آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-04-15, 12:26 AM
| #15 | |||||||||||
| نجم روايتي  
|  السلام عليكم ورحمة الله وبركاته مبروك الرواية و بداية الرواية مشوقة و لغاية دلوقت معظم احداثها فى الجامعة و على فكرة أروى فعلا باردة قوى وايات عندها حق لسه عاوزة تهزر مع مامتها و صاحبتها مستنيها و متأخرة و واضح أن نرمين مش سهلة و ندى شكلها هى صاحبة الحكاية على العموم إن شاء الله اكون من المتابعين لروايتك و امنياتى بالتوفيق | |||||||||||
|  |
|
01-04-15, 04:23 PM
| #19 | ||||
| شكرا لكل المتابعين واتمنى ان الرواية تعجبكم ندى ونرمين قاعدين في الكافتيريا نرمين : اوووف الواحد مش عارف هايخلص امتى طول اليوم في الكلية ايه الزهق ده ندى : هههههه تخلصي ايه ده احنا يادوب لسه سنة اولى يعني فاضل 4 سنين _ عادل اتجه ناحيتهم عادل : هاي ازيك يانرمين اخبارك ايه نرمين بابتسامة : اهلا ازيك يا عادل ليك وحشه والله عادل : انا لقيتك مابتساليش قلت اسال انا ندى :........... عادل : مش تعرفينا بصاحبتك نرمين : ندى عبدالرحمن زميلتي عادل ومد ايده يسلم على ندى : اهلا وسهلا بيكي انا عادل مختار معاكم في اولى اسنان ندى مدت ايدها بارتباك : اهلا بيك احم يلا يانرمين عشان نلحق السكشن وسابتهم ومشيت عادل : هي مالها مقفلة كده ليه نرمين : عادي هي بس بتحب تتقل شوية عادل : بس تصدقي شكلها من قريب احلى بكتير نرمين : ههههه امال لو شفتها بشعرخها بقى تعمل ايه عادل بفضول : بيبقى شكلها ازاي يعني نرمين : هي صراحة حلوة بس مش احلى مني طبعا بس شعرها يعقد طويل وفيه خصل صفرا تحسها قالبه على اجانب كده _ روى البخاري عَنْ عَبْدِ اللَّهِ بْنِ مَسْعُودٍ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللَّهُ عَلَيْهِ وَسَلَّمَ: لَا تُبَاشِرُ الْمَرْأَةُ الْمَرْأَةَ فَتَنْعَتَهَا لِزَوْجِهَا كَأَنَّهُ يَنْظُرُ إِلَيْهَا. ـــــــــــــــــــــــــ ـــــــــــــــــــــــــ ـــــــــــــــــــــــــ ـ في كلية طب اروى : ياربي انا كنت خايفة ادخل والدكتور يطردني ايات : احمدي ربنا انه كان مسافر واتاخر شوية اميرة : يلا حصل خير بس تاني مرة تيجي بدري مش كل مرة تسلم الجرة _ على طربيزة تانية في الكافتريا هناء : شوفي شوفي عارفة التلات بنات اللي هناك دول سمر : اه الاتنين المنقبات والتالتة اللي معاهم مالهم هناء : ايوه عارفة اللي مش منقبة فيهم دي اروى عبدالهادي بنت المهندس عبدالله عبدالهادي سمر : ومالها لابسه العفريتة دي تقوليش معندهاش فلوس تشتري لبس رانيا : اسمها ملحفة بصراحة اروى على الرغم من انها من عيلة كبيرة الا انها متواضعة وكمان لبسها محترم سمر : يا سلام و احنا يعني مش محترمين ولا هو باللبس ماياما في بنات منقبة وبيطلع من وراها بلاوي رانيا : الاخلاق حاجة واللبس اجة تانية ومش عشان واحدة منقبة غلطت يبقى كل المنقبات وحشين سمر بغيظ : وانتي بتدافعي عنها ليه يا اختي رانيا : انا مبدافعش انا باقول الحقيقة ـــــــــــــــــــــــــ ـــــــــــــــــــــــــ ــــــــــــــــــــ عادل : بس انا باحس ان ندى دي خام ومالهاش اي علاقات قبل كده نرمين بكدب : يابني انت بتصدق الشويتين دول هي بس بتحب تعيش دور البنت المحترمة عادل : مش عارف ليه مش مصدق تحسي من ارتباكها انها عمرها ماكلمت ولاد قبل كده نرمين بغيظ : لا شكلك هاتحبها بجد عادل : ههههههه حب مين يابنتي انا بتاع الكلام ده نرمين : امال ايه شايفاك مهتم المرة دي زيادة عن اللازم عادل : اممم بصراحة هي تستحق الاهتمام نرمين لنفسها : ( لا الموضوع شكله هايقلب جد انا لازم اخليها تتعرف عليه قبل مايتعلق بيها وانا قاعدة اتفرج ) ـــــــــــــــــــــــــ ـــــــــــــــــــــــــ ـــــــــــــــــــــ _ البنات خلصوا محاضراتهم واروى وصلتهم بالعربية وفي الطريق اروى : ايه رايكم نخرج بكرة نتفسح ونروح ملاهي ايات : نتفسح ايه واحنا داخلين على الامتحانات اروى : عشان نغير جو قبل خنقة الامتحانات وبعدين انتي مش عايزة تروحي براحتك اروح انا واميرة اميرة : ياريت والله يا اروى انا نفسي اغير جو بس للاسف احنا عازمين بكرة اروى غمزتلها : سيدي يا سيدي اكيد عزومة الحبايب اوعدنا يارب اميرة بخجل : هههه هو لسه مجاش من السفر ايات : بطلي رغي يابت وبصي قدامك لاتخبطي في عربية تموتينا اروى : هههههه لا متخافيش انتي زي القطط بسبع ارواح ايات : اللي راحمك مني بس انك انتي اللي بتسوقي ـــــــــــــــــــــــــ ـــــــــــــــــــــــــ ـــــــــــــــــــ م. عبدالله : سلام عليكم ازيك يا حاج عبد الرحمن اخبارك ايه الحاج عبد الرحمن : وعليكم السلام الحمدلله اهلا ابو محمود انت اللي اخبارك ايه وحشني يا راجل بقالي زمان مقعدتش معاك ولابقيت بتعدي عليا ف المعرض نقعد مع بعض شويه م \عبدالله : اعمل ايه بس يا حاج مش فاضي الايام دي خالص وزي ما انت شايف مش معايا حد يساعدني حتي محمود لسه ما تخرجش علشان يشيل معايا الشركه الحاج عيدالرحمن : ربنا يقويك ويكرمك بس ابقي تعالي نشوفك م\ عبالله : خلاص ولا تزعل ابقي اجي اعدي عليك اول ما افضي يلا سلام عليكم الحاج عبدالرحمن : وعليكم السلام ـــــــــــــــــــــــــ ـــــــــــــــــــــــــ ـــــــــــــــــــــــ نرمين بخبث : باقولك ايه ياندى ايه رايك في عادل زميلنا ده ندى : عادل مين نرمين : اللي سلم علينا الصبح ندى : اه ماله نرمين : بصراحة هو معجب بيكي وعايز يكلمك ندى بصدمة : نرمين ايه اللي انتي بتقوليه ده ايه معجب بيا وعايز يكلمني انتي اكتر واحدة عارفة ان ماليش في المواضيع دي نرمين : يابنتي عادي دي مجرد صداقة واهو تتسلي والبنات كلها كده ندى : لا ياستي انا ماليش دعوة بحد نرمين : طب جربي تقعدي معاه ولو معجبكيش ابقى ارفضي ندى : لا انتي الكلام معاكي ضايع( وتلفونها رن ) ندى : ايوه يا ادم طيب طيب انا خارجة وخرجت نرمين لنفسها : ( لا انا لازم اشوفلي صرفة في الموضوع ده .... ايوه يا سلام عليكي يا نونة يا ام الافكار ) وراحت لعادل نرمين : هاي عادل : يا اهلا الطربيزة نورت نرمين بدلع : ميرسي عادل : امال فين صاحبتك انتوا مش خلصتوا سكاشن نرمين بكدب : اه خلصنا بس هي خرجت مع البوي فريند بتاعها عادل : نعم يا اختي امال انا بقالي شهر باكلمك في ايه نرمين : وانا اعملك ايه انا قولتلها انك معجب بيها وهي قالتلي انها بتحبه ومش عايزة تسيبه عادل بغيظ : وده مين ده ان شاء الله معانا هنا في الكلية نرمين : لا ده مهندس ديكور اسمه ادم وعنده 27 سنة لو خرجت دلوقتي هاتشوفه - عادل سابها ومشي نرمين : ( هههه ايوه كده خلينا نخلص من حكاية الست ندى لما نشوف اخرتها معاك يا عادل مانا مش هاسيبك لواحدة تانية مهما حصل ) _ قال تعالى : ( الأخلاء يومئذ بعضهم لبعض عدو إلا المتقين ) ـــــــــــــــــــــــــ ـــــــــــــــــــــــــ ــــــــــــ _ خرج عادل وشاف ندى بتركب مع ادم عادل بغيظ : طيب ياندى وانا اللي كنت فاكرك محترمة دلوقتي ادم والله اعلم قبله كان كام ـــــــــــــــــــــــــ ـــــــــــــــــــــــــ ـــــــــــــ _ رجعت اروى البيت ( بسم الله ولجنا ,بسم الله خرجنا وعلي ربنا توكلنا, السلام عليكم ورحمه الله وبركاته) واتفاجات بوالدها في الصالة عبدالله بعصبية : اروى انا كام مرة قلتلك اللبس ده ماتخرجيش بيه مش كفاية اني وافقتك على الخمار اروى بارتباك : معلش يابابا اصلي كنت متاخرة ولبست على السريع عشان الحق السكشن عبدالله : اتفضلي على اوضتك واخر مرة اشوفك لابسة الملفحة ولا الملحفة دي اروى : حاضر وطلعت جري على اوضتها الام : ايه يا عبدالله مالك متعصب ليه هي غلطت في ايه الحمدلله هي واخوها اخلاقهم ماشتء الله بدل ماتحمد ربنا انها مش طالعة زي بنات اليومين دول اللي الواحد مبيبقاش عارف لابسين ولا قالعين عبدالله : ماقلناش حاجة بس قالت البس خمار ووافقت لزمتها ايه البتاعة دي اللي يشوفها يقول ايه مش لاقيه فلوس تشتري لبس الام بابتسامة : اهدى بس كده وسيبها على راحتها وهي ماشاء الله عليها بتبقى فيها زي القمر انت اللي شكل في حاجة مضايقاك في الشغل عبدالله : استغفر الله العظيم مشاكل الشغل دي عمرها ما هاتخلص ابدا | ||||
|
| |
|
01-04-15, 04:25 PM
| #20 | ||||
| البارت 2 الفصل الثاني اروي طلعت اوضتها وغيرت وكانت هتنام شويه للعصر لانها صلت الظهر ف الكليه لسه هتنام ولقت موبايلها بيرن وكانت ايات اروي بهزار : السلام وعليكم ورحمه الله وبركاته اكيد يعني كالحقتش اوحشك ايات : وعليكم السلام لا ياختي ماوحشتنيش ده الناس كلها توحشني الا انتي الكشكول بتاعي مجاش معاكي انا مش لاقياه اروي : لا يا يويو مش معايا ولا اقولك استني اشوفلك مع كتبي _ دورت اروى في كتبها مالقتوش لا ملقتهوش اسالي اميرة ايات بزعل : سالتها ومش معاها ياربي اعمل ايه ده فيه كل المحاضرات المهمه وانا مش بعرف اذاكر غير منه اروي : ما تزعليش ان شاء الله هنلاقيه احنا نقوم دلوقتي انا وانتي كل واحده تصلي ركعتين قضاء حاجه ونصلي ع الرسول لبكره ويارب نلاقيه ايات : يارب انا خايقه دي الحاجه طالما ضاعت ف الجامعه يبقي انسي تلاقيها اروي : خلي عندك يقين بالله انك هتلاقيه قومي اعملي زي ماقولتلك وانا كمان هقوم يلا بقي السلام عليكم ايات : وعليكم السلام ورحمه الله وبركاته _وفصلت مع ايات وصلت ركعتين وفضلت تدعي انهم يلاقو كشكول ايات ونامت شويه وصحيت اذان العصر وقرات الورد بتاعها ونزلت تحت اروى : ايه ده بتتغدوا من غيري الام : كنت لسه هاندهلك _ اروى قعدت جنب والدها : انا هاقعد جنب بابا حبيبي النهاردة اللي شكله كده والله اعلم زعلان مني الاب من غير مايبصلها : انتي عارفة ايه اللي مضايقني اروى : والله يا باباتي مش باحب ازعلك وادي بوسة اهون عشان ماتزعلش الاب ابتسم : انتي ماحدش يعرف ياخد معاكي حق ولا باطل اروى : ههههههههه ايوه كده الواحد ياكل بنفس قال تعالى : ( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً ) ـــــــــــــــــــــــــ ـــــــــــــــــــــــــ ــــــــــــــــــــ في بيت عبدالرحمن ندى : ياربي نفسي انام ومش جايلي نوم اعمل ايه ادم : باقولك ايه بطلي دوشة خلينا اعرف اتكلم في التليفون ندى بمرح : بتكلم مين هه بتكلم مين ادم بيقلدها : وانتي مالك هه وانتي مالك ندى : امممم شاكة فيك انا مش عارفة ليه ادم بيغيظها : تشكي ماتشكيش براحتك تكونيش مراتي وانا مش عارف هه ندى : ههههههههههه انا اتجوز واحد زيك هزلت !! ده انت لو اخر واحد في الدنيا مارضاش بيك ومدتله لسانها وطلعت جري على اوضتها _ ادم حاول يحصلها بس هي طلعت بسرعة ادم بصوت عالي : ماشي هانتقابل يعني هاتفضلي في اوضتك على طول شوفي بقى مين هايحميكي مني ندى فتحت الباب فتحة صغيرة : بكرة هاروح مع السواق ولا الحوجة ليك يابتاع البنات انت ادم : لا شكلك عايزة تضربي الليلة دي _ ندى قفلت الباب بسرعة ادم : هههههههههه جبانة ـــــــــــــــــــــــــ ـــــــــــــــــــــــــ ـــــــــــــــــــــــــ في كلية طب ايات : باقول ايه يا بنات تعالوا اشوفه في المسجد يمكن اكون نسيته هناك اروى واميرة : يلا احمد : دكتورة اروى اروى وهي بتبص للارض : نعم قال تعالى : ( وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ) احمد : انا لقيت كشكول الدكتورة ايات فاخدته معايا عشان مايضيعش اروى اخدته من : جزاك الله خيرا وادته لايات وسابتهم ومشيت ـــــــــــــــــــــــــ ـــــــــــــــــــــــــ ـــــــــــــــــــــــــ ــ نرمين : صدقت كلامي عادل متضايق : اه يا ختي صدقت انا اصلا من الاول عارف ان مبقاش في بنات محترمة دلوقتي نرمين بابتسامة : مانا قولتلك من الاول وانت اللي ماسمعتش الكلام عموما يا سيدي البنات كتير وفكك انت من ندى دي عادل بعند : لا انا حطتها في دماغي ويا انا بقى ياسي ادم بتاعها ده نرمين بغيظ : اووف وبعدين معاك هو اللي خلق ندى مخلقش غيرها عادل بخبث : دخلت مزاجي وخلاص ومش انا اللي واحدة زي دي تقولي لا نرمين لنفسها : ( وبعدين بقى في الورطة دي انا لازم اشوفلي حل ماهي لو ماحبتوش هو اللي هايحبها انا عارفاه يجري ورا اللي ماتعبروش ) ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ حمزه : كويس كده يعني احمد: اسكت الله يخليك شكلك نقيت فيها البنت زعلت ومشيت حمزه : ههههههههه قلتلك بلاش تنادي عليها هي يعني بذكائك الكشكول مش كشكولها تنادي عليها بمناسبه ايه وبعدين يا بني دي بنت مالهاش ف المواضيع دي ,دي مش بتشيل وشها من الارض ابدا دي تقريبا متعرفش شكلك ايه احمد : محسسني اني انا اللي مقطع السمكه وديلها يعني وبعدين انا مصدقت ولقيت فرصه اكلمها حمزه : بص انا معاك ان مالكش في الحب والحكاوي دي بس عندك الحياه ايزي يعني عندك استعداد تتكلم مع اي بنت عادي خالص احمد: ايه ياعم انت معايا ولا معاها ليكون بتحبها انت كمان لااااااااااااا بقولك ايه عند دي وستوب البنت : ازيكم يا شباب هو السكشن بدء ولا لسه اصلي عاوزه ابدء من الاول علشان افهم علشان اشرح للي غايبين احمد : ازيك يا حسناء مش عارف احنا خلصنا السكشن بتاعنا اسالي حمزه حسناء : ايه ده احمد ازيك يا بني مش ظاهر ليه احمد : تمام الحمدلله ابدا مواعيد السكاشن بتاعنا مختلفه بس مش اكتر حسناء بمياعه : ربنا يقوينا وابقي خلينا نشوفك يلا بقي باي وبعد ما مشيت حمزة : البت دي لزقه اوي يا اخي متصدق وتلاقي حد وتبقي هتموت وتكلمه وعامله نفسها البنت المجتهده بقي اللي مافيش زيها فكرها انت حد يعني من اللي بتتلزق فيهم دول هيبص في وشها ببقي هطق عليها مش بالعها خالص انا مش عارف انت كنت صابر ترد عليها ازاي يا اخي ا حمد : هههههههههههه عادي يابني هي عاوزه تتلزق ناخدها ع قد عقلها تسالي يابني تساااااالي حمزه : تسااااااالي ربنا يهديك ويهديها ويهدي بنات المسلمين ويبطلو اللي بيعملوه ف نفسهم ده كرهو الواحد ف البنات لولا العينات المحترمه اللي بيشوفها كان زمانه جراله حاجه يلا بقي خليني الحق السكشن من اوله احمد : سلاااااااااام يا صاحبي ابقي اشوفك بعدين حمزه : سلاااااام التعديل الأخير تم بواسطة كاردينيا الغوازي ; 02-04-15 الساعة 07:27 AM | ||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
.png)
.png)
.png)
العرض العادي
