آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-04-15, 06:05 AM
| #21 | |||||||||
| نجم روايتي ومشرفة سابقة وفراشة متالقة بعالم الازياء  
|  البارت 19 .... بعد مرور اسبوع على هذي الاحداث منسدحه على سريرها تحس نفسها كارهه حياتها من بعد خسارتها لبدر ... اخذت الزقاره الثالثه وبدت تشرب حست بملل قاتل حست بفارغ عاطفي قوي قررت انها تكلم عبد الله دقت مره ومرتين لاكنه مارد عصبت ورمت جواله عالسرير : اووووووووف مايرد هذا شوي واتصل عبد الله وردت على طول : انت وينك لاكن عبدالله رد عليها بهدوؤ: هلا ياروحي هلا ياقلبي هلا يادنيتي انتي ... مروة بهدوؤ: هلابك وين كنت ليه مارديت بسرعه عبدالله بدهاء : خفتي علي مروة سكتت ماعرفت وش ترد ماتنكر انها خافت عليه لاكن ماتبغى غرورها وكبريائها ينكسر عبد الله ابتسم : حبيبتي شكلها طفشانه تنهدت مروة : مرره طفشانه عبد الله : اجهزي ياقلبي وتعالي لي الفله ونطلع الشاليه انا وانتي ووسعي صدرك مروة : اوك دقايق بس وانا عندك قفلت مروة من عبدالله وبدت تجهز وتجهز لها ملابس دام فيه شاليه ... في هاللحظه انظرب الباب مروة بعجرفه : اوووف نعم انفتح الباب وكانت جود تأففت مروة : جوود ماني ناقصتك وش جابك هاااا جوود بأنكسار : مرووة وش فيك علي انا مالي ذنب .. مروة بكل عصبيه : تاكلين تبن كلكم الله ينتقم منكم يوم انكم علقتوني فيه جود : والله اني كلمته وش اسوي هذا انتي اقنعتيني اخذ اخووك لاكنه مو محسسني بأي شي لنا اسوع وزياده مافكر يتصل او يجيني مروة وهي تلبس عباتها وتاخذ شنطتها : انا وش ذنبي انك انسانه رخيصه وغبيه وبلا كرامه جود انصدت من كلام مرووة ماعرفت ترد مروة : اطلعي برا اخلصي بقفل غرفتي لاكن جود ابدا ماتحركت من الصدمه قربت منها مروة وسحبتها من عباتها برا الغرفه وقفلت الباب .. ومشت اما جود ضلت واقفه وكلام مروة يتردد في عقلها في هاللحظه طلع ناصر وجولي جولي اللي شافت جود وتعلقت في ناصر وقربت منها وهي تمثل الحنيه : كيفك جود لاكن جود كانت سرحانه ودموعها على خدها ناظرها ناصر : جوود جووود انتبهت جود وناضرت ناصر وجولي جود بانكسار : ناصر .. ناصر مسك يدها : وش فيك جود جود سحبت يدها : طلقني >> ومشت << ناضر ناصر جولي بأستغراب جولي ابتسمت : وش فيها بنت خالتك ناصر مدري : بعدين اشوف وش سالفتها تعالي بس نمشي طلعو هم الاثنين لاكن عقل ناصر كان مشوش فجأه جوود طلقني ليه وش صاير ... كانت جالسه تتغدا مع حنين وهي تحس نفسها عاله عالناس وخاص هان عمها قتاده يعطيها مصروف مثل ما يعطي حنين كانت تحس بالخجل الشديد تمنت سعود يكون موجود عشان يبعدها عن كل هذا اللي جالسه تعيشه فجأه حطت الملعقه وتداركت دمعتها وقامت : الحمدلله حنين : هيام ما اكلتي .. هيام لفت عن حنين عشان ماتشوف دمعتها : خلاص شبعت واتجهت للمطبخ وغسلت يدها واتجهت لغرفتها دخلت الغرفه وجلست عالسرير واخذت جوالها وصارت تتأمل صورة سعود : كان اسمراني شعره ناعم اسوود على ورا ملامحه الناعمه الهاديه اللي تعطي الناظر لها انه الشخص بريئ مسحت دمعتها هيام وهي تردد: ليتك موجود ياسعود وينك ياسعود وينك ...والله احبك .. الله يرحمك الله يرحمك ( ياللي دفنتو جثته ليه تبكون ؟ لو لا الحيا ..لا قول : معكم خذوني منه انحرمت وكنت انا عنه مسجون ما أذكر لمحته .. غير مرره بعيوني شفته وكانت فرحتي مالها لون عجزت لا اوصف ..من لمحته شجوني ياليتني كنت الكفن يوم تمشون ابقى معه بالقبر ثم تدفنوني ..؟ أو ليتني من خلفكم كنت (مجنون) اتبع خطاكم والعذر هو : جنوني أبكي وراكم .. وادعي ان كان تدعون مايكفي انه عاش لحظاته بدوني؟؟ تكفون >هاكم عمري اليوم تكفون برخص حياتي دام خابت ضنوني ما فادني صبري ولا فادني عون .. ولا فادني دمعن .. حرق لي جفوني ياما بكيته والبكي يحرق عيون ميت او انه حي ..دمعي بعيوني !! العام كان بفرحته يعزف لحون واليوم تحت الارض ماهو بكوني لكن انا في فرحته كنت مدفون فوق الثرى واليوم موته سجوني ( سميت قلبي عقب فرقاه ملعون هو والليالي عن هناه امنعوني .. ياليتني ماعشت لحظه بهالكون وياليت ربعي في سكات اذبحوني وياليتكم عن همي اليوم تدرون منه انحرمت ومن عزاه احرموني حتى بوفاته يو انا طحت مطعون اخفيت طعناتي قبل لا يفضحوني بكيت !!لاكن ماتضاهرت بالهون ابكي واقول الموت هو يبة طعوني وان كان في حبي انا ماتحسون ؟؟ دلوني لقبره وهناك اتركوني .. رجعت بعد مارعة الغنم صارت تدور ابوها قربت منه : يبااا يبااا كان العرق يصب منه صب لاكنه ماشكا ولا شي فتح عيونه بهدؤ: الغدير الغدير: سم يبا .. بومساعد : نادي اخوك مساعد يابنتي الغدير : ابشر الغالي وقبل ماتروح رجعت لبوها لمست يده كان جسمه بارد وش لون يعرق الغدير بخوف : يبااا فيك شي قارصتك دابه يبااا قوولي يالغالي هز راسه ابوها : ايه ايه بس مدري وش توترت الغدير : وش هي يبا وش هي .. سمعت الغدير صراخ مزنه : مساااااااااااااعد يمااااااااااااااااااااااا ااااااااااااااااااااااااا اااااااااااااااااااا راحت الغدير تركض هي ومساعد لقو عقرب اسود سام وكبير في قريب من مزنه اخذ مساعد حجر كبير ورماه عليه لين اذبحه اما الغدير بخوف : مساعد لازم ننقل ابوي للمستشفى العقرب قرصه ركض مساعد بسرعه لاجهت ابوه اللي كان يلفظ انفاسه الاخيره ... بسبب سرعة انتشار السم .. قرب مساعد من ابوه : يبا قم ابوديك للمستشفى ابومساعد بتعب : لا يابوك انا خلاص بودع الغدير امانه في رقبتك وهالخير والحلال كله لاختك سمعت يامساعد قربت الغدير وهي تشهق :يبا يالغالي وين تروح وتخلي الغدير وين يبا >> بكت << أنا بعالجك انا بعالجك راحت تركض وجابت الخنجر والقماش وصلت لاعند ابوها لاكنه لفظ انفاسه صرخت الغدير : يبااااااااااااااااااااااا ااااااااااااااااااااا عند ليالي .. سكرت المصحف بعد ماخلصت سورة البقره ... حطت يدها على يد بنتها .. بهدوؤ وحنية الام المعروفه : ليالي يما قومي ترا والله حياتي مظلمه بدونك قومي يايما تدرين فيافي ونورة وحنين وهيام كلنا ننتظرك يابنتي كلنا متلهفين عليك ونحبك قومي يايما قومي ... تمنت انها تشوف أي ردة فعل من ليالي لاكن للاسف مالقت ولا شي ... فزت من النوم بشهقه وهي تقول : بسم الله بسم الله نطت لها اختها : بسم الله عليتس الغدير الغدير بتوتر وخوف : ابوي وينه وينه في شي مزنه : بسم الله عليتس ابوي راح مع مساعد يدورون بالسياره الغدير براحه : الحمدلله يعني ابوي مافيه شي مزنه : ببأبتسامه مافيه شي ارتاحي انتي وش فيتس الغدير تمسح عرق جبينها : كابوس ياخيتي كابوس مزنه ببأبتسامه : تعوذي من ابليس الا بدخلت مساعد وابوه اللي كان مبتسم لاكن ابتسامه كسيره ما غابت عن الغدير ناظرت ابوها : يبا وش فيك ابو مساعد : مافيني الا العافيه سوي لي قهوه يالغدير قامت الغدير وهي ماهي مطمنه : ابشر يبا ... لف ابو مساعد على مزنه : مزنه يابنتي مزنه : يابنتي وش سالفة الغدير مع حمود سكتت مزنه بصدمه ناظرها مساعد نظره يحثها عالكلام مزنه : انا مدري يبا ... بس انت وش خلاك تسال ابو مساعد : ابيك تقنعينها تتزوجه هو طلب يدها اليوم مني سمعو رد الغدير بعصبيه : وانا مو موافقه تبي تبيعني برخيص يالغالي ابومساعد : لا والله يا بنيتي ابي لتس الستر الغدير ابتسمت : دام كانت ومساعد في حياتي انا مستورة يبا ... ونصيبي بيجيني لو اني في اخر الدنيا مساعد بهدوؤ : بس يالغدير الغدير قاطعته : انا مابي حمود مابيه ناظرتها مزنه باستغراب من رفضها له لاكنها ماتلومها ابدا .... دخلو الشاليه هم الاثنين بس صارت مروة تتامل الشاليه كان حلووو وكبير لفت على عبد الله اللي كان ينزل الاغراض : هذا حقكم عبد الله : ايووه عبد الله : اهلي في الرياض وانا عايش هنا مروة : اهااا... قرب عبد الله منها وصار وجه قبال وجهها نزل النظاره ارتبكت مروة مسك عبدالله يدها وباسها وباسها على خدها قريب شفايفها : تو مانور الشاليه .... مروة تخدرت من حركته وصارت تفكر لو انها اخذت بدر كان سوا لها كذا نفضت الفكره وصارت مع عبد الله كانت نايمه بكل هدوؤ سمعت صوت ازعاج جوالها تاففت وشالته ردت بدون ماتشوف : يااااااااااكلبه وينك بكل خوف : ابوي تكلم بعجرفه : والله لو ماجيتي بكرا البيت اقسم بالله ياهيام اني لا اسحبك للشرطه انتي واللي جالسه معهم سمعتي كلمه ومابردها بكرا انتي في البيت وقفل في وجههت حست الدنيا تلف وتدور فيها يعني بترجع لعذابها مع ابوها بترجع لحياتها الايمه وذكريات حبيبها سعووود ... آآآآآآآآآآآآآه ياربي رمت نفسها عالسرير وسمحت لدموعها بنزول ... وبكذا انتهى البارت ترقبوا لبارت القادم بأحداث مشوقه فوق ما تتخيلون .... بأذن الله | |||||||||
|  |
|
27-04-15, 06:05 AM
| #22 | |||||||||
| نجم روايتي ومشرفة سابقة وفراشة متالقة بعالم الازياء
| البارت 20 في الشاليه ... مروة كانت جالسه بلبسها الفاضح شورت لانص الفخذ وبدي سواريه وشعرها المفتوح اللي كان يضربه الهوا انفتن عبد الله ماقدر يقاومها قرب منها بهدوء وحط يده على فخذها العاري كان متوقع هجمه من مروة لاكنها ماحركت ساكن وهذا اعطى عبدالله حافز انو يقرب لها ابتسم وقرب منها وضمها لصدره وهي بادرته لاكنها بكت في حظنه .. مما زاد استغرابه منها : مرووة بعدت مروة عنه وابتسمت : عيونها عبدالله انصدم منها : فيك شي مروة : لا بس تذكرت ساره مع بدر اختي اخذت حبيبي تخيل تخيل >> وبكت << اخذها عبدالله لحظنه وشالها : انسي بدر انا عبدالله والله بنسيك امه ... جالسه في المستشفى تحس بتعب قووي حطت يدها على يد خالتهاوشدتها بقوة .. أم عبد الله : نورة نورة يما فيك شي نورة : خالتي بطني بطني احس شي يتقطع فيني ام عبدالله : فيايفي فيااافي يماااا فيافي لفت لامها : نعم ام عبد الله بخوف نادي عالدكتور بسرعه راحت فيافي تنادي للدكتور ونوره تحس انها بتموت من الووجع... وفي مكان ثاني بالمستشفى ... فتحت عيونهاوهي تناظر الاجهزه اللي حولها وماتسمع غير صوت اهاتها وصراخها ( بس تكفون ..آآآه ... خلاص تعبت ...آآآآه ... مقدر ... خلاااااااااااااااااص ) شهقت بقوه ودموعها طاحو من عيونها صوتها وينه معقوله راح راح اه يارب اه ابي ماي ماي تكفون ماي جالسه بغرفتها والدنيا مظلمه بعيونها انا رخيصه انا سهله وغبيه وبسرعه ينقص علي ايه هذي انتي ياجود انتي ... كيف ترضين تاخذين واحد يحب غيرك كيف ياااجود.. صدقتي قلبك وهذي النتيجه ماطعتي اخوك وهذي النتيجه مسحت دموعها بكل قهر تطلقي ودوسي على قلبك عشان نفسك وكرامتك ... انظرب الباب ردت بتعب وصوت مخنوق من البكي : تفضل دخلت امها وبخوف :جود يماااا فيك شي ناظرت امها بكل انكسار وهزت راسها بأيه قربت منها امها : وش فيك جود اخذت نفس وقالت : انا طلبت الطلاق من ناصر فتحت عيونها بوسع شديد: نعممممممممممم جود خافت اول مره امها كذا لاكن حست بيد امها على وجهها : تخسين ياجودطلاق مني مطلقه تبين تفشليني اخر عمري ليه ليه يايما ليه ياما نصحتك وقلت لك واخوك كلمك بس انتي مصره على رايك شهقت جود : كنت غبيه يماااا غبيه ام بدر : شيلي فكرت الطلاق من راسك وانا بروح اكلم ناصر طلعت ام بدر ورمت جود نفسها على السرير ..رخيصه رخيصه يااجوود وقفت واخذت نفس عميق قبل تدخل البيت جلست تناظر بكل قهر وعتبوالم .. نزلت دمع ذل وانكسار على ووجهها البريئ همستبكلمه وحدهبس (( وينك يا سعود)) تنهدت وفتحت الباب ودخلت : أهلا اهلا تو مانور البيت ياعروسه عقدت حواجبها هيام :نعم جا ابوها وكان معصب وده يقتلها لاكن راويه مهددته انو مايحاكيها : اسمعي ترا اليوم ملكتك هيام بصدمه : من قالك اني بتزوج ابوهيام بنرفزه : وهذا الشيء ما اطلب رايك فيه تتزوجينه غصب عنك هيام ببرود : وانا مابي مابي راويه : طيب اعرفي من هو قبل .. هيام ناظرت رايه وهي على وشك بكى .. راويه : التاجر معاذ ناصر ال... هيام شهقت في داخلها هذا ابو سعود والله ابو سعود نزلت دموعها : مراح اخذه ابوهيام قرب بعصبيه : لا بتاخذينه غصب عنك صرخت هيام بكل قوه وبكى : ماااااااااا باخذه ماااا باخذه قرب منها ابوها وضربها كف من قوته طاحت عالارض .. بتاخذينه ويدك فوق رقبتك شالت نفسها هيام وراحت غرفتها تبكي مو عارفه كيف تتصرف وبكذا انتهى بارت 20 ادري طولت كثير بس والله صارت لي ضرووف مررره قاسيه الله يعلم بها سامحوني | |||||||||
|
| |
|
27-04-15, 06:18 AM
| #23 | |||||||||
| نجم روايتي ومشرفة سابقة وفراشة متالقة بعالم الازياء
| البارت 21 كانت جالسه بغرفتها تبكي بهيستيريا وش تسوي مستحيل تاخذ ابو سعود مستحيل ... جت في بالها هالفكره اييه مافي الا هو يقدر يساعدني هوو بس واتجهت بكل سرعه لجوالها وصارت تبحث في سجل المكالمات لين اخذت الرقم ... وقفت قبال الغرفه غريبه خالتي ونورة وفيافي وينهم قربت من غرفة ليالي وفتحت الباب وكانت هنا المفاجأه امتلت عيونها بالدموع وقربت مسكت يدها 4 : ليالي صحيتي ليالي ابتسمت ليالي ابتسامة ذابله وحركت شفايفها بالموت : ابي م..ا ...ي هزت راسها حنين بفرحه والدموع مغرقه وجهها : طيب طيب وطلعت بسرعه شافت الممرضه وصرخت حنين: سستر سستر سستر لفت الممرضه : يس اوختي حنين وهي تضحك وتلهث : ليالي ليالي قامت ليالي قامت راحت السستر تركض للدكتور تقوله دخل البيت كالعاده مافيه احد غير صوت الهواا اللي مالي البيت كسر هالصمت والهدؤ صوت جواله طلعه مصعب من جيبه وشاف رقم غريب عقد حواجبه ورد : الو جاه صوتها الباكي الكسير : مصعب ساعدني ... مصعب :من انتي بكت : انا هيااام مصعب بصدمه :هيام (( وراح باله وفكره لورا )) دخل على سعود ومسك يده : سعود يالغالي هيام بتجي بتجي ياسعود شدسعود يد مصعب بقوة : طلبتك قول تم مصعب :تم سعود: هيام تزوجها يا مصعب محد بيحافظ عليها غيرك كسر الكلام صوت جوال مصعب والمتصل هيام ترك يد سعود وطلع بسرعه صحى من هالذكره ع صوت هيام الكسير : بيزوجوني يامصعب بيزوجوني ابو سعود يا مصعب تكفى ساعدني مصعب بصدمه : اييش عمي معاذ متى متى هيام : بعد شوي مصعب بعصبيه : خلاااص هدي هدي انااا جاايك هاللحين وش فيها يادكتور طمنا الله يسعدك الدكتور : والله ياخالتي الاخت فقدت الجنين فيافي بصدمه : شلووون يعني ام عبد الله : لا حول ولا قوة الا بالله ناظرت في نورة النايمه بتعب الله يصبر قلبك يا يما ناضرت في الدكتور : مشكور يا وليدي فيافي : يعني شنوو يما خلاص مراح يصير عندنا بززر ام عبدالله : لا يا يما قولي الحمدلله >> تعالي نروح لاختك وبكذا انتهى البارت 21 ... | |||||||||
|
| |
|
27-04-15, 06:18 AM
| #24 | |||||||||
| نجم روايتي ومشرفة سابقة وفراشة متالقة بعالم الازياء
| البارت 22 فتحت عيونها المكان مظلم ونور خفيف من النافذه اخذت جوالها توقعت يكون مكالمات كثيره منامها وابوها لاكن خاب ضنها ابتسمت ابتسامة سخريه ع نفسها ولفت على عبدالله اللي كان نايم بهدؤ وسلام قربت مروة منه وصارت تتامل ملامحه الجميله اللي تفوق ملامح بدر بكثير ... ابتسمت مروة وتكلمت في خاطرها .. انت لي ياعبدالله انت اللي برجع كبريائي فيك ..باست انفه وبعدت عنه جالسين في غرفة ماجده وماخذتهم السوالف والضحك رنده: ماتلاحضون جلستنا ناقصه ماجده : خلوها توولي خل بدير ينفعها رنده: الله يسعدهاا بدر يستاهل ساره ريناد: الطيبون للطيبات ... ماجده : الحين اخوكم حامد متى بيرجع رنده: المفروض ينزل هالشهر بس هو مايبي ماجده: اكيد مكثرين عليه بالطلبات عشان كذا مهون الرجال ريناد بضحكه : الله يخسك يامجيد وش دراك ههههههههه رنده: لا ياغبيه باقي له 3 شهور ويخلص ويرجع لنا الدكتور حامد عرفتي .. ماجده : اها الله يوفقه في هاللحظه دخلت ساره اللي تصادفت مع جولي وكملو جلستهم\ بسوالف وضحك .. دخل البيت واتجه على طول للمجلس ودخل بدون اذن : السلااام عليكم الكل وعليكم السلام ابو ناصر بتوتر : مصعب شتسوي هنا مصعب بعصبيه : جاي تاخذ حبيبة ولدك ياعمي جاي تاخذ البنت اللي كان يتمناها ولدك ويحبها سكت ابو ناصر وبتلعثم : اناا مدري انها هي ابو هيام اللي خاف ان بوناصر يضيع منيده : ماعليك منه يا بوناصر البنت موافقه انفتح الباب ودخلت هيام بعبايتها : لا مو موافقه لف ابوهيام للبنته وبعصبيه قرب منها ورفع يده لاكن يد مصعب اقوى : ماتمد يدك عليها ياعم لاني بتزوجها ولك من الريال للمليونين مهر لهاا... سكت ابوهيام كمل مصعب : وعمي بوناصر انساه مايقدر يتزوج بنتك مالك الا اناا وباخذها من اليوم هي واغراضها والفلوس بكرا في حسابك وش قلت لف ابوهيام على ابو ناصر يستنجد فيه .. مصعب عمي بوناصر :: زوجتك تنتظرك في البيت واذا ناوي تتزوج تزوج ياعمي مابتكلم بس هيام لي انا تكلم الشيخ اخيرا : يابنتي انتي تبين الولد اللي اسمه مصعب ولا ابو ناصر هيام : مصعب .. الشيخ للف لابو هيام : نتوكل ع الله ابوهيام : توكل ع الله .. كانو جالسين حولها ومبسوطين انها صحت مسكت يدها امها وبدموع الام الحنون : يما ليالي عورتي قلبي عليك ليالي ناظرت في امها ودها تبتسم ودها بس كل ماتتذكر صوت اخوها تحس بالغبنه فجأه نطقت : اكرهه حنين قربت من ليالي بعقدة حاجب : من اللي تكرهينه حطت ليالي يدها ع راسها وصرخت : اكررررهكك اكرهك وصارت تضرب راسها وتبكي وبدت الاصوات تختلط عندها صوت اخوها وصوت الرجال وهم يغتصبونها صوت صراخها الضرب اللي ضربوها صارت تبكي بهستيريا ..بــــــــــــــس خلااااص اسكتو تكفوون .. دخل الدكتور والسستر بسرعه وعطةها ابره مهدئه وخلتها تنام قربت امها منها ومسحت دموعها : حسبي الله علي كان السبب حنين : دكتور لين متى بتكون كذا الدكتور لازم نعرضها لطبيب نفسي عشان يساعدها عالنسيان فيافي بأمتعاض : واللي صار لها شي ممكن ينسي يادكتور الدكتور: اذا اختك عنده عزيمه راح تنسى انا استاذن فيافي بقهر : الله لايوفقه اللي كان السبب >> نزلت دموعها << انا بروح لنوورة... فتح عبد الله عيونه بتعب شديد يحس للحين فيه النوم ناضر حوله يدور مروة لاكن ما شافها قام بسرعه خاف انها تكون راحت وما ودعته غسل وجهه واسنانه وبدل ملابسه ببنطلون عنابي وقميص اسود وشوز اسود نزل وشاف السواق داخل باغراض : شنو هذا عاشوق عاشوق : هذي اقراض هق مدام عبد الله براحه : وين مدام عاشوق : هناك في مسبه اسبه عبد الله بعقدة حاجب : وان شاء الله رحت هناك عاشوق بخوف: لا بابا انا مافي رووه عبد الله خلاص روح اتجه عبد الله جهة مروة اللي كانت بملابس السباحه عبد الله : صح النوم لفت مروة وناضرته وصارت تتامله وابتسمت : صح بدنك تعال معي هنا عبد الله : لا لا انتي خليك هنا انا بروح اجهز العده اليوم عندنا حفله عشانك ابتسمت مروة بتجي سلاف عبد الله : اكيد وابيك تكشخين وتكونين احلى وحده طلعت مروة من المسبح بملابسها الضيقه وصارت تتعمد تقرب من عبد الله عشان تفتنه ويتعلق فيها اكثر ابتسمت ولفت عليه : اووك وباست خده وراحت اما عبدالله اللي كان يحس بوناسه ونسى سالفة الانتقام ... وقف وهو حيران مو عارف كيف يخبر اهله : تفضلي دخلت هيام بهدؤ وهي تتامل الشقه المتواضعه اللي دخلها فيها مصعب مصعب : هيام هذي شقتي وشقة سعود الله يرحمه لا تفتحين الباب لاي احد غيري بروح اجيب اكل وبجي هيام لفت عليه ونزلت راسها بانكسار : ان شاء الله >> طلع مصعب وسكر الباب << راحت هيام وجلست عالكنب صارت تتامل الشقه عارفه انها ذوق سعود لان هذي الالوان اللي يحبها الصاله كانت باللون الاسود والرمادي وكاسرها اللموف والمطبخ اللي يطل عالصاله باللون البني والسكري .. صورة تتوسط الجدار الاسود ومرسومة عالجدار بالرمادي كانت صورة سعود ومصعب صارت تتامل الجدار قربت من صورةسعود وصارت تتحسها : كنت اتمنى اقضي هالليله بحضنك بس للاسف صرت في حضن صديقك اكيد انتراضي عني صح سعود صح >> وانهارت عالارض تبكي<< قطع صوت بكاها صوت جوالها اخذته وردت ... في هاللحضه دخل مصعب سمعها وهي تكلم وكانت مبسوطه لاول مره يسمع ضحكتها ابتسم وقرب منها مسكها من يدها لفت هيام وناضرته وابتسمت : حنين انا مضطره اقفل ان شاء الله بكرا اجيكم مع السلامه لفت لمصعب: تسمح لي اروح لصديقتي المستشفى بكرا مصعب ابتسم : ايه ويلا تعالي نتعشى . وبكذا انتهى البارت 22 | |||||||||
|
| |
|
27-04-15, 06:21 AM
| #25 | |||||||||
| نجم روايتي ومشرفة سابقة وفراشة متالقة بعالم الازياء
| البارت 23 كانت تحط اللمسات الاخيره على وجهها كانت لابسه فستان طويل ومخصر عجسمها مضهر فتنته وحزام تحت الصدر بشوي بالذهبي ومسويه شعرها ستريت وحاطه ميك اب ناعم مره راسمه عيونها بالكحله الفرنسيه ومزينه شفايفها بروج عناابي مبرز لون بشرتها البرونزيه ناضرت نفسها بغرور واعجاب ورفعت انفها اللي تزينه الخزامى بغرور وابتسمت انضرب الباب تكلمت بغرور : تفضل ... دخل عبد الله وانصدم وش هالجمال الرباني لفت مروة ودارت ع نفسها مثل الاطفال : وش رايك قرب عبدالله منها وضمها وهو يستنشق ريحة عطرها :جميله جميله يا اميرتي ومسك يدها وباسها : يلا ننزل مروة : يلا نزلت مروة وكانت كل الانظار عليها حست بكبريائها وشموخها بدو يرجعون لفت لعبدالله : وينهي سلاف عبدالله : برا تعالي نروح كانت تسمع همسات كل اللي حولها عن جمالها واناقتها من جهه ثانيه : ياخي اموت واشوفها يا ماجد ماجد : والله عندي احساس ان خويتك لعبة بعقل عبيد بدل ماينتقم بتطيحه في شباكها سلاف بعصبيه جلست بجمب ماجد : شنووو يعني ماجد بضحكه ياشر لها عليهم : شوفي سلاف بعصبيه وجنون : ايا الحمار ياعبيد... هين في المستشفى ... هيام ماسكه يد ليالي : والله ماتدرين وش قد فاقدتك ليالي ابتسمت .. حنين : وش صار عليك هيام مع ابوك هيام نزلت راسها بالم : كان بيزوجني ليالي ناظرت هيام بعقدة حاجب : مين هيام بدموع كسيره : ابو سعود حنين بصدمه : من جدك تاخذين ابو حبيبك هيام بسرعه وهي تمسح دموعها : لا لا ما اخذته اخذت صديقه مصعب هو اللي ساعدني ليالي : وش لون بتعيشين مع صديقه وانتي فكرك كله معاه .. هيام تاخذ نفس عميق : مدري والله مدري ... حنين : هذا زوجك ياهيام لازم تعطينه كل حقوقه ولا تلعنك الملائكه .. هيام بلعت ريقها : ان شاء الله .. حنين : الا سعود وش اسمه الكامل .. هيام : سعود معاذ ال.... حنين بصدمه : ولد عمي سعود يصير ولد عمي ليالي : لفت لحنين : متاكده حنين حنين : اييه متاكده ونص بس ليش ابوي ماقالي انه توفى انا لازم اساله اندق جوال هيام وكان مصعب يقولها تطلع لان موعد الزياره انتهى .... دع الندامة لايذهب بك الندم فلست اول من زلة به قـــدم قرت هالبيتين وكنها موجهه لها رمة جوالها عالارض وصارت تتامل السما بسوادها الحالك والنجوم مزينتها في كل مكان طاحت دمعه من عينها فجأه صارت نهر من الدموع حست بيد تمسح دمعتها : ليه تبكين مسحت دموعها بسرعه وعدلت جلستها وابتسمت ابتسامه صفرا : مافيني شي .. قرب منها وضمها : جود انا بدر تخبين علي جود بابتسامه وعيون مغرقه : لا بس مابقى شي عالزواج واحس اني مابي افقدك وافقد امي ضحك بدر : هذي سنة الحياه .. وسكت .. جود جود وهي في حظن اخوها: نعم بدر : مرتاحه مع ناصر جود بلععت غصتها: اي مرتاحه في هاللحظه دق جوال بدر وكانت ساره وقام عن اخته وراح داخل البيت ... رمت نفسها عالارض ونزلت دموعهاوهي تتذكر تهديد امها لها : شوفي ياااجود ياويلك لو قلتي لبدر انك تبين الطلاق يايما انا مابيك تحملين اسم مطلقه لان الناس بيحطون العيب فيك ... غمضت عيونها تمنع سيل ثاني من الدموع دموع الندم والحسوف مسكها من خصرها وجهه عند وجها بلع ريقه وهو يشوف ابتسامتها الجذابه : مروة وش رايك نروح فوق مروة برفعة حاجب : وش نسوي فوق عبد الله ابتسم : نسولف مروة بابتسامه اجراميه : اسفه لاتفكر ان بيصير بينا شي بدون ورقه رسميه ... عبد الله : افااا مروة ماتثقين فيني مروة : احبك ايه اثق فيك لا .. تدري متى بثق فيك عبدالله :متى مروة : لما يصير كل شي بينا رسمي .. والحين عن اذنك برجع البيت عبد الله بلهفه : لا مروة تكفين اجلسي مروة : اسفه لاني بصراحه صرت اخاف على نفسي منك ومشت وعلى وجهها ابتسامه شيطانيه اما عبد الله مشى ورمى نفسه بقهر عالكنبه اللي بجمب ماجد وسلاف وهو يتأفف سلاف بمسخره : وينها اميرتك مو المفروض هي بحضنك الحين عبدالله : سلاف اسكتي احسن لك ضحكت سلاف : تستاهل قلت لك حط لها منوم في العصير ما طعتني عبدالله : مجيدد سكت سلااافو احسن لك ماجد ضحك وغمز لسلاف : تعالي بس نروح نقضي احلى ليله >> وراحو << جالس ع الكنب وناثر اوراق كثيره قباله ومنهمك فيها كانت تناضره ودها تفتح الموضوع معاه ودها تناقشه بس متردده خايفه انها تضايق ابوها بس توكلت ع الله وتكلمت : يبا ... يباااا لف عليها : هلا بابا حنين :يبا ودي اكلمك في موضوع قتاده ترك اوراقه ولف لبنته : امري يا بابا حنين : تدري ان عمي معاذ كان بيتزوج هيام صديقتي قتاده بانفعال : انتي من جدك تتكلمين حنين خافت : ايه يبا بس ماتزوجها لان هيام كانت تحب ولده سعود وتزوجها ولد خالته اسمه مصعب قتاده حط يده عجبهته وصار يفركها بتوتر : وش النهايه معك يا معاذ حنين : اسفه يبا اذا ضايقتك مو قصدي قتاده : ماعليه يابابا ماعليه حنين وقفت : عن اذنك بروح انام .. كان جالس في غرفته وباله مشغول على هيام اللي تركها لحالها في الشقه وفي نفس الوقت يفكر كيف يقول لاهله ع زواجه نزل من غرفته وهو يسمع صوت حسس شاف امه توها راجعه من برا عقد حواجبه : يما من وين جايه ام حامد : لا والله خير مابقى الا هي تحاسبني بعد .. متى جيت مصعب : من يومين ام حامد: الحمدلله ع سلامتك يلا بروح انام وراحت وتركته تنهد مصعب : لا حول ولا قوة الا بالله وش السواة الحين الله يستر قرر انه يطلع يروح لهيام ... كانت جالسه عالارض تلعب بالرمل وهي حدها متضايقه ماودها هالاسبوع ينتهي بسرعه صارت تتامل حوشهم اللي عاشت فيه حوالي 31 سنه .. تعودت ع جلسة الصبح وهي ترعى الغنم وترعى النياق سمعة صوت ابوها .. الغدير الغدير .. لفت الغدير لبوها ونفضت يديها من التراب : سم يبا ابو مساعد : الغدير يابنتي وراتس متضايقه الغدير : مانيب متضايقه يبا ابومساعد وهو يدور يد بنته ويمسكها : تعلميني فيتس يابوتس الغدير : ماودي بفرقى ارضي وحوشي يايبا ابو مساعد : ماعليه لازم نروح للمدينه مابقى في العمر كثر مامضى يابوك الغدير تضم ابوها: لك طولة العمر يالغالي ابتسم : تعالي نامي يابوتس تعالي .. كانت جالسه ع السرير وماسكه كريم للجسم من اكوافيز وكانت لابسه شورت اخضر وبدي اصفر وتدهن جسمها الصغير وتغني : اسالني لوحبيت انا غيرك ماهويت وحست انه في احد موجود لفت وجهها وكان مصعب مبتسم طاح الكريم من يدها وحمرر وجهها مصعب اول مره يشوفها كذا قرب منها وشال الكريم وجلس تحتها وبدا يكمل لها دهن جسمها ابتسم ومسكها من يدها: تعالي جبت لنا من باسكن هيام باحراج: ببدل ملابسي مصعب يناظرها: لا كذا حلو .. يلا تعالي وبكذا انتهى البارت 23 اتمنى ينال ع رضاكم .. | |||||||||
|
| |
|
27-04-15, 06:22 AM
| #26 | |||||||||
| نجم روايتي ومشرفة سابقة وفراشة متالقة بعالم الازياء
| البارت 24... دخلت الشقه المتواضعه وهي تتاملها كانت غير غير عن بيت الشعر اللي جالسه فيه كان كل شي جميل ومرتب ونضيف مايتخلله اي رمله فجأه حست برجفه تسري في كل جسمها من البرد لفت على مزنه : بررد ياختي ضحكت مزنه: من المكيفات اللي تشتغل بلاتس متعود عالحر ياوخيتي الغدير نزلت راسها : ابفقد جلسة الصبح ودفى الشمس يامزنه والحطب اخ بس مزنه : ماعليه كلها فتره وتتعودين دخل مساعد : الغدير شفتي غرفتس ابتسمت بحب لاخوها : لا ماشفتها مسكهامن يدها : تعالي شوفيها تعالي ... من اليوم ورايح راح تنامين عالسرير وتريحين ضهرتس غدير كانت تتامل غرفتها اللي الوانها تتراوح مابين الرمادي والاوف وايت : وابوي مساعد : ابوي غرفته هنا وصار مساعد يوريها الشقه المتواضعه لاكنها بالنسبه للغدير جنه ومزنه اللي تعلم الغدير عن استخدام الكهرب والحمام لان الغدير عمرها مازارت المدن ... جالسين ع سفرتهم اللي يتخللها الهدؤ والكآبه كل واحد فيهم سارح بفكر معين .. اخيرا قررت تتكلم حنين : يبا قتاده : هلا بنتي حنين : يبا تكلم لي عن عمي قتاده عقد حاجبه بضيق : وش تبين تعرفين عنه يابنتي حنين : كم عياله وين عايش وليش الفلوس فرقتكم يبا قتاده فرك جبهته وهو يمسك يد حنين : اسمعيني زين يابنتي عمك معاذ عنده 5 ثلاث بنات وولدين ناصر ومروة وسعود وساره وماجده حنين : طيب ليه فرقتكم الفلوس قتاده ابتسم على فضول بنته : الفلوس اللي فرقتنا يابنتي هذي حقة ابوك عمك معاذ سرق فلوسي بعد وفاة جدك الله يرحمه وقتها تعطف علي وعطاني البيت اللي كنا جالسين فيه حنين : وشلون سرقك يبا واخذ فلوسك .. رجعت الذاكره بقتاده لورا ... كانت تشوف جوالها اللي يرمش باسم عبدالله لاكنها سافطته تبي تعرف لاي مدى عبد الله مستعد انو يسوي اي شي عشانها وصلها مسج في الوتساب وفتحتهوابتسمت .. عبدالله  ( مروة تكفين ردي والله تعبت ومليت من سفطك لي انا احبك احبك يامروة)) توها بتكتب الا دق جوالها وردت : الو عبد الله : مروة حرام عليك سافطتني كل هالوقت مروة بابتسامه : كنت مضطره اختبر غلاتي عبدالله تشكين في غلاتك يالحب ابتسمت مروة ولاول مره تقولها : اشتقت لك عبدالله ابتسم : لاي حد مروة : قد اصبعي الصغير عبدالله : لااااا والله مروة : هههههههههههههههههه امزح معك عبد الله : تقدرين تجين العثيم مروة : يب لاني بجي ادور فستان لزواج اخوي عبدالله : اووك في انتضارك ... كانو جالسين في الغرفه ويتكلمون ويضحكون .. ساره : تصدقون احس اني خايفه جولي : من ايش خايفه ساره : من بدر ماجده : وليه خايفه منه عشانه مراح يخليك بنت ضحكت جولي اما ساره اخذت المخده ورمتها ع ماجد : ياحماره انتي يا وسخه ماجده: وش فيك انا ماقلت الا الصدق ساره اللي وجهها حمر خجل وخوف : انتي ياالقذره دايم تفكيرك كذا جولي اللي كانت تضحك ع النقاش اللي بين ماجده وساره وينتهي باسكات ماجده طبعا .. ماجده : موتفكيري كذا سنة الحياه ياختي ساره تضربها بمخده ثانيه : انطمي بس انطمي.. جولي واخيرا سكتت من ضحكها : المهم ماعلينا وش باقي لك ماخلصتي ساره .. ساره : ولا شي ماجده : بلاكذب ساره تناظر ماجده بعصبيه : اوووووص ماجده : باقي قمصان النوم شهقت جولي : ساره ما اشتريتي ساره باحراج نزلت راسها : لا ماشريت مااا اعرف جولي : اقول جهزو نفسكم ابتصل ع ناصر يودينا الراشد ماجده : اووخص والله صرتيتعرفين << وتغمز لها ضحكت جولي : هههههه ماجده اخلصي يلااا ... مسك يدها اول بنت في حياته .. :وين تبغين تاكلين اليوم هيام بابتسامه : اممم وش رايك بلاميد ابتسم: بلاميد بلاميد هيام : بروح ابدل ملابسي مصعب : ابدل لك هيام قلب ووجهها احمر : لا لا << ونحاشت ضحك مصعب عليهاوسرح بفكره لو انك يا سعود موجود بفوز انا بهيام ..بس تصدق يا سعود انا اشكرك من كل قلبي انك وصيتني عليهااا الله يرحمك ياخوي صحى من تفكيره على صوت هيام الرقيق : انااا خلصت لف وناضرها ابتسمعلى اناقتها كانت لابسه بنطلون اخضر وتيشرت اصفر وعليه رسمات بالابيض وصندل ابيض وشنطه بيضه قرب منها مصعب ولاول مرهه تجرا وباس شفتها بسرعه وبعد : يلااا مشينا اما هيام اللي حمر ووجها خجل من تصرف مصعب دخلت البيت ووقفت في حوشهم كان الكل مبسوط وفرحان فيها صارت تتامله ونزلت دمعه حرقت كل الم عاشته في الفتره الماضيه حرقت كل حلم كانت تحلمه في احد الايام ... حست بيد تنحط ع كتفهاوبابتسامه ذابله : ليالي تعالي نروح داخل ليالي بصوت مخنووق : نورة احس اني مخنوقه طلعت من هالبيت نظيفه رجعت وسخه .. وسخه ... وسخه >> وبكت << مسكتها نورة وضمتها : انتي نظيفه والله نظيفه وطاهره وعفيفه يا ليالي و الشي اللي صار لك مو بيدك ربك كاتبه شوفيني ياليالي فقدت طفلي واناا اتمناه بس صبرت والحمدلله وربك بيعوضني ويعوضك خير ان شاء الله >> مسحت دموع ليالي << استهدي بالله استهدي بالله ليالي : حنين ماجت غريبه نورة : مدري كلمتها فيافي بس ماردت نزلت ليالي راسها ومشت لداخل البيت ... كانت جالسه وباين الضيق ع وجهها قرب منها وطبع بوسها ع خدها وهو يضمها لصدره : وش فيها اميرتي ردت بصوت مخنوق : ولا شي رفع راسها : جوولي تخبين علي نزلت دموعها : كلها كم يوم وتنساني واشوف ضرتي ماسكه يدك وانت معها قدامي >> وبكت << اخذها لحضنه : والله ماياخذني منك الا الموت يااجولي شهقت : بسم الله عليك .. اممم طيب قوم نتعشا براا مع اخواتك ناصر : لازم خواتي عاد جولي : ايه لااازم ناصر : طيب ... اتجهت جولي لغرفة مروة وسمعتها وهي تتكلم وسمعت كلمة حبيبي رفعت حاجبها وابتسامة شر فتحت الباب بدون اذن لفت مروة بعصبيه : خير يعني وليه ماتضربين الباب جولي : ليه خايفه ع حبيبك .. مروة انصدمت : وش قصدك دخلت جولي وقفلت الباب وراها : اسمعي مرووة انا سمعت كل اللي صار بينك وبين حبيبك ومستعده اقول لخوك ناصر وكم بهارات مني وتروووحين ملح مروة بغيض : اخلصي وش تبين ابتسمت جولي : شاطره .. اسمعي وبدت تقول لها الكلام رفعت حاجبها جولي : وش قلتي مروة : اوووك.. انفتح الباب ودخل ناصر : يلاا مروووة جوولي اخلصو ترا ماجده وساره تحت لفت جولي ع مروة وغمزت لها : ايوة كنت اقنعها تجي معنا وزين وافقت يلا البسي ... وطلعو عقدت حواجبها مروة : الله يعينك ياجوود ع هالبلووة جوليو منسدحه ع سريرها والتعب مالي وجهها وحرارتها مرتفعه ومحد داري عنها نزلت دموعها : وينك يما وينك وقفت من سريرها وراسها يدور سمعت صوت الباب تحت اكيد هذا ابوها وصلت عند الدرج وصارت تسمع صوت ابوها وهو يناديها : حنيين حنييين حنييين بابا لاكن حنين مقدرت ترد ع ابوهاوطاحت من فوق الدرج صرخ قتاده بقوة : حنييييييييييييين انتهى البارت | |||||||||
|
| |
|
27-04-15, 06:23 AM
| #27 | |||||||||
| نجم روايتي ومشرفة سابقة وفراشة متالقة بعالم الازياء
| البارت 25 .... جالسين في الصاله كلهم يتقهوون وكلن منشغل بجهازه ام خالد : بو خالد لف عليها بوخالد : سمي ام خالد : سم الله عدوك بس ولدك خالد قرر انه يتزوج بوخالد ببابتسامه: هذا الساعه المباركه ياولدي حاط في بالك احد معين ام خالد بضحكه : ايه يا بوخالد نبي حنين بنت بوخالد لفت شهلا بعصبيه : نعم نعم ليه يمااا لييه مانبي هالملقه عندكم نائله بنت خالي شفيها خالد بنفرزه : اقووووول طيري منااك بس قالت نائله قال شهله : وش فيها نائله نسيت ايام المراهقه كنت تحن تبيها تراني اذكر مو صغيره خالد : تراك قلتيها ايام المراهقه بعدين وش دخلك هاا انتي اللي بتتزوجين ولا انااا شهله طالعته بغيض ولفت ع ابوها : عاااجبك يبا بوخالد : شهله روووحي فووق شهله : بس يبااا ابو خالد بعصبيه : قلت لكك فوووق وراحت شهله بكل عصبيه لغرفتها وهي تتحلطم موعاجبها الامر .. لف ابو خالد على خالد : حدد ياولدي تبي حنين ولا نائله خالد : ابي حنين يبااا ام خالد بفرحه : خل اروح ابشر اختك شيهانه بوخالد : متاكد ياخالد انكتبي حنين تراك كنت قبل تبي نائله شاللي غيرك خالد بارتباك : امي وصفت لي حنين وحسيتها اجمل من نائله وقلت ابيها بوخالد ويحس انه مو مطمن : الله يقدم اللي فيه الخير .. في المستشفى .. ماسك يدها ..: ها وشلونك الحين يا بابا ابتسمت حنين : الحمدلله بخير .. متى بطلع يبااا قتاده : لين تخلصين المغذي ... ودق جوال قتاده وطلع يكلم برااا اما حنين صارت تذكر كلام ابوها عن عمها معاذ كان واقف عند النافذه بصدره العاري والزقاره بيده لف راسه وهو يشوف البنت وهي تلبس ملابسها لف نظره للنافذه ثاني مرره وهو يفكر في اهله امه وخواته وزوجته نورة ايه يانورة لي شهر ونص ماشفتك برز بطنك يانورة ولدي صار يتحرك ولا لسى حس بيدين تحاوط خصره مسكها من يدها ولفها قباله ابتسمت : متى تبغاني اجيك بكراا ابتسم عبدالله : لا تجين استغربت : ليه ما عجبتك عبدالله : الا بس انا راجع السعوديه بكراا ... سوت نفسها زعلانه : يعني ماراح ترجع هنا ثاني مره ابتسم عبد الله : برجع وبطلبك انتي .. وقربت منه اكثر واكثر .................//// كان جالس وسرحان يفكر فيها يحاتيها وده يسمع صوتها تذكر اخر مره شافها يوم طلعو يتعشون ...آآخ لفت ريناد : سلامتك من الاااخ يااخوي وش فيك رنده بضحكه : شكلك تحب لف مصعب عليها وضحك : ايه احب وهيماااان بعد وعشقااان دخلت ام حامد : ومن تحب وتعشق يامصعب مصعب قلب وجه : انتي يمااا اكيد انتي ... ضحكت ام حامد وجلست : ما اتصل اخوكم حامد ريناد : لا يمااا بس كلميه عالوتس اب بيرد عليك مصعب حس انه هذا الوقت المناسب في انه يتكلم ويقول هالخبر دام امه رايقه ... مصعب : يماا لفت عليه : نعم مصعب : يمااا بقولك شي .. ام حامد : وش مسوي يامصعب اعترف مصعب : اناا تزوجت يماا رنده وريناد بصدمه : تزوووجت مصعب : ايه ام حامد وهي مو هامها : عالبركه ومن اخذت ان شاء الله نسب مايشرف ابتسم مصعب يوم شاف ردة فعل امه : لا يمااا يشرف ولو شفتيها بتحبينها ام حامد وهي تدق جرس ع الخادمه : شوف لو طلعت البنت موحلوة تاكد انك بتطلقها فاااهم ... مصعب بضحكه وهو يغمز لامه : حلوة يمااا حلووة رنده : متى بتجيبهاا مصعب : بكرا ان شاء الله ام حامد تاشر للشغاله ع قهوة ساده بدون سكر : اسمعو اجل دام اليوم يوم الاخبار كلهم لفو لامهم يسمعون الخبر :اناا بتزووج مصعب ورنده وريناد : نعــــــــــــم ام حامد : ايه بتزوج ريناد وتجمعت الدموع في عيونها : ليه يماااا ليه رنده : وابووي ام حامد وهي تاخذ قهوتها: ابوك الله يرحمه والحي ابقى من الميت ... مصعب ناظر امه بقهر وطلع اما رنده وريناد طلعو غرفهم جالس وهو يهمز رجول ابوه : يبااا بو فهد : سم يااابوك فهد : سم الله عدوك ودي انزل للشرقيه اتطمن ع حنين تخاويني بوفهد : لا يااولدي مافيني حيل روحة هالطريق تهد حيلي وتذكرني باختك >> ونزلت دموعه << مسحهم فهد بيده : كل ما تذكرتها يالغالي ادعي لها بوفهد : اااخ يا ولدي اختك هذي كانت ذهبه امك تحبها اكثر وحده من بين خواتك كلهم هالكلاب كم لي ماشفتهم الحين يا ولدي بكمل اسبوعين ولا شفت ضفرهم ولا حتى يفكرون يتصلون اما حصه آآآه ياحصه >> وبكى << اخذ فهد ابوه في حظنه : بس يالغالي بس يايبا ادعي لها بوفهد : حلفتك بالله ياولدي لا نزلت الشرقيه تاخذ برادات مااي وتحطها عن اربع مساجد صدقه عن اختك فهد : ابشر يالغالي ... ناظرته وهي متخصره : وش قلت يا عبدالله عبدالله : مدري احس فكرتك غبيه ويمكن تودينا كلنا في داهيه ماجد : انا هالمره ضدك ياسلاف مسألة اختطاف لا ظلت سلا ف تفكر وتفكر وابتسمت : لقيتها ياااعبوود عبدالله : وش يا ام الافكار السوده سلاف : اسمع ... وبدت تقوله افكارها الجهنميه ابتسم : عبدالله : جبتيهااا يابنت ضمها ماجد : كفو حبيبتي كفوو كان منهمك في شغله كان ينتظر هالمشروع يخلص من زمان واخيراخلصه صارت تجيه اتصالات كثيره وفاكسات كان اليوم هذاك مضغوووط انظرب الباب وسمع صوت اخوه يتكلم : تفضل يامعاذ وقتاده كان مشغول بالمكالمه اللي عنده مد له معاذ ملفات واوراق وكلمه بالاشاره انو لازم يوقعهم اخذ قتاده الاوراق وصار يوقعهم دون مايقراهم سكر الملف وقرا اسمه كانت تخص مشروع الفنادق مد لاخوه وابتسم وبعدها بساعات سمع صوت ازعاج في الشركه ودخلو الشرطه : تفضل معناا قتاده : ليه وش صاير تفضل وهناك تعرف قطع تفكيرها صوت الممرضه : كلاص ابيبتي ابتسمت حنين ودخل ابوها : يلاا ياادلووعه خوفتيني عليك ضحكت حنين : خلني اتدلع .. وبكذا انتهى البارت 25 ... | |||||||||
|
| |
|
27-04-15, 06:24 AM
| #28 | |||||||||
| نجم روايتي ومشرفة سابقة وفراشة متالقة بعالم الازياء
| البارت 26 مسكها من يدها : يلااا بسرررعه لفت عليه بخوف : من جدك ما قالت شي ولا عصبت مصعب ابتسم ابتسامة الم وهو يتذكر ان امه بتتزوج: لا ولا شي تعالي خل نختار لك لبس اتجهت هيام معه للغرفه وهي مبسوطه وخايفه في نفس الوقت وقفت عند الدولاب سحبت فستان احمر طويل سترش: وش رايك لاكن مصعب كان سرحان يفكر هيام تهزه مع كتفه : مصعب وش فيك مسكها مصعب من يدها : تعالي ابغاك في موضوع بلعت ريقها : وش مصعب وهو يمسح ع شعره ويبلع ريقه : هيام انا ادري انك للحين تتذكرين سعود وتحبينه ويمكن ماشلتيه من بالك وادري ان طريقة زواجنا غريبه حتى ما فرحتي حالك حال الناس ولا لبستي الابيض مثل البنات بس اللي ابي اقوله لك اني حبيتك وتعلقت فيك وابي حقوقي منك بس مو بالغصب ابيه منك انتي وبرضاك قام مصعب واتجه للكيس طلع منه علبه باللون القرمزي ومزينه بشرايط باللون الابيض مدها لهيام : اذا حسيتي انكمستعده تحبيني وتعطيني حقوقي برضاك كأي زوجين افتحي العلبه ومثل ما قلت لك ما ابغى جوابك الحين مسكها من يدها : الفستان الاحمر مو حلو تعالي ناخذ غيره .. كانت منسدحه بغرفتها والدموع ماخذه مجراها ع خدها يعني خلاص خلاص يابدر مراح تكون لي خلاص ساره بتكون فيحظن بدر بكراا المفروض انا هذا مكاني اصلا ليه رفضني ليه وقفت مروة واتجهت للمرايه صارت تناظر نفسها : انا مافيني عيب مافيني عشان ترفضني انا اجمل منها ليه يا بدر وصرخت :ليـــــــــــــــــــــه وانهارت ع الارض تبكي بكل قوه بكل قهر والم وهي تدعي ع امها وخالاتها : الله ياخذكم انتو السبب الله ينتقم منكم ضيعتووني ضيعتووني وف هاللحظه اندق جوالها كان المتصل عبدالله في لحظه كانت بتسكر في وجهه لاكن غيرت رايها ومسحت دموعها وردت : الو عبدالله : الوووين شكلك نايمه ازعجتك مروة : لا عادي عبدالله : اسمعي بعد يومين بتقدم لخطبتك رسمي موافقه علي مروة بدون اي مقدمات : ايووة موافقه ابتسم عبدالله وهو يشوف بداية الخطه بنجاح ... كانت جالسه وقلبها يشتعل ناار تحس ناره تحرقها بكل قسوه نار قهر ونار غيره ونار الم كانت ماسكه دموعها لا تنزل تتمنى ان كل شي يمشي مثل ماخططت له تبي تعلم جود قدرها وانها ماتسوى شي عند ناصر .. حست بيدينه تحاوط خصرها وانتفضت ضحك ناصر : وش فيك جولي : ولاشي خفت بس ناصر وهو يحط راسه ع كتفها : امم ممكن اعرف وش تفكرين فيه جولي : وش افكر يعني وبكراا انت باحظان وحده غيري وغطت وجهها بيدينها وبكت : ليتني رجعت نيوزلندا ليتني ضمها ناصر لصدره : ماعليه وعد مني اخلص منها واجيك ع طول جود راح تكون بالنسبه لي بدل فاقد مو هي رضت فيني تتحملني واذا تبينها خدامه لك في بيتك اجيبها غصبن عنها تشتغل لك جولي بابتسامه ساحره وجذابه : لا حرااام بيبي ابتسم ناصر وباس انفها الاحمر : فديت قلبك الطيب كانت جالسه وتحس بملل قاتل كلن راح وابتعد عنها كلن عايش حياته ماعدا هي صارت تناظر البيت اللي صار مظلم وهدوؤ من بعد امها تحس بوحشه اندق جوالها وكان ابوها يخبرها انه بيتأخر... قفلت منه واتجهت مباشره لغرفة امها وابوها تمنت انها تشوف امها منسدحه وتنط عليها وتضمها قربت حنين من السرير صارت تتحسسه كان فاضي اخذت صورة امها وصارت تناضرها وبدت تتكلم : يما وينك يما ليه رحتي وتركتيني يما ليه يتمتيني بدري تدرين يما اني صرت وحيده يما هيام تزوجت ولهت مع زوجها ليالي من بعد اللي صار لها نستني ما عاد تسال عني يما انا مابيهم انا ابيك انتي بس يما لامرضت محد بجمبي لا طفشت محد عندي يما خالتي وجدي وحتى خالي فهد ماعادو يهتمون لي يماا انا ضعت من بعدك يما تعالي بس شوي يما ضميني بس يما بس ضميني محتاجتك يما والله محتاجتك ليه تركتيني لييييييه >> ورمت نفسها ع سرير امها وابوها وهي تضم مخدة امها تبي تحس بحنانها او حتى ريحتها وبكت وبكت ومالقت من يمسح دمعتها لين ناامت << اذا جاني الخيال بطيفك يــا الجمال اعيد الذكرى يمه والدمع سيال مشيتي يــالحنان و تعبني الـزمان ابي همسك يقول تنام ويا ماكان بس طلي شوي هنا يما طيفك لي هنا مشتهي لروحك انا كل شي بعدك فنـا انا يمه اعيش الدنيا بروحي محد ضمد جرووحي يتيم ماله اي صوت طلعت وهي خايفه من ردة فعله : احم مصعب لف عليها : ما خلصتي نزلت راسها هيام / اممم صراحه ابي اروح اقص شعري مصعب : بس كذا بنتأخر ياماما قربت منه هيام : تكفى الله يخليك ما بنتأخر وعد مصعب : كم يبغالك هيام : خمس دقايق مصعب يلا طلعو من الشقه واتجهت هيام للمشغل وقصة شعرها كلها جزء طويل وجزء قصير كانت القصه مناسبه لفيسها مرره برزت شكلها.. رجعو للشقه سحب مصعب حجابها لاكنها كانت اسرع منه : لا شوفني كامله احسن واتجهت للغرفة وقفلت الباب بعد نص ساعه طلعت وهي منحرجه : مصعب وش رايك لف مصعب وانصدم وبلع ريقه النعومه الاناقه كانت لابسه فستان اصفر سواريه لاتحت الركبه ماسك عجسمها وحزام تحت الصدر ابيض مبرزصدرها وكعب ابيض وحجل مزين رجلها اليمين رفع راسه لوجهها كانت راسمه عيونها بالكحله الفرنسيه ومزينه شفايفها بروج توتي ومع قصة شعرها كانت جميله قرب منها مصعب وبحركه لا اراديه ضمها وباسها ع شفتها : جميله جميللله يلا مشينا وبكذا انتهى البارت 26 ... | |||||||||
|
| |
|
27-04-15, 06:24 AM
| #29 | |||||||||
| نجم روايتي ومشرفة سابقة وفراشة متالقة بعالم الازياء
| البارت 27 كانو جالسين ع اتم استعداد لاستقبال مصعب وزوجته رنده وريناد مايعطون امهم بال حاقدين عليها لانها بتتزوج والام مو هامها امرر عيالها رضو ولا بكيفهم وفجأه انفتح الباب والكل كان لاف وجه شافو مصعب والبنت اللي بجمبه مصعب يغلبها بطووله وعرضه اما هيام كانت مثل النمله مسكها من يدها : السلام عليكم الكل : وعليكم السلام دخلو وعرفها ع اهله وسلمت عليهم جتها رنده بأبتسامه : هاتي عبايتك ناضرت هيام مصعب اللي ابتسم لها وفكت هيام عبايتها ورتبت نفسها وشعرها مصعب اللي كان يراقب نضرات امه واخواته اللي ماتخلى من الاعجاب ... ام حامد : اخبارك يابنتي ابتسمت هيام : الحمدلله يا خالتي انتي اخبارك .. ام حامد : الحمدلله رنده : والله وطلعتي طييير يامرت اخوي مصعب : اذكري الله يالحسوده رنده فتحت عيونها : يما كلتني ماشاء الله ضحكت هيام .. ريناد : اسمعي ضحكتها رقيقه مصعب بنرفزة : وبعدين يعني اذكرو الله ع زوجتي ابيها الكل : هههههههههههههههه قطع عليهم فتحت الباب والكل كان يترقب من الجاي صرخو التؤم : حاااااااااااااااامد وراحو ركض له اما هيام اندست ورا مصعب : مصعب ابي عبايتي مصعب : رنده جيبي عباية هيام وراحت جابتها ولبست وراحو يسلمون ع حامد وقف عند البيت وهو حده مشتاق لامه وزوجته واخواته نزل من سيارته وكله لهفه لهم دخل البيت وكان يسمع صوت التلفزيون بس دخل للصاله وشاف امه كعادتها ع القرآن ابتسم عبدالله : السلام عليكم لفت امه : عبدالله \ وقامت له بكل سرعه وحظنته وبكت : وينك عنا يايمه وينك ماتدري وش صار فينا شدها اكثر لحظنه وراح باله في اللي سواه لحنين: اهدي يا يما في هاللحظه طلعت فيافي ونورة من المطبخ فيافي صرخت : عبووود وراحت تركض له وضمته وبكت وكنها لقت امانها اخيرا كنها لقت سندها اللي بيحافظ عليها عشان مايصير فيها مثل ماصار لليالي حضنها عبدالله ولعب في شعرها : بس بعدي خليني اشو زوجتي ضحكت فيافي وبعدت اما عبدالله قرب لنورة وضمها : اشتقت لك نورة انحرجت حيلوبعدت عنه ونزلت راسها : وانا بعد نورة كانت ملتهفه على عبدالله بس خبت هالشي لان اهله موجودين عبدالله : وين ليالي ام عبدالله تنهدت : فوق فيافي : الحين بروح اناديها رقت فيافي لغرفة ليالي وشافتها نايمه ناضرت في وجه اختها اللي صارت ماتنام الا ع المهدئات طول وقتها سرحانه ولا تبكي نزلت فيافي وعلى وجهها علامة الانزعاج : نايمه عبدالله وقف : اجل انا بروح ارتاح عن اذنكم وقامت نورة وراه اليوم الثاني .. وهذا اليوم الموعود اليوم اللي راح تتوج فيه ساره انها ملكه ع قلب بدر اليوم الفرحه مو سايعتها وفي نفس الوقت خايفه كيف انها بتنام مع بدر في سرير واحد وكيف راح تترك اهلها ... كانت جالسه ع الكرسي تسوي بدكير ومنكير وهي مبتسمه نطت رنده: هااا الحلوة مبسوطه ساره بضحكه : ايه اليوم يومي عقبالك رنده تعفس بوجها : من بيطل في وجهي بس لا عيال خاله ولا عيال عم ضحكت ساره : موشرط يالخبله النصيب بيجيكلو انك في كهف رنده ابتسمت : اصلا مابي اتزوج توني صغيره جت ريناد وسحبت رنده من تيشيرتها: ياحمااره صارلي ساعه ادور عليك اخلصي دورك رنده تبعدها عنها: وجع خربتي برستيجي يابقره جت جولي اللي كانت وراهم وسمعت كلامرنده : هههههههههههه وانا اقول ماجده من طالعه عليه ... كانت جالسه في الحديقه في قمة السرحان والتعب واضح عليها صحت من سرحانها ع صوت ابوها : مروة منتي رايحه الكوفيره مع خواتك لفت مروة : لا بو ناصر: وش فيك انتي من ملكت اختك ساره ونفسيتك خايسه وقفت مروة : مافيني شي عن اذنك بو ناصر : كل هذا عشان اختك اللي اصغر منك بتتزوج قبلك ناضرته مروة بغرور وضحكت : كلن على همه سراا ومشت وهي تدعي ع امها وخالتها حبت تنتقم من امها واتجهت للغرفه وضربت الباب وسمعت صوت امها تاذن لها بالدخول مروة : متى بتجي كوفيرتك ام ناصر : بعد اشوي مروة : اهاا ... وقفت تناضر امها ام ناصر بتعجب : تبين شي مروة : ايه حبيت انبهك انتبهي لزوجك لا يروح منك امناصر بضحكه : هههههههههه حمدلله والشكر رووحي بس مروة بضحكة استخفاف : بنشوف من بيضحك في النهايه ورااحت .. جالسه في الحوش تحس بملل وفراغ قاتل تحس بالوحده والضياع حست بيد حنونه تنحط ع كتفها ابتسمت : يبااا حياك ابتسم قتاده : حنين كيف حالك يابنتي حنين تنهدت وابتسمت : الحمدلله قتاده : حنين يابابا انا ودي اكلمك بموضوع حنين : تفضل يباا قتاده : يابنتي انتي كبرتي وكل بنت مصيرها للزواج وانتي يابنتي جميله وخلوقه يكفي انك تربية حصه اسمعي يابنتي تعرفين عمك بوخالد خطبك لولده خالد وانا ابيك تفكرين وتستخيرين وتعطيني ردك بعد ثلاث ايام ردت بعصبيه : يما قلت لك اني ما ابغى اروح خليها تجي ام بدر عز عليها حال بنتها بس ماتقدر تفركش شي خايفه من ردة فعل الناس تنهدت وطلعت منغرفة بنتها مسحة دمعتها بطلعة بدر من الاصنصير : يما وش فيك ام بدر بأبتسامه : بيفضى البيت علي يايما ابتسم بدر وضم امه : تعالي معانا يما ام بدر : لا تحاول تقنعني اني اجي سمعت شلها من بالك بدر بضحكه باس راسامه : ماشوفك كشختي ام بدر : بروح يما اما عند جود اللي كانت تنزف لموتها تحس انها لفة حبل المشنقه ع رقبتها يارب يارب ما ابيه انا غبيه غبيه غبيه وضمت نفسها وبكت بكل حرقه ... كانت جالسه تناضرنفسها في المرايه مالها خلق شي تناظر عيونها اللي تحتهم هالات سودا فجأه سمعت نغمة جوالها ونقزت كانت المتصله حنين ناضرت لشاشة الجوال لفتره طويله لحد ما انقطع الاتصال وكنها صحت من سرحانها تمنت ان حياتها ترجع نفس قبل لاكن ليس كل مايتمناه المرء يدركه سمعت نغمة الوتس وفتحته كانت حنين اهلين ليالي كيفك تراك مره وحشتيني حبيت اقولك اني انخطبت تمنيت انك تشاركيني الفرحه ردت عليها ليالي : مبرووك حنين : بس كذا ليالي : وش اقولك يعني تراي مالي خلق مع السلامه وسكرت ورمت الجوال ورمت نفسها ع السرير وهي تتذكر نفسها وهم يغتصبونها وصوت صراخها مالي مكان تحس بالم كبير فيجسمها وصارت تسمع صوت اخوها وهو يقولهم يشوفون شغلهم تلوت ع نفسها وصااارت تبكي غطت اذانها بيدها ماهي حاسه بنفسها حست بيد تنحط ع جسمها انتفضت ورفعت نفسها ودموعها ع خدها وتكلمت : انت انت اططللع برااااااااااا ياااااوسخ اطططلع اطللللع تفاجئ عبد الله من اخته دت امه وضمتها: اهدي اهدي ليالي بصراخ وبكا : اطلللع ياااكلب ياااحقير انت السبب انت عبد الله بعصبيه : وش فيهااا هذي ليالي بصراخ : لك عين تسألنيوش فيني انت بعت شرفك ياااغبي انت بعتني لناااس كلااااب نهشو لحمي نهش تفلت في وجه اخوها : تفوووو عليك ابووي حطني عندك اماانه وانت كذا تسوي ليه ليه عبدالله بصدمه : انتي وش تقولين ها وش تقولين فهميني كانت جالسه مثل الملكه ع الكوشه كانت راسمه ابتسامه جميله الكل كان يشوفها ويسمي عليها كانت المصورة تصورهم ساره : لحظه وقفت واتجهت ع الطاوله اللي اختها مروة ومدت يدها مروة : ترا انا اختك شاركيني هالليله انا موذنبي ترا وقفت مروة ومدت يدها وراحت مع ساره صورت واتجهت عالمسيره تمشي رايحه للجود قبل تنزف ناظرت جولي وغمزت لها كانت جالسه ومعالم الحزن كاسيها معقوله تؤمتي كذا تسوي لي معقوله ليه ليالي ليه الكل راح وتركني حتى ابوي لاهي في شغله وناسيني بكت ابي امي اابي امي ابي امـــــي واقفه تشوفه وهو يكشخ : انتبهي لنفسك ولا تفتحين لاحد هيام ابتسمت : ان شاء الله عاد انت لا تتأخر علي مصعب باسها في خده : مراح اتاخر تبين عشا هيام : لا لا بسوي اي شي ابتسم مصعب وطلع ... وبكذا انتهى 27 ... | |||||||||
|
| |
|
27-04-15, 06:25 AM
| #30 | |||||||||
| نجم روايتي ومشرفة سابقة وفراشة متالقة بعالم الازياء
| البارت 28 تجين نطير..؟ تجين اقول احبك وتقولي احلف كثير واسكت وتزعلي واصرخ بوجهك انا ماقلت احبك بس احبك كثير ..) دخل البيت وكان خايف انها زعلت عليه لانو تاخر عليها لاكن انصدم شاف شموع في كل مكان وريحة عطر الكرز منتشر في الشقه في لحظه طلعت هيام من الغرفه وكانت في اجمل وضع ابتسم مصعب وهو يشوف الفستان الابيض اللي جابه لها كان رايق ولايق عليها قرب منها وضمها بكل قوة همست في اذنه هيام : قررت اعيش معاك حياتي واحفضك واصونك واكون ام لعيالك ووو.. قطعها مصعب : احبك احبك هيام .. ناضرته هيام وابتسمت وكن الدنيا بدت تبتسم لها .. انزفت ساره وراحت لبيتها لعش الزوجيه... وانزفت جود وجلست تتصور معاهم كانت لا تقل جمال عن ساره قربت منها امها : جود يما ابتسمي هذي ليلتك جود : انا مابيه يماا ام بدر : جود انتهينا من هالموضوع وراحت تركت قلب جود ينزف وابتسامة مكر مرسومه ع وجه جولي... في جهة الرجال كان ماسك جواله متعجب من الرساله حاول يقراها مره ومرتين لاكن للاسف ما استوعب .. اهلين ناصر اتمنى ان الليله هذي ماتكون معي بالغرفه روح لجولي ... قفل جوواله وتركه بجيبه .. وشوي وقالوله انو ياخذ جود انزفت جود وراحت للناصر كانو طول الطريق ساكتين جود تحيس بتناقض في قلبها كانه مبسوط وخايف وزعلان حست ان الطريق طوويل سمعت صوت عشقته بكل مافيها ناصر: يلا انزلي وصلنا نزلت جود واتجهت مع ناصر لجناحهم في البيت توقعت انها راح تروح فندق حالها حال اي عروس لاكن للاسف ناضرت ناصر اللي بدل ملابسه وناضرها كانت جميله وفاتنه قرب منها وباس راسها : تبين شي جود بخوف : لا .. ناصر : عن اذنك وطلع من الجناح .. كان جالس وعلامات الصدمه واضحه في وجهه ودمعه حرقت خده الخشن بكل قسوة وقفت امه بكل قوه وهي تبكي ومسكته من ياقة ثوبه : والله يا عبدالله لو ماقلت الحقيقه لا تلوم الا نفسك بدا عبدالله يتكلم ويقول كل شي صار ام عبدالله وفيافي ونورة تملكتهم الصدمه مايدرون الصدمه هذي من اجرام عبدالله ولا انهم ما كانو متوقعين هالشي منه كسر صدمتهم ليالي اللي دموعها غرقتها بزياده وهي تضرب اخوها عبدالله : حنين حنيييين ليه ليييييه ياعبدالله نسيت نسيت انك كنت تبيها وربك ماكتب لك فيها نصيب والحينتبيعها تبيعها نسيت عمي قتاده وشسوى لك يوم توفى ابوي نسيت خالتي حصه نسيت غلاتهم في قلووبنا كيف نسييييييت ياعبدالله ولا الفلوس اعمت عيونك اعمت ضميرك احساسك انت مو عبدالله اخوي انت شيطان شيطان وقف عبدالله وهو يبكي ويصرخ : بـــــــــس انا باخذحقي وحقك وحق عمي قتاده بس سامحوني اتجه لامه : يمااا سامحيني ام عبدالله كانت تبكي ماتوقعت ضناها تربيتها يمكن يسوي كذا : بعدته عنها : وخر عني وخر عني وقامت غرفتها اما فيافي ملا قلبها الخوف اكثر من قبل وراحت غرفتها اما ليالي كان ودها تقتل اخوها والرجال اللي اسمه بو ناصر ناضرت باخوها وبكل حقد: حسافه انك اخوي ... وراحت .. لف عبدالله ع نورة قرب منها لاكن ابتعدت : وخر عني يامجرم طلقني عبدالله بصدمه : لا تكفين نورة نورة بعدت عنه وصرخت : اقووووولك طلقني انا بكرا راجعه لليمن وورقتي تووصلني واتجهت لغرفة خالتها اما عبدالله حس ان الدنيا تهتز تحته وكنها بترميه في حفره مالها مخرج ملا قلبه وعقله الحقد لابوناصر وحلف انو بينتقم دخل غرفته ولملم اغراضه وكتب ورقه لنورة وحطها ع السرير >> وطلع << دخلت جوليالغرفه وناضرت الشخص المندس في السرير وابتسمت سوت نفسها ما انتبهت فسخت عبايتها وجلست عالكنبه : ياحبيبي يا ناصر مرره فاقدتك من بيشوف كشختيالحين يلاا الله يوفقك ياروحي سمعت صوته : حبيبك ماله غيرك سوت نفسها منفجعه : ناااصر وش تسوي هنا ناصر ابتسم : بس كذا قربت منه : حبيبي قول الصدق وقالها ناصر سالفة الرساله جولي :يمكن مغصوبه عليك ناصر خليها عنك تعالي بحضن حبيبك بس وسحبها ع السرير ...... كانت جالسه بقميص نوم ابيض ناعم وبسيط كانت جميله وناعمه لاكن دموع القهر والالم خربت هالشي حست انها صدق رخيصه وكيف تجاهلها بهالطريقه ليه ليه يا ناصر سمعت صوت الاذان اللي تغلغل في اذننها ومسحت دموعها وتوضت وصلت ورمت نفسها عالمخده ممكن تنسى اشوي وبكذا انتهى البارت 28 انا تعمدت اخلي البارت قصيرعشان انبهكم اني رجعت وبستمر في انزال البارتتات حتى اذا مافيه ردود بسبب تاخري اختكم الكاميليا | |||||||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
