آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-05-15, 04:37 AM
| #81 | ||||||||
| مراقبة عامة ومشرفة منتدى الروايات المنقولة  
|  البارت الرابع والثلاثين دبي قامت مشاعل من النوم وقعدت على حيلها .. حطت يدها على راسها وحست بصدااااع .. التفتت جمبها ولقت احمد انصدمت .. معقول انا سويت كذا !!!! هزت احمد : احمد احممممد احمد: همممممم مشاعل: قوم اطلع احمد وهو ميت نوم: اطلع وين ؟ مشاعل: اطلع من هنا .. روح جناحك بسرعه احمد: ميش حبيبي خليني اكمل نومي وبس اصحى بطلع من هنا مشاعل : لا الحين تطلع يعني الحين احمد قام من النوم وهو يسحب رجوله تسحيب والتفت عليها : بنام شوي بعدين نقوم ناكل طيب مشاعل هزت راسها يعني طيب احمد عطاها بوسه بالهوى وطلع من الجناح حقها .. مشاعل انسدحت من جديد وصارت تفكر باللي صار .. مصدومه مره من اللي صار ولا تدري كيف طاوعته اصلا بيت ابوبندر ام بندر وعيالها كانوا قاعدين سوا بالصاله .. الكل كان مستغرب الوضع لانو اول مره تصير معهم .. عشان كذا كانوا كلهم ساكتين ام بندر وهي تشرب قهوتها:بدر متى بترجع مشاعل؟ بدر: مدري ام بندر: طيب وين راحت ؟ بدر: اممم اتوقع دبي مدري ابوظبي ام بندر: وش دعوه ماتعرف وين زوجتك بدر:دامها سافرت وانا مدري وكلمتني من هناك وقالت لي والله انا بالبلد الفلانيه ليش اهتم يعني ام بندر: بعذرها لازم تسوي كذا وانت مهملها بدر: ليش هي اشتكت لك ؟ ام بندر: مشاعل ماتخبي عني شي .. مو مثل بناتي ريما وديما ما علقوا ولا حتى طالعوا امهم بندر يبي يغير السالفه : اقول بنات وش رايكم اطلعكم ؟ ديما: وييين ؟ بندر: اي مكان انتو نفسكم فيه .......: لا محد رايح مكان دامني جيت الكل التفت لمصدر الصوت : بااباا ابوبندر : السلااام عليكم قاموا البنات وحضنوا ابوهم اللي اشتاقوا له مووت والعيال سلموا على ابوهم ابوبندر ابتسم: الله لا يحرمني منكم يارب.. شلونك ديما شلون دراستك ؟ ديما وهي ميته من الوناسه انو ابوها رجع: الحمدلله كله تمام ابوبندر: وانتي ياريما؟ ر يما: الحمدلله ابوبندر يسلم على عياله بحراره ويقعد والكل حوله ام بندر قامت بدون ولا كلمه بندر: يمه وش دعوه مارح تقولين لابوي الحمدلله على السلامه ؟ ام بندر طالعت بندر بنظره وطلعت لغرفتها ابوبندر: تعال يا بندر اقعد قول لي اخبارك .. يعني ماتعرف امك وحركاتها بندر قعد مكان ما ابوه أشر له ريما كنت حاطه راسها على صدر ابوها وضامته بقوووه ديما عصبت: هيييي انتي وخري من هنا مو ابوك لحالك ماشبعت منه ترى ابوبندر: هههههههههههههههههه انا اليوم مارح اتحرك من هنا بقضي اليوم كله معكم لا تخافون .. شلون العياده يابندر؟ بندر: الحمدلله كل شي فيها ماشي تمام .. صحيح تعب بس الحمدلله ابوبندر: اي هذا الشغل بندر:لا وبعد ياليت ماجد يساعد ابوبندر: ليش؟ بندر: ماجد مثال للدكتور الكسلان ..انواااع التسيب ودايم يخلي الشغل على راسي.. كله من رنيم مقضي كل وقته معها ابوبندر ابتسم: خليه يتهنى معها احلى الايام ايام الخطبه ابوبندر: ياسلام هو يتعنى ويتدلع وانا انكرف كرف الحمير لحالي بدر: هههههههههههه عيب عليك تتشكى مثل الحريم بندر: حرام يعني افضفض واقول عن اللي بقلبي ابوبندر: خلاص خلال الفتره هذي ان شاء الله نخطب لك وعيش مثل ما ماجد عايش بندر: ان شاء الله ريما: والله يابندر لو تخليني اخطب لك بكون اسعد وحده ابوبندر: شكل عينك على وحده لبندر ريما : لا والله بس بشوف له وحده من صاحباتي بندر ابتسم لحماس اخته ابوبندر : الله يكتب له اللي فيه الخير يارب بندر: امييين يارب ابوبندر: بدر وش فيك ساكت؟ بدر ابتسم: سلامتك اسمعكم ابوبندر يتلفت: وين مشاعل ؟ بدر: مسافره ابوبندر استغرب: وليش ماسافرت معها ؟ بدر: ماحب السفر يبه وانت تعرف كذا ابوبندر: بس غلط مشاعل تسافر لحالها بدر ماهو فاهم: ليش؟ ابوبندر :.............. لا ولا شي ابوبندر كل يوم يتأكد انه تسرع بخبطة مشاعل لولده .. وخصوصا انه يشوف انهم ابدا ماهم متفقين وحياتهم مشاكل بمشاكل ابوبندر التفت على ريما: ريما عظم الله اجرك حبيبتي ريما: اجرنا واجرك ابوبندر: كل شي ربي يكتبه لنا فيه خير .. والحمدلله على كل حال ريما: والنعم بالله .. الحمدلله ..ديما يللا قومي معي خلينا نقول لهم يحضرون الاكل عشان نتغدى مع بابا ونتأكد انو غرفته متجهزه ديما : يللا بندر: اما انا استاذنكم .. لازم ارجع العياده ابوبندر: اقعد تغدى معنا وبعدين رح بندر: ابدا مافي وقت يبه .. بتغدا هناك مع ماجد هذا اذا ما سحب علي كالعاده وراح يتغدا مع حبيبة القلب ابوبندر: هههههههههههه قلت لك هالفتره نخطب لك بندر ابتسم: يللا فمان الله ابوبندر وبدر: الله معك ظلوا ساكتين لفتره ابوبندر: بدر بدر: سم ابوبندر: الوضع ماهو تمام بينك وبين زوجتك ؟ بدر:...... ابوبندر: احكي لي انا ابوك بدر: ابدا .. عادي ابوبندر: شلون عادي بدر: يعني عادي .. حياتنا زي حياة اي اثنين متزوجين .. ابتسم وكمل كلامه .. تصدق يبه صرت احس انها حتى هي مغصوبه علي ابوبندر: حاولوا تتفاهمون مع بعض ياولدي بدر يتكتف: لا ماينفع .. حاولت بس عجزت فيها البنت مدلله ومايعجبها شي حاولت ارضيها بس مافي فايده .. حتى اني قررت اني ما اجيب منها عيال الفتره هذي ابداااا لو ايش يصير الوضع ابدا مايطمن بينا ابوبندر تنهد وسكت .. هو محترم قرار ولده وهو كمان يشوف انو الشي هذا عين العقل الحين تردد قبل لا يسأله بس توكل على الله وسأله : و شذى؟ بدر حس بدقات قلبه تنسمع من كثرر ماهي قويه.. من زمان ماسمع اسمها بدر: وش فيها؟ ابوبندر: ماتعرف عنها شي ؟ بدر: لا ابوبندر: ........ بدر انت للحين تبيها ؟ بدر التفت على ابوه وهو مستغرب من كلامه : ابيها ؟ ابوبندر: بخطبها لك بدر اتبسم بحزن : ماهي لي ابوبندر :.... بدر: شذى تزوجت من زمان يبه ابوبندر حس بالذنب زياده والندم صار ياكل قلبه اكل .. تحسف انه وقف بينهم وكان السبب بفراقهم .. صحيح كان خايف على ولده بدر بس مافكر انو شذى ممكن تكون غير وتكون فعلا تحبه ومستعده تسوي المستحسل عشان حبها له ابوبندر: الله يستر عليها يارب بدر: امين .. عن اذنك ابوبندر: على وين ؟ بدر: بطلع مع محمد مواعده من وقت وسحبت عليه ابوبندر: ماتبي تتغدا معي انا وخواتك بدر: لا يبه بالعافيه ان شاء الله .. يمكن الحق واجي اتعشى معكم ..تامرني على شي ابوبندر: ابي سلامتك بدر: الله يسلمك ..مع السلامه ابوبندر: ربي يحفظك ... ما اصدق اني سويت فيك اللي ابوي سواه فيني يا بدر زوجتك وحده ما تطيقها مثل ماسوى لي ابوي مع فوزيه وياخوفي ياكلونها عيالكم بالمستقبل مثل ما اكلوتها انتو بيني وبين امكم بدر ركب سيارته وحط راسه على الدركسون وغمض عيونه كلما بغيت اشيلك من بالي يطلع لي مليون شي يذكرني فيك واخرها ابوي .. لا وبعد يبي يخطبك لي تأخرت كثييييير يبه الله يسامحك ... حرك سيارته وراح لبيتها .. للمكان اللي مليان بذكراها بيت ابورنيم رنيم كانت قاعده مع امها اللي كانت تعبانه بزياده الفتره الاخيره ام رنيم بتعب واضح: حبيبتي قومي اطلعي غيري جو رنيم: وين اروح بس ؟ ام رنيم: اي مكان .. روحي لصديقتك هديل من زمان عنها رنيم: لا مابي بقعد معاك ام رنيم: يابنتي روحي انا بخير ..روحي غيري جو وانبسطي رنيم: هديل مااظنها فاضيه اليوم .. هذا اليوم اللي تتجمع فيه مع اهلها ام رنيم: طيب روحي مطعم ولا ايش شي رنيم: للدرجه هذي تبين الفكه مني ؟ ام رنيم: لا يابنتي بس والله مابيك تربطين حالك فيني ابدا وتدفنين نفسك هنا معاي رنيم تبوس راس امها: انا روحي فداك ماما الله لايحرمني منك بس ام رنيم بتعب: ولا يحرمني منك .. يللا حبيبتي قومي اطلعي رنيم:ههههههههههههههههه مصره يعني ام رنيم تهز راسها بايه رنيم :........ طيب بطلع بس شوي مارح اطول ام رنيم: اللي يريحك اهم شي تروحين وتغيرين جو رنيم: طيب حبيبتي .. يللا يمه مع السلامه .. رنيم حضنت امها بقووووة وطلعت من غرفتها ام رنيم تطالع بنتها وهي تدعي لها رنيم توجهت لغرفتها وهي تفكر وش ممكن تسوي ووين ممكن تروح .. امها صادقه هي من زمان ما طلعت من البيت ومن تخرجت من الجامعه وهي ماتسوي شي غير مقابل امها طالعت ساعة يدها لقتها وقت غدا ابتسمت وهي تفكر .. اروح الحين لماجد على العياده واخذ لي معاه غدا ونتغدى سوا ماقد سويت له الحركه هذي .. مسكت جوالها وكلمت مطعم ماجد المفضل وطلبت له كله الاكل اللي يحبه وراحت لغرفة ملابسها عشان تغير وتروح له .. ماعطته خبر تبي تسويها مفاجأة ..<< وياليتك كلمتي قبل ما تروحين العياده بندر وصل العياده وراح لمكتبه ..حمد ربه انو ماعنده اليوم مرضى للحين يعني يمديه يشرب له قهوه على رواق اخذ قهوته وراح لمكتب ماجد ..طق الباب ودخل بندر: اووووه ماجد مداوم قبلي ..وش صاير بالدنيا ماجد : ههههههههه داومت بدري ما عجبك تأخرت ماعجبك سحبت عليك مره وحده برضو ماعجبك ..وش تبي مني انت بندر قعد : ابي اشوفك منتظم ومحلل الراتب اللي ينصرف لك انت ووجهك ماجد ابتسم: لا يكثر بندر: ابوي حاكاني اليوم وقال يبي يخطب لي ماجد فرح: اووووه اخيرا بتصير معرس بندر: شفت كيف .. اجل تحسب مايتزوج غيرك انت ووجهك ماجد: ومنهي سعيدة الحظ؟ بندر وهو يشرب من قهوته : مدري والله ريما تبي تخطب لي وحده من صاحباتها .. بس بيني وبينك انا ابي مها بنت عمي ماجد : ما شاء الله .. اجل عينك على مها بندر : اي ربي يسعدها ماجد غمز له : وش السالفه ؟ بندر ابتسم لانه عرف انو ماجد كفشه : لا ولا شي .. دخلت الممرضه المساعده لبندر عشان تقول له انو في مريض ينتظره بندر كشر : يافرحه ماتمت توني اقول شكل اليوم بيكون فري عندي ماجد: الدكاتره يطب عليهم الشغل فجاة بندر: ربي يعيننا بس .. المهم اخليك انا الحين ماجد: الله معك ..وكمل قرايه بالاوراق اللي قدامه بعد خمس دقايق.. انفتح باب مكتب ماجد ماجد بدون مايرفع راسه : بندر وبعدين معم مو عندك مريض .....: انا مو بندر .. ارفع راسك وشو قاعد تتحجى مع منو ماجد رفع راسه : رانيا ! بيت احمد شذى ماهي قادرة تتحرك من التعب .. تحس بطنها يألمها مرررره والالم كلماله يزيد عليها .. جمعت قوتها وراحت للباب .. صارت تطق بكل مافيها من قوه وتنادي على احد يمكن يرد عليها شذى تنادي الشغاله : سيتي .. سييييييتييييييييييييي وتطق على الباب .. ظلت تطق عالباب لدقايق ليين ماجتها سيتي: نعم مدام شذى: افتحي لي الباب الله يخليك تعبانه اااه سيتي : مافي افتح باب .. بابا يقول مافي افتح شذى: الله يخليك بمووووت من التعب افتحي لي الباب سيتي : بابا قول مافي افتح باب .. وراحت شذى تبكي من التعب حتى من كثر المسكنات اللي اخذتها خلال اليومين هذي خافت يصير شي بولدها حطت يدها على بطنها وراحت بشويش للسرير وقعدت عليه .. تشد على يدها من الالم .. بموووت .. اكيد اني بموت الحين ومحد بيدري عني مارح تجيني فرصة اني اشيل ولدي بين يديني ولا حتى اشوفه بموت ولا احد بيذكرني وصارت تبكي .. تعوذت بالله من الشيطان وصارت تقرا على حالها .. تذكرت جوالها اللي كان من بدر عشان يكلمها .. تذكرت انو الشاحن مخلص ومافي امل يفتح .. بس ما يأست شدت على حالها وراحت للادراج تدور شاحن ..بس ما لقت حست رجولها ماهي قادره تشيلها وقعدت عالارض .. وصارت تكمل تدوير لقت بطارية جوال .. مسكتها وكنها الامل الوحيد لها وقفت بصعوبه وتوجهت للدولاب ... وصارت تنزل الملابس كلها على الارض تطلع جوالها لين ما لقته صارت تدعي ربها انو البطاريه تكون مشحونه ..شغلت الجوال واشتغل حمدت ربها .. وصارت تدور بالارقام لين وصلت للرقم اللي تبيه شذى بتعب : الووو بيت ابومشعل مشعل واثير كانوا قاعدين بالحديقه يسولفون مشعل: حبيبي ماتبين نسافر | ||||||||
|  |
|
27-05-15, 04:39 AM
| #82 | ||||||||
| مراقبة عامة ومشرفة منتدى الروايات المنقولة
| اثير: لا مو الحين عاد ابي اركز بدراستي لاني اهملتها الفتره الاخيره مشعل : اسبوع مارح يضرك اثير: الا بيضر .. مارح اغيب انتظر لين ما تجي الاجازه مشعل : بس الاجازة مطوله اثير: مايخالف ننتظر شوي ماهو ضارنا مشعل يمسك يدها:وين حابه نروح ؟ اثير: اي مكان معك انا راضيه اروح له مشعل حضنها: يابعد عمري انتي الهنوف: احم احم .. مشعل ابتسم: هلا الهنوف تقعد بينهم : الحين ابوي مخلي لكم جناح كبير عريض ضاقت عينكم على ذا المكان يعني مشعل: استحي على وجهك ..وبعدين توك راجعه من المدرسه انتي ورا ماتروحين تغيرين ملابسك وتتغدين ؟ الهنوف: مابي بقعد معكم .. والحين انتي يا اخت اثير ماعندك جامعه وانتي مقابله اخوي طول الوقت ؟ اثير ابتسمت : الا عندي .. داومت وخلصت بدري اليوم ماعندي محاضرات كثيره الهنوف: طيب يللا قوموا نتغدا مشعل: انا واثيرتي تغدينا بدري الهنوف: ماتنتظروني يعني ؟ ماتقولون اختنا الصغيره المسكينه بتتغدا لحالها خلونا نستناها مشعل : تغدينا بره اصلا الهنوف: كمااااااااااااااااان !!! مشعل : هههههههههه الهنوف قومي الله يصلحك غيري وتغدي الهنوف: مااااشي لنا الللله .. انا بكلم دلال واروح لها هي اختي حبيبتي اللي تسأل عني مو مثلكم .. وراحت غرفتها اثير تضحك : ياحبي لها مشعل يناظرها بحب : ياحبي لك انتي والله عند بيت شذى بدر كان واقف عند باب بيت شذى .. تذكر ايامهم سوا .. ايام لما كانت امها مريضه وكان يجيب لها الاغراض الناقصه والادويه ..وايام لما كان يسافر ابوها ويخليهم لوحدهم وتكون خايفه ويجي لعند باب بيتهم ولما ولما ولما ... سند راسه عالكرسي وصوتها يتردد بباله .. كيف تناديه كيف تنطق اسمه كيف تقول له انها تحبه ومشتاقة له ياليت الايام هذيك ترجع يا شذى .. ياليتك ترجعين لي ولقلبي اااااه بس سمع صوت طق على شباك سيارته.. التفت على الشباك ولقى بنت منقبه بدر فتح الشباك: نعم اختي اي خدمه ؟ اريج بصوت خايف: انت بدر صح ؟ بدر استغرب من هالبنت اللي تعرفه : اي انا بدر اريج : بدر انا اريج صديقة شذى بدر وكالعاده زادت دقات قلبه مع طاريها: وش فيك ؟ اريج تبكي : شذى مره تعبانه يابدر بدر يحس قلبه بيوقف: تعبانه وش فيها اريج : ما ادري تبكي من التعب ومنهاره توها مكلمتني بدر : تعرفين وين بيتها ؟ اريج : اي بدر : اركبي نروح لها اريج ترددت بدر: يا اختي عشان شذى مو عشان شي لا تخافين اريج وقفت ثواني بس يوم تذكرت انو شذى اختها وحبيبتها تعبانه ومحتاجة لها شالت الافكار هذي من بالها وركبت السياره على طول بس ركبت ورا اريج : روح حي ال.... بدر حرك وهو بباله مليون سؤال : وش فيها شذى تعبانه ؟ اريج: مع الحمل بدر انصدم وقلبه تقطع مليون قطعه : شذى حامل ؟؟؟ اريج : اي حامل وبالشهر السادس بدر وهو يبلع غصته: وين زوجها ؟ اريج بحقد :الله لا يرده ان شاء الله مسافر وجعله مايرجع بدر : وهي بالبيت لحالها اريج : اي ومقفل عليها غرفتها بدر مافهم : مقفل عليها ؟ اريج : اي حابسها بالغرفه ومسافر بدر انصدم من الواقع اللي عايشه فيه حبيبة قلبه : اريج احكي لي عن وضع شذى مع زوجها الله يخليك اريج من خوفها على شذى صارت تقول له كل شي عن شذى من اول يوم تزوجت احمد فيه لليوم .. لما كان يضربها ولما كشفها تكلمها ولما درى عن موضوعهم وكلللل شي .. وبدر قلبه يتقطع على وضع حبيبة قلبه مع كل شي يعرفه عن وضعها مع زوجها الحقير دبي مشاعل كانت بالمطعم مع احمد .. احمد كان ياكل وبشراهه حاس انه اليوم منتعش وايامه بدت تحلا مع مشاعل اما مشاعل اللي ماكان لها نفس تاكل ابدا .. قاعده تقلب بصحن السلطه وبالها ماهو معها احمد : حبيبي ليش ماتاكلين ؟ مشاعل : مالي نفس احمد مسك يدها: فيك شي ؟ مشاعل تهز راسها : لا .. بس ابي ارجع الرياض احمد : لييييش توها الايام تحلا مشاعل كذبت عليه :كلمني بدر الصبح وقال لي ارجع احمد ابتسم : ومن متى مشاعل بنت حمد ال ... تسمع كلام احد مشاعل: زوجي لازم اسمع كلامه احمد: الله اكبر بس .. مشاعل : انا حجزت الصبح وطيارتي الفجر احمد يشد على يدها : يعني قدامنا ليله كمان مشاعل تسحب يدها : احمد .. انت عاجبك اللي صار امس ؟ احمد ابتسم مشاعل: انا ماعجبني ابدا ولا ادري اصلا وش اللي خلاني اطاوعك احمد : الا انتي كمان كان ودك هذا كله يصير .. ولا ؟ مشاعل : اللي سويناه امس هذا مستحيل يتكرر .. انا اكلم اطلع اقابل اسوي اي شي .. بس برضو عندي حدود احمد : حبيبتي .. انسي كل الدنيا معي ممكن مشاعل حطت الشوكه وشبكت يدينها ببعض : احمد .. خلاص احمد ابتسم وكمل اكله العياده ماجد : انتي وش تسوين هنا ؟ رانيا تقعد قدامه وتحط رجل على رجل : وش اسوي يعني ؟ يايه اشوفك ماجد : انتي ماتفهمين عربي ؟ ما تستوعبين ؟ انا متزوج واحب زوجتي ولا يهمني شي بالدنيا غيرها رانيا : وحبك لي وين راح ؟ ماجد: حبي لك اصلا ماكان .. انا ماكنت احبك اصلا كنت بس متعلق فيك رانيا : طيب انا احبك يا ماجد ماجد عصب: لا تقولين الكلام هذا فاهمه ولا لا رانيا قامت وقفت قدامه ومسكت يده : انا احبببببك ماجد بصراخ : انتي ماتحبيني .. انتي خنتيني !! .......: ايش يعني خانتك ؟ ماجد ورانيا التفتوا لمصدر الصوت ..والدنيا اسودت بعيون ماجد رنيم يوم سمعت صوت صراخ ماجد دخلت المكتب على طول وسمعت كلامه لرانيا وهي ماهي مستوعبه اللي قاعده تسمعه وتشوفه .. وحده بمكتب خطيبها وماسكه يده وتعترف له بحبها وهو معصب ويقول لها خنتيني عقلها ماهو راضي يستوعب المشهد .. تحسه اكبر من انه يدخل مخها اللي هي شايفته رنيم: وش هذا يا ماجد ؟ ماجد دف رانيا وراح لرنيم : رنيم حبيبي رنيم: مين هذي ؟ رانيا لقتها فرصه : انا حبيبة ماجد .. حبيبته من ايام دراستنا باستراليا رنيم التفتت على ماجد: حبيبتك .. استراليا ؟!!! ماجد : رنيم لا تسمعين للمجنونه هذي الله يسعدك رنيم : وش قاعد يصير ماني فاهمه شي رانيا تتغصب الدموع : انا حبيته وهو كمان حبني ..وعدني بالزواج وقال لي بروح افتح الموضوع مع اهلي عشان نجي نخطبك من اهلك بس يوم رجع انغصب على خطبته لك .. رنيم بدت الامور تتفتح قدامها الحين .. وبدت تستوعب عشان كذا كان متجاهلها .. ولاكان يدق عليها اثاريه طلع مغصوب عليها وفوق هذا وذاك يحب رنيم نزلت منها دمعة قهر : اجل تحبها يا ماجد ماجد ارتاع من نبرتها: وربي ماحبيت غيرك .. كنت بس معجب فيها كان طيش شباب والله ياعمري احبك انتي وبس.. وانا كشفتها تخوني مع واحد من اصحابي وكرهتها ورجعت لك رنيم :انا كنت احتياط يعني .. يعني لو ما اكتشفت خيانتها لك كنت الحين معها وراميني صح ماجد: لا يادنيتي لا .. تكفين لا تقولين كذا .. رنيم : ماجد لا تكذب علي ماجد : والله ما اكذب عليك .. لا تصدقين الواطيه هذي .. راح لمكتبه ورفع السماعه : الحين ادق لك على بندر يجي ويشهد معي ويفهمك كل اللي صار رنيم مسحت دموعها وشالت الدبله من اصبعها ورمتها على الارض .. غطت وجهها وطلعت من المكتب والعياده وهي ناويه تطلع من حياة ماجد كمان وللابد ماجد : رنيم .. رنييييم ياروحي انتظري طلع وراها يبي يلحقها بس اختفت عن عينه رجع للمكتب حقه وغضبه معميه .. ماهو قادر يشوف شي من قهره من الكلبه رانيا دخل ومسكها من يدها وصار يضرب فيها وهو يسب ويلعن ماجد بصراخ: كرهتيها فيني يا حقيره .. حرمتيني منها .. كرهتني والسبه انتي بندر دخل عليهم لانو وحده من الممرضات نادته بعدما سمعت صوت صراخ من مكتب ماجد ..وانصدم يوم شاف رانيا بين يدين ماجد وهو نازل فيها ضرب بندر حاول يفك رانيا من يدينه .. ماجد : فكككككني عليها بنت الذييينا بندر بصراخ: هدي وش صاييير فهمني رانيا تبكي : الحقير زعلان لانو المدام طاحت علينا بندر التفت على ماجد : وش قاعده تقول ذي ماجد مافيه يحكي ابدا .. قعد عالكنبه حط يده على راسه يفكر بالمصيبه اللي حلت على راسه سيارة رنيم .. رنيم من الصدمه كانت ساكته ودموعها تنزل بهدوء .. ندمت انها عطته فرصه ثانيه .. ندمت انها حبته .. ندمت لانها وافقت عليه مع حبها له ليش يا ماجد تسوي فيني كذا ... وصلت بيتها .. لقت رجولها توديها لغرفة امها بدون ما تحس لامها الحنونه اللي ماتزعلها ابدا وكل همها رضاها دخلت الغرفه بهدووء وهي فاقده كل الاحساس تبي ترمي حالها بحضن امها وتبكي رنيم: ماما .. ماما انا تعباااانه قربت منها وقعدت عالسرير: ماما انا تعبانه وربي.. ماما ؟؟ طاح قلبها .. قربت زياده وصارت تهزها .. رنيم تبكي : ماما قومي .. ماما لا تروحين مني .. قومي بشكي لك ماجد .. بقول لك وش سوى لي .. بقول لك انه زعلني وخاني ..مااماا دخل ابورنيم على صراخ رنيم : رنيم وش فيك رنيم تبكي بقوة : بابا الحقني مدري وش فيها ماما .. ابورنيم قرب منها وهو ماهو راضي يتقبل الفكره اللي قاعده تدور بباله فكرة انو اماني رفيقة عمره تكون مفارقته .. قرب ومسك يدها: اماني .. قومي يا اماني بكى ابورنيم .. حضن بنته المنهاره المصدومه وصار يبكي وراحت امانــــــــــــــي بيت احمد بدر قلبه يدق : هذا البيت ؟ اريج تنزل من السياره بسرعه : اي هذا هو بدر : انزلي جيبيها بسرعه بنوديها المستشفى اريج : وش فيك انت شلون بشيلها لحالي انزل معاي بدر: وزوجها ؟ اريج : انت صار لعقلك شي ؟ انا ماقلت لك انو زوجها مسافر وهو اللي حابسها بالغرفه بدر حس انو عقله بدا يشت منه .. نزل مع اريج اريج رنت الجرس وصارت تطق عالباب بقوة لين جت الشغاله الشغاله : مييين ؟ اريج : افتحي الباب .. ابي ام احمد الشغاله : لا مافي اريج عصبت : اقول افتحي الباب الحين عمك احمد قال لي اجي لامه افتحي الباب الشغاله فتحت الباب لاريج وبدر ودخلوا الشغاله تأشر على بدر: مين هذا ؟ اريج تدفها : وخري بس عن وجهي .. تعال معي دخلوا لنص الفيلا اريج تنادي: شذذذذى شذذذذذذذذذذذى وينك ؟ بس مافي رد ام احمد :مين ؟ اريج : خالتي وين شذى ؟ ام احمد : وانتو داخلين علينا كذا لا احم ولا دستور .. وش تبون بشذى .. ومن ذا ؟ اريج : ياخالتي شذى تعبانه الله يخليك قولي لي وين غرفتها بروح لها ام احمد : ومن قال لك انها تعبانه؟ اريج : كلمتني ام احمد : ومن ذا اللي واقف وراك ؟ اريج : اخوها ام احمد تدور تلفونها : بكلم ولدي احمد اتاكد اذا عند هالمسعده اخ ولا لا اريج عصصصصصبت : اقووول ياحرمه شكلك انتي مثل اختك يبي لكم اعادة تأهيل .. امكم مدري وش متوحمه عليكم فيه ام احمد : وانتي من وين تعرفين اختي ؟ اريج : اووووووه .. طلعت الدرج بسرعه وبدر وراها .. يدورون على غرفة شذى اريج: شذذذى شذى تسمعيني ؟ وينك قربت اريج من الغرفة الرئيسيه وطقت عليها بقوة .. بس مافي رد حطت اذنها عالباب وسمعت صوت خفيف نادت بدر يجي بسرعه اريج:بدر شذى هنا انا متاكده بس ماهي قاعده ترد علي اكسر الباب بدر مرتبك مره وماهو راضي يستوعب انو اللي بينه وبين شذى مجرد باب .. وفوق هذا وذاك تعبانه مره لدرجة ماهي قادرة تحكي حاول يكسر الباب من هنا من هناك عيا قعد عالارض بقوة وهو يحس انه عاجز وضايع: مقدر مقدرررر اريج شافت الشغاله واقفه على جمب تناظرهم : تعالي انتي قربت الشغاله بخوف اريج :وين المفتاح ؟ الشغاله: بابا احمد قول مافي افتح باب اريج واعصابها تلفانه سحبت الشغاله من قميصها بقوووة وهي تصرخ عليها: اسمعي يابنت اللذينا .. ان مافتحتي الباب الحييييييييين قسم بالله لا اوديك الشرطه واقول انك ذبحتي المدام جوه ومسكره عليها الباب ..هزتها بقوة ..فاهمه ولا لا الشغاله من الروعه راحت بسرررعه تجيب المفتاح وفتحت الباب لهم بدر :ادخلي بسرعه يا اريج شوفيها دخلت اريج بسرعه وشافت شذى عالارض تأن من الالم ..وملابسها مليانه دم .. نزفت بشكل كبير بدر: وش فيها ؟ اريج تبكي : شكلها تعبانه مرررره بدر : لبسيها عبايتها وطلعيها لي اريج لبستها العبايه وغطت لها وجهها زين عشان ما ينزل الغطا عنها :مقدر اطلعها تعال يابدر بدر دخل بشويش وهو ماهو شايف غير حبيبة قلبه الشبه ميته قدامه .. قرب منها بشويش اريج : يللا عالمستشفى .. قاعده تنزف بدر شالها بيدينه بخفه وضمها لصدره وهو ماهو مصدق اللي قاعد يصير قدامه وكأنه بحلم شالها للسياره واريج معهم وطار فيها على اقرب مستشفى بيت ام عبدالله خالد شرق بالعصير: وشوووو ام عبدالله : والله خالد : يعني ريما الحين خلاص .. ماهي متزوجه ام عبدالله :لا ياولدي وش قاعده اقول لك من الصبح .. خطيبها توفى خالد ماهو مصدق: اخيراااااااااا ام عبدالله بزعل : وش ذا الكلام يا خالد خالد: لا يمه مو قصدي ابدا بس انوا اخيرا ريما بتكون من نصيبي ام عبدالله ابتسمت: يعني؟ خالد : يعني اخطبيها لي ام عبدالله : ابشر كمان اسبوعين خالد: لااااا .. الحين وباقرب وقت كمان مانبي يصير زي ماصار لنا المره الماضيه ام عبداله وهي خايفه على ولدها: ابشر حبيبي .. ان شاء الله ريما لك خالد حس قلبه يدق من الفرح وانو الدنيا ماهي سايعته ابدااا نهاية البارت البارت الجاي كلللله احداااااااااااااااااث توقعااااااتكم حبايبي .. | ||||||||
|
| |
|
27-05-15, 04:41 AM
| #83 | ||||||||
| مراقبة عامة ومشرفة منتدى الروايات المنقولة
| البارت الخامس والثلاثين عاليوم الثاني ..الصباح الباكر انتشر خبر وفاة ام رنيم بالعايله والكل حزن على وفاتها لانهم خسروا اطيب قلب بالعايله وانسانه الكل يحبها الصغار قبل الكبار بالعزا رنيم كانت تبكي بغرفتها وماعندها استعداد تقابل اي احد.. دام مها حبيبتها والوحيده اللي تحبها وتهتم فيها راحت خلاص معد تبي من الدنيا شي طق طق طق رنيم: لو سمحتوا ابي ابقى لحالي مابي اشوف اي احد دخلت ام ماجد عليها ولا سمعت الكلام رنيم انحرجت وماتقدر تقول لها تطلع بره .. وقفت وراحت سلمت عليها وصارت تبكي بحضنها ام ماجد والدموع ماليه عيونها : الله يرحمها ويغفر لها يارب رنيم: امييين يارب ام ماجد : يعلم الله اني خسرت اخت وصديقه لو الف الدنيا كلها ما القى بربع اخلاقها .. بس هذا اللي ربي كاتبه وهذا يومها .. وهي ارتاحت الحين لانها الفتره الاخيره كانت مره تعبانه يابنتي وكانت تتعذب .. رنيم تبكي: رحح اشتاق لها يا خالتي ام ماجد : كلنا رح نشتاق لها وبنفقد وجودها معنا ..بس مابيدنا الشي الا الدعاء لها رنيم من قلب: الله يرحمها ويغفر لها ياااااارب ام ماجد قعدت رنيم وشربتها مويه وصارت تمسح على راسها وهي تقرا عليها لين هدت ام ماجد:حبيبتي انزلي الحريم تحت يبون يعزونك رنيم : ياخالتي مقدر مابي انزل اشوف احد .. ام ماجد: يابنتي اذا نزلتي تحت وشفتي العالم اللي جايه تعزي بأمك وتدعي لها صدقيني بترتاحين رنيم:...... لا خالتي مقدر اليوم ابدا ..مقدررر ورجعت تبكي ام ماجد : طيب حبيبتي اللي يريحك .. انا بخليك الحين وبنزل تحت .. صلي ركعتين وادعي لها رنيم هزت راسها بطيب طلعت ام ماجد للمعزين ورنيم رجعت تبكي بحرقة على فراق امها عند الرجال بندر يلتفت لماجد : عزيت رنيم ؟ ماجد : من امس ادق عليها جوالها مقفول وادق على الثابت السنترال يصرفني ويقول ماترد .. اكيد هي قايلة له انه مايحول لها مكالمات بندر: طيب وش بتسوي ماجد: مدري والله .. بموت واشوفها واوقف معها بس بنت الذين رانيا ماخلت لي مجال بفعلتها الله لا يوفقها لا دنيا ولا اخره بندر: اميين يارب ماجد : قوم خلينا نقعد مع عمي حمد شوف حاله مايسر لا عدو ولاصديق بندر: لا تلومه ياخوي ..فقد زوجته وشريكة حياته ماجد: الله يرحمها ويغفر لها يارب بندر: امين يارب بالمطار .. احمد ومشاعل وصلوا الرياض مشاعل معصبه: هذي اسوأ رحلة بحياتي .. ولارح اسكت لهم ابدا على الفوضى هذي مابغينا نوصل .. اففف احمد: الحمدلله اننا وصلنا سالمين مشاعل: عكروا مزاجي احمد مسك يدها : حبيبي روقي ياشينك وانتي كذا مشاعل تشد على يده : الله يعيني بعد الحين فوق ذا الرحله الخايسه بضطر اروح اقابل وجه بدر البارررد هو واهله .. احمد: وش رايك تجين معي نقعد لنا بفندق كم يوم ؟ مشاعل عطته نظره : انا وش قد قلت لك . احمد: هههههههههههههه يابنت الحلال انا غرضي شريف مشاعل بدلع: بااااين مره احمد يقرب منها زياده مشاعل تدفه وهي تتلفت: انت وش بلاك انجنيت ؟؟ ترانا رجعنا الرياض احمد : الله يقطع ذا الحاله حتى حبيبتي مقدر اقرب منها مشاعل تسحب يدها منه : لا ..وتطلع جوالها من الشنطه وتدق عالسواق بس مارد عليها احمد: من تكلمين ؟ مشاعل: السواق بس الزفت مايرد احمد: ليش السواق انا اوصلك للبيت مشاعل : انا قايلة انك منت صاحي ..وين توصلني انهبلت انت افرض احد شافنا ؟ احمد: اي وش فيها .. انا ياما وصلتك البيت قبل لا تتزوجين مشاعل: هذا لما كنت ببيت ابوي .. لما كان البواب ما يتجرأ يفتح فمه معاي بكلمه مو بواب بيت عمي اللي مايخلي شي ما يقوله لخالتي احمد : يعني مصره ماتبيني اوصلك مشاعل : لا مابي احمد : اجل خليني اشوفك الليل مشاعل تنهدت بطفش من ذا الاحمد اللي ناشب لها بزياده الايام هذي المستشفى شذى من بعد اللي صار لها امس وهي نايمه من التعب .. فتحت عينها بهدوء ناظرت المكان من حولها ولا استوعبته غمضت عيونها تتذكر اللي صار امس .. تعبت مره وبعدها دقت على اريج اللي وعدتها انها تجيها بأقرب وقت وبعدها اغمى عليها فتحت عيونها بثقل من جديد ..واستوعبت انها بالمستشفى يوم شافت المغذي بيدها حطت يدها على بطنها وكانت الطامه .. قعدت فتره تستوعب اللي هي فيه .. التفتت وشافت اريج جمبها ..شذى والدموع بعينها شذى:اريييج .. اريج قومي اريج قامت مفزوعه من صراخ شذى: بسم الله الرحمن الرحيم وش فيك شذى شذى من بين دموعها: انا وش صار لي اريج استوعبت انو شذى شكلها عرفت اللي صار لها شذى: وش صاااار اريج: امس يوم كنتي تعبانه كلمتيني وجيت لك .. واخذتك للمستشفى ..يوم وصلت لك كنتي نازفة كثيير .. و ... شذى ببكى:كملي اريج بتردد : النزف هذا اثر عالبيبي و .. مات شذى غطا وجهها بيدينها وكملت بكى: يااارب لا .. استغفر الله بس استغفر الله اريج قعدت جمبها وحضنتها : حبيبتي استهدي بالله .. ربي كاتب لك هالشي ولازم ترضين فيه مانقدر نعترض على حكمة رب العالميين شذى وهي تحاول تهدى:والنعم بالله .. بس انا كنت متأمله مره بهالبيبي وكنت انتظره على احر من الجمر .. كنت متأمله انه هو اللي بيعوضني عن كل شي مو حلو بحياتي .. كان بيصير هو دنيتي وبس حتى اني تحملت احمد بكل بلاويه ومصايبه عشان اول مايجي ولدي يشوف انو عنده اهل متفاهمين ويقدر يتربى بجو زين .. والحين كل هذا خلاص رااح اريج ضاق صدرها على صديقتها ..ضمتها زياده وصارت تقرى عليها لين هدت بيت ابوبندر مشاعل وصلت البيت وهي اخلاقها صفر ..كانت رحلتها متعبه دخلت الفيلا لقتها بقمة الهدوء .. استغربت وينهم بالعاده يكونون بالصاله .. رقت ولقت فوق هدوء .. ما اهتمت كثير ودخلت جناحها واخذت لها شور وغيرت لها ملابسها انسدحت تبي تنام .. صارت تتقلب لفتره بس ماقدرت والنوم ما جاها طلعت جوالها وشغلته صارت تشوف من محاكيها الفتره الاخيره لانو كانت مقفلة جوالها يوم كانت بدبي لقت مكالمات كثييره من بدر ومن ابوها وعمتها استغربت .. مو بالعاده ابوها او عمتها يكلمونها.. رن جوالها وكان المتصل بدر تأففت وردت : هلا بدر بهدوء: مشاعل حبيبتي مشاعل استغرب مو بالعاده يطلع منه كلام حلو: نعم بدر: وينك ؟ مشاعل: بالبيت بدر: الحمدلله على سلامتك مشاعل: الله يسلمك .. وينك ؟ بدر : كنت ببيت اهلك والحين قريب من البيت مشاعل : وايش كنت تسوي هناك ؟ بدر: شوفي انا 5 دقايق واكون وصلت .. ابيك بموضوع مشاعل: ايش صاير؟ بدر: مافي شي بس بحاكيك شوي مشاعل : اوكي .. قفلت من بدر وهي تفكر وش ممكن يكون يبي منها قامت من السرير وقعدت بصالة غرفتها تنتظر بدر دقايق ووصلها زي ما قال بالضبط .. دخل الغرفة وهو مبتسم لها بهدوء على غير العاده .. تذكرت اول ايام زواجهم لما كان يبتسم لها ويحاكيها دايم يحاول يحببها فيه بس ماقدرت وهو فقد الامل منها ولا حاول فيها زياده لانه اصلا ماكان مهتم لها بدر قرب منها ومد يده لها وحضنها وباسها: الحمدلله عالسلامه مشاعل بصدمه: الله يسلمك .. وش كنت تبي ؟ بدر خايف من ردة فعلها .. شلون بيقول لها انو امها توفت وخصوصاا انها اندفنت قبل ماتشوفها او حتى تسلم عليها .. قعد عالكنبه وهو يتنهد مشاعل: ممكن اعرف وش صاير؟ بدر يأشر لها تجلس جمبه ..راحت مشاعل بقلة صبر بدر مسك يدها .. مشاعل ناظرت يدها وهي بين يدينه وطالعت بعيونه عشان يحكي بدر: حبيبتي .. انتي تدرين انو كل شي بالدنيا هذا مقدر ومكتوب .. وانو الاعمار بيد الله مشاعل بعدم اهتمام : اهاا .. كمل بدر: وانو كل شي بالدنيا ربي يكتبه لنا هو بصالحنا مشاعل: بدر بدون مقدمات وش فيه ؟ بدر: مشاعل .. الوالده مشاعل : وش فيها بدر: الوالده توفت امس مشاعل ناظرت فيه ببرود : ماما ماتت ؟ بدر: اي الله يرحمها ويغفر لها يارب مشاعل سكتت وصارت تناظر بالارض وبدر خاف عليها لانها ما ابدت اي رد فعل مشاعل : متى ؟ بدر: امس العصر مشاعل : اهاا .. اوكي بدر يناظر فيها : حبيبي مشاعل ترى عادي تعبرين عن اللي جواتك.. بأي شكل انتي تشوفينه مناسب مشاعل تنسدت على الكنبه بتعب: لا عادي اصلا انا متوقعه انها بتموت بأي لحظه بدر انصدم من ردها : شلون يعني كنتي متوقعه ؟ مشاعل: الفتره الاخيره كانت تقول لي رنيم انها مره تعبانه وانا قلت خلاص كلها يوم او يومين وتموت .. يللا عاد ارتاحت وريحت بدر انصعق من ردها ولا توقعها بهالقلب والبرود ابدااااااا .. كا يدري انها بارده وبدون قلب بس مو للدرجه هذي ابدا .. اللي حتى كلمة الله يرحمها ما قالتها ولا دعت لها بدر وهو يتحاول يستوعب البرود اللي هي فيه : طيب قومي البسي عشان اوديك مشاعل تناظره بنص عين وقامت من الكنبه : من جدك انت !! انا تعبانه مره وابي انام بكره اروح لهم بدر عصب: مشاعل اختك منهاره هناك ومالها غيرك .. روحي وقفي معها ومع ابوك ووقفي بعزا امك اشوف مشاعل تتثاوب وتغطي نفسها بالبطانيه: قلت لك بكره بدر : انا الحين برجع للعزا لو سألوني عنك وش اقول مشاعل : قول لهم توها راجعه و تعبانه او انها لسه بدبي .. قول اي شي تشوفه مناسب بدر كرهها من قلب .. مو معقول هذي الانسانه تكوون زوجته وشريكة حياته على طول وام اولاده زادت قناعته انهم ما ينفعون لبعض ابدا .. وانو حياتهم مع بعض مستحيله لانو اللي مافيه خير لاهله مافيه خير للناس طلع من الغرفه وهو اعصابه تعبانه منها ..طرت على باله شذى يوم درا بوفاة امها .. وانها كيف كانت كل ليله تبكيها لمدة سنه من بعد وفاتها وهذي حتى ماكلفت على حالها تترحم على امها يالله لا تقسي قلوبنا ركب سيارته وحب يزور شذى قبل لا يرجع مره ثانيه للعزا بيت احمد احمد وصل البيت وهو ميت من التعب .. كل اللي يبيه انه ينام ويرتاح ما لقى امه بالصاله كالعاده .. قرر يروح غرفته يتحمم وينام واول ما يقوم يروح يقعد معاها شوي طلع الغرفة ولقى باب غرفته مفتوحه .. جخل للغرفة بهدوء ولقى الفوضى ماليتها دور على شذى ولا لقاها بالغرفه ..طق باب الحمام يمكن تكون موجوده فيه بس لا مافي رد .. فتح الباب ولقى الحمام ظلام عصب احمد ونزل طيران يدور على الشغاله يسألها سيتي : ما اعرف احمد بعصبيه :شلون ما تعرفين ؟ انا ما قلت لك لا تفتحين لها الباب لو ايش يصير ؟!! سيتي قالت له عن الحرمه اللي جت مع الرجال وانها هددتها لو ماتفتح الباب بتكلم الشرطه وانهم اخذوها احمد : وين اخذوووها ؟!!!! سيتي : ما ادري احمد طلع من البيت والشرار يتطاير من عيونه دور عليها بأقرب المستشفيات بس ما لقى لها اثر بيت ابورنيم رنيم مع البكى غفت لها ساعتين وقامت من النوم وهي مصدعه مرررره اخذت لها مسكن يهدي صداعها عليها قعدت على الكنبه وشربت لها مويه .. سمعت صوت طق عالباب رنيم تأففت: الله يخليكم مابي اشوف احد .. وكملت ببكى ..خلوني بحالي ماجد اللي كان يطق الباب .. سمع كلمتها وتراجع انه يدخل مشى بينزل ثاني لقسم الرجال .. بس فكر بينه وبين نفسه انو اذا ما وقف مع رنيم بمحنتها فهو فعلا ما يستاهلها .. هو خطيبها وزوجها وشريك حياتها رضت ولا مارضت وراح تسمع له وتفهمه ان ماكان الحين فبعدين .. اما الحين لازم يوقف معها ويهديها رجع مره ثانيه لناحية غرفتها ودخل بدون ما يطق الباب لقاها منسدحه عالكنبه بتعب وتبكي بهدوء .. قرب منها رنيم: انا قلت مابي احد لو سمحتوا ماجد حط يده على راسها بحنان رنيم شالت يدها من على عينها وانصدمت يوم شافته نفضت يده من راسها ووقفت : نعم ؟ ماجد : عظم الله اجرك حبيبتي.. الله يرحمها ويغفر لها رنيم : امين ماجد: من امس وانا ادق عليك وانتي ماتردين علي رنيم: وبكل بجاحه كنت تنتظر مني اني ارد عليك ؟ ماجد :..... رنيم: ماجد انا تعبانه .. وابدا ماهو وقت تفاهم زي مانت عارف يعني لو سمحت خلني بحالي الحين وبعدين نتفاهم ماجد : انا مارح اتحرك من هنا الا وانتي سامعتني رنيم: وش اسمع ؟؟ باقي شي ماسمعته ؟؟ في شي المفروض اني اسمعه اكثر من اللي انقال ؟ ماجد: اللي سمعتيه كله غلط وماهو صح ؟ رنيم ببكى: اي جزء بالضبط ماهو صح ؟ جزء خيانتك لي؟ او واقع انو لك حبيبه باستراليا ؟ او حتى انك انت انغصبت علي ماجد : يارنيم رانيا كذابه وكل هدفها تبعدني عنك .. هي كانت شي بالنسبه لي بس شي قديم .. انا بعدما عرفتك حبيتك ونسيتها ولا عاد طرت على بالي وربي يشهد رنيم تبكي : ماجد انت جرحتني ..وهذي ماهي اول مره .. 8 سنين وانا احبك وافكر فيك .. كل يوم حبك بقلبي يكبر من ذيك الايام وانت بثواني هديت كل شي بقلبي لك .. ماجد : رنيم انا مالي ذنب رنيم : لا .. انا اللي مالي ذنب مو انت .. بس الله يسامحك ..والحين ياليت تطلع وتخليني لانو مالي خلق اتكلم زياده واللي فيني مكفيني ماجد قرب منها: مارح اطلع .. ضمها لحضنه بقوه وصار يمسح على راسها .. انا معاك حبيتي رنيم بعدت عنه وهي تبكي: كنت اتمنى انك تكون اول شخص ابكي بحضنه من وفاة امي .. انت الوحيد اللي كنت اتمنى اشكي لي همي ويشوفني بذا الوضع .. بس الحين انت اخر انسان اتمنى اشوفه .. دخلت الحمام وقفلت على حالها ماجد فهم انها بجد ماتبي تشوفه وطلع من الغرفه وهو يتحسب على رانيا | ||||||||
|
| |
|
27-05-15, 04:42 AM
| #84 | ||||||||
| مراقبة عامة ومشرفة منتدى الروايات المنقولة
| المستشفى بعد كم ساعه هدت شذى وصارت اروق شذى: اريج اريج : عيوووون اريج شذى بابتسامه : تسلم لي عيونها .. انتي كيف عرفتي عنوان بيتي ؟ اريج ضحكت: بلاك ماتدرين شذى:وشو اريج : انا قبل فتره سحبت مرت ابوك لين عند باب بيتكم عشان اتطمن عليك شذى : اماا اريج : اي .. بعد هذيك السالفه يوم يطيح عليك احمد وانتي تحكين معي عن بدر وانا طاقه العبايه ومسيره على بيتكم شذى ابتسمت : ياعمري انتي اريج : احم .. شذى شذى :همم اريج :في شي انتي ماتعرفينه شذى: وشو ؟ اريج : تراني جيت لبيتكم مع بدر شذى ما استوعبت: ها ؟ اريج : اقوووول انا جيت لبيتك مع بدر شذى انصدمت: انتي وش تقولين اريج : والله .. يوم كلمتيني واانتي تبكين من التعب لبست عبايتي وكنت حالفه لا اوصل لك لو ان شاء الله على رجولي .. طلعت على طول وانا ماشيه لفتت نظري سيارة فخمه مره واقفه عند باب بيتكم وفيها شاب قلبي قرصني وفربت منها وشفت انه بدر .. طقيت عليه شباكه وتأكدت وطلع فعلا هو ..يوم قلت له انك تعبانه يقوم يصر انه يوصلني لك .. وقام يسألني عن وضعك وانو وش حالك طول ما احنا بالطريق ويوم وصلت لبيتك ونزلت وشفتك بهذاك الوضع ولا قدرت اشيلك ولا حتى ارفعك ناديت بدر ..وشالك وجبناك للمستشفى على طول شذى ماهي مستوعبه كلام اريج: انتي وش قاعده تخربطين ؟ اريج : يوووو يا شذى عاد مالي خلق اعيد شذى: يعني تبين تقولين لي انو بدر هو اللي جابني هنا ؟ اريج : لاااااا مو بس كذا .. الا بعد كان شايلك بين يدينه وبكل خووووف شذى استحت: معقول ؟ اريج :وشو ؟ شذى: انه للحين يحبني ؟ اريج طلعت عيونها: تستهبليييييين انتي ؟!!!! انتي لو تشوفين بس كيف كان خايف عليك وكيف كان شايلك بحضنه كنك طفله من خوفه عليك وخوفه انو يجيك شي كان تتأكدين انه للحين عاشقك شذى قلبها صار يدق : وش كانت ردة فعله يوم درى اني كنت .. وبلعت غصتها وكملت .. اني كنت حامل ؟ اريج : ما خفى علي انه تضايق مره من الخبر .. بس كان همه بالاول والاخير انك تقومين بالسلامه ووصى الدكتور عليك الف مره وعلى البيبي قبل لا تدخلين العمليات شذى: يابعد عمري يا بدر .. ليومك وانت حنون علي سمعوا صوت طق عالباب اريج لبست حجابها وراحت للباب .. ميييين ؟ بدر: انا بدر .. حاب اتطمن على شذى اريج استانست : دقيقه راحت لشذى بسرررررررعه : شذذذذذى شذى: هلا اريج : بدر بره يبي يتطمن عليك شذى انصدمت : هاااااا !!! لالا لا يدخل اريج : وش لا يدخل مهبوله انتي !! وراحت جابت لها طرحتها ورمتها عليها ..خذي البسيها بسرعه الحين وبدون نقاش شذى: يابنتي ... اريج :انا قلت بدوووون نقااااش شذى لبست طرحتها وتغطت زين وهي بتموت على شوفته .. واشرت لاريج عشان تفتح الباب .. دخل بدر وبيده اكياس وبوكيه ورد كبير : السلام عليكم اريج وشذى: وعليكم السلام بدر: شلونك شذى عساك احسن الحين ؟ شذى تحس انو انفاسها راحت منها من سمعت صوته : الحمدلله بدر بتردد : الله يعوضك باللي فقدتيه .. شذى: اميين يارب بدر : جبت لكم اكل اكيد انكم ما اكلتوا من امس .. كلي كويس انتي محتاجه تتغذين كويس شذى مبسوطه من زمان ماحست باهتمام احد فيها شلون عاد اذا كان بدر حبيب قلبها : ان شاء الله بدر: وانتي كمان يا اريج حسبت حسابك بالاكل .. يعطيك العافيه من امس مو ماكله اكيد اريج : مشكوور والله بدر : العفو .. انا بمر اتطمن عليك من الدكتور الحين ومضطر اني ارجع البيت لانو امس توفت زوجة عمي وام زوجتي وماينفع اخليهم لوقت طويل كانت الصدمه كبيره على شذى لدرجة ما استوعبتها : انت متزوج ؟!!! بدر بغصه : اي .. بنت عمي شذى تكتم دموعها : الله يوفقك يارب بدر: امين يارب وياك .. وبالنسبه لعملة زوجك انا ابي اسأذنك بشي انو ما اسكت له وابلغ عنه لانو سواته فيك ابدا ماهي هينه وهي تعتبر محاولة قتل .. حابسك لايام بدون اكل ولا شرب وانتي حامل شذى ببرود : لا عادي مايحتاج انا وزوجي نتفاهم بدر انقهر: يعني ماتبيني اتدخل ؟ شذى: لا ارجوك .. انا بحلها معاه ان شاء الله بدر والنار تاكله .. عقب سواته فيها تدافع عنه للحين : طيب اللي يريحك ..عن اذنكم اريج وشذى: اذنك معك .. طلع بدر من الغرفه وشذى رمت غطاها بقوة وقهر وهي تبكي اريج حضنتها : يااااربي وش فيييييك شذى تبكي: طلع متزوج يا اريج.. يعني نساني وانا احسب كل هذا يسويه لانه يحبني اريج : هو يحبك ياقلبي بس تزوج .. زي ما انتي تموتين فيه وتزوجتي .. تحبون بعض ايه بس ربي ماكتبكم لبعض شذى تبكي بقهر ولاهي راضيه تستوعب فكرة انو بدر لغيرها بدر حس بضيق شذى وصوتها اللي تغير يوم درت انه متزوج .. انا ادري اني جرحتك يابعد دنيتي .. بس لازم اقول لك الصدق ولا اخبي عليك بعد مرور اسابيع من الاحداث الماضيه بيت ابوبندر مشاعل قامت من النوم وهي تحس انها تعبانه مره .. تعبها الايام هذي زايد عليها ولا تدري وش سببه ... بدر دخل الغرفه وعطاها نظره ودخل يغير ملابسه بغرفة الملابس بعد دقايق طلع والتفت لها : وانتي مالك نيه تقومين من النوم ؟ مشاعل : قمت .. احس اني تعبانه بدر : روحي المستشفى طيب مشاعل : بروح بعد شوي .. انت وين رايح ؟ بدر: الدوام يعني وين مشاعل صدت عنه وقامت للحمام بدر وهو يصلح شماغه : عمرها مارح تتعدل او تتغير بيت اريج شذى كانت قعده عند اريج الفتره الاخيره من بعدما طلعت من المستشفى ولليوم مارجعت بيتها ولا قالت حتى لاحمد عن مكانها .. طول الفتره كانت تفكر بطريقه كيف تقنع احمد فيها انه يطلقها عشان ترتاح من همها وتعيش حياتها من جديد .. حتى انها قررت انها ماترجع لبيت ابوها .. بتقعد عند اريج ماتبي شي من ابوها اللي مافكر حتى انه يسأل عن حالها طول الفتره الاخيره لدرجة حتى انه ماكان يدري انها حامل اريج : يللا شذى تعالي افطري معي شذى قامت مع صاحبتها وصاروا يفطرون ويحكون اريج بفرحه: اسم الله عليك رد وجهك وتحسنتي .. صرتي احسن من اول بكثييييير شذى: لاني معك ومهتمه فيني .. الله لا يحرمني منك يارب اريج : امين يارب ولا منك .. الا شذى وش ناويه تسوين بوضعك مع احمد شذى تنهدت: والله مدري يا اريج وش اسوي .. انا مابي منه شي ابيه بس يطلقني ويتركني بحالي وانا متنازلة له عن كل حقوقي مابي منه ولا شي ابيه يعتقني لوجه الله اريج : بيطلقك وهو ما يشوف الدرب .. وش يحسب الدين فوضى شذى: يارب الله يسمع منك بس بيت ام عبدالله ام عبدالله: يووووووه يا خالد تراك صجيتني خالد باصرار : الحيييين تكلمين خالي وتخطبينها لي ولا ترى هااا .. يأشر عالبلكونه انه بيركي حاله منها ام عبدالله ضحكت: الله يصلحك بس من حطيت ذا البلكونه وانا ماني بخير من يومك بزر وانت تهددني انك ترمي حالك منها .. شكلي بخليها قزاز ولا اقلبها غرفه واشوف عاد شلون تضغط علي بعد كذا خالد: بدال ما تقولين هذا كله كان زمانك دقيتي على خالي وقلتي له عن موضوعي وخلاص ام عبدالله وهي تدور رقم اخوها بجوالها : يالله من ذا الولد اللي بيجنني دقت على ابوبندر ورد عليها ابوبندر: يا هلا والله ومرحبا بالجوهره ام عبدالله: هلا بك ياخوي ..وش اخبارك وش اخبار عيالك ؟ ابوبندر: كلهم بخير الحمدلله ..وين الناس ام عبدالله : والله موجوده ..بس الفتره الاخيره اكون لاهيه مع رنيم بنت اخوي حمد لانو نفسيتها مره تعبانه او اكون بالبيت قاعده مع امل زوجة عبدالله تدري عاد انها حامل الحين ووحامها شين الله يعينها ابوبندر: الله يعينها يارب ويكون بعونها ام عبدالله: امييين يارب.. اقول سلمان ابوبندر: سمي ام عبدالله : سم الله عدوك .. شوف وانا اختك انت تعرف عاد اني اختك الصغيره واني امون عليك وانو مابينا رسميات ولا مقدمات ابوبندر: اي والله مابيناا ام عبدالله: انا داقه عليك طالبتك طلب.. وادري بك اخوي حبيبي منت رادني الله لا يخليني بس ابوبندر: عطيتك مطلبك .. امري بس ام عبدالله : انا متصله عليك عشان اخطب منك بنتك ريما لولدي خالد ابوبندر فرح بشكل ماهو طبيعي: تبين ريما لخالد ... هذي والله الساعه المباركه .. وين بلاقي لريما احسن من خالد بالدنيا كلها ..انا موافق موافق مووووواااافق ام عبدالله تهلل وجهها: عسى ربي يخليك لي ياخوي ولا يحرمني منك .. الله يفرح قلبك زي مافرحت قلبي.. متى بتسأل ريما؟ ابوبندر: بنتي وانا عارف رايها زين مارح ترفض بس بعطيها خير وبرد لكم باقرب وقت نملك فيهم ام عبدالله : الله يفرحنا ويبلغنا فيهم ونشوف عيال عيالهم وانا اختك ابوبندر:اميييين يارب ام عبدالله: يللا عاد عن اذنك ياخوي ببشر ولدي وافرح قلبه ابوبندر: ههههههههه اذنك معك يالغاليه ..مع السلامه ام عبدالله: فمان الله .. قفلت والتفت على ولدها وهي مبتسمه احلى ابتسامه ..مبروك يا خالد خالد حس انه الدنيا بدت تضحك له من جديد وانه اخيرا بيعيشها مع حب عمره وحبيبة قلبه .. اللي عاش طول عمره يتمناها ..ريماااا المستشفى مشاعل راحت المستشفى وهي تحس بغثيان ماهو طبيعي ماهي فاهمه سببه دخلت على الدكتور وكشف عليها ..طلب منها تسوي تحاليل والتحاليل بتطلع بعد نص ساعه مشاعل بملل: يعني ماتطلع قبل ؟ الدكتور: لا والله معليش .. يبي لك تنتظرين بس شوي مشاعل : طيب ..طلعت تنتظر بره .. زهقت وهي تنتظر ودقت على احمد تتسلى معاه شوي احمد: هلاااا والللللللللله مشاعل: اهلين احمد:وش فيها حبيبتي ؟ مشاعل: تعبانه شوي وانا الحين بالمستشفى اكشف احمد: طمنيني مشاعل: حللو لي وشوي وتطلع التحاليل واعلمك احمد: اوكي حبيبي مشاعل : وش صار على الزفت مالقيتها ؟ احمد: اي زفت ؟ مشاعل بتريقه : في غيرها ؟ حبيبة زوجي احمد بقهر: لا والله مالقيتها الله ياخذها ان شاء الله .. ابي الاقيها بس عشان اطلقها وارتاح منها هاللي ماشفت معها يوم واحد راحه مشاعل: بتلاقيها وين بتروح يعني بنت الفقر احمد : وانتي قلتيها صاروا يسولفون شوي لين عدت النص ساعه وقفلت مشاعل من احمد عشان تروح تشوف وش نتيجة التحليل راحت للدكتور الدكتور بابتسامه : اهلا مدام مشاعل .. تفضلي مشاعل: وش صار ؟ الدكتور: ابدا .. بس احب اقول لك مبروك مشاعل ماهي فاهمه شي: مبرووك ؟ على ايش ؟ الدكتور: لانك حامل بالشهر الاول مشاعل ماهي مستوعبه : حااامل !!! الدكتور: اي حامل .. ياليت زوجك كان جاي معاك عشان ابشره بنفسي مشاعل انفجعت ووقفت بسرعه : انت متأكد .. الدكتور حس انو ردة فعلها ماهي طبيعيه : طبعا متأكد هذي نتيجة التحاليل شوفيها بنفسك لو حابه مشاعل طلعت من الغرفة بسرعه وهي مصدومه حامل !! بس بدر ما قرب لي من اكثر من 4 او 5 شهور يعني هذا حملي من احمد ياويلي وش ذا الورطه اللي طحت فيها .. و كيف بطلع منها !!!! توقعاتكم حبايبي... | ||||||||
|
| |
|
27-05-15, 04:45 AM
| #85 | ||||||||
| مراقبة عامة ومشرفة منتدى الروايات المنقولة
| البارت السادس والثلاثين ( الاخير) بيت ابوبندر ابوبندر كان مره مبسوط من بعد مكالمة ام عبدالله له وخطبتها لريما .. خالد هو الرجال المناسب لريما اللي بيحافظ عليها ويصونها ويعوضها عن اللي شافته مع حمد .. طلع الصاله ما لقى احد .. توقعها بغرفتها كالعاده طق عليها الباب لين جاه صوتها : تفضل دخل الغرفه وعلى شفايفه احلى ابتسامه: السلام عليكم ريما اللي كانت قاعده على التسريحه: وعليكم السلام .. هلا بابا ابوبندر: تسمح لي بنتي الحلوة ادخل واحكي معها كم كلمه ريما وقفت وحضنت ابوها: اكيد وش دعوه .. منور الغرفه ابوبندر: بوجود صاحبتها منوره .. كيف حبيبتي وكيف دوامها ؟ ريما: الحمدلله انا بخير.. ودوامي ماعليه صحيح تعب بس شاده حيلي ابوبندر: الله يوفقك يارب وعقبال ما اشوفك دكتوره ريما ابتسمت: امين يارب الله يسمع منك بابا ابوبندر: كلمتني عمتك الجوهره وتسلم عليك ريما: الله يسلمها من الشر .. من زمان عنها ..ماشفتها من ايام عزا خالتي اماني الله يرحمها ابوبندر: الله يرحمها ويغفر لها يارب .. عاد كلمتني تسأل عنكم وعني وتحكي معي بموضوع مهم مره ريما: عساه خير ؟ ابوبندر: كل الخير .. مو يخصني انا .. يخصك انتي ريما استغربت : يخصني انا .. خير ان شاء الله ابوبندر بابتسامة راحه على وجهه: كل الخير يابنتي .. كلمتني طالبتني طلبه .. عاد انا قلت لها لو ريما حبيبتي موافقه انا ابدا ما عندي اي مانع .. عاد مدري حبيبة قلب ابوها رح تكسر كلمته او لا ريما: ماعاش من يكسر لك كلمه ابوبندر: كلمتني تبي تخطبك لخالد ريما ارتاعت ولا علقت ابوبندر : ها حبيبتي .. وش قلتي ريما :................. انا مابي اتزوج ابوبندر : افااا .. ليش ؟ ريما: انا شفت اللي يكفيني من حمد .. ولا اتوقع اني رح اقبل بوجود رجال بحياتي من بعده وبعد سواته ابوبندر: بس خالد غير يابنتي ريما: حتى وان كان .. اسمه رجال .. وبعدين خالد انا طول عمري اشوفه كأخ لي مو اكثر ولا اقل ابوبندر: بس هو مايشوفك كذا .. لو كان يشوفك مثل اخت له ماكان تقدم لك ابدا ريما: بابا لو سمحت .. انا مابي اتزوج .. كرهت الزواج والسبه حمد الله يخليك بابا لا تغصبني على شي مابيه .. قبلت بحمد وشفت منه الويل ولا ارتحت معاه ..خلوني على راحتي المره هذي ابوبندر بضيقه: بس يابنتي مو كل يوم يتقدم لك رجال مثل خالد .. والله ان ضاع منك تراه فرصه ولاعاد تلاقين مثلها بحياتك كلها ..كفايه انه ولد عمتك وقريب من قلبي حيل ريما: انا مابي لا خالد ولا غيره .. عشان كذا ما اهتم اذا ضاعت الفرصه هذي مني .. وخالد رجال ماعليه كلام يستاهل كل الخير بدنيته ..ربي يوفقه ويسعده مع غيري ويعوضه باللي احسن مني ابوبندر: طيب خذي وقتك بالتفكير .. بعطيك فتره تفكرين فيها وتقلبين الموضوع براسك لين تشبعين وبعدها قولي لي قرارك ريما بحزن: ما اظن رح يفيد التفكير بكذا ..ماله داعي اعطلهم واضيع وقتهم .. خليه يعرف من الحين ردي عشان يشوف له بنت الحلال اللي تسعده وتريحه .. اما انا ما انفع له ابدا ابوبندر حزن ووقف: طيب يابنتي ..دام هذا قرارك ما اجبرك عليه ريما وقفت مع ابوها ومسكت يده : لا تزعل مني يا بابا .. بس لا تجبروني الله يخليكم زي المره الاولى ابوبندر استغرب: المره الاولى ؟؟ مين جبرك ؟ ريما حست انه مالها داعي باللي قالته وانها كذا بتوهق امها وتصير سالفه مره كبيره بينها وبين ابوها ابوبندر : ما جاوبتيني ريما: ولا شي ابوبندر : ريما انا اعرفك .. ما تقولين اي كلام .. من جبرك على حمد ؟ ريما:......... ابوبندر: امك صح ؟ ريما : لا ابوبندر: لا تكذبين علي ..كفايه انها هي اللي جايبته لك .. كان المفروض اتوقع شي زي كذا منها ريما: بابا الله يخليك لا تقول لها اني قلت لك الشي هذا ابوبندر: طيب ليش جبرتك هي ؟ ريما خنقتها العبره ماتبي تزيد المشاكل بينهم وخصوصا بسببها ابوبندر: يابنتي قولي وريحي قلبي ريما: بابا لو سمحت .. خلاص مابي احكي بالموضوع ابوبندر الحزن اللي فيه تحول لعصبيه وقهر .. هو يسافر ويغيب عن عياله واللي اسمها امهم والمفروض تكون حنونه عليهم موريتهم الويل ..طلع من غرفة ريما وهو ضايقه فيه الوسيعه ريما قعدت عالكرسي: يارب استر ابوبندر توجه لغرفة ام بندر ودخل بدون ما يطق الباب .. شافها قاعده تسوي مناكير وبوديكير .. ام بندر التفتت بعصبيه: نعم ؟؟؟ ما تعرف تطق الباب قبل ما تدخل ؟ ابوبندر اشر للفلبينيه بعصبيه عشان تطلع من الغرفه وهي طلعت ام بندر: ومن اذن لك تدخل غرفتي وتنهي وتامر فيها على كيفك ابوبندر: شوفي يافوزيه .. بداية حياتنا سببتي لي مشاكل بالهبل وتغاضيت قلت حرام صغيره وماتعودت علي مصيرها تكبر وتتعلم .. يوم بدينا نجيب عيال ما كنتي تهتمين فيهم وراميتهم على امي الله يرحمها والخدم يربونهم عشان السفر والسهر والطلعات والروحات قلت معليش خليها تعيش لانها كانت محرومه من اول .. زدتي بتمردك وصرتي شي لا يطاق قلت معليش بكره تعرف غلطها وترجع لعيالها وبيتها وتكون الام اللي المفروض تكون لهم .. قلبتي حياتي جحيم ولا سلمت منك ..مشاكل مشاكل كل يوم .. بعدتي عني وطلعتي من غرفتي وانا ساكت .. بعدت عنك عشان تعيشين براحتك وتغربت وعشت بعيد عن بلدي وعيالي برضو عشان تاخذين راحتك واعطيك فرصه تتقربين منهم وتلتفتين لهم الا اهملتيهم زياده .. يوم وصل الحد منك قلت لك مابي عيال خلاص عاندتيني وجبتي سلطان بس عشان تكسرين كلمتي .. كل هذا سويتيه عشان تكسرين راسي وتلوين يدي .. ولا علقت ولا حكيت .. اما انك تخلين عيالي وسيلة انتقامك مني لهنا واقول لك بسسسسس حدك ولا رح اسمح لك تتمردين اكثر ام بندر تطالعه بغضب: وش تبي من هذا كله ابوبندر : انا مو من طبعي انبش بالقديم .. بس هذا شي ما ينسكت عليه .. انك تجبرين بنتي انها توافق على واحد راعي مخدرات وماهو طبيعي .. بس عشان تنتقمين مني هنا مارح اسمح لك ام بندر تتكتف: ومن قال لك هالشي ؟؟ ريما ؟ ابوبندر: مالك علاقه كيف عرفت .. المهم انو اللي سويتيه ماينغفر .. ام بندر قعدت وحطت رجل على رجل: الحين انت جاي تحاسبني على شي راح وخلاص .. على اشياء صايره من اكثر من 25 سنه .. وكمان تعاتبني كيف اختار شخص مثل كذا يكون خطيب بنتك مع انه مات صار له كم شهر ابوبندر يقهره برودها : اي بعاتبك واكسر راسك كمان .. انا ماحكيت طول هالسنين عشان عيالي .. بس دامهم ماهم فارقين معك ليش ممكن اسكت .. ام بندر : سلمان يرحم والديك اطلع بره وخليني بحالي ابوبندر قرب من زوجته وقال بهدوء: فوزيه .. انا معد اقدر اتحمل لك زياده ..مليت منك ومن هبالك واسلوبك .. لك عندي فرصه وحده .. وحححححده بس .. واذا طارت من يدك الفرصه هذي كمان والله لا ارجعك مكان ما جيتي واخذ منك كل شي واولهم عيالك واخليك عايشه لحالك على النفقه .. فاهمه ولا لا ام بندر تنرفزت: وش قصدك ؟ تهددني ؟ ابوبندر: افهميها زي ماتبين .. قدامك بس فرصه وحده حددي موقفك فيها ياتكونين بني ادمه محترمه او انك تقضبين باب الفيلا هذي وبدون رجعه .. ولا عاد رح احكي معك ثاني ..واشوف وش اخرتها معك طلع من غرفتها وتركها بحقدها وقهرها .. هي عارفه انها غلطانه بكل شي وانو كل شي قاله بحقها صح ، بس هي حالفه لا تنفذ اللي براسها لو ايش يكلفها بيت ام فهد دلال كانت قاعده بالصاله مع ام فهد يسولفون ويتفرجون على التلفزيون دخل فهد ومعه تهاني كانوا راجعين من بره ام فهد: الحمدلله على السلامه فهد: الله يسلمك .. قعد جمب دلال ومسك يدها ..كيفها الغاليه ؟ دلال ابتسمت: بخير الحمدلله تهاني تناظرهم بحقد وتقعد جمب امها وتشيل طرحتها عن راسها بعنف ام فهد: بشويييش على راسك بغيتي تكسرينه تهاني:ماما خليني بحالي مالي خلق احكي ولا شي ام فهد وهي تشرب قهوتها: براحتك فهد مد كيس صغير لدلال دلال : ايش هذا ؟ فهد : اممم اول ما شفته بالمحل قلت ما يحليه زياده الا ايد دلولتي دلال فتحت الكيس وطلعت علبه فيها خاتم الماس ناعم مره دلال ابتسمت : الله لايحرمني منك يارب .. مررره يجنن فهد طلعه من العلبه ولبسها اياه .. دلال فرحت فيه مره ..وراحت لخالتها توريها اياه ام فهد: يجنن ما شاء الله .. عسى الله يسعدكم ويخليكم لبعض يارب دلال : امييين يارب .. فهد احضر لك العشا ؟ فهد: لا حبيبتي بطلع بعد شوي .. هذا اذا ماكان عندك اي مانع دلال: لا ولو اكيد ماعندي فهد قام: بروح اتحمم واغير واطلع بعدها دلال وقفت معه: طيب بروح معك اجهز اغراضك .. عن اذنك خالتي ام فهد: اذنك معك حبيبتي فهد مسك يدها وراحوا غرفتهم تهاني تأففت بقهر: افففففففففف ام فهد: وش فييييييييييييك تهاني : يابغضي لهااااا ما اطيييييقها ..وتقلد دلال " عن اذنك خالتي" يا ثقل دمها البثره ام فهد : انا مدري ليش انتي تكرهينها تهاني: ما احبها .. ما اطييييييقها يا ناس المحبه من الله عجزت ابلعها واقفة لي هنا هنااااا ..وتأشر على حلقها ام فهد: انتي ما جربتي تدخلين فيها ..وربي البنت تجنن وطيبه وكلها اخلاق تهاني: لا انا اللي اعرفها زين انتو ماتعرفونها زي ما انا اعرفها ام فهد تهز راسها: الله يعينك على نفسك ..انا وانا امك عسى بس ما تكرهيني .. مدري انتي طالعه على مين تهاني ناظرت امها وصدت بيت ابوبندر كانت مشاعل قاعده بغرفتها تفكر بالمصيبه اللي حلت على راسها .. قررت انها ما تقول لاحمد الا لما تعرف وش تسوي بهالكارثه قعدت الشكوك تدور ببالها .. يمكن طيب غلطانين بنتيجة التحاليل .. الغلط وارد بحالة زي كذا .. انا بتأكد بنفسي راحت الحمام -اكرمكم الله- وطلعت جهاز فحص الحمل كانت شرته اول ماطلعت من المستشفى .. وسوت الامتحان .. شوي وطلعت لها النتيجه ..وطلعت فعلا حامل كرهت الساعه اللي سافرت فيها مع احمد .. رمت الجهاز بكيس وحطته بالدرج عشان لو اضطرت تقدر تواجه فيه احمد لانها نست تاخذ الاوراق من المستشفى .. طلعت وقعدت بالصاله اللي بالجناح حقها .. وماهي قادره تتجاهل المغص والغثيان اللي تحس فيهم .. قعدت تفكر وتفكر لين رست لها على حل قامت غيرت ملابسها ولبست احلى لبس ..وحطت مكياج وتعطرت بأحلى العطور وقعدت تنتظر بدر يرجع ظلت على ذا الوضع ساعات .. احمد دق عليها اكثر من مره عشان يتطمن عليها وش صار لها بالمستشفى بس ماردت عليه نهائيا كملت طناشها له وهي تنتظر رجعة بدر على نار سمعت صوت سياره تدخل الفيلا .. طلت من بلكونة غرفتها وشافت سيارة بدر راحت للتسريحه تتأكد من شكلها وكان رووووعه ..زادت على عطرها الجريء وقعدت عالكنبه تنتظره يطلع لها بدر دخل الفيلا وشاف ديما قاعده بالصاله تتفرج على فلم بدر: هيللوووو ديما ابتسمت: هلا بدر قرب منها ونكش شعرها القصير: ليش لحالك ..وين الباقين عنك ؟ ديما وهي تضبط شعرها : انا كم مرة قلت لك لا تسوي لي ذا الحركه ..ترى بيوم من الايام مارح اسكت لك بدر: ههههههههه طيب اسف ديما: بندر رجع من شوي من عيادته تعبان ودخل ينام .. وسلطان نام من بدري وريما مدري وش فيها معيه تطلع من غرفتها بدر: وش فيها ؟ ديما: مدري بس شكلها متضايقه او مالها خلق .. المهم اني قعدت احايل فيها سنه عشان تطلع تتفرج معي على الفلم بس عيت بدر: طيب اجل اخليك انا ديما : طيب رح لست الحسن والدلال زوجتك بدر ابتسم: لا بروح لبندر شوي وبعدين بروح لها ديما: اوكي بدر: يللا اجل اشوفك بكره ان شاء الله ديما: ان شاء الله بدر طلع من الصاله على غرفة بندر عشان يشوف وش اخباره طق الباب عليه ولا رد .. دخل ولقى الدنيا ظلام وبارده بدر بصوت شبه واطي: بندر .. نايم ؟ بندر من تحت البطانيه :لا لسه بدر دخل : كيفك بندر : الحمدلله .. انت كيفك بدر : بخير.. ليش مارديت علي يوم طقيت عليك الباب ؟ بندر قعد على حيله : لاني مابي احاكي احد وابي ارتاح بس وش اسوي بك نشبه بدر ضحك: طيب وش اسوي اشتقت لك .. صار لي زمان ما كلمتك ولا قعدت معك بندر: تشتاق لك العافيه .. وش اخبارك ؟ بدر: انا ؟؟ صايرة لي احداااااث يا بندر بندر: وشو ؟ بدر: شذى بندر عقد حواجبه : شذى ؟ بدر: اي .. اللي احبها بندر تذكرها: تحبها ؟؟ ليش انت للحين تفكر فيها ؟ بدر: ولاخر يوم بعمري رح اظل افكر فيها بندر انصدم ماتوقع اخوه للحين عاشق شذى : كيفها طيب ؟ بدر : حالتها حاله .. زوجها معذبها وحملها طاح ونفسيتها ماهي زينه بندر: اوف ..تزوجت ؟ و كل هذا صاير لها ؟ بدر: واكثر من كذا والله .. انا بين فتره وفتره اروح اقعد عند باب بيتها .. اكون ابي اي شي يذكرني فيها .. وشاء ربي يوم رحت ذاك اليوم انو تطلع لي جارتها وصاحبة عمرها وتقول لي انو شذى مره تعبانه بندر: وهي وش دراها فيك ؟ بدر: اكيد شايفه صورتي عند شذى او شي زي كذا لانها جايتني وعارفه وواثقه اني انا بدر .. بندر: طيب وش صار بعدين ؟ بدر : قالت لي انو شذى مره تعبانه من حملها وانها كلمتها وهي تبكي ..ماشفت طريقي ابدا مالقيت حالي الا عند بيتها بندر تحمس: ايوة ..وبعدين ؟ بدر: طبعا اخذت اريج معي ورحنا لبيتها سوا ويوم وصلنا لقيناها ماهي بوعيها وكانت تنزف .. اخذتها المستشفى وطلع انو البيبي مات بندر : لا حول ولا قوة الا بالله .. ربي يعوضها ان شاء الله ,طيب زوجها وينه ؟ بدر : كان مسافر ولاهو داري عنها .. وفوق هذا كله كان حابسها بالغرفة ومقفل عليها طول فترة سفره بندر : حسبي الله ونعم الوكيل .. هذا بني ادم ولا وشو ؟ بدر: ما ادري يا بندر ..وربي انو كل يوم احقد عليه واكرهه زياده .. معذبها مره ودايم يضربها ويهينها ..ابدا ما سلمت منه بندر : طيب وكيف حالها الحين ؟ بدر : ماعليها الحين .. احسن من اول ,بس نفسيتها تعبانه شوي بندر : الله يصبرها يارب والله اللي شافته مو قليل بدر سكت ..وسرح شوي بندر: بدر .. وين وصلت .. بدرررررررر بدر : هلا بندر : وش هلا ..وين رحت ؟ بدر : افكر فيها .. افكر بحالها الحين بندر: ان شاء الله ماعليها شر وبتكون بخير بدر: شلتها بيديني يابندر .. ضميتها لصدري بندر حزن على وضع اخوه : متى رح تنسى يا بدر .. ولا نسيت انها متزوجة ؟ بدر:لا مانسيت .. وهذا اللي كاسر قلبي .. يا اني كنت ماسك حالي من ناحيتها بشكل ماهو طبيعي ..حتى اني كنت احاكيها بقمة البرود ومبين لها اني ماني مهتم وانا بالواقع قلبي بياكلني عليها .. بندر : الله يكون بعونك وانا اخوك ..والحين وش ناوي تسوي طيب ؟ بدر : ابدا .. ولا شي بكمل حياتي وهي بتكمل حياتها بندر: بتكمل حياتها مع زوجها مع كل اللي سواه فيها ؟ بدر: قلت لها ارفع عليه شكوى او اي شي يوقفه عند حده عيت وقالت انا اتفاهم معاه وماله داعي بندر: اكيد مو من قلبها ..لانها شافت برودك معها وقالت خلني ارفع ضغطه بدر : وانا اشهد انها قدرت ترفع ضغطي وتلعب بأعصابي اكثر شي بندر ابتسم: خلك ثقل يا ولد تراك متزوج لا تنسى بدر ضاق صدره يوم ذكر مشاعل : على الطاري خليني اروح لها الحين بندر : الله معاك بدر: عاد بكره اكمل كلام معاك بندر: ان شاء الله ..تصبح على خير بدر : وانت من اهل الخير .. بندر حط راسه عالمخده يبي ينام ..وقعد يفكر بوضع اخوه شوي ربي يكون بعونك يا بدر ويصبر قلبك وينسيك اياها غرفة بدر ومشاعل بدر دخل الغرفه بدون ما يطالع مشاعل مشاعل وقفت وهي اعصابها تلفانه : وينك انت ؟ بدر طالعها وكان شكلها روعه .. لابسه لبس يجنن ومكياج خيالي بس ما اهتم كثير: كنت مع واحد من اصحابي مشاعل: ادري انك مع واحد من اصحابك .. ليش ماجيتني اول ما وصلت البيت ؟ بدر : كنت مع ديما شوي وبعدها رحت لبندر مشاعل تنرفزت ..ماتحب تكون مهمله ابدا وكانت تبي تتخانق معاه بس يوم ذكرت حاجتها سكتت وقربت منه بشويش ومسكت يده وضمته: كذا تخليني لحالي طول الوقت هذا ؟ ما فكرت اني ممكن اكون مشتاقة لك ؟ بدر انصدم .. عمرها ماكلمته بالنبره هذي ولا ضمته بالحنان هذا كله بدر: بس انا ماطولت عليك مشاعل : الثانيه ببعدك تمر علي بسنه بدر مستنكر الوضع شوي ..بعد عنها : بروح اغير ملابسي مشاعل بابتسامه خيال: احضر لك العشا حبيبي ؟ بدر : لا شكرا متعشي مشاعل : طيب .. غير ملابسك وتعال نقعد شوي سوى بدر: طيب .. راح اغير واجيك مشاعل بابتسامه : اوكي .. دخل بدر غرفة الملابس ..ومشاعل قعدت على الكنبه وهي حاطه يدها على بطنها تحس بتعب والوحم ذابحها .. بس ما اهتمت لازم تنفذ الخطه هذي عشان تتطمن على روحها لانو ابدا ماهو بصالحها انو يعرف انها حامل ومن غيره بعد طلع بدر من الغرفة بعد خمس دقايق ولقى مشاعل تستقبله بابتسامه ابتسم لها بدوره وقعد عالكنبه وجت مشاعل قعدت جمبه مشاعل : حبيبي كيف كان يومه ؟ بدر: ماعليه ..وانتي ؟ مشاعل بدلع : كنت تعبانه ورحت المستشفى اليوم بدر: صدق؟ سلامتك والله وش طلع معاك؟ مشاعل : شوية برد بدر: اجل انتبهي على نفسك مشاعل حطت راسها على صدره : تخاف علي بدر جمد من حركتها ..مايدري وش جايها اليوم ..ارتبك بالاجابه وطرت على باله شذى على طول.. لو انو شذى اللي سألته وش كان بيقول؟ بدر: اممم .. اي مشاعل ضمته لها زياده بدر ارتبك من وضعهم وقام مشاعل بنظرة: وين ؟ بدر: تعبان شوي وابي انام مشاعل: تنام وتخليني لحالي ؟ بدر : معليش بس تعبان مره فيني ارهاق ماهو طبيعي مشاعل وقفت : بس انا تعبانه كمان بدر : اجل تعالي نامي انتي كمان مشاعل فكرت بينها وبين نفسها هذي فرصتها : اوكي .. بدر قعد على السرير وحط راسه عالمخده .. لقى مشاعل تقرب منه وتحط راسها على صدره بدر ابتسم لها ببرود ووخر بهدوء وعطاها ظهره ونام مشاعل تنرفزت من بروده وحست انو مافي فايده منه اليوم ..بعدت عنه وغمضت عيونها وحاولت تنام هي كمان بس ماقدرت قعدت تفكر بحل لمصيبتها بيت ابورنيم رنيم كانت قاعده ببلكونة غرفتها تفكر بوضعها .. من يوم ماتوفت امها وهي تحس بفراغ ماهو طبيعي ..الفتره هذي محتاجه لماجد مره ..محتاجة تسمع صوته وتحكي معاه ..بس اللي سواه معها ابدا ماينغفر خيانته لها ماتقدر تنساها بسهوله .. وبعد يجيبها العياده عنده للدرجة هذي وصلت فيك .. مسحت دمعتها .. حست بقهر لانها للحين تبكي عليه وتفكر فيه تبي تشيله من بالها وقلبها وتفكيرها ولاهي قادره .. لو اني بس اعرف ياماجد انك تفكر فيني مثل ما انا افكر فيك كان اختلفت الامور هذي كلها وسامحتك ..كان نسيت كل هذا ورجعت لك .. فتحت جوالها اللي كانت مقفلته من اسابيع .. وشافت مساجات كثير من صاحباتها ومسجات تعزيه من اللي توهم يدرون عن وفاة امها قرتها بسرعه وهي ماهي مركزة .. مسج ورا مسج تبي توصل لرسالة من شخص معين تتمنى تكون للحين على باله ولقتها .. فتحتها وبدت تقرا اللي فيها بلهفة إسأل علي .. يمكن اكون ماني بخير هو انت لا قسيت تترك اللي باع عشانك غوالي هو انت لا قسيت تنسى ذيك الليالي اللي وياك جمعتني .. وحشتيني .. دمعت عينها وهي تقرا المسج .. للحين يفكر فيني للحين يبيني دورت له مسج بين المسجات ..تبي ترد عليه .. مالقت له رد مناسب .. رسلت له .. وش اخبارك ؟ استنت دقايق بسيطه حستها سنين طويله وجاها رده بمقطع صوت وش اخباري ؟ وش اخباري ؟ شلي جابني عالبال وش الطاري ؟ ابد على حطة يدك .. لو كان هذا يسعدك ماشي تغير للاسف .. لليوم كلي بدبرتك لكن اسألك بالله وش اخبارك ؟ | ||||||||
|
| |
|
27-05-15, 04:46 AM
| #86 | ||||||||
| مراقبة عامة ومشرفة منتدى الروايات المنقولة
| حست بالذنب من ناحيته مره .. ترددت وش ترد له يوم تذكرت كلمات الاغنيه هذي .. قررت تكمل عليها عسى ماشر وش خلاك تذكرني .. بعدما اعتدت هجراني .. ليه تجدد اشجاني بعدها تروح وتنساني .. ترجع لي في عمر ثاني تسألني عن اخباري .. وش اخباري .. صدقني لو كان بيدي انا تركتك من زمان تسألني شاللي يحدني .. شاللي جبرني عالهوان اللي جبرني اني احبك .. ياللي خذاني مني حبك رجعني لك ارجوك حلفتك بربك من الناحيه الثانيه .. ماجد كان مره مبسوط انها تجاوبت معاه وحزن على ردها شوي .. توقعها كارهته مره دق عليها ولا ردت .. دق مره وثنتين وثلاثه ولاردت حس انه بينجن دق على بندر ..كسر جواله لين رد عليه بندر: هاااا ماجد: جهز نفسك انا شوي وجايك .. بندر:نعم ؟ وين موديني بذا الفجر ماجد : بنروح لرنيم بندر: ماجد انت انهبلت ؟؟ شايف الساعه كم ..وبعدين وش فيكم تسلطتوا علي لما جيت انام حرام عليكم عندي دوام من صباح الله ماجد: لاحق عالدوام والنوم المهم انا شوي واكون عندك وربي لو ماتقوم من النوم لا اطلع اشقلك فاهم ولا لا بندر ووده يصيح من النوم: يعني ما يستنى الموضوع لبكره ؟ ماجد: لا ماينتظر .. خلي النوم ينتظر الله لا يهينك .. يللا ..وقفل بوجهه قام غير ملابسه بسرعه قياسيه وخذا جواله وطلع لبيت عمه سلمان عشان ياخذ بندر رنيم ماردت عليه لانها مابغته يسمع صوتها وهي تبكي .. مايبيها تدري انها تبكي عليه للحين ..تنكدت زياده دخلت غرفة امها وابوها ونامت على سرير امها .. ابوها صار له اسبوعين مسافر يغير جو ماهو قادر يقعد بالبيت بدون ماتكون زوجته اماني موجوده انسدحت رنيم على السرير وضمت مخدة امها ..وصارت تدعي لها ربي يرحمها ويغفر لها .. كملت تفكيرها بوضعها مع ماجد واذا كانت تسامحه ولا لا .. هي ماتنكر ابدا انها بحاجته وتبي تكمل باقي عمرها معاه .. بس هو خانها ..وخطبها غصب عنها وهو ماله خاطر فيها اصلا عورها قلبها على هالكلمه .. انو حبيب عمرها مغصوب عليها .. مارح تقدر تعيش معها وهذا واقعها معه .. رن جوالها وكان ماجد .. مسحت دموعها .. وقعدت على حيلها ردت ولا حكت بولا كلمه محتاجه تسمع صوته وبس ماجد: رنيم .. رنيم ياروحي رنيم:........ ماجد : انزلي لي ابيك .. انا تحت رنيم ماصدقت.. قفلت الخط ووقفت على بلكونة الغرفة ولا شافت شي .. راحت غرفتها واخذت طرحتها عشان لو احد من العمال عدى ما يشوفها نزلت الصالة اللي كانت ظلام ولا لقت احد .. اجل اكيد انه بره بالحديقه طلعت وصارت تمشي بشويش .. المكان بارد وظلام ويخوف بس احساسها انو ماجد قريب منها وبنفس المكان مخلي قلبها يهدا مشت بالحديقه ولا لقته .. راحت ناحية النافورة قالت يمكن انه هناك .. ولا لقته .. شكله بس كان كلام.. انا الغلطانه اللي صدقته لقت تبي ترجع الفيلا ولقته قدامها تلاقت عيونهم للحظات وصار يتأملها بحب رنيم نزلت عينها ماتبي تشوف هالنظره بعيونه ابدا قرب منها ماجد ورفع وجهها بيده : لا تنزلين عينك ابدا ..حاكيني حبيبتي .. صرخي ازعقي اضربيني سبيني مدي يدك علي سوي كل اللي بخاطرك بس لاتسكتين والله سكوتك يتعبني رنيم حاولت تبعد عينها عنه ماتبيه يشوف دموعه ابدا .. ماجد : لاتبعدين عينك عني ..طالعيني رنيم بكت": انت خنتني ..ولا عمرك حبيتني ماجد: انا عمري ماخنتك .. واحبك واموت فيك رنيم: وايش تعني لك هذيك البنت ؟ ليش كانت بالعياده عندك وايش تبي منك ؟ ماجد تنهد : عندك استعداد تسمعيني ؟ رنيم: اي ماجد : وبتصدقيني ؟ رنيم:..... ماجد: قولي بتصدقيني ولا لا ؟ رنيم: اسمع بعدها احكم ..وربي ياماجد لو اكتشفت انك تكذب علي عمري بحياتي مارح اسامحك .. ماجد مسك يدها وقعدها على حافة النافورة وقعد على ركبته قبالها ومسك يدينها بيدينه: انا من رحت استراليا كنت صغير .. وكنت طايش ..شفت رانيا وصارت معي دايم ..تعلقت فيها وصرت معها سنين .. كنت احسب اني حبيتها بس كل السالفه كانت اعجاب .. حتى بندر ياما كان يحذرني منها وانها بس طمعانه فيني وانها ماتحبني بس ماصدقته ...سكت رنيم هزت راسه عشان تستحثه يكمل ماجد: كانت فعلا طمعانه فيني وانا كنت ماشي وراها على عماي .. كانت دايم تزعل مني ولا ترضى الا بهديه وقدرها .. وكانت ماتدق علي الا وتبيني اعزمها على مطعم او تبيني اشتري لها شي ..وذا عطيتها اللي تبيه تقول لي كم كلمه حلوة ولاني بطبعي رومنسي كان ينلعب علي بسهوله .. رنيم شدت على يده وهو يحكي ..كانت مره مقهوره .. هو حس عليها بس قرر يكمل ماجد: قررت اني افاتح ابوي بالموضوع وانه يخطب لي اياها .. اول مارجعت كلمته بالموضوع .. قوم الدنيا على راسي ولا قعدها وقال لي مافي امل تاخذا وانت مالك الا بنت عمك ..لانه من يومنا صغار كان يبي يخطبك لي .. ولزم علي وحلف علي حلف اني اخذك رنيم بهدوء: يعني بجد انغصبت علي ماجد : استني اكمل لك .. رضيت بالامر الواقع وملكت عليك .. حاولت اتقبلك بالبدايه ماقدرت ولا عطيت نفسي اصلا فرصه اني اقرب منك واحاكيك .. وسافرت من القهر بدون ما اسلم عليك حتى .. ويوم رجعت استراليا قعدت ادور على رانيا فتره طويله ولا لقيتها ..وبيوم لقيتها بالمطعم مع واحد .. ويوم واجهتها قالت انها تحبه .. وتركتها من يومها ولاعاد شفتها .. حاولت تكلمني وتتواصل معاي بأكثر من طريقه ولاعاد عطيتها وجه .. ومن يومها وانا اقارنها فيك واحاول اشوف الاشياء الزينه فيك واللي اسمعها عنك من خواتي وامي ..ولما رجعت الرياض حاولت اقرب منك عشان اعرفك اكثر ..ولقيتني كل يوم والثاني اتعلق فيك ..وكل يوم حبك بقلبي يكبر ويكبر لدرجة اني نسيت رانيا وايامها وكل شي يتعلق فيها ..والحين وصلها خبر اني رح اتزوج بنت عمي ..ورجعت بس عشان تخرب علي وربي كل اللي اقوله لك صدق ياروحي رنيم سكتت شوي تفكر بكلامه : يعني انت معد تفكر فيها ؟ ماجد: لا وربي ما افكر فيها رنيم: وتبيني بجد؟ ماجد : انا بموت عليك مو بس ابيك ..رنيم وربي احبك ولا عمري حبيت غيرك رنيم ماقدرت تمسك حالها حضنت ماجد وصارت تبكي بحضنه وهو يهديها ويسمي عليها .. اخيرا اعترف لها انو مافي غيرها بدنيته ..وانه كمان يحبها ويموت فيها يمكن اكثر من حبها له رنيم: زعلان مني ؟ ماجد:لا ياروحي ..اصلا الغلط علي لاني ما قلت لك كل هذا كان لازم اكون صريح معاك من البدايه جاهم صوت من ورا : احم احم انت وياها ماجد ضحك : حبيبي غطي هذا بندر رنيم تلبس طرحتها : من متى وبندر هنا ؟ ماجد ضحك والتفت له: هلا بو ماجد بندر: لا هلا ولا مرحبا فيك .. جعلك الماني قايل حسبي الله بس .. ماجد:هههههههههههههههههههه� �هه بندر: تضحك اجل هااا !!! دامك عارف شلون تصالحها انت ووجهك وشوله مسحبني من حضن سريري وانا عندي دوام من صباح الله ماجد: يللا عاد فلها بندر: افلها ها جب مفاتيح سيارتك الحين خلني ارجع انام لابارك الله فيك ولا في الساعه اللي صرت فيها ولد عمي ماجد: اعطيك المفتاح وانا شلون ارجع البيت ؟ بندر: ترجع البيت على رجولك ,ترجع تزحف ان شاء الله تنام هنا ماهي مشكلتي ماجد ضحك طيب طيب الحين بنرجع البيت بندر:دقيقتين انتظرك بالسياره ان ماجيت ما رح يحصل طيب ماجد:ان شاء الله عمي بندر مشى خطوتين وبعدين وقف: مساء الخير رنيم رنيم ضحكت: هلا والله مساء الورد ماجد ضحك: لا واللـــــه توك تنتبه لها بندر بنظره: مالك شغل انا وبنت عمي نصلح ..يللا انتظرك بالسياره ماجد :طيب راح بندر للسياره ينتظر ماجد .. ماجد التفت على رنيم وناظرها بكل حب بقلبه لها رنيم انحرجت: وش فيك ماجد: احنا متى كان المفروض يكون يوم زواجنا؟ رنيم بابتسامه : بعد يومين ماجد : انا جاي اخذك بعد يومين للبيت على طول مانبي لا زواج ولا شي رنيم : من جدك؟ ماجد: اي وجد الجد كمان .. من بكره بجهز جناحنا بالبيت وبنقعد بأوتيل اسبوع على بال مايخلص .. خلاص معد اقدر ابعدك عني اكثر رنيم رنيم:طيب وبابا ؟ ماجد: عمي انا بكلمه لا تشيلين هم مارح يقول لي لا رنيم سكتت تفكر.. هي عمرها ما اهتمت بحفلة كبيره ولافستان ابيض ..كل اللي تبيه تكون مع ماجد دايم وعلى طول رنيم: طيب وانا ماعندي مانع ماجد ابتسم لها وباس راسها: احبك.. رنيم:وانا احبك ماجد: يللا حبيبي الحين برجع لبندر لا يسوي لي سالفه ماني ناقصه رنيم ضحكت: طيب ماجد : الله لا يحرمني منك يارب ولا من هالضحكه ..باس يدها وودعها ومشى رنيم: ورب الكووووون احبـــــــــــــــــه اليوم الثاني بيت ام عبدالله خالد بروعه: وش تقولين يمه ؟ ام عبدالله بضيقه: والله هذا اللي صار خالد : شلون يمه قولي غير كذا ام عبدالله : توه كلمني خالك وقال لي خالد بينجن: يعني انا خسرت ريما للمره الثانيه ؟ ام عبدالله: هدي يا ولدي وان شاء الله مارح يصير الا كل الخير خالد وقف: انا بروح احاكي خالي ام عبدالله: وش بتقول له ؟ خالد بعدم وعي: بروح احكي معاه بتصرف ..مارح اقعد واحط يدي على خدي واشوفها تروح مني للمره الثانيه .. وطلع من الصاله والبيت بكبره ام عبدالله ضاق صدرها على ولدها: يارب هدي باله وناوله اللي بخاطره بيت ابوبندر كان ابوبندر قاعد يشتغل بالمكتب .. كلمه السنترال وقال له انو خالد بره يبي يكلمه .. ابوبندر: خله يتفضل ويجيني على المكتب السنترال: ان شاء الله طال عمرك ابوبندر كان عارف انو خالد رح يحاول يكلمه بموضوعه مع ريما .. وماخاب توقعه .. ثواني ودخل خالد المكتب ابوبندر وقف: هلا والله بالغالي خالد باس راس خاله: هلا بك والله ابوبندر: مابغينا نشوفك .. من متى ماجيتنا خالد: والله اعذرني يا خالي تعرف الشغل والدوامات ابوبندر ابتسم: برضو مو عذر .. تفضل اقعد ليش واقف خالد قعد مكان ما أشر له خاله .. ابوبندر طلب القهوه: ياحي الله من جانا خالد: الله يحييك .. سكت خالد ماهو عارف وش يقول لخاله تمنى انه ماتسرع وجاله الحين .. على الاقل يصفصف حكي يقدر يقوله له ابوبندر تأكد من توتره انه يبي يحكي عن مضوعه مع ريما بس ماهو عارف شلون ابوبندر: احكي ياخالد ..لا تستحي خالد :...... ابوبندر: عشان ريما .. صح ؟ خالد: انا ماني فاهم ليش رفضتني .. ماهي موافقه علي انا بالذات ابوبندر بسرعه: لا ياولدي .. هي رافضه الزواج بشكل عام خالد بتردد: طيب ممكن اعرف وش السبب؟ ابوبندر: تقول انها ماتبي اللي صار لها مع حمد يتكرر من جديد خالد: بس انا غير حمد.. انا بصونها وبحميها كفايه انها بنت خالي ومني وفيني ابوبندر: وهذا عشمي فيك كمان يا خالد بس وش اسوي فيها .. حاولت اقنعها بس عجزت البنت رافضه الفكره نهائيا ولا تبي تتزوج خالد ضاق صدره مره والدنيا اسودت بعينه : انا من زمان وانا نفسي اخطب ريما ..من قبل ما يتقدم لها حمد .. وزعلت بصراحه لانها راحت مني ..والحين يوم انو حمد توفى الله يرحمه ويسامحه حسيت الدنيا ضحكت بوجهي من جديد وانو في امل انو ريما تكون من نصيبي بيوم ابوبندر ابتسم: عارف ياولدي عارف .. بس وش بيدي اسوي مقدر اغصبها ابدا على شي هي ماتبيه ..وتعرف ياولدي انو الزواج مافيه غصب ابدا خالد بخيبة امل: يعني مافي امل يا خالي ؟ ابوبندر: هذا اللي باين الحين ياولدي ..والزواج قسمه ونصيب خالد سكت لفتره ..تضايق مره ولاهو عارف وش ممكن يسوي اما ابو بندر قعد يراقب خالد وصدره ضايق عليه .. شكله مره متنكد من رفض ريما له ..بس وش يسوي مابيده حيله بعد فتره سكوت طويله ..وبعد تفكير من خالد خالد: خالي .. تسمح لي احكي مع ريما ؟ ابوبندر: تحكي معها بايش ؟ خالد : بحكي معها .. بقنعها فيني .. الله يخليك يا خالي بس عطيني عشر دقايق احاكيها فيها يمكن تحن علي وتوافق ابوبندر ضحك: للدرجه هذي متعلق فيها وتبيها ؟ خالد: واكثر من كل هذا يا خالي .. انت ماتصدق قد ايش اعز ريما وهي بنت الف من يتمناها كفايه انها بنت خالي ابوبندر ابتسم: لك اللي تبي .. انا بناديها لك الحين احكي معها هنا بالمكتب على راحتكم وانا رح اكون بالصاله .. والله يكتب لكم اللي فيه الخير ياولدي خالد ابتسم لانو خاله متأمل فيه خير ..قعد على اعصابه يفكر كيف يقنع ريما تتزوجه ابوبندر طلع من المكتب وراح ينادي ريما وهو يدعي بنفسه انو خالد يكون من نصيبها لانه هو الرجال الوحيد اللي يستاهلها بغرفة ريما ريما: خالد يبي يحاكيني .. ابوبندر: اي يابنتي ريما برعب: لا يا بابا لا الله يخليك .. اصلا مالي وجه بعد ما رفضته مابي احاكيه .. قول له نايمه ..طالعه .. سافرت اي شي ابوبندر ضحك على شكلها: يابنتي لا تخافين.. هي كلها كلمتين يبي يقولها لك وانا بكون بالصاله انتظركم شغلة خمس دقايق وانتو خالصين ريما انهبلت: وشوووو حتى مارح تقعد معنا.. يا بابا الله يخليك مابي صرفه قل له اي شي ابوبندر: لا ياريما مارح اصرفه .. اسمعي وش يبي يقول لك وبعدها لك اللي تبينه ريما : بس يا بابا ... ابوبندر يقاطعها: لا بس ولا شي .. لا تردين لي طلب يا ريما ريما بلعت ريقها بتوتر: ماعاش من يرد لك طلب .. يعني مصر ؟ ابوبندر : اي مصر .. اسمعي وش يبي منك ذيك الساعه سوي اللي نفسك فيه ريما بعدم اقتناع: طيب .. لبست عبايتها ونزلت مع ابوها المكتب لما وصلوا المكتب ابوبندر : ها ياخالد ..وهذي ريما لك احكي معها وانا بنتظركم بره ريما زاد توترها وحست انو الجو حار ..اما خالد قلبه شوي ويطلع من مكانه لما قال له خالد ريما لك .. دعى ربه بينه وبين نفسه انو كلمة خاله تتحقق وتكون ريما له ومن نصيبه ريما:....... خالد:هلا ريما ريما بهدوء: اهلين خالد : تفضلي اجلسي ريما: لا مايحتاج احكي وانا واقفه كذا خالد تنهد: ريما الله يخليك لا تصعبينها علي ..اقعدي خلينا نتفاهم ريما قعدت بالكرسي المقابل لخالد ..ورفعت عينها له ..شافته متوتر مره وحاط يده على راسه يفكر ..استغربت حالته ..قعدت تتأمله وهو محتار ..ماتدري ليش ابتسمت غصب عنها .. يمكن لانها تذكرت خالد الحنون اللي كان دايم معها وهي صغيره واللي كان دايم يحب يلعب معها ..ويوم كبر مواقفه كانت تدل على مرجلته ..لما انجرحت يدها يوم كانوا بالمزرعه هو اللي وداها المستشفى وكان بيذبح الدكتور وهو يطهر لها جرحها ..ويوم كان حمد ناوي يعتدي عليها محد وقف له الا خالد ولولا الله ثم خالد كان راحت عليها .. ولما ولما ولما .. مواقف وذكريات مع خالد لا تعد ولا تحصى .. حست قلبها رق لوضعه ..وهو يفكر شلون يحكي معها .. هي تخاف مايكون جاي يحكي معها بموضوع خطبتهم .. وتتفشل اذا هي فتحته .. بس اصلا انا مافي بيني وبينه اي موضوع غير هذا الايام هذي .. بلعت ريقها وقالت: خالد خالد ناظرها: عيونه ريما : خالد .. احكي ليش متوتر خالد ابتسم: ماني عارف من وين ابدا ريما:..... خالد بهدوء: ريما .. انا فيني عيب ؟ ريما بسرعه: لا والله خالد: طيب ليش رفضتيني ؟ ريما:..... خالد: ريما .. اذا احنا قعدنا نفكر بالماضي واللي راح ابدا مارح نتقدم بحياتنا ..حمد كان شي والحين راح عند ربه والله يسامحه.. ليش تخلين حياتك موقفه على واحد مثله ؟؟ ريما: انا اللي شفته منه كفاني خالد: بس اصابع يدك ماهي سوا ريما: انا ماني مستعده ادخل تجربه مثل هذي مره ثانيه خالد: حتى لو قلت لك عشاني ؟ ريما سكتت .. احرجها خالد: مو قصدي احرجك والله .. بس ريما:..... خالد تنهد: ريما .. ليتك تعرفين وش بقلبي لك ريما انصدمت من كلامه خالد : ريما .. انا من وعيت على الدنيا وانتي قدامي .. حتى لو انك ملاحظه كنت اميل لك مرره بإني اقعد معك والعب معك ..ماكنت ابي احد غيرك .. ويوم كبرت وبعدوك عني بالبدايه تعبت ..وكنت دايم اسأل عنك من اختي مها .. وكنت انبسط لما تجينا البيت بس عشان استقبلك انا عند الباب حتى لو ماكنت اشوفك احساسي انك جمبي وبالمكان اللي انا فيه كان يكفيني ويغنيني عن كل شي .. ولما خلاص كبرت وقررت اخطبك ..صارت امي تأجل وتأجل وتقول لي توك صغير ومو وقته واصبر ومدري ايش لين ما جاك حمد وخطبك وحرمني منك على طول ريما بحالة صدمة من كلامه ..ماتوقعت هذا كله بقلب خالد لها .. خالد: تعبت مره بيوم ملكتك حتى اني طلعت من الرياض بكبرها .. حاولت اتقبل فكرة انو انتي خلاص رح تكونين لانسان ثاني بس ماقدرت .. انتي علميني في انسان يقدر يعيش بمكان وروحه وقلبه وكله بمكان ثاني ؟ ريما استحت من كلامه عمرها ما انحطت بذا الموقف من قبل ..ولا توقعت انو في احد يشيل لها بقلبه هذا كله خصوصا خالد .. ماعرفت شلون ترد عليه ابدا خالد حس انو كلامه اثر عليها لانه شافها تضغط على يدينها بقوة وتوتر : مقدر اوصف لك شعوري وقتها .. انو ريما اللي طول عمري تمنيتها تكون لي تصير من نصيب احد غيري .. ويوم شفت حمد يحاول يقرب منك ذاك اليوم جن جنوني .. كان اهون ماعلي اني اذبحه .. ولاكان يكفيني فيه شي .. حلقت من بعدها اني رح اسوي المستحيل بس عشان ترجعين لي من جديد .. ولما ربي اخذ امانته وتوفى حمد ... جيت اتقدم لك وتوفت خالتي اماني الله يرحمها .. انتظرت فتره مناسبه وخليت امي تكلم خالي وبعدها يصدمني بواقع ثاني انك رافضة تكونين لي ريما :..... خالد وقف وراح لها .. قعد قبالها : ريما عطيني فرصه اسعدك .. انا مابي منك ولا شي ..ولا رح اطلب منك ولاشي غير انك تخليني اسعدك .. انا ابتسامة رضا منك تكفيني اعيش عليها العمر كله ياريما ريما دمعت عيونها .. عمرها ماحست بذا الحنان ولا حتى من امها .. حسته فعلا يبيها وشاريها ..وانها رح تنهي حياته لو رفضته .. هي ماتنكر انها معجبه بأخلاقه ورجولته .. يعني مافيها شي لو انها واقفت عليه وبدوا حياتهم من جديد سوا ريما وقفت وخالد يتابعها بنظراته ريما تنهدت: مواقفه يا خالد ..وطلعت من المكتب وشالت غطاها عن وجهها عشان تمسح دموعها اما خالد المسكين ابدا ماهو مصدق نفسه ولا هو مصدق الكلمه اللي سمعها منها .. يعني خلاص ريما موافقه تكون لي .. يارب الحمدلله الف الحمدلله يااااارب دخل ابوبندر المكتب وهو قلقان لانه كان بالصاله وشاف ريما طالعه وهي تبكي : خير يا خالد وش صار ؟ خالد والدنيا ماهي شايلته من الفرحه : وافقت ياخالي ابوبندر ارتاح من جوه وابتسم: الحمدلله يارب .. على البركه ياولدي خالد حب راس خاله وحب يده : الله يطول بعمرك يارب .. ابوبندر ربت على كتف خالد بثقه : لا اوصيك ياخالد عليها هذي الحنونه خالد بينه وبين نفسه .. توصيني على روحي يا خالي , توصيني على نفسي خالد: لا توصي يا خالي .. ريما بنت خالي قبل لا تكون زوجتي ابتسم خالد لوقع الكلمه هذي على اذنه .. زوجتي واخيرا ريما بتصير زوجتي حدد خالد مع ابوبندر موعد الملكه وانها بتكون بعد ثلاث ايام بعد يومين .. بيت ابوبندر مشاعل دايم كانت تحاول انها تقرب من بدر بس هو ابدا ماهو معطيها وجه لدرجة انه صار يعصب عليها بس اذا فكرت تحط يدها عليه زاد الرعب بقلب مشاعل .. بدر رافضني ومستحيل يقرب مني وش اسوي يارب ساعدني .. وش اسوي بالبلا اللي ببطني انزله ؟ مستحييييييل انزله اخاف يصير لي شي انسدحت ودمعتها على خدها.. مشاعل تبكي لاول مره تبكي ..ماهي عارفه وشو مصيرها وايش نهايتها اكيد بيذبحها لو درى انها حامل .. غمضت عيونها على امل انها تنام وترتاح .. تبي تبعد شوي عن واقع انها حامل بدر رجع من الدوام .. كان مره تعبان وفيه صداع ماهو طبيعي دخل الجناح ولقاه ظلام .. رحم حال مشاعل مره .. راح غطاها وتاملها شوي انا اسف يابنت عمي.. ابدا ماهو بيدي .. كنت افكر اني ممكن اصلح الامور بينا بس انتي ماعطيتيني فرصه ..والحين يوم رجعت شذى بحياتي من جديد ما اظن انو لي امل معك .. لما تتطلق شذى وهذا اللي انا متأكد منه رح اخذها على طول ..وذيك الساعه رح اخليك بحالك تشوفين طريقك بعيد عني .. مقدر اقرب منك مقدرررر الصداع زاد عليه .. صار يدور له مسكن .. دور بالادراج وبكل مكان بس مالقى دخل الحمام- الله يكرمكم- وغسل وجهه بمويه بارده .. فتح الدرج يمكن يلاقي مسكن لانه يحط دايم بأدراج الحمام .. صار يفتش بالادراج وحس باليأس انه يلاقي .. لقى كيس صيدليه صار يدعي ربه يكون فيه مسكن لو حبه وحده بس فتحه وصار يطالع اللي فيه .. ايش هذا !!! طلع اللي بالكيس ولقى الطامه الكبرى شاف وش فيه .. وهو ماهو مستوعب قعد عالأرض وهو يفكر .. الايام هذي مشاعل مره متوتره وتعبانه .. وكلما قلت لها تقول لي برد وصار لها فتره تحاول فيني اقرب لها بس انا رافض .. تعوذ من الشيطان ثلاث مرات .. راح يصحيها يشوف وش السالفه بدر: مشاعل .. مشااااعل مشاعل فتحت عينها : نعم بدر : قومي بحكي معك بموضوع مشاعل التعب ذابحها وهي اساسا ماهي طايقة بدر قعدت على حيلها وواست شعرها : والموضوع ما ينتظر الصبح؟ بدر ماحب يناقشها كثير .. رمى الكيس عليها : ايش هذا ؟ مشاعل ارتاعت وارتبكت .. انصدمت ابدا ماتوقعت بدر يوصل لها الشي هذا .. مشاعل بخوف واضح وصوت يرجف: ايش هذا ؟ بدر: مدري .. انتي قولي لي .. مشاعل: مدري بدر: بس هذا جهاز الحمل .. والنتيجه ايجابيه .. مشاعل والدموع تلمع بعينها: ايش قصدك ؟ بدر حس انو في شي غلط: بما انو انا ماقربت لك فوق الست شهور يعني مارح تكونين حامل .. ولا كان بطنك بيكون كبير .. صح ؟ مشاعل تبلع ريقها وتبعد عينها عنه بدر : يعني هو لوحده من صديقاتك ؟ بس انتي ماعندك صديقات وبعمر وحده منهم ماجت البيت عندنا .. ولا .... ؟ مشاعل حست انو نهايتها قربت .. بدر بنظرة شك : ..... قومي معي مشاعل بخوف: لوين ؟ بدر: عالمستشفى مشاعل : ليييييييييييش؟ بدر: عشان نشيك .. مشاعل : لا بدر الله يخليك .. انا مافيني شي .. اصلا الجهاز هذا مو لي مو حقي مدري حق مين بدر بقلة صبر: شلون ماتدرين حق مين وهو عندك بالغرفة .. بغرفتنا وبين اغراضك ؟ مشاعل ودموعها تنزل: قلت لك مدري والله مدري بدر مسك يدها: قومي معاي الحين.. بسرعه عالمستشفى مشاعل بصراخ: ماني قايمه يعني ماني قايمه بدر سحبها بقوة من يدها وقال بعصبيه: بتقوميييين غصب عليك فاهمه ولا لا .. يللا الحين بسرعه .. سحبها بدر ورمى عليها عبايتها وهي تبكي .. خلاها تلبسها غصب وصار يسحبها للسياره لين ركبت .. شغل السياره وتوجه للمستشفى وهومايسمع الا صوت بكي مشاعل وكلماتها انها ماسوت شي .. وصل المستشفى .. دخل على الدكتور المناوب وطلب منه يسوي تحليل حمل لزوجته ..ودفع مبلغ زياده عشان تطلع التحاليل بسرعه ..وكان متجاهل توسلات مشاعل وبكاها بيت احمد احمد كان توه راجع من احد سهراته مع اصاحبه .. لقى امه قاعده بالصاله احمد قعد : اووه الوالده سهرانه اليوم ام احمد: وش اسوي ياولدي ذبحني الزهق .. من راحت حرمتك وانا ماعندي احد يسليني احمد ابتسم: خلاص معاد هي حرمتي ام احمد: ليش ؟ احمد :طلقتها اليوم وافتكيت من شرها .. رسلت ورقتها لبيتها ام احمد : هووو لييييش ياوليدي .. احمد: ماني طايقها ولاني متحملها ولا ابيها ابدا ام احمد: وانت لقيتها ؟ احمد: اي لقيتها .. رحت لبيت ابوها من يومين وقال لي واحد من الجيران انو ابوها مسافر كالعاده الله لا يرده ..ويوم قلت له طيب ماشفت احد من اهله ؟ قال لي زوجته راحت لبيت اهلها وطلقها والبنت عايشه عند الجيران .. ام احمد: ياويلي عليك ياوخيتي طلقك هاللي مايخاف الله احمد: لا تخافين على اختك بكره تتزوج من جديد .. ام احمد: خلاص دامك طلقت شذى بدور لك على وحده زينه اخطبها لك احمد وهو يقوم: لا مو الحين .. ماصدقت على الله اخلص من الشقا اقوم ابلي عمري بشقا ثاني .. خليني اتنفس اول .. يللا تصبحين على خير ام احمد: تلاقي الخير وانا امك اليوم الثاني بيت اريج اريج قامت من النوم على صوت طق باب البيت اريج ارتاعت : شذى شذذذى قومي معي شذى وكلها نوم: وييين ؟ اريج: الباب ينطق بقوة قومي معي نفتح الباب مره خايفه شذى ضحكت بخفه: اريج تخاف اجل هااا اريج :قومي قامت قيامة العدو ان شاء الله ..خلينا نشوف قبل لا يروح شذى : يللا طلعوا للحوش واريج تصارخ: نعععععععععععععععععععم؟؟؟!! ! ......: هذا بيت شذى صالح ال ... ؟ اريج: اي نعم .. وبعدين ليش الطق هذا كله ماتعرف تطق الباب بشويش ؟ ....: عفوا اختي بس صار لنا نجي من امس ولا احد يفتح الباب ..والجيران يقولون انو في احد بالبيت .. والموضوع مره ضروري اريج وشذى طالعوا ببعض وفتحوا الباب .. بعد خمس دقايق شذى انصدمت: طلقني اريج خافت ..تحسب صاحبتها زعلانه شذى: ههههههههههههههه طلقني الحمدللـــــــــــــــه يارب الف الحمدللــــــــــــــــــ ه ماني مصدقه اني ارتحت منه الواطي .. الحمدلله يارب افتكيت منه اريج حمدت ربها انو ربي فك صديقة عمرها من احمد الحقير .. شذى تحضن اريج: الحمدلله يارب .. ماتصدقين قد ايش ارتحت اني افتكيت منه اريج : الحمدلله حبيبتي .. مبروك ياقلبي بيت ابوبندر بدر من رجع من المستشفى مع مشاعل امس والدنيا صاكه فيه .. طول امس مافتح فمه بولا كلمه .. الصدمه شالته ماهو عارف يتصرف اما مشاعل ميته خوف من هدوءه .. ماهي عارفه وش النهايه .. قعدت بغرفة الملابس طول الوقت تنتظر مصيرها وهي ذابحه حالها من الصياح بدر قام من مكانه بهدوء ..ودخل عليها غرفة الملابس مشاعل فزت من مكانها وصارت تناظره بترقب وخوف بدر مسكها من يدها بقوه وسحبها مشاعل تبكي: بدر وش بتسوي فيني ؟؟ وش بتسوي فيييييني ؟ بدر : اووووووص ولا كلمه .. يالواطيه يالحقيره .. مشاعل : لا تصدق التحاليل تراهم كذابين يبون يبعدونك عني وبس بدر ابتسم بسخريه ووهو يسحبها لتحت : انا ماقلت لك لا تحكين ؟؟ اسكتي | ||||||||
|
| |
|
27-05-15, 04:49 AM
| #87 | ||||||||
| مراقبة عامة ومشرفة منتدى الروايات المنقولة
| بالصاله ريما كانت مره فرحانه لانو ملكتها على خالد تمت الصبح كانت توها نازله الصاله كانت متجهزة ولابسه لانو خالد بيشوفها وكان ينتظرها بالمجلس .. اما ابوبندر كان قاعد مع بندر يتفرجون على التلفزيون بدر سحب مشاعل بقوووه ورماها بنص الصاله ابوبندر وقف مصدوم هو وعياله من المنظر ابوبندر: بدر .. خير ان شاء الله وش صاير ؟ اما بندر المسكين صد عشان مشاعل كانت بدون حجابها بدر : يبه .. كلمتين مارح ازيد عليهم .. خذ بنت اخوك المنحطه وارميها على عمي وقول له اني مابيها ابوبندر انصدم .. عمره ماشاف ولده الهادي بهالعصبيه والكره ابدا ابوبندر: وش صاير ياولدي ؟ بدر:مابي احكي .. ارميها عليه وقل له مابيها ابوبندر: يابدر ياحبيبي كل شي بالتفاهم ينحل .. انت هدي بس وكل شي بيصير تمام بدر بصراخ: الواطيه ذي مابيها ببيتي ولا يمينا بالله لا اذبحها قدامكم كلكم .. ريما تبكي: بدر هدي ياخوي .. حرام تسوي كذا بيوم ملكتي بدر كان يدري انو اليوم ملكة ريما وخالد ولا راح معهم عشان كان للحين يفكر وش ممكن يسوي بمشاعل بدر : غصب عني ياريما .. ماهو بيدي .. الكلبه ذي طلعتني عن طوري .. وسوت شي ما يتسوى خالد دخل الصاله بعد ما سمع صوت الصراخ اللي فيها .. يحسبهم فيهم شي .. خالد : ريما .. ريما فيكم شي ؟ ريما : لا مافينا شي .. خالد : اجل ايش الصراخ هذا كله ؟ بندر اخذ خالد وطلعوا من الصاله: مشكله صايره بين بدر وزوجته خالد حس بالقرف من طاري مشاعل ولا علق ,, اكيد مسوية لها مصيبة من مصايبها المعتاده.. مشاعل كانت تبكي ومنهاره ..وزاد عليها شوفتها لخالد .. ابوبندر: اهدى يا خالد الله يخليك .. عيب زوج اختك بره مانبي فضايح مشاعل انصدمت : زوج اختك ؟؟؟ خالد زوج اختك ؟؟ ريما !!! بدر : انطمي ولا تجيبين طاري اختي على لسانك يالواطيه مشاعل الدنيا تسكرت بعيونها من كل ناحيه .. هذي نهايتها وقربت على يد زوجها .. شافت حبيب قلبها يتزوج بنت عمها .. وكان يناظرها بقرف كمان .. خلاص .. هي خربانه خربانه .. مشاعل قامت على حيلها وراحت لريما وعطتها كففف خلت صداه ينتشر بالمكان كله .. وصارت تضرب ريما بقوة بدر وابوبندر مصدومين من اللي صار .. وش اللي خلى مشاعل تهيج كذا وتضرب ريما بالشكل الوحشي هذا .. بدر صار يسحب مشاعل بقوة وابوبندر يحاول يفك بنتها من يدين مشاعل المتوحشه مشاعل بصراخ : فكوووووووووووووني عليها الواطيييييه .. فكوني عليها اللي خذت حبيبي مني .. فكووووني عليها ابوبندر وبدر مصدومين من اللي قاعده تقوله مشاعل .. ابوبندر ماهو فاهم شي ..وبدر خاف لايكون خالد هو حبيب مشاعل اللي هي شايله ولده ببطنها ابوبندر: انتي وش قاعده تقوليييييييييييييينى يالمجنونه !!!! مشاعل بانهيار: اخذته مني .. الحقيره اخذت خالد مني .. هي اللي بعدته عنه .. هي اللي خلته يكرهني ولايبيني بدر دف مشاعل بقوة عالارض وهو يدعي انو خالد مايكون حبيب مشاعل اللي هي حامل منه مشاعل صارت تصرخ وتضرب حالها بانهيار .. ديما وام بندر نزلوا على اصوات الصراخ ام بندر: وش صاااير بدر: شفت يبه .. اقول لك ماهي طبيعيه مجنونه !!! واطيه ومجنونه كمان .. ريما قعدت عالكنبه .. من ضرب مشاعل لها صارت تحس بدوخه ..هي ماهس مستوعبه شي وضرب مشاعل لها خلاها تحس انها بتغيب عن الوعي بأي لحظه ابوبندر بعصبيه : وش صار فهمني بدر: الكلبه .. الكلبه الواطيه حامل .. حامل مو مني الكل طاحت عليه الصدمه ابوبندر : انت وش قاعد تقول ؟ بدر: اللي سمعته يبه ..الكلبه حامل من غيري .. الخاينه ام بندر: انت وش دراك .. على اي اساس تقول كذا ؟!! بدر: المدام المحترمه .. حامل بالشهر الاول .. وانا ماقربتها صار لي شهور الكل سكت من الخبر المصيبه اللي طاح على روسهم زي الصاعقه .. شلووون كذا .. وصلت فيها الوقاحه والدنائه انها تحمل بالحرام .. ابوبندر قعد على الكرسي بصعوبه: يارب وش ذا المصيبه .. يارب لا تخسف بنا .. يااااارب بدر: هذي هي يبه ؟؟ هذي هي اللي قلت انها بتخليني اعيش براحه .. وانها بنت عمي واحق من الغريب .. هذي هي يبه ؟ ديما بكره: ومو بس كذا يا بدر .. الكل التفت لديما ديما: هي اللي بعدت عنك حبيبتك اللي كنت تبي تتزوجها .. ام بندر خافت تنفضح: اسكتي يابنت ديما:لا مارح اسكت .. انا سمعتها ذاك اليوم تحكي مع امي عن ذا الموضوع .. تذكرت يوم العزيمة ببيت عمها ابوماجد ام بندر بصدمه : وشوووووووووو مشاعل : اللي سمعتيه .. ام بندر بعصبيه : انتي وش قاعده تقولين ؟ مشاعل: انا اقول الحقيقه .. ام بندر: كييييف يتجرأ بدر يخطب بدون علمي !! مشاعل باستحقار: ليش يعني ما اليق بولدك ؟ ام بندر:...... مشاعل وقفت وكملت بغرور: مافي وحده عاقله بالدنيا ما تتمنى اني اكون لولدها .. وولدك هذا ماني ميته عليه .. ويحمد ربه اصلا اني رح اوافق عليه وانقذه وانقذ العايله من الفضيحه اللي كان ناوي يجيبها لنا .. ام بندر بروعه: فضيحه ؟؟ اي فضيحه ؟!!! مشاعل : الفضيحه يا حماتي العزيزه .. انه بدر يمووووت بوحده لاهي مننا ولا فينا .. ام بندر: مافهمت!! مشاعل: ولدك المصوون بدر .. يعشق وحده فقيره منتفه .. ابوها سكّير وصايع من ديره لديره وتشتغل خياطه عشان تقدر تاكل .. ام بندر مو مصدقه :انتي وش قاعده تقولين !!!! مشاعل بملل: اففف تراك ازعجتيني كل شوي وش تقولين ووش تقولين .. انا اقول الحقيقه .. ومستعده اواجه ولدك بعد ام بندر تضرب كف بكف: لاااا باللله انجن ولدي .. ولد فوزية اخرة عمره يحب لي وحده منتفه .. مشاعل بغرور يرفع الضغط وتفاهه: اصلا احمدي ربك انتي وولدك لو وافقت عليه .. انا مشاعل بنت حمد مليووون واحد يتمناني ..واتوقع انك شفتي عيون حماة بنتك كيف طلعت علي .. ام بندر تطالع مشاعل من فوق لتحت .. البنت ملكة جمال .. وبنت عايله كبيره وبنت عم ولدي .. صحيح واثقه من حالها بزياده لكن تعجبني مشاعل بنص ابتسامه : وش فيك .. مضيعه شي بوجهي .. ام بندر: وانتي الحين موافقه على بدر؟ مشاعل تقعد عالكرسي وتحط رجل على رجل وتقول بدلع: والله افكر .. يمكن اي يمكن لا ام بندر: طيب والبنت اللي يحبها .. وش الحل معها .. مشاعل: وشو ؟ ام بندر: اذا انتي ما وافقتي عليه اكيد رح يرجع لها مشاعل وهي تطالع اظافرها: تطمني .. البنت تزوجت ام بندر باستهزاء: وذا تطلقت ورجعت له .. بنت الفقر اكيد ميته على ولدي .. وبتدور على اتفه سبب عشان تتطلق وتاخذه .. هو فرصه مارح تتحقق لها بالعمر مرتين .. مشاعل ضحكت بنرفزة: اهم شي انك عارفه مخططها .. ههههههههههههههههههههههههه هههههههههه ايه طبعا بتعرفين وش تفكر فيه دامك ..... وسكتت ام بندر عصبت بقوة: احترمي نفسك لا قلة ادب !!! مشاعل: هههههههههههههههه المهم .. لا تشيلين هم انا مدبره كل شي واعتبري موضوعها قاااااضي .. ام بندر تطمنت لانها عارفه خباثة هالبنت: زين .. عاد انا اتمنى انك تفكرين بموضوع بدر بجديه شوي .. لانو بعد فرصه وماتتعوض .. مشاعل ناظرتها باستهتار ولا ردت .. ام بندر : عن اذنك .. بروح لضيوفي مشاعل وهي تناظر بعيد : اذنك معك ... انتهى كلامها مع بعض للحين .. بس اللي ما يدرونه انو كانت فيه اذن تسمع لهم وعين تشوفهم وهم ما يدرون !!! ديما سمع كل كلمه دارت بينهم وكانت خايفه لا تفتح فمها امها تسوي لها مصيبه .. اساسا ماتوقعت الموضوع رح يكون بذا الجديه .. خصوصا انهم قالوا انو البنت تزوجت ابوبندر التفت على زوجته : يعني انتي شرك طايل عيالك قبل الغريب ؟؟ انا كنت مخدوع في البنت .. وانت عارفه حركاتها تقومين تسكتين وتخليني ازوجها ولدي قدام عيونك ام بندر حست انها خلاص استنزفت كل الفرص اللي عند ابوبندر وراحت عليها من جد .. ماعلقت بولا كلمه ابوبندر توجه لمشاعل: وانتي .. على سواد وجهك .. وفصيحتك لابوك فوق هذا تسوين مصيبه اكبر من كذا بكثير ؟؟ فوق ماسترت عليك وزوجتك ولدي .. تقومين تسوين مصيبه اكبر من كذا .. ابوبندر رجع التفت لزوجته : انتي طالق يافوزيه.. من بكره رح اشتري لك بيت وبالخدم حقونك مع النفقه حقتك ولاعاد ابي اشوفك مره ثانيه وعيالي احلمي تشوفينهم بحياتك .. وانتي يامشاعل .. قومي الحين اوديك لبيت ابوك .. ولا عاد لك دخله على بيتي .. طلقها يابدر بدر وبدون تردد: انتي طالق .. ياحقيرررره مشاعل حطت يدها على راسها ماهي قادره تستحمل الضغط عليها ابدا .. كل سواد افعالها عدى قدام عيونها .. مالقت حالها الا قايمه من الارض وطلعت من الفيلا تبكي وبصوت عالي .. ابوبندر: الحق عليها يابدر .. ماهي بوعيها البنت بدر مشى وراها .. يحاول يمسكها : وقفي .. وقففففي اقول لك .. مشاعل فتحت باب الفيلا الكبير وطلعت تركض ..الدموع ماهي مخليتها تشوف شي وقدام عين بدر ..صدمتها سياره بقوة عنيفه خلتها تطيح عالارض والدم من حولها بكل مكان بدر انصدم من اللي صار قدامه ... بندر سمع الصوت وطلع هو وخالد يشوفون ولقوا مشاعل عالارض بدون حركه وبدر قدامها قرب منها بندر يتحسس نبضها .. مالقى شي شاف الضربه جت على راسها بشكل عنيف قتلها .. بندر التفت على بدر بصدمه:ماتت يابدر .. بدر وخالد مصدومين ..ماهم مستوعبين كل اللي صار .. بدر طاح مغمى عليه .. ما اتحمل الضغوط اللي واجهها الفتره الاخيره ابدا بالمستشفى .. بدر فتح عينه ولقى ديما وريما حوله .. بدر: ريما ريما قربت منه: عيون ريما بدر: وش صار ؟ ريما تبكي: بدر .. قل لا اله الا الله بدر: لا اله الله الله ريما: مشاعل توفت .. ادعي لها بالرحمه وسامحها بدر .. اسامحها وهي اللي بعدت عني حبيبتي ..وهي اللي خانتني ولا صانتني .. وكانت تبي تضر اختي.. يارب كثير بدر: الله يسامحها .. الله يسامحها ديما قعدت جمب اخوها وحضنته .. وهو ساكت يفكر بوضعه اللي عدى عليه مره كثير وفوق احتماله بيت اريج اريج كانت قاعده تسولف مع شذى بالصاله وداخلين جو مع بعض اريج : يابنتي وش بلاك متنحه ؟ شذى: فيني احساس غريب .. مدري وشو ؟ اريج وهي تشرب من الشاهي: وشو؟ شذى: مدري .. بس يمكن بدر اريج : وش فيه بدر ؟ شذى: احس انو في حاجه صايره معه ..معقوله ما يسأل عني ابدا ؟ اريج: الغايب عذره معه شذى تفكر: معك حق .. الغايب عذره معاه كلموا سوالف سوا وضحك .. سمعت اريج طق عالباب اريج : يارب من ذا اللي متسلط علينا ذا اليومين شذى: قومي نفتح .. قاموا سوا اريج من عند الباب : ميييييين ؟ .....: افتحي الباب يابنتي اريج استغربت الصوت ..اول مره تسمعه : مين ؟ ابوبندر: انا ابوبندر .. اريج : من ابو بندر ؟ اعذرني ياعمي بس احنا بنات لحالنا بالبيت مقدر افتح الباب .. ابوبندر: يابنتي انا ابو بدر سلمان ال... جاي احكي مع شذى كم كلمه بعد اذنك ..ياليت تفتحين لي الباب مارح اخذ من وقتك كثير .. حتى لو احاكيها من عند الباب مارح اطول اريج التفتت على شذى اللي كانت مره مصدومه اريج دخلت جوه لغرفتها اما شذى دخلت جوه بسرعه تلبس عبايتها وحطت طرحتها عليها وفتحت الباب : تفضل ياعمي ابوبندر: ممكن احكي من عند الباب يابنتي شذى: لا ياعمي تفضل البيت بيتك .. ابوبندر دخل البيت ..وخلى باب الشارع وراه مفتوح .. لقى فرشه عالارض بالحوش قعد عليها .. وينك يابنتي يا شذى تعالي بحكي معك شوي شذى قعدت جمبه : امر ياعمي ابوبندر: يابنتي يا شذى .. انا حكايتي حكايه .. بحكي لك اياها وابيك تسمعيني للنهايه شذى هزت راسها ابوبندر : انا من اكثر من 25 سنه حبيت وحده .. شفتها بالصدفه ببيت اهلي .. كانت جايه مع امها الخياطه عشان تفصل جلابيات لامي واختي الوحيده .. شفتها مره وما اكذب عليك من وقتها دخلت قلبي على طول ..وبيوم رسلتني امي لبيتهم عشان اخذ الجلابيات اللي خلصت منهم .. وعرفت بينهم .. بمره صارحتها بحبي لها واني ابي اتزوجها مع الايام حبتني هي كمان .. ووافقت اني اتقدم لها .. بس صار شي غير كل حساباتنا .. جتني فجأة قالت انا وياك مانصلح لبعض .. وابعد عني ولا ابي منك شي مره ثانيه..ولا قالت لي السبب .. صدمتني وحرقت قلبي وقتها .. ماعرفت وش اللي خلاها تقول كذا وتعاملني بالشكل هذا فجأة .. بعدت عنها على حسب رغبتها مع العلم اني بحياتي مانسيتها .. ولاحبيت غيرها واني كل يوم افكر فيها .. وتزوجت هي وتزوجت انا .. وفرقتنا الايام شذى ماهي فاهمه .. ليش هو قاعد يحكي لها الحكايه هذي وايش علاقتها اصلا .. ابوبندر حس انها ماهي فاهمه شي ابوبندر: وروحي يا ايام وتعالي يا ايام .. جاني ولدي بدر بيوم قال لي يبه ابيك تخطب لي وحده احبها.. فرحت فرحة الدنيا كلها ماشالتها .. حدد موعد مع البنت اللي يبي يخطبها ..وكلمت اختي تجي تخطبها معي ووافقت .. يوم دلني عالمكان .. وقربت منه.. انصدمت صدمة حياتي شذى ماهي فاهمه شي .. ابوبندر: ولدي وداني لبيت ماجيت من ناحيته من 25 سنه .. بيت مريم .. الانسانه الللي حبيتها وتمنيتها شذى انصدمت .. حست مويه باااارده انكبت عليها ابوبندر: الدنيا سكت بوجهي من كل ناحيه .. البنت اللي يبيها ولدي طلعت بنت مريم ..الانسانه اللي حبيتها وباعتني برخيص .. خفت عليه .. مابغيته يجرب اللي جربته ولا يذوق اللي ذقته ..حركت من قدام البيت بكل برود وقلت له انسى البنت هذي مالك معها نصيب .. تعب ولدي فيني وانا ماني راضي اقول له السبب .. واحتفظت فيه لنفسي .. عشان كذا يابنتي .. بدر ما جا بالموعد هذاك اليوم ..مني انا مو منه هو هو حبك واخلص لك .. انا اللي جبرته ياخذ بنت عمه ويتزوجها عشان ينساك .. سويت بولدي اللي سواه ابوي فيني بالضبط ..وانتي صار لك نفس اللي صار لامك الله يرحمها بالضبط .. تكررت قصتك مع بدر وقصتي مع مريم .. هذي هي كل السالفه يابنتي شذى تبكي: ليش ياعمي .. اسأت الظن بأمي .. امي بعد ماتوفت قريت رسايلها معاك .. وعرفت انها كانت تحب انسان قبل ماتتزوج ابوي .. وقريت اوراق خاصه فيها كاتبه فيها انها بعدت عنه لانها درت انه رح يتزوج ويبعد عنها .. ظلمتوا بعض يا عمي .. بعدتوا عن بعض وعشتوا بعيد عن بعض بدون ماتفهمون السالفه ابوبندر انصدم من كلام شذى: يعني انا ظلمتك وظلمتها ؟ شذى بكت ولا ردت عليه ابوبندر بحزن وضيق : اللــــــــــــه يرحمك يامريم ويغفر لك يارب شذى: اميييين يارب ابوبندر: انا يابنتي اليوم جاي بنفسي اطلبك لولدي بدر .. الله يخليك لا ترديني شذى ابتسمت من بين دموعها: بدر هو الانسان اللي عشت احبه واتمناه .. عمره ما تخلى عني بيوم ولارح اتخلى عنه الحين بعد اللي شفته ببعدي عنه ابوبندر فرح لانه رح يقدر يعوض ولده بحرمانه من حبيبته .. وانه رح يتهنى بقرب بنت حبيبة قلبه .. اللي رح تكون زوجة ولده قريب الاحداث اللي صارت .. -رنيم راحت مع ماجد لبيته وانصدمت بخبر وفاة اختها الوحيده .. تعب نفسيتها زياده بس قرب ماجد منها خفف عليها تعبها ..خصوصا انه مافارقها ولا لحظه - تم زواج خالد وريما ..سافروا بعدها على طول يقضون كم شهر بعيد عن الدنيا ومافيها - اثير حملت بأول مولود والشي هذا خلى مشعل يطير من فرحته - بدر تزوج شذى بعد ماطلع من المستشفى .. وسافر معها هو كمان .. يبي ينسى كل اللي صار له بقرب حبيبة قلبه اللي تمناها سنين - دلال كمان حملت وهالشي خلى تهاني تخف عليها شوي لانو دلال وعدتها اذا كانت بنت رح تسميها تهاني عليها - ابورنيم درى بحقيقى بنته مشاعل قبل لا تتوفى ولا تحمل الشي هذا .. سافر وقرر انه يقعد بره حوالي سنه .. بعد وفاة زوجته الحبيبه وبنته وزواج بنته رنيم خلاص ماله داعي يقعد بالرياض .. يبي يغير جو وينسى المصايب اللي صارت له - اما احمد عايش حياته عادي .. تأثر يوم درى بوفاة مشاعل بس تطمن انو محد درى انها حبيبته ..ومع العلم انه ماكان يدري انها كانت حامل منه .. كمل حياته عادي ..وعقابه عند رب العالمين - ام بندر طلعت من البيت بعدما شرى لها ابوبندر فيلا واسعه وعطاها مبلغ وقدره غير نفقتها .. عشان تعيش حياتها اللي تعودت عليها .. مهما كان هي ام عياله ومستحيل يحرمها من شي وربي اللي بيحاسبها - بدر درى انو خالد مو هو حبيب مشاعل .. وانو طلع واحد مجهول .. مشاعل توفت واخذت معها السر - اما عصافير الحب ليان ومحمد اللي ما انذكروا كثير بالروايه .. سافروا بره عشان يكمل محمد دراسته وبيقعدون هناك ل 4 سنين بعد مرور 3 سنين بيت بدر وشذى .. بدر مان قاعد مع شذى بالصاله .. ويلاعب بنتهم .. بدر: يللا يا شذى جيبي اكلها حرام عليك جاعت .. شذى: بدر انت عارف انها جوعانه لا تلعبها حرام عليك تبي تتتعبها يعني ؟ بدر ياخذ الصحن منها: جيبي انا بأكلها شذى: اشوفك صاير مهتم فيها بزياده يعني بدر ضحك: بنتي يعني ماتبيني ادلعها لو شوي شذى:دلعها بس مو تنسى امها بدر نادى عالمربيه حقت بنته عشان تاخذها وتأكلها .. بدر: تعالي قربي شذى قربت منه .. بدر: انا بالدنيا كلها ماحبيت احد مثل ما حبيتك .. ولارح احب احد كثر ما احبك حتى لو كانت بنتي .. صحيح نعم ربي علي كثيره ولا انكرها .. لكنك يا شذى اكبر نعمة ربي من علي فيها .. شذى ماعرفت وش تقول له .. تحبببببببببه .. تمووووووت فيه ..ولا تتمنى غيره .. شذى: بدر .. احببببك بدر: الله لا يحرمني منك يارب شذى تضمه: ولا يحرمني منك يادنيتي بيت ام فهد دلال كانت توها راجعه من بيت اهلها فهد: هلا والله .. الحمدلله على السلامه دلال: الله يسلمك حبيبي .. وين تهاني ؟ فهد ابتسم: مع تهاني الكبيره دلال: ياربي من اختك ذي ماغير تحرمني من بنتي .. البنت كبرت وهي تناديها ماما تحسبني انا العمه وعمتها تحسبها امها فهد: هههههههههههههههههه دخلت تهاني معها تهاني الصغيره: شووووفي توته ماما جت دلال تاخذ بنتها: وحشتي ماما ياروحها انتي تهاني: اقوول دلو .. في فلم مررره حلو ابيك تشوفينه معي دلال تحمست: صدق؟؟ يللا يللا جيت فهد قام: بتفرج معكم تهاني بنظره :اقول بش وخر .. قعدة بنات انت وش لك فيها دلال: من جد وش تبي .. ليش ماتطلع انت تراك دبلت كبدي مقابلني 24 ساعه فهد : افااااا ياذا العلم .. جحدتوني يعني دلال : اي جحدناك .. يللا مشينا تهاني خلينا نشوفه بالجناح عندي تهاني: اووووووكي فهد يضرب كفه بكف: ياخي ذا الحريم ماعرفنا لهم .. اول ما يطيقون بعض والحين صايرين صحبه ومطلعيني انا من الحسبه تهاني: دلال شفتي رجلك .. شكله بيصكنا عين دلال تضحك: ههههههههههههه ماعليك منه باخذ من بعده .. امشي يللا فهد :هههههههههههههههههههههه بيت مشعل واثير اثير كانت قاعده مع الهنوف وايان وغدير بالحديقه .. الهنوف متوتره : بناااااااااااااااات وش اسويييي يارب ايان: يابنت الحلال هدي ممكن .. الهنوف: اكيييد .. لو انها ملكتك انتي ماكان قلتي لي اهدي .. نقي معي الفستان الله يخليك غدير: الحين اخنا كلما نقينا لك شي قلتي يع ويع .. نقي مع نفسمك الهنوف بنتنف شعرها: اثير شوفي اختك اثير اللي كانت دايخه : تراكم دوختوني طيب .. مو كفايه سعود ما يخليني انام بالليل تجون انتو تقلقوني الصباح .. انا وش مقعدني معكم اصلا غدير: اي روحي انتي وكرشتك اثير تحط يدها على بطنها وهي فرحانه بحملها الثاني : اي ماعليك من كرشتي .. بروح اناك ذابحني النعاس ايان: نوم العوافي يارب .. اثير : الله يعافيييك .. دخل مشعل مشعل: السلام عليكم .. الكل:وعليكم السلام مشعل: وش فيها ام سعود عسى ماتعبتوها ؟ غدير: لا والله هي اللي تتدلع مشعل يمسك يدها : يللا حبيبي تعالي تدلعي فوق على راحتك لا تزلين وتتعبين حالك .. اثير: يللا طيب نطلع سوا .. اشوفكم بنات البنات : بااااااي ايان: يارب يرزقني بواحد يدلعني مثل ما مشعل يدلع اثير الهنوف: ساعديني وادعي لك ايان: ياربي منك انتي وفستانك ذبحتينييي قدام البحر .. كان خالد قاعد مع ريما ..الجو خيااااااااال والشمس مابقى لها شي وتغيب .. كان قاعد خالد مع ريما يسولفون ويضحكون ريما: قد ايش تحبني طيب ؟ خالد : لا اقول احبك من اليوم لاخر نفس فيني مارح توفيك ريما: بسم الله عليك حبيبي لا تقول كذا خالد : وش اسوي لك طيب .. كل يوم احبك زياده ريما حطت يدها بيده: الله يخليك لي على طول يارب خالد بابتسامه تشرح كل اللي يحس فيها: ويخليك لي على طول يادنيتي انتي .. دقيقه ريما بسمعك شي .. ريما: وشوو؟ خالد وهو يقوم.. اغنية سمعتها لمحمد عبده كنت ابي اسمعك اياها .. ريما بابتسامه: يللا طيب .. خالد راح لسيارته وطلع السي دي وشغل عالاغنيه وعلى الصوت على الاخير .. وعلى صوت محمد عبده بالجو الخيال هذا .. خلى خالد وريما يدخلون احلى جو سوا ما تمنيــــــــــــــــــتك لانك كنت ابعد من خيالي .. ماخطر في بالي مره اني ممكن اوصلك كنت اشوفك مثل نجم.. بالسما ساطع وعالي يابعيد وجابك الله .. لين عندي وصلك جيتني مثل الشروق اللي محى عتم الليالي جيت فرحه للحزين اللي من همومه هلك جيتني وانت يحبك الف محبوب بدالي سخرك سبحانه اللي في عيوني كملك هو صحيح احنا التقينا .. هو صحيح انت قبالي هو صحيح اني حبيبك كان لي حق اسألك ؟؟ كانني احلم طلبتك خلني هايم لحالي خلني بالحلم عايش فيه دامي به معك .. ممتلي بالحب قلبي وغير قلبي قلب مالي اهدني قلبك حبيبي خلني فيه اعشقك راح وقعد جمب ريما ومسك يدها وكمل: يابعيد وجابك الله لين عندي وصلك .. ريما دمعت عيونها من حب خالد لها خالد : لالالا ياروحي .. انا ماقلت لك مابي اشوفك تبكين ابدا ؟ ريما: غصب عني ياخالد خالد ضمها لها: طول مانا معاك مابي اشوفك تبكين ابدا .. طيب ريمي ؟ ريما : طيب ياروح ريمك انت .. بيت ابوبندر .. ابوبندر كان قاعد بالحديقه يفطر مع عياله .. ابوبندر: تراك ذبحتني يا بندر .. اخوك اللي اصغر منك صار عنده بنت عمرها 3 سنين .. وديما اختك زواجها بالصيف .. ليش ماتبي تتزوج هاا ؟؟ بندر ضحك: خلاص يبه .. توكل على الله واخطب لي .. ابوبندر بنص عين : اكيد ولا تكذب علي ؟ بندر ضحك: لا والله اكيد يبه .. ابوبندر: طيب .. اخطب لك بنت عمتك مها ..وش رايك ؟ بندر ابتسم .. وتذكر مها وبرائتها وضحكتها الحلوة ..لما شافها صدفه ببيتهم ..كان نفسه يخطب مها من زمان بسسس : لا يبه مابي مها ابوبندر: احد يعاف مها ؟ بندر:مها ما تنعاف يبه .. بس انا ابي اريج .. صديقة شذى زوجة بدر ديما تحمست: ايييي وربي انها تجنن يابندر كلها اخلاق البنت بندر: اي .. قال لي بدر عن وقفاتها مع شذى صديقتها وانها ابدا ماقصرت معها.. وانا ابي وحده زي كذا يبه ..كفايه انها يتيمه ومالها احد بالدنيا ابوبندر ابتسم: اجل على بركة الله .. نخطب لك اريج يابندر بندر ابتسم .. بيت في احلى اثنين من ابطال روايتنا .. على اخر الليل .. كان ماجد قاعد بكرسي خشب بالحديقه .. يناظر النجوم ويتأملها .. جت رنيم بهدوء ووقفت: وبعدين بذا الحركات اللي ماتبطلها ماجد ابتسم وبانت غمازاته : اي حركات ؟ رنيم وهي تغطيه بشال كانت جايبته معها: انك تقوم بنص الليل وتنزل الحديقه .. انت وبعدين معاك ؟ ماجد اعتدل بجلسته وخلى رنيم تجي جمبه وحطت راسها على صدره وقعد يلعب بشعرها:وش اسوي طيب ماجاني النوم رنيم: طيب قومني اقعد معك ماجد: لا حبيبي ابيك ترتاحين .. رنيم: حبيبي انت تعرف انو راحتي معك .. ماجد باس راسها : رنيم رنيم: عيونها ماجد ضمها لها وصار يغني لها .. انا مقدر اكون اصدق من احساسي ومن اشواقي تبي تعرف كبر شوقي.. شوف عيوني وتكفيك اذا مايكفي اني اصرخ .. باسمك داخل اعماقي واشوف العمر بك وحدك .. عمري صار ملك ايديك تراني ماعرفت القى لحبك حل او معنى تخيل كثر ما احبك انا وصاحي واحلم فيك انا مقدر اكون اصدق من احساسي ومن اشواقي تبي تعرف كبر شوقي شوف عيوني وتكفيك تعال وناظر بقلبي ..علك فيني تلاقي جواب لكل اسألتك .. غرامي سرك ويرضيك انا يومي عشقتك قلت .. يا شمسي واشراقي ترى من يومها ماغاب .. نور اشرق بطاريك انت بقلبي الدايم ..وانت فبالي الباقي لك الله كيف ماتدري.. ابيع الكون لك واجيك رنيم التفت عليه : انت تبي تجنني بحبك زياده ؟ ماجد ابتسم وقال ببراءه: انااا ؟؟ ليييييش رنيم: اسأل حالك .. ياخي حرام عليك كل يوم اتعلق فيك زياده ماجد يقرب منها : من حقي .. زوجك وحبيبك انا رنيم: وانت الصادق.. انت كللللي انا .. .....: ماما .. بابا رنيم وماجد التفتوا على اولادهم التوأم .. في و عبدالعزيز رنيم:ماما ليش صحيتوا من النوم ؟ عبدالعزيز: في صحتني تقول شوف ماما وبابا تحت ماجد :ههههههههههههه انتوا شغالين مخبرين علينا ؟ في: يعني ايش ؟ ماجد سحبها لحضنه: يعني احبك في: انت تقول لماما احبك ماتقول لي انا ماجد: احبكم كلكم عبدالعزيز: لا بس تحب ماما ماجد التفت على رنيم وهو ميت من الضحك: انتي محفظتهم هذا ؟ رنيم: هههههههههههه لا والله ظلمتني ماجد: عينك بعيني رنيم صدت:مااااااجد خلاص ماجد:هههههههههههههه يعني انتي اللي معلمتهم .. التفت على ولده اي حبيبي انا احب ماما في: ليييييش؟ ماجد لرنيم: علميهم ليه احبك رنيم ابتسمت .. ماجد: علميهم ليه احبك حب ماحبه بشر .. وليه انتي في حياتي شمسها وانتي القمر وليه صوووتك لا وصل صحراي يملاها الزهر علميهم يالحبيبه .. اااه يا اغلى حبيبه .. رنيم ابتسمت له بكل حب .. ماجد قرب منها وابتسم لها : يللا علميهم لييه احبك رنيم : الله لا يحرمني منك ماجد :ولا منك ياروح قلبي انتي النهايه .. تمت روايتي بحمد الله .. واتمنى انكم تعلمتوا منها .. انو الحب هو احلى شي بالحياة ..والصراحه والتفاهم والاخلاص هو اساسه .. وانو الواحد المفروض ما يستنزف الفرص اللي تنعطى له كلها .. وانو كل انسان يستاهل فرصه ثانيه وكمان اذا حبيت شخص لازم تقول له .. لانك ما تعرف وش ممكن يصير بعدين .. تمت بحمد الله .. | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
