حب دامت وايد وتتوج بالزواج سحيم ابتسم : كل مرة تفاجئيني ....الحمدالله يارب عطيتني هدية مرة عاجل هميان :ههههه ااش ما ارضى على النسوان انا (وبجذية تنتهي قصة حب سحيم وهميان اللي صارت بسرعة وانتهت بسرعة وان شاء الله حبيتوهم وتعلمتوا شي ولو يكون بسيط ان لما القلب يحب ما يشوف شي لا شكل ولا اصل ولا مهنة ولا شي ) في المطار بجهة ثانية كانوا متوجهين لصالة الانتظار ظبية :اااح جاسر هد يدي تراك ذبحتني جاسر : مابي اخاف اضيعج ظبية ابتسمت :ههههههه مب من صجك ياهل انا جاسر ببرود : اي انا المسؤل عنج الحين نرجع قبل شهور بالتحديد قبل شهرين في غرفة جاسر شيخة بكل قهر تتكلم : يا الخبل حرام عليك شوف نسفك الحمدالله قاعد تمشي ووايد تحسنت مافيك شي ليش بتضيعها من يدك جاسر يتنفس بصعوبة خلااااص ظبية بتملج اليوم بتصير لغيرة اااه ياقلبي شيخة والدموع تحرق ويها : ارجوووك جاسر حرام عليك صدقني ظبوي واقفت بس حشان تحركك ولكن ان ما تحركت وخليتها فعلا تتزوج بتنتحر ولا بيهمها كلام احد ...ياخي خاف على سمعتنا ..شبيقولون عنا الناس لما يعرفون ان بنت عمك منتحرة بيوم ملجتها والله لا نصير علج في حلوجهم لين اخر يوم بالدنيا ذي كلها جاسر بحرقة قلب : شخييييية خلااااص بسسس سكتي اللي فيني كافيني شيخة ومتحسرة على ظبية : ليش ؟ مقهور تقدر توقف كل شي وبسهولة لا تنسى انك كنت خاطبها جاسر بقهر : فعل ماااضي كنت كنننت واسمعوا اذان المغرب شيخة جاسر تراها اخر نص ساعة بحياة ظبية ولا تقول ما قلت لك جاسر قب شعر جسمة وطار من الغرفة ونزل وطلع من بيتهم ودخل ميلس عمة الريايل متيمعين بيروحون المسيد وعقبها بيملجون جاسر : لحظة ابو احمد : خير ياولدي شفيك ؟ جاسر منحرج وايد وما عرف شيقول سحيم : جاسر جاسر : انا مالي ويه كلش اوقف جدامكم اليوم واقول اللي باقولة لكن اذا ما قلت بتم طول عمري ندمان ابو احمد: قول جاسر منزل راسة : كنت اظن ان ظبية بتكون سعيدة اكثر مع غيري واني ما اقدر افر لها السعادة بحالتي هاذي بس مع الفترة اللي مرت اكتشفت ان اللي فيني شي عادي وما يعيقني ...ظبية بنت عمي وانا اولى من الغريب ..صحيح الكلام صار ما ينقال في وقتنا الحين بس انا متأكد ان ظبية ..تبي ولد عمها ظبية كانت واقفة ورى الباب تسمع رد ابوها ابو احمد يشوف احمد وسحيم : وهي من انولدت لك يا بو سلطان جاسر راح بخطوات سريعة والدموع في عينه وباس راس عمة ولمه ومرت الايام لحد يوم العرس ظبية وجاسر في السيارة متجهين للمطار ظبية مبتسمة وهي تشوف الطريق جاسر يطالعها : شفيج ؟ ظبية : مب مصدقة ...يعني الحين خلاص حققت كل اللي ابية في هاي الحياة ...حالياً ماعندي هدف جاسر باس يدها : لا لج ...تهتمين فيني وفي عيالنا اللي بيون ظبية : امم يمكن ربي ما يكتب لنا جاسر : صحيح بس لازم تحطين لج هدف ظبية تفكر :امممم بقول لك لما نرد من السفر جاسر :هههههه شمعنى ظبية : مادري بس جي هههههه ولما وقفوا عند الاشارة شافوا سيارة ريان ريان قاعد يسمع الراديو وكانت اغنية اشوفك كل يوم واروح ......واقول نظرة ترد الروح اعيش فيها عشان بكره.........عشان ليلي اللي كله جروح توصيني على الكتمان ......وتبغي حبنا ما يبان ...ألخ كانت الكلمات تعبر عن حالة ريان وحبه لدانة هو يعرف انه يحبها ويعرف انها تعرف انه يحبها وهو يعرف بعد انها تحبة ....بس ابوها ...راح يوافق مهما كان ريان مهما كانت شغلته فهو ما يقدر يعيشها ببيت مثل اللي ابوها مسكنها فيه ...وفوق هاي امة مب قطرية ...واسباب وايد تصعب عليه خطوة الخطبة لكن بعد تفكير وخصوصاً بحالته اخوة قرر يأجل الخطبة لعقب سنه ريان يشوف شاشة الجوال دانة : الو ريان : هلا دانة مرتبكة : ممكن تقول لي شنو تبيني اسوي اليوم ...كريس وريم في اجازة وماعرف شاسوي وماقلت لهم يقو<< ريان قاطعها : دانة دانة ارتبكت اكثر : نعم ريان ابتسم : لو تقدمت لج بتتزوجيني ؟ دانة بققت عينها وريجها نشف :.... ريان ضحك :هههه شرايج نسوي سكب حق بارت اني احبج ومتعلق فيج من اول مرة شفتج فيها وظنيت انج طلال ...ولين اليوم مافي ليلة ما مرتي على بالي دانة :..... ريان تغيرت نبرة صوتة : دانة ادري انج معجبه فيني وعلى فكرة اكثر من مرة سمعتج تغزلين فيني عند خواتج بالتلفون ....مب قصدي بس الصدف ..تلعب لعبتها معانا دايما دانة ماتت من الاحراج :..... ريان : دانة دانة تبلع ريجها :نعم ريان بصوت جدي : اذا تحبيني ،،،سكي الخط في ويهي،،،واذا لا فهاوشني على قلة احترامي لج دانة ابتسمت وعجبتها الفكرة وتمت على الخط لكن ما هاوشته ريان : جذي حيرتيني ماعرف تحبيني ولا لا دانة استجمعت قوتها : انت ادرى ريان طلعت منه لا ارادي : احبج دانة ابتسمت وسكة الخط في ويهة ريان ابتسم وطرش لها رسالة راح اتقدم لج قريب ...تعرفين اللي صار مع علي مب شوي واوعدج اني ما اتخطى حدودي لحد ما تكونين زوجتي على سنه الله ورسولة دانة ردت عليه ان شاء الله في مكان بعيد عن المدينة وزحمة السياير ومكان هادي جداً وغلب الوقت فاضي الناس تخافة وماتحب تجي صوبة المقبرة ... علي وافق ويرش الماي على القبر ويقرى صورة الفاتحة كل الايام الحلوة والمرة اللي عاشها واقف يشوف القبر ويفض فض وهو يقرى الخواطر علي ميت من الصياح والندم : ااااه كنت انا حبيبج من صغرج ، وانا ظنيت فيج السوء ...عيشتج بصفة الخاينة شفتج بصورة كريهه ...اه ليت الزمن يرجع جان عوظتج عن كل دقيقة مرة عيشتج اياها اااه يانورة سامحيني العمة مها جات من وراه : علي الله يهداك كل يوم وهاذي حالتك ...تعبتنا معاك ...انت الحين قاعد تحرقها في قبرها مع كل دمعة تنزل منك ...قول لا يصيبنا غير ما كتب الله لنا ...وانا لله وانا إليه راجعون علي : ظلمتي مدة طويلة ولما عاشت عيشة حلوة معاي ما تهنت فيها مدة بسيطة وراحت ...خلتني وراحت راشد يلم العمة مها ! ((اي تزوجوا من شهرين )) علي كان ياكلة الندم على معاملتة السيئة لنورة واكتشافة لخواطرها بعد موتها زاد الندم عندة في لحظة سخيفة خذت حياتها من يتوقع ان نزلة السيارة ممكن تذبح انسان ! شارت ريلها بالخريطة اللي كانت حاطهتا عند ريلها وطاحت من السيارة وظرب راسها الارض بقو مما سبب كسر في الجمجمة وادى الي نهايتها راشد يجر العمة مها بعيد عن علي : خلية ما ردة بيتعود وبينسى ربنا عطانا نعمت النسيان اذا الام تقدر تعيش بعد موت ولدها ...لا تخافين عليه برد طبيعي بس عطيه وقته وبالفعل ! بعد مرور 3 سنين تزوج علي مرة ثانية ! وعيش زوجته احلى عيشة وماكان يضايقها بكلمة وحدة ...وتعرفون منهي زوجتة ... ... ... خمنتوا ؟ سارة << اخت ظبية الكبيرة وعاشوا عيشة رائعة جدا وكانوا جدا متفاهمين ! اما شلون راشد ومها تزوجوا فاكان الفضل لرجل البلدية اللي خلى كل مشاعر الحب تظهر عند راشد ومها وبالفعل تزوجوا بعد جذبة رجل البلدية ههههههه اما سجينه القصر فتحررت مها بعد الولادة قعدت عند امها في البيت وفهد ين واستخف وحاول معاها انها ترجع القصر وهددها لكن تهديدة ما ينفع لا ابوها مات ! وما يقدر يرجعها بالقوة وبعد مرور 3 شهور فهد واقف عند باب بيت مها مها طلعت الحوش ووقفت جدامة : نعم فهد يشوفها وعينة مليانة شوق : مها ردي معاي مها بتموت من كبرياء فهد : ليش ؟ فهد بغباء : لانج زوجتي ومكانج الطبيعي في بيت زوجج مها : اوكي ...طلقني وبعدها ما اكون زوجتك فهد معصب : مب مطلللق مها رفعت حواجبها : ممك اعرف ليش فهد : لان ...لان مها تكتفت وعقدت حواجبها : شنو تحبني ...ماتقدر تعيش من دوني ؟ انت كنت تحب سديم وطلقتها وعايش حياتك ...تقدر بعد تطلقني انا وتكمل حياتك بالازياء والشهرة فهد : من قال ان احب سديم مها ملت من هاي الحوار اللي يصير بشكل شبه يومي: فهد الخلاصة ...اذا ما وصلت لي ورقة طلاقي بعد اسبوع راح ارفع عليك قضية خلع ...واييي عندي فلوس قبل ما تسأل فهد تجمعت الدموع في عينة واول مرة يحس انه انكسر جدامها وما قدر يتمالك نفسه وقعد على سلم الليون وواجه المدخل ودموعة بدت تنزل بكل قوة وحرقة مها مافي كلمة ممكن اني اكتبها تعبر عن مدى قوة الصدمة اللي حست فيها لكن كل اللي سوته انها راحت وجابله ورفعت ويهه ومسحت دموعة مها وعيونة على دمعة فهد ومسحت الدمعة وشافت يدها : هي بسببي ؟ فهد تبلعم ومسك ويهها بيدة الثنتين وشاف عينها : مها ...شوفي عيني معقولة كل هاي الشهور اللي مرت ما عرفتي شتقول وتصرخ مها تهز راسها بلاء فهد ياخذ هوا: ارحموا قوم عزيز ذل .... شلون تبيني اقول لج اني احبج بعد اللي سويته فيج ...حتى لو قلتها ماكنتي بتصدقيني ....وبعدين الحب مب بس كلمة اعلنها ...الحب اكبر من كلمة وحدة! فعل نظرة مشاعر تتكلم بالصمت ! من يوم عرسي الثاني وانا احترق بكل حركة تسوينها اتكهرب من كل لمسة صغيرة وانشل من كل نظرة تسوينها ولما اسمع صوتج ما اقدر اسمع شي ثاني غيرة ...اذا كان ذي فقط يعبر بكلمة احبج فأنا غير راضي مها دموعها تنزل مثل الشلال وقفت ومسكت يدة : يلا نرجع القصر فهد وقف ولمها : لحظة بس اشحن طاقة مها :هههههههه لحظة اجيب لك فيصل دخلت بسرعة وطلعت ولدهم اللي عمرة 3 شهور ولمة لها وركب السيارة ورجعوا للقصر ...القصر مب السجن وبهاي الطريقة انتهت قصة مها وفهد اللي كانت مليانة مطبات وجبال وهيضاب ... لحظة شيخة واحمد ان كان الزواج من غير حب ممكن يؤدي الى حب العشرة فهاي القانون مب دائماً صحيح وخصوصا لما يكون زوج بارد ما عندة مشاعر لزوجتة سوا انها فقط زوجة ولا تقرب لكونها حبيبة ....ولما يكون قلب الزوجة مجروح من حب سابق وقابلت هذا النوع من الازواج ...فصعب جداً يكون هناك حب العشرة ولو مرت 50 سنه ! اخترت ان يكونوا اخر زوجين اختم بهما روايتي المتواضعة... لم اكتب هذه الرواية فقط لآحكي قصص حب تنتهي بنهاية سعيدة ورغم ان نصف الرواية كتبتها منذ 4 سنوات فوجهة نظري تغيرت لمفهوم الحب في هذه الحياة الزواج ممكن ان يكون من غير حب ولكن يجب ان تكون هناك مشاعر من الطرفين تتكون من الاحترام واللطافة حتى يستطيعوا ان يكونوا اصدقاء فأنجح العلاقات الزوجية هي ما تربطهم علاقة صداقة وتفهم اتمنى ان تكون هذه الرواية امتعتكم ولو قليلاً وسأكون ممتنه جداً اذا استطعت ان اوصل رسالة لكم الكاتبة سجين في القصر | ||||
|
| |
|
| أدوات الموضوع | |
| انواع عرض الموضوع | |
|
|
2Likes
.png)
العرض العادي
