آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-04-15, 11:07 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  . تابع . . ^^^ في بيت ابو مشعل ^^^ رنا نزلت شافت البيت فاضي : فكه منهم عساهم بلا رجعه قعدت بالصاله تتفرج على التلفزيون ملت منه مافيه شيء عدل كانت بتروح غرفتها الا سمعت صوت الجرس شافت الخدامه طالعه من المطبخ : خليك بشغلك انا بفتح الباب الشغاله : هادر >> حاظر رنا ما اهتمت لشكلها ولا لبست طرحه على راسها فتحت الباب انصدمت من اللي كان واقف : انت !!!؟ ناظرها بذهول : ايش تسوين هنا ؟؟ رنا رفعت حاجبها : استغفر الله استاجرت البيت ايش اسوي مثلا هذا بيتنا انت الي ايش جابك ؟؟ ... انقهر من اسلوبها : مشعل موجود ؟؟! رنا حبت تعرف اسمه فيها لقافه : من اقول له؟؟ .. بملل : قولي له حمد ينتظرك برا رنا ( طلع اسمك حمد >> اخو ندى ) وتمتمت بهدوء : الطيور على اشكالها تقع حمد : خير قلتي شيء؟؟ رنا : ايه الاخ مو موجود > ما تحب تنطق اسمه حمد : طيب استأذن وقولي له اني سالت عنه رنا ما تكلمت وقفلت الباب بوجهه : هذا الناقص بعد اوصل له كلام حمد انصدم ان مشعل عنده اخت : مو مصدق هذي اخت مشعل ولا يكرها بعد مسكينه يا رنا ### في المزرعه ### ساره خلاص بتموت من القهر ( ابي جوالي كيف اخذه منه ذا العله ايش يبي مني ) البندري شافتها ساكته وفي عالم ثاني : سوير ايش فيك؟؟ ساره ناظرتها وابتسمت : مافيني شيء بنو : كذابه شوفي وجهك كيف اصفر وباين الهم كله فيك ساره تحاول تصرف الموضوع : لا بس من خوفي عليك البندري صدقتها : حبيبتي شوفيني بخير هذاني قدامك مافيني شيء ساره اكتفت بابتسامه ( ايش يقصد هذا بكلامه اكيد بيفهمني غلط انا لازم اخذ جوالي منه باسرع وقت لازم اكلمه) قامت بنو ناظرتها : وين رايحه ؟؟؟ ساره : بروح اكلم فيصل بنو : اها اوكي ساره لبست طرحتها وطلعت برا الفله شافت علي راحت له : علي شفت راكان ؟؟ علي استغرب : ليه ؟؟ ساره بكذب : امه تبيه بسالفه علي : شوفيه قاعد عند الخيل ساره : طيب مافيه احد عنده ؟؟ علي : لا قاعد لحاله ساره : طيب اذلف علي رفع حاجبه : صدق ما تستاهلي احد يقول لك شيء ساره مشت عنه : طيب طيب بلا هذره زايده راكان واقف ويمسح على الخيل ومستغرب ان اليوم ما وصلته رساله ويفكر بكلام ساره ساره وقفت وراه وما تعرف كيف تكلمه راكان سمع صوت: علي ليه رجعت قلت لك روح من هنا ؟؟! ساره بهدوء : انا ساره موب علي راكان لف عليها : ولك عين تجي لعندي ؟؟؟ ساره تكتفت : لو سمحت جيب جوالي الكل يسال ليه ما ارد عليه راكان ابتسم بسخريه : واااو الكل لهدرجه انتي مهمه عندهم ومو واحد بس كثير صح ؟؟! ساره عصبت منه : راكان لو سمحت احترم نفسك وجيب الجوال راكان رفع حاجبه : قلت لك الجوال ما راح تاخذيه وانا مو نذل نفسك بروح اعلم عليك لا ولا تفكريني خايف منك بتكوني غلطانه انا خايف على عمي اذا عرف ايش بيصير له ساره عصبت من كلامه : قلت لك اعرف ايش قاعد تتكلم فيه انت قاعد تطعن شرفي راكان صفق لها وبسخريه : توك تعرفين انه عندك شرف بعد ايش ساره انصدمت تبي تطلع كل القهر اللي فيها مدت يدها تبي تعطيه كف الا راكان يمسكها بقوه راكان راص على اسنانه : ايدك بكسرها ان فكرتي تمدينها علي فااااااااااهمه ساره تالمت من مسكه ايده ودموعها بدت تنزل من طعناته لها ومن تصرفاته معها راكان ترك يدها وطلع الجوال : هذا اللي تبيه ما راح تاخذيه .. رماه على الجدار بقوه وراح وخلاها ساره وقف قلبها على جوالها راحت اخذته شافت الشاشه تحطمت على الاخر وكل جزء منه في مكان قعدت تدور الشريحه بس ما لقتها قعدت تبكي بقوه : هئ هئ راح مني هئ كيف اكلمك الحين هئ هئ كان واقف ويناظرها من بعيد وطلع الشريحه من جيبه وناظرها وناظر ساره : والله لا اخليك تندمين بعد كلامك هذا تبين تكلميه انا اللي بربيك من جديد بعد ساعتين الكل رجع البيت .. &&& في المستشفى &&& س 8 ونص بالليل شوق كانت واقفه قدام غرفه العمليات وتروح وتجي وخايفه يصير بابوها شيء وتكون هي السبب ام شوق بعصبيه : كله منك يا وجه البلا ايش سويتي في ابوك ؟؟ شوق كانت تبعد من امها : ما سويت فيه شيء والله هئ هئ ام شوق : والله ان صار فيه شيء يا شوق شوق كانت تناظر امها بخوف الدكتور طلع ومبين على وجهه التعب ام شوق وشوق راحين له بسرعه : طمني عليه !!؟ الدكتور : كنا بنفقد المريض صارت له نوبه قلبيه بس الحمدلله تعدى مرحله الخطر شوق انصدمت من قوه الكلمه : نووووبه الدكتور ناظرها : لا تخافي هو الحين بخير وان شاء الله باقل من اسبوع بيتحسن ام شوق : نقدر نشوفه ؟؟ الدكتور : اعتذر الحين اذا دخلتي عليه بيكون بحاله خطره شوق بترجي : حتى لو من بعيد الدكتور يقنعها : كذا انتي بتحطيه بحاله حرجه ووقت الزياره بيفتح من بكره ام شوق : الله يخليك نبي نشوفه الدكتور : قلت لك ما اقدر اخليك تشوفيه وتقدرون تروحون البيت وبكره ترجعون شوق ناظرت امها بحزن الدكتور : الحمدلله على سلامته مره ثانيه ام شوق : الله يسلمك *** اليوم الثاني .. في المدرسه *** ساره كانت لابسه قميص طويله عشان ما تبين اثار مسكت راكان ندى ميته من الضحك على ساره : ههههههههههههههههههههههههه هه بنو ناظرتها : ندى خلاص هههههههه ساره لوت فمها : بلا سخافه قلت ابي اقلدكم اليوم زهقت وانا ارفعه ندى تناظر ساره وترد تضحك: هههههههههههههههه ساره عصبت : ندى وجع اسكتي بنو شافت نور قاعده لحالها : بنات كانها سحيله لوحدها اليوم ساره : قلعتها هي وخويتها المغروره ندى : ما ينبلعون متى بنفتك منهم ساره : اقول ما باقي شيء للبيت خلوني اجهز عشان اطلع اول وحده ندى : صدقيني بتطلعي اخر وحده نفس كل يوم ساره : عادي اصلا حلو انك تروحين البيت متاخر بنو : ايش رايك تجين بيتنا وانا بكلم عمتي ساره تذكرت راكان : لا لا مابي بروح انام زهقت منك ندى : ههههههههههههههههههههههههه احح يا الجبهه بنو رفعت حاجبها : انطمي انتي وهي دق الجرس وكل وحده توجهت لبيتها بس بقت ساره وبنو وكم وحده بنو : قلت لك تعالي بوصلك ساره بعناد : لا روحي سواقك صار له ساعه ينتظر بنو ضربتها بخفه : كيفك انتي الخسرانه ساره : هههه طيب بنو راحت ركبت السياره والسواق مشا ساره كانت تلعب باصابعها ومنتظره السواق دعاء جت قعدت مع ساره : كيفك ؟؟ ساره استغربت : بخير دعاء ابتسمت : هههه اعرف انك ما تعرفيني بس انا اعرفك وصار لي فتره ابي اكلمك بس ما احصل مجال ساره زاد استغرابها : انا ؟!! دعاء : ايه انتي ساره : ليه ؟؟! دعاء ابتسمت : ههههه كل ما اشوفك اتذكرك وانتي تلعبين بالصابون قدام صفنا ولما طلعت الابله وكلامك معها بصراحه موتيني ضحك ساره تذكرت : ههههههههه كان عجيب دعاء : ليتني كنت معكم ساره : افا عليك مره ثانيه دعاء كانت بتتكلم الا تشوف نواف : يلا انا بروح ساره ابتسمت وودعتها : الله معك دعاء ناظرت ما بقى احد بالمدرسه الا ساره : قومي بنوصلك شكل السواق حقك ما بيجي ساره ناظرت الساعه شافتها 1 : عندك جوال ؟؟ دعاء طلعت جوالها وفتحته لساره : تفضلي ساره اتصلت على امها : هلا يمه ... وين السواق تاخر ما بقى احد غيري ... شنووو ... لا لا خلاص برجع مع صديقتي ... طيب مع السلامه .. دعاء استانست : الله وناااااسه تعرفت عليك وبوصلك ساره : ههههههههه صدفه حلوه نواف كان يضرب هرن ويلعب بالجوال دعاء وصلت عنده وفتحت الباب : وجع وجع خلاص سمعت والله سمعت نواف رفع راسه وضحك : هههههههه ليه تاخرتي ؟؟ دعاء بققت عيونها : من اللي تاخر انا والا انت لو السواق موديني البيت كان صار لي نص ساعه بالبيت نواف : هههه بلا هذره واركبي ساره انصدمت من اللي كانت تشوفه تبي الارض تنشق وتبلعها مو مصدقه عيونها ( ياربي من وين طلع لي هذا اكيد بيعرفني ) دعاء ركبت وكانت تنادي ساره : ساره ساره يابوي وين رحتي اركبي نواف نزل راسه عشان يشوفها انصدم تم يناظرها ولا شال عيونه ( هذي هي الا هي انا متاكد نفس الملامح نظرتي ما تخيب ) ساره انتبهت لدعاء وما عرفت ايش تقول : لا خلاص بتصل على اخوي يوصلني دعاء بققت عيونها ونزلت من السياره : ساروه ايش فيك انهبلتي اخليك لوحدك هنا يلا اركبي ساره ما تبي يشوفها : لا اخوك موجود دعاء ناظرت نواف بترجي : نواااف شوفها قلها تركب مافيه احد بالمدرسه غيرها ساره ناظرته وصارت عينها بعينه حست قلبها بيوقف نواف ابتسم لها : اركبي مستحيل نخليك هنا لوحدك وبعدين انتي ما بتركبي مع احد لوحدك هذي دعاء موجوده ما راح اخطفك دعاء ضحكت على كلامه : ههههههههههه غبي ساره ناظرت حوالينها واستسلمت للامر الواقع وركبت .. دعاء كانت تسولف مع نواف وتحاول تخلي ساره تشاركهم الحديث بس مافيه فايده ونواف كل شوي يناظر ساره من المرايه وصلوا ساره البيت وبعدين راح وصل دعاء ورجع بيتهم &&& في بيت ابو ملاك &&& ابو ملاك كان ماسك على راسه من التعب : خلاص راسي بينفجر ام ملاك بحزن : سلامت راسك ابو ملاك : خايف يا نورة خايف ام ملاك مسكت يده : الله بيكون معنا لازم نكون اقويا ونواجهه ابو ملاك : ذلني وكل يوم يحرق قلبي على بنتي ام ملاك نزلت دموعها : هذي بنتنا ما راح نتخلى عنها ابو ملاك : انا عجزت وانا اسكت فيه بس هو ما يفهم ويقول بيطلع وثائق تدل على انه اولى فيها مننا وانا ما ابي اخسرها هذي بنتي ام ملاك : حامض على بوزه ياخذها ملاك كانت واقفه وراء الباب ومو مصدقه اللي تسمعه ... خلص بارت 13 ... توقعاتكم ... 1- ملاك شنو ردت فعلها ؟؟؟ رايكم يهمني حبايب قلبي | ||||
|  |
|
04-05-15, 06:59 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اعتذر على تاخري بس خلصت اختبارات وكتبت لكم البارت البارت 14 .... كانت تلعب بالجوال ورايحه غرفتها والابتسامه مرسومه على شفاتها سمعت صوت ابوها وهو يصرخ استغربت وغصب عنها وقفت تبي تعرف ايش فيه : ايش صاير هنا؟؟ ابو ملاك بصراخ (مترجم ): لقد نفذ صبري منك اريد التحدث معك .... انا احذرك لا تجعلني استعمل العنف ... افعل ما تريد لكن لن تاخذها ... اجل انا متاكد من كلامي .. عصب وقفل الجوال ملاك كانت واقفه وعلامات التعجب فوق راسها وكلام ابوها الي محيرها وما فهمت ايش يقصد بكلامه جت بتمشي الا وقفتها نبره حزن ابو ملاك بحزن وانكسار : مستحيل اخليها تروح هذي بنتي ام ملاك ببكاء: عطه فلوس وبيسكت ابو ملاك بهم : من وين طلع لنا انا لازم اتصرف معه بطريقه تخوفه ام ملاك بقهر : مستحيل ياخذها حتى لو كان عمها وينه عنها من سنين ابو ملاك حطت يده على راسه : المشكله عنده اثباتات على كلامه ولو يطلعها غصبا عنا بياخها القانون معه ام ملاك : الحين صار يبيها وبياخذها مستحيل اهههئئئئئ ملاك كانت تسمع حوار امها وابوها الي ما توقعت بيوم بتسمعه كانت تحاول تفسر حقيقه صعبه كالكابوس الي بيصير جزء من حياتها .. حست الدنيا تدور فيها وهي تسمع كلامهم قعدت على الارض منهاره وتبكي بقهر : اههئئئئئئئئئئئ لاااااااااااااااااا ام وابو ملاك سمعوا صوتها خافوا ليكون صاير فيها شيء بسرعه طلعوا انصدموا لما شافوها قاعده على الارض وتبكي عرفوا انها سمعت ابو ملاك بخوف : ملاك حبيبتي فيك شيء؟؟ يعورك شيء؟؟ ملاك دزت ابوها بقوه : وخروا عني اههههئئئئئ ام ملاك مسكتا من كتوفها : ملاك حبيبتي بس سمعي الموضوع ملاك كانت تصارخ وتبكي لين اغمى عليها ام ملاك بخوف : ملااااااااك ابو ملاك بسرعه قام وشالها : روحي جيبي عباتها ام ملاك قامت ركض لبست عباتها وجابت عبات ملاك ## في بيت ابو فيصل ## ابو فيصل كان بينزل من السياره الا يشوف جواله يرن شافه اخوه : هلا والله ابو ملاك بحزن : هلا فيك ابو فيصل حس انه صاير شيء : خير ايش فيه صوتك ؟؟ ابو ملاك بهم : ملاك طاحت علينا ابو فيصل بخوف : شنووووو ؟؟ ايش فيها؟؟ ابو ملاك بضيقه : تعال مستشفى.... بس الله يخليك لا تحسس احد ابو فيصل شغل السياره : مسافه الطريق $$$ في المستشفى $$ ام ملاك كانت واقفه برا الغرفه وماتبي تواجه ملاك والدموع تنزل منها بغزاره خوف من فقدان بنتها الي هي كل حياتها ابو ملاك مسكها من كتفها ويحاول يهديها : يا نورة ما يصير تسوي بنفسك كذا ام ملاك تبكي : ملاك بخسرها للابد ابو ملاك : لا تقولين كذا ملاك عاقله وبتتفهم الوضع ام ملاك زاد بكاها : اهىء اهئ ايش يضمنك ؟؟ ابو ملاك رفع راسه للاعلى : ربك قادر على فعل كل شيء ام ملاك قعدت على الكرسي وكانت تبكي ابو ملاك انكسر قلبه عليها وما حب انه يشوف حب حياته بكل هالضعف والحزن قعد جنبها وحضنها وحاول يهديها ابو فيصل وصل المستشفى وقلبه بيوقف خايف على ملاك ليكون صاير فيها شي سال الرسبشن ودلوه على غرفتها وبسرعه راح لهم اول ما وصل شاف ام ملاك تبكي وحالتها حاله مات من الرعب وحس لسانه ثقيل : م مملااك فيي هها شييء ؟؟! ابو ملاك ناظره بنظره انكسار وقام وحضنه بكل ضعف : ملاك يا خوي ملاك ابو فيصل خلاص حس قلبه بيوقف من خوفه : ايش فيها خوفنتي ؟؟ ابو ملاك حاضنه بقوه : بخسرها بتروح من بين ايدي ابو فيصل حضن اخوه بقوه وناظر ام ملاك شافها في حاله الله يكون بعونها مسك ابو ملاك من كتفه وخلاه قباله : ملاك ايش فيها ارعبتني ؟؟ ابو ملاك نزلت دموعه تعلن ضعفه والهم الي كسر ظهره : ملاك عرفت انها مو بنتي ابو فيصل انصدم من الي قاعد يسمعه (يعرف السالفه كامل وهو الي ساعدهم علشان يتبنون ملاك ): كيف عرفت ؟؟! ابو ملاك بضيقه : سمعت كلامي مع ماكس ابو فيصل قعد يفكر بالمصيبه الي نزلت عليهم حط يده على راسه : لازم نفهمها الموضوع ام ملاك بصياح : مو راضيه تسمعنا اهىء اهىء ابو فيصل قام : انا بكلمها وافهمها الموضوع ابو ملاك : بجي معك ابو فيصل مسكه : لا انت خلك هنا انا بمهد لها الموضوع وبخليك بعدين تكلمها ابو ملاك قعد : طيب ## في بيت ابو شوق ## كانت قاعده وتفكر بحالت ابوها الي مرعبتها وتخاف انها تفقده ناظرت الجوال الي ترسل لراكان منه مسكته تبي تكتب له الا امها تدخل الغرفه ام شوق : قومي بنروح لابوك شوق قامت بكسل : ان شاء الله ام شوق : انتظرك تحت شوق حطت الجوال في درج التسريحه وخذت عبايتها ونزلت لامها ..في المستشفى ... دخلت غرفة ابوها وهي ماسكة بوكيه ورد وببتسامه : الحمدلله على سلامتك يا احلى اب ابو شوق ابتسم لكلام بنته : الله يسلمك ام شوق تناظر الساعه : الحمدلله على سلامتك ابو شوق : الله يسلمك شوق حطت الورد جنب ابوها وقعدت جنبه : شوف عاد مره ثانيه تسوي هالحركه بزعل منك والله حسيت قلبي بيوقف ابو شوق ابتسم : اسم الله عليك ام شوق ناظرت الجوال وتكلمت : انا بروح اشوف لي شيء اشربه تبون شي؟؟ شوق وابوها : لا مانبي ام شوق طلعت ابو شوق منقهر من حركاتها وتصرفاتها الي مالها داعي ناظر شوق عشان يغير الجو الي صار : ايه كيف المدرسه معك ؟؟ شوق ابتسمت بغباء وناظرت الارض: ما رحت المدرسه ابو شوق بقق عيونه : ليييه؟؟ شوق ناظرته : كيف تبيني اروح وانت تعبان ابو شوق : انا ابيك ما تهملين دراستك لانك انتي الي بتملكين كل شيء وبتتصرفين باموالي بعد موتي شوق باسته : اسم الله عليك يومي قبل يومك ## في بيت ابو مشعل ## رنا زهقت من غرفتها نزلت تحت شافت الشغاله قاعده تجهز الاكل راحت تبي تخرعها كانت تمشي بهدوء عشان ما تحس : بووووووووووووو الشغاله طيحت السكين من يدها : ااااااااااااه رنا شافت وجه الشغاله كيف مصفوق من الخوف ماتت عليها ضحك: ههههههههههههههههههههههههه هههههههههههه الشغاله بزعل : انتا ليش يسوي كدا انا فيه خوف > انتي ليش تسوي كذا انا خفت رنا تناظرها وترد تضحك : ههههههههههههههههههههههههه ه الشغاله طنشت رنا واخذت السكين من الارض غسلته وردت تقطع السلطه : روووح انا فيه شوغل رنا : جيبي انا بساعدك الشغاله ناظرت رنا باستغراب : لا انت روح انا بسوي رنا ما اهتمت : براحتك الا وين المدام ؟؟ الشغاله : يطلع رنا تمتمت بكلام : روحه بلا رده الشغاله : وش يقول ؟! رنا ناظرتها : مو شغلك وطلعت راحت الصاله شغلت الt.v ما كان فيه اشاره عصبت : ويعه وش ذا الحظ المخيس قامت وراحت المجلس شغلت الt.v وقعدت تتنقل بين المحطات ما حصلت شيء ردت حطت على mbc2 وقعدت تطالع لين نامت مشعل توه راجع من الدوام طق الجرس فتحت له الشغاله مشعل : فيه احد بالصاله او المجلس ؟؟ الشغاله بغباء : لا المدام يطلع ورنا يروح غرفتها مشعل : طيب الشغاله راحت تكمل شغلها مشعل : اسمع انا بروح اغير ملابسي وانت روح اقعد بالمجلس على ما اجيك ..: اخلص علي ابي اخلص الشغل عشان بطلع انا والاهل بعدين مشعل رفع حاجبه : ياخي روح ابدأ فيه وانا بخلصه ...: زين زين انتظرك مشعل طلع لغرفته .... راح المجلس حط الاوراق على الطاوله كان يبي يقعد الا يشوف رنا نايمه ..... ## في المستشفى ## ابو فيصل طق الباب ودخل شاف ملاك تناظر الارض ووجها مفقع من كثر البكى كسر خاطره منظرها راح سحب الكرسي وقعد وببتسامه : كيفها ملوكه الحلوه كذا تخوفينا عليك ؟؟ ملاك لفت راسها ما تبي تشوف احد : خلوني لحالي ابو فيصل مسك يدها : ملاك معك حق تلومينهم على كل شيء بس انتي لازم تسمعيهم على الاقل ملاك بدت دموعها تنزل وفكت يدها من ايده : انا مو مجبورة اني اسمعهم هم كذبوا علي وما ابي اسمع شيء ابو فيصل ناظرها بحب : ملاك انتي كبيره ما يحتاج هالتصرفات ملاك ناظرته والغصه ماسكتها : ولاني كبيره بتصرف كذا 22 سنه معيشيني بكذبه حياتي كلها عباره عن كذبه ابو فيصل حاول انه يهديها : ملاك اسمعيني ملاك كانت تبكي مثل الطفله وكانت تحاول تفك السيلان من يدها : اااااااااااهىء اهىىىىء اتركوني مابي اسمع شيء ابو فيصل فقد اعصابه وبعصبيه : غصبا عنك بتسمعين ملاك زاد بكاها وتحاول تفك نفسها من بين ايده ابو فيصل بحنيه : انا ما راح اخليك لازم تسمعي من ابوك السالفه كلها بعدين انتي قرري ملاك كانت تشهق من كثر البكاء وما تكلمت بولا كلمه ابو فيصل قام وطلع نادا ابو وام ملاك ## في بيت ابو نواف ## قعدت تاكل وتناظر نواف بعصبيه وودها تقوم وتذبحه نواف رفع راسه شاف نور تناظرة بحقد استغرب من نظراتها (شبلاها ذي تناظري كذا ؟؟) قرر انه يتكلم : نور ليه ما تاكلين ؟ نور شافت الكل يناظرها : قاعده اكل ابو نور : وين تاكلين وانتي صايره مرره ضعيفه نواف حب يقهرها : ايه صايره مو حلوه لانك ضعفانه نور انقهرت من كلامه : مو محتاجه رايك فيني ام نواف همست لنواف : اسكت ما نبي مشاكل نواف ابتسم ووناظر الاكل : كيفك بس حبيت اقول لك نور : مالك دخل فيني ام نور بعصبيه : نور ايش قلت الادب هذي احترميه نور شوي وتبكي من كثر ما هي منقهره من حركته قامت بعصبيه : اشبعو بالعافيه نواف ما توقع بيكون تصرفها كذا على باله نفس كل يوم (ايش فيها ذي صايره مره حساسه ) ام نواف قامت تبي تلحق نور بس الجده وقفتها الجده : قعدي مكانك وكملي اكلك ام نواف قعدت والمكان صار هدوء ### في المستشفى ### ابو ملاك دخل الغرفه وقعد : كيفك ؟خوفتيني عليك ملاك ناظرته شافت شكله يكسر الخاطر ووجهه صاير شاحب : بخير ابو فيصل بحزم : انا راح ابتدي لك السالفه بس انتي بتسمعين بدون اي مقاطعه ابو ملاك ناظر ابو فيصل : شوي شوي عليها مو بهالاسلوب ابو فيصل (ما خلاك تصير كذا الا اسلوبك ) طنشه كان بيتكلم الا ام ملاك تكلمت بكل ضعف كانت تحكي لملاك القصه من البدايه : انا وابوك صار لنا متزوجين خمس سنين وما جانا عيال وامه قررت انها تزوجه وحده ثانيه كاي ام تبي تشوف عيال ولدها بس ابوك رفض هالشي واهله قعدوا يضغطون عليه وابوك كان يرفض بس عمك ابو فيصل رفض هالاسلوب الي اهله تعاملو فيه مع اخوه وهو اصغر واحد فقرر انه يسفرنا عشان اتعالج لانه كان فيه امل اني اجيب عيال وهو سافر معنا... سكتت ما قدرت تكمل ملاك كانت ساكته وتناظر في السرير ما تبي تشوفهم ابو ملاك كمل عليها :بعد سته شهور من سفرتنا واحنا رايحين للمستشفى مرينا من طريق طويل ومقطوع شفنا سياره مقلوبه والطريق كانه مهجور مافيه احد الا هالسياره نزلت انا واخوي وامك كانت بالسياره رحنا للسياره كانت المره الي داخل ميته وجنبها بنتها كانت تبكي وابوها يحاول انه يوصل لها اول ما شفناه حاولت اني اطلعه من السياره بس ما قدرت كانت لحضاته الاخيره ناظر بنته ونزلت دمعه من عيونه وناظرني وقال لي بنتي امانه في رقبتك لا تخليها عند اهلي او اهل زوجتي بيقتلوها ومات حزنت على البنت واستغربت بنفس الوقت وين بوديها ملاك كانت حيل متاثره وتبكي بصمت ابو فيصل كأن الاحداث قدامه وعمره ما نسى هالحادثه شاف اخوه مو قادر يكمل وشاف ملاك تبكي بصمت وكاتمه شهقاتها رحم حالها بس لازم تفهم الموضوع : اتصلنا على الاسعاف وبعد نص ساعه وصلوا وخذوهم للمستشفى والبنت كانت معانا ما عرفنا نتصرف بالمصبيه الي حلت علينا قرر ابوك انه يوديك رعايه الايتام لانه كنتي مره صغيره وعمرك حوالي الشهر بس امك رفضت بقوه وكانت متمسكه فيك وما تبي تخليك انا وابوك رفضنا وقررنا نسال على اهلك بس عرفنا ان ابوك وامك كانوا هاربين منهم ولانهم كانوا رافضين فكره زواجهم واكتشفوا انهم متزوجين قرروا انهم يقتلونهم لانهم متعاديين اهم واهل زوجت ولدهم عمك عرف انه عندهم بنت وانها كانت عندنا وكان بيفضحنا بس احنا عرفنا نقطه ضعفه وعطيناه فلوس وسكتناه لانه كان سكير عشان كذا خفنا عليك وتبنيناك ورجعنا السعوديه بعد سنه من الحادثه وقلنا انه امك كانت حامل فيك وانه كانت حالتها خطره لما جابتك وما تقدر تجيب غيرك وهذي كل السالفه ملاك خلاص مو قادره تستوعب مسكت راسها بتعب وقعدت تبكي بحرقه ما تعرف تبكي على الحقيقه الي سمعتها ولا على اهلها الي ماتو موته شنيعه ولا على حياتها القادمه وكيف بتكون خلاص صادها انهيار من كثر تداخل الافكار الي تدور براسها : اتركوووني لحاااالي ااااهئ اهههئ ام ملاك حضنتها وتبكي: ملاك لا تسوين بنفسك كذا وربي قاعده تقطعين قلبي ملاك كانت تبكي بقهر ابو فيصل رحم حالها وعقلها كلش ما يستحمل هالكثر من الاحداث المترابطه ابو فيصل قام واخذ ام ملاك معه لانها انهارت من البكاء ابو ملاك ما هان عليه يشوف بنته بهالحاله قام قعد على السرير مسك يدها وبكل حنيه : انتي بنتي وما راح اتخلى عنك واتركك بهالسهوله لناس تبي تقتلك انتي قطعه من روحي وربي ما حسيت بيوم انك مو بنتي كل يوم كان حبي لك يزيد وكانك قطعه من روحي ملاك زاد بكاها لما سمعت كلام ابوها حست بالامان الي كانت محتاجته وكلام كانت تبي تسمعه رمت نفسها بحضنه : اهئ اااهئ لا تخليهم ياخذوني اههههئ ابو ملاك حضنها بقوه والابتسامه ارتسمت على شفاتها : محد بياخذك وانا عايش وربي لو ادفع عمري فدا لك ما خليت احد يمس شعره منك ملاك ارتفعت عن حضنه : الله يطول بعمرك وما يحرمني منك يا اغلى ابو ابو ملاك ابتسم وقام : بخليك ترتاحين الحين .. ومشاء ملاك مسكت ايده : انا اسفه على الي صار ابو ملاك باسها في جبينها : حبيبتي لا تتاسفين احنا الي لازم نعتذر منك لانه خبينا عليك ملاك ابتسمت مع انه صار تغير بحياتها وخايفه انه الاهل ما يتقبلون فكره انها غريبه وعايشه بينهم خافت من المصير الي بينكتب عليها لو خسرتهم وهي بالحيل متعوده عليهم $$$ في بيت ابو مشعل $$$ حط الاوراق على الطاوله ولف يبي يقعد عشان يبتدي بالشغل الا يشوف رنا نايمه على الكنب انصدم من الي شافه وما عرف ايش يسوي لو يجي مشعل بيلعن خيره واكيد بيطق رنا (ياربي ايش هالورطه انا لازم اقعدها ) قرب منها شوي شوي وبهدوء همس : هييه قومي رنا ابد ولا حركت ساكن اخذت المخده وحطتها على وجها حمد ما عرف كيف يصحيها قرب جنبها وسحب المخده من بين ايدها وضربها بخفه : قومي وش ذا النوم رنا قامت بعصبيه على بالها مشعل : وجع يوجعك قول امين كذا الناس تقعد واحد نايم حمد رد خطوتين للوراء وخاف احد يسمع من نبره صوتها المرتفعه : اشششششش فضحتينا رنا تحك عيونها وما استوعبت الصوت انه غريب شالت يدها من عيونها وناظرته انصدمت لما شافته : هئئئئئئئئئئئئئئئ من انت ؟؟ حمد بقق عيونه : قصري حسك وقومي طلعي من هنا لا يجي اخوك رنا توها تستوعب انها مع حمد بنفس المكان بس عندها عادي ما تهتم لهلاشياء قامت بكل برود واخذت المخده ورمتها عليه وهو مسكها بسرعه : حركتك السخيفه لا تعيدها ومشت من قدامه حمد كان منصدم من رده فعلها وعدم خوفها لو يشوفها اخوها وهي بمكان واحد مع رجال غريب وهي تمشي لمح سلسله برقبتها انصدم من الي شافه (هذي لابسه سلسله عليها صليب هي مو مسلمه ) ابد ما توقع هالشيء لف يبي يكلمها ما شافها قعد على الكرسي واخذ الاوراق يبي يبتدي بس سالفه رنا شغلت باله دخل مشعل المجلس شاف حمد ماسك الاوراق ويناظر فيهم على باله انه مندمج بالشغل قعد واخذ ورقه : وين وصلت ؟؟ حمد ولا كانه موجود : لا رد مشعل استغرب قرب يده وحركها قدام وجهه شاف مافيه ردت فعل استغرب اكثر ضربه على ظهره : شبلاااك ؟؟ حمد حس بالضربه : ااااه وجع ايش فيك ؟؟ مشعل بقق عيونه : ايش فيك انت بمن كنت تفكر هااااااااااااه اعترف حمد ناظره ورفع حاجبه : ما افكر باحد مشعل ابتسم بسخريه : علي هاااه قول قول ليكون تحب حمد ناظره بحده : اقول خلنا نشتغل احسن لنا مشعل ابتسم : مردك بتقول لي وين وصلت ؟؟ حمد ناظره بغباء وابتسم : ما ابتديت عشان اوصل لشيء مشعل بقق عيونه : شنووووو ؟؟ وش كنت تسوي ؟؟ حمد تذكر رنا وسرح مشعل عصب منه ودزه وطاح على الارض: ورد يفكر هذا الحب معذبك يا حيــ... حمد شاف شكل مشعل وفقع ضحك : هههههههههههههههههههههه مشعل عصب اكثر : انا اعلمك والله ما اخليك تطلع الا لين تخلص الشغل كامل حمد مو قادر يمسك نفسه : ههههههههههههههههههههههههه $$$ اليوم الثاني ... في بيت ابو فهد $$$ الظلام مسيطر على المكان والغرفه قارصه البروده وهي كانت في سابع نومها والابتسامه مرسومه على شفاتها دانه فتحت الباب شافت المكان مظلم والبروده تلفح ملامح وجهها : وجع هذي عايشه في الاسكيمو حشى دب مو انسان ما تحس شغلت الضوء شافت البندري نايمه حبت انها تسوي فيها حركه وتقهرها راحت ركبت على السرير وقربت من اذنها وصرخت بقوه : قوووووووووووووووووووووووو وووومي البندري اختفت ابتسامها وقامت مرعوبه : يمممممممممممممممممه دانه مو قادره تمسك نفسها : ههههههههههههههههههههههههه هههههههههههههههههههه البندري عصبت منها : داااانوووه وجع وربي بتندمي دانه شافت البندري معصبه بسرعه ركضت برا الغرفه : ههههههههه لن تستطيعين فعل شيء البندري قامت وشالت عنها البطانيه وركضت وراها : والله ما اخليها لك وربي باخذ بثاري منك دانه شافت فهد بسرعه تخبت وراه : احميني ايها الامير فهد فطس ضحك على كلامها: ههههههههههههههههههه البندري شافتها وراء فهد وقفت وتخصرت لها : يا خوافه تعالي هنا ليه تتخبين وراه ؟؟ فهد مستغرب : ايش فيكن من صباح الله خير ؟؟ البندري بعصبيه : هذي *وتاشر على دانه* السخيفه جت وانا نايمه وصرخت من عند اذوني فهد ما يحب هالحركات ناظر دانه وبعصبيه : بزر انتي عشان تسوين هالحركات لو يصير فيها شيء انتي ما تفكرين بالعواقب دانه كاتمه ضحكتها : ايها الامير انها تكذب عليك انا لم افعل ما قالته راكان طلع وعيونه مفقعه نوم : انتو ما تخلون احد ينام ايش صاير هنا ؟؟ دانه : لقد اتيت يا صاحب السمو انرت المكان راكان مستغرب كلامها: وش فيك تتكلمين كذا؟؟ البندري شافتها مندمجه مع راكان مشت بهدوء لين وصلت وراء دانه وسحبت شعرها وركضت : هههههههههههههههههه دانه مسكت راسها : اااااااااه سوف اريكِ يا فتاه سوف اخذ حقي منك فهد خلاها ونزل : ههههه تساتهلي راكان فقع ضحك عليها : هههههههههههه مجنونه دانه بستهبال : لماذا تعاملني بهذه القساوه ؟ ماذا فعلت لك ؟ راكان رفع حاجبه : من وين جايه من قوم قريش اهرجي زي الناس دانه ضحكت : لااااااا لا تقول هذا الكلام راكان لو يقعد شوي معها بيستخف : ابعدي عني احسن لك .. ونزل تحت دانه بعصبيه : سحقا لك يا فتى راكان : ههههههههههههههههههههههههه ههههههه ### في المدرسه ## بالفسحه .... البنات في مكانهن المعتاد ندى والبندري كانين يسولفين وساره نايمه على رجول البندري وحاطه ايدها على عيونها البندري ضربت ساره بجبهتها : قومي ساره شالت يدها وبعصبيه : كسر ما احب احد يضربني بوجهي ايش فيك؟؟ البندري بعصبيه : ليه اتصل عليك وما تردين ؟؟ليه مقفله جوالك؟؟ ساره ردت حطت يدها على عيونها وتذكرت راكان لما كسر جوالها قدامها : ما عندي جوال ندى استغربت : ليه وين جوالك ؟؟ ساره ببرود : كسرته ندى زاد استغرابها : ساروونه ايش فيك تراك مو طبيعيه ؟ ساره قامت : ما فيني شيء البندري مسكتها : تعالي وين رايحه ؟؟ ساره بضيقه : بروح اتمشى ندى مستغربه من ساره اول مره تشوفها بهالحاله : انتظري بنجي معك ساره مشت : ما يحتاج ندى ناظرت بنو : ايش فيها صاير معها شيء بالبيت ؟؟ البندري : ما عرف والله بس اكيد متضايقه من شيء ندى : قومي نلحقها البندري : لا خليها يمكن ترتاح اذا مشت لحالها ساره كانت تشمي وحاطه ايدها بجيبها وراحت قعدت وراء المدرسه لحالها ما تبي تشوف احد وتناظر الارض وتفكر بكلام راكان وانقلابه عليها حطت راسها على رجولها وقعدت تصيح بقهر ( اهئئئئ انا ايش سويت له .. ايش هالكلام الي اسمعه منه اكيد فيه احد يوصل له كلام عني اهئئئئئئ .. ليه انا بذات يصير معي كذا ليييييييييه ليييييييه ) قعدت تصيح بقهر دعاء شافت ساره من اول ما مشت من عند البنات وحست انه فيها شي وشافتها وهي رايحه وراء المدرسه قامت من عند صديقاتها ولحقت ساره %% في الشركه %%% ابو فيصل اتصل على فيصل : تعال ابيك بموضوع .. بسرعه لا تتاخر .. فمان الله شوي الا وفيصل يدخل : السلام عليكم ابو فيصل رفع راسه وحط الملف على الطاوله : وعليكم السلام .. ادخل فيصل قعد : امر يبه ايش بغيت ؟؟ ابو فيصل مسك الملف ومده لفيصل : اسمع هالملف خذه وراجعه شوي وبعدين عطه عمك ابو ملاك فيصل فتح الملف واستغرب : بس هذا الشغل يفهم له فهد ابو فيصل : بس انا ابيك انت تراجعه وتوديه لعمك هو اليوم مو في الشركه فيصل استسلم : ان شاء الله بعطيه على طريقي لما اروح البيت ابو فيصل ناظره : عمك يبيه الحين فيصل قام :خلاص اخلص منه واعطيه اياه ابو فيصل ابتسم : عفيه عليك فيصل : عن اذنك ابو فيصل : اذنك معك %% في المدرسه %%% كانت واقفه وتراقب ساره وشافت الحزن الي فيها وما كانت تبي تخليها لحالها قربت منها وقعدت جنبها سمعت شهقاتها استغربت ( ليكون تبكي ؟؟) حطت يدها على رغبتها : ايش فيها سارونه ؟؟ ساره حست قلبها بيوقف ما تحب احد يشوفها بحاله حزنها مسحت دموعها ورفعت راسها ناظرت دعاء : دعااااااء دعاء كانت مبتسمه بس اختفت الابتسامه اول ما شافت وجها وعيونها حمراء : سااارونه ايش فيك تبكين ؟؟ ساره لفت راسها : لا ما ابكي بس قاعده لحالي دعاء بعناد : ترا وجهك فاضحك قولي لي ايش فيك خوفتيني عليك ساره ناظرتها ودموعها نزلت غصبا عنها دعاء حضنتها بقوه : سااره ايش الي قاهرك عشان مخليك تبكي قولي لي صايره في بيتكم مشكله ؟؟ ساره كانت حاضنه دعاء وتبكي وشهقاتها تعلن ضعفها : اههئئئئ دعاء عورها قلبها ساره ارتفعت من حضن دعاء ولمت رجولها وناظرت دعاء : اسفه دعاء قربت منها : سارونه قولي لي ايش صاير معك ؟ ساره ناظرتها بعدين قامت تبي تروح : ولا شيء دعاء سحبتها وقعدتها : تستهبلين حضرتك توك متي صياح .وبعصبيه . يلا تكلمي يمكن اقدر اساعدك ساره كانت بتتكلم الا يطق الجرس : قومي روحي على صفك انا بروح البيت دعاء توقفها : بس.. ساره قاطعتها : بعدين اقول لك .. وراحت دعاء ناظرتها بحزن : اكيد وراها شيء هالبنت وانا لازم اعرف ايش الي خلاها تبكي كذا ساره راحت اتصلت حق امها واخذت اغراضها وراحت البيت *** في بيت ابو ملاك *** نزلت من غرفتها وهي تحس تغير بحياتها بس اهلها مو محسسينها بولا شيء ولا كانه صار شيء كانها تعيش حياتها الطبيعيه الاولى دخلت المطبخ شافت امها تساعد الشغاله بتجهيز الاكل ردت طلعت الحديقه تشم لها هواء تبي تغير جو الغرفه والحاله الي عاشتها امس قعدت بالمرجيحه وكانت تتحرك ببطء وتحاول تطرد الافكار الي تلعب براسها بس مو قادره سمعت جوالها يرن شافت الاسم وردت على طول : هلا والله دانه بعصبيه : وجع ايش فيك انتي ليه ما حضرتي اليوم ؟؟ ملاك بهدوء : ما كان لي خلق اداوم دانه بعصبيه : بلا دلع وقومي تعالي ملاك : اخذت مرضيه ما اقدر احضر دانه وشوي وتقتلها : ملااااااااك وربي اذا شفتك بتنضربين ملاك ابتسمت: ههههه طيب دانه : ادخل المحاضره ابرك لي من كلامك يا مسوده الوجه ملاك : هههه روحي لا تتاخري دانه ابتسمت : طيب يلا باي انتبهي على نفسك ملاك : الله معك .. قفلت الجوال وردت تتمرجح ومنزله راسها فيصل نزل وهو مستعجل لانه تاخر على عمه طق الجرس وفتح الملف يشوف اذا ما نسى شيء ملاك حطت الطرحه على راسها وقامت تفتح الباب شافت الشغاله جايه : خلاص روحي كملي انا بفتح الشغاله : هادر ملاك من وراء الباب : مين ؟؟ فيصل ما ركز على الصوت وكان مندمج بالملف : انا فيصل ملاك حست قلبها بيوقف من سمعت صوته فتحت الباب فيصل اول ما انفتح الباب رفع راسه وناظرها شاف وجها اصفرويبين عليها التعب ( ايش فيها بهالحاله ليكون تعبانه بس محد قال لنا ؟) استغرب : وين عمي؟ ملاك بهدوء : في مكتبه وراحت لمكانها فيصل دخل وقفل الباب ووقفها : ملاك فيك شيء؟؟ ملاك وقفت وناظرته : لا مافيني شيء فيصل ما صدقها ( تكذبين علي وجهك فاضحك ) : اجل ليه وجهك باين عليه التعب ملاك لفت وجها ماتبي تشوفه : ارهاق بسيط فيصل : ما تشوفين شر ملاك حست تعامل فيصل معها تغير : الشر ما يجيك وراحت فيصل ناظرها لين قعدت على المراجيح وتذكر الملف وراح بسرعه لعمه وعطاه اياه وقبل لا يطلع ناظر مكان المراجيح وشاف ملاك للحين قاعده هناك ناظرها وابتسم وبعدين طلع . . .يتبع.... | ||||
|
| |
|
04-05-15, 07:00 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع . . . . &&& في بيت ابو بندر ... العصر &&& امل كانت قاعده تلعب بلايستيشن ومندمجه : قوووووووووووووووووول وووه يا لبى قلبك يا ميسي والله احبك ام بندر وصلت معها منها : عورتي راسي قفلي هالزفت امل مندمجه : ههههههههههههه مامه تعالي لعبي معي والله بخليك تفوزين ام بندر بققت عيونها : مجنونه انا العب معك امل : ههههههههههه انتي الخسرانه سعود كان يمشي ببطء وبدون حس ناظر امه وقال لها تسكت وصل عند امل وسحب منها القير : جيبيه امل ماتت رعب : يممممممممممممممممممه جيبيه بخسر سعود قعد يركض حول الكنب وهي تركض وراه وشوي وتبكي : جيييبه بخسر والله وصلت النهائي ام بندر كانت تناظرهم وتضحك : ههههههههههههههههههههههههه ههه امل قعدت على الارض : جيييييييييبه مامه شوفيه سعود ضحك على شكلها : ههههه قومي اخذيه بنفسك امل ناظرت الT.V شافت انه الفريق الثاني مدخل عليها 3 اقوال بققت عيونها : لاااااااااااااااااااااااا اااااااا خسرررررت بندر توه راجع من برا سلم على امه وقعد : ايش فيك تصارخين ؟؟؟ امل اخذت المخده ورمتها على سعود : يا حيـ... خسرت خسررررت سعود رما عليها القير : اخذيه ههههههههههههههه امل مسكته : والله ما اخليك تروح مكان انك بتعوضني على الخساره سعود : ههههه حلوة هذي ام بندر : لا مسكينه لازم تعوضها خليتها تخسر بندر : ايش رايك تلعبون تحدي الي يفوز يطلب اي شي يبيه والي يخسر ينفذ الطلب امل عجبتها الفكره قامت من على الارض ورفعت يدها : كفك يا حلو بندر ضحك عليها : هههههههههههه كفك سعود كان متحمس : هههه تعالي يا خسرانه امل قعدت وكل واحد قعد يختار له فريق :تحلم انك تفوز الفوز والكاس والجائزة من نصيبي سعود : هههههههههه واجد واثقه يا عسل بنشوف امل ناظرته بتحدي وبدأو يلعبون وكان الشوط الاول تعادل ومحد سجل قول وبندر وامه كانو يشجعون انتهى الشوط الاول بتعادل وابتدا الشوط الثاني وكان التحدي قوي بينهم على الدقايق الاخيره امل ناظرت سعود وردت تلعب بقوه لين سجلت قول اول شي ما استوعبت بعدين قامت تصارخ : قوووووووووووووووووووووووو وووووووووووووووووول قوووووول انا الفايزه بندر وامه يصفقون وبندر يصفر : هييييييييييييييييييه سعود ناظرها : قعدي باقي وقت امل ابتسمت : خلاص انا الي بفوز باقي دقيقه انتهى الوقت وامل هي الفايزة سعود رافع حاجبه : اخلصي ايش تبين امل : هههههههههههههه ابي توديني تعشيني بمطعم حلو سعود رفع حاجبه : غير هذا الطلب امل ناظرت امها : مامه شوفيه قلنا اي شي سعود : خلاص خلاص طيب امل رفعت يدها لفوق : يييييييييييس *** في بيت ابو فيصل ***س9 بالليل ريم كانت متملله لحالها راحت غرفه ساره ما لقتها ردت راحت غرفه فيصل طقت الباب : فصوول انت هنا ؟؟ فيصل كان منسدح على السرير ويلعب بالجوال : ادخلي ريم فتحت الباب وهي مبتسمه : عادي اسولف معك اذا فاضي ؟؟ فيصل ابتسم وعدل قعدته : ايه عادي ريم دخلت وقفلت الباب وقعدت بطرف السرير فيصل استغرب : ايش عندك ؟ ريم ناظرته بتردد : عادي اكلمك بموضوع بس ما تعصب مني وتسمعني ؟ فيصل زاد استغرابه ابتسم : ايه تكلمي ريم : ملاااك فيصل فز قلبه من طاريها وتذكر ملامحها التعبانه واختفت ابتسامته: ايش فيها ؟ ريم لاحظت تغير ملامحه : الله لهدرجه في قلبك لها حقد وكره فيصل ناظرها وتكلم بسرعه :لاا لاا لا ريم استغربت رده فعله : اجل شنو؟؟ فيصل نزل راسه : انا ما اكرها ولا احقد عليها بالعكس احترمها صدق كان بينا احتكاك بسيط بس الحين انا مالي اي دخل فيها وهي بطريق وانا بطريق ريم ناظرته بذهول مو مصدقه الي تسمعه : تكذب علي فيصل ما حب انه يتعمق بالسالفه : قفلي الموضوع ريم ناظرته شافته تضايق : فيصل بالنهايه هذي بنت عمك وانت الي قاعد تسويه غلط فيصل ناظر جواله وقام بسرعه وطلع ريم انصدمت من حركته : ايش فيه هذا شنو الي وصله بالجوال $$$ في مكان شبه خالي $$$ وصل مثل المجنون وكان يركض ويحس قلبه بيطلع من مكان صرخ بكل قوته : وووووووووووووينك يا جباااااااان اطلع هنا واجهني رجل لرجل نايف طلع وهو يضحك ويصفق : ههههههه برافو والله شاطر تسمع الكلام فيصل ناظره بقهر : نايف انا حذرتك بس انت شكلك ما تفهم الكلام وين ملاك طلعها نايف : صح انا ما افهم الكلام يلا علمني ايش بتسوي فيني فيصل بعصبيه : قلت لك وين ملاك ؟؟؟ نايف ابتسم : كان زين لو اقدر اخطفها بس للاسف ما قدرت فيصل ارتاح ان ملاك مو موجوده معه صرخ بقوه : نااااااااااااايف نايف قرب منه ومسكه من قميصه وتكلم وهو راص على اسنانه : تضرب صديقك عشان بنت فيصل بقق عيونه ودز نايف لين طاح على الارض : هذه مو اي بنت هذي بنت عمي تعرف ايش اسوي عشانها ابيعك وابيع اهلك معاك نايف سحب السكين من جيبه وبعصبيه كان بيطعن فيصل بس مسكه من يده وطاح السكين وقعدوا يتضاربون فيصل قام وتفل عليه : تفو عليك حسافه على الايام الي اعتبرتك فيها صديق اذا تبي حياتك ابعد من هنا نايف ابتسم ووجهه ملطخ بالدم : هه هه فيصل ابتسم ابتسامه جانبيه : وبعلمك كيف بمسكك من الايد الي تألمك ومشا وخلا نايف وراه مرمي على الارض $$$ اليوم الثاني ... العصر في بيت ابو بدر $$$ الكل كانو مجتمعين بالصاله سالم ناظر ابوه: يبه ابي اتزوج خالد وبدر ناظروه باستغراب : شنوووو؟ سالم تكلم ببطء: اااببي اتزوووج ام بدر استانست : هذي الساعه المباركه ابو بدر : والله وكبرت يا سالم والدلخ هذا *ياشر على بدر* ما كبر سالم بانت علامات الفرح على وجهه كان مفكر انهم بيرفضون لانه بدر للحين ما تزوج : صددددددق بدر بقق عيونه : شوووووف شوووف كيف بيموت من الفرح ام بدر ببتسامه : مو نفسك بتعجز ولا تزوجت بدر ابتسم : ههههه انا مالي في الزواج .. فجأه طرت على باله ملاك خالد بستهبال : اجل انا ابي اتزوج بعد الكل فقع ضحك عليه : ههههههههههههههههههههههههه هه ابو بدر لعب بشعره : مشوارك طويل ام بدر ناظرت سالم : خلاص انا بدور لك بنت تسعد قلبك سالم ناظر امه وتكلم بسرعه : لا لا لا بدر ابتسم : لاااااه شكله حاط وحده في باله سالم ناظره نظره حاده : مالك دخل ابو بدرابتسم : قول يا ولدي من الي في بالك سالم نزل راسه : ابيكم تخطبون لي ريناد بنت عمي خالد شهق : هئئئئئئئئ رينااااد سالم ناظره : ايه ريناد ام بدر ابتسمت : والله يا زينه من اختيار من عيوني اكلم امها واخذ منها موعد سالم ابتسم مو مصدق الي يسمعه : بسرررعه كلميها الحين بدر فقع ضحك : هههههههههههههههههههه لا الولد غارق بالحب سالم رما المخده عليه : كيفي ابو بدر : مو بس غارق الا ميت هههههه سالم ناظر امه : يمممه شوفيهم ام بدر ابتسمت : ما عليك منهم منقهرين منك سالم : ههههههه ايه ايه ^^^ في بيت ابو شوق ^^^ اليوم ابوها طلع من المستشفى وهي كانت مستانسه انه صار بخير : بابه يلا كل هذي عشاني ابو شوق : والله شبعت شوق بوزت بطفوله : قلت عشاني ابو شوق استسلم لها : بس هذي شوق ابتسمت : ايه بس هذي اخر وحده ابو شوق شال الملعقه من ايدها وحطاها بالصحن : مشكوره خلاص شوق ابتسمت ابو شوق ناظر المكان استغرب : وين امك توها قبل شوي كانت هنا ؟؟ شوق اختفت ابتسامتها : سافرت عندها مؤتمر ابو شوق ( استاهل انا الي خليتها توصل لهالمستوى ولا هي وينها ووين المؤتمرات استاهل اتحمل نتيجه غلطي ) شوق استغربت هدوء ابوها : بابه ايش فيك يألمك شي ؟؟ ابو شوق ابتسم : لا مافيني شي لا تخافي قومي خلينا نطلع شوق بسرعه : لا لا لا تقوم خلك مكانك للحين انت تعبان ابو شوق : بس ابي اطلع معك شوق ابتسمت : صحتك اهم الايام كثيره بنطلع فيها بعدين ابو شوق مسك يدها وباسها : الله يخليك لي شوق : امين يارب $$$ في بيت ابو نواف $$$ نواف من امس ما شاف نور استغرب وينها راح المطبخ حصلها تاكل : انتي هنا ؟؟ نور حست دقات قلبها بتوقف من سمعت صوته اشتاقت له حيل بس قعدت تكابر ولا كانها مهتمه : خير ايش تبي ؟؟ نواف قعد وضربها بخفه وهو مبتسم : ايش هالحركات الغبيه يزعم زعلانه مني نور مسكت مكان الضربه : ااااه شتبي ؟؟ نواف : ليه تكلمين بهالنفسيه ؟؟ نور تكتفت : والله انت ادرى ايش سويت نواف مو فاهم شيء : انا !! ايش سويت ؟؟ نور رفعت حاجبها : ليه تاخذ دعاء من المدرسه ولا ومعها صديقتها نواف تذكر ساره وابتسم نور خلاص بتموت من القهر : لهدرجه الموضوع يضحك نواف انتبه لها : بس انا ما لقيتك هناك ولا كان اخذتك نور : نواف ليه تعاملني كذا انا احبك نواف يعرف انها في مرحله المراهقه وما تعرف معنى الحب كل حركاتها طايشه : نور توك صغيره على انك تحبيني ولا لا فكري بدراستك احسن لك نور بقهر : بس انا احبك وانت قلت لي انك تحبني من قبل نواف قام : قلت لك احبك نفس اختي الي ربي ما كتب لي اخت فاعتبرتك اختي نور نزلت دموعها : بس انا مابي اكون اختك نواف خلاها وطلع وقلبه عوره عليها ( بتكبرين وتفهمين يا نور ) *** في بيت ابو تركي *** س 5 المغرب الثياب كانت مرميه بكل مكان وهو واقف عند الكبت ويناظر ثيابه ويتكلم بالجوال : جوووووود ايش قلت لك ترا اغار والله جود ضحكت : ههههه ايش فيك بكون لابسه طرحه اكيد ما بطلع قدامه كذا تركي عصب وقفل الباب بقوه : انا شنو قلت ترا والله اجيك لبيتك واعلمك كيف تطلعين قدامه جود خافت من نبره صوته وشوي وتبكي : بس تركي خلاص وصلت معاه العصبيه : جوود انا قلت لك الي عندي وانتي بكيفك .. شاف انها قفلت الخط رما الجوال على السرير : هذي مخليينها على كيفها تسوي الي تبيه بس دامها معي ما راح تسوي الا الي انا ابيه ريناد فتحت الباب بقوه اول ما دخلت شافت الثياب بكل مكان : وجع ايش هذي الفوضه ؟؟ تركي بعصبيه : غرفتي صح ؟؟ ريناد استغربت : ايه ! تركي : اجل مالك دخل فيها اسوي الي ابيه ريناد اول مره تشوفه كذا على بالها يمزح معها اخذت الفانيله ورمتها عليه وركضت تحت بسرعه : ههههههههههههه تركي بقق عيونه ولحقها : انا اعلمك كيف تلعبين معي ريناد وصلت عند امها وهي تتكلم بالجوال ام تركي : هذي الساعه المباركه ... وين بنلقى احسن منه ... تامرين يا الغاليه .. برد لك خبر .. مع السلامه ريناد وقفت وتناظر امها وتركي جاء من وراها ومسكها من رغبتها ونزلها تحت : على بالك بتفلتين مني ريناد تألمت : ااااااااااااه تركي فكني يعور ام تركي ناظرتهم وبعصبيه : اتركها مجنون انت تسويها كذا تركي : هي الي ابتدت ريناد فكت نفسها وراحت تتخبى عند امها : شوفيه بيقتلني ام تركي مسكتها وخلتها تناظرها : وين يقتلك وانتي بتصيرين عروس ريناد انصدمت وبققت عيونها : شنوووووووووو!!! تركي مو مستوعب : عروس ؟! ام تركي : ايه توهم الخطاب قفلو الخط تركي راح قعد حنب امه : ومن تعيس اووه اقصد سعيد الحظ ام تركي ضربته على راسه : تعيس وجهك الا يا زين حظه انه بياخها ريناد تذكرت سالم ونزلت راسها : مابي اتزوج ام تركي استغربت : انتي لازم تستخيري وتصلين ركعتين لربك بعدين تعطيني رايك والرجال نعرفه زين وما ينعاف تركي القافه ذابحته : ومن هالرجال ام تركي ابتسمت : سالم ولد عمك تركي شهق: هئئئئئئئئئ الخاين ولا علمني ريناد رفعت راسها مو مصدقه الي تسمعه (سالم الا انا سمعت سالم اكيد تمزح او انا ما سمعت زين ) ام تركي مسكت ريناد من كتوفها : فكري زين وهذا ولد عمك وتعرفينه زين احسن لك من واحد ما تعرفيه ريناد قامت وهي للحين مو مستوعبه الي قاعد يصير تركي فقع ضحك : ههههههههههههههه استحت ام تركي : ههههه خلها عنك وانت مو ناوي تتزوج تركي قام : وعليكم السلام ههههه ام تركي : ههههههه عيال اخر زمن $$$ في بيت ابو جود $$$ قفلت الجوال في وجهه ما حبت اسلوبه ابد اول مره احد يكلمها بهالاسلوب رمت الجوال وقامت تلبس لانه بيت عمها شوي ويوصلون خصلت وعدلت شعرها وحط لها ميك اب خفيف وفتحت الجوال شافت فيه مسج من تركي فتحته ( انا اسف على اسلوبي معك بس والله كل هذا من حبي لك وغيرتي عليك مابي احد يشوفك .. تدرين قلبي احسه يوقف اذا شفت احد يناظرك والله اتقطع من غيرتي لا تقولين ابالغ والله انه من كثر ما احبك اسوي كذا .. اسف واحبك يا بعد حيي )) ابتسمت اول ما قرت المسج ونست كل شيء صار وحست براحه نفسيه ارسلت له مسج (وانا احبك واموت فيك وعشانك ما راح اطلع قدامه ) ما حست الا والباب ينفتح بقوه : هلوووووووووو جود لفت بسرعه : وجع الناس ما تفتح الباب كذا رنا صفرت اول ما شافت جود : وااااااااااااو ايش هالحلا جود حضنتها : ههههههه اتركي عنك المجامله رنا : والله ما اجاملك صدق ما تستاهلي احد يمدحك جود ابتسمت : امشي خلينا ننزل تحت رنا ناظرتها : ترا حامت كبدي من كثر ما اشوفهم قدامي كل يوم وتبيني انزل عندهم روحي لحالك انا بقعد هنا جود : خلاص انا بنزل اسلم على عمتي وارجع لك رنا انسدحت على السرير : طيب البسي طرحتك ولد عمك تحت وانا بنام على ما تجين جود : ههههه طيب .. لبست الطرحه ونزلت ام جود : كذا تقطع يا مشعل ولا تزورنا مشعل : والله هالفتره كنت حيل مشغول ام جود : وكيف الشغل معك عساه مريح مشعل ابتسم : الحمدلله جود ناظرت الكل ببتسامه : السلام عليكم الكل : وعليكم السلام مشعل اول ما شافها ابتسم جود راحت سلمت على عمتها وصلت عند مشعل مد يده بيسلم عليها بس جود تذكرت تركي وكلامه معها ابتسمت : اسفه ما اسلم على رجال وراحت قعدت عند امها مشعل اختفت ابتسامته ( من متى يا جود ايش الي مغيرك كذا ) حاول انه يكون طبيعي : انا استأذن ام جود : وين اقعد توه وقت مشعل ناظر جود وبعدين ناظر امها : عندي شغله ولازم اخلصها ام جود : دام السالفه كذا الله معك ام مشعل : انتبه لنفسك جود ناظرت عمتها : انا زعلانه منك ام مشعل : افا ليه ؟؟ جود : اسبوعين ما زرتينا ام مشعل : انا الي ازعل منك انتي الي ما تجينا جود ناظرت السقف : يا الهي كان السحر انقلب على الساحر الكل : ههههههههههههههه ام جود : الا رنا وينها فيه؟؟ ام مشعل تغيرت ملامح وجها جود : هي بغرفتي تقول بتنام شوي ام جود بحزن : مسكينه هالرنا كاسره خاطري عايشه بدون ام واب جود : احنا هنا امها وابوها *وحبت تقط نغزه لمرت عمها *وعمتي مو مقصرها معها بشيء ام مشعل تلخبطت : ايه ايه اكيد هي مثل بنتي جود ناظرتها بطرف عينها ( واضح واكبر دليل معاملتك لها انتي وولدك ) ما حبت تشوف النفاق اكثر من كذا : انا بروح اقعد مع رنا شوي ام جود : طيب *** في مكان لاول مره نروحه*** ناظرت الساعه شافت انها تاخرت مره على المحاضره والشارع كان زحمه : ياربي ايش اسوي الحين الدكتور مره عصبي بيفشلني قدام الطلاب ... ناظرتها وبكل برود : عادي لا تروحين اليوم .. بصراخ : ودي ما اروح بس عندي test ....: خذي اجازة .. حست بتنفجر من برود اختها : غلا ايش فيك مجنونه اقول لك مره عصبي غلا طنشتها : مجبوره تقعدين بهالزحمه مريم ناظرت الساعه وشوي وتصير 8 ونص فتحت باب السياره ونزلت وحطت الكتب في الشنطه ومن حسن حضها كانت لابسه جوتي رياضي (عزكم الله ) غلا بققت عيونها : وين رايحه ؟؟ مريم : خليك انتي هنا مع برودك الخايس انا بروح الجامعه هذا مجنون بيفصلني غلا : سوي الي تبينه مريم لبست الشنطه وركضت بكل قوتها كل شيء ولا تترك مجال للدكتور انه يفشلها كانت تركض بين السيارات وما فكرت بالعواقب الي بتصير لها واخيرا وصلت الجامعه دخلت والكل كان يناظرها وصلت عند باب قاعه المحاضره فتحت الباب بقوه (مترجم )كانت تتكلم وهي تلهث : مرحبا الكل انصدم وناظروها بذهول والهدوء عم المكان الدكتور ناظرها : نعم !!! مريم ناظرته شافته غير عن الدكتور الاول (اوووه الحمدلله انه مو هو غريبه وينه ومن ذا ؟) : نعامه ترفسك قول امين الدكتور قرب منها وبعصبيه وهو راص على اسنانه : وترفسك مريم ردت على وراء (يمممه طلع يفهم عربي ) تلخبطت ما عرفت ايش تقول : انت عربي ؟؟! الكل كان يناظر الشرار الي عند الباب الدكتور : اخرجي من هنا مريم : لكن الدكتور يقاطعها : اراكي في مكتبي عندما تنتهي المحاضره مريم تمتمت بكلام وبهدوء : وجع يوجعك اصغر عيالك تصرخ علي الدكتور سمع وحس دمه يغلي منها وبصراخ : اخرجي مريم طلعت وقفلت الباب بقوه وراحت الكفتيريا : من ذا السخيف افتك من الاول يجي لي الثاني والله حاله %% في بيت ابو فهد %%% دانه ناظرت ابوها : تصدق عاد يبه ابو فهد وهو يشرب القهوه : شنو اصدق ؟؟ دانه تتكلم بغباء : احسك مغبر من زمان ما شفتك ام فهد بققت عيونها واخذت المخده ورمتها عليها : يلي ما تستحين تكلمين ابوك كذا دانه صارت المخده في وجها : ااااااااي عادي يمون الغالي ابو فهد : خليها تمزح فهد : هالانسانه مزحها ثقيل وبايخ البندري تأيده : ايه صح واجد سخيف دانه ناظرتهم بصدمه : وجع كلكم علي ايش سويت لكم البندري رفعت يدها وصارت تمسك كل اصبع وتعدد مصايبها : اولا حركاتك لما احد يكون قاعد ومتطمن تجين تخوفيه ثانيا حركتك السخيفه لما تصحين من النوم ثالثا .. دانه قاطعتها : وجع وجع بسك سكتي الكل : ههههههههههههههههههههههههه ههههههه فهد : ههههه خليها تكمل خايفه تنفضحين دانه ناظرت ابوها : ترا كله كذب وافتراء علي ابو فهد : ههههه اعرفك ما يحتاج تبرري ام فهد : ههههههههههههه ابو فهد استغرب من راكان انه مو مشاكرهم الكلام : راكان ! راكان رفع عيونه من على الجوال : امر يبه ابو فهد : ايش فيك مو معانا اليوم ؟؟ راكان ناظر الجوال وشاف الصوره ابتسم وبكذب : ابد بس الشباب مسوين قروب ويدرسون لامتحان بكره قلت ادرس معهم ابو فهد : الله يوفقك اجل قوم من الازعاج راكان : لا كذا مرتاح ابو فهد : براحتك البندري ناظرته نظره شك :يمممه منه الشاطر ههههه فهد عرف قصدها وضربها بظهرها بخفه : ههههههه اسكتي البندري تحك ظهرها : اااااح تعور $$$ في امريكا $$$ كانت قاعده تشرب الكوفي الا رهف تقعد : غبيه انتي غبيه مريم رفعت حاجبها : ايش فيك تغبين فيني ؟؟ رهف (بحرينيه): جان ما ييتي الجامعه احسن لج مريم حطت الكوفي على الطاوله : حلفي بس عشان اصدقك وانا ايش يعرفني انه غيروا هذاك الله لا يرده وانه التقى الاختبار رهف هزت راسها بيأس : اقول خلصت المحاضره روحي حق الدكتور مريم لوت فمها : وجع ياخذه الحين يقعد ينافخ علي رهف حطت رجل على رجل : تستاهلي مريم قامت واخذت الكوفي معها : يلا سي يو بعد ربع ساعه ان ما طلعت اعتبريني مت وسوي هجوم على مكتبه رهف فقعت ضحك على كلامها : ههههههههههههههههههههههههه هه روحي الله يهديج مريم كانت تشرب الكوفي الثالث ولا حست بنفسها انها كثرت وصلت مكتبه وطقت الباب ودخلت : مرحبا الدكتور كان منزل راسه ويناظر الاوراق وتكلم بحزم : تأخرتي 10 دقايق مريم بققت عيونها جت تبي تتكلم الا .............. خلص البارت 14 .... توقعاتكم ::- 1- نايف ايش بيصير فيه ؟؟ 2- شنو بيكون رد ريناد ؟؟ 3- مريم شنو الي خلاها توقف فجأه؟؟ مع ودي Hadoooy | ||||
|
| |
|
19-05-15, 09:50 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 15 مريم كانت تشرب الكوفي الثالث ولا حست بنفسها انها كثرت وصلت مكتبه وطقت الباب ودخلت : مرحبا الدكتور كان منزل راسه ويناظر الاوراق وتكلم بحزم : تأخرتي 10 دقايق مريم خافت من طريقه كلامه ومن خوفها طيحت الكوفي ناظرها وبقق عيونه على الي صار ناظرته بخوف : ووووالله موموموبققصدي الدكتور طلال الشرار يطلع من عيونه ورد ناظر الارض متوسخه هو شخص ما يحب يشوف اي مكان وسخ انسان مهووس بالنظافه قام ودز الكرسي بقوه وراح لعندها مريم ماتت رعب لما شافت انقلابه الي صار فجأه كانت ترد على وراء : اا اااا ااسسـسفه واالله الدكتور طلال ولا كانه يسمعها هالبنت على انه شافها مرتين عصبته بقوه مسك ايدها والشرار يطلع من عيونه : نظفيه بسرعه مريم ماسكه دموعها لا تنزل ونزلت على الارض شالت القلاس وكبته بالزباله (عزكم الله ) الدكتور طلال رفع حاجبه واشر على الارض : امسحي هالفوضه الي هني مريم خلاص عصبت من تصرفاته: انا مو مجبوره اني انظف لك المكان فيه عمال هنا على ما اعتقد الدكتور طلال قرب منها وهي ترجع خطوه للوراء :اسلوبك هذا ما تتكلمين فيه معي تفهمين انا بتصرف واحد اخليك تقعدين هنا بعد سنه كامله تفهمين مريم بلعت ريقها من تهديده ونزلت عيونها لتحت وبتحدي : عادي ما يهمني لو اقعد خمس سنين الدكتور طلال تفاجأ من قوتها واصرارها ضرب ايده بالجدار مريم ناظرت ايده وبسرعه نزلت على تحت وركضت اخذت شنطتها من الارض وطاح كتابها بدون لا تنتبه وفتحت الباب وشردت طلال انصدم من تصرفها ولف ناظرها شافها تركض بكل قوتها : تستعبط هذي بس انا بعلمها كيف تستخف دمها ...برا عند مريم ... وصلت الكوفي وهي تلهث من كثر الركض قعدت وحطت راسها على الطاوله : مااااااااي رهف ارتعبت منها : يمممه اشفيج ؟؟ مريم ريقها ناشف : ابي موويه رهف مدت لها الماي : هاج اشربي مريم شربته مره وحده وناظرت رهف ومسكتها بخدودها : ويييه فديتك رهف مستغربه تصرفاتها : مريم ويعه اشفيج ؟؟ مريم تكلمت بقهر : يمه يخوف والله حسيت قلبي بيطلع من مكانه رهف مو فاهمه ولا كلمه من كلامها : تتكلمين بالغاز تكلمي عدل مريم ضربتها على راسها : ايش فيك انا اتكلم على دكتوركم الجديد الله ياخذه رهف مسكت راسها : ويعه تاخذج .. ايه اشصار وياج؟؟ مريم حكت لها كل شيء صار : وهذي كل السالفه رهف مبققه عيونها : مجنونه انتي لا انا متاكده انج مو صاحيه اليوم مريم تكتفت : والله عاد يسوي الي يبيه ما يهمني رهف : اشفيج غبيه ما تفكرين مريم قامت : مو وقت الحين محاضراتك انا عندي موعد لازم اروح رهف شافتها وهي طالعه من الكوفي هزت راسها بياس وقامت راحت محاضرتها %%% اليوم الثاني ... في بيت ابو بدر %%%س 2 الظهر كان منسدح على السرير ويناظر السقف غمض عيونه وطرت على باله ملاك وهي تبكي بسرعه فتح عيونه وردت غمضهم مره ثانيه بعد تخيلها وهي تبكي عصب من كثر ما تطرا على باله ويشوف دموعها حرك ايده في شعره بعصبيه : ليييه لييه يا ملاك ليه كل ما اشوفك والحزن بعيونك الا اعرف ايش الي مخليك بهالحزن غمض عيونه يبي ينام الاجواله يرن مد ايده واخذه ورد من دون ما يشوف من المتصل ورد بخمول : الو ....: وجع قوم اترك عنك الكسل بدر فز من سمع الصوت : وحشتني يا حيــ.... ...: هههههههههه كذا تستقبلني بدر استانس : فرووس احلف انك رجعت فارس فقع ضحك عليه : ههههههه اقول قوم صار لي في المطار نص ساعه بدر فز من مكانه ولبس الجوتي (عزكم الله ): مسافه الطريق وانا عندك وقفل الجوال نزل من غرفته ركض وهو طاير من الوناسه ابو بدر شافه : تعال تعال وين رايح بدر وهو يفتح الباب : فارس فارس ام بدر خافت ليكون صاير له شيء : ايش فيه ؟؟ بدر: مافيه شي مافيه شيء وطلع بسرعه شغل السياره وطيران على المطار ابو بدر هز راسه : انا هالولد مستغرب من تصرفاته ماهو راضي يصير رجال ويتسنع ام بدر ابتسمت : لا تنسى انه طالع عليك انت بعد كنت كذا ابو بدر مسك خدودها : هههههههه انا كنت مهووس بحبك ام بدر استحت : بس خلاص اسكت ابو بدر فقع ضحك عليها : ههههههههههههههههههههههههه ه %%% في بيت ابو فيصل %%% ساره نزلت بملل شافت امها تتكلم بالجوال وريم حاطه اذنها على الجوال استغربت وانسدحت على الصوفا : الحمدلله والشكر حركات بزران ريم ابتسمت : هههههههههههههههههه ام فيصل دزت ريم : وجع فقعتي اذني خليني اسمع ريم : هههههههههههههههه ام فيصل : مو ناوي ترجع ؟؟..... مطول والله اشتقنا لك .... لحظه .. ناظرت ساره ومدت لها الجوال : كلمي خالك ساره فزت من مكانها والابتسامه ارتسمت على شفايفها اخذت الجوال بلهفه وقامت طلعت الحديقه : هلا والله ريم ناظرت امها : شوفي الي ما تستحي ام فيصل : وانتي ايش قاهرك ؟؟ ريم قعد تناظر الـt.v : لنا الله ...: هلا بهالصوت ساره : كيفك ؟؟ ..بزعل : زعلان منك بقوه وكسرتي خاطري قلت اكلمك ساره تذكرت كل الي صار معها وحاولت تنسى : طلول والله اسفه طلال : اصغر عيالك تناديني طلول ساره ابتسمت : والله كنت مشغوله عشان كذا ما كلمتك طلال بعناد ويمثل العصبيه : لا عاد احلفي اخر مره كلمتك قفلتي الجوال بوجهي وكل ما اتصل يطلع مقفل ولما اسال عنك يقولون نايمه او عند بنو ساره تخاف منه لما يعصب نزلت دموعها : اسفه اهئئئئ طلال ما توقع انها بتبكي : سارونه حبيبتي ليه تبكين ؟؟ ساره زاد بكاها : اهئئ اهئئئ طلال خاف عليها : ساره والله كنت امزح معك وربي مو زعلان منك ليه صايره حساسه ساره وطلال متعودين يحكون لبعض كل شيء يصير معهم وما يخبون على بعض شيء ساره حاولت انها تضيع الموضوع : صدق مو زعلان ؟؟ طلال ارتاح فكر فيها شيء او احد مزعلها : ايه وانا اقدر ازعل منك ساره ابتسمت : ادري اصلا طلال : اقول تلايطي عن الثقه الزايده ساره : ههههههههههههههههههههههه %%% في المطار %%% وصل بدر وقف السياره ونزل بسرعه اول ما دخل كان يناظر المكان ما شاف فارس اتصل عليه : وينك فيه ؟؟..... شنو؟!! .... وربي بتنضرب تخليني اجي لك وتروح بتكسي ... بس اسكت لا تكلمني .... انقلع وقفل الجوال بعصبيه : سخيف هو وحركاته ما راح اكلمــ فارس كان وراه وماسك ضحكته قرب منه وحضنه من وراه : فديت الزعلان الي ما بيكلمني بدر شال ايد فارس وضربه بخفه : تستهبل فارس يمثل انه زعلان : افا تضربني بدر ابتسم وحضن فارس بقوه : وحشتني والله فارس بادله الحضن : وانت اكثر بدر اخذ الشنطه : مره ثانيه ما راح اخليك تسافر وتتركني لحالي فارس فقع ضحك : هههههههههههه حشى حرمتي وانا ما اعرف بدر بقق عيونه ورما الشنطه على الارض : حرمت عليك عيشتك قول امين ومشا عنه فارس اخذ الشنطه وركض وراء بدر ومسكه من رغبته : هههههههههههههههههه ايش فيك صاير نفسيه هالايام بدر بزعل : انقلع من قدامي فارس : ههههههههههههههه احبك ياخي بدر : اقول تعال عازمك انا فارس : اخيييييه هذول الاصدقاء العسولين بدر : تلايط بس $$$ في بيت ابو حمد$$$ ندى شافت حمد مندمج بالاوراق راحت بهدوء لين وصلت عنده سحبت منه الاوراق : كل هالانتباه والتركيز على هالاوراق حمد ناظرها : بلا غباء وجيبي الاوراق ا بي اخلص الشغل ندى باستغراب : الله وهالشغل الي صرت مره مهتم له ام حمد : ندى عطيه الاوراق وروحي جيبي القهوه ندى رمت له الاوراق : هذي شغلتي بالبيت حمد ناظرها بحده : لا تراددين وروحي ندى راحت وهي تتحلطم عليه وجابت القهوه وقعدت وتلعب بالجوال ام حمد عطت حمد القهوه : اترك عنك هالشغل للحظه واشرب القهوه حمد رفع راسه وحط الاوراق واخذ من امه القهوه : تسلمين يا الغاليه ام حمد : الله يسلمك ايش هالشغل الي حتى بالبيت تشتغله حمد بتعب : عندنا مشكله في الشركه واحنا لازم نقدم عرض ممتاز عشان تستمر شركتنا والا بنخسرها ام حمد خافت من كلامه : الله لا يقول حمد : الله يستر بس ندى كانت تسمع كلامهم وما تقدر تسكت اكثر من كذا : ومتى البرزنتيشن ؟؟ حمد : بعد يومين عشان كذا انا هالايام مره منشغل واضطر اجيب الشغل للبيت ام حمد : الله يوفقكم ويرجع شركتكم احسن من اول حمد من كل قلبه : امين يارب ### في بيت ابو بندر ### دخل وهو في قمه عصبيته : بندددددددددددددر ام بندر طلعت من المطبخ بخوف: خيير ايش صاير ؟؟ ابو بندر : وينه ولدك ؟ امل نزلت من سمعت الصراخ ناظرت ابوها شافته مره معصب خافت ام بندر باستغراب وخوف بنفس الوقت : ايش سوا ؟؟؟ ابو بندر بعصبيه : بندددددددددددددر ام بندر هنا تاكدت ان بندر مسويه مصيبه : اهدا يا بو بندر لا تتعب نفسك وقول لي ايش صاير امل اول ما صرخ ابوها ماتت رعب وراحت شافت بندر نازل لابوه بكل ثقه راحت له وقفه : لا لا لاتنزل بندر باستغراب : ليه؟؟؟ امل استغربت من بروده وعدم خوفه : ابوي معصب مره ويبيك بندر هز كتوفه : عادي واذا معصب ... خلاها ومشا نزل شاف امه قاعده تحاول تهدي ابوه بس ابوه الشرار يطلع من عيونه : ايش صاير هنا ؟؟ ابو بندر اول ما شافه بهالبرود خلاص طفح الكيل قام وعطاه كف : انا كم مره قلت لك تترك حركات البزرنه عنك ام بندر مسكت ابو بندر : مو كذا هو مو صغير عشان تضربه امل حست انها بتصير معركه بالبيت : وينك يا سعود ابو بندر بعدها عنه وناظر بندر وفسخ عقاله وقعد يضرب بندر ويطلع كل قهره :فضحتني بين الناس بندر كان واقف ومغمض عيونه وضربات ابوه كانها سكاكين تطعن فيه ام بندر بققت عيونها بسرعه وقفت قدام بندر وحضنته عشان ابوه ما يضربه وبصراخ: بسسسسسسسسسسسس امل كانت واقفه بذهول مو مصدقه انه هذا ابوها اول مره يمد ايده على احد بسرعه راحت غرفتها وقفلت الباب ابو بندر قعد على الارض بتعب : ما اعرف من من اشوف الاهانه منك والا من الناس والا من اعز اصحابي انت خليت الكل يهيني بتصرفاتك هذه ياما حذرتك وقلت لك اترك هالحركات بس ما تسمع الكلام ام بندر ناظرت بندركان واقف بكل ذهول ودموعه تنزل بكل قهر مدت يدها مسحت دموعه وقلبها يتقطع عليه بندر بعد ايد امه عنه وطلع من البيت وكان يسوق بسرعه جنونيه وراح للبحر وقف السياره وضرب الدرسكون بكل قوته خلاص ما قدر يمسك نفسه قعد يبكي كانه طفل اول مره بحياته ابوه يمد ايده عليه وبهالعنف $$$ في امريكا $$$ مريم بصدمه : امااااااااااااا ولا تقول لي ام منصور: هههههه توها انخطبت امس مريم بعناد : حتى ولو كان لازم تقول لي انا بنت خالتها غلا رمتها بالمخده : اقول انتحري لازم تتدخلين بكل شيء مريم ناظرتها بطرف عينها : كيفي ... الا ابوي وينه ؟؟ ام منصور : عنده دورة ختاميه غلا بققت عيونها : شنو ختاميه ؟؟ مريم : يعني بنرد السعوديه بس تخلص هالسنه غلا بحزن : لاااااا مابي ارد السعوديه مريم بتطير من الوناسه : واااااااااااااااااااو يا فرحة قلبي ام منصور : انا اشك انك صاحيه غلا ناظرت امها وباستغراب : يمه انتي متاكده انها بنتك ما فيها شبه مننا ابد ام منصور تفكر : شكلها بدلوها مع وحده ثانيه مريم عصبت : يممممممممممممه ام منصور وغلا : ههههههههههههههههههههههههه ه مريم : اقوم احسن لي اروح اسب هالريناد الي ما قالت لي غلا : هههههههه قلت لك انها مو بنتك مريم طنشت وراحت اعرفكم عليهم (( منصور اكبر واحد متزوج بنت عمه ومعه ولد وهو عايش بالسعوديه مريم : عمرها 23 سنه . طويله وضعيفه ملامحها مره هاديه وتدخل القلب بسرعه من حركاتها ومرات تكون عنيده وراسها يابس ما تحب احد يتحكم فيها كل همها انها تلبس وتطلع وتقهر الي قدامها بس قلبها ابيض غلا .19 سنه .. بالجامعه عكس مريم بكل شي انسانه هاديه ما تتدخل باحد ما تحب احد يكون زعلان منها وفيها برود مو طبيعي يخلي الواحد وده يقتلها )) $$$ في بيت ابو بندر $$$ ام بندر كانت تحاتي بندر لا يكون سوا بنفسه شيء وامل قاعده تهديها امل : مامه لا تسوي بنفسك كذا بتتعبين ام بندر بخوف : اتصلي على اخوك شوفيه وينه ؟؟ امل طلعت جوالها واتصلت كان الجوال يرن فجأه تقفل استغربت : مامه جواله مقفل ام بندر الشيطان صار يوسوس لها : اهئ لا يكون صار له شيء اهئ امل ما تعرف تتصرف بهالمواقف : مامه لا تقولين كذا تشوفينه مايبي يكلم احد سعود توه رد من الشغل دخل شاف امه تبكي استغرب بسرعه راح لها وقعد على الارض ومسك ايدها بخوف : يالغاليه ايش فيك؟؟ ام بندر شافت سعود ارتاحت : رجيتك روح دور على بندر سعود مو فاهم السالفه : ليه ايش فيه ؟؟ امل : ابوي ضربه سعود انصدم من كلامها : تمزززحين ؟؟! ام بندر : مو وقته روح دور عليه شوف وينه فيه سعود قام اتصل على بندر بس طلع له الجوال مقفل بسرعه طلع من البيت وتوجه لمكان اخوه المعتاد اذا كان مضايقه شيء يروح له كان يسوق بسرعه وهو للحين مو مستوعب ان ابوه يمد يده على بندر وصل البحر قعد يدور عليه لين حصل سيارته بندر كان منسدح فوق السياره وحاط ايده على عيونه سعود نزل من السياره وراح صعد فوق سياره بندر وقعد جنبه : ليه قاعد هنا لوحدك ؟؟ بندر فز من مكانه وناظره : انت ايش جابك هنا؟؟ سعود ناظر السماء: البحر مو لك وحدك البحر للكل بندر كان بينزل الا سعود مسكه : امي خايفه عليك اتصل وطمنها بندر تذكر لما ابوه كان يضربه : مو لازم تتطمن سعود : اقول لك امي خايفه عليك انت لو تشوف شكلها طمنها لا يصير فيها شي بندر ناظر البحر بهم : جوالي رميته بالبحر سعود طلع جواله واتصل على امه ومد له الجوال : خذ كلمها بندر : الو .... انا بخير ... ماله داعي تبكين ... والله بخير ... مع السلامه قفل الجوال وعطاه سعود وتنهد بهدوء: اااااااااااه سعود ناظره : قوم ارجع البيت بندر : ما راح ارجع روح لحالك سعود استغرب : وين بتروح ؟؟ بندر : جهنم الحمراء سعود نزل من فوق السياره يعرف اخوه مره عنيد : مردك بترجع يعني وين بتروح ... وراح بندر رد انسدح على السياره ومقوف ابوه للحين ما راح من باله $$$ في بيت ابو تركي $$ ريناد : ههههههههه توها السالفه مو مصدقتها كيف اقول لك مريم ضحكت على كلامها : ههههههههه للحين ما استوعبتي ان حبيب القلب جاء وخطبك ريناد : والله ساعات افكر نفسي احلم مريم تدعي من قلب : الله يرزقنا من الي عندكم ريناد : ههههههههههه اهجدي يا بنت مريم : ايه بس الحب لك وانا بنت البطه السودا ريناد : اقول انقلعي بروح اشوف الاوضاع برا مريم بققت عيونها : وجع ياخذك لعند سالم قولي امين ريناد بهيام: ااااااامين مريم منصدمه : روحي الله يخلف عليك العقل بتجننيني ريناد : ههههههههه يلا باي .. قفلت الجوال وطلعت من الغرفه شافت تركي كاشخ وريحه العطر واصله لاخر الممر: وااااااااااااااااااااااو على وين ؟؟ تركي حب ينرفزها : هلا والله بحرمه سالم ريناد احمرت خدودها : اقلب خشتك ووين رايح ؟؟ تركي : مالت عليك كذا الناس تستحي وتسب ما ينفع ... انا رايح موعد مع حرمتي ريناد فكرته يستهبل : هههههههههه الله يخليكم لبعض تركي وهو نازل من الدرج : امين ريناد : هههههههه الاخ مصدق نفسه &&& في بيت ابو جود && جود كانت بكامل اناقتها ناظرت نفسها بالمرايه نظرة اخيرة وارسلت لنفسها بوسه بالهواء واخذت شنطتها ونزلت شافت امها قاعده تطالع الـt.v : سلامم ام جود ناظرتها ببتسامه : هلا وعليكم السلام .. وين رايحه؟؟ جود بادلتها الابتسامه : بروح عند صديقتي بندرس مع بعض ام جود ناظرت ايدها : بس وين الكتب؟ جود توهقت : بدرس بكتبها ما لي خلق اخذ كتب معي ام جود صدقتها : اجل الله يوفقك وروحي لا تتاخري جود ابتسمت : ان شاء الله ... طلعت وركبت مع السواق : روح لمطعم الـ.... السواق هز راسه وشغل السياره ومشى ...في المطعم ... تركي كان واقف قدام المطعم ومنتظر جود اتصل عليها قالت له انها قريبه انتظر شوي الا وصلت شاف سيارتها وابتسم جود نزلت من السياره شافت تركي واقف خافت السواق يشوف تركي ويقول لابوها : انت روح ولما اتصل عليك تعال السواق : هادر ... ومشى جود راحت لتركي : ليه واقف هنا كنت بتفضحني تركي ببتسامه : اشتقت لك جود نزلت راسها بخجل : وانا بعد تركي ما حب وقفتهم برا المطعم : يلا ندخل جود ناظرته : اوكي دخلو وكانو حاجزين مكان عائلي وتركي كان طول الوقت يتغزل فيها وهي ميته من الحياء ### اليوم الثاني .. في الجامعه ## دانه بعصبيه : ابي افهم انتي ليه غايبه ؟؟ ملاك مالها نفس تتكلم : بس كذا ريم : اقول اسكتي انتي وياها وشوفوا هالغبيه تنخطب ولا تقول لنا البنات بققين عيونهن عليها : شنووووووووووووووو؟؟! ريناد ردت على وراء : يمه ايش فيكن ؟؟ دانه ناظرتها ورافعه حاجبها : ومتى ؟ وعلى من ؟؟ وايش كان ردك ؟؟ وكيف كانت ردت فعله ؟؟ وايش قالوا اهلك ؟؟ووو ملاك حطت ايدها على فمها : وجع كل هالاساله ريناد تناظرها : وربي غبيه ريم دزتها بخفه : لا تتهربي وردي على اسالتها ريناد بملل : سالم خطبني وللحين ما رديت عليهم البنات ناظرينها بذهول : سااااااااالم !! ريناد استغربت : ايه سالم ريم ابتسمت وحضنت ريناد : مبروووووووووووك الف مبروووك دانه تبعدها عنها : شنو مبروك البنت ما وافقت وليه يخطبك ؟؟ ريم واثقه ان ريناد بتوافق: لا بتوافق وين بتلقى احلى واجمل من سالم ملاك ضربت دانه بخفه على راسها : شنو ليه يخطبها اكيد يحبها ريناد بسرعه : لااا لاا لا من قال دانه : هههههههههههههههه والله انكم تحبون بعض واضح من حركاته ريناد سكتت ريم : اكرمينا بسكوتك انتي دانه : ههههههههههههههههههههههههه ههههههههه $$$ في المدرسه $$ ساره كانت شارده من الحصه وراحت طلعت دعاء وتخبين وراء المدرسه وقعدين ياكلين دعاء : حسبي الله على ابليسك وربي اول مره اشرد من حصه ساره بققت عيونها : عيل ما جربتي طعم الحياه الصح دعاء ضحكت على كلامها : ههههههههههههههههههه شكلك سويتي البلاوي ساره تذكرت لما ساقت سياره تركي ونست انه دعاء تصير حق نواف وقالت لها كل السالفه واول ما وصلت عند لما قال لها تنزل وقفت فجأه دعاء كانت مندمجه واستغربت اول ما وقفت ساره: ايش فيك وبعدين ايش صار ؟؟ ساره تحاول ترقع الموضوع : بس ما عرف انه انا بنت ورحنا بسرعه دعاء : ههههههههههه مو صاحيه ساره سكتت دعاء ناظرت ساره وبهدوء: يصير اعرف ليه كنتي تصيحين قبل فتره ؟؟ ساره تغيرت ملامح وجها فجأه : مافيه شيء بس كنت تعبانه دعاء : لا تكذبين هذا كلش ما كان تعب اكيد صاير وياك شيء كبير عشان كذا كنتي تبكين بقهر ساره مو قادره تتحمل اكثر من كذا استسلمت وتكلمت : راكان دعاء استغربت : من راكان؟؟ ساره منزله راسها : ولد عمي دعاء : ايش فيه ؟؟ ساره صارت تحكي لها كل شيء بالتفصيل .. نزلت دموعها بقهر دعاء حضنتها : حبيبتي انتي كل هذا يصير لك وما علمتي احد عنه ساره ارتفعت عن حضنها : هو يهددني ويقول انه بيفضحني وانا والله ما سويت شيء من الي قاله دعاء : طيب خليه يتكلم انتي ما سويتي شيء ساره بحزن : اكيد اهلي بيصدقوه لانه كلش ما يمزح ومعروف بالعايله انه اذا قال شيء ما يكذب فيه وكل الادله الي عند مو اكيده دعاء منصدمه ان فيه ناس تحب تخرب بين الاهل : طيب ما تعرفين من يوصل له هالمعلومات ساره هزت راسها بالنفي : لا دعاء : حبيبتي انتي لا تتعبين نفسك ومرده بيعرف انه غلطان وبيجي يعتذر منك ساره سكتت ### في امريكا ### غلا ومريم دخلين الجامعه وكل وحده راحت لصديقاتها مريم : هلوووو رهف : اوووه ايش عندج يايه من وقت مريم رفعت حاجبها : اشتقت لك عشان كذا جيت من وقت رهف : اقول هدي الكذب عنج وقومي لا نتاخر على المحاضره مريم حطت راسها على الطاوله بهم : لاااااا مابي اشوف خشته رهف مسكتها من ايدها : يلا قومي بنتاحر بعدين صج بتشوفين وجهه وايد مريم قامت بكسل وراحين القاعه وهو للحين ما دخل راحت عند دلال وفواز تستهبل عليهم : هااااي دلال وفواز: هلاااا مريم : تصدقون ان لكم وحشه يا الخفوق انتم دلال : اقول لا تكذبين زياده مريم بققت عيونها : والله انك ما تستاهلين فواز ابتسم وكان يراقب كل كلمه هي تقولها : واحنا اشتقنا لك مررره مريم قرصت خدوده : ويه ويه يا لبى هذي الناس العدله فواز انصدم من حركتها وكان قلبه بيوقف من لمستها له الدكتور طلال دخل وهي كانت ماسكه خدوده : مرحبا مريم بسرعه تركت خدود فواز وبعدته شوي وقعدت جنبه وهو خلاص مو مصدق الي يصير وياه اليوم لطال ما اخفى حبه لها وقرر انه يتركها الا انها تسوي حركات تخليه غصب يتعلق فيها اكثر مريم كانت ساكته ومندمجه مع شرح الدكتور فواز كان يناظرها ويحس قلبه بيطلع من ريحته عطرها الي عشقها ويميزها من بد الناس كلهم الدكتور طلال شاف فواز كيف يناظر مريم وما شال عيونه عنها وتكلم بحزم : فواز انتبه معي فواز بسرعه شال عيونه وناظر قدام وفكره كله عند مريم الي خبصت كيانه ### في بيت ابو بدر ### ام بدر قفلت الجوال على دخلت سالم الي طفشها سالم راح قعد جنبها: يمه ردوا لك خبر ؟ ام بدر : هههههههه وليه مستعجل كذا؟ سالم ابتسم : ردوا لك خبر والا لا ؟ ام بدر تزغرط : لولولووووش الف مبروك سالم مو مصدق الي يسمعه قام باس راس امه : الله يبارك فيك ام بدر : هههههههههه كل هالفرح عشانها وافقت سالم لاول مره يصير جريء : اكيد هي القلب ونبضاته بدر يصفق : وااااااو يا الرومنسي انت سالم : وخر عني لا تخرب فرحتي بدر حضنه : بالبركه سالم ابتسم : الله يبارك فيك وعقبالك بدر ضحك :ههههههه مطول ام بدر : ما عليك منه بس يشوفك انت معرس بيقول يبي يتزوج بدر :هههههههههه مررره واثقه انتشر خبر خطبه ريناد وسالم والكل فرح لهم ويباركون لهم . . . يتبع ...... | ||||
|
| |
|
19-05-15, 09:53 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع . . . . %% عند فيصل %% هالايام ما يرد البيت الا متاخر كل همه انه يأكد الي يدور في باله كان واقف قدام عماره قديمه ومنتظر بملل على المغرب نايف وصل حاره شبه قديمه ومهجوره وقف السياره ونزل وهو يناظر حوالينه عشان محد يشوفه ودخل عماره قديمه ومكسره شوي فيصل صاره له فتره وهو يراقب نايف ودايما يجي هالماكن وما يرد الا متاخر ويمشي مثل السكران نزل من السياره شاف رجال شايب قاعد على كرسي معاقين قرب منه ببتسامه : السلام عليكم الشايب : وعليكم السلام فيصل : اسف على الازعاج بس ممكن اقعد معك؟ الشايب ببتسامه : تفضل يا ولدي فيصل قعد على حجر كانت قريبه منه ناظر العماره : بغيت اسالك هالعماره كم صار لها هنا ؟؟ الشايب : هذي العماره مره قديمه وكانو بيهدموها بسبب انه بنيانها ما عاد متماسك بس فيه رجال جاء واشترها وما هدمها فيصل ناظره باستغراب : يعني عايش فيها ؟؟ الشايب : لا بس كل يوم يجي المغرب هو وزوجته فيصل انصدم من الي يقوله : طيب تعرف اسمه ؟؟ الشايب استغرب : وانت ليه تسال عن هالعماره ؟؟ فيصل : قلت بشتريها وابي اتواصل مع صاحبها الشايب صدقه : توه دخل قبل ما تجي انت واسمه نايف الـ.... فيصل قام وسلم عليه : مشكور وما تقصر حجي الشايب : حياك الله فيصل راح ركب السياره وهو متاكد من الي بيسويه $$$ اليوم الثاني ...في الجامعه $$$ دانه خلصت محاضراتها اتصلت على السواق يجيها شوي ووصل : يلا ملوك قومي بوصلك ملاك ناظرت الساعه : لا حبيبتي عندي محاضره متاخره شوي دانه قعدت : خلاص بنتظرك لما تخلصين ملاك رفعت حاجبها : مجنونه انتي روحي ما عليك مني دانه : كيفك انتي الخسرانه ملاك قامت : يلا الحين بتبتدي محاضرتي دانه سلمت عليها وراحت بعد ساعه ملاك طلعت من المحاضره واتصلت على السواق قال لها انه عند باب الجامعه طلعت من الجامعه وكانت تناظر المكان شافت السواق بعيد شوي قررت انها تمشي لهناك كانت تمشي وتلعب بالجوال الا سياره تمر وتضرب لها هرن رفعت راسها شافت السياره مضلله ما قدرت تشوف الي داخلها استغربت (لا حول ولا قوه ايش يبي ذا ؟) طنشت وركبت السياره وحرك السواق السياره وبنص الشارع لفت على جهه اليسار شافت نفس السياره زاد استغرابها وخافت ناظرت قدام : سوق بسرعه السواق : هادر>> حاظر ناظرت وراء شافت للحين السياره تلاحقها ماتت رعب وما عرفت ايش تسوي : من هذا ؟؟؟ ياربي وهالدلخ ما منه فايده السواق ناظرها من المرايه : مدام فيه مشكل ؟؟ ملاك ناظرت وراء : اسمع ابيك تضيع السياره الي ورانا وما ابيك تقول حق بابه فاهم السواق هز راسه وساق بسرعه ملاك : مالت عليك وعلى راسك الي مامنه فايده .. وردت ناظرت وراء شافت ان السياره اختفت حست بالراحه ملاك ابتسمت : كفو والله طلع راسك منه فايده السواق ما فهم عليها بس حسها تمدحه ابتسم $$$ في بيت ابو فهد $$$ بنو دخلت البيت ورمت شنطتها الي مافيها الا كتابين على الارض وانسدحت على الصوفا : واخيرررررا الخميس ام فهد : قومي غيري ثيابك بنروح المزرعه البندري فزت من مكانها : اماااااااااااااا بنروح ابو فهد : ههههههه ايه قومي البندري قامت : العن ابو التعب اذا بشوف الغوالي ام فهد هزت راسها بياس: تعالي خذي شنطتك البندري ركضت اخذتها : هههههه نسيتها ابو فهد : يا خوفي تنسين نفسك في مكان راكان كلش ما حب فكره انه يروح المزرعه وما يبي يشوف ساره صار يحتقرها كثير : انا موب رايح معكم ابو فهد ناظره باستغراب : وليه ان شاء الله ؟؟ راكان : كذا مالي خلق جمعه وازعاج ام فهد : اقول اترك عنك الكسل وقوم ما راح نخليك هنا لحالك من بيسوي لك اكل راكان : بطلب لي من برا وانا مو صغير عشان ما تخلوني لحالي ابو فهد : لا بتروح ومافيه قعده راكان ناظر ابوه : بس ابو فهد قاطعه : خلاص انا قلت الي عندي راكان تافف ( اووووف وغصبا عني بشوف خشتك الي صارت تقرفني كل ما اتذكر سوالفك اتحسف انك بنت عمي والله اني اتفشل منك ) ### في بيت ابو مشعل ### رنا كان اليوم ذكرى وفاة امها دخلت البيت ما شافت احد استانست طلعت غرفتها فسخت العبايه ورمتها على الارض ورمت نفسها على السرير طلعت سلسله من رغبتها على شكل صليب ضغطت زر وافتتحت الى نصفين في جهه اليمين كانت صورة امها وعلى اليسار صورة ابوها اول ما شافتهم نزلت دموعها تعلن عن مدى اشتياقها لهم قعد تناظر صورهم وتعاتبهم : اهئ ليه تروحون وتخلوني هنا ليه ما اخذتوني معكم انا تعبت وراسك يا الغاليه ما عاد ودي اعيش احس اني منبوذه من بد هالناس الكل يناظرني بحقد وكره لو كنتوا هني كان ما احد تجرأ يعاملني كذا ناظرت صورة ابوها وبحقد : انت جبتني هنا عند مرتك عشان تعذبني والا تنتقم مني ما عرفت لك لو تركتني عند اهل امي ارحم لي بس الله يسامحكم قامت وعيونها حمراء من كثر البكي غسلت وجها وغيرت ملابسها وشغلت موسيقى وخلت اضاءه خفيفه وانسدحت على السرير (كذا تحتفل بذكرى وفاه امها ) $$$ في امريكا $$$ مريم طلعت من غرفتها وراحت غرفه غلا وفتحت الباب بقوه : غلااااااا غلا ما تحب احد يفتح بدون ما يطق الباب : كسر بايدك طقي الباب قبل لا تدخلين مريم طنشتها : وين دفتري ؟؟ غلا ببرود وناظرتها بطرف عينها : اي دفتر ؟!! مريم بققت عيونها من برودها : وجع لا تكلميني بهالاسلوب غلا ناظرت الكتاب : وكيف تبيني اكلمك ؟؟ مريم بتفقد اعصابها : وين دفتري عطيني اياه ؟؟ غلا ناظرتها : ما اخذت شيء من عندك واي دفتر هذا الي خايفه عليه هالكثر ؟؟ مريم طلعت من غرفت غلا وراحت مكتبتها طلعت كل الكتب للارض وما حصلته راحت كبتها كبت كل الثياب على الارض وتحس قلبها بيطلع من مكانه : لااااااااااااااا وين حطيته اكيد غلا ماخذته بس ما تبي تقول لي وينه لا لا ما اعتقد .. ضربت الارض بقوة :اووووووووووووه ... وقفت فجأه وصرخت : لاااااااااااااااااااااااا ااااااااااااااااااااااااا اااااااا مستحيل ام منصور دخلت شافت الغرفه معفوسه وحالتها حاله كل شيء منكب على الارض : ايش هالفوضه ؟؟ وايش فيك تصرخين ؟؟ غلا خافت يكون صاير فيها شيء طلعت من غرفتها ركض : ايش صاير ؟؟ مريم ببكاء : دفتري ضيعته بالجامعه ام منصور بققت عيونها : مجنونه انتي واذا ضيعتيه عادي غلا طلعت من الغرفه : فاضيه ما عندك سالفه مريم قعدت على الارض وتتذكر ( فكت نفسها من بين ايدينه ونزلت على الارض وراحت اخذت شنطتها وطاح دفترها لانه الشنطه كانت مفتوحه وركضت ): يمممه اكيد بياخذه لاااا ام منصور طنشتها : قومي رتبي هالفوضه الي انتي عايشه فيها والدفتر بيجي بداله مليون دفتر .. وطلعت مريم وخلاص بتنفجر من القهر : يا ويل حالي لو حصله ...اكيد ما بيلقاه هو تحت الطاوله متاكده ما شافه لازم اروح له بكره من الصبح $$$ في المزرعه $$$ ... في غرفه البنات ... البندري بعصبيه : هييييييييييه قومين من صدقكن جايات هنا تنامين ريناد بنوم : والي يرحم امك روحي بنام البندري : المفروض انتي ما تنامي انتي مخطوبه ريناد : عادي المخطوبه هي الي تنام البندري سحبت ساره من ايدها : سااااروه قومي ساره في سابع نومها مستحيل تقوم البندري قامت بعصبيه وشافتهن كلهن نايمات طلعت من الغرفه وقفلت الباب وراحت عند كبت من زجاج كان فيه اثار قعدت تناظرهم بملل شافت تمثال يشبه راكان : ههههههههههههه ركون ايش يسوي هنا تصدق اول مره اركز عليك ههههههههههههه جاء من وراها : ايش الي يضحكك ؟؟ البندري لفت وراها وشافت تركي ابتسمت : بالله عليك ما يشبه راكان تركي ناظر على الي تاشر عليه وفقع ضحك : هههههههههههههههههههه البندري كانت تناظر تفاصيل وجهه وهو يضحك ابتسمت لا ارادي تركي ناظرها شافها تطالع فيه استغرب : ليكون مضيعه شيء بوجهي البندري تفشلت وحاولت ترقع الي سوته : من زين خشتك كانها ضفدع تركي ابتسم ابتسامه جانبيه : واضح وقبل شوي خاقه عليها البندري بققت عيونها : من قال ؟؟! ما بقى الا انت اخق عليك شكلك نسيت بركان ولا بدر ال زيدان هذول الي ينخق عليهم صدق تركي : ههههههههههه تحلمي يجون لك هذول البندري بكل ثقه : هذول مو استايلي ما ابيهم تركي مندمج معها بالكلام : اجل من هم استايلك البندر بكل ثقه : شوف فيه كثير بس هم ماراح يفوزون بقلبي تركي تحمس يعرف من هم هذول : ايه ومن هم؟؟! البندري بدت تعدد له : متعب .. وتاركان ..وفزاع ..كيم ميونغ سو تركي ماعرف الا فزاع ومتعب لانهم عيال شيوخ والباقي ما عرفهم بس عرف انهم ناس مشهورة: هههههههههههههههه دمرني اخر اسم البندري كانت تدخل بعالم ثاني من يضحك (وانت الي اخذت قلبي من بدهم كلهم وقلبي لك انت لحالك ) : ما اعتقد يضحك اصلا انت صير مثلهم بعدين تكلم تركي بكل ثقه : انا احلاهم وهم الي لازم يكونون مثلي البندري ابتسمت (وانت الصادق ): خف علينا يا شيخ تركي : ههههههههههههههههههههه البندري ما كان ودها تروح من عنده بس رن جوالها وراحت : الو .. ايه ايه لحظه $$$ في بيت ابو حمد $$$ حمد رجع من الشغل ومنهد حيله انسدح على الصوفا بتعب ام حمد شافته حالته حاله : قوم تسبح وغير ثيابك وتعال تغداء حمد : لا متغدي بالشركه ندى : ايش صار على مشروعكم ؟؟ حمد : الحمدلله تعبنا ما راح على الفاضي وكل هذا فضل ربي ومن ثم لدعاء الغاليه ام حمد استانست : الحمدلله الله يفتحها بوجيهكم حمد : امين يارب ندى ابتسمت : على هالخبر ما نستحق طلعه حلوه معك ؟؟ حمد بتعب : تعبان الحين بكره ان شاء الله ندى استانست : اللااااااااي اهم شيء طلعه حلوه ام حمد : فكيه من شرك الولد تعبان حمد قام : عن اذنكم ام حمد : اذنك معك حمد راح غرفته فسخ ثيابه واخذ له شور بارد عشان يروح التعب طلع وهو حاط المنشفه على خصره ناظر وجهه بالمرايه كيف شاحب وصاير مره نحيف من التعب طنش وراح لبس برموده ونام على طول ^^^ اليوم الثاني .. في امريكا ^^^ مريم ما قدرت تنام من خوفها اذا احد اخذه والا لا وارتعبت اكثر اذا الدكتور طلال اخذه صارت الساعه 6 قامت لبست بسرعه ولاول مره ما حطت شيء بوجها خلته على طبيعته وشعرها كان كيرلي ما سرحته بس لبست تاج ولبست نعالها (عزكم الله ) طلعت من غرفتها شافت الكل نايم بسرعه نزلت من الشقه وراحت الجامعه .. اول ما وصلت كانت الجامعه مرره هاديه وما فيها الا العمال وصوت العصافير خافت من كونها لحالها بالجامعه صارت تمشي وتناظر حوالينها بخوف راحت بسرعه لمكتب الدكتور طلال فتحت الباب بهدوء شمت ريحه البخور الي يعم المكان خافت انه يكون موجود بس ما شافت سيارات برا فارتاحت ودخلت وقفلت الباب وراها ... قعدت على الارض وناظرت تحت الطاوله ما شافت الكتاب : لااااا وين بيكون ؟؟ اكيد العمال نظفوا المكان وحطوه على مكتبه ايه ايه اكيد قامت من على الارض وراحت على مكتبه وقعدت تدور بين الاوراق والدروج وعفست المكان بطرقه مو طبيعيه الاوراق طايحه على الارض والاقلام منثره على المكتب مريم وفيها الغصه : لااااا وين بيكون ؟؟! ابد ما استسلمت وردت تدور الا الباب ينفتح رفعت راسها وناظرت بصدمه وخوف بنفس الوقت الدكتور طلال شاف مكتبه كيف معفس والفوضه بكل مكان وهو قبل شوي طلع والمكان مرتب ناظر ايدها شافها ماسكه اوراق خلاص وصلت معه وصار بقمه عصبيته : ايش تسوين هنا؟؟ مريم تلعثمت بالكلام: أأآآ آآ آآ ا اننن ننا الدكتور طلال ضرب الباب بقوه : انتي باي حق تدخلين مكتبي وانا مو موجود ولا وتعبثي باغراضي مريم لاول مره في حياتها تشوف شخص بهالعصبيه ناظرت يدها ورمت الاوراق على الطاوله : كنن نننت اددور دفتررري الدكتور طلال بصراخ : ليكون مكتبي غرفتك وانا ما اعرف عشان اغراضك تكون هنا !! مريم تحاول ما تفقد اعصابها تكلمت بهدوء : انا طيحت دفتري هنا الله يخليك انت لقيته بليييز الدكتور طلال بيرتفع ضغطه منها ومن تصرفاتها : رجعي المكان نفس ما كان مريم نزلت للارض وصارت ترفع الاوراق وتحطهم على الطاوله بترتيب والاقلام رجعتهن مكانهن الدكتور طلال كان متكتف ويناظرها وهي ترتب جذبه شكلها الطفولي الي تخفيه وراء الميك اب بس طنش ( ايش فيني انا كلهن نفس بعض كيدهن عظيم وهذي يمكن اخس منهن كلهن ) مريم خلصت راحت لعنده وفيها الصيحه : خلصت الحين بسالك دفتري عندك ؟؟ الدطتور طلال ناظر المكان شافه مرتب وبعدين ناظرها : اي دفتر تتكلمين عنه ؟! مريم : انا لما جيت لمكتبك قبل كم يوم طيحت دفتر هنا انت لقيته ؟؟ الدكتور طلال : لا .. ويلا طلعي برا اعرفكم عليه ( طلال عمره 26 سنه .. اسمر وطويل ... معضل .ز ملامج وجهه حاده ... عايش في امريكا من كان عمره 20 سنه درس وتخرج واشتغل هناك ... انسان عصبي وما يحب احد يستفزة او يستحقره .. رافض فكره الزواج بسبب خادثه صارت معه بتعرفونها بباقي الروايه .. مهووس بالنظافه ) مريم ناظرته بقهر من اسلوبه الزفت (وجع ياخذك انت واسلوبك الخايس) طلعت وهي مقهوره انه خلاها ترتب له المكان وهي غرفتها ما ترتبها قعدت بالكوفي والهم مالي قلبها على دفترها @@@ في السعوديه @@>> بكتب لكم وما راح التزم بفارق التوقيت بين امريكا والسعوديه %%% في المزرعه %%% فيصل كان يلبس القميص وانقص الزر : اوووه وقته الحين فسخ القميص ونزل يدور امه عشان تسويه له : يمممه يممممه دخل المطبخ ما لقاها راح الصاله شاف ملاك قاعده : وين امي ؟؟؟ ملاك ناظرته وشافته مو لابس قميص حمر وجها من الحيا ونزلت راسها : راحت هي والحريم يشوفين الخيل فيصل مسك شعره : اوووه وقته الحين كل المشاكل تصير بنفس الوقت ملاك لسا منزله راسها مستغربه ايش سالفته فيصل ناظرها وهو مستعجل : طيب تعرفين وين مكان الابره والخيط ؟؟ ملاك تاشر له : شوف بتلقاهم بالدرج الي جنب الـt.v فيصل راح حصل صندوق صغير واخذ منه الابره والخيط وقعد يحاول يخيط الزر وهو يبي يدخل الابره دخلها باصبعه : ااااااااه ايش هاليوم السخيف ملاك تحاول انها ما تحتك فيه كانت تناظره وهو يحاول يخيط وفيها الضحكه على شكله شافته كل ما يبي يدخله يغرز الابره بايده رحمت حاله وقامت اخذت منه القميص : عطني انا بخيطه لك فيصل ناظرها ومد لها الابره مسكتها هو كان ماسك الابره بقوه ملاك : اتركها فيصل لمس ايدها وملاك بسرعه شالت يدها ..فيصل حس بجسمه كهرباء من لمسه ايدها طاحت الابره على الارض ملاك نزلت اخذتها وقعدت بعيد عنه وصارت تخيط له القميص باندماج وهو كان يناظرها ولا شال عيونه عنها (ايش الي صاير لي .. ليه ما صرت احتك فيها مثل قبل ؟؟ ايش الي تغير الحين ؟؟ ليه لا شفتها احس قلبي بيطلع من مكانه وانه الكل يسمع دقاته !! ليكون حبيتها ؟؟ لا لا مستحيل ما اعتقد ) ملاك قطعت تفكيره : خلصت فيصل ابتسم : مشكورة بردها لك ملاك ابتسمت : لا انت رديتها لي من زمان ونسيت اشكرك على الي سويته لي قبل اسبوع .. وراحت فيصل فهم انها تقصد على سالفه نايف ابتسم وناظر القميص ولبسه اول ما وصل عند الزر الي هي خيطته مسكه وتخيلها وابتسم بعدين طلع %%% في بيت ابو دعاء%%% الكل كانو مجتمعين البزران يلعبون برا دعاء كانت قاعده بالمطبخ وتتكلم مع صديقتها بالجوال : ايه مره كاسره خاطري والله شوي وابكي معها بس مسكت نفسي ... المشكله انه ولد عمها وقريب منها ويسوي فيها كذا اجل ايش خلا للغريب ... لا ما اعتقد يقول بالاخير هي بنت عمه ... اوكي بعدين اتصلي علي بس تخلصي .. يلا مع السلامه قفلت الجواله وقعدت تقطع لها تفاحه كان واقف عند باب المطبخ وسمع اخر كلامها مع صديقتها انصدم من الي سمعه (معقوله ساره تسوي هالاشياء مستحيل ما يبين عليها كلش ... لا تسوي هالشيء دامها كانت تسوق السياره بطريقه جنونيه وحركاتها ابد مو طبيعيه ... لا لا بس انا شفت شخصيتها مره مختلفه لما وصلتها ... لا اكيد بتكون كذا قدام دعاء ...طحتي من عيني يا ساره ) كان عايش حاله صراع بينه وبين نفسه نور جت من وراه واستغربت من وقوفه : نواف !! نواف صحى من سرحانه : شنو ؟؟ نور باستغراب : ايش فيك واقف هنا ؟؟ نواف بسرحان وغباء : ماعرف نور ناظرت المطبخ شافت دعاء تناظرهم حست ان نواف يحب دعاء انقهرت منه : برافو والله تتواعدون هني دعاء بققت عيونها من كلام نور : هييه انتي ايش تخربطي ؟؟ نور ابتسمت ابتسامه جانبيه : واضح وضوح الشمس انكم تتواعدون نواف عصبه كلامها مسك ايدها : ايه نتواعد ونحب بعض ايش رايك الحين ارتحتي ؟؟ نور نزلت دموعها وناظرت دعاء : تكذبين علي وتقولين بتساعديني رحتي خليتيه يحبك وانت حسافه حبي لك دعاء منصدمه من الي تسمعه من نواف : ايش تخربط انت الثاني ؟؟ نور فكت ايدها من ايده وصارت تهددهم بقهر : وربي بعلم عليكم نواف ضحك : ههههههه بزر والله انك بزر روحي علميهم تسهلين علينا الموضوع نور زاد قهرها كلامه وقالت الا تنتقم منهم دعاء حطت السكين على الطاوله ناظرته بصدمه : مجنون انت ايش الكلام الي قلته ؟؟! نواف ناظرها : ليه انتي ما تحبيني؟؟ دعاء انصدمت ما توقعت نواف يناظر لها بهالنظره وهي تعتبره كاخ لها : اكيد انت فقدت عقلك انا احبك كاخ مو اكثر من كذا نواف ابتسم وراح دعاء قعدت وتفكر بالمصبيه الي بتحل عليها $$$ في المطعم $$$ كان المطعم مره هادي ندى : تصدق من زمان ما طلعتنا حسيت انه رجعنا نفس قبل ام حمد : هههههههه اهجدي يا بنت حمد : صحيح اني قطعت عنكم مره وحده بس ما كان بايدي ندى مسكت خدوده : هههههه لبى قلبك حمد بعد يدها : يعور يا حيـــ.... ندى : هههههههههههه ام حمد كانت تناظرهم وهم يتهاوشون : بتفضحونا ندى : محد بيسمع احنا بمكان لحالنا ام حمد : حتى ولو ندى ناظرت امها : انا مالي دخل بعدين بتودينا الملاهي من زمان ما لعبت حمد ابتسم : من عيوني كم ندى عندي اليوم بسوي كل شيء تبينه ندى استانست : صددددددق ام حمد : قلت خليك عاقله واكلي الي قدامك حمد ضحك :هههههه ايه صدق ... وضربها بخفه على راسها ندى باسته بخده : ويييييييه فديتك والله انك كفو ام حمد : الحين صار كفو حمد : هههههههه خليها تستانس اليوم بعدين بتنكرف بالاختبارات ندى لوت فمها : لا تذكرني لازم تنكد علي حمد وامه : هههههههههههههههههههه $$$ في بيت ابو دعاء $$$ نور دخلت المجلس شافت جدتها قاعده لحالها قعدت جنبها : جدة بقول لك شيء الجدة ناظرتها : قولي نور :انا شفت دعاء ونواف يتواعدون بالمطبخ وكانوا قاعدين مع بعض وكان بينهم سوالف وضحك وكلام غريب الجده استغربت وناظرتها بشك : نور انتي عارفه ايش تتكلمي فيه ؟؟ نور : والله صدق الي اقوله ام دعاء كانت واقفه وسمعت كلام نور بسرعه طلعت راحت المطبخ شافت دعاء قاعده وفي عالم ثاني : ايش الكلام الي سمعته ؟؟ دعاء ناظرت امها بخوف : اااي كلام ؟ ام دعاء : انا وثقت فيك وخليتك تقابلينه بس انك توصلين لهالحد اكيد ما بسكت عنك دعاء عرفت ان نور راحت قالت لهم : بس انا ما سويت شيء ام دعاء عصبت وعطتها كف : تكذبين بعد دعاء ما توقعت ان امها ما فكرت تسمعها مسكت مكان الكف والدموع بدت تنزل من عيونها : ما سويت شيء اسمعيني الجده وام نواف وام نور سمعين صوت صراخ بسرعه راحين المطبخ الجده مسكت ام دعاء : استهدي بالله ايش الي تسويه ام دعاء بعصبيه : انتي خنتي ثقتي فيك يا دعاء ام نواف مو فاهمه شي: ايش فيك يا هناء ؟؟ نور كانت تناظر دعاء ببتسامه (هههههه خذيت بثاري منك باقي نوافوه ) دعاء انقهرت من حركه نور ناظرتها وشافتها تبتسم زاد قهرها ركضت وطلعت من المطبخ الا ........ $$$ عند فيصل $$$ كان واقف منتظر نايف متى يجي للعماره شوي الا يوصل انتظر شوي واتصل على الشرطه فيصل : الو السلام عليكم الشرطي : هلا وعليكم السلام اي خدمه ؟؟ فيصل : انا ساكن بحي قديم ومن فتره لاحظت على مجموعه شباب يجون هنا فتره قصيره ويطلعون واشكالهم غريبه الشرطي : ممكن تعطينا اسم الحي فيصل اابتسم ابتسامه نصر : ان شاء الله حي الـ........ الشرطي : مشكور وما تقصر بس نبيك عشان تدلنا على المكان فيصل : اكيد انا بكون جنب بقاله وبنتظركم هناك الشرطي : دقايق وبنكون موجودين .. مع السلامه فيصل قفل الخط وناظر العماره : ههههه مو انت الي تتحداني غبي ما تعرف اني اعرف كل تفاصيل حياتك وتلعب معي شوف اللعب على اصوله ...... خلص البارت 15 ... توقعاتكم :- 1- من الي كان يلاحق ملاك ؟؟؟ 2- ايش بيصير على دعاء ؟؟؟ 3- نايف ايش بتكون ردت فعله ؟؟؟ | ||||
|
| |
|
23-05-15, 09:56 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم اولا اعتذر لان البارت قصير بس كنت ادرس واكتب لكم .. انا راح اقطع فتره لين اخلص الاختبارات ولي عوده مجددا معكم ...دعواتكم .... اتمنى لكم قراءه ممتعه ... البارت 16 .. دعاء انقهرت من حركه نور ناظرتها وشافتها تبتسم زاد قهرها ركضت وطلعت من المطبخ الا تصدم بنواف وكانت حيل منقهره نواف مسكها من كتفها وناظر كيف وجها وعيونها حمراء مسكها بايدها ودخل المطبخ وعطى نور نظره حاده الكل كان يناظرهم بصدمه ومو مستوعبين الي يصير قدامهم نواف ناظر ام دعاء ووقف قدامها هو ودعاء : بس مجرد سمعتي كلام بنت ما تعرف الصح من الخطا جيتي وضربتيها حتى بدون ما تسمعي منها ام دعاء شالت ايده من ايدها : اتركها ولك عين بعد اسمع ان ما طلعت من هنا بعلم ابوها وبتعرف ايش بيسوي فيك ام نواف انصدمت من جرأه نواف : مجنون انت ايش قاعد تسوي نواف راح لجدته : مو انتي تبيني اتزوج ؟؟! الجده كانت مو مستوعبه الي يصير : يا ولدي استعيذ من الشيطان دعاء كانت تبكي بصمت وتسمع كلامهم الي يحسسها بذنب هي ما سوته نواف طرت على باله ساره بس بعد ما سمع كلام دعاء شالها من باله : انا كنت احب دعاء كأخت ما جابها لي الله بس الحين ومن هاللحظه صرت احبها وانا مستعد اتزوجها نور خافت انها تخسر نواف للابد وتشوفه مع دعاء وتموت من قهرها: انا كذبت عليكم هم ما كانو حتى ويا بعض الكل لف عليها بصدمه الجده راحت لها وبعصبيه : ايش قاعده تقولين تلعبين علينا نور قعدت على الارض وتبكي : ما يحبون بعض والله ام نور متفشله من بنتها ومالها وجه قدامهم راحت مسكتها وعطتها كف : فضحتيني قصيتي وجهي قدامهم نور كانت تبكي وتناظر نواف باسف نواف زاد استحقاره لها ناظر دعاء شافها تبكي بصمت ام دعاء تندمت انها ما سمعت بنتها ولا صدقتها وهي تعرف ومتاكده ان نواف ودعاء ما يفكرون بهالشيء وهم مثل الاخوان راحت حضنت دعاء : اسفه يا بنتي والله اسفه دعاء زاد بكاها وبادلت امها الحضن : من حقك تصدقين ام دعاء تركتها وراحت لنواف وبفشله ومنزله راسها : سامحني يا ولدي ظلمتك نواف قرب منها وباس راسها : ما عاش الي يحني راسك ولا تفكري اني بيوم فكر فيها بطريقه الي فهمتيها قبل شوي دعاء اختي واكثر بكثير ام نواف ابتسمت من كلام ولدها وطريقته في اسلوبه دعاء طلعت من المطبخ راحت الحمام (عزكم الله ) تغسل وجها وحمدت ربها ان سهى وسعاد مو هنا والا كان بيكبرون السالفه نواف : انا استأذن ام دعاء وام نواف : الله معك $$$ في المزرعه $$$ البنات كانين قاعدات مع الحريم وكل ما يسولفين يسكتينهن البندري ناظرت امها : والله حاله شبلاكن اليوم علينا ؟؟ ام فهد : قلنا لحد تتكلم ام تركي : والله كلامكن عوار راس ريناد ناظرت ام بدر بزعل : كذا تعاملين حرم ولدك ؟؟! البنات فقعين ضحك عليها : ههههههههههههههههههههههههه هه ام بدر طنشتها : يصير خير ريم ناظرت وجه ريناد وفقعت ضحك : ههههههههههههههه اح يا الجبهه ام فهد : قلت اشششششششش بدون كلام دانه كان الملل لاعب فيها لعب قامت بكل هدوء وفتحت الـt.v وقعدت تقلب بالقنوات لين حصلت لها مسرحيه طارق العلي ومن كثر الملل كانت تضحك على كل كلمه يقولها حتى لو ما تضحك الكل ناظرها بصدمه خافو لايكون صار بعقلها شيء ساره قامت وحطت ايدها على جبهه دانه : لا حرارتها مررره مرتفعه دانه شالت ايدها وهي تضحك : هههههههه بعدي من قدامي ساره تمثل انها خايفه : يممممممممه فيها جني دانه اخذت المخده ورمتها على ساره : جني براسك يا حيـ..... البندري قامت وناظرت الحريم : والله لو تموتيني طق ما اقعد بهالكأبه ملاك كانت ساكته وتلعب بالجوال فجأه وصلها مسج وكان من رقم غريب ..مترجم( اريد ان اقابلك لامر هام جدا ) استغربت من الرقم لانه غريب وزاد استغرابها لما شافت الكلام انجليزي ارسلت له مسج (وانا لا اريد رؤيتك وموضوعك الهام لا يهمني ) وقفلت جوالها وردت تناظر البنات ام فهد : قلت اقعدي مكانك عقاب لك انتي وهي ريناد بقهر : طيب ايش سوينا ؟؟! ام ملاك بعصبيه : الساعه 12 بالليل قاعدات بالمسبح وتسبحين مجنونات انتين وازعاجكن واصل لاخر الشارع ساره بققت عيونها : يا ربي منكن عشان كذا مقعداتنا هنا ومو مخلياتنا نطلع وربي ما عندكن سالفه البندري رفعت تنورتها وركضت : والله ما اقعد هههههههههه البنات فقعين ضحك على حركتها : هههههههههههههههههههه ام تركي رحمت حالهن : لا البنت مسكينه تعذبت بالقعده ام فيصل : وانتين لا تناظرينها والله ما تطلعين ساره قعدت بقهر : يوووووووه حشى سجن مو جايين نستانس ام فيصل : اشششششش دانه شغلها تضحك :هههههههههههههههههههههههه� �ههه ... برا عند البندري .. قفلت الباب وراها واخذت نفس عميق : واخيررررررا طلعت من السجن والله ما ادخل الا بالليل خالد كان ماسك معه الدله عشان يجيب قهوه شاف البندري استانس : بنو بنو البندري ناظرته : خير يا وجه القرد ايش تبي؟؟ خالد بقق عيونه : محد قرد غيرك البندري بملل : اسمع انت الثاني اخلص ايش تبي ؟! خالد عرف انها معصبه : الرجال يبون قهوه روحي حطي لهم البندري بققت عيونها وشهقت : اهئئئئئئئئئ تبيني ادخل للسجن مره ثانيه وربي ما دخلت لو ما شربتوا قهوه عمركم تركي شاف البندري تصرخ على خالد استغرب راح وبيده القلاصات : ايش سالفتكم انتوا الاثنين ؟! البندري ناظرته : خير انت الثالث بعد ايش تبي مني ؟ خالد كان ماسك ضحكته ويناظر تركي يبي يشوف ردت فعله تركي حب يقهرها : امسكي هذول روحي غسليهم عدل وبعدين جيبيهم انا منتظرك هنا البندري تخصرت لهم وببتسامه ساخره : هه هه يا حلوكم والله تبون اسوي لكم حلويات مع القلاصات والقهوه عشان تحلون تركي ابتسم :فكره مو بطاله البندري اخذت القلاصات وناظرته ببتسامه ورمتهم على الارض : ناقصني انتو بعد ما صدقت افتكيت من السجن .. ومشت تركي وخالد حركتها طيرت عيونهم ومو مصدقين الي صار تركي ناظر الارض شافها كلها زجاج : والله بردها لك يا بندريووه خالد من كثر الصدمه فقع ضحك : هههههههههههههههههههههههه تركي دزة : والله مو وقتك ... راح قال للشغاله تنظف وتسوي لهم قهوه وتوديها لهم ## عند فيصل ### كان قاعد منتظر بحماس يبي يشوف نايف من بعد ما يقفطوه الشرطه شوي الا توصل الشرطه فيصل نزل من السياره وراح للضابط : السلام عليكم معك فيصل الـ.... الضابط استغرب من الاسم وايش الي خلاه يعيش بهالحي : والنعم ..انت الي اتصلت علينا ؟؟ فيصل : الله ينعم بحالك نعم انا الضابط : ممكن تدلنا على العماره ! فيصل راح معهم للعماره وكانت العماره شبه مهدمه دخلو كانت في قمه القذاره والاوساخ في كل مكان وكان يعمها الظلام ابتدوا يحاصرون العماره من داخل صعد الضابط وكم شرطي معه وفيصل وطقوا الباب .. داخل الشقه ... كان المكان بنور الشموع وزجاجات الخمر مقططه بكل مكان وريحه المكان تجيب المرض والاغاني الصاخبه تشتغل والبنات يرقصين عليها بطريقه شنيعه صوت الباب كان مو مسموع وبعد عناء صديق نايف سمع الباب ومن كثر ما الخمر لاعب بمخه وفاقده السيطره على نفسه نسى يشوف من العين وفتح الباب وبيده زجاجه الخمر : ييي ييااا ههلااا بببااالللي ججججاننا الضابط مسكه واقتحم الشقه والشرطيين دخلو وبصراخ : لحد يتحرك من مكانه الكل ناظر بصدمه من الهجوم الي صار عليهم فيصل كان واقف ويناظر المكان بقرف ويشوف الي كان صديقه كيف عايش بحياه قذره نايف قام يبي يهرب الا يمسكه الشرطي : تعال هنا وين بتروح نايف يحاول يفك نفسه : ابعد عني الشرطي مسك ايده ورجعها لورا وحطى عليها الكلبشات : لا يا حبيبي انت في ضيافتنا ما نخليك تروح كذا لازم نقوم بالواجب نايف ناظر فيصل بقهر وبصراح ولسانه ثقيل من الخمر : وووالله ببخللليكك تتنددددم الضابط بصراخ : طلع هالقذاره من هنا فيصل كان يناظر نايف وابتسامه النصر ما فارقت وجهه نايف زاد قهره من ابتسامته وراحت كل مخططاته الي كان ناوي عليها : اااترركوووني اخذوا كل الموجودين الضابط شكر فيصل على اتصاله لهم ومساعدتهم في القبض على الفساد بعدين راح المزرعه ### في امريكا ### مريم ناظرت من الدريشه وشافت الجو مره رهيب قفلت الدريشه وراحت تلبس عشان تطلع لبست شورت اسود وجاكيت وردي وخلت شعرها كعكه واخذت سماعاتها وطلعت : هاااااي غلا هزت راسها بيأس : وانتي ما راح تتسنعين وتلبسين زي الناس مريم ناظرت نفسها وببتسامه : والله عاد انا لابسه زي الناس طلعي شوفيهم غلا لوت فمها : ابوي الغلطان الي مخليك على راحتك مريم لفت راسها : مو وقت محاضراتك يا جميلتي ام منصور : وين بتروحين ؟؟ مريم ابتسمت : الجوووو خيال مرره حلو بطلع اسوي رياضه وبرجع ام منصور : طيب بس لا تتاخري مريم تاشر على عيونها : من عيوني يا عيوني غلا قامت : بجي معك مريم بسرعه ركضت وفتحت الباب : سنه على ما تجهزين لحقيني انا بالحديقه الي صوبنا غلا : تعالي انتظرينــ.. مريم ما خلتها تكمل كلامها وبسرعه طلعت وقفلت الباب غلا انصدمت من حركتها : شوووف هالحيــ.... ام منصور : روحي تجهزي ونزلي لها غلا قعدت : لا خلاص مابي هونت ام منصور هزت راسها بيأس : يمه من برودك مريم لبست السماعات وركضت على الحديقه ثلاث مرات تعبت قالت بتاخذ استراحه راحت صوب الاطفال وخلتهم يسوون عليها دائره وقعدت تلعب وياهم وكانت مستانسه حيل : وداعا يا جميلين قبل ما تروح كلهم هجموا عليها وقعدوا يحضنوها مريم وهم خانقينها : يكفي ههههههه يكفي يجب علي المغادره طفل وهو ماسكها بايدها : ابقي معنا مريم نزلت له وباسته : يا لبى هالخدود .. نلتقى هنا غدا الطفل ابتسم : بالطبع مريم ودعتهم وراحت تمشي وهي تضحك فجأه اختفت ابتسامتها : وجع ايش جابه هنا .. شوي الا تبتسم ابتسامه خبث : ههههههه والله لا اطفشك واخليك تاخذ قشك وتذلف ... راحت لعنده شافته مندمج بالكتب استغربت : يا الله ايش هالدفاره حتى هنا تحضر > تكلمه كانه زميلها طلال رفع راسه ورفع حاجبه : يا الله لطفك ايش تبين جايه هنا ؟؟ مريم قعدت مقابلته : اسمع عاد مافيه احد عربي هني غيرك تعبت وانا اتكلم لغتهم طلال تكتف : والمطلوب مني يلا توكلي على الله مريم لوت فمها وتكلمت ببطئ: ياخي انت ليه كذا معقد طلال بقق عيونه مريم طنشت : غمض عيونك بيدخلهم هواء .. احنا الحين برا الجامعه وما تقدر تسوي لي شيء واعتبرنا انه احنا زملاء طلال ناظر الكتاب : قلت لك ابعدي من قدامي مريم اخذت الكتاب من ايده وقامت : والله ما اعطيك اياه طلال بقق عيونه وناظرها : بلا حركات بزران وجيبيه مريم استعدت للركض : تبيه قوم اخذه بنفسك طلال قام وهو معصب نرفزته بحركاتها البزرانيه : انا ما امزح معك مريم ركضت وهي ميته من الضحك : هههههههههههههههههههههههه طلال ركض وراها وهي تشرد منه لين مسكها وسحب منها الكتاب وضربها على راسها : حركتك هذي ما تعيدينها ويلا روحي من هنا مريم استغربت (ايش فيه هذا ابد مو صاحي شكله فيه التوحد يمه يخوف ) كانت ساكته وتناظره بصدمه مره وحده فقعت ضحك على تعابير وجهه : ههههههههههههههههههههههههه ههههههههههه طلال انصدم منها بس ضحكتها غصب خلته يضحك : ههههههههههههههههههههه مريم وقفت فجاه وقعدت تناظره لين سكت : انت تضحك ؟! طلال : ايه ليه حرام علي وحلال عليك مريم ضربته بكتفه بخفه : والله انك تجنن وانت تضحك طلال مو مستوعب حركاتها العفويه وكانها تعرفه من زمان وتصرفها معه ولا كانه دكتورها بالجامعه مريم كانت بتتكلم بس رن جوالها تكلمت وقفلت بعدين ناظرته : استانست وياك وخلك دايما تضحك حلوه عليك الابتسامه .. ومشت طلال كان يناظرها لين اختفت وناظر نفسه وابتسم بغباء ورد قعد مكانه وكل شوي يتذكرها ويبتسم %% في المزرعه %% البنات كانين كل وحده منسدحه على الثانيه واوم الملل فيهن ساره تشوت دانه : ترا مو حاله هذي الى متى بنقعد كذا دانه رمتها بالمخده : صرعتي راس امي اسكتي ام ملاك شافت اشكالهن كل وحده متملله اكثر من الثانيه : يا بنات قومين تم الافراج عنكن ام فيصل ناظرتها : ايش سويتي لا خليهن ام تركي ابتسمت:هههه لا حرام شوفيهن كيف هن جايات يستانسين ريم تخصرت : صباح الخير والله توكن حسيتين ساره اول ما قالت افراج طلعت لبنو شافتها قاعده تلعب بالعاب البزران راحت سحبت طرحتها : وجع ياخذك مرتاحه هنا وماخذه راحتك البندري ناظرتها وانفجرت ضحك : هههههههههههههههههههههههه ساره قعدت على الارض : مرررره سخيفه البندري : كيف طلعتي ؟؟ ساره : افرجوا علينا البندري : هههههههههههههههههههههههه وين البنات ؟؟ ساره انسدحت على التراب : ايش عرفني انا طلعت بسرعه قبل لا يغيرون رايهم البندري : قومي لا احد يطلع وانتي بهالمنظر ساره ما اهتمت : خليهم يولون والله بسوي الي ابيه محد له دخل فيني راكان واقف ومتكتف ويسمع كلامها : بنو ابوي يبيك ضروري البندري لفت عليه : ليه ؟ ساره بسرعه قامت وعدلت قعدتها ولفت وجها ماتبي تشوفه راكان بنفسيه : ايش عرفني انا البندري قامت : وينه فيه؟؟ راكان : راح غرفته البندري خافت وراحت بسرعه بدون لا تتكلم ساره شافت بنو راحت بققت عيونها وقامت بسرعه تبي تروح الا راكان يوقفها : تعالي هنا وين رايحه ؟؟ ساره وقفت : مو شغلك راكان : والله وطلع لك لسان يا سوير وقمتي تعرفين كيف تتكلمين ساره ناظرته : انا بس ابي افهم انت ايش تبي مني ابعد عني ياخي راكان ابتسم : الي ابيه منك انك تبعدين عن بنو لانه ما يشرفني وحده مثلك تكون بنت عمي ولا تكون صديق اختي ساره انصدمت من كلامه الي مثل السكاكين : واذا ما بعدت عنها ايش بتسوي مثلا راكان قرب منها وتكلم وهو راص على اسنانه ويتكلم بكل هدوء : ذاك الوقت بتشوفين شي ما يسرك ابد ولا تفكريني امزح معك طريق المزح مو طريقي فاهمه ساره ما اهتمت لكلامه راحت عنه : ماتهمني لا انت ولا عشره من امثالك راكان حس قلبه يشتعل نار من كلامها الي قاعد ياكد له اشياء لحقها ومسك ايدها ولفها عليه : كلامك هذا تعيديه بقص لسانك ساره تركت ايدها من ايده بقوه ودزته : احسن لك ابعد عني ولا تخليني اشوف خشتك وانا ما بقول هالكلام وراحت راكان كان يناظرها بعصبيه وضرب رجله بالارض ### في بيت ابو بندر ### دخل وهو معصب وفتح الباب بقوه وصفقه بالجدار ومشى لغرفته ولا كانه يشوف احد قاعد دخل غرفته وقفل الباب وراه بقوه امه كانت تناديه بس هو ما يرد عليها : بندر بندددر ردي علي طلعت وراه الغرفه اول ما وصلت اخر عتبه في الدرج سمعت صوت باب الغرفه انصفق بقوه وكانه قنبله انفجرت خافت عليه وهو صار له اسبوع مارد البيت من بعد الحادثه وهو طبعه عنيد وابوه اعند منه راحت قعدت تطق الباب بس ولا كانه فيه احد موجود : بندر ياولدي افتح الباب ابي اتطمن عليك افتح الباب لا تعور قلبي اكثر امل سمعت صراخ امها تركت الكتاب على السرير وطلعت تشوف ايش صاير فتحت الباب ناظرت امها واقفه عند غرفه بندر عرفت انه موجود راحت لامها : خير ايش صاير هنا؟؟ ام بندر وشوي وتبكي : اخوك مو راضي يفتح الباب امل : مامه اتركيه لحاله خليه بيرتاح بعدين بيكلمك ام بندر صارت تبكي : وين يكلمني وهو ولا حتى عبرني وانا الحق وراه مثل البزران بندر اخذ شنطه السفر وفتحها وقعد يحط ملابسه باهمال فيها وكان يسمع كلام امه بس ما اهتم لها خلص واخذ جواز السفر وطلع شاف امه وامل واقفات عند الباب ناظرهم بجمود ولا اهتم لهن امل استغربت لما شافت الجواز بايده : بتسافر؟!! ام بندر ببكاء: وين بتروح وتتركنا لحالنا بندر ناظرها ومنظرها كاسر خاطره : رجال البيت موجود انا مالي لزمه بينكم حسستوني فرقت كنت موجود ولا لا وجودي وعدمه واحد على قولتكم ام بندر مسكت شنطته : ماراح تطلع من هنا بندر بهدوء : الله يخليك يمه خليني اروح مالي خلق مشاكل ابوه طلع من الغرفه وعيونه فيها نوم ناظر بندر باستغراب : ايش جابك هنا مو انا قلت لك مابي اشوفك بهالبيت مره ثانيه ام بندر بققت عيونها : ايش هالكلام هذا ولدك ابو بندر بعصبيه : الي يوطي راسي ما يعتبر ولدي وانا قلت له ويلا اطلع برا البيت يتعذرك بندر كان يسمع كلام ابوه الي يحسسه بالذل وكانه مرتكب جرايم الدنيا كلها سحب الشنطه من ايد امه وباسها على راسها وطلع من البيت ام بندر لحقته بس ما سمع لها وقفل الباب وراه بقوه ام بندر قعدت تبكي عليه وكيف بيقدر يعيش وهو حتى ما يشتغل : ليه تسوي بولدك كذا ماعندك احساس ايش هالقساة الي فيك ابو بندر طنشها ودخل الغرفه وقفل الباب امل كانت في حاله ذهول كل يوم تنصدم اكثر وكانها اول مره تدخل هالبيت ناظرت امها شافتها متحطمه على الاخر وتبكي بانهيار راحت لها قومتها من الارض وقعدتها على الصوفا وراحت جابت لها ماي : اشربي يمه بيكون بخير لا تحاتينه ام بندر شربت شوي ماي : كيف بيكون بخير كيف بيعيش لحاله امل بهدوء : يمه هو كبير وفاهم بيعرف يتصرف حاولت تهدي امها عشان ما تتعب نفس المره الاولى وتخوفهم عليها اكثر ### في المزرعه ## س 9 الليل كان منسدح على رجول فهد ومغمض عيونه وفهد يلعب بشعره فجاه تكلم فهد : كيف ملاك ؟؟ فيصل انصدم من سواله الغريب : ليه انا ولي امرها وانا ما اعرف ؟ فهد ابتسم من ردت فعله : تحبها ؟ فيصل رفع راسه وناظر فهد وعلامات التعجب فوق راسه : ايش هالاساله الغريبه ؟!! فهد شتت نظره على المسبح : لا بس كنت اقول لك انه فيه شخص يحبها ويبي يخطبها فيصل كانه انكب عليه مويه بارده ناظر فهد بصدمه : يخطبها يعني تصير زوجته !!؟ فهد ابتسم بداخل (والله يا فيصل وتاكدت انك تحبها وميت فيها بس انت تنكر هالشي ووجهك اكبر دليل ) ناظره بجمود : ايه تصير زوجته يعني بتصير اخته مثلا فيصل ماحب انه فهد يحس عليه : الله يوفقها معه ورجع راسه على رجول فهد وحط ايده على عيونه (ليه هالحظ العاثثر لما بدأت اميل لها جاء احد واخذها مني متى حظي بيتعدل ليه دايم طايح بالارض الله يوفقها ويسعدها ) فهد ابتسم وخطته نجحت وتاكد انه يحبها من تعابير وجهه الي تغيرت فجأه بدر كان يمشي وحاط ايده في جيبه ورايح لفهد وفيصل شاف قدامه ملاك ابتسم لا اراديا : ملاك ملاك عدلت حجابها ولفت عليه ببتسامه : هلا بدر ناظر حوالينه : ليه انتي برا لحالك ؟؟ ملاك : مو لحالي كنت مع البنات بس قمت ارد على الجوال بدر ابتسم قرر انه يعترف ويطلع كل الي بقلبه لها : ممكن اتكلم معك بموضوع ؟ ملاك ناظرت الساعه بعدين ناظرته : ايه قول بدر شافها تناظر الساعه : اذا مشغوله ااجل الموضوع ملاك ابتسمت : لا لا عادي تكلم بدر ناظرها ومو عارف كيف يبتدي : بصراحه من زمان كنت بقول لك هالكلام بس ما لقيت فرصه مناسبه اني اتكلم معك ملاك استغربت ايش هالكلام الي يبي يقوله بس ماحصل فرصه : وشهو هالكلام ؟ بدر شتت نظره وبعدين ناظرها :ملاااك بصراحه انا ... وسكت ملاك ناظرته باستغراب : انت شنو ؟؟ بدر جمع كل قوته وتكلم :انا ااا اااحبك وابي اخطبك ملاك كلش ما حبت هالموضوع ورجعت لها ذكرى انها ما تقرب لهم وماتبي تتقرب منهم اكثر بنت في مخيلتها هالحاجز انها تكون قد ما تقدر انها تكون بعيده عن الكل لين تكتشف حقيقتها كانت ساكته وتناظره بصدمه بدر ارتاح لما تكلم وناظرها منتظر جوابها فيصل كان بيدخل بس وقفته كلمة بدر وقعدت تتردد بذهنه (احبك .. احبك وابي اخطبك .. اخطببببببببببك ) حس قلبه بيوقف لما سمع كلام بدر ناظرهم بانكسار ما يعرف ايش يسوي ولد عمه ويحب حبيبته الي تقبلها بعد عناء طويل وقف بصدمه وينتظر رد ملاك ملاك كانت للحين في ذهول شتت نظرها شافت فيصل واقف ويناظرهم حبت تتاكد اذا فيصل يبادلها نفس المشاعر ناظرت بدر وابتسمت : وانا بعد احبك..... ### في بيت ابو نواف ### ام نور ماسكتها من ايدها وبعصبيه : اعتذري منهم بسرعه ام نواف راحت مسكت نور وتركت ايد ام نور : مو كذا يا هناء البنت ما تفهم مو بهالاسلوب تتعاملين معها ام نور لطالما كانت تنقهر من ام نواف لما تشوف الكل يحبها ويحترمها ويسمعون كلامها ( يا طيب قلبك يا منيره معهم حق يحبونك بنتي كانت بتدخلكم بمشاكل انتو في غنى عنها وجايه تدافعين عنها ) : بس ام نواف قاطعتها : لا بس ولا شيء احنا اهل وما بينا اعتذار ونور فهمت غلطها واعتذرت على الي سوته الجده كانت تسمع كلام منيره وابتسمت على تصرفها الحكيم مع هناء نور راحت لجدتها وهي تبكي : والله اسفه الجده تعرف ان نور تحب نواف بس متاكده انه حب طياشه :سامحتك بس لا تبكين نور ناظرتها وابتسمت وقامت حضنتها : الله لا يحرمني منك نواف كان واقف متسند على الباب ويناظرهم : خلصتوا الفيلم الهندي ؟؟! الكل ناظرو عند الباب نواف متكتف : ترا ما صارت من العصر وانتو على هالسالفه الماصخه حشى كانه عزاء ما يحتاج لها كل هالدراما ام نواف ناظرته : نواف ايش هالكلام؟؟ نواف ببرود : بروح انام عن اذنكم .. وطلع غرفته وهو حاقد على نور واسلوبها السخيف | ||||
|
| |
|
23-05-15, 09:59 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ## في المزرعه ### بدر تشقق من الوناسه وحس قلبه يرقص من كميه الفرحه الي نزلت عليه وحس انه بحلم ما وده يصحى منه : صدددددق فيصل مسك ايده بقوه وكانه شوي ويروح يضرب بدر لانه بياخذ اول حب له ضرب رجله على الارض بقوه ومشى فتح الباب بقوه ملاك كانت تراقب فيصل بكل حركه سواها ابتسمت وناظرت بدر : ايه صدق احبك كاخ لي لا اكثر وانا بعمري ما فكرت اني بكون حرمتك بدر مو مصدق الي يسمعه ابتدت ابتسامته تتلاشى والحزن بدا ظاهر على وجهه : ليه بس انا حبيتك وبنيت احلامي معك ملاك بحزن عليه : انا مابي اكون السبب في تحطيم احلامك بس لي سببي الخاص الي يخليني ارفض طلبك واتمنى انك تسامحني وانت بتلقى البنت الي تسعدك وتسعدها انت والنعم فيك والكل يشهد فيك وكل بنت تتمناك بس للاسف انت مو نصيبي لسبب خاص فيني بدر كان يسمع كلامها بالحرف الواحد وتكلم كانه طفل ضاعت منه لعبته: بس انا ابيك بكل اسبابك ما يهمني شيء ملاك ودها تبكي من كلامه : صدقني مو بايدي اوافق عليك وانا معتبرتك كاخ لي لا اكثر انا ما ودي اجرحك بكلامي انت ما تستاهل وانا ما استاهلك انت يبي لك وحده اعظم بدر احترم قرارها وابتسم بانكسار : وانا بكون اخ وسند وعون لك قدرالله وما شاء فعل وانتي مو من نصيبي واسف على كلامي الفض معك ملاك خلاص فيها الغصه من كلامه راحت بسرعه قبل لا تنفجر بكاء بدر ناظرها وهي تدخل وابتسم على حظه الي ما يبي يتعدل ( وانا لما فكرت احب يصير فيني كذا انا ايش خلاني ادخل بهالسالفه الي مامنها مخرج ) راح عند المسبح شاف فهد قاعد لحاله قعد جنبه ... عند فيصل ... دخل الغرفه وقفل الباب بالمفتاح وقعد على السرير ويتذكر كل شيء صار ( تدري انه فيه واحد يحبها وبيخطبها ؟.... انا احبك .... ايه تصير زوووووجته ... وابي اخطببببك ... احببببك ... زوجتتتته ... يحبها ويبي يخطبها .... انا احبببببببك .... وانا بعد احبببببببببببببك .... احببببك .... ايه صدددددق ... اخطببببك .. احببببببك ..بس كنت بقول لك ان بيخطبها ) مسك راسه بتعب وبصراخ : بببببببببببس اطلعوا من راسي خلاااااااص بسسسسسسسسس مابي افكر قعد ماسك راسه وكان يعيش حاله تصارع في افكاره ويتذكر كل كلمه كانوا يقولونها وكانها قاعده تحطم قلبه وزاد الطين بله لما ناظرته وتكلمت حس بهاللحظه الارض تنشق وتبلعه ولا يشوفها تقول لغيره احبك مع انه ما تجرأ وقال لها بمشاعره اوووه اقصد الي هو حتى ما اعترف لنفسه انه يحبها وكان يكابر لما يشوفها ويخترع الف سبب بس يتهاوش معها كل ما يغمض عيونه يتذكر نظراتها وابتسامتها وهي ترد عليه قلبه كان يشتعل من الغيره الي بعمره ما عاشها اخذ المخده وبعصبيه رماها على الباب : اكرررررهك ليه تدخلين حياتي اكرررررهك ## اليوم الثاني .. في امريكا ## فواز شاف مريم قاعده لحالها وسرحانه راح لها وقف جنبها قعد يتاملها لفتره وهي ولا حست عليه مريم كل همها بدفترها لا يكون طاح بايد طلال والي خايفه منه اكثر انه قراه كل شيء عنها وكل شي عن تفاصيل حياتها بهالدفتر ( اووووف هالدفتر سبب لي مصايب اكثر من مره انا ليه ما حرقته وافتكيت منه ليه كذا غبيه اووووف) صحت من سرحانها وحست بشخص واقف جنبها رفعت راسها له شافته ما شال عيونه عنها استغربت من نظراته الي شوي وتخترقها : فواز فواز حس على نفسه وببتسامه : عيون فواز مريم زهقت من تصرفاته الغبيه معها : فواز لو سمحت الزم حدودك مو يعني انا اسولف معك وانت تجي تمسخها فيه حدود لك لا تتجاوزها فواز انجرح من كلامها : بس مريم تقاطعه ووقفت :لا بس ولا ميو فواز فكرتك واصله لي من زمان بس انا متجاهلتها ومابي اتقبلها افهم عاد فواز فهم قصدها انها رافضته : ليه شفتي شيء مني ضايقك ؟؟ مريم تنهدت :ااااه مو مساله مضايقني ولا لا انا مو متقبله هالفكره وما ابيها وخلاص نقطه انتهى الموضوع .. ومشت وخلته فواز : انا الغبي الي رديت افكر فيها من جديد على حركه سوتها رد هالقلب ينبض بحبها بس بتندمين يا مريم $$$ في بيت ابو شوق $$$ طلعت من غرفتها راحت غرفت ابوها ما حصلته ردت نزلت تحت شافت امها قاعده :الحمدلله على السلامه متى رجعتي ام شوق : الله يسلمك ..بالليل شوق ناظرتها وبدون نفس :ان شاء الله يكون اخر مؤتمر لك ام شوق ناظرتها: فال الله ولا فالك شوق : وين ابوي ؟؟ ام شوق ناظرتها : وش شايفتني حارسه الشخصي شوق كل يوم امها تطيح من عينها اكثر :يمه ايش فيك هذا زوجك ام شوق ناظرتها : وشتبيني اسوي اقعد اساله وين رايح ووين جاي شوق سكتت ماتبي تدخل معها بجدال ناظرت جوالها وفتحته وارسلت مسج لراكان وبعدين قفلته وقعدت تناظر الـt.v بعد شوي ابوها دخل وقعد على الصوفا : السلام عليكم شوق وامها : وعليكم السلام ابو شوق ناظر زوجته : قومي جيبي لي ماي ام شوق مالها خلق تقوم وبصراخ : رووز جيبي لبابا ماي ابو شوق انصدم من حركتها : قلت لك انتي تقومي تجيبي انتي زوجتي مو روز شوق ناظرتهم بخوف ام شوق مو عاجبها اسلوبه:اووووف صاير عجوز ويتحلطم راحت وهي تتحلطم عليه جابت له المويه : اشرب ابو شوق اخذ منها القلاص ورماه بالارض : انتي يبي لك كسر مثل هالقلاص وهاليوم قرب يا هانم ام شوق ما اهتمت لكلامه ولا حرك فيها ساكن شوق مو مستوعبه الي امها تسويه ابو شوق دزها وصعد الغرفه $$ في بيت ابو مشعل $$$ رنا كانت تدرس لان الامتحانات قربت وقررت انها تشد حيلها ام مشعل شافتها راحت لها وقفت وهي متكتفه : اوووه من متى بنت الكافره تدرس ؟؟ رنا ولا كانها تسمعها ام مشعل شاتتها برجلها : لما اكلمك لا تتجاهليني فاهمه رنا ناظرتها : اووه انتي هنا تصدقي على بالي حشره تزن عند اذني ام مشعل استفزها كلامها سحبتها من شعرها : يا اللي ما تستحين مفكرتني ساكته عنك قمتي تاخذي راحتك هااااااه وربي لا اخليك تعيشين بعذاب طول عمرك رنا تتألم كانت تحاول تفك نفسها بس ما قدرت : اتركيني ام مشعل بعصبيه : ما شفتي وجهي على حقيقته يا رنوووه بس انا بعلمك من انا رنا نزلت دموعها تعلن عن شده المها : ابعدي عني ام مشعل ناظرتها ببتسامه : اووه طلعت دموع التماسيح نفس امك رنا دزتها بكل قوتها : امي ما تذكريها على لسانك القذر امي اشرف منك ومن الي خلفوك مشعل طلع من غرفته على كلامها جن جنونه من سمعها تقول على امه ذا الكلام راح وعطاها كف من قوته طاحت على الارض : يا قليله الادب انتي تتجرأين وتقولين كذا على امي يا بنت الكافره رنا حاولت تقوم مسحت دموعها بعنف : شفت كيف كلامي جرح مشاعرك ومشاعر امك وانت كل يوم تهيني انا وامي وساكته لكم ام مشعل : ليه ايش بتسوين مثلا ؟؟ مشعل مسك شعرها : لسانك اقصه لك ان عدتي هالكلام يا رنا رنا حاولت تفك نفسها من بين ايده بس ما قدرت : اتركني يالم ام مشعل ناظرتها بخبث : من اليوم ورايح مافيه شغاله انتي بتكونين الشغاله بدالها رنا بققت عيونها : مستحيييييييييل مشعل رماها على الارض وكله كره لها هي وابوها : غصبا عنك مو بالطيب وراح هو وامه وهم يضحكون رنا كانت تبكي بقهر على حالها الي ما تعرف ايش نهايته $$$ في المزرعه $$ سالم كان يبي يشوف ريناد باي طريقه بس كل مخططاته فشلت : اوووف وين تروح هذي شفت البنات كلهم الا هي كانت وراه وتسمع كلامه وفيها الضحكه: معقوله بهاليومين كنت تدورني سالم اول ما سمع حسها حس نبضات قلبه تزيد لف عليها وشاف وجها الي اشتاق له حيل : كنت ادور روحي الضايعه ريناد ضاعت علومها من كلامه : سالم سالم بحب : عيون سالم وروحه ونبضه ريناد خلاص وجها قلب الوان من الحيا سالم قرب منها : مو مصدق انك بتصيرين لي يا ريناد والله من 8 سنين وانا انتظر هاللحظه ريناد كانت تناظره ولا تكلمت بولا كلمه ريم طلعت من الغرفه شافتهم في اخر الممر بققت عيونها وركضت سحبت ريناد : مجانين لا كلش مو صاحيين انتو سالم خاف : من وين طلعتي انتي يا هادمه اللذات ريم ضيقت عيونها : يلا روح ما يصير تشوفون بعض للحين ما ملكتو سالم : بس شوي والله مشتاق لها حيل ريم حبت تحرجهم : بعدين بتكون معك على طول الحين مافيه ويلا روح لا اعلم عمي سالم ابتسم لما شاف وجه ريناد كيف صاير احمر من الخجل :لا لا كل شي ولا عمي ريم : ههههههههههههههه يلا روح سالم يناظر ريناد : باي يالحب ريناد استحت حيل وريم لفت عليها : هااااه تقابلينه من وراي ريناد : بس خلاص ريم : هههههههههههههه والله ما اخليكم بحالكم ... تحت .. الكل كانو مجتمعين لانه بعدين بيرجعون البيت فيصل كان يناظر بدر ويناظر ملاك بقهر ووده يقوم ويذبحهم ويفتك منهم راكان بيموت من قهره بسبب الرسايل الي توصله قرر انه يعرف من صاحب الرقم بس يرد من المزرعه ملاك تفكيرها كله بلي بتشوفه بكرا ومستغربه من وين يعرفها بس كانت تحس باحساس غريب ولاول مره تحس فيه (معقوله يكون عمي الي حكولي عنه ؟؟ بس ايش الي بيجيبه هنا ؟ انا لازم اقول حق ابوي لا لا اول لازم اقابله واعرف ايش يبي .. ليكون جاي ياخذني لا لا مابي اروح واتركهم مابي اعيش باقي حياتي بدونهم يا الله ايش هالحاله الي انا فيها ) ناظرت الكل شافتهم كل واحد يسولف مع الثاني وضحك ولعب طاح نظرها على فيصل شافته يناظرها طاحت دمعه على خدها خوفا انها تفقده وخوف اكبر انه يحتقرها بعد ما يعرف حقيقتها فيصل شاف دموعها استغرب ناظرها وعلامات التعجب على راسه (ليه تبكي ذي .. فوق شينها وقوات عينها .. امس تقهرني وتقول له قدامي احبك والحين تبكي بس يا ملاك انتي صرتي ولا شيء بالنسبه لي وطلعتك من حياتي .. على من تكذب يا فيصل والله انك تعلقت فيها اكثر وخاف انها تتزوج بدر وتموت انت بحسرتك ) صحى من تفكيره وشال نظره عنها ولا كانه مهتم وبداخله ميت قهر الا يبي يعرف ايش سالفتها على العصر الكل رد بيته ### في بيت ابو بندر ## س 10 بالليل مها ناظرت امل : متى صار هالشيء كله امل بتعب : لا تساليني احس اني مو في بيتنا مها : طيب وين بندر ؟ امل هزت كتوفها : ماعرف وين راح بس شكله مسافر مها بقهر: يا الله عونك سعود قعد : ايش فيها الحلوه تطلب العون ؟؟ مها ناظرته : وانت ساكت على الي صاير بالبيت ؟! سعود وما بيده حيله : ايش تبيني اسوي يا ما حالوت مع ابوي بس مو راضي يسمعني مها : لا حول ولا قوه سعود : ما عليك خليه يمكن يعتمد على نفسه ويرجع رجال ينشد فيه الظهر امل ابتسمت ابتسامه جانبيه :هههه كل الناس بتتعدل الا بندروه مها ناظرتها بحده : عيب هذا اخوك ما يصير تقولين عنه كذا سعود : توني مكلمه يقول انه سافر البحرين مها بققت عيونها : ايش راح يسوي هناك ؟؟ سعود : يقول مايبي يرد هنا وهو قاعد مع صديقه مها : يا الله قد ايش هو عنيد امل : قلت لك مها قامت : يا الله انا تاخرت على البيت لازم اروح امل بترجي : قعدي عندنا اليوم والله ملل مها : ما اقدر وقومي نامي وراك مدرسه امل : استغفر الله لازم تنكد الواحد سعود : قومي بوصلك مها : اوكي مشينا $$$ اليوم الثاني ... بالمدرسه$$ شوق شافت ساره راحت لها : اووه صايره مغبره يا سوير ساره ابتسمت : الله يشفيك يا مامه شوق تكتفت : كيف خطيبك معك هالايام ؟؟ ساره ما فهمت عليها : خطيبي !! شوق ناظرتها وبدلع: اوووه سوري اقصد زوجك رررراكان*رصت على الاسم * نسيت انكم ملكتو ساره انصدمت من كلامها من وين سمعت هالخبر تذكرت لما كانين يسولفين هي وندى على هالسالفه وناظرتها ببتسامه : من احسن ما يكون الله يخلينا لبعض شوق انقهرت : بس انا سمعت انه صار يكرهك مره ويبي يطلقك ساره شكت بالموضوع وناظرتها: لا حبيبتي قدمنا موعد العرس وبيكون لما نخلص المدرسه فلا تستانسين كثير دعاء كانت ماره وشافت الاحتكاك الي بينهن راحت سحبت ساره : عن اذنك يا حبوبه ابيها ضروري شوق ناظرتها وببتسامه : هههههه تفكرني غبيه وما اعرف ايش الي صاير معك والله انك هبلا ساره ناظرت دعاء : ايش فيك ؟؟ دعاء : اسمعي بنص الاسبوع انا عازمتك على مطعم تجين ؟؟ ساره انصدمت : مطعم ؟! دعاء : ايه اسالي امك واذا ما رضت انا بكلمها وبقنعها ساره تذكرت نواف : واخوك بيكون موجود ؟؟ دعاء استغربت : اي اخ ما عندي اخوان ههههههه من وين جبتي لي اخ ؟؟ ساره استغربت : ليه الي وصلني مو اخوك ؟؟ دعاء ضحكت : هههههههههه لا هذا ولد عمتي ساره انصدمت : فكرته اخوك تتشابهون وتعاملكم ويا بعض كانكم اخوه دعاء :ههههه لا احنا متربيين ويا بعض وهو اكثر من انه يكون اخوي هو ابوي وسندي وكل شي بالنسبه لي ساره ناظرتها: لهدرجه تحبينه ومتعلقه فيه ؟؟ دعاء ابتسمت : ايه واكثر من ما تتصورين وقعدت تحكي لها عنه وكيف يتعامل معها وكلامها يخلي ساره تتعلق فيه اكثر واكثر ما تعرف ليه تستانس لما تتكلم دعاء عنه وودها انها تتم تحكي عنه وما تسكت %% في الشكره %%% رمى الاوراق على الطاوله بتعب قعد يفتر بالكرسي وهو يفكر في ملاك : اااوه تعبت فهد دخل وشاف فيصل متسند على الكرسي ورامي الاوراق باهمال راح قعد وباستغراب : ايش فيك؟؟ فيصل: تعبان فهد خاف : فيك شيء ايش الي يعورك ؟؟ فيصل ما حس على نفسه : قلبي يعورني فهد ضاق صدره عليه : سلامت قلبك عسى فيني ولا فيك فيصل حط راسه على الطاوله : قلبي يالمني يا فهد تعبان يا خوك فهد مو مصدق انه كلامه بيسوي فيه كذا : فيصل قول وانا اخوك ايش الي مضايقك ؟؟ فيصل بهم : ملاك هي سبب ضيقتي فهد حس بتانيب ضمير لانه كذب عليه : ايش سوت لك البنت ؟؟ فيصل ناظره وعيونه حمراء وكانه ما ذاق طعم النوم ولا الراحه : تحب شخص غيري فهد انصدم من شكل فيصل : قوم روح البيت ارتاح شوف وجهك كيف صاير فيصل : ما تفيد الراحه دام القلب موجوع فهد خلاص مو قادر يتحمل شكله لاول مره يشوفه بهالضعف ( ايش سويتي له يا ملاك عشان تعلق فيك هالكثر ) : فيصل والله كلامي كان مزح محد بيخطبها كنت ابي اشوف ردت فعلك فيصل ابتسم ابتسامه جانبيه : هه هه انا شفتها بعيوني وهي تقول له انها تحبه وموافقه عليه فهد انصدم من كلامه : ايش قاعد تخربط ؟!! فيصل قام : هذي الحقيقه انا الغبي الي تعلقت فيها انا استاهل الي صار لي فهد قام يساعده لانه حس انه باي لحظه بيطيح : تعال نام شوف شكلك كيف صاير انت ارتاح وانا بكمل شغلك وشغلي فيصل اول ما انسدح على الصوفا نام وتم يهذي باسم ملاك وفهد متقطع قلبه عليه لاول مره بحياته يشوف فيصل كذا ويتكلم بهالضعف كانه يشوف شخص ثاني مو فيصل $$$ في الكوفي$$$مترجم ملاك كانت تناظر الساعه وتنتظره متى يجي : ههففففف تاخر ذا انا من قال لي اجي واسمع كلامه دخل الكوفي وقعد يناظر المكان اتصل عليها : اين انتي ؟؟... حسنا لقد رايتك قفل الجوال وتوجه لها وبهيئته الاجنبيه وملامحه الشقراء وقف وحط ايده على الكرسي : مرحبا ملاك رفعت راسها وما ودها ترفعه شافت ملامحه الشبيه لها بقوه تاكدت هنا انه عمها وبلسان ثقيل : تفضل بالجلوس سحب الكرسي وقعد : اعرفك انا ماكس ملاك تمت تناظره وما شالت عيونها عنه : ماذا تريد مني ؟؟ ماكس : انا اتيت الى هنا من اجلك انتي اتيت لاخذك وارجعك الى اهلك ملاك والي كانت خايفه منه صار : انا لا اريد الذهاب معك وانت واهلي لا تهموني اين انتم عني الفتره الماضيه ؟؟ ماكس ببتسامه : كنت احاول ان اقنع امي كي تتقبلك ملاك : لقد قلت لك لا اريد الذهاب معك وانتم لا تقربون لي باي صله اهلي هنا بالسعوديه اهلي هم من تعبوا بتربيتي وليس انت ومن معك ماكس بهدوء : ان لم تاتي سوف ينفضح امرك وستخسرين اهلك هنا وهناك ملاك ابتسمت : لن اخسر شيئا فانا اعلم جيدا ان الكل هنا يحبني ولن يتخلوا عني ماكس بدأ يعصب : اخبرتك بانك سوف تأتين معي ملاك بحده : نحن في بلد قانوني وانا تجاوزن السن القانوني ولي حريه الاختيار وانت لا سلطه لك علي هل فهمت ودزت الكرسي وطلعت من الكوفي وهي معصبه من الي صار ماكس قام ولحقها شافها بتركب السياره بسرعه ركض يبي يوقفها الا ............ خلص البارت 16 ... اترك لكم حريه التوقع ..... | ||||
|
| |
|
14-06-15, 06:57 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اعتذر اعتذر اعتذر على التأخير بس والله خلصت الاختبارات الاسبوع الي راح وكتبت لكم البارت وارد اعتذر مره ثانيه على التأخير ... اتمنى لكم قرأه ممتعه ... البارت 17 ماكس بدأ يعصب : اخبرتك بانك سوف تأتين معي ملاك بحده : نحن في بلد قانوني وانا تجاوزت السن القانوني ولي حريه الاختيار وانت لا سلطه لك علي هل فهمت ودزت الكرسي وطلعت من الكوفي وهي معصبه من الي صار كانت تمشي بخطوات سريعه ماكس قام ولحقها شافها بتركب السياره بسرعه ركض يبي يوقفها الا كومار يوقفه :ايش يبغى منه ؟؟! ماكس ما كان فاهم عليه دزه بقوه لين طاح على الارض: ابتعد عني وراح فتح الباب وسحب ملاك بقوه: آلا تفهمين ما اقول سوف تاتين معي ..وطلعها بقوه من السياره ملاك كانت تحاول تفك نفسها بس ما قدرت ناظرت حولها ما شافت احد المكان مره هادي كانه مهجور فقدت الامل :اتركني اهئ اهئ كومار قام من الارض وراح يحاول يفك ملاك من ايده بس عجز فجأة خطرت بباله فكره وعضه بقوه ماكس تألم من العضه وترك ملاك وللحين يحاول يفك نفسه من كومار: ماذا تفعل ابتعد عني !! ملاك ركضت للسياره وصارت تدور لما لقت عصى اخذتها بسرعه وضربت ماكس براسه بكل قوتها كومار ترك ماكس بصدمه وناظر ملاك : انتا ايش يسوي فيه ؟؟! ماكس حط يده على راسه وناظرها شاف انه ينزف ناظر ملاك : مااا ااذا فعلتي ؟! ملاك رمت العصى على الارض ومو مصدقه الي سوته كانت ترجع على وراء بخطوات بطيئه وثقيله وتحس رجولها مو قادره تشيلها :لا لا ايش سويت اهئ ماكس صار راسه يدور وطاح على الارض كومار قعد يحاول يصحيه بس ما فيه فايده ملاك قعدت على الارض وتبكي : اهههههئ قتلته لا ما مات اهئ قامت راحت السياره خذت شنطتها وطلعت الجوال واتصلت على ابوها بس طلع لها مقفل فقدت الامل وزاد خوفها اكثر ما عرفت ايش تسوي وهي تناظر ماكس مرمي على الارض والدم حوله *** في الجامعه ** راكان ناظر تركي وضربه بجبهته : الي ماخذ عقلك يتهني به تركي ابتسم ولف وجهه :يا زينه بس جاسم غمز له : اووووووه حركاااااااااااااااااااااا ااااااااااات تركي ناظره بنظره جانبيه : اقول تلايط بس سالم ضرب تركي بفخذه :وربي انه الي ماخذ عقله بنت والا ما يصير شكله كذا تركي راح لعالم ثاني : ويا زينها من بنت الشباب بصراخ : اوووووووووووووووووووووه حركات تركي بقق عيونه وحط يده على فمه (ايش خربطت انا الحين ما بيتركوني لحالي ) راكان غمز له : ليكون من بنات العيله وربي ما عندك ذوق اذا منهن سالم بهيام وشوق لريناد : وربي ما فيه احلا منهن جاسم ناظرهم : كانه مكاني غلط بينكم ههههههه راكان : ههههههههه شكله تركي قام : ارتاح انت وياه مو من بنات العيله سالم سحبه : اقعد وين رايح تتهرب منا تركي ( لا عزت الله تركوني اليوم ): بروح عندي محاضره راكان : ومن متى تهتم للمحاضره ؟؟ تركي قعد بتافف: اووووف وجع بس قفلو الموضوع سالم ضحك : ههههه وربي الحب جميل اسال مجرب راكان لف راسه :مالت عليكم وربي فاضيين جاسم : بالضبط $$$ في الشركه ### فهد كان قاعد يخلص الاوراق الي بايده رفع راسه شاف فيصل نايم انكسر خاطره عليه : من يصدق انت يا فيصل تطيح بشباك بنت وتخلي حالك كذا متدهور ولا من هالبنت الي كانت الذ اعداءك صدق لا قالوا ما يجي الحب الا من بعد عداوه فيصل كان يسمع كلام فهد ماحب يكون محل شفقه لاي احد بس هذا صار غصبا عنه ومو بارادته كل هالضعف سببته ملاك بكلامها ونظراتها الي كانت مثل الخناجر على قلبه .. سمع جواله يرن طنشه شاف للحين المتصل مصر ورن مره ومرتين وثلاث طلع جواله ورد بدون لا يشوف الاسم : مو فاضي لك اتصل بعدين كانت تبكي : اهئ اهئ فيصل استغرب وفتح عيونه وناظر الجوال شاف (حارق قلبي ) كان مسجل اسمها ملاك قلبي بس بعد الي صار غير اسمها .. نغزه قلبه من صوتها ومات رعب عليها : ايش صاير ؟؟ ملاك ببكاء : فيصل انا ذبحته اهئ اهئ فيصل طاح قلبه من سمع كلامها : ملاك ايش صاير وقفتي قلبي فهد سمع اسمها استغرب قام وراح له : ايش صاير .؟؟ ملاك ومو قادره تتكلم : ذبحته والله انا ذبحته فيصل جن جنونه وبعصبيه : ذبحتي من تكلمي فهد بقق عيونه ملاك خافت من نبره صوته وتندمت انها اتصلت له : هو ... فيصل قاطعها وبعصبيه اخذ شماغه وطلع بسرعه : انتي وينك جايك الحين ؟؟ ملاك ناظرت المكان مافيه ولا سياره حتى قطه او كلب مافيه مكان شبه خالي مافيه الا هالكوفي وكم بيت بعيد عنه شوي : انا في ....... فيصل استغرب ايش الي اخذها لهالمكان الي ع طريق سفر :جايك لا تتحركي من مكانك وقفل الجوال وركب السياره وساق باسرع ما عنده وقلبه بيوقف من كلامها %%% في امريكا %%% غلا ناظرن الساعه : مريوم بسرعه ترا مره تاخرنا مريم متردده : طيب بس غلا استغربت ايش صاير لها : ايش فيك كذا ؟ مريم بترجي : بليز الله يخليك وربي اني احبك واموت فيك غلا ما فهمت عليها شيء: خير يابوي ايش تبين ؟؟ مريم تناظرها بترجي : بليز ابيك تروحين تجيبين ملخصات من عند الدكتور طلال هو قال نروح له المكتب وناخذ غلا كتفت ايدينها : اشتغل عندك تبين الشيء روحي له انتي مريم عصبت من اسلوبها : صدق ما منك فايده بس اختي على الفاضي غلا تهز رجلها :بسرعه روحي خذي الي تبيه مريم عطتها اغراضها : انتظريني هنا غلا : طيب بس بسرعه راحت وهي معصبه عليه :يعني لازم يتدلع خايف على ايده لا تنكسر وهو ماخذ الاوراق وصلت وطقت الباب بعدها دخلت قبل لا تسمع رده طلال اول ما شافها انصدم وبسرعه قفل الي بايده :خير ايش عندك ؟؟ مريم ناظرته باستغراب ليه متوتر وحركاته غريبه : جايه اخذ الملخصات طلال حاول يكون طبيعي : اها اخذي لك من الطاوله الي جنبك وطلعي برا مريم (هففف استغفرالله ذا متى بيغير اسلوبه ) تكلمت بقهر : ترا ما اكل بشر واخذت الاوراق بعصبيه وطلعت وهي متنرفزه من اسلوبه وقفلت الباب وراها بعصبيه : وجع حسسني محد مثله بلا بشكلك ... راحت لغلا وبعدين طلعين من الجامعه طلال اول ما قفلت الباب ارتاح :اوووووووه الحمدلله ما شافت شيء ناظر الدفتر وهو للحين ما قرا منه ولا شيء بس عارف انه لها وتذكرها لما كانت تدور عليه اخذه وحطه بالشنطه ورتب المكان وطلع %%% عند ملاك %%% ملاك تحس حالها بتجن من المنظر الي قدامها والدم الي حول ماكس خلاص حست حياتها بتوقف هنا كانت تتلفت وعيونها كلها دموع شافت سياره جايه استانست وارتعبت بنفس الوقت فيصل وصل وشافها واقفه بسرعه نزل من السياره وراح لها : ايش صاير ؟؟ ملاك ناظرته بخوف واشرت على ماكس فيصل لف على المكان الي تاشر عليه وشاف ماكس مرمي على الارض ارتعب من منظره بسرعه راح له مسك ايده شاف للحين فيه نبض بسرعه شاله وركبه السياره : اركبي بسرعه لا يموت الرجال ملاك مو قادره تتحرك كانت تناظر كيف ثوب فيصل صار كله دم فيصل ركب ماكس وناظر كومار انت روح بسيارتي وانتي اركبي بسرعه ملاك ركبت السياره وفيصل بسرعه تحرك لاقرب مستشفى ووصل لقسم الطوارئ وبسرعه دخلو ماكس غرفه العمليات وملاك وفيصل انتظرو برا $$ في الشركه $$$ فهد كان يتصل على فيصل بس ما يرد عليه : ايش فيه ذا ياربي ايش صاير معهم اوووف بتصل عليه مره ثانيه فهد بعصبيه : واخيرا رديت فيصل بتعب ومو عارف ايش يتكلم : شنو بعد ؟؟ فهد : انا خايف عليكم وقلبي بيوقف وانت بذا البرود ايش صاير طمني ؟؟ فيصل ناظر ملاك كيف تبكي وخايفه : مافيه شي بعدين اقول لك فهد ما كان مرتاح من كلامه : طيب فيصل : يلا باي فهد قفل الجوال وباستغراب : هي تقول ذبحته ومادري شنو وهذا يقول مافيه شيء ياربي ايش هذا مخبي علي $$ في بيت ابو بدر $$ س 12 الظهر دخل بدر شاف امه قاعدة راح سلم عليها :السلام عليكم ام بدر : هلا وعليكم السلام بدر ناظر المكان واستغرب : ايش صاير البيت هدوء؟؟ ام بدر ابتسمت :ايه البزران نايمين عشان كذا هدوء بدر استغرب :اي بزران ؟؟ ام بدر ناظرته : بزرانك بدر عرف ان امه تستهبل عليه :هههههههههههههه والله صدقت ام بدر :مدري فيك طول عمره بيتنا هدوء بدر : للحين سالم ما جاء ؟؟ سالم قفل الباب : كاني سمعت اسمي والا يتهيأ لي بدر : لا يتهيأ لك سالم باس راس امه وقعد : هه هه سخيف ما تضحك بدر رما عليه المخده : موب لازم تضحك ام بدر ناظرتهم : اشوف بدأ الحرب بدر وسالم : ههههههههههههههههههههههههه بدر ناظره : ياخي متى بتتزوج ابي ارقص سالم ابتسم : هانت مابقى الا القليل ام بدر ناظرته : الفال لك بدر تذكر ملاك ( كان بيصير لي الفال بس هالفال ضاع والله يوفقها مع الي بيصير نصيبها) : يا الغاليه ليكون فيه وحده في بالك وساكته سالم غمز له : يعني تبي تتزوج ؟؟ ام بدر : ايه والله فيه بس انت وافق بدر تحمس يعرف من هي : ومن ذي سعيده الحظ ؟؟ ام بدر : عنود بنت خالك بدر انصدم :عنووود ما غيرها!!؟ سالم فقع ضحك : هههههههههه حرام عليك يمه ظلمتيه ام بدر استغربت : وليه اظلمه ؟؟! بدر بقق عيونه على كلام امه : يمه ايش فيك هذي اكبر مني وين اخذها ولسانها اطول من شارع الرياض > التشبيه حطمني هههههه سالم : هههههههههههههههه خلاص تم زوجيه اياها بدر رفع حاجبه : والله لو ما بقى احد غيرها ما تزوجتها ام بدر تكتفت وقعدت تناظرهم : خلصتوا ولا بعدكم سالم ابتسم : لا لا خلصنا بدر قام : اقوم احسن لي لا اجن ام بدر وسالم فقعوا ضحك عليه :هههههههههههههههههههههههه� �ههه ## في المستشفى ### ملاك مو قادره تنسى الي صار والرعب مالي قلبها كانت حاطه ايدها على فمها وماسكه شهقاتها لا تطلع ومنزله راسها وتبكي بصمت فيصل كان يناظرها وقلبه يتقطع عليها وعلى حالتها شاف لو تقعد هنا دقيقه بتتعب اكثر راح وقعد جنبها وحط يده على كتفها بتردد : آآ آآ ملاك ملاك ناظرته وعينها صايره حمراء من كثر البكى فيصل بهدوء : انتي ليه سويتي كذا ؟ ومن هذا الرجال من شكله مو عربي ؟؟ ملاك نزلت راسها وماتت من الرعب خلاص حقيقتها بتنفضح ونظرات فيصل لها بتتغير : آآ آ آآ لانه كان يعاكسني فيصل ما دخل كلامها مخه : وتسوين كذا ؟ طيب ايش الي اخذك لهالمكان ؟؟ ملاك ما عرفت ايش تقول : لانه لااانه .. وسكتت فيصل بحزم: لانه شنو ؟؟! ملاك ببكئ وصوت مبحوح : كان يهددني فيصل انصدم ورفع راسها : يهددك بشنو ؟؟؟ تكلمي ملاك ناظرت الخوف الي بعيونه وشالت نظرها عنه وصارت تحكي له كل شيء من اول ما عرفت انها مو بنتهم للحادثه الي صارت اليوم فيصل كان يسمع كلامها وكانه مويه بارده انكبت عليه ما كان مصدق الي يسمعه كان يتمنى انه في حلم ووده يصحى منه ملاك ناظرته ووجها كله دموع شافت ردت فعل فيصل كانت جامده مره وملامحه ما يبين عليها الرضى : انا بعد عشت بكذبه ولازلت عايشتها ومعك حق انت وباقي العيله ما تتقبلوني كبنت لكم فيصل كان يطالعها وهي تتكلم ولا اراديا رفع يده وحطها على فمها : وقفي هالكلام السخيف ملاك تجمدت من حركته وبسرعه شالت يده : هذا الواقع فيصل كان عامي قلبه حبها وبعصبيه ناظرها : مهما كان هالواقع انا بغيره وانتي عشتي وتربيتي بيننا وصرتي مننا وفينا وما فيه كلام غير ذا وبتبقين بينا ومحد بيلمس شعره منك فاااهمه وقام ملاك كانت حيل منصدمه من ردت فعله وما توقعته بيقول هالكلام كانت تناظره وكل يوم عن يوم يكبر بعينها طلع الدكتور وفيصل وملاك بسرعه راحوا له : بشر يا دكتور ؟! الدكتور ووجهه ما يبشر بالخير : المريض تعرض لضربه قويه بالراس وهذا اثر على دماغه والحمدلله ما صار له نزيف داخلي كان فقدنا المريض فيصل زعل عليه بس ارتاح انه ما مات : طيب ما فيه خطورة على حياته ؟؟ الدكتور : بالساعات الجايه بنعرف التأثيرات السلبيه ملاك كانت خايفه وميته رعب لانه للحين عايش واكيد بينتقم منها بطريقه اقوى مسكت ايد فيصل بخوف وشدت عليها فيصل حس بكهرباء يمشي بعروقه من مسكت ايدها ناظرها ورد ناظر الدكتور : نقدر نشوفه ؟؟ الدكتور : لا حالته ما تسمح .. المحقق بيجي عشان يحقق بالموضوع ملاك تغيرت ملامح وجها من سمعت كلامه وحست حياتها بتوقف هنا فيصل : طيب مشكور الدكتور راح وفيصل لف على ملاك شافها خايفه : اسمعي انتي روحي البيت وارتاحي وانا بحل الموضوع ملاك بعناد : لا بقعد هنا فيصل ماسك اعصابه : انا قلت لك روحي ملاك بعناد اكثر: بس فيصل يقاطعها وبعصبيه : قلت لك روحي البيت تفهمي ولا لا ملاك خافت منه : طيب طيب بروح فيصل : ايه كذا اسمعي الكلام ويلا روحي وتصرفي طبيعي ملاك اخذت شنطتها وطلعت وهي تناظره ما تبي تروح فيصل راح قعد بالانتظار وحط ايده على راسه بتعب : يا الله ايش هالمصايب الي تنزل علي مره وحده شوي الا العسكري جاء : فيصل الـ... فيصل رفع راسه : ايه نعم العسكري : قوم معنا فيصل ما عنده اي اعتراض وقام وراح معهم @@@ في بيت ابو ملاك @@ دخلت البيت شافت امها وابوها قاعدين توترت اكثر راحت سلمت عليهم : السلام عليكم الكل :وعليكم السلام ام ملاك :ليه تاخرتي نتصل عليك ما تردي ؟؟ ملاك توقهت ما تعرف شتقول لهم : آ آ كان عندي محاضره متاخر وكنت حاطته سايلنت ابو ملاك : طيب روحي غيري ثيابك وتعالي نتغدا مع بعض ملاك : لا مالي نفس تعبانه ام ملاك بخوف : ايش يعورك قومي نوديك المستشفى ملاك بحزن ( يا ليت تعب جسدي لا هذا تعب روحي وهالتعب ذبحني ): لا ما يحتاج برتاح وبصير احسن ابو ملاك ابتسم : خليها براحتها طيب يا عيون ابوك روحي ارتاحي وبعدين قومي واكلي لك لقمه ملاك ابتسمت ابتسامه مجامله وطلعت غرفتها اول ما دخلت قفلت الباب وقعدت على الارض تبكي بحرقه : اهههئ اههئ انا ايش الي سويته ### عند فيصل ## العسكري ناظر فيصل : ممكن اعرف ايش هالتصرفات الطايشه ؟؟ فيصل كان ساكت وما تكلم العسكري : طبعا ما عندك رد الرجال حالته خطيره وانت ولا على بالك فيصل ناظره : انا دافعت عن نفسي العسكري ضرب على الطاوله بقوه : حقك تاخذه منا احنا مو تاخذ حقك بايدك .. احنا بنحجزك فيصل رفع راسه بصدمه : شنو؟؟ العسكري : الي سمعته الناس مو لعبه بايدك ولازم تتحمل نتايج افعالك فيصل كان بيتكلم الا العسكري قاطعه وبصوت مرتفع : ياااااا عسكري العسكري دخل 2 : امرك سيدي العسكري 1: اخذه وده الحجز فيصل كان يناظره وهو منصدم :طيب عادي اتكلم بالجوال وبعدين اخذني العسكري 1: طيب معك دقيقتين فيصل اتصل على فهد وقال له انه الشرطه بتحجزه عشان يتصرف وبعدين اخذوه وودوه الحجز ## في بيت ابو فهد ## فهد قفل الجوال وهو مو مستوعبه الي يسمعه بسرعه اخذ مفتاح سيارته ونزل البندري كانت رايح غرفتها الا تشوفه نازل مستعجل : وين وين ؟؟ فهد مو فاضي لها : ابعدي عني مو وقتك البندري على بالها نفس كل مره مسكته من خصره ومو مخليته يتحرك : لا يا حبيبي مافيه روحه مكان رجلي على رجلك فهد خلاص وصلت معه : البندري اتركيني وربي مو وقتك البندري بعناد : كله تقول كذا ايش الجديد ؟! فهد بصراخ دزاها : غبيه ما تفهمي اقول لك ابعدي تعاندي اكثر.. وبسرعه طلع البندري تألمت من الطيحه وكانت منصدمه منه ما توقعت بتكون ردت فعله كذا : وجع ياخذك قول امين دانه شافتها استغربت : هييه انتي ليه قاعده عندك ؟؟ البندري رفعت راسها : وانتي ايش دخلك لازم تتليقف دانه : الله يهديك بس البندري قامت وهي تتألم راحت غرفتها : حسبي الله عليك وعلى الي يمزح معك وشذا القساوه الي فيه حشى كأني مو اخته ## في بيت ابو مشعل ## رنا خلاص انهد حيلها وهي تغسل المواعين خذت استراحه شوي الا ام مشعل واقفه وتناظرها وهي متكتفه : بسرعه خلصي من المواعين وراك البيت تنظفينه رنا بققت عيونها : نععععععععععععم !! ام مشعل مسكته من شعرها : الي سمعتيه قلت لك ميت مره صوتك ما ترفعينه علي رنا كانت تدزها : بعدي عني جعل لك الكسر ام مشعل رمتها على الارض : كسر براسك يا الي ما تستحين قومي كملي شغلك رنا تألمت من الطيحه وقعدت تتدعى عليها : يا عساك بالماحي ام مشعل سمعتها : الي يمحيك من قدامي قومي رنا قامت بقهر ما تقدر تسوي شيء واذا ام مشعل قالت لمشعل بيزيد الطين بله وبتنطق اكثر فبلعت قهرها وكملت الشغل ### عند فيصل ### فهد بقق عيونه : مو صاحي تتحمل شيء انت ما سويته فيصل انصدم من كلام فهد : مجنون انت هذي بنت عمي مستحيل اخليها تدخل مراكز شرطه وسجون فهد ناظره : بنت عمك والا شيء ثاني ؟! فيصل لف راسه بحزن : الي هو كله واحد فهد مسك ايده : لا مو واحد هي فضلت واحد ثاني عليك وانت تطيح بمشاكل بسبتها وهي عايفتك اجل لو تبيك ايش بتسوي فيصل ما حب السيره الي يتكلمون فيها : فهد لا تقلب المواجع مهما كان انا حبيتها وعذبتها وانا بهالشيء اعتذر منها فهد هز راسه بيأس منه : والله انك غبي الي ما يبيك لا تبيه فيصل غير الموضوع : اسمع انا ما اقدر اقعد بهالمكان اكثر من كذا ابي اطلع فهد بحزن : يقول العسكري ما تقدر تطلع لين يقوم من الغيبوبه فيصل بقق عيونه : غيبوبه ؟؟! فهد : ايه الفحوصات طلعت والرجال من قوه الضربه دخل بغيبوبه فيصل تكدر وحس بضيق بصدره ( لعيونك يا ملاك اتحمل هالمكان وقذارته بس يا ليت ما تجازيني بجفا وبرود ) : الله يخليك تصرف طلعني بوساطه اي شيء فهد بضيق عليه : ان شاء الله بحاول لا تخاف انا معك فيصل حضنه بقوه وحمد ربه ان عنده اخو وسند له : مشكور الله لا يحرمني منك فهد بادله الحضن : ولا منك يلا انا بروح لانه خلص وقت الزياره وان شاء الله كل يوم بجي اشوفك فيصل : للحين اهلي ما يعرفون ؟؟ فهد : لا انا بكلمهم بس اطلع من هنا ولا تخاف بتطلع باقرب وقت فيصل نزل راسه بحزن : ان شاء الله فهد ودعه وراح لبيت عمه $$$ في بيت ابو نواف $$$س 9 باليل كان قاعد ويتفرج على الـt.v وميت ضحك : هههههههههههههه نور طلعت على صوت ضحكته شافته يطالع وشكله مستانس راح قعدت مقابله : نواف نواف مطنشها ولا كأنها موجوده : ههههههههههههه كفو رجال ابن رجال نور بتموت من القهر : نوووواف نواف ناظرها بملل : تناديني ؟؟! نور : ايه وفيه احد غيرك هنا ؟ نواف بغباء: ايه انتي نور بنفاذ صبر : نواف لا تستهبل والله مو وقته نواف رفع حاجبه : خير ايش تبين صار لك ساعه صارعه راسي ؟ نور شوي وتبكي : نواف لا تكلمني بذا الاسلوب نواف : هذا الاسلوب اقل من جزاك نور نزلت دمعتها : انا اعتذرت منك ليه كذا راسك يابس نواف قام ورمى الرموت على الصوفا : وانا قلت لك اعتذارك خليه لك عشان تتعليمن كيف تكذبين نور مسكت ايده : والله ما كنت اعرف بيصير كذا نواف عصب : كنتي مفكره بيجون ويباركون لنا طول عمرك بتظلين غبيه .. وسحب ايده بقوه نور : اههههئ نواااااف والله اسفه نواف وقف وناظرها : روحي اعتذري من دعاء اذا سامحتك انا بفكر اني اسامحك غير ذا الحل ما عندك نور انصدمت من كلامه : بس نواف قاطعها : قلت لك ذا الحل الي قدامك وراح غرفته وقفل الباب بقوه نور كانت تفكر بكلامه : ما اقدر اعتذر منها هالخايسه اكيد سهى مشوشتها علي عشان كذا تعاملها تغير معي وصارت ضدي بس لازم اتصنع قدام نواف واخليه يسامحني ويرد نفس قبل ### في بيت ابو فيصل ### ام فيصل رايحه جايه وتناظر من الدريشه تشوف اذا فيصل جاء والا لا : وينه هالولد ريم : يمه قعدي ايش فيك يمكن مع اخوياه ام فيصل : شنو مع اخوياه لهالوقت حتى بعد الشغل ما جاء البيت ساره : يمه لا تخافين تشوفينه يضحك ومستانس وانتي هنا تحاتين وقلقه عليه ام فيصل : انتي سكتي كلامك ما منه فايده علي ببرود : اكيد ابوي حاجزه لانه سوا شيء يعني ما تعرفين ابوي لما يعاقبه ام فيصل بتفقد اعصابها من كلامهم : لو معاقبه كان اتصل لي وخلاني اقول لابوه يتركه ريم قامت وجابت لامها ماي : يمه اشربي هالمويه واهدئي بيجي هو مو صغير ابو فيصل دخل شاف الكل مجتمع : السلام عليكم الكل : وعليكم السلام وقاموا باسوا راس ابوهم ام فيصل بلهفه : فيصل برا ؟؟! ابو فيصل استغرب : لا ليه ما رجع للحين ؟؟ ام فيصل بدت تبكي : لا وين راح ؟؟ ابو فيصل راح لها ويهديها : اكيد مع اخوياه او مع فهد الجرس كان ينطق ام فيصل بسرعه قامت على بالها فيصل وفتحت الباب بلهفه : فيصـــ فهد : هلا عمتي ام فيصل : هلا والله وين فيصل مو معك ؟؟ فهد : ممكن ادخل ام فيصل تفشلت : حياك تفضل فهد دخل وشاف ساره وريم قاعدات بدون حجاب لف وجهه ساره وريم قامين بسرعه وراحين المطبخ فهد سلم على عمه وقعد : انا توني راجع من عند فيصل ام فيصل : ليه وينه فيه ؟؟ فهد سكت مو عارف كيف يبتدي : فيصل تضارب مع واحد ام فيصل ضربت صدرها : يمه ولدي ابو فيصل استغرب : شنو ؟؟ فهد : الله يخليكم خلوني اكمل ام فيصل بخوف : وينه ؟؟ فهد : فيصل ضرب واحد براسه والرجال صارت لها اعراض سلبيه واثرت على حياته وهو الحين داخل بغيبوبه وفيصل بالحجز ام فيصل بصراخ : لااااا مستحيل ابو فيصل بعصبيه : وليه ايش صار ؟؟ فهد : الله يخليكم تفهموا الوضع الرجال مو قادر يتحمل المكان الي هو فيه ابو فيصل مو مصدق ان فيصل يسوي كذا : خله يستاهل ام فيصل ناظرت بصدمه : هذا ولدك ابو فيصل قام : قوم يا فهد ابي اشوف الرجال فهد نزل راسه : اهدا يا عمي وقت الزياره خلص علي قام وراح للبنات وقال لهن ابو فيصل حط ايده على راسه بهم : تصرفاته هالايام طفوليه مو مصدق هذا فيصل ام فيصل : خذني له ابي اشوفه فهد : ما ينفع الحين بكره ابو فيصل : انا لازم اطلعه من هالورطه والا بتتشوه سمعته بين الناس فهد : انا بشوف واسطات من عندي وبحاول بكل جهدي اساعده ابو فيصل ابتسم : مشكور يا ولدي رجال ولد رجال فهد ابتسم : لا يا عمي هذا اخوي ولازم اوقف معه .. انا لازم اروح الحين وبكرا بمر لكم ونروح نشوفه ام فيصل : الله معك فهد كان بيطلع الا لمح ريم طالعه غرفتها (انا ايش قاعد اطالع ) استغفر ربه وطلع ### في بيت ابو فهد ### دخل شاف دانه مندمجه ولا انتبهت لدخوله مشى بهدوء لين وصل عند اذنها صرخ : بوووووووووووووو دانه ارتعبت وضربته بقوه : وجع خوفتني فهد فقع ضحك : هههههههههههههههههههه دانه استغربت ايش فيه يستهبل ناظرته وهي عاقده حواجبها : غريبه تضحك ؟؟! فهد كان يبي ينسي نفسه الي صار مع فيصل وملاك تذكرهم وتكدر دانه خافت ليكون زعل منها : وربي اسفه ما كنت اقصد شيء فهد ابتسم : غبيه .. انا بروح غرفتي دانه مو فاهمه شي مره وحده يضحك وفجأه يزعل هزت راسها بايجابيه وما تكلمت فهد طلع كان بيدخل غرفته شاف البندري قاعده تدرس بالصاله استغرب راح لها : غريبه تدرسين من يصدق هذي انتي ؟؟ البندري ولا كأنها تسمعه وما شالت عيونها عن الكتاب فهد استغرب وقعد جنبها : ايش فيها الحلوه زعلانه ؟؟ البندري ناظرته وهي رافعه حاجبها : يا البريء انت فهد عقد حواجبه : ايش فيك تتكلمين بالغاز ؟؟ البندري قامت وهي معصبه : ابعد عني والي يرحم والديك فهد ناظرها بذهول اول مره تتكلم معه كذا راكان شافها : بنو تعبت وانا ادورك جيبي لي شاحنك البندري ناظرته بطرف عيونها : ابعد عني انت الثاني . ودخلت الغرفه وقفلت الباب بقوه راكان استغرب ناظر فهد : ايش فيها ذي؟؟ فهد هز كتفه : علمي علمك راكان بتأفف: يا الله ايش هالخوات حشى اعداء وقاعدين بحرب فهد قام : هههههههههه زين يسوون فيك راكان هز كتوفه وصار يكلم نفسه مثل الاهبل : انا الغبي الي اعطيكم وجه والا انتو مو كفو مالت عليكم من اخوان شاحن ما تقدرون تعطوني جعل ينحرقين > هههه كل هذا عشان الشاحن ### في بيت ابو ملاك ### كانت مرره متوتره وتبي تعرف ايش صار معه تتصل عليه ويطلع لها مقفل : اووووف شبلاه ذا مقفل جواله ياربي بموت من القهر ابي اعرف ايش صاير ام ملاك طقت الباب ودخلت : شخبارها الحلوه الحين ؟؟ ملاك ناظرت امها : بخير يمه بخير ام ملاك حست انها متضايقه دخلت وقفلت الباب وراها وراحت قعدت قدام ملاك : ايش فيك كذا مو على بعضك صاير معك شي ؟ احد مضايقك؟؟ ملاك توهقت ما عرفت ايش تقول لها : لا لا يمه ايش بيكون صاير ام ملاك : بس انا قاعده اشوفك مو على بعضك اليوم ملاك بترقيعه : ضغوط الدراسه وانتي عارفه انه الحين اخر الكورس ام ملاك اقتنعت بكلامها : ايه شدي حيلك ..وقامت .. انا الحين بروح انام وانتي بعد نامي تاخر الوقت ملاك ابتسمت : ان شاء الله الحين بنام ام ملاك طلعت وقفلت الباب وراها ملاك ناظرت الجوال واتصلت مره ثانيه بعد طلع لها مقفل : يا ربي انا مالي الا فهد اتصلت عليه وبعد فتره رد عليها :الو فهد باستغراب : هلا غريبه متصله ؟! ملاك حست نفسها ثقيله عليه : اسفه بس كنت ابي اتطمن على فيصل فهد منقهر منها حيل ومن تصرفاتها مع فيصل وهي سبب في المشكله الي هو فيها : صار الي تبينه يا انسه ملاك ملاك استغربت نبره صوته وطريقه كلامه : ايش تقصد بالي ابيه ؟ فهد : نيتك تطيحين فيصل بهالمشكله هذا هو صار الي تبينه وهو في الحجز وهذا كله بسببك ملاك انصدمت من كلامه : فيصل بالحجز ؟؟ فهد بعصبيه : لا تمثلين انك منصدمه وخايفه عليه تراك واضحه بالنسبه لي ما يحتاج كل هالدراما ملاك بحزن وضاق صدرها زياده من سمعت كلامه : حرام عليك انت قاعد تظلمني فهد باسلوب بنرفز : طيب طيب باي وقفل الخط بوجها ملاك ما هقت فهد يقول لها كذا رمت الجوال على السرير بقهر : ايش فيه ذا ايش شايفني .. سكتت شوي وتذكرت فيصل .. ياربي انا ايش سويت مسكت راسها بتعب مو قادره تنام ولا تفكر بالمصايب الي تهل على راسها مثل المطر > بصراحه خوش تشبيه هههههه بس خلاص بكمل . . . يتبع ... | ||||
|
| |
|
14-06-15, 06:57 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع . . . ### اليوم الثاني ... في بيت ابو فيصل ### ام فيصل بملل ونفاذ صبر : يا ساره قومي تاخرتي على المدرسه ساره تغطت بالبطانيه : مامه مابي اروح اليوم ام فيصل : قلت قومي مافيه غياب ساره شالت الغطا عنها : يمه ابي اروح معكم ابي اشوف فيصل ام فيصل رفعت حواجبها : قلت لا مافيه غياب وفيصل لاحقه عليه ساره عدلت قعدتها وتخصرت : لا والله شمعنى ريم تروح وانا لا هاااااااااااااااااااااااا اه ام فيصل حطت ايدها على فم ساره : وجع وجع ياخذ العدو طيب قومي تجهزي شوي ونروح ساره ابتسمت بنصر : ايوه كذا يمشي معكم ام فيصل هزت راسها بيأس منها وطلعت :لا تتاخري ساره بصراخ : طييييييييييييييييب .. قامت بسرعه وغيرت ثيابها ولبست العبايه وطلعت : انا جاهزه ابو فيصل بقق عيونه : على وين انتي وياها ؟؟ ريم : بنجي نشوف فيصل ابو فيصل : طبعا لا يلا كل وحده على مدرستها ساره وشوي وتبكي : بابه الله يخليك نبي نشوفه ريم بترجي : بلييييييييييز بابه ام فيصل : خلاص خليهم يجون ابو فيصل استسلم للامر الواقع : طيب يلا قومين ### في بيت ابو مشعل ## رنا بسرعه طلعت من غرفتها وتناظر الساعه : يوووه تاخرت وربي بتلعن خيري هالعله ام مشعل شافتها بتطلع قامت بسرعه وقفلت الباب : على وين ان شاء الله ؟؟ رنا بققت عيونها : خير ايش صاير ؟؟ ام مشعل متخصره : وين رايحه ؟؟ رنا انقهرت من حركتها ابتسمت بخبث : رايحه مع حبيبي بنفطر مع بعض حياك معنا والا اقول لك لا تجين اخاف يغص وهو ياكل من شوفتك ويموت ام مشعل عصبت من كلامها : وقص للسانك هذا القذر رنا ابتسمت بنصر انها قهرتها (وربي لا اخليك تكرهين حياتك يا السحليه بس انتظريني وانا بخليك تشوفين من هي رنا ): ليه ليه هالكلام الي ماله داعي ام مشعل عصبت منها : ادخلي داخل وطلعه من البيت مافيه تفهمين رنا ناظرت الساعه : ترا ما العب معك تاخرت على المدرسه ام مشعل رفعت حاجبها : مدرسه مافيه خلاص مدرستك هي المطبخ رنا ابتسمت بسخريه : هه هه ضحكتيني والله على بالك بسكت لك لا يا عيوني .. وقربت منها وبعدتها عن الباب . ابعدي بس قبل لا تشوفين شي عمرك ما شفتيه ام مشعل مبققه عيونها منصدمه من رنا كيف جاتها القوه انها تواجها : تتحدين يا بنت الكافره رنا فتحت الباب : هه هه اعلى ما بخيلك اركبيه يا المسلمه ام مشعل كانت واقفه بحاله ذهول وتناظرها بتوعد: هين انا ارويك بس تردين رنا طلعت شافت الباص ينتظر بسرعه راحت قربت منه الا يروح بسرعه ركضت وراه بس مافيه فايده : وجع ياخذك انت الثاني ايش هالحظ كله من المسلمه حقنا الي بالبيت .. ما حست على نفسها انها واقفه بنص الشارع كان يضرب هرن عشان تبعد بس ولا هزها ساكن : مجنونه هذي تبي تموت رنا لفت شافت سياره واقفه وصرعت راسها بالهرن : وانت الثالث وجع في اذونك اول واحد عنده سياره وانا ما اعرف .. راحت له وهي معصبه ........ ### في الجامعه ## ريناد باستغراب : وين ريم وملاك ؟؟ دانه : يمكن عندهن اوف ريناد : تستغبين كيف عندهن اوف وريم معاي بنفس القسم دانه ضربت جبهتها بخفه : هههههه تصدقين نسيت ريناد : والله يا خوفي تكوني ناسيه نفسك دانه هزت راسها بالنفي : لا لا نسيت روحي بالبيت ريناد وشوي وتبكي من سخافتها : يا الله على هالسخافه من الصبح دانه تناظرها بنص عين : ايه اصلا انتي ما قام يملي عينك شيء صار سويلم كل شيء زين بعينك يا الخاينه ريناد رمت عليها الكتاب : سويلم بعينك يا معفنه دانه ضحكت : ههههههههههههه تدافع عنه ريناد لفت راسها : اسكتي صرعتي راسي دانه شافت شكلها وفقعت ضحك : ههههههههههههههههههههههههه ههههه ريناد بقهر : وينك يا ريم يا الخايسه اهئ دانه ما قدرت تمسك نفسها : ههههههههههههههههههههه ريناد : بسسسسسسسسسس بسسسس ### عند رنا ### راحت تبي تواجه الي بالسياره وتلعن خيره ضربت الزجاج الي مظلل وما يبان منه شيء : افتح يا الواااو انت كان منصدم ومو مصدق الي تشوفه عيونه كان يحك عيونه على باله انه تحت تأثير النوم فتح الزجاج وهو في حاله ذهول رنا بدون لا تناظر الي داخل وكانت تتكلم بسرعه وتأشر بايدها : انت ايش فيك تضرب هرن هاااه مو كافي حصلت محاضره من صباح الله خير ولا وفوق هذا راح عني الباص وانت بكل برود جاي وتزعج مخي بهرنك السخيف كان يناظرها وهي تتكلم ويراقب حركات ايدها ومندمج معها ونسى نفسه انه تأخر رنا لفت راسها وناظرت الي بالسياره فتحت عيونها لاخر حد وحطت ايدها على فمها : ااااااانت !!؟ ... جذبته حركتها الطفوليه : ايه انا رنا تلعثمت بالكلام وماعرفت ايش تقول :ححح حمدد اآ آآآ آ ننــناآآ آآ حمد ابتسم : وين راح لسانك اكله الفار ؟؟ رنا لفت وهي مره متفشله ومشت تبي ترجع البيت حمد بسرعه نزل ولحقها : وين رايحه ؟؟ رنا ناظرته وبعدين نزلت عيونها :برجع البيت حمد ابتسم : دام انا سببت لك ازعاج بهرني السخيف بوصلك المدرسه على طريقي رنا رفعت راسها منصدمه : وين قاعدين احنا عشان توصلني وبصفتك من ؟؟ حمد بسرعه :لا لا لاتفهميني غلط والله كل الي ابيه اوصلك على طريقي وانتي اخت خويي مستحيل افكر بشي يضرك رنا كلش ما حبت كلمته (اخت يع يا شينها من كلمه ) حمد شافها ساكته : كيفك مابي اضغط عليك رنا تذكرت لو ترجع البيت بتنضرب : طيب حمد ابتسم وراح فتح لها الباب الي ورا وهي ركبت وقفله وراح للمدرسه وكان يناظرها من المرايه وهي تلف راسها ماتبي تشوفه متفشله منه وصلت المدرسه متأخره ونزلت وقبل لا تقفل الباب ناظرته : اسفه على كلامي ومشكور على التوصيله حمد خق على نبره هدوئها (يمه بتذبحني هذي وهي معصبه تاخذ العقل وهي هادئه تذبح ): لا شدعوه حاضرين احنا تحت امرك رنا طنشت كلامه وقفلت الباب ودخلت المدرسه انتظرها لين دخلت بعدين راح ### في مركز الشرطه ## س 9 الشرطي كان متأخر وهم منتظرينه بمكتبه ريم ناظرت امها : مامه مسكين فهد من الصبح وهو واقف معنا وما تركنا لحالنا ام فيصل ناظرته : ايه ابوك عنده شغله ضروريه والا كان بيكون معنا ريم ابتسمت : انا اشهد انه صاحب وقفات ام فيصل : ايه والله لو غيره كان تركنا ومو مجبور يقعد معنا ريم : الله يرزقه على قد نيته الشرطي دخل : السلام عليكم اعتذر على التاخير بس كان فيه موضوع ضروري الكل رد السلام : وعليكم السلام فهد ابتسم وراح سلم عليه : نوووواف يا القاطع شخبارك نواف بادله الحضن : هلا والله يسرك حالي ساره سمعت الاسم بسرعه لفت ماصدقت عيونها نواف بكل هيبه واقف بالزي العسكري الي معطيه اطلاله ولا اروع كانت منصدمه حيل (ايش يسوي هنا ؟؟ اكيد بيعرفني )تخبت ورا امها ونزلت راسها نواف باستغراب : ايش جايبك هنا .. وناظر الاهل .. ليكون صاير شيء ؟؟ فهد بحزن : فيصل هنا بالحجز وامس العسكري الي كان هنا يعرف التفاصيل يمكن قال لك نواف انصدم : يعني فيصل الي عمل كذا فهد : ايه الله كريم المهم احنا نبي نشوفه امه خايفه عليه نواف طالع ام فيصل وببتسامه : لا تخافي يا خاله فيصل بيكون بخير دام انا هنا ام فيصل بادلته الابتسامه : تسلم يا ولدي والله انك ولد حلال ساره كانت متوتره وتلعب باصابعها ومو عارفه ايش تسوي ريم بهمس : ساروه ايش فيك ؟ ساره ومالها اي مزاج تتكلم: اشش وجع نواف : انا الحين اخلي العسكري يجيبه هنا تشوفونه فهد : اوك نواف صرخ بصوت مرتفع : يااااااااااا عسكري ساره من قوه الصرخه خافت ومسكت بريم ريم ابد مو فاهمه ايش صاير لها اليوم : سوير ايش فيك ؟؟ ساره طنشتها العسكري دخل : امر سيدي نواف : روح جيب فيصل الـ.... العسكري : حاضر سيدي ### في امريكا ### اليوم ويكند صحى من النوم بكسل لاول مره يحس فيه ما كان وده يقوم من السرير ناظر البلكونه شاف عصافيره يغردين ابتسم وراح لهن : شكل الحلوين جوعانين افا بس انا مخليكم بذا الجوع ... راح جاب لهن شويه حبوب وماء اول ما حط لهن المويه واحد من العصافير راح بسرعه وكان يبعد الثاني عنه طلال اول ما شاف شكله فقع ضحك :ههههههههههههههههه مريم عن السخافه خليه يشرب مويه > سمى العصفور على اسمها لانه مشاغب نفسها العصفور الثاني كان يقرب وذاك يبعده رد راح اكل من الحبوب الي حطاهن لهم طلال كسر خاطره : هههه والله انك ضعيف بسرعه تنازلت عن حقك تركهن وراح اخذ له شور سريع ورتب المكان وطلع المطبخ يسوي له ريوق : يا الله ياحبي لك يا المطبخ فيك اشياء تسعد الي ابي افهمه ليه البنات ما يحبوك > وربي انك اهبل وش نحب فيه تعب وعناء هههههه راح طلع البيض وطبخ له بيض عيون ورتب الطاوله وقعد ياكل > يالله والروقانيه الي فيه فاضي يرتب ههههههه وهو ياكل تذكر اخوه (قبل 3 سنين كان قاعد مع اخوه وزوجته على طاوله الاكل ومندمجين بالسوالف صقر :هههههه الله يهداك اسكت وربي مو قادر امسك نفسي طلال بقق عيونه : ليه تضحك ؟؟ صقر يطالعه ويرد يضحك : هههههههههههه طلال طالع حلا : شوفي زوجك خليه يسكت لا اذبحه لك حلا بدلع ماصخ : صقوري بس مابي اخسرك ذا شرير صقر ناظرها بحب وسكت : يخسى ياخذني منك طلال لوا فمه (يع يا شين الدلع منك ) وتكلم زيها : انا شررريررر > وكان يرص على الراء صقر فقع ضحك: هههههههههههههههههههههههه حلا زعلت منه : اصلا سخافه صقر حضنها : فديت الزعلان طلال كلش ما كان يحبها وما كان يبي اخوه يتزوجها لانها كانت واضحه له من البدايه بس كان يشوف اخوه واجد متعلق فيها ويحبها قال يمكن تغير من اطباعها عشانه ... طالعهم وهو رافع حاجبه : احم احم تراني موجود صقر :ههههههههههه تعلم عشان لما تتزوج طلال : انقلع بس ) تكدر من طرا على باله هالموقف وتحسر لو انه منع اخوه انه يتزوجها بس خلاص لا فات الفوت ما ينفع الصوت انسدت نفسه عن الاكل وقام طلع من الشقه > شكلي صكيته بعين هههههههههه ### في مركز الشرطه ### نواف قام بيطلع عشان ياخذون راحته وقبل لا يطلع لمح ساره بس كان على باله انه يتخيل ( لا لا شكلي اتخيل ياربي هالبنت ما صارت تفارقني مع انو عرفت عنها شيء يخليني انساها وانسى طوايفها بس قلبي مو راضي يصدق هالشيء يالله هالبنت ايش سوت فيني معقوله تعلقت فيها بهالسرعه ) طلع من المكتب فيصل سلم على امه : وحشتيني يا الغاليه ام فيصل تبكي : اهئ ليه تسوي كذا يا ولدي ؟؟ فيصل تكدر : يمه الله يخليك لا تساليني هالسوال ... وطالع البنات .. شخباركم ي حلوات ؟؟ سارة وريم : بخير اهم شيء انت تكون بخير فيصل ابتسم لهن : يمه الله يخليك ابي اطلع من هنا ام فيصل بحزن : ابوك بيتصرف بس انت اصبر يا ولدي بتهون ان شاء الله فيصل تنهد : ان شاء الله قعد معاهم نص ساعه بعدين راحو البيت $$$ في بيت ابو مشعل $$$ رنا ردت من المدرسه دخلت بهدوء الا مشعل يشوفها استغرب : ايش فيك تمشين كذا ؟؟ رنا وقف قلبها من سمعت صوته طالعته وهي خايفه : انا انا ام مشعل طلعت من المطبخ : تعالي الله جابك تعالي كملي الشغل رنا بققت عيونها : نعم مسختيها وشهو اكمل شغل وينها الخدامه ام مشعل ببرود : طردتها وانتي بدالها رنا رفعت حاجبها : والله مشكلتك تصرفي مشعل عصب : روحي ساعديها بسرعه ام مشعل : ترا ما نسيت لك حق الصبح ومدرسه مافيه رنا لوت فمها : يصير خير مشعل : لا يمه شنو مدرسه مافيه لازم تكمل المدرسه رنا استغربت ناظرته بذهول (اوووه ايش الي صاده هذا يدافع خوش شي والله) : انا بروح ارتاح تعبانه ام مشعل بصراخ : قلت تعالي هنا مشعل راح لامه : يمه حرام عليك البنت راجعه من المدرسه اكيد تعبانه ام مشعل فتحت عيونها على الاخر : ايش فيك تدافع عنها اليوم ؟؟ مشعل : مهما كان كرهي لها ومعاملتي معها زفت الا انها تكسر خاطري ام مشعل مشت بتأفف : اوووف بتجنني انت الثاني $$$ في بيت ابو فيصل $$ س 8 بالليل الكل عرف بسالفه فيصل ابو فيصل دخل وقعد على الصوفا بتعب : جيبي لي مويه ريم بسرعه قامت تجيب ماي : تفضل ابو فيصل شربه دفعه واحد : الله يسقيك من حوض الجنه ريم : امين يارب ويسقيكم كلكم ام فيصل : هاه ايش سويت ؟؟ ابو فيصل فسخ شماغه وحطه جنبه وتذكر شكل ماكس بالمستشفى وزاد توتره وخوفه اكثر مو فاهم ليه فيصل تضارب مع ماكس بذات اكيد صار شيء : انا شفت الي تضارب مع فيصل وحالته حرجه ودورت محامي مره شاطر بهالمواضيع وان شاء الله اسبوع اسبوعين بالكثير وتنحل المشكله ام فيصل شهقت : هئئئئئئئئ : اسبوعين مره كثير ابو فيصل : احمدي ربك ولا يقعد طول عمره هناك ساره كان تفكيرها كله مع نواف (ياربي انا ليه دايم يصير معي كذا ودايم اشوفه بكل مكان وربي فاقع مرارتي وين ما رحت شفته .. يووووه انا ليه افكر فيه ليه دايم اذا شفته يكون كذا شاغل بالي ؟؟ معقوله اكون حبيته ؟! لا لا انا وقلبي مستحيل نفكر بهالشيء . ومسكت قلبها . بس ليه احس هالقلب خاني وصار يدق بقوه لين يشوفه ) ريم كانت حيل مستغربه من هدوء ساره اليوم ناظرتها شافت ايددها على قلبها : سارونه فيك شيء ؟؟ يعورك شيء ؟؟ ساره صحت من تفكيرها : هااااااااا لا بس صدري شوي يعورني ريم : طيب قومي خلي ابوي يوديك المشفى ساره باندفاع : لا لا لا ما يحتاج كل هذا برتاح وبصير احسن ريم : براحتك ### اليوم الثاني ... في المستشفى ### ابو ملاك : ها دكتور فيه تطور بحالته ؟؟ الدكتور ناظر ملاك وعرف انها الي كانت مع فيصل وفكر انها تقرب لماكس لانه فيها شبه منه : الحمدلله حالته صارت احسن بس ملاك كانت تحاول تتجاهل نظراته لها وتنشغل باي شيء ابو ملاك بخوف : بس شنو ؟؟ الدكتور ما يعرف كيف يقولها : هو من خلال التحاليل طلع معه ابو ملاك بنفاذ صبر : يا دكتور تكلم وريحني الدكتور : الي بقوله كلش ما يبشر بالخير هو فيه الايدز ملاك بققت عيونها منصدمه ممن قوه الكلمه : الايدز ؟؟! ابو ملاك مو قادر يتكلم : اآآ آالايددزز!! الدكتور هز راسه : العياذ بالله من هالمرض الله لا يبلانا ابو ملاك حط ايده على راسه : وش هالورطه ؟؟ ملاك مسكت كتف ابوها : بابه لا تشيل هم ..وناظرت الدكتور.. طيب هو في اي مرحله نقدر نعالجه ؟ الدكتور : هالمرض ماله علاج وهو في مرحله متطوره والمرض انتشر في كل جسمه مالكم الا الدعاء له وان شاء الله قريب بيصحى من الغيبوبه ملاك لفت راسها (ياربي نفتك من مصيبه تجي لنا الثانيه اكبر والعن منها ) ابو ملاك : مشكور انا استأذن الدكتور ابتسم : العفو اذنك معك ملاك مسكت ابوها وطلعوا ابو ملاك : ابا اشوف فيصل بوديك الجامعه بعدين اروح له ملاك كان ودها تشوفه : لا لا بجي معك ابو ملاك : والجامعه ؟؟ ملاك بترجي : الله يخليك بابه بجي معك ابو ملاك : طيب امشي %%% في المدرسه %%%بالفسحه كانين قاعدات بالصف ومنسدحات ورا ساره مستغربه : بنو ايش فيك اليوم ؟؟ البندري : اسكتي الله يخليك ندى ناظرت ساره :متهاوشه مع فهد ساره استغربت : ولييه؟؟ البندري عطت ندى نظره حاده : لازم تقولين ساره انصدمت من بنو انها ما صارت تقول لها شي : بنو ايش فيك متغيره علي ؟؟ البندري : يتهيأ لك ساره لوت فمها : شكله كذا ندى : ايش فيكن انتين بنات عم وتسوين كذا ساره متنرفزة : اساليها هي موب انا البندري طالعت ساره وبقهر : والله احلفي بقوه واصدقك وانتي الي مره متغيره تقومين من عندنا وتروحين لذيك الي ما اعرف شسمها وتحكين لها اذا متضايقه واحنا بح خلاص نسيتينا بس تجين هنا وقت الي تكون مو موجوده ندى مسكت البندري : بنو مو كذا الناس تتكلم البندري : اتركيني خليها تعرف ساره عصبت من كلامها وقامت ودزت الكرسي وطاح على الارض البندري : روحي على بالك بلحقك خليها تواسيك ندى منصدمه منهن : هيه ايش صادكن ؟؟ البندري : والله مو ناقصتها الي فيني مكفيني ندى : ايش الي فيك؟؟ البندري : موب شي مهم ندى سكتت مر اليوم والبندري كانت تتجاهل ساره وما تعطيها وجه ### في مركز الشرطه ## ابو ملاك : والله يا ولدي حدي متفشل منك فيصل مسك ايد عمه : لا تقول كذا وملاك حسبت اختي ولازم اوقف معها ملاك كانت منزله راسها متفشله انها تحط عينها بعينه رفعت راسها لما سمعت كلامه (اختي ... يعتبرني اخته وانا كنت مفكره انه يحبني هه هه تكذبين الكذبه يا ملاك وتصدقيها ولا خلاص الحين عرف حقيقتك اكيد ما بيفكر فيك حتى واحد بالميه ) ابو ملاك : لا تخاف يا ولدي انا وابوك بنطلعك من هالمكان وما راح نتركك فيصل نزل راسه : ابوي مرره معصب مني وما يبي يكلمني ابو ملاك ضرب على كتفه بخفه : لا تقول هالكلام ابوك عرف كل السالفه فيصل رفع راسه بصدمه : عرف انه ملاك مو بنتك .. وبسرعه حط ايده على فمه ابو ملاك : ابوك يعرف من زمان وانا ما اخبي عليه شي هو روحي الثاني وما اخطي خطوه الا وهو يعرف ملاك تكدرت وصارت تلعب باصابعها فيصل حس انه ضايقها : اسف والله ما كان قصدي ملاك وفيها الغصه : لا عادي ابو ملاك : لا تشيل هم يلا يا ولدي انا استأذن فيصل ابتسم : الله معك ابو ملاك طلع وملاك تاخرت شوي : ما كان عندي وقت اشكرك مشكور فيصل خق على هدوئها ومسك قلبه : لعيونك اسوي المستحيل ملاك استغربت تناقض شخصيته : هااااااااااه فيصل ناظرها بحب : لا تقطعي ترا اتعذب انا ملاك حست قلبها بيطلع من مكانه بسرعه طلعت من المكتب فيصل لاول مره يضحك من دخل هالسجن : ههههههههههههه استحت نواف دخل المكتب : لا ايش عنده يضحك ؟؟ فيصل : اسكت وربي مخنوق من هالمكان وودي اطلع اليوم قبل بكرا بس الحين لا نواف استغرب : وليه ايه صح نسيت عشان انا ماسك قضيتك فيصل : العن ابو الثقه نواف بقق عيونه : اعلمك كيف الثقه ..وبصراخ .. ياااااااا عسكري فيصل لو فمه : جعل لك غصه العسكري دخل واخذ فيصل للحجز نواف ناظر فيصل : يا الله محلا الصدف شفتها صدفه بموقف حرج وبالصدفه طلعت صديقه دعاء والحين طلعت اخت خويي بس انا لازم اتأكد من الي سمعته واليوم قبل بكره .. ناظر الساعه شاف انه خلص وقت دوامه اخذ الكبوس ومفاتيح سيارته وطلع ### في بيت ابو نواف ### الجده كانت قاعده وتبرد اظافرها ودعاء تحط لرجولها مناكير ام نواف فاقعه ضحك : هههههههههههههه بالله عليك يمه تصدقين هذي دعاء تخصرت : وليه ما تصدقني شوفيني كيف برجعها لكم شباب الجده اخذت العصى وضربت دعاء : انا شباب وش شايفتني ؟؟ الكل فقع ضحك عليها : هههههههههههههههههههه ابو نور : لو ابوي هنا كان تشوفونه خاق وقاعد يتغزل فيها ام دعاء : هههههه ايه والله كانوا كله يتغزلون ببعض الجده : مو انتو مافيكم رومنسيه نور تصفر : عااااشت الرومنسيه دعاء ناظرت نور بعدين قعدت تعدل شعر جدتها ام نواف : بس بس بتذبحيها الجده ضربت ام نواف : وجع ايش دخلك تغارين ام نواف : ايه اغار تكونين احسن مني نواف باس راس جدته : ومن يقدر يكون احلا من اميره البيت ام نواف : احم احم نواف : اا آآ يمه مو انتي انا اتكلم عن جدتي ام نواف بققت عيونها : صدق ما تستحي الكل فقع ضحك : ههههههههههههههههههههههههه ههههه نواف سلم على الكل : دعاء زين انك هنا ابيك بموضوع ضروري دعاء استغربت : ضروري ؟؟! نواف : ايه ابي اخذ رايك فيه نور انقهرت من حركته : وليه هي بذات ؟؟ ام نور قرصتها : مالك دخل نواف قرب من دعاء ومسك خدودها : لانها دقات قلب اخوها دعاء بعدت يده : ااااااااااه يعور الكل ضحك عليهم الا نور : هههههههههههههههه نواف سحب دعاء من وراء جدته : يلا تعالي الجده بعصبيه : هيييييييه رجعها هنا خلها تكمل شغلها ام دعاء كانت مستانسه لانه دعاء لقت لها اخ يعطيها الحنان والحب وكانت حيل واثقه بنواف من بعد الي صار : انا بكمل لك يمه الجده : وربي ولدك يبي له تكسير ام نواف : هههههههههههههه نور بتنفجر من القهر تبي تعرف ايش يبي فيها ( اووف هذي ايش مسويه له اكيد ساحرته) ... في غرفه نواف .. نواف قعدها على الصوفا : انتظري هنا بغير ثيابي واجيك والا اقول لا ما يحتاج دعاء مستغربه : ايش صاير لك اليوم ؟؟ نواف قعد وابتسم دعاء : لا انا ابصم بالعشر انك فاقد عقلك نواف : اسمعي انتي تعرفين انا ما اخبي عنك شيء دعاء شافت الجديه بكلامه : ايش صاير ؟؟ ليكون سويت مصيبه بالشغل نواف ضرب جبهته : يا الله اسمعي دعاء : طيب طيب قول نواف : ساره دعاء انصدمت : ايش فيها ؟ وليه تسال عنها ؟؟ نواف حكى لها الي سمعه لما كانوا معزومين عندهم : وربي سمعتك بالغلط كنت بدخل اشرب مويه سمعتك تتكلمين وقفت من سمعت اسمها دعاء كانت تناظره بذهول :وليه مهتم فيها ؟ نواف : الله يخليك قولي الكلام صدق والا لا دعاء قالت له كل شيء صار مع ساره وكانت تختصر اشياء : وهذي السالفه الحقيقيه بس ليه الاهتمام ؟؟ ومن متى ؟؟ نواف حط ايده على قلبه وانسدح على الارض : اووووه ريحتيني الله يريح عليك فيي قبرك دعاء ناظرته بنص عين : هااااااااااااااااااااه ايش به ؟؟ نواف : وربي احبها دعاء انصدمت: صاحي انت ؟؟ ومداك تحبها ؟؟ نواف : انا لازم اعرف من هالحيوانه الي تسوي فيها كذا وذا راكانوه يبي له ذبح يا قلبي قاعد يعذب قلبي دعاء رمت عليه المخده : وجع قول امين والله بقول لها نواف باندفاع : لا لا الله يخليك انا قلت لك عشان تساعديني دعاء : اساعدك بشنو ؟؟ نواف : ابيك توصلين لي اخبارها كيف هي ايش تسوي كل شيء يخصها ابيه دعاء بحزن : ونور ؟! نواف اختفت ابتسامته : متى قلت اني احبها والا عطيتها اي تلميح انا اعتبرها اختي مو اكثر دعاء : طيب طيب نواف باسها : فديتك يا احلا اخت دعاء : هههههههههههههه لازم تعطيني مقابل خدماتي نواف : قلبي لها وانتي فلوسي لك دعاء فقعت ضحك عليه صاير مجنون اليوم : هههههههههههههههه $$$ في بيت ابو فيصل $$$ ساره كانت متضايقه من كلام بنو راحت غرفه ريم : رويم تجين السطح ؟؟ ريم ناظرت الساعه : بذا الوقت ؟؟ ساره : ايه عادي الجو حلو ابي اغير جو ريم : طيب امشي طلعين السطح وقعدين يسولفين ريم : سوير ساره وهي تاكل تفاحه : همممم ريم : تذكري الشرطي نواف ياخي جميل ساره غصت بالتفاحه : كح كح كح ريم بققت عيونها : يمه وشفيك ؟؟ ساره : وش الجميل فيه لا حلا ولا هم يحزنون ريم تمثل انها خاقه عليه : وربي شكله عذاااب ولا طالع مزه بالزي العسكري ساره ماتعرف ليه تضايقت من كلام ريم : وجع غيري الموضوع ريم ضحكت بسخريه : هه ههه غريبه ما عجبك الموضوع وانتي اذا شفتي جميل تقعدي تأذيني فيه ساره : هذا انتي قلتيها جميل مو جيكر ريم : طيب ليه كنتي متخبيه ورا امي ؟؟ هااااااه ولا منزله راسك ساره تنرفزت من اسلوب ريم : وجع تحقيق هو ريم هزت راسها : ههه ايه اعترفي ليكون خقيتي عليه ساره : جعل لك بالماحي الي يمحيك انا الغبيه الي قلت لك تجين هنا ابي اشيل ضيقتي وانتي جيتي وزدتي الطين بله ريم شافت ساره اول مره تتكلم كذا : ايش فيك من شنو متضايقه ؟؟ ساره حطت التفاحه وقالت لها سالفه بنو ريم بققت عيونها : مجنونه هذي ساره :خليها هي بتجي وتعتذر على الي سوته ريم : مو من صدقكم تتشهاوشين على شيء تافه ساره سرحت (انا متأكده انه راكان ورا كل هذا اكيد هو قال لها لا تكلمني وهي تبي تتعذر خلت دعاء هي عذرها ..استغفر الله انا متى بفتك من ذا راكانوه ) ريم طفشت : هييييييه ساروه وين ذلفتي ساره : بس خلاص صكي الموضوع مو ناقصه اكدر مزاجي اكثر ريم تبي تطلعها من جو الضيقه : بس بالله عليك مو جميل ساره فسخت النعال (عزكم الله ) ورمته عليها : لا هذا الجميل الي صار فيك الحين ريم : ههههههههههههههههههههههههه هههه %% في بيت ابو شوق %% طلعت من غرفت ابوها راحت عند المربيه : وين مامه للحين ما جت ؟؟ المربيه : لا اتصلت عليها تقول بتتأخر شوق بققت عيونها : شنو تتأخر الحين الساعه 11 ونص من جدها ذي المربيه (قاعده اشوف الدنيا عكس البنت صارت تهتم برجعت امها والام هي الي تطلع برا ): لا تحاتين بتخلص الحفله وترجع شوق تحس كل يوم عن يوم يزد كرها لامها : خليها ما تهمني اهم شيء ابوي مو خايفه الا عليه المربيه : طيب انتي روحي نامي وراك مدرسه شوق ابتسمت : تصبحين على خير المربيه : وانتي من اهله شوق راحت غرفتها غيرت ثيابها وانسدحت على السرير مدت يدها لدرج الكومدينه وطلعت الجوال وفتحت الاستيديو وقعدت تطالع صوره راكان : اوووف وانت ما تبي تطلقها وافتك منها تراها ناشبه بحلقي وابي اتخلص منها باي طريقه والله ما اخليها تاخذ شيء مكتوب لي وانت يا راكان من نصيبي .. اخذت جوالها الثاني واتصلت له ... ### في بيت ابو فهد ### دانه بحماس : قوووووووووووووووووووووووو وووول وه يا لبى قلبك يا ياسروه وربي اعشقك راكان رماها بالمخده : عشقك جني اذلفي من قدامي خليني اتابع المباره عدل دانه تخصرت : اسمع مو لانك ولد تتابع وانا لا لا ياحبيبي انا امي خلفتني ولد بس على هيئه بنت وقلبي بيضل ازرق ودمي ابيض تفهم والا لا راكان ندم قد شعر راسه انه خلاها تتابع المباراه معه : حسبي الله عليك من بنت انا اشوف البنات يتعدلون ويكشخون وانتي تطالعين مباراه دانه تربعت واخذت البطاطس وقعدت تاكل : ههههههههههههه اتركنا منهن الدلوعات وطالع المباراه وانت ساكت راكان هز راسه بيأس منها : ما راح تتعدلين وهذا وانتي على وجه زواج دانه كانت تسمعه بس مطنشته راكان :ايه طنشــ ما كمل كلامها لان جواله رن ناظر استغرب من الرقم طلع من الغرفه : الو من معي ؟؟ ..... لا رد راكان بدا ينفذ صبره : بتتكلم والا اقفل ؟؟ سمعت صوته وقفلت الجوال راكان ناظر الجوال : وجع ياخذكم حركاتكم مره سخيفه بس يزعجون الناس رد الغرفه شاف دانه عافسه المكان : يا الله ايش هالمخلوق الحي الي قدامي ... خلص البارت 17 بترك لكم حريه التعليق .... | ||||
|
| |
|
28-06-15, 08:03 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 18 راكان ناظر الجوال : وجع ياخذكم حركاتكم مره سخيفه بس يزعجون الناس رد الغرفه شاف دانه عافسه المكان : يا الله ايش هالمخلوق الحي الي قدامي وكمل كلامه : دانوه قومي بنام دانه بققت عيونها : والمبااااااااراه ؟!! راكان : ياخي محد يشوفها غيرك روحي مكان ثاني لازم هنا يعني > خووش والله بعد يقول لها ياخي مفكرها واحد من اخوياه دانه تسوي حركات اطفال وتقلد صوتهم : لاااااا لاااا ااناااا بببشوووف االلمبااارااه راكان طفش منها وراح طفى الـt.v ومسكها من ايدها : يا الله من وين جبت لها عقل دانه للحين تمثل : رراااكااان لاااا ببعلللم بااابه راكان خلاص وصلت معه والاتصال عفس مزاجه : وربي توني اكتشف انك غثيثه .. طلعها وقفل الباب دانه بصراخ : هين ياااا راكانووه تطردني هذا وانا اختك الكبيره البندري لفت راسها : وش ذا الاحبال الصوتيه حشى كانها مزمار دانه بققت عيونها : قولي ما شاء الله لا تتفجر احبالي البندري بعناد : لا ما بقول يمكن تريحينا من صوتك دانه راحت قعدت قدامها وسحبت الكتاب من ايدها باستغراب: ايش عندك صايره دافوره هلايام ووجع قولي ما شاء الله البندري غمضت عيونها ومدت ايدها : عطيني الكتاب بدرس دانه فقعت ضحك:ههههههههههههههه ما عرفتك والله البندري بنفاذ صبر: قلت عطيني الكتاب دانه كانت بتتكلم الا فهد يسحب الكتاب من ايدها وعطى بنو : مافيه شكرا ؟؟ البندري لفت راسها : ما قلت لك ساعدني اقدر اخذ حقي بايدي دانه بس شغلتها تضحك: هههههههههههههههههههههههه فهد صك اذونه : يا الله ايش يسكتها ذي البندري تعرف ان فهد يكره ان دانه تضحك جنبه : ههههههههههههههههه فهد ابتسم : ايه كذا اضحكي يومين عابسه وقالبه خشتك البندري : ترا ما نسيت لك الطيحه ولا تكلمني فهد توه يستوعب السالفه وقام حضنها : فديت الزعلان انا وربي اسف كان بدون قصد البندري تبعده عنها : ابعد خنقتني فهد مسكها بقوه : اول قولي انك سامحتيني دانه شافته حاضنها وشوي ويقتلها راحت حضنتها معه : وانا ما راح افكك الا لما تقولي ما شاء الله هههههههههههههههههه البندري طلعت عيونها : وجع ذبحتوني طيب سامحتك وانتي ما شاء الله على مزمارك فهد ابتسم ومسك خدودها : يا لبى قلبك يا ام قلب رهيف دانه للحين حاضنتها وتضحك: ههههههههههههههههه فهد سحبها : وجع ياخذك انتي وضحكتك الحين ابوي بيقوم من صوتك دانه راحت غرفتها وهي تضحك:هههههههههههههههههههه� �هههههه فهد رفع ايده لفوق : يارب طلبتك لا تردني انك تهديها وتزوجها على واحد اهبل نفسها البندري من قلب: امييييين واخذ غرفتها لي فهد : هههههههههههه هذا الي هامك اقول ادرسي ما بقى شيء على الاختبارات البندري ابتسمت : الله ياخذها فهد : هههههههههه ## في امريكا ## ع الساعه 11ونص خلص تحضير للجامعه ورتب المكان كان بيقوم ينام الا يشوف دفتر مريم اخذه وقعد يطالعه : افتحه والا لا .حطاه على الطاوله .لا لا ما بقراه عيب ويمكن كاتبه شيء خاص فيها ..قام يبي يروح طالعه نظره اخيره وبعدين قعد . بس بقرأ منه شوي ما راح تعرف .. فتح الدفتر شافه فاضي مافيه شيء استغرب : هذا الي ذبحت روحها وهي تدور عليه بالاخير فاضي انا متأكد ان هالبنت ما فيها مخ كان يفرر الاوراق الا يشوف ورقه مكتوب فيها استغرب : كاتبه من النص وربي قايل ما عندها مخ اول ما فتح على الصفحه بقق عيونه: وجع ايش هالخط لو ما كتبت احسن الحين ايش بيخليني اقرأ هالخط (كان مره صغير) قام وجاب العدسه وحطاها على الكلام وبدأ يقرأ: هالدفتر بيجمع ذكرياتي مع احلى واروع صديقات صديقات عشت معهن الحياه بحلوها ومرها عشت معهن ايام ما راح تتعوض وانا عارفه انه بيجي اليوم الي كل وحده تشوف حياتها فيه وبنفترق بس بنرجع نجتمع من جديد الموهييييم بلا مقدمات ما لامها داعي بخش بالموضوع > هههههه انقلبت اللهجه فجأه طلال قعد يضحك عليها : ههههههه حتى بالمذكرات تستهبل موب صاحيه هالبنت اليوم نجود السخيفه سبحتني بالمويه وخربت شكلي الجميل كنت بحاول اضبط اخوها بس هي خربت شكلي وهو لما دخل خاف من منظري وطلع وبايده نعالته بس انا اعلمه هالحيوان المهم ما علينا منه خلوني بصديقاتي الغثيثات كلهن اتفقين علي وقعدين يمسخرين فيني ومن بعد هاليوم قررت ما اجتمع معاهن وانا كاشخه الا اروح لهن بشكلي الطبيعي الا اذا رحنا بيت نجود لازم اكشخ عشان بعض الناس لبى قلوبهم ونجودوه انسانه في قمه النذاله هي وخوها الرائع الجميل طلال استغرب ليه كل شوي تذكر اخو نجود واكثر وحده تذكرها هي نجود : اكيد تحبه بس وينه عنها ليكون خانها ..طالع الساعه شاف الوقت تأخر.. الله مر هالوقت كله وما حسيت فيه خلاص بكره بكمل .. قفل الدفتر وفتح درج المكتب وحطه فيه وراح للعصافير : مريم للحينك شيطانه راح احرمك من الاكل وانت يا اخ مسكين دافع عن نفسك .. عطاهم اكل وبعدين راح ينام ** بعد مرور اسبوع ** • ساره وبنو للحين ما يكلمين بعض وندى عجزت وهي تحاول تراضيهن • تركي صار له اسبوع ما يكلم جود • سالم وريناد عايشين قصه ولا اروع كانهم طيور الحب • ملاك من حين لاخر>بالله كيف اللغه هههههه ... تروح لفيصل وتودي معها اكل وفيصل يحاول يلمح لها بكلامه بس هي كانت تصده وهالشيء كان ياثر فيه • نواف كل يوم يتصل لدعاء ويسالها عن ساره وهي كله تستهبل عليه > حشى ما بيتركها لحالها مسكينه بتتندم انها صارت صديقتها ههههه هذي الاحاداث الي صارت خلال اسبوع وبنعرف التفاصيل بالاحداث الجايه ## في بيت ابو ملاك ## س 6 الصبح كان جواله يرن فتح عيونه بكسل : يا الله صباح خير حتى بالاجازه ازعاج وكمل كلامه : الو ... ايه نعم انا.. (قام من مكانه ) شنوووو؟!!... متى صار هالكلام؟؟... طيب طيب جايك الحين ... مع السلامه ام ملاك كانت تناظره باستغراب : ايش صاير خوفتني ؟؟ ابو ملاك شال البطانيه عنه وقام حط الجوال وراح فتح الكبت : ماكس صحى من الغيبوبه ولازم اروح له الحين ام ملاك تكدرت من هالطاري على الصبح : اها بروح معك ابو ملاك دخل الحمام(عزكم الله ): لا وين تجي ماله داعي ام ملاك (يا الله الحين بيرد لنا الصفعه اقوى من الاولى الله يستر والله خايفه من ذا الماكس الي طلع لنا ) ### في المستشفى ### ابو ملاك وصل راح للدكتور بسرعه : السلام عليكم الدكتور : هلا وعليكم السلام ابو ملاك : اقدر اشوف ماكس الدكتور قام : تفضل معي لانه نقلناه غرفه ثانيه الدكتور دخل : كيف حالك الان ؟؟ ماكس بتعب : اريد ان اخرج من هنا ابو ملاك ابتسم : انت لازلت بحاجه الى العلاج ولا يمكنك الخروج ماكس شافه وحس الدم يغلي بجسمه الدكتور : عن اذنك عندي شغل ابو ملاك : اذنك معك ماكس بعصبيه : اخرج من هنا لا اريد رؤيتك ابو ملاك قعد جنبه : اسمع ما اريد ان اقوله لك ماكس : انا لا اريد سماع اي شيء انا اتيت لاخذ ابنت اخي ابو ملاك ابتسم باستهزاء: ههه ههه لا تحلم بهذا ولن تستطيع ان تأخذها ماكس بصراخ : سوف ترا ما سأفعله ابو ملاك راح للسيلان الي جنبه : رأيت هذا ان لم تذهب من هنا بسلام سوف اجعله سم يجري بدمك ماكس : ههههه انت لن تخيفني ابو ملاك قرب صوبه وبتهديد : والقضيه سوف تتنازل عنها وغصبا عنك والا سوف افضح امرك ماكس ما فهم عليه : قضيه ماذا ؟؟ وتفضحني بماذا؟؟ ابو ملاك ابتسم : انا سعيت جاهدا لاخفي انك مدمن مخدرات وانت تعلم انه هنا ممنوع وان سلمت الفحوصات للشرطه سوف ينتهي امرك ماكس بقق عيونه : لن تفعلها ابو ملاك ابستم بسخريه : هههه انت لم تعرفني الى الان وان لم تتنازل وتبتعد من هنا سوف انهيك ماكس ناظره بحقد ابو ملاك : اسمع سوف يأتي المحقق ويسألك عن تفاصيل الحادث وسوف تقول له ما ساخبرك به والا سلمت له الفحوصات ماكس خاف انه يدخل السجن : حسناً @@ في بيت ابو فيصل @@ س 3 العصر ساره بزعل : علي الله يخليك روح البقاله علي بعناد : اشقالو لك اشتغل سواق عندك ساره بترجي : بلييييييز علوي روح والله محتاجه اغراض ضروري علي حط ايده على اذنه : بس ازعجتيني روحي انتي ساره شاتته برجله : حسبي الله عليك من اخو ومالت علي جايه اترجاك تروح تشتري لي تف عليك علي فقع ضحك عليها : ههههههههههههههههههههههه كفو كان سويتي كذا من اول ساره راحت غرفتها اخذت عبايتها وراحت البقاله لمت كل الشيبسات والككاوات والحلاوه والمشروبات وهي واقفه تحاسب : يلا بسرعه صديق خلص الهندي بقق عيونه : هذا كله انتا ياكله ساره تخصرت : ايش لامك دخل بطني لو بطنك احمد ربك اشتريت من عندك وربحتك الهندي قاعد يدخل لها خرابيطها : خلاص اسكت واجد يقرقر ساره بققت عيونها :والله محد يقرقر غيرك يا صديق وهذا انا يقول بجي انا وماما نخطبك ونصير حبايب الهندي رفع راسه ومد لها الاغراض : جيب فلوس واذلف من هنا ما يبي يتزوج انتا ساره فقعت ضحك : ههههههههههههههههههههههههه وعطته الفلوس واخذت شوكلاته ورمتها عليه : هذا عربون محبه يا الحب انت يا خي انت خرفنتني انت وقذلتك هذي ههههههههههههههههه الهندي استحى : روح روح ساره مو قادره تتحمل اخذت الاغراض وطلعت : هههههههههههههههه الله ياخذ ذا الوجه صدق نفسه وصلت لعند الباب شافت سياره فهد استغربت بسرعه دخلت شافته هو وراكان قاعدين مع امها وباين عليهم الفرح استغربت : ايش صاير هنا ؟؟ راكان عطاها نظره حاده وبجرأه تكلم : ليه تطلعين لحالك ؟؟ ساره انصدمت من جرأته وهو باي حق يسألها : خير ابوي ما سمعت عيد كلامك !! فهد انصدم من ردت فعل راكان وهمس له : ايش فيك ايش دخلك انت اسكت فضحتنا امها قاعده وما تكلمت انت باي حق تتكلم ام فيصل بققت عيونها من جرأه ساره : ساره وجع احترميه هذا ولد عمك جزاته لانه خايف عليك وتكلمي عدل معه ودخلي داخل ساره مو عاجبها كلام امها وحطت الاغراض على الارض وقعدت على الصوفا : يصير خير (وكانت تطالع راكان بتحدي ) لفت على فهد : ايش صاير ؟؟ اشوف الابتسامه شاقه الوجه راكان كان وده يقوم ويذبحها ويفتك منها كل ما يقول انها ما تسوي كذا حركاتها تجبره انه يصدق فهد ابتسم : فيصل اليوم بيطلع ساره بفرح حط يدها على فمها : اماااااااااا من جدك تتكلم الكل ضحك عليها : هههههههههههههههه راكان غصب عنه ابتسم على حركتها شافها تطالعه بسرعه تغيرت ملامح وجهه فهد : ايه من جدي علي : يا الله لا احد يعطي هالمحششه وجه ساره ناظرته بحده : انت تسكت يا سخيف وربي ما اعطيك ولا شيء علي : مو محتاج لك ساره بتهديد : طيب بنشوف ريم طلعت من غرفتها على صرخه ساره وما كانت لابسه حجاب لانها ما كانت تعرف انهم موجودين اول ما شافت فهد وراكان تجمدت مكانها تمنت الارض تنشق وتبلعها كانت لابسه برموده قصيره وشعرها رافته كعكه بطريقه مهمله فهد ناظرها بذهول اول مره يشوفها بهالشكل كانت مرره بريئه ومثل الطفله راكان طالع الارض وما رفع راسه ساره بسرعه قامت عشان تتدارك الوضع راحت سحبت ريم معها للمطبخ : مجنونه انتي طالعه بذا الشكل ريم وشوي وتبكي : وانا ايش عرفني انهم هنا ساره قعدت : اوووف اسكتي على الاقل موقفك اهون من موقفي وبس يطلعون امي بتجي تستلمني انا وانتي ريم باستغراب : ايش سويتي بعد ؟؟ ساره قامت فتحت الثلاجه واخذت لها تفاحه : بعدين بتعرفين في وقت المحاضره >شسالفتها مع التفاحه ريم سكتت (اوووف يا ربي ايش هالمواقف السخيفه الي انحط فيها كله من فهاوت هالمخ (وتضرب راسها ) انا لو مو فاهيه بحياتي كان ما نزلت بغباء ) ساره شافت شكلها وعرفت انها تفكر بالموضوع فقعت ضحك:ههههههههههههههههههههه� �ه ريم طالعتها بقهر:وجع اسكتي يا برود قلبك ساره : عادي عادي ما يهم بينسون لا تشيلين هم ههههههههه ### في بيت ابو جود ### كانت تقلب القنوات بملل والجوال جنبها وكل شوي تطالعه بس ما فيه فايده ام جود استغربت : ايش فيك هالايام كله منفسه جود ناظرت امها : انا!!؟ ام جود : ايه انتي الي يشوفك يقول متطلقه جود تذكرت تركي (هو سبب كل الي فيني ): لا بس ارهاق الجامعه والاختبارات قربت عشان كذا شوي شايله همها ام جود قامت : شدي حيلك ابي شهاده ترفع الراس .. وراحت المطبخ جود مسكت الجوال وطرت على بالها اخر مكالمه بينها وبين تركي ( جود بعصبيه : شنوووووووو ؟؟! احلف بس مستحيل هالشيء يصير تركي بهدوء: قلت لك لا تصارخي جود بنفاذ صبر: انت عارف ايش تتكلم فيه وتقول لا اصارخ تركي : انا ما قلت شيء غلط والي قلته ابسط حقوقي ومابي احد يشوفك ويقول عليك كلام جود باستهزاء : ههه ضحكتني صراحه الحين لاني ما البس برقع بيطلعون علي كلام تركي : افهمي ارحميني اغار وربي اغار اذا احد يطالعك اموت من حسرتي ليه ما تحسي انتي جود ما تبي تتبرقع وهالفكره شايلتها من بالها وهو اول شخص يكلمها بهالموضوع عشان كذا رافضه الفكره : انا مو مجبوره اتبرقع ابوي ما قال لي وانت جاي بكل سهوله تبرقعي تركي انصدم من كلامها : الله واكبر يا جود فكرت اكبر من كذا لهدرجه مشاعري ما تهمك ما يهمك انا اتعذب من غيرتي وانتي ولا على بالك جود بعناد : انا ما قلت كذا وانت تهمني ولو ما تهمني كان ماني معك تركي مو مصدق هذي جود الي حبها : طيب يا جود خليك براحتك وسوي الي تبينه بس انسي واحد اسمه تركي ... وقفل الخط بوجها ) جود صحت من ذاكرتها مسكت راسها بتعب : اووووف بموت من قهري ### في بيت ابو بدر ### بدر :انت اقعد هنا وانا برجع لك فارس : ههههههه حسستني بزر بدر : وهذا انت بزر وش شايف نفسك فارس : اقول روح وتعال بسرعه بدر طلع من المجلس وراح المطبخ : الحين انا كيف اسوي له شاي ههههه والله ما اجيب له الا عصير يبي والا يضرب راسه بالجدار ام بدر دخلت استغربت انه قاعد يتحلطم : ايش فيك كذا ؟؟هههههههه بدر ارتاح : جيتي والله جابك ام بدر : ايش عندك كذا محتاس ؟؟ بدر : فارس عندي وابي اسوي له شاي بس ما لي مزاج ام بدر : هههههههه يا الله والكسل الي فيك روح وانا بجهز لكم بدر باس راس امه : مشكورة يا الغاليه .. وراح لفارس : جيت بسرعه صح ؟؟! فارس استغرب : وين الشاهي ؟؟ بدر ناظر ايده باستهبال :اشبلاك اعمى ما تشوف هذا هو بايدي فارس حك عيونه : مجنون انت وقت استهبال الحين بدر فقع ضحك: هههههههههههههههههه امي قاعده تسوي فارس : اها طيب ### في بيت ابو فيصل ### س 8 العشى ابو فيصل دخل ومعه فيصل ام فيصل اول ما شافته بسرعه قامت وحضنته : نور البيت يا الغالي فيصل اشتاق لها حيل واشتاق لكل جزء بالبيت : انتي نوره يا الغاليه الكل سلم عليه وكانو مره مستانسين ساره : لو تعرف قد ايش وحشتني فيصل ضربها بخفه : وانتي اكثر ريم باستهبال : تصدق غرفتك كنت انا مستحلتها فيصل بقق عيونه : نعععععم !! ريم : ههههههههههه امزح معك ام فيصل طالعته : قوم ارتاح الحين ونام شكلك مره تعبان فيصل : ان شاء الله ابو فيصل ناظر ام فيصل :بكرا عازمين العايله على شرف طلعته ريم استانست : وااااااااااااو واخيرا بنجتمع علي : حسستيني تراكم قبل اسبوع كنتو ويا بعض ساره ناظرته بحده : وربي انت لو تسكت كل شي بيكون بخير ام فيصل : بس يا عيال لازم تتهاوشون فيصل قام : عن اذنكم الكل : اذنك معك قام وطلع غرفته اول ما فتح الباب استقبلته ريحه البخور الي يحبها فتح الليت شاف اكثر مكان يرتاح فيه حس انه كان بغربه واشتاق لادق تفاصيل المكان راح فتح الكبت واخذ المنشفه وراح ياخذ له شور بارد وبعدين نام . . . يتبع .... | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
