آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-11-15, 09:58 AM
| #91 | |||||||||
| نجم روايتي ومشرفة سابقة وفراشة متالقة بعالم الازياء  
|  بسياره فارس .. قفل جواله بعد ما سمع كل كلام فرح لان ندى نست تقفل الجوال بعد ما كلمته .. قفل وهو يحس نفسه متحطم ومتكسر من الداخل .. بنفسه .. شكلها مره مبسوطه فيه .. سند راسه على المرتبه وغمض عيونه ورفع يده على قلبه .. ليه صاير يدق بقوه ليه يا قلب انت حزين ومتحطم لما عرفت ان فرح بتنخطب ليه .. هذا الشعور اللي احس فيه مو اول مره يجيني جاني بعد لما فرح تزوجت الوليد بس وش معناه ليه احس اني ما ابي فرح تروح لحد ليه احس انها ملكي انا بس ليه دايم انبسط لما تكون معي ليه ازعل اذا زعلت مني .. انا اعرف ان الجواب هو الحب بس انا مستحيل احب اعرف نفسي .. بس ليه كل هالأحاسيس ياربي ليه .. (( اللي ما تعرفونه وحتى فارس ما يبي يعترف فيه انه هو متاكد انه يحب فرح بس ما يبي يعترف بهذا الشي حتى لنفسه لانه يفكر ان الحب ضعف وما يبي يكون ضعيف حتى قدام نفسه)).. ................................... بعد اسبوع .. الأشياء المهمه اللي صارت .. ان فهد وراكان رجعو من السفر ..والأهم ان فرح استخارت وماحست بشي بس ردت بالموافقه لانها كانت تنتظر شي وما صار عشان كذا ردت بالموافقه .. وحددو الملكه وراح تكون اليوم .. يوم السبت .. فله ابو سامي .. الساعه 9 الصباح .. صحت فرح من الصباح واخذت لها شاور ونزلت لتحت بعد ما لبست بجامه واللي يشوفها ما يقول ان اليوم ملكتها كانت عاديه ولا متحمسه ولا حزينه يعني وضعها عادي .. نزلت وشافت امها بالصاله صبحت عليها .. ام سامي .. ها جهزتي اغراضك .. فرح جلست بجنبها .. وش اجهز امس البنات سوو كل شي .. ام سامي .. يا حليلهم فرحانين فيك ما قصرو من لما عرفو وقت الملكه وهم على طول معك .. فرح .. ايه والله ما قصرو فكوني من اشيائ كثيره .. ام سامي لفت على بنتها .. فرح يمه ليه ما احسانك مبسوطه .. فرح لفت على امها وابتسمت .. يتهيئ لك يمه بالعكس مبسوطه لاني راح اجرب حياه جديده وكذا .. اممم متى راح نروح للمشغل .. ام سامي ارتاحت .. بعد شوي .. لا تنسين تاخذين كل اغراضك لانا بنطلع من هناك على القاعه على طول .. فرح .. والله لو مسوينها بالبيت كان ازين بيتنا كبير ويكفي ليه قاعه وحوسه كلها ملكه .. ام سامي .. ابوك يبي يفرح فيك .. فرح وقفت .. ططيب انا بروح افطر والبس عبايتي .. ام سامي .. اوك .. وطلعت فرح من الصاله وراحت للمطبخ اكلت لها شي خفيف لانها تحس مالها نفس وبعدها طلعت لغرفتها شافت الشنطه اللي جهزوها لها البنات اللي راح تاخذها معها للمشغل .. لبست عبايتها واخذت الشنطه وجوالها ونزلت لتحت ..شافت امها لابسه عبايتهاوجاهزه .. وطلعو من الفله مع السواق واتجهو للمشغل .. ............................................. الساعه 8 .. فرح طلعت من المشغل واتجهت للقاعه مع امها بعد ما سوو لها الميك اب والتسريحه والفستان راح تلبسه بالقاعه .. بعد دقايق وصلو للقاعه وعلى طول دخلت فرح للغرفه الخاصه فيها .. وكانو البنات ينتظرونها هناك .. ريم .. تاخرتو .. فرح .. وش اسوي المشغل زحمه .. يلا خلوني البس احس مافيه وقت .. عنود طلعت الفستان لفرح .. وكان عبار قطعتين من فوق بدي وكان طوق وماسك على جسمها وفيه شك خفيف .. والقطعه الثانيه اللي هي التنوره كانت وسيعه ونافشه بشكل حلو ومرتب وكان فيها تطريز خفيف وحلو .. وكانو كلهم باللون الوردي الفاتح .. فرح اخذت الفستان ودخلت للغرفه الصغيره ولبسته وطلعت .. كل البنات كان يذكرون الله ويسموون عليها .. غاده .. ماشاء الله كسلك مره طالع رايق وروعه .. كان شكلها بالميك اب الخفيف الناعم والتسريحه الناعمه مره رايق وفخم بنفس الوقت .. هبه قربت من فرح .. لحظه فيه شي ناقص .. فرح لفت على المرايا الطويله تتاكد .. وجدان وش هو .. هبه .. الأبتسامه ليه وجهك مافيه اي تعابير كذا .. ريم .. ايه والله مو بين عليها اذا هي مبسوطه او زعلانه ابتسمي شوي .. وجدان .. لا تلومونها اكيد متوتره .. فرح رسمت على شفايفها ابتسامه هاديه وهي ما ودها لانها من دخلت القاعه وهي تحس بضيقه ما تدري وش سببها بس كل اللي تعرفه انها تبي تطلع من هذا المكان .. لكن ما تقدر ولا حاولت تبين لحد .. ريم نزلت جوالها من اذنها .. فرح سامي يقول يبي يجي هو وعمي وعمر وعمي مشاري عشان يصورون معك .. فرح .. اوك المصوره وينها .. عبير .. برا تنتظر .. فرح .. اجل خلاص خلوها تدخل عشان اصور معهم قبل ما يجي وقت زفتي .. البنات كلهم طلعو بعد ما اتصلت ريم على سامي وقالت له يدخلون .. دخلو سامي وعمر وابو سامي وابو عمر واول ما شافو فرح صارو يسمون عليها ويذكرون الله .. سامي .. اوخس يا فريح كل مالك وتحلوين .. ابو سامي .. اذكر الله يا ولد راح تعطي اختك عين .. سامي .. لا اله الا الله .. ماشاء الله تبارك الله .. فرح ابتسمت لهم .. يلا نصور .. وصارت تصور معهم .. اخذت صوره جماعيه معهم بعدين صورت مع ابوينها وصوره ثانيه مع اخوانها بعدين مع كل واحد لحاله .. سامي .. يلا الحين راح نطلع عشان ندخل نزفك .. ابو سامي لف على سامي .. لحظه سامي فارس جا .. ما شفته .. سامي .. هو قال عنده شغل راح يتاخر شوي .. بس شكله تاخر كثير راح اتصل عليه اشوفه وين .. فرح ما تدري ليه قلبها انقبض لما سمعت اسم فارس .. سامي نزل جواله .. ما يرد .. ابو سامي .. يمكن انه تحت وما سمع جواله من الأزعاج .. يلا خلونا ننزل .. وطلعو من الغرفه وفرح جلست لحالها .. فرح حطت يدها على قلبها وبنفسها .. ياربي ليه قلبي مقبوض كذا .. ليه فارس على بالي من لما صحيت .. ياربي فيه شي .. لا انا ما اقدر اكمل كذا احس فيني رغبه قويه اني اتطمن عليه .. اخذت جوالها وفتحته وعلى طول دورت رقم فارس واتصلت .. يرن .. مره ومرتين .. ومع كل رنه يدق قلب فرح بقوه .. ويرن ويرن .. وعلى اخر رنه انفتح الخط .. فرح بسرعه .. فارس انت وينك .. .. انا مو فارس .. انا خويه .. انا رديت على جواله بعد ماشفته يرن كثير .. يا اختي فارس بالمستشفى وما يبي حد يدري بس انا اطريت اقولك لانه بغرفه العنايه واخاف يصير له شي وهو ما يبي حد يدري .. فرح وفجأه تجمعت الدموع بعيونها .. فارس بالمستشفى ليه وش فيه .. الشاب .. هو كان معي وماكان فيه شي ولله الحمد وكان يتكلم عن ملكه بنت عمه اللي هي اليوم ..وفجأه ارتفعت حرارته وصرت احط له كمادات بس حرارته ما نزلت وبالموت اقتنع انه يروح لمستشفى واول ما وصلنا على طول دخلوه للطوارء يقولون لو حنا متاخرين اكثر كان مات الولد حرارته موصله 40 .. حاولو ينزلون حرارته حتى الأبره عطوه بس مافي فايده والحين هو بغرفه العنايه مركبين عليه الأجهزه .. فرح من غير سابق انذار دموعها صارت تسيل على خدودها وقلبها صار يدق بسرعه .. طيب هو باي مستشفى .. الشاب .. بمستشفى ال .. فرح ما حست بنفسها ال وهي تقفل الجوال وراحت للغرفه اللي داخل ونزلت التنوره ولبست بنطلون بسرعه واخذت عبايتها وشيلتها لبستهم وتلثمت وبسرعه نزلت من الباب الخلفي وطلعت من غير محد يشوفها شافت واحد من السواقين بسيارته ركبت معه بسرعه وقالت له يروح للمستشفى .. وحرك وهي كل اللي ببالها الحين فارس وناسيه المصيبه اللي تركتها وراها .. بعد ربع ساعه وصلت للمستشفى نزلت بسرعه ودخلت للمستشفى وسالت عن فارس وقالو لها مكانه وراحت وهي تسرع ودموعها تجمعت بعيونها .. وصلت لغرفه العنايه وشافت واحد واقف عند واحد من الأبواب راحت له بسرعه .. انت خوي فارس .. الشاب رفع عيونها ونزلها بسرعه لان فرح كانت متلثمه وعيونها كلها ميك اب ..ايه .. فرح . طيب هو وينه الحين ابي اشوفه .. الشاب يفكرها اخته واشر على الغرفه اللي فيها فارس .. فرح قربت من الغرفه وشافت وحده من الممريضات تطلع منها .. لو سمحتي ابي ادخل .. الممرضه .. بس ممنوع .. فرح .. تكفين ابي ادخل اتطمن عليه .. الممرضه كسر خاطرها شكل فرح .. طيب بس تعالي معي لازم تلبسين لبس خاص .. فرح .. اوك .. وراحت معها .. ولبست لبس المعقم ودخلت على فارس .. راحت لعنده ومن غير شعول مسكت يده ونزلت لثمتها ودموعها بدت تنزل وبصوت باكي .. فارس قوم .. فارس لا تروح عني تكفى فارس .. فارس بدا يفتح عيونه بصعوبه وهو يفكر انه يتخيل ولما تاكد ان اللي قدامه فرح صدق مو خيال ضغط على يدها عشان يتاكد اكثر .. فرح .. فارس وش صار لك انت ليه هنا .. ليه تبي تروح عني وتتركني .. فارس رفع يده الثانيه ونزل الأكسجين مع على فمه وتكلم بصعوبه .. فرح انتي ليه هنا المفروض انك بالقاعه الحين .. فرح .. انت مجنون كيف تبيني اعرف انك هنا واتركك وانبسط مجنون انت .. فارس حاول يضبط جلسته .. فرح انتي عارفه وش سويتي الحين .. فرح .. مالك دخل فيني .. قول لي انت ليه هنا وش اللي صار لك تكلم .. فارس نزل عيونه .. مدري فجأه ارتفعت حرارتي .. فرح .. بس خويك يقول انك وقتها كنت تتكلم عن ملكتي وش كنت تقول عني .. فارس لف وجهه للجهه الثاني .. ماكنت اقول شي .. ورجع لف عليها .. فرح ارجعي للقاعه لا تصير لك مشكله الناس كلهم متجمعين و.. قالها بغصه .. خطيبك ينتظرك اكيد الحين .. فرح .. لا ماراح اقولك قلت لك واللي راح يصير يصير مايهمني شي الا انت . فارس يحس انه يحلم فرح قدامه وبيوم ملكتها وتقول له انه يهمها .. فرح .. ليه سكتت قول لي ليه ارتفعت حرارتك فجأه انت تعبان من اول .. فارس .. قلت لك فجأه .. فرح اسمعي الكلام وروحي .. وحاول يسحب يده من يدها بس فرح شاده عليه بقوه تخاف انه يروح عنها .. فرح نزلت راسها .. تدري اني من لما صحيت وانت ببالي مدري ليه حتى مو قادره انبسك لان اليوم ملكتي كل اللي في بالي انت وبس واول ما دخلت للقاعه حسيت بضيقه كبيره ولا ادري من وين والحين بس عرفت السبب لانك انت هنا .. بس اللي موفاهمته للحين انا ليه جاتني ضيقه لانك انت تعبان .. رفعت عينها له والتقت عيونهم . فارس تاه في عينها يحس انه مشتاق لها كثير .. فرح ولاول مره تحس انها تستحي من نظرات احد نزلأت عيونها .. ورنت الجرس على الممرضه .. شوي وجات .. الممرضه .. في÷ مشكله .. فرح .. لو سمحتي هو وش فيها بالضبط .. المررضه .. حرارته مرتفعه .. وناظرت فارس .. بس شكلها خفت الحين .. وقربت من فارس وقاست حرارته .. لا ما اصدق حرارتك نزلت .. وش السب .. فرح ابتسمت .. الحمد الله .. الممرضه ..لحظه راح انادي الدكتور ..وطلعت .. فارس اللي توه ينتبه لشكل فرح ..فرح غطي وجهك نسيتي انك متزينه .. فرح غطت وجهها من غير اي اعتراض .. فارس بالبدايه استغرب وبعدها ابتسم .. فرح .. عن اذنك شوي .. طلعت من الغرفه وعلى طول راحت لدورات المياه شالت الغطى وغسلت وجهها بتهور .. وبعد ما خلصت وجففته ابتسم وضبطت شيلتها ورجعت للغرفه بس ما شافت فارس وشافت ممرضه .. لو شمحتي وين المريض اللي هنا .. ابممريضه .. الدكتوره نقله لغرفه عاديه لانه صار بخير .. فرح .. طيب ابي ابدل هذا اللي لابسته . طلعت فرح مع الممريضه وبدلت اللي لابسته ولبست عبايتها وراحت للغرفه اللي فيها فارس دخلت وشاب خويه عنده .. فارس انصدم لما شافها .. وبنفسه .. هذي جنت رسمي ليه مسحت مكياجها .... الشاب اول ما شاف فرح دخلت استاذن من فارس وطلع .. فارس .. فرح خلاص ارجعي انا بخير اكيد الكل يدور عليك الحين .. فرح سحبت الكرسي وجلست .. قلت لا ماراح اروح لا تحن .. فارس .. تراك تركتي مصيبه هناك .. فرح .. ما يهمني .. فارس .. فرح انتي ليه تسوين كل هذا .. فرح لفت عليه .. تصدقني لو قلت لك انا نفسي مو عارفه بس هذا شي مريح بالنسبه لي .. ووقفت وقربت لعنده .. للحين ماتبي تقول لي وش كنت تقول عن ملكتي .. فارس نزل عينه .. مدري ليه من لما سمعت انك انخطبتي وانا مو مرتاح احس نفسي متضايق ومن هذاك اليوم وانا احاول ابسط نفسي باي شي بس الضيقه مو رايحه .. واليوم فجأه وانا افكر فيك ارتفعت حرارتي .. فرح .. طيب ليه ما كلمتني ليه ما قلت لي انك متضايق ليه .. فارس لف عليه .. وكيف اقولك نسيتي انك زعلانه مني وبعدين مينانا عشان اجي اقولك لا تتزوجين انا مو مرتاح .. فرح تنرفزت .. وانت ما تدري اني طول هالأسبوع كنت انتظر منك اتصال عشان تقول لي ارفضي تدري او لا .. بس انت ولا همك .. فارس يناظرها وهو مصدوم .. فرح انتي وش تقولين .. فرح صدت عنه .. اللي سمعته .. فارس .. ليه ما قلتي لي .. فرح .. بالله تبيني اجي اقولك قولي ارفضي سلامات كنت ابيها منك .. فارس . كنت راح اسويها اكثر من مره بس كنت اتردد لاني اخاف تصديني .. فرح لفت عليه بعصبيه .. انت مجنون .. وليه ما سويتها .. وش راح تستفيد لو اني تملكت الحين .. فارس بنفس العصبيه .. وانتي ليه توافقين من البدايه وبعدين انا سمعتك وانتي تتكلمين عنه بعد الشوفه الشرعيه كنتي مره مبسوطه بالله قولي كيف راح اتجرئ واجي اقولك ارفضي .. فرح .. كان هذا الكلام قبل ما افكر واذا سمعتني كويس انا قلت ان اللي عاجبني فيه صوته بس وكانت نزوه وراحت .. فارس .. وانا كيف راح اعرف .. فرح .. مو لازم تعرف ليه ما جيت وقلت لي باللي تحس فيه .. فارس .. شكلك نسيتي انك زعلانه علي وما تبين تكلميني .. فرح .. اللي ما تدري عنه اني سامحتك من يوم ميلادي تتوقع ان حركتك وتحقيقه لامنيتي كانت سهله لا طبعا كانت افضل هديه لي بحياتي .. فارس .. بس انتي ما بينتي لي كذا .. فرح .. من متى ابين لك شي كنت دايم تحس فيني من غير ما اتكلم ليه هذي المره غير ليه .. فارس نزل راسه .. خفت يا فرح خفت ماكنت ابيك تتضايقين مني اكثر .. فرح هدت وقربت منه .. فارس انت ت.... انقطع كلامها لان الباب انفتح بقوه .. ابو سامي بعصبيه .. فرح انتي هنا .. فرح خافت اول مره تشوف ابوها معصب كذا .. سامي دخل وراه وبنفس عصبيه ابوه قرب من فرح ومسكها من يدها بقوه .. انتي عارفه وش سويتي .. لييه جايه هنا ليييه .. ابو سامي .. حنا وش سوينا لك ليه تفشلينا كذا ليه تهربين بيوم ملكتك ليه .. فرح لفت على فارس كانها تبيه ينقذها .. فارس ولاول مره يشوف سامي وعمه معصبين كذا مو قادر يتكلم او يقول شي .. سامي سحب فرح .. يلا تعالي معي بسرعه كفايا فضايح .. فرح سحبت يدها من سامي بقوه وراحت عند فارس .. انا ماراح اجي انا بجلس هنا انا اح.. فارس قاطعها بسرعه .. سامي خذها حنا بمستشفى مانبي فضايح .. فرح انصدمت من كلام فارس وصارت تناظره .. فارس نزل عيونه .. سامي رجع سحب فرح .. وهذي المره مشت معه من غير اي اعتراض لانها مصدومه من فارس وكلامه .. فارس بنفسه .. فرح انا اسف بس لازم اسوي كذا .. ابو سامي عطى فارس نظره ما فهمها وطلع .. ....................................... قبل ساعه .. بالقاعه .. عبير وريم كانو واقفين عند باب غرفه فرح .. عبير .. تتوقعين انهم طلعو .. ريم .. ايه لاني ما اسمع صوت .. عنود وهبه جاو لعندهم .. يلا خالتي تقول الرجال راح يدخلون الحين فرح جاهزه .. ريم .. كنا ننتظرهم يطلعون .. وفتحو باب الغرفه واستغربو لما ما شافو حد .. عنود .. وين فرح .. هبه .. يمكن بالحمان .. عبير راحت لعند الحمام (( الله يكرمكم )) .. ودقت الباب ولما محد رد عليها فتحت وانفتح وماشافت حد .. مافيه حد .. عنود .. اجل اكيد بالغرفه اللي داخل ومن التوتر ما سمعتنا .. ريم .. اي والله يمكن روحي ناديها .. عنود دخلت للغرفه وماشافت حد وانصدمت لما شافت التنوره حقت فرح على الأرض .. يابنات تعالو بسرعه .. البنات راحو لها بسرعه وهم قلقانين .. ريم .. مو هذي حقت فرح .. بس فرح وينها .. هبه عل طول راحت تدور عبايتها .. بنات عبايتها مو موجوده .. عبير تشوف جوال فرح اللي على الأرض .. هذا جوالها ليه مرمي على الأرض كذا .. اخذته .. عنود سحبته منها .. انا اعرف رمزها اكيد جاتها مكالمه وهربت بس من مين .. ريم وهبه وعبير بوقت واحد ..هربت .. عنود فتحت الجوال وشافت اخر مكالمه .. اخر مكالمه كانت لفارس .. فرح كانت مكلمه فارس بس ليه تهرب وش صار .. ريم .. راح اتصل فيه .. واتصلت وشافت جواله مقفل .. جواله مقفل .. وشنسوي الحين كيف راح نقول لخالتي والمعازيم والمعرس .. في هالوقت جاو بقيه البنات .. غاده وهي تدخل .. يلا بنات وش فيكم تاخرتو .. وجدان وهي تناظر الغرفه .. الا فرح وينها .. ندى .. اكيد بالحمام .. ريم لفت عليهم .. لا فرح هربت .. البنات بصدمه .. هربت .. غاده .. انتي تمزحين صح اكيد هذا مقلب .. عنود وهي شوي وتبكي .. وربي ما نمزح فرح هربت .. وجدان .. طيب ليه وش السبب وش اللي خليها تهرب هي مو مغصوبه .. ريم .. مو هذا المهم المهم وش راح نقول للناس ولاهل العريس .. عبير .. بنات انا اتصلت بامي قلت لها تجي يمكن تقدر تعطينا حل .. شوي جات العمه ساميه .. بنات وش فيكم وش صاير .. ليه قلتي لي اجي بسرعه يا عبير .. عبير قالت لامها السالفه .. العمه ساميه بصدمه .. هربت .. وليه .. غاده .. ما ندري عن شي .. العمه ساميه .. ياربي وش هالمصيبه .. لازم حصه تعرف ..لمياء روحي نادي خالتك ام سامي وخالتك ام فارس كمان لازم نلاقي حل قبل ما ننفضح .. بس اللي ما يدرون عنه البنات ولا العمه ساميه ان رغد كانت واقفه عند الباب تبي تشوف ليه تاخرو وسمعت كل شي ونزلت لتحت وقالت لامها .. وام العريس عصبت وبتهور طلعت على المسرح قبل ما يدخلون الرجال وقالت .. ليه تلعبون علينا ليه ما قلتو لنا ان البنت مغصوبه .. يعني يرضيكم ان البنت تهرب بيوم ملكتها .. ام سامي والجده نوره وام فارس وام راكان وقفو مصدومين من اللي يشوفونه .. لمياء رجعت للغرفه وهي تركض والدموع بعيونها .. يمه ام المعرس عرفت بكل شي .. وقالت لهم اللي قالته .. البنات كلهم شهقو .. غاده .. فضحتني هذي كيف تسوي كذا .. ريم .. وش تنتظرينها تسوي وهي تشوف ملكه ولدها الوحيد تخرب وزوجته تهرب .. الغلط كله من فرح وتهورها .. العمه ساميه .. لازم ابو سامي يعرف .. واتصلت عليه وقالت له كل شي صار وهو بفطانته على طول خل ناس من عنده يشوفون فارس وينه ولما عرفو المستشفى راح هو و سامي اللي عرف السالفه منالناس لان الكل صار يتكلم .. للمستشفى .. اما ابو عمر وابو فارس جلسو يهدون الناس .. لما بدت القاعه تفضى ويطلعون الكل .. ونفس الشي صار عند الحريم .. بس الفرق ان ام سامي اغمى عليها اول ما سمعت الخبر .. وبعد ما طلعو كل الناس كل العيله تجمعو ببيت ابو سامي .. .............................................. عند المستشفى .. فرح ركبت السياره وهي ساكته وسامي من اليوم وهو يهزئ فيها ويتكلم معها بس هي مو معه كل اللي تفكر فيه ليه فارس قال اللي قاله بعد كل اللي سوته عشانه تركت كل شي وراها وسببت مصيبه لاهلها عشانه وهو بكل بساطه يقول هالكلام ركب ابو سامي معهم بالسياره .. سامي خلاص بالبيت نتفاهم ورفع جواله واتصل على ابو فارس وقال له يجي ياخذ ولده من المستشفى .. بعد نص ساعه وصلو لبيتهم .. نزلو من السياره وكان سامي ماسك فرح ويسسحبها معه كانها ميته .. فرح مو حاسه باللي حولها مصدومه كثير من اللي سوته واللي سواه فارس .. دخلو للفله وكانو الكل متجمعين بالصاله .. سامي رمى فرح على الأرض بقوه وهو معصب .. ام سامي اللي صحت بعد ما قالو لها ان فرح بخير اول ما شافتها قامت وتوها بتجي لعندها بس ابو سامي منعها وخلاها ترجع مكانها فرح كانت تناظر الكل بجمود مافي اي تعابير بوجهها كل اللي تبيه الحين انها تشوف فارس قدامها وتساله ليه سوى كذا ليه كسرها وحطمها بعد كل اللي سوته .. الكل كانو يناظرون فرح وهم مو فاهمين شي للحين ما عرفو وش صار كل اللي عرفوه ان فارس كان بالمستشفى وفرح راحت له بس ليه راحت وليه هو اصلا بالمستشفى لسا ما عرفو .. في هالوقت دخل ابو فارس وفارس معه ..السلام .. الكل رد السلام .. فرح اول ما شافت فارس على طول قامت له متجاهله الكل وقفت قدامه وحطت عيونها بعيونه .. ليه ؟؟.. فارس نزل عيونه ما يهرب من نظرات فرح بس لا يهرب من نظراتهم كلهم اول ما دخل شاف في نظراتهم اللوم بس ما يدري على ايش .. سامي جا وسحب فرح عن فارس .. انتي وش فيك انجنيتي .. فرح سحبت يدها من سامي ورجعت لفت على فارس وبصراخ .. قول لي ليه ليه تسوي فيني كذا ليه تتجاهلني بعد كل اللي سويته عشانك انت عارف اني سببت لاهلي مصيبه اني احرجتهم وفشلتهم قدام الناس وانت بكل سهوله تقول الكلام اللي قلته حتى ما تعبت نفسك انك تدافع عني .. ليه قول ليه .. تكلم لا تسكت .. وبدت الدموع تتجمع بعيونها .. تكلم فارس تكفى ... الكل .. كانو يناظرون فرح وهم مصدومين من اللي تقوله صدق ما فهمو كل الموضوع بس كلامها كبير وحتى حالتها تصدم اول مره يشوفونها كذا .. سامي عصب اكثر وقرب من فرح بيعطيها كف بس فارس كان اسرع منه ومسك يده .. لا تمد يدك عليها هي ما قالت شي غلط انا اللي غلطان وترك يد سامي قدام صدمه الكل ولف على فرح انا سويت كل هذا لاني احبك واعرف عمي لو قلت له هذا الكلام قبل شوي كان حرمني منك للابد والحين انتي خليتيني اطر اتكلم ونزل راسه وبكذا تاكدي ان بعد كلامي هذا ماراح تشوفيني مره ثانيه .. فرح ودموعها تنزل .. قربت منه .. محد له حق يبعدك عني لاني حتى انا احبك ولا حد يقدر يفرقني عنك .. فارس رفع راسه لها وهو من داخله مبسوط بس عارف ان فرحته هذي ماراح تدوم مادام الكلام هذا صار قدام الكل وقار بصرخه قهر بس حنا بمجتمع ما يؤمن بهذي الأشياء تعرفين كيف ان هذا الشي عيب بالنسبه لمجتمعنا يعني بعد هذا اليوم ماراح نشوف بعض هذا اذا ما ذبحونا .. فرح بنفس الصراخ .. وليه وش ذنبنا ذنبنا اننا حبينا .. متى صار الحب الطاهر والبريئ حرام متى .. فارس .. اصحي يافرح انتي مو برا انتي بمجتمع محافظ تعرفين كيف محافظ .. كيف راح تقنعينهم ان الحب مو ذنب .. فرح صارت تبكي مو قادره تقول شي .. الكل مصدومين من اللي يشوفونه ما توقعو ابد ان في يوم راح يصير هذا الشي بعيلتهم وخصوصا بين فارس وفرح .. فارس نزل راسه لان عيونه تجمعت فيهم الدموع وده يبكي من القهر بس ما يقدر .. الكل ساكتين للحين مو مستوعبين اللي جالس يصير قدامهم .. ابو عمر قرب من فرح .. فرح اول ما شافته يقرب لها تلقائيا رجعت لورا خطوه فكرته بيضربها .. ابو عمر بحنيه قرب لها اكثر .. لا تخافين تعالي .. وحضنها .. فرح ما صدقت حد يحضنها زاد بكيها .. وصارت تشهق من البكي .. ابو عمر صار يمسح على ظهرها ويهديها .. اشش خلاص اهدي هذا انتي ما تغيرتي من لما كنتي صغيره وكل شي يجي على بالك تسوينه ولا تفكرين بعواقبه اهم شي ان اللي تسوينه بنظرك مو غلط وانا ادري انك تركتي الملكه ورحتي لفارس لانك تحبينه وهذا الشي بنظرك مو غلط لان هذا اللي تعودتي عليه من صغرك بس الغلط اللي ما قدرت افهمك اياه من لما كنتي صغيره انك لازم تفكرين بعواقب كل شي تسوينه انا الغلطان وماراح الومك على هذا الشي لان من لما كنتي صغيره محد قالك ان هذا شي غلط كيف الحين لما كبرتي راح تتعلمينه انا الوم نفسي على كل هذا واستاهل كل اللي صار لي بسببك وبعد عنها وصار يمسح دموعها خلاص اهدي واللي تبينه راح يصير .. فرح .. بس انا جد ما سويت غلط .. ابو سامي يحاول انه ما يعصب كيف ما سويتي غلط هروبك من ملكتك هذا اكبر غلط حنا ما غصبناك انتي اللي وافقتي برضاك ليه لما جا اليوم وصارت الحفله تسوين فينا كذا وتهربين وتفشلينا قدام الناس .. فرح بعدت عن ابو عمر وراحت لابو سامي .. يبه لا تلومني اول ما جاني اتصال من خوي فارس وقال لي ان فارس بالعنايه مدري وش صار فيني على طول رحت له من غير تفكير وربي شي كان مو بيدي .. ابو سامي .. حتى لو نبرر روحتك له كانت مو خوفك عليه ترا تقدرين تقولين لي او لاخوك وحنا نتصرف .. مو تهربين .. فرح نزلت عيونها بس هروبي هذا وروحتي لفارس خلاني اعرف وش ابي وغير كذا اني انا السبب في الحاله اللي مر فيها فارس .. فارس لف عليهم .. عمي انا ادري كمان ان اللي سويته غلط واني ما خبرتكم ان فرح موجوده عندي بس مو يمكن ان الله كاتب ان هذي الملكه ما تصير .. عشان كذا صار اللي صار .. فرح رفعت راسها .. صح ربي كاتب ان هذا الزواج ما يتم .. ابو سامي .. هذا اللي همك جالسه تبررين تصرفك ولا سالتي وش صار بالملكه ووش قلنا للناس تدرين اننا قلنا لهم انك اغمى عليك من التعب ووديناك للمستشفى عشان كذا تكنسلت الملكه اما اهل المعرس عرفو بكل السالفه ماندري كيف وكنسلو الخطبه بعد ما رمو علينا كلام .. فرح .. انا اسفه وربي .. بس قلت لكم هذا شي مو بيدي .. ابو سامي .. طيب والحين وش استفدتي من اللي سويتيه .. فرح ناظرت فارس .. فارس نزل عيونه .. فرح تقدمت لابوها وبجراءه .. انا ابي فارس .. ابو سامي انصدم من جرائتها .. مو بس ابو سامي كل الموجودين حتى فارس .. ابو سامي عصب وتوه بيتكلم بس فارس سبقه وجا وقف بجنب فرح .. وحتى انا ابي فرح والحين اخطبها منك ومستعد اتملك عليها الحين .. ابو فارس .. ولد انت جنيت .. فارس .. ليه جنيت يبه وانا ابي فرح على سنه الله ورسوله .. ابو سامي وابو فارس عصبو بقوه .. سامي .. انتو صاير بعقولكم شي .. الجده نوره اللي كانت تتابع بصمت طول الوقت .. وقفت وتقدمت من فارس وفرح .. خلاص خلصتو كلامكم ومناقشاتكم وهواشكم .. الحين جا دوري .. انا اقول ان زواج فارس وفرح راح يتم اليوم ومابي اي نقاش .. ولفت على حمد .. الحين تروح تجيب الشيخ ويتملكون . ولفت على فارس وفرح .. وانتو يلا كل واحد يروح يتجهز ساعه وانتو هنا .. . الكل يناظرون الجده باستغراب ما توقعوها تسوي كذا .. اما فارس وفرح لفو على بعض وابتسمو .. بعدها طلعو من الصاله فرح لغرفتها وفارس طلع لبيتهم يتجهز .. ابو سامي .. بس يمه انتي شفتي ايش سوو .. الجده نوره .. اللي قلته راح يصير .. لو ما زوجناهم اليوم راح يتزوجون من ورانا .. شكلكم للحين ما عرفتو عيالكم وتفكيرهم .. ما دامهم تجرئو وقالو كل اللي قالوه قدامنا مو بعيده عنهم انهم يتزوجون من ورانا .. وش الأحسن نزوجهم حنا وبرضنا ولا من ورانا ومن غير رضانا .. العمه ساميه .. كلام امي صح .. وصدق ان الحب مو من قواعد عيلتنا وشي ممنوع بس معروف ان كل قاعده ولها شواذ وسالفه فارس وفرح طلعت من الشواذ والأحسن نخلي كل شي قدام عيوننا لاننا لو عاندناهم راح يعاندونا .. الكل اقتنعو بكلام الجده نوره والعمه ساميه لان كلامهم صح .. لان الرفض والعناد ما ينفع مع شخصيه فارس وفرح .. ................................. بعد ساعه .. تجمعو الكل مره ثانيه بس الحين هم مبسوطين لفارس وفرح .. وجا الشسخ وتمت الملكه ووقعت فرح .. بعدها راحت تجلس مع فارس لحالهم بالمجلس الدااخلي .. فرح كانت لابسه فستان ناعم طويل كانت لابسته بزواج عنود وهبه .. وكانت متاركه شعرها ستريت وميك اب خفيف حطته لها وجدان على السريع .. اما فارس كان لابس ثوب وشماغ وكاشخ .. طبعا اول ما دخلت فرح للغرفه فارس كان جالس واول ما شافها وقف وقرب لعندها وبابتسامه .. فيه شي نفسي اسويه من زمان ممكن .. فرح بنفس الأبتسامه .. وش هو .. فارس من غير سابق انذار .. حضنها له بقوه .. فرح بالبدايه ارتبكت بعدها حست بالأمان وحضنته هي كمان .. فارس بهمس .. احبك .. فرح ولع وجهها ولاول مره .. ابتسمت وقالت بنفس الهمس .. وانا بعد .. فارس بعد عنها بهدوء ومسك يدها وجلسها بجنبه ولسا ماسك يدها .. ممكن اسالك سؤال .. فرح رفعت عيونها له بمعنى اسال .. فارس .. كيف اكتشفتي انك تحبيني .. فرح .. منشهر وانا احس باحساس اتجاهك بس كنت اتجاهله لاني ما اومن بشي اسمه حب بس اليوم بعد ما شفت حالتك بالمستشفى وكيف خفت عليك عرفت اني احبك ولا ابي اخسرك .. فارس كان يسمع وهو مبتسم .. فرح .. طيب وانت .. فارس .. اوه انا قبلك بمراحل .. من بعد زواجك من الوليد وانا تاكدت اني احبك بس كنت اتجاهل هذي الأحاسيس بنفس سببك لاني ما اومن بشي اسمه حب وانتي تعرفين ليه .. بس لما جاني خبر زواجك الثاني وان هذا انتي اخترتيه من نفسك مو مثل الوليد عشان حاجه .. هنا انقلبت حياتي وبيوم ملكتك ما قدرت اتحمل لاني خلاص عرفت انك راح تروحين مني للابد عشان كذا جاني اللي جاني .. بس تصدقين اني انصدمت اول ما شفتك موجوده عندي .. توقعت كل الناس يجون الا انتي .. فرح .. ومن فرحتك طردتني .. فارس .. لا والله بس كنت خايف عليك مو قصدي اي شي ثاني .. فرح مسكت يدين فارس الثنتين بيدنها .. الحين مادمنا صرنا لبعض خلنا ننسى الماضي ونفكر باليوم والمستقبل .. فارس .. اكيد .. والله ماني مصدق انك خلاص صرتي زوجتي .. فرح .. تبيني اقرصك .. فارس.. ايه عشان اصدق .. فرح بجرائه قربت منه وباسته على خده بنعومه .. والحين صدقت .. فارس فهى وخق وكل ابو شي .. هاه .. فرح انحرجت ونزلت راسها .. فارس رفع يد فرح وحطها على قلبه .. شفتي كيف يدق بقوه .. كل دقه تنطق باسمك يا فرح .. فرح رفعت عيونها لعيونه وصارت تناظره وهي مبتسمه وساكته .. وبداخلها تحمد الله على هذا اليوم وتحمد الله انه عوضهابعد تعبها وشقاها بشي يفرحها .. فارس .. عشان هذي الأبتسامه اللي على وجهك انا مستعد اسوي كل شي عشان ما تختفي انا اوعدك من اليوم انك ماراح تشوفين ولا يوم حزن بحياتك .. الأبتسامه ماراح تفارقك باذن الله .. فرح .. وانا واثقه بهذا الشي .. .................................................. بعد سنتين .. يوم الخميس .. الساعه 7 المساء .. في منتجع كبير بالرياض .. كانو الكل متجمعين فيه .. عيله السامي وعيله الرائد .. بمجلس الحريم .. فرح توها داخله .. السلام عليكم .. اوف ياربي بزارينكم نشبو لي اول ما دخلت بالموت فكيتهم عني .. الكل .. ههههههههههههههههههههه.. ريم .. والله محد قالك تجين تسكنين بالرياض وتتركينا اكيد مشتاقين لك .. وجدان .. وبعدين ليه توك تجين ما شاء الله عليك .. غاده .. هذا حنا اهل الشرقيه وصلنا قبلك وانتي هنا بالرياض وتوك تجين .. فرح وهي تسلم على الحريم .. وش اسوي فارس توه جاي من الشغل .. ام سامي تضم بنتها .. والله فارس اخذك منا صرنا ما نشوفك الا باشهر مره .. فرح .. يا قلبي يا يمه وش اسوي تعرفين دوام المستشفى دايم شفتات يعني مو بكيفي .. الجده نوره .. الله يسعدك ويبلغك بالذريه الصالحه .. الكل .. امين .. فرح .. الله كريم .. وكملت تسلم على البنات ..وبعد ما خلصت وجلست .. لفت على بشاير ولميائ .. ها كيف العروسات .. بشاير ولمياء بحيا .. بخير .. صح نسيت اقول لكم ان فيراس خطب بشاير وتزوجها السنه اللي راحت وكمان ريان خطب لمياء وزواجهم كان بنفس اليوم .. ام سامي ..الله يرجع ولدي بالسلامه عشان ازوجه وافرح فيه لان مابقى الا هو من عيال العيله ما تزوج .. فرح .. والله يمه ولدك اللي مطولها .. الحين هو يدرس بلندن وش اللي يخليه يطلع من الجامعه ويروح لكندا ويدرس اداره اعمال .. يدور الشقى لنفسه .. ام سامي .. مادامه عرف وش يبي ليه نحرمه خليه على راحته اهم شي يدرس اللي يحبه .. فرح .. طيب بكيفه .. ولفت على وجدان .. الحين بنتك وش فيها راسها ملفوف.. وجدان وغاده ضحكو ..ههههههههههههههههه.. فرح .. بسم الله وش فيكم .. غاده .. الله يسلمك هذا ولدي تركي تهاوش معها على لعبه امس وهم يتهاوشون ضربت اللعبه براس لمار على خفيف وصار فيه مشخ بسيط جدان .. وجدان .. عاد بنتي الدلوعه قامت تبكي وتصارخ وشالت الدنيا على المشخ البسيط والا تلفين لي راسي ماسكتت الا لما لفيته لها تحسبه جرح عميق الأخت .. الكل .. ههههههههههههههههههههههههه ه.. فرح .. والله بنتك دلع حدها .. وجدان .. كله من ابوها تعبت وانا اقوله لا تدلعها بس ما يسمع .. فرح .. اجل الله يعينك عليها لما تكبر .. ولفت على ريم .. وانتي رويم وش فيه ولدك بس جالس لحاله حتى لما جا يسلم علي انتظر كل البزارين يروحون وجا سلم .. ريم .. الله يسلمك توه جايني من شوي متهاوش معهم يقول ما يلعبوني .. فرح .. ههههههههههههههههه.. والله عيالكم حفله ..ولفت على عنود .. الا انتي بنتك رهف وينها ما شفتها معهم .. عنود .. تسالين كانك اول مره تعرفينها اكيد لاصقه عند ابوها .. تعبت معها من دلع فهد الزايد لها صارت كله تبيه .. ولما مل منها صار يقول لي خذي بنتك مو كانه هو السبب .. فرح .. الله يعينك بصراحه عليها .. سكتو الحريم لان البزارين دخلو بازعاجهم وكلهم اتجهو لفرح وتجمعو عليها .. فرح .. هوب هبو وش فيكم .. تركي ولد غاده .. خالتي فرح عمي فارس قال لنا نناديك واول واحد يوصل لعندك راح تعطينه هديه .. الكل .. ههههههههههههههههههههههههه ه.. فرح .. انا اوريه فروس بس يبي يوهقني .. ووقفت .. طيب حبايبي اروح اشوف وش يبي بعدين اعطيكم الهديه .. هبه .. والأخ المتيم ليه ما اتصل على جوالك .. فرح .. ايه والله .. ولفت تدور جوالها بشنطتها عشان تشوف .. يمكن اتصل وصامت .. بس ما لقته .. يوه مو موجود ليكون نسته بالبيت .. خليني اروح اشوف وش يبي .. ولفت على البزارين .. اجلو هنا حبايبي انا بروح اجيب لكم الهدايا واجي طيب ... البزارين .. طيب .. فرح طلعت من عندهم وراحت للحديقه الخارجيه اللي تفصل مابين الحريم والرجال وشافت فارس ينتظرها .. راحت له .. وش فيك .. فارس لف عليها وبابتسامه .. اشتقت لك .. فرح تخصرت .. احلف احلف انك مطلعني من عند الحريم عشان تقول لي كذا .. فارس .. هههههههههههههههه.. مشكلتك ما تصدقيني .. ومد جوالها لها . خذي جوالك نسيتيه بالسياره .. فرح اخذته منه .. مثل ما توقعت .. وبعدين ليه متعب نفسك وجايبه ما احتاجه .. فارس .. بالله .. طيب تخيلي اني اشتقت اسمع صوتك وش اسوي .. فرح .. يوووه فروس ترا استحي .. فارس .. فديت اللي تستحي .. المهم متى تجي تسلمين على الرجال يسألون عنك .. فرح .. شوي واجي توي داخله .. فارس .. يوه اكلوني من شوي يقولون وهذا انت ساكن بالرياض وتوك جاي لو انك بالشرقيه متى بتجي .. فرح .. هههههههههههههههههههه.. نفس كلام الحريم لي .. فارس .. كانه بيدي .. المهم يلا ادخلي لا تتاخرين عليهم .. فرح لفت بتمشي بس تذكرت شي ورجعت .. الحين انت كيف توهقني مع البزارين تقول لهم اللي راح يوصل لي اول راح اعطيه هديه من وين اجيب لهم هدايا انا .. فارس .. هههههههههههههههههههه .. وش اسوي كنت ابيهم ينادونك ومحد سامعني ومالقيت الا هالحل .. خلاص ولا يهمك ارسليهم لي انا اتصرف معهم .. فرح .. ايه زين فكيتني .. يلا سلام .. ودخلت للحريم وفارس رجع للشباب .. فارس اول ما دخل المجلس .. فهد .. بل بل بل عليك مو كانكم توكم جايين ساعه كل هذا تعطيها جوالها .. فارس وهو يجلس .. بسم الله علي وش فيك هبيت بوجهي .. راكان .. وهو الصادق مو كافي انكم جايين متاخرين .. تجلسون مع بعض وتسحبون علينا .. فارس .. وش فيكم علي انتو ترا بس رحت اعطيها جوالها .. عمر .. ساعه كل هذا تعطيها جوالها .. ابو فارس ... وش فيكم يا عيال حاسدين الولد خلوه براحته .. فهد .. وينك يا سامي تشوف اللي نشوفه .. عمر . كان والله يجلس بينهم ولا يعطيهم فرصه يتكلمون مثل ما سوا بالزواج .. الكل .. ههههههههههههههههههههههههه هههههه.. ابو سامي .. له وحشه هالولد الله يرجعه بالسلامه .. الكل .. امين .. .......................................... التغيرات اللي صارت بعد هذي السنتين .. تركي ولد غاده ومعاذ .. صار عمره 3 سنوات .. ولمار بنت وجدان وعمر .. نفس العمر .. شيخه بنت ندى و عبدالرحمن .. عمرها سنتين .. وساره بنت ريم وفيصل بنفس العمر .. رهف بنت فهد وعنود سنه .. هبه وراكان .. عندهم توأم عمرهم سنه .. ميار وماجد .. عهود وبشاير ولمياء للحين ربي ما رزقهم عيال .. وفرح طبعا .. طبعا من الحوار اللي من شوي عرفتو اخبار ابطالنا ماعدا سامي .. سامي من بعد زواج فرح سافر لكندا عشان يكمل دراسته وشايل فكره الزواج حاليا من راسه .. وباقي شخصيه كانت شخصيه مهمه بالروايه من زمان ما ذكرناها .. ايوا بالضبط نفس اللي جا ببالكم .. مؤيد .. مؤيد انشغل بحياته من بعد ما رجعت فرح للسعوديه واستقرت وطبعا هو ياخذ اخبارها من فتره لفتره وحضر زواجها من فارس وانبسط لهم وهو الحين متزوج وحده بريطانيه شريكته بالشغل وصار يعيش مع امه ببريطانيا .. ........................................... (( انتهى البارت)) طبعا راح انتظر ردودكم وتعليقاتكم .. انتهت الروايه بحمد الله وبفضله .. ثم بفضلكم انتو يا قراء .. لاني ما اتوقع اني راح اكمل الروايه من غيركم انتو اللي بردودكم وتعليقاتكم شجعتوني اكمل روايتي لاني كنت مره متخوفه من التجربه لانها اول تجربه لي بس انتو عطتوني الثقه بنفسي اكثر ويارب ان روايتي نالت اعجابكم وكانت شي جديد عليكم غير الروايات المعتاده .. بصراحه ما اعرف كيف اعبر عن فرحتي فيكم وكيف اوفيكم حقكم بالشكر .. ما اقول الا ربي يوفقكم ويسعدكم .. واشكر شكر خاص للمتابعين اللي كانو معي من بدايه الروايه الى نهايتها واللي كانو حتى بانتقادهم لبعض الاحداث يشجعوني اكثر .. وكمان احب اشكر اللي ساعدوني على كتابه الروايه من البدايه وهم الأشخاص الحقيقين بالروايه .. عمر .. فهد .. غاده .. بشاير .. وجدان ..وطبعا فرح .. هذول الأشخاص هم اللي ساعدوني اني ابدا الروايه واكتبها .. اشكرهم شكر كبير مره .. واممم وبصراحه مدري وش اقول اكثر بس كل اللي احس فيه الحين الحزن احس اني راح افقد ابطال الروايه كلهم لان من 3 سنوات وانا اكتب الروايه هذي بس تجي فترات اوقف فيها لما قررت اني انزلها بالمنتدى صرت استمر بالكتابه .. ابطال الروايه عاشو معي 3 سنوات لدرجه اني احسهم اشخاص حقيقين بحياتي وخصوصا فرح راح افقدها كثير .. تهي تهي .. الله يصبرني على فراقهم .. وبس والله قرقت عليكم كثير .. الحين اترككم بامان الله وراح اشتاق لكم كثير .. استودعكم الله .. محبتكم .. صمتي سلاحي .. | |||||||||
|  |
|
| أدوات الموضوع | |
| انواع عرض الموضوع | |
|
|
2Likes
.png)
.png)
العرض العادي
