آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-05-15, 08:27 PM
| #11 | ||||||||
| مراقبة عامة ومشرفة منتدى الروايات المنقولة  
|  الجزء السابع بيت ابو رنيم مشاعل كانت قاعده بغرفتها تفكر باللي صار لها من يومين مشاعل :وربي احبه الكلب.. بس مستحيل يحس فيني.. مدري وش ممكن اسوي عشان يشوفني ولا حتى يعبرني.. هذا وانا محد يقدر علي ولا يقدر يقاومني ، بس هو مدري شلون ماهو حاس.. وفوق هذا وذاك شافني قدامه ولا حركت فيه شي.. امم يمكن لانو وجهي ما كان مبين مرره .. بسوي المستحيل عشان يحبني .. لو وش يكلفني .. قررت تنزل تحت تشوف مين في نزلت ولقت رنيم بالصاله اللي تحت تتفرج على التلفزيون .. مشاعل قعدت جمبها: وش تسوين ؟؟ رنيم: شوفة عينك.. مشاعل: غريبه طالعه من قوقعتك .. مو بالعاده تكونين هنا تتفرجين على التلفزيون رنيم: قلت اغير جو.. وانزل مشاعل: والله انك غريبه وغير البشر.. الحين الناس تطلع بره البيت تغير جو وانتي تغيرين جو بتغييرك للغرف؟؟ رنيم: هذي انا عاد مشاعل: طيب قومي نطلع سوى رنيم:مالي خلق.. مشاعل بسخريه : انتي من متى كان لك خلق اصلا؟؟ رنيم ما ردت عليها ومشاعل زفرت بقهر من اختها رنيم التفتت لها: اقول مشاعل .. متى ناوية انشالله تبدين دراسه وتسجلين؟؟ مشاعل بلا مبالاة: بعدين بعدين رنيم: ومتى يعني؟؟؟ مشاعل: يعني مو الحين رنيم بسخريه: طبيعي مو الحين.. اصلا الترم ما بقى له شي.. فكري بمستقبلك ولو مره وحده عمرك عشرين منتي صغيره ترى مشاعل: واللي يسلمك يا رنيم تكفين مالي خلق ازعاج ولا حكي ماله داعي رنيم ترفع حاجب: تسمين خوفي عليك حكي ماله داعي؟؟ والله انك غريبه مشاعل عينها على التلفزيون ولا ردت عليها رنيم قامت بهدوء من مكانها مشاعل بدون ما تطالعها: على وين؟؟ كلما جيتك انا لمكان بتقومين منه؟؟؟ رنيم: انتي بحركاتك هذي تبعيدن الكل عنك.. وانا مو اي احد على فكره انا اختك .. يعني اذا اختك معد صارت تطيق الجلسه معك بمكان واحد هذي تعتبر اكبر كارثه مشاعل التفتت لها بنظرة سخريه وابتسامه: صدقيني ياروحي منتي اكبر همي .. وصدت رجعت تناظر للتلفزيون رنيم طبعا هاديه ولا قالت شي زياده مع انها من جوه تغلي مووووت ما ودها تكون اختها كذا .. تبي تصير مع اختها مثل باقي الناس مع خواتها لكن وش تسوي .. تحركت للدرج وتوجهت لغرفة امها طقت الباب مرة ومرتين وعشر بس ما ردت .. تذكرت انو ابوها اصلا مسافر.. فقررت تدخل لقت الغرفه بااااارده موووت وظلام .. سمعت صوت انين بعيد شوي.. بحكم انو غرفة امها وابوها كبيره مرررررة قطبت شوي وهي تستوعب الصوت .,. قربت من سرير امها وفتحت الابجورة .. لقتها عابسه بقوة رنيم بقلق: ماما؟؟ ام رنيم:..... رنيم هزت على خفيف: مامااا ام رنيم : هممممم ام رنيم: وش فيك ؟؟ ام رنيم: مافيني شي.. رنيم: شلون مافيك شي وانتي تتألمين حتى اونتي نايمه .. ماما قومي اوديك المستشفى ام رنيم : ما يحتاج رنيم شوي وتبكي: شلون يعني ما يحتاج.. انتي صار لك فتره ماهي قصيره وانتي تعانين من الالم القوي براسك ولا انتي راضيه تكشفين ومكتفيه بالمسكنات هذا مو كلام.. اذا انتي ما همتك صحتك انا تهمني صحتك ام رنيم ما ردت عليها اكتفت بتنهيده قوووية طالعه من قلب رنيم: ماما اجيب لك شي؟؟ ام رنيم: ابي مسكن .. رنيم ركضت لدروج امها اللي تحتفظ فيها بالادوية حقتها وطلعت لها مسكن وصبت لها كاسة مويه ناولتها حبه وشربتها موية ام رنيم : رنيم حبيبتي سكري النور تكفين احس راسي بينفجر.. وانا لنام شوي لين اطيب رنيم وحالة امها مو مريحتها ابد: طيب.. طفت نور الابجورة وقعدت على احد الكنبات الموجوده بالغرفه وهي تسمع انين امهاا وتتقطع من جوة عليها .. صارت تدمع بهدووء.. اسوأ شي انك تشوف شخص غالي عليك ويسوى الكون بعيونك.. يتألم ويعاني وانت مو قادر تساعده ولا حتى تخفف عنه .. وهذي مو اي احد .. هذي امها .. انتظرت ربع ساعه لين هدا الانين .. وشافت ملامح امها ارتخت.. اتطمنت لانو المسكن بدا يعطي مفعوله .. غطتها وطلعت من الغرفه .. راحت تتوضى وتصلي لها ركعتين تدعي فيها ربي انه يشفي لها امها ويطمن قلبها عليها... بيت ام عبدالرحمن ام عبدالرحمن كانت قاعده بالصاله مع احفادها رند ورائد لانو امهم وابوهم جابوهم لهم عشانهم طالعين مشوار .. قعدت الجده تراقب احفادها وهم متحمسين ويلونون وعلى شفايفها ابتسامه كلها حنان دخلت عليها اثير.. اثير: السلام عليكم ام عبدالرحمن: هلا والله .. وعليكم السلام والرحمه اثير: ماما .. ليش قاعده لوحدك؟؟ وين غدير عنك؟؟ ام عبدالرحمن: نايمه اثير: هوووو ولا قامت حتى تصلي؟؟ ام عبدالرحمن: الا الا .. تقوم تصلي وتنام من جديد .. الله يهديها نومها ملخبط .. اثير: اي والله .. الله يهديها . ام عبدالرحمن: زين انك نزلتي .. كنت ناوية اناديلك .. اصير: خير ماما ؟؟ ام عبدالرحمن : كل الخير.. طبعا تعرفين انو احنا طولنا بالرد على ام مشعل .. وهي الصراحه الحرمه مستعجله .. اثير سكتت منحرجه وهي تتذكر الموقف اللي صار لها مع مشعل بالعزيمه ام عبدالرحمن: ها حبيبتي؟؟ وش ردك؟ موافقه ولا؟؟ اثير سكتت ام عبدالرحمن : لا تشيلين هم يمه .. اخوانك سألوا عن الرجال وهو بصراحه والنعم فيه ولا ينعاب ابد .. واهله ناس طيبين وانتي تعرفينهم زين ، وانا من رايي انه مناسب لك .. وانا واخوانك موافقين عليه.. بس الراي الاول والاخير لك انتي يا غلاي.. ؟؟ اثير:..... ام عبدالرحمن: هههههههههههه يابنتي لا تستحين .. ها موافقه ولا لا .. اثير وهي مستحيه: موافقه ام عبدالرحمن ارتاحت والفرحه بانت عليها: على بركة الله.. اجل ... وقاطعها صوت التلفون يرن ام عبدالرحمن: الوووو ام مشعل: السلام عليكم ام عبدالرحمن ابتسمت: هلا والله وعليكم السلام الطيب عند ذكره والله ام مشعل: ههههههههههه انشالله بالخير.. ام عبدالرحمن: اكيد بالخير حبيبتي ام مشعل: طمنيني عليك وعلى الاولاد .. عبدالرحمن وعياله وزوجته شلونهم وكيف سالم وشغله؟ ام عبدالرحمن: والله الحمدلله والشكر كلهم بخير ونعمه يارب لك الحمد ام مشعل: الحمدلله يارب.. يلله عاد نبي نسمع الاخبار الزينه وذيك الساعه عروسة سالم عندي ام عبدالرحمن: ههههههههههههه ربي يسعدك يارب.. كان زين والله يوم المنى ازوج سالم بس وين اللي يقنعه ام مشعل : لا تحاتين دواه عندي .. وزاوجته على يدي انشالله ومن نقاوتي.. ام عبدالرحمن:وانا اكره .. يازين نقاوتك والله ام مشعل: اكيييييد امني اخترت لولدي الزين كله اثير .. اللي ادعي كل يوم ربي يكبتهم لبعض ام عبدالرحمن: وشكل ربي بيستجيب.. ام مشعل بفرحة: يعني موافقه اثير؟؟ ام عبدالرحمن وهي تناظر اثير بحنان: اي موافقه ام مشعل: الله يبشرك بالخير .. خلاص انشالله الاسبوع هذا يجي ابو مشعل ويطلبها رسمي من اخوانها .. وبعدها باسبوعين الملكه ام عبدالرحمن: هههههههههه مستعجله يا نورة ام مشعل: اي وربي مستعجله اكثر من ما تتوقعين ام عبدالرحمن: اجل على خيرة الله ... بيت ابو مشعل ام مشعل بعدما قفلت من ام عبدالرحمن التفتت على دلال اللي معها بالصاله ام مشعل بابتسامه: وين مشعل؟؟ دلال: طالع من العصر.. ام مشعل: افففف وينه الله يهديه .. كلما بغيته ما القاه.. دلال": خير يمه ؟؟ ام مشعل: كل الخير.. اثير وافقت على مشعل دلال بفرحه: صدق والله ام مشعل: اي .. دلال: الحمدلله .. باقي عاد مشعل يوافق.. ام مشعل بعدم اهتمام: بيوافق غصب عليه .. دلال: ......... ام مشعل: والاسبوع هذا بيروح هو وابوه انشالله عشان يطلبونها رسمي.. وبروح انا وخالتك ام وليد وعمتك الجوهره وخالتك خلود دلال: وخالتي فوزية؟؟ ام مشعل كشرت: لا ويييه قطع انشالله .. مابيها تشبر وجه الشوم ذي دلال: ههههه ليش يمه يا كافي ام مشعل: بس مابيها تجي ذا الحسوده .. عمري ما شفت حرمه مثلها والله .. حتى عيالها ما سلموا منها دلال سكتت: الله يعنيهم يارب.. ام مشعل: انا بروح ابشر ابوك دلال: اوكي.. -=-=-=--=-=-=-=-=----=-=-=--===-=- استراليا كان بندر وماجد مجتمعين مع اصحابهم بالشقه .. لانهم كانو بيودعونهم لانو سفرتهم بعد يومين .. حمد: هاااا شباب بنفقدكم والله ماجد: والله حتى احنا بندر: اما انا عن نفسي مارح اشتاق لاحد فيكم عبدالله: وليش عاد بندر: عللللله وناشبين لي وكل شي حمد: لا تحسبنا ميتين عليك بندر: اكيد ميتين علي ولا ماكنتوا بشقتي الحين حمد: اقول انطم انت.. ولا ينفع معك غير كذا معروف عن بندر وحمد انهم دايم يتناقرون .. عشان كذا الوضع عادي.. ومستحيل يجتمعون الا وهم متطاقين ماجد: ههههههههههه قوموا تماسكوا احسن لكم بندر: والله ودي لؤي : اقول عاد شباب .. لا تنسون اللي وصيتكم عليه.. بندر: هههههههههههههه انت جاد؟؟ والله كنت احسبك تمزح لؤي: يابووو .. هذا شي ما ينمزح فيه .. الدعوه فيها كبيسه حمد: وش كبيسته ؟؟ ماجد: هههههههههه الاخ يبينا نجيب له رز من هناك لؤي: ياخي رزهم هنا سامج.. ما ينفع اسوي فيه كبسه .. وانا بصراحه ولهااان على الكبسه الزينه ، ما اكلتها من 7 سنين .. جيبولي لو كيلو واحد انا راضي حمد:ههههههههه تكفى لا تصيح علينا لؤي : بتطولون هناك؟؟ ماجد: لا انشالله بس شهر وراجعين حمد: اي بعد .. لا يكون اكثر .. بندر: لا ماهو اكثر انشالله .. الا انتو ليش ما تجون معنا؟؟ حمد: انت عارف او اخواياك دشير .. يبي لنا ندرس ونشد حيلنا .. احنا نبي ذا الشهر من الله اصلا عشان ندرس ونرتب امورنا فيه .. خلاص كلها ترم ونتخرج الحمدلله بندر: الحمدلله .. هانت .. ماجد: لو انكم تدرسون زيي اول باول ما صار لكم اللي صار الحين ..شوفني اسم الله علي ما افارق الكتاب لحظة .. بندر: هههههههههههههه والله لو انه رانيا ماجد بنص عين: وش قصدك؟؟ بندر: ابد سلامتك .. حمد: ماجد.. انت للحين انت ورانيا ؟؟ احسبك ساحب عليها من زمان ماجد: يا ذا الرانيا اللي مسببة لكم ازمه بحياتكم.. لا ياخي ماني ساحب عليها ارتاح وشيل ذا الفكره من بالك بندر انقهر من كلام ولد عمه .. هي تستغل فيه وهو قاعد يعشق لي فيها عبدالله: شكل الوضع جدي.. ماجد بجديه: واكثر من جدي والله .. بندر : اللللله يعينك على نفسك ماجد: اقووول انطم وقوم جب لنا عشا ولا اطلب لنا بيتزا .. بندر: قايم اصلا بدون ما تقول انت وخشتك .. وظلوا الشباب بين المناقر والسوالف العاديه لين بعد الليل -=-=-=-=-=-=-=-=-=--=-=-=-=-=-=- بيت ام عبدالله ام عبدالله كانت قاعدع مع زوجة ولدها امل ومها وعبدالله ..كانوا يسولفون ويتقهوون والجو حلو عليهم مها كانت تلاعب ولد اخوها سعود ومبسوطه عليه: ياناسوووووو عليه يجنن ذا الولد طالع على عمته عبدالله: كثري منها بس.. طالع على ابوه وبس..ولا لا يا امل امل بابتسامه حلوة : اكيد عبدالله: جعلي فدا ذا الابتسامه انا امل استحت بقوووة لانها مع خالتها ومها مها: احم احم عيب ترانا كلنا هنا ام عبدالله بابتسامه : عقبال ما اشوفك تلاعبين ولدك يا مها مها وهي تحط سعود بحضن امه: ويييييييييييين يمه مطوووله مررره انا.. بالله ويني ووين الزواج يبي لي وقت ام عبدالله: لا وقت ولا شي .. اول ما يجي نصيبك بقضبك الباب مها: هههههههههههه حلوة ذي ماما .. انواع الطرده ام عبدالله: اي والله ماعندي بنات انا يقعدون عندي.. اول ما يجي الرجال الزين خلاص مع السلامه وش تنتظر عندي؟.؟ مها: اجل جعله يبطي ... توي ماشبعت منك ام عبدالله: لا شفتك طولتي القعده هنا انا بنفسي بخطب لك وازوجك على حسابي مها: واللللللللله .. وليش كل هذا انشالله .. دامك متحمسه مرره زوجي خالد مسكين ام عبدالله تتافف: انا لللله .. لعد احد يجيب لي طاري زواج خالد .. خليه يستنى له فتره .. توه ما استقر عبدالله: يمه مسكين خليه يتزوج، اخطبي على الاقل ام عبدالله بحزم:" اللي يبي رضاي بذا البيت لا يجيب لي طاري زواج خالد.. عبدالله ومها سكتوا.. امل: الا خالتي ترى اليوم دقت عليك خالتي ام مشعل كانت تبيك ام عبدالله: صدق؟؟ ما قلت لك وش تبي؟؟ امل: لا والله ما قالت لي .. بس تقول انها دقت على جوالك وطلع مقفول.. ام عبدالله: يابنتي انا ما احب ذا الجوال يعور اذني.. ما احب احكي فيه ولا استعمله .. مها: هههههههههههه عزتي يمه ام عبدالله بغرور: فشششر انا لسه شباب .. عبدالله: ههههههههه عسى الله يطول لنا بعمرك .. ام عبدالله : اميييين يارب وافرح فيكم كلكم.. امل حبيبتي قربي لي التلفون من جمبك قامت امل وجابت لخالتها التلفون: سمي ام عبدالله دقت على بيت اخوها وردت عليها الهنوف الهنوف: الوووووووووووو ام عبدالله: هلا واللللللللللللللللللله بحبيبتي الهنوف: هلا عميمه هلا كيفك ام عبدالله:زعلانه عليك الهنوف: افااااااا يا عمه .. في احد يزعل من الهنوف الحلوة شيخة البنات ام عبدالله: اي فيه .. انا .. وينك يا حافظ لا تكلمين ولا تسألين ولا تقولين لي عمه اسأل عنها ولا شي الهنوف: سامحيني عمة اسفه .. بس تعرفين الدراسه يعني وبلاويها ام عبدالله: ههههههههههه والله لو اشوفك تدرسين بعيون مير ماني مصدقه الهنوف: هههههههههههههههه اجل زين انك عارفتني الله يهديك وشو له تخليني اكذب اجل ام عبدالله: اااه منك انتي بس ما يقدر عليك الا ربك الهنوف: تربيتك ام عبدالله: ههههههه يا جعلي ما خلا .. الا وين امك؟؟ الهنوف: دقيقه ... وراحت تنادي امها ام مشعل: هلا والله ام عبدالله: هلا بك والله .. وش اخباركم وش علومكم؟؟ ام مشعل: بخير يا وجه الخير ام عبدالله:قالت لي امل انك داقه علي.. امري؟ ام مشعل: ما يلمر عليك عدو.. بس حبيت اقول لك اني خطبت لمشعل واني ابيك تجين معي عشان نطلب البنت رسمي ام عبدالله بفرحه: ماشاللللللللللللللللله عالبركه والله.. ومن بنته؟؟ ام مشعل: بنت ام عبدالرحمن ال... يصيرون حمولة اختي ام عبدالله: الله يتمم على خير.. خلاص انشالله من عيوني .. ومتى تبينا نروح؟؟ ام مشعل: ابد الاسبوع هذاا خير البر عاجله وش له نتأخر وانا بصراحه مستعجله على زواجة مشعل .. تعرفين بعد وحيدي وودي افرح فيه بدري ام عبدالله: على خيرة الله .. وانشالله الله يتمم على خير وتفرحين فيهم ام مشعل: امين يارب.. وقعدوا يسولفون شوي وقفلوا مها: يمه مين بيتزوج؟؟ مشعل ولد خالي؟؟ ام عبدالله: اي .. خالتك نورة تقول لي انها تبيني اروح معها عشان نخطب رسمي مها: الله يتمم له يارب..ومن بياخذ؟؟ ام عبدالله: حمولة اخت خالتك ام مشعل.. مها تحاول تركب الوضع وتتذكر وقالت بشهقه : اثيييير؟؟ ام عبدالله: اي اثير مها: ياحلووووووها يا نااااس والله انها مافي منها بنت مؤدبه وحلوة ام عبدالله : الله يهنيهم يارب.. والتفتت يمين ويسار ام عبدالله: هوو وين عبدالله وامل وسعود مها: ههههههههه وش فيك يمه الله يهديك .. استأذنوا منك وقالوا بيروحون يجهزون عشان بيروحون لاهل امل يتعشون عندهم ام عبدالله: هوووو .. ما انتبهت لهم مها: لانك كنتي متحمسه بالمكالمه ام عبدالله: كان خلو لي سعود طيب مها: خليه يمه يروح اكيد جدته تبي تشوفه ام عبدالله: على قولتك بيت ابو ماجد ايان تدور بالبيت وهي بقمة الطفش ..دخلت غرفة اختها لقتها تكلم بالجوال ايان: اففففففف وانتو ما تملون اشرت لها ليان عشان تطلع بس ايان ولا كنها تشوف ليان: ها حبيبي؟؟ لا ولا شي بس ايان دخلت عندي... هههههههههههههه اي اي .. وش اسوي فيها طيب... ههههههههه محمد من متى انشالله.... هههههههههه طيب طيب ههههههههههههههههههههههههه ههههههههههههههههههههههههه ههههههه ايان تتطنز عليها وتقلدها بضحكتها: هههههههههههههههههه يا بثرررررررركم ليان عطتها نظرة: طيب حبيبي اجل انا اخليك الحين وبقفل خليني اشوف وش تبي ايان.. ايي اوكي ولا يهمك .. مع السلامه ايان: ما بغيتي !!! ليان: انتي وش فيك ؟؟ ما تذكرين انو عندك اخت الا لما اكون اكلم محمد؟؟ ايان: يختي اعتقيه ترى بيزهق منك ليان: اولا عيب عليك تدخلين بين اثنين متزوجين.. ثانيا وش تبين عندي قالقتني تراك ايان: انا زهقانه .. ابي اطلع ليان: ويا مااااالك من الزهق ماشفتي شي .. خلي هبالك انتي ومتعب ينفعكم .. اجل سواتكم بامي شوي ايان: ياربيييي وانتي عاد لازم تذكرين فيني انتي ووجهك ليان: اي .. لين تكبرين وتعقلين ايان: اففففف منك.. وسكتت وكنها سرحت بعالم ثاااااني ليان تطالعها: هووو وش فيك انتي انهبلتي؟؟ وين وصلتي؟ ايان: معك ليان:لا وربي كذابه مو معي ايان: اففف منك انتي مزعجه مززززززعجه ليان طلعت عيونها ورمتها بالمخده اللي كانت بحضنها.. ليان:دامني مزعجه وش تبين جايتني بغرفتي ؟؟ ايان: ابيك تونسيني ليان: احد قال لك اني مهرجة البلااااط؟؟ ايان: مو كذا يا حماره .. تعالي نسهر على فلم .. ليان : مو الحين تونا على السهر .. الساعه 10 ايان: طيب متى تبين نتفرج؟؟ ليان: امممم انا من رايي ننزل المطبخ نسوي لنا شي ناكله ايان: يختي ما احب ادخل المطبخ ليان: وانا قلت ادخليه كل يوم؟؟ الحين بس نسوي لنا عشا خفيف نتعشى بعدين نجهز للامسيه الحلوة حقتنا ايان سكتت تفكر ليان: الله واكبر عليك .. كل ذا تفكير تعالي بس خلنا ننزل ايان: ابي فيتوتشيني .. ليان تسحبها من يدها بخفة: من عيوووني احلى فيتوتشيني لعيونك الحين نسويه ايان : ماني مقطعه البصل لو تفحطين ترى ليان:ههههههههه زي منتي حابه * على الرغم من انهم يتطاقون كثير لكنهم مره يحبون بعض ذا الاختين .. << زيي انا واختي بالضبط *_^ بعد يومين .. يوووم وصول ماجد وبندر بالمطار كان بندر وماجد يسوون الاجراءات عشان يمشون قعدوا على جمب يشربون لهم قهوة بندر وموده مو حلو : ياخي ما لقيت الا طياره بصباح ربي .. من الفجر عاد .. حتى النوم ما امداني انام واسترخي الا وانت فوق راسي ماجد: ههههه وش اسوي .. يا هذا الوقت يا مافي الا بعد اسبوعين .. بندر: لا حووووول ماجد: خلاص روق ياخي .. شوي وتركب الطياره وتنام انشالله.. ولما نوصل الرياض عاد نام لك 3 ايام ماني مقومك لا تخاف بندر بنص عين وهو يشرب القهوه: ما تنظمن اصلا انت .. الله يفكني منك بس ماجد: هههههههههه يا حمار .. من غير شر..سكت ماجد وهو يشوف اللي جايه من بعيد صار يتأملها بحب وهي تقرب منه .. تأمل شعرها البني اللي يوصل لاكتافها وعيونها البنيه الفاتحه الناعسه .. وطولها الحلوو.. صحيح ماكنت طويله مرره بس عادي بندر لاحظ انو ماجد بدى يروح دنيا ثانيه والتفت وراه عشان يشوف متنح فيه ماجد .. ويوم شاف رانيا اللي تقرب من طاولتهم كشر وصد رانيا: صباح الخير ماجد بلهقة وشوق: ياصباح الانواااار .. يا صباح الشوووق والحب رانيا: كذا تروح بدون ما تودعني ماجد: امس شفتك حبيبتي .. وشوفة عينك احنا الحين بفجر الله ولا حبيت انك تصحين من الفجر عشان تودعيني | ||||||||
|  |
|
25-05-15, 08:30 PM
| #12 | ||||||||
| مراقبة عامة ومشرفة منتدى الروايات المنقولة
| رانيا: وش دعوه حبيبي.. هذا حجي ينقال؟؟ ان ما ثمت لك اقوم لمنو؟؟ ماجد: ياروووحي انتي رانيا انتبهت لبندر: صباح الخير بندر بندر ما طالعها اصلا وقال بدون نفس: يا هلا رانيا عطته نظره وجلست بالكرسي اللي جمب ماجد: اي حبيبي متى الاقلاع؟؟؟ ماجد: شوي انشالله وينادون على الرحله رانيا بدلع: مو تتأخر علي .. ماجد: لا حبيبتي لا تخافين .. انشالله كلها شهر واجي لك من جديد رانيا: تروح وترجع لي بالسلامه ... قعدوا يسولفون شوي لين اعلنوا عن الرحله .. بندر من اسمع الاعلان نط من الكرسي حقه كنه مقروص وقعد يلم اغراضه البسيطه اللي شايلها بيده ماجد: على وين ؟؟ بندر: عن اذنك يا غالي بروح الرياض .. ماجد طالعه بنص عين والتفت على رانيا ، يللا حبيبتي اشوفك على خير ، وقف ومد يده عشان يسلم عليها بس هي رمت نفسها بحضنه بجراءة خلته يصنم مكانه انفاسه تسارعت ودقات قلبه زادت ولا تحرك من مكانه .. رانيا حطت راسها على صدره بجرأة وصارت تدمع له دمعتين .. ماجد مرره ماكان على بعضه حس ان الدنيا وقفت من حوله ، اول مره تسويها بحياتها واول مرة تكون بهالقرب منه .. لا اراديا منه ضمها زياده ومسح على راسها بحنان ماجد بحب: وش فيك ياروحي رانيا بدموع كاذبه: مابيك تخليني بروحي هني .. ماجد : برجع ياروحي ماني مطول رانيا والدموع بعيونها": توعدني؟؟ ماجد بابتسامه حلوة: اوعدك حبيبي بندر اللي كان يراقب من بعيد ومنصدم من اللي يشوفه.. في اجرأ من ذا البنت ؟؟ لااا هذي تعدت حدود الجراءة صار اسمها وقاحه .. والاخ ماجد ليش ساكت لها كذا ولامها .. انا قااااايل من اول ولد عمي خلاااص راح فيها عليه السلام .. ماكله عاقله ذا البنت ولا قام يفكر بين العيب والحرام بالطياره .. وبندر وماجد بمقاعدهم بندر وصل قبل ماجد وركب قبله شوي وحس بماجد يقعد جمبه وتنهد بصوت مسموع تنهيده من الاعماااااااق بندر وهو مغمض عيونه: عسى ماشر ماجد: ما قد شفت دموعها..ضاق صدري مررره بندر فتح عيونه والتفت له وهو يحط يده تحت دقنه: وش ذا الرومنسيات اللي قدام خلق الله ماجد: لا تطالعني كذا .. حتى انا انصدمت لما ارتمت بحضني بندر: كيف سمحت لها؟؟ ماجد: ادفها يعني بندر: لا استغفر الله ماجد: ياخي وش فيك كلما حكينا عنها نتخانق.. خلاص دام الوضع ماهو عاجبك لا نحكي عنها ابد ممكن بندر: يكون احسن .. من ذا الناحيه صدقني انا اللي بكون كسبان .. ورجع غمض عيونه ماجد بعصبيه: افففففففففف بيت ابو بندر ريما كانت تستعد عشان دوامها ، ناوية تطلع اليوم بدري لانو عندها اشياء ضرورية لازم تخلصها بالجامعه قبل ما تدخل محاضراتها .. لبست وخلصت ونزلت عشان تفطر .. بس استغربت انها ما لقت اختها.. لانو ديما هي اللي الوحيده اللي تفطر بالبيت الصبح عشان هي الوحيده اللي بالمدرسه ولازم تطلع بدري... ريما: بسم الله على اختي وينها؟؟ .. رقت تشوفها بغرفتها طقت الباب عليها مرتين بس ماردت ..فتحت الباب بشويش ودخلت لقت الغرفه كلها ظلام بظلام وبارده ابرد من الثلج .. قربت للسرير لقت اختها ناااايمه وبسابع نومه ريما: ديما حبيبتي ديما: همممممم ريما: ليش ما قمتي؟؟ منتي مداومه ديما بصوت مخنوق: لا تعبانه ريما بقلق: بسم الله عليك .. وش فيك؟ ديما: مدري بس الظاهر زكمت .. حلقي يألمني وراسي مره يعورني ريما بعتب: كل هذا من الايس كريم اللي اترجاك امس ما تاكلين منه كثير.. لا وبعد فوق هذا تبسحين ساعتين وتنامين لي بالبرد ديما: يوووو ريما خليني تكفين مالي خلق نصايح الحين ريما: تحتاجيني ضروري؟؟ لازم اداوم ولا كنت قعدت معك ديما: لا روحي مو مشكله ريما : طيب انا بروح اجيب لك الدوا واقول لهم يسوون لك شي حار .. تبين فطور؟ ديما: اي شوي وانزل جوعانه.. ريما: طيب شوي بجيب لك الدوا.. طلعت ريما من غرفة اختها وتوجهت لغرفتها عشان تجيب الدوا.. لفت نظرها غرفة امها .. النور مولع يعني اكيد هي صاحيه، الحمدلله بقول لها انو ديما تعبانه عشان تنتبه لها طقت الباب.. ام بندر: ادخخخخخخل ريما: صباح الخير ام بندر بدون ما تطالعها: صباح النور ريما: كيفك ماما؟؟ ام بندر: بخير .. نعم؟؟ ريما بلعت ريقها : ماما ديما تعبانه ام بندر بلا مبالاة: وش فيها؟ ريما : حرارتها مرتفعه وحلقها يعورها و ... قاطعتها ام بندر: يعني مزكمه..وش المطلوب مني؟؟ ريما: يعني كنت ابيك تنتبهين لها ام بندر: عشان انعدي منها؟؟؟ لا حبيبتي روحي بس خلي وحده من الخدم يسوون لها كمادات ويعطونها شي عشان تطيب ريما: ماما ديما محتاجه رعايه واهتمام .. ما اظنها بتلاقيه عند الخدم.. ام بندر: اي لا تخافين نادي لها سوما هي بتهتم فيها وتراعيها زي امكم سوما هذي ربتهم كللللللهم حتى بندر .. وصار لها عمر مو هين عندهم حوالي 30 سنه من اول ما تزوجوا ام بندر وابو بندر.. ريما دمعت عيونها: طيب ..وطلعت ام بندر بتريقه: بعد تبيني اقابل بنت ابوها المريضه ... ودت ريما الدوا لاختها..ووصتها لو احتاجت شي تنادي سوما .. وانها بتروح شوي الجامعه وبترجع لها بس حق ساعتين وراجعه .. وهي نازله لقت انوار مكتب ابوها شغاله قررت تدخل تصبح عليه .. بس قبل مسحت دموعها اللي خانتها وطقت الباب ابو بندر: ادخل طلت ريما براسها وقالت بنعومه: بابا ممكن ادخل؟؟ ابو بندر: هلا امي انتي ..اتفضلي تامرين على المكتب وصاحب المكتب ريما بابتسامه : مايامر عليك عدو حبيبي.. وباست راسه ابوبندر: صباح الورد ريما: صباح الخير حبيبي ابوبندر: وش مقومك بدري حبيبتي؟؟ ريما: بروح بدري الجامعة عندي كذا شغله ابي اخلصها على بدري عشان الامتحانت قربت ابي اقعد بالبيت اذاكر على راحتي ابوبندر: اللي يريحك .. وطالع بعيونها شوي ابوبندر: ريما يابوك.. وش فيك؟؟ ريما: وش فيني؟؟ ابوبندر: وش فيها عيونك محمره ؟؟ انتي باكيه؟ ريما: لا لا ابد .. بس لسه ما شبعت نوم ابوبندر وهو يفتح حضنه لبنته : تعالي يا دلوعتي قربت منه ريما وقعدن على رجله زي لما كانت صغيره ابوبندر: انا اعرف بنتي حساسه مررره.. وانا عارفه انو اي شي ممكن يضايقك.. قولي لي حبيبتي فضفضي لي.. ريما وهي تقاوم دمعتها : مافيني شي بابا صدقني بس نوم ابوبندر بشك: يعني امك ماسوت لك شي؟؟ ريما بسرعه: لالالالالالا ابد ابوبندر: طيب حبيبتي.. احلى مافي الموضوع اني عارف انو بنتي ما تكذب ريما نزلت راسها.. ابوبندر: لا تنزلين راسك.. مو بنت سلمان ال... اللي تنزل راسها ريما رفعته بفخر وابتسامه حلوة زيها ابوبندر: اي حبيبتي كذا ابيك دايم.. طول ما انا عايش راسك ذا ما ينزل يابوك ريما حضنته: عسى ربي ما يحرمني منك يارب ابوبندر: ولا منك حبيبتي ريما: بابا ترى ديما تعبانه شوي .. ابوبندر بخوف: وش فيها؟؟ ريما: مزكمه.. ولا هي مداومه ، انا بروح شوي الجامعه وبرجع عشانها ابوبندر: لا روحي حبيبتي وخذي راحتك وانا بنتبه لها .. ريما: لا بابا خلاص انا قلت لها وكذا .. وغملت حسابي على اني ماني مطوله بس شغلة ساعتين لا اكثر ويمكن اقل ابوبندر: الله يحنن قلبوكم على بعض يارب ريما: ويخلينا لبعض ويخليك لنا يارب.. ابوبندر باس راس بنته بحنان: يلله حبيبتي روحي عشان تلحقين على اغراضك.. وانا كمان شوي وبروح للشركه عندي شغل كثير ريما: طيب حبيبي.. وقامت من حضنه بعدما باست راسه ,, وهي بتطلع من الباب التفتت له ولقت يناظرها بنظرات كلها حنان ريما: بابا ابوبندر: ياعيون بابا ريما: تكفى لا تسافر من جديد ابوبندر يأشر لعيونه ..يعني من عيوني ابتسمت وطلعت من المكتب والبيت بكبره وهي مرتاحه بالجامعه دلال كانت تتمشى مع ايمان .. ايمان: الجوو جمييل يختي دلال: اي والله .. ودي كذا نسوي باربكيو وسباحه وجو ثاني .. ايمان : اي والله فكره مش بطااااااله دلال نطت وكنها تذكرت شي: اييييي ما قلت لك؟؟ ايمان: وشووووووو دلال: خطبنا لاخوي مشعل.. ايمان: ماشالللله ..عالبركه دلال: الله يبارك بعمرك.. والله لو تشوفين امي محتاسه حوسه مافي مثلها بذا الخطبه .. كنو ولدها اول من يخطب بالدنيا ايمان: ههههههههه طبيعي .. لانه وحيدها دلال: وخطب اثير بعد ايمان: اثير؟؟ دلال: اي اثير.. اللي جت عندي بالعزيمه .. ايمان تذكرت: اللي شعرها بني طويل؟؟ دلال: ايوووووووة ايمان : ياحلوووها .. احلى عروسه .. الله يهنيهم يارب، عقبالك دلال: ههههههههههه انا توني يبي لي شويات ايمان: اي انشالله .. مو بكيفك دلال : كنك امي هههههههههه ايمان: انا من يومي وامك تعجبني دلال:ههههههههههههههه مشت ولقت بنت وقفت قبالها وعطتها نظرة احتقار ولفت دلال استغربت .. انا وين شفتها ذي؟؟ ايمان : شفتي بنت اللذين دلال: اسفهيك منها بس.. تهاني لاميرة: شفتيها الحقيره ولا عبرتني اميره: انتي وش عليك فيها؟؟ خليها بقريح تهاني: تقهرررر مستفزة.. واثقه من نفسها مره اميره: ما عليك منها يختي اقصري الشر تهاني بغيض: عساها العمى مشوا البنات للبوابه .. ولقوا ريما جايه واخلاقها قاااافله دلال: صباح الخير يا قميييييل ريما بدون نفس: صباح النوووووور.. دلال: وش فيك ماده البوز شبرين؟؟ ريما: ديما تعبانه دلال باهتمام : وش فيها؟؟ ريما: انفلونزا دلال: سلامتها ما تشوف شر ايمان: انا مدري انتو من ايش مخلوقين.. انفلونزا تراها ما تخوف ولا تستاهل القلق هذا كله ، بنات الذوات لازم يصيرون كذا قلقانات وحالتهم حاله .. تشرب كمون وتصير حصان ريما ابتسمت غصبب من حكي ايمان دلال: حبيبتي لا تخافين انشالله بتكون بخير ريما: انا عالعموم بخلص شغلي بسرعه وبرجع البيت ماني حاضرة ولا محاضرة ايمان : يا بنتي لا تكبرين الوضع .. شوية تعب ويزول ريما: معليش هي مالها غيري .. لازم اروح لها .. بيت شذى شذى كانت قاعده تغسل الملابس وتنشرها .. كانت تغسل بحماس وقهر وهي تفكر بالموضوع اللي رجعت منيره تفاتحها فيه من جديد امس واللي ما تعرف من وين طلع لها .. منيره: يا شذى لا تتهورين .. فكري وبعدين ارفضي على كيفك شذى: انا قلت لك يا خالتي زواج من ولد اختك هذا ماني متزوجه لو يكون اخر رجال في الدنيا منيره بحقد وهي تبان من جد على حقيقتها منيره: انا مدري اصلا انتي شايفه نفسك على ايش.. بنت فقر لا رحتي ولا جيتي .. تتمنين اصلا تتزوجين واحد عنده فلوس ومستقر بحالته الماديه .. وممكن يعيشك بنعيم .. كل هذا شوفة حال .. لانك مغتره بجمالك يعني شذى: انا عمري ما شفت حالي ولا اغتريت بجمالي على قولة حضرتك.. وولد اختك هذا ممكن يعيشني بخير على قولتك بس مامنه ولا فيه ولا اصلا يجي منه الخير.. عارفه ليش؟؟ لو انه فيه خير من الاساس وربي مبارك له بماله .. كان ما رمى امه المريضه لحالهاا وهي مالها احد غيره .. وكان غرقك وغرقها من خيره اللي هو عايش فيه .. كان وقف بوجه ابوي كلما جا يمد يده عليك.. لانه سندك وسند امه بهالوجود .. ودام مافيه خير لاهله طبيعي مارح يكون فيه خير لي منيره بحقد وهي تغلي: هو كفوك اصلا وبتاخذينه غضب عليك.. رضيتي ولا لا .. فوافقي احسن لك بدل ما اقول لابوك واخليه يغصبك من جد شذى: ماني موافقه يعني ماني موافقه منيره: جربي منتي خسرانه شذى:ههه ل حبيبتي اسفه .. هذي حياة ماهي لعبة .. اجربه وبعدين يرميني زي الكلبه ومين يدري يمكن يكون معي طفل ولا اثنين .. شكرا حبيبتي يفتح الله ..اقعد ببيت ابوي اكرم لي.. منيره قامت وهي تتقطع من القهر والغيض وهي تتحلف وتتوعد بشذى شذى رجعت لواقعها بصوت الباب اللي ينطق راحت فتحت الباب وطلعت اريج اريج باعجاب: يازيييييينك وشهالحلا شذى تطالع نفسها ورفعت حاجبها: اي حلا يرحم ام امك اريج: تجنيين .. شكلك كيوت ويدك ماليها الصابون وانتي بذا اللبس طالعه كنك نانسي عجرم بـ اه ونص شذى ضحكت: هههههههههههههههههه نانسي مره وحده .. المهم يا بطتي وش اخبارك؟؟ اريج بعدما فصخت عبايتها وقعدت جمب صديقتها تعاونها بالغسيل: ابد حبيبتي مبسوووووطه شذى: عسااااه دووم.. وش مفرحك خليني افرح معك اريج: من شوي كنت عند خالتي ام علي.. * ام علي هذي حرمه كبيره موجوده بالحي .. وحيدة ، مزوجه ولدها الوحيد وهو مسافر يشتغل بالشرقيه ومخلي امه هنا بناءا على طلب منها لانها ماتقدر تخلي اهلها واصاحبها وجيرانها على قولتها.. يزورونها اريج وشذى دايم ويساعدونها بالشغل وتعطيهم اللي فيه النصيب شذى: ايوة وش فيها ؟؟ اريج: وكانت عندها مرت ولدها.. اللي تشتغل بالخياطه وكذا ، طلبت مني اساعدها بالخياطه هنا لانها تشتغل هناك وتبي احد يمسك لها الشغل هنا بالرياض.. وبتعطيني نسبه من الارباح شذى فرحت لصديقتها: صدددددق؟؟ مبروووووك حبيبتي والله شي زين ،مرة فرحت لك على الاقل تشغلين وقتك وتكسبين لك كم قرش.. اريج: اكيييد .. ولااا بعد مو بس كذا شذى : وشو بعد يا ام المفاجئاااااااات؟؟؟؟ اريج: الله يسلمك قلت لها عنك وانك صديقتي الروح بالرووووح .. وانك شاطره بالخياطه ويمكن احسن مني بعد فقالت حلوووو شذى بعدم تصديق: يعني تقصديييين؟؟ اريج: نعم نعم .. لقيت لك شغل شذى ماهي مصدددددقه .. فرحت مو سايعتها ، من جد كانت تبي لها شي يسليها بدل القعده بالبيت وكمان دخل لها شذى بصراخ وحضنت اريج: ااااااااااااااااااااااااا ااه يا حبيبتي انتتتتتتي.. الله لا يحرمني منك يااااارب وربي فكيتي لي ازمه اريج:هههههههههههههههه عشان تعرفين اني انا من جد صديقتك المنقذة شذى وهي تدمع من الفرح والفخر بصديقتها: انتي مو صديقه ، انتي بجد اخت .. ولا لي بالدنيا غيرك يا اريج وقعدت تبكي بهدوء اريج حزنت على صديقتها بس قالت بمرح وهي تحضنها: افااااااااا ووين راح حبيب القلب دام مالك غيري هاا؟؟ شذى بابتسامه كلها حب: هذاك عاد شي ثاااااااني .. هذاك دنيتي وحبي .. هذاك هو الشي اللي لو قعدت احلم فيه طول عمري مستحيل يتحقق لي اريج:لا يا شذى لا تقولين كذاااا تكفين ومسحي دموعك الغاليه مابي اشوفك تبكين ابد شذى تنهدت بقوة مسحت دموعها وابتسمت ابتسامه تجنن: كذا حلوو؟؟ اريج: واحلى من الحلا بعد شذى: الله لا يخليني منك .. اريج: ولا منك حبيبتي.. يلله عاد عشان المناسبه الحلوة هذي وفرحتنا اللا متناهيه .. ابيك تقومين تغسلين وجهك وتلبسين عبايتك باخذك مشوار شذى: مشواار؟؟ وعلى وين انشالله ؟؟ اريج: ابد الله يسلمك.. بنروح لفارس احلامي بقالة ابو حمدي عازمتك على ايسكريم جامبو من عنده شذى: هههههههههههههههههههههههه احلى عزيمه بعد اريج: اي حبيبتي احمدي ربك .. تراه بريالين .. زين مني ماجبت لك ايسكريم الامل هذاك .. تراه بريال .. شذى: هههههههههههههه الله يسلمك .. خيرك سابق يام شذى اريج: انا كريمه وانتي تستاهلين شذى:ههههههههههههههههههههه� �هههه بيت ابو بندر ديما كانت بسااابع نومه .. منن التعب ماهي حاسه بحاجه مسكينه ..شوي والباب ينفتح بقوووة عليها بس هي مسكينه ما حست .. الدوا مأثر عليها جامد دخل سلطان بشوووووووويش ووقف عند سرير ديما بالضبط وقعد يتأمل فيها .. وبعدين تسلق السرير بصعوبه بيدينه الصغيره لين وصل بعد جهد جبااااار واستقر قبال ديما بالضبط.. والاخت ابببد ماهي بالدنيا سلطان: ديمممماااا ديما:........... سلطان على صوته شوي: ديمممماااا قووووومي ديما:........ سلطان: انا اكلمك ليث ما تردين علي؟؟ ديما: همممممم سلطان: ليث مارحتي المدرثه؟؟ ديما: سلطان وخر عني سلطان: لييييث؟؟؟ ديما وهي تتغطى بالبطانيه: سلطان انا تعبانه لا تقعد عندي بعدين تتعب سلطان: يعني انتي عندك بوبو ؟؟ (بوبو = عوار ) ديما:هههههه ايوة عندي بوبو سلطان: زيي هنا؟؟؟ ويأشر على اصبعه المجروح من يومين وحاط عليه لزقه ديما وهي تسايره وتوخر عنها البطانيه بس ساده فيها فمها ماتبي تعديه : ايوة .. بس البوبو هنا وهنا .. وتأشر على حلقها وخشمها سلطان ببراءة نزل من السرير بدون ولا كلمه زياده وراح لغرفته يركض ديما:ههههههههههههه وين راح هذا ؟ رجع سلطان بعد دقايق ومعه علبة لزقات الجروح ..وحاول يتسلق السرير من جديد بس ذا المره كان اصعب عليه لانو معاه العلبه ديما ضحكت عليه ..وشالته بسرعه وحطته على السرير وبعدت عنه شوي ديما: ايش هذا حبيبي؟؟ سلطان:هذا لزقة زيي .. ويأشر على جرحه ديما: طيب وش اسوي فيها؟؟ سلطان وهو ينثر اللزقات اللي بالعلبه كلها على السرير : عشان احط لك على البوبو ديما:هههههههههههههههههههه� �هههههههههههههههههههههههه هههههههههههههه حبيبي ما يصير احط اللزقه لانو البوبو جوه سلطان سكت وهو معقد حواجبه شوي: طيب ابلعيها وتروح جوه ديما هنا انفججرت من الضحك: ههههههههههههههههههههههههه هههههه حبيبي انت .. ما قاومته باسته بقووووووة على خده وحاست شعره سلطان : يلله اختاري.. تبين الزرافه ولا الفيل؟؟ طبعا هذي الاشكال المطبوعه على لزقات الاطفال.. ديما تجاريه: ابي بسه سلطان: لا لا البثه حقت بنات ديما: ههههههه وانا بنت سلطان ما عجبه الحكي وطلع لها اللي عليها اسد : وفكها ولزقها على خشمها وحلقها ديما:هههههههههههههههه سلطان بفخر: اي اثد زيي .. ديما ودها تقوم تاكله .. ياعمري عليك قمة البراءة شوي ودخلت عليه مدبرة البيت اللبنانيه المدبره: شووووو سولطان انت هووون تؤبر البي الهي ديما: اييي يا حلوة .. بعديه بليز مابي اعديه المدبره: شو بيكي ديما ؟؟ ديما: زكام فظيع شوي ويقضي علي المدبره: دخيل الله .. ما تشيلي هم علأ بصلح لك شي حار مشان تروقي ديما: لا لا مابي شي بنااام المدبره وهي تشيل سلطان: خلص متل ما بدك ..يللا سولطان حبيبي تعا نلعب بالجنينه سلطان: اوكي.. باااي ديموو ديما تأشر له: بااااي سلطان : لا تثيلين اللزقة ديما:هههههههه طيب ...وطلع سلطان ديما حطت راسها على المخده .. اللي كان ثقيل من الصداع والحراره .. واستلمت للنوم من جديد بصعوبه .... بالجامعه خلصت ريما اشغالها كلها على السريع عشان ترجع البيت لاختها .. قعدت باحد المقاعد اللي بره واتصلت على السواق بس مارد عليها وصارت تدق تدق تدق لين رد عليها قاسم : نعم ريما: وينك انت ليش ماترد؟؟ قاسم : انا مشغول مع ماما كبير ريما: طيب عاد رد علي مو تخليني كذا قاسم بصوت عالي شوي: هدا ايش سوي انتي في كلم كتير الحين تعال .. انا في شوغول مع ماما ريما طلعت عيونها: وجع انشالله تعال صفقني احسن .. ووين كريم؟؟ قاسم: كريم في روح مزرعه عشان سوى سوى عمال ريما: طيب انا ابي اطلع الحين وش اسوي؟؟ قاسم: انت صبر انا بعدين يجي ممكن ساعه 11 ريما بعصبيه: بعد تدبرني على كيفك.. اقول انقلع وقفلت بوجهه ريما بصراخ: اكررررررررررره سواقنا .. ودقت على امها ام بندر: نعم ريما:ماما انتي وينك؟ ام بندر: مالك شغل.. وش تبين .. ريما وتعودت على رد امها: ابي السواق،، يعني اذا كنتي ببيت او كذا خليه يجيني لو سمحتي يرجعني البيت ويرجع لك على طول ام بندر: ووين كريم؟؟ ريما: كريم شكل بابا راسله المزرعه ماهو هنا ولا هو حولي اصلا ام بندر: اسفه ماني مستغنيه عن السياره الحين ..خلي ابوك يخليه يرجع السواق عشان ياخذك او انه يجي بنفسه ياخذك .. ريما: ماما لو سمحتي مارح اروح لاي مشوار ثاني غير البيت انتي عارفه انو ديما تعبانه ومحتاجة لي ام بندر بحزم : قلت لك احتاجه الحين .. وديما ماعليها شر بالبيت عندها سوما خلاص اففففف.. وقفلت الخط ريما شوي وتنهار ..ودها تبكي وتنفجر بالدنيا كلها,, هذي ام ؟؟ هذي تستاهل احد يناديها ام ؟ لاهي تنتبه لبنتها ولا مخليتني انتبه لها .. مشت من مكانها بشويش وهي حاطه يدها على فمها تكتم عبراتها ..ماتبي احد يشوفها وهي تبكي ابد ...انواع القهر بقلبها .. الحين ديما محتاجتها وهي تمشي خبطت بكتف وحده .. ماشافتها من الدموع اللي بعيونها ريما بدون ماتناظر البنت: اسفه البنت عقدت حواجبها : ريما !!! ريما التفتت : هلا مها مها بخوف: وش فيك حبيبتي ريما: مافيني شي مها: كيف مافيك شي؟؟ وتأشر على الدموع اللي بعيونها .. وهذي ايش؟ ريما ما قدرت تمسك نفسها حضنت مها وصاحت مها خافت: ريما وش فيك بسم الله عليك وش صاير؟؟ ريما: ....... مها لاحظت انو البنات قاعدين يطالعونهم واللي بدا يقرب ويبي يشوف وش السالفه .. انواع اللقافه طبعا مها: تعالي حبيبتي معي .. وخذتها وراحوا وحده من القاعات الدراسيه اللي كانت فاضيه .. مها":وش فيك حبيبتي احكي ليش متضايقه؟؟ ريما تبكي:...... مها: وش السالفه فهميني والله خبصتي قلبي ريما وهي تشهق: ماني.. عارفه .. ليش .. كذا... مها: وش اللي ليش كذا .. ماما ريما فهميني وش السالفه ترى من جد خايفه عليك ريما تكمل بكى ولا هي راده على مها مها استغفرت ربها وطلعت موية من شنطتها وشربتها وسمت عليها لين هدت ريما شوي مها: يلله حبيبتي قولي لي وش فيك الحين ؟؟ ريما بهدوء: مافيني شي.. مها: كيف ما فيك شي وانتي دموعك على خدك عيت تنشف ريما:......... مها: ريما وش فيك ؟؟ ديما فيها شي خالتي او خالي فيهم شي؟ ريما كنها تذكرت شي: ديما مها:وش فيها؟؟ ريما: تعبانه من الصبح ابي ارجع البيت اتطمن عليها.. مها: طيب كلمي السواق وارجعي ريما السواق الحين مشغول ماهو فاضي ابد .. مها: طيب ترجعين معي البيت ؟؟؟ ريما: لا مابي ابي ارجع لديما الحين ابي اتطمن عليها قبل كل شي مها: امممم اوكي.. انا الحين خلصت محاضراتي وبرجع البيت خليني اوصلك ريما بدون تفكير: اوكي .. بالسياره .. كانت ريما بقمة الهدوووء ولاحكت ابدا .. لين ما وصلوابيت ابوعبدالله مها: يلله ريما ريما استوعبت انو هذي مو فلتها: وين مها؟ مها: هههههه بيتي .. وش فيك امداك نسيتيه ؟ ريما: بس انا قلت لك انو ابي اروح بيتنا مها: مارح اخليك تطلعين من بيتي الا وانا متطمنه عليك سامعه ولا لا ؟ ريما: مها لو سمحتي .. مابي الحين شي غير اني اتطمن على ديما مها: انا مو مقتنعه انو كل اللي فيك هذا من تعب ديما !!! ريما وهي تبعد نظرها عن مها: عاد هذا اللي صاير مها تمسك يدها: ريما انا مو صغيره ولاني اعرفك من كم يوم.. انتي بنت خالي وصديقتي واختي اللي ما جابتها امي .. صحيح اني احيانا اكون مقصره بحقك ,, ولا اجيك ولا احكي معك دايم ، بس انتي تعرفين انك بقلبي قبل كل شي.. ريما: ......... مها: واكيد انك عارفه كمان انو يهمني مصلحتك قبل كل شي ريما كانت محتاجة كلمات زي كذا تشجعها من جد.. ولقت نفسها تدمع .. مشكلتها حساسه ومن جد اي شي يأثر فيها .. مها انتبهت لها وحضنتها من جديد:/ بسم الله عليك حبيبتي .. ريما:...... مها: يلله عاد مسحي ذا الدموع وخلينا ننزل الحين ونحكي جوة على راحة راحتنا ريما هزت راسها يعني طيب دخلوا جوة ولا لقوا احد بالصاله مها: غريبه وين امي.. ريما:.......... مها بصوت عالي تنادي: ماااااماااااا شوي وطلعت لها امل من وحده من الصالات امل: هلا واللله مها بابتسامه : هلا بك امل : هلا بريما ..شلونك حبيبتي ؟ وينك من زمان ما شفناك ؟ ريما ابتسمت بلطف: انا بخير الحمدلله ، انتي اللي وينك من جبتي سعود واحنا ما نشوفك زي اول امل: وش اسوي شاغلني والله ريما: الله يعينك يارب.. امل: مها تبين خالتي؟ مها: اي وينها؟ امل : خالتي بالمطبخ مها: اماااااا وش تسوي ؟ امل: تقول مشتهيه تطبخ اليوم بيدينها .. مها لريما: ابسط يا عم .. اليوم رح تتغدين من يدين ام عبدالله ريما اكتفت بالابتسامه مها: يلله ريما تعالي غرفتي شوي.. عن اذنك امل امل : اذنك معك اكمل لكم بالبارت الجاي انشالله .. ااااسفه بنات والله اني مقصره بتنزيل الباراتات .. بس اتحملوني بليييز احبكم .. | ||||||||
|
| |
|
25-05-15, 08:31 PM
| #13 | ||||||||
| مراقبة عامة ومشرفة منتدى الروايات المنقولة
| بالطياره ماجد: يا الله يا بندر .. مررة متحمس تخيل بندر: والله ماهو اكثر مني .. من يصدق صار لنا5 سنين بعاد عن الرياض .. وعن اهلنا اشوة اننا رجعنا مره ياخي ماجد: بس من زمان .. بداية سفرتنا ، مدري شلون صبرت انا .. بندر: انا بالنسبه لي اكثر وحد متحمس اشوفه اخوي سلطان .. ما شفته ابد ماجد: يا حليله .. يلله هذانا بالطريق الحين وهااااااانت ياخي كلها كم ساعه ونوصل انشالله بندر: اي كم ساعه الله يهديك .. واحنا لسه حتى ما قطعنا نص الطريق ماجد: ربك يعين ياخي .. الحين نشوف لنا كم فلم وننام شوي الا والوقت ضايع وانشالله واصلين وتموا يسولفون كذا عن شوقهم لاهلهم و الرياض وكذا طوووول الرحله االله يرجعكم بالسلامه يارب بيت ام عبدالله بغرفة مها .. مها: ها حبيبتي صرنا لوحدنا .. ريما:...... مها بحنان: ريما ياقلبي ما يحتاج اقول لك انتي وشو بالنسبه لي.. ولا يحتاج كمان اني اقول لك انو كل كلمة بتقولينها لي رح تكون ببير عميق .. مستحيل تطلع لاي احد مهما كان ومهما صار .. ابيك تفضفضين لي وتطلعني كل اللي بقلبك ريما بهدوء : وش تبيني اقول لك ؟؟ مها: ابيك تقولين لي كل شي مضيق صدرك ومخليك ريما ثانية انا ما اعرفها ريما: مها انا من جد تعبانه .. وبصراحه مشاكلي ما تخلص ، ما اعرف من فين ابدى ومن فين انتهي مها: احكي وانا سامعتك بكل مافيني ريما: وش تبيني اقول لك بالضبط ؟؟ اني انسانه فاقده حنان الام ؟ وانو ابوي بين كل فتره وفتره يخليني انا واخواني بدون حمايه .. وانو . مها تقطاعها: لحظة لحظة.. حمايه من ايش؟ ريما بسخريه: من ماما مها : ماما؟؟!!!!!!!! ريما : اي ماما .. اللي تكرهنا وتكره باب وحتى تكره نفسها ...عمرها ما حنت علينا ولا فكرت او سألت فينا .. راميتنا على الخدامات من يومنا صغار.. عمرنا ما احتجناها ولقيناها جمبنا .. وعمرنا ما مرضنا ولقينها تسهر على راحتنا .. ولا قدر راحت مجالس الامهات بالمدراس تسأل علينا وعن مستوانا .. اذا كنا شطار او لا .. اذا كنا مشاغبين او لا .. اذا عندنا مشاكل او لا مها:............ ريما بدت تبكي: تكرهنا وتكره بابا .. اللي حاولت تكرهنا فيه من يومنا صغار .. اللي كانت تقول لنا ابوكم ما يحبكم ولا يبيكم عشان كذا هو دايم مسافر.. ولكنها للاسف ما كانت تدري انه احن علينا منها حتى وهو عايش بغربته .. طفشت اخوي بندر من البيت من 7 سنين بتسلطها وخليته يتغرب ويدرس بره بعيد عننا .. تحبه اكثر واحد فينا .. بي مع هذا ما سلم منها ولا من اذاها مها: مافي ام تأذي عيالها يا ريما ريما: امي ماهي ام عاديه .. امي ماهي ام اصلا .. عمرها ما حسستنا ايش يعني كلمة ماما .. " وهي ترفع صوتها شوي" عمري ما نطقت بذا الكلمه وحسيت بمعناها ودفاها اللي مع جدتي الله يرحمها .. اللي راحت وخلتني انا واخواني من بعدها مالنا احد ولا احد مهتم فينا ويبينا.. تخيلي يا مها اقرب شي اليوم .. اختي ديما تعبانه .. اروح اقول لها يمه ديما تعبانه انتبهي لها . تقول انا ماني فاضية لها خلي سوما تراعيها .. تبينها تعديني ؟.؟ ويوم قررت انا اللي اهتم فيها بس بعد ما اخلص شغلي بالجامعة.. تروح تاخذ السواق وتطلع وتشغله ولا تخليه يجي ياخذني للبيت مع انها عارفه انو السواق الثاني مع بابا مشغول .. وازيدك من الشعر بيت .. تمد يدها علينا كمان .. شفتي الكدمات اللي بيد ديما اختي ..اللي قالت لكم انها من طيحة بالدرج ؟؟ تراها منها .. ضربتها لين خلت يدها كذا .. وسلطان ما عتقته من شرها كمان .. الطفل اللي ماله ذنب غير انها امه .. وبدر اخوي بعد .. ياما طاله اذاها له .. شفتي وش تسوي فينا؟؟ شفتي؟؟؟! مها بدت تدمع.. ماكانت تدري ابدا عن معاملة زوجة خالها لعيالها.. صحيح انها فرد من العائلة ومن زمان وهي متزوجة خالها .. بس مع هذا ما كانت تشوفها الا اقل من النادر.. كانت دايم بعيده عن العايله .. وهي اساسا مكروهة ومبغوضه من العايله كلها ولاهي تدري وش السبب .. بس الحين بدت تفهم .. انها مافيها انسانيه ابد .. كيف من الممكن لانسانه تحمل اسم " ام" ما تحمل ولا معنى لهذا الاسم ... اذا كانت تعامل عيالها كا اجل كيف تعامل الناس اللي بره مها تحضن بنت خالها : معليش حبيبتي .. هذي امك ولازم تتحملين معاملتها .. لك اجر اصلا وربي باذن الله رح يجازيك خير بالدنيا والاخره ريما تبكي : تعبت وانا اداري .. وانا اخبي كل هذا بقلبي .. مها بكت مع بنت خالها .. بكت معاناتها وقهرها .. مابيدها شي .. وش ممكن تسوي ؟؟ من جد ما تقدر تتدخل .. هذا الوضع بين ام وعيالها .. معقول خالي يعرف هذا كله وساكت ؟؟ ماني سائله ريما الحين عشان ما ازيد عليها عذابها .. تمت حاضنة ريما فتره لين هدت .. شافتها سرحانه تفكر ووجها احمررررر من الدموع .. مها بحنان: ريما حبيبتي .. قومي غسلي وجهك وتعوذي من الشيطان .. انا بروح اجيب لك شي تشربينه ريما وهي تمسح بقايا الدموع بوجهها: ما يحتاج مها: الا يحتاج .. يلله عن اذنك ثواني وارجع لك .. مها طلعت من غرفتها ووقت ثواني بالسيب تمسح دموعها عشان ما يبان عليها .. ساعتتها وش يفكها من لسان امها .. خالد: مهاا مها نقزت : بسم الله خالد: وش موقفك هنا ؟ مها توخر نظراتها عنه عشان ما يكتشف انها تبكي: ابد كنت نازلة تحت خالد قرب من اخته وهو حاس انو مافي شي مضبوط: وش فيك ؟؟ ليش عيونك حمره مها: دخل فيها شي خادل بسخريه: بالثنتين ؟؟ مها:........ خالد: احكي مها: يووو يا خالد لا تعقد الامور .. خالد سمع صوت باب الحمام بغرفة اخته يتقفل: مين عندك؟ مها وهي تتحرك للدرج: صديقتي .. ونزلت للمطبخ تجيب موية خالد ما يدري ليش انه حس بقلبه ينقبض .. وتزيد دقاته .. ما قدر يتحكم باحساس داخله .. وده يفتح الباب ويشوف مين فيه .. قلبه يقول له ايه بس عقله يقول له لا عيب عليك .. وكالعاده .. قلبه ينتصر على عقله.. فتح الباب بشويييييييش وطل منه بهدوء ,,كتم انفاسه .. انا اعرف هذي الانسانه ,,, بس مين هي ؟؟ ما عرفها ابد لانها معطيته ظهرها .. وتطل من الشباك الكبير .. رن جوال ريما: الووو .. هلا بابا خالد ..هي والله انها هي .. يااااارب قلبي ..هذي هي .. هذا صوتها ما اتوه عنه لو كانت بين ملايين البنات ريما: اي انا بخير.. لالا طلعت من الجامعه على بيت عمتي الجوهرة .. اي مع مها .. والله كلهم بخير الحمدلله .. لا لسه ماشفت عمتي .. هههههه غصبتني مها وش اسوي .. ديما كيفها بابا؟ الحمدلله .. اي شوي وبرجع .. واللللللللله انت بترجعني .. خلاص حبيبي استناك .. خالد: يا عذااابي وانتي عني بعيده .. لمتى يارب .. لمتىىىىى حس بيد على كتفه خلته ينتفض .. التفت الا وهي مها والشرار يتطاير من عيونها مها بعصبيه وبصوت واطي عشان ما تسمه ريما: انت وش قاعد تسوي خالد انحرج : ولا شي مها: كيف تسمح لنفسك اصلا .. خالد": ما شفتها لا تخافين مها وهي تدقه عن بابها : نتفاهم بعدين .. دخلت وصكت الباب .. خالد قعد بالصاله اللي فوق يحاول يهدي دقات قلبه اللي انفلتت منه اول ما شافها.. صحيح ما شاف وجهها ابد .. بس بمجرد انه لمحها خلى الارض تهتز من تحته .. يارب اكتبها من نصيبي ظل يفكر ويفكر ويفكر .. وش ممكن اسوي يارب عشان امي توافق تخطب لي ؟؟ هي لو بس ترضى تسمع لي وتعرف مين اللي ابيها كان تغيرت امور كثيره الحين .. خذته الافكار لفتره ما يدري هي كم .. وطلعت مها من غرفتها ومعها ريما .. خالد وقف يوم شافهم .. وقعد يراقب ريما وهي تنزل من الدرج هي تحكي مع مها اللي من الواضح انهم ما انتبهوا له .. خالد.. ربي يحفظك لي يا غلاي ويجمعني فيك قريب... ودخل لغرفته وهو يسحب رجله تسحيب ما يبي يبعد عن المكان اللي عدت عليه حبيبة قلبه وعمره تحت مها: هلااااااااا بخالي ابوبندر: ههههههه هلا بك يا عيون خالك مها: والله لك وحشه .. كيف جينا على بالك ابوبندر: والله تعرفين الشغل يابنتي .. اول ما فضيت قلت اعدي على اختي وعيالها واشوف اخبارهم ام عبدالله: هلا والله باخوي ابو بندر يسلم على اخته بحراره: يا هلا بك والله ام عبدالله: وش اخبارك يا غالي ؟؟ ابوبندر: الله يسلمك من الشر يارب ام عبدالله تلتفت على ريما: هلاا والله ببنت اخوي الحلوة ريما: هلا بك ام عبدالله: انتي وابوك قاطعين ما نشوفكم ابوبندر: هههههههههه هذاني جيت .. قلت اعدي اخذ ريما ومنها اشوفكم واسلم عليكم ام عبدالله: ريما كنتي هنا من اول ؟؟ ريما: اي عمه .. رجعت مع مها من الجامعه ام عبدالله التفتت على مها وخبطتها بخفه: وانتي ليش ماقلتي انو ريما هنا مها وهي تمسك مكان الخبطه : وهي ريما غرييبه يمه .. وبعدين انا عملت الواجب وزياده ام عبدالله: ااه منك بس ابوبندر: الله يخليهم لك يالجوهرة ام عبدالله: ويخليك لنا يارب.. اقوول وراكم واقفين يا كافي.. تعالوا الصاله عشان اقهويكم ابوبندر: هههههههههه الله يسلمك الحين حزة غدا مو قهوة ام عبدالله:وانت قلتها ياسلمان .. الحين نحضر الغدا ابوبندر: لا لا لا .. انا باخذ العيال واغديهم بره رريما فرحت زمااان ما طلعت مع ابوها ام عبدالله: وراه يا كافي.. خلي ديما وسلطان يجون هنا ونتغدى سوا كلنا ابو بندر: مره ثاانيه انشالله ام عبدالله: الحين بخليك بمزاجي .. لكن بعدين لا مو بكيفك لا انت ولا عيالك ابوبندر: ههههههههه الله يعيينا عليك بس.. خلاص دام قلنا لك كلمه مستحيل نتراجع فيها .. الله يرحمك يابوي والله انك نسخته ام عبدالله: امين يارب .. ابوبندر: يلله عن اذنكم الحين .. يلله ياريما ريما: مع السلامه عمتي .. باااي مها مها: باااي ياروحي ريما: شكرا مهووي .. الله لا يخليني مها: ولووو حاضرين للحلوين .. ريما ابتسمت وطلعت مع ابوها .. ام عبدالله: ياحليلهم والله .. ياحبي لريما مها مع طاري ريما تذكرت اخوها وعصبت من جديد ام عبدالله : هوووو بسم الله علي وش جاك قلبتي فجاة مها وهي تتوجه للدرج : ولا شي .. بروح لغرفتي شوي ونازلة ام عبدالله ظلت تراقبها لين اختفت عن عيونها وهي ترقى الدرج الكبير الفخم غرفة خالد .. خالد دخل ياخذ له شاور جامد حاااار يهدي اعصابه دخلت مها ولا لقته .. قررت تنتظره على كرسي المكتب حقه لين يطلع .. بعد 5 دقايق طلع خالد من الغرفه وهو لاف فوطة على خصره بس مها طارت عيونها واستحت وغطت عيونها خالد وهو ينشف شعره: مها .. خير انشالله اشوفك منورتني مها بحيااا: اقوووووول انت تستر بحكي معك كلمتين خالد استوعب الوضع اللي هو فيه وضحك على اخته: ههههههههه طيب طيب ... ولبس روب .. خالد: هااا كذا زين ؟؟ مها تفتح عين وحده ويوم شافتها متغطي فتحت كل عيونها:: اي كذا زين .. اقووول ممكن اعرف وش سر الحركه البايخه اللي مسويها ؟؟ خالد وهو يمشط شعره المبلول :اي حركه ؟؟ مها تتكتف: انت عارف زين وش قصدي خالد: لا ماني عارف مها : انت كيف تسمح لنفسك تقعد تناظر لريما ؟؟ خالد/..... مها: رد خالد: انتي عارفه وش مشاعري تجاهها مها: وانت عارف اني مقدره مشاعرك لها زين ومحترمتها.. بس هذا مايعني عاد انك تتعدى الحدود وتقعد تناظر فيها وهي ماتدري وهي اصلا ما تحل لك خالد: قلت لك ماشفتها .. كل اللي شفته ظهرها وشعرها مها تناظره بنص عين خالد انقهر من اخته وتلفت لقى علبة المنديل ورفعها بوجهها كنه بيخبطها فيها: انا كم مره قلت لك لا تناظريني كذا .. مها وتهي تغطى وجهها":هههههههههههه طيب طيب لا تعصب.. المهم عاد لا تعديها المره الجايه لا اوريك الشغل خالد : امرك عمتي .. امممم مهاوي مها: نعم خالد: وش كان فيها ريما متضايقه ؟ مها: ماهي متضايقه خالد: هذي ريما .. القلب والحب .. ماني تايه عنها .. قولي لي وش فيها ؟ مها: ابد بس متضايقه من ضغط الدراسه وكذا خالد بشك: بس؟؟؟ مها: ايوة بس.. خالد: والله مدري عنك.. المهم يلله اقضبي الباب ممكن ابي اغير مها: لا تتاخر الغدا على وشك يكون جاهز خالد:طيب طيب.. يلله الخلا مها مدت لسانها له وانحاشت عشان مايوريها الشغل خالد:/هههههههه غبيه بيت ابو رنيم | ||||||||
|
| |
|
25-05-15, 08:33 PM
| #14 | ||||||||
| مراقبة عامة ومشرفة منتدى الروايات المنقولة
| رنيم كانت بالمطبخ تتفن بصنع العصيرات الطازجه .. اللي الكل يشهد بانها تعرف تسوي احسن انواعها وهي تدندن بروقان اغنية حلوة طرت على بالها .. خلصت من العصير واخت كاسها .. قررت تشربه وهي تقرى كتاب ببلكونتها .. توجهت لغرفتها بس قبل سمعت صوت ضحك عاااالي جاي من غرفة اختها مشاعل .. رنيم استغربت.. وش عندها مشاعل اليوم مستانسه وتضحك بقوة على غير العاده .. قربت من الباب ومسكته قبضته بس اللي سمعته جمدها مشاعل: ههههههههههههه حرام عليك حمودي.. لا وربي انك مجنووووووون اجل هذي سواياك بالبنات ؟؟ عاد انا حبيبتك الحلوة اللي اتحدى تقدر تستغني عنها بيوم .. رنيم ماعرفت وش تسوي لحظتها.. وش حبيبي وش حمودي .. من تكلم ذي؟؟؟ مشاعل: وه يا نااااس وانا اعشقك وربي رنيم حست بالقرف من اختها وفتحت الباب باقوى ماعندها مشاعل التفتت بسرعه وسكتت يوم شافت اختها رنيم .. وقعدت تشوف ملامح وجهها اذا كانت سمعت شي او لا مشاعل: ه هلا هلااا رنيم رنيم والشرار يتطاير من عيونها مشاعل: اممم الو لموو انا اكلمك بعدين .. بااي رنيم : مايحتاج لمو واكلمك بعدين طيب .. مشاعل: وش قصدك رنيم: انتي عارفه قصدي زين .. يابنت الحمايل يا محترمه .. يللي الناس تحكي باحترام ابوك وسمعته الطيبه النظيفه .. تقومين تجين انتي على اخر عمره تشوهينها بمراهقتك مشاعل:...... رنيم بعصبيه على غير العاده: ردي .. احكي يللي ما تستحين مشاعل: لا تزعقين رنيم: نعم ؟؟ وبكل بجاحه بعد تبيني اكون هاديه واحكي معك بروقان .. انتي ليش كذا ؟؟ انتي ليش غير عننا كلنا .. خافي ربك الله ياخذك مشاعل بانفعال: لا تدعين علي رنيم: سود الله وجهك من بنت دام هذي سواياك فينا .. هاتي جوالك اشوف مشاعل بسخريه: تراك اختي منتي امي رنيم: امك ؟؟ يا ليتني امك عشان اذبحك وارتاح منك ومن سواد وجهك مشاعل: ماني معطيتك الجوال رنيم: عفيه عليك يا بنت حمد ... لك هين انا وراك وين بتروحين مني .. بس خلك واثقه ومتأكده انك اختي بالاسم وبس.. ومن بعد اليوم مارح يجعمني شي فيك غير الاسم .. ولو بيدي محيتك من حياتي كلها .. لانو وحده باخلاقك ما تستااهل تكون بنت حمد ال... واماني ال... اطهر شخصين بالدنيا .. وطلعت من الغرفه وسكرت الباب وراها بقووووة مشاعل: عمممممى انشالله ... <<< شين وقواة عين بيت ابو بندر ام بندر كانت بالصاله تقرى مجلتها وحولها كان سلطان يلعب بحماس وهو يضحك .. وهي ماهي معطيته وجه سلطان كان يلعب لعبة المكعبات ..كان يحاول يبني فيها بيت .. وهو كل شوي ينادي امه عشان تشوف انجازه .. بس هي ماكانت تعلق ولا تشجعه بس تناظره عشان مايزعجها سلطان للمره الاف: ماما ماما ام بندر:....... سلطان: ماااااااااااااااااااماااا اااااااااااااااااااا ام بندر بعصبيه وصراخ: اوووووووووووووووووووه علينا منك .. يا مزعج انطم لا اسمع لك نفس سلطان مسكين خنقته العبره وقعد يبكي .. ام بندر تقرب منه وهي تصرخ: لا اسمع لك نفس تسمع ولا لا سلطان: يبكي ام بندر تمسك اذنه بقوووه وتسحبها له : انت حمار ما تفهم .. سلطان زاد صراخه وبكاه ام بندر تكسر العابه برجلها وهب لسه شاده على اذنه وهو مسكين منهار بس يبكي ..ماهو عاررف وش الذنب اللي سواه جت مدبرة البيت جانيت جانيت: شو هيدا يا مدام ليش هيك ام بندر: انتي اسكتي وروحي عن وجهي جانيت:/ بس سولطان عم يبكي كتير.. هلأ بيصر لو شي ام بندر: جعله البلا انشالله اللي ما تهنيت بشي من جبته .. اي شي يجي من ابوه اصلا مامنه لا خير ولا فايده دخل ابوبندر وهو يضحك مع بنته ريما بس صدمه منظر ولده بين يدين زوجته اللي ماترحم ريما شهقت من الصدمه.. هي بالعاده تستلمها او ديما ..بس عمرها ما شافتها كذا على سلطان ابوبندر تقدم بعصبيه لام بندر وسحبها من يدها بقوووة .. وهي من قوة سحبة ابو بندر فلتت سلطان المسكين من يده .. اللي ركضت له ريما وشالته تهديه ام بندر: خليني.. ارتكني اقول لك ابوبندر بعصبيه وكره:واللللللللللله ما يفكك مني شي يا كلبه .. وسحبها فوووق قدام عيون عياله والخدم للغرفه حقته وضربها ضرررررررب خلاها تتكسر تكسير ام بندر تبكي: حسبي الله عليك.. الله لا يوفقك لا دنيا ولا اخره ابو بندر وهو يلقط انفاسه من الضرب اللي ضربه لزوجته : انا مليون مره محذرك من مدة يدك على عيالي .. بس انتي ما تسمعين .. شكلك ماتفهمين غير بالضرب زي الحيوانات ام بندر تطالعه بحقد وكره : والله لا لتندمممممم .. لا اضيع من يدك كل احبابك .. ودامني سويتها فيك زمان اقدر اسويها فيك من تالي ابو بندر تنرفزززز من ذكر الماضي له وقرب منه وعطاها كف خلاها تلف للناحيه الثانيه : لا تتعدين حدودك معي يابنت عبدالكريم سامعه ولا لا .. لا اعرفك بجد مكانك .. وانسى انك ام عيالي واكفر فيك .. " رفع سبابته يحذرها " وهذي اخر مره تذكرين الماضي قدامي .. لا اوريك شي ما قد شفتيه بحياتك .. ولا يخطر على عقل انسان .. طلع من الغرفه بعد ما سكر الباب بقوة .. خلت اركان الفيلا تهتز فوزية ابتسمت بنصر على اللي سوته .. اكيد الي قلته هزك .. لكن انا وراك وراك والزمن طويل .. وبنتقم من كل احبابك وابعدهم عنك يا سلمان .. حتى لو كانوا عيالي.. ولله ذلي هذا اللي انت تذلني اياه لاطلعه من عيونك ..ولا ما اكون فوزية ام بندر .. مسحت دموعها بغرور وكبرياء وراحت تداوي الجروح اللي سببها له الضرب .,. مكتب ابو بندر .. دخل المكتب حقه وقعد على الكرسي وهو حاط يده على وجهه ويمسح على رقبته .. طاري ذيك السالفه للحين تلاحقه .. هو يعترف انه ماقد نساها .. بس كلما ذكرت فوزية الموضوع هذا تثير جواته براكين الدنيا كلها ولا يقدر يتحكم على اعصابه .. وش يا ترى الموضوع هذا يا ابوبندر اللي مقلق راحتك ؟؟ واللي صار له فوق الثلاثين سنه ؟؟ بنتعرف هذا كله بالبارت الجاي .. واحكموا ساعتها اذا كانت فوزية على حق ولا غلطانه ... بيت ابو مشعل ام مشعل: دلااااااااال دلال: سمي ام مشعل: وش رايك بلبسي؟؟ دلال تتأمل طقم امها اللي ناوية تلبسه: والله حلوو ام مشعل بفخر : ادري انه حلووو دلال: هههههههههههه ماما وش فيك متحمسه من الحين تجهزين لبسك ام مشعل: اكيييد .. هذا ولدي وحيدي .. بكري.. ورايحه اخطب له طبيعي اتحمس.. دلال: الله يخليك لنا يارب ام مشعل: امين .. وش قاعده تسوين ؟؟ دلال: ولا شي.. ام مشعل: طيب البسي وتعالي معي بنروح نجيب شي للعروسه دلال: ماما وش ذا الحكي من الحين تبين تجيبين لها شي. خلي كل شي يصير رسمي اول ام مشعل: الحمدلله كل شي بيصير رسمي هذا الاسبوع .. بروح اجيب اسوارة ولا خاتم ولا اي شي البسه اياها .. وعلى فكرة هذا تقليد عندنا بالعايله دلال باستغراب : صدق ؟؟ والله توني ادري ام مشعل: هذاك دريتي يلله بلا كثرة حكي وتعالي معي دلال: امررك .... -=-=-=-=-=-=-= بالصاله .. كانت العنود مسكينه تحوس من الطفش .. ماهي عارفه وش تسوي ..لمحت امها واختها نازلة من الدرج بيطلعون الهنوف: على وييييييييييييييين ام مشعل: بنروح السوق شوي ونجي الهنوف برجا:ماما تكفين بروح معكم ام مشعل: لا لا ما يحتاج .. احنا شوي وراجعين الهنوف: مابي اقعد بالبيت لوحدي ام مشعل بحزم: يالهنوف خلاص قلت لك لا يعني لا .. دوري لك اي شي يسليك .. يلله يا دلال مشت دلال مع امها اللي كانت ساكته من اول .. الهنوف وشوي وتصيح : يارربيييييييييييييييييييي يييييييي مسكت البيبي حقها .. لقت مليون شخص محاكيها الهنوف: اووووف انا ويني عنهم ذولي.. وقعدت تشوف وش جاها على جوالها ومين محاكيها ومين لا .. شوي وحاكتها بنت عمها ايان : هاااااااااي ayo0on <3 :Alhanouf bnt brho0omهايااااااااات ayo0on <3: انتي وينك عني من زمان وانا احكايك وانتي مو معطيتني وجه Alhanouf bnt brho0om :سوري كنت بعيده .. وش عندك مرسله مليون برودكاست استحي على وجهك خلق الله بيحذفونك ayo0on <3:طفشاااااااااانه ..ما عندي شي Alhanouf bnt brho0om :ليش ما تطلعين ؟؟ ayo0on <3:محرومه من الطلعه :D Alhanouf bnt brho0om :افااااا ، ليش ؟؟ ayo0on <3:يووووووو صح انا ما قلت لك Alhanouf bnt brho0om:لاا وشووووو ayo0on <3:تعالي لي.. عندي لك سالوووووفه تهبل Alhanouf bnt brho0om :ماينفع ayo0on <3:ليييييييييش Alhanouf bnt brho0om:مدري بس ما ينفع ayo0on <3:اقول لا يكثر وتعالي Alhanouf bnt brho0om :تعالي انتي ayo0on <3:يا درج ، وش تفهمين من جملة " انا معاااقبة" ؟ يعني مقدر اطلع Alhanouf bnt brho0om :يوووو طيب السواق مع ماما ayo0on <3:ما كثر الله الا ذا السواويق تعالي مع اي احد ولا ارسل لك سواقي Alhanouf bnt brho0om:طيب طيب شوي .. ayo0on <3:وردي لي Alhanouf bnt brho0om :طيب .. بررررررب ayo0on <3:تييييييييت الهنوف قامت تلبس وتتجهز وهي بطريقها لتحت شافة اخوها مشعل الهنوف: مشععععععل مشعل: هلا الهنوف: لو سمحت وديني لبيت عمي راشد مشعل بضيقة صدر:تكفين .. روحي مع السواق الهنوف: السواق مع ماما  بليييز وديني مشعل سكت.. الحين لو وديتها بعرف وش صار على موضوع خطبتي منها ..لانها رويتر البيت .. مشعل: يلله مشينا الهنوف بفرحه: يلله بالسياره مشعل: هنوو الهنوف: هلا مشعل: اممم وش صار على موضوعي؟ الهنوف: اي موضوع ؟ مشعل: اي موضوع يعني ؟؟ موضوع خطبتي الهنوف: اهااااااا.. وبنص عين .. متحمس؟؟ مشعل: لااا .. المهم وش صار عليه ؟ امي ما فتحت معي الموضوع من زمان زعلانه مني الهنوف بلقافه : ليش زعلانه منك؟ مشعل: مالك شغل وجاوبي على قد السؤال.. الهنوف: اووووف بشويش.. تحدد موعد الخميس هذا عشان تنخطب لك اثير رسمي مشعل من الصدمه ضرب فرامل بقوة: اييييييييش؟ الهنوف: وجع يوجع العدو بشويش بغيت تروحنا مشعل: يعني ايش الخنيش هذا ؟ الهنوف وهي تتكتف ومقهورة من خاوها لانه روعها: يعني جهز نفسك يا حبيبي لانك بتتزوج قريب مشعل ... لا بالللللله راحت علي الهنوف: مشعل ممكن تحرك ؟؟ تأخرت على ايان مشعل بضيقة حرك .. وخيال البنت اللي شافها ذاك اليوم رجع يخيم عليه بيت ام عبدالرحمن اثير كانت مع اختها غدير يتابعون فلم اثير صرخت: يممممممممممممه غدير تنرفزت: لا حووووووووول .. ترى ماصارت يابنت .. كلها فلم اثير وهي تضم المخده : فلم رعب ماهو كرتون غدير وقفت الفلم: وش حال لو ماكنتي انتي بنفسك طالبه نشوفه اثير: غيرت رايي طفيه غدير: وانا على كيف كيفك عمتي طلاله .. وقت ما تقولين شغليه شغلته ووقت ما تقولين طفيه طفيته .. نوو اسفه ابي اتابع الفلم على رواق اثير طلعت عيونها: اي رواق يامي .. انتي عكس البشر.. فلم رعب تشوفينه على رواق غدير: اوووووووه علينا .. انتي مزعجه مزعجججججججه .. وترمي المخده عليها .. اثير: ههههههههههههههه بشويش بغيتي تكبين العصير غدير: متى تتزوجيت وتفكيني من شرك انتي اثير: افاااا تبين الفكه مني غدير: اي ابي الفكه منك اثير تمسك المخده وترميها عليها : اجل ماني متزوجة .. وقامت متوجهه للمطبخ غدير بصراخ عشان تسمعها : اجل انا اللي بتزووج وافتك منك اثير ضحكت على اختها.. الله لا يحرمني منها مطيوووره ذا البنت .. لو تعرف معنى زواج كان ما قالتها ..بعد فتره مو طويله من الوقت دق التلفون .. ولا ردت اثير لانو يدها كانت مشغوله .. قاعده تسوي كيك وكل العجين مالي يدها .. رن لفتره بس محد رفع السماعه .. اثير: غدير ردييييي غدير/: ماني راده .. متحمسه مع الفلم اثير ابتسمت بخفه .. ومسحت يدها بس ماطلع كل اللي فيه.. قامت مسكت فوطه وردت من تلفون المطبخ .. اثير بنعومه: الووووووو .......:السلام عليكم اثير قطبت لانو هالصوت مالوف لها : هلا وعليكم السلام .......: شلونك اثير ؟ اثير: بخير الله يسلمك .. مين معي .. ....: ما عرفتيني ؟؟!! افااااا من نقلتوا للرياض وانتو ما تسألين ولا تكلمون قلت اكلمكم انا اشوف اخباركم اثير استوعبت الصوت :هلاااااااا والله بخالتي ام زياد ام زياد: يا هلا بك ..اخيرا عرفتيني اثير بفرحه: معليش يا خالتي العذر والسموحه ام زياد: مسموحه يا بنتي .. وش اخباركم وش مسوين ؟؟ اثير: الله يسلمك كلنا بخير ام زياد: الحمدلله .. الا اثير وين ماما ودي اكلمها اثير: ماما ماهي موجوده يا خالتو .. شوي وترحع انشالله ..حابه اقول لها انك اتصلتي ؟؟ ام زياد:/ اي حبيبتي .. والله اني ولهانه عليها .. وعليك انتي بعد يا غاليه .. بس يلله مو مشكله انشالله كلها فتره والبعيد يقرب باذن الله اثير ما فهمت بس سلكت: الله يناولك اللي ببالك ام زياد: امين يارب.. ويكتب اللي فيه الخير.. يلله حبيبتي انا استأذن الحين ، مع السلامه اثير: فمان الله .. وقفلت اثير: يا حليلها والله .. بجد لها وحشه بيت ام زياد .. ام زياد هي شخصيه جديده بتظهر بروايتنا ... وش دورها بالضبط هي وعايلتها بالروايه .. ساكنه بجده .. كانت جارة ام عبدالرحمن واكثر من اخوات .. حرمه طيبه وعلى نياتها .. وولدها زياد كمان شخصيه جديده .. مارح احكي لكم عنه الا انو عمره 25 سنه .. وانتو بنفسكم ابيكم تستنتجون شخصيته زياد: ها يمه بشري.. ام زياد: هوو انتظر وانا امك .. ما كلمت ام عبدالرحمن زياد: تراني على اعصابي ام زياد: هههههههه اركد .. زياد وهو طالع : امري لله ... بيت ابو ماجد بعدما وصلت الهنوف كانت قاعده مع ايان بالجلسه اللي حول مسبح الفيلا وكل وحده قدامها عصيرها الهنوف: يلله احككككككككككككككي وش السالفه ايان : اممممم مدري وش اقول لك الهنوف ترفع حاجبها: الحين مسحبتني من بيتي عشان تقولين لي ماني عارفه وش اقول لك .. احكي لا اخلي ذا الكاس الحين يتوسط جبهتك ايان: هههههههه يمه منك ..طيب طيب بحكي ايان: تتذكرين شهد صديقتي الهنوف تتذكر: ايووة ايان: ......... الهنوف: انا لللللللللللله .. رجعت تسكت هي ووجهها .. ورى ماتحكين الحين ايان: طيب طيب لا تدفين جايتك بالحكي .. يووووه ، احم احم اخوها طلال الهنوف تتخدد: كننا بشهد نطينا لاخوها .. وش بلاه اخوها بعد ايان: ذاك اليوم ...... وحكت لها اللي صار لها ذاك اليوم بالتفصيل الممل .. من دخلت لين وصلها مع اخته الهنوف ماهي فاهمه شي : طيب؟؟ ايان: وش طيب.؟؟ الهنوف: الزبده ايان: افهمي عاد الهنوف بحيره: وش افهم .. ايان بدت تعصب: يووووووووووووه منك انتي .. طلال يحبني الهنوف ارتاعت: يحبك ايان بخجل: اي اي يحبني الهنوف: وش دراك انتي ايان: تصرفاته الهنوف: اي تصرفات؟؟ ايان: اسلوبه معي.. وكلامه وكل شي الهنوف فهت: ليش انتي شفتيه بيوم غير ذاك اليوم؟ ايان تهز راسها يعني لا الهنوف: طيب هو قال لك كذا بصريح العبارة ؟ ايان تهز راسها كمان يعني لا الهنوف ترمش: اجل على اي اساس قلتي انه يحبك ؟ ايان: لانه يحبني الهنوف: ايووون حبيبتي.. ممكن تفهمني السالفه بالضبط؟؟ وش اللي خلاك تقولين انه يحبك ؟؟ ايان وهي تلعب بشعرها القصير: يوووه منك يالهنوف.. يهني احساسي يقول لي انه يحبني ويموت فيي بعد .. نظراته وكذا الهنوف بسخريه: اي نظرات يامي وانتي توك تقولين لي انو عينك مارفعتيها بعينه من كثر حياك .. ايان:....... الهنوف": ايوة ايان: والله عاد هذا اللي طلع معي .. انها يحبني الهنوف ما قدرت تمنع نفسها من انها تضحك بجنون وبصوت مرتفع اايان عصبت: وش في شي يضحك الهنوف: ههههههههههههههههههههههههه ههههههه انتي اكيد ههههههههههههههههه منتي صاحيه ههههههههههه سويتيها حب ومدري وشو..ههههههههههههههههههههه ه يلله اصدميني وقولي لي انك حبيتيه بعد ههههههههههههههههههههههههه ههه ايان بجديه: اي الهنوف زادت ضحكاتها وبنفس القوة :هههههههههههههههههههههههه� �هههههههههههههههههههههههه ههههههههههههههههههههههههه ههه ايان:طيبببب انا اوريك .. ودفتها هي وكرسيها بالمسبح الهنوف طلعت راسها ولسه تضحك ايان : ااااااااااااااااااااااااا ااااه مننننك انتي .. بس انطمي ضحكتي من غير اسنان انشالله الهنوف: هههههههههههههههههههههه ايان لسه ما شفت غليلها منها ..نطت وراها للمسبح بملابسها وصاروا يتضاربون تحت المويه ليييييين تعبوا .. وطلعوا قعدوا قدام المسبح وصاروا يسولفون الهنوف: احم .. يعني انتي الحين تحبينه ايان وهي تعصر المويه من شعرها وتنفضه: اي احبه الهنوف: بس خلينا نكون جديات شوي ايان .. هو اكبر منك بكثيييييييير وبعدين توك صغيره على ذا الامور.. وفوق هذا وذاك ماصار شي يأكد انه يحبك وش ذا الحكي ايان: احساسي يقول لي الهنوف: وش احساسه يام احساس انتي .. وش معنى الحب طيب؟؟ ايان سكتت الهنوف: ايوة؟؟ ايان: مدري الهنوف: نصيحه من بنت عمك واختك لا تتعلقين بذا الوهم ايان: مسرع خليتيه وهم الهنوف: هههههههه وانتي الصادقه .. مسرع خليتيه حب .. عالعموم انتي عارفه اني اختم قبل لا اكون بنت عمك .. يعني معاك عالحلوة والمره وانشالله يكون يحبك من جد .. لا اخليه يندم عاليوم اللي انولد فيه ويحبك غصب ايان: هههههههههههههههههه الله لا يحرمني منك بس الهنوف تحضنها: ولا منك حبيبتي .. جت ام ماجد من وراهم وشهقت البنات ارتاعوا والتفتوا لمصدر الصوت .. وصاروا يطالعون بعض لاتكون سمعت شي بس ام ماجد بعصبيه: حسبي الله على شيطانكم من بنات .. هذي سواة كم اعماركم انتو .. بزران انتو بزران الهنوف وايان:....... ام ماجد:" ولا وبعد ساكتين .. اكيد من فعلتكم .. ايعنبو حيكم اخر مره لعبتوا بالمويه بذا الشكل كانت اعماركم 9 سنين .. خير انشالله الناس تكبر وانتو تصغرون.. لا وبعد مطلعين لي نص مويه المسبح ايان والهنوف فهموا: ههههههههههههههه ام ماجد: حعلكم الستر انشالله .. يلله اشوف قدامي على جوه تحمموا وغيروا ملابسكم لين ما اجيب لكم شي تاكلونه ايان والهنوف وهم يتسابقون للمدخل: انشاللللللللللللللللله ام ماجد: اللله يهديكم بس ... قال حب قال *_^ بيت شذى .. شذى كانت بالصاله تكوي الملابس وتتفرج على التفلزيون بنفس الوقت جت منيره وقعدت معها تتابع شذى بنفسها" ياقاعدين يكفيكم شر الجايين .. ومنيره كل شوي تسرق لها نظرات .. ااااخ يالملعونه .. والله لو اني بربع جمالها كان مارح يكون هذا حالي ما اقول الا مالت علي وعلى حضي اللي زيي وهاا << كشت على نفسها شذى انتبهت انها تكش على نفسها واستغربت حركتها بس ما علقت واكتفت بالابتسامه الخفيفه منيره: بشويش بشويش وانتي تكوين .. لا تحرقين هدومي شذى ماردت عليها اصلا وكملت كوي منيره تبي تحتك باي طريقه: اقوول شذى شذى: نعم منيره: بخصوص ولد اخ... شذى قاطعتها: انتي وبعدين معاك ؟؟ ما تفهمين .. كم مرة اقول لك لا تفتحين ذا الموضوع معي ؟؟ ولا يعني لازم اقل ادبي عليك واطول لساني عشان تبطلين منيره: انا قلت ... شذى تقاطعها من جديد: لا تقولين لي ولا اقول لك .. وهالموضوع لا تفتحينه من جديد .. منيره سكتت.. ااااه منك يابنت الكلب والله لاوريك شذى خلصت كوي وطبقت الملابس وخذت ملابسها من بينهم وخلت الباقي لمنيره ودخلت غرفتها اللي دافنه نفسها فيها .. منيره: اففففففففففف .. وراحت لتلفون البيت المكسر والملزق بمليون لزقه عشان يثبت .. << من كثر ما كسره ابو شذى على راسها :p منيره: الوووووو احمد: هلاااا منيره: اسمع .. اغسل يدك منها مره وحده احمد: ليييييييييييش منيره: رافضتم بالثلاثه احمد: ماخذها ماخذها يا برضاها يا غصب عليها .. ويكون احسن برضاها منيره: من فاتحتني بالموضوع وانا ما تركتها كل يوم وانا افاتحها احمد: حسنيني بعيوني من كل النواحي منيره: هي اساسا مخليتني اجيب طاري اسمك عشان اذكر محاسنك لها احمد: اقوووول منور .. لا تقعدين تلفين وتدورين .. اناة كنت شايلها من راسي مره وحده .. وانتي الللي دخلتيها ببالي .. ودامها دخت بالي ومزاجي يعني هي لي بدون تفاهم منيره: عيب عليك انا خالتك.. ما تحكي معي بذا الطريقه احمد بتريقه: هههههههههههه بشويش يا خالتو تكفين .. بغيت اصدق عاد .. لو انك خالتي ما كنتي استغليتيني من الاساس.. ولا يكثر عاد .. كلها فتره وابي شذى ببيتي سامعه ولا لا ؟.؟ ولا المبلغ اللي اتفقت عليه معاك .. ودعيه مره وحده منيره انقهرت ولا ردت احمد: يللا باي باي يا قمر .. وقفل منيره:الله يريحني منكم اثنينكم شذى المسكينه كانت تغلي من القهر بغرفتها .. اففففففففففف الله ياخذ العدوو.. وش تبي فيني ذي هي وولد اخوها ذا اللي مدري من وين طلع لي .. غصب الزواج هوو .. ياربي وش السواة؟؟ اقول لبدر ولا اسكت ؟ لا ماني قايلة له شي .. اصلا احمد ذا ما منه خطر مالت عليه وعلى خالته .. ظلت فتره والافكار توديها وتجيبها لين رن جوالها شذى : هلاا بدر: يا هلا بك .. كيفك حبيبي شذى: انا بخير الحمدلله .. انت كيفك بدر: انا بخير دامني سمعت صوتك .. وش قاعده تسوين يا غلاي شذى بحيا: افكر فيك بدر: يابعد روحي انتي .. ايوة قلبي وش اخر اخبارك شذى: اممم ابد مافيه بدر: ابد ابد مافيه ؟ شذى تذكرت وبصرخه: الا الا فيييييييه بدر: هههههههه بشويش حرام عليك اذني شذى: سوري من الحماس بدر: يلله قولي وش عندك شذى: بشتغل بدر: وين ؟؟؟ شذى: من البيت .. اريج لقت لها شغله مع كنة جارتنا ام علي وقالت للحرمه عني وانو شغلي نظيف ووافقت بدر: وايش بتشتغلين انشالله؟؟ شذى: بخيط .. اصير اخيط لها قطع .. واريج بتعاونني بدر: ........ شذى: ليش سكتت ؟ بدر: ماودي ابد شذى: ليش؟ بدر: ما ارضى عليك تتمرمطين بالشغل على غير سنع شذى: بس انت عارف حبيبي انو مو على غير سنع بالنسبه لي .. واني محتاجه كل قرش اجمعه عشان اصرف بدون ما انذل بدر: وانا وين رحت ؟؟ شذى: بدر يا غلاي .. انت مو زوجي .. انت حبيبي بدر: بحسبة زوجك شذى": لا .. مابينا شي شرعي .. يصير مو من حقك تصرف علي بدر: هذا كلام ينقال ؟ شذى: انا مابيك تزعل مني بليز .. بس هذا المنطق والعقل.. لا صار بينا ارتباط رسمي ذيك الساعه لك علي ما يصرف علي غيرك بدر:.... شذى: وش قلت ؟؟ بدر: يعني انتي مصره الحين شذى: ايوة بدر: على راحتك حبيبتي .. بس على شرط شذى تشققت من الوناسه: وشوو انت امر بدر: ما تتعبين حالك بالشغل ابد..وما تخيطين لاي احد الا وانت عارفه عنوانه وقايلة لي عليه .. والاغراض اللي تحتاجينها انا ادبرها لك و قاطعته: هههههه بس بس وش ذا كله انت قلت شرط مو شروط بدر: استني وفي بعد .. الارباح شذى: وش فيها بدر": تاخذين نصها والباقي تعطيني اياه اسوي لك وديعه واجمع لكم اياها فيهم تنفعك لبعدين شذى عجبتها الفكره: خلاص اوكي بدر: وفي كمان شرط ثاني واخير شذى: هممم وش بعد يا استاذ بدر بدر: اول ما نتزوج تتركين الشغل هذا شذى بحيا : طيب بدر: اااه ياجعلي ما انحرم منك بس شذى: ولا منك يارب.. المطار.. وصلت الطياره الحمدلله بالسلامه على ارض الرياض .. كانوا ماجد وبندر متشققين من الوناسه .. والفرحه ماهي سايعتهم ابد .. بندر:واخييييييييييييييييي� �را ماجد: هههههههههههه الحمدلله على سلامتنا بندر: الله يسلمك ... يلله تكفى خلينا نخلص الاجراءات ونطلع من هنا ابي ارووح البيييييييييييييييييييت ماجد: يلله ... توقعاتكم حبايبي .. وايش رايكم بخصوص الشخصيات الجديده اللي طلعت؟ وايش تتوقعون يكون دورهم؟ 1/ ام زياد 2/ زياد 3/ احمد وش يكونون ؟؟ يلله يلله حمسوووني اكتب وانطلق زياده ولو سمحتوا بناااات .. لو حابين تنتقدوا انتقدوا .. والله بقبلها بصدر رحب .. ولا رح ازعل بالعكس رح اكمل وبكل حماس.. وشكرا لكل اللي يقرون روايتي .. مع حبي .. هاجس القلب | ||||||||
|
| |
|
25-05-15, 08:36 PM
| #15 | ||||||||
| مراقبة عامة ومشرفة منتدى الروايات المنقولة
| الجزء التاسع بيت ابو رنيم .. رنيم ما طلعت من غرفتها طول اليوم .. بعد اللي صار لها مع مشاعل انسدحت على سريرها وغفت وهي ما تحس .. قامت من النوم وهي حاسه بكسل فظيع .. حست راسها ثقييييييل مررره .. رنيم: اففففف وانا اقول وش بلاني مخنوقه .. اثاريني ناميه بذا الجينز رمت راسها بثقل على المخده وغمضت عيونها تحاول تبعد الصداع عن راسها .. شوي ويرن جوالها ردت بدون حتى ما تشوف الاسم رنيم: الوووو ام رنيم بتعب: رنييم رنيم ارتاعت ونقزت من السرير مره وحده: وش فيك ماما ام رنيم: تع تعباا نه .. رنيم ما استنت امها تكمل جملتها نقزت وهي ترمي الجوال وركض على غرفة امها رنيم مرتاعه: ماما وش فيك بسم الله عليك ام رنيم بتعب: مممدري وش فيني .. صداع بيفجر راسي .. ماني قادره اتحمل رنيم حاست بالغرفة وهي ماهي عارفة وش تسوي .. طرى على بالها ابوها .. بس ابوها مسافر عنده شغل.. دقت عالاسعاف وطلبت سياره على بال ماجت نقلتها للمستشفى وجاها الدكتور وكشف عليها رنيم : طمني يا دكتور الدكتور: للحين ماهو مبين شي.. بس اعراضها مألوفة بالنسبه لي.. ولا اقدر اقول لك ايش فيها بالضبط الا بعد ما اتأكد من النتايج .. لانو هذي مسؤوليه رنيم: ومتى تطلع النتايج؟ الدكتور: بعد ساعتين انشالله ... رنيم تنهدت بهدوء: انشالله خير يارب.. قعدت في الانتظار .. هي تخاف بالمواقف اللي زي كذا احيانا .. ولا تقدر تتصرف .. يارب ادق على مين يجيني ؟؟ قررت تدق على عمتها وتقول لها تجي معها نص ساعه ووصلت عمتهاا ام عبدالله: ها رنيم وش فيها ماما ؟ رنيم وهي تدمع : مدري عمتو والله .. كلمتني وهي منهارة من التعب ولا ادري وش فيها .. كلمت الاسعاف لانو بابا مسافر .. وقال لي الدكتور انو النتيجه بتطلع بعد ساعتين .. ام عبدالله تربت على كتفها: معليش حبيبتي انشالله خير .. لا تخافين وربي انشالله معها رنيم : اميييييييين يارب .. شويات وجا الدكتور الدكتور :عفوا .. طلعت نتيجة المريضة اماني رنيم بقلق ظاهر: طمني دكتور الدكتور: تفضلوا معي للمكتب .. بالمكتب.. رنيم: وش طلع معك ؟ الدكتور خذا نفس : اخت رنيم .. انتي انسانه مؤمنه بقضاء الله وقدره وعارفه انو ربي اذا احب عبد ابتلاه رنيم بنفاذ صبر: اكيد الدكتور سكت لثواني حست فيها رنيم انها سنين .. الدكتور: الوالده .... عندها ورم بالدماغ رنيم سكتت للحظات : ايش؟؟ الدكتور:....... رنيم دمعت عيونها بقوووووة وطاحت عليهم ام عبدالله بخوف: رنييييييييييييييييييييم بعد كم يوم مرت احداث بروايتنا .. ماهي مهمه .. وكله بعد ما انتشر خبر رجعة بندر وماجد بالسلامه .. ومرض اماني ام رنيم بالعايله كلهم فرحوا برجعة بندر وماجد .. بس فرحتهم ما اكتملت لانو ام رنيم انسانه طيبه مرة وحنونه والكل يحبها.. وكمان تمت خطبة مشعل لاثير وتحدد موعد الملكه والزواج ورح يكونون بنفس اليوم .. ومشعل ما طلب يشوفها شوفه شرعيه ابد لانه مو مهتم .. واثير حمدت ربها انه ما طلب يشوفها لانها اساسا خجلانه منه من بعد الموقف اللي صار بينهم يوم يشوفها بالغلط ببيتهم .. ولا طرى على بالها اساسا انها ماهي مرغوبة عنده بجده .. بيت ام زياد ام زياد كانت بالصاله تتفرج على التلفزيون ومروقة عالاخير دخل زياد وهو مطنقر ام زياد: خير يابوي وش فيك ؟ زياد: يمه زهقت من ذا الوضع .. متى تكلمين ام عبدالرحمن؟ ام زياد كنها تذكرت شي وخبطت على راسها بخفه : يوووو نسيت الموضوع زياد: يمه الله يهديك هذا موضوه ينسى ؟ ام زياد : زياد لا تصدع راسي .. زياد:طيب دقي الحين ام زياد: زياد لا تدوخني .. ماني داقة الحين شوف الوقت تأخر زياد وهو يطالع ساعته: وش الوقت تأخر يمه الساعه 8 ام زياد : افففففففف طيب طيب .. قرب لي التلفون اشوف زياد نط جابلها التلفون ام زياد تسحبه منه بقوة : هااات زياد :ههههههههههه ماشي لعيون الحلوين بس نتصبر ام زياد عطته نظره بطرف عينها ولا ردت عليه ودقت على بيت ام عبدالرحمن ام عبدالرحمن: الووو ام زياد": الووو .. مساء الخير ام عبدالرحمن: هلا والله مساء النور ام زياد: وش اخبارك عايشه ؟ ام عبدالرحمن فرحت لانها عرفتها: يا هلا ويا مسهلا .. حي هالصوت والله .. انا بخير الله يسلمك ام زياد: يا عساه دووم ام عبدالرحمن: وينك ياكافي ما تقولين اسأل عن وخيتي اشوف وش اخبارها وايش الدنيا بها؟ ام زياد: انا ؟؟ ولا انتي اللي من نقلتي للرياض نسيتينا... ام عبدالرحمن: ههههه ماعاش من نساك حبيبتي .. طمنيني عليك وعلى زياد وشلونه ؟ ام زياد: والله انا وزياد الحمدلله كلنا بخير .. ام عبدالرحمن: الحمدلله يارب.. انشالله دووم ام زياد: عاد انا كلمتك من كم يوم .. وردت علي اثير وقالت ليي انك منتي فيه ام عبدالرحمن: هووو .. وراها ما قالت لي ام زياد: الله يهديها ذا الاثير ما تغيرت .. من يوم يومها فاهيه ام عبدالرحمن: ههههههههه الله يعين .. امري حبيبتي ام زياد: ما يامر عليك عدو .. وكملت بجديه .. انتي طبعا يا عايشه عارفه انو زياد وحيدي .. وانه اغلى من عيوني الثنتين .. واني اتمنى له احسن حياة مع احسن زوجة ام عبدالرحمن: اي والله يا ام زياد .. الله يخليه لك يارب ويقر عينك بصلاحه ام زياد: اللهم امين .. عشان كذا ياحبيبتي بمجرد ما قررت اخطب له فكرت ودورت .. قلت مستحيل الاقي احلى وازين من بنت عايشه اثير زوجة لولدي ام عبدالرحمن: ........ ام زياد: ها وش قلتي يام عبدالرحمن؟ ام عبدالرحمن سكت شوي: والله مدري وش اقول لك يام زياد .. انتي عارفه معزتك انتي وزياد عندي .. بس البنت مالها نصيب عندكم ام زياد بهدوء: ليش؟ ام عبدالرحمن: اثير انخطبت من كم يوم وانشالله زواجها رح يكون بعد كم شهر وملكتها بنفس اليوم .. ام زياد:...... ام عبدالرحمن: على عيني اردك والله يام زياد .. بس خلاص البنت جاها نصيبها وعسى ربي يوفقهم كلهم ام زياد: يعني ما تقدرين تردينهم عشان ولدي؟ انتي عارفه انو زياد مافي منه ام عبدالرحمن: وانا اشهد .. بس صعبه والله الرجال ما ينعاب والله ومن معارفنا وقرايبنا .. والحين الكلمة عند اخوانها ورجال العايله مالي فيها انا ولا بنتي .. وربي وربي وربي يام زياد ، وشوفيني حلفت ثلاث مرات لو انو غدير بنتي كبيره الحين وبسن زواج .. كان ما تاخذ الا زياد بس وش نسوي هذا النصيب ام زياد زعلت: الله يوفقها ام عبدالرحمن: عاد لا اوصيك .. ابيكم تحضرون الزواج واثير بنتك قبل لا تكون بنتي وزياد اخوها ام زياد بقهر: انشالله .. يلله فمان الله ام عبدالرحمن: فمان الكريم ام زياد رزعت السماعه باقوى ما عندها.. وزياد مسكين يستنى الصاعقه تنزل عليه ,, لانه حس من كلام امه مع ام عبدالرحمن انو في شي .. زياد بقلق واضح: وش صار؟ ام زياد سكتت وخذت نفس: اثير انخطبت وزواجها بعد شهرين زياد دارت الدنيا فيه: يعني ايش؟ ام زياد: يعني الله يوفقها مالها نصيب معك زياد بعدم تصديق: بس هي المفروض تكون لي ام زياد عصبت : اووووووه باي حكم ؟؟ ماهي لك ولا انت لها البنت بتتزوج قريب خلاص يعني شيلها من راسك .. انا اوريك يا عايشه .. تردين ولدي عشان الغريب.. زياد وقف بقهر : انتي السبب.. صار لي كم اقول لك اخطبيها لي لا تضيع مني وانتي تقولين محد بيجيهم لا تخاف ولا تشيل هم .. شوفيها ماشالله ما كملت شهر بالرياض الا وهي مخطوبه ومحدده زواجها بعد ام زياد: انت يا ولد .. ترفع صوتك علي عشان بنت ..بكره انا ازوجك تاج راسها وبتشكرني بعدين زياد بصوت عالي شوي وهو ماسك اعصابه: شلون اشكرك وحلم طفولتي راح من بين يديني ..اثير هي تاج على روس البنات كلهم.. اسمعي يمه .. غير اثير ماني ماخذ وان ما كانت لي تراها حرام لغيري.. وبلغي امها ام زياد وقفت: انت مجنون .. وش ناوي تسوي زياد والشرر يتطاير من عيونه : مثل ما سمعتي .. ولو كلفني الموضوع اني اهدم حياتها بهدمها .. لو على موتي ام زياد بصراخ وعصبيه: انت مجنون تضيع نفسك عشان بنت زياد : لا تقولي عليها بنت !! هذي ملاكي سامعه ... والللللللللللله ما يتهنى فيها .. وبوريكم منهو زياد .. واثير لي انا سامعييييييييييييييييين قولي للدنيا كلها والعالم كلهم .. انو اثير لي .. وطلع بره البيت وهو مايشوف الطريق ام زياد تضرب كف بكف : ياربييييه الولد انجن وضاع مني خلاص ,, حسبي الله عليك يا عايشوه كان بنتك بتهبل بولدي .. كان زياد يمشي على رجوله ما ركب سيارته لانه يبي يطير القهر والغيض منه بالمشي.. صار يمشي وهو يخبط بالارض ويردد واللـــــــــــــــــــــ ــــــــه ما يتهنى فيها .. وصار يتذكر مواقفهم يومهم صغار ولما كانوا يلعبون سوى .. واخر موقف من سنه .. يوم شافها ببيتهم بالغلط وبدون ما تحس كانت جايه مع امها تزور ام زياد ,, وكانوا قاعدين بالصاله .. زياد نزل من الدرج ولمحها .. غض بصره بس بسرعه القى عليها نظرة من جديد .. شافها قاعده هناك بشعرها البني الفاااااتح الطويل وابتسامتها الناعمه وفستانها الزهري الرااايق .. خقق عليها وذاب فيها .. وسأل امه عنها وقالت له انها أثيــــــــــــــــــــــ ـــر ,, ومن وقتها وهي على بالها وهو مصمم انه ياخذها اسم على مسمى .. ااااااخ يا اثير.. والله ما تروحين من يدي لواحد تافه ,, ما تروحين من يدي لو ايش يصير.. وقعد يفكر كيف ممكن يمنع زواجها من هذا الشخص التافه المجهول بنظره بيت ابو ماجد ماجد كان قاعد بالصاله مع اهله كللللللللهم ماجد: ها يا متعب شلون الدراسه؟ متعب: والله ماعليها الحمدلله .. ادف نفسي مدافف ماجد: هذا كلام .. ياخي انت اخر سنه شد حيلك عشان تلقىة جامعه تضفك متعب بعدم اهتمام: اصلا انا بدرس بره ام ماجد:/ وشووووو !! والله ما تطبه ,, انت هنا مننا قادرين نقضبك تبي تهيت بره .. والله ما تسافر متعب تفشل خصوصا انو اخوانه قعدوا يضحكون عليه ابوماجد: ههههههههههههههه وامك صادقه يا متعب ,., ماني مخليك تروح بره لو ايش .. ياشيخ لو ادرسك على حسابي متعب: وش معنى ماجد يعني ؟؟ ليان: ماجد ماهو لعاب.. ماجد عارف وش يبي زين .. وهو راح يدرس طب ماهو لعب عيال .. وانت حدك لو درست بتدرس ادارة اعمال او محاسبه .. اقعد بس متعب انقهر منهم : يبه لو جبت نسبة عاليه تسفرني؟ ابو ماجد : ههههه اي يابوك .. انت جب النسبه بس وخلي الباقي علي << طبعا قال له كذا لانه عارفه انه مارح يجيبها متعب: وانتي يمه موافقه ؟؟ ام ماجد: اللي يقول عليه ابوك انا ما اثنيه متعب بتحدي: اجل بتشوفون .. ماجد: ههههههههههههههههه الله يقويك .. ماجد سكت وخلى اهله يكملون سوالف .. يفكر برانيا مشتاق لها ومشتاق لشوفتها .. من يوم مارجع الرياض وهو يدق عليها بس ماترد .. خاف لا يكون فيها شي.. وسرح بافكاره معها.. ابوماجد: ماجد يابوك ماجد:سم ابوماجد: وين وصلت ؟؟ وش تفكر فيه ؟ ايان بغرور: فيني طبعا ماجد قرص خدها بخفه: اكيد ابوماجد: من جد يا ماجد وش فيك ؟؟ ماجد تردد يقول او لا: ماجد انشالله يبه بعدين ماهو الحين ابوماجد: متى يعني؟ ماجد: بعد كم يوم انشالله بفاتحك باللي شاغل بالي ابو ماجد هز راسه يعني طيب وكملت العايله سوالفها وضحكها لوقت طويل بيت ابو بندر ابو بندر الفرحه ماهي سايعته برجعة بندر من استراليا.. جمع عياله وقعدوا بالحديقه يشربون عصير ويسولفون ابوبندر: ها يا بندر كم باقي لك وتخلص؟؟ بندر وهو شايل اخوه سلطان ومقعده بحضنه : هانت يبه .. كلها كم شهر انشالله وخلاص ديما: يعني بتقعد هنا على طول؟؟ بندر: اي حبيبتي انشالله ابو بندر: على بركة الله .. خلاص انشالله اول ما ترجع بالسلامه انت وماجد.. المستشفى اللي تحلمون فيها انا اللي ببينها لكم .. وبتكون شراكه بينكم انتم الاثنين بندر ما صدق اللي سمعه: يبه من جد تتكلم ابو بندر ضحك بفخامه : هههههههه معودك على المزح بندر لا اراديا قام وباس راس ابوه وشكره ريما بفرحه لاخوها: الله يوفقكم يارب بندر: اميين .. نزل راسه لسلطان اللي كان بحضنه .. وكان سلطان يطالع فيه طول الوقت ماهو مصدق انه اخوه بندر: ههههههه وش فيك سلطان ؟ سلطان: انت اخوي ؟؟ بندر: ههههههههههههههههه اي والله انا اخوك .. صار لك تسألني ذا السؤال عشرين مره سلطان: يعني انت ولد بابا ؟؟ الكل: هههههههههههههههههههههههه ابو بندر: اي حبيبي ولد بابا واخو ريما وديما وبدر سلطان عقد حواجبه: كيف يعني ؟؟ هو وين كان؟ بندر: كنت ادرس بره سلطان مافهم وسلك له .. حرك راسه يعني طيب ديما: هههههههههههههههه يلله تعال حبيبي نغير ملابسنا لانها توصخت من العصير سلطان : طيب .. وراحوا ابو بندر: وانا بروح بعد اخلص لي كم شغله ريما وبندر: طيب بندر وهو يراقب ديما وهي تمشي: وش فيها ديما؟ ريما: من اي ناحيه ؟ بندر: مدري احس نفسيتها تعبانه ريما بابستامه : مافيها الا العافيه .. بندر يطالعها بنص عين: مو انا اللي تخبين علي يا ريما .. انا اخوك الكبير وفاهم كل شي.. ريما: ........ بندر بحنان: امي صح ؟؟ ريما هزت راسها: اي بندر اخذ نفس ورفع راسه للسما: للحين ريما: وزادت بعدما جابت سلطان بندر: الله يهديها .. مالنا غير هذا القول .. ويسخرنا لها ويخليها لنا ريما : اميييين بندر: وانا اقول وش فيها ما سلمت علي بشوق ولاشي.. مع اني انا كنت مشتاق لها اكثر شي ريما: معليش بندر.. امي كذا ، وش بيدنا بندر: معليش.. يلله حبيبتي خلينا ندخل جوة بدا الجو يبرد ريما: يلله =-=-=-=-=-=-=-=-=--==---=- بيت ابو رنيم رنيم كانت جالسه بغرفة امها معاها رنيم:كيفك يمه الحين ؟ ام رنيم: الحمدلله انا بخير.. متى قال لك الدمتور بيبدى جلسات الكيماوي؟ رنيم بحزن: يقول باقرب وقت ممكن .. ام رنيم : الله كريم رنيم: ماما انتي مستعده ؟؟ ام رنيم: ايوه حبيبتي وراضيه باللي ربي كتبه لي الحمدلله .. وانا بصبر واحتسب الاجر رنيم: الله يقويك كمان وكمان ام رنيم: امين حبيبتي .. الا وين مشاعل ؟ رنيم: بغرفتها كالعاده ام رنيم: انتبهي عليها طيب ؟؟ رنيم: لا تخافين مشاعل بعيوني ام رنيم: الله لا يحرمكم من بعض .. دخل ابو رنيم على زوجته وبنته ابو رنيم: كيفك يا اماني الحين ؟ ام رنيم: الحمدلله بخير ماعلي ابو رنيم: انا رسلت تقاريرك لبره .. عشان نعالجك هناك ام رنيم: بس انا مابي اتعالج بره ابو رنيم: رنيم حبيبتي اتركينا انا وامك شوي رنيم: انشالله .. طلعت رنيم وسكرت الباب ابو رنيم جلس جمب زوجته والتفت لها: ليش يا اماني تبين تحرقين قلبي عليك ام رنيم: انا مابي اتعالج بره يا حمد.. ابي اموت بين بناتي واهلي وببلدي ابو رنيم غمض عيونه بألم .. فكرة انو زوجته تتركه للابد مسيطره عليه من يوم ما درى بمرضها .. خايف يفتح عيونه بيوم ولا يلقاها .. يلقى حياته خاليه بدونها وظلام .. ابورنيم: جعل عمرك طويل .. مسك يدها وباسها ام رنيم ابتسمت له بحنان .. وحطت راسها على كتف زوجها وغفت ابورنيم يمسح على شعرها.. ماني مخليك يا اماني.. لو ادفع اللي وراي ودوني ، بتتعالجين يعني بتتعالجين .. وبتتشافين باذن الله وترجعين تنورين بيتك وحياتي من جديد .. الله كريم بس.. | ||||||||
|
| |
|
25-05-15, 08:37 PM
| #16 | ||||||||
| مراقبة عامة ومشرفة منتدى الروايات المنقولة
| غرفة مشاعل .. مشاعل كانت قاعده تسمع اغاني بالايبود حقها ..دخلت عليها رنيم رنيم : انتي ماشفتي ماما اليوم ؟ مشاعل وهي تشيل السماعات من اذنها: لا .. دخلت عليها كانت نايمه رنيم: متى كان هذا ؟ الساعه عشره الصباح ؟؟ وليش ما دخلتي عليها بعدين ؟ مشاعل: انشغلت رنيم طالعتها من فوق لتحت ولا ردت عليها وراحت لغرفتها مشاعل: رجعت السماعات لاذنها ولا كنو شي صار غرفة رنيم .. رنيم دخلت غرفتها ووقفت بالبلكونه .. وصارت نسمات الهوى تداعب خدها .. فكت شعرها وصار العوى يداعبه كمان .. دخلت اصابعها بين خصلات شعرها بنعومه وهي تتنتهد وتذكر الله .. رنيم: والحين رجعت ونورت الرياض يا ماجد.. رجعت وانا بأمس الحاجه لك .. صحيح ما تهنيت برجعتك ولا فرحت فيها .. بس احاسسي انك منور حياتي يكفيني .. انك جمبي وانا محتاجتك .. مرض امي هدني .. كل اللي ابيه اني اكحل عيوني بشوفتك.. اشتقت لك يا ولد عمي وشوقي ذبحني بيت ابو مشعل ام مشعل كانت قاعده بالصاله .. تخطط عشان زواج مشعل اللي بيصير بعد شهرين .. لقت لها قاعه وحجزتها .. ام مشعل: اقول ابو مشعل ابومشعل: سمي ام مشعل: سم الله عدوك .. متى بتودع المهر بحساب اثير؟؟ ابو مشعل: بكره الصبح انشالله ام مشعل: اي عشان تتجهز خلاص ما بقى شي ابو مشعل: الله يتمم على خير يارب.. هاا مبسوطه يختي اخيرا بتزوجين مشعل ام مشعل: اكيد مبسوطه .. هذا مشعل بكري واول فرحتي .. ابو مشعل: عسى ربي يخليك ذخر لهم ام مشعل: ويخليك يارب ... دخل مشعل عليهم الصاله مشعل: السلام عليكم ابومشعل وام مشعل:وعليكم السلام ورحمة الله وبركاته ابومشعل: ها يا مشعل شفت القاعه .. عساها عجبتك؟؟ ام مشعل:دامني انا اللي مختارتها اكيد بتعجبه مشعل: اي زينه ابومشعل: وش فيك يابوك .. ما احسك مبسوط مشعل: الا مبسوط .. عن اذنكم .. وطلع لغرفته ابو مشعل: هو للحين ماهو موافق؟ ام مشعل وهي تتصفح مجلة الازياء عشان تختار لها فستان: ماعليك منه بس.. بكره يشوفها ويبوس يديني الثنتين على اختياري ابو مشعل: اي بس مايصير كذا ..لازم يكون مقتنع بالبنت ويبيها.. وبعدين هو ماشافها بيوم الخطبه عشان على الاقل تدخل مزاجه ام مشعل: هو مايبي.. بزعمه يبي يقهرني .. بس ما يخالف عشان كذا خليت الزواج والملكه بيوم واحد عشان ما يمديه يسوي حركه يمين ويسار .. الصبح يملكون والليل العرس ابو مشعل ماهو راضي بس هو عارف انه امه تبي له الخير: عسى الله يهنيهم دلال والهنوف وايان وليان ومها كانوا طالعين السوق يتمشون ويشوفون لهم فساتين عشان زواج مشعل دلال: افففففففففف لفينا لين طاحت رجولنا ولا لقينا ولا شي زين الهنوف بعصبيه: عشان مرة صانيه لما اقول لك خلينا نجيب من بره زي ماما تسمعين الكلام وما تكثرين حكي دلال: قصري حسك منتي بالبيت الهنوف: الحين طلعتي ذي صارت عالفاضي.. ايان: ولا يهمك .. تعالي بس نسحب على العرس واغراضه ونروح نشتري لنا كم شغله الهنوف: يلله مشينا.. وراحوا ليان: لا تبعدووووووون اول ما ندق عليكم تعالوا نبي نطلع الهنوف وايان اصلا ماردوا عليها مها: ههههههه هذي اولها ليان: عارفه اني بسحبها تسحيب بس وش اسوي .. دلال: بنات تعالوا هذا المحل ابي اشتري لمشعل جاكيت من زمان ما هاديته شي ليان ومها: يلله .. دخلوا البنات محل ملابس رجاليه وصاروا يدورون ويتفرجون .. اما دلال كانت محتاره مررررره في اكثر من جاكيت ياخذون العقل .. طاحت عينها على جاكيت بطلللللل .. كان اسودة وجلد ومررره كلاس قررت تاخذه .. مسكته من طرف بس حست احد يمسكه من طرف ثاني .. دلال شدت بقوة: عفوا اختي البنت سحبت باقوى ما عندها : انا اللي مسكته قبلك .. دلال حست الصوت ماهو غريب عليها بس طنشت: يعني شلون؟؟ البنت : يعني ابخذ الجاكيت .. دلال بلباقه : عليك بالعافيه .. ومشت البنت كنها عرفتها .. انتي دلال؟؟ دلال استغربت ولا ردت.. البنت : وانتي ملاحقتني من هنا لهناك .. مو كفايه اشوفك بالجامعه لا بعد تطلعين لي هنا دلال عرفتها .. هذي تهاني ماغيرها يحكي بوقاحه معي دلال ما ردت عليها وعملت نفسها كنها ماعرفتها : لا غلطانه .. تهاني اخذت الجاكيت وحاسبت عليه وطلعت من المحل وراحت لاخوها اللي كانت عنده مكالمه ، عشان كذا ما دخل معاها المحل فهد: ها تهاني خلصتي ؟؟ تهاني: اي فهد:ما قلتي وش عندك هنا؟؟ تهاني: ابد .. حبيت اجيب لاخوي شي فهد: اوووووه ... توت راضيه علينا اليوم تهاني: ودووم راضيه عليك .. انت اخوي وحيدي كيف ما ارضى عليك؟؟ فهد اخذ الكيس منها: الله لا يحرمني منك يارب.. شكرا حبيبتي واردها لك انشالله تهاني مبسوووطه مره .. اولا لانها هدت اخوها وفرحته وثانيا لانها حرقت قلب دلال.. يلله فهوود مشينا فهد مسك يد اخته: يلله ليان: وش فيك ليش ما شريتي شي؟ دلال: مالقيت شي حلو مها: لييييييش في احلى الاشياء هناك انا بنفسي شايفه دلال: ماهي ستايل مشعل ابد.. يلله بنات مشينا البيت انا تعبت البنات يلله .. بيت ابو ماجد ماجد كان منسدح بغرفته .. مسك جواله فكر يدق على رانيا .. يمكن ترد علي الحين دق ودق ودق .. وجاها الصوت رانيا: الوو ماجد: هلا ياروحي رانيا: اهلين ماجد... شخبارك؟ ماجد: مشتاق لك .. وينك يالظالمه اسبوع ادق عليك وانتي معطيتني طااااف رانيا: اعذرني حبيبي عندي شغل ماجد بحزن: وش هذا الشغل اللي ماخذك مني طول هالمده ولا خلاك حتى تشتاقين لي رانيا: ماجد حبيبي خلاص زن.. قلت كل مشغوله ماجد حز بطاخره تعاملها الجاف: طيب وللحين مشغوله . رانيا: تقدر تقول كذا ماجد: طيب اجل .. كلميني لما تفضين رانيا: اوكي حبيبي,.. دير بالك على روحك ماجد: وانتي بعد.. بااي رانيا: بااي .. وقفلت على طول ماجد انقهررر.. وبعدين معها ، مدري ليش تعاملني بذا الطريقه .. اكيد ملت ما الومها .. انا بنهي السالفه يا رانيا عشان نرتاح انا وانتي .. لاني بجد ماني مرتاح وانتي بعديه عني .. دق جواله وكان بندر المتصل بندر: هلاااا ماجد:هلا بك بندر: وينك يا رجال .. من وصلت ما سمعت لك حس ولا شفت لك رقم .. ماجد: وش اسوي .. من فرحتي باهلي .. ما شفتهم من سنين بندر: الحمدلله وهذانا بينهم الحين .. وانشالله قريب ونكون بينهم على طول ماجد: انشالله .. بندر: اقووول ماجد.. ترى سعد كلمني وقال لي يبينا نلقتي بالديوانيه وش رايك ؟؟ ماجد: اللله المستعااااان سعد !!! يا حبي له يلله قدام بندر: يلله عاد وانا بجيب بدر اخوي وبيكلم مشعل وخالد ومحمد والشباب ماجد انبسط .. زمااان عن جمعتهم : خلاص اوكي ولا يهمك بندر: تعال على بيتي ونطع انا وانت سوى ماجد: طيب .. شويات واكون عندك .. فمان الله بندر فمان الكريم .. قام ماجد وغير ملابسه عالسريع وطلع وهو يحاول يتناسى رانيا .. بيت ابو بندر ابو بندر كان بالمكتب كالعاده .. كان الشغل ماخذ كل وقته .. فتح خزنته الكبيره يدور اوراق مهمه تخص الشغل .. شوي وتطيح بيده اوراق قديمه اول ما شافها حس موية بارده انكبت عليه .. ايش جاب الاوراق هذي هنا .. كانت رسايل قديمه .. ترجع لاكثر من ثلاثين سنه .. تصنم وهو يقلبها بين يدينه وصار يرجع بذاكرته لورى .. لثلاثين سنه .. قبل ما يسافر يدرس ببيت عبدالعزيز ( ابو سلمان ) << الجد كان سلمان وقتها عمره 23 سنه .. نزل الصاله عند امه بس لقى عنده حرمتين وحده مبين عليها كبيره والثانيه لا وطبعا كانوا متغطيات تنحنح سلمان ام سلمان : هلا يمه سلمان.. لا تدخل عندنا حريم سلمان: خلاص يمه اذا خلصتي انا بكون بالمجلس ناديني خاطري اجلس معك ام سلمان: انشالله يمه .. سلمان قعد بالمجلس يتفرج على التلفزيون يستنى امه تخلص وتناديه .. قعد فتره حوالي نص ساعه .. شوي وحس بصوت من بره .. طل من الشباك ومن ورى الستاير لقى بنت قصيره شوي طويله .. كانت معطيته ظهرها وواقفه مع امها تشرب مويه ام مريم: يلله يا بنتي اخلصي علينا ابطينا واحنا هنا مريم: طيب يمه الله يهديك هذاني خلصت ام مريم اخذت منها الكاس: اشووف خليني ارجعه للخدم قبل لا نطلع مريم: بجي معك ام مريم: وشو له تجين .. كلها كاس انا شايلته .. ثواني وارجع مريم : طيب .. قعدت تنتظر امها وصارت تدور بالحديقه اللي بالبيت عدت على الورود وصارت تتفرج عليها ,, مدت يدها واخذت فله صغيره مرررررره .. تلفتت حولها ما لقت احد وتطمنت .. نزلت طرحتها وحطت الفله على شعرها الاسود الطويل وضحكت بخفه .. مريم: هههههه اما لو تشوفني امي منزله الطرحه من على راسي لا تسود عيشتي .. ولبستها بسرعه وتغطت .. ولا حست باللي خذت عقله من شافها اول مره .. غطت عيونها وقعدت على كرسي بالحديقه تنتظر امها ام مريم جت بعد شوي مريم: يمه الله يهديك وينك هذا كله ؟ ام مريم: يابنتي ضيعت المطبخ .. بيتهم ماشالله كبير بكبر حارتنا درت لين لقيته مريم: هههههههه طيب يمه يلله الحين خلينا نروح وقت الدوا حقك قرب ام مريم: اي يابنتي ..وبعد خلينا نلاقي تاكسي قبل لا يتأخر علينا الوقت مريم: يلله ..وصاروا يمشون لين طلعوا برة الفيلا سلمان لا شعوريا راح وراهم وركب سيارته وصار يمشي وراهم لين وصل بيتهم .. ودله ، يوم دخلوا مريم وامها البيت فتح سلمان شباكه وصار يناظر الحي اللي هو فيه .. كان متهدم وحالته حاله .. سلمان: اجل اسمك مريم.. يا حلوك ويا حلو شعرك بس .. وصار سلمان مسكين كل يوم يجي عند باب البيت على امل تطلع مريم منه ويلمحها لو حتى عيونها بس.. صار يقعد عن البيت بالساعات ولا هو فاقد الامل .. بجد جننته وبعدها بفتره .. طلعت مريم من البيت وتحقق منى سلمان وشافها , مع انها مغطيه لكن معليش كفايه عليه شوفته لها وهي تمشي .. كانت تمشي وماسكه كيس زباله الله يكرمكم .. كبت الكيس ولفت نظرها بسس صغيره مررررره كانوا ثلاث .. قربت منهم وصارت تلاعبهم برقه وكل هذا قدام عيون سلمان اللي حتى ما رمش خايف يضيع ثانيه وحده من شوفتها .. شوي وسمعت صوت بسه جاي من بعيد وكانت البسه مرررره معصبه .. خافت منها مريم واستنتجت انها امهم .. وقفت بشويش وبعدت عن البسس لكن ابدددد البسه لا زالت معصبه لانها قربت من عيالها .. مريم صرخت من الخوف طلع سلمان من سيارته وبعد البسه عشان مريم تمشي ..ومريم ما صدقت انحاشت .. ودخلت البيت سلمان صار يراقبها وهي تركض للبيت.. افففف الله يخسك من بسه روعتيها ..غريبه ليش هي اللي طالعه تكب الزباله .. مافي رجال بالبيت ؟؟؟ وصار على ذا الوضع فتره طويله كل يوم يعدي على بيت مريم وينتظر يمكن تطلع او لا .. وبيوم كان سلمان ببيته .. وامه قاعده معاه ومع اخوانه ام سلمان: راشد يا وليدي راشد: سمي يمه ام سلمان: عدوك السم .. ابيك تروح بيت ام مريم الخياطه تودي لها جلابية اختك الجوهرة عشان تزينها لها .. انا كلمتها وقلت لها على اللي ابيه بالضبط نط سلمان من طاري ام مريم .. مافي غيرها سلمان: انا اوديها يمه ام سلمان: ايه الله يجزاك خير .. يلله متى توديها؟ سلمان وهو يوقف: الحين .. يلله الجوهره جيبي الجلابيه الجوهره قامت: انشالله وراح سلمان لبيت ام مريم وطق الباب وهو يدعي انها هي اللي تفتح له الباب خاطره يسمع صوتها مريم: مييييييييييييين.؟ سلمان ياويل حالي لو كانت هي : انا ولد ام سلمان مريم: امر اخووووي سلمان ااااخ بس انتي اللي تامرين على روحي : جايب لك اللي امي تبيكم تعدلونه .. مريم تفتح الباب بشويش: حطه عند الباب اخوي .. حطه سلمان وبعد .. واخذت مريم الاغراض ودخلت جوة .. واليوم اللي بعده رجع عشان ياخذ جلابية اخته .. ومن بعدها صارت كلما بغت امه شي من بيت ام مريم هو اللي يروح ويوديه او يجيبه .. واستمر على ذا الحال شهووور وبيوم .. كتب رساله لمريم يعبر فيها عن حبه العذري لها .. بالبداية مريم ماكانت ترد عليه لكن بعد الرساله الخامسه يوم شافت اصراره على الارسال رسلت له .. وصارت الرسايل هي وسيلة التواصل بينهم .. مريم حبت سلمان وسلمان زاد حبه لمريم .. لغاية يووووووم ابو سلمان: سلمان .. انا قررت اسفرك بره عشان تكمل دراسه سلمان: ايييييش؟؟ لا يبه تكفى ابوسلمان : وليش لا انشالله ؟؟ سلمان: يبه انا مابي افارقكم .. لا انت ولا امي ولا حتى اخواني ابوسلمان : ماهو حكي رجاجيل هذا اللي انت قاعد تقوله .. بتسافر يعني بتسافر.. بس قبلها بخطب لك سلمان وكنها الطاااامه على راسه .. مصيبتين بوقت واحد : تخطب لي ؟!!! ابو سلمان : اي بخطب لك .. سلمان بقلق من اللي بيسمعه مع ابوه: خلاص بنقول لامي وهي تدور لي بمعرفتها " كان مخطط يقول لامه عن مريم" ابو سلمان: انا لقيت لك البنت المناسبه سلمان: تكفى يبه .. حتى هذي بتقررها انت .. مابي اسافر ولا ابي اتزوج ابو سلمان بهيبته: مو انت اللي تعصي اوامري يا سلمان .. وبتاخذ البنت غصب عليك.. بتملكون وبتسافر تشوف الوضع هناك وتجهز لك مكان انت وزوجتك وبعدها بيتم زواجكم وتاخذها من ثاني يوم .. وافق بالطيب احسن ما ازوجك بالغصب واغضب عليك سلمان ماقدر يقول لا : على امرك يبه بمجلس الحريم كانت ام سلمان قاعده مع ام مريم ومريم عشان توصيها على كم جلابية تسويها ام سلمان: عاد ابيك تخلينها جلابيه ولا كل الجلابيات .. بلبسها بعرس ولدي .. ام مريم: ماشالله قررتوا تزوجونه؟؟ ام سلمان: اي انشالله بنزوجه وبيسافر عقبها يكمل دراسته .. ام مريم: انشالله تفرحين فيه وبعياله وشهادته ام سلمان: انشالله .. عاد انا منى عيني اشوف عيال سلمان بكري .. هنا مريم وكأن موية بارده انكبت عليها .. سلماااااان بيتزوج .. ليش وانا وين بروح .. وانا ايش بيصير فيني بعده .. ام مريم: الله يهنيهم يارب.. ام سلمان: اممييييييين .. مريم ماصدقت وصلت بيتها .. رمت نفسها على فرشتها وقعدت تبكي مووووووت لغاية ما حمرت عيونها ..ليش يا سلمان تلعب فيني دامك بتاخذ غيري ليش.. مو حرام .. والله حبيتك وانت استهنت بحبي لك .. الله يسامحك بس.. الله يسامحك .. هذا وانا ارفض كلمن تقدم لي لعيونك .. اخرتها تتزوج وتخليني واليوم اللي بعده .. كان سلمان بسيارته وبيده رسالة لمريم .. ماهو عارف وش يسوي مصيبه وحلت على راسه .. ما يقدر يبعد عنها بعدما ما صار يتنفس هواها .. كيف اعيش بدون مريم كييييييييييييييييييف؟؟ شوي ومريم طلعت كعادتها تكب الزباله وانتو بكرامه .. سلمان قرب منها: مريم مريم فزت :خييييييييييير سلمان استغرب من ردها .. مايدري وش فيها " مع العلم انه ما يدري انها درت عن سالفة زواجه وسفره " : الخير بوجهك .. وش فيك زعلانه ؟؟ مريم لااا ومسوي روحه ما يدري: ابد ماني زعلانه ولا شي سلمان قطب: اجل ليش تكلميني بهذي الطريقه ؟؟ مريم تتكتف: يتهيأ لك .. انا اكلمك عادي .. رجاءا ابعد عن هنا لحد يشوفك .. ويكون من الاحسن انك معد تجي عشان ما يصير شكلنا غلط قدام الناس .. سلمان منصدم من اسلوبها: مريم انا مزعلك بشي؟؟ مريم: ليش هو في شي بيننا اصلا عشان نزعل من بعض؟؟ سلمان انصعق من كلامها: انتي وش قاعده تخربطين؟؟ مريم كانت تغلي من جوه .. ماهي قادره تتحمل تشوفه قدامها بعد ما لعب عليها .. قررت انها تعذبه وتذله وتشربه من نفس الكاس اللي شربت منه : الخرابيط هي اللي احنا قاعدين نسويها الحين سلمان بنفاذ صبر: تسمين حبنا خرابيط!!!!!! مريم بسخريه: هههههههههه انا عمري ما حبيتك .. ويلله لو سمحت فارق الحين .. وعلى فكره انا بتزوج بعد كم اسبوع سلمان بغى ينهار: تتزوجين ؟!!!!!! مريم: اي بتزوج ..وانت معزوم .. ويلله عاد لو سمحت لعد اشوفك هنا مره ثانيه عشان محد يشوفنا .. انا بنت يتيمه ومالي غير الله ثم امي .. وماني ناقصه احد يجيب سيرتي بالشينه واصير حكايه بفم اللي ما يخافون ربي .. سلمان طالعها بندم وقهر: هذا اخر كلامك مريم ؟؟ مريم وهي تصد وتكتم عباراتها: اي سلمان وفر بقوة وحراره: يا خساااااارة حبي بس.. خسارة سهري لك وهيامي فيك .. الله يوفقك يا مريم واذكريني بالخير.. وصدقيني انتي بتكونين احلى ذكرى مواحلى شي صار لي بحياتي .. الله يهنيك يارب ويستر عليك .. ومشى لسيارته وهو يجر قلبه المنكسر معاه جر .. ركب سيارته وطالع الرساله اللي كانت معاه.. كان يتمنى يشقها ويحرق باقيها زي ما انحرق قلبه بس ما قدر .. قرر يحتفظ باخر كلاماته لها .. شكلها كانت تتسلى فيني ..وبقلبي.. عالعموم الله يوفقها يارب ويهنيها مع غيري مريم دخلت البيت ومسحت عبراتها ام مريم بخوف: وش فيك يا مريم؟؟ مريم: مافيني شي يمه .. بس صداع ام مريم: بسم الله عليك .. روحي نامي شوي لين يأذن العشا مريم: انشالله .... بعد ثلاث ايام .. ام مريم : مريم يمه مريم: سمي ام مريم: متقدم لك واحد .. وهو مريم بدون ما تكمل امها كلامها: يمه انا موافقه,, بيت ابو سلمان .. وبنفس الوقت بالضبط سلمان: يبه .. ابو سلمان: سم سلمان: انا موافق على الزواج والسفر ابو سلمان بابتسامة فخر: بارك الله فيك يا ولدي.. وافترقو قلبين يحملون احلى معاني واحاسيس الحب الطاهر .. الحب العذري النظيف .. اللي نادر وجوده بهالزمان وكل واحد شاف نصيبه بعيد عن الثاني سلمان تزوج فوزية .. اللي تكون بنت واحد يشتغل بشركة ابوه .. كان عبدالكريم ابو فوزية يحتضر ووصى ابو سلمان عليها.. فقرر انه يزوجها سلمان لانه البكر وهو اللي ينشد الظهر فيه .. وسوى زي ما قال له ابوه تزوجوا وسافروا.. سلمان ما تقبل فوزية بالبدايه .. وبعدين صارت بالنسبه لها شي عادي .. وجودها مفروض عليه بحياته .. ماحبها لانها كانت السبب ببعد حبيبته مريم عنه .. مع انو مالها ذنب يعني .. وهي مع الايام اكتشفت انو سلمان كان يحب قبل زواجهم لانو رسايله هو ومريم طاحت بيدها .. وحقدت عليه وعليها ومن يومها وهي حالفه تنغص عليه حياته .. وتمنت انها توصل لحبيبته عشان تذوقها العذاب بس للاسف ماقدر .. لانها ما تعرف غير اسمها مريــــــــــــــــــــــ ـــــــــــــم مريم & سلمان انتهت قصة حبهم قبل تبتدي .. بس كل واحد فيهم عاش وقلبه شايل حب الثاني.. وكل واحد فيهم حط اللوم على الثاني فبعده عنه ,, معقول بيوم ينكشف المستووور؟؟ انتهى الجزء التاسع وش رايكم بعدما انكشف سر ابو بندر اللي دام لثلاثين سنه اللي من بداية الروايه وتلومون فوزية بسواياها ؟؟ ايش رايكم بزياد ؟؟ وتوقعاتكم .. دمتم بود .. | ||||||||
|
| |
|
25-05-15, 08:39 PM
| #17 | ||||||||
| مراقبة عامة ومشرفة منتدى الروايات المنقولة
| الجزء العاشرررررر بيت ابو بندر ابو بندر فاق من ذكرياته الحلوة والحزينه بنفس الوقت على صوت الباب كان ولده سلطان دخل له وهو يركض ويسحبه من يده ابو بندر: ههههه وش بلاك سلطان؟ سلطان: يلله بابا اكل ابو بندر قعد يتأمل ولده للحظات وهو مبتسم .. تخيل لو يكون هو ولده من مريم زي ما كان يحلم,, بس قدر الله وما شاء فعل .. سلطان وهو يهز ابوه: يلله بابا اكل ابو بندر ابتسم لولده : يلله حبيبي ناكل بالديوانيه كانوا الشباب كلهم مجتمعين ومبسوطين عالاخير بجية بندر وماجد لهم معاذ: هااااا يا شباب كيف الدراسه بره ماجد: والله ماعليها .. تعب وغربه وشقا بندر: انا عن نفسي الود ودي اخذكم كلكم ونعيش هناك عبدالرحمن: لا والله روح انت مع نفسك انا عندي مسؤوليات بندر: وش عندك انت وخشتك عبدالرحمن وهو يمسك ياقة القميص حقه: احم عندي بيت واولاد بندر انصدم : من جدك!!! عبدالرحمن: معودك عالمزح مع وجهك ماجد: ومن متى !!! عبدالرحمن: من 5 سنين بندر طيح عيونه وطالع ماجد: يووووء شكل والله يومنا هناك تم انشاء اجيال الكل:هههههههههههههههههههه عبدالرحمن: اي افا عليك .. معك ابو رائد ورند ماجد: ياحلوهم .. تكفى جبهم ابي اشوفهم عبدالرحمن: انشالله ولا يهمك.. بندر: هااا ومن فيكم خان بعد وسواها وتزوج معاذ: انا عن نفسي بالطريق .. خاطب ماجد: وججججع جعلك ما تتهنى معاذ ارتاع: حرام عليك حب عمري هذي بندر: اووووخس حب وحركات منت هين معاذ: اكيد ماني هين بندر التفت لسعد: وانت سعد: انا لا والله عاجبتني عزوبيتي وناوي اقعد فيها كم سنه بندر: لين تصك الاربعين مثلا؟ سعد بمزح: تقدر تقول كذا بندر: اما انا لا والله ناوي اتزوج قريب.. اقوول سعيدان وش اخبار " وكمل بهمس" اختك سعد قطب باستغراب: اختي؟؟ بندر: ههههههههههههه اي ولا نسيت .. اني خاطبها منك يوم عمري 10 سنين سعد فطس ضحك: ههههههههههههههههههههههههه ههههههههههههههههههههههههه ههههههههههههههههههههه الله المستعان للحي متذكر بندر: اقول لك خطيبتي تقول لي متذكر.. كيف بنسى بالله سعد: هههههههههههههههههههه والله ماعليها انشالله السنه الجايه بتكون اول سنه لها بالجامعه بندر انصدم: من جد !! ياسرع الاياااااااااااااام والله وكبرت سعد بمزح: اقوووووووووول ما تحس انك زودتها مع خشتك !! لا تجيب طاري محارمنا بندر: هههههههههههه اسفين طال عمرك معاذ: وش عندك انت وياه تتهامسون .. شاركونا بالحديث بندر: وانت وش عليك .. واحد ونسيبه احم اقصد واحد وخويه يحكون سعد:هههههههههه اي كذا عاد امسك لسانك بندر بهمس: اكيد لا توصي محارمكم محارمنا مافيها كلاااااام ماجد كان ساكت لفتره يفكر بوضعه هو ورانيا .. ولفت انبتاه معاذ معاذ : مجوود ماجد: هلا معاذ: اللي ماخذ عقلك ماجد بابتسامه حزينه: محد ماخذ عقلي ولا شي معاذ: اكييييييد ماجد: اكيدين بعد معاذ وهو يمسك العود حقه: طيب يلله غني لنا ماجد يحرك يده: لا لا لا يرحم امك مالي خلق معاذ: انا ما اشاورك انا امرك امر ماجد: هههههههههه غصب السالفه يعني معاذ: اي غصب ونص بندر: ياخي غن وش وراك سعد: من جد ياخي اللي يغنون ذا الايام ماهم احسن منك ماجد: قال اغني قال.. لو ابوي يدري ترى كسر ذا العود على راسي سعد: طيب غن الحين سمعنا ماجد يتعدل بجلسته : طيب بغني اغنية احسها فعلا انا .. معاذ وهو يعدل جلسته بالعود: يلله غن يا انا وانا بعزف .. وبدا ماجد يغني بصوته القوي .. وبكل احساس وكل نبضة بقلبه تحكي كلمات الاغنية هذي.. تخيل رانيا قدامه وبدا لا هي نار ولا هي ما لاهي غيمه ولا ضما ان حكت غنت سنابل من رضا والسكوت ان صار نيران الغضا يا رضاها وقف وناظر شوي شف غلاها ايش سوى بقلب حي ااه ااه ااه من قلبي نصحته بس عيا ينتصح نبضه يبيها ااه ااه ااه من ليه عيا ليه عزم يترك الكون ويجيها ما عرفت القى لهذا القلب حل الجواب اقفى بظله وارتحل وما بقى لي غير انتي يا غريبة يا رحيل العمر فيني يا حبيبة يا رضاها وقف وناظر شوي شف غلاها ايش سوى بقلب حي كيف حي ولا لقاها وان لقاها مابقى بيدينه شي غير انه يحتريها سولفي للناس عني سولفي للناس عني قولي اني ما عرفت اختار من قلبي يحبه سولفي للناس اني سولفي للناس اني ما عرفت اقرى وجوه الحاضرين من الاحبـــــــه تجمعين الضد في كل الامور غامضة مرة ومرة مثل نووور تشبهين احيان اوقات الخريف تمطرين احيان احساسك زهور صدقيني صرت من بعدك اخاف واعترف ان الخلاف واسع طريقه وانا ما نلقتى في اي شي فينا اختلاف فينا اختلاف وللاسف هذي الحقيقه ماجد: وسلامتكم ,,, سعد: اللللله يبو راشد .. صح لسانك .. ماجد: تسلم والله بندر: اوووخس اول مره ما تغني لي اغنيه كل ابوها هيام وعشق عبدالرحمن: ياخي خله يغني ما يتشتهيه قلبه سعد: اقوول بس انت وياه .. ماجد عطنا اغنيه ثانيه ماجد: لا ثانيه ولا ثالثه .. خلني مع نفسي عبدالرحمن: اووه هذولي الشباب وصولوا محمد ومشعل وبدر وخالد: السلام عليكم الكل : وعليكم السلام عبدالرحمن: حي الله النسيب مشعل انقلب وجهه: الله يحييك خالد: ها اشوفكم مستنكنين ... شكلكم هنا من زمان معاذ: اي تقدر تقول كذا بدر: اقوول انت وياه جيبو الورقه خلنا نلعب دور بلووت حالف اليوم اكسر روسكم كل ابوكم مشعل تحمس : يلله يلله وزع قعدنا .. وصارت جلستهم بجد وناسه وفلوها لانهم ما اجتمعوا كاملين كذا من سنين وتحديدا من قبل لا يسافرون بندر وماجد بيت ابو رنيم ,, مشاعل كانت بغرفتها .. قاعده على تسريحتها تستشور شعرها وتفكر بنفس الوقت الحين الحقير احمد صار له فتره تاركني وانا تحلفت فيه .. بس مدري وش ممكن اسوي فيه بالضبط .. ادبسه بقضية مخدرات ولا دعاره .. او ممكن ادور اشوف اذا كان له اخت وافضحها ,, اففففف مدري مدري وش ممكن اسوي فيه .,. الحقير قاهرررررني .. اجل في واحد بعقله يترك وحده مثلي .. لا والله ما جابته امه اللي يشوف حاله علي ويتركني ..خلصت من شعرها بس ما خلصت تفكير باحمد .. قامت ورمت نفسها على الكنبه اللي بغرفتها وهي تتأفف افففففف .. شكلي بخليه لوقته .. الود ودي انتقم منه اليوم قبل بكره بس في شي داخلي يقول لي انتظريي شوي .. خليني انتظر شوي ، يمكن بعد القى مصيبه اكبر واكبر ممكن ادبسها فيه .. شوي ورن جوالها برقم غريب .. ردت بدلع مشاعل: الووو .....: السلام عليكم مشاعل: وعليكم السلام .. مين ؟؟ ......: هذا جوال نوف؟؟ مشاعل بخبث: لا والله بس لو حبيت اصير لك نوف صرت .. ......: ههههههههه فديت ذا الصوت انا .. مشاعل ابتسمت وتمددت على كنبتها وصارت تكلم الولد اللي ما تعرف وش سالفة امه .. بس عشان تضيع وقت معاه .. ولهاها الولد عن تفكريها باحمد الكريه لفتره .. بس ما نساها اياه .. بيت ابو ماجد ايان كانت قاعده بالصاله مع امها ام ماجد: ترى انا وابوك اتفقنا نسوي عزيمه لرجعة ماجد وبندر .. نبي نتجمع فيها ايان: والله ام ماجد: اي بعد يومين انشالله .. بنسويها بالمزرعه ايان تحمست: ياااااااااااااااااااااي زمان ما رحنا للمرزعه .. وانشالله نبات هناك؟؟ ام ماجد: والله مدري وانا امك.. نشوف اذا ابوك وافق ننام هناك .. عاد لا اوصيك كلمي شهد وقولي لها انها معزومه هي ووالدتها .. وانا بكلمها بنفسي بعد ايان: خلاص اوكي دخلت ليان: ماما عزمتي ام محمد؟؟ ايان بنص عين: اكيييد بتعزمها كيف تغفل عن ام حبيب الغفله ليان حقرتها: ها ماما وش قلتي؟؟ ام ماجد: اي اكيد .. كلمتها وانشالله بتجي ليان: انشالله .. ايان: انا بروح اكلم شهد .. بقول لها ام ماجد: هووو للحين حريم عمانك ما دروا .. اركدي يختي يمكن نأجلها ايان وقفت: لا لا لا انشالله ما تأجلونها وبنروح كلنا وبنبات هناك كمان ام ماجد: انشالله .. وراحت ايان تكلم شهد وكلها امل انو اللي يرد عليها طلال وتسمع صوته ايان: الوو شهد: هلا ايووووون ايان بخيبة امل: اهلين وسهلين .,, كيفك شهووده شهد: الحمدلله انا بخير.,. وينك من زمان عنك مختفيه لا حس ولا خبر ايان: عشان اخوي ماجد رجع من السفر من كم يوم فمشغولين فيه شهد: بجد ؟؟ الحمدلله على سلامته والله .. ها خلص دراسه برة الحين ؟ ايان: لا لسه باقي له ترم .. بس رجع بالاجازة يبي يقضيها معانا .. شهد: الله يخليه لكم يارب ايان: امين ويخليك .. حتى ماما تبي تسوي عزيمه عشان تجمعنا كلنا احنا والعايله والاصحاب بعد يومين بالمزرعه .. وعازمتك انتي ومامتك شهد: ياحبي لها والله .. بجد نتشرف ايان: الشرف لنا والله شهد: خلاص اجل بقول لماما .. ايان: اي انشالله .. حتى ماما بتكلمها وتعزمها شخصيا شهد: الله وناااااااااسه بتعرف على بنات عمك كلهم ايان: اكييييييييييد كل ابوهم بتتعرفين عليهم انشالله شهد: ايوة وش بعد .. حكيني عن مزرعتكم .. اسمعك دايم تحكين عنها ومافيني صبر لين اشوفها لعيني ايان: ههههههههههه اوكي اوكي اسمعي يا ستي.. وقعدوا يسولفون نص ساعه وكل وحده قفلت وراحت تستعد عشان العزيمه دخل ماجد: السلااااااام يا حلو ايان نطت لاخوها: وعليكم السلاااام .. وينك ياخي ما صدقنا ترجع تقابلنا تقوم تطلع وتدوج ماجد: ههههههه اعذريني عمتي .. بس اصحابي زمان عنهم قلت اطلع اشوفهم واشوف اخبارهم .. ويتلفت .. الا وين امي وابوي ؟ ايان: بابا ببيت الشعر يشوف الاخبار ماجد: ياحبي لابوي .. من عرفته وهو يموت بالقعده هناك ايان ابتسمت: ترى ما تغير شي من رحت .. كلنا مثل ما احنا .. بس مدري عنك ماجد بنص عين: وش فيني انا ايان: والله مدري.. احس بعيونك كلام ودك تقوله ماجد مات ضحك عليها: اوووووه اموووت باللي قافطني انا ايان:اووه اجل صح علي.. يلله يلله احكي قل لي وش عندك ماجد غنى: كل شي بوقته حلو ,,ليش مستعجل عليها ايان:ياهووووووووه .. غني غني مجوودي ماجد دفها عنه: اقول وخري عني وانا كلما احد شاف خشتي قال لي غني | ||||||||
|
| |
|
26-05-15, 08:49 AM
| #18 | ||||||||
| مراقبة عامة ومشرفة منتدى الروايات المنقولة
| ايان: هههههههههه لا تلومنا ياخي صوتك عذاب.. ماجد: صوتي عادي جدا .. بس عشاني اغني باحساس ايان: على هونك يا احساس انت .. بس بجد مافي احد له صوت حساس الا رنيم ماجد قطب: رنيم؟؟ ايان: اي رنيم وش فيك .. نسيت بنت عمك ماجد: اهااا رنيم بنت عمي حمد .. وش فيها ؟؟ تغني ؟ ايان تسوي نفسها مغمى عليها: ووووه بس يالبيييييييه عليها وعلى صوتها ماجد ابتسم: قولي ماشالله لا تنظلينها .. ومشى ايان: على وين ؟؟ ماجد: بروح اكلم ابوي ابيه ضروري ايان: وش تبي فيه ماجد: انتي وبعدين مع لقافتك هذي ايان: علمني وش فيكم كل اهل ذا البيت حاقريني ماجد ينكش شعر اخته القصير: لانك ملقوفة .. ومشى وخلاها ايان صلحت شعرها وتكتفت: افف منكم .. بيت الشعر ابو ماجد كان قاعد يتقهوى ويتفرج عالاخبار ومتحمس مرة .. دخل ماجد: السلام عليكم ابو ماجد: هلا والله هلا .. حياك ابوي ماجد: يحييك ويبقيك يارب ابو ماجد: تقهو يابوي ماجد اخذ من ابوه : عشت ابوماجد يوطي على صوت التلفزيون : اي يابوك طمني عليك ماجد: ابد .. ماشي حالي ابوماجد وهو يطالعه بتفحص: ها يبه وش عندك .. احس ودك تقول شي ماجد ابتسم بارتباك: بصراحه يبه .. ودك افاتحك بموضوع ابو ماجد: سم يابوك.. امر ماجد: ما يامر عليم ظالم .. يبه انا ...بغيت اتزوج ابو ماجد ابتسم بوناسه وفرح: ماشاللللله تبارك الله .. امنيتي وانا ابوك اني اشوف عيالك .. ماجد حس انه ارتاااااح ما توقع الوضع بيكون سهل كذا ابو ماجد: من بكره بقول لامك تدور لك على بنت الحلال .. مع انو في وحده فبالي لك ابيها لك والله يا ماجد ماجد نشف ريقه : بس يبه انا حاليا في وحده ببالي وابيها ابو ماجد سكت فتره : منهي هذي .. ماجد بتردد : وحده معي بالجامعه ماجد وقف من مكانه بعصبية: اجنبيه ماجد وقف: لا يبه .. هي منا .. تقريبا ابو ماجد والشرر يتطاير بعيونه: شلون يعني تقريبا.. لا تحاكيني بالالغاز ماجد وهو يفرك يدينه بتوتر من ردة فعل ابوه : خليجيه .. من الكويت وانا بصراحه ابيها واحبها ابو ماجد: يللي ما تستحي على وجهك .. وتقولها بوجهي بعد .. ماني موافق ولا تفتح السالفه معي من ثاني ماجد: يبه ليش.. البنت محترمه وبنت عايله معروفه بالكويت ابو ماجد: ومن ايش يشكون بناتنا .. خلصوا بنات المملكه عشان تتزوج من بره .. ماجد: يبه هذي غير .. بنت محترمه ومتربيه صدقني .. انا مجرب اخلاقها ابوماجد: مجرب اخلاقها اجل .. اتحدى اذا كانت متحجبه ماجد سكت .. لانو رانيا فعلا ماهي متحجبه ابو ماجد: اشوفك سكت .. ماجد:......... ابو ماجد : اسمع يا ماجد.. انت ولدي بكري وستد امك وخواتك من بعد عيني .. يعني انت واجهتي ومرايتي قدام الناس .. مابي الرجاجيل بكره يقولون انو راشد ما عرف يربي ولده .. انا بخطب لك بنفسي .. وبتاخذ بنت عمك ماجد قطب : بنتي عمي !! ابو ماجد: اي بنت عمك رنيــــــــــــــــــــــ ـــــــــــــــم ماجد: يبه انا مابي رنيم ولا غيرها ابي اخذ رانيا ابوماجد: انا ما شاورتك .. انا امرك امر ماجد:......... ابو ماجد: ولا رح ترجع لاستراليا الا وكل شي رسمي وتكون مالك عليها بعد .. سمعت ولا لا ماجد عصب بس مسك نفسه : يبه انا ماني بزر .. عمري 27 سنه يعني رجال ومن حقي اختار شريكة حياتي بنفسي ابوماجد: تختارها بنفسك.. وين حنا فيه ؟؟ شكلي غلطت غلطة عمري يوم سفرتك تدرس .. اختلطت عندك الامور وما قمت تفرق بين عاداتنا وعاداتهم .. والبنت هذي شيلها من راسك .. وطلع لجوة الفيلا ولحقه ماجد وهو يحاول يكمل معاه النقاش بنص الفيلا .. ماجد: يا يبه اسمعني تكفى وافهمني ابو ماجد بصوت عالي: ماني سامع منك ولا ابي افهم منك شي جو متعب وام ماجد وليان وايان على اصواتهم ام ماجد: خير يبو ماجد وش صاير ابو ماجد: ساميه .. بنخطب رنيم لماجد .. وباقرب وقت ممكن ام ماجد استغربت : رنيم ؟؟ ليش؟ ابو ماجد: من غير ليش .. ماجد ماهو ماخذ الا رنيم .. ام ماجد: حاضر على امرك .. ابو ماجد طلع لغرفته وهو يسب ويشتم ليان قربت من ماجد: ماجد وش صاير ماجد طالعها بحزن ممزوج بقهر: ولا شي .. ومشى ايان حزنها اخوها: يا عمري عليه .. وش تتوقعين فيه ؟؟ ليان : علمي علمك .. بغرفة ابو ماجد ابو ماجد قال لزوجته السالفه ام ماجد وهي تمسك راسها: ياويلي اجنبيه ابو ماجد: لا كويتيه ام ماجد: يا ويل قلبي عليك يا وليدي .. ابو ماجد": ما توقعت تصرف طايش مثل هذا يطلع من ماجد العاقل .. بس خلاص انا حسمت الموضوع .. وبياخذ رنيم غصبا عليه ام ماجد: بس يابو ماجد .. وش معنى رنيم ؟؟ ابو ماجد تنهد: انا من يومي احب رنيم ومعزتها بقلبي غير عن بنات اخواني واختي كلهم .. هدوئها وادبها .. ياما تمنيتها تكون زوجة لولدي وكنت اتمنى انه يجيني بنفسه ويقول لي يبه انا ابي رنيم .. بس خيب ظني حسبي على عدوينه ام ماجد: والله انك صادق .. رنيم خوش بنت وتدخل القلب .. وولدي الله يهديه .. مصيره بكره انشالله لا خذاها يعقل وينسى بنت ابليس اللس شاغل مخه غرفة ماجد دخل ماجد غرفته وقعد على الكنب حتى بدون ما يولع النور .. مسك راسه وشد على شعره بقووة وهو يزفر بقهر .. انا مابي غير رانيا .. هي حبيبتي وهلي وكلي .. ليش ابوي ماهو راضي يفهم .. رانيا هي اللي تناسبني وتحبني مثل ما احبها .. وصار لنا نحب بعض سنين .. رنيم بس بنت عمي لا اكثر ولا اقل..ولا يربطني فيها شي غير الاسم .. ما تنفعني .. اففففففففف اليوم اللي بعده .. انتشر خبر روحة المزرعه بالعايله وصار الكل يحضر لها .. قرروا يقعدون هناك اسبوع لانه صادف اجازة الربيع .. بيت ابو بندر بيت ابو بندر كانت ام بندر قاعده باحد مجالس الفيلا .. مسوية عزيمه ومتكلفه فيها مره ، عزمت فيها كل الحريم اللي تعرفهم واللي اغلبهم من الطبقة الهاااااي مررررره ام حمد: الا اقول يام بندر .. وش اخبار ابو بندر ؟؟ من زمان عنه ام بندر سكتت .. هي تعرف انو ام حمد تكرهها من جد .. وهي تعمدت تذكر اسم زوجها قدامها عشان تحرجها لانها عارفه الجواب مسبقا.. ام بندر بابتسامة غرور: موجود ام حمد: سمعنا انه هاجر يا كافي .. صار له كم مارجع الرياض ولا رجع البيت ام بندر وهي تغلي من ام حمد وودها تقوم تخنقها : اشاعات .. زوجي موجود بالرياض من فتره وبيطول بالقعده ام حمد: صدق ؟؟ ووين كان يا كافي من اول ؟؟ وليش ما يقعد ببيته بينك وبين عياله ؟ ام بندر: الشغل .. وطبعا انتي عارفه مكانة رجلي بالسوق وانه يهتم بشغله ويحب يدير فلوسه واملاكه بنفسه وبدون مساعدة احد وتعرفين لانها مليارات لازم يحرص عليها لانها ورث عيالنا ام حمد سكتت .. تنقهر من ام بندر كثير خصوصا بسبب العز اللي هي عايشه فيه .. صحيح انها كمان بنت نعمة وزوجها غني وبقوة .. لكن ماهو زي ابوبندر ولا ثروته توصل ربع ثروته اصلا ام بندر : عن اذنكم .. وراحت تشرف على الخدم بالمطبخ بالصاله اللي فوق .. كان بدر قاعد مع بندر واخوانه يتفرجون على التلفزيون ومستانسين ديما: ياللللللللله زمان ما اجتمعنا كلنا سوى كذا بندر: اكيد الجمعه معي غييييييير بدر: اقوول لا تاخذ مقلب بنفسك .. وجودي مكفي وزياده ديما: انت اللي لا تاخذ مقلب بحالك بندر ماله زي بدر: اخخخ بس يالجحود .. انا اوريك .. انا ما سحبت عليك ووريتك قيمتي بحياتك ما اكون انا ولد ابوي ديما بغرور: اصلا ما تقدر تزعلني او تسحب علي... تموت فيني بدر ناظرها بنص عين : انطمي بندر التفت لريما : ريما حبيبتي ريما: هلا بندر: وش فيك ساكته ؟ ريما ابتسمت : ابد ولا شي .. ديما: ماعليك منها هي كذا دايم كئيبه ريما رمت عليها المخده: مالت عليك يللي ما تستحين ديما:هههههههههههه اقول ريوووم وين الكيكه اللي سويتيها لنا ؟ ريما : تحت بقوم اجيبها بدر: يختي ياحبك للشقا قولي للخدم يجيبونها لك ريما: لا انا احب اسوي اشيائي بنفسي .. شوي وراجعت لكم .. وقفت وهي تعدل فستانها الاخضر الفااااتح بنعومه ومشت لتحت اول ما وصلت المطبخ ضافت امها بكامل اناقتها وزينتها واقفه تشرف عالخدم ريما بابستامه : كيفك ماما ؟ ام بندر بدون ما تطالعها: بخير ريما مازالت مبتسمه وعادي لانها تعودت على اسلوب امها .. توجهت للكيكه حقتها وصارت تقطع منها وتحط بالصحون لها ولاخوانها ام بندر تراقبها بتفحص من فوق لتحت .. كانت لابسه فستان اخضر رااااااااايق ومره حلو .. وشعرها الاسود الطويل فاكته بس ماسكته بشباصه من فوق ومسوية بف صغيره .. ماكانت حاطه مكياج بس كحل من فوق وقلوس بلمعه جذابه .. كان شكلها رايق وجذاب بنفس الوقت مع انو لبسها بسيط .. ابتسمت فوزية باعجاب وخطرت على بالها فكره ام بندر: ريما ريما التفتت لها: سمي ام بندر: وين بتاخذين الكيك هذا ؟ ريما: بوديه فوق لاخواني ام بندر: خلي الخدم يودونه وانتي تعالي معي ريما باستغراب: وين ؟ ام بندر تسحبها من يدها: تعالي ولا تكثرين حكي ريما راحت ورى امها وهي تفكر وش تبي فيها امها ام بندر دخلت لمكان ضيوفها و..سحبت ريما من يدها .. ووقفتها بنص المجلس وراحت هي قعدت ام بندر بغرور: تعالي ياريما سلمي على ضيوفنا ريما بلمت ما فهمت امها وش قصدها من ذا الحركه بس سوت زي ما قالت عليه وسلمت عليهم وحده وحده والحريم يطالعون فيها .. لين وصلت عند ام حمد ام حمد تتفحص ريما من فوق لتحت.. بنت الذين مبين العز من عيونها .. وش ذا الزين .. بس هين.. ام حمد: ماشالله .. كم عمرك يا ريما ريما بنعومه: 20 ام حمد: مااشالله .. احسبك اصغر ريما ابتسمت بحرج: تسلمي ام بندر بغرور: يلله روحي عن وجهي الحين ريما انحرجت من طريقة امها وخنقتها العبره بس ما بينت : عن اذنكم ام حمد .. هذي اللي تناسب ولدي ماخذتها ماخذتها والله لا اطلع عيونها بنت امها ذي ريما رقت فوق وهي تسحب رجولها من الضيقه .. وتوجهت لغرفتها بندر وهو ياكل من الكيكه ومستمتع : اللللللللللللللللللله تسلم يدينك حبيبتي ريووم الكيكه تجننننن ديما: بجد لذيذه حبيبتي تسلم ... ولا كملت كلامها لانها شافت ريما ماهي يمهم اصلا ومتوجهة لغرفتها ديما: ريما ؟!!!! ريما بدون ما تلتفت : فيني صداع .. شوي واجيكم.. دخلت غرفتها وسكرت على حالها بندر مستغرب: وش جاها ؟ معقول ينقلب حالها بثواني ؟ بدر وكنه فهم : اكيد امي ما يبي لها كلام بندر تضايق وحط الصحن على الطاوله الصغيره اللي جمبه : وبعدين يعني ديما : على الاقل ما مدت يدها عليها كالعاده بندر انصدم: امي تضربكم ديما: اي بندر تنكد لحال اخواته وسكت يفكر غرفة ريما ريما كانت تبكي بهدوء وتفكر .. وش قصدها امي من حركتها هذي يارب استر علي بس .. بيت ابو رنيم رنيم كانت قاعده مع امها بغرفتها .. كانت ام رنيم نايمه ورنيم تقرا مجله ..رن جوال امها وردت رنيم : الوو ام ماجد: مساء الخير رنيم رنيم: يا مساء الانوار .. كيفك خالتو؟ ام ماجد: انا بخير حبيبتي الحمدلله .. انتي طمنيني عليك وعلى ماما كيفها انشالله احسن الحين رنيم: الحمدلله انا بخير .. وماما ربي يعينها ام ماجد: امين يارب ويقومها لنا بالسلامه ويطول بعمرها رنيم من قلبك اميييين يارب االعالمين ام ماجد: عاد انا كنت داقه عشان أأكد عليكم انكم لازم تجون المزرعه رنيم: خالتو انا عن نفسي ما عندي مانع .. بس والله اخاف على ماما ام ماجد: وش دعوه يا رنيم .. ماما تاخذ راحتها هناك انشالله ومنها تغير جو وتوسع صدرها معانا .. وانا بالعنيما عزمت احد غريب عشان اماني ما تتضايق وتاخذ راحتها رنيم:...... ام ماجد: يلله حبيبتي قومي الحين وعيني من الله خير ورتبي اغراضك واغراض ماما لاننا بنقعد هناك اسبوع رنيم : انشالله ام ماجد: ربي يسعدك يارب .. الا وين ماما حابه اسلم واتطمن عليها رنيم: ماما الحين نايمه عشان كذا رديت على جوالها ام ماجد: نوم العوافي يارب .. يلله رنووم زي ما وصيتك رنيم:انشالله خالتو ام ماجد: اشوفك بكره .. مع السلامه رنيم: الله معك اليوم اللي بعده ,, بيت ابو مشعل الهنوف كانت بالصاله متحمسه لابسه عبابيتها ونظارتها الشمسيه وقاعده تلعب بالاي باد حقها نزلت دلال وهي شايله شنطة يدها والخدامه وراها تسحب شنطة الملابس الهنوف شالت نظارتها وهي تطالع شنطة دلال: حشاااااا كل ذا معك .. وين رايحين احنا سنغافورة .. ترى كلها المزرعه ثلاث ساعات انشالله ونكون واصلين دلال: انتي ما تعرفيني يعني ؟ انا ما استغني عن كريماتي وخرابيطي ما اترحك بدونها وهي بلحالها يبي لها شنطه خاصه الهنوف: الحمدلله بس على العفو والعافيه دلال سفهتها وصارت تلبس عبايتها: وين امي ؟ الهنوف: ماما تشيك على الاغراض اللي تبي تاخذها .. دلال: وانتي وراك انشالله لابسه ذا النظاره .. ترانا العصر الا شوي الهنوف: كيفي .. بكشخ فيها توني شاريتها وما تهنيت فيها دلال : طيب طيب .. يلله نركب الهنوف: تراني بركب مع مشعل ماني راكبه مع ابوي .. دلال: اي يختي خلي ابوي ياخذ امي والشغالات وانا وانتي نروح مع مشعل الهنوف وهي تطلع لبرة : ترى مشعل بالسياره بركب لا تتأخرين دلال: اي ماني متأخره بيت ابو ماجد ام ماجد كانت محتااااسه مره لانو العزيمه عزيمتها وكانت بالمطبخ ..دخلت عليها ايان وشهقت ام ماجد: هوو وش فيك ؟ ايان: ليش يا ماما ما جهزتي للحين ام ماجد: وين اجهز الله يعافيك .. صاحيه من صباح ربي ولسه ما خلصت تجهيز ايان: يلله يا ماما ترى بنتأخر ام ماجد: ماني متأخره بروح اتحمم والبس بسرعه ايان : لييييييييييييييش يا ماما والله نتأخر كذا .. ام ماجد بدت تعصب: ايان روحي عن وجهي اللي فيني كافيني ايان: ترى بروح مع ماجد .. ام ماجد: اي روحي انتي واختك معاه .. وانا بلحقكم مع ابوكم ايان راحت تركض قبل لا يروح اخوها ويخليها هي وليان بالطريق .. تقريبا كل الشباب كانوا ماشين سوى الهنوف: مشعل فحط مشعل ناظرها بنص عين : اقول بس الهنوف: تكفى مشعل والله حماس دلال من ورى وشوي وتصيح : لاااا مشعل يا ويلك تسرع سامع ولا لا .. لا تسمع كلام ذا الخبله الهنوف: وربي انك جبانه .. يختي خلي عندك روح المغامره دلال: مابي اغامر ولا شي.. تعرفيني خوافه وبعدين هذي امور الواحد ما يلعب فيها مشعل: هههههههههههه وربي انكم حفله .. اسكتوا دوختوني الهنوف وهي تقلب بالسيديات : انت ما عندك شي يسوى مشعل: كل هذا ومو عاجبك الهنوف: لا مو عاجبني .. وفتحت الدرج حق السياره وطلعت وصلة وشبكتها بجوالها وشغلت اغنية jennifer lopez & pit bull ووعلت الصوت على الاخير وصارت ترقص بحماس دلال: يا بنت استحي احنا مو بالبيت مشعل: ههههههههههههههه ما عليك منها .. السياره كلها مظلله سيارة خالد .. خالد كان ماخذ معاه مها وامل زوجة اخوه عبدالله لانو عبدالله عنده انتداب كم يوم ولاهو راجع الا بعد 3 ايام خالد: ها بنات اوقف لكم عن البقاله تاخذون شي ؟ مها: اي تكفى .. ابي بيبسي خالد : حااضر وانتي امل؟ امل: امممم انا ابي عصير مشكل خالد: اوكي ... وانت يا بطل " يقصد سعود" اللي عمره شهور امل: ههههههههههههه روح بالله خالد:ههههههههههههه دقايق وخالد رجع .. وناول مها وامل مها: اي اموول ماقلتي لي امل: وشو حبيبي؟ مها: عن البنت هذيك اللي تقرب لكم امل: اييييييي .. وكملت لها السالفه بعد ربع ساعه خالد بصراخ: خلااااااااااااااااااااااا ااااص | ||||||||
|
| |
|
26-05-15, 08:51 AM
| #19 | ||||||||
| مراقبة عامة ومشرفة منتدى الروايات المنقولة
| روع البنات وسعود قام يبكي مع الصرخه امل: وش جاك خالد روعت ولدي خالد: روقونا ياهووو .. قدروا انو معكم رجال وانتو تحكون عن فلانه وعلانه مها: ياخي نضيع وقت خالد: ما احب هرج الحريم انا ..احكوا لي عن شي يسوى امل: وش يسوى بنظرك ؟ خالد: ما غيرها يسوى مها دقت خالد على بده بقوة خالد: وش فيييييييييييك مها: ياخي لا تنسى حالك ممكن امل: ههههههههههه والله شكل وراك سالفه انت خالد: والله ما تدرين يا مرة اخوي وش سالفتي امل: قولها لي خالد: كل شوي بوقته حلو .. بعد كم ساعه الكل وصل المزرعه .. حتى ام ماجد اللي كانت متأخره واجتمعوا البنات كانوا قاعدين عند المراجيح والالعاب الهنوف وايان كانوا يتضاربون على مرجيحه الهنوف: انا جايه قبلك ايان: مسكييينه .. انا اللي جايه قبلك حتى اسألي دلال كانت هنا يوم جيت دلال قاعده تبرد اظافرها وهي قاعده على احد المراجيح: ما شفت احد انا ايان: اقووول قومي ابردي اظافرك هناك على الكرسي هذا مو كرسي دلال: مابي اقوم .. بعد بعد جايه قبلك وتطاقيني على مكاني ايان:قومي لا تندمين دلال بعناد كنها طفله: ماني قايمه ماني قايمه ماني قايمه ايان بقهر : طيييييييييييب .. ودفت دلال وطاحت على ظهرها البنات:هههههههههههههههههه� �هههههههههههههههههه دلال بعصبيه: يا حمااااااااااااااااااااااا اره ليان عصبت: ايان عيب عليك يللي ما تستحين .. جا مشعل وخالد: ههههههههههههههههههههههههه ههه دلال تناظرهم: خيييييييييير انت وياه بعد مشعل: من طيحك ؟؟؟ دلال: البزر اللي قبالي ايان: بزر بعينك خالد:ههههههههههههه انتي وبعدين معك متى تكبرين ؟ ايان تكتتف: مابي اكبر * ايان والهنوف ما يتغطون عن الشباب .. يقولون تونا صغار* خالد يقرص خدها: يا حبي لك.. والتفت للبنات خالد: ها بنات اخباركم ؟؟ البنات بردود مختلفه : الحمدلله .. بخير .. طيبه .. ماعلي مشعل: وراكم قاعدين هنا كنكم بزران ؟ الهنوف: حرام الواحد يحس بطفولته يعني ؟ مشعل: لا بس احسكم كبرتوا على الالعاب ايان: احنا ما نكبر على الالعاب خالد: واحنا من نحكي مايرد غيركم ؟؟ ايان : احنا المتحدثين الرسميين عننا وعن البنات خالد:هههههههههههههه طيب .. وسكتت بس عيونه تدور على ريما من بينهم .. ويوم لقاها استقرت عيونه عليهاا مشعل يطالع دلال: دلوول .. ورى ما تقومين الحين عاجبتك القعده عالارض دلال: لا بأس بها .. ورجعت تكمل برد اظافرها بكل برود الهنوف: بسسسس ارحمي ذا الاظافر حشا تنحتين مو تبردين انتي دلال: الله اكبر عليك .. ما عليك مني اظافري ولا اظافرك؟ الهنوف تطالعها بنص عين وتصد : اقول بنات وين مشاعل؟ رنيم: نايمه الهنوف: الحمدلله والشكر .. احد ينام هنا .. هنا مافي نووووم كله وناسه وسعة صدر .. اختك ذي من يومها عكس الناس رنيم :هههههههههه هذي مشاعل عاد .. جايه هنا بالطقاق قالت بقضي طول الاجازة نوم بنوم جا متعب من بعيد : خااااااااااااااالد مشععععععععععععل الشباب: هلااااااا متعب": ابوي يقول تعالوا عندنا مشعل: طييييييييييييييييب خالد: ياخي مالي خلق قعدة شياب مشعل: ولا انا .. بس وش اسوي لازن نقعد معاهم شوي .. ومشوا لمكان الرجال مها: بناات تعالوا احنا بعد ندخل جوة وش رايكم ؟ البنات : اوكي .. عند الحريم ام ماجد: اقول يا نوره وين ام عبدالرحمن ما اشوفها جت .. دخلنا العشا ولا جت ام مشعل: على وصول انشالله ام ماجد: يعني اكدتي عليها ؟ ام مشعل: اي اكدت وقالت انشالله بتجي ام ماجد: اي زين ام عبدالله كانت مبسوطه بالجمعه لانهم زمان ما اجتمعوا كذا .. بس وجود ام بندر خرب عليها جوها .. وخصوصا انها قاعده بعيد عنهم وتطالعهم بحقد وقهر ام عبدالله: شلونك فوزية ؟ فوزية من طرف خشمها: الحمدلله ام عبدالله : وينك يا حافظ لا نشوفك ولا نسمع لك حس فوزية: موجوده .. بس في عندي اشياء اهم من ذا الامور ام عبدالله : وش مشغوله فيه يا حافظ؟ وانتي من بيت شقاع لبيت رقاع لبيت كثر الله افراحكم فوزية انقهرت: والله عاد وش اسوي.. ما القى وناستي الا مع صاحباتي ولا مقابل غيرهم يقصف العمر ام عبدالله: وش قصدك ام بندر:اللي على راسه بطحه ... كملي انتي ام عبدالله جت بترد بس وقفتها ام رنيم ام رنيم: هوو يا فوزية انتي والجوهرة الله يهديكم بس.. احنا هنا نوسع صدورنا مو نتهاوش ام بندر وام عبدالله : عليه الصلاة والسلام ام رنيم: امل امل: سمي خالتي ام رنيم: سم الله عدوك .. عطينا سعود خليه معنا وروحي انتي مع البنات امل: لا خالتي ما يحتاج بيزعجكم انا مرتاحه كذا ام رنيم: لا حبيبتي مامنه ازعاج ولا شي .. عطيني اياه وروحي للبنات تنبسطين معهم اكثر ام عبدالله: اي والله هاتي سعود وروحي امل بابتسامه حلوة: انشالله .. وقامت عطت ام زوجها سعود وهي تسمي امل : عن اذنكم .. الكل : اذنك معك ام مشعل: ياحبي لها ذا الامل .. وربي انها تنحط عالجرح يبرى ام عبدالله : اي والله انها سنعه .. وربي اني احبها مثل حبي لمها ام رنيم: الله يخليهم لك يارب ام عبدالله: امين وتفرحين ببناتك ام رنيم: امين يارب الله يسمع منك ام ماجد بابتسامه: انشالله قريب .. محد فهم وش قصدها بالضبط ... وكملوا سوالف وحكي حريم بعد نص ساعه انفتحت بوابة المزرعه ودخلت سيارتين سيارة عبدالرحمن وفيها عبدالرحمن وزوجته وامه وعياله والثانيه سيارة سالم وفيها اثير وغدير غدير: ياااااااااااااااااااااااا ي ياكبرها اثير: قولي مشالله غدير :ماشالله ماشالله .. يعني بيصير لها شي من عيني اثير: ما تدرين .. غدير: اسكتي بس سالم: وانتو ما تشبعون مناقر .. غدير واثير: اسفين طلعوا الرجال يستقبلون عبدالرحمن وسالم .. وطلعوا الحريم يستقبلون ام عبدالرحمن وبناتها البنات دخلوا يسلمون وبدوا يقهوون الضيوف دلال وهي جمب اثير: وحشتيييييييييييني اثير: والله وانتي اكثر دلال: وينك يالقاطعه ما نشوفك ولا نسمع صوتك اثير: والله موجوده بس الجامعه ماخذه كل وقتي دلال: مصيري بشوفك لين اشبع منك .. وغمزت لها اثير استحت وغيرت الموضوع بجده بيت ام زياد زياد كان قاعد بالغرفه يفكر باثير.. يعني معقوله خلاص راحت مني .. ما اصدق انها ممكن تكون لغيري بيوم .. بس وش ممكن اسوي يارب قعد طول الليل يفكر ويفكر لساعات طويله لين ما لقى الحل الحل اللي ممكن يهدم حياة اثير ومشعل قبل لا تبتدي .. الحل اللي بنظره هو المناسب.. ابتسم بخبث وهو يتخيل الاحداث اللي بتصير.. عند الرجال.. ماجد طلع من المجلس وصار يمشي بالمزرعه يفكر باللي صار له مع ابوه .. ياليتك يا يبه تعطيني فرصه والله بتتقبل رانيا .. يارب ساعدننننني يااااارب .. طلع جواله ودق عليها بس طلع مقفول ماجد قلق.. ياربي وينها من الصبح وانا ادق عليها والجوال مقفول .. ضرب الارض برجله بقوة وصار يمشي لين وصل لاسطبل الخيول .. شاف الخيل المفضل حقه راح له وعلى فمه ابتسامه ماجد: وربي زماااان عن الخيل .. طلع الخيل من الاسطبل وركب عليه .. صار يمشي ويمشي بالمزرعه الواسعه ومايبي يفكر بشي .. يبي بس يستمتع بالخيل اللي راكبه .. وكل ما بعد عن الاسطبل كلما بعد التفكير عن باله استراليا كانت رانيا مع سميه يتمشون .. سميه: وكيف ماجد؟ رانيا كشرت: ويي قطع .. مدري عنه سميه : انتي ليش تكرهينه تجذي؟ رانيا: ما اكرهه ولا احبه .. واخيرا افتكيت منه سميه: ول عليج .. دامج ما تبينه وراج للحين وياه ؟ رانيا: خبله انتي ؟؟ اكيد عشان فلوسه .. سميه: بس هو شكلي جدي وايد معج رانيا بعدم اهتمام: مشكلته ماهي مشكلتي .. سميه: يمه منج .. عوووبا رانيا تمشي بدلع وتخبط بشاب وسيم رانيا بلمت نواف: اسف رانيا: هاا نواف: ااااااسف رانيا: عادي مو مشكله .. نواف راح بعد ما عطاها ابتسامه حلوة رانيا : واااي منه يهبل ياخذ العقل سميه بغيره: واي منج انتي والله .. خلي لباقي البنات ريايل رانيا بنص عين: وش يبون هالراييل بباقي البنات دامني موجوده سميه: انتي ماخذه مقلب بنفسج رانيا وهي تراقب نواف وشوي وتاكله بعيونها سميه: هي رانيوو خفي شوي رانيا: يوووه منج .. خليني اكحل عيوني بذا الزين مو كافي انو ماجدو حاكرني مو مخليني اخذ نفسي نواف كان واقف مع شاب ثاني قبال رانيا وسميه وكان يحكي وكل شوي يسرق نظرات لرانيا سميه بنفسها: اااه يا بنت ال.... نكمل بالبارت الجاي سوري بنات عالتأخييييير انشالله يعجبكم البارت .. وبلييييز توقعاتكم ما تدرون قد ايش تساعدني توقعاتكم وتعليقاتكم .. طلبتكم لا تحرموني منها دمتم بود .. هاجس .. | ||||||||
|
| |
|
26-05-15, 08:53 AM
| #20 | ||||||||
| مراقبة عامة ومشرفة منتدى الروايات المنقولة
| الجزء الحادي عشر بالمزرعه عند الرجال ابو ماجد كان يتلفت يدور على ماجد بس ما لقاه .. التفت على خالد اللي كان جمبه ابو ماجد: خالد .. وين ماجد ؟ خالد: والله مدري يا خالي ابو ماجد: رح دوره خله يجي شوي ويحطون العشا خالد قام: انشالله .. طلع بره قعد يدور حول مكان الرجال بس ما لقاه .. راح للمسبح والملعب وعند الحديقه حتى المراجيح ولا لقاه خالد : وين رااح هذا .. فكر انه ممكن يكون حول مكان الحريم .. راح يدور هناك غرفة البنات .. كانت مشاعل توها قايمه من النوم .. فتحت عيونها بانزعاج .. مشاعل: اففففف يعني ما كنت احلم ... وانا بجد بذا المكان ثقيل الدم .. وقفت وراحت تناظر وجهها بالمرايه شوي .. صارت تمشي بالغرفه بملل .. لين وصلت لشباك الغرفة الكبييييير .. اللي يطل على الحديقه اللي قبال الفيلا .. وقفت وصارت تناظر بملل .. لمحت واحد قاعد يمشي بحذر وهو ينادي مشاعل قطبت : مين هذا ؟ شوي واستوعبت انه خالد وزادت دقات قلبها بعدت عن الشباك بتوتر واضح .. يلعن شيطانه مدري كيف يقلب حالي .. توجهت للمرايه وناظرت شكلها كان حلو حتى وهي توها تقوم من النوم .. شافت لبسها اللي عباره عن برمودا بيضه وبودي سماوي وعجبها .. بخت من عطرها المفضل وحاست شعرها بشكل يجنننننن .. هذي فرصتك يا مشاعل ,, ونزلت لتحت عند الحريم ريما كانت تدور على جوالها قلبت عليه المكان ولا لقته ليان: وش فيك ريما ؟ وش تدورين عليه ؟ ريما: جوالي ماني لاقيته .. مدري وين حطيته ليان: امم وين الاماكن اللي كنتي قاعده فيها ؟ ريما تتذكر: امم هنا والمطبخ ليان : طيب شفتي بره عند الالعاب ؟ ريما: لا والله .. تتوقعينه هناك ليان: شكلو ريما: بروح اشوفه انشالله القاه مابيه يضيع هنا في ارقام مهمه ليان : تبين اجي معاك ؟ ريما: لا حبيبتي خليك .. انا شوي وراجعه ليان: طيب خذي جلالي معك عشان لو احد طلع بوجهك ريما بابتسامه: شكرا ياقلبي ليان: ولووو راحت ريما عند الالعاب ولقت جوالها على الطاولة الخشب ريما تنهدت براحه: اشوة انه ماضاع .. ورجعت من جديد للفيلا قبال الفيلا خالد: يا مااااااااجد .. افف وين راح هذا فكر انه ممكن يكون عند حوض الزهور والنافورة اللي مكانها ورا الفيلا .. راح هناك وصار ينادي شوي ويشوف بنت قدامه .. قطب وصد مشاعل سوت نفسها مستحيه: اوووه اسفه خالد وهو معطيها ظهره: ما صار شي .. ومشى مشاعل بسرعه : خالد شلونك ؟ خالد بدون نفس: بخير .. وسكت مشاعل بجرأة: مارح تسألني عن حالي؟ خالد انصدم .. مين هذي .. وليش تتكلم كذا معي .. معقولة تكون وحده من بنات خالي : من انتي ؟؟ مشاعل بدلع : انا مشاعل خالد انصدم انو ممكن تصرف زي كذا يطلع من بنت خاله ابو رنيم .. بس سرعان ما اختفت صدمته لانه ذكر انها كانت غير عن باقي البنات من يومها صغيره : مشاعل .. روحي داخل الحين ولا تطلعين الا وعليك جلال او عبايه مشاعل بقهر: ما تحكمني خالد وهو ملتفت نص التفاته وماهو حاط عينه عليها : الا احكمك وغصب عليك .. ادخلي داخل لا تشوفين اللي ما يسرك ابد .. كيف تطلعين كذا اصلا نسيتي انو في عمال هنا مشاعل تتكتف: ما همني احد .. خالد حس انو الحكي معها ضايع وانو لو احد جا وشافهم سوى رح يكون موقف جدا سيء ,, مشى مشاعل: خالد خالد بطفش وبدون نفس: خير مشاعل: لا تكون زعلت مني خالد بقرف: من متى المعرفه عشان ازعل ولا ارضى عليك مشاعل : امم ما ودك تقول لي شي ؟؟ خالد: مع السلامه .. ومشى وخلاها تحكي مع روحها مشاعل بقهر: انا اوريك يا خويلد .. انا ما طيحتك مثل ما طيحت غيرك ما اكون بنت حمد .. ومشت لجوة الفيلا ريما شافت الموقف من بعيد وهي راجعه للفيلا .. ماكانت تسمع الكلام اللي كان يدور بينهم بس كانت تشوفهم سوى .. ريما انصدمت واستغربت .. وش بين مشاعل وخالد ؟ مشاعل انا طول عمري مو فاهمتها .. بس خالد .. معقوله يطلع منه هذا كله ؟! ما اصدق .. وش كانوا يقولون ؟ ومشاعل كيف تطلع قدامه بذا المنظر .. ما تستحي ولا تخاف انو احد يشوفها ؟ والله غريبه ذا الانسانه .. وكملت طريقها للفيلا ونست الموضوع تماما لانه اصلا ما يهمها .. التقت مع مشاعل عن باب الفيلا ريما: كيفك مشاعل ؟ مشاعل بدون نفس وبدون ما تطالعها: بخير .. ودخلت ريما: اففف يا صبر الارض .. عند الرجال خالد كان معصب ودخل عند الرجال وقعد ابو ماجد: خالد وين ماجد ؟ خالد نسى انه اساسا طلع عشان يدور على ماجد: والله مدري يا خالي ما لقيته ماجد دخل: السلام عليكم الكل : وعليكم السلام ابو ماجد: وين كنت وانا ابوك ؟ قلبنا عليك المزرعه ماجد: كنت عند الاسطبل خالد ضرب راسه بخفه: يوووه صح مدري شلون نسيت اروح هناك .. ماجد ابتسم: ماعليك .. سم يبه تامرني على شي؟ ابو ماجد: اقعد شوي ويجهزون لنا العشا ماجد: انشالله .. التفت على خالد ماجد: وش فيك خلود .. ليش وجهك كذا منقلب؟ خالد : لا ولا شي .. بس مصدع شويات ماجد: ما تشوف شر.. بعدها العشا انحط والكل تعشى وبعدها شربوا الشاي ودخلوا ينامون عشان ياخذون اليوم الثاني من اوله .. اما بالنسبه لشهد وامها اعتذروا عن الجيه لانو ابوهم كان تعبان ولا حبوا يخلونه لوحده .. وايان انقهرت عشان كانت تتنمى تشوف طلال اليوم الثاني بغرفة البنات .. كانوا البنات مقسمين على 3 غرف ,, وهذي غرفهم الدايمه غرفة فيها .. مشاعل ، ريما ، مها غرفة فيها .. رنيم ، دلال ، ليان غرفة فيها .. ايان ، الهنوف ، ديما اما بالنسبه لاثير وغدير عشانهم ضيوف .. ناموا بجناح الضيوف سوى .. باحد الغرف .. كانت ريما توها تصحى من النوم تحممت ولبست وقعدت على التسريحة تسوي شعرها وتعطرت من احلى عطورها .. على قعدتها قامت مشاعل وهي تناظر فيها من فوق لتحت مشاعل: اففففففففف يلله صباح خير ريما بابتسامه: صباح الخير مشاعل: من وين بيجي الخير مع كل هالازعاج ريما استغربت : اي ازعاج مشاعل: اللي انتي مسويته يعني اي ازعاج .. وليش مولعه النور .. ريما وهي تطالعها من مراية التسريحه : انا ما ولعت غير نور التسريحه وما اظن انه سبب لك الازعاج هذا كله مشاعل وهي تتكتف: والله عاد انا نومي خفيف وانزعج من كل شي ..فلو سمحتي اطلعي بره ابي اكمل نوم مها فتحت عين وعين ولا : وش فيكم .. ريما : ولا شي حبيبي ارجعي كملي نوم مها تهز راسها: لا خلاص بقوم .. وش فيها اصواتكم عاليه مشاعل بتكشيره: اففففف كملت .. وغطت جسمها كله بالبطانيه عشان تكمل نوم مها باستغراب: يلله صباح خير .. وش بلاها ذي انجنت ؟؟ ريما: مدري عنها .. خلينا نطلع مها: اي بس انتي ما كملتي لبس .. ريما ابتسمت: الا خلاص خلصت .. مها تقرب من ريما وتقوم بصوت واطي عشان ما تسمعها مشاعل: حسبي على شيطانها حتى المكياج ماخلتك تحطين ريما تمسك ضحكتها وتسحب مها لبره الغرفه : ما عليك منها .. وبعدين الحين ما عجبتك يعني بدون مكياج مها باعجاب: الا تجننييييين .. وبعدين فكي شعرك ريما: لا لا مابي مها بعناد وهي تسحب الشباصه من شعر ريما وينسدل على كتفها بدلع: الا مو على كيفك ريما تواسيه: يعني كذا حلو ؟؟ مها : ايييوووون .. حلو ونص بعد ريما : عيونك الحلوة .. يلله حبيبتي روحي غيري والحقيني لتحت عشان نقعد مع امهاتنا مها: اووووكي من عيوني .. ثواني واجيك ريما: تسلم عيونك .. ونزلت قعدت عند الحريم عند الحريم ريما: السلام عليكم الكل : وعليكم السلام والرحمه ريما وهي تقعد جمب عمتها: كيفكم الكل: بخير ريما تتلفت: عمتو .. وين ماما ؟؟ ام عبدالله: والله يا بنتي امك راحت من الصبح ريما بصدمه :وين راحت ؟ ام عبدالله: شكلها رجعت البيت.. ريما:غريبه ما قالت لي ام عبدالله بتريقه : يمكنها كانت مستعجله ولا شي ريما نزلت راسها تفكر .. ليش رحتي يمه الله يهديك ..يعني ما تكملين الزين ابد ام مشعل: معليش حبيبتي اكيد انها مشغوله .. يلله قومي افطري ريما: لا خالتو بستنى البنات يقومون عشان نفطر سوى ام ماجد: هووو وباقي البنات ما صحوا ؟ ريما: ما اظن .. انا اول من صحى بينهم ام رنيم: الله يهديهم بس.. ام عبدالله: انا الحين بقوم اوريهم الشغل لين يصحون .. لمتى يعني بيظلون نايمين .. ام رنيم: خليهم براحتهم يالجوهره اجازة ام اثير: صادقه خليهم شوي تونا بدري ام عبدالله: واذا اجازة يقومون يضيعونها بالنوم .. لا مافي الحين يقومون نص ساعه بالضبط والكل قايم واخلاقه قافله من تقويمة ام عبدالله لهم .. بهذلتهم لين صحوا ريما ومها كانوا بالصاله مع الحريم ..شوي ونزلوا ايان والهنوف ومكشرين اقوى شي ام عبدالله:ههههههههههههههههه� �هههههههه يا حليلي بس .. والله ما يعرف لكم غيري الهنوف وهي تقعد جمب عمتها: يا عمتي العزيزة وش ذا التقويمه .. احد يقوم كذا ام عبدالله بفخر: اي انا .. الهنوف بصوت عالي شوي: يررررررررررررحم امك لعد تقومينا ام مشعل : عيب يا بنت ام عبدالله : خليها يا نورة ,, وتخبط الهنوف على راسها بخفه .. تحسبيني مقدر عليها هالملسونه ايان: يا عميمه تكفيييييييييييييين لا عاد توطوطين غرفنا .. قسم بالله تمنيت انك منتي عمتي عشان اقوم عليك ام ماجد تشهق: هوووو حسبي الله على شيطانك من بنت ام عبدالله : ااه يللي ما تستحين على وجهك ما تخسين الا انتي تقومين علي .. ايان وهي تسحب بلوزتها وشو وتصيح : حرراااام عليكم والله حرام .. احنا اجازة .. اجااااازة ياهوووو .. عمركم شفتوا احد يقوم بالاجازة الساعه 8 ونص.؟ ام ماجد: لو انك بالبيت ما يخالف .. اما هنا لا ..هنا نبي نفلها ونوسع صدورنا ايان: مابييي افلها ولا شي .. ابي انوووووم .. وتنسدح على رجل امها ام ماجد وهي تدفها: قومي عني اقول مافي نوم ريما ومها مكتفين بالمراقبه ويضحكون على البنات ام عبدالله : ووين الباقين ؟؟؟ الهنوف: يصبغون بوجيههم .. ام عبدالله : يصبغون ؟؟!!!! ايان: ايه .. اللي تحط كريم .. واللي تكحل عيونها ،واللي تمشط شوشتها ام عبدالله وهي تطالعهم : وانتوا ليش انشالله ما تسوون زيهم منتو بنات انتو ؟ الهنوف: لا انشاللللله .. انا ويني وين حركات البنات السامجه هذي ايان: من جد ,, حركات سامجه .. انا زين مني اني اغسل وجهي الصبح تبوني بعد اقعد احط مكياج وخرابيط .. عساي ما الخبط واحط الروج بحواجبي .. الهنوف وهي تمسك شعرها الطويل: اه بس لو امي توافق اني اقص شعري كان قاصته بوي وفالتها ام مشعل: ما بقى الا ذي بعد ايان: ايه والله .. زين من امي انها تخليني اقصه لين كتفي ولا انا بعذاب الهنوف: يمه ابي اقصه ام مشعل: قومي عن وجهي بس .. ام ماجد لام مشعل: خلف الله على بناتنا يا نورة ام مشعل: اي بالله .. ام عبدالله : طيب قوموا افطروا .. ايان: يلله الهنوف.. وانتوا يا ستات الحسن ؟؟ " تقصد مها وريما مها: احنا بنستنى الباقي الهنوف: ورى ما تجون تفطرون معنا ولا محنا قد المقام ريما: لا مو القصد .. بس الاكل بالجمعه احلى ياليت تنتظرون انتوا كمان ايان تقلدها بتريقه : الاكل بالجمعه احلى ياليت تنتظرون انتوا كمان.. ياااااي مقدر عالرقه هذي كلها ريما طيرت عيونها: خييييييييير ايان تأشر بيدها: خلاص اسكتي ادوختيني .. وتاخذ الهنوف من يدها عشان يفطرون مها":ههههههههههههههه والله مجانين ذا الثنتين ريما: اي والله انهم مجانين .. شوي ويسمعون صوت احد يتنحنح ام عبدالله: هلا امي خالد ..دقايق بس ريما اخذت جلالها وتغطت فيه ام عبدالله : تعال يمه خالد بابتسامه مرحه: يا صباح الخير الكل: صباح النور خالد يبوس راس امه: كيفك يالغاليه ام عبدالله : الحمدلله انا بخير خالد: دوووم .. ويلتفت .. اووووه مهاوي صاحيه مها: اكيد صاحيه احنا بالمزرعه لازم نستغل الفرصه خالد وهو يلتفت للي جمبها وهو حاس انها ريما بس حاب يتأكد خالد: صباخ الخير يااا... ريما بصوت واطي: ريما خالد قلبه دق زياده من سمع صوتها: صباح الخير يا ريما .. وش اخبارك ؟ ريما: صباح الانوار.. الحمدلله بخير خالد بهيام : دوووووووم يارب .. خالد كان جالس جمب امه .. وحريم عمانه كانوا قاعدين يسولفون على رواق وهو يتقهوى وكل شوي يسرق نظرات لريما ويوم سمعها تحكي مع مها ركز كل انتباهه عليها يبي يسمع صوتها كمان وكمان .. شوي وسمعوا صوت كاس ينكسر ام مشعل: بسم الله الرحمن الرحيم .. وش ذاا ؟؟ ايان من بعيد: هذي الهنوووووف الحماره الهنوف تشهق: يالنصاااابه هذي انتي ام عبدالله ضحكت بخفه: الله يرجكم من بنات .. تعالوا جو البنات ام عبدالله : وراكم كسرتوا الكاسات ايان: هذي الهنوف السامجه طيحت الكاس الهنوف: اقوووول اعقلي لا اكسر الكاس الثاني بجبهتك الحين .. وتأشر على كاسها خالد:هههههههههههههههه الله يقطع شيطانك انتي وهي .. انكسر الشر ريما وهي تقوم مها : وين ؟ ريما: بروح الم اللي كسروه خالد وجه نظره عليها ام عبدالله : لا يابنتي اقعدي .. انا اقوم ريما باصرار: لا والله يا عمتو ما تقومين .. انا بروح انظفه مها: ليييش تقومين خلي الخدم ينظفونه الهنوف وهي تقعد وتاكل لقمة من الساندوتش: يختي ريما ودلال يحبون الشقا لاعمارهم .. في عشر طعش شغاله وهم اللي يقومون والله حاله ام مشعل: انتي الحاله والله .. يا زينهم لا اعتمدوا على انفسهم مو مثلك .. الهنوف بلا مبالاة: توني صغيره ام ماجد بحنان: ريما حبيبتي .. بشويش طيب انتبهي على حالك لا يصير لك شي من القزاز ريما: انشالله خالتو .. ومشت ام عبدالله كانت تطالعها لين اختفت: سبحااان الله .. خلق وفرق .. هالريما فرق السما عن الارض عن امها ام ماجد: اي والله سبحان الله .. ام رنيم: حتى ديما بعد .. والله ما كنوا امهم فوزية ام اثير: الله يصلح الجميع يارب تموا سوالف وحكي لفتره طويله شوي خالد بهمس: احم اقول مها مها بنفس الهمس: هلا خالد " مو كنوا ريما طولت ؟؟ مها بنص عين: وانت جالس تحسب لها ؟ خالد وهو يمشي يده على رقبته : لا ابد .. بس مو معقوله الوقت هذا كله تاخذه وهي تلم القزاز .. مها : طيب طيب بقوم .. اه بس من العشاق وربي حالتهم صعبه ..وراحت تشوف ريما خالد:ههههههههه ام اثير:" مو كن البنات طولوا ؟ ام عبدالله : حسبي الله على ابليس .. الا مدري وش يسوون هذا كله .. بروح اشيك لا يكونون رجعوا ناموا ام ماجد: والله يسوونها .. وتلتفت على ايان اللي نامت على رجلها والهنوف اللي نامت على وحده من الكنبات ام ماجد:هههههههههههه هذا وهو نايمين بدري ..ِ شلون اجل لو انهم نايمين الفجر عند ريما ريما كانت قاعده على احد الكراسي مها قربت: انتي هنا واحنا ننتظرك هناك من سنه ريما تتغصب الابتسامه : هلا مهاوي مها عقدت حواجبها : وش فيك ؟؟ ريما: توقف ولا شي ..وتطيح عالكرسي مها قربت منها وشافت جلالها ولبسها مليان دم .. طارت عيونها مها: وش صااااار ريما: لا تكبرين الموضوع.. جرح قزازه صغيره وبيبرى مها: وش صغيره يا بنت .. هذا كله نازفته انتي ..وريني يدك اشوف ريما تلم يدها لحضنها: مافي شي يا بنتي الحين اغسله بالمويه ويروووح مها تسحب يدها بقوة منها وتأوهت ريما من الالم مها: يا بنت الذين .. يدك مشقوقه شق .. قومي بسرعه ريما: ماني قايمه ما يحتاج بحط لزقه وينتهي الوضع مها تسحبها : اقول لك قومي ريما وقفت خطوتين وطاحت مها صرخت : ريمااااااااااااااا عند الحريم خالد وقف بسرعه من سمع صرخة اخته ..وخصوصا انها تنادي باسم حبيبة قلبه وعمره ام مشعل: بسم الله الرحمن الرحيم .. خلك هنا يا ولدي انا بقوم خالد وقف مكانه بس قلبه وعقله كله هناك مع ريما ومها .. وش صار لك يادنيتي الحريم تجمعوا عند مها وريما ريما كان شبه مغمى عليها نزفت كثير وداخت .. ام مشعل: بسم الله عليك يا بنيتي وش صار لها ؟ مها: مدري بس شكلها نزفت كثير .. ام رنيم: خلونا نوديها المستشفى ام اثير: اي والله خلوني اكلم عبدالرحمن او سالم ام مشعل: لا ما يحتاج .. ونادت .. يا خاللللد خالد جا : لبيه .. وطاحت عينه على حبيبته اللي مغمى عليها بين يدين مها ومغطيه بجلالها خالد بلهفه: وش صاير مها: انجرحت ونزفت كثير.. بنوديها المستشفى خالد ما عرف وين يروح صار كنه ضايع .. مها بعصبيه: خالد انت معي !!! بسرعه جيب مفاتيحك خالد : طيب طيب .. وراح يركض وجاب مفتاح سيارته ومها وراه راحت تجيب عبايتها وعباية ريما خالد وقف يناظرهم .. اروح اشيلها ولا لا .. قاعد يفكر بينه وبين نفسه ام مشعل وام ماجد كانو معضدين ريما عشان يركبونها السياره وراحت المستشفى مع مها وخالد بالسياره خالد: ريما انتي بخير ريما : اممم خالد بنفسه " يا بعد قلبي ليته بقلبي ولا هو فيك مها: هاا يا خالد مافي مستشفى قريب من هنا ؟ خالد : اقرب مستشفى تبعد ساعه عن هنا .. مها: طيب ممكن بسرعه ؟؟؟ خالد : انشالله .. ساق خالد بسرعه قياسيه .. نص ساعه وهما واصلين المستشفى وكان كل شوي يطالع ريما خايف عليها بالمستشفى الدكتور: ايه حصل ايه كفا الله الشر مالها ؟ خالد : انجرحت جرح عميق بقزازة .. اتوقع محتاجه لغرز الدكتور: طيب انا حشوفها .. ريما بتعب: مها ممكن مويه ؟ مها : انشالله .. وراحت تجيب مويه لريما الدكتور: يلله يا ستي نبدا خالد حس انو وجوده معها مسبب لها حرج .. فقرر انه يطلع مع انو قلبه وده انه يقعد ريما:خالد خالد بدون ما يحس: يا عيوون خالد ريما: ابقى هنا معي لو سمحت خالد:...... ريما .. يوووه مالت علي مدري وش احس فيه .. شكلي احرجته بس انا اخاف من الدكاتره وهذا شكله بيعورني ريما: امم قصدي لين تجي مها شكلها مطوله خالد يا رووووحي انتي .. الود ودي ابقى معك العمر كله مو بس الحين : انشالله ,, تامرين امر ريما بنعومه : مايامر عليك عدووو .. وتذكرت انها شافته امس مع مشاعل .. انا وش قاعده اسوي والله عيب علي.. شكلهم يحبون بعض الله يستر ما تزعل علي مشاعل لو درت الدكتور بدى يعقم الجرح وريما ودها تصرخ من الالم .. الجرح كان عميق مرره وهي مسكينه تحس بدوخه من الدم اللي نزفته ..خصوصا انها مسكينه صار لها فتره تنزف ولا احد درى ريما تتأوه من الالم وخالد قلبه يتقطع عليها .. وده يقوم يكفخ الدكتور ويحضنها يخفف عليها .. صار يسمي عليها بقلبه ريما بقوة: ااااااي خالد عصب: بشويش انت ما تشوف | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
