آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-03-15, 08:32 PM
| #1 | |||||||||||||||||||||||||||
| نجم روايتي ومشرفة سابقة وفراشة متالقة بعالم الازياء  
|  دنيا وجودي فيها عسى الله لايفنيها / للكاتبة مابعد الكلمة ،
التعديل الأخير تم بواسطة اسطورة ! ; 19-08-15 الساعة 01:43 AM | |||||||||||||||||||||||||||
|  |
|
28-03-15, 08:35 PM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  بسم الله الرحمن الرحيم السلام عليكم ورحمة الله وبركاته هذي اول روايه لي اكتبها بقلمي / مابعدالكلمة وان شاء الله تكون بدايه موفقه انا راح استغني عن ذكر اسم الماركات في اي شي سواء اللبس او المكياج او السيارات لان الاحداث كثيره ومزدحمه فمن الاولى ذكر الاهم وترك المهم كمان ماراحاذكر الشخصيات الا لمن يجي دورهاراح اتكلم عن افراد العائله إن أجمل لحظات الحياة حين تعيش في أفئدة الناس دون غش و خداع تعترض حياتنا امور تبدو لنا في البدايه وهم او شئ غير واقعي ولكن حين تكرارها او استمرارها نتيقن انها حقيقه وليس تخيلات هذا ماسنراه مع بطلة روايتنا التي ستعاني من امور كثيره وفي النهايه تجد نفسها خسرت اغلى شئ بحياتها لايقدر بثمن ولاكنوز ولكن هل تتقبل مصيرها وواقعها المرير من الصعب طبعاً ولكن عليها القبول والرضى ربما تكون مكيده وربما امتحان يأتي بعده فرحاً لاينسى طيلة حياتها الم يقول سبحانه ( فأن مع العسر يسرا : ان مع العسر يسرا ) صدق الله العظيم سمحت لعقلي يغوص في بحر التخيلات التي لاتعترضها عوائق ولكن بحدود المسموح لأكتب لأحبتي بعض تجارب الحياه التي ربما قد تكون وبالصدفه مطابقه لبعض الحقائق الموجوده في حياتنا الا انها من افكاري استلهمت هذه الروايه سأكتب ماهو معقول وقد يكون نافع لبعض الاشخاص في النهايه سأضع تجارب ومشاكل لها حلول ولكن مشكلة بطلتنا لا حل لها الا انها تتقبل مصير حياتها بكل تفاول فمن يعلم بالغيب الا الله التعديل الأخير تم بواسطة لامارا ; 21-04-15 الساعة 09:29 AM | |||||||||
|
| |
|
28-03-15, 08:38 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| ( البارت الاول ) نزل مصعب من الدرج الخارجي للبيت الي يوصل للحديقه وهو يهرول وماسك بيد اخته اجوان الي طايره من الفرحه لان حلمها تحقق كانت اسيل تمشي وراهم وهي تراجع بعض المعلومات لاختبار اليوم مصعب رافع يده اليسار ويأشر بها لبعيد : شوفي جوجي عجبك اجوان فاتحه فمها من الصدمه ومندهشه : وش ذا اسيل فكتها ضحك وجلست على الارض ماسكه بطنها : ههههههههاي يمه وش ذا وجلست تمسح دموعها من كثر الضحك ورجعت تضحك ههههههههاي بطني حرام عليكم هههههاي والله قويه مصعب فكها ضحك وماحس بعمره وطالع لاخته : لا يكون ماعجبك ترى طبق الاصل حتى نفس اللون ابيض بس الاختلاف في السلاله اسيل وهي داخله نوبة ضحك : انا اشهد ابدا مافيه اختلاف مصعب : عاد لو ماعندكم اليوم اختبار كان قلت اجلسوا تسلوا معاه وتمشوا به في الحديقه اسيل : لا لا تكفى انا متنازله اصلاً ماطلبته خل الاخت تتهنى فيه اجوان وعيونها مليانه دموع ضربت برجلها الارض بقوه من القهر : يعلكم ماني بقايلها ( هذه الكلمه اكثر استخداماً عند اخوات مصعب لانه هو الي عودهن عليها ) طالعت اجوان في مصعب وهي تحاول قد ماتقدر ماتسمح لدموعها بالنزول لانها تعتبرها اهانه لها : اخر مره اطلب منك شي لو اعتذرت كان افضل من هالحركه البايخه صدقني مابرجك راح اقدر انك ماتقدر تجيبه صدقني ماراح اطلب شئ من خيولك والي جابه لك الله ياخذه مصعب وهو مبتسم لانه وقف عن الضحك لان اخته كسرت خاطره سحب راسها لصدره : لا ياجوجو لاتدعي على اعز من روحي كانك تدعي علي يرضيك ذا الشئ وهو والله مايدري بالسالفه جابه فزعه لان الحصان الي طلبتيه مشغول مع المدرب ودي نفوز بعد في الفروسيه وهذا المتوفر اجوان سحبت نفسها من حضن اخوها : يالظالم حمار مالقيت الا حمار كيف تحول الحصان لحمار هذا الغريب بعينه طالعت في اختها اسيل ومسكت بيدها وسحبتها : يالله نمشي قبل ماتطير المعلومات هذا اذا بقي معلومات مصعب يكلم اجوان وهي تمر من عنده : حيلك تراك غاليه عند مصعب التفت لا أسيل وضغط على خدها : اسولتي انتبهي لاختك اسيل تأشر على عيونها وهي مبتسمه كان ودها تضحك بس عارفه ان اجوان واصلها معاها مصعب استنى خواتها لحد ماركبوا السياره ومشى السواق ودخل عند امه وجلس معاها على طاولة الفطور ام مصعب : بشر ايش صار مصعب ينزل الكوب من فمه : اعتقد نسيتها الفكره ام مصعب : لو اجلت الي صار لحد ماترجع من الجامعه اخاف يصير فيها شئ وماتركز في الامتحان لاتنسى انها حساسه مصعب قاعد يأكل : لو اسيل قلت معاك حق بس جوجي قويه وبعدين ياامي فكت راسي بهالحصان الا اجيبه علشان صحباتها يشوفوه لو قلت انه مشغول مابتصدق ولاترضى فالافضل اقطع رجاها وماكان قدامي الا اجيب لها بدال الحصان حمار الله يكرمك ونفس اللون ام مصعب : ويكرمك والمسكينه كانت بتكلم صحباتها لو مااسيل استعجلتها مصعب وقف وسلم على امه ولبس نظارته واخذ جواله ومفاتيح سيارته وراح لشغله ( نبذه عن حياة مصعب واهله ) (مصعب هو الي ربى خواته مع امه لان ابوه توفى وهو ثالث ثانوي واخواته صغيرات اجوان كان عمرها 6 سنوات واسيل عمرها 3 سنوات فأصبح الاب الحنون والاخ الحريص كان حلمه يلتحق بنادي رياضي بس تبخر بمجرد ماتركه والده فأظطر يلتحق بالكليه العسكريه وتخرج ضابط برتبه كبيره ومنصب مرموموق واصبح له شأن كبير لنباهته وذكاؤه وكان وسيم بينه وبين اجوان شبه ) صحيح ابوه ترك لهم عماره اربع ادوار كل دور شقتين وسوبر ماركت كبير بس هو كان يطمح يعيش خواته في مستوى مو اقل من غيرهم وحب الفروسيه واخذ له فرس ومنقية ابل من المزاين المشهوره وصار له سمعه وشهره بين المنقيات الاخرى وتعرف على رجاجيل اكبر منه واكتسب منهم خبره وكان يخاف على خواته ويلبي كل طلباتهن وحنون معاهم علشان امه ماتشيل هم وعمره الحين 32 سنه يحب اللهجه البدويه. علم خواته كلمات منها ) اجوان :عمرها 20 سنه جميله جداً عيونها وسيعه ورموشها كثيفها خشمها واقف وبشرتها بيضاء وشعرها طويل لنص ظهرها مستحيل ماتلفت انتباه اي شخص يشوفها تحب تهتم في نفس جرئيه في قول الحق مصعب اخوها خط احمر بحياتها ماترضى احد يغلط عليه تحب تجلس وتسولف مع زياد ولد عمها الي بعمر اسيل وهي الحين بالجامعه اسيل : 17 سنه حلوه بس ماتوصل لاختها بشرتها بيضاء وخشمها واقف عيونها كبيره و شعرها يوصل لين اكتافها وخجوله جدا جداً ماتحب تجرح ولاتدافع عن حقها وماتحب تتقمص ادوار ماتليق بها واضحه بعلاقتها تحب صديقتها جودي رغم مالهم فتره طويل مع بعض بس لانها تشوفها زي اختها مستحيل تطلع سر من اسرار صديقتها لو كلفها هالامر تخسر شئ غالي ولاتخسر صديقتها الي تحبها اكثر من نفسها وبالمقابل جودي بتبادلها نفس المشاعر ( بيت ابو جاسم ) هذي الفتره كانت فترة امتحانات عند جودي عمرها 16 سنه وهي الحين ثاني ثانوي ادبي لانها تعشق الاداره فدخلت ادبي لان هذا القسم مايتطلب تخصص معين وكانت جميله جدا ومن يوم هي صغيره والمل ينبهر بأخلاقها وجمالها وذكاؤها (لكنها لاتهتم بالجمال فجمال الروح والاخلاق افضل من الجمال الجسدي او الظاهري) وكانت مثقفه جدا وعندها غرفه بحانب مكتب ابوها كلها كتب عن الاداره والفسفه والسلوك الاداري والتنظيمي كانت باللغه العربيه والانجليزيه طبعا هي دخلت المدرسه على خمس سنوات لانها ذكيه وتحب العلم صحيت على الفجر وكانت مفجوعه هذا الكابوس يجيها اذا كانت متوتره او تعبانها او ارهقت نفسها وكذا مره يجيها وبدأت تقلق منه راحت للحمام وأخذت شاور سريع وصلت قبل الفجر وجلست تراجع ولمن سمعت الأذان صلت وقرأت لها جزءبسيط من القران ولبست لبس المدرسه وكانت نازله لغرفة الاكل وقابلت اخوها جهاد حضنها لمن شافها ( مقرب جداً منها ) جهاد :صباحك ورد ياورده جودي : هلا دودي صباحك ياسمين ياغلاي جهاد : مستعده لاختبار اليوم والا ترى مابوصلك جودي طالعت فيه بعين مفتوحه والثانيه مقفله : افا انا اخذلك ماتوقعتها منك يادودي جهاد: هههههههههه مدري من وين جبتي لي هالاسم لو سمعوك الي معي في المكتب كان ضاعت الهيبه جودي :الا والله لهم الفخر الاسم مايغير شي الاهم الاصل والفكر الزين جودي متعلقه كثير في جهاد واكثر محفز ودافع لها هو ووالدها طلع ابو جاسم من جناحه هو وزوجته وسلموا عليهم جهاد وجودي ونزلوا سواء لغرفة الطعام دخل عليهم جاسم باس راس امه وابوه وجلس بدأتالمشرفه بتوزيع الاكل عالجميع ام فهد : وين زوجتك واولادك جاسم : والله مانامت اميره الاالفجر شهد شويه محمومه وماحبيت اصحيها قلت ترتاح شويه واذا صحيت بتفطر ام فهد : سلامتها يمه بس كان وديتوها المستشفى او ناديتوا دكتور العايله جاسم : اميره تقول فيفادول يقوم بالواجب والحين هي احسن ابو جاسم : سلامتها ياولدي ماتشوف شر دام كذا اجلس في البيت اليوم يمكن تنتكس بنتك مره ثانيه لاسمح الله جاسم : لا يابوي مافيها الا العافيه انت ناسي ان اليوم توقيع عقد المشروع لازم اكون موجود ابو جاسم : براحتك وقواك الله ياولدي طبعا جاسم متزوج بنت عمه وعنده توأمين ولد اسمه فهد على اسم ابوه وشهد واعمارهم 6سنوات جاسم التفت على اخته الصغيره : هاه جودي حبيبتي متى تخلصي الا وين جنى جودي : هانت ياغلاي مابقى شي وسلامة بنتك قدامها العافيه ان شاء الله ياحبيبي جنى ماعندها امتحان الاالظهر تلقاها نايمه جاسم مسح على راس اخته : اجل شدي حيلك جودي وقفت واخذت شنطتها : من الحين اقول لكم ترى اسيل احتمال تجي معي مابغى اشوفكم بالبيت كاالعاده ابوها حيياها الله البيت بيتها وذولا ماعليك منهم انا ادبرهم ( يقصد جاسم وجهاد) جودي : فديتك يابعد عمري الله لايخلييني منك وباست راسه ام جاسم : ارتاح لها ذي البنت وفيها حياء ماتلاقي في بنات الزمن ذا الحمدلله انك تعرفتي عليهم انتي واختك ابو جاسم : ناس طيبين واخوها هو الي رباها رجال والنعم فيه راعي طيب ونخوه جاسم : انا اشهد انه كفو وترى كلمني على الحفله والمسيره الي مسوينها لمنقيته ويبغى وقفتنا معه جهاد : انا اذا كنت فاضي بجي معكم واذا مشغول انت والوالد تكفون وزود ابو جاسم : يبشر بعزه الغالي باذن الله نكون اول الحاظرين يستاهل جودي : عاد انا بقوم بالواجب عند اسيل واجوان ام جاسم ضحكت : ماتقصري ياقلبي وانا واميره بنروح معاكم جودي : اكيد ماتحلا الروحه الا بكم يابعد عمري وراحت لامها وباست راسها وكفها : باي مامي دعواتك يالغاليه وطالعت في جهاد : يالله تأخرنا ام جاسم : من غير ماتوصي ادعي لك ولاخوانك جهاد:يالله ب الاذن وان شاءالله شهوده ماقدامها الا العافيه ولاتشيل هم ياخوي اذا انتكست انا موجود لاتشيل هم روح لدوامك وانت مرتاح البال(كان حاط يده على كتف اخوه لمن كان يكلمه ) جاسم : فيك الخير لاخلا ولاعدم ياخوي(وقف وسلم على جبين جهاد ) ابو جاسم وزوجته اعجبهم تماسك اولادهم وقربهم القوي من بعض جودي طبعت بوسه على راس اخوها الكبير الي تشوفه بمكانة والدها وطلع جهاد مع جودي وتوجهت ام جاسم لجناح ولدها تتطمن على شهد بعد ماراح جاسم وابوه وصل جهاد جودي لمدرستها وراح لمكتبه وتعهد انه يكون مع جودي فترة الامتحانات يعني يوصلها ويجيبها (راح تلاحظون الاهتمام بجودي مو بجنى ) الي راح نتكلم عنها بعدين يمكن لانها الصغيره ويمكن لسبب قوي جدا عائلة ابو جاسم الوالد ابو جاسم / فهد جاسم الراسي عمره 48سنه رجل اعمال كبير لشركة والده وله اسم كبير وله وزنه في السوق السعودي والخليجي ملياردير ومع ذلك حنون و متواضع يرتاح للاشخاص الاوفياء حتى لو كانوا بسيطين ام جاسم / نوره الزايدي عمرها 43سنه دكتوره في جامعة الاميره نوره بس تركت التدريس لانها مرضت فتره اظطرت تترك التدريس تحب العلم والدراسه مثقفه مهتمه بنفسها الي يشوفها يقول انها اصغر من عمرها بكثير وحازمه بقراراتها عيالها خط احمر تدافع عنهم حتى لو غلطانين توجد لهم مبررات تكره احد يدوس لها على طرف حتى زوجها مازالت ماخذه منه موقف رغم حبها الشديد له لانه له ماضي معاها نوعاً ما سئ من وجهة نظرها راح نعرفه بعدين جاسم : ولدها الكبير واحب ابنائها بعد جودي تعتبره اخوها اكثر واحد تشكي له او نقول يعرف اذا امه متضايقه او تعبانه عمره 32متزوج بنت عمه اميره عمرها 26 سنه طبعاً كانت بينهم قصة حب ويارب تستمر عندها تؤام بنت وولد جهاد : ( محامي شاطر اي قضيه يكسبها عمره 28 سنه قرر يشتغل لوحده فتح له مكتب خاص بعيد عن شركة ابوه واعمامه وطموح بس يكره الي يستغفله او يخبئ عنه حاجه ) تخرج من جامعة كالفوينيا احلامن جاسم لانه يشبه لامه كثير ويحب يهتم بنفسه ويظهر جماله واكثر وقته في الشغل حتى وهو في البيت جالس في مكتبه يدرس قضاياه امه تلح عليه بالزواج وهو رافض بحجة انه مالقى الي تناسبه وتستاهل ان تشاركه بحياته ومره فشلها مع خالته لانها خطبت بنتها بدون موافقته بس كان عنده علم وماتكلم واعتبرته امه موافقه بس لمن عرف بالموضوع جن واعترض وقال لامه انهي الموضوع زي ماتكلمتي فيه وزواج من بنت اختك مافي لو على جثتي وتفشلت ام جاسم من اختها وانقطعوا عن بعض فتره ورجعوا تصالحوا جنى / اول بنت بعد ولدين كانت دلوعة العائله بس جودي خربت عليها لانها اخر العنقود عمر جنى 20 سنه ثاني سنه بالجامعه تخصص تربيه خاصه وصاحبتها اجوان اخت اسيل كانت جنى تمتلك جسم مثالي وطول مناسب لجسمها وبيضاء وشعرها لنص ظهرها عيونها واسعه ورموشها كثيفه يعني حلوه وفوق كذا تهتم بنفسها بشكل مبالغ فيه يعني زي امها جودي / اصغر وحده عمرها 16 سنه جميله جداً جداً تلفت انتباه اي شخص شعرها مو طويل لحد اكتافها دايم تقصه اخر همها الموضه بس ناعمه وراقيه في موديلاتها تحب المغامره عندها اسلوب في الكلام جذاب التعليم وتثقيف النفس اكبر اهتمامها نفس طبع امها التعديل الأخير تم بواسطة لامارا ; 21-04-15 الساعة 09:31 AM | |||||||||
|
| |
|
28-03-15, 08:42 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| ( البارت الثاني ) دخلت اسيل للمدرسه والابتسامه على وجهها جودي : هلا بالغاليه ياباسط ياجعله دوم اسيل سلمت على جودي ورمت بالشنطه وفكت عبايتها وطلعت كتابها : فديتك يدوم غاليك الا كيف المذاكره جودي : اممم ماتبغي تقولي هاه طيب ماعلينا والله انا شفت لك كابوس اربك دماغي بس راجعت شويه واحس الحين تمام اسيل : يالله ياجودي ماتلاحظي هذي الكوابيس تجيك اذا ارهقتي نفسك لازم تشوفي لك حل جودي : ماعلينا الحين قولي ايش سر هالابتسامه اسيل فكتها ضحك لمن تذكرت الي صار: ههههههههههههههههههه جودي مستغربه بس ابتسمت عالخفيف : طيب خلينا اخلص من الامتحان واتفضى لك اسيل تاشر على عيونها : من عيوني اقولك بس ليه جايه بدري جودي : حسيت ان جهاد مستعجل وماحبيت اخره اسيل : وهو للحين يوصلك ايش فرقت لو جيت مع السواق مو طول الترم تجي معاه حودي : يقول هالفتره محتاجه اهتمام وهذا اهتمامه فديت قلبه ياناس اسيل : طيب خلينا من ابو الاهتمام وراجعي لك كم كلمه لمن وصل ابوجاسم وولده لشركه طلب من اخوانه يجونه بمكتبه قبل مايجتمعون مع مجلس الاداره بعد الظهر واجتمعوا اخوانه وقاعد يقول لهم هذي اخر مره اخذ رايكم لانه مافيه وقت صحيح انا صاحب الفكره بس الراي لكم اليوم بنجتمع بمجلس الاداره ويتم القرار وشراء الاسهم حسب الاتفاق ابو باسل : والله ياخوي رايك زين وحنا مانخالفك وانت راعي ثقه وانت صاحب الراي واحنا نتبعك ياخوي ابو سيف : وان اشهد نحن موافقين وان شاء الله يكتب لنا الخير وانا اخوك ابو جود : والله انا ماعندي مانع طالما الارباح مضمونه توكل على الله ابو جاسم : يابو فهد (جاسم ولده ) جهز اوراق المشروع علشان نعرضها في الاجتماع اليوم وكلم باسل وثامر وسيف وهيثم لازم يحضروا الاجتماع راح اعرفكم بالاخوان بسرعه ابو باسل اسمه بدر بعد اخوه فهد وعنده ولدين باسل وثامر يشتغلون معه بالشركه لان تخصصاتهم مطلوبه في الشركه ابو سيف بعد بدر اسمه سعود عنده ولدين سيف وهيثم يشتغلون بعد معه في الشركه وكمان اميره بنته زوجة فهد ولد اخوه جاسم تعرفونها ابوجود اصغر اخوانه اسمه جابر عنده بنتين جود وجومانه وماعنده اولاد وهذا سبب له مشاكل كثيره راح تعرفونها بعدين وقت الاجتماع دخل الاخوان واولادهم لان حصتهم بالشركه اكبر من المساهمين الاخرين وكان موجود ابو اياد وحصته 10٪ والاستاذ يامن وحصته 30٪ و60٪لعايلة الراسي بعد الاستعراض الموجز الي قدمه جاسم للارباح لهذه الفتره اعطاهم فكره موجزه عن المشروع الي ناويين يقدموا عليه وترك لهم المجال للكلام الاستاذ يامن وهو يعدل نفسه بعد ماكان ساند نفسه ويمسك القلم ويأشر على الورق : انا عندي استفسار فيه خطه بديله للخروج من هذا المشروع بخساير اقل لاسمح الله وواجه المشروع اخفاق وناظر في جاسم وكمل : طبعا انا من المؤيدين واراح ادفع كثر ماتدفعون وزود بس اتحمل الخساير بدرجه اقل ابو جاسم : انا ماحطيت في بالي الفشل بس لو صار انا مسؤول عن الجزء الاكبر من الخساره بشرط لو ربحنا تزيد نسبتنا في الشركه ابو اياد :وانا موافق بس راح ادفع اقل بحكم راس مالي الموجود مايسمح اشارك بأكثر والخساره اتحملها معاكم الكل وافق ووقعوا العقود وانتهى الاجتماع اياد ينزل نظارته ويطالع للوراء لانه كان عند الباب بيطلع من غرفة الاجتماع : ابو فهد التقرير عجبني ودقيق اتوقع الي كتبه مو نفس اللجنه الي تعد التقرير دائماً صح جاسم وهو يلم الاوراق ويحطها فوق بعض وابتسم عالخفيف : ايش الي اختلف في النهايه تقرير لاراح ولاجاء يامن راح لجاسم وضرب بيده على كتف جاسم بالخفيف : تعودت على اسلوب استاذ داود بس هذه المره التقرير جداً رائع ودقيق وجميل ممكن اعرف من كتبه جاسم : يهمك يامن حس ان جاسم مايبغاه يعرف مشى لين وصل للباب وقبل مايلبس نظارته : مصيري اعرف يابو فهد اشوفك على خير وطلع جاسم ووالده هم الوحيدين الي ماطلعوا من غرفة الاجتماع : ابويه انت ليه قلت انك تتحمل الخساره مانت بمجبور تدخل من الاساس ابو جاسم : لا يافهد لازم تعرف اني ماتكلم من الفاضي لو خسرت انا اتحمل وهالمشروع لازم يصير لانه في نقله نوعيه للشركه اذا نجح ان شاء الله جاسم : ان شاء الله يابويه وصل جهاد عند مدرسة جودي الحكوميه لانها حبت تدرس اخر سنتين في حكومي لانها تبغى تعرف الفرق بين الاداره الحكوميه والخاصه فهي من عشاق الاداره جودي : يالله اسيل اسيل : طيب الحين اجهز مسكت جودي بيد اسيل وسحبتها بسرعه بس اسيل فهمت الحركه ووقفت وسألت جودي : لا يكون اخوك الي جاي ياخذك جودي : ياشيخه تأخرنا على الولد يعني اعتبريه سواق ايش حصل مو انتي تركبي مع السواق اسيل : لا ياقلبي شوفي غيرها خلاص جودي انتي تعرفيني روحي وبمرك العصر اوكي جودي : اسيل بلا دلع يالله امشي اسيل : سوري وشوفي سواقنا وصل بالاذن ماتزعلي قلبي سي يو( رفعت يدها تأشر لجودي ) جودي : يعلك ماني بقايله على امرك استناك العصر راحت جودي لاخوها جهاد : حيا كم الله ترى السلام له اجر جودي : اسفه دودي سلام جهاد : وعليك السلام ايش فيك وين اسيل جودي ضربت جبهتا بيدها ولفت على اخوها : تصدق نست هالخبله تقولي وش الي باسطها تصدق طول الوقت والابتسامه ماتفارقها جهاد : طيب هي بتجيك اليوم اسأليها المهم انتي ايش فيك جودي : مافيني شئ بس اسيل مارضيت تجي تقول بتمر العصر كل هذا لانها مستحيه منك جهاد : غريبه طبعها ماعلينا المهم يعني بينفك الحصار وبنتغدى في البيت جودي : خلاص بلغ بابا وجسوم والله انت عارف بغلاوتك عندي بس تعرف اسيل اذا مارضيت تركب معاي لانه انت الي جاي تبغاها تجي البيت وهي عارفه انك موجود عاد هذه احتياطات عاديه وانت تعودت عليها جهاد : طيب وش تبغين من السوبر ماركت انا بوقف عند المحطه اعبي السياره بانزين بس لاتكثري لان الغداء مابقى عليه شي جودي : والله انت كريم وانا استهال ومايرد الكريم الا اللئيم جهاد : حدك 50 ريال اخلصي ايش تبغي قالت كريم جودي :ههههه طير مناك طيب خلاص مابغى شئ جهاد : يكون احسن وفرتي جودي : هو بكيفك اقول جيب لي شبس حار نار كبير وجيب لي عصير هولستن بالتفاح ولاتنسى تحسب لجنى لاتزعل علينا ايوه وكمان جيب مجموعة شوكلت يمدحوها وقت الاختبارات جهاد : حاظرين للحبايب جودي : فديت دنيتك ياغلاي جهاد طير بوسه لجودي في الهواء بدون مايطالع لوراء وجودي فهمت حركته ونزل يجيب الاغراض بعد مالبس نظارته بالجامعه فوز بالمبنى الي بتختبر فيه قاعده تراجع قبل الاختبار فوز تطالع اجوان ومستغربه من سرحانها وواضح انها متضايقه : ياهو ايش بك لو جنى قلنا سرحانه مع الحبيب باسل بس انتي مالك بسوالف الحب اجوان التفتت لجهة فوز : يرحم امك تسكتي ترا الاخلاق زفت علشان ماغلط عليك تجنبيني فوز : اجوان قلبي فيك شي ترى مابقى على الاختبار وقت يالله خلينا ندخل القاعه وبعدين نتكلم في مزاجك الخايس اجوان وقفت ومدت يدها لفوز تساعدها توقف : مشينا وبعد ماخلصوا من اختبار الفتره الاولى جلسوا لحد الساعه 11 علشان يختبروا الماده الثانيه الي تبدا الظهر وهذا الوقت وصلت جنى جنى : اوف ياربي ايش هالحر والحظ النحس الاختبار بأخر مبنى سلام صبايا فوز واجوان سلموا على جنى جنى : كيف اختباركم الصباح فوز واجوان : ماشي حاله جنى : هالخبله جودي وانا جايه الجامعه توها رجعت من المدرسه وطفشانه لان خطتها مانجحت كانت ودها اسيل يتروح معاها اجوان : تنسى دام اخوك هو الي موصلها وسألتيها كيف اختبارهم جنى : ايه تقول زين بس مستغربه من اسيل تقول مره مبسوطه وفرحانه والمشكله مارضت تقول لها السالفه اجوان : خلاص فكينا من هالسالفه ترى متضايقه منها اذا خلصنا من الاختبار انا افهمكم كل شي ياساتر فيكم فضول ماشفته في غيركم فوز : يعني الي مضايقك من اهلك صح جنى : اقص ايدي اذا ماكان ورا السالفه الحصان الابيض اجوان : كلي تبن انتي وياها مافيكم عالصبر يالله ادخلوا هذه المشرفه جابت الاوراق ودخلوا القاعه بعد الامتحان راحوا البنات لكافتيريا بالجامعه وحكت لهم ان مصعب جاب لها حمار بدل الحصان الي طلبته وانه رفع ظغطها بهالحركه مع الصباح وان اسيل ومصعب انبسطوا بالي صار وكيف كانت مقهوره ومعصبه وبكت من القهر جنى وفوز ماقصروا بالضحك والنكت بس في النهايه جاهم سب محترم سكتهم ( بيت ابو جاسم ) نزلت جودي من الدرج وتكلم الي جالسين بالصاله : جسوم ليه ماطلعت يالحبيب والا لازم الطرده جاسم قرب من اخته وضغط بيده على خشمها : يا عديمة الاحساس ياجباره كنت اسلم على جنى ماشفتها لا على الفطور ولاعالغداء والحين بتنزل حبي وبطلع جنى : روحي بس ماعليك منها جسوم ايش رايك نجلس بالحديقه الي قدام البوابه ترى الجو مايتفوت جاسم مسك بيد اخته : صدق يالله انا فاضي نزلت اميره ومعاها عيالها فهد وشهد : وانا معاكم حدي طفشانه وجلسوا يضحكوا جودي تطالع في ساعتها جاسم : معليش ياجودي دام اميرتي بتجلس ماقدر اطلع اسمحيلي اميره بدلع : مرسي حبي جهاد خرج من مكتبه مع امه جودي لمن شافتهم : اوووف لا اكتمل النصاب روحوا يعلكم ماني بقايله خلاص انا استاذن من بابا واروح لها جهاد : ايش في الحلو زعلان ام جاسم : الا دلوعة البيت مااقوى على زعلها جنى : وع وش دلوعه هذي بصوب والدلع بصوب جودي : خذي الدلع لك بس فكوني البنت بتجي الحين وربي ليغمى عليها لو شافت الاخوان وساعتها احلم انها تجي بيتنا مره ثانيه جهاد : هذا الي مزعلك الحين اطردهم كلهم طالع في اخوه : جاسم خذ عيلك وتوكل وجنى على غرفتك جاسم : اطلع انت بالاول انا كذا كذا رايح مع عيالي وطالع في جنى وسالها اذا بتجي بس اعتذرت علشان ياخذون راحتهم ام جاسم : الا الغالي ماينطرد جاسم وهو ماسك الباب : فديت من يغليني ياجعل يومي قبلك وارسل لها بوسه في الهواء جنى : وكالعاده بدا الموال ولن يخرج الحبيب جهاد وقف ودف جاسم لبرا وطلعوا بعد ماستأذنوا بس قالهم جهاد بيرجع ياخذ اوراق وملفات لانه الحين طلع يقابل واحد من اصحابه وصلت اسيل وسلمت على جنى وامها وسولفت معاهم عالخفيف واستأذنت جودي من اهلها وراحوا لجناحها يذاكروا خلصوا جودي واسيل وطلعت معاها للحديقه توصلها للباب الرئيسي وفجاءه دخل جهادوجواله في يده وفيه اوراق كمان ماسكها بيده الثانيه وكيس فيه شئ مو واضح ولابس نظارته وشاف اسيل وجودي وعلى طول اعطاهم ظهره وماركز زين في اسيل وجودي صرخت فيه: دودي وش جابك ليه ماتتكلم قبل ماتدخل جهاد وهو يصعدللدرج هرول : اسف والله ماقصدت وفتح باب الفله ركضت جودي ورا اسيل الي كانت تبكي بس مالحقتها جودي لان اسيل رمت الطرحه على وجهها وبسرعه خرجت وركبت السياره رجعت جودي ولقت جهاد يستناهابالصاله وقالت له دودي ليه مادقيت علي قبل لاتدخل حرام البنت خرجت تبكي من الاحراج جهاد : والله على بالي خلصتوا من زمان وراحت يعني ببساطه فكرت البيت فاضي وتطمني ماشفت اصلا منها شي الا ان بياض بشرتها لفت انتباهي وشعرها ماشاء الله كثير وعيونها جذبتني ورموشها كثيره وطالع في اخته وفكها ضحك لانه كان يستهبل جودي : وش شفت بعد كل ذا في لمح البصرمابقى الا تقول شفت وش لابسه والله انك خبيث يادودي بس كيف عجبتك وغمزت له بعيونها جهاد : استحي يابنت لايجيك بكس على فمك ياقليلة الادب وحط يده في يدها: اصلاً انا على طول اعطيتكم ظهري والله مانتبهت لكم وكنت مشغول وطلعواسوا وهي تكلمه عن قلقها ان اسيل تكون زعلانه عليها وهو يقول لها انه مايتوقع انها تزعل لانه اسيل عقلها كبير وبتفهم انه مالك يد في الموضوع وانها اقرب صديقه لها فبتلتمس لها عذر دخلت اسيل والطرحه على وجهها علشان ماحد يشوفها وهي تبكي خصوصا اخوها مصعب بس حمدت الله مالقت احد وجري على غرفتها وانصدمت بالي شافته في غرفتها انتهى البارت التعديل الأخير تم بواسطة لامارا ; 21-04-15 الساعة 09:36 AM | |||||||||
|
| |
|
07-01-16, 05:50 AM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| ( البارت الثالث ) ( بيت مصعب ) دخلت اسيل غرفتها و حصلت اجوان جالسه وتستخدم الايباد حقها ولمن شافت اسيل انفجعت من شكلها اجوان راحت لاختها وبخوف سألتها : اسيل ايش فيك اسيل ماسكه بيد اختها : مافيني شي تطمني لاتخافي اجوان : اجل حصلك موقف محرج وبكيت صح اسيل : ايو بس مره قوي لفت اجوان على اسيل وحظنتها وحكت اسيل لاختها الي صار لها واجوان تحاول تفهمها ان الي حصل شي طبيعي ومافيه داعي للقلق اجوان : وحتى الرجال ماعتقد انه شافك من الاساس لانه لف وجهه وكمان اعتذر يعني ماصارشئ اسيل : عارفه بس حسيت بالاحراج تخيلي لاشعوريا نزلت دموعي واطراف جسمي بارده وكانت ترجف اجوان : اعتقد انتي تعاني من عقده نفسيه والله اعلم والا مو كل ذا حياء ( وابتسمت تبغى تنسي اختها الاحراج الي مرت فيه ) اسيل: رمت المخده الصغيره على وجهه اختها وقالت :انقلعي مابقى الا تقولي مجنونه وراجعي المصحه النفسيه اقول ليش جالسه في غرفتي اجوان: ههههههه مو لهذي الدرجه ابد سلامتك كنت استخدم ايبادك لان حقي خلص شحنه وانا احتاجه ضروري جالسه اكلم جنى وفوز وقفه (قاعده الاستاذه تقول للطالبات درجتهم في اختبار علم النفس وكانت اسيل الوحيده الي جابت درجه كامله وكانت تكلمها الاستاذه كيف قدرت تجيب على السؤال رغم انها حاولت تصيغه بطريقه تعجيزيه وفاجأتها اسيل بالاجابه اسيل :من قانون نيوتن للحركه تعلمت ان لكل فعل ردة فعل مساويه لها في المقدار ومخالفه في الاتجاه وبالتالي فان السلوك الذي قامت به الشخصيه العدوانيه المذكوره بالامتحان ردة فعل طبيعيه ومتوقع و صحيحه والتصرف الغير مقبول من وجهة نظر الاخرين او مايسمى بالهمجي تمام مطابق للشخصيه ومن هنا لفتت اسيل انتباه جودي بكونهاجديده في المدرسه الحكوميه ومالها صاحبات وبدأت تنجذب لاسيل الي كانت طبيعيه في تصرفاتها وهذا الي اعجب جودي لانها ماكنت تتقمص ادوار غامضه وبدات جودي بالزياره وردتها لها اسيل بس كانت اختها معاها لان اخوها مصعب مايتطمن على خواته الا اذا كانوا مع بعض ولمن ارتاحت اجوان لجودي واهلها صارت اسيل تروح لوحدها وتعرفوا جنى واجوان ببعض وطلعوا يدرسوا في نفس التخصص وصاروا هما كمان صحبات) نرجع للواقع (بيت ابو جاسم ) بالصاله الموجوده بالدور الثاني جودي : يعني ادق واتوكل على الله جنى ماسكه اللاب ومشغوله فيه : ايه دقي ماعليك اسيل ماتزعل منك بس انتي موسوسه جودي زفرت بصوت عالي : اوك توكلنا على الله دقت جودي على اسيل وقالت لها انها مو. بزعلانه منها وارتاحت جودي وبدات تراجع دروسها دخل جاسم ويده بيد زوجته اميره واولاده واضح عليه النوم ونادى جاسم المربيه واخذتهم لغرفهم وسلم جاسم واميره على البنات وجلسوا جنب بعض على الكنبه جاسم : الا وين جهادماشفته من بعد ماطردنا جودي : (تستهبل) وهو له وجهه بعد سواد الوجهه الي سواه جاسم : وش مسوي من سواد الوجهه جنى متكي عالكنبه : صدق الرسول يوم قال الم تستحي فصنع ماشئت الكل : صلوا على النبي ( عليه الصلاة والسلام ) جاسم : افا ياذا العلم لازم نقول لابوي علشان يعاقبه دام السالفه فيها حياء ودخل جهاد وجاء من ورى الكنب الي جالس فيها جاسم وحط المسدس على راس اخوه جهاد : انا ذابحك ذابحك يالخاين اجل انا تبغى تعاقبني هاه وتبغى تقول للوالد وطلعت ام جاسم من جناحها وشافت المنظر وصرخت في جهاد ام جاسم تمشي لجهة اولادها : جهادوه نزل السلاح وان شفتك تحمله معاك والاترفعه على احد من اهلك بغضب عليك ليوم الدين انت خبل ماحد يمزح بالسلاح ناس راحوامن ورى المزح الاهبل وحطت يدها على المسدس جهاد : رفع يد أمه وباسها لاتزعلي يالغاليه ترى امزح حتى مافيه ولارصاصه وكمان مأمن ام جاسم :و لو لاتجيبه البيت ولاتحمله معاك ترى الملائكه تلعنك جهاد : ولايهمك ياام جاسم وباس راسها وحطه على الطاوله وجلس جنبها جاسم : والله وجاء من يأخذ حقي منك يالمجرم (قالها وهو يضحك ) جنى : من قدك ياجويسم الغاليه تغضب على جهاد من وراك يعلك ماني بقايله التفت لها جودي : هي هذي الكلمه تخص اسيل وانا تعلمتها يعني حقوق الطبع محفوظه لاتسرقيها لو سمحتي جنى : لاوالله حتى اجوان تقولها وهي بعد صاحبتي يعني حلالنا ياحلوه وتلف وجهها عن اختها جهاد : خلاص انتي وياها من زينها كلمه لاراحت ولاجت وكلم اميره : اشلونك يام فهد وكيف شهوده عساها بخير اميره : بخير الله يسلمك وشهوده ماعليها الا بسالك جهاد من وين لك السلاح جهاد : ههههههه تخافي على الحبيب تطمني مو لي في قضيه عندي واخذته معي للبيت حتى نخلص من القضيه ولف جهة امه وحط راسه في حضنها لاتزعلي ياقلب جهاد جاسم : ياامي لاتسامحيه طيح قلبي بغت تجيني سكته قلبيه اميره حطت يدها على قلبها :اسم عليك ياقلبي بعيد الشر وانت جهادوه عن حركات البزران ترى ان ترملت باأرميك بالسجن ومابتنازل والا اعقل جاسم : والله هذا الي همك تترملي بس ماشلتي هم تفقديني ولاهم غيابي ولاهم عيالي ام جاسم : بعيد الشر عنك يمه جعل يومي قبلك لاتقول كذا وضربت كتف جهاد لاتسوي بخوك كذا والا قاطعها جهاد ماما قلنا ماراح نعيدها وهذي بوسه للغالي وباس اخوه على خده جهاد: وانتي يابنت عمي يرضيك عم عيالك بالسجن صدق مانتي كفو يعلك ماني بقايل الكل طالع فيه وضحكوا اميره : اجل اترمل وانا صغيره لا والله بتزوج واعيش عمري جاسم : بطلع من القبر واذبحه وانت بخليك مو علشانك بس علشان عيالي ضحكت اميره وقرب اسها من راسه وهمس لها فديت الضحكه لو بروحنا صارت علوم اميره وردت خدودها من الاحراج : عن حركات الدلع ماحنا بجناحنا لاتحرجني جنى : اقول ياروميو زمانك شيل الخبله معاك وروحوا الجناح ترى نحن نستحي مو مثلكم فاسخين الحياء جهاد : وهي صادق ياخي اعتقد عندكم جناح ماقصر الوالد عليكم التفت جاسم عليهم وقال : عادي حلالي جودي صفرت يعلك ماني بقايله غير ربي يهنيك (الكل ضحك) جاسم : التفت لجهاد والله ياخوي تفداك الروح جهاد : هذا العشم وجعلك سالم وطالع في امه وكمل : والله العظيم ورب الكعبه كنت امزح جنى : اجيب المصحف تحلف عليه بعد ام جاسم : جنى بلا سخافه الله يطول بعمركم ياعيالي مالدنياي طعم الا بوجودكم الكل امين جودي : لا والله ياماما احنا من غيرك ماننفع بشي الله يخليك تاج على روسنا جهاد حظن جودي : ولامنك ياعمر جهاد اميره : وانا ياجهاد ترى كنت امزح معاك لاتاخذ بخاطرك جهاد هز راسه بمعنى ( انه مو زعلان) واكتفى بالصمت جنى : المهم لاتنسوا بكره مسيرة مصعب والبنات مسوين حفله وعازمين الكل حتى موصين على ماما واميره جاسم : لا ان شاء الله بنكون معاه انا سمعت مسوين طرب ورقص وجاي كمان شعار يباركوا له جهاد : اجل معاكم ودخل عليهم ابو جاسم طبعاً لحضوره هيبه كبيره سواء بالشركه او بالبيت وخصوصاً لمن يمشوا معاه (body guard ) وسولف معاهم وقاموا لغرفة الطعام وبعد العشاء كل واحد راح جناحه ( بيت مصعب ) طلعت اسيل واجوان لامها واخوها مصعب وسولفوامعاهم ووقف مصعب يالله انا استاذن بروح لمشعل ينتظرني ولاتحسبوني بالعشاء بنتعشى في البر عند الابل ام مصعب : الله معاك يمه وحط بالك على نفسك وانت تسوق واذا وصلت كلمني مصعب : ان شاء الله يالغاليه على هالخشم وراح باس راس امه اجوان : اقول اذا بيروح معاك زياد قول له يجيب لمى بكره اخر امتحان ونبغي نفلها ( كانت تكلمه وماتطالع بوجهه لانها لسى ماخذ على خاطرها منه ) مصعب قرب من اجوان ومسك خدها وضغط عليه بقوه وهو يضحك :ابشري بعزك ياجوجي بكره ولمى عندك ان ماجابها زياد انا اجيبها بنفسي وش تبغي بعد اجوان ماقدرت تطول بزعلها على اخوها خصوصا بعد كلامه الحلو معاها وكمان اسيل شرحت لها انه معذور مايقدر يطلع الحصان من الاسطبل هو في فترة التدريبات والسباق على الابواب قربت اجوان من اخوها وحضنته : فديت قلبك ياصعوبي يعلني مخليك ابتسم مصعب ومسح على راسها ووخر عنها مصعب : بعدي عني الحين يلقوا في قميصي شعر من شعرك واصير مسخره قدام النشاما اسيل وام مصعب ضحكوا على جوان ومصعب لانه بعدها عنه بطريقه استفزازيه وهم توهم عايشين جو المصالحه بس مو قاصد كان يمزح معاها (لانه بهذه الطريقه تعرف اجوان ان الوضع صار عادي ) وطلع مصعب وهو يضحك على اجوان ورفع يده ياشر لهم مع السلامه اسيل تطالع في اجوان : انتي ليه قلت له كذا كان فيك تكلمي زياد او لمى من جوالك على ايش ناويه اجوان : ايش فيك مو بكره مسيرة الاحتفال بفوز منقية مصعب والبنات راح يجوا لو كلمت لمى بتعتذر زي كل مره ام مصعب : انتي عارفه لمى يااجوان ماراح تجي لاتحرجيها اجوان :عارفه بس بحاول ماني خسرانه شي من يوم ماتت امها مع انها لها ثلاث سنوات الا انها حابسه نفسها بالبيت وكل وقتها لاخوانها وناسيه نفسها مايصير كذا عمي مو مقصر معاهم خلاص تطلع تشوف حياتها اسيل : ولو كلمها مصعب بترضى ماهو كذا مره حاول معاها ام مصعب : اختك قصدها هالمره المناسبه تخص مصعب يعني لو طلب منها تجي للعزيمه اكيد بتنحرج وتوافق لانكم عارفين مكانة مصعب عند لمى اجوان : برافوا عليك يمه عاد احنا نحاول مابنخسر شي وبالمره اقولها تسوي تشيز كيك للحفله اسيل: هذا الي همك بطنك سوي لنفسك اجوان : حاولت بس ماتزبط معاي بنت عمك عليها طبخ يذبح متى بس تتزوج اخوك ام مصعب راحت لغرفتها لانها متعوده تنام بدري وتصحى اخر الليل تصلي وتحفظ قران لانها مسجله بالتحفيظ القران للكبيرات والبنات قعدوا بالصاله اجوان : هاه اسيل ماكلمتك جودي يعني نسيت الموقف طيب بسألك كيف اخوها وسيم وجسمه رياضي ولبسه كشخه اسيل : طسي انتي ووجهك مسوي فيها فله والله انك مجنونه وماهبل فيك الا هالتخصص تبعك اجوان ترمي الخداديه على وجه اسيل : الشرهه مو بعليك يالتافهه قلت بأونسك دامك شايله همّ وافتح نفسك للمذاكره بس معقده الله يعافينا اسيل : يمه انتي مزحك قوي هاه بوسه اموووواح لاحلى اخت ولاتزعلي بس اح لاتضربي مره ثانيه اجوان تمسح على خدها مكان البوسه : خفي عليه يالرقيقه صدق ناس ماتجي الا بالعين الحمراء اسيل : طيري مناك اقول اجوان : اقول بلا كلام زايد وذاكري وراحت لغرفتها واسيل جلست تراجع بالصاله (في البر عند المنقيه ) مصعب جالس متكي : يقول قصيده لصاحبه الطيـب يـدرك بالـكـرم والشجـاعـه = لا شـك مـا قـدروا عـلـيـه الردييـن الطـيـب صبـر وقـو بـاس اوقـاعـه = والغـانمـة تـعـرض بكـل الأحايـيـن الطـيـّب بـيـر مـا أحـدٍ قـاس قـاعـه = والمرجلـه ما تنوصـل غير باثنين سيف شطير الحـد صلـب القطاعـه = ومنسف يقلط للضيوف المجيعيـن ومن غـر من هـذا يسوق الرتاعـه = لو هو عريب الساس ينعد مسكين مصعب : وسلامتك مشعل : صح لسانك وانا اشهد ان كلامك في محله مصعب : صح بدنك عساك سالم ياخوي زياد : صح لسانك ياولد العم مصعب : صح بدنك ياخوي مشعل : ترى كل شي جاهز انا وزياد مظبطين الوضع مصعب عدل جلسته : كفو والله انكم رجاجيل تبيضوا الوجه وينشد بكم الظهر و ماقصرتم اردها لكم في الافراح ان شاء الله مشعل يضرب بيده على كتف مصعب : ماعليك زود وتستاهل يارجال زياد : اسمعوا هالبيت طبعاً من تأليفي مشعل : هات سمعنا زياد : الصاحب الي اناديه ولاجاب وسكت زياد اما مشعل ومصعب ا ستنوه يكمل زياد : هاه اكمل مصعب : اجل وش تنتظر زياد : استناكم تمدحون يالله ماعليه بكمل زياد : الصاحب الي اناديه ولاجاب بقطع علاقتي به وخله ينقلع مع الباب مشعل ضحك ماقدر يستحمل وبدا يرمي نفسه يمين ويسار من كثر الضحك مصعب مازال مصدوم وقاعد يطالع في ولد عمه وقال : حلال ذبحك زياد : افا مقبوله منك ياولد العم مشعل : يمدحون اللهجه اليمنيه وتناسبك توكل زياد وقف : يالله بروح عند العم ابو حسين حاط براسي مليون سيف الا اتعلم اللهجه اليمنيه مصعب : اي والله ابرك من كلامك الفاضي زياد : يارجال بلا مجاملات تعبنا حتى صحتنا ماعاد تتحمل يالله بالاذن وراح عنهم رجعت اسيل من المدرسه وهي فرحانه خلصت فترة الامتحانات النهائيه طبعاً مانامت وبدأت تجهيزات مع امها واختها وسوبري شغالتهم وفجأءة دخل عليهم زياد ولمى واخوانها الصغار ( اسامه وأوس ) اجوان راحت ركض وحضنت لمى وجلست تبوس فيها ام مصعب : ياهلا ويامرحبا توه مانور البيت وسلمت على زياد واخوانه اسيل : بعدي عن البنت يامصلحجيه تعالي يابنت عمي ماحد يحبك كثري لمى : يمه بسم الله كتمتوني وخري انتي وياه ماابغى سلامكم كاني لي مية سنه ماشفتوني وضربت اجوان على كتفها وسلمت على اسيل وامها زياد يضرب اجوان على راسها : سلمي يالبقره اجوان : انتي ياكثر ماشوفك ابد ماشتقت لك يالله وخر زياد ظغط على يدها بقوه وهي صاحت من الالام وسحبها لحظنه وطبع بوسه على جبينها : يالله فارقي الحين مو فاضي لك اسيل سلمت على اسامه واوس وزياد وسألت عن عمها ( هي متعلقه فيه كثير لانه تشوفه بمقام ابوها لان والدها توفي وهي صغيره وكانت هي وزياد بنفس العمر فتعلق بها كثير وهي كمان تعلقت فيه رغم ان ابو زياد يحب اولاد اخوه كثير الا انه يفضل اسيل ) زياد جلس بجنب ام مصعب وهي امه الثانيه لانها رضعته : جاي بالطريق بس انا اخذت اخواني وسبقته لمى : كيفك يمه وكيف مصعب ومبروك عالفوز دايم ان شاء الله ام مصعب : يوم اني اشوفك ارتاح يابنتي الله يخليك ويطول بعمرك ويبارك فيك اجوان اخذت اسامه في حضنها : كل هالدعاوي للمو اسيل جلست بجنب أوس : تستاهل الغاليه لمى : احم احم الله يسلمك اسيل ومشكوره يمه دام فيه ناس ينقهروا مني كثري من هالدعاوي زياد : اجوان حبيبتي اشتهي مويه قومي قيبي لي ( جيبي لي بس باللهجه اليمنيه ) اسيل ضحكت لانها تذكر ابو حسين صار لها سنتين من تغطت عنه وكانت تروح مع مصعب البر وكان يهتم ابو حسين فيها ويجيب لها اغراض من اليمن اذا سافر عند اهله اجوان : ياشينك يارجال شوف المطبخ قوم خذلك مويه انا عطشانه وماجبت لنفسي بس سو فيني خير وجيب لي معاك ام مصعب : اجوان ايش هالكلام تقولي لاخوك كذا روحي جيبي القهوه ومويه لزياد زياد باس راس امه : فديتك يالغاليه لمى وقفت : استنيني انا بروح معاك كستري خاطري اجوان مسكت بيد لمى وراحوا للمطبخ نزل مصعب وسلم على زياد واخوانه وجلس يمازحهم ويقول لهم ابغى وقفتكم معايه يالرجال واوس واسامه متحمسين ويقولوا بنرقص ومابنوقف وجلس مصعب يضحك عليهم لانه عرف ان زياد هو الي محمسهم عالرقص دخلت اجوان ولمى بالقهوه والحلا وكاسه مويه لزياد لمى انحرجت من مصعب هي بالعاده تلبس حجاب طويل اوتتغطى عنه بس حالياً ماكان فوقها الا شال صغير حطته على راسها لمن شافته وحست ان شكلها غلط مصعب : اهلين لمى اشلونك لمى : الحمدلله ومبروك الفوز تستاهل لمى حطت القهوه عالطاوله وقامت اسيل توزع الحلا وتصب القهوه مصعب اول مره يشوف لمى وكانت في منتهى الروعه هي ملامحها من دون الميك اب جذابه بس حطت منه شي بسيط اجوان عرفت ان لمى منحرجه اخذتها وطلعوا فوق اما زياد ومصعب واوس واسامه مر عليهم مشعل وراحوا للبر وصلت جودي وجنى وام جاسم واميره وبنتها لان فهد راح مع ابوه لانه تحمس للحفله من كثر ماشاف عنها اعلانات وسمع من اهله عن كثرة الحضور والتنسيق الي شارك فيه عدد من القنوات كان مصعب وعمه لابسين بشت ( مشلح ) اسود ولمن وصلوا للبر لمكان الاحتفال الي مجهزين بالصيوان والمنصه استقبلتهم فرقه وكان معاهم سيوف ورشاشات وبدأوا باطلاق النار وكان بعض الخدم ماسك البخور لاستقبال باقي الحضور مصعب استقبل ابو جاسم واولاده وعرفهم على عمه وولده زياد الي اندمج معاه جهاد لان كان يرقص ويستهبل وينكت على مصعب ومشعل واخوانه والي حضروا وبدات مراسم الحفل من تقديم الخطابات والاشعار والقصايد وتقديم الهدايا وختموها بالدق والرقص الشعبي المعروف والاستعراض وبعدين بدات المسيره وكانت منظمه وجميله رغم كثرة المشاركين وغيره من مراسم الحفل لحد ماختموها بالعشاء الي سواه مصعب تكريماً لحضورهم ام مصعب استقبلت الي حضروا من الاهل وكانت مبتسمه طول الوقت ام جاسم مع كثرة السوالف ارتاحت لام مصعب وحبتها وعزمتها لبيتها علشان ترد الزياره والبنات شغلوا الدي جي وفلوها رقص خرجوا كبت الامتحانات والمذاكره اجوان : يالله بنات قولوا رايكم كيف تشيز كيك لمو فوز : انا بصراحه عجبني اكلت صحنين منه لمى :بالعافيه ياقلبي لو بغيتي الصينيه جبتها اجوان : وشو الصينيه ياحبيبتي خلصت ارتاحي بس جنى : بصراحه جنان وطعم جودي : وانا بعد اكلت منه رغم اني ماحب الحلا اسيل : عاد لمو طبخها مايقاوم فوز : بنات ايش رايكم بكره نطلع يعني نروح مول ونتعشى بمطعم يعني شردة من البيت جنى : مو شينه اذا وافقت ماما صار بس بكره الجمعه حقت العايله يعني وقت ثاني لمى : اعذروني والله تونست معاكم بس ماقدر اجوان : الا انتي اول وحده وبتمشي قدامي اسيل : خلاص وافقي يابنت من اجوان توقعي الا متوقع جودي : تصدقي صرت اقولها هالكلمه في البيت من كثر ماسمعها منك اسيل ابتسمت : حلالك ياعيوني وبعد العشاء الكل راح بيته بعد مااخذت ام جاسم من ام مصعب وعد بزيارتها ( بيت مصعب ) مصعب وصل للبيت هو وعمه واولاده لمى اخذت اخوانها الصغار وبدلت ملابسهم وهم حكوا لها الي صار ونومتهم اجوان جلست مع زياد واعطاها الاخبار بالتفصيل ووراها الصور بالكاميرا اسيل جلست معاهم زياد الكاميرا بيده : وهذا جهاد والي على يمينه جاسم اخوه وهذا مشعل صاحب مصعب بصراحه ماقصر وهذا معاه اخوه فايز اجوان : مابغى الصور ابغى الفديوا ابغى اشوف هياطكم بالرقص زياد : انا وجهاد بصراحه زودناها حبتين اجوان : جهاد ولد الراسي زياد :: ايه في شي اجوان : مدري احس انه من كلمة محامي ثقيل وكذا يعني زياد : قسم انه يونس احسن من اخوه مسوي ثقيل وبرستيج اسيل واجوان : هههههه اسيل : بالاذن فيني نوم من الصباح صاحيه زياد واجوان : الله معاك وكملوا مع بعض يطالعوا في الكاميرا ويضحكوا مصعب بعد ماسلم على امه وراح لغرفته ومسك الجوال ودق على لمى بإحراج واضح من صوتها : هلا مصعب مصعب : اهلين بقلبي ودنيتي وحشتيني موت لمى سكتت وماردت مصعب : لمى اسمعيني الله يخليك لمى : مصعب انا عارفه الكلام الي بتقوله وانت عارف موقفي بس اذا قاطعها مصعب : وانا ماابغى الا انتي حتى لو اعافي الزواج علشانك لمى : مصعب لاتتعب نفسك معاي انا شايله الفكره من راسي صح مانكر اني اعزك واقدرك والف بنت تتمناك بس اخواني اولى من نفسي مصعب : لمى انتي تحبيني لمى سكتت وبعد فتره ردت : اكثر مما تتصور بس ايش الفايده مصعب : هذا يكفيني واخوانك بعيوني وامي مو مقصره معاهم اصلاً هي متعلقه فيهم وهم بعد يحبونها انتي فكري بالموضوع لمى : مصعب تصبح على خير ارتاح تعبت اليوم وقفلت منه مصعب تنهدت وبعد الجوال ونام بملابسه من كثر مافكر في حبه الي ماهو راضي يتيسر له درب النور ( بيت ابو جاسم ) جهاد يحكي لهم عن الحفله كيف كانت رائعه ومرتبه وعن زياد انه رقص معاه وتصور كمان وانبسط منه واخذ رقمه اما جاسم اكتفى بالتشجيع لانه كان ثقيل ورزه جنى جالسه بجنب امها وتكلمها بالخفيف : ماما كلميه الحين والله لمى ماتتفوت قمر بسم الله عليها لو شافها صدقيني هو بيطلب الزواج ام جاسم : لا والله علشان اتفشل مثل ماتفشلت مع اختي والله ماكلم الناس واخسرهم اذا اخوك بيتزوج بيقول لنا هذا كلامه بس انتي اطلعي من الموضوع جودي : دودي تصدق زياد اخو اسيل واجوان من الرضاعه جهاد : بالله علشان كذا كان ماخذ راحته معاهم لانه كان يرد على جوال مصعب لمن يدري انهم اهله جنى : ايه هو بعمر اسيل بس يرتاح لأجوان اكثر جهاد : ليه جودي : اسيل خجوله وكلامها معاه محدود بس اجوان تعانده وترد عليه وهو يحب هالنوع ام جاسم : بصراحه الناس طيبين واني حبيتهم خصوصاً ام مصعب جهاد : هم ماعليهم قاصر ماشاء الله سمعت مصعب تغطي الشمس والي يحبونه كثير والدليل الي جوا البارح للحفل جودي : ايه وكفايه ان اسيل صديقتي فديت عمرها ام جاسم : بصراحه هدوء وحياء اسيل محليها جنى : ارتاحوا بس والله ان اجوان ولمى غطوا عليها صح مو شينه بس هم قماري بسم الله عليهم انا بنت وخقيت عندهم جهاد : ماكأني جالس وش خقيت ياقليلة الادب لو لابس عقال قطعته عليك الحين ( يمزح بس حاول يخيفها بنبرة صوته القويه بس هي ماعبرته ) جودي : روحي بس الله يهديك احنا وين وتفكير وين يالله انقلعي لغرفتك جنى : مالت عليك كل ذا علشان اسيل وبعدين انا رايحه غرفتي من غير ماتقولي ابغى اكلم القمر اجوان جهاد : طيب توكلي يالناعمه ام جاسم : هههه الله يهديك يابنتي ودخل ابو جاسم للبيت وسلم عليهم وبلغهم بالاجتماع الاسبوعي للعائله وهالمره بيكون في بيت ابو جاسم وراح لمكتبه انتهى البارت اسعدوني بالردود الكاتبه / مابعد الكلمة | |||||||||
|
| |
|
07-01-16, 05:50 AM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| ( البارت الرابع ) اجتماع عايلة الراسي في قصر ابو جاسم وكانت حالة استنفار من قبل الخدم والعاملين سواء داخل القصر اوبالحديقه فبدأت التجهيزات جودي راحت لجنى بجناحها : اوف اكره اليوم الي فيه اجتماع جنى بغرفة الملابس : ومن سمعك بس على الاقل اشوف حبيبي بسول جودي : مره تأخذي راحتك معاه كلها نظره كم دقايق وبعدين تدخلي عند الحريم يختي ليه ماعندهم بنات كل العايله اولاد جنى : ليه ناسيه بنات عمي جابر جودي : لا بس هم عند امهم بالبحرين مو عندنا المهم ايش تلبسي جنى : كالعاده بنطلون وبلوزه ماقدر البس تنوره لانه كلها قصيره ماتصلح جودي : يالله بروح البس بابا منبه علينا مانتأخر الكل وصل وكان في استقبالهم بصالة الاستقبال ابو جاسم وزوجته وولده جاسم وكانت التجهيزات غايه في الروعه والفخامه وبدؤا المشرفات على الطعام بتوزيع العصير والقهوه والحلا دخل جهاد وسلم على الكل وجلس عند هيثم متعمد حط يده على فخذ هيثم وهمس له : مرني المكتب القضيه خلصت بس انتبه مره ثانيه هيثم بنفس الهمس : كفو ولد عمي ابشر على هالخشم ابو باسل : اشلونك ياجهاد وكيف شغلك ماعاد تنشاف ماتقول بمر اسلم على اعمامي جهاد ضحك لانه مايبغى يفتح لوالده الاسطوانه المعتاده : الحمدلله ياعمي صحيح انا مامركم بس اسال جاسم والوالد عنكم وتعرف القضايا ماتخلص ابو سيف : ومتى بنفرح فيك جهاد : مابعد تيسرت ربك كريم ان شاء الله ابو سيف كان بيتكلم بس دخلوا البنات مع اميره يسلموا عليهم ام سيف : هلا بالصبايا اميره : هلا فيك يمه ام باسل وقفت سلمت عالبنات وجلست جودي جنبها واميره عند امها مع بنتها شهد وجنى جلست جنب امها باسل طلع يكلم ولمن رجع لقى جهاد جلس مكانه وطالع بالصاله ومالقى مكانه قاله ابو جاسم يجلس بجنب عمته ام جاسم بس جنى استغلت الفرصه وقربت من امها علشان يكون باسل بجنبها باسل بعد ماجلس مسك بيد جنى طبعاً ماحد لاحظ لانه كان قريب منها ويدها عند فخذه ماحد راح يشوف وقال بصوت خفيف : وحشتيني جنى ابتسمت ونزلت وجهها للارض باسل بنفس الهمس : بجد اشتقت لك جنى : وانا كمان وضغطت بيدها على فخذ باسل( يعني خلاص لاتحرجني) باسل مسك جواله وقعد يرسل لجنى ( طبعاً مو اول مره يرسل او يكلمها ) ومايعرفوا ان في عيون كانت تراقب حركاتهم بحقد ابو سيف : هاه جهاد ايش قلت تتزوج مع هيثم جهاد : ياعمي الزواج مو في مخي بس زوج لسيف مع هيثم ابو جاسم : ماشاء الله بيتزوج هيثم مبروك ياولدي ابو سيف : احنا طالبين جنى لهيثم بعد موافقتكم ( انفجرت القنبله الموقوته) ( بيت ابو زياد ) تعريف موجز بالعايله ابو زياد عمره 55 يحب اولا ه من توفت زوجته اهتم فيهم اكثر ولافكر يتزوج بوحده ثانيه علشان خايف عليهم يحب يدخل المشاريع الصغيره احياناً تنجح ومره تفشل هو معلم ابتدائي لمى : اخر سنه بالثانويه عمرها 18 جميله فوق الوصف وبيضاء شعرها طويله وعيونه وسيعه بس هي مو طويله يعني قزومه حاجه بسيطه اغلب وقتها تهتم فياخوانهاوخاف عليهم لدرجه في النادر تطلع من البيت تحب مصعب من ايام ماكان يوصلهاالروضه تعلقت فيه كثير وهويبادلها نفس الشعور زياد : عمره 17 سنه بنفس عمر اسيل ونفس المرحله الدراسيه مجتهد وطموح فيه شبه من اخته بس لمى احلى اوس واسامه تؤام صف رابع ابتدائي لمى تصب القهوه لابوها : سم يبه ابو زياد : سم الله عدوك وراحت لاخوها زياد واعطته الفنجان زياد :بشرب من الدله ولو كلها سم ماهز فنجالك ولاقول كافي مادام من يمناك وتقول لي سم باسم الله اشرب كل سمك عوافي ابو زياد. : ياولد خذ الفنجان وكب الشعر لاهله لمى جلست بجنب ابوها بعد ماخذ زياد الفنجان : لاتكذب يازياد لو سم والله ماتشرب وبعدين لاتسوي فيها انك متأثر بمصعب ترى هو يليق عليه الشعر مو مثلك زياد : طبعاً لازم الناجح منتقد مايهمني رايكم عذال ابو زياد نزل الفنجان : ابغى اعرف انت متى تحشمني وتكلمني زين سواة الرجاجيل زياد عرف ان ابوه عصب رغم انه كان يمزح قام وسلم على راس ابوه : السموحه يالغالي والله كنت امزح لمى : قلعتك احترم الي اكبر منك زياد : ماحد فاهمني غير اجوان ياحبي لها ماتزعل مني لو شو ماصار الا على فكره ترى اليوم بيمرونا لمى : ادري قالوا لي البنات ابو زياد : حياهم الله انا بطلع اخلص كم شغله وبرد قبل مايجوا ان شاء الله ( بيت مصعب ) طلعت من غرفتها : هذا انا خلصت ام مصعب : زين والاغراض جاهزه مصعب : لاتوصي يالغاليه توي قفلت منهم حتى الورد والهديه جاهزه مو بس الحلويات اسيل قاعده تلبس العبايه : خلاص دام مصعب حط يده بالسالفه تطمني اجوان طالعه من غرفتها : طبعاً لازم وغصباً بيحط يده هذي الغاليه مو حيا الله ام مصعب : وانتي ليش مستكثره على اخوك الوناسه عسى ربي يهنيه اسيل واجوان : امين مصعب : يالله مشينا اجوان مسكت بيداخوه وهم نازلين وهمست له : اتوقع لو لمو طلبت الحصان كان جبته لعيونها مصعب : لو تبغي روحي مابخلت بها عليها تراني ماشوف غيرها من البنات احسها بكل الكون من غلاها يااجوان ودي اخذها وحطها بوسط قلبي واقفل عليها ماودي اشوف الدموع والحزن في عيونها اسيل طالعت فيهم كانت تساعد امها بالنزول من الدرج : اقول جوجي كلمتي جنى ادق على جودي ماترد اجوان : لا بس لاتنسي اليوم جمعت اهلهم الا ماتدري يااسيل اخوك شاعر بامتياز مصعب ضغط على خد اجوان : غصباً عليك مو شهادة منك وطلعوا من البيت ( بيت ابو جاسم ) في جناح ام جاسم ام جاسم وهي معصبه : انا قلت ماتاخذه الا على جثتي وغير هالكلام مابيحصل شي ابو جاسم متسطح عالسرير : ان وافقت جنى خير وبركه وان رفضت ماحد بيجبرها بس انتي استهدي ام جاسم : حتى لو توافق والله ماتاخذه وصل هالكلام لخوك وولده وطلعت من الجناح لانها عارف لو قعدت بتغلط على زوجها وهي تفضل الاحترام يكون بينهم في كل الاحوال جودي جلست تهدي في اختها الي من وقت ماسمعت الفاجعه بالنسبه لها وهي تصيح وتبكي لحد ماورمت عيونها جودي : حبيبتي اشربي مويه وهدي خلاص يالغاليه مايصير الا الي يرضيك ياقلبي جنى تمسح دموعه وصوتها راح من البكاء : معاك حق خلاص باسل بيروح مني مابكون له خلاص حبي بينتهي خلاص علاقتي فيه بتوقف لهذا الحد وجلست تصيح وضمتها جودي لانها فعلاً كانت بحاله يرثى لها وبعد فتره نامت جنى وطلعت جودي من عندها لانها سمعت صوت جهاد يناديها جهاد : كيفها الحين جودي : بصراحه تقطع القلب من يوم ماسمعت الخبر وطلع باسل وهي تبكي جهاد : باسل ادق عليه ومايرد الله يستر جودي : طيب وش راح تسوون يعني بيتم هالزواج وباسل ليه ماتقدم لها جهاد : ورب العزة مايتم اذا جنى ماتبغى وباسل كلمني عن جنى بس هو يقول حالياً وضعه بالشركه مايسمح لانه اكثر واحد يسافر علشان المشاريع لان هيثم الغبي ماهو فالح بشي غير القتل والسهر والشرب جودي منفجعه : وشو قتل وشرب ايش قاعد تقول انت جهاد استوعب : هاه قصدي خرابيطه وسهره في الاستراحه مع الشباب جودي مشت الموضوع بس مو مقتنعه : ايوه طيب باسل ليه مايكلم ابوه جهاد : باسل يقول ثامر على وشك التخرج وبياخذ مكانه وهو مايبغى يهز ثقته ابوه واعمامه فيه علشان كذا أجل سالفة زواجه وصلت ام جاسم عند اولاده وبلغتهم انها مو موافقه على هالزواج وانه ماراح يتم ودخلت عند جنى وحطت راسهاو نامت عند بنتها جناح جاسم جاسم : وانتي ليه ماخبرتيني بالموضوع ليه احرجتينا قدام العايله اميره : والله ياحبيبي ماعندي خبر حتى امي ماتوقع عندها علم انا كنت عندهم وجلست مع هيثم ماجاب لي سيره جاسم : اميره كلامك مايدخل الراس يعني اهلك بيخبوا عليك المهم وصلي لهم رفض جنى اميره : اسمع ياجاسم هذا الزواج انا مو متدخله فيها انا وافقت جنى فعساهم يتهنوا وان رفضت لكل حادث حديث جاسم عصب اذا بتزعلي على جنى من الحين اقولك ايوه بترفض مو موافقه بخوك فاهمه اميره : وليه هيثم ايش فيه طايح من عينك الف بنت تتمناه نسبه يشرف ياولد العم جاسم ماسك نفسه : نسبه يشرف ايه بس مايناسب جنى فهمتي اخوك حتى جامعه ماعنده حده ثانويه ولاتنسي انه انسان مستهتر ومو قد اي مسؤوليه وحق استراحات و قاطعته اميره بطريقه مستفزه : مو بحاجة شهاده عنده الي يغطي الشمس والسهر اتوقع حتى جهاد ماكان يرد الا نص الليل جاسم مسك اميره من يدها وهو ظاغط على اسنانه بقوه : وش جاب الثرى للثريا جهاد كان يسهر بس مع ناس صاحيه مو تشرب فاهمه وان سمعتك تتكلمي عن اهلي بشي مو فيهم لرميك مثل الكلبه فاهمه ورمى اميره عالكنبه وطلع وهي مستغربه من سالفه ان هيثم يسكر والي زاد استغرابها طريقة تعامل زوجها معاها جاسم راح لجهاد الي كان جالس مع جودي بالصاله الي عند غرفة جنى وكان واضح عليه الغضب وكذلك طريقة تحريك رجله بسرعه لفتت انتباها الجميع وسأل عن اخته وطمنوه انها بخير وان الوالده عندها ( بيت ابو زياد) وصل مصعب واهله لبيت عمه ونزل هو اهله فتح لهم زياد وهو يرحب فيهم : هلا هلاوالله توه مانور بيتنا مصعب ماسك يد زياد يصافحه : المهلي مايولي بس بيتكم منور بالحبايب اجوان : وخر صعوبي ابغى اسلم على زيود سي يو زياد : خشمك يالذبيه والله انتي الي وحشتيني وسلم زياد على امه واسيل ودخلوا سوا زياد يصب القهوه : غريبه ولد العم ماهو عند بعارينه اجوان : كيف تبغى يروح وهو مسوي سبرايز للغوالي مصعب طالعها بنص عين : اقول خذي الدله وصبي عن ولد عمك زياد : ابداً مايقهوي الرجال الا رجال مثله مصعب : تسلم ماعليك زود اجوان : ريحتني يارجال زياد : طسي مناك الا وش المفاجأة يامصعب ام مصعب : انت صب القهوه وبعدين تعرف الا وين ابوك لمى دخلت سلمت عليهم وهي شايله صينيه الحلا ومعاها اسيل وكانت لابسه شرشف طويل ومو حاطه ميك اب ام مصعب : يازين البنات السنعات انا اشهد من يأخذكن امه داعية له اجوان ضحكت : وانا بعد اشهد لمى : لا انتي مانبغى شهادتك شكلها مزوره بس علشان الحلا اسيل : ههههههه قويه زياد : اي قويه الا طيرت الراس مو بس الجبهه جوان : مالكم شغل انا وبنت عمي حبيبتي نتصافى مصعب : مبروك للتخرج يالمى وش التخصص الي بتدخليه ان شاء الله لمى : يبارك بعمرك ويخليك مادري مافكرت دخل ابو زياد ورحب فيهم وبعد السوالف وصلت المفاجأءه دخلوا ثنتين من الحريم وصمموا الصاله بشكل جميل وحطوا صورة لمى وهي صغير بالروضه ولمن تخرجت من الابتدائي والمتوسط وصورتها بأخر العيد قبل تخرجها بكم شهر وجابو قاتوه كبيروعليه (كاب التخرج ) وكاتبين عليه مبروك التخرج وحطت بالونات وردي وابيض على مدخل الصاله وطاوله كبيره فيها حلا يعني قلبت الصاله لبارت ولا اروع وحطوا عند مدخل الصاله الكبير ليز باالوان خافته مايله للوردي والموف كان فيه طاوله عند المدخل من جهة مجلس الرجال فيها الهدايا وتشريعها كان بيرفكت ركبوا شاشه كبيره علشان البروجكتر طبعاً العرض مسويه زياد ومصعب واسيل ( حاطين انشودة التخرج لعمر العمير وصور لمى وصوره لشهادة الثانويه وبعض الصور الي هم دخلوها علشان تضيف صوره جماليه للعرض) كانت هدية مصعب درع فيه قصيده وتباريك بالتخرج وطقم الماس هادي وناعم على ذوقه اجوان جابت لها ساعه وعطر اسيل باقة ورد وتعليقه ذهب بحرف لمى بس شكلها جنان ام مصعب جابت لها طقم عطور وخاتم حلو فرحت لمى لمن شافت المفاجاءه وحضنت ام مصعب وهي تبكي البنات شغلوا البروجوكتر زياد وابوه دمعت عيونهم وشاركوهم البنات الدموع وبدأو بالاحتفال الي اكثر مانبسط فيها اوس واسامه اسيل بعد ماقطعت لمى الكيكه تكفلت بتوزيعها والكل انشغل بالسوالف والضحك مصعب ارسل لجوال لمى انه يبغى يشوفها لوحدهم وهي لبت له رغبته وراحوا للمجلس لمى : مشكور يامصعب عن جد فرحتوني بس ليه كلفتوا على نفسكم مصعب لمن شاف الابتسامه على وجه لمى الي من زمان فقدتها ماتمالك نفسه وقرب منها وباس جبينها لمى انحرجت بس كانت مرتاحه لقربه ودها تقول ضمني لصدرك واعطني من حنانك انا اكثر وحده محتاجه للحنان بس بعدت عنه مصعب : انا اسف بس ارحمني يالمى لمى : وانا من يرحمني مصعب حتى انا اتعذب لا تفتكرني مرتاحه اذامجرد اسمك اسمعه يدق قلبي علشان يفكر عقلي بك مصعب انت ماتغيب عن بالي حتى في نومي اخذت لمى نفس عميق وكملت : بس ماراح اكون انانيه وانسى اخواني الي وصتني عليهم امي مصعب دمعت عيونه وماقدر يستحمل ورفع نظره للسماء علشان ماتنزل دموعه : الله كريم ومبروك وتستاهلي يالمى وهذا اقل من قدرك ( يقصد الهديه ) وطلع وجلست هي تبكي بس ماطولت مسحت دموعها وخرجت عند اهلها (شركة آل راسي للأستيراد ) دكتور يامن : البوادر ماتبشر بالخير يابو جاسم عسى بس عندك حل للازمه اذا وقعت لاسمح الله ابو جاسم : والله ياولدي مدري بس لانستعجل عسى ربك ييسرها يامن : ماعتقد فيه اصبر مني انا على مهلي بس شفت البدايه وحبيت اتاكد اذا انت عارف بالوضع ابو جاسم : ان شاء الله البدايه بتنعكس على السوق ولا بتستمر الا بالربح يامن وقف وسلم على ابو جاسم ان شاء الله اقابلك بعد شهر انا الحين بسافر لفرعي الثاني الجديد االي بتركيا ولازم اكون موجود بصفه مستمره لين يوقف وبعدها اتركه للمدير التنفيذي وانا اتابعه من بعيد ابو جاسم ويده بعدها في يد يامن الله يوفقك ياولدي وييسرها لك وان شاء الله لاتشيل هم وانا ابوك وبالسلامه تروح وتجي يامن شكره وطلع ودخل عليه جاسم ابو جاسم : وش صار ياولدي جاسم : خايف يابويه كلمت ابو مشاري يقول السوق طايح والشركه الي ماخذين منها الاسهم بعد نازله وش رايك يابويه نبيعها طالما نقدر نرجع راس المال اخاف نتورط ومانقدر بعدين نخرج من المازق ابو جاسم : لاياجاسم بنكمل وانا ثقتي بالله كبيره طبعاً كان الخوف متملك كل جزء في جسم ابو جاسم والعرق يتصبب منه بس مايبغي يبين لولده خوفه جاسم : ان شاءالله يابويه والنعم بالله حب يخفف عن ابوه وطلع لمن دخل عليه عمه ابو جود ( بيت ابو جاسم ) وصلت جودي وركض لحضن امها مامتي باركي لي نجحت بتفوق واخيرا راح اجلس معاك وتطفشي مني بكون لزقه معاك وين ماتروحي امها وهي تضحك وتحضن جودي عقبال ماتفرحي بالتخرج ياقلب امك جودي رافعه يدها للسماء : ربي لايخليني منك يارب وابغى افرح بابا وربي مشتاقه له من زمان عنه وعن الشغل اليوم بجلس معاه واسمع منه الاخبار ام جاسم : ابوك خليه بهمه جودي: ليش بابا قال لك شي فيه شي انا مااعرفه ام جاسم : ماقال بس انا ملاحظه عليه تغيير بس الله يفرجها عليها شكله علشان مشروعه الاخير مايبشر بخير جودي : ماما خوفتيني اهم صحتهم طز بالفلوس والشغل تفداه طلعت جنى من غرفتها جنى : خير ايش صاير فرحونا سمعت صوت قبل شوي ث ام جاسم : سلامتك مافيه الا كل خير باركي لجودي نجحت جنى راحت لاختها وسلمت عليها : مبروك ياقلبي تستاهلي بس ترى ماله داعي الصياح حدها ثاني ثانوي ابتسمت جنى عالخفيف ومسكت يد اختها : حتى الثانويه ماخلصتيها جودي : يالله روحي بس ماخذه 100 ٪ وتقولي ماله داعي الصياح جنى : طيب طيب الله يوفقك جنى راحت لامها : ماما ايش صار جودي : ايه هذا الي همك عالعموم افرحي ياختي وهاتي البشاره جنى طالعت في امها وشافتها مبتسمه ام جاسم : خلاص لاتشيلي هم اصلاً لا انا ولا اخوانك موافقين ابوك رد لعمك خبر وهو تفهم الموضوع وقال قسم ونصيب جنى : اووف صدق ارتاحت نفسياً من الهم الي حرمها من كل شي واخذ اغلب وقتها وفكرت ترسل لباسل وراحت في حضن امها وحطت راسها على صدرها : الله لايحرمني منك كنت شايله هم بس الحمدلله ام جاسم : ماعاش من يلبسك الهم لا انتي ولا اخوانك جودي :احم احم يقولون انا الي نجحت يعني انا الي استاهل هالحضن جنى : ماتدري ياجودي هالخبر كاني ملكت الدنيا ام جاسم تضحك وتمسح على راس بنتها ؛ عسى هالراحه دوم جودي : ترى اليوم طفشت اسيل لحد ماوافقت يجون لزيارتنا وقلت لها جيبي مامتك عاد بيجون بعد العشاء بس قالت لي ماراح يطولون لانهم جالسين يجهزوا حق السفر ام جاسم : حياهم الله وربي يشرفوا المكان اميره نزلت من جناحه ومعاها شهد وفهد وراحوا جري لجدتهم وهي بعد ماعرفت بنجاح جودي باركت لها وجلسوا سواليف ْ وصل ابو جاسم واولاده وباركوا لجودي لمن عرفوا بنجاحها ووعدوها بالهديه وبعد الغداء الكل راح لجناحه الا ابو جاسم راح لمكتبه وقال لام جاسم تلحقه بالشاي ( صح الخدامه هي الي تسويه بس ام جاسم عودت زوجها هي الي تجيب اغراضه له ) جاسم تضايق من حال والده بس مابيده شي الا انه يصبر يمكن تتغير الاوضاع ويتصلح الحال وراح لجناحه يرتاح لحد العصر ويروح للشركه وجهاد راح لغرفته عنده كذا قضيه جلس يدرسها علشان الجلسه بعد كم يوم وجنى راحت لغرفتها تفكر بالكلام الي راح ترسله لحبيبها وولد عمها وجودي راحت للمطبخ وطلبت من امها توصل الشاي لابوها لانها بتجلس معاه ووافقت امها ابوجاسم سمع صوت الباب وقال :تفضلي يالغاليه جودي دخلت وهي مبتسمه: مادري انا المقصوده والا ام جاسم ابو جاسم يضحك :انتي الغلا كله تعالي وانا ابوك بس انتي قلت انك بتنامي روحي ارتاحي جودي دخلت ومدت لابوها الشاي : اشتقت لك قلت النوم لاحقه عليه اهم شي الغالي اسمع مني اح اح ( تدري يافرحي وهمي..من كثر ما انت في دمي كل ماتنظرك عيني ..عيني من عيني تسمي) ضحك ابوها وهي انبسطت لانها تقدر تساله عن مشروعه وبينت له انه عندها خبر بس كانت تبي التفاصيل ابو جاسم : المشروع من فكرتي وانا جازفت بمبلغ كبير لشرى اسهم في الشركه (******) لانها شركه عالميه ولو ربحنا دخلنا الاسواق العالميه بس يابنتي فيه منافسيين قويين لنا وضاغطين علينا وانا ماقدامي اي خيار جودي: باباانت قلت صاحب فكره مو صاحب سلطه يعني ماجبرتهم على الموافقه والتجاره ربح وخساره ابو جاسم : يابنتي انا ماني شايل هم اعمامك بيقدروني بس فيه مساهم معانا دخل بمبلغ كبير وله نفوذ في البلادوعضو في جمعية حقوق الانسان هو الي كاسر ظهري جود : يخسى مابقى الا هو بابا من يعيشك بالهم يوم اعيشه فيه دوم( مجرد صدفه وكلام ماتقصد منه شئ ) ابوجاسم : الله يسعدك وانا ابوك ماتقصري بس هذا سوق والقوي هو الناجح جودي: بابا ابغى ادرس سلوك المنافسين لكم واحوال السوق والفرصه الربحيه والهامش الربحي علشان اعرف نقاط ضعفهم واستخدمها ضدهم ابو جاسم : كيف يابنتي انا ماقدر استخدم اي شي ضدهم اكيد عارفين اي فجوه بتعيقهم ودارسين بدائل لها جودي :تعلمت مافي قوي الا وعنده نقاط ضعف ولو مافيه احنا نوجد له ونوهمهم انها نقاط ضعفهم ابتسم ابو جاسم لذكاء بنته وقال كل الاوراق بالشركه وماقدر اطلعها من الشركه الا بموافقة مجلس الاداره والاجتماع العادي لهم بعد فتره قالت جودي ولايهمك انا بكره امر مكتبك واشوفها لو ماعندك مانع طبعاً وراح اقول لجهاد يجي معي من دون ماحد يدري ويادار مادخلك شر اوكي ياقلبي وراحت وباست راس ابوها وطلعت علشان تنام جنى شافت باسل بالواتس متصل وارسلت له : شفت هالكون وش كبره يوم ابعدت عني ضاق لاتفتكر انخلق من هو بياخذ غلاك ابغى اقولك ان القلب وراعيه حلالك باسل وصلته الرساله وفرح بس تذكر خطبة هيثم ومو من اخلاقه انه يكلمها وهي بتكون لولد عمه فتجاهل الرساله الا ان قلبه يقوله هذي بنت واعلنت رفضها وبينت غلاك عندها وانت رجال ماسويت شي وكان بيرسل لها بس تردد وفي النهايه ارسل : انا لو اني في حياتي امخير ماكان خليتك وانا خاطري فيك انا مسير وانت مثلي امسير تبيني وتقفي واقفي وانا ابيك جنى ارسلت له : لاانا مخيره وابشرك قلبي اختارك باسل ماصدق عيونه وعلى طول دق على جوالها جنى وهي طايره من الفرح :هلا وغلا بالقاطع اسيل : هلا بقلبي وعيوني ودنيتي هلا بالحبيبه والغاليه جنى : اممممم خير ايش تبغى متصل بعد هالغياب المفروض اعلن المقاطعه باسل : يحق لك تعاتبي بس اول قولي لي خلاص انتهى الموضوع جنى : ايه خلاص بابا قال لعمي انا مو موافقه باسل ارتاح : اووف ياشيخه بغيت اموت وانحرم منك طول عمري ربي يسعدك هاتي العتاب الحين وبعد ساعه قفلت جنى الجوال ورجعوا على الواتس ( هههه ماصبروا ) وصلت اسيل وامها واجوان عند اهل جودي جنى حكت لاجوان كل شي وهي فرحت لصديقتها انو ارتاحت من هالسالفه وام مصعب وام جاسم واميره سوالف جودي واسيل راحوا للمطبخ علشان جودي تبلغ المشرفه يجهزوا القهوه والحلا جودي : اسول بطلع اجيب اوراق من غرفتي تجي معايه اسيل : لا مافيني جيبيها وانا استناك بالصاله طلع جهاد من غرفته وكان لابس قميص بني وبنطلون جنز لونه ازرق غامق وفي يده نظارته ولاب وشاف بنت جالسه عالكنبه بس شكلها غريب عليه حس ان في هدوئها سر ونزل بدون مايقرب منها او يلفت انتباهها لوجوده وراح للباب الخلفي للقصر لانه عرف ان فيه ضيوف طلعت جودي واعطت اسيل الاوراق : هذه السالفه الي قلت لك عنها وابغاك تساعديني فيها اسيل : اوكي راح اقرأ الاوراق واذا رجعت بكره من عند الوالد مرعليه اوكي جودي : اوك بس اسول عن جد راح اتعبك معاي فتحمليني اسيل ضربت جودي على كتفها : ايش هالكلام مابيننا هالرسميات احنا اخوات ( طبعاً جودي قالت لاسيل عن لمشروع حق والدها ) وبعد السوالف استأذنت ام مصعب وراحت هي وبناتها بعد ماتفقوا جنى واجوان بكره يمروا على فوز ويطلعوا رجع جهاد ولقى اهله في غرفة الاكل مجتمعين وسلم على اهله وجلس مكانه عالطاوله جهاد : اشوف عندكم ضيوف ام جاسم قالت للمشرفه تغرف لجهاد الاكل ورجعت كلمت ولدها : اي اهل مصعب ليه تسأل جودي : لايكون كنت بغرفتك لمن طلعنا انا واسيل جهاد : يافالحه لو كنت فوق بتشوفيني جودي : لا بس انا دخلت الغرفه وتركت اسيل بالصاله تنتظرني جهاد في باله يعني هذي اسيل الخجوله كنت عارف ان هالبنت فيها شي ورجع للواقع على صوت جودي جهاد : خير حرام لو سألت بس شفت الخدامات يشيلوا القهوه والحلا جنى وهي تأكل : امممم متأكد بس كذا جاسم ( طبعاً مازال زعلان من زوجته ) : الا جهاد ترى مارضى عليه اميره حست انه يقصدها تجاهلته وجلست تأكل عيالها جهاد : تسلم حبيب والله وبعد الاكل كل واحد لغرفته ( البارت الخامس) ( بيت ابو جاسم ) راحت جودي لغرفة اخوها جهاد ودخلت بعد ماأخذت الاذن منه بالدخول دخلت جودي على جهاد الي جالس على اللاب وهي تغني دنياي ..دنياك هو حد يسواك القلب وياي والبال وياك وتأشر بأصبعها على اخوها جهاد : ههههه ترى بأموت ناقص عمر والسبه انتي جودي : بسم الله عليك وجلست جنبه ابغى منك خدمه ممكن جهاد : ابشري ويأشر على عيونه ..بس ماله داعي اشعار وقصايد جودي : تغليك عيوني والا مالها لزوم اذا حبيتك علشان مصلحه بس ابغاك بكره توديني للشركه وابغاك تنزل معاي وفهمته بكل شي جهاد :صار الي طلبتيه ورفع الجوال يكلم وقال بس تكه اتصل على مدير اعمالي يستلم القضايا مكاني لحد العصر علشان اتفرغ للمهمه معاك بعد مكالمة فوز للبنات وخبرتهم بالنجاح اتفقوا يطلعوا لمول يجهزوا لسفرتهم وكان الاتفاق اجوان تمر تأخذ جنى وبعدين فوز وتم الاتفاق في الصباح الكل اجتمعوا على الفطور وابو جاسم طلع بدري مو على عوايده جاه اتصال من صديق عمل وجودي ركضت لغرفتها جهزت نفسها ولبست عبايتها ونزلت لجهاد اما جاسم خرج بعد ابوه بفتره ومايدري عن جهاد واخته بيجوا للشركه في الشركه جهادوهو يأشر بيده : هذا مكتب ابوي واذا تبغي تسويها مفأجئه على قولتلك ادخلي بسرعه ولاتعطي للسكرتير وقت وانا بروح عند ابو فهد( جاسم اخوه ) واخذ بعض المعلومات منه اوكي جودي : اوكي ودخلت المكتب بعد مامرت على السكرتير ونفذت كلام اخوها وهي تمشي بسرعه لمكتب ابوها والسكرتير ماكان منتبه لها لانه معطي ظهره للباب وجالس يدور ملفات بالدولاب وهي دخلت على وابدها وقالت بصوت ناعم : جيتك اسابق خطايه ولهانه عليك وتركت الدنيا ورايه مشتاقه لاتلوموني وكانت كاشفه وجهها وقربت تبغى تبوس راس ابوها ضحك ابوها ولمن طالعت في الرجال المقابل لابوها رمت الطرحه على وجهها : أسفه بابا ماكنت ادري انه في احد عندك ( بس ماركزت فيه ) وكانت تبغى تطلع وقال لها ابوها عادي وانا ابوك وقف الرجال : يالله سلام بس حبيت اعطيك الاوراق قبل لاسافر وانا اعتذر سببت احراج للاهل وطلع جودي راحت للكرسي المقابل لمكتب والدها : اسفه لايكون احرجتك ابو جاسم : لا وانا ابوك هذا صديق وانتي بعدك صغيره ماعليك المهم كلمت جاسم يجهز الي طلبتيه دخل جهاد وجاسم عليهم وفي يدهم ملفات وحضن جاسم اخته : نورت الشركه بوجود القمر فيها جودي: هههههههه خل المجاملات على جنب ونبدا بالمهم ابوجاسم : بطلب لكم قهوه وبعدين ابدوا بالشغل جهاد : ونعم الراي ويأشر لجاسم يجلس بجنبه جودي : ساده لوسمحت بابا جهاد وجاسم : طلبوا قهوتهم وسط جودي اخذت الملفات من جاسم وجلست تقرا فيهم جاسم : هذي الاوراق ماعتقد فيها شي مفيد طللعت فيه جودي وغمزت بعينها اعجبك ولايهمك انا الشي البسيط اخليه مهم ( بيت مصعب ) صحيت اسيل بدري علشان تستنى جودي وراحت لامها وسلمت عليها اسيل : وين العرب ام مصعب : مصعب راح لدوامه علشان بيأخذ اجازه واجوان بعدها نايمه اسيل : طيب ترى جودي بتمرني بعد شويه ام مصعب : حياها الله بس ترى السواق والشغاله راحوا السفاره يخلصوا لهم كذا شغله عاد اذا دقت عليك روحي افتحي لها البوابه اسيل : اوك مو مشكله. الا بسألك يمه خلاص عمي وافق لعياله يسافروا معانا لدبي وصلاله ام مصعب : ايه ولمى كلمتني بتمرك العصر تروحي معاه بتفصل لها عبايه وزياد بيوصلكم لان اجوان كلمتنا عالسواق بتروح لصحباتها اسيل : طيب من عيوني بعد ماخلصوا جهاد وجودي وصورت بعض الاوراق المهمه الي حست انها بتفيدها بالكاميرا ( كانون ) كانت مع جهاد مخبيها في جيبه طلبت من ابوها يعطيها فرصه لو اسبوع لتدرس الموضوع وافق ابوها لانه مو مستعجل لان السوق في خساره وسلمت عليه وعلى اخوها جاسم وكذلك جهاد وطلعوا في السياره قال جهاد : جودي ابغاك في موضوع اذا عقلك وياك جودي : تطمن بكامل قواي العقليه بس تكلم اذا استشاره في قضيه ترى ماأفهم في مجالك بس راح اساعدك لان اسيل تحب مجالك وذكيه فيه جهاد : ايوه الموضوع فيه اسيل انا بصراحه من كلامك عن شخصيتها وتفكيرها عجبتني انا اذا بتزوج مابغى زوجتي تناقشني بالي اسويه مو لانه غلط لا لانهامقتنعه فيه وحبيت اخطب اسيل ترى ماشفتهاولاعرف شكلها بس عاجبتني شخصيتها وتفكيرها جودي منصدمه بالي سمعته وفرحانه بس حكمت عقلها وقالت : متأكد ماشفتها ومقتنع فيها لانها نفس شخصيتك جهاد : وهذا كافي جودي : طيب بس ترى اسيل صح صديقتي وجميله بس مو احلى من اختها الكبيره وخجوله لابعد الحدود يعني راح تتعب معها بس واضحه وصريحه وصادقه بكلامها وانا بسألها اذا وافقت كلم اهلي يخطبونها لانك الحين بتوديني عندها علشان تساعدني جهاد : اوكي ماعندي مانع ورجع يفكر في اسيل وقال في نفسه. ( حرام عليك كل هالجمال الي شفته ومو حلوه ) جودي: بس ماتشوف انها صغيره عن الزواج جهاد : وانا ابغاهاصغيره علشان تفكيرها يتماشى مع تفكيري بعدماتتعود علي واقدر اوسع معلوماتها عن مجالي وغمز لاخته ضحكت جودي ونزلها بعد ماوصلوا البيت اسيل الي استغربت ان البوابه مقفله وكلمتها وراحت فتحت لها الباب جودي رمت عبايتها وجلست عالكنبه : اوف اش هالحر الحقيني بشي بارد اسيل : من عيوني دقايق جودي : تسلمي وجابت اسيل العصير المفضل لجودي وهو تفاح فرش وطبعاً لازم علشان تركز قهوه ساده وجلسوا يتناقشوا في الموضوع بعد الاطلاع على الاوراق رجع مصعب عالظهر وقابل جودي وسلم عليها من بعيد وقالها توصل سلامها للوالد وكان زياد معاه لانه قابله عند الباب زياد : ايه جودي وانا بعد وصلي سلامي لجهاد وقولي له تراك ماتصلح صديق خلاص انا مسحت رقمه اسيل : تكفى يارجال سامحه عاد هو الحين بيموت لو عرف مصعب : هههه اقول ترى مالك الا ولد عمك ومشعل جهاد مو فاضي لك جودي : ابشر الحين اخليه يكلمك لا ويعزمك عالغداء علشان يراضيك زياد ماحس بنفسه وكان بيضرب جودي في يدها تعود على اجوان بس مصعب مسكه جودي ضحكت واستأذنت والباقي دخلوا البيت وهم يعلقوا على زياد مصعب بعد الغداء راح يرتاح ووصاه زياد يمر بااسيل العصر عندهم لانه بينزلها مع لمى السوق اجوان راحت تتجهز لطلعتها ام مصعب راحت لغرفتها ترتاح لانه العصر بتروح للتحفيظ اسيل جالسه تكلم لمى بالاسكاي بي عن طريق اللاب جودي : اسيل عندي موضوع خاص بس مدري كيف اقوله بس اوعديني ماتزعلي مني وتستمر صداقتنا شو ماصار اسيل : اممممم يعني الموضوع خطير اسمعي ياجودي لو ايش ماصار بيننا من خلاف صداقتنا بتدوم اوكي قولي الي عندك جودي : اخوي جهاد رافض الزواج وكذا مره ماما تحاول معاه بس هو اعطاها على بلاطه انه طالما ماطلب منهم لايتدخلوا واحنا سكتنا بس انا كنت اقول عنك بنت طبيعيه وواضحه في علاقتك وصادقه في كل شي وكمان خجوله وتحبي مجال المحاماه وطموحه عاد انا ماقصدت شي كلام عفوي بس اخوي شاف انه انتي البنت المناسبه له وقالي اكلمك والراي لك اسيل حست برجفه وبرود في اطرافها اصلاً تفاجأت بالكلام وبعد دقايق من السكوت نطقت : اسمعي ياجودي اخوك مافيه عيب ويمكن كذا وحده تتمناه بس الفارق بيننا وبينكم كبير صحيح احنا الحمدلله بخير ومو ناقصنا شي بس كمان الفرق واضح اخوك انا مااناسبه جودي : ليه كذا حكمتي اسيل : لانه زي كذا دايم تنتهي علاقتهم بالطلاق انا قريت عن الفوارق الاجتماعيه دائماً حياتهم مشاكل ومابتنتهي الا بالفراق جودي : ممكن كلامك صحيح بس جهاد مأخذك عن اقتناع ماحد جبره وبعدين اسيل قاطعتها : خلاص جودي قفلي الموضوع وماله داعي تبرري لي رغبة ودوافع اخوك جودي : اسيل لاتزعلي خلاص خليه يروح عساه ماتزوج ولاتزعلي ياقلبي اسيل : اوك بس قفلي السيره وبعد ماخلصت جودي المكالمه راحت لجهاد تبلغه بالقرار وهي شايل هم كيف تخبره برفض اسيل النهايييه تقبلوا تحياتي الكاتبه / مابعد الكلمه | |||||||||
|
| |
|
07-01-16, 05:51 AM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| البارت الخامس (بيت ابو جاسم ) تحديداً في مكتب جهاد دخلت عليه جودي وقالت كل الكلام الي دار بينها وبين اسيل جودي : هذا الي صار جهاد : والله انها كبرت بعيني يعني هالبنت تفكيرها اكبر من سنها وهذا الي تناسبني ناضجه بعقلها جودي: الظاهر انك انهبلت اقولك البنت رافضه تقولي هذي الي تناسبني تبغاني اعيد الكلام علشان تستوعب جهاد : طالما ان البنت مافكرت بفلوسي ولا مركزي لازم تكوني حلالي هالاسيل بس ابغاك تساعديني اسمعيني ولاتقاطعيني جودي : كيف وبعدين من البدايه قلت لك تفكير اسيل مو زي بعض البنات وهي صريحه ومن نظراتها تعرف كلامها خبر جهاد جودي بالخطه كانت رافضه الا انها وافقت لانها تحب اخوها وعرفت قد ايش هو متعلق ب اسيل جودي : اوكي صار يادودي جنى جاها تهزيئه لانها كانت نايمه واجوان مستعجله بتمر عليها قبل فوز ومافيه وقت بس جنى قالت لها مابتتاخر جنى نزلت وهي مستعجله قاعده تلم شنطتها وتصلح طرحتها ورفعت راسها على صوت اخوها جاسم : بالشويش يالمهبوله طالعي زين لاتطيحي ترى انا اخاف عليك جنى وهي مبتسمه : فديت قلبك ياشيخ روح ربي يسعدك جاسم : تعالي سلمي على باسل جنى بمجرد ماسمعت الاسم حست ان الدنيا ماهي شايلتها من الفرح وتوجهت لباسل وهي ترجف من الحياء : السلام عليكم هلا باسل ( سلمت من بعيد ) باسل وهو مبتسم لانه عارف ان جنى تستحي منه خصوصاً بوجود احد من اهلها : هلا ببنت عمي ايش اخبارك ومبروك النجاح جنى : الحمدلله تمام الله يبارك فيك جاسم : ترى باسل بيسافر لامريكا كم يوم علشان الشركه وجاء يأخذ اوراق من الوالد جنى حزنت لفارقه اصلاً هو موجود بالديره ويادوب تشوفه وقالت بضيق واضح : الله معاك تروح وترجع بالسلامه باسل عرف انها زعلانه : الله يسلمك ياجنى ان شاء الله ماطول اخلص اموري وارجع جنى ودها تسال ليه انت اكثر وحد يسافر معقوله هو الي يطلب لانه لا لا وش قاعده اخربط ورن جوالها واستاذنت من غير شعور تحس انها تايهه وطلعت مرت اجوان على جنى وحصلتها جاهزه وعلى طول راحوا لفوز وصلو بيتها اجوان : انزلي انتي ناديها طالما ان جوالها مقفل وانا استناكم بالسياره جنى:اوكي بس انزلي بالمجلس تراها برابالحديقه ومافيه احد وقريب كمان من الباب اجوان عجبتها الفكره : اجل انتظركم فيه علشان اعدل نفسي ( ماتدري وش ينتظرها الا مانزلت ) دخلت اجوان المجلس وفكت طرحتها وعدلت شعرها الطويل ومسويته كيرلي وطالعت بالمرايه وحطت من عطرها ورن جوالها وكلمت هلا صعوبي 00اي طلعت واخذت فلوس من امي 00شكرا بس ماراح انسى الموقف الي حطيتني فيه اردها لك بس صبرك 000 يالله مع السلامه اقول مصعب انت بتروح للبر 000 خلاص اذا جيت اقولك انا الحين مو بفاضيه انتبه لعمرك باي (كان بالمجلس غرفه بالداخل فيها كاميرا تشوف الي بالداخل المجلس ) لان اجوان ماركزت ودخلت على اول غرفه صادفتها على بالها المجلس وطلعت غرفه خاصه بمشعل عباره عن ( غرفة استقبال كبيره وأثاثها راقي وعرفه صغيره بجنبها زي المكتب فيها اشياء خاصه به وفيها كاميرا لمراقبة الي يدخل وهالغرفه ممنوع دخولها عند مشعل ) طبعاً انصدم لمن شاف الملاك الي دخل غرفته وقعد يفكر مين هذي وليه دخلت الغرفه مستحيل تكون من الاهل انا اعرف كل بنات عمي مايجوا ربع جمالها بس لحظه انا سمعتها تقول مصعب معقوله تكون اخته لا ماتوقع فوز ماعمرها جابت لي سيره زي كذا بس فيها شبه منه ياارض احفظي ماعليك )وجت فكره على باله واخذ جواله وفتح الباب ومشى لحد ماوصل عندها وجلس وهو معطيها ظهره ويكلم بالجوال وهي مرعوبه وفاتحه فمها من الصدمه 00000000 انتبهت على نفسها وبسرعه حطت الطرحه على راسها والباقي رمتها على وجهها مشعل نزل الجوال : انتي مين اجوان : هيه انت كيف تدخل لهنااحترم نفسك وانقلع برا مشعل :اووش لاتصارخي ماعرف اتفاهم كذا وبعدين اعتقد هذا بيتنا انتي الي دخلتي قامت اجوان تبغى تطلع وتروح للسياره ومسكها مشعل من يدها وهي خافت وحاولت تفك يدها بس هو اقوى منها مشعل : ايش اسمك والا قسم لألم عليك اهل البيت والجيران واقول انك جاي لعندي تبغيني عاد افهميها وتراك دخلتي (واشر بأصبعه على قلبه )صدق الحب من اول نظره وانا مشعل لوبغيت الشئ مايردني عنه الموت اجوان : اقول يالي ماتستحي عسى لسانك بالقطع انا متربيه مو مثل الي في بالك اكيد تعرف كثير علشان كذا تسال عن اسمي خاف ربك ترى ترجع في اهلك وفك يدي يعلك ماني بقايله ضحك مشعل( في نفسه ) وعرف انها اخت مصعب من هالجمله هو كان شاك لمن سمعها تكلمه بس الحين تأكد واصلاً الشبهه بينهم وواضح انها تقرب لمصعب مشعل عصب من كلامها : الزمي حدودك مو انا راعي الخرابيط الي تقولي عليها ونزل الغطاء عن وجهها وقال : انا ماحب اتكلم مع احد وبيني وبينه حاجز والاترى بأفضحك اجوان زفرت : طيب لاتصارخ واحترم نفسك ولاتطالع فيني وبعدين وخر عني (لمن قالتها كانت خايفه والدموع في عينها بس ماتبغى تبين له انها ضعيفه) مشعل : طيب انا عاجبني كذا رفعت راسها وفتحت عيونها بقوه من وقاحته ضحك مشعل وبعد عنها وجلس عالكنبه وحط رجل على رجل وقال : لعيونك تأمرين امر لو تبغي الروح ماتغلى على الحبايب بس قولي انتي اخت مصعب بن عبدالله المسعود صح اجوان باستغراب : انت تعرفه مشعل بصوت مرتفع ليوضح لها انه معصب . هو صاحبي قولي اي ش اس م ك بسرعه بلعت ريقها من قوة الصوت واخذت لها نفس وقالت : انا اخته الكبيره بس انت ايش عرفك فيه مشعل بصوت مرتفع : عارف انك اخته بس قولي اسمك ولمن اسألك لاتردي علي بسؤال رفعت الطرحه على وجهها وقالت : انا اجوان قرب مشعل منها ورفع يدهاوهو( حاط يده اليسار في جيبه ) وباسها مشعل : اعتبريها شوفه وقريباً بتسمعي خبر الخطبه ولبس نظارته وطلع والتفت عليها لمن وصل للباب وارسل لها بوسه في الهواء وطلع اجوان في وضع يحسد عليها ماتدري هي مستغربه ومندهشه وكيف مادافعت عن نفسها وليه سمحت له من الاساس يبوسها او يشوف وجهها وليه تكلمه وكيف ماقدرت تطلع وتتركه وتحس الي حصل حلم او خيال بس مو حقيقه وصلت جنى وفوز وهبت فيهم اجوان واخلاقها قافله ومزاجها معكر من الي صار لها وتحس برعشه في كل جسمها ولو ماهي خايفه يشكوا بشي كان رجعت البيت وبلا مول بس حاولت تسيطر على نفسها وتكون طبيعيه اجوان : كان نمتم احسن يالله امشوا اصلا اليوم ذا من الصباح وهو نحس وسلمت فوز عليها وحضنتها وش عندك جالس في غرفة اخوي جنى : يابنت روقي ايش بك كل ذا لجل تأخرنا كم ثانيه اجوان : ترى اذا مابتمشوا وانتوا ساكتين ارجع للبيت احسن جنى مسكت بيد اجوان وحستها بارده كانت بتسألها بس اخلاقها ماتسمح ففضلت السكوت ومشت وهي مبتسمه كتخفيف بسيط المفعول لصديقتها جوجو وصلوا المول وجلسوا يفروا في الاسواق وراحوا للمطعم وجلسوا يسولوفواويضحكوا واجوان مو معاهم جنى: اجوان عمري ايش فيك اجوان : لا سلامتك بس مدري كذا حسيت قلبي مقبوض يمكن ماني مرتاحه للسفر فوز : جوجو حبيبي احنا طالعين نستانس لاتفكري كذا ( رفعت يدها للسماء تدعي ) يارب تسافري وتنبسطي جنى : انقلعي اشوف وانا لي ماشملتيني بالدعاء والا لازم اتضايق والله مانتي بكفو تكوني صديقتي اجوان تحس شويه ارتاحت بس مازالت تفكر في الموقف الي حصل لها فوز تشرب عصير : بكيفي وانت وش حارق رزك مابدعي لك عجبك جنى : بالطقاق عاد انا الحين ميته عليك الي يسمعك يقول معاك العصاء السحريه كل المعجزات تتحقق فوز : ياليت ياجنى وازوجك من حبيبك وانا بعد اتزوج الي احبه واجوان احقق.لها الي تبغاه اجوان : ههههه خفي علينا يالمارد حق علاء الدين جنى : ههههههههه (بصوت عالي ) لاشعورياً الله يقطع ابليسك قاعده اتخيل شكلك وانتي طالعه من الابريق واجوان قاعده تمسح فوز : الشرهه مو بعليكم قاعده افكر بصحباتي انقلعوا لو تموتوا ماحققت لكم امنيه ارتحتوا اجوان ترسل بوسه في الهواء لفوز علشان تراضيها جنى : يالله ياحلوات راح الوقت ماحسينا فيه يادوب نرجع البيت شيلوا اغراضكم يالله وقاموا يلموا اغراضهم وكانوا ماشين الا يمر شاب طويل وابيض ومملوح من جمبهم وقال : فديت الضحكه يقصد ( جنى ) يالبى البوسه( قصده لاجوان ) الله يسعدكم دوم فوز بكل حماس : خير خير وش عندك تتفدا وتلبي روح الله يستر عليك بس جنى واجوان ضحكوا الشاب : اعتقد دعيت مافيها شي على الاقل امنوا جنى : والله بكيفنا ولاحنا بحاجة دعاويك بس فارق والي يسلمك الشاب : انا ماتكلمت معاكم انا ابغى الحلو الي ساكت اجوان خافت لانها مو ناقص مواقف زفت زي كذا وماتكلمت الشاب : يقولوا السكوت علامة الرضى اجوان وهي منفعله صرخت : يالخسيس انا اخلاقي مو كذا انا سكت لان امثالك حثاله مايستاهلون حتى اتفل عليهم وتأشر بيده ويالله انقلع والا وربي لتندم على الساعه الي كلمتنا فيها الشاب لمن حس مافيه امل مشى وتركهم لمن طلع مشعل من البيت على طول كلم مصعب وقاله ان اليوم مستلم ومايقدر يقابله بس مشعل اصر على مقابلته ونفذ له الطلب وقابله في كوفي قريب من العمل حقه مصعب : رجيتني خير وش تبغى مشعل : وانا مايجي مني الاالخير وقف وسلم عليه وقرب له كرسي منه يعني بجنبه مو مقابل له وش تشرب مصعب: قهوه اليوم ماشربتها من يد الغاليه مشعل :صار وطلب لهم قهوه مصعب : يالحبيب اخلص وقول الي عندك مشعل : انت وش تشوفني من نظرك بكوني قريب منك مصعب : قال الطيب لأفعال الرجاجيل مقيـاس *** وأنت القياس لطيب فعل الرجاجيل الله عطاك العزم والجود والباس *** فعلك يسابق نيتك دون تأجيــــــــل اكيد راعي مرجله ونخوه بس ليه السؤال الحين مطلعني من الدوام علشان اقول راي شايفني لجنة تحكيم مشعل : هههههه تسلم يالغالي بس ماكان له داعي تقول فيني قصيده كلمتين على بعض تقوم بالواجب المهم انا جايك طالب ******** رجعوا البنات على الساعه 9 لانهم قالوا ماراح يتأخروا وكل واحده راحت بيتها (بيت ابو جاسم ) جنى لبست بجامتها وطفت انوار الغرفه وتركت الابجوره الصغيره على شكل قلب وعليه دائره نحيفه شكل الابجوره حلو ومشت للسرير لفت انتباهها صوت المسج وصلها فتحتها وكان من باسل ( مساء الخير حبي حسيت انك زعلانه ابغى اكلمك ) كانت بترسله جنى بس هو دق جنى : نعم باسل : ليه قلبي زعلانه جنى :غصباً عني ياقلب جنى انا يادوب اشوفك والحين بتسافر باسل : اعذريني ياقلبي بس مالك الا الي يرضيك جنى : اي شي اطلبه باسل : لو تبغي روحي تفداك وانا اقدر على زعلك جنى : طيب اول شي تتحجج بالشركه والعمل وتجي لبيتنا من فتره لفتره علشان اشوفك وبكره قبل لاتروح المطار مر سلم علينا باسل : من عيوني ياقلبي اصلاً لازم اشوفك وانا اقدر جنى : تسلم عيونك باسل : طيب قبل ماقفل اعطيني بوسه علشان جنى قاطعته : باسل ترى بقفل مع السلامه باسل نزل الجوال وهو يضحك فديت قلب من يشتاق لي لاحد يلومني في هواها وفي حبها بغيت انجن يوم خطبها هيثم بس الحمدلله ماوافقت ونام وهو يفكر فيها ويفكر في اليوم الي يجمعهم سواء طلع جهاد هو واخته لغرفة الطعام لانه وقت العشاء ولازم الكل موجود بأستثناء جنى لانها استأذنت من ابوها ولمن رجعت قالت لامها انها اكلت مع صاحباتها وراحت لغرفتها اما جودي وجهاد استلموا عيال اخوهم وكل واحد قعدهم في حضنه وجلسوا يأكلونهم ( بيت مصعب ) رجع مصعب على الساعه 12 في الليل وحصل امه واسيل صاحيه لانها مانامت زين تفكر في المشروع حق جودي ودخل عليهم مصعب : صباح الخير لاهل الخير وباس امه على راسها واختها على خدها وجلس جنب امه ام مصعب: تعشيت يمه مصعب: اي يمه لاتشيلي همي ترى انا رجال طول بعرض مو بزر اسيل : والله لو تصير جد لتشيل همك كذا طبعها الغاليه فديتها مصعب: الله لايخليني منك ياتاج راسي وباس راس امه مره ثانيه الا وين اجوان الخبله اسيل : رجعت الساعه 9 ونامت ام مصعب : خير بغيتها بشي ترى اسيل تنوب مكانها والا انا اقوم اسوي الي تبغي مصعب : ههههههههه لايمه بغيتها بموضوع ماينفع الا لها ترى مشعل صديقي خطبها وحبيت اخذ رايها لانه كمان اخو صاحبتها فوز ام مصعب : دام انه صاحبك اجل ونعم فيه وفي اهله خلاص يمه لاتشيل هم انا بقول لها انت ماتمشي الا مع رجال طيب الاصل اسيل في نفسها ايش سالفة الخطبه اليوم وضحكت : ههههههه والله وصارت اجوان الخبله عروسه مصعب حط يده على راس اخته وسحبها لحضنه لاتقولي خبله ترى مارضى عليها اسيل : والله مدري من قالها اول مصعب: انا امون مو الغالي اسيل : وانا اشهد يالغالي ورفع مصعب راسها ( مازالت على صدره ) عقبالك يالغاليه وهي نزلت راسها حياء منه مصعب : خلصتوا اغراض انتي ولمى اسيل : ايه خلصنا وترى وصتني اسلم عليك مصعب وقف : الله يسلمك ويسلمهايالله استأذن بنام بكره بعد الظهر بروح البر وبمر على عمي علشان زياد بيروح معانا وبالمره اسلم على عمي ومشى وهو طالع من الدرج لف لامه وقال لازم انا اجلس مع اجوان بعد اعطيها معلومات عن العريس ( بيت ابو جاسم ) جاسم : حي الله ولد العم باسل : الله يبقيك قلت قبل ماروح المطار امر اسلم على جهاد وعمي اليوم ماشفته بالشركه جهاد دخل البيت وفسخ نظارته وناده جاسم لانه كان طالع لجناحه : هلا جاسم جاسم : تعال سلم على باسل بيسافر وجاء يسلم عليك جهاد رمى الشنطه على الكنبه وسلم على باسل : هلا والله بابو بدر ايش اخبارك باسل : الله يسلمك ابد طال عمرك مافي اخبار جديده انتي كيف شغلك جهاد ومازالت يد باسل في يده : تمام يسرك الحال والامور ماشيه باسل : يارجال تستاهل الخير طلع ابو جاسم ومعه اوراق بيعطيها باسل جهاد راح لابوه وباس راسه ابو جاسم : امسك ياباسل يمكن تحتاج هذه الاوراق وخلك منتبه لاتسوي مثل ولد عمك هيثم راح ولافادنا جهاد : ابو بدر قدها وقدود جاسم : والنعم فيه باسل اخذ الاوراق : ماعليكم زود وابشر ياعمي مالك الا طيبة الخاطر نزلت جنى وجودي ومعاهم شهد ابو جاسم ناداهم يدخلوا يسلمون على باسل لانه مسافر باسل ارتاح لان من اول ينتظر جنى علشان يشوفها ويسلم عليها جودي سلمت وجلست عند جاسم هي وشهد اما جنى كانت خايفه وهي تسلم وبعد باسل علشان تجلس جنب جهاد يعني قريبه منه جودي : يالله ياباسل تروح وترجع بالسلامه تصدق بفقدك كنت تزعجني ماتدق الا على جوالي اذا بابا وجاسم ماردوا عليك ابو جاسم واولاده ضحكوا باسل : الحين ياكثر ماوديتك وجبت لك هدايا مافتكرتي الا ازعاجي جهاد : جودي تنسى الزين والشين لوتموت تذلك به ابو جاسم : بصراحه هي طالعه على امها بهذه الصفه عكس جنى خجوله وماتحب تجرح جنى : فديت الي يمدحني جودي : لو ماما كلها عيوب بعد اتمنى اكون مثلها جهاد : كفك ياشيخه باسل : يعني اي احد يمدحك تتفدينه يابختهم اجل جهاد ميل براس اخته على صدره : ابوي باسل خلاص احرجتوا البنت جهاد ذكي وعلىطول فهمها وهمس باذن باسل : تقولي جيت تسلم علينا وتاخذ اوراق مهمه هاه ترى الطياره بتطير مابقى وقت باسل : لاتظن فيني بالسوء وياليت ان الطياره تسافر واجلس عندكم جاسم : ايش فيكم تكلموا بالهمس فيه شي جهاد : سلامتك ياخوي باسل كان يسرق النظر لجنى وينبسط بكلامه مع اهلها و سلم عليهم واستأذن للمطار (بيت ابو محمد ) عائلة جديده في الروايه ابو محمد هو والد مشعل وفوز اصغر اخوانه وعقليته نوعاً ما افضل من اخوانه لانه كان يسافر للخارج من اجل الشركه وتفتح بالخارج عائلتهم معقده خصوصاً ضد البنت ماتحط ميك اب وماتستخدمت الاجهزه بمفردها مثل الحاسب والجوال والتلفاز لازم وجود اخوها او امها وماتطلع للمولات او تزور صديقاتها ( لاتستغربوا انا عايشت طالبات كذا تفكير اهلهم واكثر ) واغلب الزواج يتم من افراد العايله ابو محمد عمره 55 سنه عنده ثلاث اولاد وبنت كان متزوج مسيار لانه ماكان مرتاح في زواجه لان زوجته تجهل اشياء كثير من الحقوق الزوجيه وهو يبغى وحده تهتم فيه وبحكم ان زوجته بنت عمه راعى شعورها وتزوج بالسر وكان يمتع نفسه ويسكت البنت الي تتزوجه بالفلوس بس مايطول مع البنات فتره ويتركها ويتزوج غيرها اكبر اولاده محمد متزوج هند بنت عمه وعنده منها بنت وولد وهو طيب ومسالم وحبوب فايز كمان متزوج من العايله بنت عمه الثاني وزوجته سمر انسانه حقوده وغيور عندها بنتين وفايز انسان عصبي ومايحب احد يكسر كلامه والدته خط احمر ماحد يغلط عليها يعرف يتعامل مع الناس يعني سياسي على قولتهم مشغل اصغر اخوانه من الاولاد كمل دراسات علياء بكندا رفض الزواج التقليدي لمن رجع اعتمد على نفسه وكون له راس مال وكبرت شركته تعرف على مصعب وشاركه بالمنقيات وصار اكثر من اخوه فوز اصغرهم وتدرس بالجامعه وتحب ولد خالتها بس خايفه من عقلية اهلها يغصبوها على واحد من عيال عمها ام محمد انسانه طيبه ومسالمه وحنونه لواحد يغلط عليها تسكت ماتأخذ حقها علشان كذا فايز مايرضى احد يغلط عنها دخل مشعل وركض لغرفة أخته وبعد محاولات قدر يحصل على رقم اجوان لان فوز عرفت اذا حط مشعل شئ في راسه جابه لو فيها موته بس ماقال لها عن الموقف الي صار لهم فوز : تكفى لاتقولها اني اعطيتك رقمها والله تزعل عليه مشعل : لاتخافي ماراح اكلمها الا بعد الملكه انا خطبتها من اخوها فوز تتخصر : طيب ليه ماستنيت لين الملكه وتاخذه منها مشعل : كذا ابغاه في جوالي عندك مانع فوز : مشعل لاتخلي الي صار من سنتين يتكرر تكفى امي مو ناقصه بهذله على اخر عمرها والسبب عيالها تكفى مشعل : تطمني ماراح تدري امي بالموضوع الا بعد موافقه ابوي وان شاء الله تتيسر وابوي يوافق فوز : يارب الا قولي ليش بالذات اجوان لايكون شفتها مشعل وهو ماسك الباب بيطلع : لا وين اشوفها بس اخوها صاحبي وبالحيل مزيون قلت اكيد اهله طالعين مثله ( تصريفها قديمه ههههه ) فوز : ادري عنك مو هي كانت بغرفتك امس لمن مرت علي مشعل باستهبال : صدق متى دخلتها وانا اقول كذا غرفتي منوره وحبيتها هالغرفه زود فوز : يالله فارق ابغى انام ويارب افرح فيك قريب مشعل : ان شاء الله وعقبالك فوز ارتاحت نسبيا وفرحت لاخوها وسلمت عليه وباركت له وقالت : وربي زين ماخترت والبنات في الجامعه يقول محظوظ من يتزوج اجوان وفوق كذا مؤدبه ادب تسلم يد ربتها مشعل يكلم نفسه (على بالك ماشفتها وتخبلت عليها بس هي لي ) : المهم الحين ابويه يحترم رأي ولايلزقني في بنات عمي فوز : شد حيلك وانت قدها وان بغيت فزعه حاضرين للطيبين مشعل يمسح على راسها اكيد انا ابو سلطان وبعد كم اسبوع راح تكون الملكه انتهى البارت الكاتبه / مابعد الكلمه توقعاتكم اهل مشعل راح يقبلوا بزواجه من خارج العائله اجوان بتقبل بمشعل زوج لها خصوصاً بعد المقابله الي صارت بينهم | |||||||||
|
| |
|
07-01-16, 05:51 AM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| ( البارت السادس) ( بيت مصعب ) ام مصعب : هاه يابنتي وش رايك اجوان تكلم نفسها : سواها النذل على باله باخاف منه واوافق بس يحلم الخسيس ام مصعب : اجوان انا اكلمك وين رحتي اجوان : سمي يالغاليه معاك ام مصعب : اقول ايش رايك بالرجال انتي موافقه اجوان : مدري يمه بس مبدئين انا مو موافقه ام مصعب : والله ان اخوك يمدحه ويقول رجال وشهم وسمعته ماعليهازودوانا ودي لك بواحد يقدرك ويعزك مايبهذلك اجوان : يالغاليه قفلي على الموضوع انا خلاص مابيه واذا جاء مصعب انا بقوله علشان اجنبك الاحراج دخلت عليهم اسيل هاه نقول مبروك توني كلمت جودي تقول اليوم مو فاضيه بيتاخرون ماراح يجون الا بالليل اجوان : لا يكون قلتي لهم وبعدين انا مو موافق ام مصعب: حياها الله باي وقت انا اصلا بعد العشاء احط راسي واخوك مايجي الا تالي الليل يعني خذي راحتكم اسيل : تسلمي يالغاليه ام مصعب تكلم اجوان : وانت خليك خبله ولاتوافقي ماراح تلقي احسن منه واهله سمعتهم زينه والكل يعرفهم ويتمنى نسبهم اسيل : يمه ماعليك من اجوان لو لها نصيب بتأخذه النصيب يصيب وبعدين وتناظر في اختها : انا ماعلمت حد اجوان : يمه حسستيني انك ماتبيني وودك بالفكه مني ام مصعب : تبغيني اقوم اضربك الحين يشهد الله اليوم الي بتطلعي فيه من هالبيت كنها روحي بس ذي سنة الحياه والرجال زين وانا ودي لك رجال يعزك ويكرمك وراحت اجوان وحضنت امها وهي تضحك يعلني مانحرم منك وطلعت اجوان من الصاله الا جوالها يرن طالعت حصلته رقم غريب وردت بأعتقادها احد من صاحباتها اجوان : هلا مين ًًالمهلي مايولي ياجنوني اجوان : عفواً مين :انا مشعل عسى فكرتي بالموضوع اجوان : خير يعلك ماني بقايله اخلص خلصت ايامك من الدنيا مشعل : هههههه حتى الدعوه منك حلوه كانها بلسم المهم اسمعي اجوان : مافي مهم بيني وبينك وبعدين انسى الموضوع التافه الي قلت لاخوي عنه 0 قاطعهامشعل : مو بزين لك انساه اسمعيني وبعدين بكيفك برأيك انا مشعل الي ابغاه اخذه لو بالموت وترى لو ماوافقتي مو علاقتي بأخوك بتخرب حتى انتي علاقتك به بتخرب لان الكاميرا كانت شغاله ومافيها صوت هذا وغير البوسه وكشف الوجهه وكلام الناس الي بينتشر فكري وحكمي عقلك اجوان ماتحملت كلامه وصرخت : هيه انت ترى قليل من يشوف النجوم بعيده مشعل ضحك عالخفيف : هههه وانا عجبتني النجوم البعيده وابغاها بسماي اجوان : تحلم وتموت وانت وماتطولها مشعل. ماحب يطول معاها لانه عارف ان حركته اساساً غلط بس مضطر : ترى انا لو السيف على رقبتي الي ابيه بجيبه وماخفت من الموت سلام ياجنوني وقفل الخط جلست اجوان تفكر في المصيبه الي طاحت فيها وعرفت ان اخوها مغشوش في صاحبه بس لازم تطلع نفسها من الورطه لان اخوها مايستاهل احد يتكلم على تربيته وهو ماقصر معاها بشي بس هذا صديقه واخاف يصدقه ويشك فيني مو الدليل معاه وبيسوي فيها انه يخاف علي والله نذل ويجي منه اي شي وعرفت اجوان وجههه مشعل الحقيقي وانه راعي خرابيط صحى مصعب على الظهر ومابقى على الاذان شي وقبل ماينزل لامه مر على غرفه اجوان ولقاها جالسه مصعب : هقوتي لو يمر ظله في بالي ماصدق حتى اكحل عيني بشوفته صباحو للحلوين ودخل باسها على جبينها اجوان : هلا بالي شوفته تسر الخاطر ولاضاق الصدر ذكرته ... الله يصبحك بالخير مصعب : الحين انا ماتذكريني الا اذا تضايقتك مقبوله منك يالغاليه اجوان : لاتفهمني غلط بس انا اقصد اني اذكر حتى باأصعب اوقاتي لمن اكون متضايقه يعني على بالي كل حزه جلس بجنب اخته على نفس الصوفا : اعتقد امي قالت لك عن مشعل وترى هو اصغر اخوانه عمره 29 سنه وعنده اثنين من الاخوان اكبر منه ومتزوجين من بنات عمه واخته الوحيده هي صديقتك وراعي مواقف تشهد له بالمرجله وانا ماراح ازعل ولايتغير شي بيني وبينه في حالة رفضتي بس فكري وخذي وقتك ( وله نصيب كبير في شركة جده ويشتغل معي في المنقيه ) اجوان في نفسها لو تدري بالي سواه ماقلت عنه رجال بس الظاهر ممتاز في التمثيل..: ياخوي اعطني فرصه على الاقل لين الليل ووارد لك خبر وسوت نفسها انها متفاجئه انه اخو صديقتها فوز مصعب : حط يده على راسها ومسحه : قطعت عهد على روحي ماتنجبري على شئ وانا حي و وطلع يسلم على امه لانه بيصلي في المسجد وبيروح لعمه وبعدين ل ( منقية الابل ) نزل الجوال من يده وقفل سيارته ومشى لداخل البيت انفتح الباب ومد يده يصافحه ويحضنه :هلا بالطيب الغالي عزيز وشوفتك حلوه مصعب وهومبتسم: يارجال لو الف الدنيا ماحصل مثلك في البكش زياد : افا الحين ارحب واهلي وتقولي بكش مانت كفوا اصلاً تدخل بيتنا ابو زياد وهو يصارخ : زياد وش هالكلام الي تقوله لولد عمك هو الداخل وانت الخارج زياد : يبه اشفيك ترى امزح مصعب راح لعمه وسلم عليه ابو زياد : ولو لاتمزح كذا خلك رجال وتعلم الاصول زياد : الحين يابو زياد ماطلعت الا عند المزح ويوم اني اغني وارحب ليش ماطلعت مصعب : الله ياخذ ابليسك يازياد ولف على عمه ترى زياد يمزح وانا مازعل منه لاني اعرف معدنه الا انت كيفك ياعمي وكيف العيال ابو زياد : بخير ياوجه الخير ليه ماجبت اهلك معاك ترى اشتقت لخواتك ودي اشوفهم قبل ماتسافروا مصعب : ابشر اخليهم يمرونك تأمر يالغالي زياد يسوي فيها رجال ومؤدب : تفضل ياولد العم القهوه جاهزه ابو زياد : ايه خلك كذا تفضل يامصعب مصعب : ماله لزوم خلنا نتوكل وماني بضيف ترى زياد : وعلى الطلاق انك لتشرب القهوه يارجال ماحنا متأخرين وترى لمى مسكينه من يوم قلت لها مصعب بيمرنا وهي تجهز في الحلا والقهوه يعني تعبها يروح عالفاضي ابو زياد : غربلك الله من ولد ادخل بس وانت ساكت مصعب : هههههه طيب يازياد نشرب قهوه وش ورانا دام بنت عمي مسويتها مخصوص لي ودخل استأذن زياد بيروح لغرفته يبدل ملابسه وابو زياد جاه اتصال وانشغل معاه وطلع للصاله وجت لمى سلمت عليه لمن قال لها ابوها تروح تسلم على ولد عمها. وسلمت من بعيد ودخلت القهوه واعطت مصعب الفنجان مصعب تعلقت عيونه بعيونها وماقدر ينزلها قعد يطالع فيها حس ان في عيونها كلام كثير وعارف ومتأكد انهم الاثنين يحملوا نفس المعاناه لمى : مصعب سم القهوه مصعب : صب لي ياآنور عيني من الدله كآنكـ أنت اللي من أجلي مسويهآ دلتكـ تسوى دلال البلد كلًه طعمهآ مملوح من طعم رآعيهآ وردةً فى الفله أحلى من الفله ليتهآ تعرض على البآع وشريهآ أقدر أسيطر على البيت وآحتله صآر ملكي لادفعت الثمن فيهآ لمى : مستحيل يامصعب انسى والثمن مايخطر على بالك مصعب : لو الثمن دم عروقي دفعته بس انتي وافقي ابتسمت لمى لانها تذكرت كلامه لو جلس كل عمره عزابي ولايتزوج غيرها وتعرف انه بالحيل يغليها: سلامة عروقك من الموت تراك مانت رخيص يالغالي ودخل ابو زياد عليهم وصبت لمى قهوه لابوها وطلعت من المجلس وخبر مصعب عمه بخطبة مشعل لاخته بس ماكانت رسميه وعمه فرح لاجوان ودعاء لها بالخير والتوفيق طبعاً مصعب يعرف ان زياد في مرحلة المراهقه وماكان وده يختلط بشباب يخربوه فأهتمه به وكان اغلب الوقت ياخذه معاه وصل مصعب للبر وسلم على ابو العز(حسين) وسأله عن احواله واحوال الحلال وطمنه ان كل شي بخير وانه في ناس جو كانوا يبغون يفاوضونه لجل يشتروا جمل وانهم راح يرجعوا بعد العصر جاء مشعل وسلم على مصعب وكلمه عن مدرب الفرس الابيض وجاهزية الفرس للسباق الي بيكون في نادي الملك عبدالعزيز للفروسيه بالرياض قاطعه مصعب وهو يضحك مشعل : مصعب استخفيت والا اعطاك ابو العز شئ مصعب: وانا اخوك نفسي ماهي برديه مشعل : السموحه ماغير اني امزح الا ادري انك راعي عزيزه لكن استغربت من ضحكك مصعب: تفتكر سالفة الحمار عزك الله ( والسامعين ) مشعل : ايه بس علامه مصعب : الحين اقولك سالفته هذا يالطيب وقاطعه مشعل الطيب فالك وكمل مصعب تسلم بس اجوان شافت صورة الفرس بجوالي وامتحنتني عليه الا تبغاها وانا مالقيت قدامي الا اني اعطيك 1000 ريال علشان تجيب لها الحمار (كرمت ) وخذيته للبيت وتفاجئت لمن شافته وفكتها مناحه وقالت يعلك ماني بقايله وطلعت زعلانه ومن يومها ماطرت لي الفرس مشعل : هههههه وانا مثل الاهبل لو دريت عزة الله ماجبته لك لكن طلبتك يامصعب بعد ماتنتهي من السباق ابشريه منك مصعب كان متكي وعدل جلسته : ابشر بسعدك جتك عطيه ومن الحين بس ترى ماتغلي اختي اكثر مني وانا ماخذيتها الا انها اصيله ولجل تشارك بالسباق وهذا حلمي الا انها حلالك الحين مشعل : وبالحرام ماتجيني دام هذا حلمك بيصير وادري انك تغلي اختك اكثر مني ماغير كنت امزح وبيض الله وجهك ياراعي الاوله زياد جلس يمزح معاهم ويتريق عليهم يعني انبسطوا وراح الوقت وصلوا العصر وزاروهم ضيوف واتفقوا معاهم على السعر وحلف مصعب عليهم مايروحوا الابعد العشاء وصلوا جنى وجودي بعد العشاء عند اجوان واسيل وجلسوا بالحديقه لان الجو حلو وسواليف وحكت اجوان لجنى سالفة الخطبه وانه شافها بالمجلس لمن مروا عليها بس ماقالت لها الي صار بينهم ونطت جنى وحضنت اجوان مبروك ياعمري عساه زواج الدهر وتتهني طالعت فيهم جودي خير وش فيهم ذولا اسيل : ههههه كل هذا لان اجوان انخطبت اجل في الملكه والفرح وش بتسوي راحت جودي لاجوان وباستها وباركت لها جنى ؛ راح نسوي لك ملكه ماحصلت جودي : وفرح بعد كبير اسيل : لا ياحلوه الفرح على العريس احنا علينا الملكه جودي : ايه صح نسيت يالله عقبال لنا وطالعت في اسيل وانحرجت ومسكت يدها ورجعوا لمكانهم جودي : اسيل فكري بالموضوع والله جهاد مايبغى الا انتي فكي عقدتنا ووافقي اسيل : جودي انا قلت راي وبليز قفلي السالفه وخلينا بالمشروع جودي : اوكي لاتزعلي براحتك وبعد السواليف والضحك تعشوا البنات وراحوا لبيتهم جالسات الاخوات في الصاله عند التلفزيون وحاطه اسيل راسها فوق فخذ اجوان وتطالع في مسلسل فاطمه الاعاده واجوان تلعب في شعر اسيل اجوان : اسيل ممكن اخذ رايك في سالفه اسيل عدلت نفسها وجلست مقابله لاختها على نفس الكنبه : كلي اذان صاغيه اجوان : انا ماابغى مشعل بس خايفه منه لانه قال لي كلام ونفذه اخاف ينفذ كمان تهديده اسيل : كيف قابلتيه وكيف كلمك انا مو فاهمه شي اجوان بقولك السالفه تفتكري لمن قلت لك بنطلع انا وفوز وجنى صار لي موقف معاه وحكت اجوان لاختها وهذا كل الي صار بس كلامه صدق خطبني من اخوي قولي لي كيف اتصرف معاه اسيل : انتي لازم تستخيري يمكن يكون فيه خير مو دايم يقولون الخير يكمن في الشر اجوان : استخرت وماحسيت بشئ اسيل : بعدين هو مالعب عليك وجاء من الباب معناته اما انه عن جد متربي وحاسب للصداقه الي بينه وبين مصعب وفعلا حبك او انه بس يهددك علشان توافقي يعني ماراح يسوي الي قالك عليه اجوان : هددني راح يفضحني لان فيه كاميرا بالمجلس كانت شغاله وأن علاقتي بأخوي بتخرب والناس راح يتكلموا فيني اسيل حست بخوف اختها : استهدي بالله اذا مو موافقه مافيه قوه تجبرك اجوان : انا راح اوافق بس والله لأسود عيشته وانا بنت ابويه اسيل كانت بتتكلم ( ان الانتقام مو حل خصوصا في مسألة الزواج ) بس دخل اخوها مصعب وسلم عليهن وبعد السواليف تكلمت اجوان اجوان : مصعب ترى استخرت وحسيت اني مرتاحه والشور شورك ياخوي انت تأمر وانا اطيعك باس راسها مصعب مبروك ياختي وان شاء الله ماتندمي مشعل رجال حتى اليوم بغى يشتري الفرس الابيض لأجلك اجوان : دامك مرتاح له الله يكتب الي فيه خير الا قولي هو كيف كلمك في هالموضوع وهو اصلاً ماجاء بيتنا مصعب : كلمني لمن كنت مستلم بالدوام وطلعنا كوفي وفاتحني بالموضوع اجوان : اها اممم طيب قلي التفاصيل مصعب : هههه من عيوني ياطويلة العمر هو قالي انه يبغى يطلبك مني على سنة الله ورسوله وقال لاتردني ( الكلام الي دار بين مصعب وصديقه ) مشعل : ترى بالصدفه شفتها اليوم ببيتنا وهي تحتري اختي طلعت صاحبتها وعجبتني وعرفت من التحريات انها اختك وانا ماحب اللف والدوران ونيتي نظيفه لاني مارضاها على اختي وابشر بالي تبغيه مصعب : مسوي نفسه معصب بس تفأجى من كلامه كيف شفتها مشعل : قلت لك با لصدفه وانا طالع من الغرفه الي بجنب المجلس البراني مصعب : والكاميرا شغاله مشعل : لو كانت شغاله ماطلعت اقولك صدفه انت غبي حتى كانت مغطي شعرها بس وجهها باين وماناظرتها زين ( يكلم نفسه البلى ماتدري انها هي الي طلعتني من الغرفه ) مصعب : ابشر بعزك انت رجال والنعم فيك وماتنرد بس البنت يتيمه وماقدر اجبرها بشاورها وارد لك خبر وانت بعد هالتصرف اثبت لي انك اخو لي ماجابته امي وباس راسه مشعل : قام يتريق وحط راسه على كتف مصعب وقال :لاتحرمني من وقفتك معي حارب من اجلي مصعب : مشعلوه غربلك الله بعد عني الحين الناس يفكرونا من الجنس الثالث وبعد راسه عن كتفه مصعب : شوف هذا زواج مو مثل صفقات البعارين يعني ماقدر افزع معاك الراي لها انا بس بمدح فعايلك مشعل : محشوم ياخوي ماقصدت كذا مصعب :ههههههه رفع يده على كتف مشعل طحت ومالقيت لك قرار الله يقدم الي فيه خير والله انك تنشرى بالدم واذالك نصيب بتأخذه بس لو انك مسوي هالحركه مع اسيل كان ذبحتك مشعل : اجل الحمدلله انها ماهي بأسيل علشان ماتكوفني مكاني وانا بعز شبابي وحكى لمصعب كيف الصدفه جمعتهم اول مره وهم بالبر والحين خواتهم صاحبات واذا صار نصيب بيطلعوا اهل ونسايب ودعه مصعب بيخلص اشغال ويرجع البيت بدري علشان يكلم الاهل جلست اسيل وحظنت اختها ياعمري الف مبروك وربي تستاهلي الخير ياقلبي وهمست في اذنها ( لاتستعجلي ف الحكم على الرجال ) ضحك مصعب وقال أجلي الحضن والدموع لوقت ثاني واستأذن وراح لغرفته وماقدر يصبر لين الصباح ودق على مشعل وبشره وفرح مشعل وطلب يسوون التحاليل بكره لانه يبغى يملك بسرعه علشان مايكون. عنده عذر لو بغى يشوفها وقعد مصعب يستهبل عليه ويرفع ضغطه بس في النهايه وافق قرر مصعب انه يقول لعمه قبل لايروحوا يسوون التحاليل لو بالجوال انتهى البارت فعلاً اجوان راح توافق وكيف بتتصرف مع مشعل جودي ممكن تلاقي مخرج لازمة والدها اسيل راح توافق بعد الضغط والا لا | |||||||||
|
| |
|
07-01-16, 05:52 AM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| ( البارت السابع ) (بيت مصعب ) صحى الكل وتجمعوا على الفطور قال مصعب لاجوان انهم بيروحوا لمستشفى خاص ويسووا التحاليل لان الملكه بعد مايرجعوا من السفر بكم يوم وتوهقت اجوان وقالت في نفسها : اتوقع ان اهله داعين عليه طيب ياولد اهلك مسوي فيها عاشق وماتقدر تصبر وانا عارفه ان اهلك خاطبين لك بنت عمك بس قلت فرصه هذي بنت حلوه وصغيره اتسلى معاها واذا مليت طلقتها ورجعت لبنت عمي على بالك ماحد بيحاسبك ابشر بالي يونسك وينسيك حياتك ماكنت اخت مصعب مصعب : اجوان انا اكلمك عن التحاليل موافقه نروح اليوم ام مصعب : يابنتي حالتك ماتعجبني كل ماكلمناك بهالموضوع تسكتي اذا مو موافقه بلاه ولاتسوي بعمرك كذا اجوان : لايمه عادي وحالتي مافيها شئ طالعت في مصعب وقالت : الي يريحك ياخوي سوه انا ماعندي اي اعتراض مصعب : اجوان امي صادقه الزواج قسم ونصيب لاتفتكري مشعل بيزعل اوعلاقتي فيه بتهتز لا ابداً ماراح يصير هالشي لان مشعل رجال والنعم فيه واخلاقه زينه مو من النوع الي يفكر كذا صدقيني اجوان سحبت الكرسي ووقفت : مايحتاج تشرح لي اخلاق دام رفيقك وبعدين انا استخرت وارتحت له ومتى ماتبغى نروح نسوي التحاليل انا جاهز استأذنت اجوان من اهلها وراحت لغرفتها وهي ماسكه نفسها لاتطلع دموعها وتفضحها طبعاً الوقت ماراح يكفي تجهز نفسها للملكه بس لانها ماتبغي مشعل يدق عليها ويهددها فماتكلمت اسيل حاولت تبين لاأمها واخوها ان الوضع طبيعي واي بنت بترتبك وتفكر كثير في هالمواقف لانها بتقدم على حياة مختلفه وهي بتنحرق على وضع اختها وجلست تفكر بأي مخرج وقف مصعب : الحمدلله ام مصعب : بالعافيه مصعب : يعافيك ويصح بدنك يالغاليه اجل بقول لمشعل يسبقنا للمستشفى وانا بكلم عمي واخذ اجوان لانه مابفضى الا اليوم وخير البر عاجله ام مصعب : الله يقويك ويوفق اختك وصعد مصعب لجناحه ( بيت ابو جاسم ) جودي لمن شافت جهاد مضغوط بالقضايا قالت له يتفرغ لشغله واذا احتاجت منه استشاره قانونيه رجعت له لان جاسم كان معاها طول الوقت لدرجه اخذ اجازه من الدوام وحصلت على فكره وقالت لاخوها ووافق بس طلبت انه مايقول لابوه شي ( بيت مصعب ) اسيل كانت خارجه من المطبخ وشافت اختها لابسه العبايه اسيل ابتسمت : جوجي فكيها ماتدري ايش الي يصير الغيب عند ربك يمكن خيره اجوان ابتسمت بسخريه : فكينا يرحم والديك اي خيره انا حتى خطبتي مو مثل الخلق تهديد وقلة حياء خليها على ربك وطلع مصعب من البيت معه اخته متوجهين للمستشفى وصلوا المستشفى مصعب: هلا بالنسيب شكلك نايم هنا مش : ههههههه مو لهذي الدرجه وقف وسلم على مصعب وقرب منه وهمس له : مانمت البارحه صارت هوشه بالعايله اعلمك عنها بعدين وناظر في اجوان مشعل : اشلونك يا أجوان هي طالعت فيه باستهتار ومسكت بيد اخوها وماردت عليه مصعب حس باأحراج مشعل وحب يغير الموضوع : هههههه غربلك الله البنت خايفه وحضنها مصعب ومشى وهو يكلم مشعل : خلاص اذا تقابلنا بعون الله في الخيمه علمني وراحوا للمختبر الممرضه وين الي بيسوون تحاليل مشعل : انا والعروس (متعمد يقولها) وطالع في اجوان وقرب يده لها وسحب يدها تجلس جنبه لان مصعب مادخل معاهم لان الممرضه رفضت سحبت من مشعل دم ولاشعورياً طالعت فيه اجوان وهو مغمض عيونه اجوان : توجع صح مشعل طالع فيها ( اخيراً تكلمت بس في راسه موال ) ايه كثير ولمن طلعت الممرضه ابره وسحبت يد اجوان صرخت بخوف وقالت : خلاص ماني موافقه ماعاد ابي اتزوج بس الممرضه طنشتها وطلبت من مشعل يمسك يدهاالثانيه وهو ماصدق مسك يدها وقرب منها وهي من الخوف دفنت راسها في صدر مشعل وهو حط يده الثانيه على راسها ومستمتع وخلصت الدكتوره وطلعت واجوان على هالحال رفعت راسها : خلاص اخذت دم مشعل : بعد عنها ينزل كم ثوبه ايه من زمان اجوان : ليه تكذب وتقول لي تعور يعلك ماني بقايله مشعل : هههه تراني رجال مو بزر اخاف من ابره اجوان : الا قول ماهر في التمثيل والكذب مشعل انصدم من الكلام واستغرب : اجوان ايش هالكلام حتى لو اني غريب المفروض يكون بيننا احترام اجوان وقفت واخذت شنطتها وهي طالعه من الغرفه : بتظل غريب عني ولو صرت قريبي وقفلت وراها الباب علشان مايلحقها مشعل جلس ومسح على راسه : البنت هذي كيف تفكر وايش قصدها بكلامها انا صح غلطت بس والله من خوفي انها ترفض انا لاشعورياً حبيتها ماعاد اشوف غيرها يعني هذا ذنبي لو بيدي اوووف ايش قاعد تقول بس الحين كيف اتصرف مع هالهبله قوم يامشعل قوم وربك يفرجها وبعد فتره من التفكير طلع علشان يعرف متى بتطلع النتيجه ومصعب اخذ اخته وراح للبيت بعد ماقالت له اجوان ان مشعل مشغول مع المختبر يعطيهم معلومات وطلب منا نروح البيت وصلوا البيت واجوان طايره من الفرح مسكتها اسيل وطلبت منها تقول لها الي صار بالمستشفى وهي ماقصرت لانه كان واضح عليها الراحه بسبب الكلام الي قالته لمشعل ( بيت ابو محمد ) نروح للهوشه الي قال عنها مشعل ابو محمد : الساعه المباركه ياولدي لي ٤ سنوات وانا احن عليك وتركت بعدها بهواك عاد عمك ابو عبدالله بيفرح مشعل ضاق خاطره لانه فهم قصد ابوه قال مافيه الا احطه بوجهه المدفع : يبه العروس اخت مصعب وصديقة فوز ابو محمد: عصب ووقف يصارخ وش قلت ليه بنت عمك تغريد وش فيها وحنا خاطبينها لك من سنه ورى ماتكلمت انك ماتبيها وين اودي وجهي من اخوي مو كفايه سواتك في بنت عمك علي من سنتين مشعل : الظاهر انكم ماسمعتم رأيه ولانطقت بالموافقه وانا ماسكتت لاني ابيها وعمي علي قدر موقفي والزواج ذاك انتو غصبتوني عليه الا انا من اول قلت لكم مابغاها ابو محمد : ليه وش لقيت في اخت مصعب مختلف عن بنت عمك ياولدي خاف الله فيني على اخر عمري اتزاعل مع اعمامك بسبتك مشعل : استغفر الله يبه انا ماعرف البنت وبنت عمي ماعليها زود واذا على عمي لاتشيل هم انا بخبره بمعرفتي وانت يايبه تزوجت على امي كذا مره مسيار ولمن سألتك قلت من حقي اشبع جنسياً وانا ماعترضت مع اني انقهر على امي الف مره وانت عارف ان كل بنات العايله مافيهم هالصفه ومتأكد او بالاصح ماعندهم ثقافه عن الزواج فلاتلومني يبه ولاتقول لي اخوانك مالهم مشاعر هم بكيفهم اما انا اخترت البنت وبكره بنسوي تحاليل وفي العصر بنروح للخطبه خبر الاهل واعمامي مابيقولوا شي لانهم عارفين الا الزواج ماحد ينجبر عليه دخلت ام محمد مع اولادها محمد وفايز وبنتها فوز ولمن قال لهم ابوهم عن الخبر قاموا اخوانه يخاصمونه ويهاوشونه وامهم تهدي فيهم بس مشعل قال انا قلت كلمه للرجال ماني راجع فيها وابوي موافق اذا بتجون حياكم واذا بتروحوا القلب معاكم فايز : صدق ابو طبيع مايجوز عن طبعه فشلتنا مع عمي علي تركت بنته يوم الملكه وسافرت والحين لنا سنه خاطبين بنت عمي عبدالله وماعترضت ولمن طلعت البنت المناسبه على قولتك قلت اخطبوهالي انت ماتحس ليش ماعندك مسؤوليه محمد : فايز خلاص مو لهذي الدرجه استهد بالله مشعل : اسمع يافايز لا انت ولاغيرك بيغيروا رأي في اخت مصعب صحيح لو بتروحوا معاي برفع راسي فيكم بس تذكر يوم ملكتي على بنتي عمي علي جيت عندك وقلت يافايز ساعدني انا هالزواج ماجاز لي وقلت لي بيجوز لك مع العشره ورفضت تساعدني لانها اخت زوجتك رفضت توقف معاي لذلك انا ماطلبت منك خدمه الحين اوكي وطلع مشعل وواضح عليه الغضب والتوتر وام مشعل حطت يدها على قلبها لاتصير مشاكل مثل اول على هالزواج الي ماتدري من وين طلع هالوقت الي رضي فيه ابو محمد على ولده بعد ماقاطعه سنه كامله لمن ترك بنت عمه يوم الملكه وبلغهم انه في المطار بيسافر لانه مجبور على هالزواج والي الكل انصدم منه وبعد المحاولات والاقناعات من اخوان ابو محمد واولاده محمد وفايز وافق ان ولده يرجع وتصالح معاه وجلست ام محمد تذكر الله وتستغفره فوز : يبه مشعل صادق خلوه يشوف حياته يعني بينحرم من الزواج والسبب هالعايله المفروض توقفوا معاه بعدين خلاص ايش هالتعقيد الزواج نصيب مو لازم من العايله خلاص فكونا من عاداتنا وتقاليدنا الي بتحرمنا من ابسط حقوقنا فايز اكثر واحد يعصب بسرعه بس قلبه طيب : انكتمي انتي والظاهر متفقه معاه اكيد مو العروس صديقتك ام محمد : لاتظلم اختك ياولدي هي مادريت الا البارح وصديقتها ماعمرها جت البيت ماغير اخوها صديق اخوك فوز : امي صادقه محمد : خلاص ياجماعه استهدوا بالله يوبه مشعل وتعرفه الي براسه يسويه خلنا نروح معاه وان شاء الله اعمامي ماهم بقايلين الا كل خير لاتنسى هذا ولدنا لزوم نبيض وجهه ونوقف معاه وسمعته من سمعتنا وشرفنا ابو محمد : وهذا الي بيصير الله يكتب الي فيه الخير ارتاحت ام محمد لكلام زوجها وابتسمت اما فوز كان واضح عليها علامات الفرح مشعل بمجرد ماهدي شوي كلم عمه عبدالله وكان متفهم وقال الله يوفقك ووعده انه بيروحوا معاه للخطبه رجع مشعل البيت وفي يده اوراق كانت امه وفوز بانتظاره فوز : كللللش وعريس الزين يتهنى مشعل ابتسم علشان مايخرب فرحة اهله الا ان كلام اجوان مازال يدور في راسه وماهو عارف كيف يوضح لها المقصد الحقيقي واشغل وقته بالتفكير وراح باس راس امه وسلم على اخته ام محمد : الله يتمم لك على خير ياولدي والله يوم المنى اشوفك عريس فوز : من قدي زوجة اخوي صديقتي ومعاي في نفس التخصص وااو لاهم بعد اليوم مشعل : اقول اعتمدي على نفسك اجوان حتى بتنساك ابغاها تكون لي بس فاهمه ولاشوفك بالدقايق بجناحي فاهمه والا ترى من الحين بطلع بيت لوحدي هند دخلت عليهم وباركت لمشعل مشعل : الله يبارك فيك ياأم سلطان ام محمد : اجل انا بجهز اغراضك دام بتروحوا بالليل عند اهل العروس فوز : تكفى شعولي خذني معاكم مشعل : وين تروحي معانا كل رجال العايله بتروح وين احطك انثبري بالبيت امي اغلى منك وماخذيتها طبعا راح مشعل وابوه واخوانه واعمامه للخطبه وكان ابو زياد وولده مع مصعب لأستقبالهم مصعب قال بصوت جهوري مصعب : ياجماعة الخير دامكم فوق فراشي ترى العشاء جاهز وهذا واجبكم وقف ابو محمد : تسلم يامصعب اشهد انك رجال بس ماله داعي الملكه وبعد كم اسبوع خلنا نتوكل وانا ابوك مصعب : انا حلفت يابو محمد والعشاء مو بمتأخر ابو زياد : مثل ماقال مصعب هذا واجب والله يحيكم ابو محمد واخوانه بردود مختلفه : تسلموا وماتقصروا بس ماحبينا نكلف عليكم ومن هذا الكلام مشعل يهمس لابوه : يالغالي كلمه ابغى اشوف العروس تراها نظره شرعيه يعني من حقي ابو محمد : ادري بس اصبر شوي زياد بعد ماصب القهوه والشاي جلس بجنب مشعل زياد : مبروك يالنسيب مشعل : احم احم الله يبارك فيك وعقبا لك زياد : ترى اجوان تقول القمر اذا اكتمل ينشاف مره وحده مشعل فهم القصد : هيا قالت كذا طيب مو مشكله زياد : ترى انا مو فاهم ايش تقصد هالخبله انا قلت لك كلام مو واضح مشعل ابتسم : مشكلتك مشعل ميل راسه لابوه وطلب منه مايقول لهم عن الشوفه احترام لرغبة اجوان ولانه متأكد انها مابترضى تطلع له وبعد العشاء الكل راح لبيته (بيت ابو جاسم ) جنى مسترخيه على الكنبه الي بالصاله الي في الدور العلوي وفي اذنها سماعة الجوال جنى : خلاص بكره قبل ماتسافر نمر عليها رحلتهم بالليل يعني معانا وقت فوز : طيب بس انتي مريني انا السواق مشغول مع زوجة اخوي ومافي احد فاضي لك جنى : اتوقع انتي الي لازم تمريني خلاص صار في يدك مفتاح سحري لو طلبتي من مشعل ماتوقع يرفض مو اجوان غاليه فوز : لا ياقلبي هو من الاساس يروح لهم لاتنسي ان مصعب صديقه جنى : مانسيت بس الحين الوضع اختلف ماعلينا خلاص امرك ولايهمك بس مو زي كل مره تتأخري عليه القاك جاهزه والا ترى بمشي فوز: من عيوني يالله باي جنى : بايات ( بيت مصعب ) البنات كلموا اجوان وتجمعوا عندها لمى توزع الحلا والقهوه مع اسيل واجوان جودي : شوفي اجوان انتي انخطبتي لازم تأخذي ذولا معاكي مايصير تتزوجي وتسيبيهم فوز : ياليت والله من بؤك لباب السماء اوصل بيتنا يقولوا لي ولد خالتي خطبني البنات كلهم : ههههههههههه جنى : مو لهذي الدرجه صحيح احب باسل بس قاطعتها اجوان : بس ايش المهم انا اعرف ناس ولد عمهم يموت في التراب الي يمشوا عليه وهم يتغلوا لمى اخذت وساده صغيره ورمت على وجه اجوان وقالت : انقلعي انتي تزوجي ومالك شغل في الباقي فوز : ياليته ولد عمي وماحدن يلومني في حبه لان الحب على غير الشرف مذمه ماقول غير الله يبعد الحساد عن دربه اسيل : ياقلبي عليك حالتك مره صعبه جودي همست لأسيل : علشان تحسي في جهاد الي يصحي ويجلس وينام على سيرتك انا ابغى اعرف انتي وش سويتي خليتيه يقلب على سالفة الزواج بعد ماكان يكره هالطاري أسيل حمرت خدودها من الخجل : جودي خلاص انا قلت بافكر بليز لاتكلميني في هالموضوع انا بنفسي اذا اتخذت قرار كلمتك جودي : اوك استناكي لمى وقفت : بنات بالاذن يادوب يمديني اروح اجهز الاغراض ويبغى لي ساعه علشان اوس واسامه يجهزوا بس بصراحه انبسطت معاكم جنى وفوز وجودي بردود مختلفه : واحنا كمان انبسطنا معاكي : تسلمي ياقلبي ومن ذا الكلام خرجت اسيل مع بنت عمها علشان توصلها عند البوابه لمى : زياد النذل قلي اطلعي انا عند الباب وماشوفه أسيل : اصبري يمكن الحين يشرف او يمكن راح له مشوار قريب ويرجع مصعب توه دخل بسيارته وشاف البنات عند البوابه ونزل نظارته وراح لجهتهن مصعب : مساء الخير ياصبايا لمى واسيل : مساء النور مصعب : خير عسى ماشر واقفات عند الباب لمى : ابد استنى مصعب اقصد زياد قلي اطلعي انا عند الباب مصعب في قلبه فديت من يغلط بأسمي بس ماحب يحرجها لانه كان واضح عليها : ايوه كان هنا قبل شويه وكلمني اوصلك لان عمي ارسله باأوراق عند واحد من اصحابه اسيل : ليه انت جيت البيت من زمان مصعب : لا تقريباً قبل خمس دقايق لمى : اها طيب يالله خلينا نمشي علشان مانتأخر على اوس وأسامه مصعب : يالله اسيل دخلت للبيت وانضمت للبنات اما لمى كان مصعب محرجها في الكلام لمى : مصعب خلاص قلت لك غلطه انا متعوده اغلط حتى باسم زياد وابوي مصعب مسك يد لمى ورفعها لفمه وباسها : لمو ترى انا طلبت من زياد يروح وانا اوصلك مشتاق لك وابغاك بجمبي. لمى : ايوه اعترف يعني متعادلين مثل ماغلطت باسمك لاني افكر فيك حتى انت مو خالي مصعب : انا صريح وماأخبي حبي لك بس انتي ( ضربها بالخفيف على جبينها ) مو راضيه تحني مني لمى وصلت البيت وقبل لاتنزل طالعت في مصعب وقالت : ترى اذا حاولت اخبي حبك بيفضحني الشوق مصعب : حياتي انتي وعمري ودنيتي اسمعي اليوم بالطائره بتكون انتي جمبي اوكي لمى اكتفت بالابتسامه ونزلت دون رد اما مصعب مازال يفكر في كلامها وابتسامتها وكل شي في لمى مستحيل ينساه وهو الي حبهامن يوم هي صغيره بس وفاة والده ووفاة ام لمى تقريباً اشغلت كل واحد عن الثاني ( الرحله الي دبي ) في المطار كان مصعب وزياد يخلصوا الجوازات ويقصوا البوردات بعد ماسلموا على ابو زياد وودعوه ومشى مصعب وزياد لناحية الاهل مصعب : يالله مشينا وركبوا الطائره مودعين ارض الوطن للاستمتاع بالاجازه كانت ترتيبهم في الطائره اجوان جنب اوس واسيل مع زياد واسامه عند مصعب وام مصعب ولمى جنب بعض زياد بدل مع اوس علشان تكون اجوان جمبه ويتسلوا زياد : ايش تسوي بالجوال اجوان : لقافه ياشينها المهم جالسه اغير البورسنال في البي بي زياد : دام لقافه ليه تعلميني ياثرثاره نزلت الجوال وضحكت وبدا زياد جوه كالعاده لانهم ايش مايسوا في بعض مايزعلوا وطبعاً مصعب رجع اسامه ونادى لمى الي دخلت معاه سوالف وضحك وماحست بعمرها ولا بالوقت لمن وصلوا الفندق مصعب قال لهم عازمهم عالعشاء في برج العرب والكل انبسط اجوان : بس انت وعدتني تودينا برج خليفه مصعب : صحيح بس مالقيت حجز فل كلمت واحد اعرفه يدبر لنا هاليومين ووعدني اسيل : ايش تفرق مكان تأكلي فيه وتنامي وتنبسطي زياد : صادقه مصعب : لا انا عند وعدي يالغاليه اوديك برج خليفه واعشيك بأعلى مطعم في العالم انبسطتي اجوان : على بالي بعد العشاء طلعوا لقمة البرج وشافوا دبي بشكل مختلف وكان المنظر ولا اروع مصعب حس ان لمى خايفه قرب منها ومسك يدها بقوه وضغط عليها وهي طالعت فيه وابتسمت وتركت يدها بيده مصعب قرب منها وهمس في اذنها : احبك وماتكفي لوصف شعوري لمى تطالع لسماء : امممم طيب واذا قلت لك وانا بعد مافي شي يوصف شعوري لك بتصدق مصعب قرب من لمى لدرجة ان خشمه صار قريب من خشمها وحس بانفاسها : الا بكون اسعد واحد ياعمرمصعب انتي ( طبعاً اجوان ضبطت الجو لااخوها وراحوا للجهه الثانيه يعني مافي رقيب يأخذوا راحتهم ) لمى : مصعب لو سمحت بعد عني مصعب نزل راسه لحد ماوصل فمه لفم لمى وكان بيطبع بوسه على شفتها بس لمى بعدته لمن حست بصوت يقرب منه مصعب حس على نفسه وقال : اسف لمى ماحسيت بعمري لمى : اوك مصعب خلنا نرجع الفندق ترى تعبت مصعب حس ان لمى تضايقت من حركته : لمو خلاص والله مو بيدي لاشعورياً ودي اضمك ودخلك جو قلبي قاطعته لمى : بس يامصعب انت عارف ان الي نسوي غلط مايصير نتمادى فيه مصعب ابتسم : اوك بحاول بس ماوعدك وقفت لمى وطالعت فيه وشافته مبتسم ونزلت راسها وابتسمت وهم راجعين كان ماسك بيدها طبعاً زياد اخذ الاهل ونزل قبلهم وارسل لمصعب على جواله انهم سبقوه للفندق علشان يرتاحوا في الاسنصير قربت وحده من مصعب وقربت كتفها على كتفه اضطر مصعب يقرب من لمى علشان يبعد عنها بس كانت البنت جرئيه وقالت : اتوقع مو إمارتي بس طالع باللبس الامارتي جونان مصعب : اتوقع انتي بعد سعوديه بس للاسف شوهتي اسم اهلك وديرتك بلبسك يابنت الناس احسبي حساب للي ارتبط اسمه بأسمك والا انتي خلاص ماوراك اهل البنت ضحكت بشكل استفزازي : مقبوله منك بس pleas give me the number phon لمى تحس انها بتنفجر من القهر : انتي ايش رايك تروحي معانا الجناح ترى هذي الطريقه افضل تتعرفي فيهابدل رقم الجوال البنت : سوري انا كلمته فلا تدخلي وهو لو يطلب مني اروح معاه لو بالمريخ مصعب ماحس بنفسه وضرب البنت كف وشدها من شعرها وانفتح الاسنصير ودفها على الارض لانه يكره هالحركات وماهو من الشباب الي تفكيرهم يكونوا علاقات مع بنات الناس لانه يخاف على خواته وعرضه وياكثر ماتجيه قضايا شرف في مكتبه وكان شديد وصارم في هذي الامور البنت تصارخ وهي طايحه : ياقليل الادب والله لأربيك على بالك في السعوديه الكل تجمعوا من قوة الصوت والشجار الي صاير من عمال النظافه والموظفين الي يشتغلوا بالفندق وكمان الموجودين فيه مصعب : انت ربي نفسك بالاول وتعلمي الادب لان فاقد الشئ لايعطيه و تبغي تشتكي يالله قدامي الحين وانا بنفسي اعترف بكل شي سويته واشر على لمى هذي الي ماتعجبك تراها زوجتي وتسوى اهلك وقبيلتك تدري ليه لانها محترمه يامحترمه طبعاً من ضمن الموجودين كان فيه مؤيد ومعارض لموقف مصعب مصعب مسك بيد لمى ومشى وترك البنت مرميه على الارض وكانت تمسح دموعها وتزبط شعرها الي انحاس من كثر الشد لمى حست ان مصعب واصله معاه قالت : انا اسفه بس والله اغار عليك مصعب طالع في لمى وابتسم عالخفيف وكمل مشي دخلوا لجناحهم ودخلوا في سبات عميق طبعاً كان الجناح كبير غرفتين بمنافعها وصاله واسعه وبلكونه ومطبخ لمن صحيوا في الصباح زياد جالس يلبس اخوانه الشال والقفازات والكابات لانهم بيروحوا سكاي دبي عاد هذا المكان منطقه بارده عند البعض ومعتدله عند الاخرين بس الثلوج مستمره فيها طول العام لمن وصلوا هالمكان اول شي سوه ركبوا التلفريك علشان ياخذوا جوله كامله لمن خلصوا منه مصعب اخذ اسامه وأوس علشان يوديهم يلعبوا مع الدلافين في البدايه رفضت لمى بس لمن طمنها مصعب ان الوضع عادي والكل يستمتع مع الدلافين طبعاً اسامه واوس جلسوا يترجوا في اختهم لحد ماوافقت زياد اخذ البنات وام مصعب وراحوا المول رجعوا للفندق منتصف الليل الكل راح لغرفته يبدل ملابسه ويستعد للنوم مصعب ماجاه النوم وسولف مع زياد لحد مانام زياد واخذ نفسه وراح لغرفة البنات وجلس يدق بالباب اجوان فتحت الباب : خير مصعب تحتاج شي مصعب : اي اجوان : آمر مصعب : فيك نوم لاني متملل ودي اسولف مع احد اجوان : على امرك تعال بالبلكونه الجو اليوم حلو وهم جالسين يسولوفوا بالبلكونه اجوان : متأكد يامصعب يعني خلاص اذا رجعنا الديره بتكلم عمي مصعب : اكيد بخطبها من عمي انا ماصدقت اخذ منها مؤشر واضح اقولك لمن صارت المشكله حسيت انها ماترضى عليه وهي دايم تقول تزوج ترى من ورا قلبها وهذا اكبر دليل والا انا غلطان اجوان : مصعب كلنا نعرف ان لمى تحب تراب ارجولك وانت نفس الشي وش الجديد يمكن لانها كانت معاك بنفس المكان بس لو رجعنا الديره بتكون بعيده صح بتتآلم بداية زواجك لو افترضنا انك بتتزوج غيرها بس يمكن مع الوقت تتأقلم يعني فكر انا مابغى اي موقف تحكم عليه يامصعب والله لمى تحبك وتموت فيك بس مشكلتها في اخوانها صح هاليومين زياد يحاول يشغلها عنهم علشان تهتم بنفسها بس ترى تفكيرها معاهم وغير كذا يامصعب حط في بالك ان الرفض وارد فلاتستعجل صحيح اتمنى يتم زواجكم وتنبسط بس مابغاك تنصدم ترى كلامي ذا ياخوي مو علشان احطمك بس الواقع ولانك ماتبغى تفكر فيه وعارف انه صح فكرت بالشي الايجابي مصعب وقف على حافة البلكونه وتكى وسرح لبعيد اجوان حزنت على شكل اخوها وندمت على كلامها المفروض تجاريه طالما هو جاي ينبسط انسحبت اجوان ودخلت الغرفه لانها عارفه ان مصعب في هالحال مايحس بعد فتره طلعت لمى من الغرفه وكانت رايحه للمطبخ لمى شدها شكل مصعب ورجعت عنده لمى لاشعورياً : صعوبي ايش فيك عسى ماشر مصعب دار وجه : هلا قلبي الشر مايجيك بس مافيني نوم الا انتي ايش مصحيك لمى : عطشانه وراحت للكرسي القريب من مصعب وجلست عليه وكملت كلامها : يعني انت مانمت في شي شاغل بالك مصعب : لآ تسأل آلسرحآن في من ' يفكـر ' لوكآن يبـي يعترف ( لك ) حكآلك يمكن في بآلـه بـآب لَكـن [ مسكر ] و آلبآب هذآ هو إجآبة .. ( سـؤآلك ) لمى جلست تطالع بعيونه فتره لمى : ادري تفكر في الي صار اليوم اي يامصعب انا احبك ومارضى تكون مع غيري يمكن انجن لو تزوجت غيري يامصعب هذي مو اول مره اعترف لك بحبي والله والله لو تبغي قلبي لأطلعه لك بين يدينك اذا هالشي يريحك بس قولي انت ايش الجديد في الموضوع لااعترفي فادك ولا مشكلتي انحلت ونزلت دموع لمى مصعب سحب الكرسي وجلس قريب منها ومسك يدها الثنتين مصعب : ترى مافي مشكله بالاساس انتي تتوهمي ياقلبي خلينا ننسى هالعقبه انا محتاجك لمى تعبت وربي من كثر التفكير ماعاد فيني صبر واذا اعلنت جنوني بسببك ترى لمى سحبت يدها ومسحت دموعها وابتسمت عالخفيف مصعب يطالع فيها : لمو اذا رجعت للديره قدامك خيارين وبتقبلي فيهم اما اتزوجك والا اخطفك لمى : فيني افكر في الخيارين مصعب : لا لانه ماقلت لك هالكلام علشان اخذ رايك لمى ضحكت : ههههههه مصعب : فديت المبسم وراعيه تصدقين رغم الضيقه الي فيها الا اني انبسطت بالجلسه معاك يابنت انتي ساحره والا ايش لمى : وتصدق نسيت اني عطشانه مصعب : اسقيك من عروقي لين تروين وقولك فداك ياكامل الزين لمى حست بااحراج : تسلم يالغالي مصعب وقف وميل نفسه وطبع بوسه على جبين لمى ودخل لغرفته لمى جلست تفكر في كلامه وحركاته ونسيت انها عطشانه وماانتبهت على حالها الا من اذان الفجر وراحت صلت ونامت ( بيت ابو جاسم ) فوز : يابنت اقولك بيرجع في رمضان وخالتي بتسوي عشاء كبير لانه تخرج وتقول انها بتفتح معاه موضوع الزواج وقالت لامي تأخذ راي لانها تشوفني انسب وحده بس المشكله جنى : خير يافوز وين المشكله فوز : ماتعرفي عادات عايلتنا لازم البنت لولد عمها اخاف ابوي يرفض حتى امي فكرت نفس تفكيري انا خايفه ياجنى انتي ماتعرفي قد ايش انا احب بندر واموت فيه تخيلي بس اهلي يزوجوني واحد من عيال اعمامي ترى بنتحر جنى : يابنت ايش هالشؤوم تفألوا بالخير تجدوه بعدين ماتدري يمكن نصيبك معاه انتي لاتكدري خاطرك طالما انك مستانسه ترى العمر واحد فوز : صح كلامك الا ايش اخبار اجوان من سافرت ماكلمتني جنى : انا بس ترسل لي مو فاضيه للمكالمات تقول ماعندها وقت تعرفي لازم تجهز للملكه فوز : الله يوفقها ويتمم لها على خير وعقبى لنا جنى ضحكت : امين الا اشربي العصير من اول وانتي تتكلمي على هالبندر وترى اليوم بنروح المول فيه اشياء ناقصه وابغى اكملها قبل ماترجع اجوان لانها محتاجه وقفتنا فوز : اوك تأمر امر زوجة الغالي جودي جالسه بمكتب جاسم جاسم : خلاص صار الي اتفقنا عليه جودي : كويس بس لازم نكون حذرين ونتوقع اي شي جاسم يلم اوراقه ويدخلها بالشنطه : اكيد واكثر من اللازم جودي : وهالدكتور الي رج بابا على هالمشروع اطردوه من الشركه وارتاحوا جاسم ابتسم : صعب الا تدرين ان عمي جابر سافر البحرين يسلم على بناته طبعاً ابوي وعمي بدر وعمي سعود هم الي اقنعوه جودي : عمي جابر مادري كيف تفكيره ليه مايجيب بناته هنا يتعلموا جاسم : ماله وجه لان زوجته لمن مرضت تخلى عنها لانه توقع انها بتموت والحين اهلها مايبغون عمي جابر والصراحه معاهم حق عاد عمي جابر مو حق مسؤوليه ترك البنات عندها عناد فيها ومامشى لهم مصروف الا لمن كبروا شوي واحس بناته مايحبوه الله يعينه جودي : براحته مو صغير يعرف يدبر عمره المهم انا بروح عند جهاد ودي اخلص من هالموضوع واتفرغ لدودي تراه يفكر بالزواج بس العروس رافضه جاسم ضحك : هههههه من جدك وليه رافضه جودي وهي طالعه : بعدين اقول لك النهاااااايه هل فعلاً مصعب راح يخطب لمى بليزز شاركوني باقتراحاتكم وردودكم الكاتبه مابعد الكلمه | |||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
