آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
04-04-15, 11:09 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أنا سندريلا / للكاتبة كبرياء فلسطينية ، مكتملة
التعديل الأخير تم بواسطة لامارا ; 05-08-15 الساعة 07:31 PM | |||||||||||||
|  |
|
05-04-15, 09:31 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته اضع بين ايديكم روايتي الثانية اتمنى ان تنال اعجابكم رواية أنا سندريلا للكاتبة كبرياء فلسطينية  بسم الله الرحمن الرحيم نبدأ...... التعديل الأخير تم بواسطة لامارا ; 18-04-15 الساعة 08:26 PM | ||||
|
| |
|
05-04-15, 09:34 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  كانت على سريرها تبكي ملاذها الوحيد من كل همومها لكن هالمرة الهم مو متل كل مرة بالعادة تكون اهانة او ضرب لكن لاول مرة يكون همها شيئ يحدد مصيرها المستقبلي وهي مالها أي راي متل عادتها في باقي امور حياتها صرخت بقوة :آآآآآآآآآآه يا ربي ليش يصير فيا هيك ليش يا ليتني اموت والله حرام حرام سمعت صوت بابها انفتح ما رفعت راسها :خالد الله يخيلك أي شي أي شي الا هادا اعمل أي شي الله يخيلك جاها صوت مرت ابوها (سلمى ): شو قصدك هادا بتتزوجيه ورجلك فوق رقبتك ما في لا اية :الله يخليكي والله ,, قاطعتها مرت ابوها :شو بدك تترجيني يعني لا بتتزجيه غصب وطلعت وسكرت الباب بقوة وراها بعد شوية دخلت ام اية واخوها خالد ( بيكون اخوها من ابوها ) اية :ماما خالد الله يخليكم ما بدي الكل بحكي عنو تبع بنات وسكران وما بعرف ربنا الله يخيليكم امانة خالد لا تقبل خالد :ملاكي (الاسم يلي خالد بنادي اخته فيه ) والله حاولت ما قدرت ابوكي مصر اية :ليييييييييييش ليش انا هي مروة وهاي سمر ( اخواتها من ابوها ) ليش انا خالد : امممم بابا بده الزيجة لانو بيكون ابن اكبر تاجر في البلد وطبعا انتي عارفة ليش انتي مستحيل يتخلى عن وحدة من بناته الدلعوات ويرميها في النا ر اية :وانا يعني مو بنته وهاي يلي واقفة مو امي ليش بيصير معي هيك انا وامي خدامات في بيت ابي وما اعترضنا حدد الجامعة يلي ادخلها والتخصص تبعي وما حكيت كان يبعت واحد يراقبني وانا بالجامعة وما حكيت و ورفض اكمل تعليم وما حكيت بس هادا زواج حرام عليه ليش مش بنته انا خالد :اية انا وانتي والكل بنعرف القصة كلها وليش ابي تزوج امك لا تفتحي صفحات قديمة وانتي عارفة انو بابا دخلك الجامعة بس ليحكي انو انتي بنته ومش مقصر معك لكن داخل البيت ما حدا عارف شو بيصير فيكي سها (ام اية ) خلص حبيبتي خلص والله انتي مظلومة و ربنا ما بترك مظلوم استهدي بالله خالد :ملاكي ؟؟؟ اية :شو خالد :امم في شي كمان لازم تعرفيه نظرت اية فيه واحساسها انو مصيبتها لسا ما خلصت :شو خالد :هو ما بعرف شي عن ماضيكي يعني هو بفكر امي هي نفسها امك ما بعرف بالقصة وانتي ما لازم تحكي شي نزلت الكلمة كالصاعقة على راسها :شو يعني اتبرى من امي وامي ما تكون معي ليلة فرحي خالد :ما راح يكون فرح راح ياخدوكي الاسبوع الجاي اية :ليش حرام اكون متل باقي البنات افرح بليلة فرحي حتى لو كان زوجي مش منيح بس هادا حقي خالد :اسف ملاكي صدقيني حاولت سها :قومي يا بنتي صلي وادعي ربك وصدقيني ربنا ما راح يتركك وبعدها حطي راسك ونامي وارتاحي بكفيكي يلي صار اليوم هزت راسها بايجاب وهي تقول :فعلا بكفي وفردت السجادة على الارض وقعدت تصلي ولما خلصت كانت حاسة بخمول غير طبيعي وحطت راسها على سريرها وكانت راح تغمض عيونها قبل ما تفوت مرت ابوها بصوتها العالي :شو يختي بشوفك صدقتي حالك انك عروسة وما بدك تشتغلي مين بده يطبخ وينظف ويشتغل الشغل قومي يلا وكعادتها يلي اتعودت عليها قامت بصمت عشان تشوف شغلها لتتعرفه اكتر على العيلة ابو حاتم :ابوها لاية وهو صاحب شركة كبيرة بالبلد اما سبب كرهه لاية راح نعرفه مع الاحداث | ||||
|
| |
|
05-04-15, 09:34 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سلمى :زوجة ابو حاتم وربة منزل واكبر همها لبسها ومكياجها والطلعات حاتم :الابن الكبير دارس ادارة اعمال وبشتغل مع ابوه 30 سنة وما بده يتزوج مروة :25 سنة درست صحافة واعلام وبتشتغل ومخطوبة لابن عمها خالد :24 سنة بدرس طب وهو الوحيد باخوته يلي بحب ايه سمر :دلوعة ابوها 22 سنة رفضت تكمل تعليم وابوها ما حكا شي لانها دلوعته وما بحكيلها لا اية :بنت ابو حاتم من وحدة تانية وراح نوضح احداثها مع القصة 20 سنة ابوها خلاها تدرس سنتين طب وبعدها ما خلاها تكمل لاسباب راح نعرفها قريب **** ********************* ****************** ********************** ************* وهي في طريقها للمطبخ عشان تشوف شغلها شافت مروة وسمر مروة :سمر سمعت انو خدامتنا بدها تتزوج سمر :هههههههههههه بتمزحي ؟؟ صدق يلي قال حظ القبايح في السما لايح مروة :لا من ناحية الحظ يلي لايح ما اعتقد سمعت بدها تتزوج واحد مش منيح وكل ليلة مع بنت شكل سمر :ومنيح انو قبل فيها بعد عملتها السودة يلي عملتها كملت طريقها بهدوء متل عادتها ما بتعرف ترد على حدا وبتخاف حتى من خيالها اهلها بعاقبوها ع ذنب مش ذنبها وكل يلي بتعمله انها تضل ساكتة وبدت بحياتها الاعتيادية بين الاعمال ************** *********************** ************************* دخل ع بيته في منتصف الليل وهو بغني ام لؤي :حرام عليك يا امي يلي بتعمله بطل شرب واعدل حالك عشان ازوجك بنت حلال لؤي : ههههههههههههههههههههههههه ههههههههههه ضحكتيني امي صدقيني ما في بنات حلال هاي الايام وبعدين ليش اتزوج وحدة واربط حالي فيها وبمسؤليات وانا بقدر انام جنب الف وحدة فهميني ؟؟؟؟؟ وطلع ع الدرج يغني لغاية ما وصل غرفته راحت لابوه :يعني مو لاقي غير هديك البنت لتزوجها لابني انا ابو لؤي :لو كان ابنك منيح كنت ما رضيت الا بوحدة من بناته المناح بس شو اعمل بابني انا وبعدين لا تقعدي تزني براسي حكتلك كل يلي بدنا اياه من ابنك وبنته يجيبه ولد نربط العيلتين ببعض وبعدين بده يطلقها بده يتزوج هو حر عائلة ابو لؤي ابو لؤي :اكبر تاجر في بلده مشهور كتير ام لؤي :ربة منزل واهم شي عندها راحة اولادها لؤي :25 سنة درس ادارة اعمال وبساعد ابوه صحيح انو مش منيح واخلاقه صفر لكن بالصفقات التجارية لا يمكن احد يغلبه بركز طول النهار بشغل وبتبدا الحياة يلي بتعجبه في الليل وراح نتعرف عليه اكتر خلال الاحداث ندى : 22 سنة بتدرس علم نفس طيوبة كتير وبتحاول تغير اخوها لكن للاسف ع الفاضي *********** ******************* ***************** ****************** ************** راحت لامها بكل دلع : ماما سلمى :يا عيون امك مروة :ماما خطيبي بده يجي يزورني سلمى :اهلا وسهلا امي مروة :طيب اروح ازبط حالي وطلعت تلبس دق خطيبها (سالم )عليها نزلت تفتح الو مروة :اهلين حبيبي سالم :اهلين بحبي كيفيك مروة الحمد لله تمام تفضل شافت اختها دخلت الصالة مسكت خطيبها :حبي لا ما تقعد بالمجلس روح ع الصالة سالم :حاضر مروة :بس شوية وارجع انا تفضل طلعت وهي ناوية ع الشر لاية تعمدت تخلي خطيبها يدخل عند اية | ||||
|
| |
|
05-04-15, 09:35 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اما عند اية كانت تنضف الصالة وترتبها ودخل سالم عليها شافها لكن ما حكا شي ضل يتامل فيها سالم بعقله :يا ربي وشو هالجمال انا اخطب هديك وعندهم كل هالحلا يا ربي قطع افكاره صرخت اية :حقير كيف بتدخل هون بدون ما تستاذن وطلعت بسرعة وهي ع الباب شافت مروة مروة بتتصنع الصدمة :يا حقيرة شو بتعملي عند خطيبي لتكوني حاطة عينك عليه ومسكتها مروة :ماما بابا تعالو شوفو قليلة الادب هاي طلع امها وابوها ع صوتها سلمى :خير امي شو فيه مروة ببكا :الحقيرة هاي دخلت سالم الغرفة وطلعت شوية وهي لحقته نظرت اية بصدمة ابو حاتم :شو ؟؟؟؟؟ يا حقيرة وكعادتها السيئة الصمت هو سيد موقفها مسكها ابوها ودخلها غرفتها :انتي حقيرة مش متربية الحق ع امك ما عرفت تربي ومسكت العصا وبدا يضرب فيها دخل خالد ع صوت ابوه ( لانو اية حتى بالبكا ساكتة ) خالد :يبا شو بتعمل حرام عليك ومسك العصا من ايد ابوه ورماها خالد :ملاكي انتي منيحة حبيبتي ما اجاه رد ابو حاتم :قليلة ادب وانت بتحكي ملاكي قول شيطانتي مو ملاكي الحقيرة هاي حاطة عينها على خطيب اختك كانه مش رايحة ع بيت زوجها كمان اربع ايام ما كان قادر يرد ع ابوه حملها بخفة وطلع يجري فيها للمستشفى اما عند مروة مروة :قليلة ادب انا بخلي بابا يربيها سالم :خلص حبي وبعدين انتي هيك بتشكي فيا كمان انا ما طلعت فيها ولا عبرتها مع انها حاولت تتقرب مني مروة كانت عارفة انو خطيبها بكذب لانها هي من جواها بتعرف اية مالها بهاي الحركات لكن طالما الموضوع بصفها يبقى عاجبها : تتقرب منك الحقيرة انا اورجيها سالم :خلص حبي اهدي وفي قلبه :ولك انخمدي يا ويلي على الملاك يلي شفته والله ما تكوني غير الي وابتسم بهدوء لمخططه يلي حطه بباله الى هنا اكتفي سمر شو بيصير فيها بالمستشفى وكيف حياتها مع لؤي شو سر اسرارها القديمة وليشه الكره كله من اهلها وسالم ومخططاته شو بيصير فيهم يهمني رايكم | ||||
|
| |
|
05-04-15, 09:36 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| زوجته ... زوجته.... زوجته ..... ترددت الكلمة في عقل اية كانت تسمع لصوت ابوها :رضيتي ولا ما رضيتي انتي هلقيت زوجته زوجته ... نزلت دمعة بهدوء كجسم صاحبة الدمعة مستحيل ليش هي لنعرف اكتر خلينا نرجع لقبل اسبوع شوووووووووووووووووووووووو وووووو؟؟؟ ليش شايفيني ولد صغير عندكم تزوجوني وانا ما بعرف لا ما بتزوج حكاها لؤي وهو معصب من كلام امه ام لؤي :يا ابني افهم عليا هاي صفقة مهمة لابوك لؤي :تقوموا تزوجوني لالالالا ومين كمان بنات ابو حاتم يلي ما بهمهم غير شو البس واي مناكير احط وعقلها فاضي امي انتي بتعرفي انو من بعد يلي عملته فيا هالة انا ما بدي اتزوج كلامي واضح ام لؤي :يا ابني الله يرضى عليك اعمل متل ما بنحكي وتزوجها لغاية ما تجيب الولد وطلقها انا نفسي ما بدي هالزيجة لؤي بسخرية :ليش مو حبيباتك بنات ابو حاتم ام لؤي بعقلها (لو كانت وحدة منهم والله لاحطها بعيوني بس بنت خدامة الله يسامحك يا ابو لؤي ) ام لؤي :انت ما بدك البنت هادا قرارك اعمل متل ما حكيت لغاية ما تجيب الولد وطلقها لؤي :ماشي بس لا تلوموني شو ما بدي اعمل بالبنت بعمل ام لؤي :حقك وبعقلها بتستاهل كل يلي بده يصير فيها من لؤي ومني عشان تتعلم كيف توافق ******************************* كانت هادية متل عادتها بتجهز في الغدا قبل ما يجي ابوها ويزعق فيها سمعت صوت ابوها ارتعبت وارتجفت كل ما بتسمع صوته بسرعة حطت الاكل ع الطاولة وانتبهت لنظرات ابوها الها ابو حاتم بصوته الخشن :اية كم عمرك انتي ارتبكت اية وتهيا الها انها ما سمعت السؤال رفعت راسها وكان فيها فرحة فرحة كبيرة اول مرة تحس انو ابوها مهتم فيها ية بصوت ما بنسمع وهادي كالعادة طبعا :عش ... عشرين سنة ابو حاتم بجفاء ليحطم فرحتها :منيح ركضت ع المطبخ وهي بتسمع دقات قلبها كان وضعها متل وحدة بتشوف شريك حياتها لاول مرة ضلت ع هالحالة طول اليوم لغاية ما اجت امها ام اية :ماما حبيبتي ابوكي بده اياكي رفعت راسها بفرحة :عنجد ؟؟؟ ام اية :اه بيستناكي بالمكتب ركضت بسرعة ع المكتب ودقت الباب وفاتت ابو حاتم :فوتي وسكري الباب وامحي الضحكة هاي يلي ما الها لازم انمحت ضحكتها واجا مكانها الصدمة وهي بتدعي ربنا انو يكون الموضوع خير ابو حاتم رمى قنبلته :انا قررت ازوجك وعرسك بعد اسبوع اية :شوووووووووو ضربها ابوها كف وهو يقول :انخمدي انا يلي بقرر مو انتي فاهمة كتمت دمعتها وشهقاتها وكانت بدها تطلع ابو حاتم :مو ناوية تعرفي مين زوجك .... ( وضغط ع كلمة زوجك ) اية وهي مخبية دموعها :م ..م.. مين ابو حاتم :لؤي ابن ...... ما قدرت تكت صدمتها وما بتعرف كيف حكت :شو لا لا الله يخليك لا انت ما بتسمع عنه انه واحد سكران وتبع بنات الله يخليك لا وال.... سكتها كف تاني من ابوها وهو يقول :انتي انخمدي لا يعني لا والعرس الاسبوع الجاي رجعت من ذاكرتها ع صوت اخوها :ملاكي ؟؟؟ انتي منيحة ما ردت خالد : ملاكي احكي طلعي كل يلي بقلبك اية :شو ذنبي انا خالد :شو بدنا نعمل اختي هيك ابوكي بده هاي صفقة مهمة بالنسبة الو وكل المطلوب من هالزواج ولد يحمل اسم العيلتين ويدير الشركة يلي بدهم يفتتحوها اية وهي غرقانة بالدموع :ما بحكي عن الزواج بحكي انو ليش بتحمل ذنب ابي ؟؟ خالد بعدم فهم :ذنب ابي ؟؟؟؟ شو قصدك اية صرخت :قصدي انو انا نتيجة غلطة منه اجا ع بيته سكران واعتدى ع خدامة بيته وخاف من كلام الناس وتزوج امي شهر ليتاكد انها مو حامل بس كانت حامل واجت مصيبة ع البيت كله وبعدها طلق امي وضيع سمعتها قبل ما تفضحه انا قدام الناس بنت اكبر تاجر وجوا بيتي خدامة انهارت عند رجل اخوها :ليش يا ربي ليش كتبت عليا الموت ليش ما تهنيت بحياتي لا ببيت زوجي ولا ببيت اهلي ليييييييييش انهارت بالبكا خالد :ارحمي حالك اختي حرام يلي بتعمليه ويلي بتحكيه اية بخشوع :استغفر الله العظيم يا رب سامحني خالد :يلا اختي زوجك بستنا فيكي ********************************** كان لؤي قاعد عند اهله بالحفلة يلي عملوها وهو بفكر شو يعمل فيها ما بده يخلي طريقة الا ياذيها فيها حاتم :شو وين سرح العريس لؤي بهدوء :بعروستي حاتم :اها دير بالك منها لؤي :شو قصدك حاتم :لؤي انت صاحبي شو ما صار صح لؤي :مزبوط حاتم :اذن يلي ما برضاه لحالي ما برضاه الك لؤي :شو فيه حاتم :صحيح انو العروس اختي بس انت صاحبي احم .... اختي اية كانت تعرف شاب قبل فترة عشان هيك بابا خلاها تبعد عن الجامعة لؤي :شوووووووووووووووووو ؟؟؟ حكاها بصدمة كانه اشرف واحد ع الارض ونسي او تناسى لياليه واعماله حاتم :انا حكتلك عشان تملى عينها وطلع من عنده وهو ضامن انو اية ما راح تعيش يوم سعيد بحياتها ************************************************** ** كانت مرعوبة طول الطريق ما فكرت حتى تشوف شريك حياتها يلي جنبها شافت السيارة وقفت ونزلت لتبدا اسوا حياة كانت تتخيلها دخلت معه الغرفة وهو طلع بسرعة ارتاحت بعد ما طلع وغيرت اواعيها وهي زعلانة من ابوها يلي حرمها حتى حقها بانها تلبس الفستان الابيض كانت لابسة فستان بني طويل بدون كمام ونافلة شعرها البني الغامق ع كتافها وواصل لاخر ظهرها نامت بسرعة خوفا من جية لؤي وصل لؤي ع بيته ع الساعة 4 بعد ما خلص ليلته ودخل غرفته وابتسم وراح الها وهو ناوي ع الشر وع تعذيبها لكن قبل ما يمسكها انتبه لملامحها جمالها اللبناني وجهها الابيض وعيونها الواسعين يلي مش عارف لونهم منخارها وتمها صغار متل الاولاد عصب من حاله ومن تفكيره مسك شعرها ورفعها بعصبية صرخت اية وهي مسغربة شو يلي صار وتذكرت كل شي وتذكرت مصيبتها بكونها زوجة لؤي ابن .... اية برعب وبصوت غير مسموع :شو فيه لؤي :ما في شي يا حرمي المصون كل الموضوع اني ببشرك بحياة اسود من قرن الخروب ما حكت اية شي متل عادتها لؤي :قومي حطي الي اكل طلعت بسرعة من الغرفة وتاهت بالبيت ما بتعرف شي فيه .....: لوين نقزت اية ولفت بسرعة :هههههههههههههه اسفة رعبتك اكيد انتي مرت اخي ما شفتك قبل صح اه انا سمر اخت لؤي 22 سنة انتي اية صح استغربت منها ومن كلامها الكتير اية بصوت مش مسموع :اه صح سمر :يا ويلي ع هالصوت الله يكون بعونك يا اخي بيلزمك سماعات اذن من ورا مرتك هههههههههههههه المهم شو بتعملي ليش تارمة زوجك بالليل وغمزت الها اية بارتباك :وين المطبخ سمر باستغراب :من هون تعالي وفاتت معها المطبخ وبدت تجهز اكل : سمر :لمين ؟؟؟ اية :مو ضروري تعرفي بس الله يخليكي لا تحكي لحدا انك شفتيني اوكي سمر باستغراب :اوكي بس لازم اعرف كل شي يلا باي وطلعت خلصت اية الاكل وطلعت حطت قدام لؤي يلي اكل بدون ما يعبرها علش صغير بعرف لكن صدقوني ما معي وقت ما بقول غير حسبي الله ع الامتحانات ههههههههههه اسفة ع التاخير كمان مرة | ||||
|
| |
|
05-04-15, 09:37 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التالت ضربت الطاولة بايدها وهي تقول بعصبية :شوووو ,كيف يعني مش فاهمة انا .وليش ما وصلني خبر بالموضوع شو بتشتغلو على الفاضي انتو الشاب باحترام :يا انسة ما كنا عارفين وما صار فرح ولا شي فجاة طلع السيد لؤي ورجع مع زوجته وعرفنا انو متزوج وحكنالك صفاء :ما بهمني انت بتشتغل عندي لتعرف كل شي بعمله لؤي قبل ما يصير مو بعده انقلع انقلع من وجهي طلع الشاب بسرعة وهي قعدت على مكتبها تغلي وتقول :انا بورجيك يا لؤي حاولت كتير اتقربلك وانت مطنشني وهلقيت تتزوج بس لا تخاف وحياتي ما تضل مبسوط معها كتير ورجعت تشغل حالها بشغلها صفاء :22 سنة بنت اكبر رجال الاعمال في لبنان وهي بنته الوحيدة بيضاء عيونها عسلي شعرها اسود سواد الليل بس هي تصبغه اصفر شعرها قصير لغاية الرقبة ناصحة شوية ابوها سلمها جزء من شركاته لتديرها وحققت فيها نجاح كبير تحب لؤي بعد ما عملت صفقة معه وحاولت كتير تتقرب منه لكن بدون فايدة وراح نعرفها اكتر مع الاحداث ***************************** كان قاعد مع خطيبته مروة :حبيبي شو مالك ساكت سالم :ولا شي حبيبتي بفكر بالشغل مروة :لا تفكر بالشغل عندي سالم :حاضر حبيبتي ممكن تخلي خدامتكم تجيب الي عصير (وهو بقصده بده يشوف ايه) مروة : هههههههههههههههه ضحكتني حبيبي خدامتنا تزوجت تصدق ههههه سالم :شو تزوجت ؟؟ كيف ؟؟ومين مروة :تزوجت لؤي ... اكيد بتعرفه سمعته سابقاه كان يغلي بسبب زواجها وما انتبه لمروة شو بتحكي مروة :حبي شو مالك اليوم سالم :حبيبتي بس عندي شغل ضروري لازم اخلصه يلا باي وطلع وهو يفكر كيف يفصلهم عن بعض لازم يجيبها عنده ****************************** كان قاعد وسرحان اجت سمر اخته :حاااتم حاتم :خير شو فيه سمر :مالك سرحان حاتم ولا شي شو بدك سمر :زهقانة بدي اطلع حاتم :روحي لخالد مو هو القلب الحنون تبع العيلة سمر بقرف :قول القلب الحنون لخدامتنا ما بعرف شو بحب فيها حاتم :روحي اساليه سمر :تلاقيها هلقيت قاعدة والخدم تحت رجلها حاتم :هههههههههه لا حبيبتي هلقيت بتعيش حياة اسود من قبل حكيت للؤي ليش طلعناها من الجامعة سمر :يا ويلي على بيصير فيها هلقيت نفسي اشوفها حاتم :تخيلي ههههههههه سمر :طيب يلا بدي اطلع حاتم :طيب روحي البسي طلعت تلبس ورجع لسرحانه معقول بتحبها يا حاتم لا لا شو تحب وبعدين كيف تحبها وهو مسلم وهي مسيحية لا لا شو شكلي بديت اخبص بالحكي لازمني ليلية من ليالي لؤي عشان انسى مسك جواله ورن عليه رد عليه لؤي بعد دقتين لؤي :الو حاتم :اهلين بشوفك بطلت تبين كيف الزواج لؤي :متل يلي تورط بمصيبة وما عرف يطلع منها حاتم :ههههههههههههه المهم ضايل على ليالك ولا نسيتها لؤي :شو انساها لا طبعا حاتم :اذن بمر عليك اليوم وبنسهر لؤي :تمام سكر لؤي ولملم اغراضه وورجع على بيته فات غرفته كانت سرحانة الو اسبوع متزوج وهو كل ما يفوت عليها تكون سرحانة يا ترى بمين تفكري يا اية وليش مهتم يا لؤي شو بدك فيها ليتها تموت بس ليش هي البنت الوحيدة يلي بنجذب الها انتبه لعيونها الخضر الواسعات وقال وهو يتصنع العصبية :هي انتي دايما سرحانة ارتجفت بسماع صوته وقامت بسرعة لؤي :حطي الغدا طلعت بسرعة ورجع لافكاره تذبحني هالبنت عفويتها طفولتها وجمالها نفسي اضمها واخليها بين ايدي بس لا ما بمسها والولد يلي بستنوه ما راح يجي بس ليش من يوم ما شفتها ما لمست اي بنت صرت اشوف كل البنات تافهات حتى بطلت اروح على الشاليه لييييش ابتسم لما تذكر انو بروح ينام في فندق ويرجع الها بنص الليل ليصحيها مرعوبة ويقومها تحط العشا الو صحيح اوقات بيشفق عليها بس لا لازم يشوف دموعها الو اسبوع يعذب فيها ما شاف ولا دمعة ليش بتتحمل ليش ما ترجع لابوها تحكي انو بعذبها ليييش انقطعت افكاره لما انفتح الباب وشافها تدخل اية بصوتها الواطي المعتاد :الاكل جاهز لؤي :طلعيه شو بتسني يعني اية بخوف :ابوك بده ياكل معنا لؤي :اها طيب وطلع ولحقته اية لؤي :وين رايحة اية مع الخوف يا دوب صوتها طالع :ح .حكتلك ابوك بده ياكل مع ..معنا لؤي بسخرية :على اساس عرسان يعني شاف وجه اية يلي صار الوان انجن منها شو حكا لتخجل بنام جنب بنات وما بشوف لمحة خجل منهم اما اية فكرة انها تكون متزوجة فقط تخجلها قعد على الطاولة مع ابوه وامه وندى اما اية بدت تجهز بالسفرة وتحط الاكل حزنت عليها ندى وحكت كتير مع امها بس على الفاضي تذكرت ندى كيف حكتلها اية كل شي وكيف ابوها باعها وحجم خوفها من لؤي حكت لتغيظ لؤي :اية على فكرة حبيبتي لبسك اليوم يجنن ارتبكت اية وكانت هتوقع الاكل لكن مسكت حالها وهي تقول :شكرا يسلمو اما لؤي يلي انتبه على لبستها ذاب عليها وما رفع عيونها عنها كانت لابسة بلوزة سمرا كت على بنطلون سكني احمر وصندل احمر وفالتة شعرها يلي واصل لاخر ظهرها ما انتبه لؤي على حاله الا لما خبطته ندى وهي تقول :حلوة صح ؟؟ طنش اخته تماما ورجع لافكاره ما راح اضمها لو ضميتها ما راح امسك حالي لا الولد يلي بستنوه ما بيجي ابدا اما اية ارتبكت من نظرات لؤي الها وارتبكت اكتر لما شافت مكانها جنب لؤي تمنت لو انو لؤي قعد على الطرف وندى جنبه وهي جنب ندى قعدت بخوف جنبه اما هو بمجرد ما قعدت شم ريحة عطرها ودوخته شغل حاله بالاكل ولكن ضل يطلع عليها بطرف عينه ابتسم على تفكيره كان مسموح الو يكون مع اي بنت وهلقيت مع مرته لا لا خلص يا لؤي لا تحلم بهاي البنت انتبه على امه تقول :ليتها تدووم هالبسمة بس خير شو يلي مفرحك لؤي فكر بسرعة :اذا كنت خايف اضمها عشان ما تكبر الامور معي ليش ما اضمها قدام اهلي قال وهو يحاوط خصرها بايده :بمرتي ارتبكت اية ووقعت المعلقة من ايدها وتحول وجهها من الابيض للاحمر اما لؤي عجبه الوضع تماما وقرب منها وباس رقبتها ندى يلي كانت تعرف كل شي قالت :لؤي من هوون لسا ما تزوجت انا لؤي ابتسم ونفسه يشكر اخته لانها فعلا انقذته ما كان قادر يوقف معقول حبيتها لا لا يا لؤي ما حبيتها انت بدك جسمها بس اما اية المسكينة بعد ما تركها لؤي طلعت بسرعة لغرفتها وهي ترتجف ليش ليش عمل هيك وليش انا حسيت باحساس غريب كاني ما بدي اياه يوقف انتهت على الباب ينفتح انكمشت مكانها لما شافته اما هو طنشها وغير اواعيه لبش بلوزة سمره نص كم وبنطلون اسمر وطلع بسرعة ما كان بده يشوفها او بخرب كل شي بعد دقايق اندق الباب وكانت ند ندى :خير شو اير مع لؤي اية بخوف :انا نفسي ما بعرف ندى : اية احكيلك شي ولا تزعلي مني اية :شو ندى :انتي بتعرفي اني بدرس علم نفس وبعرف تفكير الانسان من نظراته او فعلهم ويلي شفته بعيون اخي حب اية برعب:شو ؟؟ ندى :ممكن بس كانه خايف يصرح بالشي ما بعرف والله اخي حيرني كتير اية تذكرت خالد يا ترى شو بيصير فيك مين بساعدك ومين بحط الك العشا لما تكون متاخر ندى :والله اخويا ماخد عقلك اية :بفكر بخالد مشتقاله سمعه الباب انفتح وكانت ام لؤي :شو مالك نسيتي شغلك يلا قوومي ابتسمت اية وطلعت ام لؤي :اشك انو هاي البنت مركوبة دايما تضحك ندى :لا بس بتتذكر حديث الرسول تبسمك بوجه اخيك صدقة وطلعت مع امها وكل وحدة راحت على غرفتها خلصت اية شغلها وقعدت مهدود تمددت على السرير وقعدت تفكر بخالد وقفت لما سمعت صوت سيارة كان لؤي وبعد شوية دخل غرفته وهو يقول :اعملي شاي طلعت بسرعة مابده اياها تكون قدامه حس حاله مخنوق شلح بلوزته ورماها وتمدد على السرير غمض عينيه لما سمع صوت الباب دخلت اية الغرفة وشافته نايم حطت الشاي على الطاولة قبض الحرام يلي تحته بايده قربها منه بوتره كتير جابت حرام وقبل ما تغطيه كنفشت شعره وهي تقول :عشان لا تعذبني معك ههههه خافت يصحى غطته بالحرام ولامست اصابعها صدره ما قدر يتحمل اكتر فتح عينيه وحاوط خصرها وسحبها ناحيته وقبل ما اية تستوعب شي كانت شفته ممزوجه بشفتها احساس غريب مشى في الاتنين اية غمضت عينها بقوة اما لؤي انتفض لما سمع صوت جواله وشكر المتصل قبل ما يشوفه مين وقام بسرعة اخد جواله لؤي :الو حاتم :اهلين وينك انت انا عند بيتك لؤي :اوكي نازل مسك بلوزته ونزل بسرعة وطلع حاتم :وينك لؤي :خلص هيني قدامك حاتم :يلا لؤي باستغراب :ما بدك تشوف اختك ؟؟ حاتم :اكيد يلا يلا خليني اشوفها عشان نطلع دخل لؤي مع حاتم وطلع لاية فتح الباب بهدوء شافها لسا مغمضة عيونها ابتسم غصبن عنه لكن اتصنع العصبية وهو يقول :هي انتي قامت اية مرعوبة لؤي :اخوكي حاتم بده يشوفك يلا بسرعة عشان نسهر فهمت نوعية السهرة تبعتهم وهي ببالها انو هو كل ليلة سهران مع البنات نزلت اية حاتم :هلا اية :اه ..اهلين حاتم :كيفك اية :تمام وانت حاتم :الحمد لله استغرب لؤي من برودهم شو مش مشتاقين لبعض حاتم :يلا لؤي :يلا لكن قبل ما يطلعه اية :حاتم كيف خالد حاتم بعقله :يا حقيرة تسالي قدام زوجك بس انا بورجيكي حاتم :تعبان كتير من يوم ما تزوجتي وهو مرمي على السرير وطلع اما هي وقع قلبها بين رجليها مرعوبة على خالد ضلت تروح وتجي لازم تحكي معه لازم تتطمن يالله لو معها جوال زمان كانت ترن عليه من تلفون البيت وقليل لانه كا دايما عندها اما هلقيت تخاف من كل شي نامت وهي تفكر وصحيت متل العادة على لؤي وهو يرفعها من شعرها لؤي : شو رايك بعيشتك هوون اه احكيلي وضربها كف اما هي بس ساكته لا صراخ ولا دموع وهادا يلي قهره بده يشوف دموعها خبطها كف تاني وقعها على الارض لمح دمعة نزلت منها لكن مسحتها قبل ما تقوم مسحتها جننته رجع ضربها وهو يقول :اعمليلي اكل نزلت بسرعة اما لؤي كان راح ينجن رجع يتذكر شو صار معه دخل هو وحاتم على الشاليه قرب منهم صاحب الشاليه سعد :شو مالكم من زمان ما بينتوا لؤي :مشاغل وهينا جينا سعد :اهلا وسهلا ودخل كل واحد على غرفته لؤي من اول ما دخل المكان وهو حاسس حاله مخنوق ومدايق ولما دخل غرفته استحقر البنت يلي قدامه وسحب حاله وطلع من الغرفة سعد :خير شو مالك لؤي :ما عجبتني سعد :شو مالكم حتى حاتم طلع لؤي :طلع ؟؟طيب طيب طلع لؤي ورجع على الفندق يلي اتعود عليه صحي من افكاره على صوت الباب وشافها بحس حاله بذوب وهو يتفرج عليها شغل حاله بالاكل وخلاها تنزله ونام بسرعة وهي كالعادة رجعت نامت على الكنبة الموجودة بالغرفة ********* بالنسبة لحاتم بعد ما طلع راح على البحر لييش ما بتروحي من بالي يا جوليا ليش ارحميني ما بنفع انتي ما بتستاهلي واحد متلي ليش بفكر فيها كتير لازم انساها لازم اهلي واهلها راح يرفضه هالارتباط يلي بينا لااازم انساها تاني يوم الصبح صحي لؤي كانت لسا نايمة اتامل فيها وهو حاسس حاله راح ينجن بسبب هاي البنت بعد عيونه لما شافها بتتحرك غمض عيونه بسرعة اما هي قامت ولسا ما نسيت موضوع خالد قعدت على الكنبة تستنى فيه يصحى وسرحت وهي تفكر بخالد لؤي :دايما سرحانة ارتعبت اية لكن مع هيك قامت وهي تقول :امانة الله يخليك بدي احكي مع اخي امانة لؤي :احكي معه وشو دخلني انا اية بتوتر :ما معي جوال لؤي باستغراب وبسخرية :معقول بنت من اكبر رجال الاعمال ما معها جوال غريبة خلص اليوم بجيب الك جوال وبتحكي مع اخوك اية :لا امانة هلقيت بدي احكي امانة شفق عليها وحس بلهفتها وخوفها على اخوها مسك جواله وهو يقول :حافظة الرقم ؟؟ اية :اها لؤي :خدي احكي معه ما حست اية بحالها الا وهي ضاماه وتقول :شكرا شكرا كتير الك اما لؤي ما قدر يتحكم بحاله شدها لحضنه ودفن راسه بين شعرها الطويل حست اية بالغلط يلي عملته الاتنين كانو بدهم يروحوا يشكروا الخدامة لما دقت على الباب لؤي :احكي مع اخوكي وانزلي ماشي وطلع بسرعة لمتى يا لؤي كل مرة حدا ببعدك عنها لمتى نزل عند اهله اما هي دقت بسرعة على خالد خالد :الو ؟؟ اية بلهفة :خالد ؟؟ خالد ؟ملاكي ؟؟ ايه بكت :اها كيفك شو اخبارك خالد :تمام الحمد لله وانتي اية ولسا بتبكي :عايشة والحمد لله سمعت انك تعبان خالد :تعبان ؟؟لا ما فيني شي صحيح بزعل لما ارجع وما الاقيكي وبطلت اقعد كتير بالبيت بس الحمد لله ما فيني شي اية :كيف ؟؟حاتم حكالي مبارح انو انت تعبان كتير خالد :حاتم ؟؟كان عندك اية :كان عند لؤي وانا سالته خالد :بكذب عليكي صدقيني وبكون بس مقهور انك حكيتي معه قدام زوجك المهم كيفك وكيف زوجك اية : الحمد لله منيحة خالد :ما بغلبك معه ما بضربك اية :لا ابدا حنون معي كتير وعمره ما عذبني خالد :موفقة حبيبتي بحياتك اية بدها تسكر لتخبر اخوها الحقيقة :خالد هادا رقم لؤي معلش هو بده يطلع على الشغل وعايزه خالد :اوكي حبيبتي روحي قفلت من اخوها ونزلت تحت اية :تفضل اخده لؤي بابتسامه حتى هي استغربت من السبب لؤي بعقله منيح اني حطيت بجوالي برنامج تسجيل المكالمات خلينا نشوف شو حاكية مع اخوها وبشو شكتني طلع بسرعة من البيت وانشغلت هي كالعادة بالشغل يلي ما خلصته الا للعصر اما لؤي بمجرد ما ركب سيارته شغل التسجيل وسمعه لاول مرة س حاله حقيرربس بنفس الوقت لييش عملتي هيك ليش ما شكتيني لاخوكي ليش ما طلبتي انو يجي ياخد لييييش راح على الشركة وضل بالشغل لليل اما اية خافت عليه مو عادته ما يرجع يتغدا هو 3 بكون بالبيت شو اخره اليوم الساعة صارت 7 وهو ما رجع كانت مرعوبة صحيح ما بتحبه لكن بتخاف عليه وتحس انو سند الها ما قدرت تتحمل اكتر راحت ع غرفة ندى دقت الباب وفاتت اية :فاضية ندى :لا عندي امتحان بكرة بس شو فيه اية :رني على لؤي لهلقيت ما رجع ندى :خدي الجوال ورني انا مش فاضية ارتعبت من فكرة انها تحكي معه بس خوفها عليه خلاها ترن اخدت الجوال وراحت ع غرفتها دقت عليه ورن بعد تلات دقات لؤي :خير يا قلق شو بدك اية بهدوء وخجل :لؤي ؟؟ لؤي ما صدق انها ترن وقال بعقله :يا ويلي على الصوت يا ريتني عندك طلع من افكاره على صوتها تناديه لؤي :اه معك خير فيه شي اية :لا ما في شي بس تاخرت اليوم مو عادتك انقبض قلبه خايفة عليا لييشة لؤي :خايفة عليا ؟؟ ارتبكت اية وما عرفت شو تقول عرف انها خجلت ابتسم تلقائيا وهو يقول :لا تخافي حبي اجاني شغل ضروري وضليت فيه عض شفته لما انتبه على كلمة حبي اما هي ما قدرت تضل واقفة قعدت وحكت تغير الموضوع :يعني ما بترجع على البيت اليوم لؤي عرف انو لو رجع ما راح يمسك حاله فقال :لا ما راح ارجع وسكر بسرعة اما هي ضلت الكلمة بعقلها حبي يالله ما احلاها رجعت الجوال لندى وراحت نامت تاني يوم صحيت ما لقت لؤي بالغرفة وكانت ندى طالعة على امتحانها وام لؤي طالعة بس ما عرفت وين نزلت تحت لتجهز الغدا وسمعت صوت كان ابو لؤي راحت اية وهي تقول بخوف :اهلين عمي خير نسيت شي ابو لؤي::لا بس عارف انك قاعدة لحالك بالبيت **************************************** ما عرفته شي عن مرته الشاب :لا يا انسة ما طلعت بالمرة الاستاذ لؤي يطلع من الصبح يرجع شوية على بيته وبالليل يروح على فندق ما يرجع الا بنص الليل صفاء :يروح على فندق ؟؟؟ ماشي روح انقلع الشاب :في شي بعد اذنك ؟؟ صفاء :شو مالك الشاب :من فترة في شاب بيجي وبقف على باب بيت الاستاذ لؤي واكتشفنا انو بكون ابن عمها لزوجته واسمه سالم صفاء بمكر :يعني الها معجبين قدام حلو حلو كتير لازم تجيبوه الشاب:احنا فعلا جبناه صفاء :دخله دخل سالم وهو يطلع بصفاء سالم :خير شو فيه صفاء :فيك تحكي صفقة تفيدني وتفيدك سالم :شو هي صفاء :شوف انا بحب السيد لؤي وانت تحب ايا كان اسمها نتساعد انا وياك ونفصلهم عن بعض خاصة انو شكل الاستاذ لؤي معارض الزواج وما قرب على مرته سالم :وشو عرفك صفاء بمكر :فيه حدا متزوج جديد بيروح يبات بفندق ؟؟ سالم :وشو المطلوب مني صفاء :تفضل اقعد وانا احكيلك شو بدي ********************* دخل ابو حاتم على غرفة خدامته (ام اية ) قبل ما يصحى حدا من ولاده ابو حاتم :هي انتي صحيت ام اية مرعوبة :خير شو فيه ابو حاتم :بدي اجيب التانية من مكان ما رميتها ام اية ما استوعب وهي تقول :التانية ؟؟ ابو حاتم :اه التانية يلي رميتها اول يوم ام اية :مستحيل ما بسمحلك تخرب حياتها متل ما خربت حياة اختها وفكرك بتقبل ترجع معك بعد ما تركتها هادا لو لقيتها اصلا ابو حاتم :اخرسي وبتروحي اليوم على الملجا يلي رميتها فيه وبتجيبها فاهمة وطلع ********************************************** نشف الدم بعروق اية بعد ما قال عمها كلمته اية بخوف :شو يعني ابو لؤي :لا تخافي تعالي اقعدي ولا تخافي ارتاحت اية وقعدت قباله ابو لؤي :انا بعرف انو انتي لحالك لهيك جيت في شي ضروري لازم احكيه معك اية :خير عمي شو فيه ابو لؤي :قبل فترة كنت قاعد انا واحد رفيقي وجبنا سيرة ابوكي واكتشفت انه عنده بنته من خدامة وكيف بعاملها حزنت عليك رحت لابوكي وبحجة الصفقة طلبت يزوجك لابني وانا اخدتك لاني عارف انك ممكن تغيري لؤي اه ممكن انتي اتحملتي اهلك كتير وبتتحملي لؤي حاولي تغيريه لا تكرهيه وانا هيني باخد رايك لو حسيتي حالك مش قادرة احكيلي وما بتضلي على ذمته دقيقة وما برجعك لاهلك كمان اية :لا موافقة راح اغيره ابو لؤي :بس انا ما بقدر اساعدك بسلوك زوجتي وابني تجاهك هادا شي لازم انتي تحليه هزت اية راسها بالموافقة ابو لؤي :الله يرضى عليكي يا بنتي اية اول ما سمعت كلمت بنتي نزلت لايد عمها تبوسها وبكت ابو حاتم :روقي يا بنتي ومن بعد اليوم لا تخافي واعرفي انو ابوكي ابو لؤي ما بتركك ابدا مسحت اية دموعها وراحت تكمل شغل وهو طلع على الشركة ********************** كانت قاعدة ومقهورة وبتتذكر احداث قديمة كانت راجعة ومعها توام البنات وكان هو يلي بسوق السيارة فجاة وقفت السيارة ونزل منها فتح الباب يلي عندها وحمل وحدة وحطها عند ملجا ايتام وطلع اما ام اية حاولت كتير تنزل وتاخد بنتها منعها لغاية ما هددها بانو يرمي التانية ابو حاتم :انتي ما جبتي غير بنت وحدة فاهمة ممنوع حدا يعرف بالموضوع الله يلعنك صحيت من سرحانها ودموعها على خدها ولبست اواعيها وراحت على الملجا دخلت ام اية :السلام عليكم المديرة :وعليكم السلام ام اية :حابة اسالك عن بنت اجت عندكم بتاريخ ...... سنة .... المديرة بحثت بالسجلات :اسفة بس ما اجا عندها اي بنت او حتى ولد بهادا التاريخ ام اية :ها وين راحت المديرة :اسفة بكون حدا شفق عليها واخدها قبل ما نشوفها طلعت وهي حاسة حالها مش قادرة تمشي بس بنفس الوقت تحمد ربنا انها ما لقتها يمكن الناس يلي عايشة عندهم احسن من ابوها الحقيقي ********************** كانت تشتغل وهي تستنى فيهم يرجعوا سمعت الباب عرفت انها مرت عمها لانه ندى مطولة ولؤي مش معاد رجعته فضلت تضل مكانها وما تتحرك ما حست الا بايدين تحاوط خصرها دابت بين ايده لؤي يلي رجع ملهوف على شوفتها ما قدر يتحمل اكتر مش عارف يشتغل مسيطرة على تفكيره كله لؤي بهمس :اشتقتلك كتير ودفن راسه بين خصل شعرها دابت اية بين ايديه وسندت راسها على صدره لؤي كان عارف انو جيته كلها غلط بس مش قادر اكتر من هيك حرق رقبتها بانفاسه الحارة وللحظة كان بده يحملها ويطلع على غرفته بس قاطعته امه :لؤي؟؟؟ انتفض لؤي واية لؤي :اهلين امي انا كنت ناسي محفظتي ورجعت اجيبها وسحب حاله وطلع اما ام لؤي استفردت باية وقالت :لا تفكريه بحبك هو هيك مع كل بنت اتحملت اية اعصابها وحكت :بكفيني انو بالحلال ورجعت تكمل شغل وقت الغدا اتجمع الكل وتغدوا ندى :اية في وحدة صحبيتي عاملة حفلة صغيرة شو رايك تيجي معايا اية حولت نظرها للؤي كانها بتستنى رده بس ما حكا شي اية :شو رايك يا لؤي اروح كان نفسه يخبط راسه بالحيط ليش مصرة تعذبيني معك لا تحكي معي لؤي بسرعة :اه روحي بس لا تتاخروا مفهوم وطلع قامت اية وندى ليجهزوا لبست اية فستان اخضر طويل كت سادة ما فيه شي بس ظهره مفتوح شوية كانت تلبس بصندلها الاسود لما سمع الباب انفتح حكت بدون ما ترفع راسها :شوية واخلص يا ندى بس في عقد بدي اياكي تلبسيني ياه لؤي :حاضر ارتعبت لما سمعت صوته اما هو كان باهت بجمالها لبست الصندل وقامت بسرعة رايحة لندى مسكها وهو يقول بصوت مبحوح :وين ؟؟ ذابت على بحة صوته وحكت وهي ترتجف :عند ندى لؤي :ليش مالك زوج يلبسك اياه وقبل ما تعترض لفها وانتبه لفستانها مفتوح الظهر اخد عقدها ولبسها اياه هو كان بحاول يطول في وصل العقد ولما خلص نزل اصابعه على ظهرها المكشوف حست باصابعه الطويلة على جسمها وعلى شفايفه يلي على رقبتها غمضت عينها وهي نفسها تضل بين ايده فجاة انفتح الباب دخلت ندى وهي تقول :لهلقيت ما خل... ندى :اسفة ورجعت طلعت بسرعة لفها لؤي عليه وباس شفتها وطلع بسرعة دخلت ندى :شو صاير بينكم اما اية ما حكت شي *************************** الى هنا ينتهي البارت الثالت اتمنى ردكم وتوقعاتكم اية ولؤي شو بيصير وشو قصة توامها ومين بتكون وكيف حياتها صفاء وسالم مروة شو بيصير فيها حاتم وجوليا علاقة اية بعيلة زوجها يلا توقعاتكم مع تحياتي كبرياء فلسطينة | ||||
|
| |
|
06-04-15, 07:07 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ندى :شو صاير بينك وبين اخي اية ما حكت شي عرفت ندى انو ما عندها جواب ندى :جاهزة ؟؟؟ هزت راسها بالايجاب وطلعوا نزلت على الدرج مع ندى ندى بشهقة :يييي نسيت شنطتي لحظة بس طلعت ندى ووقفت اية تحط شالتها وعبايتها هي الوحيدة المتحجبة بهدا البيت لبست عبايتها وحطت الشالة وخلت خصلتين على ووجهها وصلو لخصرها سندت حالها على الحيط تستنى ندى سمعت الباب انفتح كان لؤي لفت وجهها عنه ما بده تشوفه او تحكي معه حاليا اما هو ضاق بصره عليها وعقد حواجبه فهمت اية انو العباية مش عاجباها اية بعقلها طبعا كيف تعجبه اوووف ليش بيطلع هيك فيا اما لؤي راح لعندها كانت بدها تهرب لكن مسكها ورجعها على الحيط لؤي بهمس وبعصبية :غطي شعرك كله فاهمة كله وراح اما اية ما استوعبت شي اية بعقلها :حكالي اغطيه ؟؟ ليش اخته بشعرها بتطلع يالله والله منا فاهمة شي شهقت لما ندى خبطتها وهي تقول :اية ؟؟الي ساعة بحكي مع حالي انا يلا اية :يلا في الطريق ندى :اية اخي كان بغرفته لما طلعت اية بجمود :بعرف انتي ليش طولتي وانتي بتجيبي الشنطة ندى :دورت عليها بغرفتي ما لقيتها طلعت بغرفتك اية :اها وضلو ساكتين طول الطريق اما عند لؤي جن جنونه قال وهو يحكي مع حاله :ليش ليش مهتم ياا لؤي انت ما طلبت من اختك تغطي شعرها حكيت مع اية على خصلتين من شعرها ليش ما بدي حدا يشوفها غيري رفع راسه بصدمة كانه تذكر شي الحفلات يلي بتروح عليهم ندى مختلطة لا اية ما بتروح على هيك حفلات لا ما بتروح وطلع يركض على غرفة امه دق الباب ام لؤي :خير ماما شوفيه لؤي :الحفلة شو عنوانها ام لؤي :ليش شو فيه لؤي :امي بسرعة اعطيني العنوان اخد العنوان وطلع يجري اما اية ارتبكت ولعنت ندى مية مرة انو ما حكت الحفلة مختلطة وضلت لابسة عبايتها لانو فستانها مكشوف الظهر راحت لندى اية :بدي اروح ندى :ليش ما عجبتك اية :لا ليش ما حكيتي انها مختلطة ندى :هييي انتي بلبنان يماما شو مالك ؟؟ عضت شفتها وقالت :اتصلي على السواق ما بدي اضل ندى :اوكي اوكي اهدي شوية رنت عليه اما اية شافت البلكونة فاضية اية :بكون هناك لغاية ما يجي ماشي وراحت قعدت شوية وسمعت صوت يقول :شو عاجبك المنظر طنشت الشاب يلي بحكي معها وطلعت لكن الشاب مسكها وو يقول :شو مالك خلينا نتعرف اية بصوت واطي كالعادة :ابعد عني الشاب :يا ويلي عل هالصوت يلي ما ينسمع تعالي بس سحبها ناحيته اما اية صرخت لكن ما كملت صرختها انكتمت لما شافت لؤي ما فهمت شي كيف الولد ترك ايدها وكيف طلع لؤي ارتعبت لما شافت كيف يضرب بعد ما فصلو الناس بينهم لؤي راح لاية ومسك ايدها :انتي منيحة سحبت اية ايدها بسرعة وما حكت شي اما لؤي شاف الخوف بعيونها لؤي :لا تخافي خلصنا منه ما حكت شي ولؤي خاف كتير عليها ندى يلي اجت تركض :اية شو فيه حبيتي برضو مافيه اي رد لؤي بقهر :هاي اخر حفلاتك يلا امشي انتي واياها مشت بجمود وكانها مو حاسة بشي ركبت السيارة ولؤي كان خايف عليها ما طلعت منها اي ردة فعل لهلقيت ندى :احكي يا اية انتي منيحة اية :....... ندى :ردي يا اية ردي اية :........ ولا اي حركة كانت مرعوبة مش من يلي صار لا لكن من يلي شافته من لؤي تخيلت حالها مكان الشاب اية بعقلها :يا ويلك يا اية لو يوم ضربك متل ما ضرب الشاب بتروحي فيها صحاها كف من ندى لؤي يلي كان بسوق السيارة /ندى ؟؟؟؟؟؟؟؟؟؟؟؟؟؟؟؟؟؟ ندى :اسكت معها صدمة رجعت لفت على اية وهي تقول :احكي انتي منيحة اية بجمود :منيحة لا تخافوا اما لؤي ما ارتاح حكت جملتها بجمود بدون ردة فعل بس شو تتوقع منها يا لؤي وبطلتنا تعودت تضل ساكتة طول عمرها وصلو على البيت وطلعت اية لغرفتها ولحقها لؤي لؤي :اخدك على المستشفى هزت راسها بالنفي لؤي :انتي ما خفتي من الشاب خفتي مني صح اما اية رمت حالها بين ايديه وبكت لؤي بصدمة :بتبكي ؟؟ كان يتمنى يشوف دموعها ولما شافها تمنى انو ما شفاها اول مرة يضعف بالشكل هاد حس حاله مش قادر يوقف قعد على الكنبة وهي لسا ماسكة فيه ضمها لؤي بين ايديه بقوة بالنسبة لاية كان لؤي مصيبتها والامان بنفس الوقت سمعها بتحكي بهستيريا :انا ما كنت عارفة انها مختلطة والله ما كنت بعرف ولما رحت وشفت حكيت بدي اروح ووقفت في البلكونة استى السواق وبعدها ما بعرف شو صار شدها لحضنة اكتر كانو بطمنها انو كل شي خلص لؤي كان نفسه يروح يقتل الشاب بايده مرت دقايق وهو بفكر فيها وهي لسا بين ايديه انتبه انها مالها صوت رفع وجهها بخوف وابتسم لما شافها نايمة انتبه لعيونها المتورمين ومنخارها الاحمر من البكا لؤي بعقله :هاي البنت متل الصغار بكل حركاتها حملها وحطها على السرير غطاها وباس جبينها وطلع طلع من البيت كله ومسك جواله ورن على حاتم حاتم :الو لؤي :تعال عندي على الشركة حاتم :اوكي سكر الخط وراح عنده ************************* ..:يعني جبته صورها الشاب :اكيد طلعت اليوم مع اخت السيد لؤي وصارت مشكلة كبيرة وشفناها تفضلي صفاء :حلو هيك بكون الشغل رفعت الصور لتشوفهم وشهقت الشاب :في شي يا انسة صفاء :لا ما في شي اطلع برا طلع الشاب اما صفاء رجعت مسكت الصور وهي تقول :ما توقعت مرتك هيك حلوة يا لؤي ولملمت اغراضها وطلعت مقهورة ************ دخل حاتم عند لؤي حاتم :شو فيه لؤي :تعال اقعد قعد حاتم وهو يقول :مالك لؤي :انت يلي مالك حاتم :شو مالي لؤي :ليش يوم ما رحنا على الشاليه طلعت بسرعة حاتم :ولا شي ما عجبتني لؤي :حاتم ؟؟لا تكذب انا صاحبك حاتم :انا بحب وحدة لؤي بفرح :بجد يعني بتتزوج عن قريب حاتم بقهر :لا بحب وحدة مسيحية سكت لؤي وهو مش عارف شو يحكي طلع حاتم اما لؤي ضل مصدوم من مشكلة صاحبة بعد شوي دخل حاتم وهو يقول :صحيح حبيت انبهك اليوم شفت الشاب يلي كان اية تحبه وحكالي انو هي الو حتى لو هي متزوجة وطلع وهو ضامن انها مش راح تكون مبسوطة في حياتها اما لؤي ترك موضوع حاتم وهو يحكي مع حاله كيف انا نسيت انها كانت صاحبة علاقات بالجامعة لازم اعرف كم من واحد لمسها وطلع ******************* اما عند اية يلي كانت مسكاها ام لؤي من شعرها وهي تقول :اسمعي حركات التعب هاي مو عليا فاهمة في شغل بده يخلص روحي انقلعي خلصي الشغل ورمتها على الارض وهي تقول :حقيرة متل امها اما اية بالنسبة الها ام لؤي حكت الشي الوحيد يلي ما بتسكت عليه ما بتتحمل حدا يحكي عن امها وقفت اية وهي تقول :امي اشرف وحدة ضربتها ام لؤي كف وهي تقول :شو صايرة تعرفي تردي حابة احكيلك شو اصلك انتي بالاساس بنت حرام بنت حرااام ابوكي تزوج امك ليستر على حاله فاااهمة اية :والغلط من يلي اسمه ابي مو امي ضربتها ام لؤي كف وقعتها ورفستها ببطنها وطلعت *************** اما لؤي يلي دخل بيته وهو يفكر لازم اعرف كم من واحد لمسها لازم اعرف اية سمعت صوت لؤي بالبيت قامت بسرعة وكانت بدها تروح على الحمام لكن انفتح الباب وشدها لؤي :كم من واحد عادت السؤال بعدم فهم :كم من واحد لؤي :كم من واحد لمسك ,, كم من واحد حبيتي احكي اما اية ما قدرت تتحمل امه تحكي عن امها وهو يقول عنها اية :صفر وعلى فكرة الرقم هادا بشملك انت كمان ودخلت الحمام بسرعة لتهرب منه قعدت تبكي وهي مو قادرة تتحمل اكتر هي ما عندها شهادة ولا عيلة ولا شي كل يلي الها شرفها واليوم بتهموها فيه ضلت بالحمام خايفة تطلع اما لؤي يلي كان يستناها تطلع وهو عارف انها ماراح تطلع وهو موجود خطرت بباله راح للباب فتحه وسكره بقوة اية فعلا فكرت انه طلع رفعت بلوزتها البيج لتشوف بطنها مكان ما ضربتها ام لؤي وطلعت وهي تشوف فيها كانت متورمة ضاقت عين لؤي عليها وهو يقول :من شو هاي اية ارتعبت لما سمعت صوته وما حكت شي لؤي :سالت شي جاوبي من شو اية برعب :وقعت لحالي لؤي بصدمة :بتكذبي ؟؟احكي مين عمل فيكي هيك وليش وجهك متوم مين ضربك اية بصوت ما بنسمع وهي عارفة انو القصة راح تيجي على راسها :ام .. امك لؤي :امي ؟؟؟ وطلع بسرعة راح عند امه يلي كانت بالصالون لؤي :امي شو يلي عاملاه بالبنت ام لؤي :شو عاملة فيها عشان تتعلم ما ترد ولتكون حبيتها يا استاذ لؤي مو هاي يلي قومت الدنيا ما بدك اياها لؤي :ما حبيتها بس برضو ما بدي اقتلها للبنت وطلع من البيت كله وهو راح ينجن بنات ابو حاتم يلي امه كانت دايما تحكي عنهم وتحبهم هلقيت ما بتطيق البنت البنات يلي طول عمره يسمع بقوتهم وجراتهم وصياعتهم عنده وحدة بريئة وبتخاف من خيالها حس حاله مخنوق راح على البحر اما اية متل ما توقعت صار بعد ما طلع لؤي اجتها ام لؤي وهي تضرب فيها وتسبها بردت نارها وبعدين طلعت بكت اية وهي تتمنى الموت وبعدين استغفرت ربنا وقامت تصلي صلت وراحت عند ندى اية :ندى بدي اياكي بموضوع مهم ندى :شوفيه اية :بدي اسالك عن شي ندى :خير اية :يعني باعتبارك اخصائية علم نفس لو بدك تغيري اخوكي شو بتعملي ندى بفرح:راح تغيريه ؟؟ اية :بحاول ندى :تعالي احكيلك بس لا تقعدي تخجلي اية :لو قلة ادب ما راح اسمع ندى :الطم ؟؟الطم على وجهي انا ؟؟انا يلي مفروض اخجل مو انتي اية :طيب احكي ندى :اوكي شوفي حبيتي اخي ما عنده اي حس بالمسؤلية ابدا يعني المشروب وكل يوم مع بنت اهتمام اخي كان وانتبهي على كلمة كان بالجسد فقط لكن انا بحس اخي بحب روحك يا اية اية بصدمة :بحبني ندى :اها بحبك حتى لو كان بنكر هالشي اية اوعك تفكري انو اخي هيك اخي صارت معه صدمة اية :صدمة ؟؟ ندى :اها خطيبته تركته يوم العرس وحكت انها تحب واحد تاني اية شهقت وهي تقول :بجد ندى :مو مصدقة انو عروس تترك فرحها صح ؟ اية بصدمة :لا مو مصدقة انو لؤي كان راح يتزوج ندى :اية قومي قومي ما بدي احكي معك راح تجلطيني اية :خلص اسفة احكي ندى :اخي بفكر انو كل البنات مش مسؤلات بس كل شي تغير بجيتك طيب تصدقي من يوم ما تزوجتي وبطل يجي على البيت سكران ويمكن بطل يروح مع بنات وهلقيت راح احكي شو تعملي ************** كانت ترقص بالحفلة ومكيفة اجتها وحدة ....: خلص عرفنا انك تعرفي ترقصي شو نجيب عريس سمر :وانتي مالك مقهورة لتكون حفلة ابوكي البنت رفعت ايدها لتضربها لكن سمر سبقتها وضربتها وقالت :حقيرة وطلعت *********** الى هنا ينتهي البارت توقعاتكم تحياتي كبرياء فلسطينية | ||||
|
| |
|
09-04-15, 08:29 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كانت طالعة من غرفة ندى ووجها الوان ....:ما كنت بعرف انو اختي مشغلة فرن في غرفتها شهقت اية لما شافت لؤي لؤي :شو مال وجهك اية :ولا شي ما في شي لؤي :اية ؟؟ما بحب اعيد سؤالي شو فيه اية :خلص ولا شي خلص وراحت بسرعة على غرفتها عرف لؤي انو اخته لعبت دور الام يلي بتنصح بنتها ضحك على خجل اية وراح الها ************************************** طلعت سمر من الحفلة والبنت مقهورة منها على الكف يلي اخدته وتتوعد فيها لفت على كل البنات لغاية ما لقت رقم سمر واخدته في الليل كانت سمر قاعدة في غرفتها مشغلة الجهاز سمعت جوالها يرن شافت رقم غريب وطنشت بعدها رجع يرن ردت سمر :الو ...:يا هلا سمر استغربت لما سمعت صوت شاب :مين الشاب :معجب سمر :والله ؟؟؟ابعد عني انت ما بتعرف انا بنت مين بوديك بالف داهية الشاب :انتي سمر .... بنت اكبر رجل اعمال وعلى فكرة بعرف كتير عنك اليوم الثلاثاء يا حلوة النا موعد يوم الخميس الجاي في فندق .....الساعة 9 يا ويلك ما تيجي في الك شوية صور حلوة عنا اعتقد ابوكي بنبسط فيها صح وسكر اتجمدت سمر مكانها يا ربي شو اعمل انا مين يساعدني في مصيبتي يا رب لمين احكي مروة بتفضحني حاتم بقتلني قبل ما يفهم شي وخالد نفس الشي صارت تبكي ونامت وهي تبكي ********************** لحقها وهو يقول :بدي اعرف ليش هيك وجهك رفعت اصبعها بتحذير :لؤي ؟؟؟ لؤي بسرعة :عيونه رفعت عيونها لعيونه تشوفه اما لؤي مسك اصبعها يلي رفعته وباسه حاوط خصرها بايديه وقربها منه اية بهمس :لؤي شو بدك لؤي : ما بعرف ليش تعذبيني معك اية :انا يلي بعذبك لؤي :انتي ما بتستاهليني اية : لؤي ابعد عني لتعرف شو بدك مني باس جبينها وطلع اما هي بكت ضلت طول الليل تبكي اما لؤي ضل بالفندق طول الليل وما رجع الها كان بعطيها فرصة لترتاح من تعذيبه الليلي الها وبنفس الوقت يفكر بحياته لؤي بعقله :شو بيصير يا لؤي من متى حياتك مقلوبة هيك ليش اية لا اية بنت مش منيحة مين الشاب يلي كانت تحكي معه وليش تركته وليش امي ما تحبها مع انها كانت تموت على بنات ابو حاتم رفع راسه كانو تذكر شي اية من يوم ما تزوجت ما راحت عند اهلها ولا اهلها اجوها لييييش في شي ناقص مخليني مش فاهم شي اول مرة احس حالي غبي لهدرجة شو فيه شو فييييييييييييييييه ******************* | ||||
|
| |
|
09-04-15, 08:30 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اية ارتعبت لما صحيت وشافت الساعة 4 الفجر اية :وينك يا لؤي الله يستر ضلت تروح وتيجي وهي مش مطمنة اجت ببالها فكرة راحت عند ندى دخلت عندها كانت نايمة اخدت جوالها وطلعت رنت على لؤي انتفض لؤي وطلع من افكاره على رنة جواله اول ما شاف اسم ندى عرف انو هي ندى هلقيت نايمة شد شعره وهو يقول :ليش مصرة تعذبيني لا تخافي ولا تقلقي عليا تذبحيني انت هيك رد عليها لؤي:الو اية وكانها تبكي :لؤي وينك ليش ما ترد لؤي :شو فيه اية ليش تبكي اية :تاخرت على جيتك وينك كان نفسه يقتل حاله لؤي :راح ارجع على الساعة 6 مش فاضي هلقيت وسكر رما حاله على السرير ونام اما هي يلي فهمته انو مع بنت نامت وهي تبكي وتحاول تقنع حالها انها مش مهتمة صحيت على صراخ ندى الصبح وهي تقول :جوااااااااااااااااااااال� � فاتت عندها وهي تقول :اية شفتي جوالي وينه اية وهي نعسانة :لا ما شفته ندى :وينو مبارح بالليل كان معي اية :شو يلي بدوري عليه ندى :جوالي مالك اية :اه هيوا على الطاولة اخدته بالليل عشان احكي مع لؤي ندى :عمى رعبتيني والله لادبحك راحت الها تضربها ...:لو مسكتيها بدبحك انا ندى :يا امي خفت جيب لمرتك جوال اذا عشان ما تقلقوني انا رفع العلبة يلي بايده وهو يقول :جبته حلي يلا ندى :طب خليني اخد الرقم لؤي :لا هادا بس الي انا حلي هيك ندى :ما راح اطلع الا بس اخد الرقم لؤي حط العلبة على الطاولة وهو يقول :عنجد ؟؟ ندى :اها ركض لؤي وراها لغاية ما مسكها حملها ودخلها غرفتها وقال :لا تقتحمي غرفة واحد متزوج وانت لسا انسسسة ندى :شووو لتكون تعايرني اني ما تزوجت حبيبي لو بدي اتزوج بتلاقي العرسان طابور على الباب شهق لؤي كانو مصدوم وراح على الشباك وهو يقول :اوووه ما في حدا على الباب غير السواق نجيب الشيخ مسكت المخدة ورمته :لؤييييي عمى ان شاء الله انقلع طلع لؤي وهو يضحك وندى ضحكت انو اخوها تغير او بدا يتغير رجع لؤي على غرفة ندى ندى :لا تقتحم غرفة انسة وانت متزوج لؤي بهبل :ليش ؟؟؟ ندى :الشيطان شاطر ندى ولوي:هههههههههههههههههههه� �ههههههه ندى :ليش رجعت وين مرتك لؤي :نايمة سمعه دق على الباب لؤي شاف ساعته وهو يقول :مين جاي علينا بالوقت هادا ونزل يفتح فتح الباب وشاف بنت ...:السلام عليكم لؤي :وعليكم السلام ...:اية موجودة ؟؟؟ لؤي :اها تفضلي قعدها بالصالة وهو يقول :مين احكيلها ************************************* ....:انت متاكد من يلي بتحكيه سالم :انا بحكي عن عمي يعني متاكد هاي بنت خدامة صفاء :حلو يعني هيك نقدر نفرقهم عن بعض بسرعة سالم :لا تمسي البنت بشي والا بخرب كل مخططاتك صفاء :تمام خلينا هلقيت نبدا بالخطة ******************************** طلع لغرفته وشافها نايمة لؤي :اية اية اية :امممم ؟ لؤي :اختك تحت نقزت اية وهي تقول :مين ؟؟؟؟ لؤي :اختك سمر نزلت بالبجامة يلي لابساها ورتبت شعرها على الدرج سمر :اهلين اية اية :هلا خير ان شاء الله مالك جاية بهيك وقت في حدا صاير الو شي ليكون خالد سمر :لا تخافي الكل بخير بس حابة احكي معك بموضوع لحالنا اية فهمت انها ما بدها تقعد بالصالة اية :اوكي تعالي على غرفتي سمر :ولؤي اية :لا تخافي طلعت وهي نفسها مش عارفة شو بدها تعمل وصلت الغرفة وقالت لسمر :خليكي شوية اشوف لؤي فاتت لقته متمدد اية :لؤي ؟؟ لؤي :شو اية :ممكن تروح شوية على الصالة بدي احكي مع اختي شوية استغربت لما طلع بسرعة قعدت هي وسمر اية :سمر قلقتيني شو فيه سمر تبكي :واقعة بمصيبة ساعديني الله يخليكي في واحد يرن عليا وبده يقابلني وبهددني بصور خايفة احكي لحاتم وخالد والله بقتلوني ما بعرف فكرت فيكي انتي بتقدري تحكي مع خالد هو بحبك اية تهدي فيها :سمر روقي شوية عشان افهم فهمتها سمر كل شي اية :وكيف امك قبلت انك تيجي عندي سمر :حكتلها رايحة على صحبيتي اية :طيب خلص لا تخافي بتنحل سمر :كيف كيف بكرة المعاد اية :سمر انتي حكيتي مع أي شباب او اعطيتيهم صورك ؟ سمر :لا والله والله ما حكيت مع حدا اساسا انا ما بامن بالحب وقصص الحب اية :اذن لا تخافي سمر :راح تحكي مع خالد اية :لا خالد في المواضيع هاي عصبي سمر :شو يعني ؟؟ اية :لؤي بساعدنا اهدي انتي واعتبري الموضوع خالص سمر :طيب ممكن تحكي معه هلقيت ابتسمت اية وهي تقول :حاضر ولا تخافي روقي شوية وهلقيت اجيبلك عصير تشربيه ولا تخافي طول ما انتي مو عاملة شي ما راح تتاذي طلعت اية وطلبت من ندى توديلها عصير وراحت على الحديقة شافت لؤي قاعد فيها اية :لؤي ؟؟ لؤي :شو بدك تيجي انت واختك هون كمان ابتسمت اية :لا بس بدي مساعدتك عدل حاله لؤي وهو يقول :شو فيه حكتله كل شي لؤي :وليش ما خبرتي حاتم او اخوكي التاني ما بعرف اسمه اية :خالد اسمه لانهم بعصبوا بسرعة من المواضيع هاي لؤي بجد انا محتاجة مساعدتك راح اعمل يلي بدك اياها بس ساعدني الموضوع هادا لؤي :واضح انك كتير بتحبها لتذلي حالك عشان خاطرها اية :الاخوة ما بتعرف هيك شغلات تخيل اختك بالموقف هادا ساعدني يا لؤي لؤي :بشرط اية وهي خايفة من شرطه :شو ؟؟ لؤي :بدي افطر ميت جوع ابتسمت اية وارتاحت انه ما استغلها اية :امرك هلقيت احسن فطور الك مسكها لؤي : اية اية :اممم لؤي :ضميني اية :ها ؟ لؤي :ضميني مو انا زوجك اية :يا ريت احس انك زوجك لؤي :افهم من كلامك انك بدك اياني اية :بدي اياك تحس فيا ترحمني ما بدي زوج بالاسم وخلص كانت بدها تقوم لكن ضمته قبل ما تقوم وهو مصدوم من يلي سمعه منها قامت من بين ايديه وهو يشد شعره لهدرجة متعذبة بس انا اكتر يا اية في حاجات كتير ناقصة لازم انا اعرفها قبل ما اقولك بلي بقلبي ولما يجي الوقت المناسب راح ارحمك بس هلقيت ما بقدر راحت اية على غرفتها سمر :شو اية :لا تخافي خلص سمر :اية انا اسفة على كل شي عملته فيكي ابتسمت اية :وانا عمري ما زعلت منك بشي سمر :يعني ما كنتي تزعلي وقت ما اخليكي تعملي الي فطور وشاي والطلبات الكتيرة اية :لا لاني كنت دايمة اعمل لاختي مو لوحدة غريبة ضمتها سمر وهي تقول :دايما انتي احسن اية :اوووش لا تبكي خلص صدقوا لما قالو دلوعة سمر :ههههههههههه اية :سمر كيف امي سمر :بتتعب كتير والها فترة بتطلع مش عارفة وين بتروح وبترجع اية :يمكن على السوق سمر :لا بتروح وبترجع تبكي اية انقبض قلبها هي الها فترة اساسا مو مرتاحة سمعت صوت لؤي :سمر صح سمر :اها لؤي :اعطيني اسم الفندق والساعة وبكرة بتروحي على الموعد تبعه ولا تخافي راح اكون معك سمر :فندق .....الساعة 9 لؤي :خلص بكون هناك الساعة تسعة سمر :شكرا كتير لؤي لؤي:انتي متل اختي سمر تستهبل وراح الهم عنها :وكيف اختي معك اية ما بتغلب حدا صح لؤي يحاوط خصر اية ويقول :تغلبني كتير مو كاينة ترحمني اية فهمت قصده اما سمر فكرته يستهبل سمر :طيب انا بدي اروح اية :وين بدري سمر :لا بكفي اقلقتكم على الصبح بس صدقوني طول الليل مرعوبة اية :براحتك يلا باي طلعت سمر ورجعت اية على غرفتها شافت لؤي بطلع فيها اية :شو فيه قرب منها لؤي وهو يهمس :ما حطيتي الي فطور اية ذابت على همسه وقالت :شو احط فطور لؤي :أي شي من ايديكي يعجبني اية اخدت كفايتها من الخجل خاصة لما حاصرها بين ايده والحيطة اية :لؤي ؟؟ لؤي: همممم اية :بدك تفطر لؤي :اها اية :طلعني عشان اعمل فطور لؤي وهو يطلع بعيونها الخضر :وشو دخلني انا اية :لا تستهبل قربها منه باس رقبتها ارتعبوا الاتنين مع فتحة ندى الباب وهي تقول :اختك شو جايب.... شافتهم :سوري سوري لؤي :مسك المخدة ورماها وهو يقول :ما تعرفي تدقي الباب انتي طلعت ندى بسرعة وسمعوا ضحكها من الغرفة اية وهي تهرب منه :راح احط الفطور رجعها لؤي وهو يقول :ما خلصت منك اية والدموع بعيونها :خلص لؤي لؤي :بدي اياكي اية وهي عارفة انها بتقسى عليه :بس انا مش بنت ليل شافت الصدمة بعيونه بعد عنها وهي هربت بسرعة لؤي بعد ما طلعت بحكي مع حاله :معها حق يا لؤي تشك فيك وبحبك كيف لا بس بدي اياها باخدها برضاها او غصبن عنها ضل دقايق يفكر على هالحالة حس حاله راح ينجن طلع بسرعة لقاها بوجهه اية :الفطور جاهز لؤي :طيب ونزل يفطر مع اهله كانت تفطر مع اهله لغاية ما صدمتها امه :وانتي لليوم ما حبلتي شرقت بالاكل وصارت تكح ام لؤي :الاسبوع الجاي نروح على الدكتورة نشوف شو مالك ولا شو رايك لؤي انصدمت اية لما سمعت لؤي يقول : اوكي متل ما بدك الاسبوع الجاي روحوا ام لؤي مكيفة على الموضوع طلع لؤي على غرفته ولحقته اية :شو يلي حكيته لؤي :شو حكيت اية :كيف اروح افحص عند الدكتورة وانا .. لؤي :وانتي شو اية بخجل :وانا بنت لؤي :متاكدة انك بنت ؟؟؟ شهقت وهي تقول :شو قصدك لؤي:ولا شي وتركها وراح اما هي ضلت تغلي وبنفس الوقت تفكر شو تعمل تذكرت امها مسكت الجوال يلي جابه لؤي ورنت على خالد خالد :الو ؟ اية :خالد خالد :ملاكي ؟؟ اهلين حبيبتي كيفك اية :منيحة الحمد لله انت كيفك خالد : انا الحمد لله عايش اية :خالد بدي اسالك عن امي كيفها شو اخبارها خالد :والله مش عارف شو بدي احكيلك بتتعب كتير هالفترة اية وهي تبكي :بدي اشوفها خالد :بحاول اليوم اجيبها عندك اية :كيف نسيت انو لؤي بفكر امي هي امك خالد :ما نسيت بس لا تقلقي بدبرها وان شاء الله امك اليوم تكون عندك بس امسحي دموعك هاي ما بحبها مسحت دموعها وهي تقول :شكرا خالد خالد :يا ويلي استحي انا ضحكت اية خالد :ربي لا يحرمني هالضحكة بس معلش حبي عندي شغل ضروري اية :الله معك وسكرت رجعت تكمل شغلها على الغدا دخل لؤي وقعدوا ياكلو ام لؤي :اليوم اهلك بدهم يجوا اية بفرح :جد ؟؟؟ ام لؤي بمكر :وبدهم يجيبوا معهم خداامتهم ما بعرف ليش شدت اية على ايدها وكان نفسها تبكي ما تحب حدا يحكي عن امها بس طالما راح تشوفها هي يلي بدها اياه *********************************************** | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
