ممكن نعيد أول لقى ؟للكاتبه/الحب اختياري ، أماراتية ( مكتملة)

[فيتامين سي]

آلبارت السابع عشر ..؟

- قربت فاطمه من وليد
فاطمه: احبك وليد والله احبك
- حضنها وليد
وليد: معقوله فطوم تقول ابي اكل وما اييب لها والله اني ماكون ريال
فاطمه: محشوم حبيبي لاتقول جي فديتك انا
- ضمها وليد لحضنه وطبع بوسه
- في لندن كانو قاعدين اندق الجرس
ابواسما: وحده منكم تقوم تفتح الباب
اسما: قومي هنادي
هنادي: وشمعنى انا
اسما: اصغرنا
هنادي: لاوالله
نوف: انا بقوم خلاص بسكم حشره
- قامت نوف فتحت الباب شافت ماكدونالز
نوف: في حد طالب من ماكدونالز؟
اللي داخل: لااا
- ابتسمت مواز وقالت في خاطرها لو في دبي كنت بكون انا اللي طالبه هههه
نوف: لا مافي حد طلب
العامل: الطلبيه باسم كيان
- دق قلب مواز وقامت قربت من الباب
العامل: الطلبيه باسم موزه هني موزه؟؟
موزه: هيه انا موزه
العامل: هالطلبيه من دبي لعندج وهالرساله لج
- استحت موزه وماعرفت شو تقول للي داخل وغمزت لها نوف انها هي اللي بتضبط الامر
نوف: انا برقع الموضوع
- دشت نوف داخل
ابو اسما: منو طالب؟؟
نوف: جيرانا مطرشين لنا لانه موزه اليوم ساعدت ولدهم كان بيطيح من الدري
ابو اسما: اها وحليلهم
- دشت موزه وهي شاله الاكياس وكان كيان حاسب حساب الكل يايب 6 وجبات دشت موزه الغرفه حطت الرساله في شنطتها وقالت انه بعدين بتقراها وردت الصاله فتحت الاكل لقت كاتب على كيس اسم موزه وشلته ووزعت الباقي ع الكل بعد ماخلصت من الاكل
موزه: عن اذنكم بروح الغرفه ارتاح
- راحت موزه الغرفه وشلت الرساله وتمت تقراها
كيان: ويشرفني ان انتظرك اكثر فالانتظار ياسيدي لايجلب الا روائع الاقدار الى من سلبت عقلي , قبل لا تسافرين قلتي انه ماكدونالز هو الوحيد اللي يجمعنا حبيت اسوي لج مفاجاه واطرش لج طلبيه خاصه طلبت من النت ووصلت الماك لين عندج عشان تعرفين شكثر احبج بس اهم شي خذتي الطلبيه اللي باسمج لانج ماتحبين الطماط احبج يا طماطتي " حبيبج كيان "
- نزلت دموع موزه على حبه لها والمفاجاه الحلوه والحركه الحلوه باست الرساله وحضنتها ونامت
ابو اسما: انا بروح الغرفه انام
البنات: نوم العوافي يبا
- وقام وراح الغرفه يت نوف بتقوم سحبوها البنات
نوف: شوفيكم شو صاير بسم الله
البنات: صدق اللي صار
نوف: ليش يعني
اسما: لانه موزه ماطلعت اليوم
البنات : هيه صح
- وقالت لهم نوف السالفه وخلتهم منصدمين وراحت غرفتها قفلت الباب وانسدحت على السرير واسترجعت ذكريات الماضي
- نوف وهي فالحجره
نوف: حبيبي
ناصر:عيونه
نوف: في خاطري باسكن روبنز
ناصر: بس ؟؟
نوف:هيه بس
ناصر:ههههه
- بعد دقايق من السوالف
ناصر: نوف حبيبي طلعي بسرعه برع
نوف: ليش حبيبي
ناصر: طلعي بسرعه
نوف: اوكي
- قامت نوف وطلعت برع وايقت من الباب لقت ناصر
نوف: مينون رووح عن حد يشوفك
- قرب من الباب كان موقف السياره بعيد عن بيتهم سحب ايديها وباسها
نوف: مينون؟؟
ناصر: فيج ياروحي
نوف: اتحبني؟؟
ناصر: امووت فيج
- نوف استحت
ناصر: غمضي عيونج
- غمضت نوف عيونها من دون تردد وحط في ايديها كيس
ناصر: فتحي
نوف: واووو باسكن
ناصر: لعيونج ياروحي يالله دشي داخل عن حد ايي
نوف: اوكي بيبي
- ودق لها وردت ع الفون
ناصر: ماستاهل بوسه
نوف: هههه اوكي احين بيي
- ردت له وباسسته ع خده وردت داخل
- وهي راده شافت اسوم
اسما: شو تسوين نص الليل برع؟؟
نوف: بسم الله رحت اييب ايسكريم
اسما:منو يايب لج ؟؟
نوف: خليت الدريول اييب لي
- دشت داخل وتم يضحك ناصر
ناصر: فديتج انا اصير دريول وتاكسي وكل شي لعيونج
نوف: ههههههههههههههههههههههه
- نشت نوف من الحلم من الى الواقع المر على دقت الباب والدمو ع في عينها فتحت الباب لقت هنادي وهند
نوف: امرو؟؟
هند: عادي نرقد عندج؟؟
نوف: ليش شو مستوي فغرفتكم؟؟
هنادي: ولا شي بس ولهانين عليج حرام؟؟
نوف: لا عادي حياكم
- ونامو عند نوف اللي مانامت طول اليوم وهي تفكر
- في دبي فزت على صوت المسج
فاطمه: بسم الله
وليد: شوفيج حياتي؟؟
فاطمه: ها لا ماشي
- قامت تغسلت وكانو المستشفى مطرشين لها مسج انه لازم تراجعهم
وليد: توه الناس حبي مارقدتي
فاطمه: كمل حبيبي انته رقادك انا بروح شوي كيان يباني امره الدوام لانه سيارته اختربت
وليد: اها انا بوصلج وبنرد مع بعض وبنرقد
فاطمه: ها لالالا لا والله ماله داعي انا شبعت رقاد انته نام
- راحت وسبحت وطلعت ونست فونها على الطاولهه من الحماس راحت المستشفى واترييت دورها ززقروها بعد دقايق
الدكتوره: انتي فاطمه
فاطمه: هيه
الدكتوره: مبرووك يافاطمه انتي حامل
فاطمه: ههه صدق والله؟؟
الدكتوره: ايوه ياحبيبتي والله
- استانست فاطمه وايد وطلعت من المستشفى وراحت تشتري شي شافها وليد تاخرت دق عليها ولقا الفون حذاله على الطاوله دق لكيان مارد عليه دق له مره ثانيه
كيان: هلا وليد
وليد: شو نايم؟؟
كيان: هيه والله امر اختي فيها شي ؟؟
وليد: هي وصلتك الدوام وماردت
كيان: وين؟؟
وليد: هي قالت سيارتك خربانه وبتوصلك البيت
كيان: انا متى ؟؟ , شكلك مهلوس حبوب رد نام
- وليد ماحب يخوف اخوها عليها وقال
وليد: هيه والله اكيد هي فالحمام اسمع صوت الماي ههههههه باي
- وسكر عن كيان
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

كــــــــــــــــــــــــ ـــــــــــــــــــــــــ ـتت:-
- كيان والخرطه
- - اترك باقي التوقعات لكم

لقطه:-
تبا لكل المسافات اللي تفصلني
عن معانقة حلمي
- نوف محمد ..

في مايو أول نظره وفي يوليو أول الفرقى وفي أغسطس اول لقاء

[فيتامين سي]

آلبارت الثامن عشر ؟.

- متى على الله نلتقي تعبت ساعات اللقى من البعد
- تم وليد يتريا فاطمه في الحوش من الخوف عليها من كثر ماوسوس وصلت فاطمه لقت وليد في الحوش قلبها دق وخافت انه وليد دق ع كيان وعرف انها جذابه وهو احين معصب عليها نزلت فاطمه وهي شاله بالونات وكاتبه على البالون وليد انا حامل وليد قرا الكلام وماتضارب وياها وقرب منها وفكر بيكفخها او شي مالقت الا ضمها وشدها لحضنه وتم يصاااارخ باعلى صوته في الحوش
وليد: حرمتي حامممل
- وتم يركض فيها فالحوش
ليث: شوفيك مسوي حفله في الحوش
- نزل فاطمه
وليد: بارك بارك لفاطمه حامل
ليث: هه صدق مبرووووك ان شاء الله ولد عشان نسميه ليث علي
- ضحكو كلهم
- مرت الشهور وفي مطار ابوظبي الدولي
نوف: ولهت على البلاد وريحتها
اسما: اخيررررا يس يس
- ختمو جوازاتهم وتريو الدريول يوصل
نوف: انا بروح الحمام
الباقي: اوك
- راحت نوف لمحت شخصص انخشت ونزلت راسها ومشت للحمام
نوف: حمد شو يسوي هني معقوله عرف انه انا راده من السفر اليوم
- خلصت من الحمام وردت طلعت وتوجهو الى الباب ركبو السياره كان نهيان يايي حضن اخته وسلم على بنات خاله وباس خاله , والدريول رحب فيهم وحمل الاغراض وتوجهو الى البيت
ابو اسماء: الحمدالله الصفقه كان وايد صعبه بس الحمدالله استوت من صوبي
اسما: الله شو هالورد وااايد حلوووو
- يت الخدامه
الخدامه: هالظرف حقج مدام
اسما: شكرا
- وكل وحده راحت غرفتها وموزه نزلها نهيان بيتها ورجع هو اخته البيت يلست اسما وفتحت الظرف ..
خليل: كل يوم يمر في بالي لقياك فاتذكر الورد فاشبه الورد بك فلا ادري لماذا ارى نفسي امام منزلك حتى ملأت منزلك بالورد فانا لحد الموت مشتاق فهل لي بلقاء يذبح الشوق في داخلي " التيمو سفير "
احبج خليل ..؟
- ابتسمت اسما وكانت هالرساله بتاريخ اليوم قامت ولبست فستان كحلي وكشخت وخلت الدريول يوديها صعدت فوق لقته يالس قربت من خليل بهدوء وحطت ايديها على عينه
خليل:اسما
- اسما حضنته
اسما: عيونها
- خليل وعيونه تدمع
خليل: وحشتيييييييييينيييي
اسما: ليش الدموع؟
خليل: مب حرام عليج سنه وكم شهر ماشوفج ولا ارمسج؟
اسما: ماراح اخليك مره ثانيه حبيبي
خليل: وعد؟؟
اسما: وعد
- وقعدو تعشو واستانست بشوفته وايد
- قامت نوف لبست وطلعت روحها يت بتيب فونها اللي كان يرن وطاح تحت ريلها مالقت الا اللي جدامها دح بريك وضربت بريك بالقو ودعمته وودق راسها بالسكان وفقدت الوعي نزل الريال فتح لقاه مقفول وايق من الدريشه لقى بنت بس ماشاف ملامحها لانه كان ويهها على السكان دق للشرطه يو بعد دقايق وفتحو الباب قرب منها وشافها وشاف ويهها اللي مغطي الدم عليه
حمد: نوووووووووووووووووووووووو وووف
- حضنها
حمد: سوري الله يخليج نشي
الشرطي: اخوي وخر عن البنت عشان يشلونها الاسعاف
- وخططو الحادث وبعدها حمد تنازل مايبى شي ولحق نوف للمستشفى بعد مادق لابوها
ابو اسما: السلام عليكم ولدي حمد
حمد: هلا عمي , عمي
ابو اسما: هلا
حمد: نوف بنتك فالمستشفى
- وخبراه السالفه
- قام ابوها وراح المستشفى وهو خايف على بنته طرش لخواتها مسج ان اختهم بالمستشفى وعلى طول راحو له طلع الدكتور
البنات: دكتور طمنا
الدكتور: دعواتكم بصراحه النزيف مب راضي يوثق ان وقف بتكون حالتها في التمام
- دمعت عيون حمد
حمد: كله بسبتي كله بسبتي
ابو اسما: لاتقول جي ياولدي قضاء وقدر والحمدالله يت بسيطه
- تمو يتريون مال كم ساعه طلع الدكتور وبشرهم انه حالتها استقرت وصارت احسن ووقف الدم وقال لهم انه ماشي فايده من الانتظار لانه ماراح تصحى احين لانه البنج قوي باجر ان شاء الله . وتم ابو اسما يقنعهم انه كلهم يردون وباجر ان شاء الله من الصبح بيون وراحو كلهم البيت وكل واحد يدعي لنوف طبعا مر اليوم حزين عليهم وعلى حمد وحس بتانيب الضمير اليوم الثاني اول الصبح كان هو موجود وكانت نوف فاتحه عينها ودش
حمد: السلام عليكم
- نوف تمت تشوفه
نوف: وعليكم السلام
حمد: شخبارج نوف؟؟
نوف: بخير الحمدالله شو صار فيني ؟؟
حمد: ماصار شي بس حادث بسيط
نوف: واللي دعمته صار فيه شي ؟؟
حمد: لا
نوف: وينه ابي اعتذر منه لانه خربت موتره والغلط مني مانتبهت طاح فوني ونزلت اييبه
حمد: اعتذارج وصل له يانوف انا اللي دعمتيه
نوف: سوري والله واللي تامر فيه بسويه وابوي بيصلح موترك
حمد: فجا راسج السياره وراعي السياره
- بعد ساعات راح حمد عن ايون اهلها وطلع ودشو بعد دقايق اهلها
البنات: الحمدالله على السلامه حبيبتي
نوف: الله يسلمكم
ابو اسما: خوفتينا عليج
نوف: فديتكم والله
- وعلى المغرب رخصها الدكتور وكانت الحمدالله بخير
- في البيت
موزه: خالي
ابو اسما: هلا
موزه: متى اخلي الريال يقابلك؟
ابو اسما: باجر الظهر بعد الغدى
موزه: حاضر عن اذنكم عيل بروح البيت
- وراحت مووزه وهي طايره من الفرحه ياترى حلمها بيكتمل او بينهدم كل شي بنته وحلمته ؟؟




كــــــــــــــــــــــــ ـــــــــــــت:-
- اترك باقي التوقعات لكم



لقطة: قلبي ترى يوقف اذا ماتجوني
ماتجوني ماتجوني 


























كــــــــــــــــــــــــ ـــــــــــــــــــــــــ ـــــــــــــــــــــــــ ــــــت:


- اترك التوقعات لكم

لقطه: قلبي ترى يوقف اذا ماتجوني
ماتجوني ماتجوني ..؟

[فيتامين سي]

آلبارت التاآسع عشر .؟

- رقدو الابطال بس في بطله واعيه وتفكر ياترى كيان بينجح في الاختبار ولا لا او راح ينتهي كل شي راح تنتهي قصة الحب من باجر وكيف راح يكتمل حب مزه وكيان عقب ؟؟
- اصعب شي في الحياه لما تحب شي مب ملكك
- مر اليوم على حياة كيان نفس البرق بس على موزه كان بطيء يمكن لانه موزه تعرف خالها كيف يفكر وكان بس هم كيان انه يمر هاليوم على خير ويخلص الموضوع على خير لانه صدق خلاه يتعب نش الصبح وراح الحلاق تحلق وكشخ مر على المحمصه اشترى باقة ورد نشت موزه على الظهر تسبحت ولبست وراحت بيت خالها
- كانو الكل يتريون موزه توصل تمو يشوفونها وخايفين من قرار ابو اسما يه وقت الموعد اندق الجرس ودش كيان ميلس الشباب وراح له خال موزه
كيان: السلام عليكم
ابو اسما: وعليكم السلام
كيان: شخبارك عمي؟؟
ابو اسما: الحمدالله يسرك حالي
كيان: اممم اليوم ياي اطلب ايد بنت اخوك موزه
ابو اسما: هاي الساعه المباركه ياولدي ونحن نتشرف فيك اكككككيييد
- كيان فرح وحس انه الدنيا طيرتتتته فووووووق
كيان: والله الشرف لي اني اناسبكم ياعمي
ابو اسما: بس انته ولد منو ووين تشتغل وكيف بتعيش بنتنا
كيان: انا ولد الفلاني واشتغل مندوب توصيل وعندي بيت واختي معرسه وعايش بروحي
ابو اسما: مندوب توصيل؟؟؟؟؟؟؟؟؟؟؟؟
كيان: هيه اوصل الطلبات للناس
ابو اسما: وانته تعرف موزه بنت منو ؟؟؟
كيان: هي ولو ماعرف جان ماتعنيت وييت اخطبها
ابو اسما: كيف تبانا نرضى فيك سوري ماعندنا بنات لك
- حس كيان انه الدنيا صفعته صفعه قوية , قوة رفعته لفووووق وفنف الوقت عقته على الارض كانت موزه تسمع من ورا الباب وفتحت الباب حطت عينها بعين كيان كانت تشوف الحزن والانكسار في عينه
موزه: بس خالي انا احبه وابيه
ابو اسما: موزه طلعي برع
موزه: بس انا احبه ليش يهمك النسب والمال انا شاريه الريال حتى لو يعيشني فالشارع انا راضيه انته ليش تخرب حياتي وتهدمها
ابواسما: انا اعرف مصلحتج وين ياموزه واعرف مصلحتج زيين عند منو
موزه: انته ماتفكر بمصلحتنا انته تفكر في الفلوس وبس انته اتحب الفلوس انته اناني تحب نفسك وبس
- قام ابو اسما صفع موزه كف خلا كيان ينصدم قام كيان وقف عند موزه وقال لها
كيان: شكل النصيب مب من بيننا ياموزه بس بظل احبج لاخر نفس فيني بظل احبج وحتى وانا على فراش الموت ياموزه بودع الدنيا قبل الشهاده باسمج وعقب بنطق الشهاده وبموت عل وعسى التقي فيج فالجنه اوعدج اطلع من حياتج ومابتشوفيني خير شر
- لو عرفنا نهاية حكاياتنا لما بدأناها ...؟
كيان: سمعنا بقصة الرجال هذاك اللي رفضه الحال نوى يخطب هوى قلبه
تقدم صوب ابوها وقال ياعم جيتك لحد بيتك ليد بنتك انا اتقدم على المله بشرع الله
ونص الدين ابا اتمم هي مرادي غلا فوادي طلبتك قولها لي تم فقير الحال فقير المال
غني المبدا خالي الهم اعف النفس واصلي الخمس واراعي ربي الاعظم ومهما صار
مع الاقدار ابي ارضى بالذي مقسم ..؟
تصدد وجه ابوها وطال سكوته ولا حكي ينقال تفكر ثم قال اسمع ترى بنتي لابن الخال
ياعم ارجوك لاترمي الشوك في عيني وقلبي المغروم بطهر الارض عرفنا بعض
من احنا صغار لو تعلم لاتحرمنا ولا تعدمنا وربك مارضى بالظلم
ياعم ناظر ترى الخاطر يبيها من سنين كم ياراعي الخير هوانا طير
لاتوقف في طريق الحلم وخذ مني وعد اني اخليها بمجرى الدم.؟
تمايل راس ابوها ومال يهزه يمنت وشمال همس في اذن صاحبنا
نصيبك مع سواها تنال ماهو معقول ولا مقبول اعيش الفكره
ذي ياعم بعد بنتك انا احلف لك علي تحرم بنات ادم ولو دنياي
حكاية ناي بغنيها بجرح وهم وهذا القلب عمي صعب
حلف بعشقها واقسم بقولك شي مدامي حي اموت وغيرها يحرم
بكل الياس بقول للناس حياتي خانها دررررهم 
- صد لخال موزه وقال
كيان: اختار لها الريال الللي يقدر ينسيها كيان عن اذنك
- ومشى كيان وهو شال هموم الدنيا على راسه كره الدنيا وكره اليوم اللي حب هالبنت وعذب قلبها وقلبه وكره الحب اللي ورطه وما وداه لمكان
- دام رب البشر غني الله يغنيني عن ناس ماتعرف دروب المحبه
- عند وليد
وليد: اخوج يا فاطمه ذكرني في اول يوم ييت اخطبج
فاطمه: يارب يوافقون
وليد:لا تحاتين حياتي
فاطمه: البنت وايد تحب كيان
وليد: الله يكتب اللي فيه الخير
فاطمه: امييين
- سمعو البنات صريخ فالميلس وركضو صوب الباب وانصدمو بانه موزه قاعده تصيح عرفو انه خلاص كل شي انتهى عند موزه وبهاللحظه كلهم كرهو ابوهم وهنادي كرهت خالها اللي يحرمهم من الحب عشان ملذاته للفلوس
ابواسما: مستواج سبت يابنت الفلاني كيان مب من مستوانا تسمعين
موزه: مابي مابي سبت ماحبه مابيه
ابو اسما: مب بكيفج بتتزوجينه اليوم قبل باجر تسمعين
موزه: بس انا ماحبه ولا بحبه ولا عمري بحبه خلوني بكيفي وبراحتي
ابو اسما: دام انا المسوول عنج هالناس مابتاخذينهم انتي من عايله الفلاني تتاخذين لي مندوب توصيل ؟؟
- تمو البنات يشوفونها بحنان وشفقه وكمل كلامه ابو اسما
ابو اسما: باجر عرسج تسمعين جهزي حالج باي شي وبتاخذينه ومن دون عرس ولا طقطقه ادبا لج ياللي ماتعرفين الادب
موزه: انا امي وابوي ربوني احسن تربيه انته اللي مب .........................................
- ماتحصل الا كف يسدحها ع الارض قبل لا تكمل الجمله ركضو البنات صوبها وساعدوها وودوها الغرفه يهدوها
موزه: انا مابيه الله يخليكم مابي اعرس خلاص الله يخليكم فكوني منه كلمو سبت
اسما: ماباليد حيله ياموزه يمكن خيره لج عسى ان تكرهو شيئا وهو خيرا لكم
- ونامت الاسيره على فراشها ويعلن الوقت انه بعد طلوع الشمس عرسها طلعو البنات من عندها وراحو لابوهم
اسما: ابوي على الاقل روح احجز لها قاعه وتصوير نبى نفرح كفايه جابرنها على العرس
ابو اسما: يصير خير روحو خبرو اربيعاتكم واعزمو الناس لين ماروح ارتب كل شي وخبرو راعية الصالون اتيكم باجر وخبري المصممه مالتكم اتييب الفساتين واختارو اي فستان بسرعه قبل اذان العشا ابي كل شي جاهز سمعتي ولا وبرجع وبخبركم كل شي بالضبط
اسما: ان شاء الله
- طلع ابو اسما من البيت وراح بيت سبت دق الجرس ودخلته البشكاره الميلس يه سبت باسه ع راسه وقعد وبعد دقايق يو اخوانه جمعه و خميس وسلمو على ابو اسما وقعدو
سبت: عسى ماشر عمي اول مره اتيني البيت
ابو اسما: باجر عرسك
سبت: عرسي انا؟؟
ابو اسما: هيه
سبت: من منو؟؟
ابو اسما: موزه بنت اخوي
- انصدمو اخوانه هو بنفسه انصدم هع
ابو اسما: شوفيك؟؟
سبت: ها لا ماشي بس غريبه ماصار شي يعني
ابو اسما: عب بفهمك كل شي
سبت: حاضر عمي
ابواسما: انته حاط وحده في بالك؟؟
سبت: لاوالله عمي
ابواسما: عيل خلاص بطرش كوافيره لخواتك مع المصممه يختارون فستان لباجر وبطرش لك الخياط اييبلك كنادير لك ولاخوانك وبشت لك وباجر العرس في برج خليفه
- وطلع ابو اسما من عندهم وترك الكل يتساءل ياترى ليش وبهالسرعه شو صاير ؟؟
- ومليون تعجب كان ع راسهم بعد ساعه وصلت المصممه وجهزو كل شي وتم كل شي بسلام وكل وحده عزمت اللي تعرفه
وليد: شوفيج فطوم مب زين عليج انتي حامل
فاطمه: احاتي اخوي اذن العشا معقوله من الظهر لين احين هو عندهم
وليد: يمكن فرحانين فيه
فاطمه: وايد مستوي ظريف وليد قلبي ناغزني على اخوي
- شلت تلفونها ودقت على موزه وردت اسما
اسما: الو
فاطمه: هلا مواز
اسما: انا بنت خال موزه منو معاي ؟؟
فاطمه: هيه هلا حياتي انا اخت كيان ابي اسال عن اخوي طلع من عندكم ولا بعده
- تمت ساكته اسما , ماعرفت شو تقول !!!!!!!!!
فاطمه: الوو ؟!
اسما: هلا معاج بس بصراحه ماعرف شو اقولج؟
فاطمه: شو؟
- وخبرتها كل شي صار تمت فاطمه مستغربه
فاطمه: واحين موزه شخبارها
اسما: حالها مايسر شو شعورج لو يقولون لج باجر عرسج من انسان ماتعرفينه مجرد انه محامي عندكم وماكلمتيه ولا مسولفه معاه بصراحه اول مره احس ابوي قاسي
فاطمه: انا باجر بي وبشوف موزه تكسر الخاطر هالبنت خلاص عن اذنج فديتج بدور على اخوي
- كانت فاطمه حاطه سبيكر فسمع وليد كل شي وتم ساكت
وليد: قومي بنروح بيتكم
- لبست عباتها وراحت لبيتهم لقت سيارته موجوده دشت صعدت هي ووليد لغرفة كيان
فاطمه: كيان
- وقف كيان وحضن اخته اول مه يحس انه ضعيف تم يصيح ووليد يهديه خلاص كان منفجر على الاخر
فاطمه: ياخوي حتى موزه تعذبت وباجر عرسها
كيان: باجر!!!!!!!!!!!!!!!!!
وليد: هيه وهي تبى وقفتك لاتسوي جي بعمرك عشانها
كيان: فاطمه روحي لها باجر وخلج وياها
فاطمه: حاضر من عيوني وانته مابتحضر ؟
كيان: لاطبعا بس اذا قدرتي ابي اشوفها
فاطمه: بحاول
كيان: امممم كلمي نوف او اي وحده
فاطمه: حاضر احين انته ارتاح
- وخلت اخوها يرتاح وراحت بيتها
- مر اليوم صعب على الكل الكل عوره قلبه على المخلوقه اللي مالها ذنب بس ذنبها انها حبت انسان مستحيل يكون لها
- يه اليوم الثاني نشت من الرقاد والدموع في عينها ماجفت
موزه: ليش ياربي انا شو سويت في دنياي ماقصرت في حد ولا ظلمت حد ليش تحرمني من اغلى انسان ليش تحرمني من اغلى شي كنت املكه ليش تحرمني من حلم حياتي اللي انتظرته ولقيت كل الصفات اللي احبها في هالانسان اللي خسرته ليش ليش , استغفر الله من كل ذنب عظيم
- راحت الحمام عزكم الله وسبحت ولبست راحت للبنات ولقتهم يشلون الاغراض
موزه: على وين ؟؟
البنات: الفندق
موزه: ليش العرس مو فالبيت؟
اسما: لا نبى نفرح فيج على الاقل
- سكتت موزه وراحت لبست عباتها وخلت الوقت يمر على راحته وحبت تشوف القدر شو مجهز لها بعد ؟
- ركبت السياره وانطلقو الى برج خليفه عشان موزه تتجهز لزفتها , زفتها الى الموت
- ولكن هل بيكون الموت موت حقيقي او حياه جميله

كــــــــــــــــــــــــ ــــــــــت:-
- اترك التوقعات لكم

لقطة: اوعدك ان كنت من نصيبي
لاسعدك وان افترقنا بالخير بذكرك
كل بكره كان لاحلامي امل والامل مازال بس بكرا بعيد ..؟

[فيتامين سي]

آلبارت العشرون ..؟

- عند فاطمه كانت تتلبس بروحها وتشكخ وكان وليد يشوفها
وليد: عن يخطبونج وياخذونج مني
فاطمه: لا والله والكرشه اللي جدامي
وليد: عادي بيفكرون فيني كرشه
فاطمه: وليدوه اكرمني بسكوتك
- تم يضحك وليد , ساعه بالكثير وخلصت فاطمه ولبست نعالها وراحت السياره مرو على كيان وراحو العرس عند وفا كاننت لابسه فستان زهري مخصر على الجنب وطره لفوق وخلت شعرها ملولو , وحطت ميك اب خفيف تدخنت وراحت تدخن اخوها وتوجهو للعرس
- اما عند المعرس واخوانه واخواته , البنات كشخو فالبيت مع راعية الصالون اما الشباب راحو الحلاق تحلقو وتلبسو وانطلقو الى العرس
- كان الكل حاضر خوات نوح ونوح وخليل ووفا وفاطمه وكيان اللي مادش القاعه تم برع لانه خال اسما يعرفه مايبى يسوي لها مشاكل واهل المعرس واهلها انروح للعروس اللي كل ماحطو لها مكياج تصيح وتخربه بدموعها مارامت تقاوم
نوف: بنات انتو تمكيجو وانا بقعد معاها وانتو خلصو ونزلو لانه عيب نحن خوات العروس ولا وحده فينا فالقاعه وبعد شوي بيبدى العرس
اسما: صدقج والله , يالله عيل انا ببدى اول
- ويت الكوافيره وبدت في اسما عقب هند وعقب هنادي وعقب نوف طبعا نزلو البنات تحت وكل وحده كانت احلى عن الثانيه وكل وحده تقول انا اعق الطير
- اسما كانت لابسه مديل بيج كم طويل والكم الثاني كت والفستان عباره عن تطريز كامل روووع عليها وياي على جسمها
- اما هند وهنادي كانو لابسين نفس الشي فوق ديزاين وتحت نفس حركة التنوره وعقب ساده على الجسم كانت هند لابسه عنابي وهنادي رصاصي
- اما نوف كانت لابسه فستان اصقر داكن وكان فستانها طووييييل ومنفوش وكان راسم جسمها من فوق وكانت قمر ماشاء الله عليها والعروس كاننت لابسه فستان بسيط وكان حلو ومرتب
نوف: امري ياموزه شو تبين اسويلج عشان تهدين
- اندق الباب
نوف: منو؟
فاطمه: انا فاطمه
نوف: لحظه حبيبتي
- فتحت نوف الباب سلمت عليها فطوم وراحت حضنت مواز
فاطمه: شخبارج مواز حياتي
موزه: فطوم حاسه اني بمووووت
فاطمه: بسم الله عليج حبيبتي لاتقولين جي , عادي كيان يشوفج؟؟
موزه: موجود؟
فاطمه: هيه
- دقت فاطمه لاخوها ورد
كيان: رضت؟؟
فاطمه: هيه تعال غرفة رقم 2005
كيان: اوكي باي
- شوي ووصل كيان نوف دشت الغرفه وخلتهم روحهم مع فاطمه
كيان: ليش مب حاطه مكياج ؟؟
موزه: حاسه اني مابي انزف للموت
كيان: لاتقولين جي انتي تحبيني صح ؟؟
موزه: موووووووووت
كيان: خلاص ابيج تنزلين والبسمه على شفاتج كانج داشه وتنتظرين انه حد يزفج لي
موزه: اه ياكلمه اه ياكيان ياريت والله اني مابقول لا بتم طول الوقت معاك وعندك
كيان: انتي موو لي ياموزه بس ابيج تكونين سعيده ولا قلبي بيتعب ترى
موزه: بسم الله عليك
كيان: توعديني ؟؟
موزه: بشو اوعدك
كيان: انج بتمين سعيده ومرتاحه
موزه: اه ياكيان وعد وعد
كيان: اموووووواحححح يالله البسي ابي اشوفج بكشختج عن تخرعين الحضور ههههه
موزه: هههههه ان شاء الله ,كياان
كيان: عيونه
موزه: احبك
كيان: امووتج
- وراح وهو ماسك الدمعه بس علشان موزه ترتاح وتنزل مايبى الكلام اييها او الناس ترمس عنها طلع وراح برع الفندق وتم يصيح من القهر ودعى ربه انه يسعدها
- طلعت نوف ويلست موزه تتمكيج بعد ماخلى الابتسامه على ويهها
فاطمه: انا بنزل دقيلي يوم بتخلص
نوف: اوكي حياتي
- وطلعت فاطمه وراحت القاعه كان العرس جدا فخم من كل النواحي فخم من ناحية الديكورات والصبابات وكل شي تحسين العرس عرس امير وامييره وتمت الكوافيره تعدل في موزه لين ماخلصت وعقب ساععات يت الساعه 9:40
نوف: انا بروح اشوف حد يساعدني خرا عليهم مايردون ع الفون
موزه: اوكي لاتتاخرين اخاف اقعد روحي
- لبست نوف عباتها وحطت الشيله على كتفها ومشت لتحت
................: لوسمحتي
نوف: هلا حبي
........: في عرس هني ؟؟
نوف: هيه فديتج هالصوب حياج حياج
.............: يالله نوف حبيبتي امشي
نوف: ان شاء الله ماما
- وتمت نوف تشوف الحرمه والبنت الصغيره حست انه قلبها دق حست انه البنت الصغيره تشبه حد لكن منو ماتعرف
............: نوف
- صديت انا والبنت الصغيره في نفس الوقت
نوف الصغيره: نعم بابا
- لكن انا انبلمت حسيت انه حد صب علي ماااي بااارد
................: نسيتي تاجج حبيبي
- ركضت البنت وطلعت بوسه على خد ابوها وشلت التاج وردت عند امها ودشو القاعه بس انا تميت اشوف ومنبلمه والريال لين احين ماشافني بس مجرد انه صد صوبي فتح حلجه وشهق
ناصر: نووف
- نوف تمت تشوفه ماعرفت شو تسوي تبوسه تحضنه تكفخه تعضه ماتعرف بس مالقت الا انها تمشي عنه
- ناصر صرخ شوي
ناصر: نوف ممكن اكلمج؟؟
نوف: سوري زفة اختي احين
ناصر: انتظرج هني لو كنتي تعتبرين حبنا القديم وتسوين له اعتبار وتسمينه حب
- ومشى ناصر لبرع ونووف كملت دربها لين القاعه بس فستانها علق في الكعب وماحست الا نفسها دعمت حد وتخرطفت وطاحت في حضنه طبعت بوسه على عصامته وطرف الكندوره يت بتقوم : ههههههه الموقف يفشل صراحتن المهم نكمل " يت بتقوم ردت طاحت في حضنه
جمعه: ههههه شكله حضني عايبنج
- نوف استحت قامت وهي مفتشله وتسب بالفستان وتلعنه ركضت للقاعه وهي تسب فخواتها
اسما: وينج ووين موزه؟؟
نوف: جب ادق لكم محد يرد ابي حد يساعدني
اسما: امشي الله ياخذ العدو
- راحو فوق ونزلو موزه وبعد مازادت نوف روجها ههههه دقو لراعي الفرقه عشان يشغل الزفه اشغلت وخلو موزه تدش باناقتها وابتسامتها اللي مافارقت محياها وكانها تنتظر كيان ينزف لها اللي عمره ماكان لها انزفت والناس تسمي وتقرا على جمالها وصلت للكوشه نوف وهي تتذكر جملة ناصر وهو يقول لها لو تعتبرين حبنا الجديم حب
- ماحست الا انها واقفه في نفس المكان وشوي ياها ناصر
ناصر: ما اشتقتي لي ؟؟
نوف: عادي
ناصر: ماتعبتي من التبلد اللي انتي فيه ؟؟
نوف: وانته يهمك ان انا تعبت ولا لا؟؟
ناصر: شفت ناس قاسيه بس مثلج ماشفت
نوف: العتب عليك انك ماتشوف غيري ماتشوف غير الانسانه اللي جرحتها
ناصر: تدري ما اوجعني اسلوبج للحين اكرهيني كبر السما عادي بس ماشوف قلبج حزين
نوف: انا من بعدك صرت اضحك لاشعوريا لو حد قالي احبج
ناصر: واللي كان من بيننا يانوف
نوف: كسرته بخيانتك لي ياناصر انته لا اجتمعنا دومك تعاتب وترد لي مكسور واصدقك
ناصر: واللي من بيننا يانوف
نوف: تذكر ايامنا يالقلب الدفين راحت وغيرتها السنين
ناصر: شوفيني من بعدج حزين
نوف: ههههههه ما امداها الدنيا تدور
ناصر: الله يسامحج
نوف: اميين , ناصر
ناصر: عيونه
نوف: خل عيونك لك ’ خذيتها عن حب ولا لا؟
ناصر: عمرج شفتي شخص ماخذ قلب انسان ويساله تحب ؟؟
نوف: ههههههههههه ضحكيتني
- نزلت دموع ناصر وتمو ساكتين دقايق
نوف: تصيح؟؟ وفر دموعك ياناصر انا امو لك انا لغيرك
- شهق شهقة طوييله
نوف: شفت حالتك احين هاي حالتي انا يوم خنتني وتركتني واكثر عن جي ياناصر يوم انك قررت اتخوني وتلعب علي يوم قلت لي انك تحب غيري توك حسييييت بعد ماياتك بنت توه قلبك يحن توك تذكرت وحده اسمها نوف توك ياناصر توك
- وصدت عنه وعقب تذكرت شي ووقفت وصدت صوبه وقالت
نوف: ناصر شوف السما وادع ربك ترى ربك كريم
- همست لناصر وقالت
نوف: لو يمر الوقت ياناصر وضليت تحاول معاي مابرجع لك لو على مر السنين مارجعت لك لو على مر السنين ياناصر
- الله عليك عذبتك يوم انا .. الله عليك بجيتك يوم انا
- تنساني من باجر تنساني .. ويتهنى اللي حبيته بمكاني
- مشت نوف وكانت بتدش القاعه
جمعه: ااااي
نوف: ههههههه بسم الله تخبلت؟؟
- وكانت تخفي دموع عيونها اللي يمكن تفضحها
جمعه : لاعشان تصدين ياقمر
نوف: الحمدالله والشكر
جمعه: تدرين انج حلوه؟؟
نوف: عن اذنك
جمعه: اقولج
نوف: نعم؟؟
جمعه: انتي اخت اسما؟؟
نوف: هيه بنت خال العروس
جمعه: اها انزين , اقولج
نوف: هلا
جمعه: بخبرج سررر
نوف: شو؟
جمعه: ريحة عطرج لين احين فخشمي وخبلت فيني
- نوف استحت ودشت عند القاعه




كــــــــــــــــــــــــ ـــــــــــــــــــــــــ ـــت:-
- هل حب من اول نظره من جمعه ونوف ؟؟
- موزه وحياتها اليديده مع سبت؟؟
- واترك باقي التوقعات لكم

[فيتامين سي]

آلبارت الواحد والعشرون والاخير .؟

- تمو يرقصون وايببون مرت الساعه على موزه سريعه وهي تسمع مال الفرقه يقول انه المعرس بيدش راحو البنات لبسو عبيهم وزفو المعرس اللي دخلو المعرس : خميس وجمعه ونهيان
- جمعه وهو يمشي كانت عينه تدور على صاحبة العطر والروج والحضن ههههه طبعا كانت هي منخشه عنه لانها مفتشله سمعت نوف البنات يرمسون عنه ويتفدونه حست بالغيره وكانه حبيبها عقب قالت .
نوف: شو ها جنه ريلي عشان اغار 
......: يازينه شوفيه اوف ياريته بس يشوفني نظرة مشغول هو مادري شو يدور
.......: سكتي الله ياخذ عدوج
- كان قلب موزه يدق بسرعه وماحست الا ايده تمسك ايديها وباسها على راسها ورفع الغشوه منها حس انها ترتجف رص على ايديها
سبت: مبروك
موزه بصوت مبحوح: الله يبارك فيك
- تصورو صوره جماعيه
ابو اسما: اسما
اسما: هلا ابوي
ابو اسما : زقري اخواتج وخوات سبت بنتصور صوره جماعيه
- راحت اسما زقرت خواتها وخوات سبت ويلسو يتصورون وكان جمعه طول الوقت يطالع نوف وهي مستحيه هههههههههه خلص العرس وراحو المعاريس الغرفه نوف ساعدت موزه بعد ماتم سبت يسلم على خواتهه واخوانه
ابو اسما: يالله على السياره
- ركبو البنات السياره وردو البيت
- عند موزه ونوف
موزه: مبروك يا انا , خايفه نوف حييل
نوف: لاتخافين حبيبتي كلنا حواليج وسبت طيب لاتظلمينه
موزه: الله كريم
- ساعدتها نوف انها تعق فستانها وعدلت لها المكياج وتمت تشوفها عطرتها وزهبت لها العشا وطلعت
نوف: مبروك سبت
سبت: الله يبارك فيج اختي الغاليه عقبالج ان شاء الله
نوف: ان شاء الله
- نزلت نوف تحت بعد ماشافت انه القاعه فاضيه ومحد فالممرات دقت لاسما اللي توهم يطرون نوف ونسوها فالفندق
اسما: هلا نوفي
نوف: وينكم؟؟
اسما: في البيت
نوف: وانا نسيتونيي
اسما: مانتبهنا كنا تعبانين
- نوف سكرت في ويه اسما من القهر
نوف: قالو شو قالو تعبانين
- طلعت برع لقت سياره تتحرك ووقفت صوب الباب
- نزل الدريشه جمعه وقال
جمعه: اقدر اساعدج
نوف: شكرا
جمعه: اكيد؟؟
نوف: هيه
- يه بيمشي مالقى الا نوف تزقره
نوف: لو سمحت
جمعه: نعم
نوف: تقدر توصلني البيت
جمعه: اكيد لي الشرف
- يت نوف بتركب ورا
جمعه: لاتعالي حذالي ورا في اغراض
- نوف استحت وركبت حذاله وصدت صوب الدريشه
جمعه: في حد ينسى القمر
نوف: ماحب المجاملات
جمعه: ما ااجامل والله , صدق انتي قمر
نوف : شكرا
جمعه: لا شكر على واجب
نوف: بس ها مب درب البيت وين رايحين نحن انته اصلا تندل بيتنا
جمعه: هيه بس انا ابعد الدرب ابي اسولف وياج
نوف: احب صراحتك هههههههههههه
جمعه: هههه اعجبج لانه ماعندي شي اخبيه عليج وحلاة العلاقه تبدى بالصراحه ولا احب اجذب احب اكون صريح دووم
نوف: اها
- جمعه تم ساكت ووصلها البيت يت بتنزل مسك ايديها
جمعه: ابصراحه انا معجب فيج انا مابي اقولج ابي اكون حبيبج لا ولا ابي اكون وياج علاقة حب ابي اتزوجج على سنة الله ورسوله ابي اتقدم لج لو ييت لابوج وكلمته بتوافقين ؟؟
- تم يطالع نوف ونوف ساكته وبلعت ريجها وبطلت الباب ونزلت ومشت لداخل البيت كان ابوها واعي يترياها
ابو اسما: السموحه يابنتي ماقصدت انساج
نوف: لاعادي يبى حصل خير
- ومشت عنه وراحت لغرفتها وقفت جدام الدريشه فتحت الستاره لقته بعده واقف عقب شوي تحرك كان يطمن عليها اذا وصلت ولا لاوكان يشوف اي غرفه ليتها بيشتغل سكرت نوف الدريشه و تمت تشوف نفسها في المنظره وقعدت ترمس نفسها
نوف: مافي شي ناقصني جمال ودلال ليش ماحب كل خواتي بيعرسون بتم مع منو واللي كنت انتظره كسرني وجرحني يوم عرفت انه متزوج رغم انه لو ياني ويصيح ويعتذر كنت برجع له لو رجع وهو شاريني كنت بتزوجه وبوافق عليه بس كسرني واييييد وانا كسرته كسرته انا كسرته بكبريائي لازم انساه وللابد وراح اسلم قلبي للشخص اللي يستحقه ويستاهله ومابي اخيب ظن جمعه فيني
- وراحت نوف الحمام عزكم الله تبدل لبسها وتتروش شوي
- انرد للمعاريس طبعا دخل سبت على موزه
سبت: مبروك ياعروسه
- موزه تمت ساكته وعيونها تدمع
- سبت قرب منها
سبت : شوفيج ليش تصيحين؟؟
موزه: مافيني شي
سبت: انا اعرف كل شي واعرف انه انتي ماخذتني بالغصب واعرف انج ماتحبيني بس والله مو بيدي شي بس في شي واحد اقدر اسويه اني راح اسعدج طول ما انا عايش لاني حبيتج ياموزه
موزه: شكرا سبت
سبت: باجر طيارتنا ممكن احين تريحين وانا بنام في الصاله واذا احتجتي اي شي ازقريني ووعيني عادي
موزه: ان شاء الله
- راح سبت متوجه للصاله
موزه: سبت
سبت لا اراديا: عيونه حبيبي
موزه استحت : شكرا
- غمز لها وراح للصاله ينام بعد ماخذا شاور ولبس بجامه
- عند اسما فالغرفه
خليل: اليوم كنتي قمرررر
اسما: صدق
خليل: والله
اسما: عيونك الاحلى
خليل: يالله متى دورنا
اسما: قريب ان شاء الله
خليل: يالله نرقد بسج سهر اخاف على عيونج


كــــــــــــــــــــــــ ـــــــــــــــــــــت:-
يتبع البارت الاخير ...؟؟



لقطة:-
حبيبي لو تروح اظل بعدك انا مجروح , ومالي انا اي روح على بعدك
وياما قلت انساك لقيت قلبي انا يهواك, صعبه علي انساك يامالكني
تعاااال لحظه بس اسمعني لحظة وافهمني انا بقول , اقول اني ابنساك
قلبي فز يهواك اذاني , مسحوووووور لاشك مسحووووور
فيك يامغرور اهواني .
ابي منك وعد ابد ماتخليني , واحلى وارقى من كلام الحب تهديني
وتبقى لي .. 
ابيك تكون دوم جنبي وابد ما تفارقني ولا هالناس تغيرنا
بس الموووت يفرقنا h

[فيتامين سي]

يبتع الباآرت الاخير ..؟

اسما: اوك حبيبي انتبه على نفسك واتلحف عدل
خليل: ان شاء الله حبيبي تصبحين على خير ياقلبي
اسما: وانته من اهله
- يه الصبح كان شخص من امس يالس على البحر من امس يالس يتذكر هذا المكان اللي جمعهم هذا هو البحر اللي مسك فيه ايديها ولقاها بارده وكانت دموعه تسبقه يلس على البحر فتح الرسايل وطرش لها مسج من دون وعي وكان اخر مسج من عنده
كيان: مبروك عرسج يوم جالج نصيبح مبروك للي يسعد بشوف لقياج
شفت القدر ماحقق اني اجيج ولا حقق اني التقي يوم وياج
افرح على شوفج ولا ابغي مغيبج وامشي على طيفج واصبح لطرياج
ابوج وامج اجبروني اسيبج وخلوني ارحل من حياتج ودنياج
وين انتي ياللي خاطري مهتني بج وزهرة شباب مازنتني بلياج
القلب ياقلبي تراه قريبج يمر سير عليه وشوفي تاليها بقاياه
به صورتج دايم ودمعة حبيبج والقلب يوقف يوم ييفقد محياج
لكن قدر ري وحكمة يصيبج وتغيب واذكر غيبتج مع هداياج .
- طرش لها المسج وكتب لها اخر شي درب السلامه ياقلبي وطلع الرقم وكسره راح الدوام قدم على استقالته ورجع البيت شل لبسه وراح بيت اخته ونزل ودق الباب
الخدامه: السلام عليكم بابا كيان
كيان: هلا ازقري فاطمه
الخدامه: اوكي ان شاء الله بابا , تعال داخل
- دخل كيان داخل وشاف لييث
ليث: مرحبا بالنسيب حياك حياك
كيان: هلا اخوي عيل وينهم عنك الجماعه
ليث: فوق بعدهم مانزلو
فاطمه: هلا باخوي هلا بقلبي وروحي توه مانور البيت
وليد: الا استوى ظلام
كيان: ههههههههههه النور نورج اختيه فديتج
- وصد على وليد
كيان: بتفقدني بعد شوي
فاطمه: ليش ياخوي وين بتروح ؟؟
كيان: بسافر
فاطمه: ليش؟
كيان: بروح اكمل دراستي بررع
فاطمه: عشان تنساها ؟؟
كيان: لا
وليد: خليه على راحته يافاطمه اللي صار له مب شوي
فاطمه: اتحبها ياخوي ؟؟
كيان: لا
- فاطمه حضنت اخوها بالقووووو
وليد: لاتقلبينها مناحه بنروح له كل ااجازه
ليث: تروح وترد بالسلامه اخوي كيان
كيان: مشكور الغالي وحياكم في اي وقت
- وودع اخته وقال لوليد
كيان: وليد’ ترى فاطمه في رقبتك ليوم القيامه انتبه عليها عدل ودير بالك عليها امانه
وليد: لاتحاتي تم
- باس كيان اخته وسلم عليهم وطلع متوجه الى المطار ولكن .
















يا ايتها النفسس المطمئنه ارجعي الى ربك راضيه مرضيه , ان لله وانه اليه لراجعون
فاطمه: الو
.......: مرحبا اخت كيان ؟؟
فاطمه: هيه نعم
........: كيان عطاج عمره
- تمت الجمله تتردد ع اذن فاطمه وهي مب مستوعبه اللي تسمعه صدق ولا شو
سبت: جهزتي مواز؟
موزه: هيه
سبت: يعني مو ناقص شي؟؟
موزه: لا
- وراحو الموتر متوجهين للمطار
سبت: شوفيج حبيبي
موزه: ماشي حاسه قلبي قابضني يعورني
سبت: مافي شي وسلامتج قلبج حبيبتي
- مسك ايديها وطممنها انه مافي شي وكل شي بخير
- في بيت ابو اسما
- نوف وهي راقده تسمع حصا على الدريشه فكرت العصفور وعقب فتحت الدريشه لانه الضربات زادت لقت بالون مكتوب عليه احبج وباقة ورد انصدمت ههه طار النوم من عينها وايقت لقت جمعه
- جمعه وهو يصرخ
جمعه: صباح الخييير
نوف: مينون؟
جمعه: مينون فييج
- وخلاها ودق الجرس على ابوها وطلع ابو اسما
ابو اسما: هلا جمعه سبت فيه شي؟؟
جمعه: لا عمي ابيك بموضوع
ابو اسما: حيااك حياك داخل
- جمعه دش البيت ويا ابو اسما
- عند فاطمه طاح الفون من ايديها وتمت تصييح انصدم ليث ووليد قرب منها
وليد: حبي شوفيج؟؟
فاطمه: كان اخر حضن كان اخر وداع كان يجذب علي ويقولي رايح المطار يكمل دراسته برع كان رايح عشان ينساها كيف يمووت هو ماقالي بمووووت
- حضنها وليد ودمعت عين ليث ع حالها
وليد: حبي شوفيج حياتي اهدي شو فيج تهلوسين منو مات
فاطمه: اخوي كيان مااااات اخوي دعمته سياره ومات اخوي ولييد راح مابسافر عشانن اشوفه ولا بيلعوزني راح ولييد رجعووه ابييه ابي احضنه ابي ابوسه مابخليه يطلع ابييه
وليد: استغفري ربج حبيبتي مب زين جي تقولين
فاطمه: ابي اشوفه ابي احضنه الله يخليك ودني عنده ابي اروح له الله يخليك
وليد: روحي حبيبي لبسي عباتج
- راحت فاطمه تلبس عباتها وليث راح يشغل الموتر وراحو المستشفى
- في المطار وهي تتريا الطياره كانت يالسه على الكراسي فتحت تويتر شافت جنائز الامارات
- كيان محمد في ذمة الله
- انصدمت وقفت من الصدمه
سبت: شوفيج حبي
- تمت تصييييييييييييح من دون صوت تمت تشاهق وووووووووووووو فجاه طااااحت من طولها
- انصدم سبت ووقف خايف عليها وشلاها ووداها ع الاسعاف
الدكتور: شوفيها ؟؟
سبت: ماعرف فجاه اغمى عليها
الدكتور: لازم ينقلونها المستشفى نقلوها ودخلوها الغرفه
- طلع سبت يترياها صوب الباب شاف وليد وراح له
وليد:هلا سبت
سبت: اهلين مامن شر؟
وليد: والله اخو حرمتي توفى من ساعه
سبت: منو كيان؟؟
وليد: هيه الله يرحمه
- تم سبت ساكت ماعرف شو يقول وعرف وتاكد انه موزه طاحت بسبت كيان
وليد: وانته مامن شر ياخوي
سبت: والله حرمتي ياها انهيار عصبي
وليد: سلامتها طمنا عليها عيل
- مشى وليد عنه وخلا سبت يروح لحرمته اللي مايعرف شو ذنبها اتحب شخص مو لها
- مرت الايام وسو العزا وتم 3 ايام وموزه كانت في المستشفى ماترمس ولا تقول اي كلمه مر اسبوع شهر شهررين وهي ماترمس طلعوها من المستشفى وردت بيت اهلها الكل كان حولها يحسسها بالامان لكن تمت ساكته وتصيح بدون صوت وتتعالج عند دكتور نفسي ومجرد انها تذكره دموعها تنهمر غزيييير غزييير

كــــــــــــــــــــــــ ــــــــــــــــــــــتت:-
- فاطمه كانت حامل وربت يابت بنت وولد وسمتهم كيان وموزه وعاشت احلى حياه مع وليد كان كل يوم حبها اكثر عن قبل وكل يوم يزيد حبهم لبعض عسى الله لا يفرقهم
- اما خليل تزوج اسما وهنادي تزوجت نوح وليث تزوج هند وعاشو حياتهم وكانو مرتاحين بعد العنا الطويل
- اما جمعه ونوف تزوجو بعد عنا طويل هههههههههه لانه كل مايخطبها نوف ترفضه وخمس مرات تقدم لها ورفضته خلته يشيب منها وطلعت له الشعر الابيض
- اما وفا فخذاها نهيان عن طريق خواته رشحوها له وكان يحبها حيييل لانه ماكان يعرفها اصلا بس حباها بعد العرس

النهاية:-
كنت ابي اخلي كل نهاية حب تنتهى وتكون سعيده وجميله
لكن القدر ماجمع حبيبين على ضف النهر وان جمعهم جمعهم بعد عناء طويل
جمعهم على الصمت على الفراق على التكبر والغرور
فهل يوجد في زمننا هذا كحب ابطالي
ام هذا الحب مجرد في المسلسلات والخيال والروايات؟؟
اللي يحب من قلبه اتمنى انه يكون قد الحب ويكون صادق
عشان مايكون الحب بس في المسلسلات والخيال
اتمنى روايتي تنال اعجابكم
ترقبو جديدي قصه واقعيه بعنوان انجبرت احبك في مسافي


لقطة من خواطري :-
محتاجك عمر محتاجك حياه
محتاجك امل ..؟
خلك بقربي ترى قربك راحه
خلك بدنياي لانه حياتي من دونك الم
خلك بحياتي لانه انته الاكسسجين
خلك املي الوحيد لانني لا اومن بوجود الامل
خلك شعوري يوم يموتن احاسيسي
خلك قد الحب لما عشقتني
خلك قد الوفا يوم ملكتني
خلك وخلك وخلك
احبك يامن سكنت بوسط قلبي
احبك يا اول واخر حروف اسمي


- انتظر الردود الجميله اختكم الحب اختياري
- 14-4-2015
- 12:17 am
في مايو اول نظرة وفي يوليو اول الفرقى وفي اغسطس اول لقى
ممكن نعيد اول لقى ياخلي ؟؟


done

[فيتامين سي]

[ندى تدى]

رائعه وجميله جدا

شكرا ويعطيك العافيه

[ام هناء]

رواية حلوووة
موفقة يالغلا