آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-12-15, 01:41 AM
| #41 | ||||||||
| مراقبة عامة ومشرفة منتدى الروايات المنقولة  
|  نرجع لفادي... طلع من البيت وركب سيارتة وطار بيها ع المكان...بغضون دقايق وصل نزل من السيارة ودگ ع الرقم الغريب رد:وصلت؟ فادي:اي وصلت وين انت حسام:وراك ع ايدك اليمين بيت مهجور...ادخل بي سد الخط فادي وراح ركض للبيت دخل وانصدم فادي بصدمة:حساام؟!! حسام بأبتسامة:اي حسام...ليش مستغرب فادي التفت ع رنيم:انتي متفقة وياه؟؟....شنو لعبة هاي لو شنو؟؟...ماجاي افهم فهموني حسام:انا افهمك...انا خطفت رنيم حتة استدرجك لأن ادري تحب رنيم فادي عقد حواجبة:تستدرجني؟؟...ليش شنو تريد مني حسام:اهاا وصلنة خير...شنو اريد منك...(بأمر)...اريدك تعتذر لمرام ع تصرفك وياها وتركتها وكسرت گلبها فادي طبعاً شي متوقع منة كبريائة يوگف بوجهه:هه استحالة اعتذر...مو فادي الي ينزل نفسة عالمود بنية حسام واگف بصف رنيم...رأسن طلع المسدس وحطة براسها...رنيم سوت روحها مرعوبة وصرخت:ااااااااااه حسام:تعتذر او افرغ المسدس براسها فادي بعدة ع عنادة وكبريائة:تحلم اعتذر حسام:اعد للخمسة..1..2..3 فادي يقرب ع كيف ع اساس يريد يغافلة حسام:خطوة زيادة واخذ روحها..4..5 فادي ماسمع الكلام ومشة بأتجاهم لأن يعرف ماحيسوي شي لرنيم بس الي ماجان متوقعة ان حسام وجه المسدس عليه وسحب الزناد...وضربت طلقة وشخطت جتفة وسببت جرح عميق فادي وگع ع الارض ولزم جتفة ويتأوه من الالم رنيم صرخت:فااااددديي تركها حسام وركضت لفادي رنيم مرعوبة من الدم:فاادي رفعت راسه وحطتة بحضنها:فااادي رد علي فادي صرخ:ااااه....رنيم عوفيني وروحي رنيم تهز براسها:لالا ماعوفك فادي نزف هواي ف بدا يفقد وعيه رنيم خافت عبالها صار بي شي صررخت حيل وتضرب بخده:فااددي فادي لالا الله يخليك لاتغمض عيونك اصحى حسام جان واگف ع صفحة وينتظرة يفقد وعية ثواني وفادي غاب عن الدنيا رنيم تصرخ وتبجي:حسااام مااات مااات قتلته انت گتلي ماقتله ماات...فااادي الله يخليك اصحى لاتموووت حسام توجه ناحيتهم ورفع فادي وشالة ع ظهرة وطلع من المبنى رنيم فزت من مكانها ولحگتة:وين ماخذة وين حسام:رنيم...اهدي...مابي شي مامات بس فقد وعيه لأن نزف هواي اهدي رنيم ماتعرف شتسوي تايههة خايفة:يعني مامات؟؟...زين ليش مايرد علي حسام:گتلج فقد وعيه...امشي خل نوديه للمستشفى وانتي اتصلي ب بهاء خلي ينتظرنة يم الطوارئ رنيم بربكة:اوك اوك صعد حسام فادي للسيارة ورا ورنيم ركبت يمة تراقبة لان خايفة يصير بي شي ركب حسام بمكان السواق وتوجه للمستشفى بسرعة ورنيم اتصلت ع بهاء وگلتله ينتظرهم ومن يوصلون تفهمة كلشي عشر دقايق ووصلو لمستشفى بهاء...نزل حسام وشال فادي وتوجه للطوارئ ورنيم وراه شافو بهاء ينتظرهم...انصدم من منظر فادي ورأسن اشر للممرضين وجابو نقالة واخذو فادي ودخلو لغرفة العمليات بهاء بصدمة:شنو صاير..(شاف رنيم عليها دم واتخبل)...رنيم بيج شي شصاير منين هذا الدم رنيم بربكة وخوف وبجي:مو مني مو مني من فادي الله يخليك روح عالجة وبعدين افهمك بسرعة بهاء لايموت بهاء:ماشي رايح رايح بس انتي اهدي ماكو شي ان شاء الله حسام:ماكو شي خطر مجرد جرح عميق بس هي خافت من فقد وعيه ونزف بهاء:انا رايح ومن اخلص فهموني...حسام انتبه لرنيم حسام:ماشي روح انت لايضل بالك بسرعة بهاء دخل لغرفة العمليات وباشر بعلاج الجرح...خلال اقل من ساعة خلص وطلع من العمليات وحولو فادي ع العناية المركزة لمن يمر يوم ويحولوه لغرفة عادية طلع من العمليات وجتي بوجهه رنيم:ها شصار..شسويت بهاء لزم ايدها يهديها:هذاهو خلص كلشي وهو بخير مابي شي رنيم:زين وينة اگدر اشوفة؟ بهاء حضنها:حبيبتي اهدي ماكو شي والله...خليناه بالعناية المركزة حته نتطمن عليه تمام وباجر نحولة بغرفة عادية وتگدرين تشوفينة..(التفت لحسام)..تعالو لمكتبي وفهموني شصار حسام:يلا توجهو لمكتب بهاء ودخلو وگعدو وحسام فهم بهاء كلشي بهاء تفهم الوضع وبداخلة تشفة گلبة شوي لأن هم جان مندق من فعايل فادي حسام گام:يلا انا رايح وباجر اجي اتطمن ع فادي...واكرر اسفي لأن اخذت رنيم بدون علمك...والموضوع خليه بيناتنا مثل مااتفقنة بهاء:لا هذاهو ماصار شي وفادي جان رايدلة گرصة اذن...وع الموضوع لاتخاف بيناتنا مايطلع حسام:مشكور ع تفهمك...يلا مع السلامة بهاء:الله وياك طلع حسام من المكتب وبقة بهاء ورنيم بهاء رفع رنيم وگعدها بحضنة وبغيرة:كل هذا خوف على فادي رنيم:انا شفت الدم وشفتة شلون يتأذة وگف گلبي انوب فقد وعيه تخبلت گلت مات بهاء:هههه اسم الله ع گلبج...ذاك هو مابي شي ابو سبع ارواح رنيم ضربته ع صدرة بخفيف:لاتگول عنة هيج ولله جيت اموت من شفته هيج بهاء اشتعلت الغيرة:اسم الله عليج ...وشدعوة هالگد خايفة عليه رنيم التفتت عليه:حبيبي فادي متربي وياي من الصغر وانا اعتبره اخوي صحيح ماحب سوالفة وي البنات بس احبه هو لذاتة واعتبرة مثل فارس وماتهون علي العشره شي اكيد اخاف عليه بهاء:هم صحيح بس بعد لاتحجين هيج عنة...انا اغار عليج من الهوا الي تتنفسينة انوب فادي رنيم حاوطت رگبتةبأيدها وباستة بشفتة ع السريع:هذاهو بعد ماحجي عنة بهاء ذاب عليها حاوطها بأيديه وقرب منها ورنيم خللت ايدها الثانية بشعرة بهاء اشتم عطرها تالي قرب واخذ شفايفها بقبلة عمييقة فجئة دگ فون بهاء وگطع عليهم شاف المتصل فارس...حگرة وراد يرجع يكمل رنيم قاطعتة:رد عليه ترا انا ماگايلة لأحد طالعة من البيت بهاء:عفية بالشاطرة اخذ الفون ورد:الو فارس:هلا بهاء...اگلك رنيم عندك؟؟ بهاء:اي يمي فارس بعصبية:اوريها الكلبة بس خل تجي...شلون تطلع بدون ماتگول ووگفت گلبنة بهاء:اهدا هي مالها شغل...انا اتصلت عليها وگتلها تطلعلي بسرعة اريد احجي وياها واخذتها بسرعة فارس معصب كلش:اكو شي اسمة تليفون تتصل تگول تنطي خبر مو تخلينه گاعدين ع نار بهاء:صحيح اسف وحقك علي انا التهيت ولهيتها وياي ومااتصلنة فارس:وين انتو هسة؟ بهاء:بالمستشفى فارس اخترع:ليش شصاير؟ بهاء:ماصاير شي بس جبتها للمستشفى افرجها عليها فارس بشك:اكيد انتو بالمستشفى؟ بهاء فهم عليه:والله العظيم بالمستشفى اذا تريد تعال وتأكد فارس:لا مالة داعي بهاء:بعدين تعال اگلك ترا انا زوجها ع سنة الله ورسولة ف علة شنو الشك لو شي فارس:ماگلنة شي هي حلالك وهذا شي منتهين منة بس شوكت ماصارت ببيتك انت حر بيها...هسة هي بعدها ببيت اهلها واحنة ولي امرها بهاء تنهد:ماشي ماشي تطمن ماكو شي احنة بالمستشفى...شغلة ساعة وارجعها للبيت فارس:ماشي لا تطول اكثر لأن لو درا ابوي يگلب الدنيا...تعرفة مايقبل تطلعون لوحدكم بهاء تنرفز شوي:كتلك ساعة وارجعها فارس:يلا سلام بهاء:هلا سد الخط وهو متضايق رنيم:شبيك؟ بهاء بنرفزة:هسة انتي مو زوجتي بعد ع شنو هالشك...فارس يحاسبني وهو يسوي العمايل وي جوري شنو هالتناقض رنيم:حبيبي اهدا لاتضوج...فارس معصب لأن طلعت بدون مايدرون ف يحجي بدون مايحس بس هو عندة عادي ترا والله ومايحجي شي...بس ابوي انت تعرفة بعد بهاء اخذ نفس يهدي نفسة رنيم مررت اصابعها ع خدة:حياتي....خلاص بهاء اخذ ايدها وباسها ورجعها ورا رگبتة:انا اگول نرجع وين ماجنة احسن رنيم:هههههه انا اگول ترجعني للبيت احسن بهاء يبوسها ويحجي متقطع:بعد عدنة ساعة ورانا وقت طويل نزل ع رگبتها وشم ريحتها حيل وباسها رنيم بهمس:بهاء مو گلنة رگبتي لا....تخلي اثر ويشوفوها بهاء رايح بيها كلش:شششش حبيبتي... انتي سكتي ومعليج...تتدبر بعدين رجع دفن وجهه برگبتها وباسها مرة ثانية....<<نتركهم كفاااار🙈🙈🙈 . . . . . . بعد مرور اسبوعين... فادي يومين وطلع من المستشفى وحسام اعتذرلة ع الي سواه وبررلة سبب تصرفة وفادي تفهم موقفة وخوفة ع اختة ووعدة انه يعتذر لمرام وتصافت گلوبهم وحسام گل لفادي ع خوف رنيم وفادي بداخلة طار من الفرحة....رغم يدري ان تصرفها عفوي ومو لشي بس ادق التفاصيل تفرحة شحال لو هي خايفة عليه البنات جانو يجهزون لرنيم وجوري لأن عرسهم قرب وكالعادة من محل لمحل ومن مول لمول فارس كذلك جان مشغول يدور قاعة وغير ديكور غرفتة بالكامل وماخلا جوري تشوفها يريد يفاجئها بيها بيوم العرس حسام وبهاء اخذوها فرصة وجهزو وي فارس وهم اشترو غرف نوم وحجزو قاعات للعرس . . . . . . يوم عرس جوري وفارس.. العائلة كلها مخبوووووصة خبص جوري والبنات راحو للصالون ع وكت وفارس اخذوه الشباب للحلاق يجهزونة وكذا عند البنات... گاعدين بالصالون الي يرحون اله كل مرة كل ثنين يجهزون سوا وخلو جوري اخر شي حته تشتغل بيها الحلاقة عدل خلصو البنات من مكياج وتسريحة واخذو فساتينهم ودخلو لغرفة التبديل ولبسو الفساتين وجوري جاي تشتغل بيها الحلاقة طلعو البنات من الغرفة جوري بأعجاب:واااو....شخليتو الي لعد...شنو هالجمال الحلاقة تعرفهم:ماشاء الله تخبلون وحدة احلة من الثانية بس عذروني اليوم جوري هي سيدة الحفلة ف حخليها احلاكم جوري تمثل الغرور:احم احم زينة:طبعاً لازم احلا وحدة....هي هيج ومسودنة فارس....اليوم خليها تشل عقلة الحلاقة:اكييد....انتو صبرولها وشوفو شلون رح تطلع جوري:بس فدوه لاتبالغين بالميك اب الحلاقة:لا شسالفة ماتعرفون طريقتي رنيم:انا اشهد....محد مثلج بالميك اب رشا:بنات خلي نصور فيديو مرام:اي صحيح خلي نصور فيديو... حلو تبقى ذكرى جوري:رشا اخذي فوني وصوري بي رشا:وين هو جوري مغمضة عيونها جاي يرسمونها:بجنطتي البيضا ع الكرسي فتحت رشا الجنطة واخذت الفون وفتحت الكاميرا وشغلت تسجيل الفيديو رشا:هلااااووو....اليوم عرس جوري وفارس واخيراً بعد معاناة وبعد ماشلعو گلبنة رح نفتك منهم هف حمل وانشال جوري صاحت عليها:عوبة انتي شعليج گاعدين ع گلبج رشا وجهت الكاميرا ع جوري:وهااااي العروس جاي يشتغلون بيها ههههه....جوري شنو شعورج اليوم؟ جوري:مممم فرحة رشا:وبعد؟ جوري:وخوف رشا بخبث:من شنو خوف جوري فتحت عين وحدة:لاتغشمين نفسج...من شنو بعد رشا:هههههههه ختية اليوم يلعبون بيها جولة جوري لزمت بطنها:وجع لاتخوفيني زايد...اوف بطني وجعتني رشا ضحكت عليها وفرت الكاميرا ع رنيم:وهاااااي اخت العريس رنيمو رنيم:رنيمو بعينج...(اشرت للكاميرا)...هلااااوو رشا:اگول شنو شعورج اليوم اخر اخوانج يتزوج من تؤمج رنيم بفرحة:شعور لايوووووصف فرحة ع سعادة ع كلشي....الله يوفقهم يارب...بس رح ارتاح من شغلة رشا فهمت عليها وضحكت:ههههه شنو الشغلة رنيم:ارتاح من دخلات فويرس و24 ساعة لازگ بغرفتي....هسة يريد ياخذها لغرفتة ويولي محد يحاسبة وانا اضل اخابر بهاء ع راحتي جوري:اولاً فويرس بعينج لاتگولين عن فروستي هيج....ثانيا هي كلها شهر ونص وتولين لبهاء رنيم:رح تفتقدوني اكيد جوري:لا وانتي الصادقة نرتاح منج رشا ضحكت وفرت الكاميرا ع زينة ومرام:وهذن البنات زينة ومرام صديقات العروس....شنو شعوركم اليوم مرام:فرحة اكيد واگول يارب ارزقني مثلهم كلها عدها حبيب بس انا رشا:هههههه وجع مشفوحة مرام:هههههه خايبة هو الي اريده غير يحس حجارة الله يسلمة رشا:هههههه ان شاء الله يحس جوري:انتي التزمي بالخطة وهو يحس لاتخافين رشا:شوف هاي عود العروس وبس تگرگ ماتسد حلگها...عود اسم الله خايفة....الموضوع ولا يمهاا جوري:هسة انتي شعليج حاطة دوبج ودوبي....هذا يومي اسوي الي اريد رشا:ها سدينة حلگنة....وانتي زينة بقيتي بس انتي ماحجيتي زينة:هههههه شخليتولي كلشي حجيتو بس اگول الله يوفقهم ويوم لألي ان شالله وي هنودي رشا:عاااشووو هنودي صار زينة:ههههه يي شعبالج ضلو البنات يسولفون ويضحكون ويصورون وع الساعة ب7 خلصت جوري من الميك اب والتسريحة دخلت لغرفة التبديل ودخلت وياها رنيم تساعدها بلبس الفستان لبست الفستان ولبست الحذاء واخذت المسكة واجت الحلاقة ثبتت الاكليل ع راسها طلعت رنيم وگلت للبنات يوگفون ويشوفون جوري انفتح الباب وطلعت جوري البنات كلها انعجبت بيها وبطلتها طلعت من احلا مايكون... البنات هيج لابسين👇👇 | ||||||||
|  |
|
05-12-15, 01:42 AM
| #42 | ||||||||
| مراقبة عامة ومشرفة منتدى الروايات المنقولة
| صارت ساعة ب7:30 ورنيم اتصلت ع بدر يجي ياخذهم...هو الي يوصل جوري للقاعة والبنات رشا ومرام وزينة صعدو وي حسام ووصلهم للقاعة ركبو بالسيارة وتوجهو للقاعة.... دقايق ووصلو وجانت السيارات تارسة المكان ع باب القاعة وصلت سيارة بدر ووگف يم باب القاعة...نزل بسرعة وفتح الباب لجوري ونزلت رنيم تساعدها تنزل فستانها ودخلوها للقاعة والبنات وراها انفتح الباب الداخلي ودخلت جوري واستقبلتها ام فارس بالهلاهل تقدمو رنيم ومرام وطگوها هلهولة:كلللللللووووووووش جوري تمشي بهدوء ومبتسة ويزين وجهه الخجل الضيوف كلها منبهرة من جمالها ورقتها.... رشا شايله اطراف اكليلها وراها وزينة ترش عليها اوراق من ورد الجوري الطبيعي وصلت للكوشة وگعدت عليها اجت ام فارس ناحيتها تقرا وتسمي عليها وتحوطها بالمعوذات والايات الاغاني طبعاً تشتغل والجو كلش حلو البنات گامو يرگصون وكل شوي يگومون جوري ترگص وياهم ورا ساعتين... اجة وقت دخول فارس���� الضيوف ابتعدو وكلمن گعد بمكانة استعداد لدخولة البنات نزلو من الكوشة ووگفو ع جنب اشتغلت اغنية الانين-ريحة هلي- وانفتح باب القاعة...ودخل فارس ووراه فادي ومهند وحسام وبهاء واخوانة خالد وبدر جوري وگفت...فارس رفع نظرة عليها وابتسم...مامصدگ الي گبالة تقدم ناحيتها بهدوء ووصل للكوشة ووگف يم جوري...لزم ايديها ويباوعلها بدون اي كلمة وهي تباوعلة بأبتسامة رقيقة وساكتين...ضربات گلبهم ونظراتهم هي الي تعبر مشاعرهم فارس رفع ايدين جوري وباسها برقة وتقدم واخذها بحضنة بهدوء ورومانسية البنات كلهم دموعهم تنزل بهاء اخذ رنيم بحضنة وحسام اخذ رشا وخالد وبدر اخذو رانيا وبتول حضنوهم مهند حضن زينة...فادي التفت ع مرام شافها تباوعلهم وتبجي...سحبها من ايدها بهدوء وحضنها وهو مبتسم ابتعد فارس عن جوري واشر لفادي يجيبلة المايكرفون اخذ فادي المايك وانطاه لفارس فارس نزل من الكوشة وصار بنص القاعة والتفت ع جوري ونظراتة مركزها عليها بلش يغني بكل احساس وعيونة تنطق بالعشق واحلم ليه وانا وياك..ده انا لامس بأديي ملاك واتمنى ايه ياحبيبي وانت قدام عنيا ولاحسيت غرام قبليك ولا عرفته ألا جوا عنيك حبيبي خلاص بقيت انا ليك وانت بقيت ليا ميهمنيش ألي فات من عمري ايه والي فاضل ليا فيه انا عايشو ليك وانا بين أيديك اي شيء ميهمنيش اصلي كنت هموت واعيش عمري لعينيك انا من زمااان قلبي نفسو يعيش معاها وكان حلمي افضل معاها عشت عمري ده كلو ليها كل الي كان من حياتي لقيتو فيها نفسي اكمل عمري بيها وابقى جمبها بين ايديها تقدم فارس ناحية جوري ومدلها ايده...لزمت بأيدة جوري ونزلها من الكوشة وقربها ناحيتة كمل الاغنية تفرق كتير ان حلم حلمت بيه تصحى يوم فجئة تلاقيه قدام عينيك انت الوحيد ألي لما بكون معاه بلقى روحي مصدقاه ودايبه فيه ميهمنيش الي فات من عمري ايه والي فاضل ليا فيه انا عايشو ليك وانا بين ايديك اي شيء ميهمنيش اصلي كنت هموت واعيش عمري حعيش انا من زماان قلبي نفسو يعيش معاها وكان حلمي افضل معاها عشت عمري ده كولو ليها كل الي كااان من حياتي لقيتو فيها نفسي اكمل عمري بيها وابقى جمبها بين ايديها خلص الاغنية.. قرب من جوري وعيونة بعيونها وحجة بالمايك فارس برومانسية:جوري...گدام الكل والكل يسمع...اگلج...انا احبج واعشقج وحياتي نورت من دخلتيها ياشمس حياتي وكل دنيتي وحاضري ومستقبلي...وزوجتي...احبج واحبج واحبج جوري عيونها مدمعة بس بالگوة لازمة نفسها لاتخرب ابو الميك اب هههه نزل المايك واشتغلت اغنية شيرين-حبيتو بيني وبين نفسي- خفضو الاضاءة وحوط فارس جوري من خصرها وجوري حوطت رگبتة بأيديها ورگصو سلو حط فارس جبهتة ع جبهة جوري وغمض عيونة وجوري نفسة ويتحركون بهدوء وخطوات رائعة خلصت الاغنية واشتغلت اغنية ثانية لأسماعيل مبارك-شوق- بهاء لزم ايد رنيم واخذها لنص القاعة يم جوري وفارس وحاوط خصرها وبدو يرگصون الشباب شافو بهاء وكلمن اخذ حبيبتة ورگصو وياهم وفادي اخذ مرام ورگص وياها منظرهم جميل جداً وطبعاً المصورة تصور كلشي بدر ترك رانيا واخذ جوري من فارس ورگص وياها بس مو بقرب زايد وفارس اخذ رنيم من بهاء ورگص وياها ع الساعة ب11 خلصت الحفلة وتونسو حيل ورگصو هواي طلعو من القاعة الشباب جانو مجهزين لفارس زفة معتبرة ركبت جوري بالسيارة الدودج العالية وجانت مزينة بورود طبيعية وفارس ركب يمها والشباب والبنات ركبو بالسيارات وانطلقو بيها والاغاني تشتغل بإعلى صوت واللايتات معليها كلش والهورنات ماوگفت فرو بيهم للساعة ب12:45 ماخلو مكان ماراحولة وجانت زفة تجننن كل الي بالشارع يباوعولهم وتونسو عليهم...وبعض الشباب الي بالشارع تحمسو وياهم وهم شغلو اغاني عالية والهورنات تدگ خلصو الزفة بالشارع ووصلو فارس لبيتهم...وگفت السيارات كلها يم بيت فارس ونزلو كلهم فارس نزل من السيارة وفتح الباب لجوري ونزلت فتحو باب البيت فارس رأسن شال جوري بين أيديه جوري صرخت وتعلقت برگبته:اااا....فارس انت ماتجوز من هالحركة فارس:هههههه لا ماجوز اخذها وتوجه للبيت وهو شايلها الشباب صياح ويذبون عليه كلام وضحك عالگ فادي صاح:فاارس اليوم يومك لاتفشلنة مهند:فارس ترا انت قدوتنا نتعلم منك لا تخلي روسنة بالارض فارس ولاكنة يسمعهم...اخذ جوري ودخل وسد الباب وراه الشباب صعدو بسياراتهم وكلمن رجع لبيتة ورنيم ورشا دخلو ورا فارس للبيت عند فارس وجوري دخل فارس للغرفة ونزل جوري وسد الباب وراه وقفلة فارس:واخيييراً...مبروك عليج انا جوري ابتسمت:الله يبارك بيك فارس:شنو رأيج بالغرفة؟؟ جوري التفتت ع الغرفة وشافتها وانبهرت بيها:وااااووو تجننن فارس حضنها من ورا:اعرفج تحبين هاي الألوان وهيج ديكور ف سويتها جوري فرت عليه وحضنته:الله لايحرمني منك فارس ابتسم وبهمس:ولامنج جوري سكتت فارس ضل حاضنها وساكت...شوي وحس بيها تبجي بعد عنها:حبيبتي شبيج؟؟...ليش تبجين جوري:تذكرت امي...تمنيتها وياي وتشوفني بالابيض وابوي يزفني الك فارس رجع حضنها:ياعمري انتي امج اكيد هسة تشوفج وفرحانة ع فرحتج...هي جانت تتمنالج السعادة والراحة وهاي انتي مرتاحة....وبعدين انا امج وابوج وزوجج...لاتبجين ولاتنزل دموعج الغالية وادعيلهم بالرحمة جوري هدت شوي...فارس مسح دموعها بأطراف اصابعة وباسها بشفايفها بهدوء ورقة ثواني ورفعها بين ايديه وسدحها ع السرير جوري ارتبكت:ا اا فارس...خلي انزع الفستان اول فارس بهمس ذايب:انا انزعج جوري مرتبكة:ها..لالا انا انزعة وابدل واجيك فارس عرف انها خايفة ومرتبكة:حياتي اهدي لاتخافين ماكو شي يخوف ترا جوري تبين عادي بس يبين ع وجهه الخوف:لا ماخايفة من شنو اخاف فارس حضنها وباسها ع جبينها:حبيبتي انا يمج...انا فارس حبيبج...ثقي بية ماكو شي يخوف جوري ساكتة وگلبها يرگع فارس باسها بخدها وشفايفها...نزل ع رگبتها وشمها وطبع قبلة عليها.... فتح سوستة الفستان وسدحها ع السرير ووووووووووووووووو����عيييب : : : : : : يوم ثاني الصبح.... فتحت جوري عيونها وشافت المكان غريب...التفتت ع الجنب ولگت فارس متكي ع ايدة ويباوعلها بأبتسامة جوري ابتسمت:صباح الخير فارس بعد خصلة من شعرها عن وجهه:صباح الورد والعسل...صباحية مباركة جوري غطت وجهه باللحاف فارس ضحك عليها:هههههه اذوووب انا ع الخجلان سحب اللحاف عن وجهه وقرب منها وباسها...رأسن سحب اللحاف عنها جوري صرخت بخجل:لاااا...فارس لاتباوع فارس:هههههه هو انا شفت كلشي البارحة بعد شنو لااباوع جوري گب وجهه احمر وغمضت عيونها فارس اخذ ايديها وحطهم فوگ راسها ورأسن صار فوگها وربطها جوري ميتة خجل:اااااا فارس فدوة الله يخليك خليني ابدل فارس:ههههه ما...عاجبني هيج شكلج جوري:باوع الساعة...عيب تأخرنة عنهم فارس بضحك:منو الي تأخرنة عنهم؟ جوري:اهلك فارس فلتت ضحكتة:ههههه لالا ماعليهم بينة يعرفونة عرسان ويعذرونة جوري تحاول:زين انا اريد اگوم فارس ماسمع كلامها وانحنة عليها راد يبوسها وفجئة سمع صوت تطبيل ع الباب وصوت رنيم ورشا يصيحن رنيم تطبل وتغني:فارس فارس فروووس يلا اگعد كاافي رشا نفسها:جوري جوري يلا گومي فارس عصب منهم...جوري ضلت تضحك عليهم فارس التفت عليها:تضحكين ها جوري:هههههه فارس گام عنها:اوريج خل اوريهم شغلهم وارجعلج نزل من السرير ولبس البجامة وغطا جوري باللحاف وطلع للبنات فتح الباب وبعصبية:خييييير رنيم بضحك:هههههه صباحية مباركة ياعريس فارس:الله يبارك بيج...يلا باي راد يسد الباب بس بسع حطو ايديهم البنات رشا:لالا وين...كافي ماشبعتو نوم...وين جوري نريد نباركلها فارس دفعهم:نايمة..(سد الباب بوجهم) البنات ضحكو عليه وراحو جانو يردون يزعجونة وهذا الي صار اما عند جوري...ف من طلع فارس استغلت الفرصة وطفرت للحمام وسدت الباب وقفلتة دخل فارس ماشافها ع السرير...عرف انها بالحمام...اخذ المنشفة واخذ المفتاح الاحتياطي لأن يعرف حركاتها فتح الباب ودخل وقفلة وراه وووو ماسوا شي الولد مؤدب���� : : | ||||||||
|
| |
|
05-12-15, 01:43 AM
| #43 | ||||||||
| مراقبة عامة ومشرفة منتدى الروايات المنقولة
| بعد مرور اسبوع فارس اغلب وقتة بالغرفة وي جوري ومايخليها تطلع ههههه رنيم ورشا كل مايضوجون يرحون يدگون ويطبلون ع باب غرفة فارس ويزعجوه مرات ياخذون جوري منه ومرات ياخذون كم طبنة من فارس ساعة ب5 العصر طلعو فارس وجوري من الغرفة ودخلو للصالة جانو رنيم ورشا گاعدات يشوفون تلفزيون شافو جوري وفارس رأسن نطو من مكانهم وصفگو ويغنون:طلعَ البدر علينا فارس:انا هيج ازعاج مثلكم ماشايف رنيم ورشا اخذو جوري وگعدوها يمهم:ياخي كافي مامليت منها اعتقها...اشتاقينالها فارس:لا مامليت...شرايدين مني...عريس بعدني بأول اسبوع رنيم:اوف منك انت التفتت ع جوري والتهو البنات يسولفون وي جوري ومانطو بال لفارس فارس طلع من الصالة وگعد بالمطبخ يدخن واتصل ع فادي واتفق هو وياه يطلعون اليوم لمطعم ويعزمون الشباب رجع دخل للصالة...اجة ناحية جوري وسحبها من ايدها وگومها وگعد ع قنفة منفردة وخلاها بحضنة فارس:كافي خليتكم تگعدون وياها عشر دقايق رشا:والله هواي فارس:كلش هواي...ابتعدت عنها عشر دقايق اشتاقيتلها...حمدو ربكم طلعتها الكم جوري تضحك:ههههه رنيم:تضحكين انتي ووجهج متونسة جوري حضنت فارس وحطت راسها ع صدرة:طبعاً متونسة...تزوجي وتفهمين رنيم فرت عنها وتعيب عليها:تزوجي وتفهمين فارس التفت ع جوري ويلعب بأصابع ايدها ويتغزل بيها ولاكأن رشا ورنيم موجودات وذن الثنين مصفنات عليهم رشا:انتو يالكناري...ماخلصتو فارس:اوف منكم شكد مزعجات...حبيبي اليوم حتعشا برا الشباب عزموني صارلي اسبوع ماشايفهم جوري:ماشي عمري...يمتة حتروح؟ فارس:هسة گايم ابدل واطلع..(گام من مكانة واخذ جوري وياه)...تعالي ساعديني دخلو لغرفتهم وجوري طلعت ملابس لفارس ولبسهم اخذت عطر وعطرتة وعدلتله الياخة:مو تتأخر فارس حاوطها من خصرها:وانا اگدر اتأخر؟ جوري:هههه يلا روح لاتتآخر ع الشباب فارس:اوك بس اول اخذ تصبيرة لليل انحنة عليها واخذ شفايفها...نزل ع رگبتها وطبع قبلة عند البنات... رجعو يشوفون الفلم دقايق ودخلت جوري وگعدت بصفهم واخذت كاس العصير وشربتة رنيم:واخيراً تركج جوري:هههههه رشا فجئة شهقت:هييييي البنات اخترعن:شنو شصار رشا تأشر ع رگبة جوري:شنو هذا؟ جوري ضحكت بخجل وغطتها بشعرها رشا:خررب يومكم ولج توا جنتي هنا وماكو شي رنيم:بعد ماتعرفين فويرس...لازم يترك بصمتة يلا يروح رشا:انا اگول شلون تركها وهو يگول اشتاقلها بالدقايق...اثاري اخذ تصبيرة جوري غمضت عيونها وصرخت:كااافي...ترا ماگعد يمكم اذا تضلون هيج تحجون البنات:لالالا هذاهو سكتنة...احنة ماصدگنة ع الله تگعدين ويانة ونشوفج...هي كم ساعة ويرجع فويرس ياخذج جوري بتهديد:هااا البنات حطو ايديهم ع حلگهم وسكتو : : : : : : : عند فارس... طلع من البيت وركب سيارتة وتوجه للمطعم دقايق ووصل وركن السيارة بالباركنغ ونزل دخل للمطعم وشاف طاولة الشباب وكلهم موجودين وهو اخر الواصلين توجه الهم:سلاام الشباب بردود مختلفة:اهلااا...هلا والله...هلا بالعريس فارس ضرب كفة بكف الشباب وگعد فادي:شخبارك فارس:تمام التمام مهند:ها فارس...شلونة الزواج..تنصحنة بي؟ فارس:اي والله الي مايتزوج عمرة خسارة مهند:بلله فارس:والنبي...ماكو هيج حسام:وبشر شسويت فارس غمزلهم:افا عليكم...اخوكم اسد فادي:من اول يوم؟؟ فارس بضحك:من اول ساعة بهاء فشر:خرب عرضك الگـــــــــ شنو انت فارس:هههههه بس والله حلو الزواج...تزوجو وتفهموني عدل بهاء:انا شهر ولاحگك حسام:وانا وراه مهند:انا عن قريب فادي:بعدني ع الشحن فارس:ههههههههه خطية مضا الوقت بين السوالف والضحك والشقة واجة وقت العشا وحطو الاكل واكلو وخلصو دگ فون حسام... رد:الوو.....هلا بيك....تمام انت شخبارك....هلا تفضل....ماشي...ماشي ربع ساعة واكون يمك...لالاتخاف محد يدري...مع السلامة سد الفون:شباب انا رايح عندي مشوار ضروري فارس:منو الي اتصل حسام:واحد صديق مهند:ليش تگلة لاتخاف محد يدري حسام:هذا صديق قديم وياي هو عندة حقارة ومرة جان حاط ببالة بنية وسوا كلشي حتة يوصللها وراد يعتدي عليها بس ماگدر وهسة شارد خايف يلزمونة اهل البنية ويمردعونة هههه فارس وفادي شكو بالموضوع:شنو اسمة؟ حسام:سلطـــان فارس:سلطان شنو؟؟ حسام:سلطان ال..... فارس وفادي واحد التفت للثاني حسام بأستغراب:ليش تسئلون عن اسمة...تعرفونة؟؟ فارس:لا مانعرفة بس هيج فضول فادي:وهو وين شارد؟ حسام:گاعد ببيت عندي بعيد شوي منا فادي:اها حسام:يلا مع السلامة...نلتقي غير وكت الشباب:الله وياك طلع حسام من المطعم والشباب كملو سهرتهم...مهند طبعاً يعرف سلطان بس سكت لأن فاهم فارس وفادي وعرف اكو براسهم موال بعدين يفهمة ع الساعة ب11 رجع فارس للبيت دخل للصالة وشاف البنات كل وحدة منسدحة ع كنبة وبحضنها فوشار وتاكل ويباوعون ع الفلم ومندمجين حيل ماحسو بوجودة...طلع من الصالة ودخل لغرفتة واخذ الفون واتصل ع فادي رد:الو فارس:هلا فادي...اگلك فادي:گول فارس:خلي نگل لحسام بالسالفة حتة يدلنة ع المكان ونروح نعلمة شغل الله هذا الواطي فادي:طيب انت تگلة لو انا؟؟ فارس:لا انت اتصل بيه وفهمه كلشي احسن فادي:اوك هسة اتصل بيه فارس:بس نبه عليه لايخلي سلطان يحس ويفلت بغير مكان فادي:لالا تطمن فارس:يلا مع السلامة فادي:الله وياك سد الخط وترك الفون وطلع من الغرفة ورجع للصالة دخل وطبعاً لازم النذالة تشتغل...وضرب الباب برجلة بقوة وخرع البنات وگعد يضحك عليهم تالي گعد وياهم بالصالة واكيد طبعاً اخذ جوري لحضنة وضلو سوالف وضحك وشقة وسهرو للفجر تالي راحو نامو . . . . . . . . يوم ثاني الصبح ساعة ب9 دگ فون فارس رد بصوت كلة نوم:الو فادي:نايم؟ فارس:ايه...خير صاير شي؟ فادي:اتفقت وي حسام نجيه للشركة اليوم ونتفق شنسوي فارس تنهد:طيب...نص ساعة واجيك فادي بتحذير:موترجع تنام فارس:لالا گايم فادي:يلا اوك سد الخط فارس والتفت ع جوري وشافها غاطة بالنوم ولا حاسة طبع قبلة سريعة ع شفتها ونزل من السرير ودخل للحمام واخذ شاور سريع لف المنشفة ع خصرة وطلع...فتح الدولاب وطلعلة جينز نفطي وشيرت رصاصي خلاهم ع كرسي التسريحة ووگف گبال المرايا ينشف شعرة گعدت جوري ع صوت حركتة وبصوت ناعس:صباح الخير فارس التفت عليها وبأبتسامة:صباح النور جوري:طالع؟ فارس:اي عندي مشوار ضروري وي فادي جوري بأستغراب:خو ماصاير شي فارس نزل المنشفة من خصرة واخذ الجينز ولبسة:لالا ماصاير شي هيج مشاكل بالشركة جوري غطت وجهه باللحاف:اهاا فارس ابتسم ع حركتها وعرف انها خجلت لأن نزل المنشفة گبالها لبس الشيرت ومشط شعرة وحط عطر وگعد ع كرسي التسريحة يلبس الحذاء خلص واخذ سويجة وبوكة والفون...راح ناحية السرير ورفع اللحاف وشاف جوري مغمضة عيونها همس بذانها:نمتي؟ جوري:نعسانة ماشبعت نوم فارس:اوك حبيبي ابقي نايمة لحد ماارجع جوري:ماشي باسها ع راسها وغطاها وطلع من الغرفة...دخل لغرفة الطعام وشاف الريوگ ع الطاولة ومغطى گعد ع الكرسي وتريگ تالي گام وطلع من البيت وركب سيارتة وتوجه لبيت فادي دقايق ووصل ودگلة هورن...طلع فادي وركب السيارة فادي:سلام فارس:هلا...شنو صار البارحة فادي:اتصلت بحسام وگتلة ان احنة نعرف سلطان والبنية الي راد يعتدي عليها هي جوري وتفهم الوضع وگال انتو بكيفكم شتسوون بيه حقكم...وگال انا ماجنت ادري انو تعرفونة وانو تجاوز ع زوجتك جان گلتلكم من البداية...المهم گلي تعالو الصبح لشركتي ونتفاهم فارس:حلوو دگ فون فارس فارس:هذا مهند..(رد)..الو مهند:صباح الخير فارس:هلا صباح النور مهند بدون مقدمات:فويرس تعال علي اروح وياكم لحسام فارس انصدم:خرب يومك منين عرفت؟ مهند:عرفت بعد...والي حساب ثاني وياكم انتو الثنين لأن ماگلتولي من البداية فارس التفت ع فادي عرف انه هو الي گايلة:طيب انا قريب من بيتكم خلك جاهز مهند:انتظرك سد الخط وهو يباوع لفادي فادي ضحك ورفع ايديه:ههههه انا معلي هو الي اتصل واصر انو يعرف شنو السالفة فارس:اوف منك...ع العموم خل نروح عليه يريد يجي ويانة فادي:اي ادري سمعتك ههههه ترا انا گاعد بصفك من خابرتة فارس:انطم بلة انطم وصلو لبيت مهند ودگلة هورن فارس فتح الجكمشة وطلع المسدس وحط بي طلق وسدة فادي:ها ها شو طلعنة مسدس...شناوي تسوي فارس باوعلة وبضحكة:ههه سلامتك بس اتفرج عليه فتح مهند الباب ودخل للسيارة:سلام...(شاف فارس لازم مسدس)...ها يابة شناوي عليه انت فارس:ماناوي شي بس انطيه گرصة اذن حتة مرة ثانية مايفكر مجرد تفكير يندگ براسي فادي:فارس لاتتهور بلة مالنه خلگ طلايب فارس بعناد:لا الظاهر هو ماعرفني زين وشنو ممكن اسوي...انا انسان بايعها كلش وماهمني اي شي...لو يموت گدامي ماهمني....وهو تجاوز ع املاكي ف يتحمل الي يجيه مهند:مامنك فايدة راسك يابس فارس:اذا صارت طلايب انا اتحمل المسؤولية فادي:لا شنو انت الي تتحمل كلنة وياك احنة هم بايعيها وماهمنة شي حرك فارس السيارة...ربع ساعة ووصلو للشركة...صفو السيارة بالباركنغ ونزلو ودخلو للشركة وگفو يم السكرتير فادي:الاستاذ حسام موجود؟ السكرتير:اي موجود...منو اگلة حضرتك؟ فادي:گولة فادي ال..... واصدقاءة السكرتير رفع سماعة الفون:ثواني...استاذ جايينك ضيوف حسام:منو السكرتير:يگول اسمة فادي ال...... ووياه اصدقاءة حسام:اوك دخلهم ولاتخلي احد يدخل علينة...الي يجي گلة عندة اجتماع السكرتير:ماشي استاذ...(حط السماعة)...تفضلو الاستاذ ينتظركم دخلو الشباب للمكتب وسدو الباب وسلمو ع حسام وگعدو حسام:گلولي هسة شنو متفقين عليه انتو؟ فارس:انت ودينة الة واحنة هناك نشوف شغلنة وياه حسام:زين...تضربونة لو تستخدمون سلاح؟ فارس:لا ماتعب نفسي...طلقتين افض السالفة حسام ضحك:ههههههه هيج بكل بساطة طلقتين وافض السالفة فارس:هههههه اولاً هذا واطي ويستاهل كلشي...لأن سبق وضربناه ومافاد ف مايفيد غير السلاح....ثانياً انا مارح اقتلة خلاص...اضربة بأماكن ماتموت حسام:اذا تريد انا اضربة...انا متمرس ع السلاح فادي رفع ايدة:وانا اشهد محد گدك بالسلاح م هند بآستغراب:ليش انت وين شايفة فادي:مرة شفتة يتدرب عليه فارس:المهم...مالة داعي حسام تكفي وگفتك وياي...انا متدرب ع السلاح عادي اگدر اضربة حسام:ع راحتك فارس:يمتة نروحلة؟ حسام:خليها ورا الظهر...هسة خل نطلع نتمشى شوي ونتغدا بمطعم وتالي نروح الشباب:اووك گامو الشباب وطلعو من المكتب ومن الشركة وضلو يتمشون تالي راحو لمطعم وتغدو وگعدو سولفو شوي...انوب ركبو بسيارة حسام وتوجهو لمكان سلطان . . . . . . . . . عند رنيم ورشا... گاعدات بالصالة كالعادة لا شغل ولامشغلة ماغير مگابلات التلفزيون...شطبو الافلام ع ايديهم دخلت عليهم جوري وعيونها مورمة من النوم:مساء الخير البنات التفتو عليها وطاحو ضحك:ههههههههههه جوري گعدت ع القنفة:ع شنو الضحك رنيم:انتي شفتي شكلج قبل ماتجين هنا جوري:اي شفت...عيوني مورمة ادري رشا:هههههه انتي ماتشبعين نوم انتي وهذاك جوري تتمسكن:وج والله الليل ماانام رنيم:ندري ماتنامين بس البارحة نمنة سوا وگعدنة قبلج جوري:ايي خوش عليج نمنا سوا...ع اساس فارس رح يخليني رشا:ههههههه بيش الساعة نمتو جوري سدحت روحها ع رجل رنيم وحطت ايدها ع عيونها:ب 7 الصبح رشا بغباء:ويييلي...شعدكم گاعدين للصبح جوري ورنيم ضحكو عليها:ههههههههههه جوري:سلامتج بس گعدنة نلعب انسان حيوان رشا:وجع لاتضحكون وانا شمدريني بفويرس مايشبع هيج رنيم:عرسان يختي عرسان اكيد مايشبع جوري ضحكت:هههههه تحجين درر....رنومة فدوة فركيلي راسي شوي موتني من الصداع رنيم استعدلت بجلستها ولزمت راس جوري وبدت تفركة:استرخي وغمضي عيونج سوت جوري مثل ماگلتلها رنيم دگ فون رشا:هاي مرام ردت:الو مرام:مرحبااا رشا:مرااحب...شلونج مرام:تمام...اگلج ترا والله ماصارت رشا بأستغراب:شنو شبيج مرام:فارس ماناوي يعتق جوري...اشتاقينالها صارلنة اكثر من اسبوع ماشايفيها من يوم العرس رشا:ولج اذا هو احنة الي عايشين وياها بنفس البيت مانشوفها هواي جوري صرخت:مرااامي حبيبي مشتاقتلج مرام:فتحي سبيكر فتحت سبيكر رشا مرام:جوري يالعوبة...تزوجتي واختفيتي...مكانج فااارغ تعودنة عليج رنيم:اي والله هي ملح الگعدة جوري:ياحبيباتي والله انا هم مشتاقتلكم...بس شسوي لفارس مرام:شتسوين لفارس لو انتي هم متونسة عليه جوري:ههههههه زين عندي فكرة مرام:شنو فارس اليوم ماحيجي للبيت يتأخر معزوم وي الشباب...ف تعالي ونتصل بزينة هم تجي ونسوي جمعة بنات مرام تونست:ربع ساعة وانا عدكم جوري:ههههه اوك ننتظرج سدت الخط رشا جوري:اتصلي بزينة اتصلت عليها وفتحت سبيكر وثواني وردت:الو جوري:هلووو زينة بصدمة:جوري جوري:ههههه اي جوري شبيج منصدمة زينة:شعععععجب فارس تركج جوري گلبت بعيونها:ههههه شحاطين دوبكم وي فارس زينة بنرفزة:اي لأن ماخذج من عدنة جوري:يمة فدوة هلگد تحبوني ومشتاقين الي زينة:اي والله هواي اشتاقينالج جوري:ههههه وعليه تعالي اليوم لبيتنا مسوين جمعة بنات زينة:اهم شي فارس يكون ماموجود مو نجي ونتعنة تالي ياخذج جوري:ههههه لالا ماموجود زينة:حلوو ربع ساعة بالكثير وانا يمكم جوري:بالانتظاار سدو الخط جوري گامت:انا رايحة اعدل نفسي شكلي مبهذل رنيم:حتة انا گايمة ابدل رشا بضحك:جوري دخيلج حطي خافي عيوب لرگبتج جوري:ههههههه زين نبهتيني . . . . . . . عند الشباب... وصلو للمكان الي بي سلطان نزلو من السيارة وتوجهو للبيت دگو الجرس.. دقايق وانفتح الباب وطلع سلطان رفع راسة شاف فارس والبقية رأسن راد يسد الباب بس فادي بسرعة رفس الباب برجلة ودخل ودخلو الشباب سلطان بسرعة رگض ودخل لغرفة وقفل الباب لأن يعرف مصيرة شنو وخاصة انهم مجموعة ضد واحد ف ماتفيدة المواجهه الهرب احسن شي تقدم فارس ومهند ورفسو الباب بكتفهم وانكسر الباب سلطان بعد ماالة مهرب وگف گبالهم تقدم فارس:ها سلطان سلطان ابتسم ابتسامة حقيرة:ها فارس فارس ردلة الابتسامة بحقارة اكبر:هههه طلعت جباان سلطان:احترم نفسك فارس:ههههه هو شنو احترم نفسي...كلها شافتك شلون تشرد مني.... هيج انا مسببلك رعب سلطان بقوة عين:تخسي فارس اختفت بسمتة وتحولت نظراتة شيطانية:دام اخسي...ليش تجي وتدوسلي ع طرف سلطان ببرود وكأنة مامسوي شي:ماجنت حاس ع نفسي فارس سحب المسدس من خصرة:انا رح اخليك تحس ع نفسك سلطان فتح عيونة بصدمة:فارس اياني وياك تسويها فارس يهز براسة:للأسف رح اسويها سلطان التفت بسرعة ع حسام:انت خاين...وثقت بيك وغدرت بية وتعاونت وي عدوي حساام بأستحقار:محد خاين غيرك...ماجنت ادري بيك واطي لهدرجة...وتستحق كلي يصيرلك سلطان:فارس...انا مستعد اعتذرلك واعتذر لجوري بس لاتسوي شي فارس صرخ بوجهه:لاتطري اسم جوري ع لسانك ياخسيس سلطان يترجى:والله بعد ماعيدها صدگني ماعيدها التوبة ورح ابتعد عنكم نهائي فارس بأستهزاء:هه سمعنة هالكلام سابقاً سحب السلاح وضرب طلقة برجلة وگع سلطان بالارض وصرخ بأعلى صوتة:اااااااااااااااااااا� �ااه فارس:هاي حتة بعد ماتعتب رجلك يم اشيائي ضربة ثانية بعضدة وسلطا ن حنجرتة راحت من الصيحة فارس:هاي حتة تحرم تلمس جوري سلطان يتلوى ويجر انفاسة بالگوة:اااه الله ياخذك ااااااه.....اااااااه بوية فادي تقدم:شفت حنجرتك شصار بيها....يوم جوري حنجرتها راحت من الصريخ مارحمتها وتضحك عليها بدون رحمة...احنة تعلمنة انعدام الرحمة منك فارس بتهديد:هالمرا كسرتك...بس قسماً بالله العلي العظيم ان لعبت بذيلك منا منا اصعدك للرفيق الاعلى طلع فارس ولحگة فادي ومهند سلطان باقي يتلوى من الالم ويصيح بأعلى صوتة...يحس روحة تريد تطلع:ااامممم ااااااااااااااه يااارببببييي حسام تقدم ناحيتة ورفعة:انا اصير احسن منك والحگ عليك...ولا انت تستاهل الموت حسام شال سلطان وطلع بيه وصعدة بالسيارة وركب هو وشخط بيه ع المستشفى الشباب اخذولهم تكسي ورجعو لأن توقعو حركة حسام . . . . . . . عند البنات... گاعدات وضحك وسوالف كالعادة يعني والحلويات والعصاير والشبسات والمكسرات حوالينهم مرام:اگول بنات البنات:گولي مرام:انا بعد ماريد اكمل بالخطة جوري:لييش؟؟ رنيم:صاير شي؟؟ مرام بقهر:لا ماصاير...بس فادي مامنة امل مايحبني زينة:بس هو معجب بيج مرام:شفايدة الاعجاب بدون حب...هو گلبة متعلق بوحدة ثانية ومايگدر ينساها...شسويلة يعني انا...تعبت وانا انتظر عسا ولعل جوري:زين ليش ماتعترفين الة رشا:اي صحيح...اعترفيلة بحبج وشوفي شنو يگول مرام:واذا رفضني؟ زينة:حتة لو يرفضج...اهم شي تطلعين الي بگلبج وترتاحين ولا تضل حسرة بعدين مرام مترددة:هيج گولتكم؟؟ جوري:اي حبيبتي سوي الي گلنالج عليه ومعليج مرام:ماشي بس يمتة؟ جوري:نشوف هاي اليومين نحاول نرتب جمعة بيناتنا وتعترفين الة مرام:اووك انفتح باب الصالة ودخل فارس:مرحبا الكل:اهلن فارس:البنات اليوم هنا جوري:اي صارلنة هواي مامتجمعين فارس ابتسم:اهاا زينة:اي اشتاقينة لجوري انت طول الوقت حابسها يمك فارس:ههههههه وانتو شعليكم...مرتي وكيفي مرام:ماگلنة شي بس ع الاقل نشوفها نحجي وياها مو كلش فد مرة رنيم تأشرلها:حبيبتي لاتعبين لسانج...لأن مارح يفيد...احنة طاحت وذرة من لسانة ولاكأنما يسمع زينة:ندري بي بس نطلع حرگة گلبنا فارس التفت ع جوري:گاعده تتمضحكين انتي بدل ماتدافعين عني جوري:ههههه شسوي اذا زوجتك محبوبة والكل يحبها فارس:اي والله صحيح...ماگدر انكر هالشي...(انا رايح ابدل)...جوري تعالي رايدج رنيم:اي ماوصيك خليها للصبح فارس ع العناد شال جوري بين ايديه وانطاهم ابتسامة استفزاز وطلع البنات بدو تعليقات عليهم وصياح دخل فارس للغرفة وقفل الباب...وتقرب من جوري وباسها:اشتاقيتلج جوري حضنتة:حتة انا...طولت اليوم برا فارس: اي جان عندي شغل ضروري وانوب الشباب عزموني ع الغدا وصار عشا ومنا ومنا والتهينة جوري ابتسمت:بالعافية عليكم اهم شي تونست فارس رفعها وحطها ع السرير:نص ونص...هسة اكمل ونستي جوري:هههه فارس البنات ينتظروني عيب فارس يبوسها:لا موعيب...يعرفون بعد من اجي انا معناها خلص جوري بهمس:فااارس فارس ذااايب:عيووون فارس...روووح فارس...گلب فارس جوري عيونها تلمع وبأبتسامة:ماكو امل.. فارس انحنة عليها:ابد...خارج منطقة التغطية حالياً...................................... ...... .. اندگ باب الغرفة...فارس طنش بس استمر الدگ وسمع صوت رنيم رنيم:فاارس....تعال الشرطة بالباب طالبينك فارس گام ولبس ملابسة وجوري تغطت بالشرشف جوري خافت:خير...شصاير فارس فهم السالفة:ماكو شي حبيبتي انتي ابقي بالغرفة وانا اشوفهم واجي جوري:لاتطول طلع فارس من الغرفة وتوجه ناحية الباب الخارجي فارس:اهلاً تفضل الضابط:انت فارس ناصر ال...... فارس:اي نعم انا الضابط:تفضل ويانة مطلوب بالقسم فارس:ابدل ملابسي واجي دخل فارس للغرفة وفتح الدولاب وطلعلة حي الله ملابس وبدلهم جوري بخوف:فارس شصاير وين رايح...شنو يردون الشرطة فارس يهديها:ماكو شي حبيبتي بس فادي متورط بمشكلة ولازمينة الشرطة ورايح اشوفة جوري:واهله وينهم فارس:طالبيني انا لأن اكيد فادي مايريد اهلة يطلعون...يلا حبيبي رايح باي جوري:هلا طلع فارس من الغرفة وتوجه للخارج وراح وي الشرطة للقسم اما جوري بدلت ملابسها وطلعت يم البنات تكمل السهرة وياهم بس كل بالها يم فارس گلبها مامتطمن : : : : : : : بالقسم... دخل فارس لغرفة الضابط الضابط:تركونة لوحدنة طلعو الحراس وبقة بس فارس والضابط الضابط:تفضل گعد فارس ع الكرسي الضابط يعرف فارس:فارس انت متهم بقضية اعتداء فارس ببرود:اي ادري الضابط:يعني ماتنكر هذا الشي؟ فارس:لا ماانكر...انا اطلقت النار ع سلطان ال.......... الضابط:وشنو السبب الي خلاك تسوي هيج؟ فارس:احتفظ بالسبب لنفسي الضابط:احتفاظك مايفيدك لأن ممكن تنسجن كم سنة اذا كان السبب جداً عادي فارس:لا السبب موعادي بس ماگدر اگول واتمنى تتفهمني الضابط:ماشي....زين حاب توكل محامي؟ فارس:لا...بس اسألك الضابط:اسأل فارس:منو الي قدم الشكوى؟؟ الضابط:والد المجني عليه فارس:واذا الوالد سحب الشكوى....اطلع منها انا؟؟ الضابط:ممكن تطلع بحالة اذا كان سبب فعلك هو دفاع عن النفس فارس:اهااا...زين ممكن تسدعيلي والد سلطان اتكلم وياه ع انفراد؟ الضابط:اي ممكن..(رفع سماعة الفون)...استدعولي احمد ال........ حالاً سد الخط:ربع ساعة بالكثير وهو هنا فارس:ماشي ننتظر ....................... مرت نص ساعة تقريباً ووصل والد سلطان دخل للمكتب وشاف فارس...باوعلة بنظرات حقد واستحقار...گعد بالكرسي المقابل الة الضابط:استاذ احمد...الاخ فارس يريد يتكلم وياك ع انفراد ابو سلطان نفسة بخشمة:مابيني وبين هذا كلام الضابط:ماتگدر ترفض لأن هذا حق من حقوقة ابو سلطان سكت الضابط گام من كرسيه وطلع من المكتب:اترككم لوحدكم...(سد الباب وراه) ابو سلطان:تفضل احجي...شرايد فارس استعدل بجلستة:عمي قبل كلشي...انت عرفت ليش انا سويت بسلطان هيج؟ ابو سلطان انسان محترم مو بطبعه الاستحقار:لا ماعرفت...بس مهما كان الي سواه ماكان لازم تسوي هيج...كان ممكن تجي تگلي وانا اتفاهم وياه فارس:زين اسمعني...انت رجال محترم وصاحب غيرة صح لو لا ابو سلطان:صحيح فارس:مثلاً...اجه واحد لا ع البال ولا ع الخاطر تعدا ع املاكك شنو رح تسوي؟؟ ابو سلطان:اكيد رح اعاقبة وانطيه گرصة اذن فارس:تمام...وصلنة خير....لو مااتعض ورجع مرة ثانية بس وصل يم شرفك وعرضك شنو رح تسوي؟؟ ابو سلطان بحدة:امحيه من الدنيا فارس:هذا انت بعضمة لسانك گلتها ابو سلطان كنة فهم السالفة:نهاية هذا الحجي شنو؟ فارس:نهاية هذا كلة...رح اگلك سبب ضربي لسلطان ابو سلطان:وهو؟ فارس:عمي اول شي سلطان يدري بيه احب بنت خالي ورايد اتزوجها ويعرف هذا الشي كلش زين...مع ذلك غافلني وراح خطبها من وراي...ولأن خالي الله يرحمة كان انسان جاد...غصب بنتة ع الزواج من سلطان...اوك ماگلنة شي هو ولي امرها وهو حر بيها...وانا سكتت لأن مو من حقي اعترض على الرغم انها طليقتي... جنة فقط عاقدين ابو سلطان:ماجنت ادري انها طليقتك فارس:مو موضوعنة هذا...حالياً هي زوجتي الحمدلله ابو سلطان بأهتمام:طيب كمل فارس:اي...عقد سلطان عليها بس مااحترمها واستحقرها ويعايرها بطلاقها مني وكذلك يأذيها...توفو اهلها...المفروض منة يوگف وياها وهو بالجذب حتة ماعزاها وهي جانت منهارة كلياً...هي ماجانت بحاجتة لأن انا واهلي كلنا جنة حواليها بس الاصول...فد يوم گاعدين احنة وسئلتها امي عن خطيبها وبينت انزاعجها وبغضها اله...انا تعصبت لأن ماارضاها عليها مو بس كوني احبها لا كونها بنت خالي ومن اهلي...اخذت جماعتي ورحت لسلطان...طلبت منة بالطيب يطلگ جوري الي هي زوجتي...رفض وترفع واستحقر بينة انا تعصبت منة وتضاربنا ومنا ومنا وقبل يطلگ وطلگها....ورا فترة اجة يريد يعتدي عليها وكلش ع اخر لحظة لحگنة عليها ابو سلطان منصدم من فعايل ابنة...حط ايدة ع وجهه:الله يسود وجهك ياسلطان مثل ماسودت وجهي فارس:لهذا...حقي انو اسوي هيج لو لا ابو سلطان بفشلة:حقك والله...ولو تقتلة هم مالي حق احجي وياك لأن هذا شرف...والله اني متفشل من فعايلة فارس:انت مالك دخل بيه هو مادري ليش طالع هيج...انت انسان محترم والكل يشهد بأخلاقكم ابو سلطان:انا اسف ياابني...وهسة اسحب الدعوة وتطلع فارس:حتة لو تسحب الدعوة مارح اطلع لأن الشغلة بيها قانون...ألا اذا كان دفاع عن النفس ابو سلطان:هذاهو اعتبر نفسك طلعت...انا حفهمهم ان الموضوع سوء تفاهم وابني الغلطان فارس:ولا تگلهم السبب انا مارضيت احجي يمهم ...فقط گول الهم انو عركة بين شباب وسلطان الي تجاوز علي وانا ك دفاع عن نفسي ضربتة...حتة لاتصير حزازيات ويطلعون حجي عليكم وانتم مالكم علاقة ابو سلطان مايعرف وين يودي وجهه من اخلاق فارس:روح ياابني الله يستر عليك دنيا واخرة...واكرر اعتذاري مرة ثانية ع الي سواه سلطان فارس ابتسم:هذاهو ماصار شي....مابيناتنا خلاف ان شاء الله ابو سلطان:تسلم من طيب اصلك...(گام ابو سلطان)...انا رايح اسحب الدعوة طلع من المكتب ابو سلطان وضل فارس گاعد ينتظر مرت ساعة وهو ينتظر صارت ساعة ب1 بالليل دخل الضابط:فارس هذاهو تگدر تطلع گام فارس:مشكور...مع السلامة طلع من المكتب ومن قسم الشرطة بكبرة شاف ابو سلطان واگف بالباب ينتظرة فارس:مشكور تعبتك ابو سلطان:انت الي مشكور واسف مرمطتك فارس ابتسم:عادي ماصار شي...يلا مع السلامة ابو سلطان:في امان الله...حافظك الله اخذ فارس تكسي ورجع للبيت وابو سلطان ركب سيارتة ورجع للبيت دخل للبيت وشاف ام سلطان گاعدة بالصالة تنتظرة وگلبها نار شافتة ورأسن گامت:ها شصار...لزمو الي ضرب سلطان ابو سلطان گعد ع الكنبة وتنهد:يامرة سكتي...ابنج سود وجهنة بفعايلة والي ضاربة طلع ابن اصول ام سلطام مستغربة:ليش شصاير ابو سطان گلها ع كلشي وام سلطان ضلت تدگ ع وجهه من الي تسمعة ام سلطان:لالا ماصدگ...كل هذا يطلع من سلطان....يارب سترك يارب...شصاير بالولد ابو سلطان:ع العموم عدا كلشي ع خير...وحمدي ربج فارس طلع ابن ناس ومااخذ روح ابنج ام سلطان:ااه يمة گلبي...بلة وين ننطي وجهنة لو فاضحنة ابو سلطان:يلا الحمدلله ماصار شي وسلطانو الحقير يستاهل كل الي جاه ام سلطان:باجر اروح لجوري اعتذرلها ع الي سواه سلطان ابو سلطان:اي زين تسوي...يلا امشي ننام...تعبااان موت...الي صار هلكني ام سلطان تنهدت:ماتنلام . | ||||||||
|
| |
|
05-12-15, 01:50 AM
| #44 | ||||||||
| مراقبة عامة ومشرفة منتدى الروايات المنقولة
| عند فارس.. وصل للبيت ودخل وجان هدوووء...الكل نايم دخل لغرفتة وشافها مضلمة...تقرب يم السرير وفتح الابجورة الي يم السرير وشاف جوري گاعدة بنص السرير ومشبكة اصابعها ببعض وحاطتهم جوا فكها بس انفتح الضوا اخترعت...التفتت شافت فارس جوري بخوف:فارس حبيبي...ليش تأخرت...خفت عليك فارس گعد ع السرير وحضنها لصدرة:ششش...اهدي حياتي ماكو شي جوري بعدت عن حضنة:فارس لا تضم علي...ترا سالفة فادي ماتعبر علي...گلبي مامتطمن فارس:ابدل ملابسي واجي افهمج كلشي جوري:اوك انتظرك گام فارس عن السرير وتوجه للدولاب..اخذلة بجامة نوم وخلاها ع السرير...دخل للحمام ونزع ملابسة وغسل وجهه وايديه وفرش اسنانة وطلع لبس البجامة تالي انسدح ع السرير واخذ جوري بحضنة وخلا راسها ع صدرة وهو يلعب بشعرها وحجالها كلشي طبعاً جوري كل شوي تگمز من الصدمة وتضل مصفنة وفارس يضحك عليها ويرجعها بحضنة فارس:تعباااان...هلكااان جوري:الله يساعدك...ع الدگايگ الي مسويها اليوم اكيد تتعب فارس:ههههه ولج ماجنة هذا كلة عالمودج...صدگ مايجي بعينج جوري حضنتة بقوة ودفنت وجهه برگبتة:فدييتك وانا بلاك شسوي...غير انت حبيبي وزوجي وسندي فارس وخر ايديها عنة وگلبها وصار فوگها:وعلييه...لازم اخذ قبلة ع هالكلام جوري:مو توك تگول تعبان وهلكان فارس:لا منو گال تعبان...كلشي مابيه جوري:هههه يمة منك...ماتنگدر فارس انحنة عليها وبهمس:انتي الي خبلتي بية...باسها بشفتها وو..........................احم . . . . . . . . يوم ثاني العصر اجت ام سلطان لجوري واعتذرت منها وجوري گلتلها انها مالها علاقة باللي صار وهي تحترمها وتقدرها لأنها امرأة محترمة بعد مرور شهر.... البنات خلال هاي الفترة التهو بتجهيز رنيم لعرسها وكالعادة يفرون كل الاسواق والمولات قبل العرس بأسبوع البنات متفقات يتغدون بمطعم گاعدين بالمطعم وسوالف وتخطيطات للعرس وع البس والميك اب وغيرة وغيرة رنيم:اگول مرام مرام:هلا رنيم:يمتة ناوي تعترفين لفادي جوري:اي صدگ ذيج المرة ضيعتي الفرصة...جان ممكن تعترفين مرام:مادري خفت...ماتجرأت رنيم رادت تحجي وشافت فادي يدخل للمطعم ويگعد ع طاولة بس ماانتبه الهم رنيم بسرعة:ولج جتج الفرصة ع طبق من ذهب مرام بأستغراب:شنو؟ رنيم تأشر براسها:التفتي وراج دارت مرام وشافت فادي گاعد شهقت:هييي...شجابه هنا رنيم:مادري تو دخل هو زينة:تماام...روحيلة هسة واعترفي مرام بخوف:لالا ماريد اخاف رشا:من شنو خايفة....روحي ومعليج مرام مترددة:مادري مترددة جوري تشجعها:لاتترددين ولا تخافين احنا يمج بس روحي مرام تنهدت بخوف:ماشي اخذت نفس وگامت من طاولتهم وتوجهت ناحية طاولة فادي مرام بأبتسامة:مرحبا فادي رفع راسة وابتسم:اهلاً مرام:ممكن اگعد فادي:اي تفضلي سحبت كرسي وگعدت:شخبارك فادي:تمام وانتي مرام:الحمدلله..(ارتبكت)..اا فادي اريد احجي وياك بموضوع فادي:اسمعج مرام بتلكأ:اا فادي...انا..انا احبك فادي سكت مرام تلعب بأصابعها:انا ادري بعدك تحب رنيم...بس ماگدرت اصبر اكثر من هيج...ادري رح ترفضني بس ردت ابين الك مشاعري فادي صفن...تالي حجة:كلامج صحيح انا بعدني احب رنيم ومو بسهولة انساها...بس اريد انساها...وبنفس الوقت انا معجب بيج...مانگول احبج... بس معجب بيج وماريد اخسرج مرام مافهمت:شنو يعني؟ فادي:عندي الج حل...سمعيه وانتي كيفج بعد مرام:وهو؟ فادي:انا اريد انسة رنيم وابلش حياتي من جديد لأنها هسة مخطوبة ومابقة شي ع زواجها...ف اسلمج نفسي وانتي بطريقتج تنسيني رنيم...شنو رأيج مرام بتردد:واذا ماگدرت انسيك؟ فادي:يعني انتي ماتثقين بقدراتج؟؟ مرام بعفوية:اثق بس انت صعب فادي:ههههه لا يتهيألج...وبعدين اذا مشاعرج صادقة وحبج قوي...تگدرين تنسيني رنيم وتغنيني عن الكل مرام ابتسمت:ماشي موافقة...(برجاء)...بس ماريد تحجي برنيم بعد فادي:گتلج انا رح اسلمج نفسي وانتي سوي الي تردين مرام فرحت:اووك...ان شاء الله انسيك رنيم واخليك تحبني فادي:ولاتنسين...گتلج ترا انا معجب بيج مرام:لاماانسة فادي ابتسم:وعليه انا عازمج ع الغدا وياي مرام:بس البنات ينتظروني فادي عقد حواجبة:ليش وين همة؟ مرام اشرتلة:وراك التفت وشاف البنات كلهم مصفنات ع طاولتة عبالك يترقبون شي التفت ع مرام:يدرون رح تعترفين؟ مرام:همة الي خلوني اجي...انا جنت خايفة بس شجعوني فادي:اهااا طلع فونة واتصل بجوري ردت بضحك:الو فادي:ها ولج....تزوجتي وماعقلتي...يمتة تعقلين ماتگليلي جوري:هههه ليش شمسوية انا فادي:لا سلامتج ماكو شي جوري:هههه ايي سولفنا فادي:هههه شسولف جوري:هههههه من الاخر شصار بينك وبين مرام فادي طگها ضحكة:ههههههه يعجبني دخولج المباشر بالمواضيع جوري:ههههه يلا گول شصار فادي:عازمها ع الغدا جوري:يعني؟ فادي:يعني صارت حبيبتي جوري صرخت:واااااااااا....واخييير� �ً فادي:وجع وجع خفة هالصوت...فضحتينة...الظاهر الزواج خبلج زيادة جوري:هههههه هو الي يعاشر فارس يبقة بي عقل فادي:صحيح والدليل انتي جوري:هههههه يلا ولي ولي اگعد وي حبيبتك فادي:ولالة تولج غبية .. .. .. .. .. .. .. مرت الايام واجة يوم عرس رنيم وبهاء كالعادة البنات بالصالون والشباب عند الحلاق ع الساعة ب8 بالليل خلصو البنات وتوجهو للقاعة وجانو لبسهم هيج👇👇 الحفلة جانت تجننن وماناقصها اي شي ابد وجانت راقية جداً استمرت الحفلة لبعد نص الليل تالي زفو العرسان والشباب هم سوو زفة لبهاء بس مو احلا من زفة فارس بهاء حجز لأول يوم بفندق...زفو المعاريس للفندق ومن وصلو بهاء اخذ رنيم ودخلو للفندق جان محضرلها زفة رومانسية خاصة بيها من بداية الفندق لحد غرفتهم دخلو للغرفة وقفل بهاء الباب وتوجه ناحية رنيم بهاء بحب:مبروك علينة حبي رنيم بخجل:الله يبارك بيك بهاء حضنها:واخيراًصرنا لوحدنة تحت سقف واحد...يالله لو تدرين شگد جنت انتظر هاي اللحظة...احس نفسي عايش بحلم رنيم:ولا انا مصدگة انو صرنا لبعض...ولاجنت متخيلة اصلاً ان رح نرجع لبعض بعد سنين الفراق...كل ظني انك تزوجت وشفت حياتك ونستني بهاء:انتي الدم الي يمشي بعروگي...انتي الروح...انتي النفس...شلون انساج رنيم:وانت كلشي بحياتي...انت دنيتي وجنتي وناري بهاء:الله لايحرمني منج يارب رنيم:ولا منك يارب ، ، ، ، ، ، عند جوري وفارس... دخلو للبيت ولغرفتهم جوري گعدت ع الكنبة الي يم السرير ونزعت الكعب:اااه يمة تكسرت رجلي من الكعب فارس:هههه الله يساعدج...من الرگص جوري:انا من الصبح ع رجلي واگفة وي رنيم وتگلي من الرگص فارس نزع السترة وفتح ازرار القميص وتوجه لجوري وگعد بالارض واخذ رجليها وحطهم بحضنة جوري تفاجئت:شجاي تسوي؟؟ فارس:امرغلج رجليج...مو توجعج جوري استحت.. سحبت رجليها:لالا مالة داعي هسة انام وارتاح واگعد الصبح مابية شي فارس اخذ رجلها وضل يمرغها الها:ولا كلمة وخليني اشتغل جوري سكتت وفارس يمرغ رجليها...مرت عشر دقايق والهدوء مسيطر ع المكان جوري:خلص حبيبي هذاهو فارس گام وگعد بصفها ع القنفة:يلا جوري بأستغراب:شنو يلا فارس:كروتي...مو ببلاش اشتغل جوري:ههههه هنگول...شغلك مولله فارس:هههه اي اي...يلا انطيني الكروة جوري:وشنو تريد؟ فارس ضحك وغمزلها:انتي ادرى بعد جوري ابتسمت وفهمت قصدة....گعدت بحضنة وخللت ايدها بشعرة وباسته بشفته تالي حطت ايديها ع اطراف قميصة ونزلته لحد اكتافه...نزلت لرگبته وطبعت قبلة عليها فارس لزمها من خصرها ورفعها وتوجه للسرير و........................طــــوط😂 :: :: :: :: :: :: :: بعد مرور 6 اشهر فارس وجوري...عايشين حياتهم ومرتاحين وكل يوم يزيد حبهم وعشقهم لبعض...جوري لحد الان ماحملت لأن فارس مايريد هسة يگول لاحگين ع الاطفال والمسؤولية ووجع الراس...خلينة نشبع من بعض تالي نجيب اطفال درزن وجوري تتخبل من يگول درزن جوري وفارس الثنائي الي عانو كثير وواجهتهم مشاكل تكسر الظهر بس مع ذلك ماانطفة حبهم بالعكس يزيد جوري بفقدان اهلها عاشت لحظات صعبة جداً جداً بس وجود البنات حواليها ساعدها ع الصبر وفارس كذلك وجود اصدقاءة حواليه ومساعدتهم الة ووقوفهم وياه بكل المواقف ولاهو انسان متسرع جداً وعصبيتة الزايدة وغيرتة وخاصة ع جوري ممكن توديه بداهيه لولا وجود فادي ومهند بحياتة بهاء ورنيم....كذلك عايشين حياتهم براحة وسعادة وماكو شي يعكر عليهم لأنهم متفاهمين...رنيم حملت من الشهر الثاني بعد الزواج وبهاء طاير بيها طير ويگلها اريد تجي بنية كون تشبهلج بكل صفاتج ورنيم متونسة ع حبة ودلالة وبالمقابل هي هم تنطيه الحب والاهتمام رنيم وبهاء ذول الاثنين قصتهم قصة...منو جان يصدگ ان بهاء يخاطر بحياتة وبكلشي عالمود بس يوصل لرنيم...سوا مشاكل وي ابوه وتحمل غضبة عليه وتحمل الغربة بالخارج كلة عالمودها...وبالنهاية حصل عليها ورنيم الي اعتزلت الحب من بعد بهاء وماجانت ابد ببالها تبني علاقة جديدة وجانت راضية بحياتها لوقت ظهور بهاء بحياتها وغيرلها حياتها كلها وعيشها احلا ايام عمرها وصار بهاء كلشي بحياتها وحالياً يربطهم طفل بالطريق حسام ورشا...بعد شهر من زواج رنيم وبهاء تزوجو همة وعايشين براحة مالها نهاية وحسام مغرگ رشا بالحب والرومانسية...رشا بعدها ماحملت حسام ورشا....رشا الي ياما عانت وعانت بس صبرت ومااشتكت ابد...محد فهم الي بداخلها وتحملت تصرفات البنات بالبداية لأن تعذرهم مايدرون باللي بداخلها...بدت معاناتها من افترقت عن حسام وتغير ابوها عليها وصار انسان طماع وجشع بس يالله يريد يزوجها ويفتك منها ماتهمة غير مصلحتة وزوجها فارس الي ماانطاها ذرة اهتمام وجان معتبرها هامش بحياتة...بالبداية ارتاحت لتصرفة بس مع مرور الايام تأذت وحاولت تتقربلة بس لگت الصد ف تراجعت...بس ماجانت تتوقع بيوم ترجع تلتقي بحسام...حسام الي من شافها انجن وحزن كثير ع خبر زواجها...الي جان هاملها لأن ضامن وجودها بس من راحت حس بقيمتها...دفن نفسة بالشغل والسفر وهمل حتة اختة بس راد ينسة رشا بس ماگدر وقدر للإثنين يلتقون ولأن حسام فاهم رشا كلش زين عرف انها مامرتاحة وخلاها تفضفض وفرح انه اكو امل يرجع وياها وصبر صبر لمن صارت الة ووراها انواع الحب والاهتمام والحنان وعوضها عن كلشي مر بحياتها زينة ومهند...عقدو ع بعض وزواجهم كان قبل شهر وهو حالياً ماخذ زينة ومسافر بيها لأمريكا وماناوي يرجع يگول ماعدنة شي خل نعيش حياتنة مهند وزينة الثنائي المضحك...طنجرة ولقت غطاها...اول لقائهم صدفة...تالي نقاش حاد بطريقة مضحكة لكن سرعان ماتطورت العلاقة وتقربو لبعض كثير لأنهم يشتغلون مع بعض بنفس المكان...خلال فترة موقصيرة بدو ينعجبون ببعض وتحول الاعجاب لحب واعترفو لبعض...زينة جانت جريئة وي مهند بأطار الصداقة لكن من تحولت علاقتهم للحب تغيرت الجرائة للخجل وصارت تخجل كثير من مهند ومن كلامة وتصرفاتة ومهند صار جريئ زيادة ويذوب ع خجلها وصار نفس ابوه...بكل وقت يتغزل بيها حتة گدام اهله ولايهمة وزينة تموت خجل وتريدة يسكت بس ماكو فايدة ودايماً اميرة تنقذها من الوقف المحرج فادي ومرام....حالياً همة مخطوبين وعايشين فترة الخطوبة بالطول والعرض...طبة وطلعة وحسام كم مرة ينبه فادي يقلل طلعاتة وي مرام بس فادي يسمع من اذن ويطلع من الثانية فادي ومرام...ثنائي كلمن عاش علاقة حب سابقة وفشلو بيها فادي الي عشق رنيم للنخاع لكن عيبة كان لعوب صاحب البنات السبب الي خلا رنيم تنفر منة ويخسرها وكان انسان طايش ماعندة اسلوب ولا اي شي لكن من تعرف ع مرام وكانت اخر بنية يتعرف عليها واجت جوري وزينة خربو العلاقة قبل مايوصل فادي لمبتغاه وكشفو صورة فادي المخفية عن مرام....مرام طفلة فاقدة الابوين واهتمام الاخو وتعرفت بفادي وشافت اهتمامة وحبة وعيشها احلا ايام حياتها وماجانت متوقعة انه كلة لعب بلعب ولمن اكتشفت انهارت وتعبت كثير السبب الي خلا حسام يرجع لعقلة ويتذكر ان عندة اخت ولازم يعتني بيها وحلف الا ينتقم من فادي ع الي سواه بمرام ونفذ انتقامة ومرام بقت تحب فادي...فادي من انتهت علاقتة بمرام ترك كل سوالفة المكسرة وصار شاب عادي يهتم بشغلة وبأصدقاءة ومايلتفت للبنات بس كان معجب بمرام وبشخصيتها وتصرفاتها وبوقت الي اعترفتلة قرر يبدي حياة جديدة وسلمها نفسة ومرام اهتمت بي اهتمام مثل الطفل المدلل خلتة وفادي متونس ع اهتمامها وانطتة الحب والحنان وكلشي وبسهولة گدرت تنسيه رنيم وتنعمي عيونة عن كل البنات ويعشقها بس هي سلطان... سلطان من بعد ماتشافة وطلع من المستشفى ابوه طردة من البيت ومن الشغل وسحب كل سياراتة وفلوسة منة وشاف الويل وتدهورت احوالة وتعذب وحس ع نفسة وتندم گد شعر راسة ع الي سواه ورجع اعتذر من ابوه واستسمحه وراح لفارس واعتذرلة وتوسلة حته يسامحه وبين الة شكد ندمان ع فعايلة وفارس سامحة بس گلة استحالة ترجع صداقتنا نفس اول.....من بعدها تغير سلطان وصار يهتم بشغلة وبأمه وابوه وصار انسان خلوق وكريم وابتعد عن كل الفعايل الخبيثة اخوان فارس وزوجاتهم وابو وام فارس عايشين حياتهم عادي.... النهـــــــايـــة..... انتهت روايتي الاولى واتمنى تنال اعجابكم واسفة ع الاطالة والتأخير حابة اشكر صديقاتي مروة وامل وغفران1 وغفران2 همة الي شجعوني اكتب هاي الرواية وحمسوني كثير كانت اول مرة الي اكتب رواية وبدايتي كانت عادية بس بتشجيعهم وحماسهم طورت افكاري واسلوبي بالكتابة للأحسن اما بالاهم حابة اشكر بنات عمتي زنوبة وهداوي الي تحمسو كثير للرواية وانطوني ارائهم واطرائهم الي حمسني للكتابة بشكل افضل واشكر متابعيني الي بدو وياي من الاول للنهاية وعلقولي وانطوني انتقاداتهم وان شاء الله اكون ارضيتهم بالاحداث واشكر كل من تابع روايتي واعجب بيها وحبها انا عن نفسي مامصدگة انو انتهت الرواية...عشت وياها ايام واشهر ومن اكتبها ماحس نفسي اكتبها وانما عايشة وياها بعالمها منو اكثر شخصية حبيتوها؟؟ بنات شباب شنو انتقاداتكم ع كل شخصية؟؟؟ شنو اكثر حدث عجبكم بالرواية؟؟؟ شنو رأيكم بالشخصيات؟؟ بنات شباب احبج واليحب #بلوة وين الله وقسمتي تروح يم عيونج #الحلوة واسولفلج عليج #اهواي واتبلل يواهس #ماي عينج يمي لا تغفة اريدن كون يترس وجهج الغرفة واشتم بيج #حنية احبج حيل #يبنية جهالي بحضنج ينامون هنيالي اضل جم دوب اسولفلج على العرسان من زفوهم اكبالي ويمر مني عرس كل ساع واشتمج وانسه اتنفس واشتاكلج يمج يبت كلبي ياوجه #الماي انه ميت عليج #هواي اباوع واصفن بكل قوتي بعيونج واكولن ما خذت #حقي انتي اول بشر #صدكي غورت الكمر بخدودج #السمرة احب عيونج #الشكرة.... انتي ملاكي الى الابد/للكاتبة Shams | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
انتي ملاكي الى الابد 
العرض العادي
