انتي ملاكي الى الابد للكاتبة / shams ، عراقية (مكتملة)

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته أعضاء روايتي الغالين يسعدني ان أنقل لكم هذه الروايه العراقية انتي ملاكي الى الابد للكاتبة / shams قراءه ممتعه للجميع ...

[فيتامين سي]

رابط لتحميل الرواية

https://www.rewity.com/forum/t336185.html#post10811804

السلام عليكم ورحمة الله
انا عضوة جديدة بالمنتدى حبيت انزل روايتي الاولى بهذا المنتدى الرائع
اتمنى تنال اعجابكم واتقبل الانتقادات
الرواية كتبتها باللهجة العراقية لأن انا اصلاً عراقية وان شاء الله تفهمون عليها
انا مارحواتكلم عنها رح اترككم انتو تشوفونها وأرائكم تهمني
مااطول عليكم
نبدأ.....
بسم الله


Part 1

في الصباح..
صحت كالعاده وتوجهت للحمام وغسلت وجههة وطلعت غيرت ملابس النوم وفتحت شباك غرفتها وسرحت بذكرياتها..تحب تتأمل وتتخيل لوحدها وتروح بخيالات بعيييييدة
صحت ع واقعها ع صوت طرق باب الغرفه
......:جوووري؟؟؟
جوري فتحت باب الغرفه:نعم امي ..صباح الخير
ام جوري:صباح النور ...عبالي ماگعدتي
جوري:لا گاعده من زمان بس التهيت بالغرفه شوي
ام جوري:اهاا يلا تعالي تريگي
جوري:اوك جاية
راحت جوري للصاله ودخلت:صباح الخير
الكل:صباح النور
گعدت ع الطاوله وبدت تتريگ بهدوء
طبعا الام والاب متعودين ع هدوهئها او بالاحرى يعرفون سبب الهدوء....
خلصت اكل وراحت تسوي شغلها اليومي والام توجهت للمطبخ تسوي الغدا والاب ع اللاب

[جوري:بنت عمرها 20 سنه هادئة جدا طبعا اكو سبب لهدوهئها لانها كانت معروفه بمرحها وحماسها لكن بسبب ظروف نذكرها لاحقا تدرس سنه ثالثة كلية طب وهي جميييييلة جدا وكان شخص يلقبها ب ملاكي وهي رشيقة وبيضة وعيونها وساع سود وشعرها قصير لونه اسود سواد الليل]


بمكان ثاني...بمنزل ثاني
بالتحديد في غرفه معينه لونها وردي بأبيض دليل ع انها لبنت
صحت من النوم وكالعاده ببجامتها المعفوسه وبكفشتها طلعت من الغرفه وتوجهت للصاله
.....:صباح الخير
الكل بردود مختلفه:بسم الله...قل اعوذ برب الفلق....اللهم سكنهم مساكنهم
.......:شبيكم شايفين جني لو شيطان
طرف ثاني:انتي حته الجني والشيطان لو يشوفوج يشردون
.......:انت بالذااات تنطم
....:رنيييم
رنيم:نعم ماما
ام رنيم:بس كافي عرايك حته من الصبح
رنيم:امي انا معلي مالي شغل فويرس الي بدى
فارس:سألي نفسج ليش بديت بشرفج من گعدتي شفتي روحج بالمرايه
رنيم:بدل ماتحجي عني روح شوف كفشة زوجتك وبعدين احجي علي
فارس من سمع كلمة زوجتك اعتفس وجهه والكل لاحظ عليه بس سكتو
رنيم حست ع نفسها ف حبت تغير الموضوع:اگوول فويرس
فارس:فويرس بعينج شكو؟؟
رنيم بمصلحة:تدري اني احبك
فارس بملل:من الاخر شتردين؟؟
رنيم:حبيبي انت ... اريدك توديني انا وزوجتك المصون لبيت خالي
فارس:اي خال؟ وشعندج رايحه؟؟
رنيم:اي خال بعد هو خالي فهد وشعندي اريد اعرف رشيوا ع تؤمي
هنا فارس عصب وطلع من البيت بسرعه
محد استغرب عصبيته لأنهم عارفين السبب

[رنيم:بنت عمرها 21 سنة مرحه ومشاكسه ودومها تتعارك وي اخوها فارس تدرس مرحله رابعه كليه اداب لغات وتكون بنت عمة جوري وتؤمها بكلشي حته الشخصية والكلام والتفكير وهي جميييله بيضه ورشيقة وشعرها قصير لكتفها وعيونها وساع بني]

[فارس:شاب عمره 23 سنة شخص غاامض محد يفهمة متغير المزاج متزوج من 3 سنين بس حياته الزوجيه فاشله جددا ولم يرزق بطفل لسبب مع الاحداث نذكرة وهو وسييييييييم لابعد حد طويل وجمسمه عريض ومعضل لان دائما يروح للنادي وشعره اسود لنهايه رقبته وعيونه بني]

[رشا:زوجه فارس عمرها 22 سنه بنت طيووبه كلش وهادئه بس من عاشرت رنيم صارت مهبولة هي حلوة مو جميله لكن جذابة طبعا علاقتها بفارس فاشله لان طريقه زواجهم غلط وبعض الاحيان تحقد ع الرغم من طيبتها لكن هم عدها حقد وغيره وممكن تتصرف تصرفات مو حلوة]

انتهى البــارت........
توقعاتكم..
ياترى شنو سبب هدوء جوري
وشنو سبب عصبيه فارس

[فيتامين سي]

السلام عليكم
اليوم رح انزل 4 بارتات لأن البارتات الاولى كلش قصيرة واذا انزل واحد واحد مارح تندمجون بيها
الروايه من بعد بارت 6 تصير البارتات طويلة شوي
حبيت اوضح نقطة هم[فارس ذكرت بالبارت 1 ان عمرة 23 سنه لكن عمرة هو 27 سنه

ع العموم ما اطول عليكم
نبلش بالبارتات....

بسم الله


Part2

في البحر....
كان واقف وسرحان بخياله والحزن مخيم ع وجهه
مرت ذكرى عابرة سريعه بخيالة
......:انتي طالق........
طفرت دمعه من عينة على هذه الذكرى
صحاه من سرحانه صوت النقال ...مسح دمعته بسرعه وعدل صوته حته محد يحس بي ورد
..:الو
ام فارس:هلا فارس..انت وينك؟؟
فارس بكذب:هلا ماما..انا طالع وي صديقي ويمكن اتأخر
ام فارس بأرتياح:اهاا ماشي ع راحتك بس لا تتأخر هواي
فارس:ان شاء الله .. يلا مع السلامه
ام فارس:الله وياك
خلص فارس مكالمته من امه
فارس:اااااااه ياربي ارحم حالي وصبرني .....
طلع نقاله واتصل بصديقه فادي..
فادي بصوت عالي:الوووووو
فارس:الله يلعن شيطانك يعني انت ماتعرف الهدوء
فادي:ياخي شبيك انت معصب وجاي علينه منو مسلطك علي
فارس:ههههههه اگول وين انت ؟؟
فادي:انا بالكازينو وي الشله التعبانه
فارس:اوك جايكم
فادي:عفواً...ولكن لا نستقبل المتزوجين فقط العزابيين
فارس:فويدي اسكت عني لا والله اطلع حرگة الزواج كلها بيك
فادي:اسف عمي غلطنا حقك علينا هلا بيك تعال
فارس:اي خلك هيج خوش ادمي
فادي:مشكور ع الاطراء الجميل
فارس:بالخدمة خيي

خلص فارس مكالمته وركب سيارته وتوجه لجماعته بالكازينو يغير جو ويحاول ينسى الي شاغل باله

في بيت جوري...
جانت گاعده بغرفتها وتدرس دروسها..صارت ساعه ب2:00 الصبح
جوري:اااه ياراسي يمته اتخرج واخلص
رجعت تكمل دراستها وبعد نص ساعه خلصت ولمت كتبها وگامت تحضر ملابس الجامعه وبعدها لبست ملابس النوم وگعدت ع مكتبها الصغير بغرفتها وطلعت دفترها الازرق المخملي للمذكرات تكتب يومياتها وبعدها نامت...


في بيت رنيم...
جانت گاعده بالصاله وتنتظر فارس يجي عالمود تعتذرله حست بالذنب ع الي سوته الصبح
اجتها رشا
رشا:ها ولج ماتنامين شعندج گاعده
رنيم:انتظر فارس
رشا:هاااه؟!!
رنيم:من قال هاه سمع
رشا:ومن يمته انتي تنتظرين فارس؟؟غريبه
رنيم:هيج عندي وياه موضوع
رشا:وهالموضوع ما يتأجل لباجر؟؟
رنيم:لا ما يتأجل..وبعدين انتي شعندج گاعده (بسخريه)لا يكون تنتظرين....
قاطعتها رشا:لا ما انتظره لا تفسرين بكيفج وهيج مااجاني نوم واجيت يمج
رنيم:اهااا وهسه روحي نامي لأن فارس ع جيه
رشا:طرده عيني عينك
رنيم:ههههه لالا بس الموضوع خاص شوي
رشا:اهااا گولي من الاول انج ماتردين اعرف شنو الموضوع...


انتهى البارت.....

__________________________________________________ _____

Part 3

رشا:گولي من الاول انج ماتردين اعرف الموضوع..
رنيم:عليييج نوور ..هو دا
رشا:مالت گايمه اصلاً مااريد اعرف هو شنو تصبحين ع خير
رنيم:ههههه وانتي من اهله
گامت رشا وراحت لغرفتها نامت
وظلت رنيم تنتظر فارس وغفت من دون ماتدري
ع الساعه ب3:00 الفجر دخل فارس للبيت وشاف رشا نايمه ع الكنبه ...راح وصحاها
فارس:رنييم...هييي رنيموو...ووجع رويمه
فزت رنيم مخترعه:هاا..شكو ..شصاير.؟؟
فارس:ماكو شي بس شعندج نايمه هنا؟؟
رنيم:جنت انتظرك ونمت بدون ما ادري
فارس بأستغراب:تنتظريني؟!!ليش شعندج؟؟
رنيم:فارس انا اسفه ع مساع ماجان قصدي هيج احجي
فارس ابتسم:عادي ماصار شي
رنيم:يعني انتي ما معصب ولا زعلان؟؟
فارس:لا ما زعلان وحددي يوم واوديج لتؤمج عادي
رنيم بفرحه:صدگ والله؟
فارس:اي..بس ديري بالج لاتجيبين سيره لرشا وتصرفي طبيعي
رنيم:اكييد لا توصي حريص
فارس:اوك..وهسه رح اروح انام تعبان
رنيم:صدگ وين كنت من الصبح؟؟
فارس:يم جماعتي..ألا اگول
رنيم:گوول
فارس:رشا وين؟؟
رنيم:قبل نص ساعه جانت يمي بس راحت نامت
فارس بلا اهتمام:اهاا..يلا تصبحين ع خير
رنيم:وانت من اهله
راحت رنيم لغرفتها وسيده ع السرير تكمل نومتها
اما فارس فكذلك راح لغرفتهة
دخل شاف رشا نايمه ومتكشفه...غطاها وراح بدل ملابسه وتوجه لمكان نومته المعتاد وهو الكنبه وناام
[فارس ع الرغم انه مايحب رشا لكنه يحترمها ويعاملها معامله اخويه لأنها طيوبه وتجبر الواحد يحترمها ويحبها الا فارس صارلهم 3 سنين ولا حركت مشاعره شعره...
_____________________________________
يوووووم جدييييد...
صحت جوري وكالعاده ع الشباك واگفه

اما عند رنيم..
ف من گعدت ما انتظرت من شدة حماسها واتصلت بجوري
جوري:الوووووو
رنيم:ارحبووووو
جوري:هلا والله اخبارج؟
رنيم:عال العام
جوري:دوووم
رنيم:تدوم ايامج
جوري:شعندج داگه هالوقت
رنيم:افاااا جزاتي اتصل عليج...المهم شعندج اليوم ؟؟
جوري:nothink ليش؟؟
رنيم:امممم اليوم رح اجيلج
جوري:هلا بيج تونسيني ضايجه
رنيم:اي..بسس....


انتهى البـــارت........
~~~~~~~~~~~~~~~~~~~~~~~~~~~~)
(Part 4)

رنيم:افاااا هاي جزاتي اني اتصل...المهم اليوم شنو عندج؟؟
جوري:nothink ليش؟؟
جوري:امممم رح اجي يمج العصر
جوري:هلا بيج تونسيني ضايجه
رنيم بتردد:اي ...بسس
جوري بأستغراب:بس شنو؟!! شبيج رنيم احجي
رنيم:رشا رح تجي تريد تتعرف عليج
جوري انصدمت بس مابينت:ها..هـ..هـلا بيها حياها خل تجي زياده الخير خيرين هههه
رنيم بأرتياح:ههههههه اوك ب4:00 احنا يمج
جوري:وانا بالانتظار
رنيم:اووك يلا باي طيرتي رصيدي
جوري:مالت يابخيلة باي
_______________________
عند رنيم...
طلعت من غرفتها ونطت ع غرفه فارس ورشا ودگت الباب بهمجية...فتحه فارس وهو معصب
فارس:خيييير شعندج..شنو هالازعاج
رنيم:فرووس حبيبي جهز نفسك العصر تودينه
فارس نبض گلبه:هـا..اي اوك اوك
رنيم حست بي بس مابينت
رنيم:وخر خل اگعّد رشيوا اگلها تجهز نفسها
وخر فارس من الباب ودخلت رنيم ونطت ع السرير وگعدت رشا وگلتلها تحضر نفسها وعفست الغرفه وطلعت ولا كأنو مسويه شي وطاحت بيها المسكينه رشا خلتها ترتب الغرفه وطبعاً فارس بدل وطلع يم اهله
------------------------------


(Part 5)

في بيت رنيم وفارس......ساعه ب4:00 العصر
رنيم:فااااارس يلاااااا تأخرنا بسرعه
فارس:وجعه خفا هالصوت اجيت
رنيم:يلا ساعه يلا تبدل بطيت گلبي
فارس:امشي يلا بلا كلام زايد
طلعو من البيت وركبو السيارة وتوجهو لبيت جوري

~~~~~~~~~~~~~~~~~~
عند جوري....
كانت محضره كلشي ومتجهزة وتنتظر البنات ومتوتره شوي من مقابله رشا
جوري بنفسها:ياترى شلون رح تكون؟؟ورح اعرف اتعامل وياها لو لا؟؟
كل هاذي الاسئله طرحتها جوري بداخلها
شوي وسمعت جرس الباب...ماگامت تفتح انتظرت واحد من البيت يفتحه
سمعت صوت رنيم بالبيت وشوي سمعت صوت فارس...قبضها گلبها...وبعد دقايق اختفه صوته...وماحست ألا بهجوم ع غرفتها......
رفست رنيم الباب ودخلت بكل همجيه ودخلت وراها رشا
رنيم بصوت عالي:ارحبووووووووو
جوري:بلا بشكلج وگفتي گلبي
رنيم:ونعم التحيه
جوري:ولي منا انتي مو مال تحيه وخري وخري خليتي البنيه واگفه بالباب
تقدمت جوري من رشا وهي تحاول تكون طبيعيه
جوري:هلا والله برشاوي شلونج
رشا:هلا بيج حبيبتي الحمد لله انتي شلونج
جوري:تمامو..تفضلي گعدي
رشا:زاد فضلج
رنيم:وانا الحايط هنا
جوري:زين عرفتي نفسج
رنيم:شف شف قلة الادب
جوري:شخبارج رشا
رنيم:احجي وياج انا وتنطنشيني
رشا:هههههههه گعدي احسلج لأن ماكو امل تراضيج
رنيم:امدا هيج تؤم اي والله
جوري:وامداج انتي بعد
رشا:اوهووووو علينا يعني اليوم مانخلص
جوري:هههههههه هي الي ما تسكت
رنيم:اگول ياقليله الادب صارلنا ساعه من اجينا وحته ما ضيفتيني
جوري:جمبيتج صارلها ساعه...وبعدين انتي بهمجيتج تخلين الواحد يركز ثوله
رنيم:اوك اوك وهسه گومي جيبي شي اشربه
جوري:گايمه گايمه
راحت جوري للمطبخ تجيب الضيافه وبقت رشا ورنيم
رشا:ماشاءالله عليها شلون حلوه وحته مرحه ماتجامل
رنيم:هي من ناحيه مرحه وماتجامل صحيح بس منيلها حلوة ليش تجذبين
دخلت جوري فجأة:الحيطان الها اذان
نگزت رنيم:يماااا بسم الله قل اعوذ برب الفلق منين طلعتي
جوري:عله كيفج هوي هوي....
حطت صينيه العصير والكيك وگعدت
جوري:اكلي رشاوي حبيبتي معليج بهاي المسودنه
رشا:هههههههه شكراً
[طبعا جوري ارتاحت لجوري لأنها عاملتها بدون رسميات مثل ماتعامل رنيم...وجوري كذلك حبت رشا لأنها طيوبه...]

انتـــهـى البــارتـــ......

[فيتامين سي]

السلام عليكم
البارت السادس وصل واتمنى القا تفاعل حته اكمل تنزيل البارتات


Part 6

ضلن البنات يم جوري لحد لليل....
صارت ساعه ب 12 بالليل
رشا:رنيم يلا خل نروح تأخرنا
جوري:شسالفه وين رايحين بعد وكت
رنيم:شوفي الساعه شنو بعد وكت والله هسه فويرس يفجر بينه
جوري:باتو يمي عفيه...عفيه
رشا:لاحبيبتي غير مره
جوري بزعل:اي خوش عليكم غير مرة...اخذلي بعد قرن يلا تجون
رشا:هههههههه لالا اوعدج بعيد ميلادج نجي ونبات يمج ونجي من الصبح حته تشبعين
جوري:ولو هو عيدميلادي بعد شهر بس يلا امري لله
رنيم:شف هذول يخططون ويتفقون وانا ولا كأنو موجوده
رشا:ادري ما تگولين شي خو انتي الود ودج تعيشين هنا
جوري:هههههههه عسل ع گلبي
رنيم:ههههه شفتي هاي الاخت مو انتي
جوري:ههههه ديري بالج لا ينكسر خشمج
رنيم:اگول گومي گومي جيبيلي ماي احسلج
جوري:وانتي شبيج ماعندج رجلين لو تستحين
رنيم:لا بس اريده من ايدينج الحلوه الطيبه الكريمه ال....
قاطعتها جوري:بس بس يما منج...اذا فتحتي القوانه ما تسكتين
گامت تجيب ماي لرنيم
من طلعت جوري اتصلت رنيم بفارس عالمود يجي عليهم
رنيم:الوووو
فارس:لااا؟!! بعد وكت جان ما اتصلتي
بهاي اللحظه دخلت جوري وهي ماتدري انو رنيم اتصلت بفارس
جوري:رنيمو يالزفته بسببج نگعت بالماي
فارس سمع صوتها وقبضه گلبه اشتاق لصوتها حيل
فارس بسرعه:رنيم لا تقفلين الخط وسوي روحج عاددي واحجي وياها افتهمتي
رنيم:اوك
جوري بأستغراب:هو شنو الاوك شبيج انتي؟؟
رشا ماانتبهت لرنيم:معليج منها هاي مطفيه
جوري:اي والله صدگ مطفيه
رنيم:وجعة انتي وياها جنت اخابر فارس
جوري انصدمت:بس لا ماسديتي الخط؟؟!!
رنيم بأرتباك:هـا..لالا شنو ماسديته بايعة رصيدي اكيد سديته
جوري ماصدگتها لان تعرفها:اشوف بلا انطيني
فارس:الله يلعن شيطانج ياغبيه
سد الخط بسرعه من يمه
رنيم:هاج شوفي
شافت جوري الخط مسدود يلا تأكدت ورنيم تنفست الصعداء
رشا بأستغراب:وليش ألا تسد الخط عادي هو ابن عمتج
جوري بتصريف:لا انا مااحب احجي هيج گدام اي واحد
رشا:شلون يعني؟؟
رنيم تكمل:يعني ماتظهر شخصيتها الحقيقيه گدام اي واحد بس انا وهسه انتي طلعتها گدامج
رشا:اهااا...يعني صرنا صديقات؟؟
جوري:اكييد حبيبتي انتي صرتي مثل رنيم
رشا بفرحه:صددگ؟؟يعني صار عندي صديقات اثنين
جوري بأستغراب:ليش انتي ماعندج صديقات ؟؟
رشا:لا انا طول عمري ماعندي صديقات بس رنيم وهسه انتي
جوري:اوك حبيبتي اعتبري روحج اختي من هسه
رشا:ياحياتي
اتصل فارس برنيم...
رنيم:ها فارس
جوري من تسمع اسمه تتلبك بس تحاول تكون طبيعيه قدر الامكان
فارس:يلا طلعو انا برا
رنيم:اوك يلا باي
سدت الخط والتفتت لرشا:يلا رشاوي اجه فارس
رشا:اوك يلا
جوري:مو تنسون بيوم ميلادي تجون انتظركم ورح اجهزلكم احلا سهره
رنيم:ولايهمج من الصبح فوگ راسج
جوري:رشاوي الله يخليج من تجون انطيني خبر من توصلون ما اريد اگعد ع هجوم
رشا:ههههههه ان شاء الله
جوري:ههههه اشوفكم ع خير
رنيم:يلا رشيوا فارس هسه يعصب
رشا:اوك اوك جايه
طلعو البنات بعد ماودعو جوري واتفقو يجون بيوم ميلادها ويباتون يمها
------------------------------
بالسياره....
فارس:ليش تأخرتو هيج
رنيم:تونسنا وي جوري وماحسينا بالوقت
فارس:اهااا اوك

وصلو للبيت وكل واحد راح لغرفته ينام
------------------------------
بغرفه فارس رشا....
دخلو للغرفه وبدلت رشا ملابس البيت وگعدت ع السرير تگلب بالنقال
اجه فارس وگعد ع الكنبه الي يم السرير
فارس:تونستي هناك؟؟
رشا بأبتسامه:اي كلللش تونست وجوري ماشاءالله عليها كلش خوش بنيه
فارس يريد يعرف اي شي عن جوري:اهااا...وشلون كان تعاملها وياج؟؟
رشا:عادي تعاملني كأني رنيم ماتحط حواجز
فارس:اهااا
شوي وسمعو دق الباب
راح فارس يفتح الباب وكانت رنيم
فارس:خير شعندج؟
رنيم:وين رشا؟
فارس:جوا..شتردين؟
رنيم:اريد رشا
ماانطته مجال ودخلت للغرفه
رشا:هلا رنيم..شبيج؟
رنيم:رشاوي اريد نقالج شوي
فارس دخل وگعد ع الكنبه ونقاله بأيده بس اذانه يم البنات
رشا:ليش شتردين بي؟؟
رنيم:نسيت نقالي يم جوري واريد اتصل عليها اگلها تشوفه
رشا:بس انا ماعندي رقمها نسيت اخذه
رنيم:انا حافظته
رشا:اوك ردي الرقم
فارس من سمع اسم جوري ركز بالحجي وسجل الرقم من دون محد يحس بي
اتصلت رنيم:الوووو
جوري:لاهلا شتردين موتوج يمي
رنيم:انجبي نقالي يمج..ضمي عندج واياني وياج تلمسينة
جوري:ههههههه لو داگة قبل عشر دقايق
رنيم:لويش؟؟شتفرق يعني؟
جوري:الله يسلمج فصخت النقال تفصخ
رنيم:ياحقيييييرة يمتة لحگتي
جوري:المهم منو يجيبه الج
رنيم:خلي باجر ادز فارس ياخذه منج
فارس تونس من گالت هيج
جوري:لااااا خلي بدر يجي احسن
رنيم:اوك وفرتي علي عناء التوسل
جوري:هههههههه اوك يلا انگلعي خل اكمل تفتيش
رنيم:حقييييييييرة
جوري:هههههههههههه باااي
سدت الخط بوجهه
رنيم:شف القندرة سدته بوجهي
رشا:هههههه بعد ايدي تبرد گلبي بيج
رنيم:وجعه سكتي
فارس:توجعج شبيج فايرة
رنيم:الثوله اگلها لا تلمسينه تگلي(تقلد صوتها)لو متصله قبل عشر دقايق فصخته تفصيخ وهسه سدته بوجهي
فارس:ههههههه زين تسوي بيج
رشا:ههههههههه اي والله محد يكسر راسها ويگدر عليها غير جوري
رنيم:حقراء صفيتو وياها..اوريكم وهي شغلها عندي
فارس:وهسه منو رح يجيب نقالج(يسوي نفسه مايعرف)
رنيم:اتصل ع بدر اگله يجيبه
فارس كلش ضاج عباله هو الي رح يجيبه ورأسن انگلب 180 درجه
فارس:اوك يلا طلعي اريد انام تعبان
رنيم احترمت هدوءة وطلعت لأن تعرفة كلش زين
اما رشا دائما تستغرب من تصرفاته وماتفهمه لهذا تطنش
طلعت رنيم من غرفتهم وراحت لغرفتها
اما فارس ف اخذ اللحاف والمخدة وتوجه للكنبه وانسدح ورشا طفت النقال ونامت

فارس ماگدر ينام وضل يفكر بجوري وسحب نقاله وضل يباوع برقمها الي سجله
فارس بنفسه:اممممم شنو اسميج ؟شنووو شنوووو؟
رأسن گام وطلع من الغرفه وتوجه للسطح[مكانه المفضل اذا راد يكون لوحده]
وضل يباوع للرقم ومن غير مايحس بنفسة دگ ع الرقم
ثواني ووصله صوتهاالناعم:الووو
فارس:........(لارد)
جوري:الووووو منو وياي؟
فارس:........(كذلك لارد)
جوري تسمع صوت انفاس:الوووووووو
شافت محد يرد عليها قطعت الاتصال
اما فارس ف ماگدر يرد عليها...صوتها شل لسانه...تنهد بحزن وسد النقال..ونزل للبيت وراح نام وهي ع باله
--------------------------

يووووووووم جدييييييد....
الكل گعد وكلمن راح لدوامه

عند جوري...
قبل لا تروح للدوام راحت بطريقها لبيت رنيم عالمود تنطيها نقالها
اتصلت برشا
رشا:الووو هلا جوري
فارس طبعاً جان گاعد وبس سمع الاسم نگز يتسمع ورنيم كذلك بحيث صارو كل واحد من جهه
جوري:هلا رشاوي..اگلج العوبه يمج؟؟
رنيم:ترا اسمعج ياحقيره
ضربها فارس ع راسها يعني سكتي ورشا تضحك
جوري:يااا همزين تسمعيني
رنيم:شعندج داگه من الصبح
جوري:يعني ماتردين نقالج؟؟
رنيم:حبيبتي انتي اموت عليج انا
جوري:اي ام المصالح..يلا طلعي انا يم الباب اخذي نقالج
طبعا هذا الحديث كله تحت مسامع رشا وفارس
نطت رنيم تفتح الباب وفارس وراها بس بهدوء حته محد يشك عسا ولعل ان يراها
بـْـــــــسس...
للأســـف......
مالحـگ لأن جوري جانت مستعجله وبسرعه راحت .....

••••••••••••••••� �•••
عند جوري...
رجعت للسياره ركض لأن لمحت فارس جاي بجهتهم وهي ماتريد تشوفه
ركبت السيارة وهي تلهث وگلبها يدگ بقوة
جوري:روح للجامعه...
[جوري عدها سياره خاصه وهي تسوق بيها بس من تروح للجامعه السايق يوديها]
مشت السياره وهي كل تفكيرها مع فارس
ماحست غير ع صوت السايق:ياانسة وصلنا
اخذت جوري كتبها ونزلت..تمشي وهي سرحانه
وصگعت بشي صلب كلش ووگعت من قوه الصدمة
اما هو ماتزحزح من مكانه
جوري:ااااحح...(لزمت راسها وهي باقي ع الارض):ااه ياراسي اوووف
......:انتي بخير؟؟
جوري انصدددددددمتت بقووووووة وبگگتتت عيوووونهااا ع الااااخر o_0

انتهـــى البـــارت.......

[فيتامين سي]

سلام...
البارت لعيون EsRaa

Part 7

عند جوري...
باقي واگعة بالارض ومصدومة وتحجي بينها وبين نفسها بصوت عالي: ياربي منو هذا؟؟ وانا عبالي صگعت بحايط اثاري طلع بشاب اااااااااا شنو هالفشلة وين اودي وجهي......
غطت وجهها بأيدينها

الشاب واگف وبالعافية كاتم الضحكة ع كلامها
الشاب بنفسة:هههههههه شكلها ما منتبهة انها تحجي بصوت عالي
بنذاله حب يحرجها اكثر:عادي ماصار شي يجوز من قوة صدري عبالج حايط

اما جوووووري وماااداراااكم ماجووري
فتحت عيووونها ع الاااااخر وشهققت شهقة ارعبت الشاب بيها
جوري بنفسها:ياويلي ياويلي...شسوي شسوي سمعني عاااا وربي قمة الاحراج...اوووف شلون اصرف هسه

گامت من الارض ولمت كتبها بسرعه ولفت ظهرها وگالت:اسسفة اعذرني
وصاااروووخ راحت ركض لمحاضرتها وهي ميته احراج

اما هو واگف بمكانه ويتابعها ولما اختفت عن وجهه وگع من الضحك
الشاب لازم بطنه:ههههههههه ااه يابطني ههههههه وربي طفله

هدا من الضحك وتوجه هو الثاني لمحاضرته وكل شوي يتذكر الموقف وينفجر ضحك لمن انطرد من القاعه خخخخ
،،،،،،،،،،،،،،،،،،،،،،،،، ،،،،،،،،،،
في بيت رنيم وفارس...
حان كاعد وسرحان
دخلت رشا للصالة وشافته هيج..راحت يمة ووگفت گباله وحركت ايدها گدرام وجهه وهو لا ع بااالة
رشا:فاارس...فاااااارس...هووو� �وي تسمعني؟؟

دخلت رنيم ع صوت رشا
رنيم:شبيج تصيحين فارس مافارس
رشا:تعاي شوفي فارس مصفن ولا ع بالة
رنيم راحت بأتجاها وسوت نفس رشا ونفس الحالة لاااارد
ابتسمت بخبث..رشا شافتها وفهمت عليها وابتسمت نفسها
رشا:ها نسويها؟؟
رنيم:يلا خلينا نتسلى ع راسه
رشا:ههههههه يلا

راحت رنيم ورشا للمطبخ وطلعو طاسة جبيرة شوي وترسوها ماي مثلج ورجعو فتحو الثلاجة وطلعو قوالب الثلج وحطوهن كلهن بالطاسه وذوبو الثلج وصار الماي يكسر العظام من برودته
اخذو الطاسة وراحو يم فارس وجان ع حاله ماتغير

رشا:يلا one ..two .. Three
رنيم گلبت طاسة الماي كلها فوگ راس فارس..........

فاااارس.......لاااا تعليييق.......ضل گاعد بمكانه.....لا حراك.....عيونه مترين گدااام......ومصدوووووم من البرودة

هنا رنيم ورشا بجد خافو عبالهم صار بي شي

فار استوعب كلشي وضل بمكانه بس رفع عدسه عيونة بأتجاه رنيم ورشا
رنيم ورشا دوروهم ماتلگوهم من الخوف...
فارس بهدووووء:انتو گد هاي الحركة؟؟؟
رنيم ورشا بلعو ريقهم مليون مرا حتة وگف بالبلعوم وماضل ينزل

فارس وگف وهنة ماتن رعب لأن يعرفن فارس اذا صار هادي معناها الهدوء الذي يسبق العاصفة

وگف ومشة ناحيتهن وهنة رجليهم مشلولات من الخوف حته مايگدرن يركضن
فارس لزم كل وحدة من ذانها ودخلهم غرفته وقفل الباب وطلع

رشا ورنيم ميتات رعب يحسون اليوم نهايتهم
رنيم:يماااا ولج شنسوي
رشا بخوف:وجعاااا سكتي كلة بسببج لو مااقترحتي هاي الفكرة
رنيم:انجبي انتي هم شاركتيني يعني انتي هم وياي
رشا:ياترى شنو رح يسوي بينا
رنيم:الله اعلم الله يستر نش.......
قطع كلامهم صوت فتح الباب وعرفو انه فارس وگلبهم رح ينخلع من ضلوعم من الخوف
فارس بهدوء:يلا تعالو
ماتحركو من مكانهم...
فارس بعصبية:يلا گدامي بسسرعه
نگزت رنيم ورشا وراحو وياه وطلعو ووگفهم يم المطبخ

فتحووو عيوووونهم ع الاااااخر من اليي شافووووه

فارس عافس المطبخ فوگ حدر
جيب طبقات بيض ومكسرهن بكل مكان ...... ع الارض والطاولات والكراسي والكاونترات والمجمدة والثلاجة بكللل مكان وفوگ هذا كلة ملطخهن بعد بالكاتشب والمايونيز o_0

فارس:تعالو اوگفو بالنص
رنيم بصدمة:فاارس انت شمسوي؟؟
فارس:اصصصص ولا كلمه ولا نفس تعالو بسرعه

تقدمو بخوف لنص المطبخ
فارس جب سطلين وذب كل سطل فوگ راس كل وحدة
وهنة شهقنن بتقرفف ورادن يركضن يغسلن بس صرخة فارس ارعبتهم
فارس:سمعوني زين...ساعه بالكثير والمطبخ اريدة مثل ماجان وتنضفونه بهاي وصاختكم واذا تأخرتو دقيقه تحملو مالا يحمد عقباه (رفع حاجبه وابتسم)السن بالسن والبادي اظلم(طلع من المطبخ)
رشا ورنيم مابيدهم غير ينضفون لأن فارس اذا عصب مايعرف امة من ابوه
بلشو تنضيف وهمة متقززين من الي عليهم

فارس حط بكل سطل ماي مثل الي ذبوه ع راسه وكسر عشر بيضات وفوگها حط زيت ...صارت خلطه تقززز وذبة عليهم وبسبب الماي البارد بسرعة لزم ع جسمهم<<وييييييع ><

______________________________________
نرجع لجوري.....
جوري وصلت يم باب القاعة وماگدرت تدخل....متفشلة لأبعد درجه
ولأول مرة تفوت محاظرة...غيرت وجهتها وراحت للكافتريا وگعدت وطلبت كوفي ......حطت كتبها وسرحت بأفكارها

جان گاعد بوحدة من الطاولات لوحدة ويراقبها من اول مادخلت بس هي ماانتبهت

جوري گطع سرحانها صوت النقال...فتحته لگته نفس الرقم{رقم فارس}
ردت بملل:الووو
فارس:.........(لارد بس يسمع صوتها)
جوري:يااختي اذا ماتردين تجاوبين ليش داگة اصلاً
(جوري تكلم الارقام الغريبة بصيغة بنية حته ماتنطي مجال للي يريد يلعب)
جوري:اووووف رجاءاً بعد لا تتصلين ع هذا الرقم
فارس:..........(لارد) ورا شوي تنهد
جوري من تنهيدته عرفت انه ولد وسدت الخط بسرعه
جوري:ياربييي شنو هاليوم اووووف لو ماجاية احسلي

شافها عافسة وجهه وراح لجهتها وسحب كرسي وگعد گبالها حته بدون مايستأذن وهي هيجo_0 بس مبگگة عيونها
جوري:نعم اخوي ردت شي؟؟ ليش گاعد هنا؟؟
الشاب:لا سلامتج بس ممكن نتعرف؟
جوري بأستنكار:عفواً ؟ يعني لأن صدمت بيك لازم نتعرف !! وبعدين انا ماعندي علاقات حته اتعرف وبالذااات شباب ف لو سمحت گوم
الشاب:ليش ماعندج علاقات؟؟
جوري نست نفسها وتجاوبه عادي:مالي خلگ وجع راس وهوسة خليني بحالي احسلي وبعدين عندي صديقتين ويكفن
الشاب:طيب ليش مايجن يمج؟؟
جوري:هنة مايدرسن بنفس الجامعة وبعدين وحدة تكون بنت.....
استوعبت وصارت هيج مرا ثانية0_0
جوري:احم..انت ليش تسأل؟؟
الشاب:گتلج حبيت اتعرف لااكثر
جوري:روح اتعرف ع غيري اما انا ..لااا والف لاا..
الشاب:انا مااريد اتعرف ع غيرج وبعدين انا نفسج
جوري بأستغراب:مافهمت...شنو نفسي؟؟
الشاب:يعني انا هم ماعندي علاقات وانتي اصلاً اول وحده اتعرف عليها
جوري:وليش انا بالذات؟؟
الشاب:هيج ..ماادري من شفتج حسيتج نفسي ورح تفهميني
جوري:طيب انت ماعندك اصدقاء او اخوان او قرايب؟؟
الشاب:اولاً اسمي سلطان
جوري:عاشت الاسامي
سلطان:عاشت ايامج..وثانياً انا وحيد اهلي واصدقاء گتلج ماعندي علاقات كثيرة ...وقرايب عندي بس كلمن لاهي بنفسه مو من نوع يكونون اصدقاء
جوري:اهاااا...بس انا مااگدر اكون علاقة وياك
سلطان:احنا رح نكون اصدقاء بس واخوان مو شي ثاني

جوري بينها وبين نفسها:امممم خليني اصادقة...كافي وحدة..خل افك ع نفسي شوي...ألى متى هاي حالتي تضل
سلطان:ها شگلتي
جوري:امممم اووك ماعندي مانع بس نكون اخوان لا اكثر
سلطان:اكيييد
جوري ابتسمت:طيب ياسلطان انا اسمي جوري
سلطان:حلوووو..طيب رح اعرف عن نفسي
جوري:اوك يلا
سلطان:احم احم
جوري:هههههه رح تغني لو شنو
سلطان:ههههه خليني احجي
جوري:اوك اوك يلا احجي{جوري مستغربة من نفسها شلون تجرأت وحجت وي شاب وتفاعلت وياه بس حست بالراحه ناحيته لأن مبين طيب}
سلطان:انا سلطان عمري 27 سنه ادرس تخصص هندسة حاسبات سبب تأخري بالدراسه لان جنت فاشل دراسياً بصغري بس تغيرت ههههه ع العموم وانا وحيد اهلي ماعندي ولا صديق just you ههههه اهلي موفريلي كلشي انا اريده والناس تحسبني مغرور لأن كلشي اريده يوصل عندي
جوري:هاي طبع الناس تحكم ع الكتاب من عنوانه
سلطان:صحيح...هاا نسيت اگلج...انا عندي تقريباً اربع اصدقاء بس من دخلت كلية افترقت عنهم بسبب الدراسة
جوري:اها
سلطان:وانتي
جوري:احم...انا جوري عمري 20 سنه تخصص طب نسائي كذلك وحيدة اهلي عندي صديقتين...وحده تكون بنت عمتي والثانية تكون زوجة ابن عمتي ويكون اخو تؤمي
سلطان:اهااااا....تشرفت بمعرفتج
جوري ابتسمت:الي الشرف...هسه عن اذنك رح اروح للمحاظرة تأخرت
سلطان:اوك باي
جوري:باي

راحت جوري للمحاظرة وسلطان كذلك


[سلطان:شاب عمرة 27 سنه وسييييم بالحيل عيونه سود وساع ورموشه كثيفة خشمة سله سيف وشعرة اسوود ناعم يوصل لنص رقبتة وهو طويل وجسمة رياضي كلش لان يشترك بنادي رياضي ونص بنات الكليه متخبلات عليه بس ماينطي مجال لوحدة ف لهذا البعض يعتبره مغرور بس هو مجرد ثقته بنفسه عالية وهو طيب وحبوب بس يحب بأمتلاك وممكن يتحول الطيب الى قاسي وحقود حته يحصل ع الي يريده]


انـــتهى البـــارت........

[فيتامين سي]

سلام..
اسفة ع التأخير...
البارت وصل

Part 8

بعد مرور شهر من الاحداث.....
جوري:كالعادة هالكة نفسها بالدراسة ودرجاتها كلة امتياز ...وزادت علاقتها بسلطان تعتبرة مثل اخوها وماندمت ع صداقته..وكذلك زادت علاقتها برشا وع تواصل دائم هيا وياها

رنيم:بعدها ع هبالها وطيشها ومهما يعاقبها فارس ترجع تعيد المقالب ولااازم تسحب رشا وياها وتنال نصيب من العقاب بس بالنهاية ونسة

رشا:هاذي لازمة خط وي رنيم نفس خبالها وطيشها بس تموت رعب من فارس اذا عصب....وبعدها علاقتها وي فارس لاتقدم مبنيه ع اللامبالاة وتطنيش الثاني وهي اصلاً ماهامها دامها معززة مكرمة عدهم وكله لاهية وي رنيم وزادت علاقتها بجوري حييل

فارس:فارس من بعد ما جوري ماضلت ترد ع اتصالاته رجع لروتينه الي اتخذه من 3 سنوات...ولا جديد بحياته وي رشا وهو ابد ابد مايحاول يحبها ولايتقرب لمشاعرها بالعكس يتعامل وكأنها ماموجودة بحياته ومحد يگدر يحجي وياه لأنهم مالهم حق بس مع ذلك هم يتونس وي خبال رنيم ورشا

سلطان:يمارس حياته اليومية عادي ومهتم بدراسته وزادت علاقته بجوري وهو معجب بيها من ناحية كلشي بس مايكدر يتجاوز حدودة لأنه يعرف جوري تعتبرة اخو واذا گللها رح تتركه وهذا الشي الي مايريدة

________________________________________________
في بيت فارس ورنيم

جانو فارس ورنيم ورشا گاعدين وكلمن لازم ورقه وقلم ويلعبون انسان..حيوان..نبات....الخ...وف� �رس مكسر روسهم
رنيم:فويرس ياحقير مايصير هيج
رشا:اي صدگ شنو هاي انطينا مجال نفوز شوي...شنو من سرعه عليك
فارس:موتو حرررة ألا اسرع اكثر وما انطي مجال حته تكملون الكلمة
رنيم:طول عمرك حقير..وين ج.....
ماكملت لأن فارس نط وحط ايده ع حلگها
رشا:ليش سديت حلگلها خل نسمع منو الي يگدر يكسر راسك
فارس:محد يگدر هاي تخرف علينه
دار ع رنيم وانطاها نظرة موتتها رعب
رنيم:جذاب اكو من يكسر راسة(وبكذب)صديقة جهاد كله يغلبة
رنيم بگلبها:خخخ حلوة هاي جهاد منين جبتها
رشا:هههههه يعني اكو وانا عبالي محد يلحگك
فارس:رنيمو ياكلبة اذا جفصتي مرة ثانية اذبحج وربي
رنيم:اسفة

قطع عليهم تلفون رشا...
رشا:اوسس اوسس بلا نفس
رنيم بسخرية:خير الوزير داگ واحنا ماندري ؟
رشا:انطمي هاي جوري اريد اسوي بيها مقلب
فارس:فتحي سبيكر خل نشوف ردة فعلها

رنيم باوعتله عرفت هاي حجة
رشا ردت:ارحبوووووو
جوري:ولعنة ان شاء الله... عدتج الخبلة

رنيم رادت تحجي بس فارس سد حلگها
رشا:شنسوي من عاشر قوم اربعين يوم
جوري تكمل:كان منهم...والله ماالومج هاي غيرت العائلة بكبرها
رشا:اي والله حته بارد الاعصاب تخليه يتنرفز

فارس عرف انها تقصده بس سكت يريد يكمل يسمع ولا جان لعن خيرها
جوري عرفت انها تقصد فارس
جوري:احمم زين اگووووووول
رشا:گوووولي
جوري بدلع:ترا باجر عيد ميلادي...يعنييي
رشا:ايي والمطلوب ياخانم
جوري بسرعه ولهجة امر:المطلوب يامدام تشرفين انتي والي يمج تباتون عندي
رشا كاتمة الضحكة:يعني حته فارس يشرف؟؟
جوري:وجعه..فارس شدخلة

فارس مستمتع بالحديث من زمان عن صوتها وعفويتها..وميت ع دلعها
رشا:مو انتي گلتي انتي والي يمج..وانا يمي رنيم وفارس
جوري:وثول انا اقصد الخبلة
رشا:اهاااا....زين حبيبتي عذرينا مانگدر نجي

رنيم نطت عيونها گدااام
جوري:نعم نعم يختي..عيدي عيدي ماسمعت
رشا تعيد ببطئ:اگــــوول بــــاااجــــر عــذريـــــنا مـــانــگدر نــجـــي
جوري:غصبن ع راسج تجين فهمتي..انا مجهزة كلشي وتگولين(تعيب عليها)عذرينا ما نگدر نجي
رشا:بس رنيم تجي ..انا لا
جوري:تجين ورجلج فوگ راسج
رشا:اي بس زوجي الكريم مايقبل

تباوع لفارس وتشوف ردة فعله
فارس نطط عيونه من جذبها
جوري:هو بكيف زوجج
رشا:انتي احجي وياه وقنعيه
جوري:بدون ما احجي وياه..تجين غصبن ع راسه
رشا:هم مايقبل
جوري:ساعتها اجي هدادة ع بيتكم
رشا:اي وشتسوين لفارس ؟؟
جوري:كلشي ما اسوي...گتلج غصبن ع راسه تجين وشحدة يحجي

رشا فتحت عيونها ع الاخر ودارت ع فارس لان هو مايقبل لأحد يتجاوز عليه وهي تجاوزت ن دون ما تدري بس انصدمت وهي تشوف فارس مبتسم
رشا:اهاااا

طبعاً فارس ورنيم ساكتين لانهم يعرفوها تتشاقه وهي لا يمكن هيج تحجي
فارس:انتي گد هذا الحجي؟؟
جوري ماركزت بالصوت عبالها اخوه:اي گدة وگل لأخوك رشا تجي ورجلك فوگ
فارس:زين ليش ما تگليلة انتي مباشر
جوري:انا ما......
سكتت لما استوعب الصوت
جوري بصدمه:فــــااارس
رنيم واخيراً حجت:هههههه اكلتي المقلب
جوري بهدوء:رنيم
رنيم استغربت جديتها:نعم
جوري:انتو فاتحين سبيكر؟؟
فارس:اي من اول المكالمه

ماسمعو غير طوووط طووط
سدتة بوجههم

رنيم نطت ع فارس وتضرب بي
رنيم:غبي حقير حيوان ..احسن هيج ..والله لتذبحني باجر
رشا:ليش؟؟
رنيم:هي تتسودن اذا واحد فتح سبيكر وهي تحجي ..وهذا بكل بساطه يگلها اي
فارس وخر رنيم عنه:باجر عيدميلادها؟؟
رشا:اي ورح نبات يمها احنا مواعديها
رنيم:تسوي نفسك ماتعرف موعد عيدميلادها
فارس بجدية حادة:وانا شعرفني يمته عيد ميلادها..وشدخلني بيها اصلاً
رنيم:ع العموم باجر الصبح ودينة الها
فارس:يصير خير...اشتريتو هدايا؟؟
رشا:اهووووو من زمااان
فارس:اوك..يلا تصبحون ع خير رح انام
رشا:ويين ..مارح تكمل لعب؟؟
فارس:لا مليت
رنيم:عوفيه...امشي خل نشوف شنو نلبس باجر
رشا:اوك يلا

راحو للغرفة وفتحو الدولاب وضلو يعفسون بالملابس
رشا:رنيمو رح اروح اگل لفارس انام يمج اليوم
رنيم:اوك يلا

راحت رشا للغرفه ودخلت لگته منسدح ع ظهرة وصافن وعيونه بالسقف
راحت بأتجاها
رشا:فارس
فارس:هممم
رشا:رح اروح انام وي رنيم
فارس بلا مبالاة:روحي

رجعت رشا لغرفه رنيم ورجعو للعفسه
رشا:اگول رنيم
رنيم:گولي
رشا:جوري انا احسها غامضه وماتفتح گلبها
رنيم:جوري مو غامضه بس تحتاج واحد يفهمها..وانا اعرف كل اسرارها وهي كلشي تحجيلي وانا هم كلشي اگللها..من الصغر هيج نسوي لو اتفه الاسباب نگل لبعض
رشا:طيب هي ليش ما تفتحلي گلبها ؟؟
رنيم:انتي فتحيلها گلبج تفتحلج گلبها...وبعدين اذا ردتي شي بس سأليها وهي تجاوبج بصراحه...بس عدها جوانب حساسة ف من تسأليها تدخلج بمتاهات حته ما تفهمين
رشا:اهااا...طيب هي عدها صديقات غيرج؟؟
رنيم:اي عدها
رشا:منو
رنيم:عدها صديقتها عهد من الابتدائي هي وياها بس تزوجت وضلو نادراً يشوفون بعض بس همة كلش متعلقين ببعض..وعدها انتي وبس
رشا:ليش بس احنا؟؟
رنيم:هي من جانت تصادق مالگت غير المشاكل..لهذا صارت بيها عقدة وضلت تتجنب الصداقات
رشا:طيب من الاقارب؟؟
رنيم:الاقارب بالـــذاات ماتختلط وياهم لأنهم سبب عقدتها وبالذات اشخاص معينين سببو الها مأساة كلش قوية
رشا:يووو مسكينه
رنيم:هي بسبب طيبتها صارت الها هواي مشاكل لهذا لبست قناع القسوة والتكبر
رشا:يعني هي وي غيرنة تكون قاسية؟؟
رنيم:هي اصلا ما تحجي وي غيرنا حته تظهر القسوة...دائماً تتجنب العلاقات
رشا:زين ليش هيج؟؟ هي تنحط ع الجرح يبرى
رنيم:اكو ناس تحسد الطيب وتعاديه للاسبب ..ع الرغم من انه يعاملة احسن معاملة لكن لا احساس عدهم حته يحسون باللي يسوونه
رشا:يووووو....انا هم ماشفتها يوم العرس
رنيم:جوري لو تشوفينها قبل 3 سنوات ماتصدگين انها نفسها هاي
رشا:شنو الي غيرها ؟؟
رنيم:الي غيرها...ظروف واجهتها فوگ قدرة تحملها...وبحكم سنها جانت ماتگدر تواجه هاي الظروف
رشا:مبين هواي عانت
رنيم:كلش هواي..ومحد يحس بمعاناتها غيري انا وشخص ثاني لأنه عارفين كلشي عنها
رشا:منو هذا الشخص؟؟
رنيم:ماكو داعي تعرفينة ...وللأحسن لا تعرفينه اذا تردين تتجنبين قناع الشر من جوري
رشا:اهااا
رنيم:كافي ولج خل نام...تعبت باجر ورانا گعده من الصبح..وننط ع جوري
رشا:اوك..تصبحين ع خير
رنيم:وانتي من اهله

طفو الضوا ونامو

فارس جان متسند ع الحايط وسامع كل الحديث لأنه راد ياخذ شغله من رنيم وشدة الحديث ف بقة يتسمع وبعدها راح وهو متضايق حيل

اما رنيم ف ماگدرت تنام...اسئله رشا فتحت ابواب ذكرياتها السيئه وضلت تفكر طول الليل ومانامت الا لمن طلعت الشمس

اما جوري ..من لما سمعت صوت فارس ..قفلت الخط وضمت دبدوبها وضلت تبجي لحد ما نامت من گد البجي


انتـــــهى البــــــارتــ......


توقعاتكم...
ياترى شنو الي رح يصير بعيد ميلاد جوري ؟؟؟....
سلطان رح يضل ساكت ع اعجابة لو يحجي....؟؟؟؟؟

[فيتامين سي]

السلام عليكم
البارت وصل

قراءة ممتعه^^

Part 9

يــــــوم جــــديــد..
گعدن البنات وراحن لغرفه فارس بكفشتهن ودخلو چفت ع الغرفة لا احم ولادستور
رنيم:فويييييييرس گوووووووم يلاااا
رشا:يلااا گووووم بسرررعة
فارس بصوت كله نوم:رشيوا وخري ورنيمو انگلعي خلوني انام
رنيم:يمااااا اخوي صوته يجـــننن وهو نايم
رشا حته هي تخبلت ع صوته:اي والله اول مرة اسمع صوته هيج حلو
رنيم صگعتها ع راسها:وثول صارلج وياه 3 سنين وماسمعتي صوته هيج..صدگ خبله
فارس غطا راسة باللحاف:والله ادري اني حلو واخبل ...بس ولووووو من يمي خل اناااام حرام عليييكم
رنيم بنذالة:فروس حبيبي يلا نريد نسبق جوري قبل لا تگعد وننط عدها حته نخرعها
فارس نـــط من الفراش بسرعه:گــمت

رأسن راح للحمام وغسل وطلع وبدل وگلهم يلا
البنات طاحو من الضحك ع استعجاله
فارس بأستغراب:شبيكم تضحكون؟؟

بعدين انتبه لشكلهم
فارس بعصبية:وجع يوجعكم مگعديني من صباح الله خير وانتو حته ما مغسلين وجهكم من النوم
رنيم:هههههههه شسويلك بس گتلك نطيت بسرعه
رشا بعفوية:هلگد تحب جوري هههههه

رنيم خافت من ردة فعل فارس
اما فارس ف اتحول 180 درجة وانگلب وجهه فوگ تحت ولزم ذراع رشا بعصبية وقوة موجعه
رشا بألم:ايييي فارس ايدي رح تنكسر...اتركني
فارس بفحيح:ان سمعتج تكررين هذا الكلام ذبحتج(وبصرخه) فااااهمة
رشا خافت بس تكابر:انا شگلت حته تصرخ علي...وخر عني
فارس:نعم نعم ...عيدي ماسمعتج
رنيم بخوف:فارس اهدى...الله يخليك عوفها
فارس:شنو اهدئ...هاي يرادلها تربية
رشا:وخـــر..انت متخلف عقليـــاً...من كلمه وحدة گبيت شنو كفرنه
فارس بسخرية:هـه...هاي اول مرة اشوف وحدة تگول لزوجها تحب وحده
رنيم تحاول قدر الامكان تهدي فارس لأن شكله ناوي نية:لاحووووول...فارس البنية ماكفرت...دا تتشاقة..هدي ويلا خل نبدل رح نتأخر ع جوري

وفعلاً گدرت رنيم تهدي فارس
فارس:الكم ربع ساعه تخلصون فاهمين....(طلع من الغرفه)
رنيم التفتت ع رشا: حبيبتي انا ادري انو علاقتج بفارس متوترة بس خلي هاي المعلومة براسج...فارس يكره احد يگله تحب وحده حته لو عفوية
رشا:اوك اول واخر مرة
رنيم:يلا خل نروح نبدل لا نتأخر
رشا:اي يلا بسرعه خل نفاجأ جوري

راحو البنات وبدلو واخذو اشيائهم الي يحتاجونها ونزلو لفارس وركبو السياره وتوجهو لبيت جوري
{طبعاً رشا مااهتمت بفارس ولا بكلامه لانه بأختصار مايـهمها}

وصلو لبيت جوري..
نزلت رشا وبقت رنيم بالسيارة
رنيم:فارس حبيبي لاتضوج ولاتزعل ترا رشا ماجان قصدها
فارس:ماصار شي...يلا حبيبتي نزلي وتونسي وي رشا وجوري

رنيم حاسة بي وبكل معاناته بس مابيدها شي تسويه
رنيم:يلا بيباي....نزلت من السيارة ولگت رشا تنتظرها يم الباب ودخلو سوا

بعد ماسلمو ع ام جوري...توجهو لغرفه جوري....
وبــــــهـدووووووووووء ....
وفــــجأأأأأأأة....
رفسو الباب بأقوى ماعدهم

جــــوووري شوي وتجيها سكته قلبية وجلطة دماغيه وانهيار عصبي من الخوف<<امراض الدنيا كلها اجت بيها هههه
جوري:الله ياخذكم ان شاء الله گولو اميين...يامال الوجع يــاحقــــــراااء

رنيم ماردت عليهاا لأنها واگعه من الضحك ع شكل جوري الي مرعوبه
اما رشا انصدمت من ردة فعلها ماجانت تدري انها هيج خوافة
رشا:ول ول عليج كل هالغلط عالمود گعدناج

وماحست غير انها بالارض وجوري فوگها
جوري:انجبي وانطمي يا......

رنيم وهي تضحك وتبعد جوري عن رشا الي ماجاي تگدر تاخذ نفس من الضحك
رنيم:وي وي وي ...عصبت صدگ وبدت تدخل بالمشفر
رشا:هههههههههه ااااخ يمة....هههههه ماتوقعتج هيج خوافة

جوري گاعدة ولازمة دبدوبها وعيونها تطلق شرار ونفسها نار من العصبية
رشا ورنيم:ههههههههههه
جوري:وجع يوجعكم...امداكم
رنيم:هههههه حبيبتي لاتزعلين ...يلا هسه طلعي برة نريد نبدل
جوري:بـــــععد...فـــوكــــ ـااهاا تطردوني من غرفتي
رشا:اي طردة...ويلا طلعي بسرعة ولاتدخلين ألا لمن نصيحلج
جوري بخبث:ليش؟؟!! شناويين تسوون هاا...اعترفو

رنيم تجر جوري وتطلعها برا الغرفة :يلا طلعي يا منحرفة
جوري:والله لو مااريد اسبح جان ماطلعت
رشا تدفعها لخارج الغرفة:اي خوش خوش ...يلا طلعي

طلعت جوري من الغرفه وراحت للحمام تسبح ورنيم ورشا ضلن يتناگزن بسرعه...

#########################
عند فارس.....
بعد مانزّل البنات لبيت جوري توجه لصديقة فادي...

.STOOOOOOP
تعـــــريــف بشخـــصية فادي...
[فادي:صديق فارس الروح بالروح وعمرة 27 سنة...شاب وسييييم حيل بس مو احلا من فارس شعرة اشقر وعيونة عسلي وهو يمووووت ع رنيم بس طبعاً يحبها بطريقته الخاصه لأنه اكـــــبر مغازلجــــــي وصاحب بنات ومكالمات وارقام بس مع ذلك بوقت الشدة تلگاه يمك ويگوم بالواجب عله احسن مايكون]

نرجـــع ...
فادي:هلا والله فارس..اخبارك
فارس بضيقه:هلا
فادي:افاااا..الاخلاق مقفله كلش
فارس:فادي رجاءاً اسكت عني...روحي واصله بخشمي
فادي گعد يمة وبجدية:خير فارس شبيك هيج متضايق؟؟
فارس:مابيه شي...
فادي:فارس لاتجذب...هذا الحجي مو علي ..گلي شبيك فضفض حته ترتاح
فارس:اناحيل تعبت يافادي
فادي:من شنو تعبان؟؟
فارس:تعبت من الفراگ كـــلش
فادي:شتسوي يافارس..مابيدنه شي نسويه
فارس:تصدگ اليوم عيدميلادها وانا حته مااگدر اشوفها
فادي:زين ليش ماتتزوجها؟؟
فارس بضحكة استهزاء:ههه وتتوقع ابوها يرضى؟؟! انت ماتعرف ابوها شنو ...انسان مستبد لأبعد درجة ...وبعدين رشا شنو ذنبها
فادي:بس انت ماتحب رشا..طلگها
فارس:لوبيدي جان من زمااااان طلگتها...اصلاً حته هي ماتريدني وهذا الشي مريحني ...بس مااگدر اطلگها
فادي:الله يكون بعونك ويسامح الي فرقكم
فارس:مااگول غير حسبي الله ونعم الوكيل بيهم

.%%%%%%%%%%%%%%%%%%
نرجع للبنات....
خلصت جوري سباحه وبدلت وتكشخت وراحت للغرفه...وطرقت الباب
جوري:ها ادخل لو بعدكم؟؟
رشا:دخلي يلا

دخلت جوري للغرفة وتفاجئت
البنات:Happy Birthday to you Happy birthday to jury
رشا:كل عام وانتي بخير
رنيم:ان شاء الله عقبال 100 سنه
جوري:الله يبارك بيكم ويخليكم الي دوم
رنيم بحماس:يلا تعالي طفي الشموع

تقدمت جوري وطفت الشموع والبنات ضلن يصرخن بحماس
جانو محضرين كيكة لجوري وعليها صورتها وعمرها والغرفة مزينة بالورد الجوري الاحمر لأنه المفضل عند جوري

قدمت رنيم هديتها لجوري وجانت عبارة عن ساعة واسوار فضي مرصع بالكرستال
اما رشا هديتها عبارة عن عقد رووووعة ذهبي متصل بي قلب ومنقوش عليه اسم جوري بالانكليزي والقلب ينفتح وينحط بي صورة من الجهتين
ورشا حاطة بجهه صورتها هي ورنيم وجوري جماعية والجهه الثانية فاضيه


جوري:ليش كلفتو ع نفسكم
رشا:ولو احنا خوات ومابينا هيج حجي
جوري:شكراً الله يخليكم الي

گعدن البنات ياكلن من الكيك وسوالف وضحك وخبال


ع الساعه ب 12 بالليل...
اتصل فارس برشا..
رشا:الو
فارس:هلا..اكلج اجي عليكم هسه؟؟
رشا:لا لاتجي احنا رح نضل يم جوري..باجر نجي
فارس:اها..اوك يلا باي
رشا:باي
رنيم:شيريد فويرس ؟؟
رشا:يسأل اذا نريد نرجع لو لا
رنيم:اهااااا
جوري:بنات هسة شنو نسوي؟؟
رنيم:امممممم...ها صــدگ...شنو رأيج نسوي مثل ايام جنة بالمراهقة؟؟
رشا:شنو تــسوون؟؟
جوري:هذا الله يسلمج .. نلزم الايباد ونصور روحنه... مرا صور ومرا فيديو وبالفيديو نگعد نغني ونحجي
رشا:ااهااااا....اووك يلا انتو سوو هيج وانا اصوركم بأيبادي
جوري:ليش مو بأيبادي؟؟
رشا:انتي عندج صور ومقاطع بإيبادج..انا ماعندي اخليهن ذكرى
جوري:اها..اوك يلا

اخذت رشا الايباد وشغلت تصوير وضلن رنيم وجوري يحجون
جوري:شنو نغني؟؟
رنيم:ماادري فكري
جوري:خلي نغني اغنية مجنون
رنيم:اوك انا الولد وانتي البنيه
جوري:ماشي... 1..2..3.. ابدأ

جوري:اني مااريدك تبعد عليه
اني مااريدك تهملني
كلمة اعوفج كــولش قويـة
ترى اگص وريدي صدگـــني

رنيم:مااروووووح صدگيــني
بـاقي وياج غــير
اموووت لو بــس
فكــرت انســاج

جوري:أتغيب يعني اموت
تعرف حبيبي مجنون
عقلي بيك مجنــــوووون

رنيم:انا اعيش عله صـوت
صــوتج حيـــاتــي
حبــنا يضــل جبيـــر
ميـــــهووووون

رنيم:ما أنسى أنسي أبقي
بأيديه حوضنيني هسة
حضنـــة قويــــة

جوري:لتـــــرووووووح
خليـــــــــك خليييـــك
لتــــــرووووح

رنيم:كافي هيج تفكرين
ياعمري انتي
مجنون عقلي بيج
مجنــــووووون
انا اعيش عله صوت
صوتج حياتي
حبنا يضل جبييير
ميــــهوووون

جوري:يرضيك انا اموت
تقبل حبيبي؟؟؟؟؟!!

رنيم:لا انا اموووت من وراااج

جوري:مجنــــــــووون


خلصت الاغنية....غنوها بكل احساس وحيل اندمجو بيها وبالــذااات جوري ونزلت دموعها لاارادي بس مسحتهم بسرعة والبنات لاحظو. بس سكتو تقديراً لمشاعرها

وطبعاً هذا كله صورته رشا
وگفت رشا المقطع وگعدت يم البنات
رشا:حقيرات اول مرة ادري انو صوتكم حلو
رنيم:هههههه حته فارس صوته يجننن
رشا:صـــدگ...ولامرة سمعته يغني
رنيم:جنة انا وياه دائماً نغني سوا..حتة اجنبي بس من تزوج بعد ماضل يغني
رشا:ااهاا...المهم هسه شنو نلعب؟؟
رنيم:ماادري بكيفكم
جوري:فكرو فكرو
رشا:شنو رأيكم نلعب الصراحة؟؟
جوري هاي لعبتها المفضلة:اي اي اي .. يلا يلا انا العب
رنيم:اوك..انتي ورشا لعبي وانا اصوركم
رشا:ليش انتي ماتلعبين؟؟
رنيم:انا كلشي اعرف عنكم بس انتو ماتعرفون شي عن بعض لهذا رح اصوركم
جوري:اووك...رشا انتي سألي اول
رشا:اوووك...احم احم

رنيم بلشت تصوير...
رشا:انتي تحبين شخص؟؟؟ واذا تحبين من يمته؟؟
جوري:اي احب شخص ... من جان عمري 11 سنة احبة
رشا:رووووح عاشو
جوري:هههههه.. يلا دوري
رشا:اوك
جوري:اعيد نفس سؤالج...انتي تحبين شخص؟؟واذا تحبين من يمته؟؟
رشا:للأسف لا....محد استحل عرش گلبي للأن ههههه
جوري:ههههههه حلوة هاي عرش گلبي...ههه يلا دورج
رشا:هههههه....زين هو هم يحبج؟؟؟

جوري اسئلتها تفتح جروحها بس تريد تكون قوية وتبين انو ماهامها
جوري:اي...جااان يحبني..بس هسه لا

رنيم بگلبها:للأن ياجوري للأن بس أااخ من الظــروف
رشا:ليش جان؟؟ شنو افترقتو؟؟
جوري:تؤ تؤ تؤ...هذا سؤال ثاني ياحلوة ...الدور الي
رشا:اوك يلا سألي
،جوري:ليش لحد الان ماحبلتي؟؟؟ شنو ماتحبين الاطفال؟؟!
رشا:احم...انا مو مااحب الاطفال .. بالعكس احبهم..بــــس
جوري:بــس شنــــو؟؟؟؟
رشا:انــا ماحبلـــت لأن.................



انتهـــــــــى البــــارتــــ..........

[فيتامين سي]

Part 10

جوري:ليش لحد الان ماحبلتي؟؟؟ شنو ماتحبين الاطفال؟؟!
رشا:احم...انا مو مااحب الاطفال .. بالعكس احبهم..بــــس
جوري:بــس شنــــو؟؟؟؟
رشا:انــا ماحبلـــت لأني....لأني..............عـــــــ ذراء !!!!!!
جوري انصدمت ومااستوعبت الكلمة:شنو يعني عذراء؟؟!!!!
رشا بهمس:يعني...بعدني بــنية محد لمسني
جوري فتحت عيونها ع الاخر وحيل انصدمت:نعـــــــــم؟؟!!!!.... شنو هاي؟!!.... مااصدگ
رشا:لا صدگي (غيرت الموضوع) يلا دوري هسة

جوري تحاول تضبط نفسها لأنها تحت تأثير صدمة كلش قوية بالنسبة الها
جوري:احــم...يلا سألي
رشا:ليش جــــان يحبج؟؟!...شنو افترقتو هسة؟؟؟
جوري:شوفي...احنا جنة احلا ثنائي...وواحد ميگدر يستغنى عن الثاني..بس صارت ظروف قوية خلتنا نفترق غصب عنة
رشا بقهر:يوووو حرامات
جوري:يلا دوري
رشا:يلا
جوري:ليش انتي لحد الان بنيـــة؟؟؟؟
رشا:لأن بالاساس طريقة زواجنا غلط ولا هو يحبني ولاانا احبة...احنا نعتبر بعض اخوان...يعني مثل مارنيم اخته انا هم هيج وماكو شي ثاني
جوري:اهاااااا
رشا:طيب انتي بعدج تحبينه لو نسيتيه ؟؟؟ وهو وين راح هسة؟؟؟
جوري:اكيـــد بعدني احبة ولافكرت انساه لو اموت ...أمــــا وين راح...فهـــو...(بغصة)....تـــزو ج
رشا بصدمة:هـــااااااا ...شنو شنو..ونعم الحب ...شلون تزوج اذا يحبج هذا يتملعب
جوري:لا لاتظلمينه..هو تزوج لظروف وبعدين احنة من الاساس مولبعض فليش يضل متعلق بيه ويوگف حياته...هو بما ان عاش حياته فهذا يعني اني عشت حياتي
رشا:الله يعينـــج
جوري:المهم..يلا خل اسألج......انتي حبيتي فارس؟؟؟
رشا:ههههههه بصراحة بصراحة؟؟؟
جوري:اييي بصراحة بصراحة
رشا:لا..ماحبيته كحبيب..حبيته كأخ واحترمة هواي لا اكثر ولااقل
جوري:هههههه والله انج غريبة
رشا:هههههه المهم ...اكو يوم جابلج هدية؟؟
جوري:اي كل عيد حب يجيبلي هدية...اصلاً هو بكبره هدية
رشا:يــاعينــــي يــاعينـــي...خايبة نياله الي يحبج
جوري:ههههههه ..زين سمعي.......اذا يوم اجة فارس ويريد ياخذ حقة كزوج ...تقبلين لو لا؟؟؟
رشا بثقه:مارح يجي هاليوم ابـــداً
جوري:ليش واثقه؟؟
رشا:الي خلاه مايجي ياخذ حقوقه ومايريدهن لمدة 3 سنوات مارح يخليه يجي بيوم وياخذهن
جوري:اهاااا
رشا:زين ...اكو يوم تعرفتي ع شاب غير حبيبج؟؟؟
جوري:اي تعرفت ع واحد قبل شهر تقريباً بالكلية...بس علاقتنا صداقة واخوية ومستحيــــل اتجاوز حدودي
رشا:اهاااا...يعني زميل دراسة ؟؟؟
جوري:عليــــــج نــــــوور
رشا:هههههه فديتني ذكية
جوري:اگول انطمي احسلج وسمعي ....هل رح يجي يوم وتحسين فارس كزوج وحبيب؟؟؟وليش؟؟
رشا:اكيد لا...لأن لا انا لفارس ولافارس الي وانا متأكدة انه يحب وحدة سابقاً فلهذا مااريد اتعلق بي وهو مو الي وحته هو اصلاً مايخليني احبة لأن هم يعرف هذا الشي ومايريد يضلمني
جوري:همممممم ... طيب يلا سألي
رشا:اكو يوم تندمتي ع حبج اله لو حقدتي لأن تزوج غيرج ؟؟؟؟؟
جوري:ابـــــــداً...ولا مرا ولاحته مجرد تفكير بالندم...بالعكس احلا شي بحياتي اني حبيته وما زلت طبعاً هههههه ...وكذلك ولا مرا حقدت لأن الظروف جانت اقوا منة ومني لهذا مستحيل احقد عليه
رشا بصوت عالي:اويــــــــلـــــي ع الرومانسيه...امـــوووت انا
جوري بضحك:يمعودة لا تموتين علينة يفجر بينة فارس
رشا:لا وانتي الصادقه...يجي يبوس راسج ويگلج خير ماعملتي
جوري:ههههههه يعني بايعها الاخ
رشا:كلــــــــش
جوري:هههههههه مسكينه....زين ليش گلتي انو انتي وفارس ماتستمرون؟؟؟
رشا:ياحبيبتي احنا اصلاً طريقة زواجنا غلط..واول وتالي ننفصل بس يجي الوقت المناسب
جوري:لا انشاء الله مايصير هيج
رشا:زين اسألج....اذا علاقة حبيبج بزوجته نفس علاقتنا احنا وفارس وتوصل للأنفصال..تفرحين لهذا الشي وترجعيله؟؟؟
جوري بحزن:اجذب عليج اذا اگلج ماتمنه ارجع..انا ودي ارجعله اليوم قبل باجر واعبرله عن كل شوقي الة وتعبي من الفراگ طول هاي السنين...بس مع ذلك مااتمنه تكون علاقته الزوجية متوترة لأن مارح يرتاح بحياته ولايرتاح باله وانا مااريدله غير الراحه وحياة سعيدة

رشا:اووك...نختم اللعبه بأخر سؤال وانا رح اسأل
جوري:سألي

رشا حست بجوري وحست انها مخنوكة وتريدها تفرغ كلشي داخلها حته ترتاح
رشا:اذا شفتيه شنو رح تگليله ؟؟؟
جوري بغصة وصوت يرجف ودموعها بطرف عينها:اگلة...كـــنت ومازلـــت وللمـــوت احبـــك ولو تمر 100 سنة هم مارح انســـاك لأن الگلب مو الي ... الگلـــب صار ملكك من صغري ومستحيـــِل يرجع

ماسيطرت ع روحها وضلت تبجي
رنيم انطت الايباد بسرعة لرشا حته بدون ماتطفي الفيديو وراحت لجوري وحضنتها وجوري اصلاً ماصدگت..هي محتاجة واحد يحضنها وبالــذات رنيم لأنها الوحيدة الي تحس بمعاناتها وضلت تبجي بجي يگطع الگلب

رشا ماتحملت وضلت تبجي وياها والفيديو شغال وموحاسة بنفسها

جوري لازمة رنيم بكل قوتها وتبجي بصوت عالي وتناشغ وتحجي
جوري:ليـــــش ليـــش يارنيم ليش؟؟.. انا شنو ذنبي...والله احبة ... بس اريد اعرف شنو استفادت من فرقتنا شنــــــووووو
رنيم تبجي وياها:بس ياحبيبتي اهدي...وهي راحت لرحمة ربج لاتحجين عليها
جوري:ااااااه يـــــمه ااااااه ...فرقتنــــا وماتــــت...كســـــــرت گلبــــي وماتـــت...ليـــش تسوي هيـــج وتـــرووح ليــش ااااااه حسبـــي الله عليـــها

رنيم:ياگلبي لا تنسين..حوبتج ماتعدتها وماتت بطريقه بشعة
جوري:ماتــــت ومــــات گلبـــي...آآآاااه ياربي والله تعبـــت واللـــــه
حطمــت گلبي واخــذت روحــي بعد ماجانــت احِــلا روح واسعـــد گلــب

رنيم:ياحبيبتي اهدي..والله يعوضج احسن منه

جوري گامت من حضنها وتحجي بشراسة والدموع مالية وجهه
جوري:مستحيـــل وربــــي ع جثتـــي اذا حبيت غيرة
هالگلب(تضرب ع گلبها) هالگلـــب مايريد الا هـــو ومستحيــــل احــد يــاخــذ مكـــانــة مستحيــــل تفهميـــن مستحيـــل

رنيم:ماشي ماشي..بس اهدي اهدي
رجعت جوري لحضن رنيم وضلت تبجي لمن تعبت ونامت
حطتها رنيم بفراشها وغطتها
رشا انتبهت للفيديو مفتوح ووگفته وخلت الايباد ع جنب وگعدت يم رنيم
رشا:مسكينه جوري ماتوقعتها هيج متأذية
رنيم تمسح دموعها:انتي ماشفتي شي...اصلاً انا متعجبة شلون صابرة هيج
رشا:شنو الي خلاهم يفترقون؟؟؟
رنيم:تعرفين بالوقت المناسب...كلشي بوقته حلو...يلا خل ننام

نامو البنات هم وي جوري
------------------
عند فارس....
جان واگف بالسطح مكانه المعتاد والجكارة بأيدة ويدخن كأنه مدمن لأنه حاس بضيقة مو طبيعية ويحس گلبة يعتصر عصر ويحاول يخفف هذا الاحساس بالتدخين.....


انتـــــهى البــــــارت......

[فيتامين سي]

سلاااام
البارت وصل واتمنى القا تفاعل
قراءة ممتعه
Part 11

يوم ثاني الصبح..
گعدت جوري من وكت وعيونها مورمات دليل ع كثر بجيها
التفتت شافت البنات نايمات يمها وكل وحدة من جهة...عجبها المنظر..اخذت الايباد وصفت يمهم وصورت البنات وهي بنصهم...بعدها گامت وراحت حضرت الريوك ورجعت للغرفة...
دخلت لگت نقال رنيم يدگ بأستمرار...راحت تشوف منو المتصل..شافت مكتوب{حياتي} ف عبالها امها وردت...

جوري:الو
......:رنيم؟!!

جوري انصدمت..ابد ماتوقعت يكون هو
........:انتي جوري مو؟؟
جوري بتلكك وارتباك:أأ..أأيي
........:شلونج؟؟
جوري:الحمدلله
..........بهدوء:ماسألتيني عن اخباري مثل العادة

جوري حيل مرتبكة وتحس گلبها رح يطلع من مكانه من گد مايـــرگــع
جوري بتلكك:أحم...ر..رنيم نايـمة بـ..بـعد شـوي دگ علــيها
.........:بس انا مااريد رنيم
جوري:لعد؟
..........:اريدج انتي

جوري خـــلاص بـــعد مـاتتـــحمل ثــانيـة وحـــدة تحجــي ويـــاه
جوري:فارس انا مشغولة باي
فارس بسرعة:لحظة لحظة قبل لاتسدين الخط
جوري بأرتباك:نــ..نـعم
فارس:ليش صوتج مبحوح؟؟

جوري بگلبها(لحد الان تعرف صوتي يافارس)
فارس:انتي وياي؟؟
جوري:احـم...اي وياك
فارس:ماگتيلي شبيه صوتج؟؟
جوري نزلت دموعها غصب:مابيه شي بس مجرد افلاونزا ومأثرة ع صوتي
فارس بهدوء:جوري
جوري:نعم
فارس بحنية:فدوة لاتبــــجين
جوري بخنگة:ماجاي ابجي
فارس:جوري هذا الكلام گوليه لغيري

جوري ماگدرت وطلعت شهقة منها ودموعها اربع اربع
فارس:جوري لا الله يخليج اموت ولااسمعج تبجين
جوري بهمس:باي

سدت الخط بسرعة
رنيم جانت گاعدة من اول ماردت عليه بس سوت نفسها نايمة ومن سمعتها تبجي وسدت الخط
گامت ومدت ايديها بمعنى تعالي
جوري رأسن ركضت بحضنها وضلت تبجي بهدوء ورنيم تركتها تفرغ ع راحتها
بعد 10 دقايق هدت جوري
رنيم:حبيبتي گومي غسلي وجهج وريحي

جوري اكتفت بهز راسها وگامت تغسل
اما رنيم .. ف بمجرد ماطلعت جوري نزلت دموعها ع حال تؤمها الي تبجي الصخر
.................................................. ......
عند فارس....
فارس ضل گاعد من امس ومانام...ب 11 الظهر اتصل ع رنيم عالمود يرجعهم للبيت..وانصدم من ردت عليه جوري
فارس:اااااه ياربـــــي شســــوي...والله المــوت اهــون ألــي من هـذا كلـة

00000000000000000000000000000000000000
عند البنات...
گعدت رشا وتريگو البنات وعينو من الله خير
رنيم:رشيوا رح اتصل ع فارس يجي علينه
رشا:اتصلي
جوري:وين وين؟؟ ابقو للعصر فدوة
رشا:لاحبيبتي مانگدر نطول اكثر
رنيم اتصلت بفارس:هلو
فارس:هلا
رنيم:حبيبي اذا فارغ تعال علينه
فارس:ان شاء الله هسه اجي
رنيم:اوك..من توصل انطيني رنة حته نطلعلك
فارس:ماشي
رنيم:فارس شبي صوتك؟؟
فارس بكذب:مابيه شي..بس توني گاعد من النوم
رنيم ماصدّگته بس مشّت:اهاا..يلا ننتظرك

سدت الخط من فارس
رنيم:رشا يلا گومي نبدل
رشا:اوك گايمة

بدلن البنات وگعدن ينتظرن فارس
شوي ودگ نقال جوري
رنيم:منو؟؟
جوري:سلطان
رشا بحماس:عفيه عفيه فتحي سبيكر خل نسمع صوته
جوري:ههههههه ماشي

فتحت سبيكر وردت
جوري:الوو
سلطان:مرحبا
جوري:اهلاً
سلطان:شخبارج؟
جوري:تمام الحمدلله
سلطان:ليش اليوم مااجيتي للجامعة؟؟
جوري:مالي خلگ...وهم يمي خواتي
سلطان بأستغراب:خواتج؟؟ انتي گلتي انو ماعندج خوات
جوري:هههههههه اي..اقصد بنت عمتي وزوجة اخوها يمي وهنة خواتي
سلطان:اااهــااااا
جوري:ايييي
سلطان:هههههه..زين سمعي
جوري:شنو
سلطان:الخميس اكو حفلة بالجامعة واي شخص تگدرين تجيبينه وياج
جوري:اهاا...اوك مشكور
سلطان:بالخدمة
جوري:يلا باي
سلطان ونعم الطردة
جوري:ههههههههه
سلطان:تضحك الخبلة
جوري: شسويلك يعني
سلطان:هههههههههه ... باي
جوري:باي

سدت الخط

رنيم:ااااااه ياگلبــــي
رشا:ااااه يمــة لحگينـــــي
جوري:شبيكم ؟؟
رنيم:ااه اذا الصوت هيج؟؟لعد الشكل شلون
رشا:ارييييد اشوووفة
جوري:ههههههه تجون وياي الخميس؟؟
رنيم ورشا بنفس الوقت:اكيييد
جوري:بسم الله رح تاكلونيي
رنيم:اصلاً بدون ماتگولين جايين وياج
جوري:اوووووك..انتظركم الخميس
رشا:ماشي

بعد ربع ساعه دگ فارس ع رنيم...ودعن البنات جوري وراحن للبيت

بالسيارة كان الصمت سيد الموقف والجو مكهرب
رشا تهمس لرنيم:شبي اخوج اليوم؟؟
رنيم:ليش شبي؟
رشا:شوفي شلون صافن ومو ويانه...مو من عوايده
رنيم بسخرية:والله هو زوجج وانتي اعرف بحالة
رشا:شتقصدين بكلامج؟؟
رنيم ماحبت تكبر الموضوع:ولاشي

اما فارس كلش مو وياهم..رايح لعالمه الخاص وذكرياته الي عايش بيها ومايگدر يطلع من هاي القوقعة

رنيم بهدوء:فارس
فارس:ها
رنيم:حبيبي شبيك...مو ع بعضك اليوم
فارش:كلشي مابية

رنيم حطت ايدها ع جبهة فارس تحس حرارته وانصدمت
رنيم:فارس انت مصخن..حرارتك عالية
فارس:عادي وشنو يعني
رشا:اناعندي خافض حرارة..بالبيت انطيك
فارس بسخرية واضحة:هـه ومن يمته الاهتمام الزايد يامـــدام(ركز ع كلمة مدام)

رشا انقهرت من اسلوبة ورادت تحجي بس رنيم تلاحگت واشرتلها بمعنة لخاطري سكتي ف سكتت
وصلو للبيت ونزلو وكل واحد راح لغرفتة ماعدا فارس مادخل للغرفة لأنه حالياً ماطايق يشوف رشا نهائياً


بالليل ع العشاء...
جانو عائلة رنيم گاعدين يتعشون وبعد ماخلصو گعدو يشربون شاي

دگ نقال رنيم...
رنيم:هـلا وغـلا باللـي ناسينـي

الكل التفتو عليها ومنصدمين ومفتحين عيونهم لأنها جانت تحجي بصيغة الولد
رنيم شافتهم هيج خافت..وبســرعة بـررت
رنيم بضحكة خوف:هههــههه شبيكم؟؟..هاي جوري والله العظيم

من سمعو اسم جوري رجعو طبيعي لأنهم يعرفوها اذا حجت وياها تضرب عدها الفيوز
جوري:اليوم جنتي عندي ..بسرعه نسيتج؟
رنيم:هههههه عاتي نغير التحية شوي..نكسر الروتين
جوري:المهم..سمعي
رنيم:ها
جوري:عندج خافض حرارة؟؟
رنيم:لاماعندي بس رشا يمكن عدها<<كل واحد عنده صيدله خخخ
جوري:اي فدوة سأليها
رنيم:رشيوا
رشا:نعم
رنيم:-منين نازل الادب..لو لأن جوري ع الخط
رشا:-سكتي فضحتينا...خل نثگل شوي يمها
رنيم:-هـه حلـم..المهم عندج خافض حرارة؟؟
رشا:اي عندي
رجعت تحجي وي جوري:جوري عدها رشا
جوري:اوووك هسه ادز السواق يجي ياخذة
رنيم:المن تردينه؟؟
جوري:الي بعد المن
رنيم:-لاتكولين افلاونزا
جوري:اي
رنيم:شنو سالفتكم انتو..ياهو الزمة افلاونزا
جوري:ههههه ليش منو اجتله هم ؟؟
رنيم:فويرس..هم حرارته مرتفعه ولحد الان ما ماخذ دوا
جوري:اخ..ليش ماماخذ؟؟
رنيم:معند..مايريد يگول مابيه شي
جوري:گليله تگول جوري اخذ دوا لخاطري
رنيم:هههههه احلا يالمهتم
جوري اتنرفزت:خلـص لاتگولين بلاها...اسحب كلامي
رنيم:لالالالالا اتشاقه اتشاقه
جوري:يلا باي طيرتي الرصيد
رنيم:هههههه باي

سدت الخط من جوري
رشا:منو المريض عدهم؟؟
رنيم:جوري
فارس نكز:شبيها مريضه؟؟
رنيم:مثلك هم افلاونزا..وتگول اخذ دواك ترا تزعل عليك
فارس تفاجئ:هــي گــالــت؟؟!!!!
رنيم:لا خيالها
فارس فرح لأن اهتمت بي:گومي گومي يلا بسرعه جيبيلي الدوا
رشا:هههههههه بسرعة قنعته

فارس طنش رشا ومارد عليها لأن مايريد يغير مودة الرايق
{ملاحظه:-بيوت رنيم وجوري قريب من بعض يعني مسافه 5 دقايق بس الا بسيارة}
################
يوم الخميس....
گعدت رنيم من الصبح وهي متحمسة للروحة وي جوري عالمود تشوف سلطان ورشا نفس حالتها
جهزت نفسها وراحت لغرفة رشا وفارس ودگت الباب
فارس:ادخل

دخلت رنيم:صباح الخير
فارس بأستغراب:رنيم انتي مسّخنة؟؟
رنيم استغربت منه:لا مابيه شي..ليش؟؟
فارس بجدية:ماادري...اشو دگيتي الباب قبل لاتدخلين وحجيتي بأدب ..عبالي مسّخنة وجاي تهلوسين
رنيم تنهدت بخوف:وجـع خوفتني..عبالي بيه شي..وبعدين عادي اليوم مزاجي رايق ف گلت ادگ الباب
فارس يتفلسف:مزاجج رايق..وداگه الباب بأدب..اكيــد عندج شي
رنيم:حبيبي اخوي..بس انت الي فاهمني
فارس:خلصي وگولي شتردين؟؟
رنيم ع طول توسلت:عفيه عفيه ..لخاطـــري..ودينا انا ورشا لجامعة جوري
فارس بأستغراب:شتسوين بجامعة جوري؟؟
رشا طلعت من الحمام وردت:عدها حفل تكريم اليوم وگلتنا نجي وياها
فارس:اهاااا..ماشي يلا تحظرو...ربع ساعه اذا ماشفتكم گدامي اروح
رنيم:دقايق واحنا يمك

راحن البنات بسرعة يبدلن وطلعن ركبن السيارة وحرك فارس السيارة
دگ نقال رنيم وماردت
فارس:ردي نقالج زعجنا
رنيم:مااريد...هاي جوري
فارس:وليش ماتردين؟؟
رشا:خايفة ترد
فارس:وليش خايفة؟؟...اكيد مسوية شي
رشا:عليك نور..البارحة نرفزتها بالنقال وزياده اليوم متأخرة ع الجامعة وهي صارلها ساعة تنتظرنة لهذا رح تكون نهايتها اذا ردت
فارس:اخ لو تكتلها..تبرد گلبي والله
رنيم:فروس حبيبي
فارس:لا تكملين..مارح اسوي شي
رنيم:طيب انت اسمع شنو اريد
فارس بملل:اووف منج شترديــن شكــووووو
رنيم:اريدك تنزل وياي للجامعة واشوف جوري وانت يمي
رشا:وشمعنا يعني؟؟
رنيم:لأن اذا شافت فارس يمي مارح تگدر تسويلي شي
رشا:ههههههههه شلون حلو ..محد يگدر ع رنيم غير جوري ومحد يگدر ع جوري غير فارس
فارس:اوك انزل وياج

رنيم ابتسمت بأنتصار لأن تعرف فارس مارح يرفض اذا اجة طاري جوري
بعد ربع ساعه وصلو للجامعة
نزلو من السيارة وتوجهو للداخل
رنيم:رشا دگي ع جوري شوفيها وين

دگت رشا ع جوري وگلتلها ع المكان وسدت
رشا:تگول واكفة يم الكفتريا وي سلطان
فارس انصدم:سلطــان!؟؟؟!!! منو سلطـــان ؟؟

رنيم خافت من ردة فعله وخافت يفهم غلط
رشا:زميلها بالدراسة

فارس سكت بس بداخله براكين تثور
راحو لمكان جوري وسلطان ولما وصلو..جوري ماانتبهت لوجود فارس لأن جانت معصبة حيل
جوري بعصبية:لاااا بعد وكت..جان مااجيتو احسن
فارس:انا الي اخرتهم

جوري انصدمت وانلجم لسانها وماگدرت تنطق بكلمة وهي تشوف فارس واگف گبالها..ووگفته فتحت جروووح تحاول تدفنها
رشا:اشو واگفه وحدج..مو گلتي سلطان وياج؟؟
جوري بأرتباك شديد:احم...أأأ..هـ_هسة يجي...اجـاه أأتصاال

رنيم ماحجت ولا كلمة لأن الي جانت خايفة منة صار وماتگدر تنطق بحرف
وفارس لما شاف جوري تلخبط كيانه
فارس بگلبه:ااخ ياجوري تغيرتي هواي..وين جوري الي اعرفها ... ونظرة الحب الي بعيونج تحولت لحزن..ااخ يازمن الي خلاج ترحين لواحد غيري

رنيم بگلبها:كله مني هسه انا شكو گلت لفارس انزل وياي يعني مااعرف انو سلطان هناك بس ااخ من غبائي..يارربييي الله يستر عدي هاليوم ع خير

بعد5 دقايق اجة سلطان
سلطان:سلام
الكل:عليكم السلام

التفت فارس وطاحت عيونه بعيون سلطان واثنينهم انصدمو وبقوووة
سلطان بصدمة:فــــارس؟؟!!!!!
فارس نفس الصدمة:سلطــــان؟؟!!!!!!
سلطان:وينك يارجال؟...من الاعداديه بعد ماشفناك
فارس:والله مشاغل الدنيا وهم مسؤولية الزواج
سلطان:واخيـــراً تزوجـــت هههههههه جنت تخبصنا تريد تتزوج..اكيد تزوجت....

قاطعه فارس بسرعه لأن عرف شنو يريد يگول
فارس:تزوجت رشا بنت صديق الوالد
سلطان انصدم بس ماحجة لان فارس اشرله:اهااا..مبروووك ولو متأخر ههههه
فارس:ههههه الله يبارك بيك...ألا ماگتلي..شتسوي هنا؟؟
سلطان:انا ادرس هنا..وانت شتسوي؟؟ لايكون تدرس ههههه
فارس:ههههههه لافات المشوار..بس وصلت زوجتي واختي هنا
سلطان:يدرسن هنا ؟؟
فارس:لا بس اليوم اظن اكو حفلة وبنت خالي جوري عزمتهم
سلطان بصدمة:تعــرف جــوري؟؟!!

فارس انصدم انو يعرف جوري..بس استوعب انو رشا گالت سلطان لمن خابرت جوري
التفت سلطان لجوري الي نزلت نظرها للأرض
سلطان:تعرفين فارس ويقربلج هم ؟؟
جوري صوته يالله يالله يطلع:اي ابن عمتي
فارس:من يمته تعرفها؟؟

سلطان يباوع لجوري وبعيونة نظرة حب ماخفت ع فارس
سلطان:من شهر تقريباً

فارس انقهـــــر حيــل من نظرة سلطان لجوري وحس بنـار تكويـه كوي
جوري بصوت خافت:احنا نستأذن ..نخليكم ع راحتكم

راحن البنات لغير مكان
ضل فارس يسولف وي سلطان شوي وبعدها سوا نفسه كأن اجاه اتصال ضروري ولازم يروح لأنه حالياً موطايق سلطان
سلطان راح لقسمة الهندسي لأن الاستاذ يريدهم

{نسيت اگلكم انو فارس وسلطان جانو اصدقاء من المتوسطه بس بعدين افترقو لأن كل واحد راح لتخصص يختلف}

عند البنات...
رنيم:يالله شلون صدفة..سلطان يطلع صديق فارس
رشا:اي والله...بس ماتوقعت سلطان هيج حلو

جوري جانت سرحانه وتفكر وخايفة لأن عرفت انو فارس فهم غلط
رشا:جوري وين سرحتي؟؟
جوري:هـا ؟! لالا موجودة

رنيم حست بخوف جوري وارتباكها وهي هم خافت مثلها لأن تعرف اخوها متهور والله اعلم شنو رح يسوي
شوي وشافو فارس جاي ناحيتهم
جوري گلبها ضل يرگع من الخوف
فارس:سلام
الكل:عليكم السلام

فارس ضل يباوع لجوري بنظرات خلاها ترتبك اكثر
جوري بأرتباك:أأأ...عن ااذنكم..شوي وااجي

مشت بسرعة ماتريد تشوف فارس تحس گلبها يوصل لبلعومها من گد مايدگ
فارس ونظرة ع جوري:انا رح اروح ..من تخلصون دگو علي

ومشه بالاتجاه الي راحت منه جوري
رنيم:تعالي نگعد عله ماتجي جوري

راحو البنات وگعدو وضلو يسولفون ويعلقون ع الرايح والجاي
----------------------
عند جوري.....
مشت عن البنات وابتعدت عنهم وهي وماتدري وين تروح
وماحست غير بأيد تسحبها وودتها مكان فارغ محد موجود بي ومحد يشوفهم لو تعدا

جوري خافت ورادت تصرخ بس سد حلگها
فارس:اششش ...هذا انا اهدي
جوري بخوف:فـارس؟!! ليش جايبني هنا؟؟ شعندك
فارس بقهر:ليش هيج جوري ليش
جوري ترجف:ش..شنو الليش؟؟
فارس:هذوا ..نسيتيني؟ طلعت من بالج؟ ..وين وعدج؟..نسيتيه وحبيتي غيري... ومنــو !! صديقــي؟!! ليش تطعنيني ليـــش

جوري ماردت وتحس كلماته خناجر لگلبها
فارس من شافها ماترد انقهر اكثر وضل يحجي بتجريح
فارس بعصبية وسخرية بنفس الوقت:تدرين..صوجي انا الي بقيت احبــج..ولا انتي ماتستاهلين حبي..وماتستاهلين الثقة الي وثقتها بيج..ووهمت نفسي بحبج الي...ياحيــف ياجــوري ياحيـــف

راح وتركها بمكانها وتطالع بالفراغ وگلبها ينزف
دگ نقالها وماتدري شلون ردت وشلون وصفت لرنيم مكانها
رنيم سمعت صوتها وخافت عليها كلش وراحتلها ركض هي ورشا
وصلت شافت جوري تطالع بالفراغ ودموعها تنزل لا ارادي

رنيم بخوف:جــوري؟... جـوري حبيبـتي شبيــج؟؟
رشا بنفس الخوف:جوري شبيج؟..شنو صار؟؟
جوري تلتفت وتحجي بتيهان:انا ضعــت وانتهيـــت
رنيم بخوف:جوري شسالفه..خوفتيني..احجي
جوري بنفس النبرة تحجي وصوتها يرجف:گلبي زجاج هش..وتحطـــم!!...منو يلمه الي ؟؟

رنيم حضنتها حيل وعرفت انو فارس حجه وياها وجرحها
جوري ضلت تبجي وتشاهق:گليلـــي شلون المــه..صار قطع متناثرة..شلووون شــلوون ...اااه يايـــــمة

سمعو صوت من وراهم
......:انا المــة الج
التفتت البنات وانصدمو بوجود سلطان
بس جوري ماانتبهت وكملت تحجي
سلطان:انا الـمة الج..بس لاتبجيــن
جوري تشاهق:مستحيـــل محد يگدر..مــحد مــحد...الي انكسر مايتصلح
رنيم:جوري حبيبتي امشي خل نرجع للبيت

جوري ماردت ومشت وياها بدون احساس
سلطان گلبه يعتصر ع شكل جوري وودة يحضنها ويمسحلها دموعها ويهديها ويحميها من كلشي ولايخلي دموعها هيج تنزل


رجعن البنات للبيت..نزلت جوري لبيتها..ورجعو همة لبيتهم
رشا بحزن:مسكينه جوري دومها حزينه
رنيم نفس حالتها:ااه منها هاي البنية ..دووم الحظ ضدها
رشا:اكلج..شنو تفسيرين موقف سلطان..وشنو يقصد بكلامة؟؟
رنيم:ماادري..انا حيل انصدمت منه
رشا:اتوقع يحبها...لأن اهتمامة وطريقة كلامة كأنة يريد يحميها من كلشي

رنيم تفكر شنو ممكن يصير لو درى فارس عن الموقف:الله يستر من الي جاي
رشا:الله يعينها...انا رايحة لغرفتي
رنيم:ماشي
رنيم بگلبها:دومك اناني يافارس...جرحتها وانت مو من حقك وتريدها تضل تحبك ومتعلقه بيك وانت تعرف انو انتو مولبعض ...يعني توگف حياتها عالمودك..ااخ منك بس

رشا راحت لغرفتها وبدلت ملابسها وگعدت ا الايباد تشتغل بي
______________________
عند فارس....
راح لفادي وگله ع الي صار
فادي:فارس انت مدام عرفت انها نستك..عيش حياتك وانساها انت هم
فارس:صعــب صعـب يافادي
فادي:لاصعب ولاشي...انت عيش حياتك وي زوجتك وحاول تنساها...ومع الوقت رح تطلع من بالك
فارس بتشتت:هيج گولتك؟
فادي:اي..اسمع كلامي ومارح تخسر
فارس:اوك افكر...يلا انا رايح ..مع السلامة
فادي:الله وياك

طلع فارس وركب سيارته وطول الطريق يفكر بكلام فادي
ونوا ع شي بباله وقرر يسويه..والليله..........



انتــــــهى البـــــارت........

[فيتامين سي]

وااااااه واخييراً خلصت من الدفتر
كنت كاتبة هاي البارتات بالدفتر ونقلتهن بالايباد وبعد مااكتب بالدفتر كلة بالايباد لأن صدك تعبب اوووف

الموهيييم ياحلوييين
البارت وصا واريد ردود حلوة
Part 12

عند جوري...
من رجعت من الجامعة ودموعها ماوگفت ومقهورة كلش من تصرف فارس
سمعت نقالها يدگ..شافته لگته سلطان...ماردت تركته يدگ
بس سلطان استمر ضل يدگ.. ف خافت صاير شي وعدلت صوتها وردت
جوري بهدوء:هلا سلطان
سلطان بخوف:جوري وين جنتي..ليش ماتردين؟؟
جوري:جنت نايمة وماانتبهت
سلطان:ياشيخة خوفتيني..عبالي صايرلج شي
جوري:لاتخاف..ماكو شي
سلطان بهدوء:جوري ممكن سؤال؟؟
جوري عرفت شنو يريد يسأل:اسئل
سلطان:اليوم ليش ضليتي تبجين؟؟...وليش تگولين گلبي تحطم...منو حطمة؟؟
جوري:لأسباب شخصية مااگدر اذكرها
سلطان:اهاا
جوري:يلا تصبح ع خير..تعبانة اريد ارتاح
سلطان:وانتي بخير..انتبهي لنفسج

سدت جوري النقال ورجعت حطت راسها ونامت
-----------------------------------
نرجع لفارس...
وصل للبيت ودخل وتوجه لغرفة رنيم ودگ الباب
رنيم:ادخل

دخل فارس:مرحبا
رنيم:اهلاً
فارس:وين رشا؟
رنيم استغربت انه يسأل عن رشا:بغرفتكم..ليش؟؟
فارس:ماكو شي..بس اريدها بشغلة
رنيم:اهاا
فارس:يلا تصبحين ع خير
رنيم:وانت من اهله

طلع فارس
رنيم:الله يستر منك يافارس...بس كون ماتتسرع بقراراتك

دخل فارس لغرفتة لگا رشا گاعده وتگلب بالايباد
فارس:سلام
رشا:وعليكم السلام
فارس:شلونج؟

رشا هنا استغربت لأنه مو من عوايدة يسئل عن احوالها
بس لما دارت ع فارس..شافت نظراته غريبه ناحيتها وخافت حيل
رشا بخوف:فارس شبيك ؟
فارس:مابيه شي
رشا:ليش هيج تباوعلي
فارس:ليش حرام؟؟...زوجتي وبكيفي

رشا رأسن فهمت الي يدور براس فارس
رشا بتحذير:فارس اياني وياك تقرب
فارس ببرود:ماتگدرين تمنعيني....هذا حقي واريدة
رشا:فارس الله يخليك وخر

فارس ولاكأنه يسمع وتقدم ناحيتها
رشا تبتعد عنه وبتوسل:فارس لاتقرب اكثر
تقرب فارس اكثر ودفعها وطيحها ع السريــر

رشا رادت تشرد بــس فـــارس لــزمها وحاصـر ايديـها وصـار فـوگها
رشـا تحـاول تبعـدة عنـها بكـل قوتهــا لأنها موحيوانه تشبع رغباته بس من دون مشاعر بـس كأنهــا تحــرك جبل
ضلت تبجي وتترجا بي:فـارس الله يخليك بـــعد عنــي
فارس:مااريد...انا اريد اخذ حقي ومحد يمنعني
رشا بتوسل:بروووح كل غالي عندك

فارس مارد عليها وقرب منها وباس خدها
وقرب وراد يبوس شفايفـــها
بس رشا دفعتــة بكل قوتهــا وضربتــه كـــــف معتبـــــر
فارس انصدم من الكــف وكأن هالكف صحاه من هيجانه
رشا تبجي:اصحا ع نفسك...شبيك تخبلت..انت موفارس ...موفارس..انت واحد ثاني

فارس حس ع نفسة وانقهر من روحة لأن هيج سوا
رشا:منو غيرك..شنو الي صار بيك...وين فارس الاولي..وين اتفاقنه..ليش تهدم الاحترام الي بيناتنا

فارس تقدم منها ومن دون سابق انذار حضنهــــا بكل قوته
رشا انصدمت حيل ورادت تدفعه بس فارس حضنها حيل
فارس:انا اســــف...اســــف...والله مااعيدها عذريني...جنت معمي..ماجان قصدي اخوفج وأذيج
رشا تبجي:الله يخليك لاتسوي هيج مرا ثانيه
فارس:اسف..وربي اسف..لحظه غضب...وتأكدي مستحيل اسويلج شي

رشا هدت وارتاحت من كلامه وبعدت عن حضنه
فارس:مسح دموعها:كافي لاتبجين بعد..انتي مثل رنيم واحترمج واعزج كثرها
رشا:اسفه ع الكف
فارس:ايدج حديد..حسيت خدي انشل
رشا:هههههههه تستاهل لأن مانفذت الاتفاق

فارس تندم انه حاول يعتدي عليها وحمد ربه انه وگف بأخر لحظه
فارس:رشا سامحيني ع تصرفي
رشا:مسموح

فارس ابتسم بحزن
رشا:فارس اذا اكو شي بگلبك احجيلي وفضفض حته ترتاح
فارس:مشكورة..بس هسه مامستعد احجي شي
رشا:براحتك...اي وقت تريد تحجي انا موجود
فارس:ماشي
رشا:زين..انا رايحة يم رنيم
فارس صگعها ع راسها:ماتصدگين تلگين فرصة
رشا:هههههه مانعسانه ف أروح اسهر يمها
فارس:اوك روحي..تصبحين ع خير
رشا:وانت بخير

طلعت رشا من الغرفه وراحت لرنيم

فارس انسدح ع السرير وهو يحمد ربه انه ماتهور اكثر وسوا شي يندم عليه
سرح بذكرياته وتذكر من تزوج رشا
اول مادخلو للفندق طبعاً ماسوالها شي وخلاها تبدل وترتاح وهو نام بغير غرفه لأن جانو مأجرين جناح كامل وهي هم ارتاحت انه ماسوالها شي
يوم ثاني الصبح قبل لا يرحون للبيت فارس صاح لرشا وگلها اريدج بموضوع
اجت رشا وگعدت ع الكنبه وگعد گبالها فارس
فارس بهدوء:شوفي رشا...انا مااريد اظلمج وياي...انا ترا تزوجتج غصب...انا مااگلج هذا الكلام حته اجرحج..بالعكس انتي مالج ذنب..انا بس اريد احطج بالصورة واگلج من البدايه حته لاتتوقعين اشياء وبالتالي تتحطمين...انا رح اعتبرج مثل رنيم واحترمج واعاملج كأخت لحد مايجي الوقت المناسب ونشوف حل لعلاقتنا..واتمنى تتفهميني

رشا:ماشي..اهم شي حطيتني بالصورة..وانا هم رح اعاملك كأخ الي
فارس:اوك نعتبر هذا اتفاق بينه
رشا:اوك
فارس بمزح:وهسه يلا خل نروح لايگلبون الدنيا ع روسنه
رشا:ههههه ماشي بس خل ابدل

راحت رشا للغرفه تبدل وفارس ابتسم وارتاح نفسياً انها تفهمته وتقبلت الامر
لأن مامستعد يعيش حياة زوجيه طبيعيه وي غير الي هواها گلبه
__________________________

نروح لرنيم ورشا..
اول مادخلت رشا للغرفه نگزتلها رنيم
رشا:بسم الله شبيج؟...خرعتيني
رنيم بخوف:بيج شي؟..فارس سوا بيج شي..؟؟ خو ماأذاج..؟؟؟
رشا:هههههههه لاتخافين ماسوا شي
رنيم:بس انا شفته من اجه..جان ناوي ع نيه
رشا:اي صحيح اول ماادخل جان ناوي يسوي الي بالي بالج...بس صگعته كف خليته يصحى
رنيم:هههههههه تعجبيني
رشا:ههههههه ...زين رنيم...اريد اسئلج سؤال
رنيم:سئلي
رشا:فارس جان يحب وحده قبل لا يتزوجني؟؟
رنيم:اي..جان يحب وحدة وهي هم تحبه وجانو يموتون ع بعض
رشا:لعد ليش ماتزوجها
رنيم:الظروف ماسمحت..وماكو نصيب..انا رايحة اسبح واجي اوك
رشا:اوك

رنيم شردت من اسئلة رشا لأن ماتريد تحجي بهذا الموضوع
___________________
عند فارس...
صحا من هاي الذكرى وتذكر جوري وهو مقهور حيل منها

فر ع الجهه الثانية ولفت نظره ايباد رشا...وشافه مفتوح
عاد الفضول يلعب بي لعب
اخذة وضل يگلب بي وهنوب دخل ع الاستوديو
گلب بالصور واغلبها لرنيم ورشا
اثناء ماجاي يگلب...طاحت عينة ع وحدة من الصور
صورة لرنيم ورشا وجوري نايمين سوا
ضل يباوع لجوري ونسة الكون كله

انتبه لعيونها المورمات وتذكر يوم اتصل ع رنيم وردت هي وجان صوتها مبحوح
عرف انها جانت تبجي
فارس:ياترى شنو سبب حزنج ياجوري

ضل يگلب ودخل ع الفيديو
شاف فيديو هم بي جوري..فتحه
سمعها تغني هي ورنيم وتذكر الاغنيه واجتله مثل الملح ع الجرح
فارس بألم:بعدج تتذكرين هاي الاغنية
خلص المقطع وانتبه لدمعتها من نزلت..حسها مثل السهم الي اخترقت گلبه

فتح المقطع الثاني وضل يباوع وسمع كلامهم الي گالوه بلعبه الصراحة وانصدم كلــــش...كل كلمة يسمعها تكبر صدمته
خلص المقطع وهو مصدوم...ترك الايباد ويحس بنار تسري بجسمة
فارس:يعني انا ظلمتهـــا!!!؟...هي ماتحب سلطان...بعدها تحبني!!....بس بـــس انا جرحتها وهي مالها ذنب
ااخ ياربي شنو هاليوم

گام رأسن واخذ سويج السيارة وطلع بسرعة....ركب سيارته وساق بيها بسرعه جنونيه
ومقهور حيل ويضرب بيده ع السكان

رجع بذاكرته لقبل كم سنة
فارس اتصل ع جوري
ردت:الو
فارس:هلا وغلا
جوري:هلا بيك
فارس:شنو عندج؟؟
جوري:ماعندي شي..ليش
فارس:رح اجي عليج ونطلع انا وياج ورنيم
جوري:ماشي
فارس:يلا جاي
جوري:انتظرك

سد الخط وراح عليها
وصل ودگ هورن وطلعت وركبت يمه
جوري:سلام
فارس:وعليكم

مشا بالسيارة وشوي ضل يغني اغنية مجنون
وهو معروف بصوته الحلو
جوري ابتسمت ع الاغنية ومن وصل لمقطع البنت..غنت هيه عنه
وغنو الاغنيه سوا لحد ماخلصو
وصلو يم البيت..التفت فارس لجوري:هاي الاغنيه الج
جوري ابتسمت وماردت لأن شافت رنيم موتجهه ناحيتهم
ابتسم فارس وسرح بوجهه
دخلت رنيم وسلمت وهو ولا يمها
رنيم بصوت عالي:احـــم احــم
انتبه فارس وحرك السيارة ومشة وجوري استحت اما رنيم انفجرت ضحك عليهم


صحا فارس من سرحانه ع صوت هورنات عاليه واضواء تعمي العيون
وفجأأأأأأأة..........
__________________________
عند البنات....
طلعت رنيم من الحمام
رنيم:رشا وين ايبادج؟؟
رشا:بالغرفه ... ليش؟؟
رنيم:جيبي خل نصور بي
رشا:ذكرتيني جنت العب بيه وخليته مفتوح ،
رنيم:جيبي بسرعه قبل لا فارس يفتحة
رشا:اوك

راحت رشا تجيب الايباد
دخلت للغرفه وشافتها هادئه
رشا:فارس؟؟....انت موجود؟؟؟

راحت يم السرير ومالگته ف عرفت انه طلع
راحت تاخذ الايباد بس لگته مفتوح ع الاستوديو
اخذته وراحت لرنيم
رشا/:فارس يمكن شاف كلشي
رنيم:ليش؟
رشا:اجيت لگيت الايباد مفتوح ع السرير
رنيم بخوف:وهو وينه
رشا:ماادري..يمكن طلع
رنيم بگلبها:ياويلي الله يستر الله يستر...اكيد انقهر من شاف المقاطع
__________________________
عند جوري.....
جانت نايمة وفزت ع صوت النقال..شافت الاتصال طلعت رنيم...رجعته ماردت...من انقطع الاتصال شافت مكالمات فائتة فوگ 10 مكالمات
خافت گلبها نغزها
رادت تتصل وسبقتها رنيم واتصلت وردت
جوري:الو
رنيم تبجي:جوووووري
جوري گلبها طاح من الخوف:رنيم شبيــج..ليش تبجين؟؟؟
رنيم:فـــاااارس
جوري حست روحها طلعت:شبي فارس؟؟؟

رنيم ماتگدر تحجي بس تبجي
جوري خلاص فقدت اعصابها:رنيم بروح امج احجي...فارس شبي؟؟؟

رشا اخذت النقال منها لأنها ماتگدر تحجي
رشا:فارس سوا حادث بالسيارة...
جوري صرخت:شــلـــــــووووووووو� �....وينـــة هو ؟؟ شصار عليــه؟؟
رشا:هسه هو بالمستشفى وحالته الصراحة خطرة وهسه هو بالعمليات
جوري:اي مستشفى هسه اجي
رشا:مالة داعي تجين
جوري صرخت عليها:كتلج اي مستشفى؟؟

گلتلها رشا ع اسم المستشفى وجوري سدت الخط بسرعه وطارت لبست ملابسها ونزلت ركبت سيارتها وصااااروووخ ع المستشفى

وصلت للمستشفى واتصلت ع رشا تسئلها عن مكانهم وأخذت المكان وطارت
وصلت للدور وشافت رنيم كاعده ع الكراسي وتبجي ورشا واكفه هاديه
رنيم بس شافت جوري كامت وراحت شبكتها وضلت تبجي

رنيم تبجي:جوري ...أخوي ...أخوي رح يموووت
جوري ضلت تبجي وياها:بس حبيبتي سكتي ...لا تفاولين عليه ...أن شاء الله مايصير شي
رشا بهدوءوكأنها ماهامها شي:كافي شسالفه مكبرة الموضوع لهدرجه.. هي عمليه وهاذوا تخلص

رنيم سمعت كلامها وضلت تبجي بحركه وجوري بأوعتلها بحقد ماتوقعتها هيج ماتحس
رشا:شبيج تباوعيلي هيج ؟؟...شنو ماعجبج كلامي
جوري:طبعا ما عجبني ...وياريت لو تكرمينه بسكوتج هواي احسن
رشا:حسني الفاظج لو سمحتي
جوري:انتي تشوفين الوقت مناسب هيج تحجين... ترا الي داخل زوجج ...حسي شوي خلي عندج دم واحترمي وجود اخته

رنيم ارتاحت لحجي جوري سكتت رشا
أما رشا حست ع دمها واستحت من الي سوته
رشا:اسفه ماجان قصدي
جوري:لا تهتمين

ضلو كاعدين ع نار
مرت 10 وأجو أبو فارس وأم فارس
أم فارس تبجي وخايفه:ابنـــي وينه ..شنــــو صار عليه
جوري:لاتخافين أن شاء الله مأكو شي

جوري تحاول تهدي روحها بس جواتها مييييته خوووف
ضلو ينتظرون
ساعـــة
ساعتيــــن...
تلفـــت اعصابهم كلش

طلع الدكتور من الغرفة ووجهه ما يبشر بخير أبد
طفرت رنيم وجوري اول شئ
رنيم:بشر دكتور
الدكتور:حالته كللش خطره ووو (سكت)
جوري:وشنو بعد احجي
الدكتور:وحده من كلياته تالفه كللش ويحتاج كليه جديده
رنيم:أنا أنا اتبرع
أم فارس:أنا اتبرع
الدكتور:لازم نسوي تحاليل نشوف أي واحد يتطابق وياه
أم فارس:يلا بسرعه سوي وشوف
جوري:أنا هم احلل واشوف
الدكتور:تعالو وياي لغرفه التحاليل

راحو لغرفه التحاليل وحللو وطلعو ينتظرون نتيجه التحليل
بعد ربع ساعه طلعت النتائج

أجت الممرضه:تفضلو وياي نشوف نتائج التحليل

راحو يشوفون النتائج وهمه ميتين خوف
الدكتور:رنيم ناصر غير مطابق
أم فارس:طيب وأنا
الدكتور:سعاد حمد..مطابق
أم فارس:طيب أنا أتبرع
الدكتور: للأسف ما تكدرين...لأن انتي أولا كليتج ضعيفه وكذلك انتي كبيره بالعمر وجسمج ضعيف ف خطر عليج تتبرعين وهم مارح تفيد المريض
أم فارس:ياربي رحمتك اللهي
الدكتور:جوري فهد مطابق
جوري:طيب أنا اتبرع
أم فارس:لا يابنتي مايصير تتبرعين
جوري:عمه شنو هالحجي ترا أزعل والله
أم فارس:بس ياجوري
قاطعتها جوري:عمه فارس بحاله خطرة وأنا اكدر اساعده ليش أضل سأكته
رنيم:ماما فدوه خليها تتبرع فارس رح يموت
أم فارس:لاااا.. لا تكولين هيج
جوري:خلص أنا أتبرع وتنتهي السالفه
أم فارس:مشكورا يمه

اكتفت جوري بابتسامه بسيطه
الدكتور:يلا تعالي خل نعقمج حته تدخلين للعمليات
جوري:أن شاء الله
راحت جوري وعقموها وقبل لا تدخل حجت وياها رنيم
رنيم تحجي ودموعها تنزل:جوري مشكوره
جوري:حبيبتي لا تبجين... إذا بجيتي رح أموت بالعمليات
رنيم بسرعه:لالا اسم الله عليج هاذوا سكتت
جوري ابتسمت:ادعيلي
رنيم:بحفظ الله


دخلت جوري لغرفه العمليات والكل يدعي كون تنجح العمليه ويكومون بالسلامه
رنيم دموعها ما وكفت وتدعي من كل كلبها لأعز شخصين بحياتها
رشا حزنت ع رنيم راحتلها وحضنتها وتهدي بيها

أبو فارس اتصل ع أبو جوري وأم جوري وبلغهم بحادث فارس وتبرع جوري
ورا ربع ساعه اجو أهل جوري وهما خايفين عليها

أبو فارس يحجي وي أبو جوري:أنا أسف لأن خليت جوري تتبرع
أبو جوري:شنو هالكلام يا أبو فارس إحنا أهل ومابينه أسف وجوري تبرعت لأبن عمتها مؤ لغريب
أبو فارس:مشكور طول عمرك رجال
أبو جوري:ولو إحنا إخوان ومابينه هاي الرسميات...أن شاء الله الله يكومهم بالسلامه
أبو فارس:أمين


أم فارس تبجي وأم جوري تهدي بيها وهي حيييل خايفه ع بنتها الوحيدة وتدعي الله تعدي ع خير

بعد 3 ساعات طلع الدكتور
الكل طفر يريد يعرف الاخبار
الدكتور انفجع من هجومهم
أبو فارس:طمنه دكتور
الدكتور:تطمنو الحمد لله نجحت العمليه وتعدا مرحله الخطر
أبو جوري:وجوري؟؟
الدكتور:جوري بخير الحمد لله
أم فارس:نكدر نشوفهم هسه
الدكتور:لا هسه ممنوع ع بأجر
رنيم:الله يخليك دكتور بس شوي نطمن عليهم
الدكتور:أسف والله مااكدر.. ممنوع ولازم يرتاحون هسه وان شاء الله باجر الزياره

تطمنو عليهم وارتاحو بس راحتهم تكمل لمن يشوفون فارس وجوري بخير
بعد نص ساعه الكل رجع للبيت لأن وجودهم مثل عدمهم ما رح ينفع شي ف رجعو


انتهى البارت.......

تــــووووووقعااااتكمم
لا تحرموني من الردود الحماسية ^_^