آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
14-04-15, 11:40 AM
| #21 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر  
|  الجزء الثانى عشر شيرين : خير يا بنتى فيكي حاجة شكلك متغير خالص علياء : اه يا شيرين في حاجة مهمه ولازم تعرفيها شيرين : خير قلقتين علياء : انس شيرين : ماله انس علياء : خلاص يا شيرين مفيش حاجة شيرين : فى ايه يا علياء ما تتكلمى علياء : بصى انا هحكيلك اللى سمعته وافهمى انتِ اللى تفهميه شيرين : احكى علياء : من كام يوم بهاء جوزى راح يزور اخته ، اخته الكبيرة من ابوه مش متجوزه وعايشة لوحدها شيرين : تمام وبعدين علياء : بعد ما رجع من عندها كان قاعد سرحان ومخنوق وعمال يسألنى عنك انتِ وانس شيرين : بيسأل عننا !! بيسأل عن ايه يعنى علياء : عن علاقتكوا سوا كويسة ولا لا وهل متجوزين عن حب ولا لا وهل انتِ قبل كده غضبتنى وسبتى البيت لـ انس وكده يعني شيرين : غريبه يعنى هو مهتم اوى كده ليه ؟ علياء : سبيني اكملك وانتِ هتفهمى شيرين : اوكى كملى علياء : بعد حوالى ساعه الجرس ضرب توقعى كان مين ؟ شيرين : مين يا علياء اخلصى علياء : انس جوزك شيرين : انس كان عندكم !! مقاليش حاجة زى كده علياء : الغريبة ان بهاء قاله كنت عارف انك جاى وكنت مستنيك شيرين : تمام وبعدين علياء : بعدها دخلوا اوضة وقفلوا على نفسهم شيرين : الله !! هيكون فى ايه يعنى بينهم ، طيب بهاء محكاش ليكي حاجة علياء : لا بس انا وقفت ورا الباب وسمعت قالوا ايه شيرين : قالوا ايه ؟ Flash Back (. بهاء وانس قاعدين فى اوضة وقافلين على نفسهم وبيتكلموا بصوت يدوب مسموع وعلياء واقفة بره على الباب بتسمع بيقولوا ايه .) بهاء : على فكرة انا شكيت من ساعه ما قابلتك تحت يعنى حتى قبل ما اطلع لـ رضوى اختى انس : وانا خدت بالى وجيت اطلب منك ان محدش يعرف حاجة بهاء : انا مش عيل عشان اروح اقول حاجة زى كده لـ اى حد انس : ولا حتى علياء ؟ بهاء : ولا اى مخلوق يا انس حاجة زى كده ممكن تولع الدنيا انس : طيب تمام انا كنت عارف انك جدع بهاء : بس انا عايز اعرف شيرين قصرت معاك فى ايه ، يعنى هى تستاهل منك كده ؟ انس : شيرين تستاهل احسن منى مليون مرة بس هى مطلبتش الطلاق وانا مقدرش اروح اطلقها وبرضه مش قادر اقولها انى متجوز عليها بهاء : بس هى من حقها تعرف انس : يا بهاء مفيش حد هيفهم انا اتجوزت على شيرين ليه بهاء : طيب فهمنى انس : انا متجوزتش نورهان فراغه عين ولا انانيه منى ولا حتى عشان شيرين مقصرة بهاء : امال عشان ايه ؟ انس : عشان بحبها ومن زمان ، من ايام ما كنت عيل وللاسف الظروف فرقتنا ولما جت فرصه اتجوزها مقدرتش افوتها بهاء : بس حق شيرين انها تعرف انس : مش عايز اجرحها ولا عايز اخسر ولادى بهاء : يعنى انت هتفضل متجوز فى السر كده انس : والله مش عارف خصوصاً بقى ان نورهان حامل بهاء : انت لازم تلاقى حل انس : ربنا يسهل المهم متجيبش سيرة لحد بهاء : ماشى متقلقش __**__**__**__ شيرين مصدومه : انتِ متأكده من الكلام ده يا علياء علياء : ده اللى انا سمعته شيرين بتحاول تتحكم فى نفسها : لا لا اكيد فى حاجة غلط علياء : يعني ايه فى حاجة غلط الكلام واضح جداً يا شيرين شيرين بتغتصب ابتسامه : كبرى دماغك انا مش مهتمه بالكلام ده طالما مش عليه دليل علياء : انتِ مش مصدقانى ؟ شيرين : لا طبعاً اكيد مصدقاكى بس زى ما قولتلك انا مشوفتش ومسمعتش غيري الموضوع ممكن علياء : زى ما تحبى (. قعدت علياء مع شيرين شوية وشيرين كانت ضاغطه على نفسها بكل قوتها عشان متنهارش وعلياء موجوده واول ما علياء مشيت انهارت شيرين من العياط والزعل .) *_____________________________________________**__ _________________________* فى شقة نورهان ... نورهان : انت مش بتقول انك اتفقت مع بهاء ومش هيقول لحد انس : برضه مضمنوش نورهان : خلاص بقى روح انت قول لـ شيرين وريح نفسك واهى تبقى جت منك انس : صدقيني انا اكتر من مرة اقعد معاها عشان اقولها بس مش عارف ايه بيمسك لسانى نورهان : هو انت علاقتك بـ شيرين لسه زى ماهى ولا فيها تطورات انس : يعنى ايه لسه زى ماهى نورهان : يعنى زى ما حكيتلى عليها انكم عايشين عشان خاطر الولاد وكده ولا تطورت انس : ليه بتسألى ؟ نورهان : مش من حقى اعرف يعنى ؟ انس : لا مش فكرة حقك او مش حقك بس اكيد لو كان فيه تطور كنت قولتلك نورهان : تمام انس : مالك يا نور نورهان : احساسي بيقولى ان انت وشيرين عايشين حياة طبيعيه انس : احساس خاطئ نورهان : عارف الست بتعرف ان جوزها بيخونها ازاى ؟ انس : ازاى ؟ نورهان : بـ الاحساس انس : بفرض ان كلامك صح وبفرض انى عايش مع شيرين حياة طبيعيه كده ابقى بخونك ؟ نورهان : لا بس ......... (وسكتت) انس : بس ايه !! بصى يا نور انتِ اصلاً كنتى بتتحايلي عليا عشان اعيش حياة طبيعيه مع شيرين حتى بعد جوازنا وانا قولتلك ان وانا شيرين خلاص مبقناش نعرف نعيش حياة طبيعيه متوجعيش دماغى كل شوية بقى نورهان : انا خلاص بقيت وجع دماغ يعني انس : يوووه يا نور مالك فجأة بقيتي زى باقى الستات كده نورهان : زى باقى الستات ازاى ؟؟ انس (بيقوم) : نكديه نورهان : انا نكديه يا انس انس : انا داخل انام شوية هتجى تنامى ولا هتقعدى مع الشيطان عشان يهيألك حاجات نورهان : انت بتتكلم معايا كده ليه ؟ انس : انا داخل انام يا نور (. ودخل انس ينام عشان كلامه مع نورهان ميقلبش بخناقة ، وقعدت نورهان لوحدها .) نورهان لنفسها >> ليه مبقتش حاسة ان انس بيحبنى !! امال هيكون اتجوزنى ليه !! ممكن يكون اتجوزنى عشان ........ لا لا لا انس بيحبنى ومبيحبش حد غيري ماهو مش معقولة اكون بحبه كل الحب ده وهو مبيحبنيش (. قطع شرود نورهان وتفكيرها جرس الباب فتحت ولقيت محى .) نورهان : محى !! عايز ايه محى : انا بغلط يا نورهان بغلط وانتِ السبب نورهان : انا مش فاهمه حاجة محى : مش قادر ابعد عنك فى فراغ فى حياتى وحاولت املاه بـ اى حد نورهان : وانا ذنبى ايه يا محى انك بتغلط ومش قادر تتحكم فى نفسك محى : ذنبك انك سبتيني نورهان : محى احنا خلاص استحاله نرجع لبعض تانى صدقنى مستحيل محى : ليه مستحيل نورهان : عشان ........... (وسكتت) محى : عشان ايه ؟ نورهان : عشان انا اتجوزت يا محى محى : اتجوزتى !! انتِ بتقولى ايه !! (. هنا جه انس من جوه وكان سامع الحوار كله ، انس خرج لـ محى من باب التحدى وانه انتصر عليه .) انس : زى ما سمعت اتجوزت او بمعنى اصح اتجوزتنى محى بعصبيه : انت تانى !! انت مبتحرمش انس : قولتلك يا محى الشاطر اللى يضحك فى الاخر نورهان : انتوا تعرفوا بعض ؟ محى : اه طبعاً اعرفه كنا بنعط سوا زمان نورهان بتوتر : يعنى ايه ؟ محى : يعنى كنا بنعرف بنات وبناخدهم شقق كمان وكنا متراهنين عليكى انس : انت لسه فيك العادة القذرة دى انك تكدب وتمثل وتلبس غيرك تهم محى : انت عارف كويس اوى انى مبقولش اى كلام ، انا وانس كنا متراهنين عليكي وانا اتجوزتك واهو جه اتجوزك عشان يقولى الجمله دى الشاطر اللى يضحك فى الاخر انس : طب اطلع بره محى : ده بيتي انس : لا مش بيتك ده بيت مراتى يعنى من حقى اطردك منه محى : ماشى يا انس بس صدقنى مش هى دى النهاية ، انت عارفنى كويس بختار النهاية اللى تعجبنى وانتِ يا نور هتندمى صدقيني هتندمى (ومشى) نورهان : ايه اللى محى بيقوله ده !! وليه مقولتليش انكم تعرفوا بعض انس : انتِ هتصدقيه ولا ايه ؟ نورهان : وهو هيكدب ليه انس : انا ومحى كنا نعرف بعض وهو اللى خدك منى لكننا مترهناش عليكي ومكناش بناخد بنات شقق زى ما بيقول نورهان : يعنى هو بيألف ؟ انس : هو مش كان جوزك يعنى اكيد عارفة طباعه واخلاقه نورهان : ماهو مش منطقى انك تخرج وتحطنا فى الموقف ده الا اذا كنت عايز تقوله انك كسبت الرهان انس بزعيق : افهمى بقى هو خدك منى عند وانا اتجوزتك عشان بحبك كونى خرجت فـ عشان انهى اللى بيحصل ده ويعرف ان مفيش امل وميمنعش برضه انى كنت عايز اعرفه انك سبتيه عشانى نورهان : انا مش عارفة ازاى بعد السنين دى كلها لسه بعرفك انس : وانا برضه اكتشفت انى مكنتش اعرفك قبل كده نورهان : قصدك ايه بقى ؟ انس : قصدى انك بتكدبيني وبتصدقيه هو وكمان بتشكي فيا وعايزة تقلبى حياتنا جحيم نورهان : ده على اساس انها جنه انس : انا داخل اكمل نوم احسن من النكد ده (ودخل) نورهان لنفسها >> اخص عليك يا انس كل يوم بتصدم فيك اكتر من اليوم اللى قبله *_____________________________________________**__ _________________________* | |||||||||||
|  |
|
14-04-15, 11:42 AM
| #22 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
| فى شقة منال ... (. خرج محى من عند نورهان وراح على منال اللى كانت مستنياه من ساعة ما طردته ، اول ما فتحت الباب وشافته حضنته وعيطت .) محى : متزعليش منى حقك عليا منال بدموع : انا اللى اسفة انى كلمتك بالاسلوب ده محى : خلاص بقى متعيطيش منال : وحشتنى اوى يا محى متبعدش عنى تانى محى : انا جيت عشان اصالحك بس احنا مينفعش نتجوز منال : مش مهم نتجوز بس متبعدش عنى تانى محى : يعني ايه ؟ منال : احنا ممكن نفضل صحاب محى : صحاب بس ؟ منال : انا مش قادرة ابعد عنك تانى يا محى من يوم اللى حصل وانا شيفاك حواليا فى كل مكان ، ريحتك شماها فى كل ركن فى البيت محى : طيب خلاص متعيطيش (وحضنها) منال : مش هتبعد عنى يعنى محى : لا مش هبعد عنك منال : بحبك اوى محى : وانا كمان منال : بجد بتحبنى محى : انتِ حاسه ايه منال : مش عايزة احس بحاجة غير حضنك ده محى : خلاص خليكي في حضنى ومتخرجيش منه منال : مش هخرج منه تانى ابداً *_____________________________________________**__ _________________________* فى خلال شهرين ...... - شيرين بتراقب انس وواخده بالها من كل تصرفاته وصابره جداً وماسكه نفسها من ساعة ما عرفت جوازه لحد ما تتأكد بنفسها وتمسك دليل قوى تواجهه بيه - نورهان وانس صلحوا علاقتهم تانى وعايشين مبسوطين - نورهان فى شهرها الرابع - بهيرة وممدوح اتجوزوا - علاقة محى ومنال رجعت تانى كـ علاقة متطورة بس برضه من غير جواز - هشام ونهى وطه وبسمه وبهاء وعلياء عايشين حياة مستقرة *_____________________________________________**__ _________________________* فى شقة ممدوح وبهيرة ..... ممدوح : انتِ بتعملى ايه ؟ بهيرة : بلم هدومى هروح عند ماما لحد ما تتعالج من اللى عندك ده ممدوح : اتعالج !! بهيرة : ايوة تتعالج انت مش طبيعي ممدوح : انا مش فاهم انتِ مكبره الحكايه ليه انتِ مراتى يعني حلالى بهيرة : انت فاهم قصدى كويس اوى متستعبطش ، انت عايز تعيش ............ (وسكتت) ممدوح : كملى عايز اعيش ايه !! بهيرة : مفيش حاجة ممدوح : انا عارف انك شوفتى الافلام بهيرة بتوتر : افلام ايه ؟ ممدوح : الافلام اللى كانت على الفلاشة بهيرة : يعنى انت كنت قاصد تديهالى ممدوح : وشوفتيها واكيد فاهمه انا اديتهالك ليه بهيرة : لا مش فاهمه فهمنى ؟ ممدوح : عشان تعرفى انا عايز ايه بهيرة : هو ده اللى انت عاوزه !! القرف ده هو اللى انت عاوزه ممدوح : قرف !! انا متجوزك على سنة الله ورسوله ومطلبتش حاجة صعبه يعني بهيرة : انت اكيد مريض ومش طبيعي ، انت وصلتلى اللى انت عاوزه بطريقة مقرفة ومقزززه جداً خلتنى اقرف منك ومن الجواز ومن اللى بيتجوزوا ، انت لو انسان طبيعي وعاقل وسوى كنت خلتنى اقرأ كتاب عن العلاقة الزوجيه ممدوح : كتاب !! ما الكتب مليانه اباحه بهيرة : ده عشان انت انسان مريض ومهووس بالاباحه وقلة الادب واكيد شخصية زى كده مش هتدور على حاجة محترمه تقرأها بس اللى متعرفوش ان فى كتب كتير محترمه ومفيدة من غير ما تخدش الحياء بس واحد زيك تفكيره قاصر على الجنس هيريح دماغه ويتفرج وخلاص ممدوح : على فكرة انتِ عماله تغلطى وانا مش عايز اتغابى عليكي بهيرة : انا مبغلطش انا بقولك حقيقة شخصيتك ممدوح : طيب يا حبيبتى خلينا نتكلم بالعقل بهيرة : انت خليت فيا عقل ممدوح : طيب قوليلي انا طلبت منك حاجة صعبه عليكي بهيرة : يعنى مطلبتش حاجة حرام !! ممدوح : بغض النظر عن دى فى حاجة تانيه بهيرة : بص يا ممدوح ، انت مشكلتك انك شهوانى زيادة عن اللزوم ، شهوتك بتسيطر عليك وبتركن عقلك ممدوح : قصدك ايه ؟ بهيرة : قصدى ان الراجل العاقل يخلى مراته تعمله اى حاجة هو فى عايزة فى شتى مجالات الحياة بس بمزاجها وارادتها ورغبتها هى حتى لو كان هو ضحك عليها فى طرق تخليه يوصلها انها اللى عايزة كده وانها بتعمل كده برغبتها هى ممدوح : طيب اهدى وهنتفاهم ، اعتبرى نفسك مشوفتيش الافلام دى بهيرة : وانتِ مين قالك انى شوفتهم انا قرفت بمجرد ما فتحته ، بس يارتنى قرفت من الفيلم انا قرفت منك انت ممدوح : على فكرة كل الشباب بيشوفوا افلام عادى جداً فى ناس اصلاً بتدمنها بهيرة : بس مش كل الشباب مريضة بيها زيك ، مش كل الشباب غير سويه زيك ومش كل الشباب ممكن تعمل حركه زى حركه الفلاشه دى ممدوح : وانتِ عرفتى منين يعنى كل الشباب ؟ بهيرة : انت تفكيرك محدود اوى يا ممدوح ، لو بتقرأ ومهتم بالكتب هيبقى عند ثقافة عن كل حاجة لكن انت حياتك بتلف فى دايرة مقفوله ، انا ماشيه ممدوح : طيب انا اسف صدقيني هتحكم فى نفسى ومش هعمل اى حاجه بتضايقك بهيرة : انت محتاج تروح لـ مستشار علاقات زوجيه لانك محتاج علاج ممدوح : انا مش مجنون بهيرة : مانا عارفة انك مش مجنون بس عندك عقده نفسيه حاول تتخلص منها ممدوح : طيب متمشيش عشان خاطرى واوعدك انى هتغير بهيرة ساكته ممدوح : وغلاوتى عندك متمشيش بهيرة : ماشى يا ممدوح بس لو فضلت زى مانت انا هطلق ممدوح : لا والله هتغير ان شاء الله بهيرة : ان شاء الله *_____________________________________________**__ _________________________* فى شقة انس وشيرين .... (. انس جاى من بره لقى شيرين قاعده فى البلكونة .) انس : كل سنة وانتِ طيبه (واداها علبه) شيرين : ايه ده ؟ انس : افتحيها وانتِ تعرفى شيرين : حلوة اوى السلسه دى انس : دى بمناسبه عيد جوازنا شيرين : يااه اول مرة تحتفل بيه انس : ومش اخر مرة ان شاء الله شيرين : انا جبتلك هديه برضه انس : هديه ايه شيرين : هتعرفها وهتوصلك بكرة ان شاء الله انس : وليه مش دلوقتى شيرين : عشان لسه مجهزتش انس : ممكن اسألك سؤال شيرين : اكيد انس : ليه بقالك فترة متغيره جداً شيرين : متغيره ازاى ؟ انس : كلامك معايا قل جداً او شبه مبتتكلميش اصلاً ، كمان بقيتي قالبه يومك انام تصحى اصحى تنامى شيرين : معلش عشان احنا فى اجازة الدراسه ومحمد نومه ملخبط انس : يعني مفيش حاجة شيرين : لا يا حبيبي مفيش حاجة انس : حبيبك !! شيرين : اكيد طبعاً مش جوزى ابو ولادى تبقى حبيبي وروحى انس : ايه الدلع ده كله شيرين : هو انت لسه شوفت دلع يا روح قلبى انس : لسه في دلع اكتر من كده شيرين : ايوة طبعاً لسه التقيل جاى المهم انك تستحمل انس : استحمل ايه بالظبط شيرين : تستحمل الدلع انس : لا دلعيني انتِ بس ومالكيش دعوة شيرين لنفسها >> على الله فعلاً تستحمل زى ما بتقول انس لنفسه >> مالها شيرين شكلها متغير واسلوبها فى كلام وبعدين تقصد ايه بـ التقيل جاى ربنا يستر *_____________________________________________**__ _________________________* تانى يوم فى شقة نورهان .... (. نورهان قاعدة فى شقتها بتتفرج على التلفزيون فجأة الجرس رن قامت تفتح لقيت واحده متعرفهاش .) نورهان : اهلاً وسهلاً حضرتك مين شيرين : انا شيرين حرم انس شلبى نورهان بتوتر : انس شلبى مين ؟ شيرين : جوز حضرتك نورهان بارتباك : انا مش متجوزه شيرين (بتحط ايدها على بطن نورهان) : امال حامل منين نورهان : حامل !! اه انا كنت متجوزة و اتطـ .......... شيرين تقاطعها : مفيش داعى للكدب والتأليف انا عارفة كل حاجة وجايه اتكلم معاكى بالعقل نورهان باستسلام : اتفضلى (. دخلت شيرين وقعدت هى ونورهان فى الريسبشن .) شيرين : بصى يا مدام نورهان انا مش هعمل زى الافلام واقولك كلام عواجيزى بانك خدتى منى جوزى ابو ولادى وخربتي بيتي وكلام من ده لان جوزى مش عيل صغير ممكن يتضحك عليه وانا واثقة انه جالك بمزاجه نورهان : امال جايه ليه شيرين : انا عارفة انكم بتحبوا بعض من زمان وبقالكم فترة متجوزين والمفروض انك تعرفى انس اكتر منى صح نورهان : جايز شيرين : انا بقى جايه النهارة اعرفك على انس اللى انتِ متعرفهوش نورهان : قصدك ايه ؟ شيرين : قصدى ينقسم لـ قسمين ، اول قسم هو ده (وطلعت ورقه من شنطتها) نورهان : ايه ده ؟ شيرين : اقرأى وانتِ تفهمى ؟ نورهان (فتحت الورقة وبتقرآها) : ......................... | |||||||||||
|
| |
|
14-04-15, 12:58 PM
| #23 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
| الجزء الثالث عشر شيرين : انا بقى جايه النهارة اعرفك على انس اللى انتِ متعرفهوش نورهان : قصدك ايه ؟ شيرين : قصدى ينقسم لـ قسمين ، اول قسم هو ده (وطلعت ورقه من شنطتها) نورهان : ايه ده ؟ شيرين : اقرأى وانتِ تفهمى ؟ نورهان (فتحت الورقة وبتقرآها) : ايه ده !! المكتوب فى الورقة ده بجد شيرين : ايوة بجد !! نورهان : يعنى انتِ حامل ؟ شيرين : ايوة حامل وفى شهرين ؟ نورهان : وانا ايه يثبتلى ان الورقة دى مش موزره ؟ شيرين : انا هثبتلك دلوقتى قدامك ان حامل نورهان : هتثبتيلي ازاى ؟ شيرين : انا كنت عارفة انك مش هتصدقيني وعشان كده عملت حسابى وجبت اختبار حمل منزلى ، الحمام منين بقى ؟ نورهان بيأس : خلاص خلاص مش مهم شيرين : لا مهم ولازم تتأكدى بنفسك انى حامل وان انس بيكدب عليكي نورهان : اوكى اتفضلى (. دخلت شيرين الحمام وعملت اختبار الحمل المنزلى وطلعت النتيجه ايجابيه .) شيرين : انا كنت عارفة ومتأكده ان انس قالك ان حياتنا مع بعض جحيم وعايشين عشان العيال والخ الخ كلام فاضى من ده ، انا مش هنكر ان فى وقت من الاوقات كانت حياتنا كده بس تفتكرى لو حياتنا لسه مستمرة بالشكل ده هيبقى لينا نفس نعمل حاجة وكمان ابقى حامل نورهان : ماهو ممكن يكون مرضيش يقولى عشان ميزعلنيش شيرين : صح وصح جداً كمان عندك حق فى دى ، بس انا قولتلك قصدى ينقسم لـ قسمين وادى القسم الاول ، تعالى بقى معايا مشوار صغير نورهان : مشوار فين ؟ شيرين : تعالى اعرفك على انس اللى انتِ متعرفهوش واوعدك انك هتشوفى واحد تانى خالص غير اللى انتِ عرفتيه السنين اللى فاتت نورهان : انا مش فاهمه حاجة شيرين : غيري هدومك وتعالى معايا مشوار صغير نورهان : اوكى عن اذنك (. ودخلت نورهان تغير هدومها وبعدها خرجت لـ شيرين ، نزلوا ووقفوا تاكسى وطلع بيهم التاكسى كل ده ونورهان مش عارفة شيرين وخداها فين .) *_____________________________________________**__ _________________________* فى بين انس وشيرين ...... (. شيرين قاعدة مستنيه انس ، انس اول ما دخل باسها على جبينها .) شيرين : حمد الله على السلامه انس : الله يسلمك يا حبيبتى شيرين : اجهزلك اكل ولا كلت بره انس : لا طبعاً جيت اكل معاكى ومع الولاد هما فين صحيح شيرين : عند ماما انس : اشمعنى ؟ شيرين : عادى خلى النهاردة يبقى ملكنا احنا انس : ايوة بقى شيرين : عندى ليك خبرين انس : خير شيرين : انا حامل انس مصدوم : ايه !! حامل !! امتى ؟ شيرين : انت اكيد فاكر امتى ، انا حامل فى شهرين انس : الف مبروك ربنا يكملك على خير يارب ويقومك بالسلامه شيرين : تانى خبر بقى ؟ انس : ايه هو بقى ؟ شيرين : من غير لف ودوران انا عرفت بـ جوازك من نورهان وانها حامل وعرفت تفاصيل القصة كلها انس (بيحاول يحافظ على ثباته الانفعالى) : نورهان مين !! وجواز ايه ده اللى بتتكلمى عنه شيرين : متحاولش تكدب او تحور يا انس ، انا بقالى شهرين عارفة وبراقب كل تصرفاتك ومكالماتك وخروجاتك ومتآكده من كلامى انس : شهرين !! شيرين : ايوة شهرين ، من يوم ما روحت لـ بهاء عشان تأكد عليه ميقولش لحد بس لـ حُسن حظى ولـ سوء حظك علياء تقف ورا الباب وتسمع كل حاجة انس بتوتر : يا شيرين صدقيني ده كان ................ شيرين تقاطعه : طلقنى انس مصدوم : اا ايه !! اطلقك ايه احنا بينا عيلين وبيت مستحيل نهد كل ده شيرين : انت اللى هديته روحت واتجوزت وعشت حياتك عادى وكمان مراتك حامل انس : صدقيني الحمل ده جه غصب عنى انا مكنتش متفق معاها على حمل ولا كنت ناوى اخلف منها شيرين : امال اتجوزتها ليه !! عشان الحب اللى بينكم انس : صدقيني مش عارف فى لحظة ضعف اتجوزتها ، اعتبريها نزوه شيرين : مفيش نزوه بتنتج اطفال يا انس انس : هغصب عليها تنزل الجنين ده شيرين : وبعدين ؟ انس : انا هعملك اللى انتِ عيزاه بس متبعديش انتِ وولادى عنى شيرين : تطلقها انس : حاضر بس مش على طول كده اديني وقت شيرين : يعنى هتطلقها انس : ايوة (. هنا سكتت شيرين لـ ثوانى وراحت فتحت باب اوضه مقابله لـ المكان اللى هما بيتناقشوا فيه .) شيرين لـ شخص جوه الاوضه >> مش بقولك هعرفك على انس اللى انتِ متعرفهوش انس مصدوم : نورهان !! نورهان بتحاول تتحكم فى دموعها : ايوة يا انس نورهان ، سورى قصدى النزوه شيرين : هو ده يا انس يا نورهان ، انانى جداً ميحبش يخسر اى حاجة امتلكها حتى لو مش عايزها ، جاى يرضيني وانا واثقة انه مبيحبنيش ، وعلى فكرة هو مكنش هيطلقك هو كان هيثبتك ويثبتنى وكان هيسيبك تكملى حملك لانه اصلاً كداب وبتاع حوارات ، هو عايز حبيبته والطفل اللى هيجيبه من حبيبته ، عايز مراته لانها فى اعتقاده المريض ملكه مش ملك حد تانى وعايز ولاده منها ، عايز كل حاجة (بزعيق) ميحبش يخسر اى حاجة انس : يعنى انتِ عملالى فخ يا شيرين ؟ نورهان : قصدك كشفتك على حقيقتك وظهرت منك الجزء الواطى المريض الكداب المخادع ، انا ندمانه انى حبيتك واتجوزتك حسبي الله ونعم الوكيل فيك (وخرجت) انس : استريحتى دلوقتى ؟ شيرين : مش هستريح الا لما تطلقها انس : مش هطلقها عشان بس الموقف اللى انتِ عملتيه شيرين : ههههه هى اصلاً مش هتقعد على ذمتك يوم واحد وصدقنى لو مطلقتهاش مش هخليك تشوف ولادك (. ومشيت وسابته ونزل انس عشان يروح لـ نورهان .) *_____________________________________________**__ _________________________* | |||||||||||
|
| |
|
14-04-15, 01:16 PM
| #24 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
| فى بيت طه ..... (. طه قاعد بيتغدى مع مراته وولاده جاله اتصال من رقم مصرى مش متسجل .) طه : ايوة مين ؟ محى : انا محى يا طه جوز نورهان سابقاً طه : اااه اهلاً يا محى فينك يا ابنى محى : مشغول والله معلش اصل انا جيت مصر واستقريت فيها طه : ربنا معاك ، احنا كمان بنفكر نعمل كده محى : بس انا زعلان منك يا صاحبى طه : ليه كده بس ؟ محى : كده نورهان تتجوز ومتقوليش طه باستغراب : نورهان مين ؟ محى : نورهان مين !! نورهان اختك يا جدع انت ليك غيرها طه بعصبيه : نورهان اختىا تجوزت !! انت جبت الكلام ده منين محى : كنت رايح ازورها واطمن عليها ، احنا برضه بينا عشره لقيت عندها انس وقالت انه جوزها طه بعصبيه اكتر : ايه التخريف ده انس مين ده !! محى : انس اللى كان عايز يتجوزها قبل كده طه : انت متأكد من الكلام ده ؟ محى : هو انت بجد متعرفش ولا بتعمل كده عشان مزعلش طه : اقفل يا محى دلوقتى سلام (. وقفل فى وشه واتصل بـ اخوه .) بسمه : فى ايه يا طه ؟ طه بعصبيه : الست هانم اتجوزت من ورانا ولا كأنى فيه حمارين ليهم كلمه عليها بسمه : انت تقصد مين ؟ طه بزعيق : مش طالبه غباوة دلوقتى يا بسمه خليكى فى نفسك (. هنا رد هشام .) هشام : اهلاً يا طه اذيك طه : محى كلمنى دلوقتى وقالى ان نورهان اتجوزت هشام : نورهان اختنا ؟ طه : هو فيه غيرها هشام : طيب اهدى يا طه فى ايه انت متعصب كده ليه طه : يا برودك يا اخى هشام : مش فكرة برود بس عصبيتك دى بتخليك تاخد ردود فعل مش عقلانيه وبعدين اهدى عشان مينفعش مراتك تعرف حاجة زى كده طه : هى تقريباً عرفت هشام : شوفت اخر عصبيتك وتسرعك طه : احنا لازم ننزل مصر هشام : ماشى انا هروح دلوقتى اجيب تأشيرة خروج وهاحجز على اقرب رحله نازله مصر طه : ماشى وانا كمان هعمل كده وكلمنى لما تحجز هشام : ماشى (وقفلوا) بسمه : هى نورهان اتجوزت !! طه : انتِ مالك انتِ بتدخلى ليه بسمه : انا قصدى اطمن عليها طه : اطلعى من دماغى يا بسمه دلوقتى مش فايقلك *_____________________________________________**__ _________________________* فى بيت نورهان ..... (. نورهان رجعت من عند انس وشيرين وهى فى حاله انهيار تام لدرجة انها مقدرتش تفكر حتى مع نفسها ، انس جه عليها وفتح الشقة بـ نسخته .) انس : نورهان انا اسف يا حبيبتى نورهان : حبيبتك !! ابعد عنى يا انس انس : والله كنت مضطر اقولها كده عشان ولادى نورهان : انتِ ازاى كده !! ازاى مستحمل نفسك بـ كل الكدب والخيانه والنفاق ده ، ازاى تبقى بتقولى بحبك وتقول عليا نزوه انس : والله غصب عنى نورهان بزعيق : مفيش حاجة اسمها غصب عنك ، فى حاجة اسمها انت جرحتنى ووجعتنى وكسرتنى ، عملتلى مشكله على الحمل ولما لقيتها حامل فرحت ودعيت ان ربنا يكملها على خير انس : انا ممكن اعملك اى حاجة عشان تسامحيني نورهان : طلقنى ، طلقتى يا انس وارجع لـ اولادك انس : انتِ عارفة انى محبتش غيرك والله بـحـ ........ نورهان تقاطعه : اسكت خالص مش عايزة اسمع صوتك (بزعيق) اسكت انس : انا مش هطلقك يا نورهان انا ما صدقت اتجوزتك نورهان : ماصدقت اتجوزتنى !! انت فعلاً انسان انانى مش عايز تخسر اى حد ولا اى حاجه ولا عايز حتى تضحى انس : مش مكفيكي اللى خسرته فى حياتى كلها نورهان : بطل تمثيل بقى انا ذنبي ايه يعنى انك شخصيه ضعيفه او مالكش شخصيه اصلاً ومغصوب على حاجات كتير فى حياتك قولى ذنبى ايه انس : صدقيني انا كنت باخدها على قد عقلها وعمرى ما فكرت فيكي بالشكل ده ولا عمرى كنت هطلقك نورهان : وطبعاً انت قولت لـ شيرين نفس الكلام انس : صدقيني مبكدبش عليكي نورهان : انت مش قولتلى ان علاقتك بـ شيرين مفهاش تطور انس : ايوة نورهان : امال هى حامل ازاى انس : دى اكيد بتشتغلنا نورهان : شيرين عملت التحليل قدامى انس باستغراب : ايه !! نورهان : عشان تعرف انك كداب انس : والله انا .......... نورهان تقاطعه : طلقنى يا انس ، انا مش هعيش معاك يوم واحد بعد اللى سمعته انس : طيب اديني فرصه تانيه نورهان : انا فعلاً اديتك فرصه تانيه بس انت معرفتش تستغلها ، خطوة الانفصال دى كان لازم اخدها بعد رد فعلك لما عرفت انى حامل بس قولت معلش اديله فرصه تانيه انس : ده فخ يا نورهان ، شيرين كانت عملاه فينا عشان توقعنا فى بعض نورهان : جايز يكون كلامك صح بس هى مش اجبرتك تقول الكلام ده (بدموع) زى ما قالت فعلاً عرفتنى على انس اللى انا معرفوش انس : قصدك ايه نورهان بدموع : قصدى انى تفاجأت بشخصيتك الجديدة وردود افعالك السلبيه او اللى فى صالحك انت لوحدك ، كفايه بقى لو سمحت اخرج بره ومش عايزة اشوفك تانى وياريت تطلقنى من غير شوشره انس : وابننا نورهان : لما اولد نبقى نتفق اخرج بقى انس : مانتِ لازم تفهى وتسامحيني (. نورهان مردتش على انس ودخلت اوضتها وقفلت على نفسها ، انس حاول يفهمها او يفتح الباب معرفش ويأس ومشى .) *_____________________________________________**__ _________________________* فى شقة بهيرة وممدوح ..... ممدوح : انا اسف بهيرة : طلقنى يا ممدوح ممدوح : والله ما كنت اقصد انا اسف بهيرة : وهتفضل ماتقصدش كده كتير ممدوح : انا عايز اروح لـ مستشار علاقات زوجيه بهيرة : انت بتتكلم بجد ممدوح : اه عشان خاطرك بس ، عشان تعرفى انى بحبك بجد بهيرة : ربنا يخليك يا ممدوح وان شاء الله كل حاجة هتبقى كويسه ممدوح : بس تخليكي جنبى بهيرة : انا جنبك يا حبيبي لحد ما المشكله دى تتحل ونعيش حياة طبيعيه واحنا مبسوطين جداً ممدوح : يعنى خلاص مش زعلانه منى بهيرة : طالما خدت الخطوة دى اكيد طبعاً مش زعلانه ده انا اسعد واحده فى الدنيا ممدوح : ربنا يقدرنى واسعدك كمان وكمان بهيرة : ربنا يخليك ليا (. دخلت بهيرة على النت ووصلت لـ مستشار علاقات زوجيه كويس جداً واتصلت حجزت معاد بـ اسمها عشان متحرجش ممدوح .) *_____________________________________________**__ _________________________* فى شقة منال .... +18 (. محى ومنال فى السرير وشبه عُراه .) منال : ممكن اسألك سؤال محى : اسألى منال : ازاى الواحد ، الراجل يعنى ممكن يكون مبيحبش الست ويعمل معاها كده محى : وايه علاقة ده بالحب منال : يعنى ايه ؟ المفروض تبقى بتحبها عشان يجيلك نفس تعمل كده محى : ده على اساس ان فتيات الليل بيحبوا كل واحد بيعملوا معاه كده منال : انا بتكلم عن الشخصيات السويه يا محى ، الست السويه متعملش كده الا مع راجل بتحبه واظن المفروض الراجل محى : على كده انتِ كنتى بتحبى المرحوم جوزك منال : لا بس كنت مضطره وبعدين بحكم سنه يعنى الموضوع ده كانت حاجه شرفيه كده محى : على فكرة ستين سنه مش كبير زى مانتِ متخيله منال : انا بتكلم عن الراجل اللى كنت عايشة معاه محى : بصى يا منال الراجل بيختلف عن الست فى كل حاجة ، يعنى الراجل بـ يستثار بـ نظره بـ عيونه بـ اللى ممكن يشوفه ويثيره لكن الست مبيثرهاش الا اللى يلمسها بـ حب وحنيه وطبعاً الانثى بـ تشمئز من اى لمسه شخص مبيحبهاش بيكون بالنسبه لها تحرش او اغتصاب لكن الراجل ممكن اى ست مغريه شويه تثيره ، فى بقى اللى بـ يشبع الرغبه دى مع اى واحده وخلاص وفى اللى بيشبعها مع مراته منال : وانت بقى بتشبعها معايا بصفتى ايه ؟ محى : انتِ عايزة ايه يا منال ؟ منال : عايزة اعرف لما انت لسه بتحب نورهان ليه بتجيلي محى : يوووه بقى مش هنخلص ، على فكرة نورهان خلاص اتجوزت فكك منها بقى منال : يعنى خلاص مبقاش فيه امل ؟ محى : لا خلاص مبقاش فيه منال : يبقى يالا نتجوز يا محى محى : منوله يا حبيبتى انتِ مراتى اصلاً بس مراتى اللى عمرى ما هتجوزها منال : ليه بقى ؟ محى : عشان انا خلاص مبقاش عندى اى استعداد ابنى بيت واسره تانى ويتهد تانى منال : يعنى انت كل اللى عايزه منى المتعه وبس محى : ده على اساس انتِ عايزة منى ايه ؟ منال بصوت مخنوق : انت عارف كويس اوى انى بحبك محى : طيب يا حبيبتى ماحنا مع بعض اهو (وبيشدها لحضنه) منال(بتبعد) : بس فى الحرام يا محى فاهم يعنى ايه فى الحرام محى (بيقوم وبيلبس) : دى بقت حاجة نكد يا منال ، بصى بقى هو ده اخرى عاجبك على كده اهلاً وسهلاً مش عاجبك خلاص كل واحد يروح لحاله (ودخل الحمام) منال بصوت عالى : يبقى كل واحد يروح لـ حاله محى بصوت عالى من الحمام : ماشى بس متجيش تتحايلي عليا عشان ارجعلك *_____________________________________________**__ _________________________* تانى يوم فى شقة نورهان .... (. الجرس ضرب فتحت نورهان لقيت طه وهشام ، طه اول ما شافها ضربها بالقلم .) هشام : اهدى يا طه الامور متتحلش كده طه : فضحتنا وجابت لنا العار الصايعه الفاجرة نورهان : انا لا صايعه ولا فاجرة انا اتجوزت على سنة الله ورسوله طه : انتِ كمان ليكي عين تتكلمى وتبجحى هشام : ما تهدى بقى يا طه هى فى النهايه معملتش حاجه غلط طه : انا يا اخى مش عارف جايب المراوح دى منين فوق بقى انت فى مصر دى فضيحه هشام : خلينا نتناقش معاها ونفهم منها طه : تفهم ايه انت مجنون نورهان : اوكى انا غلطت بس انا دلوقتى واقعه فى ورطه ومحتاجه ليكم جنبى انا ماليش حد غيركم هشام : ورطة ايه ؟ نورهان : انا دلوقتى حامل وعايزة تطلقى طه بعصبيه : كمان عايزة تطلقى تانى ، ايه الفجور ده (وضربها قلم) نورهان بدموع : انت بتحاسبنى ليه انا معملتش حاجة حرام وانا مش صغيره انت مالكش كلمه عليا اصلاً طه بيشدها من شعرها وبيضرب فيها : اخرسى خالص انا لو مش خايف من ربنا كنت قتلتك ودفنتك هشام بزعيق : سيبها يا طه الاسلوب ده مش هيحل حاجة (. خلص هشام نورهان من ايد طه وقالها تدخل جوه .) هشام : ممكن تهدى ، طريقتك دى هتعقد الامور زياده طه : مش قادر امسك نفسى عنها هشام : اهدى يا طه مهما عملت دى اختنا مش هنموتها يعنى هى مالهاش غيرنا واحنا المفروض نقف جنبها وبعدين نبقى نحاسبها بس بعد ما نساعدها طه : لا يا شيخ هو بعد العيد يتعمل الكحك هشام : اه العقاب والحساب بعد على الاقل ما نفهم انا هدخل اندهلها وياريت تهدى وتمسك نفسك لحد ما نعرف القصة طه : ماشى ادخل ناديلها (. دخل هشام عشان ينادى نورهان لقاها واقعه على الارض وغايبه عن الوعى تماماً ، اتصل بـ الاسعاف واتنقلت المستشفى واخواتها معاها .) *_____________________________________________**__ _________________________* فى احدى المستشفيات ..... (. نورهان لما اغمى عليها اتنقلت المستشفى وكانت مبتتحركش ونفسها بيطلع بالعافيه ، دخلت الطوارئ وبعد الكشف عليها الدكتور خرج لـ اخواتها .) هشام : خير يا دكتور الدكتور : انتوا تقربولها ايه ؟ طه بعصبيته المعهوده : هتفرق يعنى فى تقييمك للحاله هشام : اهدى يا طه ، احنا اخواتها يا دكتور الدكتور : يؤسفنى اقولكم انها .......... (وسكت) (. طه وهشام اتثبتوا مكانهم وبصوا لـ بعض والقلق باين عليهم .) هشام : انها ايه يا دكتور ؟ الدكتور : ....................... | |||||||||||
|
| |
|
14-04-15, 01:19 PM
| #25 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
| الجزء الرابع عشر الدكتور : يؤسفنى اقولكم انها .......... (وسكت) (. طه وهشام اتثبتوا مكانهم وبصوا لـ بعض والقلق باين عليهم .) هشام : انها ايه يا دكتور ؟ الدكتور : انها جالها جلطه فى الرحم ومنعت الدم يوصل للجنين ، والجنين بيتغذي على الدم اللى بيوصله داخل الرحم وبناءاً على كده الجنين مات طه : احسن هشام بص لـ طه بقرف : وهى يا دكتور اخبارها الدكتور : هى فى غيبوبه طه : غيبوبه !! ليه الدكتور : عضوياً احنا مش قادرين نعرف السبب يعنى هى معندهاش حاجه عضويه تؤدى الى غيبوبه هشام : قصد حضرتك ان السبب ممكن يكون نفسي الدكتور : ده السبب الوحيد المنطقى لكن مفيش اى حاجه عضويه طه : اوكى يا دكتور متشكرين جداً الدكتور : العفو ربنا يطمنكم عليها عن اذنكم (ومشى) هشام : انت معندكش دم على فكرة طه : ليه يعنى ؟ هشام : الراجل بيقولك ابن اختك مات وانها عندها جلطه تقوم تقوله احسن طه : انا مقولتش احسن انها جالها جلطه انا قصدى احسن ان الجنين مات هشام : وايه الاحسن فى كده طه : هى مش قالت انها عايزة تطلق ايه بقى يربطها بـ طفل هشام : واحنا كنا عرفنا السبب اصلاً مش ممكن حاجة تتلم ودى وميحصلش طلاق طه : هى اصلاً تستاهل كسر رقبتها ياريتها كانت ماتت وارتحنا منها ومن فضايحها هشام : انا مش قولتلك من سنين وافق على اللى هى عايزه عملتلى فيلم هندى عشان متجوزهاش انس وتجوزها محى وكانت ايه النتيجه اطلقت من محى وراحت اتجوزت انس من ورانا لـ ثقتها انك مش هتوافق طه : انت هتستعبط بقى هو كل من حب ومطالش هـ يهد حياته ويبدأ حياة جديدة مع اللى كان بيحبه وبعدين كان ماله محى كان بيعاملها احس معامله واهى اتجوزت اللى حبته وبعد كام شهر طلبت الطلاق هشام : احنا برضه مش عارفين القصة ايه طه : والنبى كفايه مش ناقصة الفلسفة بتاعتك دى دلوقتى هشام : اهم حاجة تقوم بالسلامه وبعدين نشوف هنعمل ايه طه : انا رايح الكافتريا اشرب قهوه هـ تجى ولا قاعد هنا هشام : لا روح انت *_____________________________________________**__ _________________________* فى بيت انس وشيرين ... (. شيرين لمت هدومها وهدوم عيالها وماشيه .) انس : انتِ رايحه فين يا شيرين شيرين : انا هروح بيت اهلى يا انس انس : ليه طيب احنا مش اتفقنا انى هطلقها شيرين : لما تطلقها هبقى ارجع انس : يا شيرين انا عمال اعتذرلك كل شويه وانتِ مش عايزة تقبلى اعتذارى شيرين : بص يا انس ، انا عشت معاك خمس سنين ، لا ستة سنين انا نسيت ان عيد جوازنا كان اول امبارح ، كنت واثقة انك مبتحبنيش وانك عايش معايا عشان محمد ونانسي ومش معترضه اطلاقاً وقررت انا كمان اضحى عشان خاطر ولادى قولت بيني وبين نفسى يعنى الراجل يضحى وانا لا ، وعشت معاك ونسيت انى ست وانثى وكمان دكتورة ، جردت نفسي من اى حاجة الا امومتى وفوق ده كله بقيت شغاله وكنت راضيه وبحمد ربنا لكن انت تروح تعيش حياتك عادى وانا حياتى وقفت اهو ده اللى مش هقبل بيه ابداً انس : انا عارف انى غلطت وانى ظلمتك بس ربنا بيسامح انتِ مش هتسامحى شيرين : انا مش بـ قوة وعظمة وسماحة ربنا عشان اسامحك انس : طيب اديني فرصة اخيرة شيرين : انا فى بيت بابا يا انس لحد ما تخلص موضوعك ده وبعدها نتحاسب انس : يعنى ايه !! يعنى لو طلقت نورهان مش هتسامحيني شيرين : لا اكيد لسه ليا حق عندك هاخده انس : انا مش فاهم حاجة شيرين : هـ تفهم لما تخلص موضوعك ده عن اذنك (ومشيت) *_____________________________________________**__ _________________________* عند مستشار العلاقات الزوجيه +18... (. ممدوح وبهيرة قاعدين بره فى انتظار الدور .) بهيرة : مالك يا ممدوح ممدوح : انا مُحرج اوى يا بهيرة بهيرة : بص يا حبيبي ، هدخل انا لـ الدكتور الاول احكيله كل حاجة بالتفصيل وبعدين انت تدخل يقولك على طريقة العلاج ممدوح : اشمعنى يعنى بهيرة : عشان متبقاش محرج وانت بتحكى ممدوح : مانا هبقى مُحرج وانا بسمع طريقة العلاج بهيرة : طيب يا ممدوح انا هسأله لو ينفع يقولى طريقة العلاج ممدوح : يارب ينفع سكرتيرة : مدام بهيرة سعيد بهيرة : ايوة سكرتيرة : دور حضرتك بهيرة لـ ممدوح : انا هدخل عشان خاطرى متمشيش ممدوح : حاضر (. ودخلت بهيرة .) بهيرة : مساء الخير الدكتور : مساء النور اتفضلى بهيرة : شكراً الدكتور : ايه مشكله حضرتك بقى بهيرة : لا لا انا معنديش اى مشكله ده جوزى الدكتور : ماله جوزك ؟ بهيرة : جوزى مدمن افلام جنسيه ، بيشوفها بطريقة رهيبه والاخطر من كده انه بيبقى عايز يعيش اللى يشوفه ، بيطلب حاجات غريبة الدكتور : حاجات غريبة زى ايه ؟ بهيرة اتكسفت ووشها احمر ووطت دماغها الدكتور : معلش اديني مثال بسيط بهيرة : ممكن يطلب حاجة حرام او حاجة مقززة الدكتور : هو جوزك عارف انك جايه هنا بهيرة : هو موجود معايا بس اتحرج يدخل الدكتور : لا ياريت يدخل انا محتاج اشوفه بهيرة : اوكى ثوانى (. خرجت بهيرة لـ ممدوح واقنعته بـ طلوع الروح انه يدخل وبالفعل دخل واتكلم مع الدكتور شوية .) الدكتور : بتشوف الافلام دى من امتى ممدوح : من زمان ، من ايام سن المراهقة تقريباً الدكتور : كنت بتشوفها بـ مُعدل كام مرة فى الاسبوع ممدوح : زمان كان صعب اشوفها اكتر من مرة فى الاسبوع لان النت مكنش زى كده وكنا بقى بنشوف شرايط ڤيديو وكده فـ تقريباً كل ما كان يتوفر شريط و ڤيديو ومكان الدكتور : وبعد انتشار النت ممدوح : ممكن مرة فى اليوم الدكتور : هل فى كل مرة كنت بتشوف فيها فيلم جنسي بـ تقوم بـ اداء العادة السرية (. ممدوح بص لـ بهيرة وهو مُحرج فـ الدكتور فهم الاجابه من نظره عينه ومسألش تانى .) الدكتور : علاقتك مع مراتك طبيعيه بصرف النظر عن الطلبات الغريبة ممدوح : اه بتهيألى (وبيبص لـ بهيرة) بهيرة : اه يا دكتور طبيعيه يعنى مفيش ضعف ولا برود الدكتور : تمام ، بص يا استاذ ممدوح مبدأياً كده تقريباً مفيش شاب مبيشوفش الافلام دى بس المفروض مع التقدم فى السن الاهتمامات بتختلف والشاب ممكن يشوف الافلام دى بس مش بنفس القوة واللهفة بتاعة زمان وهو لسه مراهق او جامع معندوش مسئوليات تمام ممدوح : تمام الدكتور : بس لو وصل للمرحلة دى ، لازم تتعالج ، الدكاترة النفسيين بيتعاملوا مع مدمن الافلام الجنسية انه لا يقل ضرراً عن مدمن المخدرات او الكحوليات ممدوح : يعنى انا مدمن ؟ الدكتور : بغض النظر عن المسميات ، دى حاجة وبقت للاسف منتشره ومش بين الرجاله بس لا كمان فى ستات بتدمن الافلام دى وهى اللى بتطلب الحاجات الغريبة بهيرة باستغراب : ستات !! الدكتور : بصي يا مدام ، خلينا نتفق ان مفيش اى حاجة حراام بين الزوجين الا اللى ربنا حرمه فى القرآن الكريم ما بُقى اياً كان مش حرام لان مفيش حاجة ذُكرت فى القرآن ولا السنه عنه ممدوح لـ بهيرة : شوفتى الدكتور بيبص لـ ممدوح : بس مينفعش اى حاجة تحصل بدون موافقة الطرف التانى والا يعتبر اغتصاب ، يعنى لازم الطرف التانى يكون موافق وعايز كده زيك بالظبط غير كده مش من حقك تمارس معاها حاجة هى مش عيزاها ممدوح بتوتر : ايوة اصل انا يا دكتور ، اممم اصل ........ الدكتور يقاطعه : انا فاهم انك مبتوصلش للمتعه الا بالحاجات اللى انت اتعودت تشوفها ، خلينا نبدأ نحط خطه لـ العلاج بهيرة : ياريت الدكتور : مبدأياً النت والكمبيوتر يتفصلوا من البيت او يتعمل عليهم ارقام سريه حضرتك متعرفهاش بهيرة : تمام الدكتور : حضرتك يا مدام لاما هتطبخيله الاكل بـ زيت الخروع او زيت الكافور لانه بيقلل من الرغبه الجنسية بهيرة : تمام الدكتور : هقولك حاجة غريبة مينفعش دكتور يقولها ممدوح : حاجة ايه ؟ الدكتور : لما تحس انك عايز تتفرج على فيلم قوم على طول اتوضأ وصلى او اقرأ قرآن ولو انت مسيحي روح الكنيسه اتعبد لـ ربنا ، ويُستحسن تصلى فروضك فى المسجد او تواظب على فروضك فى الكنيسه ممدوح : تمام فهمت الدكتور : صلى فى اى وقت تجيلك فيه رغبه انك تشوف الافلام دى ممدوح : حاضر الدكتور : وهنعمل جلسات علاج بس بعد اذن حضرتك يا مدام انتِ مش هتحضريها بهيرة : طيب ممكن اجى واستنى بره الدكتور : ممكن بس مش هتحضرى الجلسة ممدوح : خلاص كده الدكتور : النهاردة اه بس هستناك كمان اسبوع ان شاء الله ممدوح : اوكى يا دكتور متشكر جداً الدكتور : العفو (. وخرج ممدوح وبهيرة وهما مستريحين جداً من المقابله دى ، خصوصاً ممدوح .) *_____________________________________________**__ _________________________* | |||||||||||
|
| |
|
14-04-15, 01:24 PM
| #26 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
| بعد مرور عشر ايام .... - طه رجع عشان شغله لكن هشام واخد اجازة طويله - شيرين لسه فى بيت اهلها هى وولادها ورافضة تقابل انس - نورهان فاقت و محجوزه فى المستشفى - منال شوية تقرب من محى وشوية تبعد عنه *_____________________________________________**__ _________________________* فى شقة نورهان .... (. نورهان لسه راجعه البيت النهاردة .) هشام : حمدالله على سلامتك نورهان : الله يسلمك هشام : بتعيطي ليه نورهان : مخنوقه شوية هشام : احمدى ربنا انها جت على قد كده نورهان : الحمد لله هشام : قادرة تحكيلي ايه اللى حصل ؟ نورهان : حكت لـ هشام كل حاجة من اول مرة شافت فيها انس لحد الخلاف اللى حصل هشام : نزوة !! نورهان : تخيل يا هشام هشام : مش عايز اقولك انك انتِ اللى رخصتى نفسك نورهان : رخصت نفسي عشان وثقت فيه وامنته عليا هشام : عشان اتجوزتيه من ورا اخواتك ، عشان معملتيش لنفسك قدامه عيلة وهيبه نورهان : انا كنت متأكده ان طه مش هيوافق هشام : كنتى اتكلمى معايا نورهان : اهو ده اللى حصل بقى يا هشام انا مش ناقصة عتاب دلوقتى هشام : انا مش بعاتبك قد مانا بفوقك ، مفيش راجل فى الدنيا يسيب مراته وولاده وبيته المستقر عشان الحب نورهان : امال اتجوزنى ليه !! هشام : عشان انانى زى ما مراته قالتلك نورهان : طيب انا اعمل ايه دلوقتى هشام : هطلقك منه نورهان : وطه هيوافق بسهوله كده انى اتطلق لـ المرة التانيه هشام : كده كده هتطلقى ، انس شوية وهيحن لـ ولاده ومراته وبيته وهيطلقك عشان يرضيهم يبقى تجى مننا احنا نورهان : ماشي بس انا عايزة اطلق النهارده ممكن هشام : حاضر ، اكتبيلي عنوانه وتليفونه نورهان : حاضر (. وكتبت نورهان العنوان والرقم لـ هشام ودخلت تستريح شوية .) *_____________________________________________**__ _________________________* فى بيت طه .... (. طه بيكلم هشام فى الموبايل .) طه بعصبيه : يعنى هتطلق للمرة التانيه هشام : هو مين يعنى عرف بالمرة التانيه طه : هتلاقى الخبر انتشر بسرعة الصاروخ وخد عندك بقى الحكاوى والحواديت هشام : يا طه افهم هو كده كده هيطلقها هو قال لـ مراته الاولى كده طه : قالها ايه ؟ هشام : قالها انه هيطلق نورهان عشان يرضيها طه : وكلام الناس هشام : ما يولعوا الناس بـ كلامهم يا طه متوجعش دماغى بيهم ، وكده كده نورهان هتجى تعيش مع حد فينا طه : ماشى يا هشام اعمل اللى انت شايفه صح هشام : صدقنى ده الصح طه : ماشى ابقى طمني عليكم هشام : ان شاء الله (. بسمه كانت قاعدة وطه بيتكلم فى الموبايل بس متكلمتش ومسألتش عن حاجة .) طه : يعنى مسألتيش كـ عادتك بسمه بابتسامه : لا خلاص يا حبيبي اتعلمت انك لما تبقى متعصب متكلمش معاك فى حاجة طه : يعنى خلاث تفهمتى ده اخيراً بسمه : ايوة انا مش هسألك عن اى حاجة وانت لما تبقى عايز تحكى هتحكى طه : ده بجد ولا زعل بسمه : لا طبعاً بجد طه : يعنى مش زعلانه ؟ بسمه : لا والله ما زعلانه ، بس انت برضه لازم تتفهم انى غرضى اطمن عليك مش فضول يعني طه : حاضر يا حبيبتى بسمة : اقولك حاجة كمان ؟ طه : قولي بسمة : انا بقيت مقتنعه جداً ان مفيش حد كامل ، كلنا فينا عيوب وكلنا صعب علينا نغير طباع اتطبعنا بيها من ٣٠ سنة لكننا نقدر نتعايش معاها طه : ايه العقل ده ؟ ما شاء الله بسمه : ايوه انا فكرت بعقلانيه ولقيت انى بحبك يبقى لازم اتأقلم معاك ومع شخصيتك واحبك كلك على بعضك بـ عيوبك ومميزاتك طه : بحبك بسمة : وانا والله بموت فيك طه : عشان خاطر الكلمتين دول بقى انا كمان هحاول اتحكم فى عصبيتي وهحاول اقولك كلام حلو كتير بسمة : بحبك طه : بعشقك (. وعاشوا فى تبات ونبات بعد اقتناع بسمه ان مفيش حد كامل وانها احسن من غيرها وتحمد ربنا ، وطه حاول يتحكم فى عصبيته ويرضى مراته بـ كلمه حلوة وان الكلمه مش هتضر يعنى .) *_____________________________________________**__ _________________________* فى بيت انس ..... (. انس قاعد فى بيته حاسس بـ وحده رهيبة من غير ولاده وشيرين ، قطع وحدته صوت جرس الباب ، قتح ولقاه هشام .) انس باستغراب : هشام !! هشام : انا من زمان اوى عارف انك واطى وندل بس مكنتش اعرف انها واصله معاك للمرحله دى انس : انا مضحكتش على اختك ومتجوزها بمزاجها هشام : يعنى اتجوزتها وكمان حامل منك ، يعنى يا راجل يا واطى متسألش على مراتك وابنك الفترة دى كلها انس : انا كنت سايبها لحد ما تهدى عشان اعرف اتعامل معاها هشام : نورهان كانت هتموت انس : خير مالها ؟ هشام : مش مهم تعرف ، يالا انس : يالا ايه هشام : (يالا now :D ) يالا عشان تطلق نورهان انس : مش هطلقها هشام : هتطلقها ورجلك فوق رقبتك انس : عشان ترجعها لـ محى صح ؟ هشام : هو ده كل اللى همك ؟ انس : هى عايزة ترجعله هشام : اختى دى غلبانه اوى وقعت فى اتنين اوسخ من بعض سواء انت او محى انس : طيب وابنى ؟ هشام : ابنك مات يا انس انس : هى اللى نزلته ؟ هشام : ده من رحمة ربنا بيها نزل لوحده عشان مفيش حاجة تربطها بواحد حقير زيك ، هتطلقها ولا لا انس : اسمعها منها هشام : حاضر (. اتصل هشام بـ نورهان اللى اصرت على الطلاق وانس كان ما صدق انه يطلقها عشان يرضى شيرين وترجع عشان خاطر ولاده ، نزل هشام وانس وخدوا مأذون وراحوا عن نورهان واطلقوا وبعدها حبست نورهان نفسها فى الاوضه من كتر الزعل .) *_____________________________________________**__ _________________________* فى بيت اهل شيرين ..... (. انس رايح لـ شيرين عشان يرجعها .) شيرين : خير يا انس جاى ليه انس : انا طلقت نورهان شيرين : بجد انس : اه والله طلقتها عشان خاطرك شيرين : كويس انس : قوليلي بقى ايه طلباتك شيرين : هتنفذهالى انس : اى حاجة تطلبيها هنفذهالك (. سرحت شيرين شوية وبعدين بصت لـ انس .) شيرين : طلقنى انس : نعم !! شيرين : زى ما سمعت طلقنى انس : اطلقك ليه مانا طلقت نورهان عشانك شيرين : مانا كنت مستنياك تطلقها عشان اطلق انا كمان انس : انا مش فاهم حاجة شيرين : انت متستاهلش ولا واحده فينا ، لا انا ولا هى وعشان كده كنت عايزة اتأكد انك طلقتها وانا كمان اطلق ، انا وهى ارقي بـ كتير من اننا نعيش مع واحد انانى زيك انس : بس انا عايز اعيش معاكى ومع ولادى شيرين : وانا مش عايزة ، انا خلاص مش هضغط على نفسى تانى عشان خاطر حد انس : والولاد ؟ شيرين : مالهم الولاد ، هيعشوا معايا احلى عيشة وهبقي اخليكم تشوفوا بعض انس : بس انا مش هطلق شيرين بابتسامه : يبقى انا هخلعك انس بتحدى : وانا هطلبك فى بيت الطاعه شيرين : ابقى اعمل كده وصدقنى هتتفاجئ من اللى هعمله فيك (. دخلت شيرين وسابته وخرج ابوها يقنعه انه يطلق بهدوء بدل الشوشرة والفضايح انس مقتنعش وقرر انه مش هيطلقها ومشى من عندهم .) *_____________________________________________**__ _________________________* فى خلال شهرين ... - ابو شيرين ضغط على انس واجبره على الطلاق و اتطلقوا - هشام رجع الكويت وخد نورهان معاه - منال اختفت ومحى مش عارف يوصلها - ممدوح مستمر على جلسات العلاج وبيتحسن *_____________________________________________**__ _________________________* عند مستشار العلاقات الزوجيه ... الدكتور : انا مبسوط جداً من التحسن اللى انت وصلتله ممدوح : الفضل لـ ربنا ثم لـ حضرتك الدكتور : لا طبعاً انا ماليش اى دور ، الفضل لـ ربنا وبعدين لـ عزيمتك واصرارك ممدوح : يعنى انا بقيت كويس الدكتور : تقريباً عارف يا ممدوح رغم انى دكتور نفسى متخصص فى العلاقات الزوجيه الا انى بستغرب ممدوح : بتستغرب ايه ؟ الدكتور : الناس بتجى عندنا تدفع دم قلبها عشان جلسات العلاج وركعتين لله ببلاش فيهم الراحه كلها ممدوح : حتى فى حالتى الدكتور : حتى فى حالتك ، علاقتك بـ ربنا وقربك منه هو اللى وصلنا لـ التقدم ده فى حالتك ممدوح : الحمد لله الدكتور : هنستمر على العلاج والجلسات ممدوح : لحد امتى الدكتور : هانت جداً انت اصلاً بقيت زى الفل بس زيادة تأكيد ممدوح : اوكى يا دكتور *_____________________________________________**__ _________________________* فى بيت منال .... (. منال خارجه من شقتها لقيت محى فى وشها .) محى : اخيراً لقيتك منال : عايز ايه ؟ محى : انتِ فين كل ده وايه اللى عملاه فى نفسك ده منال : اتحجبت ومسافرة دلوقتى محى : مسافرة فين ؟ منال : هعمل عمرة ، هروح ابدأ بدايه جديدة مع ربنا يمكن يسامحنى على اللى فات من عمرى محى : نعم !! منال : اللى سمعته ، هروح لـ ربنا جايز حبه يملى قلبى وانساك محى : انتِ اتجننتى ؟ منال بزعيق : قصدك عقلت ، انا مش عايزة اشوفك تانى ولا حتى فى احلامى ، انا خلاص مش هغضب ربنا تانى محى : انا عايز اتجوزك منال : وانا خلاص مبقتش عايزة اتجوزك محى : ليه منال : عشان انت سبب انى اعصى ربنا وابقى زانيه ، انا كان بيني وبين النار الموت بس وانا مش عايزة ادخل النار محى : مانا بقولك عايز اتجوزك اهو منال : لما ارجع ابقى اقرر (. ومشيت منال وسابته ومحى واقف مذهول .) *_____________________________________________**__ _________________________* فى بيت اهل شيرين ... (. انس بقاله شهرين عايش لوحده مش قادر يتأقلم على الحياة بدون ولاده وشيرين ولاول مرة انس يحس ان شيرين وحشاه وانه بيحبها فـ قرر يروحلها .) شيرين : خير يا انس انس : بـحـبـك (. شيرين معرفتش تنطق لانها اول مرة تسمعها من انس بالاحساس ده ولكنها استجمعت قواها وردت .) شيرين : ايه اللى بتقوله ده احنا خلاص اتطلقنا انس : والله بحبك ومش قادر اعيش من غيرك شيرين : من غيري ولا من غير ولادك انس : والله من غيرك ، انتِ فعلاً وحشانى واتأكدت انى كنت بحبك بس الماضى كان عامل غشاوة مش مخليني شايف شيرين : وبعدين انس : وبعدين انا خلاص مبقاش فى حاجة تربطنى بالماضى ، انا من يوم ما طلقت نورهان وانا مكلمتهاش ولا شوفتها ولا حتى فكرت فيها انا بحبك انتِ شيرين : بس انت بتحب نورهان انس : صدقيني كنت فاكر كده وانا عمرى ما كرهتها بس برضه اكتشفت انى بحبك شيرين : يعنى عايز ايه ؟ انس : عايز نرجع ، مش انتِ بتحبيني ؟ شيرين : لو عايزنى ارجع يبقى بـ شروطى انس : اوؤمرى اى حاجة انفذهالك شيرين : مبدأياً انا عايزة اعيش حياة طبيعيه جداً معاك وعايزة ولادى يحسوا قد ايه ابوهم بيحب امهم انس : حاضر ، ايه تانى شيرين : انت اللى هتودى محمد المدرسة وانت اللى هتجيبه ، يعنى هتشيل معايا جزء كبير من مسئوليه الولاد مش هشيلها لوحدى خلاص انس : حاضر وهساعدك كمان فى شغل البيت لو عايزة شيرين باستغراب : انت فعلاً بتحبنى (. انس بيقعد على ركبه وبيطلع علبه فيها دبلتين .) انس : بحبك يا مراتى يا ام ولادى ، تقبلى تتجوزيني شيرين بابتسامه : انت مجنون انس : يعنى موافقة شيرين : ماشى موافقة انس : يعنى خلاص مش زعلانه منى شيرين : اللى فات مات مش عايزة اتكلم فيه ولا عايزة افتكره انس : ماشى شيرين : انا هدخل وهناديلك بابا عشان تتفق معاه انس : بحبك (. دخلت شيرين ونادت على ابوها وانس طلب منه يرجع شيرين وبالفعل نزل على طول ردها ورجعت معاه هى وولادها .) *_____________________________________________**__ _________________________* بـعـد مـرور سـت شـهـور .... - شيرين وانس عايشين حياة طبيعيه جداً جداً كـ اى زوجين وسعداء جداً مع بعض ، وبعد شهر شيرين خلفت ولد وانس كان حاسس انه اول مرة يخلف لان احساسه ناحيه شيرين اختلف - علياء خلفت ولد وعايشة هى وبهاء حياة مستقرة - طه وبسمه حياتهم استقرت وبقوا متفاهمين اكتر - هشام اقتنع انه لازم يحس بـ مراته اكتر من كده ونهى اقتنعت انها لازم تبقى رومانسيه مع جوزها وعايشين مستقرين - ممدوح اتعالج وبقى شخص طبيعي جداً ، مبقاش بيشوف الافلام لاصراره انه عايز يبقى كويس وعايش حياة مستقرة مع بهيرة ، وبهيرة حامل - منال قررت انها مش هتجوز محى لان علاقتهم مينفعش يكون اخرها جواز وتابت لـ ربنا وبطلت تشوفه او حتى تفتكره - محى سافر بره مصر تانى - هشام لقى لـ نورهان عقد عمل فى الكويت وعاشت معاهم واشتغلت و بعد حوالى سنة من طلاقها قابلت واحد زميلها مصرى وارتبطوا بـ بعض واتجوزوا - رضوى عقدتها النفسية اتحلت ووقعت فى حب واحد جارها جديد واتخطبتله | |||||||||||
|
| |
|
14-04-15, 01:27 PM
| #27 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
| النهاية القصة حلوة بصراحة والكاتبة مبدعة جدا عكست مشاكل كثير بتواجه المرتبطين بعد الزواج يعنى الزواج ليس نهاية الحكاية ولكن بداية مشوار كيف نتعامل مع المشوار الجديد بكل حكمة وعقل | |||||||||||
|
| |
|
15-04-15, 08:00 PM
| #28 | |||||||||||
| نجم روايتي  
| اقتباس:
حتي نورهان فشلت في خياتها لتعلقها بالحب الاول بصراحه متعاطتفش معاها خالص واللي حصل ليها كان عقابها لانها من الاول مرديتش تعيش صح مع محي،،،،،،ومحي بقي اصل ربنا كبير هو اتجوز نورهان بطريقه غلط دا غير علاقته بمنال واللي حصله مع نورهان عقاب ربنا ليه بصراحه الروايه واقعيه جدا وممتازه وعجبتني اوووي شكرا للنقل المميز وشكرا للكاتبه | |||||||||||
|
| |
|
16-04-15, 04:51 AM
| #29 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته تسلم يدين الكاتبه والناقله يعطيكن العافية رابط لتحميل الرواية https://www.rewity.com/forum/t320342.html#post10200292 شـكــ وبارك الله فيك ـــرا لك ... لك مني أجمل تحية . | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
.png)
العرض العادي
