آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-08-15, 05:49 PM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  كانت متوترة كتيييير سارة :اهدي يا لميس لميس بخجل :طيب مو كان مفروض مبارح نروح عند بابا سارة :صحيح بس بسام حكا انو صار عنده شغل ضروري واليوم راح تروحوا لميس :ماشي سارة :لميس بسام حكا ما راح يجبرك ع شي حتى لو ما بدك تتزوجيه راح يطلقك بسرعة لميس :وبعدها يا سارة وين اروح ؟؟؟ لا خليني عنده سارة :ماشي يلي بيريحك لميس :وانتي شو قصتك مع زوجك انقلب وجهها لسارة وهي تقول :مالي قصة معة كمان يومين كتب كتابها ليارا وبعد اسبوعين عرسها بعد اسبوعين طلاقي لميس :والله بضيعي حالك انتي حرام عليكي مبين انو بحبك سارة :انا طالعة ع الشغل يلا عن اذنك لو بدك شي هي زهرة عندك طلعت بسرعة وهي تحاول تهدي حالها من الانفعالات والمشاعر المتلخبطة حست بحدا يمسكها ويشدها سحب ايدها بسرعة ولكمت يلي وراها سارة :مروان ؟؟ مروان بضحكة :تعليمي ما راح ع الفاضي سارة :يمكن هادا احسن شي عملته الي سحبها ورجعها ع البيت طلعها ع غرفتها متجاهل نظرات زهرة ولميس دخلها الغرفة وسكر الباب سارة :هي انت شو بتعمل مروان :اممم بفكر بشي سارة : فكر فيه لحالك خليني اطلع سحبها ع الجدار ووقف قدامها ابتسم لما حس برجفتها فك ازار قميصها مروان :غيري اللون الاسود سارة :مروان ابعد هيك عني خنقتني مروان :غيري هاللون كنتي زمان ما تحبي تلبسيه سارة :ما بدي اغيره كمل فك ازار القميص وهمس :انا بغيره الك سارة :ابعد عني يا حقي... حط اصبع ع تمها :لا تكمليها شلحها القميص يلي كانت لابساه ورماه ع السرير قرب منها وباس رقبتها وبلحظة ضعف منها ضمته وحطت راسها ع صدره مروان :احكي انك تحبيني وريحني وريحي حالك صحتها هاي الكلمة بعدته بسرعة واخدت قميصها ولبسته مروان :سارة انا تعبت شوفي معك من هون لعرس اختك يوم عرس اختك بالليل بدي قرارك ازا حابة تكملي معي او تطلقني فاهمة وطلع وخبط الباب وراه نزلت دمعتها سارة :ما بدي اطلق ما بدي بس مو قادرة مو قادرة شو اعمل انا مو قادرة اسامحه وما بدي اسامحه خايفة يكون بيكذب عليا بس شو بده هالمرة ليش رجع ليتك ما رجعت يا مروان ************************************** بعد 4 ساعات بسام :لميس انتي منيحة لميس :اه منيحة بسام :يلا انزلي نزلت وهو وراها واول ما فاتت ابو لميس :ليش ما جيتو مبارح انا قلت انك كنت تكذب بسام :مو انا يلي بكذب بس صارت معي شغلة مهمة سكت شوية وكمل :سالم يلي حاول يعتدي ع بنتك مقتول ؟؟؟ ابو لميس : بيستاهل الله لا يرحمه بسام وكان عارف ومتاكد انو ابو لميس هو يلي قتله بس ما تدخل بالقضية نهائيا بسام :يلا يا عمي خلينا نكتب الكتاب وبعد ما خلصو بسام :يلا لميس وقفت معه ونزلت دموعها وهي تمشي معه احساسها بانها كانت متقلة ع اهلها قهرها ما بتعرف قديش ضلت دموعها تنزل بس صحيت من افكارها ع صوته بسام:لميس انزلي شو مالك نزلت وهي منزلة راسها ودخلت وراه لميس :بسام بسام :نعم لميس :اهلك بيعرفوا بسام :امي وابي متوفين ومالي غير عمي ابو محمد هزت راسها وهي تقول :شكرا انك ساعدتني وانا ما راح اضايقك بحياتك ولو حابب تتزوج انا ما راح امنعك بسام :ما راح تمنعيني ؟؟ لميس :لا هاي حياتك اعمل فيها يلي حابه رفع راسها وقال :ولو قررت انو انتي تكوني زوجتي راح تعترضي لميس :ها ؟ بسام :هههههه ليش اتزوج وانا عندي هالقمر لميس :ما بدي اياك تندم بسام : اووش خلص انا اخترت اكمل حياتي معك وازا انتي اخترتي هالشي صدقيني راح اكون كتير مبسوط واياكي توافقي ع شي بس لاني حميتك من اهلك لميس :من اول يوم حميتني من هدالك الحقير ليش رجعتني لاهلي ليش بسام بهمس وهو يحملها :خلص انتي صرتي معي انتي الي ****************** يتبع........ | ||||
|  |
|
02-08-15, 11:45 PM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كانت قاعدة ع الجوال بتحكي مع خطيبها وصدمها الخبر يلي قرته شهقت بقوة ماجد :مروة انتي منيحة شو صاير استمرت شهقاتها وسمع صوت بكاها قفل الجوال وبسرعة راح عندها دق الباب وفتح الو حاتم ماجد :اهلين حاتم حاتم :اهلين جاي لمروة ماجد :كانت تبكي شو مالها ؟؟ حاتم :تبكي ؟؟؟ طلع بسرعة ع غرفتها ولحقه ماجد حاتم :مروة شو مالك مسحت دموعها :ولا شي خلص طلع حاتم بعد ما اشر الو ماجد ماجد :مروة حبيبتي احكي والله خوفتيني عليك اشرت ع التلفزيون انصدم لما شاف سالم وخبر مقتله عض شفته وقال :لسا بتحبيه ؟؟؟ التفت الو مروة :هلقيت عشان ببكي عليه بحبه لا ما بحبه يا ماجد بس ما تمنيت لحدا الموت ومهما كان بضل ابن عمي ابتسم الها وهو يقول :الله يرحمه حبيبتي ضمها وهو مرتاح بانه قلبها صارت الو ************************ روحت اية مع لؤي و حمزة حمزة :امي انا رجعت ضحك لؤي قال لاية :هاد طبعه من زمان اول ما يفوت الباب يحكي انا رجعت وامي تطلع اله ام لؤي يلي كانت نازلة عن الدرج :اهلين حبيبي اية :هههههه الله يخليكم لبعض حمزة ولؤي :امين ام لؤي :اية ؟؟ حبيبتي الحمد ع السلامة ضمتها اية وهي تقول :الله يسلمك خالتي كيفك ام لؤي :الحمد لله حبيبتي لؤي :يالله شو تعبان ضحك لما التفت الو حمزة واية حمزة :مو كانك نمت عند عمي ابو حاتم اية :شو بتحب النوم يلا ع شغلك حمزة :اه والله وانا تاخرت ع المستشفى يلا عن اذنكم طلع بسرعة اية وهي تشلح شالتها :يلا وانت يا لؤي روح ع شغلك لؤي :ضروري اية وام لؤي :اه ضروري طلع لؤي :اوكي بس بدي اخد دوش واغير لحقته اية عشان تطلع اواعيه بعد فترة طلع وهو لافف الفوطة ع خصره اية :يلا البس اوعيك وانا راح انزل اشوف فطورك لؤي :اية بدي اضل معك مو حابب اروح ع مكان تاني اية :يا حبيبي انا ملكك ومتى ما بدك اياني بتلاقيني لؤي ضمها وهو يقول :اذن استنيني الليلة اية تركته ونزلت تحت بسرعة لؤي : بحب خجلها لبس اواعيه ونزل لتحت اية :يلا حبيبي تعال افطر ام لؤي :لو استنى حمزة شوية لؤي :يعني هلقيت صرت انا صفر ع الشمال ام لؤي :هو الو فترة غايب وبعدين انت عندك مرتك اية :نجى راح تيجي اليوم ام لؤي :لا بكرة راح تيجي ان شاء الله اية :والله البيت بدونها هادي ام لؤي :معك حق والله لؤي :يلا انا طالع اية :ما اكلت شي لؤي :الحمد لله طلع لؤي وقعدت اية مع ام لؤي ام لؤي :شو يا اية ما رجعتي حبلتي اية بخجل :ان شاء الله خالتي ان شاء الله ام لؤي :طيب روحي شوفي وليد صحي او لا اية :حبيبي من مبارح ما شفته طلعت عنده بسرعة ******************************** بعد اسبوعين الاحوال بين اية ولؤي كل مرة بيزيد حبهم حمزة ومنة طلبها ومستني ردها ندى وخالد : مبسوطين كتير وندى عقلت شوية مروة وماجد :عرسها بعد شهر سارا ومروان :ما في جديد وهي مصرة ع الطلاق حاتم خطب بلسم وعرسه بعد مروة باسبوع سمر وامجد : اليوم رجعتهم من السفر صفاء انتهت قصتها بسفرها مع والدها وتركت اية ولؤي يعيشو بسلاااااااام اليوم عرس يارا & سامي ******************************** يتبع............ | ||||
|
| |
|
04-08-15, 01:35 AM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كانت قاعدة لحالها وزهقانة كتير حاتم :شو مالك مروة :زهقت حتى منة النذلة راحت عند اهلها حاتم :تروحي عندها مروة :وين اروح حاتم :عادي ماجد خطيبك مروة :بلا هبل روح مو ناقصة حاتم :طيب انا طالع مع بلسم مروة :الله معك راح اطلع اشوف بابا طلعت عند ابوها دقت الباب ما اجاها رد مروة بضحكة :ما صدق ماما تطلع عشان ياخد راحته بالنوم فاتت عنده وهي تضحك مروة :بابا يلا بكفي نوم هزت ابوها :با.. انصدمت شافت ابوها بارد مروة بخوف :بابا ؟؟ هزته بقوة وهي تنادي عليه ما في فايدة مروة :بااااااااااااابا رد عليا الله يخليك شو صارلك رن جوالها ركضت عليه وردت ماجد :اهلي.. قاطعته بسرعة وهي تبكي :ماجد الحقني بابا مش راضي يصحى مش عارفة شو ماله ماجد :دقيقة واكون عندك قفل منهابعد فترة اجا ماجد دق الباب نزلت تركض وفتحته مروة بصراخ مو راضي يصحى مو راضي ماجد :اهدي اهدي شوية هلقيت نشوفه وين خالتي ام منة مروة :مع منة راحت ع بيتكم ماجد :طيب انا اتصلت بالاسعاف طلع فوق بسرعة وهو يسمع صفارات الاسعاف اول ما مسكه عرف انو متوفي بس شو يقول الها ؟؟؟ وصل الاسعاف وطلعهم ماجد فحصه المسعف وقال باسف :الله يرحمه مروة :شوو ؟؟شو بتحكي انت ؟ شو ماجد :مروة اهدي شوية اهدي مروة :شو اهدى شو بتحكي مين يلي توفى بابا كيفماجد :اهدي حبيبتي اهدي شوية مروة بصراخ :شو اهدى شو اعمل اشر ماجد للمعسف يلي اعطاها ابرة مهدئة وقعت بين ايدين ماجد حملها وراح ع غرفتها حطها ع سريرها ورن ع حاتم حاتم :اهلين ماجد ماجد :اهلين ارجع ع بيتك يا حاتم حاتم :في شي ؟؟؟ ماجد :تعال وبحكيلك كل شي حاتم :انت عنا يعني ماجد :أي تعال بسرعة وجيب امك ورن ع اخوك خالد وخليه يجيب منة وامها حاتم :والله خوفتني شو فيه ماجد :مستنيك سكر السماعة وضل عند مروة يستناها لتصحى بعد فترة سمع صوت سيارة حاتم نزل بسرعة ام حاتم :طيب فهمني يا ابني والله قلقتني ماجد :اهدي شوية يا خالة وين خالد حاتم :بالطريق شو فيه صار لمروة شي ماجد عض ع شفته وحكا بارتباك :ا..ابوك ..ألل.الله يرحمه ام حاتم بصراخ :شوووووووووووو اويلي قعدت ع الارض تضرب بحالها وخدها حاتم :امي اهدي الله يخليكي ام حاتم بصراخ :شو اهدى شو اهدى انت سامع شو بيحكي حست بدوخة قوية وارتمت بين ايدين ابنها حاتم :امي امي ؟؟ ماجد بالله جيب مية بسرعة راح ماجد ع المطبخ وجاب كاسة مي وقعد يصحي بامه خالد :خير اخ حاتم خوفتن... ركض عند امه :امي امي شو صاير ام حاتم :راح ابوك راح خالد :شوو حاتم :ابوك اعطاك عمره قعد ع الارض بصدمة حاتم :خالد الله يخليك انا مصدوم متلك بس لازم نمسك حالنا سمعوا شهقة من وراهم خالد :منة ؟؟ منة :ليش ليش يروح انا حبيبته كنت بحب احكيلي بابا ليش راح لييش حاتم ساعد امه يلي صحيت عشان يحطها بغرفتها :خالد ماجد هدوها خالد :منة حبيبتي الله يخليكي روقي شوية هادا قضاء وقدر ام اية :روقي ماما الله يرحمه ادعيله بالرحمة رن جوال ماجد ماجد :كملت هي امجد وصل انا راح اروح اخدهم بالاول عند اهلي وبعدين نيجي هون طلع بسرعة وخالد يهدي في منة ********************************** يتبع.......... | ||||
|
| |
|
04-08-15, 10:37 PM
| #44 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كانت قاعدة بتلاعب بوليد ولؤي قاعد جنبها بيحكي مع امه وابوه واخوه فجاة اية :آآآآآآآآآه التفت بسرعة :حبيبتي شو صار فيكي اية :اه قلبي اه لؤي :اية لا تخوفيني شو مالك اية :ما بعرف فجاة حسيت قلبي انقبض حمزة بخوف :منة ؟؟؟ اية :شووو ؟؟ حمزة :منة بتحس فيكي واكيد انتي متلها صار فيها شي طلع جواله ورن عليها ما لقى رد حمزة :ما بترد ما بترد لؤي :اهدى خلص برن ع حاتم اشوفه حمزة وهو ع اعصابه :طيب بسرعة اية وهي خايفة كتير :الله يستر رن بجواله بعدها رد عليه لؤي :الو اهلين حاتم .... كيفك ... شو وينها منة اية بترن عليها ما بترد .... شووووووووووو انقبض قلبها :شو صاير الله يخليك حمزة :شو صاير مع منة حاتم :لا خلص راح نيجي سكر اية وحمزة بسرعة :شو صاير مع منة لؤي :احم ..اية .. اية بخوف :لؤي شو صاير ؟؟؟ لؤي :ابوكي اية :شو ماله والله خوفتني لؤي :الله يرحمه وقفت بسرعة لدرجة انها كانت راح توقع وليد مسكته ام لؤي :هاتي الولد عنك اخدته منها واشرت للؤي يهديها حمزة بصدمة :منة ؟؟ طلع يركض ابو لؤي :الله يرحمه اهدي يا بنتي اية :لؤي شو بتحكي انت بابا ؟؟ كيف لؤي :ما بعرف اية ولسا شبه مصدومة :كيف يعني توفى ؟؟ يعني ما راح اشوفه ؟؟ ماراح يجي لعندي ؟؟ طيب ليش انا بحبه لؤي :اهدي حبيبتي اقعدي جنبي تعالي سحبها وهي متل اللعبة بايديه قعدت ضمها وتحسس شعرها القصير يلي بالعافية اقتعها فيه وخبرها انو حلو ومرتب مع انو مقهور ع شعرها اكتر منها اية :اه اييي لؤي :اية شو مالك اية وهي تتالم :آآآآآه بطني آآآآآآآآآآآآآآه حملها لؤي :امي راح اخدها ع المستشفى ام لؤي :انا راح اروح البس عشان نروح عندهم يا ابو لؤي ابو لؤي :ماشي بسرعة ***************** وصل المطار وهو متوتر كتير ماجد :اهلين امجد كيفك وكيف مرتك امجد :تمام الحمد لله يلا ساعدني بالشنط حمل ماجد ومشا للسيارة وركب جنبه ماجد وسمر ورا امجد :شو مالك حاسك مو رايق ماجد :ها ؟؟ لا ما في شي خلينا نروح عند اهلي عشان ترتاحه سمر :معلش ماجد بس بدي اروح ع بيت اهلي ماجد :بتروحي بعدين امجد :لا خلينا نروح عند عمي ابو حاتم اكيد هي مشتاقة لاهلها ماجد :بس سمر :في شي صاير مع اهلي ؟؟؟ اساسا انا حاسة في شي ماجد :ها لا هلقيت نروح بعد فترة ماجد :تفضلو هينا وصلنا نزلت سمر بسرعة وتركت امجد ماجد :بسرعة انزل ورا زوجتك ابوها توفى اليوم امجد :شووو ماجد :مو وقتك الحق مرتك ************************* كان قاعد ومستني الدكتور يطلع بعد فترة طلع الدكتور لؤي :طمني يا دكتور شو صاير الدكتور :المريضة تعرضت لانهيار عصبي ومنيح انو لحقنا يلي ببطنها ولا كانت نزلت مع الصدمه لؤي :شو يلي ببطنها ؟؟ انا بحكي عن اية ... الدكتور :أي ليش ما بتعرف انها حامل لؤي :حامل ؟؟ الدكتور :مبروك طلع الدكتور وترك لؤي يلي مش عارف ازا يفرح ولا يزعل دخل عند اية ابتسم الها الولد يلي كان مستنيه اجاه باس جبينها بهدوءوقعد عندها يستناها وهو يفكر بردة فعلها ************* كانت منة عند امها تبكي وجنبها مروة منة :خالة وين اية ام لؤي :والله يا بنتي تعبت واخدها لؤي ع المشفى منة :ليش شو مالها ام لؤي :والله ما بعرف وما بعرف ليش تاخروا روحي يا بنتي احكي مع حمزة واساليه منة :ماشي قامت وبعتت مسج ليارا تعتذر انو ما راح تحضر عرسها لسبب طارئ ورنت ع حمزة طلبت منه انو يجي ع الباب بعد فترة حمزة :اهلين منة منة بتعب :اهلين حمزة :كيفك منة :بكت :مو منيحة حمزة :خلص حبيبتي الله يرحمه لازم تكوني قوية منة :وين اخوك حمزة :لؤي ؟؟؟ ما بعرف ليش منة :امك بتحكي اخد اية ع المشفى شو صار معه حمزة :لحظة ارن عليه مسك جواله ورن عليه حمزة :الو وينك لؤي .... شو صاير مع مرتك ... بجد ؟؟ ماشي ولا يهمك اهتم بمرتك انت منة :شو صاير حمزة :يلي صاير انو انتي بعد 9 شهور راح تصيري خالة رجعت خطوة لورا بصدمة وهي تقول :حامل ؟؟ حامل ؟؟ حمزة :أي حبيبتي حامل ركضت عند امها وضمتها وهي تبكي ام اية :اهدي يا ماما خلص ادعي اله بالرحمة منة :والله ما بعرف ابكي ولا اضحك اية حامل يا امي حامل ام اية :شو بجد طيب ماما اهدي هلقيت وبعدين بنخبرهم *********************************** كانت تلبس وتجهز حالها لعرس اختها اول مرة تلبس فستان صحيح لونه اسود لكن لبست فستان سمعت الباب ينفتح التفت شافت مروان مروان :بتجنني سارة برسمية :شكرا مروان :انا اليوم مستني قرارك بعد ما نرجع من عرس اختك سارة :انت عارف رايي راح ارجع اليوم ع بيت اهلي شافها بتحاول تلبس سنسالها راح لعندها ومسكه عشان يلبسها اياه مروان :راح اعتبر حالي ما سمعت أي شي من هالكلام وبس نروح راح نتفاهم باس خدها وطلع ********************************** يتبع.......... | ||||
|
| |
|
04-08-15, 10:54 PM
| #45 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| فتحت عيونها بتعب اية :اه بابا لؤي:اهدي حبيبتي اهدي اية بكت :لؤي بابا لؤي :ابوكي الله يرحمه لازم تنتبهي ع حالك كنتي راح تجهضي ابنك اية بصدمة :اجهضت ابني مرة تانية لؤي :لا حبيبتي لا الحمد لله حطت ايدها ع بطنها وهي تقول :انا حامل ؟؟ لؤي:اها حبيبتي حامل اية :بس بابا لؤي :اية حبيبتي اية :انا بدي اروح عند امي لؤي :بنروح بس انتي اهدي هزت براسها لؤي:انا راح اروح اعملك خروج واجي اية :لا تتاخر طلع لؤي ورجع بعد ربع ساعة شافها لابسة عبايتها لؤي:يلا طلعت معه وما حكت شي طول الطريق وصله وقبل ما تنزل لؤي :اية ديري بالك ع حالك هزت راسها ونزلت رن ع امه بسرعة ام لؤي :وينك انت ومرتك لؤي :امي اية عدها وصلت عندك ديري بالك عليها لانها حامل ام لؤي :حامل ؟؟ لؤي :اها اتوا خبرنا الدكتور ام لؤي :خلص لا تهتم قفلت منه وراحت عند اية ام لؤي :اهلين بنتي تعالي اقعدي عندي مشت ورا حماتها وقعدت جنبها وضلهم طول اليوم وهما مشغولين بالضيوف وبالحزن يلي عاشو فيه بالمساء اية بتعب :لؤي انا بدي انام هون لؤي :متل ما بدك بس ارتاحي الله يخليكي اية :لا تخاف ع ابنك لؤي :اية انا ا بهمني الولد ع قد ما انتي بتهميني اية :ماشي انتبه عليها وهي ماسكة شعرها القصير لؤي :خلص اية روحي انتي نامي وانا راح اروح اوصل امي وارجع اية :لا برضو انت روح نام لؤي:ماشي خلص يلا باي اية :مع السلامة باس جبينها وركب سيارته طلعت ع غرفتها شافت سمر ومروة ومنة فيها وببكو راحت عند منة وضمتها ام حاتم :سمر زوجك بدو اياكي سمر :خبريه اني راح انام هون ام حاتم :ما بنفع يا بنتي امجد يلي كان ع الباب :خليها براحتها خالتي بس تعالي شوية يا سمر راحت عنده سمر :الله يخليك بدي اضل عند اخوتي امجد :ماشي بس انتبهي لحالك وبكفي بكي حرام عليكي سمر :شو اعمل يعني امجد :طيب حبيبتي انا راح اروح اذا احتجتي شي عندك التلفون سمر :اوكي امجد :نادي الي منة عشان اعزيها سمر :ماشي راحت عند منة سمر :منة امجد بده اياكي راحت منة الو وهي تبكي امجد :منة حبيبتي خلص بكفي بكي بعرفك قوية لازم تتحملي منة |:بس هاد ابي امجد :بس لا تنسي انو ابي كمان ابوكي هزت براسها امجد :تعالي بابا وماجد بدهم اياكي ونادي مروة كمان نزلت مع مروة ابو ماجد سلم ع مروة :الله يرحمه يا بنتي مروة وهي تبكي :تعيش يا عمي ضم بنته وهو يقول :الله يرحمه حبيبتي بس لا تنسي انا ابوكي وعمري ما بنساكي منة :الله يرحمه اما بالنسبة لخالد بعد ما فضي البيت طلع ع غرفته ببيت اهله ما رجع ع بيته وما سال عن ندى فتح الباب كانت ندى قاعدة ووقفت اول ما شافته خالد :ما رحتي مع اهلك ندى :وكيف اتركك قعدها وحط راسه ع رجليها وهو يقول بتعب :تعباااااااان ندى :سلامتك يا روحي خالد :انا غبي ما كنت بعرف شي عن ابي ما كنت بعرف انو مريض كيف ما عرفت أي ابن انا ندى :لا تقول هيك ابوك كان رافض يخبرك عشان ما يعكر فرحتك كان نفسه يشوف ابنه وهو مرتاح خالد :بس انا هلقيت مو مرتاح وتعبان كتير ندى :خالد هاي سنة الحياة بنزعل لكن مو ع طول خالد بتعب :بدي انام ندى بابتسامة :نام وارتاح *************************************** يتبع...... التعديل الأخير تم بواسطة لامارا ; 05-08-15 الساعة 10:20 AM | ||||
|
| |
|
05-08-15, 07:08 PM
| #46 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سمر :انا مو حابة انام لحالي منة :ولا انا مروة :وان ابدي حدا معي اية :وانا كمان سمر :انا ومروة مع بعض والتؤام مع بعض منة :اوكي راحت اية ومنة ع غرفتهم اية :صحيح كان زمان يعذبني كتير بس كان ابي واخر فترة حسيت بجد اني الي اب منة :من اول ما عرفت اني مو بنت ابو امجد وانا متمنية يكون الي عيلة حقيقية واب حقيقي ولما لاقيتوه راح ضمتها اية ونزلت دموعهم سوا لغاية ما نامو ******************************* روحت مع الفرح وهي متوترة كتير وخايفة من المستقبل طلعت ع غرفتها بسرعة مروان بحزن حاول يخفيه :شو قرارك سارة :انا بدي .. قاطعها مروان :شوفي شو ما كان قرارك انا راح انفذه بس صدقيني انا بحبك سارة :بس انت عيشتني اسؤا حياتي يا مروان ما بتتخيل انا كم عانيت مروان :الله يخليكي انسي كل شي وخلينا نبدا من اليوم من شو خايفة انتي سارة :اتركني لحالي شوية مروان :حاضر ولا يهمك بس اليوم بدي قرارك يا سارة لاني تعبت بجد مو من حياتنا لا بالعكس انا مبسوط انك عايشة معي بس مو متحمل كرهك الي طلع وسكر الباب وراه مروان بعقله :خسرت يا مروان فكرت انك راح ترجع تلاقيها ع طبيعتها وبتستناك غلطت تغيرتي كتير يا سارة بس ولا يهمك حتى لو افترقنا راح اضل متاكد دايما انك مرتاحة قطع افكاره سارة وهي تنادي عليه رفع راسه يشوفها ووقف بصدمة كانت واقفة قدامه بقميص نوم اسود وتاركة شعرها يلي طول لغاية كتافها ع طبيعته ومكياج الفرح لسا ع وجهها مروان :سارة قربت منه وحكت بصوت هامس :قلب وعيون سارة انت مروان :انتي يلي قلبي وعيوني يعني موافقة تضلي معي ومو خايفة سارة :وليش اخاف يعني انا بدي اطلق وخايفة انك تطلع نذل وتطلقني يعني في الحالتين نفس النتيجة مروان :طيب وشو بيصير لو كنت انا فعلا تغيرت وحبيتك مدت ايدها لرقبته وهي تقول :معناها سارة صارت ملكك حملها وحطها ع الكنبة :اذن انتي ملكي باس جبينها وخدها وشفتها ورقبتها سارة :مروان مروان :عيونه انتي سارة :مو هون بلاش تكون زهرة موجودة حملها وهو يقول :هلقيت اشوف شو بدك تحكي ودخل الغرفة وسكر الباب ******************************** يتبع.... | ||||
|
| |
|
05-08-15, 07:30 PM
| #47 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد 5 سنين لؤي :شو رايك لوجين :يعني ماما هي سندريلا لؤي :اها ماما سندريلا عزيز :اجت ماما فتحت الباب :مرحبا ركض عزيز ولوجين عندها حملت عزيز وباسته ونزلت لبنتها باستها لؤي بعصبية :اية كم من مرة حكتلك لا تحملي عزيز انتي حامل بتوام ناقصك ثقل اخده منها عزيز :بابا ما احبك دايما تبعدني عن ماما لؤي :حبيبي ماما تعبانة ما بنفع تحملك ولا بدك ماما تتعبت عزيز بطفولة :لا مابدي لوجين :ماما وين الجزمة اية باستغراب :الجزمة ؟؟؟ لوجين :أي يلي تركتيها وخليتي بابا يرجع الك ويحبك اية :شو يا لؤي ؟؟ لوجين بطفولة :بابا حكا انو انتي سندريلا وانا بعرف سندريلا بتترك جزمتها والامير بيلحقها لؤي نزل لبنته :بس امك تركت برائتها وطفولتها هزت كتوفها بعدم فهم لؤي :بس تكبري بتعرفي روحي العبي اخدت اخوها وراحت اية :حكتيلي سندريلا لؤي :واحلا منها كمان ضحكت بخفة وتمايل معها شعرها يلي صار طويل لؤي :استني شوية غاب شوية ورجع اية :شو هاد لؤي :افتحيه فتحته اية وابتسمت :شعري ؟؟؟ لؤي :اها اية :شو يلي مخليه ؟؟ لؤي :أي شي منك لازم يضل رمته اية :وهي تقول :مو لازمك انا كلي الك مسك شعرها يلي وصل لخصرها :شعرك اكتر شي جنني ضحكت بخفة وهي تدعي انو تستمر هالمحبة بينهم ************ منة وحمزة حمزة :يا الله وشو دخلني انا منة :مو زوجي حمزة :يا سلام وانتي مو امهم منة :وانت ابوهم حمزة :منة بدي اتفرج ع المبارة منة بدلع :حبيبي انت والله الحمل كتير متعبني حمزة :حاضر حبيبتي صرخ بصوت عالي :علي عماد تعالو عشان نطلع امكم بدها ترتاح ضحكت بهدوء وهي تقول :الله يخليلي اياك اخد ولاده وطلع ********************************* حاتم وبلسم حاتم :بلسم اعقلي قبل شهر لسا سافرنا مجنونة سفر انتي بلسم :الله يخليك بدي اروح ع المانيا حاتم :ولا يهمك بنروح بس هالفترة مشغول انا بلسم :ما احبك حاتم :ههههههه ذكرتيني بمعاذ وينه ما شفته اليوم بلسم :حبيب امه هلقيت اناديه سلمى نطت بسرعة :بابا حاتم :حبيبة ابوها سلمى :لا تكذب علي انت ما بتحبي دايما بس تيجي من الشغل تروح عند ماما مو عندي بلسم :شوف البنت حاتم :هههههههههههههه غيورة طالعة لامها بلسم :أي وليش ما اغار بس ما بغار من امي حاتم :ههههههههههههه نادي معاذ ************************* خالد وندى ندى :اووووف تعب تعب تعب خالد :لا بجد مو تعب وحدة ضحكت :بطل هبل اية :بابا بدي اروح عند عمتو اية اليوم خالد :ولا يهمك ندى :لا بجد انا الي قديش بحكيلك بدي اروح عند لؤي ولما بنتك تحكي بدي اروح عند عمته ع السريع خالد :طبعا هي بدها تروح عند اية حبيبتي وانتي بدك تروحي عند لؤي ندى :ههههههه يا سلام واية مين متزوجة خالد :لا حبيبتي بجد والله هاي الفترة انا وحاتم مو فاضين ندى :بعرف حبيبي كنت بمزح محمد :بابا وانا كمان بدي اجي معكم خالد :حاضر يا عيون بابا انت ************* مروة وماجد مروة :ماجد بس والله حرام عليها امك حتى امجد مو موافق يتزوج ماجد :مروة حبيبتي خلص روقي امجد اكيد ما بتزوج هو بحب سمر مروة :كل هاد عشان ما جابت ولاد ماجد :شوفي مروة يعني اختك الها خمس سنين متزوجة وما جابت ولاد واخي من حقه يكون الو ولاد مروة :يعني انا لو ما جبت احمد ومحمود وديالا كنت عادي ببتزوج علي اروح عند ولادي احسن مسكها وسحبها وهو يقول :من متى حياتي تطلع وهي زعلانة حبيتي اخي مالي دخل فيه خلينا في حياتنا مروة :متل ما بدك ******************************* سمر وامجد امجد بعصبية :امي ما بدي اتزوج ما بدي ام ماجد :انا حكيت مع الجماعة واليوم راح تشوف البنت امجد :ما بدي اتزوج ليش ما بتفهمي عليا ام ماجد :بس انا بدي اشوف ولادك امجد :اتركي ولادي خليكي مع ولاد ماجد الدكتورة حكت ما فيها شي وفي امل تجيب ولاد خلص امي ام ماجد :انا حكيت يلي عندي واليوم بتروح بتشوف البنت سمع شي وقع راح بسرعة امجد :سمر ؟؟ ركض عندها :سمر سمر حبيبتي اصحي امجد :امي عجبك شو صار حملها وركض فيها ع المستفى بعد فترة الدكتور :لا ما فيها شي بس هي شوية ضغوطات نفسية اثرت عليها بس لازم ترتاح امجد :ولا يهمك دكتور ان شاء الله الدكتور : اها وخاصة عشان صحة الجنين امجد :اه اكيد ..شو ؟؟؟ أي جنين الدكتور باستغراب :اه هي حامل بالشهر التالت كمان امجد بفرحة :بجد ؟؟ الدكتور :أي اكيد عن اذنك امجد :تفضل ودخل بسرعة عندها سمر :روح تزوج خلص انا ما بقدر احرمك من ولادك امجد :ومين حكا انك بتحرميني يا مجنونة انتي حامل بالشهر التالت كيف ما عرفتي التفت اله بصدمة :حامل ؟؟ امجد :حامل سمر :حامل انا حامل امجد :خلص حبيبتي انا راح اروح احكي مع امي واخبرها واخليها تلغي معادها مع الجماعة ومالها أي حجة سمر :ماشي ********************** سارة ومروان دخلت بيتها وهي تعبانة يارا بطفولة :ماما اشتقتلك سارة :عيون ماما انت يزيد :وانا ماما سارة :وانت روح الماما مروان :وانا شو سارة :انت حياتي كلها يارا :ماما اشتقنالك سارة :معلش حبيبي الشغل كتير يالله من يوم ما تزوجت زهرة وهما بحسو بوحدة يارا :ماما نروح عند عمته زهرة سارة :اكيد بنروح يارا :طيب انا بدي اكل سارة :ماشي حبيبتي وطلبت من الخدامة الاكل سارة :حبيبي مروان :عيونه سارة :كيف شغلك مروان :منيح سارة :طيب شو رايك تستلم ادارة شركتي مروان بصدمة :ليش سارة :حاسة الشغل ماخد وقتي وحابة اتفرغ الكم مروان :اعطيها لاخوكي محمد سارة :مممم بس هو بالعافية عارف يمسك شركة بابا الله يرحمه مروان :خلص حبيتي من بكرة نبدا بالإجراءات ضمته بحب وابتسم مين يصدق انو هاي يلي قبل خمس سنين ما بتحمله ********************************* هنا تنتهي روايتي شكرا لكل متابع وكل ناقد وكل مشجع بهمني النقد النهائي كتييير لاني باذن الله راح اعدلها واذا كانت الرواية مو بالمستوى المطلوب اهم شي اني كسبت صداقات وزادت معرفتي بكم وبالنسبة الي هادا الشي اهم بكتييييييييييير من الرواية تحياتي الكم كبرياء فلسطية | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
