واغار من كف الهوى لا شال عطرك وانتي لي / lmyaaa9

[لامارا]

	، بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته ، نقدم لكم رواية واغار من كف الهوى لا شال عطرك وانتي لي للكاتبة / lmyaaa9 ، ، قراءة ممتعة لكم جميعاً...... ،

[لامارا]

بسم الله الرحمن الرحيم
السلام عليكم ورحمة الله وبركاته… حبيت انزل لكم روايتي الاولى(واغار من كف الهوى لا شال عطرك وانتي لي) واتمنى انها تنال على اعجابكم ولكن ابغى تفاعلكم معي بالردود الجميله واقبل اي انتقاد لان انتقاداتكم هي سيفي واتمنى ان الانتقاد ما يتضمن سب او تجريح
وما احلل من ينقل روايتي وينسبها لنفسه
،

[لامارا]

كانت في المول بتشتري هديه لصاحبتها لانها ولدت و هي تتمشى صدمت بصدره العريض وما حست الا بريحة عطر رجالي قويه تمكنت منها ووصلت لرئتها لكنها رجعت على ورا بسرعه ولفت عشان تبعد عنه مشت بسرعه وهي ميته خوف وتندب حظها الي خلاها تصدم في وما تنتبه للي قدامها.. اما هو وعى من سرحانه الي كان على شكلها بالعبايه المخصره واللثمه الي خلت منها شي خيالي مع شنطتها اليد الي كانت بلون بيج وحاول يمشي وراها بدون ما تحس فيه ودخلت محل ملابس اطفال عشان تشتري هديه للبيبي لكنه ما دخل وراها بس وقف قريب من المحل ينتظرها تخرج وفعلا خرجت بعد شوي واول ما خرجت راح وراها يبي يغازلها لكنها فاجاته بنظرة الاستحقار وتهديدها انها تنادي رجال الامن اذا ظل يلاحقها وانها حاسه فيه من اول ما بدا يلحقها وراحت اما هو انقهر منها لانهااول وحده تستحقره وتهدده وقال في نفسه/هين ان ما خليتك تزحفين وراي ما اكون عزام…..............( عزام: عمره20سنه شكله جذاب مررره يعني حلم كل بنت ودايما البنات يخقون عليه بس هو ما يعطيهم وجه لكنه مغرور وشايف نفسه بزياده ورافع خشمه ع الكل الا اهله)اتصلت هي على السواق عشان يجي ياخذها من المول على بيت صاحبتها وجا بعد عشر دقايق السواق ووصلها لبيت صاحبتها لمى الي تعرفها من زمان……………… (لمى: تؤام عزام لكنها متواضعه حيييل ومرجوجه وجريئه مرره عمرها 20)دخلت البيت بعد ما فتحت لها الخدامه الباب وسالت الخدامه عن مكان لمى.. الخدامه/ماما لمى في الصاله.. سلمت على لمى بحراره وفصخت عبايتها الي كانت تخفي تنوره سودا سترتش مخصره ع الجسم وقصيره من قدام ل ¼ الساق ومن الخلف لها ذيل طويل نسبيا وبلوزه بيضا كم طويل مصفطه اطرافها بزرار فضي لماع ولها ياقه دائريه مرتفعه مفتوحه من عند الصدر شوي وفوقها جاكيت عباره عن بودي ساتان اسود من تحت الصدر بس مغلق بزرارين فضيه تلمع وشعرها الي وصل لنهاية اكتافها بلونه الكاكاوي الفاتح وقصته المدرجه تركته منسدل وكانت ماسكه الطرف الايمن بمشبك على شكل فراشه فضيه والطرف الايسر كذلك ومو حاطه الا ماسكارا وراسمه عيونها وختمت كشختها بشوز اسود واطي عباره عن خيوط متضاربه على رجلها لحد ما تنربط بشكل ورده على نهاية الساق اما بالنسبه للمى فكانت لابسه فستان قصير لتحت الركبه ليموني ومقلم برمادي فاتح وشريطه تحت الصدر مخمل رماديه وكانت رابطه شعرها ذيل حصان بشريطه ليمونيه على شكل فيونكه ومنزله كم خصله قصيره على وجهها بشكل يجنن وحاطه بس ماسكارا وروج وردي كانت انوثه ونعومه متجسده بعد السلام الحار ..لمى/والله محلوه ي دوبجوري بغرور مصطنع/ادري.*لمى/ي شين الواثقه…………… ..……… .… (جوري: عمرها 19تدرس في الجامعه صديقة لمى الروح بالروح مرره طيبه اما شكلها بيضا مرره شعرها كاكاوي فاتح يوصل لنهاية اكتافها وعيونها وساع ولونها عسلي فاتح تدوخ الي ما يدوخ ورموشها كثيفه وشفايفها ممتلئه بشكل مغريرولونهم وردي خلقه وخصرها منحوت يعني باختصار فتنه)وكملت جوري /اي صح فاتك اليوم في المول صار لي موقف خطييرلمى بحماس/ وش صارجوري/كنت امشي…( وعلمتها بالسالفه كلها)اما لمى دخلت في نوبة ضحك طويله وجوري تنرفزت من ضحك لمى المتواصل فقالت بنرفزه/لمى وش الي يضحك بكلامي??.. لمى ما قدرت ترد من الضحك ..جوري بعصبيه اكثر/لمى ووجع قولي ايش فيك?.. واخيرا ردت لمى/يالخبله لك ساعه تتكلمين واخوي واقف من اول عشان تروحين ويتعدى هو… اما جوري وجهها صار اشارة مرور وراحت بسرعه لاول غرفه جات عليها عينها دخلت الغرفه وسكرت الباب بسرعه.. لمى/عزام تعال ما في احد جا عزام وكان لابس تيشيرت ليلكي ومكتوب ع الصدر بابيض كلمات انجليزيه وبنطلون جنز كحلي محكوك بابيض معجزمه سبورت بيضا( وانتوا بكرامه)وراح غرفته على طول بدون كلام استغربت لمى من حركته لانه مو من طبعه يطنشها ويمر من عندها بدون ما يعبرها ولا حتى بنظره كانت بتناديه بس بطلت لانها توقعته معصب وهو كان فعلا معصب من حركة البنت الي غازلها اليوم في المول( جوري)راح بسرعه وفتح باب غرفته وتفاجا بالي واقفه فغرفته……


راح اتوقف هنا. ..لكن هل هي بدايه موفقه لي???

[لامارا]

البارت الثاني2
راح بسرعه وفتح باب غرفته وتفاجأ بالي واقفه

قدامه ومعطيته ظهرها واول ما انفتح الباب لفت بسرعه وهي تقول/

لمى يا حيوا………. ما كملت كلمتها لانها تفاجأت بالي قدامها.. قال وهو

معطيها ظهره/الي يدخل بيت مو له ما يجلس كذا كانه في بيته.… ...

ردت عليه بعد ما تذكرته انه هو الي قابلها اليوم في المول/والرجال السنع ما يمشي
ورا بنات الناس في الاسواق ويغازلهم…. وراحت عنه بسرعه وما حست بنفسها الا

وهي بحضن لمى وتبكي… اما عزام دخل بسلسلة افكار ما لها

نهايه كان يفكر في

الكلمه الي قالتها له ?وايش الي عرفها انه يغازل بنات وزي كذا? ولكن.. تذكر البنت

الي كانت تتكلم مع لمى قبل شوي وعرف انها هي ??لكن معقوله تكون صديقة

اخته!?! تنهد وهو يرجع شعره لورا لكنه بقي بسلسلة افكاره… اما بالنسبه لجوري

الي خلت لمى تستغرب من بكائها المفاجئ حاولت تسالها عن سبب بكائها لكنها ما

فهمت شي لان كلامها كان مقطع بسبب البكاء فكانت تقول/اخوك.. قا.. لي.. اهئ

اهئ.. وما تكمل فقررت لمى تخليها تهدا شوي بعدين تسالها ..وفعلا هديت جوري

بعد شوي فقالت لها لمى/جوجو حبيبتي وش فيك خوفتيني عليك??*قالت جوري وهي
تمسح دموعها /لما كان اخوك بيدخل ورحت انا الغرفه طلعت الغرفه الي رحت لها

غرفة اخوك ..حاولت لمى تلطف الجو بانها تقول/ شي عادي وكثير يحصل.. لكن

قاطعتها جوري بقولها/لكنه قال لي.. (قالت لها وش قال عزام)حست لمى بقوة

الكلمه الي قالها عزام لكنها قالت بمرح ومحاوله انها تنسي
جوري/شوفي كيف بس نسيتيني اتجهز عشان نزور هديل .. ابتسمت جوري ابتسامه

باهته ومسحت وجهها وشيكت على لبسها وشكلها قدام المرايه ولبست عبايتها ولمى

كمان لبست العبايه ..قالت جوري/مين الي بيودينا??*لمى /عزاام…. جوري كانه طاح
عليها قالب ثلج من الصدمه وقالت بسررعه/ﻻﻻ خﻻص انا بتصل على السواق يجينا ..

استغربت لمى من خوف المفاجئ ووجها الي اعتفس بعد ما سمعت صوت رجال يقول

/ﻻ يا لمى انا بوديكم…( عزام كان بيخرج وسمع كلمة جوري انها بتكلم السواق)قالت

لمى بتصريف/ لا لا عادي بيجي السواق ذحين ..عزام بعصبيه/قلت لك خلاص كلمه ورد
غطاها ..جوري/خلاص روحي انتي يا لمى وانا بروح مع السواق ..قاطعها عزام/ايبوا

كذا الي مو عاجبه الباب يوسع جمل وبعد عشر دقايق يا لمى تكوني جاهزه عشان

اوديك.. قال كلمته الاخيره ورجع غرفته اتصلت جوري على السواق كذا مره وما كانت
النتيجه الا انه ما يرد على الجوال خافت جوري لانه مافي احد يوديها بيت صاحبتها او

بيت اهلها ..سالتها لمى عن سبب ارتباكها .جوري/السواق ما يرد على اتصالاتي هذي
خامس مره اتصل ولكن نفس النتيجه ..لمى/طيب روحي معاي..جوري بسرعه/نعم!!

تبيني اروح مع عزاموو لو على جثتي ما رحت معاه.. حاولت لمى تقنعها بكل الاساليب
ولان السواق ما يرد لكن جوري ما كانت ترد الا بالرفض وبشده وبعد محاولات عديده

من لمى ما كان امام جوري الا انها تنصاع لكلامها وشوي وجا عزام وراحت له لمى

عشان تقول له ان جوري بتروح معاهم وسحبتها جوري من يدها وقالت لها/خلاص

خلاص ماني رايحه ..ما اهتمت لمى لكلام جوري وراحت لعزام وقالت/ترا جوري بتروح
معانا لان السواق ما يرد على الجوال اما عزام بين انه مو مهتم بالموضوع على عكس

قلبه الي يرقص من الفرحه لانه لو شافها بالعبايه راح يتيقن اذا هي الي شافها في

المول او لا..
راحت لمى لجوري بتقول لها تلبس عبايتها ولقتها مرتبكه والجوال على اذنها تحاول

تتصل على السواق.. لمى/جوجو حبيبتي خلاص اهدي انتي مو لحالك انا معاك ..

جوري/ما ادوري ايش اسوي السواق ما يرد من اول ..لمى/جوري انتي بتروحين

معاي عارفه ليش ??..قاطعتها جوري /اي عارفه لان السواق ما يرد ..لمى/ولاني ما
اعرف اوصف الطريقف لعزام الي ما يعرفه وانتي عارفتني ما اعرف اوصف.... وجا

عزام/يلا عشان اوديكم ..لبست جوري عبايتها بتردد لكن وش تسوي غصب عنها وهي

خارجه من البيت للسياره شافها عزام

،

على قصر البارت وراح اعوضكم ان شاء الله ببارت الاسبوع الجاي
وخليت هذا قصير لاني منزله بارت قبل 3 ايام
قراءه ممتعه

[لامارا]

رواية/واغار من كف الهوى لا شال عطرك وانتي لي
البارت الثالث

مدخل
فلا تسأموني اذا جاء صوتي كنهر الدموع
فما زلت انثر في الليل وحدي بقايا الشموع
اذا لاح ضوء مضيت اليه..
فيجري بعيدا..ويهرب مني..
واسقط في الارض ..اغفو قليلا..
وارفع رأسي ..وافتح عيني..
فيبدو مع الافق ضوء بعيد..فأجري اليه
وما زلت اجري..واجري.. واجري..
حزين غنائي..ولكن حلمي عنيد..
عنيد..عنيد..فما زلت اعرف ما اريد
فاروق جويده

وهي في السياره كانت جالسه في الكرسي الي خلف لمى لكن عزام شافها وهي ماشيه من البيت عشان تركب السياره وانصدم لأنه تأكد انها الي شافها في المول..قال/وين بيت صديقتكم ي لمى
لمى سألت جوري لكن جوري ما قدرت تتكلم وتوصف البيت وهي عارفه انها
لو ما تكلمت راح تبقى في السياره مده اطول وهذا الشي الي ما تبغاه
مسكت جوالها على طول وارسلت لـ لمى(شوفي انتي واخوك انا برسل على جوالك وانت تقولين له سامعه)
ضحكت لمى بصوت عالي بعد ما قرت الرساله
عزام/ووجع..قصري صوتك انتي مو في البيت
جاتها رساله ثانيه من جوريطيب حسابك لما نةصل..قولي لاخوك بيتها خلف مستشفى ال..........)
لفت لمى عليها وقالت/استناك لما نوصل واشوف كيف بيكون حسابي هههههههه
جوري انحرجت والتزمت السكوت
اما لمى قالت لـ عزام/ودينا خلف مستشفى ال..................
حرك عزام السياره عشان يوديهم لكنه وقف عند سوبر ماركت كان بطريقهم
وكان بينزل لكن وقفه صوت لمى/جيب لي معاك كرت شحن
لف على جهة جوري وقال/والضيوف وش يبون؟؟
جوري بعصبيه/دامه منك مابي شي
انقهر من كلمتها ونزل باب السياره بقوه
لمى/امووت ع الي يستحون
جوري بحده/انتي كلي تبن وحسابك لما نوصل
لمى/ههههههههههههه
بعد عشرة دقائق..جوري/ووجع اخوك ذا ظول والله لو رحنا مع السوق طان من زمان وصلنا
لمى كانت بترد عليها لكن عزام جا ومعاه اغراض كثيره ..فتح الباب وركب السياره ومد لـ جوري كيس فيه اغراض (مسوي فيها كريم هههه)لكن جوري ما اخذت الكيس
لمى/خذيه وهذا لأنك جايه معانا اليوم
جوري ما ردت عليها ولا اخذت الكيس ..حط عزام الكيس عند لمى وهمس لها تعطيه جوري لما يوصلون...وصلوا ونزلت جوري بسرعه وراحت لـ عند باب البيت وفتحت لها الخدامه الباب ودخلت جوري واعطت عبايتها للخدامه وشيكت على شكلها قدام المرايه الي في المدخل وطلعت العطر من شنطتها وتعطرت منه ودخلت بعد ما سألت الخدامه عن مكان هديل وراحت لها وسلمت عليها وباركت لها بالبنت الي جاتها ودخلت لمى بعد شوي ومعاها الاكياس ومن ضمنها الكيس الي فيه هدية جوري لـ هديل
تذكرت جوري هديتها وراحت عشان تاخذها من لمى
وقالت/الحين انتي ما تستحين يوم تسوين فيني كذا قدام اخوك..وضربتها ع كتفها بخفه
وتذكرت لمى شكل جوري في السياره وضحكت
هديل/خير وش صار؟؟
قبل ما ترد لمى دخلت ام هديل وسلموا عليها وجلسوا يتكلمون
وجا على جوال جوري اتصال من رقم غريب وما ردت شافتها ام هديل ما ردت
فقالت لها/عادي يا بنتي اذا بتكلمين خذي راحتك
جوري/لا ياخاله هذا رقم غريب ما ادري مين المتصل
شوي وجا اتصال من نفس الرقم مره ثانيه ع جوال جوري
ام هديل/شوفي يا بنتي عساه خير ان شاء الله
جوري/ماعليك يا خاله هذولا ناس ما عندهم ضمير يتصلون ويأذون بنات الناس..
لكن جا اتصال من نفس الرقم كانت جوري بتقفل بوجهه لكن قالت لها ام هديل ترد
اخذت الجوال وردت..جوري/........
المتصل/هذا جوال جوري فهد آل متعب؟(الاسماء خياليه)
جوري بارتباك/ايوه وش بغيت اخوي؟
المتصل/ممكن تجين مستشفى ال........
جوري بخوف واضح على وجهها/ليش؟؟وانت مين تكون؟؟
المتصل /انا دكتور بالمستشفى واهلك عندنا
جوري/اهلي..وش فيهم..وليش هم عندكم؟؟؟
المتصل/بيتكم احترق والجيران ما قصروا واتصلوا ع الدفاع المدني والاسعاف
جوري والدمعه بعيونها/خلاص خلاص الحين انا جايه
وقفلت الجوال..
ام هديل/خير يا جوري؟؟وش صاير؟
جوري ببكاء/بيتنا احترق واهلي بالمستشفى الي قريب منكم
كانت ام هديل بتكلم ولدها عشان يوديهم المستشفى لكن ما كان موجود
لمى/خلاص انا بكلم عزام يجي يودينا
ما رفضت جوري وكانت اسرع وحده عشان تركب السياره..جا عزام وراحوا معاه
وصلوا بسرعه للمستشفى وكانت معاهم ام هديل ولمى..ودخلوا بسرعه للمستشفى
وكان لازم عزام يسأل جوري عن اسم ابوها عشان يسأل الريسبشن عن مكان غرفته
عزام/ايش اسم ابوكي
جوري ببكاء/فهد آل متعب
انصدمت ام هديل من الاسم لكن حست انه مو وقته تسأل عن جوري عن الاسم او تتأكد منه
اما عزام راح للريسبشن واعطاهم الاسم ودلوه على الغرفه وراح لهم عشان يوديهم للغرفه
مشى عزام ومشيوا وراه وسط شهقات جوري المتتابعه
وصلوا للعنايه المركزه وشافت جوري ابوها من ورى الزجاج
وهو تحت الاجهزه واول ما طاحت عينها عليه
قالت بألم/يبه..تكفى كلمني يبه..رد علي..
جاتها لمى تحاول تبعدها لكن جوري قالت/امي وينها؟؟
جات ام هديل تهديها وراحت لمى لـ عزام تساله عن غرفة ام جوري
راحوا على الغرفه ولما وصلوا جوري ما تمالكت نفسها عن البكاء..اشرت ام هديل لـ لمى عشان تنادي عزام ويمشون بسرعه..ورجعت لمى عشان تقولهم ان عزام يستناهم في السياره
لمى/ترى عزام منتظرنا في السياره يلا
ام هديل/يلا يا بنتي خلينا نرجع البيت
جوري/ لا ماني رايحه بدون امي وابوي
ام هديل/استهدي بالله يا بنتي وخلينا نرجع ونجيهم بكره
لمى/وبعدين هم محتاجين للراحه
استسلمت جوري لكلامهم وركبت السياره وصلوا البيت وكانوا ام هديل ولمى يهدونها وبعد
ربع ساعه تقريبا تذكرت اخوها زياد وطلعت جوالها عشان تكلمه ..انتبهت لها ام هديل
وقالت/وش فيك يا بنتي تبين شيء
جوري /مشكوره يا خالتي بس ابي اكلم اخوي واتطمن عليه
سكتت ام هديل وخرجت جوري من الغرفه واتصلت على زياد
زياد/هلا والله
جوري/لا رد
زياد/الوو جوري انتي ع الخط؟!
جوري بغصه/الو
زياد/جوري فيك شيء..احد مزعلك..قولي
جوري/ما فيني شيء بس ابي اكلمك
زياد/جوري صوتك مو عاجبني بالله علميني وش فيك
جوري ببكاء/ابوي يا زياد ابوي وامي
زياد بفزع/امي وابوي وش فيهم تكلمي؟؟
جوري/ابوي وامي بالمستشفى يا زياد
زياد بخوف/ليش؟؟ومتى؟؟وباي مستشفى؟؟قولي يا جوري قولي
جوري/...........
زياد/انتي وين الحين؟
جوري/انا ف بيت صديقتي
زياد بعصبيه/وش موديك واهلي بالمستشفى؟؟


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
انتهى البارت
واعتذر اذا كان قصير بس بجد ظروفي ما تسمح
تسعدني ردودكم وتوقعاتكم
لكن سوال
ليش انصدمت ام هديل لما سمعت اسم جوري؟؟؟
قراءه ممتعه

[لامارا]

بسم الله الرحمن الرحيم

البارت الرابع

صمت يتبعثر..

وحشة تتقاسمها الارجاء بالتساوي..

إغتراب على مر الوجوه..

بين الدهر والاخر..

ينبثق رعب هائل..

الطالع يؤكد المستحيل..

اسطورة هي المناجاه..

امل يقود الى المنفى..

ثمة نافذه..

حذار الحلم يوصل الى الزنزانه..

*غاده السمان



هذا البارت اهدء الى ma mieur chichi



زياد/جوري انتي وين الحين??

جوري/انا فبيت صديقتي

زياد بعصبيه/وش موديك واهلي بالمستشفى??

جوري بين دموعها/ انا كنت عندها واتصلوا المستشفى

على جوالي ورحت شفتهم ورجعت

زياد/ومتى صار كل هذا? وليش ما قلتي لي من اول??

جوري/ما اقدر اطول ع الجوال تعال خذني وانا افهمك السالفه

زياد/طيب وين بيت صديقتك??

جوري/خلف مستشفى ال… بحي ال… .


زياد/طيب عشر دقائق وانا عندك.. وقفل الخط بسرعه

اما جوري رجعت للغرفه الي فيها لمى وام هديل وهديل وكانت بتاخذ عبايتها

لكن وقفها صوت لمى/على وين يا جوري???

جوري/بروح مع اخوي

ام هديل/شوفي يا بنتي اذا بتروحين مع اخوك الله معك لكن ترجعين عندي البيت

جوري/ما عليك مني يا خاله انا مع اخوي والله ييسرها بعدين مابي اضيق عليك

ام هديل/لا والله ي بنتي ترجعين وتباتين عندي بعد

جوري/بس…..

قاطعتها ام هديل/لا بس ولا غيره انا مثل امك

راحت جوري عندها وباست راسها/والله مني عارفه وش اقول لك ي خاله

ام هديل/لا تقولين ولا شي ما سويت الا الواجب

رن جوال جوري وردت.. زياد/يلا اطلعي انا عند الباب

جوري/خلاص الحين طالعه.. وقفلت الخط وسلمت على ام هديل وبنتها ولمى وخرجت

في السياره.. زياد/يلا قولي ايش صار

جوري/اتصل ع جوال رقم غريب ورديت وكانوا المستشفى وعلموني بالخبر

ورحت شفتهم ورجعت

زياد بحده/وليش ما قلتي لي من اول ما عرفتي??

جوري/لاني كنت منهاره وبعد ما هديت كلمتك

زياد حن عليها وقال بنبره حانيه/والحين هم باي مستشفى?

جوري/مستشفى ال……

راح زياد ع المستشفى ودخل مع جوري وسالها عن رقم الغرفه وقالت انهم

بالعنايه المركزه وكان بيدخل لكن منعه الدكتور لان وقت الزياره انتهى..

حاول يقنع الدكتور ونجح لان عنده قدره عجيبه في
الاقناع وقال الدكتور ان معاه خمس دقائق بس

شاف امه وابوه وامتلت عينه دموع وبعد شوي جا الدكتور عشان يخرجهم

وخرج من المستشفى وراح ع السياره ومعاه جوري الي بكت لما شافت

امها وابوها للمره الثانيه.. لكن نجح زياد في تهدئتها ووداها المطعم يتعشون فيه

في المطعم.. جوري/وين بنام الليله والبيت احترق??

زياد/يمكن نروح فندق لان مافي حل غير كذا

جوري بارتباك/بس….

زياد/وش فيك??

جوري/ام صديقتي حلفت علي انام عندهم

زياد بتفهم/خلاص طيب نامي عندها

جوري/وانت??

زياد/لا تخافين علي ادبر نفسي

جوري/زياد امانه لا تخليني افكر فيك قول لي وين بتنام الليله??

زياد/خلاص لا تفكرين ولا شي بنام فبيت واحد من خوياي

جوري/ايه بس طمني عليك كل ساعه اتصل علي

زياد بضحكه/هههههههه حشى والله لو اني بسافر ترى كلها ليله وحده

جوري/……

كملوا اكلهم وحاسب عليه زياد وخرجوا وركبوا السياره

زياد/الحين بنزلك وبروح انا

جوري/ok

وصلوا بيت ام هديل.. جوري/لا تنسى طمني عليك

زياد/من عيوني

نزلت جوري وهو راح لبيت صاحبه وقبل ما يوصل اتصل عليه.. زياد/الو

عزام/هلا والله

زياد/هلا فيك.. انت في البيت??

عزام/لا ..ليش??!!

زياد/كنت… آآآآهه( اطلق زياد صرخه عاليه)

عزام /الوو.. زياد.. وينك.. رد علي..

اما زياد صار له حادث لكن جاء رجال وشاف الجوال واخذه بسرعه وقال/الو

عزام/مين معاي??

الرجال/الي كنت تكلمه صار له حادث

عزام بصراخ/وين ??

الرجال/بحي ال…….

عزام/الحين جاي

الرجال/لا انا باتصل ع الاسعاف وانت تعال المستشفى

عزام بحزن/خلاص جاي


-------------------------------------------------------
انتهى البارت

واعتذر اذا كان قصير بس والله اني بعد ما قريت رد( ma mieur chichi)

كتبته على طول مع اني مشغوله هالفتره مرره يعني يدوب القى وقت فراغ

اكتب فيه وسامحوني لو كان قصير

س/ايش تتوقعون يصير لزياد??

بانتظار ردودكم وتوقعاتكم

[لامارا]

بسم الله الرحمن الرحيم

البارت الخامس( 5)

اصبحت لا القاك صوت سحابة..

عبرت على عنري كما يهفو النسيم..

ورجعت للحزن الطويل..

ما زلت المح بعض عطرك بين اطياف الاصيل..

يمضي الزمان بعمرنا..

الخوف يسخر بالقلوب..

والناس تسخر بالنصيب..

عصفورنا قد مات..

من قال ان الحب يحسب بالسنين..

*فاروق جويده

-------------------------------------------------------

الرجال/لا انا بتصل ع الاسعاف وانت تعال المستشفى

عزام بحزن/خلاص جاي

تجمع الناس حول زياد وحاولوا يساعدونه وجات سيارة الاسعاف بسرعه واخذوه

ع المستشفى وهم في الطريق بدأت نبضات قلبه تخف لكنهم وصلوا المستشفى

واخذوه ع الانعاش ..لكن فات الاوان.. وبهذه اللحظه وصل عزام وسأل الريسبشن

عن الحاله الي وصلت قبل شوي وصفوا له الغرفه وراح واول ما وصل الباب كان

الدكتور بيخرج شافه عزام وراح عنده وسأله/كيف يا دكتور?? ايش فيه??

الدكتور/ انت تعرفه?

عزام/انا اخوه-بعدين انتبه للكلمه وعدلها-قصدي صديقه من زمان بس كأني اخوه

نزل الدكتور راسه وقال/عظم الله اجرك.. وراح الدكتور

عزام ما استوعب كلام الدكتور وكان مصدوم لكنه راح بسرعه للدكتور ومسه من يده





وقال/دكتور انت من جدك.. تكفى لا تلعب باعصابي

الدكتور/لا حول ولا قوة الا بالله هذي الامور ما فيها مزح ادعي له بالرحمه هو الحين

محتاج اي دعوه منكم.. وراح عنه

اما عزام راح لاقرب كرسي وجلس عليه ونزل راسه وهو يتذكر ايامه مع زياد

ونزلت منه دمعه.. دمعة الرجل غاليه ومو اي شي ينزلها.. لكن لما تفقد أعز الناس

عندك ولما يكون اغلى من روحك راح تنزل دموع مو دمعه وحده…

مسح دموعه وارسل مسج لاخته وقفل جواله وركب سيارته ومشى فيها ومو عارف

وين يروح.. يحس الدنيا مقفله بوجهه مشى بالسياره ولقى نفسه رايح للبحر

نزل عند البحر وجلس قدامه وهو يتذكر زياد وحبه الشديد للبحر

-------------------------------------------------------

عند لمى

وصلها مسج فتحته ولقته من عزام. ومكتوب( اذا اخت زياد عندك قولي لها عظم الله

اجرها في اخوها مات بحادث قبل شوي ..الله يرحمه)

اول ما قرت المسج طاح الجوال من يدها وكانت جوري عندها وانفجعت لما شافت

لمى متصنمه لا كلام ولا حركه والجوال طايح من يدها.. نزلت لمستوى الجوال واخذته

وقرت المسج وصرخت صرخه هزن ارجاء البيت ..نزلت ام هديل ولقت جوري تبكي

بحضن لمى وكان بكاء جوري شكل يقطع القلب ويلين الحجر.. كان شكلها يخلي

العدو يحن قبل الصديق راحت لها ام هديل بسرعه واخذتها لحضنها وتمسح ع راسها

وتحاول تهديها وبعد ربع ساعه تقريبا نامت جوري من كثر البكي.. سدحتها

ام هديل ع الكنبه.. وقالت /يلا فهميني يا لمى ايش صاير

لمى ببكاء/أخوها.. مات

ام هديل/هئئئئ يويل حالي على هالبنت هي تلاقيها من امها وابوها ولا من اخوها


ما اقول الا الله يكون بعونها ويصبرها انا لله وانا اليه راجعون..

بعد صمت دام لعشر دقائق.. ام هديل/الا اقول هي كيف عرفت??

لمى/ارسل لي اخوي مسج وهي قرته وصار الي صار

ام هديل/الله يرحمه ويغفر له والله يكون بعون هالبنت

لمى/آميين
-------------------------------------------------------

اما زياد هو الحين بثلاجة الموتى عشان يصلوا عليه بكره ..
-------------------------------------------------------

لمى حست ان الوقت تاخر مره واتصلت ع عزام عشان تقول له يرجعها البيت

لكن المصيبه ان عزام مقفل جواله.. اتصلت كذا مره لكن نفس النتيجه( مغلق)

اخر شي ارسلت له مسج( عزام حبيبي رد علي تراك خوفتني عليك)

سكرت الجوال وراحت الصاله وهي تفكر بجوري وايش راح يحصل لها بحياتها

وجا ع بالها تروح لجوري تتطمن عليها.. وهي ماشيه وقفها صوت بكاء وشهقات

دقت باب الحمام لكن لا رد غير البكاء.. قال/جوري انتي هنا?? امانه ردي علي

جوري /روحوا عني لاحد يكلمني

راحت لمى لام هديل تناديها عشان تخرج جوري من الحمام

ام هديل/جوري يا بنتي افتحي الباب.. اما جوري ما كانت ترد

لمى/جوجو حبيبتي فكي الباب عشان خاطري… لا رد

ام هديل/يا بنتي ارحمي حالك ما يسير الي تسويه بنفسك

فتحت جوري الباب واخذتها ام هديل لحضنها ورجعت تبكي وتقول/معقول اخوي

يتركني كذا.. بعدت من حضن ام هديل وكملت بصراخ/انتوا كذابين.. اخوي ما مات

هو وعدني بيتصل علي ليش تكذبون علي انتوا ما تخافون ربكم?? ليش تبون تقهروني




ليش تبون تلعبون باعصابي??.. زياد ما مات تفهمون ما مااااات ..ورجعت تبكي

اما ام هديل بكت على حال جوري الي يقطع القلب.. راحت لمى وجابت مويه مقري

عليها لجوري وشربوها منها وودوها ع وحده من الغرف

-------------------------------------------------------

اما عزام كان بنفس مكانه ع البحر يفكر بزياد وايامهم مع بعض.. شاف ساعته ولقي

الساعه1:30 ركب سيارته عشان يرجع لمى البيت وشغل جواله ولقي مكالمات من

لمى ومسج منها ..اتصل عليها وكان واضح الحزن من صوته ردت عليه وقال لها

تطلع عشان يوديها البيت ..راح لها واخذها وكان الصمت سيد الموقف في السياره

دخلوا البيت وكان ابوهم معصب لأن الوقت متاخر

قال لهم/تو الناس لو جلستوا بعد شوي عادي ترا

عزام ما نطق ولا كلمه بس راح لغرفته.. اما لمى بعد ما شافت ابوها معصب من

حركة عزام.. راحت له وسلمت ع راسه

وقال/معليش يبه سامحه.. اليوم مات اعز صديق له بحادث ويسير اخو صديقتي

عشان كذا تاخرنا

نزل خالد( ابوها)راسه وقال/لا حول ولا قوة الا بالله.. الله يرحمه.. ناديلي عزام

راحت لمى لجناح عزام وشافته يبكي لفت عشان تسوي نفسها ما شافته ورجعت

ورى كانها توها جايه وهي تنادي/عزام كلم ابوي تحت

اول ما سمعها عزام مسح وجهه ودخل الحمام يغسل وجهه ونزل لابوه/السلام عليكم

خالد/وعليكم السلام

عزام/اعذرني يبه اول بس…

قاطعه خالد/خلاص يا ولدي علمتني لمى بالسالفه ..والله يرحمه.. وحبيت اقولك

بسوي عزاء الرجال هنا فبيتنا


سلم عزام ع يد ابوه وقال/الله يجزاك خبر يبه.. يلا انا استاذن بروح ارتاح

خالد/اذنك معك

وراح كل واحد ع جناحه لكن عزام ما قدر ينام بسبب حزنه ع موت زياد وبقي يتقلب

ع السرير الى اذان الفجر.. ولما اذن راح الحمام واخذ له شور سريع ولبس ثوبه

وشماغه وراح ع المسجد عشان يصلي وقابل ابوه وهو خارج من البيت وراحوا

ع المسجد مع بعض وصلوا… وبعد ما خلصت الصلاه راح ابو عزام ع البيت اما

عزام جلس في المسجد لحد ما طلعت الشمس وراح البيت يحاول ينام عشان يصلوا

على زياد الظهر اما ابوه حط الاعلان في الشارع ان العزاء بيكون فبيته.. اما عزام

نام الساعه7وصحي الساعه9 وغسل ونزل الصاله ولقي امه( منى)جالسه لحالها

راح عندها وسلم ع راسها.. وقال/صباح الخير

منى/صباح النور.. شلونك ياولدي

عزام/بخير الحمد لله

منى/ايش فيك يا عزام?? وجهك مو عاجبني

عزام/لا يا يمه سلامتك ما فيني شي

منى/الا والله ان وراك سالفه بس ما تبي تعلمني

عزام/صدقتي يا يمه( وكمل بحزن)امس مات صديقي وبنصلي عليه اليوم الظهر

منى/الله يرحمه ويغمد روحه الجنه

رفع راسه فوق وقال/آميين

نزلت لمى بعد ما كلمت هديل بالجوال تقول لها انها بتجي تطمن ع جوري.. وسلمت

ع راس امها وجلست /صباح الخير

منى وعزام/صباح النور

لمى/يمه انا بعد شوي بروح لصديقتي اتطمن عليها

منى/وليش??

لمى/يمه يا حبيبتي امس مات اخوها وانا بروح اشوفها واتطمن ع حالتها

منى بتفهّم/اهاا ..الي هو صديق عزام

لمى/ايه يمه هو

منى/خلاص طيب روحي بس قبل ما تروحين قوليلي بروح معاك( منى تخاف ع لمى

وعزام مره عشان كذا ما تخلي لمى تروح لحالها لكن لما راحت بيت ام هديل طمنت

امها انها مو لحالها)

لمى عارفه ان امها لو قالت كلمه ما تثنيها/اها ..بس ترا انا الحين بروح لها

منى/ليش الحين.. توها الساعه9

لمى/انا قبل شوي كلمتهم وقلت لهم اني جايتهم بعد شوي

منى بعدم فهم/كلمتيهم!! ليش هي مو وحده??

لمى/لا هي جالسه فبيت وحده من صديقاتنا لان بيتهم احترق وامها وابوها
بالمستشفى

منى/الله يقومهم بالسلامه..طيب يلا اذا بتروحين الحين البسي عبايتك وانا بلبس

عبايتي

لمى/اوك.. عزام مكن تقول للسواق يوصلنا

عزام/……… لا رد( كان سرحان)

لمى تركته وراحت تلبس عبايتها وقالت لوحده من الخدم تقول للسواق يجهز السياره

ونزلت منى وراحوا مع بعض بيت ام هديل.. نزلوا من السياره وراح السواق

دقت لمى الجرس وفتحت لها الخدامه ودخلت هي وامها وسلموا ع ام هديل

(هديل اخذها زوجها ع بيتهم برغبه منها )

لمى/خاله اعرفك( واشرت ع امها)امي منى

ام هديل/تشرفنا وسلمت ع منى



منى/انا الي لي الشرف.. ودخلوا الصاله

لمى/الاا وين جوري??

ام هديل بحزن/والله مثل ما تركتيها امس مقفله الباب ع نفسها
وما تفتح لاحد ولا تكلم احد

منى/لا حول ولا قوة الا بالله

لمى/انا بروح اشوفها. وراحت للغرفه الي فيها جوري ودقت الباب

لمى/جوري حبيبتي افتحي الباب

جوري/…… لارد

لمى تكمل/جوري ما يسير الي تسويه بنفسك.. بليز افتحي الباب عشان خاطري

جوري فتحت الباب ورمت نفسها بحضن لمى وهي تبكي وتقول/راح زياد ي لمى..

زياد راح مني.. انا الي خليته يروح بيت صديقه ما قلت له لا..

قاطعتها لمى/جوري مابي اسمع هالكلام مره ثانيه هذا قضاء وقدر واحنا ما نقدر

نرد قضاء الله وقدره ولا تعترضي ع القدر

وبهذه اللحظه طلعوا ام هديل ومنى بعد ما سمعوا صوت جوري

ام هديل/واخيرا فتحتي الباب

جوري تبكي بقوه وهي بحضن لمى.. لمى/خلاص حبيبتي غسلي وجهك وتعالي عندي

بالصاله انتظرك

راحت جوري ع الحمام وهي تبكي وغسلت وجهها ونزلت تحت

وقالت بصوت هادي/السلام عليكم

الكل/وعليكم السلام

راحت لمى ومسكت جوري من يدها وقالت/ايوا هذي جوري الي اعرفها

اما جوري اكتفت بابتسامه صفراء

جلست جوري وما انتبهت لمنى الا بعد ما قالت لمى/جوري اعرفك ع امي منى


ابتسمت جوري بحزن و قالت/اهلين خاله منى تشرفنا

منى/انا الي لي الشرف حبيبتي( وكملت بينها ونفسها: هذي انا وين شايفتها

وربي وجهها مو غريب علي)

اما ام هديل نادت الخدامه وقالت لها تجيب اكل لجوري.. ظلت جوري ساكته وتفكر

باخوها وامها وابوها والمصايب الي تجي ع راسها ورى بعض

قطع تفكيرها صوت ام هديل/يلا يا بنتي كلي.. من امس ما اكلتي شي

جوري/شكرا يا خاله والله مالي نفس اكل اي شي

منى/يا بنت ارحمي حالك لازم. تاكلين شي.. عشان خاطري

لمى/وعشان خاطري انا بعد.. ولا مالنا خاطر عندك

جوري/والله عشان خاطركم ولا انا مو مشتهيه شي

واخذت لها توست ودهنتها بمربى واكلت منه لكن ما كملته يعني نصه بس

جوري/الحمد لله

ام هديل/وين ما اكلتي شي

جوري/والله شبعت

منى/لا تتعبي نفسك يا بنتي وكلي زين

جوري/والله يا خالتي اني مو مشتهيه اصلا اكلت بس عشان خاطركم

ام هديل/خلاص براحتك

جوري اشرت للمى يعني الحقيني.. وقفت وقالت عن اذنكم بروح ارتاح.. وخرجت

وبعد شوي لمى قالت/بروح اشوفها.. وراحت




راحوا لمى وجوري للغرفه الي تنام فيها جوري.. لمى/اش فيك??

جوري/ابيك تساعديني بروح اليوم اشوف امي وابوي بزورهم

لمى/خلاص ولا يهمك.. لكن بشرط

جوري /شرط!!! طيب قولي اش هو شرطك

لمى/ابيك ترجعين جوري الاولى القويه الواثقه من نفسها مو تظلين كذا يا جوري

تبكين وتنهارين ما كنتي كذا يا جوري

جوري/صعب شرطك.. انا خلاص يا لمى الي مهما قلت ما راح اقدر اوصف حبي له

لمى/مو صعب.. انا ابغى جوري الي ما عندها شي،صعب.. ومافي شي يوقف

بطريقها ومافي،شي يخليها تتراجع.. ابغى جوري الي ما تخاف من احد.. ابي جوري

القويه..وانا متأكده ان جوري الي ابيها موجوده بس انتي تدفنينها بجوري الضعيفه

الي ابسط،شي يهزها ويخوفها هذي الشخصيه ادفنيها ..لا مو تدفنيها ارميها في

البحر وانسيها…

جوري حسّت ان كلام لمى حسّن من نفسيتها شوي وانها لازم ترجع مثل ما كانت اول

جوري/كلامك صحيح يا لمى واوعدك اني راح انفذ شرطك

حضنتها لمى وقالت/ايوا هذا الكلام الي ابي اسمعه.. اكتفت جوري بابتسامه

لمى/يلا ننزل??

جوري/ايه يلا ونزلوا عند ام هديل ومنى

-------------------------------------------------------

في جهه ثانيه عند عزام جات الساعه11

كان جالس فبيتهم وجا عنده ابوه وقال /يلا يا ولدي عشان نودي صديقك للمغسله

ونصلي عليه ..قام عزام مع ابوه وتم اخذ زياد وتغسيله وتكفينه وخلصوا جميع

الاجراءات اللازمه.. وراحوا ع المسجد يصلون عليه ..وبعد ما صلوا عليه شالوه







وراحوا ع المقبره وزياد في النعش… وهم ماشيبن حس زياد ان النعش خفيف

وكأنه يتحرك فحمد ربه ان زياد من اهل الخير.. وفجأه طاح النعش من يدينهم

وطلع لهم صوت زياد المرتعش/طفوا المكيف( ما ينلام من امس وهو بالثلاجه)

تعالت اصوات الشيوخ بالتكبير واغلب الموجودين طاحوا مغمى عليهم.. اما عزام

سجد لله شكر لانه احيا زياد
-------------------------------------------------------

حصلت حقيقي لواحد في الطائف
-------------------------------------------------------

على طول عزام وابوه شالوا زياد وركبوه في السياره وساق عزام بسرعه جنونيه

بدون ما يهتم لكلام ابوه الي يقول له يخفف السرعه.. وصل بيتهم( بيت ابو عزام)

وراح ع الحمام بسرعه وعبا البانيو بمويه دافيه تميل للحراره شوي( يعني حراره

يحتملها الجسم) ورجع للسياره لقى ابوه يحاول يشيل زياد لانهم كانوا مسدحينه

راح لابوه وساعده وشالو زياد وودوه للبانيو الي عباه عزام وحطوا عنده منشفتين

وخرجوا من عنده وراح عزام يخرج من ملابسه ثوب لزياد( تقريبا نفس الجسم كلهم

الاثنين)

اما زياد لما حس بالحراره تدخل جسمه قام وقف واخذ شور عدل وبعد ما خلص

اخذ منشفه ولفها ع خصره والثانيه ع كتوفه وفتح باب الحمام بعد ما سمع كلام

عزام/اذا خلصت بتلاقيني عند الباب معاي ملابس لك

اخذ الثوب من عزام ولبسه بعد ما جفف جسمه وشعره وطلع وشاف عزامن جاي

لجهته بسرعه وحضنه وقال/الحمد لله على سلامتك

زياد بابتسامه/الله يسلمك( وفي نفسه توه يستوعب انه مات وربي رجعه للحياه)

وراح مع عزام لبيت ام هديل بطلب من زياد عشان يشوف جوري ويسلم عليها...
وصلوا البيت وكان زياد بينزل لكن مسكه عزام وقال/لحظه انزل انا اقول لاختي

تمهد لها عشان ما تنصدم

زياد/اوك

اتصل عزام على لمى لكن جوالها كان سايلنت ..اتصل مره ومرتين وثلاث لكن لا رد

فقرر انه ينزل بنفسه.. نزل ودق الحرس وفتحت له الخدامه وقال لها تنادي لمى

لكن الخدامه قالت له افضل لو يدخل مجلس الرجال.. دخل عشان يقدر يكلم لمى..

جات لمى وكانت مستغربه من وجه عزام لانه كان باين على وجهه انه فرحان

عكسها الي حزنانه على جوري.. مسكها عزام وحضنها وقال/ليش كل هالحزن?? ترا

ما في شي يستاهل الزعل..

اما لمى الصدمه الجمت لسانها لانها اكثر وحده تعرف قد ايش عزام يحب زياد

ولما خرجت الصباح كان مهمون وحزين والحين راجع يضحك.. بعدت عن حضنه

بهدوء وقالت/اش فيك??

عزام بمرح/زياد ما مات

لمى توقعت ان موت زياد اثر عليه وقالت بصوت باكي/عزام وش،فيك? زياد مات

وانت الي علمتنا بنفسك

عزام/no ..وعلمها بالقصه كلها

انصدمت لمى وضاعت منها الحروف والكلمات ومو عارفه وش تقول

عزام/اسمعيني.. ابيك تمهدين الموضوع لاخته وانا بانتظر معاه برا مو تطولين

لانه يبي يشوفها.. وكان بيخرج

مسكته لمى من يده وقالت/عزام الي تقوله صدق??

عزام/يا بنت الحلال والله صدق يلا روحي قولي لها.. وراح عند زياد بسرعه

زياد/ها كيف?? انزل??


عزام/يا ولد اصبر الحين راحت لها لمى وتمهد لها وتدخل انت بعد شوي( طبعا بحكم

صداقتهم لانهم من الطفوله وهم اصدقاء عشان كذا يقولون اسماء اخواتهم لبعض

عادي)
-------------------------------------------------------

عند لمى

راحت لجوري بسرعه والفرحه واضحه على وجهها دخلت الغرفه الي فيها جوري

ولقتها تبكي رحت لها وحضنتها بسرعه ومسحت دموعها
وقالت/هدي خلاص مابي هذي الدموع

جوري/كيف ما ابكي وزياد مات راح مني ماات.. عارفه ايش يعني ??

قاطعتها لمى/مين قال ان زياد مات? >>هذي الي بتمهد لها

جوري/انتي وش تقولين?? كيف يعني?? زياد ما مات!!?

لمى/لا ما مات

جوري ببكاء/لمى لا تعلقيني بوهم.. ترا الي فيني مكفيني

لمى/والله زياد ما مات يا جوري.. جوري تطالع فيها بمعنى كملي

كملت لمى/والله انه حي وعلمتها بكل الي صار لكن باختصار

اما جوري من الصدمه والفرحه ان زياد حي مسكت لمى من كتوفها وصارت تهزها

وتقول/ليش ما علمتيني من قبل??

لمى بعدت يدين جوري وقالت/انا بنفسي ما دريت الا قبل شوي

جوري/طيب وينه ابي اشوفه??

لمى/اوك.. واتصلت على عزام عشان تقول له يدخل زياد للمجلس

وراحت جوري تغسل وجهها لانها كانت تبكي

اما لمى راحت عند امها وام هديل وقالت/عندي لكم خبر يفرحكم



ام هديل بحزن/انا ما افرح الا لما اشوف جوري فرحانه

لمى/طيب انتي بس اسمعيني

منى/طيب يلا قولي

لمى/… (قالت لهم كل الي حصل مع زياد )

منى بفرح/جد!!!

لمى/جد الجد.. واعذريني يا خاله بس. ترا خليت اخوي يدخله مجلس الرجال

ام هديل/عادي حبيبتي البيت بيتكم

بهذه اللحظه. جات جوري وقالت /لمو يلا انزل??

لمى/طيب بس لحظه

اتصلت على عزام تتاكد اذا زياد دخل او لا وقال انه الحين بيدخل.. وقفل الخط

لمى/جوري يلا زياد في المجلس

اما جوري كانت بتطير من الفرحه.. وراحت ع المجلس وشافت زياد وما كان قدامها

الا انها ترمي نفسها بحضنه وتترك الحريه لدموعها بالنزول وهي تقول/

وينك يا اخوي ..والله خوفتني عليك.. انت لو تدري ايش،صار فيني

قاطعها زياد/خلاص انا الحين قدامك

جوري/الله لا يحرمني منك

زياد/ولا منك يالغاليه

بعدت عن حضنه وجلس هو وجلست بجنبه

زياد/ايش رايك لو نروح نتطمن على امي وابوي??

جوري/اصلا كنت ابي اقول لك بس انت سبقتني

زياد/خلاص العصر نروح لهم ??

جوري/اوك تمام.. زيود حبيبي ممكن خدمه صغيره

زياد/عيوني لك

جوري/تسلم عيونك.. بس كنت ابي اروح اشوف بيتنا والله مشتاقه له

زياد/طيب وش رايك الحين نروح له

جوري/من جد??!!

زياد/ايه.. يلا البسي عبايتك وانا انتظرك برا في السياره

جوري/طيب البس واجيك… وراحت جوري فوق ولبست عبايتها بسرعه وخرجت

عشان تروح مع زياد ..وتفاجأت بالي واقف مع زياد وبقيت واقفه عند الباب

انتبه لها زياد وراح لها وقال/يلا جوري

جوري/مو بنروح لحالنا هذا وش جابه??

عزام الي سمع كلمة جوري الاخيره لان صوتها كان عالي شوي

قال عزام وهو بمكانه عند السياره/زياد ..خلاص انا بروح الكوفي هذاك( واشر على

كوفي قريب منهم)وروح انت بالسياره

زياد الي انحرج من عزام لانع عارف انه سمع كلمة جوري.. قال باحراج/الله معاك

راح عزام مشي لان الكوفي كان قريب.. اما زياد وجوري رواحوا بسيارة عزام

وصلوا عند بيتهم وشافوه حالته حاله.. زياد/عارفه وش بنسوي الحين بدل هالبيت?

جوري بتفكير/امممم نستاجر شقه عبال ما ينبني بيت جديد

زياد/طيب اشرايك نجلس بالشاليه لما نبني بيت جديد( هم يملكون شاليه كبيير مره)

جوري/تصدق راح عن بالي الشاليه

زياد/عارفك من يومك خبله.. واعتقد الزهايمر بدا يعمل عمايله

جوري تمثل الزعل

زياد/افاا ..جوري زعلت مني… لا ما يصير كذا

جوري/…… .لا رد

زياد وهو عارف كيف يراضيها راح السوبر ماركت ونزل واشترا لها اشياء تحبها

وفعلا بس مد لها الكيس اخذته وجلست تسولف معاه

زياد/شوفي الحين انا بنزلك هناك وبروح عند عزام ارتاح واجيك العصر عشان نزور

امي وابوي

جوري/اوك

وصلوا بيت ام هديل ونزلت جوري اما زياد راح للكوفي الي فيه عزام

زياد/معليش،طولنا عليك

عزام/ما طولتو ولا شي.. بعدين من متى واحنا بيننا رسميات

اكتفى زياد انه يبتسم وبادله عزام الابتسامه

عزام/ ليش ما تجي معاي البيت وترتاح واضح انك تعبان

زياد/اي والله اني تعبااان

عزام/طيب يلا نروح… دفعوا الحساب وخرجوا وركبوا السيارة وكان عزام

هو الي،يسوق.. وهم في الطريق الا وطرااااااخ
-------------------------------------------------------

انتهى البارت

1/تعليقاتكم على البارت?

2/وهم في الطريق الا وطرااااااخ--هو حادث لكن تتوقعون حصل لمين?

3/اكثر شخصيه حبيتوها وليش?

4/اكثر شخصيه كرهتوها وليش?

[لامارا]

بسم الله الرحمن الرحيم

البارت السادس( 6)

هذا ما يسمى بعنق الزجاجه

ان يرتع الهذيان على قارعة الطريق

ان تفقد السيطره على روحك

ان تتشبث باحدهم متوعدا اياه

ان تمعن جرح نفسك بلذة غريبه

افقدتك حتى الشعور بالالم..

ان تلعب بحبلين.. احدهما يتفنن في موسم الجرح

واخر مطلي بالحنان بارتخاءه على جلدك

ان ترى كل شيء دون طعم..

دون لون.. دون رائحه..

فقط هكذا.. وترتضيه لنفسك

بابتسامه شاسعه..



وهم في الطريق.. طراااااخ… زياد وعزام/لا حول ولا قوة الا بالله

عزام/والله حادث قوي

زياد/اصلا شوف كيف السيارتين جايه على بعض

(توقف السير بسبب حادث حصل على التقاطع)

خرج عزام جواله من جيبه واتصل ع الاسعاف وعلمهم بموقع الحادث.. وبعد شوي

جات سيارة الاسعاف والمرور وقدروا رجال الاسعاف يخرجوا السائقين من السيارتين

الاولى والثانيه وراحوا فيهم ع المستشفى ورجال المرور قدروا يرجعوا السير مثل

ما كان.. اما عزام وزياد كملوا مشوارهم لبيت ابو عزام وصلوا الساعه4:30 فضّل

زياد انه ما ينام عشان يروح المستشفى مع جوري ..صلّى العصر وجلس مع عزام

يسولفون وبعد شوي انتبه زياد للساعه انها 5:00 وقف وقال/يلا انا استأذن

عزام/على وين???

زياد/والله وعدت جوري اوديها المستشفى

عزام/ليه.. سلامات??

زياد/الله يسلمك.. بس بنشوف امي وابوي

عزام/الله يقومهم بالسلامه ويقر عيونكم بشوفتهم

زياد/امين.. يلا انا بروح تبي شي?

عزام/سلامتك

زياد/الله يسلمك

خرج زياد لكنه تذكر انه ما عنده سياره من بعد الحادث تأفف.. وطالع وراه وشاف

عزام يمشي ويأشر له بالمفتاح كأنه يقول خذه ..ووصل عند زياد واعطاه المفتاح

ابتسم زياد وقال/الله يجزاك خير.. والله مهما سويت ما اطلع من جزاك

عزام/زياد بالله عليك فكنا من هالرسميات.. يعني لو ما ساعدتك اساعد مين ??

زياد/مشكور ياخوي

عزام/العفو.. يلا خذ المفتاح وروح خلص مشوارك وتعال عندي انتظرك بتنام عندي

الليله

زياد/مالك لوى بس انا متفق مع اختي بنام في الشاليه

عزام/شاليه وانا موجود وبيتنا مفتوح لك ولاختك

زياد/تسلم بس والله مابي اثقل عليك

عزام/انت الحين روح واذا رجعت يصير خير

راح زياد لجوري ودخل عزام البيت وصل زياد واخذ جوري وراحوا ع المستشفى..

في المستشفى.. وصلوا للغرفه الي فيها امهم وابوهم.. لكنهم ما كانوا في اسرّتهم

هنا جوري توقف عقلها عن التفكير ومافكرت وين ممكن يكونوا.. شافت زياد رايح

جهة الريسبشن وراحت وراه بسرعه..

زياد/لو سمحتي اختي بغيت اسألك عن المريض فهد آل متعب وزوجته وينهم كانوا

بالعنايه المركزه والحين مو فيه

الموظفه/ثواني بس….. اخوي تم نقل المريضين الى غرفه رقم(…)

زياد/طيب ممكن اعرف ليش نقلتوهم??

الموظفه/تقدر تسأل الدكتور الي ماسك حالتهم

زياد/طيب شكرا

وراح وتبعته جوري وصلوا الغرفه وكانوا بيدخلون لكن وقفتهم الممرضه ومنعتهم

من الدخول..

زياد لجوري/مين هو الدكتور الي ماسك حالتهم?

جوري/الدكتور جاسم… ومرت من جنبهم ممرضه

جوري/Excuse me

الممرضه/?yes, how can I help you

جوري/?where is doctor Jasem

الممرضه/he is in his clinic

جوري/?where is it

الممرضه/this clinic( واشرت على عياده على يمينهم)

جوري/thank you

الممرضه/welcome.. وراحت الممرضه

راحوا عيادة الدكتور جاسم ودقوا الباب طق طق>>احلفوا بس

د.جاسم/تفضل

دخلوا.. زياد/السلام عليكم

د.جاسم/وعليكم السلام.. تفضلوا

زياد/انا زياد بن فهد آل متعب.. ولد المريضين الي ماسك حالتهم

د.جاسم/طيب ..وكيف اقدر اساعدك??

زياد/بغيت اعرف ليش نقلتوهم من غرفهم??


د.جاسم/انا لاحظت تحسن حالة المريضين فقررت اخرجهم من العنايه المركزه

تمتم زياد/الحمد لله.. ( وبصوت اعلى )طيب كيف حالتهم الان??

د.جاسم/هم الان افضل من قبل والحمد لله انه مافي حروق لكن… (سكت الدكتور)

زياد بخوف/لكن ايش??

د.جاسم/بما ان الوالده استنشقت كميه كبيره من من ثاني اكسيد الكربون فهذا

اثر على القلب عندها

بدأت دموع جوري تنبأ بالهطول وفعلا نزلت دموعها

زياد/طيب ما نقدر نعالجها??

د.جاسم/اذا لحقتوا عليها قبل لا تكبر المشكله اكثر من كذا ممكن نسوي لها عمليه

وباذن الله يرجع القلب مثل ما كان بس العمليه ما نقدر نسويها هنا

زياد/فين ممكن تسوونها?

د.جاسم/في بريطانيا

زياد/ومتى تتسوى لها العمليه?

د.جاسم/بالنسبه لحالتها ما تقدر تصبر اكثر من عشره ايام بالكثير

زياد/طيب ممكن نرسلها بطياره طبيه بكرا او بعده

د.جاسم/تمام لانه كل ما اسرعنا كان افضل

جوري/وابوي يا دكتور كيف حالته?

د.جاسم/هو الان بغيبوبه لانه كان قريب من موقع اشتعال النار

جوري بكيت على طول.. زياد بغصه/غيبوبه مؤقته?

د.جاسم/ايوا مؤقته

جوري/ومتى راح يصحى منها??

د.جاسم/ممكن خلال هالاسبوع يفوق منها..

زياد/طيب نقدر الحين نشوفهم?

د.جاسم/طبعا تقدرون

زياد/طيب احنا نستأذن واذا كان في شي جديد بحالتهم خبرني

د.جاسم/ولا يهمك

خرجوا من عند الدكتور وراحوا ع الغرفه الي فيها امهم وابوهم.. جوري راحت لامها

وباستها ع راسها ودعت ان الله يقومها بالسلامه وراحت لابوها وجلست ع حافة

السرير ومسكت يده وباستها وقالت/الله يقومك بالسلامه يالغالي

لكنها حست انه شد ع يدها لفت بسرعه ع زياد الي جالس عند امه وقالت/زياد

ابوي حرك يده

قام زياد بسرعه وراح للدكتور وقاله انه حرك يده.. جا الدكتور ومعاه ممرضتين

وخرجوا جوري من الغرفه وسووا له فحوصات وبعد شوي خرج الدكتور ووجهه واضح

عليه الفرحه راحوا له.. زياد/بشرنا

د.جاسم/الحمدلله واضح ان حالته في تحسن مستمر

جوري/يعني ممكن انه يصحى من الغيبوبه اليوم??

د.جاسم/حركته ما تعني انه صحي تمام لكنها تنبأ بانه بيصحى في اقرب وقت ممكن

زياد/متى يعني?

د.جاسم/بعد الفحوصات الي سويناها اتضح لنا انه احتمال يصحى خلال هاليومين

زياد/الله يبشرك بالخير يا دكتور

د.جاسم/امين.. وراح الدكتور.. وراحوا زياد وجوري

في السياره.. جوري/الحين وين بنروح?

زياد/بنزلك بيت صديقتك وانا بروح عند عزام وباليل اجيك ونروح الشاليه

جوري/طيب كيف اعرف انك جيت وانت ما معاك جوال??

زياد/يووه نسيت

جوري/طيب روح الحين واشتري لك جوال

زياد غير مساره عشان يروح محل الجوالات نزل اشترى له وجوال ورجع السياره

وصل جوري بيت ام هديل واخذت رقمه الجديد طبعا.. نزلت وراح هو عند عزام…

فبيت ام هديل..

دخلت جوري/السلام عليكم

الكل/وعليكم السلام

طبعا جوري نسيت تقولهم انها خارجه مع زياد عشان كذا كانوا على اعصابهم

ام هديل/وين كنتي ??خوفتينا عليك

جوري/سامحيني يا خاله ما اعطيتكم خبر بس والله نسيت

لمى/ما علينا من هذا ..وين رحتي?? >>لقافه

جوري/رحت مع اخوي المستشفى وزرنا امي وابوي

ام هديل/بس مهما كان اعطينا خبر انك بتروحين مو كذا تخلينا على اعصابنا

جوري باست راس ام هديل وقالت/حقك علي

ام هديل/طيب قوليلي ايش،صار على امك وابوك

جوري/ابوي بغيبوبه مؤقته واحتمال يصحى منها هاليومين

ام هديل ولمى بنفس الوقت/الله يقومه بالسلامه

لمى/وامك?

جوري بغصه/امي اثر ثاني اكسيد الكربون واثر ع قلبها

ام هديل/الله يشفيها ويعافيها

جوري/اميين

لمى/طيب مو ممكن تتعالج??

جوري/قال الدكتور انه لازم تتسوى لها عمليه خلال هالعشره ايام

ام هديل/وليش ما يسوونها??

جوري/المشكله ان العمليه ما يقدروا يسووها الا في بريطانيا

لمى/طيب لو سافرتوا مع امك مين بيجلس هنا مع ابوك??

جوري/هذا الي محيرني
عند عزام

وصل زياد ودخل المجلس ولقى عزام وابوه.. زياد/السلام عليكم

الكل/وعليكم السلام… توجه زياد لابو عزام وسلم عليه

خالد( ابو عزام)/الحمد لله على سلامتك

زياد/الله يسلمك

وجلس زياد واخذتهم السواليف وابو عزام حس ان زياد قريب منه وكان يحاول

يساله عن ماضيه واهله وكان زياد يجاوب باجوبه مختصره.. ومر الوقت بسرعه

وصارت الساعه9:00..وقف زياد/انا استأذنكم

ابو عزام/على وين? اجلس معانا

زياد/مالك لوى بس والله اني مكلم اختي اخذها عشان بنروح الشاليه

ابو عزام/تروحون الشاليه وبيتي موجود

زياد/والله مانبي نثقل عليكم

ابو عزام/لا مانتم مثقلين علينا ولا شي

زياد/نجتمع ان شاءالله على الافراح.. يلا عن اذنكم

وخرج من عندهم ولحقه عزام… عزام/زياد

زياد/ايش فيك??

عزام رمى عليه مفتاح السياره وقال/خذها لك لما تاخذ لك سياره

زياد/والله ماني عارف وش اقولك ياخوي

عزام/لا تقول ولا شي وروح شوف اختك الي ازعجتنا عليها من اول

زياد/ههههه افهم انها طرده يعني!!

عزام/افاا.. انا اطرد صديقي زياد

زياد بضحكه/لا محشوم… يلا مع السلامه.. اخذ السياره وراح

عند جوري… لما وصل زياد اتصل عليها وقالها انه عند الباب.. طبعا جوري قالت

لام هديل انها بتروح الشاليه ..لبست عبايتها وسلمت على ام هديل ولمى وخرجت..

في السياره.. زياد/اشرايك نروح للسوق منها اشتري لي كم ثوب وانتي كمان..

جوري/ok

راحوا السوق واشترت جوري ملابس وزياد اخذله كمان.. وبعد ما خلصوا من السوق

راحوا مطعم وتعشوا فيه. وبعدها ع الشاليه..

في الشاليه.. رتبوا ملابسهم في غرفهم وبعد ما خلصوا من الملابس جلسوا

مع بعض يتابعون فيلم اكشن… خلص الفيلم وكل واحد راح غرفته..

زياد.. انسدح ع السرير وراح بسابع نومه على طوول

جوري.. كانت بتنسدح لكن لفت انتباهها صندوق بجنب سريرها.. اخذت الصندوق

اخذن الصندوق وفتحته ولقيت فيه اوراق وصور.. اخذت الاوراق تقراها وتفاجأت

بالي مكتوب فيها………..

@@@@@@@@@@@@@@@@@@@@@@@@@@@@@


انتهى البارت

1/تعليقاتكم ع البارت

2/تتوقعون يصحى ابو زياد من الغيبوبه??

3/ايش مصير ام زياد??

4/ليش ابو عزام حس ان زياد قريب منه??

5/ايش كان مكتوب في الاوراق الي لقتهم جوري??

6/فضفضه.. مساحه خاليه لكم ولتعليقاتكم وانتقاداتكم


حبيت اقولكم ان البارت الجاي راح يكون يوم الجمعه الجايه ومن اليوم ورايح

كل يوم جمعه بارت