آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-03-15, 11:53 PM
| #21 | |||||||||
| نجم روايتي ومشرفة سابقة وفراشة متالقة بعالم الازياء  
|  (( الفصل الواحد و العشرون )) " في اليوم الثاني قررت إلهام ترمي همها و تعيش يومها لكن الجرح جرح حتى لو ما حاولت تداويه .. المهم راحت عند اخوها رائد تسأله عن سمر .. " إلهام : هاا رائد تبيها و لا لأ اخلص علينا انا مليت من هذي القصه.. رائد : اش فيك انتي اليوم مو على بعضك ..؟ إلهام : يوووه يا رائد لا تصرف الموضوع اخوك يبي يتزوج بس حالف ما يتزوج إلا بعدك .. تبيها و لا لأ ؟ رائد : خلاص خلاص ابيها .. اجبرتوني اش اسوي ..؟ إلهام : لا يا رائد اذا السالفة اجباري بنظرك لا ترتبط بالبنت و تفشلني معها ان كنت تحس بشي تجاهها اوك اما انك تحس انك مجبور عليها لازم ترجع و تفكر من جديد .. رائد : لالا انا ابيها جد .. إلهام : تمام ريحتني .. خل اروح حق ماما نرجس و اقولها رح تنبسط و انت قول حق خالد و ابوي .. رائد : اوكي .. " راحت إلهام و قالت لـ نرجس و اتفقوا بعد يومين يروحوا يخطبوا سمر و الفرحة ما كانت لرائد بس حتى خالد الدنيا ما وسعته من الفرح لدرجة انه ارسل حق شهد يبشرها اما ابو رائد ما كان عنده أي اعتراض البنت اللي يشوفها رائد مناسبة له ابوه ما رح يعترض .." خالد (يسلم على اخوه) : آلف مبروك يا اخوي .. رائد : الله يبارك فيك و عقبالك .. بس للحين ما صار شي يمكن يرفضوني .. إلهام (تخصرت) : ما عاش من يرفض اخوي رائد ولد فيصل العمر .. رائد (شاف نفسه) : احم احم .. نرجس : هههههههه الله يخليكم لي .. صحيح استعد بعد يومين الخطبة و لازم تبلغ ابوك لازم يكون حاضر .. رائد : انا علمته و استانس كثير ما كان عنده أي اعتراض .. نرجس : حلو .. يالله يا رب توفق رائد و تسعده و توفق خالد ببنت الحلال و تسعده و توفق إلهام بولد الحلال و تسعدها .. خالد : يسلم بؤك يا ماما نرجس .. اللحين يلا رائد خلينا نروح الشركة .. إلهام : الله بتروحون تكفون خذوني معكم انا ضايق خلقي .. خالد : تكفين قالوا لك بنروح نتمشى هناك .. إلهام : الله يخليكم مو هذي شركتنا ؟ ابي اشوفها .. خالد : لا حبيبتي هذي مو لنا لحالنا وليد و اخوه معنا و حتى بدر معنا و نواف شريك بعد و ما انسى ابراهيم المدير التنفيذي .. إلهام : ولو ابي اروح اشوفها الله يخليكم .. نرجس : أي خلوها تروح تغير جو و تشوف حلالكم بعينها ما فيها شي .. رائد : خلاص خالد خلها تجي اش بيصير يعني ..؟ خالد : دام الاخ الكبير المعرس و الماما نرجس تكلموا فأنا ما اقدر اقول شي .. يلا .. " راحت إلهام الشركة كان متواجد فيها وليد و راكان و ابراهيم .." إلهام : رائد على طول ابيك توريني مكتبك .. رائد : اوك .. ما طلبتي شي .. خالد : أنا بروح الكافيه بفطر .. ألقاكم بعدين بمكتب رائد طيب ؟ إلهام : عليك بالعافيه .. ان شاء الله رح نكون هناك .. رائد : يلا تعالي .. شوفيه هذا مكتبي .. إلهام : الله يجنن بس لو مدخل على الديكور اللون الزهري كان رح يطلع احلى .. رائد : هههههه زهري حق بنات .. خليه كذا بيج احلى .. " دخل وليد مكتب رائد ما كان يدري ان إلهام معه .." وليد : اه عفوا ما كنت ادري ان معك احد يلا انا رايح و راجع بعد شوي .. رائد : لا لا تعال هذي مو غريبه هذي إلهام .. إلهام : مرحبا وليد اش اخبارك ؟ وليد : أهلين انا الحمدلله تمام انتي اش اخبارك ..؟ إلهام : الحمدلله .. طيب الظاهر اني قاعده اعطلكم عن شغلكم خلاص أنا بروح اخذ جولة بالشركة و بالمرة ادور على خالد على بال ما تخلصون .. رائد : طيب .. " راحت إلهام تلف بالشركة و دخلت على مكتب كان فيه راكان .." إلهام : اوووه راكان هنا مرحبا .. " راكان قال بنفسه : اش جابها ذي بعد ما نسيتها رجعت و ذكرتني فيها .. ما صدقت على الله انسى .. على العتاب اللي قاله لكن بأعماق قلبه كان طاير فرح بشوفتها .. بس قاعد يخبي احساسه .." راكان : أهلين من زمان عنك .. إلهام (تتفرج ع المكتب) : الدنيا و ش نسوي .. مكتبك حلو .. راكان : تسلمين كلك ذوق .. إلهام (تستهبل) : تراه احلى من مكتب رائد بس لا تعلمه .. راكان : ههههههههه لا ما رح اعلمه .. إلهام : هو لانه فيه الزهري و انا احبه .. راكان : انا بعد احبه يمكن تستغربين هالشي صممت ديكور مكتبي بنفسي لاني عارف انهم رح يسوون لي تصميم ما فيه زهري .. إلا ما قلتي لي ليش جيتي الشركة ؟ اذا سؤالي ما فيه تدخل .. إلهام : لا عادي جيت اشوف الشركه بس .. قولي اش تشتغل هنا ..؟ راكان : خلوني سكرتير او بالاصح مساعد لان شهادتي تبع البترول .. إلهام : أهاا .. طيب انت سكرتير او مساعد لمين ..؟ " قاطعهم ابراهيم بخروجه المفاجئ من مكتبه .. وقف ابراهيم يطالع الهام من الصدمة مستغرب جيتها للشركه و فكر انها جت عشانه و راكان كان يحلل نظراتهم حس انه في شي و كأنهم يعرفون بعض .." راكان : أنا سكرتير لهذا لإبراهيم ..اذا تعرفينه .. إلهام : اهاا إلا اعرفه صديق اخوي .. إبراهيم : راكان انا جبت هالاوراق ابيك تراجعها .. راكان : ابشر .. " إبراهيم كان معصب لان إلهام كانت تسولف مع راكان و مطيحه الميانه و ما كانت متغطية كعادتها .." إلهام : إبراهيم ممكن اشوف مكتبك لاني شفت مكاتب الموظفين كلهم باقي بس مكتبك .. إبراهيم : طبعاً ممكن .. " دخلت المكتب ودخل ابراهيم وراها بس ترك الباب مفتوح و هي سكرته .. " إبراهيم : اش تسوين انتي ؟ اش تبينهم يقولون عنا ؟ إلهام : لا تخاف ما احد راح يتكلم ابي اعرف انت اشلون تجرأت و خدعتني و لعبت باعصابي امس ؟.. إبراهيم : أنا ما خدعتك ولا لعبت باعصابك .. اش فيك علي من وين تجيبين هالكلام ..؟ إلهام : و كلامك لي امس ؟ إبراهيم : انتي فهمتي غلط .. الموضوع مو زي ما انتي مفكرة .. إلهام : ما ابي اسمع منك أي شي شوف اشلون اعصابك باردة .. إبراهيم : تبيني اعصب و اطلع عن طوري يعني و اسمع كل اللي بالشركه ؟.. ما شفتي نفسك اشلون تكلمين راكان و مطيحه الميانه معه .. إلهام (بعصبيه) : تدري .. ماهي غلطتك ابد الغلطة غلطتي أنا اللي حبيتك و بكل عفويه اعترفت لك بحبي و على نياتي استنيتك تخطبني و تعذبت ايام و ليالي عشانك اخرها امس طول الليل ما نمت و انا ابكي و اعتقد ما يهمك هالشي لان اللي يحب ما يزعل حبيبه و انت ما تحبني بكل بساطه.. " طلعت الهام من مكتبه و ما عطته فرصة يقول لها اش صار اللي ما تعرفه إلهام إن ابراهيم يموت فيها وما يتخيل حياته بدونها و انه حتى هو طول الليل ما نام يفكر اشلون يتصرف واللي ما تعرفه إلهام ان ابراهيم كان رح يخطبها بالعطلة الصيفيه لانه قاعد يبني لها بيت كل هذا كان يسويه عشانها بس هي ما تدري وهذي اكبر غلطة اللي يمكن تكون سبب بفراقهم واللي ما تعرفه إلهام ولا ابراهيم ان راكان سمع كل شي دار بينهم .." " راحت الهام ع الكافيه اللي كان قاعد فيه خالد كان لحاله .." إلهام : مرحبا خالد .. خالد : هلا .. هاا بشريني اعجبتك الشركه ..؟ إلهام : ايه حلوه .. خالد : شفتي مكتبي طيب ؟ إلهام : اممممممم .. لأ .. خالد (بمزح) : ليه ان شاء الله ..؟ إلهام : والله ما صار لي خلق تنرفزت ابي اروح البيت .. خالد : قولي لي من زعل اختي الغاليه .. إلهام : ههههههه لا و لا احد .. اللحين بتوديني و لا ادق على السواق .. خالد : و الله ما اقدر بعد شوي عندي اجتماع .. سووووووووري .. إلهام : خلاص و لا يهمك بدق على السواق .. " قاطعهم ابراهيم و كان معصب .." ابراهيم : وينك انت ..؟ لفيت عليك الشركة ما لقيتك اخر مكان توقعت الاقيك فيه هو هنا ..المفروض انك تراجع الاوراق الاجتماع بعد نص ساعه .. خالد : بسم الله علي .. اشفيك اكلتني بقشوري .. إبراهيم : احنا مشغولين و انت قاعد تشرب نسكافيه .. إلهام ( باستهزاء) : معليش استاذ ابراهيم انا اللي عطلته لا تواخذنا على اية حال انا كنت ماشيه يلا اخوي خالد آسفه لاني عطلتك .. خالد : لا إلهام انتي ما عطلتيني بس الظاهر ان ابراهيم مزاجه متعكر اليوم .. إلهام : معليه معذور من كثرة الاشغال .. يلا خالد اشوفك بالبيت .. خالد : مع السلامه .. (ناظر ابراهيم بزعل) وانت ابراهيم اذا روقت شوي تعال كلمني .. إبراهيم (حس على نفسه) : خالد .. خالد .. سامحني انا اسف من جد اليوم انا متضايق .. خالد : بس نفضى رح نتكلم .. ----------------- " لما رجع راكان ع البيت قال لاخوه اللي سمعه ..." وليد : معقول إبراهيم !! راكان : أنا زيك ما صدقت بالبدايه بس كسرت خاطري إلهام يوم طلعت كانت عيونها مليانه دموع بس بالرغم من انها كانت معصبه الا انها ودعتني يا حليلها اخلاقها مرة عاليه .. وليد : راكان انتبه تفكر فيها هي ما تحبك .. راكان : بس هي اللحين ما عاد في ببالها احد .. وليد : و انت مفكر انها رح تنسى ابراهيم بهالسهوله خصوصا ان الحب من طرفها و هي اللي اعترفت له .. راكان : بس لازم اساعدها و بكذا املك قلبها .. وليد : تكفى راكان و انا اخوك لا تعذب نفسك ع الفاضي .. راكان (تنهد بقوه) : خلاص انسى .. " راكان ما سمع كلام اخوه و قرر انه يقابل إلهام بس متى و اشلون ما يدري .." " في اليوم الثاني جا لبيت إلهام ضيوف غير متوقعين .." نرجس : إلهام جوكم ضيوف تعرفي مين ؟ إلهام (تناظر باستغراب) : مين ؟ نرجس : عمك اللي بالرياض هو اللحين هنا بالبيت .. إلهام : عمي زياد اللي ما عمري شفته ..؟! نرجس : أيه هو بعينه .. إلهام : غرييييب .. اش جابهم ؟ .. طيب ابوي يدري انهم هنا ؟ نرجس : اكيد .. اللي موجودين برى هم سعود ما شاء الله عليه صار كبير و شاب و حليو اخر مره شفته كان عمره سنتين و اخته و رود بعد قمر ما شاء الله عليه .. يلا البسي شيلتك و روحي سلمي عليهم .. إلهام : طيب .. بس وين خالد و رائد ..؟ نرجس : بالشركة طبعاً .. إلهام : لااااااا اشلون اطلع لحالي .. نرجس : اطلعي سلمي عادي مارح ياكلوك .. إلهام : طيب اطلع و امري لله .. " طلعت إلهام سلمت على زوجة عمها و بنته و ولده و عاد شوفوا نظرة سعود لها .. ما كانوا يتخيلونها بهالجمال الساحر و اكيد هو ولد عمها و رح يفكر فيها .. اصلاً طول الجلسة كانت عينه عليها ما شالها عنها ابد اما إلهام ما كان يعني لها أي شي لان بالقلب شخص واحد وبس و هو إبراهيم حتى لو كانت زعلانه منه .." " قعدوا ساعه بعدها راحوا ع الفندق اللي نازلين فيه .. و لما جا ابو الهام و اخوانها طلبت منهم الهام يحكون لها سالفة هالعم .." ابو إلهام : يا بنتي السالفة طويله بس جا الوقت اللي لازم اقولكم و احكي لكم اللي صار من 22 سنة .. أنا و اخوي زياد ورثنا عن ابونا الشركة المعروفه و كانت امورنا طيبة إلين تدخلوا بعض من العايلة كانت قلوبهم تملاها الحسد و الحقد كانوا يبون يبعدوني عن اخوي بأي طريقة عشان يصفى لحاله ساعته رح يقدرون عليه و في يوم من الايام جابوا لي اوراق و قالوا لي اوقعها و انا كنت واثق منهم ثقه عمياء ما كنت ادري انهم يحسدون و ما يبون مصلحتنا وقعت الاوراق و ما كنت ادري اش فيها و بحكم اني كنت نائب المدير اللي هو اخوي رح تكون االامور ميسرة بعدين اكتشفت ان الاوراق اللي وقعتها عبارة عن صفقة خاسرة طيحت الشركة و افلست ساعتها اخوي عصب مني و في نفس الوقت كانوا هاذيلا الناس يشيشون اخوي علي إلين فضينا الشراكة و اخذت نصيبي و جيت على هنا و من يومها ما شفت اخوي صرت اكلمه بس بالرغم من انه كان زعلان مني و اللحين هو جا لي واعتذر مني وطلب اننا نسى الماضي ونفتح صفحة جديده عشان خاطر امنا وابونا الله يرحمهم وأنا أكيد سامحته وكنت على طول مستعد اسامحه .. إلهام : الله كل هذا .. والله انك اب رائع .. رائد : زين اللي سامحتوا بعض و فتحتوا صفحة جديدة .. خالد : من زمان كان نفسي اشوفه عمي هذا .. ابو رائد : تسلمين يا بنتي إلهام .. هذا انت شفته يا خالد اش رايك فيه ؟ خالد : ما ادري .. حبيته .. ابو رائد : تراه طيب و علانيته بس الناس الحاقده هم اللي لعبوا عليه .. نرجس : اللحين جا عمكم بس لا تنسون خطوبة رائد بكرة .. أبو رائد : لا لاتخافين ما رح ننسى .. والف مبروك مقدما يا ولدي .. رائد : الله يبارك فيك يبا .. إلهام : أنا بروح اكلم نور أأكد لها الموعد .. " راحت و دقت على نور .." إلهام : هلا نور اش اخبارك ؟ نور : الحمدلله زينه انتي اش اخبارك ؟ إلهام : تمام .. بس حبيت أأكد الموعد بكرة الساعة 7 .. نور : أي لا تعالوا احنا نستناكم .. والله تشرفون ما تدرين انا اش قد مبسوطه فيكم .. إلهام : لا ادري و عارفه انك مبسوطه و ان شاء الله تكونين دوم مبسوطه .. نور : تسلمين يا الغاليه .. إلهام : الله يسلمك .. يلا أنا لازم اسكر اللحين .. نور : اوك .. " أكيدين نور كانت فرحانه حيل بعد لانهم بيناسبون إلهام كانت فرحه ما تنوصف .." يتبع اممممممموح | |||||||||
|  |
|
26-03-15, 11:55 PM
| #22 | |||||||||
| نجم روايتي ومشرفة سابقة وفراشة متالقة بعالم الازياء
| " أكيدين نور كانت فرحانه حيل بعد لانهم بيناسبون إلهام كانت فرحه ما تنوصف .." (( الفصل الثاني و العشرون )) نور : سمر آلف آلف مبروك .. سمر : هذي المرة المليون تقولينها .. نور : اش اسوي مستانسه .. ما قلتي لي اكيد انتي رح توافقين عليه .. سمر : بصراحه لأ .. غيرت رايي بس يجون بكرة رح نقول لهم مافي نصيب .. نور ( انصدمت ) : ايش ؟! سمر : هههههه امزح امزح لا تخافين .. نور : ليش تسوين فيني كذا طيحتي قلبي والله .. سمر : تستاهلين كم مرة تسأليني اذا ابيه و لا لأ .. لدرجة اني كرهته قبل لا اعرفه و السبه انتي .. نور : لا خلاص ما عاد اسألك مره ثانيه اخاف تكرهينه من جد و ابتلش أنا هههههه .. سمر : خليني اكلم المشغل بس وراي قعده من الصبح لازم اكشخ .. نور : اييييييه من قدك يا عروس .. سمر : ههههههههههههه .. " راحوا أهل رائد اليوم الثاني و تقدموا بخطبة البنت رسمي و شاف رائد سمر مرة ثانيه كانت احلى من يوم شافها بكندا طبعاً احلى لانها ظبطت عمرها .. راحت نرجس مع إلهام اخطبت له و كانت الخطوبه مره حلوة ..واتفقوا على كل شي و الزواج رح يكون بعطلة نهاية الفصل الاول لانه اثنينهم ما عندهم مدارس .. والاكيد ان خبر خطبة رائد انتشرت بين الشلة .. ارسلوا لها مسجات تبريكات .." " بعد ما انتهى موضوع خطبة رائد طلع موضوع جديد ببيت إلهام و هو سكن عمهم عندهم بالبيت .." ابو رائد : ترى عمكم رح يعيش عندنا بالبيت .. إلهام : اشلون ؟ ! وين يعيشون ؟ .. أبو رائد : ببيتنا هنا ما شاء الله بيتنا كبير هم رح يعيشون تحت و احنا فوق في تحت 3 غرف و رح تكفيهم .. خالد : أنا ما عندي مانع .. رائد : و لا أنا .. إلهام يبا يعني انت مقرر خلاص و لا قاعد تاخذ راينا ؟ أبو رائد : هو بصراحه أنا مقرر خلاص .. إلهام : أجل ما له داعي اتكلم .. ابو رائد : معناته رح يجون اليوم .. جهزوا حالكم .. " و فعلاً جوهم الوحيد اللي كان معترض هي إلهام لانها ما اطمنت لنظرات سعود .." ----------------------- " ليان كانت طالعه تتمشى لما اطلعت شافت السيارة نفسها موجوده هذي السيارة تجي كل 3 او 4 ايام .. طنشت زي ما قالوا لها البنات و مشت بسيارتها و لما التفتت وراها شافته يلاحقهم خافت ما عرفت اش تسوي فدقت على إلهام لقت جوالها مغلق دقت على هديل لقته مشغول دقت على شهد ردت .." ليان ( اشوى ردت ) : هلا شهد .. شهد : هلا ليان اش فيه صوتك كذا كأنك خايفه من شي ؟ ليان : لأني أنا فعلاً خايفه من شي .. شهد : هدي هدي اش اللي صاير ارعبتيني .. ليان : هذا اللي قلت لكم عنه دايم يوقف قدام بيتنا قاعد يلاحقني اللحين اش اسوي ..؟ شهد : انتي وينك اللحين ؟ ليان : أنا كنت رايحه ع البحر .. شهد : طيب كملي طريقك و أنا بكون عندك لا توقفين بالسيارة الين ادق عليك و اقولك وين تروحين .. ليان (بمزح) : ههه اش بتسوين يعني بتطقينه ..؟ شهد : خخخخ وقت استهبالك اللحين .. بجيب وليد او راكان معي .. ليان : طيب يلا أنا استناكم .. " دورت شهد على وليد ما لقته بس لقت راكان بغرفته .." شهد : راكان ابيك توديني البحر بسرعه .. راكان (مستغرب) : من وين طلعتي بسالفة البحر اللحين ؟ شهد : تكفى ليان خويتي محتاجه لي .. راكان : طيب قولي للسواق يوديك .. شهد : لا ابيك انت تكفى عشان خاطري .. راكان : ههه مشكلتي ما اقدر ارفض للبنات طلب .. شهد : تسلم لي اخوي بعد عمري .. راكان : يلا روحي اجهزي .. شهد : دقايق و اكون جاهزه .. " إلهام كان جوالها شحنه مخلص لما حطته بالشاحن شافت مكالمه من ليان دقت عليها تشوف اش فيها عاد ليان من الخوف قالت لها اش صار و إلهام بدون تردد راحت لليان .. يوم كانت نازلة بتروح شافت سعود كان لحاله هي كانت مستعجله فما اعطته وجه و جت بتطلع ناداها .." سعود : إلهاااااام .. إلهام : نعم .. سعود : وين رايحه ؟ " اسلوبه استفزها اول مره احد يسألها وين رايحه اذا ابوها و اخوانها ما سألوها هو يجي يسأل .. فردت عليه رد قوي .." إلهام (تخصرت) : من حضرتك عشان تسأل ؟ سعود (تكتف) : أنا ولد عمك و من حقي اعرف .. إلهام : ريح بالك مو من حقك تعرف اذا اخواني و هم اخواني ما سألوني تجي انت تسأل .. " دارت ظهرها و طلعت لكن سعود مسك يدها .." إلهام (تناظر يده و يدها) : اترك .. سعود (تركها و ابتسم) : بس كنت حاب اوصلك .. إلهام : لا مشكور .. اجل ليه نعطي راتب للسواق .. " راحت و خلته معصب هو متعود على ان اخته تسمع كلامه مو متعود ان احد يعامله مثل ما عاملته إلهام خصوصاً البنات ..." " وصلت شهد لمكان بالبحر ودقت على ليان و دلتها عليه و كان عامر بعده يلاحقها بالسيارة ... لما وصلت ليان عند شهد و شافت راكان و اطمنت راحت بكل ثقة حق عامر تكلمه .." ليان (تصارخ) : انت اش عندك تلاحقني و توقف قدام بيتي الظاهر انك مو متربي .. عامر : أنا اسمي عامر و أنا حبيتك من قلبي و حبيت اعرفك اكثر عشان كذا اوقف قدام بيتكم و الاحقك .. " ما درى عامر انه ارتكب اكبر غلطه لما قال اسمه الحقيقي .." ليان : مالت عليك بس و على حبك .. اسمع ان شفتك مرة ثانيه قدام بيتنا و لا تلاحقني لا تلوم إلا نفسك .. " و بعدها راحت ليان و قال عامر : شكلك موه هينه بس بظل وراك اعجبتيني والله انك عسل .." راكان (باستغراب يسأل ): اش عندها خويتك تكلم هذاك اللي بالسيارة هي تعرفه شي ؟ شهد : والله ما ادري اش أقولك .. اسكت اسكت جت ليان .. ليان : اخوي راكان شفت هذاك اللي بالسيارة اللي كلمته من شوي هذاك واحد حقير كله يلاحقني انا هددته بس شكله ما يفهم بعده واقف ياليت تروح تهزأه شوي .. راكان ( دق الصدر ) : ابشري ما طلبتي شي هذا شكله واحد حقير يبيني ادوس بطنه .. " يوم شاف عامر ان راكان يبي يجي و المشكله انه يعرف راكان حرك سيارته و راح بسرعه .. جبان .. المهم دق جوال ليان و المتصل الهام وصلت للبحر بس ما تدري هم وين .. " ليان : يوووه هذي إلهام أكيد قلقانه اش اقول لها اللحين ..؟ شهد : ردي عليها .. ليان : الو .. إلهام : هلا ليان اش صار معك ؟ ليان : خلاص حلينا السالفه يوم شاف راكان انحاش ما في داعي تتعبين نفسك وتجين .. إلهام : لا خلاص انا وصلت قولي لي انتو وين ؟ ليان : يا الله خليتك تجين ع الفاضي .. إلهام : لا أنا كنت حابه اطلع اصلاً .. " وصلت إلهام و هذا اللي اسعد قلب راكان .. استانس كثير لما شافها .." ليان : هاا شهد بتقعدين معنا ؟؟ شهد : والله ما ادري على حسب اخوي .. راكان : لا عادي عندي اذا حابه تقعدين انا بستناك بالسيارة .. شهد ( باستغراب_ هذا اللي ما كان حاب يروح و توقعته بيقول يلا خلينا نرجع يقول لي اقعدي ) : اوك .. " راحوا و اقعدوا ثلاثتهم قدام البحر و راكان ما شال عينه عن إلهام كان مبسوط ..كانت سوالفهم كثير و احيانا يسكتون و يفكرون بأحبابهم .. قعدة البحر ما تنمل و لا تنحكى بشوية كلام .." إلهام : أنا بروح اخذ جوالي من السيارة ابي اكلم ابوي و اخواني اطمنهم علي ما كانوا موجودين يوم انا طلعت .. شهد و ليان : طيب .. " لما جت بتروح لسيارتها طلع راكان من سيارته .." راكان : إلهااااام .. إلهام : هلا راكان .. راكان : ابي اتكلم معك شوي .. إلهام (استغربت) : معي ؟! تتكلم ؟ .. في ايش ؟ راكان : بخصوص إبراهيم .. إلهام (شهقت) : اش فيه ابراهيم ..؟ و أنا وش علاقتي اصلاً ..؟ راكان : ما فيه شي خلينا نمشي و نتكلم اذا تحبين .. إلهام ( حاولت تنكر علاقتها بإبرهيم ) : مع اني ما ادري اش علاقتي .. بس يلا .. راكان : خلينا نروح من هناك عشان ما يشوفونا .. إلهام : لحظة ! خل اخذ جوالي و ادق على شهد اعلمها اني بتمشى .. و لحالي .. راكان : أي طيب انا بكون هناك .. " دقت إلهام على شهد تقول لها انها بتروح تتمشى لحالها و دقت على ابوها بعد و اخوانها اطمنهم عليها و انها بتتأخر .." " ابتعدوا شوي عن ليان وشهد و تمشوا و تكلموا مع بعض .." إلهام : يلا قول اش فيه إبراهيم ؟ و أنا اش علاقتي .. راكان : أنا عرفت كل شي .. إلهام : اش عرفت ؟ راكان : ذاك اليوم بمكتب إبراهيم سمعت كل شي صوتكم كان عالي .. إلهام : اش سمعت بالضبط ؟ راكان : ان انتي تحبين إبراهيم .. إلهام ( عصبت شوي ) : طيب انت دريت وش نويت تسوي تبي تعلم خالد عشان يقطع علاقته بخويه ؟.. يكون بعلمك اخوي رائد يدري .. راكان : لأ أنا ما ابي اعلم خالد و لا جا على بالي اساساً .. إلهام : أجل ليه قاعد تقول لي اللحين ؟ راكان : حاب اساعدك .. إلهام : تساعدني في وشو ؟ راكان : أنا من ايام لندن اعتبر نفسي صديقك اذا ما عندك مانع .. إلهام : أنا ما عندي مانع .. لكن ما احس اني احتاج مساعده .. راكان : انتي مو حابه تعرفين اش يفكر فيه إبراهيم ؟ إلهام : يعني تبي تسأله اش يفكر فيه و بتجي تعلمني ؟ راكان (ضحك من قلب على برائتها) : هههههههه لأ طبعاً .. حتى لو هو قال لي بدون ما أسأله مارح اعلمك مستحيل اخون من يثق فيني .. أنا كل قصدي اني رجال و اعرف اشلون يفكر لاني أحب زيه .. إلهام : أووووه حركااااات عندك حبيبه يعني .. راكان ( انتي ما تدرين انها انتي ودي اعترف لك اللحين ) : أي تقدرين تقولين .. إلهام : اهاا .. راكان : خلينا في موضوعك ما عليك مني .. إلهام : اول خلينا نجلس هنا قدام البحر .. بعدين موضوعي معقد .. راكان : معليه احكي لي قصتك من اول اذا تحبين .. يعني .. إلهام : دامك دريت خلاص رح اقول لك .. بس قصتي طويلة .. راكان : ما ورانا شي .. إلهام : طيب .. أنا حبيت إبراهيم يوم شفته يعني حب من اول نظرة و هو ما حس بحبي و ماكان ممكن يحس فقلت لازم اتصرف واسوي شي .. فجا على بالي اني احضر حفل تخرجه بكندا بحجة اخت وحده من صديقاتي و فعلاً رحت يومها قابلته و كلمته و قلت له اني احبه .. راكان ( انكسر قلبه و كان يتمنى انه مكان ابراهيم ) : بكل جرأه قلتي له انك تحبينه ..؟! إلهام : أي لا تستغرب اذا انا حبيت شخص مستعده اضحي .. المهم رده يومها ما اعجبني و زعلت حتى منه و طلبت من رائد يرجعني عالفندق و رجعت .. راكان : طيب قولي لي اش قالك و زعلك لهالدرجة ..؟ إلهام : قال لي .. اني .. قاعده اغلط .. و انه ما يصير كذا .. و راح و تركني .. راكان : ما كان معه حق .. إلهام : هو متحفظ اشوي .. لكن لما رجعت للسعودية علمت ليان بكل اللي صار .. ليان بنت خاله .. فقررت تجمعنا و انا ما كنت ادري شفته مره ثانيه و كلمني و اعتذر مني و اعترف لي بحبه و قال انه رح يخطبني بس ينتهي المشروع اتصدق قال من هنا إلين ينتهي المشروع لازم ما نكلم بعض حتى المسجات لازم تكون قليلة .. أنا رضيت بهالشي لاني احبه حيل و انتظرت و صبرت إلين خلص المشروع و هو للحين ما جا و خطبني ما قدرت اصبر اكثر فكلمته تلفون كان رده بارد و انتهى كل شي .. راكان : ما ادري اش اقولك .. إلهام : لا تقول و لا تحكي أنا راضيه و مشكلتي اني احبه حيل اتوقع كلها يومين و ارجع ادق عليه لاني ما اقدر بدونه .. يلا انت اللحين احكي لي عن حبيبتك .. " راكان بخاطره كان يقول : ليش يا إلهام اخ بس يا ليتني مكانه اخ بس .." راكان : طلبتك لا تعلمين شهد ما ابي احد يدري و اصلاً ما احد يدري عن سالفة حبيبتي هذي غيرك و غير وليد .. إلهام : ما طلبت شي سرك ببير يلا كلمني عنها و اشلون حبيتها .. راكان : حبيتها من اول ما شفتها اسلوبها اعجبني و اكثر شي احبه فيها براءتها وعفويتها و ضحكتها و لون عيونها .. لكن ما رح يكون لي نصيب فيها و هذا اكثر شي مزعلني و جارح قلبي و متعبني .. إلهام : ليش هي ما تبيك ..؟ راكان : تقدرين تقولين كذا .. حبنا من طرف واحد أنا احبها بس هي لأ .. إلهام : طيب ليش هي ما تحبك ؟ يعني انا اشوف انك تنحب بسرعه .. راكان : ما ادري ما سألتها اذا هي تحبني و لا لأ .. إلهام : طيب اسألها يمكن تطلع تحبك و انت ما تدري .. راكان : لأ مستحيل تطلع تحبني .. إلهام : ليش واثق لهالدرجة ؟ راكان : لأنها تحب شخص ثاني .. إلهام ( شكت انها تكون هي ) : أهااا .. طيب اش اسمها ؟ و أنا اعرفها ..؟ راكان : اسمهااا... ما في داعي تعرفين اسمها .. و انتي ما تعرفينها لانها تصير اخت واحد من شلتنا .. إلهام ( زاد شكها اكثر ) : طيب براحتك .. ما اقول غير انه .. إن شاء الله تكون من نصيبك .. راكان : آمين يا رب .. إلهام : طيب انبسطت بالسوالف معك خففت همي شوي لكن اللحين لازم اروح تأخرت ع البنات .. راكان : اوك و أنا بعد انبسطت خلينا من فتره الى فتره نسولف مع بعض .. إلهام : ان شاء الله و لا يهمك .. إلهام : طيب انبسطت بالسوالف معك خففت همي شوي لكن اللحين لازم اروح تأخرت ع البنات .. راكان : اوك و أنا بعد انبسطت خلينا من فتره الى فتره نسولف مع بعض .. إلهام : ان شاء الله و لا يهمك .. | |||||||||
|
| |
|
26-03-15, 11:56 PM
| #23 | |||||||||
| نجم روايتي ومشرفة سابقة وفراشة متالقة بعالم الازياء
| (( الفصل الثالث و العشرون )) " رجعت إلهام للبنات ليان ما انتبهت انها كانت مع راكان اما شهد فانتبهت .." ليان : وين كنتي ؟ تأخرتي .. إلهام : تمشيت عالبحر .. شهد : كنتي لحالك ؟ إلهام : ايه من بيكون معي مثلاً ؟ شهد : لااا بس أقول .. يلا استأذنكم لازم ارجع البيت .. إلهام : تو الناس .. شهد : لا احس اني تعبانه و لازم اروح البيت ابي انام .. ليان : اوك براحتك أنا و إلهام بنظل صح إلهام ؟ بتقعدين معي ؟ إلهام : طبعاً .. شهد : يلا تصبحون على خير .. إلهام و ليان : و انتي من اهله .. " شهد اركبت السيارة مع راكان و قالت له ....." شهد : يلا خلينا نمشي .. راكان : مو بدري ..؟ شهد : راكان أنا عارفه انك وافقت تقعد عشان إلهام لا ورحت تسولف معها بعد و بكل وقاحه الهام تقول انها كانت لحالها .. راكان : احترمي نفسك يا شهد اشلون تقولين عن خويتك كذا ؟ شهد : لانها تحب شخص ثاني و تمشي معك كأنها تبي الكل يحبها .. راكان : ادري انها تحب شخص ثاني و انا اللي طلبت إني اسولف معها هي كانت رافضه بس انا قلت لها ان الموضوع يخص ابراهيم فجت .. شهد : ما ادري اشلون انا قلت عن الهام كذا طلعتوني عن طوري .. راكان : خلاص انسي الموضوع لا تجيبين طاري حق أي احد .. شهد : ما رح اجيب هالطاري و لاهو بشي ينقال اصلاً .. بس انت اش عرفك بقصتها مع ابراهيم ؟ "حكى لشهد كل شي بالطريق و لما وصلوا البيت و راح راكان حق اخوه وليد و كان طاير من الوناسه .. و حكى له كل شي صار معه .." راكان : ما ادري اش قول لك بس انا مرة مبسوط لانها قدرت تفتح لي قلبها .. وليد : اصحى .. انت قاعد تحلم .. راكان : لا تكفى خلني حتى لو كنت احلم انا عايش اللحظه و احس انه قريب رح تكون لي .. وليد : والله أنا خايف عليك لا تنصدم بعدين لما ما تصير لك .. راكان : لأ وليد من اليوم و كل يوم رح ادعي ربي انها تصير لي .. وليد : اش الشي المميز فيها اللي اخذ عقلك و تفكيرك ؟ راكان : فيها اشياء واجد ما تحصلها بالبنات الثانيات هي تفكر بقلبها قبل لا تفكر بعقلها ياخي انا يوم تكلمت معها حسيت بحنانها اخ ما اقدر اوصف لك الشعور لانه صعب ينقال بالحكي .. وليد : المشكلة انها اعترفت لك بلسانها انها تحب شخص ثاني وانت على امل انها تحبك راكان : صحيح هي تحب شخص ثاني و انا اعرفه بعد بس شكله ما يحبها و اخاف انه يلعب عليها مع ان اخلاقه ما تبين انه كذا .. وليد (بحيره) : امم اللي ابي افهمه انت من يوم رجعنا من لندن قررت تنساها ليه رجعت لها مره ثانيه ..؟ راكان : يا اخوي حاولت و حاولت كل ما ابي انساها تطلع فجأه قدامي .. يا الله يا رب انها تكون من نصيبي .. وليد : ما اقول غير آمين و الله يعينك بس على ما بلاك .. --------------- " ظلت إلهام مع ليان بالبحر و اخذتهم السوالف .. " ليان : يا الله رح اشتاق للبحر باقي 3 ايام و تفتح الجامعات ابوابها و ما رح افضا اجي البحر بعدين .. إلهام : إلاا يوم الخميس و الجمعه بعدين احنا مو كل يوم نروح الجامعه .. ليان : معك حق بس ما احس بحلاوة الطلعه زي ايام الاجازة .. إلهام : اش نسوي هذا مستقبلنا .. ليان : معك حق .. ( بعد دقيقة صمت ) .. قولي لي اش اخبارك مع ابراهيم ؟ إلهام : لا تسأليني .. ليان : ليه في شي ما تبيني اعرفه ..؟ إلهام : بقولها لك و باختصار ابراهيم ما يحبني اعترف لي بهالشي و انا ذليت نفسي له بما فيه الكفايه و خلاص عافته نفسي .. ليان : اف اف اف لهالدرجه .. قولي لي اش صار بالتفصيل.. إلهام : ما لي خلق احكي .. ليان : خلاص اجل انا بسأل ابراهيم و بشوف .. إلهام : لا .. لا .. لا تسألينه و لا تتعبين عمرك الموضوع انتهى بالنسبه لي .. ليان : انتي اش قاعده تقولين بهالبساطه و السهوله ؟ هذا اذا دل على شي فهو يدل على انك ما كنتي تحبينه اساساً .. إلهام : انتي اكثر وحده تعرفين انا اش قد كنت احبه .. ليان : كنتي ؟!.. إلهام : أي كنت لاني اللحين ما عدت احبه ..( و بسرعه كذا غيرت إلهام رايها ) .. ياربي اضحك على مين أنا .. والله اني اعشقه و اموت فيه و احبه اكثر من عمري حتى و اشتقت له موت و ودي اشوفه قدامي على طول و لا يفارقني احبه والله احبه ( و طاحت دموعها ) .. ليان : بسم الله الرحمن الرحيم .. خلاص هدي ليه البكا ؟ إلهام : لاني احبه و هو لأ .. ليان : وين كلامك اللي بالبدايه انه كل شي انتهى .. إلهام : حاولت اكابر و انساه بس ما قدرت .. ليون قولي لي هو ليش ما يبيني ؟ طيب ليش ذاك اليوم اعترف لي بحبه ؟ أنا غلطت عليه بدون قصد ؟ أو هو شاف فيني شي ما يعجبه ؟ ليان : يا حبيبتي يا إلهام مليون شخص يتمناك و انتي ما فيك أي شي من اللي قلتيه .. هدي هدي و ان شاء الله خير .. " رجعت إلهام عالبيت و كانت مو طايقه احد راحت غرفتها على طول .. بعدين حست بالعطش فراحت المطبخ و الصدفه ان سعود كان هناك و الهام على المشاكل اللي صارت لها نست انه عمها و اهله عندهم بالبيت .." إلهام : بسم الله خوفتني .. سعود : اوه هلا الهام .. إلهام : يا الله نسيت انكم ببيتنا خل اروح احط شي على راسي .. سعود ( يا الله طلعت البنت شقرا ) : لا الهام تعالي انا ولد عمك عادي .. بعدين خلاص شفتك .. إلهام : وش تقول انت وش تهذر ؟ انت ما عندك غيره على اختك عادي لو احد من اخواني شافها و هي مو حاطه شي على راسها؟ .. سعود : عندي عادي هاذيل عيال عمها ما هم بغريبين .. " جت الهام بتروح ما عاد تبي ماي من يوم شافت هالخشه .. ناداها .." سعود : إلهااام لحظه .. تراني قررت اخطبك .. " كان هذا الشيء كصاعقه جت على راس الهام .. لفت عليه لا اراديا و كانت حدها معصبه .. كافيها هم .. " إلهام : شوف انتبه و اقولها لك مره ثانيه انتبه تفكر مجرد تفكير اني رح اكون شريكة حياتك في يوم من الايام .. و ما رح يصير هالشي .. سعود : ليه انا احبك و كله افكر فيك من يوم شفتك اول يوم جينا فيه هنا .. كنت ادري ان لي بنت عم بس ما توقعتك بهالجمال .. إلهام : هههه ( ضحكة سخريه ) متى امداك تحبني هااا ؟ و بعدين انت مقياسك للحب هو الجمال لآخر مره اقولك أنا ما احبك و لا ابيك و لا جيت ببالي اصلاً .. و مستحيل نكون لبعض لو ايش ما يصير .. سعود : تتحديني يعني .. إلهام : يا عمي سمها زي ما تبي تسميها بس أنا و انت ( تأشر على نفسها و عليه ) مستحيل نكون لبعض .. سعود : اوك أنا من اللحين اقولك حطيتك براسي و انتي رح تصيرين لي رضيتي و لا لأ رح تصيرين لي .. إلهام : بينت على حقيقتك اللحين .. و كأني بخاف منك .. سعود : انتي ليش مو راضيه تفهمين قلت لك احبك هاوشتيني و صارختي علي حديتيني اقولك هالشي .. إلهام : لا تحلم واجد .. ههه كنت جايه ابي ماي بس سدت نفسي كرهت الماي و اهله .. " لفت و طلعت .. لكن سعود ما رح يسكت .." سعود ( بخاطره ) : معليه رح تكونين لي يعني لي و انا حطيتك براسي .. و نشوف من اللي بيضحك بالاخير .. --------------------- " ليان وصلها السايق عالبيت انزلت من السيارة و السايق راح يوقف السيارة بالكراج إلا يطلع لها عامر من ورى جدار بيتهم و يحط ايده على فمها بقوة حتى لا تصارخ .." عامر : أنتي ليش مو راضيه تسمعيني او حتى تفهمين انا اش قاعد اقول .. قلت لك اني احبك و اعجبتيني تروحين تكلمين واحد عشان يجي لي .. ليان : اتركني يالواطي يا عديم الاصل و التربية ما بقى الا احب اشكالك .. عامر : اسكتي ما ابي اسمع هالكلام تدرين اني اقدر اخطفك اللحين لكني ما رح اسويها انا جيت بس اعلمك اني احبك بهدوء لكن ما تدرين المره الجايه اش ممكن اسوي .. ليان : يالخسيس انا سكت لك واجد لا تفكرني بسكت هالمرة .. " السواق سمع ضجه فجا يشوف اش السالفه .. و على طول تركها عامر لما شاف السواق و راح ركض على سيارته و مشى و ترك وراه بنت مرعوبه بغت تموت من الخوف دخلت و هي تبكي ما تدري من هذا و ليش هي بالذات .. دقت على شهد على طول .." شهد : اهدي شوي ليش تبكين .. ؟ خوفتيني عليك .. اهدي و علميني اش صار .. ليان : هذاك .. هذاك الواطي اللي يلاحقني .. شهد : اش فيه سوا لك شي ؟ رجع يلاحقك مرة ثانيه ..؟ ليان : مسكني و هددني كنت خايفه .. أنا لازم اعلم ابوي او نواف ما رح اسكت له هالمرة .. صرت اخاف اطلع لحالي .. شهد : اهدي و لا تعلمين احد خلاص انا رح اقول لراكان لانه صار عنده علم بالموضوع ما نبي السالفه تكبر اخاف اذا علمتي ابوك او اخوك رح يفهمون غلط او يمكن حتى يمنعونك من الطلعه .. ليان : صح معك حق بس تكفين قولي لراكان يتصرف .. و لا ترى رح اعلم ابوي و اخوي و اللي فيها فيها .. شهد : خلاص خلاص رح اتصرف انتي اللحين روحي اخذي حمام هادي و انسي اللي صار بعدين حطي راسك و نامي و لا تفكرين بشي خلي كل شي علي .. ليان : طيب .. اش رح تسوين ؟ شهد : انتي ما عليك سوي اللي قلت لك عليه و اتركي الباقي علي .. " كان كلام شهد شوي مطمئن لكن مع ذلك ليان ما ارتاحت سوت زي ما قالت لها شهد و حطت راسها عالمخدة لكن جافاها النوم من الرعبه اللي اكلتها .. و اخيرا جاها النوم يوم قرب الصبح نامت و نومتها كانت كلها كوابيس .. " " شهد بدورها راحت حق اخوها راكان و قالت له اللي صار مع ليان .. و بدون ما يحسون وليد سمع كل شي .." وليد : اوف اش هذا اللي تقولينه يا شهد ؟ شهد : وليد ؟! انت من متى هنا ..؟ وليد : سمعت كل شي صار .. بس اش دخل راكان تقولين له ..؟ شهد : لانه كان معنا اول مره دقت ليان علي يوم كانت رايحه البحر و قالت لي انه في شخص يلاحقها فأخذت راكان و رحنا .. يوم جا راكان بيروح لذاك الشخص انحاش .. وليد : اهاا .. طيب ليان هذي ما عندها اخوان ..؟ شهد : إلا عندها اخوها نواف اللي معكم بالشركة .. بس بما انه راكان دخل بالموضوع قلنا نكمل الموضوع ما نبي السالفه تكبر .. وليد : و الله سالفه .. و ما عرفتوا من هذاك الشخص او كيف عرف ليان .. شهد : لا والله ما عرفنا .. هاا راكان بتكمل و لا لا ؟ راكان : افا عليك اكيد و بعد اللي قلتيه انا مصر امسك الزفت الواطي هذا و اعلمه قدره .. وليد : و الله الود ودي ما تدخلون بالسالفه .. راكان: ما احنا دخلنا و خلصنا .. وليد : اجل انتبهوا على انفسكم و علموني باللي يصير معكم اول باول .. شهد و راكان : اوك اكييييد .. راكان : ما قلتي لي اش بنسوي اللحين ..؟ شهد : والله ما ادري بس تدري لازم ليان تكلمه بحضورنا طبعاً .. لازم نعرف عنه كل شي .. راكان : فكرة حلوة بس تعتقدين ان ليان ممكن تكلمه .. شهد : رح اشوف رح اسألها بكرة ا ن شاء الله .. ------------------- " في اليوم الثاني قرر سعود يكلم ابوه بموضوع زواجه من الهام كان سعود مره جاد بالسالفه .. " سعود : يبا انا قررت و ابي اتزوج .. ابو سعود : صدق والله هذا احلى خبر سمعته اليوم .. و العروسه علي .. سعود : هااا ( ما كان حاسب حساب ان ابوه حاط فباله عروسه له ) : لا انا اخترت البنت اللي ابيها تشاركني حياتي .. ابو سعود : لأ مو على كيفك .. شوف انت ما رح تاخذ غير بنت عمك .. سعود ( قام يضحك ضحك هستيري ) : ههههههههههههههههههه .. ابو سعود : ليش الضحك اللحين ؟ سعود : لانها هذي البنت اللي فبالي .. ابو سعود : ههههههههههه والله زين لاني تكلمت مع عمك بهالموضوع .. بس كنت شايل همك انت خفت انك ترفض .. سعود : لا ما رح ارفضها ابد بالعكس انا ابيها و احبها .. طيب اش قال عمي عن الموضوع ..؟ ابو سعود : هو ما عنده مانع .. بس باقي راي البنت .. سعود : هذي المشكلة يبا .. ابو سعود : ليش ؟ .. سعود : البنت ما تبيني .. سألتها امس و قلت لها اني ابي اتزوجها رفضتني بقوة و قالت ما تبيني .. ابو سعود : المهم انت تبيها ؟ سعود : أي اكيد ابيها .. ابو سعود : خلاص معناته ما في أي مشكله البنت ما لها راي و اخوي يعرف هالشي و انا اقدر اقنعه .. سعود ( بفرح ) : ان شاء الله يا رب تكون من نصيبي .. ابو سعود : رح تكون ان شاء الله رح تكون .. | |||||||||
|
| |
|
26-03-15, 11:58 PM
| #24 | |||||||||
| نجم روايتي ومشرفة سابقة وفراشة متالقة بعالم الازياء
| (( الفصل الرابع و العشرون )) " ليان بالرغم من انها عارفه ان شهد ممكن تساعدها بس حطت ببالها انه لازم تقول حق هديل عشان توصل السالفه لـ بدر و تشوف اذا ممكن ان بدر يقدر يثبت حبه لها و يدافع عنها و يخاف عليها و يساعدها.. فكلمت شهد برضو و شكرتها هي و راكان و قالت لهم انها حلت السالفه و طلبت منهم يطلعون منها .. طبعاً هم نفذوا كلامها .." هديل : أهلين ليان زين سمعنا صوتك .. ليان : اهلين هلا فيك .. اعذريني مقصره معك لان الفترة اللي راحت عشت حالة رعب مو صاحيه .. هديل : اشلون ؟! ليش ؟ .. اش اللي صار علميني ؟ ليان : شوي شوي رح اقولك اش صار معي وبالتفصيل بعد .. اصلاً انتي الوحيده اللي ما يدري عن السالفه .. هديل(تتصنع العصبيه) : يا سلاااام .. أنا اخر من يعلم مالي اهميه دريت و لا ما دريت بالطقاق فيني .. ليان : ههه لا والله مو كذا بس الهام و شهد دروا بالصدفه .. هديل : يلا قولي اسمعك .. ليان : في واحد قاعد يلاحقني .. هديل : ايش ؟! تمزحين ؟! ليان : لا والله جد ما امزح اذا منتي مصدقه اسألي شهد هي تعرف كل شي لاني دقيت عليها يوم كان يلاحقني و طلبت مساعدتها و جابت اخوها راكان و بغا يهاوش ذاك اللي يلاحقني بس يوم شاف راكان انحاش .. هديل : طيب ليه ما دقيتي علي انا ..؟ ليان : إلا دقيت اساساً اول ما دقيت دقيت عليك انتي بس لقيته مشغول و دقيت على إلهام لقيته مغلق و اخر شي دقيت على شهد و ردت و حمدت ربي لاني كنت مره خايفه .. هديل : يا الله اش يبي هذا ؟ هو للحين يلاحقك ؟ ليان : أي والله للحين و ماني قادره اعلم لا نواف ولا ابوي اخاف يمنعوني من الطلعه خوفٍ علي .. هديل : أي والله معك حق .. طيب ما قالك هذا اش يبي و لا جا و كلمك ؟ ليان : إلا جا و قال لي انه يحبني الحقير.. من وين لوين .. و قال لي ان اسمه عامر .. هديل : عامر ؟؟!! .. ليان : أي عامر انتي تعرفينه ؟ هديل : لا بس كأني سامعه بالاسم .. ليان : أنا اتوقع انه يعرفني او سامع عني يعني ما رح يجيني شخص من الشارع و يلاحقني و يقول انه يحبني و يوقف قدام بيتي كل يوم .. هديل : معك حق .. لاااا مو من صدقك .. يوقف قدام بيتكم بعد ؟ ليان : أي والله .. اللحين و عرفتي السالفه .. يلا اللحين ارتحت و ابي اروح انام لاني امس عشت حالة رعب قويه لدرجة اني ما نمت الا ساعتين .. تصبحين على خير .. هديل : هههههه عقلك مو معك تصبحين و احنا بالصباح اساساً .. ليان : هههههههههههه سووري .. لاني ما نمت الليل على بالي بعدنا بالليل .. يلا اتمسين على خير .. هديل : ههههه حبيبتي و انتي من اهله .. --------------- " هديل انتظرت الى اليوم الثاني عشان تقول لاخوها بدر اللي صار مع ليان لانه ما كان موجود كان نايم لانه سهر برى لكن اكيد كانت رح تقوله .. " بدر : ايش اللي قاعده تقولينه ؟ جد انتي تتكلمين ..!!؟ هديل : والله هذا اللي صار .. بدر : و ليه ما قالت لي ليان عنه ؟ هديل : ليش ؟ اش اللي بينك و بينها عشان تقولك ؟ بعدين ليه عصبت كذا ؟ بدر ( ارتبك عصب لا اراديا كان رح يكشف نفسه ) : هاااا لا ما عصبت .. و ما بيني و بينها شي .. بس لانها خويتك ما هانت علي و كانه انتي مو هي .. طيب ما قالت لك اش اسمه هذا الواطي ..؟ هديل : الا قالت لي اسمه .. اش تبي فيه ..؟ بدر : علميني باسمه و ما لك شغل ( بدر كان شاك من اول بخويه عامر ) .. هديل : قالت لي اسمه بس ماني ذاكره .. اسمه .. اسمه .. اييه ذكرت اسمه عامر .. بدر ( مذهول و مصدوم ) : ايش ؟؟!! هديل : انت تعرفه صح ؟ بدر ( سكت ما رد ).. هديل : كنت عارفه انك تعرفه .. يا حيف عليك بس .. و يمكن بعد انت اللي وازه .. بدر : هديل اعصابي ما تتحمل انا اخوك و انتي عارفه انه لايمكن اسوي كذا .. اما هذا عامر ما يندرى يمكن هو نفسه اللي ببالي او لا ما نبي نظلمه بعدين هذا خويي و مستحيل يكون هو .. هديل : اشلون بنعرف اجل ؟ بدر : ما ادري ما ادري .. لحظه ! .. انتي قلتي لي انه يوقف قدام بيتهم ؟ هديل : أي .. بدر : خلاص هذي هي عرفت .. هديل : اش عرفت ؟ فهمني .. بدر : ما قالت لك طيب اش لون او موديل السيارة ..؟ هديل : لأ طبعاً ليه حتى تقول لي ؟ بدر : اجل دقي عليها اللحين و اسأليها .. اذا عرفنا لون السيارة او الموديل رح نعرف اذا هو نفسه اللي ببالي و لا لا .. هديل : اي والله انك جبتها .. خلني ادق عليها .. " و على طول بدون تردد مسكت الجوال و دقت على ليان حتى ما راعت الوقت كان نص الليل .." ليان : يا ترى من اللي داق علي اللحين ان شاء الله خير .. اوه هذي هديل شكل الخبر وصل حق بدر الله يستر بس ..الو هديل : هلا ليون .. اعذريني دقيت بهالوقت بس بغيتك ضروري .. ليان : لا معذوره عادي قولي .. هديل : ابسألك عن هذا اللي قلتي لي عنه اللي يلاحقك انا شاكه بشخص و ابيك تساعديني .. ليان : أي آمري انا معك .. هديل : ما يآمر عليك عدو .. قولي لي اش لون سيارته او موديلها ؟ ليان : لون سيارته ذهبي اذا ما خانتني الذاكرة و اظنها كامري .. هديل : اوكي هذا رح يفيدني اكيد .. يلا اسلم عليك .. ليان : مع السلامه .. " بدر كان على اعصابه و لا تمنى انه يطلع ورى هالشي عامر .." بدر : هاااا .. اش قالت ؟ هديل : تقول لون السيارة ذهبي و نوعها كامري بس ما هي واثق ميه الميه .. بدر ( سكت و مسك اعصابه و حاول انه يفكر بالعقل صدمه له انه يطلع خويه ورى مشاكل حبيبته ) .. هديل : بدر .. بدر هو نفسه ولا لا ؟ بدر ( حب ان الموضوع ما يكبر و ينلام هو بالاخير ) : لا مو هو .. " طلع بدر ركض و راح حق خويه عامر ولقاه .." بدر (ناداه باعلى صوته ) : عااااااااااااااااااااااام ر .. عامر : بسم الله اش فيك افزعتني .. بدر ( بعصبيه ما لها حدود ) : انت اللي تلاحق ليان يا عامر ..؟ عامر : مين ليان هذي ..؟ بدر : عامر لا تقعد تكذب علي ( و يعطيه ذاك الطراق على وجه .. و يصرخ عليه و يقول ) : ليه سويت بخويك كذا انت واحد ما تستحي و احد ما فيك دم .. عامر : اطقني يا بدر عشان وحده بنت شوارع .. ( عصب بدر و ما قدر يمسك نفسه و طق عامر طق كان لولا شوي رح يذبح الولد لكن من حظ عامر شافوه بعض الناس و افزعوا له ) بدر : والله ما اعديها لك يا عامر والله لا اوريك و لا ما اكون انا ولد ابوي .. عامر ( من كثر الطق ما عاد فيه حيل فقال بخاطره : والله ما احد بيوريك غيري عشان بنت شوارع اطقني انا اعلمك فيها و الله ما اسكت و تشوف و الايام بينا ..) ----------------- " إلهام كانت قاعده بالصاله تشوف التلفزيون شوي ذابحها الملل ..الا جتها بنت عمها ورود .." ورود : مرحبا إلهام .. إلهام ( ما كان لها خلق ) : هلا .. ورود : عادي اقعد معك ..؟ إلهام : ما انتي صرتي هنا ما يصير ترجعين .. حياك اقعدي .. ورود : الله يحيك .. حبيت اسولف معك بس .. إلهام ( من طرف خشمها ) : ايه سولفي اسمعك .. ورود ( مستغربه رد الهام ) : أنا كنت حابه اني اكون صديقتك ..بس شكلك ما تبين .. إلهام : لا عادي اذا انتي مو بزي اخوك رح اكون صديقتك .. ورود : اش قصدك ؟ إلهام : و لا شي .. ورود : لا علميني عادي اصلاً اخوي راعي مشاكل من يوم يومه كذا يجرح الناس بدون قصده .. بس والله قلبه ابيض و طيب بالحيل .. إلهام : مو مهم .. ورود : شكلك مره متضايقه من قعدتنا ببيتكم .. إلهام : لا و لا متضايقه و لا شي .. ورود : على كلٍ احنا كله يومين بالكثير و رح ننتقل من عندكم .. إلهام : يعني لقيتوا بيت مناسب لكم ..؟ ورود : امممم .. تقدرين تقولين فله صغيره رح نستأجر على بال ما نبني فلتنا .. إلهام : يعني انتو مقررين تقعدون هنا على طول .. ورود : أي اكيد ابوي شغله صار كله هنا .. إلهام : اهاااا ( بخاطرها : عز الله رحت فيها بتقعدون على قلبي خاصه .. اخوك .. وينك يا ابراهيم بس ) .. ورود : قولي لي اش قاعده تدرسين اللحين ..؟ إلهام : دخلت بكلية التصاميم انا وكل خوياتي .. ورود : ما شاء الله .. اشلون صرتوا كلكم مع بعض ..؟ إلهام : حبيبتي الواسطه حتى اننا بنفس الكلاس .. ورود : الله شيء حلو .. إلهام : طيب .. انتي اش درستي ؟ ورود : أنا درست بكلية علوم الحاسب و تقنية المعلومات .. إلهام : طيب دام عندك الشهادة ليه ما تشتغلين ؟ ورود : رح افكر بالشغل بعدين .. " قاطعتهم ام سعود بجيتها كانت تدور على بنتها ورود .." ام سعود : ورود انتي هنا و انا قاعده ادورك .. ورود : أي يما قاعده مع الهام ندردش شوي .. ام سعود : ايه قلتي لي .. زين .. معليش اقعد معكم ..؟ إلهام : أي عادي خالتي تفضلي .. ام سعود : زاد فضلك حبيبتي .. إلهام : اقول خالتي ما شفتي ماما نرجس ؟ ام سعود : الا شفتها من تو كنت معها بالمطبخ قاعده تحضر للعشا .. على فكره ترى ابوك جا مع ابو سعود و هم قاعدين بمجلس الرجال الظاهر في عندهم موضوع مهم .. إلهام : ما ادري .. ما كنت ادري ان ابوي جا اصلاً .. المجلس برى زي ما تعرفين .. ام سعود : أي الشغاله قالت لي لانهم طلبوا القهوة يوم كنت بالمطبخ .. إلهام : خير ان شاء الله .. " صحيح كان الموضوع اللي يتناقشون فيه ابو سعود و ابو رائد موضوع مهم و يخص إلهام بس بالنسبه لها مو خير ابداً .." ابو سعود : هاا وش قلت ؟ ابو رائد : والله ما ادري الراي راي البنت .. ابو سعود : يا اخوي يا ابو رائد البنت ما لها راي المهم موافقتك انت .. ابو رائد : من ناحيتي انا موافق و ولدك أي بنت تتمناه و ما شفنا منه إلا كل خير .. بس لازم اسألها .. ابو سعود : وش تسألها فيه الله يهديك اقولك سعود يبي البنت و شاريها و المعروف ان البنت لولد عمها و لا انت تخالف هالشي يا ابو رائد ؟ ابو رائد : لا مو كذا يا ابو سعود بس انا ما اقدر اجبرها .. ابو سعود : شوف انت اسألها بالاول ان قالت أي كان خير و ان قالت لأ فاسمح لي ما عاد اوريك وجهي ابد من الفشيله و لا تخلي الناس تتكلم علينا ما احنا بناقصين يعني بنتك لازم توافق و لا ترى هاااه بتشعل نار الحرابه بينا مره ثانيه و لا هي بمنطفيه و احنا انت عارف ما صدقنا تصالحنا .. ابو رائد : خلاص رح اسألها و اشوف و ان شاء الله يصير خير .. ابو سعود : طيب وش رايك بعد بنتي ورود تتزوج ولدك خالد ..؟ ابو رائد : بس بنتك اكبر من خالد .. ابو سعود : معليه اكبر منه بسنه ما تفرق .. بعدين انت الله يهداك رحت و خطبت حق رائد و ما استنيت شوي و لا كان المفروض هو اللي يتزوج ورود .. ابو رائد : وش اسوي ؟ ما كنت ادري بجيتكم .. و بعدين هذا نصيب .. ابو سعود : عالعموم معك حق صار اللي صار .. و اللحين ابيك تفكر باللي قلته لك عن خالد و ورود .. ابو رائد : يمكن إلهام اقدر عليها اما خالد فما أوعدك .. ان قال لأ ما اقدر اجبره .. ابو سعود : خلاص ولا يهمك انا عندي اهم شي إلهام و سعود اما خالد اذا قال ما يبي ورود رح اتغاضى عن هالشي بحكم فارق السن .. ابو رائد : طيب .. الله يقدم اللي فيه الخير .. --------------- " ليان سوت زياره حق عمتها ام ابراهيم و كانت تبي تكلم ابراهيم و تشوف اش صار بينه و بين الهام .." ليان : هلا عمتي سعاد كيفك ؟ و ايش اخبارك ..؟ ام ابراهيم : الحمدلله زينه انتي اللي وش اخبارك و ايش اخبار اخوي ؟ ليان : تمام و ابوي تمام بعد يسلم عليك .. ام ابراهيم : ليه ما جيتو كلكم ؟ ليان : اللحين الكل مشغول بعدين بكره مدارس واللحين الوقت متأخر بس و لا يهمك ان شاء الله قريب نجيكم .. ام ابراهيم : ان شاء الله اشتقت لاخوي و عياله .. ليان : إلا وينه ابراهيم ؟ ام ابراهيم : اللحين رح يجي .. ليان : و عبد الرحمن و مرته و عياله ؟ ام ابراهيم : اطلعوا يتعشون برى .. ليان : ورى ما طلعتي معهم ؟ ام ابراهيم : لااا ما يصير يبون يطلعون لحالهم .. يووه نسيت اضيفك اش تشربين ؟ ليان : أي شي من ايدينك حلو .. ام ابراهيم : اجل رح اسوي لك احلى حلو على كلامك الحلو .. ويكون بعلمك مافي طلعه من هنا إلين تتعشين معنا و الاكل انا طابخته بإيدي .. ليان : ههههههه خلاص عمتي تآمرين امر .. ام ابراهيم : اجل اللحين برسل لك الحلو مع الشغاله و بسوي العشا و برهوم اللحين جاي و اذا مليتي تعالي عندي المطبخ نسولف .. ليان : ابشري عمتي .. ام ابراهيم : هااا هذا هو جا .. برهوم اقعد مع بنت خالك لا تخليها تروح اليوم عشاها عندنا .. إبراهيم : على امرك يما .. هلا ليون تو ما نور .. اش اخبارك ؟ ليان : منور بأهله .. انا زينه و انت ؟ إبراهيم : ماشيه حالي .. ليان : اش فيك كأنك مهموم .. إبراهيم : لاني صدق مهموم .. ليان : اش صار بينك و بين إلهام ؟ إبراهيم : اللي صار انها مو راضيه تسمعني ابد .. ليان : ليه ؟ .. قولي السالفه من اول .. إبراهيم : السالفه و باختصار اننا اتفقنا من اول اننا ما نكلم بعض و جا ذاك اليوم و دقت علي انا رديت على بالي انه صار لها شي لما رديت قامت تقول لي انت ما تحبني و ما ادري ايش .. و انا قعدت احاول افهم منها ما عطتني مجال إلين جت امي و قعدت جنبي ارتبكت ما عرفت اش اسوي يعني كلمتها زي ما تقولين ببرود و عادي عشان ما احسس امي بشي و هي قاعده تقول لي ابيك تقول انك تحبني .. ههه ( ضحكة سخريه ) و انا ما اقدر اقول لها احبك و امي جنبي و يوم شفتها ذاك اليوم بالشركه لقيتها تسولف مع راكان و مطيحه الميانه ادخلتني مكتبي و هزأتني شوي و راحت بدون ما تعطيني فرصه وحده ادافع عن نفسي .. ليان : يا الله اش هالحظ .. كل هذا صار ..؟ اش رايك اكلمها ؟ إبراهيم : لاا ما ابي ادخلك بمشاكلنا .. اصلاً هي هددتني اني ما اعلمك .. ليان : هههههه هددتك ؟! .. طيب اجل اشلون بتحلها .. إبراهيم : مع الوقت رح تنحل اذا جيت اخطبها .. ليان : زين متى بتخطبها ..؟ إبراهيم : شوفي بقولك سر صغير و يا ويلك تعلمينها اياه ابيه مفاجأه لها .. أنا قاعد ابني فله صغيرة و حلوه لنا هذي رح تكون بيتنا انا و إلهام انا انتظر هالفله إلين تخلص و بعدها على طول رح اخطب إلهام .. ليان : ههههههههه حركااات والله طلعت رومانسي .. بس اش يمنع تخطبها اللحين ..؟ إبراهيم : ههههه لااا انا ابيها تطلع من قصرها الى قصر احلى منه .. ليان : إلا وش اخبار الهنوف ؟ إبراهيم : أي الهنوف ؟ ليان : اش دعوه نسيتها اخت مرت اخوك .. إبراهيم : ايييييه عرفتها .. اش مدريني عنها ؟ ليان : مجرد سؤال ما البنت مسكينه تحبك .. هههههههههه .. إبراهيم : خخخخخخ بس انا ما احبها و بعدين كثير بنات يحبوني .. ليان : هههههه بدينا بالغرور .. أي كثير بس صدقني ما رح يحبك احد اخلص و لا احن من إلهام .. إبراهيم : مخلصه و انا شايفه مع راكان ..؟ ليان : لا حول الله .. اشلون افهمك أنا ..؟ | |||||||||
|
| |
|
26-03-15, 11:59 PM
| #25 | |||||||||
| نجم روايتي ومشرفة سابقة وفراشة متالقة بعالم الازياء
| (( الفصل الخامس و العشرون )) " ببيت إلهام بعد العشا قرر ابو رائد يفاتح بنته بالموضوع .." إلهام : هلا يبا نورت غرفتي اول مره تجيها .. ابو رائد : الله يخليك لي يا بنيتي حبيبتي .. إلهام : تسلم يبا .. هو في شي عشان جيت غرفتي ..؟ ابو رائد : بصراحه أي .. جايب لك خبر حلو .. إلهام : قول اسمعك .. ابو رائد : ولد عمك تقدم لك و يبيك على سنة الله و رسوله هاا وش قلتي هم يبون ردك بكرة .. إلهام ( صعقها الخبر ) : انت فاجأتني يبا .. لكن ردي معروف انا ما ابي سعود لو كان اخر رجال بالدنيا .. ابو رائد : ليش يا بنتي الولد شاريك .. إلهام : لا يبا مستحيل اعيش معه ببيت واحد لو ايش ما يصير .. ابو رائد : عالاقل فكري لين بكره يمكن تغيرين رايك فيه .. واذا تبين وقت زياده بعد ممكن .. إلهام : لا مو مسألة وقت أو تفكير انا ما ابيه و انا مقتنعه بهالشي لو تعطيني مهله سنه افكر ما رح اغير رايي .. ما حبيته و هذي المشكله قلبي ما يبيه .. ابو رائد : هذا اللي كنت خايف منه .. إلهام : ليه في مشكله لو رفضت ..؟ ابو رائد : مشكله و مشكله كبيرة بعد برفضك هذا رح تشعلين نار الحرابه بيني و بين اخوي و رح تصير مشاكل مالها اول و لا اخر مو كذا و بس حتى اخوانك رح يقطعون علاقتهم بعمهم و عيال عمهم و عيال عيال عمهم و هذا حرام ما يرضاه ربك غير اني ما صدقت على الله يرجع اخوي و نفتح صفحه جديده كان كافي علي 22 سنه قطيعه كنت كل يوم اتعذب و السبب اخوي لاني ما نسيت وصيت الوالد و الوالده الله يرحمهم كانوا دائماً يوصون نكون مع بعض دايم على الحلوة و المرة و ما نفترق انا و اخوي ابد مهما صار .. و انتي عاد يا بنتي شوفي اش رح تختارين ؟ إلهام : بعد كل الكلام اللي قلته ما ادري اش اقولك .. ما ابي اكون انا سبب عداوه تصير بينك و بين عمي .. بس مع ذلك أنا ما احب سعود و لا ابيه و لا اواطنه حتى .. ابو رائد : ما تدرين يمكن ربي يبي لك هالشي و ما تدرين يمكن يصير خير .. شوفي صلي صلاة استخارة ان ارتحتي معناته توكلي على الله و وافقي و ان ما ارتحتي خلاص رح نرفض و نواجه اخوي و الله رح يكون معنا .. أو انك تحاولين تقنعين سعود انه يتراجع عن فكرة الزواج هذي .. إلهام : طيب يبا رح احاول اقنعه يتراجع و ان ما نفع رح اصلي استخارة و اشوف ربي اش كاتب لي .. ابو رائد : معناته اتفقنا .. " بعد ما خلص ابو رائد من إلهام راح يكلم خالد ويشوف رايه .." ابو رائد : وش رايك ؟ خالد : لا يبا شكرا ما ابي اتزوج .. ابو رائد : انت ما تبي تتزوج و لا ما تبي بنت عمك ..؟ خالد : والله في الحقيقه .. و بدون زعل انا ما ابي بنت عمي لانه اول شي اكبر مني بسنه ثاني شي انا في ببالي وحده و متفق معها اني اخطبها .. ابو رائد : ما شاء الله يعني انت تكلم بنات ..؟ خالد : لا مو كذا هذي البنت من خويات إلهام .. يعني إلهام قالت لها .. ابو رائد : مع اني ما ادري اشلون صار و خطبت بدون ما ادري بس رح امشيها لك هالمره و الزين بالموضوع ان عمك ما اصر عليكم لان البنت اكبر منك .. خالد : يعني لو اصر عمي كنت رح تزوجني غصب ؟ ابو رائد : الظاهر كان كذا .. خالد : اجل الحمدلله انه ما اصر .. ابو رائد : ههههههههه .. --------------------- " باليوم الثاني افتحت الجامعات ابوابها و التقوا و اجتمعوا شلة بنات الشرقيه مره ثانيه .." إلهام : الله احس اني مشتاقه للجامعه .. ليان : مالت عليك و على احساسك .. في احد يشتاق حق وجع الراس .. وين ايام الاجازة و قعدات البحر .. إلهام : أي مو قعدات البحر اللي ودتك بداهيه .. ليان : لا والله .. هديل : بس انتي وياها كأنكم بزارين تتهاوشون .. إلهام و ليان : هههههههههههههه .. شهد : هههههههههه حبيبتي هدول قاعدين يمزحون .. هديل : ها ها ها ها أدري انهم يمزحون .. شهد : بنات يلا علموني اش آخر اخباركم .. هديل : شوشو احنا جايين ندرس مو نطق حنك .. شهد : يا حبيبتي يا هدول باقي ساعه عن المحاضرة بطلي الدفاره حقتك هذي و خلينا نعرف الاخبار .. يلا قولوا اسمعكم .. ليان : هههههه حطمتيها .. هديل : لا معليه انا اعرف اشلون اتصرف معها بعدين .. ليان : ههههههههههههه يا ويلك منها يا شهد .. شهد : ههههه لا اعرفها ما رح تسوي شي .. و بعدين لا تضيعون السالفه و علموني باخباركم .. ليان : مصره البنت الا تعرف اخبارنا .. اجل انا رح ابدأ .. بالنسبه لي ما صار لي أي شي مهم غير المجنون اللي يلاحقني و من بعد ما كلمت هديل عنه اختفى ما عاد شفته .. هديل : أي زين انه راح .. شهد : مسكين .. العاشق الهايم بـ ليان .. ليان : ههههه اقول ما بقى الا هو .. شهد : ههههههههه زين زين .. و انتي الهام اش صار معك ..؟ إلهام : ما صار شي مهم بس انخطبت .. ليان ( حطت يدها على قلبها ) وشو؟! انخطبتي ؟ من هو ان شاء الله ؟ إلهام : ولد عمي سعود و أنا مجبورة اوافق .. شهد : يعني وافقتي ؟ هديل : يا ويلي عليه ابراهيم .. إلهام : لا لسا ما وافقت .. ليان : و تقول لي لسا اش فيك تتكلمي ببرود .. انتي مو تحبين ابراهيم ؟ المفروض ترفضين على طول .. إلهام : وش اسوي مو بكيفي للآسف .. رح احاول اقنعه انه يتراجع عن فكرة الزواج مني هديل : وإن رفض انه يتراجع .. بتوافقين عليه ..؟ إلهام : رح استخير ربي و اشوف .. ليان : لا إله إلا الله .. انتي تمزحين صح ؟ إلهام : لا والله ما امزح هذي الحقيقه .. ليان : وين حبك لإبراهيم ..؟ إلهام : مو بإيدي اش اسوي طيب ؟ لو انه سمع كلامي وجا و خطبني يمكن ما صار اللي صار .. شهد : اش اللي يمنعك ترفضين ؟ ما تقدرين تقولين ما ابيه و تنتهي السالفه؟ إلهام : يا ليت لو بهالبساطه .. " حكت لهم إلهام كل شي و ليش لازم ترتبط بسعود .." ليان : لالالا ماني قادرة اصدق اللي تقولينه .. يعني لازم تترجينه اللحين و لا تتزوجينه .. إلهام : شكله هذا اللي بيصير .. أنا ما قلت لكم انه مره لقيته بالمطبخ و قال لي انه يبيني و انا رفضته بعدين قال انتي رح تصيرين لي رضيتي او لا .. هههه و راحت علي يا ليتني ما تحديته .. شهد : لا تلومين نفسك هذا قدر .. والله انه شي عظيم رح تضحين بسعادتك عشان ابوك .. إلهام : صحيح ما ابي اكون سبب لأي مشاكل .. يا رب ان سعود يكرهني و يرفضني .. هديل : اول مره اشوف احد يدعي مثل هذي الدعوه .. بس حالتك خاصه .. " إلهام بكت لا إرادياً و كان منظرها مره يكسر الخاطر .. والبنات قاعدين يحاولون يهدونها .." ليان : خلاص إلهام ما اتحمل اشوف دموعك .. شهد : أي والله لهو ترى ما يسوى علينا .. هديل : تكفين إلهام لا تزعلين وان شاء الله ان سعود هذا يتراجع بس تفائلي .. إلهام ( بصوت كله حزن و دموع ) : ما اقدر ما اقدر بجد .. كنت اول افكر اني بعيش حياتي مع ابراهيم و رح نكون مبسوطين و كنت افكر ان اللي ابيه دايماً يصير ما دريت ان الحياة صعبه كذا و ش اقسى من انك تعيشين مجبورة مع انسان ما تطيقينه ؟ ما اقدر اتخيل نفسي معه .. شهد : لهالدرجه تكرهينه ؟ إلهام : انا ما ابي اكره احد بس هو خلاني اكرهه غصب احسه يسوي كذا بس عشان يثبت لي انه قد كلمته .. كل هذا على حساب سعادتي هو اناني ما يحب الا نفسه .. هديل : بس اهدي ان شاء الله خير .. ليان : يلا روحي الحمام و اغسلي وجهك و روقي ما بقى شي عن المحاضرة .. إلهام : والله ما لي خلق احضرها .. شكلي بروح البيت .. هديل : لااا لازم تحضرينها هذي مهمه و رح تجي باختبارات السنه .. لا تضيعين مستقبلك .. شهد : بعدين تروحين البيت ليش ؟ مو يمكن تحصلينه هناك ؟ إلهام : اوك اوك معكم حق خلاص بحضرها .. " راحت إلهام عالمحاضرة و ما كان لها خلق و لا ركزت حتى كان كل همها انو اشلون تقنع سعود يتراجع .. و بعد انتهاء المحاضرة .." هديل : وش هالمحاضرة ؟ فيها معلومات اش كثرها اذاكر وشو و اخلي وشو ؟ شهد : يعني اني كنت منتبها اللحين و الله و لا ادري وش السالفه .. ليان : يعني إلهام شوفي حالتها تكسر الخاطر من حقها ما كانت منتبها بس انتي ليه مو منتبها ؟ شهد : ما رح اعلمكم شي خاص .. هديل : ايه فهمنا .. يا حظ اللي ماخذن عقلك .. ليان : إلهام اش فيك من يوم طلعنا و انتي ما نطقتي بحرف ..؟ إلهام : ما فيني شي بس شايله هم .. شهد : نصيحه مني لا تحملين نفسك أي هم هذي الدنيا و كلها هموم .. هديل : أي صح و اصبري و اخرة الصبر خير ان شاء الله .. إلهام : ان شاء الله .. يلا رح اروح اكيد السواق وصل اللحين .. ليان : و احنا بعد رايحيين .. إلهام : اذا تبون اوصلكم يلا .. شهد : لا تسلمين انا و هديل رح نروح مع بعض .. ليان : و انا السواق رح يجي ما رح يطول .. انتي روحي بس و لا تشغلين بالك .. إلهام : طيب .. اه لحظة قبل لا انسى ليون تكفين ما ابي ابراهيم يدري عن شي اوك ؟ ليان : ليه ما تبينه يدري وش فيها لو درى ؟ إلهام : ليون الله يخليك ما ابي مشاكل زيادة .. ان صار و صار الله لا يقدر و تزوجت اسعود ساعتها بيدري لحاله .. ليان : ليه ما يدري اللحين يمكن يقدر يسوي شي .. إلهام : اه اه يا ليون راحت عليه كان يقدر قبل هالسالفه بس اللحين ما بإيده شي إلا انه يروح و يذبح سعود طبعاً اذا قلتي له .. ليان : خلاص خلاص ما رح اقول له شي .. إلهام : زين .. يلا مع السلامه .. " لما طلعت إلهام تدور على سيارتها ما لقتها و تدق على السواق ما يرد و هذا كله تدبير من سعود .. و هذي هي الصدمه شافت سعود ينتظر برى استغربت اش عنده ما حبت تشوفه ابد لكنه دق عليها .." إلهام : آلو .. من معي ..؟ ( طبعاً إلهام ما كان عندها رقمه ..) سعود : يا هلا بها الصوت اللي اطربني يا هلا بالحبيب اللي على الدوم اطريه .. ما عرفتيني انا سعود هذا رقمي .. إلهام ( بخاطرها : ودي اقفل الجوال بوجهك لالا ودي اجيك و اعطيك ذاك الكف ..) : نعم اسعود اش تبي اشوفك محضر عندي بالجامعه خير ان شاء الله ..؟ سعود : يلا تعالي انا برجعك البيت .. إلهام : تستهبل انت ماني بجايه السواق شوي و يكون هنا .. سعود : السواق ما رح يجي انا قلت له لا تجي و اخذت جواله بعد .. إلهام : اجل رح ادق على خالد يجي ياخذني .. سعود : الهام لا تكبرين الموضوع دام اني انا جيت فمعناته تعالي ليش تشغلين اخوك و هو حده مشغول .. بعدين لا تنسين انتي خطيبتي اللحين و في اشياء لازم نتكلم فيها .. إلهام ( بخاطرها : ياشين خطيبتي من فمك و الله ما اتشرف فيك لكن حتى انا في كلام ابي اقوله لك و يا رب تكرهني ..) : خلاص انا جايه وين السيارة ؟ سعود : انتي تشوفيني اللحين صح ؟ إلهام : أي .. سعود : تعالي لي و انا بدلك على السيارة .. إلهام : هذاني جايه .. ( لما وصلت له ) : يلا امش خل نروح السيارة .. سعود : ليه مستعجله حلو المشي معك .. إلهام : لان في كلام ابي اقوله .. سعود : شوفيها السيارة وصلنا .. إلهام : ابقعد ورى .. سعود : لأ ما رح تقعدين ورى و كأني سواقك رح تقعدين قدام .. إلهام : ماني بقاعده إلا ورى رضيت ولا بكيفك انا ما قلت لك تعطي السواق اجازة و تجي انت بداله .. " سعود مسك ايد الهام و اجبرها تقعد قدام جنبه.." إلهام : والله ما انسى لك هالحركه .. سعود : معليه معليه انا بصير زوجك قريب خلينا نتفاهم .. إلهام : شوف خلينا نتكلم بصراحه .. انا تحديتك و انت فزت و انا اعترف بهالشي .. يلا اللحين خلاص خلنا ننهي السالفه .. سعود : اش قاعده تقولين انتي انا احبك و ابيك و لاني بمتراجع عن قراري ابد .. اما عن التحدي فما كان يعني لي أي شي .. إلهام : تكفى سعود لا توترني كثر ما انا متوترة .. لعبه و لعبناها و انتهت خلاص .. سعود : الهام ليش انتي مو قادره تفهمين انا بصير زوجك .. إلهام : أنا ما ابيك طيب ما اطيقك ما اواطنك ابد اش تبي بوحده ما تحبك .. سعود : مع ذلك ابيك و احبك بعد لا احبك حيل و اموت فيك و اعشقك .. إلهام ( نرفزها كلامه و عصبت ) : سعود اترجااااك لا تقعد تلعب فيني .. ما رح تقنعني انك تحبني .. حتى لو كنت تحبني صدق انا ما رح احبك لو كنت اخر رجال بالدنيا .. سعود : هههههه رح تحبيني مع الوقت .. إلهام :مستحيل احبك .. سعود : ليش لأ ؟ إلهام : بس .. سعود : في شخص بحياتك صح ؟ إلهام : مالك دخل هذي حياتي و انا حره .. سعود : أنا أسألك بس ما رح اتدخل .. إلهام : و أنا ما رح اجاوب .. و انت ما لك علاقه .. سعود : يا روحي .. يا زينك و انتي معصبه .. إلهام ( هالمره عصبت جد ) : اوووووف انطم ولا ترى بحذف نفسي من السيارة و ارتاح منك .. سعود : ههههههه لا لا خلاص بنطم و لا تزعل حبيبتي .. " إلهام كانت حييييييل معصبه و ماسكه نفسها بالقوة بأسلوبها هذا ما عمرها رح تقدر تخلي سعود يكرهها .. هذي المشكلة ان اسلوب إلهام بريء جدا يعني اذا عصبت كأنها ما عصبت و بكلمه وحده تقدر تهديها .." " لما وصلها البيت كانت حدها متضايقة و كارها عيشتها راحت و صكت على نفسها باب الغرفه و لا اكلت شي و بالليل لما رجع رائد استغرب عدم وجود إلهام ما شافها ماهي عادتها .. فراح يشوف اش فيها .." رائد : علميني اش فيك ؟ إلهام : ما فيني شي .. رائد : اشلون ما فيك شي مبين انك متضايقه واجد حتى انه اول مره اشوفك متضايقه كذا .. إلهام : صدقني ما فيني شي .. ما ابي اقولك أي شي لاني ما ابي السالفه تكبر .. رائد : السالفه ما رح تكبر و بطلي تخافين علينا و خافي على نفسك اشوي .. إلهام : ما ادري اش اقول و اش اخلي .. انا مجبورة اتزوج سعود ولد عمي و انا ما ابيه و انت تعرف ليه .. رائد : ايش ؟! و مين اللي اجبرك ؟ إلهام : القدر اجبرني .. رائد : إلهام علميني بالسالفه كلها .. " قالت له طبعاً كل شي و قالت له انها حاولت مع سعود .." رائد : الواطي سعود ما توقعته كذا .. إلهام : المهم لا تضايق عمرك و اذا كان قدري مع سعود فأنا راضيه بحكم ربي .. رائد : طيب خليني اكلمه .. إلهام : لأ رائد تكفى ما ابي مشاكل .. ما اتوقع يسمع كلامك اصلاً .. رائد : خليني رح احاول .. إلهام : لا ما ابيكم تكرهون بعض او تقاطعون بعض و انا السبب .. رائد : لا تخافين رح اكلمه بالطيب .. ........يتبع ـــــــــــــــــــــــــ ـــــــــــــــــــــــــ ــ متابعة طيبه انتظر توقعاتكم | |||||||||
|
| |
|
27-03-15, 12:04 AM
| #26 | |||||||||
| نجم روايتي ومشرفة سابقة وفراشة متالقة بعالم الازياء
| (( الفصل السادس و العشرون )) " ما كملنا اش صار مع راكان اللي لا زال يعيش بأحلامه بس باين انه يحبها فعلاً لدرجة انه كتب فيها هالقصيده .." الزمن و الوقــت كــان بغيابــك قــاسي .. صار ما له طعم دونك يا أغلى الحبايب .. أنا اللي حبيتك موت إن كنـت نــاســي .. أنااللي إنتظرت جيتك يوم كنت غايب .. لو أشوفك بس للحظه يعذبني إحساسي .. ولو شفتك كل يوم بتسوي فيني العجايب . إنت روحي وعيوني و هواي و أنفاسي .. إنت قريبي اللي صرنا له أعز القرايب .. كل ما افكر بك اوجعني قلبي و راسي .. تعبت افكر بحظي معك و إنه خايب .. تعبت و أنا أغليك أكثر من هلي و ناسي .. تعبت افكر ليه أحبك و أعد السبايب .. تعبت امسح الدمعه و لا القى من يواسيني .. تعبت أعيش بدونك بلا نسمه هبايب .. أنت ما عرفت دنياي و لا أصلي و ساسي .. حبيبي ترى الدنيا مليانه صدف وغرايب .. وصدفتي الغريبه لقيتك نبض لإحساسي .. و لقيتك بغـــرام اللـــي أجهـــله ذايــب .. هذي دنياي يا حبيبي ليتك تجرعتي كاسي .. و أتعرف اش قد أنتظرك يا حبي الغايب .. " سمع وليد كل هالكلمات ما صدق ان راكان قاعد يقولها حس فيه انه بجد يحبها و اول مره يشوف شخص يحب كل هالحب .." وليد : الله الله الله .. صاير تقول اشعار و قصايد .. راكان : انت .. من متى هنا ؟ وليد : من يوم قلت [الزمن و الوقــت كــان بغيابــك قــاسي ....] .. راكان : يعني سمعت كل اللي قلته .. وليد : أي سمعت و قصيدتك حلوه على فكرة .. راكان : ما كان ودي تسمعها .. وليد : ليه ..؟ بالعكس انا اقدر انك تحب .. بالبدايه فكرتها نزوة بس اللحين تبين لي انه عكس كذا .. راكان : الحمدلله اللي فهمتني اخيرا .. أنا من اول ما شفتها بالطيارة ما ادري كان في شي يجذبني لها حتى لو بينت لكم اني اكرهها .. وليد : أنا ما عندي مانع انك تحب بس البنت ما تحبك انت قاعد تعذب نفسك و بس .. راكان : بس أنا احبها ورح اضل احبها لآخر يوم بعمري .. " شهد كانت تبي تدخل عليهم فسمعت آخر جمله قالها راكان .." شهد : تحبها..؟! و لآخر عمرك ؟! مين ؟ لا تقول لي إلهام لأنه ما رح يصير بينكم نصيب لو مهما صار .. راكان : ليش تقولين كذا ؟ شهد : لانها رح تنجبر تتزوج ولد عمها فأحسن شي لك انك تنساها و لا تفكر فيها ابد .. كافي انها تحب شخص و ما رح تقدر تكون له .. راكان : انتي اكيد تقولين كذا عشان اكرهها و تبعديني عنها .. شهد : ههه كيفك لا تصدقني رح تسمع خبر زواجها بعدين لا و يمكن يعطونك كرت دعوه بعد .. " راكان عصب و صكت فيه الدنيا و طلع من الغرفه لا و طلع من البيت بكبره و راح على ذاك المكان اللي قعد فيه مع إلهام راح عالبحر يتذكر ذاك اليوم و يمكن هذا اللي بقى له من إلهام .. قعد شوي وهديت اعصابه شوي ففكر يدق على إلهام و دق عليها طبعاً .." إلهام : آلو .. من معي ؟ راكان : مرحبا .. أنا راكان و سوري لاني اخذت رقمك بدون ما تدرين اذا تتضايقين اوعدك امسحه .. إلهام : لا لا عادي اعتبرك مثل خالد اخوي مافي أي مشكله .. راكان ( لا تقولين اني مثل خالد لا تحرقين قلبي ) : أنا بس حبيت اطمن عليك يعني .. بعدين كأني احس صوتك مليان حزن .. إلهام : صحيح لانو اول مره يصير لي شي انا ما ابيه .. راكان : أنا اللحين بالبحر نفس مكاننا ذاك اليوم اذا تحبين تقدرين تجين و تسولفي لي عن وجعك .. إلهام : اكيد .. لاني محتاجه لشوية هوى خنقني البيت و متضايقه بالحيل.. يلا نص ساعه بالكثير و اكون عندك .. راكان ( الله لا يجيب ضيقه لقلبك ليته فيني و لا فيك يا الغاليه ) : انا بإنتظارك .. " راكان كان طاير وناسه و في نفس الوقت متضايق لانه ما رح يشوف إلهام بعد كذا .." ---------------------- " في بيت ليان كان نواف يترجى ليان عشان تسوي موعد بينه و بين خطيبته هديل .." ليان : يااااااااا ربي ماااااااالي خلق .. نواف : تكفين طلبتك و لا بقول حق رندة .. ليان : روح قول حق رندة ماحد ماسكك .. نواف : المشكلة انها صغيرة و تستحي .. يلا عاد وافقي ما عمري طلبت منك شي غير هالمره .. ليان : خلاص رجيتني اش اسوي لازم اوافق يلا .. نواف : طيب دقي عليها .. ليان ( باستغراب ) : و انت ما دقيت عليها و جاي تترجاني .. نواف : خفت ادق عليها تفهمني غلط .. ليان : ياربي اش هالتفكير صاروا الشباب هم اللي يستحون و ذابحهم الحيا .. نواف : بتدقين عليها و لا لأ ؟ ليان : لا اكيد بدق عليها اش اسوي بعد .. " مسكت الجوال و دقت على هديل ما كان عندها حل .." هديل : هلا ليان اش اخبارك ؟ ليان : هلا بك أنا زينه انتي اشلونك ..؟ هديل : الحمدلله طيبه .. ليان : اش رايك لو نطلع انا و انتي و .... هديل : و ... ايش ؟ ليان : انا و انتي و نواف اخوي .. مسكين يبي يقعد معك شوي .. هديل ( بتردد ) : طيب .. انا ما .. عندي .. مانع بس أسأل امي و برد لك خبر .. ليان : يا حليلك ما بغت تطلع منك الكلمه .. ع العموم استنى ردك و احنا اللي رح ناخذك في حال وافقوا اوك .. هديل : ان شاء الله خير .. أم هديل : مين ؟ هديل : هذي خويتي ليان اخت نواف تقول انها تبيني اطلع معها و مع نواف يبي يقعد معي شوي .. أم هديل : أي عادي روحي دام ليان بتجي معكم .. هديل : ابوي ما رح يقول شي ؟ أم هديل : لا ما اظنه يقول لاني يوم خطبني زمان كنت اطلع معه عادي .. يلا روحي و لا تشيلين هم .. " ليان جاها مسج من هديل بالموافقه .." ليان : نواف يلا خل نمشي وافقت هديل .. نواف : الحمدلله .. خفت لا يطلعون اهلها معقدين .. ليان : ههههههه حلوه معقدين .. ما شاء الله اول مره اشوفك مبسوط كذا .. نواف : أي لاني بشوف حبيبتي .. ليان : ههههههههههههههههههههه .. و من متى كانت حبيبتك ؟ نواف : من يوم خطبتها .. ليان : ههههههههه والله انكم تهبلون اجل يلا خل نروح لا نتأخر على البنت .. نواف : يلا .. ابد ما ودي نتأخر عليها .. -------------- " وصلت إلهام البحر و بسرعه لقت راكان لانه كان بنفس المكان .." إلهام : هلا راكان هاا اش اخبارك ؟ راكان : الحمدلله ( شوفتك ترد الروح وصرت زين ) و انتي ؟ إلهام : تمام .. للحين متحمله الدنيا .. راكان : خلينا نقعد هنا زي ذاك اليوم قدام البحر و احكي لي كل اللي بخاطرك .. إلهام : بقعد وش وراي .. اما عن اللي بخاطري فهي أشياء كثيره .. تدري أول كنت مبسوطه و ماني حاسه بأي مشكله كنت عايشه زي ما تقول بسعاده كبيره و لا هامني شي بس يوم جا ولد عمي احس كأني عشت بجحيم .. صكت الدنيا فيني .. و كبرت عشرين سنه قدام .. راكان ( ما تحمل و كان رح يخربها و قال لها بنفس شينه ) : كل هذا عشان انك بتتزوجينه ؟ و لا لأنك رح تخسري ابراهيم ؟ إلهام : من وين سمعت ؟ شهد قالت لك ؟ راكان : لا ما قالت لي بس زلت لسانها .. إلهام : ع العموم مو مهم .. المهم اني ما ابي ولد عمي و صحيح الدنيا صكت فيني لاني رح اتزوجه و رح اخسر ابراهيم .. وانت تعرف ان اللي في قلبي انسان واحد ( تنهدت بقوه و قالت بحزن ) : تصدق اني اشتقت له اشتقت له حيل ودي انام واصحى و القاه هو اللي جاي يخطبني مو ولد عمي .. راكان ( ما قدر يتحمل لكن مسك نفسه وقال بعصبيه مبالغه ) : طيب ليش ما خطبك من اول ؟ إلهام ( استغربت اسلوبه ) : ما ادري هو قدر ما ادري هو حظ او يمكن ما يحبني و لا عمره حبني .. ما ادري بس مع ذلك انا اموت فيه اعشقه .. راكان ( زاد عصبيه ) : بس لا تقولين انك تحبينه هو ما يستاهلك لانه ما جا و خطبك بالوقت اللي كان لازم يجي فيه .. إلهام ( طنشت عصبيته و لا حاولت تفسرها ) : ما له ذنب ما يدري ان هذا بيصير معي .. راكان : لا تدافعين عنه هو ما يستاهلك .. إلهام ( تنهدت و سكتت و عيونها امتلت دموع ) راكان : أنا آسف ما قصدت سامحيني لاني عصبت بس لانك كسرتي خاطري .. إلهام (تمسح دموعها) : لا تعتذر انت معك حق في بعض اللي قلته .. راكان : خلاص ما ابي اشوف عيونك مليانه دموع ابي اشوفها مليان فرح مثل ما تعودت و ين الوناسه و الفله و الضحك اللي كنت اشوفها فيك ؟ لا تزعلي اضحكي للدنيا .. إلهام : هههه كلامك يضحك ..( راكان طالعها باستغراب و حز في خاطره من كلامها ) ما اقصد ترى أي شي يزعلك لا تفهمني غلط بس حبيت اني اضحك .. راكان : فداك اضحكي هذا اللي ابيه .. إلهام : اوووه ما انت بهين .. تعرف اشلون تفك ضيقة المهموم والله .. طيب بما اني صرت رايقه شوي ابيك تحكي لي انت عن حبيبتك ما امدانا ذاك اليوم نتكلم عنها .. بس بسألك انت تكلمها ؟ راكان : أحياناً .. أنا ابي اكلمها و ابي اشوفها بس اخاف ترفض .. إلهام : انت ما سألتها .. اسألها يمكن ما ترفض ليش ما تكون متفائل .. تعبت و انا اقول لك اسألها .. راكان ( لو ما كنت متأكد من شعورك كان سألتك اللحين ) : لا انا عارف جوابها رح ترفض لاني سألتها من قبل .. إلهام : يعني انت تحب تشوف حبيبتك دائما و هي اللي ترفض ؟ راكان : أي بالضبط كذا .. قلت لك هي ما تحبني .. إلهام : بصراحه حبيبتك اسمح لي اقول ما عندها عقل اذا كانت فعلا رفضت حبك .. لا و رفضت تشوفك بعد .. حبيبتك هذي نفس ابراهيم أنا احبه و ابي اشوفه و هو يرفض .. راكان : تصدقين اليوم كتبت فيها ابيات تبين اسمعك اياها ..؟ إلهام : أي ياليت .. قول انا احب الشعر و القصايد .. " راكان قال لها قصيدة الزمن و الوقت اللي ذكرتها سابقاً ص256 .." إلهام : الله قصيده مره روعه ان شاء ان حبيبتك هذي تستاهل هالقصيده .. راكان : لا من ناحية تستاهل هي تستاهل يوم عن يوم احبها اكثر و كل يوم يزيد حبي لها مع اني ماني ضامن اذا رح يجمعنا القدر و لا لا .. إلهام : يا الله اش قد احساسك باللي تحبهم حلو .. بعدين هالكثر انت مشتاق لها ..؟ و هالكثر هي بعيده عنك ؟ راكان : من ناحية مشتاق فأنا على طول اشتاق لها بس ما اقدر اوصل لها متى ما ابي .. اما عن بعيده فهي اقرب لي مما تتصورين لكنها ما تحس فيني .. إلهام : اشلون كذا ؟ اشلون حبيبتك هذي عديمة احساس و ما حست فيك ؟ راكان : لا لا تسمينها عديمة احساس لانها بالعكس هي منبع الاحساس و كلها احاسيس بس يمكن في بحياته شخص ثاني و هي ما لاحظتني .. إلهام ( بكل كلمه يقولها يزداد شكها اكثر و اكثر ) : جاني فضول اعرف من تكون ؟ قول لي اسمها .. حتى لو ما اعرفها .. راكان : رح تعرفين اسمها بس مو اللحين .. إلهام : هههه رح اعرف .. تدري .. فكرت .. ان هذي البنت اللي تحبها محظوظه فيك .. راكان : ليش فكرتي كذا ؟ إلهام : ما ادري .. يمكن لانك انسان منفتح و حساس و اهم شي تعرف تحب .. راكان : ههههههههه.. ليش ابراهيم ما يعرف يحب ؟ إلهام : اقول لك بس خليها سر بينا .. هو ما يعرف يوصل احساسه للي يحبه بسهوله انا احسه كذا .. راكان : شكلك اخترتي انسان صعب .. إلهام : معك حق اخترت الصعب .. راكان : انتو كذا يالبنات ما تحبون الا واحد تتعذبون بحبه إلين توصلون له .. إلهام : هههههه يمكن .. بس الحب بدون عذاب ما رح يكون حب .. راكان : و انتي قلتيها اقرب مثال انا اتعذب كل يوم الف مره .. إلهام : انت علمني بس من هي البنت و انا اخليها تحبك .. راكان ( هي انتي بس اشلون رح تحبيني ) : اشلون رح تخلينها تحبني ..؟! إلهام : علمني و خل الباقي علي .. راكان : ما رح تقدرين تخلينها تحبني .. انتي بس تبين تعرفين من هي .. إلهام : مصيري رح اعرف .. راكان : هههههه ذابحك الفضول .. ( بعد دقايق ) تعبت من القعده اش رايك نتمشى ..؟ إلهام : ليش لأ يلا .. ـــــــــــــــــــــــــ ـ | |||||||||
|
| |
|
27-03-15, 12:05 AM
| #27 | |||||||||
| نجم روايتي ومشرفة سابقة وفراشة متالقة بعالم الازياء
| (( الفصل السابع و العشرون )) " بالمطعم كانت ليان و هديل و معهم نواف يتعشون .." ليان : الحمدلله انا شبعت و بروح الحمام .. " بعد ما قامت ليان و راحت كانت هديل تبي تروح مستحيه تقعد مع نواف لحالها .. اصلاً ليان راحت بس عشان تخليهم لحالهم شوي .." نواف ( يكلم هديل ) : انتي لا تروحين انا استنى هاللحظه اننا نقعد لحالنا لان في كلام بخاطري ودي اقوله .. هديل : قول .. اسمعك .. نواف : يا زينك .. تستحين مني انا بصير زوجك .. هديل : عاد لازم استحي الحيا بكل البنات .. نواف : تهبلين و انتي مستحيه .. طيب يصير أكلمك بالجوال و لا لا ؟ هديل : لا عادي دام اني طلعت معك فعادي تكلمني .. نواف : تمام معناته رح اسمع صوتك كل يوم .. هديل ( بكل جرأه خطر ببالها هالسؤال ) : انت تحبني ؟ نواف : اش هالسؤال هدوله لو كنت ما احبك كان خطبتك ؟ هديل : احب اسمعها منك .. نواف : ايييييه قولي كذا طلعتي مانتي بسهله ههههه.. معناها أي انا احبك و اموت فيك .. هديل : هههههه .. ما انا قاعده احاول اكون قريبه منك .. نواف : طيب بدايه حلوه .. اللحين انتي قولي لي تحبيني ؟ هديل : أنا أي .. نواف : أي وشو ؟ هديل : أي أي .. نواف : لأ قوليها زي ما انا قلتها .. هديل : ههههه احبك .. نواف : الله يا حلاة الكلمه من فمك .. هديل : تسلم .. ما كأن ليان تأخرت ؟ خلني اقوم اشوفها .. نواف : خليها احنا مرتاحين كذا .. هديل : ههههه ما عرفتك انك كذا .. ما يصير و عيب هذي اختك .. " ليان ملت من الحمام فطلعت برى قدام المطعم تشم هوى و كانت منتظرتها برى مصيبه .. كان عامر يترصد تحركاتها ..شافها عامر لحالها فكانت فرصه ما تتفوت للأنتقام و هذا اللي كان مخطط له من البدايه فقال دام انها بنت شوارع رح اخطفها ما رح تفرق عند اهلها و رح انتقم من بدر .." هديل : نواف دورت على ليان ما لقتها بالحمامات .. نواف : ما شفتيها اذا برى قدام المطعم او عند السيارة ..؟ هديل : لأ .. نواف : اجل امشي خل نشوف .. " راحوا ما لقوا ليان بس هديل انتبهت على سيارة مواصفاتها نفس المواصفات اللي قالت عنها ليان عن اللي يلاحقها خافت هديل ما عرفت اش تسوي على طول راحت الحمام و دقت على بدر و قالت له .." بدر : انتي متأكده ..؟ هديل : أي شفت السيارة و اذا تبي بعد اعطيك رقم اللوحه ..؟ بدر : لا ما في داعي .. نواف .. قلتي حق نواف ؟ هديل : لا ما قلت له .. اش بتسوي اللحين ؟ بدر : انا رح اتأكد بنفسي و انتبهي نواف لا يدري عن شي فهمتي .. هديل : طيب ما رح يدري .. بس ارجوك طمني ..معقول تكون مخطوفه و لا انا قاعده اهلوس ؟ بدر : شوفي انتي دوريها بكل مكان و اقعدي دقي عليها و انا بروح و بشوف .. اتفقنا ؟ هديل : خلاص ..اوكي .. " راح بدر ركض على اول مكان فكر ان عامر رح يروحه و هو الاستراحه .." " بالفعل كان عامر خاطف ليان و كان فخور باللي سواه .. كان رابطها بالحبال حتى لا تتحرك .." عامر : يعني انتي اسمك ليان هاا؟ ليان ( تصارخ ) : يالحقير يالواطي يالمختل اتركني ياللي ما عندك ضمير .. يارب يبلاك بخواتك .. عامر : الحمدلله ما عندي خوات .. " ليان قامت تبكي ما هي عارفه اش بيصيراو اش ممكن تقدر تسوي .." عامر : اللحين قمتي تبكين يوم تقابلين بدر تكونين مرررره مستانسه و مبسوطه .. ليان : بدر ! انت تعرف بدر ؟ عامر : ايييه هذا كان خويي الروح بالروح و يكون بعلمك عرفتك عن طريقه .. ليان : الله يلعنك و يلعنه .. عامر : هدي ترانا للحين ما وصلنا الاستراحه و انا بعلمك اشلون تلعنين صح .. ليان : .....اه يالحقير .. عامر : ههههههههههههههههههههه.. " وصلوا الاستراحه و ليان تحاول تقاومه طقته و جرحته و سوت كل اللي تقدر عليه .." عامر : انتي وحده شرسه يبغالك ترويض .. ليان : يالواطي يالحقير .. " و يعطيها عامر ذاك الكف .. كل هذا من حقده على بدر .." عامر : انا بدر يطقني عشان وحده رخيصه زيك .." ليان : اتفوه عليك ما الرخيص الا انت .. " عامر و يعطيها كف ثاني .. و يشد شعرها ....." عامر : انتي مو كفو الواحد يحبك او حتى يعاملك بالطيب .. " و يحذفها بقوه عالارض .. و تقدرون تتخيلون حالة ليان بذيك اللحظه مطقوقه طق مو صاحي .." عامر : بس تصدقين طلعتي مره حلوه خاصه بعد الكف.. " و يحاول يقرب منها .. و ليان تهرب و تشوف صحن زقاير عالطاوله و تاخذه و تحذف عامر فيه .. رمته براسه حتى نزف راسه .." عامر : اخ .. أنا اللحين عصبت منك حيل و لا رح اسكت .. " و يلحقها و هي تهرب و يلحق إلين مسكها و يطقها و يطقها نفس ما طقه بدر .. و تحاول ليان تفلت من ايدينه و قدرت و عفست المكان عليه .. و هو ما قدر على بنت هايجه لانه كان لحاله .." عامر : تعالي يالواطيه يا بنت الشوارع .. ليان : والله ما احد واطي الا انت والله ما اسكت لا اوريك ورح اعلمك قدرك يا الحقير .. عامر : يلا تعالي علميني قدري .. اشوف .. من بيخلصك مني اللحين .. " اشوي الا الباب انفتح الا هو بدر عامر ما توقع ان بدر رح يجي اصلاً ما توقع يوصله خبر اختفائها بهالسرعه .." بدر : انت يالحقير ما تربيت لكن انا اعلمك .. " و يطيح بدر عليه ضرب بغا يذبحه لكن ليان هدته ما بغته يبتلي بدم واحد خسيس .." " اخذها بدر و طلعها برى لما اطلعوا غافلته ليان و عطته ذاك الكف .." بدر ( يحط ايده على خده مكان الكف ) : ليييه ؟! ليان : هذا لانك جبت لي مصيبه هذا لان اللي داخل جا عن طريقك انت .. بدر : والله ما كنت ادري انه واطي .. لمسك ؟ اذا سواها رح ارجع و اذبحه .. ليان : لا و لا يسترجي على جثتي يلمسني .. بدر : بس خلاص لا تبكين اول ما دريت جيتك على طول .. ليان ( محروق قلبها و معصبه حدها ) : انت لا تتكلم مالك حق .. هو ..هو جا عن طريقك انت .. اشلون تكلم خوياك عني .. أنا .. أنا .. انصدمت فيك .. بدر : والله ما كلمت احد عنك غيره الواطي كان هو اقرب شخص لي كنت بس احكي له عن مشاعري و استشيره ما كنت ادري ان الامور بتوصل لهنا .. " لما اركبوا السياره كان بدر عينه على الطريق و عليها كان متحسر و كاره نفسه لابعد الحدود .." ليان : اللحين وين رايحين ؟ .. بدر : بوديك البيت .. ليان : تمزح ؟! و انا بهالحاله ؟ اش تبيني اقول لآهلي ؟ بدر : لحظه جت ببالي فكره بس ان شاء الله ان هديل و نواف بعدهم بالمطعم .. خليني ادق عليها اتأكد .. هديل : هاا .. طمني بدر اش صار ؟ بدر : لقيتها و انا جايبها اللحين .. هديل : وين لقيتها ؟ بدر : مو وقته اللحين .. انتو بعدكم بالمطعم .. هديل : كنا رح نمشي يوم دقيت انت انا رحت الحمام و نواف برى يستناني .. بدر : حلو .. اسمعي ارجعي له و قولي له ان ليان دقت عليك و انها جنب المطعم في شوية عيال طقوها و جت الشرطة و اخذتهم .. فهمتي قولي له اللي قلت لك اياه بالحرف .. يلا ليان برى اطلعوا لها .. " سكر من هنا و نزلت ليان من هنا و قال لها قبل لا تروح .." بدر : انا آسف ما كنت حاب يصير لك هالشي .. و اوعدك بأقرب فرصه رح اجي و اطلب ايدك .. ليان : و لا تفكر أنا عفتك صرت ما ابيك .. بدر : ليان عن العناد ترى عامر ما رح يتركك في حالك انا اعرفه و افضل حل اني اتزوجك .. ليان : لا خله يمكن يذبحني و ارتاح .. بدر : ليان تكفين لا تكبرين راسك .. اللحين روحي اخوك رح يطلع بعد شوي و فكري باللي قلته .. " راحت جنب المطعم و شوي وصل اخوها ما دخلت القصه اللي قالتها هديل مخه بس عشان ما يكبر الموضوع مشا السالفه .." ------------------ " راكان و إلهام اللي يشوفهم يقول حبيبان و الحقيقه العكس .." إلهام : بررررد .. الجو بارد حيل اليوم .. راكان : تبين نروح مكان ثاني ؟ إلهام : لا شكلي بروح البيت .. راكان : لاااا .. اقصد تو الناس .. بعدين انا احب اقعد معك .." اكيد ما وده تروح .. ما صدق لقاها .." إلهام : أي اكيد لاني بنت و انت ما عمرك قعدت مع بنت غريبه صح ؟ و لا انت راعي سوالف بنات .. راكان : ههههههههه لا انا ماني راعي هالسوالف تركتها للي اصغر مني .. إلهام : هههههههههههه يعني انت العاقل اللحين ؟ الا قول لي من جد انت ما عمرك قعدت مع بنت غريبه ابد ..؟ حتى حبيبتك ؟ راكان : لأ ما عمري .. ما ابي هاذيلاك البنات الصايعات .. أنا لأني اعرفك زين احب اطلع معك .. اما حبيبتي ليش الكذب قعدت معها مره او مرتين .. إلهام ( مره ثانيه شكت بكلامه ) : بس انا احس اني اغلط و انا اطلع معك صح ارتاح و انا اكلمك بس الغلط غلط .. راكان : مو مهم المهم النيه .. و انتي ؟ اكيد الوحيد اللي طلعتي معه هو ابراهيم ..؟ إلهام : كنت احب اطلع معه و يكون هو اللي واقف معي اللحين بدالك لا تزعل مني بس هو خلي .. لكن هو ما يحب يطلع يمكن عشان السمعه او شي زي كذا .. انا قعدت معه مره وحده او بالاصح مرتين يوم كنا بكندا قعدت معه 5 دقايق بس و هنا لما زعلت منه رتبت ليان للسالفه و اجتمعت معه .. و آخر لقاء بالمكتب ما اعتبره لقاء لانه كان هواش .. راكان : أي اذكر .. -------------------- " ببيت إلهام كان الوضع متوتر ما بين رائد و سعود لما حكوا بموضوع إلهام .." سعود : بحطها في عيوني و ش تبي اكثر من كذا ؟ رائد : ياخي البنت ما تحبك .. ما تبيك .. السالفه مو غصب .. سعود : الا غصب انا ولد عمها و انا الأحق فيها من الغريب .. رائد ( عصب ) : ليه هي مو بشر ما لها راي ..؟ سعود : انا ما قلت كذا بس صدقني رح تحبني مع الوقت .. رائد : اجل خلينا نتفق من اللحين بعطيك 5 اشهر ان ما حبتك تطلقها .. سعود : ليش 5 شويه مره يبيلها ع الاقل سنه .. رائد : هذا عمر يا سعود خمس اشهر و ما في غيرهم .. سعود : ما رح يمديها تحبني بالخمس اشهر هذي خليها 8 اشهر .. رائد : طيب اوكي اتفقنا .. سعود : طيب اللحين قول لي ليش ما تبيني اتزوجها ؟ و ليش هي اساساً ما تبيني ؟ رائد : ببساطه ما تحبك .. سعود : لا مو هذا السبب .. أنا واثق انه في شخص بحياتها .. و انت تعرفه و تدري .. رائد : هههه قاعد تتخيل اشياء ما لها اساس من الصحه .. سعود : انا مو قاعد اتخيل هذي الحقيقه .. اجل ما تقول لي هي وينها اللحين ؟ و مع مين طالعه ؟ قربت الساعه تدخل على 11 و هي ما بعد شرفت خصوصا ان عندها دوام بكره رائد : ما لك علاقه ياخي بـ هي وينها او مع مين طالعه تراها ما بعد تصير زوجتك ... وبعدين احنا نثق فيها و هي تعرف مصلحة نفسها .. ـــــــــــــــــــــــــ ـــــــــ متابعه ممتعه | |||||||||
|
| |
|
27-03-15, 12:07 AM
| #28 | |||||||||
| نجم روايتي ومشرفة سابقة وفراشة متالقة بعالم الازياء
| اعتذر على طول الغياب ظروف صحيه ولكم تعويض سيل من البارتات متابعه بطعم المرح سعود : انا مو قاعد اتخيل هذي الحقيقه .. اجل ما تقول لي هي وينها اللحين ؟ و مع مين طالعه ؟ قربت الساعه تدخل على 11 و هي ما بعد شرفت خصوصا ان عندها دوام بكره .. رائد : ما لك علاقه ياخي بـ هي وينها او مع مين طالعه تراها ما بعد تصير زوجتك ... وبعدين احنا نثق فيها و هي تعرف مصلحة نفسها .. ــــــــــــــــ (( الفصل الثامن و العشرون )) " إلهام كان ودها تقعد مع راكان اطول مده ممكنه .." إلهام : تصدق لو اقولك ودي اقعد معك هنا ما اروح ما ادري ليه احس اني ارتاح معك .. راكان ( ما صدق نفسه حس بإحساس حلو يغمره ) : أنا بعد و دي اقعد معك اكثر احسك تفهميني بدون ما اتكلم .. إلهام : ههههههههههه بس مع ذلك لازم اروح البيت .. بس قبل خلني اطلب منك طلب ممكن ؟ راكان : اكيد ممكن .. اطلبي أي شي تبينه ..؟ إلهام : تسلم .. هو مو طلب رجاء .. اذا لا قدر الله و تزوجت سعود اكيد ما رح اكون سعيده و رح احتاج لأحد يوقف جنبي و يفهمني مثلك .. رح توقف جنبي و تساعدني اذا احتجتك ؟ راكان : أكيد و لو تطلبين من أي احد رح يساعدك مو بس انا .. إلهام : مشكور .. رح احاول قد ما اقدر اني ما اشغلك .. راكان : لا عادي .. حتى لو كنت مشغول رح افضي نفسي عشانك .. إلهام : اش هذا .. غزل ؟ .. لا تسمعك حبيبتك بس رح تعتبرها خيانه و تتمشكل معك لااا و معاي بعد هههههههه .. راكان : ههههههههه لا مو غزل تقدرين تقولين محبه و انك غاليه .. بعدين حبيبتي ما رح تدري .. إلهام : تسلم هذا من طيب اصلك .. عاد هالمره بجد لازم اروح البيت تأخرت و بكره عندي دوام .. و قبل لا انسى ترى احتمال اغير رقم جوالي لو لا قدر الله تزوجت .. اصلاً سعود من اللحين شاك فيني و انا ما ابي تصير مشاكل بينك و بينه لان هذا سعود شكله مشكلجي .. راكان : ما اقدر اقول شي .. اذا بتغيرينه اوكي .. اهم شي راحتك .. إلهام : مو عشاني صدقني انا بسوي كذا عشانك و عشان ابراهيم بعد .. راكان : اوك و لا يهمك انا فاهم .. إلهام : يلا انا ماشيه .. راكان : طيب اوصلك ؟ إلهام : لا رح ادق على السواق ما يصير توديني البيت اش بيقولون بعدين خصوصاً عمي و عياله.. راكان : لا خليني اوديك لو قرب البيت ما احد بيشوف .. و بعدين يبي للسواق ساعه على بال ما يوصل .. إلهام : طيب زي ما تبي .. راكان : اجل يلا خلينا نروح .. " كان راكان بذيك اللحظات اسعد انسان سعادته ما كانت تنوصف و كأنه كان عايش حلم صعب يتحقق يعشقها يعشق كل ما فيها خاصه عيونها و على طاري العيون صارت هالمحادثه ..لف راكان على إلهام و بنفس الوقت إلهام طالعته و لاول مره جت عينها بعينه بشكل واضح .. من جمال عيونها فقد راكان تركيزه على الطريق .." إلهام : اش فيك ؟ راكان : ما احد قال لك من قبل ان عيونك حلوه حيييييل .. إلهام : هههههههه احرجتني بإطرائك و ترى صاير تتغزل كثييير .. بعدين انتبه على الطريق ما ابي اهلي يكتشفون اني مت جنب واحد يصير اخو صديقتي .. راكان : اسم الله عليك لا تقولين هالكلام الله لا يقدر .. و عيونك مره حلوه تجنن مو إطراء و لا غزل زي ما تقولين بس الحلا دائما يبان .. إلهام :ههههههه بجد خجلتني و احرجتني ..... تمام .. اوقف هنا لا تقرب اكثر ما ابي احد يشوفك .. راكان : بس .. بعيد .. إلهام : معليه ابمشي و انت اذا خايف علي امش وراي .. بس لا تخلي احد يشوفك .. راكان : اوكي ولا يهمك.. إلهام : يلا مع السلامه .. راكان : اشوفك على خير .. " دخلت إلهام البيت و كانت مبسوطه و تحس انها مرتاحه حيل و نست سالفة سعود و خرابيطه .. لكن اول ما دخلت من الباب شافته و تغيرت ملامح وجهها و تكدرت على طول .." سعود : انتي وين كنتي ؟ و مع مين ؟ إلهام : نعم ! من حضرتك عشان تسألني ؟ سعود : أنا اللي بصير زوجك بالمستقبل .. إلهام : معناته لا صرت زوجي ذيك الساعه تعال و اسألني .. عن اذنك بروح انام تعبانه و بكره وراي دوام .. ( سعود : ايه روحي ..اخ بس متى يجي يوم زواجنا رح اعلمك اشلون ترفعين خشمك علي .. بس بصراحه انتي حلوه خيال تهبلين و احبك لااا اموووت باللي رافعه خشمها انا.. اه يا قلبي عليك ..) " راكان وصل البيت و الكل كان قلقان عليه كان مقفل جواله و طلع وهو معصب .." شهد : وينك ياخي قلقنا عليك .. وليد : بعدين ليه مقفل جوالك ؟ راكان : شوي شوي علي انا مبسوووووط مره و ما ابي احد يخرب وناستي .. بروح غرفتي اللحين و الأسئلة هذي ما لها داعي اللحين لاني هذاني قدامكم و ما فيني شي .. " راح غرفته و الكل كان مستغرب اول مره يشوفونه مبسوط هالقد كان رايح فيها و كأنه هيمان .." شهد : بسم الله اش فيه اخوي ؟ جن ؟! وليد : اش اللي خلاه مبسوط هالقد ؟ شهد : روح روح .. روح شوفه ما ادري اش بلاه و طمني عليه .. وليد : اوكي .. " راح له و ليد و كله ذهول و استغراب لدرجة انه قام يكلم نفسه .." وليد : علمني اش صار معك خلاك مبسوط حيل ؟ راكان : اسكت اسكت انا مو مبسوط و بس انا احس اني طاااااير من الوناسه .. اول مره بحياتي استانس كذا .. وليد : طيب علمني اش صار معك ؟ راكان : خلني اعيش اللحظه بس و اتذكر اللي صار .. وليد : طيب إلهام لها علاقه ؟ راكان : لها كل العلاقه انا اللحين كنت جاي من عندها .. لا انا اللي وصلتها عالبيت .. وليد : اش قاعد تقول من صدقك و لا جنيت ..؟ راكان : لا من صدقي .. دقيت عليها و قلت لها اني ابيها تجي ع البحر نسولف اشوي .. وافقت على طول كانت متضايقه و محتاجه انها تطلع .. و جت و سولفنا و استانسنا و تمشينا عالبحر .. الله هذا احلى يوم بحياتي .. اسكت .. جاني إلهام اكتب قصيده .. ههههههههههه يضحكني جاني الهام و هي اسمها إلهام .. المهم اسمعني .. يا اللـي عايشه وسط القلـــب وينـــك مــــا تجـينـــي و نعـيــــش فـــي ديــــار مــــــن الحــــب مـليانــــه لا تـقــــولـــي لـــي انــــك مـــن العقــل نسيـتيــنــي و لا تـقولـــي لـــي ان القلـــوب عنـــي سـهيـــانـــه انتــي للحــيــــن مــــا زلـــت فـــي قلــبــك تبــينــي و لا ضـعـتـي خـلاص و لـــطـــريــقــي تــهيانــه و لا احتـرتي بيــن انــك تنسينــي و لا تــذكــرينــي ولاعشتي في حب غيري وانتي في الغرام غرقانه انــــا احتــــري مــــنــك كــــلمــــه تـــــوديـــنــــي جــبــل مـــــن الأحــــلام انــتـــي فــيه زهـــيانه قصيـــدة كـتبتهـــا لاجــل العـيـــون مــــا تبكيــنـي و يجتمع شـــمــلنـــا كـــلنـــا فـــي يـــوم لقيـــانـه و لـك منــــي جـــواب علـى كـــل مــا تسأليــنـــي و تنــفـــك الحيـــره عــــن القلــــوب الحيــــرانــه نبقى انــا و انتــي لــلأبد شــعــار توعــــديـــنــي و لا اعـتــــراك الـــتعـــب و انتــي زهــقـانـــه و لا عنك وعن حبي لك تخليـت انتـــي تظنينـــي تـرى القلب و العـقــل والـــروح عليك ولهــانــه انــــا قـــلبـــي مــجـــروح ارجـــوك افهمــينـــي بشوفتك بـس تنســى الجراح و تختفي احزانـــه لـــو حــتى بالمنـــام اتمنـــى انــــك تزوريــنــي و اعــيــش لحظــة سعـــادة المحـــب بأحبابـه بدخلتـــك علــي دايــــم ودايــــم تــنـــوريــنـي كـــانـــك مثـــل الــطيـــف والسبـــع ألـــوانـــه تدرين لو سمعت صوتك وش يصيـــري فينــي ينشل تفكيـــــري و الـــعقل يجــــن جنــــانــــه تــــــرى المـــــوضــــوع كلـــــه آثــر فيـنــــي و الكتاب اصلاً منبـــان مـــــن عنـــــــوانـــــه وليد : وااااااااااااااو مررررررره روعه معقول انت توك تألفها .. راكان : أي قول ما شاء الله على اخوك .. وليد : ما شاء الله عليك ما قلنا شي .. بس الحقيقه من جد (الكتاب اصلاً منبـــان مـــــن عنـــــــوانـــــه ) واضح انك تحبها .. راكان : مووووووووت .. تصدق ما كنت اكتب الشعر و لا احبه بس صار يجيني الإلهام فجأه و اكتب .. وليد : كله من الهام الله يهديك بس .. هذا وهي رح تتزوج .. راكان : لا تذكرني كل ما اتذكر انها بتعيش مع شخص غيري احس اني بنجن .. وليد : انت مجنون من اصله .. --------------------- " ليان لما وصلت البيت راحت غرفتها على طول كانت خجلانه تشوف أي احد دخلت و هي منزله راسها بالارض و وجهها مليان كدمات .." أم نواف : يما نواف اختك اش فيها .. بعدين اش هالضرب اللي بوجهها مين سوا فيها كذا ؟ نواف : شوية بزران طقوها متمردين .. ام نواف : وانت وينك عنها قعدت مع خطيبتك و نسيتها .. نواف : لا يا يما هي طلعت برى المطعم و انا على بالي انها بالحمام .. ام نواف : خل اروح اشوفها اجل .. نواف : لا يما خليها اكيد حابه تقعد لحالها خجلانه من اللي صار .. لا تروحين لها عشان ما تتفشل .. ام نواف : طيب .. يصير خير .. " ليان كانت تبكي و تبكي كان اللي مرت فيه شيء مخيف و مرعب كل ما تذكرت ذيك اللحظات المريعه تحس انها بتختنق بهذا اليوم ما كانت طايقه احد و لا حتى نفسها كانت تبكي و بس يمكن يخفف عنها شوي .." " و باليوم الثاني بالجامعه ليان ما حضرت و الشله استغربوا .." إلهام : وين ليان ؟ شهد : معقوله غايبه .. اليوم المحاضره مهمه .. إلهام : هديل ليه ساكته ؟ انتي تعرفين شي و ما تبين تعلمينا ؟ هديل : تكفون لا تسألوني .. اسألوا ليان .. شهد : يعني انتي تعرفين ؟ إلهام : اش مستنيه قولي و لا بذبحك .. شهد : تكفين قولي خوفتينا عليها .. هديل : صدقوني ما اقدر .. هي طيبه و ما فيها الا العافيه بس بعد الدوام خل نزورها و تتطمنون بنفسكم .. شهد : لأ ما رح استنى لبعد الدوام .. اصلاً ما رح اركز و انا افكر اش فيها ليون .. اللحين تقولين .. هديل : طيب انا بقول بس سوو عمركم بعدين انكم ما تدرون عن السالفه اخاف ليان تزعل اذا درت اني قلت لكم .. إلهام : يلا قولي لا تخافين .. هديل : امس ليان انخطفت .. شهد و إلهام : وشو ؟!! هديل : أي .. خطفها هذا اللي دايم يلاحقها .. إلهام : وصلت فيها الجراءه انه يخطفها هالحقير الواطي .. شهد : كملي وش صار بعدين ..؟ " حكت لهم هديل السالفه من الالف الى الياء فقرروا البنات انهم يزورونها ..و فعلاً بعد الدوام راحوا لها البيت .." إلهام : هلا ليون اش اخبارك ؟ ليان : هلا الهام حياكم تفضلوا .. شهد : شفناك ما جيتي اليوم قلقنا عليك .. انتي بخير ؟ ليان : زي ما انتو شايفين هذي حالتي .. اكيد هديل علمتكم صح ؟ إلهام : علمتنا بوشو ؟ ليان : باللي صار معي .. شهد : اش اللي صار معك ؟ ليان : بنات لا تتغابون تراني اعرفكم زين ما تخبون شي عن بعض .. هديل : والله ما كنت ابي اعلمهم بس هم اصروا .. ليان : و لا يهمك هديل .. عادي علميهم لاني ما لي خلق احكي اش صار .. شهد : هو طقك واجد صح ؟ ليان : لا تذكريني انا حابه انسى .. حقير " طاحت العبرة بدون ما تحس .." شهد : أنا آسفه ما كان قصدي .. ليان : مو انتي السبب انا فيني حرقه من جوى .. قاعده اتعذب ودي اذبحه .. إلهام : بس حبيبتي لا تنزلين دموعك تراها غاليه و انا ما تعودت اشوفك كذا .. ليان : مو بإيدي غصب عني .. هديل : أنا مره آسفه كل هذا بسببي و بسبب بدر .. ليان : لا لاتعتذرين انتي مالك علاقه .. إلهام : بطلي تبكين .. و لازم تجين بكره عالجامعه فاتتك اشياء مهمه واجد .. ليان : ما اقدر اجي و انا بهالحاله .. هديل : لازم تجين تغيرين جو .. ليان : ما اقدر على هالكدمات اللي بوجهي اش بيقولون عني بكره بالجامعه .. بيفكرون ان اهلي طاقيني .. خلوني اقعد بالبيت اسبوع على بال ما يخف و جهي شوي .. شهد : طيب براحتك ما رح نضغط عليك .. هديل : وانا اوعدك محاضراتك رح توصلك كل يوم .. ليان : مشكورة ما قصرتي .. تصدقون انا صرت اخاف اطلع الشارع .. إلهام : لا لا لا ما عرفتك كذا تستسلمين بسهوله انتي فزعة الشله اشلون تخافين .. ليان : ما عدت زي اول .. إلهام : لا تقولين كذا ترى ازعل .. ليان : هذي الحقيقه .. شهد : لهو .. الظاهر يبي لها برمجه من اول و جديد .. إلهام : الظاهر كذا .. ليان : ههههههههههههه اش دعوه انا كمبيوتر .. هديل : أي كذا نبي نشوف الضحكه .. إلهام : يا حلاتك و انتي تضحكين .. .............يتبع | |||||||||
|
| |
|
27-03-15, 12:10 AM
| #29 | |||||||||
| نجم روايتي ومشرفة سابقة وفراشة متالقة بعالم الازياء
| شهد : لهو .. الظاهر يبي لها برمجه من اول و جديد .. إلهام : الظاهر كذا .. ليان : ههههههههههههه اش دعوه انا كمبيوتر .. هديل : أي كذا نبي نشوف الضحكه .. إلهام : يا حلاتك و انتي تضحكين .. ـــــــــــــــــــــــــ ـــــــــــــــــ (( الفصل التاسع و العشرون )) " عم إلهام انتقل من بيت إلهام و راحوا على فلتهم ورود كان عندها موضوع خطير مع سعود .." سعود : هاا اش بغيتي ؟ ورود : عندي اقتراح و ابي رايك .. سعود : يلا قولي .. ورود : شوف .. انت تشتغل مع ابوي بشركتنا و قريبا رح تدير انت الشركه .. و انا خطر ببالي فكره ليه ما اشتغل معكم و نوسع الشركه .. سعود : ما رح ينفع .. ورود : ليه ؟ سعود : لان شركتنا ما فيها اختلاط .. ورود : بس هي ملكنا و عادي اعتقد .. سعود : لااا ما يصير لان في لنا شركاء ما اعتقد يوافقون على الفكره .. ورود : اجل اش اسوي بالشهاده اللي معي ؟ سعود : اممممممم .. ما ادري .. ورود : اوووف .. وانا اللي كنت متحمسه للشغل .. سعود : لهالدرجه حابه تشتغلين ؟ ورود : اكثر من ما تتصور .. سعود : انا خطر لي شي .. ورود : قول قول يلا .. سعود : اش رايك لو تشتغلين بشركة عمي او بالاصح شركة عياله الجديده هذي اللي افتحوها .. هم عندهم عادي فيها بنات يشتغلون .. ورود : والله .. تمام ليش لأ .. سعود : خلاص رح اكلم رائد .. و انتي كلمي ابوي اول اذا وافق ابشري بالخير .. ورود : اوك .. اللحين طيران اروح اكلمه .. سعود : ههههههه .. كل هذا حماس .. " ابوها كان ماخذ اجازه لانهم توهم ناقلين البيت و حب انه يكون معهم و كان قاعد يرتاح بغرفته راحت له ورود و هي متحمسه .." ابو سعود : هلا ببنيتي حبيبتي هلا .. ورود : الله يخليك لي يا يبا و لا يحرمني منك ( وتحب على راسه ) .. ابو سعود : جيتك هذي اكيد وراها شي .. يلا قولي اش عندك ؟ ورود : أنا فكرت و قلت ابي اشتغل بشركة عيال عمي طبعاً اذا ما عندك مانع .. بالبدايه كنت حابه اشتغل بشركتنا بس اخوي قال لي انه صعب لانه مافي بشركتنا بنات فاقترح علي شركة عيال عمي لانها جديده و هم يحتاجون موظفين و موظفات بس ابي رايك اذا موافق .. ابو سعود : تصدقين .. فكرة حلوه اشلون ما خطرت لي .. اخوك عبقري .. و لا كان من زمان المفروض ادخل واحد يشتغل بشركة اخوي عشان نتوسع معاه .. ورود : يعني افهم من كلامك انك موافق .. ابو سعود : طبعاً موافق .. ورود : الله يخليك لي يا أحلى اب بالدنيا .. " راحت للسعود و عطته موافقة الوالد .." ورود : ابجي معك .. سعود : لا ما في داعي .. ورود : ابي ابدا الشغل اليوم .. سعود : طيب يمكن يرفضونك .. ورود : لا ما يسترجون و انا بنت ابوي .. سعود : يعني واثقه .. ورود : كل الثقه .. سعود : اجل يلا تعالي .. ورود : اييييه كذا ابيك .. سعود : ههههههههههههه خليني اضحك عليك بعدين اذا ارفضوك .. ورود : هههههههه نشوف ! .. " راحوا للشركه و كانت ورود مره مبسوطه و تبي تحصل على الوظيفه باسرع وقت ..طلب سعود منها تستنى برى على بال ما يكلم رائد .. كانت قاعده بغرفة نائب المدير اللي هو وليد .. لما دخل وليد و شافها استغرب من هذي اللي قاعده .." وليد : عفوا اختي أي خدمه .. ورود : مرحبا .. انا ورود زياد العمر .. وليد : اهلا و سهلا تشرفنا انا وليد نائب المدير تحبين اساعدك ..؟ ورود : لا مشكور جيت مع اخوي سعود و هو اللحين قاعد جوا مع رائد يكلمه بموضوع و انا استناه .. عفواً هذا مكتبك ..؟ وليد : أي نعم .. ورود : انا بقعد استنى اخوي هنا اذا هالشي ما يضايقك .. وليد ( يا حليلها مره ذربه ) : لا طبعاً .. تفضلي .. اش تشربين ..؟ ورود : لا شكرا ما ابي شي .. " كان في نظرة اعجاب من وليد لورود بس ورود ما لاحظت .. طلع سعود و نادى ورود .." سعود : ورود تعالي ابيك .. ورود : عن اذنك اخ وليد و تشرفت بمعرفتك .. وليد : الشرف لي .. (وليد : سبحان من خلقها اخلاق و ادب غير كذا جمال .. عكس اخوها سعود ..) ورود : هاا اش صار ؟ رائد : أنا وافقت انك تشتغلين معنا بس بشرط انك رح تكونين مؤقته لمدة شهرين اذا اثبتي جدارتك رح نخليك بمنصب دائم .. ورود : تمام أنا موافقه .. رائد : حلو .. جبتي شهاداتك و اوراقك .. ورود : أي طبعاً جبتها .. رائد : تمام .. معناته متى تحبين تبدين ؟ ورود : اذا ممكن من اليوم .. رائد : اوك .. احيي فيك هالحماس .. معناته رح ابلغ وليد يدلك على مكتبك و يعلمك طريقة الشغل .. سعود : مبروك اختي .. ورود : الله يبارك فيك يا اخوي تسلم .. أنا مره مبسوطه .. و مقدره لك يا رائد موافقتك .. رائد : لا و لا يهمك اساساً كنا محتاجين احد يمسك قسم المعلومات .. يلا اللحين روحي حق وليد يعلمك الشغل .. ورود : اوك .. سعود : ورود انا رايح عالبيت اذا انتهى دوامك دقي علي اجي اخذك .. ورود : ان شاء الله .. " بعد مرور عدة اسابيع قرب زواج رائد و الكل كان مشغول بتحضيره .." نرجس : هااا يما رائد باقي يومين عن زواجك انت متوتر ؟ رائد : أكيد يا ماما نرجس .. كثير متوتر .. خالد : لا تتوتر و لا شي اخلص بس عشان انا اتزوج بعدك.. نرجس : ههههههه .. يا الله يارب يا كريم انك تسعدهم و توفقهم .. إلهام : ماما نرجس احتاج مساعدتك .. عندي كذا فستان ماني عارفه اش اختار .. نرجس : طيب انا جايه اللحين .. بعدين ليه مستعجله لسا باقي يومين .. إلهام : لازم اختار بسرعه عشان احدد على اساسه المكياج .. نرجس : طيب طيب و لا يهمك دقايق و اكون عندك .. " أما سمر فكان تحضيرها لزواجها شي مو طبيعي .." سمر : ابي الكوشه كانها غابه و مليانه زهور .. نور : سوي كل اللي يخطر لك .. سمر : يالله يا نور انا متوتره باقي بس يومين .. نور : عادي شي طبيعي .. سمر : ما تحسين .. اني .. تسرعت بموافقتي .. نور ( شهقت من الصدمه ) : يا ويلك اسمع هالكلام منك مره ثانيه .. سمر : قاعده اقول بس .. نور : لا حبيبتي و لا تقولين و لا شي يوم جا وقت الجد تقولين تسرعت .. سمر : ما ادري .. انا ما شفته الا مره وحده .. نور : لا يا بعدي رح تحبينه و قولي نور قالت .. بعدين انسي هذا اللي اسمه فهد تلقينه متزوج اللحين لا و يمكن بعد مرته حامل .. سمر : اش جاب طاري فهد اللحين انا نسيته من زمان .. نور : حبيبتي تضحكين عالعالم كلها الا علي ما تقدرين و بعدين لا تنسين اني معك بنفس الغرفه و اسمع تنهيداتك طول الليل .. و لا الخواطر اللي كاتبتها عشانه .. انسيه خلاص لا تضيعين مستقبلك عشان واحد ما يستاهلك .. سمر : اتفكرين اقدر انسى بهالسهوله ترى وناستي و سعادتي اللي شفتوها كلها تصنع و لا انا ماني مبسوطه من جوى .. نور : اتركي عنك الهبال .. ترى والله رائد ما يستاهل .. مبين انه اخلاق و محترم حرام تخذلينه كذا .. هو اختارك من بين كل البنات و لا هم عائلة معروفه و رح يلاقي أي بنت بسهوله .. اعقلي هاا اعقلي مو صرت انا الصغيرة و اعقل منك .. سمر : هههه معك حق من جد عقلك يوزن بلد .. نور : هههههه قولي ما شاء الله لا تاكليني بعيونك .. سمر : هههههههههههه ما شاء الله لا اله الا الله لا تخافين عيني مو حاره .. تعالي بعد بكره رح نروح المشغل اللي حددته إلهام و لا ؟ نور : أي اكيد لانها رح تجي و اتوقع خوياتها بعد رح يجون .. سمر : بس كذا رح يصير المشغل زحمه متى رح نخلص ..؟ نور : لا تخافين المشغل كبير و يمدينا اذا طلعنا بدري .. سمر : اوك ما رح اكل هم بأعتمد عليكم .. -------------------- " جت اللحظه اللي ينتظرها رائد و صار يوم زواجه و كان اكيد مبسوط و اللي مستانس اكثر هو خالد لانه رح يتزوج بعده .. هذي الاحداث صارت بالمشغل يوم زواج رائد و راحوا الشله مع سمر و نور .." إلهام : يلا بنات ما خلصتوا .. نور : انا خلصت باقي العروس طبعاً .. و ليان قربت تخلص قاعده تحط المكياج .. شوفيها .. إلهام : اهاا .. يعني انا مخلصه بدري .. هاا شوفي شهد خلصت .. اختك المسكينه اكيد تعبت اللحين .. نور : أي والله .. شهد : اخيرا خلصت .. وااااااو إلهام طالعه تهبلين .. نور : صح .. حتى احلى من اختي العروس .. إلهام : لا لا تبالغون مو لهذي الدرجه .. هديل : خلصت و ارتحت .. واااو لهو طالعه روعه .. نور : شفتي ؟ قلنا لك .. هديل : وش قلتو لها ؟ شهد : انها حلوه .. هديل : أي هي دايما حلوه ما شاء الله عليها مو شي جديد .. إلهام : هههههه بس بس لا اغتر و اشوف حالي بعدين .. نور : هههههههه حبيبتي يحق لك تغترين ما احد يلومك .. " شهد و هديل ما امسكوا اعمارهم و قاموا يضحكون مع ان نور ما كانت فاهمه ليش الضحك .. بس كل شي كان واضح .." ليان : هاا اشوفكم هنا تضحكون اش السالفه ؟ إلهام : لا و لا شي بس شهد و هديل مثقلين دمهم شوي .. " رجعوا يضحكون مره ثانيه ... " شهد : ليون بعدين نعلمك السالفه .. ليان : زين .. ما خلصت العروس للحين ..؟ نور : لا والله لسا شوي .. ليان : ما كأننا تأخرنا ؟ إلهام : لاااا تو الناس بدري .. نور : هاا هذا هي خلصت شكلها .. شهد : اجل يلا مشينا .. إلهام : يا الله السواق خذته ماما نرجس .. خل ادق على خالد يجي ياخذني .. شهد : لااا اش اللي ادقين عليه تلقينه اللحين مع رائد يجهزه .. امشي معي انا و هديل جايين مع بعض .. إلهام : يعني هذا رايك ؟ شهد : أي يلا مو احنا رايحين نفس المكان .. " راكان هو اللي وصل شهد و هديل و رجع ياخذهم ما كان يدري ان إلهام رح ترجع معهم .." إلهام : مرحبا راكان اش اخبارك ..؟ راكان : اوووووه الهام معنا هلا و الله .. انا تمام انتي كيفك ؟ إلهام : الحمدلله .. معليش جيت معكم .. راكان : لا عادي افا عليك انتي رايحه نفس المكان اللي بيروحونه .. يسعدني اني اوصلك .. " هديل و شهد كانوا منصدمين و مستغربين اش هالميانه اللي بينهم .. لما وصلوا نزلت شهد و هديل قبل و الهام ظلت بالسياره تعدل مكياجها .." راكان : والله انك حلوه بدون المكياج هذا .. إلهام : يعني مكياجي مو حلو .. راكان : لا بالعكس انتي حلوه بكل الاحوال .. إلهام : هههههههه .. بسك تغزل .. بنزل اللحين .. و مشكور على التوصيله .. راكان : اولا ما كنت اتغزل اقول الصراحه .. ثانيا ما له داعي الشكر كنت جاي اساساً و حالفني الحظ و وصلتك .. إلهام : طيب و لا تزعل كلامك صح ..ههههه يلا باي .. ( راكان : اه بس من عيونك ذابحتني فديتك و فديت عيونك يا بعد كلي ..) " لما دخلت إلهام على القصر كانت مرررره حلوه حتى احلى من العروس و بصراحه المعازيم طالعوها اكثر من ما طالعوا العروس كانت لابسه فستان احمر طويل من ورى قصير من قدام .. المهم الحفل كان مره حلو و مره منظم و خلص على خير .." ـــــــــــــــــــــــــ ــــــــــ | |||||||||
|
| |
|
27-03-15, 12:12 AM
| #30 | |||||||||
| نجم روايتي ومشرفة سابقة وفراشة متالقة بعالم الازياء
| (( الفصل الثلاثون )) " الكل رجع لبيته و بصباح اليوم الثاني .." خالد : لهو لهو اقعدي ابيك .. إلهام ( مالها خلق تبي تنام كانوا سهرانين بالحفله امس ) : اووووف خلووود خلني اناااام مالي خلقك اللحين .. خالد : اقعدي يلا ابيك بسالفه مهمه .. إلهام : ياخي اجلها ابيييييييي اناااااااااام .. خالد : تكفين عاد لهو يلا .. اول كان عندي رائد اسولف معه بس اللحين راح .. يلا عاد عشان خاطري اقعدي .. إلهام : هاااا قعدنا اش تبي .. خالد : قولي لي متى بتخطبون لي شهد ..؟ ( إلهام تحذفه بالمخده و تهاوشه ..) إلهام : اللحين انت مقعدني و ذابحني مهمه و ما مهمه في النهايه طلعت ما عندك سالفه .. اوووف .. روح اطلع بس .. ابي اناااااااام .. خالد : وشو اللي ما عندي سالفه .. أنا من جدي اتكلم .. تكفين قولي لي .. إلهام : يعني انت ما رح تفارقني صح ؟ خالد : صح .. إلهام : شوف .. حدد اليوم اللي تبيه و كلم ابوي و كلم ماما نرجس بعدين تعال علمني .. اتفقنا ؟ خالد : اوك .. إلهام : حلو .. يلا اللحين خلني انام مع السلامه.. " ليان اصبحت على رنة جوالها شافت الرقم غريب و هذا الرقم صار له يومين يدق عليها بس ما اهتمت لكن الشي الغريب انه دق الصباح قالت ترد تشوف يمكن وحده من خوياتها ايام الثانوي او وحده عطتها رقمها و نست يعني من هالقبيل .. ردت و طلعت المفاجأه .." ليان : آلو .. من يتكلم ؟ عامر : هلا و غلا هلا ببنت الشوارع .. ليان : انت مين ؟ يالوقح وليه داق على رقمي ؟ الظاهر انك وقح غلطان .. عامر : لا يا حبيبتي يا ليون هذا انا ما اسرع ما نسيتيني .. حبيبك عامر .. ليان : الله لا يوفقك يا الحقير .. اتخسا ما بقى الا احب اشكالك الظاهر ما رباك طق بدر شكلك تبي تنطق مره ثانيه .. عامر : اقول اسمعيني زين انتي و بدر الزفت حقك هذا يالصايعه لا تفكروني غبت عن الساحه خايف منكم لا يا بعد عمري انا اخطط للي اكبر من كذا و اوعدك اني ما اسكت لا لك و لا لـ بدر هذا حبيبك .. ليان : اعلى ما بخيلك اركبه يالواطي .. " وقفلت الجوال " ( ليان : من وين طلع لي هالعله اللحين لازم اكلم بدر اللحين لالا رح ادق عليه بكره احسن خل ارجع انام ..) " جا عم إلهام و ولده سعود زياره حق بيت إلهم و ما كانت زياره عاديه جوا عشان يطلبون ايد إلهام حق سعود .." ابو سعود : هاا وش قلت ؟ ابو رائد : انا يا اخوي ما عندي مانع و انت تعرف هالشي .. الراي الاول و الاخير حق البنت .. ابو سعود : لا ان شاء الله رح توافق .. ابو رائد : عطنا مهله ثلاثة ايام كذا .. و ان شاء الله خير .. ابو سعود : طيب حقك .. و ان شاء الله رح تصير الملكه يوم الخميس الجاي و الزواج بعد شهر .. ابو رائد : لا ما يصير و دراستها .. ابو سعود : لا تخاف ما رح يأثر على دراستها بشي .. ياما بنات تزوجوا و هم يدرسون ما آثر .. ابو رائد : زين زين خير ان شاء الله .. ابو سعود : يلا احنا نستأذن .. ابو رائد : وين تو الناس ؟ ابو سعود : و الله ورانا اشغال .. ابو رائد : طيب براحتكم .. ابو سعود : لا تنسى الرد بعد ثلاثة ايام .. ابو رائد : لا ان شاء الله .. " راحوا سعود و ابوه .. و راح ابو رائد يكلم بنته بالموضوع مره ثانيه .." ابو رائد : انتي ما كلمتيه ..؟ إلهام : إلا كلمته يبا بس راكب راسه .. ابو رائد : اجل يا بنتي ما لك الا تستخيرين .. إلهام : ان شاء الله يبا .. ابو رائد : الهام سامحيني لاني حطيتك بهالموقف .. إلهام : لا يبا مو ذنبك .. " بعد ما رح ابو الهام قامت الهام تبكي لا اراديا حست ان حلمها انتهى و راح لكن قررت تصلي اول شي و تشوف .. و صلت و خلصت حست بالراحه معناته رح توافق على الزواج منه .. مع انها حست بالراحه و عرفت قرارها الا انها كانت تبكي و تبكي ما كانت سعيده رح تعيش مع انسان ما تواطنه .. مسكت جوالها و دقت على ابراهيم من زمان عنه و لا سمعت صوته و لا تعرف عنه شي .." إلهام : هلا ابراهيم اش اخبارك ؟ إبراهيم : اهلين .. انا تمام انتي اشلونك ؟ إلهام : ماني زينه ابد .. لكني اشتقت لك حيييل .. انت ما اشتقت لي ؟ إبراهيم : هاااااا .. الا اكيد .. إلهام : معلينا .. ابراهيم بطلبك طلب واحد و تكفى لا تردني .. يمكن يكون آخر طلب .. إبراهيم : اذا اقدر عليه اكيد ابشري .. إلهام : ابي اشوفك ضروري .. في اشياء صارت لازم اعلمك عنها .. إبراهيم : اعذريني ما اقدر اني اشوفك و انتي ما تصيرين لي .. ( قاطعته إلهام ...) إلهام : ابراهيم لازم اشوفك تعرف يعني اش معناة لازم .. اترك تحفظك هذا اشوي .. إبراهيم : بس والله ما اقدر .. إلهام : تدري انت ما تحبني و لاعمرك حبيتني .. اعترف لي بهالشي و ريحني .. إبراهيم : انتي غلطانه .. انتي كذا تظلميني .. إلهام : اصلاً خلاص كل اللي بينا من اليوم اعتبره انتهى .. كنت بقابلك عشان اودعك لاني بتزوج بعد شهر و كم من يوم .. بس انت ما تبي .. عالعموم الله يوفقك و يسعدك مع غيري .. يلا باي .. إبراهيم ( من الصدمه ما نطق بحرف و قعد ..) ( إبراهيم : ليش تقولين عني كذا انا اموت فيك بس مشكلتي ما اعترف بحبي لأحد تكفين يا الهام لا تتخلين عني انا محتاج لك اكثر من اول انتي ما تدرين بالايام اللي راحت اشلون كانت صعبه علي و ما قدرت اتحملها كنت دايم افكر فيك و استنى الاجازة تجي عشان اطلبك .. ليه يا ربي انا حظي كذا .. لا ما رح اسمح لها تتزوج غيري .. من هذا اللي اخذ مني إلهام بهالسهوله ؟ مين هذا اللي الهام فضلته علي ؟ مين ؟ .... مسك جواله و ارسل هذا المسج لإلهام .. ودي اسألك يا إلهام يصير الخل ... يتناسى ...لخلانه ؟ يصير الزهر ... يتنكر ... لسيقانه ؟ يصير الورد ... يتبختر ... بألوانه ... ؟ يصير البدر ... يتكبر...على أخوانه ... ؟ يموت الحب ... و تبقى حيــّــة ... أحزانه " قرت إلهام المسج و زادها حزن و بكي و ردت عليه بهذي الكلمات .. أحـــــــبـــــــــــــــ ـك حب ما حبه على وجه البشر انسان أحبك كلمةٍ اكبر من أني معك أنطقها أحـــــــبـــــــــــــــ ـك والحقيقه فوق ماتتصور الأذهان أحبك يانظر عيني فداك الروح تملكها أحـــــــبـــــــــــــــ ــك ما أظن أقدر على بعد الهوى لو كان أحبك للأسف تجهل معان الحب أجملها أحـــــــبـــــــــــــــ ــك لو تحس اللي أحسه داخل الوجدان وربي تحترق منّة ، أحبك صعب تفهمها أحـــــــبـــــــــــــــ ــك لا تّتجاهلني ترى حبي مثل بركان وربي لاتجاهلته ... يجيب العالي أسفلها أحـــــــبـــــــــــــــ ــك ما أظن فـ يوم يطوي كلمتي النسيان ترى النسيان مايقدر يخفّي لمستي منها أحـــــــبـــــــــــــــ ــك والحنين اللي غدى في داخلي سلطان خلق لك من كلام الحب كلمه يستحي منها أحـــــــبـــــــــــــــ ــك كلمه ماتروي عطش طفلٍ غفى ضميان سكن في داخله شوقٍ ضلوع الصدر كـسـّرها أحـــــــبـــــــــــــــ ــك ليه ماتفهم ..! أحـــــــبـــــــــــــــ ـك كثر ماقالوا ترجّح كفة المـــيـــزان أحبك ودي اسمعها ولو مره تكررها سامحني يا الغالي لكني رح اتزوج حتى و ان كنت احبك " ابراهيم فقد الامل خلاص لكنه رح يستفسر من ليان عن سبب زواجها .." " إلهام كانت بحالة سيئه جدا اول مره تفقد انسان تحبه حتى كانت تكلم نفسها زعلها كان شديد هالمره و حالها ما يسر خصوصا بعد مسج ابراهيم لما تأكدت انه يحبها .. ماأرخصك لاوالله حتى إن تناسيت القلب مايقوا على فراق خله خذها عهد لو غبت لو رحت لو جيت غلاك لايمكن خفوقي يمله !! " بعدها قررت إلهام انها تلتقي بسعود مره ثانيه و تترجاه لو حتى تبوس ايدينه و رجوله عشان يبطل يتزوجها لانها بعد مكالمة ابراهيم حست انه يحبها صدق و لانها هي اساساً تموت فيه .." سعود : هلا بالغاليه زوجتي المستقبليه .. إلهام ( عصبت حيييل و دها تكسر الجوال ) : سعود ابي اشوفك اليوم ضروري .. سعود : تآمرين آمر كم الهام عندي ؟ إلهام : اوكي .. معناته نلتقي بعد ساعه بالمطعم اللي وريتك اياه ذاك اليوم عرفته ؟ سعود : أي عرفته .. ابشري انا من اللحين بكون هناك .. إلهام : ياليت تحجز لنا بقسم عوائل ما ابي عام .. سعود : اوك ما طلبتي شي من عيوني .. " راحت له إلهام و كلها ضيقه كارهه عيشتها بس اش تسوي آخر محاوله راحت و هي تدعي انه يكرهها او بالاصح يتراجع عن فكرة الزواج منها .." إلهام : سعود أنا طلبت اشوفك عشان موضوع مهم بالنسبه لي .. سعود : بخصوص زواجنا .. إلهام : تقريباً .. إنت تدري اني ما ابيك مع ذلك مصر انك تتزوجني طيب ليه ؟ سعود : لاني احبك .. إلهام : حتى لو كنت اكرهك و ما اطيقك .. سعود : ليه ؟ انتي تكرهيني و ما اطيقيني ؟ إلهام : يعني مو واضح من شكلي ؟! سعود : ما سويت لك شي عشان تكرهيني .. إلهام : شوف و بقولها لك بصراحه انا في بحياتي شخص و كان رح يتقدم لي بس انت خربت كل شي .. إذا كنت تحبني خلاص اتركني اعيش حياتي مع الانسان اللي احبه .. سعود : لأ .. انتي بكذا خليتيني اتمسك فيك اكثر و شوقتيني اعرف من هذا الانسان اللي تحبينه و بأيش هو احسن مني .. إلهام ( دموعها على خدها ) : سعود بس بس تراني ماني قادره اتحمل اكثر تكفى سعود اذا تبي ابوس ايدينك ابوس ارجولك تكفى لا تتزوجني انا ما ابيك .. سعود : صدقيني رح تكونين سعيده معي .. أنا شاريك .. إلهام : و انا بايعتك ما ابيك .. ليش ما تبي تفهم اش اسوي عشان تكرهني .. اش اسوي عشان افهمك .. والله ثم والله لو اني مفهمه جدار كان فهم و حس .. سعود : لا تحاولين هذا الموضوع منتهين منه و انا ابيك تكونين زوجتي و ام عيالي .. ( يمسح دمعة إلهام .. لكن إلهام تشيل يده و تصرخ عليه ..) إلهام : وخر عني شيل ايدك انا ما ابيك ما احبك اتركني بحالي .. سعود : ما رح اتخلى عنك لو مهما يصير .. " إلهام شافت انه ما في رجا من هذا سعود تركت له المطعم و هو حاول يلحقها او ع الأقل طلب يوصلها لكن ما رضت و هددته انه لو لحقها رح تنسى موضوع الزواج و اللي بيصير يصير .. فسمع الكلام سعود و قعد لحاله بالمطعم يفكر ما اذا إلهام يوم تقول انه في شخص بحياتها هل كانت صادقه و لا مجرد كلام عشان لا يتزوجها .. المهم فكر و فكر بعدين قال لأ إلهام ما في احد بحياتها و هي قالت كذا عشان ابطل اتزوجها .. أما إلهام ما ما راحت على البيت راحت على البحر اللي دائما ترمي فيه همومها .. و المصادفه انها لقت راكان ( هو راح بنفس الوقت اللي يلتقي فيه بإلهام على امل انها تجي هناك مصادفه او يمكن احساسه قال له ان إلهام رح تجي للبحر فكان على استعداد للقائها .. ) هناك بمكانهم المعتاد .. لكن ما راحت له قعدت بالسياره شوي إلين هديت اعصابها بعدين راحت .." إلهام : هااااااااااي .. راكان ( ما كان متفاجأ حس انها رح تجي ) : مين ؟ إلهام أهلا .. إلهام : هلا .. اشوفك هنا اليوم وراك ؟ لا تكون مهموم ؟ راكان : أنا دايماً مهموم و صرت اجي هنا لأني احس بالراحه .. و انتي اش فيك شكلك بكيانه .. " ما قدرت تمسك نفسه و انفجرت بكي .." راكان : إلهام اش فيك ؟ انا قلت شي خلاك تبكين ؟ إلهام : لا راكان بس انا كنت ابكي من اول .. راكان : اقعدي و احكي لي .. إلهام : من تو كنت مع سعود و لد عمي هو يبي يتزوجني و انا ما بإيدي شي إما هو يرفضني او رح اتزوجه غصب .. رحت له اترجاه انه ما يتزوجني بس عاند و اصر .. هذا اللي مضايقني .. راكان ( عصب حده كان وده يروح و يذبح هذا اللي اسمه سعود ) : اهدي .. هذا سعود ما يحبك لو يحبك كان تركك بحالك هو شكله اناني يحب نفسه و بس .. اسمحي لي ما قدرت امسك نفسي .. إلهام : لا عادي انا بعد قلت له هالكلام .. اه اه لو بإيدي بس كان رجعت الزمن لورى و اصريت على ابراهيم يخطبني .. راكان ( زعله هالكلام و جرح قلبه ) : معليه يمكن خير .. إلهام : لا لا أنا مستحيل اعيش مع سعود رح اذبح عمري و ارتاح .. راكان : انتي تتكلمين صدق و لا من الزعل تقولين كذا .. إلهام : لا صدق اهون علي اني اموت و لا اعيش معه ببيت واحد .. راكان ( كاسره خاطره حيل و مو عارف وش يسوي عشان يسعدها ) : لا تقولين كذا لسا في ناس تحبك .. إلهام : ههههه ( ابتسامه اقرب ما تكون سخريه ) ما يهمني من اللي يحبوني الا ابراهيم .. ( راكان تحطم كلياً حس انه ما في امل ابد ) راكان : ان شاء الله يكون يستاهل حبك .. إلهام : اكيد انه يستاهل .. " بعد ربع ساعه لما هديت و راقت شوي " المهم كم مره التقينا بالبحر ..؟ ما تحس انه غريب اليوم التقينا ..؟ راكان : التقينا تقريباً مرتين ثلاث .. بعدين ما في شي غريب بالموضوع انا حسيت اني متضايق و جيت و انتي نفس الشي .. إلهام : تدري انا ما كنت احب البحر و لا كنت اجيه بس ليان هي اللي علمتني عليه كانت كل ما تتضايق تجي للبحر و منها انا حبيته حسيت انه اريح من اني اكلم بشر لان البحر يسمع و يسكت ان قلت بذبح عمري ما يقولي لا و ان قلت بعيش برضو ما يقول لي لا .. راكان : و انا بعد ما كنت احبه .. اللي خلاني احبه هي حبيبتي .. إلهام : اش دراك انها تحبه اذا ما كنت تلتقي معها ..؟ راكان : سمعت من الناس .. اخبارها توصلني .. و البحر يذكرني فيها .. " دق جوال راكان بهذي اللحظه كان من الشغل كان مره مهم .." راكان : معليش تلفون مهم من الشغل .. إلهام : لااا خذ راحتك .. ( في الوقت اللي راح فيه راكان عشان التلفون إلهام كانت تفكر .. فكره توديها و فكره تجيبها حاسه بشي غريب ناحية راكان ماهي قادره توصفه .. تبدد هذا الاحساس بعد ما رجع راكان و قال لها انه بيروح الشركه لاجتماع مهم .. ) إلهام : لا روح هذا شغلك .. راكان : يعني ما رح تزعلين لاني بتركك لحالك ..؟ إلهام : لا لا ليش ازعل ..؟ ما لي حق ازعل اصلاً .. لا و يمكن بعد اجي الشركه .. راكان : تجين !! .. ليه ؟ إلهام : ابي اكلم ابراهيم ضروري .. أكيد هو رح يكون موجود صح ؟ راكان : أي .. اكيد هو مدير هالمشروع ..؟ إلهام : حلو .. معناته انت روح اللحين و انا بعد نص ساعه كذا رح اجي .. راكان : رح تكلمينه قدام الموظفين و اخوانك ..؟ إلهام : معليك أنا اعرف اتصرف .. اللي يهمني اني لازم اكلمه ضروري .. راكان ( ما يبيها تكلمه يغار عليه الله يعينه بس لا تزوجت ) : طيب انا لازم اروح يلا اشوفك على خير .. " راكان : بروح و ما ودي اروح ابي اقعد معك طول عمري يا الغاليه .. متى ؟ .. متى ؟ .. متى ؟ رح تعرفين اني احبك و اعشق عيونك يا بعد كل اهلي .. ابروح و يمكن ما اشوفك ثاني .. ابروح والحزن يملاني .. فرقاك بيحرق قلبي يالغاليه .. احبك .." | |||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
