آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-04-15, 11:27 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  أنا ماضي أنا حاضر أنا جرح غدا ينزف / للكاتبة الجمــــُوح
التعديل الأخير تم بواسطة لامارا ; 04-05-15 الساعة 01:00 PM | |||||||||||||
|  |
|
03-05-15, 07:57 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلاام عليكم ورحمـه الله وبركاته مساء/صباح الخيير على الجميع اليوم انا جايه لكم بروايه جديده ويارب تعجبكم لاول مره ادخل بعالم الروايات واليوم قررت انزل لكم روايتي يمكن مب الاولى بدفتري لاكن بعالم الروايات تعتبر الاولى بسم الله الرحمــٰن الرحيــــم روايه:[] أنـا ماضي ،انا حاضر،انا جرح غدا ينزف وكسر صعب تجبيره الكاتبه:الجمــــُوح  طبعا ماانسى وقفت صديقاتي معي خاصتا روبينـكـــا وحسناء فاتنه لاابيح ولا اسامح من ينقل روايتي دون ذكر اسمي التعديل الأخير تم بواسطة لامارا ; 04-05-15 الساعة 12:57 PM | ||||
|
| |
|
03-05-15, 08:03 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  البارت الأول أنا في دنيتي مثل الغريب اللي بلا ديره حياته بالشقا تبدا ولا يعرف نهايتها وأنا في دنيتي مثل اللي ضاعت مشاويره أنا صوت الالم والآه .. في جوفي تعاستها أنا صرخة عذاب بقلب يشكي طول تفكيره أنا صمت السنين اللي كثير الهم موتها أنا ونة وحيدٍ تاه .. يعاني كثر تكديره أبد ماعاش في الدنيا ولا يعرف حلاوتها أنا دمعة عيون تعيش في غربه وفي حيره على خد الأسى يرسم عزير الدمع قصتها أنا جرح غدا ينزف وكسر صعب تجبيره أنا رحلة قلوب ما درت حتى بوجهتها أنا ماضي.. أنا حاظر .. خليط من تعابيره على كف القدر تبدا رياح العمر رحلتها أنا اللي يرسم الفرحه وهي تمشي إلى غيره ولا أيامه .. ولا أحلامه.. ولا الآهات ردتها أنا حلمٍ .. نعم يصعب على دنياي تفسيره أنا دنيا من الآمال .. ما تفرح بلمتها أنا حظي من أيامي سراب وصعب تصويره أنا لو كانت أيامي مع الأيام .. ملتها قدر من ربي وعشته .. ولا في اليد تغييره حياتي والله العالم .. وش اللي في نهايتها صحى من النوم على كابوس مزعج اشخاص يتكرروا عليه يومياً تأفأف ومسح عرق جبينه رجع شعره على ورا بيدينه اخذ كأس ماء من الكومدينا بلل ريقه واحساسه بنفاذ طاقته الجسديه وحتى النفسيه استنزف كل مشاعره تنهـد تنهيده وجــع وهمس بصوته :اهه يارب ارحمني وخلصني من هالعذاب -------------------------------------------------------------------------------- افزعه صوت جواله وهو يصدح في ارجاءءء الغرفه على انغام فيروز ناظر جواله واخذه واسم مشعل يضئ الشاشه ابتسم بهدوء ورد على المتصل : مشعل:ي حيوان ليش ماترد على جوالك حشششى بلااد الكفار عفست نومك بيومين انقطع نفسي وانا اتصل عليك وانت مطنشني لايكون حبيت لك وحده من الشقر و،،،،،،،، قاطعه وهو يقول:ول ول ول عليك يارجل بالع راديو مع الصباح بعدين انت ماتستحي داق وتو الناس ماصحت انت شايف الساعه كم؟؟ مشعل:ياتيس الساعه 9وربع ليش كم الساعه عندكم ،،،،،،:الساعه خمس الفجر بعدين ماتلاحظ انك تتلفظ علي كثير ان.... مشعل:اوص لايكثر ماتقولي وش مصحيكك بدري باقي ع الدوام .....:كالعاده صاحي على كابوس مزعج وانام على قلق نفسي وضميري يأنبني بشكل مٶذي مشعل:يارجال صل على النبي واذكر ربك ليش تلوم نفسك وتعقد الامور اللي صار صار اللي فات مات هو بحرقــــه:مشعل انت مب حاس باحساسي الذنب يلاحقني بكل مكان كأنت لحظات طيش ومراهقه ماكنت اميز الصح من الغلط مشعل:ارتاح وريح نفسك هذا قضاءء وقدر محتوم عليك وألحين قم صحصح وصل الفجر واذكر ربك وابعد عنك الهواجيس يله اشوف قدامي ......:طيب ابتسم بخفوت وسكر الخط ... __________________________________ رن جرس الحصه لمت اغراضها وهي معصبه زفرت بضيق دائما على نهايه الدوام ع اواخر الحصص يكون مزاجها مقفل لا والمشكله الفصل الي عندها مزعجات وقليلات ادب والكل يشكي منهم دخلت الفصل القت السلام على الطالبات ...............:السلام عليكم الطالبات:وعليكم السلام(اصوات مختلفه) تكلمت باامر:طلعوا الواجب واللي ماحلت توقف بسرعه انخرشو وطلعو واللي ماحلت حاولت بقدر المستطاع انها تلقط لها كم كلمه كشفتهم لانه مب جديده عليها غشهم رفعت حاجب وقالت بصوت مكتوم وقفي انت وهي تدري ان هذا القروب فاشلات دراسياً ناقلات للواجب غاشات بالاختبار مشاغبات في الحصص وكل معلمه تتذمر منهم ------------------------------------------------------------------------------ تقدمت وهي تتعدا الطالبات مقابله للقروب الي بالزاويه :كالعاده اخت هدى انتي وشلتك ماتبطلون هالحركات فوق قله ادبكم ماتهتمو بدراستكم وهاذي اخر سنه لكم غمضت عينها واخذت شهيق :برا الفصل بسرعه واعتبرو انفسكم لمده اسبوع غياب منال صديقه هدى:لااستاذه تكفين اخر مره قاطعتها بحده :ولا كلمه وبدون اي نقاش برا (وهي تأشر على الباب) الباقين بلا اهتمام مشوو وهم يوزعو ابتسامات وهدى سحبت منال وطلعو بدت تشرح الدرس بشويه عصبيه وتحاول ماتبينها للطالبات الي منخرشات منها __________________________________________________ ________ بالمـرسم الي يغلب عليه اللون البندقي والاضاءه الخافته يتوسطه كرسي محامل اللوح جلست بهدوء وبدت تفتح علب الالوان الغامقه رفعت الفرشاه لونت اللوحه الاماميه من البياض الى سواد وسكون الليل والقمر المنير استغرقت 3ساعات تفضفض عن الي بداخلها من وشوشه وظلام وكثره حكي توقفت عند مكان معييييين وسرحت بفكرها لبعيييد دقيقه دقيقتين ثلاث فزت على طرق الباب .............:تفضل دخلت بوجهه بشوش وابتسامتها الحلوه محليتها اكثر:مساءء الورد ي حلو ...........:مساء الخير اهلاً اهلاً ......:وينك طفشت لوحدي طلعت غرفتك ماشفتك وقلت اكيد بالمرسم بابتسامه صافيه :اصلا معروفه اذا مب بالفيلا اكيد بالمرسم جلست على الكنبه(القنفه)البعيده ناظرت باختها اللي رجعت تفكر تنهدت بصوت مسموع وهي تدري بكل شي بجوات اختها رفعت كتوفها وهي يائسه حاولت بكل الطرق تطلع اختها من قوقعة احزانها وتفكيرها ولكن يبدو ان اختها مصره --------------------------------------- صحت من تفكيرها على صوت اختها تناديها ......:سحر سحر :لبيه ي عيون سحر .......:وش رايك نطلع اليوم من البيت لاي مكان نغير جوو سحر بفرح واخيرا اختها بتطلع من عالمها الحزين :اصلا حتى انا ابي اطلع وكنت بقول لك بس سبقتيني بالحكي وش رايك المول او المنتزه .........:انتظري المول لا مافيني للازعاج المنتزه احسسن بعدين عبود اكيد طفشان وحيفرح لمايعرف اننا راح نطلع المنتزه سحر:اوك المنتزه على انو كان بودي نروح المول ناخذ لنا اغراض بس يلا بوقت ثاني ابتسمت بوجهه اختها ولفت عنها ريحت راسها على الكرسي وغمضت عيونها وسرحت لعالمها الموحش --------------------------------------------------- تنهدت بالم وناظرت حاله اختها الميؤؤس منها وطلعت من الغرفه بهدوء عكس دخولها __________________________________________________ _______ وقت العصريه الساعه4/30 صحت على قطرات من الماء بجبينها وصوت ضحكته الشريره المعروف صاحبها المزعج الي لو مايسوي مقالبها مايطلع فهد بصوت كله نوم وبحت صوتها المميزه غلبت عليه:فهدي ياحمار ليش كذا؟؟؟ فهد بشقاوه وبضحكته الرنانه:اهب يالصوت صوت ولد وبعدييييين يله قومي بسك نوم طفشت ومافي الا انتي امي وابوي سحبو علي وتركوني ودخلو الغرفه هههههههاهاهاها وبغمزه وانا بالصاله يدي ع خدي والله وكيلك حتى الخدامات يمرون ولا كأنهم يشوفوني بــ ابتسامه تخفيها :حلاص قم انقلع بـ الحقك يامال البعير...... طلع من الغرفه وهو مبسوط ان ربي رزقه باخت او بالمعنى الاصح تؤام لروحه شبيهه له بكل شي وونيسته فـ دنيته دعا ربي يحفظها لقلبه ويسعدها وماتشوف مكروهه بحياتها ......... اما بالنسبه لبطلتنا بمجرد ماطلع فهد رجعت لغيبوبتها النوميه مره ثانيه ZZzzz ________________________________________ هذا البارت الاول من روايتي ان شاءء الله اشوف ردووود تفتح نفسي عشان اكمل اتمنى ماشوف ردود تجرح انتقدو ولاكن بادب (لاتلهيكم الروايه عن الصلاه) ____________________________________________ :آكـثـــــروا من قول لـا إلــه إلا انت سبـحانــكك إني كُنت من الظالميـن فإن اولها توحيـــد ....واوسطهــا تسبيح....واخرها استغفـــــار.... | ||||
|
| |
|
03-05-15, 08:05 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني _______________ القلوب أسـرار ؛والدنيا عبر! والعمر لوطال ؛تاليه الرحيل والخوـاطر ؛كسرها ماله جبــر!لو يعيد الوقت ماضيه الجميــــل ..، ____________________________ بالمطبخ تقطع لها من الحلا وتصلح قهوه تعدل مزاجها المتكدر من الدوام والطالبات والعفن المدرسي ومن كل شي مضايقها جات من وراها وضمتها همست باذنها :كيفك اليوم ردت الابتسامه:الحمدلله انتي كيفك ردت اختها:انا تمام عال العال أمممم أشم ريحه القهوه مرررره (تمد الراءء)تجنن وتشهي امانه احسبي حسابي .......:من عيوني كم رنا عندنا رنا بنعومه:فديتك يااحلا وأغلا اخت وأبلا بعد (وهي تحط اصبعها بفمها دليل التفكير)وش رايك اساعدك ....:أوك روحي بسرعه صحي ريان ورهف وعقبها تعالي ساعديني ناخخذ القهوه عند امي وابوي بالحديقه رنا :حاظر ابلا(وخرجت من المطبخ طالعه لغرف اخوانها) ___________________________ وقفت سيارته عند الشركه فتح له السايق الباب نزل بطوله الفارع وبخطوات واثقه اتجهه لبوابه الشركه وهيبته تفرض على الجميع الكبير قبل الصغير احترامه مشى بارجاء الشركه متجهه لغرفته والجميع يلقوا عليه السلام ----------------------- دخل مكتبه والسكرتير وراه .. وبصوته الي يغلب عليه البحه الرجوليه :منصور أطلب لي قهوه تركيه وعطني الملفات التابعه للشركه الكوريه منصور:حاظر طال عمرك خرج منصور وهو ريح راسه الي يألمه على الكرسي الضخم فتح الكبت(السحب/الدرج) وأخد حبتين بندول على وعسى تخفف ألم راسه ويقدر يركز بشغله ___________________________ لبسو العبايات ولموا الشيلات وطلعو من الفيلا متجهيين للمنتزه بعد مااخذو اذن فارس زوج سحر وصلو المكان المطلوب ونزلو وبدو بتحدثون بمجالات مختلفه ومن بين حديثهم كان فيه.... شاب ضام وحده صغيره ويضحكون استنتجو انها اخته توقفت سحر عن الكلام لما شافت اختها تناظر مكان الشاب وروحها بتطلع من جسدها عيونها مليانه دموع بحيث لو رمشت سالت انهار من عينها مثبته عينها بمكان واحد ماتقدر تحركها تنهدت سحر وجاءت ضمتها تهدي من روعتها وربكتها وهي تهديها هي بصوت مهموس:الله يحرق قلبه مثل مااحرق قلوبنا الله لايسامحه ولايحلله دنيا واخره حطت سحر يدها على فم اختها:خلااص وهم خلاص لاتدعي عليه الله بياخذ حقنا منه خلاص اهدي حبيبتي مايستاهل تحرقين اعصابك عليه حنا طلعنا نغير جوو مب ننكد علينا هدأت وهم وبدأت تتغيير شوي شوي ابتسمت وهي تشوف ولد اختها عبودي الي يبلغ من العمر6سنين يمسك يدها ويطلبها تلعب معاه كوره وهم بضحكه وهي تناظر المكان من حولها:لا عبودي مايصير العب كوره تعال نلعب لعبه ثانيه وأخذته بجمبها تلعب معاه لعبه غير عن الكوره وسحر تبتسم لهم ___________________________ بفيلا اشبه بالقصر بالمجلس العودي والبيج والثريا الضخمه الي تدل على عزاهل البيت المجلس ذات الجلسه العربيه يغلب عليه اللون البيج ريحه القهوه والعود تنتشر بارجاء المكان تحديدا عند المشب متكي على ايده اليمين وايده اليسار يمسح ع دقنه رافع رجله اليمين وساند اليسار دخلت عليه زوجته الجده حمده بعصاها ومشيتها الثقيله بسبب كبر سنها ووجع ركبها جلست جمبه وشافته سرحان.:علامك يابو سعد وينك شاردن فيه الجد حمد (ابو سعد):ابد افكر بهالعيال الي زمانن عنهم مشتاق لجمعاتهن ام سعد :اي والله انك صادق اني مشتاقله لهم من فتره انشغلو مع ذي الدوامات ولازد شفناهن .. الا وش رايك تدق علي سعد وتخبره بما ان بكره خميس يجتمعن عندنا أبو سعد:جبتيها ياحمده خلني ادق على سعد . واخذ تلفونه ودق عليه بعد ثواني جاه الرد سعد:هلا هلا الجد:سلام عليكم سعد :وعليكم السلام حي الله الوالد الجد:وشحالك وشحال عيالك واخوك وهله سعد:مانشكي من سوو الحمدلله..امرني يالغالي الجد:دقيت عليك ابيك تخبر اخوك بكره تجي انت وهو وهلكم عندنا زمانن عنكم وشبلاكم قطعتونا سعد :اعذرنا والله انشغلنا خلاص ابشر بكره عندك كلنا الجد:على بركةة الله سلم لي على ام فايز سعد:يوصل (وسكر) والجد رجع لسواليفه مع الجده ___________________________ على الساعه9/30 كانت جالسه بغرفتها الي يغلب ع جدرانها اللونين الابيض والموفي الفاتح يتوسط الغرفه سرير متوسط الحجم باللون الابيض والمفرش الموف على يساره التسريحه المدموجه بالابيض والموف وعلى يمينها نافذههه كبيييره تطل ع الحديقه قدامها كرسيين باللون الموف وطاوله بيضاء الغرفه تدل ع ان صاحبتها من عشاق الهدوءء جالسه على الصوفا البيضاء رافعه شعرها ذيل حصان قدامها اللاب توب واوراق الطالبات اندق الباب -------------------- ......:ادخل دخلت الخدامه وهي تخبرها ان الكل على طاولةة الطعام بنتظروها تجي للعشاء .......:أوك خبريهم اني نازله الحين ___________________________ أنتهــى البارت الثاني (ألقِ السلام ،إبتسم للناس ،أحفظ شيئا من السور! تصدق ،سبح ،استغفر ،كبر ،صُم، أركض بقلبك إلى الأاخره)/ | ||||
|
| |
|
03-05-15, 08:06 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث ____________________________ النفـوس آلوافيـــة رغم آلمصاعب مآتميل و الشمس كثر السحب مايغطي نورها الوافي لاآجل الوفــــاء مايذله مستحيل والثقه بالنفـس حصن القلوب وسورهآ �� 9/45 ببفيلا اصغر من فيلا ابو سعد(الجد) يغلب عليها الذوق الكلاسيكي معطيها جمال خلاب وحديقه المنزل ماخذه حيز من المكان على طاولةة الطعام مجتمعين أبو فايز وام فايز وأولادهم -------------------------------- أبو فائز :ي عيال جدكم كلمني يقول بكرا في عزيمه لنا ام فايزبفرح:صدق ي ابو فايز ايوا الله كم لنا من بعض والله اشتقنا لجمعتنا وسوالف عمتي ام سعد عههد بفرح:يس ماي فاذر ياي (وقامت تنطنط) تكلم فهد وهو يضحك بصوت عالي:الله ينعم علينا بنعمه العقل الحمدلله الذي عافانا مما ابتلاهم (ويبوس يده وجهه وقفى) فايز بصوته الثقيل الي يميزه الخشونه الرجوليه:عهد أجلسي مكانك احترمي نعمه الاكل جلست عهد على الكرسي وهي تضحك :ماني مصدقه اشتقت للبنات واخيرا بنجتمع مثل الاجازات زمان عن الجمعات بسبب هالمدرسه الخايسه (ناظرت فهد ورفعت حاجب )بعدين انت مالك دخل على اساس العقل مكتمل فيك سكتت لثواني وغيرت مجرى نظرها لفايز وهي شاقه الحلقق تتبوسم:مراح ازعل منك لانو بكرا فيه جمعه بخلي الزعل وقت ثاني اذا طفشت مانيب مكدره خاطري ابد سكتت للمره الثانيه وناظرت امها وابوها الي مبحلقين فيها :أحبكم يااغلا مافي الوجود ونطت تبوسهم :يلا باي بطلع اكلم البنات نتفق ع بكرا وطلعت ---------------------------- ناظروا العايله ببعض وبعدها فطسو ضحك وفائز الوحيد الي يحاول يكتم ضحكته ع هبال اخته _ __________________________ بفيلا ثانيه أكبر من فيلا ابو فايز كانت بغرفتها المطليه بالابيض والاحمر وسرييرها الابيض الي مفرشه احمر قاتم كانت مثل غرفه اختها بس الالوان غير متربعه على سريرها وباذنها سماعات الايبود قاعده تسمع سمعت صوت جوالها يشير ع ان هناك رساله بعد ماخلصت الغنيه ---------------------- فتحت الواتس وكانت الرساله من قروب بنات عمها عهد تقول ان بكرا جمعه وانها مشتاقه لهم ومن هالكلام ردت هي رنا:أي وربي مرا مشتاقه لجمعتنا ومتحمسه لبكرا رهف اختها بعربجيه راسله بالقروب:انتبهي انتي وهي لاينط لكم عرق ارسلت مها فيس يضحك وساره فيس يرقص ردت رولا بحماس:بكرا مب مداومه خل البنات يفتكو مني وبروح الصباح السوبر ماركت وباخذ لكم من عيوننننني بيان:لبا قلبك يااحلا ابلا احسن شي انك مب مداومه لاني بعدي ماذاكرت الامتحان ففرصه اروح اخبر الشله لايذاكرو رولا ارسلت فيس مطنقر وردت بتهديد :وربي لو علمتيهم اني لازيد الامتحان عليكم واضغطكم بعدين بكرا راسله اوراقكم مع المرشده يعني مايمديك ذاكري أرسلت رنا وبيان وعهد فيس زعلان وحزين ومطنقر ورهف والبقيه يضحكو عليهم رهف:الحمدلله اني داخله ادبي مب علمي اتديفر على نفسي الثلاث طنشوها وكملو سوالف _________________________ الصباح الساعه6/30 صحى من النوم كالعاده بشكل مزعج وقف ع طول وهو ناوي ياخذ شاور يريح اعصابه مايب يفكر ويتعب حاله بالنهايه هذا الشي مكتوب ومقدر قبل يطلع من بطن امه --------------------------- خرج بعد ماآخذ له شاور سريع قرر يغير من لبس البنطال لبس له ثوب (دشداشه) وغتره حمرا لبس ساعته الفخمه على معصمه اليسار اخذ عطره المفضل وبخ منه لحتى انتشر ريحته يارجاءء الغرفه لبس جزمته (تكرمون) السودا واخذ شنطته الي فيها اوراق مهمه اخذ جواله ايفون5 ومفتاح السياره خرج وهو يقرا الاذكار ركب سيارته وهو يبي يوصل للشركه بسرعه عشان يخلص اشغاله طيارته للسعوديه ع الساعه 1وربع _________________________ على الساعه 11حكم بالسعوديه كانت قاعده تشرب كوفي صحت 10/30 اخذت لها شاور وسرحت شعرها قررت تنزل تشوف اختها وتقعد معاها شوي تدري مقصره بحق اختها بس هي تحس انها عبء عليهم مع انهم ابد ماحسسوها بهالشي بس تستحي من زوج اختها هاذا وهو اخوها بالرضاعه بس تخجل منه ----------------- كانت تمشي ومنزله راسها رفعت راسها ع صوت الباب شافت ولد اختها ثامر الي واضح من شكله هارب من المدرسه ارتاع من شافها وهي ابتسمت ثامر:افف خاله امي وين وهم وهي تحاول تخبي ابتسامتها:ثامر منحاش كالعاده ثامر :لاخاله مب كذا السالفه غير عن كل مره وهم وهي تمسك يده :تعال قل لي وش صار وسحبته للصاله قعدت مقابلته :يله قل لي ثامر وهو يختصر الموضوع:تمشكلت انا وواحد افف واصحابي تمشكلو مع اصحابه وخرج المدير دق على ابوي والحين بس يجي ابوي بيمسكني هوشه وهم بتعقل:ياثامر الا متى وابوك يعاني من مشاكلك وامك تخاف عليك كانك عبود الصغير ثامر باسف:تدرين مب قصدي اسوي كذا وهم: حتى ولو ثامر انت الحين كبرت وصرت رجال السنه الجايه جامعه الحين امك واختك وانا بعد كلنا حتى ابوك نعتمد عليك اترك حركات المراهقه هذي ماعليك من اصحاب السووء الطايشين خلهم بحالهم لاتتناشب معاهم ترى مب زينه بحققك رجال طوله طول ابوه وكل يوم يدقو لابوك يشكو منك ثامر سكت شوي وهو متأثر من كلام خالته بعدين رفع راسه بحب:فديتك ياإحلا خاله ياآن كلامك بلسم وهم بباآبتسامه:الحين اذا جاءء ابوك اعتذر منه ثامر:ان شاء الله ..الا امي وين وهم :مادري ....لحظه اشوف ميري ميري الخدامه: يس مدام وهم:وين ماما سحر الخدامه: روح مع بابا فارس يقول بيتغدا برا وهم :اوك ثامر: اكشخ كناري الحب وش يحسون فييه وهم بضحك:وش عليك الحين اطلع بدل خل نخرج الحديقه نفطر فيها ترى مابعد فطرت ثامر: كم وهم عندنا لعيونش افطر فطورين ههههههههه(وطلع) ___________________________ دخلت الفيلا مع الخدامه توها راجعه من السوبر ماركت اخذت اغراض للبنات فكت شيلتها وهي داخله للصاله رولا بهدوء وطفش وهي تحرر شعرها:أفف يمااآه ور.... قطعت كلامها وهي تشوف الي جالس مع امها رولا افتجعت من وجوده وش جابه ذا أم رولا: هلا رولا تعالي سلمي على ولد عمك رولا ناظرته وهي تشوفه لاف وجهه عنها ويناظر بامها ورافع حاجب مبتسم باستهزاء حست كانه يستهزاء فيها عصبت وطنقرت تأفأفت بصوت مسموع وطلعت من الصاله وهي تتنادي الخدامه تأخذ الاغراض دخلت المطبخ تبي تشرب ماي تبل ريقها تحس ضغطها ارتفع لما شافت ابتسامته وتطنيشه لها كأنه يستخف فيها افف ... ماتبي تشغل تفكيرها فيه اليوم بتقابل بنات عمها طلعت غرفتها وهي تبعد صورته من بالها وتفكر وش تلبس بالليل __________________________ أنتهى البارت !عندما نقترب من الله لن نحتاج للبحث عن السعاده مطولاً؛ لأن السعاده حينها هي من ستبحث عنَّا ..�� ____________________________ اللهم آتنا في الدنيا حسنهً ، وفي الاخره حسنه ، وقنا عذاب النار .../ __________ اعذروني لو كان فيه اخطاء بس نزلته بشكل سريع توقعـــــــــاتكم ..... | ||||
|
| |
|
03-05-15, 08:09 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البـــارت الرابع .. بَعدْ مُنْتَصَفْ الليّل .. أحَدهُم نَائِمْ وَ الآخَر يَتأآلمْ بـ وَجَعْ  !على الغداء في بيت أبو مشعل كاننت في المطبخ تجهز الغداء دخلت عليها بنتها الوحيدهه بين ثلاث أولاد .......:مساء النور لأم مشعل بس أم مشعل :مساءء الورد حي الله شيخة البنات .....:هههههههه طيب يأم مشعل وش مسويه لنا على الغداء ترى أبو مشعل وعياله شوي ويهجمو على المطبخ من الجوع والله حالتهم تحزن قاعدين ع طاولة الأكل وكل واحد عينه بالثاني أم مشعل :ههههههه خلاص خلصت )وهي تكلم الخدامه) ميري خذي الصينيه على الطاولةة ميري:أوك ......:ماما ترى مشعل مب متغدي عندنا راح يتغدا ببيت عمي أحمد ام مشعل :يالله يارب يفرحنا أخوك بزواجه الله يهديه بس لو يترك هالحركات ويريحيا ....:يكسب فينا أجر والله الكل ينتظر كل سنه خبر زواجه ومتى راح يحدده بس للاسف الاخ شكله مب ناوي أم مشعل:الله يعيين خرجو من المطبخ رايحيين الجهه اليمنى لطاوله الاكل .......:مساء النووووووور أبو مشعل :قولي تحية الاسلام افضل من مساء النور ذا باآبتسامه وهي تشوف اخوها بدر يضحك عليها:سلام عليكم ردو عليها السلام اخوانها بأدب قدام أبوها وهم يسوو لها حركات بحواجبهم ويديهم طالعتهم بقهر وشمقت أبو مشعل وهو يقاطعهم وبهدوء وهيبه:بيان ليش ماداومتي اليوم بيان بوهقه وهي ماتحب تتجادل مع أبوها لانه عصبي وتخاف شوي منه :أممم اليوم (وناظرت أخوانها تبيهم ينقذوها)خالد رحمها وأشر لها على بطنها ناظرته بصدمه عرفت هو وش يفكر فيه حمر وجهها طالعها ابوها:بيان اتكلم معك انا ليش ماداومتي؟ بيان وهي تتنهد : بطني يوجعني وماعندنا شي مهم فماداومت سكت أبو مشعل لما حس ان الموضوع اخجلها بدر ويده على فمه يحاول يكتم ضحكته بس مب قادر دقه خالد ببطنه لما شاف امه تناظره بعصبيه تنهد عشان يوقف ضحكه واخذ كأس المويه يبي يشرب شرب شوي وتذكر وجهه بيان وغص صار يكح بقوه وخالد يدق ظهره بيان بلكاعه :بسم الله عليك حبيبي ثاني مره أشرب عدل ام مشعل:بسم الله عليك أشرب اشرب مويه وعطته المويه شرب شوي وسكت أبو مشعل وهو يناظره: يابوي قولو بسم الله لابديتم تاكلو وأركد وانت تاكل بلاش كثرت الحركات بدر تفشل وسكت وخالد وبيان كملو اكل ولاكأنهم سوو شي ابد ابد أبو مشعل ناظرهم واحد واحد بعدين تكلم وهو يأكل:خالد ليش ماشفتك نهاية الدوام بالشركه خالد بركاده:خرجت من الشركه للمخازن وعلى 12ونص رجعت للبيت سكتو ورجعو ياكلو انتظر دقيقه دقيقتين ينتظره يسأله ماسأله قال ببأستغراب :طيب وأنا منت بسألني وأشر على نفسه بغباءء ضحكو عليه ابو مشعل بابتسامه وهو يترك الملعقه :وأنت استاذ بدر وش اخر جديدك بدر وهو يعدل جلسته وبابتسامه:الحمدلله تمام وقاعد اتغداا ناظره (خالد برفعة حاجب) طنشه وكمل ويبه أنا قررت قرار ترى حامت تسبدي من سيارتي ذي ابي اغيرها أم مشعل بمقاطعه:وشو تبي تغيرها توك ماخذها قبل 9أشهر بدر:والله عاد لوهي مره حامل كأن ولدت خلاص مابيها أبو مشعل :أممممم أبشر بالسياره لاكن لاتعدلت (ووقف ناظره بهدوء)لاتحسب أني مادري وش تسوي بوراي ... الحمدلله وخرج بدر انصدم ماتوقع ابوه عارف عن بلاوية ويسكت ناظر خالد وشاف ذاك منفجع لانهم انصدمو مب من عادت ابوهم يسكت عن شي غلط طبعه كذا شديد أم مشعل ناظرت بدر بنص عيني :ياخوفي من ذا السكوت أبوك ماسكت الا براسه شي عدل حركاتك واترك حركات المراهققه بدر بعبوس:طيب طيب لابوها من سياره وقام ___________________________ التعريف بعايلةة أبو مشعل محمد حمد ال......(أبو مشعل) هند عبدالله ال......(أم مشعل) مشعل محمد حمد ال.... (29 خالد محمد حمد ال......(26 بدر محمد حمد ال.....(23 بيان محمد حمد ال.....(19 __________________________ بيت فارس {أبو ثامر} بعد الغداء قاعديم كلهم في الصاله الي يغلب عليها اللون الاحمر والرمادي احمر مدموج بالرمادي الجدران صبغتها شطرنج كنبات حمرا ضخمه وخداديات رماديه كانت سحر {أم ثامر}جالسه على الكنبه الي بالمقدمه وجنبها فارس وثامر جالس بالكنبه المنفرده وهم وريم جالسين يسار سحر وعبودي جالس جنب وهم سحر:طيب الى متى وانت كل يوم جاي لنا بمشكله مع ربعك ثامر وهو يناظر أبوه: صارت مشكله صغيره ماتوقعنا تكبير.. فارس قاطعه بحده:انتهى الموضوع بالمكتب نتفاهم التفت لوهم:الا وهم ماقلتي لي متى ناوية تفتحين المرسم وهم بأدب وحب أخوي:والله ماآدري حاليا مشغولة بالمشغل يمكن بعد شهر شهرين فارس:بالتوفيق . اما بالنسبه للشركه الي بتدعمك فلا تخافين شركتي جاهزه وكل شي جاهز والمبني باقي تتطلعي عليه وبس وهم باآبتسامه:الله لايحرمنا منك ياآبو ثامر ريم بدلع:يباآااهه نبي نروح المزرعه ترى وربي طفش بس يامن البيت الى المدرسه وعلى هالحال ثامر تحمس وكان راح يتكلم بس تذكر ابوه زعلان فسكت ووهم تراقبه فارس:دام ودكم تطلعون براحتكم بكره نروح وش قلتي ياآم ثامر سحر بابتسامه وهي تناظره :براحتكم والله ودنا نغير جو فارس:خلاص تجهزو بكره بس ماراح نطول يوم ونرجع يله استأذن رايح الشركه ...مع السلامه الكل:مع السلامه راقبه ثامر لحتى ماخرج وراح جلس عند امه الي صدت عنه وريم ووهم يراقبونه يبو يشوفو وش بيسوي ثامر :يممممممه خلاص عاد ترى ماقوا على زعلك سحر:بعد عني لاتكلمي ثامر مسك يدها وباسها:خلاص والله يعني ماهو والله استغفر الله بس ان شاءالله ما اعيدها صدت ولا كأنها تسمع ثامر :يعني تتغلين يمه والله لو انا فارس كان من أول كلمه سامحتيني ناظرته بحده والباقين فطسو ضحك حتى عبود ثامر:خلاص يمه وباس راسها انا اسف مانيب عايدها سحر ابتسمت:خلاص بعد مني سامحتك بس ياويللللك من أبوك ثامر:يله عاد استاهل ريم :ههههه رحم الله قوم عرفو قدر نفسهم ثامر: اعرفي المثل زين بعدين تكلمي ريم :مالت عليك المهم المعنى صحيح مالك بالكلام وترتيبها سحر :الا ماقلتي لي وهم أخبار ساره وهم:الحمدلله زينه ثامر :زينه ولا زينه ضحك بسماجه وضحكت ريم معه طنشوهم وهم وسحر وكملو كلام عن المشغل والمرسم التعريف بالعايله فارس عبد الرحمن ال..... سحر خالد ال...... اولادهم ثامر فارس عبدالرحمن ال.....(19 ريم فارس عبدالرحمن ال.....(18 عبدالله فارس عبدالرحمن ال...(7 --------------- وهم خالد ال.......(26 __________________________ في لندن خرج من الشركه على الساعه 12حكم وصل لمطار خلص الاجراءات على وحده وربع ركب الطياره ربط حزام الامان وأخذ كتابه المفضل بعد ماآقلعت الطياره قبل مايطلع الطياره دق على أمه وخبرته أن اليوم فيه جمعه عند جده ماآمداه يدق على جده وياخذ اخباره واخبار جدته لاكن أن شاءء الله بيشوفهم بالليل سرح لبعيد للماضي الحزين الي مستحيل ينساه تنهد بألم وهو يحس قلبه يتقطع كل ماتذكر الي صار تنهد بحزن وقرر كعادته يشغل تفكيره بالي بين يدينه _________________________ بعد المغرب على الساعه 7 أبوها وأمها راحو قبل المغرب أما هم بيروحو مع ريان كانت بغرفتها واقفه عند المراية خلصت من مكياجها اخذت عطرها وبخت فيها بهدوء ناظرت نفسها وهي تحاول تعطي نفسها كميه ثقه وكبرياء ابتسمت برضا وأخذت عباياها وشنطتها بعدما تأكدت أنها تركت فيها كل اغراضها خرجت من غرفتها بعد ماسكرت اللمبات (الليتات) راحت غرفة اختها رنا الي جمبها دقت الباب طق طق جاها صوت اختها رنا الناعم وهي تقول لها تدخل دخلت راسها :مساء الخير رنا:يامساء الشهد رولا:يله يله استعجلي مانبي نتأخر انتظرك بالصاله رنا :أصلن انا خالصه بس ألم اغراضي وبنزل خرجت رايحه غرفة اختها رهف دقت الباب وجاها صوتها العربجي :ادخللللي ياأم الذوق ضحكه رولا:رهف هيا بسرعه دحينه تخلصي لاتتأخري كالعاده رهف بربشه:طيب طيب روحي للباقين رولا راحت غرفه ريان كانت بتدق لاكنه خرج ابتسم يوم شافها رولا :يله ريان ريان:أنا جاهز لاكن مأدري عن خواتك نزل ونزلت معه بعد مانادت الخدامه تنادي البنات شافو رنا تحت تستناهم خرجو السياره بعد مالبسو العبايات وتغطو ريان جنبه رولا وورا ريان رنا جاتهك رهف طايره بعبايه الكتف الي مفتوحه وماسكه جوالها بيدها وبيد ماسكه اللثمه لاتطيح ركبت وهي مسببه ضوضاء انفجعو منها لاكنهم سكتو مايبو يناشبوها لاكن رنا قالت بنرفزه :رهف وش ذا كم مره قايله لك رتبي شكلك رهف وهي تطقطق بجوالها دقت كتفها بعربجيه:مالك دخل رنا وهي تتألم ::اووف وجع تألم ريان :خلاص انتي وهي خل نسمع الغنيه ذي رولا :ريان ترى حرام الاغاني ومب زين تسمعها وانت تسوق طف الراديو ريان: بدون موسيقى رهف :تكذب على مين والمزمار ذا وشو ريان :انتي انطمي خلاص اخر مره بس ذي سكتت رولا وهي داريه انهم مطنشين كلامها ومسكت راسها من اللازعاج الي مسببينه في السياره على راسهم ريان __________________________ بيت أبو فايز بالصاله أم فايز وأبو فايز وفايز ينتظرون الثنائي الي مسببين ازعاج واصواتهم واصلتهم من الطابق الثاني ام فايز وهي تنادي الخدامه تناديهم طلعت وشوي ونزلت وعهد وفهد وراهم فهد بصوت حاد:ههههههههههه عهد:وربي ماآكذب فهد: ياشيخه اكذبي على غيري ماراح اصدقكك ابد الا لما تجيبي لي دليل.. قاطعهم فايز:أن شاء الله خلصت انت وهو سواليفكم لاخلصتم قولو لنا عشان توكل فهد طنشه وهو يسلم وعهد سكتت أبو فايز :يله بسرعه تأخرنا والسبه هالاثنين الي لو خليناهم يروحو لوحدهم أبرك لنا عهد :مشكور يببببه وصل جرحك وفهد فاطس ضحك ناظره ابو فايز بنص عين وهو رايح للباب لحقته ام فايز وفايز فهد ناظره وهي ناظرته فهد :أمشي امشي ترى جبهتي قد طارت اكثر من مره عهد :عادي خل تطير تغير جو المهم ترى ماآكذب فهد بطفش :خلاص صدقتك (وخرجو) التعريف بعايله ابو فايز سعد حمد ال.... مها محمد ال..... فايز سعد حمد ال...(29 فهد سعد حمد ال....(20 عهد سعد حمد ال....(20 عهود سعد حمد ال....(8 __________________________ بيت أبو مشعل دخل مشعل البيت كانو كلهم في الصاله ينتظروه مشعل:كلكم جاهزين أبو مشعل وهو رايح للباب:أيوه يله يابوك مشعل :طيب طيب وخرجو كلهم كانو بسيارتين مشعل وامه وابوه والسياره الثانيه بيان وبدر وخالد وماوصلو الا راس بيان يوجعها وشوي وتبكي منهم وهم يطقطقو عليها ___________________________ وصلو الكل بيت الجد الرجال والشباب بالمجلس الي برا والحريم مع البنات بمجلس الحريم الي داخل كانو الحريم جالسين بالقدمه والبنات بعيد عنهم شوي دخلت وهي مبتسمه وبصوت عالي :حي الله الجميع نور بيتنا بحريم اخواني وبناتهن الكل قام يسلم عليها وهي تضحك وتسمي عليهم من كثرهم استأذنت منهم تبي تروح المبطخ تشوف العشاء وتروح تسلم على اخوانها وعيالهم دخلت وهي تدق الباب هي بصوت نوعا ما عالي:سلام عليكم الكل: وعليكم السلام دخلت سلمت على اخوانها وبعد على الشباب الي يرحبو فيها جلست عند ابوها بعد ماناداها ابو فايز :وش حالك ياساره ساره:الحمد الله وش حالك انت وهلك وصارو الكل يسألها عن احوالها وهي كذالك سولفت شوي واستأذنت _________________________ عند البنات الي انتقلو الى الصاله عشان يياخذو راحتهم وبدا هبال البنات ورجتهم والي تنادي بصوت عالي والي تعدل شعرها والي يستهبل والي يأكل ويشرب قهوه وعصير و... رنا:مالاحظتم شي بيان:الا انا ملاحظه بس ساكته عهد وهي مافهمت:مثل وشو فهموني رهف وهي تأكل :ايوواه صح مها الحماره وين مها وهي داخله:انتي الحماره ياقليلة الادب ..ناظرتهم وابتسمت وهي ترمش ورفعت يدها وهي تحرك اصابها هاآي رنا بصراخ:ووووويه مها اشتقنا لك مها وهي تسلم عليهم:أدري أدري من الي مايشتاق لي ضحكو وسكتو دخلت ساره ورولا ورولا سلمت على مها وقعدت ساره :بنات ابي اعرف مين الي كانت حاطه بغرفتي اخر مره الثعبان ذاك فطسو ضحك عليها وهي رافعه اكمامها تبي تهجم على صاحبة الثعبانهم جايبين ثعبان لعبه وحطوه بغرفتها يدرو تخاف من الحيوانات وذاك اليوم قلبتها صراخ حتى الجد عرف انه مقلب وهاوش مها لانها مشتركه بالجريمه رهف :كلنا مشتركين بالجريمه من تضربي أول ساره:أبي اشوف صاحبة الفكره عهد وهي تأشر على رولا :هذي رولا طالعتهم بفجيعه ساره ناظرتهم بتكذيب مها :نعم نعم وهي صادقه ذي الي قالت لنا رولا :وجع انتي وهي لاتحطو مشاكلكم علي رهف :شف شف تبي تنكر ناظرتهم وشافتهم كلهم ضدها انصدمت منهم كيف ركبو السالفه كلها عليها ساره ناظرتها بشك رولا ببراءه:وربي مب أنا ساره ناظرت رنا :رنا انتي الي بتعلمين لاتكذبين رنا بتردد وهي تشوف البنات يأشرو لها لاتعلم:شوفي الصدق الصدق والله مب رولا هجمت عليها رهف ومها وهم يضربوها وعهد تسبها بيان :خلاص خلوها رولا :أحل كذا طيب طيب ترى الي قالت لنا مها والي جابت الثعبان عهد وخرجت من الصاله طالعه للحديقه تكلم أخوها تشوفه وصل ولا _________________________ طلبو منه يجيب الدلال من المطبخ وهو ماشي للمطبخ لفت انتباهه كائن يتحرك لف راسه للجهه الي فيها الحركه شافها رافعه الجوال عند اذونها وكأنها تدق على احد ابتسم باستهزاء اكيد احد من ربعها قرب منها وهو وده تكون تكلم حد عشان يمسكها عليها ويحوس الدنيا عليها ويفتكك منها هي حست بخطوات ابتسم ولفت ................. أنصدمت لما شافته بلعت ريقها ولفت فزت واقفه لما شافته يقرب منها لما شافها وقفت وهي خايفه ناظرها باحتقار واستهزاء ولف ومشى انصدمت منه ماتوقعت جاي بس يناظرها بهالننظرات ويروح حقدت عليه وحست انها اختنقت بقوه __________________________ فمجلس الرجاجيل كانو قاعدين يستهبلون ويسولفو مع الجد بدر :يعني بتقنعني ياجد انك في يوم ماسويت اي حركة مراهقه فهد:شف ترى كلنا مرينا بمرحلةة مراهقه ولازم نسوي حركات طايشه فلا تسوي انك كشخه مره مؤدب الجد:ههههههههه الله يخسك أنت وياه وش تبو توصلو له خالد :كيف حبيت جدتي وتزوجتها الجد:عادي مثل كل خلق الله ليه على بالكم بنسوي نفسكم حركات مب حلا ماغير خطبها ابوي وتزوجتها ريان:يعني زواج تقليدي ناظره خالد:اع من الي عاده يتزوج كييذا أبو مشعل:ليه ناوي تتزوج غير عن الناس مثل الكفار أبو فايز:أصلن ماخبلهم الا ذا الكفار الي يتابعوهم وكل سنه وهم عندهم مشعل:أفا.... قاطعه دخوله وهو يقول بصوت جهوري :السلام عليككم الكل :عليكم السلام فز جده واقف له وهو راح سلم عليه وحبه براسه ثم سلم على ابوه واعمامه والشباب الجد:يالله حي راسل راسل بخشونه:الله يحييك ويبقيك أشر له جده يجلس جمبه وهو سوا مثل مايبي والشباب يغمزو لبعض وياخذ اخبار الكل وهم يسألوه عنه وعن سفرته يبتسم لهم مجامله يحس بضيقه ووجع تنهد وسكت ______________________________ تعريف بعائلة الجد حمد ال......... حمـده ال........ سعد حمد ال..........(50 احمد حمد ال.......(49 محمد حمد ال......(45 ماجد حمدال..........(30 عبير حمد ال...........)35 ساره حمد ال...........(26 مها حمد ال...........)22 _________________________ انتهى البارت المعاق الحقيقي هو من عجز عن عبادة ربه وليس من عجز عن الحركة ، اللهم أعنا على ذكرك وشكرك وحسن عبادتك (استغفرالله العظيم وااتوب اليه���� ) ___________________________ رأيكم...تقييمكم..تعليقـــــ� �ـاتكم ....../ أسفه على التأخير | ||||
|
| |
|
03-05-15, 08:11 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــــــــــارت الخـــــــ5ــــاامس ممكن إنك تشوف الجمال بكل مكان ؟ بس احياناََ قلبك يكون مقتنع أن الشخص اللي تحبه أجمل منهم كلهم♡ بالمطبخ كانت واقفه هي وامها الي اصرت الا تشرف على الاكل وعلى الخدم وهم يشتتغلون حظرو طاولة الرجال والحين يحظرو طاولة الحريم ساره بحب:يمه الله يرضى عليك خلاص روحي ارتاحي انا بكمل عنك الجده:حاظر يمك رايحه رايحه بس لاتنسي تقولي لخدامه تنادي الرجاجيل ساره:من عنوني ابشري خرجت الجده وساره خبرت الخدامه تنادي الرجال وهي راحت تنادي الحريم للعشاء ___________________________ على العشاء عند الحريم رولا وهي تكلم ساره:سارونه عطيني صحن الفتوش ساره :حاظر أم فايز:الا ياخاله ماجد متى بيجي الجده:ان شاء الله بعد بكره الله يقر عيني بشوفته هو وعياله الكل:أمين مها وهي تأكل وتتلذذ بالاكل:اخيرا بينزل ويترك دبي لاهلها خخخخخ بيان :وربي اشتقنا لعمي ماجد وعمتي عبير وبناتها رنا:اي والله ام راسل:تسلم ييدينك ساره على العشاء ام مشعل :اي والله يعطيك العافيه ساره:عوافي على قلوبكم رهف وهي تدق ساره على كتفها بدفاشه :شاطره يابطله كانك تدري اني أحب الأكل ساره :اه شوي شوي يالدفشه علي مها باستهزاء:ياروحي ألمتك هزت ساره راسها بأسف رهف بسخريه وهي تناظر مها :ياحرام ألمتها ساره بعصبيه:وجع انتي وهي تتستخفوو فيني مها بصدمه:من قال (وناظرت رهف )حنا نستهزاء رهف :استغفر الله حنا ماقول الا الله يسامحك ساره وهي عارفه طبعهم طنشتهم وكملت اكل وسوالف مع الباقين وهم يسلكو لانفسهم __________________________ بعد العشاءء الشباب كالعاده راحو للاستراحه وأبو فايز وابو راسل وابو مشعل راحو بيوتهم والجد دخل عند الحريم ------------------ بالمجلس بالمقدمه الجد والجده ومبسوطين بالجمعه يوزعو ابتسامات رهف بصوت منخفض لبيان وعهد :يحليله جدي شوفو كيف يوزع ابتسامات عهد:ياجعلها دوم ابتسامته ربي يخلييه لنا رهف وبيان :امين يارب الجد وهو ساكت ويناظر الكل بهدوء والكل شاغل ناظر في رولا وهي ناظرت فيه أشر لها تجي تجلس جمبه ابتسمت له بهدوء وجلست جمبه الجد:وشحالك يابنتي(وهو يربت على رجلها) رولا :طيبه يالغالي انت كيفك عساك طيب (وتبوس يده)كيف سكرك الجد:نحمد الله وش مسوية مع الدوام والطالبات رولا :زين ياربي لك الحمد الجد وهو يبتسم:اذا حد اذاك بس قولي لي من هي منه وانا اعلمك فيها رولا وهي تضحك:ههههههههه ياحبيبي ياجدي لاتخاف ماحد بياذيني مايقدرون يأذون بنت ولد حمد ال.... ابتسم الجد وشد على يدها بقوه كأنه يقول لها (الله يقطع لسان كل من حكا فيك لاتخافين انا معك دايم) أبتسمت وهي تحس انه يشده ليدها يبي يحسسها انه معها بالشق الايمن مها ورنا وساره مها:شف شف أبوي ورولا كيف تبوسه وهو يتبوسم لها رنا :امبيه لايكون تغارين ساره :هههههههههه اما عاد لا ماتوصل للغيره مها:على شحم انتي وهي ليش اغار عادي رنا :ياروحي سلكي لعمرك خلاص كشفناك ناظرت البنات عهد وبيان ورهف وهم يجلسو عندهم رنا :سمعتو اخر خبر عهد :وش!؟ مها:رنا انطمي رهف بحماس:وش وش رنا رنا وهي تناظر مها :هههههه تخيلو مهااآا بيان:وشو رنا وهي تشوف مها عصبت:لاخلاص مب قايله لكن البنات:مالت عليك طيب رنا بدلع:تيب __________________________ كانت بالحديقه هي وولد اختها ثامر وبنت اختها ريم وعبودي الصغير وتضحك على سوالفهم ثامر:انخرشت لما ناداني بالمكتب ريم وهي تتفلسف :انا قلت لك انك غبي (ناظرها بقوه)هي كملت :أقصد احم يعني المفروض يااخي العزيز اذا سويت مشكله سوها باي مكان غير المدرسه تدري المدير ويعرف ابوي وبيخبره سوها باي مكان مايكون فيه احد يعرفك (ناظرها وهي يفكر بكلامها ) ثامر:خلاص مره ثانيه اتهاوش برا المدرسه وهم ناظرته بصدمه ضحك وهو يقول : امزح معاكي وهم :على بالي بعد ومسكت يد عبود الي رافع يده يبي يوصل لشعرها عشان ياخذ الربطه الي فيه باسته بخدوده بقوه وهي تقول:ياروح خالتو تبيها عبود حرك راسه بايه فكتها من راسها وعطته ابتسم بفرح واخذها ثامر وهو طفشان :أسمعو بقول لكم شعر ريم :لاتكفى لاتخرب على الشعراء ثامر :لا لا بقول وماعلي من الشعراء وهم :يله قول لنا شعرك ثامر:أحم احم بسم الله وش حيله الي صابه من ورا الميم لامين يعني ملل بس بطريقه بن فطيس وسلامتكم (ناظرهم شافهم ساكتين كمل ببراءه)ترى وربي كشخه وهم وهي توها تستوعب فطست ضحك :يقطع شرك بس ريم :وأنا اقول من متى اخوي رومنسي وشاعر اثر ماوراك الا كل شي شين ثامر :وربي انتم ملل اروح مع الشباب ابرك ريم:خيانه وتتركنا لوحدنا ثامر:يابنت الساعه 11/30 مابعد رحت لهم يكفي قعدت معك بما فيه الكفايه ريم :خلاص روح ثامر:يله سلام وهم :استودعتك الله راح ثامر ووهم ناظرت ريم الي مسكت جوالها وهم :ريم وش رايك ندخل احس الجو برد شوفي عبودي صار بردان ريم وهي تشد على جاكيتها:اي وربي برد يله ندخل ___________________________ على الساعه 1حكم رجعو الكل لبيته عدا البنات الي بينامو عند ساره وممها كانت رهف جالسه بالارض ومبدله هدومها ببجامه راسها على الكنبه ومقدمه الطاوله حولها الطاوله مليانه تشيز كيك وحلاويات عصيرات ومن هالخرابيط وهي قاعده تبلع رولا الي جالسه عالكنبه رفعت راسها من جوالها وشهقت بصدمه من شكلها رولا بعصبيه:رولا ارحمي نفسك بسك بلع خلاص رهف وهي تهز رجلينها وتناظر الكب كيك الي بيدها بتركيز:أكرميني بسكوتك رولا هزت راسها :المشكله عصلا الي يشوفك يقول ماتأكل شي (قامت واقفه ناويه تطلع تبدل ملابسها على طلعتها دخلت رنا وعهد مغيرين هدومهم ومنظفين وجيههم من المكياج رافعين شعورهم ذيل حصان ......... طلعت من الدرج الفخم رايحه لاول جناح على يمينها دقت الباب بهدوء ووصلها صوت ساره وهي تسمح لها بالدخول ابتسمت وفتحت الباب رولا :أمم جيت ابي اغير لبسي وابي بجامه من عندك يصير ساره :أكيد يعننك لازم تتستأذني غيرك على طول للدولاب وهي تناظر بيان بنص عيين ضحكت رولا على بيان الي مطلعه كل الي بالدرج وتختار لها بجامه رولا :أوك شوكرا دخلت اخذت لها بجامه ولمت شعرها بدلت ونزلت بعد ماسبقوها بيان وساره للصاله ___________________________ خارج من الحمام [تكرمون] بعد ماآخذ له شاور لبس بجامته وترك أزرت البجامه مفتوحه أخذ مصحفه وجلس على الكرسي القريب من البلكونه وصار يقرا ورده اليومي بخشوع وترتيل بعد ماخص استغفر واخذ سجادته فرشها وكبر وهو يصلي الوتر بخشوع صلى ركعتين بخشوع سلم رفع يده بخضوع وذلول وهو يدعي ربي ....مسح على وجهه وهو يستغفر ربه استقام بهدوء رتب سجادته وشغل التكييف على المتوسط بعد مانشف شعره لاكن لازال مببل فسخ بلوزته وانسدح على السرير وهو ياخذ جواله يشوف الرسايل بالواتس شاف 150 بقروب الشباب و1من سكرتيره و35من قروب خواته طنش الكل ودخل على محادثة سكرتيره بالدوام ناظر المسج (أستاذ راسل اسف على الازعاج بس حبيت اخبرك بكره مافي شغل غير الملفات الي بخصوص الشركه ال ..... ) سكر الجوال بعد ماوقت المنبه على صلاه الفجر اخذت حبوبه من الكومدينا الي عنده لان راسه مصدع كالعاده ولازم حبه تهديه شرب مويه ورمى الشريط باهمال على الكومدينا استرخى على السرير بعد ماطفى الابجوره تنهد بتعب وبغموض غمض عيونه وماهي الا دقايق وكان بسابع نومه _________________________ بغرفه ساره كانو يسولفو وكل وحده جوالها بيدها بيان بالتواليت فاتحه الباب عشان تسمع سوالفهم كانت تحط لها قناع بالكيوي شافته بغرفه عمتها وحبت تجربه رولا:والله تعبوني قلق اكثر شي ندمت عليه اني درست الثنوي لا والمشكله الاكبر فييزياء ساره:احتسبي الاجر الله يعينك رولا بضحكه :لا وعاد شلة بيان ذولا الثنتين (تقصد عهد ورنا) الخايسين قاكعتها بيان مدرعمه وهي خارجه تبي تدافع على شلتها بصراخ :هيييه حدش الا ربعي اآءءءءءء (ضربت الباب برجلها وألمتها أصبعها الصغيره )طاحت على الارض وهي تصارخ وماسكه رجلها البنات :ههههههه مهاوهي تضحك وماسكه بطنها:وي هههههههههههههاي بلاه من الطفاقه الزايده(تمد الياء) ساره وهي تصارخ وتركض لها:عطيني أشوف رجولك تعورتي بسم الله عليك رهف بصوت عالي وباستهبال:تستاهلي (وتناظر ساره)بعدين أنتي من جدك خايفه عليها لاتخافي ورجولها حديد واصابعها من معدن)وحكت راسها بغباء) بيان رمت عليها علبه القناع:رهف صلي على النبي وجع وشو حديده ذا ساره وهي تناظر برجل بيان:لا مافي شي بس مره ثانيه ركزي وانتي تمشي بيان بحلطمه وهي تجلس:بلاه من الحماره الي تسب بصديقاتي رولا سفهتها كأنها ماتسمعها قاطع هرجهم رنا وعهد وهم داخلين بصينيه كبيره فيها من كل حركات البنات ورهف تصارخ تعلمهم بسالفه بيان __________________________ هذا جزء من البارت الخامس #همســهه ولا تكونوا كالذين نسوا الله فـ أنساهم انفسهم ، استغفر الله العظيم واتوب اليه .💜💘 | ||||
|
| |
|
03-05-15, 08:15 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تكملت البارت الخامس مع البارت السادس والسابع وما فائدة المعطف اذا كانت الروح تشعر بالبرد ... بالاستراحه عند الشباب كان جالس لوحده هو وواحد من ربعه شبه منسدح متكي بيده اليسار ابتسم لواحد من الشباب توه واصل ويسلم محمد صديقه:ياخي ركز معاي فايز:ياخي معاك بس انت وش تبي اقول لك محمد:انا جاي اشكي لك اسمعني فايز:طيب طيب بسمعك هيا قل وش كنت تقول محمد :أحبها وابي اتزوجها لاكن ماآدري ليش امي مصممه على الرفض الا تبي تزوجني بنت اختها فايز:طيب يامحمد خل نكون واقعيين انت ليش رافض بنت خالتك مدري بنت خالك وتبي تتزوج بنت ماتعرفها عدل ومتعرف عليها عن طريق المغازله الي كل يوم والثاني وانت بها المولات تغازل بنات الناآس وتتميلح محمد بنرفزه:تكفى ترى طفشان من محاظراتك الي كل يوم تعيدها وتزيدها سكت ورجع يتكلم خلنا بموضوعي قل لي وش السوات فايز:طيب كلمت امك قلت لها انك ماتبي بنت...(ضيع) محمد بطفش:بنت خالتي فايز:اي بنت خالتك قلت لامك انك ماتبيها محمد:قلت لها ماآبيها وأبي وحده ثانيه سألتني بنت منو وكيف عرفتها وعلمتها بنت منو وكذبت قلت اخت صاحبي لا وتخيل المصيبه ان الوالده طلعت تعرف امها واختها وتقول سمعتهم مب زينه ابوها بالسجن بتهمت السرقه واخوها داشر وسمعت العايله معفنه فايز ناظره باستهزاء:امك صادقه سمعتهم مب زينه محمد :ايه ومالي دخل باهلها انا بتزوجها هي فايز بعصبيه خفيفه : ابوها وبالسجن واخوها وداشر والبنت ادشر من اخوها اللهم زد وبارك وش بقي امها محمد بنرفزه :فايز لاترفع ضغطي ترى واصله عندي شاور علي بدون ماتسبها ترى مارضى فايز بسخريه:الله يخلف عليك وش تبي اشاور عليك اقول لك تزوجها وانا اعرف انها ماهي كفو تاخذها محمد :انا بتزوجها بتزوجها سوا وافقت انت وامي او لا المهم عطني طريقه اقنع الوالده اني ابيها مابي بنت خالتي الي كرهتها قبل ماأشوفها فايز: أنت مثل الجره الي يعبوها مويه وهي منشقه من تحت المهم استخير وشوف لاتستعجل ان كانت من نصيبك بتاخذها بس خذها نصيحه لاتعصي امك وترى البنت مب داخله مزاجي من الموقف الي صار هذاك اليوم بالمول محمد :هي قالت لي صديقاتها تحدوها وهي ماتبي تخسر التحدي تعرفها الي براسها تجيبه (وابتسم) فايز بسخريه : امحق والله انك خروف وانها لاعبتن عليك لاكن ماقول الا الله يعين امك واختك الي مخلينك لهم سند محمد بعصبيه:فايز لاتغلط تراني محترمك لانك صاحبي طنشه فايز ومحمد سكت يفكر ............. صرخ بحماس:لقيتها لقيتها ناظره فايز ومحمد كمل: أسمع باتزوج بنت اختها ووبعدها بشهرين بتزوج البنت الي ابيها فايز بعصبيه :وجع ياجعلك الوجع ياقليل الاصل والله منت بكفو تبي تظلم بنت خالتك عشان عيون بنت ال..... الي متعرف عليها بالمغازله يكون بعلمك تراها مافكرت فيك ولا في عيونك ذي الحول فكرت بفلوسك وتراها كانت راسمتن علي وتبيني واذا مب مصدقني خذ جوالي هاك شف رسايلها الي مزعجتني بها وانت نايم بالعسل (ورمى جواله عليه ) انا مانيب عارف انت كيف واثقن فيها وانت متعرف عليها بالمول الي كلمتك بتكلم غيرك (سكت بعصبيه وصدره يهبط وينزل... ناظر بمحمد الي يقرا الرسايل وهو مصدوم )ترى مابغيت اخليك تشوف الرسايل الا يوم شفتك مصمم تتزوجها (اخذ جواله من يد محمد الي مصدوم وقام ) ------------------------------------------ شاف عيال عمه مجتمعين لوحدهم ويسولفو بحماس جلس معهم وهو يسلم بثقل فهد:حي الله أبو سعد فايز:الله يحييك ويبقيك خالد بحماس:يله نرجع لكلامنا الحين بالله من صاحب الفكره الخنفشاريه ذي ريان وهو يوزع ابتسامات :ريان أحمد حمد ال...... بدر وهو يعزز له :ونعم وسبعةة انعام مشعل بسماجه:انعام ولا انغام هاهاها خالد وهو ينط يسلم على ريان:خشمك ياذيب ريان سوا مثله وسلم عليه بالخشم :ماعليكم زود ماعليكم زود احم احم (نفش ريشه) فايز باستغراب وثقل:خير وش فيه بدر:قررنا بكره نروح البر حنا واعمامي مع جدي يعني طلعت شباب بس دون الحريم فايز:مب على كيفك انت وهو فكرو فيها من كل الجوانب ولاتتفقو ماخذيتو راي جدي واعمامي ترى ورانا شركه وعندنا اشغال فهد:ياخي ياكرهي لك نكدي خل الشركه بخير لو قلنا لجدي وافق تعرفه يحب البر واعمامي لاوافق جدي مب قايلين شي مشعل:بالنسبه لجدي راسل يقدر يقنعه لاكن مين يقنع راسل ذا لحاله نشبه خالد :لا ان شاء الله يوافق بنروح له بمناصب وبجيهان هههههه ريان الي جنبه :هاهاها سامجه ناظره خالد وريان طنشه __________________________________ على الساعه ثلاث ونص الفجر نامو البنات بعد ماتابعو فيلم رعب _________________________________ ككان واقف وهو لابس ثوب او بنطلون اسود مايدري بالضبط بس لبسه كله أسود واقف قدام نار كبيرههه ومن طولها يحسها واصله للسماء ناظر رجوله بعد ماحس بشي عليها صرخ بفزع لما شاف الثعبان الضخم الاسود ملتف حول رجلينه صارخ وهو يناجي ربه ويحاول يفكها العرق يصب من جبينها كأنه صنبور ماء صار يتلفت حولينه يمين يسار يحاول يشوف شي يقدر يتخلص من الثعبان به عجر كل شي يلفه الظلام من حوله حتى ضوء النار مأكانه موجود ماشاف شي حاول يفك الحيه من رجلينه وهو يصارخ بيارب اخيرا تخلص منها رماها من يده صوب النار تنهد براحه لما اختفت بالنار فجاءه بدا يستوعب انه في مكان مجهول كله أسود باسود مافيه شي بس الغريب انه يسمع صوت صرصور الليل واشجار المكان كله مقفل نار طويله قدامه مايقدر يتعداها رمى جسمه الهلكان على الأرض رغم النار الي تغطي المكان الا انه يحس ببرد لدرجة اطرافه متجمده ممن البروده البرد قاعد ينهش عظامه ...........هي هدوء الليل فجاءه سمع صوت بعيد بس يناديه بصوت شبه عالي ناظر بكل مكان يدور على مصدر الصوت رجع الصوت وهو يناديه:راسل راسل راسل بصراخ وخوف:ميين ......:كيف كيفك عايش مع تأنيب الضمير راسل وهو يتكلم بصوت يالله يطلع: من من انت رجع الصوت يتكلم:أنا العذاب الي يلاحقك ف دنيتك واخرتك انا الذنب الي سويتهبحياتك انا الي بخليك تموت ناقص عمر بخليك تتمنى الموت ماتشوفه بكى وبكا بصوت عالي وهو يسقط بالارض.............................. فز من نومه ويلهث وجهه مليان دموع مادري عرق صدره يهبط وينزل تنهد باللم من الكابوس المزعج لمس وجهه ومسح دموعه تأنيب الضمير يلاحقه حتى بنومه قام من سريره بارهاق متوجه للحمام وهو يتخبط بتعب يبي ياخذ شاور يستعد لصلاه الفجر ____________________________________ بعد ماجهزت الفطور دخلت غرفتها الي يشاركها فيها حبيبهت وأبو عيالها زوجها الي كل يوم تعشقه ناظرته وهو نايم بهدوء خصلات من شعره على وجهه أبتسمت وقربت منه جلست جمبه على السرير وهي تمد يدها على شهره تلعب فيه قربت شفايفها وباست خده حس عليها ابتسم وفتح عيونه ناظرها وبصوت كله نوم :حبيبتي بهمس:عيونه ابتسم وهو يبوس يدها:فدا انا لعيونك كم الساعه؟ هي وهي تبتسم بشقاوه :الساعه سبع ونص يله قوم الفطور جاهز خذ لك شاور على ماآجهز ملابسك ماعطته فرصه يرفض مسكت يده وهي تقومه وامشيه ناحية الحمام (الله يكرمكم) وقف عند الباب وألتفت لها شافها بعدها واقفه ابتسم بصوت مبحوح:لايكون ناوية تدخلين معي الحمام ناخذ شاور مع بعض(غمز لها وهو يبتسم) حمر وجهها وتلقائيا رجعت لورا لما شافته يقرب راحت صوب الباب فطس ضحك عليها هي بصراخ :ماآااجد بلاها هالحركات الحين ادخل خذ لك شاور ماجد بحلطمه:طيب لاكن وين بتروحي مني وراك وراك ودخل ياخذ له شاور جهزت له ملابس على ذوقها وراحت تصحي أولادها نتعرف عليهم ماجد حمد ال..... زوجته منى فهد ال........ عندهم عبدالعزيز وعبد الرحمن تؤام الهمر6 وجوري العمر2 __________________________________________ صحت على صلاه الفجر زوجها راح المسجد القريب من بيتهم صلت واستغفرت وجهزت الفطور عقب صعدت تصحي البنات لاكنهم مارضو يصحو أصلن اشكالهم تبين انهم توهم نامو محشورين كلهم بغرفه وحده خرجت من عندهم وهي تستغفر وتتحلطم منهم نزلت بتعب من الدرج وعكازتها بيدها راحت بيت الشعر الي فيه القهوه على المشب وجلست جمب الجد سلمت بهدور ورد بوقار الجد وهو يمسح لحيته بهدوء:صحو البنات للصلاه الجده:عجزت وأنا اصحي فيهن حتى ساره ورولا استخفو مثلهم ماقامو للصلاه حمد:افا وانا ولد ابي ماقامو للصلاه الجده بضيق:هذا الي صايرن الجد وهو يستند على عكازته وقف ناوين يروح لهن :أنا قايمن اصحيهن ووأنتي لاهنتي جهزي الفطور نبي نفطر الجده:على خير خرج من بيت الشعر متجهه للطابق الفوقي صعد بيتعب واتجهه غرفه ساره دق الباب ماردو ففتح الباب الغرفه باردهه تنهد بضيق وتحسس الجدار وشغل اللمبات وقف مصعوق من أشكالهن كلهن موجودين بالغرفه منظرهم حرج جدا اربعه على السرير كل وحده فوق الثانيه وأشكالهم يرثى عليها الباقين بالارض وردد بصوت شبه منخفض لماشاف وحده من البنات لابسه روب نوم وواصل لركبها تمتم ب:الله يسترنا لف وجهه وصاح بصوت عالي:قومو يابنات صلو انا قايل لكن ماورا السهر الا منفعه نطت ساره ورولا مع بعض ولانهم قرييبين من بعض ألتطم روسهم ببعض صارخو بصوت واحد الجد بغضب:رولا ساره هذا وأنا اقول انكم اعقلهم ساره بفشله:هلا يبه خرعتنا الجد:بلاه من سواد وجيهكم رولا وهي تلم شعرها: ليش جدي وش سوينا الجد بضيق :الحين ليش لما جدتكم صحتكم للصلاه ماقمتن طاف وقتها الساعه 8 وأنتم نايمين رولا : الحين بنقوم ساره بفشله: يبه الله يهديك كيف تدخل علينا كذا الجد:أ..... قاطعهم صراخ رهف:هيييه وجع ماحد ينام عندكم ترى طقت تسبدي طفي الليت يازف يارولا قاطعها جدها لما ضربهت بعصاته برجلينها:قومي قومي مالت عليك طوفه اجل وجع ياجعلك للوجع رهف نطت مفزوعه لما سمعت صوت جدها بعيون مفتوحه والثانيه مقفله وحاطه عينها على عينها المقفله:جدي (ناظرت يمينها شافت رنا وروبها وتدري اختها نومها ثقيل مدت يدها بسرعه تنزله قبل مايلاحظه جدها ماتدري انه شافها الجد:صحو المهبل ذول بسرعه صلو و.... مها وهي مب مركزه وبصوت ناعس:ساره يالخبلا وش جابك غرفتي الجد بطناز:رجلينها قومي قومي لابلعصا بظهرك مها بفزع بعد ماستوعبت :يبه (واخذت نظره سريعه على البنات تدري اشكالهم في النوم لايرثى عليها مها بحرج بعد ماشافت ساره ورولا قامو ورهف وجهها احمر :طيب يبه خلاص انزل تحت الجد ناظرها وخرج من الغرفه تنهدت مها ورمت نفسها بارهاق بقوه على المخده ورهف سوت نفسها سكتو وسمعو صوت فاطس ضحك ناظرو ناحيت الصوت كانت عهد تحت البطانيه تضحك بشكل هستري عهد:أووو مابعد استوعبت جدي دخل علينا وحنا كذا(وأشرت على الغرفه المبهذله رهف:لا وأبشؤك شاف هالخبل الي دايم أقول لها تلبس بجايم ل.... قاطعتها عهد بصراخ:لاتقولين كانت (وحطت يدها على راسها طنشتهم مها وهي تقوم تاخخد بطانيتها ومخدتها رايحه غرفتها خرجت رولا من الحمام الله يكرمكم واتجهت ناحيت السجاده رولا تكلم عهد: عهد صحي بيان ورنا ساره داخله من غرفة مها بعد ماصلت:هالثنتين لو يصير انفجار ماحسو ___________________________________ | ||||
|
| |
|
03-05-15, 08:18 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تابع احبك ؟ ذا ترى اول كلامي.. و آخره.. و كلّه... دخل غرفة الاكل وشاف أولاده وزوجته على الطاوله ماجد بمرح وهو يشوف اولاده فيهم النوم :صباح الخير للحلوين ردو:صباح النور جلس بمقدمه الطاوله وهو يناظر عايلته الصغيره اخذ الجوري لي بحظن امها وهو يبوسها بقوه صارخت الجوري:اه بابا يعول(يعور) قهقه ماجد وهو يناظر أولاده الي ياكلو بصمت وبدون نفس تكلم ببط قايل:بعد الفطور بنروح السوق لاجل ناخذ الاغراض الي ناقصتنا طيارتنا بكره الصبح صارخو بفرح وهم ينطنطو ضحك هو وزوجته عليهم منى:يله كلو زين ولا مافي روحه صارو ياكلون بسرعه وهم يخططون وش بياخذو ناظر ماجد زوجته وهي ناظرته بستغراب غمز لها وابتسم وهي ضحكت عليه لفت وجهها عنه لما ناداها ولدها عبد الرحمن:ماما لما بنروح وين بنعيش ببيت جدو ولا ببيتنا منى:ببيتنا عبدالعزيز:لا ماما نبي نروح عند جدو وجدتي ماجد :ياحبيبي بيتنا جمب بيت جدو يعني تقدرو تروحو لهم متى ماتبو ابتسمو برضا وسكتو ____________________________________ خرج من الشركه رايح لجده يقول له اقتراح الشباب دق على جده وعلى الرنه الثالثه رد ------------------------ راسل بصوت جهوري:صبحك ربي بالخير يالغالي الجد بحب:صبحك ربي برضاه راسل:أخبارك عساك طيب الجد :ولله الحمد مااشكو من باس وانت كيفك راسل :طيب وبصحه وسلامه الجد :عسى ماشر وينك كني اسمع أصوات سيارات راسل:انا بالطريق جاي لك الجد:عسى ماشر راسل:لاتخاف جاي أشوفك انت وجدتي الجد:حياك الله ياراسل راسل:يله هاذاني وصلت الجد:على خير (وقفل) ----------------------------------- دخل بيت الشعر بعد ماأستنشق راحه القهوه تنحنح وصله صوت جده يأمره يدخل بصوته الرجولي:سلام علييييكم الجد والجده: عليك السلام حي الله راسل سلم عليهم وباسهم براسهم وجلس راسل:وش الاخبار الجده:الحمدلله راسل :وراكم لوحدكم وين ساره عنكم وخبري بالبنات هنا الجد:عجزنا نصحي فيهم عاد مدري صحو ولا رجعو نامو رولا وهي داخله وبصوت ناعم:سلام عليكم الكل رد السلام رولا بفرح:زينه من صباح وحنا مصبحين ببتسامةة راسل والغالين راسل بابتسامه :حي الله رولا شيخه البنات ابتسمت وهي ترسل له بوسه على الهواء اكثر وحده من خواته يحسه يفهمها وتفهمه يحس بمعاناتها بس صامت ينتظرها تشكي له وتفضفض له وده يحتويها ويحسسها بالامان الي يحس انها فاقدته هي عكس خواته عكس رنا فهي من النوع الحساس والطري دمعتها بخدها وعلى اي كلمه زعلت عكس رهف الي مطنشه عواطفها واحاسيسها وعايشه حياتها بالطول والعرض قاطع تفكيره جده الي يقول:غريبه ياولدي مب من عادتك تطلع ذا الوقت من الشركه راسل: ماعندي شغل فاضي وجاي ابي اقول لك شي الجد وهو يعدل جلسته :أمر راسل :مايأمر عليك عدو ابد الشباب قررو يغيرون جو يبو يطلعو البر ودهم تخاويهم انت واعمامي سكت الجد يفكر ..... الجد:فكره ماهيب شينه خلاص أجل تم ساره وهي داخله بحماس:ياسلام فديت صاحب الفكره راسل وهو رافع حاجب :لاتحشري نفسك الطلعه خاصه بالشباب بس رولا وساره صارخو باستنكار:ياسلام وحنا الجده:قصرو اصواتكم الجد:الاسبوع الجاي نطلع كلنا مع الماجد واليوم بنكشت حنا يالشباب فكره زينه زمان عالبر ناظر راسل:جهزو كل شي نبي نتغداء هناك راسل بهدوء:أبشر ___________________________________ أخذت لها شاورسربع خرجت وسرحت شعرها رفعته على فوق من قدام بف خفيف وكعكعه وراء لبست تنوره ميد سودا وبلوزه رماديه مرسوم عليها تايقر رتبت اغراضها في شنطه صغيره اخذت الايباد وساحن جوالها مع السماعات اخذت لها بجامه وبنطلون اخذت بعض الاغراض الي بتحتاجها نزلت تحت كان الكل مجتمع ماعدا فارس الي بالطريق راجع من الشركه نط لها عبود وباسها بخدها باسته بقوه وعفس وجهه ضحكت عليه جلست وهي تقول: صباح الخير ردو بصباح الورد وهم:شكلكم يقول انكم جاهزين ريم:ومستانسين ضربها ثامر على راسها:لاتصارخين ريم:اي يمه شوفيه سحر يتطنيش وهي تكلم وهم:جهزتي اغراضك وهم باختصار وهي تشوف فارس داخل:ايه فارس:سلام عليكم الكل:عليك السلام ريم:يله يباآه تأخرنا ضحك وهو ياشر لهم يله صعدت ركض لغرفتها تلبس عباتها لانها نستها خرجت من الفله كانو بسيارتين سياره فارس وثامر فارس وسحر مع عبود وثامر وريم ووهم انطلققو متجهين للمزرعه _____________________________________ وصلو المزرعه الي تبدا بببوابه كبيره كهربائيه دخلت سيارتهم بساحه كبيره بالوسط نافوره كبيره شكلها بالليل ملفت للانتباه الوانها تصير قوس قزح بنهاية الساحه فله طابقين على يمين الفله طريق يوصل لمجالس الرجال يحيط بالطريق من اليمين واليسار أشجار بحيث لو كان فيه رجال بالمجلس مايشوفون الفله وكذالك الي بالفله محاط بالاشجار لمبات على نهاية الممر باليمين المجالس وباليسار يكون فيه جلسه فيها طاولات وكراسي وبعيد منها الاسطبل ورا الاسطبل جلسات خشبيه ونوافير صغار بكل مكان عشان العشب قريب من مجلس الرجال مصلى صغير يصلو فيه الرجال والعمال الي عايشين بالمزرعه فيه ملحق بعييييييد عن المزرعه مع حديقه خاصه بالعمال ---------------------------------- ناظرت بارجاء المزرعه بشكل سريع وهي مبتسمه وتضحك على ثامر وريم داهمتها ذكرى خلتها تشهق بنص ضحكها تذكرت موقف صار معاها وعمرها 13وهو عمره16 كانو جالسين يتابعون التلفاز قال لها وهو بدا صوته يخشن تكلم بكبر وهو يقول بدون مايناظرها:أنا لاكبرت بصير رجل اعمال كبير عندي شركات انافس فيها اكبر الشركات وبعد ماأخلص الثنوي بابتعث امريكا قالت له باستغراب بري:كيق تصير رجل اعمال وانت ماتذاكر وماتجيب درجات عاليه مثلي وهو يناظرها كانها بزر وهو ماحدن حوله:ياغبيه راح اتشيطر لاصرت باخر سنه بالثنوي و بالجامعه وبعدين الواسطات لها دور وغمزلها قالت وهي تتحلم:أما انا بصير دكتوره ناظرها وهو يحلم بمستقبله ومطنش جملتها:تدرين راح يكون لي قصر كبيييييييره ومزرعه كبيييره وفلل وشقق وراح اتزوج أربع حريم وهم باستغراب:ليش اربع ماتكفي وحده هو:لاطبعا ماتكفي انا بتزوج اربع عشان كل وحده تجيب لي ثمانبنات وخمس أولاد يعني لو حسبنا ثمان اربع مرات وخمس اربع مرات بيصير عندي 20ولد و20بنت وهم وهي تقاطعه بحماس :لا يافاشل 20ولدو32بنت أوو بيصيرو أولادك كثير اما انا بنت وولد بس ناظرها باستهزاء وسكت شوي بعدين تكلم بحماس الا صدق ماقلتي لي وش تبي يكون لو الفرس حقك قالت بحيره :انت وش تبي قال:ابي بيضاء مثل بياض السماء وهم ببراءه:خلاص وانا مثلك يصير هو بضحكه :أيوه أيوه وبيكونو اخوان قاطعها صوت ثامر وهو يناديها :خاله وش فيك تبكي وهم برجفه وهي تمسح دموعها:ماآدري وش الي دخل بعيني (ومشت متجهه للفله تاركتهم خلفها وهم يناظروها باستغراب ) _____________________________________ كانت تمشي هي وياه يتفقدو المزرعه ماسك يدها ناظرها بابتسامه وهو يشوفها تبتسم له بحب قال لها وهو يداعب خصلات شعرها:وش رايك بالجو سحر:يجنن رد عليها بهمس وهو يقرب منها:وربي انتي الي تجننين ابتسمت وهي تبعد نظرها عنه ضكك فارس وناظرته فارس: تتذكرين كيف تزوجنا سحر ضحكت:وهي احد ينسا الجنان الي صار فارس:لما ضربتي وضحى بنت الجيران وتصارخين تقولي هو حقي ابتسمت بحراج وردت عليه:وانت لما تجي عند ابوي وتقول تكفى ابيها ياعمي والله لو مازوجتني سحر بخطفها ضحك بصوت عالي :ههههههه ووهم هي الواسطه بيننا سحر :ههههههه ولما طفشت مننا قالت ليت فهد(أخو فارس)مات قبل يجي على هالدنيا وترضعني عمتي معه ماكان صرت اختك ضحك فارس وكملو سوالف عن ايام زمان ___________________________________ كانو قاعدين يفطرو بعد ماصحو رهف :ههههههههههههههه لا عاد لما قالت مها وجع هاهتهاها مها:وش دراني ماهقيته أبوي رنا بدلع :واي انا لو مكانك كان مت من الفشله ناظروها كلهم باستنكار وهم رافعين حاجب عهد:ارحميني ياللي دخل جدي وسيقانك قدامو رنا صارخه ووجها حمر:كذابه كذابه شافتهم يناظروها باستهزاء ناظرت رولا :رولا صدق هزت راسها رولا وهي راحمتها وماسكه ضحكتها شهقت :اآءء فشله رهف :هههههههههههههههههههههههه� �ههه يامسكيناآه خلاص تكبري وتنسي رنا وهي تقوم من مكانها ساره :وييين رنا :بدق على السواق ياخذني البيت مستحيل اقدر اناظر جدي فشله بيان:ياختي انثبري مكانك ماشاف الا سيقانك مب عارف من انتي ماشاف وجهك رهف وهي تأكل :يابنت الحلال تعيشي وتأكلي غيرها رنا:توبه البس روب مها :لاصرتي عند زوجك البسي الي تبي لو تقعدي ... بيان:هييه مها وجع خلاص طنشتها وهي تأكل قشطه وتتلذذ بها وتطلع صوت البنات ظهر عليهم الاشمئئزاز الا رهف فطست ضحك ناظرتها مها باستغراب فاشرت على البنات فطست مها ضحك على وجيههم لما فهمت انها هي السبب ولان فمها مليان طار نص الاكل بالي قدامها رنا وبيان نطو وهم يصارخو باستنكار وصارو يضربوها الثنتين ومها ورهف بداومة ضحك مب صاحيه ورولا وساره وعهد يتحمدون ربهم __________________________ رُبَّ ركعةٍ في ظلام الليلِ أحْيَتْ قلباً، وَ غفَرَتْ ذنباً، وَ ستَرَتْ عيباً، وَ رفعَتْ مقام صاحبها فِي علِّيّين .. صلاةُ الوتر , خيرُ ختامٍ لِ يومِنا اللهُمَّ اجعلْ لقيام الليلِ حلاوةً فِي قلوبِنا تجعرَلُنا لا نتركهُ أبداً ~ انتهى البارت توقعاتككم.. تحياتي�������� | ||||
|
| |
|
03-05-15, 08:26 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البـــــــارت الثـــــ 8 ـــااامن تذكر دائماً : أنك مع مرور السنوات ستتغير كثيراً ، ستحب ماكنت تكره ، وربما تكره ما تُحب ، ستنسى ما تعلقت به ، وستمضي الحياة لتجعل منك شخص لا يشبهك أبدًا تجمعو الشباب كلهم ببيت الجد بعد ماخرجو من الشركه لبيت الجد اخذو الجد والاغراض الي ناقصتهم ومشو رايحين البر طبعا سيارتين سياره راسل والجد والاعمام والثانيه الشباب كلهم من دون فايز الي سبقهم للمخيم بسياره الشباب ------------------------------------------ بدر يغني وريان وخالد يطبلو والباقين يصفقو وعايشين جو مشعل يسوق لابس ثوب ابيض وعصبه(عمامه) خالد بصراخ عشان يسكتو وهو راكب جمب مشعل:خلاص ياشباب الحين بشغل الراديو على كيفي بمزاجي بختار الاغنيه الشباب:يله يله اطربنا قلب بالاشرطه واستقر على شريط شغله وهو يوزع ابتسامات لحظه هدوء الشباب يبو يسمعو وش الاغنيه فجاءه صدح صوت حلا الترك ومشاعل بنيتي الحبوبه....سكتو دقيقتين يستوعبو متنحيين بعدين علت اصواتهم فهد:هيه انت مالقيت الا حلا همس بدر بصوت منخفض قايل شي ولان ريان جنبه فطس ضحك وصار يضحك بشكل هستري ناظروه باستغراب ريان وهو يكلم بدر:هههههههههههههه اصبر بعد سنتين وشف ....... قاطعه مشعل الي قال:اسكت انت وهو خلنا نشوف راسل وش يبي خفف السرعه وقرب من سياره راسل تكلم راسل بصوت عالي :يقول جدي خفضوا اصواتكم وبلاش هالاغاني مشعل:ابشر راسل:اسبقونا على المخيم لاني ماعرف وينه مشعل:طيييب (وانطلق) ....ااما بالنسبه فسياره راسل فكان الجو رسمي والكل يتكلم عن الاسهم والشركات ومن ذا القبيل _________________________________ عالغداء ببيت الجد اجتمعو الكل الحريم جاو من بيتهم بما ان الرجال بالبر قررو يجتمعو بالبيت الكبير مجتمعين كلهم بالصاله ام راسل:يازينه من جو يبي لنا بعد الغداء نطلع الحديقه الجده:اي والله زينه من جو حظ من طلع للبر رهف بعربجيه:هههههه جده امداك تشتاقي لحمد ام راسل خزت رهف والباقين ضحكو على عصبية الجده ام مشعل:ان شاء الله الاسبوع الجاي على كلام ابو مشعل الجده:ايه على خير ان شاء الله ام فايز :الا ياعمه ترى ام مبارك عزمتنا على زواج ولدها الثلاثاء الجده :ماشاء الله زين فرحت بولدها الوحيد عقبال مانفرح بعيالنا رنا:يوووه زمان عن الزواجات الجده:عقبال مايفرحنا مشعل فيه هو ورولا (ورفعت يدها تدعي) رولا انصدمت ماتوقعت حد يذكر هالسالفه قدامها البنات حسو فيهاوناظروها يبو يشوفو ردت فعلها الحريم غيرو السالفه لما عرفو انها حسها الموضوع ام راسل ناظرت ام مشعل بعتاب وام مشعل نزلت راسها وهي حاسه بحساس رولا دخلت عليهم مها وهي تنطنط :يلللله يلاه يلهههه غداء غداء غداء(استغربت من جوهم ) رهف وهي تبي تغير الجو:يله يله غداء واخيرا قام الكل للغداء وهي راحت المطبخ تبي تبل ريقها تحس نفسها مخنوقه دموعها في عينها صدرها يألمها مشعل انسان اناني غبي متسرع ماتدري كيف حبته في يوم من الايام بخطا سريع منها وهي مراهقه طفله عاقبها عقاب كبير مستحيل تنساه شووه سمعتها بحركته تكرهه ومستحيل تقبل فيه زوج لها تبي تفتكك منه لو طلقها وقتها كان افضل لها مب تاخذ لقب معلقه من منو من ولد عمها الي الكل كان يشهد بحبهم الكل كان يعرف بحبهم لبعض صحاها من تفكيرها صوت رنا رنا وهي مقدره حالتها:رولا فيك شي ليش ماتتغدي رولا وهي تحاول تبتسم:الحين جايه بس كنت اشرب مويه رنا بشك:متأكده رولا وهي تمشي وتعطيها ظهرها تخفي دموعها:لالا مافي شي (وخرجت من المطبخ رايحه للغرفه الاكل) _________________________________ كانو مجتمعين كلهم ويسولفون مع الجد بـــدر:يله جدي قل لنا مواقف صارت معك وانت مراهق الجب بضحكه:كنت اجمل شاب بحارتنا فهد ناظر بدر وريان وفطسو ضحك ريان:جدي لاتكذب ترى الكذب مب زين الجد بغرور:كيفكم مب مصدقين اسالو جدتكم بدر بهمس:ارحمني ياتوم كروز هههههههـ. ناظره راسل بهدوء وسكت خالد بفضول:طيب جدي قل لنا كيف خطبت جدتي يعني كيف تسذا تزوجتو وحبيتو بعض الجد:تزوجنا مثل خلق ربي خالد:يع يعني زواج تقليدي ابو مشعل وهو يخزه:ليش كيف تبي تتزوج يااستاذ خالد خالد تفشل والشباب مسكو ضحكتهم وهم ياشرو له الجد :يوم تزوجت جدتكم كان عمري 16 وهي 14 وكان ابوي صديق ابوها وبمره من المرات وحن مجتمعين قال ابوها لابوي ترى ولدك لبنتي رجالن يشترى بذهب وابوي دق صدره قال اصلن نبيها من زمان بس كنا ننتظرها تكبر شوي وتزوجنا بس ريان بهمس لبدر :وش ذا مافيه اكشنات بدر :ليه قالو لك ان زمانهم مثل زماننا هم ماغير يكبر الولد ويتعدا ال12 يزوجوه على طول وبالطقاق للبنت لو يكون عمرها10سنين تنهد وهو يحس بنظراته عليه ماقدر يرفع راسه ويواجهه بالنظرات مهما يكون راسل اقرب واحد له ورولا اخته شي طبيعي يحمله كل الذنب حتى لو الخطا مب منه _________________________________ تغدو بمطعم بعد ماخلصو من الشوبنق(التسويق) والحين رايحين المنتزه بطلب من اولادهم ماجد وهو يسوق ووراه عبدالعزيز وعبد الرحمن يتهاوشون ماجد:عبدالعزيز خلاص اترك اخوك عبدالعزيز وهو ماسك عبدالرحمن من شعره وبصراخ:والله مافكه ليه يتلقف علي عبدالرحمن وهو يحاول يحرر شعره من يد اخوه:اذا انت رجال بعد منى:خلاص عبدالعزيز اترك اخوك خلك العاقل عبد العزيز :والله ما....... قاطعه صرخت ماجد:بــــــــــــس سكتو كلهم وحل الهدوء ثواني بعدها اعتلى صوت الجوري تبكي من صرخه ابوها منى وهي تهديه :خلاص ماما خلاص جواره ماجد وقف سيارته وهو يستغفر اخذ الجوري من منى :خلاص بابا خلاص (وضمها لصدره بحنان) سكتت جوري وهو يمسح دموعها ...ناظر عبدالعزيز وعبد الرحمن وبجمود:انزلو بدون صوت وحسابكم بعدين تأفأفو ونزلو بهدوء منى ناظرت ماجد وهو ابتسم وكالعاده غمز لها ضحكه على حركته ونزلت وهو سوا مثلها _________________________________ كان قاعد سارح لبعيد حب يختلي بنفسه يحس بضيق فضيع تغير عن قبل بقوه ماعاد مشعل الفرفوش اصبح مشعل الغامض الغاضب الصامت ماحد يدري وش فيه يحس بنظرات راسل كانه حاس فيه ووده يفضفض له بس مستحيل راسل اخوها مايقدر يفضفض له ويقول الي بجواته ووش الي غيره وكل الي فيه بسبت اخته فجاءه وهو يفكر جاء صورتها بخياله حس كبده لاعت وده يرجع وده يقتلها يحس مب طايق يسمع اسمها فمابالك هي تمنى لو رجع الزمن وطلقها وقتها كان افتك وريح نفسه احسن من الحين الي يحس انه مقيد روحه معها وده لو معه سكين يغرزها بنص صدرها مثل ماسوت فيه لما سمعها تكلم واحد غيره وتتغزل فيه رولا الي كان يشوفها ملاك نازل من السماء الي كان يعشق اسمها الي والي والي... تمنى مات ولا سمع الي سمعه تخونه تخونه اه ياقوها وياكبرها قاطع تفكيره الشخص الي جلس جمبه ناظره اما الاخر كان موجه نظراته لبعيد سكت يحتريه يتكلم ولاكن ماكان فيه احد جلس معه ....كان راح يرجع لتفكيره لاكن صوته قاطعه وهو يقول بقهر :المشكله الي انا اعرفه والكل يشهد عليه انك تحبها وهي تموت فيك وش الي صار وش الي غيركم ماادري اخ بس لو اعرفه وش السر الي مخبينه عني اخ ...كمل كلامه لما شافه ساكت:.انا ماادري وش نهايه هذا كله عالاقل قل لي وش النهايه ضحك مشعل باستهزاء وغبنه وسكت وهو يبلع غصته راسل بحده:شوف مشعل اي سبب كان مااسمح لك تسوي باختي كيذا ترى انا ماسكت الااحتراما لشيبات عمي ترى ماطال سمج والبنت مو مثل الرجال فاهمني انت ياتحدد موعد الزواج ياتطلق اختي مو تخليها معلقه كذا لاوالمشكله انها بنت عمك /مشعل ساكت وماتكلم راسل بقهر وهو يشوف مشعل هادي ولاكانه يكلم :اخ بس لو تخليني رولا اتدخل بالموضوع لو تعلمني بس ماكانت للحين على ذمتك ياولد عمي (وقام من مكانه لاكن وقفه صوت مشعل) مشعل بهمس:اختك الي حدتني على كذا رجع راسل لما حس انه ممكن يقول شي راسل بشك:ليش اختي وش سوت ..!؟ مشعل وهو صاد وبشبه ابتسامه تكلم بهمس:مستحيل اقول لك(وبصوت مايسمعه راسل) الذكريات الي للحين بذاكرتي هي الي خلتني اشفع لاختك وماافضحها واطلقها راسل وهو يحاول يفهم:وش قلت مشعل وهو يلتفت لراسل:راسل لوين تبي توصل راسل وهو يشوف عيون مشعل الي حمرت بقوه حس انه ضغط عليه:اوك براحتك لاكن عندك مده صغيره وتحدد الانفصال ولا تحديد الزواج (وراح)مشعل طنش وتجاهل كلام راسل الاخير ولا كانه سمع شي استقام واتجهه للسيارات _________________________________ ماصدقـت تخلص من الغداااء ومن جلستهم طلعت فوق تبي تختلي بنفسها تبي تفرغ الي بداخلها لاكن ساره وكأنها حاسه فيها ماتركتها انسدحت على السرير وهي تحرر شعرها من التوكه نطت جمبها ساره وقبل تتكلم دخلت رنا رنا بنعومه:لايكون قاطعتكم ساره:لاابد... رنا:القي عندكم مكان الغرفه ذيك قالبينها طق وراسي يعورني الي انام ساره :تفضلي حياك رولا غمضت عينها وهي مطنشه كل شي تبي تنام وبس _________________________________ الحريم كانو بالحديقه جالسين على بساط وقدامهم قهوةة وحلويات بعض البنات معهم _________________________________ بالليل كانو قاعدين في الكراسي الي بالحديقه وفارس بمساعده من ثامر قاعدين يشوون ريم وهي تهمس باذن وهم:خاله فيك شي.؟ وهم بابتسامه:لا حبيبتي سحر:يازين ريحة الشوي ريم :يمه لاتقولين انك تتوحمي هههههههه ثامر :هاهاها سامجه المهم اليوم بتاكلون اصابعكم من طباخي ريم باستهزاء:ارحمني يالشيف ثامر قطع عليهم جوال فارس الي دق قرب من سحر لانه جنمبها على الطاوله فارس باستعجال :عطيني حبيبتي سحر بابتسامه:تفضل ياروحي ابتسم واخذه ابتعد عنهم وهو يناظر الشاشه اتسعت ابتسامته ورد فارس:حي ذا الصوت عاش من سمعها .....:سلام عليكم فارس:وعليكم السلام وينك ياشيخ زمان عنك لايكون تتغلي .......:ههههههه لا والله مب اتغلى بس توي راجع امس من لندن فارس:ليش .....:كان عندي مؤتمر ...فينك فيه فارس :انا الحين بالمزرعه ،قل لي اخبارك راسل راسل:تمام التمام وانا الحين طالع كشته مع الاهل فارس :بالتوفيق ياصاحبي ترى مشتاق لك ولازم اقابلك هاليومين راسل بمزح:متاكد انك مشتاق لي ولا تبيني بشي ثاني فاارس:ههههههههههههههههه الثنين راسل:مشكلتك اني عارفك ،يله فارس استئذن جدي يناديني فارس :اوك الله يستر عليك راسل:مع السلامه فارس:مع السلامه _________________________________ عند البنات رهف :الحين مين بيشوي رولا :انا وساره عهد بصراخ:وانا ابي اساعدكم رنا وبيان:وحنا ساره ناظرت مها ورهف والثنتين بصوت عالي :حن لاااااا مها:انا تعبت اليوم اشرفت على الغداء رهف :وانا ابيها بسالفهه (مسكت يد مها بقوه)امشي ياعزيزتي (وسحبتها) رنا :طيب الحين ليش تتبلو الدجاج وفي دجاج متبل وجاهز رولا وهي مشغوله بالتتبيله :ودي اتبلها ساره :تحسين بمتعه صح هزت رولا راسها وهي ساكته عهد بحماس :طيب علموني كيف ابتسمت ساره ورولا على حماس البنات _________________________________ اصنعوا إلى الله طريقًا لا يراكم فيه احد ولا يعلمه أحد خبؤا لنفسكم صالحات تنفعكم يوم لا ينفعُكم فيه أحد ! __________________ توقعــٓـــــــــ❤️ـــــــا� �كم ارائكم ، انتقاداتكم أنتظر ردودكم العطره ......... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
