ممكن نعيد أول لقى ؟للكاتبه/الحب اختياري ، أماراتية ( مكتملة)

[فيتامين سي]

ألبارت الساآبع .؟

- احيانا تجبر نفسك على انك تستحمل شخص حتى لو كان فيه عيوب بس اكيد فيه شي حلو يخليك تتمسك فيه يمكن يغلط ويغيب ويجرح بس عمركم ماتفكرون فالفراق حالتي مع هنادي جي انا احبها انا اودها في شي حلو فيها يجبرني اني ما اتركها او اني انساها يمكن الايام الحلوه يمكن اول لقى معاها خلاني اتعلق فيها اكثر هذي مشاعري انا وبنفس الوقت مشاعري انا الكاتبه كتبت الكلام من قلبي مب بس بلسان البطل نوح
- الحب اختياري , 19-10-2014
- عند هنادي وهي نايمه نهيان وهو يدق الباب على اخته فتحه لقاها نايمه قرب منها ولمس جبينها لقاها حاره دقها وتم يحركها
نهيان: هنادي هنااادي
- نشت هنادي ودموعها تسبقها
نهيان: بسم الله عليج اوديج المستشفى ؟؟
هنادي: لا بتسبح وبكون بخير يمكن لاني راقده وكان الوقت متاخر
- وقامت هنادي وهي تجر الالم اللي في قلبها يمكن حست عمرها تافهه لما خسرت انسان عشان شكله , تمنت لو الدقيقه ترجع وتاخذ من اسلوب نوف ولا هند ولا اسما ولا موزه هيه موزه اللي اذا الحب دق باب قلبها ترحب فيه لكن هنادي ماينفع احين خلااص ياروح امج الندم ماينفع احين خلاص خسرتي نصج الثاني خسرتي اللي اشتراج بالغالي سبحت ولبست مال سريع سريع وركبت ويا الدريول وراحت البحر وقفت ع نفس الدايره اللي وقفها اياها نوح وغمضت عينها حست حد لمس كتفها تمنت تفتح عيونها وتلاقي نوح لكن مالقت الا وشعرها يداعب كتفها تنهدت من القهر تمت تشوف اليخت اللي نوح حفر عليه اسمها واسمه قربت من الرمله وهي تمشي رايحه لليخت تمت تدور المفتاح ولقته حتى المفتاح محفور بحرفه وحرفها HN
هنادي: من يحبك ماخلا الحزن بعيونك
- دخلت اليخت كان اليخت بااارد لقت الشموع منطفيه على الارض والكيكه ذايبه وهديه كبيره قربت منها يت بتفتحها جان تتذكر
هنادي: لا مابفتحها انا ماستاهلها يوم بترجع لي بنعيد نفس اللحظه وبفتحها معاك ياليت لو هاليوم ايي راح احسب واعد الايام يا نوح والساعات والدقايق عشان ترجع لي
- دمعت عيونها وفزت على صوت رنة التلفون شافت التلفون ولقت بنت خالها داقه هند
هند: وينج نص ساعه وتبتدي الحصه ؟؟
هنادي: احين يايه
هند: شوفيج؟؟
هنادي: مافيني شي يايه يالله باي
- سكرت من هند اللي حست انه بنت خالها فيها شي مشت هند ودعمت بواحد
هند: وعمااااا ان شاء الله
ليث: يعميج انتي حوله في كل مكان تطلعين لي فالسينما وحتى في الجامعه
- يت لهند ضحكه بس مسكت ضحكتها
هند: حوله حرمتك
ليث: انتي حرمتي
هند: تخسي شفت ويهك؟؟
ليث: احلى عن ويهج يقول كوع يا ويه الفيل
هند: مابي اسبك
- مشت عنه وهو ابتسم وتم يضحك
ليث: هههههههههههههه
هند: الحمدالله والشكر وانا عاد غبيه مادعم الا هالاهبل ؟؟
- عند اسوم نشت لبست لبسها ودقت لمواز
مواز: صباح الخير
اسما: صباح الورد اليوم بني بيتكم نازل فلم طررر بناجره وبنشوفه
مواز: اوكي متى يخلص كلاسسج؟؟
اسما: انا ونوف 10 بس هندوه وهنادي بنخليهم يلحقونا يوم بيخلصون
مواز: ليش ماتخلينها بالخميس ؟؟
اسوم: اوووه وانا افكر اليوم الخميس صدق اني مشفره سوري
مواز: ههههه الحمدالله والشكر توه البيبول تونا بداية الاسبوع
اسوم: تعرفين كاسر خاطري نوح
موزه: انا بعد احس هنادي بتفكر وبتكسر غرورها وبترجع له
اسوم: ليش؟؟
موزه: ماشفتي كيف نوح هز كيانها حسيتها صدق اتحبه واتعلقت فيه كانت صدق صدق تباه
اسوم: اتمنى احسه ريال والنعم فيه
- وسكرو عن بعض بعد ما حللو شخصية الكل
- مر الوقت ووصلت هنادي الجامعه وراحت صوب الكوفي عند بنت خالها
هنادي: هلا
هند: اهلين شوفيج , بلاه ويهج تعبان واحسج صايحه؟؟
هنادي: مافيني شي
- وتمو يالسين وكل وحده يالسه ع البيبي وساكته ويتريون كلاسهم يبدى
- نشت مواز وتلبست وراحت تتمشى شوي في الجمعيه وتشتري اغراض علشان يوم اييون بنات خالها مايكون شي ناقصهم للسهره كانت تمشي وطاح منها الكيس نزل وشله وعطاها
كيان: اسلمتي
موزه: سلمت ايدينك سوري تعبتك 
كيان: ماسويت شي
- وشلت موزوه وراحت السياره وردت البيت
- مر الوقت على الكل ويه وقت الخروج من الجامعه
- مشت هندوه متجهه الى السياره is350 تمت تشوف دراجه موقفه وراها
هند: ابدا مب وقتك
- قالت بترياه لين مايي يمكن مابيتاخر قربت صوب الدراجه لقت ورقه وحاط المفتاح وهو وايد اتاخر جان تشل الورقا وتقرا
..............: لو تقدر تحرك الدراجه حركها لو ماتقدر اتصل علي 
- هندوه انقهرت عصبت شغلت الدراجه وركبت
- يت هنادي تمت تشوف هند
هنادي: بتسوقينها ؟؟
هند: لا بطير فيها
هنادي: ههههههههههههه
هند: يعني ماتشوفينه السخيف موقف ورا ودر الكل ووقف وراي
- وتعطيه هند هن هن هن وساقتها فكرت ويت فكره في بالها وضحكت وقفتها ونزلت وراحت صوب موترها
هنادي: ههههههه والله انج ولد
- وركبو السياره وردو البيت وبعد ساعات طلع ليث يدور دراجته تم يحووط ويحوط ساعه كامله على كل الكليه ومالقاها عقب شافه السكيوريتي مال االبوابه يدور شي
السكيوريتي : عن شو تدور ؟؟
ليث: دراجتي
السكيوريتي : الصفرا ؟
ليث: هيه حد شلها ؟؟
مال البوابه: في بنت ساقتها وودتها برع في الشارع
ليث: ششششششششششششووووووو!!
- وراح ركض برع شافها واقفه عصب وقرب من الدراجه لقى ورقه مكتوب فيها
هند: االعبها مع غيري حبيبي ومره ثانيه وقفها بعيد عن موتري لانه هالمره فالشارع المره اليايه في الحجز
- عصب زياده وقال
ليث: منو هالبنت اللي تتحداني
- ردت البيت هنادي كان فونها عام طول الوقت تترياه يرن ويعلن اتصال باسم نوح حتى لو مسج عتاب راضيه شغلت التلفزيون وانفتحت على اغنية تعبنا نربي ونزلت دموعها من القهر والغصه اللي فيها
هنادي: اوووف شوفيك ياقلبي ليش ماتقسى اول مره ولد يهزك اول مره تستجيب للعذاب بالعاده اللي بعده
- مر اليوم على خير ورقدو كل الابطال الا بطلين
وليد: اممممممم متى الحلوه تباني اتقدم لها ؟؟
فاطمه: ماعرف براحتك
وليد: لو على راحتي احيين
فاطمه : ههه لاوالله
وليد: خلاص بالخميس
فاطمه: استحي
وليد: انتي حلالي انا بي ومحد بياخذج غيري
فاطمه: ان شاء الله يالله روح نام
وليد: وليش يعني مايصير انام على حسج؟؟
فاطمه: نام يالله عاد وليدان وايد دلعتك
وليد: فديت كلمة وليدان من حلجج , انزين عادي يعني ماستاهل تدلعيني
فاطمه: لا
وليد: افا ليش ؟؟
فاطمه بس كيفي واصلا اغار عليك من صوتي
وليد: اوييييييييييييييييييييييي يييييليييييي
فاطمه: ههههههههههه
- ونامو على حس بعض
- يه الصبح نشت هند وراحت تتلبس وتتسبح لبست بنطلون وقميص وكاب وجوتي ونزلت تريقت مع خواتها
اسما: كاشخه اليوم يالاسبورتيه
هند: من يومي اكشخ
نوف: هههههههه اوف ملل متى بيخلص الاسبوع
- رن فون اسما وردت
اسما: صباح الخير
خليل: صبااحي انتي يا احلى صباح على حسج
اسما: ههه شخبارج حبيبتي
نوف: ههههههههههههههههاااي جذاابه خربووووط
خليل: ههههه ليش ترمسيني شرات البنات تحسسيني مايعرفون انه نحب بعض
نوف: هندوه شخبارك هههههههه ماشاء الله من متى عندج رربيعات؟؟
هند: هههههه خليها قومي نروح الجامعه انتي ملقوفه عاد خليها تاخذ راحتها
- وقامو عنها وكل وحده توجهت لجامعتها ودشت هند الجامعه بغرور ونزلت وكان ليث يترياها صوب الباب وكان باين عليه انه معصب
هند: عافانا الله مادري منو داعي علي من الصبح اجابل هالويه
ليث: نعم ياختي ؟؟
هند: اللي سمعته
ليث: ماسمعت شي شوقلتي ؟؟
هند: نعم خير شو تبى فكل مكان تطلع لي جني ؟؟
ليث: جني يرفسج , احبج
هند: حبك برص ويرفسكك انته
ليث: انتي اللي سقتي دراجتي
هند: اي دراجه مال البلديه؟؟
- ليث قرب منها
هند: لا خوفيتني
ليث: ليش تسوقينها وتوقفينها برع؟؟
هند: وليش تبركن ورا موتري خلصو الباركنات
ليث: فكرت موترج باركن
هند: لا مال البلديه ويا هاللون الخايس خلصو الالوان ؟؟
- ليث قرب منها ومسكها فكرت بيعطيها كف مالقت الا طبع بوسه على خدها انبلمت هند من وقاحته كانو كل بنات الجامعه وشبابها واقفين دمعت عيونها تمت الارض تنشق وتبلعها من الفشله شلاها لحضنه
ليث: شو تشوفون يالله كل واحد على كلاسه
- كان ليث يوم يرمس ولا يمر حذال حد الكل يخاف منه
- وصاصرها وقال
ليث: بس عاد يالدلوعه
هند: فشله جدام الناس تحررجني
ليث: راحو خلاص قومي يالله ولا عاجبنج حضني
هند: احين بينتشر الخبر
ليث: عادي محد يهمني

كــــــــــــــــــــــــ ـــــــــــــــــــــــت:-
- ليث وهند وتبتدي قصة حب ام ماذا ؟؟
- خليل واسما ؟؟
- نوح وغيابه


لقطه:- امر متعب ان اراقبك بكل الطرق
لاتاكد بانك على مايرام ..؟


في مايو أول نظره وفي يوليو أول الفرقى وفي أغسطس اول لقاء

[فيتامين سي]

آلبارت الثامن.ّ؟

- في الكلاس عند هنادي شافت واحد يديد في كلاسهم خلصت الحصه وراح الولد عن الاستاذ قاله انه ماحضر كم كلاس قاله الاستاذ روح لهنادي وقاله مواصفاتها وقال انه هي شاطره وتقدر تساعده وهي بتدرسه لحقها الولد
............: لو سمحتي لو سمحتي
هنادي: انا ؟؟
..........: هيه
هنادي: هلا امر
...........: انتي هنادي ؟؟
هنادي: هيه انا هنادي انته منو ؟؟
..............: انا الطالب اليديد اللي في كلاسج اسمي نوح
هنادي: شووو؟!
نوح: اسمي نوح
- تمت هنادي ساكته ماتدري هنادي تفرح لانه على اسم حبيبها ولا تزعل انه بتسمع اسمه كل شوي وكل يوم وكل ثانيه فالجامعه وبتتذكره .
نوح: شوفيج؟؟
هنادي: ولا شي بس تذكرت اخوي وكيف اقدر اساعدك اخوي ؟؟
نوح: تكملين معاي اللي فاتني الايام اللي كنت غايب فيهم
هنادي: اوكي
- ومشو للمطعم واتغدو وعقب قالت هنادي لنوح
هنادي: شورايك نروح المكتبه نحجز غرفه وندرس بيكون اهدا
نوح: اوكيك
- وراحو المكتبه طول الساعه هنادي تشرح وهو سرحان يشوف عيونها وشفايفها وخدها وهي تشوفه بس ساكته فجاه نزلت دموعها لانها شمت ريحة نوح حبيبها في نوح اللي جدامها تم نوح يطالع عيونها اللي تدمع
هنادي: بقى عطرك خذه ويااك اصلا ماله اي داعي لاني كل ماتنفس
عليه تزيد اوجاعي , وصحيح اني احبك فيك واشمه كل مابي طاريك
ولكن الاكيد انه يخون ويعلن وداعي 
معي ماراح احد يبقى وانا مابي بعد اشقى واذا مر الهوى وحرك
شراع الحب وشراعي انا مو ناقص اتالم خذه تكفى واللي يسلم
ويكفي خانني واحد يخون الثاني لاداعي
بقى عطرك خذه وياك ....؟
نوح: شوفيج ؟؟
- قامت هنادي طلعت من الجامعه بكبرها وسار البحر تمت تصييح مر الاسبوع على خير ويه الويكند وغابت هنادي طول الايام الباقيه عن الاسبوع من الجامعه رن تلفونها يعلن الساعه 6 المغرب
هند: وينج هنادي 3 ايام ماشفتج في الجامعه ؟؟
هنادي: موجوده بس ماداومت
هند: ليش؟؟
هنادي: مالي خلق وشوي تعبانه , انا بكمل ارقادي تبين شي ضروري ؟؟
هند: هيه يالله عاد قومي بنروح بيت مواز اليوم بنتيمع
هنادي: مالي خلق
- وسكرت التلفون مالقت الا ودقايق والكل في غرفتها وحواليها
نوف: هنادي شوفيج مب انتي اللي اخترتي البعد ويوم يه البعاد قلتي ليش انتي من البدايه مافكرتي بعقلج فكرتي في الجمال وليش انتي مفكره الجمال كل شي ؟؟ الغلط منج احين مب من الولد
- تمت تصيييح وتشاهق وعقب قالت
هنادي: ابي نووح هاتوولي نووح الله يخليكم
اسما: الدموع ماترجع نوح اللي فيه الخير ياهنادي بيصير قومي استغفري ربج وقومي وتعالي معانا غيري جو
- قامت هنادي تلبست وطلعت مع اخواتها حاطو شوي وراحو بيت مواز طلبو من ماك علشان يتعشون واندق الجرس طلعت موزه وقالت له
موزه: كم الحساااب؟؟
ماك: 125 درهم
- تمت موزه تشوفه
موزه: شايفتنك فمكان
- تم ساكت خذا الفلوس حط الاكل وراح دخلت موزه داخل
البنات: ليش تاخرتي؟؟
موزه: ماشي
اسما: علينا؟؟
موزه: راعي الماك حلو يشبه واحد شفته فالجمعيه
اسما: مواطن بيداوم في ماك؟؟
موزه: ليش عيب ؟؟
نوف: لا بس غريبه يعني
- وكلو وشافو فلم فتحت هنادي على رقم نوح وطرشت له مسج
هنادي: والله وسواها الوله وخلاه يوحشني وشلون بس ماحن له كل شي يذكرني
اذكر كلامه وصورته واشوفه جدامي واحيان حتى بغيبته يجيني باحلامي
يافرقا يافرقا اسمع نبيل اشقا يافرقا يافرقا والكل متهني وقلوبنا بحرقه
قولوله مافيني صبر والروح ولهانه وان جان باقيلي عمر بقضيه باحضانه
والله في بعده ابد مارتحت ياروحي لا قبله ولا بعده احد يطيب جروحي
ايام مرت موحشه ودموعي بعيني انساه لا كله حشا شاللي ينسيني
سالت قلبي في جفا تعيش من دونه؟ جاوبني لو اسهر معاه اوله على عيونه >
- نوح رد عليها بمسج وقال
نوح: ماعاد يهمني غيابك لانك بالغلا كنت جذاب
- عند وليد وفاطمه
فاطمه: سوري
وليد: لا عادي الغاليه كل تاخيره فيها خيره
فاطمه: بس اخويه دوام وان شاء الله باجر اجازه عشان جي اجلت اليوم فلا تزعل مني
وليد: والله مب زعلان اهم شي انج بالنهايه بتكونين حقي
- ضحكت فاطمه على انه الله عوضها فيه واحسن مامملكت من بعد اخوها اللي بقى لها
- خلص الفلم وكل وحده قامت وراحت الغرفه ترقد واولهم هنادي قامت علشان تنسى لانه النوم يريح ويخليج تنسين او بالاصح تتناسين ونشرد من الواقع المؤلم والمر اللي يواجهنا
- قبل لاتنام شلت فونها وطرشت مسج لنوح
هنادي: سهيت بصورتك لحظه تمنيت العمر وياك تحسفت وفتحت العين طاح الدمع ع الصوره
حبيبي ماقدرت انساك خيالك من بعد فرقاك تملكت الخفوق وكل نبضاته مع شعوره ..؟
انا اتمناك ياعمري انا كل مابي يتمناك ولكن مع شتات الريح تضيع احلام منثوره
انا باقي على خبرك كسير وماقويت انساك اواسي غصتن تمت بوسط اليوف مقهوره
صحيح الحظ ماوقف بصفي يوم ابيه لا ما هدم حلم الغلا كنت ابني وقته جسوره
عسى الله يسعد ايامك ويسهلك دروب اخطاك تعيش العمر متهني معاه باوقات مسروره
وانا لا يشغلك فكرك علي وخلك بمسراك مدام انه طيوفك باقيه فالعين محفوره
تعبت اسامر الليل واناظر صورتك واسهر واغمض وافتح عيونك وامش الدمع
من الصوره .
- اليوم الثاني كان يوم الجمعه نشو البنات تلبسو وراحو المول يتسوقون نوف دشت محل مال البناطلين السبورتيه يالسه تنقي بنطلون وقميص حد خططف من صوبها تمت تشوفه طلعت بسرعه من المحل وراحت صوب خواتها
نوف: اسوووم عطيني فونج
اسما: ليش؟؟
نوف: عطيني بسرعه
- عطت اسوم التلفون لنوف ونوف دقت لخليل
خليل: هلا
نوف: اهلين خليل شخبارك
خليل: بخير ومن صوبك؟؟
نوف: انا بخير , ودوم الا بسالك خليل
خليل: هلا الغاليه امري
نوف: الولد اللي دخلته انا السجن طلع من السجن ؟؟
خليل: هيه اليوم انا وقعت على خروجه ليش ؟؟
نوف: توه لمحته في المول وشردت
خليل: لاتخافين مابيسوي شي لو سوا دقيلي وانا بعلمج فيه سنه هالمره بينفر فالسجن
نوف: اوكي اخوي خليل شكرا وايد , ومع السلامه
- وسكرت نوف من خليل وتمت تفكر
نوف: استغفر الله
- نشت فاطمه راحت الصالون وكشخت واتعدلت ولبست مخور احمر وحطت روج احمر واتحجبت وتعطرت وصلت الظهر ونزلت دخنت الميلس خلصو الشباب صلاه يو ليث وكيان ووليد
- ودشو الميلس
وليد: طبعا عارف ليش انا واخوي اليوم يايين نبى نطلب ايد اختك ونبى القرب منكم انا راضي بكل شي ياخوي لانه انا انعجبت باخلاق اختك واابيها على سنة الله ورسوله بالحلال ومابي العب من البدايه مع البنت
كيان: والله والشرف لنا انه نحن نناسبكم يا وليد والله تشرفنا حبوب
- وقام كيان وزقر اخته فطوم دشت فطوم وهي منزله راسها وهو يطالع حلاتها
كيان: هاي اختي وحيدتي مالي غيرها هي امي وابوي وكل شي بدنيتي ارجوك وليد لاتزعلها ولا تضايقها
وليد: والله فاطمه بعيوني اممم كيان شورايك عندي اقتراحح ؟؟
كيان: امرر يالنسيب
وليد: ههههه اليوم نملج نروح المحكمه الحين ونملج
ليث: اخوي حار بالحار مثل خبز لبناني هههههههههههههههه
- ضحك كيان وقال
كيان: لوفاطمه موافقه ماعندي اي مانع
- فاطمه استحت وطلعت لحقها كيان
- فاطمه وهي مستحيه قالت
فاطمه: موافقه
كيان: الله يهنيج يا اختي وحبيبتي روحي لبسي عباتج
- ورد دش كيان داخل الميلس ضيفهم لين ماتلبس فاطمه عبايتها وبعد دقايق دقت الباب وقامو الشباب وراحو المحكمه و اتزوجو بس بقت الحفله الكبيره
ليث وكيان: بالبركه
- يه الليل دق ابو نوف للبنات وقال لهم تعالو البيت ابيكم ضروري والكل استغرب كانت الساعه 8 ردو البنات البيت
ابو نوف : تعالو قعدو
البنات: ان شاء الله
ابو نوف: اليوم واحد تقدم لج نوف
نوف: مابي
ابونوف: بسم الله انزين ماتعرفين حتى منو هالشخص
نوف: بس انا مافكر فالزواج احين
ابونوف: واذا قلت لج انا وافقت يعني بتكسرين بكلمتي؟؟
نوف: يبا انا اللي بتزوج وبعيش معاه لاتجبرني ع شي انا مابيه مافي شي اسمه بالغصب
ابونوف: قولي لي شو اللي يمنعج من الزواج
نوف: مب مستعده اربط حياتي بشخص ماعرفه ومب مرتاحه للزواج وابي اكمل دراستي
ابونوف: بس علي ريال طيب وبيخليج تكملين دراستج
نوف: مابي وخلاص لاطيب ولا اي شي لا ابي لا علي ولا غير علي
ابو نوف: مب بكيفج
- قامت نوف وصعدت فوق غرفتها
ابونوف: اقنعوها تتزوجه
- وقام ابو نوف وراح للغرفه ونوف تمت تصيح من الجهه الثانيه وردت الذكريات فيها لورا
نوف: بتخليني وبتروح عني مع الايام ؟؟
نهاية القصه: بكون مينون لو خليتج
نوف:صدق؟؟
نهاية القصه: وعد
نوف: انته تحبني ؟؟
نهاية القصه: انتي بتنتظريني ؟؟
نوف:طول العمر
نهاية القصه: بنشوف وعدج
- مرت الايام واختفى فجاه من حياتها راحت تدور وتسال الكل عنه
اربيع نهاية القصه: تسالين عن منو ؟؟
نوف: فلان ماشفته من فتره طويله
اربيع نهاية القصه: فلان ههههه تسالين عن انسان يلقبونه بالخروف العود فمفكره انه بيكون لج ؟؟
نوف: بس هو وعدني انه يتقدم لي هو يحبني طول الوقت معاي مايفارقني دقيقه
اربيع نهاية القصه: اختيه لمصلحتج انسيه هذا لعاب ويلعب وانا اربيعه الروح بالروح ودومه مع بنات ويلعب عليهم
نوف: معقوله؟؟
اربيع نهاية القصه: هيه والله وكل يوم ويا وحده ويطلع معاها هو عمره مارمس عنج شكله كان يعني يحترمج لانج بنت ناس ومحترمه ويبين عليج انج مب لعابه
نوف: شكرا اخوي
- ومشت عن اربيعه وهي شاله حقد كبير وهم كبير ومن القهر اللي فيها ماتعرف تدعي ولا تسب ولا شو تسوي ومن ذاك اليوم ماصاحت على حد كثره وطرت كل صوره ومسحت صوره من ذاكرتها ومن تلفونها وعدت قلبها مايحب الا اللي يصونها بس ومايتعلق قلبها باي احد وكيف احين انسان يتقدم لها لا ومنو اللي دخلته السجن يمكن يبى يسوي نفس الشي يبى يكسرني وعقب يودرني في ليلة عرسي نفس ماسويت فيه يردد فيني الحركه
- فتحو خواتها الباب
اسما: لاتحاتين مايقدر يسوي شي بالغصب
نوف: مابا حد بحياتي انا مابي احب حد ولا افتح قلبي لحد
- يه ابوها وحضنها
ابونوف: سوري بنتي انا اسفه ماقصدت اني ازعلج
نوف: لاعادي
- ورقدو كل الابطال على خير

كــــــــــــــــــــــــ ـــــــــــــــــــــــــ ـــــــــــت:-

- اترك التوقعات لكم ..؟


لقطه:-
اسولف معه على انه صديقي
مايدري اني في الخفا عشقته .؟



في مايو أول نظره وفي يوليو أول الفرقى وفي أغسطس اول لقاء

[فيتامين سي]

الصلاة اهم من الرواآيه فلا تضيعون الصلاه على شي مايفيد فالاخره
خلصت صلاه وصليت تقبل الله وكمل القرايه ..؟

1
2
3
4
5
6
7
8
9
10


ألبارت التاسع .؟

- الساعه 2:00 الظهر في ارجاء دبي
- السما تعلن عن وجود عاصفه وهي مشاعر الغضب هل تنطفي بنزول المطر الذي يدل على الرحمه ام تزداد مع عاصفة الرياح الذي يدل على المشاكل
نوف: الو يونس شغل السياره
- قامت نوف تسبحت ولبست جوتي اول مره تلبسه جي ملون وبنطلون وخلخال وقميص سبورتي نزلت تحت
نوف: السلام عليكم
ابونوف: وعليكم السلام على وين ؟؟
نوف: بروح السينما نازل فلم حلو
ابونوف: روحج؟؟
نوف: هيه
ابونوف: ليش وين خواتج ؟؟
نوف: مايحبون افلام مصريه ودقة راس اني اروح بروحي ومابي حد وياي
ابونوف: زين لاتتاخرين
- مشت نوف وهي تقول في خاطرها
نوف: ابوي اهتمامك يه في وقت متاخر
- نشت هنادي على اضافة من كلي شموخ استانست وااايد
هنادي: هلا نوح
نوح: اهلين هنادي
هنادي:احبك نوح
نوح:وانا ماحبج واتمنى ماتقولينها لي مره ثانيه
هنادي:ليش نوح غلطه وماراح تتكرر وعد لاتكون قاسي معاي انا وايد تغيرت نوح
نوح: قاسي؟؟ , واللي سويتيه انتي مب قسوه خلي الغرور ينفعج ويعجبج
هنادي: انته مصدر اعجابي يانوح
نوح: خلاص هالسوالف ماتمشي علي انتي بدرب وانا بدرب
هنادي: الله يخليك نوح لاتسوي جي
نوح: سوري مثل ماقلت كل واحد يروح بالدرب اللي دخلنا منه
هنادي: انزين نوح الله يخليك بنكون اصدقاء
نوح: لا
هنادي:اخوان
نوح:لا
هنادي:انزين خلك عندي في اللسته
نوح: لا انا بحذفج
هنادي:الله يخليك نووح
نوح:عمري ياهنادي مابنسى الايام الحلوه واجمل المحادثات من بيننا واول ليله لنا
هنادي:خلك معاي عيل نوح
نوح:طلبج مرفوض ومستحيل
هنادي:ارجووك
نوح:لا سوري ممكن سؤال؟؟
هنادي: هيه اكيد
نوح:تحبيني ؟؟
هنادي:اعشقك, اهواك, اموت فيك, احبكك موووت
نوح:بس انا ماحبج ياهنادي باي
هنادي: الله يخليك نوح لاتروح وتخليني
نوح: وانتي يوم رحتي وخليتيني حسيتي فيني ؟؟
هنادي:الله يخليك نوح
نوح:سوري انا خطبت بنت خالتي وماقدر امسج لاني احبها
هنادي: جذااااب
نوح: والله انه قريب بخطب وحده وانا وايد احبها واعشقها اكثر عنج
هنادي:بعد هاي الغيبه تقول انك تحب ولغيري رحت ؟؟
نوح: انا ماخنتك انا كل اللي حصلته منك قلة احترام
هنادي:سوري
نوح: مايفيد الاعتذار انتي جرحتيني بكلامج وبافعالج
هنادي:
نوح:وفري حزنج ليوم ملجتي
هنادي: شو تتمنى احين ؟؟
نوح: اتمنى , امممممممم اتمنى افقد ذاكرتي
هنادي: عشان تنساني ؟؟
نوح: عشان انسى ع الاقل الايام الحلوه , مع السلاامه هنادي
هنادي: شكرا نوح , شكرا على احلى ايام وعلى احلى ساعات قصيتها معاك انتبه ع نفسسك مع السلامه
- هل تريد حذف الجهات الاتصال هنادي " نعم , لا "
- وصلت نوف السينما حجزت وقعدت تسكرت الليتات وبدى الفلم يه واحد وداس ريلها صب العصير على جوتيها وخاس الجوتي
- نوف فزت من الخوف ومن برودة العصير
نوف: عما ان شاء الله
علي: سوري ماشفت
نوف: لا سبحان الله الفلم شراتي وحذالي وكل شي صار صدفه صح ؟؟ انته ماينفع وياك الا الشرطه
- مسكها وسحبها لين برع علشان تصرخ على راحتها ولصقها ع اليدار
- باس شفايفها ودزته بالقووووووووووو
نوف: تف تف انته قد الحركه ؟؟
علي: لا بس قريت لو واحد جدامك معصب بوسه ويهدى
نوف: علي احترم نفسك لا اوديك ورا الشمس هالمره مب شهر هالمره العمر كله
علي: لاتخليني اخلي عرسج باجر
نوف: ولا اتخليني اخلي نهايتك على ايدي
- مسك ايديها وقال
علي: عندي شرط امشي وياي وبخبرج
نوف: مابمشي لين ماتشتري لي جوتي يديد وشراته
علي: تم يالله امشي
- مشت وياه لين برع يلسو ع الكراسي
علي: انا بقول لابوج اني ماباج بس ابيج يوم اشتري النعال اتيين معاي ويوم كامل تكونين معاي من الصبح لين الليل
نوف:لا والله؟؟
علي: هيه والله ووعد ماضرج يمكن بعد هاليوم اتحبيني
نوف: حامض على بوزك
علي: شورايج بالشرط
نوف: مب موافقه
علي: عيل عرسج باجر
نوف: انته شو تبى فيني انا ماباك ولا اطيقك اكرهككك اكرهككك اطلع من حياتي ياخي
علي: وانا اباج وشاريج
نوف: لزقه ؟؟
علي: لا صمغ
- نوف قامت مسكها وشدها لحضنه تم يشوف عيونها قرب قرب قرب منها وطبع بوسه ع راسها
علي: حقج علي مابضايقج ولا بزعلج بس ابي اشوفج على البحر اللي ورا فيستيفال يوم الاحد وبيكون اخر يوم لي ولج واخر يوم اتشوفيني فيه
- شلاها وحطاها على الكرسي ومشى وراح عنها قامت نوف دشت الحمام تمت تشوف ويهها انصدمت من علي كيف وقح وجريئ
- نوف هي ترمس عمرها
نوف: لايكون حبيته لا شو ليش ماقدرت ارمس لا نوف الا علي يمكن ياي ينطقم منج يوم دخلتيه السجن
- دقت للدريول وركبت الموتر وردت البيت
- راح علي لاربيعه
علي: احبها
اربيع علي: صدق ولا انطقام ؟؟
علي: حبيتها ومستيحل اضرها والله
اربيع علي: اممم امرك عجيب
علي: البنت بنت ناس ومب مال هالسوالف صح تطلع وترد وتلبس مب والله انها محترمه
اربيع علي: اتزوجها
علي: ماتباني
اربيع علي: بالغصب
علي: مافي شي اسمه بالغصب ياصديقي ابيها تحبني من قلبها يمكن هي مب حقي بس الله كريم
اربيع علي: ان شاء الله تكون لك
- ردت البيت ركضت غرفتها وسكرت الباب وقفلته انسدحت على السرير تمت تصيح ماتعرف منو الصادق ومنو الجذاب كل اللي بحياتها جذابين ونامت على هذا التفكير
- اما هنادي فعاشت في حالة صدمه تمت طول اليوم مب مستوعبه هل هي بحلم ولا تتخيل كل شوي ترد تشوف فونها وتحطه تشله وتحطه
- عند مواز كانت يوعانه ومالها خلق تطبخ او تاكل من البيت عاد مواز ياحبها لماكدونالز يت بتطلب رن فونها ردت ونست سالفة ماكدونالز قامت وطلعت وجي يوم يه الليل قالت بتروح بتاكل ماك راحت جان تلاقي بورد عليه صور وشافت صورة كيان على اليدار احسن موظف قرت اسمه كيان تمت تفكر وقالت.............
موزه: معقوله هندي اسمه اسم عرب وثانيا حتى شكله مب شكل واحد هندي امرك عجيب ياكيان بس قريب بعرف منك كل شي
- كلت وهي طالعه دعمت في واحد
موزه: سوري
......: لا عادي
موزه: كيان
كيان: وكيف تعرفين اسمي
موزه: شفت صورتك على البورد انته اللي دوم اتيب لي الطلبات صح ؟؟
كيان سكت مو سالفة انحرج سالفة صدمته باسئلتها
موزه: عادي اخذ من وقتك شوي ونروح البحر ؟؟
كيان : اذا ماعندج مانع اختي
موزه: حياك سيارتي اممم ياي بسيارتك ولا ؟؟
كيان: لا اربيعي نزلني
موزه: عيل زين امشي بنروح البحر ولا عندك دوام ؟؟
كيان: لا اجازه بس كنت ياي اسلم عليهم لانه ملان واقدم على اجازه لانه عرس اختي وانتي معزومه
- ومشت موزه وكيان رايحين البحر قعدت موزه على الرمله وقعد كيان حذالها
موزه: خبرني عن حياتك
كيان: شو تبين تعرفين ؟؟
موزه: كل شي تقريبا لانه امرك غريب !!
كيان: انا اسمي كيان وعندي اخت انا كنت معجب فيج بس عقب قلت مستحيل
موزه: ليش مستحيل ؟؟
كيان: امممم لانه انا
موزه: انته شو ؟؟
كيان: انا مب مواطن
موزه: عيل
كيان: انا من جزر القمر
موزه: بس عندك قلب ؟؟
كيان: عندي بس شو ذنب عيالي ومستقبلنا يضيع؟
موزه: وليش يضيع ؟
كيان: لانج بتعيشين بعذاب معاي
موزه: احب العذاب وياك انا من شفتك في الجمعيه قلبي دق وعقب شفتك صوب بيتي ارتحت لك
كيان: حتى انا بس ماحبيت افكر فيج وايد
موزه: الله كريم بنظل اصدقاء صح ؟؟
كيان: صح
موزه: شكرا
-تصافحو وححس انه ايديها بارد
كيان: برددانه ؟؟
موزه: لاعادي
كيان : مب بكيفج
- وقف وشدها ووقفها
كيان: يالله مشينا
- وركبو الموتر ووصلته بيتهم وردت البيت وهي تفكر بكيان


كــــــــــــــــــــــــ ــــــــــــــــــت:-
- كيان وموزه حبته ولا لا؟؟
- نوف وحمد بتوافق وبتروح له ولا لا
- اترك باقي التوقعات لكم ..؟؟؟


لقطه: ما احب اكسر قلب احد ولا ودي احد يكسر قلبي
بالاخير انا بشر ممكن كلمه تفرحني
وكلمة توجعني عمر ..؟


في مايو أول نظره وفي يوليو أول الفرقى وفي أغسطس اول لقاء

[فيتامين سي]

آلبارت العاشر .؟

- مر يومين ويه يوم الاحد اللي فيه احداث جميلله
هند: صباح الخير
اسما: صباح النور
نوف: فيني رقاد شكلي بسحب ولا بوقف للابد مالي خلق اكمل ابدا
اسما: ليش؟؟
نوف: مادري بكمل عقب
اسما: كيفج بس فكري عدل عشان ماتندمين
- تريقو وطلعو وكل وحده راحت الجامعه
- دشت هند الجامعه لقت باركن فاضي وعليه ورده ومكتوب
................: احبج
- نزلت شلت الورده وقرت اللي ع الكرت
..............: من كثر ما تدعي امي روح جعل الله يوفقك بالحلال, التقينا صدفه جت عينك في عيني من دعاء امي لقيت بقلبي مال , صرت لي اقرب من الدنيا واهلها وانا عارف اول بهالدنيا كلها ما الاقي مثل زينج اه المسة ايدينك كيف انا اقاوم سحرها , في وجودك مالقيت الا السعاده حب وشوق وراحه ويلي ياسلام يعني لازم قلبي في الحب يتمادى لانك انته حب فارض باحتراف
- صدت ورا لقته وراها صرخت وحضنها
ليث: بسم الله عليج من الشهقه
- استحت هند من الصرخه القويه
ليث: عادي اعزمج ع المطعم اليوم ؟؟
هند: اليوم؟؟
ليث: هيه
هند: خلها باجر
ليث: اوك
- بركنت ومشو لداخل الجامعه مع بعض
- عند هنادي في الكلاس ونوح يالس حذالها وكل شوي تسرح بنوح خلص الكلاس
نوح: عادي اتغدى وياج اليوم ؟؟
هنادي: سوري تعبانه اليوم واحب اقعد بروحي
نوح: مابزعجج بقعد ساكت
هنادي: اممم اوكي
- مشو رايحين صوب المطاعم قال لها
نوح: استريحي انا بيب لج الاكل
هنادي: لا عادي اصلا مابي اكل
نوح: ليش ؟؟
هنادي: متريقه في البيت
نوح: اها
هنادي: انا بروح الحمام عزك الله
- قامت هنادي وماتلاقي الا دوخت قام نوح وكانه قلبه طاح من مكانه وكانه روحه طلعت حط عينه بعينها وقال لها
نوح: هنادي شوفيج هنادي
هنادي: نوح
نوح: هلا
- وفقدت الوعي
- عند فاطمه نشت من الرقاد قامت تلبست لانها بتقابل ريلها بي اليوم بيتغدى عندهم سوت الغدى وجهزته خلصو الشباب دوامات ومر وليد على اخوه ليث فالجامعه وراحو بيت كيان كان يكان في الصاله فضيفهم كان الغدى زاهب ومفروش
فاطمه: السلام عليكم
- وقعدت حذال اخوها وتغدو وقامو كيان وليث خلو فاطمه ووليد روحهم
فاطمه: شورايك بالغدى من ايدي؟؟
ليث: احبج وتسلم هالايدين على الغدى الغاوي شرات راعيته توني ادري حرمتي طباخه فديتها
- قام وباس ايديها فاطمه استحت
وليد: الله يخليج لي يا ملاكي ولا يحرمني منج
- قامت فاطمه وراحت الحجره من المستحى ضحك وليد وزقر اخوه وشكر كيان وراحو البيت وعرسهم طبعا يوم الخميس وصل البيت دق لفاطمه
وليد: تتستحين؟؟
فاطمه: وايد
وليد: عرسنا بالخميس وبعدج تستحين ؟؟
فاطمه: هيه , وعلى طاري الخميس اليوم اخر يوم كنت اتششوف رقعة ويهي
وليد: مب بكيفج
فاطمه: ولا كيفك حبيبي حتى مابتمسع صوتي
وليد: ليشش يالله عاد
فاطمه: كيفي ابيك تتوله علي
وليد: انا احين متوله عليج كيف يوم بتسكرين ؟؟
فاطمه: كيفك شي راجع لك , وبلا هالخريط والافلام الهنديه ماتكسر خاطري تراك يالله باي
- وسكرت عنه وراحت لاخوها قبل لا يروح الدوام
فاطمه: كيان
كيان: هلا
فاطمه: يود تلفوني عندك
كيان: ليش ؟؟
فاطمه: عشان وليد مايتصل ابيه يتوله علي ومابي ارمسه لين يوم العرس اللي هو الخميس
كيان: ههههه اوكي بعد انتو حركات والله يسعدكم يوم برد ابيج بموضوع
فاطمه: اوكي ان شاء الله
- وطلع كيان وراح الدوام
- في المستشفى
هند: شو فيها بنت خالي؟؟
نوح: مادري فجاه طاحت واغمى عليها
الدكتور: مين انتو؟؟
هند: انا بنت خالها
الدكتوه: وده زوجها ؟؟
هند:لا زميل عمل
الدكتور: البنت دي مش بتاكل كويس وهي مش واكله من يومين ولا حاجه وجالسه على لحم بطنها مافيش اي اكل
- انصدم نوح وقال في خاطره
نوح: ليش ياهنادي؟؟ شو السبب
هند: استغفر الله من هالانسانه عنيده
الدكتور: وكمان حالتها النفسيه متدهوره اويي تحتاج راحه وبعدين كده بعد ساعه ولا ساعتين هديلها ورقة خروج لانها بتهلوس كتيير
هند: اوكي
الدكتور: عن اذنكم
هند: تقدر تروح نوح تعبناك ويانا انا بقعد وياها
نوح: لاعادي بتطمن عليها وعقب بروح
- دقت هند لاخو هنادي وللبنات وشوي يو كلهم وتم نهيان يسولف مع نوح وارتاح له ودخلو البنات عند هنادي
هنادي: نوح هني؟؟
هند: هيه وحليله من الصبح وهو قاعد
هنادي: لا اقصد نوح حبيبي ؟؟
هند: لا ليش؟؟
هنادي: لاني حسيت مسكني وشفت عيونه
هند حطت ايديها على راس هنادي تشوف يمكن فيها حراره من جي تهلوس
هنادي: ماتمصخر لاني شفته صدق
هند: يمكن تتخيلين
وقرو عليها والمغروب بعد ما ارتاحت طلعوها
هنادي: شكرا نوح لاني تعبتك معاي
نوح: لاتقولين هالكلام نحن اصدقاء وعادي وحياج الله
- ومشى وراح صوب نهيان خذا رقمه وراح
- مر اليوم على خير ويه اليوم الثاني وراحت نوف الصالون من صباح الله خير سوت شعرها وحطت ميك اب خفيييف لبست فستان زهري ناعم
اسما: على وين نوف
نوف: حفلة اربيعتي فالجامعه
اسما: اها اوكي
نوف: باي
- وطلعت نوف وتوجهت الى البحر اللي ورا فيتسيفال وتمت تقول في خاطرها
نوف: كيف بيعرف اني وصلت حتى رقمه ماعندي كيف يعرف اني وصلت
- فجاه لقت حد يدق جامتها نزلتها لقته علي فتحت الباب ونزلت مسك ايديها وراحو سيارته
علي: نوف
نوف: هلا
علي: عادي اليوم اعتبرج حبيبتي
نوف: لا والله
علي: الله يخليج
نوف: اوكي
- مسك ايديها وقال

علي: امري تدللي وين تبين تتغدين ؟؟
نوف: ماعرف على ذوقك
علي: اوكي
- وداها بحر الامارات نزل وضمها لحضنه ومشى فيها لداخل اول مادش الكبينه خلاها تنصدم حاط لها هديه وعلى الطاوله ورود
نوف: مب كبينتنا
علي: امبلا
- نوف انصدمت قعدت وتمو يسولفون وتغدو وطلعو شلو الهديه ماخلاها تفتحها لين بعدين يوم بي وقتها
- دق وليد على فاطمه
وليد: هلا
كيان : اهلين
وليد: بسم الله
كيان: سامع صوت الجني ولا شايفنه ؟؟
وليد: انا داق على حرمتي انته من وين طلعت لي ؟؟
كيان: حرمتك بتكون يوم الخميس عندك وهي ماتباك احين الا في ليلة العرس مافيك صبر
وليد: لا
- سكر كيان الخط في ويهه وليد وتم يضحك عليه هههههههههه
وليد: الفيله سوتها ههه انا اراويها
- خلصت هند من الجامعه رايحه عند سيارتها لقت ورده كبيره وبطاقه
ليث: انتظرج في تكساس اللي ورا p.f.change
- ضحكت هند من الفرحه وقالت وهي تركب السياره
هند: منو يصدق الانسان اللي كنت اتضارب معاه احين صرت احبه صدق من قال من سبك حبك ههههه فديته والله
- وانطلقت الى البيت
هند: هلا
اسما: اهلين
هند: وين نوف عيل يالسه روحج؟؟
اسما: محد رايحه حفلة اربيعتها
هند: حفله من الصبح 
اسما: اندوج انا ومصدقتننها بعد انا اقول ليش بسرعه صدق اني مخرفه
هند: ههههههه مب مخرفه الا هبله وينقص عليج
اسما: صبري بدق لها احين ويوم بترد براويها هههههههه
- دقت ع نوف كان فونها مغلق هههه تعرف اسما بترد ع عقلها وبتدق
هند: شكلها مواعده
اسما: شكلها جي بس ماعتقد هي ماتحب حد
- عند نوف خلصو غدى وراحو المول تشتري جوتي بدال اللي خيساه وتمو يتمشون عقب دشو السينما في السينما رفع مال العصير وطاح فحضنها
نوف: وايد مصدق انك حبيبي؟
علي: انتي حلالي
نوف: لاتخلني اعصب خلني راقيه جدامك شوي
- مسك راسها وباسه وطاح على كتفها تمو يشوفون الفلم
- هند لبست وكشخت وطلعت بالدسه عن اسوم عشان ماتزخها وتعطيها محاضره وتحقيق وراحت تكساس طلبت ستيك وهو طلبت باستا

كــــــــــــــــــــــــ ـــــــــت:
هند: سوري
- ليش هند بتقول سوري ؟؟
- اترك التوقعات لكم



لقطه: حين نعشق نراهم ملاك بالرغم من انه لا احد
كاملا والكامل الله لذا يقال بانه الحب اعمى ..؟


في مايو أول نظره وفي يوليو أول الفرقى وفي أغسطس اول لقاء

[فيتامين سي]

آلبارت الحادي عشر ..؟

- بعد مرور ساعات خلص الفلم وطلعو من السينما نوف وعلي وراحو الممزر شوي شربها كرك من الرباش وردو متوجهين الى سيارة نوف صوب فيتسيفال
- في المطعم عند تكساس
الجرسون: شو بدك مدام ؟؟
هند: ابي ستيك
الجرسون: حاضر لازم معاه شيئين صغار مثل ذره او بطاطا مهروسه او بطاطا
هند: ابي ذره و بطاطا مهروسه
الجرسون: حاضر وانته يا استاذ
ليث: باستا
الجرسون: حمرا ؟؟
ليث: مكس ابيض واحمر
الجرسون: وشو المشروبات
هند: بيبسي
ليث: ماحبه بس يالله عشانج بيبسي
الجرسون: ان شاء الله
- وراح عنهم وتمو يسولفون
هند: اووف في دراجه يديده نازله تعرفها
ليث: اي وحده؟؟
هند: امممممم
- وتمت تقوله اي دراجه ونوعه والخ
ليث: انتي شعرفج بهالسوالف؟؟
- وصل الاكل وتم الجرسون يحطه ع الطاوله الوجبه
هند: عشقي الدراجات والسيارات الاسبورتيه
ليث: ليش الاخت ............................................
- وضاااع الحكي هههههههههه تبون تعرفون ليش هه يالله نشوف ليش ضاع الحكي
- اول توقعو ليش ضاع عقب كملو قرايه ؟؟
.
.
.
.
.
- ومايلاقي الا هند تقص اللحم ومطيرتنه على ويهه هند انبلمت من الفشله وتمت ساكته وبالعه لسانها واتشوف ويه ليث فيه ضحكه .؟؟ او انه معصب ؟
- ماعرفت كانت ملامحه جامده فجاه بعد سكوت عم دقيقه
ليث : ههههههههههههههههههههههههه هههههههههاااااااااااااااا ااااااااااااااااااااااااا اي
- هند افتشلت تمت ساكته حست عمرها دفشه مالها ومال اللحم هههههههههههه " هاي شراتي"
- قامت تركض يه بيدفع وبيلحقها بس داست وراحت البيت ودقت باب الغرفه بالقو
- عند نوف وصلت فيستيفال
علي: عادي شوي نمشي على البحر ؟؟
نوف: يب عادي
- نزلو وراحو صوب البحر كان الجو فليل بااارد مسك ايديها وحضنها ومشو لين اخر شي كان في نفس كراسي وصعده دور ماداير على المكان وقفت نوف صوب البحر وكان شعرها يطير حضنها من ورا
علي: بشو تفكرين؟؟
نوف: ولا شي
علي: امبلا
نوف: علي
علي: هلا عيونه
نوف:شكرا
علي: على شو؟؟
نوف: انك خليتني سعيده ليوم واحده
علي: وبعد
نوف: وانك حبيتني ليوم واحد
- علي قرب منها وقال
علي: انا بظل طول العمر احبج لين ماتكونين من نصيبي
نوف: بس
علي: لا بس ولا شي انا احبج
نوف: انا اسفه علي انا ماقدر احبك واعطيك قلبي
علي: شو السبب تخافين اقص عليج؟
نوف: لا بس قلبي ماراح يحب حد
علي: خليني انا احبج ماله داعي انتي تحبيني
نوف: سوري ياعلي ماحب اقص على حد واعلقه فيني بوهم بتلقى الللي احسن عني وايد بنات فالدنيا ماتوقف الدنيا على نوف
- قرب منها وحضنها وباسها وقال
علي: وعد ما انساج ولا احب غيرج وان اشاء الله القدر يجمعنا
- نزلت دموع نوف لانها عمرها ماراح تصدق الوعود ولا بتحب دام قلبها مكسور ومشت عنه متوجهه لسيارتها
- في بيت نهيان
هنادي: امر اخوي
نهيان: شو صحتج احين ؟؟
هنادي: وايد اوك
نهيان: الحمدالله
هنادي : شو صاير ؟
نهيان: امممم الجمعه بيونا ناس
هنادي : اوك
نهيان: روحي السوق اشتري الاغراض الناقصه اوك؟؟
هنادي : ليش شو السالفه
نهيان: ماعرف المهم اشتري وخلاص
هنادي: اوك
- مر اليوم ويا يوم الثلاثاء رن تلفون موزه
كيان: السلام عليكم
موزه: وعليكم السلام شخبارك كيان ؟؟
كيان: الحمدالله بخير
موزه: دووم
كيان: مواز ابي اعطيج بطاقة عرس اختي يوم الخميس اتمنى انج اتين انتي واهلج
موزه: حاضرين من عيوني كله ولا فطوم الحب
كيان: هههههه وانا شو دام فطوم الحب ههههه اتمصخر تسلمين
موزه: ههههه خلاص يعني اليوم بشوفك؟؟
كيان: هيهبس انا بي بعطيج البطاقات انتي لاتطلعين
موزه: اوك مع السلامه
- في بيت ابو اسما
- اسما وهي تدق الباب على هند
هند: نعم منو
اسما: انا
هند: شو تبين ؟؟
اسما: ابي فلوس يعني شو ابي منج فتحي الباب
- هند فتحت الباب وقالت
هند: خير ؟؟
اسما: رمسيني عدل انا اختج العوده احترميني
هند: حاضر شو تبين ؟؟
اسما: ليش مارحتي الجامعه ؟؟
هند: مالي خلق
اسما: انتي ليش رديتي امس وانتي موعلى بعضج؟؟
هند: مافيني شي ممكن ارتاح؟
- راحت اسما عنها خلتها على راحتها لانه تدري هند لو تضايقت اكثر عن جي بتي تشكي لهم مرت اسما على نوف لقتها قاعده فالغرفه
اسما: هلا
نوف: اهلين
- رن تلفون اسوم
اسما: هلا مواز
موزه: اهلين
اسما : شخبارج
موزه: بخير ومن صوبج؟؟
اسما: بخير
موزه: اقولج
اسما: هلا قولي
موزه : يوم الخميس عرس اخت كيان وهو عزمني ووعزمكم وبنروح
اسما: اوكي
موزه: خبري البنات من اليوم يالله باي
نوف: بلاها مواز ؟؟
اسما: عرس اخت كيان بالخميس
نوف: اها نايس مبرووكين تستاهل وحليلها
اسما: شو كنت بقولج نسيت
نوف: شو
اسما: هيه صح شوفيها اختج النفسيه وضاربه حزن
نوف: هههههه ماعرف ماخبرتني
اسما: الله يعينها على نفسها
- في بيت خليل كان قاعد مع اخته يسولفون رن فونه
خليل: هلا هلا بالقاطع
وليد: ههه اهلين تعرف الدنيا ومشاغلها
خليل: ههههه خذوك مني لا ظروف ولا خرابيط
وليد: ههههههههههه تقريبا ياخوي ترى عرسي بالخميس ومعزوم انته ورضيعتك
خليل: تم يالغالي ومبروك منك المال ومنها العيال ياخوي
وليد: امييين عقبالك وعقبال مازفك عليها ههه وارزفلكم
خليل: ههههه امين ان شاء الله يالله عيل حبوب حاسب ع نفسك
وليد: اوكيك فداعة الرحمن
وفا: منو بيعرس؟
خليل: اربيعي وليد
وفا: اها مبروووك
خليل: زهبي عمرج بالخميس معزومه
وفا: ان شاء الله
- طبعا مرت الايام بطيئ وعادي ومافي اي حدث يديد مرت الايام طبيعيه وكل شي تمام
- ويا يوم الخميس خلونا نشوف شو بيصير من احداث في هاليوم
- هند كانت طول الاسبوع ماتروح الجامعه ولو راحت تحاول ماتلتقي في ليث مفتشله وحليلها
- وليد كان يدق ع فاطمه هههه يمكن كيان رجع لها الفون بعد ماقال له انه مابيتصل بس كل مره ينصدم بصوته ههههههههههههههه
- علي تم على ذكرى نوف وعسى يلتقي فيها
- خليل واسما حياتهم كانت طبيعيه وماشيه عادي


كــــــــــــــــــــــــ ـــــــــــــــــــــــت:-

- اترك التوقعات لكم ؟؟؟


لقطة: اعاتبك لتكون افضل , وليش لترحل 

[فيتامين سي]

آلبارت الثاني عشر .؟

- يوم الخميس الساعه 8:00 الصبح في بيت ابو اسما
ابو اسما: صباح الخير
البنات: صباح النور
ابو اسما: رايحين الجامعه؟؟
اسما: هيه يبى بس عقب بنروح الصالون عرس اربيعتنا
ابوو اسما: اها اوكي
- قامو البنات وكل وحده راحت لجامعتها هند بركنت ودشت الكلاس وتمت سرحانه كانت ولهانه على ليث وفي نفس الوقت مفتشله من اللي صار خلص كلاسها طلعت برع كان عندها بس كلاسين ومشت لقت صوب موترها كرتون كبييييييير واايد كان ليث حاطنه
هند: اوف شو هالبوكس اللي ورا سيارتي منو هالغبي اللي حاطنه , حشه بوكس هالكبر
- يت بترفسه فجاه البوكس ارتفع على فوق ويطلع ليث التمو شباب وبنات الجامعه وتمو يشوفون هند وهند انصدمت طلع الكراسه مال الرسم وراواها
ليث: انا معجب في وحده وهي وايد مزعجه بس هي قلبي وروحي هي دفشه هي اهلي وناسي ادري انه القدر يبى يجمعنا على شي اكبر انه يخليني في قلبج دوووم وتحضنيني وانا اعترف اني غلطت احببج
- صفقو الناس اللي ملتمين له
ليث: شكرا هند انج دومج معاي رغم اللي سويته لج بس ماتخليتي عني شكرا على كونج انسانه وبنت حلوه وجميله هههه هند انا احبج , هند بتمين معاي ؟؟
هند: تدري اني احبك اكثر عنك
الناس: بوسها بوسسسها بوسسسهاااااا هههههههههه
- قرب منها وووووووووووو
-
-
-
-
-
-
-
-
-
شردووو ههههههه
ليث: وحشتيني ؟؟
هند: حتى انا ولهت عليك ووحشيتني حييل
ليث: خلصتي كلاساتج؟؟
هند: هيه احين بروح الصالون
ليث: ليش ؟؟ انتي حلوه من ددون صالون
هند: عرس اربيعتي اليوم
ليث: عادي اوديج العرس ولا اييبج من العرس واوصلج االبيت؟؟
هند: اممم اوكي ردني البيت
ليث: اوكيك
- باس راسها وخدها وراح عنها ركبت الموتر حست انها مستانسه وبتطير من الوناسه راحت الصالون كانو خواتها بادين يسوون تسريحه
فاطمه: هههههههه مب مصدقه اليوم عرسي
كيان: مبروك ياروووحي
- وكانت موزه بتروح الفندق ويا فاطممه بتتييهم مال الصالون فالفندق وفاطمه وايد تحب موزه ودقايق مرت موزه على فاطمه وركبت فطوم وسلمت عليها وانطلقو الى الفندق وتمو البنات يكشخون
نوف: لبست فستان نيلي قطعتين واحد على الجسم والثاني نفس الجاكيت مخبق
موزه: لبست فستان ذهبي عليه حزام على البطن
وفا: فستان وردي فاتح مخصر على الجسم
هند: فستان بو طبقات اصفر واسود
هنادي: احمر ومن ورا الظهر كله طالع
اسما: فستان قصير كحلي واسود منفوش من تحت
- وراحو البنات العرس ويلسو على طاوله وحدده اللي هي حذال الكوشه ويا اهل المعرس والعروس وطبعا انزفت العروس وزفتها موزه ويلسوها كانت قمررر وعقب ساعه دشو الشباب :
- خليل و ليث و وليد و كيان ومشو لين الكوشه باس وليد راس فاطمه بس مافتح عنها الغشوهه لانه اخوه وربيعه موجودين اتصورو كلهم صوره جماعيه وانصدم ليث يوم شاف هندوه كل واحد طرش لحبيبته مسج تعالي بشوفج صوب الباب اول وحده راحت موزه
كيان: محلوه عقبالنا
- موزه استحت
موزه: ان شاء الله صدق محلوه ؟
كيان: هيه والله وتجننين والذهبي يخبل عليج
- استحت موزه حيل يت بتروح سحبها لحضنه
كيان: احبج
- عند اسما وخليل
اسما: هلا
خليل: مايصير نتزوج اليوم ؟؟
اسما: لا والله استح ع ويهك
خليل: دفشه من عرفتج
اسما: ههههههههههه
خليل: امسحي المكياج اغار عليج
اسما: لا والله
خليل: هيه بس انا ابي اشوفج جي
- مر الوقت ويت الساعه 1:00
هند: انا بروح ويا اربيعتي انتو ردو البيت
موزه: انا بعد برد بعدين بروح اول اساعد فطوم
اسما: عيل انا بشل هنادي ونوف
هنادي: لا انا هزاع بيمرني قال علشان باجر بيوناا ناس
اسما: عيل انا بشل نوف وانتي شوفي وين هزاع؟
هنادي: اكيد برع
اسما: عيل يالله نوف قومي
- قامت نوف مع اسما وردو البيت اما هنادي راحت ويا اخوها هززاع البيت ورقدت عشان تنش باجر من وقت بيون الناس وبترتب اما هند طلعت من القاعه وياها ليث وركبت
ليث: مستويه عروس اليوم
هند: ههه شكرا , مبروك وعقبالك وماشاء الله عرس اخوك وماتعزم
ليث: كنت بعزمج بس شفت حتى انتي كان عرس اربيعتج فسكت
هند: اها
ليث: اتعشيتي ؟؟
هند: لا مابي مب يوعانه
ليث: مب بكيفج باكل شي خفيف
- وراح ليث الكفتريا اشترو وتمو يتحوطون على البحر اما عند مواز كانت تبدل لفطوم لبسها ولبستها قميص نوم وعدلتها ونزلت تحت
كيان: خلصتي ؟؟
موزه: هيه
كيان: اوصلج؟؟
موزه: عادي؟
كيان: اكيد عادي
موزه: اوكي
كيان: بروح اييب الموتر خلج هني
موزه: اوك
- راح ياب السياره وركبت ومسك ايديها
كيان: موزه
موزه: هلا
كيان: لو ييت اخطبج عمج بيوافق؟؟
موزه: ليش لا هو اصلا مايخصه فيني
كيان: موزه بس انا ارمس جد وانا صدق ابيج وشاريج
موزه: حتى انا ابيك وشاريتنك بالغالي بعد
كيان: موزه احبج
موزه: هه
كيان: صدق احبج
- موزه استحت وصدت صوب الدريشه تمت تشوف الشارع
كيان: ادور عيب واحد فيك وانته جمالك , جمالك ولا غلطه
انا قلبي يحبك يالله عاد لا ماغلط وياك او اخطى
تسحرني عيونك ايه والله مجنونه جننت خلق الله
حتى انا انا اللي يحبك موت جابت اللي عيونك الجلطه
اتمنى ايدينك بين اييديك يكفي دلالك لعب فيني
افهمني حبيبي ويكفي بعاد بعدك انا مدري انا ويني
ياعمري اتمنى واتمنى تاخذني وياك واتهنى
مافيني الا احبك دام والله ورطتني محلاها هالورطه
اهني نفسي واهنيك اسعدت قلبي وقلبي اه ياحظه
بادلته الشوق والاحساس وااهدالك احساسه ونبضه
محظوظه فيك انا عيوني وعيونك دنيتي وكوني
قلبي انا انا اللي تحت امره يحبك ومالي مالي اي سلطه ....؟

كــــــــــــــــــــــــ ــــــــــــــــــــــت:
- اترك باقي التوقعات لكم..؟

لقطة: حبني بأي طريقة تعجبك!
بس المهم تكون صدق تحبني

[فيتامين سي]

1
2
3
4
5
6
7
8
9
10



آلبارت الثالث عشر .؟

- في بداية يوم جميل على جميع العوايل هناك عائله تنتظر خبر مفرح وسار وهناك عايله تنتظر عودة حبيب وهناك عايله تنتظر حب واهتمام واي عايله سوف يصبح الفرج عليهم؟؟
- نشت هنادي نشيطه نزلت تحت شافت اخوها نهيان
هنادي: صباح الخير
نهيان: صباح الورد
هنادي: شو حاب اخلي الخدم يطبخون؟؟
نهيان: اي شي الريال بيي العصر
هنادي: خلاص بخليهمم يسوون مقبلات وجي
- وراحت هنادي تشرف على غداها هي واخوها والمقبلات اللي حق الريال رن تلفون هنادي
اسما: هلا مساء الخير
هنادي: مساء النور
اسما: ابوي مسوي تجمع يباكم اتون
هنادي: اليوم بيوون ناس قلتلج امس باجر قوليله
اسما: اوكي خلاص اوكي بخبره
هنادي: ليش شو صاير ؟؟
اسما: والله ماعرف حالي من حالج
هنادي: ان شاء الله خير
اسما: ان شاء الله
- عند موزه خبرتها اسما انه في تجمع باجر اللي هو يوم السبت مع ابوها ودقت موزه لكيان
موزه: مساء الخير
كيان: مساء الورد
موزه: شخبارك
كيان: اممم لو اقولج اني بظل بخير لين شهرين جدام بتصدقين
موزه: ماشاء الله ليش يعني ؟؟
كيان: لانه امس شفت اميرتي
موزه: لاوالله
كيان: موزه
موزه: هلا
كيان: متى تبين اتقدم لج؟؟
موزه: بحاول افاتح خالي فالموضوع باجر
كيان: ان شاء الله
موزه: عادي اشوفك احين؟؟
كيان: خلاص بلبس وبمرج البيت
موزه اوكي اترياك
- قام كيان اتلبس وموزه تلبست واتريته لين ماياها ودق كيان لها بعد ساعه دق لها رنه وطلعت له ركبت السياره
كيان: مرحبا
موزه: مرحبتين
كيان: انا اسف
موزه: على شو ؟؟
كيان: السياره مب من مقامج
موزه: شو هالكلام كيان انا يوم حبيتك مب عشان فلوسك
- وقف كيان مجابل البحر وشاف موزه ومسك ايديها
كيان: وانا يوم حبيتج ياموزه حبيتج لانج موزه مو عشان انتي بنت منو ’ كيان يحبج موزه والله ياموزه انا مب طمعان فيج ولا بفلوسج انا حبيتك يوم كنت اوصل لج الطلبات بتصدقين لو قلت لج انتي الوحيده اللي اوصل لها ؟؟ تعرفين انه انا بس اوصل طلبات لبيتكم ؟؟
- تمت موزه ساكته مال دقايق
كيان: موزه
موزه: هلا
كيان: من شو خايفه؟؟
موزه: وكيف عرفت اني خايفه ؟؟
كيان: من نظرة عيونج
موزه: خايفه خالي يرفض خالي مايحب هالاشياء ووايد غير اتخيل انته بس كفخ بنته عشان قالت له بس انه انته ماتعطينا الحنان وتفكر نحن نبى فلوسك وتفكر انه الفلوس كل شي ’ خالي وايد يحب الشكل والشهره والسمعه مايهمه الاخلاق يعتبر الاخلاق حق نفسك
كيان: موزه
موزه: هلا
كيان: لو ماصار نصيب بتظلن اول واخر حب لي
- نزلت دموع موزه لا اراديه من دون سابق انذار وطاحت في حضنه
موزه: اول مره احس بالحب من بعد ماراحو امي وابوي اول مره احس انه في حد خايف انه يفقدني ويحبني والله ياكيان انته اول حب لي والله ولا مره جربت طعم الحب وجربته بس معاك
كيان : خلاص حبيبتي مابيصير الا كل خير
- مر الوقت بسرعه كسرعة البرق بس كان على قلب هنادي بطيء وايد كان يمر شوي شوي حتى حست انها سوت كل شي وبعده االوقت ماخلص ولا اعلن عن النهايه وفجاه مالقت نفسها الا تسمع جرس البييت يندق شافت من دريشة الغرفه مالحقت تلمح الولد اللي دش وقعد في الميلس بشموخه وجماله ونظرة عيونه
نهيان: هلا والله بنوح توه مانور البيت
نوح: منور بوجودك اخوي
نهيان: حياك حياك
- ويلس نوح ورمس مع نهيان وتم يقوله انه هو فقد امه وابوه من هو صغير واخته العوده اللي ربته احسن تربيه وهو اليوم يبى يتقدم ويخطب اخته هنادي لانه انعجب باخلاقها فاالجامعه
نهيان: والله والنعم فيك وهذا نحن نفتخر انه نحن اناسبكم انته واهلك ونصير نسايب واختي اكيد مابتعارض وين بنلاقي اللي احسن عنك انته الوحيد اللي وقفت معاها وقت طيحتها ومارحت الا يوم اطمنت عليها انها بخير وبصحه وسلامه انا بروح اكلم اختي وبرجع لك
نوح: نهيان
نهيان: هلا
نوح: عادي انا اقولها واقعد معاها بروحنا
- نهيان بعد تفكير
نهيان: اوكي بروح ازقرها لك
- مشى نهيان متوجه لغرفة اخته دق الباب
هنادي: تفضل
نهيان: لبسي شيلتج وعباتج وتعالي الميلس
هنادي: اوكي
- طلع نهيان من حجرة اخته ورد الميلس
نهيان: احين بتي
نوح: شكرا نهيان ماراح اخيب ظنك فيني
- دقايق واندق الباب ويت هنادي
نهيان: حياج
- فتحت هنادي الباب ودشت وتمت تشم ريحة عطر حبييب القلب اللي راح رفعت راسها لعلها تشوفه
حطت عينها بعين نوح زميل الدراسه ردت نزلت عينها ونزلت راسها
هنادي: السلام عليكم
نهيان: انا بخليكم شوي وبرجع
- وطلع نهيان يت هنادي وقعدت
هنادي: السلام عليكم نوح
نوح: وعليكم السلام شخبارج هنادي
هنادي: بخير دام اني شفتك
نوح: ماحب المجاملات
- هنادي سكتت مسك ايديها رفعت راسها
نوح: انا خطبتج من عند اخوج
هنادي: بس
نوح: اترييني لين ماخلص كلامي ممكن ؟؟
هنادي: اوكي اتفضل
نوح: رغم انج انانيه وماتحبين الا نفسج بس بعد رجعت لج واخترتج
هنادي: شو تقصد بكلامك؟
نوح: مب انتي كنتي تحبين واحد اسمه نوح ؟؟
هنادي: وانته شعرفك؟؟
نوح: ولو قلت لج انا هو بتصدقين ؟؟
هنادي: لا
- وقفت هنادي وسحبها وقعدها
نوح: انا احبج
هنادي: بس
نوح: ادري هناك اسود وهني ابيض بس ها كان اختبار لج وكنت حاط صبغ وانتي رسبتي فالاختبار وماتحسين انه انا والخال بكل شي نتشابه ؟؟
- نزلت دموع هنادي
هنادي: ليش خليتني اتعذب؟
نوح: علشان اعلمج انه الجمال مب كل شي انه الحب بالقلب مب بالشكل ياهنادي
هنادي: بس اانا تعلمت الدرس وكنت بموت ببتعادك عني
نوح: يعل يومي قبل يومج ياروحي
هنادي: فكوني منه لا موت صرت مدمن شوفته لو دقايق غاب عني قلبي تضعف دقته
ليتني غمضت عيني قبل عيني شافته , انا جرحه عندي رقه والحنان بقسوتهه وناره
بالنسبه لي جنه كيف عندي جنته ؟؟
امنعوني من غرامه كرهوني بسيرته حاولو شوهو لي اسمه في عيوني وصورته
نوح:هنادي الحب مب بالشكل جي , حبي القلب اللي يصونج ويقدرج لاتحبين الشكل انا رجعت لج بس لاني احبج ولاني شاريج بس انتي ماتعرفين ذيج المره كيف كسرتي قلبي
هنادي: انا اسفه حبيبي ماقصدت
نوح: احبح
هنادي: لو اظل اقولك احبك منن الحين لباجر مابوفيلك كلمة احبك ولا بعطي لها قيمة وقدر
- وقفت وطلعت برع الميلس شافها اخوها انها طلعت ودش
نهيان: كلمتها؟؟
نوح: هيه بس ماعرف لو موافقه ولا لا انته شوفها وخبرني
نهيان: خلاص ان شاء الله خير المره اليايه تعال انته وخواتك بيت خالي انته وخواتك يالله وان شاء الله خير
نوح: حاضر وعن اذنك
- وسلم على نهيان وطلع وهو يشوف البيت وحس انه هنادي تشوفه رفع راسه لفوق وطير بوسه لها
- هنادي استغربت كيف عرف انها تشوفه وضحكت


كــــــــــــــــــــــــ ـــــــــــــــــــــــت:
- اترك التوقعات لكم
- وشو رايكم فالبارت ؟؟

لقطة : ساتعمد الخطأ كل يوم
ان كان عقابك لي بقبله ..؟

[فيتامين سي]

آلبارت الرابع عشر .؟

- اوعدك ان كنت من نصيبي لاسعدك , وان افترقنا بالخير بذكرك
- موجعة تلك المقوله لانه الفراق جدا صعب بالنسبه لقلبي .
- لانه قلبي مايستحمل الفراق بس قلبكم هل يستحمله ولا لا ؟؟
- بالنسبه لقلبي مايحب الهجران وشو عن قلبكم؟؟
- يحبه او لا ؟!
- نشو الابطال وكل وحده متشائمه يحسون انه اليوم جو البيت متكهرب اول مره ينشون وابوهم يباهم بسالفة مهمه تجمعو كلهم في الصاله : اسما – نهيان – نوف – هند – هنادي – موزه – ابو اسما
ابو اسما: انا سويت هالاجتماع عشان الكل يكون عارف وفاهم الموضوع
اسما: ليش شو صاير ابوي ؟؟
ابو اسما: انا مسافر باجر
نوف : وشو اليديد دومك تسافر ونحن مانعرف الا عقب
هند: هيه ونتفاجئ اليوم اللي عقبه يا من الخدامه او االمحامي
ابو اسما: اعرف بس هالمره مابسافر روحي
اسما: عيل؟؟
ابو اسما: كلكم بتون معاي
نهيان: ليش وحتى انا ؟؟
ابو اسما: لا انته بتم هني بوكلك على اشغال ثانيه انا بشل معاي البنات
اسمما: بس ابوي نحن مانبى نسافر
ابو اسما: الكل بيسافر لظروف طارئه
موزه: شو هالظروف اللي تجبرنا نسافر كلنا ؟؟
ابو اسما: لو ماسافرت هالسفره بخسر كل فلوسي واملاكي وبنتم ع الحديده حتى هالبيت مابيبقى لنا شي ابدا
اسما: وبعدك ماقلت لنا ليش كلنا بنسافر
ابو اسما: لانه بتحتاج هالصفقه اللي مسافر عشانها فتره طويله سنه سنتين الله اعلم
اسما: نحن شو دخلنا فالصفقه خلنا قاعدين هني
ابو اسما: كلامي مابينعاد ولا بيتكرر كلكم بتسافرون معاي انا مابخليكم مني سنتين وسنه وماشوفكم ابيكم تحت عيوني وازيدكم من الشعر بيت
البنات: شو؟؟
ابو اسما: الطياره باجر الصبح الساعه 7:00
- سكتو كل البنات بعد هالقنبله وكل وحده قامت وصعدت فوق وتم نهيان قاعد مع خاله وقاله انه في واحد خطب هنادي قال خاله يوم بنرجع من السفر بيسوون عرس
- في الغرفه عند البنات كل وحده تشوف الثانيه مايدرون شو يسوون ؟؟
- وعقب كل وحده راحت غرفتها وهنادي وموزه راحو بيتهم
- وبعد ماعم الهدوء على الكل وكانه حد شل عنهم اغلى مايملكون
- خلونا نشوف كل وحده بشو تفكر













- عند نوف كانت قاعده تفكر وصل لها مسج وقرت
صاحب المسج: تدري حبيبي انكتب اني احب من كل عتب عاتبني اكثر لو تبي
حتى اذا مافي سبب ؟؟ الله يامحلى شعوري وانا احس اني ضروري
وفعلا يهمك حضوري واني حبيبك انحسد .
امنيتي كانت من زمان اخذ بقلبج مكان ويبان حبك لي يبان وكان عندي فيك امل
كل الصعب منك سهل اقسى على قلبي عسل كل ماقسى قلبك علي يزيد حبك لك دبل
المرسل : حمد
- تنهدت نوف تنهيده قويه طلعت بعدها دمعه حرقة خدها وقفت وقربت صوب الخزنه وبطلتها طلعت ظرف كبير فتحته بعد ماقفلت الباب شافت الصور ونزلت دموعها مع كل صوره تجلبها وهي تشوف صورتها وصورته هي وحبيبها الجديم وهي تتذكر ربعه يوم يقولون منو تقصدين الخروف العود وتمر ويطلعون عنه كلام وتنزل دموعها مع كل ذكرى اليمه وصاحت
نوف: ليش ياناصر ليش خدعتني؟؟ , ليش خنتني انا بشو قصرت وياك انا بشو قصرت؟
- تمت اتصيح لين مانامت والصور منثوره على الارض
- اضحك وانا اتصفح الصور والايام الجميله واذا انتهيت منها سقطت االدمعه وحرقتني
- اما عند هند دقت على ليث
ليث: هلا بحيبي وروحي
هند: هلاا
- وهي في داخلها حزن كيف بتخلي ليث بتفقده حيل حيل
ليث: شوفيج ياروحي ؟؟ احبج ليش شاله هم الدنيا كلها ؟؟
هند: ابي اشوفك ضروري
ليث: تم وين؟؟
هند: مادري اي مطعم
ليث: خلاص اترياج فمطعم الحلاب؟
هند: ولا اقولك تعال الشاليه مالنا صوبب الورقا
ليث: هههههه ليش عشان تذبحيني ويسون لنا مقاتلات
هند: ههههههه سخيف يالله باي اترياك
- قامت هند وراحت المزرعه وكانت تتريا ليث يوصل ومع وصول ليث طبعا بعد مادلته هند مكان الشاليه نزل من السياره فتح الباب مال الشاليه انصدم انه الشاليه ظلام ماشي غير نور الشموع اللي مضوي المكان ليث يمشي بسرعه يتريا مكان نهاية الشموع عشان تطلع له هند انبهر بوحده واقفه جدامه فاتحه شعرها ومخليتنه ملولو شرات ميريام فارس ولابسه فستان فوق الركب احمر وكعب ابيض يت بتمشي تخرطفت ومسكها
ليث: مالج ومال الكعب انتي حدج زنوبه ولا جوتي
هند: لا والله
ليث: هههههه سوري بس ماتعودت ياحياتي اشوفج حلوه جي تعرفيني مب متعود على اني احب وحده وامدحها
هند: اصلا انته دفش ومتعود على الدفاشه
ليث: خليت الانوثه لج يالبويه
هند: بويه بعينك حيوان كنت ابي اشوفك اخر صوره بهالشكل عشان تتذكرني كشكل بنت
ليث: بسم الله ليش وين بتروحين
هند: عندي ظروف بضطر اسافر لفتره طويله
ليث: مابكلمج يعني ؟؟
هند: الله واعلم
ليث: بشو ممكن اقدر اساعدج ياروحي
هند: ساعد عمرك انك ماتنسى هند
ليث: مستحيل انساج انتي مينونه
هند: اتمنى هالشي ياليث بس هالمره قبل لا اروح ابي اقولك شي
ليث: عيوني لج ياهند
- سحبت هند ليث لبرع وكان على وقت الغروب وقالت له هند
هند: ارجوك غمض عيونك اخاف تتعلم من الشمس وتغيب
- وراحت وخلت ليث يفكر ليش ووين بتروح وهل بتنساه ولا لا وبتكون شراته متلهفه ولا لا لانه هو متلهف عليها حتى وهي حذاله
- هنادي دقت لنوح
نوح: هلا
هنادي: اهلين ابي اشوفك ضروري على اليخت اللي اشتريتلي اياه
نوح: تم بس ليش؟
هنادي: عقب بتعرف لك نص ساعه وبكون عندك
نوح: اوكي حبي
- طبعا نوح راح على طول اليخت عدلاه ونظفاه للاميره وكان ينتظرها راحت هنادي لغرفتها ولبست وراحت لنوح فتحت باب اليخت ودشت كان نوح يشوف البحر قربت منه ومسكته
نوح: بسم الله , اعوذ بالله
هنادي: هههه شوفيك خايف ؟؟
نوح: شو مسويه فنفسج انتي خبله ؟؟
هنادي: بتحبني بهالشكل ؟؟
- طبعا هنادي كانت صابغه ويهها اسود وطاره لبسها
نوح: انتي تعرفين اني احبج بكل حالاتج
هنادي: اعرف والدليل انك رحبت فيني بعد ماجرحتك
- حصنته هنادي
هنادي: انا اسفه حبيبي عندي ظروف خالي يبانا نسافر معاه وقال بعد مانرجع من السفر بنعرس
- وخبرته الظروف
نوح: بشو اقدر اساعدج؟؟
هنادي: ما ابدلك لو ابعدوك البعيدين ما ابدلك لو قالو الناس خيره
- ومشت وخلت نوح وراها
- في بيت مواز كانت يالسه تشوف فلم على امبيسي 2 خلص الفلم قامت يابت الايباد وفتحت موقع الماك وطلبت لها وبعد 40 دقيقه وصل الطلب وقامت مواز فتحت الباب كانت لابسه شبشب ارنوب وفاتحه شعرها ويايبه قصتها على جنب تم يشوفها
كيان: شو فيج حبيبي
موزه: مافيني شي
كيان: عادي ادش؟
- فتحت موزه الباب له ودخل يت بتمشي مسكها كيان وحضنها
كيان: شوفيج احس الحزن مالي عيونج ؟؟
موزه : كيان
كيان: عيونه
موزه: اتحبني؟؟
كيان: شورايج حبيبي؟؟
موزه: اعرف انك اتحبني بس
كيان: بس شو ياروحي
موزه: دايمن ماك هو اللي يجمعنا بس هالمره مايوصل للخارج ومابتققدر اتييب الطلبه لبرع الدوله
كيان: شو يخص برع الدوله شو السالفه انا مب فاهم شي موزه
موزه: لاني مهاجره ياخلي , انا مهاجره
- وصعدت فوق لغرفتها استغرب كيان من الكلام وطلع برع ماحب حد يشوفه ويسوي له مشكله ويشتكي عليه لانه ممنوع يدشون داخل
- كل الابطال المهاجرين قبل لا ينامون حطو لبسهم في الشنطه ونامو الا نوف نشت ولقت كل شي منثور حولها تذكرت اللي صار نشت حرقت كل ذكرى من ذكريات ناصر اللي جرحها , وجرحها مستحيل يطيب حتى بكلمة اسف او سوري منه لانه الجرح لا انجرح مستحيل يرجع مثل اول وكفايه اللي ياها منه


كــــــــــــــــــــــــ ـــــــــــــــــت:
- اترك التوقعات لكم شو بيصير فالسفر ؟؟
- هل كل شخص حب له وحده بينساها او بينتظرها !!




لقطه: سترافقك لعنة من السماآ
مادام قلبها يحترق بسببك .؟

[فيتامين سي]

آلبارت الخامس عشر .؟


- يه اليوم الثاني على اذان الفجر كل للي في بيت بو اسما واعيين ولابسين وكانو موزه وهنادي موجودين والخدم ينزلون الاغراض من الغرف والبنات يودعون بيتهم وخدمهم ركبو الموتر مع نهيان والموتر الثاني ابو اسما وبناته , نهيان حمل الخدم والاغراض وانطلقو الى مطار ال مكتوم نزلو البنات ودشو داخل ختمو الجوازات ركبو الطياره .
الطيار: يرجى من الركاب المسافرين اغلاق الهواتف المتحركه
- شلت اسما فونها فتحت على رقم خليل اللي كان يالس يتريق وطرشت له المسج
اسما: حان موعد الفرقى ياخلي بغيت اودعك بس ماقوى القلب على وداعك مابطلب منك انك تترياني لانه بتكون انانيه مني لو طلبت منك هالطلب بس لو تحبني ياخليل وفعلا شارني وكل مافيك يبيني اترياني يا خليل احبك
- تم الارسال , تم اغلاق الهاتف وطارت الطياره حامله ناس مايعرفون شو مصيرهم بس يعرفون انه رايحين لبلاد راح يكونون فيها شرات الناس اللي خايفه تخسر اغلى ماتملك
- لقطة سريعه : حطو في بالكم انه اللي يحبكم بيترياكم , سواء كان سنه او سنتين او اكثر لانه الحب الحقيقي ايي مره وحده في العمر
- في بيت خليل تم يقرا المسج مليون مره وبعده مب مستوعب شو اللي تقصده اسما من هالكلام ولكن مالقه اجابه لسؤاله غير انه دوم يطلع له : ان الهاتف الذي طلبته مغلق يرجى الاتصال فيما بعد
- توتر خليل خاف انه اسماا فيها شي وراح ركب موتره مالقى نفسه الا جدام بيتها لقى البيت هادي متعود يخطف يلاقي الدريول يسقي الزرع الخدم برع يزهبون السيايير ومن هالكلام ولكن اول مره ايي ويلاقي كانه البيت بسم الله فيه عزا قرب من البيت ونزل ودق الجرس اللي اول مره يكون الباب متسكر يه الدريول
خليل: السلام عليكم
الدريول: وعليكم السلام
خليل: منو داخل البيت ؟؟
الدريول: مافي حد
خليل: ليش وين راحو اصحاب البيت ؟؟ وحتى البنات محد؟؟
الدريول: لا مافي حد كلهم سافرو اليوم الصبح لانه صارت مشكله في الشركه ولازم ابوهم يسافر واصلا بياخذ له فتره طويله لين مايرجع فخذا كل البنات معاه
خليل: اها اوكي
- وسار خليل وهو قلبه يعوره انه ماقدر يودع حيبته لانه يعرف اسما ماتحب الوداع ولكن شو ذنب قلبه اللي يبى يشوفها رد البيت وتم منسدح يفكر ويت وفا .
وفا: خليل
خليل: هلا
وفا: ادق على البنات فوناتهم مغلق
خليل: البنات سافرو
وفا:ليش ؟؟ ومتى وكيف ووين ؟
خليل خبر وفا كل شي
وفا: وحليلهم الله يكون في عونهم
- في شهر العسل عند فاطمه ووليد وصلو جزر المالديف دقت فاطمه وتطمنت على اخوها ودق وليد يسلم على اخوه وسكر من اخوه وعقب بندو فوناتهم مايبون ازعاج طبعا من تعب الطياره تسبحو وبدلو ونامو
- في بيت نوح :-
تماضر: ها اخوي شو صار عن السالفه ؟؟ سالفة البنت
نوح: كل شي تمام
تماضر: متى بنروح نخطبها لك ؟
نوح: البنت سافرت لظروف عائليه اول ماترجع بنسوي الملجه وبعدها باسبوعين العرس
غزل: الله اخيرا بلبس فستان وبروح عرس بكون احلى وحده
نوح: اكيد غزولتي حبيبتي هي احلى وحده
تماضر: عيل لو عرفت متى رجعتهم خبرني على الاقل اكون جاهزه شوي
نوح: ان شاء الله
- وقام وراح الغرفه ينام
- وبعدها بساعات طويله وصلو اصحاب السفر نزلو من الطياره وتوجهو الى الفندق كان ابوهم مجهز كل شي يت لومزين وودتهم الفندق ححجز لكل ثنتين غرفه ونوف كانت بروحها هند وهنادي مع بعض اسما وموزه مع بعض وابو اسما بروحه وكل واحد توجه لغرفته لقو فيها تلفون وطاقه ومفتاح سياره حق اللي يبى يطلع ويغير جو انسدحو وركبو البطاقه في تلفوناتهم و نامو بس في وحده تفكر ياترى منو هاي اللي تفكر ...............................................

مشتاق لك فاقدك واحشني شوي اصلا انا ميت بدونك
- في اجواءء جزر المالديف نشت فاطمه من على السرير لقت وليد نايم دشت خذت شاور سريع لبست فستان اسود قصير وراحت الصاله حطت شموع وسوت عشى خفيف وجهزت كل شي وطلعت لبس وليد وراحت عنده مسكت ايديه وباسته على عيونه فتح وليد عينه حس انه في حلم كانت ملاك على هيئه انسان يحس مايدري ينش يبوسها ولا شو يسوي طاح شعر فططوم على ويهه وليد حضنها وسدحهت على السرير وتم يلعب بشعرها مسك ايديها وتم يقول لها وهو ماسك اصابعها ويعد لها
وليد: من دونج انا ماسوى شي واضيع , اول صبع احبج ثاني صبع اهواج ثالث صبع اتنفسج ورابع صبع انتي الماي اللي اشربه خامس صبع انتي نبضي سادس صبع انتي دقات قلبي سابع صبع انا من دونج ماعيش ثامن صبع انا من دونج امووت تاسع صبع انا بدونج ماعندي اكسجين عاشر صبع انا نصج الاول والاخير
- وشدها لحضنه
وليد: لو حد ياخذج مني يافاطمه والله اذبحه والله
- وتم يغني لها
وليد: مو على كيفك حبيبي تبتعد وتخون وعدك والله لو حبيت غيري
لقتلك واموت بعدك , ما اعيش بدنيا دونك دنيا مافيها عيونك
دامي ميت ميت اصلا يابعد عمري في بعدك .
قولي من ياخذك مني او يداوي بك جروحه اللي ياخذ روحي مني
والله لا اخذ منه روحه .
قلبي حبك ياحبيبي ومستحيل يحب ثاني انته ملكي انا وحدي
وقلبي في حبك اناني .
- فاطمه استحت
فاطمة: يالله قوم لا يبرد الاكل
وليد: حاضر
- قام تسبح ولبس ويالها الصاله طلع لها هديه سلسله ولبسها اياها واستانست لانه كان حرفه وحرفها باسها على راسها ويلس على الكنبه وسحبها لحضنه ويلسها في حضنه
وليد: طول ما انا موجود مابي منج الا انج تقعدين في حضني ومحد يلمج غير حضني انا كل شي تبينه
- استحت وتمو ياكلون بعض هو كان ياكل وياكلها بعد ماخلصو
وليد: قومي بنروح مكان لبسي عباتج وتعالي
فاطمه: ببجل لبسي مابطلع جي
وليد: اوكي زين عيل قومي بدلي
فاطمه : ان شاء الله
- قامت فاطمه لبست تنوره وقميص وجاكيت وشيله وشلت شنطه صغيره وراحت لوليد قامو وطلعو راحو ع البحر كان في نفس مكان حق الكابلز : الثنائي " بس وفي نفس الوقت هو اصلا نفس غرفه كبيره تدخلها تكتب امنيتك وتطلع دشت فاطمه كتبت امنيتها وطلعت ودش وليد كتب وطلع وتمو يمشون على البحر وطول الوقت ماسك ايديها فجاه نقع شلق خافت فاطمه وحضنت وليد ووليد تم متغرف وضحك.
وليد: تخافين؟؟
فاطمه: وايد
وليد: عيل كل يوم بخليهم ينقعون شلق عشان تنقزين فحضني ههههه
فاطمه: ههههههه لاوالله
وليد: هيه والله


كــــــــــــــــــــــــ ــــــــــــــت:
- اترك التوقعات لكم حبايبي ؟؟.

لقطة: ليتك تشوف ابعاد عمري بلياك ؟؟
حتى تعرف بغيبتك كم حزنت
تدري وش اللي يخليني ما انسااك؟؟
اني لاجيت احب غيرك ذكرتك ’ لاجيت احب غيرك ذكرتك

[فيتامين سي]

آلبارت السادس عشر .؟

- مرت الشهور شهر ورا شهر ومايحمل اي حدث جميل كانت الايام تمر على كل الابطال بشكل طبيعي .
- عائله تبى تكسب الحب وعائله ماتبى تخسر فلوسها اللي بقى لها من هالدنيا وابطال منتظرين فرج المحبه في بطل ما استسلم كان كل يوم يروح بيت حبيبته وهو شال باقه ورد ومع كل باقة تاريخ اليوم اللي رايح فيه ويكتب رساله: انتظرج في اول مكان جمعني فيج احبج يا اجمل ماخلق ربي
- في بيت وليد
وليد: فطوم ننشي بسج رقاد
فاطمه: حبيبي عشاني خلني انام والله اني تعبانه
وليد: قومي ياخي قومي يالباندا والله اني ولهان على شوفتج
فاطمه:وليد انته ماتخليني انام ك ما ارقد ترد توعيني وتقولي ولهان عليج قومي عيني انا متى انام ومتى اصلا نمت ؟؟
وليد: اوكي نامي نامي اوف
- يه بيطلع ماحس الا فطوم فزت من السرير وراحت الحمام قلبه وقف راح لها الحمام
وليد: حياتي شوفيج؟؟
فاطمه: مادري يتلي لوعه
وليد: سلامتج حبيبي تبين تروحين المستشفى ؟
فاطمه: لا حبيبي يمكن مجرد ارهاق
- قرب منها وحط ايديه على بطنها وقاال
وليد: يمكن حد هني ملعوزنج داخل هههههههه
فاطمه: هههه لاماعتقد يمكن لانك ماتخليني انام هههههه
- ومشت عنه وراحت طلعت لبسها عشان تتسبح
- في ارجاء لندن كان الكل قاعد في الصاله
موزه: خالي
خال موزه: هلا
موزه: في واحد يبى يتقدم لي
خال موزه: متتى؟؟
موزه: يوم بنرجع ان شاء الله
خال موزه: ان شاء الله
مووزه: مشكوور
خال موزه: ماله داعي

- في دبي
ليث: وحشتيني
هند: حتى انته تعرف اني ولهانه عليك حيييل حيييل
ليث: متى بتردون ؟؟
هند: ماعرف والله بس ان شاء الله قريب لاني مليت ومانطلع بس قاعدين فالفندق
ليث: يالله هانت ان شاء الله خير
هند: انا بخليك احين بس بغيت اطمن عليك لانه الكل قاعد في الصاله بينا عقب ان شاء الله
ليث: احبج
هند: اموت فيك
- وسكرت عنه
- عند وليد وفاطمه
فاطمه: حبيبي
وليد: هلا عيونها
فاطمه: في خاطري salt وورق عنب و همبا و ايسكريم بنك بيري و كالي برجر
- تم وليد يشوفها
وليد: وها كله بتاكلينه؟؟ ليش الاخت بالوعه
فاطمه: شكرا
- قامت فاطمه راحت تلبس عباتها
وليد: على وين؟
فاطمه: بروح بيت اخوي ولهانه عليه
وليد: قومي انا بوصلج
فاطمه: اوكي
- ركبو الموتر ووصلها بيت اخوها
فاطمه: مابتدخل؟؟
وليد: لا عندي شغل بس سلمي عليه
فاطمه: اوك
- ونزلت عنه وراحت لاخوها
- اول ماشافته طاحت في حضنه من الوله
كيان: وينج يالقاطعه وليد خذاج مني ؟؟
فاطمه: لا والله بس تعب بيت وولدين وجي يعني مراعيه وليد وليث وحليلهم
كيان: الله يعينج حبيبتي
فاطمه: شو فيك ياخوي احس الحزن ماكل عيونك؟؟
كيان: مافي شي
فاطمه: تخبي على كاتمة اسرارك ؟؟
كيان: بصراحه خايف
فاطمه: من شو ؟؟
كيان: خايف تروح من ايدي
فاطمه: ليش؟؟
كيان: نسيتي يافاطمه نحن شو ؟؟
فاطمه: شوفينا نحن مب بشر من حقنا نعيش ونحب ؟؟
كيان: بس خالها مايفكر بهالشي اناني يفكر بمصلحته بس مابيخلي بنت اخوه تاخذ واحد شراتي اي شي
فاطمه: وانته مب اي شي اخلاقك تكفي ياكيان
كيان: نحن في زمن يافاطمه نمشي على المظاهر والاخلاق تنضرب باليدار
- سكتت فاطمه لانه كل كلمه قالها اخوها صح
فاطمه: ماعليك اللي فيه الخير بيصير لاتتضايق علشاني
- كيان باس ايد اخته وقامت فطوم على الحمام
كيان: سلامات
- وبعد دقايق
فاطمه: الله يسمك حبيبي
كيان: شوفيج؟؟
فاطمه: مادري هاي ثاني مره اتيني لوعه
كيان: مارحتي المستشفى؟
فاطمه: لايمكن ارهاف وليد مايخليني ارقد
كيان: ليش؟
فاطمه: اتخيل كيان يوعيني فليل تونا بنرقد توني بقول بسم الله توني بغمض عيني يقولي ولهت عليج نشي
كيان: ههههههههههههههه عطيه كف
فاطمه: يبالي والله ولا اخليه ينام عند اخوه
كيان: هههههههههههه
- وبعد ساعات من السوالف مر عليها وليد طلع كيان سلم عليه عقبها راح الدوام وراحت هي ويا ريلها ركبت السياره وشمت ريحة اكل

وليد: شوفيج تشمين جنج جلب
فاطمه: اشم ريحة اكل
وليد: الاخت جلب؟
فاطمه: جلب حرمتك
وليد: انتي حرمتي
فاطمه: لا الثانيه
وليد: انتي اربع حريمي وانتي جلبتي
فاطمه: مالت عليك وعلى رومنسيتك الخايسه
وليد: ههههههههههههههههههههه
فاطمه: وقف وليد وووووووووووووقف
- وتمت تصارخ
وليد: بسم الله شوفيج اتمصخر معاج
فاطمه: وقف وليد ولا والله بفتح الباب
- وقف وليد وهو مستغرب نزلت فطوم عزكم الله حست بلوعه
وليد: انتي لازم تروحين المستشفى مب بكيفج
فاطمه: ما ابي
وليد: مب بكيفج غصبن عنج
- وتوجه الى المستشفى بعد ماغير طريق البيت وصلو المستشفى يه بينزلها اغمى عليها مسكها وياب الكرسي دزها لداخل المستشفى
وليد: السلام عليكم ابي ادش على الدكتور حرمتي تعبانه ومغمى عليها
- عطاهم بطاقتها وشوي زقرو اسمها ودزاها للغرفه وحطها على السرير يت الدكتوره
الدكتوره: شو يعورج؟؟
فاطمه بتعب : احس بلوعه ودوخه
الدكتوره: اممممممم انتي متزوجه صح؟
فاطمه: هيه
الدكتوره: من متى ؟؟
فاطمه: من 9 شهور
الدكتوره: اها بنسوي لج تحليل فحص الحمل
فاطمه: اوكي
- ودوها عشان تسوي الفحص
فاطمه: متى النتيجه؟
الدكتوره: باجر بنطرش لج مسج
فاطمه: اوكي
- شلاها وليد ووداها الموتر وكل الناس يشوفونهم
- وليد وهو يهمس في اذنها
وليد: احبببببج
- ذابت فطوم على رومنسيه وليد ههههه ووداها البيت دخلت الغرفه وانصدمت
- عند كيان في الدوام
كيان: hlo
.....................................
كيان: yes
.....................................
كيان:today
..............
كيان: 10:00 pm
..................................
كيان: ok good bye
كــــــــــــــــــــــــ ــــــــــــــــــتت:
- شو شافت فطوم ؟؟
- كيان كان يكلم منو ؟؟

لقطه:
ياخذني من قمة عتابي بضحكه
حتى خطاه اتساهله لاضحك لي ..؟